ودعني يا قلبي وخل العذاب اقصر ، للكاتبة : كتلة جروح .. - الصفحة 5

25-12-11, 08:11 AM

المشاركة رقم: 21

المعلومات
الكاتب:	اسطورة !
اللقب:	ليلاس متالق

البيانات
التسجيل:	May 2011
العضوية:	224710
المشاركات:	3,261
الجنس	أنثى
معدل التقييم:
نقاط التقييم:	1223

االدولة

مدونتي

الإتصالات
الحالة:
وسائل الإتصال:

كاتب الموضوع : اسطورة ! المنتدى : القصص المهجورة والغير مكتملة

أمّا مرت جدي .. اسمها حصة .. وحنا نناديها بـ أمي حصه .. احتراما لهاولحنانها لنا ..

غمضت عيوني .. شخباره ثـامر مــير ؟!... من زمان عنه ولد أمه .. منالأربعاء ماشفته .. الاربعاء .. اييييه .. اتذكر يوم طـحت في الدرج على رجلي .. آخرتها.. تتجبس رجلي ..!

أحس لو بيدري عن رجلي .. بيضحك .. اذكر سبق وشفنا واحد في المدرسةمنكسره يده .. تكلمنا عنه شوي .. وأنا غالبية حديثي كنت اتطنز .. عاد ثامر ضحك وهويقول أمنيتي أشوف فيك شيء مجبس ... أذكر أنه كمل عبارته بـ" وياحبذا يكونالمكسور خشمك ..! " ضحكت عليه وأنا افهمه بعياره أن الخشم ماينتجبس ..! بغينانتطارح أنا وياه على هالسالفة ..

أنا أقوول الخشم ماينتجبس .. وهو يقول :" أنا ماقلت بنتجبس أناأقول ينككككككككسررر ..!"

اذكر أن حنا استمرينا نتهاوش ونقهر بعض .. الى أن جانا الوكيل .. وسكتنا.. لأننا كنا مسوين ازعااج ..

منهو كان ..؟

أبـــوي ... اللي بفقده في البيت .. وفي المدرسة ...!

سبحان الله .. لما يموت الواحد تحاصرك ذكرياته الأليمة لنا .. السعيدةفي الأصل .. عشان ماتلاقي شيء يشفعلك أنك تنساهم .. أو تكرههم ... ناس أساسا مجردمعاناتك لـفراقهم تكمن في معاناتك لذكراهم الدائمة في قلبك ... لـو مالهم ذكرياتأساسا ماأثروا فينا .. آه الله يرحمك يابوي ... أمس ابكي عليك يايمة .. واليومعليك يابوووي .. والله يستر من بكرة ...

انتشلني من عالم افكاري .. احساااس فضيع ... لمّا لامست يد باردة برودةالثلج .. جبهتي .. انتفضت .. فتحت عيوني وأنا اسمي ..

انتبهت لـ عمي ناصر منحني لي شوي .. ويحاول يشوف حرارتي ..

ناصر : بسم الله عليك روعتك ..؟

جلست وأنا انزل رجلي السليمة فقط ..: عمي ناصر .. [ هتفت باستغراب ] شلوندخلت .. خالاتي برا !!.. في الصالة ..!!!!

صلب طوله .. وانتبهت لخشمه الاحمر لما حاول يمسك شيء معين ماينزل منه ..تقدم وسحب منديل وهو يقول : خالاتك وأخواتك وداهن عبدالرحمن أخوك لبيت أخوالك ...

آهاااا .. ضميت نفسي أكثر لأجل أدفى .. : جيت من ... من المستشفى ..؟؟

جا لمي ومسكني وهو يقومني : لا للحين تصدق ..!! قـم قـم بس .. أخويسليمان برى .. يبي يسلم عليك ..

قمت وانا مستغرب : يسلم عليّ !! المفرووض أنا اللي أسلم عليه ...

مشينا ..

عمي ناصر بصوته المتغير بسبب الزكمة -أو يمكن- صايح : تسلمون على بعض ..بس هووو وده يشوفك ..!

طلعنا متجهين للصالة .. قلت وأنا أجمع نفسي لـ نفسي ..: بـــــــرررررررردد...

طلع من الصالة أخوي عبدالرحمن .. تقريبا من ملامح وجهه نقول عنه ( صايح) ..

الكل صايح اليوم الا أنا .. حتى عمي ناصر اللي قلت لكم مزكم .. مزكم منالصياح ..

دخلنا الصالة .. وعيني في البداية كانت على طريقي أول مادخلت .. لأنيأخاف أطيح في الدرجـة الوحيدة اللي تحدد نهاية الصالة .. وتفصلها عن باقي أسيابالبيت .. رفعت طرف عيني وطاحت على سعود ولد عمي اللي وقف وهو يمسح دموعه .. وقبللا التفت .. أو حتى انتبه لأي شيء ثاني غير سعوود .. ما حسيت إلا وعمي سليمانيقابلني بـ حضن صادق .. حنون .. كتعويض مثلا .. أو ممكن يصحيني لي واقعي المؤلم ..واني فعلا فقدت شيء حـلو مثل هالحضن والحنان ..

تجمعت بعض الدموع في عيني .. ما صحت على أبوي .. ليه أصيح من حضن عمي ..؟؟

سمعته وأنا احس بيده اللي يحركها على ظهري يحاول يدفيني أو .. مدري ..

عمي سليمان بصوته اللي يتخلله اهتزازات مؤلمة .. : شخبارك ياعبدالعزيز ..؟؟

كان الصمت جوابي .. لأنه ابلغ من عباراتي كلها .. وحتى عبراتي .. ماكانتبتعطي اللي يعطيه الصمت ... تماسكت وقبضت دموعي وسط جفوني ..

بعّد وجهي عن صدره .. وبانت لي ملامحه مثل مابانت ملامحي لـه ..

مشاني للكنب بابتسامة جانبيه متأسفة من حالي ..

بدينا بالشفقه .. هذا أولها ..؟؟ لــيه يابووي رحت ..؟ غيابك يجرحني ..من خليتنااا لــه ..؟

بلعت ريقي بغصة ... وأنا اسمع دعاوي سعود وهو يسلم علي .. آآآه يابويآآه ..

عقبها مـد لي عمي ناصر قب .. أو اسمه طاقيه صوف .. لبسته ثم عقبها علىطول لـف الشال اللي معه حوالين رقبتي .. ابتسمت ابتسامة شكر ورد الابتسامة وهومقفي ..

تعرفون لما يصير شيء في شخص قد يسبب له موت .. بس من ربي .. تجي الرحمةوالنجااة مثلا ويعيش .. يعني مثلا لما واحد يغرق .. كان بيموت بس ربي نجّاه .. وانقذووه.. أهله .. يوكلوونه ويشربوونه .. ويدفوننه ويعطووونه ويلمسوووونه .. أوب مصدقينأنه رجع لهم .. وأشياء الدلوعين بعد ...

أنا تذكرت هالشيء .. لما شمعت سؤال عمي سليمان لي : مــفــطــر ..؟؟؟؟!!!

ـــــــــــــــــــ

اليوم: السبت ..

المكان: صالة بيت محمد بالرياض ..

الوقت: الساعة التاسعة صباحا ..

ـــــــــــــــــــ

(ناصـر)

دخلت الصالة بصينية الفطور اللي جبناها من خوالهم .. خوال عيال أخوي ..دخلت على سؤال أخوي لـ عبدالعزيز : مــفــطــر ..؟؟؟؟!!!

ماقدرنا نستشف الاجابه - المؤكد أنها رفض - من جمود عبدالعزيز ... حتىصياح مثل الناس مااصااح .. مشاعره اللي ماطلعها مخوفتنا عليه ..

عبدالرحمن اللي كان وراي .. فرش السماط على الأرض .. ووزعنا الصحونعليه .. عبدالعزيز بنظرته اللي كانت على الـلاشيء .. سأله أخوي : هــاه .. حـوّلافطر ..

قبل لا اتكلم واقترح أنه يفطر وهو جالس على الكنب أسهل لـه ..

رفع نفسه وهو يـمد رجله كمحاولة للجلوس على الأرض ..

مسكناه وساعدناه يجلس وهو ماد رجله .. ياحليله استحى يقول لـعمه "لأ " أو مثلا يقول بفطر على الكنب ..

سمينا باسم الله .. وبدينا ناكل .. كل واحد ياكل تشجيعا للثاني .. كناناكل في هدوووء وصمت مطبق .. وكـل يطالع الثاني هو أكل ولا .. أنا اطالع عبدالرحمن.. عبدالرحمن يطالع عبدالعزيز .. سعود يطالع أبوه .. وأبووه يطالع عبدالعزيز ..

كان الهدووء هادئ لـذيك اللحظة اللي كان عبدالعزيز بيكسر الصمت فيهاويتكلم .. بس شرق مـدري غـص .. استمر يكح .. أخوي عثمان كان يطقه .. وسعود مدلهالمويه .. عبدالرحمن .. قام وطلع ...

ناصر : باسم الله عليك .. باسم الله عليك .. تنفس من خشمك .. تنفس منخشمك ...

كان يكح وكل جسمه يهتز من قوووة الشرقة .. وكان وجهه محممرر ..

انتهت موجة الشرقة والكحة أخيرا .. روووعنااا ..

وقبل لا يتكلم عبدالعزيز أو يتكلم أحد ثاني .. قمت ألحق عبدالرحمن .. خمنتأنه في المطبخ .. وفعلا كان في المطبخ يشرب مااء .. ماهي بعيدة أن اللي ملأ كأسههي دموعه ..

سألته بهدووء : ليش طلعت ... ماكملت فطوورك ..!

أدري سؤال غبي .. بس أبيه يتكلم ..

عبدالرحمن : شبعت الحمدلله ..

كنت أحس انه ضاق صدره من شرقة أخوووه .. الدعوى شرقه يااخي ..

ما انكر اني ترووعت ومدري وش جاني .. بس بصراحة .. ما أقدر اتخيلمشاعره كـ أخ .. وطبيعته .. تحسسني .. أنه مسؤوول من اليوم .. أو يمكن من البارح ..

قلت وأنا اكذب : عبدالعزيز يسأل عنك ..

عبدالرحمن وعينه على كاسه اللي ماشرب منه الا رشفتين بس ..: خووفنيعليه بقووة .. [ سحب نفس ] .. ماتدري وش مدى ألم الأحساس اللي جاني .., مطمني فيالمسؤلية اللي بتحملها أن عندي أخو .. مجرررد أن عندي أخو حتى لو ماسوا شيء .. يبقىأخو .. لو جاه شيء .. أحس عادي لو أنهااار .. ويضيع كل شيء مني .. لكن لما تبين ليضعفه .. وحسيت أنه ممكن يروح مني .. ماحبيت أني اشهد هالشيء .. تدري حتى لـو أنأخوي بيصعب عليّ المسؤلية ..أبيه يكون معي .. أبيه يكون معي دام أبووي .. اللهيرحمه ..[ بلع ريقه ] ماايحس بالناار الا رجل واطيها ..

أخذت نفس .. وأنا من قلبي .. تألمت لـ حاله المزري .. عبدالرحمن منالنوع اللي اذا جاته لكمه قوية .. مايقوول الا [ آآه ] صغيره .. ويسكت .. مايعبرعن ألم اللكمه الا بحرفين .. وأن كان زادن .. فمعناته أن واحد من الحروووف متكرر ..

كل هذا في قلبك يا عبدالرحمن ...

سألني ..: وين بيكون العزاء ..؟؟

بلعت ريقي .. يااكثر ماتكاابروون يااعيال أخووي ..

جاوبته : فـ بيت أمي .. بنصلي عليه الظهر هنا ... إن شاء الله .. وبنمشي للقصيم .. ونصلي عليه العصر هناك .. والدفن بـعد هناك .. إن شاء الله ..

أكثر شخص .. أحس أنه مهم بالنسبة لـهالأسرة .. هو أبوهم ...

بـ قد الألم .. اتمنى ينكروون لي هالشيء .. اتمنى يعيشون حياتهم عادي ..مثل ماعاشوها عادي من دون أم ...

الله يعينهم ...!

25-12-11, 08:12 AM

المشاركة رقم: 22

المعلومات
الكاتب:	اسطورة !
اللقب:	ليلاس متالق

البيانات
التسجيل:	May 2011
العضوية:	224710
المشاركات:	3,261
الجنس	أنثى
معدل التقييم:
نقاط التقييم:	1223

االدولة

مدونتي

الإتصالات
الحالة:
وسائل الإتصال:

كاتب الموضوع : اسطورة ! المنتدى : القصص المهجورة والغير مكتملة

ـــــــــــــــــــ

اليوم: السبت ..

المكان: غرفة ابراهيم وسعود ..

الوقت: الساعة التاسعة وخمس وأربعون صباحا ..

ـــــــــــــــــــ

(إبراهـيم)

انقلبت في فراشي وانا مبتسم من النومة الطويلة ...

تمغطت .. هههههه .. غريبة أهلي ناسيني ما قوموني للمدرسة ..

ههههههههه .. احسن .. اعفاء عن المدرسة ويوووم السبت .. هههههههههههه

قمت .. وغيرت ملابسي .. ونزلت .. وانا مبسووووط ..

نزلت تحت .. دخلت المطبخ .. ولقيت أمي ناصبة قدر أكبر من العادة علىالفرن ..

ابراهيم : سبحان الله العلي العظيم .. تصدقين يمة أقبح يوم ممكن يمرعلي يوم السبت .. يعني من كثر ما هاليوم شين .. لا إله الا الله .. آحس آنكممخترعينه آختراع .. نذالة يعني .. لكن جا التأكيد من القرآن آن فيه يوم سبت .. ولاكان أقول أنكم مخترعينه .. يالله ذا اليوم يمة .. شين ومدري وش يبي من الحياة ...

لـكن تتجلى حلاوة هذا اليوم .. في آن أهلك تروح عليهم نومه ...وينسووونك نآآآيم .. آآآه بس ... ويأأأ حبي للنوووم كله ..

ولــو أن النوم يايمة مؤؤنث .. كآن تززوووجته ... بالله يايمة بترضينآنك تخلين النوم مرة لولدك ...

أمي : آستغفر الله العلي العظيم ..

أكمل بربرة : أنا ما بي آنرفزك بطاري العرس .. وأني أعرس .. لكن بسعشان تدروون أن هاليوم الشين ممكن يجي .. وتفقدونن ... وتقعدن تبتسون علي .. مهماكنت ومهما كانت تصرفاتي .. بيجي يوم شين .. تفقدونن فيه .. وأشين مني .. لكن لاشيءسيكون أشين من السببت ...

آمي : ابرااهيم ييزي هذر .. بالله ماودك تتدفلج ..

طلعت لساني بـ لا مبالاة .. وأنا آخذ خياره واعرمها ..

ابراهيم : يووماه بالله أنتي .. ورآكم ناسيني ..

أمضغ وانا اسمع امي تستغفر وهي تقابل غداها ..

كملت بربرة : أحسنكم نسيتون بالعمد .. يعني .. لو بتسونن كان نسيتوننللفجر .. لكن غريبة .. يعني ..

آمي تقاطعني ..: آبراهيم ..

سكت آسمع .. نبرته هجدتن .. كملت : كلنا آموات .. وآبناء آموات .. ووو..وكل نفس ذائقة الموووت ..

شرقت من موية الخيار .. كحيت ..

من وراي جا خالد .. وهبدن على ظهري ذا الناعم ...

آآآآآح ..

عدّت الشرقة وأنا أحاول استوعب .. أمي تطري الموووت ..

قلبي طااااح .. وآلمني .. وأنا أسمع وما أسمع ..

أمي تمسح دموعها .. : أحسن الله عزااكم في عمكم أبو عبدالرحمن ...

مـــيــن قالت .. ما أسمع ..ما أستووعب .. وماا أقدر أتكلم ..

وصلتني صرخة من ورى من خالد : منهوووو يمه ؟؟؟

أمي نزلت رأسها وبكت ..

وأنا مستغرب منصدم أووب عارف شيء ..

تكلمت أمي بصوت معه صياحها .. : عــمكم محمد .. الله يغفر له ويتجاوزعنه ... ويصبر عياله ...

خالد .. اللي كان متجاوب مع السالفة .. : متى يمه هالكلااام .. ووشالسالفة .. وش هالخببببر يمه ..... تكفيييييين قولي كذب .. تكفين قولي مزح .. قوليمصاخة ..!

تراجعت أمي وتسندت على الجدار .. وجلست ..

أمي : وأنا ما أعرف عمكم بكيت .. وشلوون عياله اللي متعوودين علييه ..!

طالعت خالد في اللحظة اللي طالعني فيها ..

تسائلنا ولـكـن .. لا جواب ..

خالد تقدّم لأمي وجلس عندها ..

خالد : يـمّـه .. وش السالفة .؟ متى هالكلام ..

أمي : أبوكم يقول أنه البارح سوى حادث مع ثلاث سيارات .. الوحيد الليمات عمكم ...

خالد انفعل : طيب .. وينّا من البارح مادرينا ..؟؟

أمي معصبه بعد : وينك أنت بكبرك من البارح ..صليت الفجر ولاعاد شفناك..

خالد بهدوء من صرخة أمي : رحت للمزرعة أنا وصالح ..

أمي : وشلوون نعلمك ... نطق مشوار عشان نقولك ..

خالد يوقف .. مرتبك ومايدري وش يسوي : طيب ... وين أبوي ..!

أمي : أبوك وسعوود رااحواا للرياض .. بيصلون عليه الظهر ويجون ..!

انصدمنا .. على طوول صلااة .. وحناا .. نبي نصلي عليه بعد ...

خالد يطالع الساعة : يـمه .. مااعاد بقى شيء .. ليه تونا ندري .. ماعادهوب ممدرينا نمسك خط للرياض .. يمه هذا عمنا نبي صلي عليه ..! وش ذا الكلام ...

أمي توقف : بيصلون عليه الظهر .. ويجيبونه هنا ويصلون عليه العصر .. ويقبرونههنا ..!

خالد : أشواا بعد ..

كملت مضغ الخيار .. بصعوبة وانا يالـه ابلع ريقي .. وحطيت الباقي علىالطاولة ...

خالد : طيب يمه عيال عمي ..!!

أمي تخمن الأجابة : ضايقتن صدورهم عليه أكيد .. بس مابعد كلم علي .. لاابوك ولا أخوك ...!

خالد وهو عينه على القدر : من بتغدوون ..!

أمي : اللي عند أمك لطيفة .. عماتك ومرت عمك ..!

أمي عقدت حواجبها وكنها تفكر : ماداومت اليوم أنت ..!

خالد : لا .. والله أنه أول غياب اضطراري في هالسنة .. بس بيحسبونهأكيد بـعذر .. ددام عندي حالة وفاة يعني ...

أمي : طيب وشوله تغيب أساسا ..؟؟

خالد : العامل أمس يوم رحنا في الليل .. قال لنا أن النخل اللي بآخرالمزرعة مايوصلهن ماا .. قلنا له اذا اصبح الصبح جينا نشوف .. صلينا الفجر ورحنا..رحنا عدلنا السواقي ووصلهن الماء ... وعاد عجبتنا الجلسة بذاك .. على الدكة ..على أنه برررد .. بس كنا مستانسين ..!

أمي : جيتوا وتنكدتوا ..!

خالد : كل من عليها فان يا يمه ..!

تركتهم الى هالحد من السواليف .. وطلعت ..

رقيت لغرفتي .. وأنا اتخيل الوضع كيف بيكون من دون عمي ..!!

انسدحت على سريري ...

آآآآه .. يااسفااابك يااعمي .... !!

حااولت اتذكر متى آخر مررة شفته ...

أمس .. على الغداء .. وعقب الغداء لما شربنا شاهي ... لما ضحكناوسولفنا ...

أييه يالدنيا ...

الـــلــــه يغفرلك ويرحمك ياعمي ....

*

*

*

ـــــــــــــــــــ

25-12-11, 08:14 AM

المشاركة رقم: 23

المعلومات
الكاتب:	اسطورة !
اللقب:	ليلاس متالق

البيانات
التسجيل:	May 2011
العضوية:	224710
المشاركات:	3,261
الجنس	أنثى
معدل التقييم:
نقاط التقييم:	1223

االدولة

مدونتي

الإتصالات
الحالة:
وسائل الإتصال:

كاتب الموضوع : اسطورة ! المنتدى : القصص المهجورة والغير مكتملة

اليوم: السبت ..

المكان: مستشفى من مستشفيات الرياض ..

الوقت: الساعة العاشرة والربع صباحا ..

ـــــــــــــــــــ

(عبدالرحمن)

بيدي المرتجفة .. فتحت باب السيارة .. ونزلت رجلي ...

شجعت نفسي ووقفت ..

ابعدت عن الباب وسكرته ...

وأنا أوزع نظراتي في المكان ...

كنت أطالع وأقدر أشووف .. بس مدري وش أشووف ...

تقدّم عمي سليمان وعمي ناصر ..

فجأة عمي ناصر وقف والتفت لنا ...

أشرلي .. بـ تعال ...

تحركت وأنا اشوف قدامي ..

عبدالعزيز أخوي وسعود ولد عمي ..

لما تذكرت ليش حنا جايين ... حسيت أن الأكسجين قضى .. خلص .. ماعاد بقىشيء منه ..

فتحت فمي وسحبت هوااء ..

مجرد مافتحت فمي .. ارتجف فكي .. وحسسني بـ ضيقة صدري ..

استعجلت في المشي ..

الشيء اذا بديناه بسرعة خلصناه بسرعة ...

لكن وش الحيلة مع الوقت البطيء ..!

أول مرة في حياتي .. أدخل مستشفى لـ غرض أني أشوف شخص ميت ..!

مشينا في ممرات المستشفى الى أن وصلنا للغرفة اللي يقولون أن أبويداخلها ..

ماعاد صرت أشوف شي من الدموع المجتمعه في محجر عيوني ...

غمضت عيوني بقووة .. وساااالت الدموع ...

خربتها ودخلت ..

وانصدمت .. من الجمود اللي كاسي الغرفة ...

تقدمت الى أن وصلت عند أبوي .. رفعت الشرشف ...

تمنيته .. يكون شخص ثاني .. وفيه غلط في المعلومات أو أي شيء .. بسمايصير أبوي ..

بقدر ما انصدمت يوم سمعت الخبر .. انصدمت وأنا اشوف التصديق ..

أبووووووووي .. هو نفسه ..

مسكت يـده .. وارتجفت يدي .. من البروودة ... مسكتها بقووة أبي ادفيها..نزلت راسي وحطيته على يد أبوووي وأنا اصيييح ...

وكل شيء في داخلي يهتزز ...

حسيت شيء علي .. ومن عقبها سمعت نبرة حزن مرتجفة : عبدالرحمن .. اذكرالله ... ترحم على أبووك بس ..

رفعت راسي .. وطالعت في وجه أبووي .. حبيته على جبهته حبه طووويله ..وأنا اتمتم : بالله يغفرلك ويرحمك ياابوووي ..!

صلبت طولي وتركت يده .. وطلعت ...!

تسندت على أول جدار قابلني .. وجلست عنده وأنا اصيح ..

حاولت اتذكر وش كان آخر شيء بيني وبينه ...!

وفجأة تذكرت ...

بنته اللي مالها يومين .. ماشافت أبوها وأبوها ماشافها ...

ومرت أبوي وعيالها ...

قصدي أخوااني .....

رفعت راسي وأنا افكر .. درواا !! ولاا مادرواا ..!!

مسحت دموعي ووقفت ...

وعلى طول طلع من الغرفة اللي فيها ابووي .. عبدالعزيز .. بوجهه المتغيرمن الصياح ... وأول ماطلع .. حط يده على الجدار وحط راسه عليها وكمل تفريغ اللي فيقلبه ...

أخيرااا ياخي .. ماابغيت .. من أول مادرا ماعبر عن اللي فيه .. كنتناوي اسطططره إليمن يصيح ..

بس زين انها جت منه ..

تقدمت وحطيت يدي على كتفه ...

عبدالرحمن : عبدالعزيز .. اذكر الله ..

عبدالعزيز :لا اله الا الله .. [ وبنبرة أعلى ] ياخي خلني اطلع الليفيي قلبيييييييي ..اهيء ..

قهرني زود على أني مقهووور .. : لااا طقني أحسن طقني ...

دخل بينا سعوود : أششششش .. وش قصّـكم .. عبدالرحمن .. عبدالعزيز ..مالكم الا بعض الحين ..

عبدالعزيز : يعني وقته تذكرنا ألحين .. وقته ..؟

ويلتفت عنا ويكمل صياح ..

سعود : حرام عليك ياخي .. خاف الله فيه ..

طنشت السالفة .. وسألت : من بيوديه للمغسلة ..

سعود : ماعليك ماعليك .. حنا بنسوي كل شيء ...

انتبهت لـ عيون سعوود الحمراء .. على أنه حزين وبكى اتوقع .. بس هوأقوانا ..

رديت وأنا أوزع نظراتي : أجل خلاص بنروح أنا وعبدالعزيز للبيت ..

سعود : مايخالف .. بوديكم أنا .. يلاا .. عبدالعزيز .. مشينا ..

ومشينا ..

كنا ساكتين .. وفجأة مرت ممرضة .. تغني بلغتها وتخربط وطربانه ..

سعود نزل راسه وهو يستغفر ..

فجأة ومن دون أدنى شعور .. ضحكنا أنا وعبدالعزيز ....

ضحكنا ضحك .. الى أن دمعت عيونا من الضحك ...!

نضحك من ضيقة الصدر ..

ولا بالله الموقف يبرر ضحكنا ..؟

سعود : وش جاكم يا عيال عمي ..!!

عبدالرحمن : لاتشره .. هذا أول يوم بس .. شوي ونتأقلم ..

عبدالعزيز : نحب الضحك ولازم نضحك .. وهذي جرعة اليوم ...

جرعة اليوم ... ايييييييييه .. الله يعين ..!

ألقاكم ... مع جزء جديد بـ مراسم الصلاة والدفن بإذن الله ..!!

.......

...............................................إِمضاءْ...

....................................كُتلَـةْ جُــرُووح

25-12-11, 08:15 AM

المشاركة رقم: 24

المعلومات
الكاتب:	اسطورة !
اللقب:	ليلاس متالق

البيانات
التسجيل:	May 2011
العضوية:	224710
المشاركات:	3,261
الجنس	أنثى
معدل التقييم:
نقاط التقييم:	1223

االدولة

مدونتي

الإتصالات
الحالة:
وسائل الإتصال:

كاتب الموضوع : اسطورة ! المنتدى : القصص المهجورة والغير مكتملة

وبكذا نزلت لكم ورقتين كااااااامله
بكره بإذن الله
نلتقي مع الورقتين الثالثه والرابعه

قراءة ممتعة

لا تنسووووووني من التقييييييم والدعااااء في ظهر الغيب

تحياتي

دنووو

26-12-11, 07:39 AM

المشاركة رقم: 25

المعلومات
الكاتب:	اسطورة !
اللقب:	ليلاس متالق

البيانات
التسجيل:	May 2011
العضوية:	224710
المشاركات:	3,261
الجنس	أنثى
معدل التقييم:
نقاط التقييم:	1223

االدولة

مدونتي

الإتصالات
الحالة:
وسائل الإتصال:

كاتب الموضوع : اسطورة ! المنتدى : القصص المهجورة والغير مكتملة

.................................. |[•• الــورقــة الثالثة ..! ]|
------------------------------[ عوِّد ترى ما بالبشر حد يسـواك .. ~

فمآن آللِه يآوجهن تركُني لـ آلشقآ وآرتـآح .
عسئ هآلروح في أعلئ جنآن آلخلد مسرورهـ ~

******
******************
************

..................¦[ تقرأون في هذه الورقة ..

•• وسأل وهو منصدم أكـثـر : كنت .. كنت مــع .. آآ .. أبـوك ؟؟!!

•• مدري .. حنا اللي تركنا أبوي .. ولا ابوي هو اللي تركنا .....!!

•• أمـي لطيفة : لا هذي أووب عبير .. هذي وحدة ثانية .. تلعبين علي !..

..... - اتمنى لكم قراءة ممتعة ..- .........]¦

*
*
*