البارت( 6) اهداااء بمناسبه اجازه الربيييع....
صوته يجذبها انها تعرف مين هذا كانت تقنع عقلها انها تمشي بس قلبها ماكان مطاوعها تمالكت نفسها تبي ترجع بسرعه قبل مايشوفهها هي اللي لفت وهو اللي قفل الجوال وناداها وهو يضحك/ ميار ميار وين رايحه يابنت؟؟
غصب عنها وقفت وهي متاكده انها تعرف صاحب هالصوت عيونها تملت دموع قلبها نط من الفرحه لمن شافته قتح ايدينه لها ركضت عنده اخذها وشالها فوق وهو يدور فيها
بدر يضحك/ يادوب صايره ثقيله
ميار اللي مو من عوايدها ماترد عليه حطت وجهها على صدره وهي تبكي/9 شهور يالظالم تارك اختك الصغيره
بدر بحنيه/ خلاص اتركينا من العتاب والبكاء اهم شي اني شفتك.. وكمل بابتسامه صايره حلوه يابنت ملكه جمال
ميار بخجل متذكره هي وش لابسه بس حبت ترد عليه بذوق/عيونك الحلوين
بدر/ ادري ان عيوني حلوين بس قلنا نجاملك..
بعدها عن صدره بحنيهوكمل بمزح/ يلابس معاك هذي السنه والجامعه ببيت زوجك
ميار بهمس/ اول شي تزوج انت وانا لاتشيل همي
بدر اللي اول مره مايزعل من طاري هالموضوع ابتسم
ميار تدري انه مايبي يتزوج عشانها يخاف يغيره الزواج عليها ويشغله عنها
بدر بحده متصنعه وهو يطالع ثوبه/ ايه انتي تروحين متكشخه للحريم وانا اروح بثوب مليان مكياج ودموع للرجال
ميار/هههههه تستاهل
بدر بعد ماتطمن عليها راح دخلت ميا وشافت شوق راحت عندها وسلمت عليها
رنيم دخلت وشافت بدر طالع يطالع ثوبه مبتسم تسمرت رجولها وهي تشوفه بس ماكان منتبه لوجوده اول ماطلع دخلت القصر بسرعه
شوق فاتحه فمها/ يلعن شكل ابليسك تهبلين
ساره بعصبيه/ يابنت سمي على الادميه ميار ماعليك منها هذي ناقصه عقل
ميار تضحك/ عادي اصلا شوق تجامل وتحب تبالغ وكملت باستغراب وهي تتلفت حوالينها/ الا وين خالتي ماشوفها
شوق/ ماما تعتذر وتبي منكم السموحه بصراحه هي شوي تعبانه
ميار/ سلامتها ماتشوف شر ان شاء الله
ساره / بنات عن اذنكم في وحده هنا اعرفها ابي اروح اسلم عليها
رنيم/ غطيتي على العروسه
ميار بفرح ضمتها/ هلابك يالغلا
رنيم تضحك/ هلا فيك والله طلعتي حلوه
ميار/ مشكورين الله يخلي لنا المكياج له دور
شوق/ يابنت انتي مامريتي على المرايه كأنك مسويه اعاده تهيئه
ميار التفت على رنيم بفرح/ رنيم بدر جاء
شوق تقاطعهم/ ايه ميار مين الصاروخ اللي سويتي معه فلم هندي برا وكملت بفضول وبعدين مين بدر؟
ميار تضحك/ يابنت انتي مايفوتك شي هذا بدر اخوي اكبر من محمد
رنيم بعفويه/ متزوج؟؟
شوق بعياره/ ليش تبينه؟
رنيم راح وجهها احمر من الخجل وميار وشوق يضحكون عليها
ميار بعياره/ لا مومتزوج وانا ادور له على عروسه وعاد قلت مالي الا رنوم حياتي
شوق/افااا ونسيتيني انا حبيبتك شواقه هذي اخرة العشره
رنيم ماكانت ترد اوتعلق من خجلهاوهو يضحك مالك شغل ادري فيه مايحب الفنادق
رنيم بعفويه/ عندنا
شوق/ عندكم وش يسوي!!
رنيم وجهها تلخبط/هو صاحب اخوي
ميار باستغراب/ صاحب هشام!!
رنيم/ تصدقين بعد انا مادريت الاقبل مااجي وكملت بتردد بنات بقلكم شي بس اخاف تتطنزون علي
شوق/ افا الله يسامحك احناا!
رنيم اللي عارفتهم انهم بيستلمونها تعليقات/ ايه انتو بس تدرون بقولكم لاني لو اخبي باحس اني مسويه جريمه
.................................................. .................................................. ....
مهند يبكي ويضرب خالد/ ابي اروح ابي اروح انا قلت لكم اني ما ابي اجلس مع الرجال ابي اروح وديني بسرعه
بدر/ هذا وش فيه يبكي من نص ساعه
خالد انحرج من سؤاله وكيف يرد عليه الحين/ مدري اسأله
بدر بحنيه/ وش فيك حبيبي
مهند عشان انه يبكي بدر مافهم منه ولا كلمه التفت على خالد باستغراب وهو مبتسم
خالد باحراج وهو يتنحنح/ يبي يروح عند ميمو
بدر باستغراب/ ومن ميمو؟
خالد بتردد خايف من رده فعل بدر/ ميار اختك
بدر يضحك/ بس!! انتظر اتصل فيها واقول لها ما طلبت شي

شوق بعياره/ هذي الخجلانه
رنيم بدلع/ حراام عليك كثير هذي المواقف تصير
شوق بنفس النبره/ ايه ايه تصير التفت على ميار وكملت بس تصدقين اوا مادخلت وشفته وهو شايلك والله عبالي انه خالد نفس بنيه جسمه
ميار مسكت جوالها اللي يرن/ خالد يانذله هاه شايفتني فاصخه الحيا
شوق ورنيم يضحكوا/ مدري عنك
ميار تنهي اتصالها وتقوم تستوقفها شوق/ وين رايحه؟؟
ميار باستغراب/ بدر قايلي اطلعي الحوش اييك مدري وش يبي؟
شوق/ طيب بطلع معك ابي اشوفه
رنيم بخجل / يابنت استحي ع وجهك
شوق بنص عين/ تغارين يالاخت تراني قلت باشوفه مو باخذه لاتخافي محجوز لك
رنيم وجهها راح احمر هي خجوله بس اليوم بزياده/ طيب بما انكم بتروحون انا ماباجلس لحالي وكملت بمرح بروح معكم
شوق بعياره / هذي الخجوله اللي قبل شوي
رنيم/ اجل اجلس لوحدي
ميار تبتسم/ لا حياتي ما ارضى تجلسين لوحدك
رنيم/ شفتي شواقه غلاتي
شوق/ شفت شفت بس يلا منشينا
يطلعو الحوش ميار تكلم شوق ورنيم وهي تفتح باب غرفه/ هاه ادخلي انتي وياها بس انتبهي لايحس عليكم
شوق/ لاتوصين حريص
دخلو وقفلوا الباب وخلوا فتحه صغيره عشان يشوفوا
فتحت ميار الباب لبدر
بدريمزح وهو شايل مهند/ انتي وش مسويه في الولد
ميار تشيله وتحطه ع الارض وتجلس ع ركبها وتحضنه/ليش فديت عمره فيه شي؟
بدر يبتسم/ جنن الخلق وجنن خاله وهو ابي ميمو ابي ميمو
ميار بعفويه/ خالد؟؟
بدر يطالعها بنص عين/ايه خالد اثاريك تعرفين العايله وانا ماادري
ميار تتنهد/ لابس هو وحيدهم تدعي في قلبها( يارب مثل مافرحت قلبي بشوفه بدروفرحت رنيم بشوفه هشام فرح قلب شوق واهلها بشوفه فهد)
كانت تكلم مهند وبدر يطالعها يضحك يحسها مثل امه على كثر مااقنعته وخالد المسكين اللي يحاول يقنع فيه من ساعه
ميار بحنيه/ مهند حبيبي مايصير انك تدخل عند الحريم انت رجال
مهند يبكي/ بس انا ابي اجلس معك
ميار/ لا ياحبيبي انت بطل وتسمع الكلام وبعدين حبيبي رح تتعب امك وانت عندها
مهند/ والله اجلس مؤدب
ميار/ ادري انك مؤدب بس بعد انا اذاجلست معي بطفش منك وانا ابيك تنام عندي اليوم
مهند يبتسم / امام عندك
ميار/ ايه حبيبي بس اول تستأذن من ماما وخالوا
مهندبفرح/ طيب خلاص وبتعطيني حلاوه
ميار تضحك / ايه وبعطيك حلاوه
بدر/هههههه مو هامه الابطنه
ميار تبوسه/ يلا حبيبي روح
مهند يروح عند بدر/ يلا عمو ابي اروح
بدر/ ابشر انا اصلا وش وضيفتي اليوم الا اوديك واجيبك
طلعوا من عندها
شوق ماصدقت على الله طلعوا طلعت بسرعه/ حر حر موووت
ميار تضحك/ تستاهلون
رنيم/ يالله من مهند ذا مايفهم مثل خالته
شوق/ فديت اللي مايفهمون
ميار باستغراب/ شوق مهند ليش ماتبونه يدخل الولد باقي صغير
شوق / انتي ماتدرين مهند هذا جني لايغرك شكله الطفولي وبعدين خالد يقول لا زم يتعلم
ميار/اها
رنيم/ جني طالع طبعا على خالته
شوق/ يابنت انتي وش فيك كل ما اقلك شي تقولين خالته خالته ترا حسستيني ان باقيلي شوي وادخل مستشفى المجانين
رنيم/ انا اقول الصدق بس صدق مثل ماقالوا الحقيقه تزعل
ميار/هههههه بطلوا بزرنه اعقلوا شوي
رنيم وشوق يمزحوا/ خفي علينا يالعاقله
ميار/هههههه احسن منكم
.................................................. .................................................. ........
انتهى الزواج بفرح صمود وسالم بفرح ممزوج بالحزن لميار اللي حزنانه على فراق اختها وفرحانه لفرحها..بصمت رنيم الغارقه بافكارها بقهر ساره وتذكرها ليله زفافها وكل كلامه المنسوج باكاذيبه ببراعه انه مايتركها او يفكر يطالع لغيرها..انتهت برسوخ رنيم في بال بدر انتهت لكي تستقبل الاختبارات بتعبها معلنه نهايه العام معلنه سحب جميع الاجهزه من كل من هشام وبدر وخالد وتشديدهم ع اخواتهم باهميه المذاكره والمعدل اللي بيدخلهم الجامعه ايام صعبه مرو بها وبنتهاء الاختبارات وبقدوم الاجازه تسافر شوق لبريطانيا لزياره فهد ووحدانيه ميار لولا وجود بدر ولازال شخصها الغريب يجيها كل ليله ليطمئن لحالها وبكل زياره كان يقول لها انه قريب منها .. تستقبل رمضان بذات الهدوء اللي عم البيت بس وجود بدر كان له نكهه خاصه صحيح كانت تتواصل هي ورنيم بس ما كانت تحس بالانس اللي كانت تحسه بقرب شخصها الغريب اعتادت على وجوده كان الظلام لايزال يغطيه مع ذلك كانت تشعربراحه كبيره بقربه واذا بيوم مازارها تتضايق ضيق شديد
تستقبل ميار العيد بفرحه رجوع شوق واجتماعها باهلها شوق رجع معهم فهد وزوجته يارا وولدهم ياسين
ثاني يوم عيد كان غير عند الثلاثه لانه اتفق كل من بدر وخالد وسالم وهشام يطلعوا باهاليهم
ميار كانت مستانسه لانها واخيرا رح تجتمع بصاحباتها
في غرفتها كانت تبدل ملابسها وبما انه بتقعد بالعبايه لبست بنطلون
اندق عليها باب غرفتها.....
ميار/دقيقه
هي تدري ان مايدق عليها الابدر لبست عبايتها بسرعه لانها مستحيل تخليه يشوفها كذا
ميار/ تفضل
وليد فتح الباب وجلس معها ع السرير/ ميار ابيك بموضوع
ميار اللي مصدومه من وجوده لا ويبيها بموضوع/ تفضل
وليد /اليوم تقدم لك عريس
ميار بهبال/ احم احم بس لايكون شين ابي واحد حلو
وليد بحزم/ ميار انا اتكلم جد لاتقلبي السالفه هبال
ميار بصدمه ماكانت ابد متوقعه رده الفعل هذي/ مين هو؟؟
وليد/ فيصل اخو بشاير
ميار/ تبيني اخذ اخو زوجتك!!
وليد يرفع حاجبه/ليش وش فيه اخو زوجتي؟؟
ميار/ حاشاه العيب بس انا مابيه
وليد بنبره حاده/ شوفي انا باخليك تفكري مثل اي بنت وغصبا عنك بتاخذينه انا عطيته الموافقه وانا كلمتي ماتصير ثنتين تبين تصغريني قدامه
قام من عندها بعصبيه وطلع من غرفتها وقفل الباب بقوه
ميار تضحك بسخريه/ مسكين جد مسكين حزنتني باوامرك انت والواطي ذاك وربي ماينال ظفري
انقهرت من تصرفه بس حاولت ماتبين له بس شوق ورنيم كانوا حاسين فيها وقعدوا على راسها الين قالت لهم
كانت تطالع وليد وبشاير بقهر وهم يسولفوا ويضحكوا ولا كانه كان معصب قبل شوي
وفيصل اللي كان يستعرض بحركاته عشان تنتبه لوجوده
اما صمود فراحت تنتطي الخيل هي وسالم كاتت طلعتهم للبر
وسحر ومنى وخلود وساره يسولفوا مع بعض تشاركهم فاطمه زوجة عبدالله تاره وتصيح ع اولادها تاره اما سمر كان هذا شهرها وكانت تعبانه بس تبي تغير جو وام فهد وام عبدالله وام هشام وام سالم مع بعض
والشباب مع بعض
والاطفال يلعبون
وشوق ورنيم كانوا جالسين مع ميار يسولفوا
بعد ماترك وليد بشاير راح وجلس مع الشباب وبشاير جات وجلست قرب ميار
ميار بسخريه/ اممممممم بشاير وين ابوك ليش ما جاء معكم نحتاج شايب يعلم بعضهم الرجوله
بشاير بسخريه/ بابا بصراحه تعبان عشان كذا ارسل فيصل معنال تعرفين فيصل مستحيل يترك اهل نسيبه يروحوا لحالهم.. ميلت على اذنها وكملت يغاار
ميار انقهرت من الكلمه بس حاولت ماتبين لفت على رنيم وشوق/ ياشين الاستعراض بس
رنيم وشوق اللي عارفين دورهم بهالمسرحيه ضحكوا بصوت عالي
بشاير في نفسها / طيب ميار احنا بنشوف مين بيضحك بالاخير
جوالها رن ردت/ الو
بدر/ اش رايك نركب دبابات
ميار بفرح/ صدق اي والله بخاطري اتونس
بدر/ طيب شوفي صاحباتك
ميار/ بنات اش رايكم نلعب دبابات
البنات/ ايه وليش لا
ميار/ سمعت بدر يلا نبي نلعب
بدر/ طيب تعالوا يلا خلاص انا حجزتها
ميار وشوق ورنيم راحوا شافو الشباب سابقينهم لدبابات
هشام/ يلا اركبوا ترى بنتسابق
ركبوا البنات ولازال فيصل يزيد استعراضه
شوق/ هذا احد يهفه بنعال عشان يبطل استعراض
ميار/ والله ودي بس الحيا وين يروح
رنيم/هششششش انتي وياها لايسمعونا
فيصل/ يلا 1..2..3
كل الشباب مشوا الا مياراللي اتفقت مع البنات انهم مايمشوا
خالد اللي كان باط كبده فيصل فهم حركتهم وكان متاكد ان هذي فكره مياروقف الدباب ولف عليهم وهو يضحك/ يلا امشوا
ميار كانت اول من مشى خالد جلس يضحك عليها الانه تاكد ان الحركه مقصوده
فيصل هو بعد فهمها ووليد كان يطالخها بتوعد ع هذي الحركه
.................................................. .................................................. ........
رجعوا البيت نزلت من السياره بسرعه متوجهه لغرفتها وليد نزل بعدها بسرعه وهو معصب
دق باب غرفتها كانت تدري انه وليد وكانت بتموت خوف منه مع ذلك قررت تواجهه وما تبين ضعفها له
قامت وفتحت الباب تفاجأت بوليد يدفعها على الجدار ويمسك شعرها/ ابي اعرف وش مقصد هالحركه اللي سويتيها..
ميار بالم/ اي حركه؟؟
وليد بعصبيه/ اي حركه شوفي ميار علم يوصلك ويتعداك والله ثم والله لو مااخذتي فيصل برضاك
لاتاخذينه بالغصيبه هذا اولا ثانيا وربي مايتم زواج بدر وانتي عارفه وش ممكن اسوي واخليه ماياخذها
وكمل بكره بتكون الخطبه جهزي حالك
طلع برا غرفتها تاركها خلغه تبكي وتموت ميه مره على كلامه/اااااااه يوبه تعال تكفى تعال وشوف عيالك وش يبون يسووا فيني يوبه انت قلت بتحميني منه يوبه يبي يقهرني بعد ماقهرك اااااه يوبه
قطع بكاها على سريرها دقت الباب بعد ساعه من روحه وليد مسحت وجهها وفتحت/ هلا يومه
ام عبدالله/ يابنتي انتبهي على نفسك انا رايحه الحين عند سمر جاها الطلق اول ماوصلوا المدينه انا بوديني بدر لها
ميار بهمس/ كم طيب بتجلسوا؟
ام عبدالله/ ان شاء الله يومين
ميار/ وبتتركيني لحالي؟
ام عبدالله/ خلاص البسي عشان اوديك عند وليد على طريقنا
ميار/ لايومه هذا موقصدي اصلا يومين مو كثيره انا بجلي بالبيت وان شاء الله اكون بامان
ام عبدالله/ يلا يابنتي في امان الله بس يمكن نطول شوي
ميار / عادي خذوا راحتكم
ام عبدالله/ يلا استودعتك الله
ودعت ميار وبعدين رجعت لفراشها تكلم نفسها/ماصدقت ان بدر بيتزوج تقوم انت تخرب عليه زواجه والله وعرفت تمسكني من ايدي اللي توجعني ما اقول الا حسبي الله وحده ونعم الوكيل عليك
بعد ثواني ابتسمت..يعني طلبها بدر اليوم من هشام
.................................................. .................................................. .....
هشام يدخل غرفه رنيم مبتسم يجلس قربها/ حبيبتي والله وكبرتي
رنيم بمرح/ طيب وش مناسبه هالكلام؟؟
هشام/ في احد اليوم طلب ايدك مني
نهايه البارت اتمنى يعجبكم ...... بريق الا مل فماااااان الله

البارت(7) اهداااء لكم احبتي
هشام يدخل غرفه رنيم مبتسم يجلس قربها/ حبيبتي والله وكبرتي
رنيم بمرح/ طيب وش مناسبه هالكلام؟؟
هشام/ في احد اليوم طلب ايدك مني
رنيم باحراج/ مين؟
هشام/ بدر اخو صاحبتك
رنيم استانست يوم سمعت اسم بدر بس بعدها تبي تثقل قدام اخوها/ افكر
هشام/ من حقك خذي راحتك وكمل بمرح وانا باخطب صاحبتك هذيك المهبوله
رنيم / حاط عينك عليها وانا مدري
هشام يضحك/ انتي اصلا شفتي حركتها اليوم
رنيم/هههههههه وناسه ضحكتني
هشام/ فديت قلبها بس
رنيم/ ياولد استحي على وجهك
هشام قام وهو يضحك/ مستحي مستحي
طلع من غرفتها وقفل الباب وهو غارق بافكاره بها
ارسلت رنيم لميار وبعدها انسدحت على الفراش مستانسه بالي صار
.................................................. .................................................. .............
فتحت الجوال تشوف الساعه شافت مسج فتحته شافتع من وليد
..الخطبه رح تتأجل عشان ولاده سمر تتأجل مو تنلغي....
تنهدت بصوت مخنوق تبي تقفل الجوال وصلها مسج ثاني من رنيم
... يابختك مين قدك هشوم يبيك وبيخطبك....
ميار بقهر/ااااااه انتي وش فهمك بالي يصير
قفلت الجوال وحطت راسها المخده تبكي بحرقه والم

موجايها نوم ماتقدر كيف تقول له كيف تصارحه مع ان ميار قالت لها انها بترفضه بس بعد مو مطمنه
خلاص وصلت حدها قررت انها تروح وتقول له هي تدري انه يحبها ويبيها بس هو مهوب داري انها تدري.......
دقت باب غرفته بتردد متمالكه كل شجاعتها
خالد/ تفضل
فتحت الباب شافته ع مكتبه يرتب اوراقه جلست على الكرسي اللي قدام المكتب بتردد/ خالد ابيك بموضوع
خالد باستغراب/ تفضلي
شوق جمعت كل شجاعتها/ ميار ميار
خالد بخوف/ وش فيها ميار؟
شوق/ خالد خبي عن كل البشر بس عني ماتقدر ادري انك تحبها وتبيها
خالد بحزم/ هذا هو الموضوع!!
شوق / طبعا لا
خالد/اجل!
شوق خذت نفس/ ميار انخطبت ياخالد
خالد بصدمه/ اش قاعده تقولين؟؟ انخطبت! وكمل بقهر/ من مين؟؟
شوق بقهر/ من فيصل
خالد بقهر/ فيصل ذا وش يبي بعدين هي مو تكرهه؟
شوق/ هي قالت لي كذا وقالت بعد انها مستحيل تاخذه بس انا مو مطمنه
خالد/ والحل؟؟
شوق/ وانا لو كنت اعرف الحل كان قلت لك!
خالد بقهر/ افكر اروح اذبحه هالحيوان
شوق بخوف/ انجنيت انت؟؟
خالد بسخريه/ لا استعد لاعراض جنون
شوق/ ان شاء الله مايصير الا كل خير
خالد/ ان شاء الله وكمل بهدوؤ شوق هذا الكلام لحد يدري عنه
شوق/ تتطمن انا لو في نيتي اعلم كان علمت من زمان زمان
خالد/ من زمان زمان؟
شوق تبتسم/ اقصد من يوم عرفت
خالد / وانتي وش عرفك
شوق قامت وقبل ماتقفل الباب/ عرفت وبس
يعد ماطلعت شوق قام من فوق المكتب وانسدح على فراشه فتح الكبت وطلع الصوره يتأملها بكل هدوء/اااااااه ماادري ليش تذكرني بك هل هو مجرد اسماء او مدري
اثنيناتهم مانامو هذيك الليله هو يبكي على حبه المدفون بقلبه وهي تبكي على حالها وتحكم وليد عليها بعد وفاه سندها
.................................................. .....................................
دخلت عنده في الغرفه كان ماسك جواله ويطقطق فيه جلست قدامه تطالعه وتبتسم
بشاير بدلع/وليد حبيبي كلمت ميار عن فيصل؟
وليد انتبه لوجودها نزل الجوال/ايه
بشاير/ ووافقت؟
وليد يبتسم/ اكيد فيصل رجال ماينرفض
بشاير/ اجل خليني اكلم فيصل وبشره
هي كانت تدري انه مستحيل ميار توافق عليه وبعد تعرف زوجها انه اجبرها عليه هي تكرها وتكره اخوها يعني لو اخر رجال مااخذته بس كانت مستشفيه فيها
يشايرطلعت من الغرفه للصاله/ الو
فيصل بوسط الازعاج/ هلا
بشاير/ انت وين
فيصل/ انا بلاستراحه مع الربع
بشاير/ طيب هذي فهمناها واصوات الاغاني
فيصل/ تحقيق هو؟؟
بشاير/ لا بس مجرد سؤال
فيصل/ طيب وش عندك متصله؟
بشاير/ بس حبيت ابشرك ان ميار وافقت فيك
فيصل / جد بس تصدقين قال لي وليد خلاص يعني مبرووك علي
بشاير/هههههه كشمه محترمه اجل ماعندي سالفه يلا باي
فيصل/ باي
نزل الجوال مبتسم
........./ وش فيك مستانس
فيصل/ سر مالك شغل
........../ افا انا علي اسرار
فيصل رفع جواله اللي يرن/ايه ليه مين انت
طالع الرقم الرقم كان غريب رد بفضول يبي يعرف مين/ الو
رد عليه صوت انثوي/ الاخ فيصل؟؟
فيصل باستغراب/ايه فيصل خير فيه شي؟؟
......../لا تطمن بس تعرف وحده اسمها ميار
فيصل/ يابنت الناس مين انتي وليش تكلميني عنها
......./ فاعله خير
فيصل بسخريه/ ايوه وش خيرك ذا
........./.....................................
فيصل/ وطيب ليش تبيني اروح
والله انا اشوف اللي تسوينه هذا مو خير بس مشكوره
بس ممكن اعرف مين انتي؟؟
فاعله خير هذي ما تمشي معي مين انتي
هلا والله بسهى الحين
لا لا تخافي محد بيدري عن هذا الشي
قفل معها الجوال مستغرب من مكالمته بس اللي يعرفه ان الصوت هذا مو غريب عليه سمعه قبل كذا بس مين ياترى؟؟؟


صحت الصبح محاوله تناسي اللي صار الها البارح صحت على هدوء البيت فطرت واخذت قهوتها وطلعت غرفتها فتحت شباك البرنده وجلست
وبطبيعه حالها مالها احد تشكيله غير رنيم بس كانت تتصل عليه اكثر من مره بس بدون اي رد ارسلت لها مسج وتصلت بشوق بعد شوق ماكانت ترد مقفل جوالها ميار ماستغربت هذا وقالت بنفسها الحين لو اسألها بتقول لي خلص منه الشحن وما كان فيني حيل اشحنه حطت الجوال ووجهت نظرها الى البعيد
تفاجأت بالسياره اللي شافتها وقفت عند الباب انقهرت لمن شافت اللي نزل منها دخلت بسرعه وقفلت شياك البرنده قبل ماينتبه لوجودها....
كانت اناملها بارده وايدها ترجف ولمن سمعت جرس البيت طااح قلبه من الخوف
ميار/ هذا وش يبي جاي
كتمت بكاها بس قررت انها تنزل وتوقفه عند حده
نزلت بسرعه من الدرج متوجهه للباب/ مين؟؟
فيصل/ يالبى هالصوت بس ... انا فيصل
ميار بحده/ خير وش تبي ؟ مافي احد بالبيت لو سمحت انقلع
فيصل/ افا انقلع... وبعدين ادري ان ماحد بالبيت
ميار بعصبيه/ خلاص انقلع دامك تعرف ان مافي احد
فيصل/ امممممم طيب ممكن نتكلم؟
ميار بقهر/ كل تبن وانقلع مابيني وبين هالاشكال كلام
فيصل بعصبيه/شوفي انا محترمك بس عشان انك بتصيرين زوجتي فا حسن لك لا تغلطي واحترمي حالك
ميار/ يوووه تكفى لا تخوفني انت وش محسب نفسك؟ مسكين انا ماتشرف اكون زوجه لرخمه مثلك
فيصل/ لسانك طويل يابنت هادي يبيلك ترويض بس اوعدك بس تكونين عندي رح اروضك
ميار بقهر/ حزنتني مصدق الاخ نفسه ..بس اكون عندك هاه!! احلم بس
فيصل/ ميار افتحي ابي اكلمك بشي
ميار/ ماني فاتحه
فيصل بعصبيه/ مهوب باحسن لك لا اكسر الباب
ميار خافت يسويها بس بمين تستنجد محمد وبدر في المدينه وعبدالله بيته بعيد عنهم يعني متى بيوصل وولبيد..ووليد اصلا بصدقها!!
شوق جوالها مغلق ورنيم ماترد
مالقت غيره من ممكن يساعدها غيره ما في الا هو يقدر يساعدها اتصلت فيه
ميار بهمس/ الو
....... بنعاس/ هلا
ميار باستحياء/ خخالد انا ميار
خالد عدل نفسه مصدوم/ مياار؟؟
ميار بخوف وهي تبكي/ ايه ميار.. خالد تكفى طلبتك تساعدني فيصل عند الباب ويهددني ان مافتحت له بيكسر الباب
خالد بعصبيه/ جايك جايك
قفل الخط وطلع من البيت كأنه اعصار.... فيصل اللي باقي يهدد مادرى الابيد قويه تمسكه وتضربه بوجهه... خالد الضخم اللي ما صدق على الله جاته فرصه يطلع حرته بفيصل ...
بعد ماتضاربوا بكل عنف ركب فيصل سيارته وراح وهو يلقي سيل الشتائم على خالد
خالد بعصبيه/ مياار ميااار
ميار بصوت مخنوق/ نعم
خالد بحزم/ البسي عبايتك وبسرعه تعالي اوديك عند شوق هالبيت مالك رجعه له الا لمن يجي بدر
ميار تبكي/ خالد تكفى خليني هنا
خالد بعصبيه/ انا قلت البسي وتعالي
ميار/ تكفى خالد يكفيني اوامر من امس مو عشان اني بنت استقويتوا على ضعفي ....يكفي يكفي حرام عليكم
خالد انقهر لمن سمع كلامها حس ان في شي كبير صاير لها
خالد بحنيه/ خلاص براحتك بس تكفين هاليله لا تناميها الا عند شوق والله اني خايف عليك من ذا الواطي
ماسمع رد منها الا بكاها.. راح من عندها وهو متألم لحاله مقهورر
طلع عند شوق لغرفتها وقال لها تروح عند ميار
شوق بخوف/ ليه فيها شي؟
خالد/ لا بس هي لحالها بالبيت وانا خايف عليها
شوق/ احم احم فديت اللي خايف بس
خالد اللي ابد مو من عوايده انه مايرد عليها طلع من غرفتها مقهور ومنزل راسه
دق جرس البيت
ميار تبكي / مين؟؟
شوق/ انا شوق
ميار فتحت الباب ماامدى شوق تدخل الا وميار ضمتها وهي تبكي وتصيح الباب كام باقي مفتوح خالد شاف هالموقف حس بقهر ونار تحرقه جواته اخذ الباب وقفله ورااح.....
شوق بخوف/ ميار حياتي وش فيك؟
ميار/ اااااه ياشوق قهرني قهرني
شوق/ فيصل؟؟
ميار/ وفي غيره هذا الواطي.....اااااااه يوبه وينك وينك؟؟
بعد ماهدت ميار طلعتها غرفتها جلست ع السرير وجلست قربها
شوق/ ميار وش صار
ميار بحزن/ انا وافقت على فيصل
شوق بصدمه/ نعععم انجنيتي؟؟
.................................................. .................................................. ..
فتحت باب بيتها شافته واقف والدم مغطي ثوبه واثار الضرب على وجهه
بشاير بخوف/ فيصل وش فيك؟؟
فيصل بعصبيه/ وليد في البيت
بشاير/ لا طلع من شوي
فيصل دفها ودخل البيت فسخ ثوبه وقال لها انا بدخل اخذ لي شاور غسلي ثوبي بسرعه تركها وطلع للحمام فتح الدوش يكلم نفسه بقهر/ اكيد انها هي اللي اتصلت فيه ولا ايش اللي يخليه ينزل ويضارب بدون مايعرف اصلا انا ليش ادق كان على الاقل بيسلم ويقول لي ان ماحد بالبيت لا ونازل بالبيجامه بعد
انا ارويك انا ارويكم ياخالد انت وميار وليش لا مايكون بينكم مكالمات من قبل بس علي ياميار اما حرقت قلبك ماكون انا ولد ابوي
اغتسل وطلع يلبس ثوبه مطنش اسئله بشاير اش يرد عليها يقول خالد ضربني اكد عليها قبل مايطلع ان اللي صار ماحد يدرى فيه....


شوق بقهر/ ماعرفتك كذا ياميار كنتي اقوى من كذا
ميار تبكي/ ايش ممكن اسوي انا مابي افصل بين رنيم وبدر
شوق/ وبتبيعي نفسك عشانهم انتي لو تتصلي برنيم اكيد رح تتفهمك
ميار تتنهد/ مشكلتها ماترد
شوق/ وليد هذا وش يحس فيه؟؟ ترى مايجي زوج بالغصب هذي حياه.. وبعدين وش عرفه فيصل انك لحالك!!
ميار تتنهد/ مدري.. وبعدين انتي مو فاهمه شي
شوق بعصبيه/ اجل فهميني
ميار/ وليد يشتغل بشركه والمدير فيها ابو فيصل طبعا.. فيصل خطبني اول ماتوفى ابوي كان وقتها ثاني ثانوي بس اخواني رفضوا بحجه اني صغيره وهو صغير كانو يدرون اني اكرهه
وليد كان يحب بشاير وكان شرط ابو فيصل عشان يتزوجون ان فيصل يكون لي بس هذا ماانكتب بالعقد
ووليد ماقال عن هذا الشرط بس ابوي عرف بشرطه وكان معترض ابوي اصلا زواجه من بشاير ماكان راضي عنه بس وليد كسر كلامه بعد ماتوفى وتزوجها... وخصوصا ان وليد ماكمل الثانويه فكانت هذي الشركه الوحيده اللي قبلت فيه تنهدت بصوت مخنوق وكملت وبس كذا
شوق/ كذابه كملي
ميار/ لا مااكذب بس هذا اللي صار
شوق/ بس هذا مايبرر ان وليد يغصبك وكملت بفضول ميار تكفين كملي
ميار/ تكفين شوق لا تلحي علي خلي اللي بقلبي بقلبي
شوق بمزح/ يعني قلتي لرجال غريب ولا تبين تقولي لي
ميار بتعجب/ رجال غريب مين!!
شوق/ بقولك شي بس ماتزعلي رنيم قالت لي انك تعالجتي عند طبيب نفسي
ميار نزلت راسها
شوق بخوف/ زعلتي؟؟
ميار/ههههههه تصدقين ماقلت له
شوق باستغراب/ نعم!! وكيف تعالجتي ان شاءالله
ميار تضحك/ والله مدري
شوق تبي توصل لشي معين/ طيب وش كلن اسم طبيبك ؟؟
ميار تضحك/ تصدقين ماادري انا اصلا ماكنت اناديه الاهادي اش اسوي سالته عن اسمه قالي ناديني باي اسم تحبينه
شوق تطالعها بنص عين/ بمشيها لك بس على الاقل قوليلي شكله يعني اوصفيه
ميار بدت تخاف من رده فعلها فالت وهي تضحك/ مدري هوكان بهذاك الوقت صغير يعني مافي شعر بوجهه بس اتوقع ان شفته الحين مارح اعرفه
شوق/ طيب كم تتوقعين يكون عمره الحين؟؟
ميار بتعجب/ انتي ليش تسالين
شوق/ لابس ابي اعرف بعدين احنا جالسين نسولف يلا جاوبي
ميار/امممممم وجلست تحسب بايدينها اتوقع26..
شوق تنهدت/ ميار اش رايك نروح بيتنا
ميار بضيق/ لاتكفين خلينا هنا
شوق/ ميار حياتي خالد قال لي نجلس شويه وبعدين نرجع عاد والله ماودي اكسر كلامه وكملت بمرح وبعدين هذي جزات زورو اللي جا وساعدك
ميار/ههههه خلاص مابكسر كلامه دقايق بس ابدل ولبس عبايتي
.................................................. ....................
الجز في الصاله جدا كان متوتر الصمت كانت لغتهم زاحد فيهم اللي كسر هالحاجز
ابو فيصل/ فيصل مو المفروض كان اليوم الخطبه
فيصل بارتباك/ المفروض يبه بس حصل عندهم ظرف
ابو فيصل بحزم/ وش الظرف هذا اللي وقف الخطبه
فيصل/ يبه اخوه زوجته ولدت والكل راح عندها عشان اهلها بعيدين عنها
فيصل/ ايه يبه كلهم راحو
سرح بافكاره على اللي صار اليوم يدعي بقلبه ان اخته ماتعلم يدري في الحريم يموتون لو مايتكلموا
.......................................
شوق/ طيب ميمو اش رايك ارويك البوم العايله
ميار تبتسم/ ليش لا
شوق نزلت واخذته من غرفه امها ومرت على غرفه خالد وطلعت صوره من الكبتوحطتها باخر الالبوم مع ان الكبت كان مقفل بس كانت تعرف وين خالد يخبي المفتاح واللي مريحها ومخليها تاخذ راحتها هو عدم وجود خالد بالبيت
طلعت عند ميار وجلست ترويها الصور صوره يعلقون عليه وصوره يضحكون عليها وصوره تعجبهم
الين وصلوا الى الصوره الي ماقبل الاخير شوق كانت مترقبه رده فعل ميار قبل ماتفتح الصفحه
ميار اول ما شافت الصور شهقت بقوه ومسكت على قلبها كانت اناملها وايدها ترجف كلنت ترتعش من الداخل
نهايه البارت.....بريق الامل....

البارت(8) اهدااااء للجميع
شوق نزلت واخذته من غرفه امها ومرت على غرفه خالد وطلعت صوره من الكبتوحطتها باخر الالبوم مع ان الكبت كان مقفل بس كانت تعرف وين خالد يخبي المفتاح واللي مريحها ومخليها تاخذ راحتها هو عدم وجود خالد بالبيت
طلعت عند ميار وجلست ترويها الصور صوره يعلقون عليه وصوره يضحكون عليها وصوره تعجبهم
الين وصلوا الى الصوره الي ماقبل الاخير شوق كانت مترقبه رده فعل ميار قبل ماتفتح الصفحه
ميار اول ما شافت الصور شهقت بقوه ومسكت على قلبها كانت اناملها وايدها ترجف كانت ترتعش من الداخل
شوق بترقب/ وش فيك وكملت.. تصدقين هذي الصوره ماكانت في الالبوم كانت في غرفه خالد كنت اشوفه يطالعها كل يوم قبل ماينام
ميار كانت في حاله صدمه ومو قادره تنطق باي كلمه اما شوق فكانت مستغله حالتها وكملت/ ميار تصدقين هذي البنت تشبهك
ميار ماتمالكت نفسها وبكت
شوق بخوف/ ميار وش فيك والله ماكنت اقصد اخليك تبكين
اما عن الصوره فكانت صورت ميار مع خالد بالمستشفى في حفله نجاح ميار خالد اللي كان مسوي لها هالحفله وبعد كذا طلب من اللممرضات يصورونها بدون ماتدري في هذاك الوقت ماكانت متغطيه بعد منه حالتها ماسمحت خوفا من تفكيرها بالانتحار
شوق تاكدت من اللي بالصوره هي ميار اما ميار فكان هذا بالنسبه لها مثل طعنه قويه لها واخيرا عرفت من هادي بس ابدا ماكان من توقعاتها ان من الممكن انه يكون خالد
خالد من بعد ماشافها وهي بالبرنده كان شاك انها من الممكن انها تكون هي مريضته بس ماكان يشوفها الا وهي تضحك وتلعب وكان يقول لنفسه ان من المستحيل ان هذي البنت اللي تضحك وتلعب تكون مريضه من قبل
.................................................. .................................................. ...
الساعه صارت 12 الظهر وهي باقي بالمستشفى بدر كان طول الوقت يقنع في محمد انه يرجع البيت بس كان مو راضي
محمد طول الليل كان معها بالمستشفى ومانام الليل
سمر المسكينه اللي كانت ولادتها بتكون طبيعيه ولكن شاء الله ان تكون قيصريه
وقعت سمر ع العمليه وطلعت ام عبدالله بالاوراق لمحمد مدت الاوراق له
محمد/ ايش هذا؟
ام عبدالله/ وقع ياولدي لازم تصلح عمليه قيصريه
محمد بخوف/ عمليه!!
ام عبدالله/ لا تخاف ان شاء الله بتقوم بالسلامه
وقع محمد ع الموافقه بدر كان طول الوقت واقف بقربه لانه جدا ماكانت حالته طبيعيه
وقفت قدام محمد امرأه في منتصف العمر ومعها شابان و3 بنات
ام فراس بخوف/ ياولدي كيف بنتي عساها بخير؟
محمد ببرود متصنع/ الحمدالله بخير ياخاله تطمني
فراس يبتسم/ ان قلت لها بس هي مو مطمنه
ام فراس/ طيب هي بأي غرفه الحين؟
محمد/ في غرفه العمليات
جواد يشهق/ في غرفه العمليات!
فراس طالع جواد بنظرات غضب
ام فراس بخوف/ ليه في غرفه العمليات؟
ام عبدالله تطبطب ع كتفها/ تطمني ياام فراس ان شاء الله انها بتقوم بالسلامه
ام فراس حابسه الدمعه/ الله يسمع منك
بدر يتنحنح/ طيب اش رايكم اوصلكم البيت انتوا ماارتحتوا مايصير كذا ياجماعه الخير
فراس يبتسم/ ليش لا بس ماظنتي ان الوالده بتمشي واذا الوالده بتجلس احنا معها
بدر يقرب من جواد اللي كان سرحان وعيونه حمراء كان وده يبكي على اخته بس خايف من فراس
سمر كانت لجواد مثل امه مو اخته الكبيره بعد غياب ليلى كان مستمتع بحياته بوجود امين بحياته
مع انه كبير وهو الحين باولى جامعه الا انه مازال متعلق بها
بدر بحنيه/ ابكي ابو الجود ابكي
جواد كان مستغرب من بدر لكن بدر كمل/ البكاء ماينقص من رجوله الرجال الرجال رجال باقواله وافعاله مهوب بحبسه لمشاعره
جواد ماصدق ع الله بكلام بدر على طول بكا وكان اقرب حضن يضمه حضن فراس اللي حضنه بكل حنيه
نوف تدق ليلى/ احم احم شوفي بدر هذا وربي يجنن
ليلى استحت/ يابنت استحي على وجهك
هند اللي ماتعدت 6 سنين تدخل بنقاشهم/ في ايش تتهامسون؟
نوف/ مالك شغل
هند بنذاله/ مالي شغل هاه لاتخليني اعلم بابا ترى سمعتكم
نوف بخوف/ لا حياتي هنوده هذا كلام بنلت مايصلح الرجال يدخلوا فيه
فراس يبتسم بخبث/ اقنعتيها ترى واقنعتيني
نوف بارتباك/ لا.....انا... يعني....اقصد..يومه من سمعك كيف سمعتنا
فراس بخوف/ قولي ماشاء الله لاتعطيني عين
هند/ سمعتها بابا صح؟؟
فراس/ عيب ياروح ابوك خلاص قفلي ع السالفه والتفت لنوف وكمل بعصبيه وانتي تادبي لا اقص لسانك مره ثانيه
.................................................. ..........................................
خلود نزلت الجول من ايدها وهي فرحانه/ سامي
سامي كان جالس على الكنبه اللي قدامها ويشتغل على الاب توب/ ياعيونه
خلود/ سمر بالمشفى باتولد
سامي طالعها وابتسم/ مبروك واخذ نفس وكمل بنت ولا ولد
خلود تضايقت/ مدري محمد ماخلاها تكشف يقول اللي يجي من الله حياه
نزلت راسها بقهر سامي حس بيها وما حاول يزيد الطين بله ويكلمها بعد قتره حس بتتابع انفاسها كانت لافه وجهها عنه
حس بقهر يوم شاف انها تبكي قام وجلس جنبها وبكل صوت رجولي وحنيه/ حياتي لا تلومي نفسك هذا مكتوب ومقدر واحنا مالنا الا الصبر وكمل بابتسامه بعدين احنا باقي صغار
خلود بحزن/ سامي انا كل يوم اموت 100 مره يوم اني اشوفك تتمنى ولد يحمل اسمك
سامي يبتسم/ يعني لازم لي ولد يحمل اسمي يكفيني رنا حاملته وكمل باستغراب وهو يتلفت الا وين رنا ماشوفها؟؟
خلود ابتسمت/ عند بنت خالتها
سامي/ عز الله رجعت الليله اكيد بتنام عندها صح؟
خلود تضحك/ ايه صح


دخلت عندها الغرفه كانت نايمه خلصت العمليه وودوها لغرفتها كانت تعبانه بالحيل هي قررت انها تنام عندها الليله بعد مااصر عليهم بدر انهم يروحون البيت هي ماوافقت كانت تبي تكون قربهاانسدحت على الكنبه بتعب رن موبايلها رنه مسج فتحت الجوال كانت من سعود
(امر على الديار ديار ليلى اقبل ذا الجدار وذا الجداري وما حب الديار شغفـ(ن) قلبي ولكن حب من سكن الديار..... انا قيس مجنونك وحشتيني يالغلا..
حطت الجوال وهي تتنهد/ عسى بوحش يفترسك قول امين
وصلها مسج ثاني منه.... اكيد صاحيه لا وتفكرين فيني اذا اتصلت بتردي؟
ارسلتله/ واثق من نفسك بشكل مو طبيعي صحيح صلحيه بس عند اختي وبخصوص الاتصال احلم بس
كان منسدح بفراشه اول ماوصله المسج ابتسم وارسل رد لها
كانت ماسكه الجوال تنتظر مسجه هي تدري ان سعود مارح يخليها تنام ومين يعرف سعود اكثر منها وصلها المسج( حرام وربي حرام يعني اختك تبي من يونسها وينسيها الامها وانتي بالك مشغول عنها تفكرين فيني فديت اللي يفكر بس
ابتمت يوم قرته كانت تدري انه بس يبي يقهرها
.................................................. ..........................
غفت في حضنها بعد ماكانت تبكي تعبت من البكا ونامت
سدحتها على السرير وطلعت من الغرفه مشغول بالها ياترى اللي سوته صح او خطا رح يريحهم او يزيد بعذابهم نزلت تحت شافت خالد منسدح على الكنبه سرحان وعيونه للسماء وحمراء ماحبت تقطع حبل افكاره باي شي دخلت المطبخ لقت اهلها يتعشون
فهد يمزح/ مابغيتي تتعشي
شوق بدون نفس/ وانتو كان عشاكم سر ليش ماقلتو لي
فهد/ افا افا وش كل ذا الزعل!!
ساره بخوف/ هاه شوق كيفها الحين
شوق تتنهد / مادري غفت وهي تبكي
يارا بعدم اهتمام/ هي وش فيها؟؟
شوق بتطنيش/ وان قدرت افهم منها شي
فهد/ وش السالفه؟
ام فهد/ والله علمي علمك انا شفت صاحبه اختك جتها اليوم كانوا يسولفوا ويضحكوا فجأه طلعت لهم فوق وشفتها بحضن اختك تبكي بحرقه
فهد بمزح/ دلع بنات
مهند وياسين نطوا عند شوق/ نبي نطلع عند خاله ميمو تسمحين؟؟
شوق بدون نفس/ ميمو نايمه.. سكتت لحظه وكملت, يومه خالد وش فيه؟؟
ام فهد بخوف/ وش فيه؟؟
شوق/ لايومه اقصد ليش مايتعشى معنا
ام فهد/ في العياده هو يابنتي
شوق/ لا انا شفته بالصاله
ام فهد تقوم/ شكله جاء ومايبي يدخل عشان وجود يارا
يارا استاذنت وطلعت فوق غرفتها
شوق وقفت امها بارتباك/ لايومه ارتاحي انا بناديه
الكل كان مستغرب من اهتمام شوق بس هي طنشتهم وطلعت تناديه كان نايم حست بقهر شديد على حالهم كل واحد فيهم ماينام يعني الا من تعب قلبه فسخت جزمته وراحت لفهد وقالت له يشيله لغرفته
فهد يضحك/ طفل هو اشيله قوميه خليه يروح غرفته
شوق/ لا تكفى فهود خليه ينام هو بالحيل تعبان اصلا انا يوم نزلت شفته تعبان تكفى لا تصحيه
فهد استغرب من خوف شوق اللي مو طبيعي من امس وبعد حال خالد من امس مو مطمنه حس ان في شي صاير بيناتهم وشي كبير بعد
فهد/ امري لله انتو دلعو وانا اللي تطيح براسي
طلع وشاله على كتفه/ اااه ياخويلد ياثقلك


بعد مرور اسبوع
اتصال وصل لميار من بدر/ الو
ميار هلا
بدر/ احنا جايين اليوم
ميار/ واخيرا طولتوا ترى
بدر/ عاد وش نسوي لامك
ميار تبتسم/ خلاص ماصار شي المهم ترجعو
انهت مكالمتها مع بدر كانت تبي تحط الجوال بس رن مرره ثانيه ابتسمت يوم شافت الاسم
ميار/ هلابك ياابو...ابو ايش؟؟
محمد يضحك/ أي اسم يطرى ببالك عشان كذا انا متصل فيك حلفت مايسميه غيرك
ميار/ لا حمودي هذا اول ولد لك سميه انت
محمد/ لاوالله مايسميه غيرك
ميار/ ماله داعي تحلف حرام عليك
محمد/ سميه وبس.. وكمل بمرح وبعدين ليش مااتصلتي فيني وباركتيلي هاه؟؟
ميار/ لاوالله ليشم اتصلت بالله شوف كم مكالمه لم يرد عليها مني
محمد يضحك/ سوري حياتي بس كنت مشغول اعذريني
ميار بحنيه / عاذرتك عاذرتك
محمد/ هاه يلا ماقلتيلي الاسم اللي اخترتيه
ميار بتردد/هــ.....ــــــاد..ي
محمد ياخذ نفس/ يالبى الاسم لي فتره ماسمعته وخصوصا منك
ميار حابسه دمعتها/ ان شاء الله يطلع يشبهه
محمد/ الله يسمع منك الله يرحمك يوبه كنت رجال ونعم رجال
ميار ماتحملت ذكراه حاولت تنهي الموضوع/ خلاص اول ماتقفل باسميك ابو هادي
محمد يضحك/ طيب بس ياويلك تنسين.... يلا فمان الله
قفلت معه الخط اول مانزلت الجوال شافت شوق تطالعها بظرات غريبه ومبتسمه
ميار بارتباك/ انتي من متى وانتي هنا؟
شوق انسدحت ع السرير/ تقدرين تقولين من اول المكالمه الاولى
ميار تبتسم/تصدقين ماحسيت فيك
شوق ببرود/ ادري وكملت وهي مبتسمه هادي على اسم مين؟
ميار بارتباك/ على ابوي نسيتي!
شوق تجلس وتضحك/ كذابه
ميار/ والله
شوق/ تبيني اصدقك بعدين ترا باقي انتظرك تقولين لي سالفه هادي
ميار بنذاله/ احلمي بس
شوق/ لا ميار اكيد مو من جدك
ميار/ الا من جدي وبعدين تبين تعرفين؟؟
شوق بحماس/ ايه
ميار/ اسـألي اخوك
شوق/ لا ميار قولي
ميار تلم اغراضها/ انا رايحه بيتي رنيم بعدها ماترد عليك
شوق/ لا مدري وش فيها حاولت اكلمها بالواتس بس بعد ماترد
ميار تاخذ نفس/ تقولين زعلا نه من شي
شوق/ وش مزعلها احنا ماسوينا لها شي
ميار/ الله اعلم
شوق/ اقول لا تغيري الموضوع مارح تطبين شبر الين تقولين لي
ميار / قوليلي كيف عرفتي عن هذي السالفه
شوق تاخذ نفس/ كان دايما يتكلم عنك
ميار بصدمه/ يتكلم عني
نهايه البارت سوري ان كان قصير بس بسبب ظروف لي ما اقدر انزل غيره بس انشاء الله البار الجاي يكون اطول ابي منكم السموحه بريق الامل

البارت(9) اهداااااء للجميع
سمر/ليش ماتردين؟؟
ليلى بعدم اهتمام/ ماحد مهم ارد عليه
سمر بتشكيك/ مين المتصل؟؟
ليلى/ وحده من صاحباتي
سمر/ تاخذ نفس/ ليش ماتردين عليه وش صاير بينكم؟
ليلى ماقدرت تخبي اكثر/ مابي ارد عليه وبس
سمر بحنيه/ انا اختك ليلى فضفضيلي ادري ان اللي صار بينكم امي واهلي مايدرون عنه
ليلى تبكي/ طردني من البيت
سمر/ بخزف/ طردك! والسبب!!
ليلى/ نفسه سبب كل زعل
سمر؟/ هو قال لك انه مايبي اولاد الحين؟؟
ليلى/ ايه بس كذاب ادري انه يموت بالاطفال
سمر/ اكيد فتحتي له سالفه الزواج صح؟؟
ليلى/ ايه صح
سمر بعصبيه/ هبلا وطزل عمرك بتظلين هبلا يابنت ماقدكم الا 3 سنوات وتبين تحملين انتي على ايش مستعجله!!
ليلى/ انا ابيه يعيش حياته انا يمكن اكون عقيم
سمر بعصبيه/ ياربي من هذي البنت فاهمه التضحيه غلط بعدين انتي كيف تحكمين على نفسك انك عقيم يابنت انتي اصلا كشفتي
ليلى/لا
سمر/ ليه كنتي بالمستشفى كان عنك فرصه
ليلى/ ماقدر... ماقدر اكسر كلامه ولو بغيابه
سمر بحنيه/ لهدرجه تحبينه
ليلى/ واكثر بعد
سمر / طيب تخلي يتزوج عليك
ليلى شهقت/ لا اعوذ بالله
سمر بعصبيه اجل ليش تفاتحينه بالموضوع
ليلى /هذا كلام مجرد كلام
دخلت عليهم نوف الغرفه بسرعه وانفاسها تتابع بسرعه اكبر
سمر وليلى بخوف/ ايش فيه؟؟
.................................................. ...............................................
دخلت الغرفه شافتهم باقي نايمين فتحت الشباك تقدمت عندهم وجلست تصحيهم/ ديمه ديمه رنا رنا يلا قوموا يلا اذن العصر يلا
ديمه بنعاس/ ماما خلينا ننام
رنا بنعاس/ ايه خاله تكفين
سحر/ لا خلاص نمتوا بما فيه الكفايه خلاص يكفي
حسام يبتسم/ يابنت قومي انتي وياها
سحر بعصبيه/ انت وش مدخلك الغرفه؟؟
حسام يبتسم/ بغيت اسالك يومه وين بدلتي
سحر/لاوالله وليش ماتنتظرني تحت
حسام/ خلاص يومه ماصار شي
سحر/ لا صار وانا بقول لابوك
حسام بخوف/ لايومه تكفين الا ابوي
سحر بحزم/ اجل يلا اعتذر
حسام/ السموحه يارنا وديمه
رنا بنذاله/ لا ما بأقبل اعتذارك وانا باقول لخالي
ديمه تبعد من فوقها البطانيه/ لا تعبي نفسك رنو انا باقول له
حسام برفعه حاجب/ لاوالله الشوهه مي بعلبك انتي وياها علي انا اللي اعتذرت
سحر كاتمه ضحكتها/ خلاص حسام اطلع برا
(حسام الحين اول اعدادي وهو اكبر من ديمه ورنا بثلاث سنوات الي هم بالصف الخامس)


شوق تاخذ نفس / كان دايما يتكلم عنك
ميار بصدمه/ يتكلم عني!!
شوق/ ايه عنك بس ماقال انك بنفس عمري قال انك اصغر مني بثلاث سنوات
ميار بهدوء/ ليه؟؟
شوق/ مدري وكملت بمرح ميمو غني لي خالد يقول صوتك حلو
ميار باحراج/ هاه صوتي
شوق تقلدها/ ايه صوتك
ميار تضحك/ لا تصدقينه
شوق/ هههههه بس قولي لي كيف عرف ان صوتك حلو؟
ميار ابتسمت وجلست معها على السرير/ بعد مانتقلت لعياده المرضى كانت بعيده شوي عن العياده الاولى بس كان المشفى كبير وحلو كان فيه حديقه ونافوره كبيبره بالوسط مادري كيف اوصفه لك من حلاه
شوق تضحك/ لاتوصفينه بس كملي
ميار تاخذ نفس/ كان هذاك اليوم بعد ماتغطيت عنه كنا دايم مع بعض نضحكونسولف بس كان اغلب وقته يستهبل علي بس ماكنت ازعل منه بالعكس كنت استانس بعد ماتغطيت منه كان يقلل الزياره علي كان هذا طلبي بسبب كلام بعض الممرضات باهتمامه الزايد لي واهماله مرضاه الثانين انا ماحبيت ان تسوء سمعته بسببي وكان هذا طلبي المهم ان هذا اليوم كان يوم الخميس وهو اوقات زيارته كانت الثلاثاء والاحد وكان اخر شي ممكن اتوقعه انه يزورني بهذاك اليوم كنت واقفه على البرنده اطالع الحديقه لابسه العبايه واللثمه عشان الزوار اللي يدخلو او الممريضين مايشوفوني كعادتي اغني وعايشه جو على الاخر بعد ماخلصت سمعت صوت تصفيق من جنبي انا يوم شفته شهقت باعلى صوتي بس اللي استغربت منه ماكان يطالعني بالعكس كان يطالع للمكان اللي انا كانت عيوني عليه
بس بصراحه ماادري كيف ماحسيت فيه يوم دخل بس هو مستحيل يدخل وما يدق الباب بس اصلا الباب كان مفتوح اكيد انا دق بس انا مانتبهت وكملت بابتسامه بس هذا كل شي..
شوق تاخذ نفس/ بعدين طالع فيك وابتسم وقال غني لي صوتك حلو
انتي انحرجتي بس حاولتي تخبين احراجك/ احلم بس وكملتي بعصبيه متصنعه بعدين ليش تتدخل بدون ماتستأذن؟؟
خالد ابتسم/ الباب كان مفتوح وانا دقيت اكثر من مره بس انتي ماسمعتي
ميار/ حتى ولو ماتدخل كذا
خالد طلع جهاز ام بي فور من كان بكيس بيده وعطاك اياه
ميار بدهشه/ ايش هذا؟؟
خالد/ ايش شايفه؟؟ هذا هديه مني لك حطيت فيه كل الاغاني اللي تحبينها
ميار بخجل/ مشكور
خالد بنذاله/ كل شي بمقابل صح هذي هديع بس لازم بعد انتي تهديني
ميار بهمس/ ايش تبغى من هديه
خالد تنهد/ امممممم صوتك غني لي..
ميار نزلت راسها باحراج وما ردت عليه
شوق تاخذ نفس/ ميار اموت واعرف بعض النصوص ليش تحذفينها
ميار بخجل/ مااشوف لها داعي وكملت بدهشه وفضول انتي وش عرفك بهذا خالد قال لك هذا بعد؟
شوق تضحك/ من جدك انتي لا خالد طبعا ماقال
ميار / اجل كيف عرفتي؟؟
شوق/ خالد كان كل يوم ياخذ دفتر ويطلع فيه الحديقه ويكتب فأنا جاني فضول اني اعرف ايش جالس هو يكتب فراقبته وشفت وين يخبي الدفتر واخذته وقريته بدون مايدري كان كله يتكلم فيها عنك من يوم لقاكم الى اخر يوم فراقكم؟؟
ميار/ يعني ماكان يتكلم عني؟
شوق تبتسم/ لا بس تعرفين صاحبتك لازم تضيف من عندها
ميار تطالعها بنص عين / ايش رايك اعلمه
شوق تضحك/ ماتقدرين يابعدهم اعرفك
.................................................. ........................................
دخلت عليهم نوف الغرفه بسرعه وانفاسها تتابع بسرعه اكبر
سمر وليلى بخوف/ ايش فيه؟؟
نوف تبتسم/ مافيه شي
ليلى بعصبيه/ طيب وليش دااخله كذا
نوف/ لالا فيه شي اليوم البيبي بيطلع
سمر بفرح/ جد واخيرا بطلعوه من الحضانه
ليلى بفرح التفت على سمر/ ايه صح وش بتسموه؟؟
سمر/ اظن رح يسميه هادي على اسم ابوه الله يرحمه
ليلى/ الله يرحمه ويطول بعمر ابوي ان شاء الله
سمر/ امين
نوف بفرح/ عاد انا حدي مستانسه هذا اول بيبي رح يدخل البيت
ليلى تضايقت من كلا مها ونزلت راسها بقهر
نوف حاولت تغير الموضوع/ ليلى ترا سعود بالمجلس
ليلى شهقت/ نعععم!!
نوف باستغراب/ سعود بالمجلس
دخل جواد الغرفه وهو مبتسم/ ليلى سعود بالمجلس يبيك
ليلى بارتباك/ وانا مابيه
جواد باستغراب/ هاه!!
ليلى/ههههههه امزح الحين جايه
ليلى طلع/ يلا لاتتأخري
نوف/ عن اذنكم برووح اتسبح
ليلى بخوف/الحين انا وش اسوي مابي اشوفه
سمر/ مدري عنك بس الاحسن انك تروحين وبعدين ترا الغلط منك مو منه
ليلى/ هالكلام ماينفع الحين انا رايحه
كانت تسحب رجولها سحب خايفه من مواجهتها له دخلت المجلس اول ماطاحت عينها بعينه شافته يطالعها وهو مبتسم سحبت نفسها وجلست على الكنبه اللي قدامه
فراس يقوم/ يلا انا طالع نخلي العرسان مع بعض
سعود يبتسم/ تتطنز علينا ايه عرسان غصب عنك
ليلى في هذي اللحضات كان ودها تبوس ايدين فراس وتقول له تكفى لا تطلع ماكانت تبي تجلس مع سعود لوحدهم
سعود اخذ نفس وقال ببرود/ فيني اعرف ليش طلعتي من البيت لا وكمان سافرتي مع اهلك
اول ماسمعته اخذ نفس ماتت من الخوف بس حاولت انها ماتبين له رفعت عيونها اللي كانت بحضنها
بقوه متصنعه/ لانك طرتني منت عارف
سعود ببرود/ وانتي تقومين وتروحين بيت اهلك
ليلى مايقتلها في سعود الا بروده بس حاولت تكون مثله/ لا اش رايك اجلس وانا تقلعت بصراحه مالي حق باي من اللي سويته
سعود/ انا كنت وقتها معصب من كلا مك وانتي تعرفيني ان عصبت
ليلى/ مو ذنبي لا تحط اللوم علي

.................................................. ...........................................
بعد مالمت اغراضها وسلمت على شوق لبست عبايتها ونزلت تحت شافتهم بالصاله مجتمعين خالد اول ماانتبه لنزولها طلع برا البيت سلمت عليهم وكانت حاضنه مهند وياسين اللي كانو يبكو عليها
ام فهد/ ياولدي يافهد قوم وصلها
ميار/ لا خاله مافي داعي البيت قريب
فهد بمزح/ يعني مااقوم
ميار/ لا مافيه داعي
طلعت من البيت وشوق كانت اول مره ماتوصلها للباب قفلت الباب ومشت استوقفها صوته الرجولي/ رايحه؟؟
ميار عرفت من يكون ولفت عليه بتردد/ ايه
خالد/ بدر جاي اليوم صح؟
ميار هزت راسها بنعم
خالد بقهر وحزن بداخله بس حاول يخفيه/ مبروك بكره خطبتك صح؟
ميار بهمس وهي منزله راسها/ الله يبارك فيك وكملت خالد الله يخليك اللي صار لا يدري عنه اي واحد من هلي...
خالد بهمس/ ليش قاعده تسوين بحالك كذا؟؟
ميار/...........
خالد/ تبغيني افركش الخطبه
ميار بصوت مخنوق/ لا خالد مافيه داعي
تركته وراها مقهور وراحت هي يكفيها اللي فيها مع انها تعرف انها لوطلبت منه يفركشها بسوي المستحيل عشانها بس خلاص هذا قدرها دخلت البيت طلعت غرفتها نزلت عبايتها ونزلت المطبخ تسوي ضيافه لاهلها خلصت وطلعت غرفته محاوله تناسي كل شي صار لها فتحت الكبت وطلعت جهاز الام بي فور وحضنته....
بس هو اللي حتى ما كان قادر يتناسى ركب سيارته ونزل المقعده على ورا كان بجد هذي المره وده يبكي يصيح يسوي اي شي مقابل انه يطلك كل اللي بصدره غمض عيونه ليسترجع ذكراه معها بصوته المخنوق/ تكفين كوني اي احد بس لا تكونين انتي الله يخليك عشاني او عشانك
صوتها..... ملامحها....وحتى ضحكتها.... كلها كانت تذكره بها كيف يقدر ينساها حاول يقنع قلبه وعقله ان مستحيل تكون هي بس قلبه ما كان ابد مقتنع
كانت تراقبه من شباك غرفتها كل واحد فيهم يكابر ميار وصارت عارفه بس خالد ما كانت قادره تواجهه فقررت انها ترسل له رساله هي مستحيل تخلي هذا الزواج يتم ان هم مامنعوه هي بتحاول تمنعه
رنه مسج تقطع عليه ذكراها فتح عيونه خذ الجوال وفتح المسج شهق باعلى صوته وعدل جلسته/ ليه هي ليش كذابه ياشوق.......
مع انه كان يدري انها هي بس هذا اللي قطع عليه كل اكاذيبه على نفسه.......
نهااااااية البـــــــــارت توقعاتكم للبارت الجاي... بريق الامل..

لبـــــــــــــــــــارت(10).....
رنه مسج تقطع عليه ذكراها فتح عيونه خذ الجوال وفتح المسج شهق باعلى صوته وعدل جلسته/ ليه هي ليش كذابه ياشوق.......
مع انه كان يدري انها هي بس هذا اللي قطع عليه كل اكاذيبه على نفسه.......
محتوى المسج كان..هي من حن قلبك لها اول ماشفتها هي من مت ميه مره على فراقها بتضيع من ايدك ياخالد هذي مريضتك ميار مريضتك ميار ياخالد
رجع راسه بقوه على المقعده/اااااااااه اااااااااه ليش كذا بالله هذا مو ظلم وربي حرام اللي يصير كانت باشبه طعنه قويه بوسط قلبه محتار متشتت وش ممكن يسوي
اخذ جواله وكتب لشوق وارسلها
فتحت الرساله((وهي تدري))
ارسلت ((ايه من اول يوم نامته عندنا))
بعد ثواني وصله مسج ثاني من شوق(( ماتدري كيف حزنت يوم درت))
كان عقله وقلبه مو قادر يتحمل اكثر مع ان الادله اللي تفيد ان هذي ميار كلها كانت موجوده واقرب شي لها كان اسم ابوها هـــــــــــــــــــادي كان يبغى يشوف ملفها من اول ماشافها على البرنده بس كان يكذب نفسه ويقول مستحيل تكون هي مستحيل
.................................................. ..................................

خلود حابسه دمعتها/ يعني مافي امل بتسافر خلاص
سامي يبتسم/ والله شغل حياتي ولا كان مابسافر
رنا بمرح/ خلاص بابا فمان الله بس لا تنسى هديتي
خلود/ انتي اللحين مو هامك الا هديتك المفروض تقولين له تروح وترجع بالسلامه
سامي بحنيه/ لاتقسين عليها خلود رنو بتجيك الهديه لاتشيلين هم
رنا ارتمات بحضنه/ تروح وترجع بالسلامه بابا
سامي ضمها اكثر لصدره/ بتوحشيني ياغلاهم
بعدها بحنيه عن صدره وتوجه لخلود وودعها بعدها طلع سامي وتوجه مع خليل للسياره
((خليل وسامي اصحاب من زمان درسوا مع بعض وتخصصوا بنفس التخصص وكانت سفرتهم مع بعض))
خليل يبتسم/ ودعت الاهل؟؟
سامي يتنهد/ ودعتهم بس مادري وش فيها ام رنا تبكي من اول ماكلمتهاعن هذي السفره تقول قلبها مو مطمن...
خليل اخذ نفس/اي والله بعد ام حسام ماادري هي بعد الثانيه وش فيها مع ان هذي مو اول سفره لنا
سامي بخوف/ الله يستر لان انا بعد مو مطمن
خليل/ خلاص ياشيخ بتقوم لي بعد انت الثاني يكفيني اللي صار بالبيت

رنا بعد ماطلع ابوها التفت لامها بمرح/ وناااسه بنروح لبيت جدو
خلود تتنهد/ الحين انتي هذا اللي هامك ومفرحك
رنا/ياماما وحشتني خاله ميار وبعد انا وديمه بنجلس مع بعض ونام مع بعض ونروح المدرسه ويا بعض
ياي وناسه
خلود ابتسمت/ طيب لميتي اغراضك ترا بعد المغرب بنمشي
رنا/ اكيد ومن امس بعد
خلود اخذت نفس وفي نفسها/ اااااه الله يحفظكم من كل شر ويخليكم لنا


اخذت الجهاز وحطت السماعات اول اغنيه اشتغلت كانت اللي غنتها ابتسمت بس بعد ابتسامتها المنكسره كان فيه بكاء كثير طلعت دفترها من تحت مخدتها كان الدفتر بعد هديه منه مع الجهاز وكان بنفس لونه كانت اول صفحه مكتوبه فيه منه
..((وان قست بك الدنيا فهنك رب بجانبك))......
ميار اتمنى ان تكون هذي الهديه البسيطه اعجبتك
ميار بيجي يوم من الايام ونفترق يمكن يكون هالشي بالنسبه لك شي عادي رحله علاج وانتهت بس تاكدي انك مثلتي بداخلي شطر عظيم....
ميار لولا الله ثم انتي ماكان انا في هذا المركز...انتي شجعتيني ووقفتي معي...
ابغى اعترفلك بشي تسمحين لي....
مشاعري تجاهك السطور ماتقدر توفيها ابي اقولك انا ماعالجتك انتي اللي عالجتيني...
ان شاء الله نتقابل مره ثانيه ولانفترق....
طبيبك/ هادي.....
ميار تنهدت بصوت مخنوق وفتحت الصفحه اللي بعدها كانت فاضيه ماتدري ليش بس كانت كل ماتبي تكتب فيها ماتقدر اخذت القلم وكتبت
آن لي ان اكتب زسأكتب عنك كما افعل دائما..تلاقبنا مره اخرى وها نحن سنفترق ولكن هذا الفراق لن يعود بعد لقاء اخر فهذا اخر لقاء واخر فراق.....
يامن تدعي انك عالجتني وعالجتك ادعوك لتشييع جنازتي غدا فانا بت جسدا بلا روح.....
قلبت الصفحه اللي بعدها كانت هي الكاتبه كان مكتوب
في اول ورقه اكتبها اوعدك فيها ياد.هادي اني بس اخلص هذا الدفتر وتلاقينا اهديك اياه
ميار تبتسم/ وانا عند وعدي ياخالد
محتاره كيف توصل الدفتر لخالد هي مستحيل تعطيه شوق اواصلا تخلي شوق تدرى عنه
تعبت من التفكير وضمت نفسها شغلت رقيه شرعيه ونامت
.................................................. ......................................
كالعاده نازل من غرفته متكشخ بخطواطته السريعه ع الدرج وهو يغني ولابتسامه شاقه وجهه كان عطشان يبغى يشرب قبل مايروح جاء يدخل المطبخ شاف امه وابوه في المطبخ ابوه كان يرفع صوته على امه رجع على الجدار بسرعه يبغى يفهم السالفه قبل مايلمحوه
ابو فيصل بعصبيه/ ابنك داشر صايع يعني احمدي ربي ان البنت وافقت عليه
ام فيصل بحزن/ دام ولدي كذا انا مابي اظلم البنت لاتحسبني غافله عن سببك في انك تلح عليه يتزوجها
ابو فيصل/ لا صدق ذكيه دامك كذا ابد مانتي غافله ايه بقولك ليش ابيها لولدك ولا اشوف انه ماله داعي لنك عارفه واذا نسيتي اذكرك
ام فيصل/ لامنسيت بس بنتنا كان هذا قدرها ماتت لان ربي كان مقدره لها وكملت بحزم ابو فيصل لاتظلم البنت مع واحد حتى مايصلي انا وانا امه ماشوفه الا يوم بالاسبوع عاد هي المسكينه يمكن ماتشوفه
ابو فيصل عصب وطلع من المطبخ /انتي الكلام معك مضيعه
فيصل انتبه لخروج ابوه ودخل بسرعه للغرفه اللي جنب المطبخ
ابوه طلع وقفل باب البيت وراه بقوه تارك ام فيصل تبكي بالمطبخ
جلس ع الكنبه مقهور.......
فيصل بقهر/هذي نظرتكم لي داشر صايع وكمل وهو يتنهد ايه صحيح من قال ان الحقيقه صعبه ايه انا داشر وصايع انا حتى ربي مااعرفه الصلاه ولا يوم صليت انا وين بالضبط وبلحظه رجعت افكاره على كلام امه وابوه
ياترا من كانوا يقصدوا اكيد ميار مافي غيرها وبعدين وش سالفه اختي اللي ماتت وش السالفه؟؟؟
اخذ جواله يبي يجري اتصاله كان خايف احد يسمعه عشان كذا طلع من البيت ركب سيارته لموقف بقرب حديقه واخذ جواله ع الرقم المسجل واتصل.....
.................../الو
فيصل/ هلا اسف على الاتصال بس فيني اسألك سؤال
........../ بخصوص ايش؟؟
فيصل/ بخصوص ميار
.........../ايش فيها؟؟
فيصل/انتي كيف عرفتيها؟
......./ مصادري الخاصه
فيصل بعصبيه/ سهى انا لمن اتكلم ردي علي
سهى/ وانا رديت وقلت مصادري الخاصه
فيصل/ لاتحسبين اني مااعرف مين انتي
سهى بخوف/ انا سهى
فيصل بسخريه/ لاوالله سهى ع بالي وحده ثانيه
سهى/ فيصل وش تبغى؟
فيصل/ ميار ابيك تكلميني عنها
سهى/: اتكلملك عنها بصفتي ايش؟
فيصل/امممممممم بصفتك اقرب صاحباتها
سهىبخوف/ اتكلملك عنها بايش بالضبط
فيصل/ ليش ابوي يبي يزوجني ياها
سهى/ مادري
فيصل بعصبيه/ سهى تكلمي
سهى/ وانا ايش عرفني وربي مادري
فيصل / يعني ماتدري؟
سهى/ لاوالله
قفل الجوال بوجهها وجلس بالياره قفل جواله مايبي يكلم احد يدري ان اصحابه بيتصلون فيه يسألونه ليش ما جاء للاستراحه بس ماكان له نفس يروح
.................................................. ............................
سعود/ انا كنت وقتها معصب من كلامك وانتي تعرفيني ان عصبت
ليلى/ مو ذنبي لاتحط اللوم علي
طال الصمت بينهم سعود كان يطالعها مبتسم وهي عيونه بحضنها وايدينها ترجف
سعود/ بردانه اقفل المكيف
ليلى باحراج فهمت قصده/لا مو بردانه
هو يدري ان ليلى ان خافت او توترت ترجف ايدينها من البرد
سعود يركز في ايدينها/ طيب ليش ترجفين من الحر
ليلى/..........
سعود يبتسم بخبث ويمسك الرموت ويرفع درجه بروده المكيف/ خلاص مابتحسين بالحر
رفعه لاخرشي كانت بتموت من البرد بس لو مدري وش يصير ماتقوله اما هو فكان يدر انها ماحتتكلم اخذ الريموت وقفل المكيف وقام وجلس قربها
اول ماشافته متوجه لها كانت بتموت خوف
سعود بحزم/ انا قلت لك مابي عيال الحين ليش تعيدين وتزيدين بهالموضوع
ليلى/.....................
سعود اخذ نفس/ ليلى انا لو ابي عيال كان تزوجت من زمان بس انا مابي الامنك ولو ابي كان تزوجت
شاف ان سكوتها طال فحب يمزح معها/ خلاص انا بتزوج ان كان هذا يرضيك
ليلى طالعت فبه بعصبيه/ نعععممم!!
سعود فطس ضحك على حركتها العفويه/ اجل ليش تقولين لي تزوج
ليلى بخجل/ هذا قبل بس بعد مقدمه هالكلام لا
سعود/ ولي عنده هالقمر بيطالع لغيره
.................................................. .......................................
فتحت لهم الباب
بدر يبتسم/ سلاااااام
خلود/ وعليكم السلام سلمت على راس امها وايدينها ودخلتهم الصاله
بدر/ والله نور بيتنا بك
سحر/ وانا مانور بي
بدر قام وسلم عليها/ هلا هلا الامنور
سلمت عليه وعلى امها وجلست/ بنور اهله
ام عبدالله/ كيفكم ان شاء الله بخير
صمود وسحر/ الحمدلله يومه
ام عبدالله/ الاوين عيالكم ماشوفهم
سحر/ خليناهم ينامون تعرفين بكره وراهم دراسه
بدر باستغراب/ وميار طيب وينها؟؟
خلود/ مادرت عنك نايمه
بدر/نايمه!! بس انا متصل فيها وقايل لها اني جاي
خلود/ والله مادري انا جيت بعد المغرب طلعت غرفتها لقيتها نايمه
سحر/ شكلها تعبانه
ام عبدالله بخوف/ سلامه بنتي وش فيها انا بطلع اشوفها
سحر تجلس امها/ لايومه مافيها الا العافيه بس انا اقصد انها تعبت من الشغل فديت قلبها سوت لنا ضيافه
ام عبدالله/ يعني مافيها شي؟؟
خلود/ ايه تطمني مافيها الا العافيه
حسام نزل من الدرج/ حيا الله الخال
بدر قام وسلم عليه/ هلابك وضربه ع كتفه بمزح وكمل والله وكبرت
حسام/ ايش تحسب وبتزوج قبلك بعد
بدر يضحك/ اجل بزوجك بنتي اصبر شوي
سلم ع جدته وجلس قرب بدر
سحر بحزم/ حسام انا مو قايله لك نام
حسام/ يومه حرام عليك تو الليل
سحر/ حسام روح نام بكره وراك مدرسه
بدر بسخريه/ هذا اللي يقول بيتزوج قبلي باقي امه تنتبه له
حسام/ والله اش نسوي لاختك صايره ابوي
سحر من قال ابوي تنهدت داخلها بالم/ الله يحفظك من كل شر ياخليل
خلود مسكت ايدها وحركتها وهمست/ ان شاء الله بكونون بخير
سحر/ الله يسمع منك
بدر/ اخبار ازواجكم ان شاء الله وصلوا
خلود/ والله مادري لحد الان ماتصلوا
ام عبدالله/ لاتطمنو ان شاء الله بيوصلوا بالسلامه
بدر بتعب/ طيب استأذنكم انا بروح انام عندي دوام بكره
خلود/ بدري خليك شوي
بدر/ لاوربي تعبان
ام عبدالله تقوم/ يل اوانا بعد
حسام / يعني مابقى غيري انا وامي وخاله
سحر/ لابقيت انا وخلود روح انت نام
حسام ابتسم وقام اخذ ايد جدته ووصلها لغرفتها وراح لغرفته
سحر تنهدت بصوت مخنوق خلود حطت راسها على فخذ سحر/ ان شاء الله بيكونون بخير
سحر كاتمه بكاها/ قلبي قابضني من هالسفره
خلود تتنهد/ وانا مثلك بعدت راسها بهدوء وكملت يلا ياقلبي مافي غيرنا خلينا نروح غرفنا
قاموا وكل وحده فيهم راحت غرفتها متضايقه
.................................................. ...............................
طلعت من الحمام بعد مااستحمت لافه الروب عليها شافت نو جوالها وسط ظلام الغرفه راحت جلست على السرير طالعت الرقم شافته غريب ماردت من بيكون؟؟؟
بدلت ملابسها وجففت شعرها وانسدحت على الفراش بتنام رن موبايلها مره ثانيه بنف الرقم
ساره بتذمر/ ياربي من ذا الازعاج ماني راده
بعد ثواني وصلها مسج من نفس الرقم((ردي ابي اكلمك))
ساره بسخريه/ لاوالله صدق انك فاضي ماني راده
اتصل فيها مره ثانيه وثالثه وعاشره فقررت انها ترد وتوقفه عند حده
ساره بعصبيه/ خييير وش تبي ؟؟
........../ الله وحشني هالصوت من زمان ماسمعته.....
نهـــــــــــــــــــــــايه البـــــــــــــــــارت........ توقعاتكم للبارت الجاي بريقـــ...الاملـــ