تتميز الرواية بالطرح المحوري حيث أن كل شخصية تتمحور حولها أحداث وأن كل أبطال الرواية يربط بين كل فرد من أفرادها خيط يربطه بحدث مع أبطال الرواية بنسبة كبيرة فمثلا سارة ربطتها عدة خيوط مع أبطال الرواية إبتداء من فيصل و إنتهاء بعمها وريم اللهم سليمان و الجوهرة وهذا ما ستتمخض عنه الرواية ولي تعقيب على هذا الأسلوب
بالتوفيق لك أيتها الراقية في أسلوبك وطرحك الراقي أختي هذيان

صباح الخيرات ......ياهلا والله بهذيان وحشتينا اشتقنا لك ولابطالك خصوصا انو القفلة الي قبل كانت قوية ........فعلا متعطشين لمعرفة مصير ابطالك وماتحمله لهم الاحداث من مواجع ومفاجعات


محمد وسارة

مسكينة سارة مالحقت حتى تاخذ نفسها بعد هالزواج الي اجبرت نفسها عليه ....المشكلة محمد مايعرفها ولا يعرف سالفتها وماضي امها كفيل انو يأكد عليه الشكوك الي شكها من قبل بسبب فيصل وكلام خويه ........لاوالعنز عديمة الحياء ريموه جاية رازة وجهها ومسوية حالها ماتدري انو متزوج وهي جاية ومتحلفة في هالزوجة يعني دموع النفاق والكذب مالها داعي

ولا الرخمة عيسى عديم الرجولة الحين عرفت ليش عايشة انحرفت وماردها اي رادع لانو البيئة الي تربت فيها فاسدة رجالها منعدمة الغيرة فيها على محارمها ........عادي بناتهم وحريمهم يمشون عند كل الخلايق بدون ساتر ولا حجلب هذي بنت اخوه السطحية الي جاية معاه بدون صفة شرعية هو جاي لولده اما هي ايش صفتها جاية لاهو خطيبها ولا متملك عليها ولو كان خطيبها هالشي مايحلل انها ترز وجهها عنده وتتعنى وتسافر له هالشي ان دل دل على حقارة البيئة الي عايشين فيها هالعايلة .....

يعني رب العالمين موجود بس بالسعودية وبغيرها مايشوفها ولا بيحاسبها لو ماتت الحين بعد ماارتكبت هالذنوب شبتكون نهايتها خاتمة سيئة مالت عليها وعلى الرخوم الي يمشون وراها

جاية تتبكبك وتثير محمد وتفتنه بمفاتنها الي عارضتهم للعالم سبحان الله بنت عايشة الفاسدة الي سوت الحرام متحشمة وتعرف ربها ومحافظة على نفسها اكثر من بنات الحمايل قبل مايسب ويشتم يروح يستر عرضه عديم الشرف ساحبها وراه وهو مثل الخروف مبسوط ويطبطب عليها

ومحمد معقولة راضي ومبسوط بريموه وهي كاشفة كل شي له ولغيره هل يرضاها على نفسه وحدة مثلها تكون ام لعياله قبل مايرمون غيرهم يشوفو بناتهم وحريمهم وسبب انحرافهم

شخصية محمد القديمة مبهمة لنا ومانعرفها بس شخصيته الحالية الي عرفناها رجال شهم غيور على بنات بلده وشرفهم من خلال تحذيراته لسارة من قبل هل ممكن يتخلى عن سارة ويتراجع في كلمته الي قالها بس لمجرد طلب ابوه الي لحد الان ماعرفنا سبب تركه له خمس سنوات وتحمله هالعيشة المعدومة وهو ولد عز مااعتقد بسهولة بيرجع لابوه ولا بسهولة بينسى الي صار والا ماتحمل خمس سنوات

الي مايعرفه عديم الرجولة عويس والبقرة الي معاه محمد الحالي غير محمد القديم محمد الي قدامهم تعلم من الحياة القاسية والمتعبة الي ماتعلمه وهو بعز ابوه ......جاي نافخ ريشه بكل بساطة يصارخ ويأمر اتمنى من كل قلبي محمد يكسحه هو وهذيك ويعلمهم قدرهم مو بسهولة بينسى الي صار وعقاب لابوه الي اكيد اوجعه في الماضي مايطلقها الين على الاقل تنتهي مشكلة سارة

اما عويس حتى لو محمد طلق سارة هو ماله اي صفة على سارة مو هو مايبغي احد يعرف عن عايشة بأي صفة بيجبرها ترجع معاه ........غير كذا سارة ماهي بهذاك الضعف بمجرد ماتلملم شتاتها بتدبها بوجهه وخصوصا انو ماكلف على عمره طول السنوات الي طافت يسأل عن امها وهو واخوانه سبب الي هي فيه اذا هم من قبل ماعرفو يصونو شرفهم فهي مو بحاجة لهم علشان يضيعو شرفها بعد ماحافظت عليه طول هالسنين وهربت من سالم مومستعدة تفرط بشرفها علشان اي شخص ولو كان هالشخص امها الي جعلها تموت قبل ماترجع سارة لها بكذا ماحد يقدر يجبرها تسكن عند سالم الي ماعاد له صلة فيها واصلا حتى بالوقت الحالي ماهي مجبورة تسكن عنده ولا له سلطة يزوجها لانو ماله اي ولاية عليها

ننتظر رد محمد ورد سارة و الى وين بيوصلون ........بس اقولها لو محمد طلق سارة ورجع ماراح يعيش سعيد مع ريموه ولا بيكون رخمة مثل قبل يعني انتظار هذيك جاء على الفاضي خصوصا بعد ماشاف ستر سارة واستهتار بنت العز

سليمانوه وفاتن

فاتن قدرت في الوقت الحالي تلعب على سليمانوه وتسبب بعض المخاوف له بس ماراح تنجى وتفلت من ايد سليمانوه وهي السبب لانها قدام عينه وعين غيره مظهرة جمالها وفتنتها وماحافظت على حالها شفايدة القوة الي بداخلها وثقتها وهي ماصانت نفسها محتاجة لقرصة تصحيها من استهتارها بالحجاب والستر وهالقرصة بتجيها وقوية من سليمانوه

اما زير النساء دامه متزوج ومحصن ليش يروح للحرام مهما كانت اعذاره واسبابه رب العباد حرم كل المنكرات الي قاعد يسويها ماضيه ماراح يغفر له ولا يشفع له يوم الحساب على استهتاره في هتك الاعراض والانغماس في المحرمات .......اذا زوجته ماكانت مريحته يسرحها بمعروف ويتوب لربه ويتزوج غيرها يعني واحد بعمره الى متى وهو في الضياع ياشينها من خاتمة وهو ميت بعد سكر وهتك عرض او ميت بحضن وحدة بالحرام

عقابه في الدنيا بيكون كبير قبل الاخرة وبيكون على يد فاتن بالذات لانو بدون ارادة منه بيعشقها مو بس بيحبها بيعشقها وبيندم على الاذية الي سواها لها وهو معمي البصيرة جزائه بيكون عذاب موجع بقلبه

اما عبد الرحمن هل عداوته مع ابو فيصل بسبب شغل وصفقات ولا لاسباب شخصية واخمن الثاني هو له يد بماضي فاتن المرير راح ينكشف اذا فاتن التقت فيه ورجع لها الماضي بتفاصيله


جواهر

ايش الي مصبرها وجابرها تقعد عند واحد خاين لايحلل ولا يحرم بمقدورها الهرب منه وانهاء العلاقة معاه الا اذا ماسك عليها شي قوي يهددها فيه ........هل بتقدر تتخلص من هالمجرم ولا هو الي بينهيها من حياته بكيفه تفاصيل كثيرة نجهلها بحياتة الاثنين

فيصل

تعلقه بسارة هل بسبب جمالها والهيئة الي شافها فيها وانطبعت براسه بمجرد يعرف ماضيها واصلها راح يموت هالاعجاب مااقدر اسميه حب وعشق لانو ماانفتن فيها الا بعد ماشافها على هذيك الهيئة المغرية واكثر من مرة وغير كذا ماعرفها عن قرب ولا حتى كان بينهم شي مشترك

بس ردة فعل سارة كل ماجاء طاريه هل بيكون لشئ في المستقبل ......وهل فيصل صاحب المنصب وولد العيلة المعروفة والوحيد لهم بيكون هو نصيبها وبيتمسك فيها اكثر من محمد ولد الخال ....مااستبعد بصراحة وننتظر النهاية تكون الغلبة لمين خصوصا انو محمد يعشق غيرها وهي مجرد شبيه للحبيبة وشكلها اعجبه وبس


فرح
اعتقد انها اخت فاتن مااستغرب عليها تصرفاتها واستهتارها ماعندها الي يردعها ويربيها امها اهم ماعليها المظاهر والفلوس والستر والتربية اخر همها لكن اعتقد انو هذي الي بتكسر راس اهلها وهي الي بتنزل سمعة ابوها لانو مو كل الي لعبت عليهم بيسكتو لها في منهم الي بينتقم وانتقامه بيكون درس قوي حيل لها ولامثالها


في انتظارك قلبو على نار