كاتب الموضوع :
جود بدر
المنتدى :
القصص المكتمله من وحي قلم الاعضاء
رد: خلت في مقلتيك طيف أحلامي / ب قلمي
*
صباحك / مسائك .. سعاده وجمال ي رب ( ) ..
وش هالقفله الله يهديك !! بعلق عليها اخر شي عشان بصيح ..
ذا ألبارت فيه اشياء حلوه عزوز الحب بخير وسعود ضحك وليد وملاك زانت امورهم بس لو تخلين صقر يطلق ذيك كان اعزمكم على العشاء بس مالكم بالطيب نصيب ..
عزوز /
حالته طبيعية بعد مما صحى بس خفت من سالفة اللي بين السطور بس ي رب عزوز يحط نقطه اخر السطر ويسكر عليهم الطريق ، امما سالفة انه ما يدري من يتزوج ماله داعي راح صوتي وانا اقول * ملاااااااك * بس لو تفتح عقلك شوي صدقني بتتذكرها ..
،،
سعود /
شي حلو ان الصغيره مغيره جوه لحد ما يلقى لين ويبرد تسبدي قربت ي سعود تلقاها قربت ي فرحتي بس جود خربت ام السالفه : )
ذياب / ❤️❤️❤️
صراحه أمه مالها حق قال عصبي وشايب جود دخليني معاهم بالروايه واجمعي راسين بالحلال صدقيني لك اجر ، اتوقع صقر يضبطه مع ذيك اتوقع اسمها منال اللي جت وأقنعت جدها ..
صقر /
سبحان الله اذا جاء كلام بينه هو ومها تلقائي اكشر واميل فمي عاد المحبه من الله وانا ما اكره احد عبث بس لو تطلب مها الطلاق كان حبيتها ، حتى ذيابي نفس تفكيري شفت يقول رتيل ما راح ترجع وأم الخلاقين على ذمتك .. بس ننتظر ونشوف وش راح يتغير بعد المحكمة مع اني اتوقع محاولاتك راح تفشل رتيل ما راح ترجع لك الا اذا رجعت لها صقر اللي تعرفه واللي ما بذمته احد غيرها .،
نجي للشي اللي يوم وصلت عنده بغى يغمى علي من الفرحه بس يوم شفت كلمة ( الى الملتقى ) جتني الصيحه وحسيت بعد جتن صدمه عاطفيه وقلبيه وكككل انواع الصدمات 💔💔💔💔💔💔
واخيراً ام وليد ولين بمكان واحد بس مدري ليش يوم شفت ردة فعلهم احس مدري ما راح يصير اللي ابي : ( اتوقع لين بتطلب من ام وليد انها ما تعلم سعود وتشرح لها الأسباب وذيك اكيد بتخاف على سعود وما راح تقول له بس ي رب انها تشوف حالته وتعلمه ، او ام وليد تعلم وليد بالسالفه وهو يوصلها لخالد و يسرمك عقل اخته وتعقل وتريح سعود ي حبة عيني :""(
سلطان /
المفروض ما تكتبين اسمه بس حطي علامة استفهام وحنا راح نفهم انه سلطان :))
حلو ان جدته ما تراجعت عن كلامها ف اتوقع غصبن عليه راح ينفذ كلامها خصوصاً انه خايف عليها بس ماني راحمه الا اللي بيخطبها مسكينه بتاكلها .. بس هانت قربت نعرف سالفته كامله ..
وبس جميلتي ..
جد جد بارت يبرد التسبد بس لو مكملتها وما قلتي الى الملتقى يختي وش بيصبرني تكفين لا تطولين لو بس تكتبين تكلمة هالجزء :))
اعذريني على كثرة الهذره ترا ينقال لي كذا اختصرت ولا عندي كلام طويل كثر ماني منقهره من كلمة ( الى الملتقى ) ..
الله يسعدك ، و ننتظرك ..
فوتك بعافيه ❤️❤️
# ولا عاد تحطين قفلات تعور القلب وتسبب صدمات تكففففففين ..
|
09-02-15, 07:21 AM
جديد مواضيع قسم القصص المكتمله من وحي قلم الاعضاء
العرض الشجري
