لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 16-02-12, 11:53 AM   المشاركة رقم: 446
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

بسم الله الرحمان الرحيم .. والسلآم عليكم ورحمة الله وبركاته
كيف أحوال جميع من يتابعني .. يارب تكونو بصحه وسلآمه .. ومايكدركم شي
بهالدنيا يارب
بارت اليوم مادري بتدعون علي فيه ولا .. مدري بس أمانه أمانه أمانه ولا وحده
تدعي علي فيه .. وان عاد اضطريتوا تدعون .. ادعولي وللجميع بالخير والتوفيق وان
ربي يحقق امانينا >> وحده تجهز الدواء قبل الفلعه على قولة هلي الكويتين
..
فيه قفلات تقريبا ثلاث قفلات بس كلها قويه سامحوني فيها دخيلكم .. اما بخصوص
السر خلاص تقريبا عرفتوه بهالبارت .. بس بيتوضح اكثر وأكثر في البارت الجاي
اللي مايقل عنه أكشن وغموض
..
وسلآمي على متابعيني كلهم .. ويامهاتي الغاليه صدقيني لانايف واللي يستاهل مثله
كل واحد بيشوف مصيره .. واصلا الروايه قطعنا فيها اكثر من النص تقريبا
..
واسمحولي اهدي هالبارت لحبيبتي او قولوا مصححة أخطائي ( زهر ابيض )




مع اطيب الأمنيات بقراءه ممتعه
.
سهم المملكه
.
لإله إلا الله





( البــــــــــــــــــــــارت التـــــــــــــــــاسـ39 ـع والثلاثين )

















في الليل \ المغرب

دخلوا كاشخين في مجلس الجد .. اللي ناظر فهيد ونايف وسياف مع

بعض .. وكان بو محمد وبو سعد جالسين معهم

سلموا وجلسوا وقال سياف اللي درس مع نايف الخطه زين – انا

اتمنى انكم سألتوا عني وانتم مثل ماتعرفون ابوي مات من فتره

قصيره بس .. ونايف يعرفني زين

ابو محمد تكلم – بس ياولدي نحن بنأخذ شور البنت وبنرد عليك

الجد بصوت عالي – ماعندنا بنات نأخذ شورهن

ابو سعد ألتفت على الجد .. وابو محمد سكت

نايف بثقه – لا خذوا شورها .. هالإمر يخصها ياجدي

سياف ساكت .. وفهيد وقف وهو مقهور من نايف اللي تهاوش

معه وطير مفعول الكاس اللي شربه

دخل داخل البيت .. ودور عليها بين امه وجدته

شافها داخله عليهم الصاله وهي تعرج .. كل ماشافها بهالمنظر

كرهها .. مالقوا له غير هالعرجاء

جلس وحط رجل على رجل .. ويسمع امه اللي تكلم في التليفون

ومبسوطه – صدق ياولدي بتجي بكره ماعلمتني ( قطبت حواجبها )

وبإستغراب – مفأجاه .. وش مفأجته .. خلاص خلاص لين تجي

ناظر فيها فهيد وهي جالسه قريب من جدته أمرها وهو يفرد

يدينه على المخاد – قومي صبيلي قهوه

ناظرته وضحى وقامت مغصوبه .. وشالت الطوفريه باللي فيها

من الفناجيل والبيالات والتمر والدلال ومشت مقتربه منه .. يوم

تعثرت في جلابيتها وطاحت .. وسببت ضجه قويه في المكان

وبعض الشظايا صابت فهيد اللي وقف وهو مقهور منها .. وهي

طايحه على جنبها وتئن وصرخ فيها – عرجا ورفلى الله ياخذتس

يارب ( وطلع وسط دهشتهم من كلامه ) وأولهم وضحى

الجده سمت عليها .. وعمشاء سكرت التلفون وفزعت لها

ووضحى نزلت راسها وعدلت برقعها وجلالها عليها مضبوط

ونزلت الجلال لين نص وجهها .. تمنعهم يشوفون أثر كلامه عليها

واللي مبين من ورى برقعها ..لمت اللي طرحته .. وهي بالعه

غصتها .. بعد مالمته .. وشافت نظرات جدتها وعمشاء لها لمت

بعضها وطلعت لفوق .. يوم دخلت عليه الجناح كان جالس وماد

رجوله على الطاوله اللي قدامه ويشوف التلفزيون

انقهرت وهي تشوفه ولا مهتم ولا عليه من اللي قاله وسواه

سمعت زفرته وهو ينافخ يوم شافها

خذت بعضها .. ودخلت الغرفه .. وهي تحس بالغصه وبالمراره

في حلقها



















دخل بالسياره وهي معه .. يوم شافوا سعد يكلم

ضحك فارس وهو يقول – تخيلي نظراته علينا هالحين بيكفخني

بكس

ريم وهي تلم اغراضها اللي شرتها من المكتبه عند رجلينها

ونزلت من جنبه

· نقطه تحت السطر*

(( هالشي عادي يصير عندنا لو صار بين الحمى

وحماته أو ولد العم وبنت عمه اللي يعرفون بعض زين .. والسالفه

انه ثقه وشي تعودنا عليه مو شي مستغرب .. بس للي قد بعض

او الحمى صار اصغر من حماته او ولد العم صار كبر بنت عمه ))

نزلت ريم وألتفت سعد اللي كان بينادي فارس .. ويوم شاف فارس

اللي نزل وهو كاتم ضحكته .. وريم تشيل اكياسها

سكر الجوال وقرب لها ووقف في وجهها – اخبارتس

ريم اللي نزلت راسها .. وفارس قرب وهو يتحنحن – احم احم

سعد وهو يسمع صوت فارس وراه يتحنحن – فارس هونا

فارس كاتم ضحكته بقوه – بس عمي موصيني هي وعمتي على

الريم

سعد لف بظهره على فارس وهو معصب – انت بتروح ولا

فارس مد يدينه بطريقه مضحكه – خلاص خلاص لاتعصب اعصابك

بس الظاهر ان ريم عاجبها الوضع

ريم اللي خافت وارتجفت .. وهالشعور اول مره يراودها

سعد بنفس العصبيه – ايه عاجبها رجلها .. وانت حاشر نفسك غلط

راح وخلاهم وهو يطلق الضحكه اللي كاتمته



















حط التذاكر على الطاوله وهو يقول – ايه بنرجع

خافت ووقفت – بس

سكتت واحتراها تكمل – بس ايش

الجازي – انا خايفه ضاحي ماعرف أحد هناك حتى هلي ماأعرفهم

ضاحي – طيب وش نسوي الجازي مضطرين نرجع خلاص

واهلتس قلت لتس مالتس اهل ابوتس وامتس ميتين

الجازي – ومالي خوال وعمام

ضاحي اللي تورط – انتي امتس اجنبيه وابوتس وحيد اهله

الجازي بإستغراب – امي اجنبيه

ضاحي – ايه

الجازي – من وين

ضاحي يصرف – بالضبط مدري ,, المهم يالله خلينا نلم اغراضنا

طيارتنا بدري بكره

الجازي بخيبة أمل – طيب ( ناظرت فيه ) ضاحي اوعدني

ضاحي خاف من الوعود وناظرها – وش تبين

الجازي – اول اوعدني

ضاحي – خلاص وعد وش تبين

الجازي صدمته وهي تقول – ماتتــــــــــــــــركني ابـــــــــــــد






















العم حمزه – مايصير ياولدي ماشفتها من تزوجتها

سلطان وهو يأخذ الفنجان من يده – وش اسويلها اروح اطق الباب

عليها واطلعها غصب

العم حمزه – ايه ياولدي هاذي وصاك فيها الرسول (رفقا بالقوارير)

سلطان بتفكير – عليه الصلاة والسلام ,, بس انت تعرف وضعي

ياعم .. وهالشي مناسبني بقوه وبعدي نماهب انا اللي قلت انحجري

في جناحتس ولاتظهرين منه

العم حمزه – بس مو مناسب لها تظل محبوسه لمتى وانت مانت

بداري عنها ,, عهدك فيها يوم جبتها .. افرض جدتك طبت عليك

هالحين وش بتسوي .. وبعدين منتم بمسافرين

سلطان شرب الفنجال وحطه – لا ,, ولاتفتح سالفة السفر ياعمي

إذا انت سألتني الله يستر من جدتي وش بتسوي

حمزه استغفر ووقف وهو يهلل – الله يصلحك ياولدي بس بروح

اسوي العشاء .. وهالمره انت بنفسك اللي بتوديه .. ولا ليش

توديه انت بنفسك اللي بتناديها تنزل تعشى معك ولا علمك عند

جدتك

سلطان حك شواربه وسرح .. وهو مو يم العم حمزه وقاعد

يسترجع اللي حصل .. ويغمض عيونه بألم .. قام وفز وطلع

صافق الباب وراه .. والعم حمزه اللي وصل المطبخ فز خايف

هز راسه بأسف على حاله .. وكمل للمطبخ




















مسك يدها .. وسحبتها منه وهي معصبه

رفع حاجب ورجع يمسك يدها وهو يقول – مره ثانيه لابغيتي شي

ماهب تدقين على فويرس علميني انا اوديتس للي تبين

ريم سكتت وسحبت يدها

هو وكأنه يعاندها مسك يدها ورفع وجهها بيدينه – تجهزتي للعرس

رفعت عينها وكأنها تذكرت – انا ماأبي اتزوج هالحين

حمر وشيط – هاذا اللي ناقص تأجلين

هي بعدت عنه وهي تقول – رح لاتفضحني عند اخوانك وانا قلت

رايي

سعد لحقها ووقف في وجهها وبعصبيه قال – انا حددت العرس

وغصب عن الجميع وعليتس معهم بيتنفذ كلامي تراني احتريتس

لين شاب راسي ولا ترى ( وسكت وهو يضحك بخبث )

خافت وناظرت فيه – ولا ايش

سعد بإحراج قوي – انا رجال معاد عندي صبر يالله ماسك نفسي

اما انتي ولا بتزوج مسيار

دزته عنها وهي محمره من الغضب والحيا – تزوج من ماسك

ودخلت وخلته .. وسط إبتسامته على إحراجها اللي مبين في وجهها

وماتقدر تخبيه

عقب ماراحت زفر وقال – من ماسكني ماسكني حبتس الله يجمعني

وإياتس على خير

 
 

 

عرض البوم صور عبق الرياحين   رد مع اقتباس
قديم 16-02-12, 11:54 AM   المشاركة رقم: 447
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 


في الصاله

فارس اللي مجنن امه ومحمد ويعايرهم

موضي – خلاص فارس حرام عليك جننت عمتي

لف عينه محمد وهو يسخر منها .. حتى مافكرت تطريه بالإسم

لو بالغلط

ناظرت فيه وصدت عنه

هند اللي جالسه وسرحانه تفكر في حالة ساره الغامضه .. ماتبي

تطلع وتجتمع بأحد ابد

ريم تدخل عليهم – السلآم عليكم

فارس يناظرها ويضحك .. وموضي ناظرت نظراته اللي ترسم عليها

موضي وهي تبتسم – ألحقي ريوم وأنفذي بجلدتس تراه مستلمنا

تعليقات من دخل

فارس بإحراج لها وبخبث – لا خلوها هي منحرجه خلقه يوم

دخلت وشافت اللي شافته

موضي بلقافه – من شافت

منيره – فارس خل بنت عمك

ريم اللي سلمت على راس منيره .. وسلمت على موضي وهند

وجلست جنبهم

خلود نازله بكتابها وهي تدمع

فارس يناظرها وهي تقترب من هند – افا افا من مزعل حبيبة عمها

خلود – ابي عمه وضحى كانت تعلمني وتذاكرلي هالحين بعدتوها

عني وبعتوها على فهيد الوسخ انا ماأحبكم ولا أحبه

ضحك فارس على بطنه – أمانه ريم قولي هالعلم لفهيد وعلميني

ردة فعله

محمد ناظر موضي وبأمر – قومي موضي علميها ولا شخانتس

موضي ناظرته بطرف عينها وسكتت .. والجميع سكت

موضي بإدراك للموقف – تعالي ماما خلود وريني

خلود وتحط الكتاب بحضن هند – لا ابي عموه هند تعلمني

هند اللي سرحانه ومو معهم .. فزت يوم الكتاب صار بحضنها

وفارس ضحك من قمزتها

محمد صرخ على خلود – لا ودي الكتاب لموضي

منيره تهدي محمد – علامك يمه خل البنت على راحتها تبي هند

تذاكر لها مافيها شي

خلود – اصلا عمه موضي ماتفهم ماتعرف انا اللي اعلمها

موضي تصرف الموقف عشان ماتنحرج وتغمضهم – والله

ماني فاهمه مناهجهم شقلبوا الكتب مره وحده

محمد وهو ناوي الشر – وعيالتس كيف تذاكرين لهم بعد مو فاهمه

موضي لفت على ريم اللي قالت – عيالها انا اللي اذاكر لهم موضي

نست الدراسه خير شر

محمد ومركز نظراته فيها – لا من اليوم ورايح هي اللي بتذاكر

لبنتي اللي مثل بنتها مو ياموضي

موضي بلعت الإحراج وهزت راسها – أكيد أكيد

منيره تعدل الموقف – وينهم عيال موضي ليش ماجبتيهم ياريم

هند قامت ومعها خلود للصاله الثانيه تذاكر لها .. تحت نظرات

فارس اللي تراقبهم .. ووقف لاحقهم

ريم – ماطرالي ياعمه هم يذاكرون تعرفين قريب بتنتهي المدارس

وذابحينهم بالمذاكره وخليتهم يذاكرون لين ارد لهم بس انا ابي

اشوف ساره وينهي

موضي اللي وقفت وهي تبي الفكه – قومي نطلع لها ونتطمن عليها

بعد

وقفت ريم وطلعوا لفوق .. مع دخول ابو محمد وهو يطلب ساره

لجناحه















اندق عليه الجوال في الإجتماع .. اللي حاظره كبار رجال الأمن

في الدوله .. تذكر الجوال وبسرعه بيغلقه .. بس المدير مد

يدينه يعني تابع المكالمه .. يوم شاف اسم شيخه عرف ان فيه

مصيبه .. ماتذكره غير في المصائب

فتح الخط وطلع صوتها اللي يلعلع – انت ساعه لين ترد ,, اسمع

ترى بروح لخواتي لاتقول ماعلمتيني تراني علمتك

لف على الجهه الثانيه عشان يقصر الصوت .. اللي طلع في

الإجتماع .. وهو عاظ شفايفه من القهر

سكر الجوال في وجهها .. وأغلق الجوال .. وهو منحرج ومعصب

من الموجودين













تسكر الخط في وجهها وصرخت في الجوال – يمال الضعفه صدق

مايستحي انا انا يسكه بوجههي

مشت لشنطتها اليدويه وحطت الجوال فيه وطلعت .. وقفت لها

تكسي ماناظرت شكل اللي فيه .. بس اركبته وهي تقول – اطلع

على حي ............ يم اسواق ..............















دخل عليهم الصاله .. وسط نظرات هند اللي وقفت شرح لخلود

وناظرت فيه – خير فيه شي

فارس جلس جنب خلود اللي كانت فاصل بينه وبينها .. ويمسح

على شعرها – وشلون ساره

رفعت حاجبها – وراك مسألتني عنها يوم في الصاله

حط رجل على رجل – خفت يفهموني غلط

حست بنغزه في قلبها – يفهمونك غلط

فارس وهو يمسد اصابعه ويختبرها – ايه يمكن يحسبوني مثلا حاط

عيني عليها

هند اسكتت فتره بعدين قالت – ليه وانت حاط عينك عليها

فارس وهو يضحك في داخله على غباها اللي مافهمت جملته – بنت

عمي والنعم

هند نزلت راسها في الكتاب وقالت – اجل الله يهنيكم

فارس بتدقيق – وانتي

هند رفعت راسها – وانا وش فيني

فارس – ماتبين تزوجين

هند ناظرت فيه فتره وهو مركز بعينها وقالت – انا تو الناس ليه

انت ماتبيني اقعد في بيتكم حاشرتك يعني

فارس وقف وهو كاتم ضحكته – تصدقين ايه ( وأشر على حلقه )

واقفتلي هنيا

وسط صدمتها من كلامه وعيونها اللي انمطت .. بعدها بفتره

خذت المحفظه ورمتها على الباب اللي طلع منه وسكره

























ساره اللي ترتجف وتتمنى وحده من خواتها معها في الموقف

وحست الدموع حاشرتها .. بس مامعندها إلا موضي وريم

اللي تداري حزنها منهم

حست اطرافها بردت ومعاد تحس فيها .. وقلبها يخفق بقوه

وتحس انه مو لها .. واضطرب كل جسمها وهي تقول – توقعون

وش يبي مني عمي

ريم اللي تجرب مناكر على الكمودينه – مدري اكيد بيطمن عليتس

موضي اللي جالسه جنبها – وانتي وراتس مرعوبه هالصنع

روحي وشوفي مانتي بخسرانه

ساره في نفسها ( بسخريه على حالها ) هه ماني خسرانه وش

بعد هالخساره والفضيحه اللي بتنكشف اول وتالي .. حسبي

الله عليك يانايف حسبي الله عليك .. جعلني اشوفك تلتوي من

امراض الدنيا كله قدامي .. ولا حادث يصرعك وبعدها ينطفي

جمرة فوادي

لبست الشرشف والبرقع .. ونزلت دمعتها وهي تفتح الباب

بس هالدمعه تلاها دموع .. وهي تمشي وتمسح .. ويزيد

الدمع اضعاف .. لين وقفت عند باب الصاله .. وهي ضافه

جلالها على عيونها – السلآم عليكم

منيره فارس محمد – عليكم السلآم

ساره تكلم منيره – وينه عمي

منيره وهي تشوفها منحنيه ورأفه بحالها – روحيله يابنتي في

الغرفه

مشت وهي تحس بطعم الدم في شفايفها .. مشت وهي تحس

سكاكين تقطع ظهرها .. وتحس ان الدنيا كبر ثقب الإبره في

عينها .. شوها نايف بإبشع صوره وشوه سمعتها

ماتقدر تدخل ودموعها .. تتلو بعض .. حتى العين تشكي مرضها

مافيه ذره في جسمها ماكواه الإلم

بدت تهدي في نفسها ( مو انتي تبين تموتين ياساره .. يالله ادخلي

وبعد هالباب بترتاحين .. مو انتي تبين تنتقلين لعالم أفضل من

هالعالم اللي كواتس فيه ولد عمتس يالله بعد هالباب برتاح .. أكيد

برتاح .. انتي بغيتي الموت .. ولاتبين تطيحين في النار على

راستس .. هه هذا الموت وصل عندتس .. غمضت عيونها ومسحت

اخر دمعه تضنها لها في هالدنيا ) .. فتحت الباب وهي تتشهد

وتدعي الصبر والثبات .. مجرد عصا شافت الموت بعيونها

بس كيف هالحين وسكين أكيد بتنحرها

شافت عمها جالس على الإرض بجلسه مطمئنه مريحه .. جلسة

رجل باع الدنيا باللي فيها .. ارتاحت على هالمنظر وهي تشوف

عمها ماسك المصحف ويرتل بصوت خاشع مطمئن وترتيل

ماعمر أذنها سمعت مثله .. فجأه خلاص ماتقدر تتحمل الموقف

أكثر .. هالجو وهالإضطراب اللي هي فيه .. وكل شي فيها أجبرها

انها تطيح برجلينها على الأرض وتبكي .. وتبكي .. وتبكي

 
 

 

عرض البوم صور عبق الرياحين   رد مع اقتباس
قديم 16-02-12, 11:55 AM   المشاركة رقم: 448
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 


خلص الإجتماع وطلع .. تذكر جواله .. وتذكر اتصالها

يوم فتح جواله صدمه رسالة من منيف .. كان يقرأ ويقرأ وكل

ماقرى حرف تفأجا أكثر وأكثر .. وانصدم اقوى واقوى

خلاااااااااااااااااااص هالرساله اللي بيثبت فيها برأته

ابتسم بفرح وهو يقول – خلاص يانايف لعبتك القذره

انكشفت .. ماهب انا اللي ينلعب فيه .. انا صقر ولحمي مر

مر ماهب انت اللي تأكله

طلع من المديريه بكبرها .. ركب سيارته وتوجهه على بيت

جده .. جده اللي طرده وهانه وعمر لرجال ماهانوه

كانت كلمته مسموعه في المجالس .. وان

جلس سكت اللي حوله من هيبته وهرجه .. يجي اتلى العمر

ويهد نايف هيبته .. كان طول الطريق فرحان ومستانس

وقف عند بابهم سفط السياره غلط وركض .. أهم شي جاب

دليل البراءه اللي كان من تدبير نايف .. واللي صدق عرف

ينزله للقاع .. عرف نقطة الهدف وصوبها صحيح .. عند من

عند جده وابوه وعمه !! اكثر ثلاثة اشخاص يخاف صورته

تنهز عندهم .. فتح الباب بقوته وناظر في جده اللي يوم

شافه مط عيونه .. ورفع عصاته ونزلها بقوه .. دليل عن اللي

يصير قدامه مايعجبه

صقر مشى لين توسط المجلس .. وجده ساكت يناظره

صقر بهيبه وشموخ – ياقاسي اللي جاب لك دليل براءته من اللي

يحاك ضده براءة يوسف من دم الثعلب وش قولك عنه


















( موعدي القادم .. يوم الإثنين بإذنه تعالى )

 
 

 

عرض البوم صور عبق الرياحين   رد مع اقتباس
قديم 16-02-12, 02:03 PM   المشاركة رقم: 449
المعلومات
الكاتب:
اللقب:

البيانات
التسجيل: Aug 2010
العضوية: 184653
المشاركات: 80
الجنس أنثى
معدل التقييم: نفحات النسيم عضو بحاجه الى تحسين وضعه
نقاط التقييم: 39

االدولة
البلدSaudiArabia
 
مدونتي

 

الإتصالات
الحالة:
نفحات النسيم غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

يعطيك الف عافيه
بنتظارك يالغاليه

 
 

 

عرض البوم صور نفحات النسيم   رد مع اقتباس
قديم 17-02-12, 12:30 AM   المشاركة رقم: 450
المعلومات
الكاتب:
اللقب:

البيانات
التسجيل: Aug 2010
العضوية: 186607
المشاركات: 640
الجنس أنثى
معدل التقييم: اريج الجوري عضو سيصبح مشهورا قريبا جدااريج الجوري عضو سيصبح مشهورا قريبا جدااريج الجوري عضو سيصبح مشهورا قريبا جدااريج الجوري عضو سيصبح مشهورا قريبا جدااريج الجوري عضو سيصبح مشهورا قريبا جدااريج الجوري عضو سيصبح مشهورا قريبا جدا
نقاط التقييم: 607

االدولة
البلدSaudiArabia
 
مدونتي

 

الإتصالات
الحالة:
اريج الجوري غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

اقتباس :-  
· نقطه تحت السطر*

(( هالشي عادي يصير عندنا لو صار بين الحمى

وحماته أو ولد العم وبنت عمه اللي يعرفون بعض زين .. والسالفه

انه ثقه وشي تعودنا عليه مو شي مستغرب .. بس للي قد بعض

او الحمى صار اصغر من حماته او ولد العم صار كبر بنت عمه ))


نفس الطريقه متبعه عندنا خاصه اذا كانت البنت ولد عمها متربين سواء يعني بيت واحد

اول كل العيال يعيشون بيت الجد بحيث يصير اختلاط بين عيال العم ويعتبرون بعض زي الاخوان


يعطيك العافيه سرد للقصه بشرح وافي

ماقاهرني الا ساره ياعمري عليها الله ينصفك على الظالم

نفسي اعرف وش صار على صقر وش الحقيقه الي تبينت له

الله يستر على شيخه شكلها راحة بخبر كان مع راعي التاكسي

بانتظار المزيد من التشويق

 
 

 

عرض البوم صور اريج الجوري   رد مع اقتباس
إضافة رد

مواقع النشر (المفضلة)

الكلمات الدلالية (Tags)
القسم العام للروايات, الكاتبة سهم المملكة, روايات, رواية مميزة, رواية لا صد قلبي, رواية لا صد قلبي صد من دون رجعة, رواية لا صد قلبي صد من دون رجعة كاملة, رواية خليجية, رواية كاملة, سهم المملكة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:50 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية