المنتدى :
ارشيف خاص بالقصص غير المكتمله
وش هو اغلى من الوفاء في زمن برد وجفاء\بقلمي
السلام عيكم ورحمة الله وبركاته
اليوم قررت اني انزل روايتي في هالمنتدى اللميز .. كنت دايما ادخله واقرا منه .. بس ولا مره فكرت اني انزل روايتي في .. بس اليوم تشجعت وسجلت في المنتدى .. وقلت لازم انزلها في هالمنتدى ويكون تميزها من تميز هالمنتدى الحلو
روايتي تتضمن الكثير من الاحداث .. في منها الدراميه .. والحزينه .. والمظحكه .. روايتي فيها واايد شخصيات يمكن بعضهم يكون لهم دور اساسي ويضلون معانا طول الروايه وبعضهم دور ثانوي .. وبعد في هالتجربه من كتابت الروايه والي هي تجربتي الاولى حبيت اطرح فأه من الناس متواجده عندنا وبكثره في مجتمعنا وكل شي راح اكتبه من واقعنا وبعضها تجارب ناس اعرفهم وكل حدث بيصير ممكن انكم تواجهون مثله في حياتكم .
ما ابي اطول عليكم وااجد .. انا روايتي لحد الحين 12 جزء وانا منزلتهم في كذا منتدى .. بس حبيت اني اتواجد بين اسر ليلياس ولاقي تفاعل حلو معاي .. انشالله الحين بنزل لكم جزئين وكل يوم بنزل جزئين بعد لين ما تصير الاجزاء الي انا مخلصتها متواجده عندكم وتكونون مثل كل منتدى انزل فيه .. وانشالله بعدها راح ابتدي احدد موعد للتنزيل .. لاني انا للحين اكتب الروايه .. يعني اكتب الاجزاء وانزلهم
...
...
...
البارت الثاني ...
وش هو اغلى من الوفاء في زمن برد وجفاء\بقلمي
البارت الثالث + التابع ...
وش هو اغلى من الوفاء في زمن برد وجفاء\بقلمي
البارت الرابع + التابع ...
وش هو اغلى من الوفاء في زمن برد وجفاء\بقلمي
البارت الخامس ...
وش هو اغلى من الوفاء في زمن برد وجفاء\بقلمي
البارت السادس + التابع ...
وش هو اغلى من الوفاء في زمن برد وجفاء\بقلمي
البارت السابع + التابع ...
وش هو اغلى من الوفاء في زمن برد وجفاء\بقلمي
البارت الثامن + التابع ...
وش هو اغلى من الوفاء في زمن برد وجفاء\بقلمي
البارت التاسع + التابع ...
وش هو اغلى من الوفاء في زمن برد وجفاء\بقلمي
البارت العاشر ...
وش هو اغلى من الوفاء في زمن برد وجفاء\بقلمي
تابع البارت العاشر ...
وش هو اغلى من الوفاء في زمن برد وجفاء\بقلمي
البارت الحادي عشر ...
وش هو اغلى من الوفاء في زمن برد وجفاء\بقلمي
البارت الثاني عشر + التابع ...
وش هو اغلى من الوفاء في زمن برد وجفاء\بقلمي
البارت الثالث و الرابع عشر ...
وش هو اغلى من الوفاء في زمن برد وجفاء\بقلمي
تابع البارت الثالث و الرابع عشر ...
وش هو اغلى من الوفاء في زمن برد وجفاء\بقلمي
البارت الخامس عشر + السادس عشر ...
وش هو اغلى من الوفاء في زمن برد وجفاء\بقلمي
...
...
...
ما علينا تفضلو الجزء الاول والثاني وانشالله ينول على اعجابكم
الجزء الاول:-
مريم علي : تطالع نفسها في المنضره: واي فديتني اهبل طالع الفستان الاحمر فضيع علي وجسمي طالع فيه روعه ومخصره والميك اب لاول مره احد يضبطه لي مشكوره جني على هالميك اب الحلو الي حاطته لي ,علوي فديت روحج حلو شكلي
علياء : واااي مريووم شكلج توووحفه اليوم صج ياجني عرفتي تضبطينها بس عدلي الاي لاينر اشوي من اليمين ممدود اكثر من اليسار زين مريوم انا شكلي حلو لان احس الفستان لونه مب حلو علي لاني اول مره البس هالون
مريم علي : لا والله فضيييع عليج الفيروزي طالع لونه واايد صارخ على لون بشرتج لانج بيضه والميك اب الفيروزي فله ومكبر عيونج بعد
علياء : زين اي لون احط الروج محتاره بين الفوشي والاحمر
جني (الي تمكيجهم ) : حطي الفوشي كتير رح يطلع حلو عليكي لانك بيضا
مريم علي : لا لا شنو فوشي الله يهداج عرس بتان هو حطي روج احمر احلى بيطلع مع الفيروزي
علياء : صج عيل ليش انا ماحبيته علي بس صج في هالفستان طلعت وااايد ضعيفه لانه مخصر وانا وايد ضعفت مع الامتحانات بس الحمدالله طلع حلو ومرتب مب قبل كان بالغصب يدخل فيني
مريم علي : اف اتحرين جسمج شزينه عيل انا شاقول الي مدنبخه (متينه) وعليه علي جوفي الزوائد الي عندي على الاقل انتي مخصره ومافي اي زوائد على الجنب
علياء : لا وين انتي جسمج حلو بس متينه شوي عادي بالعكس احسن مني معصقله (ضعيف وايد) زين الساعه كم الحين
مريم علي : صبري بجوف في تلفوني ويي وين حطيته بعد هالعله وينه دوري عليوه معاي اي اكو خلاص لقيته امبي الساعه 6:30 يالله بسرعه بسرعه والله رهوف بتحشرنا قلنا لها ست ونص بنطلع من البيت وبنوصل عندج سبع الحين في هالزحمه ولا بنوصل غير ثمان عندهم
علياء : اي والله بنلاقي زفه اتلاقين كل البنات اهناك الحين قلت لج خل نتمكيج في بيتنا احسن من بيتكم اخر الدنيه على الاقل مدينة خليفه اقرب حق الفندق مب انتي مادري ليش الله قاطكم في بوهامور لين مانوصل فندق الشيرتون مع هالزحمه والله واايد بنتاخر
مريم علي : زين يلا بسرعه عن الهذره (الكلام) الزايده ولبسي عباتج خل نطلع يمكن في امل نوصل قبل الساعه ثمان
علياء : اوكي اوكي زين حشرتينا كاني لبست (وهم نازلين من الدري عند باب البيت) مريوووم لاتقولين دريولكم الشيبه بيودينا
مريم علي : اي اكيد ياروحي عيل من الي بيودينا
علياء : لا حرام عليج هاي مابيوصلنا الا الساعه عشر حرام والله يمشي ثمانين بتجيني الجلطه منه وبعد مايجوف الشارع عدل
مريم علي : لا والله عيل تبين من الي يودينا تدرين امي ماترضا انروح مع احد غير دريولنا ولا حمد اخوي او ابوي او هي اتسوق فينا او بنت الي تسوق وبجذي مالج غير دريولنا الشيبه
علياء : لا لا خلاص انا بسوق بس ابي سياره من عندكم وابي لثمه لان جوفي ميك ابي والروج تبيني اطيح طنازه حق الشباب في الشارع
مريوم علي : مافي غير هالسياره وانتي ماتعرفين لها
علياء : لا لو شنو ما اركب في هالسياره زين بقولج انا سيارتي في بيت خالي الي في الشارع الي وراكم وعندي المفتاح فوق في غرفتج خل الخدامه اتجيبه ودريولكم يوصلنا ومن هناك بنطلع على الفندق من صوب الكورنيش
مريم علي : اوك يالله الحين باقولها وانشالله مايكون في احد في بيت خالج لاني بذبحج
وراحت الخدامه فوق في الغرفه وجابت المفتاح وطلعو مع الدريول طبعا مع دريول مريوم اوصلو عقب ربع ساعه لانه حده بطيئ ونزلو في بيت خالها وعلى طول اركبو السياره ولبست عليو اللثمه وماكان في احد في البيت وطلعو على طول وكلمو البنات وقالو لهم انه عقب ربع ساعه بيوصلون لانهم خذو طريق الكورنيش وماكان وايد زحمه وقدرو يوصلون بسرعه لان فندق الشيرتون على الكورنيش بس من الجه الثانيه وكانو حدهم مستطربين في السياره وحاطين اغاني على قولت مريوم انحمي حق الحفله
وبعدين اوصلو عند باب الفندق وقالو حق الي يشتغل يصف السياره لهم ودخلو على طول وعلوي فصخت اللثمه وتغشت وكان اللوبي مليااان شباب طبعن مريوم اونها اتغض البصراما عليو عيونها تتلاقط من تحت الغشوه
علياء : مريوم بطيح بطيح لحقي علي
مريم علي : واي شفيج عليو بسم الله عليج وتوقف وتمسك يدها وتهف على ويها
علياء : جوفي الشله الي قاعدين هناك يهبلون
مريم علي ويها منصفق وشوي وتكفخ عليو لان كانت خايفه عليها : يالسخيفه والله عسبالي عندج سالفه
علياء : ههههههههههههه وتنفجر من الضحك وتمت تضحك وبعد شوي قامت تكح وكل الي في اللوبي ايطالعون هالثنتين وفيهم فضول يبون يعرفون شقاعد يصير
مريم علي : يحماره الله يكره بليسج خرعتيني عليج عسبالي صار لج شي يالسخيفه وتركتها وقامت تمشي بسرعه وعلياء تركض وراها وتناديها بس وين مريوم اذا عصبت لحد يكلمها لا حياة لمن تنادي تمت عليو تركض وراها ولا مريوم اتوقف فجئه وعليو مانتبهت وطاااااخ تضرب في ظهرها وشوي وكانت بطيح على الارض لو مامسكتها مريوم وتمت تضحك عليها وعقبها وصلو القاعه ولقو لهم زفه من البنات لان كانت الساعه سبع ونص والناس بدت توصل ادخلو عند البنات في الغرفه وفصخو ولما جافوهم ربعهم تمو يعلقون على اشكالهم وكانو واايد منعجبين في اشكالهم لانهم طالعين واايد غير عن ايام الامتحانات لان كانت اشكالهم توحفه كل وحده حالتها كسيفه وعقب جافو ربعهم الي باقي وقامو يبدون رايهم فيهم وطبعا تفاجئو لما درو انه رهف وجواهر الي تصير لها ليحين ما وصلو القاعه وتمو يتحندون عليهم وتمو يسبونهم واتصلو ماكان احد يرد عليهم وعقبها طلعو في القاعه وقامو يسلمون على الناس الي عازمينهم ويرقصون وتمو ينطرون رهف وجواهر الي كانو متاخرين وليحين ماوصلو
.................................................. ........................................
انروح حق رهف وجواهر طبعنا هالتاخير كان كله من رهف الي خلت كل البنات يوصلون قبلها لانه كانت مسويه لهم مفاجئه ومحد كان يدري عنها حتى اهلها ماكانو يدرون المهم بس جواهر الي كانت تدري لانها كانت طول هاليومين معاها وكانت رهف ماخذه لها غرفه في الفندق وكانو كل البنات ماخذين لهم غرف بس مب كلهم اقعدو فيها من الصبح قالو بنبيت فيها فليل لين مانسافر
رهف : جوجو وين حطيتي روجي البرتقالي (بيجي) بسرعه جيبي تاخرنااا
جواهر : وانا شدراني وين حاطته انتي دوري انا ليحين ما خلصت لبس
رهف : يالسخيفه اتجوفيني فاضيه علشان ادوره ماتجوفيني قاعده اعدل الميك اب الخربوطه الي الزفته هاي سوته لي
جواهر : زين زين الحين بجيبه صبري خلني اخلص لبس (وتروح عندها) صكري لي الفستان
رهف : اف تحرين اقولج اني مشغوله تعالي وين الجرار اي اوك ياله صكرته بسرعه روحي جيبي الروج
جواهر : مشكوره ياقلبي يالله دقايق واجيبه (وقعدت ادوره في الشنطه الكبيره وفي شنطت الميك اب واخيرا لقته في شنطت يدها) هاج ياله بسرعه تاخرنا اتعرفين انه الساعه سبع ونص
رهف : حلفي ياله بسرعه لبسي عباتج وانا الحين بخلص اله بقولج مو جنه الفستان وااايد طويل واله شالسالفه
جواهر : اشفيج مفهيه ادري انه طويل ماتجوفيني قاعده ادور كعبي علشان البس
رهف : ويي وانا شدراني اليوم حدي مفهيه يلا خلصتي
جواهر : اي يلا انتي جاهزه
رهف : اي يلا انطريني برع وانا جايه دقايق بجيب شنطت يدي وراحت اتجيب الشنطه وطلعت وراها
جواهر : رهوف اشفيج صايره اقصر مني
رهف : شنو ولا تجوف ريلها وتمت تضحك ههههههههه وي نسيت البس جوتيي ياله بروح البسه دقيقه انطريني لاتروحين عني يويلج
جواهر : هههههههه وهي تضحك على شكل رهف المفهيه (من كثر ما الصبح كانت تراكض ورا الي في القاعه وتشرف عليهم وعلى التعديلات للحفله وعلى مفاجئتها) زين يلا بسرعه اذا تاخرتي عن خمس دقايق بنزل عنج وكيفج عقب توهقي
رهف : وهي تركض صوب الغرفه وتقولها انزين دقايق وراجعتلج وفجاه تضرب في شي قدامها وله يوم جافت الولد الي قدامها تفاجئت ونصبغت بالون الاحمر وقامت تركض اسرع ودشت الغرفه بسرعه وتمت واقفه عند الباب وتتذكر شكل الي جافته ما كانت متوقعه انه دعواتها راح تستجاب بهالسرعه وتجوفه لفت على المنضره وتمت اتجوف شكله وويها الي صاير احمر وخذت كعبها البرتقالي (بيجي) ولبسته بسرعه وطلعت عند جواهر ونزلو تحت وكانت متغشيه علشان ما يجوفونها البنات وتخترب المفاجاه دخلت الغرفه على طول ووراها جواهر
جواهر: رهوف اشفيه ويهج احمر مساعه اشعندج ياله بسرعه قوليلي ها ها من جفتي فوق
رهف تسوي روحها ماتسمع ومسفهه وتفصخ عبايتها وتعدل شعرها في المنضره وتلف ببرود على جواهر: اشفيج انتي يعني بكون جايفه من يعني
جواهر : عيل ليش ويهج كان احمر
رهف : جوجو اشفيج تحقيق ترا عادي بس كنت حرانه لاني كنت اركض
جواهر وهي مب مقتنعه : لا والله يعني بتقنعيني انه ماجفتي احد انزين اوك خلاص بس بعد الحفله بتقولين لي من جفتي وانا متاكده انج ما كنتي حرانه
رهف توهقت : اوك الحين طلعي لتخلين احد يدخل علششان افاجئهم وبعدين فليل بقولج شالسالفه
جواهر : انا قلت انه عندج سالفه اوك خلاص انا طالع وبخليهم ايصورون اول ماتطلعين المفاجاه الاولى وبعدين على المسرح المفاجاه الثانيه
رهف : اوك بس لا تنسين اول ما يلتمون علي خلهم يجهزون المفاجئه الثانيه
اطلعت جواهر وسئلوها البنات عن رهف وقالت لهم انها راح تجي الحين بس ما اقتنعو قالو لها اشفيها هي ليش ماتخلينا انجوفها هي تعبانه ولا شفيها وراحو كلهم يبون يجوفونها ولا عقب دقايق اطلعت لهم رهف والبنات تمو يصارخون ويصفقون
مريم علي وعلياء وريم قالو مع بعض : رهووووووووووف صرتي برونزيه يالحمااره وجسمج صايرخيااال
والا مانجوف الا غبرت كل وحده اتدور على خشب واول وحده مريوم طقت الخشب وضربت جابهت عليو وريمو وتمينا نضحك على هالحركه الي من ايام عدادي انه اذا ثنتين او اكثر قالو نفس الكلمه مع بعض بالصدفه يضربون الخشب وتضرب جابهت الي معاها قالت نفس الكلمه
شيخه : رهوف متغير شكلج شمسويه في نفسج
لولوة : اي والله مستويه وااايد ضعيفه بس حلو جسمج على طولج وايد مناسب
مريم جبر: اي والله واخيرا سويتي برونزاج اتذكر ايام ثالث عدادي كنتي اتحنين والحين سويتيه
مريم علي : واي ياربي ليش يعني انا الوحيده الي ما اضعف واصير مثلكم انتي وعليو مايندره لاعبين في عمركم
ريم: رهوف شعرج طولان عن ايام الامتحانات وايد طالع حلو بس لو صابغته جوكلت مب كان بيطلع احلى
رهف واخيرن تكلمت: مشكورييين ياقلبي على تحفيزكم كنت مب متوقعه انه الكل يعجبه اني مسويه برونزاج بس عجبكم وريمو لا والله تبيني اصبغ شعري علشان يحت ويستوي ابيض لا ياقلبي مافي غير الاسود
منيره : رهوف ردينا على الغرور انا كم مره قلت لج لا تغترين واايد في نفسج
رهف : منور يالخايسه تعالي سلمي وحشتيييني بدال ماتقولين لي وحشتيني وماجفتج من ايام الامتحانات اتقولين لي جي زعلت عليج يالخايسه وانا مب مغروره بس كنت ابي اجوف ردت فعلكم على شكلي لا اكثر
منيره : هههههههههه والله سوري بس كنت ابي استهبل عليج فديتج طالعه قمر وراحت تسلم عليها
رهف : حتى انتي والله تهبلين وااايد حلو الفوشي عليج احسج وااايد طالعه فلاش انتي وعليو اليوم الوانكم فضيعه
هند وهي تركض من بعيد ومتخرعه : شالسالفه من الي مغمى عليها
لفو كلهم على بعض وتمو يضحكووون لين ما صرخت عليهم
هند : شالسالفه يالسخيفات صج ماتستحون خليتوني اراكض في اللوبي جني مينونه ادور القاعه متخرعه عليكم
رهف : اشفيج محد فيه شي انتي الي جايه وويهج مصفوق خرعتينا وله احنا مافينا شي ومن قالج هالكلام
هند : هاي السخيفه منور الي طرشت لي انه في وحده مغمى عليها وانا اول ماوصلت قمت اراكض
رهف : قلتيها لانها سخيفه زين بنات في ثلاثه مفقودين من الشله وينهم
ريمو : مادري تقصدين من انتي
رهف : اقصد وضوح وشوقي وموزو وينهم ماجفتهم
شيخه : توهم قبل ماتوصلين كانو معانا يسلمون على الناس دقيقه بروح اجوفهم
رهف : اوك بنات تجمعو كلكم على المسرح لان في مفاجاه لكم
استانسو البنات كلهم تجمعو على المسرح وكانت جواهر قايله حق الي يشتغلون يصفون الكراسي على شكل سيد وراحت كل وحده وقعدت على الكرسي الي عليه اسمها وبعد اشوي جو البنات وضوح وشوقي وموزو وسلمو على الي ماجافوهم مساعه وقالو انهم كانو في الحمام يتعدلون وراحو قعدو على كراسيهم الي على المسرح وتطفت كل الليتات وتركز ليت ابيض على اول وحده كانت قاعده طبعن البنات قاعدين على احرفهم الابجديه فاول ليت كان على جواهر وهي الوحيده الي كانت تعرف شالسالفه ابتسمت وبدت تشتغل موسيقا وبعدين شعر وكان هالشعر مكتوب من شاعر ثاني بس هالشاعر قاله فيها :
لا تسألوني عن إسم حبيبتي أخشى إن قلتها تحترق شفتي فهي نار تتأجج في كبدي لاتقولولي صفيها فشعاع الشمس محياها ونسيم الربيع أنفاسها ((جواهر)) إن تكلمت تناثرت جواهرالدر والياقوت ومن فيها لتبهرنني وإن ضحكت تجنح الطائر ليحملني إلى مافوق السحاب وإن سكتت صافح ضياء القمر بركة ماء فضية ليجعلني أعرف أن للسكون جلال ((جواهر)) إن غضبت حل الشتاء بصقيعه ورعوده وتسمرت مكاني لاأملك لمواجهتها الهادرة راد وإن رضيت تفتحت أزهار الربيع وأحاطت بي الفراشات الملونة لتراقصني ((جواهر)) قوة الجبال في ذراعيها وبراءة الأطفال في شفتيها وصفاء السماء في كل ماحوليها هذه حبيبتي فلا تسألوني من تكون لأني إن أخبرتك احترقت شفتي
وبعدين الكل صفق لها وهي ستحت وبعدين قامت وراحت اخر المسرح يعني ورا كل البنات كان في كرسي طويييل يكفي كل البنات وكان عليه مخمل اسود وذهبي وراحت وقعدت عليه ومن عقبها نزلو الكرسي مالها وصار الليت على رهف موجه والكل تفاجئ من شكلها وعجبهم لونها ولانه بارز وايد مع لون فستانها الابيض الي على بيج المهم وبدت الموسيقا وعقبها بدا الشعر :
امنعوني جعلهـم مايربحـون امنعـو قلـبٍ مولـع بالغـلا
اتركوني بين شوقي والجنـون اجهلا بالشوق اي والله جهـلا هملوني جعلهـم مايوصلـون احرقوني بشوق ناره تشعـلا ياسحابه علميهم مـن اكـون علميهـم واعلنيـهـا للـمـلا امنعوني بس هـم مايقـدرون يمنعـو قلـبٍ لاحبـابـه دلا واسبقيهم وامطري ذيك المزون فوق دارً حبها فينـي اعتـلا وبلغي احلى سلامـي للعيـون اللي لها نفسي تمـوت وتقتـلا ((رهف)) اللي قلبها طيـب حنـون ((رهــف)) اللـي ماتـوازا بالحـلا هي حياتي هي مماتي والسنون هي انا وصف الكلام ومجمـلا نور عيني لجلها الكايد يهـون في رضاها كل هـمِ ٍ ينجـلا علمتني ماابـوق ولا اخـون ومن رضا بالذل عاش مهمـلا والقرايب حقهم فـوق المتـون وطاعه الله هي دوافيع البـلا ربي ياللي جاعل ٍ ليلك سكون ياعالم ٍ مافي القلـوب المقفـلا
وبعدين قامت وراحت على الكرسي الي ورا وكانت لابسه اوف وايت فطلع شايني مع الاسود وبعدين جا دور ريم وحطو عليها الليت وهي من الفشيلا قامت تضحك وبعدين بدت الموسيقى وبعدها الشعر:
يا ((ريم(( يا بعد عمري يا ((ريم(( يابعد ناسي
على قلبي تربعتي وصرتي عشقي الراسي
اذا غبيتي ترى والله كل أعلام انكاسي
واذا جيتي ترى والله كل ايامي اعراسي
وأذا رحتي وفارقتي ماكون ابداانا الناسي
يا ((ريم)) يا بعد عمري انتي خير من داسي
يا نجمة بالسما تلمع وما يناضرها انجاسي
يا ((ريمه ((بالفلا ترتع وما يجاريها اشراسي
يا وردة رياض المشرق وما يلامسها ادناسي
كفاني اسمع الاصوات تراها لقلبي اتواسي
..يتبع ..
التعديل الأخير تم بواسطة بياض الصبح ; 26-08-11 الساعة 02:33 AM
سبب آخر: وضع روابط البارتات^ـــ^
|
17-08-11, 04:30 AM
جديد مواضيع قسم ارشيف خاص بالقصص غير المكتمله
العرض الشجري
