البارت الثالث عشر


ام فيصل : لميييس
لميس بغرفتها سامعه امها من زمان اتناديها افففف
وقامت افتحت الباب كانت غرفتها قدامها الصاله على طول كانت امها قاعده على الجريده
لميس واقفه ولا تكلمت بمعنى وش تبين بسرعه مب فاضيه
ام فيصل ارفعت راسها ونزلت نظاراتها : تعالي أبيك
لميس : شنو يمى
ام فيصل : تعالي
لميس : اففف يمى أنا تعبانه ولا أبي أسولف
ام فيصل : قلت تعالي
لميس افففف ومشت اقعدت بالكنب اففف
ام فيصل : ايه وتلبس نظاراتها تكمل قراءه للجريده
لميس ياالله
ام فيصل : ماراح تتكلين
لميس : في شنو يمى تبيني أتكلم
ام فيصل : اللي صار يوم الثلاثاء في بيت عمك
لميس بقهر : ماصار شي ويمى بليز بكرى كليه أبي أذاكر لأن الأحد عندي اختبار
ام فيصل : وما تذكرتي المذاكره الا الحين اقول تكلمي السالفه فيها شموخ داريه بس شنو هي
لميس قامت وبصراخ : لا تذكرين اسمها قدامي الواطيه القذره مب متربيه بنت شوارع
ام فيصل ناظرت بالميس بعلامات استفهام ونقط ماي شنو شنو تقول هذي أكيد صاير شي
لميس : بليز لا تناديني مره ثانيه بذاكر وأنام مابي عشا ولا شي وراحت سكرت الباب وقفلته
ام فيصل لالا أكيد صاير شي وأنا لازم أعرف بس مب الحين هي معصبه بكرى أشوف آه بس أكيد السالفه فيها ماجد والله لو طلع احساسي صح ماأكون ام فيصل ياشموخ
لميس قطت كتبها والدفتر اللي تذاكر فيه وأقلامها من المكتب معصبه وتبكي : الله ياخذك حقيره الله ياخذك وحطت راسها على الطاوله تبكي






شموخ كانت بغرفتها مسحت دموعها وقلبها يحترق ألم
تذكرت خالتها يوم ارفعت ايدها بمعنى اسكتي وراحت
تذكرت عنود
عنود ناظرت شموخ بنظرات أول مره تناظرها فيها : من جد مصدومه واطلعت
وتذكرت أسير يوم ناظرها هذيك النظرات اللي ماتنساها أكثر شي كان مقطع قلبها نظراته لها
شوي دق جوالها التفتت جمبها تناظره ثواني بعدها امسكته تشوف من كانت نوف
بعدت نظراتها عن الشاشه اشوي خذت نفس وردت : هلا
نوف : أهليين والله بالقاطعه الله وأكبر لا حس ولا خبر ولا شي ياساتر وينك والله لك وحشه ياالدبا
شموخ غصب عنها ابتسمت ابتسامه بسيطه : هلا بك أخبارك ؟
نوف حست ان فيها شي مااعجبها ردها ولا صوتها : تمام وانتي ؟
شموخ تنهدت : مدري ... وتجمعت دموعها
نوف حست بغصتها : شموخ وش فيك ؟
شموخ بكت بهمس
نوف : لا تخوفيني رحتي بيت عمي عمي ضايقك ولا مهند ولامرت عمي
شموخ حطت ايدها على فمها وجاوبتها بصوت بمعنى لا
نوف : زين وش فيك انتي وينك بالبيت >> تقصد بيت سديم <<
شموخ تاخذ نفس عميق واقعدت ثواني : ايه بالبيت
نوف : ـــ
شموخ : محتاجتك نوف محتاجتك حيل
نوف : اجيك
شموخ : لالا مايحتاج
نوف : زين على راحتك
شموخ :ــ
نوف تنتظر
شموخ ودموعها تمتلي : مب عارفه وش اسوي نوف
نوف تسمعها
شموخ : احس أي شي شين مكتوب علي أنا
نوف :ــ
شموخ : مدري أنا دايم الغلطانه واللي حولي الصح والله تعبت وبكت
نوف : شموخ وش صاير والله خوفتيني يابنت
شموخ ابتسمت سخريه : هه وش صاير .. ... .. متأكده تبين اتعرفين
نوف : أكيد وش فيك تتكلمين كذا
شموخ : لأن أحس اني مو موثوقه أخاف أتكلم أشوفك صايره ضدي مثل عنود عنود يانوف ماجات تفهم اللي صار خذت مني موقف ومب أي موقف ليش
نوف خلاص عصبت : شموخ تكلمي ولا ترى ماراح اتشوفين رقعة وجهي مره ثانيه
شموخ اسكتت اشوي بعدها تكلمت بخوف اشوي من ردة فعل نوف لها وشلون راح تكون : بعد مارجعنا من المستشفى يوم الثلاثاء
طلعت غرفتي باخذ شاور وانزل لأن بيت عمهم كانو موجودين شوي دق الباب وقمت فتحته طلع .. كانت كارهه تنطق اسمه .. ماجد
نوف : ايه زين
شموخ : شوفي هو من قبل قالي انه وبتردد : يحبني
نوف تنحت : لا من جد .... فجأءه اصرخت : أخص شموخي والله منتب هينه
شموخ :ــ
نوف : من متى يعني وليش ماقلتيلي
شموخ : ما .. ماجات الفرصه أقولك
نوف : ايه رقعي بس المهم
شموخ : دخل وسكر الباب صار يقولي شلون ماقلت لعمي على طول مابي مهند ليش قلت بفكر وهو كان معصب حيل قالي يعني تبينه وصار يخربط مدري شنو
قلتله اني ماابيه بس علشان عمي مريض ماابي ازعله
نوف : يعني انتي بعد اتحبينه والله انك حقيره شلون ماتقولين لي وانا من يومي اسألك تبعدين عن الاجابه أصلا أنا قلت أكيد في واحد متربع بمزاجك قلت مستحيل شموخ مستحيل ماتحب
شموخ :آآه وقالت حرف حرف بتأكيد : أنا ما أحبه وأكرهه بعد زين
نوف : يمى زين لا تعصبين
شموخ : نوف أنا من جد متألمه وتعبانه حاليا يعني اسمعيني مب فاضيه حق تعليقاتك والله
نوف : زين زين آسفه والله حاسه فيك بس تعرفيني لا تزعلين
شموخ تنهدت : وش كنت اقولك
نوف : الزواج
شموخ : قلتله لأن عمي مريض وكذا وقلتله بعد اني مااحبه لأنه قال انه يبيني وقلت مااحبك أنا يعني هو ومهند واحد
هو عصب وصار يقولي اذا لاهو ولا مهند مين ابي وانا ماقلتله مستحيل اني اقوله شوي واسكتت حطت اصابعها بفمها برتباك ونزلت دموعها
نوف فتحت عيونها : شنو .. لايكون مد ايده عليك
شموخ : لا
نوف : آه اشوى والله خلعتي قلبي
شموخ بتردد : كنت اتكلم والله مدري شلون صار وكيف صار واي لحظه صار حسيت فيه بس والله ماكنت بعقلي علشان اسوي أي شي جمدت وماصرت اشوف شي
ماحسيت بالدنيا الا وانا اشوف عنود ولميس قدامي وبكت
نوف انصدمت : وش سوا
شموخ حطت ايدها على فمها ودموعها تنزل
نوف : بـ.....
شموخ : والله ماجا على بالي يسوي كذا صدقيني
نوف : لا مااصدق جد انصدمت
شموخ :ــ
نوف :وخالتك اعرفت
شموخ : مااتوقع لو اعرفت نوف انا وش بسوي خايفه
نوف :ــ
شموخ : خايفه حيل
نوف :ـــ
شموخ : قبل اشوي نزلت سمعت ماجد يقولها اني بتزوج مهند ومدري شنو ويوم شافتني اطلعت ولا خلتني اتكلم معها اجل وشلون لو اعرفت باللي سواه ماجد
نوف : والله مدري شقولك جد مصدومه ماتوقعت لهادرجه موقفك
شموخ :ــ
نوف : واللي شافوكم وش سوو
شموخ : لميس من ذاك اليوم ماشفتها بس مابعدت نظراتها عني ابد وعنود ماتخليني اهمس معها بحرف دايم تبعد عني وتتجنب اتكلمني واحس خالتي حست فينا واخاف تسألها
نوف : يااالله
شموخ : ــ
نوف :ـــ
شموخ تذكر


نايف حط ايده على كتفها ونزل راسه اشوي لها : خذيها مني نصيحه أخ شموخ ... وقال بملامح جاده وصوت وكأنه همس : لا تثقين بأحد ابد بعد أمك وابوك مستحيل تثقين بأحد كثرهم فهمتيني
شموخ فتحت عيونها وهي تسمع له
نايف :ماأقول ان الناس كلها مو اهل لثقه بس حتى لو وثقتي فيهم توقعي منهم أي شي يوم من الأيام علشان لو صار شي ماتنصدمين منه


شموخ : معه حق نايف يوم يقولي مااثق بأحد .. ماجد كنت اعتبره بحسبة اخوي بس هو ابد مب اهل لثقه
نوف : سمعي شموخ مستحيل تعتبرين رجال بحسبة اخوك مستحيل بعدين انتي بعد غلطانه بشي
شموخ :ــ
نوف : المفروض من اول مره تعدى حدوده ودخل غرفتك اتخبرين خالتك على طول ماتقولين اخاف مدري شنو لا كان المفروض اتقولين لها لأن مافي شي اسمه بحسبة
اخوي الحب محد يقدر يتحكم فيه وبعدين هو ماسوا هالشي حب ولا عشق لا لأن القعده بروحكم وبغرفتك بعد هذا اكبر غلط اكيد الشيطان بيقعد يلعب براسه واحمدي ربك انه
كذا ولا يمكن كان يسوي اكبر من كذا
شموخ خافت حيل : شنو تقولين نوف لا مستحيل
نوف : لا تقولين مستحيل هذا هو الحين تعدى حدوده المره الثانيه ايش بيسوي
شموخ : نوف سكتي مستحيل هالشي يصير بعدين ماجد رجال يخاف الله مستحيل توصل لدرجه هذي
نوف : اقول سكتي ومن اليوم تسمعين كل كلمه اقولها ولا ترى بسحبك من اذانيك واجيبك بيتنا تصيرين تحت عيوني24ساعه سامعه
ولو مب امي كان من الحين جايبتك بس آه
شموخ : زين وش فيك معصبه انا ماغلط في شي
نوف : ولا كلمه
شموخ اففف
نوف : عنود لازم تشرحين لها اللي صار والحين
شموخ : ماتبي تسمعني حاولت
نوف : لا مب كيفها توقفينها غصبا عنها وخالتك مالازم تعرف ابد
شموخ :ــ
نوف : وغرفتك دايم قفليها كنتي فيها ولا لأ
شموخ :ــ
نوف : لا صابون معطر ولو اضطريتي بعد انتي اول وحده سوي هالشي بالعايله والبسي عباتك وشيلتك قدامهم لو لابسه طويل
شموخ : شنو .. انتي من جدك بعدين انا ملابسي مافيها شي كل بلايزي طويله وشعري دايم لامته
نوف : افف لا تجننيني المفروض تقولين سمعا وطاعه بعد الشي اللي صار وبعدين تزوجي مهند ليش ماتبينه من تبين اليوم لازم اعرف كل شي
شموخ : ها م م مافي احد بس مابي مهند
نوف : شموخ
شموخ : يووه نوف
نوف : تكلمي لا يكون واحد من اخواني
شموخ ابتسمت : لا والله
نوف : على طاري اخواني كنت داقه اقولك عن نايف بس حطيتينا بمشكله كبر الدنيا
شموخ تنهدت
نوف : ايه من
شموخ : سمعي انتي قولي اللي تبين تقولينه عن نايف بعدين خلك مني الحين
نوف : لا حبيبتي ماراح اسكر الا يوم تتكلمين الحمدلله جوالي فاتوره وماعندي أي مشكله
شموخ ياربي ليش خايفه اقولها ليش ليش
نوف : يلا لا يكون اممم من في بعد منصور اكيد لا عيال خالتك سلمى مستحيل هم بوادي وانتم بوادي ولا لا تقولين منهم
شموخ : لا ويين طارق انتي لا اتعبين عمرك لأنه مافي احد
نوف : الا في زين تزوجي مهند
شموخ : لا
نوف : اقول سكتي قال مافي احد .. لا يكون من عيال خوالي انا
شموخ مالها نفس تضحك بس من كلام نوف ماتت ضحك
نوف : لا
شموخ : وانا وش ابي فيهم
نوف : انزين من خلصو الرجال .. هي يابنت لا يكون متعرفه
شموخ : ليش وش شايفتني
نوف : زين من بقى وتفكر
شموخ : نوف خلاص أنا ماراح أتزوج مهند وبس
نوف : اها اها ... جبتها لا تقولينها شموخ
شموخ : شنو
نوف : مابقى الا واحد نسيته
شموخ ابلعت ريقها : منو
نوف : لا تقولين أخو الساندريلا
شموخ افهمت قصدها وقالت برتباك واستهبال : من أخو الساندريلا فيصل كبر عنود
نوف : لا تستهبلين معي الا هو اسير هو صح
شموخ : ها لا يعني ليش هو يمكن غيره يعني
نوف : سكتي بس عرفت لو مب هو ماكان ارتبكتي كذا
شموخ :ــ
نوف : هو صح
شموخ : نوف خلاص سكري عالموضوع وخلنا بمشكلتي الحين
نوف : وشلون كذا صايره معك مشكله ثانيه شموخ اتحبين أخو الرجال اللي يحبك ياويل حالي
شموخ :ــ
نوف : شموخ هالبيت مايناسبك أبد أبد
شموخ : ــ
نوف : زين هو يحبك
شموخ بغصه : مااعتقد وتذكرت نظراته لها
نوف : زين هو يعرف انك اتحبينه
شموخ: مااعتقد
نوف: يوه شنو هالإنسان أصلا شلون اتحبينه والله انه والساندريلا واحد
شموخ : أفف نوف خلاص الحين وش اسوي مع عنود
نوف : قلتلك كلميها ولا مافيه حل ثاني
شموخ : أفف
نوف : ايه الحين من جد اتحبين أسير
شموخ ابتسمت بألم
نوف : ها
شموخ حولت ابتسامتها لسخريه : هه بس أحبه أنا أعشقه
نوف ابتسمت : أخص شموخه والله منتب هينه من جد هذا كله ولا لاحظت
شموخ تنهدت
نوف : ولا الا ذاك اليوم يوم غنيتي ليش بكيتي أنا قلت أكيد وراك شي
شموخ تضحك : والله مدري حتى أنا ضحكت على نفسي
نوف: أكيد لها معنى هالأغنيه ولا ليش تبكين
شموخ : انا أحبها حيل ودايم تجي في بالي وأحس يوم أغنيها تطلع كلماتها بكل صدق من قلبي
نوف ابتسمت : والله أحس اني بفلم .. وتحمست : صدقيني راح اتصيرون روميو وجوليت بس صبري مب على الفاضي يقولون ان الحب عذاب
شموخ : هههه أقول طيري مناك قال روميو وجوليت هه بالأحلام
نوف : ههههه زين زين لاجا اليوم هذا لا تقولين نوف ماقالت زين
شموخ : ههه زين
نوف : ايه ماقلتلك نايف خطب مريوم وهي وافقت
شموخ بحماس حطت ايدها على فمها : والله
نوف : والله ولا بعد أمي تقول لنايف ان شالله عرسك وعرس فهد بيوم واحد يعني حتى نونو طايره
شموخ : وااو وش هالحماس اللي عندكم ونوري ماقالولها للحين
نوف : لا
شموخ : متى ناويه أمكم
نوف: مدري بس صدقيني بهالاسبوع حاسه انها دايم اتلمح واتلمح بس نوري تستغبي والله ماشفتي تمثيلها تفطسين ضحك
شموخ : هههههه والله خطيره نوري
نوف : ومنصور يالله ماعندي فستان دورنا لين قلنا استوب مالقيت فستان يعجبني نوري شرت واحد لونه سكري حيل ناعم وكيوت بقى أناو أمي وش رايك
اندور سوا يوم لأن انتي بعد ماعندك صح
شموخ : أي ماعندي بس متى عرسه
نوف : ماقالولك
شموخ : لا مارحت لهم الا مره والله بعد ماطلع عمي ولا طولنا
نوف : اها لا اطولين عليه اكثير خله يشوفك هالأيام اكثير زين
شموخ : ان شالله اذا قدرت تدرين الجامعه بكرى خلاص وببدا الجد وبعدين انا مابي أشوف مهند أبد
نوف تضحك
شموخ: لا تضحكين مابي أقابله يابنت أخاف
نوف : زين زين الحين قلتي ماعندك فستان تقول وحده من خوياتي ان الجمعه سنتر حلو
شموخ : مدري مااعرفه رحتم مارينا
نوف : ايه هو اللي شرت منه نوري
شموخ : اها زين ماعندي مشكله أهم شي أكون فاضيه .. متى العرس
نوف : مب الاسبوع الجاي ولا اللي بعده اللي بعده يوم الخميس
شموخ تشهق : لا من جد
نوف : ايه ماعندنا وقت
شموخ : من جد
نوف : يلا الحين مااطول عليك وسوي اللي قلته لك زين
شموخ ابتسمت راحه : ان شالله بس حق العباه هذا ماله داعي
نوف : والله براحتك اذا سوا شي لا تلومينه
شموخ : نوف
نوف : خلاص خلاص بعدين من جد هو يحبك على الاقل أحسن من أخو الساندريلا هذا مدري شلون حبيتيه
شموخ :خخ
نوف : شوفي هو من ناحية حلو ويجنن وبدر بعد ايه بس من ناحيه ثانيه نو أبد مافيه ولا شي حلو ولا شي لا أخلاق وأنا أكرهه هالنوع
والحاجب اللي ماينزل والثقه الزايده وعععععع ياكرهي أخو الساندريلا وتوأمها بعد
شموخ : ههههههه نوف نوف يلا باي بروح أنفذ اللي قلتيه لي باي
نوف : زين باي بس اذا جيت لكم يوم بدقق فيه زين أشوف الشي اللي جذبك فيه هالرجال
شموخ : باااااااي وسكرت
نوف سكرت وناظرت بالجوال وهي مبتسمه شوي غطا الضيق عليها " الله يعينك حبيبتي ان شالله كل شي يتصلح وتتزوجين اللي يسعدك ان شالله "





سديم تنهدت وناظرت السرير افتحت الغطا وانسدحت ترتاح
للمعلوميه ابو ماجد مسافر جده شغل مدة شهرين
سديم ماسكرت عيونها اقعدت بأفكارها " معقوله تروح شموخ معقوله مفضله عمها علي انا مستحيل اخليها تروح هذي بنت الغاليه
تعودت عليها كل يوم اشوفها هنا اخر شي ترجع لرجال اللي اهانها حتى لو سامحته أخاف عليها من ام مهند وتتزوج مهند بعد أكيد هالمره بتحقد عليها حيل
مستحيل اتروح هناك ونرجع من اول واجديد مشاكل علشان سالفة هالعرس ياالله اللي كاتبه خير لها يصير يارب "




عنود كانت ابد مب فاهمه شلون انا اشوفهم ذاك اليوم والحين تتزوج مهند ياربي راسي بينفجر
قطع عليها صوت الباب
عنود وهي ممبطحه بسريرها : تفضل
شموخ خذت نفس قبل تدخل بعدها ادخلت وعنود ارفعت راسها تناظر
شموخ سكرت الباب
عنود اقعدت
شموخ : عنود لا تناظرين فيني كذا قبل تسمعيني
عنود بعدت نظراتها عنها : وش اسمع بعدين انا مالي دخل حياتي ولا حياتك
شموخ انقهرت وراحت لها اقعدت بطرف سرير عنود : ناظري فيني عنود
عنود ماتحركت
شموخ : عنود اخوك هو اللي تعدى علي مب انا
عنود ناظرتها بعصبيه :سكتي مااسمحلك تتبلين على اخوي
شموخ ابتسمت صدمه وهي تناظر حولها : هه .. مااصدق وناظرتها : من جدك عنود لا مااصدق اني قاعده قدامك ابد
وحركت راسها تلوم نفسها : انا الغلطانه اللي جايه افهمك وقامت وهي تناظرها : والله انا اللي راح انصدم اكثير مب انتي عنود وقالت بغصه : انا
ومشت وعنود ناظرتها كانت تبي توقفها بس ماتكلمت وشموخ اطلعت وسكرت الباب وراها
عنود عضت شفتها واضغطت على ايدها





العنود : آه هنوفي والله الجو خققه خققه بقوه
الهنوف : ويه لا تقهريني زين
العنود : هههه
الهنوف : اخبار الحبيب
العنود: تمام
المها اطلعت من جناحها وشافت الهنوف بالصاله مبسطه تكلم حاطه رجل على رجل والرموت بإيدها و القهوه قدامها مع كتكات
الهنوف : هههه اموت عالرومنسيه عاد تصدقين في ناس محترين هنا قاعدين ياكلون اصابعهم ينتظرون متى يجي دورهم وتناظر المها اللي كانت رايحه لدرج
المها طنشتها وانزلت " الله لا يتمم عليك يااالعنود الله ياخذك هالثانيه "
الهنوف وطت صوتها : والله ماشفتيها عنودتي قسم بالله كل ماينذكر اسمك واسم سيف كلت الكل من العصبيه تحسب محد منتبه والله واضح انها مقهوره وتبي تتزوج مالت عليها حيل واثقه انها
محبوبه
العنود : يمى بس تف تف علي وعلى حبيبي انا اوريها اذا صار علينا شي مااوصيك لا تخلين فيها شعره
الهنوف : لا توصين لا توصين
العنود : وبيتي مستحيل تدخله اخاف تسحرني انا وسيوفي
الهنوف : ايه هالحيه يجي منها الخبيثه
العنود : ويه بس لا تعكرين مزاجي من الصبح ياه
الهنوف : هههه حنا عشا وانتم صبح
العنود : وييه صح نسيت اننا مختلفين ههههه
الهنوف : ههههه

المها اقعدت
غزيل : مهوي شفيك
المها متكتفه كان واضح عليها القهر : لا يمى بس تدرين بكرى جامعه ومالي خلقها
غزيل : من جد وحنا الدوام ياالله الله يعين بس
المها : آمين
البندري : حنا ندرس والعنود تلمع الاظافر
غزيل : بسم الله على بنتي كل ماقلنا شي جبتم طاريها
المها بسخريه : ايه ادعيلها ادعيلها بالتوفيق
الجوري تناظرها
المها انتبهت لنظراتها حست بنفسها وقامت تصب لها قهوه تبعد نظرات الجوري عنها





ادخلت شموخ غرفتها وتسندت على الباب بعد ماسكرته وحطت ايدها على فمها تكتم شهقاتها





نوف كان عقلها كله عند شموخ
نوري : نوووووووووووووووفه
نوف : نعم
نوري : لا والله على بالي صرتي صمخه
نوف : اخلصي وش تبين
نوري : نوف امي تبيني تحت والحين مافي احد اخاف تكلمني عن فهد
نوف فزت : قولي قسم وااو حماس امشي
نوري : لا نوف والله قلبي يدق خايفه
نوف : اقول بس امشي وبنزل معك
نوري : زين يلا
انزلو وشافو امهم على التلفزيون
ام نايف شافتهم وابتسمت : ياهلا بالغاليات
نوف تقعد ونوري بعد : اهلين
ام نايف : نوري حبيبتي تعالي جمبي
نوري تناظر نوف برتباك وشافتها تطنز وقامت راحت لأمها
ام نايف حطت ايدها حول نوري
نوري ابتسمت
نوف : اممم يمى كذا اغار
ام نايف : لا حبيبتي ليش الغيره
نوف : افا اشوفك ادلعينها ولا اغار اكيد ورا الدلع وهالتلميحات في شي
نوري تناظر نوف بمعنى عمى
نوف تمد لسانها : ايه يمى وش عندك لا يكون زواج
نوري تبلع ريقها وتناظر امها اللي ناظرت فيها : ايه بسم الله عليك ذكيه
نوف : احم
ام نايف : نوري حبيبتي فهد ولد خالتك طلب ايدك على سنة الله ورسوله
نوري كأنها اول مره تسمع تنحت : ها
ام نايف : فهد ولد اختي ولا في احسن منه ابيك اتفكرين زين
نوري : اها وبعدت نظراتها عن امها
ام نايف تناظر نوف : غريبه مااشوف التفاجئ بعيونك نوف
نوف : ها ايه وييه نوري وقامت : ياالدبا بتروحين اتخليني مالت عليك بعدين انا من يقعد معي
ام نايف : الله ايخليني لك وبعدين فهد بيسكن هنا مب رايح خارج الصناعيه مستحيل يبعد بنتي عني
نوف : خلها تفكر اول بعدين يصير خير
ام نايف : أي اكيد بس اكيد بتوافق هذا فهد الغالي فديته
نوري قامت : زين يمى انا طالعه وراحت بسرعه
نوف : اموت عالحيا ياناس
ام نايف " عقبال ماافرح فيك انتي بعد وبزايد يارب "
نوف تناظر امها : اها علشان كذا صاير على لسانك 24 ساعه حبيبي فهد قلبي فهد
ام نايف تضحك
نوف : متى خطبها يمى ماسمعت ان خالتي دقت ولا انتي داقه عليها
ام نايف : والله خطبها من المتوسط بس قلنا تو البنت صغيره والحين ماشالله عليها مره
نوف : اها زين ليش ماقلتيلنا
ام نايف : ليش أقولكم بعدين هذا انتم عرفتم الحين
نوف : اها زين
ام نايف : عقبال ماافرح فيك ان شالله
نوف ابتسمت : شوفي يمى أنا مابي أتزوج حاليا
ام نايف : الا بتتزوجين ان شالله واشوف عيالك
نوف : زين زين الحين شنو هذا اللي تشوفينه
>> سكرت على الموضوع لأنها ماتبي محاضره من الليل <<
نوري ادخلت غرفتها اقعدت فوق سريرها وايدها بفمها متوتره