مساااااء الخييير على الغالية والمبدعة ام احمد

سامحيني على القصور ياعمري والله الفتره الي راحت موقفه عن قراءه الروايات بشكل عام ماعاد لي نفس لها وهاليومين الي بديت ارجع

احداث رائعة وسرد جميل ومشوق

نبدا بهمام ومنى مشكلتهم مو حابين يفهمون بعض وواضعين حواجز بينهم وعقبات

اولها هالشروط الي حطوها على بعضهم واستمروا عليها كل هالسنوات وكل واحد انشغل بحياته هو بزواجاته الفوضوية وهي بمدرستها وعياله وبيتهاولم تلتفت له او تشعر بالغيره ولكن شعور حرقه القلب موجود طبعا


وفرحت بهدوء الاوضاع بينهم وانتهى عصر الزواجات المجنونة لكن المفاجاءة في هالبارت الاخير ماتوقعت تكون لم تلمس من قبل وشلون كتمت هالموضوع كل هالسنين وهو رده فعله كانت جدا قوية المفروض عذرها يعني وش يبغها تقول اني بكر او ابغى اطفال مره صعبه وكرامتها ماتسمح لها لكن الطامه الكبرى بهالزواج الي ناوي عليه ان شاء الله مايتم
وان شاء الله تتطبق تعليمات صفا لها من اليوم ولا تتنازل عن البقاء بغرفتها وهذي اول خطوة لاسترداد هذا الزوج والبقاء على الحب الي توه انولد

تفكيير همام مره عجبني بالنسبة لمنى وانها امراه متخاذلة وضعيفه ترضى بكل شيء يصير لها
الرجل يحب المراه تكون قوية مايحب الضعيفية يحب الي يكون لها راي مستقل مهما انكر

انا عندي جاره شخصيتها جدا ضعيفه وكل شي يقول لها زوجه لو ماعجبها تسايره وكثيير السفر وهو رجل ملتزم بدينه بس طبيعة عمله كطبيب يحتم عليه السفر ومرات هو من يسعى اليها ولا تعترض ابدا ولا تناقشه في شي خوف منه ومن عصبيته وعلى قولها اخاف لو اقول شي يرجعني لبيت اهلي وانا واياها دايم في خصام حول هالموضوع ومره لزمت عليها انها تواجهه في موضوع بينهم وتفاجاء بردها وتجاوب معها على طول وقعدت الومها شوفي كيف بس موقف زي هذا ولزم حده

بعض الرجال يسوي هيلمه وهو ولا شي اكره هذي الفئة منهم

منار وزياد ان شاء الله هالزواج بيستمر بينهم واكيييد ان علي بيراجع نفسه وبيحس انه بيظلم اخته بهالطلاق لكن لين تهدا نفسه شوي
ومنار رحمتها وهي تفكر بزواج هديل وزياد متحسفه فيه الضعيفة بس اعجبتني حميتها لاخوها ووقفتها معه كبرت في عيونه

مناف وصفا ومابعد العداوة الا محبة
اعجبني منطقها ومبرراتها لحياتها السابقة وتقبلها لمناف لو خطبها بس هو الله يعينها عليه
وهو نعم فيه يكفي خطوته المباركه بترك الشراب وان شاء الله يتقبلها بموقف قوي بيحصل بينهم


ام احمد مشكورة ياقبي على هالابداع المستمر

وان شاء الله تلاقيني في الصفوفو الاولى دائما


موفقه عزيزتي