صباح الفل والياسمين ........ صباح الزمرد .....صباح الابداع ......تسلم ايدك ياقلبي على البارت المشوق ....تدري كتبت رد طويل عريض اول مانزل البارت وطار ومن قهري ماحبيت اكتب رد على الطاير احس ماراح يعطي البارت وتعبك حقه

فاتن و الخاندرو


فتونة وربي حبيت هالبنت وعجبتني وبقوة بس ماحبيت امها ولا اختها احس هي ورى تساهل البنات بحجابهم بس فاتن عاقلة وفاهمة ليه مومن نفسها تحجبت وتحشمت يعني لازم تتعرض لموقف مذل يخليها تصون نفسها وهي فتنة اعتقد هذا الي بيصير ماراح تقتنع بالحجاب الا بعد موقف من النذل اليخاندرو ........عجبني موقفها مع خويلد واعتقد هي الي بتحسم الامر بالنسبة لسكن حنان عندها وبتوقفه عند حده هو وحرمته النسرة

سليمانوه وجع شيبغي من فتون والا لانها مو مثل غيرها رخيصة تنتظر اشارة منه حطها يراسه مالت عليه متراهن مع خويه على انو يروضها وبأسبوع من الحين يحلم وراح تجيب راسه بنت ابوها هذي فتون مو حياالله هو الي بيراكض وراها وبيتمنى رضاها مستهين فيها وبعقلها بنشوف مين الرابح ومين الي بياخذ درس بعد هالعمر


سارة ومحمد

سارة قصتها وماضي اهلها موجع ولو وحدة غيرها تعقدت وشخصيتها مالت للانحراف دام اهلها من البداية منحرفين وكملتها امها السخيفة المنحرفة بزواجها من السكير الي مصدق حاله انو سارة بترجع معاه خير بأي صفة لاهو ولي امرها ولا له كلمة يزوجها ولا يسير حياتها وبيصير لها موقف في المستشفى بحضور محمد واعتقد هو الي بيفكها منه حتى لو كان الحل الزواج من اجل الحماية

مع انو محمد معجب فيها بسبب شبهها من حبيبته الي ماادري سبب تركها .......وليه تارك عايلته المعروفة والي لها مكانتها هل هو هارب من قصاص بجريمة ماارتكبها انظلم فيها والا كيف ........اذا هو من عايلة مرموقة وعنده انسانة يحبها وتحبه ايش الي قلب حياته وخلاه ينجبر يعيش مع حثالة همهم سرقة الاناث لانهم مايقوون على الرجال

اعتقد بيكون في تهديد قوي على سارة وفاتن من قبل الشلة الفاسدة بس في مين بيدفعهم الثمن ويعلمهم قدرهم زين

حنان

هالبنت ساعات احب شخصيتها وساعات استنكر تصرفاتها ......البنت باين عليها عفوية بس الا مبالاة الي فيها هالشي بعد صدمتها بلي صار واصلا هالشي من صالحها شتبغي بواحد مو متمسك فيها ويمشي ورى كلام غيره ...بس احسها بترمي حالها على فيصل ماادري احسها صايرة خفيفة من هالناحية ياليت فيها ثقل شوي مثل سارة وفاتن احلى مع عفويتها وبساطتها بكذا راح تلفت انتباه فيصل وهو الي يفكر فيها ويمكن تصير من نصيبه وتقهر الكل واتمنى هالشي قبل زواج اختها علشان ترد كرامتها وهي ماخذة ولد حسب ونسب احسن من زوج اختها الي عافها

مظهرها راح يتحسن وبتصير فاتنة فاتن وسارة ماراح يتركوها وخصوصا لو عرفو الي تعرضت له من قبل والي مبين اهلها مايفرقون عن اخوها في عدم مراعاة مشاعرها والا واحد خطب وحدة كيف يرضون يزوجوه لاختها والاخت بعد نفس الشي كيف تأمن تاخذ خطيب اختها بس كلهم بيشوفو الانسانة الي استهانو فيها ايش بتكون بعد هالسفرة

خويلد وايمانوه

خويلد صدق عقلك مو براسك يعني رميك لاختك بالسكن هو الي بيحميها ليه ماراح يكون معاها احد ولا بتحتك بأحد على الاقل مع فاتن بيقدر يعرف اخبارها واخبار الي معاها بس بالسكن الداخلي ايش يضمن له الي بيكونو معاها

اما ايمانوه غبية ومبين انها حاقدة على حنان اعتقد انو حنان كانت تنصح خالد مايتزوج هالنسرة وانها ماتناسبه وهذا الي قهرها او غيرة لانو حنان كانت محبوبة والكل يمدحها عكسها هي واعتقد مثل ماهي قاعدة تسعى لقهرها بيجي يوم وبيرجع عليها كل الي تسويه بهالمسكينة وخالد بيعيفها من حاله


فيصل

كان يحب بنت عمه وفضلت غيره عليه اعتقد علشان لاياخذ من بنات عمه بيختار حنان من غير قناعة بشكلها الحالي وامه اعتقد مابتعجبها لانو شكلها شايفة حالها بس بعد كم شهر من اهتمام فاتن فيها الكل بيتفاجئ بحنان الجديدة شكلا ومضمونا ........وبتبتدي مشاعر فيصل تتغير من ناحيتها بس في عراقيل جايته من قبل الحقيرة مها الي ماادري شتبغي بعمرها ياليت فيصل يسجل مكالماتها للوقت الي بتدبسه فيه هذيك وينشره على جميع معارفها ويقلب الطاولة عليها لانو وظيفته حساسة وممكن ينظر بسكوته

الجوهرة

شقصتها وليه زوجها يعاملها بحقارة كذا وليه ساكته عنه اكيد في سببب وسبب قوي بعد مازال عندنا شئ مبهم بخصوصهم ننتظره يتوضح اكثر


منى وعزيز

عزيز حبه لمنى اسطوري بس كيف مات ولدهم ودخل منى بهالصدمة العنيفة وايش ينتظرها الايام الجاية وايش قصتهم اصلا عجبني عزيز وتمسكه بمنى وعدم استسلامه لاي ظروف بس الخوف من اخوانها ماارتحت من طاريهم والله يستر منهم

في انتظارك بكل شوق

السلام عليكم ورحمه الله ويركاته

مسااااء الخير....مساء العذوبه ..مسااء الرقي ....مساء الحروف المخمليه

مبدعه ياهذيااااااان كالعااااده والله انه موجديد عليك كل مره تبهريناااااا

فاتن وسليمانو
يااقلبي هالبنت تعجبني شخصيتها كثيرر وخاصهثقتها بنفسها واعتزازها بروحه شسء راااائع وانهاااا دائما تحط
حدووود بينهم وبين تعاملها مع الرجال كبيره يابنت بس ياريت كني متحجبه على الاقل عشان تصير صورتك ولا اروع

والله فيخ فرق بينك وبين امك يعني من شخصيتك الواثقه والمعتده بروحها احس امك سطحيه همها المظاهر يعني
فيه فرق بينكم والل قمه التناقض يعني ماخافت عليها تسكن بروحها مايندرى شيصير لهااااا بشقه تتعب والا تمرض
وما حد حولهاااااا تخاااف عليها م بنات بلدها الي حدتهم الظروف على الغربه اجل ليييه ماهزيتي طولم ورحتي معها

سلمااااانوه احلف ياشيخ مستانس انت مع وجهك يعني عشان الخبله سكرتيرتك ميته عليك تبي كل البنات مثلها
اللي ماتدري عنه ان فتونه مو كل من هب ودب يعجبهاااا وبداااااال ماتحافظ عليها انخا بنت بلدك وتحميها من الغربه
تقوم تصير انت الذيب الي يبي ينهش لحمها
بس ابشرك وبدااااااال مانت الي تروضها على قولتك هي الي بتجيب رااااسك وتدوسك بعد

ساره ومحمد
ياقلبي عليك يا ساره الظروف الي مريتي فيهااا كثير قاسيه وصعبه لا اب يحميك ولا ام تحتويك ولا عيله
تحتظنك ربيتي نفسك ينفسك هذااااا قمه المعاناه ولاااااا وفوق كذااااا امك تحملك اغلاطها واغلاط زوجهاااا
مااالت عليهم المايلات يعني فوق انها غلطااااانه بشبابها وكملتها بزواجها من هالسكير والي تخليه يتحكم
فيها وفي بنتها باي حق يطلب منها تخلي بنتها ترجع عشان يزوجها لوااحد اكيد انه حقير مثله والا وش راح
يجيب دكتورر والا مهندس اكيد انه طايح حظ ولا احد قبل فيه او انه مديون له

بس احلى شيء انك ماخليتي الظروف تقهرك وانتي الي قهرتيها وشقيتي طريقك وبنيتي مستقبلك لانه هو الوحيد
الي راح بسندك

محمد ولد العز الهارب او المطرود من اهله ياترى راح نشوف لك قصه قويه مع ساره اذا هاجمتها العصابه
وتكون انت المنقذ لها بعد الله وصير شيئ يريطكم مع بعض اكثر والا القدر له كلمه ثانيه بس والله شكلكم لايقين لبعض
لانكم اثنينكم مجروحين ومتالمين من اهلكم

حناااااان وفيصل
ههههه هالبنت ذي مدري ارحمها والا كيف احس فيها طييبه مو طبيعيه وعفويتها هي الي مخليه الناس توطاها
ياقلبي والله كسرت خاطري يوم انه خطيبها الله لايوفقه تركها وخذاااا اختها جعلهم مايتهنون وانا متاكده ان الحيزبون
ايمانوه لهاا يد بالسالفه
ويمكن اهلها وافقوا انها تسافر يعني انهم كسرت خاطرهم وبغوا يطلعونها من جو الصدمه
بس الحمد لله ان فاتن تلقتها عشان تعيد هيكلتها من جديد وتبني شخصيتها الجديد الواثقه والعفويه
وشكل حنانوه راح تلزق بفيصل لزقه ماهي بسيطه الى ان الرجاااال يعلن استسلامه لهاااا وخاصه اذا شاف
طيبتها وعفويتها الي راح تاسره فيهاا ويااااااااارب يكونون من نصيب بعض عشان الساحره ايمان واختها الي مدري
وش اسمها يموتون قهر لان ربي عوضها بوااااااحد احسن مليووووون مرره من خطيبها الساابق

فيصل زي ماربي ما وفقكك مع بنت عمك وخذت واحد ثاني ربي جابك لبلاد الغربه بس عشان تشوف حنان
وتموت بدابديبهاااا ويابخت من وفق راسين بالحلال
وخاصه مع الميك اوفر الي راح تسويه فانت لها والا هو بيختار حان بس عشان يفتك من الحقيره مها ومن
حنه امه وابوه عشان يتزوج بس اذا شاف النتيجه النهايه لحنان الجديد مو الدبه الي ماتهتم بنفسها راح يحمد ربه
على اختياره

منى وعزيز
عبد العزيز والله ماتوقعت انه الى الان فيه واحد يحب زوجته هالحب القيسي الى لدرجه انه حتى وهي بهالظروف
الصعبه الي تمر فيها ماتخلى عنها بالعكس تمسك فيها وزاد حبه لهاااا
يارب انك تشفيها وتعافيها عشااااااان زوجهاااا
واتوقع ان صدمتها هذي سببها موت ولدهااااا وياترىكيف هي موتته وهل لزوجها يد فيهااااا

الجوهره
مع اني ماعرفت لسى قصتها عدل بس ولله كسرت خاطري حسبي الله ونعم الوكيل في زوجها ابو الحريم
اجل يجيب خايساته لعندهااااااا جعلك تخيس في بير مااله قرار قول آآآآآآآآمين

ايمانوه وبغلهاااااا
لالالا ماقدر اجل تعرفين بالعيب والي يصير والي مايصيرر صدقين صدمتين مع وجهك وينك من قبل يوم تخلين
اخته يالشوارع لانصاف اليالي والا يوم تطلبينه يسكنها بسكن الطالبات عشان تفتكييييين منها كل هذاااا حقد
وغيره منهااااا ماكفاك الي سويتيه انتي واخوك فيها عسى حوبتها ماتعداكم ولاا خايفه على زوج الغفله
من انه حب فاتن ترى ابشرك الرجاااااال طاح ولا حد سمى عليه

خالد متى راح تكون لك كلمه على مرتك مو مخليها تمشيك على كيفك وجالسه تحكم باختك
خلك رجااااال لو مره وحده بحياتك ووقفها عند حدها يعني سكن الطالبات آآمن لها من فاتن بالعكس فاتن
راح تكون لها الاخت الي ماجابتها امها وبتخاف عليها وتحميها اكثر من نفسها ياريت تنشغل انت وزوجتك
بانفسكم ولاا عليكم من احد ياكرهي لكم بس

هذيااااان جعل يمينك ماتمسها الناااار على هالابداع ياااقلبي

مساء النقاء والابداع مساء مايليق الا بااحبابي

اول شئ احب اشكر من جاء ولبى الدعوه <قلوب تنبض لكم
لكن الشكر اول واخير موصل الى صاحبة الحرف الراقي من استقطعت لنا من وقتها سويعات بل ساعات لتسكب لنا هالمتعه والتالق لامثيل له <ولا اجامل شهادة حق
من تحاول جاهده رغم ظروفها الى الالتزام مع قرائها
تستحق ان نحلق ونحلق حولها




ثاني شئ ترحيب خاص للبنت عبق الرومنسيه هبه منوره وحي الاعضاء

هالجزء من امتع الاجزاء احبها على قلبي سافر معي ماحسيت بسفري وانا احلق مع تللك احرف <الا عند منادت تم هبوط الطائره في مطار الملك خالد الدولي





ياربي استوقفني و دمعت عيني عند موقف ام منى وهي تتكلم تصف حالها وحدتها شحططتها عند العيال وحريم العيال يالله دائم استوقف التفكير يرهقني عند هالنقطه يربونا ويكبرونا واذا جاء وقت برهم ورد الجميل ماحد حولهم البنات مع ازواجهم والعيال مع حريمهم

يالله عزيز وقصة وفاء وعرفان تنسج ربما في الخيال فقط نراها ويشح بها الواقع
منى وضباب رؤية الى الماضي
اذا كانت تعشق عزيز وتحبه ليش تحس بالخوف منه المفروض تحس باالاطمئنان له الا لوكان هو السبب في موت ولدهم وفقدانها للذاكره في رسخ في عقلها الباطن شئ من الكره له لا هي قادره تفسر السبب للفقدانها الذاكره

ياكرهي لها من بدينا وهي حارت قلبي ايمانوه مغروره مخها معتووه ماتحب الا نفسها اكره الا يذب الحكي ومايراعي مشاعر الاخرين كانهم جماد قدامه صدق عديمة احساس
يعني الحين ماهمتس الا حكي الناس و ش سوى باخته يالشينه ولاخايفه على خروفك الا تقودينه يضيع

هههههههه ضحكت على خالد وضميره الا التثاؤب ابدعتي بالتشبيه هذيان





اممم الجوهره رجالها اتوقع والعهده على الراوي انه الخاندرو سلمانوه الا حنا مستانسين عليه لانه في مقطعه قال بقول لها اني منفصل وماراح تاخذ غلوه في ايده معاناته له سوابق وزير نساء
ولمى اشوف تعامله مع سكرتيرته تجاهله لها اقول لالالالا يمكن اكون ظلمته



ام فيصل ههههههههههههه ياحبي لها وربي ماتنلام بنيه وغربه وجامعه معها بنات على قولة أميمتي هم البنات الى الممات <يجزء والدينا الجنه

ابو فيصل وش ريمه اصبر لاتعجل على رزق فيصل عرووووسه موجوده بس تحت التعديل
ياربي يتاخر شوي فيصل
كود تنزل كم كيلو حنان من شفتها تقول كبسه وزبادي شطه وانا متخيله شكلها هههههههههههههههههههههههههههه
بس بجد ارحمها اذا شفت سذاجتها هي على نياتها من قلب


فاتن بديت احس عليها بالقلق من سلمان خفت من تهديده لها




فاااااااااااااااتن وساره وجلسة المصارحه وان كانت الحقيقه مره لكن الواحد احيان يحتاج الى الفضفضه احس ساره شي من الهم انزاح عن قلبها
اقتراح فاتن سليم ميه فى الميه
من عندها هناك ترجع له وامها اذا تطلقت من زوجها تاخذها معها

زوج امها حقير وحقير اعوذ بالله


محمد وشلته هههههههههههه وطلع توقعي صح
جاني احساس غريب ان محمد وساره ممكن يكونون من نفس العائله ا مجرد تشابه ظروف فقط


فيصل والبنت الدعله ماعد فيه سحا ضيعن المذهب الله لايبلانا بس


















هذيان بانتظار المزيد والمزيد من حرفك



ف عز الكلام سكت الكلام

رائعة هذيان

تشبعت الروح إحساس وحرف راق لـ ذائقتي
مدخل كل باب ..
منى وإنكشاف شيء يسير من غموض حكايتها مع زوجها ورفضها للواقع
وفقدانها للذاكره ماهو إلا شيء نفسي أعتقد أن له علاقة ربما بوفاة طفلها

البنات والألفه الغريبه بينهم ربما جمعهم ووجع الغربه ولكن أشعر
أن مابين فاتن وساره صلة ..ما
شقيق فاتن وحنان ربما يكن هناك حكاية
حنان ضحية طيبه وخبث زوجة أخ وأنانية أخت ..
محمد وساره لـ ربما يكن هناك شيء مشترك بينهما
أما الرجل المتنمر وراه حكايه
خصوصاً أنه يخطط على فاتن رجل تعود أن يلقين الأناث بـ أنفسهن
بـ أحضانه ولكنه صدم بمقاومة فاتن وأشتعلت لديه رغبة
الأنتقام وكما يبدو أنه من النوع الذي يعشق الصعب
والجوهره وراها حكايه لربما تكن زوجته ..

هذيان قرأتها بتمعن شكراً لهذا الحرف
وقبلة لروحكِ

الثالثة صباحاً ..
زمن يخطفني من بين أحضان واقعي لـ يرمي بي
فوق أرصفة الحنين وملامسة الذكريات
فـ هي الساعه التي تسبق الفجر والتي
يحين بها موعد إغتسال الورد بـ قطرات الندى
لـ تستعد لشروق الشمس وتنفس أمنيات جديدة ..!
(: