[قصة مكتملة] وفاء لقلبه ، للكاتبة : دموع السحاب .. - الصفحة 4

16-08-11, 12:28 AM

المشاركة رقم: 16

المعلومات
الكاتب:	احاسيس منسيه
اللقب:	عضو راقي

البيانات
التسجيل:	Feb 2011
العضوية:	215609
المشاركات:	7,385
الجنس	أنثى
معدل التقييم:
نقاط التقييم:	1978

االدولة

مدونتي

الإتصالات
الحالة:
وسائل الإتصال:

كاتب الموضوع : احاسيس منسيه المنتدى : القصص المكتمله

الجزء الخامس

ظلوا البنات يخططون وش المقلب الي بيعملونه للعيال والمشكله كل المقالب تحتاج انهم يدخلون
قسمهم وهم مستحيل يعملونها

نوره بتردد ..اسمعوني الفكره صعبه بس لازم نعملها ونكون متهورات احيانا
الكل انسجم معها
نوره ..اذا جت الساعه وحده وضمنا ان خالي راح لقسمه ونام نطفي الكهرب من برا على كل المزرعه
هند..لا اخاف
نوره..خليني اكمل نطفي المزرعه هنا مو الي فيها خالي مايبي لها شئ بعدها تكون كل مجموعه على حوالين الفله ومعها مجموعة هههههههههههه صواريخ الصغيره الي تطلع صوت
دانا..هههههههههههه طفى الكهرب وصوت صواريخ يعني تفجير اخاف تجي الشرطه تحسبنا ارهابيين
نوره..لا بجد تكون مجموعه كبيره وبعد نجيب الفحم اشوا ان فارس مو معنا يقول العبي أي شئ الا هذي مايحبها يقول صوتها مزعج
ريم..ومن وين بتجيبينها ياحلوه
نوره..اقول لسواق يجيبها كلها نص ساعه ويجي
ساره بخوف ..اخاف واذا شغلناها وين بنروح
نوره نجتمع مع بعض عند باب الفله ونشوفهم اذا طلعوا
ديما..انا خايفه
غاده..لا انا متحمسه عجبتني الفكره
دلال ..وعشان يضبط صح حطوا كميرت الفديو عندهم قريب من الباب عشان نسمع اصواتهم اول مايسمعون
نوره..حلوه بس من بيدخل يحطها
ساره..امي
دلال..نفذي يانوره يالله انا بصراحه ماعاد نفرق معي مليت
ريم بنات الموضوع مو سهل
هند ..هو يخوف بس انا متحمسه
دانا..اشوف ولاوحده عملت حساب اخوها
نوره ..ليه وش مسوين جريمه
ريم..لا بس ولو الموضوعيخوف
نوره..ماعلي منكم يالله بقول لسواق يجيب لنا
بالبيت كانت غاليه تكلم صديقتها عهود
غاليه..عادي عهود
عهود..ايش الي عادي غاليه الشئ الي يقهرني فيك استسلامك ليه يااختي هذي حياتك
غاليه بصوت عالي..صح بس ابوي زوجني وش اسوي مافيه حل
عهود..طيب وولد عمك هذا مافيه امل منه
غاليه..ابدا تحسينه رجل الي ليه اسابيع من تعب ابوي وطلبه شفتها اربع او خمس مرات ولامره ابتسم
عهود..ان شاء الله يكون احسن مما نتوقع
غاليه..اشك ماعلينا ابوي عمليته بنهاية الاسبوع والامل ضعيف وانا ميته من الخوف
عهود..توكلي على الله وتفاءلي وان شاء الله ربيخليه لك
غاليه..امين

وفعلاً ماجات الساعه وحده الا البنات مجتمعين
نوره..معي عشرين بكت
دلال ..مجنونه انتي كثيره مره
نوره..انتي مابتشغلين كل البكت بس اول شئ وهو بيمشي عليه كله مثل افلام
كرتون هذي علمني عليها احمد وانا بشغل الفحم واري هنا
ريم..شوي احنا عندنا وحده جبانه الي هي هند خلاص هي بتطفي الهكرب
هند..خلاص
ريم..انا ونوره
دانا..وانا ودلال
ساره..انا وغاده
ديما ..وانا لحالي لا اخاف
نوره ..خلاص انتي مع ريم وانا لحالي المهم تشغلونها وكلكم عند الباب
دخلت ام بدر ..حسبي الله على عدوانكم بتوهقوني معك
ساره..يمه يالله حطيتيها
ام بدر ..ايه حطيتها كلهم يلعبون ورقه مساكين مهيب عادتي اسوي كذا بس
يستاهلون هم الي بدو
نوره ..يالله

بهالوقت بالشرقيه ..كان فهد وفارس عالبحر

فهد..تصدق انا افكر اتزوج
فارس مبتسم..حلو الله يوفقك
فهد..بس متردد
فارس..من
فهد..خايف يصير لي شئ
فارس وعقد حواجبه..فهد انت رجال مؤمن وراضي بقضاء الله وقدره انت
رجل امن واذا صار لك شئ فاانت بأذن الله شهيد لاتخلي هالوساوس تلعب عليك
فهد..انت ماتشوف رعب امي اذا سمعت ان فيه شئ ماودي اجيب وحده ثانيه تخاف
فارس..يعني كل رجال الامن ماتزوجوا وش هالكلام يااخوي انتم تاج على روسنا
فهد..ههههههههه ادري غصب عنك
فارس..انت وكل رجال الامن فخر لنا
فهد..اخجلتم تواضعنا
فارس ويتنهد ..اشتقت لجلسة احمد
فهد..مابيرجع للبيت
فارس..انا مابقول له وهو حر
فهد..الله يهديه
فارس..امين

1 _ 2 _ 3 فجأه طفى الكهرب ثواني واشتغلت الصواريخ

عند الشباب لما طفى الكهرب

راكان..هههههههههه هذا مقلب البنات
اشتغلت الصواريخ والكل وقف
راكان..لا والله شصاير الدعوى تفجير
بندر..اقول لايكون حولنا ارهابين
سامي..اسكت انت وياه خلونا نطلع
احمد..وشذا ورانا ماتسكت التفجيرات
عبدالله..يالله واحد يشغل جواله نشوف طريقنا
مشوا وفجأه كلهم طاحوا فوق بعض لان الاول الي هو راكان ضرب بالطاوله
وطاحوا عليه
راكان..دفنتوني قوموا حرام عليكم
احمد..هههههههه شباب شسالفه
محمد..حسبي الله عليك قوموا نشوف اهلنا لايصير جاهم شئ
راكان..ههههههههههه انا مااقدر اقوم شكل رجلي انكسرت بس هالتفجيرات
نص كم تطلع صوت عالي بس تهز الشبابيك
بدر..ههههههههههههه وخر خلني امر فاضي جالس يحلل
اول من طلع بدر وبهده العيال الي اول ماطلوا تفاجؤ بتصفيق البنات وفجأه
اشتغل النوره
العيال كل واحد يناظر الثاني
بندر..هههههههههههههههههههههه عمتي القائده
بدر..افا يمه نهون عليك
ام بدر وتدخل وتأخذ الكميرا وتعطيها البنات..
راكان بعد ماطلع ..ههههههههههههههههههههه والله منتو سهلين خوفتوني
قلت ارهابين بطلع اشوفهم
احمد..وش هالكميرا
ريم..اصواتكم
راكان..والله لو ماانتم بنات كان جلدتكم الحين
محمد التفت له ..طبخ طبختيه
سامي..يالرفلى كليه
بندر..خلاص مانبي مقالب وقف قلبي حسبي الله عليكم انتم منين جبتوها صدق
تقل ارهابيين معهم عدتهم حتى بالمزرعه
عبدالله..والمشكله كل واحد يسوي نفسه قوي
راكان..زين ان فهد مو معنا والا كان طلع الفرد وثور فينا كلنا
احمد..وانت الصادق زين انت فارس مو فيه والا كان سفرهم كلهم
نوره ترد على اخوها ..ليه قالوا لك سيلانيات
عبدالله..عند فارس بتكونون مجرمات
نوره..يالله تصبحون على خير مشكوره يااحلى خاله

راكان..لو مافيني نوم كان رديتها
هند..راكان تصبح على خير
راكان..هندوه انتي للحين حيه
هند.. لاعقرب
راكان..زين انك قلتي لي مو العقرب الي تسمم زوجها اول يوم زواج خاينه
سامي..ههههههههههههههههه حلو منين جبتها
هند..والله تنفع مذيع برنامج زواحف
راكان..لا بتشوفون بالطلعه الي فيها فارس وش بسوي
ساره تهدد اخوها ..اقول..؟؟
راكان..عشان اذبحك
بندر..قولي وخليه يذبحك بنخسر وحده بتكون عاله على المجتمع لاوظيفه ولازواج
تضايقت دلال ومشت وضرب عبدالله بندر
بندر..دلال
طنشته ومشت
محمد..ياليتك تنتقي الفاظك حتى تكون اعلامي ناجح
دخل محمد ومعه اغلب العيال وام بدر راحت وراء دلال الي مازعلت بس تضايقت من الكلام

الكل نام بعد التعب الى صاحبة الملف الاخضر امسكت قلبه وكتبة

كلمة الوفاء ..

عندما يكون الوفاء كلمه..تضيع الحروف ويتوتر الاحساس وينزفق القلم
رغم ان المعنى لايفهي والحرف لايعبر ولكن لابد ان يكون للوفاء كلمه ..
تعلنا الوفاء منك وتعلنا الحب منك وتعلنا ان نكون نبض الشارع منك
..نعم علمتنا كيف نكون اوفياء مع انفسنا عندما نرتقي بها على توافه الامور
علمتنا ان نكون اوفياء لاهلنا عندما ضربت لنا اسمى قيم الوفاء وعلمتنا
ان نكون اوفيا لمجتمعنا عندما اعطيته حبك ووقتك وراحتك علمتنا والوفاء
لاشقاءنا عندما امرت بحملات التبرعات وعلمتنا ان نكون اوفياء لك عندما
اعطيتنا قلبك

مااصعب الوفاء عندما يكون لتاريخ مشرف ومشرق مااصعب الوفاء عندما
يكون لشيخ ورجل وقائد مثل فهد بن عبدالعزيز رحمه الله

صعب ان يتجسد الوفاء بكلمات لكنه وفاء العين دمعها ووفاء الذكر الدعاء لك
ووفاء الورق واللم كتابة اسمك وذكره بالخير

وفاءً لقلبك الطاهر ..وفاءً لك بافهد بن عبدالعزيز اكتب اولى بداية الملك الذي
اختار لقب الخادم وتجمل بما بخدم ..

وفاءً لقلبك يافهد اكتب ..

قفلت الملف وهي تدعي لفهد الانسان والاب والملك وخادم البيتين ..

نامت ريم مع الكل وانتهى اليوم حلو عالكل الجمعه عالغداء ببيت ام فارس كانت
جالسه مع كل عيالها حتى احمد الي جاء وفرح امه واخواته

نوره..فارس
فارس يلتفت لها..نعم
نوره بتردد ..ودي اقول شئ
احمد..شكل وجهك مايطمن
فارس..قولي
نوره..بس لاتعصب انا وريم بصراحه فكرنا انه وسكتت
احمد ويبتسم لانه حاس ان اخته خايفه
فارس..ايوه كملي مابأكلك انا
ريم..انا بكمل بصراحه يافارس فكرنا انه المفروض والواجب اننا نزور عمي منصور
تفاجئ احمد وام فارس وخافوا من رد فعل فارس
فارس بهدوء..ماعندي مانع كيفكم
نوره..صدق اجل بنروح اليوم العصر
سكت فارس بعدين قام وقال ان عنده مشوار ضروري شك احمد بشئ وفعلا
طلع غرفته وشاف فارس متوجه لشقة عمه الي ماهي بعيده عنهم ابدا

في بيت ابو غاليه كان الاب نايم ولافيه الا غاليه الي تتفرج عالتلفزيون ورن
الجرس وقامت تشوف مين
غاليه..مين
فارس..فارس
غاليه بصوت واطي ..اف
فتحت الباب وهي متغطيه وبعدت
فارس ..السلام عليكم
غاليه ..وعليكم السلام
فارس..وليه متغطيه
غاليه سكتت ماردت وهنا استفزت فارس وطلب منها طلب كان مستحيل يطلبه
لولا انها استفزته
فارس..مااحب احد يطنشني وانا اتكلم
غاليه من غير نفس ..ماعندي شئ اقوله
فارس ..افتشي الغطاء
غاليه بخوف..ماابي
فارس بقوه ..قلت لك افتشي
غاليه شالت الغطاء بحركه ماتوقعها فارس توقعها تعاند هو حب يستفزها او
يمكن مثل ماقالت ينتقم من ابوها فيها
فارس ولااثرت فيه..عمي نايم
غاليه تصد عنه ايه
فارس ويمد لها مبله ..خذي
غاليه بااستنكار..وش هذا
فارس..فلوس ابوك120 الف
غاليه..ماابيها خذها ويبقى لك عندي سبعين الف
فارس..ومن وين بتجيبينها
غاليه..الله كريم
فارس حط الفلوس عالطاول..ماابيها وانا قلت لعمي اني تنازلت عن حقي
غاليه..بس انا بعطيك فلوسك
فارس وهو بيطلع..انتي مالك شغل هذا بيني وبين ابوك هذي فلوسك
طلع وسكر الباب وترك غاليه تصيح قهر لانه اجبرها تفتش وكأنه شايف جدار
ماتغير فيه أي شئ
اما فارس فعلا طلع ولاكأنه شاف بنت مو لان غاليه قبيحه لان فارس مايهتم ابدا
بالشكل نهائياً ولايهتم بالمرأه ابداً ..

في بيت الخال ابو محمد هند ومها كانوا بغرفتهم
هند..بصراحه رحمت دلال
مها..عادي دلال ماتزعل بس هي انقهرت
هند..بس لو محمد يوافق
مها..محمد عادي عنده بس خايف هي ترفض
هند..مابترفض انا اعرفها
مها..ماتدرين طالما قالت ماتبي اقارب
هند...عادي كلام كذا قالته بعدين بيجبرها فهد او بيقنعها
مها..الا وش عندهم مسافرين
هند..اتوقع لان فارس مايبي يشوف احمد
مها..اول مره يزعلون من بعض
هند..المشكله ان احمد مطنش وهذا مو طبعه
مها..وانتي من متى تعرفين طبعه
هند وتضحك..اعرف من خواته
مها..ياخوفي يكون حلمك عالفاضي
هند..سواء تزوجته او لا الحلم مو حرام وانا مااحبه بس يعجبني كاانسان
مها..اكبر غلطه انك صرحتي بااعجابك لريم
هند..ريم بير احفظي اسرارك وانتي متطمنه
مها..ماادري
هند..قلت لك انا ماحبيته بس يعجبني
مها..والاعجاب يجوز
هند..ياويلي حتى الاعجاب بتحرمينه اقول من قال لاادري فقد افتى اسكتي الله
يخليك انا ماسويت حرام ولاكلمته وعمري سويت شئ يغضب ربي

مها..خلاص كلتني بقشوري
هند..اسمعي هالاجازه بتسافر وبرا المملكه تسمعين
مها..ابشري هو على كيفي والا كيفك
هند..لا بنقنعهم ملينا من ربوع بلادي
مها..ههههههههههه بنروح صلاله
هند..لا ماابي خليج بروح لبنان
مها..ههههههههههه كملت ابشري اجل بتروحين اضمن لك كل العيال بيوافقون
هند..لا اجل هونت بنروح ماليزيا
مها..ليه رايحين شهر عسل
هند..ههههههههه حلوه اجل نروح لدبي
مها..مو تقولين ماتبين خليج
هند..شسوي العب على عمري والا انا عارفه حدي الطايف والا جده وان تعبوا
مررره قالوا روحوا لابها الجو حلو
مها..احمدي ربك
هند..الحمد لله يالله بس نننام عندنا دوامات
مها .. يالله

16-08-11, 01:55 AM

المشاركة رقم: 17

المعلومات
الكاتب:	miss dlolah
اللقب:

البيانات
التسجيل:	Aug 2011
العضوية:	227684
المشاركات:	467
الجنس	أنثى
معدل التقييم:
نقاط التقييم:	150

االدولة

مدونتي

الإتصالات
الحالة:
وسائل الإتصال:

كاتب الموضوع : احاسيس منسيه المنتدى : القصص المكتمله

أختياار موفق حسووسه
والرواايه روووعه
بإنتظاار البقيه

16-08-11, 11:20 PM

المشاركة رقم: 18

المعلومات
الكاتب:	احاسيس منسيه
اللقب:	عضو راقي

البيانات
التسجيل:	Feb 2011
العضوية:	215609
المشاركات:	7,385
الجنس	أنثى
معدل التقييم:
نقاط التقييم:	1978

االدولة

مدونتي

الإتصالات
الحالة:
وسائل الإتصال:

كاتب الموضوع : احاسيس منسيه المنتدى : القصص المكتمله

الجزء السادس
مثل ماقرروا البنات راحوا لبيت عمهم مع امهم وتفاجئة غاليه بحضورهم وهلت
ورحبت فيهم كثير ..كان اللقاء حلو فيه بعض الخجل والرسميه وهذا شئ متوقع
وهو ثمن يدفعه الابناء نتيجة غلطه او جفاء او خلاف بين الاباء الخلاف الي ابعد
بنات العم عن بنت عمهم الخلاف الي قطع صلة الرحم الخلاف الي جرد الناس من
اسمى معاني الحب والتواصل هذا اللقاء كان طبيعي لترسبات السنين والبعد كان
لقاء اغراب وان كانت المحاولات مستمره حتى يكون لقاء احباب لكنه انتهى
بدموع من غاليه على ابوها الي ماقدر يرد على بنات اخوه من التعب والالم
وتعذيب الضمير كان يحس بغصة الم وقهر على حال بنته الوحيده الي كان
ممكن لولا الخلاف كان حصلت لها من سنين بنات عم يكونوا بحسبة خواتها
طلعوا البنات لبيتهم وهم بحالة حزن وصمت والم وصادفوا احمد عند الباب ودخل
معهم لصاله وحصلوا فارس منسجم يتابع الاسهم

احمدمستغرب ..وشفكم
ام فارس..زعلانين على عمهم
نوره بحزن ..شكله يكسر الخاطر
ريم..الي تكسر الخاطر بنته لااخ ولااخت ولاام واب تعبان احساس بعدم الامان
تجسد بعيونها
رفع احمد راسه يشوف رد فعل اخوه ومثل ماتوقع ولاهو مفتكر بكلامه متحمس
مع الاسهم
احمد..ولو احنا عيال عمها
ام فارس..مافيه مثل الابو والام والاخوان
نوره وتحضن امها..الله لايحرمنا منك يارب
ريم..فارس عملية عمي بكرا بتروح
فارس من غير اهتمام ..احمد بتروح
احمد..ان شاء الله
فارس..خلاص واحد يكفي
احمد ووقف بيروح لشقته ..اجل انا رايح توصين شئ الغاليه
ام فارس..بحزن هزت راسها.. الله معك
مشى احمد
وغصب عن فارس نطق قلبه حاول يكابر احساسه ويكون قاسي لكن ماقدر
احمد اخوه وصديقه واحيانا وولده ماقدر الا ينطق ..متى بترجع لبيتك
ابتسم احمد ولف عليه..يووووووووه مابغيت تقولها انا مجهز شناطي انتظرك
تقول ارجع
فارس مبتسم..من المفروض الي يراضي الثاني
احمد نزل راسه وراح لاخوه وحب راسه ..حقك علي اسف
نوره.تصفق ..اخييييييرا
ام فارس وهي تمسح دموعها,,الله لايفرقكم
فارس..يالله رح جب شناطك
احمد ..ان شاء الله

ورجعت اللمه الحلوه لبيت ام فارس بعدما عم الحزن بزعل الاخوان بس الاخوه
الحقيقه مايفرق بينها الا الموت الله يديم عليهم السعاده والحبه والاخوه الرائعه
الي زرعتها ام طيبه تتججسد الطيبه بكلامها وابتسامتها

بمكان ثاني وبيوم ثاني كان بركان ثاير كانت فيه
صرخة قهر وخوف طلعت من قلب غاليه صرخة ضاعت بحضن ام فارس الي
حضنتها وهي تسمي عليها ..صرخة بنت تبكي فراق ابوها وسندها بالدنيا صرخة
خوف من مجهول ينتظرها بحقد السنين ...صرخة ضياع وتوتر والم صرخة
ذهول صرخة فلراق ووداع وآه مااصعبك ياودع لما نوادع اقرب الاحباب
غاليه بدموع وصراخ ..يكذبون ابوي مامات ابعدوا عني اتركوني
ريم وتصيح ..بس ياغاليه اذكري الله
غاليه بصياح عالي ..ماابي ماابي رجعوا لي ابوي وين الدكتور دكتوووووور
رجع ابوي لو مايتكلم بس اشوفه كل يوم بس اعيش معه بس احس ان عندي
اهل رجعوا لي ابوي حرام عليكم خذوا فلوسكم بس رجعوا لي ابوي خلوني
اعيش بشارع بيعوا كل شئ اخذوا كل مااملك بس رجعوا لي ابوي التفت
لام فارس تقول رجعوه انا ماعندي غيره وين اروح ومن اسكن عنده افهموني
انا مالي غيره رجعوووه

طلع احمد بعد ماتقطع قلبه على حال بنت عمه واتصل على اخوه
فارس..هلا
احمد بعد تردد..هلا فارس عظم الله اجرك بعمي
فارس ووقف..مات ......ز لالحول ولاقوة الا بالله
احمد..فارس بنت عمك منهاره وقالبه المستشفى تعال شوف لك حل
فارس..انا لله وانا اليه لراجعون بدت المشاكل انا جاي

دقايق وصل فارس وحصل غاليه جالسه بالارض قبال غرفة العمليات اشر له
احمد انه مايعرف ايش يعمل وراح فارس لامه عند غاليه وريم

فارس..يمه ليه جالسين هنا قوموا للبيت الله يرحمه
ام فارس ..يالله يابنتي
غاليه ساكته ماترد
فارس..يالله ياغاليه قومي وادعي لعمي الله يرحمه
غاليه تناظر فارس..وين نروح ايوي بيجي الحين وبيروح معنا هو قالي انتظريني
هنا
فارس انصدم من كلامها والتفت على ريم..وشصاير
ريم..ياغاليه قومي يالله
غاليه وهي تصيح..وشفيكم بنتظر ابوي اذا تعبوا روحوا صح هو مو ابوكم انتم
اصلا مو هامكم اذا مات لان عندكم اهل وبيت تعيشون فيه انا لابنتظره هو اصلا
مابيتركني وهو يعرف ان ماعندي غيره مستحيل مافيه ابو يتخلى على بنته الحين
بيقوم اكيد
فارس فكر شوي جلس بمستوى غاليه وبصوت عالي قالها وهو يهزها ..ابوك
مات ياغاليه مات اصحي
احمد ماتحمل وطلع وحتى ريم وغاليه صاحت وطلعت غصب مع ام فارس للبيت
خلص فارس الاجراءت وسهل الله امره وصلوا عليه العصر رجع البيت وعرف
ان غاليه رافضه تستقبل العزى تقول ابوها مامات وهذا كان عامل حسابه فارس
راح لها ودخل عليها وقدام امه وخواته وقف قبالها

فارس..ليه ماتأخذين العزاء باابوك
غاليه ..ابوي بيجي مامات ليه مافيه احد بيفهمني
فارس بصوت عالي ..لا مات ودفناه
غاليه بصوت اعلى..اقول لك مامات
فارس ويطلع من جيب الثوب تراب ويرميه بحضنها ..لا مات وهذا تراب قبره
مات اقول لك
صرخت غاليه وصاحت..ليه خلني اعيش كذبتي خلني اعيش حلمي ان ابوي
عايش حرام ليه ياربي ابوي يموت ليه يايبه انت وامي تروحون عني ليه وين
اروح وين اعيس انهارت غاليه وظلت تصيح وظلت ام فارس تهديها لحد
ماقدرت تصلي وبعدها ربي انزل عليها الراحه والسكينه وظلت بصمت تستقبل
المعزين

مرت ايام العزاء ثقيله على قلب غاليه ايام ثوانيها ودقايقها سكاكين تطعن
قلبها المجروح ..غاليه بالليل تتذكر وتصرخ وتبكي ولاتلاقي حضن يضمها
غاليه بالنهار تصيح وتحزن ولاتلاقي يقلب يحس بها مسكين قلبك ياغاليه تو
الحزن يغزاه ..توك بديتي تعرفين معنى الالم والدمع والفقد ..توك بديتي رحلة
الخوف والضياع واليتم..توك ماشفتي نظرة الشفقه والالم..توك مابعد حسيتي
انك بكل فرح لازم تحزنين وتتذكرين الغالين الي تركوك لهالزمن القاسي

بااخر يوم تركت ام فارس وبناتها غاليه تاخذ راحته مع خالاتها لكن غاليه انصدمت
من كلامهم يطالبونها تروح معهم وبيزوجونها سلطان اتفاجئة من قوة قلوبهم
الي ماقدرت حالتها وخافت من سلطان الي جاي بالطريق وخافت اكثر من فارس
استأذنت وراحت لغرفة ابوها وتذكرت اخر كلمه لابوها قالها قبل العمليه

ابو غاليه ..فارس هو الي بيحميك بعد الله لاتبيعينه لو باعك انا بعت اخوي
واشتراني ةظل يدعي لي لين مات وانا ابيك مثل اخوي وفيه له غاليه فارس
ولد اخوي رجال عن عشر يسوى سلطان واهله انتبهي لاتفرطين فيه حتى لو
ظليتي خادمه له

بآهه مليانه حزن اتصلت على فارس
فارس..نعم
غاليه بحزن,,فارس انا غاليه
فارس..ادري فيه شئ
غاليه..خالاتي عندي ويبوني اروح معهم
فارس..ايوه وانتي
غاليه وتصيح..سلطان بالطريق يبون يزوجوني وابوي له ثلاث ايام ميت
فارس..مجنونه انتي زعلانه عشانهم بيزوجونك وابوك توه وشلون يزوجونك
وانتي متزوجه
غاليه بالم ..ماقلت لهم شئ
فارس..خلاص انا بحل الموضوع انتي لاتقولين ولاكلمه يالله فمان الله

سكر فارس وطلع من البيت وظل ينتظر الوقت الي بيشوف فيه سلطان بعد غياب
السنين وقهر السنين ووصل سلطان وبنظره مليانه سخريه..انت للحين عايش
فارس بهدوء ..انتظرك
سلطان..هههههههههه مسكين وخر خلني امر
فارس ويمد يده بوجهه ..تخسى
سلطان انصدم ..مايخسى الا انت ابعد اشوف
فارس..رجلك اكسرها اذا دخلت تسمع
سلطان..تكسرها نشوف من بيكسر رجل الثاني اذا حاول يقرب لاهل البيت
فارس باابتسامه بارد..تقصد لغاليه
سلطان..ايه غاليه بتصير زوجتي قريب
فارس..هههههههههههههههههههه اول مره اشوف وحده تتزوج مرتين
سلطان بتوتر..شقصدك
فارس بعصبيه..قصدي خذ اهلك وعلى بيتكم ياشاطر غاليه زوجتي من عشر ايام
ولو شفتك مقرب بس هالحاره كسرت رجولك تسمع
سلطان بقهر..آه يالنذل سويتها يامنصور بس هم بتنقم منه ومن بنته ومنك
وبتشوف
فارس ,,وريني يالله ورني عرض اكتافك
سلطان..فارس لاتتوقع انك تزوجتها بتخلص مني لا ابوها له حساب طويل معي
راح تعرفه بوقته ووقتها راح تعرف ان سلطان يعرف ينتقم وياخذ حقه مو
مثلك متوقع اني بموت عشان ست الحسن لاحبيبي غاليه بالنسبه لي لعبه
فارس قاطعه..اقول مع السلامه

عصب من فارس وراح ركب سلطان سيارته بعصبيه وبلغ اهله الي رموا الكلام
على غاليه من غير مايراعونها وتركوها تبكي بقهر وحزن ولاحست بفارس
الي دخل عليها وسكر الباب

دخل فارس لشقه واحتار ايش يعمل مع بنت عمه الي منهاره وتصيح

فارس..غاليه خلاص
غاليه تمسح دموعها وحست انها محتاجه تقول الي بخاطرها ولاحصلت غير
فارس ..لازم بتقول خلاص لان الي مات ماهو ابوك الي مات الانسان الوحيد الي
كان ضامني ببيت حتى لو كان مايدري عن شئ الي مات هو الي كان
حافظ لي كرامتي الي مات هو الوحيد الي يحس فيني الي مات امي وابوي
واخواني وكل اهلي خلاص ودعت السعاده اليوم يالله بتجيني ايام بشوف
الموت فيها بتعذب وبحزن وبتعب ولابلاقي احد يقول لي ياغاليه ليه تزعلين
وانا موجود خلاص ياولدعمي كلمه سهله نقولها بس صعب تحسه خلاص يعني
النهايه يعني ابوي مات ليته خذاني معه اليوم انت يمكن قدرت انك تبدأ اول خطوه
بالانتقام منه وهذا انا قدامك علمني وشي خطوات انتقامك بتعذبني والا بتشغلني
خدامه عنك قولي انا مستعده لكل اهاناتك ولكل طرقك الي بتنتقم فيها

فارس يتنهد ..غاليه عمي استأجر الشقه ست شهور وخلاص انتي بتنتقلين عندنا
تقاطعه غاليه.. يالله انت ليه كذا اتكلم مع جدار يارب ارحمني وخلني هنا قفل
علي الباب مابطلع ولاادخل بس خلني اعيش هنا عند ريحة ابوي الله يخليك
فارس ماهو عارف كيف يتعامل معها..غاليه برسل لك ريم والخدامه يساعدونك
وخلاص الشقه بسلمها وخليك منطقيه صعب تعيشين بشقه لحالك
غاليه..صعب صح صعب كل شئ صعب بهالحياة
جلست غاليه الارض وطلع فارس بعد مااخذ المفتاح معه

دخل فارس للبيت وحصل امه واخته

فارس ..السلام عليكم ريم خذي الشغاله وهذا مفتاح الشقه روحي لغاليه تساعدونها
تنقل عفشها هنا اليوم مفهوم وانتي يمه الله لايهينك جناح الضيوف يجهز لغاليه
ام فارش عصبت ..وشو جناح الضيوف
فارس..يمه ماابي نقاش ارجوك
ام فارس وعصبت..قومي روحي لبنت عمك وخليني اتفاهم معه
طلعت ريم وهي مستغربه من عصبية امها وجلس فارس لانه عارف امه مابتتركه
ام فارس..الحين هي مو زوجتك ليه تسكن بجناح لحالها
فارس بهدوء..زواجناعالورق وانا قايل لعمي
ام فارس وتمسك راسها..ياقلبك ياام فارس ماانت بصاحي بتخلي البنت معلقه
الحين انت مالك عليها زوجها خلاص عاد
فارس..يمه انا ماابي اتزوج افهموني
ام فارس..احسن لاعمرك تتزوج بس خل البنت تشوف نصيبها
فارس وعصب..من عيوني بس مو الحين تستوعب وفاة ابوها واطلقها اصلا كنت
بعمل هالشئ من نفسي ولاتتوقعين اني بعذب بنت انا عارف ان مالها ذنب بالي
عمله ابوها
ام فارس..ياخسارة تربيتي فيك
فارس بقهر..الحين عشاني ماابي اتزوج تقولين هالكلام الجارح ليه يمه لو اني
ذابحها
ام فارس..لانها يتيمه مارحمتها
فارس..لانها يتيمه لازم اطلقها لاني مااقدر اتزوج
ام فارس..ليه ناقص
فارس ..يالله يمه تعبت من هالموضوع ريحيني الله يريحك ارحميني كفايه اذا
النقص هو الي بفكني من هالموضوع ايه ناقص بس زواج مابتزوج
ام فارس ورحمة ولدها..كيفك سو الي تبي
فارس..ايه يمه انا بسوي الي ابي والي يرضي ربي ويرضيك بس لاتزعلين
لان طلاقي لغاليه شئ صح صدقوني
ام فارس..مابزعل الله يوفقك ياولدي

حب راس امه وطلع غرفته بعد ماتعب من المشاكل اليوم ومن غير احساس نام
وترك الشغل لاول مره بحياته ..ترك الشغل لان المشكله الي صارت له اكبر
من الشغل لقاء سلطان كان صعب عليه فارس مايعرف ينتقم لكن لقاء اليوم كان
ذكرى مؤلمه له حاول ينساها بس سيطرت عليه حاول يجملها وان وصل للي
هو فيه نتيجة قهر من هالذكرى لكن ماقدر لقاء سلطان اشعل بداخله نار لكن
نوعية هالنار ماقدر يحددها وظل حاير فيها ...

في بيت ام فهد كان الجو حلو كانت العايله كلهم مجتمعين ويسولفون
ام فهد ..اقول دلال وراء ماتدخلين لك دوره مثل هالبنات
فهد..صادقه امي عالاقل تستفيدين من وقتك
دلال ..طيب لنفترض اني اخذت دورة كمبيوتر او انجليزي بتوظف طبعاً لا اجل ليه
اتعب عمري وادرس
دانا بقهر..يااختي عالاقل تضيعين وقت
دلال ..ماابي ضيعت اربع سنين بالجامعه بكرف وتعب واخترتها جلست بالبيت
ام فهد ..يابنتي انتي العومه جتك كم وظيفه ورفضي
دلال ..اجل اتوظف براتب 1200 ليه
فهد..دلال اكثر من مره قلت لك هالمنطق غلط انتي مو محتاج فلوس خلاص
بعدين هالشئ بيحد من عطاءك لاتكوني ماديه
دلال ..مو كذا انا صح مو محتاجه فلوس بس محتاجه تقدير مكافاه على شغلي
وهذا مايعني اني ماديه بس مااحب اكون مستغفله واحب اعمم مبادي مشكلتنا
يالسعودين نرضى بس ونقول انا مو محتاجه فلوس اتوظف أي شئ لايااخوي
احنا لازم نتعود اننا نتكافئ على قدر شهاداتنا وعطاءنا للاسف بمجتمعنا فيه ناس
معهم ثانوي ويأخذون راتب اعلى من الجامعي ونفس الشئ متوسط وياخذ اكثر
من ثانوي القضيه متشعبه وتحتاج نقاش موسعه حتى نقدر نعطي ونأخذ
دانا ..ذبحتينا تراك بهالسالفه الحين بتقول انا سعوديه
دلال بعصبيه..وانا صادقه ايه انا سعوديه ليه يعطوني هالراتب روحوا وشوفوا كل
المدارس الاهليه تعطي هالراتب وان كثرت خلته 1800 وهذا قليل ليه لان فيه ناس
ترضى بااقل يااختي انا مااقول لاتوظفون اجانب رزقنا ورزقهم على الله بس
مو تكون حجتهم عند مكاتب العمل ان السعوديه ماترضى براتب قليل انا موافقه
اخذ 1200 اذا هم نزلوا رسوم الاطفال الطفل الواحد يأخذون عليه عشر الالف
واكثر وبالفصل مايقارب العشرين طالب ومستكثرين على المعلمه الي تقابله طوال
اليوم راتب مثل الناس يااشيخه قفلي عالموضوع وخليني ساكته لاني لو فتحت
هالموضوع مابسكره ابداً
فهد..الله يهديك هذا وانتي مو محتاجه الراتب
دلال ..هذا مبدأ ماله دخل بالماده اذا ماقدروا جهدي ماله داعي انا اتوظف لاني
مابرضى اعطيهم نصف مجهودي واقول على قد راتبهم الله بيحاسبني مو هم
دانا ..طيب خلاص غيروا الموضوع
ام فهد..اف منكم تعال انت مابتعرس
دلال مبتسمه..هذي السالفه السنعه
فهد ويضحك..خليني افكر بعدين ارد عليك
دلال..من سنين وانت تفكر
فهد..هههههههههه اجل ماتضر سنه زياده
ام فهد..الله يعني عليك قومي يادانا شوفي اختك وينها
دانا ..ان شاء الله

في بيت ام فارس كانت
نوره تسولف مع مها

نوره..اكيد بتسكن عندنا
مها..شكلها بالعزاء يكسر الخاطر
نوره..الله يعينها حالها صعب فقدت ابوها وهالشئ مو سهل
مها..بس حلوه ماعليها
نوره..تصدقين فيه ناس الحزين يزينهم
مها..هههههههه حسبي الله على عدوانك شلون
نوره بحماس..احكي جد
مها..الله يبعد عنا الاحزان

في بيت ام بدر كانوا العيال مجتمعين

سامي..احمد ماودك بسفره
راكان..انا بسافر بعد
عبدالله..انت خلص دراستك
احمد..لا انا ودي اسافر شهر
بندر..تزوج وسافر شهربصل
راكان..ههههههههههه ودي اعرف ليه سموه شهر عسل
بدر..لان الحياة بالشهر حلوه
بندر..بس الواقع يقول انه بصل
سامي يغمز له..مجرب
راكان..وعنده ولدين
بندر..والثالث بالطريق
احمد..متزوج وانت بالثانوي
بندر..وخاطب وانا بالابتدائي
راكان..تصدقون ان بعيلتنا مافيه ولاواحد متزوج يااخواني تزوجوا انتم
هالشياب فقدنا الامل فيهم
احمد..انا بفكر
سامي..وانا بقرر عنك
بندر..وانا بتزوج عنك هههههههههههههه
احمد..اقول انت وياه عن الهذره الزايده وكلموا محمد خلوه يجي يسهر معنا
بندر..لا محمد مابيجي اليوم عنده استراحه ع الشباب
احمد..اجل خلونا نطلع نغير جو
العيال..يالله

16-08-11, 11:23 PM

المشاركة رقم: 19

المعلومات
الكاتب:	احاسيس منسيه
اللقب:	عضو راقي

البيانات
التسجيل:	Feb 2011
العضوية:	215609
المشاركات:	7,385
الجنس	أنثى
معدل التقييم:
نقاط التقييم:	1978

االدولة

مدونتي

الإتصالات
الحالة:
وسائل الإتصال:

كاتب الموضوع : احاسيس منسيه المنتدى : القصص المكتمله

الجزء السابع ...

انتهت ريم وغاليه من تجميع اغراضها جلست غاليه بحزن بالصاله

ريم..اعرف ان الموضوع ماهو سهل بس صدقيني ياغاليه انتي من عرفناك
صرتي اخت لنا
غاليه..ريم انا مااعرفكم الا من كم يوم مااعرف شئ بهالدنيا الا ابوي وخوالي
الي الدنيا فرقتنا عنهم مو متخيله اني الحين ضيفه على بيت عمي الي عمري
ماعرفتهم
ريم تبتسم..بتعرفينا بتحبينا يالله قومي تعوذي من الشيطان
غاليه تأخذ نفس وتقوم..يالله كل الكلام مابيجيب نتيجه ابوي ومات ومصيري
وتحدد يالله مشينا

بالمكتب كان فارس وصل لدرجه خياليه من الغضب
فارس بصوتعالي..للمره المليون اقول لك هالملفات مااحد يطلع عليها فهمني
ياسعيد مين الي شافها
سعيد بخوف..يااستاذ مااحد شافها صدقني كانت بمكتبي
فهد يقاطعه..خلاص فارس انا بتصرف خل هالموضوع علي
فارس..فهد اذا عرفت الشخص الي سرب المعلومات ارجوك لاتقول لي اسمه
لاني اذا عرفت بذبحه
فهد ووده يضحك..ماراح اقول شئ يالله سعيد تعال
تنهد فارس وضرب عالطاوله وجلس الى الساعه عشره بالليل بالمكتب وه
و يحاول يمتص غضبه لكن كالعاده فشل لان الشئ الي مايقدر فارس يسيطر
عليه هو غضبه ..

في بيت ام فارس كانت نوره تكلم ديما
نوره..ديمووه بعدين اكلم باي
ديما..اقول بنجي بكرا عندكم يالله باي
قامت نوره وسلمت على بنت عمها الي واضح انها حزينه وخايفه
نوره..هلا والله نور بيتنا
غاليه..منور بااصحابه
ام فارس..هلا بغاليه والله
سلمت غاليه عليهم وطلعت مع ريم لجناح الضيوف الي تفاجئة انه لها
غاليه..جناح كامل انتم كلكم كذا
ريم..امممممم امي جناح ومحمد نفس الشئ وانا نوره لا ماوافقنا اخذنا جناح بينا
غاليه تبتسم..وانا مابأخذ الا هالغرفه
ريم..الي يريحك اعمليه فارس عامل بكل جناح نظام وهنا عندك كمبيوتر وتيلفو
ن كل شئ تحتاجينه اطلبيه يالله اخليك ترتاحين
طلعت ريم وتركت غاليه تحاول تتعود على هالغرفه البارده تحاول تستوعب انها
رجعت لجو الفلل الي تركته بعد ظروف ابوها الاخيره حاولت تبتسم لكن عمر
الفلل ماكانت دليل سعاده تذكرت غاليه حياتها بفلتهم قبل وكيف كانت بعيده
عن ابوها وتذكرت الشقه الصغيره الي خلتها تتعلق باابوها اكثر واكثر حاولت
تمسح اول دموعها لانها فشلت انها تمسح شلال دموعها الي انهمر من الذكرى
الحزينه..

وصل احمد وحصل اخته نوره وجلس يسولف معها وقالت له ان بنت عمه وصلت
نوره..الا بسألك هي مالها اهل
احمد..واحنا عيال الجيران
نوره..هههههه لااقصد خوال
احمد ..الا بس بينهم مشاكل
نوره ..ياحرام مسكينه
احمد ..فارس وينه
نوره..ماوصل اتصلت عليه امي تقول شكله معصب
احمد..ذبح عمره بهالشغل
ريم..من هو
احمد...ياحيا الله الريم
ريم..الله يحييك
نوره..ياحظي وراء مالي ترحيب مثلها
احمد..هههههههههه مايليق عليك
نوره..هين تشوف
احمد..امي نامت
نوره..هي تقول ماتشتهي عشاء
احمد..ولاانا
ريم..تعشيت اكيد برا
احمد..بصراحه طلعت مع سامي وبدر واكلنا المغرب
نوره..اقول احمد خلونا نطلع للبر
احمد..لانوره البر حوسه نطلع للمزرعه
نوره..لا نبي البر يااخي الجو حلو الحين ومزرعه كأننا بالبيت
احمد..طلعت البر لازم فهد وفارس ومحمد وخالي اولهم موجودين لانهم
هم الي يحبون البر اذا موافقين ماعندي مانع
نوره..طيب قل لفارس
احمد..وليه ماتقولين له انتي
نوره..اخاف
ريم.ههههههه بياكلك
نوره..لقيت الحل بقول لدانا تقول لفهد وهو يقنعه
ريم..المهم كيف الشغل يااحمد
احمد..حلو
نوره..عطني جوالك احمد برسل مسج
احمد..لمين
نوره..هههههههه لدانا وديما ومها وساره
احمد..قصدك للعصابه
ريم..ههههههههه حلوه العصابه
نوره..انا اقول لك مها بنقول لخالي وبكلمه من هندووه بيوافق خالي
احمد..وليه
نوره..عشانها غريبه هالانسانه مااعرف ليش مايرفضون لها طلب شكلها
سحرتهم وديما سامي حبيب مثلك مابيقول شئ وساره دلوعة امها بتوافق
على طول باقي دانا وانا الي عندنا فارس وفهد بس اذا اقتنع خالي مابيقولون
شئ

احمد..مشاء الله شرايك اكلم بندر وراكان
نوره بصوت عالي..لا اكرهم هالثنين مايدخلون بسالفه الا يخربونها
ريم..بالعكس راكان وبندر يوسعون الصدر
احمد وقام..طيب انا بروح انام واذا قررتوا علموني قبلها بيوم
نوره..ليه معرس
احمد..ههههههههه الله يسمع منك
ريم..يالله والعروس عندي
احمد ابتسم وطلع
نوره..من العروس
ريم..مالك دخل قومي شوفي غاليه
نوره..صح نسيناها
ريم..يالله قومي بكلم دلال

طلعت نوره عند غاليه ونزلت معها بعد ماعرفت ان احمد رجع البيت اخذت شالها
ونزلت وحصلوا ريم قفلت من دلال
نوره..قلتي لها عن البر
ريم..قلت لها تقول مالها خلق تناقش فهد معصب وتعبان وتوه راجع
نوره وتفكر..حتى فارس شرايكم نشتري السعاده ونطلع غرفتنا عشان مانشوفه
اذا جاء
ريم وتضحك ..مايمديك اسمي الباب
دخل فارس ..السلام عليكم
الكل ..وعليكم السلام
نوره تناظر غاليه بااستغراب لانه ماتغطت عن فارس ..فارس تبي عشاء
فارس..لا خلي الخدامه تعمل لي قهوه وتجيبها لمكتبي
غاليه بعد تردد..فارس هذا مفتاح الشقه
فارس وتذكر بنت عمه ..البيت بيتك اذا احتجتي شئ كلنا اخوانك
اخذ فارس المفتاح وطلع وترك نوره وريم بحاله من الاستغراب
غاليه..ياله بنات انا بنات تصبحون على خير
ريم..ماتعشيتي
غاليه باابتسامه..تعبانه وابي انام مااشتهي شئ
ريم..نوم العافيه
طلعت غاليه وعلى طول التفت نوره على اختها
نوره..ليه ماتتغطى
ريم ..مو اول مره
نوره ..صح بس اول مره قلت مع الصدمه بوفاة ابوها ماتدري الا هي وين كانت
عايشه
ريم..اعتقد هنا بالرياض
نوره..غريبه
ريم..صح غريبه بس يمكن هي ماتتغطى عادي
نوره..وليه على كيفها هو
ريم..لاعلى كيفك

نوره..بصراحه انا اهم شئ عندي الاحترام من الانسان لنفسه ولاابيها تطيح من
عيني
ريم..هالكلام كبير يانوره والبنت توها مابعد شفنا منها شئ اصبري لين نتعرف
عليها
نوره..على قولك بس احسها ماحبتنا
ريم..نوير البنيه ضايق صدرها وفقدت ابوها واول مره تسكن معنا وتشوفنا
تبينها على طول تأخذك بالاحضان وتضحك
نوره..طيب وانتي ليه معصبه
ريم بقهر..لانك انسانه غبيه ماخذه الحياة بغباء
نوره..هههههههحلوه ماخذه الحياة بغباء
ريم..اقول قومي جيبي لنا عشاء
نوره..مابعد طلعوا لي جواز غير الاخضر
ريم..وشقصدك مافهمت
نوره..قصدي اني مو خدامه عندك
ريم وتضحك..قومي يالله نروح مع بعض
نوره..ايه كذا اوكي

في بيت ابو محمد كانت هناك موجه من الضحك من ضحكة البيت بندر
بندر..هههههههههههههههههههه بطني يمه مااقدر
ام محمد وتضحك على ضحكه..خلاص اسكت
هند بدلع..الحين كل هالضحك عشان صحيت الجمعه على بالي السبت
بندر..هههههههههه ذكرتيني يوم كنت بالابتدائيي ههههههههههههههههههههه
محمد..هههههههههه بندر ماتسوى عليك على هالضحك
بندر..عبود
عبدالله..خير
بندر..ههههههههه ليه ماتضحك
عبدالله..مالي خلق
بندر افا ليه
عبدالله..يااخي مليت من الضحك يبه
ابو محمد..نعم
عبدالله..بسافر
مها..بروح معك
عبدالله..وش قلت يبه
ابو محمد..وين بتروح
عبدالله..بروح دبي
بندر..لاياشيخ بروح معك
عبدالله..لابروح لحالي
هند..حتى بدر مابيروح معك
عبدالله وعصب ..قلت لكم لحالي
محمد..خلاص خلوه بحاله
ابو محمد..بسلامتك
ام محمد..الله يحفظك ياوليدي
بندر..اقول ترى انا بعد معصب وبسافر لدبي
هند ومها..ههههههههههههههه واحنا بعد
طلع عبدالله ولحقه محمد وكملت العايله سهرتهم

بغرفة عبدالله كان محمد يسأله
محمد..من غير سبب
عبدالله..احس اني مخنوق كاره نفسي وكل شئ
محمد..طيب الشغل فيه شئ
عبدالله..لا بس حاس بملل
محمد..وكيف بتنبسط لحالك هناك وانت لك فتره مش طبيعي حتى بدر ماترد عليه
عبدالله..محتاج اجلس لحالي وبدر لايهمك براضيه
محمد..عبادي انا اخوك اذا فيك شئ صارحني
عبدالله يتنهد..اذا حسيت اني محتاج اتكلم بقولك بس خلني لحالي
ترك محمد اخوه وهو محتار وخايف عليه لكن توكل على وحاول يتفاءل بالخير

بمكتب فارس ظل محتار ويفكر بالشغل الي سيطر على كل حياته وفجأه جاء
على باله ابو ثامر ابتسم وطلع من المكتب وصادف البنات بيطلعون غرفهم

ريم بخوف ..خير فارس فيك شئ
فارس يبتسم..لا بس بروح مشوار وراجع
نوره..يعني مافيه شئ
فارس..لا يالله تصبحون على خير
راح فارس لابو ثامر ورجع وكل النار والغضب الي بداخله انطفت رجع وقدر
ينام بسعاده وراحت بال ..

الكل نام الا وحده فتحت ملفها الاخضر وبدت تكتب العنوان ..

اول الخير ..

نعم انه اول الخير من قلبك اول الحب منك اول العطاء لابناءك مااروعك
ومااروعك مااعطيتنا
اول منصب كان للمغفور له بأذن الله خادم الحرمين الشريفين الملك فهد بن
عبدالعزيز كانوزيرا للتعليم عام 1953، وكانت

رؤية الملك فهد -رحمه الله- واضحة في التعليم، فالكثير من سياسات التعليم
النظامي في المملكة تعود للملك فهد الذي قضى على الأمية في المملكة
، حيث سخر التعليم الأساسي لكل مواطن في بلاده بما فيه التعليم في الهجر والقرى
. لم تسطتع العقبات الاجتماعية عرقلته في تطوير التعليم النظامي بالمملكة
، حيث كانت البعثات التعليمية للخارج تزيد سنة بعد اخرى منذ توليه
وزارة المعارف «حالياً وزارة التربية والتعليم» في عام 1953م.
وتابع جلالته سياسة التعليم في المملكه بعد توليه مناصب أخرى
لأنه اعتقد أن التعليم واجب على كل مواطن لفهم دينه وأمور حياته
ليصبح منتجاً في مجتمعه. وخير دليل على جهود جلالته في مجال التعليم
ما يحظى به التعليم في ميزانية الدولة. وتشير الاحصائيات إلى تزايد عدد
مدارس الذكور والاناث من حوالي 11000 مدرسة في مطلع الثمانينيات
من القرن الماضي إلى حوالي 25000 مدرسة في عام 2004م. أما عدد
الملتحقين بالتعليم في المملكة فقد ارتفع من حوالي 1500000 طالب وطالبة
في عام 1980م إلى حوالي 6000000 طالب وطالبة في عام 2004م
. شهدت سنوات حكم الملك فهد الكثير من المتغيرات التي كان من الممكن
أن تؤثر في سياسات التعليم سلباً، لكنه تحداها برؤية واضحة وقوية ليستم
ر التعليم في العطاء، ومن هذه التغيرات تدني اسعار البترول ما أثر على نمو
الاقتصاد الوطني، لكنه سخر دخل الدولة من البترول لمواجهة احتياجات التعلي
م في مختلف مراحله.

تعبت من اجل بلدك وشعبك وهاهي مذدهره متقدمه بكافة المجالات بجامعاتها
ومستشفياتها وكوادرها الوطنيه رحمك الله باابا فيصل اعطيتنا الكثير ونحن
واثقون ان الوفاء لك برفع اسم هذه البلد الطاهره عالياً وماانجاز الامس ببعيد
فهذا الدكتور الربيعه والكادر كامل يضيفون انجاز وفخر لما بناه الفهد من ارس
ى قواعد التعليم..

رحمك الله يافهد بن عبدالعزيز وغفر الله لك ومازالت الصفحات متعطشه لعطاءك

الصباح اجتمعوا العايله عالفطور في بيت ام سامي
ام سامي..غاده
غاده..سمي
ام سامي..مارديتي علي شقول لناس الي مكلمين
غاده..قولي لهم لا
سامي..والسبب
غاده..لانه مطلق
سامي..بس هذا مو عذر
غاده..بالنسبه لي عذر
سامي..الرجال مافيه شئ والنعم فيه
غاده..بس انا ماابي مطلق
سامي وبهدوء..وضحي لي ليه
غاده..سامي انت اخوي وعلى عيني وراسي بس ماابي مطلق
سامي وعصب..فهمت بس ليه واذا صار مطلق
غاده ..انا مو مجبره اخذ شخص عاش كل الاحساس مع غيري
سامي وعقد حواجبه ومستغرب ..صادقه..؟؟ هذا السبب الاحساس كان
فاشل بدليل انه طلقها
غاده..احساس الخطبه والشبكه والملكه حتى يوم الزواج كلها عاشها بعدين
ماابي اتزوج شخص ممكن بيوم من الايام يقارني بزوجته السابقه مااقدر
ارجوك سامي
سامي..احترم وجهة نظرك لو مااقتنعت فيها بس الرجال كفوا لكن انتي حره بقرارك
غاده تبتسم له..صدقني لو الله كاتبه لي بتزوجه غصب عني
ديما..بالله احد يتناقش بهالموضوع الصبح
سامي..هذا مشكلتنا عندنا الصبح يعني معصبين وساكتين عادي الصبح حلو
ولازم نتعود نحبه حتى نبدأ يومنا مشرقين
ديما..مشكلتك يااخوي انك مختلف عنا لكذا بتتعب اذا تزوجت او زوجتك بتتعب
سامي..هههههههههههه
ام سامي..اسكتي عن اخوك ديما..وانا شقلت جالسه احاول احب الصبح واسولف
سامي..حلو محاوله جيده
غاده..يالله قوموا بس خلونا نشوف حالنا
سامي..يالله

18-08-11, 05:06 AM

المشاركة رقم: 20

المعلومات
الكاتب:	احاسيس منسيه
اللقب:	عضو راقي

البيانات
التسجيل:	Feb 2011
العضوية:	215609
المشاركات:	7,385
الجنس	أنثى
معدل التقييم:
نقاط التقييم:	1978

االدولة

مدونتي

الإتصالات
الحالة:
وسائل الإتصال:

كاتب الموضوع : احاسيس منسيه المنتدى : القصص المكتمله

الجزء الثامن ......

ظلت غاليه تفكر تنزل تحت معهم او تجلس بغرفتها ترددت كثير وبالاخير
قررت تنزل الساعه 11 ولاحصلت غير ام فارس الي سلمت وجلست معها

ام فارس..مشاء الله تصحين بدري يابنتي
غاليه بحزن..تعودت عشان ابوي الله يرحمه
ام فارس ..امين
غاليه..اجل ريم نايمه
ام فارس..ايه ماتصحى الا الظهر ونوير بعد ماراحت للجامعه اليوم
غاليه..عسى مافيها شئ
ام فارس..دلع مافيه الا العافيه
رن التيلفون وردت ام فارس
ام فارس..ياحيا الله ام محمد هلا ومسهلا
ام محمد..شلونكم وشلون العيال
ام فارس..الحمد لله وانتم وشلون اخوي
ام محمد بخير ونعمه الا قال لكم فارس انهم بيطلعون للبر الاربعاء
ام فارس..لاوالله من بيطلع
ام محمد..هههههه البنات متفقين واشغلوا ابوهم ووافق وكلم فارس والعيال وقالهم
ام فارس..مادام اخوي بيروح مايخالف
ام محمد..خلاص اجل انا بروح العصر لام بدر بتروحين معي
ام فارس..ابشوف اذا حصل لي جيت لكم هناك
ام محمد..على خير فمان الله
ام فارس..مع السلام سلمي على اخوي والعيال

سكرت ام فارس والتفت على غاليه..وراء ماتروحين تفطرين يابنتي
غاليه..لابنتظر ريم
ام فارس..براحتك اجل بس انتي ببيتك ولاتستحين
غاليه..تسلمين ياخالتي
ام فارس..هذي مرت اخوي الغالي تقول بيطلعون للبر بكرا
غاليه..ماعندك الا اخو واحد ياخالتي
ام فارس مبسوطه ..ايه واحد وثلاث خوات
غاليه..الله يخليكم لبعض
طلعت غاليه لغرفتها تصلي الظهر وبهالوقت نزلت ونوره وريم الي سلموا
على امهم وعلى طول سألت نوره امها واربكتها
نوره..يمه ليه غاليه ماتتغطى عن فارس
ريم..وامي شدراها
نوره..يمه هي كانت عايشه برا السعوديه والا امها مو سعوديه غريبه صراحه
ام فارس وعصبت من لقافة بنتها ..انطمي ياكثر هذرتك اف ابقول لك وان سمعت
ان احد داري والله ان يقص راسكم فارس تسمعون
ريم ونوره بحماس..قولي
ام فارس بصوت واطي..فارس مالك عليها قبل مايموت عمكم
ريم ونور بصدمه..وششششششششششششششو
ام فارس..حسبي الله عليك فضحتوني انطموا واسكتوا ولاتسألون عن شئ
لاني ماعندي اصلاً شئ اقوله
ريم ..يمه نبي نفهم متى ملك وليه وغريبه اصلاً فارس يتزوج
ام فارس..اقول لفارس يعلمك اذا جاء وشوفي عاد شلون بيعلمك
نوره..هههههههههه لا خلاص بس كانه فلم هندي
ضربتها امها بعلبة المناديل ودخل فارس وسلم وجلس وسكتوا البنات

فارس..الله يعافيك يمه جايع هاتوا لي شئ اكله لاني برجع لشغل
ام فارس..ان شاء الله بس ترى قلت لخواتك انك مالك على بنت عمك
فارس وعصب ..هونت ماابي شئ
طلع غرفته وهو معصب
ريم..ليه يمه
ام فارس..لازم يدري قومي جيبي له شئ ياكله
نوره..خلاص مابياكل
غاليه..السلام عليكم
نوره وهي مبتسمه ..صباح الخير تونا
غاليه..صباح النور
ام فارس وهي قايمه..قايمه قبلك البنيه الله يخلف عليك ريم جهزي اكل لاخوك
يالله بروح له
نوره..يمه خليه مالنا خلق يعصب تونا صاحين ومروقين وينكد علينا
ام فارس..انطمي انتي ياخلف قلبي يقول جايع وهذي تقول خليه والله مابقلبك
محنيه على اخوك
ريم..هههههههههههههه تستاهلين
نوره..ههههههههه يمه هو ولدك مو ولدي

طلعت ام فارس لولده لانها عرفت ان نوره مابتسكت وحصلت متمدد عالكنبه
وتعدل اول مادخلت
ام فارس وتجلس عالارض مثل ماهي متعوده وينزل فارس يجلس معها
ام فارس بحنيه ..الحين انت لو سألتك اختك ليه غاليه ماتغطى عنك وش بتقول لها
فارس..أي شئ
ام فارس..مافيه شئ اسمه أي شئ احنا بالسعوديه بالرياض تحديدأ الي يخالف
الدين والعادات ينقدون عليه الناس ولاانا ماابي خواتك اول من ينقد على بنت
عمك ياولدي الكلام الناس مايرحم خصوصاً عالبنت
فارس وكأنه اقتنع ..المهم لايطلع الكلام لبرا ماابي احد يعرف
ام فارس..قم امسكني خلني انزل تعبتني يالله اكلك جاهز
فارس ويبتسم لامه ويساعدها ونزلوا تحت وحصلوا البنات يتفرجون على مسلسل
فارس وعادي الموضوع ..نوره حطي عالعربيه
نوره ..فارس بتابع المسلسل خلاص الاسهم تقفلت
فارس رحم شكلها ..طيب
ريم حبت تستغل وجوده وتسولف معه لانه قليل مايجلس معهم ..فارس بتطلع
معنا للبر
فارس وهو يأكل..اذا ودك
نوره..افا اكيد ودنا الا يمه شوفي هالبنت شرايك فيها
ام فارس وتناظرها..وشفيها زوينه ماعليها
نوره تناظر امها ..هذي زوينه اجل من الزينه
ريم.احم
ام فارس..والله انك ازين منها ياريم
قامت ريم وخمت امها ..الله يرفع معنوياتك
نوره..يمه الحين ريم ازين منها اجل انا وشو
ريم..هههههههه نوره خلاص تقبلي الواقع انا احلى منك
نوره وتلتفت على غاليه..بالله من احلى انا والا هي
غاليه تبتسم..كل وحده لها حلاها
نوره..رد دبلوماسي وتأشر على فارس الي يأكل وساكت فارس انت شرايك
انا والا هي احلى
فارس..المشكله انكم قارنتوا نفسكم بوحده ماهي حلوه شهقت نوره..الحين
هذي مو حلوه
فارس..ايه مو حلوه
ريم.. الظاهر هالبنيه امها مادعت لها اليوم المهم طيب من احلى انا والا هي
فارس يبتسم..ولاوحده
انصدمت ريم ونوره وكمل فارس..لو بقول كلكم حلوات بتقولون رد دبلوماسي
مثل ماقلتي لغاليه فقلت اقول كلكم شيون احسن شئ
فارس وهو واقف..الا صح سمعت انه صاير شئ بالاستراحه كهرب وحركات ثانيه
نوره خافت..هم اول من بدى
فارس..طيب بس هذا كهرب لاتلعبون فيه
نوره..ان شاء الله بس هههههههههههههههههه
والله اشكالهم تضحك
فارس هز راسه وقال..الله يهديك وطلع

لما طلع نوره بصوت واطي..ويهديك
ام فارس ..يالله ماتستحين وش انتي بسويه عيب انتي بنت وهم عيال انتي
متى بتعقلين والله يوم قالت الجوهره عند اخوي اني استحيت فشلتيني متى بتعقلين
نوره..وعيال اخوك راكنوه وبنيدر ليه مايستحون
ام فارس..حتى عيب انتي بنت
ريم..خلاص يمه مابنسوي شئ ثاني
نوره..تكلمي عن نفسك انا بدافع عن نفسي
غاليه استغربت ..ليه شصاير
نوره والتفتت تحكي لها على الي صار

غاليه..خالتك ام بدر كم عمرها
نوره ..ماادري بس ماهي كبيره هههههههههه مثل مدرسات العربي والدين
بمدارسنا
ريم انصدمت ..وش هالتشبيه عليك مدرسات الدين والعربي
نوره وتضحك ..ابي اوصل لها معلومه ان خالتي انسانه واعيه بس ماهي
صغيرها وبعد ماهي عجوز بس بالاربعينات عمرها يمكن اربعين
غاليه..شكله حبوبه
ريم..مرررررره خالتي الجوهره عسل
نوره..أي احد عنده مصيبه يكلم خالتي الجوهره
غاليه..حلو ان عندك احد كبير يفهمكم
نوره بصوت واطي..غاليه ترى عرفنا انك مملكه على فارس
سكتت غاليه وريم ضربت نوره..طنشيها غاليه
غاليه تبتسم..لا عادي انا اصلا ابي اكون عادي معكم يعني مثل خواتي
ريم..ايوه حلو الكلام
ام فارس..نوير قومي اتصلي على احمد شوفي وينه
نوره. وعصبت ..يمه احمد بيعصب
يدخل فارس ..وليه يعصب
نوره..امي تقول اتصلي شوفي وينه وهو بيقول ليه تتصلين
فارس ..يمه شتبين فيه
ام فارس ..خله يجي يتغداء
فاري يبتسم لامه..يمه دوامه بعيد عن البيت وصعبه يجي كل يوم وقت الغداء
ام فارس..وراء مايدام قريب
نوره..ان شاء الله بيفتحون فرع للاتصالات عندنا
فارس والتفت لنوره بسرعه وبصوت حاد..نوير كلمي امك زين
نوره..امزح
فارس..مو بكل شئ المزح فرقي بين المزح والجد واوقاته
نوره..طيب اسفه
فارس..ريم وين الكتب الي اخذتيها من المكتبه
ريم وعرفت ان اخوها عصب ..عند هند بنت خالي
فارس..طيب انا محتاج كتاب مااعرف من الي ماخذه عن الاسهم شوفي اذا هو
غاليه تقاطعه ..موجود بالغرفه الي انا فيها كتاب عن الاسهم
فارس وكأنه تذكر....ايه صح طيب عطيه احد الخدامات تحطه بمكتبي
غاليه..طيب
ام فارس..انت وين بتروح الحين وراء ماتجلس وترتاح اعنبو كل هذا شغل
خاف على نفسك
فارسس..هذا نظامي من سنين يمه تعودت عليه
ريم..الا بسألك فارس بكرا متى بنطلع
فارس..للاسف الصبح
نوره وتضحك..وليه للاسف
فارس..لاني بضطر ااجل شغلي بس عشان خالي كل شئ يهون المهم يالله فمان
الله تأخرت
ام فارس..الله يحفظك

في بيت ابو محمد كانوا مجتمعين
ام محمد..هند الرجال مايعيبه شئ
هند بدلع..بس ماابيه
محمد..ههههههههه يبه مابتقدرين عليها وبصراحه انا معها خلوها تخلص
دراسه بعدين يصير خير
ابو محمد..عبدالله متى بيرجع
محمد..بعد اسبوع
بندر..مها كيف الجامعه
مها..وش هالسؤال مو بالعاده تسأل عني
بندرويبتسم ..سؤال برئ
مها..تمام
بندر..محمد وين بنسافر هالسنه
محمد..مالي شغل بأحد انا مابسافر
بندر..هالسنه بتخرج انا وهند مالنا هديه
ابو محمد..هند لها اما انت لا المفروض العام متخرج
بندر ويضح..والله يبه ماتسوى هالسنه الي طنشتها كنت تعبان
ام محمد..ماكان فيك الا العافيه دلع
بندر..اذا انا دلع هند وش تصير
ابو محمد..ماعليك من بناتي
بندر..وانت ليه ساكت
محمد..يااخي ابو يدلع بناته انت وش مشكلتك
بندر..انقهر منهم
محمد..هههههههه انا بالعكس افرح لهم
ام محمد..ياجعلي افرح فيك والله انك طيب
قام بندر..مع السلامه بروح اشوف لي احد يحن علي
ام محمد..مااحد بيصبر عليك
بندر بزعل..افا يمه لها الدرجه ماتحبوني
ام محمد وتبتسم ..تعال عندي اشوف
ضحك بندر وراح لامه وحضنها وانتهت السهره حلوه بينهم

في بيت ام سامي كانت جود مع امها واحمد وسامي

احمد..يالله خالتي توصين على شئ
ام سامي..اجلس تعشى معنا
احمد..لا والله اسمحي لي ماتغديت بالبيت وبتزعل الوالده
ام سامي ..كله الا زعلها الله يخليها لكم ويرحم والدينا عن النار
احمد ..امين يالله مع السلامه
جود..احمد سلم على خالتي بس
احمد..هههههههه ان شاء الله
سامي يطلع معه..يااخي انا شاك بالموضوع بس مو متأكد
احمد..مايسويها عبدالله انت فاهم غلط
سامي ..انا بصراحه بكلم بدر هو الوحيد الي فاهمه
احمد..بكرا نكلمه ونفهم الموضوع يالله فمان الله

رجع احمد بيتهم ودخل بعد ماتنحنح ..تغطت غاليه
احمد..السلام عليكم وراح حب راس امه
ام فارس..وينك يمه
احمد..كنت بالشغل وطلعت مريت على سامي شوي وجيت
ام فارس..الله يوفقك
احمد..كيفكم يابنات
ريم..تمام
احمد تردد انه يسأل غاليه لكنه سألها..شلونك يابنت العم
غاليه تمام
دخل فارس بوقت كان التيلفون يرن ورد
فارس..نعم
.....السلام عليكم
فارس..وعليكم السلام
....احمد
فارس..لا فارس
.....هلا والله شلونك
فارس..الحمد لله من معي
.....انا هند بنت خالك
فارس..هلا والله كيف الحال شخباركم وكيف خالي
هند..الحمد لله ريم فيه
فارس..دقيقه
فارس..ريم هند تبيك
احمد يقول بخاطره خساره ليتني رديت عليها
فارس..حيا الله احمد وينك ماشفناك
احمد..والله مشغول
فارس ويشيل شماغه ويجلس جنب امه ..كيف الشغل
احمد..ماعليه انت كيف امورك
فارس ويتنهد..الله يبعين
احمد..فهد وينه من زمان ماجاء هنا
فارس..فيه شوية مشاكل بالشغل ومشغول فيها
احمد..الله يعين متى الطلعه بكرا
فارس..الصبح
ام فارس..متى بيقومون هالبنات
فارس..الصبح طبعاً
نوره..طيب مايمدينا ننام
فارس..نامي بدري ويمديك تنامين
نوره..مايجيني النوم توجعني جنوبي من كثر مااتقلب
ام فارس..من نوم النهار اعنبوا تنامين كن لك دهر مانمتي الناس ينامون ساعه
يريحون وانتي اربع وخمس ساعات
احمد ويضحك ..صادقه امي
نوره وزعلت ..الحين ريم ماتنام الا الصبح وغاليه والتفت لها انتي متى تنامين
ام فارس..غاليه وش حليلها قايمه من الصبح اليوم انتي واختك العلل
ريم وهي تضحك..يمه وشفيك تحشين فيني
ام فارس..بعذري تجننوني لين تقومون
ريم..ولايهمكم بصحى بدري
احمد..نوير انا مابروح الا المغرب خلاص روحي معي
نوره..لامايصلح لازم نهار
احمد..ليه
نوره..عشان كل شئ
فارس..نوير ماابي حركات مالها داعي
نوره..مابسوي شئ بس النهار حلو نشوف بالليل نخاف
احمد..هههههههه وش تخافين منه
نوره..عندك بنات خاله كل وحده مسويه نفسها رقيقه وطول الوقت تناظر
الارض تخاف تجيها حشره يعيشونك برعب والله اصير كني خبله بس انظر الارض
احمد..هههههههههه خذي معك كيس زباله واجلسي داخلها واربطيها
نوره..هههههههههههههههه فكره والله
ريم ورجعت..مبسوطين اليوم شطاري
ام فارس..الله يديمها عليكم ياعيالي
دق جوال فارس وتنهد
فارس..نعم
فهد..هههههههههههههه وشفيك
فارس..مليت منك يااخوي ابي ارتاح
فهد..افا
فارس..اخلص وش تبي
فهد..ابو ثامر
فارس وتغير وجهه..وشفيه
فهد..مافيه الا العافيه كنت عنده من ساعه ويسلم عليك ويقول مره اذا تقدر
هاليومين
فارس..فهد اذا فيه شئ اروح له الحين
فهد..ياابن الحلال مافيه شئ ضروري انت شفيك كذا يااخوي
فالرس..طيب وش تبي بعد
فهد..ههههههه خلاص بسكر لاني انا تعبان اكثر منك
فارس..اوكي بكرا اشوفك يالله فمان الله
فهد..مع السلامه

ام فارس..وش فيكم
فارس..سلامتك يالغليه موضوع بالشغل
احمد..بطلع اتحمم وابدل واذا جهز عشاكم اتصلوا علي
طلع احمد والتفت فارس على غاليه بسؤال غريب..غاليه انتي ماتدرسين
غاليه بتوتر من كلام فارس معها ..لا
فارس..يعني متخرجه
غاليه..درست اولى جامعه وقفت لما تعب ابوي
فارس وشبه متأكد..وبتكملين
غاليه ..لا
فارس وعقد حواجبه..ليه
غاليه..مااحب الدراسه
فارس..بس الشهاده حمايه لك
غاليه باابتسامة سخريه..حمايه شهادتي مابترد شئ ولابتعطينا شئ كل الي
بتعطيني اياه كم الف انا اشوفها ماتسوي احساس الامان الحقيقي
وصلت رسالة غاليه لفارس بسرعه بعكس خواته الي ظل كلامها غامض
ريم..بس ياغاليه تظل الشهاده حلوه
غاليه تبتسم لها..يمكن لكن لي مااعتقد انا افضل اني اقرا كتاب احبه ولاكتاب
تخصص ممل
فارس..طيب عندك المكتبه اقري اذا تحبين
نوره..لا فارس حرام الكتب الي عندك بتخليها مثل ريم بس تكتبنوره.
.لا فارس حرام الكتب الي عندك بتخليها مثل ريم بس تكتب
فارس ويبتسم..صح كيف كيف امورك ياريم
ريم ترد الابتسامه ..كله اوكي
فارس ووقف ..يالله عن اذنكم

ام فارس ..والعشاء
فارس ..بروح اخذ لي دش واذا جهز عشاكم تعالي ريم واذا حصلتيني صاحي
اوكي واذا نايم لاتصحوني
ام فارس..بتنام جايع
فارس..بكرا قريب اذا صحيت اكلت
نوره..واكل اليوم يااخي عيش يومك ووسع صدرك
فارس وهو طالع..عاد الاكل هوايتك لا ماابي اذا نايم لاتصحوني
ام فارس..ذبحت عمرك ياوليدي بالشغل
نوره وهي تضحك..هذا نموذج حياتك معه ياغاليه
اتفاجئة غاليه من كلام نوه وقالت بخاطرها زواج مسكينه يانوره ماتدرين عن شئ
ام فارس وقامت لبنتها..هالي بذبحها الحين
نوره وهي تضحك..عادي مه اسولف معها عن حياتها المستقبليه
ام فارس..ياجعل حياتك عدوك المستقبليه لهيب تأكله
نوره..هههههههههههه مسكين عدوي
ضحكت ام فارس والبنات على خبال هالبنت
ــــــــــــــــــــــــــــــــــــــــــــــــــــــــــــ ـــــــــــــ

الجزء التاسع ..

قبل ماتنام قررت تكتب مشاعر وفتحت ملفها وبدت تكتب

((مشاعر قلم من احساس قلب ))

لااعلم لماذا احسست انك تستحق اكثر بكثير مما كتب عنك ..ومما اكثب عنك ..
عندما رحلت بكينا كثيراً وايضا هناك من حاول اخفاء دمعه لانه تعلم منك
انت كيف يكون قوياً عند المصائب ..
عندما افكر بما يقارب الربع قرن ابتسم لانني عشت هذه الفتره وهي عهد
الازدهار والحضاره والتقدم والعطاء ..
ايها القائد الأب سمعت كل البرامج التي تحدثت عنك
سمعتها بقلب الابنه الفخوره بقائد بلادها ..
مررت بكل الفضائيات لاحاول ان اروي عطشي لمعرفة انجازاتك وعطاءتك
لأحاول ان انقش هذا الابداع بداخلي حتى اتذكر ان هناك رجل اعطى
واعطى واعطى الكثير نعم انك رجل مختلف وقائد مختلف ..
فهد بن عبدالعزيز آل سعود انت لم تكن رجل عادي او قائد عادي بل كنت قائد فذ
وحكيم ومبدع ..
عندما انتقلت الى رحمة الله تذكرت وقتها حملات التبرع الذي امرت بها..
تذكرت حالات الرياض وجده والطائف وكل مدن المملكه.. تذكرت انك رجل مسلم
محب لاخيه المسلم في أي مكان فهد بن عبدالعزيز اسأل الله العظيم ان يجعل لك مثل جزاء كل متبرع بكل حملات التبرع التي امرت بها وكنت اول المتبرعين بها ..
رحمك الله واسكنك فسيح جناته ..
رسمت وابدعت نعم رسمت لنا ولدولتك وبلدك لوحة العطاء نعم تعودنا ان
يقترن اسمنا بالعطاء والكريم فهد بن عبدالعزيز ال سعود انت رجل لاينسى
ولن ينساه التاريخ ولاقلوب احبته واعتزت وافتخرت به رحمك الله ياشيخنا وقائدنا ..

قفلت الملف بعد ماكتبت جزء من احساسها ومشاعرها ..وظلت تتأمل
هالملف الاخضر هالملف الي اختارت لونه مثل لون العلم الأخضر الي يحمل اطهر
كلمه بالوجود ..تذكرت ان الكلمات مهما زادت ومهما ترابطت بتظل حبر على
ورق ماراح يكون له أي قيمه الا اذا انكتبت بااحساس صادق وهذا اسلوبها
بكل كتاباتها ابتسمت لنفسها دلالة رضى على الي تكتبه واخذت دفتر ثاني
يحمل مقالات لها كانت لها عناوين مختلفها ( الفراغ العاطفي سبب وعلاج)
( الحوار لغه لابد ان تطبق بمدارسنا) ( التداول اصبح داء العصر الجديد)
( الخوف من الفشل اصبح بوقتنا فشل اقوى) ( الابتسامه جمال وحزن عميق )
ابتسمت ريم وحست انها لازم ترجع للمقالات لانها ابتعدت فتره عنها وقررت
تكتب مقال جديد بعنوان ( غداً سيكون اجمل ) ماتعرف منين خطر لها العنوان
لكن هو احساس وريم تعودت تكتب احساسها دائما ..

جاء الصبح بسرعه وخصوصاً على نوره الي كانت جالسه بالصاله ومغطيه
ووجهها بطرحتها

غاليه بهدوء..نوره اصحي يالله طلعوا
نوره ..اف يالله ماابي اروح
غاليه..ههههههه الحين تطلعين بالجو الحلو وتنسين النوم
نوره..وين ريم
غاليه ..برا مع خالتي وفارس
نوره..يالله مشينا
طلعت نوره وحصلتهم خلاص جاهزين
ام فارس..يالله تأخرنا
ركبوا البنات مع فارس واتجهوا لبيت خالهم ابو محمد نوره رجعت تكمل
نومها اما ريم كانت سرحانه بعنوان مقالاتها الجديد ابتسمت للعنوان وتمنت
من الله انه يجعل ايامها كلها احلى واحللا اما غاليه فكانت تعاني تتعذب تقاوم
صرخات داخلها ام فارس طيبه بس عمرها مابتقدر ترتمي بحضنها وتحسها
مثل امها غاليه صعب تعطي نفسها مساحه من الحب مع ام فارس لانها تخجل
منها اما نوره وريم كونت صداقه جميله معهم لكن مازالت تحس انها ضيفه
عندهم واحيانا توهم نفسها انها بترجع لبيتهم اما احمد فهو فعلا تحسه ولد
عم لها سلامه وحضوره القليل معهم حسسها ان احمد انسان طيب اما فارس
فكان مثل الورقه البيضاء الي كل مارسمت له صوره شوهت هالبيضاء ورجعت
ترسم له صوره جديده تعددت صور غاليه وظل البياض هو الشئ الوحيد الي يشبه
فارس فيه الهدوء وفيه التوازن وفيه الامل تحاول تشوهه بألم لكن تفشل ماتعرف
احساس متناقض تجاهه ساعه تكرهه وساعه تتمنى تعيش بسلام معه لكن رغم كل
شئ ظلت ذكرى الزواج وكيفيته تحاول تشوه صوره حلوه ترسمها افعال فارس مو
خيال غاليه ظلت تفكر لحد ماوصلول لبيت الخال الي حصلوهم جاهزين وطلعوا مع
بعض الى البر ..

في بيت ام بدر كانت ساره معصبه على راكان
ساره وهي معصبه ..حرام عليك يااخي طفشتني
راكان باابتسامه..يالله بس تأخرنا اعنبو ماعمري شفتك صاحيه وانتي مبتسمه
طلعت ساره وهي معصبه وركبت سيارة بدر
بدر والتفت لها ..غريبه ماركبتي مع راكان
ساره..ماابي رفع ضغطي كل شوي كاب بوجهي مويه يقول ابتسمي احد يبتسم
وهو توه صاحي اف
ام بدر..ههههه حرام مايهون علي يسوق لحاله تروحين والاااروح
ساره..لاروحي انا بركب قدام مع بدر من زمان ماشخصت مع هالحلو
بدر..احم
ساره..لاتصدق بس العب عليك
نزلت ام بدر وراحت مع راكان بعد ماوصت بدر انه مايسرع

وصلت العايله للبر وجلسوا الرجال بجهه والحريم بجهه لكن قريبين مع بعض
وكان جو حلو يجمعهم جو المحبه والتواصل الي يميزهم كثير..

ابو محمد ..فهد وشلون الشغل
فهد باابتسامه..تمام التمام
ابو محمد..الله يعطيكم العافيه ويقويكم
فهد..تسلم ياخال انت شخبارك
ابو محمد..الحمد لله
سامي..خالي ماحنيت لشغل ماودك تشتغل
ابو محمد..لاياولدي خلاص ماعاد نقدر على شد الاعصاب
فارس..افا ياخالي كبرت
ابومحمد..ههههههه ايه كبرت
فهد..خالي عبدالله متى بيرجع
ابو محمد..بنهاية الاسبوع
وصلت عندهم ام بدر وجلست معهم ..

ام بدر ..كيف الجو معكم
ابو محمد..حلو وين الباقي تعالوا معنا مافيه احد غريب كلهم عيالكم
ام بدر..لايااخوي تعرف البنات يستحون
بدر..يمه راكان وينه
ام بدر..راح هو وبندر ماادري وش عندهم
فهد باابتسامه ..ياخاله كيف الاسهم
ام بدرتناظره بطرف عينها ..تسألني انا ..انا من صغار المساهمين اسأل نفسك
وولد خالتك
فارس..ههههههه لاياخاله انتي مشاء الله مو من صغار المساهمين عندك خبره
ولك اسهم حلوه
ام بدر..ههههههه الشكوى لله ذبحتنا هالاسهم
فهد ويضحك..عادي خالتي بيرتفع السوق
ابو محمد..مساكين هالعالم فرحت بهالاسهم وطاحت وضيقة صدورهم
فارس..الاسهم ماهي لعبه الكل يدخلها تحتاج خبره ودراسه مو ربح سريع
يجازفون بفلوسهم الي باع سيارته والي بيته هذا تهور
بدر..والحظ يافارس ماله دور بهالموضوع
فارس وبجد ..كلمه الحظ عند البعض مثل الشماعه يعلقون عليها فشلهم انا
هذا رائي
سامي..بس تتوقع الفشل خطأ يافارس
فارس..لاطبعاً بس تكرار الفشل هوو الخطأ وخاصة اذا كان بنفسس الاسلوب
والطريقه
ابو محمد..بس ياولدي التكرار والخطأ يوصل لصح والي مايخطي مليتعلم
ام بدر..صح كلام اخوي
فارس يبتسم لخاله وخالته ..صح ياخالي

ابو محمد ويلتفت له ..شلون بنت منصور يافارس
فارس مستغرب..بنت عمي
ابو محمد ..ايه عساها مرتاحه ولاقاصرها شئ
فارس..لاياخالي تطمن
ابو محمد..تراها يتيمه ياابوي
ام بدروبصوت واطي ..تكسر الخاطر المسيكينه لاابو ولام ولااخوان
فارس..لا ان شاء الله مابيقصرها شئ احنا اهلها
ام بدر..مايحتاج نوصيك نعرفك راعي سنع
فهد..عطونا من هالمدح
ام بدر..ههههههههه مايحتاج نمدحك انت اذا قلنا اسمك هذا مدحه لانه
مايحتاج نزيد عليه
قام فهد وحب راس خالته..قولي اميين الله يفرحك فيه ويأشر على بدر
ام بدر...وفيك والا ماودك
فهد باابتسامه..على يدك
ام بدر..الله يوفقك اذا تبي تعرس الله يطول بعمر امك مابتقصر المهم يالله
بروح اشوف البنات توصي شئ اخوي تبي شئ نسويه
ابو محمد..تسلمين بس محمد وين راح
فهد..يكلم بسيارته
سامي ..بروح اشوفه

وصل عنده بسيارته وحصله سرحان
سامي..وشفيك
محمد بملل..ولاشي
سامي..عبدالله كلمك
محمد ويتنهد..كلمني
سامي وتأكد شكه ..وشفيه
محمد..ماادري ماني مرتاح
سامي وبعد صمت قليل ..بقول لك لاني كذا مو مرتاح
محمد وخاف..فيه شئ
سامي..اسمعني من اسبوعين شاف واحد من الشباب عبدالله مع واحد
مدمن مخدرات المهم يقول طنشت قلت اكيد فيه شئ بس الغريب انه شافه معه ثلاث ايام متواصله يسهر معه ويقول سمع ان له علاقه معه وبعدها بيومين مسكوا هالشاب وتحول للعلاج
محمد مصدوم..وش قصدك
سامي..انا احترت وخفت اكثر لما عرفت انه سافر كنت ناوي اكلم بدر
بس تردت وقلت لاحمد وكنا ناوين اليوم نقول البدر
محمد مازال مصدوم..لامستحيل عبدالله مدمن
سامي..لتفاول ان شاء الله مافيه شئ
وصل فهد..وش عندكم وش فيك محمد
محمد نزل راسه وسكت .....
سامي..قال السالفه لفهد وووصل فارس وعرف الموضوع
فارس..فهد انت ضابط اعرف اذا عبدالله له علاقه
فهد..اوكي تطمن محمد انا بتصل واطمنكم بس نبي عالاقل ساعه حتى نعرف
فارس..محمد مابيصير الا الخير لايحس خالي اهم شئ ماله داعي نقلقه لحد مانتأكد
محمد يتنهد..والله مو ناقص انا
فارس..ليه شفيك
محمد..ولاشي
سامي ..خلاص شرايكم نسأل بدر
وفعلاً سالوه واكد لهم انه مايعرف شئ وان عبدالله له فتره يتهرب منه ويبتعد
عنه وساعه مرت كأنها سنه عليهم لانهم كانوا مشغولين بالتفكير ودق جوال فهد
وقام بعيد عنه وتبعه فارس وظل محمد على اعصابه لكن ماقدر وتبعهم
فارس باابتسامه..تطمن
محمد..خلاص مااقدر قولوا لي
فهد..هذا تربية ابو محمد لاعبدالله هو الي مبلغ عنه التفاصيل مااعرفها
محمد وبصوت عالي سمعه الكل..يووووووووه اخيراً تلفت اعصابي بهالساعه
ابو محمد بصوتعالي لفت انتباه الكل حتى الحريم ..محمد شفيك
رجع فهد وحب راس خاله ..ربية رجال ياخالي
الكل تحمس من الرجال والحريم بيسمعون وش يقول فهد
ابو محمد..شصاير انا عارف ان محمد فيه شئ من جينا
فهد..كان خايف على عبدالله لانه سمع انه يماشي هاليومين مدمن مخدرات
وقبضوا عليه
ام محمد بخوف قامت ..وين ولدي بسم الله عليه
فهد..تطمني ياخاله عبدالله بدبي وهو الي مبلغ على المدمن واكيد انه متأثر
وحب يسافر يغير جو
ام محمد..يمه ولدي لايسوي فيه شئ
ابو محمد..مابيصير الا الخير المهم اتصلوا عليه وطمنوني

وفعلاً اتصلوا على عبدالله ورد على اساس انه محمد اخوه

عبدالله..نعم
ابو محمد..السلام عليكم
عبدالله بفرح..هلا والله بالغالي
ابو محمد..لو غالي كلمتني
عبدالله..حقك علي يبه بس كنت
ابو محمد..كنت وشو ياعبدلله
عبدالله من نبرة صوت ابوه حس انه عارف..ولاشي يبه
ابومحمد..والمدمن الي تمشي معه
عبدالله ..توقعتك تعرف بس من قال لكم
ابو محمد..ياولدي مافيه شئ يتغبى بهالبلد
عبدالله..يبه حاولت بس ماقدرت لازم ابلغ عنه
ابومحمد..كان نصحته يعالج مو تبلغ عنه
عبدالله يتنهد..يبه الي شفته طير عقلي يبه يساوم على اخته اليتيمه عشان كم
ريال يشتري السم فقد عقله
ابو محمد..افا ياذا العلم اجل حقه وماجاه
عبدالله..ماتمنيت اسوي كذا بس لازم لمصلحته وعشان امه واخته
ابو محمد شك..وانت وين تعرف امه واخته
عبدالله ..سالفه طويله بقولها اذا رجعت ان شاء الله المهم توصلي على شئ من دبي
ابومحمد..نبي بنيه مزيونه نخطبها لاخوك
محمد ويضحك..بتخطبها لي وعبدالله يختارها انا اروح يبه واختار
فهد ويلتفت لمحمد ..ليه بناتنا وش فيهم
محمد بقصد..مايبونا
فارس..ومن قال كل بنات الرياض يتمنونك
سامي..اعترف محمد فيه احد
ابو محمد..يسلم عليكم عبدالله
الكل..الله يسلمك
ابو محمد..ام فهد تعالي
وصلت ام فهد..سم يااخوي
ابو محمد..ارتاحي
جلست ام فهد وتوتر محمد خاف ابوه يقول شئ
ابو محمد..انتي مابتزوجين عيالك
ام فهد استغربت..هذا فهد عندك عجزت عنه والبنات ماجاء نصيبهم
عند البنات دانا تساسر نوره..وش عنده خالي
نوره..جايب لكم معاريس

ابو محمد..هايافهد مابتعرس
فهد..هههههههههه بعرس والله بس خلوني افكر بالبنت اول
ام فهد التفت له..من هي بنته
فهد..لا مااقول اسم زوجتي عند الشباب عيب ههههههههههههه
فارس..الله والزوجه بعدين من الي ازعجنا من كث مايقول اسم المرأه فخر لن
ا مو عيب
فهد يلتفت له ويناظره ..فارس اول واحد بيندم على هالكلمه انت
فارس رافع حاجبه.ويضحك .وليه ان شاء الله من هالبنت الي بندم على كلمتي
عنها
فهد يضحك..بعدين بتعرف يالشايب الا خالي وش معنى انا هالشايب اكبر مني
زوجوه عالاقل يريحني منه
فارس..ههههههههههه انا شايب
بدر..بصراحه ايه يافارس مااحد بيوافق عليك كبرت
محمد..تحمد ربها الي بتأخذه
فارس..لا انا ضد وضد وضد الزواج بعدين لو بتزوج لو واسمعوني قلت لو تحمد
ربها مثل ماقال محمد
فهد..ههههههههههه الا الضعيفه امها داعيه عليها
بدر..لهالدرجه ههههههههههه حرام لاتحطمون الرجال
ابو محمد..الله يهديكم المهم نبيكم تتزوجون وتفرحونا اعنبو لابنات ولاعيال
ام فهد ..وانت يامحمد مابتتزوج
محمد باابتسامه..بتزوج ياخالتي بس انتي الي بتخطبين لي
ام فهد..الله يطول بعمر امك وابوك
محمد وبجرأه ..بس طلبي عندك
تفاجئ ابو محمد من كلام محمد بس هذا طبع محمد مايخبيالي بخاطره مع الكلام
يطلع الي بخاطره
ابتسم سامي لولد خاله الي كمل
محمد..وش قلتي ياخاله
ام فهد..عيوني لك انت ولد الغالي
محمد..بصراحه انا ابي دلال رغم اني عرفت انها ماتبي اقارب بس مازلت مصر
على طلبي

عند البنات دلال انصدمت اخر واحد توقعت يخطبها محمد ابتسموا كلهم وسكتوا
الحريم عشان يسمعون رد ام فهد

ام فهد..انا منى عيني ازوجك دلال وتعرف اني موافقه وهذا اخوها عندك
فهد..مافيه كلمه بعد كلمتك يالغاليه ومحمد ينشرى بفلوس والكلمه الاخيره لدلال
ابو محمد..اجل شاورو البنت وخذوا وقتكم وردوا علينا واحنا اهل ياام فهد بزواج
وبدونه
محمد..صح سواء تم او ماتم بتظلين خالتي وبحسبة امي
ام فهد..الله يكتب لك ولها الي فيه الخير اذا فيه خير يكتبه واذا مافيه خير يمنعه
من عنده وهو السميع العليم

راحت ام فهد للبنات وضحكت لبنتها الي مااحد كلمها حتى مايحرجونها وقفلوا
عالموضوع بس ظل ببال دلال
دلال..ريمووه ولد خالك مالقى يخطب الي اليوم احس كل الناس يناظروني
ريم..هههههههههه يتهيئ لك مااحد يناظرك
دلال ..وشرايك
ريم..ليه قالوا لك خاطبني
دلال..وش عرفه اني ماابي اقارب
ريم...خواته
دلال..طيب شرايك اوافق او لا
ريم..انتي خبله صح فكري واستخيري وتأكدي ان عيال خالي محمد رجال
حتى بندر هالخبل
دلال..ههههههههه واله لهم فقده هو والخبل الثاني راكنوه وينهم
ريم..ماادري بتصل بااحمد اشوف وينه
دلال..ليه انتي مزعجه ماقال بيجي المغرب
ريم..يااختي اخوي واحبه
دلال وتناظر غاليه الي كانت سرحانه تفكر بكلام فارس الي كان صدمه لها
..طيب بنت عمك حلوه
ريم..هههههههههههه طيب دخلتي عرض اعرف انها حلوه
دلال..ليه ماتخطبونها لاحمد
ريم ارتبكت..وليه ماقلتي فارس
دلال..بسم الله فارس لا حرام ماتستاهل اخوك شيطاني
ريم وتضربها..والله انه طيب
دلال..ماسمعتيه يقول انه ضد الزواج
ريم..حتى لو قال اخوي وماارضى عليه
دلال وقامت..طيب اسفين انتم وهالاخو يالله نروح عند البنات قومي

على اذان المغرب وصل راكان وبندر الي قلبوا الجلسه لضحك وسوالف
وبعدهم وصل احمد واكتملت الجمعه

احمد ..يالله عالثمامه من زمان عنها
راكان لانه مايحب البر ..وشي كلها تراب ازعجتونا فيها
بندر ويبي يقهره ...ترابهاغير وهواها غير
راكان..هههههههه وجده غير
بندر...والطايف ومكه والمدينه غير
فهد,,حير ان شاء الله جايين تعملون اعلانات سياحيه
راكان باابتسامه..تصدق فهد انا افكر اعمل اعلان
فهد ويجاري راكان..ومن الي بيخليك تعمل اعلان
راكان..ماادري مافكرت
بندر..هههههههههههه راكان حتى لو عملت مابتشتهر
راكان..يااخي ودي اصير مذيع اليوم قبل بكرا
بدر..بس اهم شئ الشماغ بالله عليك اذا صرت مذيع لاتخليه مثل الجبل على
راسك والله يقهروني مذيعينا احسه مايبي يتحرك عشان مايخرب شماغه
بندر..هههههههههه الظاهر من ضمن المنهج يدرسونه اقول راكان واذا صرت
مشهور وش بيصير
راكان..بدخل بكل الاسواق اعنبوا كل مارحت مكان قالوا عوائل زين انهم ماقالوا
البر عوائل بعد
فارس ويحب سوالف راكان..وش تبي بالسوق
راكان..بنتمشى نتفرج
فارس..كلها نسائي وش تتفرج عليه
راكان ..لاتدقق لو سمحت بروح وبس بعدين ليه مايحطون محلات رجاليه كلها
نسائي واحنا مالنا رب
فارس..ههههههههههههه ايه قل كذا من الاول
بندر بصوت عالي ..يجمع
راكان يقاطعه..اجمع مواضيع
بندر..ههههههههه صدقوك كلهم

ومع البنات كانت غاليه جالسه معها وتفكيرها رجع لوراء سنوات طويله
ماطالت الذكرى لان جوالها كان اسرع ابتسمت لرقم وردت
غاليه بخوف ..الو
المتصله..السلام عليكم
غاليه وتحس الكل يراقبها..وعليكم السلام هلا خالتي لطيفه
الخاله لطيفه..شلونك
غاليه..الحمد لله اشتقت لك
لطيفه..لو اشتقتي كان سألتي بس انتي مااهتميتي حتى ملكتي ماقلتي بعلم خالي
غاليه بحزن..كل شئ صار بسرعه
لطيفه..تزوجتي
غاليه بحزن..لا
لطيفه..وعسى ولد عمك كفوا عاد
غاليه..فيه الخير
لطيفه ماعجبها الكلام..ايه الله يوفقك متى زواجك والا مابتعلمينا
غاليه..ماادري
لطيفه..شكلك ماتبين تكلميني
غاليه..لا والله مشتاقه لك ولكل خالاتي وشلونهم
لطيفه..بخير سلطان فك خطبته بعد ماعرف انك ماتزوجتي قلنا اذا ماتبين ولد عمك
نطالب بطلاقك
غاليه بخوف..لا لا
لطيفه..كيفك بس بكرا اخاف تندمين عيال محمد موب سهلين
سكتت غاليه لانها موقادره ترد لكن الخاله سكرت بعد ماحست ان غاليه ماتقدر تتكلم
اما غاليه ظلت بحالة صمت معقوله تتطلق كلمة الطلاق كانت مثل الشراره الي
اشعلت بداخلها نار الخوف ايه ماتعرف ليه رغم احساسها بفقدان الامان لكن
مامرت هالكلمه ببالها ولاتوقعت تصير او انها تتطلق من فارس اخذتها الافكار
وراحت لبعيد تفكر ببكرا وايش ممكن يصير فيه
ــــــــــــــــــــــــــــــــــــــــــــــــــــــــــــ ــــــــــــــــ

الجزء العاشر

راكان ويفكر وفجاه التفت على فارس ..اخيراً شفتك فارس
فارس استغرب ..لهالدرجه مشتاق لي
راكان ويضحك..بصراحه ودي اعمل معك لقاء
فارس مستغرب..لقاء..؟؟
راكان ووقف ..ايه لقاء عائلي بجرب نفسي اشوف انفع مذيع او لا لقاء في
ارض الثمامه مع الدلال والقهوه صايرين مضارب الباديه
فارس ويناظره بطرف عينه ..وتجرب فيني بس يالله ماعليه تمون
راكان خلاص هدوء ياحريم خذو راحه من الحكي وخليكم مستمعات اضحكوا
الحريم على راكان وفعلاً التفتوا يسمعون لقاء راكان ومايفصلهم الا مسافه
بسيطه كان مقابل الشباب خالاتهم لانهم مايتغطون اما البنات كانوا بجهه
مايشوفونهم

راكان ويجلس جنب فارس بعد ماعدل شعره ..بسم الله الرحمن الرحيم هو خير
مانبدأ به حقلتنا اليوم من برنامجكم الاسبوعي ((العطاء)) ويسرنا ان نستضيف
الشاب فارس محمد رجل الاعمال اهلا ومرحبا فيك اخ فارس
فارس يبتسم..هلا ومرحبا
راكان ويحاول يكون جدي ..استاذ فارس بما انك رجل اعمال شاب كيف كانت
بدايتك ..؟؟
فارس ودخل جو مع راكان وبدأ يتكلم كأنه فعلا بلقاء ..بدايتي كانت صعبه فيه
نوع المعاناة
راكان بأندماج ..هل يخجلك التحدث بتفصيل عن هذه المعاناة ..؟؟
فارس بكل ثقه..لاطبعاً بالعكس اتشرف اول ماابتديت كان عمري 16 سنه كنت
ابيع خضار وفواكه مع رجال كبير اسمه العم عبدالكريم كان يساعدني ويعطيني
كل اسبوع ميه او ميه وخمسين استمريت معه ست شهور وبعدها فضلت اشتغل
في مصنع للألبان كان راتبي 500 ريال لكن الجهد الجسدي والمعنوي افضل من
بياع الخضار
راكان ويقاطعه ..عفوا ماذا تقصد بالجهد المعنوي ..؟؟
فارس بكل ثقه وهدوء يتكلم ..احساس المراهق الي اقصده انت تعرف كنت مراهق
وكان الامر صعب علي صعب تشوف الي بسنك يحاول يطلع وينبسط او حتى
يسوق سياره جديده وانت تبيع خضار وكنت كأنك مع تحدي مع مشاعر
هذا السن
راكان وبااندماج وتأييد ..طبعا ايوه واصل استاذ فارس
فارس ..استمريت تقريباً ثمان شهور كانت حصيلتها 4000 الالف ريال ظليت
افكر كيف ازيدها ورجعت للعم عبدالكريم وبما اني صغير ولااملك سياره ساعدني
وجاب لي معه البضاعه يعني تقدر تقول اعتبرني شريك معه زاد المبلغ لكن مو
لدرجة اني اصير رجل اعمال لكن كان العقار يلفت انتباهي وبديت فيه تعرضت
لانواع كثيره من الاستهتاروالاستهزاء والتصغير من طموحي لكن ظليت احاول
و اول عمليه اخذت عليها سعي كان قيمته 3000 الالف ريال وبعدها استمريت
بسنتين كان عندي مبلغ 35 الف وبديت اشغلها بااشياء كثيره لحد مادخلت الاسهم
وتوسعت بالعقار فيه خساره بس الربح كان حلو ومع التحدي والاصرار اني انتبه
ان كل خطوه اتخذه ماتخالف الشرع ولاتدخل لحسابي هلله حرام تضاعف الربح
ولله الحمد
راكان..شئ جميل انك تعتز ببداياتك
فارس بثقه وفخر ..اعتز بكل شئ جعلني ان اكون فارس اليوم
راكان..باابتسامه والاسطبل
فارس ويبتسم للموجودين الي فعلا اندمجوا نع فارس وراكان وكأنه لقاء حقيقي
..الاسطبل حلم صغير تحقق لكنه مازال بالبدايه سيظر بوقته
راكان..وطموحك لهذا الاسطبل
فارس بثقه..سيكون بأذن الله من المنافسين على الكؤؤس ولكن بالوقت المناسب
راكان..وهل سيكون اسمه بااسمك ام لون مثل الازرق والابيض كما هو
حال الاسطبلات بالمملكه
فارس. رغم اعتزازي بالاسطبل الابيض والازرق وكل اسطبلات المملكه
المشرفه داخل وخارج المملكه لكن اخترت له اسم والتفت على المجودين
.اسمه الجامح
راكان ويصفر..فاصل اعلاني راحت هيبة المذيع بس والله قوي اسمك
بندر. هههههههههههه والله لو تسوي كذا ان يشوتك المخرج المهم .يااخوي
مافيه اتصلات
فارس ويلتفت على بندر ..تتمصخر انت وياه
بندر ويناظر فارس ..والله اني صادق مع هالكشاف الي اعمى عيونا صايرين
كنكم في استديوا
راكان ويقاطعهم ..نعود لكم مع الاتصالات معنا الصحفي بندر اهلا اخوي
بندربهدوء ..مساء الخير والاحساس والطيبه
راكان ويبتسم ..خير اخوي داق على برنامج شعر
بندرويرفع حاجبه ويركز على راكان ..الشعر احساس والعطاء احساس
والاحساس بالفخر هو مانشعر به معك ومع النموذج الرائع لشاب السعودي
راكان ويصفق ..احرجتني بس لاتعيدها لاني مااحب اتفشل وانا عالهواء
تفضل بسؤالك
بندرويضحك مع الموجودين على راكان ..بما اني تكلمت عن الاحساس
اوجه سؤال للاستاذ فارس اين الاحساس بين اوراق عملك بينا مخططات العقار
واستارات الاسهم هل ستجد مكان للاحساس
فارس باابتسامه..فهمت قصدك يابنيدر بس احساسي هو عواطفي تجاه امي
واخواني واهلي احساسي تجاه ديرتي حتى تجاه شغلي
راكان ويناظر فارس ..وش الي فهمت فهمني ترى انا المذيع وشينه بحقي اكون
غبي
فهدههههههه ..بس انت وياه خلوني اسأل ماعندك نيه تعرس يالحبيب
فارس ناظر فهد بنظره مافهمها الا احمد..الزواج شئ لاوجود له بحياتي
احمد وحب يكمل على فارس ..والحب
فارس ..هههههههههههههههه حسبي الله عليكم
راكان..وش سر هالضحكه غريبه بعدين انت يافهد واحمد الناس اذا اتصلت
على برنامج تسلم مو تقول مابتعرس يالحبيب
فارس ويأشر لراكان ..اقول قم جب القهوه وخل عنك الحكي
راكان..ليه تضيع برستيجي يااخي انا مشروع مذيع الا ياخال ماعندك سؤال
تساله فارس
ابو محمد..والله ماعليك خلاف ياراكان وش زين حكيك
راكان ويصفق..احلا شهاده من احلى خال الحين لو ماانجح عادي خالي
شهد لي يالله فارس نتابع حوارنا
فارس ..هههههههههههههههههه بدر تعال خذ اخوك عني
بدر وعرف ان فارس بيقلب على راكان ..راكنوه خلاص
راكان..يمه يمه ذبحوني خلاص الا ماودك يافهد اسوي معك لقاء
فهد..لا
راكان..لا انت من ربع صرح مصدر مسؤل
فهد..ههههههههههههههه شقصدك
راكان ويبتسم لفهد ..حبايبنا اهل الداخليه شغلكم بصمت
فهد..لصالح الدوله والشعب لازم يكون بصمت
راكان..كفوا والله الله يقويكم يمه يمه ردي ترى اناديك
ام بدر تبتسم ..سم يمه
راكان..سم الله عدوك وعدوي يارب يمه نبي اكل جوعان
ام بدر ..ان شاء الله اصبر الحين بيشون وكل معهم
راكان..الله يخليك لنا يالغاليه بس بتجي السنه الجايه ماخصلوا ابي أي شئ
يصبرني
ام بدر..ان شاء الله
محمد عالجنب يكلم فهد..الا يافهد شخبار سالم
فهد بحزن..ماعليه مازال مستسلم
ابو محمد ودخل معهم بالكلام ..ليه وشفيه
فهد..صار له حادث وانشل وللاسف جلس بالبيت
ابو محمد ويلتفتت للعيال ..ليتكم ياعيالي تسمعون وتتعظون وتخفون من هالسرعه
سامي..والله معك حق ياخالي بس احيانا الواحد يحس الامر سهل
ابو محمد ..ياولدي الحياة غاليه

عند البنات كانت غاليه مبسوطه وبنفس الوقت خايفه من بعد ماسمعت هاللقاء
رغم بساطته كشف جزء كبير من شخصية فارس بياع خضار.. عقار.
. رجل اعمال ..الجامح.. ضد الزواح ..كلمات قالها فارس خلت غاليه تمنى
لو كانت مكان راكان حتى تقرأ هالانسان الغامض بوضوح فكرت كيف كان
بياع خضار ومعقوله عمي كان فقير لهالدرجه وشلون تحمل هالشئ وليه
اختار اسم الجامح والسبب الي طعنها انه ضد الزواج يعني مازال على رائيه
ان الزواج يظل بالسر احتارت توقعت انه بكذا يحاول يهينها وينتقم من ابوها
لكنها كذبت نفسها فارس تصارفاته متناقضه اول ماخطبها قال الزواج يظل
بالسر وبعد ماتوفى عرفوا خواته والحين يقول انه ضد الزواج الى متى بيظل
هالموضوه رغم كل شئ قطع عليها سرحانها ام بدر وهي لاول مره تسولف
مع ام بدروبعد السلام والرسميات بدا الكلام يكون اسهل واجمل مع ام بدر
ام بدر..بس يابنيتي استغلي وقتك وعيشه بكل لحظاته
غاليه وارتاحت لها..كيف اعيشه وانا يتيمه الحزن محتل قلبي وبدء يفقدني
حتى الاحساس بالي حولي صدقيني ياخاله انا بعد ماستوعبت ان ابوي
مات واني خلاص مابشوفه فقدت احساسي بكل شئ صرت اجلس مع البنات
وبالي مو معهم افكر بشئ اجهله ماادري وش الحل
مسكت ام بدر غاليه وقامت تمشي معها وهالشئ اسعد البنات لانهم يعرفون تأثير
ام بدر على أي احد فيهم..
رغم الظلام لكن قدر فارس يعرف خالته لانها كاشفه وعرف غاليه لانها بعد كانت
كاشفه لحظة ماقامت بعدين غطت وجهها عصب فارس بعدين توقعا حركه عفويه
مو مقصوده وقال لازم اكبر عقلي ولاامسك عليها كل شئ تعمله

ام بدر..غاليه انا اعتبر نفسي اخت لكل العيال والبنات وصدقيني من كل الي جالسين
معنا لهم سر عندي
غاليه وبشكل عفوي..حتى فارس
ام بدر باابتسامه اخجلت غاليه ..اولهم فارس ياغاليه الواحد يحتاج شخص يتكلم
معه وانا مابقول لك تكلمي بس اسمعيني انتي بنت بااول عمرك مااقول الي صار
لك شئ سهل لاوالله الفقد شئ صعب فمابالك اذا اقرب الناس لك بس هذا مايعني
اني اوقف حياتي لازم استمر هذا انا فقدت زوجي وحبيبي وانا بأول عمري كان
ممكن استسلم
لكن اصريت وعاندت لحد ماصرت مثل ماانا عليه
غاليه بحماس..بس مااحب الدراسه كيف اقدر
ام بدر..لاتكملين دراستك
غاليه بااستغراب..كيف اكمل حياتي انتي تقولين اني اعيش حياتي واثبت ذاتي
ام بدر..ابتسمي هذا كفايه بشكل مبدئي
غاليه باابتسامه..بس معقوله
ام بدر وتضحك..لان شكلك لما ابتسمتي تغير صرتي احلا غاليه الي خلقك مايضيعك
وانت عايشه معه ام فارس مو عشانها اختي لا بس ام فارس حرمه طيبه وبتعاملك
مثل بناتها
غاليه..والله ماهي مقصره معي بس احس بحزن والم وفراغ وجرح كبير
واعرف اني مابلاقي احد يداوي جرحي لان الدنيا مافيها احد فاضي يداوي
جراح الا بدافع الحب وانا غريبه بدنيا جديده
ام بدر..حاولي تقضين وقتك استفيدي اقري كتب تصفحي انترنت اكتبي اشتغلي
وتخلصي من احاسيسك السلبيه
غاليه وتتمنى ترتمي بحضن ام بدر لانها حست فبها وتحاول توجد لها حلول
..انا ابي اشتغل بس وين احصل وظايف بوقتنا ابي بس اضيع وقتي ولاافكر
ام بدر..استغلي أي شئ شوفي ريم رغم انها بالبيت بس مقضيه وقتها
غاليه استغربت..وشلون ريم دائما موجوده
ام بدر..بس تكتب حاليا كتاب مختصر مااعرف عن ايش وغير كذا لها مشاركات
ومقالات بكثير من المواقع والمجلات والصحف
غاليه..والله شئ حلو توني اعرف
ام بدر..استغلي وقتك اكتبي حتى لو ماتتقنين فن الكتابه اكتبي احساسك تجاه كل
شئ في بيت عمك اكتبي رائيك بريم ونوره وام فارس وحتى العيال حتى الغرفه
اكتبي فرغي احساسك واقري اشغلي وقتك بالقراءه سوي أي شئ شوفي انا
صح اني كبيره هههههه بس استغل بالبيت بالاسهم
غاليه وعلى طول تحمست..بالبيت بالاسهم كيف علميني
ام بدر حست بحماس غاليه..عندك فلوس غاليه واعتبري سؤالي من ام لبنتها
لاني صريحه
غاليه بفرح..عادي انا مبسوطه انك تكلميني بحريه بصراحه عندي 120 الف
هذا الي تركه لي ابوي
ام بدر ..خلاص راح تشتغلين بالاسهم وانا بكون معك لحد ماتكونين قادره على
الشغل لحالك وطبعا بنبدا بجزء من المبلغ حتى ماتخسرينه كله
غاليه بفرح ..والله تسلمين اخيرا بلاقي شئ يشغلني
ام بدر وتبتسم ويجلسون بمكان بعيد ..انتي مثل بنتي
ماحسوا بفارس الي ت قال..احم وش عندكم هنا
غاليه ارتبكت وتغطت لانها خافت ان ام بدر تستغرب لكن فارس ابتسم لخالته.
.افتشي ياغاليه ام بدر مايتغبى عليها شئ
استحت غاليه وفتشت بس ام بدر تداركت الموقف حتى ماتحرج غاليه الي احمر
وجهها خجل من ام بدر مو من فارس وغيرت الموضوع..وش عندك جاي هنا
فارس يبتسم لخالته ..بصراحه فضول
ام بدر..هههههههه غريبه ماهي عادتك انت تحترم الخصوصيه
فارس يبتسم لخالته..شدني الحماس الي تحكون فيه
ام بدروحبت تستفزه ..ابد نسولف
فارس التفت لغاليه كلمها عادي كأنها نوره او ريم اما غاليه نفس الاحساس
الي كل ماتشوف فارس يرجع لها احساس عادي جدا كأنها تكلم انسان متعوده
عليه من سنين مافيه أي مشاعر غير كذا ..على فكره سلطان ولد خالك جاني
غاليه بخوف..وش يبي
فارس..يعتذر
غاليه بااستغراب وصدمه نستها فارس ..يعتذر..؟؟
فارس بلا مبالاة ..يقوله
غاليه بخوف ..لاتصدقه
فارس رفع حاجبه..ليه
غاليه وغيرت عينها خافت من تركيز نظرته ..بس احساسي يقول انه كذاب
سلطان مايذل عمره لو يموت
ام بدر..بس يابنتي يمكن الله هداه
غاليه وسرحت شوي..كيفكم بس انا مااعتقد ابد
فارس وبعد صمت ثواني تنهد ورفع راسه ..غاليه انا حاب اتكام معك بموضوع
مهم
ام بدر تبتسم ..يعني اروح
فارس يبتسم..لا يالغاليه ابيك تسمعيني انتي لانك تفهميني اكثر من غيرك

عند البنات غاده..اقول اخوكم راح لبنت عمكم ياويلها
ريم وتنالظر فارس وغاليه وخالتها واقفين من بعيد رغم الظلام الا انه مبين ان
غاليه فاتشه بس معطيتهم ظهرها وهالشئ الي مابين لهم انها تكلم فارس من
غير غطى ..ليه وش مسويه
غاده..مايسويها فارس الا اذا شايف شئ ماعجبه مو عادته يكلم احد
نوره..غاليه حبوبه ماتغلط بعدين عادي بنت عمه
هند بدلع..ليه ماتخطبونها له
ديما..لا هو قال مابيتزوج اخطبوها لاحمد احسها تناسبه اكثر
هند بسرعه..احسها ماتناسب له
ريم باابتسامه..بالعكس
نوره ولاحبت يرتبط اسم غاليه بغير فارس تكلمت بسرعه ..لاماتصلح لاحمد
المهم كيفها زوجوا عمركم اول
دانا..والله انها صادقه ليتنا نقدر نختار
نوره وتضرب ايدينها ببعض ..ياحظي لو تقدرين تختارين من بتختارين
دانا..امممممم بختار طلال الرشيد
نوره..ههههههههههههه احسن شئ اننا مانختار والا احد يختار ميت
دانا وتضحك..لانه مستحيل نختار انا اخترت شخص مستحيل يكون موجود
دلال وتهز راسها ..لانك غبيه
دانا. وتبتسم .احم دلالوه اسكتي لاروح انادي محمد
دلال واستحت وضربت اختها بالمخده
هند بدلع ..والله اخوي مافيه مثله
دلال..وانا ناقصه يعني دلعك هندوه اسكتي
مها..هههههههههههههههههه دلال انتي ومحمد عكس بعض انتي مرجوجه
وهو هادي شلون تتفقون
دلال وقامت بعد ماعصبت منهم ..رجوكم كلكم في خلاط
راحت عند امها وخالاتها وتركتهم مع بعض

عند العيال كان فيه احاديث جانبيه بين احمد وسامي
احمد..تعرف ودي فيها واحس لسى بدري عالزواج
سامي بملل ..طيب اخطبها وخل الزواج بعد سنه
احمد..استحي اقول لخالي خل الزواج بعد سنه
سامي.. اف خلاص بتلاقي بدالها
احمد ويناظره بطرف عينه..الله يبتليك بحب يعذبك
سامي ويضحك..حرام عليك بس مليت يااخوي
احمد وعصب ..اقوله البنت عاجبتني واحتلت مساحه من تفكيري وقلبي يقول
بتلقى بدالها
سامي..احمد استخير مره وثنتين وعشر وماخاب من استخار وفكنا من سالفتك
انت وهند
احمد ..والله انك صادق ذكرتني .. الا انت شفيك
سامي ..اف وشفيني حياتي فيها روتين قاتل
احمد..عادي كلنا مثلك
سامي..الله يعين

اما الحريم فكانت امفارس تسولف مع ام فهد
ام فارس..شسوي فيها عجزت عنها كل ماتقدم لها احد قالت لا
ام فهد..وراه ياكافي يعني هم صدق مايستاهلون والا دلع بنات
ام فارس..فيهم الزين بس مهوب الزين مره
ام فهد..ياام فارس بنتك زينه واخلاقها ازين ليه تعطينها أي احد
ام فارس..وش اسوي ودي افرح فيهم
ام فهد..الله يفرحك ويفرحني يارب
ام فارس ..امين

بمكان بعيد ان فارس مع خالته وغاليه

فارس ويحاول يكون هادي ..غاليه انتي بنت عمي وبحسبة اختي تزوجتك تحت
ضغط ظروف معينه وانتي تعرفيها واعتقد ان الاوان اانا ننفصل
انصدمت ام بدر وغاليه ابتسمت
ام بدر..اذكر الله يافارس أي انفصال الله يهديك
فارس استغرب ابتسامتها وسألها على طول ..ليه مبتسمه ..؟؟
غاليه والابتسامه مازالت مرسومه على وجهها بس ابتسامة حزن .
.تذكرت كلام ابوي وكلامي كان يقولي بيحميك وبعاملك بما يرضي الله وفعلا
انت ماقصرت بدليل انك تعرض علي الطلاق لانك انسان منصف وهالشئ حلو
اما كلامي فكان ان الانتقام لازم يصير وكنت متوقعه الطلاق
فارس عصب شوي من كلامها. وقاطعها .انتقام لاياغليه مو انتقام يابنت عمي
بس انا اعرف الله ولاابي اظلمك انتي لازم تشوفين حياتك
غاليه وترفع شالها ..طيب انا سمعتك تقول انك ضد الزواج ومابتتزوج صح
فارس بااهتمام ..صح
غاليه بخوف ..يعني طلاقك لي مو عشان تتزوج
فارس بسرعه ..طبعا لا
غاليه وتناظر الارض ..وانا ماابي اتزوج بس خليني على ذمتك وبستمر مثل
ماانا عالاقل تكون محرم لي
ام بدر تدخلت على طول..صح خليها علىذمتك
فارس..انتي توك بااول عمرك من حقك تتزوجين وانتي ياخالتي عقليها لاني انا
مابتزوج ابداً
غاليه بتوتر وخوف من نظرته المركزه عليها رغم انه كان يناظره بشكل عادي
جدا الا ان خوفها واتباكها بين بصوتها ..فارس انا عاقله واتمنى انك ماتطلقي
وانا فعلا مو متأثره بسالفة الزواج ابدا
فارس ..غاليه انا لازم اطلقك وكلها كم يوم ويتم الموضوع

بالوقت الي كان فارس مع غاليه وخالته كان فيه شريط ينعاد بذهن فهد .
. كان مغمض عيونه وهالشريط يتعب قلبه وفكره..

راح فارس مع فهد لابو ثامر مثل ماطلب ودخلوا عليه كان منسدح على سريره

ابو ثامر..سامحوني ياعيالي ازعجتك
فارس..شدعوه ياابو ثامر احنا عيالك
ابو ثامر ..انا مابطول عليكم بقول لكم الموضوع انا من انتقلت لحارتنا يافارس
تعرفت عليك بالمسجد تتذكر
فارس باابتسامه..وكيف انسان لنا سنين نعرف بعض عرفتك رجال طيب بس الحزن
هده كنت كل مره شوفك اسلم عليك وبيوم جاء على بالي اجي اهنيك بالعيد
وقتها شفت بعيونك دموع وعرفت بعدها ان ولدك الوحيد بأذن الله شهيد
لانه توفى بأيام الغزو الله لايعيدها ويديم الامن على الكويت واهلها
ابو ثامر..اول ماشفتك ذكرت ولدي كان طيب بس ماكان يهتم سافر للكويت
بشغل وجلس سنه ورجع شافني وبعدها سافر وقطعني سنتين ورجع لي معه
بنت مثل القمر قال هذي عهد بنتي فرحت لاني اضمها وحزنت انه تزوج
ماقال لي بس دعيت الله يوفقه قال كلها كم شهر وينتقل لرياض ومرت
الايام وولدي بس يكلمني يمرني كل سنه بس من غير عهد لحد ماسمعنا
عن الغزو وانفطر قلبي لما عرفت بعد شهور انه مات سالت عن بنته قالوا

ماندري حاولت ادور ماوصلت لها وهدني الحزن والمرض بس الحين ابي اشوفها
فهد..ياعمي يعني بنت ولدك ماسألت عني
ابو ثامر..اذا انا ماوصلت لها شلون بتوصل لي
فارس...يعني كم عمرها الحين
ابو ثامر باابتسامة امل..اكيد عمرها عشرين الحين
ساعدوني اشوفها
فهد..اذا بنقدر من عيونا تعرف بغلاتك عندنا بس ليه توك تقول لنا
ابو ثامر..ماادري كنت محتاج لها بس كنت محتاج اكون ابو ثامر الي ولده مات شهيد وهو بار باابوه ماابي الناس تعرف ان ولدي عاق باابوه وقاطعه وان بنته ماشفتها الا مره وحده بس خلاص مااقدر ابي اشوفها واشم ريحته منها
فارس..ابشر ماطلبت شئ سامي ولد خالتي له معارف بالكويت وزيارته
للكويت كثير بخليه يتولى هالمهمه

تنهد فهد وهو يتذكر هالام وهالحرمان وهالخوف الي يمر فيه ابو ثامر هالايام
وفتح عيونه وحصل راكان متمدد عند محمد ويسولف وسامي واحمد يسولفون
مع بعض اما بندر وخاله مع امه وخالاته كانواعند الشوي وفارس مختفي دوره
وحصل من بعيد مع حرمتين ماركز كثير رجع يفكر لكن هالمره يفكر بحياته الي فيها
مساحه خاليه تحتاج هالحضور الجميل من بنت تغيير حياته وترسم معه مستقبله
من اطفال يوهب لهم حياته وعن حلم لازم يتحقق كان وده يقول ويعمل مثل محمد
لكن مابيتحمل رفضها الي كان متوقعه بنسبة سبعين بالميه لسبب يفخر فيه الكل
وهو انه ضابط ..
ياما شاف الخوف بعيون امه وخواته ياما مسح دموعها باايام والشهور الاخيره
وعمره مانسى دانا لما دخل عليها بعد ماقدر انهم يتمم عملية اليرموك بالرياض
ابتسمت وحضنته وهي تقول
هن الوطن برجال امنه يافهد هنه
هن الوطن برجال نايف يافهد هنه

ابتسم وقال لازم اخذ الموضوع بشكل جدي وارتاح

في جلسه مي بعيده عن فهد كانت دلا ل تقرأ اخر كتابات ريم وهي منسجمه مع الملف
الاخضر..

((قراءة لفهد بن عبدالعزيز ))

مااروع مااقرأ عنك فكل الاقلام تشرفت بالكتابه وكل العقول تلهفت للقراءه عن انجازاتك ..
اسعدتني هذه الكلمات التي كتبت بحقك ومااجمل المقالات ومااروعها ومن بينها مقال جمع صفاتك فقد كان يحمل عنوان راقي جميل وهو

""هكذا ادبني ابا فيصل ""*
جبلت النفس البشرية على حب الرموز البارزة لذا هي تهتم بأمور تلك الشخصية الصغيرة والكبيرة
فتلقائيا تتأثر بها وبسلوكها وطريقة تفكيرها ,

لذلك تأثرت شخصية خادم الحرمين الشريفين الذي استخدم في تأديبي وربما في تأديبك أنت
قاريء هذه السطور أفصل أسلوب في التربية ألا وهو :

القدوة الحسنة

فأفعاله تسبق الحديث عنه قبل أقواله , فهاك تلك الفعال التي أثرت فيني :

أولا : تنازله على لقب كل البشر تطمح له , وذهبت نفوس بالملايين لأجل تحقيقه ألا وهو
لقب :
المـــــــلك أو جلالة الملك أو صاحب الفخامة

إلى لقب في ظن عشاق الدنيا حقير ولو أعطوه بمليء الأرض ذهبا لما قبلوه

ألا وهو لقب :

خـــــــادم
في عام 1407هـ / 1986م أعلن الملك فهد بن عبدالعزيز في احتفال عام في المدينة المنورة استبدال لقبه الى خادم الحرمين الشريفين بدل صاحب الجلالة بوصفه وسام عز وشرف وفخر وعدم إطلاق أي لقب آخر عليه سوى ذلك اللقب .

أتظنه رضي بالذي أدني دون الذي هو خير

لا وألف لا , حاشا مثله أن يفعل هذا

بل ارتضى أن يكون خادما للحرمين الشريفين

ولا أنسى تلك العجوز السوداء التي دخلت الجنة لخدمتها لبيت الله

فكيف بمن خدم أفضل بيتين لله

أحسبه كذلك ولا أزكيه على الله

ثانيا :

كرمه وحرصه على الجار

وهذا ما فعله لحكام وشعب الكويت الغالين , بكل شهامة ونخوة وعزة وتواضع وسخاء وهو رد للجميل لهم الذي لاتنساه ابدأ السعوديه لهذا الشعب بل دونته منهجاً يدرس بمدارسها حتى نتذكر كرم تلك الدوله الصديقه والاخت العزيزه والشقيه القريبه لنا ..

ثالثا :

امتلاكه لأفضل صفة من صفات القائد

اتخاذ القرار الشجاع المناسب , في الوقت المناسب , في المكان المناسب وتطبيقه

وهذا ما حصل في أزمة الخليج

رابعا :

خدمة لكتاب الله ,

والذي أظنه طبع حتى الآن 180 مليون نسخة

فكم قاريء لكتاب الله الآن .

سبحان من يختار ويصطفي من عباده في خدمة دينه

خامسا :

حبه لأجل الأعمال وأحبها لله

الصلح

وهذا ما فعله في الطائف وإنهائه لخلاف الكل يعرف خطره وهو صلح لبنان الذي لااحد ينساه

سادسا

عشقه للدعوة

وهذا لا يخفى على أعمى قبل البصير والمساجد بكل العالم تشهد على ذلك مع المركز الاسلاميه والدعويه ايضا

سابعا :

تواضعه مع من يحدثهم ويقف معهم وفي خطاباته

ثامنا

حسن الاستماع والانصات وهذا مع كل الناس
فهو يقبل بجسده على محدثه
بشاشته له
إيماءات رأسه

تاسعا

ارتجاله وثقته بنفسه أثناء إلقاء خطاباته

عاشرا

ثقافته وإطلاعه ووعيه وذكائه

الحادي عشر

حبه للعلماء وإجلاله لهم وعدم الخورج عن كلمتهم واستشارته لهم , وتيسير أمورهم والسعي
في حاجاتهم

ولا يستطيع متربي أن يوفي حق مربيه

إلا بالدعاء له رحمك الله ياابا فيصل واسكنك فسيح جناته ..

دلال ..الله يغفر له يالله ياريم كل مااقرأ كتاباتك احسه رجل كبير كبير وفقدانه صعب بس الامل باابو متعب سيد العرضه حبيب الشعب الله يخليه يارب

ريم باابتسامه..امين