لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 24-04-13, 01:38 PM   المشاركة رقم: 91
المعلومات
الكاتب:
اللقب:
ليلاس متالق


البيانات
التسجيل: Mar 2013
العضوية: 252130
المشاركات: 233
الجنس أنثى
معدل التقييم: Noaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييم
نقاط التقييم: 1265

االدولة
البلدOman
 
مدونتي

 

الإتصالات
الحالة:
Noaaar غير متواجد حالياً
وسائل الإتصال:

كاتب الموضوع : Noaaar المنتدى : القصص المكتمله من وحي قلم الاعضاء
افتراضي رد: يا صلاله خبرينا // عن قلوباً 'تهتوينا'

 

((الجزء التاسع ))


اعذروني ما بقى وسط قلبي له عتاب

كل العتب راح مع ضميره بلا جناح..

وانهـى فصول الحجّه في قلة اسباب

طعني بالخافق وجرحي منه فواح..

قلبي صدق وقلبه بكل المعايير كذاب

شف حالتي نافر وحاله طيب ومرتاح..

طعم الألم ما يُحتمل والوجد منصاب

وتبي الحقيقة كل العنا فيني يا صاح..

(( الأبيات ..بقلمي))..!!


اتصلت بسرعة فيها ....مهمها انخدعت من اللي حولي تظل هي غير ....خالتي غير عن الكل
وهذا اللي راح اتأكد منه ذلحين..

وصلني صوتها المرحب:
( هلا وغلا حبيبتي ..زين انك تذكرتي انه معك خالة تتطمني عليها ..طمنيني عنش..؟؟)

قلت بجدية: ( جاوبيني يا خالتي ..جواب واحد ..لا تبرري ولا تضيفي اي شي قولي ايوه او لا )

اخذت نفس ثم قلت بسرعة : (كنتي تعرفي عن موضوع زواجي من باسل ولا لا ..؟ )

ساد الصمت ...قلت في نفسي .....لااا ...الصمت مو دليل خير ابداً...!!

رجعت اتكلم : ( خالتي ..؟؟ايوه ...ولا ...لا ..؟؟)

( عليا ..)

( لا يا خالتي ..مو هذا الجواب ..احلفك بالله يا خالتي ..كنتي تعرفي ولا لا ؟)

بعد صمت قليل قالت.... ( ايوه ..لكن عليا....)

ما انتظرت جوابها ..لأني رميت الجوال بقوة فالجدار لحد ما تناثر لشظايا على الأرض..

تكورت في سريري وعيوني تذرف حممها....ما اقدر اخفي آلامي ...لازم ابكي لحد ما اطلع كل الحزن من صدري....مخدوعة من خالتي ..من عمي محمد ....من جدتي ..كلهم يعرفون عن زواجي من باسل ولا حد منهم تكلم ...ليش طيب ..؟؟؟؟؟

انا مو صغيرة ....انا مو جاهله .. كيف قدرت خالتي تخفي عني موضوع حساس مثل كذا ... ما يكفي انها ابعدتني عن هلي...؟؟؟

وهل كانت راح تخبرني ولا تخليني على عماي طول عمري ..يا الله لو كان صاير لها شي وانا ما ادري عن زواجي ..وعشت حياتي وتزوجت ..اعوذبالله ...كيف صارت الأمور كذا ..اللي صار مصيبة واكثر...وكيف اخفت عني اوراقي القانونية لا بد ان في ورقة تحمل دليل زواجي ..!!
احس اني ملخبطة ...لأني ما اعرف بهالأمور...!! ولا اهتميت لها في حياتي...!!

بس ويش كانت النتيجة اني انخدعت...!!!

اوراقي كانت دايماً تحت تصرف خالتي ...لأني كنت واثقة فيها ثقة عمياء ..كيف لا وهي خالتي..بمقام امي.....

آآآه يا امي..امي ما كانت راح ترضى تسوي فيني كذا...ولا حد كان راح يقدر يقرب مني لو ان ابويه حي...استغلوا يتمي بشي ما يرضيني ..!!

خالتي بدل ما تحميني..احس انها اذتني ..واذتني وااايد......خلوني لعبة تتنقل بين أياديهم من خالتي الى اهل ابويه....
حسيت لو اني استمر بالنحيب ..وهالتفكير السلبي اكثر..راح اضر نفسي...لكن ما اقدر قلبي منفطر....مرت لحظات طويلة وانا ابكي بطريقة عمري ما بكيت فيها....وبالأخير غفيت...

سمعت دقات على الباب ..قمت و راسي كان ينبض من الألم

قلت بتعب (من )

ردت ( ماما يبي انته)

جاوبتها ( طيب ..ذلحين بجي)

رجعت راسي بالمخده وانا اتذكر اللي صار من جديد....وتذكرت تمثيليات باسل التافهه ..!!..

تمثيليته اثناء سفرنا..وحادثة المطعم ...ويوم العزومه ( العزيمة ) كلها تمثيليات على اساس انه ما يحل لي ولا احل له ...طيب ليش ....يبا يعاقبني عن زواجه مني..واللي صار لزوجته..!! وتركه لعمله!!

هو الريّال ( الرجل ) هو اللي كان يقدر يقول لا ...حتى لو جدي احرجه قدام الناس ..كان بامكانه يتصرف.....انا ويش ذنبي ..يبا يعاقبني بذنب مالي دخل فيه ....!!

لكن عالعموم ..هذا الزواج ما راح يتم بعون الله ....اذا كان باسل ما يملك القدره على التصرف ..انا اللي راح اتصرف ......!!!!

لكن في البداية خلينا نلعب يا باسل...انا اشهد انك اديت دورك في اللعب صح ...وباقي دوري انا الحين ..وبعدين انا اللي راح انهي هاللعبة ..!

...وبنشوف يا باسل....بنشوف من اللي راح يلعب على الثاني من هاليوم...

غسلت وجهي بماي بااارد ..حطيت بودره خفيفة تخفي الإحمرار عن وجهي..وكحلت عيوني..وطلعت ..من اليوم لاني ( ماني ) لابسه غشوة..ولا عبايه ..في كل ارجاء البيت!!

هه عن من اتغطى...!!! امام ربي انا مو آثمه ...لكن الحلو بالموضوع اني بنظر باسل انا بنت طالعة عن الشور...وازمة خانقة ...والأهم سبب يرفع الضغط بالنسبة له..!!!!


طلعت و حصلت وحده من العاملات جايه تناديني ..تقول ان جدتي شافتني تأخرت ورسلتها ..
سألتها ( وين باسل)
قالت ( بابا باسل هناك ) واشرت على المزرعة اللي بالخارج ..
قلت لها بسرعة ( طيب خلاص )

رحت اجري بسرعة وبخفة ..ودقات قلبي تسبقني ...ابا اوصل للطابق الثالث بسرعة قبل لا يجي باسل او حد يشوفني ...تعديت الصالة وركضت على الدرج ...فتحت باب الغرفة بسرعة فاجئت حرمة باسل قلت لها وانا حتى ما اعرف اسمها إلى الآن...!!

: ( ارجوك ..طلبتك ..الحديث اللي دار بينا اليوم لا تبلغيه حد ..لا تخلي حد يعرف اني عرفت اني حرمة باسل ..زين ...وصدقيني هذا الشي من مصلحتك )..

قالت بارهاق ( ما لي دخل فيك ...ولا راح اقول شي..بس فكيني منك ..ولا تراويني وجهك)
قلت لها بسرعة ( اعذريني على الإزعاج ..وان شاء الله ما راح ازعجك مره ثانية )

اتجهت بسرعة للصالة الثانية..وجلست جنب جدتي ..وقلبي ما زال ينبض بقوه ..خذيت نفس قوي
ونظراتي تركزت على وجه جدتي.....!!!
ما ودي اشيل فقلبي على حد..لكن يا ترى هل محبتها لي كانت تمثيل..؟؟! منشان تكسبني لصفها ...ومن بعدها تفرض علي امور وهي متأكده من موافقتي عليها..؟؟؟جدتي مو مثال للمرأة البسيطة...لا...جدتي قوية ...وانا متأكدة انه كثير من قرارات هالبيت تعود لها بالأول...

التفكير والسرحان كان باين علي..مما اثار جدتي ..!!
قالت : ( عليا ...تآنسي ( تحسي) شي ...تعبانه يا امي)

انتبهت لها ( لا يا جدتي...الحمدلله ما اشكي من باس..الا كيفك انتي ..ظهرك عدّل ( صح) )
قالت بألم ( عايشه على الحبوب ..وان ما فادتني خذت ابر مسكنة..تخفف العوق ( الألم ) )

رديت عليها ( الله يعافيك يا جدتي )...
ثم اردفت ( جدتي ..في موضوع مضايقَّني ..ومتَّعبني ..)
قالت باهتمام ( ويش هو يا عليا ...قوليه ..)

اجبتها بضيق ( جدتي باسل شافني مرات وايد بدون غشوة..وانا تعبت ما اقدر اطلع للصالة الثانية اذا بغيت اتمشى فالمزرعة الا وانا لابسه عبايتي وغشوتي..)
ثم اضفت بفروغ صبر( منشان كذا ..مابا البس قدام باسل العباية والغشوة..)
ثم اردفت بسرعة ( بس راح اخلي شيلتي براسي دايم)

اطرقت جدتي للحظات وهي تفكر...ثم قالت بعد تفكير
( انزين طلعي من البوني ( الباب الخارجي من جهة المطبخ) )

قلت لها بزهق ( لا يا جدتي ..مابا اتغشى من باسل ..تعبت احنا بنفس البيت وانا اتغشى منه)

قالت جدتي باستنكار ( وباقي عيال عمامك وعمتك )
اجبتها ( لا ..لا يا جدتي بس باسل ) ثم اضفت بمحاولة لإقناعها

( جدتي باسل انسان محترم ..!!!! وخلوق...!!! وما راح ينظر لي..وبعدين انا بصوب وهو فصوب ..يعني نتلاقى ( نلتقي) قليل ..........زين !!!)
قالت بعد تفكير ( زين يا عليا..... لكن بس باسل .. اما غيره لا )

ما قدرت افرح بمقدرتي لاقناعها..!!! لأني مقهووورة من تكتمها عن الموضوع ..!!!
ما تبا تقول هو زوجك فما في داعي تتغشي عنه ....لا ... هي حاولت تنكر هالشيء...!!



عصر اليوم ...كان لازم اطلع السوق ..واشتري جوال جديد..وبعض الحاجيات ..ومنها فرصة اغير جو...!!!! لبست العباية والشيلة والغشوة ..وطبعاً عبايتي كانت الكتف الأولية ...لأني مستحيل اطلع بالعباية اللي مفصلنها باسل ..لأنها فشلللله من طولها ..ولا ابا اقدر اتحرك ....!!

اتجهت لصالة جدتي سمعت اصوات معها .. ....يمكن جاراتها ....مالي بااارض ( خلق ) اقابلهن واسلم عليهن...!!!

ناديت الشغالة ..وسألتها عن السواق ..اشرت لي على ملحق جنب السبلة ( المجلس)..على جنب البيت كانت الأشجار مغطية المنطقة...قلت لها تناديه...

وصل السواق...بس ما ارتحت لفكرة الروحه معه...سألته عن موقع الأسواق والمحلات ..وصف لي بس ما فهمت من كلامه شي...طلبته مفتاح السيارة ...اعطاني المفتاح وكانت نظراته متفاجأة..!!

صحيح انا ما احب السواقه كثير...وكنت اعتمد على خالتي ...لأني ما طلعت رخصة السياقة إلا من سنة.....لكن ما يعني اني ما اسوق بروحي وقت ما احتاج...

فتح السواق البوابه الخارجية ...في الوقت اللي اغلقت فيه باب السيارة اللي كانت من نوع لكزس جيب..كنت اتمنى سيارة اصغر من كذا عشان ارتاح اكثر...بس مو مشكلة ...

رفعت الطبقات الشفافة من الغشوة..وثبتت النظارة الشمسية ..لمزيد من التغطية وفي نفس الوقت عشان ما اعاني من صعوبة في الرؤية...وجهزت رخصة السياقة في حال احتجتها..


بعد فترة قصيرة بدت تتضح لي معالم المحلات والمراكز التجارية ...ما كانت بعيدة ابداً...في وقت قصير حاولت احدد مشترياتي فالمركز التجاري ..واستخدمت بطاقة الفيزا مالتي ( حقي) ...

ومن ثم اتجهت لمحلات تفصيل العبايا اللي كانت قريبة ...منشان افصل عباية ساتره جديدة..وبقيااااسي..!!!

الأسواق كااانت روعة ..حسيت ماشي فرق كبير بينها وبين اسواق مسقط...رغم اني ما لفيتها كلها....!!

قبل يأذن المغرب رجعت..ارتحت لما شفت البوابة مفتوحة ......وقفت السيارة في مكانها السابق ..ونزلت مشترياتي ...بثقة قفلت الباب..!!! لأني سبق وشفت شخص واقف على مدخل البيت...!
ومن دون تفكير ...كنت متأكده انه باسل...واحساسي يقول انه متضايق..!!

لما قربت ..فكيت الغشوة ...وارخيت الشيلة ونزلت نظارتي...والأكياس بيدي..بس لما طاحت عيني بالعيون النارية ..
جاتني اصوات ضعف بداخلي تأمرني اروح من جهة باب المطبخ..وادخل بسلام........
اول ما حركت راسي تجاه منطقة الهروب..... للأسف كان باسل راصد نظراتي وتحركاتي ..!!
و فهم فكرت الهروووب.......لأنه تقدم بخطوات واسعة ....ناحيتي...!

وصلني صوته الساخر ( الحمدلله على السلامة ....سيده عليا)

ما رديت عليه ..واصلت طريقي..لأن نظراته ما كانت تبشر بالخير ابداااا..

قال بحده ( وقفي مكانك ) ثم اردف بسرعة ( من وين جايه )

قلت له بغضب مماثل لغضبه
( لا تصرخ فيني كذا .....ومن وين يعني بجي ..ما تشوف الأكياس بيدي..يعني اكيد اني جايه من السوق)

قال بغضب هادر ( وبإذن من طالعه للسوق...لا تقولي جدتي لأن جدتي لا يمكن تسمح انك تطلعي بروحك للسوق)

قلت له وانا احاول انهي الحوار( جدتي كان عندها حريم ......وطلعت من دون لا اقول لها عادي ويش فيها)؟؟؟!!!

قال وعيونه النارية تتقد بغضب
( ويش فيها تقولي...طالعة تسوقي السيارة بروحك ..وواصلة الأسواق بروحك ..وتقولي ايش فيها ..ويش ظنك..انك ما زلتي عند خالتك...لاااا انتبهي..اول كنتي تعيشي من دون ما يكون ريال بالبيت.. )

ثم قال بتهديد ( اما الحين الوضع اختلف يا عليا..واختلف واااجد )

قلت له بتحدي وقلبي ينبض بقوه من صدى صوته وحدة نظراته
( تباني اتصل فعمي محمد ولا عمي احمد واقول هلا عمامي شوفوا تراني الحين طالعة السوق ..بس حبيت اتصل فيكم منشان اخبركم ؟؟!!)

قال بهدير ( والريال اللي بالبيت ما عاجبنك )

قلت له بلامبالاه كااااذبة ( الريال اللي بالبيت حيالله ود عم (ولد عم ) )

قال بصوت مهدد بجديه
( والله يا عليا .. وهذا انا حلفت .. ان طلعتي من البيت بدون اذني مابا ارحمك .. ولا تظني حد بيحميك مني)
ثم اردف بحده وقسوه ( فاهمــــه)

يااارب يااارب ...ان دموعي ما تنزل ...بس لحظات لحد ما اوصل غرفتي وهناك ابكي على راحتي..!!!!..بس ما اقدر...صوته بعثر كل قوتي ..رميت كل اللي بيدي...ودموعي تهطل بقووه..

قلت له بانهيار وانا اشهق ( لا مو فاهمه )

ما حسيت إلا بيده الحديديه تقبض على ذراعي ..وايده الثانية تقبض ذقني وترفعه بقسوة لمواجهة عيونه النارية المتقده وقال بصوت بارد ينذر بالشر

( ويش قلتي .......؟؟؟؟عيدي كلامك ..ما سمعتك زين)
ما قدرت انطق..!!! استمريت بالبكااء ...وهو ما زال على قبضتة القاسية يراقب دموعي ويسمع صوت شهقاتي...
لحد ما صدع أذان المغرب.....

ركز نظراته على عيوني بقوه وقال
( الله اكبر حق....انا ماشي ( رايح ) اصلي ذلحين...واللي صار مابا اشوفه متكرر.......لمصلحتك وحدك يا عليا ...لا تخليه يتكرر...)

ثم لفني وانا بين ايديه واشر على الباب الخارجي وقال ( شايفة هذاك الباب ..لو يوم جربتي تتخطيه بدون اذن مني ..)
رجع وجهي لناحيته وقال ( ترحمي على نفسك يا عليا )
وراح ...وتركني بجسد مرتجف...وروح متألمه ومقهورة...




//////

التكمله الخاصة بالجزء التاسع ..راح الحقها بوقت لاحق ان شاء الله..

 
 

 

عرض البوم صور Noaaar   رد مع اقتباس
قديم 24-04-13, 03:39 PM   المشاركة رقم: 92
المعلومات
الكاتب:
اللقب:
ليلاس متالق


البيانات
التسجيل: Mar 2013
العضوية: 252130
المشاركات: 233
الجنس أنثى
معدل التقييم: Noaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييم
نقاط التقييم: 1265

االدولة
البلدOman
 
مدونتي

 

الإتصالات
الحالة:
Noaaar غير متواجد حالياً
وسائل الإتصال:

كاتب الموضوع : Noaaar المنتدى : القصص المكتمله من وحي قلم الاعضاء
افتراضي رد: يا صلاله خبرينا // عن قلوباً 'تهتوينا'

 

تااابع ((الجزء التاسع ))

يا قلبي اغفر اذى الأحباب
وسامح عن الزله بالهوني

امسح وراعي كـــل الأسباب
اسباب شوقً غمر كوني
((بقلمي...))

الجوال الجديد بإيدي والشريحة بداخله ...ورقم خالتي قدام عيوني متصلة تسع وثلاثين مره..!
وكومة رسايلها ماليه الصندوق الوارد..! لكن ما قريت ولا رساله منهن....!!!

اتصل فيها ولا ..؟؟

بعد ثواني وصلني صوتها ( عليا )
بهدوء رديت عليها ( السلام عليكم خالتي)
قالت بهدوء مماثل ( وعليكم السلام.....هنت عليش يا عليا ..تخليني بهالحال)
قلت لها (مثل ما هنت انا عليك ...استخبر ( اعرف ) من الغرب عن امور هامه فحياتي)

ثم اردفت لها ( ليش...؟؟ليش يا خالتي ..؟؟ليش ما خبرتيني طول السنين الماضية ...او حتى لما جو عمي محمد وباسل..ليش ما تتكلمي ..
ليش ما تقولي ان باسل مالك علي....هل بنظرك انا جاهله...مغفله ...غبية ...كيف قدرتي تتكتمي على موضوع حساس مثل كذا..وليش )

ردت بضعف ( الأمور خارجه عن مقدرتي...كان لازم تعرفي من باسل وجدتك...انا ما اقدر اقولش)

قلت لها بقهر ( ليش ...اعطيني سبب واحد يا خالتي..سبب يخليني اعذرك ..مثل ما سبق وعذرتك عن تغييبي عن هلي خلال السنين الماضية)
قالت بضعف ( تعايريني بشي كان من صالحش يا عليا)

قلت لها بضيق وانا احس انها متكتمه حول السبب ( اي مصلحة يا خالتي اي مصلحة....)
ثم اردفت بحده
( قوليلي يا خالتي ليش ما خبرتيني عن زواجي ..)

بعد صمت طويل قالت ( باسل اتصل فيني في نفس اليوم الصبح وهددني منشان لا اقول لك)

قلت لها باستنكار ( هددك بويش...ماحيدك ( ما اذكرك ) تتهددي يا خالتي..!! وبعدين من وين جاب باسل رقمك)

ردت بصوت ضاايق( يعني من وين بيجيبه ...!! اكيد من احد زملائي بالعمل ) وتغافلت عن الجزء الأول من السؤال..!

قلت لها ( ما رديتي يا خالتي ..؟؟بويش باسل يهددك )
قالت بسرعة ( انتي تعرفي عن سالفة تزوير الأوراق ..يعني ويش بيكون غيرها )

قلت لها بعدم تصديق ( اللي قالها عمي محمد )
ردت بدون تفكير ( ايوه هي )

ما قادره اصدق اي من كلامها للأسف...احس صوتها متغير...اعصابها منهاره..!!
بس متأكده ان طبيعتها الكتوومه..ما راح تخليني آخذ اي معلومه منها...

استغربت لما سمعت صوت ارتطام الأمواج سألتها باستغراب
( انتي رايحة البحر في هالوقت )!!!

قالت خالتي ( انا مو في مسقط يا عليا...)!!

قلت بتعجب ( عيل ويييين)

قالت بتوتر ( انا فالشمال رحت مسندم عن طريق البحر .... بالعبّارة ....اخذت اجازة مفتوحه بدون راتب ...وقلت اسافر مسندم اغير جو ..)..!!

رديت عليها ( ما تبا تخبريني بالصدق يا خالتي)

قالت بعجز ( ماشي غريب بالموضوع..اخذت اجازة ..وقلت اغير جو)

سألتها بهدوء ( لحد متى )

ردت بدون توضيح ( اجازة يمكن تكون طويلة شوي..يمكن اسافر للإمارات..ومن بعدها
لأمريكا اكمل دراستي..)
قلت بقهر ( يعني ما بترجعي مسقط )
قالت وهي تحاول تنهي الحوار ( ما اعتقد)
ضاعت خططي باللجوء لخالتي...!!!

قبل لا اودعها ..تذكرت وجود رقم باسل عندها وخفت لا تقوله عن معرفتي بزواجنا فقلت لها بسرعه

( خالتي ..ترى محد يعرف اني عرفت عن سالفة زواجي من باسل..فأرجوش لا تقولي لا لباسل ولا غيره ...)
ثم اردفت بعدم ثقة ( طلبتش يا خالتي لا تخوني ثقتي فيك هالمره )

قالت بألم ( عيل كيف عرفتي)

قلت لها ( مو مهم ..الأهم اني مابا حد يعرف)

قالت ( عليا....ارجوش لا تحاولي تلعبي لعبة خطره ..صدقيني باسل ما يرحم ..فما انصحش ..)

قبل لا تكمل قلت لها ( مثل ما قلت يا خالتي لاني جاهله ولا مغفلة ولا غبية )ثم اردفت
( انتبهي لنفسك بمسندم ...وخلينا على اتصال يومي ...في امان الله)

قالت ( في امان الرحمن حبيبتي)

اتكأت على الأريكه ...افكر بالرجوع لمسقط....ولا بخالتي وتصرفاتها الغريبة...ولا بطريقة تسهل طلاقي...ولا بجدتي ..ولا بويش...الأمور ما جالسه تفك...إلا كل يوم وهي تتعقد اكثر واكثر..رحمتك يااارب..!!!

رجعت للجوال اشوف الساعة حصلتها عشر واربعين دقيقة ...راسي مصدع ومحتاجة دلة شاي مو كوب...بعد صعودي المغرب لغرفتي وانا ابكي ما نزلت ... حتى جدتي لما ارسلت العامله تناديني للعشاء قلت لها مالي نفس..!! اظن ان جدتي ما عندها خبر عن روحتي للسوق ..كذا احساسي..!!

نزلت الدرج ... والظلام كان مالي المكان... حتى الطابق الأول ... تلمست الجدار وانا في طريقي للمطبخ ...لحد ما اتضح لي نور المطبخ...شغلت غلاية الماي . ..

وقفت قدام الباب الزجاجي اشوف المنظر بالخارج.............هذا باسل....!!!!!!!

كان جالس جلسة مهمومين ....!!!!! كذا حسيتها ..!!

جالس على المدارج وبإيده اليمين سيجارة ..واصابع يده الشمال مغروسة في شعره الأسود الكثيف...الجو باارد هالليلة وهو لابس بيجامه ...!!بس شكله ما يحس بشي..!!

بسررررعة انشغلت بعمل الشاهي وجهزت الدله ..واتجهت للثلاجة ابا آخذ علبة ماي ...

( ويش تسوي هنيه فهالوقت )

شيلتي ملفوفه حول رقبتي....!! يعني ما منها فايده...!!! لأني ما تخيلته ممكن يدخل بهالسرعة..!

ما رديت على سؤاله ...!! بعد اللي سواه فيني اليوم ..ابا اذل نفسي ان رديت عليه ..!!

اخذت الماي وانا احاول بقدر الإمكان ما الف ناحيته ..حطيته بالصينية جنب الدله والأكواب وعدلت خطواتي....
في طريقي للهرووووووب..!!!

بسسسسسس ويش هذا......!!!!!! لااااااااااااا شهقت بعنف ولفيت ناحيته وقلت من دون شعور ( يالغبــــــــــي..ويش سويت)

تكلم ولا كنه مسوي شي ( اوووه انتي صاحية ...توقعتك من اللي يمشون في نومهم..فقلت اصحيك بطريقة مضمونة )

قلت وانا ارجف ( تصب فيني ماي مثلج فهالبرد )

قال بدون اهتمام ( اي برد ..الشتاء دافي فصلاله ....ويش اللي مطلعنك وانتي بهالحال ..!! )

قلت له بعدم اهتمام مماثل( انا قلت لجدتي مابا اتغشى عنك...لانك محترم وما بتركز نظراتك علي) ثم اردفت ( وبعدين انت شايب ....فاعتبرني بحسبة بنتك )

يااااسلااااااااااام ...هذا اللي يبرد القلب....كذااا الأمور صح..!!

التلونات اللي غزت وجه باسل تنشرى..!!! ودي اضحك بقوة لكن لو ضحكت بصراحة ما اضمن اني اكون حيه بعد ساعة..!!!

بعد فتره طويلة قال بهدوء محمل بالكثير ( انتي يبالك اعادة تربية من جديد...وانا اللي بربيك يا عليا ...وبنشوف..)

اخذت الصينية ومريت من قدامه في طريقي لغرفتي بقوة ظاهرية.....!!!


صبح الجمعه صليت الضحى قريت سورة الكهف...نزلت وتريقت ( افطرت ) على السريع في المطبخ...وانا افكر ويش راح اسوي الحين..!!! ملل..!!

تذكرت الأرض المجهزة للزراعة ...و ورودي اللي ابا ازرعها...امتليت بالحماااس ثم تذكرت الشتلات..!! كيف ابا اجيبهن ذلحين..!!!!

مالي غير اوصي السواق....كلمت العامله اللي قدامي..شرحت لها بالعربي..ما فهمت..!!!!بالإنجليزي..ومن دون فائدة تذكر...!!!!.......وبالأخير لما زهقت قلت لها تنادي السواق...!!

بعد معاناه ..!! وتحجج السواق بأن اليوم الجمعه والمشاتل مقفله ...راح يتأكد من شدة ازعاجي له..!!

فرح قلبي وانا اسمع العاملة تقول بفرح ان السواق جاب شتلات ورود...!!
الحين فهمت الموضوع صح..!!!!!! ومن فرحتها حسيت بأني مو لحالي اعاني
من ازمة عدم وجود ورود بالبيت...!!!!!
اوووف تو اتذكر ما عندي كاش كيف ابا احاسبه..!!!

البارحة ما كان عندي وقت عشان اسحب...!!! والحل..!!!!!!!!
رغم انه فشللله اطلب....بس
مالي غير جدتي لحد ما اسحب....!!!!

قلت للعامله ( لحظة ..قولي للسواق مافي روح عشان حساب ..زين )
قالت بلا مبالاه وهي تمر من قدامي ( خلي يروح ....مافي مشكلة... حساب نقص بعدين ..فلوس مال بيت )
ويش تقول هذي..!!!!!قصدها ميزانية البيت..!!!! بس اكيد هالشتلات غاليه...!! اوووف ويش هالورطه....!!!

الشتلات كانت خليط مذهل من الورود والزهور بروائح زكيه زهور البسلم البري ( صفار) والياسمين ..والجلاديولس الأبيض ( البيظاح) والجهنمية بألوانها العذبة البنفسجية والزهرية والبيضاء...!!

هالورود والزهور راح تعطي المكان اطلاله ملكية ..خصوصاً ان وضعية الأشجار خلاّبة بس ناقصها لمسة جمالية..راح تضيفها لها الورود..!

العاملات انشغلوا بتحضير الغداء...يعني بروحي راح انقل الشتلات واباشر الزراعة..!!

قبل لا اطلع تذكرت حاجة ورجعت اسأل العاملتين ( ويش بتسوّن ( تعملن ) غدا لليوم ؟؟؟)

قالت وحده منهم ( منشب )....لااا ارجوكم الا المنشب ...!!! ما قدرت اتحمل طعم النارجيل مع العيش ( الأرز)...
فقلت لها ( لا لا ....لا تسوي منشب ...سوي قبولي زين ؟؟؟)

نظرت لي باستغراب ثم قالت ( زين )..!! حلو انها ما جادلت..!!!

كمّلت شغلي لوحدي والشمس ابدعت بحرارتها..!! صدق لما قالوا شمس الشتاء خطيرة!!
....
صوت خطب الجمعه تجي من كل صوب من المساجد المجاورة ...شعور حلو ومميز...يعطي ليوم الجمعة انفرادية بالتأكيد....

على آخر صلاتهم ..كنت اعرف ان الوقت تأخر ..وراح اضطر اكمل بقية الشتلات وقت العصر..!

نظرت لنفسي ...كالعاده ..!! مثل ايام الزراعة في حديقة بيتنا الصغير بأستراليا..!!

مزيج من الرمل المبتل مالي حذائي الغير مناسب للزراعة ..!!وايديني اللي من دون قفاز حالتهم اسوء ...وفي طريقي لإزالة قطرات العرق من جبيني لابد اني اضفت لمسات من الطين والتراب مع قميصي الفاتح المتسخ.......شكلي كان كااااااااااارثة....!!!!

نقلت الشتلات اللي تو ما زرعتهم تحت ظل شجرة الغيضيت ( تين الجميز-التين البري) اللي كان ثمرها اخضر..بعده ما نضج....رصيتهم جنب بعض...عشان يحتموا من الشمس....

وقبل لا اقوم حسيت بيد تشد قميصي من الخلف....لحد ما وقفتني على رجلي بالقوة..!!!!

 
 

 

عرض البوم صور Noaaar   رد مع اقتباس
قديم 24-04-13, 06:09 PM   المشاركة رقم: 93
المعلومات
الكاتب:
اللقب:

البيانات
التسجيل: Nov 2010
العضوية: 204742
المشاركات: 17
الجنس أنثى
معدل التقييم: مزوووون عضو على طريق التحسين
نقاط التقييم: 98

االدولة
البلدSaudiArabia
 
مدونتي

 

الإتصالات
الحالة:
مزوووون غير متواجد حالياً
وسائل الإتصال:

كاتب الموضوع : Noaaar المنتدى : القصص المكتمله من وحي قلم الاعضاء
افتراضي رد: يا صلاله خبرينا // عن قلوباً 'تهتوينا'

 

فصل رائع نوار
الآن بدأت شخصية عليا بالوضوح
لديها روح التحدي والمجازفه
انا متعاطفه جداً مع باسل
عجبتني عليا لما قالت انا مثل بنتك
قفله شريره على أحر من الجمر لتكملة المواجهه
عرفنا ان القبولي هو الكبسه
ماهو المنشب
بإنتظارك ياجميله.

 
 

 

عرض البوم صور مزوووون   رد مع اقتباس
قديم 24-04-13, 07:39 PM   المشاركة رقم: 94
المعلومات
الكاتب:
اللقب:
عضو راقي


البيانات
التسجيل: Sep 2012
العضوية: 246168
المشاركات: 2,009
الجنس أنثى
معدل التقييم: همس الخجل عضو جوهرة التقييمهمس الخجل عضو جوهرة التقييمهمس الخجل عضو جوهرة التقييمهمس الخجل عضو جوهرة التقييمهمس الخجل عضو جوهرة التقييمهمس الخجل عضو جوهرة التقييمهمس الخجل عضو جوهرة التقييمهمس الخجل عضو جوهرة التقييمهمس الخجل عضو جوهرة التقييمهمس الخجل عضو جوهرة التقييمهمس الخجل عضو جوهرة التقييم
نقاط التقييم: 1556

االدولة
البلدSaudiArabia
 
مدونتي

 

الإتصالات
الحالة:
همس الخجل غير متواجد حالياً
وسائل الإتصال:

كاتب الموضوع : Noaaar المنتدى : القصص المكتمله من وحي قلم الاعضاء
افتراضي رد: يا صلاله خبرينا // عن قلوباً 'تهتوينا'

 

وااااااااااو الأحدااااااااث بالمره روووعه غلاتي

الحين أتضح لي أشياء بالشخصيااااااات ؛:/ ً

وتحدي عليا لبااااااسل ؛:/- ما ظنتي يخليها ؛:/-

بروحها ؛:-- ما شالله عليك مبدعه يا نواااااره ؛:/-

دخلتيني جو بالأحداااث ؛:/-وقهري من باسل؛:/-

بس أعتقد بالنهايه باسل بيكون لعليا ؛:/-

يالله أنتظر الأحداث الجايه بحر من الجمر يالغلا ؛:/-

>>> وفيس حده متحمسسس ؛:/-

تقبلي مرور متابعتك دوم : همس الحجل :؛:/-

 
 

 

عرض البوم صور همس الخجل   رد مع اقتباس
قديم 25-04-13, 06:36 AM   المشاركة رقم: 95
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,105
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : Noaaar المنتدى : القصص المكتمله من وحي قلم الاعضاء
افتراضي رد: يا صلاله خبرينا // عن قلوباً 'تهتوينا'

 

السلام عليكم ورحمة الله وبركاته

بارت راااائع كما عودتنا نوار تسلم يمينك

أسماء
واضح تعرف شخصية باسل زين من كلامها عندي إحساس إن حصل لها موقف مع باسل
خلاها تعرف قوته وتهديده لها ماهو فقط بالأوراق مثل ماقالت لعليا أكيد شيء ثاني


عليا
والله ماهي سهله أعجبتني الطريقه اللي إتبعتها مع باسل تقهر فيه وهو ماهو قادر يتكلم
على باله ما تعرف بزواجه منها أحسن شيء سوته عليا ماوضحت لهم معرفتها بزواجها من باسل
لأن لو عرف باسل إنها عرفت الله يعينها على اللي بيجيها منه هو يتأمر وهو مايعرف بمعرفتها
عاد لوعرف من بيرده عن ممارسة سلطته عليها ويمكن حقوقه كزوج
اللي شد عليا من قميصها باسل أكيد مقهور منها لأنها في الحديقه والغيره ذابحته خايف أحد يشوفها


باسل
حلو شكلك وإنت مقهور من كلام عليا وماتقدر توضح لها عندي إحساس إنك تحب عليا من وهي صغيره
لكن فيه سبب خلاك تتزوج بنت عمك ويمكن إنت شارط توافق على ملكتك الأولى إذا ملكوا لك على عليا
في نفس اليوم لأنك خايف تضيع من يدك والا وش يخلي جدك يملك لك على الثنتين في نفس الوقت
ومكالمتك لأسماء وتهديدها حتى ماتخبر عليا لأنك كنت منتظر الوقت المناسب اللي تخبرها فيه بنفسك أو الوقت اللي تتخلص من زواجك الأول اللي إنفرض عليك
باسل خف شويه على عليا وغنت كل شويه راز فيسك وتتلكك لها حتى تشوف وتتكلم معها بأي حجه والله إنك رايح
فيها أجل مافوقك من التمقل في وجهها غير صوت الأذان

نوار يعطيك العافيه ومنتظرين الأكشن الجاي بين عليا وباسل بفارغ الصبر

 
 

 

عرض البوم صور فيتامين سي   رد مع اقتباس
إضافة رد

مواقع النشر (المفضلة)

الكلمات الدلالية (Tags)
'تهتوينا', للكاتبة noaaar, ليلاس, منتدى قصص من وحي قلم الاعضاء, منتديات ليلاس, تهتوينا, يا صلالة, خبرينا, روايات اجتماعية رومنسيه, روايات خليجيه, روايات و قصص, روايات طويله, رواية خبرينا يا صلالة عن قلوبا تهتوينا, روايه عمانية مميزه, نوره, قلوب, قلوب تهتوي
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:40 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية