.................................. |[•• الــورقــة الحـاديـة عـشـر ..! ]|
------------------------------[ .. بنام ياتنهيده الصدر تكفين ~

ليت الوجع بعروق
قلبي ولا فيك
وليت التعب غلطان
ساهي ولا جاك
لو الشفا بضلوع
صدري لداويك
واطحن جميع ضلوع
صدري فداياك




******
******************
************



..................¦[ تقرأون في هذه الورقة ..

•• أمي لطيفة رغم أنها ما تشوف بعيونها .. الاّ انها تشوف بقلبها ..

•• أنا قررت افتح لك حساب .. وينزل لك شهريا .. راتب ..!

•• حبيت راسها : الشهر عليتس مبارك ... وأبي عيدي !!!

..... - اتمنى لكم قراءة ممتعة ..- .........]¦

*
*
*


ـــــــــــــــــــ
اليوم: الجمعة ..
التاريخ: 19 / 8 / 1423 هـ ..
المكان: حارة بيتنا ..
الوقت: 10:5 مساء ..
ـــــــــــــــــــ
(سعود)
وكالعادة .. ارجع للبيت عشان ادور ابراهيم .. بس الحمدلله أنه هالمرة ما ابعد .. على حسب كلام ريان أخوي الصغير انه في بيت أمي لطيفة .. عشان عبدالاله موجود هناك بعد .. طلعت من بيتنا .. لبيت أمي لطيفة .. ويوم اقبلت انصدمت وانا اشوف محمد ولد عمتي اسماء بالشارع ... : محمد !! وش جالس تسوي ..
محمد مرتبك وخايف : عبدليليليلاه راح .. وبيجين بعد ثوي ...
فجأة جت الطنزة من ورى : عبد ليليليلاااه آجل هههههههههههههههههه !!
التفت منقهر منهم هالاثنين : وينكم فيه !!
عبدالاله يلعب في زرار ثوبه .. وابراهيم من دون ادني مبالاة : قدامك ..
تصبرت عليه .. : وقبل لاتكونون قدامي ..
ابراهيم بنفس الاسلوب البايخ وباسلوب كنه يستنتج : كنا وراك ..
لاحول ولاقوة الا بالله .. ياااصبر ايوب : وقبل لاتكونون وراي ...
ابراهيم يستهبل تراجع شوي : كنا هنا ...
بديت افقد اعصابي .. وانا اصبر نفسي طالعت ابراهيم في عيونه بكل جدية ..
عبدالاله يحاول يصرف الموضوع شوي : كنا في البقالة نجيب خبز للعشاء وللمدرسة بكرة ...
التفت لـ عبدالاله: تدروون كم الساعة الحين ..!؟
سكت عبدالاله ماقال شيء ..
حسيت أنهم مذنبين ... سألت : من مرسلكم ..
عبدالاله يحاول يخلي الموضوع فلة شوي : أمي يعني من بيروحنا .. وبعدين عادي ترانا كبرنا على انكم تحاسبونا على روحتنا آخر الليل ...
مديت يدي :عطني الخبز ..
آخذته ..
التفت لـ محمد .. ورحت ودخلته ..
ابي عمتي تشوف وش مهببين ذا الاثنين .. اللي اذا اجتمعوا حاسوا الدنيا ...
صـووّتْ قبل ادخل .. ودخلتني عمتي .. : تعال ياسعوود البنات في الغرفة .. ماحولك أحد .. اقررب ..
دخلت .. وفي الصالة كانت امي لطيفة قايمة ...
انسحبت قبل لاتنتبه لي للمطبخ ..
سألت عمتي : مرووسله ابراهيم وعبدالاله للبقالة ..
عمتي متأزمة شوي .. : آيه من تسع ونص وللحين ماجوا .. رفعوا ضغطي تراهم ...
حطيت الخبز على الطاولة .. : ومحمد طيب وينه ..
استغربت : محمد ولدديييي !؟
جاوبتها : آيييـه ..
عمتي : مع البنات ..
سعود : لأ ياعمتي .. محمد لاقية عند باب الشارع ..
انصدمت عمتي : والله ..
بنبرة هادية متأسفة : اي والله ياعمتي .. وبعدين ليش مرسلة الاثنين كلهم .. أنتي اخبر بهبالهم اذا اجتمعوا ..
عمتي : والله في بالي ابيهم يتجاسروون ..
سعود : كان دورتيني ياعمتي ...
عمتي : مايخالف المرة الآخرى .. بس هالمرة رح دورهم تكفى ..
سعود وأنا استدير طالع : جو ..
وقبل لا اطلع استدرت لعمتي برجاء وانا مالي خلق :عمتي تكفين اذا تعشى ابراهيم خليه يرجع للبيت تكفين ..
عمتي : ان شاء الله ..
طلعت بهدوء ما ابي امي لطيفة تحس فيني ..ابي ارجع بسرعة للبيت .. احس اني منهد حيلي ..
.. : سـعوود يـمه ..
آآخخ .. أمي لطيفة رغم أنها ما تشوف بعيونها .. الاّ انها تشوف بقلبها ..
التفت لها .. : سـمي يمـه ..
آمي : تعال اقرب .. تعش معنا اليوم ..
قرّبت وحبيت راسها : متعشي والله يمه ..
أمي : وش عندك جاي هنا .. تدور شي !؟
سـعود : آبد بس كنت ادور ابراهيم ..
آمي : آيه تكفى رح دوره .. راح هو وولد عمّك وللحين ما جو ..
سعود : الا يمـه جـو .. بس ابتحراله يتعشى ..
هزت راسها بتفهم : آيـــــــــــه ..
وانا اصلب طولي : يمه انا بمشي الحين .. تآمريني على شيء ...
امي : انتبه على عمرك ..
.. : ان شاء الله ..
وطلعت ..
ووافاني ابراهيم .. آمرته : تعش وتعال بسرعة ... مانيب نايم الا وأنت فيه ..
ابراهيم بانصياع : ان شاء الله ...
وتركته .. ورحت لبيتنا ....

*
*
*