لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (2) أدوات الموضوع انواع عرض الموضوع
قديم 20-06-12, 08:03 PM   المشاركة رقم: 181
المعلومات
الكاتب:
اللقب:

البيانات
التسجيل: Nov 2010
العضوية: 202983
المشاركات: 109
الجنس أنثى
معدل التقييم: أمي روحي عضو على طريق الابداعأمي روحي عضو على طريق الابداعأمي روحي عضو على طريق الابداع
نقاط التقييم: 243

االدولة
البلدAngola
 
مدونتي

 

الإتصالات
الحالة:
أمي روحي غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

مسائكم معطر بذكر الرحمن
يمكن طولت اليوم ومانزلت البارت بدري لاني نفس الي قبله جلست اكتبه من اول وجديد لانه ماعجبني القديم ومايناسب ذوق قرائي واحبابي
بس تأخرت صح من الظهر اكتبه بس انشغل وارجع مرت فيني ظروف وتعب بس مصممه ماأتاخر عن احبابي
عارفه ينتظروني زي مانتظر ردودهم
حبيت اشكر كل من رد وبكل حماس وتشجيع ورربي اني تعبت باالروايه هذي حيل وبكل بارت احس براحه ماتنوصف اذا نزلته اكون تعبانه ويبرد تعبي اذا قريت ردوكم وحماسكم احس كاني جايتكم كارفه بشغل وعطشانه وانتم تريحوني وتعطونني عصير ليمونه وتحطو اصابعكم فيها يحليها واشربها باردة تبرد وتنسيني كل تعبي
بدون مجالمة انتم تستحقون كل تعب وكل جهد
واعرفو اذا شفتو قصور ارجو ماتلومني لاني وربي ابذل قصارى جهدي لاسعادكم وارضائكم بعد ربي
لاتلومني بالبارت هذا نفس الي قبله جديد توه خارج من الفرن يعني طلاسم غمضو عيونكم ههههههههههههه لاني كتبته ماراجعته ثانيه واكتب وافصل ربع ساعه او اكثر وارجع
ياكثر ماقرقر وارجع روسكم
ترا البارت هذا طوووووووووووووويل 33 صفحه يمكن بس انا ابوقف على وقفه واكملها الجمعه ان شاءالله لاني ابشوف توقعاتكم
وترا حتى وانا اخذه منه راح يكون اطول بارت لانه وصل 28 صفحه يعني لاتقولون قصير :graaam (57):
يعني راح يكون تكلمة الجزا السابع والعشرون يوم الجمعه مو بارت جديد لا تكلمه للجزا هذا
يالله اتمنى لكم قراءة ممتعه والله يعين عيونكم لاني طولته حيل علشان ماحد يقول قصير :graaam (153):
دمتم لي بود
[/QUOTE]
واشكر وردتي وامولتي واضواء الكويت والليدي نور ونجلاء الريم على هالردود الي تجنن ووتبر الكبد
يالله يكثر قرقري اترككم مع الرواية [/FONT][/SIZE][/COLOR]

 
 

 

عرض البوم صور أمي روحي   رد مع اقتباس
قديم 20-06-12, 08:05 PM   المشاركة رقم: 182
المعلومات
الكاتب:
اللقب:

البيانات
التسجيل: Nov 2010
العضوية: 202983
المشاركات: 109
الجنس أنثى
معدل التقييم: أمي روحي عضو على طريق الابداعأمي روحي عضو على طريق الابداعأمي روحي عضو على طريق الابداع
نقاط التقييم: 243

االدولة
البلدAngola
 
مدونتي

 

الإتصالات
الحالة:
أمي روحي غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
New Suae

 

الـــ ج ـــزأ الــســـابع والــ ع ــشرررون
في ساحة القصاص تحيدا ساحة الصفا بالرياض
المكان مملؤ بالحراسة والكل الناس ينتظرون قدوم البنت القاتل هالي اغلبهم مايعرفون من قصتها سواء انها بنت قتلت رجل بدون ذنب فقط تواترت الشائعات كل واحد يكلم الي جنبه الي يقول يقولون انها صديقته وطالعين استراحة وقتلته
الثاني: الله يستر على بنات المسلمين بس
والثالث: لاسمعت انها ماعجبتها القيمة وتهاوشو على فلوس وقامت جابت ساطور وذبحته
والرابع والخاس يألف قصة
والكل يقول كلام المصدر طبعا ((( وكالة يقولون)))
اتهمو بنت بريئة مالها ذنب الا تدافع عن بنت ضعيفه صغيره مالها نب الا تنتقم لنفسها من قاتل برائتها
الكل يقول ومافيه انسان قال احمي سمعي وبصري مثل ماقالت سيدتنا زينب في حادثة الإفك
الكل يقول ويدخل في ذمته ويطق صدره لكلام مصدره غير موثوق
الوحيد الي يعرف القصه وسبب القتل انسان متكي على سيارته ويدخن سيجارته الفخمة ويسمع كلام الناس ومبسوط انهم يتهمونها ويحطون اللوم عليها ابتسم يوم شاف قدوم سيارة الإسعاف وسيارات الشرطه والجيب الي يحمل فرح
كان منظر رهيب الكل سكت وهم ينظرون للشرطة وهم ينزلون بنت عليها عباتها لساحة القصاص
الضابط: مصمم مايتخلى عن فرح لآخر لحظة نزل من سيارته مسرع يدور على رامي هاهـ رامي ماتبي تعفو صدقني البنت صارت صالحه وصارت بعد داعيه يمكن تعفو وربي يعفو عن ابوك ايام تقصيره كلنا محتاجين لعفو ربنا كيف ابوك وهو في مكان اختبار وجزاء
رامي: وهو يرمي سيجارته تحت رجوله وبكل غرور ان رضت بشرطي الحين اوافق واخليها تعيش زيها زي الناس
الضابط: راح لفرح وبكل حنان هاهـ ياأخت فرح يقول ان رضت عن شرطي راح اعفي عنها
فرح: اشتقت لربي ياخوي جنة ربي ولا نار عباده لاتتعب نفسك خلاص انا ارجي من ربي اكون شهيده ومابيك تتحاور مع انسان خبيث مثله يبيني ابيع جنة ربي بدنيا زايله
الضابط: سمع ردها راح لرامي خاف ربك شارط عليها شي يغضب ربك اعتقها لوجه الله
رامي: خل خطبها اجل تفيدها مابي اعفو لو ايش ماصار ومايبرد كبدي حتى يسيل دمها هنا
الضابط: انقهر من اسلوبه اجل اسأل الله ان يغفرالله بأول قطرة من دمها وأنت ان ماتبت عن الي انت فيه هز راسه أخاف عليك من سؤ الخاتمه
رامي: بكل غرور تراني وراي شغل وماجيت الا علشان انتقم لابوي واشوف قتل قاتله قدام عيوني ويرتاح قلبي
الضابط: راح لضابط ثاني ماقدر اوقف معكم هذا رقم ولي امرها دق عليهم انا ابروح ماقدر اوقف واشوف قتلها
الضابط الثاني : أخذ الرقم وانتظر صديقه يروح من الساحة
الضابط المباشر: ركب سيارته وشاف فرح وهي واقفه والسياف قريب منها نزلت دمعته الله يحمك رحمة واسعه وأسأل الله ان يقبلك عنده شهيده مدافعه عن عرض غيرك شغل سيارته ومشى
الضابط الثاني: يوم شاف صديقه راح أشر للسياف
فرح: فاضت روحها لباريها فاضت روحها وهي ماعرفت السعادة بدينتها كانت نتيجة اب مدمن مخدرات اب ماكان قدر مسؤليه تربية بنات فاضت روحها وذهبت لرب رحيم ياخذ حقها ممن ظلمها فاضت روحها وهي تائبه لربها متحسرة على كل لحظة راحت من عمرها
الناس: الي يترحم عليها والي خاف من المشهد والي يعلق ويتريق كل انسان تختلف وجهة نظره ماعرفو ان هالاناسانه تابة توبة نصوح ان هالانسانه اقوى من الف رجل ان هالإنسانة ضحت بنفسها لتسعد بنت غيرها
رامي: بكل فخر ابتسم ابتسامة النصر ركب سيارته شغل شريط اغاني صاخب دق على خويه الليله سهره ولا اروع بحتفل معكم بمناسبة انتقامي لابوي جهزو المكان والبنات والمشرووب الغالي ضحك بقوة وهو يرمي جواله على مرتبة السيارة ويهتز مع الأغاني الاجنبيه كان مسرع نزل راسه يبي يغير الأغنيه مارفعها الا وهو قريب من سيارة تريله كبيره ضربها بكل قوة لسه مامامت بس كان يتألم لان الحديد صارت على رجوله والسيارة مع وراء بدات تشتعل
الناس تفرقو من ساحة الصفا وشغلو سياراتهم بعضهم مر من جهة سيارة تبي تشتعل نزلو يشوفون فيها رجال نفس ولد المقتول الدم على وجهه ويطق قزاز سيارته والدموع تنزل من عيونه ساعدوني
حاولو يساعدونه بس خافو لان السيارة شوي تشتعل دقو على المرور والدفاع المدني والي يدور مويه والي يحاول يقرب بس خايف
رامي: يتألم ودموعه على عيونه عرف ان يومه قرب تخيل تذكر كلام فرح وكلام الضابط دقايق بس كنت اقدر اعتق ربقبتها وافوز برضا ربي تذكر تفريطه بصلاته بضيعه لوقته بمعصيته لربه مع البنات والليالي الحمراء ليتني عفيت عنها ليتني ماقتلتها ايش استفدت الحين حس بالحرارة تزيد كان يطق ومايدر يتحرك كل مايتحرك يتألم من رجوله لامابي امووووت لاااااااااااا مابي خلاص ابتوب خلااااااص اب ماكمل كلامه لأنه السيارة كلها اشتعلت بمن فيها
الضابط: كان جالس بمكتبه دق عليه الضابط يخبر عن فرحه ضاق حيل ويسمح دموعه مايبي يبن
الضابط الثاني: بس سبحان الله ولد المقتول مامداه يروح حتى يسوي حادث فضيع اقول بنفسي قتلها ومايدري انه قتل نفسه معاها لو انه عارفه ان يومه قريب أكيد كان عفى عنها
الضابط: استغرب سباحانك ربي تقدر وتكتب كل شي واحنا ماندري ربي اسألك حسن الختامه وان تغمد فرح جنتك ياخوي قول لأهلها ان قلبي مايقوى
الضابط الثاني: سم راح ابلغهم والله يثبتهم ويصبرهم
================
في بيت ابو مشاري
دق جوال ابو مشاري
مشاري وام فارس كلهم فزو قلوبهم
ابو مشاري: يحاول يبن انه ثابت بس يحس بخوف وارتباك ماعمره حس فيه يدعي ربه يوم شاف رقم غريب حس انه من طرف فرح سم بسم الله ورد السلام عليكم
الضابط: وعليكم السلام انت بندر الـ
ابو مشاري: ايه طال عمرك
الضابط: انا المقدم عبالعزيز حبيتا بشركم ان بنتكم راحت لربها وهي تايبه ورافضه أي عرض ببييع آخرتها ففرحو بموتة الشرف الي ماتتها
ابو مشاري: بلع عبرته الله يرحمها ويسكنها جنته
ام فارس: سمعت رده حاولت تكتم عبرتها بس ماقدرت بكت
مشاري: نزل راسه وطلعت دمعته الكل يفكر بموقف شجون عارفين ان فرح اختارت ميتة العزة والشرف بس شجون هي راح تصبر اولا !!!!!!!!
ابو مشاري: خلاص ياخوي راح نبلغ أختها وراح نجيكم انا وعيالي نكرمها ونعجل بدفنها رحمة الله عليها
الضابط: الله يرحمها ويدخلها جنته مع السلامة
ابو مشاري: سكر السماعه وتنهد بحزن الله يرحمك والله انك عن الف رجال نزلت دمعته ومسحها بسرعه وناظر بزوجته لازم تتصبري الحين شجون بحاجتنا دقي على مشاعل خليها جنبها تواسيها يمكن ترتاح لمشاعل أكثر منا
مشاري: وفارس ماقلنا له لازم يكون جنب زوجته ويواسيها
ابو مشاري: أخاف يابوك يزيد حزنها اخوك ماينعرف له
ام فارس: وهي تمسح دموعها ترا فارس مو قاسي يابندر مهما كان شجون زوجته وجلست معاه ست شهور ووقفت معاه وقفه ماراح ينساها خلينا نقوله
ابو مشاري: خايف منه ولدك ماضمنه
مشاري: يبه صدقني الزوجة تحتاج لزوج يسمع لها ويفمها بالوقت تبي زوجها اكثر منا
ابو مشاري: طيب دقي على مشاعل وبعدين دقي على فارس بس لاتقولين له شي بس قولي تعال نبيك
ام فارس: تمسح دموعها الي كل شوي تزيد طيب دقت على مشاعل وعلمتها
مشاعل: ايش يمه جد وبكت
غلاب: ايش فيه مشاعل ؟؟؟
مشاعل: سكرت السماعه وهي تبكي فرح خلاص وبكت أكثر
غلاب: ايه طيحتي قلبي قلعتها تستاهل
مشاعل: حرام عليك تقول عنها كذا البنت تابت وماسوت كذا الا تدافع عن بنت بريئه
غلاب: صدق انكم حريم وانتي صدقتي تمثيلتي أختها بنت كانت استغفرالله بس وقتلت ايش ترجين مها
مشاعل: غلاااااااااااااااب يكفي مابي اسمع شي توديني لأهلي والا مشاري يجي يوديني
غلاب: وليه تروحين ان شاءالله
مشاعل: ابواسي شجون ابجلس جنبها
غلاب: وكل ماصير شي انتي تروحين لهم ترا وراك بيت ياهانم ومسؤليات
مشاعل: حرام عليك زوجة اخوي محتاجة لنا الحين ارجوك غلاب لاتمنعني ماراح انام بس لازم اوقف معاها الحين واواسيها
غلاب: اوووف وان جاء ولدك شي من حزن لحزن ماتدري ايش يجي ولدي
مشاعل: ولدك بحفظ الله ماراح يجيه شي ان شاءالله
غلاب: بدون نفس يالله قدامي بس مافيه نومه
مشاعل: وهي تمسح دموعها سم ماراح أنام ونزلت معاه
ام غلاب: كانت تخيط وشافت وجه مشاعل أحمر ومعاها عباتها خافت انهم متهاوشين بسم الله عليك يابنتي وايش فيك
غلاب: مافيها شي بس هي حساسة قتلو وحدة مجرمة وزوجة ولدك متعاطفة معاها
ام غلاب: عرفت انه يقصد فرح نزلت دموعها الله يرحمها ويصبر أختها
مشاعل: ارتمت بحضن خالتها يمه وربي قلبي يتقطع عليهم
ام غلاب: وهي تمسح على راسها بسم الله على قلبك يمه روحي لها وخليك اقوى منها ان شافتك كذا راح تتعب مرة
مشاعل: سمي ابحاول
ام غلاب: وان بغيتي تنامين عندها احسن لان الليل ابو الأحزان خليك قريبه منها
غلاب: بعصبيه هيه تبين تكسرين كلمتي والا ايش انا قلت ماتنام يعني ماتنام
ام غلاب: بخوف والله ياوليدي مادريت وان غلطانه المفروض ما آمر وانهى وانت فيه بس وربي مو قصدي
غلاب: بدون نفس يالله مشاعل مشينا
ام غلاب: تناظرهم بحزن الله يجبر بقلب هالشجون ويجبر قلبي انا ويحنن قليب وليدي علي رجعت لخياطتها تفرغ كل حزنها بشغلها
================
في صالة ابو مشاري
ابو مشاري جمع نوال وغلا وفارس ومشاعل قبل مايبلغ شجون
بس مشاعل كانت لسه ماوصلت
مانادو سحر يعرفون قلبها رهيف ماتتحمل
فارس: هاه يبه ليه جمعتنا ؟؟؟
ابو مشاري: ابيك ياوليدي توقف مع زوجتك بمحنتها
فارس: عقد حوابه تقصد شجون
ابو مشاري: هز راسه بإيه
فارس: لف يناظر مشاري وبخوف يعني أختها خلاص
مشاري: بحزن نزل راسه الله يرحمها
فارس: ماتت كذا والكل راح يتكام عنها ويلعنون اسمها بالأخبار فرح سعد الي تصير أخت شجون سعد الي تصير زوجة فارس وكل الي يعرفوني يعرفون ان أخت زوجتي ماتت بالصفاة
ابو مشاري: وقف بعصبيه انت كيف تفكر ابفهم
فارس: وقف بعصبيه جنب ابوه افكر بمستقبلي الي ضيعته يبه
مشاري: فاررررررس ايش فيك وايش تخربط انت لاتغلط على ابوي
ابو مشاري: رفع يده اتركه يامشساري كمل يافارس كيف ضيعت مستقبلك
ام فارس والبنات يرابقون كلامهم
فارس: مافكرت فيني ابد كل همك بنت اخت زوجتك السابقه كيف تعيش وكيف تسعد وانا يابنك ابد ماهمك كيف راح يتكمون عليه الناس من اول ماجبتها لبيتنا وانت عارف ايش راح يصير بس ماهتميت ابد صبرت يوم مات ابوه والله العالم كم جاني كلام وهمز ولزم من الي حولي بسر رحمتها وسكت والحين ايش راح يكون موقفي كيف ابحط عيوني بعيون ربعي قلي يبه قلي
ام فارس: حط عينك بعينهم وانت راسك مرفوووع فوق ان زوجتك أخت بنت ضحت بعمرها وشبابها تنقذ بنت بريئة
الكل استغرب من رد ام فارس خصوصا فارس وابوها دايم ساكته ومع فارس بكل شي الا هالمرة
فارس: بس يمه
ام فارس: فارس ياوليدي ترا جميل شجون فوق رقبتك حتى تموت لاتنسى موقفها مع المرحومة لاتنسى وقفتها معاك يوم احتاجت لك الحين تتخلى عنها ماصي ريبه ابد مايصير
فارس: كان أمه صحته من نومه تذكر مواقف شجون نزل راسه سمي يمه ماراح اتخلى عنها
ابو مشاري: ابتسم براحه وضم ام فارس مع كتفها
مشاعل: دخلت عليهم وهي تبكي
مشاري: قرب حضنهالا لا يامشاعل حنا جايبنكم توقفون معاها مو تتخلون عنها
مشاعل: ماقدر ياخوي ماقدر
مشاري: لعيون أختك شجون تقدري
ابو مشاري: الحين ابروح انا وفارس وامكم نكلمها وانتم بعدين تدخلون عليها
راحو كلهم وجلسو البنات تحت
مشاري: طيب ليه ماجت سحر مو تحبها شجون زيكم
غلا: وهي محزنة الخبلة ماتعرف عوامتها اربع وعشرين ساعه معلقه بس قلنا لها عن فرح جلست تبكي
نوال: قلنا مايصلح نجيبها وتبكي قدام شجون وهي قالت قلبي مايتحمل هالمواقف
مشاعل: وهي تمسح دموعها بعذرها ياعمري هالبنات ماشاوفو السعادة ابد وتمسح مرة ثانيه دموعها
مشاري: هذا الي كتبه ربي عليهم وصدقوني شجون بنت عاقله ومؤدمنة بقضاء ربها وأختها ماتت موتة شرف يكفي دفاعها عن غيرها وصلاحها الي الكل يشهد له
نوال: وهي تمسك عبرتها الله يصبرها ياروحي هي
============
في الدور الفوقي
ابو مشاري: شايل هم شجون فوق الخيال طق الباب عليها
شجون: كانت متوترة وماأكلت شي من البارح كل شوي تروح وتجي والقلون مع التوتر زاد عليها رجعت كم مرة مع ان معدتها مافيها شي سمعت طق الباب وجعها قلبها بس متمسكه بأمل ضعيف مرة فتحت الباب شافت عمها وخالتها وزوجها عرفت من وجييهم ان أختها انتهت
فارس: يناظر بوجهها وشحوبها وعيونها الذبلانة عرف انها مانمات ولا أكلت شي
ابو مشاري: قرب لها يبي يكلمها
شجون: كانت تناظرهم وعرفت بوجيهي مالي يبون يقولونها لها ماحست بنفسها الا تغمى وتطيح على صدر ابو مشاري
فارس: خاف وركض لها وشالها من ابوها لسريرها شجون ردي علي شجوووون
ام فارس: بسم الله عليها شيلوها للمستشفى بسرعه
البنات: سمعو الصوت ركض عندها
مشاري: فهم انها تعبانة دق على المستوصف القريب لهم يجيبون لها دكتورة
شجون: يوم حطو العطر على خشمها صحت شوي ويالله تفتح عيونها
فارس: بسرعه جيبو عباتها نوديها للمستشفى
شجون: تمسك يدها وماتقدر تفتح عيونها لا لا مابي
فارس: بعصبيه تروحي شوفي وجهك كيف اصفر
غلا: وهي تحاول تتماسك خالي مشاري جاب طبيبه يالله نخليها معاها
مشاعل: دخلتها خلوني معاها
الطبيبه : كشفت على شجون يوم لمست بطنها اليم ابرز من نحفها وقلة تغذيتها بس عرفت انه فيه جنين ناظرتها حامل صح
شجون: بحزن هزت راسها
مشاعل: استغربت وتفاجات مرة بس سكتت ماعلقت
الطبيبة: لازم تراجعينا وتاخذي تحاليل راح تضري جنينك كذا واضح سؤ التغذيه عليك
شجون: حزنها مغمي عيونها ماردت ولا بكلمة
الطبيبه: سكرت شنطتها وجت تبي تطلع
مشاعل: مسكت الطبيبه ونزلتها بنفسها حتى باب الشارع حتى تطمن انها ماتعلم أحد لازم تسمع من شجون قبل عجزت تجمع براسها كيف حملت من فارس وفارس ابد ماجاها معقولة عنات من اخوي زي ماعنيت من غلاب من جد الرجال مابقلوبهم رحمة رقت فوق بسرعه لقت الكل مجمتع عند شجون الي مانزلت منها دمعها بس تناظر قدامها بعيونه ذبلانه وساكته
نوال: جلست جنبها ياختي شجون مايصلح تسوين بنفسك كذا طلعيها ابكي وارتاحي
شجون: وهي تناظر قدامها ابكي على ايش راحت وتركتني راحت فرح خلاص
فارس: تأثر لكلامها بس كان واقف يراقب أهله وهم يواسونها
غلا: جلست جنبها لو راحت احنا معاك احنا خواتك
ابو مشاري: وانا ابوك وماراح اتركك
ام فارس: وهي تبكي وأنا أمك ياشجون
شجون: بحزن رفعت عيونها لفارس تنتظر منه أي كلمة أي مواساة شافته ساكته ماقال شي
مشاعل: لاحظت نظرات شجون لفارس كلنا ياشجون مفتخرين بفرح انها ماتت ميتة عزة ماتت دفاع عن غيرها
شجون: تتذكر كلاك الطفلة ندى تخليت وجه فرح يوم تلتفت وتناظرها وهي تبتسم فرحانة بكلام ندى تخيلتها يوم تحضنها يوم تودعها يوم تأشر لها بيدها وهي تبعد عنها حتى غابت عن عينها فجأة بكت وانهارت قدامهم بس ابيها ماتهنيت معاها ماعشت معاها عيشة هاديه ابي فرح ابيها كل العالم مايغنوني عن أختي وبكت
كلهم تأثرو بكلامها بس فرحو يوم انهارت علشان يخف الي فيها ضمتها نوال بحضنها وجلست تهديها
فارس: جالس على الكرسي قدام سريرها راحمها مرة وراحم نفسه وساكت ماقال شي
غلا ومشاعل: يوم شافوها انهارت انهارو معاها وجلسو يبكون حتى ام فارس زيهم
ابو مشاري: أخذها من حضن نوال جسمها نحيل عند جسمها يابنتي خابرك اقوى من كذا ماعرف غير شجون القويه المؤمنة بقضاء ربها ربك قدر كذا لها انتي تبينها علشان تسعدين وهي تتعذب كم مرة سمعتيها تقول ابي ارتاح كل ليله اموت الف مرة تبينها تعيش علشانك وهي تموت وتتعذب وتتحسر ان كنتي تحبينها افرحي لها بالميت هوانها ماتت على طاعة مو على معصية
شجون: كانت تسمع كلام عمها وترتاح لكلماته استحت من ربها تشتكي لعباده ماتعودت تشتكي الا له ليه ضعفتي ياشجون ونسيتي ربك الي فوقك هدات شوي وبهدت عن حضن عمها
ابو مشاري: ناظر عياله نبي نخليك ترتاحي وأشر لفارس انه يجلس معاها وطلعو وخلوهم
فارس: محتار ايش يقول لها ساكت وهي تمسح دموعها بهدوء اجيب لك شي تاكلينه
شجون: بحزن مشكور فارس مالي شهيه ابقوم اتوضا واصلي وادعي ربي
فارس: قام يساعدها
شجون: تحممت تبيت هذا النار الي جواتها طلعت مالقت فارس ارتاحت تبي تختلي بربها وتقرا بكتابه الا ماتحس بالراح هالا اذا قراته
فارس: نزل تحت
مشاري: ليه تركتها
فارس: قامت تحممت وتبي تصلي ماحبيت ازعجها جلس دق جوالها اووووف هذي دلال تأخرت عليها
ابو مشاري: بعصبيه هذا وقت دلال زوجتك بحاجة لك الحين راح تنام عندها اسبوع
فارس: يبه الله يهداك كيف انام عندها وانت تعرف اني بغرفه وشجون بغرفه لايبه اسمح لي ماقدر
مشاعل: تناظره باستحقار جد انسان بدون مشاعر غشيتنا كلنا وتكمل غشك
ابو مشاري: فارس ياوليدي مايصلح
فارس: يبي يرد على ابوه دق جواله ايه دلال شويات واجي دخل جواله بجيبه يبه ان شاءالله بكره اول ماطلع من دوامي اجيكم الحين ابشوف دلال مابيها بعد تسمع الخبر من برا يالله عن اذنكم وطلع وخلاهم
ابو مشاري: يصفق يد بيد لاحول ولاقوة الا بالله من جد احس اني ظلمت شجون يوم زوجتها هالولد هذي وصية اختها لي بس الشكوى لله مابيدي شي
غلا: ان كان تخلى عنها احنا جنبها وابنام الليله عندها
مشاعل: تمنيت انام عندها زيك ياغلا بس زوجي رافض
مشاري: ابدا ماعليك رضاه ياختي وغلا ماراح تقصر
نوال: بس يابنتي لاتضايقنها تراها تعبانه ومالها حيلك
غلا: لايمه ماعليك ابحطها بعيوني
مشاري: اجل ليتك تجيبن سحر علشان ثلاث احسن من ثنيت سالفه تجر سالفه
غلا: ياخال هذيك خبله اخاف تقلبها مناح هوانا ابي انسي شجون حزنها
مشاري: براحتكم
نوال: انا ابرجع للبيت وابكلم سحر واشوف عنها يالله عن اذنكم باست ابوها وخالتها مع راسهم وطلعت
[/QUOTE][/FONT][/SIZE][/COLOR][/COLOR]

 
 

 

عرض البوم صور أمي روحي   رد مع اقتباس
قديم 20-06-12, 08:08 PM   المشاركة رقم: 183
المعلومات
الكاتب:
اللقب:

البيانات
التسجيل: Nov 2010
العضوية: 202983
المشاركات: 109
الجنس أنثى
معدل التقييم: أمي روحي عضو على طريق الابداعأمي روحي عضو على طريق الابداعأمي روحي عضو على طريق الابداع
نقاط التقييم: 243

االدولة
البلدAngola
 
مدونتي

 

الإتصالات
الحالة:
أمي روحي غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
New Suae

 

قريبا من منزل ابو مشاري
منزل اخوه ابو سلطان

سلطان: يوفق سيارته هاهـ العنود هذانا وصلنا مو راضيه تتكلمين
العنود: نزلت بسرعه من سيارة اخوها ودخلت بيتهم وخلت شنطتها داخل
سلطان: خلى كل شي ولحلق أخته
سلطانة وأمها كانو جالسين مع ابوهم يتقهون جميع
العنود: جلست على اكنبة بعابتها وجلست تبكي
ام سلطان: حطيت يدها على صدرها بسم الله عليك يالعنود وش بلاك يابنتي
سلطانة: خافت على أختها وراحت جنبها
سلطان: قلبه خلاص مو محتمل ايش صاير يالعنود قولي صلاح غلط عليك بش قولي ياختي والله لاربيه لك
العنود: لا ماغلط بس انا تطلقت منه
ام سلطان: وشوت طلقتي جلست داخت وجلست على الكنب
سلطان: يمه بسم الله عيلك
ام سلطان: انا سمعت زين او احلم
العنود: وهي تمسح دموعها بمنديل لايمه تسمعي زين بنتك تطلقت للمرة الثانيه بس الفرق المرة الاولى هي افسخت هالمرة زوجها سافر وارسل لها رسالة طلاقها بجواله وراح لزوجته وولده
سلطان: زوجته وولده ايش جالسه تخربطين انتي ؟؟؟!!!
العنود: وهي تاشهاق وعيونها ورامه من كثر مابكت هذا الي سمعته ياخوي زوجي متزوج قبلي وله ولد منها وسافر يبي يجيبها وانا طلبت اتطلق منه وهو ماقصر اوقصدي ماصدق خبر ارسلي طلاقي بجواله
ام سلطان: تمسك راسها اللهم صل على النبي ايش راح يقولون الناس عنك الحين ياربي رباه بس
ابو سلطان: قام معصب وأنتي أهم ماعليك كلام الناس وعيالك ابد مايهمونك
ام سلطان: وانت ليه تصارخ بوجهي الحين كأني انا الي طلقت بنتك
ابو سلطان: يأشر بيده يوم اختار ولد حشيم وكفو لبنتك وانتي تلوميني وصرتي تحنين علي تراك ظلمت البنيه وتراك وتراك وانا مازوجتها الا اني عارف ان النذل صلاحوه موكفو لها وأن ولدي اخوي هو الي راح يحشمها ويقدرها جلست اربع سنين وجيتني ترا بنتك تبي تنفصل عن ولد اخوك لاتجبرها على شي ماتبيه ماخليتي لي فرصه حتى اقنعها واول ماطق بيتنا هالحقير طرتي فيه وزجتيه هاهـ شوفي الحين ايش مصير بنتك وناظر العنود تذكرين كلامي يالعنود يوم اجيك اقولك خوفي تندمين هذاك ندمتي
ام سلطان: جد انت ماعندك قلب الحين بدال ماتواسيها تجي تزيد عليها
العنود: لايمه أبوي معاه حق انا استاهل الي جاني وطول عمره ابوي يعرف مصلحتي بس انا الغبي هالي مافتحت عيوني حتى خسرت كل شي كل شي وراحت تكمل بكاها بغرفتها
سلطان: حقير والله ماخليه
ابو سلطان: ايش راح تقوله ليه تزوجت هو ماضربها ولاظلمها ايش راح تلومه عليه يبي يقول بنتكم تطلقت من زوجها وخطبتها وانتم زوجتوني بدون ماجبركم
سلطان: بس يبه ليه يخبى عنا انه متزوج ماله حق
ابو سلطان: بعد خسارتي لولد اخوي ماصار شي يفرق معاي وهي بنت وحشاشة جوفي وبكاها يقطع قلبي بس هي الي جنت على نفسها وراح لغرفته مهموم وحزين على حال بنته
===============
بعيد عن هالاجواء هناك في بريطانيا حيث الحب والحنين
حب صلاح لزوجته وشوقه لها وخلاصه من هم العنود
بعد مافتح الغرفة على باسل وباسه بكل حنان قال بهمس الحمد لله انك نايم خليني اشبع من امك مشتاق لها حيييييييل طلع بهودء وعلى طرف اصابعه لغرفة حبيته وحياته رولا فتح الباب بهدوووء تفاجأ ن تالي يشوفه كانت رولا بموضع مخل مع واحد اجنبي
رولا: يوم شافت صلاح تفاجأت وتحاول تستر نفسها
صلاح: بدون شعوره تهجم عليهم
بس الرجال كان اطول من صلاح واعرض منه يضربه صلاح وهذا يضربه صلاح فاقد اعصابه ويبي يوصل لرولا ويذبحها ذبح تخلص من الرجال وقرب لرولا
رولا: صرخت بس ابعد عنها صلاح لان الرجال سحبه وجاب مشرط على التسريحه وضربه مع وجهه وجلس فوق يعطيه وضرب فيه
صلاح: كان يحاول يقوم بس حس بشي ساخن على وجهه عرف ان الدم يسيل من عينه وخشمه
باسل: صحى من نومه وجلس يصرخ
رولا: ركضت أخذت ولدها وهربت
الرجال: وقف وجلس يرفس بصلاح مع كل جهة وتركه غارق بدمه
صلاح: مو قادر فتح عين ودمه يسل على وجهه بديرة غربه مايعرف أحد يالله سحب نفسه وطلع جواله ودق على ياسر
ياسر: كان نايم ودق جواله استغرب من يدق عليه بالوقت هذا فتح عيونه استغرب انه رقم صلاح رد ببرود هلا
صلاح: يالله يتكلم ي ا س ر الحق علي ابموت وطاح جواله من يده
ياسر: طار كل النوم من عيونه الو صلااااااح رد علي الووووووووووو
هزاع: سمع صوت ياسر خير ان شاءالله ايش صاير ياسر
ياسر: بخوف وربكه صديقي كلمني وقالي الحق علي ابموت وفصل الخط ومادري وين مكانه
هزاع: بسرعه خليني نبلغ الشرطه راح يححدون مكانه من جواله بس نلحق عليه قبل يجيه شي
فعل بلغو الشرطة المحليه وبسرعه حددو مكانه وشالوه للمستشفى
ياسر: بلغ أهله بسرعه
ابو صلاح: ايش تقول خلاص اول طيارة راح اجيك
ام صلاح: خير طمني فيك شي
ابو صلاح: ولدك لقينه مضروب بشقته ومرمي والله قلبي مو مرتاح للزوجته بس ماعندي أحد
ام صلاح: بسم الله على ولدي ابسافر معاك اتطمن عليه
ابو صلاح: انا ابسافر خليت سكرتيري يحجز لي اول طيارة بعدين دبري حالك انتي وبنتك
صلاح: فتح عينه وعينه الثانيه خسرها لان الجهه اليسار ضربه الرجال بمشرط اثرت على عينه خده اليسار كان نصف وجهه ملفوف بشاشه
كان اهله عنده وياسر جالس برا علشان امه واخته
ام صلاح: وهي تبكي حمد لله على سلامتك ياروحي
صلاح: وهو يناظرها بعين دمعت عيونه أي سلامة يمه انا مت خلاص الي شفته موتني
نسرين: ضمته وتبكي بسم الله عليك ياخوي
ابو صلاح: جالس بهيبته يخفى الحزن الي فيه الشرطه ماحصلت لها أثر وشكلها رجعت لامريكا بس ولدك شكله معاها
صلاح: ابتسم بحزن ولدي وايش يعرفني انه ولدي
ام صلاح: خلاص حبيبي لاتفكرو فيهم انساهم ربي راح يعوضكم خير منها
صلاح: ربي عوضني بالعنود وانا طلقتها
ام صلاح: ليه حبيبي استعجلت وطلقتها
ابو صلاح: بعصبيه بنت الناس لعبه عندكم يوم ماتبونها ترمونها والحين تدورن عليها خلاص صلاح ابوس اجرائتك وترجع معانا بعد اسبوع وهالديرة مابيك تجيها
صلاح: والعنود يبه ماراح ترجع لي
ابو صلاح: شيلها من راسك مو قادرين حتى نحط عيونا بعيون أهلها ربي راح يعوضك خيرها انت شاب والطريق قدامك
==============
في استراحة الشباب
غلاب: بكل خبث سمعت والي صار بأخت زوجة فارس
غريب: بنت الحسب والنسب ؟؟؟
غلاب: بكل شماته لا مو بنت الحسب والنسب هذيك الي مات ابوها بدورة المياه وأختها ماتت بالصفا تخيلو فارس يناسب مثل هالاشكال
غريب: عقد حواجبه من أي بيت هم
غلاب: جاي يبي يقوله انهم من بيت سعد الــ ,,,, بس دخل فارس
أحمد: هلا يابو الشباب مابغيت تجي
فارس: ايش اسوي بين بيتين ربك يعين
احمد: علشانه سامع كلام غريب وشماته الي ماصرحها ريحك بالك من وحده واجلس مع الثانيه
غلاب: برحمة مصطنعه بس مسكينه الاولى ماصار لها أحد بدنياها
فارس: لا ابشرك اكتشفنا لها عمه يوم سمعت عن موت اختها تذكر وان لهم بنت اخو جت عندنا وواستها
غريب: ماجب يعلق ليه مايدري بس كان يشيش ويتابع كلامهم بصمت
أحمد: مادام لها عمه حلو ماصارت وحيده ومايقولك ابوك شي ولايعاتبك
غلاب: لا ماتعرف عمي كيف متعلق في هالبنت ويمكن فارس يخاف من ابوه
فارس: عصب ماخاف من أحد بس مجلسها راحمها المهم فكونا وكملو لعب
==================
بعد مرور اسبوعين على وفاة فرح
دلال : كانت جايه مع فارس لبيت أهله
فارس: يووه نسيت شاحن جوالي روحي فوق وجيبيه من غرفتي دلولتي
دلال: سم حبيبي وراحت تتدلع بمشيتها
غلا: ياشين السرج على البقر
فارس: وش قلتي
غلا: سلامتك بس ماح بالي يتدلع ويتصنع الدلع
فارس: ابفهم ليه حاطه نقرك من نقر دلولتي وزجة سلطان
غلا: ماشاءالله يادولولتك صايره ماشاءالله مراسل الجزيرة بسرعه توصلك الأخبار كان تقولك عن نفسها بس مالها دخل بغيرها
فارس: اقول غلو عن القرقر الي ماله داعي اسكتي تراني مالي خلقك
غلا: ومتى صرت خلق أحد
فارس: يبي يرد عليها بس جت نوال يالله غلو مشينا
غلا: الحمد لله مشينا تطمنت على شجوني اهم شي مع السلامة
فارس: ليتك تاخذي اجاوة مفتوحه عن بيتنا غلا
نوال: تطرد بنتي فارس من بيت جدها
فارس: انحرجت من أختها وقام باس راسها حاشاك ياختي كنت امزح بس بنت ترفع الضغط بكلامها ترا
غلا: تمسك يد أمها عاد انا واقفه برجاء اجازته الي يبي يعطيني اياها بيت جدتي متى مابغيتي دفشت الباب ودخلت تبتسم بوجه خالقها باي خالو
فارس: يناظرها بتهديد يوم ابعدو حظك أمك معك كان ذبحتك الله يعين الي يبي ياخذها نشبه وماتسكت
دلال: يوم رقت فوق سمعت صوت مشاعل وشجون وقربت للباب تسمع ايش يقولون
مشاعل: والى متى راح تخبي حملك عن اخوي
شجون: تنهدت بضيق حتى ربي يفرجها من عنده
مشاعل: مسكت يدها حبيتي مايصلح كذا صدقيني مايصلح ولدك محتاج تغذيه شووفي حالك وهذاك تقولين معاي نزف خفيف يعني الجنين تعبان يهون عليك ولدك ياشجون ايش ذنبه
شجون: بحزن ايش يضمن لي انه راح يعترف فيه اخاف يكذبني قدامكم اخاف يجرمني منه او يقولي نزليه شفتي نظراته لي صح ماقال شي بس واضح انه مستعار مني ومن عيلتي فارس يكرهني ومو متقبلني يامشاعل كيف راح يتقبل ولده
دلال: انصدمت وبسرعة نزلت تحت ونست تجيب الشاحن ربي رحمها ان فارس كان مشغول بغلا يوم تنشب له
فارس: ليه تأخرتي ووين الشاحن ؟؟؟
دلال: مرتبكه ايش اسوي قلبت غرفتك مالقيته
فارس: كان يبي يلاوح
دلال: بارتاباك لا لا لاترورح فوق
فارس: لـــيـــه!!!!
دلال: بس احس بدوخا ابروح للبيت جبيبي
فارس: بسم الله عليك لاتكوني بس وناظرها بابتسامه
دلال: بمكر الدورة متأخرة عني والدوخه كم مرة تجيني بس مو متأكده يالله حبيبي مابغى اعشم نفسي خلني اروح وارتاح بالبيت
فارس: من عيوني قلبي يالله مشينا سلم على أمه وركب سيارته الله يادلال لو تكوني حامل لك مني احلى هديه
دلال: تقول بقلبها احسن شي انك كنت لاهي وماتدري لسه متغسله من الدورة ايه خله يتعشم حتى ادبر حل للعله شجووونوه والي ببطنها لازم اتخلص منها قبل فارس مايعرف عن حملها
فارس: كان يفكر لو تحمل دلال من قدي يكونون عيالي خوالهم ارقى ناس ابتسم من جد نسب يشرف هذا النسب والا بلاش
دلال : طول الطريق وهي تفكر بشي حاقدة على فارس الي غشها وحاقدة على شجون بس تبرر لفارس اكيد ان الحيه لفت عليه حتى خلته يقرب منها ماتقدر تكرهه وهي تحبه كانت تدور بفغرفة الملابس تفكر بحطة تبعد شجون عن فارس خلاص تحب فارس بجنون ومو مستعده تتركه لو ايش ماسوى اخيرا توصلت لخطة طلعت لابسه قميص احمر نصف الفخذ تمكيجت ورشت عطر كثير وطلعت جلست جنبه لفت يدينها عليه اشتقت لك حبيبي
فارس: ابتسم لها وانا دلوله بكره ان شاءالله راح نروح نحلل لك ونتأكد من الحمل وابشر أهلي وأهلك
دلال: قامت من جنبه وجلست بالكرسي الي قبله ومثلت الحزن على طاري اهلي اخوي تركي الي بسفارة كندا دق على أمي يستفر عن خبر اخت شجون
فارس: متحمس وايه بعدين
دلال: وهي منزلة عيونها تضايق حيل يوم تأكد انها زوجتك قال كيف فارس يناسب هالأشكال
فارس: هو عارف من قبل
دلال: عارف بشكل مبسط تعرف كان مسافر وماشرحنا له كل شي ماتوقع انك مناسب ناس عاد كذا قتله ومدمنين قال كيف يجمع هالبنت مع أختي هذا صار نسيبنا ومنا وفينا والي يس سمعته يسمها
فارس: يعني وبعدين
دلال: بدلع يعني حبيبي اخوي وابوي بعد مصممين يخيرونك بيني وبينها
فارس: قام كيف دلال ماقدر اطلقها
دلال: عصبت بس تماسكت تهاف يشك ليه حبيبي لايكون تحبها بس ماتحبني
فارس/ أي احبها الله يرحم والديك بس تعرفي وضعها صعب اخليها لمين صارت وحيدة بدنيتها
دلال: حبيبي طلع لها عمه خلاص تقدر تعيش معاها ضمته مع وراء وحطت راسها عليه حبيبي يكفي تعبنا من المشاكل ابعيش بشعادة معاك خلاص تعبت ياقلبي
فارس: لف وضمها عارف حياتي انك متصبره علشاني بس
دلال: تناظره بس ايش
فارس: مابس ولاشي ناظرها مابي اخرب ليلتي معاك بشي مايستاهل وانا مشتاق لك ووووو........
=================
في غرفة شجون
غلا وسحر كانو جايات عندها يبسوطونها سهرو معاها ونامو عندها
غلا: صحت بدري ونزلت تحت تشرب مويه شافت خالها مشاري يدخل ويطلع وكل مايسمع احد نازل من الدور الثاني يطلع يراقب كانت تراقبه وهو مو منتبه لها طلعت احم احم
مشاري: مسوي شخيصه هلا غلووو
غلا: تبتسم خيبت رجاك
مشاري: هز كتوفه كيف خيبتي رجاي
غلا: وهي مازالت فاتحه كشرتها تظني فلانه وترفع حواجبها فوق
مشاري: ماسك ضحكته بس مابين لها والله انك فاضيه على هالصبح تستهبلين
غلا: لا خالو بس اشغلني قطو حلو يدخل ويطلع ينتظر عصفورته تنزل من عشها وانا كنت اراقبه بقمة التمتع
مشاري: قرب منها وشدها مع إذنها بشويش جد انتي متى تستحين او تعقلين
غلا: خال انا قلت قطو حلو ينتظر صفورته ماقلت انت ايش فيك تراك فضحت نفسك وركضت فوق
مشاري: ابتسم ايه والله انتظر عصفورتي ابيها تحن علي تطل علي ذبحني الشوق عليها بش شكل عصفورتي ناسيتني فديتها هي مانتهبت وطحت بلسان هالثعلبه غلوووه
==============
في غرفة شجون
شجون: قامت بدري وتحممت وغيرت ملابسها وخلت سحر على نومتها خلاص تنتظر أي فرصه علشان تعلم فارس جنينها لازم تهتم فيه صارت تحرص تتغذاء علشانه وتحاول تعيش حياتها بدون اختها فرح ماتبي حزن او هم يأثر على جنينها كل همها الحين ولدها وبس
غلا: جت وهي فحمانه حطت يدها على ركبها وهـ ياربي
شجون: بشويش لاتصحين سحورة
غلا: جلست بتعب ياختي خليها تقوم وتفكنا فيه ناس ينتظرونها تحت داخلين طالعين وعيونهم على فوق
شجون: غرفت انها تقصد مشاري ابتسمت
غلا: هيه انتي يانايمه ياكتوكته ياعصفورة يا ارنويه يافيله قومي
سحر: تفتح عيونها ببطء هله ايش بغيتي
غلا: سبحان الله يوم ادلعها ماقامت يوم قلت فيله قامت تاريك فيله وخالي يظنك عصفورة
سحر: تسحب الشرشف علشان تكمل نومتها قسم انك فاضيه على هالصبح
غلا: حطت رجل على رجل وتقص على شجون الي صار تحت مع خالها وعارفه ان سحر تسمعها
سحر: فزت من سريرها مجنونة قلتي كذا له
غلا: يب قلت له وأنا بكامل قواي العقليه وابتسمت بقوة
سحر: ليت من كسر لك هالسنون علشان تعرفي تستعرضين فيهم كل ماقلنا لها شي فتحت خشتها
غلا: ياختي اتدرب قبل مايجيني عرض دعاية معجون اسنان
سحر: ياحسرة من جمالهم يعني
غلا: بسرعه بس لايكثر انزلي تحت واشبعي قلب العاشق الولهان الي خرب باب غرفته كل مايسمع صوت على الدرج يطلع يراقب وانا تعبته انزل وارجع وكل شوي اغير مشيتي علشان يظني انتي هههههههههههه
شجون: ماتحملت ضحكت
سحر: قسسسسسسسم مجنونة هالبنت وجلست تضحك عليها
غلا وسحر فرحو يوم شافو ضحكت شجون وجلسو يعلقون على بعض علشان ينسونها شوي
=================
في شقة فارس
فارس: سحب نفسه بهدوء عن دلال راح تحمم وطلع يبي يفكر على راواقة محتار في كلام دلال صح دلال معاها حق لازم اعيش حياتي معاها بدون مشاكل شجون لي حق اعيش بس تذكر وجه شجون وطيبة قلبها ووقفتها معاه وحكمتها رحمها حتى البيت ماله طعم بدونها تعودت القاها محتار والله محتار ارضي دلال او اجرح شجون بس شجون عارفه اني متزوجها كذا ماراح تنجرح بس مادري احس بنظراتها ساعات انها تحبني الا مو احس اكيد تحبني مافيه بنت ماتحبني بس دلال عندها حق لو مارضيت يكفي تحملت طول هالمده خلاص انا لازم انفصل عن شجون بس جلس يفكر تخيل وقفاتها نظراتها حنانها حكمتها هذيك الليل هالي مايسناها بعمره ابد مسك راسه محتار مررة محتار
==================
في غرفة شجون
بعد ماطلعو البنات جالسة شجون تنظف غرفتها وكل شوي تجلس على ماتتعب النونو تحط يدها عليه تبتسم انت الي تحسسني بالفرحه بدنيتي الحين متى تطلع واضمك لحضني وهي تفكر بولدها دخل فارس بعدت يدها عن بطنها
فارس: ابتسم يوم شاف وجهها منور وباين ان اليوم مبسوطة مساء الخير ممكن ادخل
شجون: مساء النور أكيد تفضل وقامت عن السرير وجلست على الكرسي الي قدامه
فارس: بحنان هاه بشريني عنك شجون كيف حالتك ووضعك
شجون: فرحت بسؤاله وباهتمامه الحمد لله الي يعرف ربه تهون مصيبته
فارس: طيب انا بعد الي جاك ابيك تغيرن جو وتجين معاي الليلة
شجون: وين؟!؟!؟
فارس: ابتسك عازمك على احلى مطعم ابيك تغيرن جو عن هالبيت المشحون خلاص ابيك تنسين احزانك وتعيشن حياة جديدة
شجون: فتحت عيونها مو مصدقة الي تسمعه هي بحلم او علم معقولة الانسان الي جالس قدامي هو نفسه فارس لا مو معقولة
فارس: يالله ماشغلك موعدنا الساعة تسعه لاتتأخري اوك
شجون: اوك
فارس/ قرب منها وباسها على خدها وطلع
شجون: حطت يدها على خدها وتشوف سرابه ابد مو مصدقة هذا فارس الي قدامي ابتسمت بفرح سبحان مغير الأحوال حطت يدها على بطنها شفتي حبيبي جيت وجيت الخير معاك حتى ابوك حاس بوجودك وتغير خلاص ابعلمه الليلة كل شي هذا الوقت المناسب راحت بسرعة ودقت على مشاعل وعلمتها
مشاعل: فرحت حيل لها خلاص حبيتي اجل تكشخي وتضبطي الحمد لله انتظر ردك اول ماترجعين اوك
شجون: اوك
مشاعل: يالله لاتتاخري البسي فستانك اللاخضر الفاتح لايق مع عيونك
شجون: ابتسمت فرح اوك من عيوني
مشاعل: سكرت السماعه وهي طايرة من الفرحه
غلاب: دخل ايش فيك اول مرة اشوفك مبسوطه لك شهر
مشاعل: الحمد لله راحت الاحزان وجت الافراح
غلاب: ايه جعلها دوم ابدخل اتحمم واريح لاتزعجيني
مشاعل: نوم العوافي حبيبي جهزت له لبسه وهي مبسوطه حيل وطلعت
غلاب: يناظرها ياخوفي منك لاتكون تكلم سلطان من وراي استغفرالله انا ايش افكر دخل وتحمم علشان يطرد الافكار
================
مانتهى البارت
انتظر توقعاااااااااتكم على أحر من الجمرررررر
التكملة يوم الجمعه بإذن الله وراح تكون قصرة لانها تكملة الجزا هذا يعني مو جزا جديد
انتظركم لاتتاخرون بردوكم


^
^
^
فائدة:

قال إبن دينار رحمه الله :
" كل عمل تكره الموت من أجله فاتركه "
فإنه لا يضرك متى مت !!

[/size[/FONT]
[/COLOR]

 
 

 

عرض البوم صور أمي روحي   رد مع اقتباس
قديم 21-06-12, 01:05 AM   المشاركة رقم: 184
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224988
المشاركات: 622
الجنس أنثى
معدل التقييم: اموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالي
نقاط التقييم: 896

االدولة
البلدSaudiArabia
 
مدونتي

 

الإتصالات
الحالة:
اموولهـ غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

يسعد صباحك برضى الرحمن*
عوافي هموسه
بارت موجع لشجون

فرح*
تم قصاصها وهي تائبه لربها موقف رهيب*
موقف القصاص
والناس عمرها ماراح تترك احد في حاله
كل يوم بتتكلم وتعيد وتزيد في كل شئ مالها سالفه الا الإشعاعات*
واذا الواحد بيلتفت كلامهم بيتعب الفايده الوحيده من كلاهم هي حسانتهم اللي المتكلم فيه راح يأخذها منهم
وقيل ( يغفر لزاني ولا يغفر لمغتاب الا اذا سامحه المغتاب)
يعني ممكن هي ربي يغفر لها بس انت وانت اللي تكلمتوا فيها تتعذبون*

رامي
يعني هو موب شماته بس زي ما قلت ياليتك عفيت عنها عشان يبقى لك في الاخره

شجون وفارس*
بعد فقدها لاختها خلاص ما عندها بعد ربهاالا ولدها*
ولازم تهتم بصحتها اكثر من ذلك
كانت تنتظر من من فارس يواسيها ويوقف معها بس ابد ما فيه امل*
راحمها طيب وبعد الرحمه ما تعرف تتكلم لسانك وش طوله في الهواش
والا ماتعرف تتكلم كلام حلو الا لدلولتك*
ياذا النسب اللي مااكل عقلك*
تبي عيال منها بس عشان نسبهم موب عشان تبي تصير اب*
وش ذا التفكير*
بعد ما لعبت في راسك هالعله*
وانت ما يحتاج اصلا احد يشيشك عليها
بتأخذها عشان تطلب منها انها هي اللي تطلب الطلاق عشان تكون انت الابن البار اللي ما يبي يضرها
وهي عزيزة نفس بتوافق*
بس ياليت مشاعل تتكلم وتقول لأهلك عن الحمل عشان تخرب عليك وعلى الدلوعه

دلال
توقعت انك تشككين فارس في شجون*
بس انت همك يكون لك لوحدك
طيب اذا طلقها ولدها في بطنها يعني ماراح يتغير شئ

صلاح
هذه هي النهايه المتوقعة لك ولرولا
وحده مسيحيه وتاركها في دوله غربيه وش بتسوي بتصونك لا طبعا خانتك وأكيد موب اول مره*
حتى ولدك ماتدري هو ولدك ولا ولد واحد ثاني
خسرت عينك وخسرت زوجتك
كل هذا حوبة مشاري واللي سويته فيه

العنود
هذاعمايل ايديك
رفستي النعمه اللي كانت بين ايديك عشان واحد ما قدرك
وش استفدتي من زواجك من صلاح ولا شئ
حتى عيال ربي ماكتب لك
وقت الندم راح خلاص ماعاد تفعل قولة ياليت

غلاب
ابو طبيع ماغير طبعه*
الى الان وفارس مسبب لك عقده
جالس تحارش فيه وتقويه على شجون
مدري وش لازم يصير معك عشان ترجع لعقلك
عقوقك لامك بتتعاقب عليه

غلا
ياذا البنت فله والله مع انها ماتسكت
هي اللي محليه الروايهـ*

هموسه ننتظر التكمله بفارغ الصبر
دمتي مبدعه

 
 

 

عرض البوم صور اموولهـ   رد مع اقتباس
قديم 21-06-12, 02:11 AM   المشاركة رقم: 185
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 102007
المشاركات: 1,237
الجنس أنثى
معدل التقييم: وردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييم
نقاط التقييم: 1356

االدولة
البلدSaudiArabia
 
مدونتي

 

الإتصالات
الحالة:
وردة الزيزفون غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

صباح الخير ...... تسلم ايدك هموس على البارت الموجع .........وشكلك ناوية تكمليها على شجون والمصايب تتحاذف عليها .....خفي عليها وبردي قلبنا يعني لازم ماترتاح الا بنهاية الرواية

فرح ورامي

فرح ارتاحت من الدنيا والناس الي ماترحم اذا وهي بتودع الدنيا وموتتها موجعة الناس تاكل في لحمها ماكأنو الموقف مهيب ويوجع القلب .......كيف لو انعفى عنها ماحد بيتركها تعيش بسلام ربي يرحمها ويغفر لها ويعوضها بالجنة ......

اما رامي سبحان الله لانو نيته خبيثة ربي ماامهله ولا يوم بعد موت فرح اجل يبغي يبيع ويشتري فيها او تموت مفكر كل الناس مثله همهم بس الدنيا الزايلة .....فرق بين موتت فرح وموتته


شجون وفارس والحية الرقطاء

شجون جد حزنتي واثرت فيني لما بكت على فقد اختها موبأيدها الموقف موجع لها ......لابد من البكاء لو شوي علشان لاتتعب نفسيتها اكثر الكبت مو لصالحها .........ربي يصبرها على الي جايها من تحت النجسة الصايعة دلالوه عسى ربي يجازيها لانها مارحمت هاليتيمة المظلومة وبيكون قهرها رمي فارس واحتقاره لها ولو تعرف انو غلاة شجون بقلب فارس اكثر منها كان ماتجرأت وخططت

اما فارس اذا بيسمع كلام دلالوه وهو الي ماحد يأمره بشي فهو خرووووووف وبيصير له نفس الي صار لصلاحوه لانو دلالوه وراها ماضي اعوج والحسب والنسب مابينفعك وكل الناس بتجيب بسيرة زوجتك المصون وان شاء الله يتبادلون لها مقاطع فيديو بعد وبنشوف فارس ساعتها ايش بيسوي

اعتقد عزومة العشاء لغرض بنفس فويرس بس ليش يعشمها ويعزمها كان خبرها الي يبغي وهي ببيت ابوه .......وفعلا لو طلقها وراحت لعمتها اول من بيفقدها هو وبيعرف قدرها لو تركتهم ........مو كافي مقصر بحقها وهي على ذمته مابيوم طلبت منه لامصروف ولا مشوار ........

هموس تكفين خلي فارس يضعف وقلبه يخونه اذا طلع مع شجون ويغير رايه لما يشوف سترها حشمتها صوتها الي ماينسمع عكس كتلة الشحوم الي قال بيسترها وماشفنا الا اقوال بلا افعال .........خليه يذوب بقربها دامه كل ماقرب لدلالوه مااغنته ولا نسته قربه من شجون .......

مشاعل عرفت بالحمل وبيكون لها دور كبير وعساها تخرب مخططات دلالوه وتحرق قلبها وعساها ماتشوف السعادة ولا يوم ولا الستر بعد نجاستها مو كافي انو فويرس كله لها شتبغي بعد البرميل جد محروق قلبي سدت نفسي ووجع يوجعها .......

هموس الى متى بتتركيها موتيها وريحينا منها اخذت اكثر من حقها بالرواية ماحد طايقها ابد ........وماخذة مقلب بنفسها انو فارس بيحبها بيوم او بتوصل لمكانتها حتى بقلب فويرس حتى لو كابر بيجي يوم وبيعرف الفرق


غلابوه ومشاعل

وهالنذل غلابوه شدخله بشجون يحارش فويرس يبغيه يطلقها شسوت له المسكينة اذا هو يكره فويرس مو يشجعه على بنت الحسب والنسب المفروض العكس يخليه يتمسك بشجون الي سمعة اهلها مو من مستوى فويرس مستغربة منه ومن موقفه لو طلقها وقعد فارس يفوشر بنسب زوجته ايش استفاد

لكن حوبات الي قاله وجزات فعايله مع امه بيخسر الولد وبيخسر مشاعل اجل تكلم سلطان ها خليك بشكك وتفكيرك المريض ابو طبيع مايجوز عن طبعه


صلاحوه والعنود ورولا

يستاهلو وعساهم من هالحال واعظم اجل مفكرة بس تطلب الطلاق بيجيب خبرها بالطقاق هم على قلبه وارتاح منه الغرض الي اخذه علشانه انتهى خلاص ومافاده شي
وربي عاقبه احلى عقاب خلي خبثة ينفعه وزوجته رولوه عطته درس مابينساه ابد ........وفوق هذا جماله الي مغتر فيه فقده وصار عنده عاهة مع انو يقدر يتعالج ويزرع له قرنية ويرجع نظره

واعتقد ماراح يلقى وحدة تقبل فيه بعد ماتشوه ويمكن في الاخير يرجع للعنود لانو حتى العنود بما انها تزوجت مرتين وماحملت ماراح يفكر فيها احد بس ياخوفي تحاول تخرب بين سحر ومشاري مااستبعد عليها بصراحة


اما ام سلطان لو لاقية رجال يحكمها وتهابه ماتجرأت تفرض رايها بحياة عيالها وباقي سلطان بعد بيطلق دانوه ولسبب قوي عساها بس تنكسر بس العتب مو عليها العتب على الثور جالها الي ساكت لها


سحر ومشاري

مشاري ياقلبي ينتظر يكحل عينه بسحورة بس هي متثيقلة عليه ربي يحميهم من كل متربص لهم بشر ويجمعهم على خير

غريب وياسر

غريب سأل عن اسم زوجة فارس وربي ماكتب انو يعرف هل هذا دليل على انو هو غريب القديم وممكن يتأثر ويرجع عن الي يسويه لو عرف قصة شجون والي مرت فيه والا مجرد تمويه منك هموس

وهل ممكن تطلع هيفاء البنت الي ياسر يحبها وبما انو كان من سنين وصار له موقف مع ابوها ويمكن تسبب له بشي نساه بعض من ماضيه ......او يكون هو غريب كل شي بنعرفه بعدين

عمة شجون هل بيكون لها وجود ومين ممكن تكون هالعمة .......لاتكون ام هيفاء وتروح شجون عندها وتسافر معاهم ويشوفها ياسر ويطلع هو غريب .........الفت لك رواية جديدة لاان شاء الله ربي بيهدي فارس مثل ماهداه على اخته شعاع علشان ولده او بنته وحتى لو انفصل عن شجون يرجع لها .......مانبغي تصير حكايتها مثل هديل وسليمان لانو في شبه بين الثنتين في اغلب الظروف وحتى هذيك سليمانوه تزوج سويرة وتخلى عن هديل ...وحدة لليوم عايشة الدور ولا نبيها مثل هجير وطلال الي تفرقو فترة طويلة الين رجعو في الاخير ........


هموس نبي احداث تفرح قلبوبنا اكثر من بارت

حزن وموت وفراق ومواجع تعبنا والله

في انتظارك

 
 

 

عرض البوم صور وردة الزيزفون   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أمي, للكاتبة أمي روحي, ليلاس, العنكبوت, بيت, روايات خليجيه, روايات و قصص, رواية بيت العنكبوت, روايه سعوديه, روحي, قصص من وحي قلم الأعضاء
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t174576.html
أرسلت بواسطة For Type التاريخ
Untitled document This thread Refback 20-10-14 09:37 PM
Untitled document This thread Refback 04-08-14 05:03 AM


الساعة الآن 06:19 PM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية