كاتب الموضوع :
صُمودْ الأنفُس
المنتدى :
ارشيف خاص بالقصص غير المكتمله
رد: مذكرات مطلقات في كتب ازواجهن !
اقتباس :-
المشاركة الأصلية كتبت بواسطة صُمودْ الأنفُس  |
مساء الخير حبيبتي ... تسلمين لمرورك ...
بس لفتني رد ...ليه تفكرين بـ هالسلبية ؟! ومن قال انها شخصية انهزامية وتتمسكن ؟!
والمرأة الي تطمح في انها تربي عيالها وتكون ربة منزل ناجحة تعتبر مالها هدف !!!
اعذريني بس أنا اشوف المرأة الناجحة اللي تحط طموحها في ان تربي عيالها لان لو ربت عيالها بطريقة ناجحة راح ينتج عنها جيل ناجح ولا ننسى المقولة اللي تقول " الأم مدرسة اذا اعددتها اعددت شعبا طيب الأعراق !! "
الام الناجحة من وجهة نظري اهي الام القوية اللي ماتخلي أحد يكسرها عشان اولادها قبل لا يكون عشانها والام الناجحة اهي الام اللي تخلي اولادها يفخرون ابها انتي شايفه انه المره اللي حلمها انها تكون ربة بيت ناجحة هذا شيء جميل بس انا اشوف انه مايكفي حلو انها تكون ام تهتم باولادها وتعطف عليهم بس مو لدرجة انها تكرس كل حياتها لهم لازم يكون عندها حياة خاصة لها وطموح خاص تهدف انها تحققه وذي وجهة نظري
وبعدين من قال لك ان رحيل تبي بس ان الناس يواسونها "!؟؟
مادري بس حسيتك مافهمتي الشخصية عدل ... واعتقد ان رحيل في كامل عقليتها !
اجل وش تسوي ؟ تروح تهايط مثلا على الناس انا مطلقة ياعالم وابي وظيفة !!!
يوم الشخص يبالغ في حزنه على شيء مايسوى اعتقد انه اهني يبي الناس تتعاطف معه او انه يكون غاوي نكد
وبعدين ياقلبي انا ماكتبت ابد انها على قولتش (تهايط مثلا على الناس انا مطلقة ياعالم وابي وظيفة !!!)لا عزيزتي انا قلت تكمل دراستها وتستمر في حياتها وتعتبر مرحلة طلاقها كانها ماصارت وتعيش حياتها طبيعي لاني اشوف اغلب المطلقات خلاص اطلقت كانها ماتت تكتئب وتكره كل حياتها
بالعكس ... حلو انها تربي طفلها وتحط تركيزها بـ هالطفل...هذي الام الحقيقية ...اللي تبذل لعيالها...صح مانقول انها تهمل نفسها بس مو لدرجة انها تكون مطيورة وبس تبي تتخلص من اللي فيها !!
حلو تربي طفلها بس مو لدرجة انها تكرس كل حياتها عليه واهني اتكلم عن كل النسوان لان الشخص اذا مابنى نفسه وحبها مستحيل احد يبنيها له واسالي اغلب الامهات اللي كرسوا كل حياتهم على عيالهم وضحوا باشياء واجد علشانهم شوفيهم ندمانين على عمرهم اللي راح من دون لا يحققون احلامهم العمر واحد ياعمري اذا راح ما يرجع ابد فالانسان المفروض يوازن بين كل شيء بين نفسه واحلامها وامنياتها وحقوقها وبين حقوق الناس عليه
وبعدين مستغربة منك... المطلقة حالة طبيعية انها تكون في حالة من التوتر ...
وصفك لشخصية رحيل بـ انها " سخيفة " اعذريني شيء نرفزني مع اني مضطرة احترم كل قارئ ورأيه بس في حدود بين الطرفين !
انا اشوف انه ماله داعي التوتر لان لو كل انسان امن ان اللي يصيرله خيره له ماكان شاف للتوتر مكان وبعدين انا اللي اشوفه اهني عند المطلقات مو توتر الا اكتئاب حاد وممكن توصل بعضهم للانتحار والعياذ بالله وكله من سماعهم ومحاتاتهم لكلام الناس التافهين اللي ماوراهم الا القيل والقال
اما بالنسبة للحدود بين القارئ والكاتب فياعزيزتي انا ماشفت نفسي اني اتعديت على حدودش فلك مني العذر والسموحه اذا شفتي انه كلامي ونظرتي الخاصة نرفزتش ففي النهاية الاختلاف في الرأي لا يفسد للود قضية و تقدرين تقولين وجهة نظرش بطريقة الطف من كذا اذا ما اعجبش ردي لاني انا حسيت ان الرواية تحاكي الواقع فكتبت ردي بناء على نظري لكل مطلقة طريقة تفكيرها مثل رحيل
وبعدين وين قمة الغباء ؟! البنت اللي تربي عيالها يعني خلاص ماعندها طموح ؟!
وليش رحيل ماتزوجت ؟!!
أنا اجاوب عليك...لان في قانون في الاسلام... ان رحيل عندها طفل والاولى في تربية الطفل في الاسلام دائما هي الام ...الا اذا تزوجت... فالوولد يروح لأبوه...واكيد اي ام ماراح تقبل ان طفلها يبعد عن عيونها !!
ارجع واعيد انه اللي تربي اطفالها شيء جميل وزين بس مو لدرجة يكون هذا حلمها واخر طموحها !!
و انا ادري يالغالية انه الولد بعد زواج امه يروح حق ابوه فلو فكرنا فيها اهو انه في النهاية الولد راح يقرر مع مين يبي يروح وبيكبر في النهايه وبيصير بكيفه
وبعدين شكلش فهمتي غلط لان انا كتبت انه تبني حياتها فماهو شرط انها تبني حياتها بالزواج مادام اهي ماتبي هالشيء وتبي تحتفظ بولدها بس ماترجع حق واحد عافها بدون سبب في يوم من الايام وكتبت بعد كذا انها لو تبي تزوج عقب تزوج واحد ثاني لاني اشوف انه الطفل يعيش بين اباء مطلقين ارحم بكثير من العيش من اثنين موب طايقين بعض او يكون واحد جارح الثاني وهكذا
مستغربة من جد من تفكيرك في رحيل...ياماما البنت لما تفكر انها تربي عيال وتستمر بطموحها في انها تخرج من هالولد تربية صالحة هذي قمة في النجاح وقوة العقل ... !! وبعدين ماشاء الله البنت عندها شهادة ثانوية وقالت انها راح تكمل بس حاليا موقفة عشان طفلها وليما يكبر وبعدين بتدرس...
انتي شايفه انه قمة في النجاح وقوة العقل أنا اشوف انه مايكفي حلو بس مو قمة فهمتي علي
انتقادي اهني عزيزتي مو على رحيل بالذات لانها في النهاية شخصية خيالية انا انتقادي على النسوان في الواقع اللي خلاص اتزوجت هذا اكبر طموح لها مع اني عمري ماقابلت رجال طموحه وكل همه الزواج زي اغلب النسوان
بالنسبة لكلمتك " شخص غبي وتافه ولقى وحده سخيفه نفسه وضعيفه يقدر يمارس عليها انانيته وتخلفه الذكوري
"
اعذريني بس في الفاظ للوصف افظل :) ...!
انا اهني كتبتهم زي ماانا اشوفهم وانا اشوفهم كذا ممكن حضرتش تشوفين شخصيات عظيمة انا اشوفها عادية والعكس ففي النهاية الاختلاف في الرأي لا يفسد للود قضية
صراحة يعني المفروض كقارئات نحط رد يحترم الكاتبة ... نرفزني ردك هذا جدًا ...
صح حبيت مدحك بس تنرفزت من الاسلوب...
أرجع واكرر انا اشوف اسلوبي مافيه اي غلط على شخصش الكريم ولا اتعديت حدودي معش ابد وانا لما كتبت كتبت وجهة نظري عن اللي اشوفهم في الواقع فيهم صفات من شخصيات ابطالش وحبيت اعبر عن راي فيهم بصراحه بعيده كل البعد عنش
ليه توصفين رحيل سخيفة بهذي الطريقة ... سخيفة لانها ماتزوجت ولانها ماكملت دراستها ولانها ظلت حاطة اهتمامها بطفلها ... ولانها حزنانة لانها مطلقة ؟!!
شايفتها سخيفه لانها بالغت في الحزن على شيء مايسوى ولانها حزنت على شخص عافها وطلقها
حبيبتي الحزن عند المطلقات حالة طبيعية هذا اولا ..
وقلت لك زواج رحيل لا هو من صالحها في الاسلام من حيث تربية طفلها ... لان حق الحضانة يروح لابوه...
وبالنسبة لأنها كرست اهتمامها في طفلها... هذي قمة في التفكير الناضج !!
الام الحقيقية تضحية ...صح ماتهمل نفسها بس مو نوصفها انها انسانة سخيفة وغبية ...
انا اشوف من السخف والغباء تضيع الوقت اللي المفروض انكون فيه نحاول نعدل حياتنا على الحزن والندم على ناس مرينا في حياتهم وماقدرونا التقدير اللي نستحقه
اللي ابي اوصله...اتمنى انك تفكرين كويس قبل تردين وتفسرين الشخصيات من جميع النواحي مو من ناحية وحدة ... ثانيًا اتمنى منك انتقاء الفاظ افظل حبيبتي ...لان احنا في مساحة معروضة امام الجميع :)
مفكره زين ياقلبي بس شكله اراءنا مختلفه وذا مو مشكلة اما بالنسبة لالفاظي ارجع واعيد انه الفاظي ابدا ماكانت خادشة للحياء او خارجة عن الذوق العام ومااشوف اني غلطت ممكن انتي شايفه الفاظي اللي اتكلم فيها على الشخصيات واخذتيها بحساسية شخصية على العموم انا اهني ماانتقد رحيل او زيد وبس انا انتقد كل مطلقة كرهت حياتها وعمرها علشان طلاقها وضيعت وقتها على الحزن والندم وانتقد كل مطلق طلق زوجته بدون سبب وظلمها وعرضها لكلام ناس تافهه تنهش في لحوم العباد بدون اي وجه حق
وبس...حياك الله...
الله يحيش ويبقيش
والجميع حياكم الله شرفتوني...
|
اخيرا عزيزتي انه النسوان في الواقع محسسيني ان المره المطلقة حاله شاذه وغريبة وانه تحتاج منا الشفقه عزيزتي المطلقة مره ماتوفقت مع شريك زين فماهي محتاجة لا للشفقة ولاهي عرضة للكلام اللي مو زين واي احد يقول غير هالكلام يكون شخص غير سوي
|
01-03-14, 04:43 PM
رد: مذكرات مطلقات في كتب ازواجهن !
جديد مواضيع قسم ارشيف خاص بالقصص غير المكتمله
العرض العادي
