كاتب الموضوع :
كَيــدْ
المنتدى :
الروايات المغلقة
قررنا أخيرًا نتغلّب على الكسل المعشش فيني وأعلّق على الرواية بشكل عام.
نبدأ بشاهين، مستبعد تمامًا تمامًا عن الشُبهه بقضية متعب وكلي ثقة بوجود شخص خبيث مفربك السالفة عدل.
بالنسبة لعلاقته مع أسيل، إذا جت علي أتمنى تكمّل معه بأي طريقة كانت، لكن حالها كلش مايعجبني فما أستبعد عليها تركض لمتعب من جديد وتنسى كليًا هالزواج.
غزل/ التخمين اللي جاء في بالي: ما أعتقد غزل فقدت عذريتها "إذا كانت فاقدتها" بسبب صديقه سابقه لها، لأنّ لو فعلاً بسببها راح تكون جدًا جدًا غبية بمعنى الغباء والتخلف الحقيقي في موقفها مع غيداء.
هي تحركت الحين بشكل عفوي لأنها تكره سلطة الرجل بس، ما أعتقد ابدًا إنّها بعفويتها الساذجة بتذوق غيداء بنفس اللي ذاقته. لذلك بما إنّ حقيقة غزل وماضيها مبهم مانقدر نظلمها بس أنا فعلاً مو مرتاحة لسارة إذا ماخاب ظني، ربما تكون فعلاً خبيثة بس غزل كلش بريئة بالموضوع.
ديما،سيف/ كيد بجد يعني أحس حالتهم طوّلت زيادة، مافيه تقدّم أبد، لا سيف ناوي يتنازل ويتلحلح شوي يوضح لها حبّه وينفي جيّة بثينة، ولا هي بقادرة بأهم مرحلة في حياتها إنّها تستقر نفسيًا وجسديًا. فارحميهم، وهوّني عليهم شوي وخلّينا نتحمس لجزئيتهم والتطورات اللي بتغير من روتينهم شوي.
جيهان/ وما أدراك ما جيهان، حقيقة حقيقة!
مستفزّتني لأبعد لأبعد درجة! أنا معها في وضعها مع فواز، لكن عند أبوها معليش.
ممصختها زيادة عن اللزوم، مهما غلط ابوي ولعن جدفي ورماني للكلاب، أقل شي يكون اسلوبي بارد حجر تجاهه، أجامله، أسلك له على بلاطة، بس انّي ما اعتبر له وجود رغم إنّه هو اللي بادر، لا وقدام زوجي بعد!
هذا وهو لا لعن جدفي ولا رماني للكلاب!!! إلا أطهر وأنقى من كذا بكثير، بجد لا تعليق.
جنان/ قرارها عين الصواب، فكّرت بعقلانية قبل تسبقها عاطفتها. بيجيها اللي أفضل من فواز يكون لها ومايشاركها فيه أحد...
أدهم ونجلاء/ عيني عليك باردة ياهند،
معقدة معقدة، القصه من عقدتها مو قادرة ولا معطيه نفسي فرصة عشان أفكر وش النتائج اللي بتصير.
منتظرينك تبهرينا بحلّ هالعقد بطريقتكِ اللي ماتخطر على البال.
ختامًا/
في البداية جدًا كنت متحمسة للكوبل سلطان وغزل/ بس مشاعري بردت ناحيتهم يعني ماحبّيت كل شوي يقول ترا زواجنا فترة خلّي العلاقه من بعيد لبعيد، ومع ذلك يسوي حركات ويهتم وكأنه جاهل يعني إنّ اللي قدامه حجر. ياليت يبدأ شوي يناظرها مثل ماهي بدت تناظره مو تطيح هي زيادة وهو جالس متّكي وترا زواجنا فترة ها 😌😂
لكن مشاعري لازالت بصف ديم، يمكن لأنّها واقع قاعده أشوفه قدّامي حاليًا، منتظره بس نهاية سعيدة وقريبه لها.
مو طماعه بس أبي تطور بسيط يهدّي من نفسيتها ويروّقها ويخفف عليها.
*** أخيرًا، أنا مغرمة بسليمان.
قلبي العاشق يقول إنّه يجوز فيه بذرة شر
بس مو شرّاني مرّة، ينحب.
|
01-12-15, 08:07 AM
جديد مواضيع قسم الروايات المغلقة
العرض العادي
