لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (2) أدوات الموضوع انواع عرض الموضوع
قديم 07-07-12, 11:36 PM   المشاركة رقم: 226
المعلومات
الكاتب:
اللقب:

البيانات
التسجيل: May 2010
العضوية: 163269
المشاركات: 96
الجنس أنثى
معدل التقييم: Lady Noor عضو بحاجه الى تحسين وضعه
نقاط التقييم: 39

االدولة
البلدQatar
 
مدونتي

 

الإتصالات
الحالة:
Lady Noor غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

السلام عليكم والرحمه


يامساء وصباح الخير وكل الخير وام الخير همووووسه يامرحبا بررررجعتك احلى رجعه يالغاليه

تمنيت اكون المرحبين بس للاسف معليه انا وخواتي واحد وكلنا حبنا للروايه واحد بس انا اكثر بشوي متاكده

من حبي لراعيتها والله ماتتخيلين فرحتي اني اقوم من النوم واول شي اسويه اقرا البارت واللي ان يومي كله يصير حلو

صج ابي اعرف وش بيصير وودي انج تنزلينها كله مره وحده لاتي على نار ومافني صبر بس هذي الروايه الوحيده اللي قريتها ومابيها تخلص

لان احبهم من قلبي احبهم ماتخيل انقطع عن اخبارهم حسيت انهم صج في اشخاص كذا وهذول هم سمبل عليهم وصج رواينا بس عشناها

معاهم ومعاج يااحلى هممممسسسسسسس واجمل وابدع كاتبه واللله

اللله لايخلينا منك ولا منهم

اولا ياسر : يافديت قلبه وروحه وكله يا اني احب هالانسان اللي صعب نلاثي مثله لين ماصرت احسه خيال مستحيل في احد مثله يارب يكثر من امثاله ويرزقنا ويارب يفرررحه وتكون شجون من نصيبه لان لو رجعت لفارس انا بنتحر وماعجبني ان بعض الاخوات يقولون انها ترجع عشان ولدها او ابو بندر الولد بيروح يخلي امه وافضل انه يشوفها مستانسه بعيده عن ابوها ولا تعيسه ومنذله معاه والله شجون المفروض ماترجع لواحد ذلها على طهرتها وعفافها ولا في احد مثلها وعزته واكرمته هو والهله تطلع غبيه مو مره مليون بس تحمد ربي انه خلصها منه على خير والولد سهل انه يشوف ابوه اكثر من البنت وابدا موب بعيد

يارب تكون من نصيب ياسر ويعوضها وتعوضه عن سنين العذاب اللي خلاص عرفنا لغزه وطلع هو غريبنااا ولله الحمد يافديته واللله جعله بعد فارس وكل فارس ياربي


اما مشاعل

ياعمري عليها والله حزنت حتى يوم ماتت اختها مانتكست كذا يارب ترجع مثل ماكانت بس ماتمنى ابدااا ترجع لسلطان لانه حقير ومايستاهلها هو ولد عمها اللي باعها واتهمها فشرفها وشرف اختها قدام مجلس في لحظه غضب والله مايستاهل ظفر مشاعل ماغير دانه قددررره

عندي ترجع لغلاب اهون مع ان هو غلطه اكبر لكن غلاب مريض وكان دافع الغيره وقهر الرجال كلها اجتمعوا معذور لكن سلطان عاقل وماله اي عذر خل يرجع دانه احسن له مشاعل اكبر من انه ياخذها

مشاري وسحر يارب الله يثبتهم ويديم المحبه بينهم الحمدلله مشاري صبر ونال اللي تستاهله يارب يفرحون طول العمر ويبعد عنهم عيون الحسود ( العنود ) ويعينها على اللي جاها


اما فارس عساها روحه بلا رده يا انه قاهرني هالانسان حتى اقرب الناس له طفشهم منه مايستحي ولا يحشم حد يارب والله بموت اذا رجع لشجن حرام وظلم اكبر من ظلم زواجها منه فالمره الاولى الله يمهل ولا يهمل ويارب اشوف فيه يوم يبكي حسره موب بس عشان شجون عشان مشاعل لا عجل نادم الحين احلف ياشيخ توك تحس حتى الطوفه حست ولا حس دمه ياكرررهي له بس حتى دلال حرام انها تستحمله ولو انها بعد متخلفه ابي اعرف شلون حبت انسان ماينحب اصلا والله حسيت كسر الكي بورد وانا اكتب من العصبيه على فارس
وشجون الغبيه المفرض ماتحزن ولاتتذكره حرام الحزن عليه المفروض تعيش حياتها وتستانس وتحمد ربها كل يوم ع الخلاص

وبس فيني حرررره وشوق وعلى ونااااااار انطر البارت الجاي

ودمتي لنا بابداعك يالغاليه

 
 

 

عرض البوم صور Lady Noor   رد مع اقتباس
قديم 08-07-12, 06:54 AM   المشاركة رقم: 227
المعلومات
الكاتب:
اللقب:

البيانات
التسجيل: May 2012
العضوية: 242240
المشاركات: 14
الجنس أنثى
معدل التقييم: النور ! عضو بحاجه الى تحسين وضعه
نقاط التقييم: 34

االدولة
البلدSaudiArabia
 
مدونتي

 

الإتصالات
الحالة:
النور ! غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

اتوقع سلططانن بيخطب مشاعل :$

غلاب بيحاول يرجع ممشاعل لكنه بترفض و بيقعد بحسرته .. يستاهل

ياسر او غريبب شخصيته جمميله يارب يتعرف ع اهله قرريب

غلا .. الله يعينتس شكل الدكتور هو الي بيغثتس بدال ماتغثينه ي عزتي لتس بس

برايفت هموسه :")


حرام عليك.. كثير هاللفظ اسمعه من بعض الناس..مايصلح ردده ددايم يمكن نظلل احد بحكم يحسبه مايجوز وهو مجرد لفظ بس .. (- شرح ابونص ريال


الجزء الرابع عشر

(صدق الحريم خاينات ومياعرفون يوفون لرجالهم غلاب واضح طاير فيها وهي لسه حاقده علي علشان سلطانها )

تنبيه على التعميم زي (الحريم خاينات ) و غيرها لو مكتوب بعض الحريم خاينات افضل لانه يمكن نستاثم لو نعمم ع كل شي : )



تسسسلم يميتس على البارت :$

 
 

 

عرض البوم صور النور !   رد مع اقتباس
قديم 09-07-12, 07:25 AM   المشاركة رقم: 228
المعلومات
الكاتب:
اللقب:

البيانات
التسجيل: Nov 2010
العضوية: 202983
المشاركات: 109
الجنس أنثى
معدل التقييم: أمي روحي عضو على طريق الابداعأمي روحي عضو على طريق الابداعأمي روحي عضو على طريق الابداع
نقاط التقييم: 243

االدولة
البلدAngola
 
مدونتي

 

الإتصالات
الحالة:
أمي روحي غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
Jded

 

صباح الخير,,, صباح الورد,,, صباح الكادي ,,,
اعرف تأخرت عليكم:
بس لاتلومني لومو جهازي مادري ايش صاير فيه اكتب 5 صفحات احفظها اسكر اروح اكمل شغلي ارجع افتحها ادور عليها مالقاها :
اكتب 9 صفحات ثانيه نفس الشي:
شكل جهازي اوجعت راسه من كثر ماطقطق عليه قال ادوخا واشوت كتابتها برا يمكن تطفش مني وتتركني انام براحتي:

كأنه يلمح لي اني طولت بالروايه وطفش يارب احبابي ماطفشو مني زي جهازي

عاد اعذورني عارفه البارت قصير بس ترا البارت الي قبله 32 صفحه والي قبله 30
لاتلومني مواصله من أمس مانمت قلت ماتغمض لي عين حتى انزل البارت صبرو علي كثيررر فديتهم
قلت راحتي بسعادتهم ورضاهم عني :
البارت هذا اوجع قلبي حيل يمكن للأني حساسه بأي موضوع يخص الأيتام المحرومين من حنان الأهل وربي متأثره فوق ماتتخيلون:
ماقدرت اكتب الا 15 صفحه
بس كلها تخص ياسر
البطل الغامض الي حيرنا بغموضه طوال روايتنا
البطل المؤمن الي تمسك بدينه طول حياته
له حق علينا نعطيه بارت كامل يتكلم عنه وعن لقاؤه بأهله

اترككم مع البارت :
قراءة ممتعة

 
 

 


التعديل الأخير تم بواسطة أضواء الصباح ; 09-07-12 الساعة 12:18 PM سبب آخر: ...
عرض البوم صور أمي روحي   رد مع اقتباس
قديم 09-07-12, 07:28 AM   المشاركة رقم: 229
المعلومات
الكاتب:
اللقب:

البيانات
التسجيل: Nov 2010
العضوية: 202983
المشاركات: 109
الجنس أنثى
معدل التقييم: أمي روحي عضو على طريق الابداعأمي روحي عضو على طريق الابداعأمي روحي عضو على طريق الابداع
نقاط التقييم: 243

االدولة
البلدAngola
 
مدونتي

 

الإتصالات
الحالة:
أمي روحي غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
Jded

 

الـــ ج ــــــزأ الــــثـــاني والــثــلاثون

ا
لساعه تسع بالليل
ياسر: كان متواجد معاهم ضحك وسوالف اعجب فيهم وحس انه من العايله شاف راكان واخوه ريان حبهم حيل هو طبعه يحب الاطفال بعد العشاء طلب منه كملو سوالفيهم
ابو راكان: تعال مكتبي اوريك يوم كنت لاعب بكرة الطائرة
ياسر: ماشاءالله اجل مو سهل يابو راكان
خالد: ياحليك كان دايم يفوز وآخذ كم ردع
ابو راكان: تعال معاي
راحو للمكتب وصار ابو راكان يفرجه على الدروع والميداليات دق جوال ابو راكان لف عليه دقايق واجيك الأهل يبوني داخل وابتسم كمل تفرجك حتى ارجع لك
ياسر: كان مبسوط وهو يتفرج ماعليك خذ راحتك طلع ابو راكان كمل تفرجه شاف طاولة عليها صور واضح انها صورابو راكان ايام ماكان يلعب بالنادي وصور اخوه خالد بس لمح صوره يعرفها زين أخذها يقربها علشان يتأكد نفس الصورة الي محتفظ فيها من خمس وعشرين سنة ماح سالا بيد على كتفه
ابو ركان: قرب منه وتنهد بجزن هذا اخوي غريب جعله ربي يشفع لأمي
ياسر: لف عليه يتأكد من الي سمعه مو مصدق باستغراب هذا ايش يكون لكـ
ابو راكان: لف عنه وراح يجلس على الكنبة سكت شوي وتغيرت معالم وجهه هذا اصغر اخواني كان دلوعتي انا واختي أم تركي بس ربي آخذ امانته ومن بعده أمي ماعرفت طعم السعادة كلنا حزنا عليه بس مع مرور الزمن لهينا وتزوجنا بس أمي غير تعرف قلب الأم ماينسى ضناهـ
ياسر: حس انه مشوش مو قادر حتى يركز يعني هذا اخوه الحنون يوسف وهذاك خالد والي عالجتها أمي بس كيف قالت اني مت معقوله ظنتني مت ياربي مو قادر افكر
خالد: دكتور ياسر دكتور ياسر
ياسر: هاهـ سم
خالد: عدوك السم تفضل فنجالك
ياسر: أخد الفنجال مو مركز هو حلو او مر الي يشربه هو شاهي او قهوه صارت افكاره تجيبه وتوديه تعب من كثر التفكير وقف بسرعه استرخصكم
يوسف وخالد : وقفو سوا
يوسف: تو الناس ماكملت قهوتك الله يهداك نبيها سهره حلوة
ياسر: ابتسامة مصطنعة اعذورني بكره عندي دوام ماقدر اسهر
يوسف: بس انت قلت لنا ان بكره عندك اوف ووعدتنا بسهرة
ياسر حط يده على كتفه خيرها بغيرها احس اني تعبان وابي انام
يوسف: مانجبرك يالغالي
ودعوه عند الباب بتوديع حار وماخلوه حتى وعدهم بزيارة ثانيه
ياسر: ركب سيارته طالع بالبيت بعد ماسكر خالد الباب يسمه صوت اطفالهم ويسمع الازعاج معقوله هذولا أهلي هذولا الي ادور عليهم سنين مشى بسيارته دخل بيته والافكار تجيبه وتوديه أمي تظني مت تتوقعني ضعت عنها أكيد كانت تدور علي يوم بلغت ويأست ظنتني مت جلس على الكنبه في غرفه شبه مظلمه بس الى هالحين كلامها يرن بأذني رجعت ذاكرته خمس وعشرين سنة وراااء

يوسف: وهو جالس على رجوله وحاط يدينه على كتوف غريب اسمع يالبطل اسمع كلام أمي زين ولا تبعد عنهم طرفة عين تراه فيه ناس يسرقون الاطفال
غريب : انا رجال مو طفل يخطفوني
يوسف: ابتسم له كفو ياخوي كفو اجل انتبه لأمي ولاتتركها أخاف احد يخطفها يعني خلك لاصق فيها يدك على يدها
غريب: سم واشبر
يوسف: يموت عليه اذا قال هالكلمة بدال سم وابشر يقول سم واشبر مشح على شعره ووقف طلع من مخباته بوك اسود فيه مية ريال يالله خذه الرجال الكفو
غريب: فرح فيه وفتحه هذا لي
يوسف: وحطيت صورتك فيها بعد شوف
غريب: ابتسم ابتسامة الطفولة وحس انه جد رجال بالثوب والبوك ماح سالا بيدين تحضنه من وراه وتبوس رقبته
جوهرة: راح اشتاق له قسسسسسسم ليت أمي رضت تحطه عندها مو صغار احنا ترانا بالثانوي
يوسف: لاتلومينها قلب الأم غير عن قلوبنا
جوهرة: بعد أنا أمه ماينام الا على يدي فديتها وجلست تبووسه
خالهم: يالله غريب مشينا
غريب: حاس بخوف وحزن لفراق اخوانه الي اغلى عليه من أمه بس مايبي يضعف وهو مسوي فيها رجال ركب معاهم ويسمعهم يتكلمون بطلاسم مايفهمها طبعا غريب كانت صورة الرجال الي مع أمه مشوشة بس توه يتذكرها ويعرف انه هو نفسه ابو صالح ابعدو عن الرياض واتجهو للشمال وصلو لتبوك بس قبل مايوصلون لها يخمسين كيلو وقفو عند محطة كانت وقت صلاة يعني الناس زحمه
أمه : نزلته من السيارة ومسكت يده نزلت مستواهـ وقالت له ادخل ياغريب للحمام ولاتنسى تغسل يدينك زين بعد ماتخلص
غريب: ابتسم سمي واشبري دخل وغسل يدينه زين طلع وجلس يدور أمه بين زحمة الحريم خاف كطفل وهو يتذكر كلام اخوهـ يوسف تراه فيه ناس يخطفون الصغار طلع للسيارات يدور بينهم على سيارة الرجال الي جابه جلس يدور يدور مالق أحد اغلب السيارات راحت لان الناس صلو وراحو يجون ناس قليلين لدورة المياه او للبقالة يشترون ويرحون جلس قريب من البقاله وكل مايشوف سيارة تجي يظنها أهله يوم جلس نصف ساعه ماتحمل كطفل صار يبكي بهدوء ويمسح دموعه ويراقب السيارات عنده أما انهم راح يرجعون ظل ينتظر ينتظر ماجاء احد كل شوي يطول صوته بالبكاء حتى لمحه أحد الي يدخلو للمسجد سألوه حبيبي وين أهلك
غريب: وهو يشاهق مادري طلعت من الحمام مالقيتهم
الرجال: على طول دق على الشرطه وبلغهم
الشرطة أخذته وعطته الدار فتره ماحد جاء ياخذه بعد سنة جاء واحد يكفله اسمه جاسم
غريب: مستحيل أمي رمتني أكيد انها كانت تدور علي طول هالمده بعد يأست وظنتني مت أكيد حس بفرحه كبيره تغمره أكيد أمي راح تفرح اذا عرفت اني غريب واخواني بعد آآآآآآآآآآهـ ياجوهرة اشتقت لك حيل وانت يايوسف اشتقت اسولف معاك واشتكي لك كأخ كبير وفاهم وعاقل وانت ياخالد اتمنى اسهر وياك وافتحر ايه افتخر قدام الناس إن لي أهل بعد ماكنت غريب ماحد يعرفني صار لي أهل اخوان وخوات وأم احمدك يارب قام وشال جواله ماعندي صبر ابدق على يوسف أكيد راح يفرح ويبشر أمي لا لا مايصلح استعجل كذا لازم افكر زين أخاف أمي من زود فرحتها فيني يجيها شي وهي توها مسويه قصدرة لأني الفرحه الزايدة زي الحزن الزايد يضرون القلب وقف ويدور ببيته ماتخيل اني راح يكون لي أهل وينك ياشجووون تعرفين اني لقيت أهل يارب زي ماخليتني القى أهلي تخليني القى الي سرقت قلبي وعقلي وصرت ماشوف غيرها يارب ماتكون تزوجت حسب عمرها الحين عمرها يمكن عشرين وعليها شوي فيه بنات كبرها تزوجو بس انا ماراح افقد الأمل طول عمري ماتخيل زوجه لي غير البنت البريئة المظلومة شجون يكن حبيتها علشان نفس حالة العذاب واليتم الي كنت فيه يمكن سحرتني بعيونها مادري بس الاكيد اني حبيت بنت اسمها شجون وكنت ومازلت اشوفها أجمل بنت شافتها عيني متأكد راح القاها وآخذ أمي وخواتي يخطبونها لي ايه أمي وخواتي لأن لي ام الحين وأهل وعزوة بس كيف تتصرف ياغريب كيف لازم تفكر زين
============
في غرفتها لحالها تناظر بنتها جوهرة اليلا تنام عند راسها تخاف يجيها شي
فاطمة: تنهدت بحزن ليه هالدكتور حرك مشاعري ليه اشببه بغريب كثير يمكن علشان عيونه رسمت حواجبه مادري بس أحسه هو غريب دمعى عيونها ياترى ياغريب انت عايش او حي ايش صار عليك بعد مارميتك آآآآآآآآهآ ياقلبي الي مارتاح من بعد مارميتك ماتخيل صورة غريب ال ايجي وجه هالدكتور مادري ليه ؟؟؟؟؟ احساس الأمومة يقول انه هو بس العقل يرفض ؟؟؟ مادري مين اصدق تمسح دموعها الي كثرت
جوهرة: فتحت عيونها النعسانه وشافت أمها الي تبكي تقطع قلبها على حال أمها من فراق غريب وهي على هالحالة من جد قلب الأم غير
=========================
في ملحق ابو مشاري
الكل جالس
ابو مشاري وعياله وابو سلطان سلطان وابو عبدالرحمن وولده عبدالرحمن مادرو الا بالي يدخل عليهم بملحق الرجال
غلاب: بخجل السلام عليكم
فارس: موطايق يشوفه
سلطان: يكره أكثر من دم سنونه
مشاري: وقف وسلم عليه وجلسه
غلاب: سبم عليهم وبعد السؤال عن الحل توكل على ربه وبدا بموضوعه عمي انا مازلت شاري مشاعل تعرف مشاعل بيوم كانت زوحتي وام لولدي الي الله ماكتب نفرح فيها مشاعل البنت الي حبتها المرحومة وانا مصمم ارجعها والي تبيه مشاعل او الي انتم تبونها أنا حاضر فيه
سلطان: كلام غلاب طعنه بقلبه مازال يغار على مشاعل بس حاول يكابر ويبن انه ماهمته وبقلبه اصلا راح ترجع لك البسمه فارقتها من طلاقك لها
فارس: بقلبه والله لاكسرك واوقفك عند حدك ياغلابوه وراح تشوف الحين ايش اسوي
ابو مشاري: منحرج من اسلوب غلاب وكلامه ومنحرجه من تردده عليه يبي يقول الشور شور مشاعل بس تفاجأ برد فارس
فارس: غلاب حتى احنا نبيك انت تغيرت وواضح انك ندمان حيل
الكل يطالع فارس باستغراب
غلاب: فرح برد فارس وجاء يبي يشكره بس فارس ماخلاه يكمل
فارس: وهو يناظر سلطان بكل ثقه غلاب أخوي سلطان سبقك لمشاعل خطبها مني البارح واليوم كمت ناوي اكلم ابوي بس سبقتني بكلامك
ابو سلطان وابو مشاري ومشاري فرحو بالخبر والإبتسامة شقت حلوقهم
سلطان: تفاجأ بكلام فارس حطه فارس بوضع صعب اذا قال تكذب ماخطبتها يجرح عمه ويجرح مشاعل الي مالها ذنب وان سكت مايبي يتزوج وحده قلبها مع غيره وهو بحيرة ماح سالا بالي جاء صوبه رفع عيونه فز من طوله احترام لأبوه
ابو سلطان: حضن ولده اسعد خبر سمعته بحياتي زين ماسويتي ياوليدي الله يسعدكم ويفرح قلبك زي مافرحتنا
سلطان: انحرج اكثر ماقدر يقول ولاكلمة بس مقهور من فارس الي يجمعه بأخته ويفكه زي مايبي بس حسابك عندي بعدين يافويرس
=====================
في غرفة مشاعل
فارس / فاهميني يامشاعل
مشاعل: وهي معصبه افهم اي شوالا ايشي افارس حرام عليك اطلع من حياتي لاتتدخل فيني مابيه تفهم مابيه لو مايبقى غيره مااااااااااابيه
فارس: مشاعل ياختي كذا تكسرين فرحة ابوي وعمي انا مسوي خير وجمعة بينكم افكك من غلابوه
مشاعل: تعصب أكثر قلت لك تفزع من طلب منك اصلا ورطتني بصديقك ونازي تورطني بسلطان انا كرهت الرجال كلهم من اولهم لآخرهم
فارس: بس سلطان غيررر
مشاعل: وهي تلف بغرفتها كيف غير مافيه فرق بينهم هذا جرحني وقط كلام وجلست سنه مافكر يخطبني ويجي اخوي المصون يرميني عليه مايسوي عن أختي وهذاك ضربني واهاني ونزل ولدي
فارس: مشاعل افهميني مارميتك عليه ترا سلطان مازال يحبك
مشاعل: مابي حبه ولا حب غيره
فارس : مشاعل
مشاعل :وخر يدك عني انا ابنزل الحين لابوي واقوله اني رافضة سلطان مو مشاعل الحين الي أحد يقدر يغصبها فتحت باب غرفتها بعصبيه شافت الخدامه ميري قدام عيونه صرخت عليها انتي ايش دخلك هنا
ميري: كنت اشيل زباله هنا مدام
مشاعل: طنشتها ونزلت وهي معصبه بس يوم شافت ابوها وقف وجاء حضنها ويبوسها هدات
ابوها: ماتتخيلي كيف فرحتي يابوك يوم خطبك سلطان الدنيا ماتوسعني
مشاعل: تبي تتكلم
ابوها: حتى عمك ابو سلطان قام وحضن سلطان وبكى اول مرة اشوف اخوي الكبير تنزل دموعه
مشاعل: خنقتها العبرة وسكتت
ابوها: يوم شاف دموعها متحجرة بعيونها رفع راسها له يابوك ان كنت ماتبينه ماراح نجبرك عليه يكفي تجربتك الأولى
مشاعل: خافت ترفض تتوتر العلاقة بينهم من جديد خافت ترفض تطفي فرحة ابوها وعمها خافت ترفض يرجع غلاب وحنته ماتدري كيف نطق لسانها موافقه عليه يبه
ابوها: ضمها بحناااااااااااان ريحتي قلبي الله يرح قلبك وربي اني كل ماشوف سلطان اتحسر ان خطوبتك الأولى خربت وندمان اني ماوقفت المهزلة الي صارت بس يوم شفتك رافضته المراة الاولى ماحبيت اجبرك على شي ماتبينه والحمد لله الحين الي انكسر راح يتصلح
مشاعل: بقلبها ماتوقع الي انكسر راح يتصلح يبه بس سكتت ونزلت راسها ورقت غرفتها قابلت فارس بالدرج ناظرته بعتاب وكملت طريقها
فارس: وهو يشوف دموعها عرف انها ماقالت لابوها شي ناظرها وهي تطلع الدرج عارف انك الحين حزينه ومقهورة مني بس صدقيني بكره راح تسعيدين بحياتك يامشاعل انا هدت سعادتك ياختي لازم اعوضك لازم
================
في بيت ابو سلطان
ام سلطان: شفتو شغالة ابو مشاري ايشق ايله لشغالتنا ان مشاعل مقومه الدنيا ومجلستها ماتبي ولدي سلطان احد يرفض سلطان المفروض تبوس يدها وجه وقفى انه تزوجها وهي مطلقه
ابو سلطان: بصوت عالي بــــــــــــــــــــس مابي اسمع ولا كلمة من عقلك انتي تسمعين لشغالات وين عقلك يامرة وينه
ام سلطان: شغالتي ابد ماتكذب وشغالتهم ايش هدفها تكذب بعذين انا يوم ازورهم مشاعل باين عليها الحزن والحسرة
العنود: يمه لاتحكمين على الوحده من وجهها بعدين يمكنها خايفه تخوض تجربه ثانيه مو شرط ماتبي اخوي
سلطان: لأنه عارف انها معروضه عليه بدون مايطلبها كذبه كذبها فارس وصدقوها كلهم يعني حتى مشاعل أكيد غصبها علي فارس ز مافرضها علي كل هذا علشان ينتقم من غلاب فيني زي مانتقم مني بغلاب وكبش الفداء مشاعل بس مابي انسانة تكون مجبورة علي كيف اعيش معاها
ابو سلطان: يوم شاف ولده سرحان ياوليدي لاتسمع لخرابيط هالعجوز شكل امك عجزت وبدات تخرف
ام سلطان: انا خرفت يابو سلطان زين يجي منك أكثر اهم ماعلي سعادة ولدي
ابو سلطان: لو اهم ماعليك سعادته مازوجته وحده نكدت عليه حياته كان اخترتي له بنت عقل ودين وثقل مو بس علشان بنت اخوك تروحين تخطبينها وكل ماتغلط تصلقين ولدك فيها علشان مايزعل اخوك وولدك بالطقاق
ام سلطان: بدا يقلب بالماضي انا ابدخل لغرفتي ابرك لي
ابو سلطان: يكون ابرك لف على ولدخ يكلمه بحنان ترا الدنيا ماتوسعني يابوك من الفرحه اذا وافقت ابكلم عمك يعجل بزواجكم ماله داعي التأخير كلكم متزوجين من قبل حفل عائلي مصغر وتآخذها ايش رايك
سلطان: بدون حماس الشور شورك يايبه سو الي يريحك
====================
في بيت العمه
عاليه: هاهـ شجونتي متى موعد بندر
شجون: ان شاءالله يوم الاثنين الجاي
نورة: الله يقجم مافيه خير وصالح
شجون: بحزن وعمي كان يبي يقول لابوه عنه بس ابوه مسافر زي العاده لاهي ومشغول مع زوجته وأهلها ايه ماقول الا الله يسعدهم
عاليه: حطت يدها على فخذ شجون ياختي لاتشغلين بالك كثير ربي راح يكتب الي فيه خير وصالح
شجون: ونعم بالله
======================
في المستشفى
ياسر: بعد تفكير عميق حب انه مايتسعجل ويخبر اخوانه قال لازم اجمع أمي وخالي سوا واعلمهم اني انا مازلت حي وهم يقدرون يمهدون لأخواني مايصلح أي بشارة الا لازم أمك تعرفها فيها قبل كل شي ابشوف فرحتها فيني مابي اخواني يعلمونها وتخرب فرحتها ابيها هي تفرح وتعلمهم وصل لدوامه بدرري وخل موعد أمه آخر شي دق على ابو صالح وووصاه هو يجيب أمه له
ابو صالح: استغرب بس قاله ياسر لاني مشتاق لك ابشوفك حج وقضيات حاجه صدق كلامه ابو صالح وقال لعيالها انا ابوديها
فاطمة: استغربت وحست فيه شي بس سكتت
ياسر: جاي للدوام مبسوط حط بوكيه ورد وكان يبي يعطر المكتب بس خاف أمه تنكتم طلب من ابوفيه قهوه وشاهي
الممرضه : مستغربه من حماسه وبوكيه الورد الي جايبه
ياسر: شوفي ياجنان لاتخلين أحد يدخل علي حتى انتي مشكورة ارجعي لبيتك خلص دوامك
جنان: بس عندك مريضه بعد عشر دقايق توصل
ياسر: ارتاحي انا ابسوي اللزوم
جنان:طيب دكتور شالة أغراضها وراحت
ياسر: كان ينتظر جيتهم على أحر من الجمر مشتاق يحضن أمه بس خايف عليها من الصدمه يفكر يمهد لها الموضوع
ابو صالح: وصل ومعاه فاطمة
ياسر: بفرح بشوفتهم وإبتسامته شاقه الحلق كشف على أمه وهو خايف عليها خوف الإبن على ولدها
فاطمة: تشوف ابتسامته وفرحته حاسه الدكتور فيه شي مو طبيعي اليوم تقرأ بعيونه حكي كثير
ياسر: جلس على كرسيه وهو مبسوط الحمد لله يا... يكت مقال لا ياخاله ولا يايمه مايقدر يقول لأمه ياخاله وهي أمه ولايقدر يناديها يايمه وهو لسه مامهد لها خايف عليها أكثر من نفسه ماصدق يلقاها كمل كلامه تقدري تزاولي حياتك الطبيعيه الحمد لله كل شي تمام
ابو صالح: الحمد لله ياوليدي والله يجزاك خير يالله ياختي مشينا
ياسر: لحظة ايبيكم بموضوع خاص
فاطمة: وجعها قلبها وحست ان احساسها راح يصدق
ابو صالح: جلس ثانيه تفضل ياوليدي قول ايش عندك على طول جال بباله ان ياسر يبي يخطب بنته هيفاء
ياسر: بتردد مايدري كيف يبدأ بس حبيت أسالكم تعرفون هالولد او لا
ابو صالح: ينتظر يشوف الولد
ياسر: على شخصيته وثقته بنفسه الا إنه هالحين مرتبك طلع من جيبه بوكه الأسود وعطاه أمه
فاطمة: بيد ترجف فتحت البوك وشافت الصورة ورفعت عيونها لياسر ودموعها تنزل على خدها
ياسر: حاول يمسك دموعه تعرفينه يمه هذاه قدامك مامات هداه قدامك حي وطلع دكتور علشان يرفع راسك قدام الناس انا غريب يمه مامت
ابو صالح: تفاجأ من كلام غريب وسكت مارد
غريب: طاح على ركبه ومسك يدين أمه وهو يبكي ويبوسهم يمه عارف انك حزنتي تظنيني مت قالو لي اخواني وانا بعد يمه عانيت مو مصدق ان قدامي أمي موو مصدق ان الي بين يديني الحين يدين أمي ابوسها وابوس رجولها ابرها حتى اموووت فقدتكم يمه فقدتكم
فاطمة: كانت تبكي وماقالت شي ماتقدر تقول وايش تقوله فرحانه فيه بس نمدها يقطع قلبها
غريب: دموعه غرقت يدين أمه رفع عيونه الي كل دموع يمه اشتقت لك ولأخواني يمه انتي ضعيتني ودورتي علي يوم يأستي ظنيتني مت صح يمه
فاطمة: صدت عنه وبكت اكثر
غريب: خاف من صدتها لف على خاله خال مو انت الي كنت معاها صح من اول ماشفتك شبهة عليك حسيت اني اعرفك بس ظنيتك رميتني توني اكتشف انك خالي مو أي انسان شرير رماني
خاله: يمسح دموعه بغترته وساكت مايقدر يرد
غريب: يوم شاف حالهم كذا خاف وقف خال رد علي انتم ضيعوتني صح
خاله: ساكت بس يبكي
غريب: لف على أمه يمه ارجوك قولي لي وريحيني انتم ضيعتوني صح او لا
فاطمة: ارجوك راشد قول له الحقيقه تعبت وانا اخبيها عن كل الي حولي لازم غريب يعرف لاااااازم
غريب: خاف من كلام أمه نظار بخاله قول ياخال ايش الحقيقه
راشد: حاول يهدا مسح دموعه لازم تفهمنا زين وأنا خالك انا ابقولك كل شي سر خبيناه انا وأختي ثلاثين سنة يوم من الأيام اختي وزجها وعيالهم راحو عمرة لأن زوجها كان مصاب بالسرطان وكان يتعالج بالكيماوي حبو يرحون عمرة ويشرب ابوهم من ماء زمزم يوم رجعو من العمرة وقفو عند أحد الحمامات أمك نزلت تتوضا وتصلي بس سكت شوي
غريب: بعدين كمل ياخال
راشد: وهو يحاول يهدأ خصوصا يوم سمع أخته تبكي أمك الي تشوفها اعتدى عليها عامل حقير واغتصبها
غريب: انصدم ومات قهر وعصب حقير وواطي

راشد: انصدمت وحزنت ركبت بسيارة زوجها محتارة ماتقدر تقوله شي وتشرد اربعة اطفال بسبب خطأ هي ماقترفته سكتت ودعت ربها انها تنزل عليها الدورة وترتاح وخلت زوجها مايقربها مع ان زوجها نسبة الحمل منه 1% لانه متعالج بالكيماوي
غريب: صار قلبه يدق بقوة خايف من كلام خاله عقد حواجبه وبعدين
راشد: ناظره ماجاتها الدورة وطلعت حامل منك
غريب: لف على الجدار لاااااااااااااااا يعني انا ابن حرام يعني انا ولد العامل الحقير لالا مستحيل لا ماصدق
فاطمه: كل شوي يزيد بكاها وهو يقلبون المواجع قدام عيونها
راشد: بعد مرور خمس سنوات توفي زوجها واتصلت على شيخ تسأله عنك قال مايورثكم ولا ينسب لزوجك احتارت بأمرها اذا سوت كذا راح تنفضح دقت علي تشاورني قلت لها مافيه حل الا
غريب: الا ترمونه في احد المحطات وتتخلصون منه مافيه حل الا تعذبون طفل برئ بسبب ذنب ماقترفه مافيه حل الا تبعدونه عن أخوانه الي تعلق فيهم مافيه حل الا تعلنون وفاته وهو حي وتنهون سعادته يايديكم علشان ترتاحون انتم
خاله: ايش تبغانا نسوي مضطرين نسوي كذا علشان أختي ماتنفضح
فاطمة: وهي تبكي ياوليدي سامحني كنت مظطرة ووربي من يوم رميتك النوم جافاني
غريب: وهو يناظرها بألم خمس وعشرين سنة مافكرتي ايش حال ولدك الي رمتيه ولدك ضرب بالعصا ولدك رعى غنم بعز الشمس فتح اواريربلوزته بسرعه وطلع كتفه شوفي آثار الضرب يوم انه صغير والكل حاسدني على عضلاتي ماعرفو اني كنت اضرب ضرب الحمير هذا الي خلاني قوي ولدك الي رميتيه كان ماينام الا وهو يبكي وكل مايصبح الصبح ينتظر احد يبشره ان أهله لقوه ماعرفت اني انتظر ناس رموني ناس عاقبوني بذنب ماجنيته
راشد: غريب وأنا خالك
غريب: رفع يده بس مابي اسمع شي أنا مو غريب أنا ياسر الي الله يسري لي كل شي علشان اكون طبيب ناجح اعتبروني لسه ميت وآسف اني ظهرت بحياتكم ولصقت فيكم وانتم ماصدقتو تتخلصون مني
فاطمة: تعال لحضني وانا أمك وربي ندمانه قدر شعر راسي اني رميتك تعال معاي للبيت كل اخوانك راح يفرحون معاك
ياسر: بعدتي ولدك علشان تشترين الستر حافظي على الستر الي اشتريته وأنا خلاص ابظل غريب زي ماقررتي تسميني مالي أم ولا خال ولا اخوان ناظرها بحزن يوم شافها تبكي لاتبكين ولاتتحرسبت وتعبين حالك ترا الحزن ماينايسب صحتك عندك عيال يحبونك وتحبينهم ينتظرون رجعتك صدقيني ياــ وسكت ياأم يوسف اني مو زعلان منك ناظر خاله مساحكم رحو الله يستر عليكم ويسعدكم وماكأنكم عرفتو عني شي وطلع وخلاهم بمكتبه
====================
مكان مظلم جالس بزاوية بيته ساكت بدون دموع
دق جواله ناظر الرقم شافه مشاري كان يبي يرد يبي يفضفض يشتكي لأحد يخفف مصيبته طالع جواله بعدين رماه بعيد يكلم نفسه ايش اقوله اقوله اني ادور أهل رموني او اقوله اني طلعت ولد حرام او اقوله اني فرحت اني لقيت أمي وماعرفت انها ماكانت تتمى شوفتي ليتني ماعرفت مين أنا ليتني عشت بحلم اني لي أم واب يحبوني وأهل يدورون علي زي مادور عليهم ليتني مت وانا بالحلم هذا ليتني ماعرفت الحقيه ياليت استسلم لدموعه وجلس يبكي بنيحب رفع عيونه للسماء ربي مالي غيرك ربي لاتكلني لنفسي طرفى عيني ربي يافرج همي وكربتي اشرح لي صدري ويسري لأمري ربي انت قدرت علي هذا لاتجعلني من القاطنين الساخطين ربي لاتجعلني افرح الشيطان واسخط من قضائك وقدرك ربي أسألك رحمتك التي وسعت كل شي انت ترحمني وتثلج صدري وتزيل همي وغمي
=======================
في غرفى شجون
جوال شجون يدق برقم غريب ردت السلام عليكم
جنان: نعليكم السلام انتي اخت شجون
شجون: ايه نعم من معاي
جنان: انا ممرضة الدكتور ياسر بس حبيت ابلغك انه أجل موعدكم لأنه سافر لعمرة
شجون: حصل خير ياختي بس متى موعدنا الثاني
جنان: ان شاءالله يوم الاربعاء
شجون: ان شاءالله سكرت السماعه وطلعت لعمتها
العمه: كانت تكل مصابيب هاهـ يمه منو يكلمك قبل شوي
شجون: المستشفى اجلو موعدنا
العمة: وراهـ ياحافظ ماصدقنا يجي يأجلونا
شجون: يقوولون مسافر عمرة
العمة: قطيعه يالدخاترة مايلتمزن بالمواعيد ابد ماوراهم مرضى محتاجين لهم من جد ماعندهم تحمل مسؤلية
شجون: ياعمة عذره معاه وماقصرة دقو وبلغونا
العمة: ياحبة عيني انتي يابنت اخوي مافيه أحد ماتدورين له العذر
^
^
^
الجزأ الثالث والثلاثون راح يكون
زواج مشاعل & سلطان
ولقااااااااء بطلا روايتنا شجون &غريب
انتظر توقعااااااااااااااااااااااااتكم
كالعادة على أحر من الجمرررر
&
&
&
فائدة:
قالو عن الإيمان بالقضاء والقدر
ويروي محمد بن أبى القاسم أن واعظاً أوذي في الله فقُطعت يداه ورجلاه، فكان يقول: " إلهي، أصبحت في منزلة الرغائب، أنظرُ إلى العجائب، إلهي، أنت تودّدُ بنعمتك إلى من يؤذيك، فكيف تودُّدك إلى من يؤذى فيك؟".


وفي قوله تعالى: { ومن يؤمن بالله يهد قلبه} (التغابن:11) يقول علقمة : "هي المصيبة تصيب الرجل فيعلم أنها من عند الله، فيسلّم لها ويرضى".
وروى السري بن حسّان عن عبد الواحد بن زيد قوله: " الرضا باب الله الأعظم، وجنة الدنيا، ومستراح العابدين".





 
 

 

عرض البوم صور أمي روحي   رد مع اقتباس
قديم 09-07-12, 09:53 AM   المشاركة رقم: 230
المعلومات
الكاتب:
اللقب:

البيانات
التسجيل: May 2010
العضوية: 163269
المشاركات: 96
الجنس أنثى
معدل التقييم: Lady Noor عضو بحاجه الى تحسين وضعه
نقاط التقييم: 39

االدولة
البلدQatar
 
مدونتي

 

الإتصالات
الحالة:
Lady Noor غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

السلام عليكم والرحمه

:‫( قلبي ترحمي عليه كله منج ياهمس ذبحتيه واللله تقطططططع من كثر الحزن على ياسر يافديييته الله يرزقنا مثله ‬

‫حسبي الله ونعم الوكيل ‬

‫من شده الحزن ماقدرت ابكي بس احس بعوار فقلبي‬

‫طيب هذا ولدج تغذى منج نمى فاحشائج ‬
‫دق قلبه داخلج‬
‫حملتيه ٩ شهور ‬
‫جبتيه بعد تعب ‬

‫ولدج انتي طلع من بطنج انتي موب مهم كيف وشلون او من مين اذا انتي مالج ذنب ‬

‫لا وبعد هذا كله عشان ورث احسبها عشان الاغتصاب هو موب هين ولا فيه ذره من الهوان بس الولد ولدي او بنتي دام تربوا وكبروا ونمو مني داخلي ‬

‫لاني ام اعرف الشعور لاني ام ماراح اهتم الا بالمخلوق اللي كان نطفه وطلع لي ملاك وارميه اكبر نعمه من ربي يارب لاتحرم احد من هالنعمه ‬

‫ارميه عشان فضيحه او ورث كان عطته جزء منه ويكون صدقه او تبرع مهما كان هاي اخوهم ماراح يرفضون ‬

‫ماصدق في ناس كذا لا ومعورج قلبج وش اللي حدج حسبي الله ونعم الوكيل ماقول الا يارب لاتحطنا يارب فهالمواقف ولاتبتلينا واتم علينا نعمتك وكل ماهو حلال وابعدنا عن ماهو حرام ‬

‫الخال لاتعليق عليه لو ان خال كان راقبه حتى لو من بعيد يطمن الام ويتطمن لكن شقول موب الهندي بس اللي واطي حتى هو ماصدقوا على الله يجرمون بطفل ويرمونه لو مر حد ذبحه سوى فيه شي لو مر شخص او صار هالطفل مجرم او قاتل بتكون بسببهم هم المسؤليه عليهم لكن الحمدلله ربي انقذه وحماه ‬

‫بصراحه ماعاد ادري كيف راح تكون درت فعل اخوانه هل راح يتقبلونه او لا ‬

‫ماقدر مصدومه ‬
‫لو هالاثنين يبكون دم ماشفق عليهم ‬
‫يتموه وهم عايشين ‬

‫استغفر الله العظيم ‬

‫جد متنرفزه مقهوره حزينه مصدوم ماعرف وش احس بالظبط ‬

‫تكفين ياهمس اطلبك ‬
‫دام خذلتيه باهله ‬

‫فرحيه بشجون ‬

‫واكبر قهر ان يقول عن نفسه ولد حرام ‬
‫استغفر الله ‬

‫اصلا حتى فالقانون الولد اللي تحمله المره وهي على ذمت رجال حتى لو ماكان ولده ينسب له ويرثه عشان حكمه ربي بالستر عليها ‬
‫تروح هي تقط ولدهاااا‬
‫ياربي مهقووووره لنفجرر عليهم لو هم صج والله اروح اهد البيت عليهم ‬

‫بس مادري ايش موقفها مستحيل حد يفهمه الا حد مر فيه ‬
‫يارب محد يمر فيه لاقريب ولا بعيد‬

‫المهم بعد كملت علي الشيخ مشاعل انا مستانسه ان اخيرا حد قدر على فارس يكسر كلمته تقوم اول ماتشوف ابوها تضعف اصلا لو ماودها كان قالت لا الا ماصدقت على الله هي وسلطان طاحت من عيني والله كنت ابيها ترجع لغلاب لان صج حبها مافرط فيها بلحظه غضب مثل سلطان موب لعبه هي ورجع وندم وغلطه اكبر بس انكسر وبين هالشي سلطان تزوج ونسى ‬
‫ومهما سوى لها او فرحها بتم اكرهه ولا راح اتقبله لان هو وفارس نفس الشي ‬
‫يرفعون الضغط‬
‫ومشاعر الناس عندهم ولاشي‬
‫ ‬
‫المهم هموس ارجوج اقهري فارس مثل ماقهرني بزواج شجون من ياسر وفرحي قلب ياسر بعد مانكسر ارجوج لاتكسرينه زياده يارب يفرح من كل قلبه يارب ولو اني ماظن بعد مادرى عن اهله انه راح يتقدم لشجون لا مابي افكر كذا الله يبعدها من فارس ‬
‫ويرجعها لغريب اللي الحمدلللله طلع ياسر هو غريبنا فديته جعله بعد الحزن يفرح ‬


‫ماسويتي فيني خير من بدايه الروايه وانا انطر هاللقاء وش بيصبرني ماعرف ‬

‫انتظر هالمره على احررر من كل المراااات بملوين ‬

‫لاطولين علينا يالغاليه وفديتك على السهر والتعب والله ماقصرتي اللله لايخليني من هاليد اللي تتعب عشانا ولا من صاحبتها ‬
‫ولايحرمنا من ابداعها وجمال وروعه كتابتها‬

‫نحببببك هموس ‬
‫ ‬

 
 

 

عرض البوم صور Lady Noor   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أمي, للكاتبة أمي روحي, ليلاس, العنكبوت, بيت, روايات خليجيه, روايات و قصص, رواية بيت العنكبوت, روايه سعوديه, روحي, قصص من وحي قلم الأعضاء
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t174576.html
أرسلت بواسطة For Type التاريخ
Untitled document This thread Refback 20-10-14 09:37 PM
Untitled document This thread Refback 04-08-14 05:03 AM


الساعة الآن 05:34 PM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية