البـــــــــــــــ السادس والعشرون ــــــــــارت


ٍٍٍٍٍٍ


تعلمت ازيف ظحكتي والقلوب اسرار ...
على اني بخير والناس تجهل احزاني ...
قلبي خليط الحب والود واللين ...
لكن ..
دنياي حزينه قلب قاسي..!

ٍٍٍٍٍٍٍٍٍٍٍ

..ـ.
لحظة ذهووول غشت ابو رواف وهو يشوف هادي وسانده رواد يدخلون
من شدت
الصدمه يحس انه مايقدر يتنفس حس الدنيا تدوور فيه
وعينه عليهم يدخلون ويجلسون قدامه
ورواد يرمي عليه نظرات تحدي
انتبه لولده رائد يتكلم

رائد يناظر لاابوه:اعرفكم على هادي وعلي الجاد

ابو عبدالله بعدم استعاب:شلوون

رائد بقووه:الي سمعت هاذا ..ويشر لهادي،..هادي خلف الجااد

حلت الصدمه على الجميييع لحظة صمت

ردد ابو عبد العزيزبصدمه:وش قاعد تقول يارائد شلون يعني اخوك

رائد بسخرياء:تخييل ياعمي انه اخوي ..ضحك بقهر..اخوي وتوي اعرف
ان عندي اخو
بعد30سنه

ابو مشهور بصمت يناظر له تذكر الموقف الي مر فيه
يوم يصدمه حس فيه شي
بس هو انكر وهرب
لف نظره لعلي:وهاذا منهو
..
هنا ضحك عبدالله بسخرياء مماثله لسخرياء رائد:
هههه تصدق انه يطلع عمنا علي جادالجاد شفت كيف

شهق ابو مشهور بصدمه وفز واقف على حيله وهو يصرخ
:اخوووووي انت اخوي

علي وقف مصدوم كان مستعد لردت فعلهم بس
ماتوقع انه يكون كذا كان
اخذ بباله الرفض
ولاغيره همس بتوتر :ايه انا ولد جاد

صرخ ابو رواف بعتراض:كذااااب مانت
اخونا لتتبلا علينا مالنا اخوان غير رائد وعبد الله

رواد وقف وبصوت قوي:الا اخوك لاتعترض
على الفاضي لن فيه الي يثبت

هادي تنفس بقوه كان نفسه ياقف بس مايقدر
من سبب الحادث ورجله المكسوره اتكى على العكاز

وهو يناظر له بصمت..
ابو مشهور طنش ابو رواف
وهو يتقدم لعلي وبعبره
:انا ماني
مصدق عيوني انت اخوي واقف قدامي

علي تذكر كلام امه وان له اخو اسمه
عبد الله:انت عبد الله

ابو مشهور هز راسه وهو يقرب له ويمد يدينه بدمووع :ايه
انا عبد الله انا
اخوك..حضنه بقوه وهو يهذي:وينك ياعلي
تعبت تعبت وانا ادورك الحمد الله الحمد الله اني شفتك

علي رفع يديه ببطئ ولفهن من وراه وهو بحالة ذهول
من ردت فعله وهو ساكت خايف خايف

انه بحلم همس بعبره:عبدالله حقيقه الي يصير مو
حلم صح انا ماحلم زي كل يوم انا اخيرا لقيتك

عبدالله حضنه بقووه وهو يصيح بنهيار:لالا حقيقه
ياخوي حقيقه
الحمد الله ..وبشهيق ..الحمد الله
ارتاح يايبه لقيت اخوي

ابو عبد العزيز تأثر من الموقف بس لزال مصدوم كيف
يطلع له اخو بعد هالعمر

ابو رواف خلاص شوي ويفقد اعصابه
كل هالمده يخفيه وبالحظه ينفضح كل شي

همه هادي اكثر من علي
بس هادي مايقدر يسوي له شي رواد


ناظر بحقد وكره له رواد واقف بوجهه هاذا ماحد عرفه كثره




....ـ
صرخ بقهر:بــــس وقف هالمهزله انت منو وجاي تتبلا علينا رح دور اهلك حنا مانعرفك
تصلب جسم علي الي حاضن ابو مشهور وجمد
متعب ماقدر يتحمل وهو يشوفه يهين علي رد عليه بصراخ:انت الي بــــس ولا كلمه غصبن عليك
ولد الجاد ..وبصراخ.. قلي تقدر تنكر هااااادي
تقدر ولا لا
رواف اخيرا صحى من الصدمه وفز واقف من هجوم متعب على ابو رد عليه بصراخ:احترم نفسك
ولا ترفع صوتك على ابوي ايه ينكر وش الدليل الي يخليه يثبت انه ولده
شخر متعب بسخرياء:هئئ ياحليلك بس تبي دليل ..لف على هادي..هات البطاقه
هادي بجمود سحب البطاقه ومدها له..
رواد سحبها قبله ورماها عليه:خذ تاكد من سوات ابوك
شف جريمته بحق روح عراها ورماه باليتم وهو حي
خلاه يعيش اليتم بأبو عايش ولاسئل فيه
رواف بيدين ترجف حاول يلتقطها طاحت عند رجلينه نزل عليها واخذا
وعيونه تجي على الاسم بالكامل همس بصصدمه:مستحيل
مستحيل اكيد تزوير
ناظر لاابوه بحيره مستحيل يصدق:يبه صدق الي يقوله
ابو رواف بذل هز راسهه:ايه صدق
رواف رمى البطاقه واسرع طالع من البيت مستحيل يجلس دقيقه راح
يرتكب جريمه هو ماطلع من صدمت ملكت وجد الي بالحظه طارت من يدينه تجي مصبه اكبر
جاد و مشهور اخرستهم الصدمه ماقدرو يتكلمون
تركي مصدوم بعيال عمه كل هاذا يطلع منهم ولا يدري احد
ابو تركي يناظر لهم بعدم استيعاب :الحين الي قاعد يصير صدق ولا واحد مسوي يمزح
رائد بسخرياء ضحك:اييه ههههههههه الستغفر الله عمي والله شري البليه مايضحك
بس جد مصدووووووم
ابو مشهور اكثر واحد فرحان ولا همه تعليقات اخوه وتشكيكه فيه لن قلبه يقول انه هو
يشبه بدر وهاذا اكبر دليل
ابو رواف مازال يشكك فيه:انا جد اتكلم انت من وين طالع لنا تتبلى عليـ..
وقف هادي بهتزاز وهو يتكي على العكاز والغضب الي اجتاحه خلاه مايحفض توازنه
وتكلم بقوووه:انت تعترف انك ابوووي وهاذا ولد جدي امي قالت لي كل شي
كل شي
وماتقدر تنكر ..وبدى صوته يهتز مايعرف قهر
ولا تعب او دموووع...هذا عمي وابوي واهلي مااااسمح لك تجرحه
خلااااااص كفاايه ...وبجسم صار ينتفض من شدت التعب لنه من المستشفى لعندهم
من عرف بابو تركي جايهم همس بضعف قبل يصقط مغشي عليه:ماسمح لك ماسمح لك تجرحه
مسـ...
رواد صرخ باسمه وهو يسنده قبل ياصل للارض لنه كان قريب منه وشافه
وهو يدوخ
علي ابعد من عند ابو مشهور من سمع الصرخه شاف هادي يطيح
صرخ وركض له شالوه وعلى طول ودو للمستشفى
..ابو مشهور لف لعياله سلطان وبدر جلاد واقف معهم وجلال من شكلهم كانهم يعرفو بالموضوع:انتم تعرفون
فيهم
جلاد هز راسه:ايه عرفنا امس الصبح
ابو مشهور بخوف عليهم:الله يستر .انا ابورح اتطمن عليه
سلطان بسرعه:يبه انا اوصلك مايجي تسووق وانت كذا



ٍٍٍٍٍٍٍٍٍٍٍٍٍٍٍٍٍٍٍٍٍٍٍ
بعد مرور 9شهور تغيرت فيها اشياء كثيـــــره
حيات وجـــــد..هـــادي...علـــي
متعـــب...

ًًٍَُِ




...فتحت الباب بمفتاحها ودخلت بهدوو الشقه هاديه
نزلة اغراضها
على الطواله وعيونها تلف بالمكان ماشافته

مشت بخطوات ثابته لغرفة النوم فتحت الباب
بشويش
طلت مع الباب وهي تهمس باسمه
:سلطان
..الغرفه هاديه ومرتبه على ماتركتها .دخلت و نزلة
عبايتها وراحت تبدل ملابسها
لبست قميص بيت انيق قصير وعاري مريح

رشت من عطرها المفضل بلاك...

طلعت وراحت للمطبخ صلحت لها كوب شاهي
على السريع
وخذت كوبها وراحت تجلس بالصاله

فتحت التلفزيون حطت قناة بداية
اشتغلت على اعلان زد رصيدك4 تنهدت بطفش
متى يبدى البرنامج
بدوونه ملل ااف خلص الأعلان
وطلع كليب
عيون الشوق عبدالله الخشرمي
...
سندت راسها على الكنبه وغمضت عيونها
وسرح بالها
مع الكلمات ومع الجو الحزين الي فرضته النشوده

..حياتها تغيرت من اليوم الي دخلت فيه على ابوها
بالمستشفى
خنقتها العبره وهي تذكر الموقف وكانه اليوم

((دخلت بخوف تركض

اوقفت وهي تشوف سلطان جالس عنده

قربت منه بخوف تسئله عن حاله بس صدمها بكلامه
ابو مشهور:انا بخير تطمني مافيني شي ..بس طلبتك ابقولك شي

وجد بتوتر :الحمد الله انك بخير وكل شي تبيه ابشر بس ارتاح

ابو مشهور بحزم قال:انتي تعرفين انتي وفارس ماتوافقتو
هزت راسه بتوتر اكثر..
كمل
:توافقين على رواف

شهقت بقوه وخوووف وهزت راسها برفض :لالالالامستحيل

ناظر لها حس من ردت فعلها بتلين للي يبي

كمل بقسوه شوي:و? سعود ولد عمك نايف

هنا وجد حس الدنياء تدور فيها وصارت تهز راسها برفض ورعب اجتاحها رفضت متعب
كيف بتفكر بسعود هم بالنهايه اخوان

فهد رعبها بالحياه
همست برعب مميت:يبه وش تقول انت
الخيار الثاني قاتل
اكثر من الاول
لا يبه لاتذبحني

ابو مشهور بقوه:فيه خيار واحد ينقذك من ولد نااايف
ولا انا ابيه بس عمي بكرا جاي معه ومستحيل ارده

لو يبي روحي عمي يابنتي ماقدر

شهقت بخووف وهي تنزل عند رجليه وهو جالس على السرير
متناسيه
وجود سلطان:لا يبه لا دخيلك
لترميني هالرميه لـ...

قاطعهاوهو يشوف انهيارها
:خلاص ترضين باسلطان زوج لك

وجد وكانه نزل من السماء ردد بدون
شعور:مواافقه مواافقه ..استوعبت
كلامها بس خلاص
بعد مطاح الفاس بالراس ..



شهقت
بقووه وهي تفز وتلف على جنب

همس بهدوو ويده مازالت على خدها :باسم الله عليك
خوفتك
وجد ناظرت له وجهه قريب منها جت عيونها بعيونه عيونه فيها حنان يكفي قبيله
زادت دموعها على خدها
سلطان استغرب منها مسح دموعها:وجد حبيبتي ليش تبكين من مضايقك
وجد ماعرفت وش ترد وبكت زياده
سلطان بصدمه من بكاها ضمها وهو يربت على كتفها بصمت
سكت خلاها تبكي لين هدت
بعد فترت صمت انسحبت وجد من حضنه بهدوو وهي تتكلم:اسفه
ازعجتك
سلطان اطال انظر فيها بصمت
وجد ماسمعت رد رفعت نظرها له شافت نظراته
تراجعت شوي محتاره ماقدرت تفسر نظرته
همست:سلطان
سلطان بسؤال مفاجئ:ليش كنتي تبكين
وجد تفاجئة وبتوتر وربكه نطقت بالي جى على بالها:اشتقت لااهلي
سلطان صد عنها وبضق:مو كثري ياوجد بس مابيدي حيله
وجد وبقلبها سؤال ليش هرب من القصيم كلها سئلته كم مره وتهرب
وبالخير سكتت صح ارتاحت انهم ابعدو عن القصيم وحائل رغم شوقها لديارها بس
هي مرتاحه كذا
قطع تفكيرها صوتها
:وش رايك نروح لهم باخر الاسبوع
وجد بفرحه:والله
سلطان ابتسم على فرحتها:والله هههه هاذا ان كان ودك بنروح
وجد بفرحه :طبعــــــا تسلــــــم ياقلبي ..قربت له وقبلته على خده..
سلطان وقف بتوتر :هههه ماسويت شي يالله عاد استعدي من الحين
..تحرك خطوتين..انا طالع تامرين على شي قبل اطلع
وجد ابتسمت:سلامتك بس انتبه لنفسك
سلطان رد لها البتسامه:الله يسلمك من عيوني يالله مع السلامه
وجد بهمس وهي تتبع خطواته:مع السلامه
عم الهدووو بالمكان لفت تناظر لاتلفزيون
تو تنتبه ان الصوت مسكر شالت الريموت من على
الطاوله قدامها وفتحت على الصوت
اندمجت مع البرنامج ((مراحو))
تموت بشي اسمه جلسات الشيبان
تذكرها بجدها وعمها
قطع اندماجها صوت جوالها لفت تدوره
وقفت ومشت تاخذه من فوق طاولة التلفزيون
رجعت لمكانها وهي تفتح الخط كانت تعرف هوية
المتصل من النغمه :هلا والله
بهالصوت
:هلا فيك يالقاطعه خلاص صرتي من اهل الشرقيه ونسيتينا
ضحكت :ههههههههههه لا وش دعوا بس مثل ماتعرفين
سلطان ملتزم بالشغل وماعنده اجازه بس ان شاء الله اخر الاسبوع هاذا عندكم
صرخت بفرحه:والله ياسلاااااااااام
وجد بحب:لاما والله وحشتييييييني
لاما بشووق:والله انا اكثر ياربي ماقدر اتحمل اخر الاسبوع
وجد بمزحه: خلاص هونت ماني جايه
صرخت :وشووووووو
:هههههه ااامزح ههه ابي اذني يامجنونه
سمعت صراخ البنات :وجــــــــد
وجد بشوق:مجتمعين ياالشريرات
جنى بصراخ عشان الصوت ياصل:وجـــــد الحقي على اخر الجمعه قبل نتفرق والله مشتااقين لك
وجد بستغراب:كم يوم جمعتكم
جنى بقهر:من زمان كنا نجتمع كل سبوع بمخيم بس اني وينك نسيتينا من رحتي مع سلطانوه
سرقك منا
ابتسمت وجد بحزن مو هو انا الي حرمته من كل شي انا رميت عمري عليه
لو سويت له كل شي ماقدرت اعوضه او ارد له جميله
:وجــــــــــــد
فزت على صرختها:باسم الله وش فيك
جنى بستغراب:وين اختفيتي
وجد بضيق:سلطان جا يالله مع السلامه اكلمكم بعدين
سكرت منها ورمت الجوال وهي تحط يديها على وجهها
وتجهش بالبكاء :متى ارتاح من الهم الي فيني
دق جوالها مره ثانيه رفعته ناظرت له من بين دموعها وشافت رقم ام سلطان
صرخت بقهر:انا ناااقصه ..وشاتته بقوه بعيد عنها..


.
التفتت لتلفزيون الي صوته عالي اخذت الريموت وطفت ورجعت على
وضعها تبكي ..
تعدلت ومسحت دموعها وهي تهمس لنفسها :بس وجد بس من متى وانتي ضعيفه
قامت وجلست عند التلفون رفعت السماعه وضغطت على ارقام حافظتها
دقايق وجاها صووته :الووو
وجد حاولت تعدل صوتها بس ماقدرت من اثر البكاء والشهيق قالت بصوت مهزوز:
الو السلام عليكم
بهدو وهو مستغرب:عليكم اسلام
وجد بعدت السماعه وهوي تنحنحت بقوه رجعت له:وش اخبارك ياهادي
هادي عرفها:هلا هلا وجــد ماعرفتك الحمد الله وش اخبارك انتي
وجد بهدوو :الحمد الله بخير وين كاترينا
هادي بتنهيده:ااه كاتي
وجد بخوف :وش فيها
هادي بضيق:ماعرف من رجعت اليوم من الجمعه وهي حابسه نفسها بالغرف ومو راضيه تفتح لي
او تكلمني
وجد بخوف:ممكن توديها التلفون ابكلمها
هادي وقف :طيب انتظر دقايق
مشى للغرفه وقف عند الباب وهو يناديها وصوته ياصل لوجد
الي تنتظر:كاتي حبيبي افتحي الباب
:لارد
هادي برجاء:كاتي حرام عليك والله خوفتيني عليك ليش ماتردين
:لارد
:طيب ياكاني صديقتك على الخط ارفعي السماعه عندك
رجع و ينزل التلفون ونزل السماعه قريب منه
ومشى طالع
....ـ
:الووو
وجد بخووف:كااتي وش فيك
كاتي بشهيق من اثر البكاء:وجد ارجعي تعبت والله تعبت ماقدر لوحدي عليهم خلاص ماتحمل
انا بديت افكر اهرب وارجع للهند
شقهت وجد بصدمه:ايـــــش تهربين وش تحسين فيه انتي وش السبب قولي
كاتي ببكاء:اليوم رحنا لجمعت اهلك ابوك اصر على هادي يحضر
وحضرنا ..شهقت ببكاء..تخيلي هانوني اهاانه غاب صوتها بصياح
وجد تاثرت بصياحها جت بتشكي لها صدق مصيبتك تهون عند مصيبت غيرك
هي اشووا منها اقل شي:كاتي بس اهدي معليك منهم اني همك هادي وبس
فكري زين هادي هو المهم حطي ببالك ليش يكرهونك من كره هـــــادي عرفتي ليش
تحطين حرتك فيه ليش وش ذنبه ذنبه انه يحبك
ويخاف عليك
كاتي بعد مافضفضة لها هدت شوي وبهمس:ماقدرت اطلع له خفت اجرحه
وجد انا احبه لدرجت اني ماتخيل حياتي من دونه عشان كذا خفت
وجد بنصيحه:كاتي لاتجرحينه انتي بحركتك الي اليوم جرحتيه
بخوفه عليك وانتي ماعبرتيه
وبعدين لتقولين كل العايله ضدك يكفون اهلي معك وش عليك من الباقي
كاتي ضحكت من بين دموعها: ههههه يامغروره بس صادقه خواتك معي وهم يكفووني
..كملن سووووالف

ٍٍٍٍٍٍٍٍٍٍٍٍٍٍٍ

ٍٍٍٍٍٍٍٍٍٍٍٍٍٍٍٍٍ
هــــــادي

طلع من البيت
ركب سيارته وتحرك لملجااه الوحيد

..وقف سيارته بمكانها المخصص ونزل
مشى بخطوات بطيئه
دخل مع الباب الزجاجي العملاق مشى للصنصير صعد
لدور الرابع
لمكتبه دخل وهو يسلم على السكرتير:السلام عليكم
وقف السكرتير نواف:وعليكم السلام استاذ هادي
..هادي يناظر فيه
وبدون نفس وضيق:نواف الغي المواعد ولتدخل علي احد اي ان كان فاهم اي ان كان
نواف بستغراب منه:بس استاذ فيه مدير شركة الـ.. لك موعد معه اليوم
هادي بضييق:نوواف مابي اشوف احد حوله لرائد اطرده سو اي زززفت مابي اشوف احد..مشى بعصبيه
..دخل المكتب وسكر الباب
سحب كم ملف ونزلهم على الطاوله الي قدام مكتبه وجلس على الكنب وهو ينثرهن قدامه ويفتح الابتوب
ينغمــــس بالشغل يحاول ينسى
بعد ساعه دخل عليه رائد وهو معصب:هــــــــــادي

رفع راسه من الملف الي يقرا فيه وشاف رائد واقف ووراه نواف
طنشه ووجه كلامه لنواف:نوااااف انا وش قلت ماقلت مابي اشوف احد
رائد عصب وبصراخ:وانا اي احد هااادي وش صاير لعقلك انت فيك شي
هادي وقف معصب:ومنــــــــــو انت اصلا
رايد لف لنواف : نواف يالله على مكتبك
تراجع نواف بتوتر وهو يطلع
رائد لف عليه:ليش تلغي موعد الستاذ راجح
هادي بصراخ:كيــــــــفي مالك شغل اطلع من المكان مابي اشوف احد
رائد بصراخ:هـــــــادي اصحى انت تعرف من راجح يعني قفزه بشركتك يالفالح
هادي رجع وجلس وبضيق:رائد فكنا من نصايحك مابي اسمع حرف زياده
رائد بقهر:انت وش فيك كيف تخسر صفقه مثل كذا هاذي صفقة العمر
لو عرف المالك وش بيسوي
هادي صرخ فيه بقهر: ماااااااااالك دخل فاهم مالك دخل بدلا نصايح هاذي رح انصح ابوك واهلك
يكفون شرهم عني وعن زوووجتي قله يعتقني ويفكني من شره بصغري حرمني العيش مثل
الخلق وبكبر بيحرمني زوجتي وحياتي انا تعبت
قله يتركني بحالي انا مابي منه شي بس يتركني بحالي
رما نفسه على الكنب وحط يدينه على راسه ..
رائد تراجع بصدمه من انفجاره :وش مسوووي
هادي بصراخ:قل وش ماسوا وصله كلامي زوجتي ابيها فاهم هو ماتقبلني من اصله
وحاط زوجتي عذر ..بصراخ.زووجتي حامل وبتجيب هاذا شهرها كيف يبين اتخلا عنها
رائد تقدم بهدو وجلس قريب منه وهو يهمس بهدو:هادي اهدى ماعليك ابوي بس كلام مايقدر يسوي شي
انا معك هادي تطمن اصلا وش بيسوي مابيد شي
هادي بضعف:انا عارف مابيده شي بس انا ماقدر اتحمل الذل الي اشوفه من ابوي ومن اخواني
ومنهم كلهم وجدتي شي ثاني تجريح فيني وفي زوجتي
اليوم من ارجعت ماتكلمت معي وماطلعت من الغرفه انا عارف انهم متكلمين عليها
بس وش اسوي
رائد ضمه :هادي كربه وتعدي ان شاء الله اهدى وقم وتوضى يالله واستعد للستاذ راحج
بسرعه باقي دقايق على حضوره
رافع راسه من كتفه وهو يمسح على وجهه :شلون نواف مالغى الموعد
رائد بنفي:لاطبعا قالي وقلت له لا يلغيه لني عرفت انك مانت صاحي
هادي وقف :نواف صاير يعصي كلامي لازم اتصرف معه
رائد بسرعه اعترض:لاااا حرام عليك هو خايف على مصلحة الشركه هو يشوف الصفقه حرام تضيع
سكت هادي وراح يتوضى



رائد ناظر للملفات الي متناثره على الطاوله
تحرك بيطلع بس لمح الابتوب تراجع قرب له
وشاف محادثه مفتوحه بفضول قرب وصار يقرا
الكلام
:هادي كيفه رواد

سلطان:هلا سلطان رواد بخير

:وش صار عليه تعرف من انتقلت لشرقيه ماكلمته
هادي بضيق:رواد استقر باحائل
سلطان بصدمه:شلوون من جدك وشغله والشركه وش سوا فيها
هادي ضيق:تركها لي حملني فوق طاقتي ياسلطان مدري وش صارفيه انقلب
بيوم وليل لشخص ثاني همه ولده بس مايسوي شي ثاني كل شي عنده مو مهم يمان وبس
سلطان بحرقه قلب حاول يعرف هو السبب:كيف تغير وش صار له
هادي بحيره:مدري انا انفسي اعرف بس شلوون اقولك الشركه نسيييها مكانها حلاله
وقع لي على توكييل وقالي تصرف فيها لو تبي تبيعها انا مابيها
سلطان بصدمه:معقووله لهالدرجه
هادي بحزن على صديقه:واكثر لو تشوفه صاير اكبر من عمره
حتى قصره اجره بجار منخفض عشان ماينهجر
سلطان بدموع صارت تنزل ويالله يشوف الكتابه:هادي تكفى قل ان كلامك مو صحيح
هادي بتعجب:والله صحيح ياسلطان بس نفسي اعرف وش السبب
تعرف على كثر ثقته فيني ماعمره فكر يقولي عن حياته اسئله دايم بس يتهرب
سلطان بجرح ينزف وبتصريفه:رواد مايتكلم عن نفسه انا ماعمره قالي شي
..ـ..
...رائد فز بسرعه وهو يسمع صوت باب الحمام بعد عن الجهاز
وهو مصدوووم الشركه لرواد النايف وتوه يعرف
مشى بسرعه وطلع قبل هادي يرجع ويشوفه
......ـ




ٍٍٍٍٍٍٍٍٍٍٍٍٍٍٍٍٍٍٍ
متعــــــب

دخل البيت وهو يتمنى مايشوف احد قدامه
بس كل امنياته تغيرت بشوفت وجد واقف قدامه
بفرحه فتح يدينه وهو يناديها:وجــــــدي تعالي حبيبة خالي
وجد بنت علياء ركضة له وهي تعلق بارقبته :خااالو وين حلاوتي
متعب نزلها بالارض ونزل لمستواها وهو يرفع يده ويدخلها بمخباته ويطلع حلاوه كبيره
:هوووووب احلى حلاوه لااحلى وجد بالدنياء
وجد اختطفتها بفرحه وهي تنقز:اهيئئئئئه هئئئئئ خالو جاب حلاوه
تقدمت علياء الي كانت واقفه على الباب من شافته يدخل
سرحت بفكرها قبل سنين كانت صحيح طفله بس اليوم اعرفت
همست وهي تقرب منه:بتخربها يامتعب ادلع مو زين
متعب عدل وقفتته ومشى يسلم عليها:هلا وسهلا حياالله ام متعب
علياء بعتراض:وش متعب مع كامل احترامي لك مارح اسمي ولدي متعب
متعب بسخريا:وكاني اشوارك لالا ياحلوه ولدك اسمه متعب ومحجووز من الحين لبنتي
شخرت بستهزاء:والله خلصو البنات ياخذ بنتك
متعب مع انها مزحه بس جرحته مايدري ليش قال بضحكه ماقدر يعدلها من تغير صوته:ههههههه ولدك له الشرف

:وانا اشهد له الششرف تكون..وجد متعب النايف بنته
شهقت علياء بصدمه:وجــــــــــد
جود ببتسامه وهي تمسح على بطنها :ايه وجد في احلى من اسم وجد
علياء بهدو:لا من قال وجد حلو بــس مابيكم تقلدوني بالأسم اسم بنتي هاذا
جود بعتراض:اسم وجد الجاد قبل بنتك
انتفض زي الملسوع من الاسم الي مر عليه تحرك ماشي بسرعه لقسمه قبل يسمع كلمها زايده
وعيون علياء تتبعه ...
جود بهدو :عن اذنك حبيبتي ابشوفه توه جاي من الدوام اكيد تعبان
علياء بذهن غايب :الله معك
مشت جود ويالله تحرك من التعب بشهرها السابع وكانها بتولد بطنها كبيير مره
.دخلت للقسم الخاص فيهم
شافته جالس على طرف السرير وبيده جواله قربت منه ونزلت عند رجلينه
بس قبل تاصل الارض مسك يدينها وجلسها بجنبه وبهمس مازح يحاول ينسى:هههه بشويش
مجنونه انتي بتجلسين بالارض من يوقفك بعدين هههههههه
ضحكت على تعليق غصب عنها :هههههه..وبغضب مصطنع..
هييييه لا تتطنز على كرشي من كبرها غيرك
متعب بغمزه:هاه علينا يعني ماكنتي تبيني اكبرها
جود بحراج دفته وهي تصد:بعـــد ماحبك
متعب:ههههههه بس انا احبــــك...حسها زي السكين تشق حلقه بس لازم ينسى لازم
وعشا ينسى لازم يحب....
جود ذابت بكلمته بعشق
ماتتخيل حياتها دون متعب بشهرين قدر
يعلقها فيه ويخليها تعشقه بس مشاعره مجهوله لها
اليوم بـــس صرح بحبه لها

ٍٍٍٍٍٍٍٍٍٍٍٍٍٍٍٍٍٍ

ببيت الشعر ..
منسدح على الفراش باالأخير
ويلعب شطرنج بجواله مره يصرخ بحماس فايز مره يصرخ بروح خسران
ابو مشهور الي جالس عند الدلال ويتقهوى ناظر فيه:علي انت كل وقتك على هالبى
ريح عمرك وعيونك ياخوي
علي بطفش :وش اسووووي طفشاااان ياعبدالله
ابو مشهور بقتراح:اطلع مع اخوياك
زفر بقهر:عبدالله الله يهديك اي اخوياء متعب اعرس وتركني رواد همه ولده وساحب علي
هادي الي اخوك سلب منه الراحه والسعاده وخلاه شخص ثاني..همس بحب..الحمد الله
ربي بعثك لي
لولى الله وثم انت حياتي مدري وش بتكون



انتهـــــــــــــــــــــــــــــــــى

البــــــــــــ السابع والعشرون ـــــــــــــــــــــــــارت



انا الذي ماتت اغصاني ,, وجف ينبوعي ,, انا الذي تحولت جنات عشقي ,, مقابرا لدموعي
ٍٍٍٍٍٍٍٍٍٍٍٍٍٍٍٍٍٍٍٍ
رواد


دخل يركض وينادي:بابا باااااااابا
رفع راسه من الجازه الي منغمس فيه
ونادا بصوت عالي :هنـــــأ حبيبي تعال ياعيون بابا
يمان بعبره وهو يرتمي بحضنه:بابا شف وجد تاخذ لعبتي
تلقفه وهو يلف يدينه من وراه ويضمه بقوه ويهمس بألم لذكر الاسم:
اجيب لك غيرها ولاتزعل
يمان صاح:لاااالا مابي ابي لعبتي هاذي عمه وجدان قالت لتخلي احد ياخذ ها هي هديه من خاله وجدي
..وبكى ..ابي لععبتي
حضنه بقووه وهو يجهل من وجدي هاذي لنه كم مره يذكرها عند اخته وتقول له انها صديقتها:يابابا نجيب
لك احسن من لعبة وجدي وكبييره وبعدين عيب تبكي تبكيك لعبه
يمان بصياح:مو العبه غالي اخذها مني وطردني يقول الي تطلب وجد
نجيبه لو ارقاب
رواد مسح على راسه:ااه ياولدي شكل بنت عمتك طالعه المعذبتي ياما بتبكيك
دموع ودموع مثل ابوك
يمان بعدم فهم صاح: ابي لعبتييييي مااابي
رواد واقف وهو يشله:طيب طيب صدعت براسي شف اخر مره اشوفك تبكي
سامع الرجال مايبكووون
يمان يمسح دموعه:ان ماصيح بس خذ لعبتي من وجد
ابوه مشى فيه وبهس:ماقدرت اخذ قلبي منها شلون تبيني اخذ لعبه
طلع من قسمه الخاص في ببيت امه وطلع من البيت كله ركب السياره
يمان من شافه طلع بر صرخ:لااااا باااابا ابي لعبتي
رواد بضيق :خلاااص اسكت نجيب لك غيرها
هنا يمان من حس بالخطر على العبه وبيفقدها صار يصرخ بقووه وصياحه كلن يسمعه
رواد ماقدر يسكته طفى السياره ونزل وهو يصرخ :بس بس يالله نروح نجيبها اااف منك ولد عنييدد
مشى راجع للبيت دخل وهو يتلفت يدور بنت علياء
من اصراخ ولده عصب صرخ بصوت عالي:عليااااااااء
علياء بفزع من صرخت فزت كانت جالسه بالمجلس الي عن يمينه وهو واقف
طلعت وبتعجب:نعم وش فيك تصارخ
رواد ينزل ولده وبنزعاج:بنتك وينها
علياء بستغراب:هنا وش عندك وليش معصب انت
رواد بطفش:معصب من بنتك وابي استرد لعبة ولدي المغتصبه من قبل بنتك المتسلطه
شهقت عليا وهي تحط يدها على خصرها وبعصبيه:نعم نعم لتقول انها لعبة
ودلك ياحبيبي للمعلوميه ولدك هو الي اخذها منها ومعيي فيها
يقول لعبته وهي الصحيح انها هدية بنتي من سميتها شدخلك انت وولدك
رواد تقدم بيدخل للمجلس وهو متوقع انها فيه
:بعددي عني بس ولدي يبيها
علياء تركض وبثقل :لا متاخذها يالله مناك بس
رواد ضحك وهو يدخل: ههههه اقول بشويش لاتولدين علينا بس يالله بعدي
دخل وشافها جالسه بالارض وتلعب بسياره حمراء سبورت باريموت تفحط فيها
وقف يناظر فيها رفع حاجبه:ماشاء الله وبنتك من متى تلعب سيارات
علياء بتحدي :من اليوم وياويلك تاخذها منها
رواد :يعني تعترفين انها اخذتها من ولدي
... لف يدور ولده شافه واقف ويناظر بوجد ببتسامه حنونه نداه:تعال بابا
ركض لبوه ومسك طرف ثوبه
رواد بحنيه:وين لعبتك بابا
يمان اشر على وجد
رواد تقدم لها وجلس بجنبها :الله وجد
الحلوه تلعب
وجد بوناسه:خالي لعبه هههه
رواد مد يده بياخذ لريموت منها :هاتي العب معك
بس وجد تراجعت وبخوووف من انه ياخذها
نظرت الخوف هزت اوصاله وهو يشوف عيون وجد والخوف فيها
بس الطفله الي قدامه مكانت بنت اخته لا كانت عيون طفلته معذبته
نفس نظرة الخوف الي كانت تشطره لثنين من طفولتها الين كبرت
راحت ومشى الزمن وهو مايعرف وش سبب نظرة الخوف الي كانت تسكن عيونها كل ماشافته
فز مثل الملسوع وطلع مع الباب مطنش صياح ولده
بسرعه طلع من البيت وركب سيارته حرك طالع من المكان مايعرف
وين يروح
مشى على عماه صار يلفلف بشوارع مايدري وين يمشي
بعد مسافه بعيده حس في نفسه وانتبه للمكان طلع من حائل كلها
شاف نفسه بالنفود
كمل طريقه لين توسط المكان يشوف مجوعة شباب اهناااك مجتمعين وهناك مجموعه ثانيه تفحط
وثلاثه ورابعه
دعس بقووه وصار يفحط ويدوس السرعه
لااخر شي
لين حس بنفسه تعب هداى لين وقف طفى السياره ورما راسه على الدركسون
وبهمس :وينك ياسلطانـ..
صار ينفض راسه بقوه ويصرخ:لالا لا تفكر بشي انسى سنى
..وبصرااخ ..انســــــــــــــــــــى انسى سلطان وانسى هي انساها
هي حرمتك من نفسك اولا شي وبعدها قلبك سلبته وبعدها حياتك واخر شي صديييقك
انساها اكرها اكرها ليش ماتكره ليش ماتعرف تكره
..فتح الباب ونزل وصار يمشي ..
بعد ساعه وقف وناظر للمكان مشاف سيارته ناظر لساعته
وانصدم ساعه يمشي
لف ورجع مع نفس طريقه
وهو يضرب الارض برجله
وبالحظه هاذي تذكر ولده
وهو يصيح
توه يصحي على نفسه
ركض وهو يصرخ على نفسه:لالا
ماسمح لك وصلنا عند يمان الا يمان مراح اخسره بسببك وهاذي بيكون
الحل القاطع ياوجد وتحدي لنفسي
اني انسااااااااااااك
بولدي هو الي بينسينياك


ٍٍٍٍٍٍٍٍٍٍٍٍٍٍٍٍ

علـي


رمى الجوال وهو يعدل جلسته ويلتفت لااخوه

:اقول عبد الله لازم تشوف لك حل مع اخوك
ابو مشهور اخذ الدله ومشى لين عنده جلس وهو يصب قهوه ويمد له الفنجال:اقول تقهو بس
انت اكيد ضرب عقلك شي من هالطفش
علي ميد يده ياخذ الفنجال:والله صادق عبد الله انا حال هادي ماهو عاجبني
ترا لو بين انه مستانس بس حزين ومجروح من وضعه
عبد الله انت ماتعرفه كثري كان يهرب من مواجهتكم لنه عرف من تكونون كان رواد هو الي يضغط
عليه عشان يعلمه من يكونون اهل وهو يرفض بس
بالاخير ارغمه وقدر انه يجيب اصله بفضل الله وثم رواد ماقدرنها الا انا ولا هو نعرفكم اوو
نحصل على اصلنا
ابو مشهور بحزن:مو بس انت الي متضايق من وضعه بس وش بيدينا نسويه
ابوه رافضه انا ايش اقدر اسوي ياخوي حاولت اكلمه كان يرفض رفض قاطع
رده انه ولد هنديه ولا يشرفه وفوق هاذا اخذ هنديه ومتمسك فيها
علي بحقد:انا اقولك كذ لني ماضمن نفسي لو واجهته وش ممكن اسوي فيه
ابو مشهور بخوف :لالا وش تروح له ولا حتى يشوف وجهك
انت تعرف حتى انت مايواطنك مجنون انت تروح له
علي بقوه:شف انا عطيتك خبر واسمح لي لو ماقدرت تتصرف انا اسف ياعبد الله
ابو مشهور عصب:علي احذرك تخطي خطوه بدون لاتقول لي
علي بغضب:عبدالله انت تشوف حالته تصعـــب على الكافر
عبد الله بغضب:وانا قلت لك معجبني وضعه بس اصبر نفكر بحل ثاني
وترا رائد معه غير اتوقع اخوه ويعرف مصلحته
علي فقد اعصابه من ردوده صرخ:وش قصــــــدك انا مـ... قطع عليه دخول

دخل بسرعه وهو يسمع صراخ علي وكان سامع بداية اخر الكلام قبل يدخل واقف يتكلم بالواتس:اسلام عليكم

قطع علي كلامه وهو يتنفس بقهر رد السلام وهو ياقف :عليكم السلام
..تحرك قاصد الباب مر من عنده بدون كلام وطلع..
قرب لعمه ويقبل راسه :مساء الخير عمي
ابو مشهور بترحيب:هلا والله بولدي مساء النور
جلس بقربه وبستغراب:وش فيه طلع معصب
ابو مشهور مقهور منه :مدري عنه خله يولي مايحشم
رفع حاجبه بتعجب من زعل عمه المفاجي على علي
ابومشهور ياخذ الدله بيصب له
بسرعه مد يده ومسك الدله :عنك عمي عطني انا اصب
مدها له بضيق وهو ساكت:...

................ـ علي
طلع من البيت وهو معصب وضايق بقوووه
صدم بوسن واقفه عند الباب مانتبه لها كان يمشي بسرعه
دفها عن وجهه بشوي :بعدي عن وجــهي
وسن تراجعت بصدمه منه :باسم الله عمي وش فيك معصب
علي لف عليها بعصبيه بس سكت وهو يشوفها تناظر له بخوف:
وسن ناظرت له حسته حزين وبخوف :عمي وش فيك خوفتني عليك
علي ابتسم بحزن :مافيني شي ياعمي تطمني عن اذنك
وسن بعتراض:عميي وين انت شكلك تعبان لا تروح
عي بضيق:تطمني انا بخير يالله مع اسلامه وادخلي داخل ولد عمك هنا ليطلع ويشوفك
وسن :طيب
..طلع وركب سيارته
تحرك لشركة هادي

بعد ربع ساعه وصل الشركه وقف سيارته قريب من شركة
نزل وهو يبحث بنظره عن سيارت هادي شافها موقفه
ارتاح يعني هادي هنا
تقدم ودخل لداخل
مشى وهو يناظر لناس الي طالعه داخله راح للصنصير دخل وهو يضغط على رقم 4
ثواني وانفتح
طلع وكمل مشي لمكتب هادي دخل وسلم على اسكرتير
:اسلام عليكم
وقف نواف بحترام:عليكم السلام مرحبا استاذ علي
علي :هادي موجود
نواف :ايه بس عنده اجتماع
علي :اجتماع من معه
نواف :مع الستاذ راجح مدير شركةالـ.. و الستاذ رائد
تقدم بيدخل :هاه رائد موجود يعني
نواف بعتراض:اسف استاذ علي بس الستاذ هادي قال لحد يدخل علي لين اخلص الجتماع
علي تحرك بتطنيش لكلامه:واعتقد ماني اي احد يانواف
نواف بتوتر: بس استاذ لـ..سكت وهو يشوفه يدخل
..علي فتح الباب ودخل

...لفو للي دخل بندفاع وقطع اجتماعهم
علي ببرود سلم وهو يناظر لهم واحد واحد وقف نظره على الضيف بصدمه:اسلام عليكم
هادي بستغراب من حظوره مو اخذ اجازه سبوع وش جايبه:عليكم اسلام
رائد هو وراجح رد السلام:وعليكم السلام
هادي ياناظر له :علي حياك و اعرفك بالستاذ راجح مدير شركات الــ....
استاذ راجح علي الجاد عمي
علي تقدم ومد يده ببرود لراجح :هلا تشرفت بمعرفتك
راجح وقف و بتوجس من نظراته وتوتر:هلا لي الشرف بمعرفتك اخ علي
رائد بهدوو:تفضلوو اجلسوو
جلسوو بأماكنهم وعلي مشى وجلس خلف مكتب هادي
وبنظرات تحدي لراجح
راجح حس بتوتر من دخوله المفاجئ ونظراته ماتبشر بالخير وكنه يعرفه
:خلاص استاذ هادي اتوقع كل شي عرفته هل انت موافق او عندك ملاحظه
علي ركز انتباهه لكلامه وترقب يشوف رد هادي
هادي بهدوو: موافق و ماعندي ملاحظات
راجح بفرحه:خلاص على بركة الله بقي توقيع العقد
علي بصدمه عقد وش عقده بسرعه تكلم:هــــــادي
هادي لف بستغراب منه:هلا
علي :وش السالفه
هادي بتعجب:علي وش فيك نسيت الصفقه الي قلت لك عنها
واليوم ان شاء الله بتتم على خير
علي وقف بصدمه وشا لهم :بس ماقلت لي ان صاحب الصفقه هاذا..وهو يشر لراجح بحتقار
هادي ورائد وقفو بصدمه وبصوت واحد:علــي
علي وقف عندهم بعصبيه :وشو علي انتم تعرفون من هو ولا بس قالكم انا صاحب شركات لـ...
وطرتو فيه متعرفون من هو ومن وين جاء
راجح وقف بغضب يخفي توتر وجه كلامه لهادي:استاذ هادي انا انهان بمكتبك
من احترامي لك سكت
هادي عصب :علي وش فيك على الرجال احترمه انت اصلا تعرفه
علي بنفجار:انا ماعرفه بس رواااااف يعرفه
رائد بصدمه تراجع وهو خايف من الي مر بباله:ايــــش وش تقصد بكلامك
علي بصوت مرتفع:اسئله كان عنده جواب لك
هادي حس بتوتر من افكاره وخوف لا مايبي يسمع شي مستحيل
يتحمل لو كان الي بباله هز راسه:علي
علي حس فيه وبهدو :هادي لتسئل وارفض لاتوقع
رائد بصدمه:وشو لايسئل ويرفض علي احنا مانلعب
لازم نعرف وش يصير
هادي هز راسه وبضعف:لا رائد انا ارفض مابي اعرف وش السبب انا اثق بعلي
خلاص تصرف ..ومشى بسرعه وجلس على مكتبه بدون كلام
رائد بحراج :اسف استاذ راجح بس مثل ماشفت خلاص وماعندي ت
وضيح لك
راجح بخووف يحاول يخفيه بس انصدم من ردت فعل هادي الي مافكر يعرف وارتاح انقذه
راجح بخوف وتوتر بس صدمته ردت فعل هادي الي رفض يعرف وانقذه
ٍٍٍٍٍٍٍٍٍٍٍٍٍ

ابسكت يابحر وامشي واخلي ضيقتي فيني

ابسكت وابتعد عنك وادوووور من يواااسيني

تصدق يابحر اني توقعتك تشيل همومي لكن

غرررقت بدمعه من عينــــــــــــــــــي
ٍٍٍٍٍٍٍٍٍٍٍٍٍٍٍٍ
سلطـــان

سلطان جالس قدام البحر ودموعه تنزل بقهر من حاله مشتاق لرواد صديق عمره
كل مراهقته وشبابه معه كيف بلمح البصر يختفي كل شي
ماقدر يواجه
ه ابد حس انا قتله وهو بالفعل اقتله وعارف هالشي ومعترف
بس ماقدر يرد الرجل الطيب الي رباه واعتبره ولده
كان بين نارين نار الصديق ونار ألأبو
بس بالخير ضحى بصديقه عشان ابوه
وقف وهو ينفض بنطلونه من التراب
وجواله بيده كان يناظر لصوره هو ورواد مع ولده
طلو يمشونه ويلعبونه باللعاب ورجعو اطفال
معه كان في ذاك اليوم سعييد بجمعته معهم
ماتوقع انه بيجي يوم ويتفرقون بالطريقه
ضغط على رقمه الجديد
الي اخذه من هادي غيره بعد مازعجه بالرسايل طبعا
بدون مايفكر يدق او يروح له كان يحاول بارسائل لو استجاب
يواجهه بس كان رده انه غير رقمه بالمعنا انساني
اخذ رقمه بعد ماهو طلع رقم جديد بس خاص فيه
قطع افكاره الصوت المعصب:الووو
ابتسم لسمعا صوته يرتاح سكت:....
رواد بعصبيه:انت الواضح انك ياشخص فضي وتلعب ياشخص قليل فهم تمشي وتزعج العالم
يابن الناس فكني من شرك مقلق عيشتي ليش كل يوم تدق
ترا الي فيني مكفيني اقلب وجهك لا اعلمك كيف تدق مره ثانيه
سلطان ساكت ومتحمل تهزيته له بس المهم يسمع صوته ويعرف انه بخير
رواد مل من انه يرد قطع الخط بوجهه
سلطان باس الجوال وحططه بجيبه ومشى طالع من المكان
ٍٍٍٍٍٍٍٍٍٍٍٍ

..رجع للبيت دخل بهدوو يتمنى يلقىها نايمه الساعه الحين 11 باليل من تزوج ماعمره تاخر عن البيت باليل
هاذ اول مره
البيت كل انواره مفتوح استغرب كمل مشي بس كانت غرفة النوم ضلمه
توقع انها نايمه
وبشويش فتح الباب مابي يصحيها
دخل وسكر الباب وبما ان المكان ظلمه مايشوف تقدم شوي وتعثر بشي
فتح الضو الخفيف حق الي يشوف بس مو قوه كرسي التسريحه استغرب
وش جابه عند الباب
ناظر لسرير بس كان مافيه احد قرب بيتاكد مشافها دب الخوف باقلبه وينها بس سمع شهقه
من وراه جايه لف بسرعه شافها متكوره على نفسها بالزاويه وتناظر له برعب
اول مره يشوفه بعيونه ركض له بخوف بس جمدته صرختها
وجد برعب تنتفض وهي تشوفه رجع مره ثانيه بعد ماختفى من هجت عنه
:لاااااااااااا لاااااا لتقرب لتقرب حرام عليك بعد عني بعد اني
انت شلون جيت انت ميييت ميت انا ذبحتــــك بعد بعد والله اذبحك
سلطان متيبس من صراخها شكلها ومنظر الرعب والحاله الي يشوفها الاول مره فيها
غيبت عقله وخلت مايعرف يفكر او يتصرف
وجد صارت تصرخ برعب وهي تشوف نظراته وتستنجد:يمــــــه يبـــــــــــه
لاااااااااا بعدوه عني مــحـــــــــمــــــد
سلطان من سمع صراخها زاد ركض لها بقوه وهو اخيرا استوعب
:وجد وجد اصحي حبيبتي وجد مافيه احد انا معك
..يمسك وجهها بيدينه:ناظريلي انا سلطان انا معك اصحي
وجد اخيرا استوعبت انه كابوس وعدا والي قدامها مكان الا سلطان رمت نفسها بحضنه وهي تصيح
:ليش رحت وخليتني ليش تاخر وانا قلتت لك لاتتاخر ليييييييش
يحضنها بقوها وهو يهمس لها :اسف والله اسف انتي ماقلتي لي انك تخافين
وساسا ماكنت ابتاخر بس ماحسيت بالوقت اهدي وجد اهدي مافيه شي كان حلم
وجد بصياح وهي تهذي:كان كابوس حقيقي يالحقني
..وبشهيق ..ليييش تروح وتخليني سلطان تكفى لتخليني باليل
ادري اني معذبتك وحرمتك من اشياء كثير بس مو بيدي مو بيدي
غصب عني
..دفنت وجهها برقبته وهي تشقه ودموعها تنزل على عنقه
سلطان بتوتر فضيع من قربها وحركتها:اششش اهدي انا معك
اهدي وجد اوعدك ماترك مره ثانيه قومي معي نامي يالله وارتاحي
وجد تهز راسه بالرفض وهي دافنته بعنقه:
سلطان توتر حاول يبعده بس هي تشبثت في بقووه
ورافضه تتركه
حضنه كان آمـــــان كيف تتركه بالسهوله
سلطان بتوتر حط يدينه من تحتها ورفعها بس يده جمدت وي تلمس بشرتها مباشرها
لبسها كان قصير
بتردد كمل الي بدا ...
شالها من الارض ووقف فيها مشى بخطوات بطيئه ونزلها الى السرير
رفع نفسه بيبعد بس هي مسكته بخوف :لالا تروح
سلطان ماهو قادر يتحمل قربها اكثر من تزوج اول مره يقرب هالكثر
دايم فيه حدود ومايدر من الي صنعهن هي او هو بهدو:اببدل ملابسي وارجع
لاتخافين انا قريب
وجد سكتت بخوف وهي تراقبه راح لدولاب اخذ ملابسه وراح لحمام (وانتم بكرامه)
دقايق وطلع ببجامه خفيفه ناظر فيها على جلستها حتى الحركه ماتحركت
قرب ولف لجهته جلس على طرف السرير ولف عليها وبحنيه:حبيبتي وجد
نامي يالله
وجدتناظر وبتوتر :خايفه سلطان مابي انام
سلطان انسدح وهو يناظر لها يبيها تجزم:يالله انا معك لاتخايفن سمي بالرحمن
وانسدحي
وجد بتردد انسدحت سلطان طفى النور وهو يذكر الله ويقر اذكاره
واول مره يحس فيها قريبه منه
حاول يتراجع ويحط مسافه
همس بنفسه .مومن مصلحتك ياوجد تقربين انا اعرف انك خايفه وتدورين الامان
بس انا بالنهايه رجل ومستحيل اصمد اكثر من كذا ونتي بجمالك هاذا
تنهد بقووه لين متى وانا محكوم علي اتعذب قربك حس بجسمها الي لصق فيه بقووه
تصلب جسمه وسرت رجفها قويه فيه
هي بخوف لصقت فيه من سمعت الصوت اليوم تحس بخوف مو طبيعي
ومن زمان ماحست فيه شعور انقطع عنها لمده طويييله بس اليوم راجع له وبقوه
وهي من الخوف ماميزت ان الصوت صادر منه لصقت فيه وهي تحضنه بقوه وتهمس:
سلطان خايفه خبيني خبيني
سلطان بدون شعور لف عليه بحركه سريعه وصارت كلها بحضنه وهو يضمها بقوه ويهمس باذنها :انتي
بأمان وجد لاتخافين مستحيل اسمح لحد يمسك بشر
دفتن وجهه ابصدره العريض وهي تضمه اكثر
مكانت عارف انها تحرق قلبه بالنار وناره بتلحقها

ٍٍٍٍٍٍٍٍٍٍٍٍٍٍٍٍٍٍٍٍٍٍ

وصل للبيت بسرعه جنونيه نزل وركض لداخل فتح الباب الي مجفا

...وقف بصاله يانظر للي جالسين بسغراب
امه وابوه ومتعب وام غالي
وعلياء وتركي

سسلم بتوتر من اشكالهم فيه مصيبه :السلام عليكم

الكل :عليكم اسلام

ابو سعود بهدو:تعال اجلس وش فيك واقف

تكلم وهو يتذكر ولده:طيب بس ابروح اشوف ولدي
وينه

علياء بسخرياء :لا ماشاءالله مهتم فيه

رواد بضيق:وش قصدك تراه ولدي اكيد يهمني

امه بقهر:لو يهمك صدق كان ماتركته وراك يصيح
بخوف وطلعت بدو ن لتلتفت حتى له

رواد بربكه وتلعثم:كنت مستعجل عندي شغله

وقف تركي وقرب له لف من وراه مد يده وطق
طرف بنطلونه :والشغل بالنفود
..وهو يانظر للرمل الي تصاقط
...من حركته
تراجع رواد بغضب:شلون اكذب يعني

ابو نايف بستهزاء:لالا يبه انت منبع الصدق حنى الي نكذب

رواد رفع نظره لاابوه بصدمه وش هالهجه الجديده
اول
مره بحياته ابوه يكلمه بالطريقه: محشوووم يبه
ماقلت كذا

ابو سعود وقف ومشى له :اسمعني زين يارواد سكت عنك بمافيه الكفايه
ولدك محتاج اهتمام
وعشان كذا..سكت ماعيرف وش يقول...

ام سعود تقدمت منه : لازم تتزوج

لجمته الصدمه وماعرف وش يقول

تركي ناظر فيه بتحدي وبصمته:قلت لك ياعمي راح يوافق


صرخ بعنف:اييييش اوفق انهبلت انت مستحيل طبعا

ابوه بغضب:ﻻ ترفع صوتك على ولد عمك ياولد

رواد خلاص مو مستوعب ابوه ابد وش الي غيره

وخلاه يقلب عليه ويناديه ولد مره وحد
تكلم بستنكار :يبه وش قلت انا

ابوه بعصبيه :انا قلت كلمتي بتتزوج يعني بتتزوج

رواد بعصاب بارد ه :زواج ماني متزوج

امه صاحت :لين متى بتجلس كذا لازوجه ولا ام لولدك

حرام عليك يارواد ارحم يمان تقل يتيم بين الطفال انا وخالتك
ماحنا قادرين نلحقه وخواتك
الي كانن ينتبهن له
راحن بسبيلهن من بقى له
حنى مانقصر بس مانقدر عليه

رواد تنفس بيقووه وهو يقاوم لي بيقوله
ويشوف دموع امه
تنزل همس بضيق:
لا يمه تكفين الادموعك ماتحمل اشوفك تبكين

ام اغالي الي كانت تراقب وساكتته اخيرا تكلمت بقوه مستغله تاثره :كان تهمك فرحها ووافق تتزوج

رواد لف بصدمه لها كل

العالم تتكلم الا هي تسكت لنها تعرف وش بقلبه
وكانها قالت له فاجعه تسمر وعيونه عليها مو قادر ينطق بحرف
كيف تقوله يتزوج هي تعرفه اكثر من نفسه بصوت يالله قدر يخرجه من حلقه الي نشف بصدمه
:ايــش قلتي
كلهم لفو عليها مستغربين شكله الي تغير من نطقت وكانها قايله له مات ولدك
ام غالي بقسوه حاولة قد ماتقدر تخفي وراها قلبها الي يتقطع عليه:الي سمعت لازم تتزوج
همس بنهيار كان مأمل تكون معه:مستحل مستحيل اليـ..
:مافيه مستحيل مثل ماخذت ام يمان بتقدر تاخذ ثلاثه غيرها وش الي يخليه مستحيل
تركي ناظر فيه بصمت وتراجع مادري ليش حس ان الغز الي ضل يبحث عنه
كل هالمده حله عند هالرواد
متعب ماهو اقل منه صدمه بس تكلم بهدو:الحل لوحيد لوضعك يارواد
رواد بصرخه:انا شكيت لك وا لكم وضعي انا مرتاح ومستانس بحياتي
والله مرتاح ماشكيت لحد بس اعتقوني
مابي مابي زواااج

:بااااابا
لف بسرعه على الصوت
:عيوون بابا
يمان ركض وارتمى بحضنه
:بابا لتخلييني خلاص مابي لعبه بس لاتخليني خذني معك
رواد نزل على ركبته وتحضن وجه ولده بيدينه وهمس بحنان:لا يابابا ماراح اخليك
اوعدك يابابا اوعدك اصير لك ام واب وكل شي تتمناه
ضمه بقوه ودموعه غصب عنه نزلت
مستحيل يسمح لهم يغيرون حياته الي قرر يمشي فيها
حس بالي يربت على كتفه لف ببطئ وانظر له
هز راسه له وهو يمد يده بمعنا اوقف لتجلس كذا
وقف وهو يمسك يد ولده
تقدم وحضنه وربت على ظهره وبهمس:لاحد ياثر فيك لاتسوي الي الي مانت مقتنع فيه
ياخوي امك وابوك على العين والراس بس النسان ماحد له دخل بحياته
هذاي حياتك وانت الي بتعيشها محد غيرك فكر قبل تسوي اي شي
هز راسه وهو يبادله الحضن وبهمس:ربي مايحرمني منك
بعد عنه شوي ولف عليهم وبثقه قال:امي وابوي وانتي يمه ام غالي
والله انكم اغلى من روحي اطلبو الي تبون انفذه لو به روح تطلع
الا الا الزواج اعذروني لو لزمتو ماتعرفون وش ممكن اسوي
مو تهديد قد ماانا ماعرف نفسي وش ممكن تسوي
اقولها صاقد
مسك يد ولده وتحرك طالع وسط صدمتهم فيه
لف ابو سعود لولده وبصرخه :وش قلت له ياسعــود
سعود بهدو:ربي يخليك لنا هدي شوي ماقلت له شي غير انه مايستعجل
وماسوي شي مو مقتنع فيه
ابو سعود بقهر:ايه وهو ماصدق ياخذ بالنصيحه
انصح نفسك اول
عمرك عند الربعين وعزابي هاذي وسوات واحد صاحي
سعود ابتسم بخفه عرف ان ابوه بيبدا فيه
بس قال بضيق :ايه صاحي اذا صرت باخذ وحدده مثل طيف
وتحرك طالع برا البيت

ٍٍٍٍٍٍٍٍٍٍٍٍٍٍٍٍٍٍٍٍ
رائد رمى نفسه على الكرسي بصدمه
:علـــــي مستحيــــــــــل الي تقول
انت تعرف وش معنات كلامك
علي بغضب:وانت تعرف انك واحد ثووور اخوك شخص قذرررر
حقير تافه اي شي يسويه ومايهمه فاهم مايهمه همه بالحياه يقضي على هادي
ويكون هو الاول وسمه ماحد اعلى منه اخوك الحين بالامارات وتواطي مع كم رجل عمال
الله علم كيف وصل لهم
وراجح السعودي حبلهم الي يحركونه هنا بالسعوديه عشان يلتف على عنق هادي
بس من غباء اخوك مايعرف ان الشركه هاذي ماهي ملكه
وان الشخص الي يملكها لو عرف بدنأته بيوم وليله يختفي
رائد حط يدينه على راسه ودنق مهما كان هذا اخوه الكبر
دخل هادي على اخر كلامه
وجهه مجهم مايبشر بالخير
على على طول وقف وبعد عن المكتب يفسح له الطريق
جلس هادي بجموود
فتح جهاز الحاسب شووي وفجها رفع راسه بصدمه لهم
ناظر وزع نظره عليهم دقايق وبصوت
غريب عليهم تكلم:كل واحد على مكتبه
وانت ..لف لعلي..انتهت اجازتك على مكتبك يالله






انتهـــــــــــــــــــــــــــــــــى