لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (2) أدوات الموضوع انواع عرض الموضوع
قديم 01-06-12, 02:21 PM   المشاركة رقم: 131
المعلومات
الكاتب:
اللقب:

البيانات
التسجيل: Nov 2010
العضوية: 202983
المشاركات: 109
الجنس أنثى
معدل التقييم: أمي روحي عضو على طريق الابداعأمي روحي عضو على طريق الابداعأمي روحي عضو على طريق الابداع
نقاط التقييم: 243

االدولة
البلدAngola
 
مدونتي

 

الإتصالات
الحالة:
أمي روحي غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
New Suae

 

في غرفة العنود
العنود: كانت مخنوووقة مرة وطول الطريق ماتكلمت منصدمة من ملاك سحر لمشاري الى هالحين مو مستوعبه رمت نفسها على الكنبة تتذكر كل دلال مشاري لها معقولة كل هالدلال راح يروح لسحر آآآآه بس هزت راسها انا ايش جالسة افكر فيه اخون صلاح بتفكيري ماحست الا باب الغرفة ينفتح استغربت صلاح قايل موجاي
صلاح: استغرب انها فيه
العنود: وقفت مو قلت انك راح تنام هناك
صلاح: ماعجبنا المكلن ورجعنا خير ياطير
العنود: سكتت هي اصلا مقهورة ومكتومه اليوم
صلاح: دخل وفسخ وجلس يفسخ شرابه علشان يتحمم ويبدل ملابسه طالعها شافها سرحانه وواضح الحزن بعيونها هيه ايش فيك
العنود: تتصنع الابتسامة مافيه شي حبيبي
صلاح: جهزتي لي الحمام
العنود: دقايق اجهزه
صلاح: جالسه هنا سرحانه بأفكارك ومخليه الي وصيتك عليه
العنود: ااااااااااه لاتخليها سالفة
صلاح: طالعها باستهزاء يعني مشاري ملك قلبتي حالك علينا مادامك تبغيه ليه طلبتي الطلاق منه
العنود: تفاجات انه عرف وكف عرف ماتدري ردت بارتباك ايش هالاوهام منو قال اصلا اني متضايقه لاتضايقت ولاشي الا فرحانه له الله يرزقه ومن زمان حاسه انه يحبها وهذا ربي حققت امنيته وأخذها
صلاح: انا ماتوهم ياهانم طالعي وجهك بالمرايه وشوفي كيف الحزن باين عليه شكل الخيانة تمشي بعروقك
العنود: عصبت بس مسكت نفسها ابروح اجهز حمامك احسن لي من اني اسمع هالخرابيط
صلاح: منعها مشكورة مابي منك شي اانا ابجهزه بنفسي وراح وخلاها
العنود: ياربي انا ايش سويت معقولة واضح علي ايه انت المسؤال ياصلاح لو عاملتني بحب زي ماكنت احلم كان ماضقت كذا ولاحنيت على ايام مشاري الله يسعدك ربي يامشاري تستاهل كل خير عمرك ماضايقتني ولا اهنتني مع قساوتي معاك كنت متصبر علي يارب سحر تسعدك وتعوضك الي حرمتك منه ونزلت دمعتها ومسحتها بسرعه
********************
في بيت ابو مشاري
مشاري: وصل للبيت وهو ضايق مرة طالع فوق شاف انوار شعاع مفتوحه فرح انها لسه صاحيه طلع لغرفتها وطق بابها
شعاع: بفرحه وبابتسامة ادخل بسرعه
مشاري: اهلين وسهلين ووجه مبتسم ومبسوط مجرد مايشوفها ينسى كل شي
شعاع: وهي تحرك كرسيها صوبه ياهلا مليون بعريسنا
مشاري: يالله ماسرع مانتشر الخبر
شعاع: نشروه بالعربيه والصحف المحليه ههههههههههههههههه
مشاري: قرب يبوسها مع راسها
شعاع: سحبته وحضنته ونزلت دموعها تمنيت اقوم واحضنك تنميت ارقص بزواجك زي مارقصت بزواجك الأول وكنت تشجعني وتبتسم لي
مشاري: ضاق يوم سمع كلامها تألم وحس بقلبه الم ماينوصف مسك دمتعته لاتنزل بعد عنها راح تطيبين وترجعين تمشين بعون ربي وراح تشوفي
شعاع: ابتسمت بحزن ومسحت دمعتها مخبيه شي تحس فيه من زمان عن أهلها كلهم ماتبي تضيق صدورهم حاولت تغير الموضوع وربي طرت من الفرحه يوم سمعت احلى خبر بعمري
مشاري: جاملها ماحب يظهر انه مو مقتنع بالزواج هذا ابد يارب اقدر اسعدها ياشعاع تحملت أمانة كبيرة سحر نسمة رقيقة صعب تنجرح
شعاع: مسكت يده ماخبي عنك سحر دلوعه حيل بس رقيقة وحنونة حيل صح يمكن تتعب معاها شوي لأن عمها دلعها مرة بس اهم شي قلبها ابيض سحر مرة حنونة وطيبه وصدقني راح تسعدك ان شاءالله
مشاري: ابعد عن شعاع وجلس طرف السرير بس اخاف هي مو متقبلتني اخاف متعلقه بحمد
شعاع: بحكمتها والله البنت الي اشوفها وقت خطبتها ماحس انها مخطوبة لواحد تحبه بالعكس احسها ابد مو متقبلته
مشاري: اجل ليه قبلته
شعاع: يمكن علشان أمها
مشاري: تنهد براحة وابتسم وقام وباسها مع راسها اخليك ترتاحين الحين السهر والجلسة الطويلة تضرك قرب كرسيها وساعدها تجلس على سريرها
شعاع: لاتدلعني كذا متعودة اقوم من نفسي
مشاري: ان مادلعتك منو ادلع
شعاع: وفر دلعك لست الحسن والدلال سحورة
مشاري : ابتسم تصبحي على خير
شعاع: مسكت يده اخبار فارس عساه مبسوط
مشاري: طالع عيونها وشاف نظرات الشوق لاخوها فارس تغير وجهه وضاق لان فارس ماهمته وهي تتعذب كل يوم من شوقها له رفع يدها وباسها قال ببرود ماعليه ولاتشغلي بالك بأحد
شعاع: بحزن مو أي أحد هذا اخوي
مشاري: حتى لو كان أخوك الي مايسأل عنك لا تسألي عنه
شعاع: غمضت عيونها بحزن وسكتت
مشاري: رحمها بس مابيده شي سكر النور وطلع
شعاع: يوم سكر الباب بكت بهدوء اشتقت لك يافارس خوفي أموت وعيوني ماشافت عيونك تذكرت ايامهم أول سهراتهم ضحكهم حنت لأيامها اول بس الي انكسر ماراح يتصلح ابد
*************************
في غرفة سحر
سحر: تحممت ولبست بيجامة وردية ناعمه حيل جففت شعرها جلست على طرف سريرها تفكر خلاااص صرت زوجة حمد اكره شخصين عندي حمد وفارس صرت زوجة واحد منهم ربي صبرني عليه وسخره لي طالعت دولابها وراحت له فتحت درج الي يحمل كل ذكرياتها الحلوة طلعت الصندوق وجلست على الكنبة وفتحته طلعت هداياه هذا يوم دخلت اول ابتدائي جاب لها دبدوب صغير وهذا يوم صارت الطالبة المثالية وهذي هدايا العيد كل واحد احلى من الثاني وهذي هدية تخرجي من الابتدائي حلق لؤلؤ وهذي يوم اتخرج من المتوسط تنهدت بضيق ووجع خلاص لازم انسى كل شي منك انت مو من نصيبي والحين انا في ذمة رجال غيرك لازم اتخلص من هداياك واعطيها غلا ورسايلي الي كنت اكتبها لك ومارسلها بس اخليها عندي ذكرى راح احرقها كلها
غلا: شافتها مرتبكه حست انها متضايقه قالت بقلبها ياعمري مالومها حبت تلطلف الجو اشوف عروستنا ماجاها النوم كل هذا فرح بالمعرس
سحر: اما ,,, وربي ماحسيت فيه متى حبيته اصلا علشان افرح فيه
غلا: تضايقت علشان مشاري خالها الغالي احمدي ربك اصلا انك صرتي من نصيبه
سحر: طالعتها ليه ماخذتيه انتي
غلا: استغربت من ردها حست انها ماعرفت ان مشاري هو زوجها بس قالت يمكنها تستعبط ابتأكد وياروطتي لو سحر ماعرفت ايش راح يكون موقفي
ليت ربي محلل كان تزوجته وماشاورتك
سحر: لامحلل عادي تطلقني وتتزوجنه وتفكيني منه
غلا: بلا سماجة واستعباط فيه وحدة تاخذ خالها
سحر: لفت عليها متفاجاه متى حمد صار خالك لايكون اكتشفتو انه خالك من الرضاع
غلا: أي حمد انتي مجنونة متى عرفته حتى يصير خالي
سحر: عقدت حواجبها موفاهمه شي من الي يصير حولها أجل منو غيره انا صرت زوجة حمد وانتي تقولي ان زوجي خالك
غلا: لا موحمد زوجك حمد ماجاء للملاك اصلا
سحر: بعصبيه اجل الي ملكوني عليه مين تكلمي ؟!؟
غلا: وانتي وقعتي وانتي مغمضة
سحر: من ضيقتي مانتبهت وعيوني كلها دموع ماشوف شي شخطت شخطين اهم شي اني وقعت واصلا كنت متاكدة انه حمد بعدين يوم حمد ماجاء ليه تزوجوني بدون ماتشاوروني انا لعبة بين ايديكم وزوادت عصبيتها وارتفع صوتها
غلا: قربت منها وضمتها طلبتك لاتفضحينا وتصحين أبوي وربي لو يعرف يضيق
سحر: بعدت عنها يضيق وانا مو من حقي اضيق ليه لأني مالي ابو مو من حقي اشاور معقولة عمي محمد الي حبيته زي ابوي يسوي فيني كذا يزوجوني بدون مايشاورني علشان ماينفضح عند الناس وجلست تبكي
غلا: جلست عند رجولها وربي ابوي ماله دخل ياسحر هو قال لأمك قولي لها وكلنا ظينناك عرفتي ووافقتي بعدين وربي خالي مافيه مثله وكل بنت تتمناه
سحر: هدات عن البكاء طالعتها خالك من خالك لايكون فارس بس اطلع من بلوة لبلوة ثانيه
غلا: اكيد لا
سحر: بدا قلبها يدق بسرعه أجل مين
غلا: وهي خايفه مالي غير خالين ان ماكان فارس اكيد خالي مشاري
سحر: فتحت عيونها مو مصدقة الي تسمع جفت دموعها انخرس لسانها
غلا: خافت عليها سحر سحورة سحير قلبي ردي علي
سحر: لااااااااااارد
غلا: سحررررررررررر ردي علي ايش فيك وربي ماراح تندمي خالي مشاري كل بنت تتمناه قسم
سحر: بهدوء انا احلم غلا او ايش
غلا: انجنت البنت الله يخلف علينا لاماتحلمي
سحر: طيب اقرصيني
غلا: خافت عليها سحر ايش فيك وجهك تغير لونه ردي علي وربي خوفتني عليك
سحر: طالعتها بهدوء مافيني شي بس ممكن تتركني لوحدي ارتاح
غلا: سحورة ابنام جنبك الليله ماقدر اخليك لوحدك وضعك صعب مرة
سحر: بهدوووء غلا ممكن تركتيني الحين
غلا: حست ان سحر بحاجة تبكي لوحدها طلعت وخلتها وهي تدعي ربها انها تهداء لوحدها سمعت تسكيرة سحر للمفتاح قالت الله يستر الله يسامحك ياأم سحر والله لو يعرف ابوي انه تضيق عليه الدنيا ياروحي ياسحر مو مستعبه ابد ان خالي مشاري صار زوجها بس وربي يجنن بس مادري ليه البنات ماعندهم ذوق بكرة تعيش معاه وتحبه ان شاءالله
سحر: قفلت الباب مرتين وتسندت على الباب وغمضت عيونها بقووووة مو مصدقة انا زوجي مشاري لا أكيد انا أحلم بعدت عن الباب ولفت كم لفة وطاحت على سريرها لك الشكر ياربي كنت اعتبر زواجي منه من سابع المستحيلات بس ماعلى ربي شي مستحيل دعيتك انك توفقني مع زوج يرعاني ويحافظ علي زي صفات مشاري ورزقتني بمشاري نفسه قامت من سريرها وسجدت سجود الشكر وطولت بسجودها راحت لصندوقها وفتحته وباست كل هدية منه كنت ابرميه وكأني ارمي قلبي آآآآآآه يامشاري كنت حلم الطفولة وكبرت مع هالحلم كل ماشوفك احاول اهدي هالحب الي يكبر جواتي بس ماقدر كنت الوم العنود لانها ماقدرت النعمه الي بين يدينيها يارب اقدر اسعده يارب وانسيه حبه للعنود عارفه انك تحبها حيل بس انا احبك مووووت قلبي مو بيدي
****************************
في صالة محمد
غلا: يمه ابقولك شي مانومني البارح
نوال: خير ياقلبي
غلا: بحزن البارح كنت مع سحر
نوال: ايه وبعدين
غلا: كانت متضايقه حيل
نوال: وليه طيب لايكون علشانها ملكت على مشاري
غلا: يمه مالومها تراها ماعرفت الا مني
نوال: تفاجأت وليه أمها ماقالت لها
غلا: لا الله يهديها ماقالت لها شي قسم البنت ضاقت وقالت ليه ماشاورتوني والا لأني يتيمه ماتشاوروني
نوال: ضاقت حيل خلاص حبيتي غلو بس لايعرف ابوك بالي صار
غلا: أكيد ماراح اقوله بس اكيد راح يعرف من وجهها
نوال: وهي تجهز الفطور تحمد ربها وتبوس يدها ان مشاري صار زوجها وتخلصت من حمد منو يحصل له واحد زي مشاري
غلا: يمه صح خالي مافيه زيه بس احنا نقول كذا لانه خالي وانتي اخوك بس لاتنسي فرق العمر الي بينهم غير كذا كان متزوج وسحر صغيرة وماتزوجت من حقها تتزوج واحد صغير وماتزوج وبعدين لاتنسي خالي عقيم
نوال: أقول لايكثر واحد متزوج وكبير ويخاف ربه افضل الف مرة من واحد صغير ومايخاف ربه خلينا منطقيين ياغلا لو انها متزوجه فارس قبل ماياخذ شحون افضل لها او مشاري وهو مطلق على قولتك
غلا: أكيد خالي مشاري مافيه مثله اثنين
نوال: هذاك قلتي سكري على الموضوع ابوك نزل
محمد: صباح الخير
نوال وغلا : صباح النور
عبدالرحمن : صباح الخير يمه
نوال: صبحك الله بالسرور ياقلبي
محمد: غريبه ليه سحر مانزلت مو عادتها
غلا: بارتباك اكيد سهرانه وراحت عليها نومة
محمد: ابقوم اناديها ((مارتاح قلبه يبغى يتطمن عليها))
غلا: خلك يبه انا ابقوم اناديها بقلبها يارب تمثل انها ماضاقت لو قدام ابوي الي رباك ودلعك ياسحر جت تبي تقوم الا تجي سحر
سحر: بوجه مشرق ومبسوط صبحكم الله بالخير
محمد: هلا وغلا بنورنا صبحك الله بالسرور يارب
نوال وغلا: ارتاحو يوم شافو وجهها مبسوط
غلا: دايم حنونة سحر ماتبغى تظهر ضيقها عند ابوي فديتها وفديت حنانها أكيد فرغت كل بكاها البارح ياروحي هي
محمد: مبسوط وهو يشوف سحر منور وجهها وتسولف وتضحك دوم هالانبساطه يابنتي
عبدالرحمن:صح يالعروسه ليه ماخليتي خالي يشوفك
سحر: مو مصدقة ان خاله هو زوجها استحت وحمرت خدودها وماردت
نوال: ارتاحت يوم شافت خجلها حست انها ماتمثل لو تمثل مستحيل تخجل كذا خلاص عبدالرحمن لاحقين على بعض وخل اخوي يتشوق اكثر
عبدالرحمن: اوما يتشوق حافظها من يومها صغيرة
نوال: بس سحورة كبرت وحلوت اكثرر
سحر: خلاص مو متحمله استحت مرة عن اذنكم
محمد: افا مافطرتي
سحر: والله كنت شبعانه ياعم بس قلت مافوت جمعتكم
محمد: عليك بالعافيه يوم راحت ماتعرف تربط لسانك الا تحرجها
عبدالرحمن: ابشوف هي متقبله خالي او بس قبلته مضطرة بس شكل البنت تموت فيه مو بس متقبلته
محمد: احشم بنت عمك ياولد عن اذنكم
نوال: يوم طلع زوجها الا تضايق ابوك
عبدالرحمن: ماقلت شي غلط بس تعرفين حساسيته من سحر وربي اشك يحبها اكثر منا
نوال: مابعد غلا الظنا شي وانا أمك بس سحر يتيمه ورباها معاكم انا وربي احبها زيكم
غلا: قامت وباست أمها مع خدها فديت حنان ماما بس وانا اقول خالي مشاري منو عليها شكل أمكم كتلة حنان
نوال: تنهدت بضيق ايه والله الله يرحمها كانت أم رائعة بحنانها ورحمتها واهتمامها بس حتى ابوي فديته تراه حنون مرة
غلا: اجل اكيد جدي يموت فيها
عبدالرحمن: ماتشوفينه يموت بشجون بس علشانها بنت اختها
نوال: بس تراه ماقصر مع خالتي ام فارس ويحبها ولها قدرها بس يمكن لأن أمي كانت حكيمه بتربيتها وتعاملها وهو ينقهر من دلال ام فارس لفارس بس تراه يحبها وهي يشهد ربي إنها حبيبه وبنت حلال وقلبها طيب
عبدالرحمن: طيبه بس ليتها تحنن قلب ولدها الحجر الي ماخاف ربه لا بأخته ولا بزوجته
نوال: حبيبي ليتك تخف على فارس شوي تراه يظل خالك والوضع بينكم ابد مايعجبني انا اشوفه انه عادي هو مستعد يكلمك بس انت دايم تصده
عبدالرحمن: مستحيل اتكلم واسولف مع واحد هاجر أخته كم سنة يمه انتم ماتحسون بالي تحس فيه خالتي شعاع وامتلت عيونه دموع كم مرة ادخل عليها فجأة اشوفها تطل عليه من الشباك وهي تبكي وأول ماتشوفني تمسح دموعها علشان ماتحسس احد انها حزينه يمه أخوك مارحم إعاقتها ويزيد عليها ألم فوق ألم
نوال: ياروحي لاتتوقع ان فارس يكرهها يمكن انه هو بعد مشتاق لها بس فيه شي يمنعه يكلمها
عبدالرحمن: ارجوك يمه لاتعذرين لاقسى شخص عرفته بحياتي
نوال: كان اقرب الناس لك
عبدالرحمن: قلتيها كان عن اذنك باسها مع راسها وأخذ شماغه وطلع
نوال: الله يهيدك ويصلح بينكم بس
غلا: يمه معقولة سحر كانت تمثل فرحها علشان ماتضايق ابوك
نوال:يمكن بس احس فرحها طالع من قلبها مو تمثيل شفتي خجلها يوم تكلم عنه مو معقولة بنت مجبورة تخجل كذا من طاري خطيبها
غلا: اجل عن اذنك ابروح اشوفها هالبنت راح تجنني بغموضها
نوال: لو انك ماتقولي كل شي عنها كان أمنتك على أسرارها بس انتي ماتبعلي شي بفمك كل شي يدخل مع انذانك يطلع من فمك
غلا: ايش اسوي يمه شكل عندي تهريب من ناحية الفم
نوال: ههههههههههههه مجنونة قسم
غلا:وماعرف اخبي شي ابد يالله ماماتي ابروح اشوف سحورة وتطمن عليها هي تمثل او يمكن جد خاقه مع خالي من زمان ومخبيه عاد والله لو جد من زمان تحبه ومخبيه عني طول هالفتره لاوريها
نوال: ابتسمت ماتوقع انها راح تحب مشاري ايش جاب عمرها لعمره بس يمكن يوم ملك عليها انبسطت لأن سحر عاقله وتفكر بعقلها وتعرف طيبة وحنان ورجولة مشاري
غلا: رفعت حواجبها يارب كلامك بمحله ماتكون مقنعه نفسها غصب راحت لغرفة سحر
سحر: مبسوطة وحاطة رجل على رجل وفاتحه النت وتقلب بالأزياء تعال غلا شوفي هالفستان مو يجنن
غلا: وقفت وراها اااااااوه خيال موس يجنن
سحر: ابتسمت بفرح وانا اقول كذا بعد دقيقة اوريك الثاني
غلا: لفت كرسي سحر الدوار وخلتها مقابله لها حطت يدها على جبهة سحر سحورة عليك حرارة من سهر البارح والا الصدمة مأثرة فيك
سحر: ضحكت لا الحمد لله لا حرارة ولاشي
غلا: ابد موطبيعيه انتي
سحر: ابتسمت ليه
غلا: اجل دقيقه اقرا عليك تف تف اللهم سكنهم مساكنهم
سحر: ههههههههههههههه مجنونة ايش تسوين
غلا: ياختي جننتني انتي وحيرتني
سحر: وهي تضحك مبسوطه ليه ؟؟؟
غلا: ظنيتك راح تنصدمي لانك ماعرفتي عن ملاكك على خالي مشاري وظنيت حركة حمد راح تجرجك وتحطمك بس اشوف ماشاءالله بنت قويه ولا على بالها قسم شوي اشك ان فارس احلامك الي تكتبي عنه هو خالي مشاري بس انا متأكدة انه مستحيل لانك طفلة وهو كبير عنك
سحر: لفت كرسيها وقابلت الجهاز كل الي صار مقدر ومكتوب وأكيد ربي ماقدر هالشي الا خير لي
غلا: باستها مع راسها فديت الحكيمه بس تصدقي نفس كلام أمي بعد
سحر: ابتسمت وسكتت قالت بقلبها ماتعرفي ياغلا ان مشاري هو حلم الطفولة حلم ماظنيته يتحقق بس ربي سبحانه حقق حلم مستحيل يصيرررر
***************************
في بيت ابو مشاري
شجون: من يصدق سحورة تتزوج مشاري
مشاعل: ايه سبحان الله ماحطيتها ببالي ابد
شجون: أجل ماكلمها ولاشي
مشاعل: شكله مايبي يحرجها فديته
غلا: البنت خشتها من هنا لهنا وخالي المسكين يخاف يحرجها
شجون: ابتسمت الله يوفقهم ويسعدهم لايقين لبعض
غلا: ليه خربتي شعرك شوشو ماصدقنا يزين
شجون: كنت ابعدله وخرب الشكوى لله
فارس: يسمع ردها وساكت ويقول بقلبه تعرف تكذب بعد
مشاعل: حبت تصرف الموضوع شجون حلاها فيها
شجون: وربي مشتاقه لأختي ودي اطلب عمي يوديني لها
غلا: وانا ابي ازورها معاك من زمان اتمنى ازورها
مشاعل: وأنا بعد
شجون: فرررحت حيل يوم طلبو يزورن أختها حتى فرح راح تفرح فيكم حيل
فارس: أي زيارة واي خرابيط انتي وياها بلافضايح بلاهم تراها بالسجن مو بالمستشفى سجن تعرفون كلمة شجن وانتم من بيت عايله محترمه تبون تفضحونا عند الناس يعني
شجون: حست بسكاكين تطعنها سكتت ماردت
ام فارس: الله يهديك مافيها شي يحسسونها أحد عندها
فارس: اصلا ياست مشاعل غلاب لو يعرف راح يحش رجولك حش تراه ولد عايله محترمه ومايحب يحتك بناس فيهم شبهه
شجون: خلاااااااص مو قاجرة تتحمل بس مثبرة نفسها علشان ماتفرحه عليها
غلا: مشاعل بحكم زوج بس أنا ابوي وامي متأكده ماراح يرفضون وماحد له دخل فيني
فارس: عصب تطولين لسانك علي يابنت
غلا: قامت الحمدلله اني بحكم احن ابو واحن اخو
شجون: مشكورات يابنات بس خلوها مرة ثانيه عن اذنكم ابروح اسأل عمي
فارس: أخذ كوب الشاهي يكمل قهوته ويقرا الجريده
غلا: بهمس يقهرررر ويرفع الضغط كيف شجون متحملته والله مالوم اخوي يوم هجره كم سنه
مشاعل: بحزن الله يسامحه ويهديه بس
***********************
في السجن
فرح: وهي ضامه أختها اشتقت لك شجون تأخرتي علي حيل
شجون: والله أنا اكثرررر بس اعذريني ياروحي غصب عني مو بيدي استحي اطلب عمي كل شوي
فرح: جلستها جنبها صادقه ياروحي هاهـ عساك مبسوطه
شجون: احمد ربي على كل حال احسن من عيتش برعب ابوي
فرح: هه ابوي الي يحمل بس اسم الابوه
شجون: الله يهديه حتى ماعرف أي خبر عنه
فرح: بقهر مابي اعرف أي شي عنه
شجون: بس يظل ابونا
فرح: تبي تغير السالفه كيفك انتي وزوجك
شجون: تغير وجهها وهي تتذكر ذاك اليوم وكلامه لها بعد الي صار الحمد لله
فرح: لفت وجه شجون لاتتهربي من نظراتي طالعيني صاير شي لك
شجون: تتصنع الابتسامه ابد ماصار شي
فرح: ناظرت شعرها تخبي عني شجون اعرفك ماتقصي شعرك كذا الا اذا ضقتي حيل حالة نفسيه لازمتك من يومك صغيره حزنك تفرغينه بشعرك عاتبتك كم مرة هاوشتك بس بعدين عرفت انه تصرف لا اردي منك
شجون: وعيونها على الارض ربي ابتلانا يبي يشوف نصبر اولا بس الله يلهمنا الصبر ياختي
فرح: عارفه ماتحبي تشتكي الا لربك ومابي اضغط عليك شجون واخرب اجرك بس تأكدي ربي قريب وماتضيق حتى تنفرج
شجون: رفعت عيونها لأختها املي بربي كبير ومتأكده راح يجي يوم ويفرجون عنك ونرجع نعيش سوا فرح بعيدين عن ابونا وعن فارس وغيره عمي ابو مشاري ماراح يقصر معانا وراح اكمل دراستي واتوظف ونعيش سوا
فرح: ناظرتها بحزن دايم ادعي ياشجون ان كان موتي خيرا لي يارب امتني وان كانت حياتي خيرا لي يارب احيني نزلت عيونها تمنع دمعتها بس ياشجون انا اموووت في اليوم الف مرة كل ماتذكر الماضي الاسود حقي ابي ارتاح تعبت ياشجون تعبت
شجون: ضمتها سلامتك من التعب يافرح ليتني اقدر اشيله عنك وتعيشي بسعادة طول عمرك
فرح: ضمت خصر أختها النحيل يكفي ماشفتي من عذاب اتمنى اشوفك سعيده قبل يوم قصاصي
شجون: ابعدت عنها يارب نسعد انا وياك يااااااااارب
**************************

العايله كلها قررت تسافر للشرقيه
عبدالرحمن: لازم شعاع تسافري معانا
شعاع: ياليتك تعفيني عبدالرحمن
عبدالرحمن: مستحيل والله لو ماتسافري لاجلس معا ك انا ماصدقت انقل عملي للرياض الا علشان كل يوم اجيك وتبغيني اسافر واخليك بعدين لو ماسافرتي راح تحرمين أمك من السفرة تعرفين ماترضى تسافر وتخليك
شعاع: بحزن تعرف ان السفر يرهقني
عبدالرحمن: انا وياك راح نروح بطيارة وصديقي ماقصر حجز لنا شقة دور ارضي علشان حالتك
شعاع: وانت قايله عني يالي ماتستحي
عبدالرحمن: هو أقرب صديق لي دايم يشوفني اكلمك قالي لايكون بس عشقان وتكلم بنات من ورانا قلت الله لايقوله هذي نور عيني خالتي عاد كل ماتدقين مخزن رقمك نور العين يضحك ويقول نور عينك دقت
شعاع: هههههههههههه فديتك بس من جد احرجتني عنده
عبدالرحمن: ماعليك هو بحسبة اخوي واقرب صديق لي
شعاع: الله يخليكم لبعض
عبدالرحمن: هاه مارديتي علي راح تروحين او لا
شعاع: اسوي كل شي لعيونك
عبدالرحمن: فديتك بس الله لايحرمني منك
**********************
في بيت ابو حمد
حمد: يبه حرام عليكم كيف طارت مني انتظرها سنه وتطير كذا
سند: من خمالك يالخبل طيرتها بالعبك واستهتارك قوية أمها علي الحين وصار وراء ظهر تستقوي علي فيه كله منك طلعت من البيت واستاجر لها الغثيث مشاري بيت جنب أهلها وماهتمت فيني ماقدر اهددها بعيالها وهي ماجبت مني الا عيال لو بنت كان هددتها فيني كله من وراء راسك
حمد: يبه وش دخلني بمشاكلك انت وأمها ابي سحر ترجع لي يبيه ارجوووك سوي أي شي ورجعها لي
سند: انطم واسكت ولك وجه تتكلم بعد ماسودت وجهي عندهم قسم صعت بهدومي
حمد: يبه كنت نايم وموحاس بالي اقوله
سند: قل كنت سكران وماحس بنفسي اعترف بخمالك
ام حمد: بسم الله على وليدي لاتظلمه أنت وحرمتك بنتها لاراحت ولاجت لاتحرق دمك علشانها ياوليدي
حمد: بحزن يمه ابيها والله ابيها
سند: طس عني بس اخويتني وانت تعيد نفس السالفه
حمد: طلع وهو ضايق حرك سيارته وقرب من بيت ابو مشاري ويطالع ببيتهم انم انتقمت منكم ماكون حمد ولد سند وراح تشوفون لو مو اليوم بكره لو مو بكره لو بعد سنين بس والله لاحرق قلوبكم زي ماحرقتو قلبي وهذا وعد من حمد لكم
^
^
^
^
كيف راح ينتقم حمد من عائلة ابو مشاري؟؟؟
ايش راح يكون بالسفرة من أحداث ومافاجآآآآآت ؟؟؟
شعاع واول خروج لها من البيت بعد اربع سنوات هل راح تقابلها مفاجآة غير متوقعه هناك اولا ..؟؟؟

انتظر توقعاتكم على أحر من الجمررر
&
&
&
فائدة:

أعلم أنه ما أخرج الله عبداً من ذل المعاصي
إلى عز التقوى إلا :
أغناه الله بلا مال ..
وأعزه بلا عشيره ..
وآنسه بلا بشر ..





تقبلو خالص تحيات
اختكم ومحبتكم دوما وابد
همس ((( أمي هي روحي )))
[/QUOTE][/FONT][/SIZE][/COLOR][/COLOR]

 
 

 

عرض البوم صور أمي روحي   رد مع اقتباس
قديم 02-06-12, 03:31 AM   المشاركة رقم: 132
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 102007
المشاركات: 1,237
الجنس أنثى
معدل التقييم: وردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييم
نقاط التقييم: 1356

االدولة
البلدSaudiArabia
 
مدونتي

 

الإتصالات
الحالة:
وردة الزيزفون غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

صباح الورد ......صباح الفل والياسمين .......صباح الابداع ........صباح الافراح والليالي الملاح هههههه.......اهم شي حريم ياحبكم للاعراس خخخخخ

مشاري وسحورة

الف مبروك واخيرا تحقق الحلم اول اثنين في الرواية نفرح لزواجهم .......مع انو اللبس الي صار خرب جونا انا ماخفت على سحر لاني متأكدة من فرحتها لما تعرف هوية العريس مع انو الكل غلطان وامها بعد ماعندها سالفة اجل عند السكير تتصل وتحن عليها ويوم جاها زين الشباب تبلع السانها بس فديت غلاوي هي الي بشرتها المفروض يعطوها البشارة هههههه

باقي مشاري يتطمن ويفرح انو سحورة صح تحب وبقوة بس الي تحبه هو مو غيره اعتقد انو الرسايل بتظل مع سحر الين بعد الزواج وهو بيشوفهم وبيفكرهم لحمد مثل ماالعنود كانت تملك رسايل لصلاح وبينكسر خاطره بس اذا قراء مضمون هالرسايل راح يتفاجئ ...........بس ليه الكل يشوف سحر مدلعة انا مااشوفها اجل شخلو لدوينة وسحيلة دلالوه عساها ماتفرح بالزواجة ولاتتم وتنكشف قبل يتم كل شي ويتفشل فويرس وتنكسر فرحته ومايقدر يرفع عينه في ابوه على اختياره الخايس

ويافرحتي وشماتتي بحمدوه هههههههههههههه اجل يبغيها خلاص العصفورة طارت لايحلم فيها ......بس خايفة من الي ناوي عليه لانو كل شي متوقع منه والخوف يضر ابو مشاري او غلاوي لالالالالالالا عاد هموس تسويها تراني من الحين اقولك الا غلوي بسوي احتجاج لو صار لها شي هذي سكر الرواية وحلاها

العنود وصلاحوه

اجل تأثرت عنيد هههههههههه ليه لايكون مفكرته بيضل على ذكراها ينتظرها تندم على زوج الندامة وترجع له وهو فاتح حضنه لها .........هي مو بس فرطت فيه هي يوم كانت عنده كانت تتفنن بتجريحه وهو ساكت لها ماعرف لها الا الصايع الي مل منها وشكله لارايح بر ولا شي بس مقهور مثلها على زواج مشاري من وحدة صغيرة وماسبق لها الزواج ولا جلس يبكي ويتحسر على العنود وكسر راسه وغروره ............والنهاية واضحة للعنود طلاق مؤكد او اهانة وهجر وشكوك واتهامات من صلاحوه خلاص الغرض من زواجه منها انتهى ماعادت تهمه وغير كذا عنده غيرها الي عساها تطعنه بظهر مثل ماطعن مشاري لانو مو بس العنود الي لازم تتعاقب حتى هالخاين


شجون وفويرس

قبل اعقب على ردي بس عندي تعقيب صغير على حبيبت قلبي هموستي ام شوشة ........صح انو هموس ماوضحت نوع القصة الي سوتها شجون بشعرها بس بالعقل واضحة يعني وحدة شعرها خفيف ويادوب وصل لنص رقبتها وهي شالته شباقي منه اذا الرجال فيهم الي شعرهم لنص رقبتهم او يغطي الرقبة ومااقصد الي شعورهم اعوذ بالله كأنهم عشش عصافير او مطولينها مثل البنات لا هذيلاك اشباه رجال .........يعني لما بنت شعرها مايوصل لرقبتها ماراح تفرق عن الولد بشي ......
وبعدين فويرس يوم يقرب منها لاناظر بلبس ولا شكل لانو يشوفها ولا شي وغير كذا الاحساس الي حس فيه معاها ماراح ينساه احساس الراحة والسعادة مو لجمالها ولا لشكلها ...........والي سوته اذا كان بغرض تبعد فويرس ماراح يبعد لانو مايهمه الشكل الي هي فيه ليه تفرحه وتحسسه بأنتصاره عليها وهذا هو فهمها وعرف انها مقهورة وهو اصلا عرف انو جرحها من بكاها .........وكلامه الي يقوله لها بنظري ضعف منه والا ليه كل ماشافها رمى كلام يسم البدن الا لانو يبغي يقنع حاله ومن داخل مو مهتم والا كان ماقرب منها بس بيجي الوقت وبيعرف بنت الاصل الي ماخذها الي اي مستوى من الوساخة وانعدام التربية وتشويه السمعة الي ان شاء الله بتطاله بيعرف كل كلمة كيف ربي ردها له ........

بس الاهم من هذا عندي شجون ماتغير نظرتنا وتخليها دايم ماتشكي الا لربها وربي بيفرجها عليها وتحط ببالها انو ربي ماكتبها من نصيب فويرس الا لحكمة وخيرة لها فرق بين يوم عند ابوها ويوم عاشت بالحلال عند فارس الي صار لها ماضيعها مثل اختها ومالها حق ترفض حقوق زوجها علشان ربي يرضى عليها ماتستاهل تنلعن من الملايكة بسبب واحد مغرور مثل فويرس ولا يستاهل ياخذ حسنات على حسابها وربي بيريحها منه لما يتزوج السحلية حقته ...وبيرجع لها منهار ومنفجع من الي صار له ومتأكدة شجون ماراح تقصر معاه بس المهم تشيل غريب من راسها للابد .....وترضى بالي ربي كاتبه لها وهي الي بتنتصر وبترتاح بعدين

اما فرح مااعتقد بتطلع لانها قاتلة عن عمد واذا ماانقصت بتأخذ مؤبد او سنين طويلة بس تاخذ عفو وبجريمة قتل مااعتقد ابد ........خصوصا انها رايحة للمكان برضاها وفي مين يشهد انها حتى السفر تسافر على طلبه بس الي صار لها خيرة على الاقل تابت ويمديها تستغفر وتكفر عن خطاياها قبل موتها والا قبل ماكانت تقدر تختلي بربها مثل الحين ......اما ابوها اشوف فيه يوم الظالم الاغبر ربي يبلاه بمرض يعذبه مانبيه يموت بسرعة لازم يذوق العذاب مثل ماعذب هاليتيمات

شعاع وعبد الرحمن

فارس كان مقرب لشعاع وولد اخته حيل وحتى لسلطان وقلب من اربع سنين مع انو وقتها يعتبر كان مراهق اذا عمره الحين 22سنة بس يعني موناضج كفاية لاقبل ولا الحين بعد مازال متهور ومتسرع بس هذا يدل انو كان انسان مختلف جدا والي صار من اربع سنين قلبه والي اكيد شعاع انظلمت فيه بس ايش السالفة ماادري بس سفرتها بتغير اشياء كثيرة فيها واعتقد صديق عبد الرحمن بيكون له دور من اول ماتكلم عنها معاه حسيت انو الحوار مو عابر ابد بس كيف ماادري .........بس ايش الاحساس الي شعاع حاسة فيه وماتبغي تحسس اهلها فيه وهل بيصدق او لا

في انتظارك هموسة وانتظار المزيد من

مفاجأتك

 
 

 

عرض البوم صور وردة الزيزفون   رد مع اقتباس
قديم 02-06-12, 11:57 AM   المشاركة رقم: 133
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

السلام عليكم ورحمه الله وبركاته
مساء الخير.......مساءالورد والرياحين ........مسااء المحبه...مساء التميز
الف مبرووووووك على التثبيت تستاهلين كل خير على هالابداع ياقلبي

مشاري وسحر
واخيراااااااا فيه اثنين انسعدواا هههههه ياحليلك ياسحوره والله ضحكت على ردة فعلك
مابغى قلبك يطمن ويدخله الفرح هذا نتيجة برك بامك وتضحيتك عشانها لابي جازاك
لالي يسعد قلبك ويفرحك واخيرااااا حلم الطفوله والمراهقه صار من نصيبك الله يسعدك
ويااه يارب
مشاري ليه تزعل والا يضيق خلقك هذا ربي عوضك عن عوابة بنت عمك وتدلعها بوحده
تشرق باسمك المفروض انك تفرح الا تلعب عرضه انس حوره صارت حليلتك
وعقباااالم ماربي يتم عليكم نعمته ويرزقكم بالذريه الصالحه

شجون وفارس
ياصبر الارض على كانت ياثقيل الطينه وش تبي الا تنك على الغبره تراها مو ناقصه نكد
يكفي انك زوجها هذا بكبره اكبر ابتلاه ربي ابتلاها فيه وهي صابره
ياخي عندك كلمه حلوه قولها والا خلك منطم احسن وبعدين وشدخلك فيهم يروحون والا لاا
انت مو ولي امرهم ولاا مسؤل عنهم خلك بدلولاتك ابرك لك طلع مواهبك عليهاااااا

شجون الله يعين ما اقول الا الصبر الصبر ....والا فويرس من يعاشره ويظل بعقله
يجنن الي مايتجنن بس خلك على سياستك الحقران يقطع المصران ولاا تعطينه وجه
ولاا تبينين ضعفك والا انفعالك له عشان لايفرح لانه هذا مطلبه ومناه

ابو عبدالرحمن ونوال
الله يكثر من امثالكم ويجزاكم خير على الي تسونه لهاليتيمه
من فيه بهالوقت الي يهتم بخاطر اليتيم والا يفكر بمصلحته ويبديه على نفسه
واعياله الا ما قل
والله ةكبرت بعين كثيرررر يامحمد يوم انك تداري خاطر بنت اخوك وتدور الرضا
والسعاده بعيونها

حمد
هههههههههههههههه آآآآآآآه يابطني ياني فرحاااااانه فيك والحمد لله الي ربي فك سحوره منك
وخل سكرك وعربدتك تنفعك اجل تبي سحوره بس زوجه ومكينه تفريخ لك والا الحب والغيره
للخايسات الي تعرفهم مالت عليكم

العنود وصلاح
خلااص اللحين انتهت صلاحيتك عند صح هو ماخذك عناد ونكايه بمشاري يحسب اذا سوى
هالحركه الحقيره بيكسر مشاري او يخليه يبكي على فرقاك ماعرف انم شاري اكبر من كذا
واللحين بيموت من القهر يوم عرف انه كمل حياته وخذا شيخة البنااات
اجل انقهرتي وتاثرتي انومشاري رماك وراه ورمى السنين الي عاشها معك وبدى حياته من
جديد مع وحده يستاهلها وتستاهله وانت صرتي من الماضي التعيس خلك مع صلاحك
الي بيذوقك الويل واخرتها مردك بيت ابوك مطلقه للمره الثانيه

عبدالرحمن وشعاع
حلووه العلاقه والترابط الي بينهم ويعجبني اهتمام الدحمي بخالته وبراحتها لدرجه انه نقل عشانها
وجالس يسهل كل شيء لروحتهااا ربي عوضها عن فويرس بدحوم
وشكل خوي الدحمي راح تكون له قصه مع شعاع وخاصه ان عبدالرحمن قريب من الاثنين
وكلامه دايم عنهم يمكن هو جالس يقربهم من بعض وهو مو حاس

هموسه يالغلاا جعل ريب لايحرمني منك ولاا من طلتك

 
 

 

عرض البوم صور عبق الرياحين   رد مع اقتباس
قديم 02-06-12, 02:00 PM   المشاركة رقم: 134
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224988
المشاركات: 622
الجنس أنثى
معدل التقييم: اموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالي
نقاط التقييم: 896

االدولة
البلدSaudiArabia
 
مدونتي

 

الإتصالات
الحالة:
اموولهـ غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

مسائك ابتسامة وفرح

يعطيك العافيه هموسه بارت ولا اروع


مشاري وسحر
وأخيرا صدق توقع من توقعاتي ان سحر حبها هو مشاري
صح العمر بينهم كبير ماراح نقول انها بحاجه لاب وانها شافت في اهتمامه فيها اهتمام اب ببنته لان عمها موب مخليها تحتاج حنان احد
يعني البنت تحبه وتتمناه من زمان وهذا ربي حقق أمانينها وفكها من زواج كان نكد وعذاب لها
مشاري راح يشوف الفرق بينها وبين العنود
سحر عاقله رغم صغر سنها وكونها حساسه ودلوعه عشان الكل كان يداري خاطرها لانها يتيمه
بس بعد الزواج راح يشوف وحده غيرالطفله اللي في باله
خاصه انها تحبه وتبي تسعده

العنود*
ليش تضايقتي لزواج مشاري حب يعني والا غيره
اعتقد غيره لانك عارف تعامل مشاري الراقي معاك وشلون كان يداريك
كل هذا بيروح لسحر وانت وش خذتي من زواجك من صلاح غير الهم والتجريح*

شعاع
لغز غامض الى الان ما عرفنا سبب كره فارس لها والصد عنها
سفرها معهم بغير نفسيتها شوي عندي إحساس ان صديق عبد الرحمن راح يكون له رود في حياة شعاع*

فارس وشجون*
يعني اللي سويتها في شعرك سببه حاله نفسيه*
ليش طيب تعاقبين نفسك بتشويه شكلك
هذا قالك ماهمه شكلك الكل اللي همه كسرك*
كلامه لازم يزيدك قوه وما تخلينه يفرح فيك ابد*

غلاب
حقك وما جاك ربي فكها منك ومن أبوك
نذل ولد أبوك في احد يهدد بعياله ولا قوي وجه لو كان له بنت كان عرفت تهددها فيها نعم الاب والله*
انتقامه كيف راح يكون تشويه سمعه بناتهم والا ايش*
ربي يكفهم شرك

هموسه ابدعتي فشكرا لك

 
 

 

عرض البوم صور اموولهـ   رد مع اقتباس
قديم 02-06-12, 11:33 PM   المشاركة رقم: 135
المعلومات
الكاتب:
اللقب:

البيانات
التسجيل: Nov 2006
العضوية: 16123
المشاركات: 74
الجنس أنثى
معدل التقييم: rosette_libre عضو بحاجه الى تحسين وضعه
نقاط التقييم: 15

االدولة
البلدMorocco
 
مدونتي

 

الإتصالات
الحالة:
rosette_libre غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

ممكن التعريف باالابطال

 
 

 

عرض البوم صور rosette_libre   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أمي, للكاتبة أمي روحي, ليلاس, العنكبوت, بيت, روايات خليجيه, روايات و قصص, رواية بيت العنكبوت, روايه سعوديه, روحي, قصص من وحي قلم الأعضاء
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t174576.html
أرسلت بواسطة For Type التاريخ
Untitled document This thread Refback 20-10-14 09:37 PM
Untitled document This thread Refback 04-08-14 05:03 AM


الساعة الآن 05:40 PM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية