ي ألبي عبدالعزيز ولد الهايب اتوقع يصير ولد عم مازن صح ؟
يا حياتي يالجده هذا يكون ياولدها او حفيدها بس غريبه ماجابت طاريه ابداً !
و زين لمازن صار في احد ممكن يحس فيك و تعرف انت شقد بنعمه ..

فارس و هيفاء

حبيتهم و حشرت نفسي بينهم :$
وان شاءالله من هالحال و احسن و نفرح في زوجته حامل ()

نجي لرحييل

برافووو برافوووو حبيبتي هيك العقل السليم
وان شاءالله تورينا مفاجئاتك الحاره بابو سيف عشان يتعلم يثقل !

راودني احساس انه بيوم زواجهم راح يجي محمد حادث ولا يحضر معهم :(

خفي علينا شوي بالاحداث العصيبه هذي مانبي موووت و عزاء وشي يضيق الصدر ازود :(

و الله يسعد قلبك و يحقق لك مناك يارب

مساء الخير .. ياهلا فيك صمود بيننا .. عنوان الرواية ملفت ويوحي بمحتوى مختلف عن اغلب الروايات .. قضية خطيرة ومنتشرة بقوة في هذه الفترة بالذات .. ولكن الاسباب متنوعة وبصراحة في كثيرات في زمننا معتبرين الزواج بس مصروف وسفرات وفشخرة عند معارفهم .. قليل تلاقي بنت عاقلة وفاهمة الي لها والي عليها وصارو على اتفه الاسباب يطلبو الطلاق لاسباب تافهة جدا جدا ...

يعني موبس الرجال هم سبب الطلاق حتى بعض الحريم وان شاء الله روايتك تتناول الطرفين حتى تتوضح بعض الاسباب ويكون في تنوع في القصص

زيد ورحيل

الغلط من الاول غلط رحيل واهلها والا الفرق الشاسع في العمر يخلي الاهل وحتى البنت تتردد اصلا مافي توافق بين الشخصيتين .. البنت صغيرة لذلك تعلقت على طول بزيد بينما الاخر مقارب للاربعين وين عقله وهو يدور بنت اصغر منه بكثير

وشهرين بس ورماها بعد مامتع نفسه اجل وين كلامه على تسكيت الافواه بالعكس بعد هالفترة القصيرة بتزيد الاسئلة عليه والكلام ...

حتى لو ماكان في طفل الي صار ظلم لرحيل واستهتار من زيد لو كانت وحدة من خواته تعرضت لهالموقف هل كان بيرضى وبيسكت وبيتقبل الامر

تمنيت من رحيل انها ماتفر بالانتقام من زيد ولا تعمل له اعتبار وتوضح لنا كبر عقلها وانها اوعى وانضج منه وياليت تكمل حياتها مع واحد متناسب معاها بالعمر والفكر موبالضرورة لانها ام بولده ترجع له لانه مايستحق اي فرصة ولا له امان ياخذ مبتغاه واذا مل رماها بسهولة

ومع علمه انها حامل مافكر يرجعها بفترة عدتها علشان الولد يعني عذره مرفوض وغير مقبول .. وخصوصا انو رحيل لو رجعت ماراح تقدر تمنعه من حقوقه وتغضب ربها

اعتقد انها بالنهاية بترجع لانو واضح انها تبغيه ومتعلقة فيه وكلامها كله من قهرها وبتنسى الي سواه فيها يمكن بالبداية بتكون جافة ومختلفة عن بداياتها وهو بيلاحظ هالشي لكن بترجع مثل قبل لانو الانثى دائما ضعيفة وعاطفتها تسيرها

فارس وهيفاء

هيفاء بنت صغيره لكن ماادري ليش ماارتحت لكلامها وحاسة انها تكذب ويمكن تطلع حقايق ضدها ... او يمكن السواق يدبسها في اشياء غير حقيقية وهي ماعندها الي يثبت برأتها ويمكن هذا يكون سبب طلاقها

بالرغم اني استغربت تصديق فارس لها مافي شي يثبت لاصدقها ولا كذبها لحد الان لذلك ماراح نستبق الحكم وبنشوف هل هيفاء ضحية او فارس بيكون ضحية

مازن

غريب تعامل الجدة معاه وهو حفيدها من ولدها الراحل وقطعة منه .. والا لانها ماقدرت على ولدها الي ترك بنات بلده وراح تزوج اجنبية بدون اهتمام للعواقب وكان بس مهتم برغباته ساعتها ... يمكن ابو مازن كان متزوجها فترة دراسته ومفكر يطلقها وينساها بعد مايخلص ..

والضحية مازن ومعاناته لكن رضى الجدة او رفضها مابيغير شئ في وضع مازن ولا هو خسران شئ مابيخسر غير الجدة الي تفكيرها ماادري وين بيوصلها حكمت على الولد من امه ونست غلطة ولدها ماادري مين الي بادر بالزواج الرجال ولا الحرمة ..

بعض الحريم الكبار ربي يزع الحنية بقلوبهم والحكمة بتصرفاتهم ... بس الجدة تعاقب مازن على ذنب ماسوها

ياترى مازن كيف بينضب لركب الزواج والطلاق وايش الظروف الي بيعيشها ... وهل بيكون ضحية زواج غير متكافئ وبيظل مظلوم ولا بيتحول ظالم ومستهتر


عبد العزيز

ضحية طلاق لاهله ونبذ على ذنب ماسواه مثله مثل مازن ... معاناة الاثنين من اقرب الناس لهم ...امم لحد الان ماكان حضوره قوي واكيد راح يكون له قصة مع زوجة ويمكن مطلقة بالمستقبل .. وننتظر ظهور الثنائي الي بيبني قصته معاها


ندى وسعود

ندى بصراحة ماحبيتها ولا حبيت تعلقها وتأملها في رجال اجنبي ... مهما كان هي بنت مسلمة فاهمة الحلال والحرام تتراسل مع رجال اجنبي مهما كانت المبررات ابد مانتقبل هالشئ يظل اجنبي وهي مسافرة للدراسة مو علشان تدور زوج وتحط عينها على اي رجال وتنتظر منه يتزوجها

تصرفها غلط ومافي رجال يعز حرمة كانت متساهل بأي تصرف .. مجرد قبولها انو ياخذ رقمها ويراسلها بأستمرار مهما كانت نوعية الرسايل ... حلو انها تكون طموحة وتحقق حلمها ودراستها بدون ماتنسى العادات الي تعودنا عليها


ننتظر باقي كشف الاوراق وكيف بيكون

مسارحياة ابطالك

مراحب بالحبايب إللي فيهم القلب ذايب

عمري كيف حالك عساك بخير

بارت شبيه بقطة الحلوة التي تذوب بالفم رغم مرارة الاحداث

لكن رقي الكلمة تجذبنا لتذوق عذب الكلام

رحيل & زيد

استغربت قبولها بهذه السرعة ظنيتها راح تتغلا شوي مالت عليه زيد عذر أقبح من ذنب يقول مالي عذر ولا أدري ليه طلقتها ، لعب هو ؟؟؟؟؟؟؟؟

هيفاء & فارس

اللوحة والمطر

المطر يغسل الذنوب كمعنى رمزي فما معنى رمزية المطر في لوحة هيفاء ، هل عقلها الباطن يطلب منها أن تبدأ صفحة جديدة مع فارس ؟؟؟ لا أعلم ما تخبأه هيفاء على فارس !!

عبدالعزيز

ألم ألم ألم

حتى الآن على الأقل ، اختيار غريب لاسم آدم ، فهل لا يزال متأثر بعادات الغرب ؟؟

****

غاب عن الظهور في هذا البارت

ندى وسعود

و مازن

نهلا

ومن أيضاً ؟؟؟

مذكرات وأوراق كل ورقة تحكي حكاية في قلب هذه الرواية

لاطولي يا حبي ننتظرك