السلام عليكم
ام شهوووده خطير الموضوع اعجبني
عندنا لا قالو ارحب او ارحبي ينقال المرحب باقي
لاقالو حياك يقال تحيا وادوم
ولا قالو والنعم تقول ماعليك زود
وفي كلمه لازرنا مريض ينقال
مجار يرد الله يجيرك
ولي عوده طبعا اذا ربي كتب

ام شهوووووده موضووع خطييير


بصراااحه صاارت لي مواقف بالهبل 0000 بما اني نجديه وكنت عايشه بالجنوب

واذا رحنا لجيرانا كنت اتعب مع الحريم الكبار وما اعرف وش ارد عليهم بس فالحه في التبسم واناظر بامي

يمكن تنقذني بشئ منى ولامنى 000 وهم ماشاءالله كلااااامهم زوودعلى صعوبته سريييع حيييل مايمديك تستوعبيين شئ

لي باااك بكلااامهم حاليا ناسيته

الله حركات الموضوع

اعجبني مرررررررة

عوافي ام شهودة

يالله اعطيكم كلمات من قاموسي خخخخ

اذا حد دخل و فيه ناس ياكلون يقول هنهم يردون و انت منهم

اذا حد مد باليسار على حد اذا كانت يمينه مشغولة
يقول و لا انت بمشمول يرد عليه شمالك يمين و عجفاك سمين

اذا رحتي عزيمة و قمتي من العشاء او و انتي طالعة تقولين كثر الله خيركم
يردون عليش خيرش ما يقل

اذا مديتي على حد بشيء هو اللي طلبه منش مثلا تقولين لي جيبي لي مويه
اروح اجيب لش و لما قدني اناولش اياها اقول لش جباش و تردين عطاش

اذا جيتي عند ناس اول ما يستقبلونش يقولون ارحبي تردين البقا
و هذي موجودة عند الرجاجيل بصورة اكبر

بعد السلام عند الرجاجيل تقريبا اكثر من الحريم

يقول المضيف ماجورين يردون الضيوف الله يعافيك
يقول مرة ثانية و السلامة يردون الله يسلمك

طبعا ربي صابه اللي ما يعرف يرد ذي التحية اللي فوق بنت و لا صبي ينغسل شراعه
و يطلع مضحكة خخخخخخ


اذا حد جا عندش تقولين له حياكم الله
يردون الله يحييش و يبقيش


كني طولت مو ؟؟

لي باك مرة اخرى ان شاء الله

ام شهوووده

لبى السناعه والذرابه >فيس يبوسك

تسلمييييييين ياقلبي على الموضوع الحلو مثلك ^^

عاد نحن يالحضارم حاله خااصه

ما افهم شي من كلامهم لين يخلصون الهرجه

واظل فاهيه فيهم وبعدين (تسلمين ياقلبي من ذوقك)

والمشكله وييين يوم تكون عجوز ناقده خخخخخخخ

يعني بصراحه يوم اكون مع صديقاتي او أي شخص

بعيد عن الحضارم اقدر ارد بسلاسه لكن عند

جماعتنا اروح فيها


طبعا بوقت العزايم وهيك تجي صاحبة البيت
تقول (تفضلوا)..طبعا الرد (زاد فضلك )
يجلسون الحريم لكن مايبدون ياكلون
تقول (اطعموا) يردون عليها ( ذاقه ملايكه ربش)
بعد مايخلصون
يقولوا(جعله عامر)
ترد صاحبة البيت(بوجودكم وملفاكم ومسعد لقياكم)

مثلاً لو طاح شي وانكسر يقولون
(انكسر الشر) الرد (كسر الله نفس عدوش فيش)
>فيس يشوفهم بنظره خخخ

مثلاً يزوروا شخص مريض يقولون
(ماجور بما اخطاك) يرد المريض ( توجرون بالعافيه)

طبعا هذي حاجات سهله ومفهومه لان ما يكون
داخله كلماتنا فيها حيل
الباقي ان شاء الله يوم اروح لجدتي او يوم تروق امي
>فيس امه معصبه من اخونه خخخخ


عوافي ام شهوده
بالتوفيق الدائم

عدناااااااااااا


اممممم هذي عبارتين دايم نقولها بعد الاختبارات لبعض

خصوصا اخر يوم بس ما هو بعناها الصدقي
بس مع تهويل الامتحانات خخخخ

مثلا نقول خارجين من الشر يردون الله لا يجعل لش في شرٍ قِسَم

و بعد يهنيش الخلاص يردون يهنيش خير و لا يحرمش

و من يومين عرفت ان موقفها الصدقي انها تقال للوالدة بعد ما تولد خخخخخخخخخ

و الاولى تقريبا لـ اللي يكون صاير عليه حادث او شيء و طلع منه سالم



لي باك كل ما تذكرت كلمة