|
رد: يا صلاله خبرينا // عن قلوباً 'تهتوينا'
(الجزء الأول )) الطريق إلى الجامعة اللي بالعاده يكون طويل وممل،هذا اليوم مر بسرعه فاجئتني... وارجع السبب للشعور الغامض اللي مسيطر علي خلال هذي الأيام ... قبل لا انزل من السيارة ...وقفت اسمع السؤال اللي يتكرر كثير من خالتي: (عليا مو فيك ..يا بنت ذا الأيام ترى حالتك مو عاجبتني ابداً..تعاني من مشاكل..حد مضايقش ..قولي..بس لا تظلي ساكته كذاك..) جذبت نفس قوي..ورسمت ابتسامه على وجهي استعدادً للأجابة عن هالسؤال اللي بات يزعجني كثير..لسبب اني اجهل هالإحساس الغريب اللي يلفني..وبروحي مو عارفة الجواب: ( الله يهديش يا خالتي...كم مره وانا اقولش ما فيني شيء فعلاً..تبيني احلف بعد.ترى جاهزة..بس مدري حاجة كذا في نفسي مدري شعور او احساس سيء)....! ثم اردفت بضحكة (او يمكن تغير الجو اثر على المود بشكل عام وخربه)..! ابتسمت خالتي بخفة..وعلامات عدم التصديق واضحة على ملامحها: ( يالله يالله انزلي..لا تتأخري على محاضرتك..ولا راح يطردك الدكتور..وخليني اروح لدوامي انا بعد) العباءة الضيقة ..والشيلة المطعمه بالفصوص الراقية ..والوجه الحسن المكشوف ..كانت اسباب كافية لتركز النظرات علي وانا اشق طريقي باتجاه كلية الطب..وسط الزحام.. من الطلبة والطالبات..والأساتذة ...مما جعلني اجفل من الشعور بالضيق ..الشعور بأني اعيش في خطر ،او خطأ انا سببه. ..راجعت افكاري ( صحيح ان خالتي اللي مفصله عبايتي ....بس كان بإمكاني اقول لا..هالعباية ..هالشيلة ..مو مناسبين ...)..!! ثم تراجعت في تفكيري (انا وييييين ...بويش جالسه اهتم و افكر..حالتي المزاجية اليوم من سيئة الى اسوء..)..! على الرغم من ان الطلاب والطالبات في سنتهم الأولى لدراسة الطب..وما زالوا في بداية الفصل ...إلا ان الكل كان متململ في مقعده ..يعني مو انا لوحدي ..ملانه من المحاضرة ... هذا افضل تبرير للوضع ...!!! حتى اشعر بقليل من السلام في داخلي قلت ...(اكيد الخلل من الدكتور)..!! على آخر محاضرة تنفست بسلام...وارخيت رأسي وغمضت عيوني بخفة وظهر امامي ذاك الوجه..انتفضت بقوه..وانا اتذكر ذيك النظرات القاتلة اللي رمقني بها..ليش كذا..؟؟ ومن كان هذاك الشخص ..وليش اسود وجهه لما سمع اسمي...وحسيت انه انهان قدام الدكتور اللي كنت رايحة اقدم له البحث...مو معقوله من هذاك اليوم وانا انتفض لما اذكره..ويمكن يكون هو سبب تعكر مزاجي...مستحيل يكون الأمر طبيعي وعادي..... رن جوالي..وعرفت انه خالتي تنتظرني... ( هلااا باللي تكذب و تقول معاها حصص تدريس وراح تتأخر..وبالأخير جات حتى قبل لا اروح الكافتيريا....شوفي ترى هالحين بنمر كوفي شوب ...اممم خاطري بموكا وتشيز كيك يعدل المزاج...هاه شو رايش..) (رأيي انه نروح البيت مالي خلق اي شي..غير النوم) صوت خالتي مو طبيعي ابداً..ابداً...القيت عليها نظره بس نظارتها الشمسية الكبيرة مغطية عيونها..بس وجهها محمر بقوه..رديت نظري ..والقيت ملفي فالمقعد الخلفي..بس تفاجأت بأوراق البحث اللي لازم تقدمه خالتي اليوم لمكتب الإدراة بالجامعة موجوده...مستحيل..! سألتها باستغراب( خالتي انتي اليوم ما مداومه....هذا البحث اللي مطلوب من اساتذة الجامعة موجود )! حسيت بصدمتها..بس جاوبت..( اووووه نسيته...مو مشكلة باكر راح اوديه) قلت: ( خالتي).. بس قاطعتني..وقالت ( عليا اذا ممكن اسكتي عني ..ما عرفت اسوق)! الصمت كان سائد ...وصلنا البيت ...وقفت بنصف الصالة وانا اسمع خالتي تقول للشغالة لا تناديني على الغدا ما ابي شي..وبعدها راحت جناحها وقفلته بهدوء..!! رميت حقيبتي بالكنب...وفتحت عبايتي وشيلتي وتمددت ...تفكيري متعب..وخالتي اليوم زادتني..من لما كان عمري 12سنة ما يوم شفت خالتي تتصرف كذاك.. اذان الظهر ..ايقظني من موجة التفكير..بس ما وقفت هالموجه ....!!! لحتى ظهرت خالتي بعد المغرب بوجه اقل ما يقال عنه مرعب..!...ازال من قلبي كل بقايا الإطمئنان اللي كنت امني بها نفسي..! نادت الشغالة وقالت لها تجهز القهوه..لأن راح يجونا ضيوف..ناظرتها وانا بقمة الإستغراب ..! الى ان التفتت لي وقالت بصوت مخنوق( عليا بيجونا ناس بعد اذان العشاء خليش جاهزة) وقبل لا أسأل من اللي راح يجينا قالت( لا تلبسي قمصان او جنز..البسي دراعة ساتره ..) واغلقت الباب وراها... وانا في حالة ذهول..في حالة ثانية كنت راح اضحك..لأن خالتي فري واول مره تلزمني بلبس معين .....لااااا وبعد ساتر...!!! صليت العشاء ..ولبست دراعة سوداء بشك خفيف وحطيت شيلتي برقبتي..ورحت الصالة وانا اشوف القهوة والشاي وتوابعهم بالطاولة الزجاجية بالصالة..وريحة البخور ..تعم المكان.. رن الجرس وزادت معاه دقات قلبي...وزاد الفضووول ..! راحت فاطمة شغالتنا تفتح الباب..بس خالتي وقفتها ..وراحت بنفسها تفتح الباب..وهي لا بسه عبايتها...! كيييف...!!!! لا بسه عباية...وانا لا...!راح اجن من التفكييير...!! سمعت اصوات تقترب من مدخل الصالة ... رفعت راسي ..... دوار خفيف ..توقف لأنفاسي ....ترافق مع الصدمة اللي جمدت كل عضلة بجسمي...!! |
رد: يا صلاله خبرينا // عن قلوباً 'تهتوينا'
ياهلا ومرحبا فيك *بنت السلطنه الحبيبه بليلاس الغالي مجمع الابداع والاحبه
انشالله تلقين الي يرضيك و تصلين بروايتك لبر الأمان .... قوانين القسم ( شروط انتسابك ككاتب + قانون القصص المكتمله والمهمله + الردود المخالفه ) |
رد: يا صلاله خبرينا // عن قلوباً 'تهتوينا'
السلااام عليكم
هلابك اختي بمنتدااك وان شاءالله توصلين بروايتك لبر الامااان حبيت القصه حسيتهاا خفيفه ومافيها تعقييد ولا اشخااص وااااجد >> فيس مايحب كثره الاشخااص بالروايه رحمت هالعلياا وين اهلهاا ؟؟ معقوله عندها اهل وهي ماتعرف عنهم شي ؟؟ اتوقع الشخص اللي زارهم هو نفسه الشخص اللي من عرف اسمها اسود وجهه اممم احتمال انه اخوهاا ؟؟ والاكيد انه ولد عمهاا الله يستر لايكون بياخذهاا بس علشاان تترك مجال الطب نوااااري حياااك للمره الالف وان شاءالله راح تشوفين اللي يسرك من المتابعين بس دخيلك احنا نرضى بالواقعيه بكل شي الا بالنهااااااياات .. نبي نهايه سعيده بساتين من الجوري لقلبك .. |
رد: يا صلاله خبرينا // عن قلوباً 'تهتوينا'
السلام عليكم. اختي ياهلا. بك. معنا. شدن العنوان. ومن. شفت. النوري. راده. على. القصه. طيران. دخلت.
ننتضر. من. الضيف. اتوقع. انه. قريبه. ولد. عمه. ومن. الاسم. عرفه. بانتضارك. |
| الساعة الآن 05:53 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية