ممرضين ممرضات دكاتره..استنفار..
وجسد تركي الشبه عاري استقرت فيه بعض قطع الزجاج بجسمه..اثار الكدمات ..الخدوش ..الدم اللي غطى جسمه..الاجهزه اللي تغطيه..
كان ببين يدينهم...وهم يشووفون الموت..بعيونه ..بجسمه اللي بداء يزرق ...واللي اثار الكدمات والخدوش والكسور باينه فيها...!!

الصعقه الاولى ارتفع جسمه وانتفض...جهاز النبضات موشره ثابت..توتروا الطاقم الطبي ...صار بسام يصرخ صعقه ثانيه...بسرعه
عطوه صعقه ثانيه..حطوا الجهاز ع صدره..
انتفض جسمه..والموشر نفس الشيء ..
احتبست انفاسهم..توقفت قلوبهم من التوتر ..الاعصاب مشدوده...
الانفاس سريعه..العيون ع جسمه وع جهاز نبضات القلب...!!

صرخ الدكتور بسام الصعقه لثالثه...!!
حطها ع صدره وهو يردد:بسم الله يارب يااارحم الراحمين..!!يارب يارب توكلت عليك....

طبيا بعد الصعقه الرابعه والخامسه اذا ماستجاب لها لجسم..يمووت..!!!

انتفض جسمه اقوى من قبل..صعقه ذكر اسم الله فيها...!!

انتفض جسم تركي ..لجسم اللي ياما كافح
وتعب كانت المفاجااءه ...جهاز الموشر ..بدات ترجع نبضاته...!!!
استبشروا هللو..الله وكبر ..الحمدلله الحمدلله...!!ومن يملك نبضات القلب غير الله سبحانه...!!



×××


في الصاله..جالسه ع لابتوبها ...كان البيت هدوء كالعاده ابو مازن..تجارته اخذه وقته ونام بدري بكره اول يوم بيروح للشركه بعد الاجازه الاسبوع ونص اللي اخذها وقضاها مع عياله اللي مشى عليهم فكره سفره امهم الى لبنان...ندى العاشقه..نامت وهي ضامه هديه تركي وكانت هذي حالتها كل ليل تطلع هديه تركي تقراءها بشغف..وكانها اول يوم تجيها لهديه...الماسنجر طول اليوم مفتوح..لكن تركي له فتره طويله مادخل وكان اخر مره هي اللي في االليله اللي اتفق معاها يوصل لها المبلغ اللي اخذه منها...كان لشوق طاااااااغي في قلبها...حيل محرققها ...ماكنت تقدر تقاوم مشاعر حبها له اللي كل يوم تكبر اكثثر واكثر...!!!


سمر:أي اليوم!!
ربى :لاعاااااااااد احلفي ..!
سمر:والله افتحي قناه اللــ..وتشوفينه!!
ربى :زين زين بشوفه يلا فمان الله..!
سمر :ههههههه بحفظه !

مسكت ربى الريموت ..الا ودخل مازن للصاله..كان يمشي بصعوبه توه صاحي من النوم .
ربى وهي مرعوبه:بسم الله..!
مازن وهو يحرك خشمه يمين ويسار <حركه دايم يسوونها اللي يستخدمون المخدرات عن طريق الشم... :وش شايفتني وحش..!!
ربى وهي تضحك:لا بس استغربت خرعتني!!
مازن:الخدم ناموا.؟
ربى:ااتوقع سيتا باقي مانامت!!
مازن:خليها تجيب لي شي اكله!!
ربى:اجي معاك ناكل سوا ونتابع برنامج الـ... الحين بيعرض..!
مازن بعصبيه:لالالالالالالالالالالالالالا!!
ربى وهي مستغربه:ليه اول كنا ناكل سواء بالصاله الحين وش غيرك..بعدين وش سالفتك تقوم نفسك ع راس خشمك..تاكل بغرفتك وتطلع مروق وش السالفه..!!

مازن بتوتر:الجوع ومايسوي..!!

ربى:غريبه لك يومين ماطلعت!!؟

مازن :ايه بالعاد اطلع مع فارس..وفارس اليوم الثالث لعزاء امه..!!

ربى وااللي بان الحزن بوجهها:ياحرام ماتت متى ووش السبب..!؟

ماازن:هي معاها فشل كلوي حاد...والتهبت المراره..واضطروا يسوون عمليه للمراره..لكن جسمها ماتحمل المضادات اللي بعد العمليه والعلاجات اللي تاخذهم وتوفت...!!!

ربى:يارب ترحمها يارب..طيب له اخوان خوات..!
مازن :اللي اعرف انو عنده اخت وحده وابوهم متوفي ..!!الله يعينه
المهم خليها تجيب لي اكل ميت جوع!!

ربى:اوك بقول لها...!!!


×××

فهد يكتب: نورتي البي بي !!

ليان:تسلم..!
فهد:وش هالثقل ياهوو..!
ليان وهي تضحك:الحين توي ضايفتك ع البي بي..يعني ااول مره احكي معاك بشكل رسمي..!!
فهد:البركه بالفيس بوك..جمعنا...المهم شخبار الحلو..!
ليان:تمااام ماعلي انت كيفك!!

فهد:دامني معاك واحاكيك انا بالف الف الف خير يابعد اهلي ..!
ليان وهي مستحيه:احم دوم يارب..!
فهد:يووه الحين لي ثلاث اسابيع اسولف معاك ع الفيس بوك..يوميا وللحين تستحين..!يلا عااد فليها ..!!
ليان:ممممم شوف انا ترى لما تعرفت عليك بالفيس بوك كنت مالي خلق وطفشانه..ووقتي كان كله فرااغ قاتل ..عاد شف الصدفه كيف..!!
فهد:اووووووووه احلى صدفه خلتني اتعرف عليك..ماتصدقين شكثر احس البي بي منور احس يومي غير ااه بس احبك..!
ليان:ااوووووه بهالسرعه...ترى معرفه لااقل ولااكثر ع طول احبك..!!
فهد واللي قام يرقع لنفسه:ههههههه امزح معاك ..ياالبى قلبك وكلك يابعدي انتي اكيد طفشانه صح..!!
ليان:ايه
فهد:ممممممممم ههههههه اجل بقولك ساالفتي انا وصديقي يوم رحنا للبحر !!سالفه طويله بس قسم كلها مغامرات..!

ليان:ااي قولها مومشكله اساسا فاضيه انا..!


ليان الفرااغ االقاتل..الوحده ...عدم الاهتمام..خلها تجلس بالساعات ع صفحتها بالفيس بوك...عالم الفيس بوك العااالم الشاسع بالعلاقات يجمع العالم كله بموقع واحد...وش نهايه ليان ياترى ممكن اضافه ع البي بي وتنتهي بالحذف ..او راح تستمر وش اللي بيصير كل هذا بيتبين بعدين...!!!



×××
كاز:خلاص جيبي الجرعه معاك بكره..!!
صبا:ااوك بس اسمعي هم عبالهم انو انا مجرد عامله بالكافتريا ومشرفه ع القهوه...مايدرون اني اشتغل لحسابي ..وانتي ع اساس انك طالبه انتساب بالجامعه مضبطتك مع المشرفات اللي اعرفهم..!!
كاز:طيب تتوقعين يكتشفوني!!
صبا:هههههههه ياماما لجامعه فوق 7الالاف طالبه من غير الدكتورات واعضاء هيئه التدريس وووو الخ بالله منو بيطالعك او بيعرفك..هو الخوف من المشرفات..والمشرفات كلهم صاحباتي يعني تطمني!!!
كاز:حلوووو اجل الشغل بيبدا بكره واول ضحيه بطقطق عليها يلا ااجل تصبحين ع خير ياحلو
صبا:هههههههه تلاقين الخير ياعسل..!


×××
الساعه 1ونص..!

احلام:هدي الله يخليك تكفين هدي ...!!
منى وهي تبكي:هم اكيد صاير فيهم شي ..احلام وش اسوي!!
قولي لي وش اسوي كيف ادورهم!!وين اروح!

احلام:تعوذي من ابليس لاتخلين الشيطان يلعب بعقلك!!وتوسوسين يمكن متعطله السياره يمكن أي شي!!
منى وهي تبكي بحراره:احللللااممممم احنا نصصص الليل تركي وامي فيهم شي تكفين احلام لاتخليني موعارفه وش اسوي!!

احلام واللي باين الحزن بوجهها:منى حبيبتي هدي تكفين اسمعي اخوي فيصل برى البيت بحاكيه ويمكن يساعدنا شويات وادق عليك ...!فمان لله..!!

سكرت احلام وقلبها يدق بسرررررررعه وكانت متوتره..كانت عارفه انو صاير لهم شي خطير ...كانت عندها ميهاف وتكلمها لمى ع الجوال كالعاده تقعد نص ساعه وهي تحاكيها...
احلام وهي تدق على فيصل:ياربيييه رد يافيصل,,!
فيصل:الوووووو...!!

احلام وهي متوتره:هلا فيصل اخيرا رديت!!
فيصل وهومتفاجاء:صاير شي فيكم شي!
احلام:لا لكن يافيصل ابيك بخدمه اذا قدرت ومنت مشغول..!
فيصل:امري!
احلام:صديقتي منى يافيصل اخوها واامها المفروض من قبل 11وهم بالبيت لكن للحين مارجعوا..!وتدق عليهم مغلق جولاتهم..!!
فيصل وهو متفاجاء:وين رايحين هم..!!
احلام:اخوها رايح يجيب امها من السوق..وللحين مارجع ..وهي مافيه غيرها بالبيت ..وتعرف يتيمه ولااخوان ولاخوات..!ومالهم أي احد هنا..!
فيصل:لاحول ولاقوه الا بالله العلي العظيم..طيب اسمعي انا بكلم واحد من اصدقاي يستفسر ..
اذا جاء بلاغ عنهم او أي شي ...!!

احلام:كيف يستفسر..؟؟
فيصل:كل منطقه لها مركز معلومات متصل في بعضه الاسعاف والمرور والشرطه والامن
وو هو صديقي يشتغل بمركز المعلومات..
اهم شي جيبي لي اسمه واسم امه واذا قدرت تجيب رقم لوحه سيارته

احلام:اوك بدق عليها وباخذهم منها وادق عليك...!!انت متى ترجع..!
فيصل:اوك ..مدري يمكن اجي بعد ساعه ونص مدري ع حسب االشباب..
احلام:انزين يلا فمان الله انتبه لجوالك شويات وبدق..!!

بعد ساعه الساعه 2.في الليل..!!
فيصل:وش صار استفسرت لي ..!!
يوسف:والله يافيصل وش اقولك!!
فيصل بتوتر:وش صاااااااااااااااااااار؟؟؟
يوسف:خبروني مركز الاسعاف اانو وصلوا
واحد هو وامه لمستشفى الـ..
اللي اانت تشتغل فيه..ولما دقيت ع نفس المسشتفى ...طلعوا هم..!
فيصل :انت متاكد...؟؟؟متاكد وش عرفك...!
يوسف ايه متاكد..من بطاقته الشخصيهه ..هم اكدوا لي..ولما استفسرت من المرور..قالوا لي عن رقم اللوحه ومكان الحادث...!!
فيصل وهو مصدوم:لاحول ولاقوه الا بالله العلي العظيم..!!
انا لله وانا اليه راجعون مشكور يوسف ماقصرت..يلا اكلمك وقت ثاني..!
يوسف:العفو اخوي يلا فمان الله...!!


احتار فيصل وش يسوي يدق ع احلام والا وش يسوي...طلع من عند الشباب..وراح للمستشفى...وهو بالطريق مسك جواله ودق ع احلاام..ماحب يصدمها خصوصا انو تصير منى صديقتها..!
فيصل بارتباك:الووو
احلام واللي انهارت اعصابها:هلا هاه بشر وش صار..؟؟البنت بتموت من البكاء ...!!
فيصل بتوتر:بصراحه يقولون انو صاير لهم حاادث بسيط وتسبب بكسور بسيطه هم بخير بس مجرد كسور..
شهقت احلام انصصصصدمت ....
فيصل:احلام مجرد اصابات بسيطه طمني البنت قولي لها اليوم باليل او بكره بيكونون بالبيت ...ترى هم بخير مجرد اصابات بسيطه..!!
احلام واللي نزلت دموعها:طيب طيب يلا فمان الله..!!

سكر فيصل وهو يحس الهم مالي قلبه ..كيف لو يكون صار فيهم شي وش يسوي ..باليتيمه اللي محد حولها..!!
كانت الافكار متشتته ..والحيره مغرقه كل عقله..!!!
××××

دخل فيصل لغرفه الطوراءى ..!!
وبعد ماتاكد من انو هم تركي وامه حصه
ونفس الاسماء ...!!
الاوراق ماتبشر بخير...كسور مضاعفه..نزيف داخلي ..ضربه بالراس..
نبضات ضعيفه...نزيف ..ووو!!!
علامات ماتبشر بخير...عرف فيصل انو حالتهم خطيررره..وهذا التشخيص المبدايء قبل ساعتين..اكيد احد منهم توفى او صار له شي..!
خاف فيصل توتر زيااااااااده ...حس المسؤليه عليه كبيره ....!!!

بعد لحظات...

بسام:ماااقدر احكم الان ع أي شي..!!
فيصل:بس التقارير اللي شفتها تبين صعوبه الحالات..!
بسام:الله يستر ..انا قلبي مومتطمن..وماراح يتعدون مرحله الخطر الا بعد 72ساعه ...
فيصل:يعني بعد ثلاث ايام..حاله تركي صعبه..!!وش التشخيص الاخير لها..!
بسام: نزيف في البطن..تهتك بجزء من الكبد نتيجه الضربه ع بطنه..عنده كسور برجلينه الرجل اليمنى مضاعف وعنده كسور بثلاثه اضلاع..وكسر بيده... وتوقف قلبه لانو الضربه جت ع بطنه وصدره ...سوينا له صعق والحمدلله استعاد نبضه..ودخل للعمليات بسرعه واجراوء له عمليه عاجله للنزيف والحمدلله ..لكنه نزف نزف كثيربالحادث..ووضعه مومطمن ابد خصوصا نبضاته اقل من الطبيعي بكثير..نسبه الاكسجين اقل ..اشك انه راح يعيش.وفاته محتمله.الكبد متهتك جزء منه ..الاضلاع مكسوره ..
والرضوض بكل جسمه والكسور تحتاج عمليات ..صراح ماادري وش اقولك لكننه تحت رحمه الله...!
فيصل تاثر حيل ماعرف يرد غير بـ:لاحول ولاقوه الا بالله...طيب وامه شخبارها...!

بسام:امه مو ازين حال منه رغم ان تركي اصعب حاله منها..!لكن جتها ضربه ع راسها وهي بغيبوبه فيها كسور برجلها وكسر بالحوض..!
وفيها كدمات وجروح..عميقه..والمشكله انو اكتشفنا انو معاها سكر وضغط...!وهلجروح لها صعب التئمها..!
فيصل:لاحول ولاقوه الا بالله..لكن طبيا تركي اصعب حال منها..!!
بسام:الله يشفيه تركي..كل علاماته الحيويه متدهوره..ومايتنفس الا صناعي..الله يشفيهم يارب العالمين ..!
فيصل بتوتر:امين..بسام الله يخليك انا برجع للبيت..بكره دوامي توصى لي بتركي وامه ابي عنايه كامله..اي شي يصير خبرني واذا احتجتني دق علي بترك جوالي مفتوح....

××××××××××××

رمت جوالها وهي تبكي منهااره صارت تردد يمههه يمممممه
صارت تبكي بنهيارركضت لغرفتها صارت تضم ملابسها.....

::وين صصوتك والصدى..!!
وين ضحكه تغنيها الزويا!!
يمه يمه يمه!!
يمه ويــــنك..!!لا لا مانسيتي الوعد..!
تبقين معاي !!في ضحكتي وبكاي..!
في فرحتي..في حزني في كل شي فيني لك منه مجال..!
يمه نسيتي ان :
اوراق العمر صارت تتصفحنا شقىْْ..!!
هم واسى...وقصه يتمين تربوا في حضن..ارمله..!
اااااه ياذاك الزمان..ااااااه ياصعب الامكنه..!!
صارت تتلقف منك كل شعور..!!
ذاك االمكان..باعك..للشتات..بكلمه ريال..!!
ذاك المكان..صفع وجهك..لا يايمه..!!
صفع وجهك..بهذلك..لملمك لملمك..ثم بكل قسوه..!
كسرررك ..اجزاء صغيره مبعثره..ثم ذرك للرياح..!!
ذاك المكان ...صرخ فيك بكل ثقه..اقتلي كل الحروف..
امحيها من خيال الذاكره..قتل صمتك..
بعثر منك كل الكلام...
وبكل بساطه اخذلك..
اخذلك يمه اخذلك..!!
ذاك االمكان ..وذاك المكان...!!
يمه تعددت الامكنه..!!
الا قلبك الحنون..يمه يمه لوغنت السماء..
لحن قلبك.. مالت كل الغصون..!!
يمه !!
بحضنك الدافي ..ربيت..كبرت ..
سمعت الف قصه وقصه..!
بحضنك عطيتني وعد...ببقى معك..!!
يمه وينك..!!لحين وينك..!!
صرت اصرخ للزويا يمه يمه ..!!
يرجع لي الصدى اااه ياكبر رغبتك..!
امك رحلت..للتعب جسد هالك..!
وين الوعد..!!لاتتركيني بعدك..!!
لمين ابقى .وكيف برجي من بعدك حياه...!!
يمه ..لاتتركيني مقدر اعيش..!!
يمه يمه رجيتك...اخذيني معااك..!!!
مابي بعدك اعيش..!!
ماابي اعيش..!!

ضمت ملابسها وصارت تبكي بدون شعور..قلبها ينزف الم..ودموعها تبكي دمع احرق جفونها...مسكت جوالها وصارت تبكي:احلام ابي امي
الله يخليك وديني لها تككككككككفين ابوس يدك اابي اامي !!

احلام وهي تخنقها لعبره:منى ترى كسر بسيط وتركي معاها بس تكون بخير بيطلعها...!!
منى:لا انتي تكذبين علي لو تركي بخير كان..دق علي من أي جوال..تركي مايتركني تايهه كذا..!
احلام بتوتر:تركي بخير واخوي فيصل شايفه..تطمني اهم بخير..!!!
منى صارت تبكي بنهيار...!!بكت معها احلام ماقدرت تتحمل تشوف صديقتها تعاني قالت لها كسر بسيط بامها ولاخبرتها عن تركي..بكت وتالكمت وصارت حالتها صعبه كيف لو تدري وش فيها امها بالضبط..!!او وش في تركي...!!




الصباح...!الساعه 5ونص..!!






brb

عادل وهو يفتح باب الغرفه:ههههههههه مخترب نظامك تدرين احسن شي معاك بي بي والاجلست لحالي صاحي ..!

نوره:والله نظامي غريب وربي مدري كيف قلب كذا..!المهم ادخل
وسكر الباب..!
عادل وهو يحوس بجيب بنطلونه:سكرت الباب..صبر بطلع شي..!
نوره وهي تنط وتوقف جنبه..وش اللي معااك..!
عادل:اخذي هذا جلاكسي ومارس البارح رحت للبقاله وقلت اجيبهم لك ولي...!
نوره وهي تبوس ع خده :يالبيييييييييه مشكور مره مشتهيتهم..!
عادل وهو يضحك:عندك قهوه؟؟؟
نوره:ايه سويتها قبل ساعه الناس نايمين قلت اسوي قهوه...!
مررررررره احس مشتيهه القهوه,,,!
عادل:ههههههه احسن ماسويتي..!!اذا مخبيه شبس أي شي حطيه مره جوعان..!
نوره :اايه عندي كل للبي تبي بالدرج..!!

عادل:يلا جيبيهم..الا وين لمار..!
نوره:نايمه عند امي..!!
عادل:حلو اجلس نجلس نسولف ع رواق عبالي انها نايمه قلت بنزعجها وبتقوم..!!
بعد ساعه ونص وهم جالسين سواء..!!

عادل وهو متفاجاء:وش هالرقم الغريب...!؟؟؟
نوره:مين !!
عادل:مدري برد اصبري...!!

عادل وهو يمسك بجواله:الوووووو!!

؟ :...................
عادل:مين معاي؟؟
؟.................
عادل وهو متفاجاء:امر أي خدمه..!!
؟...............................
عادل :لاعادي بس مستغرب كيف جبت رقمي رغم انك ماتقرب لي و ماشفتك الامره وحده..!!

؟.....................
عاادل:طبعا ابي اعرف يلا قولي وش السبب اللي خلاك تدق علي..!!
؟................................................. .......................
|................................................

عادل وهو مصصصصصصصدوم:شششششششنو!!ششششششششنوو...!!

من جدك انت..........؟؟؟


^
^
^
^
^
نهايه البــــــــــارت ..!

الفصل الثـــــلاثــــــــــــــــــين...

إذا ضَاقَتْ بك سنِينكْ وصَارَتْ دنْيتـگ [ أحـزان]
تذَكّر ربّگ الخالـق وقـل: يـا ربــــي [ الخيـره ]
يَـآربْ يَآوآفيّ ( العطَا ) جنبنِيّ درُوبْ [ الخطا ]
وإغسلنيّ بـ ثلجّ " العَفُو " وألبسنيّ منْ ستّرك | غطَآ |

×××
قام عادل بسرعه...
نوره وهي تقوم تبي تلحقه:عادل تعاال لحظظظظه!!!
عادل وهو يلتفت:وش تبين بسرعه!!
نوره وهي تطالع في عيوونه:شفيك شصاير..؟؟؟
عادل وهو مرتبك:موشي بس واحد من اصدقائي يبيني بشغله مابي اتاخر سسسسسلام..!
نوره:انتبه لنفسك..!
مشى عادل ..وطلع بسرعه رغم نوره قلبها مومتطمن عليه..!!
كانت تحس انو فيه شي صااير..!!

×××
في المستشفى...!!قسم العنايه المركزه...!!!
فيصل يتفحص الاوراق وعن يمينه..االممرضه..!!تغير كيس الدم للي موصل بعروق تركي..!!

فيصل يطالع الاورااق اللي ماتبشر بخير..العلامات الحيويه متدهوره..!!
قبل ساعتين طلع تركي من غرفه العمليات ونجاح عمليته محكوم بالساعات اللي راح تمر..
القلب نبضاته اقل من المعدل الطبيعي..!نسبه الاكسجين اقل من المعدل الطبيعي..

التفت فيصل وصار يتامل تركي..شاب وسيم..يحضنه سرير ابيض..الكدمات باينه بوجهه..الاجهزه مغطيه جسمه..كان التعب راسم ملامحه بوجه تركي...كاان فيصل من جواته يتالم..وهو يطالع التقارير لانه دكتور ويعرف انو هالتقارير ماتكذب..هالتقارير توكد له اان تركي بيموت!!
النبض ضعيف..الجسم متكسر..والبارح مسوي عمليه ع اساس
النزيف اللي في بطنه..وقبل كم ساعه مسوي عمليه في الكبد..ويحتاج لعمليه لتثبيت الكسور..كان فيصل متاكد انو تركي جسمه ماراح يتحمل..!!

طلع فيصل من غرفه العنايه انتبه فيصل لصوت الدكتور عبد العزيز..وهو يناديه..
فيصل:سم ابوي..!
عبد العزيز:وكل امره لله..!
فيصل:ونعم بالله..!
عبد العزيز:فيصل قالوا لي لك معرفه فيه!
فيصل :تقريبا ...
عبدالعزيز:الله يشفيه يارب
فيصل:امين !قولي تتوقع بتنجح عمليته خصوصا المؤشرات
اللي بعد العمليه..!
عبد العزيز :ماادري مستبعد نجاحهها لكن يارب يسترعليه يارب !
فيصل بالم:علاماته الحيويه متدهوره!!
عبد العزيز وهو يتنهد:من قبل ماسويها له كنت عارف جسمه ماراح يتحمل..وانه بيموت..لكن احنا نسوي اللي علينا والباقي ع الله..هالولد احتمال انه يعيش ضعيف جدااا1
فيصل بالم:ربك موجود ياعبد العزيز ..ماعلى الله شي عسير...!!!ماتدري لو بعد كم ساعه تلاقيه بخير...!!
هالولد اللي اعرفه انه بار بامه..وشاب مكافح..رضى الله من رضى الوالدين..من رضى ربي عليه وفقه بكل شي بدراسته حتى بتعبه يفرج له من كل ضيق..!!
عبد العزيز:ونعم بالله...صدقت ..وكل شي قضاء وقدر..!!حادثتهم كان قوي..!
وحتى الام الدكتور بسام يقول الضربه كانت قويه عليها وللحين بغيبوبه!!!الله يقومهم بالسلامه!!

×××
الساعه 8ونص
منيره جاالسه هي ونوره بالصاله ويفطرون سواء..!!

منيره وهي تاخذ كاسه الشاهي من يد نوره :اضن يومين ماعطيتيني قرارك ومحمد ينتظر!!
نوره والدموع بعيونها:اهو شفقان علي وبياخذني رحمه..!
منيره:منو قال هالكلام ..؟؟
نوره وهي تخنقها العبره :مايحتاج احد يقوله..!!؟كل شي باين!!
رحمه وشفقه فيني !!
منيره:نوره اانا صريحه وحتى محمد ربيته ع الصراحه هو صارحني بكل شي..
نوره وهي مطيره عيونها ومتفاجاءه :صارحك بشنو..!
منيره:محمد يبينا نلتم سواء ومايبيك انتي وعاددل تطلعون..انتي عارفه وش سوا خاله
وهو شاايل لي معروف تربيتي له وهو اكثر شخص..كان يجبيني لك لما ابي اشوفك بالسر..!
نوره وهي متفاجاءه:يعني محمد مو اول مره يعرف عني..!يعني من زماان..!
منيره:أي من زمان..
نوره: لكن يمه شايل لك معروف يعني شفقان علي ..!!

منيره:لا موشفقان يوم كبر وصار عمره 14سنه وصار يتعلم يسوق كان ياخذ سياره ابوه ويوديني لمدرستك..!!
كنتي بالابتدائي ..وهو بالمتوسط..ايام وايام صرت اشوفك من بعيد لبعيد نوره محمد عرفك قبل تعرفينه..!
محمد كبر وهو يشوفك تكبرين..كنت اقوله يوم صار بالثانوي بخطب نوره لك ووتتزوجها وتجيبها عندي..!
كنت امزح معااه..نوره ونوره..كبر محمد وهو يشوفك..!!!بعدين قلت لك موشفقه ولاشيء
نوره وهي حييييييل متفاجاءه :يالله..مااكنت اتوقع انك كنتي تراقبيني مدري ذيك الايام شلون ماانتبهت ..لكن يمه وش تقصدين بكلامك..!!محمد قايل لك شي..!!
منيره:هو ماقال شي لكن محمد تربيتي واعرفه...صحيح اني مو امه زوجه ابوه لكن اعرف وش جواته لو مااتكلم..!محمد لو مايبيك ماخطبك..لاهو رافه ولاشفقه ولاحتى ..رحمه فيك..!
نوره:شعرفك ..!!
منيره:محمد يهتم لك..زماان يوم كان عمرك 4سنوات كان عمر محمد 8سنوات.وعادل عمره سنتين ..قبل يتزوج ابوك..انسجن بديون 4شهور ..خذيتك عندي انتي وعادل..كان ولدي سامي عمره سنه..ضليتي عندي ااربع شهور اطول فتره جلستي فيها عندي..كنت انومك انتي ومحمد بغرفه وحده لانو كان بيتنا صغير مره..!
اما عادل كنت انومه مع سامي.. كنتي اغلب وقتك تلعبين مع محمد..وتروحون للبقاله سواء تلعبون سوا
حتى ماانسى ذاك الموقف لما كان محمد يلعب مع عيال جيراننا بالشارع كنتي تجلسين ع عتبه الباب..!
لما اانجرحت رجله ركضتي لمه وقمتي تمسحين الدم بطرف فستانك...!!هذاك الموقف مستحيل انساه..!
ضليتوا عندي اربع شهور..لحد ماجاء حسبي الله عليه ونعم الوكيل..اخذكم وبعد اسبوع تزوج..
.واخذكم بعدها ماجيتوا لبيتي الا هالحين..!

نوره وهي مصصصصصدومه:يعني انا سبق وجيت عندك ولعبت مع محمد..؟؟؟حتى عادل جاء معاي ..!!كيف مااتذكر كيف..؟؟معقــــــــــــوله..يمه .!!معقـــــــــــــوله..!!شلون مااتذكر..؟؟


منيره وهي تبتسم:أي كنتي طفله..عمرك اربع سنوات وش بتتذكرين..؟؟حتى عادل..كان صغير صغير ..
جاني وهو نحيف حيل من الاهمال...تغير حاله زانت صحته..ولله كان بحسبه ولدي سامي..حتى ابو محمد لله يرحمه كان ياخذكم ويوديكم للبقاله ويشري لكم بدون يفرق..حتى لما طلع ابوك طاالبه ابو محمد وقاله مانبي نفقه ولاشيء انا مسؤؤول عنهم لكن ابوك رفض...!..يمكن موب مصدقه انك جيتي لي..لكن محمد عنده البوم صور فيه صوركم وانتم صغار..!!من ضمن الالبوم راح اوريك اياها لارجع محمد...!!!
نوره وهي حاطه يدينها ع راسها وتحاول تتذكر:شلووون نسيت هالذكريات ليش موب قادره اتذكرهم..!!بفهم ليش..؟؟وليش توك تقولين..!!
منيره بنبره الم:لان ذكرياتك موجعععه ..كبرتي وذاكرتكك تمتلي بالوجع والالام..!توي حسيتك مرتاحه حكيت باللي رااح...؟؟
نوره بنبره حزن:ااه بس مدري احس اني بدوامه مو قادره اصدق اللي صاار..!!
منيره:نوره ودي اسالك سوؤال لي 3شهور ودي اساله ومالاقيت الوقت لمناسب له..!بس الحين وقته...!!
نوره بنظره استغراب:اسالي يمه!!
منيره وهي تطالع بعيونها محمد وش رده فعله يوم دخل عليك بالمخيم..؟؟بالسياره كيف رده فعله..؟؟

نوره طالعت الارض وهي تحس امها فتحت جرح ينزف بقلبها...سكتت نوره الذكريات صار تنهش عقلها...ماقدرت ترد...!
منيره بارتباك:نوره ماقصدت افتح لماضي ..بس تهمني اجابتك ؟؟
نوره وهي منزله راسها:كاان معصب معصب...كان الود وده يذبحني..رغم انه غريب وقتها لكن استغربت من عصبيته علي كلامه لي..مالومه لو عصب لكن..اللي استغربته..عصبيته وتلقائيه كلامه ..مدري كيف اقولك يعني حسيت انو...مدري مدري يمه مدري ..
قاطعتها منيره وهي تبتسم :خلالالاص فهمت ...!
نوره وهي مستغربه:فهمتي شنو..!
منيره:ولاشيء يمه نوره جوالي يدق جيبيه لي.

×××
في المطــــــــار...

عادل وهو يطالعه بنظرات حاده:وش السالفه.وش فيها جنى وش فيه رائد...؟؟كلمتني عشانهم؟؟
حمود:اسمع ياعادل ..انت عاارف بالزمن هذا الواحد يالله يقدر يربي عياله..وانا واحد راتبي ع قدي ويالله اقدر ع عيالي...وبيتي شقه ع قدي يالله صبرنا 4شهور هم وامهم ساكنين بغرفه وحده وصارت مشاكل الى الليل وكل يوم مصيبه ومشكله ولما تزوجت امهم زوجها مايبي عيالها وخيرها بين االزواج وبين عيالها واختارت الزواج ..وانت عارف مافيه من خوالهم الا انا وخالهم الكبير مايبيهم وجدتهم وجدهم متوفين وخالاتهم متزوجات ...فقالت ارسلوهم لاخوهم عادل هو بيكون احرص عليهم مني ...!!وانا وصلت لك هالامانه..!

عادل :....................
كانت الصدمه كبيره كبيره كبيره حيييييييييل ع قلب عادل للي يحس قلبه برااكين تتفجر...!ماكان ناقص مصايب تجيه..
مااقدر يحكي او يرد ..والكلام كله مات ع شفاهه..يتيم يرعى اطفال تخلت عنهم امهم بدون ذنب...!!
حس الكلمات تتوقف بحلقه زي السكاكين تجرحه ..سكت والسكووووووت اكبر من معنى الكلام...!!

حمود وهو يطالع بعادل :وش رايك بتتحملهم والا لاا..؟؟!
عادل وهو يطالعه بنظره حاده:ذولي لحمي ودمي وش تتوقع ببيعهم زي امهم..
بيكونون بعيوني لكن اسمع..بقولك شي..؟؟؟!!
حمود:قول..!
عادل:هم يدرون انو بيكونون عندي.......؟؟
حمود:أي يدرون...امهم مخبرتهم ...!!زمان وخبرتهم انا قبل..
يعني انصدمواوبكوا وتقبلوا كل شي ...
عادل بعصبيه: اسمع انا مسؤؤل عنهم وبربيهم وبكبرهم...ومابي منكم شي لافلوس ولاشيء لكن تاخذ اختك وتكتب تنازل بالمحكمه وترسله لي صوره منه بالبريد وراح ارسل لك رقم البريد...!هذا شرطي..!
حمود:يعني ماتبي فلوس من امهم كل شهر او ...
قاطعه عادل:مابي شي ابي تنازل بس علشان اربيهم واكبرهم تحت عيني..عشان لو طلع ابوي ماله حق ياخذهم مني...فهمت ليش ابي هالتنازل...!!
حمود وهو يبتسم:خلالاص صار هالاسبوعين بيكون عندك..!!
عادل هم وينهم الحين...!
حمود وهو ياشر:هذا رائد اللي معاه شنطته السوداء وجنبه جنى ...!!
كان رائد يادوب توه مكمل 11سنه وجنى عمرها 9سنوات..
عادل بصوت عالي:رااااااائد جنى......!!

التفت رائد ع صوت عادل التفت وهو يطالع عادل يبتسم..
حس قلبه صرخ من الفرحه...ركض رائد وجنى وهم ماسكين يدين بعض..
وضموا عادل بقووووه..استغرب من ضمهتهم له بالطريقه ذي...وكيف يركضون وهم ماسكين يدين بعض لهدرجه حنوا ع بعض وخايفين يضيعون..
ياترى وش كانو يعانون في بيت خالهم..وكيف ضمو عادل بالشوق هذا ورغم انهم قبل كانو يسمعون كلام امهم وتحريضها لهم..وش اللي تغير فيهم ليه ارتموا بحضنه بهالطريقه..ضمهم بقوه ..!!!
عادل:اشتقت لكم والله...!!
حمود:يلا انا استاذن ..!فيه رحله الحين ورحله باليل وبرجع الحين...!!
عادل وهو يقوم :اذنك معااك...لاتنسى اللي وصيتك عليه...
حمود وهو يمشي:ان شاء الله يلا مع السلامه..!!

كانت عيون رائد وجنى ع خالهم وهو يمشي ويختفي بين النااس..كانوا عارفين بكل شي...
كانت عيونهم تفسر اشياء تخونها الحرووف..!
(كان عيونهم تصرخ:
لاتغيب...وتتركنا كذا..!!
طفلين في باطنهم براءه ..ضموا
تفاصيل قصه اااه حيل حيل
ياخالي قاسيه..!!
لاتغيب وتتركنا..
بلاملامح..بلااطار لصوره باهته..!!

وين نروح..لدنيا جديده ..
عقولنا لصغيره فيها جاهله.!!
ياخالي ..

قلبك الصخر ..ذقنا منه اقسى الامثله..!!
لااهتمام..
لامشاعر..
لاعطف ...
ولارحمه تستفز قلوب ميته..

لاتغيب ..
خذيتنا ضحيه زواج ام قاسيه
وصرنا كذا ..

كذا..!
كــذا.......!
كـــــذا.......!

نمشي بدون عناوين واضحه..!!

اااه ياحلم الطفوله ...
ااه ياكبر الاماني..
اااه ياشتات الامل..
ااه ياقسوه عنى..
ااه ياحياه رسمناها ع غيمه صغيره
عابره ...رسمنا عليها وودعتنا بعيد مسافره..

ااه يا زيف الاقنعه... لالبسها بشر..!
لاتغيب وتترك الاستفهام يستفز الاسئله..!!
قلبك قسى..وقلبها نسى..!!
حسبي ع قلوب تتسمى بكلمه بشر..!!
نرتمي من حضن جفانا لحضن كنا نعذبه!!
نمشي كذا..وبنعيش كذا..!!
والخوف يبدد سكون حنايا ضاميه..!

روح روح حسبي عليك وعلى ام جافيه..!
غيب لكن قبل تختفي وصل لها رساله صادقه..!
قلها مانضيع..مانضيع..ممانضيع..!!
دام رحمه الله فينا نازله..!!
طفلين لم شتاتهم يتيم..
واخت بدروب الالالم تايهه..!

قلوب محرومه لكن مع بعضها متوالفه..
قلوب محرومه لكن متوالفه..
وهذي كل السالفه..!
روح ياخالي ..
بس تذكر قلوب محرومه لكن متوالفه..!
وهذي كل السالفه..!!

^بوح كتبته يعبر عن حالهم..

brb