لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (4) أدوات الموضوع انواع عرض الموضوع
قديم 18-08-10, 10:55 PM   2 links from elsewhere to this Post. Click to view. المشاركة رقم: 11
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

البارت التاسع,,,,

ودخلت من نفس الباب اللي توه ابتعد عنه ودخلت ودخلت معها ريحة عطرها ...
استغفر الله هاذي كلها ريحة عطر؟؟حشى للله حاطة لك الغرشة كلها؟؟؟؟قالها بهدوء..
رفعت راسها وشافته واقف عند النافورة وراسه بالارض.....
وقالت بعصبية/مالومك مو متعود على الروايح الطيبة والزينة!!!!وانصدمت يوم شافت وجهه؟؟؟؟
يوم سكتت رفع راسه يشوفها....
////////////////////////////////////////////////////
كانت تطل من نافذة الصالة اللي تطل على كراج بيت عمها....
سيارته مو موجودة ..اليوم ماشافته وكحلت عينها بشوفته.....
ياترى ممكن ناصر يبادلني حبي بيوم من الايام ولا ها الشي مستحيل!!!!!
طيب واذا عرف عن حبي له شبيسوي ياترى!!!!
اه ياناصر اه!!!!لو تدري وش مسوي حبك بقلبي وعقلي ؟؟؟
لاتشوف ضحكتي وتفكرني مرتاحة!!!لاياولد عمي..لايالغالي ماراح ارتاح الا اذا انت عرفت عن اللي يجول بخاطري ناحيتك؟؟؟
يااني بعيش اسعد انسانة اذا تقبلت حبي ولا ....بكون ....؟؟؟
اووف ياقلبي والله مو قادرة افكر بها الشي اصلا!!!!معقولة ناصر ماراح يحبني؟؟بس هو معي عايش بطبيعته وياخذ ويعطي ويضحك معي...يعني يحبني!!!!!اي اكيد يحبني لو ماكان يحبني ماعاملني هاالمعاملة؟؟؟
لو تدري انك قربتني للجنون ياناصر وكبرت سنين عمري اللي كل سنة تغليك وتحبك اكثر من السنة اللي قبلها شكنت سويت؟؟؟
مضاوي/انا ابي افهم انتي شقاعدة تشوفين؟
هنوف بلامبالاة/بس اناظر...
مضاوي/تكونين تناظرين الهايد بارك واحنا ماندري؟؟؟؟؟
هنوف/ههههههههه حلوةوقسم بالله حلوة..زبس يكون بعلمك كراج بيت عمي احلى من الهايد بارك!!ههههههه
مضاوي/عقل مافيه اصغر منه بجد يعني!!!!
هنوف/انتي وش عليك مني؟؟؟؟
مضاوي/تصدقين ساعات احس ان احنا مانناسب نكون خوات من ام وابو؟؟؟
هنوف/انا بعد شاغلتني ها السالفة واللي توصلت له ان عبير وانتي من ابو وانا ولبنى من ابو وبندر حياد يعني من ابو ثالث!!!!
رمت عليها مضاوي المخدات الصغيرة اللي على الكنبة..
هنوف وهي منزلة راسهاا/يااخي راي شخصي ليش ماتتقبلون؟؟؟؟
//////////////////////////////////////////////////////
وقفت نظراتهم في بعض ثواني طويلة......
نجود بقوة/منو انت؟
فهد بغرور واستنكار/خير ان شاءالله!!!!من مفكرتني العامل اللي يشتغل بالمزرعة؟؟؟
نجود باحتقار/بصراحة حسيت كذا!!!!!!!
فهد بقوة وعصبية بس ماوصلت للبنات اللي برى/نعم!!!!!عيديها ماسمعت!!!!!!!انا صاحب ها المزرعة اللي انتي واطيتها برجلك؟؟؟؟؟
نجود وقف قلبها يعني هذا مو مصعب ولد عمة منال؟؟؟هذا عمها فهد؟؟؟
نجود بتشكيك/انت ابو فيصل!!!!
فهد باحتقار/ان شاءالله بس مااشوفك مرة ثانية بمزرعتي!!!!!!!
نجود/.............كذا تستقبل ضيوفك!!!!وبعدين الشره مو عليك الشره على منال اللي قالت لي اخذي راحتك ماكو غير ولد عمتي واخوي بالمجلس!!!!!
لفت بترجع لعند البنات...
فهد بقوة/اوقفي!!!!!
اول مرة احد يكلمها بها الطريقة الصارمة وتستجيب له...وقفت رجلها من سمعت صوته.....
فهد/............
لفت له نجود وهي تناظره وظل ساكت......
فهد/..............
نجود/..............
كانوا يناظرون في بعض بدون مايتكلون.....
نجود قطعت الصمت بلهجة احتقار/بيطول اعتذارك؟؟؟ماابي اوقف كثير؟؟؟؟
فتح عيونه على وسعها وضحكت بصوت عالي ومشت عنه وهي تهز راسها له باحتقار....
وظل واقف مكانه يناظر بطيفها اللي راح وهو في قمة عصبيته مالقى شي يسويه غير يطلع صديقة دربه ويشغلها ويطلع من المزرعة باكملها وهو في قمة عصبيته.....
اما نجود راحت لعند البنات ووقفت ثواني عند البركة وهي تحاول تشيل صوته وصورته من بالها....
هاجر وقفت جنبها/عجبتك؟
نجود وهي سرحانة بصورته وصوته/امممم....
منال مسكت يدها/بس الشي الحلو ماشفتيه للحين تعالي هنا...
سحبتها من يدها وودتها على جنب....
كان المكان بجد روعة,,,,
فيه ثلات مراجيح من ورد وعلى جنبهم اشجار ليمون وريحان وعاطين المكان ريحة عجيبة....
ويتوسط المكان جلسة شعبية كلها سدو احمر بالاسود وبالنص تتوسطهم منقلة فحم حجر ومثل التنور صغير وكانه مشتعل....
ومسور بخيمة بس مفتوحة.....
وعلى الجهة الثانية غرفة زجاجية
دخلوها وكانت مقسمة ركن فيه عصافير بكم نوع ...وفي الجهة الثانية ارانب وفي الجهة الثالثة حوض اسماك كبير وفي الوان واشكال من الاسماك اللي ممكن تخطر في بالك ولا ماتخطر......وفي باب صغير فتحوه وكانت هناك حظيرة دجاج ....
نجود بذهول/مشاءالله...
هاجر/ليش توني اشوف ها المزرعة يامنال ورى ماوريتيني اياها من قبل؟
منال/هههههههه زين الظروف جت حلوة وشفتوها عمي مايحب احد يدخل مزرعته مخليها لعياله بس ولجمعة اصحابه......
فوزية/باقي داخل المبنى ماشفتوه......
طلعوا من المبنى وكانت الكشافات والاضاءات كلها اشتغلت بالغرفة وصاير شكلها رهيب خصوصا بعد ماطلعوا ولقوا الخيمة كلها منورة وشافوها بصورة احلى خصوصا ان الاضاءات كلها على شكل نار طبيعية وعاطية الجو رهبة...
دخلوا للباب وترددت نجود تدخل لو لا......
بس توقعت انه ماراح يكون موجود ودخلت وراهم وفعلا ماكان مو جود....
وكان شكل المكان بعد ماشاتغلت انوار النافورة يجنن خصوصا ان الانوار كلها حمرة .....
على جنب كان فيه درجين ونجود وهاجر ماكانوا انتبهوا لهم بدخلتهم لانهم راحوا ورى منال علطول لورى.....واحد ينزل تحت وواحد يصعد فوق....
فوزية/وين تبون فوق لو تحت؟
هاجر/أي مكان....
ركبوا فوق وكان فيه صالة بشاشة بلازما كبيرة وحواليه جلسة ارضية....وفيه خمس غرف....
الغرفة الاولى كانت لفهد وزوجته نجلاء ومارضوا نجود وهاجر يدخلون..
فوزية/عادي ...وش فيها؟
نجود/معليش ماهي حلوة....
منال/عادي...ماهي غرفة اصلية بس اذا جوا هنا يبيتون فيها...واحنا اذا جينا دايم نقعد فيها اصلا!!
هاجر/لا معليش نشوف باقي الغرف......
الغرفة اللي وراها كانت غرفة بسريرين وردين ودولابين ....وباقي الغرفة فاضية....
نجود/اكيد غرفة بناته.....
منال/أي سارة ولمى....
نجود/النعومة؟
فوزية/ثنتينهم نعومين ..اصلا اذا شفتيهم تحسينهم تؤام من كثر يشبهون بعض بس سارة بحكم مراهقتها ولا دلعها تلاقينها تتصرف تصرفات تنرفزك منها بعكس لمى ...لمى طلعت على خالي هادئة...
نجود في بالها اذا هذا هادىء بالله انكم ماتعرفون شي عن الهدوء؟؟؟؟؟؟
الغرفة اللي بعدها كانت بنفس الدزاين بعد سرير ودولاب بس ملايانة العاب...
هاجر/اكيد غرفة ولي العهد؟
منال/هههههههه

فوزية/هذا اخذ الدلع كله؟
نجود/بس خفيف دم....
الغرفتين اللي بعدهم كانوا مفروشين وفيهم اسرة ودولايب علشان لو استضافوا احد معهم من العائلة يلاقي مكان......
وكان فيه مطبخ صغير..مفتوح على الصالة.....
نزلوا بعدها للدرج الثاني وفتحت منال الباب اللي كان مقفل.......
وشغلت الانوار.................
وعم الهدوء المكان اللي كان هادىء جدا لانه في القبو....
كانت بركة سباحة كبيرة بطول الغرفة.....وعلى الجانب الايسر يكون المكان مرتفع شوي عن الارض وفيه ثلاث درجات توصلك لمجموعة كراسي وطاولات منثرة بشكل عشوائي وعلى جنبهم خمس غرف تبديل صغيرة وحمامين..
وفي الجهة المقابلة لها الغرفة كانت في غرفة زجاجية بعد وتتوسطها جلسة شعبية وتلفزيون ..
نجود بانبهار/بصراحة المزرعة ابهرتني بجد!!!ماني لاقية لها كلمة تناسبها وتوصف روعتها....
هاجر/من جد رهيبة موووت....
فوزية/من ذوقكم والله..
نجود/ياْجرها؟؟
منال/لا..
هاجر/ليه؟؟
منال/لعيلته وبس!!!
نجود/بس اكيد انه دافع فيها الشي الفلاني صح؟
فوزية/مو اقل من اربعة ملايين....
نجود/بس تستاهل....يابخت مرته وعياله فيها؟
فوزية/تصدقين عاد يانجود عمتي الوحيدة اللي ماتحب تجيها كثير!!وها الشي اللي محطم خالي فهد لانه يعتز فيها كثير..
هاجر/يعتز في منو بالضبط؟زوجته ولاالمزرعو؟؟
منال/ههههههههه
فوزية/كانت من زمان تدور في باله فكرة ها المزرعة وبعد ماجاه فيصل صار يشتغل فيها ..وماعجبت عمتي نجلاء؟
نجود/وليش ان شاءالله؟؟كان ذوقها بيكون احلى من ذوقه!!!
منال/لا بس تقول ان موقعها بعيد مرة....وهي مالها خلق طيور واسماك وها الشغلات....
فوزية/مع ان خالي فهد موته ها الشغلات يحب يربي طيور واسماك..صحيح ماعنده وقت لهم بس فيصلوا حببه فيهم....
/////////////////////////////////سالم/فهد..وش فيك؟
فهد/عندك مجال تطلع؟
سالم/لو كان عندي مجال ماكنت اعتذرت لك اليوم عن المزرعة؟
فهد/أي بس انا متضايق؟
سالم/خير يافهد...وش فيك؟
فهد/........
سالم/حياك ياخوك تفضل.....مو لازم نطلع خلنا نتكلم داخل....
فهد كان متردد يدخل لو لا..وهو عارف ان سالم قاعد مع اخو مرته يخلصون موضوع طلاقهم علشان كذا ماقدر يجي اليوم....
سالم/ادخل يافهد منت غريب.....
فهد/خلاص انا بنتظرك اول ماتخلص امورك دق علي وخلينا نتكلم؟
سالم باصرار/انت ماجيتني هنا برجلك علشان تقول ها الكلمتين ياخوك يابو فيصل!!!!انت فيك شي وعندك حكي تبيني اسمعه...يبى ادخل اصلا احنا مخلصين كل شي بس اخوها يعيد ويزيد على باله اني بغير راي....ادخل بس ادخل..
فهد بانحراج/لا ياسالم...
سالم/اقولك ادخل اقعد بالديواني اللي برى واول مااخلص منه بجيك....حياك...
////////////////جواهر/اووووووووووف ياربي اخذها من زعل نجود لو من تطنيشك يابندر!!!هاذي رابع مرة ادق عليه ويعطيني بيزي اليوم!!!!
ياترى وش قاعدة تسوين يانجود اللحين؟؟؟لو تدرين بالتعب اللي انا قاعدة اعانيه من زعلك علي كان رحمتي بحالي.....
لو تدرين اني مو قاعدة انام مثل اول ولاافكر مثل قبل ولاني قادرة اعيش طبيعية صدقيني يانجود وقفتي تسمعي دفاعي عن نفسي....
بندر هو اللي قال لي مااقولك وانا سمعت كلامه لانه اقنعني....حبيبتي الله يخليك ردي علي!!!!
رفعت جوالها من جديد تدق عليها وطنشتها نجود وعطتها بيزي!!!!!!
وتنهدت بحرقة ودموعها بتغرقها من تطنيش الاثنين مع بعض!!!!!!!
///////////////////////////////////////////////////////////////منال/تبون نطلب لنا عشى ونقعد هنا ولا نطلع نتعشى بمكان ثاني؟
نجود كانت بعيد اصلا مو معهم....وماكان ودها تطول اكثر ومن جابت منال سيرة العشى حست انها تبي تنفرد بحالها خلاص وتطلع من ها المكان اللي بالرغم من حلاوته الا انه خانقها؟؟؟
نجود/انا اسمحولي ابي ارد خلاص تعبت اليوم وبعدين لسه اكل ام مشاري مشبعني ماجعت...
فوزية/ليش وين تغذيتوا اليوم؟
منال/بشقة نجود وامي دزت الاكل لنا...
فوزية/حركات يعني...
نجود اكتفت بالابتسامة...
هاجر/انا بعد عندي تصحيح اوراق الاختبار ويبيلي اخلصهم علشان انام.....
منال/براحتكم..
نجود/نتفق على ليلة ثانية ونطلع فيها ...ولا شرايكم؟
منال/انا ماعندي مانع..
هاجر/صار...
نجود/ماقلتي شي يافوزية؟ولا ماعجبتك قعدتنا؟
فوزية/بالعكس عسل انتي وياها بس ماابي اضايقكم واثقل بنفسي يمكن ان عندكم اشياء تبون تتكلمون فيها براحتكم....
هاجر/أي اشياءه بس يافوزية؟؟؟احنا ماعندنا شي وضعنا هذا هو مثل ماشفتيه اليوم حياك معنا بكل وقت.....
فوزية/مشكورة.....
منال/خلاص نخلي السايق يقوم....
فوزية/السايق عطاه خالي فهد اغراض ياخذهم واخذ معه سيارة مصعب يعني بنطلع كلنا مع بعض محمد ومصعب واحنا.....عادي ولاتبون تنتظرون؟
نجود/انتوا مو معنا؟
فوزية/بلى...
نجود/خلاص اجل ليش نتنتظر.....
/////////////////////////////////////////////////////////
في محل بمارينا مول....
محمد(اللي يشتغل مع عبدالعزيز)/ممكن اسالك سؤال ياعبدالعزيز؟
عبدالعزيز/تفضل..
محمد/ليش احسك متضايق دايم....ومهموم؟
عبدالعزيز تنهد وطالع بسقف المحل..
محمد/اذا تعتبره شي خاص لاتقوله بس لو حاب تتكلم انا اسمعك واعتبرنا مثل الاخوان بما ان احنا نقضي معظم وقتنا مع بعض؟
عبدالعزيز/جربت تحب يامحمد؟
محمد ابتسم/يعني الحب اللي شاغلك؟؟؟؟لاماجربته بس اسمع يقولون يعذب ويتعب واللحين صدقتهم؟
عبدالعزيز بحسرة/بالعكس الحب مثل العسل يطيب لك جروحك....المشكلة مو فيه هو فينا احنا البشر؟
محمد/كيف يعني؟؟؟
عبدالعزيز/...........
محمد/تقصد انها تركتك بعد ماتعلقت فيها؟
عبدالعزيز/لا هي ماتركتني...ولاراح تتركني بعد...
محمد/وين المشكلة اجل اذا انت تحبها وهي تحبك وماراح تتركون بعض؟
عبدالعزيز/المشكلة ياخوك ان احنا ماراح نكون لبعض؟
محمد/ليش؟؟؟؟؟
عبدالعزيز تنهد/انا وضعي المادي على قدي...وللفقر ميال اكثر من الغنى وهي بنت ناس وبنت عز وشايفة الدنيا واهلها ماراح يعطوني اياها ابدا ياخوك؟
محمد/................طيب ليش حبيتوا بعض يوم انكم ماتناسبون بعض؟
عبدالعزيز/الحب ماهو بيدنا ياخوك يامحمد ...يجي غصبا علينا؟؟؟
محمد/طيب حبيتوا بعض وانتوا مو قاصدين ليش ماتركتوا بعد ماكل واحد عرف ظروف الثاني وحس انه ماراح يكون من نصيبه!!!!
عبدالعزيز بالم/حاولنا نبتعد اكثر من مرة بس ماقوينا!!!!انا تعبان ودي ارتاح من ها العذاب...حب لبنى يكبر بداخلي كل لحظة والثانية وكل مااجي اقولب الفكرة واذكر ان اهلها بيرفضوني ارتعب مووت؟؟؟
/////////////////////////////////////////////////////////////في ديوانية سالم...
سالم/وين سرحان؟
فهد رفع راسه/متى جيت؟
سالم/ قبل شوي..
فهد تنهد وباعد سيجارته من فمه/.......
سالم/عسى ماشر يافهد وش فيك منت على بعضك؟
فهد بضيق وعصبية/وحدة غبية شفتها اليوم....
سالم باهتمام/وش قالت لك؟
فهد/مو قضية الشي اللي قالته...القضية باسلوبها المتعجرف وطريقة حكيها وكانها ملكة؟؟؟؟وهي بالواقع حشرة؟؟؟؟
سالم/فهد...انت وين شايفها؟
فهد/بالمزرعة...
سالم بذهول/وين؟؟؟؟وش جايبها عندك المزرعة؟؟؟اثاري عندك سوالف من وراي وانا مدري؟؟؟؟
//////////////////////////في السيارة كان محمد يسوق وجنبه مصعب وورى مصعب فوزية وجنبها هاجر وجنبها نجود وورى محمد منال...
طبعا الجو بشكل عام كان هادى مصعب الوحيد اللي ساكت ومحمد عيونه بالطول وبالعض في اللي ورى ويطالع فيهم اكثر من الشارع ومافي غير سوالف البنات من هنا ومن هنا....
منال/بتكملين معنا ولالا؟
نجود/بكمل ها الشهر معكم علشان اتصافى مع بو عبداللله ...وبعدين بخلي السايق يوديني؟
فوزية/جايبة لك سايق؟
نجود/أي البارحة وصل....
هاجر/وين حاطته ..
نجود بسخرية/معي بغرفة؟؟يعني وين بحطه؟؟
علطول محمد لف لها وصاروا عيونهم في بعض...
منال انتبهت عليه وغيرت السالفة/يعني بنفتقد تاْخيرك كل صبح علينا..
فوزية/ها نجود شكلك بتنفضحين؟
نجود بثقة/كلها بكلها خمس دقايق ها اللي نتاْخرها وش فيها....لزوميات الاناقة والكشخة...
محمد/اقول منال...معكم احلام ولانوال؟انا سامع ها الصوت قبل؟
منال/قول محمد لاتركز بالصوت لاتسوي فينا حادث؟
دق جوال هاجر وردت عليه ودق جوال فوزية بعد ودقت عليه وظلوا منال ونجود ساكتين وعيون محمد تناظر بنجود مباشرة وهي تناظره بعد....
فوزية خلصت مكالمتها بسرعة..
منال/اكيد عمتي..
فوزية/لاوالله جويزي..ظلمتي امي...
منال/ههههه
نجود/الا صدق بنات وين المطاعم الحلوة عندكم....
فوزية/نجود كانت مسجونة وماصدقت على الله يجيها فك الحصار كل الاماكن بالرياض تبي تروحها اللحين؟
نجود/ههههههه وانا ليش بالله جايبة لي سايق؟؟علشان اقعد بالشقة طول اليوم؟
دق جوالها وكانت جواهر بعد المتصلة....
ناظرت بسرعة في منال..
منال/هي...
نجود/أي...
ودقتها بيزي ودخلت جوالها الشنطة...
منال/قلت لك اضغطي على نفسك واسمعيها وش بتقول ومو لازم تصدقينها اهم شي تسمعينها يابنت الناس؟
نجود بضيق/مو قادرة اسمعها ابدا!!!
/////////////////////////
فهد بضيق/سالم وش ها الحكي عاد؟؟؟؟
سالم/تقول شايفها بمزرعتك؟وش جايبها مزرعتك بالله؟؟؟؟
فهد/جاية مع منال بنت اخوي......يعني بنت من اللي يدرسون مع منال؟
سالم/اها....طيب وش قالت لك علشان تنرفزك؟
فهد/...(ذكر له الموقف بالتفصيل)
سالم/طيب مافيها شي..انت اللي بديتي معها؟
فهد/أي بس هي فعلا كانت حاطة لها غرشة عطر انا ماتبليت عليها!!!!
سالم/طيب وين المشكلة...وحدة وشفتها وانتهى الموضوع...بتقعد تركز على وحدة ماشفتها غير مرة وحدة بحياتك وماراح تشوفها بعدها؟؟؟؟
فهد نزل راسه/بس هاذي مو اول مرة اشوفها ياسالم؟؟؟هاذي ثالث مرة اشوفها؟؟؟
سالم/ثالث مرة؟؟؟؟
فهد/يعني كنت اشوفها وجه لوجه بس..مرة يوم تجي تتعشى في البيت..وشفتها اليوم اللي بعده علطول في بندة يوم اروح مع لمى وعربتها صدمت بعربتي.....بس اليوم سمعت صوتها وشفت اسلوبها بالحكي.......
///////////////////////////////////////////////////
رجعت لقوقعتها وقفلت الباب بعد ماشالت عبايتها وبدلت ثيابها ولبست بيجامة وغسلت وراحت قعدت على سريرها....وغمضت عيونها..
صارت تتذكر ملامح وجهه وقسوته اللي باينة بعيونه......هيبته..طوله...صوته القاسي...ماتدري ليش كل ملامح وجهه فيها قسوة وغلظة مع انه اللي يركز بعيونه يشوف فيها الحنان مو القسوة؟؟؟
فهد...ابو سارة ولمى وفيصل...لمى البنت النعومة اللي شفتها..وفيصل خفيف الدم...بس سارة مابعد التقيت فيها....
اووووووووف يانجود...وش له تفكرين بها الفهد اللي مايستاهل!!!!
شيليه من بالك ونامي وراك بكرة دوام....ها الفهد علة لا ويقولون لي هادى...وينه ووين الهدوء!!!!!
مسكت جوالها وصارت تقلب بالمسارات والمقاطع اللي عندها لين استقرت يدها على اغنية وضغطت عليها ..وطفت الانوار وفتحت شعرها وصارت تلعب فيه وهي تردد الاغنية مع الجوال....
(صدفة ومن بين كل الناس علقني...
من يوم شفته وعيني جت في عينه..
حسيت بشي بعيونه حيل يجذبني..
ولمى ابتسم بانت بوجهي تلاوينه....

///////////////////////////////////////////////////////////////


البارت العاشر,,


///////////////////////////////////////////////////////////////

رجعت لقوقعتها وقفلت الباب بعد ماشالت عبايتها وبدلت ثيابها ولبست بيجامة وغسلت وراحت قعدت على سريرها....وغمضت عيونها..
صارت تتذكر ملامح وجهه وقسوته اللي باينة بعيونه......هيبته..طوله...صوته القاسي...ماتدري ليش كل ملامح وجهه فيها قسوة وغلظة مع انه اللي يركز بعيونه يشوف فيها الحنان مو القسوة؟؟؟
فهد...ابو سارة ولمى وفيصل...لمى البنت النعومة اللي شفتها..وفيصل خفيف الدم...بس سارة مابعد التقيت فيها....
اووووووووف يانجود...وش له تفكرين بها الفهد اللي مايستاهل!!!!
شيليه من بالك ونامي وراك بكرة دوام....ها الفهد علة لا ويقولون لي هادى...وينه ووين الهدوء!!!!!
مسكت جوالها وصارت تقلب بالمسارات والمقاطع اللي عندها لين استقرت يدها على اغنية وضغطت عليها ..وطفت الانوار وفتحت شعرها وصارت تلعب فيه وهي تردد الاغنية مع الجوال....
(صدفة ومن بين كل الناس علقني...
من يوم شفته وعيني جت في عينه..
حسيت بشي بعيونه حيل يجذبني..
ولمى ابتسم بانت بوجهي تلاوينه....

غمضت عيونها بقوة بعد ها الكلمة وهي تتخيل شكل فهد وهو يبتسم لها ياترى كيف بيكون وهو يبتسم.....اكيد انه بيكون مميز لان ابتسامته نادرة......
//////////////////////////////////////////////////
اليوم الثاني كان روتين متكرر لكل الابطال ..اللي بمدرسته واللي بوظيفته واللي بعمله...
فيصل/ماما...
نجلاء/نعم ياماما..
فيصل/ابي اروح البقالة.
نجلاء/بعدين...اللحين مافي احد يوديك ..
فيصل/وابوي ليش حاط لنا سايق اذا بتقولون لي بعدين.....
نجلاء/ياماما يافيصل مايصير تروح مع السايق بروحك للبقالة ابوك مايرضى؟
فيصل/لاتقولين له اني رحت معه بروحي؟
نجلاء/ياسلاااام تبيني اكذب يعني!!!
فيصل/لا ماراح تكذبين..هو مابيدري اني رحت وانتي لاتجيبين سيرة بالموضوع.....
نجلاء/اقول فصيل انت كم عمرك؟؟
فيصل/العقل مو بالعمر ياماما؟؟؟
نجلاء/أي والله العمر مو بالعقل......
فيصل/ها اقول للسايق يوصلني البقالة؟
نجلاء/لا ياماما...
فيصل فتح اذاعته بالبكي وصار يضرب راسه بالارض.....كنوع من الاحتجاج والاعتراض...
نجلاء بهدوء/حبيبي لاتاْذي نفسك..
فيصل ببكي/ابي اروح البقالة اللحين....
نجلاء/قوم وامري لله.....بس ياويلك البقالة وبس سامعني؟
فيصل/طيب.....
مسكت التلفون ودقت على السايق/توديه البقالة اللي هنا قريبة وترده بسرعة طيب ماتتاْخر؟؟
فيصل/يالله باقي الفلوس ياماماتي الحلوة....
نجلاء قامت وعطته خمسين ريال/ياويلك يافصيل ان تاْخرت سامعني؟
فيصل اخذ الفلوس وطيران على السيارة...
//////////////////////////////////////////////
بغرفة المعلمات....
كانت نجود قاعدة وهي شبه سرحانة...ممل ها الجو بها الغرفة تكرهه حييل ..منال عندها حصة وهاجر بعد وحتى نوير اللي صارت تاخذ وتعطي معها عندها حصة ومافي غير ها العجايز يحشون ببعض ومها اللي مو طايقتها وانقلبت عليها من ثاني يوم....
ابلة نجود....
رفعت راسها وكانت ملاك واقفة قبالها..
نجود بقوة/خير في شي...
ملاك ببرأة/ابلة ممكن اتكلم معك شوي...
نجود /نعم...
ملاك/لا مو هنا...
نجود ناظرت بالدفاتر اللي على طاولتها وفتحت واحد فيهم.../ماعندك حصة ياملاك؟؟ليش طالعة من درسك؟؟
ملاك/مو شي مهم اللي قاعدين ندرسه لاتشغلين بالك؟
نجود باحتقار/لا...توني ادري ان في مواد مهمة وفي مواد مالها أي اهمية ؟؟؟
ملاك/شوي بس ماراح اضيع وقتك كثير....
نجود/طيب طلعي وبلحقك..
ملاك/شكرا...
طلعت ملاك والباقيين يناظرون بنجود ....
نجود بقوة/خير في شي؟
مها بنفس القوة/وش عندها ملاك.....
نجود وقفت/غلطان اللي سماها ملاك كان المفروض يسميها هلاك!!!!
قالتها وطلعت وعيون مها بتطلع من كثر ماهي فاتحتها ......
///////////////////////////////////////////////
بالمدرسة الثانوية الرابعة بالدمام كان الوضع مختلف تماما....
جواهر كانت بقمة الزعل بها الاسبوع ومالها خلق شي ابدا..
طول الوقت طالعة وتمشي وحصصها قالبتهم فراغ من كثر الضيق...
سارة(طالبة معجبة)/ابلة جواهر..
جواهر بحزن/نعم..
سارة/وش فيك...جعل اللي مضايقك يضايقني!!!
جواهر/روحي فصلك ياسارة ...
سارة اشرت بيدها/هذا هو الفصل وانتي علينا...بس ليش قاعدة برى الفصل ومتضايقة...منو مزعلك؟
جواهر/سارة...روحي مدام النفس عليك راضية لاتخليني اطلع كل همي فيك يابنتي!!!
سارة/الله..ياليتني صدق بنتك وعايشة معك بنفس البيت كان وناسة!!!
جواهر بقوة/سارة خلاص روحي الفصل؟؟؟
سارة جمدت مكانها وراحت الفصل وهي دموعها سابقتها...
اما جواهر كانت تتنهد من الهم اللي فيها....شفيك يابندر مطنشني...مو كفاية هم وزعل نجود تقوم انت تكمل علي بعد!!!هاذي وعودك لي ان احنا لازم نكون مع بعض بكل وقت وبكل ضيق وهم وفرح وسعادة!!!!
انا افتقدك بقوة......صار لك يومين ماتكلمني ولاتدري عن احوالي..عسى بس مو صاير لك شي يالغالي......
وبدى فكرها يشغلها من جديد من خوفها انه يكون بندر صاير له شي بجدة ومتضرر...ياربي سترك يارب...
يارب احميه واحفظه وابعد عنه كل شر واذية..ورده لنا سالم غانم يارب,,,,
يارب هد سرنجود علي وخلها تسمعني وبعدها تقرر اللي تبي تسويه بس تعطيني فرصة اعتذر منها وابين لها موقفي........
سالم/وينك انت...
فهد/راد البيت بغيت شي.....
سالم/عسى ماشر راد بدري؟
فهد/والله حسيت اني تعبان مانمت البارح زين وقلت ارد البيت ارتاح شوي......والمكتب للعصر ماراح يطير.....
سالم/وش اللي شاغلك ها البنت!!!ماهقيت ان فهد الثقيل تشغله بنت كذا!!!!
فهد بضيق/سالم انت من صدقك عاد!!!!بشغل نفسي بها التافهة؟؟؟؟؟
سالم/هههههه وش فيك انت بس قلت الطف لك الجو المكتم...اذا قعدت من النوم دق لي طيب...
فهد/يالله.....
سكر من سالم وتنهد بقوة..كلام سالم حرق له دمه زيادة..هو فعلا كان يفكر فيها وكانت شاغلة افكاره بس ليش مو قاوي يقول لسالم اعز انسان عنده انه قاعد يفكر في بنت مدت له لسان وش طوله من شافته!!!!!!!!
///////////////////////////////////////////////
ناصر/الو....
هنوف بصوت ضعيف/نويصر شلونك...
ناصر/الو..منو معي!!!
هنوف/ووجع يانويصر ماتسمعني!!!!!
ناصر/منو..
هنوف/انا ..انا هنوف...
ناصر/هنيف؟؟من وين تكلمين؟؟
هنوف/من المدرسة...
ناصر/من وين؟؟؟
هنوف/وش فيك هربانين من الحصة وحابسين نفسنا بالحمام انا وصديقتي وزين انها جايبة معها جوالها نتسلى؟
ناصر/ههههههههههه صدق مجنونة..
هنوف/من عقلاتك انت؟؟؟؟
ناصر/وش له قاعدة هنا ياحظي!!!!
هنوف/انا مليت من الدراسة ومفكرة اطلع من المدرسة؟
ناصر/بلا تهور يابنت العم....عقلي ها..توك باول ثانوي...باقي لكم سنتين وبعدها قرري تكملين لو توقفين؟
هنوف/اوووف حرام كل يوم يعذبونه ويقعدونه بدري من صبح الله!!!
ناصر/ههههه بس هذا اللي مضيق خلقك القعدة بدري؟
هنوف/ماراح تحس بشعوري...
ناصر/طبعا مابحس فيه لاني كنت طالب مجتهد احب دروسي ومدرستي لين تخرجت وربي وفقني...
هنوف/على مين ها الككذب بالسنة لك اربع الى خمس مرات فصل لو مايروح عمي مسكين ومن هنا ومن هنا ويردونك؟؟؟اسكت بس ترى كل فضايحك عارفتها!!!
ناصر/افا ..يعني مايمديني اخذ راحتي!!
هنوف/هههه لاطبعا...
ناصر/تبين كبدة....
هنوف/عساك ماتربح وين طالع من دوامك ورايح تاْكل كبدة؟
ناصر/مسكين انا..عندي شغلة ببلدية القطيف وجاي اخلصها...عاد واحد من الربع يقولي في مطعم اسمه التنور يووون خوش كبدة قلت اجربها....
هنوف/وانت هذا اللي فيك مايهمك غير بطنك وبس!!!!
ناصر/ان شاءالله وش تبيني اشغل بالي فيه؟؟؟
هنوف/تعال خذني من المدرسة خلني اطلع معك؟؟
ناصر/لو يعطوني مليون ماطلعتك خلك متعذبة احسن؟؟
هنوف/شو ف النذالة وماتسوي؟
ناصر/ههههههههههههههه
///////////////////////////////////////////////////////
نجود تسندت على الجدار وكتفت يدينها/خير وش بغيتي؟
ملاك بهدوء/وش نحمل معنا بكرة...نحو ولاادب؟
نجود بهدوء ونظراتها على نجود/هذا السؤال اللي شاغلك؟؟؟
ملاك بضحكة/انتي قلتي اذا طلعت وماقلت لكم وش تحملون تجيني وحدة تسالني؟
نجود/أي بس يافالحة باقي لي حصتين معكم الخامسة والسادسة ولاانتي ناسية؟
ملاك/لامو ناسية....
نجود بنفاذ صبر/طيب..ويعني؟
ملاك/ممكن اسالك وش اللي مضيق خلقك اليوم؟؟؟منتي على بعضك منو مزعلك؟
مها طلعت بها اللحظة....
نجود/مو من خصوصايتك ياملاك فلا تسالين لو سمحتي وخلي بيني وبينك خط لاتتجاوزينه؟؟؟
مها/ملاك منوعليكم اللحين؟
ملاك/ابلة نوير....اي...مو قصدي اتطفل بس حسيتك مو على بعضك...يعني اللي مزعلك من المدرسة..
نجود/.............
ملاك/طيب من الفصل؟
نجود/ملاك...
ملاك بترجي/بس ابي اعرف..
نجود/وليش تبين تعرفين؟
ملاك/علشان اشكره انه زعلك!!!!ماتدرين شقد تجننين وانتي زعلانة ...تطيرين العقل والله!!!!
///////////////////////////////////////////////////
نجلاء كانت تكلم بالتلفون....
وانفتح الباب حق الصالة...
نجلاء/ها فيصل رجعت؟
وقف قلبها يوم شافت فهد واقف قدامها واعتذرت بسرعة وانهت الاتصال...
فهد/وش فيك؟
نجلاء بارتباك/ها..ولاشي..
فهد/ليش وين رايح فيصل تسالينه اذا رجع؟
نجلاء/ها....فهد انت ليش راد بدري اليوم؟
فهد/حست بشوية تعب وقلت ارد اريح؟
نجلاء /وليش مااتصلت خبرتني؟
فهد بصرامة/ولازم اعطيك خبر اني برد بيتي اريح!!!!
نجلاء/لا مو كذا السالفة.......
فهد قعد على الكنبة وشال شماغه من عليه وفتح ازرار ثوبه.../وين فيصل؟
نجلاء/.................
فهد طلع له سيجارة وشغلها/وين فيصل؟
نجلاء/فيصل راح.....
فهد/في بيت عمه....
نجلاء/ها.....
اندق الباب بها اللحظة.....فهد/فتحيه يمكن انه مرة اخوي جايبته....
نجلاء راحت وهي مو قادرة تمشي وتدري لو فيصل تكلم بكلمة وحدة بيوديها في سالفة مع فهد...
فتحت الباب وكانت المفاجاْة...؟؟؟
/////////////////////////////////////////////////////
هنوف/ها ماغيرت رايك وبتمرني؟الله يخليك ياعمي ناصر؟
ناصر/لاتحاولين...ماكو...ماراح امرك لوتموتين يالله اشوفك متعذبة تبيني اخلصك بيدي مو مجنون يابعد عمري....
هنوف/نويصر ممكن اسالك سؤال؟
ناصر/تفضلي...
هنوف/انت تحب؟؟؟عايش الحب..
ناصر/احم احم ليش تسالين؟
هنوف/مو اللي يشوف نذالتك مايقول انك تحب ولا بتدل طريق الحب بعد!!!!
ناصر/حرام عليك...انا ابو الحب..الحب مغرقني من فوقي لتحتي لو ماتدرين؟
هنوف بجدية/احلف!!!
ناصرمسوي روحه ثقل/لالالالا هذي خصوصيات شباب مالازم تعرفين عنها شي...يالله روحي فصلك لااتصل اللحين بمدرستكم واقولهم انك متخبية بالحمام انتي وصاحبتك ام كشة!!!!
/////////////////////////////////////////////////////////
مشت ملاك للفصل بعد ماقالت لها نجود تروح...
مها/نجود انتي وش بينك وبين بنت الفايز؟؟
نجود بلامبالاة/طالبة ومدرستها يعني وش بيربطنا ببعض غير الفصل؟؟
مها/لالالا انا اتكلم عن برى الفصل....ملاك صايرة منتظمة ومن داومتي للحين ماغابت ولايوم وهذا مو من عوايدها حتى امها متعجبة منهامن قبل تجي يوم كل اسبوع لو كل اسبوعين اللحين بتكمل ثلاثة اسابيع ماغابت ولايوم؟؟؟
نجود/طيب ليش ماتسالينها عن اسباب عدم غيابها بدل ماتساليني انا!!!!قلت لك انا مالي علاقة بالموضوع؟
مها/طيب لنشوف نهايتكم شنو.....
نجود مشت عنها وماكانها تسمعها...مو ناقصتها بعد وناقصة وجع راس كفاية الهمين اللي عندها!!!!
///////////////////////////////////////////////////////
فتحت نجلاء الباب وكان السايق واقف.....
نجلاء بخوف وصوت واطي/وين فيصل؟
السايق/ماما هذا...
فهد/وش صاير؟؟؟؟
روحي انتي داخل من متى تكلمين السايق من على الباب؟؟؟وش عندك؟؟
السايق/بابا فهد...هذا فيصل يدخل بقالة بعدين انا يسمع صوت واحد يصدم سيارة حق انت انا يروح يشوف سيارة وش صار فيها ويسوي تفاهم بين هذا صديق بس مايرضى يوقف يمشي يقول انته في غلطان مو هو نفر...و..
فهد بقوة وقفت قلب السايق/وفيصل وينه؟؟؟؟
الاسيق بارتباك/انا بعدين روح داخل بقالة مايشوف فيصل في.....
فهد بصراخ زلزل البيت/فيصل وينه!!!!!!!!!!!!
السايق/انا مايشوف فيصل في بقالة؟؟
نجلاء شهقت شهقة عالية/يمه ولدي!!!!!
//////////////////////////////////////////////////////////الجازي/فاعل مرفوع.....
نجود/وين فاعل مرفوع؟؟وين مروحة انتي!!!شوفي وش قبلها...
الجازي/.......
نجود/قبلها فعل مبني للمجهول ولاللمعلوم؟؟؟كم مرة بظل اعيد وازيد اذا قبلها فعل مبني للمجهول يصير اللي وراها نائب فاعل....اذا انتي يالجازي يالممتازة تغلطين وش اقول انا عن ملاك لو غلطت؟؟؟؟
ملاك رفعت راسها وهي متضايقة وتفشلت بس ابتسمت بوجه نجود اللي كانت تناظرها وتضحك
ملاك/صرت مضرب المثل بالفصل عشاني كسلانة!!!
ضحكت نجود وضحكوا البنات وراها...
نجود/قعدي يالجازي.....اذا انبى الفعل للمجهول يعرب مابعده نائب فاعل واذا انبنى للمعلوم يعرب مابعده للمجهول.....فهمتوا....
أي....
نجود/قومي ملاك جيبي لنا مثل للفعل المبني للمعلوم وفعل مبني للمجهول واعربي مابعدهما..علشان لاتصيرين مضرب مثل ....
ملاك بثقة/ماعندي أي مشكلة ...
نجود/اوه ه ه مشاءالله..تفضلي اجل اكتبيهم على السبورة واشرحي لنا وانتي تعربين.....
/////////////////////////////////////////////////////////هيا/ممكن اسالك سؤال؟
جواهر بهدوء/خير...
هيا/وش عندك مع نجود؟
جواهر اكتفت بانها تنهدت ..
هيا/هي بصراحة قالت لي..
جواهر قاطعتها/انا اعرف نجود اكثر منك لو شيصير بها العالم ماتتكلم مع غيري..حتى لو كان عني انا!!!
هيا/تقصدين اني اكذب؟؟؟؟
جواهر/افهمي اللي تبين تفهميه؟؟
هيا قامت وهي مقهورة وتركت جواهر قاعدة بروحها....
تنهدت وكتبت مسج لنجود......اللي كانت بذيك اللحظة قاعدة على سريرها تفكر بفهد.....وصلها المسج وفتحته وتنهدت(الكون في غيبتك فاقد له انسان!!!!وانا في غيبتك فاقد الكون كله!!!!)هذا اللي ناقصني ياجواهر وجودك معي بها الظروف....ابي اقولك عن اللي بخاطري وعن شعوري اللي حاسته من صادفت ها الفهد!!!!جواهر يابعد عمري ليش سويتي فيني وفيك كذا بس!!!!
مسكت جوالها ودقت على السايق/جهز السيارة شوي وبنزل لك....
///////////////////////////////////////////////////////////ام مشاري/اذكري الله بس ياام فيصل اللحين بيلاقونه؟؟
نجلاء كانت ذابحة نفسها من البكي خوف على فيصل واللي ممكن يكون صار له وخوف من فهد اللي للحين ماحط لسانه بلسانها؟؟؟
نجلاء /ياربي شسوي انا شسوي....ياربي احفظه وين ماكان وسخر له عيال الحلال وابعد عنه عيال الحرام.......
محمد/السلام...
فهد بعصبية/ها ماشفته؟؟
محمد/لا ياعمي ماشفته....سالت عنه راعي البقالة وقال لي نفس الكلام اللي قالك عنه انه شاف اليوم طفل صغير داخل بس طلع ومااشترى شي ومايدري اذا كان راح مع احد ولالا....
فهد/استغفر الله العظيم....
ابو مشاري/خلنا نكلم الشرطة ياخوك من اللحين احسن علشان يسوون شي؟
مشاري/كلمتهم ياخالي كلمتهم...
فهد رفع راسه/وش قالوا؟؟
مشاري/قالوا لازم تمر اربع وعشرين ساعة على غيابه وبعدين نبلغ...
منال بهمس/طيب كيف طلع انا ابي افهم؟؟
لمياء بنفس الهمس/نجلاء خلته يطلع مع السايق منال/أي بس عمي مايرضى عياله يطلعون مع السايق بروحهم!!!كلنا نعرف ها الشي؟؟
لمياء/تقول انه كان مصر الا يروح....
منال/كان راحت معه بدل ماتخليه بروحه!!!!!
لمياء/صار وانتهى وش بيدنا نسوي عاد يامنال غير ندعي الله يحرسه ويحفظه..
منال بالم/ياحبيبي يافيصل...عسى ربي يردك سالم.....
لمى/بابا متى بتشوفون فيصل؟
فهد بعصبية/بابا لمى فارقي عن وجهي مو طايق اسمع أي صوت!!!!
لمى تبكي/بس انا ابي اشوف فيصل واتطمن عليه؟؟
فهد بعصبية وصراخ وصلت للحريم/هذا اصلا كل من تحت راس امك!!!لوهي سنعة ماخلته يطلع بروحه مع السايق وانا اللي منبه عليها ماتترككم تطلعون بروحكم!!!تتفضل تشوف النتيجة حضرتها؟؟ولدها صار له اكثر من ساعتين برى البيت والله يعلم كم بيبقى برى البيت ولا متى بيرد ولا وينه فيه!!!!!
ابو مشاري/روحي يابنتي داخل عند بنات عمك روحي....فهد ياخوي هد نفسك شوي..حتى امه خايفة عليه؟
فهد بنفس العصبية/لاماهي خايفة !!!لو كانت خايفة ماكانت طلعته من الاساس !!!واحد ثاني بعمره المفروض يكون بروضته يتعلم مو طالع لي مع السايق وكاهو مامنه خبر!!!انا الغلطان الحريم ماوراهم غير الهم ووجع الراس مايعتمد عليهم في شي؟؟؟؟
//////////////////////////////////////////////////////
بندر كتن يمشي على البحر والوقت وقت غروب وتفكيره يوديه ويجيبه...
جواهر الحب الغالي اللي عشته يابندر...واللحظات اللي كنتوا تسرقونها سرقة علشان تلتقون انت وياها...هي اللي علمتك الحب والعشق وحروف الهوى,,,,,
جواهر حبك اللي ماتساوم فيه بشر...كيف لك قلب تتركها ثلاثة ايام لاتكلمها ولاترد على اتصالاتها ولا مسجاتها!!!!!
دلع..ها البنت الطايشة صاحبة المشاكل اللي قاعدة تلاحقني من مكان لمكان وتورطني معها وين ماراحت!!!!
من عرفت مكان شغلي وانا مبتلش فيها؟؟؟؟
اوووف ياربي شسوي.....لاقاوي ارد ولجواهر واشوفها وهذا الاسبوع الثاني اللي بخذلها فيه وبحطمها ....
ولا قادر اقول لدلع اتركيني اروح اشوف اهلي وحبايبي بالشرقية ....
وليش ماتقولها يابندر!!!دلع ماهي ولية امرك علشان اذا قالت لك لا تقول لها حاضر؟؟؟
انتبه على صوتها اللي جنبه ويدها في يده...
دلع/اقول بندر..وش رايك نروح نتعشى الليلة بمطعم حلو على ضوء شموع!!!
بندر بشماتة/منو انا وانتي!!!حتى مكدونالدز مايناسبنا!!!
دلع بعصبية/وليش ياعيوني؟؟؟
بندر/وش تبين مني يادلع!!!!
دلع/ولا شي...بس قلت لك قبل انت دخلت مزاجي ولازم تكون لي!!!!
بندر تنهد/دلع انا عندي هناك بالشرقية وحدة ثانية احبها وتحبني ومتفقين على الزواج؟؟؟
دلع/هههههه كل الشباب اذا مايبون يدخلون بعلاقة ولايبون ينهونها يقولون نفس الحكي!!!!انتوا ليش ماتتطورون وتدورون على كذبات جدد بدل ماتعيدون وتزيدون بنفس السالفة!!!!
بندر بضيق/انا مااكذب يابنت الناس؟؟؟؟
دلع/أي معليش مصدقتك!!!
دق جواله بها اللحظة وكانت جواهر اللي متصلة...
دلع/لاترد ماابيك ترد على احد وانت بقربي!!!
بندر/ماهو بكيفك سامعتني!!!
دلع/طيب جرب رد وبرفع صوتي علشان اذا هي حبيبتك تعرف انك مع وحدة ثانية يانظيف!!!!
رد عليها وهو وده يدفنها بالبحر اللي جنبه.....
بندر بضيق/هلا...
جواهر بلهفة وخوف/حبيبي...وش فيك؟
بندر بنفس الضيق/ولاشي....
جواهر/شلون مافيك شي؟؟صار لك ثلاثة ايام لاتتصل ولاترد على اتصالاتي ولا..
قاطعها بندر/انا مشغول اللحين؟
جواهر/بندر انت فيك شي!!!ليش تتكلم معي كذا!!!
بندر /قلت لك مشغول..اذا فضيت اتصلت فيك.. باي.....
سكرها وعلت ضحكة انتصار من شفايف دلع وظل بندر يطالع بالبحر وهو مشتت بين اللي كان يكلمها واللي واقفة جنبه..
اما جواهر من سمعت صوته وتغيره قامت تبكي ...بكت بكل حرقة قلب فيها!!!
بكت بعد الاخت والصديقة عنها...وبكت فراق الحبيب وتغيره عليها!!!
الاثنين مرة وحدة...ليش عاد ياقدري والله مافيني اتحمل!!!!!
/////////////////////////////////////////////////////
كانت تجر عربتها في التميمي....وهي جاية بدون أي هدف غير انها تاخذ لها كم غرض للشقة...
وكانت جنبها وحدة تتكلم بالتلفون عن طفل شافته ومبين عليه انه ضايع عن اهله بس شكله ولد عز من لبسه ,,,,
وناظرت بجوالها بحسرة...
تعودت لاراحت مكان مو مع جواهر تكون مرافقتها بالصوت وماتفارقها!!!!
لاهيا ولانورة ولابنات عمي ولاامي ولااي احد بها الدنيا بيغنيني عنك ياجواهر؟؟
تاْكدي ياغلاي اني قاعدة اتعذب من فراقنا مثلك واكثر بعد!!!
وصارت تفكر في جواهر وبندر ومدى علاقتهم وكيف انها مالاحظت أي شي عليهم وهم ماكانوا يغلطون ويبينون قدام احد بشي,,,,,
عمرها ماتوقعت ان جواهر بتحب بندر,,,وش فيه بندر ماكان ينقصه شي...كامل والكامل الله بس يمكن لانها ماعرفت عن الموضوع شي صاير بخاطرها ومتضايقة وحاستهم مو مناسبين لبعض!!!!
راح فكرها للصورة الثانية اللي قاعدة تشغل افكارها حييل ها اليومين صورة فهد....القاسي!!!!
///////////////////////////////////////////////////////////هنوف/الله وش ها الريحة الحلوة يالبنى؟
لبنى/عجبتك...
هنوف/بلا شك...
لبنى/انا سويت المكرونة باقي عليك الفيمتو تسوينه انتي!!!!
هنوف/من عيوني....
فتحت الدولاب وقامت تحوس/لبنوا ماكو فيتمتوا خلصوه ه ه مالحقنا عليه!!!
لبنى/دبري حالك لاماراح تاكلين معي...ومجهزة لنا مسرحية نقعد عليها..
هنوف/مااحب المسرحيات كثير....استبدليها بفلم لو سمحتي!!
لبنى/لاعيوني مو مصرية مسرحية خيطان مدري وش اسمها اللي فيها حياة الفهد وعبدالحسن عبد الرضا....
هنوف/لا..حلو...خل اروح ادور فيمتوا من بيت عمي....
لبنى/بيت عمي مو هني طالعين يتراوالي ماكو غير ناصر....
هنوف/نروح مو خسرانين شي كله بكله بنستعير الفيمتو وبس!!!(وفي بالها تقول ونكحل عيونا بشوفته)
///////////////////////////////////////////////////
كانوا كلهم متجمعين بالحديقة صارت الليل ومارجع ومافي غير مشاري ومحمد كل واحد يدور بجهة وسالم بعد من عرف طلع يدور معهم ويرجع يوقف شوي مع فهد اللي كان متوتر لحده....
سالم/طيب وين يروح هو بالعادة؟
ابو مشاري/هو مايطلع من البيت بروحه يايكون عندنا ولاطالع مع احد؟؟؟
مشاري/سالتوا الجيران يمكن انهم شافوه؟
محمد/سالهتهم كلهم..ماحد منهم قال انه شافه اليوم؟؟؟ولاحتى سمع صوته...
سالم/فهد...فهد هدي نفسك ياخوي ارحم حالك...شيل ها السم من فمك من الظهر وانت تشيل وحدة وتحط وحدة يعني اذا تلفت اعصابك بيرد؟؟؟
فهد بضعف/وش تبيني اسوي!!!طلعت ادوره بالشوارع ومالقيته عطيت المستشفيات عنه خبر وماجابولي أي خبر,,,حتى الضابط عماد اللي اعرفه كلفته وقال لي انه بيشوف وللحين مارد لي خبر؟؟انا خايف عليه ياسالم ...
سالم/لاتخاف عليه انت بتحرق دمك هنا وهو بيجيك بعدين يتمختر ولاهامه شي..هدي بس هدي...
ابو مشاري/رحمتك يارب....وبس بنظل مقابلين بعض كذا طول الوقت؟؟؟
سالم/طيب وش نسوي يابو مشاري..طلعنا ولفينا الشوارع ومالقيناه...نقعد بالشارع طول الوقت...
ابو مشاري بانكسار/بعد مايصير نقعد هنا خل نروح نسال اللي بالشارع يمكن انهم شافوه لو سمعوا عنه شي..
مشاري/انا برد اطلع ادور وبعدين برد....
دق جوال منال وكانت نجود المتصلة وعطتها بيزي.....وبعد دقايق رجعت اتصلت وعطتها بعد بيزي ...وبعد فترة اتصلت لها هاجر وعطتها بيزي...
نجلاء بعصبية/منال واللي يعافيك ترانا مو فاضين لجوالك اللي بيدق لنا كل شوي؟؟؟قفليه احسن لنا ولك ترانا مو ناقصين شي ابدا!!!
منال قفلت جوالها وهي معصبة حييل بس محترمة وجود سالم معهم ولاكان ردت على منال.....
ومافي غير بكي مي وسارة ولمى واحمد عليه ومريم بنت مشاري تطالعهم وهي خايفة.....
//////////////////////////////////////////////////
هنوف/احم احم احم...نبي فيمتوا..
ناصر وهو لابس البيجاما/دخلي شوفي وخلصيني بقفل الباب وبنام....
هنوف/ههه تخاف على نفسك؟؟بتقفل عليك الباب؟؟
ناصر/يالله هنوفوا بلانذالة واللي يسلمك ...النوم في عيوني..
هنوف/اخاف هذا كله من الكبدة اللي كليتها اليوم!!!جابت لك النعس؟
ناصر/هههه أي كبدة واي خرابيط الساعة عشر الاربع خلاص مافيني حييل للسهر..
هنوف بنعومة/روح اسهر مع حبيبتك؟
ناصر/أي حبيبة؟؟
هنوف/اللي قلت لي عنها اليوم؟
ناصر/حبيبتي مو هنا حبيبتي راحت عليها نومة اللحين وراها دوام مو عطالية بطالية مثلك بها الحزة تبي فيمتو؟
وقف قلب هنوف من صدقه هذا وهي تفكره يسخر عليها اثاريه صدق يحب وحدة..
قالت له بتسرع وبلا تفكير/منهي حبيبتك؟؟نعرفها ؟؟قد شفناها من قبل؟؟
ناصر/توقعت تسالين تدرين ليش لان اللقافة تسري بدمك من صغرك,,,,!!!بس بقولك لاني لو مااقول بتظلين رايحة جاية لين تعرفين صح ولالا....حبيبتي اسمها نجود السبيعي..اختي الغالية..عرفتيها...
رفعت راسها وعلى وجهها ابتسامة رضى وارتياح احتار ناصر بشنو يفسر ها الابتسامة وليش!!!
/////////////////////////////////////////////////جواهر كان رد بندر شبه خلص عليها...
كانت قاعدة بالزاوية اللي بغرفتها واللي يامه وقفت تناظر بندر من النافذة من ها المكان..
قعدت وهي متكورة على حالها..وشعرها كله طايح بااهمال ولامبالاة على وجهها....ومشغلة لها اغنية قديمة لحاتم العراقي..
ومافي غير اضاءة الابجورة الضعيفة مونستها ودموعها اللي حارقين خدودها من كثر مانزلوا...
وجا صوت حاتم بقوة عليها وهو يغني ها المقطع,,,
(ماكو يافلان امر من الهجر...امر من الهجر..
يللي ضاع وياك كل تعب العمر...اه يالعمر.

انا وجروحي...نصبر بروحي...
يشهد الله بغيبتك شقد بكيت....)
فجرتها ها الكلمات على الاخر وصارت تبكي وتبكي وتبكي وهي مو حاسة لشي للي حوالينها...بلحظة من اللحظات القدر سلبها سعادتها من اعز اثنين بحياتها...وكاهي تعاني ومالها احد يسالها وش فيك ياجواهر,,,,,,
///////////////////////////////////////////////////////////الخدامة/ماما منال في وحدة تبي انتي عند الباب...
منال رفعت راسها وقالت بضيق/قولي لها منال طلعت موهنا.....لمياء/شلون طلعت وهي قايلة لها انك هنا!!!
منال/هذا وقت زيارة من جد مالي خلق اشوف أي احد؟
ام مشاري/قولي لها نامت....
راحت الشغالة ومانسمع غير صوت تسبيح بو مشاري وبكي لمى اللي كل مايجيه يزيد مع احمد....
والتوتر اللي كان بوجه الكل.....
بعد دقايق بس التفتوا كلهم للصوت اللي جاي من ناحية الباب ومو كل اللي قاعدين قدروا يميزوه بس اللي كانوا عارفينها.
نجود وهي داخلة ومابعد قربت منهم بس صوتها كان عالي/شلون نايمة؟؟ماهي نايمة ادري فيها قاعدة..قولي لها تبيك ضروري....
منال وقفت وهي متفشلة ماتوقعت ان نجود تبيها وانها هي اللي جاية ولا شبيجيبها ها الوقت..
قربت منهم....وكانت حاملة فيصل عندها..
نجود يوم شافت الكل قاعد وخصوصا نظرات فهد لها رفعت شيلتها وتلثمت فيها..
منال/نجود..
نجود/بالذمة منتوا مفتقدينه؟؟؟
ناظرت منال بللي حاملته نجود وتمعنت هذا فيصل.....
منال بفزع/فيصل!!!!كيف شفتيه؟؟؟
كلهم وقفوا يوم نطقت منال..
واول وحدة راحت لها نجلاء شاللته بخوف وهو قعد لانه ماكان نايم صح......
نجلاء/حبيبي يمه وينك وش صار فيك؟؟؟
ام مشاري/نجود انتي وين شفتيه؟
نجود/بالتميمي كنت رايحة اتسوق ولقيته واقف برى عند مواقف السيارات وشكيت بسالفته ودقيت لك وماعطيتيني خبر بالنهاية قررت اني اخذه معي واجيبه هنا ..عسى بس مايكون رايح مع احد وتدورونه ..لانه صار له فترة طويلة هناك....سارة تهمس لمروة/هاذي نجود ابلتكم؟؟؟؟
مروة /أي..
سارة/يعني هذي اللي قالت لي مزنة انها غسلت شراع ملاك؟؟طيب والله لااعلمك...
قامت بسرعة ووقفت قبال نجود وهي تسولف مع نجلاء وام مشاري ومنال ولمياء اللي كانوا حوالينها....
وفيصل راح لحضن ابوه اللي حضنه بقوة وخوف بدون مايقوله ولا شي....
سارة بصوت عالي/ان شاءالله تبين نصدق انكلقيتيه؟؟؟وش ها المعجزة بالله!!!
نجود/نعم..لي ها الكلام!!
رحاب/سارة روحي داخل..
سارة/ماني رايحة..ليش ماتكون هي اللي اخذته وخبته عندها من الصباح واللحين توها ترده...
فهد بصرخة زلزلت البيت/سارة ووجع!!!!
ام مشاري/نجود ترى سارة..
اخذتها العصبية وكانت بترد بس نظرات فهد لها شلت لسانها ...وماقدرت غير تاخذ نفسها وتطلع....
اول من لحقها فهد وكانت بعده منال بس فهد سبقها بكثير لانه كان واقف عند الباب..
فهد/اوقفي.....
نجود كانت تمشي وهي تغلي...ومالفت عليه..
فهد برقة معصبة/نجود.....
لفت له وهي بركان ثاير ولثامها من زمان طاح وبان الشر بعيونها.../مو غريبة عليها ها الحكي بنتك صح!!!طالعة لاابوها!!لسانها سابقها بكل شي؟؟؟هذا من زود التربية ياعيني!!!!
قالتها وركبت السيارة ومشت...
منال/عمي وين نجود؟
فهد وهو يناظر بسيارة نجود/مشت...
منال فتحت جوالها اللي كانت مقفلته ودقت على نجود بس ماردت عليها وظلت تدق تدق تدق لين بالنهاية قفلت نجود جوالها..
منال باسى/اوووف وش ها الفشلة؟فهد/في النهاية بذبحها وبذبح امها معها؟؟؟؟
فيصل جاء يركض وهو ماسك يد لمى..../وينها نجود وين راحت؟
فهد اكتفى بانه يناظره/وش تبي فيها....
فيصل/ابي اغراضي......هي شرت لي اغراض من التميمي.....
بدوا يتجمعون عند فهد ومنال بعد ماجاء فيصل وسالم استاْذن بعد ماتطمن على فيصل...
مشاري/هي وين شافتك يافيصل؟؟يعني انت كنت هناك؟طيب وش وداك التميمي السايق يقول ماوداك...
فيصل بزعل/اول اغراضي وينهم..
الشغالة/فيصل هذا حق انت اول يدخل مدام نجود يعطي انا هذا كيس..
فيصل اخذ اغراضه وهو فرحان...
محمد/هذا اللي ذبحنا حالنا عليه واحنا ندوره؟؟؟كاْنه مو طايقنه...
فيصل/شوفي ...كتبت الارقام واحد واثنين وثلاثة..وكتبت حرف الفاء اللي هو حرفي..
وطلع الورقة وعطاها لنجلاء..
فيصل/نجود علمتني اكتب واحنا نتعشى..وقالت لي تعال كل يوم وبعلمك باقي الحروف كلهم ....
فهد ناظر بالارض وهو مو عارف وش يسوي بها الضيق..
ابو مشاري/خلاص يوم وصل بالسلامة يالله كل واحد على فراشه...تصبحون على خير..
راحوا كلهم وظل فهد ماسك يد فيصل واحترموا الباقيين وقفته معه وظلت منال واقفة معه....
وظلت نجلاء واقفة بعيد وهي عارفة انها ماراح تعدي.. فهد ماحط لسانه بلسانها طول اليوم....
منال بهدوء/فيصل حبيبي انت وين رحت؟
فيصل ببراْة/رحت البقالة...
فهد/وبعدين..السايق دخل وقال ماشافك....
فيصل/شافني واحد وقال لي شتسوي هنا قلت له انا ابي اروح التميمي علشان البطاطس الشيبس اللي انا احبه مو موجود هنا..قال لي طيب انا اوصلك اللحين ورحت معه بس قال لي لازم تدفع فلوس المشوار وانا ماكان عندي غير الخمسين واخذهم كلهم..وقعدت هناك من الضهر انتظر احد يعطيني فلوس وماحد عطاني علشان اشتري...لين جت نجود بالليل وشافتني واقف عند السيارة اتكلم مع الهندي,,,ودخلت معي وشرت لي الاغراض اللي ابيها وبعدين انا قلت لها جوعان ابي بوب كورن من كنتاكي وشرت لي وتعشينا وعلمتني الارقام واتصلت على منال ومنال ماردت عليها وسالتني اذا كنت ادل البيت وقلت لها نص ونص وصرنا ندور البيت من زمان ونمشي ونسال لين وصلنا...
منال صارت تناظر بوجه فهد اللي كان مو معهم ابدا..
منال/بس اللي سويته غلط يافيصل؟؟؟مالازم تطلع بروحك مع السايق؟؟كم مرة يقولك ابوك ها الحكي..
فيصل/أي بس الماما رضت اني اطلع!!!
وقف قلب نجلاء بها اللحظة وتمنت انها تكون مو موجودة...
فهد/بابا فيصل...احد لمسك..احد ضايقك؟
فيصل بعد تفكير/لا..
فهد بنفاذ صبر/متاْكد؟؟
فيص صار يفكر/امممممم ....اممممم أي تذكرت في احد...
وقف قلب منال وفهد ونجلاء بها اللحظة....
فهد بخوف/منو؟؟؟
فيصل/نجود....سوت لي كذا...ومسك خده بقوة وهو يقلدها....
منال/عمي تصبح على خير..
فهد بترجي/وين رايحة يامنال؟
منال/بفكر بالمصيبة اللي سوتها بنتك وشلون بعتذر منها....المشكلة بكرة الاربعاء وهي متفقة مع المديرة تقدم حصصها وتطلع بعد الفسحة علشان ترجع ترتب اغراضها طائرتها الساعة وحدة....
فهد/اوووف من ها البنت....وينها اللحين؟
منال /زعلانة؟؟؟زعلانة من امي ليش انها صارخت عليها؟؟شفت بعد!!!
فهد/والله يامنال ماني قادر افكر بشي..ماصدقتك انه رجع والله...
منال/بس لازم تفهمه ان اللي سواه غلط!!ومايعيدها..
فهد/اذا هو غلط فالغلطة من اسباب امه مو منه؟؟؟
منال راحت ومسك فيصل يد ابوه..ومشوا لداخل وكانت نجلاء تمشي وراهم....
دخل وقفل الابواب وطفى الانوار وركب فوق يشوف فيصل اللي دخلته امه ينام....
قعد عند سريره وهو يسمع فيصل يسولف لاامه عن مغامرته طول اليوم ونظرات نجلاء كانت تسرق شوفة فهد اللي كانت عيونه على فيصل...لين نام....
نجلاء بهدوء/قوم ريح انت بعد!!!!
قام فهد من غرفة فيصل ونزل لمكتبه...ولحقته نجلاء.....
قعد على مكتبه وسط الظلام وشغل له سيجارة....
نجلاء/فهد....قوم فوق..فهد/روحي نامي وحسابك بعدين مو اللحين!!!!
قالها بصرامة خلته نجلاء تقوم بدون أي نقاش وهي ساكتة....
///////////////////////////////////////////////////////////
اليوم الثاني....
منال/نجود ممكن اكلمك؟
نجود اخذت دفاترها وقامت/عندي ثلاث حصص..
منال/معليش عطيني دقايق بس..
راحت نجود بدون ماترد على منال...
هاجر/وش فيكم...منتوا على بعضكم...صحيح حمد الله على سلامة فيصل؟
منل لفت لها/انتي وش عرفك...
هاجر/دقت لي نجود البارحة تبي تعرف وصف بيتكم وتبيني ادق لك لانك مارديتي عليها وعطيتها وصف البيت على اللي اذكره.....
منال باسى/انا متفشلة من نجود حيييل مو قادرة كيف اتفاهم واعتذر منها....
///////////////////////////////////////////////////
ام مصعب في بيت فهد..
ام مصعب/وبعدين!!!كيف لقيتوه؟؟
نجلاء/جابته المدرسة اللي مع منال كانت رايحة التميمي وشافته وكل ماتتصل على منال ماترد عليها...وبالنهاية شلته معها وجابته..
ام مصعب/وفهد ماقال شي؟
نجلاء باسى/اسكتي...طول الامس وهو مايكلمني!!!الله يستر منه...تعرفين اخوك ودقاته...
فيصل/ووينه اللحين فيصل..
نجلاء/وينه بعد اكيد مع رحاب من يقعد لين ينام وهو معهم!!!
ام مصعب/وسارة ابوها ماهاوشوها؟
نجلاء/لا...يكفي بعد غسلة شراع ام مشاري لها؟
ام مصعب/تستاهل بنتك ملسونة؟؟
نجلاء/حرام عليك ياام مصعب كانت خايفة على اخوها!!
ام مصعب/ماقلنا شي..زين منها جابته علطول كذا تسوي روحها فوق وتقعد تتهم وتعطي نفسها اكبر من حجمها!!
نجلاء/لاتصيرين انتي بعد ضدها...
ام مصعب/يعني فهد ماتكلم..
نجلاء/مو هذا اللي يخوف فيه!!انه يسكت وبعدين يفجرها لنا!!!
ام مصعب/على كلا حمد الله على سلامته...
نجلاء/وين رايحة؟
ام مصعب/بروح هناك اطل على رحاب واشوفها وبالمرة بشوف فيصل هناك.....
///////////////////////////////////////////////////////
بعد الفسحة..
منال/هاجر وين نجود؟
هاجر/توها طالعة قبل ربع ساعة.....
منال/اوووووووووف مالحقت عليها....ياربي وش ها الحظ....
هاجر/معليش اتركيها لين تروق وبعدين كلميها؟
منال/مايصير ياهاجر بتفكرني مو مهتمة لها...
ودق جوالها..
منال/هلا عمي...لاوالله وقفت معها الصباح ومارضت ترد علي وتوها طالعة قبل شوي المطار ومالحقت عليها وماترد على اتصالاتي ولاعلى رسايلي اللي دزيتهم لها...طيب يالله....
هاجر/عمك فهد..
منال/أي..موصيني اعتذر منها ...
////////////////////////////////////////////////

جواهر/بتنزل اليوم؟
بندر/ها..لا مااتوقع...
جواهر/.........
بندر/حبيبي وش فيك..
جواهر بالم/بندر انت منت بندر حبيبي..انت واحد ثاني ..متغير حييل...
بندر/ليش تقول كذا ياكل الحب؟
جواهر بالم/لاني حاسة بتغيرك الواضح علي؟
بندر/قلت لك مشغول..
جواهر/اصلا صارت شوفتنا ماتهمك؟؟؟منت مفكر تنزل وتورينا وجهك وتطمنا عليك!!!
بندر/جواهر...انتي وش فيك...
جواهر/بندر انت تناسيت وعودك لي..
بندر/يعني انتي بس اللي شاغلك اني اخطبك؟؟ولايهمك اتصل في امي واقولها روحي خطبيلي جواهر...ها ارتحتي؟
جواهر صوتها على بالبكي/بندر انت وش اللي غيرك؟
بندر/ياعمري ماني متغير انتي بس يتهيا لك؟
جواهر/............
بندر/انتي شاكة بحبي لك ياقلبي!!!
جواهر كانت تبكي بصمت وصوت شهقاتها يرتفع بين كل شوي....
بندر بعصبية/يعني شاكة بحبي؟
جواهر/............
بندر/شكرا...شكرا على الثقة والتقدير ياجواهر.....
طو ط طوط طوط طوط .....وماكان في غير صوت بكي جواهر .....
/////////////////////////////////////////////////////////
بالمطار..
كانت قاعدة وهي تلعب بجوالها وافكار كثيرة شاغلة لها بالها..وانتبهت اخيرا على الصوت اللي جنبها يناديها...
نجود...لو سمحتي ممكن نتكلم مع بعض؟
لفت وفتحت عيونها على وسعها....
نجود/انت!!!!!وش تبي!!!
فهد/ابي اتكلم معك اذا سمحتي؟
نجود ناظرت بالكرسي الفاضي اللي قدامها.../اكيد جاي تعتذر ...بس عن شنو بالضبط؟
فهد/ممكن ماتتكلمين معي بها الاسلوب لاني مااحبه!!!
نجود بعصبية/ياسلااام وليش جايني بالله!!!علشان تقولي تكلمي كذا ولاتتكلمين كذا!!!!
فهد/خلينا نتكلم بهدوء لو سمحتي....
نجود/قول اللي عندك....
فهد/طائرتك الساعة وحدة..لسه بدري توها عشر ونص....
نجود/وانت وش عرفك ان طائرتي وحدة؟؟
فهد/مو صعبة اعرف.....
نجود/اخلص وش تبي...
فهد/انا فعلا مدين لك باعتذار عن اللي صار امس من سارة...
نجود/...ربي بنتك عدل...لو سمحت؟
فهد/ممكن ماتتكلمين بها الاسلوب...يعني هي بعد كانت منفعلة ومتضايقة علشان اخوها...وتعرفين ردات فعل المراهقين مانتصورها بمعظم الاحيان؟
نجود/والزبدة!!!
فهد/اتمنى انك ماتشيلين بخاطرك عليها...وبعدين منال مالها ذنب..يعني علاقتكم في بعض مالازم تتاْثر؟
نجود/بالله شو؟؟؟انت ناسي اني انهنت بوسط بيتها؟؟؟وماقالت شي؟
فهد/هذا انا جاي اعتذر لك بنفسي مو كفاية؟؟
قالها وهو يطالع في عيونها مباشرة بنظرات وقفت قلبها بجد...
وظلت تبادله نفس النظرات وناسين الجو اللي هم فيه....
وعيون فهد كانت تاْكلها ..كل نظرة من نظراته كانت بمثابة السم اللي يتغلغل فيها ويذبحها بهدوء وصمت........
غمضت عيونها بقوة علشان تهرب من عيونه القاسي والذباحة بنفس الوقت...وتنهدت بصوت واطي بس ماخفي على فهد اللي كان قريب منها وحرقه تنهدها قبل يحرقها.....
فهد برقة غريبة عليه هو نفسه/اتمنى انك تكونين سامحتيها ورضيتي؟
فتحت عيونها بشويش....ولفت للجهة الثانية تبعد عن نظراته....
نجود بنعومة/شلونه اللحين..
فهد/منو..
نجود/القمر...
فهد/أي قمر؟قالا وهو نظراته تتوزع عليها...
نجود/فيصل...
فهد/أي...بخير...تعودنا عليه يذبحنا ويطلع بالنهاية يضحك...
نجود/انت .........قد تربي هاللي عندك؟
فهد/ممكن ماتتدخلين بخصوصايتي؟
نجود/يعني اذا موقده ليش جبته؟؟حرام...والله انه يهبل بس يبيله واحد ياخذه بالسياسة....يعني كيف تاْمن عليه يطلع بروحه مع السايق وهو توه صغير مايفهم؟؟انت ماتسمع بالسوالف الي تصير ياولد الناس!!!
فهد/........انا ماارضى بس امه تعبت منه ووافقت يروح مع السايق...
نجود/طيب يوم انها وافقت كان راحت معه..وش فيها لو راحت مع ولدها البقالة..على الاقل بيكون تحت نظرها ومابيغيب عنها..ولا ينشغل بالها وبال غيرها بعدين؟؟
زادت نظرات فهد لها بقوة .....وحست نفسها مخنوقة حييل منه ومن نظراته...
فهد/ صحيح كم صار حسابك يقول ماخذة له كم غرض ومعشيته؟
نجود/مالها داعي كلها كم ريال اعتبرتها صدقة؟
فهد/أي بس انا مصر...
نجود/وانا ماابي شي...واذا مصر جيبله لي مرة ثانية وعدته اكمل له باقي الحروف وماابي اطلع بعيونه مو قد كلامي....
فهد/نجود...
وقف قلبها.....واكتفت بانها تلف للجهة الثانية علشان لاتشوف نظراته من جديد.....
ظلوا ساكتين فترة طويلة لين قال فهد..../طالعة الشرقية بدري وحشوك اهلك؟
نجود/ومين مايوحشوه اهله؟؟؟؟يعني تبيني اقعد هنا وانهان في بيتك وبيت غيرك بعيدة عن اهلي واكون مبسوطة؟
فهد/شكلك ماراح تنسينها بسرعة يانجود؟
نجود/.......بتاْخذ لها وقت...
طلع من جيبه كرت وعطاها اياه ولامست اصابعه اصابعها وصاروا يناظرون بعض...
فهد بهدوء/هذا كرتي..زلو ردتي وحبيتي نتكلم بالموضوع بكون منتظرك...اللحين مضطر امشي عندي مقابلة.....تروحين وترجعين بالسلامة...
/////////////////////////////////////////////////////////سارة/منال
منال/انتي مو ملاحظة اني مااكلمك من امس؟؟
سارة/........
منال/اذا فكرتي تتصرفين بادب مع الناس واحترام ساعتها تعالي كلميني؟
سارة/أي بس الماما قالت لي انتي مو غلطانة كنتي خايفة على اخوك؟
منال/امك قالت لك ها الحكي؟
سارة/أي..
منال/عزات الله رحنا فيها اذا امك قالت لك ها الكلام؟؟؟؟وش تبين؟
سارة/ابي اعتذر لنجود...بابا من امس ماكلمني وخليت لمى تروح تساله ليش قال مابيكلمني لين اعتذر منها..
منال/معناته انتظري لين السبت اذا رجعتظ
سارة/اوووف يعني اقعد ثلاثة ايام والباب مايكلمني لين تشرف حضرة جنابها؟؟
منال/والله عاد هذا مو ذنبي ذنبك انتي؟
/////////////////////////////////////////////////////////
كانت قاعدة بغرفتها وهي تفكر كل شوي بالبا اللي بيندق وبتجي جواهر تكلمها..
خلاص بعد نظرات فهد وكلامه معها لازم تكلم جواهر وتنسى زعلها!!!
في قلبها نار ماتقدر تطفيها وتقول لااي احد عنها غير لجواهر حبيبة قلبها...
بس معقولة جواهر مادرت اني هنا صارت الدنيا ليل وانا جاية من الضهر.....
يالله بنتظر واشوف اخرتها....
///////////////////////////////////////////////
الليل بغرفة فهد..
كان قاعد على فراشه وسيجارته بفمه وهو يتاْمل بااصابع يده اللي لامست اصابعها...
ويتذكر عيونها الذايبة بالكحل وها اللون الرمادي اللي بعيونها....كان عاطيها حدة وقوة بشخصيتها....
فيها شي مميز مايدري شنو....
قطع عليه حبل افكاره صون نجلاء..
فهد
انا ادري انك زعلان مني؟
فهد لف لها.....
نجلاء/...........
فهد/زين انك عارفة؟؟
نجلاء/...........
فهد بعصبية/انا ابي افهم وش يصير من وراي بالبيت؟
نجلاء/فهد..فهد/انا مو منبه عليك من قبل مايطلعون بروحهم مع السايق؟؟؟ليش كسرتي كلامي حضرتك؟
نجلاء/تكون ماتعرف فيصل اذا اصر على كلامه!!!
فهد وهو يذكر كلام نجود/كان رحتي معه!!!وش كان بيضرك لو رحتي معه البقالة بدل ماتشغلين بالي وبال غيري عليه؟؟
نجلاء/معليش ياولد الناس سامحني...
فهد/ماني مسامحك...نجلاء انتي بيجيك يوم وبتضيعين لي العيال...
نجلاء/فهد لاتقول ها الحكي عاد ماصارت؟
فهد/لازم تفهمين ان في شي اسمه تربية وان الام والاب هم المحاسبين.....
نجلاء/فهد انت طول الوقت غايب عن البيت وماتدري شقد انا تعبانة من عيالك؟؟لاتجي وتحط المسؤلية كلها فوق راسي؟؟؟
فهد/ش منه تعبانة؟؟؟؟طباخة وعندك...شغالة وعندك...سايق وعندك؟؟؟يعني ماعندك غير عيالك تديين بالك عليهم ..كثير يانجلاء كثير!!!!
//////////////////////////////////////////////////////
مروا الخميس والجمعة ثقال على نجود خصوصا ان ماكانوا موجودين طول الوقت علشن جدها تعبان وكانوا يزورنوه بالمستشفى....
وجواهر مابينت.....وها الشي اللي تعبها اكثر...
كانت تبي تسولف عن فهد لها بسرعة..وتقولها عن شعورها واللي هي حاسته بس ماهي قادرة.....
رجعت الرياض وهي حاسة بشي جديد بحياتها.. شي متلهفة تشوفه بقوة,,وتشوف نظراته وتسمع صوته وتطرب منه......
بس ياترى بتقدر تشوفه من جديد ولالا....
قطع عليها افكارها جوالها اللي دق وكانت امها متصلة......نجود/هلا يمه...
ام ناصر/هلا وغلا..وصلتي؟
نجود/أي يمه..صار لي نص ساعة من دخلت الشقة...
ام ناصر/وشلونك عسى ماتعبتي؟
نجود/الحمد الله ..ابوك شلونه؟
ام ناصر/بخير الحمد الله..نجود ترى جواهر ارخصوها قبل شوي؟
نجود بفزع/رخصوها؟؟؟؟ليش هي بالمستشفى؟
ام ناصر/ليش ماكنتي عارفة انها بالمستشفى؟؟؟ليش انتي ماكلمتيها؟؟شفيكم؟
نجود/شفيها تعبانة؟؟
ام ناصر/صار لها يومين تعبانة...وانا نسيت اقولك فكرتك تدرين وزرتيها..بس شبينكم غريبة ماتدرين عنها؟
نجود وقف قلبها/لا بس كن بينا شوية زعل ومادقينا لبعض ها الاسبوع....
ام ناصر/طيب بخليك اللحين...
سكرت من عند امها وبالها انشغل بجواهر حبيبتها..وهي تقول ليش مادقت لها ولامرتها خميس وجمعة!!!
شفيك ياقلب نجود شفيك؟؟
رفعت جوالها وهي متناسية زعلها وانصدمت يوم شافت جوالها مقفل....
دقت لبيتهم وكان مشغول...
/////////////////////////////////////////////////////////////////////

 
 

 

عرض البوم صور بياض الصبح   رد مع اقتباس
قديم 19-08-10, 06:29 AM   المشاركة رقم: 12
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

---البارت الحادي عشر---البارت الثاني عشر---

ام ناصر/طيب بخليك اللحين...
سكرت من عند امها وبالها انشغل بجواهر حبيبتها..وهي تقول ليش مادقت لها ولامرتها خميس وجمعة!!!
شفيك ياقلب نجود شفيك؟؟
رفعت جوالها وهي متناسية زعلها وانصدمت يوم شافت جوالها مقفل....
دقت لبيتهم وكان مشغول...
انشغل بالها ها اللحظات بجواهر ونست كل شي حوالينها....
شفيك ياقلبي شفيك...عسى ربي يحفظك ويحميك....
ماحست الا ودموعها مالية وجهها من خوفها على جواهر ..صارت تدق بدون فايدة...
كان لازم ها الكبرياء يانجود على جواهر؟؟؟كان المفروض انك تسمعيها قبل لات..استغفر الله...ياربي.....افتحي جوالك ياجواهر وطمنيني عليك.....
رجعت اتصلت فيها ثلاث مرات بدون فايدة ودقت على هيا..
هيا/هلا وغلا بكل الحلا..
نجود رغم دموعها كانت تتكلم بصوت ثابت/هلا..وينك فيه....
هيا/بالبيت...
نجود/رحتي طليتي على جواهر شفتي شلونها بعد مارخصوها..
هيا/تعرفيني مااحب اني اقعد معها كثير وم..
نجود/هيا..
هيا/اووف طيب بمرها بعد شوي...
نجود/اللحين تروحين لها وتطمنيني عليها وساليها ليش مقفلة جوالها ابي اكلمها...
هيا/طيب...
نجود/يالله لاتتاْخرين علي تراني احاتيها؟
/////////////////////////////////////////////////////
سالم/هذا احنا صرنا بروحنا....
فهد/وش فيها اذا صرنا بروحنا؟
سالم/فيها انك من الاربعاء وانت متغير يافهد؟شفيك...
فهد تنهد ورمى سيجارته بعيد عنه.....
سالم/شفت ان فيك شي....
فهد/نجود....
سالم/أي نجود؟
فهد/اللي قلت لك عنها؟
سالم/اسمها نجود.....هي نفسها اللي لقت فيصل؟؟
فهد/أي...
سالم/.........
فهد/رحت لها المطار يوم الاربعاء علشان اعتذر منها ومدري اذا كانت قبلت اعتذراي ولالا؟
سالم/الاكيد ان الاعتذار مو هو اللي شاغل بالك؟؟؟في شي ثاني...
فهد/نظراتها كانت........مدري كيف افسرها بس في شي بعيونها جذبني لها ول....
سالم/لايكون تولعت فيها يافهد؟
فهد تنهد تنهيدة حارة وطويلة وكانها مكبوتة من سنين بصدره/اول مرة تشغل افكاري بنت بها الطريقة يافهد؟؟؟؟
سالم/عدل عدل....تدري هذا شيسمونه؟؟؟
فهد/ماابي اعرف ياسالم ماابي ابي اشوفها وبس!!!
سالم/انت عارف هي وين ساكنة؟
فهد/لا..بس ابو عبدالله اكيد يدري هو اللي يوديها كل يوم....ليش تسال؟
سالم/مو تبي تشوفها!!يااخي ضبط حالك قوم خذ لك بوكيه ورد محترم مع شوية شوكلاته وهدية بسيطة واكتب كلمتين اعتذار ووصله لها يافالح وبكذا بتشوفها؟
فهد/اروح لعند سكنها؟؟جنيت انت؟؟يعني ماتعرف منو انا؟؟لو احد شافني شبيقول؟؟
سالم/اذا ظليت كذا يافهد ماراح تشوفها...
//////////////////////////////////////////////////////
في جمعة بيت الفارس..
رحاب/ياربي مو قادرة من دخلت الثامن وانا حالتي لله؟
لمياء/ههههه هونيها وتهون يابنت الناس هذا وانتي مجربة قبل لاتسدين نفس الباقيين عن الفكرة؟
رحاب/ها المرة غير...وقسم بربي حملي بااحمد مو كذا ابدا!!كان اهون حييل...احس ساعات اني فيل مااقدر اتحرك..
لمياء غمزت بعينها/بنت مو؟
رحاب/قلبي وجهك انتي بعد..
فوزية/مدام قالت قلبي وجهك معناته بنت...
لمياء/اصلا لازم تجيب بنت علشان تخاوي مريم الا طول الوقت قاعدة لي مع احمد وفيصل...
ام مصعب/شفيهم البنات يسولفون؟
رحاب/اشكيهم حالي مع الحمل ياعمتي..
ام مصعب/هانت يابنت الناس راح التعب كله ماباقي غير شهر وترتاحين..
لمياء/باقي شهر وتبداْ المعاناة الحقيقية والسهر والبكي اللي ماتعرفين اسبابه وهلم جرا...
ام مصعب باحتقار /وليش عاد ها التشاؤم والتنرفيز...ماشكلك ناوية تجيبين على مريم شي بعد!!!
لمياء/مو اللحين...ماصدقت على الله انسى تعبها ..
ام مصعب/ولمتى عاد!!لين تدخل المدرسة ياحافظ؟؟؟
نجلاء/منال..
منال/نعم..
نجلاء/كلمتي نجود..
ام مصعب/ليش تكلمها؟
نجلاء/علشان تعتذر وتشكرها بالمرة؟
منال/ماردت علي؟؟
نجلاء/وش عليه ها الثقل عاد!!بزر وقالت كلمة ما المفروض تاخذ على خاطرها؟
ام مصعب/انا لو منها ماارضى ولااوطي ها البيت مرة ثانية!!!بنتك لاهي بزر ولاهم يحزنون وبعدين لمتى بتتعلم الادب ان شاءالله وبتقعد تفشلنا!!!
نجلاء/شسوي فيها..مو كفاية ابوها مايكلمها وقال لها اذا رضت عليك انا برضى واذا مارضت ماني راضي عليك.....
منال/طيب وانا شذنبي صار لي ثلاثة ايام ادق لها وارسل لها مسجات وهي مطنشتني ماترد علي؟؟؟
ام مصعب/اللحين انتي تنتظرين منال تكلمها؟؟؟مو هذي الاصول يانجلاء!!!
نجلاء/............
ام مصعب/المفروض انتي تاخذين بنتك وتاخذين لها شوية حلاوة وتروحين لها لبيتها وتعتذرين منها وتخلين بنتك تعتذر ..هاذي الاصول يانجلاء مو تعتمدين على منال وبنتك انتي الغلطانة!!!
نجلاء/انتي رايك كذا!!!!
///////////////////////////////////في المطبخ..
محمد/يمه تكفين...
ام مشاري/يايمه خلني بحالي واللي يسلمك...
محمد/يمه تكفين طلبتك..زوجيني!!
ام مشاري/يايمه ياحبيبي انت مو وجه زواج!!!
محمد/ليش ان شاءالله مو رجال اللي واقف قدامك!!!
ام مشاري/رجال وسيد الرجال بعد....بس اعقل على سوالفك هاذي ما وحدة تبيك يمه ولابترضى تعيش معك؟
محمد/يمكن اذا زوجتوني اعقل!!!
ام مشاري/ويمكن ماتعقل وتفشلنا قدام الناس اللي بناسبهم!!!
محمد/اووووف يمه فهمي انا ابي وحدة تكمل معي حياتي مايصير كذا!!!
ام مشاري/يايمه اعقل وخل عنك سوالف الطيش والمغازل وانا من عيوني بروح اخطب لك زينة البنات!!
محمد/موت يامحمد لاني لابعقل ولابترك سوالفي ولابتزوجوني بعد!!!!!
////////////////////////////////////////////////
نجود/ها..
هيا/رحت لها قالت لي امها انها نايمة ..
نجود/يعني ماشفتيها؟
هيا/رحت لها غرفتها وكانت نايمة فعلا....
نجود/طيب كان قلتي لخالتي تخليها تفتح جوالها؟
هيا/قلت لها قالت لي اصلا الجوال عندها هي من طفى بالمستشفى ومارجعت عطتها اياه....
نجود/طيب بس تسمعين شي خبريني....
سكرت من هيا وهي متضايقة حييل...جواهر تعبانة وهي مو عارفة تسوي شي..المشكلة ماصار لها ساعتين من جت من الشرقية ليتها بس عرفت قبل لاتجي كان مرتها وتطمنت عليها واخذت بخاطرها وبعدها جت الرياض على مهلها بس شتسوي......
تبي أي احد يسمعها ..دقت على هاجر وماردت عليها...المشكلة هنا ماعرفت الاهاجر ومنال ونوير..ونوير علاقتها فيها ماتتعدى المدرسة لانها حستها منافقة وماحبت تاخذ وتعطي معها...
وجت في بالها لمياء..لو اخذت رقمها منها ذاك اليوم كان....بس شتفيد لو.....
دق جوالها وكان المتصل بواب العمارة يبيها تنزل...
لبست عبايتها وشيلتها وكانت متضايقة حييل ونزلت بعد ماقفلت غرفتها......
نزلت وكانت المفاجاْة اللي ماتوقعتها.....
فهد,,,قالت اسمه بصدمة كبيرة....
فهد كان مرتبك ومتردد/شلونك....
تلفتت حوالينها عند مدخل العمارة....
فهد/انا اسف اني جيتك لهنا...بس كان لازم اني اكلمك واشكرك واعتذر منك بنفس الوقت وماحبيت تفكريني مو مهتم ...
تنهدت نجود وجوده ضايقها حييل تبي أي احد تتكلم معه الا فهد.....!!!
فهد بارتباك واضح/اتمنى مااكون ازعجتك....
نجود ناظرت بالورد اللي بيده وكيس الشوكلاته/طيب وش المطلوب مني.....
فهد/رضاك...قالها بترجي...
خلت نجود تناظر بعيونه وتردد كلمته/رضاي!!!
فهد تنهد وهو مرتبك/ممكن نتكلم مع بعض لو مايضايقك يعني انا مااحب ها الوقفات....تحبين نروح مطعم ...
نجود/..................
فهد/ماابيك تفهميني غلط بس في امور حبيت اوضحها لك لانك ظلمتيني فيها.....
نجود/طيب....بقول للسايق يجهز وبلحقك....
مشت عنه وهي ماودها تروح معه بس في شي داخلها قال على لسانها انه بتجي وراه..وقفت يوم ناداها مرة ثانية ولفت له...
لقته ماد يده بالورد والشوكلاته..
نجود/وش لزمته؟
فهد/معليش..شي بسيط ..اعتبريه عربون شكر ..
نجود/وصل...
فهد/طيب خذيه..
نجود/لامعليش وصل..
فهد/ليش العناد عاد!!!
نجود/مقدر اخذه.....شكرا....
مشت وراحت لداخل ورجع سيارته بعد ماعطى سايقها اللي طلع يجهز السيارة الورد والكيس علشان يعطيهم لنجود وانتظر بالسيارة لين شافها ركبت وحرك سيارته وهو متردد ماكان يبي يقولها خلينا نتكلم لانه موعارف شبيكلمها عنه بس جت الكلمة عفوية منه وتمنى فعلا لو انها رفضت صحيح بيتضايق بس مابيكون مرتبك كذا..
وصلوا لين مطعم الضوء الخافت وكان فعلا بقمة الرومنسية والفخامة..نزلت وراه وخلت سايقها ينتظر ...مشت لين وصلت للمكان اللي هو واقف فيه وكانت تقدم رجل وتاْخر رجل ثانية وهي حاسة انها تبي تتراجع بس في شي مضيق صدرها
انها تبي تتراجع بس في شي مضيق صدرها ومكدرها...
دخل ودخلت معه بهدوء لين قعدوا بكبينتهم...وكان فعلا الضوء خافت والقعدة مرة رومنسية...
ظلوا فترة ساكتين لين جاب الجرسون لهم المنيو يختارون .....
كانت تتلفت بعيونها هنا وهناك علشان تبعد عن عيونه....
قالت بهدوء علشان تبعد الارتباك عنه وعنها/يابختها نجلاء اذا تجي للحين معها ها الاماكن!!يقولون الزواج يموت الحب بس شكلكم بعد العيال عايشين حب اكبر!!!
انتظرت منه اجابة ومالقت شي غير سكوته وشروده وسيجارته اللي طلعها بيشغلها..
قالت له بحدة/ممكن ماتشغلها!!!
رفع عيونه لها /ليش؟؟
نجود/لاني مااحب ريحة السجاير...وبعدين حرام تخرب الجو اللي هنا بها السيجارة حضرتك!!!!
فهد رماها وهو متضايق /اخترتي شي....
نجود بضيق/لا..اختار لك انت انا ماابي شي....
ناظرها بعيونه وكانت زعلانة وحس ان فيها شي.....
فهد برقة وهدوء وصوت واطي/نجود فيك شي؟
رفعت راسها له وعيونها غرقانة دموع وقالت بصوت مبحوح ومخنوق من كثر الضيق/متضايقة حييل..بموت من الضيق...انا مو طايقة نفسي!!
فهد بخوف/وش فيك...
نزلت راسها وقامت تبكي من الاحراج اللي فيها....بالها كان مشغول بجواهر وبتعبها وكيف انها كابرت ومااهتمت وهاذي النتيجة الخوف بيذبحها على صديقة عمرها...ودها تشتكي وتتكلم لااي احد بس مو لفهد عاد!!!
هذا اللي خلاها تتالم بصمت توها شايفته وماتعرفه وتبكي قدامه!!!!حست بالاحراج فعلا.....
عطاها منديل وقال لها بهدوء /مسحي دموعك مااظن ان في شي يستاهل تدمعين علشانه..
رفعت راسها وبانت دموعها وقالت بقوة ضعيفة/انا ضايعة بدونها...هاذي اول مرة نفترق عن بعض وحاسة بجزء كبير ضايع مني وخسرته..بس لحظتها صدقني ماكنت عارفة شسوي انا فعلا انصدمت بالعلاقة اللي بينها وبين بندر!!!
مو معقولة يكونون يحبون بعض وانا توني اعرف!!!طيب ليش ماقالت لي!!!مااحنا طول عمرنا اسرارنا وحدة وهمومنا وحدة ليش ها المرة لا!!!!
فهد بهدوء/عادي تمر علينا مواقف كثيرة بحياتنا وننصدم فيها من اقرب الناس وبعدين نكتشف ان احنا ماحكمنا ضميرنا من البداية وكان المفروض نتصرف بعقل وحكمة بس يكون الاوان فات.....صديقتك هاذي اللي تتكلمي عنها؟
ناظرت بعيون مباشرة وتكلمت معه طبيعي وكانها نست منو هو/اكثر من صديقتي انسانة عشت معها ثمنتعشر سنة....من صغرنا واحنا مع بعض ..ساكنين جنب بعض ..طالعين وداخلين ودارسين ومسافرين جنب بعض.....بس مدري ليش ماقالت لي عن سالفة بندر...وشكلهم مو توهم يعني من زمان.....
فهد/مين هذا بندر؟
نجود/بندروا ولد عمي....
فهد بتشكيك/وانتي تحبينه!!!
نجود/احبه!!!وليش احبه!!!بندر مو من النوع اللي يروق لي ابدا!!!
فهد/غلطانة يانجود ساعة اللي بتحبين ماراح تقررين منو تختارين...الحب يجي بدون مقدمات وبدون خيارات للشخص؟
سكتوا فترة يوم ان الجرسون يدخل لهم طلبهم اللي طلبه فهد.....
وظلوا ساكتين حتى بعد ماطلع.....
نجود وكانها تحولت مرة ثانية قالت بقوة/انا اسفة يافهد ...قالت اسمه وناظرت في عيونه ولقته يناظر فيها...
كملت كلامها وكان نظرته مو عاطيته أي اهمية/ماكان المفروض اني اتكلم بس حسيت بالضيق ولقيتك قدامي...تراني بالعادة مااقول لااي احد عن اسراري بس يمكن الغربة اللي انا عايشتها وبعدها عني ماْثرين فيني كثير...اسفة مرة ثانية...
اعتدل بقعدته وتقرب قدام شوي وقال بشماتة/مو على اساس اني جاي اعتذر لك!!!
رفعت راسها بقوة وهي تشوفه يبتسكم بشماتة لها وقالت باصرار/ومازلت انتظر اعتذارتك الاثنين!!!!!
//////////////////////////////////////////////////////////قعدت من النوم وهي حاسة بخمول عجيب...
يومين كاملين قضتهم بالمستشفى بعيدة عن نجود وعن بندر,,,,
وصلها سوال نجود عنها من امها وبكت ..بكت كثير لانها كانت حاسة ان علاقتها مع نجود ماراح تنتهي بها السهولة مهما كان غلطها وارتاحت...بس بندر بها اليومين مااتصل ولاارسل....وتنهدت ورجع الضيق بصدرها من جديد وقررت تكتب له مسج وبعدها خلاص بيعتمد عليه الموضوع اذا اتصل او ارسل اما اذا طنش فهي بعد بتطنش ويصير اللي يصير لانها تعبت من تغيره ها الفترة ناحيتها..هي صحيح ماتدري وشهي ظروفه بس مو معقولة تطنيشه كذا......
كتبت له المسج وارسلته وطفت الجوال مرة ثانية وفي بالها شي يدور وقررت تسويه.....
//////////////////////////////////////////////////////////ام مصعب/شكله اخوي مطول وماراح نشوفه الليلة؟
ام مشاري/مع ان بو فيصل مو من عوايده يطلع وخصوصا ليلة السبت بس اكيد موجب طرى له وماقدر يعتذر......
ام مصعب/حسافة كان ودي اشوفه صار لي اسبوع ماشفته....يالله فرصة ثانية نجي نسير عليه سلموا عليه....
نجلاء/الله يسلمك...
فيصل/نامي معنا..
الجازي/والمدرسة؟
فيصل/لاتروحين...
الجازي/انت تبي كل ا لناس مثلك عطالية بطالية مالهم شغلة ولامشغلة؟؟؟
فيصل/بكيفك ..لاتقولين ماقلنا لك نامي معنا!!!
الجازي/ههههه
فيصل/صحيح وين الحلاوة اللي وعدتيني فيه؟
الجازي/يو ..بالله اني نسيت!!!بس تدري بكرة بعطيه مروة تجيبه لك طيب..
مروة/الله يعيني!!!معناته ماراح يفارقني اللحين!!!
الجازي/ههههههههه باي فيصل تصبح على خير....
/////////////////////////////////////////////////////////////
شالت عبايتها وغسلت وراحت سريرها رغم ان النوم مجافيها....
!!!!!شلي خلاها توافق على طلبه وتطلع معه من الاساس ماتدري!!!!! كيف اخذت وعطت معه بالحكي بسرعة .....؟؟
صارت تتذكر رقته وكلامه صحيح كان قاسي بكلامه ونبرته بس بداخلها حنان كبير وهذا اللي حسته من نظراته......
ها النظرات اللي ذبحتها من كثر ماصارت تناظرها...
اسلوبه..نرفزته..تعجرفه..حنانه...فيه خليط عجيب غريب شدها له بدون ماتحس.....
لفت وناظرت بوكيه الورد اللي عطاه السايق بدون ماتدري وكانت مابتشيله من السيارة بس في النهاية قررت تاخذه....
وعلبة الشوكلاته الفخمة بعد.....
وكانت كلته بالمطار للحين ترن باذنها...(مو كفاية اني بنفسي جاي اعتذر لك)
اه....اه..اه...اه...شلي قاعد يصير يانجود....شسالفتك يافهد شسالفتك...ثقيل على حنون على..مدري كيف اوصفك بصراحة...
حتى بالمطعم ...ماطلب منها ترفع نقابها من عليها ولاانها تشرب ماي حتى...والاكل اللي طلبوه طلعوا عنه وتركوه مثل ماجاهم مالمسوا منه أي شي...
فتحت الدرج اللي جنبها وشالت كرته وشافت ارقامها وذكرت كلمته قبل لايمشون(فهد/ممكن اكلمك اتطمن عليك حاسك تعبانة وماابي اظل افكر فيك)
نجود/ليش انت بالعادة كذا حنون مع الكل..ماحد قال لي)
فهد/........
نجود/انا مضطرة اقوم....وبالنسبة للاعتذار انسى سالفته انا نسيت الموضوع وياليت ماحد يدري ان احنا كنا مع بعض اليوم...ماهي حلوة بحقي وبحقك...ودير بالك على فيصل وسلم لي عليه وعلى النعومة لمى)
تمنت انها تقعد معه وقت اطول وتسمعه يتكلم ويتكلم ويتكلم...بس المشكلة انه ماكان يتكلم معه بشي..كان كل كلامه عنها هي ولانها شكت له عن جواهر وهو قام يواسيها بس ماتكلم عن نفسه ابدا....
غمضت عيونها بالقوة وهي تبي تشيل صورة فهد وصوته من بالها نهائيا!!!!!!بس هل بتقدر؟؟؟؟
//////////////////////////////////////////////////////////وصله مسج جواهر وهو قاعد على سريره يفكر .....ويوم قراه حس انه وده يبكي ....فعلا كان محتاج يبكي.....
دخل كلامها لقلب بندر اللي حبها وحس بالضيق لانه طنشها ولانه عاملها ها المعاملة طول ها الفترة...
كانت كاتبة له..
(ماهي ها الليلة وبس...وانت متغير علي...
صار لك كم ليلة وانت ..وانت بالك ماهو لي...
حاضر بقلبك وغايب...وانا قلبي فيك ذايب..
ليه يااغلى الحبايب....انت سامع عني شي..!!!
الله يسامحك يابندر...تركتني للالم والاه وانت اكثر انسان عارف بعدك عني يمنعني حتى من اني اتنفس الهوا؟؟؟
حبيبي انا صار لي يومين تعبانة منك ومن صدك وطايحة بالمستشفى كان بودي الاقي منك اتصال او على الاقل مسج يتطمن علي او يسال عني بس مالقيت!!!!انا اسفة يابندر اسفة على كل شي)
جواهر تعبانة...طاح قلبه من ها التفكير..وهو سبب تعبها والمها...
اتصل فيها بسرعة وهو يغالب دموعه ولقى جهازها مقفل!!!!
حس بضيق ماحسه من قبل....وتندم على كل لحظة ابتعد فيها عن حبيبة قلبه بس هل بيفيده ندمه اللحين!!!!
رفع جواله من جديد واتصل بعلي علشان يعرف وش فيها...ولقاه مقفل ...اوووف هذا وقتك بعد ياعلي تقفل جوالك؟؟؟؟
///////////////////////////////////////////////////
دخل البيت بعد مالف شوارع الرياض كلها من التوتر اللي فيه....
راح لمكتبه وقعد فيه وكانت الانوار كلها مطفية....
طلع له سيجارة وشغلها وهاذي خامس سيجارة يشغلها من بعد ماطلعوا من المطعم.....
قعد وهو بقمة توتره...خطوته الاولى بروحته لعندها كانت غلط من اساسها!!!بس ليش سمعت كلامك ياسالم ليش!!!
روحتهم المطعم بعد كانت غلط؟؟؟طلبه منها انه يتطمن عليها بعد غلط؟؟ظوش فيك يافهد انت صاحب الغلطات الليلة مو هي؟؟وين ثقلك وين هيبتك وين وين وين...وش صار لك يارجال..وش صار لعقلك؟؟؟كان يتذكر شكلها وهي قاعدة تبكي ودموعها كلها باينة من فوق نقابها.....
عليها عيون تجنن بس لو تشيل ها العدسات بتبان ..صحيح انها مرسومة رسم ومكحلة رباني....وابتسم يوم تذكر دموعها وضيقها على صديقتها وقال في بالها يابختها ثمنتعشر سنة وهم مع بعض...مدة طويلة وحلوة..يالله ان شاءالله تتفهمها ويرجعون وماتقعد تقاسي بروحها هنا وماجنبها احد...ياترى اخذت الورد ولا رمته بالزبالة!!تسويها...انا منها كل شي اتوقعها......
وظل في باله صوتها بالمزرعة يوم كانت تغني للبنات (تحبني ولاتحب الدراهم..اختار لك وحدة علشان مااضيع....علاقة ماتنبني بالتفاهم...حتى تحت نور القمر يمكن تميع)
كان حاس بضيق وخنقة مو طبيعية هو عارف انه اليوم ارتكب اكبر غلط بحياته بطلعته مع نجود...بس بنفس الوقت ها الصوت البايح القوي مو قادر يفارق باله لحظة وحدة!!!
///////////////////////////////////////////////////////
اليوم الثاني ....
شمة/غريبة بالعادة ابلة نجود السبيعي تجي الفصل قبل لاتدق الحصة صار لها اربع دقايق من دقت وماجت للحين؟
مزنة/يمكن انها غايبة؟
ملاك/لاتقولون..
مروة/لاانا شفتها بالطابور..
ملاك بتشكيك/وش كانت لابسة؟
مروة بتحدي/قمص احمر وفوقه ايشارب اسود..
الجازي بهمس/سكتي عنهم بس...
دخلت نجود وهي بكامل اناقتها وشخصيتها اللي رجعت مثل قبل و اقوى بعد...
وكانت فعلا لابسة قميص احمر ورابطة فوقه ايشارب اسود ولفت مروة لملاك علشان تبين لها انها ماتكذب وابتسمت ملاك....
نجود/السلام عليكم...
وعليكم السلام ورحمة الله وبركاته....
نجود/تفضلوا ارتاحوا....
لفت على السبورة وكتبت نحو وصارت الهمهمات..
لفت لهم/خير ان شاءالله..
ملاك والجازي بصوت واحد/ابلة قلتي ادب اليوم؟
نجود/قلت لكم ادب!!اي بس انا جبت نحو.....طيب مو مشكلة ادب ادب..معناته بكرة جيبوا معكم نحو علشان المديرة بتحضر لكم الدرس ماشي.....
صارت تقلب باغراضها وكانها تدور شي..وراحت لعند اول جهة اللي قاعدين فيها الجازي ومروة...
نجود/الجازي عطيني كتابك....
عطتها ايه...
نجود/وش معنى اسم الجازي!!!!
الجازي اسكتت وناظرت بالارض والبنات يطالعون فيها وملاك متضايقة...
نجود/حلو اسم الجازي..انا احب الاسماء البدوية الاصيلة..بس مدري وش معناه..معقولة ماتعرفين معنى اسمك؟؟ولامستحية؟؟؟؟
الجازي/..............
نجود/طيب.........اخذنا بالحصة الماضية فن النقائض.....ماهو فن النقائض يا شمة..
شمة/........
نجود/مزنة..
مزنة/..........
نجود/مو على اساس جايبين ادب؟
نجود/مروة..
مروة/فن شعري يقوم على هدم بناء شعري ببناء شعري اخر...كاْن يقوم شاعر بنظم قصيدة في الفخر وياْتي شاعر اخر ويهدم قوله بقصيدة اخرى...
نجود/تفضلي ارتاحي....ملاك...من هم اشهر من كتبوا في فن النقائض منالشعراء؟
ملاك/احم احم....جرير والفرزدق.....

نجود/تفضلي..
ملاك بقهر/ماتبين تعرفين وش معنى اسم ملاك؟
قالتها وناظروها البنات واستشفت نجود من كلامها انها غيرانه,,
نجود بشماتة وهي تناظرها/اعرف وش معناه مايلزمني!!!!!!
اليوم بناخذ...بنات فصلكم مكتم وش ماكلين؟
.......................
نجود/ريحة سجاير ولا شي كذا!!!احد فيكم يدخن هنا!!!!
البنات/لا..
نجود/طيب وش ريحة فصلكم.....
ملاك/ماريحته شي؟
نجود/بلى فيه ريحة...الجازي فتحي الباب شوي يتهوى الفصل....(للحين ريحة السجاير فيها علاقانة ههههههه)
مرت هاجر ودقت لها وابتسمت نجود وهاذي بالعادة نادرة لانها ماتبتسم قدام الطالبات..
نجود من عند الباب اللي كان مفتوح شوي../هلا...
هاجر/ نزل التغير اليوم مناوبتي وانتي بكرة ومنال الاربعاء....
نجود/كان خلونا سوا ليش التعذيب بعد!!
هاجر/فيك حييل كلمي مها؟
نجود/واللي يعطيك العافية مالقيتي غيرها اكلمها!!!خلنا خلنا كذا احسن بس عليه هو بيروح وبيرجع....
هاجر/قهوتك بنصادرها ترى نازلين غرفة التدبير
نجود/ليش..شعندكم..
هاجر/والله سعدى عازمتنا على حلى مسويته ونزلنا تحت المهم قهوتك صادرناها..
نجود/لاتخلصوها عني ترى ماشربت شي بعد....
مشت هاجر ودخلت نجود الفصل اللي انقلب همسات وهمهمات....
نجود/خير بالله يعني ماطلعت منكم واقفة عند الباب ليش بعد ها الصوت ذا كله!!!
////////////////////////////////////////////////////
اخر اليوم بالسيارة كانوا منال ونجود بس..
منال/نجود..
نجود بابتسامة/هلا..
منال/......
نجود/انسي الموضوع يابنت الناس تراني نسيته والله لاتشيلين هم وصدقيني صارت عندي شوية مشاكل وماقدرت ارد على اتصالاتك خميس وجمعة..
منال باسى/انشغل بالي وخفت لاتكونين زعلانة ...انا من جد اسفة.
نجود/قلت لك انسي الموضوع؟
منال/وش عندك اليوم؟
نجود/ولاشي..
منال/في وحدة تبي تزورك اليوم اذا ماعندك مانع...
نجود/هلا وغلا باي وقت.....
//////////////////////////////////////////////////////
في غرفة هنوف..
كانت معها مشاعل صديقتها ونورة بنت عمها..
نورة/هنوفوا روحي جيبي لنا اكل يابخيلة؟
هنوف/روحي انتي ...بيتنا امان مافيه احد عكس بيتكم....
نورة/طيب امك وينها؟
هنوف/في بيت جيرانا راحت تشوف جواهر....

طلعت نورة وظلوا بروحهم ..
مشاعل بهمس/صار شي..
هنوف/لا
مشاعل/قلتيله عن شي؟
هنوف/طبعا لا...
مشاعل/ليش لا...لمتى ياغبية؟
هنوف/وش تبيني اسوي...
مشاعل/طيب نورة تعرف انك تحبين اخوها؟
هنوف/مو مجنونة اقولها...
مشاعل/ومتى بيعرف حضرته انك تحبينه..
هنوف/مو لازم يعرف.. سكري السيرة لاتسمعنا نورة نتكلم بعدين يصير خير.....
////////////////////////////////////////////////////////////////في شقة نجود....
نجود/هلا وغلا ....
نجلاء/شلونك..
نجود/بخير....معليش المكان متواضع جدا...
لمياء/اهلين..
نجود/هلا ..زين انك جيتي كنت باخذ رقمك من منال..
منال/تعالي سارة ادخلي..
سارة مدت يدها/شلونك ابلة نجود..
نجود/..زبخير تفضلي..
وقفت سارة شوي وبعد تردد قالت /اسفة....
نجود/دخلي......مفاجاْة بصراحة ماتوقعتها؟
منال/ليش منهي اللي مرت على بالك؟
نجود/مدري بس اللي جا في بالي فوزية....
منال/قالت اجلوها لغير وقت ابي اروح لها ونكمل هبال ذاك اليوم بس ان نجلاء اصرت تجيك وتعتذر لك بنفسها..
نجود/يامكبرها عند الله والله اني نسيت السالفة....
نجلاء/والله اني منحرجة منك كثير....
نجود/وينه فيصل ورى ماجبتوه معكم,,,,
لمياء/مع مشاري..يوم وصلنا تذكر انه يبي يشتري لك شي مايصير يجيك ويده فاضية ومسوي مشاري عنده مثل السايق ودني وجيبني...
نجود بضحكة/اسمع بعد الغيرة....
لمياء/طبعا غيرة...
نجود/هههههههه ماتغيرتي لميوا بعدك...
نجلاء/مشاء الله مكانك مرتب يانجود لو انا اقعد بغرفة تصير حوستي حوسة....
نجود/أي مرتب...ولاهو مرتب ولاشي....ليش ماجبتوا معكم ام مشاري..
منال/قلت لك ان نجلاء تبي تجي تعتذر لك وبس..
نجود/عدت السالفة خلاص..
نجلاء/فهد اصر تجي سارة بنفسها وتعتذر منك وقال لي اخذيها معك.....ترى للحين ابوها مايكلمها..
نجود/لا عادي انا نسيت السالفة اصلا...
ودق قلبها من جابوا طاري فهد وانه اصر يجونها يعتذرون منها.....
////////////////////////////////////////////////////
ام محمد(ام جواهر)/ولازم يعني..
جواهر/معليش يمه والله كذا برتاح..
ام محمد/بس انتي بعدك يايمه ماصحيتي...
جواهر/يمه معليش....علشان خاطري...
ام محمد/امري لله بعد شبقول....
جواهر/يابعد عمري يالغالية..ابوي وينه..
ام محمدج/بالديوانية..
جواهر/معاه احد...
ام محمد/لا...
/////////////////////////////////////////////////
عبدالعزيز/اللي سمعتيه..
لبنى بصدمة/كذا ..بدون مقدمات..
عبدالعزيز/وش مقدماته بعد؟
لبنى/........
عبدالعزيز/قلت لك بكرة باجي اخطبك من ابوك...لبنى شفيك ساكتة انتي مو موافقة؟
لبنى بذهول/بلى....
عبدالعزيز بعد تنهيدة/بس عارفة ان اهلك مابيوافقون....
لبنى/...........
عبدالعزيز/........
لبنى/اترك لي الموضوع وخليني اكلم ..عبدالعزيز باصرار/لا...انا بكلمه بنفسي.....انا ماابيك تزينني لاابوك...خل يشوفني مثل ماانا ويتقبلني اذا كان بيتقبلني مثل ماانا....
لبنى حست بالضيق وان الفرصة ضعيفة مووت لانها عارفة ابوها وتفكيرها...وتمنت بها اللحظة ان عمها بوعلي هو ابوها!!!!
لبنى/عبدالعزيز......
عبدالعزيز/شفيك يلبنى...
لبنى بهمس/صار ماصار بنظل نحب بعض صح ولالا؟
عبدالعزيز/................
/////////////////////////////////////////////
مروة/اوووف يلليتني رحت معكم.....
فيصل/انا بكرة بروح لها هي قالت لي..
نجلاء/حلوة ذي وكل من قال لك تعالي بكرة بتروح ..
فيصل/هي بتعلمني الحروف...
منال/حجة ها الحروف والله؟؟
نجلاء/من زمان تعرف لمياء زوجة مشاري..اشوفهم سوالف مع بعض...
منال/درست معها سنتين بنفس الكلية....وبعدين ثنتينهم من نفس المنطقة اكيد يعرفون بعض....وبتكون بينهم سوالف...
نجلاء/بس ذوق....عاجبتني كثير....
////////////////////////////////////////////سارة/بابا..
رفع فهد راسه لها ...
سارة/رحت لنجود واعتذرت منها.....
فهد شال نظارته /وش قالت لك..
سارة/قالت انها نست الموضوع...
فهد/مرة ثانية قبل لاتنطقين الكلمة ثمنيها بميزانك ياسارة وفكري هي شقد بتاْثر بغيرك اذا قلتيها طيب بابا..
سارة/طيب...
فيصل/بابا...
بعدت سارة وتقرب فيصل اللي كان حامل كيس فهد متاْكد انه يعرفه..
فهد/وشعندك...
فيصل/هذا شوكلاته عاطيتني اياه نجود علشانها تحبني!!
فهد/..............
فيصل/بس انا تحبني مريم ماتحبها ماعطتها منه عطتها واحد ثاني.....
مايدري لوين تفكيره وداه بذيك اللحظة....هي قالت ماتبيه بس ماتوقعه انه بيرجع اوبترجعه بذي الطريقة!!!!!!
//////////////////////////////////////////////
نجود كانت بغرفتها اللي قبل ساعة بس كانوا فيها جماعة ومونسينها بسوالفهم وضحكهم واللحين رجعت للهدوء من جديد.....
دق الباب ورفعت راسها
نجود/منو....
ماسمعت أي رد,,,ممكن انها تكون وحدة من البنات اللي معها..
قامت وفتحت الباب اللي ماكان مقفل بس مسكر ووقفت مصدومة......
نجود/جواهر!!!!!!!!!!!!

/////////////////////////////////////////////////////////////////////////
البارت الثاني عشر....

/////////////////////////////////////////////////////////////////////////
قامت وفتحت الباب اللي ماكان مقفل بس مسكر ووقفت مصدومة......
نجود/جواهر!!!!!!!!!!!!
كانت واقفة بهدوء شديد ودموعها تسابقها بالكلام...قالت بعد تردد/ممكن ادخل!!!
نجود للحين مو مصدقة ان اللي واقفة قدامها جواهر..صديقة عمرها اللي بالها مشغول بتعبها....
ماتدري شلي خلاها توقف جامدة كذا وماتتحرك...يمكن تفكيرها بجية جواهر لعندها خلاها تنحرج حتى من نفسها وماتتكلم!!!
مسكت يد جواهر وسحبتها لداخل الغرفة وسكرت الباب وحضنتها جواهر بقوة وقعدوا يبكون مع بعض بدون مايحسون على نفسهم وكل وحدة تشكي فراق الثانية في بكيها.....
/////////////////////////////////////////////////////
كانت قاعدة بمكتبهم اللي بشقتها...
وفاتحة جهازها وتقراْ في رسايل احمد اللي حبته بعد ما انصدمت في علي الزوج واللي المفروض يكون الحبيب!!!!
صار لها اكثر من شهرين وهي تاركة احمد في حاله وقاطعة علاقتها فيه..كانت عارفة ان كلامها معه حرام بس كانت تبي دفعة قوية لقدام علشان تنتبه وتوقف اللي هي تسويه..والحمد الله انها قدرت توقف ها الشي...صحيح ان كل اللي بينهم كان كلام بالجوال او على الشات بس هي ماكانت راضية ابدا عن حياتها...
كانت معظم الوقت قاعدة بروحها حتى صاحبات الدراسة تركتهم بعد ماتزوجت وماصارت تتواصل معهم كثير واكتفت بعلاقاتها مع خواتها وبنات عمها.....
علي....ولد عمي اللي كنت حاسة بعدم رضاها عني من قبل الزواج وماكنت انا بعد ابيه وتزوجنا....يكرهني ومايحبني بس لمجرد انه يحب وحدة ثانية وتركته!!!!!
عايشة ومانتي عايشة ياعبير!!!
طول وقتك تفكير وهم ودموع وماحد حاس فيك لو شقالوا ولو شسوا!!!
بتظل النار حارقتك بروحك وهم مايحسون....والقهر يبوني اجيب عيال واتبهدل انا معهم بها الدنيا....
اكرهك ياعلي اكرهك...واكره الساعة اللي تزوجنا فيها.....غمضت عيونها بقوة وهي تتذكر بعض اللحظات الخاصة بينها وبينه واللي كان يناديها باسم وحدة ثانية...طاحت دموعها بقوة بعد مامرت فيها الذكرى وحست بالاحتقار حتى لنفسها وتمنت انها تكون نكرة ومو موجودة؟؟
قامت تبكي بحرقة ورمت راسها على الكمبيوتر وبكت بكل مافيها....ليش ياعلي ليش!!!حتى لو ماكنت تحبني ماكان المفروض انها ماتفارق خيالك حتى وانت معي!!!!كرهتك وكرهت نفسي واستصغرتها وكرهت كل شي حوالينا وعايش فينا!!!
ودي انفجر ..اموت..اتكلم مع أي شخص بللي قاعد يصير فيني وبها الضيق اللي عايشته بس مو قادرة...ساعدني ياربي ساعدني....احس اني بموت....
///////////////////////////////////////////////////
سالم/ماشفتها البارحة وكحلت عينك فيها بعد ليش ها التفكير من جديد؟
فهد بضيق/مدري شصاير فيني ياسالم....صورتها مو مفارقتني؟
سالم /كشفت وجهها البارحة لك؟
فهد/لا...
سالم/أي صورة هاذي اللي مو مفارقتك؟
فهد/صورة شكلها يوم كانت بالمزرعة...صوتها...شكلها البارح بالمطعم ودموعها..
سالم/أي عدل انت شايفها بالمزرعة وانا على نياتي اقول أي صورة؟؟؟
فهد/يمكن انها ماتكون من ملكات الجمال اللي الكل يتكلم عن جمالهم بس في شي جذبني لها بقوة...عنادها..كبريائها..شخصيتها...صوتها...ثقتها بنفسها...
سالم/باختصار اشياء تفتقدها بنجلاء؟
فهد تنهد بقوة كتاْكيد على كلام سالم وصحته...
سالم/طيب انت استشفيت شي امس منها...
فهد/كانت صاحبتها شاغلة افكارها وماعندها غير سوالفها عنها؟
سالم/طيب هاذي فرصتك...بين لها ان بالك مشغول فيها وخايف عليها..
فهد بهدوء/انا فعلا بالي مشغول وابي اتطمن عليها....
سالم/وش تنتظر كلمها؟
فهد باحراج/ماعطتني رقمها؟سالم/اها..يعني مسوية ثقل ...
فهد بضيق/سالم انا محرج من نفسي ومن تصرفاتي!!!!هاذي صاحبة منال بنت اخوي وتدرس معها بنفس المدرسة...يعني موقفي بايخ جدا!!!
سالم/اهم شي هي ماتكون متضايقة؟
فهد بثقة كبيرة/ماحسيت انها كانت متضايقة بالعكس كانت تتكلم معي بوضوح وشفافية....
سالم/طب والحل كيف..
فهد/مدري......
سالم/تركها علي وانا ادبرها اذا قدرت بمعرفتي؟
فهد/وش بتسوي ياسالم؟
سالم/اعطيني الاشارة وانا بشوفها لك....
//////////////////////////////////////////////////////////
ناصر/وش فيك داقة بوز؟
هيا/..........
ناصر/حشى لله.....وين قاعدة؟
هيا/لاتنرفزني مالي خلقك ابدا!!!
ناصر/ليش!!نجود ومو هنا بعد ليش داقة البوز ؟؟بالعادة تتضايقين اذا احد عكر مزاج الحلوة نجود...
هيا/مو رادة عليك..
ناصر/بس انا مصر اعرف علشان امد يد المساعدة...
هيا/اقلب وجهك...
ناصر/انتي مو ملاحظة انك ماتحترميني ابدا!!!
ام علي/وش فيكم صوتكم واصل اخر الدنيا؟؟؟
ناصر/انا ادري عن بنتك ياخالتيز.ماتحترمني ابدا ماكاْني اخوها الكبير!!!
ام علي/الحمد الله رب العالمين مدري وش سويتي بدنيتي ابتلشت بعلي وفيها!!!
ناصر/أي والله ياخالتي الله يكون بعونك ماصاروا عيالك الا علي وهيا...يالله بتدخلين الجنة بسبايبهم!!
رمت عليه هيا المخدة ونزل راسه علشان ماتصدمه..
ام علي/ووجع ان شاءالله!!!صدق ماعندك احترام لااحد؟؟
ناصر/وشفيها اخلاقها تجارية كذا!!!
ام علي/بعد يصير جواهر تروح الرياض عند نجود وهي قاعدة؟؟مايصير؟؟
ناصر/وانا اقول هذي ماتدق البوز الا والسالفة فيها نجود ونجود مو هنا!!!عدل..كذا وضحت الصورة..
هيا/مالك شغل فيني...
ناصر/جواهر وعندها اجازة انتي تغيبين من الكلية علشان تروحين ماتسوى بعد يومين هي هنا..
هيا/ومن طلب رايك؟
ناصر/كذا..طيب وهذا اللي توني بقول ولايهمك بكرة اخذك لعندها ونروح نزورها ونخرب على جواهر روحتها بس طلعتي مو شي؟؟
هيا/احلف!!!قول قسم؟؟
ناصر طلع من المكان بسرعة لايتورط معها ولحقتها..
ام علي/الحمد الله رب العالمين عيال مثل الناس ماعندنا!!!كلهم مجانين!!!!
////////////////////////////////////////////////////
وقفوا عن البكي وقاموا يضحكون على اشكالهم وهم يبكون وبعدها دموعهم واقفة بعيونهم..
جواهر بضعف/وحشتيني يانذلة...نجودوا سامحيني ..وربي مو قادرة على فراقك؟؟
نجود بنفس الضعف ودمعتها بعينها بعد/وانتي واحشتني اكثر..صدقيني ماعرفت عن تعبك غير البارح وتعبت من كثر مااتصل فيك علشان اتطمن بس بدون نتيجة جوالك مقفل؟
جواهر/شفت اتصالاتك وحسيت ان في امل انك تسامحيني...
نجود ضربت جواهر على كتفها/شوف النذلة بعد حاطة لك خدمة موجود وماقلتيلي عنها!!!
جواهر/ههههههه ضحكت لين رجعت تبكي ..
نجود/ماراح تقولين لي عن علاقاتك ببندر؟
جواهر/.........قامت تبكي...
نجود بالم/شفيك؟
جواهر/مدري يانجود مدري....احس نفسي ضايعة..انتي وهو بعدتوا مع بعض....
نجود/اقعدي وخلنا نسولف عدل كذا ماينفع....
قعدت جواهر بعد ماشالت عبايتها وقالت لنجود سالفتها مع بندر من اول ماتعرفت عليه..
نجود/يعني هو اللي قال لك لاتقولين لنجود..
جواهر بانحراج/أي...فهمني انه يمكن تتعرضون لموقف علي وعبير وتنجبرون بعد على الزواج من بعض ساعتها انا ماراح اقدر اقولك الحقيقة وبخليك تاخذينه وبلملم جروحي بنفسي..
نجود/وانتي بزر يقص عليك بندر وتسمعين كلامه وتقتنعين فيه!!!
جواهر/اه...الحب يانجود يخليك مو بس بزر...ينسيك كل شي وتطيعينه بكل اللي يقوله...
نجود بخبث/شلون يعني بكل اللي يقوله!!!
جواهر ارفعت راسها لها وابتسمت بس دموعها نزلت وغطت ابتسامتها/.....
نجود/لاتفكرين فيه خله يولي.....
جواهر بدموع وصوت باكي/مقدر يانجود مقدر....مو فاهمة ليش مطنشني كذا!!!!
نجود/اذا يحبك بيجيك بدون ماتلاحقينه ياجواهر...اتركيه على راحته وشوفي وش ناوي عليه ولا شبيسوي...انتي مو دارية شعنده هناك ولا شلي متعرض له؟
جواهر/انا فعلا خايفة لايكون صار له شي......
نجود/يعني تحبين بندر؟؟تصدقين ولالحظة جت في بالي ان بينكم شي؟؟؟؟؟
جواهر/هذا اللي صار...انتي شخبارك وشعلومك...وحشتيني مووت يانذلة؟؟خلك تسويها فيني مرة ثانية وتزعلين مني وتمويني؟؟
نجود/حرام عليك انا كنت اتقطع ولاتنسين اني بروحي هنا...اكلم نفسي طول الوقت.....ماعلينا....
جواهر/قولي...
نجود/شنو؟
جواهر/اللي تبين تقولينه؟؟عيونك فيها حكي كثير احكي اسمعك...اصلا انا متفرغة لك وماْخذة اجازة ثلاث ايام وبظل معك هنا؟؟
نجود بفرح/احلفي!!!!ياسلالااااام...
وقامت وحضنت جواهر بقوة.....
جواهر/قومي بس خل نطلع طلعة محترمة وتسولفين لي عن كل شي بالطريق خوب مابتقعديني بالغرفة هاذي طول الوقت...
نجود مسكت جوالها/على راسي ياعمتي جواهر ادق على السايق ووين ماتبين بوديك.....
//////////////////////////////////////////////////////////ام مصعب/لابس وكاشخ على وين والله؟
مصعب/هلا وغلا فيك....والله ملان قلت اطلع اتمشى مع الربع ونتعشى ونرد..
ام مصعب/ووين بتتعشى؟
مصعب/سؤال ذكي من ام ذكية مثلك!!!والله ماقررنا قلنا بنتجمع اول بمحل من محلات الجوالات واحد من الربع بياخذ له وبعدها بنمشي...يمكن الفيصلية ليش تسالين؟
ام مصعب/بس اشوف بتلاقي صاحبتك هناك ولا تخربطها على امك؟
مصعب/ههههه اللحين انا يبين علي عندي صاحبة يمه!!!مااظن..شايفتني ولد اخوك؟
ام مصعب/ذاك عاد مفشلنا الله ياخذ ابليسه على سواد ها الوجه..
مصعب/هههه حرام يمه لاتدعين عليه تراه طيب حييل..
ام مصعب/ واحنا وش نبي بطيبته يمه يامصعب..اهم شي السمعة..الناس اذا سالت عنه بتسال عن سمعته مو عن طيبته!!!!
مصعب/في هاذي غلبتيني بعد مااقدر ارد....
ام مصعب/مو تتاْخر يمه..
مصعب/يمه تراني كبرت ماني بزر....
ام مصعب/يعني الام مالها حق تخاف على عيالها الا اذا كانوا صغار!!!اذا كبروا خلاص ما لازم تخاف عليهم؟؟
ابتسم لها ومشت عنه بعد ماهزت راسها....
مصعب/عسى الله يخليك لنا ياامي الغالية.....
///////////////////////////////////////////
كانوا يتمشون هي مع جواهر بالفيصلية....
نجود/وهاذي سالفتي معه من بدايتها لنهايتها؟
جواهر/........
نجود/ماقلتي شي ولاعلقتي؟
جواهر/مدري انتي شرايك؟
نجود/مدري ياجواهر مدري.. بس شاغل لي افكاري بقوة....
جواهر/أي بس مو تقولين انه متزوج وعنده ثلاث عيال؟؟
نجود بضعف/أي..
جواهر/هاذي بحد ذاتها مصيبة يانجود...لاتكثر افكارك عنده وشيليه من بالك.....البعد عنه اريح من القرب يانجود هذا مرتبط؟
نجود/ياليت قلبي يفهم ها الشي ويطرد صورته وخياله من فكري ويريحني .....
جواهر/شقلتيلي اسمه؟
نجود برومنسية/فهد...
لفت عليها جواهر ولقتها سرحانة وعورها قلبها عليها وماتمنت الشي اللي يدور في بالها يكون صحيح لانه اذا طلع صحيح ساعتها بتتعذب نجود لامحالة مع ها الفهد...يارب...يارب نجود ماتحب فهد ولاتتورط معه يارب!!!!
////////////////////////////////////////////////////////
كانت واقفة بغرفتها وقدام نافذتها وماسكة نفسها لانها عارفة باي لحظة بيجيها خبر يصدمها...
عارفة ان عبدالعزيز اذا قال الشي ماراح يتنازل عنه واذا قال بجي اخطبك يعني بيجي يخطبها.....
بس للحين ماجاها خبر..اصلا هي اليوم مرتبكة على الاخر ..حدها تغذت وقفلت على نفسها غرفتها وظلت فيها...
اندق الباب وكانت هنوف اللي جاية..
هنوف/اخبار..اخبار...
دق قلب لبنى/أي اخباره بعد!!!
هنوف مدت يدها/كم تعطيني!
لبنى/وش له اعطيك ياحظي؟
هنوف/علشان اقولك الخبر؟
لبنى مسوية انها مو مهتمة/أي خبر؟
هنوف/في واحد جاي يخطبك؟
لبنى وقف قلبها.....
هنوف/ها شكلك مش ولابد؟؟؟ماسالتي منو؟
لبنى/منو؟
هنوف/مدري اسمه عبدالعزيز الحمود....
لبنى/.............
هنوف/بس ولايهمك شكله عارف انه ابوي بيرفضه فماتعب نفسه وجاب اهله معه جا بروحه....
لبنى بتردد/ليش ابوي شقاله؟
هنوف تقلد صوت ابوها/قاله ياولدي بعدك على العرس روح كون حالك وبعدها فكر بالزواج ....والبنت بعدها تدرس....
لبنى/...........
هنوف/تعرفين اسلوب ابوي اذا ماحب يفشل واحد ويقوله انت مرفوض في وجهه يدخل ويطلع.....المهم اخر الاخبار تقول ان العريس طلع وهو زعلان ومافي عرس ولاوناسة..انتهت نشرتنا الجوية اروح اشوف ابوي شبيقول لعمي اللحين..يالله سي يو...
طلعت هنوف وطاحت لبنى على سريرها كانها تمثال ودموعها واقفة بعيونها......
ليش ها الاهل يوقفون بوجه سعادتنا ليش!!!
ابيه ويبيني...راضية فيه وراضي فيني!!!ليش يحرمونا من بعض ليش!!!
انا راضية اعيش معه وراضية بمستواه ووضعه...وعارفة انه مابيعيشني مثل ماانا عايشة هنا بس ابيه..قلبي متعلق فيه وماابي غيره؟؟؟
كاهي عبير اخذت علي..وعايشة هم وغم وكدر وماحد حاس فيها؟؟ليش يبى ليش؟؟؟انا ماابي فلوس ولا ابي أي شي من الدنيا..ابي اظل قرب الانسان اللي حبيته ..ابيه بفقره وبوضعه وبمعيشته...ابيه بكل عيوبه..اتركوني اقرر حياتي بروحي!!!
كانت صرخاتها تنفجر داخلها الف مرة وماتقوى تطلعها بوجه ابوها!!!!!
//////////////////////////////////////////////////////
ام مشاري/قومي روحي معي يالله؟
منال/والله مالي خلق اروح بيت العالي يمه..
ام مشاري بصرامة/منال...قومي يالله عن الكسل..دايم يسالوني عنك؟
منال*/اووووف عن جد مالي خلق..
ام مشاري/ليش بالله...يمه بصراحة بصراحة..انا من فكيت من احمد ولد خالهم وانا مااحب اروح بيتهم!!!
ام مشاري/فكيتي من ولد خالهم مافكيتي من اخوهم!!!بعدين هم ناس مؤمنين ان كل شي نصيب وقدر....
منال/ولو..انا مااحس نفسي مرتاحة...معليش خليني على راحتي..
ام مشاري/مايصير يمه..علشان يوجبونا لازم نوجبهم...يعني اذا ولدت رحاب بعد شهر ماراح يجون بيقولون انتوا ماتروحون لهم...والناس اللحين بالمثل بتزورينهم بيزورونك...يالله قومي عندك نص ساعة على ماتجهزين؟
منال/طيب....
////////////////////////////////////////
نجود/خلينا ننزل الدور الاول انا لامحة في مطعم اسمه البرازيلي خل ندخل...
جواهر/البرازيلي البرازيلي..والله لو تبين الكوري ماعندي مانع!!!
نجود/ههههه لاماابي الكوري تطمني....
نزلوا نجود وجواهر وكان مصعب قبال المصعد اللي نزلوا منه هو وصاحبه....وصاروا قبال بعض جواهر ونجود وقبالهم مصعب بالدرجة الاول اكثر من صاحبه..
مصعب/احم احم...وتنحى على جنب بعد ماناظرهم..
مشوا نجود وجواهر عنه وهم يدورون لوحة المطعم البرازيلي ويبين عليهم ماهم من الرياض من مشيتهم....
حسين صاحب مصعب/يالله وش تناظر فيه المزايين ومشوا؟؟
مصعب/ها....
حسين/يالله اثقل ..هذا ومتنقبين لو كانوا متلثمين لو كاشفين وش سويت فينا!!!صدق انك مو حق بنات يالمسبه؟؟؟

نجود/تصدقين شايفته بمكان؟
جواهر/فهد!!!
نجود/لا..هذا اللي مشى عند المصعد؟
جواهر/اكيد هنا..لاني اول مرة اشوفه...
نجود/هنا..بس وين وكيف مااذكر بس اكيد اني شفته قبل....
جواهر/يالله خلينا ندخل نتعشى بسرعة علشان ماتتاخرين على المدرسة بكرة بسبتي!!
//////////////////////////////////////////////////////
اليوم الثاني.....
دخلت نجود غرفة المعلمات ولفتت انتباهها باقة ورد كبيرة على متكتبها وكيس مغلف على كرسيها وثلاجتين قهوة مسويين وجاهزين وعلبة شوكلاته مفتوحة بجنب القهوة......
نجود/صارت السما تمطر مفاجاْت!!!
هاجر/هههههه هاذي شكلها وحدة من المعجبات!!!!
نوير قربت من نجود اللي كان كرسيها جنبها وقالت بهمس/يقولون انه من ملاك الفايز...ومها من جت وهي عيونه فيه!!شكلك بتروحينها عليها!!!
لفت نجود لمها اللي كانت فعلا تناظرها..وبعدت بوكيه الورد وحطت شنطتها وكتبها ...
منال/عندك حصة اولى...
نجود بلامبالاة/لا......عندي رابعة وخامسة....
منال/الفرحة شاقة الحلق..بشري..
نجود بفرح/ماقلت لك...توقعي منو زارني امس!!!
منال بضحكة/انا هههههههه
نجود/أي عارفة انتي بس بعد ماطلعتي كانت في زيارة ثانية؟
منال/امممم خليني افكر...لاتقولين جواهر؟
نجود/كيف عرفتي؟؟
منال/والله!!!حلو...
نجود/كيف عرفتي؟
منال/من ها الضحكة اللي شاقة الحلق؟ها صافي يالبن؟
نجود/عسل ياسكر....
منال/هاجر لازم نستغلها ياتغذينا ياتعشينا ولا شرايك؟
هاجر/أي اكيد....
نجود/ولايهمكم من عيوني..عندكم اليوم وبكرة واللي بعده..علشان تتعرفون على جواهر قبل لاتروح..
هاجر/مشاءالله ثلاث ايام عزايم يانجود؟؟؟
نجود/ههه تقولون بتستغلوني كاهي جاتكم على اقل من مهلكم...
منال/قاعدة معك للاربعاء...
نجود/أي...ماخذة اضطراري...
منال/حلو حلو..يعني السهرات صباحي وعلى كيف كيفك...
نجود/يالله تعالوا سهروا معنا....
هاجر/وين بتحطينا فوق المكتب ولاعلى الارض ولافوق الثلاجة؟؟
نجود/اقول دورولي اماكن حلوة افرجها جواهر بمعنى اخر سووا لي برامج حق ها الثلاث ايام....
////////////////////////////////////////////////////////////الاخ بندر السبيعي..
رفع بندر راسه...
بندر/خير انا بندر..
السكورتي كان حامل بيده كيس وعطاه لبندر/وصلك قبل شوي.
بندر/لي انا!!!!
السكورتي/أي...
بندر/غريبة...
السكورتي/وش اللي غريب...
بندر/يعني من منو بيكون؟
السكورتي راج للنافذة وفتحها وقال لبندر يجي يشوف..ويوم طل براسه وقف الدم بعروقه لان دلع كانت واقفة جنب سيارتها وكاْنها عارفة انه بيطل من النافذة هاذي واشرت بيدها....
رجع متضايق لمكتبه.....
السكورتي/تعرفها؟
بندر بضيق/خذ الكيس لك حلال عليك....
السكورتي بشماتة/وماتخاف اني اقولها؟
رفع بندر راسه يستفسر عن ها الكلمة لقى السكورتي يضحك.
السكورتي/ترى هاذي معزبتي وهي اللي وظفتني هنا مقدر اخذ هدية هي جايبتها لك ومحرصة علي اسلمها لك بنفسي!!!!!!!!
///////////////////////////////////////////////////////////ام علي/انت ماتقولي شسالفتك بالله كل يوم والثاني طالع من الدوام وراد البيت!!!
علي بملل/ولاشي بس تعبان قلت اريح؟
ام علي/وش اللي متعبك بالله شايل حمل جبال فوق راسك؟؟
علي/يمه خلاص عاد يعني الواحد مايقدر يرتاح شوي هنا...
ام علي/ابوك عند بو محمد وباي لحظة بيجي واذا شافك بيسوي لك ولي سالفة ماصارت ولاانتهت..
علي/اوووووووووف وانا بزر تهدديني بزوجك؟
ام علي بصدمة/اهددك بمنو؟؟؟هذا ابوك ياعلي ولانسيت!!!
علي/.........
ام علي/هاذي اخر تربيتي لك ياولد!!!!!اخس بس اخس...
علي قام واخذ شماغه علشان يطلع..
ام علي/ابوك وبيظل ابوك وبتظل شايل اسمه غصبا عنك !!!سمعتني ولالا ياعلي؟؟؟؟ شوف اخوك ناصر كيف قاعد يسترضيه من يشوفه قاعد طاح على راسه وساله اذا يبي شي..واذا انت رجال سو مثله ياعلي واسترضي ابوك؟
علي بعصبية/رجال وغصبا عن اللي مايرضى..
ام علي/أي رجال ومن صلب رجال بعد!!!!!!!
مشى عنها وهو متضايق حييييييييييل من ها السيرة.......
علاقتها بابوه شبه منقطعة رغم انه الكبير بس ماكانت بينهم أي حوارات مشتركة يتكلمون فيها لاعمل ولا حياة ولااي شي.....
وزاد الطين بة يوم عارض كلام ابوه وقال ماابي بنت عمي.....ومن يومها وعلاقتهم شبه منقطعة حتى اذا اجتمعوا على سفرة وحدة....
//////////////////////////////////////////////////
في فصل اولى ثانوي.....
نجود /السلام عليكم.......
وعليكم السلام ورحمة الله وبركاته....
حطت كتبها على الطاولة وانتبهت للمبخر اللي موجود واللي ريحته كانت مالية الفصل ......
رفعت راسها والتقت عيونها بعيون ملاك.....
نجود بصرامة/احلام طلعي كتبي لنا الامثلة على السبورة.....
نور/ابلة بتجينا المديرة اليوم الدرس؟
نجود/لا....بتجي وقت ثاني ويكون مفاجىْ...بس مو مشكلة احنا متجهزين باي وقت صح ولالا؟
نور بخوف/صح...
مشت بين الطالبات على ماتخلص احلام كتابة الامثلة ووقفت عند طاولة ملاك وقالت لها بصوت واطي وعينها بعينها/تروحين تشيلين اللي حطيتيه بمكتبي بعد الحصة طيب!!!
ملاك/.........
نجود بتاْكيد/سمعتيني!!!
ملاك/ليش؟؟
نجود/انا مااحب ها الحركات ياملاك طيب...
ملاك/أي بس هاذي هدية بسيطة تقديرا لجهودك العظيمة..
نجود بشماتة/أي جهود واللي يعافيك!!!
ملاك/معليش خليهم....
نجود/ترى انا ماراح اشيلهم معي وانتي تعرفيني اذا قلت شي اسويه؟؟؟شيليه لاينقطون بالزبالة ولاياخذهم غيري!!!
ملاك/متى بتكونين فاضية؟
نجود/ماني فاضية اللحين عندكم والخامسة عندي انتظار بثالث جيم والسادسة برجع لكم..
ملاك/بجيك بحصة الانتظار ابي اقولك شي....
نجود/وحصتك؟
ملاك/مو مشكلة.....
نجود هزت راسها ومشت عنها...وكملت مشيها بين كراسي البنات اللي رجع لهم الصمت بعد الهمهمات اللي صارت وانتبهت على الجازي اللي كانت حاطة راسها على الطاولة ووقفت عندها....
نجود/سلامات يالجازي وش فيك؟
رفعت الجازي راسها وكان مبين عليها التعب..وقالت بصوت تعبان/تعبانة شوي...
نجود/طب نزلي الاستراحة ارتاحي .....
الجازي/لا ماله داعي..
نجود بصرامة/انزلي...اريح لك الفصل ماراح يكون هادى....قومي مروة وصليها......
قامت وقامت معها مروة......
وقبل لاتوصل لعند الباب قالت لها نجود/بنفتقدك يالجازي اليوم وبنفتقد كتابك لاني ماجبت كتابي!!!
ملاك بصوت مسموع/اوووووووف...
طلعوا مروة والجازي ولفت نجود لملاك/خير ان شاءالله يابنت الفايز سمعيني ماسمعت!!!
ملاك بحلطمة/وش فيه كتابه زود عن كتبا بالله!!نفس الطبعة ونفس المحتوى؟؟
نجود بشماتة وهي تكتب على السبورة/ونفس الغيرة!!!!
ولفت بسرعة لملاك /عطيني كتابك ياملاك؟؟؟؟
ملاك/ها...
نجود/يالله جيبيه....
ملاك بعد تردد عطتها اياه.... وفتحته نجود وطبع الفضول فيها مافتحت على الدرس وبس قامت تقولي يمين وشمال فيه وهي تقراْ وش مكتوب فيه......
نجود/ياسلام ياملاك هذا كتاب ولادفتر مذكرات؟
اندق الباب بها اللحظة ودخلت مروة..
نجود/وصلتيها؟
مروة/أي..
نجود/ليش ماغابت يوم انها تعبانة؟
مروة/امها ماترضى تغيب؟
نجود/حتى وهي تعبانة؟؟؟
مروة/.......
نجود/تفضلي مكانك.....اي ملاك...هذا شنو بالضبط لاتضيعين حصتنا باكتشاف كتابكووظيفتها بالضبط؟؟
ملاك/.........متفشلة بس قاعدة تبتسم على انه عادي.....
نجود/اقراْ وش مكتوب؟
ملاك بثقة وهي تلعن ساعة نجود/عادي!!!
نجود/طيب...هاك اسمع مني ..يللي مجنني..انا المتولع وانت المتهني!!!هذي شنو بالله.
نور/هه ابلة هاذي اغنية؟
نجود/مشاءالله....وهذي ....اليك اكتب والقلم حبره دمعي ..اليك اكتب واغمس من الاهات ..كل يوم تمر بي الذكرى محملة برائحة الشيح....وبتكي دموعي كل ليلة وتقول انا في انتظارك؟........
ملاك بشماتة/ان شاءالله بس عجبتك تراها كتابتاتي الخاصة؟
كانت نجود بتكمل تقراْ اللي مكتوب بس مها المراقبة دخلت وبدون حتى ماتدق الباب وقالت بنرفزة/نجود تعالي شوي!!!
////////////////////////////////////////////////////////////قعدت من النوم وهي مرتاحة نسبيا اليوم على الاقل وجودها قرب نجود ورضاهم عن بعض مر بسرعة وماتصورته بيمر كذا بس الحمد الله...
غسلت وجهها وصلت وطلعت تتجول بالشقة كانوا الغرف مقفلين ماعدى المطبخ شغلت الفرن لقته شغال...راحت غرفة نجود تستكشف وش فيها من اكل ينطبخ على الغذى وانتقلت للمطبخ هي مع اغراضها وبدت تسلق المكرونة وكان جوالها معها ومالقت أي اتصال من بندر ورجعت تنهدت من جديد وادعت القوة رغم تفكيرها اللي بيذبحها...
دخلت على الرسايل وصارت تكتب له رسالة وهي مو عارفة وش تكتب...(اعرف انك الان مستلق على الضفة الثانية للارق..وتبحث عن اكتشاف ينوب عن كلمة احبك!!وانا هنا..على الضفة الاولى ..احاول ان احصي عدد المرات التي امطرتني بهذه الكلمة واتذكر كيف انني في كل مرة اسمعها اذوب شوقا وحبا وهياما....
سكرت جوالها وهي موعارفة تكمل...بعد بندر عنها فاْجاها وماهي عارفة اسبابه...المشكلة انها عارفة بقرارة نفسها انه صادق بحبه لها ويبيها؟؟؟ بس شنهي اسباب تغيرك يابندر؟؟؟الله اعلم!!!
//////////////////////////////////////////////////////
مصعب كان قاعد بسيارته وقت البريك ومشغل على اغنية محمد عبده اللي مافارقته من البارح لليوم....
(ماهقيت ان البراقع يفتننيلين شفت قبال عيني مبرقعاتي...
الله اكبر ياعيون ناظرني..ساحرات ..فاتنات..ناعسات...
طفى المسجل مرة وحدة وهو تفكيره بها العيون اللي شافها البارح بالفيصلية.....
شي غريب صابه ومايدري شنو؟؟
هاذي اول مرة يحط عينه بعين بنت غريبة عنه وتشده ها العيون لبعيد..رغم ان البنت ماناظرته ولابادلته نظرته بس هو حس بشي جنوني يجذبه لها!!!!
شي ماهو قادر يتحكم فيه...كل اللي يعرفه انه شاف عيون سلبته تفكيره كيف لو شاف الوجه كله وش بيسوي!!!!
وياترى هل بيقدر يشوفها بالايام الجاية مرة ثانية ولا كانت مجرد صدفة وعبرت بحياته!!
لا لالا ضايقه ها التفكير بانه ماراح يشوفها مرة ثانية ...وتمنى يرجع الفيصلية اللحين ويلاقاها موجودة ورغم ان الشي مستحيل بس تغلغلت فيه الفكرة وقال المجازفة ولااني اقعد مكتف يديني!!!!
///////////////////////////////////////////////////////
باقي بس عشر دقايق على انتهاء الحصة واللي مايبي نجود مرتاح واللي يبيها متضايق ...
كانت واقفة مع مها برى الفصل والنقاش بينهم محتدم وشكلها ماهي متقبلة الموضوع بس بالنهاية سكتت وساد الهدوء الفصل يوم شافوها داخلة بعد مامشت مها....
وقفت عند الطاولة وصارت تلم باغراضاها....
نجود بقوة/اولى ثالث....هاذي اخر حصة لي معكم....ان شاءالله من بكرة بتمسكم ابلة وداد وانا باخذ اولى اول....
صارت الاعتراضات بالفصل..
ملاك/لا ...ليش كذا احنا نبيك مانبي ابلة وداد؟
نجود /هذا طلب الادارة؟
ملاك/مو على كيفهم؟؟طيب ليش؟؟؟
نجود شالت اغراضها ومشت وطلعت من الفصل وقامت الاعتراضات بالفصل ومروة واحلام ونور وملاك طلعوا ورى نجود..
مروة/ابلة نجود..
لفت لهم...
نور/ابلة احنا تعودنا عليك مايصير تتركينا؟
نجود/انا مالي شغل ..توها ابلة مها قالت لي عن القرار بالتبديل اللي صاير بالمدرسة وفاجئتني مثل مافاْجئتكم!!!معليش ابلة وداد حلوة وبتحبونها...
احلام/لا نبيك انتي ابلة...
ملاك/اذا بتدرسين اولى اول انا بنقل لهم فصلهم ماابي اقعد بفصل ماتدرسينه؟
نجود بشماتة /وخير ان شاءالله....
نور/ابلة احنا نحبك وماودنا تتركينا!!!
مشت عنهم وراحت لغرفة المعلمات وقام البكي برى
مها/ملاك وش فيك؟؟من مبكيك؟
ملاك/.........
مها/خير ان شاءالله ليش التجمع هنا كل وحدة على فصلها؟
راحوا البنات فصلهم بس ملاك ظلت..
مها تقربت منها/ملاك حبيبتي وش فيك؟
ملاك/ممكن تنادين ابلة نجود.....
مها بملل/هي اللي زعلتك؟؟؟وش قالت لك ها المرة بعد!!!قلت لك خليني اتصرف قلتيلي لا...
ملاك بحدة/ممكن تنادينها وبس!!!
مها/طيب...
دخلت غرفة المعلمات ونادت نجود..
مها/نجود تعالي شوي...
كانت نجود ماسكة فنجان القهوة بيدها وطلعت ولقت ملاك واقفة وجنبها مها..
نجود/خير..
مها/انتي وش مسوية لملاك......
نجود/...............
ملاك/ممكن تتركينا بروحنا!!!
نجود/خير..
مشت مها وظلت ملاك واقفة وهي تمسح دموعها....
نجود/ملاك في شي.....
ملاك/أي....
نجود وهي تشرب قهوتها/شنو؟
ملاك/ممكن امشي معك شوي .....
نجود/ليش؟
ملاك/ابي اتكلم معك؟
نجود/دقت الحصة ولامادقت؟
ملاك/دقت..
نجود/واستاْذنتي من ابلتك؟
ملاك/مو لازم..
نجود/هذا يسمونه قلة ذوق انك تطلعين من الفصل بدون استئذان!!!!انا لو كانت حصتي ماكنت برضاها ؟؟
ملاك/وش تفرق ماهي بالنهاية بتخليني اطلع..
نجود/معليش روحي استاْذني من ابلتك وارجعي مرة ثاني على مااشرب لي فندان قهوة ثاني طيب..
ملاك/اشربي من القهوة اللي جبتها لك؟
نجود/روحي بس روحي يالمجنونة؟
///////////////////////////////////////////لبنى/يمه منو كنتي تكلمين؟
ام بندر اللي توها طارحة سماعة التلفون/هذا بندر يسلم عليكم؟
لبنى/ماهو نازل ها الاسبوع بعد؟
ام بندر/والله ماقال..يقول بيشوف ظروفها اذا سمحت بيرتب وضعها؟

لبنى/اممم..
ام بندر/انتي ليش مارحتي الكلية اليوم؟
لبنى بتهرب/ماعندي غير محاضرة وحدة والمحاضرة اعتذرت واْجلتها؟
ام بندر/........
لبنى/........
ام بندر/البارح تقدم لك واحد يالبنى؟
لبنى بارتباك/انا...
ام بندر/أي....واحد من عيال الحمود...بس ابوك صرفه؟
طاح قلبها بين ضلوعها وتمنت تبكي بكل مافيها خصوصا انها كل ماتدق على عبدالعزيز من البارحة تلاقيه مغلق وكانه مايبي يكلمها....
ام بندر/واحد على قد حاله فقير...ماهو قد العرس يمه..بس وش اللي حاده يروح يخطب له وحدة فوق مستواه؟
لبنى باصرار/وش هاذي بعد اللي فوق مستواه يمه؟؟؟كلنا بشر مثل بعض مافي أي فرق؟؟
ام بندر/أي بس الناس مقامات يايمه...وكلا عايش عيشة غير عن الثانية....
لبنى تنهدت/...........
ام بندر/بكرة بيجيك ولد الحلال اللي يعيشك اميرة ولايخليك تحتاجين لشي وهو جنبك؟؟؟
احترق قلبها بها اللحظة ومرت في بالها عبير وتذكرت انها ماقدرت تعترض على اهلها وكاهي اللحين تعيد نفس الموقف ونفس الغلطة....ماهي قادرة تقول لهم لا...خلوني اعيش حياتي مثل ماابي....بس بالنهاية اسكتت....
/////////////////////////////////////////////////////////
رحاب/يمه معليش بخلي احمد عندك ..
ام مشاري/متى موعدك؟
رحاب/اربع ونص..
ام مشاري/كلمتي محمد يجي على الوقت؟
رحاب/كلمته وقلت له موعدي الساعة ثلاث وربع لاني عارفة مواعيد ولدك؟
ام مشاري/الله يسهل عليك يايمه وتقومين بالسلامة..
رحاب/كثري منها يايمه ترى بجد انا محتاجتها.....
فيصل/وين احمد..
ام مشاري/انا ابي افهم انت متى بتسلم اذا دخلت لمكان؟؟ولاتبيني اقول لفهد عنك؟
فيصل/اذا كبرت بسلم بعدني صغير؟
رحاب/احمد فوق يلعب ..دير بالك عليه يافيصل علشاني بروح المستشفى طيب..
فيصل/اللحين بتجيبن البيبي؟؟؟ماجبتي سريره؟؟؟
رحاب/فالك ماقبلته يافصيل؟؟حرام عليك باقي لي شهر؟
فيصل/انتي تقولين بتروحين المستشفى؟
رحاب/واذا بروح المستشفى معناته بيطلع البيبي؟
فصيل/وانا شعرفني؟
///////////////////////////////////////////////
ماخذت ثواني الا ورجعت غرفة المعلمات ووقفت عند الباب وهي تناظر بنجود بدون ماتتكلم...
ونجود اصلا كانت تسولف مع نوير بهمس وكانهم يحشون في احد...
سعدى/ملاك وش بغيتي!!
ملاك/ابلة نجود...قالتها بهدوء..
سعدى/يانجود..
لفت لها نجود/خير...
سعدى ناظرت عند الباب/ملاك تبيك....
لفت لها نجود وهي تناظر بساعتها...ووقفت..
نوير/يعني مابتدخلين لهم السادسة؟
نجود بقوة/والله ماادخل وهذا انا حلفت؟؟خلها تدبر حالها ماحد قال لها تغير بكيفها؟؟
طلعت ملاك وطلعت وراها نجود..
نجود/ها..وش بغيتي؟
ملاك/ابيك تمشين معي!!!
نجود مشت وهي رايحة لصوب الاستراحة....وجنبها ملاك..
نجود/وش عندك...
ملاك بضيق/زعلانة..
نجود/وانا المشرفة الاجتماعية؟؟؟؟؟انا مجرد ابلة بالفصل؟
ملاك بضيق/بس انتي اللي مزعلتني!!!
دخلت الاستراحة وكانت الجازي منبطحة على السرير ويوم شافت نجود اعتدلت بقعدتها..
نجود/خليك مرتاحة انا جاية اشوفك كيف صرتي؟
الجازي /بخير..
نجود/اذا حسيتي انك مو قادرة لاتجين بكرة ماعليك من سالفة الاعذار؟يعني اك مو معقولة ماتصدق انك تعبانة؟؟
الجازي بتفشل وهي عارفة ان مروة اكيد فضحتها/لا هي مو قصدها بس ماتحب ان احنا نغيب......
نجود/تبين شي دافي تشربينه؟
الجازي/لا شكرا...بروح الفصل اللحين اخذت لي بندول...
نجود/امحق بندول ....ذي ملاك جاية تسال عنك؟ولفت لملاك اللي استغربت وتفشلت بس تداركت الموقف بعد ثواني طويلة..
ملاك بتردد/شلونك اللحين؟
الجازي بعد كانت متفاجئة/بخير..شكرا لسؤالك..
ملاك/اذا بغيتي شي ناديني؟؟وناظرت في نجود كانها تقول لها ها..تمام وابتسمت نجود.....
نجود/بنخليك ترتاحين...وماتشوفين شر.....وعلى فكرة الدرس ماطافك ترى!!!!
طلعوا من غرفة الاستراحة واول ماعدوها بشوي صاحت ملاك بضيق/شفتي انك تدورين ضيقي وبس!!!
نجود باستفسار/ليش؟؟
ملاك/ليش حطيتني بها الموقف؟؟
نجود/أي موقف....
ملاك/انا ماكنت جاية لها..
نجود/وش فيها لو جيتي تشوفين زميلتك اللي معك بالفصل وسالتي عنها وقت تعبها؟؟؟تضرك؟
ملاك/..............
نجود/وبعدين.....انتي ليش متحبينها البنت ممتازة ومؤدبة وماعليها كلام؟
ملاك/انتي ليش تحبينها وتكرهيني!!
نجود/هههههه كاْنك تغارين منها ياملاك؟
ملاك بقهر/أي...انتي اصلا مايملي عينك بالفصل غيرها؟
نجود رفعت اصابعها وقامت تعدد عليهم بحركة/الجازي اذكى منك وانبه منك واشطر منك واحلى منك بعد!!!يالله موتي قهر؟؟؟
ملاك انفجرت بالبكي/ليش تعامليني كذا وانا احبك؟؟؟
نجود وقفت مستغربة من ردة فعل ملاك...اصلا هي ماهي متاْكدة من حب ملاك لها كل اللي تعرفه انها ماْثرة عليها..وحتى اذا كانت تحبها ليش بتبكي يعني؟؟؟
نجود/عقلي انتي كبيرة مو كل شي يبكيك؟
ملاك كملت بكيها/انا مااصدق انك ماتحسين؟
نجود/ش احس فيه؟؟؟
ملاك/فيني وفي مشاعري؟؟
نجود/لاتتكلمين بالالغاز...قلتيلي ابي اسولف معك وبعدك ماسولفتي؟؟قولي شعندك....
ملاك وقفت شوي تمسح دموعها وبعدها قالت/انا متضايقة..
نجود/من شنو؟
ملاك/من كل شي حواليني!!!
نجود/مثل شنو؟
////////////////////////////////////////

 
 

 

عرض البوم صور بياض الصبح   رد مع اقتباس
قديم 19-08-10, 06:31 AM   المشاركة رقم: 13
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

---البارت الثالث عشر --- والرابع عشر---

نجود/لاتتكلمين بالالغاز ياملاك قولي شفيك؟\
ملاك وقفت وظلت دموعها بعينها وبعدها مشت عن نجود وخلتها تناظرها بذهول وهي تبكي....
/////////////////////////////////////////////
كانت تبكي بغرفتها بحرارة وكل ماتتصل عليه مغلق...
ياربي وش ها السالفة اللي تضيق الخلق...
تعبت والله تعبت....ليش حظنا كذا...ليش مايتركونا نقرر حياتنا مثل مانبي ونختار...ليش يتحكمون بمصيرنا وحياتنا..وكانهم هم اللي بيعيشون الحياة مو احنا...
سمعت دق الباب ورفعت راسها ومسحت دموعها...
لبنى ببحة في صوتها/منو؟
عبير/انا...
لبنى/تفضلي....
عبير دخلت وقعدت جنب لبنى....
عبير/شفيك؟
لبنى/ولاشي...
عبير/,.......
لبنى/...............
عبير/سمعتي عن اللي تقدم لك؟
لبنى/امممم قالتها بشرود
عبير/وانتي وشرايك؟
لبنى ناظرت بعبير وكانها تقول لها وكاْنك ماتعرفين ابوك وسيطرته علينا وتحكمه فينا بس اكتفت بانها تنهدت....
عبير/يعني انتي فكرتي فيه؟
لبنى/وليش اتعب نفسي وافكر وفي النهاية القرار مو لي!!!قالتها بمرارة وكانها تبي تنهي الموضوع...
/////////////////////////////////////////////////////
نجود دخلت الغرفة/الله وش ها الريحة اللي ذكرتني بالشرقية فديتها وفديت اهلها؟
جواهر اللي كانت واقفة عند الثلاجة/هلا وغلا بك ياقلبي يعطيك ربي الف الف عافية...
نجود/الله يعافيك ويقويك؟
جواهر/صلي على مااجهز لك الاكل...
نجود/وش مسوية ...
جواهر/مكرونة حمرة حارة يحبها قلبك وسلطة الروشن والاخطر منهم فيمتو,,,
نجود/يابعد قلبي والله فديتك انا وفديت الفيمتو ..هذا اهم مافي الموضوع اكيد اخذ منك وقت كثير...
جواهر/يالله عاد عن الشماتة وخلصيني ترى ميتة جوع؟
نجود/طيب بس لااكلم علي وابدل...
جواهر/انا ابي افهم...علي وناصر..علي مايدق لك خبر ولاحتى يسال عنك وناصر ذابح حاله عليك موعارف شيسوي علشان يرضيك...وانتي ماتكلمين نويصر كثر ها العلي!!!
نجود/ماسمعتي ان في ناس تحبك وتشتري سعادتك وانتي هاملتها وان في ناس هاملتك وانتي تدورين رضاها وودها...
جواهر/............
نجود/....................
جواهر/أي صحيح الله يحسن لك عزاك بكمبيوترك ماشفته الا وعطاني عمره اليوم؟
نجود باعتراض/شسويتي فيه يانذلة!!!!!
///////////////////////////////////////////////////
كان يناظر بالكيس اللي قباله واللي مو قادر يفتحه ..
شتبي منه ها الدلع وشلي رماها بطريقه بس يارب!!!
لاحقته بكل مكان حتى بعمله!!!والمشكلة ان باسها قوي وراسها يابس وانها ماتهاب شي وانها صاحبة مشاكل......
انتبه على الكرت اللي كان موجود على الكيس واللي توه يشوفه...
فتحه وقراه...(حبيبي بندر اتمنى تعجبك ها الهدية البسيطة وان شاءالله نلتقي ليلة الجمعة بفندق الراديسون ساس انا عازمتك علشان عيد ميلادي مو تتأخر العشاء بيكون الساعة ثمان ونص وبدون أي اعذار وماراح اقبل أي اعذار منك ياقلبي وخلي حبيبة القلب جواهر على جنب)
تنهد من قلب ...هاذي لاحقته بكل مكان وعارفة كل شي حتى اسم جواهر وصلت له؟؟؟؟
اوووف ياربي شسوي ...يعني حتى ها الاسبوع ماراح انزل لهم...والله اني اشتقت لاامي وخواتي ..........ولحبيبتي جواهر....رفع جواله واللي كان يكابر يبي يكلمها بس حاس انه منحرج منها ومو عارف شيقول ولا شيعتذر فيه!!!!
تنهد من قلب وهو يكابر يبي يسمع صوتها بس هل ياترى راح تسامحه ولالا؟؟
////////////////////////////////////////////////////
العصر بجرير,,,,,
نجود وجواهر كانوا رايحين لجرير علشان لاب توب نجود اللي خربته جواهر بدون قصد طبعا(هههه حلوة بدون قصد)
وفي نفس الوقت كان مصعب مع عمه فهد وفيصل هناك علشان يزبط له كم برنامج....
كانوا قريبين من بعض حييل بس ماحد منهم لف على الثاني....
دق جوال نجود وكانت منال المتصلة...
نجود بقوة/هلا وغلا ببنت الفارس وينك انتي؟؟
لفوا اثنيهم فهد ومصعب لها وفهد دق قلبه لانه عارف ها الصوت....
نجود/ليش؟..........احمد ولد رحاب....طيب جيبيه معك مافي مشكلة....ماراح يسوي شي مؤدب عيوني عليه باردة عساه مو فصيل اللي جنني ذاك اليوم؟....طيب مو مشكلة قريبة انتي من جرير...انا جايبة لاب توبي.....طيب انتظرك معناته بكون عند الكتب طيب...باي..
جواهر/منال هاذي...
نجود/تقول عندها احمد ولد رحاب امه طالعة موعد وامها طالعة وتقول انه بيجننه قلت لها تجيبه عادي....
كان وراها واحد يجر بعبايتها ولفت له لقته فيصل..
فيصل/ان شاءالله انا اللي جننتك ذاك اليوم؟
نجود بدهشة/فيصل!!!!انت كيف وصلت هنا....؟
فيصل/جاي مع ابوي.....
رفعت عيونها والتقت بعيونه اللي كانت تناظرها بس انتبهت لمصعب اللي جنبه واللي كان يناظر فيهم بعد.....
نجود بضحكة وهي مرتبكة من وجود فهد بس مسوية ثقل/أي انت اللي جننتي ليش عندك شك فيها!!!
فيصل/انا مو مجنون؟انا عاقل ولاترى بقول لاابوي علشان يطقك!!!!
التقت عيونهم في بعض وكل واحد فيهم حكى اللي عنده....
مصعب بعد كانت عيونه معلقة فيها...معقولة نفس البنت اللي صادفتها امس بالفيصلية وشدتني لها اشوفها اليوم هنا بجرير وانا اللي مانمت من كثر تفكيري فيها!!!!!!
معقولة القدر كتب لي اصادفها مرة ثانية!!!!!!
انتبه على صوت فهد يكلمه وكانه يبي يبعد عن عيون نجود ونظراتها..
فهد/نرجع بوقت ثاني!!قالها وهو متمني ان مصعب يقول لا..
مصعب ماصدق انه لقاها طبعا اعترض على الموضوع...
جواهر/شفيك كنك محتاسة لايكون بس هذا ولد اللي مايتسمى!!!
نجود بنفس الهمس/أي..هذا فهد اللي واقف...شفتيه؟
جواهر قامت تناظر بفهد ولاحظت ان عيون مصعب عليها....
نجود/انا بركب فوق عند الكتب مو قادرة اوقف هنا؟
جواهر وهي تناظر بمصعب/انا بظل واقفة واذا جتك منال مروني ولااذا خلصت بجيك فوق...
نجود وهي تناظر بفهد اللي كان عاطيها ظهره/طيب.....
/////////////////////////////////////////////////////////
عبير/طالع....
علي/لا بغيتي شي حضرتك...
عبير/............
علي/وش بغيتي؟
عبير/بخلي السايق يوصلني المستشفى حاسة بشوية تعب....
علي بلا مبالاة/روحي...
ناظرته فترة طويل وهو قاعد على كمبيوتره بدون مايفكر يسالها ليش ولا حتى يناظر فيها وهي واقفة تكلمه!!!
تنهدت من قلب ومشت علي قلبه حجر وبيظل قلبه حجر وماراح يرتاح الا اذا مت وطلعت من ها الدنيا!!!!!!
/////////////////////////////////////////////
كانت واقفة فوق عند الكتب وهي ميتة رعب ....ها الصورة كل ماجت تشيلها من بالها وخيالها تطلع لها من جديد؟؟؟؟
شسوي فيك يافهد بس!!!!!
قامت تقلب بين الكتب وصورة فهد فوق كل كتاب تشيله ....
نجود...نجود..
ماتدري هي فعلا كانت تسمع صوته يناديها ولا تتخيل رفعت راسها ولقته يناظر فيها وواقف قبالها..
تلفتت حوالينها وكان المكان شبه فاضي يعني الناس مفرقين وماجنبهم ناس كثيرة.....
نجود بهلع وخوف/فهد!!!وش تبي؟
فهد كان منزل شماغه على عيونه كثير,,ومسك له كتاب سوا روحه يقرا فيه..
فهد/كنت بتطمن عليك؟
نجود بارتبك/انا بخير...شكرا
فهد/فكرتي بموضوع جواهر....يعني ما المفروض تروحين لها!
نجود/ليش؟
فهد/لاني حسيت من كلامك انك تبين تتكلمين معها!!
نجو/اللي كانت معي تحت هاذي جواهر؟
فهد/معقولة؟؟؟متى مداها جت!!!
نجود/امس جاتني وتصالحنا....
فهد/تمام....
نجود/فهد ممكن اطلب منك طلب...
فهد/خير..
نجود/ممكن اتاْجر منك المزرعة بكرة؟
فهد توه بيتكلم الا وفيصل كان يدور عليه....

نجود/ممكن تفتح بلوتوثك ونتفاهم على الموضوع؟
فتح بلوتوثه وفتحت بلوتوثها علشان ياخذ رقمها...
وجاه فيصل وهو يحوس بجواله....
والتقت عيونه بعيونها يوم شاف اسم جوالها....كان يناظرها بنظرات غريبة..ها البنت فيها ثقة عجيبة ومو طبيعية...حتى اسم بلوتوثها واثقة منه...كانت كاتبة اسم جهازها(يانيوتن انا سر الجاذبية) ناظرته شوي لين استقبل رقمها ومشت بعدين عنه......
اما تحت وعند كاونترالكمبيوترات كانت جواهر واقفة ومصعب جنبها وعيونه عليها من كانوا واقفين بس ماتجراْ يكلمها!!!
ظل يناظر فيها طول الوقت بدون مايتكلم وهي تنرفزت من ها الحركة,,,,
قالت اذا لفت له وهو بعده يناظرها بتغسل شراعه..لفت وهو بعده يناظرها..
ارتفع الدم عندها وتقربت منه وهي معصبة ...
وتكلمت معه بعصبية وبصوت شوي واطي او يقال له واطي/خير ان شاءالله عسى ماشر مشبه علي الاخ !!!!
ارتبك وماعرف وش يقول....
جواهر/تعرف بس تناظر بس ماتعرف تتكلم!!!!!
ظل ساكت وهو متفشل من نفسه....
جواهر/صحيح ناس متخلفة!!!!!!
قالتها ومشت عنه........
//////////////////////////////////////////////////////
ناصر/وش فيها الغالية زعلانة؟
ام علي تنهدت....
ناصر/خالتي وش فيك؟
ام علي/بيجنني ها الولد ياناصر...والله بيجنني!!!
ناصر/ليش عاد ياخالتي تقولين كذا!!
ام علي/لا هو منتظم بدوام ولاهو داير باله على زوجته ولاهو اللي يكلم ابوه مثل العالم والناس!!!!انت على بالك ابوك راضي عن ها الوضع؟؟لايمه ابوك مو راضي بس ساكت...
ناصر/وش تبين نسوي ياخالتي!!!
ام علي/كلمه يمه انت اخوه وبيسمع منك..
ناصر/انتي عارفة ياخالتي انه مايكلمني ومايطيق يحط لسانه بلساني ومايعتبرني اخوه بالعكس يعتبرني عدو اذا جيت اكلمه وانصحه!!!
ام علي حطت يدينها على عيونها وقامت تبكي وقالت من بين شهقاتها/والله يايمه ياناصر اني تعبانة ومتعبني ها الولد....
ناصر تقرب منها وشال يدينها وباسها ومسح دموعها بيدينه وقال لها بكل حنان/افا بس يالغالية افا....ليش تقولين كذا عاد!!!!!احنا معك وجنبك ومابيرضيننا الوضع كذا وان شاءالله كل شي بيتغير ياخالتي..
ام علي اخذته بحضنها وقالت له وهي تبكي/عسى الله مايحرمني منك يالغالي ويبلغني فيك معرس واشوفك واشوف عيالك حوالينك....قول امين...
/////////////////////////////////////////////////////
في سيارة نجود...
منال/مابغينا نشوفك ياجواهر..
جواهر/الله يسلمك يالغالية...
منال/ترى نجود ماعندها سالفة غيرك..طول الوقت تحش فيك....
جواهر/فتني فتني عليها...بخير ولابشر؟
كانت نجود سرحانة ومو معهم,,,
فيصل اللي لحقهم يوم شاف احمد معهم,,,,جرها من عبايتها..
فيصل/يتكلمون عنك؟
نجود انتبهت/ها..
جواهر/وين كنتي انا وجنبك بعد في شنو سرحانة؟
منال/هههههههه
نجود بارتباك/لا بس كذا....وين بنروح؟
منال/وين تبون؟
جواهر/مدري ابي مكان حلو....
منال/نروح غرناطة مول...
جواهر/ليش لا....
فيصل/انتي ليش ساكتة اليوم وماتتكلمين مثل ذاك اليوم؟
نجود ابتسمت وانحرجت بنفس الوقت..
فيصل/شفيك؟
نجود/ولاشي...انت تكلم..
فيصل/وش تبيني اقول؟
نجود/أي شي..قولي نكتة مثلا؟
فيصل/ اممممم...في واحد جابوا له سبعة اولاد قام غير اسمه وقال سموني سفن اب....
نجود/ياشينك على ها البياخة!!!!!!!!!بايخة مررة
جواهر ومنال/هههههههههه
جواهر/حرام عليك حطمتيه شوفي شلون يتكلم؟متفاعل .....
//////////////////////////////////////////////////////
مصعب قعد بسيارته وماقدر ينزل ...
كلامها كان مثل السم اللي وصل لقلبه...
هو ماكان قاصد أي شي من نظراته ...ولو يحلف لها انها اول مرة اللي يناظر في بنت ماراح تصدقه!!!!!
هو صحيح ماشال عيونه من عليها بس هذا مايعطيها أي حق انها تكلمه بذي الطريقة!!!
هو عارف انه غلطان لانها كانت واقفة باحترام ولبستها بعد كانت محترمة...يمكن هو زودها شوي بنظراته لها ...بس ها الشي كان غصبا عنه...في شي اخله كان يجذبه علشان يناظر فيها بس مو داري شنهو......
تنهد بقوة وضرب بيدينه بقوة على السكان حق السيارة وهو معصب حييل من كلامها,,,ومن حظه الردي اللي رماه عليها!!!طول وقته مايناظر في البنات وماشي بالظل ويوم ناظر ناظر في وحدة غسلت شراعه غسال وكانه ذابحها!!!!!
بس وين بتروح...اهم شي عرف انها تعرف منال بنت خاله وانهم طالعين مع بعض وان معهم احمد وفيصل...يعني يمديه يطلع وبعدها يروح يوقف عند باب بيت خاله لين يردو..
خاله لين يردون وبعدين يشوف وين ساكنة ويشوف منهي ومن بنته!!!!
////////////////////////////////////////////////
سالم/ها وش صار!!!
فهد بارتباك/شفتها بجرير قبل شوي؟
سالم /ها وش صار بينكم؟
فهد قام يردد/يانيوتن انا سر الجاذبية!!!!
سالم/يانيوتن انا سر الجاذبية!!!!شنو يعني!!!!!
فهد تنهد بقوة وغمض عيونه..
سالم/قول شصار!!!تراني مو فاهم شي!!!
فهد بضعف/بموت ياسالم بموت!!!
سالم/فهد شفيك؟؟
فهد/مو قادر ياخوك مو قادر؟
سالم /طيب قولي شصار؟
فهد/تبي المزرعة ياسالم,,,
فهد/المزرعة!!!ليش!!
فهد/مدري...بس اخذت رقمها علشان نتفاهم مع بعض برواقة..
سالم/يعني اخذتوا ارقام بعض اخيرا!!!
فهد وهو يتنهد/انا خايف ياخوك ياسالم!!!مدري وش قاعد اسوي...احس نفسي قاعد العب بالنار؟؟؟
سالم/اذا ماتقربت من النار ماراح تحرقك !!!
فهد/ماني صغير ياسالم علشان ......
سالم/علشان شنو!!!!!انت ماراح تقول لها شي لين هي تتكلم وتقول شعندها!!!
فهد بضعف وخوف/واذا هي ماقالت أي شي!!!!
//////////////////////////////////////////////////////////
بالليل رجعوا بيت الفارس ووصلوا منال بعد ماتعرفوا على بعض(جواهر ومنال )واتفقوا انهم بكرة بعد يطلعون اذا كانت ظروفهم حلوة..
وكان احمد نايم نجود وفيصل نايم على جواهر وبالنزلة اصروا انهم هم اللي ينزلزنهم لها..
وطبعا كان مصعب قاعد على الكراسي اللي قبال الباب مع محمد وهو ينتظرهم من زمان وفهد بعد يوم رجع البيت ومالقى فيصل رجع قعد معهم وهو يشوف اذا كانت بتدخل ولالا؟
واول مافتحت منال الباب صارت نظراتهم ثلاثتهم لعند الباب....
منال/والله تدخلون تشربون شي وتسلمون على ام مشاري؟
جواهر/لامو حلوة وقت ثاني ان شاءالله!!
دق قلب مصعب يوم سمع كلامها....وماعرف يرفع راسه استحى منها.....
منال/لامايصير اصلا امي اذا عرفت انكم وصلتوا لعند الباب ومادخلتوا بتزعل؟
نجود/معليش منال الوقت تاْخر وماهي حلوة ندخل وقت ثاني ان شاءالله بنمرها....كذا على الماشي ماينفع بنجي نتغذى لو نتعشى؟
جواهر/ههههه شفتي النصب طالعة على نويصر مايهمهم غير بطنهم هههه
منال/عليها بالف عافية حبيبة قلبي...
جواهر/ها ترى انا وحدة مااعرف اغار ابداّ!!واحتمال افجر بحي الغدير كله!!!!
نجود ومنال/ههههههه
منال/محمد تعال شيل ولد اختك عاد ...
محمد/طيران.....وانا ابيها من الله اصلا!!!!وراح لهم وتقرب مههم وسكتوا..
محمد/احم احم ...اهلا وسهلا...انا محمد اذا بغيتوا أي شي او احتجتوا لااي شي تراني موجود..
جواهر ناظرته من فوقه لتحته.....
نجود/وصلت المساعدة شكرا ماقصرت.....
محمد/لا تراني اتكلم من جدي!!!!
منال/من جدك لو من عمك!!اقول لايكثر بس واخذ ولد اختك دخله داخله.....
محمد/والله الثنتين حلوين عادي اشيل احمد وفيصل بوقت واحد!!!!
نجود بقوة/ماكذبت منال يوم للت عليك تبي تزوجك!!!!!لااله الا الله عليك!!!
رفع فهد عيونه لها ولقاها تناظره.....
احذ محمد احمد من نجو وهو عينه شوي عليها وشوي على جواهر ومنال شالت فيصل وقبل لايطلعون استاْذن مصعب وطلع....
//////////////////////////////////////////////////
في شقة نجود...
جواهر.../منهو هذا اللي كان مع فهد؟
نجود/اللحين انتي بالاول قولي لي شرايك فيه؟
جواهر/فهيدان!!!زوين..
نجود فتحت عيونها على وسعها/فهيدان بعيونك!!!!ماهو باصغر عيالك تقولين عنه فهيدان!!!حبيبتي هذا بو فيصل خليه على بالك زين...وبعدين شنو بعد زوين هاذي؟
جواهر ماتت ضحك......
نجود تنهدت/ابي اكلمه؟
جواهر بجدية/نجود الرجال متزوج وعنده عيال!!وش تبين فيه وحوالينك الف والف يبون قربك!!!
نجود تنهدت /شسوي بها القلب اللي مصر انه يسمع صوته ياجواهر!!!
جواهر/بس انتي عارفة ان ها الشي بيعذبك وبيعذبه لو صار وانكتبت بينكم علاقة يانجود!!!لاتدخلين بشي منتي واثقة من نهايته!!!
نجود/........................يمكن ان مافي شي من اللي انا قاعدة افكر فيه بيصير بس مجرد اوهام!!!
جواهر/ان شاءالله...
نجود/طيب شقوله لو كلمته اللحين؟
جواهر/انتي وش تبين منه!!!
نجود/ابي اتاجرالمزرعة منه!!!
جواهر/.......
نجود/طيب شلون اكلمه اخا ف اني احرجه!!
جواهر/اعطيه مسج....اذا كان قاعد كلميه واذا مشغول هو بيرد عليك....
///////////////////////////////////////////////////
في بيت الفارس.....
محمد/وان بغيت المزايين روح صوب الشرقية!!!
ام مشاري من وراه بصرامة/قلت لك صديقات خواتك لاتقرب منهم يامحمد!!!
محم مسوي انه متخرع/بسم الله الرحمان...انتي من وين تطلعين ام مشاري!!!
ام مشاري/سمعتني على مااعتقد....
محمدموانا شسويت عاد!!!
ام مشاري/لا تحط اختك بموقف بايخ وسخيف علشان تفاهتاتك وطيشك!!!!سمعتني!!!
محمد/؟؟؟؟؟؟؟؟؟؟؟؟؟؟؟؟؟؟؟؟
ام مشاري/واذا تبي تخطب وتبيني ادور لك بنت حلال اعقل وخلني اشوفك عاقل وبعدها يصير خير..اما اذا ظليت كذا ماتصدق تشوف وحدة الا وتطير عيونك عليها وكانك مو شايف خير بحياتك!!!
محمد /لاتعليق على كلامك يالغالية؟؟
ام مشاري/وان شاءالله وش تبي تعلق بعد وتقول؟
////////////////////////////////////////////////////////
كان قاعد بالغرفة بيدخل يرتاح ولو انه عن الراحة بعيد... بس بيحاول ينام ويشيلها من افكاره...وتوه بيدخل ينام الا وجايه مسج بجواله فتحه وكان من نجود(وش صار على المزرعة!!!اسفة اذا كنت ازعجتك)
هو متاكد انها هي ...صحيح هي ماكتبت اسمها بس مافي غيرها سال عن المزرعة,,,,
نجلاء/وش فيك يافهد؟
فهد/ها..ولاشي..بس عندي شغلة بخلصها وبرد...نامي انتي وانا بنزل المكتب شوي...
نجلاء حطت راسها على المخدة/ تصبح على خير...
نزل المكتب وهو يتمنى انها تنزل وراه علشان يمتنع عن اللي بيسويه ومايكلم نجود بس لاهي نزلت ولاقلبه طاوعه مايكلمها وهو كان ينتظر منها أي خبر....
دق عليها وردت عليها بعد فترة ومسوية فيها ثقل..
نجود،/هلا...
فهد/هلا..
نجود/اسفة علىالازعاج شكلك نايم!!
فهد/لا مابعد نمت للحين!!
نجود/وش صار على موضوعنا!!
فهد/وش ها الثقة الكبيرة بنفسك!!!انتي سر الجاذبية!!!
نجود بثقة/ومنو عنده شك فيهاّ!!!
فهد/ياسلاااام!!!
نجود/...........
فهد/كثير واثقة من نفسك يا...يانجود؟
نجود/اهم شي الثقة بالنفس يافهد لانها هي اللي بتعطيني الثقة بللي حواليني!!
فهد/مشاءاللهٍ...وش بعد!!
نجود/شنو اللي شنو بعد!!
فهد/غير الثقة شنو فيه يانيوتن!!!
نجود ضحكت ضحكة وقفت قلب فهد ونشفت الم اللي بعروقه,,,,,
نجود/فيصل قطعا مو طالع عليك بشي...احس كل شي فيه مختلف....
فهد/مرده لي...على مين بيطلع يعني!!!
نجود/لاحرام ليش تبي تخرب مستقبل الطفل خله كذا بدون صفات مشتركة بينكم افضل....المهم وش صار علينا بتاجرني اياها؟؟
فهد/انتي عارفة اني ما ااْجرها ليش تحرجيني وتحرجين نفسك!!
نجود بدلع ذوب فهد/بليز فهد...بكرة بس..ابي اوريها جواهر كلمتها عنها ووصفتها لها ولازم اوريها لها...
فهد بثقل/وليش لازم؟؟؟
نجود/علشان مايصير بخاطرها...
فهد بنعومة/واذا صار بخاطرها وش بيصير!!!
نجود بدلع/بزعل عليك!!!!
فهد غمض عيونه بقوة وصورة عياله في مخيلته وماهي مفارقته وماعلق بشي...
نجود بهمس/وين رحت يافهد....
فهد بقوة وصرامة وكانه تحول لشخص ثاني/انا بوفيصل يابنت ماني اصغر عيالك!!!
كان متوقع انها تعتذر له وتقول انها مو قاصدة بس تفاجاْ يوم قالت له بكل همس/ومن كبرك عاد علشان تقول بو فيصل ياشينها والله من لسانك!!!فهد احلى ..تكفى صدقني فهد احلى بكثيير من بو فيصل!!!
فهد/......................
نجود......................
فهد بعد ترد/انتي وش تبين يانجود؟
نجود/قلت لك ابي المزرعة؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
////////////////////////////////////////////////////////
اخذتها رجلها لعند المستشفى وهي طول الطريق شاردة وسرحانة ومترددة من الشي اللي تسويه ...
دخلت المستشفى وهي خطواتها شبه ترجعها للمكان اللي جت منه.....
حست بترد كبيروبعدم القدرة على مواصلة الشي اللي.هي ناوية تسويه....
وقفت عند مكتب الاستقبال وعيونها على لوحة اسماء الاطباء وتخصاصتهم...
وبدون أي مقدمات طلعت بسرعة من المستشفى ورجعت السيارة..
رجعت وهي تغالب دموعها اللي انزلت منها...
كانت عارفة انها مو بالشجاعة اللي ممكن تقدم على خطوة كذا رغم انها بحاجة كبيرة لها الشي...بس شتسوي...
راح تظل دايم مترددة وخايفة من كل خطوة تخطيها بحياتها ....
تنهدت بقوة يوم وصلت البيت ونزلت من السيارة علشان ترجع للسجن اللي مابتتحرر منه ابدا!!!!
//////////////////////////////////////////////////////////كان قاعد بغرفته وهو يفكر بحال اخوه علي واللي دايم يعتبر نفسه غريب عنه....
كل ماحاول يتقرب منه ويفهمه ويعرف هو شيبي يلاقيه بعد عنه الف خطوة وخطوة!!!!
ثلاث سنين الفارقة بينهم بس ناصر كان يحسها اكثر من كذا بكثير...
من صغره وعلي منعزل على نفسه ومايحب الاختلاط معهم كثير رغم انه الاول والكبير والمدلل!!!بس الظاهر ان نتيجة الدلال طلعت عكسية عليه واعتزال الكل وصار يعتبر كل نصيحة تتوجه له من باب الخوف عليه والنصح كانها عداوة اوحقد!!!
حتى ابوه المسكين اللي توسط له من تخرج للحين باكثر من اربع وظايف مايكلمه من اجبره على بنت عمه وهو مايبيها....
ومن ها الموقف ابتعد ابوه عنه بعد ...
كان كل ماطلع من وظيفة بحجة او بدون حجة دور له على وظيفة غيرها وذل نفسه لفلان وعلان وعلي مو مهتم ولاهو حاس بالمسؤلية لين صار مايكلم ابوه مرة وحدة من اخذ عبير وابوه بعد قطعه..وماصارت بينهم أي نقطة التقاء...
تنهد ناصر بقوة وهو محتار كيف بيجمعهم من جديد وهو تعب من كثر ماحاول في علي يجي يعتذر من ابوه ويطيح الحطب بس بدون نتيجة!!!
الله يهداك بس ياعلي ويردك لعقلك وللناس اللي تحبك!!!!ا1ا كنت مفكر ان احنا مو شايلين همك فا نت غلطان!!!
/////////////////////////////////////////////////////////
جواهر بذهول/وش ذا يانجود؟؟؟
نجود ماقوت ترفع راسه واكتفت بانها تنهدت...
جواهر/انا اول مرة اشوفك كذا!!! منتي ملاحظة انك شوي تطلعين من التلفون وتحضنينه!!!
نجود بضعف/مدري وش صاير فيني ياجواهر كل ماسمعت صوته حسيت بقلبي يدق بسرعة ومااركز بالشي اللي اقوله!!!
جواهر/اللي يسمعك تكلمينه يقول كانك تعرفينه من سنين!!!
نجود/جواهر انا ماابي اعترف بها الشي بس انا مضطرة انا فعلا احس اني منجذبة له وان في شي يدفعني بقوة لفهد!!!
جواهر/لايانجود لا؟؟؟هاذي اكبر غلطة بترتكبينها بحياتك!!!قاومي نفسك وحطي في بالك انه متزوج وعنده عيال!!!وانكم حتى لو حبيتوا بعض ارتباطكم بيكون مستحيل؟؟؟
نجود/..........................
جواهر/طيب هو كيف كلمك يانجود؟
////////////////////////////////////////
هو بعد كان محتار من نفسه كان قاعد بمكتبه بالظلام وماغير ريحة السجاير اللي فاضة المكان....كيف تجراْ وكلمها وهو اللي طول عمره ثقل وهيبة حتى مع اقرب الناس له!!!!
شي غريب قاعد يجذبه لها..لنجود بدون مايحس...قوتها,,,هيبتها,,والاكبر ثقتها بنفسها,,,,أي ها الثقة اللي ناوي يحطمها فيها!!!لازم يحطمها فيها!!منهي هي علشان تجي وتحاكيه كذا بدون حواجز وتناديه فهد!!!فهد حاف بدون بو فيصل!!!لاوتقوله لاتكبر نفسك بعدك صغير!!!
راح خياله لبعيد للبنت اللي بالمزرعة وتكلمه باحتقار وهي مفكرته بواب المزرعة!!!وثارت شياطينه ...
وفتح جهازه وراح لاخر الاجهزة اللي ارسل لها..وهو يقرا اسمها ويردده بينه وبين نفسه(يانيوتن انا سر الجاذبية)وصورتها وهي تغني اغنية الدراهم ملاحقته ولاهي راحمته ....وبنفس الوقت كان صوتها الدلوع بعد يلاحقه وهي تترجاه يعطيها المزرعة وشكل دموعها اللي بالمطعم هدت شوي من ثورته وحرارته...وخفف عنه....
صحى صوت ضميره وهو يانبه ...انت السبب يافهد انت!!!انت اللي عطيتها مجال وخليتها تدخل افكارك!!!
///////////////////////////////////////////////
كان واقف بحديقة البيت ورغم برودة الجو الا انه كان طبيعي جدا بوقفته ونظراته رايحة لبعيد....رايحة لعند ذيك البنت اللي خطفت قلبه بكلمتين تهزيء!!!
فوزية من وراه/وش اللي مسهرك ياخوي!!!
لف لها مصعب بهدوء من وراها/بس كذا...مافي شي محرز,,,
فوزية/ وش تفكر فيه...مو من عوايدك تسهر لها الحزة,,,,,
مصعب تنهد/لا ولاشي.....افكر فيكم,,في امي,,في خواتي انتي والجازي,,,,,,,,,,,
فوزية/وش فينا احنا!!!
مصعب/ولاشي....اليوم رحت جرير مع خالي فهد علشان لاب توبه ولاقينا منال هناك مع صاحبته الجديدة؟
فوزية/صاحبتها الجديدة ؟؟؟أي صاحبة؟؟؟
مصعب/مدري اللي ساكنة هناك وصلنا منال لها مرة بالفصول الاربعة.
فوزية/اها تقصد...نجود...
مصعب في باله يعني اسمها نجود...
مصعب/ماهي من الرياض؟؟؟
فوزية/لا من الشرقية من عيال السبيعي....بنت ذوق بالمرة شفتها مرة وحدة بس اعجبتني حييل....بكرة عازمتني على الغذى عندها ويمكن مااقدر اروح امر عليهم الليل....
مصعب/ليش؟
فوزية/مدري يمكن مايمديني الضهر استاذن من الدوام واطلع معهم بخلي طلعتي مرة وحدة...
مصعب في باله يعني اسمها نجود السبيعي من الشرقية عاشوا بنات الشرقية والله خوش بنات!!!!
///////////////////////////////////////////////////
اليوم الثاني بالمدرسة,,,,,
بغرفة المراقبة مها...
مها/اللحين انتي وش تبين ياملاك؟
ملاك/ابي ابلة نجود؟
مها بقهر/وش تبين فيها عاد..انا متعمدة انقلها للفصل الثاني ...
ملاك بعصبية/وانتي باي حق تنقلينها عاد!!!منو امرك؟؟؟انا عاجبني وضعي ووضعها انتي منو دخلك بالموضوع؟؟؟
سكتت مها وهي مقهورة,,,,,
ملاك/ترجعين تنقليها لفصلنا ولا بقلب المدرسة فوق تحت على راسك!!!!
مها/ملاك مايصير ياحبيبتي انا توني ناقلتها امس ومغيرة الجدول كيف اليوم اغير مايصير!!!
ملاك حطت رجل على رجل/دبري حالك مايدخلني.....انا ابوي اليوم بيكلم المدرسة يسال عني وماابي اقوله اني متضايقة ومو عاجبني الوضع!!!
مها بتردد/طيب وش رايك انقلك انتي للفصل اللي نقلتها له؟
ملاك بتحدي/لا هنا احلى بها الفصل...في ناس ابي تكون بينا اكشنات انا وهم!!!

مها بقهر/خلاص لك اللي تبينه ياملاك بروح اعطيها خبر انها ترد لفصلكم ولايصير خاطرك الا طيب ولاتزعلين علينا ياملاك!!!
ابتسمت ملاك ابتسامة نصر وقامت من مكانها رايحة لفصلها بعد ماحققت اللي في بالها...
///////////////////////////////////////////////////////////////////////////////////



---البارت الخامس عشر---

هاجر كانت تتمشى مع نجود بممرات المدرسة الواسعة ....

هاجر/وماناوية تدخلين عليهم؟

نجود بلا مبالاة/شوفي هي مية بالمية نقلتنتي الفصل الثاني علشان ملاك وبس!!!! وانا علشان اكسر كلمتها اليوم الفصل الجديد مو داخلة عليهم واذا تبين الصراحة باخذ اليوم اجازة ومني داخلة ولا حصة وبنشوف اخرتها يامها شبتكون!!!!

هاجر /والله انك قوية يانجود وماتهابين شي!!!

نجود بقهر وبقوة/قلعتها ان شاءالله!!!مفكرة وحدة مثل هاذي بتهمني ولا بتاْثر فيني!!!مصيرها هي بنفسها بتجي تكلمني وانا بنت السبيعي؟

هاجر/شخبار جواهر...

نجود/بعد عمري والله جاي على بالي اطلع اليوم بدري واعزمها على الغذى بره....راحت عليك الطلعة امس انبسطنا كثير مع منال وكان معها حمود وفيصل ...وشردت شوي من طرت فيصل وهي تتذكر شكله وكيف انه مافي أي تشابه بينه وبين ابوه....

هاجر/الليلة ان شاءالله.....

نجود/اممم فوزية بعد قالت لمنال ماراح تقدر تطلع معنا الضهر فاقترحنا ان احنا ناجلها لليل بس عاد ها اذا بتنكبون ترى بتروح عليكم العزيمة ومافي غيرها....

هاجر/لالالالا كل شي ولاتروح العزيمة ونخسرها نهائيا....

(هاجر اليامي....بنت هادئة ومتوسطة الحال وبسيطة في تعاملها ورغم انها مو من النوع اللي يعجب نجود كثير بس مشت معها لان هاجر طيبة وسلسة بالتعامل وكانت تمشي كلمتها عليها ..بس رغم هذا كانوا متفاهمين والجو بينهم صافي...

بالنسبة لحياتها الاجتماعية كانت مخطوبة لولد عمها وزواجها بيكون بالاجازة الجاية )

///////////////////////////////////////////////////

سالم يكلم فهد بالتلفون/والى متى ان شاءالله بيظل البال مشغول كذا!!!!

فهد تنهد بقوة../والله مدري ياخوك تعبان حدي ومو قادر اوصل لقرار....

سالم/ويعني!!!!

فهد/مدري...حاس اني متشتت ياسالم...ساعات ودي اكسر راسها من ها الثقة اللي عاطيتها نفسها...وساعات احس اني ابي بس اسمع صوتها وماافارقه!!!!!

سالم/وش اتفقتوا عليه على اليوم؟

فهد/قلت لها اذا بتمر مع صاحبتها تشوفها اهلا وسهلا لكن يقعدون فيها اليوم كله لا اسف مو مجبر اني اعطيها اياها لاني بالاساس مااعطيها احد....

سالم/وبتروح معها؟

فهد/وين؟

سالم بخبث/المزرعة!!!

فهد بتردد/وليش اروح معها بعد!!!

سالم/فهد وش فيك ياخوي هاذي فرصة وجاتك على ذهب انك تكون معها بمكان واحد يجمعكم سوا وتكون تحت سيطرتك!!!!

فهد بتشكيك/وش تقصد ياسالم!!!

سالم/مايبيلها فهامة وانت عارف شقصد يافهد!!!فرصة وجايتك ويمكن ماتتكرر استغلها ولاتروحها من يدك؟

///////////////////////////////////////////////////////////ناصر كان جاي البيت ياخذ اوراق العمل اللي نسيهم وهو طالع الا وعلي داخل....

ناصر/علي؟

علي/نعم...

ناصر/خير ان شاءالله وشفيك ياخوك تعبان!!!

علي/لامو تعبان!!

ناصر/عسى ماشر اشوفك راد البيت مايتراواللي انتهى دوامك...عندكم شي بالشركة ومطلعينكم بدري؟

علي/لا ماعندنا شي انا ملان....وطلعت من الدوام يعني بكيفي وبمزاجي!!!

ناصر/أي بس هذا عمل وانا اخوك والواحد يالله يثبت نفسه بشغله ويبين جدارته و...

علي بعصبية/وبتعطيني محاضرة بعد!!!

ناصر سكت مرة وحدة وهو يناظر بعلي وتفشل من ردة فعله وقال بارتباك/لا مو قصدي كذا ياخوك!!!انا بس كنت ابي اعطيك وجهة نظري بالسالفة و...

علي بملل/ماحد طلب منك تعطينا وجهة نظرك يااخي!!!

ناصر بعصبية/انت وش فيك ماتتقبل أي كلمة من احد!!!

علي بعصبية/انت ماتلاحظ انك تتدخل في حياتي!!

ناصر بعصبية/وانا وش قايل لك عاد!!!!بكيفك عمرك ولا استقريت بوظيفة انت اللي بتضيع عمرك وبتضيع معك ها المسكينة؟

علي/اها...يعني انت من السالفة كلها تبي توصل لها المسكينة!!!!!!

ناصر/علي شفيك؟؟؟؟انا شقلت اللحين علشان تفسر كلامي كذا!!!

علي بقهر/تبيها؟؟؟؟اطلقها علشان تاخذها يالحنون مو انت مسوي روحك الكل بالكل واللي تنقذ كل شي في ها البيت!!!!

ظل مصدوم من كلام علي اللي طاح عليه مثل الجبل!!!!معقولة علي يفكر بالطريقة هاذي!!!معقولة مفكر اني ابي مرته!!!!وش جاك ياعلي عاد وخلاك تكره كل اللي حوالينك وتفكر كذا بس!!!!

غمض عيونه بقوة وهو يغالب دموع قربت تنزل منه ومن موقف علي معه اللي ججرحه وجرحه بقوة بعد!!!!

///////////////////////////////////////////////////////////جواهر كانت قاعدة بغرفة نجود وتفكيرها مو معها ودموعها تجري على خدها اربع اربع بهدوء

وش سويتي فيني يادنيا ...

من بعد حبه وهيامه وشوقه صار مايتصل ولايسال ولايدري عن هوى داري بعد!!!!

ليش يابعد قلبي يابندر ليه!!!

صدقني ماسكن بقلبي غيرك ولاراح يسكن بعد...انت الوحيد اللي حبيته وبظل احبه طول ماانا عايشة على وجه ها الدنيا...ياليتك بس تحس فيني وتقولي ليش انت قاطعني وهاجرني...مدري وش اللي انا سويته وخلاك تكرهني كذا!!!وتقطعني مرة وحدة؟؟

بندر حبيبي طمني عليك...صدقني ماابي شي من ها الدنيا بس ابي اتطمن عليك يابعد طوايف جواهر...

مسحت دموعها وقامت غسلت وجهه وهي تحاول تشيل صورة بندر من بالها وتقوم ترتب غرفة نجود وتجهز لهم ثياب علشان طلعتهم بعدين....

*********************بندر بعد كان قاعد بسيارته وقت البريك وهو ملان ومتضايق جيته جدة غيرت له حياته وها الدلع مشيبة راسه ..من وين ماراح طلعت له!!لاحقته بكل مكان ووين مايروح....فتح الراديوا علشان تروح صورة دلع من باله وكانت في اغنية ولعت قلبه وذكرته بحبيبة القلب ...

لامست كلامات الاغنية اوتار قلب وتنهد من قلب وهو يذكر ها الحب الجميل اللي علمه العشق والهوى,,,و

(مالومه مالومه لوغابت علومه,,,

وان ماسال عني من حقه مالومه,,

انا اللي زعلته...واصلني واهملته,,

والا حبيب القلب طيوب من يومه,,,)

ذكرته الكلمات بجواهر وفيه ..

كانت سالفتهم ومكتوبة بقصيدة...تعشعشت صورة جواهر في باله وحن انه يسمع صوتها اللي له كم يوم يقاومه ..بس كثر الحنين ها المرة كان اكبر منه رفع سماعة الجوال ودق لها....

///////////////////////////////////////////////

في فصل اولى ثانوي..

دخلت ملاك الفصل وقالت للبنات بصوت واثق/يالله البشارة ابلة نجود ورجعتها لكم!!!

نور بفرح/جد!!تسلمين ياملوكة عسانا ماننحرم منك!!!!

ملاك ناظرت بالجازي اللي كانت تتهامس مع مروةوقالت لها/ها اشوفك ماقلتي شي يالجازي !!!يعني ماشكلك فرحتي!!!

الجازي بعزة نفس/وش تبيني اسوي بالله!!!اتحزم وارقص!!!

ملاك،/ياسلاااام!!!

الجازي/من الاساس مافي أي سبب لتغير الفصلين بعد ليش كل وجع الراس وضياع حصتين امس علينا وعليهم مدامهم بيردون كل شي !!!

ملاك اكتفت بانها تناظرها ورجعت مكانها وهي تتهامس مع شلتها عليها....

/////////////////////////////////////////////////////////

عبير كانت واقفة بالمطبخ وتقطع بالسلطة وحوستها حوسة بتبهير السمك والرز على الفرن ودخل علي بقمة عصبيته,,

عبير رفعت راسها ولقته واقف مثل البركان وتوها بتفتح فمها وتتكلم الا وهو فاتح اذاعته على الاخر بقمة عصبيته/ وش ها الفوضى بالله!!!وين قاعدين احنا؟؟

عبير بخوف من شكله وهو معصب/انا قاعدة اطبخ الاكل....

علي/وماتعرفين تطبخين بشوية ترتيب!!!!شوفي المكان صاير زبالة!!!وين الواحد يظل قاعد بالبيت ماتقدرين الا تسدين نفسه وتخلينه يطلع!!!!

قالها وطلع بسرعة وهي على وجهها الف علامة تعجب وتعجب!!!!

شقاعد يقول هذا!!وليش دايم كذا بركان اذا جا يكلمها؟؟؟؟

اللي هي متاكدة منه ان كل البيت نظيف ومرتب وكل الغرف مسكرة والمطبخ ماهو بذيك الكركبة والفوضى اللي هو يتكلم عنها!!!!

يعني الحوسة طبيعية ومافيها شي,,,وبعدين هو ماكلمها وقال لها انه جاي اصلا علشان .............اوووف ياربي...لمتى بتعيشين ها العيشة ياعبير لمتى!!!

استغفلا الله العظيم....تركت السلطة اللي بيدها وطفت الرز اللي كان يشتغل وقعدت بالكرسي اللي بالمطبخ وهي في قلبها الف غصة وغصة زمو قادرة تحرك ساكن؟؟؟؟

////////////////////////////////////////////

اول ماشافت اتصال بندر دق قلبها بقوة....بندر متصل عليها!!!ماصدقت حالها وطارت من الفرحة بس شي بداخلها قال لها لاتردي....

تذكرت كلام نجود لها اذا كلمك بعد ها الغيبة ثقلي حالك عليه ولاتردين خله يعرف كيف يعتذر لك ويبرر تصرفه ويبين اسباب هجرانه وبعدها قرري اذا كنتي بتسامحينه ولالا ؟وحتى اذا كنتي بتسامحينه خله يحس اول انه غلط بحقك ياجواهر....

تنهدت من قلب وارسلت له مسج.....

*********وصل المسج لبندر وتنهد من قلب يوم قراه...

(...توك تجي تسال عني وعن احوالي...

وانا عليك اسال يامشغل بالي...

عا الموعد اجي ملهوف...

لحظاتي تمر سيوف...

حبيبي لاحشى مو انت..

تتركني اسير الخوف...

اخاف الظن فيك يخيب..

وتعذيبي يزيد تعذيب...

حبيبي يابعد روحي..

دواي وبلسم جروحي..

وبالذكرى مع الايام..

واسئل في لياليها...

تلقى الضيم والالام,,\

عذابي واضح فيها..)

ارسلتها له وقفلت جوالها بعدها وهذا اللي حرق قلب بندر وكان بيبكيه..

كان عارف انها زعلانة ومتضايقة منه وعتبانة عليه بس ...يمكن توقع لوانه كلمها بيقدر ياثر عليها!!!

اه منك ياوجع القلب؟؟؟؟؟

/////////////////////////////////////////

شمة/ابلة نجود؟

لفت لها نجود/نعم....

شمة/انتي علينا اللحين مابتدخلين علينا!!!

نجود/موجاية لكم,,بتجيكم الابلة الجديدة؟

شمة/أي بس ابلة مها قالت لي اعطيك خبر ترجعين لفصلنا..

نجود باحتقار/روحي قولي للي دزتك لي ...تقولك ابلة نجود ماهي داخلة علينا عطيها اول اسباب لتصرفك السخيف وكان المدرسة مافيها قوانين وانظمة بعها بتفكر تدخل علينا بمزاجها طيب يابابا!!!

شمة سكتت ومشت عنها...

هاجر/نجود اكسري الشر وروحي لهم...

نجود/هاذي مها ماخذة بروحها مقلب ولازم اعلمها منو اللي بقد انه يحط راسه براسي!!!!

هاجر/.................

نجود/عموما انا طالعة بعد شوي...

هاجر/ليش عاد باقي حصتين وينتهي الدوام خلك لين نهاية الدوام!!!

نجود بلا مبالاة/فرصة ان جواهر هنا وبيني وبينك جت سالفة مها على الكيف!!

لفت الا فصلها ثلاث اربعاه واقف ينتظرها..

ملاك اول من تكلمت/ابلة صحيح مابتدخلين علينا!!!

نجود/أي احد عنده مانع!!!!

مروة بهدوء/طيب ليش!!!

نجود بثقة/والله عاد هاذي انا مدري عنها هذا شغل الاداريات مو شغلي انا!!!!

مشت عنهم وبعدها لفت لملاك واشرت عليها تجي عندها وملاك بغتها من الله راحت طيران...

نجود/وش فيك امس انتي!!!

ملاك بلا مبالاة/مافيني شي؟

نجود/,,,,,,,,بكيفك...

ملاك/ماراح تدخلين علينا!!!!

نجود بقوة/لا؟؟؟

ملاك/طيب وش اللي بيرضيك واحنا بنسويه؟

نجود مشت عنها واخذت اغراضها وطلعت من المدرسة وكانت جواهر بالسيارة حسب الاتفاق...

//////////////////////////////////////////////////

ناصر كانت الدنيا ضايقة فيه من علي ومن فهمه للموضوع بها الطريقة,,

تنهد من قلب ورفع جواله ودق على اللي يشكي لها دايم وماتوقف معه!!!!

ناصر بحزن/هلا نجودة...

نجود/هلا وغلا...

ناصر/شلونك..

نجود/بخير...

ناصر/وش مسوية مع جواهرك؟

نجود/عايشين الحمد الله...وش فيه صوتك متغير؟

ناصر/اه يانجود...

نجود/عسى ماشر ياناصر؟

ناصر/اخوك علي صار بيني وبينه موقف وفهمني غلط كالعادة؟

نجود/وش اللي صار؟

ناصر/والله ماني طايق اتذكر وش اللي صار بيني وبينه!!

نجود /اكيد انت ماتفاهمت معه وكبرت السالفة ياناصر!!!

ناصر /ابدا يانجود صدقيني...هو كان معصب وفهمني غلط؟

نجود/وش اللي صار....انا اعرف علي ماينرفز الا اذا احد غلط عليه ولامتفاهم معه ...كم مرة بقولك ياناصر علي حساس ولازم تتكلم معه باسلوب ثاني غير عن الا سلوب اللي تتكلم مع الناس الباقين...

ناصر/سمعي السالفة واحكمي انتي بنفسك............................................. .....................

/////////////////////////////////////////////////////////

سارة/مزنة وين ملاك؟\

مزنة/والله مدري بس اتوقع انها راحت الفصل اللحين علينا نجود اللي ماتتسمى وتعرفين ملاك رايحة فيها من جت لنا ها النجود وماتتاخر على الحصة لاتوريها الويل؟؟

سارة/تخسي ها النجود تلمس شعرة من ملاك القمر...

مزنة/والله هذا اللي صاير..

سارة/طيب ليش مقفلة جوالاتها امس ..كنت ابي اتطمن عليها..

مزنة/ابلغها اللحين اذا رحت الفصل...يالله بخاطرك..

سارة/سلمي عليها وقولي لها قلبي يدعي لها تنتصر على ها الافة نجودوا الزفتة؟؟؟؟

/////////////////////////////////////////////////

في السيارة...

جواهر/وش ها المذلة بالله!!ماابي اروح؟

نجود/بلى بنروح...

جواهر/نجود وش صاير لك انتي يابنت!!!انتي بالعادة مو كذا بس ها الفهد مغير لك شخصيتك؟؟

نجود كان في شي منرفزها من اسلوب فهد يوم قال لها عن المزرعة وانه بيكون معهم بس توريها صاحبتها وتطلع بس عنادها وشي بداخلها يبي يشوف فهد خلاها توافق رغم انها ناوية على الشر بالنهاية...

جواهر بزعل/نجود انا ماابي اشوفها بس شقول عاد!!!والله انها مذلة..وصارت تقلد صوت فهد..تعالوا شوفوها وانا بنتظركم وانا اسف لاني مقر اعططيكم اياها اليوم كله!!!عاد انا بموت اذا مادخلتها ؟؟ومن اللحين اقولك اني مابرتاح ومابتعجبني؟؟

نجود كانت سرحانة مع سيارة فهد اللي قدام سيارتهم تمشي وهي ساكتة ..صحيح ماكان عاجبها موقف فهد بس تبي تشوفها..شي داخلها مصر على انها تشوفه....

وصلوا للمزرعة ودخلوا داخل......................

//////////////////////////////////////////

في غرفة هنوف....

نورة/تعبانة بموت مو قادرة...

هنوف/عسى ماشر ان شاءالله؟

نورة/بكرة امتحان كيمياء ومالي خلق بالمرة؟

هنوف/تصدقين رغم اني تغذيت مرتين الا اني جوعانة موت؟

نورة/ههههه كنك نصور مايشبع لو ياكل عشر مرات!!!بس حرام اليوم مااكل شي كان متضايق بس مدري من شنو؟

دق قلب هنوف بقوة متضايق!!وش فيه بعد طوايفي....

هنوف بخوف ماقدرت تخفيه/وش فيه!!!

نورة بلامبالاة/مدري مو متعود يقولي اسراره والاشياء اللي متضايق منها!!!

وحطت راسها فوق المخدة .../أي صحيح ماقلت لك هنوفوا الليلة بيت خالي وبيت خالتي بيجونا؟

هنوف/لا..ليش؟

نورة/مدري..بس هم متعودين كل فترة يمرون يسلمون على امي .....

هنوف/امممم وخطر في بالها خاطر ....

//////////////////////////////////////////////////

في المزرعة,

كانوا جواهر ونجود يتمشون وجواهر بقمة قهرها وعصبيتها....

نجود/خلاص عاد ياجواهر ,,,مشيها ياقلبي...

جواهر بقهر/اصلا احنا ماعندنا سالفة بجيتنا من الاساس!!!هو مايبينا نجي بس انتي الله يهداك!!!

وصلوا لعند الغرفة الزجاجية اللي فيها الطيور والاسماك وابتسمت جواهر لانها كانت تحب ها السوالف...

ودق جوال نجود وكان فهد هو المتصل......

نجود ردت بسرع وبلهفة ماقدرت تخفيها/هلا..

فهد/وش حابين تتغذون؟؟

نجود/لاماله داعي اصلا احنا طالعين اللحين؟

فهد/ليش عاد!!

نجود بدلع/مو صاحب الكزرعة بخلان فيها ومو راضي يعطينا اياها!!!ومانبي نذل نفسنا اكثر؟؟انا لو ماجواهر مصرة تشوفها وقالت هاذي رضوتها لعلمك ماوطيت مزرعتك مرة ثانية!!!

لفت جواهر لنجود وهي مستغربة من كلامها ولقتها تبتسم وتسوي حركات بعينها....

فهد/...............

نجود/,..............

فهد/طيب اقعدوا خلاص انا ماشي...

نجود بعزة نفس وقوة/لاحبيبي ماحنا قاعدين حنا عندنا كرامة!!!

فهد باحتقار/وينها ها الكرامة من البداية!!!

نجود بعصبية/تدري فعلا اني كنت غلطانة واني ماكنت ابي اجي بس صدق الشره اولا واخيرا علي انا!!!!

قفلت بوجه الخط وقالت لجواهر بعصبية/يالله مشينا!!!

جواهر تنهدت ومشت معها/قايلة لك من الباية جيتنا كلها غلط بغلط!!!

مشت نجود وهي بقمة قهرها وكانت ساكتة لين وصلوا لبوابة المزرعة واللي كان فهد واقف جنب سيارته ..

ركبت جواهرسيارتهم..وفهد نادى نجود...

فهد/نجود..
لفت له وهي بقمة عصبيتها وفتحت لثامها/نعم!!في شي؟

فهد ظل يناظرها وهو ساكت...

نجود بقوة/في شي ياحضرة المحامي الذوق!!!

فهد تقرب منها وقال بهدوء وهو عيونه فيها مذوبتها/لاتقولين زعلتي!!!

نجود لفت عنه/تبي تراضيني!!لاتخاف رضوتك ماهي مقبولة ولاتتعب نفسك!!!

ظل يناظرها وهو محتار يضمها بقوة ولايكسر راسها!!!!!!

فهد/اوقفي خلنا نتكلم!!!

نجود مشت عنه/ماني فاضية لك!!!اصلا النفس عليك ماهي راضية!!!عموما الله يهنيك بها المزرعة!!!!!

قالتها وركبت السيارة ومشى السايق وسط حيرة فهد وهو يناظر طيفها اللي اختفى ..............

في السيارة..

جواهر بعصبية/فتحت الوجه ماكان لها داعي يانجود!!!!

نجود/..............

جواهر بنفس العصبية/نجود وش بلاك ليه تتصرفن كذا!!!!

نجود بعصبية/ولاشي!!!!!

قفلت جوالها وهي ودها تذبح فهد على ها الغرور اللي هو فيه والبرود؟؟؟؟

////////////////////////////////////////////////

العصر في بيت السبيعي...

هنوف/يااهل البيت....

ناصر/دخلي هنوف امي بالمطبخ...

هنوف/هلا وغلا....وش عندها امك لها الحزة بالمطبخ!!!

ناصر/جايينها بيت اخوها وبيت اختها وقاعدة تتفنن بالحلويات والطبخات!!

هنوف/قلت لي...يعني مسوية روحها منال العالم!!!!

ناصر/لاوين منال العالم ياخلاف!!!!

هنوف/المهم انا اكتشفت ان فيني موهبة الشعر وكتبت قصيدة وقلت لازم اسمعك...وش رايك تسمعني!!!ناصر كان مبين عليه الزعل بس محاول انه يخفيه/قولي انا اسمعك....

هنوف/احم احم...

أفطر الصبح زيتونه......وأروح المدرسة مزيونه
أرجع البيت مهمومة......وشكلي كأني مجنونه
أذاكر ليل ونهار......وأصبر عالألم والنار
مع هذا أجيب أصفار......وما أطلع من الشطار!!
والله إني مظلومة......كله من أبله معصومه
الحصة الأولى فاضيين......والثانية علينا دين
والثالثه رياضيات......جاتنا أبله عطيات
مليت أنا من هالحصص......كل يوم نفس القصص
تعبت أضرب وأقسم..أحل معادلة أو أرسم
عاد درس الصرف......ما فهمت منه ولا حرف
أما قسم الأعراب ......ما بفهمه ولو شاب الغراب
ما أعرف أكتب تعبير......وما أفرق بين المفرد والجمع تكسير
بوصف لكم معلماتي......ياللي نكدن لي حياتي
نبدأ بأبلة العلوم......هذه تخص عمي سلوم
وعاد أبلة الفنية...... شكلها مره جنيه
أبلة العربي......فالحة بس في ضربي
وأبلة الأنجليزي......تاكل رطب خنيزي
وأبلة الجغرافيا ......تمشي وهي حافية
وأبلة التاريخ......تصنع طايرات وصواريخ
وأبلة التربية الأسرية......راعية الفرن والصفرية
أما المعلم الخصوصي......ما ادري؟؟يتكلم روسي
يوم السبت نسيت فلوسي......والأحد انقلعت ضروسي
في الحصة سرحانة......للبيت ولهانة
تعب راسي من التفكير......وعقلي شوية وبيطير
يا ناااس رحموني......وبالنجاح ادعوا لي
لا تدخلوني في متاهة ......ترى القصيدة للفكاهة وسلامتك ياشيخ الشباب...

ناصر/هههههه بالله انك مو عاقلة ياهنيف!!!

كان يكفيها بها اللحظة شوفته وهو يضحك ومبسوط مستعة تسوي المستحيل بس مايكدر خاطره ها القمر ويزعل لانه اذا زعل معناته البيت كله صار ظلام بظلام!!!!!

هنوف/عجبتك!!!
ناصر/عليك حركات خطيرة!!!!

هنوف/بصراحة انا ماكتبتها ناقلتها من المنتدى وقلت اسمعك اياها...

ناصر/أي وانا اقول انتي مايطلع من عقلك شي!!!مصدي الحمد الله والشكر!!!

هنوف بجدية اكبر منها/ناصر وش فيك!!

ناظرها ناصر بنظرات جدية....وفضل انه يقوم من المكان لانها مابتتركه وبتصر انها تعرف وها الشي هو مايقدر عليه لانه بالنهاية وتحت اصرارها بيتكلم!!!فضل الانسحاب....

.............................................

بالليل تجمعوا البنات بالفيصلية...

فوزية وهاجر ومنال وجواهر ونجود...

وطبعا مصعب كان عارف انهم بيتجمعون هناك لانه وصل فوزية وقال لها انه بيكون معها

 
 

 

عرض البوم صور بياض الصبح   رد مع اقتباس
قديم 19-08-10, 06:33 AM   المشاركة رقم: 14
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

---البارت السادس عشر---

///////////////////////////////////
التقوا البنات بالفيصلية مثل مااتفقوا وراحوا المطعم البراازيلي اللي عجب جواهر وبما ان العزيمة علشانها هي اختارت المكان وظلوا مع بعض....
/////////////////////////////////////////////////////////وبنفس الوقت بس بمكان ثاني وتحديدا بمارينا مول....
اخذت قطعة مالها أي حاجة فيها بس المهم انها تشوفه....
وكان هناك....
صارت تدعي ربها ان اللي معه يطلع يفارق يصير فيه أي شي بس تاخذ راحتها...بس لاحياة لمن تنادي...
الحظ اذا عاند يعاند....
تاففت من قلب بذيك اللحظة وانتبه لها عبدالعزيز,,,وكانه عرف بللي يدور في بالها... تقرب منها بهدو ءوقال بكبرياء مايناسبه وهو متقطع..
عبدالعزيز/بغيتي شي اختي؟
كانت عاطيته ضهرها وعطته البلوزة على اساس انها تبي مقاس لو لون ثاني وهو سوى روحه يدور,,
لبنى بهمس/ليش ماترد على مكالماتي ياعبد العزيز؟
تنهد وبس...
لبنى/حرام عليك انا قاعدة اموت كل لحظة والثانية...عبدالعزيز انا قلت لك لاتجي وانت ماسمعت كلامي....حبيبي انا ابيك وماابي غيرك صدقني!!!لاتعذبني حرام عليك...
عبدالعزيز لف لها/شوفي هاذي كويسة؟
التقت عيونها بعيونه وحست فيه الانكسار والضعف وهو ماشاف غير الدموع والزعل بعيونها...
عبدالعزيز /تبينها؟
لبنى/أي...
عبدالعزيز بهمس/بكلمك الليلة طيب...
هزت راسها بفرح.....
//////////////////////////////////////////////
مصعب كان قاعد وهو حايس بعمره وجوده هنا بها المكان غلط!!!
بس الله يسامح قلبه اللي جابه علشان يشوف عيونها...
كان قاعد بالكافي ومداها القهوة اللي طلبها تبرد من كثر ماهو شارد في العيون اللي جاي يدور عليها ومتنمي يشوفها....
طيب يامصعب لو شفتها هل انت ناوي تكلمها!!وليش لا انا ناوي اعتذر منها عن نظراتي لها ذاك اليوم وافتح صفحة جديدة ومااخليها تاخذ عني فكرة غلط !!
وبعدين يامصعب وش ناوي تسوي ولاتقول لها؟ولاشي...بس ابي اعتذر منها وامشي,,,,,,ووالبقية بتجي مع الايام ان شاءالله!!!!
///////////////////////////////////////////////////////
فيصل/بابا...
فهد وهو يشتغل على جهازه/نعم يابابا...
فيصل/ودني الفيصلية...
فهد/من اللحين تبي تروح الفيصلية؟ اجل اذا كبرت وين بتروح!!!
فيصل بثقة/باريس!!!
فهد/....................
فيصل/بابا انا ملان بيت عمي مافيه احد كلهم طلعوا حتى رحاب راحت عند بيت جد احمد...
فهد/واذا ماطلعت وش بيصير يعني!!!
فيصل/انا زعلان من منال قلت لها تاخذني معاها الفيصلية مارضت..
فهد/وليش تاخذك معها عاد!!!
فيصل/لانها طالعة مع فوزية وهاجر ونجود بيتعشون وانا طالع معهم امس وصرت عاقل ..ليش مااخذتني معها اليوم بعد!!!
فهد/فيصل بابا عيب مايفرضون نفسهم على الاخرين!!
فيصل/كيف يعني!!
فهد بنفاذ صبر وهو من سمع اسم نجود تغيرت احواله/يعني هي طالعة تتمشى مع نجود(وركز على اسم نجود)ليش تاخذك معها!!!
فيصل/هم بس بيتعشون هناك نجود عازمتهم وبيردون.....
سرح بافكاره بعيد مع ها النجود وموقفه معها وموقفها هي معه...
كيف الوصل لها بس كيف؟؟؟
وسرح بعيد ونسى فيصل اللي قاعد يناديه....
////////////////////////////////////////////////////////
دخل غرفته باخر الليل بعد يوم طويل وممل وكئيب من بدايته ..
كانت هوشته مع علي اخوه هي البداية اللي خربت عليه اليوم...
حتى وهو مع خواله وعيالهم وعيال خالاته كان يبتسم ويسولف بدون نفس....
شال ثوبه وشماغه وجا بيرمي نفسه على السرير وانتبه لوردة حمرة على سريره ملفوفة بشريط ستاني ابيض مكتوب عليه كلمة احبك...........
استغرب من وجودها بغرفته !!!ومن الشخص اللي ممكن يكون حطها في غرفته!!!
هاذي مشكلتك يابو نويصر الغرفة تقل بوابة البحرين كل من يبي يدخل مفتوحة للجميع!!!
بس مين ياترى حطها لي هنا !!!حيرة..فعلا حيرة!!!اليوم البيت ملايان بنات واكيد كلهم يحبوني بس مني فيهم بتكون حطتها ياترى!!!
تبسم لنفسه ولتفكيره وحطها جنبه وحط راسه على المخدة وغمض عيونه وراح بسابع نومة,,,,
//////////////////////////////////////////////////////
بعد ماخلصوا عشاهم وتمشوا براحتهم وتعرفوا على بعض وضحكوا وسولفوا وحشوا في فلان وعلان وكل من صادفهم انتهت سهرتهم وتودعوا وجواهر ونجود راحوا واخذوا معاهم هاجر على طريقهم ومنال بعد سايقها كان ينتظر برى وراحت رغم ان فوزية قالت لها بتوصلها بس مارضت ,,واخيرا دقت على مصعب تساله وينه هو فيه,,,,وقال لها انه عند الكافي ماغير مكانه ..
سكرت منه وجته,,
مصعب/في شي؟,,,
فوزية/يالله بنرجع البيت ..
مصعب/وين اللي معك!!
فوزية/كلا راح بيته ومابقيت الا انا!!
طاح قلبه بين ضلوعه,,انتظاره من المغرب للحين ماكان متوفق فيه وضاع عليه هباء منثورا!!!
ليش كان قاعد اجل ؟؟؟وحس لحظتها انه فعلا غبي !!يعني هو كان يبي يشوفها كيف بالله بيشوفها وهي بمكان وهو بمكان!!!
على الاقل قعد قريب منها ولاحظها وين رايحة ووين قايمة وشاف له فرصة يكلمها!!مو قاعد بالكافي وينتظرها تمر عليه!!!!
فوزية/مصعب شفيك انا اكلمك!!
مصعب بحسرة/ها...يالله قايم...
قام معها وهو ساكت وشارد ومو منتبه لسوالفها عن البنات.....
لين ركبوا السيارة وشغل اغنية البراقع من جيد وكانه يتنفس فيها..
فوزية بتشكيك/مصعب وش سالفتك مع ها الاغنية بكل وقت حاطها لنا وبكل مكان!!!!
مصعب تنفس بقوة خلت فوزية تلتفت له..
فوزية/عسى ماشر شكل الاخبار ماتطمن وانا اختك!!
مصعب اكتفى بانه يبتسم عليها وبس!!!!
/////////////////////////////////////////////////
لبنة بشوق/عارفة انك تعبان وان ذي فرصتك تريح بس والله مشتاقة لك يابعد عمري,,,,, قالتها وجتها غصة وهي تتكلم,,,
عبدالعزيز بحزن/ابوك ماوافق تكونين من نصيبي يالبنى؟
لبنى/عزيز ليش تبي تحرمني قربك!!!قلت لك ماابي غيرك صدقني...
عبدالعزيز بقهر/بس ماراح تكونين لي يالبنى ماراح تكونين!!!كذا احنا نتعب حالنا بدون فايدة....
لبنى/حبيبي لاتفكر باي شي وخلنا نعيش حبنا وماتدري وش اللي بيصير مع الايام!!
تنهد عبدالعزيز بقوة وقال لها بضعف/ماراح يتغير شي يالبنى صدقيني.؟احنا قاعدين نتعب نفسنا والنتجية معروفة,,,,كلا بيكون بطريق!!!
//////////////////////////////////////////////////////
كان الجو هادى بين نجود وجواهر بعد مارجعوا وبدلوا وكل وحدة حطت راسها براس الثانية,,,
وكل وحدة تفكيرها في شي معين صار لها اليوم!!
جواهر تفكيرها اخذها بعيد....لجدة وللي رايح جدة ومبتعد عنها...واللي دق عليها اليوم وزين انها قدرت تمسك نفسها وماتكلمه وترد عليها رغم انها كانت مشتاقة له موووت....
ونجود كان كل تفكيرها بفهد..ها اللي داخل بالها وتفكيرها بكل حركة يسويها!!!!!
لفوا لبعض بنفس الوقت وكانهم كانوا محتاجين يتكلمون كل وحدة عن اللي شاغلها وشاغل تفكيرها......
/////////////////////////////////////////////
فتحت عبير عيونها بثقل على صوت علي يصارخ..
علي بعصبية/ماتسمعين!!!قومي سويلي شي اكله جوعان!!!
فتحت عيونها بثقل وناظرت بالساعة لقتها ثنتين ونص!!!من جده هذا يبي ياكل اللحين!!
علي انتبه لها وهي فاتحة عيونها وقال لها بقوة/يوم انك صحيتي من نومك قومي ليش العناد بعد!!!!
عبير /تعبانة ومافيني اتحرك...
علي /شلون يعني؟
عبير/:انت مو توك راد من برى....كان اكلت لك شي بالطريق هذا مو فندق وقت اللي تبي تاكل تجي ووقت اللي تبي تنام تجي؟

علي بعصبية وصوت عالي لزق عبير بمكانها/ياسلاااااااااام على بنت الاصول؟؟؟هذا ردك على زوجك!!!كذا رباك عمي ياعبير!!!
عبير تجمعت الدموع بعيونها وكانت بتقول شي بس كان علي اسبق بالكلام..
علي/انا زوجك...سامعة شنو يعني زوجك!!!يعني وش ما بغيت اسوي واطلب ...كيفي بيتي وبكيفي!!
عبير/لامو بكيفك...واذا مفكر انك زوجي انت غلطان!!احنا مجر اثنين عايشين مع بعض وبس!!
علي شال اللجاف اللي كانت متغطية فيهوقال بعصبية/هذا كلام جديد بعد!!!سمعيني يابنت العم سمعيني!!!!
عبير اكتفت بدموعها.....
علي/طيب..انا اعلمك شلون ياعبير طوالة اللسان هاذي؟
/////////////////////////////////////////////////////
اليوم الثاني بفصل اولى ثانوي....
دخلت نجود الفصل وسلمت,,
ملاك/تو مانور الفصل ابلة نجود...
نور/وحشتينا ابلة نجود....
نجود ناظرت بالبنات وبوجيهم وقالت بحدة/فينا نبدي الدرسّّّ!!
ساد الصمت طول الحصة وكانت تشرح وماهي ملتفتة لااحد وتشرح بروحها ومطنشة الفصل بللي فيه لين خلص الدرس...
نجود/احد عنده أي سؤال؟
ساد الصمت وكل الوجوه تقول انها فاهمة رغم ان نصها مايبين عليها بس ساكتين ....
سحبت الكرسي وقعدت......
نجود/اللي دفترها من زمان ماتصحح تجيبه...
ملاك/ابلة نجود....
نجود/نعم....
ملاك/ممكن اكلمك شوي!!
نجود بحدة/لا...كملي كتابة الدرس وجيبي دفترك اصححه....
مرت ثواني وقربت الجازي من نجود تصحح دفترها....
مسكت الدفتر بدون ماتناظر بوجه اللي جابته وكانت تقرا في بعض الاجابات وفتحت الدفتر من البداية تقرا الاسم ولقته الجازي ورفعت راسها للجازي,,,
نجود/شلونك اللحين؟
الجازي/بخير...شكرا....
ملاك بهمس لمزنة/مالت...وش فيها ان شاءالله احسن مني بنت العطا الله!!!!
مزنة/لاتشغلين بالك فيها حشرة وبتظل حشرة ياملاك..
ملاك/زين يانجود زين....
كانت نجود عارفة ان ملاك تناظرها وتعمدت تسولف مع الجازي وتضحك معها علشان تغايضها....
اخذت الجازي دفترها ورجعت مكانها وعيون ملاك مافارقتها....
نجود بحدة/ملاك ماخلصتي من الكتابة ابي دفترك اصححه اليوم!!!
ملاك/..................
نجود/أي صح قبل لاانسى يوم السبت تجيبون معكم مطالعة عندنا درس بالامثال الشعبية....متى انا عليكم السبت؟
شمة/الرابعة..
نجود/الرابعة لو الثالثة؟
نور/لا الرابعة..
نجود/معتمدين الجدول القديم ولا الجديد؟روحي مروة بسرعة طلي على الجدول شوفي انا متى عليكم السبت.......
راحت مروة وردت/الثالثة..
نجود/منو عليكم الثانية؟روحي مروة شوفي معليش بتعبك شوي..
مروة قامت/لاعادي.....
رجعت من جدي وقالت/علينا ابلة سعدى..
نجود/بيكون درسكم مع الابلة طويل ولاقصير؟
الجازي/مراجعة....ووبتصحح دفاترنا.
نجود/حلو,,,,انا يوم السبت ابيكم تتقسمون...انتوا كم عددكم؟
ريم/ثلاثين....
نجود/حلو,,,ابيك تتقسمون ست اقسام او مجموعات,,كل مجموعة فيها خمس طالبات....كل وحدة منكم تكون معدة مسبقا مثل شعبي قديم...راح نترك اللغة الفصحى بحصتنا الجاية وابي كل وحدة تجيب لنا مثل من الامثال القديمة لااجدادنا وتقول لنا عن شنو المثل يتكلم او في شنو يضرب....
نور/طيب واذا جبنا مثل مثل ..
نجود/مو انا ليش بكون مقسمتكم علشان لو في تشابه يكون عند كل مجموعة بديل..وتكونون مطلعين على امثلة بعض لاني بقوم أي وحدة تنوب عن المجموعة طيب...
ملاك/واي خمس يبون يكونون مع بعض يصيرون؟
نجود/لا ياعيوني انا بقسمكم اللحين بكيفي؟
الفرقة الاولى فيها.....شمة...مروة,,,مزنة,,ريم..وضحى..
الفرقة الثانية فيها نور وسعاد ورنا واحلام وموضي..الفرقة الثالثة فيها الجازي...وملاك طبعال (وشددت على ملاك وابتسمت لها ملاك) ولينا وسحر وسارة وماابي غياب لو سمحتوا اللي بتغيب لظروف خارجة عن ارادتها ماشي اما الغياب عيارة بس كذا لا وستين الف لا انا بنفسي بشوف اعذراكم لو غبتوا سامعين؟
ملاك/ان شاءالله...
//////////////////////////////////////
في بيت السبيعي قسم بو بندر.....
كانت ام بندر قاعدة بالمطبخ تشرف على الاكل اذا خلص لو بعد وفجاءة مسك شخص يدها واخترعت بس تجمعت الدموع والابتسامة بوجهها بنفس الوقت وصوت بندر يشدي بقوة/
امي وانا بوصف لها زود حبها...
وان ماحكيت لها قصيدي حكى لها...
امي لها بالجوف والقلب منزلة..
مكانة ماكل محبوب نالها...
اقرب من ظلالي وانا وسط غربتي...
وانا تراني اقرب من ظلالها...
ماشافت عيوني من الناس غير...
ولاخلق رب الخلايق مثالها...
اغلى بشرفي جملة الناس كلهم....واكرم من يدين المزون وهمالها...
اقولها وانا على الله متكل ...والله عليم بقدرتي واحتمالها...
ياكلمة اغلى من الناس كلهم..
ياشمس بقلبي بعيد منالها....
يافرحة تملي علي الكون باكمله...
ياشجرة تكبر وتكبر معها ظلالها...
تضحك لي الدنيا اذا شفت زولها...
ارض تدوس امي بالاقدام رمالها...اموت فيها واندفن برمالها....ز
شلونك يالغالية عساك بخير وحشتيني موت؟
قالها واخذ يدينها وباسهم..
ام بندر بحب ووله/هلا يمه هلا,,,,هلا بالغالي...ورى ماقلت لي يالغالي انك جاي ..
بندر/قلت اسويها لك مفاجاة وتشوفيني واقف عندك....
ام بندر/يابعد عمري يايمه//تعال قولي شلونك وشلون العمل؟ياالله يايمه ارجع مافيني اتحمل فراقك اكثر من كذا بعد!!!
تنهد بندر بحرقة وقال لها /قريب ان شاءالله يالغالية قريب...
////////////////////////////////////////////
هيا/واخيرا اليوم الاربعاء ونجود بتونر البيت ؟
نورة/أي والله وحشتنا اختي الغالية؟
هيا بخبث/واحلى مافي الموضوع ان جواهر بتتركها لنا بما انها كانت معها ها الثلاثة ايام اللي راحوا!!
ام علي/ياشين تفكيرك بس!!!وش فيها جواهر...زينة البنات والله؟
هيا بدون نفس/زينة البنات عندك مو عندي!!!انا مااتحملها ابدا!!!!!
////////////////////////////////////////////////////
رجعت جواهر بيتهم بعد مااخذهم ناصر من المطار وهو طول الوقت سوالف.....وبعد مانزلت جواهر ودخلت بيتهم غير الطريق..
نجود/حير ان شاءالله وين ماخذني؟
ناصر/نجود...اقول وش رايك اتزوج؟
نجود/هاذي الساعة المباركة ومنهي بنت الحلال اللي بتنعل فيك ان شاءالله!!
ناصر/افا بس وانا اخو نجود!!!اللي بتاخذني بتنعل فيني!!!
نجود بشماتة/ههههه أي عندك شك؟
ناصر/عارفها مو من قلبك عشان كذا بعديها....شوفي يابنت الحلال انا قلت اتكلم انا وانتي وننتناقش واشوف رايك بعدين نعرض الموضوع على كبار الدولة؟
نجود/مشاءالله....
ناصر/انتي من تختارين؟
نجود/ليش انت مو حاط في بالك شي؟
ناصر/بصراحة لا,,وانا معتمد عليك بها الموضوع؟
نجود/امممم يعني انا اختار لك؟
ناصر/أي وحدة من ها البنات اللي تعرفينهم وتكون عاقلة ورزينة وبنت حلال.....شرايك بجواهر صاحبتك نعرفهم من ومان!!
نجود بحدة/شيلها من بالك..
ناصر/بسم الله علي وعلى عمري!!!انتي ماتتكلمين معي بهدوء ابدا!!!
نجود/في غيرك يبيها ياناصر فلا تحطها في بالك واذا انت حاطها شيلها....
ناصر/انا قلت بس وش رايك لااقل ولااكثر!!!!
///////////////////////////////////////////////////
سالم/يا انها شاطرة ها النجود اللي حارمتك الرقاد يافهد!!!
فهد كان ينفث دخان سيجارته وهو شارد وهم بالديوانية...
سالم/قلت لك طيعني وخلني بضبطك بس انت الله يهداك ماتسمع الحكي!!
فهد/وش تبيني اسوي ياسالم!!!نجود مسويتني مراهق !!!!مافي تفكيري غيرها!!!
سالم/هذا حب يافهد حب!!!
فهد/واللي يسلم عمرك ياسالم أي حب وانا بالاربعين!!!
سالم/حب متاخر..وش فيها انت ماحبيت بمراهقتك وطيشك وشبابك جاك الحب اللحين يالله تحمله!!!!
فهد رجع لسيجارته يدخنها بعصبية وهو يطرد ها الفكرة من باله...
سالم/خلصت مووضوعي وتطلقنا امس.....وانا اللحين متحرر وادور لي بنت حلال واذا ماتبي نجود عطني اياها انا ابيها!!!قالها وهو يبي يشوف ردة فعل فهد اللي طاحت السيجارة من فمه على ثوبه وزين انها ماحرقته وسالم ضحك عليه بقوة.....
سالم/وتقول مو حب!!!انت وش يفهمك اصلا!!!!
////////////////////////////////////////////////////
بالمغرب راحت جواهر عند خالتها ام ناصر تسلم عليها وترجع اغراض نجود اللي كانوا عندها بس نجود ماكانت هناك كانت بالمجلس مع ابوها فطلعت بسرعة..وهي طالعة من بيت السبيعي كان بندر داخل من نفس الباب واول ماشافها عرفها وشال نظارته....
وقال بهمس مصحوب بشوق وحب/جواهر!!
ظلت تناظره وهي حابسة دموعها بعيونها ...شكثر وحشتني يابعد طوايفي!!!وخافت لاتفضحها دموعها ومشت بسرعة وهو يناديها...
واول مادخلت غرفتها قامت تبكي بحرقة...بندر هنا!!!من متى!!!!وليش ماقال انه بينزل!!!اه يابندر اه!!!ليش تعذبني كذا بس ليش!!!!لو تعرف شقد اشتقت لك وشقد انا ولهانة عليك....كان ماتركت دموعي تنزل دقيقة وحدة!!!!
بندر بعد من شافها حس انه فاقدها من زمان وانه مشتاق لها موووت.....يابعد عمري ياجواهر...بس ابتسم وهو متطمن ان زعلها مابيطول وانه بيراضيها بنفسه.....
//////////////////////////////////////////////////
في بيت الفارس....
سارة/انا هاذي نجود ودي لو اذبحها؟
مروة/بس انتي ماشفتيها؟
سارة/هذا اللي قاصر بعد اني اشوفها؟؟؟انا من السوالف اللي تجيني عنها كرهتها؟
مروة/تقصدين علشان ملاك؟
سارة/,.............
مروة:لعلمك سارة ترى ملاك تحب نجود وكل الفصل يعرف ها الشي!!
سارة /مو صحيح ملاك بس ناوية لها على نية!!!ملاك ماتواطنها!!!!
مروة/يمكن بس انا اشوفها تغيرت حييل يعني تشوفينها بحصة نجود ماتشوفينها طول اليوم!!!
رحاب/شتسولفون فيه!!!
مروة/سوالف مدرسة عادية.....
لمياء/تخصنا ولالا...
مروة/عادي نتكلم عن ابلة نجو دالسبيعي صاحبتك؟
لمياء/وش فيها نجودة!!
سارة/لمياء تكفين لاتدلعينها!!واجد ماخذة بنفسها مقلب؟
لمياء/ترى هي كذا شخصيتها نجود,,,يعني من كنا بالجامعة وهي كذا مو تتصنع؟
مروة/بس خطيرة!!ههههه
لمياء/لا هههههههابلغها؟
مروة/لاتكفين واللي يسلمك ..
سارة/اوووف سوالف بايخة..وقامت عنهم...
رحاب/ياشينها بس!!!انا ما اوطنها بعيشة الله!!!
لمياء/أي بس انتي ماتعرفينه يارحاب!!!رحاب/انا اقصد سارة بنت عمي فهد؟
مروة ولمياء/هههههه
لمياء بهمس/تناسب تصر بنت ام مصعب ؟
رحاب/هههههههه
/////////////////////////////////////////////////
باخر الليل كانت نجود قاعدة مع جواهر بغرفتها وهي توزع ابتسامات ..
جواهر/شسالفتك انتي!!!
نجود/ولاشي...سمعانة خبر فرحني؟
جواهر/نجلاء وفهد تطلفوا!!!بان الضيق على وجه نجود وتغيرت ملامحها وقالت برجا/لاتذكريني فيه ياجواهر الله يخليك؟

جواهر/وش ها الخبر اللي بيخليك فرحانة كذا غير شي يخص فهيدان!!!!
نجود بعصبية/لاتقولين فهيدان واللي يسلم عمرك!!!
اندق الباب ودخلت ام محمد(ام جواهر)
ام محم/اوه ه ه نجود عندنا يعني انا مالي لزمة حلاص!!!
نجود ابتسمت/افا بس ياخالتي ليش عاد انتي الخير والبركة..
ام محمد قعدت وغمزت لها/مدام انك هنا معناته خلصتوا السالفة!!!
نجود/افا بس ياخالتي افا!!!!يعني معقولة اني باخذ دورك بها اللحظة!!!والله ماقلت شي وقاعدة انتظرك وخفت تروح علي شوفة ملامحها وردة فعلها....
جواهر/لحظة انتي معها!!!ليش تتكلمون بالالغاز؟
ام محمد بحنان/يمه جواهر اليوم جاك عريس!!!
جواهر بذهول/عريس!!!ليي انا!!
ام محمد/أي يمه لك انتي ولدنا ومنا وفينا..اليوم بندر السبيعي جا مع عمه وابوه وخطبوك رسمي وهو مصر يعرف رايك بكرة ويقول مالها داعي التطويل احنا عارفين بعض من سنين!!وابوك مايده ياجواهر وقال خلها تفكر الليلة وبكرة برد على بندر؟
لفت جواهرلنجود وهي بعدها مصدومة من الخبر ولقتها تضحك سكتت وماعرفت شتقول....
ام محم وقفت/احنا مالنا سالفة نسال عن بندر واحنا اللي مربينه!!وانتي عندك نجود حطي راسك براسها واعرفي وش ت اللي تبين تعرفينه؟؟؟
طلعت وتركتهم بروحهم واول ماقفلت الباب وراها لفت جواهر لنجود/اه يالنذلة ليش ماقلتيلي؟؟
نجود/هههههه والله اني ماعرفت غير قبل شوي من ابوي؟
ناظروا في بعض والدموع بعين جواهر مبينة ولفت لها نجود واخذتها بحضنها وقامت تبكي .....بس ها المرة دموع فرح..
جواهر من بين دموعها/وفى بوعده يانجود وانا اللي كنت ظالمته!!!!
//////////////////////////////////////////////
هنوف/الف الصلاة والسلام عليك ياحبيب الله يامحمد كلللللويش....
كان بو بندر وام بندر قاعدين وحواليهم بناتهم بمافيهم عبير....
عبير/عسى الله يبارك له ويتمم عليه بخير يارب...
مضاوي بهدوء/يمه متى قالت بترد؟
ام بندر/بكرة ان شاءالله بيعطونا رايها لانهم موافقين وماعندهم مانع....
هنوف/ياي...مرة فرحانة بتصير عندنا وناسة وطقطقة ورقص واستهبال وتفحيط وحركات!!!
لبنى/انتي متى بتعقلين ان شاءالله؟
هنوف/وانتي وش عليك مني بالله!!!!يوم مافرحنا فيك اتركينا نفرح في اخوي الغالي.....
لبنى تضايقت وكانت بترد ولابتقوم بس دخلت بندر عليهم وهو يضحك ومبسوط قعدتها وهداْتها....
بندر بفرح/متجمعين عند النبي..
ابو بندر/ان شاءالله كلنا مع بعض نزوره ونسلم عليه....
يندر/اسمع صوت صلوات وتصفيق واغاني من سوق الحب!!!
ام بندر/الف الصلاة والسلام عليك ياحبيب الله يامحمد..
هنوف/كللويش.... كلللللللللللللللويش...
كان بنر واقف وقامت هنوف وراه تغني وتصفق ,,
هنوف/دش الميدان المعرس دش الميدان...يوم كل العذارى يلفحني...
وقاموا خواتها وامها وراها يغنون حوالين بندر وهو مبسوط على الاخر....
طوله فتان المعرس طوله فتان وبالعيون الوسيعة صوبني....
نبع ريحان المعرس نبع ريحان...يوم اقبل وصوفة ابهرني..
ام بندر/الف الصلاة والسلام عليك ياحبيب الله يامحمد....كلللللويش..
بندر/هنوفوا تكفين غيري الاغنية بموت منها تلوع الكبد!!!!
هنوف/ولايهمك.....يالله كل سامع يقول....
عبير ولبنى ومضاوي/لااله الا الله
هنوف/الف الصلاة على الرسول..
لبنى وعبير ومضاوي/لااله الا الله....
هنوف/اقبلت بنت الجزيرة بليلة الزفة اميرة....يالله يالسمرة يالبيضة تعالي......
بندر/أي هاذي الاغاني الزينة مو ذيك..
ابو بندر/قعدوا بس قعدوا بلا ها المسخرة؟؟
وقفوا البنات بعد كلمة ابوهم..
بندر/يبى!!!!الله يهداك كم مرة بندر بيخطب عاد؟
وراح للتلفزيون شغله وهو يدور بين قنوات الاغاني وطلعت اغنية راشد الفارس حقت المنتخب

0عاشت عاشت بلادي....وقام الرقص وبندر شال عقاله ومعهم يرقص ويتمايل....

///////////////////////////////////////


---البارت السابع عشر---

////////////////////////////////////////////////////////

قام يرقص ويرقص امه وخواته معه وابوه يهز راسه اسف على حركاتهم...وكانه يقول ذي موحركات رجال !!!
كانت شخصية بو بندر تختلف نهائيا عن شخصية اخوه بوعلي اللي كان هادى وعياله مسيرينه وممشين كلامهم عليه بعد مايقنعونه من هنا وهنا ..بس بو بندر كان اشد واقسى من بو علي ومايقتنع بشي هو مايبيه علشان كذا بناته كانوا يخافونه منه,,,
////////////////////////////////////////////////////////
نجود كانت تمسح بيدها على شعر جواهر اللي وقفت بكيها...
جواهر وهي شاردة/تصدقين يوم شفته المغرب عند بيتكم بغت تطلع روحي!!!
نجود بهدوء وهي بعد سرحانة بصورة فهد/كذا يسوي الحب ياجواهر!!!يتعب ويعذب ويذل!!!
جواهر/لا يانجود الحب حلو بس لازم تتخلله شوية هبات من هنا وهناك علشان تعرفين اذا كنتي بتستمرين بها الحب ولا توقفين!!
نجود بشرود/امممم
جواهر بفرح/بكرة يبي الرد...يعني على ثقتك يابندر!
نجود باحتقار/حطمي ثقته وارفضي!!!!
رمت جواهر المخدة على نجود وقالت لها/اقول نجود قوم روحي بيتكم خلني احلم بكيفي!!!انتي تضيقين الخلق بصراحة!!!
نجود غمزت بعيونها للنافذة/ولا علشان تبتدي سهرتكم!!!!
جواهر فتحت عيونها وهي مسوية روحها مو متقبلة/انتي الواحد مايقولك على اسراره تصيرين تعايرينه بعدين!!!!!
نجود/ههههههههه
/////////////////////////////////////////////
علي وبندر كانوا قاعدين مع بعض.....
بندر/بكرة بشوفها الشوفة الشرعية..
علي باحتقار/وتكون ماشفتها للحين؟
بندر/بلى بس بكرة خلاص بتكون لي ...
علي/ومتى ان شاءالله ناوي تدخل ها الهم؟
بندر/ماهو هم هذا احلى شي انك تكون مع حبيبتك اللي اخترتها بنفسك وتعيشيون مع بعض حياتكم و...قطع كلامه يوم علي رفع راسه وناظره بحزن...
علي بزعل/معك حق بها ذي...
بندر تنهد/علي...تظل عبير اختي وماارضى على مذلتها منك ...
علي/لاتخاف اختك بعد ماتبيني ولاهي متقبلتني!!!مو انا بروحي اللي عايش بهم وعذاب حتى هي..
بندر/لمتى ان شاءالله بتظلون كذا!!!
علي/والله مدري....
بندر/الله يهديكم بس......
/////////////////////////////////////////////////
في سيارة مصعب.....
الجازي/فرق بين زيارتنا ليلة الخميس لبيت خالي وبين روحتنا بكرة لبيت عمي؟
فوزية/عيب يظل عمك والكلام هذا مايصح؟
ام مصعب /محق عم عاد!!!وش ماخذين منه!!!انا مايشرفني بصراحة يكون عمكم ها القروي...
فوزية بتانيب/يمه!!!تراه اخو ابوي....
ام مصعب/ومن قال لك ان ابوك زين عاد!!!ابو ك انا اخذته وغيرته ولبسته مثل ماابي وسويته رجال يناسب اسمي وعيلتي ولا لو هو كذا مثل اخوه ماقعدت معه دقيقة وحدة!!!
فوزية/قول كلمة يابو البراقع!!!!
مصعب تنهد وابتسم....
ام مصعب/وش تبينا يقول يعني!!!!!
فوزية/يغني لنا البراقع اللي محنا عارفين وش سالفتها....
مصعب/اقول يمه انتي ماتبيني اخطب؟
ام مصعب/هذا انا قاعدة ادور لك وحدة تناسبك يمه..
وقف قلب مصعب مرة وحدة من ها الفكرة.....
مصعب بابتسامة شاحبة/لاتتعبين نفسك يالغالية نخلي بنتك تشوف لنا وحدة انتي ارتاحي ي الغالية..
ام مصعب/لاياعيوني انا ماوثق بذوق احد غير ذوقي!!!ولا ان شاءالله بتسوي لي مثل مشاريوه ماخذ لي وحدة الحمد الله والشكر.....
فوزية/يمه شفيها لمياء شزينها.....
ام مصعب باحتقار/واللي يعافيك اسكتي!!قالت شزينها قالت؟؟؟
انتهى النقاش عند ها الحد ومصعب طاح قلبه بين رجله لانه عارف امه وعارف كيف اذا اصرت على شي تسويه تسويه!!!
وقرر انه يتنازل عن ها العيون اللي سحرته ويوكل امره لربه ويخلي امه تخطب له,,,,,,,, بس في شي كبير كان يرجعه يفكر فيها!!!
/////////////////////////////////////////////////
يوم الخميس كانت نجود مع جواهر من الصباح لان جواهر وافقت وبندر قال بيمر يشوفها اليوم,,,,
جواهر/اوووف والله ماني عارفة شسوي...
نجود/ممكن افهم ليش نص ثيابك مرمية كذا!!!!
جواهر/نجود ساعديني وش البس له!!!!
نجو د انسدحت على السرير وقالت بلامبالاة/لو هي شوفتي انا كنت بلبس له العباية وانزل له واخلي وجهي مفتوح....هو جاي يشوف وجهي مو جاي يشوف لبسي!!!!
جواهر وقفت مترددة.../أي بس هاذي شوفة شرعية..
نجود/وتكون.....لايفكر اني برمي نفسي عليه من اول ليلة ؟خله يشوفني بثقلي من اول مرة!!!1
جواهر بتردد/رايك كذا....
نجود/راي انا بس مدري اذا كان رايك انتي يوافقني ولا لا؟
/////////////////////////////////////////////////////////////فهد/وريني اشوف.....
لمى/شفت صدقتني....
فهد/شطورة يالمى...خلاص انتي تختارين المكان اللي تبين تروحينه؟
فيصل /ياسلام مايصير؟
سارة/أي يابابا انت دايم تخلي لمى تختار؟
فهد/عشانها ورتني واجباتها وكانت ممتازة !!!انتي وريني واجابتك....صايرة ماتوريني شي..
سارة بلا مبالاة/منت واثق ان واجباتي كاملة؟
فهد/وش فيها اذا وريتيني يعني!!
نجلاء قعدت/علشان لاتشغل بالك بواجباتهم ..انت عندك شغلك يكفيك واجباتهم علي انا اتابعها..
فهد كان بيقول شي بس سكت يوم لمى قالت بفرح/أي بس انا احب اوري واجباتي للبابا علشان يطلعني المكان اللي ابيه!!
سارة/اصلا انتي دلوعة؟
لمى/بابا انا دلوعة...
فهد مسك خدها وقال لها بحب/اكيد انتي دلوعتي!!!
قعدت بحضنه..
نجلاء/لمى قومي من البابا انتي كبرتي بلاش ها الحركات!!!
فهد/خليها قاعدة مابعد كبرت.....
فيصل/وانا!!!!
فهد/انت مابيني وبينك أي كلام!!!!
فيصل/ليش؟؟
فهد/متى ناوي تروح الروضة وتتعلم مثل باقي اللي بعمرك يافيصل؟؟؟ولا بتظل مزعلني!!!
نجلاء/خليه على راحته يافهد!!!
فهد وللمرة الثانية يسكت وهو كاتمها بقلبه....
فيصل/فت الماما قالت خلني على راحتي!!!
فهدبشدة/يالله قوموا لبسوا وتجهزوا.....
ركبوا العيال على الدرج وهم مابعد صعدوا..
نجلاء بتانيب/انت مو ملاحظ انك مدلع لمى كثير وتارك سارة!!!!
فهد بعصبية/انا احب عيالي كلهم بنفس المقدار وبلاش تدخلين ها الفكرة براسهم وتخلينهم يكرهون بعض!!!!
نجلاء باصرار/بلى انت ماصاير تاخذ وتعطي مع سارة مثل اول رغم انها الكبيرة والمفروض تحبها اكثر من لمى!!
فهد شغل له سيجارة وقال بعصبية/وش ها النظرة الجديدة بعد!!!!الكبيرة يعني لازم احبها اكثر من اخوانها!!!!!نجلاء لو سمحتي اذا شفتيني قاعد مع العيال خلينا ناخذ راحتنا ولا ...
نجلاء/يالله قوم لاتاخرنا العيال بيقعدون ينتظرونك مثل كل اسبوع اذا بتقعد تتكلم معناته ماراح ننتهي؟؟؟
طفى سيجارته بعصبية وهو عارف ان النقاش معها بيكون عقيم مثل كل مرة !!!!!!
/////////////////////////////////////////////////////////بعد صلاة المغرب كان بندر قاعد في بيت جواهر بالمجلس وعيونه على الباب وهو ينتظرها تدخل واول ماانفتح الباب دق قلبه بقوة....ولقاها داخلة بعبايتها وشيلتها وكاشفة وجهها...
واول ماشافها ابتسم ووقف ومد يده لها وسلمت عليه بدون كلام وقعدت قباله....
بندر/احم احم...
محمد اخو جواهر وكان بالمتوسط/شكلها لي هاذي؟
بندر/شدعوة فهمت!!!
محمد/أي بس مايصير تقعدون بروحكم!!!!
بندر مسوي انه معصب/وش اللي مايصير؟؟؟ملكتنا وحفلتنا بتكون ليلة الجمعة الجاية!!!!يعني مو كفاية اختك بالعباية(ووطى صوته بهاذي الكلمة وسمعها هي بس)
محمد وقف/خمس دقايق بس وبرجع!!!
اول ماسكر محمد الباب تقرب بندر من جواهر اللي كانت عيونها بالارض وركع عندها ومسك كفوفها....
بندر بحب/عارف انك زعلانة...وعتابنة,,ومتضايقة مني!!بس اللي ابيك تفهمينه اني كنت منحرج منك وانا اللي عطيتك وعد اني اجي اخطبك وماجيت!!!كنت ارتب وضعي ورايح جاي...لين هذا احنا بنكون لبعض ان شاءالله!!
رفعت راسها باستفسار وماتدري شلون طلع صوتها وقالت بتردد/بندر...يعني انت كنت تاركني وماترد علي بس علشان ترتب موضوع الخطبة!!!!
بندر ماكان يبي يكذب ها الكذبة عليها بس كان مضطر يبين سبب تركه لها وبعدين حس ان ها الشي راح يفرحها وقال بتاكيد وهو شابك يدينه بيدينها/وانتي عندك شك ياقلبي!!!من زمان وانا ابي ها اللحظة بس الظروف ؟
جواهر حست ان دموعها بتنزل بس صوت محمد اخوها من ورى بندر وقفها..
محمد/كنك قلبت فلم هندي يابندر واللي يعافيك!!!
بندر بقهر وضيق/محمد شكلك ماتعرف الحساب!!!قلت بترككم خمس دقايق مو خمس ثواني!!!
محمد باصرار/واللي يعافيك يالنسيب قوم توكل خليتكم سبع دقايق مو خمس وهاذي علشان الجيرة اللي بينا!!!!
////////////////////////////////////////////////
اتفقوا ان الاسبوع الجاي ليلة الجمعة تكون الحفلة بقاعة الاندلس وصاروا رايحين جايين بها اليوم مع نجود اللي قررت هي تاخذ ثوب جواهر من الرايض على راحتها بطول الاسبوع لانها ماتعرف تتسوق بنص يوم وبوقت ضيق....
ورجعت علاقة بندر وجواهر بحب اكبر ولهفة وشوق اكثر من قبل خصوصا ان جواهر حطت في بالها انه تركها علشان يتقدم لها رسمي وكبر بعينها اكثر واكثر.....
/////////////////////////////////////////////////////////////فهد بها اليويمن كان يحاول يشيل نجود من باله رغم انه ماكان يقدر بكل الاوقات بس كل مامرت في باله شغل حاله من هنا وهنا لين عدى عليه الخميس والجمعة السبت....
بيوم الاحد كانت مناوبتها ومنال وهاجر راحوا من زمان وظلت هي ووداد ونوير اللي مشوا وقالوا لها مابقت غير طالبة وحدة وسايقها جاي بالطريق...وهي كلمت بوعبدالله وقالت له لايرجع بتكلم سايقها يمرها....
وظلت تنتظر ها البنت يجيها سايقها وماجا....وظلت مقهورة ورايحة وجاية عليها بدون ماتتكلم لين نفذ صبرها راحت عندها وقالت بعصبية
نجود/مطولة؟
البنت/.................
نجود/كلمتيه انتي؟
البنت/.................
نجود بعصبية/اكلمك انا ماتسمعين؟؟؟
البنت ردت بعد تردد كبير/كلمته من جوال الحارس ومارد كان مقفل جهازه؟
نجود/ولساتك قاعدة كذا!!!طيب كان كلمتي البيت؟
البنت/دقيت ماحد يرد...بس امي اذا شافتني تاخرت بتطرش سايقنا اكيد..
نجود بشماتة/متى!!بكرة الصباح!!!
البنت/..............
نجود انتبهت على مريول البنت اللي كان طالع من تحت وقال لها/انتي من بنته!!!انتي مو من ثانوي صح؟؟من المتوسط؟
سارة بعد تردد/ها..اي انا من متوسط..
نجود بعصبية/وش مقعدك مع بنات الثانوي بالله وانتي من زمان طلعتي!!!!
ركزت بالصوت وكانها انتبهت له ..سامعته من قبل بموقف مو حلو....
نجود/انتي من بنته؟
سارة/بنت الفارس..
ماصار عندها أي شك ....هاذي سارة بنت فهد.....
عطتها جوالها وهي ماهي متمنية يجي طاري فهد لها ابدا/دبري حالك كلمي امك ولاابوك...
اخذت جوالها بعد ترد وخوف لان ماكان في غير نجود وهي والحارس بغرفته...
دقت بيتهم كان مشغول واجوال امها ماترد واتصلت اخيرا على جوال ابوها اللي من شاف الرقم شاله بسرعة وكانه ينتظر اتصالها بس ماتكلم لين تكلمت هي...
سارة/بابا..
فهد بصدمة/منو معي!!!وناظر بشاشة الجوال وهو متاكد ان الرقم رقم نجود اللي كلمته عليه من قبل؟
سارة/بابا انت راجع اللحين البيت انا عند المدرسة والسايق ماجاني ومي غايبة اليوم؟
فهد بخوف/معك احد... ولالا؟
سارة/أي في هنا ابلة؟
فهد/خلاص خلك معها وهذا انا جايك....
سارة عطت الجوال لنجود بدون كلمة شكر.......
نجود/ها بيجي؟
سارة/أي..
ق قلبها من ها الطاري ...بتشوفه حتى لو من بعيد اليوم عيونها بتشوفه...ماتدري ليش حست ودها تبكي من شوفتها له.....
ومسكت جوالها تدق على السايق يجيها ومارد....
//////////////////////////////////////////////////
بندر/وشلونك ياقلبي...
جواهر بنعس/مشتاقة لك ياقلبي..
بندر/ها تجهزتي لليلة الجمعة؟
جواهر/اسكت لاتذكرني ماسويت شي ابدا!!!
بندر/وش فيك صايرة كسلانة وسوداني وشغلتك بس تبين تنامين وماسويتي شي؟
جواهر بنعس/انت بعد ماتدور سوالفك الا اذا توني رادة من الدوام!!!
بندر/ههههه هذا شغل اللعانة ياقلبي!!!
جواهر/حبيبي....متى بتنزل ها الاسبوع؟
بندر بخبث/خايفة على شبكتك؟لاتخافين بتاخذ لك...
جواهر/اقلب وجهك عني قال خايفة على شبكتي!!!!
بندر/ههههههههه

////////////////////////////////////////////////
نجلاء/اقول ام مشاري مروة ماجت مع مي؟
ام مشاري/مي اليوم غايبة بس مروة جت وصلت ونامت ليش تسالين!!!
نجلاء/سارة طافت حزتها ومابينت للحين؟؟
ام مشاري بخوف/يو...متاكدة ماجت ونامت وانتي ماانتبهتي؟
نجلاء/انا كنت بالصالة اكلم وماشفتها دخلت!!
ام مشاري/خل اروح اسال مروة اذا شافتها لو قالت لها شي؟
/////////////////////////////////////////////////
وصل فهد باللحظة اللي كانت نجود تكلم سايقها ونزل من سيارته وتقرب منهم..
نجود/شلون يعني؟؟؟وانت شلون سويت الحادث ياعيوني!!!ياسلام يعني من سواقين اثنين مافي احد وارد بلموزين؟؟؟؟طيب انت وينك اللحين؟عشت انا معك ......يالله بقوم ادبر حالي...
سكرت وانتبهت على فهد اللي كان واقف يناظرها وعلى سارة اللي قامت وراحت عند ابوها......
فهد/السلام عليكم..
نجود بلامبالاة/وعليكم السلام....
فهد/شكرا...
نجود بعصبية/عفوا بس ياليت مرة ثانية ماتقعد بعد ماينتهي دوامها لان احنا بعد ناس ورانا مشاغل!!!مو قاعدين لها؟
فهد/انا اسف بالنيابة.....وشكلك متورطة؟
نجود/اوووف..بو عبدالله راح وانا قلت له لايرجع لي وكل ماادق له مقفل والسايق حقي مسوي حادث وكاهو بالشرطة ...
فهد/لا انا مصر اوصلك مو كافي قاعدة مع سارة....
نجود/لاماله داعي باخذ لي تاكسي وبروح..
فهد باصرار/والله ماتطلبين التاكسي؟؟؟بعدين منال شبتقول لو قلت لها اني تركتك تروحين بتاكسي؟؟اصلا انا قريب من مكان سكنك عندي اجتماع هناك ..تفضلي....
ماشافت بد من انها تقوم معهم لان الوقت تاخر وهي تعبت من الانتظار وكانت فرصة انها تقعد بمكان يجمعها هي فهد......
///////////////////////////////////////
في بيت الفارس...
ام مشاري بتانيب/انتي وينك من زمان واحنا ننتظرك؟
سارة دخلت بلامبالاة وقالت/موجودة...
نجلاء/منو جابك؟
سارة/البابا..
نجلاء/فهد!!!!ليش؟؟
سارة/لان السايق هذا غبي فكرني اقوله لاترجع لي وانا قايلة له تاخر شوي عندي كم واجب بنقله ومارجع لي وظليت انتظر ودقيت على البيت مشغول وانتي ماتردين ..
نجلاء/أي جوالي فوق مانزلته..
سارة/طيب قولي لنفسك بعد ليش تلوميني بعد!!
ام مشاري بحدة/تكلمي عدل يابنت!!هاذي امك وخايفة عليك؟\
سارة /وانا وش ذنبي اذا التلفون مشغول وجوالها ماترد عليه...
نجلاء/طيب ماعلينا كيف ابوك جابك..
سارة/دقيت عليه وقلت له يجيني وقال انه جاي بالطريق ..
نجلاء/طيب ووينه اللحين.
سارة:/كلمك اكثر من مرة ماتردين لاعلى البيت ولاعلى الجوال وقال لي اقولك انه بيتغذى مع عمي سالم ومابيرد....صحيح راح يوصل نجود اول...
نجلاء/أي نجود؟
سارة/هاذي البقرة اللي مدري على شنو شايفة حالها؟
ام مشاري/تادبي وانتي تتلفظين ياسارة عيب!!!
سارة/طول ماهي قاعدة معي وهي متنرفزة ومعصبة !!حشى لله ا1ا منتي بقد تاخذين مناوبة لاتقعدين!!
ام مشاري/أي بس نجود تناوب بالثانوي وانتي من المتوسط يعني بتتضايق من وجودك لاسيما انكم تطلعون قبلهم بساعة وشوي!!!وش كنتي تسوين فيها؟؟هذا كله واجب تنقلينه؟؟طيب من منو كنتي تنقلينهوينها اللي معك ؟؟
سارة سكتت ونجلاء ماعجبها يكلمون بنتها كذا..
نجلاء/يالله الجمد الله ان مافيك شي قومي صلي وبدلي ونزلي نتغذى مدام ابوك ماهو جاي...
سارة/منتي مكلمته!!!
نجلاء/مو تقولين بيروح يتغذى مع عمك سالم خلاص بعد شكلم فيه؟
///////////////////////////////////////////
في السيارة
نجود بعنف/مو هذا طريق سكني!!!
فهد/انا عازمك على الغذى..
نجود/وانا مو قابلة عزيمتك!!!وردني البيت بصلي وببدل وبحط راسي وبنام بنتك ماسوت فيني خير اليوم قعدتني بالشمس لين انفجر راسي!!!
فهد وقف سيارته عند سكتنها وقال بلهجة امر/جيبيلي اوراق السايق اللي عندك؟
نجود بذهول/ليش!!!
فهد بهدوء/مو تقولين انه مسوي حادث وموجود بالشرطة؟؟كيف بيطلع بالله!!بروح اكفله؟؟
نجود:/,,,,,,,,,,,,,,,,
فهد بلهجة امر/يالله بسرعة وصلي بسرعة وبدلي كلها نص ساعة وانا راجع اخذك نتغذى والسالفة مالها أي نقاش؟؟؟
/////////////////////////////////////////////////////////نورة/يعني وين تبين نروح بالله!!!
هنوف/أي مجمع ياحظي ....
نورة بلامبالاة:/لسه باقي وقت بعد باقي اسبوع تونا اليوم السبت والحفلة يوم الخميس!!!
هنوف/لاحبيبتي انا ابي اخذ راحتي بالتسوق ولاانتي ناسية اني اخت العريس ولازم اكشخ..
نورة/مقر عليك يااخت العريس!!!
هنوف/اقول نوير بلا زفاتة وكثرة حكي وقولي لناصر يودينا الجمعة سنتر ؟
نورة/دقي عليه انتي مو انتي اللي تبين تروحين انا مو فارقة عندي باخذ لي شي بسيط جدا,,,,
هنوف تبيها من الله/ماعندي رقمه!!!
نورة/وش ها العذر بس!!!!كاهو رقمه بجوالي!!!!
//////////////////////////////////////////////////////
كانت قاعدة بشقتها وهي مترددة ..مابين تطلع مع فهد ولالا؟
عطته اوراق السايق وراح يخلص لها الموضوع...
حست باحراج لو انها رفضت طلبه!!!اي احراج يانجود عادي مافيها شي هو اللي طلب منك الاوراق مو انتي قلتيله يروح!!!!
بس غريب ها الفهد كلامهم عنه شي وتصرفاته نص تنصفه والنص الثاني توقف ضده!!!
انتبهت على صوت الجوال وعلى رقمه اللي كانت حافظته بمجرد تشوفه....
ردت بثقل بعد ثالث دقة رغم انها كانت تقاوم نفسها وتبي تسمع صوته..
فهد/الو...
نجود/نعم...
فهد/انابو فيصل!!...
نجود باحتقار/يعني بكون ماعرفتك؟؟عارفة انك فهد وش بغيت؟
فهد بعصبية/قلت لك اسمي بوفيصل مو فهد!!!
نجود بعناد وتحدي ماتدري وش اللي طراهم على بالها :/بتظل عندي فهد وبظل اشوفك فهد وبس!!!!
فهد/ليش العناد!!!
نجود/وش صار؟
فهد/انتي عندك شك فيني!!!
نجود باحتقار/والله ماجربتك علشان اوثق فيك!!!
فهد/انزلي بسرعة كاهو سايقك تحت ينتظرك؟
نجود/ليش؟؟؟
فهد/لك خمس دقايق لو مانزلتي...
نجود بتحدي/وش بيصير؟؟
فهد/.................
نجود/..............
فهد/.............
نجود ماتدري ليش سكوته فجاة كذا خوفها وحست انه ممكن يعصب قالت بعد تنازل/انا نازلة.....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,وصلوا لمطعم ميراج وكانت القعدة كلها احواض اسماك وتجنن قال لها تدخل هي قبل ويوم دخل ماظل قريب منها وها الشي ضايقها وماخلتها بقلبها اول ماقعدوا وقبل لاتمسك المنيو قالت بعصبية/انت ليش جاي معي يوم انك خايف احد يجي يشوفك معي!!!!
اكتفى بانه يناظرها وبس ويطلع باكيت سجايره بس كانت يد نجود اسرع وسحبته منه بالقوة وعيونها كلها شررر,,,,,
ولمست كفها كفه يوم سحبت منه الباكيت وظلوا يناظروا بعض ثواني طويلة لين قال فهد بعصبية/عن الجنان الزايد ورديه؟
نجود:/انت مو عازمني حضرة جنابك!!!ليش مستحي مني ؟
فهد/انا لي سمعة بين الناس شبيقولون لو شافوني داخل معك بالله!!!!
نجود بروحها كبريت ومالحقت سمعت ها الكلمة منه الا ومسكت شنطتها ووقفت بتطلع,,,,,,,
//////////////////////////////////////////////////
لبنى بفرح/خطوبة بندر بتكون ليلة الجمعة ماتدري شقد انا فرحانة له ياعبدالعزيز...
عبدالعزيز/الله يوفقه ويسهل عليه....
لبنى/ولاجا في بالي انه يفكر فيها ابدا!!!رغم ان احنا من سنين طويلة مع بعض؟
عبدالعزيز/مو شرط تكونين انتي انتبهتي للي بينهم يالبنى.....يمكن يكون الشي من زمان بس ماحسيتي وهم ماحسسوا احد من اللي حواليهم فيه؟
لبنى/يمكن بس الحمد الله احس امي بتطير من الوناسة...يمكن فرحتنا ببندر تنسينا شوي ضيق عبير؟
عبدالعزيز/للحين تعاني المسكينة؟
لبنى بتنهيدة/وبتظل تعاني ياقلبي...مشكلة عبير ماتتكلم لااحد عن مشاكلها مع علي!!!على بالها ان احنا مو عارفين وضعها معه كيف صاير؟
عبدالعزيز/طيب وابوك ليش مايتدخل؟
لبنى/ابوي!!!!!ابوي كانت الفكرة فكرته هو وعمي واللي عليهم انهم زوجوا علي وعبير وبس!!!
عبدالعزيز/شنو يعني مايهمهم سعادة علي وعبير؟
لبنى باسى/للاسف ابوي يتجاهل ها الشي ويعتبرها غباء من عبير نفسها انها مو قادرة تسعد علي علشان كذا امي ماتفتح معه السيرة كثير....
عبدالعزيز/ياسلاااام؟؟طيب وعمك؟
لبنى/عمي طيب ودايم يكون واقف مع عبير لو شافها زعلانة بس ابوي غير ساعات كثيرة اتمنى ابوي يكون عمي بوعلي بس ماحد يقدر يغير حياته واهله ياعمري...
قالتها وسكتت وساد الصمت بينهم وكانهم يفكرون بمصيرهم اللي متوقف على كلمة من بوبندر !!!!
///////////////////////////////////////////////////////
مروة ومي بالحديقة مع سارة...
مروة/امي قالت انك اليوم رديتي متاخرة؟وانا ماشفتك طلعتي وين كنتي؟
سارة/يعني وين بكون ؟؟بالمدرسة....
مروة/أي بس وحدة من البنات شافتك مع ملاك وش كنتوا تسسون لنهاية الدوام!!
سارة بلا مبالاة/عادي نتمشى ونسولف...
مروة/بس كل الناس طلعت ماظل غيرك بالمدرسة انتي ماتخافين!!!
سارة/وليش اخاف بالله!!!!
وقامت عنهم وراحت لقسمهم..
مروة/يوم عن يوم تثبت لي قلة ادبها؟
رحاب من وراها/منهي؟
مروة بضيق/بنت عمك في غيرها؟
رحاب قعدت/علشان سالفتها اليوم؟\
مي/انتي بعد دريتي؟؟؟امي ماخلت احد ماقالت له؟؟؟
رحاب/عمي اكيد مشغول لو هو فاضي كان وراها بس خله يرد ماراح يفوتها لها ..
مروة/المشكلة ان نجلاء عادي ولااهتمت تقول شنو اهم شي انها مافيها شي ولاصاير لها شي؟
رحاب/هي كل يوم كذا يامي؟
مي بخوف/لا بس لاني اليوم غايبة واخذت راحتها ولا كل يوم تخاف افتن عند امي وتهاوشها وهي ماتحب امي لانها تصارخ عليها على قولتها..
مروة/حبها فار قولوا امين!!
رحاب بنرفزة/فار عاد!!!مالقيتي غيره؟
مروة/ههههه هذا اللي طلع معي ....متاثرة بحصة الامثال الشعبية اليوم.
رحاب/ماقلتي صحيح شسويتوا اليوم ..متحمسين نعرف بليتينا يوم الخميس انتي وامثالك القديمة؟
مروة بفرح/.وناسة ...مالها حدود!!تصدقون اول مرة اشوف ضحكة نجود السبيعي من قلب ...ضحكت على امثالنا ضحك مو طبيعي ..وكانت الحصة روعة وماتمنيناها تنتهي ..قسمت الفصل بطريقة حلوة وخلتنا نشيل الطاولات والكراسي ونقعد بالارض على شكل حلقات ..كان الجو حلو والحصة كلها مرح ووناسة ياليت لو كل يوم كذا بس دوام الحال من المحال عند ابلة نجود لانها بنهاية الدوام انقلبت بركان علشان مناوبتها!!
رحاب/هههههههه
//////////////////////////////////////////////////////////
بعد مامسكت شنطتها وهي بقمة عصبيتها وكانت فعلا واقفة وبتمشي وقف فهد ومسك يدها وقال لها بعصبية/انتي مجنونة رسمي!!!وين رايحة؟
نجود والنيران تطلع من عيونها/مو قاعدة معك دقيقة وحدة؟؟؟واعتبر عزيمتك مردودة!!!انا؟؟؟؟انا نجود السبيعي تقولي ها الحكي؟؟؟لكن الغلط مو عليك الغلط على اللي وافقت من الاساس تجي معك !!!
فهد/قصري صوتك ولاتصارخين كذا احنا بمكان عام عيب!!!
نجود وصوتها ارتفع زيادة كنوع من التحدي وهي فعلا غضبانة/عيب!!!!ويوم انه عيب ليش طلعت معي من الاساس!!!!!
فهد/قعدي خلنا نتفاهم؟
نجود/موقاعدة؟
زاد من مسكته ليدها بقوة وتالمت وهو يقول لها باصرار وبقوة/قلت لك اقعدي!!!!!
نجود/انا مو عيالك علشان اسمع كلامك!!!ولااني نجلاء اللي تقولك حاضر وعلى امرك ياسي السيد؟؟انا نجود ..نجود يافهد وخلني على بالك زين!!!!اللي يفكر يذلني يتعب كثير..كثير.....
فهد حس انها بتطول/خلاص حقك علي...قعدي؟
نجود بشماتة/ليش يابابا هي بالبساطة هاذي!!!انت ذليتني واهنتي وانا لايمكن اقعد معك ياحضرة المحامي المحترم!!!!
سادت لحظات صمت بينهم وهو بعده واقف قبالها وماتفصلهم غير الطاولة ويده ماسكة كتفها بقوة......
فهد بتردد/طيب وش تبين اللحين؟
نجود باصرار/ابي اطلع مو قاعدة معك دقيقة؟
فهد بخبث مايدري من وين طلع منه/بس عيونك تقول تبي تقعد؟
ماتدري ليش ارتبكت لحظتها وحست انها مو قد كلامها لهدرجة يبين عليها ومعيونها فاضحتها....
هي صدق زعلت من كلامها بس بنفس الوقت تبي تظل جنبه ليش ماتدري....
فهد حس بتاثيره عليها وان كلمته اخذت مجراها ظل يتاملها وهي واقفة قباله ومتمني لو تشيل نقابها.....
بعد ماهدات شوي وتراخت لمسته عليها ثارت شياطينها مرة ثانية وابتعدت عن الطاولة ..
فهد/وين؟
نجود/قلت لك مو قاعدة معك انت عندك سمعة وكرامة بين الناس!!!وانا بعد عندي فوق سمعتك وكرامتك مرتين ومايشرفني اقعد مع واحد مثلك!!!!
قالتها وطلعت بسرعة قبل لاتمسكها يده وتجبرها عيونه على القعدة....
ركبت سيارتها ورجعت شقتها ويوم دخلت حست بالضيق وانها ماكانت تبي تسوي ها الشي....وتمنت لو انها معه اللحين تاكل من نفس الاكل اللي ياكله وتسولف معه وتعرف وش يبي وليش عزمها!!بس لا كل شي له حدود وكرامتك يانجود فوق كل رجال الدنيا!!!!
////////////////////////////////////////////////////////////
العصر...
لمياء/حبيبي اليوم انا باخذ اجازة من مريومة وبتكون معك طيب ياقلبي؟
مشاري/حبيبي وقلبي مو مني لله !!!الا تبين ترمين البنت علي!!وين على الله؟
لمياء/هههههه زين انك فاهمني....طالعة مع منال ونجود السوق...نجود بتاخذ ثوب لحفلة جواهر وتعرفني انا ام ها السوالف ...
مشاري/ومتى بتروحون والله؟
لمياء/بعد نص ساعة؟
مشاري/ياحبيبي..وليش توني ادري؟
لمياء تقربت منه وباسته بخده/علشانك دريت بدري ولامتاخر مارح ترفض ومالك الا الموافقة ياعيوني!!!
مشاري تحسس مكان البوسة/أي مو لاني بزر عندك تقصين علي بكلامك!!!اه منكم يابنات الشرقية!!!!قومي بس مريومة نروح بيت جدك ونقلب المخدة وننام هناك؟
////////////////////////////////////////////////////////
دلع/أي وش عرفت بعد؟
السكورتي/ليلة الجمعة بتكون حفلته...
دلع/ومادريت لي وين بتكون حفلته؟
السكورتي/بلى بصالة الاندلس بالدمام....
دلع/حلو حلو....طيب يابندر ظل على حقرانك لي والوعد ليلة الجمعة؟؟؟؟؟؟
/////////////////////////////////////////////////////
كانوا بالسوق واللي قايمة بعملية التسوق لمياء بحكم انها عارفة جسم جواهر واللي يناسبها ونجود كانت شبه سرحانة طول الوقت بفهد..
منال اخذتها على جنب/نجود علامك؟فيك شي؟
نجود/ها لاولاشي...
منال/شلون ولاشي....شوفي شلون طول الوقت سرحانة وماكانك نجود اللي اعرفها ؟لهدرجة خطبة جواهر ماثرة عليك!!
نجود ابتسمت وهي تخفي اللي فيها/لامو كذا بس قاعدة افكر شنو اسوي لها وهيك شغلات....
منال دزتها بكتفها/دوريلك عريس ترى بتنشغل هي عنك وبتحسين بالوحدة ومالك الا تنخطبين انتي بعد!!!ههههههه
ها المرة نجود ضحكت بس كانت تضحك وهي ودها تبكي من القهر اللي لقته اليوم على يد فهد!!!!
لمياء/بس لقيته؟؟هذا بيطلع يجنن عليها.....تعالوا تعالوا...
///////////////////////////////////////////////
سالم/انت مو صاحي!!!بجد ممنت صاحي...كيف تقولها ها الحكي يافهد كيف؟
فهد بشرود/مدري طلع معي وقلته؟
سالم/وارتحت اللحين؟
فهد/وللي يسلم لي عمرك ياسالم بروحي متضايق لاتزيدني انت بعد!!!!
سالم/تبيها وتبي تتكلم معها وتشوفها وتملي عينك منها تقوم تقولها انا اخاف الناس تشوفني معك علشان عندي كرامة!!!!لاتلومني بس انت صدق متخلف...؟
فهد تنهد بقوة......
سالم/طيب والحل؟
فهد/مدري.......
سالم/..................
فهد........................
سالم/..................
فهد بعد تردد قال/المشكلة اني حسيت بالفرق معها عن نجلاء؟نجلاء تسمع وتسكت واذا جت تناقشني ماتحاججني؟هاذي غير ياسالم اول ماجذبني لها شخصيتها القوية واللي مايهزها أي شي...وصار يتردد في بالها صوتها وهي تقوله بالمطعم(انا نجود..نجود يافهد واللي يفكر يذلني يتعب كثير كثير)أي والله يانجود شكلي بتعب بتعب كثير معك وعلشان ارضيك....

كان مشاري منسدح على الكنبة ومغطي وجهه بالمخدات واحمد مريم وفيصل يلعبون برجله وهم ميتين ضحك عليه..
مروة/اقول مشاري....
مشاري/.................
مي/لاتقولين رايح فيها ....
مروة/اخوي الغالي مشاري!!
مشاري/.................
جت وقعدت عند راسه وهي ماسكة الطاولة تطق عليها وقالت بقوة/وانا نايم دق التلفون..فزيت كنتي مجنون...قالت ياعمري صح النوم,,يامشاري متى بتقوم....قلت ياعيوني مفهوم...الو الو..بابا فين؟
رمى عليها المخدة وهو يضحك..
مروة/اشوف هاذي بس قومتك؟؟على بالك الحبيبة دقت ....
مشاري/ههههه انتوا هيه وخروا خلاص غربلتوني الله ياخذكم ماتنعطون وجه؟؟بعد بنتي واصبراه الباقي وش لهم عندي!!!
////////////////////////////////////////////////////////
مضى الاسبوع كله بدون أي احداث تذكر بين فهد ونجود اللي كان دمه محروق يبي يكلمها ويعتذر بس ماهو عارف ومتردد وعارف انها بترده وعرف انها مشغولة بحفلة صديقتها فقرر انه ياجل الموضوع للاسبوع الجاي...
وجواهر وبندر كل يوم كانوا يتطمنون على اخبار بعض وبندر عاطي دلع اكبر طاف وهو مو داري عنها وانها عارفة انه خطب....
وقبال الحفلة بيوم يعني يوم الاربعاء بالليل..
علي كان طالع من البيت وبنفس الوقت كانت وحدة طالعة من بيتهم ومبين انها جاية لوحدة من خواته وكانت معاها طفلة صغيرة تمشي وراها ووقفت الطفلة قريبة من علي وشالت ورقة شجر كانت مرمية جنبه..
لمياء وهي ماانتبهت لوجود علي بعد/مريومة تعالي بسرعة لااذبحك يالله تاخرنا على بيت جدك!!!
ها الصوت وقف علي ووقف قلبه لانه عارفه زين,,,,,,,,,,او بالاحرى ذاكره زين,,,,كيف وهو كان يسمعه كل يوم من فترة طويلة مرت!!!!
لفت لمياء وشافت علي واقف وتجمدت مكانها......
كانوا اثنينهم مترددين وهي اللي قطعت الترد وقالت بصوت واطي/علي!!!!!
علي ماكان مصدق نفسه ولا اللي واقفة معهقال بسرعة/لمياء!!!!مستحيل؟؟؟وينك انتي قطعتيني فجاءة وماعدت عرفت عنك شي؟
ظلت تناظره وهي مكانها ماتغير...كل شي فيه مثل ماهو ..علي اللي حبته بايام الكلية وكانت تشوفه بعض الايام مع نجود وهي مو عارفة اذا كان اخوها لو ولد عمها......
علي اللي حبته قبل لاتتزوج مشاري ويوم خطبها مشاري واقتنعت فيه تركت علي بالمرة وغيرت ارقامها وراحت مع زوجها الرياض وابتدت حياة جديدة!!!!
بس وش ها الصدفة اللي مو محسوبة من عمرها ابدا!!!!علي وبعد ها الغيبة اللي بتقارب ثلاث سنين شافته!!!!!!!!!!!!!!!!!!!!
علي/لمياء.....حبيبتي..انا..قاطعته لمياء وهي تتلفت حوالينها وخايفة لايشوفها احد/علي لو سمحت لاتقولي ها الكلام !!انا متزوجة وعندي بنت!!!
علي بصدمة/تزوجتي!!!!!!!!!!
بعدها قال بخيبة امل/توقعت ها الشي.....ونزل لمستوى مريم وهو يتاملها ودموعها بعينه/مريم...اسمها مريم......
مريمببراة/أي اسمي مريم....حلو مو..عشانه مثل جدتي!!!!
علي بحزن قطع لها قلبها وهي حاسة دموعه بعينه/هاذي كانت المفروض تكون بنتي يالمياء؟؟؟
لمياء/لا..لا ياعلي لاتقول ها الحكي.....امشي يامريم امشي!!!
علي/لا ماراح تمشين؟؟ابي افهم منك كل شي واعرف ليش تركتيني؟؟؟؟
/////////////////////////////////////////////////////////////بيوم الحفلة كانت جواهر ملكة الحفلة بحق وحقيق وكانت لابسة ثوب ذهبي في عاجي من العهود الاندلسية القديمة(عاجبتني وقلت لازم اكتبها مالكم شغل فيني هههه)مسكر لفوق الرقبة وتجي حوالين الرقبة وبالبداية كانت فيه عقيقة كبيرة والاكمام فرنسية طويلة شيفون تنزمعند المعصم وتتكركش,,,ويتخصر من الصدر لين ينزل لتحت وعلى جنب فيه شيفوانات متداخلة باللون العاجي والذهبي ويكونون عكس بعض وشعرها كان مرفوع بشكل غجري وعلى جنب اكسسوار كبير وملفت باللون العاجي ومكياجها كان هادى....
وماننسى وصيفتهانجود واللي كانت الاميرة الثانية للحفل بعد مضاوي اللي ماكان احد يقارن بجمالها وكانها طفلة..
كانت نجود لابسة ثوب طويل طبقات احمر وبالنص فيه حزام عريض باللون الاسود وبيدها مجموعات اسوار حمرة وبالنص سودة وجايبة شعرها كله على جنب وحاطة لها وردة حمرة ومكياجها كان قوي حييل واللي بارز روجها الاحمر الصارخ..
ماتدري ليش كانت متمنية تشوف فهد بها اللحظات؟؟ولاشلي خلاه يجي في بالها وهي باعدته عن تفكيرها طول الاسبوع!!!تمنت انه يكون موجود وانها تكون معه بها اللحظة وت..
هيا/نجودة وينك ماسمعتي الاهداء ؟
نجود/ها أي اهداء؟
هيا/اهداء مني لك على ها الاغنية..يالله تعالي نرقص قبل لاتنتهي!!
كانت الحفلة حلوة ومميزة رغم ان الحضور مو كثيرين بس غلاوة بندر وجواهر كانت اكبر من كل شي عند المعازيم.....
ودخل بندر ودخل معه ابوها واخوها محمد اللي رقص لين شبع وبعدها لبسها الشبكة فوق والتعليقات من كل جهة وكان فرحان حيل فيها اللحين يرقصها واللحين يبوس كفوفها واللحين يرفع ثوبها واللحين يشربها ويدلعها..كان فعلا طاير فيها والكل لاحظ ها الشي وتمنى لهم السعادة مع بعض....
ومسك يدها ومشوا على الجسر بيطلعون مع بعض للغرفة اللي هناك ومامداهم مشوا شوي الا سمعوا صوت بالمايك يناديه!....
جواهر..بندر...لحظة..!!!
لفوا ثنينهم يشوفون اللي يناديهم,,,,,,,,,,,,
/////////////////////////////////////////////

---البارت الثامن عشر---

///////////////////////////////////////////////////////////////////////////////////////////
ناداهم صوت من وراهم ولفوا له اثنينهم وشافوا نجود واقفة وبيدها المايك وهي تناظرهم
نجود/اهداء خاص لااحلى عروسين شافتهم عيوني...عسى ربي يحميهم يوحفظهم من كل شر والسامع يقول امين....
البنات كانوا كلهم واقفين جنب بعضوكلهم قالوا بصوت واحد/امين....وتعالت اصوات الهلاهل..
نجود وبصوتها الحلو قامت تغني وعيونها على جواهر اللي كانت ماسكة يدين بندر وهي تناظرها وتبتسم لها...
...ابتدي ياحب واكتب...
...في سما ها الليلة قلبين..
...اكتب لي جواهر بالاول..
..واكتب الثاني لبندر...
..او يجيلك طاري وقف..
..ماله داعي تكتب اثنين..
..اكتب الاسمين لكن...
..حبهم بقلب واحد...
..يااله الكون سلم..
..حبهم من شر كل عين..
واحفظ لي جواهر وبندر واعمي عنهم كل حاسد..
دام هذا اليوم تاجه..
عرس اهل الذوق والزين..
اكتب لي جواهر بالاول..واكتب لي نسل العز بندر...
وياغلاوة روح بندر.....
يوم ابتدت الموسيقى تدق على صوت نجود وهي تغني بندر مسك يد جواهر وقام يرقص ويتمايل معها واول مانتهت الاغنية سوى الحركة المسرحية وهو شبه راكع قبال نجود وقام التصفيق والتصفير من البنات ونجود تقربت من جواهر اللي من شافتها الثانية جاية قبالها راحت عندها وحضنوا بعض بقوة..
جواهر بهمس/احلى هدية ياقلبي....
نجود بنفس الهمس/ثقلي سمعتي مو ترمين حالك علي!!
جواهر/هههه يابعد عمري يانجود ..
نجود/من راي تروحون البيت اللحين لاتطلعون....
جواهر ابتسمت/طيب...
نجود بفرح وصدق/جواهر...مبروك
جواهر اخذتها بحضنها وقالت لها/عقبالك ياقلبي..
بندر ومن حواليه خواته/شكلها راحت علي!!!
هنوف/اسمع هذا الاهداء مني لك.....
بندر/وينه....
هنوف/هههه يالثور الاغنية هاذي...وقامت ترقص قدامه...
بندر/واللي يعافيك ياهنوف سيارة مصدومة!!!!حشى مو رقص هذا!!!اذا ماتعرفين ترقصين عراقي لاتقلدين واللي يسلم عمرك ضحكتيني؟
هنوف/بذبحك ياللي ماتستحي...
كانت في عيون تناظر بندر وهو مو منتبه لها وهي واقفة عند الباب وتنتظره يقرب.....
//////////////////////////////////////////////
رحاب/بموت من التعب والله اني مو قادرة...
منال/ها قربتي....
رحاب/اوووف يامنال وقسم بالله مو قادرة...لاويقولي بو احمد لاتولدين اللحين بعد اسبوع انا بنزل بعدين اولدي؟
منال/ههههه مو بكيفك السالفة!!
لمى/مرحبا...
رحاب/ها لموشه الحلوة....
منال/ماطلعتوا؟
لمى/لا....
رحاب/وليش تقولينها بزعل؟
لمى/عشان احنا ننتظر الخميس والجمعة علشان نطلع مع البابا ؟
منال/وهو ليش ماطلعكم!!!اكيد عنده شغل؟
لمى/لا جايينه رجال..
رحاب/طيب بكرة بيعوض عليكم....ليش الزعل يابابا؟
لمى/عشان سارة طردتني من الغرفة وقالت انها ماتبي تكون اختي!!!
منال/لاحول...هاذي اختك اصلا يييلها تكسيرة راس!!!!لكن شنقول..عمي يبني بجهة ,و......
لمى/وامي تهدم بجهة ثانية!!
رحاب/عيب يالمى مايقولون ها الكلام؟
لمى/هو دايم يقولها ها الكلام!!انا اسمعهم..
منال/ولو,,,بعدين ماتسمعين شي بين البابا والماما وتقولينه لااي احد مهما كان قريب منك سمعتي؟
لمى/امم طيب....
منال/تصدقين تمنيت احضر حفلة جواهر...
رحاب/قالت لك لمياء روحي معي ونامي عندها في بيت اهلها وبكرة بترجعين معهم انتي ماطعتي!!!
منال/اصلا لمياء ماراحت!!
رحاب/ليش؟؟
منال/دقيت عليها المغرب اشوفها متى بتروح وكان صوتها تعبان وقالت لي انها حاسة بتعب علشان كذا مابتروح!!!
/////////////////////////////////////////////////
واخيرا جت عيونه بعيونها وانتبه لوجودها لانها كاشفة وجهها !!!
شد بيده بقوة على يد جواهر وقال لها بعصبية/حبيبي بقرب السيارة لبسي وطلعي ماشي...
جواهر بحب/طيب ياقلبي....
مشى لعند الباب وفتح الباب وقالت له بهمس...
دلع/انتظرك عند الباركينج ببارك لك ولو اني شرهانة عليك ماعزمتني واذا مو حاب تجي ابارك لكم انت وجواهر مرة وحدة!!!!
//////////////////////////////////////////////////////////////هنوف طلعت وعيونها تدور ناصر..وشافته واقف وهو متلثم بشماغه لان الجو كان بارد....
صارت تتامل فيه من بعيد لبعيد وهي سرحانة..وماحست عليه يوم يتقرب منها ويغطي وجهها المفتوح..
ناصر بصرامة بس هادئة/كبرتي ياهنوف منتي بزر تطلعين ووجهك مفتوح وانتي حاطة مكياج!!!!
هنوف احتاست وماعرفت شتقول../انا..انا..
ناصر/لاعاد تسوينها مرة ثانية!!!
هنوف بزعل/ناصر انا مو قصدي والله!!!!
ناصر/معليش بس لاتعيدينها....وش اللي مطلعك؟وش تبين؟؟
هنوف/ها..مدري تصدق نسيت!!!
ناصر/ههههههه خبلة ؟
هنوف/ها نويصر اشوف ماخذ راحتك حضرة جنابك وناسي اني اخت المعرس!!!
ناصر/هههه عدال يااخت المعرس عدال!!
هنوف/أي صح ذكرت ليش انا هنا...ناصر عقبالك ان شاءالله!!
ناصر/ههههههههه ويلوموني اذا قلت عنك خبلة يالبزر!!!اللحين طالعة علشان تقولين لي عقبالك؟؟مابتشوفيني بالبيت!!!!
///////////////////////////////////////////
كانت واقفة جنب سيارته...
بندر بارتباك/انتي وش جابك هنا؟
دلع بدلع/اول قولي ليش ماعزمتني على خطوبتك!!!هذا وانا معزبتك وولية نعمتك؟؟؟
بندر/انتي ماتستحين!!!
دلع/بصراحة عندك ذوق يابندر حلوة حييل جواهر..يعني تستاهل اني تعنيت وجيتها من جدة لهنا!!!.بس ياترى هل بتدومون مع بعض!!!!
فتح بابا سيارته وشغله ومشى لعند الباب لان جواهر تنتظره,,,,
كان مرتبك ومتضايق وماله خلق أي شي..
وجود دلع هنا نرفزه على الاخر....
..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
دخلوا المجلس وشالت عبايتها وكان المكان ملايان شموع بكل مكان...
نجود ماغيرها هي اللي سوت ها الحركة اكيد..
لفت لبندر اللي حاول انه يكون طبيعي وابتسم لها..
بندر/مين صاحب ها الحركات الحلوة؟
جواهر/اكيد نجود لانها قالت لي رجعي البيت مو تطلعين!!!
مسكت يده وتقربوا لعند الطاولة اللي بنص المجلس واللي كانت فيها تورتة كبيرة بثلاثة طوابق ومكتوب عليها مع خالص حبي لااحلى عريسين...نجود...
كانت جواهر واقفة وبندر وراها وهمس باذنها/شكلي بغار حييل من نجود بنت عمي!!
جواهر بنفس الهمس/ليش توك تعرف علاقتنا!!!
بندر/لا بس صايرة على القثيل,,,,
كانت في علبتين جنب بعض وحدة زرقة ومكتوب عليها بندر بالاحمر والثانية حمرة ومكتبو عليها جواهر بالازرق....
مدت يدها للعلبة اللي مكتوب عليها اسمها وعطتها لبندر علشان يفتحونها مع بعض...
كانت فيه اسوارة ذهب راقية وفوقها كرت مكتوب عليه(لو كنت املك ان اهديك عييناي لوضعتها بين يديك,,,
لو كنت املك ان اهديك قلبي لنزعته من صدري وقدمته اليك,,,
لو كنت املك ان اهديك عمري لسجلت ايامي باسمك,,لكنني لااملك سوى الكلمات الكثيرة الكثيرة من صادق التعبيرات لااهديها لكي,,,مع تمنياتي لكما بالتوفيق في حياتكما المقبلة)
جواهر/يابعد قلبي يانجود اردها لك بالافراح ان شاءالله...
مسكت العلبة الثانية حقت بندر وفتحتها معه كانت حاطة بالعلبة عطر درة البحرين من اصغر علي وكانت تعرف انه يحبه من جواهر بالاضافة الى كبك فخم ونفس الشي تاركة له كرت مكتوب عليه (...لم اجد سوى صديقتي الغالية على قلبي هذه الهدية الثمينة اقدمها لك وتذكر دائما بان حبك يجري بدمها فلا تخذلها ابدا ,,تمنياتي لكما بعيشة هنية ابد الدهر,,والف الف مبروك ياولد عمي الغالي)
حوط بندر ذراعينه بخصر جواهر وهمس لها/قولي الصدق منو تحبين اكثر انا ولاهي!!
جواهر غمضت عيونها وقالت بكل رومنسية وحب/بها اللحظة انت طبعا!!!
زاد من قوة يدينه على خصره وهو يوزع بوساته على شعرها وقال لها/ماتعبتي!!!ماتبين نقعد نرتاح!!!
جواهر/تصدقني لو قلت لك اني مو حاسة باي تعب وانا جنبك يابندر!!!!!يكفي انك قريب مني ياحبيبي!!!
بندر ضمها من ورى بقوة وهو خايف لايفقدها من جديد وكل مالاحت صورة دلع في بالها يزيد القلق عنده ويضمها بقوة اكثر واكثر,,,,,
///////////////////////////////////////////////////////////مشاري/تبين تروحين المستشفى؟
لمياء بشرود/لا ماله داعي!!!
مشاري/حبيبي انت من امس مو طبيعي قولي شفيك!!
تنهدت لمياء بحرارة وصورة علي في بالها/ولاشي صدقني؟
مشاري مسك كفها/ودي اصدقك بس مو قادر؟
سحبت كفها منه بسرعة وقالت له/خلينا ننام مدام مريومة نايمة بكرة ورانا مشوار؟
حطت راسها على المخدة وهي تحاول تخفي دموعها ومعهم صورة علي اللي ماهي قادرة تشيلها من بالها لحظة وحدة من امس لليوم!!!
تنهد مشاري وهو مستغرب منها ومن تصرفاتها من امس للحين واللي مو قادر يشوف لها تفسير بس حط راسه جنبها وراح بسابع نومة,,,,
////////////////////////////////////////
علي بعد كان حاله مو اقل من حالها ,,
من شافها امس وهو صاير مجنون ومو قادر يركز بشي ابدا!!!
وزين انه قدر يروح الملكة ويطلع بسرعة رغم معزة بندر عنده بس شيسوي تفكيره شاغله...لمياء تزوجت وصارت عندها بنت وسمتها مريم!!!!
ها البنت المفروض تكون بنتي انا!!!!مو بنت واحد ثاني!!!!!!
مسك جواله القديم وهو يقرا رسايلها له واللي كلها حب وغرام ,,,
كيف نستني وراحت وتزوجت غيري وهي عارفة بحبي لها كيف!!!!
تنهد من قلب ولف على عبير اللي كانت توها جاية قبل شوي من الصالة وبدلت وغسلت ونامت....
تزوج عبير ولاقدر ينسى لمياء؟؟؟
وشاف لمياء اللحين ورجعت له كل امل فيها من جديد!!!!
بس لمياء لازم تتطلق من زوجها واخذها انا لازم!!!واذا على بنتها انا مستعد اربيها واكون لها ابو ؟؟؟؟؟
////////////////////////////////////////////////////////////
اليوم الثاني الجمعة وبعد صلاة المغرب,, ويادوب نجود لحقت تخلص شغلها وتقعد شوي مع جواهر وتلحق على طائرتها للرياض,,,
وفي صالة بو علي ماكان فيه احد ام علي وام ناصر مع ام بندر
وابو علي بالقهوة مع شيابه وهيا رايحة عند بنات عمها وماكو الا نورة وهنوف لابسين ثياب رجال ومشمغين ومتحزمين بشيلاتهم وحاطين لهم اغنية سواها قلبي وهز بوسط الصالة,,
ناصر دخل وهو يكلم وقعد ومانتبه لهم وهم بعد عايشين الجو ومانتبهوا له..
خلص مكالمته بسرعة وانتبه على اشكالهم وماعرفهم بالاول بس بعد التدقيق النحوي تبينت عواينهم وعرفهم وهز راسه وهو ميت ضحك عليهم وعلى جنونهم وافكارهم....
وقام بسرعة علشان يطلع وهو عند الباب قال مايصير يطلع قبل لايخرب الجو عليهم راح لعند المسجل وطفاه..
وانتبهوا له ثنتينهم وجمدوا بمكانهم..
ناصر/انتوا منو؟؟؟ماعندنا شباب بالبيت احنا؟؟لايكون حرامية وقبل تسرقون ترقصون؟
هنوف/هههههههههههههههه
نورة/يالله عاد اللحين وش يسكتها لنا!!!!
ناصر/انتوا من وين جايبين ها الثياب اصلا يامفتريين انتي وياها!!!
نورة/هنوف جابتهم وانا مالي شغل انا كل اللي سويته اني لبست ورقصت!!
وشالت شماغها ورمته وشالت الثوب ..\وهنوف تفشلت بوقفتها كذا مع ناصر...
ناصر/ان شاء الله يدري بندر انك اخذتي ثيابه ويوريك نجوم القايلة!!
هنوف مشت لين وصلت للباب وبعدها لفت وقالت لناصر وهي رافعة نص الثوب ومبين بنطلونها الجنز من تحت/اولا بندر مو فاضي لي اللحين ولسوالفي!!!ثانيا هو شيخصه بالموضوع الصراحة هذولا ثيابك ياناصر!!!!
قالتها وطلعت بسرعة تركض وناصر راح للثوب اللي شالته نورة من عليها يقولب فيه/أي والله هذا ثوبي!!يعني ذاك بعد ثوبي!!صدق انها نذلة؟من وين جابته؟
نورة/انا مالي شغل ؟؟قالت لي لبسي ولبست!!!!
//////////////////////////////////////////////////////////وصلت المطار ودقت على السايق وقال لها انه ينتظرها اخذ اغراضها وحطهم بالسيارة ومشوا...................
طول الطريق كانت تكلم ناصر وماانتبهت على الطريق اللي هم ماشيين فيه..
نجود/أي وبعدين..
ناصر/علشان كذا قلتيلي شيلها من بالك!!
نجود/أي هم متفاهمين مع بعض من زمان ومقررين ها الشي....
ناصر/الله يوفقهم مع بعض..
نجود/انت شسويت مع علي؟
ناصر/ولاشي حاولت اكلمه وسوى روحه يسايرني ....
نجود/...................
ناصر/بس هو فيه شي...صاير له شي وقالبه فوق تحت حتى بندر قال ها الشي بليلة الحفلة ماكان طبيعي ابدا!!!
نجود بخوف/وش اللي ممكن يكون صار فيه....؟
ناصر/مدري يانجود مدري...بس ممكن جواهر تسال بندر وبطريقتها تعرف!!تعرفين علي اسراره عند بندر...
نجود/بكرة بكلمها وبقولها..
ناصر/وليش بكرة كلميها اللحين؟
نجود بحدة/لا بتطلع تتعشى مع بندر ومو ذوق ادق عليها كل شوي!!!انت شيفهمك بالذوق اصلا!!!
ناصر بلامبالاة/انا احسها عادي انتوا تبالغون شوي..
وقفت السيارة ....
نجود/خلاص ناصر انا وصلت بعدين اكلمك..
نزلت من السيارة وانتبهت انها واقفة قدام توتي كافيه مو قدام سكنها لفت بسرعة للسايق وقالت له بعصبية/انت منو قايل لك تجيبني هنا!!!
سكت السايق وماتكلم بس فهد قال بهدوء/انا!!!
لفت له وهي ماتوقعت وجوده هنا اصلا ولاانها بتشوفه الليلة....
فهد/انا مدين لك باعت ............ممكن نشرب مع بعض كافي ونتكلم شوي؟
نجود بحدة/لا...
فهد تقرب منها وقال بهدوء وعيونه بعيونه/ممكن...
ماقدرت تقاوم عيونه الملحة ابدا مشت قدامه ودخلت ..
كان المكان كله كرستلات ومتعوب عليه حييل ورغم ان اسعاره غالية الا ان طعامه كان عادي..وانتبهت ان فهد يحب يروح الاماكن الراقية والديكورات الفخمة لان هذا ثالث مكان تشوفه فيه ويكون فخم .....
قعدوا وظلوا ساكتين فترة طويلة,,
فهد بهدوء وهو يدخن/مبروك على جواهر....
نجود/ممكن تشيل سيجارتك لاني مااحب ريحتهم!!!
فهد بنرفزة/انا اللي ادخن انتي وش يضرك بالله!!!
نجود/لسنا كلنا مدخنين ولكننا كلنا نتنفس!!!!!!
فهد طفى سيجارته وقال لها بهدوء/ممكن تفتحين نقابك!!!
نجود بنفس الهدوء/لا....
التقت عيونهم ونظراتهم بنظرة سريعة وقال لها فهد/انتي ليش عنيدة؟
نجود بنعومة/طالعة لك يافهد؟؟؟
التقت نظراتهم من جديد وهي عارفة ان الكلمة اثرت فيه,,,
فهد/كم مرة بظل اقولك اسمي بوفيصل!!!
قربت راسها اكثر وقالت له بتحدي/وش اللي يجبرني اناديك بوفيصل وانا شايفتك قدامي فهد!!!!
ورجعت راسها لورى وقالت له بنعومة مصحوبة بشماتة/خلي بوفيصل لزوجتك انا ماابي غير فهد!!!
التقت نظراتهم مع بعض وفهد ها المرة اللي احتاس وش تقصد بكلمتها؟؟؟؟
/////////////////////////////////////////////
في مطعم فلامنجو بالخبر..
كان الجو رومنسي بين الاثنين وبندر كان ياكلها بنفسه وهم هايمين في بعض..
بندربحب/تصدقين ماتخيلت ابدا بيكون الوضع كذا!!!
جواهر/ليش يعني؟؟؟
بندر/مدري بس كنت متوقع انه بيكون غير ..يعني ماراح نكون بها السعادة والانبساط؟
جواهر تقربت منه وقالت بحب/بعدك ماشافت السعادة يابندر...وعد مني لااصبحك وامسيك عليها!!!وش تبي بعد يانور عيوني!!!
رفع يدها لشفايفه وطبع عليها بوسة قوية وقال لها بخبث/ماشبعتي خلينا نقوم صار الجو ممل هنا!!!
جواهر/لا ماشبعت خلنا نكمل سهرتنا ولاانت ناسي ان بكرة دوام!!!
بندر مسوي زعلان/اللحين انا ماخذ اجازة السبت والاحد والاثنين وانتي تروحين بكرة المدرسة كيف تجي ذي بالله!!1
جواهر/جد حبيبي بتقعد معي ها اليومين بعد!!!
بندر/الا اذا كنتي ماتبيني؟
جواهر/ليش تقول كذا حرام عليك!!!انا صرت احب الحب من كثر حبي لك.....
كان بندر قاعد قباله وبعد كلامها قام وقرب كرسيه جنبها وهمس لها/الا قرب احلى!!!!!
جواهر/هههههه مجنون...
قربها منه وهو شبه ضامها لصدره وهمس/قولي اللي تبينه !!يكفيني انك قاعدة بحضني وبس!!!
جواهر بهمس/متى بتخلص دورتك لجدة ياعمري تراني مليت من بعدك ومااقدر اصبر عنك اكثر!!!
ضمها اكثر واكثر له وهو خايف تبتعد باي لحظة وقال لها بهمس/حتى لو باعدتنا الاماكن فترة معينة ياقلبي تاكدي ان بندر مايعيش بدون جواهر وحبها وقلبها,,طيب,,,
/////////////////////////////////////////////////
في توتي كافيه كان الجو هادى لانهم مقضينها نظرات في بعض وبس!!!!
وكانوا يقطعون السكون بين فترة والثانية بهمهمات بسيطة,,,,,
فهد/زمان صار لك تدرسين؟
نجود/وش رايك؟
فهد/مدري ....يمكن ويمكن لا,,,
نجود/هاذي السنة الثانية درست قبل بعقود واللحين تثبت رسمي....
فهد/اول مرة تجين الرياض؟
نجود/تقريبا...زمان جيتي للرياض من كنا صغار,,,,تغيرت كثير عن اول.....
فهد/شرقيتكم احلى!!
نجود بثقة/طبعا شرقيتنا احلى!!دمامنا غير وخبرنا غير وكل شي عندنا غير!!!يمكن انتوا بالعمران سابقينا بعمايركم ومجمعاتكم واسواقكم بس الجو عندنا اروع,,,,يمكن تحيز لمنطقتي اشوف ان هناك المكان احلى واروع!!!!
فهد/......................
نجود/شخبار فيصل ولمى!!!
فهد بحذر/ليش تسالين عنهم!!!
نجود/ليش انت ماتحب احد يسالك عن عيالك!!!تعجبني لمى احسها بريئة مو مثل ذيك البلوى سارة!!
فهد بحدة/مااحب احد يتكلم عن بنتي بها الطريقة!!
نجود/على فكرة فهد بنتك ماتجي باللين ابدا!!دير بالك عليها احسن ولاتتساهل معها ابدا لاتنسى انها بسن مراهقة وتربيتها لازمة تكون بحكمة شيدة!!!
ناظرها باستفهام وهي سكتت....
فهد/تقصدين اني مو عارف اربي بنتي؟؟؟
نجود/ليش فهمت الموضوع بالطريقة هاذي!!!
انا بنتك مااعرفها زين بس ومااحتكيت فيها عدل وماجمعني معها الاكم موقف..بس انا يافهد مو محتاجة غير اني اناظر بعيون الواحد علشان افهمه!!!مثلك تماما...عارفة انك تبي تقول شي لي ومتردد..
فهد كان يناظرها وهو فعلا متردد من ثقتها..
كملت وهي تحاول تسحب منه كم كلمة/وبعترف لك انا بعد اعتراف يافهد!!!في شي قوي شدني لك من اول مرة شفتك فيها بالبيت عندكم!!!صورتك ظلت في بالي وماغابت عني لين شفتك بعدها بالمزرعة وكل مااحاول اشيل صورتك من فكري الاقيها تعشعش فيني اكثر واكثر,,,
فهد/نجود...
نجود بلامبالاة/مايهمني اللي بتقوله!!!ولاابي اسمعه...ابيك تعرف شي واح بس عن نجود....انا ماعمري ضحكت بوجه احد مااحبه!!ولااخذت وعطيت بالكلام مع احد وانا مو مقتنعة !!!
فهد/................انا متزوج وعندي عيال....
نجود/............................
فهد/.....................
نجود باستفهام/طيب وش تسوي معي هنا يوم انك متزوج وعندك عيال!!!!!!!
فهد ناظرها بقوة وهي تناظره بتحدي وقال بتردد مايناسب شخصيته/فيك ثقة بنفسك كنت ادور عليها من زمان!!!!!!!
/////////////////////////////////////////////////////////////اليوم الثاني,,,,
بالمدرسة,,,,
ملاك/صباح الورد والفل والياسمين على احلى ابلة نجود بالعالم,,
نجود/مشاءالله هذا كله علشاني ورد وفل وياسمين,,,وش عندك بعد!!!
ملاك/وش ماتبين؟
نجود كانت تمشي وهي بتروح لغرفة المعلمات وعندها كيس دلة القهوة وكتبها بيدها..
ملاك/عنك جيبيهم,,
نجود/شكرا ماله داعي.....
ملاك/لو هي الجازي كان ماعرضت خدماتها عليك وانتي ناديتيها صح ولالا؟
نجود/وش سالفتك انتي وغيرتك من البنية!!قلت لك قبل البنت اذكى منك وانبه منك واحلى منك بعد !!
ملاك بزعل/ليش تتعمدين تقولينها بعد وانتي عارفة انها تقهرني!!!
نجود/وانا مالي ومال قهرك ياقلبي!!
ملاك/جد انا قلبك؟؟؟
نجود/لاطبعا!!!
ملاك/اليوم رايقة ان شاءالله كل يوم كذا!!
نجود صورة فهد معها من البارحة مافارقتها وهي اللي مانامت طول الليل,,,,
نجود وهي تبتسم لطيف فهد اللي مر في بالها/ان شاءالله..كثري منها هاذي تراني محتاجتها....يالله روحي على الطابور لاتتاخرين مو ناقصة نظرات انا من هنا وهنا!!!
(كانت تقصد مها اللي واقفة تناظرهم)
ملاك/ماعليك منها جايبة لها اليوم شي بيلهيها عنا !!!
نجود/وش ها الاسلوب ياملاك!!!
ملاك/ابي اقعد معك واسولف معك لاتقولين لا ربي يخليك؟؟؟
نجود/لاصار عندي وقت فراغ ناديتك...
ملاك/مو لازم ناخذ درس اليوم خلنا نسولف وبس!!!
نجود بشماتة/ياسلااااااااام!!!
////////////////////////////////////////////////////
نجلاء/فهد انت مو رايح المكتب اليوم؟
فهد/لا..حاس اني مانمت البارح زين ومو قادر اركز..عموما مافي شي ضرور ي بالمكتب يستاهل روحتي اليوم؟
نجلاء/وش فيك....
فهد بشرود/مدري مانمت طول الليل....في شي متغير علي!!!
نجلاء/وش اللي متغير ياحسرة!!!الا قول هذا من الكبر ومايسوي فيك!!!!!
فهد/...........................
نجلاء/المهم انا اليوم معزومة في بيت الراهي ومدامك هنا خل العيال عندك....بطلع اغير جو من مقابلهم طول اليوم؟
فهد/.....................
نجلاء./صحيح ماقلت لي سالم وش سوى مع مرته!!
فهد بضيق/طلقها!!
نجلاءبشماتة/لا..ياحرام ..اجل راحت هيبتها وجبروتها بنت الفالح!!!هاذي اللي كانت شايفة الدنيا من فوق راسها ..زين سوى يوم طلقها خل ترجع لااصلها ولبيت اهلها وتعرف ان عياال الاكابر بس اللي يظلون اما عيال الفقر امثالها مصيرهم يردون لتربتهم!!!!ياحرام شرعك اللهم ولااعتراض بعد شنسوي!!!!!!!!!!!
فهد كان يناظرها وهو مو داري كيف كان متحملها طول السنين اللي فاتت!!!
يمكن لانه كان يقضي طول يومها بالمكتب ومايرجع الا وقت النوم فقعداتهم كانت مع بعض قليلة!!!ويمكن لانه ماعرف نجود من قبل ولا وحدة تشابهها وبنفس شخصيتها وتتحداه وترد عليه الكلمة بعشر!!!!ويمكن ويمكن ويمكن!!!بس الشي اللي ظل في بالها كلمة نجلاء وهي ترن باذنه(هذا الكبر ومايسوي!!!) لهدرجة انت كبير يافهد؟؟؟؟بتدخل الخمس والاربعين سنة.....اي خمس واربعين مو خمس وستين!!!!
حس بضيق ماله حدود واخذ جواله وطلع عند البركة يكلم نجود وهو متمني ترد عليه مثل ماوعدته البارح.....
دق عليها مرتين وعطته بيزي وبعدها هي دقت عليه.....
/////////////////////////////////////////////////
فتحت عينها وريحة ورد محمدي مالية انفها ..وشوي شوي قدرت تستوعب..
كان بندر جنبها وهو رامي عليها ورد كثير.....
جواهر بثقل ونعس/صباح الخير...
بندر بحب وهمس/الا قولي ضهر الخير!!الساعة داخلة على الاثنعشر اللحين!!بس تدرين صباح الحب ياحبي!!!
تقرب منها وباس جبينها...
جواهر بثقل/انت مو طلعت الساعة سبع الصبح مداك نمت وقعدت!!
بندر/طبعا...تعرفين اني لازم استغل كل لحظة وانا جنبك وماافوتها علي!!
جواهر/يابعد قلبي يابندر...عسى ربي مايحرمني منك ولايغير علينا!!!
بندر انسدح جنبها/يالله قومي خلصينا علشان نطلع نتغذى انا عازمك برة!!
جواهر/هههه عازمني وجاي رامي حالك بتنام !!!وش ها العزومة حقت البخيلين!!!!!
بندر/هههه شسوي فيك مو راضية تقومين؟
جواهر/يالله عطيني ساعة وبكون جاهزة..
بندر حط المخدة فوق راسه وقال لها بنعس/معناته اذا خلصتي صحيني من نومي؟
/////////////////////////////////////////////////
طلعت برى غرفة المعلمات ودقت على فهد...
نجود/هلا..
فهد/هلا..
نجود/معليش كنت مشغولة وماقدرت اكلمك...
فهد/اممممم...
نجود/شكلك متضايق؟
فهد/يعني...
نجود/قول شفيك...
فهد بثقل/ولاشي...
نجود/مايصير ولاشي انت مادقيت الا وانت فيك شي فلا تسوي لي فيها ثقل لو تكرمت!!
فهد/قلت لك ولاشي خلاص,,,
نجود/طيب انت بالمكتب؟
فهد/لا...
نجود/وينك اجل؟
فهد/بالبيت مارحت المكتب اليوم؟
نجود بخبث/معناته نجلاء في السالفة..قول وش قايلة لك؟
فهد بانفعال/انا كبرت يانجود!!!!
نجود/طبعا لا....
فهد/وليش تقولي اني كبرت!!!
نجود/فهد ياقلبي انت من متى ياثر فيك كلام نجلاء ولا غيرها!!!
فهد بتردد/قلبك!!!!منو قلبك؟؟؟؟
////////////////////////////////////////////////
في بيت السبيعي.....
ام بندر/قوموا ساعدوني بالمطبخ؟
هنوف/وانا غايبة علشان تخدموني!!!!
ام بندر/قوموا يالله بلا كسل انتي وياها..
مضاوي ببرود معتاد/ليش تبين ندخل معك المطبخ؟
ام بندر/الليلة بندر بيجيب جواهر تتعشى معنا...
هنوف/حلو حلو..صارت عندنا مرة اخو تزورنا..حركات يعني؟
ام بندر/قومي بلا لغوة يافالحة؟
مضاوي/وينه بندر يمه ماشفته؟
ام بندر/طلع يتغذى مع مرته ..
هنوف بحسد/ول غذى وعشى بيوم واحد هذا بينفجرون من زود الاكل!!!
ام بندر/صلي على النبي يمه من عيونك!!!!
مضاوي/الف صلي وسلم عليك يانبينا يامحمد...
هنوف/وش فيكم..انا وش قايلة عاد؟؟؟؟المهم خلوني اخطط اللحين اسوي فيهم كم مقلب وكم حركة لعينة ...ما لازم اخلي الامور تسير على مايرام بينهم!!!!
ام بندر/انا لو بس ربي يفكني منك كان انا بخير...
مضاوي/أي والله صدقتي يمه...
هنوف/شلون يعني؟
ام بندر/يعني لو اشوف واحد يمشي با الشارع بناديه وبزوجك اياها ببلاش وافتك منك ومن لسانك!!!
هنوف/ول ول ول !!!!
/////////////////////////////////////////
بالفصل كانت الابلة تشرح وملاك تسولف بجوالها وماهي داقة خبر...
ملاك/تصدقين عاد يامشاعل اليوم صايرة مو طببيعية رغم اني احبها وهي متضايقة بس اليوم ششكلها مبسوطة ومتونسة على الاخر مدري شعندها؟؟أي....مثل ماقلت لك.....
البنات نص يطالعون بالابلة اللي لاحول ولاقوة ونص يسمعون مكالمة ملاك بالتلفون....
وهي عاطية الابلة اكبر طاف وماخذة راحتها...ومداها الحصة تنتهي وتطلع الابلة وتدخل اللي بعدها وهي على سوالفها....وطاولتها ملايانة دونات وشوكلاتات وعصيرات وكانها بمطعم وشلتها معها (مزنة وشمايل)وكانت يد مزنة ممتدة بتاخذ دونات وفجاة وقفت...
لفت لها شمايل وناظرت بالمكان اللي تطالع فيه مزنة....ووقفت هي بعد...
ملاك وهي تكلم/شفيكم؟أي مشاعل معك...لا اكلم مزنة وشمايل ...ها...........
نجود بصراخ/شنو هذا؟؟؟؟
ملاك سكرت جوالها بسرعة وسكتت...
نجود/سالتكم شنو هذا؟؟؟؟؟؟؟؟
ساد الفصل كله سكون......
نجود/شيلوا نعمة الله وطلعوا ماابيكم بحصتي!!!!لسه الفسحة منتهية من قبل حصتين بس مداكم جعتوا!!!!!
ملاك/اسفة..
نجود باصرار/طلعوا برى؟؟؟؟
ملاك/اخر مرة؟مافكرت ان حصتك بدت فكرت لسه بالحصة اللي قبلها؟؟
نجود/ياسلام يعني الحصة اللي قبلها مالها احترامها ؟؟؟؟
ملاك/؟؟؟؟؟؟؟؟؟؟؟
نجود/لاتاخروني عن الدرس وطلعوا برى بسرعة؟
ومشت عنهم للسبورة وناظروا في بعض وطلعوا....
برى الفصل..
ملاك/اوووف وابي اصير عندها مثل الجازي؟؟الطل بعيني؟؟؟
مزنة/يو اريح منها ومن وجع راسها؟؟
ملاك/سكتي انتي واللي يعافيك بس!!!!
شمايل/انا عن نفسي باخذ نقاهة من حصتها..
مزنة/مو المشكلة بكرة اول ناس بتقومون وتسالنا عن درس اليوم...
ملاك/اوووووووووووووف
////////////////////////////////////////////
مشاري/لمياء..
مريم/ماما نايمة..
مشاري/نايمة لها الحزة عاد!!!!
دخل المطبخ وكان مثل ماطلع منه الصباح ومافي الصالة غير شيبسات مرمية هنا وهناك من مريومة..
راح غرفة النوم ولقاها ظلمة فتح الابجورة اللي جنب لمياء وتقرب منها..
مشاري بهمس/لمياء...حبيبتي..
لمياء كانت مغمضة عيونها وهي قاعدة اصلا..
مشاري بنفس الهمس/وش فيك ياقلبي؟؟؟منتي طبيعية؟
لمياء بزعل/تعبانة شوي..
مشاري/عسى التعب فيني ولافيك يابعد طوايفي...قوليلي شلي يالمك ياقلبي!!
لمياء لفت وجهها الجهة الثانية/لاتشغل بالك متضايقة شوي...ومصدعة اذا نمت بيروح التعب....
مشاري/صار لك ثلاثة ايام على ها الحال ياعمري..قومي خل نروح المستشفى...
لمياء/ماله داعي ماابي اروح..
مشاري انسدح جنبها ومسح على شعرها وقال بمرح/لايكون بس حامل وحاسة انك بتجيبين لي بنت وبسميها شيخة على اسم امي علشان كذا انتي مزعلة عمرك!!!!
تفاجاء ا نها لفت عنه للجهة الثانية وقالت بحدة/لا مو حامل!!!!
مشاري/لمياء صارحيني وش فيك؟
لمياء بضيق/ولاشي يامشاري خلاص لاتصير حنان!!!بكبري راسي يوجعني؟؟
مريم/ماما انا جوعانة....
لمياء/عطها أي شي تاكله؟
مشاري/لبسي الجزمة يالله يابابا بنروح نجيب لنا غذى...وش حابة تاكلين ياعمري...
لمياء بضيق/ولاشي مالي خلق شي....
هذا كان حال لمياء من شافت علي يوم الاربعاء..لا ليلها ليل ولا نهارها نهار.....
شوفة الحزن والزعل بعيونه خلوها تراجع حساباتها..علي للحين باقي على حبها مثل ماقال لها!!!وللحين يفكر فيها......
وها الشي تاعبها حيييييل وماهي قادرة حتى تتكلم مع مشاري....
رغم انها شافته دقايق بس عند الباب بس حاسة بشي مو طبيعي قاعد يحرك حياتها ويسيرها وخارج عن سيطرتها.....
////////////////////////////////////////////////
في المطعم الهندي بالخبر....
بندر/كلي زين ابيك تتقوين..
جواهر/بزر انا علشان اتقوى؟
بندر/طبعا ؟؟انتي عندك شك!!!بالنسبة لي بتظلين طفلتي المدللة حتى لو جبنا عشر عيال وزوجناهم!!!
جواهر/بندر تذكر يوم نسافر الشام واحنا صغار...يوم نروح لبيت العظم وتقعد تخوفني انا ونجود وعبير ولبنى وتقول انهم بيطلعون لكم الليل علشانكم بنات..
بندر بحب/أي اذكر..لاتقولين حبيتيني من ذاك اليوم؟؟هههههبعدنا صغار؟
جواهر/لا وش حبيتك انت بعد!!!الا قول صرت اتراجف من احد يجيب طاري بندر واموت من القهر لو قالوا بندر خل عينك على البنات لايضيعون..ونتافف منك انا ونجود نقول ليش مايجيبون معنا ناصر لو علي ابرك من بندر اللي شاطر بس بتخويفنا.....
بندر/شسوي فيكم انعل قلبي منكم قلت مالي الا اخوفكم دايم ناشبيلي ومخليني الحارس الامين عليكم!!
جواهر/يالله يالله عن الكذب عاد يابندر!!اصلا انت اللي ماتبي تلعب مع الاولاد ودايم لازق حالك فينا!!!
بندر/هو انتي ماتدرين وش السالفة انا كنت ابي ادرس شخصيتك من الصغر وافهمها زين!!
جواهر/لاوالله!!!
بندر/ههههه المهم ماعلينا ياقلبي انتي للحين خايفة من بيت العظم اللي بالشام؟
جواهر/ليش تسال؟
بندر قام من كرسيه وقعد جنبه واخذها بحضنه وهمس باذنها/علشان اضمك اذا لساتك خايفة منه!!!
جواهر بهمس/بندر تعقل وبطل جنون احنا بالمطعم؟؟؟
////////////////////////////////////////////////////////
كان قاعد وهو حايس بعمره مع بنته وشاغلة زوجته تفكيره!!!!
ياترى وش اللي فيك يالمياء؟
وش اللي شاغلك ومتعبك ياقلبي!!!
هاذي اول مرة تكون نفسيتها كذا من تزوجنا؟؟حتى يوم حملت ماصارت كذا!!
معقولة اهلها فيهم شي وماهي حابة تقولي وتضايقني!!بس احنا يوم نزلنا لهم خميس وجمعة كانوا طبيعين ومافيهم شي وهي اللي كانت تعبانة ومتضايقة حتى انهم استغربوا تعبها!!!
ياترى وش اللي قاعدة تفكرين فيه يالمياء وشاغل بالك ومتعبك ومتعبني معك ياعمري!!!!!
****************وفي نفس الوقت لمياء كانت افكارها ماخذتها لبعيد...
علي يامشاري علي,,,,علي اللي من شفته حسيت بشي يزلزني !!!ليش مدري؟؟؟
صدقني اني مو قاوية افكر بشي ولاحتى بنتي!!!
نظراته وكلامه ودموعه مدري وش سوت فيني!!
مشاري صقني انا تزوجتك وقطعت كل عرق بعلي وماشفته ولا عرفت عنه أي شي غير قبل يومين بس!!!
انا ماخنتك صدقني وعارفة ان تفكيري بعلي هو اكبر خيانة؟؟؟
بس وحياتك صوته وصورته هم اللش معششين براسي ومو تاركيني ارتاح !!!مدري وش صاير فيني ورجع لي ذكرياتي معه من زمان...مكالماتنا وهمساتنا وذكرياتنا,,,,تعاهدنا على الحب وماوفيت له وتركته وتزوجتك ,,,بس هو شلي صار له ياترى وشلون ذكرني بسرعة كذا وماكاني غبت عن باله دقيقة وحدةّّّّ!!!الفضول ذابحني وابي اعرف عنه كل شي وعن حياته كيف عايشها وهل...هل نساني لو بعده ذاكرني!!!!!!!!!!!!!
///////////////////////////////////////////////////////////رجعت من المدرسة وكل تفكيرها كان بفهد!!
اللي ماراح اليوم المكتب وقاعد مع نجلاء بالبيت ومضيق خلقه معاها!!!!
تبي تواسيه وتهديه بس شلون ماهي قادرة,,,تكلموا مع بعض بالتلفون اكثر من ساعة وحست انه هدى شوي عن اول ماكلمها وخفت عصبيته بس ظل بالها مشغول فيه وكانها مسئول عنه!!
الله يسامحك يافهد شاغل لي افكاري ومتعبني!!!
انتبهت على باب غرفتها يندق افتحت الباب وكانت المفاجاْة؟؟؟؟؟


********************************
---البارت التاسع عشر---

********************************فتحت نجود الباب ووقفت متفاجئة من الشخص اللي جاي يزورها,,
نجود بذهول/ملاك!!!!
ملاك كانت واقفة ووراها شغالتها حاملة صينية فيها صحون مغلفة..
ملاك بتردد/عارفة اني مااخذت اذن منك قبل جيتي,,,بس قلت يمكن انك ماتغذيت والاكيد ان ماعندك وقت تطبخين لك شي وفكرت اني ادز لك اليوم غذاك؟
نجود بصرامة/منو قال لك اني اسكن هنا؟؟وممكن اعرف سبب زيارتك الكريمة المفاجئة؟؟؟؟
ملاك /انا بنت ماجد الفايز ياابلة نجود مايخفي علي شي!!
نجود بحدة/يتراواللي اني ابلتك وهذا يعني انه تظل حدود بينا!!!
ملاك/.............
نجود/طيب..تفضلي...مو من عادتي ماادخل احد مكاني لو وين اكون؟
ملاك/لا انا جايبة لك الغذى وبمشي ...عساه صحة وهنا على قلبك...
نجود بحدة/ادخلي...
/////////////////////////////////////////////////////////
كانوا قاعدين على سفرة الاكل وماغير فيصل اللي يسولف....
اما فهد كان بمعظم الاحيان شارد..
فيصل/بابا؟؟
فهد انتبه له/نعم يابابا ليش تصارخ كذا!!!انا اسمعك؟
فيصل/لو تسمعني كان رديت علي!!انا من زمان اكلمك؟
فهد/خير وش بغيت؟
فيصل بفتنة/شوف سارة جايبة لها بيبسي تشربه مع الاكل!!!!
سارة/ووجعة اللي توجعك ان شاءالله!!
فهد بعصبية/قومي ضربيه بعد!!!!!
سارة/هو فتان وانت قايل ها الشي عيب يعني المفروض اني اضربه علشان يتادب؟؟
فهد/والله!!واحنا وين رحنا ياسارة!!اذا انتي اللي بتادبينه وبتعلمينه!!!
نجلاء/خلاص فكوها عاد كملي اكلك وروحي لدروسك وانت كمل اكلك يالله بسرعة لاتقعد لي بس فلان سوا وفلان سوا؟
فيصل/لاتصارخين علي!!
نجلاء/حبيبي انا ماصارخت انا اكلمك بهدوء بس يالله خلصني الكوافيرة بتجي بعد شوي ,,
لمى/ماما وين بتروحين؟
نجلاء/انا معزومة الليلة في بيت الراهي....
لمى/خذيني معك..
نجلاء/لا ياماما عندك مدرسة بكرة لو كانت ليلة خميس معليش...
سارة/انتوا وش تحبون في ها العزايم!!!
لمى/نشوف الناس....
سارة/سكتي واللي يعافيك انتي اصلا متخلفة وماحد طلب رايك؟
فهد بصراخ/ووجع ان شاءالله!!!
سارة/.............
فهد/كم مرة قايل لك تتعاملين مع اختك باسلوب ثاني غير هذا!!!!
نجلاء/فهد؟؟؟؟
فهد بعصبية/اسمي بوفيصل !!!قالها والشرر يتطاير من عيونه وقام من كرسيه وراح لمكتبه...
///////////////////////////////////////////////////////////عبير بهدوء/انت ماخذ اجازة؟
علي بحدة/وانتي ليش تسالين؟
عبير/عشانك بالبيت من اربعة ايام ومارحت الدوام..
علي/يضرك شي لو كنت اجازة ولالا؟
عبير بحسرة/ماهو ضارني بس عمي سالني وماعرفت شقوله؟
علي/......................
عبير/....................
علي/................
عبير/.................
علي/...............
عبير قطعت الصمت/ممكن الليلة اتعشى في بيت اهلي بندر بيجيب جواهر وبتتعشى معنا واذا ماعندك مانع بروح بعد شوي بساعدهم..
علي بلامبالاة /روحي...
قامت من السفرة وهي ترفع الصحون ووقفت يوم قال لها بلا اهتمام وهو قايم وعاطيها ضهره/واذا تبين تنامين هناك نامي ماهي فارقة معي!!!!
كانت تداري دموعها لاينزلون..تعودت على جرحه وها الشي مو مضايقها بس ماتبيه يشوف دموعها...لا مستحيل يشوف دموعها ولا انكسارها....ماراح تذل نفسها لعلي اكثر من كذا...بس الضغط اللي قاعدة تحس فيه فاق كل شي؟؟ماهي قادرة حاسة انها بين أي لحظة والثانية بتنفجر!!
معقولة سنتين كاملين وهي عايشة على ها المنوال وللحين مامتت من الهم وضيقة الخلق!!!!!
/////////////////////////////////////////////////////////////قعدوا قبال بعض....
نجود/أي تفضلي قولي اللي عندك انا اسمعك....
ملاك/....................
نجود/شفيك؟
ملاك/ولا شي حرام اني اناظر فيك؟
نجود/لا مو حرام بس انتي تختمين علشان اصير بكرة رواية الدرسة؟
ملاك/حرام عليك انا مو كذا !!!
نجود/امممم منو طابخه ا الاكل انتي؟
ملاك بفرح/امي الحبيبة...
نجود/الله يخليها لك انتي وحيدتها؟
ملاك بحزن/ها..لا...عندي رائد..ورياض ..
نجود/شفيك؟
بانوا دمعتين بعيون ملاك بس اخفتها بقوة/ولاشي...ابلة نجود انا اسفة على اللي صار اليوم بالمدرسة؟
نجود باهتمام/ملاك وش سالفتك انتي؟؟؟لامبالاتك ولااهتمامك بالاخرين وتعنصرك بابوك دايما وش اسبابه ياترى!!
ملاك/ولاشي..
نجود/بلى...مافي انسان طبيعي يحب انه يكون مكروه من قبل الاخرين صح ولالا؟
ملاك بحزن/انتي تكرهيني؟
نجود بثقة/من جيت وانا دايم اسمع لاتقربونها بنت الفايز !!ليش؟؟؟ليش متلحفة ورى اسم ابوك؟؟ليش ماتعيشين مثل باقي الناس بطبيعتك وعلى سجيتك...
ملاك/........
نجود/كلنا عندنا اهل نحبهم ونفتخر فيهم ونرفع راسنا بيهم...بس نظل عايشين بطبيعتنا واخلاقنا....
ملاك/..............
نجود/كل فتاة بابيها معجبة وماعلينا فيها خلاف!!بس ليش ياترى...ليش تعيشين والناس حوالينك تهاب من الشي اللي انتي بتسوينه ..ليش مايعرفون ملاك على حقيقتها
ملاك بخوف/مستحيل!!!
نجود/وش اللي مستحيل ياملاك.....لعلمك انتي داخلك قلب بري وحلو وابيض ..
ملاك بشفافية/موصحيح؟
نجود/بلى انا اعرف الناس من عيونهم ياملاك....
ملاك/يعني انتي تعرفيني؟
نجود بثقة/أي وادري انك تموتين على التراب اللي امشي عليه بعد!!!ماتشوفيني دايم احقرك؟
ملاك بحساسية/يعني تعرفين اني احبك ومع ذلك تتعمدين تطنشيني؟
نجود/أي اعرف...لعلمك حتى الجازي تحبني بس هي تحبني بثقل وماتبين ها الشي..انتي تحبيني بخبال وجنون وكل اللي حوالينك يعرفون ها الشي...انا طبيعتي ماارمي نفسي على الناس اللي تبيني ...عندي اخوان اثنين عسى الله يحفظهم ان شاءالله ويحفظ شبابهم...
ملاك/ان شاءالله..
نجود/الا ول مايدري عني عايشة لو ميتة!!والثاني مايتركني دقيقة ولايترك يوم يمر بدون مايسال عني!!!!
ملاك/واكيد انك تحبين الاول وتركضين وراه رغم انه مطنشك وتاركة الثاني اللي يحبك؟
نجود/بالضبط؟
ملاك/اممم معناته من بكرة بطنشك علشان تدورين علي!!
نجود/ههه حلوة ذي والله انها مابتصير...
/////////////////////////////////////////////////////////
بندر/الراشد ولا الضهران...
جواهر/امممممم بكيفك...
بندر/يالله نروح الراشد من زمان مارحناه؟
جواهر/لالالالاغيرت راي الراشد كله بنات برزهم يتمشون نروح الضهران؟
بندر/هههههه صدق مجنونة..
جواهر/مجنونة مجنونة ولاتطير مني ياعمري!!!
بندر مسك يدها/اللحين قلبي وساكن بقلبك وروحي ومتعلقة في روحك ويديني وماسكة يدينك !!ماتقوليلي شلون بطير عنك ياعمري!!
جواهر/مدري ....
وصلوا الضهران ونزلوا يتمشون..
بندر/لازم تنزلين الاكل اللي اكلتيه وتمشين لين تطلع روحك؟
جواهر/حشى وين الرومنسية راحت!!
بندر/ههه امي دقت علي وقالت لي اوديك تتعشين هناك كاهي مع خواتي يجهزون لك الاكل...عشان كذا بدور راسك رايحين جايين بها المجمع..
جواهر/ياسلام عليك!!
بندر بجنون/اقول جواهر وش رايك مدام المجمع لسه فاضي مو زحمة نسوي سباق انا وانتي!!!
جواهر/تدري انك اذا تكلمت كذا احس اني قاعدة مع اختك هنوف!!!
بندر/ههههههههه
جواهر/اعقل بس اعقل !!قال لي اتسابق معه بالمجمع؟
وقفوا عند كشك يبيع اكسوارات..وقامت تقولب في السلاسل المعروضة..
بندر/ماتعرفون تتمشون بس!!لازم توقفون عند شي؟
جواهر حقرته وقالت للبايع وهي رافعة نوع من السلاسل/في عندك اسم بندر؟
البايع/أي موجود بغيتيه!!
جواهر وهي تناظر في بندر بحب/أي...
البايع/تبين الفضي ولا الذهبي؟
جواهر/فضي..
بندر/ذهبي..
جواهر/لا الفضي احلى؟
بندر/وانا اقول الذهبي احلى؟
البايع/في شكل بيجي نص ذهبي ونص فضي حابين تشوفونه؟
بندر/كذا احسن لالي ولا لك نص نص...
جواهر/أي بس انا ابيها وانا اللي بلبسها؟
بندر/طيب لانشوف...
بندر يكلم البايع/عطيني وحدة فيها اسم جواهر....
جواهر بهمس/وش له التقليد بعد!!لاتقول بتلبسها؟
بندر بنفس الهمس/بدورلي مكان احطها فيه واشوف اسمك قبالي دايم,,,,
و غمز لها بعيونه
///////////////////////////////////////////////////////////في بيت الفارس..
ام مشاري/هلا وغلا بمريومة قلبي شلونك يمه...
مريم/طيبة..
ام مشاري ياجعلك دوم طيبة ومرتاحة ياامي ...وشلون الماما ليش ماجبتيها معك..
مريم/مدري يمكن نايمة....
ام مشاري لفت على مشاري اللي كان ساكت/وش فيك يايمه,,,
مشاري بهدوء مايناسبه ومو متعودين يشوفونه فيه/ولا شي يمه سلامتك.
ام مشاري بشوية قلق/شلون مافيك شي يمه....طيب وينها لمياء ماجت معك؟
مشاري تنهد/تعبانة شوي وقلت اجيب مريومة هنا لاتزعجها..
ام مشاري/خير يمه فيها شي؟
مشاري ناظرها وهو محتاروقال باسى/والله مدري يمه عن اللي فيها...بس صار لها كم يوم ماهي على طبيعتها ابدا واحس ان في شي مضايقها ومكدر خاطرها...
ام مشاري بخوف/شي مثل شنو؟
مشاري بحسرة/بس لو اعرف يمه....كان سويته وريحتها وريحت نفسي بس ساكتة ماهي راضية تتكلم؟؟؟
//////////////////////////////////////////////////
بعد المغرب ركبت هنوف غرفتها تبدل ثيابها علشان تقعد مع بندر وخطيبته اللي جايين بالطريق وفتحت دولابها تطلع لها ثياب وشالت ثوب ناصر اللي كانت ماخذته منه ورقصت فيه ومخبيته بدرج لحاله...
اخذت الثوب وراحت لعندر فراشه وقعدت عليه...كانت تتامل الثوب وكانها تتامل ناصر فيه....
وكل ماتراْت لها صورة ناصر ضمت الثوب لصدرها بقوة وكانها خايفة يروح طيفه عن خيالها وبالهاّّ,,,اه ياناصر اه...اه ياولد عمي الغالي...ياليتك بس تحس بها القلب اللي من وعى على الدنيا وهو مايشوف غيرك...ومايتنفس الا حبك وهواك....عسى ربي يحميك من كل شر وبلية,,,,
خبت الثوب في مكانه مرة ثانية علشان لاتتاخر ولبست ونزلت تستقبل بندر وجواهر اللي كانت ناوية لها على نية....
///////////////////////////////////////////////////////
طلعت ملاك بعد الصلاة بعد ماظلوا طول العصر يسولفون مع بعض....
واول ماطلعت مسكت جوالها وارسلت لفهد اللي كان بالها مشغول عليه(بعدك متضايق)
ماجاها رد لفترة طويلة وحست انه ماراح يرد عليها بس بعد فوق الثلث ساعة عطاها مسج(أي لساتني متضايق)
رسلت له بسرعة(ممكن اكلمك)
ماتدري ليش قاعدة تقحم نفسها بحياته وتركض وراه؟؟؟شي غريب اللي تحسه ناحية فهد...معقولة حب؟؟؟؟وهل صحيح ان الحب مايعترف بعمر محدد!!!!اذا كان صحيح معناته احساسها وشعورها ناحية فهد مية بالمية هي حب,,كانت خايفة من البداية من ها الفكرة بس كل ماسمعت صوت فهد تعلقت فيه اكثر واكثر وحست ان الشخص المناسب عشان تتعايش معه ويتاقلم مع شخصيتها,,,قطع عليها افكارها صوت اتصال فهد ردت بكل لهفة وماقدرت تخفيها/هلا وش لونك اللحين؟..
فهد بتعب/طيب...
نجود باسى/مو مبين!!!!
فهد/اه
نجود/نمت؟
فهد/ريحت شوي...
نجود/تغذيت...اكلت لك شي...
فهد/والله قعدنا على السفرة بس سدوا نفسي عن كل شي..
نجود/لامايصير كذا تعب ومافي اكل ماينفع اضغط على نفسك وطنش كل شي وراك.....
فهد/.............................
نجود/طيب ليش ماتروح المزرعة تغير جو يافهد؟
فهد بتدد/المزرعة!!
نجود بتاييد/أي المزرعة,,,,عندك ها المكان الجناوي اللي يرد الروح وانت حاس نفسك متضايق ومهموم وماتروح!!!
فهد/تصدقين ماجت على بالي رغم اني دايم اروح هناك......
نجود/فهد روح تكفى....
فهد/ليش؟؟
نجود بارتباك/روح ابيك تروح....وتبتعد عن الجو اللي خانقك بالبيت!!!!
////////////////////////////////////////////////////////
مصعب/سلام ياعسل..
فوزية/هلا وغلا..
مصعب/اقول فوزية وش رايك ناخذ لنا فرتين بالسيارة ؟
فوزية/ودي ياقلبي يااخوي بس مااقدر امي مو هنا طلعت وماقدر اترك الجازي بروحها؟
مصعب/اممم بس الجازي مو مشكلة تجي معنا محنا مطولين احنا...
فوزية/رايك كذا!!
مصعب بحماس/أي يالله انا انتظركم بالسيارة.....
////////////////////////////////////////////////////////
علي كان قاعد بروحه وبضيقه بها الشقة اللي يوم ورى الثاني تخنقه اكثر واكثر,,,
حياته كلها جايبة له الهم والغم,,,,
شي واحد بس قاعد يشغل تفكيره اللحين,,لمياء!!!كيف وصت البيت؟؟؟ولمنو كانت جاية؟؟؟أي هذا اللي لازم يعرفه لمنو هي كانت جاية؟؟؟؟اذا عرف ها الشي بيوديه لااول شعرة توصله لمياء من جديد وبيعرف عنها كل اللي يبي يعرفه؟؟بس كيف ابتدي واسالهم....
حيرة والله حيرة...
شيلها من بالك ياعلي تراها وهم وخيال!!قال ها الكلمة وفتح عينه على وسعها وهو يفكر بكلمة وهم وخيال,,معقولة لمياء ماجت البيت!!واللي شفته كان وهم وخيال ولمياء محد!!!معقولة كثر تفكيري خلاني اشوفها بالبيت واكلمها وهي مو موجودة اصلا!!
حس لحظتها بالجنون وصار يفتح عينه ويسكره وهو مو داري بشنو يفكر بالوهم ولا الحقيقة؟؟؟؟
///////////////////////////////////////////////////////
ام بندر/حيا الله امل المستقبل....
جواهر/الله يسلمك ياخالتي..
عبير/واخيرا بنفرح في بندر..
لبنى/وانتي الصادقة بنقدر نمسك عليه شي؟؟
جواهر/ها بتقلبون عليه..ترى ماارضى عليه؟
بندر نفخ ريشه على الاخر وحوط ذراعينه عليها وقال/سمعتوا وراي وحدة ماترضى علي!!
هنوف/بسم الله ليلتين من خطبتوا وصرتي ماترضين عليه!!!يامشاءالله بسرعة يتطور الزمن!!!
بندر ولبنى وجواهر وعبير/ههههههه
ام بندر/وانتي وش عليك ...خلك كذا يمه جواهر ماعليك منها لايهمك شي غير ولدي!!
جواهر/بعيوني ياخالتي ولايهمك لاتوصيني عليه!!
ام بندر/عسى الله يهنيكم ويفتح بينكم ابواب الخير والصلاح..
عبير/امين يارب....
مضاوي/يمه تلفون خالتي ام سعد تبيك
ام بندر/يالله جاية..
وقامت ام بندر وقاموا يسولفون مع بعض وراحت الهنوف ورجعت لعند جواهر وهي حاطة لها صندوق قدامها..
جواهر باندهاش/شنو هذا!!!
هنوف بخبث/افتحيه!!
مسكته جواهر وبندر يردد النظر بينها وبين اخته وهو عارف اخته حق مقالب وشرانية/فتحته وصرخت صرخة ومسكت كتف بندر وتخبت وراه..
جواهر/يمه يمه يمه..
بندر/وش جايبة عساك البلى!!
هنوف/هههه هدية بسيطة....اوه ه ه تذكرت اللحين انك تخافين من الصوص!!عاد تصدقين متعنية ورايحة اشتري لك بس يالله مو مشكلة؟؟؟
جواهر بقهر/الا متعمدة لانك عارفة اني اكرههم من صغري!!
هنوف/ههههههههه
بندر/قومي شيليه لااتوطى في بطنك!!
هنوف وقفت وبيدها الصندوق/زين هههههه
لبنى/وبطريقك جيبي لها كاس موية..
هنوف بفرح/عز الطلب من عيوني والله....
عبير/يتراواللي عارفتها انتي مو توك؟؟
جواهر بابتسامة/متى بتعقل؟؟
لبنى/لا العقل اللي عندها ترحمنا عليه من زمان!!!
هنوف/تفضلي يالغالية..احلى كاسة ماي لعيونك الحلويين ياغالية يازوجة الغالي...
جواهر بشك/مو مصدقة كلامك بس بوطي نفسي لك وبشوف وش اخرتها..
اخذت كاس الماي تشرب وماكان الكاس شفاف وتوها بتقربه من فمها الا دفته بعيد وصرخت بعد وهنوف ماتت ضحك..
جواهر/انتي وش سالفتك معي بالله!!!
بندر/هنوفوا عقلي لاصدقيني بتشوفين؟؟؟
هنوف/ههههه تصدقين هذا الكاس من زمان شاريته من العاب وعجائب وانتظر اني اسوي مقلب في احد بس مو لاقية وجيتي انتي على الطلب وبعز الطلب!!
كان الكاس لعبة وكان فيه موية ومن فوقه اذا تنكس تبان جثة صرصور كبير.....
جواهر/مو قاعدة يابندر صدقني مو قاعدة...
هنوف/ههههههههههههههههههه
لبنى/هنوفوا ووجع ان شاءالله عقلي سديتي نفس البنت عنا !!
هنوف/هههههه
بندر/حطيها على بالك هاذي عمتك وعمة اللي خلفوك بعد!!
هنوف/يعني عمة ابوي بعد!!!طيب اذا هي عمة ابوك كيف تزوجتها بالله!!!
بندر/روحي لاادفنك حية روحي!!!
////////////////////////////////////////////////////
اخذته رجله على المزرعة مثل ماقالت له نجود...بس كيف سمع كلامها وطاعها مايدري!!
حط في باله ان فكرة جيته المزرعة كانت غايبة عن باله واول ماطرت له جا يركض يعني مو لانه تاثر بكلامها وطاعها....
صار يتمشى فيها لين وصل عند البركة وقف بالمكان اللي كانت واقفة فيه اول مرة وتغني,,,,
كان يناظر طيفها وهو مغمض عيونه........نجود..ها البنت اللي فيها شي غريب يشدك لها...معقولة مثل ماقال لك سالم انت تحبها!!!!
فهد...فهد..فهد...
فتح عينه على صوت يناديه وهو متاكد انه جا لحاله لف ولقى طيف نجود واقف..لا هذا مو طيفها بس من كثر ماانت تتخيلها حاس انها موجودة معك..
نجود/فهد شفيك انا هنا ...
فهد بتشكيك/نجود..
نجود/أي انا نجود....معقولة ماانتبهت لي وانا دخلت وراك بالمزرعة!!
فهد/لا...
نجود/يوم كلمتك حسيت انك بتجي سبقتك على هنا وظليت انتظرك تجي ويوم دخلت دخلت وراك.....
فهد اكتفى بانه يناظرها بعدين لف لها وقال بتحدي/ماتخافين تجين هنا بروحك وانتي عارفة اني بكون بروحي!!!
فاجه صوت نجود القوي والواثق/لا..وليش بخاف بس لانيبنت يافهد!!!لعلمك البنت اذا صانت نفسها ماحد يقدر عليها!!!ووقت اللي تبي تكون عن عشرة رجال فيها تكون عن عشرة رجال ومايمنعها أي شي!!
ظل يناظرها وهو يقارن بينها وبين نجلاء في عقله...
نجود حطت الاكياس اللي معاها على الطاولة وقالت له/زين سويت يوم انك جيت هنا...بترتاح راحة نفسية وانت بها المكان...تصدق بالله اني حبيته من اول مرة شفته فيها؟؟؟؟
فهد تنهد وعيونه على المزرعة طول بعرض وهي ترتب بالعشى اللي كانت جايبته معهاوقال بحسرة/تصدقين ان ها المزرعة كانت حلم من احلام طفولتي...كان فعلا عندي حلم اني ابنيلي مكان كذا ويوم بنيته اول من حطمني فيه نجلاء!!تتصورين ان الفكرة كلها ماعجبتها وقالت لي استثمر فلوسك بمشروع بدل ماتجمدها لنا بها المكان اللي منت راضي حتى تاجره وتستفيد منه!!!مافهمت ليش انا ابيه ولا....
كان يتكلم بانفعال ونجود تناظره وفجاءة قطع كلامه وناظر فيها وهي تتابعه بعيونها..
نجود/كمل ليش وقفت انا اسمعك!!!
فهد/..............
نجود سحبت كرسي وقعدت قبال فهد وحطت رجل ورى الثانية وفتحت لامها وقالت له/هي مافهمت اللي يدور براسك ولا ليش انت تبي ها المكان!!مافهمت ان ها المكان ممكن يكون متنفس لكم وقت اللي تحسون بالضيق!!مافهمت ان ها المكان بيكون له سحر خاص بنفسك وانه بيكون بمثابة ملجا لك بكل وقت....على فكرة اسمح لي اهنيك على ذوقك الراقي كل ركن فيه كان يشع بلمسة فنان حساس ومبدع!!!على ماعرفت انت صممت كل جزء فيه واخترت كل ديكوراته والوانه صح ولالا!!!
طنش كلامها النهائي وشدد على كلمة/وانتي كيف فهمتي وعرفتي ونجلاء ماعرفت!!!!
تنهدت نجود وسكتتوفهد قال بارصار/كيف...؟
نجود حطت عينها بعينه وقالت له /تعال تعشى انا جايبة لك عشى خفيف ناكله سوا وندردش..
فهد باصرار/مو قبل مااعرف كيف عرفتيّ!!!!
نجود بتنهيدة/في ناس تعيش العمر بقربهم سنين وماتحس بش من اللي داخلهم !!وفي ناس تعرفهم بس يومين وتحس بكل اللي يحاولون يخفونه!!
فهد بحذر/وش تقصدين؟؟
نجود بتنهيدة/اللي انت حاس فيه يافهد!!!
//////////////////////////////////////////////
في شقة مشاري كان بغرفة مريم ينيمها واول مانامت على خير تنفس وكان شال هم عن باله ووقف بيروح غرفتهم ولقى لمياء واقفة..
مشاري ابتسم وقال لها بمرح/لاتخافين قدرت اجتاز اليوم على خير...
لمياء بشرود/يعطيك العافية..
مشاري/مسك يدينها وطلعها لبرى الغرفة لايروح تعبه بلاش وتقعد مريم اللي ماصدق انها تنام..
مشاري/اجيب لك شي تاكلينه!!!
لمياء/لا...
مشاري/بس ماكلتي شي ياحبي اليوم ابدا!!
لمياء/معليش مني بجوعانة يامشاري...
مشاري/حبيبي ودي اعرف بس اللي مضيق خلقك ومتعبك كذا وصدقيني بريحك وبسوي اللي يريحك!!
لمياء/متاكد بتسوي اللي يريحني!!!
مشاري تقرب منها/وانتي عندك شك فيها يالقبي!!
لمياء بترجي/يعني اذا طلبت منك طلب ماراح تقولي لا وتردني؟
مشاري مسك كتفها/طبعا لا اذا كان ها الشي بيريحك ,,,تعرفين بالدنيا عندي راحتك ياعمري ...
لمياء بتردد/مشاري ابي انزل بكرة الشرقية عند اهلي..
مشاري/..........
لمياء/ها شقلت,,,
مشاري/لمياء اهلك فيهم شي؟
لمياء/لا..انا ابي اروح هناك واذا جا يوم الاربعاء تعال لنا عادي مثل كل اسبوع..
مشاري/طي بليش؟ليش تبين تتركيني وتروحين؟
لمياء بترجي/مخنوقة من جو الرياض ابي اروح الشرقية وبعدها نرد يوم الجمعة....قول تم يامشاري تكفى......
//////////////////////////////////
نجود صدت بعيونها عن عيونه اللي حست انها تتفرسهاوقالت له وهي تحاول تخفي ارتباكها وتوترها/يالله لايبرد الاكل ترى انا جايبته مخصوص علشانك؟
فهد بنبرة متعالية وفيها شوية احتقار/انا ماطلبت منك تجيبينه؟؟عندي طباخ لو اشتهيت شي بخليه يسويه وعندي سايق بيجيبلي كل اللي اامره فيه؟؟؟
نجود رفعت عيونها وهي مستغربة لهجته بس كل شي ولا احد يتحداها قالت له بقوة/وليش تكلمني بذي الطريقة؟؟؟
فهد/ولاشي..هذا اسلوبي..
نجود/طيب وينها نجلاء عنك ؟؟مو انت تعبان !!ما المفروض انك تكون بين ذراعنها وتحتويك؟؟؟وينها!!!!
ظلوا يناظرون بعض ثواني وهو حاس بقهر وبغصة وانها قاعدة تتشمت بس بنفس الوقت حس انه جرح كبرياءها لان نظراته تبدلت مرة وحدة...
وقفت وقالت بلهجة امرة /ياليت تاكل العشى وماتنام بجوعك مايصح تنام بجوعك بيسبب لك قرحة بالمعدة بعدين!!اي هذا عصير ليمون بالنعناع اشربه انا مسويته لك بنفسي هذا يهدي الاعصاب بس موتشربه وتنام!!اشربه وامشي شوي....
صار يناظر بطيفها وسرابها اللي مشى وتركه بروحه...
كان يبيها تكون موجودة بس كلمة منه هدت كل شي...
يوم شافها ارتاح وحس انه قاعد يسولف بطبيعته بس ليش تركها تتضايق وتروح!!
معقولة نجود ها الجبل الصامد ينهز!!!بس ابتسم وهو يتذكر كيف كان شكلها بعد مازعلت احلى بكثير من وهي فرحانة ياليت تظل زعلانة على طول كذا !!فيها شي يجنن وهي زعلانة..شي مو طبيعي ابدا!!
////////////////////////////////////////////////
كان يلف فيهم الشوارع بحجة يمشيهم وهو متعمد يجي الشارع اللي ساكنة فيه نجود..وقربوا من مكان سكنهم..
مصعب مسوي روحه طبيعي/انا جيت هنا مع محمد من قبل جايبين غذى لو عشى ماني ذاكر بالله بس الاكيد اني جيت؟
فوزية/وين؟
مصعب /هنا بعمارة الفصول الاربعة على مااعتقد؟
فوزية/أي...هنا نجود تسكن.
الجازي فزت من وراهم/ابلة نجود السبيعي!!
فوزية/أي...تسكن هنا...
الجازي/احلفي!!
فوزية/وليش احلف..
مصعب/ليش هي من وين علشان تسكن هنا مو من الرياض؟
فوزية/لا من الشرقية..من الدمام....ز
مصعب/اممم
فوزية/بس ذوق ها البنت ....
الجازي/ذوق وبس!!كل صرخة تعطينا اياها بالفصل تنشف عروقنا منها!!بس الحمد الله علاقتي فيها كويسة ومابينا ها الاشياء..
مصعب تبسم من كلمة الجازي(وقال في نفسه هاذي وش سالفتها على اهل الرياض بس تصارخ وتنشف دمنا بعروقنا ههه)
//////////////////////////////////////////////

 
 

 

عرض البوم صور بياض الصبح   رد مع اقتباس
قديم 19-08-10, 06:37 AM   المشاركة رقم: 15
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

--- البارت العشرين---
,,,,,,,,,,,,,,,,,,,,,,,,,,,,
رجعت شقتها وهي متضايقة حييييييييل من ها الفهد جعله البلاء ان شاءالله!!!!اوووووف ماابي ادعي عليه يكفي همه وضيقته بس ليش ينرفزني كذا!!!!
هذا انتي يانجود طول عمرك كذا ثقل على الناس اللي يبونك واللي يمثل فهد وعلي انتي تركضين وراهم!!!!
بدلت ثيابها ودخلت فراشها وصورة فهد وهو يتكلم بانفعال عن نجلاء والمزرعة ماهي مفارقتها اه يافهد اه...مو بس انت التعبان غيرك بعد تعبانة وهي تفكر فيك وفي حياتك...وعارفة ان هاذي اكبر مصيبة بتسويها بحياتها بتفكيرها فيك يافهد بس شتسوي ها الشي مو بيدها ها الشي قلبها سيره عليها!!!!حاولت تغمض عيونها وتنام علشان تقعد بكرة مصحصحة بس بدون أي فايدة...تقلبت يمين وشمال وكل ماقلبت بجهة كانت صورة فهد تنقلب معاها...
لين قطع عليها صوت مسج جايها وفتحته بسرعة لعل وعسى يكون من ها الفهد القاسي وابتسمت يوم قرته,,,,,,
//////////////////////////////////////
بالشرقية كان الجو اكثر من روعة وخصوصا في بيت السبيعي قاموا من العشى وهم سوالف وضحك ووناسة وراحوا عند التلفزيون....
مضاوي/وين راحت هنوف هانم!!!!
جواهر/لاتطرينها اللحين تجينا!!
عبير/ههههههه عقدتك بحياتك!!
جواهر/ماقصرت فيني ها البنت توني اول يوم وطلعت عيوني!!
بندر/افا ماتطلع عيونك وانا موجود ياقلبي!!
جواهر/عسى قلبك سالم يابعد طوايفي..
لبنى/احم احم احنا قاعدين بلا قلة حيا علينا!!!
بندر /عنادا فيك هاذي بوسة لااحلى عروس بالعالم...وتقرب من جواهر وباسها..
لبنى/ماتستحي انت!!طالع على اختك هنيف!!
جواهر/لا عاد ماارضاها وش جاب لجاب ياقلبي!!تشبهين ها القمر بذيك المجنونة......
عبير/هههه لاعاد ترى مثل مابندر اخوي هنوف اختي بعد وماارضى عليها مو شايفينها اخر العنقود غرتوا منها!!
مضاوي/وش نغار منها فيه واللي يسلمك بس ياعبير.....
هنوف طبعا قبل العشاء شالت نقصة حق حبيب القلب خوب عارفته مايهمه الا بطنه بس راحت وماشافته واللحين يوم قاموا من العشى سرقت نفسها من جديد وراحت والحمد الله ان الشغالة قالت ان ام ناصر راحت مع ابو علي السوبر ماركت مع نورة..
هنوف/طيب وناصر وين؟
الشغالة/يشاهد تلفزيون.....
هنوف/طيب..
الشغالة/جيبي انا يدخا صحن عنك..
هنوف/ها....فشلة مااعطيك اياهم مو!!رغم اني كنت بشوفه بس يالله وديهم...
ناصر/يابنت العالم والناس منو عند الباب...
هنوف بصوت عالي/بنت القبايل ....اللي حظها دوم مايل!!!!
ناصر/ههههههههههههه
هنوف/عساك السعادة على ها الضحكة؟
ناصر/هههههه ان شاءالله الله يسمع منك...وش بغيتي؟
هنوف/دازة لك عشى مسويينه بالبيت..
ناصر فز من مكانه/احلفي...قولس قسم....
ولف شاف الصينينة عند الشغالة/يابعد عمري يابنت عمي عسى عيني ماتبكيك ان شاءالله...حياك تفضلي تعشي معي!!
قلبها يبي يقعد بس قالت له بمرح ولسانها مو مطاوعها/عليك بالعافية بندر وخطيبته يتعشون عندنا ومايصير اعد هنا وهم هناك..
ناصر صار قبال الصينية اللي عند الشغا لة وهو يفتح بالصحون وقال لها/أي تيسري الله معك مدام العشى صار بوسط البيت روحي لاتقعدين وتضيقين علي هههههههه
//////////////////////////////////////////////////
مشاري/يعني روحتك الشرقية بتريحك؟
لمياء/أي..
مشاري/طيب مافيني افهمك ولو جزء بسيط من مشكلتك؟
لمياء بنرفزة/ماعندي أي مشكلة يامشاري السالفة ومافيها اني متضايقة منكم وابي ابعد شوي..
مشاري بذهول/منكم!!!!منا احنا!!!
توهقت بروحها وماعرفت شتقول طول عمرها علاقتها قوية معه ومايهزها أي شي وحتى اهله طيبين معاها وماشافت منهم الا كل خير بس شلون ترقعها هاذي..
مشاري باصرار/متضايقة منا احنا يالمياء!!
لمياء بخجل وماهي قادرة تواجهه/مو منكم وتفهمها انك انت يامشاري....انا اقصد عمتك اللي كل ماشافتني رمت علي كلمة من هنا ولا من هنا؟
مشاري تنهد لانه عارف عمته ام مصعب وانها مو متقبلة وجود لمياء بينهم وقال لها بحنان/مايكفيك مشاري ورضاه عنك..
لمياء ماتدري شلون طلعت معها ها الكلمة بس زين ان ها الشي فعلا صار علشان تقدر تتحجج فيه وماحست بدموعها اللي انزلوا وقالت بضيق/وانت على بالك انا مااتضايق واحس يامشاري!!!مو معناته اني اظل ساكتة يعني راضية ومتقبلة!!
مشاري ضمها لصدره بحنان/خلاص ..خلاص لاتبكين....
لمياء/...............................
مشاري/بكرة لك مني اخذ اجازة ونطلع نغير جو بالمكان اللي تبينه بالرياض ولو ماعجبك اخليك تروحين عند اهلك الشرقية طيب...
/////////////////////////////////////////////////////////
جاها مسج قبل لاتنام وقرته وابتسمت وكان من فهد ها الانسان المغرور المتبجح اللي نوت تشيله من بالها(شكرا,,,حضورك خفف عني كثير والعصير روق لي اعصابي,,)
بس رغم ارتياحها بالمسج حست بغصة كانت واقفة بحلقها من تعامله الزفت معاها !!!!
بس رجحت ها المعاملة لها لانها هي السبب وهي اللي ركضت وراه؟؟؟ورمت بحالها عليه ؟؟
غمضت عيونها بقوة وهي حاسة دمعتها ومقررة تشيل صورة فهد من بالها نهائيا!!!!!!
///////////////////////////////////////////////////////////////كانوا قاعدين قدام التلفزيون بندر وخطيبته وخواته وامه تسوي لهم القهوة والشاي بنفسها لحلى بعد العشى...(خوب صباحي الجو عندهم ذولا)
هنوف كانت توها داخلة وجت من ورى الكنبة اللي كانوا فيها بندر وجواهر وتقربت من اذن جواهر وصرخت بقوة وقامت تضحك وطبعا جواهر تجمدت مكانها من الفزع اللي فيها..
عبير/حسبي الله عليك منت ادمية ابدا!!
هنوف/هههههه
جواهر تناظر ببندر/الشره موعليك ياهنوف على اللي مو قادر ياخذ لي حقي منك!!
بندر/افا بس لايكون انا المقصود؟؟
لبنى/ههه عاد افهمها يافهيم!!
هنوف تخصرت/لا تحاولين طول عمرنا علاقتنا بالبيت كويسة ومبنية على روابط واسس!!!وش يقدر يسوي ان شاءالله!!!
بندر وقف وشال شماغه ومسك وشال عقاله وقال لها بهدوء/ولاشي بس بيجرب هذا كيف يلعب عليك!!!
هنوف/لالالالالا تكفى بندر الله يخليك كنت امزج وبس!!!!!!!!
وانطلقت تسابق الريح وبندر يراكض وراها كانه بزر حاله من حالها....
عبير/جواهر حرام عليك بنترحم عليها اللحين؟
جواهر بثقة/وانتي مصدقة بيضربها!!!مو بندر اللي يمد يده انا اعرفه..
لبنى بخبث/من متى تعرفينه خوب اخونا مو اخوك!!!
جواهر/هههههه
رجع بندر وقعد جنبها وتلقته بالاحضان/يابعد عمري اكيد دوخت لك راسك ها البزر مو؟
بندر/هههه ياويلها ان وطت عندك؟
مضاوي/الخوف مو اللحين يابندر الخوف اذا رجعت جدة وش بنسوي...
جواهر/الا صدق متى بتنتهي دورتك لجدة وبترجع هنا!!
بندر وهو يناظر بالتلفزيون ومسوي انه ماسمع سؤالها/وش تناظرون انتوا!!!حطوا لنا شي حلو مو حاطين اخبار!!!احد يشاهد اخبار بها العالم قتل ومات وانجرح!!!!
هنوف بضحكة من ورى الكنبة/ههههه هذا الفلم المميز لعبير اختك ..انها تشاهد الاخبار خخخخخ
عبير/ظريفة حضرة جنابك.....
جواهر كانت ماسكة الريموت وتغير بين القنوات/وش تبون نشاهد...
لبنى/فلم..مسرحية...اغنية هههه
هنوف/هههه قديمة ولاجديدة هههه
بندر/بنات بمنتهى السخافة!!
هنوف/ان شاءالله مرتك مو من البنات!!
جواهر/بلى بس مو من السخيفين هههههه
بندر/ههههههه
وش رايكم في هاذي الاغنية.....
كانوا حاطين اغنية انت بحري وانا اليم,,,
يقولون اللي يقولون..
انا بحبك متيم ..
خل الحساد يموتون..
ان زعل انا اسامح..
وان خطا انا اصالح..
في شي ماتعرفونه..
اني احبه بجنون...
جواهر وقفت ومسكت يد بندر وقامت تتمايل معه وهو مايبي له شي ويدفر قام بالرقص ومسكت يد عبير ومضاوي ومعهم وهنوف تجي بدون ماحد يعزمها اما لبنى راحت طيران لغرفتها تجيب الكاميرا وتصورهم ..
كانت تناظر الفرحة والحب والرضا بوجه بندر وجواهر وتناظر شبح الابتسامة اللي بوجه عبير وتقارن عبير وبندر..زواحد اختار سعادته والله يدومها عليه ان شاءالله والثانية موتها صاير ببطء شديد وبدون ماحد يحس فيها!!
جلست تتنهد وهي تصوروهم وتذكرت حالها وحال عبد العزيز واستحالة انهم ياخذون بعض بيوم من الايام!!!وتنهدت بقوة وكانت بتبكي بس وجود اخوها بينهم منعها كلها كم يوم ويرجع يغيب ويفتقدون قعدته معهم ومدامه فرحان بمرته ملزومين يشاركونه ها الفرحة ,,,,,
///////////////////////////////////////////////
في بيت العطا الله ..
فوزية صعدت تبدل وتنام عشان الدوام وبما ان الجازي طول العصر نايمة فلليل سهر ووناسة والكتاب مفتوح بحجة المذاكرة..
مصعب مسوي انه لامبالي/اجل نجود دايم تصارخ عليكم!!
الجازي/عصبية موووت ها الانسانة...مدري وش فيها بالله!!!
مصعب/يمكن انتوا مجانين وتضايقونها؟؟
الجازي/من اول مرة دخلت علينا فيها وهي كذا واسلوبها كذا!!
مصعب/طيب وخارج البيت مو هي على اساس صاحبة منال وزارتهم ببيت خالي!!
الجازي/هي بالطابع العام انسانة ذويقة ومثقفة بس شخصيتها كذا قوية وتنهاب....
مصعب شرد بافكاره مع اللي شافها بجرير ومع العيون اللي سحرته/طيب حلو الشخصية تكون قوية وماتنهاب مو ضعيفة ولا شرايك انتي!!
الجازي/بالنسبة لي اشوف ان الشخصية متوافقة معها جدا ومايناسبها تكون ضعيفة لان حتى بملامح وجها في حدة مرسومة فيها ومايناسبها الطيب ابدا!!!
مصعب/طيب امي شقالت يوم شافتها راقت لها ولالا؟
الجازي/امي سمعت عنها بس لكن ماشافتها!!
مصعب/امممم
الجازي/بس بالنهاية قالت شكلكم عاطينها فوق حجمها الطبيعي!!!
شرد من جديد مع افكاره...حتى لو جمع عنها أي معلومة من هنا لو من هنا تظل مشكلة امه واقفة له بالطريق!!
امه مايعجبها العجب وهو يبي يرضيها مو يزعلها!!!شيسوي بس بنفسه وبها النجود اللي معذبته لازم يشوف حل ويكلمها...بس اذا كلمها وماعجبت امه بالنهاية بيكون علق نفسه على الفاضي!!!!
معناته لازم امه تشوفها بالاول وبعدين يفكر ويقرر اذا كان بيشوفها ولالا؟
////////////////////////////////////////////
في غرفة بندر...
جواهر/خلاص يالله بقوم اروح بيتنا نعست صارت الساعة ثنتين!!!
بندر/ان شاءالله مليون قاعدين ومروقين وش ورانا!!
جواهر بنعس/انت مانعست!!!
بندر/بلى بس شوفتك تطير النوم والرقاد من عيني!!
جواهر ابتسمت له/معناته لازم اقوم واروح بيتنا علشان لااكون سبب في حرمانك من النوم؟؟؟
بندر/وليش ماتنيمني بالاول وبعدها تروحين!!!
جواهر /وانا معك اذا نيمتك!!!يالله بعدين بخاف اطلع بروحي في الشارع!!!
بندر/ومن قال بتطلعين ياقلبي انا بوصلك
جواهر/الباب بالباب وبتوصلني بعد!!
بندر/طبعا علشان اتطمن عليك بنفسي..
جواهر/يابعد عمري ياحبيبي.....وفتحت شنطتها وطلعت السلسال اللي فيه اسمه...
جواهر/وش سويت بسالسال يابندر؟
بندر/حطيته بالسيارة علشان مايفارقني اسمك ابدا!!!
جواهر عطته السلسال ولفت له وعطته ضهرها وقرفعت شعرها وقالت لبسني اياه بنفسك..
تقرب بندر منها واخذ السالسال بيلبسها اياه
جواهر بهمس/بيظل معلق علي طول الوقت واذا يوم مر وماشفته علي تاكد اني مو جواهر واني مت وان الهوا اللي كنت اتنفسه خنقني!!طول ماهو موجود على صدري بيرافقني وبيحمل حبك معي!!1
ضمها بقوة وهو يلبسها وقال لها باذنها بهمس/احبك وبظل احبك لااخر نفس بحياتي...
جواهر وهي مغمضة عينها/وانا اعشق ترابك يابندر...اعشق حتى التراب اللي انت تمشي عليه وتدوسه برجلك!!!
//////////////////////////////////////////////////////////فهد بروحه بها الليلة النوم جافاه....
كان يمشي بالمزرعة لها الوقت المتاخر من الليل وهو مو عارف شيبي ولا شيسوي اصلا!!!
كان ينتظر نجلاء تتصل فيه تسال وينه فيه وهو عارف انها اكيد للحين مارجعت من سهرتها واذا جت مابتكلف على حالها تسال الا بكرة اذا شافته وتذكرتّّ!!!
شي غريب فعلا ظل معها خمس عشرة سنة وهم متناقضين بكل شي بالاول ماتحمل وكان يكلمها عن كل كبيرة وصغيرة وكانت بالايام الاولى تحاول تصلح بس بعد كم يوم ترجع لعوايدها....
لين فتح له مكتبه الخاص وانشغل بعمله لفترة اطول واخذته فرصة وابتعدوا عن بعض اكثر..
صحيح مابينهم مشاكل وهواش مثل الناس الباقية وعلاقتهم مبنية على احترام كل واحد للثاني...بس فهد كان ناقصه شي...كان ناقصه اهتمام من نوع ثاني,,,اهتمام باطني مو ظاهري!!!مو مجرد السؤال العادي هذا اللي كان ينتظره لا!!!كان يبي وحدة تقعد معه تفهمه قبل لايتكلم...تعطيه اكثر من ماتاخذ منه!!!!
كان يبي يتكلم ويتكلم ويتكلم وتظل تسمعه باهتمام وتتجاوب معه تمام مثل ماسوت نجود اليوم وسمعته !!
نجود اه منك يانجود...وش اللي جابك لحياتي وانا بها العمر!!ورى ماجيتيني وانا اصغر شوي قبل لايطلع ها الشيب براسي...كنت بحبك مثل مايقول سالم عن شعوري تجاهك اللحين!!اي كنت بحبك وبدخلك حياتي بس اللحين لا...بظلمك وبظلم نفسي!!
توك بالعشرين والحياة قدامك ماابي اربط مصيرك بمصيري وانا حياتي انتهت خلاص,,,,
كان يتذكر كلماتها له(هي مافهمت اللي يدور براسك ولا ليش انت تبي ها المكان!!مافهمت ان ها المكان ممكن يكون متنفس لكم وقت اللي تحسون بالضيق!!مافهمت ان ها المكان بيكون له سحر خاص بنفسك وانه بيكون بمثابة ملجا لك بكل وقت....على فكرة اسمح لي اهنيك على ذوقك الراقي كل ركن فيه كان يشع بلمسة فنان حساس ومبدع!!!على ماعرفت انت صممت كل جزء فيه واخترت كل ديكوراته والوانه صح ولالا!!!)
تنهد من قلب ..شلون فهمته بس بدون مايكلمها؟؟؟وش معنى كلامها يوم قالت له ان في ناس تفهمها حتى لو ماعشت معهم غير يومين وناس لو تعيش العمر كله معهم مابتعرفهم!!!وش اللي هي حاسة فيه وتبي توصله لي ياترى!!!!وش قاعد يدور براسك يانجود بس!!!
وينك ياسالم شاغل لي بالك بالزواج وتدور لي عن بنت تناسبك وتاركني بهمي وانت خابرني اذا ضاقت فيني الدنيا اتعب ومقدر اشكي لااي احد غيرك!!!
//////////////////////////////////////////////////////////////////اليوم الثاني
قعدت نجود بعد محاولات عديدة لها البارحة بالنوم بدون فايدة ..كانت كل ماتنام شوي تلاقي صورة فهد معها....وين ماقلبت نفسها.....
قامت وهي شبه متكسرة بس كانت لازم تقاوم لبست ونزلت للسايق وراحت المدرسة وكان مكتبها ملايان حلويات اشكال والوان وبمجرد شوفتها له عرفت انه من ملاك......
ها البنت فيها شي ووراها حكاية امس كانت تتكلم معي وكانها طفلة بعمر عشر سنين!!!
كانت عفوية ودللاها حلو على القلب بس مدري ليش احس ان عندها شي تبي تخفيه وتهرب منه!!!!
يالله شلت فهد من بالي ياملاك وبحطك انتي اتسلى فيك واعرف وش عندك لين تنتهي السنة وارد لشرقيتنا اللي واجد هواها احلى من جو الرياض اللي يخنق!!!!
//////////////////////////////////////////////////////////في القرعاوي مول..
كان مشاي مع لمياء اللي شوي شاردة وشوي معه
كان مشاي مع لمياء اللي شوي شاردة وشوي معه يتمشون مثل ماوعدها واخذ الاجازة وطلع يغير لها جوها وتلاقوا مع ام مصعب ووحدة من صديقاتها الجخ...
صديقتها/مشاري..مشاءالله صرت شبه ابوك..شلونك؟
مشاري/احم..الحمد الله..عمتي شلونك..
ام مصعب بنفخة وهي تناظر بلمياء/طيبة...ماتشتغل اليوم؟
مشاري/ماخذ اجازة وقلنا نغير روتينا شوي...
ام مصعب/مريم نايمة كان تركتوها مع الشغالة بدل ماتخربون نظام البنت!!
لمياء/انا مااحب اتركها مع احد..
ام مصعب/عدال يابنت العبد الله!!!الا قولي مو متعودة يكون وراك احد يسال عنك وعن عيالك ويدير باله عليهم!!!
صديقتها/هاذي زوجة مشاري؟
مشوا وهي تتكلم بصوت عالي وبطريقة مستفزة تبين انها مو معجبة بلمياء/أي هاذي زوجة مشاري ياعيني عليه ها المسكين!!والله لو انا امه مارضيت ياخذها وزوجته اللي تناسبه وتناسبنا وترفع راسنا!!اللحين الفشلة اذا احد ساله من خوال عيالك شيقول لهم بس!!
صديقتها/يتزوج عليها ويفك عمره كل شي ولا سمعتكم عاد!!!!!
لمياء بحدة/هاذي الطلعة اللي بتغير لي مزاجي ونفسيتي فيها!!!!شكرا وصلت هديتك على الاخر!!
مشاري بارتبك/لمياء انا مالي شغل...انا ..
مشت لمياء بدون ماتلتفت عليه وهو دف العربة اللي نايمة فيها مريم ومشى وراها...
كانت تمشي وهي تحس ان دموعها بتخنقها وبتعميها ..تعودت من زمان على اسلوب ام مصعب معها من تزوجوا للحين صار لهم فوق الثلاث سنوات وهي يوم تزعل ويوم ترضى بس نفسيتها اليوم اصلا قالبة ودمها محروق وتبي الزلة من مين ماكان علشان تروح الشرقية وجاها كلام ام مصعب بعز الطلب ..اللحين يامشاري مالك أي عذر بانك ماتوافق!!!
قالتها وبنفس الوقت وقفت مكانها وقامت تبكي فعلا كلام ام مصعب اليوم بكاها لانها كانت بوضع حساس!!!!!
مشاري مسك كتفها علشان يطلعون ويتفاهمون بالسايرة وانتبه على دموعها اللي بعينها وحس بالغصة...فعلا حس بان لمياء متضايقة من الجو اللي هنا ولازم تقعد عند اهلها شوي لانه اذا ماتركها تروح بيظلمها؟؟؟
///////////////////////////////////////////////////////
في مطعم دارين بالدمام..
بندر/لي عندك طلب..
جواهر/طلب لو شرط!!حدد؟
بندر/هههه بصراحة شرط مو طلب...
جواهر/لا..مو قلنا مافي شروط!!!
بندر يتمسكن/ولاعلشان بندر حبيبي قلبك وعمرك!!
جواهر بنعومة/قول كسرت خاطري!!
بندر/يابعد عمري ها المزيونة اللي بسرعة ينكسر خاطرها..
جواهر/واللي انت مستغل ها النقطة فيها ودايم تكسر خاطرها!!
بندر/افا انا!!
جواهر/ماقلت لي متى بتنتهي من دورتك بجدة!!
بندر يحاور ويناور علشان يغير الموضوع/يعني ماتبيني اتشرط واطلب تقومين تغيرين الموضوع!!
جواهر بصدق/والله موقصدي!!!يالله قول انا اسمعك....
بندر/اللحين غرفة النوم وش حاطة في بالك يكون لونها!!!
جواهر بسرعة/بنفسجية..
بندر باعتراض/لا انا ابيها بنية!!
جواهر/لا مو بكيفك!!!اذا هذا طلبك فمرفوض!!!
بندر/خليني اقولك ليش بنية طيب وبعدها قرري..وصدقيني بتوافقين!!
جواهر/وانت على بالك علشان احبك كل شي بوافق عليه!!لايابابا كل السزلنج قبل لايبرد ترى مو حلو اذا برد !!
بندر باعتراض/عمري..
جواهر/كل يالله كل ولاعاد تعارض كلامي مرة ثانية بنفسجية يعني بنفسجية!!!
/////////////////////////////////////////////////
في الفصل..
كانت ريحة البخور مالية الفصل كله وتذكرت نجود انها امس قايلة لملاك انها ماتستغني لاعن البخور ولاعن دلة القهوة بيوم من ايامها وملاك مايحتاج تحت التنفيذ طبعا...
نجود/مذاكرين الدرس القديم كويس؟
ملاك بثقة وفرح/ومحضرين الدرس الجديد بعد!!!
نجود رفعت عيونها لها/مشاءالله!!من متى ملاك تحضر دروسها!!
ملاك/احم احم..من اليوم...
نجود/طيب قومي ياشاطرة اشرحي الدرس انتي!!!
ملاك/لامايصير...
نجود/قومي يالله تعالي هنا....
ملاك بتردد/لا مايصير اخذ مكانك؟
نجود راحت مكان ملاك وبعدت الطاولة وسندتها للجدار وقعدت عليها../يالله روحي اشرحي لنا الدرس!!!!
نور/بجد ملاك اللي بتشرح الدرس اليوم ابلة نجود!!
نجود باصرار/واعتبروه مشروح..
وقفت ملاك مكان نجود عند السبورة ونجود كانت قاعدة على طاولتها باخر الفصل وقالت لهم/على فكرة انا اليوم ماكنت محضرة شي وقلت بخليها حصة فراغ وتصحيح دفاتر بس ملاك حضرت الدرس مايصير مانستغلها وهي نادرا ماتحضر!!!
/////////////////////////////////////////////////////////
في شقة مشاري ولمياء..
مشاري/خل نطلع نتغذى؟
لمياء/عمتك سدت نفسي!!وتسالني بعد من شنو انا متضايقة يامشاري وكانك مو داري!!
مشاري بتنهيدة/انا اسف ياقلبي...بس والله مالي ذنب بكلامها؟
لمياء بزعل/انا عارفة انك مالك ذنب بس انا مضغوطة حييل وانت مو مقدرني؟؟؟
مشاري حط كتفه على كتفه وقربها منه/صدقيني حاس فيك والله حاس فيك!!!بس انتي قلتيلي بتتعودين وماراح يهمك شي؟؟
لمياء بعصبية/وماتعودت !!!وضارني ها الشي زين!!!مشاري والله تعبانة ومو قادرة افكر بشي اصلا!!!
مشاري بحنان/معليش ياقلبي معليش انا معك للنهاية وماراح اتركك صدقيني!!!يكفيك اني ابيك ...يكفيك ولالا؟
لمياء/خليني برتاح شوي!!
مشاري/مايصير تنامين بدون ماتاكلين شي!!يكفي امس ماكلتي شي؟
لمياء/الليلة بطلع مع رحاب نتعشى برى انا متفقة معها من يوم الثلاثاء ان احنا نطلع نتعشى....
مشاري/ماتبين شي..
لمياء /لا...
مشاري غطاها وباس جبينها وطلع لبنته وبس سكر الباب نزلوا دموعها حاريين على وجنتها لمخدتها...
ماتدري وش اللي صاير فيها ولا ليش انقلبت كذا فجاْة!!!
معقولة شوفة الحبيب الاولي تسوي فيها كذا!!!
عمرها ماتوقعت تشوفه ولاحطت في بالها ها الشي!!
اصلا هي يوم تقدم لها مشاري وافقت بسرعة لانها مقتنعة ان العلاقات اللي عن طريق التلفون ماتكمل بالزواج !!وللحين مقتنعة فيها!!بس شوفة علي ودموعه وحزنه قلبوا لها كل شي..
اربع سنين تقريبا ماشافته من جت مع مشاري الرياض ويوم شافته تغيرت احاسيسها مرة وحدة!!
بس كيف تعرف أي شي عنه....وشنو الشعرة اللي بتوصلها له,,,نجود!!ومافي غير نجود..هي شافته يوم راحت تسلمها ثوب جواهر اللي استلمته هي بعدها لان نجود نزلت بالطائرة وماكان خلص وجابت هي معها يوم جت بعدين...
شافت علي في بيت نجود.....
لازم تدق اليوم على نجود وتعزمها تطلع تتعشى معهم هي ورحاب وتحاول تتقصى أي خبر عن علي!!!
////////////////////////////////////////////////////
وقت الفسحة...
الجازي/ماتلاحظين ان نجود بدت تغير معاملتها لملاك!!
الجازي بغرور/طبيعي بترمي لها كم ريال بوجهها مثل ماتسوي مع البالقين!!
مروة/لا مو صحيح نجود مو كذا اصلا منال دايم تقول انها تتكلم عنها وماتهاب شي ولاتخاف من احد!!
الجازي/وملاك حضرتها مخففة دمها على الاخر ومسوية انها طيوبة وبريئة وهي ياما تحت السواهي دواهي!!
مروة/وش علينا منها....
***مزنة/ملاك وين بتروحين!!
ملاك كانت واقفة/بروح اتطمن نجود فطرت ولا بعد!!
مزنة/سارة تبي تتمشى معك شقولها!!
ملاك/قولي لها ملاك مشغولة,,ولا اقولك تمشي معها انتي مو فاضية لها وانا عندي القمر نجود,,
///////////////////////////////////////////////////
العصر في بيت السبيعي....
هنوف بتدخل بيت عمها وناصر كان طالع وهو لابس نظارة شمسية ونافخ الكشخة ومسوي روحه هيبة ولابس تي شيرت وجينز ...
هنوف/مشاءالله الله يحفظ لك شبابك!!
ناصر/..........
هنوف/ناصر ..وش فيك ليش ماترد علي!!
ناصر/........
هنوف/انا مزعلتك بشي؟؟؟قالتها بخوف؟
ناصر شال النظارة من على عينه وقال بطريقة جادة ماتناسبه/خير ان شاالله...
هنوف/........
ناصر/معك توم كروز السبيعي بغيتي شي!!!!
هنوف/ههههههه طيحت قلبي الله ياخذك؟
ناصر/اقولها توم كروز السبيعي تقول طيحت قلبي ّّ!!صدق ماعندك ادراك للامور؟
هنوف/عدال ياتوم كروز السبيعي لايطيحون عليك البنات من يشوفونك بالشارع!!
ناصر وقف وكانه انتبه/صدق ذكرتيني!!!اللحين شسوي اذا طلعت الشارع وماتوا علي البنات وانهبلوا!!!
هنوف بجدية/صدق مشكلة؟؟كيف بتواجهها اللحين ياتوم كروز؟
ناصر/والله مدري يابنت العم!!بس بحاول اصير طيرازن واطير لو حاولوا يلحقوني!!
هنوف/هههههه
ناصر/هههه سلام ياحلوة..
طلع وتركها تبتسم لطيفه وهي تذكر الله عليه وتتمنى يحفظه ويوفقه بكل خطوة يخطيها وقبل لاتدخل بيت عمها انتبهت لعبير طالعة...غريبة هاذي ثاني مرة اشوفها طالعة ها الاسبوع بها الوقت بالذات وبعد مايطلع علي!!!ياترى وين تروح وهي ماعندها صديقات ولااحد تزوره؟؟؟ولاتجي وفي يدها اكياس من السوق؟؟؟غريب امرك ياعبير بس انا لازم اعرف وش وراك!!!
////////////////////////////////////////////////////
اتصلت لمياء على نجود تعزمها واتفقوا هي تمرهم علشان بالمرة تسال عن ام مشاري اللي دايم توصل لها سلام مع منال..
وبعد صلاة العشاء كانت في بيت الفارس....
ام مشاري/وليش زاحمة ومكلفة على نفسك عاد يانجود!!
نجود/ولافيها كلافة ولاشي ياخالتي شي بسيط كنت ماخذته لك من الشرقية وقلت اجي واسلم عليك بالمرة...
ام مشاري/تسلمي ياقلبي..دخلي شربي معي فنجان قهوة وبعدها امشوا...
رحاب/شلونك نجود..
نجود/هلا وغلا...
مابعد ولدتي!!
رحاب/ههه انتظر الفرج....
نجود/ههه الله يسهل ان شاءالله....
منال/تاخرت؟
نجود/تطلعينها مني لاني الصبح اتاخر عليكم مو!!
منال/بيوحشنا تاخرك على فكرة!!
ام مشاري/ليش؟؟
منال/خلاص بعد يومين وبتصير تروح وتجي مع سايقها بتكون كملت الشهر مع بو عبدالله..احمد/ماما بروح معك..
رحاب/ماما وش قلت لك انا
نجود/خليه يجي ..تصدقين من زمان خبري بطلعات البزارين!!!
ام مشاري/مو قلتي علي اخوك متزوج!!
بها اللحظة كانت لمياء داخلة وعندها بنتها ووقفت يوم سمعت ...علي اخو نجود!!معقولة وانا ماكنت ادري!!
نجود/أي الله يهدي سره مع مرته ان شاءالله ..صار لهم فوق الثلاث سنين من تزوجوا للحين بس الله كريم ويغير لهم حالهم..
رحاب/الله كريم..
لمياء حاولت تكون طبيعية ودخلت وسلمت
نجود/ولو اني عتابنة بس معليش بعديها..
ام مشاري/لا صدق يانجود صار لها كم يوم ومشاري يقول انها تعبانة!!
لمياء/شفتي صدقتيني اللحين!!عمتي اليوم غذاكم سمك مشوي؟؟
ام مشاري/لاتقولين ريحة بيتنا فيها؟
منال/عاد اذا قالت تكذب!!!مافي البيت ريحة؟
لمياء/ههه عمتي تخاف من ها الشي واللي يبي يضايقها يقول لها ريحة بيتكم سمك مشوي؟
ام مشاري/لا فعلا السمك المشوي ماتروح ريحته بسرعة رغم انه ينشوي بالمطبخ الخارجي بس ريحته تعلق بالبيت
منال/أي بس يمه يناكل داخل يعني الريحة تدخل تدخل....
نجود/شوفي خالتي لابغيتي تطيرين ريحة السمك المشوي مالك الا تاخذين سكر وتحمصينه بمقلاة كانك بتسوين كراميل واذا قرب يتحمر ويصير لونه بني بتطلع ريحته ارفعيه عن النار ودوريه بالبيت كله وبعدها اعلقي البخور ماراح تشمين غير ريحة البخور بتثت لك مية بالمية...
ام مشاري/شورك وهداية الله نجربها بعد يومين اذا سوينا السمك....
نجود/عاد اعزميني خالتي على السمك والله نفسي فيه ههههه
ام مشاري/حياك ياقلبي البيت بيتك باي وقت والله لو تجين كل يوم وتتغذين مع منال ..
نجود/لا ياخالتي امزح معك....
رحاب/ولو البيت بيتك يانجود
نجود/تسلمين....

لمياء بتوتر/يالله طلعنا...خالتي تعالي معنا؟
ام مشاري/لايمه روحوا انتوا وانبسطوا..
نجود/تعالي انبسطي معنا ياخالتي!!
ام مشاري/لاي مه انا مقدر اطلع وابو عيالي بيجي اللحين بشوفه وش يبي وش ناقصه بعدين الطلعة لاحقة عليها!!
نجود غمزت بعينها لمنال/يابختك يابو مشاري ههه
البنات/هههههههههه
طلعوا وكانت لمى واقفة مع ابوها عند بركة السباحة ودق قلب نجود وفهد لف للجهة الثانية بعد ماشافها لانها كانت كاشفة وجهها..
نجود(لاياربي لا,,ماابي اضعف كل ماشفته قبالي!!!انا شلتك من بالي يافهد خلاص ماعاد ابيك!!!لاتحاول تهزني من جديد؟؟)
فهد(وش اللي طرى لك يافهد ؟؟وش اللي قلب افكارك كذا كل ماشفتها لو سمعت طاريها!!!خليها تروح من فكرك ولاتشغل افكارك فيها اكثر من كذا!!!خلاص يافهد خلاص نجود ماتناسبك خلها تعيش حياتها وتقبل انت حياتك حتى لو ماكنت راضي!!)
لمى/مرحبا..
لمياء/اهلين فيك...شلونك بوفيصل؟
فهد بقوة/هلا ...حياك...
مجرد صوته بس يغير لها شعورها ويبدل كيانها ويخليها تعيش بعالم ثاني......
قالت بصوت راجف/شلونك بو فيصل؟
وقف قلبه يوم نطقتها وكان وده يبتسم بوجهها بشماتة ..هاذي انتي نطقتيها وقلتي بوفيصل يانجود!!وين تحديك ذاك اليوم وينه!!
قال لها باقتضاب وبدون مايلف عليها/بخير..
لمى/بتطلعون؟
منال/أي..ليش وين امك واختك؟
لمى/طلعت امي مع سارة السوق واخذوا فيصل وسارة مارضت اروح معهم..
رحاب/ياعمري وقعدتي مع ابوك طيب ليش ماجيتي قعدتي معنا!!
لمى ببراْة/قعدت مع البابا لانه قاعد بروحه؟؟
منال/ههه اوه ه حنونة حنونة بنت عمي ..الله يهنيك فيها يابو فيصل!!
اكتفى بانه يلف جهتهم بس بدون مايرد..
لمياء/طيب روحي لبسي وتعالي معنا عازمينك احنا على العشى!!!
لمى بتردد وهي تناظر في ابوها/مايصير لازم ...
منال/عمي معليش تجي معنا!!!
فهد بصرامة/لا...
وراها بكرة مدرسة..
نجود بنفس القوة وكانها تتحداه وتبي رده/معليش يابو لمى محنا متاخرين بنتعشى بس وبنرد احنا بعد ورانا دوام من الصبح ومو ناوين نسهر!!خلها تجي !!
ناظرها وهو مرتبك حييل وعارف انها ماقالت الا علشان تتحداه بس مايدري ليش حس بالضعف لحظتها وقال لها/اذا تبين تروحين يابابا روحي بس انتبهي على نفسك وقعدي مع بنات عمك لاتتركينهم!!!
ناظرته بانتصار وكانها نست اللي هي ناوية عليه واللي مقررة تسويه...
طلعوا السيارة وهي مرتبكة من نظراته اللي مافهمتها ولاتدري وش كان يقصد فيها!!بس تنهدت يوم شافت بنته ..لمى نعومة حييل وهو متعلق فيها مثل ماقالت منال ....هادئة جدا وكانها التضاد لسارة اختها!!!!
////////////////////////////////////////////

---البارت الواحد والعشرين---
////////////////////////////////////////////////

نظراتها كانت مركزة على لمى وبس...
حتى وهي تسولف مع رحاب ومنال كانت عيونها عليها ....
زين يافهد زين شغلت لي بالي وفكري وحرمتني من الرقاد!!!ومسوي روحك مو مهتم لي !!!!
قلت لك انا افهم الواحد من عيونه!!!وعارفة وش اللي بعيونك يافهد بس صبرك علي,,,انت بتجيني برجلك ,,,,,,
////////////////////////////////////////////////
علي دخل الشقة ومالقى عبير..
غريبة وين راحت هاذي...بالعادة حتى اذا بتروح بيت اهلها تعطيني خبر!!!!
ولا ماخذة الطلعة وناسة لها من وراي وانا غايب عن البيت!!!!
طيب لاننتظر ونشوف نهايتها معك ياعبير...
خليني منك اللحين وخليني اشوف وش نهايتها مع لمياء....
وتنهد وهو يذكر شكل بنتها واللي حاط في باله انها المفروض تكون بنته!!!!!
بس لوتزوجنا يالمياء وماتركتيني كان حياتنا بتكون غير ,,كل شي بينا بيكون غير.....بس شقول الله يسامحك على هجرانك لي وصدك ونكرانك....
بعتيني ونسيتي الحب وتزوجتي وعشتي حياتك,,,ليش تظلمها ياعلي يمكن انها متعذبة معه ولا ماهي مرتاحة مثلك وعيشتها تشبه عيشتك بالهم والغم!!!اسمع منها اول وبعدين قرر وش بتسوي واذا كان لك حق تلومها ولالا؟؟؟؟
///////////////////////////////////////////////////////
رحاب لكزت منال وهم يتعشون وهم يناظرون بلمياء اللي كانت سرحانة ومو معهم..
منال بهمس/مشاري طول الامس يتشكى ..
نجود بنفس الهمس/خير صاير لها شي؟
رحاب/والله مدري..مشاري يقول من يوم الاربعاء يوم يروحون الشرقية وهي مقلوبة فوق تحت!!!
نجود/طيب يمكن اهلها فيهم شي؟؟
منال/المشكلة انه يقول ان اهلها سالوه شفيها!!!يعني هم كانوا مستغربين من سرحانها وضيقها وتعبها!!!
نجود اكتفت بانها تناظرها وماتزيد تعليقاتها وتتلفت للمى اللي كانت تشرب شوربتها بهدوء شديد..
نجود وهي سرحانة بلمى/ماتشبه اختها بالتصرفات ابدا!!!
منال/اممم لمى هادئة حييل وحبوبة ..وسارة تسبب لنا رعب بتصرفاتها الطايشة!!!!
رحاب بمرح/جربتيها يانجود ماله داعي نشرح لك؟؟
نجود بقوة/أي ....
//////////////////////////////////////
ناصروهيا يتمشون على البحر....
ناصر/احم احم..
هيا/عيش ولحم ووجع ان شاءالله!!!!!
ناصر/قولي قسم عجبتني تصدقين هههه عيش ولحم بس خربتيها بها الوجع!!!
هيا/يامظرفك والله؟؟؟
ناصر/تدرين اللي يسوي فيك جميل انتي ونجود غلطان!!!
هيا/لاتجيب طاري القمر بشين لو سمحت!!!لاتترحم على نفسك؟
ناصر/وانا الصادق ..وانا اقول مسكينة اختي خلني اقوم اطلعها تتمشى حاسها مخنوقة بس المشتكى لله منكم يالبنات!!!
هيا/لاتعليق!!!
ناصر/تصدقين انك ثقيلة دم!!!يعني انا بعد غبي لو جايب نورة تتمشى معي مو ابرك!!اقلها اختي من امي وابوي!!!!
هيا/وليش ماجبتها معك ان شاءالله!!!
ناصر/وراها مرسة ومو حق سهر..
هيا/وانت من متى تسهر ياعيوني!!!خبري فيك ياتاكل يابالدوام ياتوصل امك لو خالتك لو مرة عمك مكان !!هاذي حياتك انت!!
ناصر بخجل/أي بس لازم اعود نفسي على السهر..
هيا باحتقار/وليش ان شاءالله!!!
ناصر بخجل اكثر/تعرفين بخطب بعدين وكذا..
هيا/محق وجهك وجه خطوبة وسهر!!!
ناصر/شسوي اشوف بندر مايرد من بيت مرته الا الفجر غرت منه قلت لازم انا بعد اتعود من اللحين اسهر علشان مااخطب الا وانا جاهز ومستعد للسهر مثله!!!!
هيا/الحمد الله والشكر يعني السالفة تقليد بتقليد!!!!صير مثل علي يسهر بروحه ويطلع بروحه لايدري عنها ولاتدري عنه!!!
ناصر تنهد وسكت....
هيا/ناصر شفيك؟
ناصر /اخوك مضيق خلقي ياهيا!!
هيا بهدوء/مضيق خلقنا كلنا!!!!امي ليل نهار تدعي له الله يصلح حاله!!!تصدق يمكن صار له فوق الشهر مامر على ابوي وسلم عليه!!وعادي عنده؟؟
ناصر/كنا متهاوشين انا معه قبل اسبوعين على ها الشالفة وسالفة بنت عمه بس صدقيني ياهيا حرمت احط لساني بلسانه تصوري انه فهمني غلط!!!
هيا/ساعات احسه مو منا وفينا!!مو متربي بنفس البيت اللي ربينا فيه كلنا ولاعاش معنا حياتنا!!!مدري ليش هو غير عنا رغم ان ابونا واحد وامنا وحدة وكلنا تربينا سوى!!!!
ناصر تنهد وناظر بالبحر بدون مايعلق بشي.....
//////////////////////////////////////////////////////////نجلاء/شقاعد تسوي قبال البركة الجو بارد؟؟
فهد بصرامة/خايفة علي من البرد؟؟؟
نجلاء/منت صغير علشان اخاف عليك!!!بس مجرد سؤال؟؟؟وش اللي مقعدك هنا وتارك الباب مفتوح بيختر ب نظام التدفئة داخل والباب مفتوح يافهد الله يهداك!!!
فهد بعصبية/يعني نظام التدفئة اهم عندك مني!!!!!
نجلاء/انت ليش كل كلمة تاخذها بعصبية وماتتحمل شي ابدا!!!
فهد/معليش بس ضغط العمل شوي منرفزني!!
نجلاء/لايافهد احنا مااتفقنا كذا!!!ضغط العمل بالعمل لاتخلط امور شغلك في بيتك؟؟؟حنا لنا حق عليك نبي نشوف وجهك باسم ورايق مو
عليك نبي نشوف وجهك باسم ورايق مو متضايق!!!!
فهد/نامت سارة؟
نجلاء/اكيد انا قايلة لها تبدل وتدخل تنام!!!
فهد/نجلاء....سارة...
نجلاء/وش فيها!!!
فهد/يري بالك عليها...كلميها,, قعدي معها,,
افهميها ...
نجلاء/ليش ان شاءالله شايفها مجنونة؟؟
فهد/سارة بسن خطير وتحتاج متابعة ايمة منك يانجلاء .....
نجلاء/انت وش عليك منها بس يافهد!!!طالما انك عارف انها بسن خطير وبسن مراهقة خلاص مالك شغل فيها هاذي بنت مو ولد؟؟؟
فهد/انتي ماتشوفين علاقتها بللي حوالينها شلون!!بنات عمها تشوفين شلون تكلمهم!!!!
نجلاء/بعد بنات اخوك منافقين مثل ماقالت اختك ام مصعب!!!
فهد/ياسلاااام اللحين بنات اخوي منافقين وانتي اربع وعشرين ساعة معهم!!!
نجلاء/مضطرة اروح مو معي بالبيت لازم اروح ....
فهد بحدة/طيب خلي بنات اخوي وغيرتك منهم!!انتي شايفة علاقتها بلمى شلون؟؟؟؟؟هاذي بعد اختها على مااعتقد؟؟؟؟
نجلاء/لانك عاطي لمى اهتمام اكثر منها فطبيعي جدا انها تغار منها!!
فهد بعصبية/قلت لك مليون مرة انا عيالي كلهم واحد عندي!!!!!بس تصرفاتك انتي وسارة معها تدفعني اعوضها اكثر..اخذي مثلا اليوم شلون تروحين مع سارة وفيصل وتتركون لمى بروحها ؟؟؟لان سارة قالت مانبيها!!
نجلاء/فعلا سارة قالت مانبيها وانا ماابيها يكرهون بعض اكثر علشان كذا مااخذتها معنا!!!!
فهد بشماتة/خوش منطق هذا اللي عليك!!!!
نجلاء/فكنا واللي يعافيك كاهي من زمان راحت عليها نومة ولاتدري بالدنيا اللي حوالينها!!!
فهد بحدة/لمى ماهي هنا يانجلاء طلعت مع منال ورحاب تتعشى معهم...اللي على قولتك منافقين!!!!
////////////////////////////////////////////////////////////بعد التمشية والسهر والرقص والفل قعدوا يودعون بعض لان بندر بكرة رايح جدة...
اخذهم التعب وغفوا وهم حاضنين بعض بغرفة جواهر...
دق تلفون بندر وماحسوا عليه بالاول...
رجع دق مرة ثانية ونتبه بندر له وشاف الرقم وعطى بيزي ورجع لحضنها بالمرة الثالثة رفعت جواهر راسها بعد ماصحت من غفوتها..
جواهر بنعس/بندر من على تلفونك؟؟
بندر بقلق/ها..لاتشيلين هم واحد من الربع المغثة!!
جواهر/طيب رد عليه ازعجنا الله يهداه!!
بندر/شسوي فيه بس...مايدري اني خاطب وها اللحظات ثمينة عندي الا يخربها علي!!!!
رجع صاح التلفون من جديد..
جواهر/طيب قوله انا مشغول ولاقفل جوالك!!!
بندر ضمها اكثر ويبي يلهيها عن التلفون/الحقران يقطع المصران ياقلبي!!
جواهر بجدية/صحيح بندر متى بتنتهي دورتك على جدة!!
بندر/وش رايك نقوم نطلع نتمشى شوي على البحر بها الجو الحلو!!!!!
جواهر قعدت على فراشها وصارت قبال بندر وقالت له بقوة/ماتلاجظ انك تتهرب من الاجابة على ها السؤال كل ماجيت اسالك اياه؟؟؟
بندر بارتباك بس عرف يتجاوزه/وانتي ياقلبي ماتبين مفاجاْت ابدا!!ماابي اقولك ابيك دفعة وحدة تشوفيني قاعد بصدرك!!!
جواهر/بندر..
بندر/ياعيون بندر انتي...عمر ي مانبي شي من العالم الليلةليلتنا انا وانتي وبس!!!!ولاانتي ناسية اني بكرة رايح وتاركك!!!
جواهر تنهدت/هذا اللي مضيق خلقي اني بشوفك بعدين بالاسبوع مرتين بس!!!
/////////////////////////////////////////
رجعت نجود لمياء على شقتها بعد مااخذت لمياء من نجو د بوعد قريب لزيارتها وتجديد العلاقة معها...
نزلوا منال اللي كانت حاملة احمد اللي نام عليهم ورحاب ولمى ووقفت معهم عند الباب وكان فهد بسيارته قاعد ينتظرها تشرف ودخلوا بيتهم بعد السلام ورجعت بتركب سيارتها ولقته واقف قدامها...
فهد بعصبية/مو على اساس انكم ماراح تتاخرون؟
نجود مسوية انها مو هامها شي/ماتاخرنا!!1وان تاخرنا كم الساعة اللحين يعني توها عشر وربع!!!
فهد/أي بس البنت عليها دوام!!!!
نجود/لك عندي شي!!!!!
فهد سكت وقام يناظرها...
نجود/منت خايف احد يشوفك واقف معي يافهد!!!!
فهد/وان كان طالعة من بيتي وابي اسال عن بنتي وين الغلط!!!!
نجود/متاكد بس تسال عن بنتك!!!
فهد باحتقار/ليش ان شاءالله وش عنه بسال!!!
نجود بدلع/اسال عيونك ياقلبي لانها قاعدة تقول حكي ثاني!!!!!
فهد/ومنهي انتي اصلا علشان ....ولااقولك انتي اصلا وحدة فاهمة السالفة كلها غلط وماصدقتي اني اعطيك وجه واسايرك؟؟؟؟
نجود بعصبية/لاتعطي نفسك اكبر من حجمك يافهد لانك ماتعنيلي شي!!!!
قالتها بحدة وركبت سيارتها ومشت وهي تفكيرها كله مقلوب فوق تحت؟؟؟؟
وهو بعد دخل لبيته بدون مايمر على بنات اخوه بس لقى لمى واقفة تنتظره...
لمى/بابا انا اسفة لاني تاخرت؟؟؟
فهد/معليش بابا مو منك التاخير روحي بدلي ثيابك ونامي تاخرتي عن موعد نومك يالله يابابا؟؟؟
لمى/احمد قام يبكي يبي يروح الالعاب وطلعنا على المول علشان يلعب حمود ...شوف شخذت لي خالتي نجود؟
فهد بتشكيك/منهي؟؟؟
لمى بفرح/خالتي نجود شوف شرت لي بيجاما حلوة بروح البسها اللحين.....
///////////////////////////////////////////////////////////اخر الليل في بيت السبيعي...
بندر/والله وحشتني قعداتكم يابنات؟
لبنى/طيب متى بترد الشرقية؟
بندر/يعني مو عارف بالضبط كم بس قريب...
مضاوي/غريبة بالعادة الشركة يقولون للي يودونه دورة كم تستغرق دورته؟؟؟
بندر/هو صاير فيها تغير كثير ولخبطة ..ماعلينا انتوا شلونكم...
لبنى/بخير....
بندر/سمعت قبل فترة متقدم لك واحد..
لبنى اكتفت بانها تتنهد بهدوء وتسكت رغم ان قلبها متقطع..
بندر/انا مدري ذولا الناس على أي اساس يجون يخطبون ؟؟يعني انت عارف نفسك ولد منو وجاي تخطب منو؟؟مستواك ومستوى اللي جاي تخطبها!!!!غريبين حييل ها الناس....بس محد يعرف لهم الا بو بندر؟
لبنى بعصبية/ليش بالله اذا كان الواحد ميسور الحال يابندر حرام انه يتزوج!!!
بندر/ماقلنا حرام بس يتزوج وحدة تناسبه مو يناظر فوقه!!!لانه اذا ناظر فوق اكيد بيوقع؟؟؟؟
لبنى/مو معك انا بها النظرية يابندر!!!كلنا عبيد الله وكلنا مصيرنا تراب ياخوي!!!!
بندر/بعد فضلنا بعضكم على بعض درجات!!!
لبنى باصرار/مو بالفلوس والغنى والثروة!!!!
بندر/انتي وش عليه مزعلة نفسك!!!!!لايكون بس كنت تبين ها الحافي المنتفّّّ!!!
كانت بتتهور وتجاوب وتقول أي ابيه واللي مايعجبه بكيفه مو قادرة اخبي شعوري اكثر من كذا بس دخول هنوف عليهم قاعدة من النوم وضحكوا على شكلها وهي كشتها منكوشة وعيونها نعسانة وشوي وتصدم بالجدار من كثر ماتفرك بعينها..
هنوف بصوت نايم/وش مقعدكم لها الحزة ان شاءالله!!!!!
بندر/بسم الله علينا من شكلك اخر الليل!!!
مضاوي/صراحة انا تخرعت من شكلك وجتني ردة فعل وبقوم انام!!!!
تصبحون على خير..
هنوف قعدت بعد ماطلعت مضاوي/خير ان شاءالله وش فيها هاذي!!
لبنى/ماتنلام صراحة غارت من شكلك وقالت تروح تنام
بندر/ههههههه
هنوف/انت اسكت لااجي ادوس ببطنك كم زين بنت الهاجري عاد!!!!
بندر رمى عليها قوطي البيبسي اللي كان جنبه وتعورت,,
هنوف/أي..
بندر/عشان تتكلمين عدل ها المرة!!!!
هنوف/وانا شقلت عاد......زين انتوا شتقولون؟
بندر/ولاشي نلعب بنت ولد شفوي مثل ايام قبل ونختبر ذاكرتنا!!!
هنوف/معكم يالله!!
لبنى/انتي قاعدة من النوم فيك ذاكرة تفكرين بعد!!!
هنوف/أي...
بندر بخبث /يالله حرف الباء...
لبنى،ستوب..
بندر/ستوب....يالله البنت والولد//لبنى/بندر...بدرية..
بندر/بدر...بسمة..
هنوف/برتقال وبرتقالة..
لبنى/بذمتك في احد بالعالم اسمه برتقال وفي بنت اسممها برتقالة؟؟
هنوف./عادي....
بندر/طيب الطعام....انا بريد
لبنى/بيبسي...
هنوف/برتقال..
بندر/لاحول..كل شي برتقال وين عايشين؟؟
هنوف/ها تبون تغلطوني ان شاءالله!!!!
بندر/طيب الجماد..انا بطة مالت العيال الصغار اللي يسبحون معها...
لبنى/ههههههه انا بطريق لعبة..
هنوف/انا اغنية البرتقالة..
بندر بنرفزة/انا قايل ممن بدايتها انك سكرانة!!بس الغلط عندي يوم اني قاعد معكم وتارك حبيبة القلب...
لبنى/توك خوش رجال وسوالف اقعد بس اقعد جواهر اكيد نامت وراها مدرسة بكرة؟؟
بندر بضحكة/نامت اصحيها وش وراي!!!
لبنى/لاتصير نذل عاد وتخرب نومتها انا لو منها اعطيك كف واطردك برى الغرفة لو تسويها فيني!!
بندر بخبث اكبر/مو مشكلة ولايصير خاطرها الاطيب مابنصحيها ننام معها مرة وحدة!!
هنوف/انا بعدني قاعدة ماتحركت خوب تعرفوني ماافهم شي ولاشي واستحي من ظلي!!!
/////////////////////////////////////////////////////
اليوم الثاني بالمطار.....
فهد/حمد الله على سلامتك ولو اني المفروض مااقولها لك انت كل يومين ورايح دبي!!
سالم/هههه قايل لك تعالي معي وغير جو منت راضي؟
فهد/مو مجنون اترك بيتي وعيالي واروح هناك!!
سالم بخبث/أي عاد اذا القلب متعلق بالرياض وش يوديك دبي؟؟؟شلونها؟؟؟
فهد اكتفى بانه يتنهد ويطالع بجهة وحدة قاعدة تنتظر دورها وبيدها كوب قهوة..
سالم/خير؟؟مني هاذي؟؟؟؟
فهد/..............نجود؟
سالم/نجود!!!هاذي نجود؟؟؟وش تسوي هنا!!!
فهد/انت ناسي ان القمة بتصير بالرياض والمدارس هنا عاطينهم اجازة...بترجع الشرقية طبعا!!
سالم/عدل علشان كذا انت جايني المطار؟؟؟وانا اقول ليش مكلف على عمرك وجايني للمطار اتراي السالفة فيها نجود؟؟؟؟
فهد................
سالم/صارحها يافهد؟
فهد/شصارحها فيه عاد!!
سالم/انت تحبها يافهد...لاتقعد توهم بنفسك ...صارحها وريحها وارتاح!!!
فهد بعصبية/مستحيل ياسالم مستحيل؟؟؟
/////////////////////////////////////////////////
المغرب في بيت السبيعي.....
كانت نجود رايحة شقة عبير بتسال عنها وبتشوف علي مرة وحدة وقبل لاتدخل نادتها الهنوف اللي كانت توها جاية وواقفة وراها..
نجود/هلا...
هنوف/شلونك..
نجود/بخير....
هنوف بتردد/كنت بقولك شي..
نجود/شنو؟
هنوف../عبير...
نجود/عبير شفيها؟
هنوف/صار لي كم يوم ملاحظتها تطلع يانجود؟
نجود/طيب وين الغلط؟؟؟وش يعني اذا طلعت؟؟؟
هنوف/السؤال اللي المفروض تسالينه وين تروح عبير؟؟؟
نجود/وليش اسال عاد...بتطلع مع زوجها وب..
قاطعتها هنوف/المشكلة انها تروح لمكان مااتوقع ان علي عنده خبر عنه!!!
نجود بحدة/شلون يعني؟
جاهم صوت علي من باب شقته قوي ووقفهم مكانهم/قوليها يابنت السبيعي قوليها,,,قولي ان اختك خاينة وماتستاهل اسمي؟؟؟
هنوف بعصبية/انت اخر واحد تتكلم عن اختي لو سمحت اختي اشرف من الشرف نفسه و...جاها كف من علي طير لثامها ووقفها مكانها مهزوزة,,,,
مرت ثواني ظلوا فيها ساكتين بس قطع عليهم صوت صراخ ناصر اللي من شاف علي يضرب هنوف تدخل بالسالفة
ناصر بعصبية/انت ماتستحي وتمد يدك على بنت عمك عادي!!!!!!
علي/وانت وش يخصك بالموضوع؟؟؟
ناصر/شلون مايخصني وهاذي بنت عمي بحسبة اختي!!!!
علي/الزم مكانك ياناصر ولاتدخل نفسك بشي مايخصك.....
هنوف ببكي/اصلا انا كنت ناوية اقولك يانجود اني اشوف عبير تروح المستشفى كل يوم بس ليش ماقدر اعرف ها الشي......
عبير اللي كانت واقفة ورى الباب من بعد ماسمعت صوت صراخ علي وجت تستكشف الموضوع اغمي عليها وطاحت على الارض وتكسرت علبة الشموع اللي كانت حاملتها ولف علي يشوف اللي صار,,,,,
////////////////////////////////////////////////
بالمستشفى...
نجود بعصبية/زين كذا كاهي مرتك تعبانة؟؟
علي/وش تبيني اسوي يعني؟
نجود/شوف انا جايبة هنوف معنا علشان محد يدري ان مرتك طاحت علينا بس ابي منك تفسير للي فيها؟؟
علي/انا اصلا مدري وش سالفتها انتبهت انها تطلع بالاوقات اللي انا مو فيها بس وين تروح وليش ماادري....
نجود/ولاراح تدري بعد!!!!
انا بروح اشوف وش سالفتها وانت خلك هنا ياحظي؟؟؟؟
علي/اووووووف من وين طلعت لي سالفتها بعد!!!!
//////////////////////////////////////////////////////////////////////////////////////////////////////////////////////////////////////جواهر/وش فيها عبير يانجود؟
نجود/والله مدري وش اقولك ياجواهر..
جواهر/خير....
نجود/جواهر تعبانة نفسيا...صار لها فترة تتعالج عن دكتور نفسي..
جواهر/دكتور نفسي!!!!!
نجود/أي...اللي بينها وبين علي فوق طاقتها وانتي عارفة عبير ماعندها احد تتكلم معه وتشكي له همها ...الله يسامحك ياعلي.....بس في شي انا مافهمته من كلام الكتور وبروح شقتها يمكن اشوف شي يفهمني الموضوع!!
جواهر/شي مثل شنو؟
/////////////////////////////////////////////

---البارت الثاني والعشرين---
/////////////////////////////////////////////////////

,,,,,,,,,,,,,,,,,,,,,,,,,,,,,جواهر/انا مو فاهمة وش تقصدين بكلامك يانجود؟
نجود/مدري ياجواهر بس من خلال كلامي مع الدكتور يقول انها عايشة حالة انهيار عصبي....
جواهر باسى/طيب من متى وليش!!!
نجود/على كلامه يقول انها من اسبوعين بس ابتدت تجي لعنده العيادة بشكل شبه يومي يعني لها خمس جلسات بالاسبوع....
جواهر/طيب والاسباب...؟
نجود/هو يقول ان علاقتها بعلي فاشلة ومنهارة تماما ومالها أي اصلاح خصوصا ان علي مو متقبل اصلا فكرة العلاج النفسي...
جواهر/يعني علي عارف انها تتعلاج وساكت!!!
نجود/لا هي لمحت له بالموضوع وهو ثار اول ماسمع مجرد التلميح...رغم ان الدكتور كان حاب يلتقي معه علشان يسهل علاجها.....
جواهر/طيب هي بتطلع الليلة من المستشفى ولا بتقعد ولاشنو الوضع!!!
نجود/والله مدري شلي بيصير ياجواهر بروحي تعبانة وكان بودي ارجع اليوم وارتاح!!!
جواهر/اول مايصير عندك شي دقي علي خبريني انا انتظرك.....
/////////////////////////////////////////////////////
سارة/بابا احنا اجازة وش رايك نطلع نتمشى لنا يومين..
فهد/وين تبون تروحون يابابا؟
فيصل/المزرعة من زمان مارحنا قعدنا فيها..
نجلاء/واللي يعافيك يافيصل مادورت غير المزرعة تروحونها!!اصلا الجو بارد ومو حق سباحة طول الوقت ولا قعدة بمكان مفتوح!!!!
لمى/انت وين تبي نروح يابابا؟
فهد/بكيفكم بابا انتوا اتفقوا على مكان وانا بشوف....
لمى/بيت عمي وين بيروحون؟
نجلاء/بيت عمك بيروحون الشرقية يبون يروحون الجبيل ,,
لمى/ليش مانروح معهم,,,
نجلاء/لامانبي نروح معهم!!!
فيصل/سارة وين تبين نروح؟
سارة/مدري مو حاطة في بالي مكان محدد بس مليت من الاماكن المعتادة اسبوعيا بالرياض!!!
لمى/نروح جدة يعني؟؟
دق التلفون وردت سارة..
سارة بدون نفس/نعم...
ام مصعب/الله بينعم علينا وعليك ان شاءالله!!
سارة/هلا عمتي....
ام مصعب/هلا...
سارة/.........
ام مصعب/صعبة تسالين عن الاحوال والاخبار ولاثقيلة!!!!!
سارة عطت السماعة امها/عمتي ام مصعب....
/////////////////////////////////////////////////////////
رحاب/لا منال والله ماودي...
منال/رحوبة خله وش عليك منه...انتي يادوب تشيلين نفسك خله معنا وش بيسوي عاد!!!
رحاب/لو كنت بروح معكم معليه بس لاني بقعد ابو احمد بينزل اللية ان شاءالله ماابي اشغلكم..
مروة/وليه تشغلينه عاد!!اصلا بيظل مع مريم معظم الوقت بالالعاب !!
منال/وبعدين انتي تعرفين امي وابوي يحبونه حييل ومايستغنون عنه..
مروة/أي..
منال/لو مايبونه ماقالوا لك جيبيه معنا واحنا روحتنا بجيتنا يومين!!!
رحاب/والله مدري......
//////////////////////////////////////////////////////////////في بيت السبيعي...
ابو علي/وماقال شفيها؟
ام علي بهدوء/قال تعبانة شوي وبترتاح الليلة بالمستشفى وبكرة بيرخصونها....
ابو علي/معها احد ولا بس ولدك المزيون؟
ام علي/لا معها نجود بس نجود بترد اللحين ...
ابو علي/تتوقعين حامل!!!
ام علي بتنهيدة حارة ودمعتها على طرف عينها وتتكلم بحسرة/الله يسمع منك يارجال!!ان شاءالله ..ان شاءالله...نذر علي لاصار علي ابو لا..
ابو علي قاطعها/خلاص ياام علي خلاص...الله كريم الله يعطيه ويهدي سره ويصلحه .....
كان يتكلم بحسرة...صار لهم فترة متقاطعين وعلي مو مهتم اصلا وماكانه مقاطع ابوه!!!!
///////////////////////////////////////////
في سيارة ناصر....
كان ناصر قاعد قدام وهنوف وراه علطول وهي تبكي...وينتظرون نجود اللي كانت جاية معهم ونزلت مع عبير ومايدرون متى بترجع....
ناصر بهدوء/هنوف....
هنوف/.........
ناصر/انا اسف....
هنوف بصوت متقطع/على الصفعة اللي جاتك من علي؟؟؟؟
هنوف/وانت شيخصك ياناصر؟؟؟
ناصر تنهد/اخوي ولازم اشيل عنه شوي من حمله وذنبه!!
هنوف/لا ياناصر لا....انت اصلا مامنك اثنين لو نلف العالم كله!!!
ناصر/خلاص هنوف والله قطعتي قلبي !!مااحب اشوفك تبكين؟؟؟
هنوف بفرح عيال صغارممزوج بدموع/بجد!!ماتحب تششوف دموعي!!
ناصر/أي وقسم بالله!!انا ماتعودت عليك الا تضحكين وتسولفين وتسوين مقلب في هذا وهذا؟؟ماتوقعت اشوفك مرة تبكين كذا!!!
هنوف/خلاص علشانك ماراح ابكي...
ناصر بمرح/عفية على الشاطرة اللحين باخذ لك حلاوة من البقالة؟
هنوف ضحكت وهي بعدها تبكي.....
ناصر/ها خلاص طاح الحطب يابنت عمي!!
هنوف/عسى الله مايحرمنا منك ياناصر....ناصر/احم احم احم..كم مرة بقولك توم كروز السبيعي؟
هنوف/هههه ...أي نسيت...
///////////////////////////////////////////////////
في شقة علي..
علي/انتي اللحين وش تبين؟
نجود بتحدي/ابي اعرف وش اللي بينكم؟؟؟كيف علاقتكم ماشية؟؟؟
علي/نعم؟؟؟
نجود/اللي سمعته؟
علي باصرار/هاذي اسرار زوجية؟؟
نجود/ولاتنسى بعد ان ها الاسرار الزوجية مرقدة مرتك بالمستشفى وكاهي بحالة انهيار وتتعالج عند دكتور نفسي!!!
علي/هذا من غبائها وقلة تفكيرها!!!ليش تروح عند دكتور نفسي؟؟؟اكيد مجنونة؟؟
نجود/يعني ماحد يزور الدكتور النفسي الا المجانين؟؟؟وش ها التفكير بالله!!!!
علي/مافي غير ها المنطق عندي تبينه ولاكيفك!!!
نجود مشت عنه وصارت تتجول بالشقة وعاطية علي اللي يناظرها بغضب لانها رفعت صوتها بوجهه وحقرته ومشت اكبر طاف!!!!
وصلت للمكتبة واللي دايم تشوف عبير قاعدة فيها وقبال الكمبيوتر......
دورت بين الاوراق والمجلات اللي هناك مالقت شي ملفت حتى بغرفة النوم دورت يمكن ان عبير تاركة دفتر مذكرات بس مالقت شي بنهاية الموضوع استسلمت وقعدت على الكمبيوتر وفتحته يمكن ان عبير تاركة شي.....
//////////////////////////////////////////////////
في جدة,,,,,
دلع/اقول اول حمد الله على سلامتك ولا مبروك!!!!
بندر كان يشرب عصيره بهدوء...
دلع/ليش ماقلت لي انك خطبت؟؟؟؟
بندر/................
دلع/طيب ليش ماعزمتني!!
بندر/هههههه انتي ماحتجتي لعزومة جيتي بنفسك للشرقية تباركين لي!!!!
دلع/علشان تعرف منهي دلع!!!
بندر/ممكن اعرف مين قال لك وكيف عرفتي المكان؟؟؟؟
دلع/لايابابا هذا شغلي بروحي محد يشاركني فيه!!!!
بندر/طيب....انا بروح اريح تعبان من الرحلة وبقوم ارتاح بكرة وراي دوام!!!
دلع/اقعد زين اقعد!!!!الدوام بكيفي انت مالك شغل فيه!!!!!!قولي شلون تركت حبيبة القلب؟؟
بندر/ممكن تبعدين جواهر عن سوالفنا!!!
دلع/ليه؟؟؟؟
بندر/لانها مالها شغل بلي بيني وبينك؟؟
دلع/اممم قلت لي؟
بندر/تبين شي؟
دلع/قلت لك اقعد الليلة سهرتنا بتكون صباحي!!!!
بندر/خلصيني وش تبين؟
دلع/قلت لك خلنا نسولف تو الليل باوله؟
بندر/............
دلع/والله حلوة بنت الهاجري؟من زمان تحبون بعض؟
بندر بعصبية/ممكن ماتتكلمين عن جواهر لو سمحتي!!!
دلع/ليش عاد ياقلبي!!المفروض الليلة كل سوالفنا عنها؟؟؟
بندر بعصبية وصوت عالي/دلع ياتتكلمين مثل العالم وتبعدين جواهر عن سوالفنا لاقسم بالله بترك لك المكان وبمشي!!!!!
/////////////////////////////////////////////////////////
نجلاء/فهد....
التقت نظراتها بنظرات فهد الحادة واللي تنبء بعاصفة شديدة جاية بالطريق..
نجلاء في بالها(يو شيخلصني منه الليلة عاد !!على انا قايل لك مليون مرة لاتسميني قدام العيال غير بو فيصل؟؟)
نجلاء بلا مبالاة وكانها ماسوت شي/هاذي اختك ام مصعب تقول انها نازلة الجبيل مع بيت اخوك بو مشاري..وش رايك نروح معهم!!!
سارة/أي بس انتي ماكنت مقتنعة تروحي قبل شوي؟؟؟
نجلاء/غيرت راي...
لمى/علشان بيت عمتي ام مصعب صح؟؟
نجلاء/أي.....
فيصل/زين علشان العب مع احمد.....
فهد/اذا تبون بكلم بيت اخوي وبشوف متى هم بيمشون ونرافقهم على الطريق.....
نجلاء/خلاص قوم كلم اخوك بعد شتنتظر؟
///////////////////////////////////////////////////
فتحت الكمبيوتر وطلع ملف على سطح المكتب اسمه خيانة شدها العنوان وكانها تدور على شي مثل ها الشي....
فتحت الملف وقامت تقراْ....كان الملف عبارة عن قصيدة بس بس كلامها كان يحمل معنى داخله...
**
**نسى اسمي وباسم غيري ناداني!!!
**جرحني جرح ماعمري تالمته!!
**وتاْسف لي وتعذر وترجاني!!
**قال غلطة وسكت عني وماكلمته!!
**شسامح فيك تناديني باسم ثاني!!
**حسافة بس غلاك بالروح سكنتهّ!!
**اليوم اسمي باكر بكبري تنساني!!
**خلاص ارجوك لاتفتح باب سكرته!!
**خلاص انا محيت اسمك من لساني!!
**وكل اسم على اسمك تجنبته!!
**ماعاد حبك يهز شي بوجداني!!
**ولاانت ذاك الطفل بكنت بدلله!!
**انا مااعرف اشيل همومي واشيل احزاني!!
**وماعندي غير الله يصبرني ويتلطف فيني ويهداني!!
//////////////////////رفعت عيونها والتقت بعيون علي اللي كان يناظرها باهتمام وقامت من مكانها بدون أي كلمة واشرت له يجي يجلس ويوم قعد وصار يناظر بالقصيدة طلعت من شقته وراحت بيتهم!!!!
***********************اخر الليل رجع بندر شقته بجدة وراح يبدل ثيابه علشان ينام وفتح الشنطة اللي كانت جواهر ها المرة مرتبة اغراضه بنفسها له..
شال بيجامة من البيجامات علشان يلبسها وهي بين يدينه كان يتنهد بقوة والم وهو حاس انه قاعد يخدع الناس له واللي حبته وعطته كل شي!!!!
ليش بس يابندر وين حبك لها ووعودك وين!!!لو كانت هي مع شخص ثاني غيرك بترضى!!!لاطبعا بتقوم الدنيا وبتقعدها عليها؟؟طيب لي راضي بها المهزلة اللي قاعدة تصير وعلشان شنو!!!
لاانا لازم اقطع علاقاتي فيها لازم مهما كانت النتائج ماراح يمنعني ها الشي يهمني بس اني اظل مع الانسانة اللي حبيتها واخترتها وابتدينا حياتنا مع بعض!!!!
قام غسل ولبس ودخل بينام وانتبه على ورقة صغيرة بجيب البيجاما طلعها وقراها..
كانت من جواهر كلمات صغيرة بس كلها حب وشوق ولهفة...
(حبيبي ياعسى ربي يجيبك...
تشوف الحال بعد اللي جرالي..
حياتي كلها وانا انتخيبك..
دخيلك لاتخليني لحالي)
قام يفتش بالملابس الباقية اللي حطتهم له ويشوف اذا كان فيهم شي ولالا وكل قطعة يفتحها يشيل الورقة اللي بجيبها لين جمعهم كلهم وتسند على فراشه وقام يقراهم وحدة وحدة..
(احبك كثر ماتطري على بالي ولاالقاك..وكثر خوفي عليك ومنك وكثر مااشهق باسمك)
(ان كان حبي لك هو اعظم خطاياي..ماقول يانفسي عن الحب توبي!!)
(لوجمعت ايام عمري من فرح..ماتساوي لحظة من وقتي معاك)
(وش اكتب لك وانا اللي كتبت ولابقى اوراق ..
وش اوصف لك وانا لاجابوا اسمك يختلف لوني)
(انا مشيت الطريق اللي يجمعني مع غالي يزرع البسمة لخطواتي...
معه اقطع الوقت قبل الوقت يقطعني..واعطيه صدق الشعور بكل الاوقاتي)
(حبيبي بندر بعد ماتلبس كل يوم قطعة بتلاقي داخلها ورقة انا حاطتها لك بس تاكد مليون في المية انك من اللحين وانا ارتب اغراضك انك واحشني مووت ..بس شقول الله يصبرني على بعدك ها الكم يوم ويردك لي سالم ان شاءالله)
تنهد بقوة وتجمعت الدموع بعينه..وش اللي غيرك يابندر كذا وشهو؟؟؟لازم ترجع لصوابك ولايهمك شي من اللي بيصي ..ثق دائما انك طالما قاعد مع الانسانة اللي تحبها واللي هي لك على سنة الله ورسوله وعايشين صح وبدون متاهات وكذب وغش وخداه فكل شي بيتصلح وبتلاقي له حل!!!
مسك جواله وهو قلبه مقبوض ودق على جواهر....
//////////////////////////////////////////////////////////دخلت نجود قسمهم وهي محتارة فعلا من علي ومن علاقته بعبير واللي صاير معهم!!!ممسكت اول خيط بس خيط ضعيف وناقص مااستفادت منه بشي....
شي واحد بس اللي ممكن تعرف منه ..علي!!!لازم علي يتكلم ويقول لااي احد علشان عبير ..عبير وبس!!
يمكن علاقاتها بعبير مو ذاك الزود مرة مرة,,,بس تظل عبير انسانة طيبة وهادئة وماعمرها ضرت احد ولازعلت احد فطبيعي ان تعبها يتعب اللي حوالينها ويزعلون عليها...
ابو علي/ها يانجود بشري يبى شلون بنت عمك اللحين؟
رفعت راسها وكان ابوها قاعد مع خالتها ام علي وهي ماانتبهت...
تنهدت وقعدت.../ان شاءالله بخير يبى...
ام علي بلهفة/طيب هي وش لونها؟؟؟وش قالوا لها؟؟؟؟
نجود/بس شوية ارهاق ..قلة اكل وكثرة سهر,,تعبوها شوي...وبس!!
ام علي بياس/بس؟؟؟؟
نجود بقوة/أي ياخالتي...
دخل علي بها اللحظة بدون مايسلم وابوه لف للجهة الثانية علشان لايلتقون نظراتهم في بعض....
ام علي/ها يمه بشر عن بنت عمك؟
علي بضيق ونظراته على نجود اللي كانت تناظر في ابوها/بخير..
ام علي/ومتى بيطلعونها؟
علي/بكرة..
التقت نظراتها بنظرات نجود وكانت نظراتها مستفسرة بس ماقالت شي قامت وراحت المطبخ ودخل علي وراها بسرعة ويوم شافته وهي تشرب الماي قالت بثقة/مشاءالله واثق انها بتطلع بكرة؟
علي/لازم تطلع بكرة...ليش كم ناوية تقعد حضرتها هناك؟؟لين كل العالم يعرف انها تتعالج عن دكتور نفسي وانا اتفشل اذا عرفوا ان زوجتي مجنونة!!!
نجود بحدة/بتتكلم عن اللي بينكم ولالا!!!
علي/وش اللي بينا!!قلت لك مافي شي؟؟
نجود بتحدي/شوف انا بعد اللي قريته مايهمني اعرف أي شي ...بس اسباب ها القصيدة!!واعتقد انها ماجت من فراغ جت من موقف حطمها تحطيم ولاشك؟
علي تنهد.....
نجود قربت منه/لو حبيت تتكلم عطيني خبر...
وطلعت وتركته بروحه واقف..........
///////////////////////////////////////////
هنوف نست ذيك الليلة الكف وطاري الكف وكان كل تفكيرها بناصر ...ناصر وبس!!!
حبيبيها وولد عمها وتاج راسها,,,
فديتك انا يالغلا فديتك,,,,وش ها الحنية ,,وش ها الاحاسيس اللي عندك...ياربي كل ماجالي احبك اكثر من قبل ياعمري...كل ماجالي واحس ان روحي تتعلق فيك اكثر واكثر...
كانت تبتسم لطيفه اللي بعقلها وافكارها وهي تتذكر كيف شكله وهو قاعد بالسيارة وحنانه ولهفته وكيف انه مايبيها تبكي لانه مو متعود غير على ضحكتها...وكيف يوم جا يدافع عنها اول ماعطاها علي كف وكيف كان ثاير ومعصب علشانها!!يابعد عمري ياناصر واخيرا بديت تحبني مثل ماانا احبك!!!
عسى ربي يحميك من الحساد والعذال ويخليك لي يارب.....
وانت ياعلي شكرا على الكف ,,ههههه صدق اني بذبحك لو التقينا بس اهم شي ان ناصر حبيبي شافك وجاني يدافع عني...ياليتك لو كل يوم تضربني ياعلي بالنازلة والطالعة قدام علي علشان اشوف وش بيسوي علشاني!!!(عاد بتمصخ بعدين ياهنوف !!!)
//////////////////////////////////////////////////////////جواهر بحب/صدقني اني اكثر مشتاقة لك ..يمكن لان احنا ظلينا عايشين مع بعض ثلاثة ايام لحظة بلحظة ودقيقة بدقيقة حاسة اني فاقدنك بقوة؟
بندر بحسرة/مو كثري صدقيني ياقلبي!!
جواهر/اليوم شنو..الاثنين باقي يومين وتجيني ..يالله الله يصبرني عليهم ...
بندر/مو شغلي تقدمين اجازة تستقيلين تسوين أي شي الاسبوع الجاي رجلك على رجلي ماتتركيني!!
جواهر/هههه بجد!!شكثر محتاج لي طيب!!!
بندر/اوه ه ه كثير..فوق ماتتصورين يالغلا!!
جواهر/وليش سهران لهجزة عاد وانت وراك دوام!!!
بندر/اقوك الصدق طلت البيجاما البسها وانتبهت للورقة اللي جواها وجاني فضول وطلعت كل الثياب وشلت الاوراق اللي فيهم وقريتهم كلهم وكل ماقريت زاد فيني الشوق!!!
جواهر/كيف كذا عاد يابندر خربت السالفة!!!كل لبسة ولها ورقة يعني المفروض كل يوم تقرا ورقة مو كلهم بمرة وحدة!!
بندر/وانا شيصبرني اخلي كل ورقة بيوم عاد!!!
جواهر/خربتها !!
بندر/ماقدرت اقاوم اني انام بدون مااسمعها منك صريحة فدقيت عليك وهاذي كل السالفة؟
جواهر/................
بندر/............
جواهر بهمس/احبك...
بندر بنفس الهمستنهد..
جواهر/احبك..
بندر/عارفة وش تسوي فيني ها الكلمة ياجواهر؟
جواهر بدلع/خليني افكر .اممم.كلمة من اربعة حروف وش ممكن تسوي ؟ياحرام ماتسوي شي لانها صغيرة؟
بندر بلهفة زايدة عنه/تضيعني!!تذوبني!!صدق تخليني مثل المجنون وابي ارد لااحضانك بسرعة ياعمري!!
جواهر/يعني بيشتغل فيني العناد اللحين وبقعد اقولها لين اشوفك قدامي!!!
بندر بجدية/صدقيني لو اظل اسمعها منك طول الليل ارد لو على حصان بها الليلي؟؟
جواهر/ههههه مااصدقك عاد!!
بندر/ماتدرين انتي بقلبي شنو؟
جواهر/قولي انا بقلبك شنو؟
بندر/كل شي.....انتي بقلبي كل شي......انتي عيني اللي اشوف فيها وقلبي اللي عايش فيه والهوا اللي اتنفسه والحياة اللي علشانها اعيش......
/////////////////////////////////////////////////////////
بيت الفارس صلوا الفجر ومشوا رغم معارضة فهد واللي كان يبي يحجز طيران اريح لهم بس مالقوا حجوزات متوفرة لانهم ماقرروا الا بالوقت الضايع فاضطروا انهم يطلعون بعد الصلاة بسرعة علشان الشوارع المزحومة واللي معظم اللي بالرياض نازل الشرقية ولاقيها فرصة للتغير علشان ها الاجازة الطارئة,,,,,
بعد ثلاثة ارباع الطريق واللي وصلوا فيه للخبر نزلوا الحريم والعيال عند الكورنيش علشان يفطرون ويتنشطون شوي وهم يرتاحون وبعدها يكملون للجبيل اللي باقي عليها ساعة ونص تقريبا...
كان مصعب واقف بروحه وابو مشاري يلعب احمد بالمراجيح والحريم كلهم يفطرون ومحمد نايم يريح.ومشاري يلعب بنته مع ابوه..
فهد تقرب منه/وش فيك؟
مصعب/ها....ولاشي ياخالي!!!
فهد/منت طبيعي حاسك دايم تسرح فيك شي؟
مصعب/لا.........
ظلوا ساكتين لفترة طويلة لين خلصوا فطورهم وركبوا علشان يكملون دربهم..
مصعب قبل لايركب/خالي انت جربت تحب؟؟يعني في بنت يوم من الايام شدتك لها وحسيت انك منجذب لها بقوة!!عارف انه سؤال محرج بس انا ابي احد يفهمني؟؟
فهد كانت صورة نجود في باله من ساله مصعب هالسؤال وتنهد...
فهد/ليش تسال؟
مصعب/علشان في بنت داخلة افكاري ومتعبني كثر تفكيري فيها!!
فهد/لا.....من زمان؟
مصعب/لا توني اسبوعين بس!!
فهد/ويمكن انه مو حب؟
مصعب/خالي انا ماشفتها غير مرتين بس!!!ومن المرة الثاني حسيت اني متعلق بعيونها...
فهد/مصعب انت عارف امك اكثر مني,,,لاتحط شي في بالك هي ماراح توافق عليه طيب؟
تنهد مصعب/طيب يمكن انها تكون بنت ناس و...
فهد/انت تعرفها؟
مصعب/اعرف اسمها وبس!!
فهد/كيف تعرف اسمها وبس!!
مصعب/الله يسلمك ياخالي انا شفتها مرة رايحة لسكنها وعرفت عن طريق اختي اسمها؟
فهد/ماهي من الرياض؟
مصعب/لا من الشرقية....المدرسة اللي مع منال اسمها نجود السبيعي شفتها مرة وحسيت اني متعلق فيها حييل ياخالي وودي اكلمها بس مو عارف شسوي خبرك فيني مو حق ها السوالف!!!
مايدري فهد لحظتها هي السيجارة طاحت من يده ولالساتها باقية في يده ورغم ان مصعب مشى يوم تناديه امه الا ان فهد توقفت حواسه الخمس لفترة طويلة وهو يترجم الاسم في ذاكرته ولحد اللحين مو مستوعبه!!!!!!!
نجود السبيعي!!!!!!!مصعب يبي نجود؟؟؟؟؟وش ها الورطة عاد؟؟؟مستحيل مصعب مالازم ياخذها!!اصلا هي ماتناسب مصعب بشي,,,هاذي ماانخلقت لمصعب لا...وبع...
اووووووف يافهد...وش اللي جالك ...هي بكيفك السالفة علشان تقرر منو ياخذها!!!حس بدقات قلبه تدق بسرعة وبشيي ضيق خاطره وذكر كلام
وذكر كلام سالم(صارحها يافهد انت تحبها لاتوهم نفسك بالعكس)
انا بمصيبة يافهد بمصيبة؟؟؟شلون اصارحها وحتى اذا صار مصعب,,,مصعب لو عرف شبيقول عني!!!!!
فيصل بصراخ/بابا؟؟
لف لفيصل بهدوء/نعم
فيصل/بابا كلهم ركبوا وينتظرونك علشان يمشون وانا من زمان اناديك؟؟؟
لف للسيارات لقاهم فعلا ينتظرونه بس علشان يحركون مسك يد فيصل ومشى بلا وعي.......
//////////////////////////////////////////////////////////نورة/نجود
نجود/خير
نورة/علي سال عنك وقال اذا قعدتي روحي له هو بشقته؟
نجود/ليش ماراح يشوف مرته؟
نورة/وانا وش يعرفني؟؟؟اخوك مايتكالم علشان الواحد ياخذ منه شي.....
نجود/طيب وين ناصر؟
نورة/مدري وش بغيتي فيه؟
نجود/بروح الجبيل منال جاية الجبيل وعيب اني اطنشها وهي عاطيتني خبر.....
نورة/مدري عنه ...
راحت نجود لعلي شقته وكان الباب مفتوح..
نجود/علي..
علي/تعالي انا بالصالة...
دخلت وسلمت...../يقولون سالت عني؟
علي/قعدي ليش واقفة؟
قعدت واكتفت بانها تناظره....
علي بضيق/اللحين وش بيصير الدكتور مو راضي يطلعها؟
نجود/لاتعليق!!
علي/يعني هي شنو فيها اللحين؟
نجود/هو شنو قال لك؟
علي/قالي لي اذا طلعت لازم انها تعيش بجو صافي مبعود عن المشاحنات وتستمر على الجلسات وماتتركهم لين هو يقرر...
نجود/معناته هو اخبر بحالتها!!
علي/................
نجود/..................
علي/.......في مرة من المرات انا ناديتها باسم ثاني...
نجود بذهول/شلون يعني!!
علي تنهد/يعني كنا مع بعض ونطقت اسم حبيبتي بدال اسمها وتعذرت منها بنفس اللحظة بس هي ماسامحتني وطنشت السالفة بكبرها ومن يومها تغيرت ........
نجود/انت مو صاحي!!
علي/انا احب وحدة ثانية من زمان يانجود وماصدقت اني اشوفها اللحين..ابيها ابي اتزوجها...
نجود/وعبير!!
علي/خليها على ذمتي ماراح يصير شي..
نجود/علي ليش ماتزوجتها من الاول وماظلمت عبير معك؟
علي/ابوي كان يبيني لبنت عمي وبعدين هي فجاْة تركتني وتوني شايفها بالبيت قبل اسبوع بس!!!صار عندها بنت
نجود باحتقار واشمئزاز/صار عندها بنت!!!!!!!!يعني متزوجة؟؟انت تفكر بوحدة متزوجة؟؟؟
علي/بطلقها منه..هي لازم تكون لي لوحدي وبنتها بتكون بعيوني!!
نجود باحتقار/انت مستوعب اللي تقوله ياعلي!!!!!!!!وهي راضية؟؟؟
علي/انا ماتكلمت معها من شفتها وهذا اللي مجنني ابي اشوفها واسولف معها ونتفق على كل شي و
نجود بسرعة/منهي هاذي اللي ماعندها كرامة ولاضمير منهي!!
دخلت ام علي عليهم قطعت السالفة
ام علي/ها يمه صباح الخير
علي/هلا..
ام علي/رحت لمرتك ولا بعدك؟
نجود بحدة/لا لسه ماراح..
ام علي/زين يمه علشان اروح معك يالله انا جاهزة....
////////////////////////////////////////////////
لبنى/شلون يعني..
عبدالعزيز/يعني واحشتني وابي اشوفك ياقلبي..
لبنى/طيب متى؟
عبدالعزيز/مدري انتي رري..
لبنى/وين؟
عبدالعزيز/وين بعد بالمارينا؟
لبنى/وش رايك بوقت الصلاة علشان مااخذك من دوامك....
عبدالعزيز/مدري اللي تشوفينه...
لبنى/حبيبي اشتقت لي!!
عبدالعزيز/عندك شك...
لبنى تنهدت/لا طبعا...
عبدالعزيز/صوتك فيه شي مو هذا الصوت اللي يكلمني كل يوم حاس فيه شي....
لبنى/لا بس بروح المستشفى اشوف اختي تعبانة شوي..
عبدالعزيز/سلامات سلامات...
لبنى/الله يسلمك...
عبدالعزيز/أي وحدة فيهم؟
لبنى/عبير
عبدالعزيز/لا ماتشوف شر ان شاءالله..
لبنى/الله يسلمك...خلاص بيكون بينا اتصال بعدين طيب...
//////////////////////////////////////////////////////////
وصلوا الجبيل بالسلامة مع وقت الصلاة وقرروا يقعدون بالفناتير على الكورنيش لان الجو كان حلو..صحيح فيه برودة شوي بس حبوا انهم يقعدون هنا ويتغذون.....
صار الكل مشغول هنا وهنا الا فهد اللي انعزل عنهم تماما وكان بضيقة خلق حادة..
اخذ تلفونه ودق على سالم
سالم/ها بشر في بنات حلوين بالجبيل اجي اخطب لي وحدة؟؟
فهد/........
سالم/فهد علامك!!
فهد/سالم......نجود
سالم/بتجننك ها النجود يافهد صدقني بتجننك؟؟وش فيها بعد كلمتها!!
فهد بضعف/مصعب متعلق بنجود ياسالم!!
سالم/مصعب!!!!!!
فهد/أي
سالم/وهو شعرفه بنجود؟
فهد /يقول شافها مرة وتعلق فيها....ماصار بينهم أي كلام ولا مرة بس يقول انه متعلق حييل فيها؟؟
سالم/..............
فهد/انا حاس بضيقة ياسالم بضيقة!حاس اني مخنوق ياخوك؟؟؟
سالم/صدق مشكلة ...
فهد/مو عارف شسوي ابدا...المشكلة ان منال كلمتها قبل شوي وقالت لها ان احنا هنا والظاهر انها بتجي العصر لو المغرب على المجمع اللي هنا وبيتمشون يعني بيشوفها...
سالم/وانت بعد بتشوفها!!
فهد/شلون يعني؟؟
سالم/يعني لازم تحدد مصيرك وتشوف قرارها!!
فهد/واذا اختارتني انا مصعب شبيقول؟؟خاله واللي متزوج وعنده عيال قاعد يراكض ورى بنت!!ومو أي بنت البنت اللي هو اختارها!!!!
//////////////////////////////////////////////////////////بالمستشفى...
ام بندر/بعد شوي يمه لازم تاكلين علشان تقومين..
عبير بضعف/ماابي يمه مو مشتهية...
ام علي/مايصير يامه شوفي شلون ذبلانة..
كانت عيونها مركزة على علي واللي عرف اللحين انها تتعلاج عند دكتور نفسي!!!!
يوم فتحت معه الموضوع حست ان ثايرته بتثور بس لمجرد الطاري,,اللحين خلاص صار متاكد مئة بالمئة انها مجنونة!!
مضاوي/عبير..عبير..
عبير/ها...
ام بندر/يمه متى الدكتور بيمرك نبي نشوفه؟
علي بحدة/انا شفته الصباح وقال المغرب بيرخصها!!
ام بندر/زين يمه..جعله اخر السوء ان شاءالله؟؟
عبير في بالها(قصدك بداية مشاكل جديدة يمه!!!!!!!!اه بس اه!!الله يصبرني بس)
//////////////////////////////////////////////
محمد راح للجهة اللي قاعدين فيها الحريم علشان يسالهم وش يبون ياكلون على الغذى وماكان فيه غير لمى تلعب قيم بوي وفوزية اللي كانت شايلة شيلتها تعدلها وترتب شعرها.....
محمد/وش تب.................
رفعت فوزية عينها ولقته يناظرها لفت عيونها عنه ولفت شيلتها بسرعة عليها وغطت وجهها وقالت بحدة/الادب ياولد خالي تحمحم قبل لاتتكلم!!
محمد/...............
فوزية/تبي شي!!
محمد/لا سلامتك!!!
مشى وهو عيونه رجعت تناظرها...هاذي فوزية بنت عمتي!!معقولة!!ليش انا اول مرة انتبه عليها؟؟مشاءالله نعومة وحلاوة واناقة!!
ويني انا عنها من زمان توني انتبه لها!!!!
متى كبرت وصارت حلوة؟؟؟انا من زمان ماشفتها ولاادري عنها,,كل اللي بينا سوالف عادية واشوفها ياطالعة ياداخلة مع منال ..بس عمري ماشفت وجهها ولاحتى فكرت اني اناظر بعيونها..
رجع بعيونه من جديد يناظر بالمكان اللي هي قاعدة فيه واشياء بدت تشغل له باله!!!
///////////////////////////////////////////

---البارت الثالث والعشرين---
/////////////////////////////////////////////////////

,,,,,,,,,,,,,,,,,,,,,,,,,,مصعب/ها وش قالوا يبون يامحمد؟
محمد كان سرحان وماهو مع مصعب اصلا,,
مصعب هزه من كتفه/محمد..
محمد/ها..نعم وش بغيت؟
مصعب/مين ها المرة اللي شاغلة لك افكارك؟
محمد بنرفزة/ليش عاد مايشغل بالي غير البنات؟؟؟
مصعب/وش فيك قلبتها لي جد؟؟امزح معك....
محمد/........اسلوب فوزية معه شوي ضايقه وحس انها كانت تكلمه وهي تكرهه...
مصعب/وش قالوا يبون؟
محمد/ماشفت هنا غير لمى.....يمكن الباقي قاموا يتمشوا.....
مصعب/زين خل نروح عند مشاري كاهو مع بنته يلعبها.....
/////////////////////////////////////////////////////
جواهر/أي مرتاحين اللي يدرسون بالرياض عندهم اجازة عارضة!!
نجود/اللهم لاحسد!!
جواهر/هههههه
نجود/وحدة بوحدة مو توك مداومة انتي امس!!خلاص انا بعد غرت منك واخذت لي راحة...
جواهر/ماعلينا وش صار معك كلمتي علي اليوم!!
نجود/وياليتني ماكلمته ياجواهر,,,
جواهر قعدت جنبها/ليش؟؟؟؟
نجود/سالفتهم طويلة عريضة.....يعني لها حق تتعب وتنهار نفسيا!!
جواهر/وش مسوي مع سواد وجهه؟
نجود/كان يحب وحدة ثانية قبل زواجه منها!!
جواهر/وبعده يحبها!!!
نجود/ماطلعت من باله حتى بعد ماتزوج وظلت عالقة بمخه....والمشكلة انها متزوجة وعندها بنت ياجواهر..تصوري!!!
جواهر/ياشين الرجاجيل لاصاروا كذا!!!حلو الواحد يظل وفي لحبيبه بس اذا السالفة فيها طرف ثالث بينجرح لا والف لا!!!(ياعيني عليك ياجواهر منتي دارية عن اللي جايك بالطريق)
نجود/ودي اعرفها واشوف اذا كانت هي بعد تبادله نفس الشعور ولالا؟؟يعني ...مدري....كيف عايشة مع زوجها اذا بعدها تحب واحد ثاني؟
جواهر/طيب هو شقال لك عنها!!
نجود/يقول ان اخبارها انقطعت عنه من قبل لايتزوج عبير بس ظلت في باله ماقدر يشيلها وشافها ها الاسبوع بالبيت على مااعتقد ومصر الا يبيها!!
جواهر/يعني هي ماتكلمه ولا لها أي اتصال فيه!!!
نجود/لا
جواهر/معناته ماحد غيره اسود الوجه ونذل بالسالفة!!!!
نجود/قال لي عن موقف صار بينه وبين عبير وحسيت شقد انها انظلمت ها المسكينة!!
جواهر/شنو؟
نجود/تذكرين القصيدة اللي قلت لك اني قريتها البارحة..عرفت وش سببها؟
جواهر/شنو؟
///////////////////////////////////////////////////////
فيصل/بابا ابي اركب بوسط البحر في لنجة؟
فهد/بعدين يابابا مو اللحين؟
كان فهد قاعد على كرسي قبال البحر وشارد بذهنه والكرسي اللي جنبه فاضي وفيصل قعد عليه وسوى مثل ابوه....
فيصل/بابا شفيك؟
فهد ناظر بوجهه بدون أي تعليق..
فيصل/قولي من زعلك؟
فهد/قلبي يافيصل قلبي....
فيصل/شلون قلبك زعلك يابابا؟
فهد انتبه على نفسه/ها...لو كنت اكبر ياولدي يافيصل كان صارحتك بللي يدور براسي وبحيرتي!!!ماصدقت الاقي وحدة مثلها بالعالم وبدون مقدمات بتروح مني!!
فيصل/منهي؟
فهد/حلم يافيصل حلم..حلم ماكتب له ربك ان يتحقق لي!!!
فيصل قام بعد ماتملل/بابا انت ماتتكلم مثل الناس انا مافهمت شي !!بقوم العب بالبحر ابرك لي منك!!!
/////////////////////////////////////////////////////
لبنى/عبير صارحيني وش فيك؟
عبير كان وجهه ذبلان وخايفة من علي وموقفه بس ماهي قاوية تتكلم..
لبنى/علي مزعلك بشي..
عبير بهدوء/لا....
لبنى/قولي الصدق!!
عبير/صدقيني...
لبنى/اجل وش فيك وش قال لك الدكتور؟
عبير/.........
هنوف كانت عارفة بالسالفة لانها كانت مع نجود امس بس احترمت راي نجود بانها المفروض ماتقول لااحد مراعاة لمشاعر عبير وتتكتم على الموضوع...
هنوف بمرح/وش فيك انتي من زمان ماتدلعت وشافت امي قايمة بجواهر وتاركتها قالت لازم الفت الانتباه!!!
وغمزت بعينها لعبير...
لبنى/جاتكم المتفرغة؟؟؟؟
هنوف/الصدق الصدق عبير جواهر مادقت عليك!!
عبير/مدري جوالي مو معي ومدري اذا كانت دقت على المستشفى ولالا؟
هنوف/لو مادقت بتطلع من جد زوجة اخو فاشلة!!يعني راج بندر ورجعت نجود مالها حاجة فينا!!
لبنى/حرام لاتظلمينها يمكن مادرت عنها..
عبير/صحيح هي تجي من المدرسة وتحط راسها وتنام وماتقعد غير المغرب يعني ماابي احط بخاطري عليها يمكن ماسمعت!!
هنوف/ننتظر للمغرب ونشوف زوجة اخونا تجينا البيت لو لا؟؟(كانت تبي تغير بس سالفة تعب عبير ولاهي تحب جواهر مو قصدها أي شي)
////////////////////////////////////////////////////
نجود/يبى..
ابو علي/سمي يبى وش تبين؟
نجود/طالع...
ابوعلي/رايح القهوة...
نجود/واذا بنتك نجود قالت لك لاتروح شتقول لها!!
ابوعلي/.........
نجود/زين سكوتك احلى مافي الموضوع يالغالي معناته في امل نفتح باب نقاش بينا!!
ابوعلي/بخصوص شنو يابنيتي؟
نجود/تقدر تفضي نفسك لي الليلة؟
ابوعلي/ليش؟
نجود/ابي اروح الجبيل؟
ابوعلي/وشايفتني سايق؟؟؟؟
نجود/يبى انا لو كنت ابي سايق كنت رحت مع ناصر بس ماابي سايق؟؟
ناصر لف لهم لانهم كانوا يتكلمون وهو قاعد مع امه..
ناصر/وماتستحي تقول لو كنت ابي سايق رحت مع ناصر؟؟؟
نجود/اسكت انت مو وقتك!!!ها شقلت يبى؟
ابوعلي/وش تبين؟
نجود/قلت لك بروح الجبيل؟
ابوعلي/وانا مالي ومال الجبيل يابنت....
نجود/بابا ..
ابوعلي/تكلمي عدل طول بعرض وتقولين لي بابا!!
نجود/هذا جزاتي ادلعك!!!صدق ماتستاهل احد يدلعك؟؟
ناصر/هههه مو محتاج الغالي احد يدلعه عنده ثنتين!!!
ابوعلي/خمسة وخميسة في عيون الحسود يانويصر؟
ناصر/لايكون انا الحسود عاد؟
نجود/اوف نويصر مو وقتك..
ابوعلي/هذي قعدة وقعدنا قولي شعندك ابلة نجود؟
نجود/زميلتي اللي بالرياض جاية عندنا هي واهلها وكاهم بالجبيل فعيب داقة علي ومااروح لها...
ابوعلي/بالجبيل يانجود ماهي بالدمام؟؟
ناصر/وابوي الصادق؟؟؟
نجود/يبى هم ماخذين اجازة بس الليلة بيبتون بالجبيل وبكرة بيجون الدمام يعني يبى انا ابيك تروح تشوفهم تسلم عليهم ..
ابوعلي/على منو؟
نجود/على ابوها طبعا يعني منو؟؟هي جاية مع اهلها ابوها وعمها وعمتها واخوانها....
ام ناصر/وبالمرة تعزمهم بكرة يتغذون عندنا...بعد مايصير نجود اذا احتاجت شي بالرياض ماعندها غيرهم.....
نجود/سمعت..عرفت ليش ابيك انت تروح معي مو نويصر؟؟
ابوعلي/أي اذا على كذا ماشي الحال يالله قومي لبسي مشوار للجبيل ...
نجود/مشوار الا كلها ساعة ...خل ادق على جواهر...
ناصر/لازم تسحبينها معك؟
نجود/ومنو تبين اخذ بالله!!!وبعدين هي التقت معهم وشافتهم....
ام ناصر/يمه نجود....بنت عمك عبير رخصوها قبل ساعة وكاهي بشقتها مريها يمه اخذيها معك خليها تطلع تغير جو بدل قعدتها بروحها مسيكينة ماتطلع مكان ولاتروح ولاتجي وهذا اللي متعبها!!
ابوعلي بتاييد/أي يانجود جيبي عبير معاكم تراها بنت عمك ومحسوبة عليك يانجود ابيك تتقربين منها مثل جواهر..
نجود/هذا اني رايحة اشوفها بس خلك جاهز....
//////////////////////////////////////////////////////////مروة/ابي انزل واسبح بالماي....
ام مصعب/هذا اللي قاصر بعد!!!ماتشوفين الشباب بكل جهة ولا عادي عندك السالفة؟
مروة/بسبح من هنا بس...
منال/لا قلنا لا....
فوزية/منالوا الله ياخذ ابليسك وين نجود؟
نجلاء/ليش هي من الدمام ولاالجبيل؟
منال/من الدمام بس قلت لها ان احنا نازلين هنا وقالت بتجيني وبنلتقي بالمول...
الجازي/انا ملمحت هنا مول ولاهم يحزنون ؟؟مافي غير ها الكورنيش الا محسرينا عليه واحنا نطالع بدون مانقدر نسبح؟؟؟
منال/في قالت لي اسمه الفناتير مول قريب من هنا....
ام مشاري/وين مشاري راح مااشوفه ولااشوف بنته ولامرته؟
منال/مشى يمه...يقول واحد من الربع اللي معه بالعمل كلمه وبيلتقون هنا....
نجلاء/بتروحين بكرة تسلمين على بيت العبدالله؟
ام مشاري/أي الواكد اني بمر عليهم بعد بوصل لوسط الدمام ومابسلم على نسايبنا ماهي عدلة؟
ام مصعب/انا اعذريني بكبرها زوجة ولدك ماتعجبني لاهي ولااهلها مني رايحة معكم؟
منال/شدعوة عاد ياعمتي؟؟؟
ام مصعب/هذا الصدق وانتوا تعرفوني مااحب المجاملات ابدا!!!
ام مشاري سكرت الموضوع وقالت بحدة/بكيفك ياام مصعب محد بيجبرك على شي انتي ماتبينه!!
نجلاء ناظرت في ام مصعب وسكتوا,,,,
///////////////////////////////////////////////////////////////هيا/اووووف ليش مااخذتني معها؟
ام ناصر/والله مدري يابنيتي...
هيا/انتي قلتيليها تاخذ عبير وتتركني؟
ام ناصر/وليش اقولها عاد ها الحكي؟
هيا/مدري عنك,,يمكن لانك تكرهيني!!
ام ناصر بحدة مثل بنتها نجود/تعقلي وقلبي وجهك عني مو ناقصتك!!!
هيا/شفتي انك ماتحبيني؟
ام ناصر/وش اللي يجبرني احبك عاد!!انتي اعقلي بالاول وبعدين يصير خير افكر احبك ولا لا؟
ناصر/يمه..
ام ناصر/هلا يمه..
ناصر/تبين شي؟
ام ناصر/لا سلامتك بتطلع!!
هيا بسخرية/أي يبي يتعلم يسهر...!!
ناصر/بايخة حدك ولاتنبلعين بعد!!
هيا/طالعة على اخوي ناصر؟؟
ناصر بشماتة/وانتي الصادقة طالعة على اخوك علي !!
علي بحدة من عند الباب/وش فيه علي ماهو عاجبك ان شاءالله!!!
لفوا ناصر وهيا وام ناصر له..
ناصر/هلا...مافي شي ...
ام ناصر/تعال يمه علي حياك...
علي/شكرا ياخالتي ماابي ادخل مكانه مو مرحب فيني فيه!!!
ناصر اكتفى انه يناظره ومايعلق...
ام ناصر/شها الحكي عاد يمه ياعلي!!ادخل بس ادخل..
علي كان يناظر بناصر وناصر يناظر فيه وبعدهم ماتكلموا من موقف امس..
ام ناصر/شفيكم انتوا!!صاير بينكم شي؟؟؟
ناصر/ساليه!!!!
قالها وطلع...
هيا/شفيكم انت وياه؟؟
علي بحدة/وانتي شيخصك بالله!!!
هيا/..............
ام ناصر/احط لك عشى يمه....
علي/لا ياخالتي انا مابي عشى بس قلت بمر اقعد معكم شوي.....
ام ناصر/حياك يمه حياك تفضل....
علي/................
هيا/....................
ام ناصر/شقال الدكتور عن عبير ان شاءالله مافيها الا العافية؟
علي بارتباك/ها..اي بس شوية تعب...
ام ناصر/الله يعطيكم العافية ان شاءالله.../
////////////////////////////////////////////////////
في مجمع الفناتير مول...
كان بو علي مع نجود وعبير وجواهر بمحل اجمل...
نجود/لا هذي احلى يبى شوف..
ابوعلي/مدري ..مو ذيك احلى..
عبير/لا حلوة هاذي ياعمي وتبقى ريحتها اكثر جربناها قبل...
ابوعلي/مدري بكيفكم ...
نجود/عندك مخلط الشعر هردة ..
البايع/لاوالله بها الفرع مو موجودة..
دق جوال نجود/هلا منال....اي وصلتوا...دخلتوا يعني...اي انا تحت بمحل اجمل قريب من الدرج ..خلاص بحاسب وبطلع لك ..شوفي ترلني كاشفة وجهي بتعرفيني!!
جواهر بهمس في اذن نجود/كاشفة لها ولا لعمها اعترفي!!
نجود بنفس الهمس/ماراح اخطي ولاخطوة تجاهه وانا بنت السبيعي!!اذا عنده شجاعة خله يجي برجله؟؟؟؟
نجود/معليش يبى بطلع اشوفهم كاهم وصلوا..
عبير/اخذي راحتك انا وعمي بنظل واقفين..
جواهر/وانا وين رحت ؟؟معكم حبيبتي...
طلعت نجود ومشت لقدام علشان تشوفهم وكانوا ملفتين لانهم كانوا جنب بعض كلهم وشكلهم ناس تبي فوق وناس تبي تحت ومو ثابتين على راي....
نجود اشرت لمنال وتقدمت منها...
مروة وهي متشققة/اسمع ابلة نجود كاشفة بعد!!عبايتها تجنن؟؟؟
اسم نجود بس خل فهد ومصعب يلفون بنفس الوقت ويشوفون اللي قابلة وبها اللحظة كانوا ابوعلي وعبير وجواهر تقربوا من منال ونجود وجواهر ومنال سلموا على بعض وقربت عبير منها وسلمت عليها ومصعب شاف جواهر لانها كانت بنفس لبستها وحتى نفس الشنطة اللي كانت جاية فيها وكيف ينساها وهو حب البنفسجي منها ومن كعبها!!!!
فهد بس كان مو قادر يكتم احاسيسه فيه وحس انه بينفجر خصوصا بعد الابتسامة اللي ارتسمت على وجه مصعب يوم شافها..
مايدري ليش كان يناظره وهو بيشب نار منه!!حس بغيرة شديدة ناحيته وهو اللي ماعرف الغيرة لابطفولة ولابمراهقة ولابشباب!!عرفها اللحين وبها الوقت ويوم يعرف نجود بس!!!!
انتبه على صوت يناديه وكان محمد ..
لف ولقى بو علي واقف يسلم عليهم ويعرف بنفسه انه ابو نجود السبيعي....
مصعب كان شايله من على الارض بالترحيب والتهليل ومحد اخذ باله طبعا غير فهد اللي كان يراقبه ويحسب عليه حرف حرف....
تم السلام بينهم واستاذنوا البنات علشان يتمشون بروحهم عبير ونجود ومنال وفوزية وجواهر.....
وظلوا نجلاء مع ام مشاري وام مصعب يتمشون تحت وابوعلي وابو مشاري دخلوا داخل محل الاواني المنزلية اللي تحت يتفرجون ويتشرون...
اما مصعب كانت عيونه تشع باحساس غريب وهو فرحان والدنيا مو واسعته وعيونه تدور وين مالفت جواهر ووين ماقامت وقعدت....
محمد بعد كانت عيونه تناظر بالبنات وين ماراحوا ووين ماجو...ولو ماكان شاف فوزية اليوم الاكيد انه حط نجود في باله!!
بس شي في فوزية اليوم شده بقوة ناحيتها.....وخلته يمشي وراهم بمسافة علشان لو احتاجوا شي يكون في رسم الخدمة.....
قعدوا مصعب وفهد فوق عند الكراسي قريب من الالعاب....
جواهر/بسم الله عليك!!قالتها بصراخ وركضت عند لمى اللي كانت جاية لاابوها وتعرقلت ووقعت على الارض وراحت لها هي وعبير ...
جواهر/تالمتي؟؟

لمى/لا شكرا!!
عبير/شسمك انتي ياحلوة ؟
لمى/لمى.....
عيون مصعب كانت بتطلع وقام لها بسرعة...اللي خلا فهد يستغرب بس فسرها انه كان سرحان ومصعب قام بيشوف لمى اذا تعورت ولالامايدري عن اللي شاغل عقل مصعب واللي يفكر فيه؟؟
مصعب/وش فيك يالمى؟؟؟؟؟
لمى/مافيني شي بس وقعت بس ماتعورت؟؟؟
رفعت جواهر عيونها ولقته يناظرها ..وتذكرت شكله؟؟معقول هذا يعرف منال...لايكون هذا محمد اخوها اللي دايم تسولف عنه نجود وتقول ابو بنات ومغازلجي عود؟؟؟؟أي هذا هو ومافي أي شك؟؟؟انا من شفته ذاك اليوم قلت نظراته مو طبيعية؟؟؟
عبير/يالله مشينا وش فيك؟
جواهر/ها..يالله...
عبير/انتبهي على نفسك ياحلوة....طيب
لمى/شكرا...
.جواهر/وين راحوا؟

عبير/قالوا بينزلون مانجو تحت ماعجبتهم المحلات اللي هنا؟
جواهر/ها تبين ننزل معهم ولا ناخذ لنا لفتين هنا؟
عبير/تعالي ندخل محل العنود حق البخور ريحة البخور اللي حاطها تجنن..
جواهر /يالله....
مشوا لعند المحل وقبل لاتدخل جواهر رفعت راسها وناظرت بمكان مصعب ولقته بعده يناظر فيها هزت راسها ودخلت........
//////////////////////////////////////////////////////////////نورة/يعني شتبيني اسوي؟
ام ناصر/تعالي ساعديني بالحلا بنسويه من الليلة بكرة مابيمدي بيجون على غذى مو عشى؟
نورة/انا ابي افهم ليش تعزمونهم اصلا!!!!علشان احنا نتعب؟
ام ناصر/سدي حلقك وصيري خوش بنية وتعالي ساعديني ولا قومي غسلي ودخلي نامي وراك بكرة مدرسة؟
نورة بعد تفكير/يعني اذا ساعدتك اللحين وسهرت معك لوقت متاخر بكرة بغيب؟
ام ناصر/لو ساعدتيني وظينا لوقت متاخر طبعا بخليك تغيبين اذا اللحين عشر واحنا مابعد دخلنا المطبخ ولارتبنا شي,,,,,
نورة/طيب وافقت وامري لله كل شي بسويه حاضر بس دقيقة بدق على هنوف بقولها اني بغيب...
رفعت سماعة التلفون ودقت على بيت عمها..
هنوف/الو...معكم برنامج سيرة وانفتحت..
نورة/بلا استهبال علي..بكرة انا بغيب طيب..
هنوف/ها..وش له بتغيبين يالخاينة وماتعطيني خر؟
نورة/عندنا عزيمة في بيتنا وبساعد امي...اللحين أي اولى اساعد امي ولا اروح المدرسة؟
ام ناصر/صدقتك عاد؟
هنوف/وانا شيقعدني في بيتنا عاد وانتوا تحتاجون للايادي البيضاء اللي مثلي..طيران وانا عندكم,,,,,
وفلا طيران الا وهوف جاية..وناصر بعد توه داخل...
هنوف/اكيد ماسويتي شي ياخالتي اعرفك ماتستغنين عن خدماتي!!
ناصر /الله واكبر !!!
هنوف/انت وش يخصك انا اكلم خالتي..
ام ناصر/شوفي هنوفوا اذا بتجننيني ماابي وجع راس..
هنوف بتاثر افلام/افا ياخالتي انا اجننك؟؟وانا اللي مستعدة اصير سندريلا في بيتكم!!!
ناصر ونورة/ههههه
ناصر قعد على الكرسي/سندريلا الخليج جيبيلي شي اشربه..
هنوف فتحت ثلاجتهم وسكرتها..
هنوف/مافيها شي ينشرب ..واذا تبي نصيحتي لاتشرب شي؟
ناصر/خوش سندريلا والله!!من طلب رايك يابابا؟
هنوف/خالتي منو اللي جاي عندكم؟
ام ناصر/ناس من الرياض تعرفهم نجود...
ناصر/كلمك ابوي اكد على العزيمة؟
ام ناصر/لا
نورة/ياسلام وبتتعبينا وفي النهاية على الفاضي؟
ام ناصر/ابو علي انا اعرفه واعرف كلمته وحدة مابيتنازل غير لمى يجيبهم يتغذون..
نورة بقهر/ياسلام فرحتينا والله!!وعلى حساب منو على حسابنا احنا يالفقراء!!!
هنوف/طيب ليش مانجيب من المطعم ذبيحة ونفك اعمارنا؟؟؟
ام ناصر/عيب مايجوز..الناس اول مرة يدخلون بيتنا واحنا عارفين انهم بيجون لازم ياكلون من اكلنا وطباخنا...هاذي الاصول يابنيتي؟
هنوف/امممم عرفنا الاصول اللحين؟
ناصر/سمعوا علشان اذا تزوجتوا تصير عندكم خلفية بالموضوع وماتفشلونا انتي وهي..سندريلا وسنوايت ههههه
هنوف تخصرت/مو عاجبينك؟
ناصر/بلى ليش مو عاجبيني؟؟؟؟اقول ام ناصر عندك اياهم استغليهم عدل وها الله هالله بالبصل كل ماصادفك بصل عطيه سندريلا تقول بس تبي تشتغل في بيتنا امنية حياتها تشتغل في بيتنا مااوصيك بالتعذيب؟؟؟؟
//////////////////////////////////////////////////////////كانوا قاعدين بالكافتريا اللي فوق كلهم وقريبين من بعض والبنات وصلوا وفهد محترق دمه من مصعب كيف انه ولامرة من مرت نجود ناظرها!!هاذي وكاشفة وجهها بعد وماهي جايبة خبر شي وبايعة الدنيا بضحكتها وعطرها ومشيتها وصوتها!!!وش يبي ها المجنون مايملي عينه منها!!!ماغير مطيح لي عند البنات الثانين!!!اوووف يالقهر اوووف كل مااناظر فيها احس بنار تحرقني ولاني قاوي عليها....
نجود/ها خالتي انبسطتي؟
ام مصعب بسرعة واحتقار/وش ها المول التعبان!!!!
نجود/ومن قال لكم تعالوا الجبيل اصلا!!!الجبيل مافيها اسواق كان جيتوا الدمام.....
منال/الليلة بنبيت هنا وبكرة من الصباح بنروح للدمام؟
عبير/ليش حجزتوا لكم تعالوا معنا البيت؟
فوزية/ميرسي حبيبتي ماتقصرين....
نجود ناظرت في مروة والجازي/ها يابنات اولى ثالث وش علومكم...
قامت الجازي وسلمت عليها باليد وبعدها مروة..
نجود/أي فرحانين طبعا طلعة ووناسة وتمشية!!وياويلكم ياسواد ليلكم يوم السبت بالمدرسة؟
مروة/ههههه
الجازي بثقة/وياويلكم ياسواد ليلكم معنا حتى هنا؟
نجود بثقة/طبعا!!!
ابوعلي/نجود خلصتوا يبى؟
نجود لفت له والتقت عيونها بعيون فهد والخسارة ان مصعب كان رايح يجيب احمد اللي ابتعد عنهم....
ناظرته بحدة ومافهم وش معناة نظراتها
وقالت لاابوها/ها يبى بشر عسى العزيمة تمت!!!
ابوعلي/خلاص يابو مشاري هذي نجود قالت كلمة الفصل مالك أي حجة بعد!!!
ابو مشاري/لا يابوعلي ماتقصر عزيمتك وصلت ..
نجود/لالالا بتجون يعني تجون..مايصير انا اجي عندكم وانتوا واصلين للدمام وماتمرون....
ام مشاري/كلك ذوق يانجود يمه ماتقصرين؟
نجود/لاوالله جاين يعني جاين انا مالي شغل؟؟؟
اصلا امي كل شوي تدق علي تسالني عنكم..
نجلاء/تسلمي والله..مانبي نثقل عليكم..
جواهر/وشدعوة تعبكم راحة اصلا!!وش له الثقل؟
فوزية/ماوراك بكرة دوام!!!
جواهر/بلى بس انا ماعندي أي مشكلة...
ابوعلي/انت اول ماتوصل للدمام دق علي وهذارقمي صار عندك وانا بخلي ناصر ينتظركم..
ابو مشاري/والله مالها داعي ياخوك ماتقصر...
عبير/شكلنا بنكلم خالتي ام ناصر تجيبكم تجيبكم يعني تجيبكم!!!
منال/ههههه مانبي نكلف عليكم!!!
نجود*/وين الكلافة ياعمري !!وبعدين يكفيك اني بكبري بدخل لكم المطبخ!!
فوزية/اوه ه ه هذا شرف عظيم تقديمنه حضرتك طبعا!!!
نجود/وهل في ذلك شك؟؟؟؟؟
عبير/وين نزلوا بعد ؟
جواهر/منو؟
عبير/عمي وابوهم....
قعدوا البنات جنب الحريم بس بمسافة بسيطة وقبال فهد ومحمد ومصعب اللي توه جاي.....
نجود/تعالوا معنا الليلة؟
منال/لامعليش صعبة شوي...
جواهر/والله راح ننبسط كثير مع بعض..
فوزية/مافيها شك ابدا ياقلبي احنا ساعتين وانبسطنا معكم بس ماعليه ...
نجود/بس انا مو متنازلة عن سالفة الغذى بكرة؟
ام مشاري/هي السالفة ان احنا بنمر على اهل لمياء نسلم عليهم!!!
نجود/مروهم العصر ولاالمغرب؟؟؟
نجلاء/وش بتاكلينا يانجود؟
نجود/كل اللي تبينه ياقلبي كل شي موجود عندنا!!
نجلاء/تسلمين..
ام مشاري/انتي قايلة بتجين تاكلين معنا سمك ها الاسبوع؟
نجود/سبحان الله انتي اللي جيتي تاكلينه!!!شفتي شلون البني ادم مايدري وش اللي جايه بالطريق!!!
عبير/غريبة نجود مادخلتي المكتبة؟
نجود/في مكتبة هنا؟؟؟
عبير/العبيكان...
نجود/وين ماشفتها؟
جواهر/الله يهداك بس ياعبير؟
نجود/جواهر تعقدت من كثر مااشتري بها الكتب؟
منال/انا بكرة اذا جيت ماابي اشوف غير مكتبتك وبس من كثر ماتحكين لي عن ها الكتب؟
نجود/قوموا ننزل المكتبة بشوف وش عندهم من اصدارت جديدة؟
فوزية/تنحطين مع خالي فهد يبيلك تشوفين مكتبته؟
نجلاء/اخاف يانجود بعدين تجين تشترين من عنده ..بس بشكرك اذا سويتيها؟؟
نجود/لا
نجلاء/مايشتري شي كثر مايشتري ها الكتب!!!
نجود بثقة/الكتب ثروة للي يعرف قيمتها ومعناها؟
نجلاء/وين انتي الثانية لا تتكلمين مثله واللي يعافيك!!!انا يضيق خلقي لاشفته ماسك له كتاب يقرا فيه؟؟؟؟
نجود وقفت/يالله انا بنزل تحت......
جواهر وفوزية كانوا يسولفون ومندمجين وعبير بدت تتكلم مع منال
اشرت لهم ونزلت.....
///////////////////////////////////////////////////
******بالمكتبة..
كانت تتصفح بجهة الكتب والروايات وهي حاملة كم كتاب بيدها....
وحست ان في احد واقف وراها لفت بسرعة وشافت فهد واقف....
ظلت تناظره بدون ماتتكلم...
وهو بعد....ومسك له كتاب من الكتب اللي وراها...
فهد/..............
نجود/.............
فهد/...........كانت قلوبهم تدق بسرعة ومافي غيرهم بالمكتبة وصاير قسم الكتب بنهاية المكتبة وفيها خشات كثيرة ....
نجود/....حياك الله في الشرقية
فهد/............ليش كاشفة وجهك؟اللي اعرفه الوحدة اذا راحت منطقة ثانية تكشف وانتي ماكنتي تكشفي بالرياض؟
نجود/انا جاية مع ابوي وابوي بس اللي له حكم عندي وعلي وطالما انه مو معترض محد له شغل فيني!!!انا كبيرة بدرجة كافية على مااعتقد؟
فهد/ويوم انك كبيرة بدرجة كافية مانتبهتي ان شكلك ملفت!!!!
نجود/شي يخصني؟
فهد/ممكن اسالك سؤال وتجاوبيني بصراحة عليه؟؟
نجود/ليش؟
فهد بتعب/لاني تعبان منه وابي اسمع ردك عليه!!
نجود بلامبالاة/شنو؟
فهد تقرب منها/انتي وش رايك بمصعب ولد اختي؟؟
نجود/مصعب!!!اي مصعب انا بحياتي ماشفته .....ويمكن اني شفته كذا بالسريع بس مااعتقد انه لفت انتباهي!!!!
فهد/أي بس....
نجود/في شي يافهد؟
فهد تسند على الجدار اللي فيه الكتب وقال بتعب وهو ياشر على قلبه/حاس اني تعبان !!ياليتني ماجيت يانجود من الصبح وانا قاعد اعاني!!
نجود بخوف/تعاني!!!من شنو يافهد؟
فهد/منك!!!!
نجود/انا!!!!!!!!!!
قطع عليهم جوالها وكان ابوها المتصل اعتذرت منه ومشت وتركته بناره لاهو اللي قدر يقول لها ولا هي عطته وقت علشان تسمعه!!!
////////////////////////////////////////
عند الحمام اللي بالمجمع طلعت فوزية وكان محمد جالس ينتظرها..
فوزية/خير..
محمد وقف ومشى جنبها/انتظرك؟
فوزية/وليش تنتظرني!!
محمد/لانهم نزلوا كلهم..
فوزية/طيب واذا نزلوا؟
محمد/قلت انتظرك مايصير اتركك بروحك؟
فوزية/ليش صغيرة انا ولابضيع لو ظليت بروحي!!!
محمد/ماتلاحظين انك قاسية بتعاملك معي!!!وش سويت لك انا عاد يابنت عمتي!!!
ظلت تناظر بالارض وماهي قاوية تواجه محمد ولاترفع راسها تشوفه...
طول عمرها وهي تتمنى انه يشوفها لو يكلمها ..
كانت راسمته بخيالها من طفولتها ...بس يوم كبروا وشافت طياشته وتهوره مع البنات شالته من تفكيرها..
وهذا حلم طفولتها ومحمد قاعد يكلمها يتحقق!!!بس بعد شنو بعد مالف على بنات الرياض كلهم!!!اه منك ياقلب؟؟؟؟؟
///////////////////////////////////////////////////////////////باخر الليل كانوا البنات يشتغلون كلهم بالمطبخ مع بنات عمهم ولبنى اللي اضطرت تاجل موعدها مع عبدالعزيز علشان طلعت عبير من المستشفى ....وطبعا جواهر معهم.....
كان الوقت كله ضحك ومسخرة تابعة للشغل...
ام ناصر/خلاص يمه عبير قومي روحي بيتك؟
عبير/خليني خالتي والله مافيني نومة؟
ام علي/مايصير يابنيتي مايصير بعدك تعبانة؟
عبير/والله مافيني شي....
ام ناصر/خلاص يمه عبير لو مارحتي بزعل منك...بكرة ابيك من الصبح تكونين موجودة معي...روحي ريحي شوي...
جواهر بضحكة/أي من قدك يااخت زوجي في نس تحبك وودها راحتك حسرة علي ام بندر ماقالت لي روحي!!!
ضحكوا عليها الموجودين.....
نورة/انا منك اتصل على بندر اقوله..
ام بندر/لاحبيبتي ولدي نايم اللحين لاتقعده من نومته علشانها!!!
جواهر/يوم قلتي لا والله لاادق عليه وين جوالي!!!
هنوف/تفضلي جوالي على مانلاقي جوالك وينه راح الاكشن!!!مااوصيك سوي روحك مطقوقة؟
جواهر/هههههه
الو..هلا حبيبي.
بندر بنوم/هلا...
جواهر.نايم!!!
بندر/أي ...
جواهر/نوم العوافي..اي شعليه انت نايم هناك وانا هنا مو راحميني؟
بندر بفزع/منو؟
جواهر/امك واهلك؟
بندر بخوف/وش مسوين فيك؟؟؟
جواهر بكذب/عندهم بكرة عزيمة وهم مرتاحين وانا اللي اشتغل لهم بالحلى !!لاويقولون واصلي مافي نوم خلصي وروحي رتبي المكان وبعد الصلاة اشتغلي بالطبق الرئيسي!!
بندر/قولي لهم بندر جايكم بالطريق اللحين يبي يذبحكم كلكم بدون استثناء؟؟؟؟؟
ام بندر بصوت عالي لانه سبيكر/وانا معهم بعد ياولدي الغالي!!!
ضحكوا البنات وراه......
بندر/اوه هاذي امي معهم....ها يمه شلون جواهر...قايل لكم لاتخلونها تسوي شي تتعب بعدين!!
ام علي/الله واكبر وش بيتعبها عاد!!!!!
بندر/هههه حطوها في بالكم زين ترى هاذي حبيبة قلبي!!!
هنوف/ها بدينا الحكي الماصخ!!!ترى معنا عيال صغار لاتقول شي؟؟
بندر بعناد/بكيفك هي مااقول شي!!!خلاص النومة وطارت مني وصحصحت وين عمري جيبوها بغازلها !!
جواهر اخذت الجوال وهي تضحك لهم بعد ماعدلت وضعها من السبيكر وطلعت الصالة تكلم...
ام ناصر/ها خسرنا وحدة من العاملات!!!همتكم انتوا يالله!!!!
وحدها نجود ماكانت معهم ابدا!!!!!كان كل تفكيرها بفهد وبكلام فهد اللي قاله وعن تعبه!!!ياترى وش اللي متعبك يافهد!!!وليش قال لي انا اللي متعبته من الصبح!!!!!معقولة بدى يحس بالشي اللي كان باين بعيونه وبيتكلم عن مشاعره!!!اه يافهد اه..لو تدري بس شقد انت معذبني وتفكيري فيك هالكني كان شسويت!!!!
///////////////////////////////////////////////
دخلت عبير الشقة وكان علي قاعد يشاهد فلم وماانتبه لها....
اصلا هو ماكلف على نفسه حتى يقول لها حمد الله على السلامة لابالمستشفى ولا يوم طلعت!!!!
حست بنار كاويتها!!!!وتمنت لو انها قعدت هناك بجمعتهم اكثر وقت ممكن واذا استلزم الموضوع تنام معهم!!!هنا تحس نفسها مخنوقة مووت ,,,
تنهدت ومشت لين وصلت للمكان اللي فيه علي وانتبه هو على دخلتها وقال لها بلامبالاة/صباح الخير !!توها الساعة ثنتين ليش راجعة عاد كان كملتي هناك؟؟
عبير بتنهيدة/انت عارف ان ابوك عنده عزيمة بكرة ومو حلوة اني مااقعد اساعدهم!!
علي/وانا ليش محد قال لي!!
عبير/ليش انت تكلم ابوك علشان يقولك؟؟؟؟؟
علي وقف ومسك كتفها بعصبية/انتي اصلا وش عليك اذا كان يكلمني ولالا!!!!
وقفت مكانها وهي متعودة على حركات علي معها كذا بس ها المرة يمكن لانها توها طالعة من المستشفى حست بقهر اكبر....
ترك يدها وابتعد عنها....
مشت لعند باب الغرفة وقالت له/توقعت انك تحمدني السلامة بس ماتوقعت بحرارة كذا!!!!
قالتها ودخلت غرفتها وقفلت وراها الباب وظل يناظر بالباب وهو ساكت وحس انه زودها شوي!!بس هي عارفة ان سيرة ابوه مايكلمه مايحب يسمعها ليش تذكره فيها بعدّّّّ!!!
تنهد وقعد مكانه....
///////////////////////////////////////
فهد طول الليل مانام وكلام مصعب يرن في اذنه وشكل نجود مو قادر يفارقه..كل لحظة من اللحظات اللي تمر عليه يحس ان في اشياء كثيرة تقربه منها...لو ماقال له مصعب عنها الصباح يمكن انه تهور وخطبها بكرة من ابوها اذا راح عندهم البيت بدون مايشاورها ولايكلمها بالموضوع!!!
بس مصعب خلاها يقعد بنص الطريق!!رغم ثقته ان اخته ماراح ترضخ وتقبل بنجود لانها تبي وحدة هي تختارها بنفسها بس بهد مايقدر يختارها ومصعب حاطها في باله وصارحه فيها؟؟؟
اه يافهد اه؟؟؟وش ناوي تسوي اللحين بها المشكلة اللي صارت لك؟؟؟لو كنت مصارحها بمشاعرك تجاهها...ولنفترض اني صارتها بمشاعري مابيتغير شي بالموضوع طالما ان مصعب حاطها في باله!!!
المشكلة ان مصعب ماكلمها وهو مو عارف مشارعها تجاه ه؟؟؟؟
ياربي وش ها الحيرة اللي انت فيها يافهد؟؟صاير كنك مراهق وخايف لااحد يعرف عن مشاعرك؟؟؟؟وانت قادر تتحرك خطوة لقدام ؟؟؟
/////////////////////////////////////////////////
جواهر/وبعدين؟
بندر/ولاشي بس شوقي وصل حده ومو قاوي اصبر اكثر!!
جواهر/تعال..
بندر/ياليت...باقي لي يوم واكون بحضنك لاتخافين مو تاركك دقيقة وحدة؟
جواهر/حبيبي..والله اشتقت لك حاسة مو يومين اللي غبتهم عني حاسة..
بندر/وانا اكثر والله ماتتصورين كيف شوقي لاعب فيني لعب!!!يبيك ياجواهر يبيك؟؟
جواهر/وانا بعد ابيك ياقلبي صدقني..
هنوف/ها بنقعد للصبح على حبيبي واحبك ومشتاقة لك؟؟
جواهر/شكلي بسكر ياقلبي!!
هنوف/الا اكيد بتسكرين !!!وبعدين انتي تدفعين فاتورتي ها الشهر بما انك كلمتي من جوالي!!
جواهر/تصبح على خير ياقلبي اكلمك الصباح.....تعالي انتي تعالي..اللحين توني مكلمة فيه مكالمة قلتي انا اللي ادفعها يالمجرمة!!
هنوف/مو مكالمتك هاذي تعادل عشرين مكالمة من مكالاماتي ياعيوني؟؟
جواهر/ياشينك يااستغلالية!!!
هنوف/ههه مو ذنبي بتدفعين يعني بتدفعين؟
جواهر/اخلي بندر يدفعها ولا تزعلين؟
هنوف/لاعيوني انتي موتشتغلين وتكدين!!ليش اخوي المسكين اللي يدفع ؟؟دفعي من جيبك.....
////////////////////////////////////////////////////////////////////////

---البارت الرابع والعشرين---
///////////////////////////////////////////////////////////

هنوف/لاعيوني انتي موتشتغلين وتكدين!!ليش اخوي المسكين اللي يدفع ؟؟دفعي من جيبك....
جواهر/انتي اذا بتظلين لي نشبة كذا ترى مو ساكنة معكم بنفس البيت باخذ بندري وبنطلع!!!
هنوف/ههه ماتقدرني ياقلبي ابوي مابيرضى يخليه يطلع ياحلوة؟؟؟امشي للمطبخ ورينا شطارتك يا جواهر هانم!!!!
///////////////////////////////////////////////////////////ا
ليوم الثاني الى الضحى....
كانت نجود واقفة بمجلس الرجال وبيدها المبخر..
.جواهر/ها في شنو سرحانين الحلوين!!
لفت لها نجود.../جيتي؟؟؟رضت تقدم لك حصصك؟
جواهر/مو بكيفها غصبا عنها!!المهم في شي صاير صح ولالا؟من امس واحنا بالسيارة حاستك متضايقة من شي؟
نجود تنهدت بقوة..
جواهر/شكلها السالفة فيها ان؟؟؟
نجود/يقول انه تعبان!!!
جواهر/متى شفتيه؟
نجود/يوم نزلت المكتبة؟
جواهر/وش اللي متعبه؟
نجود/انا..
جواهر/انتي!!!ليش؟
نجود/ماعرفت!!بس شكله فعلا كان تعبان ياجواهر ومتضايق من شي...
جواهر/تتوقعين يجي اليوم معهم؟؟
نجود ناظرت بالارض وقالت بضعف/لا.....
جواهر/كلمتي منال شفتيها..
نجود/شوي وبدق عليها...
جواهر بضحكة/علشان كذا مو هامك شي لانك حاسة انه مابيجي؟
نجود بقوة/هو ولاغيره مايهموني!!انا عايشة بطبيعتي وبظل بطبيعتي ومو مغيرة شي علشان أي احد!!!!
////////////////////////////////////////////////
في فندق الانتركونتينال بالجبيل...
ابو مشاري/شلون يعني اللحين؟
ام مشاري/انا ماعلي من احد اللي بيجي يجي واللي مو جاي بكيفه؟(كانت تقصد ام مصعب اللي مارضت تجي معهم)
مصعب كانت اماله خايبة بانه يدخل بيها اليوم بما ان امه ماراح تروح....
منال/مشاري وينه؟
ابو مشاري/قال لي انه بيكون في بيت عمه وتراهم ينتظرون منا زيارة اليوم.؟
ام مشاري/أي عارفة كلمتني ام لمياء وقلت لها ان احنا بنروح لهم بعد صلاة المغرب.....
نجلاء/فهد انت شلون بيكون وضعك بتروح بيت السبيعي ولا بتقعد مع اختك!!
فهد بلامبالاة/وهي ليش ماتبي تروح؟
ام مصعب/لاني ماحب ازور ناس مااعرفهم!!!
فهد/معناته بكيفك..انا بروح..
مصعب/اذا بنروح يالله نحرك على الدمام علشان بعد الصلاة احنا هناك...
فوزية/يمه انا ابي اروح معهم نجود ماكدة علي هي وجواهر من البارح ومو حلوة مااروح!!
ام مصعب/بكيفك تبين تروحين روحي منوغاصبك تقعدين؟
لمى /انا بعد بروح..
نجلاء/أي بس انا ماراح اروح بقعد مع عمتك؟
ابو مشاري/وانتوا بتقعدون هنا بروحكم؟
فهد/لا طبعا..ينزلون معنا للدمام ويقعدون بمجمع من ها المجمعات....فيصل يالله بابا روح البس علشان تجي معي....
فيصل/ياسلام امي تروح مجمع والعاب وانا اروح معك بيت الناس بس اتغذى واتملل؟
فهد/مو تقول انك رجال!!خلاص الرجال يطلع مع ابوه؟
محمد/صادوك يافصيل مالك مفر؟؟؟؟
ابو مشاري/يالله جهزوا لاتاخرونا بس انا بنزل احاسب الفندق وبنتظركم تحت.....
///////////////////////////////////////////////////////////

في بيت السبيعي بعد صلاة الظهر..
نجود/زارتنا البركة.....تو مانور البيت..
ام مشاري/الله يسلمك يمه,,,والله ماكان لها داعي بس شنسوي فيك يانجود؟
ام علي/كيف بعد واصالين لهنا وماتزورونا؟ نجود دايم تسولف عنكم..
هنوف تهمس لنورة/متى ولا مرة سمعتها تسولف عنهم!!
نورة تهمس لها/لزوم المجاملات..
هنوف/أي....
نجود/هاذي ام مشاري...وهاذي منال اللي معي وهاذي فوزية بنت عمتها وهاذي مي ..وهاذي لمى بنت عمهم وهذولا طالباتي الجازي اخت فوزية..ومروة اخت منال....واحمد ولد رحاب وفيصل اخو لمى ولد عمهم....هاذي امي ام ناصر..خالتي ام علي وزوجة عمي ام بندر وخالتي ام محمد ام جواهر....هيا اختي ونورة وهنوف بنت عمي...عبير زوجة اخوي لبنى ومضاوي بنات عمي..وجواهر تعرفونها طبعا......
//////////////////////////////////////
بمجلس الرجال...
مصعب/انا حاس اني شايفك بمكان؟
ناصر/انا بعد بس وين مدري....
مصعب/اكيد بالرياض لاني ماانزل الشرقية كثير ومن زمان ماجيت؟
ناصر/انا بعد من زمان مارحت الرياض رحت يوم اوصل اختي نجود.......اي تعال انت اللي شفتك بالشارع يوم اسالك عن الشقق؟؟
مصعب عصر مخه علشان يتذكر بس ماذكر..
ناصر/بلى انت...تذكرتك لاني كنت مستحي من نظراتك لي وعبالك اني واحد خربان!!
مصعب/يمكن بس مو ذاكر...
ناصر/انا كنت رايح مع اختي اوصلها وماكنت اعرف شي هناك ولقيتك وسالتك ..
مصعب/يمكن..(وفي باله يقول انت اخوها يعني هلا والله)
//////////////////////////////////////////////////////////////ملاك كانت قاعدة بغرفتها تسوي بحث لنجود علشان تثبت لها انها غير وانها بتكون افضل من الجازي...
ام رائد/يمه ملاك وش تسوين؟
ملاك/اكتب بحث للمدرسة؟
ام رائد قعدت جنبها/لشنو؟؟؟للمدرسة!!غريبة ماهي من عوايدك والله!!!
ملاك ابتسمت/هههههه
ام رائد/ماودك تطلعين لبنان يومين؟
ملاك/لا..
ام رائد/ليش؟
ملاك/بس مالي خلق اطلع من الرياض بعد ماصارت حلوة بعيني؟ام رائد/وش سالفتك انتي؟؟الرياض صارت حلوة بعينك!!والمدرسة ماقاعدة تغيبن منها وبحوث وشطارة نازلة عليك؟؟؟فيك شي..
ملاك/يمه...لإي وحدة عاجبتني حيل احسها غير عن الناس اللي قابلتهم بحياتي!!
ام رائد/منهي؟
ملاك/وحدة من الشرقية تدرسنا لغة عربية اسمها نجود السبيعي....مو من ها الناس اللي ترمي حالهم عليك لا...فيها شي عجبني,,,تحب تتحدى!!!ثقيلة وواثقة من نفسها...احبها يمه احبها...ودايم تعاندني من عرفت اني احبها شسوي فيها انا!!!
ام رائد ابتسمت لها/هي بعد تحبك ياملاك..
ملاك بزعل/لا يمه قالت لي انا اعرف انك تحبيني بس انا مااحبك!!!
ام رائد/ما قالت لك الصدق قاعدة تمزح معك ..
ملاك/وليش بتمزح معي!!انا اعرفها ماتجامل احد ابدا!!
ام رائد/كلمتني مها عنها وقالت لي اذا ضايقتك بشي هي بتتصرف؟
ملاك/خلي مها تولي يمه!!اصلا هي غيرانة من علاقتي بنجود؟؟؟؟
ام رائد/لا ياماما عيب مايتكلمون كذا!!بعدين مها ماقصرت معك دايم تصرفك ولاانتي ناسية؟
ملاك بحدة/تصرفني بفلوسي!!واسطتي وواسطة ابوي وخدماننا لها!!والهدايا اللي اوديها لها كل فترة والثانية ؟؟ماهي متغاضية عني مني والطريق ياماما؟؟؟؟
////////////////////////////////////////////////////
ام مشاري/طباخة يعني يانجود؟
نجود/لاوالله نص ونص..
ام علي/بس في الحلويات الموالح ماتدري عن هوى دارهم,,,,
نجود/خلاص خالتي ماله داعي الفضايح؟؟؟
منال/ههههههه خلينا متونسين بفضايحك عادي..على الاقل احسن من اللي ماتطب المطبخ لابمالح ولابحالي!!
فوزية/تكلمي عن نفسك ماله داعي تتكلمين عني!!!
لبنى/هههه انتي اللحين فضحتي نفسك؟؟....
نجود بهمس لمنال/ليش ماجت معكم نجلاء؟
منال/قايم النفاق مع عمتي كيف تتركها بروحها؟
نجود/وليش عمتك ماجت معكم!!
منال/قلت لك عمتي اذا مو هي صاحبة الدعوى لانحلم انها توجبنا وتجي معنا!!!
نجود باحتقار/بكيفها عمرها ولاشرفتنا....اهم شي انتوا؟؟
**************************بغرفة نورة...
هنوف/بالذمة تخافون من نجود؟
مروة بسرعة/طبعا!!
نورة/ههه عادي ترى انا اختها واخاف منها..لاتستحون؟
الجازي/مو كذا بس هي عصبية كثير...
هنوف/اوه اسالينا عنها؟
مروة/طيب هي وش تحب؟
هنوف/تحبني انا هههههه
مروة/ههههههههههههه
مروة/لابجد.....
نورة/كيف يعني وش تحب؟
مروة/يعني الالوان اللي تحبها,,اممم..الاكلات,,اشياء عامة؟
هنوف/الالوان تحب البنفسجي مثل جواهر والاصفر...
الجازي/اصفر عاد!!
هنوف/هههه هذا اللي طلع معها؟
مروة/وغير الالوان؟
نورة/تحب ورق العنب واللزانيا والباي....وش بعد تحب هنوفوا؟
هنوف/تحب الورد....تموت على الورد..ساعات هي تشتري لروحها ورد وتحطه بغرفتها!!!ماتحب الناس اللي تركض وراها ابدا!!حتى مع اخوانها اللي يتجنبها هي تلاحقه واللي يحقرها تمشي وراه!!!قاسية وعصبية بس ممكن انها تقتنع وتتفاهم!!!
////////////////////////////////////////////////
كان يناظر بصحون الحلى وهو يتذكر كلامها امس وانها بتدخل المطبخ وتسوي لهم الحلى بنفسها...
مد يده ياكل وعيونه على مصعب اللي ماترك ناصر دقيقة وحدة من عرف انه اخوها!!!!
,,,,,,,,,,,,,,,,,,,,,,,,,,,
طلعوا البنات يتمشون برى لان الجو كان بارد وقعدوا بالحديقة وطلعوا قهوتهم وحلاهم برى وقاموا يسولفون...
منال/نجود انا احسدك عندك بنات عم يجننون؟
مضاوي/شكرا..
منال/حسرة علي ماعندي احد؟
لبنى/وفوزية؟؟؟
منال/ماترجع من شغلها الا الليل وبيتهم علطول
طول الوقت اكون بروحي اذا رحاب مو هنا ؟عبير/وين تشتغليم؟
فوزية/مركز الخدمة الاجتماعية؟
نجود/اذا تبين منهم اخذي مايعنون لي شي..عندي جواهر؟؟
لبنى/شكرا..
نجود/هههههههه
لمى/نجود جوالك يدق..
نجود/ياعمري ها الناعمة.....جيبيه...
مضاوي/سارة اخت لمى مو كبيرة؟
منال/لا كبر مي اختي بمتوسط...
لبنى/اها...
فتحت جوالها وكانت تقرا بصمت ...الرسالة كانت من فهد....(تسلمي على ها الحلى الحلو.....فيني اطلب منك طلب؟9
ردت عليه بسرعة وكانها نست سالفة الثقل(امرني!!)
فهد(الليلة بيروحون بيت زوجة مشاري وودي اني اشوفك اذا ماعندك مانع باي مكان انتي تختارينه)
نجود وافقت بعد تردد(طيب مو مشكلة)
سرحت بافكارها بعيد....مع ها الفهد اللي مشاعره متخلبطة ومخلبط لها افكارها هي بعد!!!
ياترى وش يبي!!!!!
وصارت تستعرض الاماكن الحلوة اللي ممكن يلتقون فيها!!!!
////////////////////////////////////////////////
عند المغرب طلع علي من المجلس وكان خلقه ضايق والقعدة كلها مو عاجبته وهو طالع للباب الخارجي الا ووحدة داخل...
علي بعد/اسف..
لمياء /علي!!
التفت لها وقال بدون تصديق/لمياء!!!!!
لمياء/...............
علي/.............
لمياء/انا جاية اشوف ..
علي بهمس/لمياء لازم نتكلم؟
لمياء/وش تبي تقول؟
علي/كلام كثير لازم نقوله؟
لمياء/قوله انا اسمعك؟؟
علي/لا مايصير متى فيني اكلمك.انا ارقامي كلها ماتغيرت؟؟؟
لمياء بضعف/مقدر اكلمك صدقني؟
علي/زوجك معك؟
لمياء/..........
علي/طيب نلتقي الليلة؟
لمياء/مستحيل؟؟؟
علي/لايكون انتي زوجة مشاري؟؟؟؟قالوا ان مشاري جايهم اللحين!!
لمياء بضعف/أي....
علي تنهد وتسند عند الباب..
لمياء/لازم امشي مو حلوة يشوفوني واقفة معكم؟
علي بضعف/ليش تركتيني اقاسي بروحي!!والله مانسيتك لجظة وحدة؟
لمياء/ممكن ادخل؟
علي/عطيني موعد اذا ماتبين تعطيني رقمك؟
لمياء/علي!!
علي/مرة وحدة بس بسمعك الشي اللي عندي وبسمع منك اللي عندك وبعدها نشوف وش بيصير!!!!
//////////////////////////////////////////////////////
هيا/بتطلعين؟
نجود كانت واقفة عند المرايا تتمكيج/أي..
هيا/وين؟
نجود/بطلع مع منال مجمع الضهران..
هيا/توهم طالعين قبل شوي....
نجود/وش فيها هاذي..ماتبي تقعد في بيت اهل مرة اخوها واجد وقالت لي قلت لها مافي مشكلة بعدين انا قلت لابو علي وماقال لي شي؟؟؟
هيا/وبتتاخرين؟
نجود/والله مدري.....
كانت تنتظر فهد يتصل فيها يقول لها انه ينتظرها برى لانه قالت له مابتقدر تطع مع احد بعدين بيعرفون وقال لها انه بينتظرها عند بيتهم واهلها مايدرون اذا كانت منال موجودة ولالا؟
/////////////////////////////////////////////////////////
في السيارة...
نجود كانت قاعدة ورى......
والجو بينهم هادى..
فهد/وين....
نجود/في كافي بالخبر حلو....اسمه لافندر....
فهد/طريقنا صح كذا!!
نجود/أي.....
فهد/..........
نجود/فهد ممكن تطفي السيجارة شوي ريحتهاعلقت فيني!!!
فهد/اسف مقدر اطفيها؟
نجود بعصبية/بتطفيها وغصبا عنك!!
فهد بصرامة/نعم!!!!انا محد يكلمني بها الاسلوب لو سمحتي!!
نجود/أي بس انا مو أي احد يافهد؟؟انا نجود؟
فهد بارتباك/وش يعني اذا كنتي نجود لو غيرها!!!
نجود/اسال عيونك وانت تعرف وش تعني نجود لفهد؟؟؟؟
فهد بعصبية/عيوني ماتقول شي؟؟؟
نجود/ماشي...بنشوف.....
وصلوا للكافي ونزلوا......
///////////////////////////////////////////
بمارينا مول....
لبنى/انا مع صديقتي بجهة المطاعم انت وينك بالمحل.؟
عبدالعزيز/أي...
لبنى/بشوفك ولا..
عبدالعزيز/مافيني اشوفك اذا طلعت؟؟؟ولابيكون عليك الوقت متاخر ولازم ترجعين البيت!!
لبنى/بنتظرك شوي بعد ..بس مدري اذا كنت بقدر انتظر اكثرولالا؟اناجاية معها وهي اللي بتردني ؟؟
عبدالعزيز/اسف حبيبتي بس محمد طلع لظرف طارى وانا مقدر اسكر المحل وامشي بعد!!
لبنى باسى/فاهمة عليك...
عبدالعزيز/حتى شوفة مثل العالم مو قادرين نشوف بعض؟
لبنى/ماغيرت رايك؟
عبدالعزيز/بشنو؟
لبنى/في انك تخليني اتعرف على اختك؟
عبدالعزيز/انتهينا من ها السالفة يالبنى!!!مالازم تعرفون بعض؟
لبنى/طيب ليش؟؟منت عاطيني سبب واحد يخليك ترفض ياعزوزو؟
عبدالعزيز/يكفي ..وش تبين تعرفين فيها؟
لبنى/اقلها بشوفك اكثر وانا رايحة لها وهي جايتني؟؟؟
عبدالعزيز/وانتي مفكرة اهلك بيخلونك تصاحبينها!!
لبنى بصرامة/وليش مايخلوني اصاحبها عاد!!!
عبدالعزيز/اللي رفضوا اخوها علشان فقره بيخليهم يرفضونها اكيد لنفس السبب!!
لبنى/الظاهر اليوم مزاجك متعكر ومالك خلق نشوف بعض؟؟؟؟انا طالعة اشوفك بوقت ثاني تكون رايق اكثر!!
عبدالعزيز/لبنى لاتزعلين هاذي الحقيقة؟؟؟
لبنى/تصبح على خير.....
سكرت منه وحطت راسها على الطاولة تكمل دموعها..
شما صديقتها/لبنى!!!رفعي راسك؟؟
لبنى رفعت راسها وكانت تبكي بحرارة/مقدر الومه ياشما !!انا عارفة انه انجرح من ابوي ورفضه!!بس لازم يفهم اني احبه واغليه ومو متنازلة عنه لو شيصير بها العالم!!!!
شما/طيب هو شيسوي بعمره المسكين!!!
لبنى/وانا شذنبي عاد ياشما!!يعاقبني بها الطريقة كل ماجيت اتقرب منه اكثر واتعرف عليه!!
شما/انا معه مو معك!!يعني لمى تتعرفين على اخته وش بتاخذين غير الهم اكثر ووجع الراس!!!!
لبنى/بقدر اشوفه اكثر!!
شما/بس ؟؟هذا مو سبب!!!بتتعبين نفسك زيادة!!!
///////////////////////////////////////////////////////////////في الكافي,,,,
نجود/ماقلت لي ليش كنت تبي نلتقي!!
فهد/................
نجود/فهد انت عندك شي منت خالي!!قول انا اسمعك؟؟؟؟
فهد/الى متى بظل اقولك لاتناديني فهد!!مني باصغر عيالك؟
نجود تقربت منه وقالت له بهمس/وش المانع انك تكون اصغر عيالي عاد!!!انا راضية؟؟؟؟
ظل يناظرها ودمه محترق منها ومن حركاتها ودلعها وضحكتها وغمزات عيونها,,,,,
نجود بدلع وهمس/انت عندك مانع!!!!!
فهد/نجود.
نجود بنفس الدلع/امرني!!!
فهد/...........
نجود/فهد...ممكن اسالك سؤال؟
فهد/قولي....
نجود/انت مرتاح بحياتك!!!
فهد بان بعيونه الارتباك/ليش تسالين!!
حطت دها فوق يده اللي كانت على الطاولة ومررت اصابعها عليها وقالت وهي تناظره/لاني حاستك مخنوق ومتضايق!!!!في شي ماهو بمريحك؟؟؟البيت صح!!
فهد بهمس/نجود..
نجود/قول..
فهد/انتي في احد بحياتك؟
نجود/لا..
فهد/وماعمرك حبيتي!!!
نجود/بلى حبيت....اذا كان هذا هو الحب فانا حبيت!!!انسان قاسي حييل!!وبخيل بمشاعره معي!!!رغم ان كل شي واضح بعيونه؟؟؟؟
التقت نظراتهم مع بعض وابتسمت بوجهه وهي وصلت له اللي عندها,,
فهد بارتباك/من زمان؟؟؟
نجود/شهر تقريبا!!!اقل بشوي...
فهد اكتفى بانه يناظرها بدون مايعلق وهو وده يقول لها أي شي....
نجود/قول...انا اسمعك وبظل اسمعك...وغصبا عليك بعد بسمعك يافهد؟؟؟قولي وش اللي مضيق خلقك؟
فهد تنهد بقوة وكان بيطلع سيجارة يدخنها بس يد نجود شالته قبل لايوصل له..
نجود/اصبر علي!!شوي شوي وبخليك تقطعه مرة وحدة يافهد!!
فهد/وليش؟؟
نجود بخوف واضح/لانك قاعد تضر نفسك وتموت نفسك!!!معقولة حياتك مالها أي معنى بالنسبة لك؟؟طيب ولنفرض حياتك ماتعنيلك أي شي,,احنا اللي حواليك مايهمك زعلنا وخوفنا عليك!!! (قالت احنا متعمدة وهي حاطة عيونها بعيونه)
فهد بارتباك سكت وترك ولاعة السيجاير على الطاولة..
نجود بحنان/قول يافهد قول..انا اسمعك....
فهد/تعبان يانجود تعبان!!!تعبان من حياتي معها من البداية....كل شي بينا تضاد!!لافهمتني ولاحتى حاولت تفهمني!!وحتى يوم اني تقربت منها اكثر وفهمتها وش اللي انا ابيه ماسوته!!نفرتني منها ومن حياتنا..موتت فيني مشاعر متهججة وبتثور باي لحظة بس للاسف ماثارت غير يوم شفت.....يوم شفتها...وحدة شدتني لها ..بكل مافيها...بثقلها ,,قوة شخصيتها,,هيبتها وعقلها ورزتها!!
نجود/وصارحتها!!
فهد/لا..
نجود/ليش؟
فهد/يمكن انها تحب غيري؟
نجود/ماتحب غيرك!!بس انت صارحها!!
فهد/وانتي وش اللي يخليك تكونين واثقة كذا ان مافي احد في بالها!!
نجود/واثقة وبس!!!طيب هذا كله وش يدخله بزعلك وتعبك امس!!!
فهد/هني المشكلة اللي ماحسبت لها حساب........مو انا الوحيد اللي افكر فيها!!
نجود بخوف/وش تقصد يافهد؟
فهد/في واحد ثاني قال لي امس انه يفكر فيها رغم انه ماشافها غير مرة وحدة؟
نجود/.......مهما يكون تاكد انها بحياتها مافكرت بغيرك!!!
كان كل واحد منهم يتكلم عن مشاعره وهو يقصد الطرف الثاني بس بدون ذكر اسماء!!ومع هذا كانوا فاهمين على بعض عدل.....

نجود بزعل/والقرار في النهاية قراره هو؟
فهد بتعب/انتي مو حاسة فيني!!ليته ماكلمني ولاقال لي عنها؟؟؟
نجود بعصبية/هو وين شافها اصلا!!!علشان يحبها يافهد؟؟جنون يافهد جنون؟؟هذا مو حب؟؟؟
فهد/اه
نجود بدمعة باينة في عينها ومس/سلامتك..لاتتنهد ترى والله تطلع تطلع من قلبك وتدخل بقلبي!!
شبكت يده ها المرة على يدها بقوة ومافكرت انها تعارضه ولاتشيل يدها من يدينه,,,,
كانت عيونهم تناظر في بعض ويقولون لبعض اللي فهد ونجود قاعدين يكابرون فيه...
فهد/انا متعذب يانجود متعذب؟؟
نجود/قلت لك هي ماتبي غيرك؟؟؟وبعدين محمد انت اكثر واحد تعرفه مافي بنت بالرياض على قولتكم وماشبك معها؟؟؟معقولة كلامه بياثر فيك!!
فهد/ياليته كان محمد كان مااهتميت!!هذا مصعب يانجود مصعب!!
نجود/......اي بس انا ماشفته ولااذكر اني شفته بعد!!!!
///////////////////////////////////////////////////////
من طلعت لمياء من البيت وعرف بيت اهلها وينه فيه بعد مامشى وراهم ..ورجع بيتهم وهو حابس نفسه بها الصالة ومو متحرك منها...
كانت تناظره من بعيد لبعيد وهي حاسة انه في شي مو طبيعي !!
من امس وبعد موقفهم قبل لاينامون كانت اعصابه اهدا شوي من اللحين!!اللحين حتى معالم وجهه منقلبة فوق تحت!!وش فيه ياترى!!
معقولة متهاوش مع عمي!!!اكيد مافي غير ها السبب..اكيد عمي قايل له شي..لانه اليوم ماطلع من البيت اصلا وكان مع الضيوف واللحين يوم طلعوا ورجع هنا تغيرت الوانه!!!
اه ياعبير اه...شتسوين بنفسك وبها العيشة اللي انتي عايشتها بس!!!!
والله تعبت ومو قادرة ...حتى الدكتور النفسي يوم درى عن اني اتعالج عنده منعني وقالي لي مافي روحة!!!
لمنو اشتكي ظلمك ياعلي لمنو؟؟؟؟
/////////////////////////////////////////////////////////////لمياء بعد كانت قاعدة مع اهلها واهل زوجها بالاسم بس.,,
ولا الكل كان ملاحظ شرودها وسرحانها طول الوقت وكانوا يدارون عليها من هنا وهنا وهم مستغربين سالفتها....
اه ياعلي...حرام عليك..انا احب مشاري واحب بنتي وبيتي وماابي اهدم عشي بيدي!!!
ليش كل ماشافتك اضيع؟؟؟ليش كل ماشفت زعلك بعيونك احس اني ظلمتك واني انا المذنبة!!!!!
ليتني اليوم قدرت اروح بيتكم واشوف مرتك ...كيفها...اططباعها..معيشتك بهنا ولابكدر؟؟؟رغم اني قاعدة اشوف الهم بعيونك مو الرضا!!!
ياربي وش اسوي انا..طلعت لي سالفة علي وانا اللي بعمري ماحسبت لها أي حساب!!!!!
مريم/بابا يبيك..
لمياء/ها...يالله جاية...
////////////////////////////////////////////////////////////////باخر الليل بغرفة نجود..
جواهر/ولو هذا مايعني انه يقصدك؟
نجود بحزن/بلى يقصدني..
جواهر/ليش ماقالها صراحة!!
نجود/وليش ماقلت له انا اسمه صراحة؟؟
جواهر/ليش؟؟
نجود/لنفس السبب اللي خلاه مايقول اسمي!
جواهر/انتي بتجننيني!!وش يعني ها الكلام!!!

نجود/مدري من وين طلع لي ها المصعب بعد!!!
جواهر/وش ها ال...ياربي...فهد مايناسبك يانجود اخذي مصعب احسن لك؟
نجود/قلبي ماارتعش غير يوم شاف فهد ..فهد وبس ياجواهر!!!
جواهر/طيب وين الحل؟
نجود/ماشفتيه كيف كان متضايق وتعبان ياجواهر؟؟؟
جواهر/اذا تبين راي البعد عنهم اريح!!انتي ماشفتي محمد اخوهم امس كيف كان يناظرني؟
نجود/محمد؟
جواهر/أي...تذكرين يوم اجيك الرياض ونروح جرير واقولك اني غسلت شراع واحد كان يناظرني؟؟؟
نجود/أي...
جواهر/طلع ها الواحد نفسه محمد اخو منال...امس شفته بالجبيل ونفس الشي كان يناظرني ولو ماكان فهد قريب منه وعبير معي كان غسلت شراعه بعد !!!
نجود/حاسة راسي بينفجر ياجواهر مو قادرة افكر بشي ابدا!!!
جواهر/متى بيرجعون الرياض؟
نجود/فهد بيرجع الليلة؟
جواهر/ماهو مبيت هنا؟
نجود/لا...يقول تعبان ومو قادر يقعد اكثر....
جواهر/ونجلاء رضت تروح والباقي قاعدين؟
نجود/وشدعوة عاد فهد بياخذ بشورها؟؟؟هو الرجال واللي يبيه يسويه؟؟؟
/////////////////////////////////////////
كان فهد يمشي وهو ساكت طول الطريق والعيال نايمين ونجلاء بعد ..بعد مااعترضت على رجعتهم الرياض بها الوقت وهذرت لين شبعت نامت وظل هو وطيف نجود وسيجارته بس اللي سهرانين!!!
كل ماحاول يشيلها من باله مايقدر.....وهو يتذكر كلامها عنه ..اي كانت نجود تقصده ...بس ياليتها قالتها صراحة..كان محتاجه منها بقوة!!!
جاه مسج بجواله واسثقل يفتحه بها الوقت لانه حس انه واحد غلطان ولا منو اللي بيرسل له مسج والساعة داخلة على ثلاث الفجر!!
فتح المسج وكان من نجود صار يقرا شوي ويناظر بنجلاء شوي..
(البنت اللي قلت لي عنها تقولك انتبه على نفسك وانت تسوق,,,وتاكد ماشغل بالها وافكارها غيرك لابا الوقت ولابوقت الطيش!!انت الوحيد اللي كانت تنتظره من زمان!!
ريح لك شوي بالطريق ولاتكمل المشوار علطول خذ لك بريك كل نص ساعة وقوم ريح ومشي شوي..
وقلبها وتفكيرها بيكونون معك لين توصل بالسلامة وتطمنها)
تنهد بقة ووقف السيارة على جنب وكانه ينصاع لااوامرها...
مايدري ليش حاس بانجذاب لها...هل لاانها قاعدة تدخل من الجوانب اللي اهملتها فيه نجلاء!!!ولا لانها فعلا قاعدة تحرك فيه مشاعر اندفنت فيه وثارت يوم حركتها بلمساتها!!!!
ليش يامصعب ليش؟؟؟تمنيتك ماصارحتني ولاقلت لي ولاتخليني بها الحيرة اللي انا فيها!!!!
///////////////////////////////////////////////////////////يوم الاربعاء بغرفة بندر...
كانت جواهر فيها من الضهر بعد مارتبتها له وبخرتها وحطت فيها شموع بكل جهة وجهزت له حمام ساخن وموسيقى كلاسيك ومزلت تجهز له العشى مع خالتها......
دخل بعد ماسلم على ابوه ومامر المطبخ لانه توقع يشوفها هنا مثل ماقالت له...
شاف الاضاءة والشموع وابتسم وماقاوم يدخل الحمام الساخن ويسبح فيه وهي مجهزته وحاطة له فيه ورود ورغاوي وكل اللي يفتح له نفسه...
,,,,,,,,,,
هنوف/مو كانه طول؟كل اسبوع يكون وصل بها الوقت!!
جواهر/لاتخوفيني!!!
لبنى/تلاقين الطريق زحمة ولا ..
جواهر/انا يوم اكلمه من شوي قال لي انه طلع من المطار؟
ام بندر رفعت جوالها ودقت عليه/مايرد؟
جواهر/ياربي ...
مضاوي/مافي الا الخير ياجواهر...
هنوف/طيب وين ابوي؟
ام بندر/ابوك معزوم مع عمك في بيت الشامسي وطلع توه ...
جواهر/بركب اجيب جوالي وبدق عليه بشوف...
طلعت جواهر..
ام بندر بخوف/ياربي احفظه....
لبنى/انا هاذي الحركة مااحبها انهم يطنشون ومايردون؟طيب في ناس هنا تحتري وقلبها بيوقف ردوا طمنونا!!
مضاوي/الله اعلم بللي هو فيه يالبنى!!
دخلت الغرفة وهي قلبها بيوقع من الخوف ..المفروض انه يكون وصل من بعد المطار عاد!!!صار له ساعة من قال لها انه طلع من المطار!!
ماانتبهت على اغراضه الموجودة لانها كانت تدور جوالها وين حطته....
اخر شي كانت تشتغل فيه شنو...اي الحمام يوم تحط الرغاوي بالماي الساخن ..
فتحت باب الحمام وكان بندر مبسوط بالماي ولاف وجهه على الجهة الثانية وهو عارف انها هي اللي جاية لان خواته مايعتبون غرفته بعد بيدخلون حمامه!!وقف قلبها يوم شافت جسم متمدد بالحمام اللي مجهزته لبندر وصرخت صرخة قوية خلت بندر يلف وجهه لها وهو يضحك..
بندر/كل شي يخوفك يالبزر؟
جواهر بخوف/بندر انت من متى هناّ!!!احنا قالبين الدنيا عليك وانت تسبح؟؟؟
بندر/ماقدرت اقوم شكل الماي وريحته....تعالي معي!!
جواهر/كذاا وقفت قلبي....!!ياويلك مني؟؟؟
بندربخبث/ههه تعالي عاقبيني اللحين؟
جواهر وقفت وطلعت..
بندر/تعالي...
جواهر/بنزل اقول لاامك وخواتك انك هنا!!تراهم كلهم ينتظرونك ويحاتونك؟
بندر/وتجين بسرعة!!!علشان تجهزين لي ثياب!!
جواهر/جهزت لك ماانتظرك؟
بندر بعناد/اذا ماجيتي ماراح انزل !!بظل بالماي اللي بيبرد وبمرض؟؟؟
جواهر ابتسمت ونزلت....
/////////////////////////////////////////////////
سارة/صراحة انا ماانبسطت اصلا!!!
فهد/منو قال لك لاتنبسطي؟
سارة/وديتونا الفناتير والسباحة ممنوعة بس انتوا سبحتوا!!
فهد/عندك مزرعة فيها بركة روحي سبحي منو ماسكك؟
سارة/والمجمع اللي رحنا له هناك مو حلو ماعجبني!!!
لمى/أي بس رحتي يوم ثاني مع امي مجمع الضهران لليل وتسوقتي على راحتك!!
سارة/ومنو قال لك ان شاءالله تروحين معهم بيت نجود ولابيت اهل لمياء؟
لمى/أي بس انبسطنا!!
سارة/انا ماانبسطت ..ليش ماقعدنا مع بيت عمتي وبيت عمي هم الليلة بيرجعون؟
فهد/معليش بابا مرة ثانية بوديكم وبخليكم تنبسطون اكثر؟؟؟
لمى/بابا قول لها توريني الاغراض اللي شرتهم لها!!
فهد/انا ماورتني اغراضها؟؟؟
سارة/امي تقول خلاص انتي صرتي كبيرة وماتوريني اغراضك احد!!
فهد/حتى البابا!!!انتي تكبرين على الناس اللي حواليك بس مو على البابا ياسارة!!
سارة/هي قالت كذا!!
فهد/وانتي وش رايك ياسارة؟تكبرين على البابا؟
سارة/لا..بروح اجيبهم علشانك بس مو علشان لمى؟؟
فهد/سارة!!!تعالي قعدي بقولك شي قبل لاتجيبن اغراضك؟
قعدت سارة..
فهد/لمى بابا وين اخوك؟
لمى/مدري.
.فهد/كيف ماتدرين؟؟قومي شوفيه حبيبتي!!
قامت لمى وفهد كان بس يبي يصرفها..
فهد /انتي ليش تكرهين اختك!!
سارة/لانها ثقيلة دم!!!
فهد/حرام عليك اللحين لمى ثقيلة دم!!
سارة/أي وملقوفة بعد!!!
فهد/لا ياباا عيب...
سارة/هي دايم تتدخل باشياء ماتعنيها!!وتسال عن كل شي؟؟
فهد/طيب مو انتي اختها الكبيرة فهميها يابابا ان الشي اللي تسويه غلط!!علميها كيف تتصرف هذي مهمتك انتي,,انتي الكبيرة وهم مسئوليتك؟
سترة/يعني انا اللي اعلمها هي وفيصل كل شي؟
فهد/أي...علميهم الصح والغلط وخلهم يكونون مثل عيالك..انتي ترضين لعيالك يتعلمون شي غلط وانتي تدرين انه غلط؟؟
سارة/لا
فهد/خلاص..علميهم الاشياء اللي انتي عارفة انها صح والاشياء اللي انتي محتارة فيها تعالي ساليني عنها بدون مايشوفونك وانا اقولك اذا كانت غلط ولاصح زين بابا؟
سارة/طيب.....بس امي دايم تقول انك تحب لمى اكثر صحيح ياباب؟
فهد/انتي شتشوفين ياسارة؟
سارة/.........
فهد مسك برواز صورة كانت وراه فيه صورته مع سارة ولمى وفيصل وعطاها اياه/شفتي ضحكتكم كلكم بها الصورة ووقفتكم جنب بعض!!انتوا عندي كلكم بنفس المعزة ياسارة كلكم قطعة مني يابابا!!ومااحب احد اكثر من الثاني ياسارة....مو كل شي تسمعينه تصدقينه.انتي كبيرة تعالي اسالي وقولي انا سمعت كذا صح ولالا؟
///////////////////////////////////////////////////////
ناصر/ياسلام قهوتك تجنن يانجود..
نجود/طبيعي بتجنن مو انا سويتها؟
ناصر/الواحد مايمدحك ولايجاملك ابدا!!!ذكرتيني بمنو؟
نجود/بمنو..
ناصر/ابو فيصل عم صاحبتك...مدري وش عليه شايف الناس!!يادوبه يتكلم ولايضحك!!غير عن اخوه تماما!!
نجود بارتبك/تقصد فهد؟
ناصر/أي ابو فيصل....مع ان مصعب روعة ومحمد كذلك وابو مشاري رجال وقور وهيبة ويعجبك...بس هو مدري وش عليه شايف نفسه ..درينا انك محامي وكداد!!
نجود بعصبية/صل على النبي!!
ناصر/وانا بحسده؟؟
نجود/تسويها ؟؟عيونك حارة!!!!!
ناصر/ولنفرض سويتها..انتي وش ضارك عاد!!!
نجود/لاتهذر واجد....وين اخوك؟
ناصر/وانا شدراني عنه!!!حالف لساني مااحطه بلسانه؟
نجود/..........
ناصر/شلون عبير؟
نجود/نص ونص...
ناصر/والله محد رايح فيها غيرها المسكينة!!!
نجود/ادعي له الله يصلحه!!بس تدري في شي لازم اعرفه منه..وينه هو؟
ناصر/سيارته مو هنا شكله طالع!!
جيب التلفون بدق عليه....
دقت عليه وكان مقفل..
نجود/خسارة كنت اتمنى اروح وانا منتهية من سالفته بس شكلها مطولة مع علي!!!!
/////////////////////////////////////////////////////////
بغرفة بندر..
كانوا حاضنين بعض بعد ماتعشوا وسهروا مع امه وخواته ..
جواهر/تعرف انك لازم تعتذر لي بماانك خوفتني!!
بندر/حلضرين,,,كيف تبيني اعتذر لك ياقلبيي!!احضنك ولا ابوسك؟
جواهر دفنت راسها بصدره وقالت له/تقعد معي اطول وقت ممكن..
بندر حط يده على شعرها/وانا ويني ..كاني بحضنك؟
جواهر/حبيبي...
بندر/قولي ياقلبي..
جواهر/الليلةمالك مفر ..بتقولي متى بتنتهي دورتك لاصدقني انا بعرف بنفسي!!
بندر/هههه وكيف ذي بتعرفين بنفسك؟
جواهر/وانت شعليك كيف بعرف اصلا!!!قول..
بندر/انتي ماودك تتركين التدريس هنا وتجين معي جدة؟
جواهر/تمزح ولاتتكلم جد؟
بندر/انتي وش رايك؟
جواهر/اكيد تمزح!!!!
حضنها بقوة وماعلق باي شي.......
/////////////////////////////////////////////////
يوم الخميس مر بسرعة واهل الرياض رجعوا لرياضهم وبندر وجواهر كانوا مع بعض طول الوقت وعلي وعبير ماتغير حالهم ونجود مالتقت بعلي ابدا بها اليومين ياهو نايم وهي تنتظره ياهو قاعد وسهران وهي نايمة!!!وسالفته ماعرفتها رغم انه عرف انها جاية عن طريق نجود ومو عارف كيف يفتح معها الموضوع؟؟؟
******ليلة السبت...بالمطار....
جواهر/بندر؟؟
لف بندر للصوت اللي ناده واللي تاكد انه جواهر..
بندر/هلا ياقلبي وش ها المفاجاْة؟؟؟وينك طول اليوم حاقرتني وانتي بجمعة المعلمات وكانه بندر ماستاهل يشوفك؟
جواهر/........
بندر بهمس/عارف ان ضميرك انبك وجيتي تبوسين قبل لاامشي وانا زعلان لاني ماشفتك طول اليوم؟
اعلنت الرحلة توجهها لجدة ووقف بندر ويده بيد جواهر اللي ماقالت ولاشي من قعدت جنبه لف لها وكانت عيونها تبكي..
بندر بهمس/حبيبي خلاص...ليش جيتي يوم انك مو قد وداعي ها!!!
جواهر بحدة/اذا وصلت تفتح جوالك وتدق علي بسرعة ماابي انتظرك كثير زين؟؟؟
بندر/وش فيك؟
جواهر/روح لاتتاخر....
مسك اغراضه بعد مامشت وهو مستغرب منها ومن دموعها كان مفكر انها دموع لهفة وحب من فراقه ..بس لهجتها كانت شوية قاسية...ياترى وش فيك ياجواهر!!!
/////////////////////////////////////////////////////
توها وصلت من المطار وركبت سيارتها وجاها مسج من فهد(نورت الرياض والله)
ردت عليه(منورة بوجود الغالي فيها)
فه(بتظلين تغلبيني بكلامك ومنو قد انه ينافس ابلة لغة عربية)
نجود/(لاتحاول تلف وتدور...اصلا محد شاطر باخفاء مشاعره كثرك يامحامي!!)
فهد(فيني اكلمك اذا وصلتي)
نجود(اول ماارجع الشقة وارتب اموري بدق عليك)
فهد(بكون بنتظارك)
/////////////////////////////////////////////
رجعت الشقة بسرعة وقبل لاتفتح الباب كانوا فيه باقات ورد عند باب غرفتها وكيس بخوروعلب شوكلاته وهدايا...
والورد شكله فريش يعني مو من زمان هو هنا..
فتحت الباب ودخلت الاغراض وقفلت الباب...
الاكيد انهم مو من فهد كيف بيوصلون لهنا لو كانوا من فهد؟؟؟
شالت الكرت اللي بكيس الشكولاته(نورت رياضنا باحلى شرقاوية والله...مجنونتك ملاك)
أي كذا وضحت الصورة ...ملاك....ها المجنونة ...
ملاك بعد وراها سالفة وماهي طبيعية ,,تصرفاتها بالمدرسة كوم ويوم قعدت معي هنا كانت كوم ثاني!!!
فيها شي متعبها ومخليها تتصرف كذا!!!
حطت كرت ملاك بكيسها ورتبت اغراضها ولبست بيجامتها وغسلت ودخت فراشها علشان تكلم فهد وتنام,,,,,
//////////////////////////////////////////
بندر/هلا حياتي...توني واصل نزلت من الطائرة وهذا انا باخذ اغراضي وبمشي...
جواهر بثقل/حمد الله على السلامة!!!
بندر/جواهر ,,,ليه تكلميني كذا!!
جواهر/ليه كذبت علي يابندر!!!!
بندر بقلق/كذبت عليك بخصوص شنو؟
جواهر/تعرفني مو من بنات ها اليومين اللي يقتنعون باي كلام يجيهم!!لايابندر..انا اسال واروح واجي في سبيل حياتي وسعادتي واستقراري!!
بندر/انا مو فاهم عليك ياقلبي؟
جواهر بدت تبكي/بندر انت وش تسوي بجدة؟؟؟
بندر بارتباك/شها الكلام بس ياجواهر!!!انا جاي دورة مع الشركة,,
جواهر بانفعال/أي شركة؟؟؟؟؟؟؟؟؟؟
بندر/...............
جواهر كملت بنفس الانفعال والدموع/ليش ماقلت لي انك انفصلت من الشركة من قبل ثلاثة شهور يابندر؟؟؟؟؟؟
بندر/...................
جواهر/ممكن اعرف انت وش تسوي بجدة؟؟؟؟؟؟؟؟؟؟
بندر تنهد بقوة/منو قال لك؟
جواهر بحدة/انا ماانتظر احد يقولي!!انا بنفسي اسال واعرف!!!!لمتى كنت ناوي تكذب علي!!!لمتى بتعيشني بكذب واوهام !!ليه ماقلت لي وصارحتني ليه!!!
بندر/...........
جواهر/انت وش تسوي هناك بجدة؟؟؟؟
بندر بحدة/انا توظفت!!لقيت لي شركة وتوظفت انا مو قاعد العب!!!!!
/////////////////////////////////////////////////////////////رسلت له رسالة(بعدك تنتظر ولاغيرت رايك؟)
كان فهد قاعد مع فيصل اللي يرسم ويشخبط بالالوان وجاه المسج وانقلبت حالته..
فهد/خلاص بابا قوم كمل بغرفتك؟
فيصل بعناد/امي ماترضى الون بغرفتي!!
فهد/طيب وليش انا بالله مجهز لك غرفة العاب!!!
فيصل اللي كان منبطح على بطنه/خليني اكمل هنا...
فهد/طيب انا طالع اكلم شوي عند البركة طيب...
فيصل/براحتك...بس ليش ماتكلم هنا؟
فهد/ها..علشان هاذي قضية جديدة ولازم اسمعها وتسمعني على رواق ونفهم وش الحل؟
فيصل/بابا..انت كم تاخذ فلوس على القضية؟
فهد/وليش تسال؟
فيصل/اذا كانت الفلوس محزة بصير مثلك محامي لاكبرت!!!
فهد/انت تعلم اول وبعدين لكل حادث حديث!!فيصل لاتوسخ ثيابك زين يابابا!!!
قام عنه وطلع لمكانه المفضل البركة اللي كانت اصلا بجهة قسم بومشاري اكثر منها بجهة بيته....
سحب له كرسي وفكر يقعد عليه بس من التوتر ظل واقف..
دق عليها باصابع مرتجفة....
فهد/مرحبا..
نجود/اهلا وسهلا..
فهد/كيف الحال..
نجود/ممكن بلا ها الرسميات!!احسها تزعجني كثير وتوترني بعد!!وتضيع الوقت على مايجي حدث مهم تكون المكالمة ضاعت بسببهم!!
فهد/مشاءالله!!!
نجود/أي...
فهد/من زمان وصلت؟
نجود/لا ..تقريبا ثلث ساعة..
فهد/وش قاعد تسوي؟
نجود/معك احد!!
فهد/لا..
نجود/وليش تكلمني بصيغة المذكر!!!اكره احد يكلمني كذا!!
فهد/مضطر..انا برى ولو احد مر وسمعني!!
نجود بحدة/معناته ليش مكلمني!!!
فهد تنهد
نجود/...........
فهد/........
نجود/......معليشش بس انا بجد مااطيق ها الحركة!!!لاتشغل بالك...انت كيفك وش اخبارك؟
فهد/عايش....لسه مامت!!
نجود بتفاؤل/طيب خبر مفرح انك مقاوم للحين!!والاسباب؟؟؟
فهد تنهد/تتشمتين؟
نجود/وليش لااتشمت!!انا فاهمة شنو يعني انك تعيش بوسط جمع مايحس فيك ولايفهم شعورك بعد!!!افهم كيف تتجمد مشاعرك بداخلك ولا في من يطلعها ويحركها!!!افهم شلون يعني انت ودك تصرخ وتكلم أي احد قدامك ويظل يسمعك ويسمعك ويخفف عنك ويواسيك..بس بالنهاية هذا حلم لانك عايش بوسط ناس مابيحققون لك ها الرغبة!!!مقاومتك الموت لحد الحين وعدم انهيارك خمس عشرة سنة انا اعتبرها مقاومة رائعة جدا انك قدرت تصبر ها المدة هاذي كلها!!
فهد/...................
نجود/من تزوجت ماعمرك اقمت علاقة مع غيرها؟
فهد بحدة/طبعا لا!!
نجود/ولا عن طريق التلفون؟
فهد/لا....
نجود/وش فيك معصب...مصدقتك..وعارف انك مو من ها النوع ولاراح تكون بس شي بداخلك اوشك على الانفجار صح ولا انا غلطانة!!!
فهد/ليش طلعت بطريقي!!!
نجود/مدري بس اللي انا عارفته ومتاكدة منه انه لنفس السبب اللي خلاك تطلع انت بعد بطريقي!!!
فهد/.........انا مزاجي صعب أي احد يرضيه و..
قاطعته نجود/لحظة لحظة لحظة!!كيف صعب أي احد يرضيه يعني !!!يعني نجلاء ..
قاطعها فهد/ممكن ماتجيبين سيرة أي احد من اهلي لو سمحتي!!
نجود باحتقار/طيب ...
فهد/فيني اعزمك بكرة على غذى؟
نجود/وتظل مثل المرة اللي قبلها انت بجهة وانا بجهة وخايف ومرتبك لايشوفك احد معي!!لابطلت اقبل منك أي عزيمة؟
فهد/بس انا ابي اتكلم معك؟
نجود/عندنا التلفون؟
فهد/........................طيب اعزمك بالمزرعة لو ماعندك مانع!!!
نجود بعد تفكير/موافقة بس بحالة اني انا اللي اطبخ الغذى واجيبه معي!!!
فهد/على ها الحساب بيطلع عشى مو غذى اذا انتي بتطبخينه!!!متى تجين من الدوام اصلا علشان يمديك تطبخين؟الا اذا بتاكليني بايت؟
نجود/مو مشكلة نخليها عشى ....انت متى تطلع من مكتبك بالليل؟
فهد/مالي وقت ثابت حسب الشغل اللي عندي؟
نجود/ها وش قلت؟
فهد/خلاص...نلتقي بكرة...
نجود/طيب اشوفك بكرة..تصبح على خير...
////////////////////////////////////////////////////////
جواهر كانت متضايقة وقاعدة بغرفتها...وافكارها تروح وتجي براسها؟؟
هل فعلا شاف له وظيفة؟؟ولا انه يكذب علي!!!
طيب ليش ماقال لي ولاصارحني بها السالفة ليش؟؟؟؟
ياربي راسي بينفجر من العصر للحين وانا رايحة فيها من كثر التفكير؟؟؟؟؟
قطع عليها صوت جوالها وكانت نجود..
ردت بسرعة وبزعل/هلا...
نجود/لاتقولين متضايقة علشان اللي مايسوى؟؟؟وش سويتي؟؟ وين رحتي؟؟ انتظرتك تدقين؟؟؟
جواهر بتنهيدة/لو ماكنتي دقيتي كنت بدق لك!!متضايقة حدي وحاسة الدنيا بتدور فيني؟
نجود/ليش؟
جواهر/بندر..
نجود/وش فيه بعد!!!
جواهر/قلت لك اني رحت سالت عنه بالاول كلمته على السركة وقالوا لي ان ماعندهم احد بها الاسم ورجعت كلمت المسؤل عن الموظفين وقال لي نفس الحكي سالت بعدها السكورتي اللي عند باب الشركة وقال لي بلى كان يشتغل بس فصلوه من قبل شهرين؟؟؟بالنهاية كلمت مديره واكد لي ها الشي؟؟؟انصدمت يانجود انصدمت!!!ليش يكذب علينا يعني!!!!!وش قاعد يسوي هناك؟؟
نجود/واجهتيه؟؟
جواهر/أي وقال لي انه لقى هناك وظيفة واشتغل وبس قفلنا وكل واحد شايل على الثاني!!!
نجود/طيب لاتزعلين نفسك كذا!!انتي ماتدري شنهي ظروفه ياجواهر ولا هو هناك وش قاعد يسوي ولا ليش فصلوه ؟؟يعني لاتظلمينه..
جواهر/انا ماظلمته!!انا بس ابي افهم ليش ماصارحني!!عرفت ليش كان يتهرب من الاجابة اذا قلت له متى بترد؟
نجود/طيب وهذا انتي عرفتي خلاص انه اشتغل بمكان ثاني !!بلاش ها الزعل...بعدين هو يمكن يبي يشوف ظروفه ووضعه وبعدها يقول لك!!!بطلي زعل ياحلوة ترى مااحبك كذا!!!
جواهر بزعل/المشكلة مو هنا يانجود ,,المشكلة انه بدا حياته معي بكذبة!!!ليش مدري!!احنا ماتزوجنا وكذب علي تتوقعين لو تزوجنا وش...
نجود/جواهر لاتقعدين تفكرين وتتعبين راسك انسي السالفة مو تقومين تكبرينها؟
//////////////////////////////////////////////////////////////////////كان بندر قاعد مع دلع بالكافي وه ساكت وشارد ومتضايق من اللي صار بينه وبين جواهر..
دلع/افردها عاد؟
بندر بضيق/ماتوقعت انها تعرف؟؟؟ولاحسبت حساب انها بتعرف ولا شبيكون موقفنا من بعض؟
دق جواله وناظر بالرقم بذهول وشاله بعد تردد..
بندر/هلا..
نجود بحدة/اهلا...
بندر/......
نجود/مكالمة غير متوقعة صح؟
بندر/تقريبا!!
نجود/شوف بندر بدون مقدمات ولا شي!!اذا فكرت تزعل جواهر مرة ثانية لاتلوم الا نفسك!!
بندر/انا..
نجود/انا مادافعت عنك ها المرة علشان سواد عيونك ولا علشانك ولد عمي لا!!دافعت عنك لاني اولاواخيرا عارفة انها تحبك وان أي شي منك ممكن يضايقها ويزعلها!!وانا بساطة ماابيها تزعل وتتضايق وانا بعيدة عنها ومقدر اواسيها بكل وقت مثل لو كنت هناك!!مايهمني وش موقفك ولا ليش انت تصرفت كذا!!
بندر/
....اي بس..
نجود/اسمع بندر هاذي اخر مرة تفكر انك تزعلها ولا تكذب عليها ؟؟والله المرة الثانية بعريك اكثر من دفاعي عنك !!!
بندر/........
سكرته نجود بدون ماتقول شي زيادة بوجه بندر ورمى الجوال على الطاولة وهو يتنهد..
دلع بابتسامة شماة/مني هاذي الحلوة اللي غسلت شراعك وانت مو قاوي تتكلم بكلمة وحدة؟؟
رفع عيونه والتقت بعيونها..
دلع بنفس الشماتة/اخت جواهر ولاصديقتها؟؟؟شكلها بتذبحك علشان زعل جواهر؟؟؟؟
//////////////////////////////////////////////////////////اليوم الثاني....
بوقت الفسحة....
بنت من البنات/ملاك..
ملاك/نعم وش بغيتي؟
البنت/ابلة نجود السبيعي تبيك؟
فزت من مكانها بسرعة وراحت لعندها...
سارة/شلونكم بنات؟
مزنة/هلا وغلا...
سارة/وين ملاك؟
مزنة/راحت لنجود السبيعي!!
سارة/اووووف هاذي ماتنتهي سالفتها ابدا!!!مطولة عندها؟
مزنة/توها رايحة؟
عند غرفة المعلمات...
ملاك/نورت الرياض والله وحشتينا اربعة ايام ماشفناك؟
نجود/الحركة اللي سويتيها ماعجبتني اصلا!!!
ملاك ببراءة/أي حركة؟
نجود/كنت بجيبهم معي اليوم!!بس اللي وداها هو اللي يجيبها؟
ملاك/لا بالذمة خليهم واللي يعافيك؟
نجود/انا ماحب احد يحرجني ولا
ملاك/وين الاحراج؟؟
نجود/كنتي عطيتني خبر قبل انك بتجيبن لي شي مو تفاجيئني؟
ملاك/طيب المرة الجاية اعطيك خبر؟
نجود /ومن قال لك اني بخلي فيها مرة ثانية عاد!!يالله روحي كملي فسحتك؟
ملاك/بلاش الفسحة خلينا واقفين ومروقين؟
نجود/لا..
ملاك/انتي شلونك؟
نجود/الحمد الله...
ملاك/وحشتيني..
نجود/شكرا...في شي بعد؟
ملاك/ليش مستعجلة؟كنت بطلب منك طلب؟
نجود/بروح افطر بعدين ماعندي حصص فاضية يالله ..بعدين ياملاك طيب؟
ملاك/عوافي على قلبك ياقمر؟؟؟؟
/////////////////////////////////////////////////////////
هيا/وبعدين مع سرحانك هذا؟
لبنى/ها...
هيا/شسالفتك يابنت!!
لبنى/مدري ..حاسة بملل...
هيا/والملل يخليك تسرحين وتشردين ياحظي؟؟؟
لبنى/شتبيني اسوي؟
هيا/وش رايك نطلع نتغذى برة اليوم؟
لبنى/بكيفك..
هيا/بس على حسابك؟
لبنى/وش ها الاستغلال؟؟؟نتغذى امريكي وكل وحدة تدفع عن نفسها!!
هيا/الله ياخذك على ها البخل اللي انتي فيه؟
لبنى/تصدقين قاعدة احاتي اختي عبير..حاسة ان فيها شي بس ماتبين تتكلم؟
هيا/امي بعد دايم تحاتيها...
لبنى/شي غريب اللي هي عايشة فيه؟
هيا/حياتهم مع بعض مو متولانة والكل عارف ها الشي..
لبنى/بس لاتقولينها قدام ابوي لانه مابيقتنع ابدا!!!
وبيعتبر الخطا خطا عبير انها هي اللي مو قادرة تكيف وضعها مع زوجها ولا هي قادرة تحببه فيها وتجيبه لعندها!!!!
/////////////////////////////////////////////////////////////بعد صلاة العشاء كانت نجود بسيارتها ورايحة للمزرعة بعد ماكلمها فهد وقال لها انه طالع من المكتب وبيروح.....
وصلت مع فهد تقريبا بنفس الوقت....
ونزل سايقها صينيتها اللي فيها العشى....
ودخلهم داخل...
فهد/مرحبا..
نجود/هلا...
فهد/طيرنا نومة العصر اليوم منك؟
نجود/باختياري لاتخاف ..محد يقدر يسحب مني نومة العصر لو شيصير لو انا عازمة عليها؟
فهد/ندخل داخل..
نجود/لا الجو حلو خلينا هنا...
فهد/بتبردين؟
نجود/اذا بردت دخلت داخل بس حاليا خلينا نقعد في ها الجو الحلو...
فهد/بكيفك..تفضلي....
قعدوا عند البركة اللي برى وفتحوا صحونهم وبدوا يتعشون...
فهد/لك ميول بالمطبخ؟
نجود/مو كثير بس لان جدتي الله يرحمها كانت تصر تدخلنا المطبخ تقول ماينفع الوحدة بعدين الامطبخها لزوجها؟
فهد/سوت فيك خير يوم علمتك صنعة ولا...
نجود/نوعا ما...اساسا برمضان ابوي مايخلينا لازم يدخلنا المطبخ سواء فشل الشي ولانجح لازم يخلنا ندخل مستحيل البنات مايدخلون المطبخ برمضان عند ابوي!!!
فهد/رغم ان ابوك هادى جدا...
نجود/أي..بس كان من هنا وهنا له علينا شوية حركات!!يعني اذكر يوم كنا صغار العقاب اللي مااطيقه من اوبي اني انظف الثلاجة تصور!!!صرت مااغلط بشي علشان لااتعاقب ها العقاب اللي اكرهه؟
فهد/كنتي شيطانة؟
نجود/مو كثير ..يعني انا بالاساس ماكنت اقعد مع احد كثير تكفيني جواهر عن العالم كله؟
فهد/يابختكم ببعض شكلكم اكثر من تؤام!!
نجود/بدرجة ماتتصورها....
فهد/طايرة ببندر اللحين؟
نجود/ زعلانة منه..
فهد/توهم بفترة الخطوبة!!!مامداهم غير اسبوعين بس!!!
نجود/بندر كذب عليها!!!اتاريه مفصول من الشركة وماقال لها!!
فهد/وش قاعد يسوس اجل؟
نجود/هو قال لها انه لقى شركة ثانية وتوظف؟
فهد/والخبر صحيح ولا يكذب؟
نجود/مدري بس اذا يكذب عليه الله...
فهد/تصدقين مكرونتك خلتني اشتهي شي؟
نجود/شنو؟
فهد/اسباكتي..من زمان عنها مااكلتها؟
نجود/تبي اسوي لك بكرة....
فهد/وعلي اخوك شلونه؟حسيته غير عن ناصر؟
نجود/هو من ناحية غير غير...علي تاعب الكل معه بتصرفاته؟
فهد/كيف!!
نجود/بكل شي..علاقاته مع ابوي...مع امه وخواله ..مع زوجته..معنا احنا!!
فهد/لحظة ..شلون امه وخواله!!امه مو امك؟
نجود/لا..ابوي متزوج ثنتين يافهد؟
فهد/اها...ومني الاولى ومني الثانية؟
نجود/ام علي وامي الثانية..
فهد/بس مو مبين فرق كبير بينهم يمكن اربع ولاخمس سنين بس!!
نجود/بالضبط ثلاث سنين بس!!!
فهد/يعني ابوك تزوج على مرته بدري...
نجود/أي...
فهد/طيب وكيف علاقتكم مع بعض؟تدخلون مع بعض تزورونهم ويزورونكم!!!
نجود/عايشين مع بعض بنفس البيت يافهد!!!ابوي ربانا كلنا جميع مع بعض..وامي وخالتي ساعة حبايب وساعة ضراير!!بس ماشية امورنا وقلوبنا على بعض ماعندنا سوالف من هنا ولا من هنا!!
فهد/حلو.....طيب وكيف وضع العيال خالتك عندها شي غير علي؟
نجود/أي عندها هيا بالجامعة اللحين...وامي عندها نورة زيادة ..
فهد/...........
نجود/كلمني عن نفسك...
فهد/وش تبين تعرفين؟
نجود/كل اللي يخص فهد؟
ناظرها بدون أي تعليق.....
فهد/.............
نجود/حياتك...طفولتك...شبابك ومراعقتك..اصحابك..مشاكلك..شغلك...كل شي ابي اعرفه عنك يافهد؟
فهد/وليش؟
نجود/فضول!!
فهد تنهد وقام من مكانه ووقف عند البركة..
ظلت تناظره من مكانه وطولت وقفته هناك ...
قامت من مكانها وتقربت منه وكان شارد بذهنه لبعيد وهي حست فيه ظلت تناظر بالماي اللي بالبركة بعد وهي تترنم بصوت عالي....
صدفة ومن بين كل الناس علقني..
من يوم عيني جت بعينه..
حسيت شي بعيونه حيل يجذبني..
ولمى ابتسم بانت بوجهي تلاوينه...
سلم علي وجلس جنبي وكلمني..
كل الحواجز تلاشت بيني وبينه..
واخذ يديني بيده وقام يوصف لي..
ولاتمنيت يديني تترك يدينه..
قال لي كلام بصراحة حلو عذبني...
وقفت يوم شافته يناظرها...
والتقوا عيونهم ببعض وكل واحد يقول كلام بعيونه ماهي قادرة تنطق فيه شفايفه...
فهد بهمس وهم قبال بعض..
فهد/نجود...
نجود بنفس الهمس/لبيه..
فهد بنفس الهمس/انا تعبان!!
نجود تقربت منه اكثر/سلامتك من التعب!!
فهد وهو يناظرها/ليش حطك مصعب في باله يانجود ليش!!!
نجود ناظرته بحب وقالت بهمس/انا ماابيه يافهد قلت لك ماابيه مدري ليش انت محير نفسك كذا!!
فهد مسكها من كتفها وقال بقوة وحزن/انا واقف بحيرة يانجود فاهمتني!!!اعصابي منهارة مو قادر اشيلك من تفكيري ولاني قادر اتكلم معك بصراحة!!!وضعي صعب فهميني؟؟؟
فاجاْته حركتها اللي ماتوقعها ابدا وجمدته بمكانه!!
نجود رمت بنفسها عليه واخذته بحضنه وحضنته بقوة وهي تبكي...
فهد/..........
نجود من بين دموعها/انت ماتحس!!قلت لك ماابيه ولاهز مشاعري بلحظة من اللحظاتّ!!!اصلا انا ماشفته غير مرة وحدة بالسريع وعلى الماشي يافهد!!!انا ماتحركت مشاعري الا يوم شفتك يافهد!!!
فهد احتار بوضعه وظل جامد بمكانه وهو حاس بالارتباك من حركة نجود بس مو عارف وش يسوي بس شي اقوى منه كان يقربه منه وحوط كتفه عليهاوضمها لصدره اكثر واكثر...
وكانه خايف لتبتعد عنه وتروح باي لحظة...
فهد بهمس/لاتبكين!!
نجود بدموع/فهد انت ماتحس!!
فهد بارتباك/انا ماتصورت العلاقة بينا بتوصل لهنا!!
نجود /فهد لاتشغل بالك بسالفة مصعب واقسم لك برب الكون ماابيه!!
فهد/انا وضعي صعب يانجود فهميني!!عمري ماتخيلت اني بسوي ها الشي !!!
نجود/........
فهد رجع ضمها بقوة وهو يتنهد,,,,,,,,

///////////////////////////////////////////////////////////
---البارت الخامس والعشرين---
//////////////////////////////////////////////////////////////
كانت باحضانه وهي عارفة ان ها الشي راح يتعبها اكثر واكثر بس قربه وحضنه شي صار من غير ماتخطط له ومالقت نفسها الامسيرة وتسويه....
ماتدري ليش حست بالامان بحضنه وليش حست بان داخله حنان كبير مدفون خصوصا بعد ماحط يده على راسها ...
حست ان العالم كله عايش بكفة وفهد بروحه عايش بكفة ثانية!!!
وبنفس الوقت كان فهد مغمض عيونه بالقوة وضامها باكبر قوة عنده وكانه خايف انها تكون مجرد لحظة سراب مرت بحياته!!!
بس الي خرب الجو عندهم جوال فهد يوم يدق..
تنرفز هو وهي بعدت تنرفزت وبعدت عنه وهي متضايقة...
التقت نظراتهم اول مابعدوا عن بعض وكل واحد كان بعيونه حكي كثير يحكوه.....
مشت عنه بعيد لعند الطاولة اللي فيها صحونهم وهو شال جواله...
قال بتردد/هذا البيت!!
قالت له بحدة/نجلاء يعني!!
فهد/مدري.....خل ارد اشوف شفيهم........الو...هلا بابا فيصل وش فيك ؟......طيب ياباب عندك الطباخ وقوله وش تبي يسوي لك اذا انت جوعان!!!......طيب خل اختك سارة تطلب لك زين بابا....
تنهدت بقوة وسمعها فهد بس ماقوى يلف ويشوفها...
كانت بحالة عصبية جدا!!!!
كل جيتها غلط واكتشفت ها الفكرة متاخر كثير!!!!بس هذا اللي صار انها جت وانتهى الموضوع؟؟؟؟؟
شالت شنطتها ومشت لبوابة المزرعة علشان تطلع,,,,,,,,
//////////////////////////////////////////////////////////////
بندر ماقدر يقاوم مشاعره ومايكلمها ويسمع صوتها,,,من البارح صوتها ودعه وماله بالعادة!!
عادة يسمعه اول مايصحى من نومه وقبل مايفتح عيونه لانه تعود هي اللي تصحيه للدوام كل يوم!!!
ومابين الوجبات لهم دردشة خفيفة مع بعض وقبل النوم تكون سهرتهم ,,,بس اليوم كان كئيب بدونها وبدون صوتها !!!!
دق على رقمها بعد تردد وهو مسوي انه بعده زعلان من امس...
جواهر ردت بس مو مثل العادة ..ها المرة ردت بثقل/نعم!!
بندر بتضايق/هلا..
جواهر بنفس اللهجة/هلا...
بندر/..........
جواهر/..........
بندر/..........
جواهر/...................
يمكن كان صمتهم ابلغ شي قدروا يوصلوا فيه زعلهم كل طرف للثاني!!!!وكل واحد فيهم كان يسمع صمت الثاني ويفسره على كيفه.......
بندر/ليش مانمتي للحين؟
كان سؤال غبي منه بس حس انه ماعنده شي يقوله لها وهو اللي حتى اذا ماله سالفة يخلق سالفة من لاشي اول مايسمع صوتها!!
جواهر/مافيني نومة؟
بندر/........
جواهر/ولااقولك بروح انام تصبح على خير واذا ممكن لاتزعجني بكرة ماودي اسمع صوتك !!لابكرة ولاالاسبوع كله بعد!!!!!
ردها كان قاسي عليه بس هو كان يستاهل!!!ها الشي فسره بندر لنفسه بعد موقفه معها,,,,,
وتنهد بقوة وهو يناظر بالدبلة اللي بيده واللي جمعته بحلم حياته....
لازم في حل مو معقولة تظل زعلانة منك عاد!!!!
بس وش الحل اللي بخليها ترضى وهي بالشرقية وانت بجدة وانت عارفها اذا قالت لاتتصل يعني لاتحلم تسمع صوتها ولو قلت لها انا بالمقبرة وبيدفنوني!!!!!
يعني مالك الا بندر الا يوم الاربعاء...يعني تنتظر بعد اربعة ايام جاية!!!ياه شطولهم,,,ها المدة ذي كلها بظل بدون جواهر ودعواتها وحبها لي!!!!!
///////////////////////////////////////////////////////////اليوم الثاني,,,,,
كان ناصر طالع من البيت رايح العمل واول ماركب سيارته لقى ورقة مكتوبة عند نافذته فتحها وقراها(في مفاجاْة تنتظرك بالطريق...سمي على نفسك طول منت تمشي)
ناصر .../مفاجاْة؟؟شنهي ياترى!!!
ركب وحط الورقة جنبه وسمى وشغل السيارة وحرك...وطول الطريق وهو يفكر شنو بتكون المفاجاْة؟؟؟
وبعد مابعد عن بيتهم وشارعهم دق جواله...
ناصر/هلانورة؟
نورة/مستعد للمفاجاءة؟
ناصر/ليش انتي اللي حاطة الورقة؟
نورة/هههه مو بروحي انا وهنوف؟
ناصر/عز الله رحت فيها!!!!
نورة/وقف على جنب وبتعرف!!
طاوعهم ووقف على جنب....
ناصر/ها نورة بعدك معي!!الو...الو..الو...
ماسمع شي غير ضحك ثنتين بالقوة والضحك جاي من وراه مباشرة...
لف راسه ولقاهم كانوا قاعدين تحت الكرسي وطلعوا اللحين...
ناصر بذهول/الله يغربلكم ان شاءالله؟؟
هنوف/ههههههههه
نورة/هههههههههه
هنوف/بذمتك مو مفاجاْة؟؟
ناصر/هههه ياشينها من مفاجاءة؟؟؟انتوا شتسوون هنا بالله!!
هنوف/ولاشي نحرسك؟
نورة/هههه الفكرة من اعداد وتنسيق واخراج الهنوف انا ماعلي الا تنفيذ بعض الاجزاء منها!!
ناصر/اعوذ بالله!!!مو بشر ها الهنوف جن اللهم ياكافي!!!
هنوف/هههههه انت ماسمعت بان يوم السبت هو اكره يوم يمر على طلاب المدارس وتجيهم حالة نفسية منه!!!!مافينا مقاومة اليوم علشان نداوم قلنا مالنا غيرك يالطيب يالحنون نتخبى بسيارتك ونطلع نتمشى معك؟
ناصر/انا بروح شغلي مو فاضي لكم!!!!
هنوف/مو مشكلة انزل خذ اجازة واحنا هنا ننتظرك؟
ناصر/عيديها ماسمعت!!!
نورة/داوم ساعتين اذا تبي؟
هنوف/احنا بننتظرك بالسيارة...ها و ش قلت...بنوديك كل الاماكن اللي انت محروم من زيارتها يالغالي!!!
ناصر هز راسه وهو يضحك على خبالهم وبنفس الوقت مو عارف شيسوي معهم!!!!
/////////////////////////////////////////////
بجهة ثانية من الدمام كانت سيارة علي واقفة عند بيت من البيوت ساكنة وماتتحرك وكانه ينتظر أي احد يطلع ..رغم معرفته الاكيدة بان ها الشخص ماهو هنا مشى للرياض لانه شافه بعيونه يوم يروح!!!!!!!
بس شيسوي من عرف بيتهم ويومينا صار يوقف هنا!!!
تفكيره متوقف لاهو قادر يفكر باي شي...لاشغل صار يروح مثل العالم ولا أي شي شاغل له باله...
كل اللي يعرفه ان مصيرين تعلقوا في بعض!!
مصيره هو اللي تعلق بمصير لمياء واللي ماعرف ولاشي والسالفة بالنسبة له مبهمة!!
ومصير عبير معه وهل بيتركها على ذمته ولابيطلقها بعد سالفة الدكتور النفسي اللي رفعت له ضغطه!!!!!!1
لمياء....ياترى كيف انتي عايشة مع مشاري بالرياض ؟وهل انتي راضية عن حياتك؟وهل انتي اللي اخترتيها لو غصبوك اهلك لو شسالسالفة ياعيوني فهميني!!!!
اختفيتي عني فجاْة وفجاْة ظهرتي!!
وانا مو داري شسوي بحياتي..ولا شنو مصيري!!
بس لو اقدر اوصلك بالرياض واعرف شسالفتك!!!!
مافي غير طرف واحد بيحل لي ازمتي.......طرف له اتصال باهل زوجك؟
نجود..اي نجود هي اللي بيكون الحل كله بيدها!!!بس لو رحت لها الرياض شقولها!!!!!نجود مو أي وحدة وماراح تمررها علي كذا بدون ماتعرف السالفة كلها وبالتفصيل!!!!!!
تنهد بقوة وحرك سيارته اللي كانت توقف عند بيت لمياء بلا هدف؟؟؟؟؟؟؟؟
///////////////////////////////////////////////////
سالم/ها وين وصلت بك العلوم انت مع سرحانك؟
فهد بضيق/حالتي حالة ياخوك؟والله الود ودي ماقابلتها البارحة ولاشفنا بعض؟
سالم/ليش عاد!!!
فهد شرد لبعيد وكانه يتذكر حضنها
سالم /كلمتوا بعض بعد مامشت!!
فهد/ماقويت اكلمها!!!
سالم/حدد مصيرك يافهد؟؟؟مو معقولة تضل كذا!!
فهد/شتبيني اسوي ياسالم عاد!!!هذا ولد اختي وانا من الناس الكثيرة اللي عارفه وعارف انه مو لعاب واذا حط شي في باله معناته ها الشي اكيد هو مقتنع فيها مية بالمية!!!!
سالم/والله حيرة!!يااخي هي ماتبيه وتبيك؟
فهد/وهو؟؟
سالم/صعبة..انا عاذرك يافهد والمشكلة انك قريب منه وهذا اللي مصعبها اكثر!!!!
فهد بضيق/حاس الدم وقف بعروقي ياسالم والله!!!كله كوم وقربها مني البارح كوم ثاني!!
سالم بخبث/هذا بس حضن وسوا فيك كذا!!!
فهد بجدية/عمري ماحسيت بحرارة الحضن كذا مع نجلاء!!!!!!نجود فيها شي ثاني كان ضايع مني ولقيته فيها ياسالم!!!!!
سالم/مدري شقولك يافهد...بس قربك معها اللحين وبدون ماتعرفون موقف مصعب بيكون له تاثير سلبي عليكم انتوا الاثنين!!!يعني افرضوا بالنهاية مصعب اصر عليها وحتى لو هي مابغته ولاحبته..انت بتكون بموقف ضعيف يافهد خصوصا وانك متزوج!!!
////////////////////////////////////////
بستار بكس بالشاطىء مول...
كان عبدالعزيز قاعد مع لبنى..
لبنى بهمس/مابغى يجي ها اليوم ونشوف بعض؟؟تصدق حسيت ان شوفتنا لبعض بتطول؟
عبدالعزيز/..........
لبنى/وش فيك ياقلبي!!متضايق من قعدتنا ؟؟تبي نقوم؟
حط عبدالعزيز يده فوق يدها وقال لها/حبيبتي انا بجيب اهلي وبخطبك من ابوك مرة ثانية!!!!!!!
تمنت تسمع أي شي بالدنيا الا ها الشي اللي طيح قلبها من بين ضلوعها...
ظلت تناظر فيه بنظرات مستفهمة ولسانها مو مطاوعها تسال...
عبدالعزيز ناظر بالارضوتنهد وقال بخجل/مايشرفك مو؟
لبنى بهمس/وش اللي مايشرفني!!
عبدالعزيز/نسبي!!
لبنى بعصبية/لو ماكان يشرفني ماكنت قاعدة معك هنا!!
عبدالعزيز بحزن/ليش ياربي خلقتني فقير ليش؟؟
لبنى بعصبية/انا ماابي واحد يتعرى من نفسه ياحبيبي!!!اعتز بنفسك مهما كان فيها!!الغنى غنى النفس وانت تعرف ان الماديات اخر شي يهمني!!
عبدالعزيز بحدة/بس اول شي تهم ابوك؟؟؟؟
لبنى اكتفت بانها تناظره وبقلبها غصة منعتها من الكلام!!
عبدالعزيز/........
لبنى/مو ذنبي اذا كان ابوي هذا تفكيره ياعبدالعزيز؟
عبدالعزيز/ومو ذنبي انا بعد ان هذا وضعي وان هاذي عيشتي واني ابي استقر على سنة الله ورسوله!!!!!
تنهدت بقوة..بقوة اكبر من ان يتخيلها شخص عادي ماقاعد يمر بللي هي تمر فيه وهي تتمنى تنهديتها توصل لاابوها ويحس فيها!!
عبدالعزيز/لازم اتخذ ها الخطوة يالبنى لازم؟؟
لبنى/اجلها شوي..انت ماصار لك شهرين من جيت وكلمته!!
عبدالعزيز/جيت بروحي...ها المرة بجي ومعي اهلي!!
لبنى بحزن/طيب ليش؟
عبدالعزيز/علشان اعرف وش بيكون بينا وشنهي نهايتنا!!
لبنى بخوف/شنو يعني!!
عبدالعزيز/يانتزوج على سنة الله ورسوله,,,يانفترق!!!!
لبنى بذهول/نفترق!!تقولها كذا وبكل بساطة وكانها ماتعني لك أي شي؟؟؟؟معقولة وانت عارف اني ماصدقت الالقيك....احبك واعشقك وابيك....تقولي نفترق بكل بساطة!!!!هان الحب بعيونك ياعبد العزيز؟
عبدالعزيز بزعل وضيق/وش تبيني اسوي يالبنى؟؟؟اتعلق معك واعلقك معي طول العمر!!هذا مو حل؟؟؟بنتعب نفسنا بدون أي فايدة نترجاها من ابوك؟؟؟؟؟
بانت الدموع بعيونها وماقدرت تخفيها...
بسرعة ردت شيلتها على وجهها ووقفت وهي تبكي..
لبنى/سوي اللي يعجبك بس تاكد للحظة مايدفنوني بقببري بيكون حبك اخر شي يطلع مني !!!!لانه عايش بوسط روحي!!!!
عبدالعزيز ناداها بدموعه بس ماوقفت كان يبكي اكثر منها......حبها وبيظل يحبها...بس غلطته انه عاش بها الوقت واللي مايعترف غير بالماديات!!!وان ب بندر هو ابوها واللي مايمكن يليلن قلبه ويزوجها اياه ابدا!!!
كل ماتعلق فيها زيادة وحس ان الارتباط فيها بعيد لام نففسه وفقره ووضعه!!!بس هذا النصيب وشيقدر يغير فيه!!!!
////////////////////////////////////////////////////
كانت قاعدة بغرفة المعلمات وهي سرحانة بافكارها لبعيد..لعند اللي كانت بحضنه البارح واللي سلبها نومها وتفكيرها,,,,,
وحمدت ربها ان منال ماهي هنا لاتشوف حالتها واللي التعب كان مبين بعيونها..
دق جوالها وكان الرقم غريب عنها...
رفعت ....وردت..
نجود/نعم..
انتي ابلة نجود السبيعي؟
نجود/أي نعم..منو معي؟
انا وحدة حبيت اني اتعرف عليك لو ماعندك أي مانع!!
نجود /خير؟؟
لاتخافين في سالفة عندي انتي او بمعنى اخر متعلقة فيك؟
نجود/مافهمت؟
ممكن نلتقي اليوم ونتغذى مع بعض؟
نجود/مو قبل مااعرفك انتي منو ولا شتبين مني؟
انا ام ..............................................
نجود/اها....طيب ممكن اعرف السالفة؟
مافينا نتكلم بعدين على راحتنا وبهدوء؟
نجود/طيب اشوفك بعدين..
الف شكر لك على تلبية الدعوة...
نجود/لا عادي.....مع السلامة...
رفعت راسها وكانت ملاك داخلة بها اللحظة وعندها دفاترهم الانشاء جايبتهم لنجود...
تقربت من مكتبها وحطتهم وقالت بهمس./صباح الخير..ياوجه الخيرياعمري,,
نجود بلهجة طبيعية/انا ماقلت لك تجيبيهم,,على مااعتقد كلفت نور بالمهمة!!
ملاك/انا ونور واحد!!
نجود/طيب شكرا للمساعدة ماقصرتي!!
ملاك/تبين شي
نجود بحدة/لا
ملاك/اوووووف..قالتها وطلعت ورجعت نجود لسرحانها وتفكيرها بمعذبها؟؟؟؟
/////////////////////////////////////////////////
نرجع للدمام وكان الوقت بعد صلاة الضهر....
هنوف/ناصر جوعانة انت ماجعت!!
ناصر/اكيد..وش تبون تاكلون؟
هنوف/وش تبين تاكلين لان اختك من زمان انتقلت لرحمة الله..
ناصر/لا الله يرحمها كانت انسانة ظريفة ومطيعة وماسوت اشياء غلط بحياتها..لكن شرعك اللهم ولااعتراض,,
هنوف/هههههههه
ناصر/هههههه
هنوف/اقول وقف عند كنتاكي بس وخذ لنا اثنين مطافي خل ناكلهم على البحر..
ناصر/وش ها الرومنسية اللي عندك !!صراحة اذهلتيني,,يعني الوجبة حارة وتروحين مع ها الهواء البارد علشان يغير لك الجو,,,امممم
هنوف/انزل لااقوم اتوطى ببطنك حدي جوعانة!!
ناصر/طيب....
اخذ لهم ورجع السيارة ووقفوا عند البحر ونزلوا هنوف وناصر وقعدوا قبال البحر ياكلون بهدوء وهم ساكتين...
//////////////////////////////////////////////////////
عند مطعم ميراج وقفت سيارة نجود قدام السيارة المرسدس اللي كانت قدامها ودقت بالاخت اللي اتصلت فيها وقالت لها انها هي ونزلت لها من السيارة تستقبلها..
ام رائد/اهلا وسهلا..
نجود/هلا...
ام رائد/تفضلي....
دخلوا المطعم وظلوا فترة ساكتين لين كل وحدة طلبت لها طلب وبعدها بدوا الكلام..
ام رائد/دايم تتكلم ملاك عنك؟
نجود/ادري واكيد انه مو بالخير؟
ام رائد/ليش عاد!!!!
نجود/يمكن لاني عارفة نفسي,,انا مو من النوع الطيب الحنون....
ام رائد/يمكن هذا الشي اللي خلاها تركض وراك وتتمنى قربك ورضاك عنها!!
نجود/بعيدا عن كل شي..ممكن اسالك ليش ملاك كذا!!
تنهدت ام رائد وبان الحزن بعيونها الحزن اللي ماانتبهت لوجوده نجود بالاول بس اللحين شافته واضح ومافي شي قادر يخفيه....
نجود/عفوا اذا ضايقتك..
ام رائد/لا عادي....انا اصلا جايتك بخصوص ها الموضوع....صدقيني يابلة نجود اني تردد كثير قبل لااجيك بس بالنهاية قررت افاتحك بالموضوع..يمكن تقدريني تساعديني وتساعدينها ولو بشي بسيك ومعنوي..هي متاْثرة فيك كثير حتى بالبيت رغم انها كبيرة كل يوم تجي وتقلدك شلون تكلمتي وشلون تحركتي وشقلتي وش لبستي....لو ماشفت منها ها الاهتمام فيك كان ماجيتك...
نجود كانتت تتفرس بملامح ام رائد زوجة ماجد الفايز وعلى قولتهم راسه عود بالديرة وقادر على كل شي....
كان مضهرها الخارجي يوحي بها الشي لبستها,,شنطتها,,جزمتها..اسلوبها بالكلام والذوق,,بس في شي بوجهها يوحي بالعكس..يوحي بانها اكثر انسانة محرومة ومتعذبة ليش ماتدري!!!
ظلت تسمع لها بانتباه وهي تغير بملامح وجهها على حسب الكلام اللي تسمعه من ام رائد لين انتهت من كلامها ومسحت دموعها..
ام رائد/وهاذي كل السالفة؟؟
نجود باحتقار/انتي متاكدة ان زوجك بشر!!!!
ام رائد/...................
نجود/استغفر الله العظيم...
ام رائد/حالتها صعبة ورافضة العلاج ورافضة أي شي عن ها الموضوع واذا ذكرته ودايم تذكره تمر بحالة صعبة ماتطلع منها بسهولة....
نجود/وانا شلي بيدي اسويه يعني!!الموضوع خارج عن سيطرتي كليا!!لو كان في شي له اختصاص بالمدرسة كنت بقولك بدبرها من هنا وهنا ..بس مالي شغل فيه هذا موضوع عائلي اولا..ثانيا حساس جدا وهي راح تتسال عن معرفتي عنه اصلا!!
ام رائد برجاء/مدري يانجود..الله يخليك لاتخلينها تتعذب وحاولي بقد مافيك تساعديني وتساعديها هي معتبرتك قدوة في كل شي ..كلميها حاولي تفهمين هي شتفكر فيه ولا شناوية عليه ولا أي شي يدور ببالها!!!
نجود/مااوعدك بس بحاول...
///////////////////////////////////////////////////////////////على كورنيش الدمام....
هنوف/هني وعافية
ناصر/الله يهنيك...
هنوف/....
ناصر/....
هنوف/شفت اليوم عطيناك اجازة من العمل مفروض تشكرنا..
ناصر بجدية/انا مااحب اخالف بالعمل او استهتر فيه!!العمل عمل والعب لعب!!
هنوف ابتسمت وهي تناظره/هاذي محنا متفقين فيها.....
ناصر/هههههه
هنوف/ناصر طالع بالبحر وغمض عيونك وتمنى امنية..
ناصر/ليش؟؟
هنوف بمرح/ههه استهبال...نشوف انت وش قاعد تفكر فيه....
ناص/ر/وانتي بتسوينها؟
هنوف/اكيد...
ناصر بخبث/معناته انتي تسوينها اول انا مااعرف ها اللعبة؟
هنوف/صدتني ياخبيث بس معليش ببدي....
غمضت عيونها وقالت بهمس/اتمنى تكون عندي الشجاعة الكافية واصارح الشخص اللي احبه بحبي له!!
ناصر بذهول/تحبين؟؟؟؟
هنوف طالعت بالارض وهي متمنية فعلا تقوله احبك انت بس ماقوت...
هنوف/أي..وودياقوله ها القصيدة...
ماانتظرت منه الموافقة ولاالرفض قالت بسرعة ...
,,,,,,,,,,,,,,,,,,,

انا من يومني بنت(ن) صغيره والقلوب كبار
بلاني ربي بحبك , وعشت بعالم الحيره



أنا من يومني طفله وانا لي بالهوى تذكار
عشقتك من صغر سني , يا زين الوصف والسيره




صحيح اني صغيره حيل , ومن حولي بنات صغار
صحيح همومنا لعبه , وكل أحلامنا صغيره




طموح البنت في عمري , عروسه ولعبة استشوار
وانا كل اهتماماتي , عيونك ياضيا الديره





في مدرستي عجزت أفهم دروسي والبلا أفكار
أفكر فيك يا خلي .. وزاد الشوق تفكير
أنا ما همني درسي .. ولا هموني الشطار
تجاهلت الفصل كله .. عباراته .. طباشيره




كتبت اسمك على هاك الدفاتر يالغلا تكرار
رسمت قلوب ورديه , سكنها انت , من غيره ؟





الا ياليتني بنت(ن) , تعرف تنظم الاشعار
يمين الله لأكتب لك قصايد تفضح الغيره




كبرت اليوم يا الغالي وزاد بقلبي الاصرار
على حبك , وحب اللي يحبك فاق تعبيره ‎!
جذبت عيوني الثنتين , الا يا ملفت الانظار
سكنت حدود نبضاتي , بدون اجراء تأشيره



فداك اللي تبي آمر , تمنّى يالغلا واختار
لو انك تطلب عيوني , لأقول ان العمى خيره !




جميع اللي تبي حاصل , حشى ما أنطق الاعذار
ولو يتعذر قليبي , حشى مااقبل معاذيره




تأشرّ باصبعك للشيء , تلقى مطلبك قد صار
فخوره لو أجيبه لك يا سيد القلب يا أميره
تبعثرني هموم البعد , وتبحر بي كما البحار
غزاني موج بُعد الخل , ولا وضح لي تبريره




متى ألقى مراسي اليم , وتلطف فيني الاقدار
الا يا بختي بشوفه , الا ياليتناجيره ‎!




انا من لامني بحبك عساه لقصرة الاعمار
تلوموني على شخص(ن) , حلاه احلى من الشيره ؟




قالوا لي تحبينه ؟ وقلت ان الحروف كثار
أحبه واعشقه واهواه, ولا أرضى بتغييره

شجاعه , بس لا شفتك , كياني يا بعدي ينهار
قويه , لكن قبالك , شعوري صعب تظهيره



عيونك يا بعد كلي, تهز الفارس المغوار
شموخك مفخره للعز , يذكرني بأساطيره ‎!



الى مني تباطيتك , تولّع في حشاي النار
تزوّد جرعة الاحزان , تزيد القلب تخديره !



واذا يا عيني لاقيتك , يثور بداخلي اعصار
أطير بعالم الفرحه , تقيّدني اساويره



لو انك تدري بحبك , كم له داخلي مقدار
يطير العقل يا خلي , كأنك شارب(ن) بيره !!..<<<<<<<<<<<<<<<<<<<<<<
ناصر ناظرها بذهول/خطييرة يالهنوف خطيرة!!وش ها الحكي عاد!!وين مخبيته!!
وهو يناظرها مر في باله خاطر انها تقصده هو بس بسرعة شاله لانه اعتبره جنون هي وهو عايشين مثل الاخوان من الصغر وهي متعلقة فيه لانه دايم ياخذها مشاوير مع نورة ويسولف معها.....
هنوف بالم/يالله دورك اللحين؟
ناصر غمض عيونه بقوة وقال/اتمنى افهم علي اخوي واقدر اساعده؟؟؟احس انه في شي مخبيه عن الكل ومتعبه وهو اللي مخلي تصرفاته كذا!!ماودي نعيش كذا وماكان احنا اخوان !!صايرين كان عدوان ببيت واحد!!ودي اعرف شفي هو يفكر وشنو يبي يوصل له واقدر اخليه يتخطى مشاكله واحنا جنب بعض!!!
على رغم الحزن اللي بقلبها انه ماكلمها عن الحب ولاهي قدرت تصارحه بمشاعرها الا ان عيونها دمعت من كثر ماتاثرت..اي هذا ناصر الرجال الشهم اللي اللي الوحدة تفتخر فيه وبحبه!!اي حب أي خرابيط تهزه..هذا نخوته بالاول وماقبلها شي...هذا ناصر اللي تعرفها لازم يهتم بللي حوالينه اول وبعدها يفكر بنفسه!!
ابتسمت من وسط دموعها ونااصر بعده مغمض عيونه ودعت ربه يسعده ويوفقه بحياته ويسدد له كل خطوة يخطيها,,,,,,
///////////////////////////////////////////////////////////
مصعب/فيك تستاذنين من الدوام اليوم؟
فوزية/خير؟
مصعب/ودي امرك واكلمك عن سالفة شاغلتني؟
فوزية بخبث/شنهي؟
مصعب/لاتحرجيني اذا التقينا قلت لك؟
فوزية/طيب انتظرني بروح اشوف اذا فيني اقدر اطلع ولالا..بعطيك خبر بعد دقايق طيب..
مصعب/منتظرك لاتطولين...
سكر وهو يتنفس بقوة...عزم انه يصارح اخته ويستشف اللي عندها..لازم يقول لها؟...مايقدر يظل معلق كذا ماغير عيون مكحلة بس سالبة عقله !!!واسم !!!صحيح انه راح وقعد بوسط بيته واكل وسولف مع اهلها بس هذا مايعني أي خطوة بسالفته لازم يعرف منهي وشنو تفكيرها وهل هي عندها علاقة مع احد ولامرتبطة؟؟؟؟؟؟؟؟؟
مايدري ليش حس بنخزة بقلبه من مجرد ها الطاري!!معقولة نجود تحب لو انها مخطوبة؟؟؟؟؟لاياربي لا...نجود لي ..لي انا وبس!!!
دق جواله وكانت فوزية المتصلة ..رد عليها بكل لهفة وقالت له يجيها الدوام بتقدر تطلع معه...طار من الفرح نص الهم بينزاح اليوم..على الاقل لمى تعرف فوزية بتدبره!!
//////////////////////////////////////////////////////
جواهر/وش فيك؟
نجود/ولاشي...مو على اساس انتي اللي متضايقة؟
جواهر/وبعدني متضايقة؟
نجود/انا بعد متضايقة ..يلعن الحب وساعته!!
جواهر/مازلت مصرة انه مايناسبك؟
نجود بزعل وبحة متقطعة/وانا شسوي بقلبي اللي ماعرف يحب غيره ورفض الكل واختاره شسوي!!
جواهر/عارفة الحب مو بيدك ويجي غصبا عنك.....ماعلينا تدرين وين انا اللحين؟
نجود/لاتقولين في جدة؟؟؟بتطلعين خطيرة لو رحتي!!
جواهر/ياليت بس مو رايحة له هو اللي لازم يقول اللي عنده...
نجود بقوة/أي خليك كذا جواهر اللي اعرفها...
جواهر/يالله فكري ولك اللي تبينه اذا عرفتي صح؟
نجود/اممممممم مافي مكان خاطر ببالي ...
جواهر بفرح/انا اللحين بسيارة ابوي الله يحفظه ويخليه قولي وين رايحين؟الوالد الله يسلمك طالع الرياض علشان ال
قاطعتها نجود بفرح/قولي قسم جايتني؟
جواهر بفرح/كنت ماراح اتكلم وبجيك علطول بس ماعرف اخبي ..
نجود/يابعد قلبي وينكم؟؟مطولين؟
جواهر/تونا ماشيين حرام عليك وتعرفين سواقة بومحمد يمكن نوصل بعد بكرة؟؟
نجود/ههههههه رايحين افغانستان مو الرياض ههههههه
جواهر/ههههههه
نجود/وماعطيتي بندر خبر انك جاية الرياض؟
جواهر/لا....بعدين انا جاية مع ابوي!!!
نجود/المهم احلى خبر سمعته بصراحة بنتظارك ياقلبي.....
////////////////////////////////////////////////
في السيارة....
كانت السيارة واقفة وفوزية تناظر بمصعب مو مستوعبة...
فوزية بذهول/نجود؟؟؟؟؟
مصعب/أي نجود....
فوزية/وش اللي خلاها تدخل مزاجك عاد!!!!
مصعب/صار ودخلت شسوي بعد يافوزية؟
فوزية/بس تراها وامي ماكانوا حلوين بالجبيل يعني لاتفرح كثير؟
مصعب/..............
فوزية/الله ياخذك يانجود يوم تكشفين وجهك بلشتي اخوي معك؟
مصعب لف لها بسرعة/كشفت وجهها؟؟؟متى؟؟؟وليش ماشفتها؟؟
فوزية باستغراب/كيف ماشفتها وانت كنت معنا بالجبيل ذاك اليوم ؟
مصعب/ماكانت كاشفة؟
فوزية/بلى..
مصعب/يمكن كشفت بعدين بس انا طول ماشفتها كانت متنقبة...
فوزية/مصعب,,,كانت كاشفة وجهها شفيك؟
مصعب/غريبة اني ماشفتها..
فوزية/انت متى شفتها اجل؟؟
مصعب/كنت بجرير مع خالي من قبل اسبوعين تقريبا وشفتها هناك وكيف عرفت عرفت من طلعنا ووداها السايق مكان سكنها وانا كنت مع محمد ذاك اليوم ومنال معها مطرشين لهم الغذى.....
فوزية/يعني ماشفتها؟
مصعب بخجل/لا غسلت شراعي بدل الشوفة؟
فوزية/شلون يعني؟
مصعب/كنت اناظرها وتقربت مني وغسلت شراعي ...وتكرر نفس الموقف بالجبيل بعد!!!
فوزية/؟؟؟؟؟؟؟؟؟؟؟؟؟؟
/////////////////////////////////////////////////////

 
 

 

عرض البوم صور بياض الصبح   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملح الحياة, للكاتبة ملح الحياة و سكرها, ليلاس, القسم العام للقصص و الروايات, اعتراض, شرعك اللهم, شرعك اللهم و لا اعتراض كاملة, سكرها, قصه مكتملة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t147274.html
أرسلت بواسطة For Type التاريخ
ط£ط¯ظ„ظ‰ ط§ظ„ط¨ط§ط±ظٹطھ ظ…ط­ط·ظ… ظپظٹ ط§ظ„ظ‡ظ†ط¯ - ظƒط³ط§ط±ط© ط§ظ„ظپظƒ This thread Refback 24-08-14 11:43 AM
ظ†طھ ط³غŒطھغŒ ظ‚طµظٹط¯ظ‡ ظٹط§ط¨ظ†ط¯ط± ط§ظ„ط¹ط¨ ظˆط¬ظˆط± ط§ظ„ظˆظ‚طھ ظ„ط§ظٹظ‡ظ…ظƒ This thread Refback 15-08-14 04:20 PM
ط´ط±ط¹ظƒ ط§ظ„ظ„ظ‡ظ… ظˆظ„ط§ ط§ط¹طھط±ط§ط¶ ظ„ظ„ظƒط§طھط¨ط© This thread Refback 03-08-14 09:34 AM
ط´ط±ط¹ظƒ ط§ظ„ظ„ظ‡ظ… ظˆ ظ„ط§ ط¥ط¹طھط±ط§ط¶ ظƒط§ظ…ظ„ط© This thread Refback 03-08-14 09:27 AM


الساعة الآن 06:38 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية