لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack (3) أدوات الموضوع انواع عرض الموضوع
قديم 15-03-13, 03:36 AM   المشاركة رقم: 526
المعلومات
الكاتب:
اللقب:
ليلاس متالق



البيانات
التسجيل: Nov 2009
العضوية: 152163
المشاركات: 6,760
الجنس أنثى
معدل التقييم: طيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسيطيف الأحباب عضو ماسي
نقاط التقييم: 3748

االدولة
البلدSaudiArabia
 
مدونتي

 

الإتصالات
الحالة:
طيف الأحباب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي رد: ثرثرة أرواح متوجعه

 

صباح كل شي حلو على ضمضم ومتابعتها

بارت رائع مقدمه لأحداث عاصفه

ماهر ومحاولة ترجيع الدانه وهالمره عن طريق المساومه بالجموح وفشلت المحاولة لا الجموح عقلها صغير واخذتها العزه با الاثم ووقفت مع اخوها ضد زوجها
ولا قايد عدم الحيله الي قدر يرجع فيها زوجته وها المره كانت عن طريق عمه

اعجبتني حكمة الجموح ان حياتها مع قايد مهما كانت الحواجز الخفيه الي بينهم ماحاولت تستفزقايد وان ماهر غلط ويتحمل نتيجة غلطه بعيد عنها

واعجبني قايد ماصعد حركة ماهر بأخذالجموح وحمل حركة ماهر اكثر من ما تحتمل

سبحان الله في موقف ماهروالجموح جا في بالي نهي الاسلام عن زواج الشغار

وهو عَنْ أَبِي هُرَيْرَةَ رَضِيَ اللَّهُ عَنْهُ قَالَ : نَهَى رَسُولُ اللَّهِ صَلَّى اللَّهُ عَلَيْهِ وَسَلَّمَ عَنْ الشِّغَارِ . زَادَ ابْنُ نُمَيْرٍ : ( وَالشِّغَارُ أَنْ يَقُولَ الرَّجُلُ لِلرَّجُلِ : زَوِّجْنِي ابْنَتَكَ وَأُزَوِّجُكَ ابْنَتِي ، أَوْ زَوِّجْنِي أُخْتَكَ وَأُزَوِّجُكَ أُخْتِي ) .

صحيح في وضع الدانه والجموح تنتفي طريقة المبادله ان قايد كان السابق بالخطبه
وماهر السابق بزواجه وكل وحده منهم

زواجها مسمى على مهروبفترات متباعده كان زواجهم

لكن الظاهر من الزواج المبادله وتتضح عظمة الاسلام بحفظ حقوق المرأه

لأن بعض النساء تحرم حقها من المهرالواجب لها شرعآ با الاسلام

وكثير من زواجات المبادله فشلت

واذا ما اتفقوا اي طرف من الاطراف خرب على الكل

اتوقع الجموح والدانة حوامل وحملهم بيترتب عليه اشياء

القايد يعتمد فرحته على كيف بتبلغه الجموح بالخبر وهل بيعرف بالمصادفه او ان الجموح بتخبي عنه وبينبني حاجزجديد بينهم
والدانه وضعها الصحي لرجلها المصابه وش بيكون وضع الحمل وهل بيكون في خطر عليها مثل خطر العمليات

على ان الطب تقدم وكل يوم توقع ما لايتوقع ..,

محمد ونجد

الاستقرار الي يحس فيه محمد والعذاب النفسي الي تحس فيه نجد
وش بيكون نهاية ها الزواج هل محمد بعفويته بيقدر يكسر الحاجز النفسي الي نجد ماهي قادره تطلع نفسها منه
والا بيفشل معها مثل مافشل مع اشواق بالرغم من كل محاولاته انه يمشي الحياه معها وحتى بعد الطلاق

حركات واستفزازات اشواق واهلها مستمره

المثل الي يقول ماله بالطيب نصيب بنشوفه ينطبق على وضع محمد ونجد

تدرين ضمضم تذكرت لعبه قديمه

وللحين عيالي الله يحفظهم يلعبونها كل ماجتني شغاله جديده

يجمعون حروفي اسمي وحروف اسم الشغاله

عاد بالغالب يطلع كره

اقول شقلبوا الحروف زيدواوالانقصوا حرف اهم شي يطلع بيني وبين الشغاله حب

الي هي كلمة (تحفزك) وبعثرة حروفها<تفاهم ,حب,فراق, زواج,كره

جمعت حروف نجد ومحمد وطلع فراق

هل بنهاية المطاف بيكون نصيبهم الفراق ونجد بتتعب وتمرض

ماتتحمل ضغط اهلها من جهه انها ترجع لمحمد وضغط عيالها الي لقوا فيه حنان الأب المفقود

ومحمد بيشفق على نجد ويطلقها <<شطحه طيوفيه ربما احصل عليها نجمه وتاج

مي وحركاتها المستفزه مازالت كل يوم تثبت هبالها وانه شخصيتها هي بطبعها كذا من صغرها مالقت من يوجها ويربيها ويعلمها

اتوقع ان قايد بياخذ خطوه فاصله بوضعها ام استمرار زواجها او طلاقها

لعل وعسى يجي خطيب آخر ياخذها ويريح البلاد والعباد منها

الزين ويا زين الزين حال كثير من بناتنا الي عندهم اخوان اكبر منهم شد وجذب لكن يضلوا

نور البيت
حبيت فيها عفويتها ورسم الكاتبه لشخصيتها ومواصفاتها

اتوقع بيكون لها مسار رائع بالقصه

وصايف تصرف من ام حكيمة جربت وجع فقد الزوج مرتين مره بزواجه ومره بوفاته

محمد بنظرها زوج كامل واب صالح لإيتام بنتها

وصايف كانت حازمه مع نجد اكثر من محمد في بداية زواجه من نجد

علشان كذا ماكان قدام نجد الا الرضوخ لضغط امها باالرجوع لبيت محمد,

بارت رائع ننتظر القادم بشوق








 
 

 

عرض البوم صور طيف الأحباب   رد مع اقتباس
قديم 15-03-13, 07:43 PM   المشاركة رقم: 527
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224988
المشاركات: 622
الجنس أنثى
معدل التقييم: اموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالي
نقاط التقييم: 896

االدولة
البلدSaudiArabia
 
مدونتي

 

الإتصالات
الحالة:
اموولهـ غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي رد: ثرثرة أرواح متوجعه

 

مسائك أُمنيات محققه
سلمت الانامل إمبراطورة الحرف
ثرثره ولا اروع

ماهر
كنت تبي تلوي ذراع قايد يالجموح عشان اللي كنت تتركها بالأيام بروحه الحين صار لها قيمه لدرجة بتخرب حياة اختك عشان ترجع حياتك لطبيعته
بس الجموح المره هذه كبرت عقلها حتى لو انت أخوها من الأول كانت تساعدك ماتبي بيتك يخرب وهي عارفه انك غلطان بس هي تعرف مدى تعلق الدانه فيك والا انت ابد موب شايفه بس الحرمان منها عرفك قيمتها

قايد
كان عندك شك في الجموح انها بتوقف مع أخوها ضدك فتبعت الحيله وطلبت من عمك يجيبها ماسمعت كلامها لاخوها وانها ماتبي تكون ورقه يضغط فيها ماهر عليك كان عرفت انها تحبك ولا تبي فرقاك
هي بس تكابر وزي ماتقول عنها جامحه
معقوله تكون حامل الشئ هذا اذا صار راح يقربكم من بعض اكثر حلم حياتها راح يتحقق
وش تبي اكثر

مي
مدري متى بتعقل ذا الحرمه لازم قايديوقفها عند حدها وش ذا العاده الشينه بعد ناقصين إحنا خبالها المره هذه طاحت في يد محمد وسكت بس يمكن المره الثانيه تطيح في غيره ويتكلم على قايد وأهل بيتها وقتها بيعرف يتصرف معها

نجد ومحمد
انت اللي رافضه تتقبلينه وانت عارفه ان فيه كل المواصفات اللي تتمناها اي حرمه في وضعك يكفي حنانه على عيالك وصبره عليك
حاولي تشيلين ايو ثامر من حياتك وتشوفين ابو طلال بداله
هذاك مات الله يرحمه يعني تموتين معه هو يبي منك الدعوه والصدقة مايبي منك تبكيين على أطلاله
وأبو طلال شاف منك اشياء كان محروم منه اولها الاحترام والا هتمام
هو ما طلب منك الحب هو يبي الاحتواء
فقد الشئ هذا وما عنده مانع يصبر عليك بس انت ما عندك اي استعداد بنسيان الماضي
كلام امك صحيح هي ما صدقت انها تشوفك متزوجه رجال حاب عيالك وشايفه بعد انها يبيك اكثر من عيالك لازم ما يتركونك على كيفك ما أبيه خلاص تم لك ذا الشئ امك عندها خبره اكثر منك
فأسمعي كلامها وماراح تندمين

الزين
والله انك زين البيت كلها وصادقه في كلامها عن ماهر تعبت مم القيود اللي جالس يفرضها عليها ويحط حرته فيها
مالك الا الصبر وبعدين بيرحل


ام اليزيد


سلمتِ

 
 

 

عرض البوم صور اموولهـ   رد مع اقتباس
قديم 15-03-13, 08:10 PM   المشاركة رقم: 528
المعلومات
الكاتب:
اللقب:
عضو فخري

البيانات
التسجيل: Mar 2012
العضوية: 237614
المشاركات: 8,068
الجنس أنثى
معدل التقييم: نجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميع
نقاط التقييم: 11015

االدولة
البلدSaudiArabia
 
مدونتي

 

الإتصالات
الحالة:
نجلاء الريم غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي رد: ثرثرة أرواح متوجعه

 





وخرررررررروا



درررررررررررب




درررررررررب


دررررررررب

توني جااايه من الشيخ يقرأ علي صكوني عين هالمراااااااهقاااات انطرمت مااقوى اقول شين

كل مااجيت ارد اعجز كان ودي اكفنهن بس ما مسكتهن الله يستر من الغيرة بس......



سلاااااااام عليكم

تسلمين ام اليزيد على هالثرثره الي تقعدالراس من زينه ....

الله يعيينك على هالمراااهقات الي بتلبس ثوب تنتر حمر ولي بتسافر لايطاليا تلبح لحتومي كوده يشوفه وينسى الثريااا

مرااااهقاات الله لا يبلااانا اااحم هذا وام اليزيد تشفر اجل لو لدعوى مفتووحه مدري وش بيجري لهم

احم لو اني داريه ان ام اليزيد بتفرأ خنبقتي ضبطت الدعوى والوزن والقافيه بس هبلن بي الزيبق والكتكوته

هالحمر اوجع عيوني تلق والثانيه له تركيض تبي تشوف وش يسوون

بس ابشري بسعدك بالي يليق بك ياامبراطورة الحرف


نجي لحبايبنا

مااهر والله اني رحمتك ياما حذرتك الدانه لا ترهى وتتساهل فيها هذاك الحين تتمناها تمني وصرت من الفجر تقوم

علشان يحصلك سلام وكلام !!!!!!ياسبحان الله يوم انه عندك وهي والجدار واحد والحين غلت عليك وصرت تسولف

على اطيافه ؟؟؟؟؟؟ قايد متقصد أنه يحر ماهر يبي يوصله اقصاه يبي يشوف هالترددغلا لدانه ولا حب تملك لحاجه له

وماهر ماهو طويل بال ولا هو حمل قرص عسى بس مايتهور ويخطي خطوه يرجع هالحره لقايد ودانه

الشقه وجاهزه والصبر قليل وقايد له حكمة ونظره بعيده للموضوع ......


قايد والجموح الله يعينكن على بلواكم خصوصا انت ياقايد الله بلاك بهالجموح الي كبده كبد جمل ماتنسى ياكافي

لو انها بالخير طخت الا ان فيها كيد عظيم وهالاريج بترجكم رج بس وشو مدخلها لحياتكم الله اعلم

نجد ومحمد .....اذا مافاقت من صدمتها بعد الي جاها من محمد وامها خلاص لهنا ويكفي

وش تبي اكثر من الي يسويه محمد لها وعيالها ابوهم لو هو عايش يمكن ما سوا الي يسويه لهم

طيب فكري لو انت الي متوفيه محمد بيجلس على ذكراك لا والف لا ......

انتي ماعطيتي نفسك فرصه ولا حاولتي والخسارة لك او ل وتالي وابو طلال بيلقى والله يستر من عمك

مايزوجه الزين

مي وبعدين يامي اتصدد عن الناس من الفشيله من بقى كل بارت متصادمه مع احد

طيب الله باليك بالطلطلة مع انه انقطعوا الي يطلطلون الواتس والفيس يشبع عينك ...تعلمي شلون

سكري النور والباب لا يدخل نور من برا ونزلي الستارة وتمقلي على كيف كيفك ماهو فاضحتنا بين الله

وخلقه الا لو تلاقين انتي واشوواك وش بيحصل اااااتوقع الحرب العالمية تقوووم

الثريااا وحتومي الي زعلوا من ضبوبي وتمسوحي بسبتك مشكلتكم يالرومانسيين لا قلبتوا مابكم ملح

الله يستر عليك يالثريا من برودك وتكذيبك لمشاعره ماتزلين بكلمة اومقارنه بينه وبين فهد ويطلع للحرب رجال وتشوفين

الوجه الثاني لحتومي ويصير سكوني الجنوني وهذا شي طبيعي هو يبي مقابل لعواطفه !!!!!!!


ننتظرك ام اليزيد بكل الود

 
 

 

عرض البوم صور نجلاء الريم   رد مع اقتباس
قديم 15-03-13, 09:00 PM   المشاركة رقم: 529
المعلومات
الكاتب:
اللقب:
ليلاس متالق


البيانات
التسجيل: Dec 2012
العضوية: 248410
المشاركات: 428
الجنس أنثى
معدل التقييم: ترانيم الصبا عضو متالقترانيم الصبا عضو متالقترانيم الصبا عضو متالقترانيم الصبا عضو متالقترانيم الصبا عضو متالقترانيم الصبا عضو متالقترانيم الصبا عضو متالقترانيم الصبا عضو متالقترانيم الصبا عضو متالقترانيم الصبا عضو متالقترانيم الصبا عضو متالق
نقاط التقييم: 2549

االدولة
البلدSaudiArabia
 
مدونتي

 

الإتصالات
الحالة:
ترانيم الصبا غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي رد: ثرثرة أرواح متوجعه

 

الله بالخير يخاله وش عندك مدهره النجلا حمدلله على السلامه أرسلي رقم الشيخ لا هنتي عشان نتأكد أنه مصرح له بالقرأه لأني أشك انه دجال
و اليوم جايه تعطين نصايح لمي يعني تبينها تكمل خبالها بدل ماتتركه والا الحركه الخنفشاريه الي جايه تتحفينا فيها تمقل من تحت الستاره وتقفل النور << عيني فعينك نجيل مجربه الأخت
المخبوله ماتحتاج من يزيدها
والله النوفي جابتها انها بعريصي بس ينقصها نعول أم قايد عشان تنهيها خخخخخ
هذي أم الطبائع الشينه والطفاقه مالها حل طالبتك ياضمضم طلبه ريحينا منها والحقيها بأبو قايد
يقال يحبك رجلك وصابتكم عين ياكبرها عند الله الا هج الرجال وماهو عارف كيف يصرفك ويبيها تجي منك مستحي من قايد أتوقع لا أبصم بالعشر
نفذت بجلدك من محمد لكن مابتفلتين من ماهر ويحط حرته فيك << من بوئ لباب السماء
والا حاتم ثم تمنين انك ماجيت لبيت قايد

ماهر لا تخلينه يتقلب شوي إلا شويتين الحين وين راحة الاستراحات والجمعات وطلعات البر ويوم فقدة الملبس والمأكل والمشرب و حاس ان الدانه شاريه رضى أخوها عليك
هي مابترجع الا يوم تعرفون انها حامل وعاد انطر لما تعرف
والحمدلله أصابتك دعوة الدانه ان الله يبتلك بالحب وان شاء الله تشفق على قربها وماتنولها إلا يوم تهوذي باسمها صاحي ونايم
وبعدين هالخبل يوم انه يحبها ويشوفها تعبانه عجزان من انك تغصبها على روحة المشفى أمرك عجيب
وهي ماحست على نفسها وإلا شاكه بس خايفه تتحطم

أريج انا ماقلت بدق با أوقات مثل خشتها ولا بتزوركم بالبيت لكن تصبري ياجميح لا يطق لك عرق ثم تموتين
هي لا شافت زينك بتحترم نفسها بس اثقلي ضمضم س سؤال هي تدري ان قايد متزوج

والجموح حامل هذي الحمل صدق قلق وأرق خخخخ يعني آخيراً جات حامل بالروايات ماهي خيشة نوم

تسلمين ضمضم والله يعطيك العافيه ننتظر جمالك

 
 

 

عرض البوم صور ترانيم الصبا   رد مع اقتباس
قديم 15-03-13, 10:22 PM   المشاركة رقم: 530
المعلومات
الكاتب:
اللقب:
قاريء مميز


البيانات
التسجيل: Jul 2009
العضوية: 147465
المشاركات: 585
الجنس أنثى
معدل التقييم: دودي وبس عضو جوهرة التقييمدودي وبس عضو جوهرة التقييمدودي وبس عضو جوهرة التقييمدودي وبس عضو جوهرة التقييمدودي وبس عضو جوهرة التقييمدودي وبس عضو جوهرة التقييمدودي وبس عضو جوهرة التقييمدودي وبس عضو جوهرة التقييمدودي وبس عضو جوهرة التقييم
نقاط التقييم: 1271

االدولة
البلدSaudiArabia
 
مدونتي

 

الإتصالات
الحالة:
دودي وبس غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي رد: ثرثرة أرواح متوجعه

 








مسَاء النوَر وَ السَرورَ




حيا الله أم آليزَيدَ...



لااا مآاصدق اول نجمه لي في عآلمَ الروايات تكون من ضمني احلى نجمه والله ...
بعلقها جنب اسمي ^^





الله يعطيكِ آلعآفيه ضموَ ثرثرة جميله وممتعهَ..
مآ شآء آلله تبآركَ آلله ..دآيماً آلثرثرآت ننسجم فيهآ بشكل ... تآخذنآ لعآلم ثآني






حآتم والثريآ ...



آحس جوهم غير عن الروآيه كذا شئ بعيد خآرجي ...
يمكن عشآنهم في شهر العسل أو رومانسية حاتم اللي مآفي زيهآ^^
حآتم قدآمه مشوآر طويل عشآن يقدر يغير نظرت الثريآ له,,,





مآهر والدآنه...



ابي اعرف بالضبط مآهر جاي يعتذر ولاا يضآرب !!
ضحكني قآيد اقترآحاته جميله الشطرنج جدا مناسبه
اضم له اللي يلعب شطرنج مآعدا يكون عنده اعصاب..
يآليت قايد يضيف عليه دوره فن الاعتذآر عشآنَ يكون وضعه تمَآم التمام..


ماهر ايش هالحركاتَ بزر تأخد اختك ..خير !!
بعدين جميح وش اللي قايد يطبخ ولين يطيح اللي في راسه وانتي أكثر وحده تعرفين قايد وعناده!!

ليش ما يشوفون أن قايد معه حق خايف أخته من بعد عينه ...
دوينه بعد ليش ما تقدر هالشىء وتهجد ما عد تكلم ماهر لين يتعدل وضعه




أم حاتم يفضل تكون بعيده عشان لايتعقد الوضع أكثر





نجد و أبو طلال



مسكين أبو طلال يوم جاء يسوي نفسه شديد ما لقى إلا نجد يمكن الشدة تنفع مع اشواق مو نجد
يمكن لو سايرها وماضغط عليها بس يلمح لها بعد فترة تتقبله ...
حزني يوم العيال تعلقوا فيه ...


نجد لين اللحين في تذبذب بين الماضي والحاضر ...
في الفتره الحاليه بتضغط على نفسها عشان عيالها يبغالها فتره عشان ترتب أمورها وتختار القرار الصحيح





الجموح وقايد



الجموح فرحتها بالحمل ومشاعرها الشفافة أحسها غير محد بيوصل لشده فرحتها حتى قايد

أتوقع لمن تجي تقوله بتنط أريج يامكالمه يابشىء ثانيه ..
تقلب جو الجموح ولا عاد تقوله ...

وبعدين اريج شكللي بقلب عليها شايفه الوقت يوم انك تدقين
جد ما تستحي تدق هالوقت. !!!

برضو أنا ارجع أقول العتب على قايد .!!
أنا دائماً أشوف اللي شغله مختلط هو اللي يحدد الخطوط الحمراء
يعني خاصة الرجل في كثير من هالاشكال اللي يتمادون لو موقفهم من البدايه
ما تجاوزوا حدودهم ...

يعني الحرمه اللي شغلها مختلط غالبا تكون صارمه من البدايه عشان محد يتجاوز حدوده ....
ايش معنا الرجل !! يستسهل الموضوع وكأنه يشوفه عادي !!


المفروض مارد عليها هالوقت طبعا هالأشكال ما تفهم انه وقت غير مناسبه ...
فالمفروض يقولها ان الشغل له وقت وغيره مايقبل أي مكالمه...
أحسها مستغله صله المعرفة بشكل فضيع....
ياخوفي تقوله بجي اسلم على الوالده << فيس يشطح بس كل شىء متوقع





مي


بجد أسوء شىء الطلطله شىء ينرفز ليت القاروره جات في وجهها عشان تبطل بما أنها حاولت ولا قدرت
أنا متأكدهـ لو جات في وجهها بتبطل تقرب جنب الشباك بكبره.!!
أحرجت نجد مع رجلها بالله ايش تقوله مرت أبوي بزر ما تعرف السنع ...





رهآن


لو اغلب الشباب اللي يبتعثون زي طريقه تفكير رهآن
بتتغير نظرت العالم للإسلام والمسلمين ...





الزين...


ضحكتني الزين بجد مسكينه مافي إلا هي يحط حرته فيها
ولا بصيغه أوامر ...ولا جزاءً ولا شكوراً...
يحق لها تكره نفسها..




ضمَو الله يسلم ايديكِ ويسعد قلبكِ...يآربَ


ننتظرك بفَارغ الصبر..


بحفَظ الرحمَن...



 
 

 

عرض البوم صور دودي وبس   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة المبدعه ضمني بين الأهداب, متوجعه, ليلاس, أرواح, منتدى قصص من وحي قلم الأعضاء, المخترع الرهان, الثريا و فهد, الروائي حاتم, الصين, تخدير, بين الأهداب, ثرثرة, دانة و ماهر, حكي, روايات خليجيه, روايات رومنسيه اجتماعيه, روايات سعوديه, روايات و قصص, روايات طويله, رواية ثرثرة أرواح متوجعه, روايه, ودي, ضمني, قائد الجموع
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t180426.html
أرسلت بواسطة For Type التاريخ
Untitled document This thread Refback 11-07-17 05:12 AM
Untitled document This thread Refback 24-06-17 04:40 AM
ظ‚طµط© ظ…ظƒطھظ…ظ„ط© ط«ط±ط«ط±ط© ط£ط±ظˆط§ط­ ظ…طھظˆط¬ط¹ظ‡ ط§ظ„ظ‚طµطµ ط§ظ„ظ…ظƒطھظ…ظ„ظ‡ ظ…ظ† ظˆط­ظٹ ظ‚ظ„ظ… ط§ظ„ط§ط¹ط¶ط§ This thread Refback 03-08-14 12:19 PM


الساعة الآن 05:20 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية