لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (4) أدوات الموضوع انواع عرض الموضوع
قديم 19-08-10, 06:42 AM   2 links from elsewhere to this Post. Click to view. المشاركة رقم: 16
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

---البارت السادس والعشرين---

/////////////////////////////////////////////////////////////////////////////////////////////////

,كانت لمياء بعدها بنفس الشرود اللي من شافت علي وهي فيه..
حممت مريم ومشطت شعرها وقامت ترتب الفوضى اللي صايرة بغرفة مريم ..
كانت وهي ترتب ماتدري وش اللي بيصير بالايام الجاية لها,,,
تاكدت اللحين من ان علي يعرف بيتهم ويدري انها بالرياض ويعرف اهل مشاري؟؟
ياترى هل بيكون لنجود دور بالقضية ؟؟وانا شبيكون موقفي من مشاري واهله لو نجود خربت السالفة!!!!!!!
سترك يارب...
طلعت الصالة وكانت مريم عند ابوها يلعبها وهو يغني..
مريومية سمعي بابا ها الاغنية وعطيني رايك...احم احم احم....
مقيولة وانت ادرى وتعرفها يالمزيون..
احذر عدوك مرة وحبيبك مليون!!
ماجت على بالي تلعب على المضمون
سلمت لك حالي مااحسبك يوم تخون!!
ماتدري لحظتها ليش وقف قلبها من كثر مادق بسرعة!!!
معقولة مشاري عرف عن السالفة!!!!لا مستحيل هو ماتغير معي بلحظة وحدة من رجعنا ممايعني انه مادرى!!
طيب ليش قاعد يقول ها الحكي!!علشان يستفزني!!ولا انا قاعدة اسمع كل شي وافسره مثل ماابي!!!!
مشاري/حياتي وش فيك واقفة بعيد تعالي قعدي معنا!!
لمياء/ها....(الحمد الله السالفة كلها من افكاري انا وبس ولامشاري مافيه شي)
مشاري/تعالي قعدي لاتتعبين من الوقفة؟
لمياء قعدت وهي مسيرة ...
مشاري/متى بنروح بيتنا!!
لمياء/خلاص شوي بس بقوم البس ونمشي...
مشاري/متضايقة من الروحة؟
لمياء/لا انا ابي اروح هناك واتسلى مع خالتي ومنال وفرصة حلوة لان عمتك مابتكون موجودة؟
مشاري/حبيبي لوشنو تسمعين لاتهتمين يكفي اني معك واحبك وابيك..صح مريومة ولا انا غلطان؟
مريم/صح..كل شي يقوله البابا صح؟
مشاري بفرح/يابعد عمري..سمعتي....بنتك شهدت لي!!
لمياء /..........
مشاري/قومي مريم قولي للماما انا ابي اخت واسميها شيخة على اسم جدتي ام مشاري؟
رفعت لمياء راسها وقالت بحدة/اللحين مستحيل!!!!!
مشاري بذهول/ليش مستحيل؟
لمياء بارتباك/ها...مو قبل ماانتهي من ها السالفة؟
مشاري/أي سالفة يالمياء؟
لمياء حطت روحها بموقف تنحسد عليه فعلا!!!!
مشاري بحذر/أي سالفة؟؟؟؟وش فيك تكلمي؟
لمياء بحذر/مو جايبة لك شي بعد لين تخف عمتك عني شوي يامشاري!!انا بجد صايرة اتحسس من كل شي تقوله لي!!!
مشاري بشك/هذا اللي مانعك من انك تجيبين مرة ثانية!!
لمياء بارتبك/طبعا وش بيكون غيره يعني!!!
//////////////////////////////////////////////////////
كان قاعد بمكتبه اللي ماطلع منه اليوم اصلا!!!
افكاره كلها رايحة لها النجود اللي بليلة وحدة غيرت كل شي فيه!!
حس انه مشتاق لها,,,لسماع صوتها,,,لحنانها,,,لااهتمامها,,لكل شي متعلق فيها!!
بس ماهو قاوي يرفع سماعة التلفون ويدق عليها من البارحة!!!
رفع جواله بضيق ومصعب اللي كان متصل...
مصعب بمرح/هلا بالخال..شلونك؟
فهد بضيق/تمام..
مصعب/اقول خالي.....ادعي لي تتسهل اموري؟
فهد بضيق/أي امور؟
مصعب بارتياح/كلمت فوزية عنها!!!
فهد بزعل/عن منو؟
مصعب بحب/عن نجود طبعا!!!!انا قولبت الفكرة براسي وقلت اذا كذا مابنطول ارض ولاسما؟؟؟خلني اكلم فوزية عنها..وتكلمنا وتناقشنا وطلبت منها ان هي تلتقي معها وبعدين انا امرهم يعني واشوفها واسلم عليها وكذا يعني!!
فهد بزعل/وكلمتها؟؟
مصعب/مو بعد..قالت الليلة بتدق عليها....علشان انا قايل لها ماابي احد يعرف عن الموضوع شي حتى منال؟؟؟يمكن تكون البنت مرتبطة ولاتحب؟
فهد ردد بانكسار/تحب!!تحب!!!اكيد تحب؟؟
مصعب/خالي لاتفاؤل علي عاد!!!
فهد/............
مصعب/المهم انا اول مايصير عندي شي بكلمك واخبرك وش صار معي..سلام يابو فيصل...
مايدري هو سكر السماعة بعد ماانتت السافة بينه وبين مصعب ولالا!!
حس بقلبه يطيح من بين ضلوعه!!
الحب اللي كان ينتظره طول ها العمر وبعد ماتملكه ليلة البارح وحس انه مو قاوي يستغني عنه ضاع!!!!!!!راح منه بلمحة بصر!!!!!
هاذي الدنيا وهاذي حالها...........
مايدري ليش حس بالدموع متجمعة بعيونه ووده يبكي ويصارخ ويشكي....حلم نجود تبخر رسمي منه!!!!!
خلاص رحتي مني يانجود بعد مااحييتي فيني امل بالحب والحياة وتغيير حياتي!!ضعتي مني يالحبيبة وضيعك كبريائي وماخلاني اعترف لك بحبي واتهنى بحبك مثل باقي الناس!!!
ياليته بس كان محمد مو مصعب والله هانت علي السالفة ياعمري!!!!
شقول بعد ماعندي شي اقوله بضل اعيش حياتي بهم وزعل مع نجلاء!!!
ضاع املي فيك يابنت السبيعي ضاع!!
/////////////////////////////////////////////////////////
نجود/هلاوغلا فيك ياقلبي انتي شخبارك؟
فوزية/واحشتني والله كيفك..
نجود/تمام عايشين ..كيف شفتوا الشرقية؟
فوزية/روعة مثل اهلها ...
نجود/تسلمي ياقلبي...بس على فكرة الرياض بغيضة مثل اهلها زين كذا!!
فوزية/ههههههههه مين مزعلك من الرياض؟
نجود في بالها اذا هو زعلني معناته ان الرياض كلها زعلتني!!!!
نجود/والله فراق الحبايب يخليك تقولين ها الكلام وتحسين بالغربة صح ولالا؟
فوزية/مين من الحبايب حددي؟
نجود/ياه سؤال صعب بس اجابته سهلة..على فكرة مثل ماانا اتضايق ببعدها هي بعد ماتصبر بدوني وكاهي جايتني!!!
فوزية/جواهر!!جاية عندنا مشاءالله..
نجود/مو اقولك ماتصبر عني!!
فوزية/لان بندر مو هنا لو بندر هنا ماتركته وجاتك يانجودة!!!
نجود/ عارفة قدري زين عندها مايحتاج تشوشيني عليها!!
فوزية/لا ياقلبي مو القصد بس هذا الواقع!!يعني اذا انتي جاك بكرة فارس الاحلام على حصان ابيض مابتعوفينها على شانه!!
ماتدري ليش تنهدت بحزن ذيك اللحظة بس دارت الموضوع بسرعة بابتسامة ومرح علشان ماتحس فوزية على شي/أي مني لين يجي يحلها الف حلال!!تكون تزوجت وجابت عيال وانشغلت فيهم وهي اللي تركتني!!
فوزية/هههه المهم وش عندك انتي؟
نجود/متى؟
فوزية/الليلة..
نجود/ولاشي..
فوزية/فينا نطلع نشرب فنجان قهوة برى على رواق؟؟
نجود/فينا نطلع نشرب عصير ..بس قهوة لا..انا مااحب غير قهوتنا العربية وبس!!مااعترف بالباقين الا اذا تسكرت عندي؟
فوزية/عصير عصير ..المهم نطلع نشرب....متى فينا نلتقي.؟
نجود/بكيفك انتي قرري وين ومتى وانا اجيك؟
////////////////////////////////////////////////////////
ام مشاري/مشاري..وش فيك يمه؟
تنهد مشاري بقوة وعيونه على لمياء اللي كانت واقفة مع مروة بالمطبخ وعاطيتنهم ضهرها..
ام مشاري ناظرت بالمكان اللي هو يناظر فيه وقالت له /ماعرفت شفيها؟
مشاري بضيق/تقول متضايقة من كلام عمتي لها!!
ام مشاري/اللحين عمتك من اربع سنين وهي نفسها ماتغيرت!!توها اللحين تتضايق؟
مشاري /يمه تراكم عليها الشي وفاض بيها الكيل وماهي قادرة تتحمل كلام عمتي زيادة بعد!!!
ام مشاري/أي بس انت بعد لازم تفهمها انك انت الاهم ورضاك انت عنها هو الغاية اللي المفروض ترتجيها.!!!.
كلام عمتك ولا أي احد ثاني ماالمفروض ياثر بعلاقاتكم يامشاري؟
مشاري/والله ماني عارف وش اسوي يايمه...صايرة ذابلة ومتضايقة وزعلانة وماكانها لمياء اللي عشت معها اربع سنين يمه!!!
ام مشاري/ماعليه يمه خذها باللين وبالطف وانت فهمها انك تبيها وتعزها وانها كل حياتك علشان يكون تاثيرك انت الاقوى عليها من أي احد ثاني يامه!!
مشاري ابتسم لامه وقال بخبث/من وين طالع ها الحكي يالغاليةها؟؟؟لايكون مختبرة الوالد ومسوية عليه تجارب!!!!ههههههه
///////////////////////////////////////////////////
كانت قاعدة بغرفتها وطايرة من الفرح وحاضنة مخدتها بقوة وهي تتخيلها ناصر....
شقد تحبه ها الولد وتغليه!!!
ياربي اموت عليه ياناس اموت!!محد يقدر يلومني فيك يابعد عمري ياناصر....
انت اغلى الناس بعيوني يابعد طوايفي,,,,,
مين مثلك بها العالم ياناصر مين؟؟؟
والله مامنك اثنين!!ذوق وطيب وهيبة ,,,حب وحنان ماعمري لقيته باي احد من قبل!!
ماعمري شفت احد يفكر بغيره وبالناس اللي تقسى عليه كثرك,,,
تحاتي علي وانت عارف انه انسان شرير ومايستاهل احد يسال عنه ولايناظر بوجهه حتى!!بس شقول ها القلب انا افداه ياناصر,,,,

مسكت جوالها ودزت له رسالة(تبي اندومي ..مسوية اندومي عجيب اجيب لك)
رد عليها بعدين(والله مو في البيت انا مع الشباب...بس ماابي اخاف اكل منه وبكرة تورطوني بعد وتغيبون وتتخبون بسيارتي وابتلش فيكم !!)
ردت عليه(والله فكرنا نغير الطريقة ومانتخبى بسيارتك ونروح لك دوامك نوقف على الباب ونحطك قدام الامر الواقع!!)
مارد عليها بس بعد دقايق اتصل فيها وفهمت انه ابتعد عن الشباب علشان يكلمها..
هنوف بمرح/هلا..
ناصر بخوف/تكفين عمتي لاتسوينها!!
هنوف/هههههه
ناصر/ابوس على راسك لاتسوينها!!
هنوف/ها شكلك خفت يانويصر؟
ناصر/مو انتي تسوينها ينخاف منك صراحة!!!
هنوف/اعطيني مغريات علشان مااسويها؟
ناصر/هنوفوا بلا نذالة عاد!!ابي افهم منو فينا الكبير ومنو الصغير؟؟؟
هنوف/امممم خليني افكر....
ناصر/هههه روحي زين انا مع الشباب اللحين..روحي ذاكري لااعلم ابوك عنك ؟؟؟ها ترى عمي مايمزح!!
هنوف بضحكة/أي بس ناصر يمزح ومايقدر يسويها!!!!
////////////////////////////////////////////////////////
محمد/الو...
مصعب/وينك؟
محمد/موجود
مصعب/شوف ابيك تروح تمر فوزية وتوصلها لمكان هي بتقولك عليه؟
محمد/وين؟؟
مصعب/مدري كافي على مااعتقد بتتلاقى مع زميلتها هناك....
محمد/امممم
مصعب/انا كنت بوصلها بس خالي فهد الله يهداه دق علي وقالي امره وكانه وقته وهذا وانا قايل له عن ظروفي الخاصة اليوم؟
محمداي ظروف؟
مصعب/اسمها خاصة!!يعني ماالمفروض تسال عنها؟
محمد/طيب..متى تبيني اروح لها؟
مصعب/اللحين ....
محمد/ياللله....
سكر من مصعب وهو يفكر بفوزية وشكلها يوم كانت قاعدة تعدل شعرها بكورنيش الجبيل!!!
تغيرت ها البنية,,من زمان ماشافها من يوم هم صغار!!!
وزين ان اليوم حظه بيرمي عليها..خله يكلمها عن الافكار اللي شغلت باله من شافها.....
وصل لمكان عملها ودق عليهاوماردت..دق على مصعب وقال له يدق عليها.....
بعد اكثر من ربع ساعة طلعت......
في السيارة..
فوزية/معليش تاخرت شوي..ظرف طارى باخر لحظات....
محمد/خذي راحتك ...
فوزية/على فكرة انا مكنت عارفة انك جاي ماعطاني مصعب خبر الا باخر لحظات!!
محمد/ممكن اسالك سؤال؟
فوزية بحدة/بخصوص شنو؟
محمد ببراْة/لو كنتي عارفة اني انا اللي جاي ماكنتي طلعتي معي!!
ناظرت صوب النافذة علشان لاتفضحها عيونها...قرب محمد كان حلم طفولتها بس ماتدري ليش حاسة اللحين بالخوف منه..يمكن لانه مامنه امان وماعنده حبيبية وحدة!!!
محمد/انا عارف ليش تكلميني بذي الطريقة يابنت عمتي!!
فوزية لفت عليه بس ماقالت أي شي...
محمد تنهد/لاني طايش وحركاتي كلها سخيفة ومااعجب احد!!!
فوزية/............انا ماقلت شي؟؟
محمد/مو صعب اقرا ها الشي بعيونك مثل ماقريته بعيون كل اللي حواليني؟؟؟
فوزية/محمد وش فيك ؟؟ليش فاتح ها الموضوع اللحين!!
محمد تنهد بقوة وخلاها تلزق بكرسيها من الخوف,,,,
محمد/فوزية بقولك شي وعارف انك ماراح تصدقيني وبتعتبرينه استهتار وطيش!!!بس الحقيقة يابنت عمتي اني من شفتك بالجبيل ها الاسبوع وانتي شاغلة افكاري وبالي!!ادري مابتصدقيني؟؟بس انا ماتعودت الف وادور واقول دايم اللي بخاطري!!!!!
/////////////////////////////////
في مكتب فهد..
كان مصعب جالس ينتظره برى وهو شبه متضايق لانه قايل له بيشوف الحبيبة اليوم بس خاله الله يهداه ماطلع شغله الا اللحين!!وهو مايقدريرفض لخاله طلب!!
كان فهد واقف يناظره من مكتبه اللي داخل عن طريق زجاجه العاكس وهو يتنهد,,
مايدري ليش ناداه ,,يمكن غيرة منه لانه بيلاقي العنود اللي فهد مو قادر يستوعب انها ضاعت منه وبدون حتى كلمة وداع بعد اللي صار البارحة!!
هو متاكد ان نجود ماتدري عن شي بس هو قلبه محروق...وحاس بالغيرة منه رغم حبه واحترامه لشخصيته,,,بس الحب ومايسوي,,,
طلع من مكتبه وكان مصعب سرحان ويبتسم ويغني بصوت عالي..(وان بغيت المزايين روح صوب الشرقية...دقني دقني دقني..)
تنهد بقوة وطلع بعد ماصفع بالباب وانتبه له مصعب ووقف,,
مصعب/هلا خالي..
فهد بضيق/هلا...
مصعب بمزح وهمس/افا ياخالي بس ولاكانك عارف ان مصيري بالحب الليلة بيكون؟
فهد بضيق/عن الخرابيط وخلنا نروح؟
مصعب/وين؟؟؟
فهد/بروح جرير الكمبيوتر لازمه كم برنامج وانت اخبر مني بها السوالف!!!
مصعب بضيق/الليلة عاد ياخالي !!ماتقدر تاجلها شوي؟؟؟؟
فهد/وش عندك ان شاءالله؟
مصعب/بشوفها...
فهد بحدة/ماهي بطايرة يامصعب!!!وبعدين قول لااختك تروح جرير معها؟؟؟
مصعب بمرح/فكرة مو بطالة نهائيا!!
كاانت هاذي الوسيلة الوحيدة والنهائية عند فهد بشوفة نجود ووداعها من بعيد لبعيد!!!
مشى مع مصعب وهو يتنهد...
////////////////////////////////////////////////////////////
كانوا فوزية ونجود يتمشون كذا بالقرعاوي مول بدون أي فايدة وهم يسولفون عن فلانة وعلانة وهاذي شلابسة وذيك مدري وش فيها....
وفوزية بالها مشغول بمحمد وبللي قاله لها قبل لاتنزل من السيارة.....
(من شفتك تركت خرابيطي وطيشي!!!ماراح تصدقيني بس ابيك تسمعين ها الشي مني حتى لو مااقتنعتي فيه!!انا حبيتك يافوزية حبيتك)
معقولة محمد يحبني؟؟؟كيف يحبني ؟؟؟وهو اللي ماخلا بنت ماشبك معها بالرياض!!!تنهدت من قلب والتفت لنجود اللي تناديها..
فوزية/ها؟
نجود/وين يابابا ها السرحان هذا كله!!تلفونك صار له ساعة يدق؟
فوزية/ههه شالت الجوال ودقت على مصعب اللي كان حارق جوالها......
وبعد ماخلصت من مكالمتها...
فوزية/نجود فينا نروح جرير؟
نجود/أي عادي..
فوزية/معليش بس اخوي يبي من هناك شي ويقول ممكن مايقدر يمر فسالني لو قدرت اجيبه له؟
نجود وهي لافة بعيونها بعيد/مو مشكلة؟؟
ماتدري ليش حست ان مصعب في السالفة وانه يبيها....بس ماكانت تقدر ترفض؟؟؟؟
/////////////////////////////////////////////////////
عبير كانت تناظر بعلي وهو نايم....
وسيم ومن احلى ماربي خلق!!بس الطبايع شينة ومايتعاشر؟؟؟
ياترى شلون حبيبتك لمياء اللحين ياعلي؟؟؟بعدكم متواصلين ولا مالتقيتوا؟؟؟
ليش ظلمتني ياولد عمي وحطيتني بهم ماله اول ولاتالي!!!
صدقني حاولت احبك مرة ومرتين وثلاث وعششر؟؟بس خيانتك لي بذكراها شالت فكرة الحب من بالي نهائيا!!!!
وش ها الحب اللي مو مخليك تركز بحياتك معي وحتى باسمها تناديني وكانت بدون مشاعر واحاسيس ياعلي!!!
اه لو تدري عن الهم اللي بقلبي منك ومن افعالك فيني صدقني ماعشت لحظة وحدة بها الدنيا!!بس انا لوين اروح ولمنو اشتكي همي ياولد عمي؟؟؟
حتى المكان اللي فكرت اتكلم فيه براحة وبصراحة عنك وعني وعن علاقتنا ببعض حرمتني منه واعتبرتني مجنونة!!!!!!!!
دمعت عيونها بالقوة وهي تردد بشفايفها كلام علي..انتي اصلا وحدة مجنونة وهاذي نهايتها دكتور نفسي!!!!
مين خلاني اروح للدكتور النفسي غيرك ياعلي مين!!!
لله لايسامحك ياولد عمي ؟؟أي الله لايسامحك بدعي عليك بحرقة قلبي بعد كل صلاة,,,انت واحد حقير واناني وشرير؟؟؟
ظلمتني وظلمت نفسك وظلمت حياتنا مع بعض!!!!
شقول بس شقول ياعلي...متى بتفرجها يارب علي متى؟؟؟؟
والله لو ابوي انسان ثاني كان ماقعدت معك ولاصبرت عليك دقيقة وحدة بس مااردى منك الا ابوي!!اللي محمنلي فشل علاقتنا بروحي ومعتبره غباء مني!!!!
ماقدرت تكمل كلام مع نفسها وانفجرت تبكي بكي حار وطلعت للصالة تبكي على راحتها لايقعد علي ويشوفها ويردد على مسمعها نفس الكلام...انتي اكيد جنيتي؟؟؟
////////////////////////////////////////////////////
وصلوا جرير وكان فهد ومصعب هناك ...
نجود/انا بروح لعند الكتب والروايات طيب لو خلصتي تعالي لي؟
فوزية/مو مشكلة...
ركبت نجود ولقتها فوزية فرصة تدق على مصعب تشوفه وين وتخليه يصعد معها لنجود....
توها بتدق عليه الا هو وفهد جايين صوبها..
فوزية/خالي شلونك...فرصة سعيدة اني شفتك؟
فهد بضيق وعيونه تدور عليها/هلا..
مصعب بلهفة/وين نجود؟
فوزية/فوق عند الكتب..
مصعب/يالله خل نركب نشوفها مو قادر اصبر ابي اكلمها الليلة ضروري؟؟
فهد بعصبية وصرامة/تركد عاد يامصعب؟؟
مصعب/طيب ياخالي طيب....
ركبوا وركب فهد معهم وهو في قمة الضيق ...وباخر لحظة تحسف انه جا بنفسه يشوف فراقهم كيف بيصير ...بس انه جا واتهت السالفة!!!!
ركبوا وكانت نجود تتفحص بكتاب وقلبها يدق بسرعة لانها عارفة السالفة وحاسة فيها ومترقبة باي لحظة يطلع لها مصعب!!بس كانت محتارة شتقوله؟؟؟ولا كيف تتعامل معه؟؟؟بجد كانت محتارة حيرة ماقبلها ولابعدها....
وقف فهد بالركن اللي قبالهم علشان يشوف على راحته ومسك له كتاب يتفرج عليه وهو يناظرها ووده لو هو يروح ويحضنها مثل امس ويقولها لاتختاري غيري يانجود؟؟؟بس شيسوي...شرع الله وماعليه اعتراض؟؟؟؟

فوزية بهمس وهي واقفة جنب خالها/روح كلمها يالله ذي فرصتك بما ان مافي احد؟
مصعب وعيونه على نجود/طيب وينها؟؟؟
فوزية بذهول/ايهي اللي وينها؟
مصعب/نجود؟
مايدري ليش عصب فهد عليه بذيك اللحظة وحست نجود له لانها سمعت صوته بس ماقوت ترفع راسها وحست بالمذلة ..تمنت انها تروح لهم وتقول لهم وقفوا ها المسرحية الهزلية حقتكم انا مو لعبة بيدينكم؟؟؟؟
فهد بعصبية/وان شاءالله ماتشوف لو ماتشوف؟؟؟؟
فوزية/خالي شفيك؟
فهد وهو يطالع بالكتاب/ماتشوفين اخوك شلون يرفع الضغط؟؟
مصعب/وانا شسويت عاد!!!وينها انا مااشوفها؟
فوزية/كاهي اللي قبالك ياحظي؟؟
مصعب وهو يناظر بنجود/أي بس مو هاذي نجود اللي انا اقصدها!!هاذي اللي معها؟؟؟
فوزية/شلون يعني!!
فهد رفع راسه يناظرها وقال بتردد/مو هاذي نجود اللي سحرتك؟
مصعب/لا......
فوزية/.........
فهد/....شلون يعني!!
مصعب/اللحين فهمت ليش قلتيلي ماشفتها بالجبيل؟مو هاذي يافوزية هاذي صاحبتها...اللي اقصدها الثانية اللي كانت عندها شنطة بنفسجية!!!
فوزية/جواهر!!انت تقصد جواهر مو نجود؟
مصعب/اسمها جواهر؟
فوزية بعصبية/جواهر مخطوبة يامصعب؟؟
مصعب بزعل /مخطوبة!!!!!
قالها وطلع بسرعة وهو دموعه باينة بعينه....
فهد/روحي لااخوك شوفيه وينه فيه يافوزية..وانا برد انتي ردي معه....وكلميها قولي لها انك بتمشين وخلها تروح؟
فوزيةبتردد/بس ياخالي..
فهد بصرامة/يالله روحي شوفي اخوك...
يوم تاكد انها انزلت راح بسرعة لعند نجود ويوم وقف جنبها سكرت كتابها بقوة وقالت بعصبية/انتهت مسرحيتكم الهزلية!!!!!
فهد/..........
لفت عليه ولقته يبتسم وماله عادة يبتسم...
نجود بعصبية/الله يدوم الابتسامة عليك
فهد/احبك.....
نجود وقفت تناظره مستغربة من ردة فعله....
وقالت بذهول/وش تقصد؟
فهد بارتياح وهو يتنهد/مو انتي اللي يقصدك مصعب يانجود يقصد صاحبتك؟
نجود/جواهر؟؟؟؟
فهد بارتياح/مايهمني من تكون؟؟يهمني انك مو انتي اللي في باله وخياله!!!
ماتدري ليش كانت تبي تمشي من ها المكان بسرعة,,,يمكن لان قربها من فهد صار يوترها خصوصا انه من الامس ماكلموا بعض اصلا!!!
فهد ناداها بحب ولهفة مايدري كيف طلعوا منه/نجود,,
وقفت مكانها ورفعت راسها بشموخ/في شي؟؟؟
فهد/بشوفك....
نجود/انا انتظر جواهر بتجي باي لحظة!!!
قالتها وبعدها مشت عنه وطلعت وتركته غارق بتفكيره...ومايدري يفرح لنفسه ولايزعل على مصعب...
اه من مصعب اه؟؟؟طول الطريق وفوزية تتكلم وهو مو معها وصلها للبيت وراح غرفته وقفل الباب,,,يعني ماابي اسمع شي يافوزية وحتى الجوال قفله وقعد على فراشه وهو يستعرض صورتها بباله!!!
اه ياحظي الطايح اه!!!!!!يوم سحرتني وجذبتني لها طلعت مخطوبة ومو نفس البنت اللي هم يفكرونها؟؟؟
طلعت جواهر مو نجود؟؟؟؟ومخطوبة؟؟؟؟؟؟؟؟؟؟؟؟؟
مقدر يفكر بشي زيادة غير بدموعه اللي انزلت بحرقة على خده واللي خلاهم ينزلون ومامنعهم لانه حسهم حارقين عيونه!!!!
اه منك ياقلب اه....
كيف علقتني بوحدة مخطوبة بس!!!!ياربي والله مو قارد اشيلها من بالي ابدا!!!!
ليش ياحظي العاثر ليش؟؟؟؟
///////////////////////////////////////////////////
باخر الليل بغرفة مشاري ولمياء..
مشاري بهمس/مابغت تنام ها المريومة صايرة تسهر كثير...
لمياء بدون نفس/امممم
مشاري بهمس/حبيبتي..
لفت عليه بس ماحاولت تحط عيونها بعيونه/نعم
مشاري حضنها بقوة/انا احبك ..وعارف انك تعرفين ها الشي؟؟؟بس اللي انتي مو عارفته ان حبك بقلبي يزيد كل يوم عن الثاني وكل لحظة عن الثانية!!!
دفنت راسها بصدره العاري وقامت تبكي بحرارة حيرتها ماتدري لين بتوصلها...
ماتبي تخسر مشاري وحبه وحياتهم مع بعض!!بس فضولها ذابحها ومجدد فيها ذكرى علي وتبي تعرف اخباره وش صار عليه بها السنين اللي افترقوها,,,
ضمها اكثر لصدره وهو يمسح على شعرها ويقول بحنان/يمكن تكونين تعرضتي لنوع من انواع الضغوط,,بس اللي ابيه منك ياقلبي انك ماتخلين ها الضغط ياْثر على حياتنا ويسيرها على كيفه!!!
خلي حبنا لبعض اقوى من أي شي بالعالم طيب,,,,
وتاْكدي صار ماصار ببقى احبك وبتبتقين بقلبي اغلى حبيبية بالعالم ومابدلك لو بالملاييين,,,
/////////////////////////////////////////////////////////
وبغرفة نجود كانت جواهر وصلت ونزلت عند نجود وابوها نزل بفندق وبكرة بيخلص اشغاله كلهم بالنهار وبعد صلاة المغرب بيمشون,,,
جواهر/طيب قولي لي شفيك؟
نجود وهي سرحانة/انتي تتصورين نفسك وانتي مثل الشي المعروض والكل يناظر فيه!!!!ياربي وش ها الموقف اللي انحطيت فيه؟؟
جواهر/صار وعرفتي ان مصعب مايفكر فيك او على الاقل فهد عرف...طيب شي من صالحكم ولو اني رافضة ها الحب لانه متزوج وانتي عارفة!!!
نجود /قال لي احبك ياجواهر قالها!!!وانا اللي بموت علشان اسمعها,,,قالها وماقدرت اسمعها لاني كنت بنفجر باي لحظة!!!
دق جوال جواهر وكان بندر المتصل وعطته بيزي وهي تسمع لنجود..
جواهر/أي كملي...
نجود بتنهيدة/شتبيني اقولك بعد ياجواهر!!كان فرحان,,كان طاير,,,كان يبتسم...بس انا كنت حييل متضايقة منه ومن تصرفه معي!!من البارحة لعن بوداره مااتصل ولاسال!!اليوم ومن عرف ان مصعب مايفكر فيني جاني يركض ويقول احب!!!ليش ما قالها وانا امس بحضنه ليش؟؟؟؟
جواهر بتردد/انا معه يانجود مو معك!!
نجود/؟؟؟؟؟؟؟؟؟؟
جواهر/يعني بالامس كان باله مشغول انك بتكونين بتفكير شخص ثاني وعلى حسب كلامك شخص قريب منه حييل!!بس يوم تاكد ان مو انتي قدر يقولها ويفصح عنها يانجود...
نجود/..........................
جواهر/...........
نجود/مدري...فيني شي مخليني اتردد ياجواهر؟
جا جواهر مسج ها اللحظة من بندر(انا اسف بس عطيني وجه وخليني اسمع صوتك,,حرام اللي تسوينه فيني وتعذبيني فيه وتحرميني من اني اسمع اغلى شي بالكون)
طنشته وكملت مع نجود سالفتهم....
جواهر/طيب اذا مصعب ماكان يفكر فيك؟على أي اساس قال ان انتي ؟
نجود ابتسمت/مين تتوقعين كان يقصدها مصعب؟
جواهر/مين؟؟؟؟
نجود/ماحطيتي في بالك شي؟
جواهر/وحدة من اللي معاك بالسكن!!مو هو يقول شافها رادة سكنها واكيد ربط بين اسمك وبينها!!!
نجود/كان يقصدك انتي!!
فتحت جواهر عينها على وسعها وقالت بذهول/انا!!!!
نجود/امممممم
جواهر/وكيف عرفتي ان انا المقصودة موغيري!!
نجود/انا ماطولت مع فهد علشان اعرف..بس اللي فهمته من وصف مصعب لفوزية ان المقصودة انتي وقالت له ان انتي مخطوبة واسمك جواهر مو نجود وطلع زعلان ومتضايق!!!
سكتت جواهر وماردت وردت على مسج بندر بمسج سريع وقفلت بعده جوالها(انا ماني من بنات ها اليومين,,,دمعة ودمعتين وبظنك ارضى بعدين,,,لا..خلني في بالك وافهمني زين,,داعية عليه امه اللي يزعلني ويجرحني مرتين!!)
/////////////////////////////////////////////////////
فهد بعد ها الليلة كانت خطيرة بالنسبة له..
لانه كان من امس مو نايم واعصابه تلفانة من كثر تفكيره بنجود ومصعب وحس بارتياح شديد يوم انها ماطلعت المقصودة...
والادهى والامر انه ماقدر يمسك لسانها ومايقول لها احبك!!
قالها وللاسف نجود مااهتمت وطلعت...توقع اذا قال لها احبك تفرح ..تطير ..تحضنه مثل امس...بس لا..زين انها ماسوت...علشان تثبت له ان نجود غير..لو أي وحدة ثانية سمعت ها الكلمة هذا بيكون موقفها..بس لان نجود متميزة ومختلفة عن باقي الناس فحتى موقفها لازم يكون مميز ومختلف....
نجود وماادراك مانجود,,,شي مختلف عن الناس كلهم,,تركيبة مو طبيعية....خيال ممزوج بواقع...ساعات احسها سراب وان مافي شي اسمه نجود بهاالعالم!!
اللحين بكرة شسوي وشقول لها..كيف بتصير الامور بينا ....
مالي الا سالم يدبرني وهو راعيها ولا اذا بتجي علي ماراح احرك ساكن لااخر السنة!!
//////////////////////////////////////////////////
اليوم الثاني مر بسرعة وملل على الجميع..
روتين عادي ونجود كانت مستعجلة حييل علشان جواهر اللي تنتظرها وبيطلعون يتغذون ويوم دخلت الفصل وشافت ملاك ذكرت سالفتها بعد..بس وجود جواهر اليوم خلاها تاْجل موضوعها لغير وقت...لاحقة على ملاك وطوايفها بس جواهر مو كل يوم بتجي لعندها,,,,
خلص اليوم الدراسي بسرعة وطلعوا للفيصلية يتغذون بالمطعم البرازيلي..
نجود/بلشتيني انتي فيه؟؟؟كل مابتجيني بتقولين خلنا نروح المطعم البرازيلي!!يبى في مطاعم حلوة غيره هنا!!
جواهر/يااخي عاجبني!!!وبعدين انا مو كل يوم بجيك علشان تتذمرين علي!!!
نجود/ماقلنا شي...
جواهر/وبعدين استغلي الفرصة لانه بالصيف لاتحلمين تطبينه لانه مكشوف وبيكون حار موت....
طلبوا اكلهم وتغذوا وهم سوالف وضحك لين قبل لايقومون جاهم الجرسون ومعاه بوكيه ورد احمر على شكل قلب وشكله صاير يجننن خصوصا انه مغلف بشرايط ذهبية ..وعطاه لجواهر اللي استغربت..
جواهر/لي انا!!
الجرسون/يس مدام..
عطاها اياه وابتعد عنهم ونجود وجواهر يطالعون في بعض,,,مدت نجود يدها وشالت الكرت وقرت اللي فيه وعطته لجواهر وهي عيونها تدور بالموجودين....
مسكته جواهر وقرته(اتمنى لك حياة سعيدة...مصعب)
جواهر بنرفزة/قومي ندفع ونطلع!!
نجود/لاتقولين سد نفسك؟
جواهر بمرح/لا خلصت اكلي ماسدها الحمد الله...بس مااحب اقعد بمكان احس اني مراقبة فيه!!
نجود وقفت/يالله..
تركت جواهر البوكيه على الطالة ومشت ونجود راحت تدفع الحساب وهي عند الباب سمعت صوت يناديها..لفت وكان مصعب هو اللي يناديها..
مصعب/جواهر..جواهر..
جواهر/خير...
كان واقف وبيده البوكيه وقال بالم/لاتتركينه!!!
كان يناظرها بس ها المرة نظراته مو مثل كل مرة..كانت نظرات وداع والم وفراق وحسرة وانتبهت هي على ها الشي....
جواهر بصرامة/مقدر اخذه!!!
مصعب بنفس الالم/مو لشي بس...
جواهر/قلت لك مقدر اخذه!!!
مصعب بحزن/صدقيني انا اتمنى لك السعادة بحياتك..وابيك تتاكدين انك كثر ماشغلتي افكار بكلمتين قلتيهم لي كثر مو قادر اني اشيلك من بالي ولاراح اشيلك بعد!!بتظلين بقلبي اغلى حبيبة حتى لو ماتبادلنا الحب بيوم من الايام!!يكفيني اني اتابع اخبارك بصمت اذا سمحتيلي!!!
كانت تناظره بذهول وتعجب...وش فيه ذا صاير مجنون!!!يدري انها مخطوبة وزواجها قريب وهو يقول لها خليني اتابع اخبارك وبتظلين بقلبي حتى ل ماحبيتني!!
قطع عليهم صوت نجود/في شي!!!
//////////////////////////////////////////////////////////
فوزية ماقدرت تنام طول الليل من كلام محمد ..
وقررت انها تتواجه معه وتكلمه بكل شي ويقعدون مع بعض ويتفاهمون اذا كان فعلا جدي وعطته مسج تساله اذا كان فيهم يتغذون مع بعض وطبعا كان رده موافق والتقوا بمطعم افوكادو ...
فوزية/انا عارف شيقول لك عقلك اللحين يامحمد!!تقول هاذي ماصدقت على الله اقولها كلمتين يوم ثاني قالت خلنا نشوف بعض وكانها تنتظرها من الله!!
محمد باعتراض/لاموصحيح!!ليش تفسرين الامور بها الطريقة؟
فوزية/اللي ابيك تفهمه اني مااحب حياتي تكون غامضة وفيها اسرار..واحب اعيش بهدوء يامحمد بعيدا عن كل شي ممكن يعكر افكاري؟
محمد باندفاع/والله يافوزية اني من شفتك وقسم بالله تركت كل بنت كنت اتسلى معها!!!بقولها ومو منحرج منها انا كنت طايش ومو جدي ولعاب...بس اقسم لك من شفتك حالتي تغيرت ...والله يافوزية عدت حساباتي كلها
فوزية/.............
محمد/ادري صعب تصدقيني بس هذا الواقع وانتي تعرفيني مااكذب!
فوزية اكتفت بانها تناظره وتتفحصه زين وشافت الصدق بعيونه واحتارت..اذا بتكون بينهم قصة حب شبيصير مع الايام!!!
محمد بهمس/والله دخلتي بالي وشغلتي افكاري يابنت عمتي!!وينك انتي من زمان!!
فوزية/...........
محمد/اوعدك نعرف بعض زين وبعدها انتي تقررين اذا نكمل ولا اني بكون بعيونك طايش وماتبيني!!!الماضي حقي انتي تعرفينه وانا ماكذبت عليك فيه واكدت لك اني تغيرت وانتي بكيفك يافوزية قرري وش بتسوين فيني!!!
/////////////////////////////////////////////////////////////
صد جواهر له معذبه ومنرفزه على الاخر ومخليه عصبي حييل ومايتكالم,,,,,
لا هي راضية تكلمه ولاترد عل مسجاته...
كل يوم يدز لها اكثر من مسج بس مافي خبر ,,,
رسل لها(قلبي بيموت يبي يسمع صوتك..يرضيك تكونين انتي السبب بموته!!)
انتظر وبلا نتيجة....جواهر معندة وزعلانة وها البنت زعلها كايد وماترضى بسرعة!!!
رجع رسل لها(مقدر الومك كل ماقلبي يشتاق,,,ولااقدر اسال لمتى بيننا فراق..دامك تحس شلون ماتحس فيني!!!)
وانتظر بعد ردها بس بدون نتيجة..زفر زفرة قهر وغيظ وهو متضايق حده....
كذبة وصلته لها الوضع...ودق قلبه بسرعة..شلون لودرت جواهر عن دلع!!!!!!!
هذا مو زعل وبس اللي بيصير؟؟لا يمكن تهاجر لبلد ثاني ومااشوفها بقية عمري!!!!
تنرفز من الفكرة وقام يحجز له على رحلة للشرقية مافي غير يتواجهون ويتكلمون مباشرة!!كذا بتطول السالفة لنهاية الاسبوع وهو مو قادر يتحمل بعدها عنه اكثر,,,,
///////////////////////////////////////////////
وحدها لبنى كان الوسواس لاعب فيها ملاعيبه!
وافكار تاخذها وتوديها,,,
يارب لايجي ...يارب...خل يصير أي شي بس لايجي!!!
دمعت عيونها وبكت بحرقة..اذا جانا اليوم يخطبني مع اهله وابوي رفضهم بيتركني للابد!!!
بيحرق قلبي ويموتني من الهم!!
ابيه وماابي غيره ومايهمني وضعه المادي كيف ولا اصله شنو ولاكيف عايش!!
يعمني اني ارتاح له وهو يرتاح لي ومتفاهمين مع بعض,,كل شي بعدين يجي ومايهمنا!!!
يبى الله يخليك لاتحرمني منه وتموتني بسبته!!
ياربي تهدي عبدالعزيز وماتخليه يجي صدق اليوم....
والله مو قادرة اتحرك من مكاني..خايفة..خايفة من رفض ابوي له..خايفة من تركه لي.....
ياربي شسوي....لمنو اشكي واتكلم لمنو؟؟؟؟
يارب الطف بلطفك علي وعدي اليوم على خير....
أي شي يصير ويمنع قدومه أي شي....
بس لايجي ويكسر ابوي بخاطره ّوقدام اهله!!!!
انا شسوي اذا هذا ابوي وهاذي افكاره ياقلبي شسوي!!!!!!!
/////////////////////////////////////////////////////////
راحت جواهر مع ابوها اللي خلص شغله قبل الصلاة ومشوا للشرقية رغم اعتراض نجود والود ودها ماتتركها تمشي بس جواهر ماعندها اجازة غير يوم واحد بس وماقدرت تقعد معها خصوصا ان باقي يومين وتنزل نجود الشرقية....
ودعتها ورجعت للغرفة تتاملها فضت عليها من جديد ..لاانيس ولاونيس....
صمت بصمت....
قعدت على سريرها وهي قلبها مقبوض....
فهد..اللي طول ماهي قاعدة مع جواهر وهي تحاول تشيله من بالها ارسل لها رسالة اللحين(ماحبيت ازعجك ومعك صاحبتك بس اللحين يوم مشت فيني اكلمك!!)
اتصلت فيه وقالت بعصبية اول ماشاله/وانت وش عرفك انها مشت؟؟
رد عليها بهدوء/فهد اذا بغى يعرف شي فهو يعرفه ومايصعب عليه!!!
سكتت نجود وماقالت شي..مجرد نبرته الهادئة خلتها تحس بالهدوء والامان..
فهد/بعدك معي على الخط؟
نجود/وش تبي؟
فهد/شنو اللي شبي؟
نجود/انا مااكلمك؟
فهد بتعجب/ليه بزارين احنا مانكلم بعض ونزعل من بعض!!
نجود/قول شتبي خلصني!!!
فهد بهدوء/ابي اتكلم وتسمعيني!!
نجود/انت اصلا اناني!!ماتهمك غير مشاعرك وبس!!
فهد بهدوء/انتي فهمتيني ها الشي يانجود!!فهمتيني اني انا ومشاعري اهم شي بالعالم عندك!!
نجود/...........
فهد/ودي اشوفك؟
نجود بزعل/وانا ماودي!!!كذا تستعرضون فيني انت وولد اختك؟؟
فهد/ماصار يانجود ولاتكبرينها!!!كان يبي يشوفك وهذا حقه على مااعتقد؟
نجود/طيب انت ليش جيت معه يافهد؟؟علشان تحرق دمي!!
فهد/وليش احرق دمك عاد!!
نجود/مدري....
فهد/........
نجود/المهم اني زعلانة ومتضايقة؟
فهد/طيب وكيف ارضيك بالله!!!
نجود برومنسية/بشي واحد؟
فهد/طقم الماس!!
نجود/لاتسخر!!!
فهد/انا اتكلم جد؟؟
نجود/تعيدها مرة ثانية ابي اسمعها!!!
فهد سكت فترة طويلة وبعدها قال/انا اقول الكلمة مرة وحدة بس يانجود مو ذنبي اذا ..
نجود قاطعته/قلتها بوقت مو ملائم اصلا!!وماقدرت اتجاوب معها ولااحس فيها!!قولها اللحين خلني اشوف كيف تطلع منك؟
فهد/قلت لك الكلمة تنقال من فمي مرة وحدة بس!!وماتنعاد!!مو ذنبي انك ماسمعتيها ولاحسيتي فيها!!
نجود/هذا رايك؟
فهد باصرار/والنهائي بعد!!!
///////////////////////////////////////////////////
انتظرت طول الليل وعبدالعزيز مابين ارتاحت نوعا ما لانه ماجا وصارت تبتسم لنفسها..الحمد الله اليوم عدى وماتفشل عبدالعزيز ولاانكسر خاطره من اوبي!!
بس اختفت الابتسامة وهي تدق عليه وجواله مغلق ماتدري ليش انقبض قلبها وخافت ان امنيتها طول اليوم انقلبت عليها وصار له شي!!!!!
لاياربي لا!!انا مو قاصدة أي شي,,,,
انا ابيه يكون بخير....ماابيه يتاذى؟؟؟
انا بس ماابي ابوي يحرجه ويكسر خاطره ويزعله!!!
بس ماابي يكون صاير له شي,,,ساعتها بموت نفسي؟؟
/////////////////////////////////////////////////////////
فتحت عيونها بثقل اخر الليل وهي حاسة بشي غريب بس شنو ماتدري!!
كل اللي عرفته انهم وصلوا الساعة ثمان ونص وتحممت وحطت راسها ونامت!!
بس كم الساعة وليش قعدت ماتدري!!!
تلفتت يمينويسار ونقزت من فراشها وصاحت بصوت عالي بندر!!!
ضمها بقوة لصدره رغم اعتراضها..
بندر بهمس/هذا كله زعل يابنت الهاجري!!
شالت روحها من حضنه ولفت للجهة الثانية وعطته ضهرها رغم انها فرحت بشوفته بس كانت تبين العكس..
جواهر بحدة/خير وش اللي مرجعك ان شاءالله!!!
بندر بهمس/وحشتيني...وحشتني عيونك ياقلبي!!
جواهر/حتى عيوني حرام انك تطالعها مدامك تكذب علي!!!
تقرب منها اكثر وحوط خصرها بيدينها وضاعت من لمساته وهو يهمس لها بكل حب/ماترحميني وترحمين شوقي لك!!والله ياقلبي لاذقت زاد ولانوم في بعدك وزعلك علي!!
جواهر/علشان تتادب ها المرة وتعرف شلون تكذب علي!!
بندر باسى/ماعرفت شلون افاتحك بالموضوع!!وكل مااجي ابي اكلمك مدري شيصير..
جواهر/من زمان؟
بندر/من اول مارحت!!
جواهر/يعني انت مو رايح دورة تابع العمل مثل ماقلت!!
بندر حضنها بقوة وهو يبوس فيه/بكرة بقولك السالفة...اللحين والله تعبان وماابي غير حضنك يريحني!!!
لفت عليه واخذته بحضنها وهمست له/شتقت لي!!
بندر بنفس الهمس/يامااقسى قلبك علي ياجواهر!!كذا ماتهتمين بشعوري!!
جواهر/علشان تعرف تزعلني ها المرة!!!
///////////////////////////////////////////////////////////////////

---البارت السابع والعشرين---

///////////////////////////////////////////////////////////////////

جواهر/علشان تعرف تزعلني ها المرة!!
بندر وهو يقرص اذنها*/توبة ياقلبي توبة!!ماعاد اسويها صدقيني؟؟
جواهر بدلع/اكيد؟؟؟
بندر/كم يوم مروا ماسمعت صوتك فيهم!!
جواهر/يومين..
بندر بحب/تدرين وشكثر عانيت بها اليومين ياجواهر!!!والله تعبت!!ماقدرت اتصور ان انتي وانا ممكن نزعل من بعض لو في لحظة من اللحظات!!!!
جواهر ضمته لصدرها بحب/حبيبي الزواج حياة مشتركة بين اثنين,,مابالك اذا كانوا ها الاثنين يحبون بعض!!!انا مابي شي من ها العالم غير اني اسعدك واوقف بجنبك طول العمر,,,انا اكملك وانت تكملني وخطوة خطوة ونبني حياتنا....
بندر/عسى ربي مايحرمني منك يااحلى مافي الكون انتي!!!!
////////////////////////////////////////////////////////
اليوم الثاني بكلية الدمام,,
هيا/شفيك؟
لبنى بتعب/ولاشي..
هيا/مو صحيح؟؟من الصبح وانتي مو على بعضك؟
لبنى بضيق/صدقيني مافيني شي؟؟
هيا/من جينا وانتي قاعدة بها الكرسي وماتزحزتي؟؟؟ولاحضرتي ولامحاضرة!!!لبنى شفيك؟
لبنى ماقدرت...اشواقها للغايب اللي قافل جواله من امس تعبتها,,افكارها صارت تروح وتجي بدون فايدة؟؟؟؟بكت..بكت بكل مافيها وماقدرت تمسك دموعها,,,,,,
هيا بخوف/لبنى...وش فيك؟
لبنى/كانت تبكي بحرقة وماهي عارفة تتكلم وتقول عن الضيق اللي فيها..
هيا بخوف/احد مزعلك من البنات؟؟
لبنى/...........
هيا/متضايقة من البيت؟تكلمي قولي شفيك؟
لبنى صارت تمسح دموعها وتتكلم بالم/ولاشي....بس حسيت اني متضايقة شوي...
هيا/بجيب لك مويه وبجي لاتتحركين من مكانك؟
قامت هيا
وعيون لبنى وافكارها لبعيد...ياترى ليش ماجا!!وش اللي منعه؟؟؟وليش جواله مقفل ؟؟؟ياربي والله مو قادرة افكر في شي...بس لايكون صاير له شي......
////////////////////////////////////
ابلة نجود..ابلة نجود..
لفت نجود للصوت اللي تعرفه زين...
نجود/نعم ملاك في شي مو فاهمته بالدرس!!
ملاك بمرح/كل المنهج مو فاهمته وش رايك تشرحينه لي من جديد؟؟
نجود بسخرية/ووين عقلك بالفصل حضرة جنابك؟؟؟
ملاك/مع اللي لابسين اصفر وعاميين عيونه!!
كانت تقصد نجود اللي لابسة بلوزة صفرة وفوقها صديري اسود مزموم عند الصدر وفيه خيوط تنربط من قدام.....
نجود/ياسلاااام!!
ملاك/بس فلة..يجنن عليك...اصلا انتي كل شي تلبسينه يجنن عليك!!
نجود بغرور/هذا لاني انا اللي احلي الشي مو هو يحليني!!!!
ملاك وقفت تناظرها باعجاب.......
نجود/بغيتي شي؟
ملاك/ابي اسولف معك؟
نجود/الناس طلعت وراحت لبيوتها وانتي تبين تسولفين!!وش ها الفراغة اللي عندك يابنت الفايز؟؟؟
ملاك/وش ورانا!!
نجود بصرامة/ورانا نروح ونطبخ لنا لقمة ناكلها ونريح بعدها!!
ملاك/طيب خلينا نتغذى مع بعض اليوم انا عازمتك!!
نجود/ومن قال لك اني بقبل عزيمتك بالله!!
ملاك بترجي/بليز..بليز..
نجود/لا....يالله روحي بيتكم...
ملاك/مو رايحة؟
نجود/انتي ماعندك اهل ؟
ملاك/عندي بس ابي اقعد معك؟
نجود/ومن معطلني عن الطلعة غيرك يابنت الناس!!خليني اروح يالله..
ملاك/طيب ممكن اطلب منك طلب..
نجود/خير
ملاك بتردد وخجل/عطيني رقمك ابي اكلمك..والله مااعطيه احد!!
نجود/اسفة..
ملاك/ليش عاد!!
نجود/لانه رقمي ولاني حرة اعطيه اللي ابيه!!
ملاك/طيب عطيني ايميلك بضيفك عندي...
نجود بعد تردد وهي تذكر كلام ام رائد لها كتبت لها الايميل وقالت لها بصرامة/ياليت ماتعطينا احد؟؟
ملاك بفرح/تسلمين...انتي تشبكين كل يوم؟
نجود/اشبك بمزاجي!!مو تروحين تقابلين الكمبيوتر اللحين وعلى بالك اني بشبك من اللحين؟؟؟يمكن اذا فضيت الليل اشبك مو اللحين؟
ملاك بضحكة/والله بروح من اللحين لين اشوفك شبكتي!!!
////////////////////////////////////////////////////
ام مصعب/مصعب شفيك يمه ليش اليوم راد بدري من الدوام!!!
مصعب/ولاشي يمه بس صار اجتماع وطلعنا بدري!!
ام مصعب بشك/اكيد..
مصعب بضيق/اكيد يمه...
ام مصعب/احط لك غذى ولا بتنتظر اختك تجي من المدرسة تراها على وصول..
مصعب/خلاص ننطرها؟؟
ركب لغرفته وهو تعبان من كثر مافكر فيها حتى الدوام ماهو قادر يركز فيه ...مسك البوكيه اللي كان حاطه جنب فراشه واللي مارضت تاخذه منه!!!
كان يناظره وردة وردة وفي كل وردة يتخيل صورتها وهي بعبايتها ونقابها...يسمع حدة صوتها وجديتها.....
تنهد من قلب وقال عسى الله يهنيها مع اللي اختارته حبيبي وزوج وسند لها بالحياة,,,ويصبرني ويسليني وينسيني حبها!!!!
حبها اللي مافرحت فيه لحظة وحدة!!!!
هي الاقدار كذا لازم يفرح واحد ويزعلون مليون واحد بداله!!
مايصير الكل فرحان ومتنهي,,,,
بس انا من زمان تعبان وتمنيت بجد اني افرح معها واتهنى؟؟من وانا صغير وانا شايل هم البيت والمسؤلية ومعوضهم غياب الاب ....وتمنيت اني اكون معها واشكيها وتسمعني وتشكيني واواسيها,,,
بس حسافة,,حلم وسراب ماراح يتحققون ابدا!!!معك ياجواهر,,,
//////////////////////////////////////////////
في بيت السبيعي ..
ام بندر/يعني اليوم غذاك عندنا ياجواهر؟
جواهر/أي خالتي الا اذا ماتبوني باخذ زوجي وبنطلع!!
ام بندر/لالالا يامعودة بالموت صاايرين نشوفه!!انتي وهو على الراس والعين!!!
هنوف/يعني اليوم مافي نومة ضهر؟
جواهر/لاياحبيتي؟؟؟
هنوف/وليش لازقة روحك في بيتنا!!روحي قلبي وجهك في بيتكم وبعدين اخوي يمرك؟
جواهر/على هواك هي؟؟؟هو اللي مرني بالمدرسة وقال اليوم تاكلين معي من نفس الصحن اللي اكل منه!!وبصراحة انا مقدر ارفض لبندوري حبيبي طلب!!
هنوف/مالت عليك وعليه ان شاءالله!!
جواهر/اغصان الجنة ان شااءالله..امين يارب..كثري منها ياهنيف كثري!!
هنوف/هههههه
جواهر/هههههههههههه
بندر/دوم ان شاءالله ضحكم مع بعض!!
لفوا له ثنتينهم..
جواهر/هلا حبيبي تقبل الله..
بندر/منا ومنك ..
هنوف/تقبل الله!!بدال ماتقولينه ليش حضرتك توك مصلي من زمان اذن والناس صلت وقربت صلاة العصر !!!
بندر/ياشينك وشين اسلوبك!!تعالي ياعمري جنبي بس لاتعديك باسلوبها الخطير؟؟
جواهر جت بتتقرب منه بس هنوف كانت اسرع وقعدت بحضن اخوها..
بندر يناظرها من فوق لتحت/مين قال لك تعالي!!حضني مو مفتوح لك!!!
هنوف بهمس/وش رايك نلعب بمرتك شوي!!
بندر وهو يناظر جواهر اللي تخصرت وتناظرهم ويقول بهمس لهنوف/شلون!!
هنوف/اللحين بقوم اجيب مسدسات ماي شاريتهم من ابو ريالين ياعسى الله يدومه لنا!!
بندر/منو ؟؟
هنوف/ابو ريالين!!
بندر/أي وبعدين!!
هنوف/ونسبحها بالماي!!ها وش رايك؟؟؟
بندر بخبث/قومي نتسلى قبل لانحط الاكل,,,,,,
هنوف/قول فرصة مدام ان امي تشوي السمك بالمطبخ الخارجي وابوي مو هنا ولبنى مارجعت من الكلية ومضاوي نقدر عليها!!
بندر/يالله بسرعة!!!!

قامت هنوف وجواهر تناظرهم/خير في شي؟
بندر/سلامتك ولاشي؟
جواهر/أي بس انا شاكة بالسالفة!!
بندر/يعني محد يسولف مع اخته!!!كله تشكين؟؟؟
جواهر/مو لان اختك مو طبيعية وعليها مقالب ودواهي وينخاف منها!!!!!
///////////////////////////////////////////////
على سفرة بيت الفارس...
نجلاء/سارة وش فيك ياماما ماتاكلي؟
سارة كانت تلعب بالاكل وهي سرحانة...
فهد/سارة..وش فيك يابابا؟
سارة/فطرت بالمدرسة متاخر كانت عندنا حصة فراغ واحس اني شبعانة؟؟
فهد/طيب قومي اذا انتي شبعانة لاتلعبين بالنعمة حرام!!
قامت سارة رغم اعتراض نجلاء/انتي اصلا اكلك كله كذا!!ماتاكلين مثل العالم والناس؟
فهد/قالت لك افطرت متاخرة بحصة الفراغ يعني ماهي مشتهية!!وقت اللي تجوع بتاكل؟
نجلاء/لا ماتاكل اعرفها انا!!!!ماهي مثل ها البنات اللي يخافون على نفسهم!!!!
سكت فهد وكمل اكله بصمت.....
نجلاء/باقي اسبوع على الاجازة..
فهد/ليش في اجازة بعد!!
لمى/أي بابا اسبوع اجازة؟
فهد/ماتسوى عليكم ها الاسبوع!!!يخربون لكم النظام وتتاخر الامتحانات!!النظام القديم افضل؟
نجلاء/ابي اطلع مع رفيقاتي لدبي؟
فهد/؟؟؟؟؟؟؟؟؟
نجلاء/وش قلت؟
فهد/انا مااقدر اخذ اجازة عندي قضايا كثيرة بالمكتب...
نجلاء/وش قلت لك انا..بروح اسبوع دبي...
فهد/بروحك؟
نكلاء/انا العام رايحة معهم لبنان ثلاثة ايام ولاانت ناسي!!!
فهد/بعدين نتكلم بالموضوع؟
نجلاء/لا اللحين تقرر أي ولالا؟
فهد وهو يناظر بالعيال/بعدين...
نجلاء باصرار /لا اللحين يافهد!!
فهد بعصبية/والعيال؟؟؟
نجلاء/خليهم معك بالبيت؟؟انا كلها بروح اسبوع وبرجع وبعدين كلهم ماراح ياخذون عيالهم معهم!!!وانت تقول مابتاخذ اجازة دير بالك عليهم!!شغالتهم وطباختهم وسايقهم عندهم؟؟؟
فهد قام من السفرة بدون تعليق.....
فيصل/ان شاءالله مايوافق؟
نجلاء/لاوالله!!!
فيصل/ليش ماتبين تاخذيني معك؟
نجلاء/لانك بتجنني؟
لمى/طيب انا ماراح اجننك ياماما!!
نجلاء/انا رايحة ابعد عنكم وعن وجع راسكم اقوم اشيلكم معي!!ليش ان شاءالله جنيت!!!!
فيصل/ان شاءالله مايوافق البابا اجل؟
نجلاء/هذا من قعدتك مع بيت عمك حشوا مخك بها الدعاوي علي!!!!
فيصل ببراءة/شلون يعني!!!!
/////////////////////////////////////////////////////////////
منال/وش عندك انت صاير راكد ومتغير ؟؟
محمد/............
منال/فيك شي ياخوي منت خالي!!!
محمد/ولاشي؟
منال /منهي اللي ماعبرتك ولاعطتك وجه!!
محمد/اوووف منال بلى ها الكلام لو سمحتي!!
منال/شفت ان فيك شي مضايقك؟؟
محمد بضيق/ولاشي...
منال/ياخبر اليوم بفلوس بكرة يصير ببلاش!!
محمد كان ينتظر منها اتصال اليوم مثل ماوعدته امس بالمطعم بس مااتصلت!!
ياترى ليش مادقت!!معقولة كانت تجاملني امس!!!لا هي كانت تتكلم بعفوية وشفافية وطبيعة...
اووووف ..تعبت وانا انتظر منها ها الاتصال اللي ماشكله بيجي!!
شسوي بس....
مافي غير حل واحد..اني اروح ازورهم بالبيت يمكن اشوفها.....
وقف وقرر ينفذ اللي في بالهع..
منال/وين رايح؟
محمد/طالع؟؟
منال/اللحين؟ليش في مواعيد غرامية الضهر؟
كان يمشي عادي وبس سمع كلمتها رجع لها وشال المخدة اللي جنبها وحطها فوق رقبتها علشان يخنقها وقال بقهر/ان عدتيها مرة ثانية بذبحك!!!!
/////////////////////////////////////////////////////
هنوف ومامرينها على الشر,,,
وش تلاقون؟؟؟
ماكافاها المسدسات اللي عبتهم مويه لا..جابت لها كم بالونة وعبتهم ماي وحطتهم بكيس وجت ووجها باسم وفرحان واول ماشافها بندر سالها..
بندر/ها بشري؟
هنوف وهي مادة الكيس له/ابشر بعزك وانا اختك!!
ناظر في الكيس وهو يضحك
بندر/انتي مو طبيعية ابدا!!!!بيتاجروك اسرائيل بيوم من الايام!!!
هنوف/هههههههه
جواهر بخوف/شالسالفة؟
بندر وهو يمد يده داخل الكيس ويقول بكل براءة/ولاشي بس حابين نشوف مدى مقاومتك لنا!!!تستلمين ولا نبدي حربنا!!
جواهر/اسم الله عليك مصخن ياقلبي!!!وش قاعد تقول؟
هنوف/مو كذا ياحظي!!المفروض انك ماتعطيها مجال وتبداْ تشن حربك بكل بسالة!!
وشالت المسدسات بيدينها الثنتين وبدت ترش الماي على جواهر..
جواهر /لالالا حرام عليك والله حرام..لالالا
وهنوف ترش وبندر يضحك وقامت جواهر بتركب فوق لانها قاعدة قريب الدرج وبندر ماخلاها مع اخته بالبالونات وهي تصارخ معترضة بس وين اثنينهم عليها..
جواهر/حرام عليك غرقتني بالمويه!!
هنوف/استسلمي يالله!!
جواهر/وانا داخلة حرب علشان استسلم!!اذا على غذاكم ماابي اكل منه بس فكوني من ها المويه غرقتوني!!!
بندر/هههههههه
هنوف/هههه لالالا لازم تستلمين اول!!
رمى عليها بندر بالونة وغرقها فيها صدق....
جواهر/بندر حرام عليك بتشوف لكن!!!!
بندر/اول اعترفي؟
جواهر/بشنو؟
بندر/بانك تحبيني!!!
جواهر/بس انا اموت عليك وانت تعرف ها الشي؟
هنوف/هاهاها بتقلبونها لي فلم!!تحبيني قالت اموت فيك!!!لايابابا لا؟؟؟
جواهر/حبيبي...
بندر وفي يده بالونة/وش تبين تقولين قبل الاعدام يالله بنعطيك فرصة؟
جواهر بخبث/ناوين على اعدامي يعني!!!
هنوف/ولا رجعة لنا!!!
جواهر/طيب ابي اطلب من بندر طلب قبل الاعدام!!
هنوف/خلصينا يالله باقي ست بالونات حرام نتركهم يتعذبون لازم نرميهم باسرع وقت!!
جواهر/ابي ابوسك؟
هنوف/بلا قلة حيا..
بندر طيران لعندها...
بندر/يالله بوسني بسرعة!!
جواهر بهمس واعتراض/لاماابي بسرعة ابي اخذ راختي!!وبعدين ماابي قدام اختك !!انت تعرف يعني,,,,
بندر/وش تبين؟
جواهر/خلينا نروح غرفتك!!
بندر /بمسك يدك بسرعة وننطلق بنفس الوقت طيب علشان نهرب منها؟؟
جواهر/ماشي..
هنوف/وش صار عندكم طولتوا تراكم!!!
بندر/يالله!!!
مشوا اثنينهم وسط ذهول هنوف اللي صارخت/بندروا يالخوان!!تعال وين بتروح؟
لحقتهم لغرفة بندر اللي من دخلوها قفلوا الباب وراهم.....
بندر/افتكينا منها؟
جواهر كانت متخصرة وتناظره وهي شكلها تحفة من الماي اللي فيها
جواهر/قول قسم!!!!
بندر/ههههه تعالي ببوسك؟
جواهر/بتبوسني مو؟
بندر/هاذي رغبتك..وانا مجبر اني اسويها لك مو بكيفي؟
جواهر/انا اعلمك وشلون تبوسني.....
مشت عنه وهو يمشي لها لين دخلت الحمام وفتحت الدوش وسحبته تحت الدوش
بندر/ياظالمة الماي بارد ماتخافين امرض!!!
جواهر/لاوالله وانا ماخفت علي امرض!!!
بندر/انا كنت امزح معك؟
جواهر/انا بعد امزح معك؟
بندر/تكفين عمتي خلاص..جمدت من البرد!!!انا كانوا بالونتي صغار شوفي انتي الدوش بكبره فوق راسي!!!
يوم حست انه فعلا تجمد من البرد شالت الدوش..
وبندر واقف يراجف من البرد/الله ياخذكم يالحريم طرق الانتقام عندكم مو سهلة ابدا!!!!
جواهر قامتتناظر بشكله وهي تضحك ونصه مبلل وهو بعده ناظرها وضحك على شكل اللي انعفس فوق تحت من الماي وضحكوا مع بعض وتقربوا من بعض وحضنوا بعض بالقوة..
جواهر بحنان/خلاص مو بردتك..هذا انا بدفيك؟
بندر/ماينفع تدفيني كذا!!لازم اشيل ثيابي لااجمد فيهم!!
جواهر/هههه طول عمرك تفكيرك خبيث؟؟
بندر/خهههههه طالع على اختي هنيف!!!
///////////////////////////////////////////////
في غرفة نجلاء وفهد..
نجلاء/طالع المكتب..
فهد واقف قدام المرايا/انتي وش تشوفين؟
نجلاء/مابتطلع الا لين عرفت شنو وضعي؟
فهد بعصبية/وانتي ماتعرفين تفتحين ها المواضيع الا قدام العيال!!قلت لك بعدين وانتي لا الا تبين تعرفين ردي قدامهم!!!!
نجلاء/مو لانك مابتنشاف بعدين بترد من المكتب تعبان وماحد ياخذ منك حق لو باطل!!!
فهد/وش لك لزمة تروحين دبي اللحين؟؟بالاجازة بنسافر كلنا!!
نجلاء/والله عاد ماهم احسن مني اللي بيسافرون ياعيوني؟؟انا بعد زوجي محامي قد الدنيا وكداد!!!
فهد/وانا والعيال؟
نجلاء/فهد؟؟شفيك انت طايح لي انا وانا!!منت صغير انت؟؟احط الشي قدام عيونك؟؟؟والعيال مو ناقصهم شي...اسبوع بيمر اسرع من ماتتصور؟
فهد/اوووف..
نجلاء/هذا اللي ماخذته منك الحنة والرنة وش عندك زود غيرهم!!
فهد بعصبية/يبى تدرين روحي وفوق الاسبوع قعدي شهر زين!!!
نجلاء/لا مو زين تبي الفكة طبعا لااحد يسالك عن شي وماخذ راحتك!!
فهد بصرامة/انتي وش تبين انتي!!!!
نجلاء/.....................
////////////////////////////////////////////////////////
ساعات ..ساعات.. احس ان الزمن قاسي ولايمكن يلين!!!!
كلمات كانت ترددها لبنى بينها وبين نفسها طول ماهي بالسيارة وتناظر بالنافذة...
ياترى وش فيك ياعبدالعزيز وشنو اللي منعك من الجية!!!ليتني ماتمنيت امس أي شي!!!ليتك جيت!!بس على الاقل عرفت شفيك وارتاح بالي وتطمنت!!!
وش اللي ممكن يكون شاغلك عني !!وانت اللي بعمرك ماغبت عني ولالحظة بحياتك,,,
حبيبي طمني.,,انا ماعاد فيني حيل لشي ابدا!!
والله مو قادرة اوقف على طولي...يكفيك سهري البارحة وتفكيري فيك..وفي اللي ممكن يكون جرى لك!!!
ياربي عساه يكون مانعك عني خير وظروفك كلها زينة ومافيك الا العافية...
هيا/لبنى..لبنى...لبنى ووجع وش فيك؟
لبنى بارتباك/ها...وش فيك؟
هيا بعصبية/وصلنا البيت من زمان وش قاعدة تناظرين فيه؟
لبنى بحزن/يالله نازلة وراك,,,,
////////////////////////////////////////////////////
بغرفة سارة..
نجلاء/سارونة وش فيك ياماما؟
سارة خبت الجوال تحت مخدتها/ولاشي..وش فيني يعني!!
نجلاء/بسوي روحي ماشفت الجوال؟؟لمنو؟
سارة/ماما انا اشتريته بفلوس اللي عندي..
نجلاء/فيه شريحة؟
سارة ببراءة/لا بس العب فيه واشوف مقاطع فيديو لفيصل؟
نجلاء/ماعلينا وش فيك مااكلتي اليوم؟
سارة/زعلانة؟
نجلاء/مين مزعلك؟
سارة/ابي سايق بروحي انا اروح فيه ماابي اروح مع مروة ومي ولمى بنفس السايق؟
نجلاء/ليش؟
سارة/الصباح لازم نوصل لمى حضرتها لانها بروحها ومايصير تقعد بعدين بالسيارة بروحها!!!وبعدين مروة تسوي روحها قائد علينا ....
نجلاء/أي بس انتوا تطلعون قبل مروة يعني تتلاقون معها الصباح بس!!!
سارة بنرفزة/ماابيهم ماابي اروح معهم!!
نجلاء/حتى مع مي؟
سارة/ومن زينها ذي بعد!!اصلا انا ماشفت وحدة غبية مثلها!!!!!كل شي يقولونه لها تطيعهم فيه بهبالة بدون تفكير!!!
نجلاء/بس هذا اللي مزعلك حبيبتي؟
سارة/يمه ملاك ماتكلمني!!صار لها زمان مشغولة عني!!
نجلاء/مشغولة بشنو؟
سارة/بوحدة بتشوف شي ماشافته بحياتها مني!!محد قال لها تفرق بيني وبين ملاك؟؟؟لها فرصة اخيرة اذا مارجعت علاقتنا تترحم على نفسها!!!!
نجلاء/هههه ياحليلك ياسارة صرتي تتكلمين مثل الكبار بعد!!!
//////////////////////////////////////////////////
ام بندر/احط لك الغذى؟
لبنى/مالي نفس بركب ابدل وبنام!!
ام بندر/يعني مابتقعدين معنا!!
لبنى/منو انتوا؟
ام بندر/بندر البارحة نزل يالبنى وكاهو هو وجواهر بالمجلس قاعدين تغذينا وبنروح اللحين نشرب شاي؟
لبنى/مشاء الله..يعني خربتوا اليوم النومة على جواهر وراحت عليها نومة العصر ؟؟بمر اسلم عليهم وبقعد معهم شوي وبركب نعسانة حدي مانمت زين البارحة؟
ام بندر/براحتك يمه...
راحت للمجلس تسلم على اخوها الوحيد والحبيب ومرته اللي اخذت معزته بقلوبهم,,
فتحت الباب اللي كان مردود مو مسكر توها كانت بتتكلم بس سكتت باخر لحظة وابتسمت..
كانت الجلسة ارضية بها المجلس وبندر حاط راسه على صدر جواهر وهي مسندة راسها عليه وثنينهم حاضنين بعض وغافين باحلى نومة...
ابتسمت وهي تناظرهم وتمنت لهم السعادة الابدية..
اخوها حبيب قلبها وقلبهم كلهم لاسيما انه وحيد ومن صغره وهو متعلق فيهم حييل,,وجواهر من زمان وهي معهم بحكم جيرتهم وصداقتها مع نجود ,,
كانوا الاثنين يكملون بعض بنظر الكل...بس بلحظة ماتدري ليش دمعت عيونها وتمنت انها تكون بمكانهم لو لحظة وحدة بس مع عبدالعزيز!!
اه لو يتحقق لها ها الحلم كان ....بس لو ماتفيد غير الحسرة والاه....
لفت بتطلع الا امها كانت واقفة وراها وتبتسم وقالت بهمس/مجانين ها الاثنين؟؟اذا ماحددوا موعد العرس بيخربونها لنا!!
لبنى وهي تناظرهم ابتسمت..
ام بندر/ماتقدر جواهر تطير النومة من عيونها ..
لبنى/وبندر وراها مشاركة حتى بالنومة!!!
ام بندر/يمكن من حظك انهم نايمين علشان المغرب نتجمع كلنا ونتكلم بموضوع العرس!!
لبنى/اذا كذا فتصبحين على خير يالغالية.....
//////////////////////////////////////////////////////////
بعد الساعة تسع في شقة نجود...
نجود/خير وش تبي بعد!!
فهد/هاذي لهجة جديدة؟؟
نجود/طيب...التجديد ضروري بحياتنا!!
فهد/وغيره؟
نجود/ماراح تعيدها؟
فهد/مااتوقع!!
نجود/ليش؟
فهد/منو قال لك ماتنتبهين على كلامي يابنت السبيعي!!
نجود بكبرياء/اصلا انا ماابي اسمعها!!بس كذا!!
فهد/قلتيلي!!طيب وانا ابي راحتك فما راح اقولها لك؟
نجود/شرير؟
فهد/مغرورة..؟
نجود بثقة/يحق لي وانا بنت ابوي!!
فهد بشماتة/ومن قال اني اقصدك اصلا!!!
نجود بنفس الثقة/مو لازم تقولها صراحة علشان اعرف اني المقصودة...اللبيب بالاشارة يفهم!!
فهد سكت وماتكلم وبعدين قال/تعرفيني اني كل موقف ورى الثاني اكتشف ان ثقتك بنفسك فاقت كل الحدود!!!
نجود/وليش مااوثق من نفسي يافهد!!اصلا في دراسة اللحين مسوينها علماء نفسانين بالمانيا تقول ان الانسان كل ما وثق بنفسه اكثر كل مازادت مناعته من امراض الاكتئاب الاعصاب والقلق النفسيومستوى الذكاء!!
فهد باعجاب/وش يقولون بعد!!
نجود/معناه انك لازم تقوي ثقتك بنفسك !!
فهد/لحد الغرور!!
نجود/الغرور مسالة ثانية!!
فهد/بس مرتبطين في بعض!!!
نجود/ماعلينا..تعرف ان غذائك هو اللي يعزز ثقتك بنفسك؟
فهد/كيف يعني؟
نجود/يعني افراطك بشرب القهوة والشاي والمنبهات عموما والاكلات الدسمة تفقدك الشعور بالثقة وتبدد من عزيمتك وارادتك وتهبط مسوى ذكائك!!فالمفروض انك تكثر من اكل العنب لانه العدو الاول لاامراض الاكتئاب النفسي والتوتر والقلق؟؟
فهد/.............
نجود/وماتستغني عن صيدلية العلاج ..يوميا تفاحة كل صباح او قبل النوم لانها تقتل فيك كل الخمول والكسل والبكتيريا والاشياء الفاسدة بالاضافة طبعا للبشرة والنضارة؟
فهد/هذا معناه ان الفواكه اهم شي بالبيت!!
نجود/طبعا!!!
فهد/بالذمة انتي تاكلين فواكه!!
نجود/التفاح والعنب بشكل يومي مااستغني عنهم!!ماتشوفني كل يوم وداقة التميمي؟
فهد/مشاء الله..
نجود/اجدادنا كانوا يقولون غذاؤك دؤاك؟
فهد/................
نجود/طلعت من المكتب؟
فهد/سؤالك مو بمكانه؟؟؟مشغولين بالفاكهة وبالاكل؟
نجود/هههههه لاحقين على ها السوالف..
فهد تنهد...
نجود/خير في شي مضايقك؟
فهد بهمس/صوتك حلو,,,يجبرني اني اظل اسمعه بدون مااتوقف لحظة وحدة!!
نجود بنفس الهمس/وش اللي يمنعك انك تبطل تسمعه يوم ان صاحبته راضية انك تسمعه!!
فهد/اه..
نجود/فهد...شلون نفسيتك بعد سالفة مصعب؟
فهد بارتياح/مرتاح...
نجود/بس انا مو مرتاحة!!
فهد/........
نجود/ياانانيتك!!حتى مابتسالني ليه!!!
فهد بتذرع/نجود انا ابي اهتمامك مو اعطيك اهتمامي!!
نجود بقهر/علشان تاخذ لازم تعطي يافهد؟؟؟؟؟
فهد/بس انتي عطيتيني بالبداية قبل لاتاخذين أي شي؟
نجود/صار ماقلت لك لا!!بس انا ابيك جنبي ابي شورك معي بكل شي اسويه!!ابي احس ان اللي بقلبي تجاهك نفسه عندك تجاهي!!!
فهد/نجود انا تعبان ومتضايق ومني عارف وش اسوي,,,
نجود/مين اللي مضايقك؟
فهد بانفعال/ناوية تروح دبي باسوبع الاجازة وتترك العيال بمشاكلهم كلهم فوق راسي وهي عارفة اني مشغول بالمكتب ومو فاضي الاحق عيالها!!طيب ولو فرضنا اني بقدر على سارة ولمى...فيصل صغير مستحيل اقدر عليه وعلى طلباته اللي ماتنتهي؟
نجود/...........
فهد/ليش ساكتة..قولي أي شي انا ابي اسمع رايك؟
نجود/أي بس انت ماتحب اني اتكلم اذا السالفة فيها زوجتك وعيالك!
تنهد فهد وماقال شي..
نجود/طيب اذا هي رايحة استجمام ليش ماتبيهم!!!!
فهد بعصبية/تقول كل رفيقاتها مابيروحون مع عيالهم كيف هي تاخذ العيال معها؟
نجود/وانت وش رايك تبيها تروح ولاتقعد؟
فهد بذهول/سؤالك غريب يانجود؟
نجود بصرامة/بس واضح!!!!!
///////////////////////////////////////////////////////
لف بسيارته الشوارع وهو متضايق وعدته تتصل ومااتصلت ومايدري ليش منحرج من انه يدق عليها,,,
بعد ماحس ان دوارة الشوارع مامنها فايدة رجع البيت ودخل غرفته ورمى نفسه على سريره وافكار كثيرة توديه وتجيبه,,
شصار فيها,,معقولة غيرت رايها,,طيب ليش ماقالت شي وصارحتني بدل ماتخليني معلق,,,
وهو بحيرة افكاره دق تلفونه ويوم شاف رقمها فز بسرعة ورد بلهفة...
محمد/هلا..
فوزية/اهلين...:كيف الحال؟
محمد/بخير,,وينك؟
فوزية/موجودة..ليه في شي؟
محمد/وعدتيني تكلمين وماكلمتي وظليت انتظرك لين مليت وماحبيت اضايقك انا بتصالي وانا مو عارف شنهي ظروفك؟
فوزية/أي وعدتك اتصل وهذا انا اتصلت!!انا ماقلت لك باي وقت راح ادق عليك علشان تنتظرني من الصباح!!!
محمد باحراج/مدري حسيت اني متشوق اسمع سواليفك من الصباح!!
فوزية/.............
محمد/ماعلينا..كيفك انتي؟
فوزية/الحمد الله انت شخبارك
محمد/مشتاق لك,,كثر شوقي جابني لعند بيتكم اليوم قلت يمكن اشوفك لو بالغلط!!
فوزية/والله,,,,
/////////////////////////////////////////////////////في بيت السبيعي ,,,
كانوا قاعدين بند وجواهر ولبنى ومضاوي وهنوف ...
لبنى/بس مدري حسيتهم مايسووت ابدا!!!
جواهر/انا شفت مثلهم بالراشد بس بنفس الوقت ماكانوا داخلين مزاجي بقوة...
لبنى/انا ماكان لي عزم اشتريهم اصلا لو كان لي كان اخذتهم!!!
هنوف/فكونا من ها السالفة واللي يعافيكم!!
جواهر/وش تبين انسة هنوف على الله..نسولف عن المويه!!
بندر/ههههههه
مضاوي/شسالفتكم انتي وياها على المويه طول الضهر وانتوا كل شوي وجبتوا سالفة المويه؟
هنوف/جواهر جنت رسمي!!!!
جواهر/يحق لي اجن مو بندر عندي مو مصدقة حالي!!
لبنى/لابالله قلبت السالفة....
جواهر/هي واخوها عارفين!!
بندر/حرام عليك يابنت الهاجري!!نسيتي اني ركبت راضيتنك بعدين؟
جواهر/بعد شنو حبيب امك!!!!
دخلت ام بندر ومعاها سلة فاكهة..
ام بندر/شفيها بعد ام بندر؟
بندر/سلامتها الغالية بس ماعندي غيرك ينصفني ويدافع عني!!
ام بندر غمزت بعينها لجواهر/وبنت الهاجري وين راحت!!
ابتسمت جواهر وبندر حط كتفه ورى رقبتها وهو يلعب بشعرها وقال بخبث/لا هاذي علومها تضيع ياام بندر؟؟
هنوف/ها بتبدون افلامك انت معها!!يمه شوفيهم غصب يخربونا احنا صغار مابعد كبرنا!!
ام بندر/والله الصغار مايسوون سواتك ياحظي!!ابي افهم الصالة كلها مويه الضهر وش مسوية انتي ها علميني!!
جواهر بخبث/يالله قولي وش مسوية؟؟
بندر/سلمك الله انتحلت شخصية فيل بس ملاق الدور عليها وانسحبت!!!
مضاوي وجواهر ولبنى/هههههههه
هنوف/ظريف حضرتك وكنك ناسي انك شريك معي بالجريمة؟؟
بندر/عندك شهود؟؟
هنوف/لا
بندر/قلبي وجهك اجل؟
ام بندر/اللحين خلونا من سالفتها يابندر وتعال انت ومرتك ودبرونا؟
جواهر/خير ياخالتي؟
ام بندر/متى بتحددون موعد العرس ان شاءالله!!ولاعاجبتكم حياتكم كذا!!
بندر/عاجبتنا ..
جواهر/ههههه
لبنى/جواب ماعجب ام بندر اسحبه وجيب غيره ياخوي!!
ام بندر/قولي شي ياجواهر؟
جواهر باستسلام/انا مالي شغل هو الرجال وهو اللي كلمته تمشي علي وعليك!!!
بندر/معناته خلاص اعتبرنا نفسنا تزوجنا من ها اللحظة اذا كلمتي اللي بتمشي بالنهاية!!
يالله قومي...
ووقف وسحبها معه وحط يدينهم في يدين بعض..
بندر/يالله خلاص تزوجنا على بركة الله!!!!!احد يبي منا شي؟
لبنى/خخخخخ على وين توها السهرة باولها!!
بندر/صدق متخلفة!!الليلة عرسي وتبيني اقعد معك!!!
هنوف/يالله بغني لكم زفتكم ..احم احم ..
جواهر باعتراض /اذا انتي بتغنين توبة مااعرس خلاص!!!
لبنى ومضاوي /هههههههههههههه
الشغالة/ماما هنوف في احد يبي انتي عند الباب؟
هنوف/اووووووووف مني هاذي ثقيلة الدم اللي جايتني بدون موعد؟
لبنى/قومي فكينا خلنا نتهوى على راحتنا!!!!
/////////////////////////////////////////////////
في صالة بيت الفارس...
ام مشاري/وبتروحون مكة ها السنة مثل كل سنة ولا؟
ام مصعب/والله يقول ها السنة يمكن يكون بالاحساء مو بمكة؟؟للحين مااستقر...
منال/والله احسدكم ياعمتي برمضان وبمكة...جوكم روعة؟
ام مصعب/ان شاءالله نروح له ومايطلع على الاحساء؟اذا طلع على الاحساء بستثقل الروحة؟
ام مشاري/لا بتروحين منتي قاعدة!!كل سنة تقولين ها الحكي؟
ام مصعب/أي..راحت سنين عمرنا واحنا بين هنا وبين هنا.....
ام مشاري/الله يخلي لك مصعب ويوفقه ان شاءالله..
ام مصعب/امين....
فهد/السلام عليكم؟
وعليكم السلام والرحمة....
ام مشاري/جيت بوقتك يابو فيصل تعال سولف معنا اختك جايبة عصيدة تعال تذوقها؟
فهد/والله!!يوم تعشينا؟
ام مصعب/ليش ماتعشيت هنا؟
فهد/والله توني طالع من المكتب..
منال/صاير تتاخر ياعمي بالاول عند الثمان تكون موجود ؟اللحين تجي عشر ومابعدك جيت ببعض الاحيان!!!
فهد/شسوي بعد الشغل مايخلص..
ام مشاري/الله يعطيك العافية..
(ام مشاري بس تتحجب عن فهد ماتتغطى عنه ونجلاء نفس الحكاية مع بو مشاري)
ام مصعب/بتطلع بالاجازة هاذي مع عيالك ولا؟
فهد/لا مقدر عندي شغل كثير ومافيني اخذ اجازة ولايوم؟شغلي كله بيكون بالمحكمة...
منال/احنا مفكرين نروح الكويت....
ام مشاري/والله انا مالي عزم بس انتوا!!
ام مصعب/وليش ماتبين تروحين؟
ام مشاري/احاتي رحاب وولادتها!
ام مصعب/بتروحين وبتجين وهي مابعد ولدت..روحوا بس جيبوا لنا كم جلابية نكشخ فيها..
فهد/متى تولد رحاب؟
منال/دخلت التاسع اللحين....
ام مصعب/باي يوم بتسمع عنها خبر ...
فهد/الله يسهل...وين مصعب؟
ام مصعب/مدري شفيه ها اليومين دايم ساكت وبروحه ومتضايق...كل ماسالته قال ولاشي انتي يتهيى لك؟
فهد دق قلبه وتضايق علشانه...
ام مشاري بلوم/خلاص ياام مصعب كبر ماهو بزر!!زوجيه خله يشوف الدنيا!!اللي كبره تزوجوا..
ام مصعب/وانا عرضت عليه الموضوع وقال أي!!دايم يقول مو وقته اذا حسيت اني بتزوج بقولك تخطبين لي!!
نجلاء اللي توها داخلة/منو اللي بيعرس؟
ام مصعب/وعليكم السلام!!
منال/شلونك ام فيصل زمان عنك!!!
ام مشاري/لو ماام مصعب ماهي هنا كان ماشفناك؟
نجلاء/لامو كذا!!فهد انت هنا؟؟من زمان جيت ؟
فهد بلامبالاة/توني...قبل دقايق؟

ام مصعب/صحيح شخبار سالم وزوجته يافهد!!صايرة مااشوفها بمناسبات الحريم!!!
نجلاء بصوت عالي/ليش ماقلت لكم!!
ام مشاري/شنو؟
نجلاء بشماتة/تطلقت!!
ام مصعب/طلقها!!!
نجلاء بنفس الشماتة/أي....ورجعت لااصلها!!ولبيت ابوها المكسر!!يالله خلنا نشوف ريشها المنتوف اللحين وكبر راسها!!
ام مصعب/استغفر الله....وين ذيك العلوم...
نجلاء/عساها..هذا اللي يلبس ثوب غير ثوبه وماهو بقده!!!!!
ام مشاري/هاذي نتيجة الزواج الغير متكافى!!مستواه غير عن مستواها بكل شي؟؟فكريا واجتماعيا وماديا!!!
ام مصعب/انا عندي يتزوج عليها ويحط لها شريكة ولا الطلاق اللهم ياكافي!!
نجلاء باعتراض/لا انا عندي يطلقها ولا يحط عليها شريكة..الشريكة تحر ولو بالقبر!!
كان فهد يسمع وهو ساكت وافكاره ماخذته لبعيد...لبعيد حيل!!
////////////////////////////////////////////
نجود كانت شابكة بالمسنجر مع ملاك...
ملاك(في شي مهم بالحياة,,متضايقة حدي)/مشاء الله حتى النك نيم يدل على الثقة والغرور!!
نجود(يانيوتن انا سر الجاذبية)/يكفيني انه عاجبني وعاطيني ثقة بنفسي!!!
ملاك(في شي مهم بالحياة,,متضايقة حدي)/ودي اكون مثلك؟
نجود(يانيوتن انا سر الجاذبية)/هههه أي اللي انا شايفته انك داهية ياملاك؟
ملاك(في شي مهم بالحياة ,,متضايقة حدي)/حرام عليك!!!
نجود(يانيوتن انا سر الجاذبية)/تعالي لحظة..وش ها النك نيم الحزين؟
ملاك(في شي مهم بالحياة,,متضايقة حدي)/؟؟؟؟؟
نجود(يانيوتن انا سر الجاذبية)/وش اللي مضايق بنت الفايز ياترى!!!
ملاك(في شي مهم بالحياة,,متضايقة حدي)/ولاشي مفرحها علشان يكون في شي مضايقها!!
نجود(يانيوتن انا سر الجاذبية)/من متى؟
ملاك(في شي مهم بالحياة,,متضايقة حدي)/من زمان ..من زمان بعيد؟
نجود(يانيوتن انا سر الجاذبية)/طيب ليش؟؟؟
ملاك(في شي مهم بالحياة,,متضايقة حدي)/امور تافهة لاتشغلين بالك؟
نجود(يانيوتن انا سر الجاذبية)/طيب..براحتك؟
ملاك(في شيي مهم بالحياة متضايقة حدي)/وش بتلبسين بكرة ياقمر؟؟
نجود (يانيوتن انا سر الجاذبية)/خلينا باليوم وخلي بكرة لبكرة!!كلميني عن نفسك؟
ملاك(في شي مهم بالحياة ,,متضايقة حدي)/انا اللي ابيك تكلميني عن نفسك...
نجود(يانيوتن انا سر الجاذبية)/أي بس انا طلبت منك ها الشي ..بترفضين تتكلمين عن نفسك؟
ملاك(في شي مهم بالحياة,,متضايقة حدي)/لا عادي.....بس مافي شي مهم عندي..انتي الاهم؟؟
نجود(يانيوتن انا سر الجاذبية)/انا قايمة اللحين طيب..
ملاك(في شي مهم بالحياة,,متضايقة حدي)/خلاص لاتزعلين بقولك كل شي..
نجود/يانيوتن انا سر الجاذبية)/معليش ملاك بكرة تكلم طيب..لازم اقوم انام ولاانتي ناسية بكرة ورانا مدرسة,,قومي نامي انتي بعد وبكرة اشوفك ونكمل سوالفنا!!!
////////////////////////////////////////////////////
طلعت هنوف تشوف من اللي جايها وتوها فاتحة الباب...
الا بسطل ماي ينكب عليها...
نورة/هههههه تعيشي وتاكلي غيرها!!
وطيران حطت رجلها وطلعت..
هنوف بعدها منصدمة/حشى لله مو ادمية صارت ادهى مني من كثر ماتقعد معي!!ويلي بجمد من البرد!!بس وينك يانوير والله مااخليها في بالي واردها لك اللحين ومو مويه بروحه الا بفيمتو!!!وبنشوف....
راحت ودورت على سطل كبير وعبته مويه وحطت فيه نص غرشة الفيمتو وهي تبتسم لمخطاطتها الشريرة....
راحت لبست عبايتها واخذت السطل وراحت لبيت عمها....
دقت الباب وجهزت السطل بيدها وهي متحمسة واول ماانفتح الباب كبت السطل بللي فيه وهي تضحك ضحكة انتصار
هنوف/ههههههههه علشان تعرفون يابيت السبيعي ان محد يلعب مع هنوف؟؟
ناصر بعصبية/قولي قسم!!!
جمدها صوت ناصر خصوصا انه معصب..
رفعت سطل الماي او بالاحرى الفيمتو وشافته واقف قدامها بركان وشكله لابس بيطلع..
هنوف بارتبك/فكرتك نورة؟
ناصر بعصبية/نورة طلعت قبل شوي مع امي مرهم خالي!!
هنوف/أي بس..
ناصر/هنوف وش ها الحركات الطايشة!!واذا كانت نورة كذا تتعاملون مع بعض!!!!
هنوف/..........
ناصر/وقسم بالله طالع ومتاخر واعندي غير ها الثوب مكوب ونظيف وجاهر قولي لي بالله شسوي اللحين انا!!
هنوف جمدتها الربكة بمكانها ولاعرفت شتسوي ولاشتقول واكتفت انها تناظر بالارض من الاحراج...ناصر معصب وهالشي اول مرة يصير بالعادة هو دايم يضحك ومبتسم,,,,
ناصربنرفزة/لاحول الله....
تركها ودخل داخل وهي بقمة الاحراج..من الماي البارد..من الفيمتو اللي صبغ بالثوب,,من المكان اللي قلب زريبة..من عصبية ناصر,,,,من كل شي؟
/////////////////////////////////////////////////////////////اليوم الثاني....
نجود/وكيف النفسية اليوم؟
فهد/اذا بشوفك بتكون عال العال!!
نجود/مشاء الله...صارت شوفتي تفتح نفسك!!
فهد...توه بيتكلم قاطعته بحدة/بنغير الموضوع لاتقلب السالفة اعرفك ماتقول شي فيه خير ابدا!!
فهد/بسم الله علي!!تبين تخربين نفسيتي انتي من صباح الله خير!
نجود/على فكرة انا مقدمة حصص بكرة وماخذتهم اليوم واخر الليل برجع الشرقية؟
فهد بزعل/افا..ليش عاد!!
نجود/بروح لحبايبي..
فهد/........
نجود/ماسالتني منهم!!
فهد بضيق/مايهمني اعرف؟
نجود/بكيفك...وش سويتي على سالفة دبي وروحتها!!!
فهد/شبسوي بعد...امري لله؟
نجود/غريبة..اللي انا اعرفه انك ماتتنازل لشي انت مو مقتنع فيه؟
فهد/........
نجود/بس اذا تبي القيقة يافهد انت تبيها تروح!!
زفر فهد زفرة طويلة وماقال شي بعدها..
نجود/انا عارفتك زين يافهد....وجودها صاير يضايقك خصوصا وان علاقتنا توها ابتدت وماتبي شي..
قاطعها فهد بحدة/نجود!!علاقتي معك ماتتعدى الصداقة ولاتكبرينها!!
نجود بعصبية/أي صداقة واللي يعافيك!!!!عينك شايفة مثل ماعيني شايفة انها مو كذا!!فلا تخادع نفسك لو سمحت!!
فهد/والله!!وش اللي بيني وبينك؟؟؟
نجود بعصبية/اها..يعني انت تعتبر اللي بيني وبينك صداقة!!!واحد انكسر خاطره يوم عرف ان ولد اخته يفكر بانسانة يعتبرها صديقته وضاقت فيه الدنيا لحظتها وانت تقولي صداقة ؟كلمة احبك طلعت منك بكل ارتياح وفرح يوم عرفت ان ها الصديقة اللي على قولتك مو هي المقصودة وانت تقولي صداقة!!!!همك تشكيه لي قبل فرحك وانت تقولي صداقة!!!!!
صرت من تصبح لين تمسي وانت طول الوقت جوالك باذنك وتسمعني شقول حتى لو كان الشي بايخ ومايستاهل وانت تقولي صداقة!!!!طيب خل صداقتك لنفسك يافهد...انا حتى الصداقة هاذي مابيها منك...بس علشان تعرف اني عزيزة نفس وانك ماتاثر فيني بشي ولاحتى تهمني!!!!
عمرك ماارتحت ولاتهنيت بشي بحياتك!!!!انا ماراح اسمع لك شي خلاص....
////////////////////////////////////////////////////
مرت احداث باقي اليوم بالنسبة لنجود بقمة العصبية وماكانت طايقة تناظر بوجه احد,,وكل اللي حوالينها لاحظوا ها الشي لين رجعت الليل الشرقية....
///////////////////////////////////////////////////
في توتي كافيه ..
محمد/طيب وش تسوين انتي بالمركز؟
فوزية/اخصائية اجتماعية..
محمد/عاجبك شغلك؟
فوزية/بالدرجة الاولى مقتنعة فيه...
محمد/هذا اهم شي...
فوزية/على قولتك..
محمد/وش الشي اللي قلتيلي بتصارحيني فيه!!
فوزية/بس توعدني انك ماتسخر مني ؟
محمد بنعومة/وليش اسخر منك ياقلبي!!!
فوزية بتردد/من زمان كنت افكر فيك!!!
محمد باندهاش/فيني انا!!
فوزية/أي يامحمد فيك.....
محمد/بس عمرك ماقلتيلي!!!
فوزية/كنت اشوف حياتك ونمط حياتك وابتعد عنك الف خطوة لين بعدت كليا عنك!!!!خفت اصارحك بمشاعري واكون وحدة من العابك وتساليك!!
محمد/وليش اللحين اقتنعتي تصارحيني!!
فوزية/يمكن لانك انت بديت بالخطوة الاول!!ويمكن لاني ماحبيت ان مشاعري اللي نامت بصدري مدة طويلة تظل نايمة ويوم انها قعدت حبيت انك تعرفها وماتتجاهلها!!
محمد/يعني انا بقلبك مثل ماانتي بقلبي!!
فوزية/أي..
محمد/حتى وانتي تعرفين سوالف طيشي وهبالي مع البنات قبلوعيوبي اللي مالية العالم؟؟
فوزية /حتى لو زادت عيوبك..تبقى بنظري اغلى حب..ومقدر افرط فيك...
////////////////////////////////////////////////////////
في بيت السبيعي...
كانوا هيا ونجود تحت بعض وبعيد عنهم شوي بس علي...
هيا/ياليت لو كل اسبوع كذا تجين من الثلاثاء؟
نجود بلا مبالاة وهي شاردة/لا مابتصير..
هيا/كاهي صارت؟
نجود/لان مها كانت غايبة واخذت راحتي مع المديرة..اصلا مها هي خراب المدرسة كلها وبدونها عايشين احلى جو؟
كانت شنطتها تحتها وطلعت بوكها وهي تناظر بصورة فيصل اللي اخذتها من منال..واحمد ومريم...
هيا/منو ذولا؟
نجود عطتها صورة فيصل/ماذكرتيهم؟
هيا/بلى..ذا احمد صح؟
نجود/لا ذا فيصل.
علي كانت عيونه مرتكزة على الصور اللي بيدها ويوم شالت صورة فيصل ووراها صورة احمد بانت صورة مريم وقال بسرعة ولهفة/هاذي مريم!!!!
صارت تناظر بالصورة وبعلي بنفس الوقت!!وبراسها الف فكرة تدور..اولا وش عرفه بانها مريم؟؟؟ثاينا..هي يوم العزيمة ماكانت معهم كيف حتى اسمها عرفه؟؟؟ثالثا ليش هو متلهف كذا وهو يقول اسمها!!
شالت الصور بحدة وقالت لهيا/شيلي اغراضي صعديهم بداري وسبقيني بجيك اللحين؟
هيا/ان شاءالله...شالت الاغراض وركبت..
ويوم اختفى طيفها..
نجود/وش عرفك انها مريم؟
علي/ها...
نجود/سالتك وش عرفك انها مريم؟
علي/اعرفها وبس!!!
نجود/عن أي طريق!!
علي قام من مكانه وطلع ......
نجود/وين بتروح ياعلي وين؟؟؟وراك وراك ..وقسم مو طالعة من البيت ها الاسبوع الا اذا عرفت شسالفتك؟؟؟وش يدخل مريم بعلي وكيف عرفها!!!!هو لايعرف بيت العبد الله ولا عمره جاب سيرتهم!!وحتى ولو مريم طول الاسبوع بالرياض عند اهلها!!!!لايكون بس...لالالااستغفر الله هاذي السوالف الواحد مايحط بذمته فيها!!بس هو قال تزوجت وعندها بنت!!ويعني ماكو غير لمياء تزوجت وعندها بنت!!!!
وين ياعلي وين بتروح؟؟؟منتظرتك يعني منتظرتك؟؟؟
/////////////////////////////////////////////////
سالم بتنانيب/وانت بالله ماتقولي شسالفتك معها؟
فهد وهو يدخن بضيق/لاتزيدها علي ياسالم!!وقسم من صبح الله وانا متضايق..ظلت مقفلة جوالها ومافتحته لحد اللحين؟
سالم/ونزلت الشرقية؟
فهد/أي...
سالم/انت تبيها؟
فهد/........
سالم/سالتك انت تبيها؟
فهد/مدري ليش قلت لها كذا!!
سالم/لانك غبي!!
فهد/سالم!!
سالم/انت غرقان فيها ليش بعد ها المكابرة بالله!!
فهد/ماابيها تعرف مشاعري ناحيتها وتتثيقل علي!!!نجود انا اعرفها ثقيلة وتذلك بطرفة عين مهما كنت!!
سالم/ومنو اللي ضايق خلقه اللحين يافهد!!
فهد/..........
سالم/تبي راي؟
فهد/شنو؟
سالم/روح اخطبها؟
فهد بذهول/اخطبها!!
سالم/سالفة مصعب ماعدت بسهولة يافهد!!عدت بسهرك وضيقة خلقك وتعبك وتفكيرك!!اذا انت تهواها وتعشقها مثل ماتقول لاتضيعها من يدك!!انت ماتدري كم واحد غيرك يبيها!!يمكن ان هناك بالشرقية احد حاط عيونه عليها..ومثل ماسحرتك طبيعي تسحر غيرك البنت مثقفة وجذابة وجميلة,,ليش بتقعد تنتظرك اصلا وحوالينها اللي يبيها ويبي سعادتها وراضها عنه!!!
//////////////////////////////////////////////////////////////////////

---البارت الثامن والعشرين---
//////////////////////////////////////////////////////////////////////

,بغرفة نجود..
جواهر/لالالا الكشرة هاذي مو حلوة ابداّّّ!!
نجود/اووووووووف بكبري مو عارفة شسوي..
جواهر/علامك..منتي بطبيعتك..صاير شي مع...
نجود بتنهيدة/اوووف..هو بجهة وعلي بجهة ...وملاك بجهة ...
جواهر/لحظة لحظة لحظة...ملاك خلنا نبتدي فيها..بعد ماقعدتي مع امها صار شي قالت لك عن شي؟
نجود/لا...بس حاسة اني تحملت مسؤليتها ومو عارفة شسوي...
جواهر/اتركيها للوقت ولاتشغلين بالك..اذا بدت تتكلم معك بيصير خير...
بس علي وفهد شسوالفهم بعد؟؟
نجود بزعل/فهد...اه من فهد ياجواهر اه..
جواهر قعدت جنبها على فراشها وقالت بهمس/ وش فيه؟
نجود/قالها...قال احبك قالها..مايهم انه همسها واني سمعتها..ولايهمني بعد انه ماعادعا!!اهم شي انه قالها!!
جواهر/وبعدين..متعبتك ها الكلمة!!!كيف لو تسمعينها بكل وقت!!تموتين يانجود صدقيني تومتين,,,اساليني عنها.,,بس وربي احلى موت لانك ماتقدرين تستغنين عنها لحظة وحدة بعدين!!
نجود مسحت دمعة كانت واقفة بطرف عينها وقالت ببحة وزعل/اليوم غير رايه ها المجنون!!يقول انتي مجرد صديقة لااقل ولااكثر!!!!طيب ليش قالها لي يوم اني مجرد صديقة!!
جواهر بتنهيدة/والله كل واحد فيكم مشاعره العن من الثاني!!بس موافقين بعض تدرين ليش؟؟لانكم ثنينكم نحيسين وكل واحد ماوده الثاني يعرف انه يحبه ويغليه ومع هذا مقتنعين انكم تحبون بعض!!!
نجود/بالله اني تعبانة ياجواهر واقسم لك....
جواهر/ماعليه حبيبتي ماعليه..تحملي كل الامور تكون كذا بالبداية!!!
نجود/..............
جواهر/وعلي شسالفته بعد!!!
نجود بعصبية/علي!!علي هذا وقسم اذا طاح بيدي بيشوف مني شي مايسره!!
جواهر بخوف/وش فيك؟؟مالك بالعادة انتي اهم شي عندك علي ودايم تدافعين عنه!!!
نجود/تظل عبير بنت عمي واهانتها من اهانتي ياجواهر !!!
جواهر/وش اللي صاير؟
نجود/انتي بس ادعي انها ماتكون اللي في بالي صح!!
جواهر/لاتتكلمين بالالغاز وفهميني وش صاير!!!
/////////////////////////////////////////////////////////
اليوم الثاني العصر,,,
ناصر كان رايح بيت عمه يوصل لهم الاغراض اللي موصيه عمه عليهم..
ناصر/يااهل البيت..
هنوف/ناصر,,
ناصر/هلا هنوف...في احد..ابي ادخل الاغراض المطبخ!!
هنوف/خلهم عنك بخلي الشغالة تجي تشيلهم لاتتعب نفسك؟
ناصر/عادي مافيها تعب ياهنيف..
هنوف بتردد/ناصر..ناصر انا اسفة؟
ناصر/اسفة ؟؟وش عليه؟؟
هنوف/على سطل الفيمتو حق امس!!
ناصر/ههههههه تصدقين نسيت؟
هنوف ببراْة/وقسم بالله ماكنت قاصدتها!!!
ناصر/مجنونة انتي!!ابصم لك بالعشرة؟؟
هنوف/منت زعلان!!
ناصر/لا بس اعقلي بالمرة الثانية!!هو صحيح كنت ناوي اذبحك ذيك اليلة بس نسيت الموضوع؟
هنوف باعجاب/شيخ ولد شيخ ياولد عمي!!راعي اصل ومايشيل قلبك ابد!!
لبنى/ناصر شلونك؟
رفعت راسها وشافت لبنى جاية من وراها,,وارتبكت نوعا ما
ناصر/هلا هلا بنت عمي..
لبنى/ناصر ممكن اطلب منك طلب؟
ناصر/خير؟
لبنى بارتباك/فيك توصلني المارينا؟باخذ غرض ضروري ومو لاقية احد يوصلني!!
هنوف/غرض ضروري من الصيدلية بعد المارينا شكو؟
لبنى/انتي مايخصك؟
ناصر/ههههههه مو مشكلة متى تبين تروحين؟
لبنى/عندك شي اللحين؟
ناصر/لا بس بروح اتحمم توني جاي من السوق ...يعني خليك جاهزة على ربع ساعة وطلعي..
لبنى/شكرا..
مشى ناصر وظللوا واقفين..
هنوف بغيرة/وش عندك مع ناصر؟
لبنى بلامبالاة/ولاشي..
هنوف بتشكيك/متاكدة؟
لبنى/خير انتي مسوية لي المحقق كونان!!ابيه يوصلني يابابا؟
هنوف/طيب بروح معك؟
لبنى بلااهتمام/روحي ومنو ماسكك؟على بالك اكذب يعني مابروح المارينا!!!
هنوف/لامو كذا بس غرت منك وبطلع معك..لازم تطلعين مع محرم؟
لبنى/واخيرا اعترفتي انك مو بنت ولد؟
/////////////////////////////////////////////////////
بشقة علي..
عبير/علي شفيك؟
علي بنرفزة/وش فيني يعني!!مافيني شي؟
عبير/شكلك متضايق؟
علي/لا مو متضايق طبيعي...
عبير/امممم
علي/في شي؟
عبير/نجود سالت عنك مرتين وقالت تبيك ضروري؟
علي بارتباك/متى؟
عبير/من الصباح وهي تسال عنك وقالت لي اقولك اذا جيت مرها تبيك بسالفة ضرورية؟
علي/..............
عبير/علي في شي بينك وبين نجود صاير؟
علي بعصبية/وانتي شيخصك بالله!!!روحي انقلعي عن وجهي!!!!
/////////////////////////////////////////////////////
ناصر/انا ابي اعرف اللحين انتي وش تبين منه؟
نجود/مالك شغل؟سالتك هو هنا ولالا؟
ناصر/سيارته موجودة؟
نجود/طيب ياعلي...عبير اكيد وصلت لك اني ابيك بنشوف متى تفكر تمر؟
ناصر/نجود وش السالفة؟
نجود/سواد وجه اخوك شبيكون يعني؟
ناصر/شصاير بعد!!
نجود/سكر السالفة ابوي وصل بعدين نتكلم..
ابو علي/سلام عليكم..
ناصر ونجود/وعليكم السلام والرحمة...
ابوعلي/انت ماطلعت!!
ناصر/لايبى قاعد مع نجود اسولف معها؟
ابوعلي/طيب انا مودي سيارتي المغسلة مر بعد الصلاة جيبها..
ناصر/ان شاءالله يبى..
ابوعلي/وانت جاي جيب لنا خبز عربي وفول من زمان عنه مااكلناه..
ناصر/أي والله من زمان عنه....الا صدق يبى..ابو حازم جارنا رخصوه من المستشفى اليوم..
ابوعلي/ليش شفيه؟
ناصر/مدري سمعت من ولده اليوم وانا طالع الصباح الدوام الا يقول رايح يطلع ابوه ويخلص اجرات المستشفى قلت له سلامات قال تعبان شوي وصار له يومين بالمستشفى..
ابوعلي/ماسمعنا عنه قالوا تعبان كان رحنا زرناه...
ناصر/انا قلت لولده حازم قلت له مادرينا كان قمنا بالواجب....عاد وش رايك نروح لهم الليلة نمره ونسلم عليه خوب مايصير يبى درينا عنه طلع ومو حلوة مانمر عليه..
ابوعلي/أي لااكيد ملزومين نروح..وانت طالع مر عطي عمك وبندر خبر علشان نسير مع بعض....ولو ان بندر ماصار من ضمن الرجاجيل من خطب ولاحد يشوف وجهه بعد!!
ناصر/هههههه..يبى حرت جدة يبى والغربة!!
ابوعلي/والمتغربة الثانية وش فيها قالبة وجهها؟
نجود بدون نفس/مافيني شي؟
ابوعلي/مااتوقع احد مزعلك انا عارفك تقدرين على بلد بحاله!!!وش فيك عافسة وجهك؟
نجود/ولاشي..بس مشاكل بالمدرسة...
ابوعلي/والله محد جبرك تدرسين يبى...انتي اخترتي وبارادتك..
نجود/وانا وش قلت اللحين!!ماشكيت لااحد حالي!!!
ابوعلي/قومي شوفي بنت عمك عبير شلونها؟
نجود/مريتها الصبح يبى؟
ابوعلي/وشخبارها..
نجود/ماشي حالها..
ابوعلي/ماظنتي بيمشي حالها واخوك ها العلة قاعد على قلبها!!!اه لو الزمن يرجع فينا ماكنت زوجتها اياه ...بس ماكنت عارف انه ماراح يطلع رجال!!!
ناصر/يبى لاتقول كذا!!اذا سمعك تقول ها الحكي بيتضايق؟؟
ابوعلي بحزن/بذمتك اخوك رجال؟؟؟؟من متى ماباس راسي وقال لي ابوي شلونك؟؟؟شخبار صحتك؟؟وش ناقصك؟؟تبي شي؟؟انا ماابي منه شي ياناصر؟؟بس واحد مثله يحمد اليد اللي انمدت له....
ناصر /يبى..
نجود بعصبية/ابوي معه حق!!علي ناكر نعمة؟؟وكان اللي رباه مو نفسه ربانا ورباك ياناصر؟
ناصر/انتي لاتزودينها بعد يانجود!!
ابوعلي بضيق/من زوجته بنت عمه وهو شايش بنفسه علي لاسلام ولاكلام ولاسؤال ولااخبار,,وكاني مزوجه عدو مو بنت عم؟؟هذا اللي كنت ابوس يد فلان علشان يوظفه واتوسطله عند علان وهو لاشهادة ولااهتمام بشي ابدا!!كم وظيفة دخلته فيها وماقعد فيها ومايهتم..بنيت له الشقة وصبغتها واثثته كله من عندي؟,,زوجته وريال واحد ماخليته يحط بالعرس,,,ماابي منه غير الكلمة الزينة والطيبة ياناصر..ومع هذا مو لاقيهم منه!!!شسالفته هذا انا ابي افهم,,,بتجيني ساعة بتفلت اعصابي مني وبطرده من البيت ولاحد يلومني بذيك اللحظة!!!!!
///////////////////////////////////////////////////
بمجمع مارينا مول وتحديدا بالمحل اللي يشتغل فيه عبدالعزيز,,,
دخلت بعد ماضيعت هنوف اللي نزلت معها بعد ماتركهم ناصر وقال اذا خلصتوا دقوا لي ارجع لكم,,,
راحت مباشرة للمحل وتلفتت عيونها يمين وشمال تدور عنه..ومالقته..
محمد/أي خدمة اختي..
لبنى بارتباك/ها..
محمد/حابة تشوفين البضاعة الجديدة؟
لبنى بنفس الارتباك وهي عارفة ان محمد يعرف بسالفتها مع عبدالعزيز بس يمكن ماعرفها او ميزها..
لبنى بتردد/في...في واحد يشتغل هنا؟
محمد/خير؟
لبنى بضعف/عبدالعزيز يامحمد..
محمد/اه..انتي...
لبنى بضعف/أي...وينه ليه جواله مقفل؟
محمد/ماخذ اجازة اسبوع؟
لبنى/ليه؟
محمد/عنده شوية ظروف بالبيت؟
لبنى/وش ها الظروف!!
محمد/انا مالي احقية اتكلم بالنيابة عنه!!ا1ا كلمتيه بيقولك؟
لبنى/بس صار له يومين مقفل جواله وانا املي الوحيد اني اشوفه هنا وماشفته!!تكفى قولي شفيه وش اللي صاير معه ترى قلبي مشتعل نار عليه؟
محمد بتنهيدة/ابوه انسجن...
لبنى/شنو؟؟؟؟؟
محمد/ديون فوق راسه ماقدر يسددهم واصحابهم ماتنازلوا....
لبنى/................
محمد/انا اسف بس انتي اصريتي تعرفين..
لبنى بدموع/شكرا...بلغه سلامي اذا شفته ولااتصل فيك وقله يفتح جواله ابي اكلمه..انا عارفة انه متضايق بس ضروري اكلمه...وشكرا....
طلعت من المحل وهي تجر دموعها معها...بس شبيدها تسوي ,,,اذا ابوها بالاول كان رافض مية بالمية اللحين وبعد سجن ابوه بيكون رافض مليون في المية؟؟؟؟اه يالبنى اه...حظك العاثر مابيتغير ابدا...شقول بس غير شرعك اللهم ولااعتراض!!!!!
//////////////////////////////////////////////////////////
سالم/اقول مصعب؟
مصعب/سم ياعمي..
سالم بمرح/لاتكبرني انا بعدني شباب وعرسي الاسبوع الجاي؟
مصعب/لا على البركة ههههههه
سالم/الله يسلمك يامصعب....كنت بقولك شي عن خالك فهد وبما انه تركنا بنقدر نتكلم على راحتنا
مصعب باهتمام/خير؟
سالم/انت مالاحظت عليه شي بالفترة الاخيرة؟
مصعب بحيرة/شي مثل شنو يعني!!
سالم/يعني دايم شارد وسرحان...
مصعب/خالي طول عمره ومن عرفته وعرفني وهو شارد وسرحان وين الجديد يعني!!!
سالم/انا اتكلم جد يامصعب..ملاحظت تغير بمزاج خالك ها الفترة؟
مصعب بخوف/خالي صاير معه شي ياعمي؟
سالم/طيب ولاحتى يوم قلت له انك تحب نجود السبيعي تغير فيه شي؟
مصعب/شتقصد ؟؟؟؟؟
////////////////////////////////////////////////////////
كان بيطلع من باب البيت وسمع صوت شامت من وراه..
نجود بشماتة/متخبي بشقتك ولاخايف نتكلم ؟؟
لف لها وهو مرتفع ضغطه من اسلوبها..
علي بعصبية/انا مااتخبى عن احد ولااخاف من احد!!
نجود/كلمتين وبتقولهم غصبا عنك؟
علي بنفس العصبية/انا محد يغصبني على شي سامعتني!!
نجود/هي المقصودة...
علي/.......
نجود/معناته صدق هي!!طيب....ولساتكم مع بعض ولا مثل ماقلت لي ماتعرف عنها شي؟
علي/انتي مالك شغل؟؟؟
نجود/لا لي...
علي/لاتدخلين نفسك بشي انتي موقده يانجود؟
نجود بتحدي/في احد يعرف عن سواد وجهك غير مرتك!!!تحب وحدة متزوجة وعندها بنت!!
علي بعصبية/قصري حسك...
كنوا قاعدين بالحوش...
نجود بشماتة/ها كنك ماتبي احد يسمع؟؟معناته حاس بالاحراج!!
علي/انتي الحكي ضايع معك؟
نجود/تدري انا مو قاهرني شي بالسالفة كلها ابدا..(ها اللحظة طلعت عبير من شقتها وكانت بتروح تقعد مع بيت عمها ووقفت يوم شافت علي ونجود وصوتهم مرتفع)
بجد بجد مو قاهرني غير بنيدر ولد عمك!!اذا صدق يعرف انك نذل وتحب وحدة متزوجة وعندها بنت بعد وراضي لااخته بها العيشة وبها المذلة فماانذل منك الا هو ياعلي!!!!
تقرب منها ورفع يده بيعطيها كف بس صوت عبير من وراهم وقفه وخلاهم يلفون عليها..
كانت واقفة ودموعها تتكلم عنها.....
الكلام كان بلسانها بس مو قادرة تنطقه....حست بغصة واهانة ومذلة اكثر من كل مرة تحسها...
كانت تاشر بيدها وهي تحاول تتكلم بس ماهي قادرة,,حست انها خلاص انشلت ولسانها مو راضي يطاوعها ويتكلم....
ماتدري ليش حست بالضعف...رمت نفسها على الارض تبكي وتبكي وتبكي..
وتقربت منها نجود.....
/////////////////////////////////////////////
مصعب بدون تصديق/خالي يحب؟؟مستحيل؟؟مااصدق!!
سالم/مصعب انا قلت لك لاني عارفك عاقل ورزين وواثق من حبك لخالك واحترامك له..كل قصدي اني ابي احد غيري يشيل هم فهد لاغبت وخبرك فيني بسافر شهر عسل وابي من يوقف جنبه ويخفف عنه...
مصعب/انا للحين مو مستوعب الفكرة ابدا!!!
سالم/استوعبها...كان بيموت من الهم والضيق يوم عرف انك تفكر فيها..الوحيدة اللي سحرته وفهمته وارتاح لها...وحس انها طارت منه قبل حتى لايتنفس معها!!!
مصعب/نجود....بس الفرق بينهم كبير...يعني قرابة العشرين سنة ياسالم!!!بعدين معقولة خالي فهد يحب وينحب؟عمري ماحسته ولاتخيلته بها الدور؟؟؟
سالم/عمر الحب مااعترف بعمر محدد؟؟؟
مصعب/طيب وهي تبادله شعوره.؟
سالم/كل واحد فيهم العن من الثاني علشان كذا لايقين على بعض!!
مصعب/شلون يعني؟
سالم/اثنينهم عارفين انهم يبون بعض ومتاكيدن من ها الشي وتلميحاتهم لبعض طول بعرض!!ومع هذا كله طول وقتهم هواش وتنكيد على بعض وكانهم حالفين مايتنازل واحد فيهم!!
مصعب/والله مو مستوعب للحين أي كلمة؟؟؟
فهد/معليش اعذروني تاخرت شوي عليكم..
سالم/لاابدا اصلا انا ومصعب شاغلين وقتنا وعندنا سوالف كثيرة صح يامصعب؟
مصعب وهو يناظر بخاله/أي صح؟
////////////////////////////////////////////////////
في غرفة نجود..
نجود بخوف/عبير ..عبير قولي شي...تكلمي..
عبير كانت بنوبة بكاء هستيرية وبدون صوت لدرجة انها حست ان الصوت اختفى من حنجرتها فجاْة؟؟
نجود/والله ماكنت بتكلم هناك بس علي اجبرني..صدقيني انا ابي اصلح الوضع مو اخربه؟
عبير اشرت لها بيدها انها ماتكمل...ومسكت جوالها وكتبت لها كلمتين وعطتها جوالها وكملت بكيها..(نجود واللي يعافيك كفاية اهانة وشماتة فيني والله مو قادرة اتحمل اكثر!!*)
نجود/عبير انتي فاهمة غلط؟؟؟الله ياخذك ياعلي ويفكنا منك من بلاك؟
//////////////////////////////////////////////
مضاوي/هنوف
..
هنوف/خير
مضاوي/وش فيها لبنى؟
هنوف/دري..
مضاوي/من رجعت قفلت على نفسها الباب وسمعت صوتها تبكي؟
هنوف/تصدقين طول المجمع وهي تشاهق من تحت شيلتها....وطول السيارة ماقالت ولاكلمة!!!وش تتوقعين فيها؟
مضاوي/لو كنت عارفة جيت سالتك ياحظي؟؟
هنوف/وانا بظل واقفة لازم اروح اشوف شالسالفة ؟؟؟
مضاوي/اذا عرفتي قولي لي...
هنوف/تعالي وين بندر؟
مضاوي/وكانك ماتدرين؟
هنوف/مو مع جواهر لان جواهر الليلة بيت جدها ؟
مضاوي/طالع مع ابوي وعمي بيت ابو حازم لانه تعبان!!
هنوف/اممممم
مضاوي/على فكرة حددوا ميعاد العرس
هنوف/قولي والله!!وليش ماقالوا لي؟
مضاوي/العصر حددوه بعد ماطلعتوا قعدوا ابوي وهو وعمي ابو جواهروعمي بوعلي وحددوه؟
هنوف/متى؟
مضاوي/بعد عيد رمضان مباشرة...يعني بعد خمسة شهور....
هنوف/اممممممم
///////////////////////////////////////////////////////////نجود/والله خايفة ومو عارفة شسوي؟
جواهر/طيب وينها اللحين؟
نجود/نامت..
جواهر/خلاص انا بكلم بندر يجيني وبجيكم..
نجود/انا محد طلعني من طوري غير ها البندر ها الزفت!!
جواهر باعتراض/ماارضى عليه؟
نجود/عمرك مارضيتي انتي بعد!!بذمتك عاجبك موقفه؟؟اختك يااخي اختك من لحمك ودمك وعادي عندك تعرف ان زوجها يحب ولا باقي على ذكرى وحدة كان يحبها قبل الزواج وماقدر ينساها!!!
جواهر/انا كنت ناوية اكلمه بسالفتها بس الليلة لازم افاتحه واعجل بالموضوع....
نجود/بتكونين سويتي فيها خير....
جواهر/خلاص يالله بدق له علشان مااتاخر عليكم.....
////////////////////////////////////////////////////////
يوم الخميس مشى بسرعة واهل السبيعي كانوا كلهم معزومين وطالعين للبر مع قرايبينهم عدى نجود اللي ظلت مع جواهر علشان عندها جمعة معلمات بالبيت,,,,,
وكانوا مخططينها قبل اسبوع....
كانت الليلة ماشية على هدوء ورواق لين دق جوال نجود وكان فهد المتصل ودق قلبها معه.....
ماعرفت ترد ولا ماترد؟؟؟
ترد وتسمع صوته وتخفف تعب قلبها شوي!!ولاماترد وتظل بحرقة قلبها عليه!!!
قررت بالنهاية انها ترد بس بعد الاتصال رقم كم؟؟؟؟
نجود بجفاء/نعم؟؟
فهد بهدوء/هلا...
نجود/هلا...
فهد/.......
نجود/في شي؟
فهد/حبيت اسمع صوتك؟
نجود/معليش انا مشغولة اللحين؟
فهد/بعدك جوعانة وتبين بيتزا!!!
نجود/شنو؟
فهد/قبل يويمن كنتي جوعانة وتبين بيتزا!!ياترى بعدك تبين ولالا؟
نجود/............
فهد/عز علي انك تكونين مشتهيتها ومااجيبها لك بنفسي لبيت جواهر...ادري الطلب وصل متاخر شوي بس انا عند بيت جواهر اتركها وتطلعين تاخذينها!!
نجود بدون تصديق/انت بالشرقية يافهد؟
فهد/أي...
نجود/من متى؟
فهد/توني واصل...اخذت البيتزا وجيت بيت جواهر مو قلتيلي الجمعة الليلة عندها صح؟
نجود /أي صح....بس...
فهد/تعبت وانا ماسكها يالله طلعي اخذيها؟
نجود بضعف/فهد انت ليش جاي الشرقية؟؟؟
فهد/مو علشانك لاتخافين!!
نجود بعصبية/وليش مكلمني اجل؟؟؟؟
فهد/بتطلعين ولاشلون؟؟؟
نجود/مو طالعة ؟؟كلها بروحك عليك بالف الف عافية!!
فهد بجدية/نجود ممكن اسالك سؤال وتجاوبيني عليه بقرار نهائي؟
نجود بخوف/شنو؟
فهد/انتي ممكن تربطين مصيرك بمصير رجال متزوج؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
///////////////////////////////////////////////
في مطعم الضوء الخافت بالرياض,,,
فوزية/هذا الطبق رهيب مرة جربه,,

محمد/لاشكرا انا تقليدي باكلي ...ومااغير وين مارحت..كباب وتبولة وكوكتيل؟
فوزية/عكسي تماما!!احب التغير مااحب اقعد على شي واحد بس؟
محمد/مالي خلق هذا طعمه حلو,,وهذا طعمه مالح وهذا مدري شفيه؟
فوزية/محمد..شخبار شغلك مرتاح فيه؟
محمد/أي ماشي الحال....
فوزية/وبعد..كلمني عن نفسك اكثر...
محمد/انتي تعرفين كل شي عني...
فوزية/مو صحيح ؟انا اعرف بس الامور الضاهرية؟
محمد/وش تبين تعرفين؟وانا اقولك؟
فوزية/كل شي بحياتك ودي اعرفه...وش تحب وشنو تكره؟باختصار حياتك من الالف للياء؟
محمد/حياتي يابنت الناس انتي!!!
فوزية/انا اتكلم جد؟؟
محمد/هههه ومن قال لك اني امزح؟؟؟انتي حياتي...
///////////////////////////////////////////////////////////
باخر الليل بغرفة نجود...
ام ناصر/خوش طلعة شوي بالبر ,,راحت عليك يايمه؟
نجود كانت سرحانة بكلام فهد لها وفي بالها الف فكرة وفكرة,,,,
ياترى ليش قال ها الشي؟؟وش غرضه؟؟؟
ام ناصر بحنية/علامك يمه؟؟؟وش فيه سرحانة؟
تنهدت نجود وقالت وهي شاردة/ولاشي؟؟
ام ناصر/بلى فيك..صار لك مدة سرحانة ومو معنا بشي نقوله؟؟ومن نزلتي قبل يومين وانتي حالك كله موعاجبني يابنت؟
نجود/صدقيني يمه مافيني شي؟
ام ناصر/مو مصدقتك!!صارحيني يانجود وش اللي شاغل بالك؟؟انتي تعشقيني ولاشسالفتك!!
ناظرت بامها وهي مترددة ومو عارفة شتقول..
كانت عيونها تتكلم بدالها....
,,,,,,يمه هين,,
الهوى بعيون بنتك صار بين..
مايبي له من يعلم..وصاحبي بالعشق استاذ ومعلم,,
كيف اخبي؟؟انتي من جدك يايمه؟؟
انا بنت وقلبي وردي وصغير ولين,,
ايه احبه,,,,,,
يعني هذا اللي تبينه؟؟كيف اخبي وهذا دربي والهوى مكتوب من ربك وربي!!
يوم شفته متكشخ ومتعطر ومتزين,,
طاح كاسي,,فدوته راسي وناسي,,
مو بكيفي!!يمه جنني جنانه!!
مايخون الهوى عنده امانة,,
وريحة انفاسه دخون..مو طبيعي ها الولد من جد يمه,,
فيه ذوق وفيه شوق وفيه للعشاق عوق,,
يمه يسلم لي حبيبك,,والله نساني حليبك؟؟
أي ورب الكون يمه؟؟


يمه لوتدرين عنه...قلتي لي فالك حبيبك..
ايه ابيه ..ايه احبه..ايه يمه,,
ايه اموت برعشة شفاهه واذا يسمح المه,,
سامحيني لو حلفت اني ل..لمه..
مو بكيفي,,وضحكته عمري وكيفي,,
مو طبيعي..ها الولد عمري وربيعي..
وفوق هذا صار شاعر!!
الا احبه!!واللي مايسمعني يسمع ..الا احبه..
واعشق ترابه اذا داس برجله..
قال ابوسك.قلت تعقل لو احوسك!!
قال انا اقصد على السنة...قلت ليت..
قال والله لااخذك قدام اخوك..بعد ماتربط يديني بيدينك بامر ابوك!!قلت تبطي,,قال لالا..
قلت لو بطيت جيتك...قال يسلم لي وفك..
وان خطبني لاتردونه يمه...انا ابيه ..قولي تم..
لاتخلين العمر يمشي الم!!
ها يمه قولي تم قولي تم!!
///////////////////////////////////////////////////////////
وفي بيت السبيعي بقسم بو بندر..
بندر/سهرانين ومتونسين ..
هنوف/شنسوي بعد قلنا نشاركك امتع اللحظات!!يقولون خلاص قربت تنحبس بالقفص الذهبي؟
بندر نفخ ريشه/احم احم..اي قربنا..
هنوف/خوب انت مايحتاج تدخل القفص لانك دخلته من زمان!!
بندر/وانتي وش عرفك دخلته لو بعدني!!صدق ماتستحين؟
هنوف/يعني مااصدقك يابندر انت ليل نهار معاها منسدحين؟
هنوف/يعني بنغني ليلة العرس..افرحوا ياعيال السبيعي بهذا الجمال بهذا الجمال..
وشيل البدلة من يدها اليمين ليدها الشمال,,
بندر/تكفين لاتكملين صوتك على اخر الليل يجيب المرض؟
هنوف/افا!!
بندر/وين خواتك خلنا نسهر..
هنوف/مويضي صارت اللحين بالحلمة الاثنين وعشرين ولبنى مدري وش فيها بصراحة لها يومين موعلى طبيعتها!
بندر/وينها؟
بغرفة لبنى..
بندر/لبنى وش فيك؟
كانت قاعدة على فراشها وشعرها طايح على وجهها باهمال وشكلها ذابل ووجهها كله دموع...
بندر بخوف/لبنى وش فيك تعبانة؟
لبنى بتعب/لا
بندر/شلون لا ؟ماشفتي شكلك؟
تقرب منها وقعد جنبها وحط يده على جبينها
بندر/شوفي حرارتك مرتفعة؟
لبنى بتعب/مافيني شي..
بندر/شلون مافيك شي؟؟؟اقولك حرارتك مرتفعة؟
لبنى/انا بس متضايقة شوي؟
بندر/ليه متضايقة ياعمري وش اللي مزعلك ومتعبك كذا ها!!
لبنى دفنت راسها بصدر اخوها وقامت تبكي بحرارة
بندر بحنية/لبنى وش فيك خوفتيني؟
لبنى/عندي صاحبة ..ظروفها صعبة وصعبانة علي!!
بندر/وش فيها؟
لبنى/ابوها مسجون وحياتها ....
شقولك..مدري شقول؟
بندر/طيب هي ابوها مسجون انتي ليه ذابحة عمرك كذا!!
لبنى/ماراح تفهمني يابندر لو شقولك؟
بندر حضنها/انا اقول تاخذين لك حبة بندول وتريحين بعدها وماتفكرين باي شي...
الله يعينهم ويصبرهم انتي وش بتسوين لها يعني!!

/////////////////////////////////////////////////////////////////////////

---البارت التاسع والعشرين---

/////////////////////////////////////////////////////////////////////////

لبنى صارت بحالة بكي ودموع وهي قلبها متقطع على عبدالعزيز بس ماهي عارفة تتكلم ودار في بالها انها تصارح بندر بس خافت من ردة فعله وفضلت السكوت,,
بندر/بقوم اجيب لك بندول..ارتاحي ولاعاد تفكرين بشي طيب..
لبنى/.............قامت تشاهق وتبكي بصوت اعلى..
بندر/لا السالفة كذا اكبر من انها تكون مجرد زعل عليها وعلى حال ابوها!!طيب ليش ابوها انسجن؟
لبنى بضعف/علشان ماقدر يسدد دين عليه!!
بندر/لاحول....طيب ماعنده عيال يشتغلون يساعدونه؟
لبنى/عنده ثلاثة الكبير راتبه مايتجاوز له اربعة الاف بعملين منفصلين؟
بندر/كيف يعني عملين منفصلين؟
لبنى/يعني يشتغل الصباح بشركة والعصر والليل بمحل ..
بندر/واخوانه اللي بعده؟
لبنى/واحد يدور له وظيفة ومو لاقي والثالث بعده بثانوي يدرس,,,,
بندر/شرعك اللهم ولااعتراض يالبنى شرعك اللهم ولااعتراض!!!!
//////////////////////////////////////////////////////////يوم الجمعة بالرياض,,,
سالم/بشر شسويت ؟؟ردت عليك ولا لسه؟قابلت ابوها ؟
فهد/باي خصوص؟
سالم/خطبتكم؟
فهد/بس انا ماخطبتها لسه؟؟
سالم/كيف يعني ماخطبتها!!رايح الشرقية وداق لك مشوار شتسوي بالله؟؟؟
فهد/.........
سالم/لاتقولي رايح الشرقية علشان توصل لها بيتزا وكانها ماتقدر تتصل باي مطعم يجيبونها لها؟فهد شها الحكي؟
فهد/سالتها اذا كانت حاطة في بالها تربط مصيرها بمصير رجال متزوج وبس؟؟
سالم/بس!!!وشنو كانت اجابتها؟؟
فهد/مااخذت منها اجابة قلت لها وقت اللي تبين تعطيني رايك قولي واذا ماتحبين تتكلمين بها الموضع لاتفتحينه ..
سالم/فهد انت شقاعد تقول بالله!!!
فهد/هذا اللي صار..انا منجذب لنجود حييل وحاس انها فاهمتني وبتريحني بس بعدني متردد بسالفة الارتباط واحس اني مافكرت فيها بالقدر المطلوب,,,,
سالم/يعني!!!
فهد/مدري..كل شي متوقف على نجود وعلى قرارها وعلى اللي بتقوله؟
سالم/نجود انت عارفها ماراح تجي وتفتح معك الموضوع مرة ثانية طالما انك مااخذت رايها بنفس اللحظة!!يعني انت اللي لازم تفتحه معها يافهد؟اذا انت تبيها خذها من اللحين وريح عمرك ...
//////////////////////////////////////////////////////////////////في بيت الفارس,,,
ام مشاري/ها مريومة وحشتينا يابنيتي ماشفناك خميس وجمعة ...
مروة/اليوم الجمعة يمه؟
ام مشاري/اقصد الاربعاء..
ام مصعب/مو كانها متغيرة شوي؟
لمياء/وش فيها؟
ام مصعب/مدري..بس احسها كانت احلى بالاول لانها كانت تشبه ابوها اللحين صايرة شبهك!!!
لمياء/يعني موحلوة؟
ام مشاري/الا قمر الله يحفظها ...
منال دخلت/ماما تعالي شوي ابيك
مروة/وش بينكم اسرار؟
منال/لا بس ابيها تقتنع بكلام ابوي حق الاجازة؟
قامت ام مشاري مع منال وام مصعب عيونها على لمياء...
ومشاري توه داخل..
مشاري/عمتي شلونك؟
ام مصعب/هلا فيك...
مشاري/وين مصعب؟
ام مصعب/انا ادري عنه هالولد؟؟يامقابل لي اخوي فهد يابداره ها اليومين مدري شفيه كل ماسالته قال مافيني شي انتي بس تحبين تبالغين بالمواضيع!!!
مشاري/يمكن صدق مافيه شي...
ام مصعب/الا فيه..وقلت له اياها اذا حاط في بالك شي شيله!!انا مو اخوي ارضى بمين ماكان ياعيوني؟؟
رفعت لمياء راسها ولقت ام مصعب تناظرها باحتقار وصار الموقف متازم رغم ان محد تكلم..
ام مصعب باحتقار/توني اتكلم مع امك عن مريوم اقولها كانت احلى لانها كانت تشبهكم كل ماجا لها تاخذ على مرتك..
مشاري/لا مريوم ماتغير شكلها ياعمتي!!
ام مصعب بعناد/بلى..بس شنسوي فيك يامشاري قايلين لك خلنا نزوجك وحدة بنت حمايل وترفع الراس هي واهلها ونسبهم بس انت ماطعت بس يمه بعدها الفرصة عندك الشرع محلل لك اربع!!
قامت لمياء المطبخ بسرعة ومروة صارت تناظر بعيون مشاري اللي كانت لاحقة لمياء وبعمتها اللي كانت تضحك بانتصار..
مشاري/عمتي شها الكلام!!
ام مصعب/بذمتك انت عاجبك وضعك!!دايم افكر فيك وتكسر بخاطري يوم يلعبون عليك ويرضون تاخذها؟؟؟؟
مشاري/هاذي حبيتي وزوجتي وام بنتي وماارضى احد يزعلها؟
ام مصعب/ومحد قال لك شي...قلنا بس تزوج عليها خل تعرف قيمتها وقدرها زين والشرع محلل لك؟
///////////////////////////////////////////////////////////
بندر/وصلت ياقلبي..
جواهر/حمد الله على سلامتك نور الشرقية كله حول على جدة اللحين؟
بندر/هههه يسلم لي الحبيب اللي يدلعني!!
جواهر/لو انت هنا كان مانقطع دلالك لحظة وحدة؟
بندر/كلها اربع شهور ونظل مع بعض بكل مكان وبجيبك معي هنا..ومابنفترق لو شيصير؟
جواهر/تصدق كنت بطلب منك طلب ونسيت؟
بندر/امريني؟
جواهر/ابيك تصور لي حياتك بجدة؟كل شي الفندق اللي انت نازل فيه ..الشركة...المقاهي.. المطاعم..الاسواق والمجمعات...كل الاماكن اللي تروحها والشوارع اللي تمشي فيها؟
بندر/على راسي..
جواهر/ابي احفظ ها الصور بالبوم خاص واكتب فيه مقال عن روحتك جدة وعن فراقنا وتعبنا ولوعتنا وسهرنا!!
بندر/ياحبي للرومنسين انا؟
////////////////////////////////////////////
(في شي مهم بالحياة)متضايقة حدي,,ملاك/وينك يالغلا صار لك ثلاثة ايام ماتدخلين؟
يانيوتن انا سر الجاذبية..نجود/كنت مع اهلي وين ادخل؟
في شي مهم بالحياة,,متضايقة حدي..ملاك/واذا كان؟؟؟
يانيوتن انا سر الجاذبية,,نجود/انا غايبة عنهم الاسبوع كله!!اذا رحت لاامسك تلفون ولااقلب بالتلفزيون اقابلهم ويقابلوني ونسولف مع بعض طول الوقت...
في شي مهم بالحياة..متضايقة حدي..ملاك/احسدهم لانهم اهلك....
يانيوتن انا سر الجاذبية..نجود/وانتي ماتقعدين مع اهلك يوم الخميس والجمعة؟
في شي مهم بالحياة,,متضايقة حدي..ملاك/لا...
يانيوتن انا سر الجاذبية..نجود/ليش؟
في شي مهم بالحياة,,متضايقة حدي..ملاك/اخواني طول الوقت طالعين وابوي مانشوفه كثير يكون سهران دايم برى البيت....
يانيوتن انا سر الجاذبية...نجود/والماما؟
في شي مهم بالحياة,,متضايقة حدي..ملاك/..موجودة....
يانيوتن انا سر الجاذبية..نجود/وماتروحون عند بيت جدك ولابيت عمك ولاقرايبينك؟
متضايقة حدي..في شي مهم بالحياة,,ملاك/لا مااحب اروح عند احد منهم ..اصلا من زمان قطعتهم؟
يانيوتن انا سر الجاذبية..نجود/ليش عاد؟
في شي مهم بالحياة..متضايقة حدي..ملاك/لانهم يكرهوني؟؟؟
يانيوتن انا سر الجاذبية..نجود/ليش؟
في شي مهم بالحياة..متضايقة حدي..ملاك/بقوم انام اللحين اشوفك بكرة تصبحين على خير..
يانيوتن انا سر الجاذبية..نجود/وانتي من اهله؟؟؟؟
نجود في بالها/دايم تتهربين مني اذا جبنا طاري الاهل ياملاك!!وكانك خايفة تقولين لي ولااعرف بسالفتك؟؟ماتدرين اني عرفت وخلصت ومحتارة كيف اكلمك واتفاهم معك!!بس لو ماالتقيت بامل ذاك اليوم كان ماشلت هم شي ؟؟؟؟؟
ناظرت بجوالها يمكن يكون فهد اتصل بس مافي أي اتصال منه ولاحتى رسالة؟؟؟معقولة صدق ينتظرها تكلمه وتقوله عن رايها!!مستحيل تفاتحه بالموضوع لازم هو يفتحه من جديد؟؟؟
دقت عليها جواهر وشالته...
جواهر/هلا..
نجود/وغلا..
جواهر/كيفك ياقلبوا..
نجود/مثل مافارقتيني وفارقتك مافي شي جديد!!
جواهر/يعني لااتصل ولادق؟؟
نجود/ولاني قادرة انا اللي اتصل فيه!!اه شقولك بس تعبانة موووت ياجواهر,,,
جواهر/اممممم هو الحب كذا يابنت العالم مايجي بالراحة لازم بالاول تعانين وبعدين تتضح الامور قدامك؟
نجود/احس نفسي شوي شوي وبنهار!!مو قادرة اصمد اكثر من كذا,,كل شي بتفكيري متعبني؟؟؟
جواهر/ماتكلمتوا انتي وعلي بعدين؟
نجود/لا بالي ظل مشغول على عبير لين صارت افضل وبعدها صارت العزومة عندك وماشفت رقعة وجهه؟؟؟بس انا ماابيه خلاص انا تفاهمي اللحين بيصير معها هي؟
جواهر/لمياء!!!
نجود/أي لمياء...
جواهر/بس مو علي قال وحلف انه ماشافها من زمان وماشافها غير يوم تجي هي مع بنتها البيت وبس!!!
نجود/ويوم العزيمة يوم عرف انها ماخذة بيت الفارس...
جواهر/طيب واذا هي قالت نفس الكلام وانها مالها علاقة فيه ابدا1!!!بنكون احرجنا نفسنا وبس يانجود؟

نجود/والله مدري كيف بفتح معها الموضوع ولا شبقول لها كل اللي اعرفه اني لازم اكلمها وافهم منها هي صدق تبيه ولالا؟لاتنسين ياجواهر ان منال ورحاب اشتكوا لي عن شرودها الدايم وسرحانها وتعبها من قبل فترة واذا جينا نربط الامور ببعض بتلاقين ان الفترة هي نفسها الوقت اللي شافت فيه علي!!!
جواهر/والله مدري شبتكون النهاية مع ها العلي؟
نجود/كلمتي بندر؟
جواهر/أي قلت له...وقلت له انه غلطان ومو عاجبني بها النقطة وبظلمه لعبير وقال انه بيكلم علي وانه مايقدر يتدخل ويسوي شي وابوي مانع الانفصال وماراح يرضى فيه؟؟؟
نجود/طيب هو مو رجال!!عاجبه يكون وضع اخته كذا!!!
جواهر/وعدني خير.....تدرين وش طلبت منه قبل شوي؟
نجود/شنو؟
جواهر بفرح/يصور لي جدة..كل شي بحياته يصوره لي؟
نجود/شلون يعني مافهمت؟
جواهر/يعني الفندق اللي نازل فيه والشارع اللي يمشي فيه والمطاعم والمقاهي اللي يروحها باستمرار والاسواق والشكرة وكل شي بجدة؟
نجود/وانتي ليش فرحانة؟
جواهر/تدرين شقلت له...قلت له اني بجمعهم بالبوم خاص وبحتفظ فيهم كجزء من ذكريات حياتنا!!
نجود بتشكيك/وانتي طبعا ماتبينهم لها الشي؟؟؟
جواهر/زين انك فاهمتني....باخذ الصور وب................................................ .................................................. ...
//////////////////////////////////////////////////////
بشقة مشاري ,,,
فتح عينه على وسعها يبي يستوعب كلامها الامعقول واللي ماتوقع انها تقوله باي لحظة من اللحظات بينهم!!!
مشاري بصدمة/لمياء...هدي عاد خل نتفاهم!!
لمياء بعصبية وهي تروح وتجي بالغرفة/خلاص السالفة اكثر من كذا مايبيلها يامشاري وهذا افضل حل لك ولي ولها!!!
مشاري/تعالي قربي تعالي...انتي متضايقة و..
قاطعته لمياء/مو متضايقة يامشاري وها الشي لازم يصير!!اليوم ولابكرة لازم يصير خلاص انا ماعدت اقدر احمل كلامها اللي مثل السم ابدا!!!زين انها مو امك لانها لو كانت شي مركد مالي حياة بعدها!!
مشاري/خلها تقول اللي تقوله!!احنا شقلنا يالمياء؟؟انا وانتي المهم شماقالوا الاهل وحكوا مانسمع لهم!!!!
لمياء/مشاري هي كلمة ومابعدها وماغيرها اصلا!!!!الانفصال افضل حل لي ولك ...خلاص بجد مافيني اصبر اكثر من كذا على ها الوضع...
تقرب منها يبي يحضنها ويستوعب زعلها وضيقها بس انها بعدته عنها بقوة
لمياء/مشاري خلاص..فكر بالموضوع وشوف وش قد انا انهنت وبظل منهانة!!!ننفصل بهدوء افضل؟
مشاري بحزن/انتي مدركة للكلمة اللي تقولينها!!ولا بس تنطقينها ومو حاسة هي تعني شنو؟
لمياء قامت تبكي وانهارت على فراشها وكانها كانت تنتظر أي مبادرة من ام مصعب علشان تقول ها الكلمة!!!!
اه منك ياعلي من شفتك وانت خارب لي حياتي وبيتي وشكلك بتهدم كل شي فوق راسي!!!
شسوي بنفسي شسوي,,,شوفة علي ردت لي ايام واشواق ماكنت حاسبة انها بترجع بلحظة من اللحظات لي!!!
وام مصعب قاعدة تضغط علي بكلامها وكانها تبي تخلصني من همي وتبي تنقذني من المشكلة اللي انا فيها وتباعد بيني وبين مشاري؟؟؟
والله مو عارفة شسوي....
كل مااشيل ذكراك ياعلي من بالي ترجع لي مثل قبل واكثر!!!!
حضنها مشاري بقوة وهو يمرر بيده فوق شعرها ويهمس لها بكلمات الحب والحنان باذنها علشان تشيل الفكرة من بالها,,,,ها الفكرة اللي ماراح يكون من وراها الا الخراب والاذية!!!!
//////////////////////////////////////////////////////
اليوم الثاني,,,,,من قبل ماتطلع الشمس وهو مو قادر مايسمع عنها خبر خصوصا انه ماشاف النوم ولاذاقه طول الليل رسل لها رسالة(ممكن اقولك صباح الخير)
انتظر فوق الساعة وماسمع أي صوت لارسالة ولااتصال وتضايق حييل...
هاذي اكيد اجابة لسؤالك يافهد!!بالعادة ترد بسرعة ..
لا بس شوف الساعة كم يعني اللحين اكيد تتحمم وتتجهز هي قايلة لي انها تاخذ راحتها وكل شي بالهون عندها من الصباح علشان كذا تقوم بدري...
انتظر يافهد بتتصل فيك..لاتقعد تجيب لنفسك ضيقة خلق......
وفعلا بعد اكثر من ساعة وربع رسلت له رسالة(توني اشوف الرسالة,,,صباح الخير)
ماصدق على الله ترسلها نزل بسرعة لمكتبه تحت واتصل فيها..
فهد بلهفة حاول يخفيها/الو..
نجود برواق/هلا...
فهد/صباح الخير,,
نجود/صباح النور...بس صوتك مبين تعبان شكلك سهران البارح ومانمت صح!!!
فهد/كيف عرفتي!!!
نجود/تقدر تقول اني فاهمة حتى نبرة صوتك؟؟؟
فهد/اه
نجود/سلامتك من الاه من ها الصباح!!
فهد/رايقة...ومبسوطة دوم ان شاءالله ولو اني افضلك زعلانة يكون فيك سحر عجيب!!!
نجود/طيب نزعل علشانك ولايهمك!!كم مرة بتطلب مني اني ازعل عاد!!!
فهد/اها...
نجود/تفضل الفطور...
فهد/بالعافية..وش طابخة لروحك من الصبح؟
نجود/والله مو طابخة شي بس طلعت لي خرابيط من هنا وهنا..قشطة على زيتون على جبن...وها الاشياء يعني...مو مهم عندي الشي اللي اكله بس اهم شي عندي الفطور يمكن عادي مااتعشى ولااتغذى بس الفطور مااستغني عنه ابدا!!!
فهد/اها..طيب وش تسوين برمضان!!!
نجود/لاتذكرني...اخذ لي وقت طويل الصباح على مااتاقلم ان مافي شي اكله من الصباح!!!
فهد/تمام..
نجود/فهد خاطرك تاكل كنافة؟
فهد/كنافة؟؟ليش تسالين؟
نجود/جاي على بالي اني اسويها اليوم....تبي؟
/////////////////////////////////////////////////////
كان متردد ...ورجله تقربه من الغرفة اللي هي نايمة فيها..
كان يبي يعرف وش صار لها..
صار له ثلاثة ايام مالتقى فيها وماكانهم عايشين ببيت واحد!!
يدخل ويطلع ولاحتى يشوف اذا هي نايمة لو ميتة لو قاعدة؟؟؟
تقرب من الباب وكانت نايمة على الكنبة ...
تنهد وطلع..
ماكان يبي يشوفها تعبانة ويحس بالذنب....هو ماكان متقصد انه يضايقها ولايزعلها..هي بنفسها سمعت ...
شيسوي اللحين اذا ظلت تعبانة كذا!!!
اووووووووف اللي مخرب السالفة نجود...لو ماكانت بالسالفة كان اهون؟؟؟ياترى وش راح تسوي اللحين؟؟اعرفها ماراح تسكت حتى لو سكتت يومين فهذا مايعني انها راح تسكت اكثر !!نجود ويعرفها زين.....وياحبها للشر؟
///////////////////////////////////////////////////////////بالفصل.......
نجود/اليوم موضوع الانشاء بيكون عبارة عن رسالة اعتذار...
نور/لمنو؟
نجود/مفتوحة.....كل وحدة بتكتب رسالة اعتذار لشخص ما.....
ممكن يكون صار موقف بينكم وها الشخص ساء الفهم وماقدرتوا توصلون له اعتذراكم شفهي ..فبتوصلونه عن طريق الورق.....
في أي شي..ولا أي استفسار؟
البنات/لا...
نجود/طيب....تفضلوا كل وحدة تختار لها شخص تعتذر منه؟
شما/اووف ليش ابلة خليها مع الافكار؟
نجود/لاياعيوني كل وحدة تختار لها شخص وبنكتب تحت اسمها هي وش اختارت وتبدي بكتابة الرسالة اللحين والحصة الرابعة بنقرا اللي كتبتوه؟
ملاك/ليش دايم تختارين الانشاء يوم السبت اذا عندنا حصتين!!
نجود/علشان تكتبونه بنفسكم قدامي بالفصل ومحد يكتب عنكم؟
مزنة/ومن بيكتب عنا عاد!!
نجود/أي احد....
نور/ابلة انتي كنتي تخلين احد يكتب لك مواضيع التعبير؟
نجود/اولا اسمها مواضيع انشاء!!ثانيا انا كنت معتمدة على نفسي ومحب احد يتدخل بواجباتي ؟؟؟؟
مروة/طيب لو ثنتين اختاروا نفس الشخص...
نجود/مافي مشكلة بس ان كل وحدة تحدد من اللحين؟
الجازي لمنو بتكتبين؟
الجازي/.........لااخوي..
نجود/مروة
مروة/اختي...
نجود/شما..
شما/لعمي
نجود/نور
نور/لاابوي
نجود/ملاك
ملاك/امي..
نجود/مزنة
مزنة/صديقتي
نجود/شيماء
شيماء/خالي..
///////////////////////////////////////////////////////////
ناصر كان ماشي بسيارته بالطريق وهو حاس اليوم بضيقة..لمتى عاد ياناصر هاذي حالتك!!خلاص انوي انك تتزوج وتشوف لك بنت حلال تكمل معها نص دينك وحياتك ..تشكيها همك وتفضفض لها بللي يجول بخاطرك...
على الاقل حياتك بيكون فيها شي جديد..زوجة تحتريك لين غبت وتحتويك لين حضرت..عيال يلعبون حواليك ويفرحون قلب ابوك وامك.....
لا ياناصر لا..انت لازم تفكر بعقل وتترك عنك طيش الشباب وهذرته الفاضية..خلاص لازم تكلم نجود والوالدة علشان يشوفون لك بنت حلال تتزوجها.....
أي بس اخاف ان حياتي تكون مثل حياة علي!!
علي هو اللي جابه لنفسه ياناصر؟؟؟؟وانت لايمكن تكون علي ولاربعه بعد!!ليش ماقلت ممكن تكون مثل بندر وكاهو ماظل احد مايدري انه يحب جواهر وانها تحبه....فكر انك بتكون مثله وبتجيك وحدة مثل جواهر تموت عليك وعلى كل شي عندك وتغير لك حياتك وروتين حياتك....
خلاص فكر بجدية ياناصر فكر...شوف كم صار عمرك..دخلت الثلاثين...يالله اعقلها وتوكل مدام انك مجهز حالك وناوي....والله بيوفقك ان شاءالله,,,,
/////////////////////////////////////////////////////////////
فهد/كلمتني اليوم ..
سالم على التلفون/صدق!!وش قالت لك؟
فهد/هو انا بالاول دقيت لها مسج وبعدين كلمتني..
سالم/طيب وش صار؟
فهد/ماجبنا سيرة الموضوع...بس لهجتها كانت مطمنتيني..حسيت انها متلهفة لي مثل ماانا متلهف لها...
سالم/حلو..بس ياويلك ياسواد ليلك يافهد اذا خربتها من جديد وقلت لها كلمة ترفع ضغطها من هنا لو من هنا!!تراها تحملتك كتثر وتحملت ثقل دمك معها فلا تجيب لنفسك البلى بكلامك اللي مو حلو؟
فهد/تصدق صرت مشتهي الكنافة من كلامها..
سالم/كنافة !!اي كنافة؟
فهد/قالت اليوم بتسوي كنافة وبدز لي..
سالم/ياعيني!!!عاد لاتنساني وانا اخوك..تراني اموت على الحلا؟؟
فهد/يصير خير...
سالم/وين بتدزها؟
فهد/مدري....ماقالت ....
//////////////////////////////////////////
نجود/ملاك طالعي بدفترك مو فيني...
ملاك/اخذ الهام من وجهك...
نجود بشدة/ملاك!!
ملاك/خلصت...كتبت موضوعي ورسالتي وانتهيت...
نجود/طيب قومي سمعينا.....
ملاك/لالالا غيرت راي ماخلصت بعدني!!
نجود/قومي اقري يالله!!خلاص تركوا اللي بيدكم وسمعوا رسالة ملاك..
ملاك بتردد قامت وصارت تناظر بعيون نجود...
نجود/يالله....
ملاك/كتبت البداية بس مانهيته؟
نجود/طيب سمعينا اللي كتبتيه..
ملاك......................................الى من كانت ضحكاتها لي شفاء..وابتساماتها دواء....الى من فتحت لي قلبها ونبض قلبي لنبضها...الى من دخلت احاسيسي احاسيسها...
اليك ياامي...
......اليك يااغلى الناس اكتب رسالتي.....التي طالما عجز لساني عن التعبير بكلمة شكر وعرفان تصف ولو جزء من صنيعها فكيف لو كانت كل كلماتي لها...
امي الحنون,,,,,,,,
في البداية اقدم لك خالص اعتذراي وعميق اسفي لكل مابدر مني...(هني تغير صوت ملاك وتعابير وجهها الي ماغابت عن نجود اللي كانت تراقبها وكانت فيها غصة ولوعة ودموع بطرف عينها)
من اساءة خاصة في ذالك اليوم الذي تجاوزت فيه حد الصواب ...
انا اعرف انني اخطاْت لكن مااتمناه ان يسعني قلبك الكبير....
امي الحبيبة,,,
اتذكر ذلك اليوم بكل حوادثه .....................بس لهنا وماكتبت شي..
قعدت بمكانها وهي تداري دموع بعينها وماتبي احد من البنات يلمحهم خصوصا ان نظرات البنات كلها كانت عليها....
نجود بشدة/يالله كل وحدة عينها بورقتها......ملاك تعالي شوي ابيك..
قامت نجود بتطلع بس ملاك حطت راسها على الطاولة وقامت تبكي بصوت عالي.....وكل الفصل لف لها..هل ممكن ان ملاك الفايز وسمعتها اللي بطالة واللي مشهورة بقلة ادبها وتعجرفها على الكل تبكي؟؟وهي اللي قبل شوي ماكان فيها أي شي ولااحد كلمها عن شي!!!
نجود تقربت منها
نجود بهمس/ملاك شفيك؟
ملاك اخذت الدفتر وشقته وشققت الاوراق اللي كتبت فيه الموضوع وسط اندهاش نجود؟؟؟؟؟
//////////////////////////////////////////////////////////////
المغرب في بيت الفارس...
منال/يمه..نجود بتدز لك كنافة بعد شوي..
ام مشاري/الله يعطيها العافية شلونها؟
منال/بخير..تسلم عليك....
مروة/ابلة هاجر مااشوفها وش فيها؟
منال/ماخذة اجازة اسبوعين,,تقول عندها شوية شغل بشقتها وتبي تخلص طالما ان زوجها اجازة؟
ام مشاري/متى تتزوج؟
منال/برمضان..
ابو مشاري اللي كان قاعد معهم/احد يتزوج برمضان!!ثقيل العرس برمضان؟
منال/هههههه ابوي معارض الفكرة؟
فهد كان بعد قاعد معهم/أي انا مع اخوي مو حلو العرس برمضان....
(كان قاعد لان نجود دزت له رسالة وقالت له انها بتخلي السايق يجيب الكنافة في بيت منال وتبيه يقعد علشان يذوقها لانها مابتقدر توصله لها في مكان ثاني,,,رغم انه كان متمني يلتقون بالمزرعة بس ماحب يفرض عليها بها الوقت ورضى بدون اعتراض)
ام مشاري/هو فيه تعب كثير وخصوصا للعروس..يعني كوافير وصيام وحالتها لله...
دخلت الشغالة وعندها صينية الكنافة ومعها دلة قهوة..
الشغالة/ماما منال هذا يجيبه سواق ماما نجود...
ام مشاري/راح السايق؟
الشغالة/أي ماما في روح...
مروة/ياسلاااااااااااام كنافة ومن ابلتي؟؟شي غير معقول؟
منال/قومي جيبي صحون بقطعها...
مروة/بجيب صحن تشيلين فيه قطعة بذوقها الجازي بكرة؟
ام مشاري/يصير خير خلنا ناكل والجازي لاحقين عليها؟
ابو مشاري/جيبي لنا معك شاي.
ام مشاري/شاي ونجود جايبة دلة قهوتها معها؟
ابو مشاري/قهوة نجود قهوة نجود وش ورانا يالله!!
وحده كان شارد ومو معهم...كان يفكر فيها وفي اللي قاعدة تسويه بها الوقت,,,وماانتبه غير على صوت منال تناديه..
منال/عمي ماذقت الكنافة كلنا اكلنا وخلصنا الا انت سرحان؟
فهد/ها...
ام مشاري//جيبي تلفونك يمه منال بكلمها......
مروة لزقت باذن امها تسمع وش تقول.......
ام مشاري/هلا وغلا فيك يانجود......شلونك يمه ...يعطيك الف الف عافية تجنن والله ..كيف بعد يكفي انتي مسويتها
...شوفي بكرة تجين مع منال غذاك عندي لاتقولين لا؟؟؟والله ازعل لو ماتجين.....لاياقلبي لا..تسلمي ..تسلمي..مشكورة عيوني مشكورة...يالله تصبحين على الف خير,,,,
دق قلبه بقوة...بكرة راح تجي عندهم هنا بالبيت...يعني بيشوفها؟؟؟حس بارتباك من اللحين..كيف بيسلم عليها وهي بنص بيته؟؟؟؟
ياهي حيرة صدق!!!!
////////////////////////////////////////////////////
لبنى بلهفة/هلا حبيبي..
عبدالعزيز بضعف/هلا..
لبنى/شلونك؟
عبدالعزيز/بخير...
لبنى/............
عبدالعزيز/شكرا لسؤالك وخوفك علي؟
لبنى/شلون وضعكم اللحين وحالكم...
عبدالعزيز/الحمد الله كل شي ربي كاتبه خير للبني ادم ومايقدر يعترض عليه؟
لبنى/الله يعديها على خير؟؟
عبدالعزيز/ان شاءالله..الوالدة بس كانت تعبانة وكنت ملزوم اكون جنبها...
لبنى/ماتشوف شر..بشر ان شاءالله طابت...
عبدالعزيز/ان شاءالله....
لبنى/حبيبي انا معك وجنبك...ابيك تفضفض لي وماتخلي شي بقلبك...انت ناسي ان احنا واحد؟؟انا انت وانت انا!!!
عبدالعزيز/لامانسيت بس ماكنت ابي اشغلك معي!!!
لبنى/لاحبيبي لاتقول كذا انا معك لو شيصير.
عبدالعزيز/يعني انتي مو متعرية مني؟؟
لبنى/وليش اتعرى منك حبيبي عاد!!!
عبدالعزيز/علشان ابوي بالسجن؟؟؟
لبنى/اولا ابوك ماسوى جريمة ودخل علشانها السجن!!!وبعدين قلت لك انا معك طول العمر لو شيصير....
عبدالعزيز/يعني اذا جيت اخطبك وابوي بالسجن ماراح ترفضين؟
لبنى بالم وهي عارفة ان ابوها مستحيل يوافق/طبعا ماراح ارفض ياعزوز؟؟؟؟انا معك وبظل معك وبتحدى كل العالم علشانك وعلشان اكون بقربك؟
عبدالعزيز/مدري شقولك يالبنى..
لبنى/لاتقول شي انا بسكر امي تناديني وبعدين بدق لك...
عبدالعزيز/طيب...
سكرت منه وقامت لاامها اللي تناديها ورجعت بسرعة لدارها..مسكت الجوال ولقت فيه مسج من عبدالعزيز(تحدوه البشر كلهم وصاروا..ضده بالهوى والله صاروا,,ولاهموا حبيبي)
تنهدت بقوة..ماتدري هي تنهيدة ارتياح ولاتعب ولا شسالفتها بالضبط؟؟
كل اللي عرفته انها حطت راسها على المخدة وقامت تبكي بحرارة وتتوسل لله يفك ازمتها وعوقها ويسهل على ابو عبدالعزيز ويطلعه من السجن,,,,
/////////////////////////////////////////////////////////
جواهر/ماوحشناكم؟
بندر/مابنقول لانكم عارفين بس تتعيرون؟
جواهر/هههه..مايحق لنا نشوف غلاتنا عندكم كل فترة والثانية؟
بندر/بلى....
جواهر/حبيبي شقاعد تسوي؟
بندر/افكر فيك..
جواهر/في شنو بالضبط؟
بندر/كيف بيكون شكلك ليلة زواجنا!!!
جواهر/امممم وبعد؟
بندر/وكيف بيكون شكل غرفتنا وشلون بنكون قاعدين والجو شلون....
جواهر/غرفتنا مايبيلها كلام مثل ماقلت لك قبل بنفسجية؟
بندر/أي بس انا قلت ابيها خشبي محروق؟
جواهر/وانا عند راي؟
بندر/ليش العناد ؟
جواهر/لا تطمن اذا على العناد انا قدها وقدود ياعمري؟؟؟
بندر/طيب في حل وسط يرضيك ويرضيني؟
جواهر/اللي هو..
بندر/نسوي غرفتين..
جواهر/غرفتين نوم بالشقة!!وش ها الجنون يابندر؟؟؟
بندر/ههههههه
جواهر/عليك افكار جهنمية...
بندر/سمعي ...نسوي غرفتين..وحدة بنفسجية تكون لك.
جواهر/والثانية بنية وتكون لك؟
بندر/والليلة اللي انتي تبيني بتقعدين بغرفتك والليلة اللي انا ابيك اقعد بغرفتي!!!ها وش رايك بالفكرة؟
جواهر/اممم بس تفتكر يابندر من فينا بيطلع من غرفته!!!
/بندر/هههههههه
جواهر/هاذي بتبعدنا مابتقربنا!!كل واحد يبي الثاني بقوة اكبر من اللي عند الثاني...واذا ظلت السالفة على ها الحساب معناته بنام بغرفنا بروحنا؟
بندر/طلعت علينا الفكرة بالرادي؟؟؟يالله نجرب غيرها؟
جواهر/لاتكفى انت افكارك مدري من وين تجي؟
بندر/هههههههه
جواهر/اقول تصبح على خير واحلم احلام سعيدة وانت تتخيل شكل غرفتنا البنفسجية شلون بيكون طيب؟؟
بندر/ههههههههه
///////////////////////////////////////////////////////
اليوم الثاني الضهر في بيت الفارس....
ام مشاري/حيا الله نجود..شلونك يمه
نجود/الله يسلمك ياخالتي...
ام مشاري/انا قلت بتجين مع منال..ليش تاخرتي؟
نجود/رجعت البيت وتحممت وتجهزت وجيت..
منال/توريك كشختها يعني؟
ام مشاري/هذا بعد بيتك يمه ليش مو بيتك ؟
نجود/تسلمين ياخالتي....
منال/ها نحط الغذى؟
ام مشاري/بكيفكم..
منال/طيب وين نتغذى؟
ام مشاري/بكيفكم تبون بالمجلس ولابالمطبخ ولا بالحديقة شوفي نجود وين تبي؟
/////////////////////////////////////
في قسم فهد..
كان قاعد مع نجلاء يسولف وهو حاس بارتباك مو طبيعي..نجود على بعد كم خطوة منه بس...
بس شلون يشوفها ولا يتكلم معها..قالت له الصبح انها تبي تشوفه لو لمحة سريعة ..وهو مايبي يغالط نفسه بعد..متمني يشوفها...
لمى/ماما شوفي..فيصل ..
نجلاء/شفيه؟
لمى/لازق حاله بنجود صاحبة منال ومخليها تعلمه الحروف؟
نجلاء/وانتي وش عليك منه؟
لمى/هم بيتغذون اللحين...وهو مو مصدق عطته وجه وقالت له تعال حبيبي راح يركض!!
فهد/روحي قولي له ابوك يبيك؟
نجلاء/خله هناك وش عليك؟
فهد/أي بس هو قاعد مع ضيفتهم مو معهم!!
نجلاء/ويكون مع نجود وش فيها ذي بالله..خله يروح لنجود ومن ماسكه اصلا!!انا ماعندي مانع يقعد معها وتعلمه اعرفها حبوبة ..
فهد/وليش ماتمسكينه انتي وتعلمينه بالله!!!
/////////////////////////////////////////////////////
نجود/اكرمكم الله واغناكم...
منال/قايمة اسوي لك قهوة..
نجود/تعالي بسالك ,,,لمياء مو هنا؟
منال/بشقتها؟
نجود/كلميها تجي تسولف معنا من زمان عنها..
منال/خلاص بدق لها وبشوف..
نجود/خذي راحتك ولاتستعجلين انا معي فيصل يخاويني...
منال/هههه
فيصل/ليش تضحكين بالله!!
منال/ولاشي يابابا ولاشي..
طلعت منال من المجلس واللي كانوا فاتحين الباب اللي يطل منه على البركة وبسرعة دقت مسج لفهد تقوله يطلع تبي تشوفه..
فيصل/انتي لمنو تكتبين؟
نجود/لصديقتي؟عندك مانع!!
فيصل/لا اروح اجيب باقي اوراقي علشان تعلميني؟
نجود/روح..
طلع فيصل وبقت لمى....

نجود/انتي قلتيلي باي فصل؟
لمى/خامس...
نجود/شاطرة بالمدرسة ؟
لمى/أي..
لمى شافت ابوها عند البركة اللي كانت قريبة من الباب/بابا..بروح لعنده,,
لفت نجود وشافته ...
طلعت لمى وظلت بمكانها ماهي قادرة ترفع عينه عنه وفيصل انقذها بذيك اللحظة يوم دخل وعطاها اوراقه...
كانت حاسة انه يناظرها خصوصا ان لمى دخلت والله اعلم بامر منه,,
كانت رافعة ورقة فيصل وهي تناظره من فوقه والتقوا نظراتهم في بعض,,,
وحست بشي رهيب بداخلها..شي ماهي قادرة تحدده شنو؟
ماحست بنفسها الا وهي تتنهد وتتكلم بقوة وكانها قاصدة تسمعه..
كذا من ربي حبيته...
بسرعة يوم لاقيته..
ياناس اللي تمنيته..
اخيرا صار محبوبي..
فهمته وهو فهمني
قبل حتى يكلمني..
لقيت اللي ينادمني..
دوبي هم كذا دوبه..
حبيبي وشمعة ايامي..
هواي وكل احلامي..
سكنت بعيوني الثنتين..
وين ماروح قدامي...
امير الذوق والرقة..
ولو يتباهى من حقه..
ولو جا للحلى والزين
ترى حبيبي ماخذ حقه!!
////////////////////////////////////////////////

 
 

 

عرض البوم صور بياض الصبح   رد مع اقتباس
قديم 19-08-10, 06:50 AM   المشاركة رقم: 17
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

---البارت الثلاثين---
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
,,,,,كانت عيون فهد بتطلع من مكانها من كثر ماكان قلبه يدق بسرعة وهو يسمع صوتها الشجي يتغنى ويشعر ويقصده!!اي كانت تقصده هو ...كيف مايدري ونظراتها من فوق الورقة اللي ماسكتها قاعدة تذبحه بالهون!!
شسوي فيك ياقلبي شسوي؟؟؟ليش حبيتها بس!!!
وده يروح لها ويقول لها بس يانجود بس,,,انتي قاعدة تثيرين فيني مشاعر ماتت من زمان وماقدر احد يحتضنها!!
بس يانجود كافي لاتعذبيني وتصغريني بعين نفسي كل مافكرت بعمري وعمرك !!!!
تكفن لاتعلقيني كذا انا مقدر على كل ها المشاعر اللي تثيرينها فيني كل ماسمعت صوتك يصدح,,,,
كانت هي بعد تناظره وبعيونها الف كلمة وكلمة تنقال,,,
تمنت العالم يوقف عند ذي اللحظة ويتجمد وتركض لها واشواقها توصل قبلها!!!
كان ودها تقوله بس ياعمري لاتعذبني بنظراتك,,خلني بقربك وغرقني بحنانك المكنون بعيونك,,,
ودي اشوف الحب والحنان اللي انت خاشهم بقلبك ومو معطيهم لااحد!!
كان ودها بجد تنادي وتصرخ باسمه باعلى صوتها وتسمع العالم كله انها تعلقت فيه وحبته بسرعة وبدون مقدمات ولامبرارت!!لان هذا هو الحب,,اللي يجي بعمى منا وبدون تخير ,,,
بس توقفت افكارها صدق يوم صرخ فيصل باذنها
فيصل/وين سرحانة انتي صار لي ساعة اناديك!!!
نزلت الورقة اللي كانت مسويتها حجة وهي تناظر فهد من وراها ولفت على فيصل وقالت بهدوء/علامك تصارخ؟
فيصل بضيق/من زمان انا اكلمك؟
نجود/معليش سرحت شوي...
فيصل/وين؟
نجود/فيصل قوم سكر الباب هذا وسكر وراه الستارة...
فيصل/ليش؟
نجود بحزن/احسن علشان اخذ راحتي بالقعدة واذا مر احد مااتغطى.....
فيصل/طيب...
حمدت ربها يوم ان فيصل قام يسكر الباب كان فهد مشى من زمان!!!
كذا احسن اللحين بتجي منال وماتقدر تحرم عيونها من شوفته..بس اذا تسكر الباب بتهداْ عواطفها شوي بقلبها.....
/////////////////////////////////////////////////////////
هنوف/عبير
عبير/نعم..
هنوف/شلونك
عبير/بخير
هنوف/صار لك يومين ماتجين البيت وش فيك؟
عبير/ولاشي بس كانت عندي شغلات بالبيت وخلصتها؟
هنوف/امممممم لبنى كانت تعبانة بها اليومين؟
عبير بخوف/شفيها؟
هنوف/مدري حرارتها عالية ومصخنة...
عبير/يمكن شاربة شي بارد...اللحين الجو شتاء وكل شي يضر,,
هنوف/ماظنتي..فيها شي مخبيته..
عبير/شلون يعني؟
هنوف/هذا اللي حايم بقلبي ومو قادرة اعرفه....
عبير/وانتي وش اللي يخليك متاكدة كذا!!
هنوف/السالفة بدت يوم الخميس يوم تخلي ناصر يودينا المارينا على اساس انها بتشتري شي...مااخذت لها عشر دقايق الا ودقت علي ادق على ناصر ..نزلت لقيتها قاعدة وتبكي من ورى غطاها بس حسيت لها انها تبكي,,ومافي يدها اكياس اصلا!!!
وظلت طول اليوم مسكرة على روحها الباب ويوم ثاني تعبت وارتفعت حرارتها...وبالليل كانت تسولف هي وبندر وكان يواسيها بس شنو السالفة بندروا طلع نذل وماعلمني شي؟
عبير/....صدق دنيا اختي ومايفصلني عنها شي وماادري انها تعبانة....حاسة اني مقصرة حييل ياهنوف؟
هنوف/وليش ها الاحساس عاد!!انتي تزوجتي ومو ملزومة تنطين عندنا كل شوي تشوفين اخبرنا!!!
عبير بشرود/اممممم
هنوف/انتي شسالفتك..ودي اعرف اللي بينك وبين علي؟
عبير/هنوف ممكن ماتفتحين الموضوع مو حابة اتكلم فيه؟
هنوف/براحتك...عبير يمكن انتي تعتبرين صغيرة ومو قد اني تصارحيني بمشاكلك بس تاكدي ياختي انك وقت اللي تبي تتكلمين وتفضفضي انا بكون جنبك واسمعك وش مابغيتي تقولين....
وبنظل خوات وحبايب طول العمر ولاعمر احد يقدر يفرقنا ياعبير,,,,
/////////////////////////////////////////////////////
نجود بهمس/امك مو على بعضها يامنال؟
منال تنهدت وقالت بهمس/لمياء ومشاري متهاوشين مع بعض؟؟؟
نجود فتحت عيونها على وسعها /من متى؟
منال/صار لها يومين يقول مشاري انها تبي تنفصل والفكرة معششة في بالها...
ماتدري ليش نجود حست بالخطر ساعتها وبعد ها الكلمة وردتت ورى منال/تنفصل!!!!!
منال/أي...رغم ان المشاكل من زمان موجودة بين عمتي ولمياء بس ها المرة الظاهر ان لمياء طفخ كيلها والمشكلة ابوي مو راضي أي احد فينا يتدخل بالسالفة ويصلح الموضوع يقول مشاري رجال وقادر يحل اموره بنفسه..
نجود/لحظة..لحظة!!!وش يدخل عمتك بانفصال مشاري ولمياء!!
منال/مو عمتي ماتحب لمياء وكل اسبوع لها زعلة من عمتي وها المرة الظاهر تاثيرها كان كبير ..
نجود بتشكيك/انتي متاكدة انها حاطة الفكرة في بالها علشان ها السالفة بس!!
منال بثقة/أي..مشاري ولمياء حياتهم هادئة وسعيدة ومافي أي شي معكرها..غير عمتي!!!!

نجلاء/مرحاب نجود..
رفعت نجود راسها وشافت نجلاء قدامها..حست بالارتباك منها بس سرعان ماانشالت الفكرة من بالها ووقفت بثقة تسلم عليها..
نجود/هلا والله...
نجلاء/زمان عنك شلونك؟
نجود/بخير..
منال/ماطلعتي فيصل يقول بتطلعين وماتبين تتاخرين؟
نجلاء/أي غيرت راي..
فيصل /شوفي...
نجود/خطاْ!!كم مرة قلت لك مو كذا يكتبونها؟؟
فيصل/اوووف ليش خطاْ تعبت وانا اكتبها...طيب هاذي ليش صارت صح...
نجود/شوف فيصل كل حرفين باللغة العربية اخوان ويشبهون بعض مثل لمى وسارة ..مو لمى وسارة يشبهون بعض؟
فيصل/أي..
نجود/كذا اغلب الحروف العربية يشبهون بعض...الباء والتاء والثاء ثلاثة اخوان..الدال والذال هم بعد اخوان..الراء والزاء..اخوان..الحاء والخاء والجيم اخوان بس شلي يفرق بينهم؟
فيصل/شنو؟
نجود/ان في واحد منهم كريم وفي واحد منهم بخيل!!
يعني مثلا الحاء والخاء...مثل بعض بس الحاء بخيل ماوراه شي بس الخاء كريم عنده نقطة فوقه....
يصل/امممم ومتى بنوصل لحرفي؟
نجود/اول وش اسمه حرفك؟
فيصل/مثل حرف البابا؟
نجود/عارفة مثل حرف البابا بس شنو؟
فيصل/مدري....
نجود/حرف الفاء...كذا يكتبونه شوف..
نجلاء تكلم منال/ساكب معها ورايق..
منال/اشوفه مو معتقنا من قعدنا....
نجلاء/وي ان شاءالله تعلمه الحروف وتفكني منه؟
منال/بتعلمه الحروف بس مابتعلمه كل شي يانجلاء؟؟
نجلاء/اهم شي يتعلم اللحين الحروف وبعدين يصير خير؟
//////////////////////////////////////////////////////////فوزية/مصعب ممكن نقعد نتكلم مع بعض شوي؟
مصعب/اجازة اليوم؟
فوزية/لابس اخذت نص دوام بس قلت ابي اتكلم معك؟
مصعب باهتمام/خير في شي..ناقصكم شي..؟
فوزية/أي..ناقصنا!!
مصعب/وش تبون؟ليش ماقلتولي اللي ناقصكم..
فوزية/تعرف وش ناقصنا يامصعب؟؟؟ناقصنا وجود مصعب بينا!!وجود مصعب اللي ماصار يقعد معنا مثل اول ولايسولف ...اللي تسكرت بعيونه الدنيا مرة وحدة!!!!
تنهد مصعب ووقف قبال النافذة وقال بحزن/ممكن ماتفتحين الموضوع انا احاول انساه؟
فوزية/اخوي اسمعني انا ابي اريحك..
مصعب/ماتمنيت اعرف ها الشي يافوزية ابدا!!ليتني ماعرفت منهي نجود من جواهر ؟؟كان بعدني عايش باحلامي الوردية يافوزية؟
فوزية/شرع الله يامصعب بتعترض عليه!!!
مصعب/لا بس..
فوزية/مجرد كلمة بس تعني اعتراضك؟
مصعب بالم/ماعمرها وحدة دخلت مزاجي ابدا طول حياتي!!اصلا حتى مافكرت بها الشي ولا بالحب وبسوالفه لين شفتها!!تتصورين كيف يجي الحب بدون مقدمات ولااستئذان يافوزية!!!هي بعد جتني من باب الحب نفسه وبدون استئذان سكنت قلبي وعلقت بافكاري وصارت تلعب بمشاعري!!!
مو قادر افكر في انها لاانسان غيري سبقني واشترى رضاها وودها,,مو قادر افكر باني خسرت خسارة ماعاينتها ولا حتى قدرت استوعب فكرتها!!
راحت قبل لاتجي!!طلعت قبل لاتدخل!!تبخرت قبل لاتكون,,,,
فاهمتني يافوزية...حلم وسراب ممزوجة بواقع وخيال.,,,
مدري كيف اوصف لك شعوري ومدى معاناتي,,,,
تنهدت فوزية وقالت بالم وهي تشوف حال اخوها/انا فاهمتك يامصعب بس لازم تعرف ان كل شي بالكون يمشي بامر الله وما حد له عليه أي اعتراض!!ماهي قدرك يامصعب..لو كانت تاكد انك كنت بتاخذها....,,
//////////////////////////////////////////////////////
مشاري/لمياء صدقيني انتي ماخذك القهر والضيق وقاعدة تفكرين بضيق!!!
لمياء/ماعدت اقدر اتحمل ها الوضع اكثر,,اذا تحبني وتهمك كرامتي يامشاري خلنا ننفصل بهدوء وبدون وجع راس!!
مشاري/معقولة تقولينها بدون ماتشكل عندك أي شي يالمياء؟؟
لمياء تنهدت وسكتت..
مشاري/سكةتك بس يعني ان انتي مو مقتنعة ولا حتى واحد بالمية!!بس منقهرة وتقولينها بقهر!!!
لمياء بعصبية/هي وش مفكرة حالها بالله!!!
مشاري/ماعليه يالمياء ماعليه انتي اعقل واحكم واحلم!!
لمياء/لا يامشاري لا..تعبت!!نفذ صبري خلاص؟؟
مشاري بتعب/اهون عليك!!!!
لمياء/.............
مشاري/شفتي اني مااهون عليك بس هاذي الافكار كلها متجمع عندك من ضيقة الخلق والقهر!!
لمياء/ماراح اتحمل اكثر يامشاري صدقني؟؟اذا لي كرامة وتبيني اظل مكرمة معززة بعينك خل كل واحد يعيش حياته بدون الثاني!!
مشاري/انا مقدر؟؟؟اقولها لك وبكل استسلام مقدر ياعمري مقدر.....
لمياء/وانا تعبت...كل ماشافتني قالت مسكين مشاري وحظه اكشر اللي رماه عليك وخذ لك من ها الكلام اللي ماينتهي؟؟؟مشاري انا حبيتك؟؟؟وحبيت اهلك لاني حبيتك؟؟؟مايصير ترضى بعذابي اكثر من كذا!!
مشاري بتاْثر/وانا بعد حبيتك وبظل احبك لااخر عمري....واذا انتي مفكرة ان انفصالنا بيريحك غلطانة ياقلبي غلطانة!!انفصالنا بيكون بداية عذاب لي ولك ولمريم!!وانتصار لعمتي وبس!!!!
لمياء/.............................
مشاري/حبيبتي انا معك...صدقيني معك وماراح اتخلى عنك بلحظة من اللحظات.....
///////////////////////////////////////////////////////////////مروة/راحت خلاص؟
مي/أي..
مروة/عطرها يجنن..
منال/ليش ماجيتي سلمتي عليها؟
مروة/علشان اموت؟؟
مي/انا سلمت ومامت؟؟
مروة/لانها ماتدرسك لكن لو تدرسك كان متي من زمان!!!!
لمى/منال شوفي فيصل قاعد يكتب الحروف يقول نجود قالت له بتزعل منه لو ماعرفهم لازم يعرفهم ويصير اشطر من احمد...
منال/الله يهداه..اخوك يجي بالسياسة بس امك ماهي عارفة له قدر؟؟؟
لمى/انا احب نجود دايم اذا شافتني تقولي انتي حلوة ونعومة؟
منال/بس انتي فعلا حلوة ونعومة وهي ماتجاملك!!!
لمى/هي بعد حلوة وصوتها حلو....
مروة/منال شصار على مشاري ومرته؟
منال/بعدين..
مي/انا مو صغيرة قولي ابي اعرف وش صاير؟
منال /عيب مايتدخلون بسوالف الكبار ياماما..
////////////////////////////////////////////////////////
فوزية/متضايقة حدي..
محمد/من شنو ياقلبي....
فوزية/مصعب اخوي...تاعبني حاله؟
محمد/وش فيه مصعب؟
فوزية/شقولك يامحمد...
محمد/قولي انا اسمعك ياقلب محمد...
فوزية/حب وحدة ...
محمد/ياعيني...انا معه قبل لاتكملين السالفة؟
فوزية/حبها بدون مايعرف حتى اسمها شنو؟
محمد/الاسم ماهو مشكلة ....وش المشكلة؟
فوزية/انها طلعت مخطوبة؟؟؟
محمد/ياحررررررررراااااااام...
فوزية/صعبان علي حاله ...تفكيره كله فيها ومو راضي يشيلها من باله...
محمد/طيب ليش ماقالت له؟
فوزية/هو عمره ماكلمها يامحمد..اصلا ماشافها غير مرتين بس!!!
محمد/انا حاس فيه يافوزية...الحب صعب,,,مهما قال الواحد مايقدر يعبر للاخرين ولايوصل لهم شعوره....
//////////////////////////////////////////////////////////////
نجود/شلونك..
فهد/تمام..
نجود/مشغول ولافيني اخذ من وقتك شوي واسولف معك؟
فهد/خذي راحتك...انتي وينك؟
نجود/بالشقة..
فهد/من زمان رجعتي؟
نجود/يعني ساعة الاربع كذا...
فهد/حلو...نور البيت بوجودك..
نجود/منور فيك...
فهد/عسى مااذوك العيال..
نجود/يجننون الله يخليهم لك وتفرح فيهم ان شاءالله....حتى فيصل وعدني بزيارة علشان نكمل باقي الحروف..
فهد/هذا اللي قاصر بعد!!!
نجود/وش فيها ليش معترض؟
فهد/ليش يجيك؟
نجود/اتسلى معه وبالمرة يتعلم مدام انه متقبلني....
فهد/أي بس انا مو موافق,,,
نجود/بترجع!!
فهد/لشنو؟
نجود/لااسلوبك الاستفزازي!!!!
فهد/(تذكر كلام سالم وانها ممكن بعد ها المرة تتركه نهائيا لو ضايقها بالكلام وغير الموضوع علطول)
متى طلعتي من عندهم..
نجود/عارفة انك تبي تغير الموضوع؟
فهد/ليش؟
نجود/لانك سالتني ها السؤال اول ماكلمتني؟؟؟
فهد/..................
نجود/طيب نغير السالفة وش ورانا!!!
فهد تنهد وقال بضعف/دق قلبي اليوم بشكل مو طبيعي!!
نجود بهمس/يوم شفتني؟؟
فهد/متى بنشوف بعض مرة ثانية!!!
نجود/مدري....انت وش عندك اليوم؟
فهد/بطلع مع مصعب بشوف شفيه؟
نجود/ليش شفيه؟؟
فهد/ضايق خلقه ومتاْزم وتعبان!!
نجود/ليش؟
فهد/في غيرها..صاحبتك جواهر؟؟
نجود/........................
/////////////////////////////////////////////////////
بندر/وينك ساعات على ماتردني؟
جواهر/اسفة ياقلبي والله اسفة بس خبك اراكض ورى مستقبلي..
بندر/أي مستقبل؟؟
جواهر/توني متهاوشة مع محمد اخوي؟
بندر/خبري فيكم مسالمين مع بعض!!وش اللي صاير؟
جواهر/يبي يخرب علي الاجازة؟
بندر/أي اجازة؟
جواهر/الاسبوع الجاي اجازة المدارس....
بندر/ولاتعلمون ولاتقولون ابدا!!!
جواهر/يالله عاد بندر كل العالم يدري بس انت!!!
بندر/شسوي في نفسي انا اذا ماكنت ادري....وين مقررة ان شاءالله؟
جواهر/مافي مكان محدد بتكون متنوعة ...
بندر/اقول انا اللي بخربها!!
جواهر/كيف؟؟
بندر/اشتغلي بالشقة ياباب؟؟؟ماباقي شي على العرس؟
جواهر/ماراح اشتغل بروحي بنشتغل فيها مع بعض,,,ماابي اركض عليها بروحي وانت ماتدري وش اللي صاير فيها؟
////////////////////////////////////////////////////////////بعد صلاة المغرب في الرياض..
محمد/ها ماصارت نفسيته افضل اللحين بعد ماتكلمتوا!!
فوزية/ابدا!!بس طلع مع خالي فهد..
محمد/ليش عمي فهد يدري عنه!!
فوزية/الحقيقة أي...
محمد/ان شاءالله عمي يتكلم معه ويفهمه ان كل شي قسمة ونصيب......اقول حبيبي وين ناوي نسكن اذا تزوجنا؟
فوزية/انا ماعندي مانع نسكن باي مكان تبي؟
محمد/يعني عادي تسكنين عند اهلي!!
فوزية/وش فيها اذا سكنت عند اهلك؟؟؟خالي واحبه واموت فيه وامك مربيتني من الصغر وخواتك انا كل اسبوع قاعدة معهم,.,,صدقني ماعندي أي مشكلة من ناحية السكن!!
محمد/طيب كيف مخططة على العيلة اللي بنجيبها؟
فوزية/شوف انا احس انهم اذا صاروا قليلين مشكلة..واذا صاروا كثيرين بعد مشكلة؟؟
محمد/هههههه والحل!!مانجيب شي؟؟
فوزية/هههههه
محمد/انا اشوف ان ولدين وبنت حلوين...
فوزية/وليش البنت بروحها بالله!!!مايصير ..
محمد/علشان البنوتات حلوين يتدلعون...
فوزية/ياسلااام مدام هاذي نيتك مافي بنت وحدة بنخليهم ثنتين لو ثلاث!!
محمد/ها..اشوف كبرت العيلة يابنت العمة!!!
فوزية/شسوي فيك انت اغراضك مو شريفة ابدا!!وبتسوي منازعات وحروب مابينهم وبتشعل الغيرة...خلهم كذا افضل بلا وجع راس,,
محمد/ههههههههه
فوزية/ههههه
محمد بهمس/فوزية انا احبك,,,,,
//////////////////////////////////////////////////////
في بيت السبيعي..
ناصر/ياخالتي...يا بنات...ياعالم ترى الجو بارد لاتوقفوني....
البيت من دون شي لازم هنوف اللي تفتح الباب وتشوف منو فمابالك بصوت ناصر طيران علشان تجيب عبايتها وتعرضت لاالف حادث وحادث خلالها بس مايهم,,,,,

هنوف/هلا ناصر,,
ناصر/نايمين؟؟؟ليش موقفين ساعة وبعدين وينها شغالتكم ماتفتح!!
هنوف/هههه انا قايلة لهم محد يفتح الباب غيري هههه وهم يخافون يقربون من الباب لااتوطى فيهم بعدين!!
ناصر/ياسلام معناته ميتين بالصيف وباتلشتاء!!!
هنوف/هههههه
ناصر/صدق عليك اشياء مجنونة...
هنوف/وش عندك..
ناصر مد يده وعطاها الكيس.../عطيه خالتي اشتهيته لها...
هنوف/شنو هذا؟
ناصر/كشري..
هنوف/وليش اشتهيته لاامي يعني!!
ناصر/امك امي ماعندي فرق بينهم ماربتني وانا صغير..؟
هنوف/بلى
ناصر/خلاص ليش تسالين بعد!!!
هنوف/ليش مااشتهيته لاابوي مثلا!!
ناصر /شسوي بعد رجال قلبونا ماتحن الا على الحريم وبس!!!
هنوف/كل الحريم؟؟
ناصر/لاطبعا فئات مختارة!!
هنوف/ههههه العن ابو النذالة!!!!
ناصر/ههههه هاذي الحقيقة ليش مو عاجبتك؟
////////////////////////////////////////////////////////
في جدة,,,
بندر بتردد/ودي اخذ اجازة..
دلع وهي تلعب باظافرها/ليش؟
بندر/...........يعني ليش الناس تلخذ اجازة..علشان تريح وتقعد تحت اهلها,,
دلع/.....ومن قال انك تعبان اصلا!!!
بندر/...........
دلع/.........
بندر/.............
دلع/اها فهمت اللحين ليش تبي الاجازة اسبوع بس!!علشان ست الحسن والدلال بتكون اجازة صح!!وتبون تقضونها سوا!!!!حريمتك ماراح تروح لها!!
بندر/ليه؟؟زوجتي ومن حقي؟؟؟
دلع باحتقار/صح زوجتك ومن حقك!!!!!بس اجازة مافيه..والا انت مفكر الشغل لعبة يابابا!!!
بندر/دلع...تراني حددت مع جواهر موعد الزواج؟
دلع ناظرته باهتمام وقالت بقوة/ومن قال لك حدد اللحين!!بعدها ماصار الوقت المناسب ..
بندر/باقي خمسة شهور على عرسنا,,
دلع/انت مجنون تتزوج اللحين..طيب وبتجيبها معك هنا...انت ناوي على نفسك وخراب بيتك!!!تدري عاد الحق علي اني ساكتة للحين وماسويت شي..بس انت ناوي تجيب ليلها ونهارها ,,,,
بندر/انتي طلعي منها وكل شي بيكون تمام ...
دلع/بنشوف كيف بتصرفها....
//////////////////////////////////////////////////
اخر الليل,,,,
فهد/ماابي اتعود على ها العادة؟
نجود/أي عادة؟
فهد/اني ماانام الا اذا سمعت صوتك!!
نجود/بذمتك انت ماتقدر تخلي اليوم كله بدون ماتنرفز اللي حواليك؟
فهد/ماقصدت شي..
نجود/بعديها بس بكيفي!!
فهد/..............
نجود/كلمني عن نفسك اكثر ودي اعرفك بقوة؟
فهد/ليش؟
نجود بهمس ضعيف/علشان احبك اكثر!!!!
فهد/..................
نجود/..................
فهد/.............
نجود/..........
لحظات صمت ثقيلة مرت بينهم قطعتها نجود...
نجود/طيب نغير الموضوع..
فهد بضعف/انتي وش تبين تسوين فيني بالضبط؟
نجود/ولاشي غير اني اجبرك على حبي!!
فهد/ليش الحب يجي بالاجبار؟
نجود/المشكلة ان الحب ماايجي بالاجبار يافهد,,,بس انت كل شي باين بعيونك وباخل تقوله!!!
فهد/.........نجود انا..انا احس ان كل لحظة تمر تعلقني فيك زيادة!!!
نجود/وانت صورتك ماتفارق بالي وخيالي لحظة يافهد؟
فهد بضعف/بس انا متزوج وعندي عيال!!
نجود بعصبية/وبنفس الوقت منت مرتاح بعيشتك وحياتك!!!فهد شفيك.؟.ليش تبي تحسسني ان كل شي بينا غلط!!عارفة انه غلط بس صدقني مو قادرة اطلع من ها الغلط اللي احنا فيه,,انت بنفسك منت قادر تتنازل عنه فلا تطلب مني اني اتركه الله يخليك!!!
///////////////////////////////////////////////////////
اليوم الثاني بالمدرسة,,,
كانت ملاك تتمشى بين الممرات وماحضرت ولا حصة حتى حصة نجود ترددت انها تحضرها بس بالنهاية ماحضرتها وظلت تمشي بعيد عن فصلها لين شافتها نجود ونادتها..
نجود/ملاك..تعالي هنا!!
مشت لها بسرعة..ووقفت قبالها وماقالت شي...
نجود/انتظرتك امس تشبكيني بس مادخلتي!!
ملاك كانت واقفة بقمة الهدوء وزين انها ابتسمت وقالت بضعف/نمت بدري البارح...
نجود/افتقدتك ..
ملاك بفرح/جد!!
نجود/اممم كنت بسولف معك...على العموم انا باخذ رقمك بعد شوي عطيني اياه طيب؟
ملاك بفرح باين/جد؟؟؟
//////////////////////////////////////////

--- البارت الواحد والثلاثين---
,,,,,,,,,,,,,,,,,,,,,,,,,,,,,,,,,,,,,,,,,
نجود/أي..في كلام ابيك تسمعينه مني وابي افهم بعض الشغلات منك؟
ملاك تلاشى فرحها وقالت بتردد مصحوب بخوف/شي مثل شنو؟
نجود/اذا كلمتك قلت لك..
ملاك/طيب......
/////////////////////////////////////////////////
عبدالعزيز/اليوم برد الدوام انتهت اجازتي..
لبنى/توكل على الله..وماكو غير الخير ان شاءالله...
عبدالعزيز/دعواتك لي يالغالية...
لبنى/الله يوفقك ويسهل لك دربك ويفرج عنه وتفرحون فيه...
عبدالعزيز/ان شاءالله...انا اليوم بروح مع اخواني وبنكلم وجهاء المنطقة علشان لو قدروا يكلمون اصحاب الشان يعطونه فرصة....
لبنى/...........
عبدالعزيز/......شفيك..
لبنى/ولاشي...
عبدالعزيز/تحسين ان اللي بسويه عيب؟
لبنى/لا...
عبدالعزيز/احسك ماعجبك كلامي؟؟؟
لبنى/كل اللي بتسويه من حقك ولايهمك أي شي طالما انك مقتنع فيه؟
عبدالعزيز/يمكن انتي تعتبرين اللي بسويه عيب ولا فيه احراج بس انا لازم اسويه...
لبنى/حتى لو كان عيب انا ابيك بعيوبك كلها وراضية ومقتنعة فيك؟؟؟
عبدالعزيز/يابعد عمري يالبنى..عسى الله مايحرمني منك؟
لبنى/ولايحرمني منك.....
///////////////////////////////////////////////////////
فهد/مخططة على شي بالاجازة؟
نجود وهي تتمشى بساحة المدرسة/للحين لا..بس اتوقع اول ماارجع بتكون اجازتي منسقة وجاهزة وماعلي الا التنفيذ بعد الموافقة عليها!!
فهد/مشاءالله..وطبعا الفضل يرجع لجواهر وهيا؟
نجود/وفي غيرهم يفكرون عني ويخلوني ارتاح!!
فهد/مو قلتيلي ان جواهر حددت زواجهاّّ!!
نجود/أي بعد خمسة شهور..
فهد/يعني بتكون لاهية بتجهيزها وشقتها وماهي بفاضية لك؟
نجود/وانت على بالك بتجهز بروحها!!اكيد اني بكون معها؟؟؟
فهد/قلت لمصعب امس ان زواجها قريب ؟
نجود/ليش قلت له؟؟كذا تخليه يفكر فيها اكثر,,خلاص لاتفتح سيرتها قدامه وخليه ينسى!!
فهد/لازم يعرف علشان لايحط لنفسه ولاخط رجعة بسيط,,,
نجود/اذا هذا رايك فاكيد انه بيكون صح ومااقدر اقولك شي....
فهد/طيب اليوم طالعة مكان هنا ولا هنا؟
نجود/لا مااتوقع بعد سالفة امس اذا مالي شغل مو طالعة..
فهد باهتمام/أي سالفة؟؟؟
نجود/واحد سخيف كان ماشي ورانا واذانا طول الطريق..
فهد بعصبية/ياسلاام!!!وليش ماقلتيلي حضرتك بوقتها؟؟
نجود/وش فيها من اهمية عاد!!
فهد بنفس العصبية/فيها انك ماتطلعين من الشقة الا باذن مني !!سامعة ولالا؟؟
//////////////////////////////////////////////////////////////////
في بيت الفارس,,,,
فيصل/انا ابي القيم بوي الجديدة والبلاي ستيشن الجديدة ...
سارة/انا كل شي مو موجود هنا ابيك تشترينها لي علشان اتفاخر قدام البنات!!وبعدين ماابيك تجيبين لمي مثله ؟؟ابي لي بروحي؟؟؟
نجلاء/على راسي..
لمى/وانا ابي العاب وابي عرايس....
نجلاء/أي بس ها مااوصيكم ياسارة ويالمى على فيصل....
سارة/قولي ليهم لايعاندوني انا الكبيرة؟؟؟؟
نجلاء/لا هم بيسمعون كلامك وبيطيعونك علشانك الكبيرة.....واذا ماطاوعوك كلميني من هناك علشان ارد الهدايا اللي اشتريتهم!!
فيصل باستسلام/خلاص انا ماراح اسوي شي لين استلم الهدية؟؟؟
نجلاء/شاطر حبيبي..
سارة/واحنا بنقعد اسبوع هنا ماراح نطلع!!
لمى/ليش مانروح مع بيت عمي الكويت هم بيروحون الكويت؟
فيصل/أي صحيح..
سارة/مانبي نروح معهم!!!لايشوفونا ولانشوفهم وش اشتروا !!!وبعدين احنا بنروح مع البابا؟؟
نجلاء/عندكم ابوكم قعدوا حنوا عليه لين جا من المكتب وفي النهاية بيستستلم وبيوديكم وين ماتبون اذا شافكم كلكم عليه؟
//////////////////////////////////////////////////////
بالمغرب بالتلفون..
نجود/وشلونك..
ملاك/الحمد الله..
نجود/وش عندك اليوم ..
ملاك/وش عندي!!!
نجود/موجودة بالاسم بس!!!ليش ماحضرتي الحصص؟
ملاك/......ماكان لي خلق ادخل الفصل؟
نجود/ليش؟؟؟
ملاك/ماحبيت اشوف البنات واشوف نظراتهم الشامتة لي!!!
نجود/ليش شمسوية انتي علشان يناظرونك بشماتة!!!
ملاك/علشان امس؟؟
نجود/يوم تبكين!!
ملاك بزعل/أي..
نجود/وش فيه اذا بكيتي ياحظي؟؟؟عادي...
ملاك/انتي تحسينها عادي انا مااحسها عادي ابدا!!!
نجود/لاتكبرينها وهي صغيرة...مافيها شي لو بكيتي قدام بنات فصلك؟؟
ملاك/انتي تشوفينها عادي بس انا مااشوفها عادي؟
نجود/انتي عندك شي خايفة منه ولاخايفة يعرفونه وحاسة انك منجرحة وانتي تبكين قدامهم!!!
ملاك/انا بضطر اسكر اللحين..
قاطعتها نجود/ملاك انتي من شنو تهربين؟
ملاك بثقة مهزوزة/انا مااهرب من شي!!
نجود/ليش اجل تتعاملين كذا مع اللي حواليك!!!يابتحسين نفسك اميرة وعندك امبراطورية عظيمة وياويل اللي يقرب منها,,,,ولا بتكوني مهزوزة وكل شي يبكيك وخايفة حتى تشوفينهم!!!
ملاك/.................
نجود/كلميني عن امك وعن اهلك ياملاك ودي اتعرف عليهم من خلال كلامك....انتي ماتتكلمين عنهم اصلا!!
ملاك/مافي شي مهم تعرفينه؟؟
/////////////////////////////////////////////////////////////في بيت الفارس...
محمد/اقول يبى...
ابو مشاري/سم يبى...
منال/اللهم اجعله خير؟؟
محمد/محد كلمك ابلة منال؟
منال/مايحتاج احد يكلمني انا عاطية نفسي احقية التكلم,,,
ابو مشاري/وش عندك؟
محمد/اقول يبى انت مو ناوي تزوجني مثل مشاري؟
منال/أي قول كذا؟؟؟
ابو مشاري/المشكلة ياولدي يامحمد اني ماابي ابلش بنت الناس واغشها فيك؟؟
محمد/يبى!!!
دخلت ام مشاري بها اللحظة وناداهامحمد...
محمد/تعالي شوفي زوجك شيقول ياام محمد؟
ام مشاري/وش عنده ابو مشاري...مع حمود؟
محمد/اقوله بتزوج يقولي ماابي ابلش بنت الناس واغشها؟
ام مشاري/أي وابوك الصادق يمه كفاية احنا مبتلشين؟
منال وابو مشاري/ههههههههه
ام مشاري/الا السالفة مو كذا السالفة منهي اللي بترضى فيك؟
محمد/بعد!!جايبك عون طلعتي فرعون؟
ابو مشاري/مافي الا شغالتنا سيدرا؟
محمد/يعني هذا قدري عندك يالوالد؟
ام مشاري/يايمه ياليت لو سيدرا ترضى فيك بس ماظني توافق!!!!عز الطلب سيدرا عارفة لشغل البيت كله؟
منال/هههههههه لالالا انا ماارضى على اخوي بعدين انا اشهد انه متغير ها الفترة تماما!!!
محمد/مابغيتي تنطقين؟
///////////////////////////////////////////////////////////
فهد/كيفك؟
نجود/ماشي حالي...
فهد/وش عندك داقة قبل شوي؟
نجود/ازعجتك؟
فهد/لا بس كان معي رجال وماقدرت ارد؟
نجود/كنت بقولك اني بروح المغسلة والصيدلية؟
فهد/وش لازمتهم؟
نجود/بودي تنورتي يكوونها؟وابي اغرض من الصيدلية؟
فهد/خلي السايق يروح ليش انتي تروحين؟
نجود/علشان يخبص لي الدنيا؟؟؟
فهد/ياسلاااااام وش ها العذر؟
نجود/انت اللحين ليش فارض علي حظر التجول؟
فهد/ضروري الاغراض؟
نجود/أي والله...
فهد/طيب أي صيدلية بتروحين؟
نجود/هاذي اللي باخر الشارع....
/////////////////////////////////////////////////////////////////////////////////////////////////////////////////////////////////////////////////////////////////////
واخرتها ياعبير,,,,
معقولة بتضلين راضية بها القدر والنصيب طول عمرك!!!!!
اه بس اه...لو كان عمي بو علي هو نفسه ابوي!!!!
بس شرعك اللهم ولااعتراض!!!!!
انا مو قادرة اكمل...حاسة اني وقفت عند ها النقطة وبس!!!
كفاية جروح وماسي ياعلي كفاية!!!
لازم اتخذ خطوة جريئة ةاكون قدها مو بس بالكلام!!
يعني اذا تركت البيت ماارجع له مرة ثانية اصلا ومهما كانت الاسباب!!!!
طيب اترك البيت وين اروح ؟؟؟بيت ابوي؟؟؟هم مايفرق عن هم وماكاني سويت شي!!!!ويمكن هم ابوي اكثر من هم علي!!!
ياربي والله مو قادرة اسوي شي وانا خايفة من ابوي !!!
على ها الحال طول عمري وانا قاعدة هنا وماراح اتحرك مكاني وبيظل علي يطعني بضهري لين اموت من كثر الطعنات!!!!

///////////////////////////////////////////////////
في الصيدلية....
جابته رجله علشان يتطمن عليها وهو عارف انه خايف عليها ومايبي يغالط مشاعره اكثر من كذا!!
بس الظاهر انها ماوصلت للحين...
ظل واقف عند الشامبو وهو يقلب فيهم لين شم ريحة عطرها داخلة...
كان يتابع خطواتها بعيونه .....
وكل خطوة من خطواتها محسوبة بنظرة من نظرات عيونه....
اخذت اللي تبيه وتقدم هو منها قبل لاتروح تحاسب وقال لها وهو يناظر بسلتها اللي بيدها
فهد/هاذي الاغراض الضروررية؟؟؟
رفعت راسها وهي فعلا مندهشة من وجوده وقالت بتعجب/فهد!!!!وش تسوي هنا؟
فهد/خلصتي يالله تعالي حاسبي لاتتاخرين؟
نجود بهمس/فهد ....انت كنت خايف علي وجيت معي!!!
فهد بعد نظراته عنها علشان لاتقرا المكتوب وكيف ماتقراْ وهي الفاهمة والعارفة لغة العيون!!!
نجود فهمت صد نظراته لها وتنهدت بارتياح...هذا فهد وهاذي مشاعره قاعدة تطلع بهدوء...بس صبرك يانجود بتنفجر مشاعره باي لحظة من اللحظات لاتستعجلين!!!
اخذت اغراضها وحاسبت وبعد ماطلعت طلع هو....ركبت سيارتها وركب هو سيارته ....ووصلها للمكان السكن وبعدها راح لصوب بيته...
وهو داخل البيت جاه مسج منها(حبيبي شكرا...ماحسيت مرة بخوف احد علي كثر ماحسيت خوفك اليوم اللي بعيونك)
تنهد بقوة وهو يفكر بكلمة حبيبي...هاذي اللي ولا مرة سمعها من نجلاء حتى اذا كانت تبي منه شي...يمكن انها كانت قالتها مرة في بداية زواجها ويمكن لا..مايذكر بالضبط ولاهو متاكد!!
بس نجود .....نجود بتحيرني ها البنية!!
اخذ بعضه وركب غرفته بعد ماتطمن على العيال النايمين...
دخل الغرفة وكانت نجلاء تكلم صاحبتها يتفقون على موعد بكرة لانها بتمشي من بكرة ..دخل الحمام وغسل وبدل ثيابه وقعد ينتظرها تخلص مكالمتها لين تملل واخذ له كتاب يقراْ فيه لين تخلص حضرتها....
وخلصت ودخلت فراشها بدون ماتكلمه ولف لجهتها..
فهد/مني هاذي؟
نجلاء/صاحبتي مها اتفق معها على مشوار بكرة كيف بيكون؟
فهد/طائرتك الضهر صح؟يعني باخذك للمطار..
نجلاء/لا ماله داعي هي بتمرني وبنروح مرة وحدة انت خلك مع العيال...
فهد/براحتك......
حطت راسها على المخدة وقالت له/اذا بتقراْ انزل لمكتبك يافهد ابي اخذ راحتي بالنوم بكرة عندي مشوار؟
فهد بتعجب/انا اللحين منتظرك تخلصين مكالمتك علشان نقعد سواء ونتفاهم وانتي تقولين انزل تحت!!!
نجلاء/وش تبي تتكلم فيه!!
فهد/انتي مو مسافرة اسبوع!!!
نجلاء/واذا يعني؟؟؟
فهد/يعني..
نجلاء لفت للجهة الثانية/فهد..انت منت صغير..ولاتقعد تسوي لي ها الحركات لو سمحت وخلني انام واخذ راحتي تصبح على خير!!!!
اصلا كل الحق كان عليه هو لانه انتظرها وهو عارفها زين!!!!!
سكر الكتاب بقوة وطفى النور ونزل لمكتبه تحت وشغل له سيجارة تنفس عن اللي بصدره....
وماانتبه الا ويده ساحبة الجوال وتدق على رقم نجود بثقة..
انتظر رنة ورنتين وثلاث وبعد الرنة الرابعة جاه صوت نجود النايم واللي كان محلو باذنه لانه نعسان ونايم..
نجود بنعس/فهد...فيك شي؟
فهد بتنهيدة/متضايق وقلت اكلمك..
نجود بخوف/وش فيك؟وش اللي مضيق خلقك؟
فهد/.........
نجود/حبيبي قول لاتخلي شي بصدرك يضايقك؟؟قول انا اسمعك ترى والله اذا قعد الهم بقلبك يحرق قلبي قبل قلبك؟
فهد بنرفزة/ليتني مارجعت البيت!!اصلا الحق علي انا!!
نجود بتردد/نجلاء!!
فهد بضيق/أي..
نجود/تعرف فهد...في وحدة اليوم كانت محظوظة حييل,,تدري ليش....لانك كنت معها وكنت خايف عليها....تدري وش حسيت اليوم يافهد!!حسيت اني غير عن كل البشر...كيف مااكون غير عن البشر وانت معي بكل خطوة اخطيها!!!ياعسى ربي يحفظك لي ويحميك ويخليك لي ومايحرم عيني من نعمة شوفتك ولا اذني من سماع صوتك يالغالي!!
تنهد فهد وماعلق بشي....
نجود/تبي اغني لك؟
فهد/وش تغنين؟
نجود/انت تسمع اغاني!
فهد/لا بس اذا حطوا العيال اكون موجود ماتفرق عندي يعني!!
نجود/طيب تسمع قصابد؟
فهد/مو كثير..
نجود/تعرف ان انا موتي حامد زيد...
فهد/منو هذا بعد!!
نجود/حرام عليك يافهد؟؟ماتدري منهو حامد زيد!!!!هذا شاعر جناني..يخبلني..حافظة له كل قصايده,,,,,اموت اموت عليه..
فهد/عقلي بس عقلي قالت اموت عليه!!
نجود/وانت ليش متضايق؟
فهد/انا ادري عنك؟؟تقولين ميتة عليه!!
نجود بدلع وخبث/وانت غيران طبعا لاني قلت اموت عليه ومااموت عليك!!!!
فهد/..........كان عارف ان كلامها صح وانه يبي يسمع منها كلام ينسيه نجلاء بس مو قادر يقول....
نجود/ماقلت لي تبيني اغنيلك ولا اقصد لك؟
فهد/اذا قصيدة له ماابيها؟
نجود/ههههه طيب انتظر وشوف وش يطبلع معي بتالي الليل.....تعرف انك طيرت النوم من عيني!!
فهد/قولي..
نجود/طيب...احم احم....
حبيبي نام ياعمري على صدري وصارحني..
وفض الصمت باحساسك وخل الحب لي يجري..
وفضفض لي بابعد عمري وعاتبني وفهمني..
انا اطري على بالك مثل ماانت علي تطري..
تعال اقرب من احضاني ترى خدك مواعدني...
يبي يلامس شغف روحي..ويقطف بوحي من شعري..
تعال انثر هنا ليلك وخل ويلك يولعني..
انا احبك وابي قربك ترى مني قضى صبري..
انا نبضك انا زهرارضك وانت ..انت ايه تملكني..
بنحل خصرك وخمر ثغرك وزود بلونك الخمري..
تتوهني..تغرقني..ومن بردك تدثرني...
وتبكي لي وتشكي لي وله قلبك ومن سحري..
ابي دموعك مع انفاسك بصدق الود تحركني..
وابي عطرك مع سحرك وااااااااااهك بالحشا تسري..
ابي همسك يبعثرني غلا..ولمسك يلملمني..
وابي عيونك من عيوني تذوب من الولع كثري..
وابي عهدك مع وعدك وابي كلك تسلمني..
وننعم في حضن من العالم وعن دهري..
وتحييني بغلا شوقك حلا ذوقك يشتتني..
يلوعني وياسرني ويملك يالغلا فكري..
وابي يدك تسافر بي وزهر قدك يلحقني..
واهيم بعالمك عاشق جنوني انت..وانت بي تدري..
تشوف الجمر بعيوني ..تشوف الشوق جنني ..
اجل تدري مثل ماادري بانك حلمي يابدري..
حبيبي قوم صارحني..وعن احساسك علمني...
انا اطري على بالك مثل منت علي تطري!!
حبيبي نام ياعمري على صدري وصارحني!!!
وسلامتك ياحبيبي.. كانت نجود تتكلم بلهفة واضحة بصوتها وهي تقصده وهو هايم بتنهيداته مع كل كلمة والثانية...
ويحس انه بيحترق بناره اللي ولعانة فيه وشابة بداخله واول ماخلصت وصارت بينهم مساحة صمت همس لها,,
فهد/نجود انا مقدر على ها الحكي؟؟انتي ناوية تذبحيني؟؟من زمان ماسمعت ها الكلام؟؟؟
نجود/شسوي باشواق ومشاعر عجزت اخبيها اكثر وادرايها يافهد!!
فهد وبدون أي مقدمات/احبك يانجود..احبك....ابيك ..ابي اشوفك دبريني والله مو قادر,,,
/////////////////////////////////////////////////
انقضى يوم الاربعاء سريع وسافرت نجلاء مع صديقاتها دبي ونزلت نجود الشرقية وابتدت الاجازة للجميع..
بيت الفارس راحوا الكويت واصروا على فهد ياخذون العيال معهم بس فهد مارضي رغم ان فيصل ولمى كانوا ميتين يبون يروحون...
وظلت ام مصعب معهم طول يوم الاربعاء...وقايمة باغراضهم ..ومرتهم رحاب بعد اللي كانت يادوب تشيل نفسها وقعدت مع عمتها وعمها .....
//////////////////////////////////////////
في بيت السبيعي الليل....

هيا/نبي اجازة حافلة بصراحة..
هنوف/شلون يعني!!
نورة/يعني نبي نفلها اخر فل وننبسط اخر انبساط..
هنوف/في هاذي لاتوصون ..خوب احنا مو كل يوم عندنا اجازة...
مضاوي/يعني وين نروح؟
نورة/كل مكان...
هيا/احلى مافيها ان نجود معنا....
هنوف/وجواهر بعد معنا؟؟
هيا بضيق/وجواهر من متى فارقتنا ياحظي!!!
مضاوي/يمكن بندر ياخذ اجازة..
هيا/ان شاءالله الله يسمع منك؟
هنوف/لهدرجة زوجة اخوي قاعدة على قلبك؟؟
هيا/يكفي انها تاخذ نجود مني....
نجود وجواهر دخلوا..
جواهر/مرحبا صبايا....

نجود/كيفكن ياحلوين...
هنوف/ها وش برنامج اليوم؟
جواهر/بسم الله!!!من الليلة باديين الاجازة؟
نورة/الساعة اللحين عشر...يعني يكفي ان اليوم كله ضاع....
جواهر/انا انتظر بندر ..
نجود/اه من ها البند ر..
مضاوي/هههه كانك تغارين من اخوي؟
جواهر/وين لبنى ..
نورة/راحت تنادي عبير..
نجودج/امممم..
هنوف/شرايكم نقوم نقعد برة بالحوش ونحط لنا منقلة ونفلها رقص واغاني مدام الطقاقة نجود عندنا...
نجود/مع خالص احترامك طبعا!!
البنات/ههههههههههه
جواهر/والله مو بطالة الفكرة يالله قوموا...
طلعوا البنات وحطوا لهم منقلة ونجود تكفلت بدلة القهوة وجواهر راحت تجيب لهم الشوكلاتات لزوم القهوة...
ومضاوي وهيا رتبوا المكان..
ونورة وهنوف راحوا يجيبوا المسجل....
وجابوا لهم طارة يدقون عليها لو استلزم الموضوع....(قايلين بيفلونها*)
وطبعا الحريم كانوا قاعدين عند ام بندر..(؛ام ناصر وام علي وام جواهر)
لبنى/الله فالينها على الاخر..
هيا/كان لاشرفتي!!
لبنى/ههه اهم شي مافي شي اسويه!!
مضاوي/لا بس تفضلي قعدي...
نجود/لبنى وين عبير..
لبنى/اهلين..كاهي جاية وراي....
قعدوا وسووا روحهم في برنامج اغاني على الهواء مباشرة..
هنوف/احم احم..
جواهر/واللي عافيك سكتي...لاتفتحين اذاعتك!!
لبنى/هههه جواهر متحلفة بهنوف؟
نجود/ولاتقدر عليها بعد!!!
جواهر/صحيح يابنات بكرة احنا نازلين القطيف حابين تجوا معنا!!
نورة/ليه!!
نجود/رايحين كوافير وبعدها بنتجول هناك نشوف وش عندهم وش في اسواقهم ...
لبنى/أي كوافير...
جواهر/الماسة..صاحبته مدرسة معنا...بس يمدحون فيه كثير...وبنروح نجربه...
هيا/انا مااحب اغامر...
جواهر/لا تراه قريب من النافع يعني شي حلو وراقي...
هيا/ولو..
نجود/احنا عشر بنمشي اللي يبي يروح معنا رحلتنا الاستكشافية يجهز....
هنوف/انا مع مرة اخوي وين ماراحت!!
جواهر/عز الله رحت فيها!!
البنات/هههههه
نجود/شوفي هنوفوا مو امكم وخواتك الكبار يريحونها وانتي تطلعين عينها!!!
هنوف ببراْة/انا!!اصلا انا جواهر حبيبة قلبي!!!

مضاوي/يالله غني نجود ننتظرك؟
نجود/مصدقيني ذولا اني بغني؟؟؟انا بالفصل ابلة اهز الفصل هز!!وانتوا تبوني اغني لكم!!
هنوف/بنسوي فيك حركة نذالة وبنصورك ونبثك بالانترنت!!ها وش رايك؟؟؟؟
جواهر/هههه طول عمرك افكارك جنون بجنون؟
نجود/هذا الي شايف نفسه..
هنوف/ماشي ولامعبرني...
نجود/يتلفت هنا وهناك...
هنوف/ولاكنه شايفني؟؟
لبنى/واللي يسلمك هنوف خربتي الجو سكتي!!
نورة/هههههه
نجود/والله انا لو اوريكم فيه...انا انا مااخليه...مو هو لعب وياي...خلوه يتحملني....
هنوف مسكت الطارة تدق عليها..
جواهر/أي هذا قدرك تطقين بس!!
البنات/هههههه
هنوف/مابرد عليكم......
نجود/واول لقا بالرياض...امرني قلبي وحبيت..واللحين يوم انا جيت..
جواهر ضحكت ونجود سكتت..
هنوف/ليش تضحكين باللهّّ
جواهر/تذكرت شي؟
هيا/مايصير كذا!!
هنوف/خلاص طلعي من اللعبة.
نجود/انتوا جايبين المسجل ليش بالله شغلوه.....
لبنى/أي خلونا نقوم نرقص.....
مضاوي/وش عندكم؟
نورة/كل شي وش تبون؟
نجود/عبرت الشط على مودك وخليتك على راسي...
هنوف/يعني بتغنيها لو بتسمعينها.
نجود/لاحطيها بقوم ارقص معكم....
شغلوا المسجل وقاموا كلهم يرقصون وجت عبير وقعدت تتفرج عليهم وهم يحاولون فيها تقوم بس مارضت قعدت تطالعهم من بعيد.....
بندر من ورى الجدار اللي هم متسندين عليه/يابنات..يابنات....يابنات..
عبير سمعته وقامت قصرت على المسجل...
هنوف/ليش طربانين!!
عبير/هذا بندر..
جواهر/وينه؟
نجود/وش عليك منه؟
جواهر/ههههه
بندر/يابنات تغطوا الشيخ بندر يبي يسلم عليكم..
نجود/وصل سلامه مايحتاج يكلف على عمره....
بندر/ول!!طيب صراحة ابي اشوف مرتي..
لبنى/ههه ممنوع قالت ماتبي تشوفك لين ليلة الدخلة..
نجود بتاييد/أي ..سمعت...

نورة/اووق انتهت الاغنية على حسابكم...
جواهر/ابي اغنية القوس قوسك لعبدالمجيد واهديها ...
نجود/درينا مايحتاج للي واقف ورى الطوفة!!
عبير/هههه شايلة على اخوي ها البنية...؟

صدح صوت عبدالمجيد وهو يغني بالليل البارد..
القوس قوسك والسهام سهامك..
مالي على رمش تسله قوة..
انا اسيرك واقف قدامك..
واللي تبي تسويه فيني سوه...
هنوف ولبنى/تصفير وتشجيع لمرة اخوهم وبندر واقف مقهور راح داخل يشكب للحريم ظلم البنات وانهم منعوه يشوف مرته...
وبعد شوي طلع مع الحريم....
وهم يزفزنه...
ام ناصر/يابنات تغطوا هذا بندر جاي معنا..
نجود/اوووووووف وش يبي!!!
الحريم/ههههههه ياحلليلك يانجود جايين نزفه لمرته...
هنوف/احم احم..صوتك عورة يانجود انا اللي بغني..
لبنى/هههههه هنوفوا مجنونة..
مضاوي/يلا تغطوا اخوي واقف..
نجود/انا عن نفسي قررت اني اتحجب وبس وماارح اغطي وجهي!!
نورة/وانا احس اني مثل اخته الهنوف وحجاب يكفي..
هيا/جت علي انا!!جيبوا شيلتي!!
هنوف/يامعيرس ..وشوا بعده نسيت!!
ام جواهر/ههههه
ام بندر/اقول وخر انتي وخري...
هنوف/أي لاذكرت...ويامعيريس مدر شنو بعدين والقمر والنجوم تمشي وراك..
ام بندر/الف الصلاة والسلام عليك ياحبيب الله يامحمد
عبير ولبنى ومضاوي/كلللللللللللويش...
ام ناصر/ولااله الا الله...ويحفظ المعرس يالله..وياشمعة الشبان...
بندر تقدم وهو فرحان انه انتصر على نجود وسيده لجواهر حط يده بيدها...
هنوف/قومي ارقصيله ياجاريه ..قومي ارقصيله وقولي له محلا الطرحة على الجارية...
بندر/نشوفك بعد اسبوع صباحيتنا ان شاءالله..ومشكورين على حضوركم الكريم..
الحريم/ههههههه
نجود/خذها امانة.!!!
بندر/بعيوني..
نجود/مانبيها تكون بعيونك!!!
جواهر/ههههه
مشوا بندر وجواهر ودخلوا وكملوا البنات سهرتهم مع الحريم اللي انضموا لهم ووسط كلامهم وسوالفهم انسحبت نجود يوم لمحت سيارة علي دخلت الكراج وراحت وراه.....
**********************دخلوا بندر وجواهر غرفة بندر وقفل الباب وتسندت جواهر على الجدار وهي تبتسم وجا بندر وصار قبالها..
بندر بهمس/وحشتيني!!
جواهر/وانت اكثر...
بندر/ها اللي ماتبيني الا ليلة الدخلة!!
جواهر/هههههه
بندر/اذبحك ولاتقولينها..
جواهر بجدية/حبيبي خلنا نتكلم!
بندر/هذا احنا نتكلم..
جواهر/لا في موضوع لازم نتكلم فيه..
بندر/شنو؟
جواهر/شبيصير الليحن بوضعنا!!
بندر باستفهام/شلون يعني!!
جواهر/يعني انت تشتغل بجدة وانا ادرس هنا بالشرقية و..
بندر/بتجين معي!!مافيها كلام؟
جواهر/واترك اهلي وناسي هنا ووظيفتي!!
بندر/ياسلاام ومنو الاهم فينا!!
جواهر/هذا قرار صعب يابندر واناني...مقدر اختارك واترك وظيفتي الا مو شرط يوظفوني هناك!!ولااقدر اختار اهلي ووظيفتي واتركك هناك طول الاسبوع ومانلتقي غير ليلتين!!!صعب يابندر صعب..منقدر نقرر كذا بسرعة....
///////////////////////////////////////////////
نجود/علي..
لف لها علي وقال /نعم..
نجود/بغيت اقولك شي؟؟
علي/شنو؟
نجود/لمياء..
علي باهتمام/شفيها!!
نجود/ليش انت ماتكلمها؟
علي /لاتستخدمين اسلوبك الاستفزازي معي يانجود!!انتي عارفة اني مااكلمها وانها قطعت عني اخبارها من اربع سنين مضت!!!وكل اللي اعرفه انها تزوجت مشاري وعندها مريم!!والله مااعرف غير ها الشي؟؟
نجود/مصدقتك ياعلي مصدقتك..بس ودي اقولك شي عنها..
علي/............
نجود/لمياء تحب مشاري وهو يحبها...ومستقرين بحياتهم وناوين يجيبوا لهم بيبي ثاني يخاوي مريم,,,باختصار هي تبيك تبعد عن طريقها وحياتها وتعيش حياتك وتخليها عايشة حياتها لانها مابتفرط بمشاري لو مهما كان!!
علي ظل ساكتفترة طويلة وبعدها قال بالم/هي قالت لك تقولين لي ها الكلام!!
نجود/أي...
علي/انا احبها يانجود....احبها ولا عمري شلتها من بالي!!
نجود/علي الحب شي ...بس وضعك انت وهي شي مستحيل!!هي مابتهدم بيتها علشانك؟...
علي/............
نجود/انت تريد وانا اريد والله يفعل مايريد!!!
مارد عليها بس مشى بالمه وقهره وحزنه وهو يحس ان لمياء وحلم القرب منها تبخر فعلا اليوم..
تنهدت بقوة وركبت غرفتها تدق على فهد تتطمن عليه وش مسوي مع العيال...
فهد/هلا..
نجود/اهلين...اخبارك
.فهد/بخير...
نجود/طلعت ام مصعب؟
فهد/أي طلعت قبل شوي...
نجود/شفيها صوتها عالي قبل شوي؟
فهد/ماكان عاجبها اني اخلي نجلاء تروح وتترك العيال معي!!
نجود/اممم ....طيب وش مسوين العيال؟
فهد/يمكن بعد ساعة اجن من فيصل وسارة؟؟
نجود/ياحرام...والله لو بيدي يافهد ماتركتك لحظة وحدة ونزلت الشرقية!!والله تمنيت اكون معك بالرياض وبجنبك..بس شقول لااهلي!!
فهد/حبيبي يكفيني انك ماتقطع صوتك عني!!
نجود/الله يصبرني اسوبع كامل محرومة عيني من شوفتك!!!
فهد/ويصبرني بعد!!!
نجود/اه..
فهد/حبيبتي بتركك اللحين هذا فيصل يناديني...مايبي الشغالة تسوي شي له ابدا!!وكل شي فوق راسي..صاير ام وابو وكل شي..
نجود/قلبي معك ياقلبي..لو بغيت شي دقني انا بظل منتظرتك...
/////////////////////////////////////////////////////////////////
اليوم الثاني راحوا لصالون الماسة مثل مااتفقوا من الصباح(نجود وجواهر ونورة ولبنى وهنوف ومضاوي )
وخلصوا بعد الساعة اثنعشر ونص..وبعدها طلعوا يتمشون بالسيارة بالشوارع وقعدوا بكورنيش القطيف شوي..
وبعد الساعة وحدة قاموا يدورون يدورون مطعم عائلي ووقفوا بشارع الرياض ونزلوا بمطعم غريب طوس...
وعجبتهم القعدة هناك والاكل كان حلو والخدمة ممتازة وقرروا يعيدونها ويجونه مرة ثانية مع الباقيين...
طلعوا منه على الساعة ثنتين ونص وراحوا لمزايا الغذاء وقعدوا فيه طول الضهر لين العصر وبعدها رجعوا الدمام علشان الاغراض اللي اخذوها وبعد صلام المغرب راحوا لكورنيش الدمام كلهم وقرروا يشوون هناك ويفلونها بعد...
وكانت هنوف قاعدة على الكراسي اللي قبال المراجيح وهي تناظر بالعيال الصغار وماسكة لها وردة وهي تقطف فيها...وتغني
ياوردة قولي لي يحبني مايحبني...لو اقطع حبة حبة؟
وان قلتي مايحبني قولي لي شسوي وانا اللي موت احبه؟
ناصر من وراها وهو يضحك/صارحيه ياقلبه لايروح منك؟
جمدت يدها على اخر ورقة قطعتها من الوردة وصارت تناظر فيها وقالت بتردد/متاكد!!
ناصر/أي هذا افضل شي..
هنوف/بس اخاف..
ناصر/من شنو؟
هنوف/..............
ناصر/هههههههه ومصدقة حالك انتي ان هاذي وردة!!
هنوف ناظرت فيها وهي مستغربة
ناصر/هههههههه وردة الكورنيش قاطعتها !!بروح افتن عليك هنوفوا!!
هنوف/سخييييييييييف حدك!!
وقامت من كرسيها وناصر رفع ثوبه وركض لعند البحر يهرب من البركان اللي وراه...
وتنفس الصعداء يوم وصل لعند البحر...بس وقف قلبه يوم سمع صوت هنوف وراه
هنوف/على بالك بتنجي مني!!
ناصر بترجي/هنوفوا بلا بزرنة علي والله مو قد سوالفك انا!!
هنوف/مو قبل مااخذ حقي منك!!
ناصر بخوف/وانا شسويت عاد!!
هنوف/شسويت ها...شوف القمر وانت تعرف وش سويت
ناصر بغباء رفع عيونه للسماء وماحس بنفسه الا بعد مادفته هنوف وطراااخ بالبحر..
ناصر/حسبي الله عليك من بنية مو ادمية ولاانتي بصاحية؟؟؟ماعندي ثياب والماي ثلج يابنت الناس!!
هنوف/ههههههه
////////////////////////////////////////////////
بالكويت..
منال/وش تبي مني جايبني هنا؟
مشاري/تبعان يامنال تعبان؟
منال/أي بس احس ان مرتك هداْت شوي عن قبل اسبوع؟
مشاري/قدامكم بس اذا رحنا البيت تتغير؟
منال/والمطلوب؟
مشاري/كلميها يامنال
منال/ابوي مو راضي احد يتدخل بينكم يقول انت قد انك تتصرف !!
مشاري/بس مني قادر افهمها!!احس اني صاير غريب عنها وانها مو طايقتني يامنال!!
منال/الله يسهل لكم بس صدقني انا مقدر اكون بالنص!!بكرة تجي سالفة قوية وماتقدر تحلها ياخوي سامحني بس هاذي حياتكم انتوا!!!
مشاري/................
منال/...........
مشاري/صحيح قبل لاانسى؟
منال/شنو؟
مشاري/في واحد يبي يخطبك بس يبي يرعرف رايك بالاول قبل لايجي؟
منال/انا!!
مشاري/أي انتي!!
منال/منو؟
////////////////////////////////////////////////////
نجود/عندك صوت ضجة منت بالبيت؟
فهد/لا..
نجود/وينك ؟
فهد/بمكان ماراح تتخيليني فيه؟
نجود/ليش؟لايكون عندنا بالشرقية؟
فهد/مدري..
نجود بفرح/فهد قول الصدق انت جاي الشرقية؟
فهد/لفي يمين وشوفي..
لفت بسرعة ولقته بالجهة الثانية واقف وهو واقف بعيد شوي عن المراجيح اللي كانوا عليها لمى وفيصل وقبالهم سارة..
نجود بفرح/مااصدق انك عندنا!!اسفرت بك وانورت بك واستهلت!!
فهد/هذا كله؟؟
نجود/واكثر بعد..وانا اقول ليش الشرقية منورة اليوم؟؟
فهد/والله سارة دوختني تبي تروح مجمع الضهران اللي يقول ماعندنا مجمعات بالرياض واضطريت اني اجي معهم من الصباح؟
نجود/وطبعا مبيتين هنا الليلة.
فهد/أي مااتوقع يمديني ارجع معهم؟
نجود/يابعد قلبي....
نجود/ياهلا بللي لفاني...ومن غلاتي لي تعنى...اشهد انه من لفاني..اسفها القلب وغنى...سعد يوم بشروني انه بيجيني هنية..الله لايحرم عيوني شوفته في كل جية؟
فهد/حرام عليك مقدر على كذا اموت بعدين؟
نجود/بنشوف بعض؟
فهد/مع العيال مااظن؟
نجود/دبرها يافهد....خل نلتقي بمجمع لو خمس دقايق وسارة تكون مع اخوانها؟؟لاتقول لا..تكفى..تكفى يافهد..قول تم بكرة نشوف بعض قبل لاترجع الرياض؟؟
فهد/بس..
نجود/تكفى..تكفى...اه,,تكفى هزت رجال وماهي محركة فيك شي؟؟؟

//////////////////////////////////////////////////////////////


---البارت الثاني والثلاثين---
,,,,,,,,,,,,,,,,,,,,,,,,,,,,,,,,,,,,,,,,,,,,,
نجود/تكفى..تكفى...اه,,تكفى هزت رجال وماهي محركة فيك شي؟؟؟
فهد/صعبة يانجود صعبة مقدر اترك العيال بروحهم..
نجود/ويصير عاد تجي الشرقية ومااشوفك؟؟
فهد/.......
نجود/طيب نلتقي باي مجمع تكونون رايحينه مو مشكلة اهم شي نشوفك حتى لو من بعيد لو ثواني..ولااقولك تعال عندنا بكرة البيت تغذى معنا!!
فهد/بلاجنون علي!!!
نجود/ليه!!!
فهد/جاية لك وحدة من بنات عمك يالله باي..
سكرت ولفت الا هيا جاية لها..
هيا/وينك من زمان ادور عليك؟
نجود بغضب/وانا بزر بضيع يعني!!قاعدة اتمشى,,
هيا/غريبة ماتتمشين مع جواهر رغم انها قاعدة مع البنات مو مع بندر!!!!
نجود مشت معها للبنات وكملوا سوالف وهم يمشون بس قلبها كان مع اللي وراها....
وحده بندركان كل شوي يرفع نفسه ويطل عند البنات يمكن تلتقي عينه بعينها بس ماغير هنوف بوجهه وهي تضحك ضحكة انتصار...
علي بهمس/اثقل عاد ماصارت!!
بندر/وش عليك مني بالله!!مرتي حلالي محد له شي عندي!!!
علي/زين ماقلنا لك شي مرتك مرتك,,,بس اثقل شوي؟؟
جواهر دزت له مسج بذيك اللحظة(لاتنسى موضوع عبير اللي كلمتك عنه وتكلم علي,,,ولاتراني بزعل منك لو ماحركت ساكن)
اووووووووف هاذي بتدخلني بسالفة جديدة!!طول البارح اقولها عبير ماتبي علي وعلي مايبي عبير وهي الا مصرة انك تكلمه لانه متعب عبير بحياتها!!!!!
شتبيني اسوي يعني؟؟؟
بندر بتردد/اقول علي..
علي/قول..
بندر/ودي اتكلم معك بس خجلان شوي؟
علي/ليش؟؟
بندر/الموضوع بخصوص عبير اختي؟
علي/وش فيها؟
بندر/يعني انت مو ملاحظ تعبها ها الايام!!!وكثرة شرودها؟؟
علي باحتقار/ملزومة تتعب وتشرد كثير مو تتعالج عند دكتور نفسي!!جننها ودخل في عقلها افكار مالها صحة!!
بندر باعتراض/لا عاد انا لهنا ومااسمح لك!!تظل اختي وماارضى عليها؟
علي/يكفي انها تعالجت عند دكتور نفسي وكلكم تدرون ها الشي؟؟
بندر/وش تقصد؟
علي/مااقصد شي؟
بندر/انت تعتبرها اهانة انها كانت تزور دكتور نفسي علشان تتكلم معه؟؟
علي/لو سوتها بنطاق ضيق وبعيدا عن ها الفضايح كلها كانت اهون!!!!
بندر/مو هاذي قضيتنا..القضية ان علاقتكم لازم يكون لها حل لمتى بتظلون كذا!!
علي/يوم اني شفت لمياء لازم اتزوجها وباي طريقة؟
بندر/وعبير؟؟؟
علي/الطلاق بينا بيكون مستحيل علشان ابوي وعمي......
//////////////////////////////////////////////////
جواهر/شفيك؟
نجود/ولاشي..
كانوا قاعدين قبال بعض..
جواهر غمزت بعينها يعني مو مصدقة..
نجود/من لمحته بعيد يمشي...فز قلبي وقلت اعرفه..
يوم انا قربت منه....هذا خلي هذا وصفه!!
بعد ماطول غيابه ..التقينا دون موعد..
واحلى شي ان الحكاية..كلها صدفة بصدفة
جواهر فهمتها وعلطول شهقت وفتحت عيونها على وسعها...
جواهر/مستحيل....
نجود/وانا بعد ماصدقت!!
هنوف الوحيدة اللي كانت تناظرهم ومهتمة بكلامهم بس كان شكلها غلط وهي تتلفت بينهم مثل الخبلة,,
هنوف/شا السالفة!!!وش عنه تتكلمون انتي وهي؟؟؟
نجود/مو شغلك؟؟؟
هنوف/ول؟؟
جواهر/ولين بعد اذا تبين!!
///////////////////////////////////////////////
لبنى/حبيبي مقدر اكلمك اللحين انا مع اهلي طالعين الكورنيش وبالموت قدرت ابتعد وادق عليك!!
عبدالعزيز/المهم ابي اشوفك بكرة ..
لبنى/مااتوقع تعرف اجازة وصايرين نطلع كلنا مع بعض..
عبدالعزيز/طيب ثواني بس...تعالوا بكرة المارينا لازم بكرة اشوفك بالمحل.
لبنى/ليش؟
عبدالعزيز/حرام اني اشوفك ثواني وبعدها تمشين!!
لبنى/طيب بحاول بقد مافيني صدقني....بس اللحين لازم اسكر يالله ياقلبي باي...
/////////////////////////////////////////////////
لمى/خلاص انا نعست ابي انام..
فيصل/انا بعد بس ابي اكل قبل..
سارة/انا بعد جعت!!
فهد/معشيكم بعد الصلاة لحقتوا جعتوا!!
فيصل/أي..
فهد/طيب اذا وصلنا للفندق نزلتكم تتعشون تحت...
سارة/بابا نبي ننزل بفندق كاشخ مو أي كلام...
فهد/على امرك ..
لمى/متى بنروح الراياض؟
فهد/بكرة..
سارة/ياسلام !!جايين علشان بكرة نرجع!!
فهد/بابا بقعد معكم بكرة لين المغرب وبعدها بنمشي زين علشان نوصل الليل لاتنسون اني اداوم يوم السبت مو اجازة مثلكم!!
فيصل/امي متى بترجع!!
فهد/يوم الاربعاء..
لمى/وش رايك يبى نروح عند امي ونسويها لها مفاجاْة؟
فهد/مو رايح يابابا ماعندي اجازة....يالله قوموا وصلنا....
سارة/أي زين انه المرديان فكرت بنروح مكان موحلو؟؟؟؟؟
////////////////////////////////////////////////////////
بالكويت..
منال/.........
مشاري/ولد عم صاحبي....انسان محترم ومثقف وقاعد يحضر رسالة الدكتواره بامريكا...واذا صار نصيب راح ياخذك معه هناك سنة كاملة وبعدها بتنزلون...
منال/مدري شقولك بصراحة فاجاتني؟؟
مشاري/عارف اني فاجاْتك بس هو امس فتح معي الموضوع وقال ان يبي ردك خلال شهر من اللحين يعني خذي راحتك وقرارك النهائي بها الشهر...وبعدها اذا قلتي أي بيجيب اهله وبيتقدمون رسمي...
منال/طيب انت شتعرف عنه؟
مشاري/انا علشان اكون صريح معك مااعرفه زين اعرف ولد عمه..بس هم ناس محترمين وشايفين العالم ويفهمون بالاصول وبالذوق....اما على النطاق الشخصي..اسمه تركي..متخرج من جامعة البترول وراح يكمل دراسات عليا بامريكا...
منال/انا ابي اعرف عنه اشياء اكثر من دراسته ووين دارس وتخصصه!!ابي حياته؟؟اصحابه؟؟مع منو يقعد؟؟وين يروح ووين يسهر..اخلاقايته؟؟مشاري انا ارتبطت من قبل وفكيت لاني ماكنت مهتمة بها الاشياء بس اللحين لا..اهم شي عندي اعرف منو يقعد معه ومنو صاحبه ومدى تاثير اصحابه عليه وها السوالف...
مشاري/وش مابغيتي انا حاضر وبجيب لك كل اللي تبين تعرفينه ..هذا حقك؟
///////////////////////////////////////
باخر الليل...
نجود/والله ولو احلف لك بشنو ماراح تصدق انها احلى صدفة بحياتي!!
فهد/لهدرجة؟؟
نجود/واكثر يافهد..ماراح تتصور مشاعري ابدا!!!
فهد/.....
نجود/ناموا العيال؟
فهد/بعد ماطلعوا روحي؟
نجود/فديتهم وفديت ابوهم قبلهم!!!عسى ربي يحميهم ويحميه!!
فهد/..................
نجود/فهد..
فهد/نعم..
نجود/بخاطري سؤال بس خايفة ماتجاوبني عليه؟
فهد/وش بيصير اذا ماجاوبتك ؟
نجود/بتندم اني سالتك؟
فهد/قولي..
نجود/في شي محيرني...يعني موقف انت سويته مايناسب شخصيتك والكركتر اللي الكل راسمه لك...
فهد/شنو؟
نجود/......كيف وافقت ان نجلاء تروح وتترك العيال عندك اسبوع كامل!!!عقلي موراضي يستوعب احس ان في غلط بالموضوع مو فهد اللي يتنازل انه يوافق على قرار ماهو مقتنع فيه ولا هو اللي اختاره حتى!!
فهد باعجاب/مشاء الله!!وش قوة الملاحظة والربط اللي عندك هاذي!!كنت منتظر تساليني وقلت اذا انتي مثل مارسمت لك صورة بخيالي راح تساليني وفعلا سالتيني!!
نجود بارتياح/يعني بتجاوبني؟
فهد/خليتها تروح لسببين...
اولا /انا صار لي مدة ماقعدت مع العيال بروحنا,,يعني في بعض التصرفات منرفزتني منهم وكنت مشغول شوي بالعمل وتارك القرارت لنجلاء وطلعت مو قد انها تدير العيال!!فحبيت اني انفرد فيهم بروحي واتفاهم معهم واتحاور معهم من جديد ..باختصار اتقرب واعوضهم عن اللي راح...
نجود/حلو...وشنو بعد؟
فهد بتنهيدة/اما السبب الثاني فهو انتي يانجود؟
نجود/انا!!!
فهد/أي انتي...كنت ابي نجلاء تبعد وابيك انتي تتقربين!!ابي اعرفك اكثر وافهمك اكثر واحدد مشاعري بتجاهك شنو بالضبط!!!
//////////////////////////////////////////////////
اليوم الثاني بالسيارة..
نجود/الراشد يعني الراشد؟؟؟(فهد قال لها انه بيروح مع العيال وبيضلون للمغرب وبعدها بيمشون)
لبنى/مارينا...والله ماراح اطول ...
جواهر/كل البنات بيروحون الراشد انتي ليش تبين مارينا!!!
نورة/خلاص الراشد..وش فيكم اغلبية الاصوات طلعت الراشد؟
هنوف/والله خوف من نجود ولا مو شي ثاني!!
مضاوي/هههههه
جواهر كسرت بخاطرها لبنى لانها سكتت وبان عليها الاحباط..
جواهر/وش تبين انتي بالمارينا!!
لبنى حست ان نبرة جواهر رجعت لها الامل قالت بحماس/وحدة من البنات عندها شي يخصني ومابقدر الاقيها الا بعد اسبوع وانا ابي ها الشي فقالت لي انها اليوم بتجي المارينا واذا قدرت امرها علشان اخذه؟
جواهر/يعني منتي مطولة!!
لبنى/لالالالا دقايق بس التقي فيها وبعدها بمشي؟
نجود/خلاص مدام كذا بننتظرك احنا بالسيارة وخلصي شغلي وطلعي بسرعة..
لبنى بحماس/لا مو مطولة اصلا!!!
وصلوها للمارينا وانتظروها بالسيارة ونزلت هي بسرعة للمحل اللي يشتغل فيه عبدالعزيز,,
///////////////////////////////////////////////////////
فوزية/مارحتي اليوم بيت خالي؟
ام مصعب/طالع مع اهله الشرقية؟
فوزية/غريبة خالي مايطلع فيهم بروحهم!!
ام مصعب/حتى الشغالة كاهي هنا مااخذها معهم!!!ياانهم بيجننونه وبيرجع ..ماهو مكمل معهم اعرفه ماله صبر!!
مصعب/قلتوا وين راح!!
ام مصعب/الشرقية؟؟
مصعب في نفسه(غاب القط العب يافار!!!سافرت عمتي وخالي لحق نجود للشرقية!!الله يستر من الجاي بس؟؟الواحد مايدري مع منو يوقف فيهم!!!*)
فوزية/ياولد وين سرحت؟
مصعب/ها..لا ولا شي..
فوزية/صار لي ساعة اكلمك وانت سرحان!!
مصعب/يمكن....تبون شي؟
ام مصعب/كلمت ابوك؟
مصعب/أي يمه...للحين ماعنده خبر اذا كان بيكون بمكة ولا بيروح عسير؟
ام مصعب/أي بس لازم ننظم امورنا احنا بعد!!
مصعب/قال بها اليومين بيعطونه خبر..
ام مصعب/الله كريم...
///////////////////////////////////////////////////////
يوم دخلت المحل والتقت نظراتها بنظرات عزوز همس لااحمد اللي معه وبعدها طلع احمد برى المحل ووقف عند الباب..
تقربت منه عند الكاشير وهي تلهف..
عبدالعزيز/بسم الله!!رايحة سباق جري؟؟
لبنى/اسكت ينتظروني بالسيارة يادوب اشوفك وارجع لهم بسرعة!!
عبدالعزيز/ليش كذا بخلانين علينا بيت السبيعي؟؟
لبنى/ها..شفتني!!
عبدالعزيز/لحظة عاد...
نزل راسه وطلع لها كيس من تحت طاولته وقال لها/كل عام وانتي بخير..كان ودي اعطيك شي يليق بمقامك بس انتي عارفة الظروف!!اتمنى انها تعجبك؟؟
لبنى تجمدت مكانها وقالت بانكسار/عيدي ميلادي؟؟؟تصدق اني مو ذاكرته اصلا!!!
عبدالعزيز/مو لازم انتي تذكرينه؟؟اهم شي اني ماانساه!!
لبنى/حبيبي..ليش احرجتني بس...
عبدالعزيز/والله ياقلبي اني منحرج منك حييل بس قلت شي بسيط ولا اني اقولها لك بروحها؟
لبنى/تصدق عاد!!لو انك قلتها بروحها ماكانت بتطلع اقل حلاوة من كذا!!!حبيبي محتارة مدري شقولك بس وقسم بربي مشاعري كلها متلخبطة..
عبدالعزيز بمرح/بس الكيكة عليك عاد!!
لبنى بدت الدموع تتجمع فيها..
عبدالعزيزبهمس/خلاص حبيبتي لاتقلبيها لنا مناحة!!
لبنى/ماابي احد يفرقني عنك ياعمري ماابي!!!
////////////////////////////////////////////////////////////في الراشد توزعوا البنات طبعا وكل ناس راحت المكان اللي يعجبها...
ونجود اللي عمرها ماطبت عند الالعاب اضطرت تروح علشان حبيب القلب لانهم تواعدوا يلتقون هناك....
جواهر/تكفين المكان الوحيد اللي مااحب اروح له هو الالعاب!!
نجود/انا قصدي اعودك على ها الجو..بكرة بيجونك عيال بتروحين غصبا عنك معهم ..على الاقل تكوني دخلتي من قبل واخذتي فكرة عن المكان وكيف يرفع الضغط من دورة الراس اللي فيه؟؟
جواهر/اووووف..تكفي الالوان هاذي اللي بكل هجة ولا اصوات الموسيقى العالمية اللي بكل لعبة وتخلي الراس ينفجر لامحالة!!!
نجود/وينه!!
جواهر/كاهو هناك....يناظر بعياله...
نجود/وين..امممم شفته....
جواهر/ماتخافين عياله يشوفونك؟
نجود/اذا ماتكلمت قدامهم ماراح يعرفوني!!!
//////////////////////////////////////////////////////////ابوعلي/وين البنات؟
ام ناصر/طالعين مع بنات عمهم ..
ابو علي/وين راحوا؟
ام ناصر/قالوا بيطلعون السوق عاد وين بالضبط لطلعتهم مااتفقوا كل ناس تبي مكان؟
ابوعلي/اقول ام ناصر ماودك نزور النبي اسبوع قبل رمضان...
ابو ناصر/ودي بس نروح برمضان ونقعد هناك.
ابو علي/تعرفيني برمضان مااحب اطلع من البيت..اذا لك عزم بخلي ناصر يحجز لنا خمسة ايام نروح ونرد مدام البنات اجازة وبيكونون بالبيت..
ام ناصر/ليش ماراح ناخذ معنا العيال؟
ابو علي/من صغرهم عاد علشان تقولين عيال!!!اصغرهم كاهي بثاني ثانوي!!لامو ماخذين معنا احد هم شايلين اعمارهم خلهم هنا....
ام ناصر/بكيفك...
ابوعلي/وينه ناصر؟
ام ناصر/يتراوالي نايم ..يقول حاس انه دايخ شوي يمكن من الجو البارحة على الكورنيش وهو مادفا روحه زين؟؟؟
ابوعلي/انا اول مارحنا ماشفته ..بعدين شفته جاي؟
ام ناصر/الا هو اللي وداني مع خواته بس شكله نسى شي ورجع ياخذه..
ابوعلي/يمكن.................عبير راحت معهم!!
ام ناصر/مدري اذا راحت ولالا؟بس هم عطوها خبر يعني....
/////////////////////////////////////////////////////////
في الطابق الثاني عند المطاعم...
نجود باعتراض/انت تسمي ذي شوفة.
فهد/ماعندي غيرها؟
نجود/كنك مان علي فيها؟
فهد/حطي نفسك مكاني!!وين بتتركين عيالك ياقلبي!!
نجود برضا/مدام قلت ياقلبي مالي مجال ازعل بعد.....خلاص شلتوا؟
فهد/أي بس يكملون عشاهم وبنتوكل على الله...
نجود/افتح بلوتوثك بدز لك شي..
فهد/شنو..
نجود/شي لاتفتحه الا اذا وصلت الرياض ودخلت تنام!!
فهد/؟؟؟؟؟؟؟؟؟؟؟؟؟؟؟؟؟؟؟؟؟
نجود/وانتبه وانت تسوق وماسك الخط مااوصيك!!
فهد/خايفة علي!!!
نجود/كيف مااخاف عليك وانت قطعة مني!!!
فهد تنهد...
نجود/بنتك جاية عندك يالله اخليك .....
///////////////////////////////////////////////////////////اخر الليل...
هنوف/ياترى وش صار بنويصر من امس؟؟؟اليوم ماشفته اصلا ولا له حس ابدا!!!
ادق عليه واشوف اخباره؟؟واسمع صوته!!!
مسكت الجوال وبتردد دزت له مسج(انت نايم لو قاعد؟)
مارد عليها....وبعد نص ساعة جاها مسج منه(لاهذا ولاهذا انا مريض)
شهقت بقوة؟؟؟؟ناصر مريض؟؟كيف..ماسمعت؟؟معقولة يكون من امس وسالفة امس!!
دقت عليه بسرعة ورد عليها بصوت تعبان صدق...
هنوف بخوف/شفيك ياولد عمي !!
ناصر/مسوية روحك ماتدرين!!
هنوف/لاتقول مني بس!!!!
ناصر/سلامة عمرك!!يعني من منو؟
هنوف/أي بس انا ماكنت اقصد أي شي ولا أي اذية!!!
ناصر/راميتني بكبري في البحر....وتقولين مو قاصدة اذية!!!ناسية ان احنا بالشتاء؟؟؟
هنوف/واللحين وش اسوي علشان اكفر عن ذنبي!!!
ناصر/مدري عنك...
هنوف/مابقدر انام كذا وبيظل ضميري مانبني!!!قولي شسوي او اقدر اني اسوي علشان اخفف عنك؟
ناصر/ولاشي بس شوربة عدس ولاكريمة الدجاج؟
هنوف/اللحين؟
ناصر/لابكرة؟؟اكيد اللحين؟
هنوف/طيب الله يخلي ماجي وكنور!!

ناصر/لا يابابا لاتلعبين علي!!!ابي شوربة شوربة ؟؟مو تحطين لي ماي مغلي وتخلطينه بمدري شنو وقلتي شوربة!!!
هنوف/نويصر وين اسوي لك شوربة ها الجزة؟؟
ناصر/قلت شوربة انا ماقلت مندي!!!ولا تبيني اعلم عمي انك انتي اللي مرضتيني!!!
هنوف باستسلام/لا كل شي الا ابوي...شوربة شوربة اقوم اسوي لك وامري لله...تكون يعني مو رجال وماقدرت تدافع عن نفسك!!!
ناصر/انتي اخذتيني على غفلة يابنت الناس!!!!
/////////////////////////////////////////////////////////
مايدري شلون قدر يقاوم فهد طول الطريق ومايفتح اللي كانت دازة له نجود,,
يمكن لان عياله ماناموا طول الطريق ويوم بدوا يغفون كانت مناوبت بينهم ناس تقعد وناس تنام وكانهم مصرين انه مايفتحه الا لمى يوصل البيت فعلا!!!
وصلوا اخر الليل البيت بالسلامة ودخل عياله غرفهم وناموا وراح غرفته وعلطول قعد على كرسيه المفضل اللي جنب النافذة وفتح جهازه وفي باله الف شي يدور...وش ممكن تكون ارسلت لي...صورتها مثلا!!!
هذا الشي اللي رجحه دون غيره مايدري ليش,,,
فتحه وتفاجاْ منه....
كان مقطع صوتي بصوتها هي ....وهي تغني...
سرقت النوم من داخل عيوني..
.وخليت الصبر فيها مؤبد..
اقاسي الشوق ماتغمض جفوني..
ونار الصبر في قلبي توقد..
ومن لي من صدودك ينصفوني ..
اذا بشكي لهم او باتودد..
انا مارضى بحبك يعذلوني..
اقضي العمر بين البين والصد..
مايدري وش اللي حس فيه وهو يسمع صوتها...ظل يعيد ويزيد فيه وهو يسمعه لين غفت عينه على الكنبة وهو نايم على صوتها,,,
/////////////////////////////////////////////////
/////اليوم الثاني بعد الغذى في بيت الهاجري...
بندر/اكرمكم الله يابعد عمري يابيت الهاجري..
جواهر/هههه على قلبك الف صحة وهنا حبيبي....
بندر/تعالي يالله لااكمل زعلي منك!!
جواهر/انت من صدقك زعلان علي؟؟؟
بندر/وشلون ماازعل يابابا!!!يومين يالظالمة انا نازل علشان اشوفك وانتي قاعدة لي مع الحريم والبنات طول الوقت!!
جواهر/خلاص بندر نبي نخفف قعداتنا مع بعض؟
بندر باعتراض/ليش بعد!!
جواهر/لين نتزوج؟
بندر/انتوا يالحريم عندكم قواعد مدري شلون تمشون عليها!!!!!
جواهر/اسكت واللي يعافيك..
بندر/هههههه ..تعالي صدق اليوم اخوك المغثة ماشفناه؟؟ماجا ونط علينا كل شوي ..ماله بالعادة!!
جواهر/متهاوشة معه؟
بندر/ليه..ياحرام مسكين...
جواهر/ساعة اقول له الصباح روح اشتري لي جلكسي من البقالة مارضى,,,,
بندر/وليش الجلكسي عاد وانا عندك!!تعالي وانا اعطيك اللي تبينه!!
جواهر/بندر,,,,!!
بندر/أي وانا الصادق..وش بيسوي لك الجلكسي يعني!!انا بسوي لك احلى منه!!
جواهر/خلنا نتكلم بالجد قبل لاتمشي الليلة لجدة؟
بندر/أي جد فيهم بالضبط؟
جواهر/زواجنا!!اشوفك مو شايل هم شي..
بندر/مين قال عاد اني مو شايل هم!!
جواهر/مااشوفك تسالني وين راح نسكن؟؟متى بنبتدي تاْثيث..ولاشي؟
بندر/انا مسلم لك كل شي الا غرفة النوم طلعي منها!!
جواهر/مو على هواك!!وبعدين تعال..انا اللي باْثث الشقة بروحي؟؟؟مايصير ابي ذوقك معي بكل شي؟؟
بندر/كل شي تختارينه عطيني عنه خبر ..مافي غير هاالحل؟؟
جواهر/طيب ووضعنا كيف بيصير بعدين!!!
بندر/اقولك تعالي جنبي وبلا ها المواضيع اللي تضيق الخلق!!
جواهر/مايصير يابندر..كل ماتركناها وتغاضينا عنها تفاقمت ومالقينا لها حل وبالنهاية نستسلم لشي مانبيه!!
بندر/اوووووف..وداه ها الاسبوع باينته مر ومو حلو؟
//////////////////////////////////////////////////
ناصر/روحي سويلي عصيرليمون؟
هنوف/طيب..بكسر ولا بملح؟
ناصر/وش ها السؤال الغبي؟؟؟عمرك سمعتي عصير ليمون بملح؟؟
هنوف/أي انا بدل السكر احط ملح؟
ناصر/مو علشان كذا دايم متهورة واعصابك فلتانة!!
هنوف/مااسمح لك عاد!!
ناصر/مو شرط تسمحيلي انتي اللحين تحت سيطرتي التامة وش مابغيت تسوين وانتي ساكتة؟
هنوف/ومتى بتشفى ان شاءالله؟
ناصر بخبث/والله اعلم شكلي مطول!!
هنوف/أي حق بلشتي فيك؟
ناصر/انتي اللي جنيتي علي وعلى نفسك....
هنوف/امري لله اقوم اسوي لك العصير ..تبي شي غيره..يالله مرة وحدة مو كل شوي تتكلم؟؟؟
ناصر/لا حاليا مو جاي على بالي شي...اذا طرى لي انتي موجودة وين بتروحين؟
هنوف/مايصير كلهم بيطلعون ويستانسون وانا اقعد هنا اخدمك!!
ناصر/انتي بتقعدين مو علشاني !!بتقعدين علشان ضميرك لايانبك ويتعبك على اللي سويته فيني!!!
هنوف/اوووف علي وعلى ها الضمير؟؟؟
ناصر/ههه يالله روحي سوي العصير بسرعة!!!
////////////////////////////////////////////////////////////////ملاك/شلونك..
نجود/هلا..
ملاك/منورة الشرقية فيك ومظلمة الرياض علينا!!
نجود/مشاءالله!!
ملاك/انا اتكلم جد؟؟
نجود/شلونك..
ملاك/انتظر هاالاسبوع يمر بسرعة!!علشان تفتح المدرسة واشوفك..
نجود/مالك نية تسافرين مكان؟
ملاك/والله البيت لهم نية بس انا خربت عليهم وقلت ماابي اروح مكان..
نجود/وش عاجبك بالبيت عاد!!
ملاك/كذا مو طايقة اطلع !!!
نجود/وبعد وش اخبارك..
ملاك/طيبة انتي اخبارك الاهم!!
نجود/انا الحمد الله قاعدة مع بنات عمي وخواتي وفالينها...
ملاك/اممم..كلهم من عمرك؟
نجود/لا..عندي الا صغر وعندي اللي بعمري..
ملاك/انتي الكبيرة فيهم؟
نجود/عندي بنت عم اكبر مني.....وانتي عندك بنات كبرك بالعيلة؟
ملاك/مدري...مااشوفهم ولايشوفوني؟
نجود/ليش؟
ملاك/العيلة كلهم مايكلموني...مقاطعيني...
نجود/ليش عاد!!!
ملاك/....................................
نجود/طيب اهل امك واهل ابوك سوا!!
ملاك بحزن/اممممم
نجود/وماعندك خوات؟
ملاك بخوف/ها...لاماعندي!!!
نجود/يعني وحدانية..ياحرام ...اكيد متعلقة بصديقاتك كثير!!
ملاك بسرعة/أي..اي...
//////////////////////////////////////////////////////
---البارت الثالث والثلاثين---
,,,,,,,,,,,,,,,,,,,,,,,,,,,,,,,,,,,,,,
مصعب/فوزية..
فوزية/هلا اخوي...
مصعب بتردد/تتوقعين لو اني خطبت راح انسى جواهر واشيلها من بالي !!
جواهر بثقة/طبعا!!!
مصعب/انا ماابيك تقولينها علشان تخليني اسوي ها الشي وتشجعيني عليه بس!!
فوزية/لايامصعب..لاياخوي انت تعرفني بها السوالف انا جدية ومااجامل ابدا!!وخصوصا اذا كانت السالفة مصيرية مثل هاذي؟
مصعب بالم/أي بس انا مو قادر اشيل طيفها من خيالي!!
فوزية/صدقيني يامصعب ترتبط اللحين بوحدة ثانية وتعيش معها العمر لحظة بلحظة بتنسيك جواهر وطيف جواهر!!بعدين احمد ربك انك ماشفت جواهر غير مرتين بس!!وماصار بينكم أي كلام ولااتفاق ولاارتباط من أي نوع!!ولاوهود ولاكلام هوى يظل ملاحقك ويعذبك؟؟
مصعب بنفس التردد/انتي هذا رايك؟
فوزية/توكل ياخوي توكل...
مصعب/يعني نفس كلام خالي فهد؟
فوزية/هو قال لك نفس الحكي؟
مصعب بالم/أي..وقال لي انها اكيد تحب خطيبها وزواجهم ماباقي عليه شي ولازم ارتبط بغيرها قبل لاتكبر بقلبي وتصعب علي السالفة!!!
فوزية/معه مليوم حق مو بس حق واحد!!!
مصعب/.............
فوزية/يمكن تكون تعلقت فيها بس حط في بالك انك ماهميتها ابدا!!!وخلي ها الشي دافع لك علشان تقوي عزيمتك بنسيانها ياخوي!!!
/////////////////////////////////////////////////
نجود/افتكينا من بنيدر ..مابغى يروح قاعد على قلبنا!!
جواهر/الله ياخذك يالنذلة!!اللحين بندر قاعد على قلبك!!!
نجود/ههههههه
جواهر/هذا واربعاء وخميس وجمعة معك ماتركتك؟؟تاركته هو علشانك وانتي تقولين كذا ..زين لكن اعلمك بفهيدان!!!
نجود/ها ..ها ..ها..كل شي الا فهد لاتقربي صوبه...دوري لك أي شي الا ابو فيصل!!!
جواهر/ساعات احس انك جنيتي يانجود؟
نجود/انا فعلا جنيت!!فهد جنني!!
جواهر/ترى حبكم ماوراه الا وجع القلب يانجود؟
نجود/والله مااقدر ابعد عنه لو اتركه لحظة وحدة بس ياجواهر!!لو تعرفين شلون سكن بعقلي وبافكاري وشلون ملازمني حتى بالنوم!!!كان صدقتي ان حبه دخل بقلبي من غير استئذان!!!
جواهر/بس لاتنسين انه متزوج!!
نجود/وانا ماعندي مانع اخذه لو كان متزوج!!!
جواهر/بس عنده عيال بعد!!!!يعني لاتحلمين انه ينصف بينك وبينهم ابدا!!!
نجود/يكفيني اظل قربه..اسمع اذا حكى ...,,اواسيه اذا شكى,,,انيمه على صدري وامسح بيدي على شعره,,,اشيل همومه اللي مضيقة صدره واريحه!!!
جواهر/لاتعورين بقلبي ترى مافيني على ها الكلام وبندر بعيد!!
نجود/اللحين وش جاب فهد القمة لبندر ال..
جواهر/ها وش بتقولين؟
نجود/امري لله مو قايلة شي؟؟؟؟
جواهر/فكرت بعد!!
نجود/المهم وش عندنا اليوم من برامج!!
جواهر/برنامجنا للبحرين بكرة؟
نجود/طب واليوم؟
جواهر/ماصحى ناصر؟
نجود/زوين..بعده على الزكام والكحة بس ان حرارته انزلت وصار احسن ....
//////////////////////////////////////////////////
فهد/اقول رحاب ماله داعي تجين وانتي تعبانة هم شايلين اعمارهم!!
رحاب/وين اللي شايلين اعمارهم ياعمي بس!!!وبعدين فرصة فيصل يسلى مع احمد؟
فهد/أي بس تعب عليك رايحة جاية ومدام ابو احمد هنا قعدي معه!!
رحاب/ماعليه ياعمي...
فهد/تسلمين...وبعدين اختي ام مصعب تمرهم ..
رحاب/الا صدق ماجت اليوم مااشوفها؟
فهد/توها داقة تقول جاية بالطريق.....
رحاب/تقعد معهم لين تجي انت من المكتب الليل؟
فهد/أي...
رحاب/ونجلاء شلونها...دقيت لها مرتين ماشالته!!
فهد/بخير...
لمى/رحاب...
رحاب/هلا..
لمى/متى بتولدين؟
رحاب/العلم عند الله....
لمى/بتجيبين بنت لو ولد؟
رحاب/اللي بيجيني نعمة من عند الله؟
سارة/أي بس انتي اكيد تدرين وش بتجيبين؟
رحاب/بس مو شرط يكون صحيح...احمد طول حملي فيه وهم يقولون لي بنت!!وفي النهاية طلع ولد؟
سارة/شلون يعني هم مايعرفون؟
فهد/اللي الله كاتبه للانسان ياخذه...مو شرط كلام المستشفى يكون مضبوط..بس هذا مايعني انهم مايفهمون!!
سارة/اممم..
رحاب/مثلك انتي ياسارة...قالوا لنجلاء انك ولد وبعدين جيتي بنت!!
سارة/صحيح بابا؟
فهد/أي...
سارة/وانت زعلت يوم جيت بنت مو ولد؟
فهد/وليش ازعل؟؟جاني فيصل بعدك وبعد اختك؟
لمى/بابا ليش انتوا تحبون الاولاد اكثر من البنات!!
فهد/مو صحيح..
سارة/بلى ..امي تقول الرجال مايملي عينهم غير الولد؟
فهد /مو صحيح بابا...يمكن يكون ناس تفكيرهم كذا..بس الولد نعمة والبنت رحمة,,,
لمى/شلون يعني؟
ام مصعب/السلام عليكم....
وعليكم السلام والرحمة....
ام مصعب/ها حمد الله على سلامتكم ...وش جبتوا لي من الشرقية؟
لمى/امممممم ولاشي...
سارة/انا شريت لك بخور مثل اللي شراه ابوي لك ولبيت عمي.....
ام مصعب/يعني ابوك اللي شراه مو انتي؟
سارة/لا هو حقه غير وانا حقي غير؟؟؟
فهد/اقول ام مصعب..عليك كلافة بكرة تاخذينهم عندك البيت؟
ام مصعب/لا..بس ليش؟
فهد/زواج واحد من معارفي وبيكون بالبحرين وقلت اذا بتقدرين بروح العرس ...
سارة/خذنا معك بابا؟
فهد/وين اخذك بابا عرس رجال مو حريم؟
لمى/بابا البحرين اعراسهم مختلطة عادي!!
ام مصعب/يمه منكم!!
فهد/يابابا..هو من الرياض بس بياخذ له بحرينية..يعني زواجه بيكون منفصل عرس رجاجيل بس...وبعدين انا اذا طلعت من المكتب بمشي ,....
رحاب/ناوي تروح بسيارتك؟
فهد/أي..
رحاب/نصيحة احجز لك طيران وروح...اذا ناوي تروح بيضيع وقتك وانت طالع للشرقية وبتظل على الجسر ساعات مو ساعة وحدة!!
ام مصعب/أي اللحين اجازة ياخوي...
فهد/خلاص انا بكلم ببعدين وبشوف كيف الحجوزات....
ام صعب/قوم لاتتاخر على المكتب صارت الساعة اربع ونص....
///////////////////////////////////////////////////
لمياء/مشاري انا مليت وابي ارد الشرقية؟؟
مشاري/بعد موالرياض ..الشرقية؟؟؟
لمياء/حدي مو طايقة شي واحس نفسي تعبانة!!
مشاري/وانتي وبعدين مع سالفة التعب هاذي!!!
لمياء/وش تبيني اسوي؟؟؟
مشاري/تبين نروح المستشفى!!
لمياء/لا..
مشاري/وش تبين اجل...كل كلمة والثانية وقلتيلي ابي اروح الشرقية!!
لمياء/يعني حرام الوحدة تحتاج اهلها وتقعد معهم فترة بروحها!!!انت مو حاس لانك قاعد بوسط اهلك!!
مشاري/ياقلبي انا ماقلت كذا!!!بس والله تعبتيني معك ولانا داري وش قصتك!!
لمياء/أي قصة!!مافي شي..مشتاقة لااهلي وابي اقعد معهم!!
مشاري/خلاص نمشي اليوم واوديك عند اهلك....
لمياء بدون نفس/شكرا...
مشاري/بس مريم بتضل عندي لانك تعبانة وتبين ترتاحين واكيد انها بتاْذيك!!
رفعت عينها والتقت بعينه ومافهمت وش معنى نظراته اللي بعيونه,,,,,
//////////////////////////////////////////////////////////ناصر/نورة وين هنوف؟
نورة/مدري....وش تبي فيها؟
ناصر/ابيها تسوي لي اندومي خضار...
نورة/وش معنى يعني!!
ناصر/اختصر الطريق على نفسي وعليك!!اذا قلت لك روحي سويليل بتقولي مااقدر واختك بتقول مقدر على ريحته والشغالة ماهي هنا ...فمالي الا اطلب من هنوفوا اصغر وحدة ببيت عمي!!
نورة/هههه أي والله عرفت لنا يانويصر بس تراها سودانية وماتسوي شي...
ناصر بثقة/انتي بس قولي لها الشيخ ناصر وهي بتسويه بسرعة!!
نورة/ههههه للحين متاْثر شكلك بالفيمتو وقاعد تهددها فيه !!!
ناصر بهمس/والله هاذي من كثر بلاوياها معي مدري وش امسك عليها!!!
نورة/الو....وينك هنوفوا تعالي بسرعة بيتنا يالله باي!!
ناصر باعجاب/عجبتيني ماعطيتيها أي مجال انها ماتجي؟
نورة/اعجبك وانا اختك واخت نجود؟
ناصر/عاد وش جاب لجاب الله يهداك!!اصلا كل اللي يعرفنا يقول انا من ام ونجود من ام!!
هنوف اللي دخلت وماحسوا عليها/وانت الصادق علي ونجود من ام وانت من ام ثانية!!!
نورة/متى دخلتي بيتنا انتي!!
هنوف/انا ريشة ادخل ومحد يحس فيني!!
ناصر/شهدتي يانوير!!يعني اذا نقص شي من اغراض البيت عرفنا من سرقه!!!
نورة/هههه ولو انك قلت نوير بس بمشيها لك ياعيني!!
ناصر/هذا دلكعم بعد شنسوي لكم وحدة نوير ووجدة هنيف!!
هنوف/لو سمحتوا اسمي هنوف وعلى سن ورمح بعد!!!
ناصر/اقول لايكثر قلبي وجهك على المطبخ وسويلي ثلاثة اندومي خضار ترى مااكل الا الخضار انا زين!!
نورة حطت رجل على رجل/خليهم خمسة علشان باكل مع اخوي افتح نفسه!!
هنوف تخصرت وفتحت عيونها على وسعها وقالت بصوت عالي/ياسلاااااااام جايبني عمي لكم سيرلانكية وانا مدري!!
نورة وناصر/ههههه
ناصر سوى روحه جدي/روحي انثبري المطبخ سوي الاندومي لااقوم اتصل في عمي اقوله!!يالله بسرعة حركي!!وبعدين انتي مو سيرلانكية انتي حبشية ههههه
نورة/هههههههه
هنوف/ان ساءالله بابا مافي مسكل بعدين انت يصير زين انا يطلع عيون مال انت!!!!!!!
////////////////////////////////////////////////////////////
في مكتب فهد..
نصعب/خالي ممكن اقعد معك شوي...
فهد/بدون موعد مسبق!!!تعرفني مااحب الزيارات المفاجئة!!
مصعب قعد وقال بالم/خالي انا تعبان وابي اتكلم معك يمكن لان انت تشبهني ؟؟؟
فهد/اشبهك بشنو؟
مصعب/بنفس حالة الحب اللي قاعد امر فيه..انت قاعد تمر فيها!!
فهد بعصبية/انت شقاعد تقول!!
مصعب/خالي...سالم قال لي كل شي.....عنك وعنها!!
فهد/وهو باي حق يقولك اصلا!!
مصعب/انت مو واثق فيني ياخالي!!
فهد بعصبية/ماهي مسالة ثقة يامصعب!!!هاذي امور شخصية وماابي مين ماكان يتدخل فيها؟؟؟
مصعب/انا مدري وشي ظروفك ...بس انا قاعد اتعذب من كثر ماافكر فيها!!
فهد/انت معذب نفسك بنفسك يامصعب!!!مالقيتها غير مرتين بس !!ليش معلق نفسك فيها كذا ليش!!
مصعب بالم/ياخالي انا مالي شغل!!!هي دخلت افكاري وعاشت فيني !!!شسوي انا!!شلون اشيلها من بالي !!والله مو قادر,,,عمري ماحسيت بالضعف كثر ماحسيت فيه اليوم...
///////////////////////////////////////////////////////
لبنى/تصدق انه احلى عيد ميلاد مر علي بحياتي...
عبدالعزيز/جد!!
لبنى/أي والله!!ههههه لو اقولك وش اللي حلاه ماتصدق؟
عبدالعزيز/شنو؟
لبنى بفرح/ان انا نفسي نسيت عيد ميلادي وكل اللي حوالني نسوه ومحد تذكره غيرك!!!تعرف شقد ساووت عندي هاذي!!
عبدالعزيز/والله اني افرح لافرحتي ياقلبي,,,
لبنى/انا افرح اذا كنت انت مرتاح ومتهني ومبسوط,,,هذا اهم شي عندي بالدنيا...
عبدالعزيز/مدري ليش السعادة تبي تبعدنا عن بعض!!
لبنى/لاتقول كذا!!
عبدالعزيز/يعني انا واثق مليون بالمئة ان ابوك راح يرفضني وخصوصا اذا عرف ان ابوي بالسجن!!
ماكان عند لبنى أي جواب لانها عارفة ان ها الشي صحيح,,,
عبدالعزيز تنهد/خصوصا ان ابوي ماراح يطلع قبل ثلاث سنين!!!!وانا مقدر انتظرك اكثر ودي اخذك واصون نفسي واغير جوي شوي,,,,,
لبنى بالم/وانا شقدر اسوي عاد!!!والله لو في يديني شي كان سويته من زمان!!!
عبدالعزيز/ماالومك..صدقيني ماالومك!!!الوم قدرنا ودنيتنا اللي احنا عايشينها,,كيف تهمها المظاهر وتنسى ان القلوب اختارت!!!!!
/////////////////////////////////////////////////////
بندر/والله تعبان حييل ومحد حاس بللي انا عايشه وشايفه!!!
بندر/انت متعب نفسك على الفاضي!!!ياعلي اللي تسويه بنفسك وبعبير محد يرضاه!!
علي/وانت بس مرتك قالت لك حرام قلت وراها حرام!!1مكنت شايف وراضي علشانها بتقلب!!
بندر/؟؟؟؟؟؟؟؟؟؟؟؟؟؟؟؟؟؟

علي/المشكلة يابندر ان احنا مهما بعدنا عن الناس اللي نحبهم ..مصيرنا نرجع لهم!!!
بندر/انت مو قايل ان نجود قالت لك على لسان لمياء انك لازم تبتعد لانها سعيدة بحياتها وماتبي تهدم حياتها!!
علي/ابي اسمعها منها..ماابيها تحط بيني وبينها ناس يوصلون الكلام؟؟؟؟
بندر/علي...لاتهدم حياتها حرام!!الله مايرضى؟
علي/ابي اعرف منها بس ليش تركتني قبل ؟؟؟ليش اختارته هو؟؟وهل هي انجبرت عليه ولااخذته برضاها؟
بندر/وبعد ماتعرف بتتركها؟
علي/خليني بالاول اعرف وبعدها اجابتي تعتمد على اجاباتها!!!!
بندر/بتجيك لحظة بتهدم حياتك وحياتها ياعلي!!وساعتها ماراح ينفعك شي؟
//////////////////////////////////////////////////////////في بيت السبيعي,,,,
ناصر/الحمد شبعنا...بس طعمه مو حلو ولانوير شرايك؟
نورة/أي انا بعد احسه مو شي!!!
هنوف/خلصتوا الصحن كله وتقولون مو حلو؟؟؟صدق عيارين انتي واخوك؟
ناصر/احنا كنا نكتشف طعمه ليس الا!!!
نورة/وش خاطرك تاكله اللحين ياشيخ القبيلة؟
ناصر/الله..تحسين يناسبني اصير شيخ القبيلة..كشخة!!!
هنوف/ولايناسبك ولاهم يحزنون!!لاتلعب على نفسك؟
ناصر/انتي من طلب رايك عاد!!!
هنوف/وانا ليش قاعدة معكم مو علشان اخذ واعطي بالسوالف معكم!!!
نورة/لا طبعا قاعدة علشان تخدمينا..احنا الشيخ واخته!!
هنوف/عقلوا عن الجنون بس!!!
ناصر/هههههه لو هي غصبا عليكم انصاعوا لااوامرها لانها شيخة القبيلة احنا لا؟؟؟
هنوف/ههههههه يافاهمني!!!
ناصر/ المهم نوير بسرعة قرري بشنو نسكت جوعنا اللي مو راضي يشبع من الاندومي!!!
نورة/شيز برجر..سريع علشان لاتقول تعبانها بنت عمي الغالية؟
هنوف/مالكم امل؟
ناصر/يالله بسرعة روحي سوي لي ثلاث شيز برجر..وانتي نوير كم وحدة تبين؟
نورة/وحدة مافيني اكل اكثر توني ماكلة اندومي؟
ناصر/خلاص اربع شيز برجر وانا بيبسي مكينة مو قوطي؟
هنوف/اخاف مصدق ولا الحرارة ماْثرة عليك وفاكر نفسك قاعد بمطعم!!!!!
ناصر/هههههه لامافيني الا العافية..
هنوف/مدام مافيك الا العافية بقوم اروح بيتنا!!
ناصر/تعالي سوي لاادق على عمي اعلمه ..يالله تعالي!!!
*//////////////////////////////////////////////////////
في مكتب فهد الفارس,,,,
فهد/وهاذي كل سالفتي معها يامصعب؟
مصعب/مدري شقولك ياخالي..
فهد/لاتقول شي يامصعب...حياتي مع عمتك عايشها خمس عشرة سنة وكل ماحاولت اعدل فيها ماتتعدل ولاتتغير بالعكس الهوة بينا تزداد يوم بعد يوم!!!
مصعب/وانت تشوف ان نجود مناسبة لك..عمريا وفكريا واجتماعيا!!!
فهد/نجود كاملة والكامل وجه الله....يكفيني انها قدرت تخليني اسولف لها عن همومي ومشاكلي وعن كل شي بحياتي!!!
مصعب/أي بس لاتنسى وضعك ياخالي!!!
فهد/تقصد العيال!!!هذا اللي مرددني في اني اطلب يدها ....ابي اول اشوف مدى تقبلهم لها....
مصعب/طيب وعمتي؟
فهد/عمتك!!!!تعرف يامصعب عمتك لو افاتحها بالموضوع شنو بتقولي؟بتسالني منهي العروس وماراح تسالني ليش بتزوج عليها!!!وبتشكيني لاامك ولااخوي بو مشاري ؟؟وبعدها بتسويلي سالفة طويلة عريضة عن اني ماالعب بالفلوس علشان وناستي لاني كبرت والفلوس هاذي من حق عيالي!!نجلاء فاهمها زين يامصعب!!!
مصعب/لاتظلمها ياخالي يمكن انها...
فهد/راح اذكرك اذا جتنا اللحظة هاذي يامصعب راح اذكرك!!!اقولك معاشرها واعرفها زين!!!
مصعب/...مدري شقولك...
فهد/لاتقول شي...بس بما انك عرفت...حاب اقولك اني ظلمت نفسي مدة طويلة مع عمتك لدرجة ان مشاعري ماتت فيني!!!طول عمري وانا صاين نفسي وكرامتي ومخلص لها وانفسي...بس يوم جت نجود غيرت فيني كل شي بلمحة بصر..تعلقت فيها..مقدر اتركها يامصعب...ابي اعيش باقي عمري معها ,,,,ابيها تحسسني اني اهم شي بدنيتها..وبالكون كله ..مثل ماقاعدة تسمعني!!!
مصعب/الحب صعب....صعب...
فهد/محد له عندي شي..حتى عيالي مالهم حق يقولون لي لا!!!راح اعتذر منهم واخذها...ابعتذر لهم..ابعتذر عن تقصيري لو قصرت..ابعتذر عن كل شي الا الهوى ما للهوى عندي عذر؟؟
مصعب/حاس فيك ياخالي حاس....ودعواتي لك ...
فهد/مصعب..خلي الموضوع بينا بس!!!انا ثقتي فيك كبيرة..لين اشوف كل اوضاعي واطلب يدها!!
/////////////////////////////////////////////////////
اليوم الثاني الضهر كانوا ابو علي وام علي ونجود ونورة وهنوف وجواهر وامها وابوها واخوها بالبحرين....
جواهر ونجود تركوا المجموعة بمجمع البحرين وقاموا يتمشون بروحوهم....
جواهر/هو قايل لك انه جاي؟؟
نجود/أي الصباح قال لي خلا العيال مع عمتهم وجاي..
جواهر/وماوصل للحين؟مت من الجوع ابي اروح اتغذى...
نجود/هذا هو اتصل اسكتي...الو هلا...وينك....حمد الله على سلامتك.....اي انا بمجمع البحرين..جيان...اي قريب يعني...طيب وين بنتغذى؟لالا عفية البوفيه الكبير اللي بالسيف مااضمنه؟لا يعني افرض مالقينا كبينة داخل وش استفدت انا قعدت مع برى..انا ابي اخذ راحتي....تعال مرميز ..قبال جيان...يالله انا رايحة لك......
جواهر/جاي..
نجود/أي هو عند الدوار اصلا!!خلينا نطلع..
جواهر/نسويها ونمشي للمطعم ونقطع الشارع!!
نجود/وليش خايفة ان شاءالله؟
جواهر/مو خايفة بس لو هنا بندر ذبحني!!!
نجود/واللي يعافيك لاتطرينه مو وقته اصلا!!!!
جواهر/حرام عليك....
طلعوا من المجمع وقطعوا الشارع للمطعم مرمريز قبالهمويوم وصلوا لقريب من البا وقفت سيارة فهد ونزل منها وكانت المفاجئة ان مصعب نزل معه من السيارة,,,,
دخلوا المطعم بدون أي كلمة..وقبل لايركبون الدرح وقفت نجود جنبه ..وقالت له بهمس/ماقلت انه راح يجي معك!!!
فهد/صار وباخر اللحظات قلت له اني جاي وقال بيخاويني ..وبيني وبينك حسيته محتاج للجيئة...بس يوم وصلنا البحرين تذكرت انها راح تكون موجودة معك وتندمت اني قلت له!!!
نجود/بيقعد معنا!!!
فهد/لا ..لا تخافين...
صعدوا لفوق ومصعب قعد بكابينة مفتوحة وجواهر قعدت بروحها وهي حاسة بالارتباك من نظرات مصعب اللي ماحسبت له أي حساب انه بيكون موجود!!وفهد ونجود قعدوا بروحهم.....
///////////////////////////////////////////
محمد ونورة وهنوف كانوا يتمشون بين المحلات(محمد اخو جواهر باول متوسط)
محمد/هنوف هنوف شوفي....
لفت هنوف وشهقت بس بعدها ضحكت..
كان محمد بس قنا ع وحوش يخوف...
محمد/ها زين..
نورة/وش تبي فيه..ماعندنا جهال تخوفهم؟
محمد/لا انا ماابيه للجهال ابيه لشي ثاني؟
نورة/لشنو؟
هنوف/وش اللقافة اللي فيك..يمكن مايبي يقول؟؟؟الا قولي يامحمد ليش بتشتريه؟
نورة/ههههههه حلوة...
محمد/بشتريه علشان اخوف فيه بندر اذا جا يتغذى معنا يوم الجمعة!!
هنوف ونورة/هههههههه
هنوف/وليش تبي تخوف اخوي ان شاءالله؟
محمد/يااخي مللنا كله قاعد في بيتنا..ومن يشوفني روح اشتر لنا وروح جيب لنا..ويسويني هندي له ولمرته!!!
نورة/ههههههه
هنوف/لالالا انا معك بها الشي...خذ راحتك..واذا تبي بعد خذ العاب نارية علشان تعيشهم بارهاب طول الوقت!!
محمد/رايك كذا!!!
هنوف/أي..وفي هنا مسدسات بعد حق الجهال اللي يطلعون اصوات لابندر يقدر عليهم ولاجواهر خذهم وطول الوقت شغله بوجههم وخلهم يتضايقون منه!!!
محمد/زين انك هنا علشان اشاورك واخذ بنصايحك؟
نورة/هههه لابالله راحوا فيها وطي؟؟؟
//////////////////////////////////////////////
بالمطعم...
فهد/اول مرة اجي هنا بالعادة علطول بالبوفيه المفتوح بالسيف...
نجود/لا انا جربت هنا قبل مرتين لو ثلاثة مع بنات عمي..اكلهم حلو وحتى قعدتهم حلوة.....وبعدين انا ماارتاح هناك..كل السعودية بذاك المطعم وخصوصا الشباب؟؟؟
فهد/وانتي وش اللي مضايقك؟
نجود/ولاشي..اصلا مافي شي يضايقني....
فهد/طيب وش بتختارين....
نجود/انت وش تبي...
فهد/بتختارين مثلي...
نجود/لا..بس حابة ااكلك على ذوقي اليوم!!!
فهد/أي بس انا اعرف اختار لنفسي!!!
نجود/يافهد ياقلبي..انا اعرفك..تقليدي حيل بالاكل...هذا انت عودتك الطباخة كل يوم على الرز صرت ماتغير...
فهد/ياسلاام!!
نجود/شوف بطلب لك فيليه دجاج..حقهم هنا يجنن..وبطلب لك شوربة عدس وتبولة وعصير برتقال..طيب...
فهد/لا..انا اذا مااكلت رز مايمشي الحال!!وبعدين انتي قلتيها عودتني الطباخة كل يوم على ها الشي مقدر اغير..
نجود/واذا قلت لك اني مصرة على راي وماراح اغيره لو شيصير وبطلبهم يعني بطلبهم!!!
فهد/ليش العناد انا اللي باكل لو انتي!!!
نجود/حابة اغير في بعض الاشياء اللي مو عاجبتني فيك!!روتينك هذا كله راح يتغير يافهد.....
فهد/عنيدة!!!
نجود/طالعة لفهد,,,,,
/////////////////////////////////////////////////////////////
بس لو ماشافها كان بيكون اكثر تركيز وهدوء....
هو عارف انها راح تكون مع نجود ونسبة تواجدها تسعين بالمية!!ومع ذلك اصر انه يجي مع خاله ويخاويه علشان يملي عينه من شوفتها قبل لاترتبط بانسان غيره وقبل لاهو يرتبط ولو انه من شافها شال فكرة الارتباط نهائيا وتبخرت من باله!!!!
بس شوفتها هنا وبنفس المطعم اثارت فيه اشواق خامدة وثايرة بنفس الوقت,,
وده يسمع صوتها حتى لو كانت تصارخ عليه..بس المهم يسمع صوتها,,,
شيسوي بس بشوقه اللي مو قادر يهداْ من شافها وهم داخلين شيسوي!!!
ياليته بس يقدر يتكلم معها ويخبرها بااشواقه وحبه اللي من طرف واحد بس!!!!!
كانت عيونه على الكبينة اللي قعدت فيها بروحها ...ليته لو يقدر يقول لها ممكن نقعد سوا..او حتى لو أي شي!!بس المهم يقعدون مع بعض ويسمع صوتها ويملي عينه من عينها!!!!
/////////////////////////////////////////////////
هيا/اوووووف لو ادري رحت معهم؟؟
ناصر/ومن قال لك لاتروحين؟
هيا/مو علة القلب بتكون هناك؟
ام ناصر/عيب ها الكلام يابنت!!البنت بنتنا وانتوا كلكم رابين مع بعض؟
ناصر/انتي ليش ماتحبينها؟
هيا/انت ماتشوفها طول الوقت ماخذة نجود عندها!!!يااخي خلها عندنا شوي نبي نقعد معها ونسولف معها...
ناصر/من زينها عاد ها النجود تتهاوشون على القعدة معها!!عندكم انا ليش ماتتهاوشون علي!!
ام ناصر/هههه واللي يعافيك يمه اسكت لاتضحكني!!
ناصر/هههه ضحكي يمه ضحكي الضحك ببلاش ها الايام ..قبل رمضان بيغلا وبيصير بفلوس!!!!!
ام ناصر/والله ,,هههههه
هيا/ظريف الاخ موت!!!!!
ناصر/اقول اذا مو عاجبينك قومي قلبي وجهك واللي يعافيك!!!
هيا/زين بقوم ومن قال عاد اني بقعد لك؟
ام ناصر/ناصر يمه بالهداوة عليها...
ناصر/انتي ماتشوفينها كيف قاعدة وهي مو طايقتنا!!
ام ناصر/ماعليه يمه يصير بخاطرها بعدين..وبعدين انت الكبير والفاهم...
/////////////////////////////////////////////////////////
نجود/اشوفك تاكل وانت ساكت وكانه ذوقي بالاكل عجبك؟
ابتسم لهافهد/واشوفك مالمستي شي من اكل وجالسة تناظريني!!!
نجود/حشى مالمست اكلي لين تخلص انت من اكلك!!!اكل معك بنفس الوقت ..لا والله مايصير!!
فهد/وش اللي مايصير؟؟
نجود/تخلص انت اكلك وبعدين اكل انا!!!كذا الاصول تقول...
فهد/نجود...لاتكبريني بعيني من كلامك وتصرفاتك معي وتحسسيني اني مخلوق من ذهب!!!واني غير البشر؟؟
نجود/وليش ماتحس ياقلبي..حس..يحق لك اصلا تحس بانك غير عن البشر!!اصلا انت يافهد مامنك غيراثنين...واحد انقرض من مليون سنة..والثاني كاهو قبالي عسى ربي يحفظه لي ويحميه!!!
فهد بهمس/ترى انتي مدلعتني كثير بها الدعوات اللي كل شوي تقولينها!!!
نجود بنفس همسه/واحد مايتمنى يدعون له!!!
فهد/أي بس انتي فعلا قاعدة تحسسيني اني غير؟؟
نجود/انت فعلا غير!!ليش ماتبي تصدق ها الشي!!!
ظلوا يناظرون بعض بنظرات مو مفهومة او على الاقل ماافصحوا فيها عن مشاعرهم لين امتدت اياديهم لبعض وتلامست ومسك فهد يدها بقوة وكانه خايف تبعد لو ثواني!!!
فهد/نجود....انتي قاعدة تسكنين قلبي بين كل يوم والثاني اكثر واكثر....
نجود/انت سكنت وانتهيت يافهد!!تصدق اكتشفت ان حياتي والايام اللي عشتها بعيد عنك ماهي محسوبة من عمري!!!!
فهد/مقدر على كلامك يانجود مقدر!!!انتي قاعدة تغرقيني !!!!
نجود/خلاص غير الموضوع ولاتتضايق....على فكرة الساعة اربع ونص عندك موعد؟
فهد/انا!!!
نجود/أي انت...
فهد/موعد..موعد مع منو؟؟؟
نجود/موعد مساج ..انا جاجزته لك..بمركز شياتسو.....ومافي أي اعتراض!!!
فهد/وش مساجه بعد واللي يعافيك؟؟؟
نجود/قلت لك ماابي اعتراض!!انت محتاج تاخذ لك جلسة مساج تريح فيها اعصابك وجسمك ....اصلا بعد ماتطلع من الجلسة بتشكرني وبتدعيلي!!
فهد/نجود!!!وانا حق ها السوالف!!
نجود/والله اللي يسوون ها السوالف مو احسن منك بشي!!بعدين انت تعبان يافهد...ضغط البيت والمكتب....وماتريح حالك مثل العالم وها السجاير من جهى ثانية!!!!حجزت لك موعد تريح فيه اعصابك وترتخي وتنسى كل العالم...وبعدين انا حاطكة لك برنامج كل شهر لك مرتين ولاثلاث تاخذ جلسات مساج يروقون اعصابك ولاتقولي لا!!!
فهد بهمس/مجنونة وبتجنني معها!!
نجود/راضية اكون مجنونة بس اشتري راحتك واخليك مرتاح ومبسوط!!!
شد على يدها اكثر واكثر وذابت نظراتها فيه..
وقال لها بهمس/نجود انتي فاهمة وش معنى انك تعلقيني فيك اكثر واكثر!!!!
نجود /فهد لاتخليني اقوم من مكاني واجي حضنك لاني ماابي اسويها!!
فهد/ارخى يده عن يده وصار ضاغطعليها من فوق بس بحركة يده وكانه يمسجها وهو يدغدغ فيها كل مشاعرها ...
فهد بهمس/وليش ماتبين تسوينها!!!
نجود/لاني سويتها من قبل وحسيت نفسي متت وانا بحضنك..,,,
فهد/ماتبين تموتين مرة ثانية,,,!!!!
لو ماقال سؤاله صراحة كانت نظراتها ذابحتها اصلا!!!
ماتدري هو فهد رفع يدها وقربها لعنده ولاهي اصلا بروحها قامت وراحت لعنده وحطت راسها على صدره وخبته فيه...
فهد بهمس/ممكن افتح شيلتك والمس شعرك؟
نجود بتنهد/فهد انت تتعبني!!!!
فهد/نجود....انتي عندك اعتراض نتزوج وانا عدي عيال!!!
نجود بسرعة/لا يافهد لا...يكفيني انيمك على صدري الليل واخذ الاملك وهمومك وكل شي يتعبك واشوفك نايم ومتهني وانت مرتاح!!!
فهد تنهد بقوة/وينك انتي من زمان!!!ليش ماكنتي موجودة بحياتي قبل خمس عشرة سنة ليش!!!!

///////////////////////////////////////////////////////////////لمى/عمتي..
ام مصعب/نعم...
لمى/الماما ماكلمتنا اليوم؟فوزية/يمكن لانها فاكرتكم مع بابا فهد ودقت على البابا وهو نسى يقول لكم,,
ام مصعب/الا من راحت نست نفسها!!
فوزية/يمه..مو قدامهم عاد!!
سارة/انا اعرف.....
فوزية/وش اللي تعرفينه!!
سارة/اصلا البابا والماما شكلهم متهاوشين....
ام مصعب/وانتي وش عرفك؟
سارة/لان بابا كل يوم هو اللي يتصل في امي ويخلينا نكلمها ويادوب يقول لها شلونك وش مسوية ويسكر!!!وهي ماتتصل فيه!!
فوزية/انتوا مو قاعدين مع البابا سارة حبيبتي طول الوقت...وبعدين شغلات الكبار مايتدخلون فيها الصغار..
سارة/انا مو صغيرة..لمى الصغيرة بس انا اعرف كل شي.....
ام مصعب/دقي على رحاب شوفيها وش مسوية مع فيصل..
فوزية/انتي بعد يمه ليش خليتيه يروح عندها هي تعبانة؟
ام مصعب/مارضى يقعد ..قال بيتكم مافيه احد ومصعب راح مع ابوي واتصلت هي قالت جيبيه يلعب ويتسلى مع احمد..بغاها من الله وراح....
لمى/متى بيجي البابا؟
فوزية/ليش تسالين حبيبتي؟
لمى/يعني وين بنام!!
فوزية/بتنامون ها لانهم بيتاخرون شوي,,مصعب كلمني قبل شوي وقال انه البابا شرى لك لعبة حلوة انتي وسارة..
سارة/انا مااحب الاالعاب وكبرت عليهم وقلت له مليون مرة لاتشتري لي العاب واذا عطاني اياها ماارح اخذها!!!
ام مصعب/انتي طالعة كذا لمنو؟
سارة/وبعدين هو مو رايح عرس صاحبه كيف اشترى لي لعبة بالله!!!
فوزية/لانهم وصلوا الضهر والعرس الليل يالعاقلة فراح اشترى لك انتي واخوانك ماحب يجي لكم ويده فاضية,,
ام مصعب/هذا بدل ماتقولين له تعيش وتجيب لي غيرها عسى ربي يسلمك ويحفظك تقولينه له ماابي لعبة كبرت عليها!!!!!
/////////////////////////////////////////////////////
الليل بمجمع السيف...
نجود/انتي وش فيك متضايقة اللحين ؟؟
جواهر/انتي مو شايفة كيف يناظرني!!
نجود/ههههههه
جواهر بعصبية/في شي يخليك تضحكين؟؟
نجود/بس لو شافك مصعب قبل بندر كان ....وش جاب مصعب لبندر!!
جواهر/نجود لاتزعليني ها؟؟بندر حبيبي وماارضى بغيره لو شيكون؟؟؟
نجود/ماقلت لك شي...بس اللي انا اسمعه من فهد انك جننتي مصعب ومو قادر يشيلك من باله!!
جواهر بكبرياء/ذنبه مو ذنبي!!!انا لبندر..لبندر وبس؟؟موتي وقبري اقرب لي من اني ابيع مشاعري لغيره!!!
نجود/هو عارف ها الشي ومقتنع فيه..بس شيسوي مشاعره جابرته يجي لعندك ويمشي وراك ويملي عينه منك!!اصلا فهد يبي يزوجه علشان يشلك من باله!!
جواهر/يسوي فيني جميل!!
نجود/انتي من صدقك!!!المسكين يمشي بحاله واحنا بحالنا!!
جواهر/يكفي نظراته اللي من الضهر للحين وهي تمشي وراي وكانه يحرسني!!!
نجود/اللحين بالمجمع كله ماغير مصعب يناظرك!!!صلي على النبي!!
جواهر/هو بزيادة يانجود؟؟؟اذا عرفتي ان احد قاعد يناظرك وهو متقصد مدري شلون نفسيتك كلها تقلب,,,,,
نجود/ماصار وقت الفلم يالله ماابي اتاخر عن فهد....
///////////////////////////////////////////////////////
عبير/بروح اقعد عند خواتي اذا ماعندك مانع!!!
علي/وانا مو مالي عينك حضرتك؟؟ولا معتبرة مالي وجود بالبيت!!
عبير/انا ماقلت شي ياعلي بس انت قاعد تشاهد ومو قاعد معي!!وانا مليت ابي اروح اسولف معهم شوي؟؟
علي/اذا انا موجود ماتطلعين من الشقة سامعتني؟
عبير/وانا وين بروح عاد!!خطوتين بينا وبينهم؟؟
علي بعصبية/ان شاءالله يكون بابا اللي يفصل بينا!!قلت لك مافي طلعة وانا موجود؟؟مو عاجبك دخلي نامي!!!
عبير/اووووووووووف ياربي...انت ليش كذا!!!
علي بعصبية/وش اللي مو عاجبك ان شاءالله ها؟؟؟
عبير /ولاشي شكلي بنام اريح لي!!
علي/يكون احسن؟؟
////////////////////////////////////////////////////
بالسينما...
كانوا الناس مشغلين بالفلم..
الا نجود وفهد كانوا مشغولين في بعض وبهمسهم لبعض وكل واحد بحضن الثاني وكانهم متخذين المكان امان لهم يسوون اللي يبونه بدون حسيب ولارقيب...
جواهر الوحيدة اللي كانت متضايقة من نظرات مصعب وقربه..خصوصا ان الكرسي اللي جنبها كان فاضي وجا جلس فيه...
مصعب بهمس/انا ماودي تتضايقين مني بس كنت بقولك انك دخلتي افكاري ومو قادر اشيلك..
جواهر بحدة بس بصوت واطي/لو سمحت انا مرتبطة؟؟؟واحب خطيبي موت وهو يحبني!!!وزواجنا قريب؟؟
مصعب بالم/عارف بس كنت بقولك عن مشاعري واحاسيس ناحيتك وكيف انك ماتغيبين عن بالي لحظة وحدة!!!!
ظلت ساكة وفضلت انها ماترد عليه علشان يشوف صدها ويتركها وفعلا سكوتها خلاها يسكت ومايتكلم ضل يناظرها وبطرف عينه بتنزل باي وقت!!!!
نجود وهي بحضن فهد/تعرف اني اسعد انسانة بها الكون؟
فهد/وتعرفين اني ودي فعلا اشكرك على ها الهدية الحلوة..من جد احلى هدية اخذتها ريحتني حيييل وبديت افكر بعرضك حق المرتين بالشهر بشكل جدي؟
نجود/مو على كيفك ..بتسويه وغصبا عنك!!اصلا انت هامل نفسك وصحتك مدري علشان منو؟
فهد/نجود صدقيني ماودي ارجع البيت الا معك!!!
نجود/ههه ودك تاخذني ببلاش!!من قال اني برضى عاد!!حبيبي مهري قبل كل شي ومابتنازل عن ريال واحد فيه!!
فهد حضنها اكثر هو يضحك/هذا بدل ماتقولين لي ماابي مهر تكفيني انت!!
نجود/انت تكفيني ماقلنا شي بس مهري ماراح اتنازل عنه ياقلبي...انا لمنو بلبس واكشخ موعلشانك ؟؟
فهد/هههه
نجود/خلاص اجل لاتناشبني بالمهر ولاهي منة يعني!!
فهد/نجود خلك معي لاتقومين؟
نجود/حبيبي خلاص الفلم انتهى ولازم نقوم....ماودي اقوم صدقني بس اليوم انتهى وابيك تتاكد اني اموت فيك واحبك وودي اعيش معك كل يوم مثل ها اليوم!!!
///////////////////////////////////////////
انتهت الاجازة سريعة واللي بالكويت رجعوا واللي بالشرقية ارجعت بيت زوجها بدون ماتستفيد من روحتها لانها عجزت اصلا تشوف علي ولاحتى تكلمه !!!
وابتدى اول يوم دراسي.....
يوم السبت,,,,,
بجمعة البنات...
سارة/هلا....
ملاك/اهلين..
سارة/وينك طول الاجازة مقفل جوالك؟
ملاك/أي انا هذا مقفلته وفاتحة الثاني..ليش كنتي تبين شي؟
سارة/كنت ابي اتطمن عليك..
ملاك/شكرا..تبين شي؟
سارة/وش فيك مستعجلة؟
ملاك/بروح اسلم على ابلة نجود توها رادة وابي اشوفها قبل الفصل؟
سارة/لاحقة عليها..
ملاك/لالالا ابي اشوفها قبل لاتدخل علينا..يالله باي...
سارة/وها النجود مو منتهية سالفتها معك ياملاك!!!لكن وينك يانجود انا لك والله لاارجعك الشرقية وافتك منك!!!
/////////////////////////////
بغرفة المعلمات...
نجود/هلا وغلا..وحشتينا زمان عنك..
هاجر/انتوا اللي وحشتوني اكثر!!!
منال/شلونكم..شخباركم..
نجود/هلا والله وش جبتي لنا من الكويت!!
منال/كل خير ان شاءالله..
مدت يدها بعلبة الحلاوة وابتسمت نجود لانها عارفة بس سوت روحها ماتدري..
هاجر/هذا علشان جيتكم من الكويت بالسلامة؟؟
منال/هههه هذا واحد والثاني علشان ولادة رحاب اختي..
نجود/لا ..ولدت؟حمد الله على سلامتها؟؟وش جابت؟(عارفة من فهد بس يوت روحها ماتدري)
منال/جابت لنا بنوتة حلوة مرة..
هاجر/الله يخليها لكم ان شاءلله...
نجود/تستاهلون سلامتها..
هاجر/من متى ولدت؟
منال/يوم الاربعاء..يوم رجعنا من الكويت..
نجود/طلعت من المستشفى؟
منال/أي قاعدة بالبيت عندنا...
هاجر/يبيلنا نجي نحمدها السلامة يانجود؟
نجود/أي اكيد خلال ها الاسبوع بنجيها ان شاءالله...
//////////////////////////////////////////
ان شاءالله عاد عجبكم البارت وماهو قصير يالغلا,,,
**زيارة نجود لبيت الفارس وش اللي بيصير فيها وليش بيعم الصمت البيت مرة وحدة !!!!وشنو بيكون موقف نجود وفهد ونجلاء ومنال وام مشاري من اللي بيصير؟؟؟
***المشكلة ان احنا مهما حاولنا نخفي مشاعرنا تجاه الاخرين يكتشوفنا!!!
***بالعكس نجود تعذب وهي زعلانة!!
هلا وغلا فيكم وفي تواصلكم الرائع..
بس انا مفتقدة بعض الاسماء ..ملوك,,,ماكنو,,لانا 2009,,شيفو..znm,,,والكثير من الاسماء اللي ماتحضرني..بس مفتقدتهم وان شاءالله يكونون بخير,,,
///////////////////////////////////////////////////////////


---البارت الرابع والثلاثون---
,,,,,,,,,,,,,,,,,,,,,,,,,,,,,,,,,,,,,,,,,,,,,,
ملاك/شلونك ..حمد الله على السلامة..اسفرت وانورت الرياض بطلتكم البهية والله!!
نجود/مشاءالله !!كله علشاني؟؟
ملاك/واكثر بعد...عندك وقت تسمعين!!
نجود/لا..
ملاك/حرام عليك دايم كاسرة بخاطري...
نجود/ههه على الاقل واحد بالعالم يقدر عليك بدل منتي قادرة على العالم كله!!!
ملاك/والله اني بريئة ليش محد مصدقني!!!
نجود/مصدقينك مايحتاج...
ملاك/وحشتيني موت...
نجود/شكرا..في شي ثاني!!
ملاك/افا!!!!!
نجود/طابور يابنت الناس؟؟؟؟؟
//////////////////////////////////////////////
على التلفون,,
نجلاء*/أي ماعرفت اكمل لك سوالفي عن دبي ها اليومين ضليت مشغولة بالحريم اللي يجون لرحاب...
ام مصعب/أي انا الليلة بمرها بعد...
نجلاء/سكتي ضيق خلقي اخوك من جيت علشانهم!!
ام مصعب/فهد!!ليش؟؟؟
نجلاء/وش شريتي لهم؟؟يوم قلت له اني ماجبت لهم شي انت مو معي ومو محسوب علي اجيب لهم هدايا ثار علي وعصب..وها الشنط كلها الملايانة وماجبتي لهم شي!!
ام مصعب/وهو الصادق!!!الباب واحد وماجبتي لهم شي؟
نجلاء/ها..بتصيرين مع اخوك ضدي!!!
ام مصعب/انا لامعك ولامعه انا مع الاصول واللي لازم يصير....المهم وش سويتي معه؟
نجلاء/لزم علي وقال لي من اغراضك تشيلي هداياهم وتعطيهم اياهم من راس رافع هذولا بيت اخوي؟؟؟
ام مصعب/جوا حمولة رحاب اليوم ولا الليل بيجون؟
نجلاء/لا محد بين منهم اكيد الليلة بيجون؟
ام مصعب/عاد انا كلش مالي خلقهم اذا صادف واني جيت بنفس وقتهم بجي اقعد عندكم..
نجلاء/البيت بيتك ياام مصعب انتي الداخلة واحنا الطالعين...
ام مصعب/الا صدق سويرة بنتك عليها لسان وش طوله..انا قلت لاابوها ..قلت له لازم تغير تعاملك انت وامها معها مايصير البنت كذا تتركونها على راحتها؟؟
نجلاء/اسم الله عليها سارونة وش فيها؟؟
ام مصعب/وش اللي وش فيها!!لسان اعوذ بالله منه متبري منها اصلا!!!
نجلاء/وانتي بتاخذين بلسانها وهي بعدها بزر؟؟؟
ام مصعب/لاماهي بزر يانجلاء وديري بالك عليها..ها السن لازم تتابعينها بكل شي....
نجلاء/أي يصير خير..
ام مصعب/مو يصير خير وتتركينها تركب راسك؟؟؟
نجلاء/لا تشيلين هم..
//////////////////////////////////////////////////////////فوزية/كيف كانت رحلتكم؟
محمد/بشكل عام كان ينقصها وجودك علشان تزيديها حلاوة!!
فوزية/ياسلاام!!انت بتضل تقص علي بها الكلام الحلو؟؟
محمد/حرام عليك انا اقص عليك!!!والله انه طالع من قلبي وانتي تعرفين بس دلع بنات صح ولالا؟
فوزية/تقدر تسميه!!!!
محمد/مااشتقتيلي!!
فوزية/قلت لك البارحة كنت بجي مع امي بس لاحول ولاقوة قعدت مع الجازي تعرف ليلة سبت ومدارس وامي انظمتها شوي صارمة بالبيت...
محمد/والليلة.؟؟
فوزية/وشفيها؟؟
محمد/بتجين ولالا؟
فوزية/عاد انت تتوقع اني كلش ماعندي ذوق!!اكيد بجي انا مارحت لرحاب اصلا الا مرة وحدة بالمستشفى لازم اجي الليلة...
محمد/من اذان المغرب بظل واقف على باب البيت انتظرك...
فوزية/ههههههه
محمد/منو جنني؟
فوزية/بروحك كذا مجنون محد سوى لك شي ولاقال لك أي شي؟
محمد/الا انتي جننتيني وبهدلتي عيشتي؟
فوزية/حرام عليك انا بنت كويسة ومااسوي شي مو حلو...
محمد/طيب كيف وضعكم السنة هاذي برمضان اسمع من مصعب احتمال ماتروحون عند الوالد؟
فوزية/أي...
محمد/ليش؟؟؟بتخلونه بروحه ؟؟؟
فوزية/لا لان ابوي بيجي عندنا رمضان هذا!!
محمد/صدق!!!!تمام ..اي هاذي الاخبار الزينة ليش ماقلتي من البداية...
فوزية/والله انه بيكون احلى رمضان وهو معنا بالرياض..ماتدري شقد مشتاقين له ولسوالفه يامحمد...عمر التلفونات مابتعوضنا عن وجوده بينا...
محمد/عسى الله يديمه ويخليه لك ولااخوانك ان شاءالله....
///////////////////////////////////////////////////////////مشاري/انبسطتي في بيت اهلك؟
لمياء وهي حاضنة مريم,,/أي...
مشاري/لهدرجة صار فراقي عيد عندك؟
لمياء/مشاري لاتكبرها عاد؟؟؟
مشاري/ولاكبرتها ولاشي...
لمياء/طيب وليش قالب خلقتك علي كذا من رجعنا من الشرقية؟
مشاري/ولاشي!!!
لمياء/هذا كله ولاشي؟؟؟
مشاري/انتي تشوفين انه في شي؟
لمياء/انت مو ملاحظ انك متغير عن اول؟
مشاري/لا ابدا!! يتهيا لك!!
لمياء/طيب..
مشاري/وناوية تعيدينها مرة ثانية بعد!!
لمياء/وليش لا؟؟
مشاري/ليش لا؟؟؟
لمياء/يعني انت ناوي تبعدني عن اهلي!!!
مشاري/انا ماقلت كذا؟
لمياء/وش افهم من كلامك ؟؟
مشاري/اللي بتفهمينه...
مريم/ماما..
لمياء/نعم حبيبتي..
مريم/نبي بيبي صغير مثل اللي عند عمتي رحاب؟
لمياء/مايصلح ياماما يبكي طول الليل....
/////////////////////////////////////////////////////
مصعب/تعبان ياخالي تعبان!!!
فهد/انت مو قلت لفوزية تخطب لك...
مصعب/احس اني غيرت راي؟
فهد/ليش؟؟
مصعب/؟؟؟؟؟؟؟؟؟؟؟
فهد/لانك شفتها؟
مصعب/يمكن....
فهد/مصعب..اسمع مني...نجود تقول ان بندر وجواهر يحبون بعض من زمان؟؟؟؟شيلها من بالك ولاتعذب نفسك....في النهاية هي وهم وسراب؟؟؟
مصعب/بس وربي انه احلى وهم وسراب عايشهم ماودي اصحى منهم ابدا ياخالي!!!
فهد/انا مالومك يامصعب لاني عشت ها الشي مع نجود...كانت بافكاري وفي بالي وخيالي بس ماقدرت اصارحها...وماارتحت الا يوم صارحتها..ومابرتاح ويهداْ بالي لين اتزوجها؟؟؟
مصعب/يعني مصمم على الزواج ياخالي!!!
فهد/مصعب..ابي الشي اللي بيني وبين نجود يكون بالحلال مو بالحرام نسرق من بعض لحظات حلوة وبس!!!!
مصعب/............
فهد/ابيها تكون جنبي وتكمل معي باقي دربي....تريحني وارتاح معها؟؟
مصعب/بس ها القرار صعب ياخالي لاتنسى ان عمتي تكون قريبتك ..بنت عمتك واختك ماخذة اخوها؟
فهد/اذا اخوها يفكر بهبال مثلها ماراح الومه!!بس ابوك عاقل ومايربط الامور بها الشكل يامصعب؟
مصعب/بس ..عمتي تسويها وتدخلها في بال ابوي..انت تعرفها اذا جت تحن على شي تسويه؟
فهد/ساعتها ماراح تهمني!!!والله ودي ارتاح يامصعب....
مصعب/انا حاس فيك وبتعبك بس لازم بعد نحط في بالنا كل الاعتبارات اللي ممكن تحصل بذاك الوقت!!
فهد/مصعب انا بالاسبوع هذا بروح اخطبها من ابوها...
مصعب/بها السرعة عاد ياخالي!!!!
////////////////////////////////////////////////////
العصر في بيت الفارس..
هاجر/مع اني كنت متفقة مع نجود اجيها بس هي نكبت فيني ..
منال/تعرفينها هي نومة العصر ماتخليها....
هاجر/وانا مشكلتي انام بدري!!
ام مشاري/البيت بيتك يايمه...بس عاد قعدي تعشي معنا..
هاجر/مرة ثانية ياخالتي معليش؟
رحاب/والله ماهي جية عليك ياهاجر
هاجر/ان شاءالله تتربى بعزك وبعز ابوها؟
رحاب/الله يسلمك وعقبال مااشوف عيالك يارب..
هاجر/ان شاءالله....
ام مشاري/انا مااشوفها حلوة طلعتك بها الوقت والاذان قريب..قعدي تعشي معنا وتونسي ..وشوي بتجي نجود..
هاجر/معليش خالتي بجيكم مرة ثانية ان شاءالله
منال/البيت بيتك...
/////////////////////////////////////////////////
في بيت السبيعي....
كانوا هنوف ونورة قاعدين بالحوش وكل وحدة ماسكة الكتاب مقلوب....
ناصر دخل وهو يصفر...
ناصر/بسم الله....انتوا شتسوون قاعدين هنا بالحوش؟
نورة/نذاكر؟
ناصر/هنا عاد!!!
هنوف/وش فيها...
ناصر/اول مرة اشوف ناس تذاكر بالحوش؟
نورة/احنا نذاكر هنا علشان الجو والطبيعة يخلونا نركز...
ناصر/من حق تركيز..والكتب مقلوبة!!!ولف لورى وصب موية في يدينه وكبهم على نورة اللي قامت تصارخ..
نورة/بتشوف يالنذل الجو بارد؟؟؟؟ودخلت داخل تبدل وهي معصبة...
ناصر*/هههههه انا اروح الحق على عمري واقفل علي داري قبل لاتردها لي خوب انا ماحد يجازي الحسنة معي بالحسنة دايم بالسيئة؟؟
هنوف/مسكين...
ناصر/شفتي شلون انا مظلوم يابنت عمي...محد يتعامل معي بلطف وذوق ابدا!!وكانهم ناسيين اني عضو لطيف ورقيق...دايم مزعليني ومنرفزيني؟
هنوف/ماعاش والله من يقدر يزعلك!!!ماجابته للحين ياعمري امه!!!
ناصر/شكرا شكرا شكرا..عارف انك تفهمين بالذوق؟
هنوف/الزين ياانت اخوه وبما انك ماعندك خوات حلوين فاكيد انك ولد عمه والمقصود انا مو بندر؟؟
ناصر/هههههه عليك سوالف مدري من وين....
//////////////////////////////////////////////////////
في بيت الفارس...
نجود/شسميتيها؟
رحاب/بسمة..
نجود/مشاءلله...مين اختاره الاسم؟
رحاب/اخوها احمد..
نجود/لا!!حلو والله...
منال/طاير فيها يانجود لو تشوفينه..
ام مشاري/هههه ومن كثر ماهو طاير راح لفيصل يقوله انت ماعندك اخت صغيرة!!وفيصل طول الليل البارح وهو يبكي ويصارخ شلون احمد عنده اخت صغيرة وهو ماعنده؟
نجود/جيبي له يانجلاء؟
نجلاء/ابوه مايبي!!وبعدين انا خلاص اكتفيت ..العيال يعطلونك عن كل شي يانجود وبتشوفين وبتقولين صدق كلامي!!!
برى المجلس/سارة/انتوا ليش واقفين برى المجلس؟
مروة/اششش..هاذي ابلتنا هنا؟
سارة/منهي فيهم ها العجايز؟
مي/ابلة نجود السبيعي؟؟؟
سارة/مالت ثم مالت ثم مالت عليها!!!!مااطيق ها الانسانة ابدا!!!!ودي انها ترجع الشرقية باسرع وقت لااذبحها بيديني!!
مروة/انتي وش دخلك فيها اصلا!!
سارة دخلت المجلس اللي هم فيه وماسلمت ونجود كانت تناظرها وقعدت جنب امها....
منال/الناس اذا دخلت سلمت ..
نجلاء بدفاع/يمكن ماانتبهت ان نجود موجودة؟
نجود بتحدي/غريبة مع اني مو رشيقة مثلها وجسمي مليان يعني ابان يعني ابان!!!!
ام مشاري بتانيب/قومي سلمي!!
سارة بلا مبالاة وبدون نفس/السلام!!!!!
نجود فتحت عيونها على وسعها/خليه لك مو محتاجته!!!!اي شكنتي تقولين رحاب وش فيه المستشفى؟
رحاب بخجل/أي ...مدري يوم ولدت باحمد كان افضل بكثير من ها المرة؟
نجود/ترى خدمات المستشفى تتغير باستمرار...انا كنت اشتغل بمستشفى سعد التخصصي؟
ام مشاري/لا اشتغلتي فيه....هذا اللي ولدت فيه لمياء؟
منال/أي...فخم...
نجود/بس خرطي؟؟؟معاملته للسعودين ملعوب عليهم فيها!!
رحاب/وين كنتي تشتغلين؟
نجود/بشوؤن المرضى..بس ماطولت معهم ثلاثة شهور بس!!!
منال/اخذتي خبرة..
نجود/أي....
سارة قالمت وقعدت جنبها علشان تشوف بسمة وكانت تناظرها باحتقار ونجود تنتظرها تقول شي علشان تغسل شراعها!!!!
ام مشاري/يالله نجود قومي مافي شي من واجبك عشى بسيط ..
نجود/ليه!!!
منال/ترى ماتعشينا قلت لاامي انك جاية وقالت ننتظرها وناكل مع بعض....يالله قومي..
نجود/فشلة,,,لو ادري جيت العصر ...
رحاب/عادي حبيبتي عادي...البيت بيتك...
تركت اغراضها وقامت معهم للغرفة الطعام وتركت اغراضها على الطاولة بعد ماعطت بسمة لاامها ..اللي بعد ماطلعوا قامت تشوف ولدها احمد وينه..
وانتهزتها سارة فرصة ومسكت شنطة نجود وفتحتها,,,,
ام مصعب/منو معكم؟
مي/ماكو صاحبة منال نجود..
فوزية/لا ..زين اني لحقت عليها..
ام مصعب/هاذي اللي من الشرقية؟
فوزية/أي يمه..تعالي تعرفي عليها...
ام مصعب/معها احد؟
مي/لا..كاهم بغرفة الطعام يتعشون.
ام مصعب/وهي معهم؟
مي/أي..
ام مصعب/قاطة الميانة معهم بيت اخوي!!!
فوزية/تعالي شوفيها بعدين احكمي...
محمد كان طالع..
محمد/هلا عمتي...
ام مصعب/هلا....وين رايح؟
محمد/ابد..بمر مشاري شقته يقول بيجيه عامل ..
ام مصعب/وش حقه!!
محمد/والله مدري,,شلونك بنت عمتي!!
فوزية وهي كاتمة ابتسامتها/هلا محمد..شلونك
محمد/بخير عساكم بخير..دخلوا ليش واقفين..
ام مصعب/واحنا بنوقف طول الوقت هنا اكيد بندخل!!!
دخلوا لغرفة الطعام وسلموا على نجود وام مصعب كالعادة تتفحصها من فوقها لتحتها..... وفوزية قعدت جنبها واندمجوا بالسوالف..
وقطع عليهم صوت سارة اللي كانت عند الباب تكلم نجود...
سارة/اقول نجود..
نجود رفعت راسها/خير...
سارة/وين.....
نجود/وين شنو؟
سارة/..........
منال/وش عندك؟
سارة/ابي اسالها عن اسواري وينه!!
نجود/اسوارك!!!!!!
سارة/أي..يوم كنت قاعدة جنبك كنتي تقولبين فيه ومشاءالله يدك خفيفة وشالته مني...حبيبتي خذي اللي تبينه بس هذا هدية من ابوي مقدر افرط فيه!!!!
عم الصمت والسكون الغرفة كلها ومافي أي حركة ...
غير قومة نجود بسرعة لشنطتها بالغرفة اللي حتى رحاب ماكانت فيها..
وفتحت شنطتها تبي تواجه سارة وطاح الاسوار منها..وفتحت عيونها على وسعها,,
سارة/شفتي ظهر الحق!!!عطيني اياه!!!كنتي تقدرين تقولين لي ابيه بدون ماتسووين ها الحركة؟؟؟
ام مصعب بصراخ/سويرة ووجع!!!!!
نجود ظلت واقفة مكانها وبيدها الشنطة وهي ماهي عارفة تبكي...تضحك..شتسوي بالضبط ماهي عارفة وكلهم قبالها..
منال/نجود انا اسفة..
نجود طلعت كل الاغاراض اللي بالشنطوة ورمتها بالارض وماشالت غير مفاتيحها وطلعت من البيت وهي تداريدموعها وكانت ام مشاري تركض وراها وهي تناديها.......
بس لاحياة لمن تنادي ماكانت شايفة قدامها ولاشي...غير دموعها وبس!!!!
منال بعصبية/انتي شلون تتجحرائين وتسوين ها الحركة؟؟
سارة بقوة باس/هي اخذته ماشفتي طلع من شنطتها!!
فيصل دخل بالسالفة/سارة انتي حطتيته انا شفتك يوم ادخل ماكان بالغرفة غيرك وشفتك فتحتي شنطتها وحطيتيه فيها!!
سارة بعصبية/انت اصلا كذاب!!وبعدين انت ماكنت موجود؟؟
ام مشاري رجعت وعطتها كف حار سكتها وسكت الكل معها..
وقالت بعصبية/انتي مابتستحين ولابتخجلين من تصرفاتك ابدا!!
نجلاء بعصبية/انا مااسمح لك عاد؟
ام مصعب/انتي ماشفتي بنتك وش سوت يانجلاء؟فشلتنا ..شبيقولون عنا الناس اللحين.
منال/انا شسوي ؟؟شقول لها؟؟؟ شلون اعتذر منها بس!!!!
سارة وهي تبكي/انا مااحبها ماطيقاها!!
فوزية بصراخ/تقومين تسوين ها الحركة؟؟؟
ام مشاري/طلعي برى بيتي!!طلعي ماابي اشوفك؟؟انا عيالي مربين وماابيك تقعدين معهم وتخربينهم بها التصرفات!!
نجلاء/انا مااسمح لك عاد!!مراهقة وسوت شي في راسها ماله داعي كلكم تقومون عليها كذا!!
منال/يعني انتي تشوفين اللي سوته شي عادي!!
نجلاء/يااخي اعتذري منها وانهي الموضوع؟؟بس مو كلكم على بنتي؟؟؟
/////////////////////////////////////

---البارت الخامس والثلاثين---
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ماتدري ليش للحين ماهي قادرة تنزل دموعها وتريح عيونها من عذابها فيهم!!!!!!
كانت تحس بحرقتهم لعيونهاوهم ينتظرون ينزلون وهي كبرياءها مانعها تخليهم يطلعون ..
كانت حاسة بغصة ذابحتها وودها تشاهق وتبكي من القهر والذل اللي هي حاستهم...
ماودها بشي بها اللحظة غير جواهر وصوت جواهر!!!!!!!!
هذا الشي الوحيد الممكن ينفس عنها ويخفف حدة غضبها...
تلفتت حوالينها وتذكرت انها تركت الشنطة بللي فيها ومااخذت معها غير المفاتيح وبس!!!
تنهدت بقوة وهي حاسة انها عايشة بذل ..والمشكلة انها مو قادرة تفكر بالموقف اصلا ولا ليش سارة سوت كذا!!!!
نادت السايق.بصوت مبحوح وهادى غير عن كل مرة/جون..
جون/نعم ماما..
نجود/عطيني جوالك شوي..
جون/ماما هذا استقبال بس مافي رصيد..
نجود/جوالك مو سوا؟
جون/أي ماما سوا.
نجود/طيب انزل عند اقرب مكان واشحنه وبعطيك قيمته بعدين؟؟
/////////////////////////////////////////////////////////////كان المكان مسيطر عليه الصمت والقهر وضيقة الخلق بعد مامشت نجود وماطلعت نجلاء مع بنتها ..ومافي غير ريحة عطر نجود فايح بالغرفة لانها يوم رمت الشنطة بللي طاحت غرشة العطر على ارضية الغرفة وانكسرت بس ماحد اهتم لها ساعتها...
كل الوجوده كانت تناظر في بعض وهب تتسائل عن اللي صار الا منال كانت تناظر با اغراض نجود وبس وفكرها ماخذها لبعيد,,,,
قطعت الصمت ام مصعب/منال...
منال رفعت راسها ومافي أي علامة مرتسمة على وجهها..
منال/نعم..
مروة وهي تبكي/وش بيصير اللحين؟
منال/مدري!!!!
فوزية بعصبية/بصراحة خالي لازم يربيها من جديد!!!!وحدة طايشة وكل تصرفاتها مو مسئولة ابدا!!!
ام مشاري بقهر/وحاصل لها ام على طول الدرب مساندتها لو شسوت؟
ام مصعب/انا مو طالعة الا اذا فهد شاف له صرفة معها!!!اصلا انا ودي اخذها معي البيت كم يوم تتربى عندي...عند نجلاء بتروح فيها؟
رحاب بحزن/بتسوين فينا خير ياعمتي!!!
منال بحيرة/انا شسوي!!!شبيكون موقفي منها!!شلون اعتذر لها عن اللي صار!!وشلي بيجبرها اصلا تقبل اعتذاري وانا ذالتها وقاهرتها ومهينتها بوسط بيتي!!!!ياربي شسوي ضايقة فيني بلاد الله!!!!
مي قامت من مكانها/انا بقعد انتظر عمي فهد لين يجي وبخليه يدخل هنا...
///////////////////////////////////////////////////
كانت عارفة انها لو دقت على جواهر من جوال السايق ماراح ترد عليها فاختصرت الطريق وعطتها مسج(انا نجود واكلمك من جوال السايق)انتظرت عشر دقايق لين يوصل المسج وتفتحه جواهر وبعدها اتصلت وعلطول شالته جواهر وكانها كانت ناوية تدق اصلا..
جواهر بخوف/نجودة وش عندك وين جوالك؟
نجود بصوت كئيب/جواهر..
جواهر بخوف/نجود صاير لك شي اسم الله عليك!!!
نجود بحزن/ذلوني بيت الفارس ياجواهر؟؟؟
جواهر/بيت الفارس!!وش سووافيك!!دروا عن اللي بينك وبين فهد؟؟
نجود ماتكلمت وتركت دموعها تنزل لانها ماكنت محتملة تتركهم اكثر من كذا منحبسين فيها....
جواهر بخوف واضح/نونو اسم الله عليك خوفتيني!!قولي لي شسالفتك انتي!!!
نجود ارتفع صوت بكيها اكثر وكانت تتكلم بكلمات غير مفهومة ومبهمة..ماطلع من غير اسم سارة..
جواهر/سارة بنت فهد؟
نجود من بين دموعها/أي..
جواهر/وش سوت لك!!!
نجود انهارت تبكي من جديد....
جواهر/فهميني وش صاير يانجود!!والله انك اربكتيني وخوفتيني عليك....
نجود بدموع مرتجفة وصوت ضعيف وهي تشاهق/جواهر والله مو قادرة!!!انتي تصدقينها فيني!!!ليش سوت كذا مو فاهمة للحين!!!!ماني قادرة والله حاسة نفسي مخنوقة.....
توت توت توت توتو توت
جواهر/الو...نجود..بعدك معي؟؟؟لاحول قطعت الاتصال ؟
//////////////////////////////////////////////////
دخل فهد البيت ووقفت مي اللي كانت متحلفة بسارة وحالفة اول مايجي عمها تخليه يدخل بيتهم علشان يعرف السالفة والاهم ان عمتها ام مصعب معهم ,,
مي/عمي...
فهد/فيك شي؟
مي/أي...لاتروح بيتكم...
فهد/ليش؟
مي/يبونك في بيتنا؟
فهد/صاير شي..
مي/مدري بس اللي اعرفه انه كلام كبار والصغار مالهم شغل فيه,,روح وانت بتعرف...
فهد/طيب في احد معهم؟
مي/لا قاعدين بغرفة رحاب....
فهد/طيب جيبيلي كاس ماي.....
دخلت معه وسبقت للمطبخ وجابت له كاس الماي واخذه من عندها ودخل لغرفة رحاب وسلم بس مايدري في احد سمعه بذيك اللحظة ولالا,,لانه ماسمع ولا رد بس كل اللي شافه انهم كلهم يناظرونه,,,
فهد/فيكم شي؟
ظل الصمت مطبق على الغرفة وتلفت هو لمصدر ريحة العطر اللي عارفه زين..
وشافت عيونه شنطة بيضة عارفها زين..
هاذي شنطة نجود اللي كانت معها بالبحرين ذاك الاسبوع متاكد منها عدل,,,وركز حواسه بريحة العطر..هذا عطرها...
طيب وش معنى ها الشي...اغراضها,,عطرها,,,شنطتها,,,بس هي مو موجودة,,
دق قلبه بقوة لانه عارف انها بتجي اليوم هنا!!!!
فهد بتردد/شاالسالفة؟
ام مشاري بزعل/فهد ياخوي انت ترضى ضيوفي تنهان!!
فهد بحيرة/طبعا لا!!ضيوفك ضيوفي!!!
منال بعصبية/بس بنتك اليوم اهانت ضيفتنا ياعمي!!!!/فهد طاح قلبه الضيفة ماعنده أي شك انها نجود بس شلي صار....
فهد/انا موفاهم شي...وش اللي صاير؟
ام مصعب تنهدت/اسمع ياخوي السالفة؟؟اليوم كانت عندنا بنت السبيعي صاحبة منال .................................................. .................................................. .................................................. ......................
طاح كاس الماي من يده وتكسر بارضية الغرفة(مشاءالله الليلة كل شي ينكسر بالغرفة)
فتح عيونه على وسعها وقال بعصبية/سارة سوت كذا!!!!
فوزية/أي ياخالي....
ام مصعب/احرجتنا مع البنت؟
فهد بخوف/ووينها نجود اللحين؟
منال بزعل/طلعت ياعمي...
فهد بعصبية/وانتي ليش مارحتي معها!!!اقصد يعني مشيتي وراها...
منال/امشي وراها شقول لها عاد ياعمي!!!!انا مو قادرة احط عيني بعينها؟؟
ام مشاري/بنتك زودتها يافهد؟؟وانا ماتشرفني تكون قاعدة في بيتي صراحة...
ام مصعب/سارة يبيلها تربية من جديد ياخوي يافهد..واذا نجلاء مو فاضية لها تراني ماعندي شي..جيبها لي وانا اربيها لك من جديد!!بس انها تقعد كذا وتحرجنا مع خلق الله لا والف لا!!!طول عمرنا نمشي بالدنيا وراسنا مرفوع ..بنتك سودت وجهنا,,,,
فهد طلع بدون مايقول كلمة وراح لبيته وهو مو عارف شيسوي بها السارة...يدفنها,,,يذبحها ويفك حاله؟؟؟بس تفكيره كان بنجود...شبتقول اللحين؟شقاعدة تسوي ياترى؟
دخل البيت وهو بركان ثاير.....
وكانت نجلاء قباله....
فهد/....................نجلاء شاالسالفة؟
نجلاء/يعني ماعرفت منهم!!
فهد بعصبية/ابي افهم ليش سوت كذا؟؟؟وينها فيه اللحين!!!
نجلاء/طبعا قالوا لك كل شي ونسوا يقولون لك الشي المهم!!!
فهد بدهشة/في شي اهم من اللي سوته سارة؟
نجلاء بثقة/طبعا في,,,,,
فهد بخوف/شنو؟
نجلاء/ان زوجة اخوك طردت بنتي من بيتهم!!!!!
فهد ماعرف لحظتها يضرب نجلاء بدال سارة ويفك حاله!!!!هو وين وهي وين...
مشى للدرج وهي تناديه..
نجلاء/انا اكلمك وين رايح؟
فهد/رايح ااْْدب بنتك؟؟؟
نجلاء/كفاية عاد!!كلهم ثاروا فيها ..ماشفتهم يوم توحدوا فيها ..ارتاعت البنت يافهد....انا خليتها تدخل تنام وبكرة بتفاهم معها بالسالفة؟
فهد مشى عنها وكانه مايسمعها وراح لغرفة سارة اللي من انفتح الباب وعرفته انه ابوها ماتت وهي تحت الغطاء..
هي عارفة انه عصبي وحار ومايتنازل عن شي وخصوصا اذا في حق بيت اخوه كيف اللحين وهي اهانت ضيوفهم وعمتها ام مصعب هناك يعني كبرانة مو صغرانة السالفة,,,
وقف عند الباب وفتح النوروقال بعصبية انا عارف انك قاعدة مو نايمة قومي واجهيني؟؟
انصاعت لاامره بدون أي تردد وهي عارفته لو ماقامت بيجي يقومها غصب ...
كانت صورة نجود في باله وهي بها الموقف....
منحرجة قدام كل اهله..هذا واللي بيخطبها ها الاسبوع وبيجيبها للبيت بعد كم شهر زوجته..كذا يهينوها..لاماراح ارضاها لك يانجود ابدا وانا فهد!!!!
وقفت سارة قدامه وهي عارفة ان قائمة طويلة عريضة عن ان الشي اللي سوته غلط بتسمعها وقالت الله يعين امي قالت لي اسمعي وقولي ان شاءالله وبس وبتنتهي القضية..
وناظرت بامها اللي كانت واقفة ورى فهد....
ظل يناظرها لحظات وهو مو متصور ان سارة ممكن تكون بنته ومن تربيته..هو مارباها كذا ابدا!!!بس شلي خلاها تصير كذا وتحرجه قدام الناس بس!!!!
ماشاف نفسه الا وهو رافع يده وعاطيها كف شهقت منه نجلاء قبل سارة..
نجلاء/فهد انت مو صاحي!!!انت بصغرهم مامدت يدك عليهم جاي اللحين يوم كبرت تضربها؟؟؟؟
فهد بتوعد/والله ياسارة وهذا انا حالف باسمه...انا مارضت نجود بيتي يتعذرك ماابيك تكونين هنا وتعيشين معي!!!!!!!
طلع من الغرفة وقال لنجلاء تمشي وراه اللي كانت تبي تدخل لسارة..
نجلاء/بس..
فهد بقوة/قلت لك تعالي!!!!!
صوته العصبي خلاها تمشي وراه بعد ماسكر باب غرفة سارة وكانه مايبيها تتكلم مع سارة بها الوقت وتتركها لحالها....
طلع لقسم بومشاري وقال لها تجي وراه رغم انها ماكان ودها بس الخوف من فهد اذا عصب اجبرها طبعا....
///////////////////////////////////////////////////////////رجعت شقتها وشالت عبايتها وهي دموعها ماوقفت لحظة وحدة...
موقف سارة غريب..وش معناته بالله!!!ليش سوت كذا؟؟؟
معقولة سمعت ابوها يكلمني بمرة من المرات!!!!
فهد يقول انه ماخذ حذره ولاعمره تكلم قدام أي احد حتى من الشارع!!!
اجل ليه سوت كذا!!!!!
خلاص يانجود..مسحي دموعك..انت واثقة من حالك لاتهمك ها السارة ولاطوايفها...كان في بالها مكالمتها مع فهد اول مارجعت نجلاء من دبي كان ليلتها متضايق من نجلاء ومشتاق يشوفها مووت,,,
(نجود/وشلونك بعد!!
فهد/متمني شوفتك!!
نجود/هاذي اكيدة!!طيب وغيرها؟
فهد تنهد بقوة/اكثر من أي وقت مضى ابي اشوفك؟
نجود بهمس/علشان شوفتنا لبعض الاسبوع اللي فات!!
فهدبتردد/يعني؟؟
نجود بثقة/معناته في شي ثاني اكبر واقوى..
فهد/أي...
نجود/شنو؟
فهد/............
نجود/سكوتك معناته نجلاء بالسالفة؟
فهد بعصبية/مدري ليش جاني احساس انها اذا ردت من دبي بتكون مشتاقة للبيت وللعيال ولي!!وبترجع باسلوب ثاني بعد ماغيرت جو على راحتها...
نجود/فهد..نجلاء متعلمة!!يعني مكملة دراستها للجامعة؟
فهد/أي..وانا برضى اخذه وهي مو متعلمة؟
نجود/طيب ليش اسلوبها كذا؟
فهد/مو كل المتعلمين عندهم اسلوب ولباقة يانجود وهذا اللي عرفته وتاكدت منه من عشرتي لنجلاء!!ياما ناس مو متعلمين وفاهمين الدنيا صح وعندهم ذوق ينحسدون عليه!!!!المشكلة انها قاعدة تخرب العيال بتصرفاتها ومحد رايح فيها غير سارة؟
نجود/سارة؟؟
فهد/أي سارة...تغيرت يانجود..مو سارة بنتي اللي ربيتها بيدي....صارت تلف وتدور وتكذب وانا عارف انها تسوي ها الشي بتعامل امها معها اللي دايم توجد لها الاعذار بس مو قادر اتصرف معها متعبتني ها السارة حييل؟؟
نجود/جيبها عندي انا اربيها لك يافهد؟
فهد/والله!!
نجود بهمس/ولاتقعد على قلبك وتضيق خلقك!!عطيني اياها اسبوع واحد ادرسها واطلعها عينها مثل بنت الفايز كاهي مشت على الصراط المستقيم!!!بس اهم شي انك ماتضايق نفسك علشانها!!!!)

تنهدت حيلل وهي تذكر كلامهم ذاك اليوم....ياترى عرفت بللي سوته بنتك يافهد ولا للحين محد قال لك!!!وشنو ممكن تسوي لو عرفتها...بتظل متردد طالما ان السالفة تخصني ولا تعجيلك بارتباطنا بيتغير وبيتلاشى..ولا شنو بالضبط ياترى!!!
مو قادرة افكر بشي يافهد مو قادرة...
كل اللي اعرفه واللي متاْكدة منه اني ابي اشلك من بالي وبس!!!!
يكفي اللي جاني اليوم من بنتك يافهد يكفي!!!!بس ماراح انساها لها حتى لو تركنا بعض..بردها لك ياسارة صدقيني!!!!/
///////////////////////////////////////////
في بيت الفارس...
منال/شلون يعني ياعمي؟
فهد بعصبية/مافيها شلون يامنال....اخذي نجلاء وروحوا لها اعتذروا منها قبل لاتبرد السالفة!!
ام مصعب/اللحين..
فهد /أي اللحين الساعة ماجت تسع ونص مافيها شي..
رحاب/انا من راي عمي اخذوا الشي بحرارته قبل لايبرد؟
نجلاء/أي بس...
ام مشاري/ان شاءالله بعد معترضة ياام فيصل على انهم يعتذرون منها؟
نجلاء بدون نفس/لامو كذا بس انا مدري شقول لها...روحي انتي يام مصعب؟
ام مشاري/الود ودي اروح انا واحب راسها بعد...بس البداية لازم تكون منكم انتوا اهلها بعدين انا بروح لها وبتسامح منها...
منال/انا منحرجة ياعمي مدري شقول لها؟
فهد/ منال انا مايخصني ماتنام البنت الليلة بضيقها والسبب سارة...
منال/امري لله بس انا بروح ضيفة شرف؟؟؟
نجلاء/فهد روح انت!!
فهد/انا!!!!
نجلاء/أي انت...انا بروح وبظل ساكتة مابعرف شقول لها بس انت عندك اسلوب احسن مني وبتقدر تاخذ وتعطي معها بالكلام عكسي تماما!!!
فهد/أي بس مايصير انا اروح وانتي قاعدة؟
ام مصعب/بتنتهي الليلة وبيمر الوقت وانتوا مابعد قررتوا شتقولون لها حتى اذا رحتوا ؟؟وبعدين يانجلاء بنتك الغلطانة مفروض انتي تروحين مو فهد؟
نجلاء/انا منحرجة منها ولو رحت بظل ساكتة ومابقول شي روحتي وعدمها واحد...!!!يروح هو سارة بنته مثل ماهي بنتي مافيها شي لو اعتذر هو بدالي؟؟اثنينا بنروح لنفس النتيجة؟؟؟
ظل الكل ساكت وهم مو متقبلين فكرة روحة فهد ..بس لان فهد كان ملزم على منال تروح لها اللحين قبل لايمشي الوقت عليهم ماعلق عليهم رغم انه رفض انه يروح بس بالنهاية طلع ينتظر منال بالسيارة,,,,
///////////////////////////////////////////////

في بيت السبيعي بالحوش..
هنوف ونورة ومضاوي,,,,
هنوف/والبنية تقول..ياميمتي زوجيني...
ناصر/احم احم...
تغطوا هنوف ومضاوي..
ودخل ناصر وكمل الاغنية/على ناصر ناصر مدير ولاعلى الباشا ناصر,,
نورة/يعني في الحالتين نويصر المعرس اللي متمنيته البنية!!
ناصر/شسوي عاد!!!
مضاوي/ناصر لاتجاريهم تراك بتتعب..
ناصر/أي والله ماكذبتي!!الا على فكرة مضاوي انتي ماتعرفين تطبخين!!
مضاوي بسرعة/لانك ناصر فالجواب لا!!....
ناصر بفشلة/افا!!ليش عاد؟؟
مضاوي/لان ناصر ببساطة معروف ومشهور بحبه لبطنه؟؟؟وللاكل !!
نورة/هههههه وافضيحتاه!!
ناصر/اكيد منك انتي اللي شهرتيني ؟؟؟
نورة/هههههه
مضاوي/لاياناصر من عمي ها المعلومة يمشي ويقول نويصر ماهمه غير بطنه!!
ناصر باسف/الله يسامحك يالوالد!!!
مضاوي/يالله فلها ياولد عمي ولاتضيق خلقك وروح جيب لنا شي ساخن من دربي...
ناصر/مين اللي هامه بطنه اللحين انا ولاانتي!!
مضاوي/حرام عليك انا ماقلت ابي مندي قلت ابي شي ساخن وبس!!!
ناصر/العن ساعتك يابنت عمي!!شهيتيني للمندي!!والله لااروح اشتريلي اللحين.؟
نورة/انتظرك على نار يا اخوي ؟؟
ناصر/يالله انا طالع لاارجع الا كلكم نمتوا طيب..
طلع ونورة ومضاوي قاموا يسولفون وهنوف طلعت وراه بسرعة..
هنوف/ناصر ..
لف لها /هلا..
//////////////////////////////////////////////
في السيارة....
كان صمتهم يتكلم عنهم,,,,
ودق جوال منال...
ناظرت الرقم وقالت بارتباك/عمي هاذي جواهر..صاحبة نجود؟
فهد بتردد/يمكن لانها دقت على نجود وجوالها انتي قفلتيه وحبت تسال عنها!!
منال بتردد/ارد..
فهد/طبعا!!!
منال/واذا سالتني عن نجود شقول لها!!!
فهد/انتي ردي وشوفيها شتقول لك يمكن انها اصلا عرفت عن اللي صار!!
منال بتردد/هلا..هلا جواهر..
جواهر/هلا منال..كيفك...
منال/بخير الله يسلمك..
جواهر/حمد الله على سلامة رحاب..
منال/الله يسلمك عقبالك ان شاءالله..
جواهر/منال انا...شفيها نجود!!
منال بارتباك/ها...
جواهر/كلمتني بعد ماطلعت من بيتكم من جوال السايق وهي تبكي ومتضايقة!!!مهما كان اللي صار واللي مافهمته منها بس نجود ماعمرها تضايقت وبكت مثل كذا!!
منال بحزن/مدري شقولك ياجواهر..
جواهر/شلي صار؟؟
منال/سوء فهم بيزول ان شاءالله انا رايحة لها اللحين مع عمي فهد؟
جواهر/فهد!!
منال/هي شقالت لك؟
جواهر/مافهمت منها شي غير انكم ذليتوها واهنتوها وان السالفة فيها سارة؟
منال/جواهر حبيبتي وصلنا لعند نجود ان شاءالله يصير خير واطمنك عليها؟
جواهر/جوالها وينه!!دقت لي من جوال السايق وبعدين ردته له وكل مااقوله عطيها اياه قال لا هي قايلة لي ماتبي تكلم ا حد!!
منال/جوالها كاهو عندي...بعطيها اياه اللحين..
جواهر/الله يخليك طمنيني عليها لو اخر الليل بظل منتظرة..
منال/طيب...ٍسلام....

يوم ناظرت للسكن اللي فيه نجود تنهدت وهي تناظر عمها.....
فهد بحيرة/روحي نايها وقولي لها بنطلع نتكلم برى؟
منال/خوفي انها ماترضى..
فهد/منال...تقبلي أي فعل يصدر من نجود حتى لو طردتك!!
منال/...........
فهد/الموقف اللي انحطت فيه سخيف للغاية زخلاها اكيد بحالة عصبية وممكن تسوي أي شي ردا لكرامتها!!
منال بتنهيدة/عارفة ياعمي..بس انا مابي اخسرها؟
فهد ناظر بالجهة الثانية/يالله انزلي.....

نزلت ورجلها مو مطاوعتها اصلا!!
بس لازم تتخذ الخطوة هاذي علشان توضح الموقف لنجود وعلشان عمها المسكين اللي شال هم السالفة كلها بدل نجلاء اللي تحججت بانها ماتعرف تتكلم !!!!
خذتها رجلها لفوق لعند شقة نجود ودقت الباب لين فتحوا لها باب الشقة بالموت ووقفت عند غرفة نجود وهي مترددة ومي عارفة شتسوي,,,
اخيرا رفعت يدها ودقت الباب...
مرة ومرتين وثلاث...
لين أيست ان نجود تفتح وكانت بتمشي...بس هي عارفة انها لو انزلت لعمها بيخليها تركب من جديد فرجعت دقت الباب ..
لين فتحت نجود الباب ووقفت قبالها بدون أي كلمة,,,
////////////////////////////////////////////////
هنوف/ناصر..
ناصر/قلنا ياهلا..
هنوف/ههه
ناصر/وش عندك؟
هنوف/ناصر ابي اسالك سؤال ومدري تجاوبني عليه ولالا؟
ناصر/شنو؟
هنوف/مهما كان السؤال راح تجاوبني؟
ناصر/طبعا..انتي اعتبريني بندر ..
هنوف/لاماابي اعتبرك بندر؟
ناصر/ههه شوف النذلة!!!قولي...
هنوف بتردد/ناصر..انت..انت تحب؟
ناصر/احب!!!شلون يعني احب؟
هنوف/يعني في وحدة في بالك؟
ناصر/طبعا في؟
هنوف/منو؟
ناصر/بلادي الحبيبية المملكة العربية السعودية....
هنوف/بلا بياخة علي!!!
ناصر/هههه طيب اجابة ثانية جدية...
هنوف/شنو...
ناصر/امي الغالية..
هنوف/والله بذبحك...
ناصر/ههههههههه
هنوف/ناصر قول الصدق...
ناصر///يبى انتي بعدك صغيرة على ها السوالف وش فهمك......روحي داخل عن البرد يالله....
//////////////////////////////////////////////////////////////////////////////
منال بتردد/عمي معي ويبي كلمك.
نجود بدون نفس/باي خصوص ان شاءالله؟
منال بالم/نجود انا اسفة..
نجود/انسي...انسي ان احنا نعرف بعض؟؟
منال/والله اسفة يانجود مو عارفة شقول لك بس تاكدي ان كل البيت ضاق خلقه وامي مستحية منك مرة..حتى رحاب مسكينة قلبت نفسيتها عليك!!
نجود/ماراح انساها يابيت الفارس...
منال/نجود احنا مالنا شغل..
نجود/مو بيت عمها!!
منال/كاهو ابوها جاي يعتذر منك بنفسه
...
نجود/..............
منال/والله ان نجلاء منحرجة منك وماهي قادرة تواجهك وخلت عمي يجي بدالها....
نجود/والمطلوب مني يامنال!!
منال/لبسي عبايتك ونزلي معي عمي يبي يكلمك ويعتذر منك بنفسه..
نجود بقوة/حتى لو اعتذر مني اعتذاره مرفوض,,,,,
منال/طيب معليش عطيه فرصة...وبعدها قرري اذا كنتي مابتقبلين الاعتذار ولالا؟
نجود/مايحتاج من اللحين انا اقولك الاعتذار مرفوض بس بنزل علشان اقولها له....
////////////////////////////////////////////////////////
مشاري كان يناظر في لمياء والف فكرة في راسه(غريبة...هي اول ماشافت نجود عند اهلي طارت من الفرحة وطول يومها تتكلم عنها....اليوم يوم منال كلمتها وقالت لها ان نجود بتجي ماراحت اصلا بيت اهلي وهاذي ثاني مرة منال تقولها انها عندهم وماتروح!!!
رغم انها اول ماشافتها خاوتها وظلوا طلعة ودخلة مع بعض!!!
ياترى وش سالفتك انتي ونجود يالمياء...ليش ماتبين تشوفينها ولا تلتقين فيها ليش!!!!
أي تذكرت........لمياء يوم وصلتها بيت نجود توصل فستان الخطوبة لها طلعت مرتبكة وضايق خلقها....وذاك اليوم كانت بداية التغير اللي صار لها!!!
معقولة بيت السبيعي لهم يد في تغيرك يالمياء!!
طيب اذا كان الشي صحيح ليش ماتبي تلتقي في نجود وهل في شي لمياء خاشته عني وماتبيني اعرفه!!!
بس انا ماراح اظل ساكت ياام بنتي...ياحبيبتي وشريكتي ..بعرف الشي اللي مغيرك علي ...وبرجعك لحياتنا مثل قبل واحسن وبتشوفين ان حبي لك مو مجرد كلام...انا واقف معك بكل شي يالمياء.,,,)
////////////////////////////////////////////////////
نزلت مع منال لتحت وهي مجهزة قائمة سب وشتم لفهد وهاذي النهاية ..بس يوم شافته سكتت وماتكلمت..حست ان ودها تبكي وتقوله خذ حقي من بنتك اذا كنت تحبني فعلا!!!
فهد من شافها رمى سيجارته على الارض وتقرب منهم....
فهد بتصنع وارتباك/اخت نجود...ممكن تعطينا فرصة نقعد نتكلم ...
وقفت مكانها وهي عاطيته ضهرها وقالت بكبرياءوصوت عالي/الوقت اللي تبي تتكلم فيه معي روح ربي بنتك فيه ابرك,,,,
منال/نجود....عمي جاي يعتذرلك والله انه منحرج منك,,,,
فهد/انا طامع بكرمك يابنت السبيعي.....بس لو تعطيني فرصة وتعطيني من وقتك نص ساعة نقعد نتكلم فيها على رواق ونتفاهم ..صدقيني مايصير خاطرك الا طيب.....
نجود بصرامة/جون..شغل السيارة....
/////////////////////////////////////////////////////
راحوا لكافي هادى وشبه فاضي وقعدوا يتكلمون...
كانت منال ماسكة زمام الموضوع وهي كل ثانية تعتذر وتحلف ....
ونجود ساكتة مافي أي تعليق...
وفهد ماغير يناظر فيها ....ويعتذر كل شوي مع منال وهو يبرر تصرف بنته من هنا ومن هنا..
لين دق جوال منال..
منال/هاذي امي...اكيد تبي تتطمن عليك...عن اذنكم شوي..
قامت عنهم وبعدت علشان تكلم امها وتقول لها وش اللي صاير بينهم...
واخذها فهد فرصة همس لنجود بحب/انا جاي اعتذر لك عن اللي سوته سارة وبنفس الوقت ابي اقولك اني شوي واموت عليك وانتي زعلانة!!!شكلك وانتي زعلانة مو طبيعي!!تعذبين يابنت!!نجود وهي زعلانة يموت!!
كانت فعلا ميتة من كلامه بس كرامتها فوق كل شي وحركة سارة لاتغتفر...ماردت عليه ولاحتى ناظرت صوبه ,,حتى لو فكرت انها تناظر ماراح توريه غير النظرات القاسية بنجود,,,
فهد بتعب/حبيبتي نجود ردي علي الله يخليك!واللي يسلمك ترى مو قادر على زعلك!!ضايقة فيني الدنيا يابنت الناس !!!انا عارف اتها غلطت بس وحياتك اللي تبينه بيصير!!!!
نجود/.....................
فهد/قولي شتبي وابشري بعزك..,,,
سحبت جواله اللي كان على الطاولة وكتبت فيه كم كلمة وردته مكانه ,,,شاله وهو يناظر صوبها وجت منال بها اللحظة....
قراْ الكلام اللي كتبته له بالسريع,,,
(جاي يطيب خاطري في كلمتين,,,
يحسب ان رضاي مضمون وسهل,,
مادرى اني حالف وحالف يمين,,
مارد بكلمتي مهما عمل,,,,
مايلين القلب والله مايلين,,
وان زعل يزعل ويعني لو زعل!!!)
تنهد بقوة وهو وده يقول شي بس وجود منال بها الوقت ماخدمه ابدا!!
منال/عسى بس اقنعتها ياعمي!!
فهد/.................
نجود/.......
فهد/.............
منال/قولي شي يانجود..؟
نجود بقوة/شقول بعد ..جايبتلي محامي يدافع عن بنته وماتبينه يربح القضية!!!!
على العموم انا قلت لعمك ماراح اقبل اعتذراها لي حتى لو اعتذرت شخصيا!!!(وشددت عليها ذي)
ويمكن مع الوقت يزول الغمام,,,,,
انا مضطرة امشي اللحين..
منال/نجود...انا مالي شغل بالسالفة..ابوها وعندك ازعلي منه ومن امها بكيفك...بس انا مالي شغل,,,,
نجود/ممكن اغراضي لاني بمشي,,,,,
//////////////////////////////////////////////////////////
اخر الليل...
بندر بصون نايم/هلا ياقلبي..
جواهر/عارفة انك نايم,,,
بندر/لاتقولين تبين تغازلين ها الوقت ترى مابيطلع معك شي!!
جواهر/بندر..انا بكرة بروح الرياض طيب....
بندر/ليش؟
جواهر/نجود تعبانة وابي اروح لها؟
بندر/وش فيها ان شاءالله؟؟
جواهر/تعبانة..
بندر/عندها اهل يروحون لها ليش انتي تروحين؟
جواهر بعصبية/اولا اهلها مايدرون انها تعبانة ولاهي تبيهم يدرون ؟؟وبعدين صديقتي ومااقدر اخليها قاعدة بتعبها لو حدها هناك لازم اروح لها....
بندر/كان السالفة تحدي؟؟
جواهر/مين قال؟
بندر/معناته مافي روحة؟
جواهر/لا ياعمر امك بروح..انا مو متصلة استْذن منك انا بس بعطيك خبر؟
بندر بعصبية/وانا مو موافق!!!
جواهر/وانا ماطلبت منك توافق ولاترضى,,,,بروح لها ومابتردني....
بندر/كذا يعني!!
جواهر/............
بندر/بنشوف ياجواهر؟؟؟
/////////////////////////////////////////////////////////
محمد/وش ها الشوفة اللي مو محسوبة ابدا!!
فوزية/شتبيني اسوي؟؟
محمد/كنتي دخلتي مع عمتي وبعدها طلعتي اشوفك!!
فوزية/ياسلااممم!!
محمد/ههههه والله مشتاق لك شسوي يعني!!
فوزية/الله يعينك..
محمد/علامك مالك خلق ابدا!!!
فوزية/رجعت البيت يامحمد؟
محمد/أي رجعت...ليش؟
فوزية/اللي بالبيت عندك شلون نفسياتهم!!!
محمد/اممم يمكن انهم زهقانين بس بيتنا لايهمونك دايم كذا!!!
فوزية/يعني مادريت وش اللي صار؟؟
محمد/لا..وش اللي صار؟
فوزية/هاذي بنت عمك فشلتنا اليوم فشلة مابعدها فشلة؟
محمد/سارة!!وش سوت بعد!!!
/////////////////////////////////////////////////
بغرفة فهد,,,
فهد بعصبية/الود ودي ذبحتها بيدي,,,
نجلاء/ترى انا شايلة عليك يافهد...
فهد/خير؟؟؟
نجلاء/انت عمرك مارفعت يدك على عيالك؟؟؟
فهد/بنتك مو بس برفع يدي عليها؟؟؟الا بذبحها وبدفنها حية؟؟
نجلاء/لاتبكرها عاد يافهد!!!هاذي مراهقة وماهي واعية للي سوته تلاقيها شافت الحركة بمسلسل ولا فلم وقلدتهم....
فهد/وتقولينها كذا بكل بساطة!!!
نجلاء/وش تبيني اسوي ؟؟امسك عصا واطقها فيها؟؟هاذي مراهقة يافهد...
فهد بصراخ/بسك من كلمة مراهقة!!سويتي المراهقة شماعة لكل اخطاء بنتك يانجلاء؟؟؟انتي اللي مكبرة راسها بها التصرفات؟؟؟
نجلاء/...............
فهد/بكرة تاخذينها وتروحين لنجود وتخلينها تعتذر منها؟
نجلاء/انت مو رحت اليوم؟ليش بعد انا اروح بكرة؟
فهد/علشان تاخذين معك سارة وتخلينها تعتذر بنفسها..سواد الله وجهها من بنية ضاعت فيها التربية؟
نجلاء/فهد..انا ماارضى على بنتي...
فهد/وترضين انها تفشلنا قدام الناس!!!
نجلاء/انت رحت واعتذرت منها...رضت مارضت خلاص احنا مالنا شغل بالسالفة هي زميلة منال واذا رجعت علاقتهم ولا مارجعت مو شغلنا احنا طلعنا منها خلاص!!!
فهد/ياسلاام عليك وعلى تفكيرك؟؟؟
نجلاء/عاد هذا اللي عندي وروحة لعند نجود مو رايحة واللي في راسك بتوسيه سوه مالي شغل فيك ولافي عيالك بعد!!!
فهد/نجلاء..انا تعبان...تعبان حييل ..تصرفاتك تتعبني...انتي شلون تتعاملين كذا بها الموقف ودي افهم بس!!!
نجلاء/البنت ...
قاطعهافهد/مراهقة!!!!غيري ها الاسطوانة واللي يعافيك؟؟؟؟محد خرب البنت غيرك وغير ها الكلمة يانجلاء؟؟؟
نجلاء/شلون يعني!!!ليش برايك بتتقصد انها تسوي ها الحركة بنجود؟؟؟لانها مراهقة ومابعد تميز الصح من الغلط؟؟
فهد بقمة العصبية/فيصل اللي عمره خمس سنين عارف ان الحركة هاذي غلط!!سارة اللي عمرها اثنعشرسنة ماتدري!!!!اسكتي واللي يعافيك انتي بتموتيني قبل يومي اصلا!!!
///////////////////////////////////////////////////////
مصعب/وش السالفة ياام مصعب ليش مانمتي!!!!
ام مصعب/مو جايني نوم!!
مصعب/انتي من رجعتي من بيت خالي وانتي موعلى بعضك!!!شفيك يالغالية؟
فوزية/اليوم صار لنا موقف يامصعب ننحرج حتى نذكره,,,
ام مصعب/استغفر الله على ها التربية,,,
مصعب/شفيكم!!شاالسالفة!!!
فوزية/سارة بنت خالي سوت حركة سخيفة وتنم على انها بنت شوارع مو متربية ابدا!!!
ام مصعب/فشلتنا الله ياخذ ابليسها!!!
مصعب/شسوت...
فوزية/نجود صاحبة منال كانت عندهم بالبيت اليوم...وقومي ياسارة يوم قاموا يتعشون حطي اسوارك بشنطتها وبعدها روحي اساليها عنه وفتحي شنطتها وطلعيه من الشنطة وكان نجود ماخذته!!!!
ام مصعب/والبنية اصلا تاركة اغراضها بغرفة رحاب ماشالتهم معها غرفة الطعام!!!بس اموت واعرف شبيسوي فيها فهد!!!
مصعب/هذا طالع من سويرة بنت خالي ماغيرها!!!
فوزية/أي والله يامصعب!!!
ام مصعب/سارة يبيلها تربية من جد وجديد اذا انتركت بتضيع,,,
فوزية/خالي مابيتركها...
مصعب/طيب وخالي فهد شوسى مع نجود؟؟اقصد مع سارة بها الخصوص!!!
ام مصعب/احنا طلعنا قبل لايرد هو ومنال من عند نجود...لا ونجلاء بايعتها على الاخر مخليته هو يروح يعتذر من البنت وهي قاعدة بالبيت!!!!اخر زمن والله,,,بس شقول انا لاتعليق ابدا!!!!بيجيها يوم وبتعرف ان تصرفاتها ماتمشي مع افكار فهد بالمرة!!!!
/////////////////////////////////////////////////////////////يوم ثاني في بيت السبيعي..
ام محمد/شعندك انتي,,رادة بدري من المدرسة؟
جواهر/اخذت اجازة بدون راتب...
ام محمد/من كثر الراتب عاد!!!
جواهر/مايهم!!
ام محمد/وش فيك...
جواهر/قولي تم...
ام محمد/زين شعليه تم!!!
جواهر/بروح الرياض...
ام محمد/ليش؟؟؟
جواهر/يمه نجود تعبانة وابي اروح اشوفها...
ام محمد/سلامتها...شفيها؟
جواهر/متضايقة من المدرسة ومن موقف صاير لها وانتي تعرفين انا مااحب اتركها....
ام محمد/بس يمه...
جواهر/يمه انا كلمت بندر وعطيته خبر اني بروح....وكلمت خالي غسان يروح معي ...
ام محمد/يعني مضبطة امورك كلها!!
جواهر/يمه ابوي ماراح يقول شي...ابي بس موافقتك انتي علي....
////////////////////////////////////////////////////////////ملاك/...تجنننين....دوم زعلانة يارب...
نجود/...........
ملاك/اقصد يعني مو زعلانة زعلانة وضايق خلقك...بس انتي واجد حلوة وانتي زعلانة؟
نجود/وقسم بللي خلق ها الكون كله!!مالي خلق ولاشي ياملاك؟
ملاك ببراْة/ابي اعرف من بس اللي تجراْ وزعلك؟
نجود/ملاك روحي من وجهي من على صبح الله صدق مالي خلقك....
ملاك/ليش عاد...
نجود/طلعي منها ياملاك وتركيني بروحي...
كانت نجود تتمشى في ساحة المدرسة بروحها والحصة قبل الاخيرة وملاك مشت معها وماكانها تسمع,,,,
ملاك/.........
نجود/..........
ملاك/...........شكلك اول مرة تزعلين وتتضايقين؟؟؟
نجود/.........
ملاك/انا معك الزعل وضيقة الخلق يتعبون بس محد من اللي حواليك مهما كان بيقدر يحس فيك...
نجود/ملاك....
ملاك/يمكن انتي تعتبرين كلامي تفاهة وسخافة وتشوفيني قدامك ولاشي...بس انا اعتبرك كل شي ياابلة نجود...كل شي...اعتبرك مثلي الاعلى وبيزعلني اكيد اللي يزعلك ويضايقك..وابيك تتكلمين معي وتعتبرين اختك....
نجود/اختي!!!صدقيني ياملاك انا ماودي بها اللحظة لااشوف اخت ولا....

ملاك بالم/ليش ماتبين تكونين اختي!!انتي تعرفيني!!تعرفين عيلتنا!!!
نجود/ملاك انا متضايقة حيل من الرياض واهلها وابي ارد الشرقية....بلا تدريس بلا هم بلا وجع قلب ووجع راسك من اهلها!!!!
ملاك/منو مضايقك؟
نجود/ناس....بس ماراح امحيها لهم من بالي ابدا!! ياملاك....
ملاك/ماعليك منهم...ذولا اكيد غيرانين منك ومافيها أي شك.....ممكن اطلب منك طلب....
نجود/.........
ملاك/ودي ازورك اليوم..ماابي اخليك متضايقة بروحك بشقتك...بعد مانطلع بجي مع السايق وبجيب غذاك زين..قولي تم ابلة نجود الله يخليك....
///////////////////////////////////////////
سالم/أي بس ...
فهد/بس شنو...
سالم/انت عمرك مامديت يدك على عيالك يافهد..معقولة اللحين بتستخدم ها الاسلوب؟
فهد/انت شايف ان حركة سارة حلوة؟
سالم/يمكن انك متضايق علشانها نجود اللي طاحت فوق راسها!!
فهد/سالفة نجود بروحها على جنب...بس القضية الاساسية سارة وتعاملي معها...
سالم/ونجود؟
فهد/شقولك بعد ياسالم...ماتبي تكلمني قافلة جوالها طول الوقت ..وحتى يوم شفتها البارح ماكانت طايقتني!!!
سالم/كل السالفة متعبة فعلا يافهد...
فهد/سارة غلطانة وستين غلطانة....
سالم/ونجود مو راضية ترضى؟؟وش ها الحيرة؟؟؟
فهد/يوم نويت اخطبها ها الاسبوع قلبت الموازين كلها....
سالم/وش اللي بيغير خطوبتك لها يافهد....كمل اللي بديته!!
فهد/كذا السالفة بتنفهم شي ثاني عندهم وبيعتبرون نجود هي اللي طلبت ها الشي مني!!انا عارف نجلاء وتفكيرها وتفكيرهم بعد!!ماابي احد يقول اني خطبت نجود بها الفترة ياسالم لاني ماقدرت ارضيها ولا علشان اعتذرمنها!!!!
///////////////////////////////////////////////////////////في جدة....
دلع/افردها عاد...
بندر/..........
دلع/بندر...انت من البارح مالك خلق شي..
بندر/وش معناة الحركة ذي بالله!!!
دلع/ماتعني شي...
بندر/الا تعني!!!يعني كلامي ماهو مهم عندها واللي بشورها بتسويه حضرتها!!!
دلع/خلها تولي؟
بندر/وش اللي اخليها تولي!!انا زوجها...يعني كلامي يمشي عليها مو اقول لها لا تقوم عنادا فيني تقول أي وتسوي اللي تبيه!!!
دلع/يمكن لانك راخي معها الحبل شوي ومدلعها...
بندر/شلون يعني!!
دلع/يعني اقول انت تارك جواهر على راحتها معك هي تقرر وانت عليك التنفيذ وبس!!وكانك ناسي انك انت الرجال!!!
بندر/انا الرجال وغصبا عنها وبتشوف!!!!
دلع بخبث/ورينا شطارتك ياحلو,,,
////////////////////////////////////////////////////

 
 

 

عرض البوم صور بياض الصبح   رد مع اقتباس
قديم 19-08-10, 06:55 AM   المشاركة رقم: 18
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

--- البارت السادس والثلاثين---
,,,,,,,,,,,,,,,,,,,,,,,,,,,,,,,,,,,,,
في بيت بو مشاري..
ام مشاري/ها بشري...
منال بحزن/طول الوقت وهي طالعة ماقعدت بغرفة المعلمات دقيقة وحدة اليوم!!!
ام مشاري/يعني ماكلمتيها!!
منال/هي مبتعدة بارادتها ...يعني بالصريح ماتبي تكلمني؟
محمد/طيب خلوها تهداْ شوي وبعدين كلموها..اللحين هي معصبة ومو طايقتكم اكيد ماراح تتكلم معكم!!!
ام مشاري/..................
منال/.................
مروة/اصلا طول اليوم كانت علينا ثلاث حصص ولا بحصة قومتنا انا ولا الجازي ولاحتى ناظرت بصوبنا!!رغم انها ماتستغني عن الجازي اسرع ماعليها الجازي وكل البنات لاحظوا ها الشي...وجويزي قامت تبكي وتحلفت بساروه...
منال/لاتطرين اسمها قدامي مو طايقتها ابدا!!
مروة/طبعا اليوم غايبة..
ام مشاري/تكون يعني متندمة على حركتها...
منال/سخيفة صحيح ..تعودت تسوي المشاكل وغيرها يطيح فيها...
محمد/وعمي شسوى معها؟
ام مشاري/البارحة قال لي ماقدرت يام مشاري غير اني اعطيها كف وبس!!!بكرة بتفاهم معها...
مروة/عمي طقها!!غريبة..عمي مايضرب..
منال/الموقف اللي سوته احرجنا كلنا يامروة...والاحراج الكبير طبعا يطيح على امها وابوها لان الناس بيقولون انهم مايعرفون يربون عيالهم!!!!
عم الصمت من جديد على المكان وقطعه محمد وهو يضحك..
محمد/ام مشاري شلونك..متى بتخطبين لي!!
ام مشاري/واللي يعافيك انت بعد وقتك!!
محمد/هههههه ابيكم تغيرون جو...الا صدق..مادريتوا؟
ام مشاري/شنو؟
محمد/ابو مصعب..
منال/شفيه..
محمد/بيجي هنا برمضان..
ام مشاري/صدق!!ماقالت عمتك؟
محمد/مو اكيد انها البارحة كانت بتقول بس سويرة غيرت مزاج الكل حسبي الله عليها!!!!
///////////////////////////////////////////////////////////نجلاء/يالله روحي طيحي على راسه وحبيه واعتذري منه وقولي له مابعيدها..
سارة/أي بس اخاف...
نجلاء/وش منه؟
سارة/انه مايرضى يكلمني؟
نجلاء/تستاهلين!!
سارة/يمه انتي معي ولامعه!!
نجلاء/سارونة انتي غلطتي والحركة هاذي مو حركة بنات متربين زين ياماما ماتعيدينها مرة ثانية وتزعليني منك؟؟؟
سارة/اووف سمعت ها الكلام مليون مرة!!!
نجلاء/يالله روحي...
سارة/ياماما خايفة صدقيني ابوي يخوف وهو معصب!!!
نجلاء/يالله بلا كلام وهذرة زايدة روحي...ودفتها لقدام....
سارة/بابا..
فهد رفع راسه ورجع يناظر بالجريدة/
سارة قربت من راسه بتطيح عليه وهو بعدهاوقال بحدة/قلت لك ماارضى عنك الا اذا رضت عنك بنت الناس!!!
سارة/وش تبيني اسوي يعني؟
فهد/تروحين تعتذرين منها اللحين!!!
نجلاء/اللحين عاد ؟؟؟
فهد بعصبية/انتي طلعي منها يانجلاء؟؟؟
نجلاء/زين وانا شقلت عاد؟؟؟
سارة/أي بس....
فهد/روحي لبسي عبايتك وانا انتظرك بالسيارة وقسما بالله وهذا انا قسمت باسمه..لو مااعتذرتي لها مثل الاوادم بيتي بعد ماتوطينه سامعتني!!!وحطي في بالك ماتطلعين منها الا وهي راضية لانها لو مارضت انا ماراح ارضى عليك.....
وبعد مامشوا,,
لمى/بابا...سارة وش مسوية؟
فيصل/انا اعرف وش مسوية؟
لمى/قول...
فهد/فيصل ياباب كم مرة قلت لك عيب تنقل الحكي اللي يصير باي مكان؟
فيصل/بابا شفت فايدة اني انقل الحكي....لو ماكنت انقل الحكي ولا اقول اللي شفته كان كلكم بتفكرون ان نجود حرامية واخذت اسوارة سارة!!بس انا شفت سارة يوم تحط الاسوارة بشنطة نجود علشان كذا انقذتها ..يعني سويت شي زين!!!
فهد/أي بس مو دايم تكون الامور كذا بصالحك يابابا فيصل....
فيصل/المهم اني انقذتها.....
فهد/منت ناوي تروح الروضة يافيصل؟تبيني ازعل منك مثل مازعلت من سارة؟
فيصل/أي بس انا تعلمت الحروف والارقام مع نجود وعلمتني كيف اكتبهم تذكر...
فهد/انت تعلمت شي بسيط بس يافيصل طيب وباقي الاشياء كيف تتعلمها؟
فيصل/بسيطة ..جيب نجود عندي البيت تعلمني!!
لمى/يالفالح نجود ابلة مروة والجازي؟
فيصل/عادي..امي تقول بالفلوس نسوي كل شي...يجيبها ابوي البيت تعلمني ويعطيها الفلوس اللي يعطونها اياها وانتهت السالفة صح بابا!!!
فهد تنهد/اللي ماتعرفه يافيصل اني وامك خلاص....مافي امل ابدا!!
فيصل/في شنو؟
فهد/لاتشغل بالك انا بالسيارة اذا نزلت سارة قول لها تجيني؟
فيصل وقف/بروح معك بابا نجود تحبني واذا شافتني بتفرح لجيتي!!
فهد /مو اليوم بتفرح بشوفتك يافيصل..اليوم نجود مالها خلقك ولاخلقي ولاخلق احد ابدا من اختك سارة؟؟؟
////////////////////////////////////////////////////
ناصر/الو
هنوف/هلا..
ناصر/وانتي مافي غيرك يشيل التلفون؟
هنوف/ويفتح الباب!!
ناصر/ههههه
هنوف/سم..
ناصر/سم الله عدوينك...
هنوف/يقولون عداوينك موعدوينك!!انت باي مرحلة دراسية واقف!!
ناصر/بالروضة!!
هنوف/وشكلك ماتخرجت؟
ناصر/هههه الله يلعن ابليسك...
هنوف/وش بغيت
ناصر/بصراحة انا داق قلت انا وحظي اللي بيشيله بساله السؤال اللي في بالي..
هنوف/شنو
ناصر/كلمت نجود مقفل ونورة نايمة وهيا ماتعبرني ابدا قلت اكلمكم اشوف رايكم..
هنوف/اختصر نبي نعرف سؤال؟
ناصر/اللحين مهند حلو؟
هنوف/أي مهند؟
ناصر/اللي بمسلسل نور..الممثل التركي؟
هنوف/لا بس ليش تسال؟
ناصر/الحمد الله طمنتيني الله يطمنك؟
هنوف/عسى ماشر؟
ناصر/سلامتك هذا خالد اللي معنا بالدوام قالب لنا مهند حلو والبنات يحبونه قلت اشوف راي البنات؟
هنوف/ماعليك منهم ياولد عمي....انا احس ان الرجال الشرقي والخليجي عموما والسعودي خصوصا..
ناصر/اختصري ولاعليك امر؟؟
هنوف/بلا نذالة وخلني اكمل كلامي!!!
ناصر/هههههه تفضلي...
هنوف/احس انه حلو يكون اسمراني طويل وعريض ومفتول...و.....يعني باختصار ياناصر يشبهك..انت حلم كل بنت ياولد عمي؟؟(قالت اخر كلام برومنسية وهيام)
ناصر/اكشخ ياولد!!هنوفوا لاتموتين علي!!ترى والله مااحب اوقع لااحد؟؟؟
///////////////////////////////////////////////////
في بيت ام مصعب..
الجازي بقهر/اله يلعن ابليسها ان شاءالله؟؟؟ليش ماقلتوا لي؟؟
فوزية/وش اللي فرق هذا انتي عرفتي من مروة؟
الجازي/عساها ماتتوفق ابد...
مصعب/حرام عليك...
فوزية/عيب ها الكلام...
مصعب/وبعدين ترى انا احط اللوم كله على عمتي يعني هي بعد متساهلة حييل معها وكلنا نلاحظ ها الشي..يجي خالي يقول لا تجي هي تقول أي!!!
دق جوال فوزية/اهلين منال..كيفك...
مصعب /بس امي متحلفة فيها وتبي تاخذها عندها تربيها؟؟
الجازي/تسوي فينا خير ام مصعب!!لو تاخذها امي تمشيها على الصراط وماتحيد عنه؟؟؟؟
فوزية...*/أي...يعني جواهر جاية اليوم لها؟؟؟ياقلبي عليها ماتقدر تخليها زعلانة فديتها وفديت قلبها...متى كلمتك...يعني جاية طيران...امم...خلاص بس يصير عندك شي حاكيني...باي...
مصعب /قومي جويزي سويلي شاي اخضر على كيفك /
وبعد ماقامت..
مصعب باهتمام/جواهر جاية الرياض؟
فوزية/أي...
مصعب بشوق/متى؟
فوزية/مصعب احنا مو اتفقنا انك تنسى سيرتها من الاساس؟؟؟
مصعب/ومن قال لك اني اقدر؟
فوزية/لازم تقدر ..هي مو من نصيبك ومحسوبة على واحد ثاني لازم تشيلها من بالك وترتاح؟
مصعب/حتى لو ماكانت من نصيبي محد يقدر يمنعني من شوفتها!!!
فوزية/ابي افهم وش اللي خلاك تتراجع عن قرارك بس بالارتباط بعد ماكنت موافق....
مصعب/........
فوزية/ياخوي لاتتعب نفسك وتتعبنا معك جواهر حلم ماراح يتحقق..خليني اخطب لك وانساها!!!
مصعب/مو وقته يافوزية مو وقته....
//////////////////////////////////////////////////////////////ملاك/ماعجبك الاكل؟
نجود/الحمد الله...
ملاك/بس مااكلتي شي؟
نجود/صدقيني انا قاعدة على شانك بس لانك ضيفتي...
ملاك/قلت لك لاتعتبريني ضيفة..اعتبريني صديقة,,,
نجود/بها الوقت ياملاك ماودي اتكلم مع أي احد مهما كانت معزته بقلبي,,,انا متضايقة حييل ومو عارفة كيف اتصرف....
ملاك/ليش..منو ضايقك...
نجود تنهدت/تخيلي نفسك معزومة عند ناس ولا انك انتي رايحة توجبينهم بمناسبة عندهم ويصير لك موقف ..مدري شلون اوصفه لك بس انا فعلا اتعب اذا تذكرته؟
ملاك/وها الموقف من الناس اللي انتي كنتي زايرتهم!!!
نجود/المشكلة انه مو منهم هم نفسهم من وحدة من عيلتهم ..سخيفة من بنات ها المتوسط...
ملاك/ماعليك منهم بنات متوسط خلهم يولون عنك كل تصرفاتهم غبية!!!
نجود/بس ذلتني ياملاك,,,,يعني..ِشقولك بس...
ملاك/لاتقولين شي خيلها تولي عنك ...
نجود/والله لو اختي مسوية ها الشي لضيوفي ذبحتها قبل لاتوطي باب المجلس!!!!
ملاك بالم/كم اخت عندك ابلة نجود؟
نجود/ثنتين....
ملاك/اكبر منك ولااصغر؟
نجود/انا الكبيرة....ووحدة بعدي..والثانية بعمرك باول ثانوي.....
ملاك قامت تبكي...
نجود/شربي الماي....
ملاك/شكرا...
نجود/ملاك انتي شسالفتك؟؟؟ليش دايم تبكين اذا طرى لنا موضوع الاهل والخوات؟
ملاك/ولاشي....
نجود/بلى في شي؟
ملاك/صدقيني مافي شي بس يمكن لاني ماعندي احس مدري شلون....
نجود/ودي اصدقك..
ملاك/وش اللي يمنعك تصدقيني عاد!!
نجود/لاني نجود وقارية كل شي في العيون.....
ملاك بتردد/شتقصدين؟
نجود بتردد/متاكدة ماعندك خوات؟؟
ملاك بلعثمة/أي..ماعندي؟احد قال لك ان عندي اخوات؟
نجود/انا ماحب اجر الحكي واحس اللي يبي يحكي معي يجني برجله ويسولف...
ملاك/خلك من ها السالفة وقولي البنت معنا بالمدرسة؟
نجود/ليش تسالين؟
ملاك/علشان اخذ لك حقك منها ياعمري...
نجود/صدقيني لو طوايفها كلهم يعتذرون مابيشفون غليلي فيها وبظل كارهتها,,,,بس محتارة وش اسوي لها علشان ااْدبها؟
ملاك/هي جاتك اعتذرت؟
نجود/لا..بس ابوها وبنت عمها جوني البارحة يعتذرون...واللحين يالله بعد اذنك انا بروح المطار لجواهر ماابي اتاخر عليها...
ملاك/بروح معك ابي اشوف جواهر انا بعد...
////////////////////////////////////////////////////
في بيت السبيعي...
نزلت لبنى من الدرج وهي لابسة برمودا جينز ازرق وتي شيرت بدون اكمام وتغني وتترنم..(حبه ابيه..ياناس ابيه...وقربه بعمري اشتريه..هو اللي غير دنيتي...وخلى حياتي بين يديه...)
هنوف اللي كانت قاعدة بالصالة قامت من شافت لبنى وسمعت صوتها لعند المسجل وفتحت الدرج وطلعت كل اشرطتها وقامت تحوس تحوس لين طلعت شريط راشد اللي فيه الاغنية وحطتها.....
ويلي...ويلي..ويلي...اه ياويلي..ومن حبه ويلي...ويلي...
ولبنى بغتها من الله وقامت بالرقص...
وهنوف مسوية روحها طقاقة وانواع التشجيع/هلا..هلا..عاشوا بنات السبيعي عاشوا....سواها الخصر يالبنى......على فكرة لبينة؟
لبنى/لو سمحتي اسمي لبنى؟
هنوف/مو مهم...اللحين تاكدت بس انك مجنونة؟
لبنى/ليش ان شاءالله؟
هنوف/الناس بعز الشتاء وبردانين ومايطلعون من بيوتهم علشان يدفون وانتي لابسة لي برمودا؟
لبنى بالم وتنهيدات/انا فيني نار كاويتني ومو مقصرة بتدفيتي ابدا,,وعمر بردكم مابيهمني!!!!
هنوف/العن ابو الحركات يابنت!!!!
لبنى/تصدقين هنوف ساعات اذا شفتك كذا لابسة ها البلايز كلها احسك بطريق وانتي تمشي؟
هنوف/والله الصحة غالية ومحد بينفعني غير صحتي؟
لبنى/احد قال لك شي؟
هنوف/مدري عنك تلمحين تلميحات سخيفة...
لبنى/هههههه انتي لمنو طالعة ثقيلة دم؟؟
هنوف/بقولك بس خليها بيني وبينك ولاتعلمين احد!!طالعة لاابو بندر؟؟
لبنى/لايسمعك يذبحك؟
هنوف/هههه ماهو هنا وانا اقدر اتكلم وهو موجود...اذا هو موجود انا في بيت عمي يالذكية؟؟؟
/////////////////////////////////////////////////////////////فهد بصرامة/انزلي!!!!
سارة بتردد/مااعرف باي شقة؟؟؟
فهد/416 اخر غرفة على يدك اليسار...
سارة/.....................
فهد/قومي ووجع...
سارة بدلع/اخاف تطردني..
فهد/جزاك واقل من جزاك؟
سارة/انا خايفة؟؟
فهد/يالله نزلي خلصيني,,وتكلمي معها بادب واحترام..حسسيها انك فعلا ندمانة وغلطانة؟
سارة/واذا مارضت شسوي انا يعني..
فهد/سارة..كلمة زايدة منك ماابي!!!اذا رجعتي ومااعتذرتي منها ولاهي قبلت اعتذارك مابترجعين البيت؟؟
سارة/طيب...
//////////////////////////////////////////////////////
كانت عيونه تجوب بصالة القادمين وهو يسمع ان رحلة الشرقية وصلت...دق قلبه بقوة اكثر من الازم وحس ان انفاسه تتسارع,,,وحس بالارتباك..اللحين بيشوفها..ماهو مصدق نفسه,,بيشوفها بعد ماصرح لها بمشاعره ناحيتها في البحرين ذاك الاسبوع..
كانت عيونه تدور على سواد يمشي وهو متمني انها تكون بروحها ..ويارب بعد تكون مضيعة شي ..ولا محد ينتظرها وتحتاس بالتاكسي..علشان يروح يكلمها ويعرض عليها المساعدة حتى لو رفضت,,
وقف قلبه يوم طاحت عيونه عليها وهي تمشي بكل ثقة..غمض عيونه بسرعة علشان لاتفضحه عينه بس مع هذا جواهر مرت من جنبه ومافاتها ابدا وجوده ..هذا هو بلحمه ودمه وشحمه...وقفت تناظره اقل من الثواني ومشت بسرعة ومشى وراها مثل ظلها...
وقفت عند البوابة ودقت على نجود ومحد رد عليها...
دقت مرة ثانية وثالثة بس مافي حد يرد....
مصعب بتردد/لو سمحتي اخت جواهر في..
قاطعته جواهر بحدة/ممكن اعرف انت ليش هنا!!!بمعنى اخر منو قال لك اني بكون موجودة هنا!!!
مصعب بهمس/قلبي,,
جواهر بحدة/احترم نفسك ولاتتجاوز بالفاظك معي لاني مرتبطة وماابي اذكرك بها الشي كل ماشفتك..؟
مصعب/مو قصدي الاساءة صدقيني ..طلعت الكلمة عفوية..على كلا انا اعتذر لك لو زعلتي منها...
جواهر*/ممكن تبعد عني لو سمحت قربك ينرفزني!!!
مصعب بالم/طيب...بس تاكدي اني بكون موجود لو طلبتي أي شي....
جواهر/..........
مصعب ابتعد عنها وظل ينظرها من بعيد وهي في قمة العصبية من نجود اللي ماترد عليها,,,
*///////////////////////////////////////////////////////////كانت نجود نازلة هي وملاك علشان يروحون المطار وسارة توها بتدخل يعني عند البوابة اللي برى..وملاك كاشفة وسارة كاشفة..
ملاك/سارة؟؟
سارة/ملاك؟؟؟؟
نجود/...............
فهد يوم شافها طلع من سيارته وتقرب شوي منهم وصار واقف عند سيارة نجود,,,
نجود بحدة/ملاك انتي تعرفين ها الاشكال؟
ملاك/ليش؟؟
نجود بحدة/سالتك تعرفين ها الاشكال؟؟؟
ملاك بخوف/كنت اعرفها بس تركتها من زمان؟
سارة/كذابة!!!!
ملاك/قلبي وجهك احسن لك؟
سارة بخبث/اصلا ياابلة نجود هي اللي قالت لي احط الاسوارة بشنطتك؟
ملاك/قلت لك شنو؟
سارة بنفس الخبث/يعني انتي تتصورين يابالة نجود انا ليش بسويها وانتي في بيتنا وصاحبة بنت عمي!!!!انا اسفة بس لحظة غباء مني وطعت ملاك فيها..بس صدقيني اني متندمة اني طعتها..انا مدري ليش ملاك تكرهك ها الكثر؟؟؟
ملاك بذهول/انا متى شفتك علشان اقولك؟؟؟ابلة نجود..لاتصدقينها...
نجود بحدة/سارة انقلعي لاابوك وانتي روحي بيتكم!!!!
ملاك بحزن/انا مالي شغل ابلة نجود والله العظيم اكثر من شهر لاشفتها ولاكلمتها حتى؟سارة كذابة لاتصدقينها...
سارة ببراْة/انا ليش بكذب عاد!!انا لااعرف نجود ولاتدرسني علشان اكذب؟؟انتي قلتيلي تبين تهينها وانا كان علي التنفيذ وبس!!!
نجود بحدة/سارة انقلعي من المكان اللي جيتي منه..
فهد/ابلة نجود لو سمحتي...هي جاية تعتذر منك؟
نجود بحدة/خذ بنتك ياولد الفارس ..ولاتخليها تقرب صوبي لاني اكرهها موووت!!!
قالتها وركبت سيارتها ومشت بسرعة..وسط ذهول ملاك من اللي صار..
ملاك بحدة/انا اللي قلت لك ياسارة؟
سارة باصرار/أي...
ملاك/لاتكذبين..اسمع بنتك وش تقول؟بتحط اغلاطها علي !!
فهد بصرامة/سارة..اذا انتي غلطانة اعتذري من البنت..وحسابك بالبيت؟
سارة/قلتيلي؟؟
ملاك/لاتكذبين ياسارة؟؟
فهد بصراخ/سارة ووجع!!!
سارة/.........
ملاك/ماابي اعتذارك...انا بس ماابيها تصدق ها الحكي!!!ابي افهم انتي مو كنتي تحبيني؟؟؟ليش قلبتي علي؟؟؟؟
سارة قامت تبكي/انتي السبب تعرفين اني احبك ليش تتركيني وتروحين لها؟
فهد/قدامي على السيارة...اسف يابنت ..امسحيها بوجهي!!!
//////////////////////////////////////////////////////
جواهر/مابغيتي تردين؟
نجود/جايتك..
جواهر/يالله بسرعة وش عندك؟
نجود/انا منااطلع من مصيبة الا ادخل بعشر غيرها!!
جواهر/ليش شصار بعد؟
نجود/خلاص انا قربت لعندك ....طلعي...
جواهر/وانا داخل!!!هذا انا عند البوابة ؟؟؟
نجود/يالله طلعي....
طلعت جواهر وركبت بسيارة نجود..
نجود بهدوء/حمد الله على سلامتك بس وينه غسان ليش ماهو معك؟
جواهر/نكب فيني حضرة جنابه باخر اللحظات وماجا معي!!!المهم شلونك انتي!!!
نجود/تعبانة ياجواهر والله مالي خلق شي؟
جواهر/ليش تاخرتي؟
نجود/وانا جاية لعندك اول مانزلت ومعي ملاك كان فهد واقف مع بنته وشكلها جايبها تعتذر؟؟

جواهر/واعتذرت؟
نجود/قلبت السالفة كلها على ملاك؟
جواهر/ملاك؟؟؟؟معقولة تطلع منها ها الحركات!!
نجود/لا..ملاك مالها شغل بس انا بظل ساكتة عنها ها اليومين لين اعرف بعدين أي شي على سارة ممكن اني ااْدبها فيه؟
جواهر/شلون يعني؟
نجود/يعني اليوم مسوية روحها اليوم انها مسكينة وبريئة ومالها أي شغل بللي صار وانها مسيرة مو مخيرة...بس انا لها مفكرتني بصدق لعبتها..انا عارفة ملاك وعارف انها مو بعيدة عنها ابدا!!بس مو ملاك اللي مسوية ها الحركة واتوقع انها سوتها فيني لانها مقهورة اني اخذت ملاك صوبي وماعادت اهتمت فيها مثل قبل؟؟هو مجرد توقع بس عندي احساس كبير انه صادق...
جواهر/طيب...وفهد؟
نجود/شفيه؟
جواهر/بتظلين زعلانة منه!!
نجود/..........
جواهر/يعني بالنهاية هو ماغلط وماالمفروض تحملينه ذنب غلطة سارة..صحيح هي بنته والمفروض انه يربيها عدل بس كاهو لعيونك من البارح وهو كل شوي وناط جايب لك احد يعتذر لك...يعني مامر عليه الموقف مرور الكرام وقاعد يحاول يصلحه؟
نجود بهدوء/ماابيه.....عافه الخاطر خلاص...بعد حركة بنته...مستحيل افكر فيه...انا مااخذته بعدني وهذي اولها بكرة لين اخذتها شبيصير؟
جواهر/شلون يعني!!!
نجود تنهدت/يعني كان القدر فرقاه!!!!
جواهر/...........
نجود/..............غطت وجهها وكانها تحاول تخفي دموعها لاتشوفها جواهر واحترمت جواهر سكوتها وسكتت هي بعد,,,,,
/////////////////////////////////////////
في بيت الفارس,,,,
فهد بهدوء/ممكن تقولين لي شنو نوع العقاب اللي تفضلينه!!
سارة كانت واقفة قدامه وهي تبكي......
فهد/سارة انتي تغيرتي؟؟ماعدتي بنتي اللي احبها ...ولا اللي ربيتها؟وش اللي غيرك ياترى؟
سارة بندم/بابا انا اسفة؟
فهد بنفس الهدوء/انا موصلك لنجود تعتذرين منها تقومين تشبين لي سالفة جديدة مع زميلتك بالمدرسة وتكذبين وتتهمينها؟
سارة ببكي/بابا انا اكره نجود..
فهد بالم/طيب ليش؟؟؟لاتدرسك ولالك علاقة فيها لامن قريب ولامن بعيد؟؟ليش تكرهينها؟؟بالعكس هم يقولون انها حبوبة؟(منهم اللي يقولون يافهد هههه)
سارة وهي تمسح دموعها/بابا...نجود اول ماجت كانت ملاك تكرهها وانا كرهتها لان ملاك ماتحبها..وبعدين انقلبت ملاك فجاْة وصارت تموت فيها وتلاحقها وين ماكانت...صارت طول الوقت معها وتركتني وماعادت سالت فيني..ودايم تقول مشغولة..والسبب نجود؟؟
فهد/تقومين تتصرفين معها بها الطريقة حق بنات الشوارع اللي مو مربين ياسارة؟
سارة/كنت .....انا عارفة اني غلطانة....
فهد/طيب وليش حطيتيها فوق راس ملاك يوم انك عارفة انها مو غلطانة؟
سارة/ابي نجود تكرهها وترد لي ملاك مثل قبل؟
فهد/يابابا ياسارة غلط,,,,كل اللي سويتيه غلط؟؟؟وطيتي راسي ياسارة....انا انا قمت امشي بين صاحباتك ومعلماتك واعتذر منهم..عاد ترضينها لي ياسارة!!
سارة تقربت/اسفة بابا اوعدك مااعيدها وهذا راسك ابوسه؟
فهد/لاياسارة...انا ماراح يكون بيني وبينك أي كلام لين تصلحين الموقف بنفسك وبدون كذب على احد,,,,ولين تغيرين من تصرفاتك كلها..
سارة/بس يابابا..
فهد/من غير شروط ياسارة؟؟انا اللي بشرط عليك وانتي عليك التنفيذ؟
سارة/طيب..
فهد/طلعة من البيت من غير شوري انا ماكو؟؟حتى امك ماتقولينلها تقولين لي انا وبس...واذا مالقيتيني تروحين لعند خاالتك ام مشاري ولا منال ووتعطينهم خبر فاهمة؟
سارة/طيب
فهد/تلفونات بغرفتك مافي....بتكلمين بالصالة ..وحدك لين صلاة المغرب بعدها التلفون والتلفزيون والسهر ممنوع,,,بلك بدراستك وبس...اخلاقك مع بنات عمك تتغير...وتروحين اللحين بيت عمك وتعتذرين من خالتك ام مشاري ومن منال ...
سارة/امي قالت لي لاتروحين لهم؟
فهد بعصبية/وانا وش قاعد اقول اللحين؟
سارة بخوف/طيب....
//////////////////////////////////////////////////////////مضاوي/شلونك..
عبير/الحمد الله انتوا شخباركم؟
مضاوي/نسال عنك ..
عبير/امي شلونها دقيت لها الضهر ماكانت موجودة...
مضاوي/يمكن انها في بيت عمي...
عبير/لبنى ماردت من الكلية..
مضاوي/بلى وحطت راسها ونامت..
عبير/وش عندكم بعد من اخبار..
مضاوي/الليلة جاينا ضيف..
عبير/ضيف!!منو؟
مضاوي/ماراح تتوقعينه ابدا!!!
عبير/منو؟
///////////////////////////////////////////////////////////////في غرفة نجود...
كانت قاعدة وجواهر بعد قاعدة وهم مقابلين بعض....
وساكتين وكانهم قاعدين بعزاء...
قطعت جواهر الصمت بعد مارمت جوالها...
جواهر/اوفففف
نجود رفعت راسها/وش فيك؟
جواهر/شدراني عن ولد عمك!!
نجود/شفيه!!!
جواهر/مسوي روحه زعلان حضرة جنابه ومو راضي يرد علي!!
نجود/عسى ماشر !!ماخبري فيه يزعل؟
جواهر/ماكان يبيني اجي لعندك؟؟
نجود/حلو حلو..جينا لفرض الاوامر يابنيدر؟
جواهر/ويوم اصريت على راي وجيت دق علي الضهر وقلت له اني بالمطار ومن ساعتها وهو مايرد لاعلى اتصالاتي ولا على مسجاتي!!
نجود/خله يولي لاتشغلين بالك فيه..يزعل ويرضى على كيفه!!
جواهر/............
نجود/.................
جواهر/منو تتوقعين شفت بالمطار اليوم؟
نجود/امممم اكيد مو فهد لانه كان معي................................لاتقولين مصعب؟
جواهر بتنهيدة/أي...

نجود/شوف الدنيا انتي تركضين ورى بندر ومصعب يركض وراك!!!!!
جواهر/لو كانت كل عيوب الدنيا ببندر يانجود ماراح يشيله من قلبي احد!!هذا حبيبي ...والقلب مايشيل اثنين!!ولايقدر يغير الناس اللي يحبها يانجود؟
نجود/رغم اني لازلت مصرة على ان مصعب افضل من بندر....بس شسوي بقلبك اللي مو شايف الا بندر؟
جواهر/بندر خطيبي وبعد كم شهر بيكون زوجي!!!
نجود/ماتقولين لي ها الخطيب شمخبي وراه من سوالف!!!لاقال لك باي شركة اشتغل بعد مافصلوا!!ولاراضي يقول لك أي شي عن اخباره وحياته هناك!!وتعالي غصب طيب اتركي وظيفتك هنا وتعالي معي بعد العرس!!وش ها الانانية اللي فيه!!
جواهر/لانه يحبني يبيني جنبه ومايبي يفارقني؟
نجود/ماقلنا شي!!بس على الاقل لو هو صدق يبيك تروحين هناك ياخذك قبل العرس يوريك وين ساكن يعرفك بحياته هناك مو تروحين وانتي على وجهك ماتدرين وين الله حاطك!!!
جواهر/..........المشكلة ان حتى شقتنا هني ماهو شايل همها وتعالي انا واثق بذوقك وعندك البطاقة وسوي كل شي على كيفك.....
نجود/لاتعليق!!!!
دق جوال نجود وكان فهد المتصل شافت اسمه وردت الجوال مكانه..
جواهر/هذا فهد؟
نجود/أي...
جواهر/حرام عليك صار له فوق الاربع مرات يدق ويرسل ردي عليه؟
نجود/قلت له اللي بيني وبينك انتهى لين تربي بنتك؟
جواهر بمرح/طيب يمكن رباها ويبي يبشرك!!!
نجود تنهدت/وابي اقوله ان اللي بينا خلاص انتهى يافهد...
قالتها وغمضت عيونها وكانها ماتبي تقولها...
جواهر تقربت منها وقالت بمس/نجود..تحبينه ..لاتعذبين نفسك وتعذبين معك!!لاتحملينه غلطة ماهو صاحبها على حساب كرامتك؟؟؟
نجود بهمس وبكي/مقدر اكمل وياه!!كرامتي صارت بالارض ؟؟بنته اهانتني بوسط بيته ياجواهر؟؟وقدامهم كلهم!!
جواهر/حاسة فيك ياقلبي.....بس لاتعذبين نفسك وتعذبينه معك؟ردي عليه..
نجود/لا..اذا رديت عليه بضعف وبحن وبسامحه وبرد كل شي مثل قبل وانا ماابي ها الشي يصير؟؟خلاص شلته من بالي ياجواهر ماعادت لي رغبة فيه.....
جواهر/وحبكم يانجود؟تموتنه وهو بعده بالمهد؟
ماتكلمت نجود بس كانت عيونها ودموعها يتكلمون بدالها وقرت جواهر المكتوب بعيونها ,,
رضيت بماقسم الله لي...وسلمت امري الى خالقي
لقد احسن الله فيما مضى...كذلك يحسن فيما بقي!
حضنتها بقوة ونجود قامت تبكي وكانها تنتظر من جواهر انها تحضنها.......
نجود/جواهر..شكرا حبيبتي انك ماتركتيني ..
جواهر/ملزومة اكون جنبك ياعمري..انتي ماتتركيني بضيقي ولانسيتي؟
نجود/بس انتي زعلتي بندر علشاني!!زعلتي حبيبك؟
جواهر/حبيبي ماله حق يزعل وهو اكثر انسان عارف انتي شنو بالنسبة لي وانا شنو بالنسبة لك..وبعدين انتهي منك واروح ارضيه وين المشكلة مايبي لمراضاته شي بندوري مايتعب فديته!!!
//////////////////////////////////////////////
وحده كان قاعد بسيارته تحت سكنهم..وعيونه لفوق بس لااي طابق بالتحديد مايدري!!
هي اللحين هنا بها المكان..تنوره مثل مانورت الرياض......
بس لو انها ترحم بحاله وماتقسى عليه ها القسوة كلها!!
غمض عيونه وهو يتذكر كلامها(انا مرتبطة وماله داعي اذكرك بها الشي كل ماشفتك)
حس بالدموع متجمعة بعيونه..مرتبطة!!! يابخته فيك والله,,,احسده من كل قلبي ..كيف لا وهو ماخذك وانتي زينة البنات!!!!اتمنى لك السعادة ياجواهر معه ...انا عارف انك تحبينه وماراح تتركينه وهو بعد يحبك...بس صدقيني حبك سرى بقلبي غصبا عني مو بيدي!!!
بس شسوي...انا ابيك وانتي لغيري!!!شرعك اللهم ولااعتراض شرعك اللهم ولااعتراض!!!!
مشى بعيد عن مكان سكنهم وكانه يبي يشلها من باله لو ابتعد عنها..بس ياليته يقدر!!!!
///////////////////////////////////////////////////////////مشاري/انا ماراح اقدر انزل معك ها المرة الشرقية؟
لمياء/ليش؟
مشاري/زواج واحد من ربعنا...
لمياء/اممم
مشاري/ها غيرتي رايك وبتروحين معي العرس بدل ماتنزلين؟
لمياء/طبعا لا؟
مشاري/بعوضك عن قعدتك صدقيني؟
لمياء/مستحيل انا انتظر ها اللحظة بفارغ الصبر؟
مشاري بحذر/أي لحظة؟
لمياء بارتباك/اني انزل لااهلي طبعا!!
مشاري/وش عندك في بيت اهلك ..
لمياء/واحد مايبي يكون جنب اهله يامشاري؟
مشاري/لمياء...انتي تعرفين بيت السبيعي؟
لمياء بتردد/ها..اي سبيعي فيهم؟
مشاري بتاكيد/بيت نجود..اللي راحواه بيت اهلي يوم نزلوا الشرقية ذاك اليوم؟
لمياء/مدري...مااتوقع ماادل البيت..اصلا من زمان انقطعت علاقتنا في بعض؟
مشاري/غريبة مو كنت موصلك انا ذاك اليوم يوم تودين الفستان لنجود؟
لمياء/.................
مشاري/يوم اللي تغيرتي فيه مية وثمانين درجة!!
لمياء بعصبية/انا لاتغيرت ولاهم يحزنون؟؟؟؟انا اصلا مو طايقة اقعد هنا وبس!!!!
قالتها وقامت لغرفة مريم علشان تهرب من مشاري ونظراتها اللي ملايانة شك وكلامه اللي اشبه بالتحقيق!!
مشاري تنهد بقوة وهو افكار تجيبه وافكار توديه..(لمياء...الله يخليك كوني لي وحدي انا ومريم وبس!!اخلصي لنا مثل محنا مخلصين لك ياعمري!!ماابي أي شي يفرقنا...تصرفاتك مخليتني اموت من الشك..يارب يكون ظني فيك كله مو بمكانه وارتاح من ها الوضع اللي تاعبني,,,)
////////////////////////////////////////////////////////
ناصر/يبى...شفيك عسى ماشر ؟
ابو علي اللي كان متمدد على الكنبة/الشر مايجيك يبى...
ناصر/ليش متمدد هنا؟انت مو كنت طالع القهوة؟
ابوعلي/بلى..بس حسيت بدوخة براسي وقلت اتمدد اريح شوي...
ناصر/ماعليك باس....يمكن مو نايم زين...
ابوعلي/لاوالله نايم كفاية..بس مدري..يمكن مخربط بالاكل...
ناصر/وش يدخل الاكل والخربطة فيه بدوخة الراس!!انت يامو ماكل زين يامو نايم زين؟
ابوعلي/والله مدري يابوك...
ناصر/تبي اخذك المستشفى؟
ابوعلي/لا,,,,احد يروح المستشفى على دوخة براسه ياناصر!!!عليكم دلع ماشفت مثله بحياتي!!
ناصر/افا!!هذا جزاتي اللي خايف عليك!!!
ابوعلي/ماتقصر يبى بارك الله فيك..
ناصر/أي يبى كثر منها ها الدعوات الطيبة..علشان نتوفق بحياتنا..
ابوعلي/مو كافيتك امك طول اليوم تدعي لك؟
ناصر/لا..عارف ليش ..لان دعوة الاب لعياله مستجابة اكثر من الام....الام طول الوقت تدعي لهم لكن الاب اذا جا يدعي دعا من قلبه بحرقة....
ابوعلي بزفرة/والله ياناصر عمري مادعيت على اخوك علي ولاتمنيت له الا الخير والسعادة..ومكذب عليك ياناصر يمكن تمنيت ان حياته الوظيفية والاجتماعية تكون افضل حتى من حياتك انت!!!بس مدري وش جاه ها الولد وقلب علي!!!هو انا وعمه ظلمناه يايبى ياناصر يوم زوجناه عبير!!!
ناصر/لايبى انتوا ماظلمتوا علي!!!بس..........بس ظلمتوا عبير بعلي!!!!
////////////////////////////

---البارت السابع والثلاثين---

في بيت السبيعي,,
ام بندر/حيا الله اخوي الغالي..من متى ماشفتك...
ابو رياض(اخو ام بندر ساكن بتبوك)/شسوي بعد ياام بندر شسوي..هي الظروف كذا كل ماجتنا فرصة جيناكم نسلم عليكم...
ام بندر/عساك سالم ياخوي..
ابو رياض/طمنيني عنك وعن بو بندر وعن البنات ان شاءالله كلكم بخير...
ام بندر/الحمد الله ناقصتنا شوفتك بس ياخوي...
ابو رياض بلهفة/عبير شلونها يااختي...
ام بندر /.................
ابو رياض/بعدها على حالها...
ابو بندر بهدوء/الحمد الله على كل حال ياخوي....شسوي فيهم مسكينة لاتشكي ولاتتكلم..وكافية حياتها عنا كلنا...
ابو رياض/ماجابت لنا شي....
ام بندر/لا...وهذا اللي متعبني هي لو تجيب لها صغير يونسها ويسليها كان تغير حالها...بس هي ماتبي...
ابو رياض/الله يسامح ابوها...تذكرين يوم اكلمه عن رياض ولدي واقوله اني باخذها له ومارضى وقال هي لعلي ولد عمها!!
ام بندر/...............
ابو رياض/الحمد الله على كل حال...
ام بندر/رياض شلونه شلون مرته وولده...
ابو رياض/عنده اثنين مو واحد...محمد وكاهم قبل ثلاثة شهور جابوا له عبدالله..
ام بندر/لا...عسى الله يخليهم له ...
ابو رياض/الحمد الله على كل حال....
عبير/السلام عليكم..
ابو رياض وقف/وعليكم السلام والرحمة...
عبير/شلونك خالي عساك طيب..
ابو رياض/وش دعوة ها القطاعة هاذي كلها ياعبير عاد!!!تراني متوله عليك وعلى صوتك من زمان ماسمعته..
عبير /معليش ياخالي انا مقصرة معك كثير بس الظروف ماهي على الكيف ابدا!!انت طمنا عليك شلونك وشلون بنات خالي ليش ماجبتهم معك؟
ابو رياض/والله يابنيتي انا نازل الشرقية بروحي عندي شغلة بخلصها وبكرة الصبح برجع تبوك..بس قلت مايصير مااسلم على اختي واشوفكم ..
عبير/عسى الله يطول بعمرك يارب...
ابو رياض/كانك ضعفانة ياعبير؟
عبير/لا
ابو رياض/بلى..كنت مربربة...وين راح كله يابنت؟
عبير/كذا احسن خالي....
ابو رياض/تعالي قعدي ليش واقفة خلنا نسولف..
/////////////////////////////////////////////////////////////كان قاعد بمكانه المعتاد بمكتبه وهو غارق بالظلمة من حوالينه وماغير سيجارته اللي ماتفارقه قاعدة بفمه...ومن قطعت نجود صوتها عنه صارت ها السيجارة ماتطلع من فمه الا بالنادر....
كان شارد بفكره بعيد..لعند نجود...
كيف يراضيها ياترى كيف!!!هو عارف انه لو مهما سوى ماراح يقدر يتغلب على زعلها وها الشي هو واثق منه لانه عارف نجود زين!!!!
بس صدها له وتطنيشه معيشه بحيرة....شكثر مشتاق يسمع صوتها ويسولف معها ويشتكي لها عن همومه وتقوم هي تخفف عنه بصوتها واسلوبها اللي بمجرد يلامسه ويلامس سمعه يطيب ويخف عنه كل هم,,,,
شيراضيك بس يانجود شيراضيك!!!!
اليوم فوق العشرين مرة دقيت لها وماردت علي!!!!
حتى الرسايل ماهي راضية ترد عليها....
مستحيل تكون نايمة وجواهر عندها وهو عارف ها الشي خصوصا انها متضايقة للحين من الموقف اللي صار لها...
جواهر!!هي الحل ماكو غيرها لازم يكلمها ويقول لها انه يبي يشوف نجود ويقعد معها ويتكلمون....
اللحين ادق عليها...الوقت متاخر..معليش بعطيها مسج وبكرة اذا قعدت ترد علي...لاني بصراحة مقدر اتاخر عنها اكثر من كذا!!
//////////////////////////////////////////////////
اليوم الثاني...,,,
ملاك/ابلة نجود..ممكن..
نجود مشت عنها/روحي فصلك ياملاك انا مشغولة اللحين؟
ملاك بترجي/الله يخليك اسمعيني!!!
نجود بحدة/قلت لك روحي فصلك....
ملاك ببكي/والله العظيم ماادري وش اللي صار بينك وبينها؟؟؟مدري عن شي اصلا!!!!
مها من وراهم/ملاك وش فيك؟
ملاك/.................
نجود بنفس الحدة/روحي فصلك!!!
تركتها ومشت وقامت تبكي ملاك..
مها/ملاك..وش فيك ياقلبي!!!وش سوت لك نجود؟
ملاك من بين دموعها/ماهي راضية تصدقني!!!!
مها/...........
ملاك/والله العظيم مالي شغل بشي؟.؟
مها/انا اعلمك بنجود.....
ملاك/لا...انا بحل السالفة بيني وبينها انتي لاتدخلين نفسك...
مها بنرفزة/..طيب..لابغيتي شي انا موجودة....
//////////////////////////////////////////////////////
علي بعصبية/ليش تاخرتي البارحة في بيت اهلك؟
عبير بهدوء/خالي كان موجود معنا وانا قلت لك اني بقعد معه؟
علي/ياسلام!!!وماوراك بيت...
عبير/وش اللي كان قاصره ها البيت
!!!كل شي كان على اتم مايكون قبل لااطلع ؟؟وبعدين انا وين رايحة ياعلي..رايحة بيتنا..كاهو مايفصلنا عنه غير جدار واحد؟؟؟
علي/ان شاءالله مايفصلنا عنه حتى باب؟؟؟سلمي على خالك ورجعي ليش قاعدة هناك؟
عبير/وش فيها لاقعدت مع خالي عاد!!
علي/فيها اني انتظرتك لين مليت وبعدها نمت!!!
عبير/..........
علي/عيديها مرة ثاني وشوفي؟؟
عبير/انت حتى اهلي تبي تمنعني عنهم!!!
علي/بفكر فيها؟
عبير/علي............انت ليش تكرهني لهدرجة!!!!
مارد عليها بس قام يناظرها وكانه يدور على اجابة ولايفكر بالسؤال هل هو صحيح يكرههاا!!
////////////////////////////////////////////////////
/دلع/ارحمها عاد يابندر كسرت خاطري؟
بندر/..........
دلع/كم مرة من امس لليوم وهي تدق عليك وانت مطنشها؟؟؟رد عليها النسكينة؟
بندر بعصبية/خلها تتعلم تمشي كلامها على كلامي!!!
دلع بضحكة/عيني على الرجولة؟؟تدري لو انا مكانها اموت ساعة لو ماترد علي!!!!اقول بندر خلني اكلمها..
بندر/مالي خلقك انتي بعد!!
دلع/هههههه شدعوة....
بندر/كل المصايب من نجود؟؟؟؟
دلع/وش يدخل نجود عاد؟
بندر/يعني هي اللي قالبتها علي بس لو ماهي متاْثرة فيها لهدرجة كان مشت معي على الشي اللي انا ابيه...
دلع/وانت ليش مضايق نفسك؟
بندر/في شي قاعد يدور في بالي ..
دلع/شنو؟
بندر وهو يشرب قهوته/اقدم العرس!!!!!!!
/////////////////////////////////////////////////////////////الجازي/ابلة نجود ممكن لحظة؟
نجود/نعم..
الجازي بتردد/كنت ابي ا سالك سؤال؟
نجود/خير..
الجازي/يعني...يعني منتي ملاحظة انك يومين وانتي ماتقوميني بالفصل اصلا؟
نجود/وشفيها؟
الجازي/...................
نجود/انا عارفة مستواك زين...واذا ماقمتي يومين ماراح تتغيرين بنظري!!!
الجازي/أي بس...
نجود/...........
الجازي بتردد/انتي حتى ماتتلفتين صوبي؟؟
نجود/وانتي زعلانة علشان ها الشي؟
الجازي/...............
نجود/خلاص ذكريني بكرة اول ماادخل عليكم التفت صوبك........
تركتها ومشت والجازي تسب وتلعن بسارة ومتوعدة فيها.....
//////////////////////////////////////////////////////////جواهر/شلون النفسية اليوم؟
نجود/مدامك معي اكيد بتكون احسن؟
جواهر/ واثقة طبعا من حالي بس حبيت اتاكد!!
نجود/ههههه
جواهر/فهد مادق عليك؟
نجود/بلى..بس تعرفيني ماراح ارد عليه لو شيسوي؟
جواهر/أي بس هو دق علي؟
نجود/شيبي!!!
جواهر/يبيني!!!
نجود/لا..عليكم بالعافية؟؟؟
جواهر/هههههههههههه
نجود/؟؟؟؟؟؟؟؟؟؟
جواهر/لاتصيرين سخيفة نونو؟...وش يبي يعني؟
نجود/انا ادري عنك؟
جواهر/يبي يكلمك ويقعد معك؟
نجود/وش قلتي له؟
جواهر/قلت له انك ماتبي ترديني عليه
نجود/وهو شقال؟
جواهر/مصر انه يشوفك وانا وعدته خير....
///////////////////////////////////////////////////////
محمد/يعني الليلة؟
فوزية/اممم ..ان شاءالله مااوعدك بس ان شاءالله..
محمد/ماابي احاول...ابي اشوفك..
فوزية/وش فيك حنان كذا!!
محمد/انتي قلتي باقي اسبوعين ويرجع على رمضان وابوك بينزل وطول ماابوك هنا مابنشوف بعض؟
فوزية/وتبي تعوض يعني!!!
محمد/تقريبا؟؟
فوزية/قلنا مابنشوف بس ماقلنا ماراح نكلم بعض؟
محمد/مايخصني؟؟؟خلاص حطيت في بالي انك بتعزميني على عشى؟
فوزية/بعد!!انا اللي بعزمك؟
محمد/أي هههههه
فوزية/هذا استغلال؟؟
محمد/شنسوي بعد..مو تشتغلين خلاص عندك راتب؟
فوزية/اقولك انت طمعان براتبي ليس الا!!!
محمد/هههههه بعد العرس كل المصاريف بتكون علي معناته نستغلك اللحين شوي...
فوزية/هههههههه طيب حبيبي بشوف...الوضع وبعطيك خبر...خليك منتظرني....
///////////////////////////////////////////////////
منال/وين لمياء...
مشاري/داخل مع رحاب...
منال/مريومة معها...
مشاري/لا مع ابوي...
منال/وش فيك قاعد كذا بروحك ومتضايق...
مشاري/..................
منال/ماتغيرت للحين؟
مشاري/لا...
منال/......
مشاري/الا شسويتي بالسالفة اللي قلتك عنها؟
منال/للحين افكر...مو باقي معي وقت؟
مشاري/أي باقي لك اسبوعين وبعدها باخذ رايك؟
مي/مشاري....عادي اطلع مع مريم
منال/وين بتروحين معها؟
مي/بروح معها ومع احمد وفيصل البقالة...قلت لاابوي قال اول قولي لااهلهم رحاب قالت اخذي احمد ولميء قالت لي مشاري بالصالة قوليله؟
مشاري/طيب بس انتبهي عليهم .....
/////////////////////////////////////////////////////////
مصعب/خالي تكفى..
فهد/مصعب...خلاص قلنا لك البنت مخطوبة؟؟وبعدين هي شقالت لك امس يوم شفتها بالمطار؟؟مو قالت لك ابتعد عني!!!
مصعب/مااقدر ياخالي مااقدر؟؟شفت شلون انت مو قادر تترك نجود وهي زعلانة!!
فهد/انا ونجود حالتنا غير عن حالتك؟؟
مصعب/خالي!!!
فهد/انا ونجود بينا علاقة...ومن فترة واحنا متعرفين على بعض ونكلم بعض وانا رايح اخطبها...انت مالك أي علاقة بجواهر؟
مصعب/..........تكفى خالي لاتحرمني من نعمة اني اشوفها الليلة؟
فهد/بتتعب نفسك يامصعب اسمعها مني!!!
مصعب/انا راضي بالتعب ياخالي بس لاتحرمني من شوفتها الللية وانت بتشوف نجود؟
فهد/امري لله قوم معي...
مصعب/شكرا ياخالي!!!!
//////////////////////////////////////////////////////////كان ناصر قاعد على باب البيت وعيونه بالشارع يناظر بالرايح والجاي....
ووقفت سيارة ابوه عند الباب وابتسم له واستغرب ان ابوه مابادله الابتسام لف وجهه للجهة الثانية لاتبان فشيلته بوجهه بس يوم انفتح باب السيارة ومرت ثواني وماتقرب ابوعلي لف بسرعة للجهة الثانية وشاف ابوه متسند على السيارة وهو يقاوم تعبه ..
قام بسرعة وهو ملهوف..
ناصر/يبى...]بى شفيك..
ابوعلي بتعب/ها الدوخة متعبتني ياناصر؟
ناصر/تعال تعال تسند علي....لازم تروح المستشفى يبى..شوف حالتك..عطني مفاتيح سيارتك..
ناصر/انا مصر يبى..اقلها نتطمن عليك وعلى اسباب ها الدوخة اللي مو مفارقتك من امس؟؟؟
ابوعلي/يبى..مافيني شي...الله يهداك ..سندني بس وخليني ادخل لداخل...
ناصر باصرار/المستشفى اول؟؟
/////////////////////////////////////////////////////
في بنده.....
كانوا نجود وجواهر يتمشون بعد مادقت جواهر لفهد وقالت له انهم هنا....
نجود/تصدقين مالنا سالفة نجي بندة لو رايحين جرير ابرك لنا على الاقل في كم كتاب بنشوفهم؟
جواهر/.........
نجود/اشوفك ساكتة؟
جواهر/هذا ابعد وبنفس الوقت اضمن لفهد؟
نجود/...................
جواهر/................
نجود/يعني اتفقتي معه تجون هنا!!
جواهر/شسوي فيه الح اني اعطيه فرصة يشوفك وتتكلمون مع بعض؟؟؟
نجود/............
جواهر/حطي الخيارات اللي ممكن تكونون موجودين فيها...مطعم ماهو عملي ابدا ..مجمع بعد مو مضمون....مزرعته انا ماوافقت عليها....
نجود/عنيد ها الفهد؟؟قلت له ماابي اكلمك؟
جواهر/ومن هي صاحبته!!ام العناد كله!!!!
نجود لفت بسرعة لجواهر اللي كانت واقفة عند الشوكلاتات..
نجود بهمس/كاهو هو ومصعب....
طاحوا الشوكلاتات من يد جواهر وقالت بحدة/مصعب!!!!
نجود/أي...
جواهر/ياربي على ها الولد؟؟
نجود/يمكن مابيكلمك ليش متشائمة كذا!!!
جواهر/تكفي نظراته!!!!!

ابتعدت جواهر عن نجود شوي يوم تقرب فهد منهم بس نجود بعدت اكثر وصارت جواهر قريبة من فهد اكثر من نجود...وكانت تناظر بمصعب اللي مو شايل عينه عنها...
جواهر/لو سمحت ..
فهد/خير..
جواهر/ممكن تفهمه اني مخطوبة؟واني احب خطيبي وهو يحبني وزواجنا قريب!!
فهد/فهمته وهو ..عارف ها الشي وعارف انك مو نصيبه..بس ماهو قادري تحكم بمشاعره معك يا اخت جواهر!!
جواهر/بس هذا غلط؟؟؟

فهد/قولي له ها الشي يمكن يسمع منك؟
ابتعدت جواهر عن فهد وتقربت من مصعب اللي كان متسند على الركن اللي وراه وهو يناظرها وصارت قباله....
احتارت عيونها وهي جنبه..مايدري يسكر من ريحة عطرها ولا يشبع عينه من عينها ولايرهف سمعه علشان يتغنى مع صوتها ولا شيسوي بالضبط!!!!
جواهر بحدة/قلت لك ابعد!!لاتخليني اغلط عليك !!
مصعب بتردد/انا ماقلت لك شي؟
جواهر بحدة/تكفيني نظراتك!!تقول عنك كل شي!!!
مصعب تنهد..
جواهر/انا مخطوبة..وزواجي قريب...
مصعب بالم/ماله داعي تذكريني بها الشي كل خمس دقايق!!!
جواهر/انت منت راضي تفهم ها الشي؟؟؟يمكن تكون حبيتني بس تاكد اني احبه وهو بعد يحبني!!!
مصعب/وانا شسويت غير اني ناظرتك وبس!!
جواهر/لو كنت انا خطيبتك بترضى غيرك يناظرني بها الطريقة وانت ماتدري!!
مصعب بانفعال/لو كنتي خطيبتي كنت بحرمك من شوفة الناس كلها وبخليك تكونين لي لوحدي!!لو كنتي خطيبتي بمنع الهواء لايلعب بشعرك ,,بخليك بحضني وماتفارقيني’’اصلا ماراح اخليك تعيشين بها العالم لو انتي لي!!
كان يتكلم بانفعال واضح استغربته جواهر...معقول مصعب يحبها ها الكثر؟؟؟؟؟
جواهر بهدوء/مصعب..
مصعب رفع يده وكانه يستوقفها وقال برجاء مصحوب بالم/لاتقولين شي..عارف وش بتقولين..
جواهر بهدوء/يمكن تكون حبيتني..بس احنا مو من نصيب بعض..اتمنى لك السعادة والتوفيق وابيك بالمقابل تتمناها لي ..وتدعي الله يوفقني بحياتي اذا كنت فعلا شاغلة افكارك مثل ماتقول..
مصعب بالم/مصل مااقول!!!طيب...عسى ربي يعطيك اللي تبينه وتسعدينه ويسعدك يارب....
مشى عنها وهو يحاول يخفي دموعه...
وكانت جواهر بها اللحظة تمثال جامد..ماتخيلت انه شايل بقلبه حبها كذا...كانت تتوقعه مجرد اعجاب عابر وبيمر حتى يوم صرح لها...بس اللحين اللي قاله وطريقة كلامه وانفعالاته خلتها تفكر فيه اكثر....
وطبعا فهد يوم ابتعدت جواهر تقرب من نجوود واخذها فرصة...
فهد بهمس لنجود/نجود لازم نتكلم!!!
نجود بحدة وهي تقلب بالشوكلاتات /ماله داعي!!!
فهد/ليه عاد!!!والله بعدك متعبني!!!
نجود/............
فهد/يومين وانا مو قادر على زعلك يانجود كيف بعد تبين تتركيني زعلان اكثر!!!!
نجود/فهد....انسى كل شي....
فهد بالم/ليش تقولينها بها البساطة؟
نجود بحدة/لاني شلتك من بالي!!!
فهد/مانلعب احنا بمشاعرنا علشان وقت اللي نبي نشيل بعض من مشاعرنا ووقت مانبي ..
نجود/...................
فهد/عطيني فرصة اشرح لك الموقف واعتذر لك بعدها بهدوء وبالشي اللي يرضيك وانتي تختارينه يا....
ناظرته وهي خايفة يقول أي كلمة ممكن تغير مشاعرها بلحظة..
نجود في بالها ..لايافهد تكفى حبيبي لاتقول شي يعذبني...لاتقول احبك ولاتقولي أي شي..ممكن يخليني اتراجع عن قراري الله يخليك)
كان يشوف بعيونها الحيرة مثل ماهو شايف الحب اللي قاعد تخبيه مع مشاعرها بقسوتها بس وين يروح عنه وهو اللي قراه بعيونها,,
فهد بهمس/صدقيني شايل همك وهم زعلك يانجود؟
نجود لفت وجهها للجهة الثانية/فهد انساني!!
فهد/صعب..
نجود/بس ماهو مستحيل..
فهد/واذا قلت لك مستحيل؟
نجود/بقولك بقاموسي ماتتواجد ها الكلمة!!
فهد/............
نجود/........
فهد/مااقساك يابنت الشرقية!!!
نجود/بالمناسبة ..ياليت تدير بالك على سارة اكثر....ترى بلاها زايد...
فهد/اه...خلينا من سارة...
نجود/مابيجمعني فيك شي ثاني.....كانت فرصة سعيدة اني عرفتك بيوم من الايام وسلمتك قلبي ومشاعري.....بس القدر حال دون ان احنا نكمل الطريق اللي كنا ناويين نرسمه يافهد.....بالنهاية ماكو شي فوق ارادة الخالق......يمكن مااتمنى اني اتركك بس هذا اللي لازم يصير..
فهد بعصبية/نجود انتي شتقولين؟
نجود/عارفة انك تعلقت فيني يافهد........بس شرعك اللهم ولااعتراض!!!
قالتها ومشت عنه لعند جواهر وطلعوا من السوبر ماركت وتركت فهد واقف مكانه مثل الجبل...اللي لايميل يمين ولاشمال,,,
معقولة نجود تركته خلاص ولا له امل فيها!!!
طب ليش...وش ذنبه اذا بنته غلطت!!!
ليش لازم هو اللي يتحمل ذنبها لمجرد انه ابوها ليش!!!
اللحين يوم تعلقت فيها ورتبت اموري اني اروح اخطبها تقولي لا......
مستحيل يانجود مستحيل...مافي تتركيني بعد مالقيتك وانا اللي ادور عنك من زمان!!!
انتي اللي كنت ابيها وادور عليها وابيها تكون جنبي بحياتي,,تشاركني همومي وافراحي,,,تسالني شنو فيني,,شبي,,شلي مزعلني ومضايقني,,تخفف عني كل شي,,,ترسم الفرحة والابتسامة على وجهي,,تدللني,,تعيشني عمر ثاني وتعوضني عن كل اللي راح مع نجلاء من عمري,,,اللحين جاية تتركيني يانجود,,,لا يابنت السبيعي حرام عليك...لاتتركيني وانا بحاجتك ,,,وعدتيني تغيرين حياتي بالكامل وابتديتي تغيرين فيها,,كيف تبيني انسى انك طول ها الفترة كنتي تنيميني على همسك وصوتك الحلو,,,كيف تبيني انسى انك اول صوت اسمعه اول مااقعد من النوم وانتي تصحيني وتاكديني علي اني اخذ رياضة سريعة وامشي لي شوي بعدها اروح افطر قبل المكتب,,,كيف تبيني انسى اني لازم ادق عليك اول ماادخل المكتب علشان اطمك اني وصلت وكاني بضيع عن المكتب!!كيف تبيني انسى انك كنتي تشاركيني اخر القضايا اللي عمر نجلاء حتى ماسالتني فيهم!!كيف تبيني انسى انك كنتي تساليني عن عيالي وش اللي احبه فيهم وكل واحدة والميزات اللي عنده واللي ممكن يكون عليه بالمستقبل واحلامهم وتخيلاتهم اللي دايم يكلموني عنها بغياب نجلاء مو بحضورها,,كيف وكيف وكيف,,,بفترة بسيطة قدرتي تسحبين مني كل مشاعري وتخليني اتكلم بالحب والمشاعر وانا اللي موتها بقلبي من سنين!!لايانجودلا...بتظلميني ,,بتموتيني لو اخترتي الفراق!!!!
انا مقدر عليه بالمرة يانجود صدقيني...قلت لك اني بخطبك لو ماعندك مانع ترتبطين بواحد متزوج وعنده عيال وقلتيلي موافقة وبتحدى كل اللي يوقفون بطريقي اذا استلزم الوضع واللحين جاية تنسحبين!!!
//////////////////////////////////////////////////////////في مطعم افوكادو,,,
فوزية/جرب بانيه اللحم رهيب مرة..
محمد/قلت لك انا مااتعب حالي ابدا اكلي مريح و...
فوزية/وتقليدي !!
محمد/ههه علشان لااحيرك..
فوزية/قصدك علشان تقعد لي بها المطاعم وماتغيرها!!
محمد/شوفي بعد الزواج مافي مطاعم ابدا مرة وحدة كل اربعة شهور بس!!
فوزية/انت صدق بخيل ولاتتبيخل علي!!
محمد/ههههه وانتي شبتسوين طول اليوم ؟
فوزية/انا بالدوام؟
محمد/طول يومك بالدوام؟
فوزية/لا بس برجع تعبانة صراحة ومالي خلق اطبخ يعني ياتقتصر على وجبة وحدة في اليوم ولا..
محمد/ولاشنو؟
فوزية/ولا تطبخ الوجبة الثانية انت!!
محمد/ياسلااام يعني اخذ دوري ودورك؟
فوزية/حمود حبيبي..
محمد/جينا للدلع ..لبيه ياعمري,,
فوزية/أي خلك كذا افضل..
محمد/يالله كملي.
فوزية/شنو؟
محمد/اللي بديتيه؟
فوزية بخبث/وش بديت؟
محمد/دلع ووناسة واشياء حلوة..
فوزية/اممم
محمد بترجي/يالله عاد لاتصيرين بخيلة؟
فوزية/وش تبيني اقول؟
محمد بهمس/ كلام حب..
فوزية بخجل/مااعرف..
محمد/مو معقولة...
فوزية/صدقني مااعرف....
محمد تقرب منها/طيب خطي عينك بعيني وانتي تعرفين تقولين!!
رفعت عينها بشويش لعيونه وبسرعة نزلتها..
محمد برومنسية/وش فيك اليوم قالبة وساحبة علينا!!!
فوزية/كل عشاك وانت ساكت,,,
حط يده فوق يدها وبسرعة اسحبت يدها منه وابتسم لها ولبراْتها..
محمد/اول مايجي ابوك..بجي اخطبك منه...
فوزية/...........
محمد/ابي نكمل حياتنا واناجنبك وانتي جنبي,,
فوزية/......
محمد/قولي شي عاد!!
فوزية بهمس/الله يتمم بخير...
///////////////////////////////////////////////////
ملاك/نذلة مثلها ماشفت؟
مزنة/طيب ونجود ماكلمتيها؟
ملاك/اللحين مابتقعد على النت طالما جواهر معها...وعلى التلفون ماترد علي..
مزنة/كتبتي لها رسالة؟
ملاك/اكثر من رسالة وقلت لها اني والله ماادري عن اللي سوته سارة فيها بس ماردت علي!!
مزنة/وش بتسوين؟
ملاك/مدري محتارة
مزنة/اقول اول شي روحي سحبي اغراضك من سويرة...وخلها تنفضح قدام اهلها اللي مايدرون عنها..
ملاك/روحي انتي اخذيهم انا ماابي اشوفها اصلا!!
مزنة/بالعكس تروحين انتي وتغسلين شراعها قدام اهلها علشان يعرفون انها كذابةّ!!!
ملاك/اهل سويرة وطوايفها مايهموني...كل اللي يهمني ..نجود وبس!!!
مزنة/............
ملاك/اوووف ياربي...
///////////////////////////////////////////////////////
ناصر/اقول بنت عمي عمي هنا؟
مضاوي/أي ..فوق بغرفته..اناديه
ناصر/لا ماله داعي بس قولي له ان الوالد بالمستشفى.؟
مضاوي/عمي بالمستشفى؟؟سلامات شفيه؟
ناصر/الله يسلمك..[س شوية دوخة...ملازمته واصروا اليوم ينومونه ياخذون عليه فحوصات ...وبكرة ان شاءالله تطلع النتايج..
مضاوي/مايشوف شر ان شاءالله بالضهران؟
ناصر/أي...
مضاوي/ماعليه شر..
ناصر/سلمي عليهم....
مضاوي/الله يسلمك...
ام بندر/مضاوي منو هذا اللي عند الباب؟
مضاوي/هذا ناصر..
رفعت هنوف عيونها وسالت بسرعة/وش يبي؟
مضاوي/يقول عمي بالمستشفى؟
لبنى/عمي!!شفيه فديته؟
مضاوي/يقول صار له يومين ملازمته دوخة واليوم اصروا عليه يتنوم بياخذون عليه اشعة وفحوصات...
ام بندر/مايشوف شر ان شاءالله...
لبنى/مايستاهل والله..انا احبه عمي واموت فيه..
مضاوي/الله يقومه بالسلامة ان شاءلله..
هنوف/امين يارب...
************مدام اني رحت بيت عمي خلني امر على علي بعد سيارته هنا لازم اقوله ان ابوي بالمستشفى,,,

ناصر وقف عند شقة علي وكان يناظر بشقته وهو يسال نفسه متى بيجي هنا ويكون هو وعلي قريبين من بعض,,,
انتبه على صوت علي يكلمه..
علي/خير شفيك؟
ناصر/ها...شلونك..
علي/بخير...
ناصر/مافيها تفضل..
علي/ويحتاج اقولك؟؟تفضل..
ناصر ابتسم/كذا بدون نفس...
علي بعصبية/انتوا لازم تحطون على كل كلمة!!
ناصر بنرفزة/مو جاي اتهاوش ولا اسوي أي شي...جاي اقولك ان ابوي بالمستشفى..
علي/...
ناصر بعصبية/اقولك ابوي بالمستشفى؟؟؟
علي/طيب...سمعتك..بمره ان شاءالله.....شفيه؟
ناصر /انت شفيك!!!كذا ببرود تسال وكاني اكلك عن جار مو عن ابو؟؟؟والله لو ه جار حنيت عليه!!!شها القلب اللي بين ضلوعك ياعلي شها القلب بس!!!!
علي بعصبية/لاتكبرها عاد ياناصر انا ماقلت شي؟؟
ناصر/مافيني شي ياعلي..بس مستغرب منك ومن طريقة انفعالاتك!!!ياما اشياء خلتك متاثر وعيونك تدمع وكنك بنت مو رجال!!!!وابوك بالمستشفى مو هامك؟؟؟
رفع علي يده بعصبية وعطى ناصر كف خلى ناصر يجمد بمكانه..
علي بقمة العصبية/رجال وغصبا عن اللي جابتك بعد!!!
ناصر بذهول/تضربني ياعلي!!!!!!هاذي مرجلتك!!!!!
علي/هذا علشان تتعلم تتكلم عن الرجوله قدام اصحابها!!
مشى عنه ناصر وهو بحالة غريبة جدا,,,لاهو قادر يبكي ولاهو قادر يضحك ولاهو قادر ينفعل ولا يسوي أي شي,,,,
////////////////////////////////////////////////////
اليوم الثاني الصباح بسيارة نجود...كانت رايحة المدرسة...
السايق/ماما..
نجود/نعم..
السايق/هذا حق انت..
نجود/من منو؟
السايق/انا مايدري يعطي انا ويمشي....
اخذت نجود بوكيه الورد البنفسجي من السايق وهي متاكدة انه من فهد ولامحالة الا اذا كان من ملاك...وفتحت الرسالة اللي فيه وكانت من بخط فهد...تنهدت وهي تقرا القصيدة اللي كاتبها بخط يده...
صدفتك معجبة فيني وياليت الغرام اعجاب..
وتراك انتي الهنوف اللي تستحقني..
عطيتك عشق من قلبي وسلمت لغلاك رقاب..
وغيرك يحترق قلبه ولايقدر يحاكيني..
انا قبلك صدفت عيون لكن وش جاب لجاب..
ترى كل العيون اللي لقتني ماتكفيني..
رماني حظي العاثر عليك وجيت لك طلاب..
ولاانتي اللي عشقتيني ولاانتي اللي عتقتيني..
تعالي وارحمي ذاك الخفوق المولع المرتاب..
ماهو بلجلي علشان الله يجازيك ويجازيني..
تعدي في سما عشقي ولو عشقي خراب اصحاب..
وصوني بالهوى نفسك قبل لاانتي تصونيني..
وشيليني على متنك خفوق باري منصاب..
ومن فوق الغرام العذب شيليني وحطيني..
ولامنك هقيتيني شجاع ومايطيق يهاب..
انا لك بالهوى والله مثل منتي هقيتيني..
انا ماامشي ورى غيرك ولو انه يطق الباب
وترى عيب علي اطعن ولو كثرت سكاكيني..
زهود مايطيق الدمع لادايم ولاطلاب..
شجاع وعارف نفسي واطن انك تعرفيني..
غيور ماعرفت اضحك مع الغدر ببرود اعصاب..
واذا شد الغرام احط قلبي بين ناب وناب..
لفرقا تكسر ضلوعي ولاعشق يوطيني...
انا رجل ولي غيرة واذا شفت الهوى كذاب..
تثور بقلبي الغيرة ولاتهداء شياطيني...
ابي عشق تحسب له كل نظرات العيون حساب..
وابي قلب على قلبي ودين على ديني..
وابي كلمة وعد توفي ولاتخلف بدون اسباب..
وابي منك قبل انك تصديني توديني..
وابي درب على العذال صعب ومتعب وغلاب..
وابي نفس الطريق الصعب يبعدهم ويدنيني..
ترى لولا القلوب عيون ولدموع اهداب..
حشى ماتنزل الدمعة لغيرك لو تركتيني..
وابي منك مدام انك عرفتيني تحبيني..
مدام اني لقيتك بطريق اسمه غرام احباب..
دخيل الله وبعد الله دخيلك لاتخليني...
عسى تناسني الدنيا اذا اتي ذكرتيني...////////////////////////////////نجود تنهدت ..وقالت بنفسها..والله وعرفت طريق حامد زيد يافهد!!!!
السايق/ماما انتي مابينزل؟؟وصلنا انتي بيتاخر؟
نجود/طيب نازلة...خلي الورد هنا....ولااقولك رجعه معك بخلي جواهر تنزل تاخذه...
سامحني يافهد مابقدر ارمي وردك بس بعد مابقدر ارجع لك لو شتسوي؟؟؟
///////////////////////////////////////////////////////
ابو مشاري/فهد خير ان شاءالله ليش قلت تبينا انا واختك ام مصعب؟
ام مصعب/مدام انك ماحبيت نلتقي عندك فاكيد السالفة فيها مرتك وعيالك؟
فهد بهدوء/تقريبا..
ابو مشاري/فيك شي يافهد..متشايق من شي..
فهد تنهد وطلع له سيجارة وقام يدخنها بهدوء وابو مشاري وام مصعب يناظرون ببعض..
ام مصعب/فهد..لايكون بعدك مضيق خلقك على سارة!!ولايهمك باخذها عندي طول رمضان وبعلمها السنع انت بس عطيني الموافقة وانا اربيها لك؟
فهد/سالفة سارة ماكانت بالحسبا ن ابدا!!
ابو مشاري/واحنا ندري وش اللي يسوون عيالنا عاد؟
فهد/المشكلة اني كنت مخطط لشي بسويه؟
ام مصعب/شنو؟
فهد/........
ابو مشاري/خير شفيك يافهد؟
فهد بهدوء/بتزوج؟
ام مصعب/شنو؟؟؟؟تتزوج؟؟؟
ابو مشاري/على نجلاء؟؟؟؟
فهد/...................
ام مصعب/...............
ابو مشاري/............
ام مصعب/توقعت ها الشي؟؟؟بس ماكنت عارفة متى بيجي ها اليوم اللي بتقول فيه ها الكلمة!!
فهد/انا تعبان معها...لاانا ولاهي قادرين نتحمل...اذا هي قالت معناته انها مو هامها أي شي...بس انا فعلا مو قادر...ابي وحدة ثاني تفهمني...
ابو مشاري/فهد ياخوي اذا انت قادر تعطيها فرصة لاتمنع نفسك..
فهد بالم/خمس عشرة سنة وانا اعطيها كل يوم والثاني فرصة وفرصة وفرصة لين مشى عمري وابتعدنا... كنت عاطي نفسي امل انها تتغير ولااني اقدر اتغير واتقبلها بللي هي فيه؟؟بس ماصار لاهي تغيرت ولاانا قدرت اغيرها علشان اتفاهم معها...
ام مصعب/الشرع محلل لك اربع وانت قادر تفتح لك بدل البيت عشرة!!بس برايك انك لو تزوجت ماراح تكون اللي بتتزوجها مثل نجلاء؟؟
فهد/.................
ابو مشاري/انت حاط في بالك احد؟
فهد/القضية ماهي قضية وحدة ياخوي؟؟انا كنت ابي اشوف رايكم قبل لااخطي ها الخطوة يابو مشاري...والله اني تعبان وابي اعيش حياتي ...نجلاء بعيدة عني بدرجة مايمكن تتصورونها لو شنو قلت لكم!!
ابو مشاري/اذا انت تحس ان هذا الشي بيريحك ياخوي سويه...وكلنا معك ...بس اهم شي تحطه في بالك ان مرتك تظل معززة ومكرمة ولاتنسى انها بنت خالك,,,,ولاتنسى عيالك يافهد,,,اذا زواجك بيغيرك على عيالك وبيظلمها بطل من الفكرة من اساسها وشيلها من بالك,,,الزواج يمكن يريحك جسديا وفكريا ونفسيا,,,بس بنفس الوقت يافهد في اشياء ثانية لازم تفكر فيها,,,اشياء مهمة ماتقدر تغيبها عن بالك ابداّّ !!عيالك.؟؟؟اخم شي بالدنيا كلها يافهد,,,هم اللي بيكونون بالنهاية عونك وسندك بالدنيا لاطحت واحتجت لهم ,,
ام مصعب/كلام اخوي بو مشاري عين العقل يافهد..اذا حسيت لو للحظة وحدة انك بتظلمهم شيل الفكرة من بالك..
فهد تنهد/اصلا حتى العيال هم اللي خلوني افكر بالزواج اكثر!!هم محتاجين وجود انسانة ثانية فاهمة اكثر وعندها اسلوب يجذبهم للاشياء اللي ابيهم يسونها والاشياء اللي لازم يبتعدون عنها,,,انسانة فاهمة وواعية وملمة بالحياة اكثر من نجلاء اللي مو مهتمة غير بحالها وبتضيع العيال بدلالها وتفريقها بينهم!!

///////////////////////////////////////////////
نجلاء/سارة في بنت تبيك على الباب؟
سارة/اووووف انا مااحب الزيارات اللي مثل كذا!!قولي لها اني طلعت؟
نجلاء/يمه مايصير دخلتها ..اللحين اروح اقول لها انك مو هنا؟
سارة/اووف من ها المعثة؟؟ماقالت لك اسمها؟
نجلاء/مزنة....
سارة/مزنة؟؟؟؟؟؟؟
نجلاء/بس مو شكلها اكبر منك ياسارة؟
سارة/ها..اي من بنات ثانوي....
نجلاء/ومو قلت لك لاتقعدين مع بنات ثانوي؟؟قعدي مع ناس من عمرك!!
سارة/زين!!!
نزلت لمزنة اللي كانت قاعدة بالصالة وصارخت على اخوانها اللي قاعدين مع مزنة..
سارة/يالله يالله كل واحد يشوف شغله!!
مزنة/خليهم..
سارة/لالالا لمى تسمعين..
لمى قامت بس فيصل مستحيل يقوم..
سارة/ماكلمتيني وقلتي انك جاية؟
مزنة/انا مو جاية اقعد معك؟؟؟
سارة/.............
مزنة/ملاك تبي اغراضها؟
سارة/.........
مزنة/الجوال والاب توب........اللحين؟
سارة/طيب...بكرة بجيبهم لها المدرسة؟
مزنة/لا...هي تبيهم اللحين وقالت لي ماارجع لها الا بيهم؟
سترة انحرجت وخصوصا ان فيصل لازق ويسمع كل شي وامها كانت على الدرج وصوت مزنة مجلجل البيت وكانها تتقصد يسمعون..
سارة/طيب بروح اجيبهم....

///////////////////////////////////////////
---البارت الثامن والثلاثين---
,,,,,,,,,,,,,,,,,,,,,,,,,,,,,,,,,
بغرفة سارة,,,
نجلاء/منو اغراضه ذولا ياسارة؟
سارة/اغراض ملاك
نجلاء/وش له هم عندك...
سارة/هي تركتهم معي امانة وجت تاخذهم!!!
نجلاء/متاْكدة؟
سارة/وليش بكذب عليك يعني!!!
نجلاء/طيب وليش ماجت ملاك بنفسها تاخذهم!!
سارة/لانها مو متعودة تسوي الشي بنفسها وحوالينها مليون وحدة مستعدة تخدمها,,,
نجلاء/طيب روحي جيبي فيصل علشان اذا رجع ابوك مايقوله ويسوي لنا سالفة من جديد...
سارة/ولدك وتفاهمي معه بنفسك انا مالي شغل بعيالك!!
نجلاء/طيب روحي ناديه,,,
/////////////////////////////////////////////////
سالم/يعني انك تدخن بها الطريقة هو الحل برايك؟
فهد/..............
سالم/ارحم صحتك يافهد....
فهد/نجود مقررة تتركني...
سالم/واذا يعني!!!! نجود بدالها عشر؟؟؟
فهد بانفعال/وانت على بالك ان المشاعر كل يوم تحب وتسلم نفسها لااي كان...!!
سالم/فهد...لازم تنهي الموضوع من ناحيتك مثل ماهي انهت من ناحيتها...
فهد/مو قادر استوعب كلامها ياسالم!!تقولي كنت احبك وسلمتك مشاعري بس فراقنا لامحال منه!!!
سالم/.............
فهد/تعرف كم يوم صار لها قاطعتني!!!!
سالم/فهد؟
فهد/خمسة ايام ماسمعت فيها صوتها!!!
سالم/لاتخلي نجود توصلك للجنون...
فهد/ومن قال لك انها لسه ماوصلتني؟؟؟
سالم/...........
فهد/حاس نفسي مخنوق ياسالم مخنوق,,,
///////////////////////////////////////////////////
في بيت السبيعي..
نجود بعصبية/طيب وليش محد دق علي خبرني!!!
ناصر/وليش ندق عليك عاد!!
نجود/ياسلااام مو ابوي ولا مايهمكم اني اعرف!!!
ام ناصر/يايمه يانجود البارحة دخل وكاهم الليوم بيطلعونه...
نجود/يمه هذا ابوي وصحته عندي بالدنيا كلها...
ناصر/لو كان فيه شي لاسمح الله كنا دقينا عليك بس السالفة كانت بسيطة...قلة اكل وكثرة حركة وتعبته وسببت له دوخة وبس!!!
ام ناصر/روح يمه ناصر لاتتاخر على ابوك..
نجود/انتظرني انا جاية معك...
ناصر بدون نفس/يالله انا بالسيارة...
ام ناصر/يمه شفيك....من امس وانت مو على بعضك؟
ناصر/مافيني شي يمه...قالها وطلع,,,
نورة/بلى يمه فيه..من امس شكله ماهو على بعضه؟
ام ناصر/انا بعد حسيت عليه...
نجود/يمكن متضايق علشان ابوي...
ام ناصر/هو ماانقلب حاله الا بالليل يوم رجع من عند ابوه ماكان فيه شي...
نجود/خلاص لاتشيلين همه انا اللحين اكلمه واعرف منه سالفته..
ام ناصر/أي يمه واللي يعافيك..ناصر بالذات مااحب اشوفه متضايق واذا تضايق ادري ان الشي اللي ضايقه مو هين؟
نجود/طيب يمه ...
/////////////////////////////////////////////////////////////////لبنى/يابعد عمري ليتها ها المرضة فيني ولافيك؟
عبدالعزيز/وانا برضاها عاد؟؟؟
لبنى/شسوي بيظل قلبي شاغلني عليك اللحين...
عبد العزيز/مشاءالله!!ماصارت ذي انفلونزا اللي جاتني؟؟؟لو ان قلبي المريض وش سويتي!!!
لبنى/قلبك مايمرض وهو عندي انا دايرة بالي عليه زين...
عبد العزيز/الله..كثري منها ترى الدكتور قال لي الكلام الحلو بيخليك تطيب...
لبنى/وماقال لك اشرب شوربة؟
عبد العزيز/المشكلة قال لي لازم وحدة تحبك مرة هي اللي تسوي لك الشوربة بنفسها وتشربها ايك بنفسها؟؟؟
لبنى/اممممم..وش قال بعد؟
عبد العزيز/قال لازم الوحدة هاذي ماتكون امك ولااختك بس وحدة تحبك وانت تحبها؟
لبنى/لا!!باينته شاطر ها الدتور؟؟عطيني عنوانه بروح اتعالج عنده؟
عبد العزيز/هههههه
لبنى/يابعد عمري دوم الضحكة يارب..
عبد العزيز/صدق..قال لي لازم تشرب دواك بنتظام ولابتصير لك الانفلونزا مزمنة؟
لبنى/اها...
عبد العزيز/ولازم تعطيك ادويتك وحدة تكون جنبك وتدير بالها عليك زين...
لبنى/........طيب فيني اكون ها الوحدة واجي لعندكم بالبيت؟
عبد العزيز/مانبي زيارة عابرة وتمشين!!نبيك تظلين معنا وتنورين حياتنا طول العمر!!!
لبنى/حبيبي....اجل الموضوع ذا شوي...
عبد العزيز/لمتى عاد يالبنى...تعبان وابيك جنبي تخففين تعبي...ابي ارسي على بر هو انتي لي ولا منتي لي؟
لبنى/لك حبيبي لك...لاتخاف....
////////////////////////////////////////////////////
مشاري بعد ماحجز للمياء بالمطار كان حاجز لنفسه على نفس الرحلة بس بدون مايقول لها ووصل معها للشرقية وتاجر له سيارة مسبقا ومن راحت لبيت اهلها وهو واقف عند بيتهم ...
يبي يشوف أي شي ..مهما كان ها الشي اللي بيشوفه..بس علشان يهدي شوي من ها الافكار اللي بقلبه واللي موجعة راسه وحارمته النوم,,,
يبي ينهي سالفة لمياء وتصرفاتها ضيقها منه الامبرر..يبي ياْكد وا يكذب ظنونه مايدري بس المهم انه يشوف شي...
ظل منتظر طول الليلة تقريبا وماحد طلع من بيتهم ملفت يعني اخوانها بس اما حريم طلعوا ولااحد دخل علشن يشك بالسالفة...
اه يامشاري اه..هاذي اخرتها ظنون تلعب فيك وتجيبك لعند بيت لمياء توقف!!!!
شسوي ياقلبي شسوي...انتي اللي جبرتيني اسوي ها الشي يالمياء بس صدقيني لو ماشفت أي شي ها الاسبوع راح اعتذر منك ونفتح صفحة جديدة مهما كان موقفك من اللي سويته,,,,
///////////////////////////////////////////////////////
في مجلس ابو علي..كانوا بناته وبنات اخوه من حوالينه ...
نجود/حمد الله على سلامتك يالغالي...
لبنى بفرح/تو مانور بيت السبيعي يابو علي...
هنوف/منور بوجودي بس وجودك بعد ينوره زيادة؟
ابوعلي/هههه
مضاوي/عساك دوم على القوة يالغالي ولايحرمنا من ضحكتك...
ابو بندر/يالله خلاص الرجاجيل وصلوا قوموا,,,
نورة/اوووف نبي نقعد مع ابوي؟
هيا/اللحين توه طالع من المستشفى وش ها الذوق اللي فيهم يخلونه اليوم قاعد مع اهله وبكرة يجون؟
نجود/قلتيها ذوق,,واللي جاي اكيد يفتقر للذوق؟
هنوف/أي والله وانا اشهد معكم يابنات العم!!!
ابو بندر/يالله قوموا بلاهذرة زايدة؟؟
نورة/طيب,,,
ابو بندر/يالله...
قاموا البنات وهم يتحلطمون بس شيسون بعد امرهم لله...
قعدوا بالحوش,,,,
هيا/غريبة جواهر هانم ماهي هنا اكيد نزل بندر؟
هنوف/حرام عليك لاتظلمين اخوي كاهو اخوي واقف مع اخوانك علي وناصر برة!!
هيا/غريبة!!!
لبنى/يالله عاد كل شي الا جواهر مارضى عليها...معزتها من معزة الغالي,,
نجود/جملتك نص فيها كويس والنص الثاني ماينبلع!!
هنوف/ههههههه
مضاوي/حرام عليك يانجود والله اخوي مامنه اثنين!!
نجود/هو مامنه اثنين اكيد مامنه اثنين محد يشك فيها ذي!!!!
هنوف/وش قصدك !!!!!على الاقل اخوي ماينحط بكفة عليوي اخوك!!
نجود بثقة/عليوي مو اخوي من زمان تبريت منه!!!
لبنى/هههه هو في احد عاجبك يانجود؟؟اكيد لو نقولك عن ناصر اللحين بعد مابيعجبك!!!
نجود/وش فيه عاد نويصر من زين!!!
مضاوي/انا اموت واعرف اللي بتاخذينه هذا شنو شكلهّّشنو مواصفاته!!شلي بيجذبك تتزوجينه!!!
نجود بشرود/اللي باخذه,,,,,,اللي باخذه غير عن الناس كلها...
هيا بغيرة/وش فيه عاد غير عن الناس كلها!!كل الناس مثل مثل؟
لبنى/موصحيح مو كل الناس مثل بعض!!!
هيا تضيع السالفة/الا صدق شارية لك روايتين لخولة القزويني..

نجود/ان شاءالله عندي!!
هيا/لا اخر اصداراتها...اهلا سيادة الرئيس..والثانية بيني وبينك مجموعة قصص!!
نجود/صحيح متى نزلتهم؟
هيا/والله انا البارحة شفتهم قلت نجود وشلتهم..
لبنى/انا تعجبني قماشة العليان اكثر...روايتها عيون قذرة كانت روعة..
نجود/حتى قماشة حلوة واقراْلها...انا عموما اقراْ كل شي يطيح بيدي وبالنهاية اشوف وش اللي كان عجبني...
//////////////////////////////////////////////
جواهر كانت طالعة من بيت السببيعي بيت بو بندر بعد ماانقطع عندها أي امل ان بندر يجي رغم ان الوقت تاخر والرجال يفترض راحوا بيتهم,,,,
تمللت ونزلت..بندر من صدقه مطنشها هاذي اربعة ايام مايرد عليها.....واليوم حتى ماقكر يشوفها..
طلعت وهو داخل..وقفت قباله...
جواهر/حمد الله على سلامتك..
بندر بدون نفس/لك مثلها!!!
جواهر بهدوء/بندر شفيك؟؟؟بتظل مطنشني كذا بس..
بندر بحدة/لين تكتشفين اني انا الرجال وكلامي يمشي عليك!!!
جواهر بالم/بندر انت ليش مكبر السالفة!!!!خلينا نقعد ونتفاهم مايصير نتكلم عند الباب!!!
بندر/انا تعبان وبحط راسي وبنام..تصبحين على خير,,,
راح غرفته بعد ماطلعت وهو متندم انه قال لها كذا!!
هو يحبها ومتلهف لها مووت ..بس الله يلعن ابو اللي جابك يادلع دخلتيها براسي وخليتي الشيطان يلعب علي فيها؟؟؟
قعد على فراشه ودق لها لقى جوالها جنبه..
معناته كانت تنتظرني هني,,,اه ياعمري ياجواهر....
امتدت يده لاشعوريا لدفتر خواطر كانت جواهر عاطيته اياه قبل لاينخطبون وكان حاطه بالدرج اللي جنبه ويقراْ فيه كل ليلة بس من انخطبوا ماعاد له حاجة فيه وهي بكبرها عنده!!
فتحه وقعد يقراْ اول خاطرة لها بهدوء وبهدوء شديد,,
حبيبي بندر...ماهي الا كلمات متشابكة اخطها لك وانا في قمة جنوني بعشقك المدمي...ارجو ان تقبلها كهدية بسيطة من حبيبة فقدت كل عقلها بحبك المجنون,,,,

,,,,حين تعشق بعدي ستشرق عيناي من عينيها في عينيك,,
وستمطر ضفائرها عطري عليك..
وسيتحدث لسانها بصوتي..
وستقول لها احبك الاف المرات...
وستراقصها بكل الجنون الذي لديك..فاذا ماعدت في اخر الليل وحيدا واعترضك طيفي....ولوح الحنين بيديه اليك..
اتكاْت على اقرب جدار الذكرى وناديت ياقلبها..ياقلبها..
ثم بكيت وبكيت وبكيت...
وحين تعشق بعدي ..ستبحث عن امراْة تشبهني..
وستناديها باسمي..وتهديها عطري..
وتنتقي لها حريري...وتختار لها تسريحة شعري...
وستحاول جاهدا ان تجعلها انا...
وستحدثها عني كثيرا.......وعن رسائلي وملامحي..
عن صفاتي وعيوبي,,,
عن جنوني وغروري...
وابدا!!!!
لن تكون حبيبتك المستنتسخة انا!!!!
وحين تعشق بعدي...
ستحاول ان تكون انسانا جديدا,,
وستحلم وتحب من جديد..
وستتلهف وتغار من جديد..
وستنزف القصائد..
وترسم الوعود الجميلة من جديد
فاذا مانتهت بهجة الجديد..
عدت الى وسادتك الخالية
تجهش كالطفل اليتيم على صدر ايامي...
وتفتح دفتر حكايتنا...
وتعيد القراْة من جديد,,,,
(هنا بدت دموع بندر تنزل من عينه وهو يقراْ بس مسحهم وكمل قراْته)
وحين تعشق بعدي...ستجرب طعم المساءات الباردة وطعم الحوارات التافهة..وطعم الكتابات الميتة..وطعم الحكايات الفاشلة...
وستحاول كثيرا ان تنساني وتكرهني وستفشل برغم جهد المحاولة وستكتشف بعد كل حكاية ان كل امراْة هي امراْة واني حدي من النساء قافلة!!!!
وحين تعشق بعدي...
ستفتح حقائب قصائدك الجميلة..
وستسافر الى الجزيرة البعيدة..
وستحفر ابار احلامك المستحيلة..
وستحلم بالاميرة الجديدة..
وستطرق ابواب الكون بحثا عنها..
وستكتشف عند الباب الاخير..
اني المراْة الوحيدة,,,
وحين تعشق بعدي,,
ستسير معها فوق شاطىْ البحر يدك بيدها..
تتقاسمان الوعود الابدية..
وسترسم لك من الحب عصافير خضراء..
وستلون لها من اللهفة مدينة وردية..
فاذا ماحل الغروب..
وحولت عينيها بشوق اليك..
سافرت عيناك انت بالشوق اليّ..
وستموت حبيبتك فوق الشاطىْء..
كالامواج كالرمال كالاوهام..
حين تكتشف ان قلبك عزيز لديّ
..
وحين تعشق بعدي...
ستهديها شمس النهار..
وحكايات الليل..
وشعارات المساء...
وطفلاكان يوما طفليّ!!
ارضعته احلام العمر..واضعته حين عز اللقاء...
وستمتد يدك لتلاعب شعرها..
وستراقص الاخرى خصرها تحت الاضواء..
وستخنقك يد المساء بعدي...
وستودعها حين تكتشف انك قد نسيت في صدري الهواء!!!
وحين تعشق بعدي...
ستغني لها كل الاغاني التي كنت احبها...
وستهديها فيروز,,وتهديها (على البال)وحين يضج المكان بالصوت العذب مرددا...(على البال...كل التفاصيل)
ستقطع من نافذة عينيها تذاكر الرحيل..
وتستاْذنها وترحل بطيفي الى اقصى مدن الخيال..
فاذا مااصبحنا انا وانت والصدق ثالثنا..
رددت لي وحدي(على البال كل التفاصيل واحلى التفاصيل)
وحين تعشق بعدي ..
وستعشق بعدي...
وسالتقيك يوما وامراْة جميلة بصحبتك وستشق صدر الزحام اليّحين تراني...
وتنحر من اجلي ضحيتك,,,وستناديني بصوت اللهفة..فانا ياحبيبها الذي كان حبيبي مازلت حبيبتك!!!
مايدري بندر لحظتها ليش يده فتحت على ها الصفحة بالذات دون غيرها!!!!!
ماحس بنفسه الا وهو حاضن الدفتر بقوة ودموعه تسابقه على خده..وكانه صحى شوي من غفلته وحس بفداحة مواقفه واللي قاعد يسويه من ورى جواهر....
حبيبة قلبه وعمره ودنيته ...كل شي بحياته متوقف على ابتسامة منها ولاهمسة ولالمسة ولا حتى نظرة,,,,
قام لعند النافذة وفتحها ووقف يناظر بنافذتها كانت انوارها مشغلة ..يعني قاعدة..والاكيد انها تفكر كيف تراضيك يابندر....
رفع سماعة التلفون ودق على بيتهم وتمنى انها هي اللي ترد.....
محمد/نعم؟؟
بندر/انت!!
محمد/لاانت!!عسى ماشر مو توها رادة من بيتكم؟؟لاتقول تبي تقول لها شي نسيت تقوله!!!
بندر/لا..ابيك تفتح الباب بعطيك جوالها الا نسته...
محمد/عيارة!!بس امري لله..
سكر الجوال بسرعة ونزل من غرفته لبيتهم,,,
/////////////////////////////////////////////////////

باخر الليل كانت هنوف نايمة مع نورة ويوم نامت نورة طلعت وشافت ناصر قاعد بروحه على عتبة البيت رجعت غرفة نورة ولبست عبايتها وشيلتها وراحت له...
هنوف/عسى ماشر...
ناصر كان قاعد وهو ساكت ومتضايق ومارد عليها...
هنوف/احم احم....قد تظلم علينا الدنيا باي لحظة..وقد تضيق علينا بقدر مااتسعت ..وقد تموت السعادة باحضان خبر مؤلم..لكن يبقى لدينا امل..وتبقى هناك شموع نشتريها من عند ابو ريالين تنور علينا حياننا.....ماضحكت؟
ناصر/...........
هنوف/ياهووو...ناصر وش فيك ياشيخ الشباب؟
ناصر اكتفى بانه يتنهد....
هنوف/اكيد مو متعشي..وضاق خلقك يوم مالقيت ولاشي تاكله اعرفك همك بطنك وبس!!
ناصر بعصبية/ممكن تنقلعين عني ؟؟؟ترى بجد مو فاضي لتفاهتك!!!!!
انربط لسانها وماعرفت شتقول قامت وهي تحاول تخفي دموعها اللي نزلوا منها .وهي كاتمة شهقاتها بقلبها...
راحت علطول لغرفة نورة وقفلت الباب وتسندت ورى الباب وقامت تبكي وتبكي وتبكي وهي منحرجة من نفسها ومن تدخلها بحياته...بس عمر ناصر ماكلمها بالطريقة العصبية ذي!!
اصلا ناصر طول عمره سمح مع الكل بس اكيد متضايق من شي؟؟؟؟
ماهمه وش الشي اللي كان مضايقه كل اللي همها هو ان ناصر فشلها واحرجها وهي اللي قاعدة تحاول تسليها,,,,,
ظلت تبكي ورى الباب لين نامت بمكانها ودموعها على خدها,,,
///////////////////////////////////////////////////// وقف قبال غرفتها ودق الباب وجاه صوته الملائكي اللي يحب انه يسمعه....
جواهر/منو..
مارد عليها ..وقامت فتحت الباب..ويوم شافته واقف تفاجاْت وفتحت عيونها بدهشة....
جواهر/بندر!!!!
دفها لقدام ودخل وقفل الباب وتسند عليه وهو واقف قباله,,,,,
كانت بعدها بثيابها وقاعدة مابدلت ...
كانت لابسة تنورة ستان بنية قصيرة لفوق الركبة ...
وبلوزة حلقية بيجية والبوت البيج مرمي جنب الفراش...
جواهر/.............
بندر وهو يناظرها/يعني كنت بنام وبفوت على نفسي شوفة التنورة القصيرة!!!!
جواهر ببتاسمة/ليش جاي!!مو زعلان مني!!ابي انام!!!
بندرمسك يدها وقربها لعنده وكلامها اللي قراْه قبل شوي للحين في باله/ومنو رادك تعالي نامي بحضني!!!
جواهر يوم صارت قباله ويدها بيده ومايفصلهم أي شي قالت بهمس/متاكد من موقفك!!!خمسة ايم ماتكلمني بس لاني رحت لنجود الرياض!!!
بندر/انتي اختاري طيب يابندر يانجود!!
جواهر بكل ثقة/نجود طبعا!!!!!
بندر اخذها بحضنه وحضنها بقوة وهمس لها باذنها/وتعيدينها كذا بكل ثقة!!!
جواهر بهمس/وان شاءالله بعد ماقطعت عني صوتك ها الخمسة ايام تبيني اقول بندر؟؟مو قايلة لو تعطيني مليون ريال عارف ليش!!لانك اكثر انسان عارف علاقتي انا ونجود كيف؟
بندر/ومايحق لي اغار يعني!!!
جواهر/يعني السالفة هاذي كلها غيرة وبس من نجود!!
بندر بارتباك/وش بتكون يعني؟؟
جواهر/مدري انت وانت معصب قلت كلام كثير اذا تبي اذكرك فيه!!حسستني كاني سويت جريمة يابندر....
بندر/هههه ومع هذا ماهمك وسويتي اللي في راسك ياعنيدة!!
جواهر/حبيبي احنا متفقين من البداية كل شي بعلاقتنا مشترك الا انا ونجود هاذي قصة ثانية واستثنائية بعد!!!
بندر/درينا....قربي..
جواهر/اكثر من كذا!!
بندر/أي...
جواهر بدلع/ليش؟
بندر بهمس/علشان ابوسك...
جواهر/أي بس انا نعسانة وانت قبل شوي قلت بتروح تنام!!يالله حبيبي تصبح على خير روح نام....
بندر مسك وجهها بين يديه وصارت عيونهم في بعض مادرى ليش ذيك اللحظة حس انه يبي يعترف منها ويتسامح لها بس حس انه لو سواها يمكن يخسر قربها اللحين لو لحظات!!
خليه يكمل معها الليلة وبعدين يقول لها...ولا ليش يقول لها..خلاص يغير كل حياته ويكمل مع جواهر طريقهم اللي ارسموه مع بعض وتنتهي السالفة كلها...
جواهر بخبث/مارسيت على بر؟
بندر/ها..شلون يعني!!
جواهر بضحكة خبيثة/شكلك محتار وين تبوس!!
بندر بخبث/هو انا ماابي ازعل شي بصراحة وابي ابوس كل مكان!!
جواهر/ومطول بتفكيرك؟؟؟
بندر/لا ..بس قلت اشاورك وين ابدي...؟؟
جواهر/اممممم وش رايك..تبدي في..
طق طق طق....
ابتعدت عنه مرغمة مو بارادتها..
بندربهمس/اهلك للحين قاعدين؟
جواهر/لا بس هذا اكيد محمد؟
جواهر/منو؟
محمد/انا!!!
بندر بعصبية/عسى ماشر؟
فتحت جواهر الباب رغم اعتراض بندر...
محمد/انت قلت بتجيب جوالها بس اشوفك دخلت وماطلعت!!!
جواهر/هههه محمد روح نام لاتشيل هم!!
محمد/لالالالا مو قبل مايروح بيتهم!!
بندر/وانت وش عليك مني!!!
محمد/يااخي ماابي تقعد في بيتنا الوقت متاخر وبكرة حضرتك بتجي تتغذى معنا!!!
بندر/مشوار اروح بيتنا وارجع بكرة اتغذى!!انام هنا اريح..
محمد/لا...مانبيك تنام في بيتنا..
جواهر/محمد...يالله روح نام حبيبي..
محمد/اقولك اسمعها مني وروح نام لااروح اقعد ابوي اللحين واقوله شوف زوج بنتك مو راضي يطلع!!
جواهر/لاتكفى لاتسويها تحرجني مع ابوي!!!
بندر/الله ياخذك من نسيب!!
محمد/وياخذك معي!!
بندر/وانت ماتجي الا باللحظات الحاسمة!!
محمد/ليش وش كنت تسوي؟
جواهر/هههههههه
محمد/يالله انا نعسان وبروح انام بسرعة خلصني انا مصر انك ماتنام في بيتنا يالله ...
بندر/طيب اطينا خمس دقايق طال عمرك...
محمد/ولادقيقة...
جواهر/شلون يعني من كل شي خسرت كل شي؟؟
بندر/اذبح اخوك انا!!
جواهر/مايصير بندر انت عشمتني..
محمد/وش اللي مايصير انتي وهو....بتطلع لو اروح اصحي امي وابوي....
بندر/بطلع بطلع بس انت اذلف...بودع خطيبتي..
محمد/مافي ودلع قدامي ولامن وراي..وحطوا في بالكم أي لقاء لكم مع بعض بكون موجود بالنص بينكم!!
بندر/انت من وازك علينا بالله!!!
محمد/سالفتكم وسيرتكم على كل لسان بصراحة!!
بندر وجواهر طالعوا في بعض وهم مستغربين منه..
محمد/اجل اليوم ادخل عند الحريم الا هم يتكلمون عنكم وكل وحدة تقول بندر يحب جواهر وجواهر يحب بندر...انا ماابي الحكي هذا ينعاد مرة ثانية...
بندر/ههههههه تعالي تعالي بس خل نقهر اخوك مسكها من يدها وقربها لعنده وحضنها..
محمد/ماابيك تحضن اختي..
جواهر/وانا بعد ماابيك تحضني ابي شي ثاني مثل وماوعدتني...
بندر/عادي قدام اخوك..
جواهر/محمد حبيبي اطلع لاتصير لزقة....اللحين بيروح بيتهم!!
محمد/مو طالع الا لين طلع...يالله اللحين لاارفع صوتي واصحي امي وابوي..
بندر/روح صحيهم...
محمد/واخليك بروحك معها..
بندر/خطيبتي هاذي يعني زوجتي وش فيك انت!!
محمد/لا انا بقعد هنا وبقعد اصارخ لين يقعدون ويجون بنفسهم!!
بندر/لمنو انت طالع نذل..
محمد/لك...
جواهر/بس شوي يامحمد واللي يعافيك...بعطيك اللي تبيه...محمد/والله لو هو مليون مدام حطيته في بالي مو شايله..
بندر/والحل؟
جواهر/كله منك انت!!كنت معك قبل شوي..شاطر بس تقولي نعسان وبنام!!يالله ارتاح مافي شي وروح بيتكم زين!!!
محمد بشمانة/سمعت روح بيتكم!!
////////////////////////////////////////////////////////
يوم الخميس ...
نجود/ناصر...
ناصر/نعم...
نجود/كنت بتكلم معك امس بس ماصار مجال..
ناصر/خير..
نجود/شفيك مو على بعضك...
ناصر/ولاشي..
نجود/عطيني اجابة غيرها...هاذي ماتقنعني؟
ناصر/..............انا وعلي تهاوشنا يانجود؟
نجود/ليش بعد!!
ناصر/علشان ابوي...يوم تعب رحت اقول لعلي انه بالمستشفى و................................................. .................................................. ......................
نجود/علي نذل من زمان موتوه...قلت لك خله يولي عنك..
ناصر/انا متضايق يانجود....حتى يوم راح لاابوي المستشفى من بعيد واقف وهو يقوله حمد اللله على سلامتك كانه مايعرفه ولامايعنيله أي شي....انا مايهمني علي بس يهمني ابوي وعارف انه متضايق علشانه وشايل همه يانجود...
نجود/حتى سالفة علي نسيتها ياناصر تصدق...
ناصر/ليش شسالفته بعد!!
نجود/شقولك ياناصر شقول....اخوك مو صاحي !!!!كل تصرفاته طايشة....تفكيره تفكير مجانين والعياذ بالله!!
ناصر/شكلها كايدة سالفته!!
/////////////////////////////////////////////
فيصل/بابا...
فهد كان يدخن سيجارته بهدوء وصمت,,
فيصل جلس جنبه/اذا كبرت بدخن مثلك...
فهد تنهد وكان بيطفي السيجارة بس ماقدر واصل وهو حاس الجو كله خانقه...
فهد/وين خواتك؟
فيصل/لمى بغرفتها تبكي لان سارة ضربتها وهاوشتها..وسارة قاعدة تكلم بالتلفون صديقتها وهي معصبة..وامي بالمطبخ مع الطباخ لان الليلة بنروح بيت جدي وهي اللي بتودي العشاء معها..بابا بتروح بيت جدي؟
فهد/لا..مرة ثانية..
فيصل/خليني معك ماابي اروح هناك..
فهد/ليش..
فيصل/مافي احد كبري..بقعد هنا مع احمد...

فهد/أي بس انت طول الوقت مع احمد..
فيصل/صار لي يويمن مااروح امي ماترضى تقفل الباب علشان مااروح لهم تقولي بيت عمك يكرهونك...
فهد تنهد..
فيصل/بس انا ادري انهم مايكرهوني...
نجلاء من وراه/فيصل !!!اقول ليش ماتقوم تتحمم علشان تخلص بسرعة..
فيصل/بقعد مع البابا ...
نجلاء/انت مو رايح معي بيت اهلي!!
فهد/لا..حاس اني تعبان وبظل بالبيت...
نجلاء/تعبان من ها السجاير اللي مدري متى الله بيفكنا منها ومن ريحتها!!!
فيصل/بقعد العب مع احمد...وبعدين انتي ليش تقولين ان بيت عمي مايحبوني....هم يحبوني..
نجلاء بصرامة/فيصل..روح بلا هذرة فاضية...بيت جدك ولازم تروح...
فيصل بعناد /لالالامو رايح بقعد هنا..اصلا بيت عمي كلهم يحبوني ويخافون علي مو مثل ماتقولين انتي!!!!
نجلاء بتوعد/فصيل اسمع الكلام وقوم تحمم خلصني!!
فيصل/يعني مصرة..
نجلاء/أي مصرة...
فهد/فيصل اسمع كلام الماما وقوم تحمم علشان تروح بيت جدك...واحمد لاحق عليه انت معه بنفس البيت وبتشوفه بكل وقت(قال اخر كلمة بحدة وهو يناظر بنجلاء)
فيصل وقف وتخصر/طيب ياماما انتي عاندتيني انا بعد بعاندك وبقول للبابا ان سارة عندها لاب توب صاحبتها وجوال صاحبتها وانها امس اخذتهم من عندها وبعدين انتي وسارة قالتوالي انهم حق صاحبتها وهي كانت حافظتهم لها بس انا سمعت صاحبتها تقول ردي الاغراض اللي عندك!!ها اقول ولابتغيرين رايك وبتخليني اقعد عند ابوي ومااروح بيت جدي,,,,
////////////////////////////////////////
نورة/شفيك انتي من امس مو على طبيعتك؟
هنوف بشرود وزعل/مافيني شي..
نورة/قولي الصدق انتي شايفة وحش في بيتنا!!
هنوف/........
نورة/اموت واعرف ليش نمتي بعبايتك عند الباب !!
هنوف/كنت بروح بيتنا وبعدين غيرت راي!!
نورة/ونمتي عند الباب!!
هنوف/يو يانورة سكري السالفة واللي يعافيك...
نورة/شسالفة هنيف!!!
هنوف/مافي سالفة ولاهم يحزنون!!
نورة/هنوف
هنوف بعصبية/خلاص قلت لك مافيني شي اتركيني بحالي!!
نورة بلامبالاة وهي اصلا زعلت من اسلوب هنوف/بكيفك عمرك ولاتكلمتي!!!
تركتها وقامت عنها وخلتها تفكر بناصر على راحتها وبدون ازعاج من احد,,,
/////////////////////////////////////////////////////////
نجود/ترى صحتك الاغلى عندنا يابو ناصر دير بالك عليها...
ابو علي رفع عيونوه بعيون نجود...
ابوعلي/وش تقصدين من ها الكلمة يانجيد!!
نجود/يبى اسمي نجود ومااحب احد يسميني نجيد!!وبعدين أي كلمة اللي اقصدها!!!
ابوعلي/ليش قلتي ابو ناصر؟؟؟انا ابو علي!!
نجود/بالنسبة لي يوم عن يوم يزيد كرهي لها الانسان يبى!!
ابو علي/نجود ووجعتين ان شاءالله!!مهما سوى هذا اخوك الكبير..سندك بالحياة..
نجود/سندي انا!!لايبى..علي لاهو سند ولابيكون سند بعد وانت عارف ها الشي لاتقعد تغالط نفسك..
ابو علي تنهد..
نجود/منت معترف فيها ليش تقولها..
ابو علي بحزن/تصدقين مر علي مرور الكرام بالمستشفى وكانه واحد من الجيران ماكانه الولد الكبير!!!واللي شايل اسمه!!
نجود/دلعكم لعلي هو اللي خلاه يتصرف كذا بدون مسؤلية يبى!!!
ابو علي/.............
نجود/تعرف انه هو وناصر متهاوشين يوم انك دخلت المستشفى علشانك!!
ابوعلي/اكيد هو اللي غلط على ناصر..ناصر اعرفه رجال ماجابت الحريم مثله!!!
نجود/وانت عندك فيها شك يبى!!!المهم انا ماابيها توصل لناصر لالاني وعدته مااخبر احد بس الموقف بينهم تازم للغاية ها المرة وتطور لمرحلة كبيرة,,,كبيرة حييل يبى...صار لازم توقف بوجه علي وتغض عليه..تصرفاته ماهي طبيعية يبى..اضغط على نفسك وعلى كرامتك وتناسى كل شي يبى كل شي..تناسى حتى انك انت الاب وهو الولد الغلطان اللي المفروض يعتذر لك....اضغط على نفسك بيبى واقعد تكلم معه...علي بيضيع نفسه وبيخسرنا كلنا من حوله...لازم تبدي ها النقطة والمواجهة يبى لازم...
ابو علي تنهد/..........
نجود/المهم ماعلينا اذا على عليوي ماتخلص سوالفه..انت بشرني عنك ان شاءالله رقدت بعافية البارحة..
ابو علي/الحمد الله يابنيتي الحمد الله...الا صدق نجود على الطاري...في واحد من ولاد عمنا جاي وطالب القرب مني فيك..
نجود/فيني انا!!
ابوعلي/أي فيك انتي...فواز السبيعي ولد عمي....طالبك تكونيني زوجته على سنة الله ورسوله...
نجود/...........
ابوعلي/مااشوفك قلتي شي يانجود؟
نجود في بالها (شقولك والبال معلق بالرياض واهلها)
ابوعلي/الرجال ماعليه كلام مو لانه ولد عمي انا اقول لك ها الشي....والشور بالاول والاخير لك انتي يابنيتي..تبين تقعدين معه وتقابلينه انا ماعندي مانع...تبين ناصر يكون وسيط بينكم..شوفي اللي يناسبك بالنهاية انا ماراح اوقف بحياتك وبمستقبلك وبتركك تختارين اللي تبينه..
نجود تنهدت/يصير خير يبى..عطيني وقت افكر وارد لك خبر...
////////////////////////////////////////////////////
بغرفة نجلاء وفهد..
فهد بعصبية/ماهي الاولى يانجلاء ولاراح تكون الاخيرة!!
نجلاء/انت تاخذ بكلام فيصل؟
فهد/فيصل مايكذب وانتي تعرفينه يانجلاء...صدق ان في عادة كريهمة ودايم ينقل الحكي وينقل اللي يشوفه بس مايكذب!!
نجلاء/صار واستعارت اغراض صاحبتها وش فيها ذي!!
فهد بعصبية/انتي تبين تجننيني يانجلاء؟؟وش اللي مافيها شي...انا حارمها من جوالها تقوم تلاقي البديل وتشوفينها وتعرفين وتسكتين!!!والاب توب بالله شلزمته؟؟؟انا تارك لهم كمبوتير بالصالة علشان يكونون تحت مراقبتنا واهتمامنا تقومين تعطينها كامل الصلاحية بانها تسوي الشي اللي براسها..
نجلاء/ترى من صدق انت مكبرها...
فهد/انا ابي افهم وش اللي صغير عندك!!كل شي انا مكبره؟؟؟
نجلاء/فهد..لاتضيق خلقي يكفي اني بروح اللحين وبشوف اشكال والوان من زوجات اخواني وبناتهم!!
فهد/بس هذا اللي اخذناه منك!!!عيالك ماتدرين عنهم!!!
نجلاء/عيالي مافيهم شي...وبعدين صدق..انا ابيك تجيب سايق ثاني لسارة وواحد للمى ماابيهم يروحون مع بيت اخوك بنفس السايق؟
فهد/اصلا بيت اخوي سالفتهم ثانية بعد!!!انتي ليش قاعدة تدخلين براس فيصل ها الكلام!!طول عمره رابي معهم وانتي تعرفين انهم يحبونهم كلهم ليش تقولين له انهم يكرهونك؟
نجلاء/ياسلاام وانت تبيني ان شاءالله اعديها لاام مشاري!!حبيبي هاذي مرة اخوك طردت بنتي من بيتها ولااعتذرت!!!!
فهد/وانتي تنتظرينها تعتذر يعني!!
نجلاء/طبعا ورجلي مابتعتب قسمها لو مااعتذرت لو شيصير؟
فهد/حامض على بوزك تعتذر لك..
نجلاء/زين يافهد زين بنشوف...خل بيت اخوك ينفعونك...
//////////////////////////////////////////////////////////
بندر/تسلمين عمتي على ها الطبخة السنعة..
ام محمد/هني وعافية يمه...
بندر/الله يعافيك..بس ان شاءالله علمتيها جواهر علشان تسويها لي بعدين..
جواهر/لا مااعرف اسوي رز؟؟؟حدك صواني وبس!!!
بندر/بس!!يالله مو مشكلة نغير بدل التقليد؟؟
محمد/اووووف اشتهيتك تعصب وتقوم بس خسارة...
جواهر/هههههه
ام محمد/يالله حمود عاد اعقل عن نسيبك بندر حسبة اخوك الكبير..
بندر/سمعت !!اخوك الكبير يعني تسمع كلامي وش ماقلت لك..
محمد/أي يصير خير ان شاءالله..
ام محمد/انا بجيب الشاي والقهوة..
بندر/الله معك خالتي....
قامت ام محمد وتقرب بندر من جواهر وحط يده على كتفها وقربها منه وسند راسها على صدره وهمس لها/وحشتيني مووت..
جواهر بنفس الهمس/مو كثري انا اشتقت لك اكثر...
بندر/لا انا اكثر...
جواهر/صدقني انا اكثر...
بندر/طيب بنشوف ...اللي يقولها قبل الثاني معناته ه اشتاق للثاني اكثر..
جواهر/طيب موافقة,,ها نبدي..
محمد بصوت عالي /خير ان شاءالله وش عندكم تتهامسون..
بندر/هذا اللي بذبحه!!اقول محمد ودنا بشاي مخدر من يدك الحلوة..
محمد/يدي ماتعرف غير الضرب وبس!!
جواهر/ههه
بندر/ضحكي انتي بعد..
جواهر/ههههههه
بندر/قومي نصعد غرفتك..عاد مابيسويها وبيلزق ورانا ..امك هنا مابتخليه يجي؟؟
جواهر بدلع/ليش؟
بندر /وش اللي ليش؟
جواهر/ليش تبينا نصعد؟
بندر بلهفة/علشان ابوسك ..وعندي بوسات البارحة يعني تجمعوا واااجد مقدر يصيرون بذمتي بعدين!!
جواهر/ههههههه
بندر بترجي/يالله قومي...
جواهر/وش المقابل؟
بندر/لاتصيرين نذلة مثل اخوك..
جواهر/لاتغلط على اخوي ترى هذا سندي بالدنيا وماارضى عليه!!
محمد/سمعت!!!!
بندر/مشاءالله...
محمد/جواهر قولي الصدق يااختي انتي منو تحبين اكثر انا ولا هو؟
بندر/وانا مالي اسم تقول هو؟
محمد/هو تدل على انك مو مهم....يالله جاوبي!!
بندر/يبيلها كلام اكيد بتختارهو؟
محمد/يالله جاوبي؟
جواهر/كل واحد وش بيعطيني ..اعطوني مغريات علشان اختار؟
بندر/بالنذالة متساوية مع اخوك؟؟
محمد/لو سمحت لاتغلط على اختي!!!انا بروح لك البقالة باي وقت تبينه وبروح المكتبة اسوي لك اوراق البنات مدري وش سالفتك معهم باي وقت تبينه اذا اخترتيني وقهرتيه!!
بندر/ياسلااااام!!طيب انا بموتك حب وغرام بتنامين وانتي تسمعين احبك وبتصحين وانتي تسمعين احبك وببوسك وبحضنك وش تبين بعطيك!!يالله اختاريني؟
محمد/عيب تقول ها الكلام وانا موجود مايصلح لي بعدني صغير؟
بندر/يالله فارق قوم عن وجهنا شوي؟؟؟
جواهر/امممم قررت انسحب من المسابقة عطيتوني مغريات مااقدر ارفضها منكم صراحة!!
بندر/شوف!!اللحين بقالة ومكتبة تحطينهم وتحطين بوساتي لك وحضني بكفة ثانية ويتساوون عندك!!!
جواهر /والله هذا اللي طلع..
بندر وقف ومسك يدها ووقفها معه/لالالا انا اعترض صراحة تعالي اجرب معك وبعدين قولي يتساوون عندي!!!
//////////////////////////////////////////////////////
مر الخميس في بيت السبيعي وناس طالعة وناس داخلة يتحمدون لاابو علي بالسلامة مع انه ماقعد بالمستشفى كثير بس يوم واحد بس لانه كان واصل الجميع وطيب مع الجميع كانوا يحبونه,,,
الجمعة بعد مر بسرعة البرق,,,
نجود/ياربي انا قايلة بحمل شي ها الاسبوع ونسيته شنو بالضبط مدري؟
هيا/لمتى الدراسة برمضان؟
نجود/عادي اعتقد 23 كذا..مو متكدة خلني اتاكد لك...
هيا/يعني تقريبا رمضان بطوله بتكونين بالرياض؟
نجود/أي....يعني ها السنة ريجيم حاد!!
هيا/افا وين رحت انا!!!
نجود/شلون ؟
هيا/بخلص الاسبوع الاول وبعدها تطنيش طبعا بجيك الرياض ..
نجود/جد؟؟
هيا/أي بقول لاابوي وماظني يرفض..
نجود/بيصير الشغل كله فوق راس نوير؟؟
هيا/محق تسوي شي ها الخايبة اصلا عبير هنا وهي كل يوم تفطر معنا برمضان ..
نجود/هو حتى نويصر يطبخ برمضان!!!!
جواهر دقت الباب ودخلت/مرحبا بنات كيفكم..
نجود/هلا وغلا..
هيا بدون نفس/اهلين...انا قايمة لابغيتي شي قولي لي!!
بعد ما هيا طلعت من الغرفة..
جواهر/بللي مايردك ان شاءالله!!!مدري شعليه شايفة حالها علي هالبنية!!
نجود/هاذي يسمونها غيرة!!
جواهر شالت عبايتها وقعدت قبال نجود/جهزتي اغراضك..
نجود/أي....باقي لنا اربع ساعات وبعدين نودعكم ونذهب بعيد اعنكم..
جواهر غمزت بعينها/لديار الاحبة!!
نجود/أي احبة أي خرطي!!قلت لك شلته من بالي!!!قاعدة افكر بالمعلرس الجديد؟
جواهر/فواز؟؟
نجود/أي فواز ليش لا؟
جواهر/مدري رغم اني معتررضة على وضع فهد بما انه عنده بيت ثاني وزوجة وعيال بس حاسة انك متعلقة فيه ولايمكن ترضين بغيره!!!
نجود/..............
دق جوال نجود وكانت هاجر المتصلة...
جواهر/أي هاذي القروية ..انا عمري ماشفت احد مثلها بلبسها العالمي!!!
نجود/تراك ماشفتي شي تعالي شوفيها بالمدرسة والالوان اللي مدري من وين تجيبها!!

جواهر/ردي واللي يعافيك خلصينا منها..عندنا سوالف غيرها....
نجود/هلا..هلا هاجر...كيف الحال....الله يسلمك...تمام الحمد الله.....ماشية اموري...يعني باقي لي اربع ساعات وامشي...لالا طيران...اي...ليش مو جاية انتي ....اها يعني بتجين الصباح...بس بتكون متعبة الرحلة عليك ولا....اي ..منو منال ..ماكلمتها والله....ليش....شنو؟؟؟؟؟أي ..اي.................لا معك...الله يسلمك...
سكرت الجوال بهدوء...وظلت ساكتة وهي شاردة بتفكيرها..
جواهر/شفيك؟
نجود/.......
جواهر/نجود شفيك؟
نجود بشرود/فهد...فهد تعبان بالمستشفى ياجواهر؟
جواهر/شفيه؟
نجود/مدري..تقول انها كلمت منال البارحة وكانت بالمستشفى رايحة تشوف عمها,,,,
جواهر/........
نجود بخوف/شفيه ياربي!!
جواهر/مافيه الا العافية لاتخوفين نفسك..
نجود مسكت يد جواهر بقوة/ابي اشوفه..ابي اشوفه اللحين ياجواهر؟
جواهر/هدي...كلها كم ساعة وتروحين الرياض..
نجود بخوف/وانا شينطرني ها الساعات هاذي كلها!!!رفعت جوالها ودقت على فهد وكان مقفل غمضت عيونها بالقوة وهي تحاول تمنع دموعها لاتطلع..
بس جواهر كانت حاسة فيها حضنتها وهداْتها وهي تطمنه انه بيكون بخير ان شاءلله!!
//////////////////////////////***********مرت الساعات طويلة على نجود وهي تدعي لفهد يكون بخير وبسلامة..
كان ودها بس لو يفتح جهازه وتتطمن عليه وتسمع صوته بس ....
حتى منال ماكلمتها من صار اللي صار؟؟؟ولاعندها رقم سالم ولارقم مصعب!!!وش ها الظروف ياربي..اذا جت تقفل قفلت من كل صوب...
وصلت الرياض وهي بس محتارة باي مستشفى ممكن يكون فهد....
مشكلته انه مايحب يروح المستشفى كثير يعني ماقال لها انه في مستشفى معين يتعالج عنده لا أي مستشفى ممكن انه يدخله..كانت بحيرة واضحة ..لاهي قادرة تروح السكن ولاهي قادرة تسمع صوته ولاهي قادرة تتكلم مع احد وتساله عن فهد....
اخذت اسماء المستشفيات الخاصة الفخمة بالرياض وابتدت تدق تسال عن مريض نازل باسم فهد الفارس...يمكن لعل وعسى تجيب نتيجة...
/////////////////////////////////////////////////////
لمياء بعد دخلت شقتها وهي حاسة ان ها اليومين اللي راحوا كانوا متعبين حييل رغم انها كانت عند اهلها....
كان ودها تكون مع مشاري مثل كل اسبوع..افتقدت وجوده بينها وبين بنته...وحتى علي اللي كانت تبي تكلمه مثل ماحطت في بالها مااقدمت على ها الخطوة وشالتها من بالها....
ومشاري بعد..كن طول الوقت قاعد بالسيارة اللي تاْجرها قبال بيتهم لين دقوا عليه البارح وقالوا له انه فهد تعبان ورجع الرياض..بس كان في شي مضايقه..مافي أي تصرف مريب من لمياء...وحس انه زم يعتذر عن ها الحركة معنوية قبل كل شي ..بس يطلع عمه بالسلامة بيحاول انه يحتويها من جديد ويبعدون عن ها الجو اللي قاعد يخنقهم,,,
////////////////////////////////////////////////////////
على الساعة احد عشر ونص...بالليل فتح فهد عيونه وهو يشم ريحة عطر عارفها زين....
حس بثقل بجسمه علشان الاجهزة اللي كانت جنبه وموصلة فيه علشان الدم والاكسجين...

جاه همس نجود الحزين وصحاه من حيرته/حمد الل على سلامتك...
فهد تلفت لها ولقاها جنبه قاعدة ويدها ماسكة يده اللي فيها مصل المعذي وهي حاضنتها...
كانت كاشفة وجهها ومبينة دموعها اللي مابعد جفت..
فهد بلهفة وضعف/نجود..مين قال لك اني هنا!!!
نجود بحزن وبكي/انت قولي ليش انت هنا!!!انت جبل يافهد وش اللي هز الجبل ورماه كذا!!!
فهد تنهد واعتدل بقعدته وساعدته وحطت الوسايد وراه...
فهد /نجود...ليش تخليتي عني بسهولة كذا!!!
نجود/...........
فهد/وين حبك ووعودك ...
نجود/فهد انا...
فهد/كنت ناوي اروخ الشرقية والحقك واطلبك من ابوك يوم الخميس بس القدر سبقني ورماني رمية ماكانت على بالي ولاعلى خاطري ابدا!!!
نجود بخوف/وش اللي صار يافهد..
فهد/ازمة وعدينا منها يانجود....
نجود/كله من ها السم اللي تاخذه!!!مافي سجاير بعد اليوم سامعني!!
فهد بضعف/بعدك مصرة تتركيني!!!بعد ماعلقتيني فيك ياعمري,,,
نجود حطت راسها بحضنه وقامت تبكي وتبكي وتبكي ..كل القهر اللي كان فيها من موقف سارة طلعته اللحين ببكيها بحضن فهد......
فهد بضعف/لاتتعبيني اكثر من التعب اللي فيني!!جاوبيني هو انتي بعدك تحبيني ولاتناسيتيني خلاص!!
نجود بدموع/واحد يقدر ينسى حبه بين يوم وليلة يافهد!!احبك وبظل احبك طول عمري ياعمري,,,,
كانت يده تمسح على راسها من فوق الشيلة وشيئا فشيئا انفتحت شيلتها وبان شعرها من فوق... كانت اصابع فهد تتمرر على خصلاتها وهي بعدها تبكي على صدره..
فهد /ماكان عندي غير السيجارة بغيابك اشكي لها حالي بعد ماتركتيني يانجود..طول اليوم كانت بفمي ومافارقتني ولالا لحظة؟؟؟كل القهر اللي فيني كانت هي تمتصه بدالك؟؟لين كانت النتيجة ازمة ماصدقت اني طلعت منها للحين يانجود..شفت الموت بعيوني!!
نجود بحزن/اوعى تسويها مرة ثانية يافهد...والله لااذبح نفسي لو صار لك أي شي...سامعني بتاخذ ذنبي لو سويت بنفسك شي...
فهد/ماجاوبتيني يانجود...
نجود رفعت راسها من صدره وصاروا مقابلين بعض...
ومايفصلهم غير صوت تنفسهم وبس!!
نجود/احبك يافهد بس انت ماكنت ترضى لي الموقف اللي صار؟
فهد بضعف/وانتي بعد ماكنتي ترضين اتحمل انا الذنب كله!!!
نجود/,,,,,,,,
فهد/ذبحني فراقك يانجود؟؟كانت يده تلعب بشعرها وهو يطلعه من تحت شيلتا اللي شالها كلها بدون أي اعتراض من نجود وهي على صدره تبكي..
نجود/فهد..انا ..
فهد/احبك..
نجود/.......
فهد/سمعتيها ولااعيدها!!احبك!!
نجود/حبيبي...حبيبي انا..
فهد حط اصبعه على فمها/لاتقولين شي..قولي بس انك بتظلين معي طول العمر ونكمل دربنا مثل ماوعدتيني!!
نجود هزت راسها مثل الاطفال وكانها تقول موافقة...
//////////////////////////////////

---لبارت التاسع والثلاثين---
,,,,,,,,,,,,,,,,,,,,,,,,,,,,,,,,,,,,,
نجود/فهد..حبيبي ابيك توعدني تخفف من ها السجاير شوي ..انا عارفة انك ماراح تقطعها نهائيا لان صعب عليك..بس بالتدريج...ترى والله صحتك اهم شي عندنا..
فهد/عندنا!!منو انتوا!!
نجود/انا وقلبي وعيوني وروحي وكل حواسي...مانكفيك يافهد!!!
فهد تنهد/ظلمتيني ببعدك عني الاسبوع اللي فات يانجود..عودتيني كل يوم تظلين تسمعيني وتسمعيني وتسمعيني وانا اشكي وبالنهاية تجين بهمسة وحدة منك وتمتصين غضبي وهمي كله....بس دفعة وحدة تركتيني معلق وحاير..تعبت من بعدك تعبت....
نجود/انا معك يافهد وبظل معك طالما انك بتظل واعدني تكون معي وتتحدى الكل وتظل جنبي...
فهد/انا فاتحت بو مشاري وام مصعب بموضوع الزواج...
نجود/.............
فهد/مااشوفك قلتي شي؟
نجود/قلت لهم اني انا!!
فهد/لا..كنت ابي اعطيهم خبر بس اني بتزوج..
نجود/فهد اترك الموضوع شوي....
فهد بزعل/ليش؟
نجود/توها سالفة سارة معي مابردت..على الاقل نترك موضوع سارة ياخذ له شهر وترجع علاقتي بمنال مثل قبل .....وبعدها فاتحهم من جديد..
فهد/طيب بس السالفة بتاخذ وقت...انا اقول اجي اللحين لااهلك وعلى مايفكرون ويعطوني خبر هاذي يبيلها شهر وبعدين نكتب كتابنا ونرتب امورنا....
نجود/نرتب امورنا كلها قبل ونخلي ها الشهر اللي بتجي فيه خط رجعة للاشياء اللي نسين حسابها....
فهد/............
نجود/............
فهد/.............
نجود ناظرت بعيونها وهي تتكلم بهمس/تعرف وش حسيت يوم عرفت انك طايح بالمستشفى تعبان!!!مااكذب عليك لو قلت لك روحي كانت تطلع مني !!!ماعرفت شسوي يافهد..دارت فيني الدنيا ..كنت ابي اجي الرياض باي طريقة علشان اشوفك؟
قرب راسها من صدره ونزل شفايفه وباس شعرها
فهد/نجود لازم نتزوج لازم...مااتوقع ان حياتي تكمل بدونك ابدا!!
نجود/انا لك يافهد صدقني انا لك....
ظلوا ساكتين فترة وهي بحضنه وهو يتنفس من تنفسها وكانها رجعت له الحياة ...
فهد/حبيبتي يالله لاتتاخرين على السكن الوقت صار متاخر..
نجود بعناد/مو قايمة من عندك..
فهد/شلون يعني!!انتي ناسية ان وراك مدرسة بكرة..
نجود/طيب ...وقت الاذان برجع البيت اتحمم واصلي وامشي للدوام..
فهد/ومابتنامين يالمجنونة؟؟توك رادة من الشرقية؟
نجود/انت عارف مثل ماانا عارفة اني حتى لو رحت ماارح انام وبظل افكر فيك..خلني اقعد جنبك ..لاتحاول تقولي اقوم ماارح اقوم...
فهد/نجود ...مافيني الا العافية ياقلبي صدقيني من شفتك طبت...يالله قومي ارتاحي انا ماارضاها لك تروحين بكرة المدرسة وانتي مواصلة...
نجود/قلت لك لاتحاول!!!!وبعدين لاتنسى ان هذا وقتي طول اليوم مااراح اقدر اكون عندك علشان اهلك هنا!!
فهد/عنيدة مثلك ماشفت,,,,انا اصلا كنت بطلع اليوم ...
نجود/لاحبيبي وش يطلعك من المستشفى وانت بعدك تعبان!!!خلك هنا لاحق على وجع القلب مع مرتك وعيالك,,خلك مرتاح.....
//////////////////////////////////////////////////////////دلع/ها بشر شسويت مع بنت الهاجري..ان شاءالله فهمتها انك رجال وكلامك لازم يمشي وظليت حاقرها طول اليومين...
بندر/.............
دلع/والله ماشكلك سويت شي ابدا من ها التهديد ورحت قلبت الموجة!!!
بندر/كان عمي تعبان وانشغلنا بالرجاجيل اللي جوه يسالون عنه....
دلع/ودي اصدقك بس مدري ليش مو جاي يدخل في بالي,,,
بندر/..............
دلع/بندر...قول الصدق....قدرت على فراقها ولا سوت لك حركة من هنا ولامن هنا وطيرت لك عقلك وركعت تحت رجلها وماقويت...
بندر بتنهد/دلع..اللي بينا لازم ينتهي و
دلع قاطعته بقوة/انا اللي انهي اللي بينا بكيفي وبمزاجي ووقت ماابي مو بامر منك يابندر!!ولاانت عندك راي ثاني....
تمنىيقول شي بس كان متردد بقطع العلاقة وترك كل شي ففضل انه يسكت ومايقول شي..وماانسمع غير صوت ضحكتها اللي جلجل المكان,,,,
/////////////////////////////////////////////////////
جواهر/ها بشريني عنه بخير ان شاءالله؟
جواهر وهي بصدر فهد/أي الحمد الله ازمة وعدت بس هو مو نتبه على حاله..
جواهر/انتظرتك تدقين تقولين انك شفتيه مادقيتي!!قلت اقوم اتطمن انا عليه بنفسي؟
نجود/والله نسيت حبيبتي معليش لاتشرهين علي..
جواهر/يالله سلمي عليه ماشوف شر..تصبحين على خير....
نجود/الله يسلمك...
سكرت جوالها...وقالت له,,,هاذي جواهر تسال عنك..وتتحمد لك بالسلامة..
فهد/الله يسلمها...كل يوم يمر علينا اكتشف ان علاقتك بجواهر اكبر من اللي تحكيني عنه!!
نجود/جواهر انا معها حكاية ثانية عن كل الحكايات يافهد!!!!
فهد ابتسم بضعف/يعني كانت تستاهل دموعك يوم شفتك ذاك اليوم وانتي تبكين علشانها!!
نجود/للحين تذكر؟
فهد حط يده على شعرها وقام يلعب فيه وهو يتكلم ويناظرها وكانه يتذكر/وانا اقدر انسى ها اليوم اللي جمعني فيك,,,كنت متحطم فعلا...ماتوقعت انك بتبكين بلحظة من اللحظات ..كنت شايفك قوية واقوى من كل شي ومايهزك شي...
نجود/الله يلعن بنيدر اللي فرق بينا ذيك اللحظات,,
فهد/ليش ماتحبينه؟
نجود/انا مو اكرهه يافهد بس صدقني انا اشوف شي يمكن محد يشوفه معي؟,,,,بندر مايناسب جواهر,,,اليوم لو بكرة لو حتى بعد عشر سنين في شي بينهم مو متوازن بالعلاقة..مدري احس انهم ماراح يكملون يافهد....يمكن حبهم لبعض جاي بجنون وبقوة ..بس بيصير شي وبيبرد لهم ها الحب...
فهد/دايم متشائمة يانجود من علاقا الحب؟
نجود/لا يافهد مو متشائمة بس صدقني دايم احاسيس تقولي ها الشي واحاسيسي ماتكذب علي يافهد,,,,ان شاءللله انهم يكونون لبعض ويكملون الدرب اللي ارسموه مع بعض...
///////////////////////////////////////////////////////////اليوم الثاني بالمدرسة,,,
قعدت نجود بغرفة المعلمات عادي وكانت هي بنفسها تبي تتخطى الازمة اللي بينها وبين منال ,,,
هاجر/ها عسى ماشر شكلك نعسانة؟
نجود باابتسامة/أي والله مانمت البارح كويس...
هاجر/أي باين النعس بعيونك..
نجود/وي فشلة شلون ادخل للطالبات كذا!!بقوم اعدل كحلي......
هاجر اول مادخلت منال/ها ..بشري شلون عمك فهد..
منال/ان شاءالله احسن من امس مادقيت له...
نجود/سلامته..ماعليه باس....
منال بفرح/الله يسلمك يارب...الشر مايجيك....
نجود/وش عنده؟
منال/شوية تعب بصدره.....من ها السجايراللي مايفارقها؟
نجود/وليش تاركينه مع ها السجاير ...ورى مايقطعهم؟
منال/عمي فهد,,,هو والسجاير علاقة خاصة مستحيل احد يفرقهم,,,,,
مها/نجود روحي اخذي اولى ثالث اللحين بدل الرابعة ..
نجود/اللحين يوم راحت ربع ساعة من الحصة؟
مها/أي نوير غايبة وماابيهم يضلون فاضيين من الحصة الاولى..
نجود/طيب.....بس حصتي الرابعة باخذها لاني مابخلص معهم..
مها/راجعي مع سعدى لاني عطيتها خبر وقالت بتاخذهم الرابعة بدل السادسة..
نجود/ياسلااام...

راحت الفصل وسكتوا كلهم ..
نجود/السلام عليكم,....
وعليكم السلام والرحمة,,,,
نجود/وش جايبن معكم اليوم؟
مروة/ادب....
نجود/وين باقي البنات...

نور/غايبين..
نجود/هذولا كلهم غايبين؟؟؟كم وحدة غايبة؟
الجازي/الحاضرين احد عشر وحدة بس...
نجود وهي تناظر بالجازي/معناته الغايبين تسع وعشرين وحدة!!!ليش شعندهم..
نور/ماندري....
نجود/حتى ملاك غايبة؟
مزنة/ملاك تعبانة..
نجود/سلامتها وش فيها؟
مزنة/مدري بس هي تعبانة....
نجود/انا قايلة لكم من قبل لو تكون طالبة وحدة بس بشرح لها الدرس ومايهموني الغايبين لااحد يجي يطالبني بالاعادة؟؟طلعوا اوراق ...
مروة/امتحان!!
نجود/أي امتحان سريع..
نور/ماقلتي لنا..
نجود/ومن متى اقول لكم عن الامتحانات!!مو المفروض انكم تكونون مستعدين باي وقت؟
ليش ماذاكراتوا الدرس القديم؟
الجازي بثقة بعد ماصارت تناظرها نجود/الا مذاكرينه...
نجود/خلاص الامتحان بيكون بالدرس القديم,,,,
//////////////////////////////////////////////////////
علي/جهزي اغراضي..
عبير/بتسافر؟
علي/لا..
عبير/وليش اجهزهم؟
علي/بطلع مع الربع للبر...بيطلعون يخيمون اربعة ايام...
عبير/.............
علي/واذا سالوا بيتنا عني قولي لهم مدري وينه لاتقولين لهم اني رايح البر...بيتنا يكبرون الشي ويسونه قضية؟
عبير/اللحين روحتك للبر بيسوونها قضية؟
علي/خلاص سمعي اللي اقولك عليه وسويه وانتي ساكتة ليش بعد تسوين لي فيها سين وجيم؟
عبير/ياكلمة ردي مكانك!!!خلاص حقك علي ماالمفروض اني اناقشك بشي تقوله؟
علي/مدام انك تدرين ليش بعد ها الاسئلة الكثيرة...
عبير/...............................
علي/...........
عبير/علي..
علي/نعم...
عبير/شلون...شلونه,,
علي/شنو؟
عبير/ها,,لاخلاص...(ماتدري ليش كانت بتجازف وبتساله عن لمياء شلونها..بس باخر اللحظات فضلت تداري جرحها وتسكت)
علي/تبين شي؟
عبير/واذا كنت ابي بتسويه؟
علي/بعد التفكير فيه اكيد لا..
عبير ناظرته بنظرة مجروحة وباين عليها الانكسار وتنهدت بحزن ومشت ترتب اغراضه بقمة الهدوء..
بس الغريب ان علي كان واقف يناظرها وهو متندم ان قال ها الكلمة,,,اول مرة يتندم على معاملته القاسية لعبير!!!!
واعتبر انه تسرع بالكلمة اللي رماها على عبير وكان المفروض انه يفكر قبل لايقولها لها....
///////////////////////////////////////////////////////
العصر ....
فهد كان قاعد بالمستشفى ومعاه اهله ام مصعب ومصعب والجازي ..مشاري ولمياء وابو مشاري وام مشاري ومروة ومي ...
ونجلاء وعيالها...
ابو مشاري/لا اليوم صحتك احسن من امس..
فهد/الحمد الله كلمت الدكتور يكتب لي خروج بس مارضى قال خذ لك راحة لبكرة وبعدها بشوف...
ام مصعب/وهو الصادق ياخوي خلك هنا مرتاح لاحق على عوار الراس..
لمى/بابا لازم تاكل علشان تقوم بالسلامة,,,,
فهد/ان شاءالله يابابا...
فيصل/شفت حت انت تمرض يعني مو اذا شفتني اكل ايسكريم تقولي مايصلح وبتمرض!!!
نجلاء/أي عاد ابوك مرضه من ها السجاير اللي طول يومه ماتفارقه مو من الايسكريم يافيصل!!
مروة/عمي ترى رحاب تسلم عليك....
فهد/كلمتني قبل شوي..شلونها وشلون بنتها؟
ام مشاري/الحمد الله طيبين....
ام مصعب/منال قاعدة معها؟
ام مشاري/أي كلموها بنات قالوا بيجون يتحمدون لها بالسلامة وانا خفت اطول هنا قلت لها قعدي مع اختك......بعدين تعالي مع محمد...
ام مصعب/لا بغوا يجون يمرون على فوزية اجل...طلعتها من الدوام قايلة بتمر خالها....
فهد/مصعب ...
مصعب/هلا خالي....
كان يناظره بمعنى تقرب..وفهمها مصعب وراح لعنده...
فهد بهمس/ابيك تروح تطلع لي رقم ...وتجيبه لي بعد ماتوصل امك؟
مصعب/رقم ياخالي وتبيه اللحين مالك الا سوا..
فهد/سوا عاد ولابطيخ؟؟؟طلعه ومر خذ لي جهاز وجيب معك جوالي تراه بالسيارة انا قفلته قبل لااجي هنا...
مصعب/طيب تبي شي ثاني..
فهد/أي خلص وتعال نجود بتجي لعندي وابيك تظل موجود علشان لو كان احد هنا تعطينا خبر لانها مابتقدر تجي اخر اللي مثل امس؟
مصعب/طيب....
////////////////////////////////////////////////////////
نورة/في واحد متقدم لنجود؟
هنوف/اتوقع توافق عليه..
نورة/ليش؟
هنوف/يمكن علشان جواهر انخطبت هي بعد بتنخطب....
نورة/مدري والله بس انا اقول يمكن علشان انه ولد عم ابوي توافق عليه.....بس ناصر يقول مايتوقع لانه شخصيته ماراح تلوق لنجود ابدا على قولته خيخة...
هنوف/ومن طلب رايه الاخ ناصر بعد؟
نورة/وش فيك على اخوي؟
بها اللحظة كان ناصر دخل البيت ...
هنوف بعصبية/ولاشي..
نورة/ماتلاحظين اني من اجيب طاري ناصر تتضايقين بها اليومين؟
هنوف بعصبية/علشان اخوك واحد مايقدر ابدا!!!يوم اللي كان متضايق ورحت اساله شفيك غسل شراعي من فوقي لتحتي,,,,جزاتي اني رايحة اسال عليه؟
ناصر من وراها/وانتي زعلانة وحاطة بخاطرك؟
هنوف بعصبية بس بمكانها مالفت لناصر/أي...انا ماحب احد يتعامل معي كذا!!!انا ماسويت لك شي ومااعتبرته غلط اني اجي اسال عنك؟
ناصر بطيب/والله ماكان قصدي..يعني انا فعلا كنت لحظتها متضايق ومدري شسوي وانتي مزحك ماكان بوقته ومافهمتي علي اني ماودي اضحك!!
هنوف بعصبية/بس هذا مو مبرر ياناصر؟؟؟مو كل موقف نغلط بتعاملنا فيه نوجد له عذر سريع تحت شعار ماكان قصدي!!!
ناصر/يووووو شايلة علي بجد يعني!!!
هنوف/................
نورة/والله ماتخيلت ابدا انك تزعلين من ناصر ابدا!!انتي تدرين انا وانتي واحد عنده!!
هنوف بعصبية/وانا ماابي اكون انا وانتي واحد!!خلاص بطلنا!!!
ناصر بصدق/اسف..ماكان لازم اجرحك واغسل شراعك ذيك اللحظة...بس اللي لازم تفهمينه ياهنوف..انا قلبي مايشيل على احد ابدا!!مهما كان غلط ها الشخص علي؟؟؟؟وبتتاكدين بنفسك اني مو قاصد فعلا اني اجرحك...انا كنت متضايق وتعبان واسف اني نفست جرحي فيك انتي بالذات كان المفروض اني احترم انك بنت عمي مو اختي وانك مو لازم تتقبلين غضبي وتمتصينه!!اسف هنوف..فعلا اسف....وبراحتك ماتبين تكونين انتي ونورة واحد هذا شي راجع لك بس تاكدي انك ربيتي بها البيت مع نورة وان معزتكم بالقلب وحدة....
مشى عنها وظلت نورة تشوفها وهي تمسح دموعها.....
نورة/وش فيكم قلبتوا دراما ؟
هنوف كانت افكارها مختلطة حبها لناصر وجرحه واعتذاره اللحين وكلامه عن انها ونورة واحد كل هذا قاعد يدور في بالها!!كيف جا في بالها للحظة وحدة انها تزعل من حبيب القلب وماتفكر انها هي اللي المفروض فعلا تمتص غضبه مثل ماقال!!!ليش حسبت السالفة بطريقة ثانية واعتبرتها جرح لكرامتها!!
ملزومة هي اللي تعتذر من ناصر ...يابعد قلبي انت....اسفة والله اسفة ماكان المفروض اني انفعل بها الطريقة ابدا!!!!
نورة/هنوف وش فيك لايكون صدق زعلانة وبتاخذين على خاطرك؟
هنوف وهي تمسح دموعها/لا...انا كنت حساسة شوي ماكان المفروض اكبرها مع ناصر...ادري فيه طيوب ومايقصد شي....
نورة/بسيطة..ناصر قالها قلبه مايشيل على احد ابدا اشرحي له انك انفعلتي وهو بيرضى اكيد..
هنوف/امممم هذا اللي بيصير..
/////////////////////////////////////////////////////
بعد صلاة المغرب كانت قاعدة بغرفة الانتظار بالمستشفى....
كلمته على المستشفى وقال لها ان مصعب بيكون متواجد هنا وبيجيب له جوال اليوم اريح لهم...
وان بعد الصلاة بيكون محمد منال وفوزية معه وبعدها بيطلون ..
وكاهي قاعدة لاشافت مصعب مر ولاهم يحزنون ولاهي عارفة طلعوا ولالسه.....
كانت تلعب بجوالها يوم مرت الممرضة الفلبينية ونادتها...
نجود/غرفة 423 ..
الممرضة/يس..
نجود/غرفة فهد الفارس..
الفلبينة/أي موجود..
نجود/معاه احد؟
الممرضة/مايدري...
نجود فتحت شنطتا وطلعت ميتين ريال حطتهم بجيب الممرضة/تشوفينها وتردين لي خبر انا هنا انتظر؟
الممرضة بحماس/دقيقة وبيجي...

مرت دقايق وبعدها رجعت...
الممرضة/مافي احد يقدر يروح انتي اللحين.
نجود/طيب شكرا..
قبل لاتقوم دقت على غرفته ورفعها وكانه ينتظرها...
نجود/هلا..
فهد/هلا فيك
نجود/مامعك احد..
فهد/طلعوا قبل شوي..
نجود/مصعب نكب فيني على فكرة.
فهد/بذبحه اذا رجع لاتخافين!!
نجود/يالله انا جاية لك....
سكرت منه ودخلت جوالها بشنطتها ومشت للجناح اللي هو موجود فيه ...
ودخلت بثقة بس يوم وقفت عند سريره اكتشفت ان في واحد قاعد معه مو بروحه,,,,
///////////////////////////////////////////////////////////////////جواهر/لا بس عندي موعد مع المشغل علشان الثوب..
بندر/ماوريتيني شكله؟
جواهر/لا خليها مفاجاْة؟
بندر/لاتكفين بلاها ودي اشوفه..اذا رحتي للبروفة خذيني معك...
جواهر/ياسلاااام لاحبيبي ليلة العرس بتكون كلها مفاجاْة بمفاجاْة؟
بندر/عندي مشروع لليلة العرس؟
جواهر/شنو؟
بندر/خليها مفاجاْة؟
جواهر/ياسلااام وحدة بوحدة يعني!
بندر/ههههههههه
جواهر/قول...اذا قلت لك مابتصير مفاجاْة؟
جواهر بدلع/افا انا حبيبتك ماتقولي وتخليني افكر...
بندر/طيب...شريت ارض بالدمام....
جواهر/اممم وبعدين..
بندر/و تعاقدت مع شركة تبنيها لي بثلاثة شهور وبتكون خالصة ان شاءالله...
جواهر/طيب...وش فيها..يعني وش سالفتها ها الارض؟
بندر/امممم ببنيها قاعة افراح..
جواهر/ليش؟
بندر/لك....
جواهر/لي؟؟
بندر/أي.....قاعة افراح تفتتحينها انتي بليلة عرسك...لك انتي وحدك ماوطتها عروس قبلك ياقلبي....ها وش رايك.؟
جواهر بذهول/بندر انت تتكلم من جدك.؟
بندر/طبعا...اصلا خلصت اوراقها كلهم...وتقرر تسميتها قاعة الجواهر للافراح...
جواهر بعدها بذهولها/مو مصدقة جنونك؟
بندر برومنسية/بيكون شكلها رهيب...مثل ماكنتي تحلمين وتقولين لي..حلمك اللي كنتي تقولينه قرب يتحقق حبيبتي..
جواهر/أي بس يابندر....كم وكم بتكلفك..احنا داخلين على عرس وشهر عسل..
بندر/لاتخافين انا مرتب كل الامور ..وبتروحين احلى شهر عسل...مانسيت انك تبين تروحين النمسا ...
جواهر/............
بندر/ها غيرتي رايك وبتوريني فستان العرس قبل ولا لازم بعد اعطيك من هنا وهنا علشان ترضين وتقتنعين !!!
جواهر/ترى للحين السالفة مو داخلة عقلي...مو على اساس ان العرس بيكون بفندق الميرديان وش اللي غير رايك؟
بندر/فكرت اني اهديك هدية عرسك شي مميزويليق بمقامك عندي...
///////////////////////////////////////////////////////
نجود/عفوا..
فهد/لا اصلا سالم بيقوم اللحين؟
سالم بذهول/توني جاي ماقلت بقوم؟وبعدين نجود تعرفني مو مشكلة يعني!!
نجود/شلونك سالم...
سالم/بخير..واخيرا التقينا...
فهد بضيق/خلاص سالم زيارتك وصلت بعدين تعال...
سالم/شفتي الذوق اللي فيه يانجود توني مامداني قعدت على الكرسي جاي اسال عنه يقول لي قوم!!
نجود/لامعليش ارتاح انا بكون هناك خذ راحتك..
طلعت وهي ودها تقتله مو تقوله خذ راحتك...
وبعد ماطلعت..
فهد بضيق/كان لازم تجي ها الوقت!!!
سالم/والله هي اللي انسحبت انا عادي ماعندي مشكلة نقعد نسولف مع بعض!!!
فهد /زين اجل...وهذاك الثاني بعد ماصار ذا جوال اللي بتطلعه وبتاخذ لي جهاز؟
سالم/وش فيك محترق دمك..توها الساعة ثمان بتقعد معك لاتخاف....
فهد/تعرف اني انتظر جيتها بفارغ الصبر....
سالم/هاذي طردة معنونة؟
فهد/سالم واللي يعافيك بكرة لاطلعت من المستشفى ماراح اشوفها...
سالم/قمت قمت لاتذبحني !!!وين الحلاوة باخذ لي بعد جيت اسال عنك محسوب علي....
فهد/شيل معك الصندوق كله بس واللي يعافيك ناديها بطريقك....
سالم/طيب...واطلع بالصندوق كذا مو مشكلة مايقولون سارقه!!
فهد/لاماراح يقولون بس روح ناديها!!!
سالم/شكلك متضايق مني وانا اخوك !!بس يالله بروح اناديها لايرتفع ضغطك ونبتلش فيك....
طلع ومر على غرفة انتظار النساء اللي بالقسم وكانت الغرفة مفتوحة ونجود قاعدة قبال الباب وكانها تنتظر تشوفه قايم...
سالم/انا ماشي..
نجود/لاخذ راحتك..
سالم/لاوالله مو من صدقكم خذ راحتك؟؟؟؟؟ادري فيكم تبوني اقوم؟
نجود وقفت وهي بقلبها تقول زين بعد انك فهمتها..
سالم بجدية/يانجود....انا مع فهد كل الوقت..من زمان وعشرة عمر بينا...ماعمه تعلق في احد مثل ماتعلق فيك ولاحتى فتح قلبه لااحد وعطاه مشاكله وهمومه غيرك!!!ياليت بس تكون مشاعرك ناحيته صادقة مثل ماهي مشاعره ناحيتك!!!
نجود بحدة/اخ سالم انا مااتلاعب بمشاعره ...
سالم/انا ماقلت تتلاعبين بمعنى تتلاعبين بس انا يعز علي انه يكون متعلق فيك وان مشاعرك ماهي ميالة له كثره,,,رغم انه لمى يجي يحكيلي اللي بينكم انصفك منه دايما.....
نجود مشت عنه لغرفة فهد ولفت قالت له/شاكرة لك خوفك على فهد..وفرصة سعيدة ان احنا التقينا!!!
////////////////////////////////////////////////////////////مضاوي/انتي ناوية تاخذين جاهز ولاتفصلين؟
لبنى/بفصل طبعا..
عبير/انا عن نفسي باخذ جاهز..التفصيل شغلته شغلة وروحة وجية وانا صبري قليل,,,
مضاوي/وش رايكم نلبس كلنا مثل بعض؟
لبنى/كلنا!!
مضاوي/أي كلنا...
عبير/فكرة حلوة...بس بنروح فيها ولاشرايك لبنى؟
لبنى/طبعا بنروح فيها..ماعرضتي الفكرة الا وانتي واثقة من نفسك اخت مضاوي الكل بيقول مشاءالله مضاوي احلاهم!!لا ياباب هاذي تزوجت وخلصت مابيهمها شي وهنيف الدرب قدامها واقعد انا عند ابوكم مااعرس طول عمري,,,,
عبير/هههههههه
مضاوي/من جدك لبنوا تبين تتزوجين بسرعة؟
لبنى بنفاذ صبر/اليوم قبل بكرة!!
عبير بحزن/من زين العرس عاد يالبنى!!!!
لبنى/.............
مضاوي/..............
عبير/............
عم الصمت والهدوء بينهم بعد كلمة عبير وكانهم حسوا بتعبها من ها العرس..
عبير تداركت الموضوع/يعني هي مو قاعدة لاتاخذون كلامي جدي!!!كل انسان ياخذ نصيبه!
لبنى/على قولتك كل انسان ياخذ نصيبه,,,,بس ساعات ياعبير غيرك يقرر مصيرك وانتي ماتقدرين تقولين لا بحجة ان الاهل ادرى منك بمصلحتك!!صرت اكره ها الكلمة واكره تحكم الاهل اللي يختارون حياة عيالهم,,,,
عبير/الحمد الله على كل حال..
مضاوي/تعرفون من اللي طرى على بالي اللحين؟
لبنى/منو؟
مضاوي/رياض ولد خالي؟
عبير/ليش شفيه؟
مضاوي/يوم كان عندنا قبل اسبوع..قال لاامي ان زوجة رياض عندها ورم سرطاني وايامها معدودة..ورياض عارف ها الشي وقاعد يمهد لولده ..يبعده عنها بالتدريج علشان لاتكون صدمة فقدانها كبيرة عليهم..
عبير/لاحول الله...كل شي بيد الله ليش بس ...
لبنى/صحيح ياعبير كل شي بيد الله بس بعد هذا الورم ماترك الا الناس القليلين بحالهم..الله يرحمها حية كانت لو ميتة ويصبره ويصبر ولده واهلها...شرع الله ومن يقدر يعترض عليه؟
عبير/كم عمره ولده؟
مضاوي/ماكمل السنتين بعد...
عبير بحزن/ياحرام صغير...
////////////////////////////////////////////////////
نجود/بتنفس الصعداء لو بيجي احد بعد!
فهد ابتسم لعصبيتها وسكت..
نجود/بغيت وانا داخلة اغلق الغرفة وراي بالشمع الاحمر!!
فهد/وليش ماسويتيها؟
نجود/شلونك اليوم..
فهد/الحمد الله بخير...
نجود/الحمد الله....فهد ريحة الغرفة......سجاير؟؟؟قاعد تدخن وانت بالمستشفى؟
فهد/.....................................
قامت من مكانها وجت لعند الطاولة اللي جنب فراشه وفتحت الدرج وشالت الباكيت بالولاعة بس يد فهد امسكتها..
فهد/اتركيهم...
نجود بحدة/انت من صدقك ماتخاف على نفسك!!!ولا تحب انك تشوف خوفنا عليك؟
فهد/نجود اتركيهم انا مقدر اعيش بدونهم!!
نجود/تقدر؟؟؟وش فيها ها السجاير من زود علشان تتعلق فيها ها؟
شالتهم ومشت..
فهد/بجيب غيرهم...حتى لو شلتيهم...
نجود بثقة/ماتقدر...سمعتني ماتقدر!!!!
عم السكوت غرفتهم ورجعت قعدت على حافة السرير وصارت قباله..
نجود بحنان/حبيبي فهد انا جنبك...اشكي ..سولف...انا اسمعك,,,عطني كل شي مضايقك ومكدر خاطر,,,اعتبرني سيجارتك اللي تشكي لها وارجع اشكي لي مثل قبل..وش اللي مضايقك ياقلبي قول انا اسمعك....
فهد تنهد/كل شي حولي مضايقني!!
حطت يدها في يده وحست ببرودة يده..جابت يدها الثانية وغطت يدينه بيدينها وكانها تدفيه..
قالت تستحثه يكمل حكيه/وش اللي حولك متعبك عاد!!
فهد/العيال يانجود العيال!!سارة تحديدا....مو عارف كيف اتصرف معها!!ونجلاء ماهي مساعدتني كل ماتقربت منها هدمت هي بالجهة الثانية...
نجود/حبيبي سارة تمر بفترة مراهقة وها الشي طبيعي ..ممكن انها تتصرف تصرفات خارجة عن المالوف بس اللي مو طبيعي فيها انها تتصرف ها التصرفات وتنترك على راحتها بدون ماتفهم ان الشي اللي سوته غلط ؟اذا استلزم الامر بعقابها عاقبها ولاتتردد؟
فهد/شسوي يعني!!!اخر حل فكرت فيه هو اني اتركها عند عمتها ام مصعب لان محد يقدر عليها غيرها!!
نجود/انك تبعثها عند عمتها بموقف غضب وتعرف هي انك جايبها هناك علشان تتاْدب وتغير تصرفاتها اكبر غلطة بترتكبها يافهد!!راح يزيد عنادها وتزيد حركاتها وتصرفاتها الطايشة يافهد..
فهد بتعب/والحل معها يانجود..
نجود/خذها بالسياسة..عاملها على انها كبيرة وفاهمة....اعزمها بعد ماتقوم بالسلامة ان شاءالله على مطعم محترم واعتبرها ضيفة وصديقة..حط راسك براسها وانزل لمستواها..اسالها عن احلامها,,طموحاتها ,,وش الشي اللي هي تفكر فيه,,,عطيها المميزات والاشياء اللي انت تحبها فيها ..وخفف من ذكر عيوبها علشان لاتعتبرك جاي تاْنبها..اوعدها بانكم تفتحون صفحة جديدة وتكونون اصدقاء مو مجرد اب وبنته...اسالها عن الايام والذكريات الحلوة بطفولتها واللي تتذكره وليش للحين راسخ بمخيلتها...يعني مواقف صارت بينكم ومن ها القبيل..زصدقني يافهد الحوار والسياسة مع أي كان تجيب نتيجة مذهلة..بعدها لو حسيت انها بمتاعبها وماتغير فيها شي ممكن انك تشوف اسلوب ثاني اكثر صرامة..بس بالاول حاول تنزل لمستواها وتكون قريب منها,,,,
فهد مسك يدها/بعدك كارهتها يانجود...
نجود/سارة مو محور حديثنا اللحين يافهد؟
فهد/بس انا ودي اعرف ...
نجود/لا....مو لانك ابوها ولاني احبك قلت لك لا...بس سارة ذكرتني باختي هيا...تحبني حب موطبيعي..وتغار من كل اللي يتقربون مني وتكرههم,,,لين كبرت وهي بعدها على ها الخط ومو قادرة تتغير...ياما واحنا بعمر سارة صارت سوالف ومشاكل بينا على ها السالفة كرها يمتد لصديقاتي المقربات وبنات عمي..كل شي عندها ولااحد يقرب لي...وسارة ماسوت الحركة لي من باب فراغ..تعلقها الزايد بملاك الفايز وبعد ملاك عنها وتقربها مني هو اللي خلاها تكرهني وتحاول تاْذيني,,,,
فهد/............
نجود/بس السؤال هل هو انا راح انسى لها ها الموقف يافهد ؟وعلشان اكون صريحة معك ماراح انساه الا لين ادبتها انا بنفسي وجتني مذلولة وقالت لي اسفة بكل ندم؟
///////////////////////////////////////////////////////
نورة/ناصر..
ناصر/نعم..
نورة/هنوف تبيك عند الباب...
ناصر/وليش ماتدخل..ليش واقفة عند الباب..
نورة/بتروح بيتهم بس قالت تبي تقولك شي قبل لاتمشي..
حط ريموت التلفزيون على جنب وطلع عند الباب..
كانت هنوف واقفة وبيدها باقة ورد حمرة...
شافت ناصر ومدت يدها بالورد..
ناصر/شنو..
هنوف/ناصر انا اسفة ياولد عمي...
ناصر/على شنو؟
هنوف/على اللي صار بينا من سوء فهم.
ناصر/لا عادي...اهم شي انك تكونين مقتنعة ان الجد له وقته والمزح له وقته وماتزعلين لو كنتي انتي الغلطانة؟
هنوف/تعلمته درس ياولد عمي تعلمته....خذ..مدت يدها بالورد واخذه ناصر,,
ناصر/شسوي عاد انا بالورد؟
هنوف/ليش...
ناصر/لو جبتيلي شي اكله احسن على الاقل استفيد منه!!
هنوف/يااخي قلت بعلمك الرومنسية؟
ناصر/أي صح انا قايل بصير رومنسي اكثر من بندروا وبصير على كل لسان...
هنوف/ومن زينه عاد بنيدر؟
ناصر/انا ادري عنهم مسوينا مهند ؟؟؟
هنوف/ومن زينه هذا الثاني بعد!!!
ناصر/ههه انتي محد عاجبك ابدا!!!
هنوف/يبى انت تسواهم وتسوى طوايفهم بعد!!
ناصر/تسلمين ياهنيف بس تصدقين كان عندي احساس كبير انك بتعتذرين؟
هنوف/تعجبني يالواثق؟؟؟
ناصر/ماهي مسالة ثقة بس انا متاءكد انك ماتعيشين بدون مقالبك وماتعيشين بدون شقاوتك وعارف ان ماغيري ممكن يتحملك ويتحمل جنونك ..يعني بالمختصر مردك لي!!!
هنوف/ههههههه
ناصر/يالله شكرا على الورد...تصبحين على خير...
هنوف/وانت من اهله..الليلة بنام مرتاحة الضمير؟
ناصر/هههه شدعوة امس نمتي وانتي مقهورة؟
//////////////////////////////////////////
محمد/باقي عشرين يوم بالضبط؟
فوزية/على شنو؟
محمد/على جية ابوك بالسلامة؟
فوزية/الله يسلمك وليش تحسب جية ابوي بتجي كل يوم تفطر عندنا برمضان؟
محمد/ياليت والله اذا تبوني بجي...
فوزية/شدعوة البيت بيتك ياعمري انت الداخل واحنا الطالعين..
محمد/عساك سالمة ياام وليد..
فوزية/مشاءالله وسميت نفسك بعد ابو وليد وسميتني معك..كذا بدون شور ولاحتى تاخذ راي؟
محمد/والله انا بيني وبينك سامعه مرة من عمي فهد يقول لمشاري انه لو كان جايب ولدين سمى الاول فيصل والثاني وليد فماتعبت ودورت اسم اخذت الاسم ونسبته لنفسي...
فوزية/اممم والمطلوب مني اني اوافق ابشر مو موافقة عليه!!
محمد/ول؟؟وش ها النذالة عاد ياام وليد...
فوزية/محمد ابو عبدالرحمان...
محمد/عشانه اسم ابوك؟
فوزية/وش فيها عاد...مو حلو اسم عبداالرحمان؟
محمد/بلى..بس وليد اخترته خلاص مابغيره...
فوزية/لالالالا لاتحاول...
محمد/فوز...
فوزية/حبيبي...
محمد/بقولك شي وابي اعرف رايك فيه؟
فوزية/شنو...
/////////////////////////////////////////////////////////////اليوم الثاني مر بسرعة وكانت نجود قاعدة بغرفتها بالسكن بعد يوم دراسي شاق...
افكارها كانت مشغولة من ناحيتي..
فهد طلع بالسلامة اليوم الصبح يعني مابتشوفه اليوم مع ان الود ودها تشوفه بس يالله بكرة علشان تسوي اللي كانت بتسويه ذاك اليوم....
اما ملاك كات شاغلة افكارها من الجهة الثانية..اليوم بعد غايبة..ومزنة تقول انها تعبانة ودقيت عليها مرتين مقفل,,,
ملاك متاءثرة فيك حييل يانجود..لازم تبين لها انك مو مصدقة حكي سارة وماتحطينها تحط بخاطرها..ولاانتي ناسية اللي فيها,,,,
حطت في بالها شي تسويه وقامت قبل لايتداركها الوقت,,,,
////////////////////////////////////////////////////////
. لبنى/أي ياقلبي معك..
عبدالعزيز/ورحنا اليوم للوالد زرناه..
لبنى/عساه بخير..
عبدالعزيز/يعني وش تتوقعين..الحمد الله على كل حال..
لبنى/.الله يفرجها..المهم ماقلت لي بعدين شسويت معها؟
عبدالعزيز/منهي؟
لبنى/اختك يوم تشوف الثوب؟
عبدالعزيز/أي..مااقتنعت للنهاية بللي قلته لها..
لبنى/يعني انا لو مكانها بعد مابصدقك؟؟وشوا تقول لها وحدة مرجعته من المحل وكنت مسكر المحل وجبته معي البيت وبكرة برده!!!
عبدالعزيز/ههههه أي شسوي ماتوقعت انها بتكون قاعدة وبعدين سويت روحي عدل وقلت بغلفه وبحط لك حركات انقلبت علي السالفة ..المهم متى باشوفك علشان تاخذينه!!!
لبنى/مدري...
عبدالعزيز/جاب لي الشبهة ها الثوب....
لبنى/ههههه..اخذت الدواء؟
عبدالعزيز/ يالله عاد شوفيني كاني حصان مافيني الا العافية....
لبنى/حبيبي لا..مو تهمل نفسك وبعدين تقول مافيني الا العافية ترى الانفلونزا كريهة لو ماحاربتها زين بتتعبك بعدين..
عبدالعزيز/عمك شلونه؟
لبنى/الحمد الله طاب .....
عبدالعزيز/الحمد الله...هذا الغالي..
لبنى/أي والله انه غالي...تصدق اني مااحب ابوي كثر مااحب عمي..وطول الوقت ..استغفر الله اتمناه هو ابوي مو ابوي؟؟؟؟عمي طيب وحنون لاابعد حد والاهم انه تارك حياة عياله وقرارتهم بيدهم..مااقولك انه فالها معهم بس يقعد معهم يسمعهم يناقشهم مو يسوي اللي في باله مثل ابوي؟
عبدالعزيز/الحمد الله يالبنى..قولي الحمد الله..
لبنى/الحمد الله على كل حال..
عبدالعزيز/الا شخبار اختك عبير
لبنى/شفيها؟
عبدالعزيز/
مااشوفك جايبة طاريها ابدا ها الايام!!
لبنى تنهدت/عبير ياعيني عليها ذبلت خلاص ياعمري ومابقى فيها شي....
/////////////////////////////////////////////////////////
ملاك قامت من فراشها وقالت بشك/انتي متاْكد انها ابلة نجود؟
ام ملاك/أي يمه...ابلة نجود جاية تسال عنك..
ملاك قامت وهي حايسة بعمرها/ياربي وش اسوي ..وش البس..شاقول لها..ليش هي جاية..
ام ملاك/جاية تسال عنك تقول صار لك يومين غايبة ومقفلة جوالك؟
ملاك بخوف/يمه....هي صدق جاية تسال عني ولاانتي مكلمتها؟
ام ملاك بحب/يمه انا توني اول مرة اشوفها؟
ملاك بحذر/اكيد يمه...
ام ملاك/يالله يمه لبسي مو حلو تركناها قاعدة تحت بروحها...يالله انا بسبقك اضيفها واقعد معها لاتتاخرين ياملاك عيب تتركينها تنتظر؟

طلعت امها وهي حاسة انها بتطير من الفرح ...نجود وعندها بالبيت ..هذا حلم لايصدق لااي طالبة تحب نجود ..بس فجاْة وقفت ودق قلبها..معقولة ان نجود صدقت كلام ملاك وجاية تاْنبها قدام امها ؟؟؟؟لاهي لازم تدافع عن نفسها...
طلعت لها بنطلون ابيض وبلوزة سودة مكممة ورفعت شعرها كله ونزلت لنجود وهي حاسة بشعور غامض ماهي عارفة تفسره وقفت عند باب المجلس فترة قبل لاتدخل كانت تبي تستشف نبرة صوت نجود اذا كانت متضايقة ولازعلانة,,بس لقتها تسولف مع امها بطبيعة..وهم يتكلمون عن الكيك,,,ارتاحت انها مو بالسالفة وان امها ماقالت شي دقت الباب ودخلت..
نجود رفعت عيونها وشافتها...
نجود/هلا والله...سلامات عسى ماشر..
تقدمت بهدوء لعندها وسلمت عليها باليد وقعدت جنبها...
نجود/شفيك على الغياب قلنا عقلتي وماصرتي تغيبن..
ملاك بهدوء/كنت تعبانة؟
نجود/ولا عيارة!!
ملاك/يمه مو صدق تعبانة!!
ام ملاك بابتسامة/أي صدق تعبانة ياابلة نجود..
نجود ابتسمت/ادري فيها تعبانة بس ابيها تنطق؟؟؟وش فيك...ها؟
ملاك سكتت..
ام ملاك/استاءذن انا..
نجود/قعدي والله مبسوطين بسوالفك ياام ...ام شنو..
ام ملاك/ام رائد..
نجود/الله يحفظهم كلهم لك....
استاْذنت ام رائد وطلعت رغم اصرار نجود عليها تقعد معهم بس انها قامت ..واول ماطلعت من الغرفة لفت لعند ملاك ولقتها منزلة راسها وهادئة هدوء غير طبيعي وكانها مو ملاك المجنونة بالمدرسة..
نجود/ملاك..
ملاك /..........
نجود/ملاك...لازم نستوضح الموقف مع بعض...
ملاك قامت تبكي وحطت يدها على عيونها..وقالت من بين دموعها /والله العظيم ماسيوت شي ولاقلت لها عن شي ..ليش مو راضية تصدقيني!!
نجود/انا ماقلت اني مو مصدقتك....انا اقول لازم نتكلم مع بعض..رفعي راسك ومسحي دموعك..
ملاك بعدها ببكيها....
نجود/عارفة ان ساررة تكذب وعارفة بعد انها افتقدتك وها الشي ضايقها مني!!
ملاك/لو صحيح مثل ماتقولين مابتحط السالفة فوق راسي!!
نجود/هي صارت بموقف محرج منك واكتشفت بنفس اللحظة انها راح تخسرك فمالها اذا تبي تطلع من ازمتها الا انها ترمي بلاها عليك.....وتطلع هي منها..
ملاك/أي بس انا...
نجود/انا ودي اسالك انتي تعبانة علشان ها الشي ؟
ملاك/أي...
نجود/وبتظلين تغيبين لمتى بالله!!
ملاك من بين دموعها/ابلة نجود انا احبك....ومافكرت اني احب غيرك ..اصلا انا ماتعلقت باحد غيرك من زمان!!!تعبت يوم حسيت انك صدقتي كلامها..
نجود/ماصدقتها..انا اعرفك واعرف جنونك واعرف انك ماتضريني لو شصار؟؟
ملاك/ولايهمك باخذ لك حقك منها؟
نجود/انا نجود ياملاك نجود..اخذ حقي بيدي ومااعتمد على غيري.....
ملاك/بتشوف لكن والله..
نجود/خليها تولي عنك..اصلا امشي ولاتعطينها أي اهتمام ياملاك..اتفقنا..ابعدي عنها..عندك بنات الفصل كلهم شزينهم...صاحبيهم بدل منتي مصاحبة لي سارة ومزنة ومدري منو.....
ملاك/...........
عندك الجازي بقمة الذوق والادب..
ملاك بنرفزة/حتى هنا الجازي!!!
نجود/ههههه غيرانة منها...
مدت يدها وقرصتها بخدها....وقالت بتاكيد عناد/مشاءالله عليها الجازي كل الفصل مايسونها!!!
ملاك بضيق/درينا!!!
نجود/عندك مروة..عندك نور..عندك شما...تخيري من البنات العاقلين ياملاك لمتى بتظلين متهورة حتى بالبنات اللي تمشين معهم.....
ملاك/ان شاءالله..
نجود/غيري طبايعك مع البنات...لاتتكلفين معهم عيشي ببساطة مثلهم وعامليهم باحترام وهذا اهم شي....
ملاك/اممم
نجود/يالله انا بمشي..
ملاك باعتراض/وين!!
نجود/خلاص برجع السكن بعد وين..
ملاك/والله ماتقومين تقعدين تتعشين معي..
نجود/لاتحلفيني..انا جاية اسال عنك ويم شفتك عيارة ومافيك شي خلاص بمشي..
ملاك بدلع/حرام عليك نفسيتي تعبانة وزفتة من اللي صار!!!
نجود/نشوفك بكرة بالمدرسة طيب..
ملاك/ماراح تقومين فلاتحاولين ابدا!!!يوم انك دخلتي بيتنا بتقعدين تتعشين معي وبفرجك على غرفتي وعلى بيتنا وعلى صوري وعلى كل شي..
نجود/مرة ثانية ياملاك..
ملاك/مافي امل قلت لك ماراح تطلعين....
/////////////////////////////////////////////////
فوزية/شنو ياقلبي..
محمد/كنت بكلم رحاب ومنال عن علاقتنا وعن ارتباطنا..وقلت باخذ رايك؟
فوزية/تكلمهم!!!
محمد/اذا انتي معارضة ها الشي بلاها...
فوزية/لا بس استغربت...
محمد/منال صار لها فترة وهي تسالني عن سبب تغيري وان اكيد عندي شي....
فوزية/وانت وش قلت لها؟
محمد/قلت لها اني تركت ايم الطيش والخبال وابتديت علاقة جدية مع حبيبية مااستغني عن وجودها بحياتي وان احنا اتفقنا على الارتباط؟
فوزية/..............
محمد/قالت لي لاتعلق بنت الناس بشي انت ماراح تسويه يامحمد..وقعدت احلف لها اك غير وان احنا مع بعض صار لنا فوق الثلاثة شهور واني ابي اخطبك بس تبعل لظروفك مابقدر اخطبك الا برمضان....
فوزية/وش قالت...
محمد/قالت لي ودها تتعرف عليك...
فوزية/ههههه
محمد/بجد...
فوزية/مدري احس اني منحرجة وكاني بعرف ناس توني اتعرف عليهم مو بنات خالي!!!مدري يامحمد انت وش تشوف...
/////////////////////////////////////////////////////
فهد/اقول بابا سارة بكرة بنطلع نتغذى انا وانتي بعد ماتجين من المدرسة طيب...
لمى/وليش سارة يابابا مو كلنا!!!
سارة/وانتي وشعليك؟
فهد/علشانها الكبيرة...
فيصل/طيب انا الصغير...
نجلاء/وليش بعد ها الطلعات برى عندكم الطباخ وقولوا له يسوي لكم اللي تبونه؟
فهد/لا انا عازمها برة بالمكان اللي هي تختاره
سارة/ياااي...
لمى/بابا انا متى راح تعزمني؟
فيصل/وانا بعد متى بتعزمني؟
فهد/كل اسبوع بعزم واحد واطلع انا معاه طيب...
سارة/أي موافقين....
فهد/طيب وش رايكم نروح المزرعة ها اليومين...
نجلاء/وش نسوي فيها عاد !!!
فهد/انتوا ماتبون تروحون؟
فيصل/بلى نبي..
لمى/أي من زمان مارحنا...
فهد/خلاص بكرة تقررون متى تبون تروحون طيب...يالله اللحين تصبحون على خير وكل واحد على فراشه..
سارة/يالله قوموا كل واحد سريره..
فهد/يالله سمعوا كلام اختكم الكبيرة؟
سارة/سمعتوا انا اختكم الكبيرة....
فهد/بتوصلكم على غرفكم وبتتطمن عليكم وبتروح بعدها غرفتها....
//////////////////////////////////////////////////////
كانت قاعدة بشقتها بروحها وكل شي حوالينها هادى...
رغم انهم مايتفقون واذا قعدوا مع بعض ماتطلع من السالفة الا وخاطرها مكسور بس حاسة بغيابها وبفقدان البيت له..
غمضت عيونها بقوة وهي كاويتها نارها..اليوم ثالث يوم وهو بالبر مع اصحابه..مافكر حتى يتطمن عليها ولايكلمها مرة وحدة من راح وكان فراقها صحيح عيد!!!!
كانت دموعها تنزل بلاتوقف على خدها....
الموت اهون لي من عيشتي معك ياعلي....
أي ذنب هذا اللي ارتكبته علشان استاهل منك ها المعاملة القاسية بس..مسكت جوالها وترددت كثيرا..تبي تحسسه انها مخنوقة وانها متضايقة بس ماهي عارفة ..بالنهاية قررت انها ترسل له مسج واللي فيها فيها...
///////////////////////////////////////////////////////
نجود/ناموا؟
فهد بهمس/أي..
نجود/معك احد..
فهد/لا...
نجود/وشلون استقبالهم؟
فهد/فرحانين ....
نجود/الله يديمك لهم؟
فهد/ان شاءالله
نجود/ونجلاء...
فهد/عادي..كل اللي قالته بعد حمد الله على سلامتك يوم الاربعاء بتسوي عشاء بالبيت لااهلها ويوم الخميس لصديقاتها..يكون يعني عشى السلامة...
نجود/ماعلينا تعرف اني فرحانةانك طلعت بالسلامو وهذا الاهم!!
فهد/ماقلتيلي ليش شوفة بكرة؟
نجود/لشي كان المفروض يكون بعد ماجيت بيتكم بيوم بس الظروف اللي صارت منعت..
فهد/طيب ماممكن اعرفه..
نجود/بلى ممكن بكرة تعال على الوقت بفندق فهد كروان وانت تعرف؟
فهد/وانا شستفدت يوم سالتك؟
نجود بعناد/تعرف اني ماراح اقولك...
فهد/عنيدة..
نجود/طالعة لحبيبي..
فهد/لاوالله انا عنادي تحت عنادكم يطلع ماهو شي....
نجود/قلت لك ان واحد من عيال ولد عم ابوي متقدم لي؟
فهد بنرفزة/وانتي شقلتي؟
نجود بثقة/قلت بفكر...
فهد بعصبية/ياسلاام !!وش تفكرين بعد!!!
نجود/انت ناسي انه تقدم لي وانت وانا بعيدين عن بعض!!
فهد/ولو هذا مايعني انك تفكرين لو كنتي فعلا تحبيني!!!
نجود بخبث/وانت ليش مضايق نفسك..انا قلت فكرت ماقلت وافقت وفي فرق بين الردين!!!
فهد /ولاشي..
نجود/قولها....ودي اسمعها..
فهد بعمق/المفروض انا اللي طالع من المستشفى وانا اللي اسمعها مو اقولها!!!
نجود/لاتخاف بتسمعها..قريب حيل بتسمعها مني!!!!شسويت مع سارة؟
فهد/عزمتها بكرة..
نجود باعتراض/ياسلاام وحضرتك نسيت اني عازمتك؟
فهد/انتي اسمعي بالاول وبعدين تكلمي...عازمها على غذى..وانتي الليل بكون معك؟
نجود/أي فكرت بعد انك نسيت موعدنا...ولاتكثر اكل معها تراني عازمتك على بوفيه مفتوح....
فهد/شوي وتقولين لي لاتروح معها!!
نجود/ههههه ياليت والله!!!شسوي اغار من كل شي يقرب صوبك؟
فهد/صحيح؟
نجود/شلون مو صحيح...
فهد/تعبان يانجود وودي انام بالمستشفى ماكنت انام عدل...
نجود/حط راسك ونام وش اللي مصحيك لها الوقت عاد!!!
فهد/نيميني انتي...
نجود/ياليت ياقلبي يليت..
فهد/شوفي انا بحط راسي وبغمض عيوني وانتي ظلي سولفي وسولفي وسولفي لين انام طيب..
نجود/ولايهمك حبيبي.....اهم شي تنام وترتاح...
////////////////////////////////////////////////////////////كان قاعد قبال النار اللي شابيها بالبر...
وقاعد بروحه بعد ماناموا كلهم...كل شي مضيق خلقه...هوشته مع ناصر ..حس انها كلها غلط بغلط وخصوصا يوم انه رفع يده عليه....بس شيوسي وهو اللي مايعرف طريق الاعتذار ابدا!!قطع عليه افكاره نغمة رسايل واصلة له..فتح جواله وقرا بهدوء شديد...
كانت الرسالة من عبير....
(اقلها اسال علي,,شوف ميت ولاحي,,,ولا الفرح مستكثره,,يدخل بقلبي لو شوي!!!)
مايدري ليش حس بالاحراج والضيق من نفسه بها اللحظات,,,
فعلا وش كان بيخسر لو كلمها طمنها عليه وهي اكيد تحاتيه ولاتقدر تتصل فيه لايغسل شراعها كالعادة اذا كانت مالها أي سالفة بس تبي تتطمن!!!
حس انه قاعد يفكر بعبير بشكل جدي...وبكلام نجود عن لمياء...
من شافها وغيرت حياته وهو مو قادر يلتقيها من جديد ويعرف عن حياتها أي شي..وكلام نجود مردده هل هو صحيح ولالا؟
وعبير....عبير الوردة اللي قاعدة تذبل يوم بعد يوم علشانك ياعلي...وانت ولاانت حاس فيها....
اه منك يادنيا كل مافيك يتعب ويضيق الصدر؟؟؟؟
///////////////////////////////////////////////////////////
اليوم الثاني الضهر,,,,
فهد/وهذا المطعم اللي اخترتينه ياسارة...
سارة/اكلهم حلو ..دايم كنت اسمع من ملاك انها تجي هنا مع صاحباتها...
فهد/سارة....انا جاي هنا علشان...
سارة/علشان السالفة اللي صارت صح؟
فهد/لا..علشان نذكر ايامنا قبل...تذكرينها؟
سارة/...................
فهد/ايام ماكنتي صغيرة وشيطونة ودايم تبكين وماتبين احد...كنتي بحياتي مرحلة جديدة وماكنت اعرف اتعامل معك ابدا!!لاني اصلا ماكنت متعود اشيل العيال وهم يبكون...
سارة/وكيف قدرت بعدين تتعامل معي!!
فهد/بالصبر....خالتك ام مشاري قالت لي العيال يبيلهم صبر...اذا كنت تحبها وتبيها تحبك لازم تصبر عليها..اليوم زعلانة وبكرة بترضى..اللحين ساكتة وبعد شوي تصيح..ويوم على يوم لين كبرتي ياسارة,,وكل ماكبرتي زاد تعلقي فيك اكثر؟
سارة/ليش؟
فهد/لانك بكل مرحلة تتعلمين تسوين اشياء جديدة؟؟؟تتكلمين بكلمات جديدة وتقلدين الحركات....
سارة/طيب منو كنت تحب بصغره اكثر انا ولا لمى ولا فيصل؟
فهد/كل واحد فيكم له شي مميز...انتي مثلا المميز فيك انك كنتي البداية وعلمتيني كل شي فيوم جوا اخوانك كنت عرفت من خلال وجودك بينا كثير اشياء...
سارة/امممم
فهد/سارة..انتي وش طموحك تصيرين اذا كبرتي؟
سارة/دكتورة...
فهد بفرح/صحيح...
سارة/أي....
فهد/ليش؟
سارة/علشان اذا شفتك تدخن اقوم اعطيك دوا يخليك ماتدخن وتتعب نفسك؟
فهد/..................
سارة/ماراح تصدقني صح؟
فهد/وليش مااصدقك؟
سارة/لان امي قالت لي ان ابوك عازمك اليوم علشان يهاوشك على اللي صار بس بيبدي معك بهدوء وبعدها بيوديك عند اخته ام مصعب؟؟صدق؟؟
فهد لحظتها تمنى فعلا نجلاء تكون موجودة علشان يذبحها وحس انه هاج وبيبدي يتكلم بعصبية بس تذكر كلام نجود له قبل شوي بالسيارة وهي تقوله لاتعصب معاها ابدا وخلك هادى علشان تكسبها..
فهد بهدوء/اولا ام مصعب عمتك...واذا رحتي زرتيها ولاتعلمتي منها أي شي فهذا موعيب..انا مازلت اتعلم من اخوي بو مشاري شغلات مااعرفها...
سارة/؟...........
فهد/وبعدين مو لازم يكون كلام امك صحيح واني جاي اتهاوش معك صح ولالا؟
سارة/............
فهد/انتي تشوفين ان احنا جاين نتهاوش؟
سارة/مدري..اخاف بعد شوي....
فهد/بابا سارة سمعيها مني...بالنسبة للي صار ماكان الموقف حلو بس ودي اقولك شي....انا عارف ان في بعض الاحيان الانسان يقول شي ولايسوي شي يمكن مايقصده ,,يمكن يفلت لسانك وتتكلمين بكلمة جارحة ولاتسوين حركة ولاابتسامة ولااي شي تنرفز اللي حواليك,,لكن صدقيني الضماد الوحيد والنقذ بها الوقت يكون الاعتذار,,,أي الاعتذار اللي ناس كثيرة تشوف انه صعب وماينطقونه...يمكن انتي غايب عن بالك شي ياسارة,,ترى لمى تعتذرين لااحد وانتي لطانة تكبرين بعينه ويكبر احترامك وقدرك عنده ..يابنتي ياسارة اعتبري انك تمشين بخط الحياة ومئات الناس تمشي معك وداست رجلك بالخطا على رجل انسان يمشي جنبك,,,اذا مااعتذرتي منه بسرعة وان الشي صار بغير قصد منك راح تتفاجئين ان بزحمة الناس اللي يمشون الاف الناس بتدوس عليك وبدون ماتعيرك أي اهتمام!!!
/////////////////////////////////////////////////////////
الليل بفندق فهد كروان..كان العشى على المسبح مع رذاذ مويه مرة رهيب...والبوفيه شكله مغري لاابعد حد...والاهم ان المكان كان هادى ومافيه زحمة....
نجود/اول شي حمد الله على سلامتك..
فهد/واللي قبل اول شي وش ها العباية ؟
نجود/وش فيها؟
فهد/مو كانها مخصرة؟وين راحت عبايتك؟
نجود/ثالث شي لاتخرب الليلة باشايء تافهمة ملها أي معنى؟
فهد/رابع شي من قال مالها أي معنى؟؟بالنسبة لي تعني لي الكثير...؟
نجود/انت مو شايف الناس وش تلبس؟
فهد/وانا وش يجبرني البس مثلهم!!
نجود/طيب..في هذا غلبتني..ماراح البس لك ها العباية مرة ثانية وفضها سيرة..
فهد بتاكيد/ماراح تلبسينها اصلا لامعي ولامع غيري!!!
نجود/هذا طلب؟
فهد بثقة/لا..هذا امر؟
نجود/..............
فهد/خلصنا..يالله وش له عازمتني؟
نجود/غمض عيونك لثواني...
فهد/وش له بعد؟
نجود/طيعني...
فهد/وش اغمض عيوني مااعرف...
نجود بدلال/حبيبي يالله ثواني بس....
فهد/نجود بلاحركات المراهقين وش غمض عيونك بعد!!وش سالفتك انتي اليوم؟
نجود بنفس الدلع/خلاص بطلت بقوم من الفندق بكبره اذا ماتغمض عيونك..يااخي ثواني بس ...
فهد باستسلام/امري لله وانا اقدر اجاريك بعد وكل شوي وهددتيني بزعل وبقوم...
غمض عيونه ورفعت العلبة الحمرة اللي كانت جايبتها من الكيس وفتحتها وحطتها قباله...
فهد/خلاص افتح عيني..
نجود/افتح عينك...
فتح عينه وهو يناظر فيها مباشرة بدون مايناظر بالطاولة..
فهد/وش اللي صار بها الثواني اللي غمضت عيوني فيهم!
نجود بثقة/سلامتك ولاشي بس حبيت اشوفك وانت مغمض شلون تكون ..
فهد باندهاش/بس!!
نجود بلامبالاة/أي..وبصراحة منت وسيم مرة مثل وانت صاحي!!!
فهد هز راسه وهو محتقر الفكرة من اساسها وجا بيشرب من كاسه وانتبه على العلبة المفتوحة واللي كانت ملايانة ورد احمر طبيعي...
وبوسطها علبة ساعة...
ناظرها باندهاش...وبدون مايتكلم,,,
نجود بحب/كل عام وانت بخير..عارفة ان الاحتفال تاخر شوي...وكان المفروض يكون يوم الثلاثاء اللي فات بس ماكان ذنبي!!!
فهد/..............
نجود/ان شاءالله تكون على ذوقك عاد!!
رفع علبة الساعة وفتحها وهو يقول بسخرية/ساعة روليكس بعد!!مشاءالله ..انتي منو جايبة قيمتها؟راتبك كامل خمسة شهور مايجيبها..
نجود/ياسلااااام!!!
فهد/لايكون بس ماخذة سلفية من البنك على حساب انك تشترينها؟........
نجود بدلع/سلفية...سارقتهم ..مو شغلك المهم انها تعجبك وبس!!
ناظرها بجدية وقال بحنان/تعرفين ان هاذي اول مرة احد سحتفل بعيد ميلادي!!!ولامرة بحياتي حتى يوم كنت صغير مااحتفلت فيه ابدا!!!
نجود تقربت منه وقالت بهمس/هذي بداية حياتنا يافهد وبتشوف كيف تتغير حياتك معي..انت بس عطيني الامان بقربك وانت بتحب حتى لحظات هدوئنا مع بعض..
فهد/مو عارف شقولك يانجود..فعلا فاجئتيني ولاكان في بالي انك ممكن تذكرين ها اليوم وانتي ماعشتي معي غير وقت قصير,,
نجود باصرار/قلتها لك قبل وبعيدها لك مرة ثانية في ناس تعيش العمر كله بقربهم وماتحس باي شي..وفي ناس تعيش معهم بس يومينوتحس بكل شي؟؟
فهد حط علبة الساعة مكانها ورفع يد نجود لعنده وظل يناظر بيدها وهو بقمة الهدوء والشرود..كان يفكر بكلامها وتصرفاتها ..فعلا هي قاعدة تغير بحياته كل شي....
وعلى قولتها هاذي البداية,,,يعني معقولة بكرة اذا تزوجوا بتريحه اكثر من ها الراحة اللي يعيشها كل ماسرقوا من بعض كم لحظة!!!
ماانتبه الا وصوتها يناديه...
رفع راسه ولقاها تناظره باهتمام..
نجود/وين سرحت انا اكلمك؟
فهد/كنت افكر فيك...ليش شكنتي تقولين...
نجود/بكمل الهدية وبغني لك؟
فهد باهتمام واضح/يابختي...بصوتك راح تغنين لي!!
نجود/أي وليش انا عندي اعز من صوتي ولااغلى منك !!!
////////////////////////////////////////////////
يوم الاربعاء...
نورة/اقول لبسوا شيلاتكم ناصر يبيكم بسالفة؟
لبنى/اوووووف ويدخل ليش يتكلم من وراء حجاب؟
جواهر/قوله يختصر بيركبون شقتنا يشوفون الصبغ؟
ام ناصر/كلكم على ولدي اسم الله عليه؟
مضاوي/ههههه
عبير/خليه يدخل يانورة ...حرام واقف بالبرد....
نورة/ادخل نويصر..
ناصر/احم احم..نويصر بعيونك..
هنوف/ههههه
ام محمد(ام جواهر)/هلا وغلا بالمعرس..
ناصر/هلا خالتي..زليش خطبتيلي علشان اصير معرس؟
ام علي/انت بس قول نويت والعروس لاتشيل همها يمه..
ناصر/زين يصير خير ارتب اموري بس...
ام بندر/وش ها الامور اللي دايم تتحججون بترتبونها؟
نجود/يااخي اختصر وش تبي؟
ناصر/أي...المهم انا مجمعكم يابنات وياحريم ويامراهقات..
هنوف/اعترض؟؟مين المقصود بالمراهقات!!
ناصر بثقة/جواهر ونجود..
هنوف/طيب كمل..
جواهر/ههههه أي كمل انتي بعد..وش انا وصديقتي مراهقات..
ناصر/يااخي خربتوا خطبة الشيخ ناصر!!
لبنى/كمل ياولد عمي ماعليك منهم انا اسمعك..
ناصر/أي....انا مسوي لكم مسابقة...
ام علي/وش مسابقته بعد ياناصر؟
ناصر بثقة/مسابقة احسن طبخة؟
هيا/شنو؟
ناصر/أي مسابقة احسن طبخة..كلكم مشتركين بالمسابقة غصبا عنكم..
لبنى/لاوالله عدل!!
ناصر/ولكم تطبخون اكثر من طبخة في حالة انكم تحسون انكم قادرين مو تلفيق وشغل حيا الله!!
جواهر/ومتى ها المسابقة لاتقول لي بعد ساعتين!!
ناصر/لا ولو اعرف الحريم وعيارتهم هذا ناقص الاغراض ماهي كاملة مدري شنو؟المسابقة بتكون عندكم ان شاءالله ليلة بكرة...كل الاطباق بتنحط بمجلسنا وفيه لجنة حكم بتعرفونها بعدين...
ام بندر/وفيها هدايا ياناصر؟
ناصر/أي فيها هدايا بس قبل الهدايا لازم تتفقون على ان كل وحدة منكم تسوي طبق مختلف ومايتكرر الطبق لاينرمى اكلكم !!
نجود/يصير خير ينرمى وانت موجود؟
ناصر/ههههههه
لبنى/طيب وش الهدايا اذا سعر الهدية اقل منعشرة الاف ريال مو مشتكرة؟
ناصر/حشى من وين اجيب لك هدية بعشرة الاف ريال!!اسرق بنك واعطيك؟
عبير/طيب وبس طبق واحد اللي بيفوز.؟
ناصر/هو يفترض ان لجنة التحكيم تتفق على طبق واحد بس...بس مدري صراحة وش يصير معهم بكرة.....المهم ترى في جوائز ترضية لبقية المتسابقين اللي مابيحالفهم الحظ....ويالله نلتقيكم بكرة ان شاءالله,,,
///////////////////////////////////////////////




 
 

 

عرض البوم صور بياض الصبح   رد مع اقتباس
قديم 19-08-10, 06:58 AM   المشاركة رقم: 19
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

--- قراءة ممتعة ---

---لي عودة قريبا---

 
 

 

عرض البوم صور بياض الصبح   رد مع اقتباس
قديم 20-08-10, 04:52 AM   المشاركة رقم: 20
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

---البارت الأربعين---

,,,,,,,,,,,,,,,,,,,,,,,,,,,,,,,,,,هنوف/لحظة لحظة الهدايا اول مااتفقنا شبتكون الهدية لصاحبة افضل طبق؟
نورة/أي والله!!
ناصر/بكرة نتفق عليها..
ام محمد/لاحبيبي اللحين نتفق عليها مايصير بكرة..بعدين تشوف الاطباق قدامك وتنسى السالفة!!
جواهر/وامي صادقة؟
ناصر/الهدية...مدري ...
لبنى/يالله بتنازل وبنزلها لسنة الاف ريال؟
نجود/ويالله نرضى عنك بعد!!!
ناصر/لا ستة الاف؟؟؟تدرون شلون..اللي بتفوز تطلب أي شي في بالها وملزوم اعطيها اياه؟
هيا/متاْكد؟
ناصر/افا...رجال وكلمتي وحدة..
لبنى/كفو ياولد عمي ...بكرة تجيك العلوم الغانمة ..يارب انا اللي افوز..
ناصر/يارب تخسرين؟
ههههههههههههه
لبنى/ليش ها النذالة عاد!!
ناصر/لانك متحلفة ياعشرة الاف ياستة الاف؟؟؟
////////////////////////////////////////////////////////////في شقة بندر فوق وبعد مانزلوا كلهم ظلت نجود وجواهر بروحهم,,,
نجود/كان بينزل الشرقية ها الاسبوع ويخطبني من ابوي؟
جواهر/وشنو قلتي له؟
نجود/قلت له ياجلها للاسبوع الجاي....اكون تطمنت على صحة ابوي....
جواهر/اممممممم تكلمتوا بكل شي..
نجود/مبدئيا تكلمنا بالسكن بس....
جواهر/شنو صار؟
نجود/بياخذ لي شقة بالدمام علشان لو نزلنا هنا خميس وجمعة..
جواهر/وبالرياض؟
نجود/انا عارفة ان فهد بيسكني بقصر لو بغيت..وبنفس الوقت مايبي يبتعد عن عياله وهم صغار ومحتاجينه ويكون ظلمهم...
جواهر/يعني شلون..شبتسون بالرياض؟انتي بشقة وهو في بيتهم!!
نجود/لا...
جواهر/ها...
نجود/بسكن معاه في بيته!!
جواهر/في بيته...؟
نجود/أي بيته كبير ونصه مساحات فاضية ولاغرف مسكرة...اقترحت عليه اقتراح علشان انصفه..يكون لي ملحق مستقل عنهم وبنفس الوقت بنفس البيت مع عياله ومايحس انه ابتعد عنهم ولاان حياتي معه ظلمة عياله؟
جواهر/......
نجود/بياخذ لي المساحة اللي بالحديقة وبيدخلها على المجلس وبيسويلي ملحق غرفة نوم بحمام وغرفة تبديل وصالة بمكتب...
جواهر/انتي مقتنعة؟
نجود/هاذي فكرتي؟
جواهر/مو كان حبك لفهد مخليك تتنازلين عن اشياء كثيرة؟
نجود/انتي قلتيها حبي لفهد...شسوي قلبي اللي قعد يسيرني وراه..المهم اكون جنبه...وبعدين شبسوي في بيت كبير علي انا وهو لوحدنا....انا لو هي جاية علي سكنت بالمزرعة بس هو مارضى؟
جواهر/الله يتمم عليكم.....شفتي بندر وش مسوي....
نجود/صدق ماورانا مخطط القاعة ولا موقعها ولاشي؟
جواهر/كل شي مفاجاْة...
نجود/متى بيوصل؟
جواهر/باقيله ساعتين.....بيجي وبيتعشى وبيريح شوي وبعدها قلت له خلنا نروح بيت الانصاري نشوف لنا طقم كنب للصالة وللمجلس...
نجود/وغرفة النوم؟
جواهر/ههه لسه ماوصلنا فيها لحل...
نجود/ههه ازمة عالمية...
//////////////////////////////////////////////////////
محمد/احم احم..
رحاب/والله هاذي عاشر مرة تحمحم فيها قول دوختني ؟
محمد/افا..
رحاب/انا ادري عنك هاذي بالموت الا نامت وانت كل شوي وحمحمت لي!
منال/هههههه
محمد/بغيت افاتحكم بموضوع وبما انكم خواتي العزيزات على قلبي...فا..
رحاب/اختصر بلا تطويل وتعريض؟
محمد/على فكرة هاذي اخر مرة تولدين فيها اخلاقك صارت ميح بالمرة؟
منال/هههههه مسكينة..تاخذها منك ولامن بسمة؟
محمد/من بعد ابو احمد..
رحاب بنفاذ صبر/بتقول ولاقوم اقلب وجهك!!!
محمد/بصراحة وبدون مقدمات انا صار لي فترة اكلم وحدة..
منال/وين الجديد؟
محمد/لاتقاطعوني....وحبيتها..حبيتها بكل مافيني وتركت وراي كل علاقاتي الطايشة؟؟غيرت لي حياتي فعلا....
منال بجدية/انا فعلا ملاحظة تغيرك بالفترة الاخيرة..
محمد/احبها..عمري ماتخيلت نفسي اني ممكن احب ها الانسانة وانها تشاركني اهتماماتي...والحلو بالسالفة انها من زمان تحبني؟
رحاب/مني ها المجنونة؟
محمد/انا اللي غلطان قايل بكلم منال بس !!وش اللي جابني لدارك ماادري؟
رحاب/قول منهي...تحبك...اللهم اجعله خير...
محمد/أي بس ابي السالفة بيني وبينكم ...
منال باهتمام/انت قول وسرك في بير ؟
محمد/حتى هي ماابيها تحس انكم تعرفون ها الشي طيب؟
منال ورحاب طالعوا في بعض باستغراب
رحاب/احنا نعرفها يامحمد؟
محمد/أي..
منال/منهي؟
محمد/...................فوزية بنت عمتي؟
//////////////////////////////////////////////////////
ام مصعب/كلمت نجلاء يافهد ولاغيرت رايك عن السالفة؟
فهد وهو يناظر في الساعة/اليوم معزم اكلمها وكاهي للحين ماشرفت من حفلتها...
ام مصعب/قالت لك عشى بمناسبة سلامتك ماهي حفلة....
فهد/سلامتي!!ليش هي هامتها سلامتي؟
ام مصعب/حرام عليك؟لاتخلي فركة الزواج تعميك عن كل شي؟
فهد بالم/قاعد افكر شلون صبرت ها الفترة الطويلة كلها....لاقدرت اغيرها واخليها تتقرب مني وتمشي على مزاجي..ولا تغيرت انا لمستواها..عشنا وبينا جدار يكبر كل يوم يااختي....لين هي عافتني وانا صرت اتذلل لها وهي تتصدد عني؟؟صرت حاير ياام مصعب حاير..مدري شلون الله مدني بالصبر كل ها الفترة..مااكذب عليك من بعد ولادة فيصل انتهت كل علاقتنا تقريبا!!!!صار همها الحفلات والسهرات وتكشخ برى البيت وبس!!لاتدري عني ولاعن عيالي!!ولا المصيبة انها كل ماقعدت معهم عطتهم افكار تسممهم ..كل مااتقرب منهم اكثر اشوف مدى تاثيرها عليهم وكلامها اللي مدري من وين تجيبه!!تصدقين حتى فيصل كل شي عنده صار بالفوس...وكل كلمة والثانية قال لي امي تقول بفلوسك بنجيب لنا كل شي؟؟مفكرة فلوسي بير مايخلص ؟؟؟ولاان فلوسي بتعيشها العمر كله!!
ام مصعب/انت شلي فجر كل شي براسك مرة وحدة؟مو كنت صابر وساكت ولاهي بعملك ومكتبك ليش تغيرت؟من زمان وسالم يلمح لك بالعرس وانت ولاانت معه!!شلي صار ياخوي يافهد؟
فهد/....تعبت وابي ارتاح؟
ام مصعب/وحاط في بالك شي معين؟
*******************************************
فهد/ابي اول اعطي نجلاء خبر...وقبل اعطيها فرصة اخيرة لتغير اذا تغيرت ولا كل واحد بينام على الجنب اللي يريحه؟
ام مصعب/طيب واذا تغيرت؟بتعدل عن فكرة الزواج!!!
مايدري ليش طاحت سيجارته من فمه وكانت بتحرقه لو ماتداركها باخر لحظة!!
يعدل عن فكرة زواجه من نجود!!!!نجلاء تتغير ؟؟؟ماكان متخيل الفكرة اصلا علشان يفكر فيها!!!!
//////////////////////////////////////////////////////////////في سيارة بندر..
بندر/وانشاءالله كل مابنقول بنروح مكان بتكون بالوسط معنا؟
محمد اللي كان قاعد جنب بندر/أي عندك مانع لين تتزوجون؟
بندر/لا تكفى حتى اذا تزوجنا تعال معنا!!
جواهر/ههه ليش معصب اخوي هذا حبيبي..
محمد/لاانا عندي كرامة يكفيني اقعد معكم شهر العسل بس؟
بندر/ياسلاااام !!من قبل لاتجي بيقلبون اسمه من شهر عسل لشهر نكد!!
محمد/وشلون اضمن انك متاذي اختي!
بندر/يابنت الناس انتي مشتكية علي؟؟
محمد/لا مااشتكت بس انا سمعتها هي ونجود يسولفون ذاك اليوم واختي قالت لنجود انك حضنتها!!يصير تحضن اختي وانا موجود مايصير؟
بندر/أي والله مايصير احضنها لانها مو مرتي؟؟حتى بعد العرس بعد مااحضنها؟
محمد/اكلم الهيئة اشوف بالاول؟
بندر/اممم رد لي خبر بعدها موتنسى!!يبى اخوك وجهه نوديه معنا بيت الانصاري!!هذا نوديه سوق التلفزيون نغويه ونرجع عنه!!
جواهر/ههه لاعاد اخوي وماارضى عليه يابندر؟
جواهر/لالالاكلش الا اخوي ابو جواهر حبيبي مااتخلى عنه؟
بندر/اه منك من اخوك..ان شاءالله بس الحالة ماهي مطولة معاه؟؟؟
محمد/لامطولة معي ان شاءالله!!وبعدين نرجع البيت كل واحد بيته مانحب بصراحة احد يقعد في بيتنا لوقت متاْخر!!!وموتسوي نفسك ناسي شي وتبي تعطيه اختي!!اذا ناسي شي من اللحين عطها اياه وريحنا واللي يعافيك؟
جواهر ماتت ضحك على اخوها وبندر في قمة الغضب..
بندر/مشاءالله عاجبك حكيه ها!!اوريك لكن صبري علي!!!!
جواهر/ياحبيبي هذا مراهق ياخذونه بالسياسة مو تحط باسك في باسه وتنتظر منه يرضخ لك؟
بندر باستسلام/امري لله وباخذه بالسياسة بشوف وش يطلع معي............اقول محمد ..انت وش هواياتك؟
محمد/ماعندي هوايات!!
بندر بنفاذ صبر/ابدا!!
محمد/ابدا..
بندر/ولاتحب شي معين؟
محمد/لا..
بندر وهو في قمة الغيظ/ولاتحب مثلا تسبح في بركة ونروح نغرقك فيها بدون قصد؟ولا تركب على خيل ونطيحك من فوق واحد وتتكسر علشان تفكنا!!
محمد/هذا ماخذني بالسياسة يعني!!الله يخلف عليك وين انت ووين السياسة؟
///////////////////////////////////////////////////////////منال/معقول عاد!!تحب فوزية بنت عمتي؟
محمد/وش اللي مو معقول في السالفة؟
رجاب/ان احنا ماحسينا بتغيرها ابدا!!!
محمد/يمكن كانت تتصنع قدامكم؟
منال/ولا لاحظت أي شي وانا معها حتى لمى نلتقي فيك بالصدفة؟
محمد/فوزية غيرتني بجد؟
رحاب/واهم شي تكون مقتنع بتغيرها لك وراضي فيه وماتكون مجرد فترة طيش يامحمد؟
محمد/لا يارحاب..انا تعلقت فيها حيل وتعلقي فيها خلاني انسى علاقاتي السابقة كلها..اصلا انا قلت لها عن كل الماضي اللي تعرفه واللي ماتعرفه وطلبت منها اني افتح معها صفحة جديدة وهي وافقت وصارت بجنبي لين تركت كل شي وتعلقت فيها هي وبس!!
منال/وهي مقتنعة فيك مثل ماانت مقتنع فيها تماما!!!
رحاب/أي يامحمد هي مقتنعة فيك؟
محمد/أي هي تحبني ..اصلا هي كانت من زمان تحبني من بعيد لبعيد وماتجراْت تقولي لانها كانت تشوفني طايش ومابقدر حبها لي ..بس بعد ماتعلقنا في بعض صارحتني بها الشي....
رحاب/طيب وانت شبتسوي اللحين؟
محمد/انا انتظر يجي ابوها برمضان واكلم ابوي ونروح نخطبها...
رحاب/على بركة الله ياخوي...الله يتمم عليكم بخير ويعطيكم الذرية الصالحة ان شاءالله..
منال/امين يارب...
/////////////////////////////////////////////////////
هيا/اوووف مالي خلق اشترك بمسابقة نويصر؟
نورة/كل العالم بيشترك فيها الاانتي!!!
هيا/قلت لك مالي خلق...
نورة/بالعكس تغير بروتين ها الاسبوع...حتى امي وخالتي وخالتي ام بندر وام محمد كاهم يسولفون اللي بتسوي هريس واللي بتسوي عصيدة واللي بتسوي جريش..واللي بتسوي مطازيز,,,,
نجود من وراها/وانتي وش بتسوين؟
لفوا هيا ونورة..
هيا/وش يعرفني عن اختك شاغلة بالها على الفاضي!!
نجود/ليش انتي مو ناوية تسوين شي؟
هيا/لا..الا اذا انتي بتسوين؟
نجود/وليش مااسوي واثقة من طباخي الحمد الله..
نورة/نجود ساعديني مااعرف اسوي شي بروحي كل شي صعب..
نجود/من شروط المسابقة ان محد يساعدك؟
نورة/انا ماسمعته قال!!
نجود/مو لازم يقول..كيف بتفوزين وغيرك مساعدك!!!وبعدين لاتاخذين لك شي صعب سوي شي بسيط.....
نورة/مثل شنو؟
نجود/هذا عيب انك مادخلتي المطبخ مثلنا من صغرك؟
هيا/الله يسامحك يابو علي دخلت ناس دون ناس!!!
نورة/يالله عاد عن العيارة كاني ادخل معكم اللحين..
هيا/شبعده حبيبتي بعد ماشيبتي!!!احنا من كنا بالابتدائي واحنا بالاجازات وبرمضان تلاقينه بس بالمطبخ؟
//////////////////////////////////////////////////////////في شقة علي,,,,
دخل الشقة وهي كانت منبطحة على الكنباية وبيدها كتاب الطبخ تقراْ فيه..
ماحست على دخوله لانه كان هادىء جدا وهو بعد يوم شافها ماانتبهت ماحب يحسسها باي شي قعد قبالها مباشرة وكان يتاملها..ولااول مرة بحياته يتامل شكلها..كانت عيونها ذابلة ...ووجهها شاحب...الاكيد ان شكلها مو نفسه قبل سنتين واول ماتزوجوا!!!
كانت ماتبيه بس شكلها كان يانع ووجهها نضر..اللحين صار يحس انها كبرت عشر سنين فوق عمرها زيادة!!!
مايدري ليش نزل راسه فجاْة ووقف عن شوفتها..يمكن لانه حس ان تعبها وشحوبها هو اصله واساسه!!
كان المفروض يكون ارفق بحالها معه ويخف عنها شوي..مثل ماهو رافضها هي بعد رافضتهّّ
بس بالنهاية هي ماتقدر توقف في وجه ابوها وتقول لا ماابيه,,اذا هو الرجال ماسواها كان يبيها هي تسويها!!!
عبير....هل ياترى فعلا احنا ظلمنا نفسنا بها الزواج!!!!!!
انتبه على صوتها تناديها وهي منذهلة من وجوده ..
عبير/علي!!متى جيت؟
علي وبدون مايناظرها وهو يذكر رسالتها اللي قبل يوم ارسلتها/قبل شوي..
عبير/......ان شاءاللهى انبسطت بطلعتك؟
علي/يالله انا نعسان تركي اللي بيدك وقومي ننام,,,
قام ومشى للغرفة وتركت الكتاب اللي بيدها بدون أي مجادلة لانها عارفة حتى لو قالت ماتبي تنام بيقولها قومي بالغصب,,,خليها تختصر على نفسهاا الكلام ووجع الراس وتقوم من حالها افضل..
حطت الكتاب على جنب وطفت الانوار ودخلت معه,,,
///////////////////////////////////////////////////
اخرالليل,,
فهد/وشلون صحة الوالد ؟
نجود/الحمد الله افضل...
فهد/هو وش كان عنده؟
نجود/سلامتك بس تعرف عنده السكري واذا لخبط باكله يتعب لاتنسى عنده اشياء ممنوع من اكلها ومايصير في توازن عنده دايم تجيه دوخة علشان تنظيم الاكل مو صح عنده...
فهد/مايشوف شر,,,يعني موعدنا الاسبوع الجاي...
نجود/ان شاءالله....صارت عندك مستجدات؟
فهد/بس مع ام مصعب...سالتني اليوم اذا كنت بعدني مصر وهل كلمت نجلاء ولا لسه؟
نجود/امممم
فهد/ملزوم اكلمها اللحين علشان ابدي اشتغل بملحقنا
قاطعته نجود/رتقول ملحق تضايقني ها الكلمة؟قول جناحنا...
فهد/ولايهمك جناحنا,,,,
نجود/اهم شي يصير مثل ماانا ابي..
فهد/كل شي بيكون حسب اختيارك انتي لاتخافين....
نجود/بكرة عندي مسابقة..
فهد/مسابقة!!وش مسابقته ؟
نجود/نويصر مسوي مسابقة افضل طبخة وكلنا مشتركين فيها..
فهد/ياسلاام على الروقان,,,
نجود/هههههههههههه
فهد/وش بتسوين لهم؟
نجود/طبختي المفضلة.....سيزلنج ربيان..
فهد/خلاص اعتبري نفسك فزتي بالجائزة الاولى من عندي..
نجود/يابعد عمري انت...ذكرني اسويه لك ترى اضبطه صح....
فهد/وش الطاري على ها المسابقة عاد؟؟
نجود/نويصر وافكاره....
فهد/وفي جائزة صدق ولاخرطي...
نجود/هو على كلامه في بس بالنهاية اتفقنا على ان اللي بتفوز هي تقرر هديتها بكيفها وش مابغت يعطيها وهو ملزوم يكون عند كلمته,,,
فهد/راح فيها!!
نجود/هههه المشكلة لبنى حاطته في بالها وماهي متنازلة من ستة الاف لعشرة الاف...ولو تشوفه طول الوقت يدعي انها ماتفوز....

//////////////////////////////////////////////////////////////اليوم الثاني,,,
في بيت الهاجري,,
بندر/وش عندهم خالتي وجواهر بسرعة قاموا؟
ابو جواهر/يادوب يلحقون على طبخاتهم لمسابقة الليلة؟
بندر/مسابقة؟أي مسابقة؟محد قال لي!!!
محمد/ناصر مسوي مسابقة افضل طبخة واللي بتفوز تطلب اللي تبيه من ناصر؟
بندر/وش له نويصر عاد ماقال لي!!
محمد/وليش يقول لك؟منت من المشتركين؟
بندر/اقلها اكون بلجنة التحكيم علشان افوز طبخة جواهر.....وقام بيروح المطبخ...
محمد قام وراه
بندر/لاتخاف معها امها ياحضرة الشرطي!!
ابو محمد/ههههه
بندر بقهر/عمي ماتشوف لك صرفة مع ولدك!!مو قادر اقعد مع خطيبتي مثل العالم والناس منه!!!
ابو محمد/ليش وش مسوي لك؟
محمد/بس يتبلى علي يبى؟
بندر دخل وهو مقهور للمطبخ وكانت ام محمد بجهة وجواهر بجهة ثانية,,
تقرب بندر منها وهمس لها/حبيبي..
جواهر بلامبالاة/بندر معليش ابعد محتاجة اركز بطبختي علشان افوز؟
بندر بزعل/انتي ماقلتيلي عنها؟
جواهر/شنهي؟
بندر/المسابقة؟
جواهر/وهذا انت دريت؟
بندر/ياسلاام يعني اليوم مااراح نقعد مع بعض؟
جواهر/بندر لاتلخبطني ترى ها الطبخة اول مرة اسويها وماابي احد يلخبطني,,,
بندر/اوووف ومتى بتخلصينين؟
جواهر/انت روح اللحين وادعي ان انا اللي افوز فيها؟
بندر/بركب غرفتك خلصي وتعالي؟
محمد/لا روح بيتكم!!
بندر بقهر/انت وش فيك علي!!
ام محمد/اذا بتتهاوشون طلعوا برى وخلونا نخلص شغلنا يالله!!
محمد/سمعت!!يالله اطلع لاتخرب على امي واختي روح اهذر عند امك وخواتك علشان يتبهدلون ومايفوزون؟
//////////////////////////////في بيت السبيعي,,
ناصر/يم يم..اشم روايح طيبة انا...يالله همتكم يابيت السبيعي ترى الساعة سبع كل الاطباق تتقدم وماباقي لكم غير ثلاث ساعات بس...
نجود/انا طبختي مابسويها اللحين مايبيلها وقت كثير..
ناصر/والله ياخوفي تروح عليك وماتقدمين طبقك..
ام علي/شوف يمه ترى انا سويت لك الثريد اللي تحبه عاد فوزني انا!!
ام ناصر باعتراض/لا عيوني ولدي ويحب طبخي ومسوية له هريس انا اللي بيفوزني؟
ناصر/صلوا على النبي ياجماعة لجنة التحكيم هي بتقرر انا مالي شغل..يمه صدق جهزوا الشاي والقهوة علشان اذا وصلوا الجماعة بعدين..
نجود/يعني من جد في لجنة تحكيم ؟وانا افكرك تسخر..
ناصر/افا بس ولااسخر ولاشي....
نورة بزعل/ناصر سويت تبولة..تكفى ياخوي فوزني...انا عارفة محد بيعطي صوته لتبولة بس انا اختك ومالي وطبخاتهم مقدر اسوي مثلهم!!فوزني تكفى..جيب راسك ابوسه!!
ناصر/لالالا الا راسي..حاط بشعري جل بعدين تعفسين لي خلقتي !!!
ابوعلي/هههههههههههه
ناصر لف له/هلا يبى..
ابوعلي/اللحين انت وش سالفتك مع ها المسابقة ها..
ناصر/اشغلهم يبى بدل قعدتهم كذا فاضين؟
ابو علي/ومنو لجنة الحكم بالله!!
ناصر/افا يالغالي انت اولهم..
ابوعلي/محد قال لي..
ناصر/يبى البيت بيتك محد يقولك ترفس الباب وتدخل المكان اللي عجبك الله يسلمك.
نجود بخبث/لاتتحيل على ابوي..ترى ابوي حبيبي عنده كرامة مايجي بدون دعوة؟؟
ام ناصر/انتي طلعي منها وخليهم صافين!!
ناصر/سمعتي!!!
الشغالة/بابا ناصر بندر يمبى انت بره...
ناصر/يالله يبى تعال معي لاتلخبطهم ..
نورة/يبى قوله يفوزني...
ابوعلي/وش مسوية انتي؟
نورة/تبولة..
ناصر/يبى في ذمتك...بيتركون الهريس والثريد وها الصواني الزينة وبيصوتون لتبولة!!
ابوعلي/أي بس هاذي اختك ولازم توقف معها!!
نورة /أي وتشجعني وتشد من عزيمتي علشان دايم ادخل المطبخ واساعدهم مو تقول مافاز طبقك وبعدين انحبط وتجيني ردة فعل وماارجع ادخل المطبخ من جديد؟
ابوعلي/لالا فوزها ياناصر تستاهل نوير...يكفيك انها على اسم جدتك!!
ناصر/؟؟؟؟؟حسابك بعدين....انا بروح اشوف بندر...
نجود/يبى اقعد سولف معنا شوي مشتاقين لك....
ابوعلي/وهاذي قعدة وقعدنا.....السوالف عندك انتي ...شلون الرياض؟
نجود/موت..برد برد مو طبيعي....
ابوعلي/وش صار مع سالفة فواز؟
نجود/........يبى ماله نصيب فني!!
ابوعلي/والاسباب يانجود؟
نجود/يبى شخصيته مختلفة تماما عن شخصيتي!!ماراح نتفق ابدا!!اصلا هو شخصية ماعنده!!!!
ابوعلي/أي بس هذا مو عيب يانجود؟
نجود/ماقلنا شي بس انا موحاطة في بالي اتزوج واحد كذا ابدا!!!!!
ابوعلي/يبى مايصير كل ماخطبك واحد قلتي هذا فيه عيب وهذا مايناسبني وهذا مدري شفيه..
قاطعته نجود/يبى نصيبي بيجيني وباخذه رغم كل شي يكفي انه نصيب ومكتوب ..واحد يقدر يرد المكتوب يابو علي!!
ابوعلي/............................
//////////////////////////////////////////////
علي/وش عندك انتي بالمطبخ؟
عبير راحت فيها لوتقوله مسابقة بيلعن لها ابو اللي جابها وبيطلعها من المطبخ عناد وبيعتبرها افكار اطفال....
عبير/ها...لا نجود داقة علي وتقول ان ابوك ولاناصر عاد مافهمت عندهم الليلة عزيمة ولا شي كذا وقالت لي اذا فيني اسوي شي..وقلت لها بسوي..
علي/امممم..نجود قاعدة يعني ؟
عبير/أي اكيد الساعة اربع..
علي/وتتوقعين ابوي هناك.
عبير/يوم دقت علي ماسمعت صوته ماكانت غيرها هي وخالتي ام ناصر وخالتي ام علي واختك هيا بس...
علي/طيب....انا رايح اشوفهم...
اول ماطلع دق قلبها ومسكت سماعة التلفون تكلم نجود علشان تنقذها لانه لو درى انها تدري بتروح فيها ..وهو مايبيله شي ويمسك عليها مسكة,,,
////////////////////////////////////////////////////////////ناصر/هلا..
بندر/لاهلا وسهلا..
ناصر/بسم الله الرحمان الرحيم...
بندر/ههههههههه
ناصر/وش فيك؟هههه
بندر/كيف تسوي مسابقة وماتقول لي؟
ناصر/ليش تعرف تطبخ!!ودك تشترك بالمسابقة يعني!!!
بندر/لا بس علشان اكون بلجنة التحكيم؟
ناصر/بتجي تتعشى حياك الله بس لجنة التحكيم مالك شغل فيها عارفينك تبي تصوت لمنو؟
بندر/لازم مرتي اللي تفوز مو كفاية انها تاركتني وقاعدة تسوي لكم؟
ناصر/بيني وبينك المفروض تكون رومنسي معها؟
بندر/شلون؟
ناصر/مو هي تاركتك ومو شايلة همك...
بندر/أي..
ناصر/لازم طبختها ماتفوز علشان تحس انها قصرت بحقك وفي النهاية ماجت النتيجة مرضية وتجيك وتعتذر لك وها السوالف يعني تعوضك من هنا ومن هنا!!
بندر فتح عيونه على وسعها/مشاءالله من وين جاتك الفكرة!!!شكلك داهية؟
ناصر/صدق عجبتك!!!
بندر/أي والله!!احلى مافيها انها بتعوضني بعدين!!!!
ناصر/يعني انفع اصير رومنسي بالمستقبل مع خطيبتي!!
بندر/الا ابو الرومنسية يانويصر؟والله شكلي بجي اتعلم منك يالداهية!!!
ناصر/ههههههههههههه,,احرجت تواضعي الكريم ياولد العم بصراحة,,,
///////////////////////////////////////////////////////
نجود/ليش....
عبير/قوليله اني ماادري لايسوي لي سالفة.
نجود/طيب..كاهو جا يالله باي...
علي/السلام..
وعليكم السلام والرحمة...
علي/الدنيا حايسة....
هيا/علشان مسابقة نويصر؟
علي/مسابقة؟وش مسابقته؟
نجود/يو نسيت بعد اقول لعبير انها مسابقة..قلت لها عزيمة عندنا وسوي شي ساعدينا فيه..ز
هيا/أي بس هي كانت موجودة امس يوم يقول ناصر انها مسابقة؟
نجود/لا ماكانت موجودة!!!وناظرت هيا بمعنى قفلي...
علي/شسالفة؟؟مسابقة ولاعزيمة؟
نجود/احنا كنا مفكرين انها عزيمة بس ناصر يقول انها مسابقة وفيها لجنة تحكيم وطبخة فايزة....ترى مرتك ماتدري على بالها عزيمة يبيلي ادق لها
علي/امممم..ابوي وينه؟
نورة/توه كان هنا بس الضاهر طلع لناصر وبندر...ماشفتهم واقفين برى
علي/لا ماشفت احد؟
نورة/يمكن ادخلوا المجلس؟
علي/..........انا رايح شقتي اذا بغيتوا شي انا هناك...
رجع الشقة وعلطول لعبير المطبخ,,,,!!!
///////////////////////////////////////////////////////
ابو مشاري/مشاءالله عليها....حلوة..
رحاب/تشبهني وانا صغيرة؟
ام مشاري/لا تشبه اختك مي...
منال/رغم اني احسها تشبه اخوها احمد..
ابو مشاري/فيها منه العيون وشكل الحواجب...منال يبى..
منال بتردد/نعم يبى(طبعا هي قالت لمشاري انها موافقة ومشاري عطى ابوه خبر )
ابو مشاري/في جماعة يوم السبت بيجون يخطبونك..
منال/..................
ام مشاري/من عيال الرميحي.. قاعد يحضر رسالة الدكتوراه بامريكا واذا صار نصيب بياخذك معه مباشرة وبتقعدين هناك سنة كاملة على حسب كلام مشاري..
منال/اذا حسيتي انك مترددة ولا محتارة فيك تقولين له انك موافقة عليه بس سالفة الغربة سنة كاملة ماتقدرين عليها هذا حقك..
منال/لا يبى...انا ودي فيها...لو صار نصيب بقدم اجازة مفتوحة وبروح معه..لمى نكون هناك بروحنا انا وهو بتسير حياتنا طبيعية وبنمشي على سجيتنا انا وهو بدون تدخل من احد لامن طرفي ولامن طرفه....بنفهم بعض اكثر واحنا بروحنا وحياتنا غير عن الحياة اللي احنا عايشينها....انا ودي في ها التجربة يبى..حاسة انها ممكن تقربنا من بعض ...
ابو مشاري/على بركة الله...اذا جونا يوم السبت قلنا لهم انك موافقة...
////////////////////////////////////////////////////
علي/عبير..
عبير استغربت رجعته لفت له وقالت بهدوء/نعم..
علي/.............
عبير/في شي؟
علي/شدي حيلك ترى نجود تقول انها مسابقة ..يعني احتمال تفوزين؟
عبير باستغراب/ها....مسابقة؟
علي/أي هي الظاهر نست تقولك؟المهم انتي وش مسوية؟
عبير/بسبوسة..
علي/عندك وقت تسوين شي ثاني؟
عبير/ليش..
علي/سوي لهم شيز الاناناس انتي تضبطينه صح..يمكن تفوزين..وخلي البسبوسة لنا نسهر عليها...
وقفت تناظره وهي حاسة بتغير في علي..حتى البارحة معها كان فيه شي متغير بس ماقدرت تتاكد بس اللحين كلامه اثبت لها ان في شي قاعد يدور بذهنه بس لوتعرف شنو هو بس!!
علي/وين سرحتي؟
عبير/ها..لاماسرحت بس قاعدة استعرض مقادير الشيز ومو كلهم كاملين عندي..
علي قعد على كرسي طاولة الطعام وقال/ مو مشكلة اكتبي الناقص بروح اجيبه...
طاح البيض من يدها وتكسر بها اللحظة وهي تناظره والف سؤال وجواب يدور في بالها من تغيره الغير محسوب!!!
حس بالاحراج ذيك اللحظة لانه عارف انها تفاجات اكيد من ردة فعلها اللي ماتوقعتها ابداّّوقال لنفسه انه اذا بيتغير لازم يتغير بالتدرج مو مرة وحدة!!
تنحنح وقام من مكانه وقال لها/اذا كتبتيهم جيبيهم لي بالصالة,,,
طلع وخلاها بحيرتها وحدها,,,ياترى وش اللي ممكن يكون صاير لك ياعلي,,,معقولة المسج كذا اثر وقلب عقله!!!!لاوالف لا وستين الف لا طبعا!!!علي مايغيره مسج,,اكيد السالفة فيها حبيبته ولا ماتغير كذا!!!بس وشفيها عاد!!!هذا اللي صعب اعرفه واعرف مزاجيته كم بتاخذ لها من الوقت!!!!
/////////////////////////////////////////////////////////////بعد صالة المغرب كلهم تجمعوا في صالة بو ناصر وناصر بالمجلس عند لجنة التحكيم على قولته اللي هم اصحابه تركي وخالد ومحمد ...
هنوف/مين تتوقعون تفوز منكم!!!
لبنى/يارب انا!!!
نجود/اذا مافزت معناته انهم مو ذويقين وبعدين انا مو شايلة هم غيرهم عاجبه طبخي بدون مايذوقونه!!
ام بندر/مشاءالله على الثقة!!
ههههههههههههه
مضاوي/السؤال مو منهي اللي بتفوز,,,السؤال شنهي الهدية اللي بتطلبها من ناصر؟
نورة/انا ابوي وصى ناصر يصوتون لتبولتي ويفوزني مدري ليش احس اني ماراح افوز؟؟؟
لبنى باعتراض/مصدقة حالك انتي مع تبولتك تفوزين!!!والله لااشب البيت عليكم لو يفوزونك انتي!!!
جواهر/هههههه ترى وقفة لبنى بالمطبخ اليوم متعبتها حييل لاحد يعارض كلامها ابدا!!!!
نورة/بدا الدفاع اشوف!!
جواهر غمزت للبنى/لازم ادافع عنها هاذي غالية واخت الغالي !!
لبنى/أي شفتي!!نتمصلح من بعض ...
هيا/لوفزتي يانجود وش بتطلبين!!
نجود/مافكرت بصراحة....
جواهر/اللي بتفوز تخلي الهدية مشتركة لو سمحت وكلنا فيها,,,,
لبنى/انا مااراح اشاركم فيها,,عشرة الاف بسحبها وبمشي؟
عبير/وش بتسوين بالعشرة انتي كل شوي وقلتي عشرة الاف ريال؟
لبنى بجدية/بها جر من البيت وببتدي فيها حياةة جديدة بعيدة عنكم!!
هههههههههههههههههههه
لبنى/ليش تضحكون اتكلم جد؟؟
جواهر/صراحة عندي خوات زوج مو طبيعين,,بيسلوني كل ماضاق خلقي!!!
هنوف/ليش مفكرتنا اراكوز ان شاءالله؟
نجود/اوه هنيف هنا..وش طبختي اليوم..
هنوف/حلا البونتي,,,,
جواهر/اش اش حركات....

مضاوي/انتي اللي ماعرفنا طبختك ياجواهر شنهي؟
جواهر/انا طبختي سلمك الله طبقات المكرونة بالارز بالدجاج بالبشاميل,,,
نجود/رهيبة تذوقتها تجنن..
لبنى/أي انا بعد سرقت لي كم ملعقة ابدعتي فيها..
بندر/لالالا تخجلوني بندر متحلف يفوزني.....وناصر الله يغربل بليسه مو راضي يدخلها ضمن اللجنة ,,,
نجود باحتقار/الله واللجنة عاد!!لو ادري فيهم خويلد وتريك ماتعبت حالي!!الحمد الله وينهم وين التحكيم ها الاثنين بيطلعون كل الصحون فاضية وكل شي عجبهم مازعلون احد!!
ههههههههههههههههههههههههههه
دق جوال نجود واستاْذنت منهم وقامت فوق,,
نجود/هلا بعمري وحبي وكل حياتي..
فهد/انا!!
نجود/ليش شاك بنفسك ولابوجود غيرك؟
فهد/والله مدري عنك يابنت السبيعي...تجننيني بها الكلام المعسول...
نجود/ومايوفيك حقك بعد!!
فهد/بعد!!!!
نجود/طبعا...
فهد/اه منك يانجود...انتي مين معلمك ها الكلام الحلو,,,
نجود/انا اقراه بعيونك يافهد مو متعلمته من مكان!!كل ماناظرت بعيونك قريته,,,,
فهد/.............
نجود/اشتقت لي!
فهد/نجود لازم نسرع بارتباطنا,,,انتي مسويتني مثل المراهقين وفي بعدك ماني قادر اصبر اكثر يانجود,,,
نجود/هانت ياقلبي هانت الاسبوع الجاي انت جاي تخطبني,,,وبعدها كل شي بيمشي بسرعة,,,الا انت سويت مخططنا مثل مااتفقنا علشان تبدي فيه!!
فهد/وانا وش اللي كسرني اليوم غير مخططك ياعمري,,,اقولك متكسر يادوي قاموا الرجال وطلبت المهندس حق شركة بو مشاري وروحة وجية ....
نجود/ونجلاء ماحست بشي...
فهد/نجلاء وين وانا وين شاغلة لي نفسها بها العزايم,,,,,,,ميت يانجود لدرجة ماتتصورينها....اليوم ظل المجلس مفتوح ورجاجيل داخلة ورجاجيل طالعة,,رغم اني كنت مقرر مسبقا مااقعد واستقبل احد بس صار ووكلت امري لربي,,تصدقين موحاس برجلي من كثرة الوقفة والسلام,,,,
نجود/يابعد عمري ..تصدق عاد لو انا جنبك والله مااخليك توطي على الارض من تعبك,,لااشيلك واحطك وانقع لك رجلك بموية دافية وادلكها لين يروح تعبك كله,,وامسج لك اكتافك واريحك على الاخر....وش تبي بعد ياقلبي....بس لو انت جنبي...
فهد/نجود................انتي مقتنعة بقرارك بالارتباط فيني!!
نجود/حبيبي انت ليش دايم تسال هالسؤال وتسوي السالفة كبيرة,,,حقك تتزوج ولالا؟واذا ماكنت انا بتكون غيري؟؟ليش ..
فهد/مو كذا بس حبيت اتطمن انك تبيني..
نجود/ابيك..وابيك..وابيك...وبظل ابيك حتى وانا بقربك ومعك,,,
فهد/تعرفين اني مفتقد ها الكلام الحلو من بداية حياتي,,
نجود/بتسمعه كل ليلة وبتمل منه وبتقولي يانجود غيري ها النغمة مليناها نبي شي جديد وبقولك حاضر ياقلبي على امرك وش ماتبي بيصير كل شي ولازعلك يالغالي,,,,
فهد تنهد/مايصير اخطبك من ابوك بالتلفون اللحين واذا وافق اجي اخذك..
نجود/ههههه اه منك يالعيار خطوبة على التلفون!!!لكن وقت اللي تاخذني تعرف تجي تاخذني!!
فهد/هههه
نجود/شلون العيال..وشلون سارة بالتحديد؟
فهد/ماشي حالهم...اشوفها ها اليومين ومن بعد ماطلعنا راكزة شوي....بس لاتقعد لي بجمعات امها وتتغير,,
نجود/لاتتركها يافهد,,بعد ماتنتهي العزيمة واذا انت خايف انهم يخربونها بكلامها روح لها غرفتها ودردش معها من جديد حتى لو قالت لك انها نعسانة ومتكسرة قول لها بس خمس دقايق مابتضرك ,,اسحب منها كل الكلام اللي قالوا لها وعطيها منه اللي انت تشوفه كويس وفهمها ان باقي الاشياء ماهي صح مية بالمية فمالازم تحتفظ فيها بذاكرتها....
فهد/...............
نجود/معي يافهد...
تنهد فهد وقال لها/نجود انتي وينك من زمان!!!ليش خليتيني اظل ها الفترة كلها حايس بامري ومو لاقيك.....
نجود/هذا انا جيتك حبيبي..وبعوضك عن غيابي اللي راح كله,,
فهد/من زمان كنت ابي وحدة تفهم العيال ومتطلباتهم ...كنت ابيها تتكلم بامور ثانية غير الماديات,,,وغير شماعة المراهقة اللي تعلق لي فيها كل اغلاط سارة وبدون حسيب ولارقيب...كنت ابي وحدة تتكلم بمنطقك انتي مثل ماتتكلمين انتي يانجود...واخيرا لقيتك...بتوقفين معي بكل صغيرة وكبيرة صح يانجود,,,,
نجود/ها..اي صح...
فهد/وشفيك؟
نجود/لا العدسة حرقتني شوي...بروح اغسلها..
فهد/تلبسين عدسات يالمجنونة؟
نجود/أي..ملاحظت انهم رمادين؟
فهد/على بالي عيونك..
نجود/خلاص عيوني ولايهمك..
فهد/بس زينة؟
نجود/لا..نظر...
فهد/وليش تلبسين عدسات!!
نجود/وش اللي يمنعني؟
فهد/يضرونك حبيبتي مخاطرهم اكبر من فوايدهم..
نجود/مشكلتي ادري....بس شسوي وين باقي الحلول,,لاتقول نظارة انا مااحبها ابدا!!!
فهد/طيب ليش مافكرتي تسوين ليزر..
نجود/فكرت بس خفت..تراني مو شجاعة لايغرك يعني,,,
فهد/أي بس ماهي متعبة ابدا وماتاخذ وقت ..وعندكم بالدمام..
نجود/ماعليه فهودي بروح اغسل عيوني وبعدين بكلمك..
فهد/يالله حبيبي انتبهي على نفسك وطمنيني على عيونك طيب...
//////////////////////////////////////////////////////
في بيت لمياء...
لمياء/حبيبي بتتعشى اللحين ولا بعدين..
مشاري مع اخوانها/مدري بكيفكم..
اخوها/اللحين اسالينا احنا ليش هو ؟
لمياء/لانه حبيبي,,,
اخوها/أي بس جبتوا ولد خلاص بعد وين حبيبي هاذي تنصرف؟؟
مشاري/لالالا انا مو معك ابدا!!كل مازادت العشرة زاد الحب,,,,
لمياء/سمعت الناس اللي فهمانة شلون تتكلم!!
قالتها بمرارة وكانها تذكرت حياتهم كيف كانت ماشية قبل كم يوم ومافاتت مشاري ابدا كلمتها بس ناظرها بحب وكانه يحتويها وابتسمت له بالم وتاسف عن تقصيرها اللي كان,,
مشاري/اقول تعالي حبيبتي نقهر اخوانك شوي.؟
لمياء بخجل/وش تبي!!
مشاري حط رجل على رجل/تعالي ببوسك...
اخوها/ها ها ها..اشوف يالنسيب رايح فيها الاسبوع عسى ماشر وش شارب ان شاءالله..
لمياء/هههههههه
مشاري/ماشر يالغالي بس شارب لي ريد بول وعطاني جوانح...
اخوها/هههههههههه
لمياء/اجل وين مريومة حبيبي..
مشاري/وش تبين بمريومة وانا عندك ها؟
لمياء/مو لانها قطعة منك لازم اتطمن عليها,,,
/////////////////////////////////////////////////////
فازت طبخة جواهر بالمركز الاول وشيز عبير بالمركز الثاني وسط اعتراضات لبنى ونورة...بس رضوا يوم طلبت جواهر من ناصر انه يحجز لهم شاليه الاسبوع الجاي ويروحون بروحهم بنات وبس,,ووافق,,,
وعبير قالت له يوديهم الاسبوع الجاي مجمع الضهران من الصبح كلهم وانه يتزوج ويفرحهم علشان ترد جمايله في مرته وعياله وافق على الاولى والثانية قال بيفكر فيها,,,,
وباخر الليل بسهرة ناصر ونجود...
نجود/والله اصحابك مو ذويقين بالمرة!!كيف يتركون سيسلنغي ومايفوزونه!!!
ناصر/لا بصراحة كان رهيب مرة..كل طباختكم كانت حلوة بس المفارقات مطلوبة...
نجود/أي ..يالله اهم شي ماراحت لبعيد وراحت لجواهر,,,
ناصر/تصدقين عاد صوت هو اللي فصل بين طبخة عبير وجواهر ولا كانوا بنفس المستوى,,,
نجود/انت من صدقك مسوي مسابقة ؟
ناصر/...........
نجود/شالسالفة!!ادري فيك مشفوح على الاكل بس مو لدرجة انك تسوي مسابقات!!!
ناصر/بيني وبينك هو اخوياي قايلين بيمروني يتعشون..قمت انا وقلت لكم انها مسابقة لاني اولا استحيت اقولكم طبخوا لي علشان خويايّ جايني يتعشون عندي ولاني حسيت اني ابي اغير شوي بجو البيت...
نجود/ليش؟
ناصر/مدري بالدرجة الاولى بنات عمي شايل همهم تعرفين بندر طول الاسوبع غايب وماصار يطلعون مثل اول وتعرفين ابوي مو مثل عمي..وكنت مقرر اطلعكم كلكم انتوا بالحريم واوديكم أي مجمع وكل وحدة تشتري لها شي يعجبها على حسابي ...
نجود/راحت علينا يعني!!
ناصر/لا ماراحت اسبوع الجاي اذا وديتكم مجمع الضهران باخذ لكم وابيك تاخذين للحريم بعد انا مااعرف وش اخذ لهم,,,,
نجود/الله يعطيك على قد نيتك يانويصر..
ناصر/بعد نويصر؟؟الله يسامحك..صحيح يسلم عليك اخو صاحبتك؟
نجود/أي صاحبة؟
ناصر/مصعب..
نجود/مصعب؟؟أي مصعب؟
ناصر/اخو منال اللي معك بالرياض..
نجود/وانت وين لاقيه,,,بعدين هذا ولد عمتها مو اخوها!!
ناصر/سبحان الله انا ماكلمته ولاهو كلمني من اخذنا ارقام بعض واليوم بدق على واحد من الربع ودقيت له بالغط,,وسلمنا على بعض كان يقول لي انه جاي الشرقية عندنا ,,جاي يشوف واحد من معارفه وبيمشي الليل قلت خلاص بعد عشاك عندي..مو اقولك صوت فارق بين طبخة عبير وطبخة جواهر,,,كان صوت مصعب...
نجود/..........................وهو وش عرفه انها طبخة جواهر؟
ناصر/هههههه بندر الله يسامحه داخل طالع فوزوا طبخة مرتي..وسالني عنه لانه ماشافه ذاك اليوم وقلت له انه ولد عمي وماخذ صاحبتك وبنت جيرانا ..عاد ابوي كان داخل الا يقول لاتلومونه هذا مصفوق على مرته لايموت علينا مابيهدكم الا اذا فوزتوها؟
نجود/يعني التقى بندر بمصعب؟
ناصر/بيني وبينك ماحسيته تالف معه؟كان طول الوقت يطالع فيه؟
///////////////////////////////////////////////////////////في بيت الهاجري..
بندر/والله ماراحت توصياتي بطبختك بلاش هذا انتي فزتي؟
جواهر/ياسلاام يعني قصدك تقول اني مااعرف اطبخ!!!!
بندر/لا افا عليك بس...
جواهر/فكرت بعد؟
بندر/يالله انا حركت واسطاتي تفوزك اللحين تردين لي الجميل وتعطيني المقسوم؟
جواهر غمزت له ان محمد قاعد لاينتبه لها,,,
بندروهو يناظر بمحمد/محمد منت نعسان وودك تنام!!!
محمد/قول لنفسك ياولد السبيعي يوم انك تعبان ليش ماتروح بيتكم وتخلينا ننام ونرتاح!!!
بندر/اقول اسكت بس يالبزر؟؟مو طالع واذا مو عاجبك انقلع دارك؟
جواهر/بندر,,,حبيبي يزعل بعدين؟
بندر/خليه يزعل انا ودي يزعل وناخذ راحتنا!!!
جواهر/لا ماارضى عليه وبعدين خليك وش باقي على عرسنا علشان تجيني منكوي ليلة العرس؟؟؟
بندر/ومن قال لك اني بجي بردان !!اكيد بجي منكوي ياقلبي.,,هاذي مافيها شك...
جواهر/.........
محمد/وش تنكوي ومتنكوي بعد!!!
بندر/اووووووووووووف ياربي!!هذا اللي بيموتني بجد؟يبى ارحم بحالي مابتجي ليلة عرسنا الا انا من زمان رجت فيها منك؟اعتقني لوجه الله كم لحظة بس,,,
محمد/وش تبي بكم ها اللحظة!!
بندر بضيق/ببرد غليلي في اختك اللي تاركتك على راحتك!!
جواهر باستعطاف/محمد لاتتركني حبيبي بعدين يطقني ويهاوشني انا اخاف منه!!
محمد بقوة/ولايهمك يااختي قاعد على قلبه لين يتعب ويتملل ويروح بيتهم!!
جواهر/ههههههههههه
بندر/لاوالله رحت فيها!!
///////////////////////////////////////////////////
في شقة عبير,,
كان علي طافي كل الانوار وقاعد وهو حاط يدينه ورى عبير وكانه بيحضنها والتلفزيون مشغل,,
علي/شفتي مو قلت لك انك بتفوزين؟
عبير/امممممممم
علي/يالله قولي وش تبين هديتك؟
عبير/................
علي/مو بس هم يعطونك هدية انا بعد بعطيك,,,
عبير/علي,,,,,
علي/نعم,,,
عبير/وش فيك؟
علي/؟؟؟؟؟؟؟؟؟؟؟؟
عبير/انت فيك شي ياعلي منت خالي!!!انا ماتعودت عليك كذا!!!
علي/..........قومي ننام!!!
عبير/ليش؟
علي بهمس/يعني واحد يقول لمرته قومي ننام تقوله ليش؟
عبير بضعف/ليش انت كذا اليوم؟وش اللي صاير لك ومغيرك؟
علي بتنهيدة/وليش ماتبيني اتغير؟
عبير/لاني احس ان تغيرك مو نابع من قلبك؟
علي بخوف/وش تقصدين؟
عبير/مدري.....بس حاسة ان فيك شي,,,,
////////////////////////////////////////////////
لبنى/شفت الظلم؟؟مافوزوني؟؟
عبدالعزيز/يابعد قلبي والله لو اني موجود كان ماطلعتي خسرانة ابدا!!!
بنى/بس بردت قلبي جواهر يوم قالت نبي شاليه نستانس فيه براحتنا بدونهم؟
عبدالعزيز/ياحبي انتي,,والله اني ابصم لك بدون مااذوق طبخك؟
لبنى/حبيبي انت..اصلا محد يقدرني غيرك..
عبدالعزيز/اشتقت لك ياعمري؟
لبنى/عمري...وش رايك نتزوج انا وانت بدون مانقول لااحد؟
عبدالعزيز/ههههههههه مجانين نتزوج بدون مانقول لااحد!!
لبنى بضيق/وش فيها عاد!!مو مسؤلين عن انفسنا وقادرين على تحمل المسؤلية!!خلاص بعد وش له هالضحكة والمسخرة؟
عبد العزيز/انتي من صدقك تتكلمين لو تمزحين؟
لبنى/لا امزح,,لا قصدي اتكلم جد؟
عبدالعزيزبحزم/لبنى ,,انا اذا باخذك باخذك قدام العالم كله مو وراهم!!!
لبنى بضعف/تعبت..واللله العظيم تعبت ياقلبي وابي اظل قربك واعيش باقي عمري بحضنك؟
عبدالعزيز/بالنور مو بالظلام,,
لبنى/طيب احنا بنتزوج مو بنلعب ياعبدالعزيز الله يهداك؟
عبدالعزيز/انت كيف فكرتي بها الفكرة يالبنى كيف؟؟؟زعلتيني منك؟
لبنى/.........................
عبدالعزيز/...........
لبنى/اسفة حبيبي...
عبدالعزيز/حياتي ماابيك تفكرين بها الشي مرة ثانية طيب..
لبنى باستسلام/طيب...مو تزعل مني..
عبدالعزيز بمرح/راضيني يالله انا زعلان!!!
لبنى بهمس/احبك..
تنهد عبدالعزيز بقوة وكلمة لبنى عن انهم يتزوجون بالسر حازة بخاطره,,
لبنى بنفس الهمس/احبك وبظل احبك لااخر يوم بحياتي..
عبدالعزيز بتعب/تتعبني ها الكلمة حييل ياعمري,,,
//////////////////////////////////////////////////////////يوم السبي بالمدرسة,,,,
كانوا بنات اولى ثانوي بمختبر الفيزياء والحصة اللي وراهم كانت نجود وتاخروا على حصتها شوي ...
وبعد عشر دقايق جوا الفصل وملاك ومزنة وشلتهم يغنون وهم فاتحين الباب,,,
ملاك/سمعت حس الطار شالوه.
مزنة/.شالوه زينات اللاثمة..
شما/بغيت احول يوم...وقفوا كلهم يناظرون بنجود اللي واقفة وهي متكتفة قبال الباب..
نجود/يالله بسرعة انتي وياها ادخلوا !!مو كفاية متاخرين بعد بتاخرون الحصة زيادة؟؟
ملاك بمرح/شلونك ابلة نجود..وحشتينا خميس وجمعة ماشفناك؟
نجود/يالله يالله يالله....دخلوا..
ملاك/هههه
نجود/ملاك..ولا صوت..
كانوا طاولات البنات وكراسيهم كلهم اخر الفصل مجمعين ورى...والفصل فاضي...

مروة/مين رجع طاولاتن ورى الفصل؟
نجود/انا!!
البنات/............
نجود/شفتوا انكم تعبتوني؟
نور/ليش ماانتظرتينا نجي وانا اشيلهم عنك بدل ماتتعبين..
ملاك باعتراض/لاانا اللي كنت بشيلهم مو انتي!!
نجود/قعدوا بلا جنان علي!!!
العنود/ابلة وين بنقعد؟
نجود/على الارض..ابيكم تكونون كلكم بحلقة وحدة...
قعدوا البنات يوم قالت لهم ...
وكتبت على السبورة,,,,درس من الحياة,,,

ولفت لهم وهي تشوف الحيرة بعيونها,,,
الجازي/هذا لاهو مطالعة ولاهو ادب..ومااعتقد يكون تعبير..قبل يومين كنا ماخذين موضوع انشائي؟
نجود/هذا اسمه درس من الحياة ..دردشة بيني وبينكم..
ملاك/شلون يعني..
مسكت الصينية اللي كانت فيها دلة القهوة بالفناجين وحطتهم قبالهم وحطت لهم علبة الشوكلاته وقعدت قبالهم على الارض..
نجود/ودي ادردش معكم..ومدام ان احنا بالمنهج ماشين بالسليم...
مروة/وش يعني درس بالحياة؟
نجود/كل وحدة بتقول وش تعلمت من الحياة,,,شنو عطتها الحياة,,,وش تبي هي من الحياة,,كلمة تبي توصلها للحياة؟,,موقف ضايقها بالحياة,,,كل شي بالحياة...
ساد الهدوء بالفصل,,,,
نجود/يالله وحدة تقوم تضيفنا...علشان نبدي دردشتنا واحنا مروقين,,,
//////////////////////////////////


---البارت الواحد والأربعين---

,,,,,,,,,,,,,,,,,,,,,,,,,,,,,,,,,,,,,,,,,,,,,,,
في بيت الهاجري..
بندر/والله ماراحت توصياتي بطبختك بلاش هذا انتي فزتي؟
جواهر/ياسلاام يعني قصدك تقول اني مااعرف اطبخ!!!!
بندر/لا افا عليك بس...
جواهر/فكرت بعد؟
بندر/يالله انا حركت واسطاتي تفوزك اللحين تردين لي الجميل وتعطيني المقسوم؟
جواهر غمزت له ان محمد قاعد لاينتبه لها,,,
بندروهو يناظر بمحمد/محمد منت نعسان وودك تنام!!!
محمد/قول لنفسك ياولد السبيعي يوم انك تعبان ليش ماتروح بيتكم وتخلينا ننام ونرتاح!!!
بندر/اقول اسكت بس يالبزر؟؟مو طالع واذا مو عاجبك انقلع دارك؟
جواهر/بندر,,,حبيبي يزعل بعدين؟
بندر/خليه يزعل انا ودي يزعل وناخذ راحتنا!!!
جواهر/لا ماارضى عليه وبعدين خليك وش باقي على عرسنا علشان تجيني منكوي ليلة العرس؟؟؟
بندر/ومن قال لك اني بجي بردان !!اكيد بجي منكوي ياقلبي.,,هاذي مافيها شك...
جواهر/.........
محمد/وش تنكوي ومتنكوي بعد!!!
بندر/اووووووووووووف ياربي!!هذا اللي بيموتني بجد؟يبى ارحم بحالي مابتجي ليلة عرسنا الا انا من زمان رحت فيها منك؟اعتقني لوجه الله كم لحظة بس,,,
محمد/وش تبي بكم ها اللحظة!!
بندر بضيق/ببرد غليلي في اختك اللي تاركتك على راحتك!!
جواهر باستعطاف/محمد لاتتركني حبيبي بعدين يطقني ويهاوشني انا اخاف منه!!
محمد بقوة/ولايهمك يااختي قاعد على قلبه لين يتعب ويتملل ويروح بيتهم!!
جواهر/ههههههههههه
بندر/لاوالله رحت فيها!!
///////////////////////////////////////////////////
في شقة عبير,,
كان علي طافي كل الانوار وقاعد وهو حاط يدينه ورى عبير وكانه بيحضنها والتلفزيون مشغل,,
علي/شفتي مو قلت لك انك بتفوزين؟
عبير/امممممممم
علي/يالله قولي وش تبين هديتك؟
عبير/................
علي/مو بس هم يعطونك هدية انا بعد بعطيك,,,
عبير/علي,,,,,
علي/نعم,,,
عبير/وش فيك؟
علي/؟؟؟؟؟؟؟؟؟؟؟؟
عبير/انت فيك شي ياعلي منت خالي!!!انا ماتعودت عليك كذا!!!
علي/..........قومي ننام!!!
عبير/ليش؟
علي بهمس/يعني واحد يقول لمرته قومي ننام تقوله ليش؟
عبير بضعف/ليش انت كذا اليوم؟وش اللي صاير لك ومغيرك؟
علي بتنهيدة/وليش ماتبيني اتغير؟
عبير/لاني احس ان تغيرك مو نابع من قلبك؟
علي بخوف/وش تقصدين؟
عبير/مدري.....بس حاسة ان فيك شي,,,,
////////////////////////////////////////////////
لبنى/شفت الظلم؟؟مافوزوني؟؟
عبدالعزيز/يابعد قلبي والله لو اني موجود كان ماطلعتي خسرانة ابدا!!!
بنى/بس بردت قلبي جواهر يوم قالت نبي شاليه نستانس فيه براحتنا بدونهم؟
عبدالعزيز/ياحبي انتي,,والله اني ابصم لك بدون مااذوق طبخك؟
لبنى/حبيبي انت..اصلا محد يقدرني غيرك..
عبدالعزيز/اشتقت لك ياعمري؟
لبنى/عمري...وش رايك نتزوج انا وانت بدون مانقول لااحد؟
عبدالعزيز/ههههههههه مجانين نتزوج بدون مانقول لااحد!!
لبنى بضيق/وش فيها عاد!!مو مسؤلين عن انفسنا وقادرين على تحمل المسؤلية!!خلاص بعد وش له هالضحكة والمسخرة؟
عبد العزيز/انتي من صدقك تتكلمين لو تمزحين؟
لبنى/لا امزح,,لا قصدي اتكلم جد؟
عبدالعزيزبحزم/لبنى ,,انا اذا باخذك باخذك قدام العالم كله مو وراهم!!!
لبنى بضعف/تعبت..واللله العظيم تعبت ياقلبي وابي اظل قربك واعيش باقي عمري بحضنك؟
عبدالعزيز/بالنور مو بالظلام,,
لبنى/طيب احنا بنتزوج مو بنلعب ياعبدالعزيز الله يهداك؟
عبدالعزيز/انت كيف فكرتي بها الفكرة يالبنى كيف؟؟؟زعلتيني منك؟
لبنى/.........................
عبدالعزيز/...........
لبنى/اسفة حبيبي...
عبدالعزيز/حياتي ماابيك تفكرين بها الشي مرة ثانية طيب..
لبنى باستسلام/طيب...مو تزعل مني..
عبدالعزيز بمرح/راضيني يالله انا زعلان!!!
لبنى بهمس/احبك..
تنهد عبدالعزيز بقوة وكلمة لبنى عن انهم يتزوجون بالسر حازة بخاطره,,
لبنى بنفس الهمس/احبك وبظل احبك لااخر يوم بحياتي..
عبدالعزيز بتعب/تتعبني ها الكلمة حييل ياعمري,,,
//////////////////////////////////////////////////////////يوم السبت بالمدرسة,,,,
كانوا بنات اولى ثانوي بمختبر الفيزياء والحصة اللي وراهم كانت نجود وتاخروا على حصتها شوي ...
وبعد عشر دقايق جوا الفصل وملاك ومزنة وشلتهم يغنون وهم فاتحين الباب,,,
ملاك/سمعت حس الطار شالوه.
مزنة/.شالوه زينات اللاثمة..
شما/بغيت احول يوم...وقفوا كلهم يناظرون بنجود اللي واقفة وهي متكتفة قبال الباب..
نجود/يالله بسرعة انتي وياها ادخلوا !!مو كفاية متاخرين بعد بتاخرون الحصة زيادة؟؟
ملاك بمرح/شلونك ابلة نجود..وحشتينا خميس وجمعة ماشفناك؟
نجود/يالله يالله يالله....دخلوا..
ملاك/هههه
نجود/ملاك..ولا صوت..
كانوا طاولات البنات وكراسيهم كلهم اخر الفصل مجمعين ورى...والفصل فاضي...

مروة/مين رجع طاولاتنا لورى الفصل؟
نجود/انا!!
البنات/............
نجود/شفتوا انكم تعبتوني؟
نور/ليش ماانتظرتينا نجي وانا اشيلهم عنك بدل ماتتعبين..
ملاك باعتراض/لاانا اللي كنت بشيلهم مو انتي!!
نجود/قعدوا بلا جنان علي!!!
العنود/ابلة وين بنقعد؟
نجود/على الارض..ابيكم تكونون كلكم بحلقة وحدة...
قعدوا البنات يوم قالت لهم ...
وكتبت على السبورة,,,,درس من الحياة,,,

ولفت لهم وهي تشوف الحيرة بعيونها,,,
الجازي/هذا لاهو مطالعة ولاهو ادب..ومااعتقد يكون تعبير..قبل يومين كنا ماخذين موضوع انشائي؟
نجود/هذا اسمه درس من الحياة ..دردشة بيني وبينكم..
ملاك/شلون يعني..
مسكت الصينية اللي كانت فيها دلة القهوة بالفناجين وحطتهم قبالهم وحطت لهم علبة الشوكلاته وقعدت قبالهم على الارض..
نجود/ودي ادردش معكم.. مدام ان احنا بالمنهج ماشين بالسليم...
مروة/وش يعني درس بالحياة؟
نجود/كل وحدة بتقول وش تعلمت من الحياة,,,شنو عطتها الحياة,,,وش تبي هي من الحياة,,كلمة تبي توصلها للحياة؟,,موقف ضايقها بالحياة,,,كل شي بالحياة...
ساد الهدوء بالفصل,,,,
نجود /يالله وحدة تقوم تضيفنا وخلونا نبدي وحنا مروقيين,,
ساد السكون الفصل وهم يناظرون بنجود اللي قاعدة قبالهم بكل بساطة على الارض وماكانها هي نفسها اللي تراجفهم من الخوف,,,,
نجود/شفيكم...تعالي نور وزعي على البنات....
مزنة/عادي ناكل اللحينّ؟
البنات ضحكوا كلهم وابتسمت نجود لهم..
نجود/أي عادي لانها حصة مفتوحة..
ملاك/هههه عادي نجيب ورق عنب عندنا بالدرج..
نجود/ادري شفته وانا اشيل درجك؟
البنات/ههههههههههه
نجود/يالله منهي بتبتدي وبتتكلم..
الجازي/عادي اختار...
نجود/يالله فكرة حلوة..اختاري يالجازي..
الجازي بثقة/اكيد بختار ابلة نجود تتكلم ومين يقدر يبدي قبلها!!!
قام التصفيق بين البنات,,,,
نجود بضحكة/يعني رحت وطي,,,
شما/انتي ابدي اول وبعدها احنا....
نجود/طيب.....شتبوني اقولكم....
مروة/هههه أي شي بالحياة.....
نجود/امممممممممم خلوني ابدي لكم ببيتنا....عندي اخوان اثنين...الفرق بينهم مو كثير يعني بحدود السنتين ونص,,,,الاول واللي هو الكبير عايش بعزلة تامة عن الاهل و
قاطعتها ملاك/مين تقصدين بالاهل؟
نجود بثقة/احنا خواته ,,اخوانه,,امه ابوه..علاقاته فينا محدودة وعابرة ويمكن انه يعتبرها رسمية وبالعيد زين يسلم علينا ويبارك لنا..والثاني مشاءالله عليه الجيران يحبونه قبل اهل البيت من كثر ماهو طيب وحنون وخلوق مع الكل...
نفس التربية اخذوها اثنينهم بنفس البيت وكانوا الى حد ما متشابهين,,لين كبروا وتغير شي بالاول...يمكن انه موقف صار له من الحياة وعلى اساسه غير كل حياته وحياتنا معه؟؟؟
بس بالذمة وللامانة انا معه بتغيره رغم لوم كل اللي حوالينه له؟
نور/ليش؟
نجود/يمكن ان الموقف اللي مر فيه صعب..ويمكن انه تحت ضغط ويمكن انه الموقف صار له بدون قصد منه بس النتيجة جت عكسية؟مانقدر نلوم أي انسان وبسن صغيرة وحتى كبيرة على شي احنا مانعرف ظروفه وملاباسته..كل اسبوع يوم الجمعة نتجمع بعد الاكل ونشرب شاي وقهوة انا وامي وابوي واخواني ..كلهم يكونون بصف وانا بصف ثاني..كلهم ضده وانا معه..لدرجة ان ابوي صار يتضايق مني كل ماانفتحت سيرته ويقولي شكلك بتخطين خطاه!!!بس انا معه وبظل معه لين النهاية؟
مروة/أي بس اللي مافيه خير حق اهله مافيه خير حق الناس؟
نجود/طيب ماقلنا شي...بس هو ماجانا وتكلم وفضفض عن اللي بقلبه...علشان نعرف وش ظروفه ووش اللي غيره مرة وحدة؟يمكن انه استحى يقول ولاحتى ماهو قادر ينطق وماهو مطاوعه لسانه....
بس لازم تضل نيتنا حسب رائي الشخصي ..سليمة وصافية ناحيته لين يتغير ويغير حياته.....................................
أي انا بديت لكم انتوا قولوا.....
شما/ماعندنا شي نقوله..
نجود/ملاك مالك بالعادة تسكتين انتي طول الوقت شغالة بالكلام قولي شي؟
ملاك بهدوء/ماعندي شي اقوله؟
نجود/غريبة انتي حتى اذا ماعندك شي تنطين لي بوسط الطابور تقولين لي شلونك ابلة نجود؟
البنات/هههههههه
ملاك بنفس الهدوء/الحياة مو حلوة..
نجود/لاياشيخة!!!وش الحياة موحلوة؟
ملاك بنرفزة/وش فيها حلو؟كل شي موحلو؟
نجود باعتراض/انا مو معك ابدا!!!بالعكس كل مرحلة بمراحل حياتنا بالحياة حلوة ولها ذكريات وطعم....يمكن ماتحسين فيه اللحين بس خذيها مني انا كل يوم والثاني اكلم صاحبتي وشغلتنا بس نذكر ذيك الايام...ثالث ثانوي بروحه ذكرياته ماتخلص...على النسبة وعلى القلق النفسي اللي نعيشه وبعدها مرحلة اختيار الجامعة والتسجيل والحالة ...هذا كله تتذكرونه بعدين اذا كبرتوا ورحتوا مرحلة ثانية..
مزنة/أي بس بعدنا باولى ثانوي مارحنا ثالث..
نجود/مشاءالله مزنة تكلمت!!بالعادة مااسمع صوتك بحصتي؟
مزنة/أي بس اللحين مو حصة دراسية؟
البنات/هههههههههه
نجود/صحيح منتوا بثالث بس بمرحلة احلى من ثالث بعد..توكم طالعين من فترة مراهقة متوسط وداخلين مرحلة انضج واحلى...وش تسون انتوا بالفصل..
نور/طول يومنا بالكتاب مانشيل عنه عيونا ابدا!!
نجود/ههههه
البنات كلهم ضحكوا بعد ضحكتها..
نجود/انا كنت بعمركم ومريت بنفس المرحلة اللي انتوا مريتوا فيها.....
الجازي/طيب كيف كنتي انتي بها المرحلة؟
نجود/مثلكم تماما.....اعلق على ها الابلة؟واحش بذيك الادمية..وهاذي ماهي لابسة حلو..وهاذي كله معصبة..طبعا كلكم تقولون عني ها الكلام يوميا هاذي شفيها ابلة نجود دايم معصبة وتصارخ علينا!!صح؟
البنات ضحكوا.....
نجود/ضيعتوا علي الحصة وماباقي غير دقايق صغيرة فيها وماقلتوا شي....
نور/اهم شي شفناك تضحكين..
الجازي/أي..
نجود/وتعبتوني وانا اشيل بادراجكم وكراسيكم...
ملاك بتاْثر/ياحرام تعبتي!!طيب ليش ماناديتي انا اشيلهم عنك؟
نجود/كنتوا بالمختبر ياحلوة؟
ملاك/انا ماكنت معهم كنت ...
نجود/ها ..هربانة من الحصة؟
حصة/لامو هربانة بس تغير جو باخر المختبر....
نجود/المهم ماعلينا انا بس حبيت اهمس باذنكم ببعض الكلمات علشان تكون نبراس لكم بالحياة.....وماابي احد يفترض نفسه المقصود او انه المعني بشكل مباشر..لا...انا يمكن اني اقصد الجازي ويمكن اني اقصد ملاك ويمكن اني اقصد الفصل كله بكلامي ويمكن اني مااقصد أي احد ..بس ابيكم تسمعونها مني...دروب الحياة يابنات ماهي مفروشة بالورد دايما...اذا عاصرناها وعشنا فيها بناخذ منها الافراح ونصطدم بالاحزان...لان الحياة سلسلة من الالام والفرح وتتخللها دايما الذكريات,,,
خلوا ايامكم كلها صفحات مشرقة لماضيكم وهذا ماراح يكون الا بالعمل الصالح والاخلاق الكريمة اللي تخلي الناس يذكرونكم بذكرى طيبة... واتمنى انكم دايم تفتحون قلوبكم للي حوالينكم لو صادفكم موقف او مشكلة ماتقدرون تتغلبون عليها علشان يقدر يساعدكم,,,
ويالله كل وحدة تقوم ترجع طاولتها وكرسيها بهدوء قبل لايدق جرس الفسحة,,,
///////////////////////////////////////////////////
بندر/لاتحاولين وتقولين نعسانة مو مسكر كيفي!!
جواهر/طيب اقعد تكلم بروحك وانا بنام وين المشكلة...
بندر/علشان اطلع لك من التلفون واذبحك!!!
جواهر/هههههه طيب منت عارف ان هذا وقت نومي ليش تدق اللحين انا ابي افهم!!
بندر/عناد!!
جواهر/ياسلااااام!!
بندر/بس اخوك اللي يعاند من يشوفني!!برد لك الصاع انتي!!
جواهر/وانا شكو هو يعاندك وانا ابتلش؟؟
بندر/مو انتي راضية بعناده وعلى قلبك مثل الحلاوة....
جواهر/هذا بزر وش تبيني اسوي له؟؟
بندر/يااخي فهميه ان احنا لنا خصوصيتنا!!!
جواهر/لاحقين على خصوصيتنا يابندر كلها كم شهر ونكون مع بعض بنفس البيت وبنفس الغرفة وش تبي بعد!!!
بندر/ياسلااام وانا وش يخليني انتظر ها الكم شهر لين يجون بالله!!!!
جواهر/............
بندر/انا ابي احضنك وابوسك براحتي...مو اقعد انتظر لين يجون ها الكم شهر بعد ياقلبي!!!
جواهر/حبيبي!!مااحب ها الكلام وانت بعيد عني!!
بندر/مو مشكلة اجيك اللحين!!!
///////////////////////////////////////////////////////////
نورة/لاتكلمني زعلانة منك؟؟
ناصر/هههههههههه
نورة/هذا وانا اختك الصغيرة وابوي موصيك علي!!!
ناصر/يعني تبيني اغش علشان انك اختي؟؟؟
نورة/وش فيها!!!
ناصر/وبعدين انا مالي شغل في لجنة تحكيم هي اللي اشرفت على التحكيم...
نورة/الله واللجنة عاد!!على قولة نجود تريك وخويلد؟؟؟
ناصر/يالله عاد احشمي اصحابي احسن لك ....
نورة/بظل زعلانة منك لو شتسوي...كسرت بخاطري وتعبت نفسيتي...
ناصر/ول ول ول ول منكم يالبنات!!انكسر خاطرك وتعبت نفسيتك مرة وحدة؟
نورة/اجل وش تتوقع ؟
ناصر/خلاص يبى قومي بنطلعك نمشيك شوي وغيري جو خلي اللي انكسر يرجع يلتئم بعد مانقدر على زعلك يانوير يكفي انك على اسم جدتي الله يرحمها..
نورة/بسوي روحي ماسمعت مدام وراي طلعة؟؟؟
ناصر/وينك جيبي خويتك معك مسكينة اخوها مو هنا خلها هي بعد تطلع..
نورة/دقايق واحنا عندك بالسيارة...
////////////////////////////////////////////////////////////نجود/شلونك حبيبي
فهد/انتظر اسمع صوتك علشان اقولك اني عال العال..
نجود/يابعد عمري....
فهد/انتي شلونك...
نجود/بخير......تصدق قبل شوي جتني مكالمة وحيرتني...
فهد/اممممم
نجود/مكلميني مستشفى مغربي ويقولون لي موعدك بكرة الساعة خمس ونص!!!اي موعد أي خرابيط ؟؟؟الغريبة انهم جايبين اسمي بالكامل ورقم جوالي!!!
فهد/وين الغريب؟
نجود/وش اللي وين الغريب؟
فهد/انا مكلم ماخذ لك موعد عندهم؟
نجود/انت!!!ليش؟
فهد/شنو اللي ليش...علشان تسوين فحوصات العملية؟
نجود/أي عملية؟
فهد/الليزر.....بلا عدسات بلا هم ...انا ماخذ لك موعد وبكرة الساعة ثلاث ونص انتي بالمطار حجزت لك تروحين تسوين الفحوصات وتخلصين من المستشفى وترجعين هنا؟
نجود/مشاءالله!!راسم البرنامج على كيفك حضرة جنابك وانا ماادري عن شي؟
فهد/هذا انتي دريتي؟
نجود/ياسلاااام ..!!!اولا انا مستحيل اطب الدمام ومااشوف حبايب قلبي....
فهد/لا ماهي مستحيلة تعرفين ليش؟
نجود/ليش؟
فهد/لاني بكون معك بنفس الرحلة وبكون موجود معك بالمستشفى...وبعدها برجع معك المطار يعني ماراح تروحين هناك؟
نجود/............فهد...
فهد/الموضوع غير قابل للنقاش انا مجهز كل الامور..وبعدين بعد الصلاة تعالي بوريك المخطط بالمزرعة....
//////////////////////////////////////////////////////////مصعب/عمتي شلونك..
نجلاء/هلا مصعب شلونك يمه شلون خواتك وامك..
مصعب/بخير عمتي,,انتوا شلونكم خالي شلون صحته؟
نجلاء/وخالك وش فيه عاد!!مافيه الا العافية لاتشغل بالك,,,
مصعب/وينه؟
نجلاء/والله اليوم مارجع من المكتب اصلا قال عنده جلسة بالمحكمة وشغل كثير لارجع الضهر ولابيرجع الا الليل مرة وحدة؟؟
مصعب/اممممم,,,طيب انتي تبين شي عمتي؟
نجلاء/لا...سلامتك يمه..
مصعب/الله يسلمك...
///////////////////////////////////////////////////////////علي/تبين نطلع نمشي على البحر شوي؟
عبير بدون نفس/لا
علي/طيب تبين نروح أي مجمع نتمشى ونتسوق؟
عبير/لا
علي/طيب وش تبين بالضبط خليني افهم؟
عبير/ابي افهم علي وش يبي؟
علي/وش تقصدين؟
عبير/انت فاهم علي وش اقصد!!تغيرك وراه سالفة؟
علي بعصبية/وانتي مافي شي يعجبك ويرضيك؟اذا اهتميت فيك قلتي وراك سالفة؟واذا طنشت قلتي ماعندك قلب؟وش تبين فهميني؟
عبير/شفت..شفت انك مو متغير لوجه الله وان وراك سالفة؟
علي بصرامة/الضاهر اني عطيتك وجه بزيادة!!!
عبير/يمكن...
علي/............
عبير/ياترى ياعلي هي حبيبتك لمياء سبب تغيرك علي ولا في نية ثانية الله اعلم فيها!!!!!

//////////////////////////////////////////////////
بعد صلاة المغرب في مزرعة فهد...
نجود/يعني بالنهاية ماصار جناح مدامك دخلت عليه مطبخ وغرفتين!!!
فهد/كذا افضل واريح لك..وبعدين بشيل وبحط على غرفة وصالة بس!!!وبعدين افرضي حبيتي تسوين لك شي باي وقت..وانك مااتفقتي معهم وهذا اللي انا متوقعه..ابي يكون لك شي خاص فيك وماتنحكرين بشي معهم؟
نجود/امممممم طيب يوم انك ضفت ها المساحة ذي ...ليش ماتخليها دبلكس...فوق وتحت بيكون شكل المكان احلى وارتب وافضل..
فهد/تبينه دبلكس؟فكرة مو بطالة ابدا...طيب نسويها لعيونك...وش تبين بعد..
دق جواله/هلا مصعب...اي وصلت المزرعة..طيب يالله انا جاي لك؟
نجود/يالله انا ماشية تبي شي حبيبي...
فهد/سلامتك ياروحي ابيك تروحين ترتاحين علشان موعد بكرة طيب,,,
نجود/ان شاءالله ياقلبي انت تامرني امر....بس ممكن قبل لاامشي اطلب منك طلب صغير مررررة!!
فهد/شنو؟
نجود/ممكن تخفف من ها السجاير شوي..معقولة مايهمك خوفنا عليك يافهد؟
كانت بيده سيجارة وقام يناظرها ويناظر نجود...
كملت نجود كلامها/فهد علشاني واللي يسلم عمرك انا عارفة انك صعب تتركه بس خفف منه والله كل ماشفت السيجارة بيدك انذبح!!!لاتفكر بصحتك بس فكر فينا احنا يللي حواليك يافهد انت كل شي بالنسبة لنا معقولة تتخيل كيف وضعنا يصير اذا صار لك شي لاسمح الله!!
فهد رمى السيجارة من يده وداس عليها وابتسمت له وقالت بهمس/ياحليليك اذا جيت تسمع الكلام يافهودي كنك طفل صغير....
ماعلق على كلامها واكتفى بانه يبتسم بينه وبين نفسه بس طبعا مافاتت نجود ها الابتسامة ابدا!!قاموا يمشون للنهاية والتقوا بمصعب,,,,
مصعب بتردد/شلونك نجود؟
نجود/هلا مصعب............وصلني سلامك يوم الخميس...
مصعب/............
نجود/كانت فرصة سعيدة انك شرفتنا؟
مصعب بتنهيدة حارة/انا كل اسبوع اجي عندكم يانجود..
نجود/كل اسبوع؟؟؟؟؟؟؟
مصعب بضعف/اوقف على بابها واتنفس هواها واحط لها وردة على باب البيت وامشي,,
نجود بحدة/مصعب جواهر مرتبطة؟شيلها من بالك؟
مصعب تنهد بضعف وهو قريب يبكي/ها الاسبوع بالذات نويت اشيلها من بالي خلاص!!شفت حبه لها بعيوني؟؟؟؟ماتخيلته يحبها,,,انصدمت,,,حسيت ان خيط الامل اللي كنت راص يدي عليه انقطع!!!!بس لو كان بيدي يانجود صدقيني شلتها من بالي بس والله العظيم مو قادر...مدري ليش احسها..ماهي له ..مدري ليش احس اني ممكن اكون لها حبيب بلحظة من اللحظات..
فهد بحدة وقوة وصرامة/مصعب!!!!!
مصعب ناظر بالارض وقال لنجود بضعف/صدقيني اني متني لها السعادة مع الشخص اللي هي تختاره..بس كل اللي ابيه منك يانجود انك تشيلين الورد اللي بحطه لها كل اسبوع عند باب بيتهم وتقولين لها انها حتى لو كانت لغيري راح اظل جنبها وعايش على هواها..وتعتبرني اخوها وسندها وماتتردد بانها تطلب مني أي شي لو بغت...
//////////////////////////////////////////////////////////في كورنيش الدمام كانت هنوف قاعدة وبمسافة قصيرة قاعد ناصر ونورة بدربي تاخذ لها قهوة,,,,
ناصر/ليش ساكتة وزعلانة؟
هنوف/اتاْمل بالبحر ....
ناصر/ول؟؟البحر بعيد تتاْملينه من هنا؟زرقاء اليمامة؟
هنوف/ههههههه
ناصر/هههه
هنوف/ناصر ممكن اسالك سؤال؟
ناصر/اكيد تفضلي...
هنوف بتردد/ناصر انت تحب؟يعني في حبيبة ساكنة عقلك وبالك؟
ناصر/طبعا في......في بلدي الحبيبة ..المملكة الغالية
هنوف بقهر/بلا حب الوطنية هذا!!!!ابي شخص مو وطن!!!
ناصر/موجودة لاتخافين هذي مقدمة بس....
هنوف/يعني في وحدة؟
ناصر/امي الحبيبية..
هنوف/ناصر وبعدين معك؟
ناصر/ههههههه وش تبيني اقولك يعني!!اني احب بنت؟
هنوف/أي هذا اللي قصدته؟
ناصر/ماصار لي نصيب بالحب وماانكتبت اللحظة اللي بحب فيها...علشان كذا انا مؤمن ان الحب بيجي بعد الزواج لان احنا قادرين نخلقه لاانفسنا,,,,
هنوف/.................
ناصر/طيب وانتي كلمتيه,,صارحتيه؟
هنوف بضعف/لا..
ناصر بجدية/ليش؟
هنوف/مدري.....يمكن خوف من ان تفكيره مايكون فيني!!ولا هروب من نفسي ومافي قدرة على المواجهة..ولا..
نورة/ولاشنو؟
لفوا لها اثنينهم..
ناصر/وين قهوتي...
نورة قعدت جنب هنوف وحطت رجل على رجل/قوم اتعب على نفسك...
ناصر/افا انا اخوك وحبيبك وجايبك امشيك ماتاخذين لي؟
هنوف/ولايهمك يالغالي انا اروح اشتري لك اللحين..
ناصر/سمعتي الناس الفهمانة وش تقول؟
نورة/أي لازم تروحين تشترين له مو جايبينك نمشيك؟
ناصر بتاْنيب/نورة..
هنوف/ههههههه ان شاءالله مفكر اني بزعل منها,,لاحبيبي انا معها واحد ومانزعل من بعض وعارفين بعض زين,,,
ناصر/يعني انا الحشري مابينكم,,,
نورة/تقريبا!!
ناصر/ياربي انا متى بيتغير حالي وبقعد مع ناس عاقلين غيركم؟
هنوف بزعل/وش قصدك احنا مجانين؟
ناصر/هههه مو بس مجانين الا الجنون يتعلم منكم هههههه لاوالله مو هذا قصدي بس ابي اقعد مع غيركم طول يومي معكم ولاعند مشاوير الوالد ولا الوالدة ولاخالتي..ابي اغير شوي من ها الحياة؟
نورة/ومن قال لك لاتغير غير..بس اوعى تتغير!!!
ناصر/عطيني اشرب شوي من قهوتك علشان مااتغير!!
هنوف/هههههههه
نورة/ولا حتى تحلم,,
ناصر سوى روحه يكح ويشارق/كح كح كحك...
نورة/انا لو مااعطيك اللحين مااسلم من عيونك؟؟هاك يبى خذها كلها لاتقعد تناظرني فيها ماابيها!!!!
///////////////////////////////////////////////////////
في الليل..
لبنى/يعطيك ربي الف عافية يالغالي..
عبدالعزيز بتعب/الله يعافيك حبيبتي...
لبنى/شكلك منتهي اليوم..
عبدالعزيز/بس منتهي؟قولي ميت!!
لبنى/يابعد عمري...
عبدالعزيز/لو انتي جنبي ماريحتيني اللحين؟
تنهدت لبنى وقالت له بسرعة/فكرت بالموضوع الامسي اللي قلته لك؟
عبدالعزيز/أي موضوع؟
لبنى/موضوع ان احنا نهرب ونتزوج؟
عبدالعزيز بتانيب/لبنى انا حاط في بالي ترى انك تمزحين ماتتكلمين من جدك؟
لبنى بارتباك/ها..اي امزح بس وش رايك تفكر فيها بجدية ...يعني انا وانت نهرب ونتزوج بالسر ومحد يدري عنا!!
عبدالعزيز/وليش نهرب ونتزوج بالسر؟بنسوي جريمة ياقلبي...الزواج شرع الله ومن يخاف منه عاد!!
تنهدت لبنى/لا انا بس كنت اقول لو..
عبدالعزيز/حتى مجرد التفكير بها الموضوع تضايقني....مدري ليش تحسسني كاني مجرم....الزواج يالبنى لازم يكون بالنور وقدام كل الناس علشان مايحس الانسان بلحظة من اللحظات بالندم والحسرة....
لبنى وهي شاردة/امممم اكيد معك حق.....
عبدالعزيز/أي غيري ها السيرة وقولي لنا شي ثاني..
لبنى/مثل شنو؟
عبدالعزيز/يبى انتوا البنات تخلقون السوالف من تحت الارض ولو ماهي موجودة؟قولي أي شي....
لبنى/امممم بهديك بيتين شعر ممكن؟
عبدالعزيز/وانا اقدر ارفضها عاد!!!اصلا مين قدي وانتي تهديني اياهم...
لبنى/.....انت عندي حاجة غير,,,هاذي مافيها كلام.
عمري وحبي الكبير,,,منت واحد والسلام.
يعني خذ مني ضمان,,,بختصار وبكلمتين,,
انت حاجة بها الزمان....ماتكرر مرتين!!!
عبدالعزيز/يابعد روحي انتي يالغالية والله اني مو قد ها الكلام ابدا!!
لبنى بحب/انت اكبر من ها الكلام ياعمري,,,انت اصلا عجزت الاقي كلام يوفيك حقك ...انت فعلا غير وبتظل غير....وبتظل حبيبي وعمري وشاغل افكاري وقلبي...ولو يموت حبك بقلبي تاْكد اني انمحيت من الدنيا واندفنت بقبري؟؟
//////////////////////////////////////////
ملاك ,,,
طول يومها وهي قاعدة بغرفتها وماطلعت منها من رجعتها من المدرسة,,كانت قاعدة وهي شاردة وسرحانة وتفكر,,,,,
ياترى معقولة ابلة نجود عارفة شي؟طيب هي قالت ماتقصد احد وتبي تتكلم مع الكل؟؟؟طيب......هل اقول لها...لالالالامستحيل لو قلت لها بتحتقرني وبطيح من عيونها؟
هذا سر بموت معه وبيموت معي!!
مقدر اقوله لااحد ابدا!!!
طاحوا دموعها بحرارة على خدودها وهي تفكر بالموضوع اللي شاغلها ومحيرها....ياترى هل بيتغير شي بحياتك ياملاك وبتقدرين تتخلصين من تاْنيب الضمير لو شوي!!!!
ولابتقعدين كذا عايشة بشخصيتين بالعالم وحدة قوية ومايهمها أي شي,,والثانية كلها همووم وتعب وبكي والم!!!!
أي بس ابلة نجود قالت ..فضفضوا علشان ترتاحوا,,,هي بعد كانت اذا واجهتها مشكلة تتكلم مع غيرها..........اي بس اكيد انها ماتعرضت لمشكلة مثل مشكلتك انتي؟؟؟
انتي مو مشكلة طبيعية اللي سويتيها وكل البنات يسوونها!!!ياربي مدري ليش كل ماجاني احساسي بالذنب يكبر ويكبر ويكبر؟؟؟؟؟
كل من ابلة نجود..فتحت الموضوع ومو قادرة اشيله من بالي وافكر بغيره!!!!!
/////////////////////////////////////////////////
نجود تكلم جواهر,,
نجود/طيب انتي وش رايك بها الموضوع ياجواهر؟
جواهر/من أي ناحية تقصدين؟
نجود/حركته اللي سواها...اخذه الموعد علشان العملية؟
جواهر/مدري...فهد غامض ..في شي مو قادرة افهمه فيه...يعني كلامك عنه وعن اسلوبه ومواقفه وتصرفاته...هاذي كلها بجهة واذا صار معك يكون انسان ثاني وكانهم مو نفس الشخص ابدا!!!
نجود/اه من فهد ومن حب فهد....احبه ياجواهر..اموت عليه....
جواهر/كلم مرته؟
نجود/لالسه...
جواهر/لمتى بعد!!!موو جاي يوم الخميس يخطبك؟
نجود/أي ...ليش هو كم بياخذ معها اذا كلمها؟كل اللي بيقوله لها انه بيتزوج وبس!!!
جواهر/واذا سوت له سالفة؟
نجود/بذمتك انتي!!من متى فهد تهمه نجلاء ولاغيرها!!!مدامه حط الشي براسه بيسويه وماعليه من غيره؟
جواهر/الله يوفق مابينكم يابنت الناس....
نجود/صحيح..اليوم شفت مصعب..وكسر خاطري روميو؟
جواهر بلااهتمام/ليش بعد!!
نجود/تتصورين ان جيته ليلة الجمعة ماكانت عادية..كانت مقصودة لك انتي بالذات!!!مصعب كل اسبوع ينزل من الرياض للدمام ويوقف قبال بيتكم ياجواهر..ويحط لك وردة كل اسبوع ويمشي...
جواهر/وانا مالي وماله يابنت!!مو كفاية انه خرب علي لذة الفوز والانتصار..من قلتيلي انه صوته كان الفارق ضيقتي خلقي!!
نجود/والله اليوم شوي واقوله اني مو متمنيتها لبندر وابيها لك بس مسكت حالي!!!
جواهر بعصبية وتاْنيب/نجود!!لاتزعليني منك وش ها الحكي عاد!!!!
نجود/احساسي ولاماتبيني اقوله بعد!!!
جواهر/بندر حبيبي وبيظل حبيبي لااخر العمر,,حتى لو كانت فيه عيوب الدنيا كلها..ماراح افرط فيه ولااتنازل عنه ابدا ابدا يانجود...
نجود/طيب..وانا شقلت عاد!!
جواهر/لاتجيبن لي سيرة مصعب واللي يسلم عمرك....
نجود/طيب سكرنا على سالفة مصعب....اقول قلبي جواهر عندي اتصال من فهد...
جواهر/وطبعا ماتبين تخلينه انتظار فلازم اسكر انا....اشوفك بكرة ان شاءالله..باي
نجود/هههه باي......هلا حبيبي..
فهد/اكيد شاغلة الخط مع جواهر!
نجود/لا...
فهد/غريبة!!مع منو؟
نجود/والله واحد من الشباب يقول غلطان وسالفة جرت سالفة ....
فهد/هذا وهو غلطان سالفة جرت سالفة!!لو كنتوا تعرفون بعض؟
نجود/مانسكر الا الصبح!!
فهد/...............
نجود/وينك؟.
فهد/عيديها...
نجود/شنو؟
فهد/عيديها وقولي منو كان معك على الخط؟
نجود بخبث/معجب.....
فهد/............
نجود/ههههههه
فهد/...........
نجود/خلاص بتنازل وبسحبها...
فهد/ليش؟
نجود بحب/لاني عارفتك بتتضايق وعارف فهد اذا تضايق وش معناته....بياخذ له سيجارة وبيحط حرته فيها صح ولالا؟وانا ماابيك تكثر من ها السجاير ابيك تبتعد عنهم فبضطر اني انسحب..مو قد زعلك ياعمري وضيقتك...
فهد بتهديد/ان سمعتك مرة ثانية تقولين ها الحكي الا علمتك شغلك زين....
نجود بدلع/لاتخوفني....
فهد/قالت معجب قالت..
نجود بثقة/ليش انت ماتتوقع ان في معجبين فيني!!
فهد بضيق/خلاص حبيبي ماابي افكر بها الموضوع يضايقني مجرد التفكير ان غيري يفكر فيك!!!!انا مو قايل لك نامي ارتاحي ولاتجهدين عينك علشان الموعد بكرة؟ليش ماتسمعين اكلام؟
نجود/وانت نسيت انك لازم تنام على صوتي كل ليلة..وانك توك متصل اللحين...كيف بالله انام واخليك سهران!!!!!!
فهد بدون مقدمات/تحبيني يانجود؟
نجود/وانت وش رايك...
فهد/خايف.....من الايام الجاية وش بتكون مخبية لي ولك؟
نجود/حبيبي احنا لبعض ومع بعض وماراح نتخلى عن بعض صح.....طول مااحنا جنب بعض لاتخاف من أي شي....
فهد/بتاخذيني يانجود صح؟ماراح ترفضين ..
نجود/حبيبي شفيك اليوم...انا لك صدقني لك ومابيلمسني غيرك.........وبدت تغني له...احبك واحلف اني لك بربي...
احبك واحلف اني لك بربي...
ولافكرت احب انسان غيرك..ولافكرت احب انسان غيرك...
وعلى ماسار دربك سار دربي...ولافكرت في شرك وخيرك...
تحديت الملا واعلنت حبي...وعمري صار مربوط بمصيرك...
ولاغيرك ملى عيني وقلبي..هواك بغربة احساسي اسيرك...
احبك واحلف اني لك بربي....احبك واحلف اني لك بربي....
فهد تنهد بقوة..
نجود بهمس/تعرف انها دخلت قلبي قبل لاتطلع من قلبك حتى!!!
فهد/بتضيعيني يانجود....مو قادر اصبر اكثر على بعدك...
نجود/بعوضك..بعوضك عن كل اللي راح يافهد صدقني...انت بس عطيني صلاحيات اني اكون مالكة قلبك وتفكيرك....
فهد/انا سلمتك كل شي يانجود كل شي....
///////////////////////////////////////////////////////
في المستشفى....
بغرفة الدكتور....
فهد/خلاص هاذي اخر غرفة؟
الدكتور/أي هنا بتاخذون النتيجة...تعبتوا من التحاليل ..
نجود بتعب/طبعا تعبت !!من غرفة لغرفة؟
الدكتور/هاذي عين يابنتي مولعبة؟تعالوا نشوف النتيجة................انتي ناوية تسوين ليزر...
نجود/أي....
الدكتور/مع الاسف ماتناسبك الليزر....عندك حساسية ومابيمشي الحال....
نجود/..........
فهد/كيف يعني؟
الدكتور/يعني الليزر حساس جدا..ولو ماتعاملنا معه بحذر ممكن يؤدي الى عواقب وخيمة..انا ليش طالب تحليل دم وسالتها اذا كانت عندها حساسية وها الاشياء...في حالات ماكانت تقول لنا انها عندها حساسية بالجلد وبمجرد لامسهم الليزر حدث مالم يحد عقباه!!!الليزر اشعاع بالنهاية وياثر تاثير قوي علشان كذا احنا مايهمنا نسبة النظر بروحها وناخذ الاشياء الجانبية؟
فهد/يعني ماتقدر تسويها......انا بسفرها برى؟
الدكتور ابتسم له/شايف شهادتي اللي معلقة بالغرفة......انا اسمي الدكتور طارق واسال عني وبتسمع اللي ييسرك.....شوف هاذي صورتي مع امير ماليزيا..وهاذي صورتي مع وزير كويتي..وهاذي صورتي مع ..
فهد قاطعه/وانا شسوي مع صورك بالله!!!
الدكتور ماعجبه اسلوب فهد بالمرة/اللي قصدي اقوله لك اني برى انا المسؤل عن تخريج طلاب الجامعات بقسم العيون وتدريبهم..انا حاصل على الزملاة الالمانية والفرنسية.......
نجود/..............
فهد/.....
الدكتور كلم نجود /في طبعا البديل ..في عملية زرعة العدسات..
نجود/زراعة عدسات!!
الدكتور/ماتخفيش ...العملية سهلة جدا واسهل من الليزر حتى..بس بتاخذين بنج ومابتحسين على شي؟
فهد/شلون يعني؟
الدكتور/كل اللي بنحتاجه ان احنا نزرع لك عدسة جديدة تحت عدستك لاتخافين لافي جراحة ولافي خياط ولا أي شي من ها القبيل..والعملية مضمونة جدا واريح من الليزر..لانك بعد العملية بتتعاملين مع العين طبيعي..الليزر في اشياء بتتجنبيها لفترة ويمكن تكون طويلة..يعني مثلا الماء اللي فيه كلور مثل برك السباحة راح تنمنعين عنها لفترة لين تتعود عينك وتاخذ العملية مفعلوها بعكس الزراعة عادي جدا..بمجرد ماتقومين من العملية تتكحلين وتتمكيجين ومافيك الا العافية!
نجود/طيب وتحتاج تنويم؟
الدكتور/لاابدا....كل عين فيها عشر دقايق بس!!!وتقومين اول ماتصحين من البنج....كل اللي يفرق بين العمليتين ان الليزر بدون بنج وان سعرها اقل من الزراعة الزراعة سعرها اغلى علشان العدسات اللي نطلبها....
فهد/السعر ماهو مشكلة...اهم شي نتيجة العملية وضمانها؟
الدكتور/العملية مضمونة مية بالمية وفيكم تروحون تسالون مو شرط تقعدون عندي؟
نجود/لا انا طالبتك بالاسم دكتور طارق...كيف اروح لغيرك؟
الدكتور/لو انتي مستعجلة عندك ثلاثة ايام للتفكير بس..علشان انا يوم الاثنين مسافر...يعني فكري وعطيني خبر لان العمليات هنا تكون يوم الاحد والاثنين...
فهد/بكرة؟
الدكتور/لا بتكون الاسبوع الجاي طبعا....بس علشان نطلب لها العدسات....
///////////////////////////////////////////////////////
في مطار الرياض..
فهد بهمس/حابة نروح المزرعة؟
نجود/لاوالله حاسة نفسي تعبانة وراسي مصدع وابي ارتاح وانام....
فهد/اول خلينا نتعشى؟
نجود بضيق /فهد تكفى مالي خلق شي..تعبانة موت..هاذي بس تحاليل واشعة كيف العملية!!
فهد/من صدقك انتي خايفة من العملية!!ليش طفلة صغيرة؟
نجود/......وبعدين تعال وش فيك كذا على الرجال اكلته بثيابه؟لعلمك هذا افضل دكتور عيون بالعالم العربي والغربي بعد!!
فهد باحتقار/وش تبيني اسوي له يعني!!
نجود/قهرتني وانت تكلمه ؟؟بسفرها برى!!وش قال لك هو عاد!!!
فهد/يالله يالله يالله...فضيها سيرة....خلاص الاثنين الجاي موعدنا....
نجود/معناته بتتاخر خطبتنا؟
فهد/.............
نجود/بعد مايصيرتجي تخطبني يوم الخميس و يوم الاثنين بسوي العملية احسها مدري شلون؟
فهد/يلله اسبوع زيادة مو مشكلة بس انتي طيبي بسرعة عاد ولاتماطلين!!!
/////////////////////////////////////////////////
في كلية البنات بالدمام...
لبنى كانت قاعدة وهي سرحانة..
هيا/ياناس..ياعالم..
لبنى/.........
هيا/الو.....
لبنى/.......
هيا/اخذت شوية موية وكبتهم على وجه لبنى اللي انتبهت واخيرا..
هيا بقهر/وين سرحتي حضرتك؟
لبنى ابتسمت/ولا بمكان؟
هيا/صدقتك عاد!!!من زمان وانا اكلمك...
لبنى/ماسمعتك والله..
هيا/لانك ماكنتي معاي...
لبنى بجدية/هيا...في شي يشغل افكارك...
هيا/مثل شنو؟
لبنى/يعني فكرتي يوم بالزواج ..وانك تاسسين عيلة ..وها السوالف يعني..
هيا/..........
لبنى/وين سرحتي؟
هيا تنهدت/وش احلى من ان البنت تحب وتنحب يالبنى...اكيد مافي؟
لبنى/ها في شي في البال؟
هيا/تعرفين رائد ولد خالي.......
لبنى بخبث/اللي محيرينكم لبعض من الصغر ؟
هيا/أي.....دايم افكر فيه وفي حياتي معه كيف بتكون....
لبنى/كلمتوا بعض؟
هيا/لا طبعا مستحيل اسويها؟
لبنى/ليش؟
هيا/شبابنا متخلفين جدا!!!اذا الوحدة كلمته قبل قعد يتسلى معها ووقت الجد يقول هاذي ماتنفع تكون ام عيالي بالمستقبل مثل ماكلمتني اكيد مكلمة غيري!!!خلينا كذا احسن؟
لبنى/مو كلهم عندهم ها النظرية؟لاتعممين؟
هيا/بس معظمهم...وش اللي يحدني اتعرف عليه..مصيره لي ومصيري له....بكرة بناخذ بعض وبنتعرف على بعض عدل...ومدامه مافكر هو يكلمني انا مستحيل اتخذ ها الخطوة؟
لبنى/اممممممم
هيا/ليش انتي في شي في بالك؟
لبنى بارتباك/من وين ياحسرة!!انا من الكلية للبيت ومن البيت للكلية وانتي معي طول الوقت !!
هيا/على التلفون!!
لبنى/لالالا...ماكو شي....قالتها وهي متحسرة...
//////////////////////////////////////////////////////
في بيت الفارس...
فهد/ومتى حددتوا الملكة ان شاءالله؟
ابو مشاري/المكة بتكون ليلة الجمعة والعرس ان شاءالله ثاني يوم العيد ....
فهد/الله يبارك لهم....
ابو مشاري بهمس/انت..بعدك حاط الفكرة في بالك ياخوي!
فهد بقوة/أي....
ابو مشاري/وكلمت ام العيال؟
فهد/بقول لها...
ابو مشاري/طيب واذا عارضت؟
فهد/مالها حق تعارض؟هي مالها شي عندي..
ابو مشاري/أي بس لاتنسى ياخوي هاذي بنت عمتك واخوها ماخذ احتك....
فهد/اخوها عاقل مو مثلها.....
ابو مشاري/تظل ام عيالك ياخوي....ومالازم تفرط فيها بسهولة....
//////////////////////////////////////////////////////
بشقة مشاري..
كان قاعد على سريره وجنبه لمياء وهو محوطها بيدينه ومريم نايمة عليهم..
مشاري بهمس/ياحليلها وهي نايمة...
لمياء بهمس/ولاهي راضية تطول وتكبر.. قزم,,,
مشاري/بالعكس شكلها يجنن خليها كذا على طول,,
لمياء/مشاري...
مشاري/نعم ياعمري...
لمياء/احيانا....تجيني حالات مانقدر نت
مشاري/لاتكملين..عارف وش بتقولين.....الفترة راحت وعدت وان شاءالله ماتتكرر بينا مرة ثانية؟
لمياء/ان شاءالله حبيبي....بس بعد ابيك تتحملني شوي..
مشاري حط يده بشعرها وقام يلعب فيه/انا معك وجنبك دايما ياقلبي..وتاكدي اني راح احتويك دايما واردك لعقلك وبيتك ولي...سامعتني يالمياء..ماراح افرط فيك ابدا...
لمياء/عسى الله لايحرمني من حنانك يالغالي...
/////////////////////////////////////////////////////
ملاك/ها اليومين مني على بعضك.
نجود/أي تعبانة شوي..
ملاك بخوف/سلامتك...ياجعل التعب فيني ولافيك؟
نجود/اسم اللع عليك ليش تقولين كذا؟
ملاك/علشان اشيل تعبك....
نجود/اهتمي بدروسك وبمدرستك وصيري خوش بنت وانتي تكونين شلتي تعبي!
ملاك/صرت خوش بنية...
نجود/بعد اللحين نص خوش بنية باقي نص...
ملاك/طيب وش ماتبين بيصير..تدرين اني ماابي بكرة يجي؟
نجود/ليش؟
ملاك/بمجرد يجي يوم الثلاثاء احس بالكابة لانك يوم الاربعاء تروحين الدمام وتتركين فراغ كبير بالرياض؟
نجود/ههههه طيب انا اقعد هنا وانا قلبي هناك معاهم؟
ملاك/لهدرجة تحبين اهلك؟
نجود/ومن مايحب اهله!!مو هذولا اللي جابوني وربوني وكبروني وخلوني اكون انا....شلون مااحبهم وانا عايشة عمري كله معهم!
ملاك/مو لازم اكون عايشة معهم علشان احبهم!!
نجود/صح مو شرط..بس وش اللي بيخليني اكرههم؟
ملاك/ودي اشوف اهلك واشوف الناس اللي تحبينهم!!!

نجود/انتي ماتحبين اهلك؟
ملاك لفت بالمضوع/وش فيك تعبانة؟
نجود/بسوي عملية..
ملاك بخوف/اسم الله عليك ؟؟وش فيك؟
نجود/بعيني...ليزر..
ملاك/اه.....خوي سواها قبل بالمغربي..
نجود/أي انا بعد بسويها بالمغربي.....
ملاك/متى بتسوينها؟
نجود/يوم الاثنين؟
ملاك/يعني ماراح تداومين؟
نجود/بداوم السبت بس!!وبرجع لكم السبت اللي بعده ان شاءالله..
ملاك/ماتشوفين شر يالغالية......
نجود/أي عاد ماابيها نشرة وعند كل البنات خبر اني بسوي عملية؟
ملاك بزعل/افا عليك انا كذا!!!!
/////////////////////////////////////////////////////
نورة/وش باقي بعد ماجهزت انا!!
ام ناصر/اللحين باقي يومين على الشاليه تجهزين اغراضك من اليوم ليش؟
نورة/احسن....علشان احط كل شي....اي باقي كورة..
ناصر/وبطيخة بعد..
نورة/لاتسخر...
ناصر/انا ادري عنك تقولين باقي كورة؟بنات انتوا ولاتماسيح!!!
نورة/ سحالي؟؟؟
ناصر/هههاااي....
نورة/عساك ماتضحك غيرها
ام ناصر/اسم الله على وليدي انتي ولاهو؟
ناصر بفخر/سمعتي؟
نورة باعتراض/ يعني ترضين علي وماترضين عليه!!!
ام ناصر/انتي عندي غيرك هو ماعندي غيره عسى ربي يخليه ويحميه؟
نورة/زين لكن....اذا مااعلم ابوي عليكم مااطلع نورة بنت ابوي؟
ام ناصر/سبحان الله ماغلط ابوك يوم يسميك نورة على اسم امه نفس الشيانة؟
ناصر/ههههههه يمه انتي ماتحبين جدتي!
ام ناصر/وي لاتذكرني فيها الله يرحمها ماماتت الا يوم طلعت الشيب براسي!!
نورة وناصر/ههههههههه
ام ناصر/شغلتها بس تسوي حروب بيني وبين خالتكم ام علي.....
نورة/ومن اللي كان ينتصر؟
ام ناصر/طبعا هي ..تقدر علينا وعلى ابوكم بعد!!
نورة/يعني قوية جدتي...خسارة ماشفتها
؟
//////////////////////////////////////////////////////
فهد/ليش سهرانة ومانمتي؟
نجود/وش ها العيارة يافهد لازم اقولك اني مقدر انام بدون مااسمع صوتك يعني؟
فهد/وش يصير اذا قلتيها؟
نجود/مايصير شي......قالت لي منال اليوم عن ملكتها ...
فهد/أي.....
نجود/حتى عزمتني وقالت انها بتكون بسيطة ومختصرة بس اني اعز عليها ولازم اجي؟
فهد/بتجين؟
نجود/لا طبعا بنكون بالشاليه....نجلاء بتروح؟
فهد/اكيد بتروح السالفة فيها لبس وكوافير وكشخة...
نجود/مو على اساس انها ماتبي تدخل بيت اخوك؟
فهد/ماراح تكون في بيت اخوي...بتكون بمزرعة اهل المعرس.....
نجود/اه علشان كذا....
فهد/أي ماعلينا....بتوحشيني ..
نجود/تعال معنا الشاليه راح تنبسط كثير..
فهد/جد!!وباي صفة اجي ان شاءالله؟
نجود/اممم حبيب نجود...
فهد/كلكم بنات انا وش يقعدني بينكم؟
نجود/يكفيني املي عيني منك وتملي عينك مني...صح ولاانا غلطانة؟
فهد/ليش قاعدة تطول السالفة يانجود وقاعدين نبتعد كل مااقتربنا!!
نجود/هانت..صدقني هانت...
/////////////////////////////////////////////////////////
ليلة الخميس...
ابوعلي/وين نجود مو المفروض انها نزلت؟
ام ناصر/طلعت مع جواهر...
ناصر/راحت المستشفى..
ابو علي/ليش؟
ناصر/تقول بتسوي فحوصات علشان عملية الليزر اللي ناوية تسويها؟
ابوعلي/وين راحت؟
ام ناصر/مغربي..
ابوعلي/قوم دق عليها شوفها شسوت؟
نصار/ان شاءالله......
طلع جواله ودق لنجود وقالت له انها جاية بالطريق....
بعد دقايق دخلت نجود وسلمت....
نجود/السلام عليكم...
وعليكم السلام ورحمة الله وبركاته...
ابوعلي/من وين جاية؟
نجود/من المستشفى....
ابو علي/وش سويتي؟
نجود/سويت الفحوصات والعملية يوم الاثنين..
ام ناصر/هذا!!
نجود/أي..
ام ناصر/وبيعطونك اجازة قبل؟
نجود/بيعوني ويم الثلاثاء والاربعاء بس انا راح اخذ اضطراري الاحد والاثنين....
ابو علي/وبكم بيسونها لك....
نجود/وليش تسال؟
ابوعلي/حلوة ذي ليش اسال مو ابوك؟
نجود/باحدعشر الف..
ناصر/هاذي ليزر؟مو الليزر بستة الاف ومع المواعيد والقطرات تكمل سبعة؟
نجود/لا انا بزرع عدسات ماناسبتني الليزر...
ابوعلي/يعني باثنعشر الف.مع المواعيد...
نجود/أي...دفعت لهم اللحين ستة ويوم العملية اكمل الباقي....
ابوعلي/بعدين تعالي الغرفة وبعطيك البطاقة سحبي منها المبلغ..
نجود/لايبى ماابي....انا دفعتها(قصدك فهد يانجود)
ابوعلي بصرامة/لا خلي فلوسك وراتبك لك انا المسؤل عنك لين تتزوجين؟
نجود/أي بس انا اشتغل يبى..
ابوعلي/الله وها المعاش اللي تاخذينه كله بكله خمسة الاف؟

نجود/ولو..بدفعها انا...
ابوعلي/لا..
ام ناصر/والله لو انتي من ها الناس كان كل ماعندك حطيتيه من اشتغلتي واخذتي لك ارض نفعتي حالك فيها ولا شي يدوم لك مو تجمعينها وتصرفينها لي في زارا والسواني انتي وصاحبتك!!
نجود/وي فتحنا موال ام ناصر....يمه ماعندكم شي يناكل؟
ناصر/احسن سؤال سالتيه؟
ام ناصر/مسوية لكم مكرونة...احط العشى يابو علي؟
ابوعلي/تعشوا انتوا انا العصر ماكل لي خبز عربي مع قشطة الحمد الله وشبعت...
نجود/نورة قومي جهزي العشى بقوم ابدل....
ابوعلي/اللحين احنا بكرة معكم بالشاليه ياناصر ولالا؟
ناصر/اسالهم هم يبى انا علي حجزته وبقعد معهم للنهاية ..
نجود/لامانبي رجال حتى اللي عندهم واسطة؟
ابوعلي/افا...حتى اللي عنده مرتين وثلاث بنات!!!
ناصر/ههههههه مااتوقع تنفعك واسطتك يبى لازوجاتك يبونك ولابناتك بعد!!
ام ناصر/احنا طالعين نغير جو عنكم بعد ليش تجي معنا!!
ابوعلي/الله يرحمك يايمه ماتجين وتشوفين ؟
ناصر ونورة/ههههههههه
نجود/شا السالفة ليش تضحكون ؟
ناصر/امي قبل يومين كانت تحكي لنا عن جدتي نورة ام ابوي وش كانت تسوي لها وشقد تعبت معها واللحين ابوي ذكرها فضحكنا!!
ابو علي/وش قايلة للعيال عن امي ياام ناصر؟
ام ناصر/كل خير..وهي تنطرى بغير الخير اصلا!!
نورة/ههه ويلي ويلي ويلي بطني يعورني خلاص لاتضحكوني...
ابو علي/اللحين انتوا كيف تروحون بدونا انا ابي افهم؟
ناصر/هذا طلب جواهر هي اللي فازت وانا ملزوم اخذ كلامها بجدية..
ام ناصر/زين ماسوت..
نورة/أي بس اهم شي مايجي بندر؟؟؟يعني القرار يمشي على الكل؟
////////////////////////////////////////////////////////
في شقة علي...
عبير/ماقلت لي اللحين مرخوصة اروح معهم ولا فيها اشكالية؟
علي سكر لاب توبه وقال باهتمام/واحنا ليش مانروح؟
عبير/انا مالي شغل ولاادري عن شي ..هذا طلب جواهر وكل البنات موافقينها....
علي/ومتى بتروحون ومتى بتردون؟
عبير/بيطلعون سبعة ونص واتوقع يرجعون على الثنتين...
علي/اممممم ومن بيظل هناك...معكم!!
عبير/والله مدري...يمكن انه ناصر ومااتوقع بندر مابيجي اصلا!!
علي/الا بيروح هو قال لي.....
عبير/أي بس هم قايلين مايبونه..
علي/ماعنده مشكلة بندر يمشيها....طيب والجمعة؟
عبير/بنروح مجمع الضهران؟
علي/وحتى بالمجمع ممنوع اني اروح معكم!!!
عبير/........
علي/..........
عبير/........
علي/طيب ماتبين تاخذين لك شي؟
عبير/يعني موافق اروح؟
علي/أي روحي وانبسطي...
عبير/شكرا......
وقفت بتمشي واول مالفت مسك يدها ولفها لصوبه وهو عيونه بعيدة عن عيونها..
علي/وتذ كري اني بظل سهران ومنتظرك لين تجين!!!
سحبت يدها ببرود ومشت عنه وتنهد بقوة.....عبير ماهي متقبلته..يمكن كان الوضع بينهم بذاك الشكل مريحها اكثر..لهدرجة ماهو باين عليه التغير ولالسه شاكة في تصرفاته معها!!!لازم يغير كل شي فيه..حياته واسلوبه وكلامه وكل صغيرة وكبيرة ويبتدي من جديد,,,,
/////////////////////////////////////////////////////
جواهر/تكفى قوم نروح التميمي باخذ لي تسالي لبكرة؟
بندر انسدح جنبها/تعبان ..توني جاي من جدة وانتي تبين التميمي؟
جواهر بقهر/تعبان روح بيتكم لاتنسدح لي هنا!!!
محمد/سمعت!!
بندر/اقول تكفى انت اسكت....قولي غيرتي رايك وتبيني بكرة اجي معك؟
جواهر/لا..
بندر/ليش؟
جواهر/لان البنات مابياخذون راحتهم يابندر وبيزعلون عليّ؟
بندر/قلعتهم كلهم....يابنت الناس بناخذ لنا مجلس مفصول انا وانتي ولنا بركة خاصة ولالنا فيهم ولالهم فينا!!!
محمد/لا..
جواهر/بندر انا طالعة مع البنات ابي انبسط معهم...
بندر بزعل/يعني ماتنبسطين معي؟
جواهر/حبيبي لاتفهمها كذا !!
بندر باستعطاف/قولي تم تكفين ودي نقضي اليوم هناك انا وانتي!!
جواهر/...............
محمد/لا..
بندر بضيق/اووووهوا علينا؟انت من امرك تتكلم؟
محمد/انا احكي بلسان اختي؟
بندر/اسكت واللي يعافيك...ها حبي شقلتي؟
جواهر/بندر لاتحرجني.....
محمد/قالت لك لا...انت ماتسمع من كلمة وحدة؟
بندر/قولي شي لااقوم اكوفن اخوك؟
جواهر/مدري اشوف بعدين بس قوم وصلني التميمي اللحين؟
بندر حس ان في امل اعتدل بقعدته/ابشري على ها الخشم والله لو تبين القمر مو بس التميمي واخذي راحتك بالتفكير ترى عندنا وقت..
محمد/توك تعبان وبتنام.......
بندر/وانت وش عليك ان شاءالله بوصل مرتي تاخذ لها اغراض انت شكو؟
محمد وقف/انا اخوها ولازم اروح معها...بس بدل ثيابي وبجي امانة جواهر لاتمشين عني!!!
طلع بسرعة وبندر تنفس الصعداء وهو عيونه بجواهر اللي ماراحت عليها نظراته وحركاته وابتسمت له بدلع..
تقرب منها بسرعة وصاروا قبال بعض حيييييييل..
بندر بهمس/مابغينا..
جواهر/لاتصير متهور ترى عادي تشوفه بوجهك باي لحظة؟
بندر/اذا قعدنا بكرة بالشاليه مع بعض بعلمك وشلون تخلينه يقعد معنا مرة ثانية؟
جواهر مسوية خايفة وهي يدها تلعب بياقة ثوبه/شتبيني اسوي يعني!!اخوي ومتعلق فيني وانت تعرف ها الشي ..وبعدين كلها كم يوم ونروح شقتنا ويتسكر علينا باب واحد .....
بندر تقرب منها اكثر وباسها بنعومة/وانا موقادر انتظر اكثر...احبك...
صار يبوسهابنعومة وهدوء بكل مكان بوجهها..بخدودها وبين عيونها وعلى عيونها وعلى شفايفها وهي مثل الطفلة بين يديه لاقادرة تمانعه ومرتاحة معه..بس اللحظات الحلوة والرومنسية ماتدوم طويلا في ظل وجود محمد اللي قطع عليهم الجو..
محمد/انت وش تسوي في اختي بالله!!!
بندر بقهر/اتشهد على عمري وعمرها!!!!!!
///////////////////////////////////////////////
نجود تكلم جواهر وهي ترتب اغراضها,,
نجود/ليش وين بتروحين..
جواهر/التميمي....ها تجين؟
نجود/لا مااتوقع متكسرة مووت...وبعدين مارتبت اغراضي حق بكرة....واشيائي كلها معفوسة فوق تحت انتي تعرفين تاخذين اللي ابيه..
جواهر/طيب لو ذكرتي شي دقي علي..
نجود/انتي وينك اللحين؟
جواهر/خلاص رايحة السيارة؟
نجود/طلعتي من الباب يعني؟؟
جواهر/هذا انا طالعة..
نجود/جواهر.....في وردة عند بابكم ولامافي؟
جواهر صارت تناظر بباب البيت الخارجي ولفتت انتباهها وردة على جنب وقريب من العمود اللي عند باب بيتهم..
جواهر بهدوء/في....
نجود بفرح/صدق!!!!طيب شيليها؟
جواهر بهدوء/وش اسوي فيها؟
نجود/والناس وش تسوي بالورد؟
جواهر/اذا تبينها بجيبها لك واذا ماتبينها بتركها مكانها!!
نجود/وانا شسوي فيها الوردة لك انتي مو لي انا!!!!
جواهر/وانا مابي ورد من احد..حتى لو اهداني بندر كل شوك العالم بكون راضية فيه ومابختار غيره لو فرش لي العالم كله ورد وريحان!!!!!
////////////////////////////////////////////////////////// يوم الخميس من الصبح وبعد الصلاة البنات لبسوا عبيهم وتجهزوا كلهم في بيت ابوعلي...
ام بندر/الله يهداكم بس ..باقي ساعتين على روحتنا ليش مقومينا وملبسينا عبينا من اللحين بس؟
لبنى بحماس/وش فيها اذا قدمنا بدل مانروح سبع ونص نروح خمس ونص؟؟؟
نجود وهي لسه ماصحصحت تمام/المشكلة مو فينا المشكلة بللي راح يوصلنا منو؟
جواهر/صاحب العزيمة..نويصر...
نورة /بسابع نومة...عجزت وانا اصحيه مو راضي يقول لسه بدري....
هنوف/مو على كيفه لسه بدري..هو خل يقوم ويتحمم ويفطر ويشوف كم صارت الساعة....
مضاوي/الجو بارد.....
هيا/هذا المطلوب ..ليش تبين يكون مووت حر...
مضاوي/حرام عليك بنجمد واحنا نسبح بالبركة..
هنوف/بس تدخلين المويه وتلعبين فيها شوي بتتعودين عليها ومابتحسين ببرودتها..
جواهر/ههههه ويوم ثاني انفلونزا شديدة هههههه
لبنى/وينه نويصر خلوني اقعده,لكم,,
ام ناصر/لاياماما خلي ولدي بعيد عنكم انتوا مجانين...
هههههههههههههه
جواهر/ترى بندر صاحي وينتظر منكم اشارة علشان يحرك..
نجود باعتراض/لامانبيه لايتعب حاله خله ينام ويصبح على الف خير..
ام بندر/هههههه مسكين ولدي هذا جزات خيره بيوصلكم ههههه
هنوف/هو لو لنا يايمه ماقلنا شي بس مو لنا!!!!
ام جواهر/لاتصيرين انتي بعد عليه وليدي بندر مو كافي محمد موتاركه بحاله ومطفشه بعيشته....كل ماقلت له يايمه عيب هذا زوج اختك لايزعل منك ولايتضايق من تصرفاتك خلهم بروحهم قال لا..انا اخوها ومحرم عليها ومااتركها بروحها لو شيصير...
نجود/احسن زين يسوي فيه......
////////////////////////////////////////////////////
بعد صلاة الضهر في بيت الفارس...
نزل فهد الصالة وماكانت غير سارة قاعدة تتفرج على التلفزيون,,
جلس جنبها...
فهد/مشاءالله سارونة هنا..
سارة/اهلين بابا...
فهد/وش تسوين..
سارة/اتفرج على التلفزيون...
فهد/ليش وين امك؟
سارة/امي الليلة حفلة وجمعة حريم وين بتكون يعني؟؟؟جايبة الكوافيرة ومرابطة معها....
فهد/طيب وين اختك لمى؟
سارة/جالسة تتفرج عليهم وش يسون...
فهد/وفيصل..
سارة/في بيت عمي واذا نزلت امي وماشافته بتذبحه لانها قايلة له لايروح هناك وماسمع كلامها؟
فهد/وليش ماتبيه يروح هناك....
سارة/ماتعرف امي بعد......على الموقف اللي صار
فهد/ليش انتي ماقلتي لها انك رحتي تسامحتي من خالتك ام مشاري؟
سارة/لا
فهد/ليش؟؟
سارة/امي وعارفتها بتقعد تقول وتهذر بلا فايدة؟
فهد/سارة عيب يابابا..
سارة/خلينا نتكلم بصراحة امي ماتحب بيت عمي كلهم وماتبينا نتقرب منهم وتبي اقل موقف علشان تمسكه عليهم انا اعرفها واعرف حركاتها اكثر منك انت ماتكون قاعد معنا وماتشوف كيف تناظرهم رغم انهم ماضروها....حتى انا ماتبيني اقعد مع مي ومروة مثل قبل...رغم اني احس انهم ..عادي معي يعني ....
نجلاء دخلت/سارة!!انتي لسه جالسة هنا وماتحركتي؟
سارة/وين تبيني اروح؟قلت لك مكياج ماابي احط وشعري ماابي اسوي فيه شي؟
فهد/مكياج شنو بعد!!بعدك صغيرة عليه؟
نجلاء/أي صغيرة انت بعد يافهد!!!اللي اصغر منها ماتعرفهم من كثر الالوان اللي بوجيهم هي تقول عنها صغيرة؟؟؟
سارة/قلت لك مو حاطة ولاتناقشيني ولاابي شي بشعري بخليه كذا ...وبلبس الثوب اللي كانت شاريته لي رحاب بنت عمي بعيد ميلادي!!!
نجلاء بتاْفف/ووجعتين!!انتي ليش تعاندين؟؟
سارة بعصبية/يمه كلهم بيلبسون اشياء ناعمة وبسيطة اقوم انا البس ثوب سهرة ومايناسبني بعد !!ولاهو عاجبني!!!
فهد بتاْنيب/سارة تكلمي مع امك بهدوء يابابا...
سارة/.......
نجلاء/الثوب اللي جابته مو بس بسيط الا مافيه شي!!لاحبيبتي انا ماابي اقعد اليوم وسط الحريم ويقولون وش ملبسة بنتها؟
سارة/ماراح يقولون الثوب ماركة واللي يفهم بالماركات بيسكت!!وبعدين انتي دايم تقولين قدام صاحباتك ان انتي ماتحبين التكلف في اللبس ابدا وتحبين الاشياء الفخمة ببساطتها خلاص!!!
فهد/خليها تلبس اللي يريحها؟
نجلاء/أي بس هذولا غير هذولا واصلين فوق..
سارة قامت/مو شغلي انا بسوي اللي يعجبني بالنهاية...
////////////////////////////////////////////////////////
في الشاليه..
كانوا الحريم باسطين لهم بساط وقاعدين يسولفون عند الاشجار ودلالهم معهم وهم مرتاحين لاطبخ ولاعيال ولاازواج ولاوجع راس!!!
والبنات كلهم بالبركة ,,,,,
لبنى/تصدقون ودي اسوي حركة نذالة؟؟
هنوف/في منو؟
نورة/ترانا حاضرين للمساعدة؟
جواهر/قلبي محسسني اني انا اللي بكون الضحية؟
لبنى/هههه وش عرفك اني بسويها فيك؟
جواهر بستعطاف/لاتكفين واللي يسلم عمرك...
البنات/ههههههه
مضاوي/يالله لاتسوون شي في مرة اخوي ترى ماارضى عليها؟
هيا/الله واكبر على مرة اخوك؟
جواهر بمرح/نطقت حبيبة قلبي!!ياهيا ارحميني شوي من ها الحب تكفين تراني بموت!!
هنوف/هههههه
هيا بعصبية/لاتعليق!!
نجود/يالله لاتقلبونها لنا معركة دامية !!!!
عبير/ابي بوظة مثلجة مثلك نورة عطيني؟
نورة/مايصلح للمتزوجين بس البنات الصغار؟
جواهر/ههههه العن شكلك ..
هنوف/وهي الصادقة كل شي تبون منه مايصلح لكم؟
نجود/لبنوا ووجعتين سويتي ورق العنب ولاماسويتي؟؟تعرفيني مااكل الا حقك من البيت ...
لبنى/هو بصراحة انا سويته بس خليني اسال امي هل جابته معها ولا نسته!!
نجود/في ناس واعديني يشترون لي ورق عنب يقولون معاهم بالقطيف ناس مدحوا لهم مطعم اسمه الساحل يسوي ورق عنب شي..ومن زمان واحنا ننتظر ولاوصل ها الورق العنب؟
جواهر ميتة ضحك/شكلهم ها الناس انا هههههههه
نجود/زين اللي عرفتي؟من متى وانتي واعدتني؟؟
جواهر/خلاص بكرة اخذ بندر وننزل القطيف واشتري لك من عيوني؟
هنوف/مو من عيونك ياحظي تبيه من مطعم الساحل؟؟؟؟؟؟؟
جواهر/اقول واللي يعافيك استهبلي بعيد عني؟
هنوف/استهبل ولا اهبل فيك هههههه
جواهر/لاحول لزقت وش يباعدها اللحين؟
هنوف/ههههههههههههههههه
////////////////////////////////////////////////////////
على المغرب كانوا بيت الفارس متجهين للمزرعة اهل المعرس وبسيارة بندر كان طول الوقت ساكت وشارد وماغير فوزية اللي حاسة فيه وبهمه ولاهي قادرة تتفاهم معه لانه معند ومو راضي يتقبل أي شي....
كان السكون مالي السيارة ومافي غير سوالف ام مصعب اللي كانت جنبه ولفتاتها عن الليلة وش راح يصير فيها وماالى ذلك,,
الجازي/وش فيكم قاعدين بجو عزا رغم ان الليلة عرس؟؟؟؟
ام مصعب/حط لنا شي يامصعب يغير جونا عاد!!
وقبل لايتحرك قامت هي تغير بمحطات الاذاعة وماعجبها شي وشافت الشريط اللي كان يسمع فيه قبل لايركبون ودخلته وعرضته ولف مصعب وجهه للجهة الثانية علشان لايشوف فوزية ونظراتها اللي بتلومه من مراياته,,
كانت اغنية حسين الجسمي...
بلغ حبيبيك وقله باخذك منه..
هذا هو الحل ومالي أي حل ثاني,,,
مااقدر اقعد واشوفك بس واستنى,,
كل يوم عنك بعيد يزود جناني,,,
من يوم شفتك وانا في داخلي ونة,,
ولعت قلبي ترى..وشبيت وجداني...
قله ترى اموت لو ماتبتعد عنه..
لازم انا اهواك ولازم انت تهواني...
ياليت قلبي عرفك من صغر سنه..
والله لااحبك واضمك بين وجداني..
حبيب قلبي منعت القلب لكنه..
يبغيك انت ومايبغي احد ثاني!!!
فوزية بحدة/يمه غيريها ماهي حلوة ها الاغنية ابدا!!
الجازي/ باالعكس روووعة تحسينها تعبر عن تجربة محزنة للغاية!!
تنهد مصعب وماعلق بشي..
ام مصعب/لولا الاذواق لكسدت السلع!!!!نغيره لاتقومونها حرب ثنتينكم!!
الجازي/عادي ولاحرب ولاهم يحزنون مجرد اختلاف بوجهات النظر؟
ام مصعب/انت وش تبي يامصعب اخبار ولااغاني ولابرامج ولاشنو؟
الجازي/ههههههه مصعب يبي اغنية البراقع!!تذكر قبل فترة بالرايحة وبالجاية حاط لنا ها الاغنية!!!
اكتفى مصعب بانه يبتسم لها رغم الحزن اللي ساكن بقلبه....
فوزية/يمه تتوقعين عمتي نجلاء تجي ولالا؟
ام مصعب/وبدون أي شك طبعا!!!تلاقينها اول الواصلين؟
مصعب باهتمام/أي بس مو من بعد سالفة نجود وسارة ماطبت بيت عمي ولاكلمتهم!!!
ام مصعب/اولا خالك فهد ماراح يتركها بحالها لو ماراحت وبيلزم عليها تروح لانه يحب بيت خالك بومشاري ويعزهم حييل ومايرضى على زعل ام مشاري!!وبعدين عمتك نجلاء ماتفوت عليها عزايم وجمعات من ها النوع بتشوفها قاعدة وكان البنت اللي مناسبينها بنتها هاذي تموت على الناس اللي فوق اسالني عنها عاشرتها بملكة رحاب وشفتها شلون مافارقت رحاب دقيقة وحدة علشان اهل زوجها!!!!
الجازي/خسارة بنفتقد رحاب الليلة؟
مصعب/طيب ليش مااجلوا الموضوع لبعد ماتقوم رحاب بالسلامة؟
ام مصعب/علشان يمديهم يايمه ماعندهم غير شهر رمضان بس وبعدها بيتزوجزن وبيسافرون..
فوزية بحزن/بتوحشني منال كثيير ...
الجازي/في اختراع اسمه جوال!!وفي اختراع اسمه ماسنجر...
مصعب/سمعتي!!
فوزية/ولو مايعوضون تظل مفتقد وجود الشخص بجنبك..يعني بذمتكم اللحين احنا مو مفتقدين ابوي رغم ان احنا بكل وقت نكلمه!!!!بس يظل وجود الشخص اللي تحبه جنبك يعطك امان اكثر...
سكتوا كلهم وماعلقوا بشي لانهم كلهم كانوا يفكرون بنفس الشخص بها الوقت وبغيابها عنهم....ابو مصعب...اللي كلهم يفتقدون وجوده,,,,
//////////////////////////////////////////////////////
طلعوا من البركة وقاموا يتمشون لين وصلوا للمراجيح وقعدت جواهر بوحدة ونجود بالثانية وكانوا قبال الحريم....
لبنى/ياام بندر جبتي معك ورق العنب؟
ام بندر/اللحين منهي الام ومنهي البنت انا ابي اعرف؟
لبنى/انتي الام وانا البنت بس على فكرة سؤالك خارج عن الموضوع؟
البنات/ههههههه
ام بندر/يعني انا ماشفت مثل بنات ها الزمن ؟؟انتي تشيلين اغراضهم وانتي تقومين بكل شي بدالهم!!
لبنى/هذا ان دل يايمه دل على تواضعنا وكرم اخلاقنا اللي نخليكم تشاركونا كل شي؟
البنات/ههههههه
ام جواهر/اه منك يالعيارة انتي؟؟قولي امين عسانا نفرح فيك ان شاءالله قبل عرس جواهر وبندر؟
لبنى رفعت يدينها لسماء وهي تقول بسرعة/اميييين!!
هنوف/لامو من هنا لبنوا تعالي من هنا عند الشمس علشان دعوتك ترتفع بسرعة ؟؟؟؟؟؟
لبنى/ادري فيك تبين الشمس تحرقني؟
نجود/اللحين وين العابكم مال قبل خلنا نفلها قبل العملية؟
هنوف/نجودوا..فرضنا فرضنا يعني سويتي العملية وعميتي ماصرتي تشوفين وش بتسوين ساعتها!!
جواهر وهيا بصوت واحد/فالك ماقبلناه!!!!
جواهر/قلبي وجهك يالله!!!
هيا/انتي ماتعرفين تقولين شي زين؟
هنوف بثقة/اولا انا ماكلمتك والسؤال موجه لبنت عمي يعني وش ها اللقافة اللي عليكم ثنتينكم؟ثانيا ماجاوبتي نجودوا؟
نجود/اولا اسمي نجود وماني اصغر عيالك!!!ثانيا شبقول بعد شرعك اللهم ولااعتراض!!!
هنوف/ياسبحان الله مؤمنة..هههههههه ولو ان الايمان بجهة وانتي بجهة ثانية؟
نورة/ابي اضحك بس اخاف من نجيد؟
نجود باعتراض/وعمى اللي يعميك وش نجيد هاذي انا مااحب ها الاسم!!!!
مضاوي/يالله عن الملل قولوا شي ولاخلونا نلعب لعبة حلوة..
لبنى/عندي اونو بشنطتي عفية مضاوي جيبيها لاني لو اقول لااختك المفعوصة هاذي ماراح تجيبها لواموت!!
هنوف بخبث/تصدقين كنت بقوم بس بما انك شكيتي بقدراتي غيرت راي وماني قايمة!!
جواهر/هههه عليك كذب ماله حدود ابدا!!
هنوف/بنات سمعتوا اخر اغنية نزلت السوق..
البنات/لا....
هنوف/اجل اسمعوها احم احم..
هيا/واللي يرحم والديك اذا بصوتك بلاها مانبي نسمعها!!
جواهر/هههههههه
هنوف بتوعد/زين انك ضحكتي بعدين باخذ حقي منك!!
جواهر/عندي نجود تحميني!!
نجود بهمس/مااضمن لك فهد مايرضى اتقرب قدام اشياء مفترسة لاتاْذيني!!
جواهر ماتت ضحك والف علامة استفهام بوجه هنوف..
هنوف/شالسالفة وش قلتي لها يانجود؟
نجود ببراْة/ولاشي..ماتعرفين جواهر بعد كل شي يخليها مبتسمة المهم قولي الاغنية يمكن ان احنا عرفناها..
هنوف/احم احم..نورة تعالي علشان تكملي الدويتو معي مايصير بروحي...
نورة/مااعرفها..
هنوف/ذيك..
نورة/ايهي فيهم..
هنوف/اللي يوم الاربعاء...
نورة/أي....يالله ...
هنوف/بلا دراسة بلا وجع راس..وش جانا من ورى ها العلم,,,
نورة/غير القهر,,غير السهر وش جانا...
هنوف/يااستاذ انا ماابي دفا..مخي من العلم اكتفى..
نورة/وين التفوق والاجتهاد ودانا...
هنوف/يااستاذ يكفي ماجرى..البال توه مااستراح..ماجانا من العلم ترى كفانا..جربت في مرة التفوق...واخلصت انا ومخي سوا..وفجاْة كذا الرسوب ناداني..
نورة/يامخي خذ مني وعد..ماعاد نشتاق للكتب..ارحل بدربك للابد..نبي نتمتع بالدلاخة وانسانا..
هنوف/ماعاد يغرينا التفوق..ماصرنا وياه نتفق..والاستاذ ماعمره صدق وايانا.....وسلامتكم,,
لبنى وهيا بنفس الصوت/بايخييييييييييين بنات اول ثانوي..
هنوف/شكرا شكر اشكرا..
هيا/ياشينكم وياشين سوالفكم الشره علينا اللي وقفنا نسمع لكم للاخير....
جواهر/أي والله وانتي الصادقة,,,
قامت نجود ومشت مع البنات وجواهر توها بتقوم الا هنوف قامت تمرجحا بقوة..
جواهر مسكت المرجيحة وهي تترجاها/هههه لالاتكفين هنوفوا لااطيح هههه تكفين...
هنوف باصرار/لاانا حالفة العبك وادير بالي عليك لاتخافين..
شوي الا وشعر جواهر انفتح وجزمتها طارت,,
جواهر/هنوفوا هاذي مو مرجيحة انقلبت قطار موت واللي يسلمك وقفي خلاص توبة ماعاد احكي عليك ابدا!!
هنوف/لالالا...
جواهر/ويلي يمه لحقي عليّ..
لبنى بخبث/لو مين تناديني مالك امل حد يجي ينقذك....
عبير/بنات بندر جاي بيقعد شوي تغطوا..
نجود باعتراض/اوووووووووووووف ليش جاي..
ام بندر/ههه ها نجود اشوف صرتي ماتواطنين ولدي!!!
نجود/ابوي واللي هو ابوي واحنا طردناه مابغيناه يجي معنا ولدك بعد ليش بيرز الوجه..
جواهر/اكيد حس بظلم خواته وجاي ينقذني....
هنوف/تحلمين والله مااوقف لو يجون منه عشرة..
نجود وهي داخلة/قدها وقدود عن عشرة رجال مو بنت حشى....
دخلوا بنات ابوعلي داخل وجاء بندر وسلم على الحريم وتقهوى معهم وراح للحبيبة..
هنوف/شفت ياخوي حاطة مرتك بعيني مسويتها اعظم من البزارين حتى المرجيحة قاعدة امرجحها بنفسي..
بندر/مشاءالله شفتي شلون يحبونك خواتي ..
جواهر بدون نفس وهي حالتها قشرة الجزمة بجهة والشعر انتكش /اقول لايكثر انت واختك وقلبوا وجهكم عني!!
بندر/وين؟؟
جواهر/ماابي اقعد معكم..
بندر بزعل/ليه!!!!
جواهر/غربلتني اختك خلت راسي يدور....
بندر/هنيف ووجعتين؟
هنوف/تكذب ياخوي تكذب انا حتى بالبركة حملتها وقمت اسبح فيها علشان لاتغرق...
بندر/حشى دلفين مو هنوف!!!مااعرفك واعرف سوالفك..
جواهر/حبيبي بس بدخل بزبط اموري وبشرب ماي وبرجع..
بندر/قعدي بس قعدي امورك زابطو وعاجبتني شحليلك واذا على الماي ارويك انا..
جواهر بحدة/بندر!!
هنوف/احم احم احم..فهمت...بس يتراوالي مابتروي يابندر بتعطش اكثر!!
جواهر فتحت عيونها على وسعها/مشاءالله يعني ماالعن من اخوك الاانتي!!!
بندر/ههه يالله مااسمح لك عاد هي بس حبت تلطف الجو....
جواهر/والله عطشت يابندر حلفتني....
بندر/يامضاوي..مضاوي جيبلي ماي....ها انحلت القضية..لاني اعرف ها النشبة اذا لزقت تصير اعظم من اخوك محمد ولاشي يشيلها..
هنوف/بسوي روحي ماادري ان انا المقصودة...
مضاوي/تفضل.....
مسك بندر غرشة الماي وفتحها ومدت جواهر يدها
بندر/بيدي والله اشربك بيدي.....مد يده لها وسط نظرات خواته وابتساماتها ونص خجل من جواهر مو كامل.....
جواهر/عساني منحرم منك يالغالي...
هنوف/ولامني ان شاءالله..
مضاوي/هههه انتي وش يدخلك وحدة وزوجها انتش شكوا!!
هنوف/انتي ماتساعدين بها المواقف مافي غير لبنى صاحبة الوقفات البطولية...لبنى..لبينة تعالي بسرعة..
لبنى طيران../نعم عسى ماشر...
هنوف/راح عليك التسردح والتمردح....
لبنى شهقت/وش اللي صار؟؟؟
هنوف/علوم علوم صارت قولي وش اللي ماصار؟؟؟
جواهر وهي تناظر بندر/انت متاكد بتاْمن عليّاقعد مع ذولا في بيت واحد طول الاسبوع!!!!راجع حساباتك زين؟؟؟
بندر/هههههههه وش زينهم لو تلفين العالم ماتلاقين مثلهم...
لبنى/شكلنا مو عاجبينك انسة جواهر؟
هنوف/قولي قولي اذا مو عاجبينك.....
بندر قومها ومسك يدها علشان يتمشون ووراها الجماعة ثلاثهم ...
جواهر/عسى ماشر اخوكم بيقول كلمتين وبيمشي بعد ها الزفة شحقه؟
لبنى/يمكن تحتاجون نساعدكم بكلمة ولاشي..
هنوف/او انك تتحرشين في اخوي وهو مايفهم بها السوالف نخلصه من يدك....
جواهر/امممم بندر انت شتقولهم عني بالضبط؟
بندر/انك حبي وقلبي وعشقي وحياتي واغلى مافي ها الدنيا يادنيتي!!.جواهر/بندر خلاص ترى بديت اخجل ..خل كلامك الحل وبعدين بيني وبينك..
لبنى باعتراض/لا ياعمري عندكم شي قولوه قدامنا مو ورانا!!
هنوف/أي وانا ااْيد بعد؟
بندر /قولي خل نقهرهم....اي شي..
جواهر/حبيبي خايفة ها الحب يكبر وقلبي يعشقك اكثر واكثر..
واذا شفت اني مااستغني عنك...تخليني ومن حبي تنكر...
بندر/من اللي حط ها الفكرة في بالك ...ياعمري لايصور لك خيالك.. باني اقدر انسى الحب وابعد وربي اللي خالقني مقدر...
جواهر/اخاف بيوم تزهق وتملل,,ولااكون بعيونك مثل الاول,,,اخاف تلاقي غيري لك حبيبة,,وتخليني على الحب اتحسر,,
بندر/محال انه تجي مني مضرة,,احبك والعمر ياعمري مرة,,,واذا كل شي تغير في حياتي ,,غرامك مستحيل انه يتغير,,
جواهر/ابي منك عهد واضح وصادق,,معي تبقى وعمرك ماتفارق,,ولك مني احبك للنهاية,,,اسيرة حبك ومنه مااتحرر,,
بندر/عهد ابقى على حبي وحبك,,ولااخر نبضة فب قلبي احبك,,يااغلى حلم حققته بعمري,,,يافرصة في حياتي ماتتكرر,,,
/////////////////////////////وقفت قبال النافذة ومسكت جوالها ودقت على فهد اللي مارد عليها....
اكيد اللحين راح المزرعة علشان ملكة منال...وقاعد مع الرجاجيل..بس انا ابي اسمع صوته اليوم بطوله ماسمعت صوته غير الصباح وبس!!
اووف ليش صارت ملكة منال اليوم بس وحرمتني من صوته ودفا احساسه...
ممرت ثواني الا واحلى ابتسامة رسمتها على وجهها يوم دق جوالها وكان فهد هو المتصل...
ردت بلهفة الدنيا/هلا بغلا عمري..
فهد بهمس/شلونك..
نجود/لو اقولك انك واحشني بتصدق؟
فهد بنفس الهمس/طبعا...
نجود/حبيبي انت...شكلك بالمزرعة صح؟
فهد/أي..
نجود/عارفة بس شسوي بقلبي اللي الح انه يسمع صوتك يافهد؟احرمه واخليه يظل متضايق ومقهور ومايسمع صوتك؟
فهد/لاطبعا!!!بس ترى انا الجو مو صافي عندي ابدا ولا صدقيني كنت دقيت قبل لاتدقين!!
نجود/عارفة حبيبي.وبتتركك الحين.بس ابي منك وعد تطلع من الملكة وتدق علي لاني مااتحمل مااسمع صوتك كذا اليوم كله؟
فهد/طيب حبي ولايهمك..
نجود/يالله عمري اخليك....
سكرت وهي تناظر بجواهر وبندر اللي كان ماسك يدها وخواته يغنون حواليهم من النافذة,,ماتدري ليش ماهي حاسة بان ارتباط جواهر ببندر شي واقعي,,كل ماشافتهم مع بعض حست انهم بيتركون بعض ومابيكملون مع بعض..نعقولة لانها حست بان مصعب واحاسيسه ناحية جواهر صادقة ومولعة؟؟ولا لانها مو راضية تتقبل بندر رغم معرفتها التامة بان قلب جواهر مابيختار غير بندر لو شيصير بالعالم!!!!
رجعها صوت هيا للواقع بعد وقفتها جنبها وهي تكلمها/عقبال مانفرح فيك وانتي مع ولد الحلال اللي اكيد بيكون محسود انه اخذك؟
نجود بجدية/هيا تتوقعين منو يحب الثاني اكثر جواهر تحب بندر ولابندر يحب جواهر؟
ناظرتها هيا بهدوء وبعدها لفت تناظر بجواهر وبندر وقالت/مدري احس ان كل واحد فيهم مكمل للثاني وكل واحد حبه فايض من عينه,,,مقدر اقولك ان في واحد منهم يحب الثاني اكثر ..احسهم متساويين بحبهم لبعض...الله يتمم عليهم بخير ويوفقهم ..
نجود بشرود/امين...
//////////////////////////////////////////////////////////في مزرعة بيت الصالح كان الجو وناسة ورقص وانبساط رغم ان الملكة كانت مختصرة جدا ومقصورة على ام المعرس وخواته وخالاته وعماته واهل منال وبس...
نجلاء/انا كاني شفتك من قبل مو ذاكرة.ياام تركي؟
ام تركي/يمكن اني شفتك باستقبال ولاحفلة ولاجمعة عند بيت الجاسر تعرفينهم صح؟
نجلاء/أي طبعا اعرفهم بيت الجاسر ومين مايعرفهم؟
ام تركي/أي انا وام محمد الجاسر ربع وبينا عشرة طويلة وتلاقيني بكل مناسباتهم ملازمة لهم..
نجلاء/تماما...وليش ماجت الليلة ام محمد مدامك صاحبتها.مو.المفروض تفرح معك بتركي...
ام تركي/أي اكيد انها بتفرح معي بتركي بس والله طالعين لبنات من قبل اسبوع ومابيردون الا مع رمضان ,,,
نجلاء/اها....
ام تركي/انتي شتصيرين لمنال؟
نجلاء بنفخة/تقدرين تقولين اختها الكبيرة!!انا زوجة فهد عمهم بس ساكنين بنفس البيت وطول وقتنا مع بعض ..
ام تركي/اممممم يعني متعلقين في بعض..
نجلاء/حييييل انا طول وقتي معهم وهم طول الوقت في بيتي....
///////////////////////////////////////////////////////////////////////////////////////////////////////////////

---لبارت الثاني والأربعين---
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
في الشاليه..
جواهر/شتسوين؟
نجود كانت قاعدة وماسكة جوالها...رفعت راسها لها وقالت/بدق على منال ابارك لها...
جواهر جلست جنبها/يالله دقي خل ابارك لها انا بعد...
دقت وبعد ثلاث اربع رنات شالته منال..
نجود/هلا والله
منال بفرح/هلا فيك..
نجود/ان شاءالله الف مبروك..
منال/الله يبارك فيك وعقبالك ان شاءالله..
نجود/ان شاءالله...عارفتك مشغولة بس حبيت ابارك لك ..
منال/تسلمين ياقلبي كلك ذوق والله..
نجود/هاذي جواهر بتكلمك تبارك لك.....
/////////////////////////////////////////////////////////////////////
نورة/وش رايكم نركب دبابات...
هنوف/فكرة هايلة..
مضاوي/مااتوقع انها تنجح.
نورة/ليش عاد مضاوي كذا متشائمة؟
مضاوي/ماراح يخليكم ناصر تركبون..
نورة/بروح اشوفه......
نورة/ناصر..ناصر..
ناصر/هلا...
نورة/نبي نركب دباب...
ناصر/عسى ماشر؟
نورة/ماشر يالغالي بس نبي نركب وش قلت؟
ناصر/قلت طبعا لا..
نورة/اوووووه نويصر لاتصير نذل..
ناصر/قلت لكم احجز لكم الشاليه واجيبكم بس دباب مااتفقنا عليه؟
نورة/أي بس..
ناصر/وينها جواهر هي صاحبة فكرة الشاليه ناديها بكلمها...
///////////////////////////////////////////////////////
سارة تقربت من بنات عمها...
سارة/فني اقعد معكم...
الجازي ومي سكتوا..
مروة/قعدي ومنو ماسكك..
سارة قعدت وهي ساكتة...
وظلوا هم بعد ساكتين....
سارة بضيق/تبوني اقوم؟؟قولوا اذا متضايقين مني!!
الجازي بحدة/انتي علامك!!ليه اسلوبك كذا!!احد قايل لك شي بالله!!
سارة/من جيت عندكم سكتوا حسيت انكم ماتبوني؟
مروة/وليش تحسون كذا!!
سارة/لانكم من زمان ماتكلموني؟
الجازي/وماسالتي نفسك ليش؟
سارة/.................
مروة/انتي غلطتي وكان المفروض انك تعتذرين...
سارة بتردد/انا.....انا اسف
نجلاء من وراها/وش عندك تتاْسفين ان شاءالله!!!
سارة/.................
نجلاء/مسوية شي..
سارة/انا بس ..
نجلاء/تعالي بوريك الحريم يسالون عنك..
مشت معها وقالت لها بهمس فيه شوية حدة..
نجلاء/ماله داعي تتاْسفين لهم سامعتني؟
سارة/أي بس من صارت سالفتي مع نجود وانا ماشفتهم ولاقعدت معهم وملزومة اعتذر لهم!!
نجلاء/خلهم يولون عنك!!تعالي بعرفك على الحريم الجخ وقعدي مع بناتهم بدل بنات عمك بس اذا شفتيهم وسولفتي معهم قولي انك دوم الدوم عند بنات عمك واول ماتشوفين منال روحي قعدي جنبها وسولفي معها علشان يصدقون زين؟؟؟
/////////////////////////////////////////////////////
جواهر كانت تكلم ناصر من ورى الباب/هلا ناصر..
ناصر/عاد احنا مااتفقنا ياجواهر انكم تركبون دبابات صح ولالا؟
جواهر بتاءييد/أي مااتفقنا..
ناصر/خلاص لاتحرجوني اجل ...
جواهر/لاولايهمك لاتشيل هم...في شي ثاني
ناصر/ليش مستعجلة بالله!!
جواهر/مو مستعجلة بس لاتنسى اني اكلمك من ورى حجاب...
ناصر بجدية/بندر مو هنا طلعي محد بيدير ان انا شفتك!!
جواهر/ههههه اخاف خواته يفتنون بس؟
ناصر/هو الخوف من خواته بس ولايهمك لبنى نعطيها كم الف تبي تهاجر وبتسكت عاد النص بالنص انتي بعد تدرسين وتستلمين راتب..ومضاوي نقدر عليها نغرقها وينطفي حسها مرة وحدة..وهنوفوا نركب دبابا وامرنا لله..
جواهر/شورك كذا!!
ناصر/أي بعد شنسوي...
جواهر/اقول اخلص بس اخلص تعبت من الوقفة..
ناصر/ول!!صدق ماتنعطين وجه...اقول ديري بالك على حبيبتي ترى وراها عملية لازم تتغاذى وتنتبه على نفسها؟
جواهر/مايحتاج توصيني عليها هاذي عيوني والله؟؟
ناصر/اذا هي عيونك اجل ليش بتسوي العملية عطيها عينك وخلصنا..
جواهر/اقول نويصر شكلك تبي تسولف ورايق بروح البس عباتي واجي عند الحريم تعبت من الوقفة..
ناصر/هههههههه
////////////////////////////////////////////////////
لبسها شبكتها وبعد ماباركوا لهم كلهم طلعوا وتركوهم بروحهم في الغرفة اللي كانوا مجهزينها قبل...
كان السكون هو سيد المكان..بس قطعه تركي...
تركي/مبروك يامنال..
منال/الله يبارك فيك انت بعد مبروك....
تركي/ما شاءالله مثل ماوصفوك تماما..
منال/.........
تركي/ان شاءالله نقدر نرتب امورنا بسرعة ونتاقلم على طباع بعض ونكون كل واحد سند للثاني بالغربة..
منال/الله يقدرني واكون جنبك اخت وصديقة وزوجة
تركي/واهم حاجتين ماذكرتيهم...
منال/.........
تركي/حبيبة وام يامنال.... حبيبة تحتويني وتصوني وام تغرقني بحنانها..
منال بهمس/ان شاءالله..
تركي/كيف وضعك بيكون..
منال/بقدم على اجازة استثنائية.وبعد ماارد من امريكا برجع اداوم من جديد...
تركي/متاْكدة بترجعين لسلك التدريس؟
منال بحذر/ليش انت مو عاجبك؟
تركي/لامو كذا بس هناك بتتغير حياتك وبتاخذين لك دورات اشكال والوان يمكن يغيرون فيك نزعة التدريس ويخلونك تتجهين لميول ثانية؟
منال/مافكرت فيها ابدا!!بس يمكن كل شي يتغير ..محد يدري عن اللي يخبيه له القدر والايام....
///////////////////////////////////////////////////////
قاموا البنات من البركة على الساعة وحدة ونص بعد ماتعشوا ورجعوا سبحوا مرة ثانية,,,
نجود/حشى لله بط مافرقتوا الماي شوي!!
هنوف/تقدرين تقولين هذا من زود الحسرة ياقلبي؟
عبير/أي حسرة واللي يعافيك عاد انتوا كل شي متحسرين عليه!!!
نورة/اللي يسمعكم يقول ماسبحتوا معنا..
جواهر/امرنا لله ملزومين نجاملكم شوي ..اقول بس جيبي عطري من شنطتي حبيبتي...
نورة فتحت شنطتها/هذا....امممم.. كم عطر بالشنطة ..
جواهر/اثنين...
لبنى/احد يستخدم عطرين بوقت واحد!!!
جواهر/ههه أي انا..واحد لطول اليوم وواحد لليل واخره...
البنات/ههههههههههه
لبنى/عجبتني سالفة الليل واخره بصراحة احسها قوية....
عبير/يعني كل الليل واخره ولابس الليالي اللي متواجد فيها بندر!!
جواهر/اها بديتوا تفهمون علي!!!!
عبير/نجود ..علامك ساكتة مالك بالعادة..
نجود/افكر في العملية...
مضاوي/يابنت الناس بتسوينها ومافيك الا العافية بعد وبتقومين بالسلامة وهيا بتسوين لنا عزيمة وش كبرها...
جواهر/يالله عاد نجود انا اول مرة اشوفك كذا مالك بالعادة انتي اقوى من الجبل...
نجود/كنت افكر ان لو ما....
جواهر قاطعتها/لاتصيرين خبلة!!وش ها الكلام قوموا بس خلونا نتجهز كاهو ناصر شال الاغراض بنمشي....
/////////////////////////////////////////////////////////////
يوم الجمعة الصباح....
في غرفة علي وعبير...
دق جوالها وهي بعدها ماتقوم..
ردت بثقل ونعس/الو...
نورة/بعدك نايمة؟؟من زمان قعدنا؟
عبير/ليش كم الساعة اللحين؟
نورة/ثمان ونص..
عبير/متى نمتوا علشان تقعدون بدري...
نورة/مدام ورانا طلعة بنقعد وبنقعد ونص بعد!!المهم ترى اغلبنا جهزنا وقعدنا ناصر وبنمشي متى بتخلصين...ناوين نفطر اول هناك وبعدين نبدي مشوارنا...
عبير/خلاص بقوم وبرد لكم خبر..
سكرت من نورة ومسكتها يد علي من خصرها ..
علي بنعس/وين؟؟
عبير بهدوء وكان النوم طار من عيونها/انت ناسي ان اليوم بنروح مجمع الضهران...
علي/من بدري كذا!!
عبير/أي علشان بيرجعون العصر يجهزون اغراضهم ولاانت ناسي ان اليوم جمعة وبكرة اللي وراه مدرسة واللي جامعة واللي بتروح الرياض...
علي تقرب منها ولزق فيها وهو حاضنها وهي حاسة ان انفاسها صارت قوية وسريعة وحارة,,,,
عبير بهمس/علي...بقوم...
علي/خليك معي انا لسه نعسان اذا قمت بوصلك لهم...
عبيرماكان عاجبها الوضع ابداّّ!!اصلا تغير علي بكبره مو عاجبها بس شتسوي مجبرة تساير الوضع لانها مو متعودة تقول لا بوجهه ابدا!!
تنهدت وسكنت بمكانها وصار حاضنها بقوة اكبر وهمس لها/شفيك...ودك تروحين لهم ولاتقعدين معي!!!
عبير بحزن/اللي انت تشوفه..
علي/انا ابيك تكونين معي....عبير ليش ما..
عبير/خلاص..بقعد ..
علي تنهد/ليش تصعبين علي السالفة وكل ماجيت احكي معك تغيرين الموضوع؟
عبير بلامبالاة/أي موضوع؟
علي/موضوع حياتنا....او بالمعنى الصحيح التغير بحيانا!!!
عبير غمضت عيونها وقالت بضعف/وبتقول اسباب التغير ولابتكتفي بالتغير وحده وبس!!!!
//////////////////////////////////////////////////////////
فهد/صباح الخير...
نجود/صباح الخير للكسلانين انا من زمان قعدت وهذا انا اتمشى بالمجمع مع البنات...
فهد/متى لحقتي تقومي!!انتي مانمتي البارحة الا الساعة اربع ونص متى قعدتي؟؟؟
نجود/قالت لك نورة اختي اذا ورانا طلعة نقعد يعني نقعد التنبيه يكون طبيعي وذاتي فينا..
فهد/مشاءالله..العائلة كلها حكم!!
نجود/كانها شماتة!!
فهد/حشى لله!!!طيب وكيف النفسية اليوم..
نجود/ماشي الحال...سمعت كلامك ومافكرت بالعملية نهائيا...
فهد/أي ها الشي هو الصح انك ماتفكرين وتقلقين حالك...يابنت الناس هذا الدكتور اللي انتي اخترتيه وطمنك وقال لك العملية سهلة وماتحتاج أي تفكير وقلق منك وانتي بالاساس ماراح تحسين بشي لانك بتتبنجين..
نجود/الله كريم....
فهد/فطرتي...
نجود/اخذنا لنا قهوة على الماشي....ورانا غذى مانبي نثقل...
فهد/رايح فيها ناصر!!
نجود/محد قاله لايتزوج للحين!!!!
فهد/والله هو لو عارف السالفة كذا كان تزوج بدل الوحدة اربع ولاانه يقعد يصرف عليكم!!!
نجود/لاتعليق..
فهد/ليش عاد؟
نجود/بس بخليها بخاطري وموقايلتها ها المرة وبعدين يصير خير...
فهد/اه منك يالعيارة....
نجود/انا مو عيارة..
فهد/خلاص سحبناها..
نجود/انت مو ملاحظ انك ها اليومين قاعد تداري خاطري كثير وماتبي تضايقني بشي؟
فهد بغرور/مو عشانك علشان العملية بس!!!
نجود بثقة/كل يوم بسوي عملية اذا السالفة كذا !!
فهد/ياسلام !!تلعبين علي انتي كل يوم عملية؟ماوراك ضمان ولاشي ماباخذك الا وانتي منتهية من ها العمليات؟؟؟
نجود/ههههههههه المهم حبيبي..
فهد/قولي ياعيوني..
نجود/عسى عيونك سالمة لك....انا بخليك اللحين عشان البنات يبوني اتسوق معهم بس يصير عندي وقت فاضي خلال النهار بدق لك....
فهد/المهم اول ماتطلعين المطار تعطيني خبر طيب...
نجود/ولايهمك..بس امانة امانة فهودي بوس لي فيصل ولمى بس!!!
فهد/وفهد؟؟؟؟
نجود بدلع/عيوني هذا ماوصله بوسات بالتلفون احب اعطيهم اياه بنفسي!!!
فهد تنهد بقوةوقال بهمس/يعني ودك تشوفينه الليلة!!
نجود بثقل/اقول البنات ينادوني بعدين ادق لك...
سكر من نجود وهو يبتسم ومبسوط ومروق وجت نجلاء له وهو كان قاعد بمكتبه..
نجلاء/صباح الخير...
فهد رفع راسه/صباح النور...ولو ان الساعة اللحين قربت على الاحدعشر ونص!!!
نجلاء قعدت قباله وقالت بلامبالاة/وخير ياطير يعني,,,اجازة اليوم جمعة؟
فهد/العيال لسه نايمين...
نجلاء/أي خلهم يريحون شوي البارحة سهروا ..
فهد/لالا صحيهم مايصير لو ناموا لوقت اطول الليلة ماراح ينامون بدري ووراهم بكرة مدارس؟
نجلاء/معليش خليهم شوي بس وبعدين صحيهم...الا انت وش مقومك بدري ؟
فهد/جاني تلفون وصحيت ومارجعت نمت؟
نجلاء/امم..اقول فهد..ساعتك هاذي جديدة صح؟توني اشوفها عليك البارح؟
فهد ناظر بالساعة وابتسم وهو يذكر صاحبتها...
فهد برواق/أي جديدة...
نجلاء/شيك....لمحتها بيدك البارحة وقلت بقولك عنها بس انشغلت..
فهد/جايتني هدية..
نجلاء/بصراحة ذوق مرة اللي جايبها كم سعرها؟
فهد بحدة/مايهمني سعرها بقد مايهمني انها جتني هدية بيوم ميلادي؟
نجلاء/اها؟؟طيب....
فهد/ماراح تساليني من منو؟
نجلاء/مو مهم اهم شي انه ذوق وبس..
فهد/هي من ناحية ذوق فهي ذوق وهاذي مافيها شك؟
(فهد كان يقصد نجود ونجلاء فهمت انها الساعة)
نجلاء/عليك بالعافية...بس كان المفروض يجيبها طقم لي ولك؟
فهد/............
نجلاء/ليش سكت؟
فهد/نجلاء..منتي ملاحظة شي؟
نجلاء بلامبالاة/شي مثل شنو؟
فهد/مثل اني هاجر غرفتك وماانام فيها من زمان ..يعني فوق الشهر ونص اللحين؟
نجلاء/عادي وين المشكلة البيت فيه غرف فاضية وين ماتبي اقعد ماحد مانعك..وبعدين كذا اروق لبالنا لاتسالني متى رديتي ولامتى طلعتي ولاليش متاخرة ؟انت بغرفتك وانا بغرفتي؟
فهد اكتفى بانه يناظرها ويقول بغموض/بنشوف الايام وش مخبية لنا يانجلاء...
قامت وكانها ماسمعت كلمته ولااثرت فيها اصلا!!!!
//////////////////////////////////////////////////////////
بسيارة علي ...
علي/وش بتشرين لي؟
عبير بلااهتمام/تبي شي؟
علي بجدية مرحة بس مو باينة/وليش يعني مابتاخذين لي هدية الا بالطلب؟
عبير/...........
علي/عبير..
عبير بهدوء/نعم..
علي بتردد/تبين..يعني وش رايك نتغذى مع بعض ونتسوق مع بعض؟
عبير/...........
علي/.....ها شقلتي؟
عبير/والبنات اللي ينتظروني؟
علي بعصبية/احلفي والله!!يعني اللحين هم واقفين عند باب المجمع وينتظرون تشريفك لهم !!!ماتحركوا من اماكنهم؟؟
عبير بهدوء ذبح علي/وانت ليش معصب؟؟؟؟علشان اول مرة تطلب مني نكون مع بعض وارفض!!!
علي بقمة العصبية/انا مو معصب ولاهم يحزنون؟؟؟وبعدين نزلي بللي مايردك عمرنا ولاتغذينا مع بعض زين!!!
طالعته بهدوء شديد ولف وجهه للجهة الثانية وفتحت باب السيارة ونزلت وقبل لاتسكر الباب قالت بهدوء/أي كذا...علي اللي اعرفه كذا!!!
مشت لداخل المجمع وعيون علي مافارقتها...كان يناظرها وبداخله مشاعر غريبة مو قادر يفسرها..شي ثاير وشي معصب وشي بينفجر والسبب رفضها وصدها وماكانه هو اللي صاد عنها سنتين كاملين ومو معبرها؟؟؟؟؟
////////////////////////////////////////////////////////
ام مشاري/الف الصلاة والسلام عليك ياحبيب الله يامحمد كلللوش..
منال ابتسمت وباست راس امها وقعدت جنبها..
منال/صباح الخير يمه..
ام مشاري بفرح/صباح الانوار والاسرار والخير والبركة على عروستي بنيتي الحلوة...
منال/الله يخليك لي يالغالية؟
محمد/أي ناس وناس بس يعبرونهم بالبيت؟؟؟انا قاعد من تسعة ونص ماشوف حد ناظر بوجهي!!!
ام مشاري/مو وقتك اللحين ياحمود...كلها كم شهر وتفارقنا اختك خلنا نشبع منها..
محمد بخبث/ها منول..شلون عريس الهنا..اشوف السهرة قلبت صباحي وماجابك البيت الا واذان الفجر ياْذن؟
منال ناظرته بنص عين وقالت له/وانت ولي امري علشان تساْلْ!!وبعدين ليش كنت تنتظرني؟
محمد/بعد اختي وقاعدة مع رجال مانعرفه مايصير ماانتظر اشوف علومك....
منال/لاتطمن علومي كلها بخير..
ام مشاري/اقول يمه شلون شفتي تركي ان شاءالله خوش ولد..
منال/والله يمه قعدة وحدة ماتحكم ان شاءالله الايام الجاية تبين لنا اكثر واكثر ..
محمد بخبث/تعالي قولي شصار البارحة شهببتوا انتي معه!!
ام مشاري/استحي على وجهك تقول لااختك ها الكلام!!
محمد/وانتي مصدقة ماسوت شي؟
ام مشاري/وتبيها تقولك سوت قدامي بعد!!!يعني وجودي مايشكل عندك شي ابدا!!
محمد/يمه الله يهداك لاتصيرين ثقيلة!!انتي مشاءالله عندك خبرة طويلة مع الوالد وفاهمة وعارفة كل شي خلنا اللحين نتثقف قبل لانرتبط ونتوهق!!
رمت عليه امه المخدة وهي تصارخ عليه وهو ميت ضحك...
//////////////////////////////////////////////////////////
كانوا قاعدين بطاولتين قريبين وكل واحد حاط اكله قدامه..اللي طالب من الاصفهاني واللي طالب من تشيليز واللي طالب من كنتاكي وبس شغلتهم تعال ياناصر ادفع وهو ساكت وناوي لهم على نية بس متى يفكونا.....
نجود/من وين ها السلطة نورة؟
نورة/من ماري براون..
نجود/جيبيها بجربها..
لبنى/انصحك تاكلين من حمص الاصفهاني صراحة شي...
جواهر/اممم حتى المشاوي حقه لذيذة...
هيا/اللحين بتنزلين بكرة؟
نجود/احتمال كبير لو لقيت لي حجز على بكرة الليل وقلت للمديرة اني باخذ اضطراري وماعسرتها علي اني انزل؟
مضاوي/العملية يوم الاثنين صح؟
نجود/أي...بس يوم الاحد بخليه راحة تامة ابي انام طول اليوم...
جواهر/هاذي كانها يعني ماتبين تشوفونه؟
هيا/زين انك فهمتيها؟
جواهر/اه منك اه!!مدري لمتى بتظلين شايلة علي!!دافعي عني يااخت زوجي ياهنيف!!وين سرحانة ها البنية؟
لفوا كلهم للهنوف يشوفون في وين هي تناظر وكانت تناظر بعبير اللي قاعدة وهي سرحانة ومالمست من صحنها شي وكلهم سكتوا وهم يناظرون في عبير..ماجت معهم الصباح رغم ان نورة كلمتها وكانت قاعدة وقالت لهم بتجي مع علي ومن جت صار لها اكثر من نص ساعة وهي ماتكلمت كلمة زيادة على سلامها وطول الوقت سرحانة..كان الكل متضايق لحالها بس شسون الامر مو في يدهم ابدا!!!!
//////////////////////////////////////////////////////////الليل...
في مطار الملك خالد بالرياض...
نجود/الو..
فهد/هلا..
نجود/هلا حبيبي..انا وصلت الرياض؟
فهد/فيك اطباع شينة يابنت السبيعي!!قايل لك اذا طلعتي من بيتكم رايحة مطار الدمام كلميني؟؟يوم وصلتي الرياض كلمتيني؟
نجود/ماعليه ياقلبي ماصار عندي وقت وكانوا معي طول الوقت لين المطار ماصارت عندي فرصة معليش عديها عاد!!
فهد/في شي اسمه مسج؟
نجود فتحت باب سيارتها وركبت وسكرت الباب/معليش قلت لك عديها ولاتحاسب على كل شي؟؟وبعدين انا قايلة لك متى بتكون موعد طائرتي يعني يفترض عندك خبر؟
فهد/أي بس مااْكدتي علي!!!
نجود/وانت زعلت!!!
فهد/طبعا!!
نجود/وش اللي يرضي ابو فيصل اللحين!
فهد/ابو فيصل!!!!وين راحت فهد وفهودي خلاص انتهت!!
نجود/ههه أي كبرت عليها خلاص..انت بو فيصل ولاانت ناسي انك ماتحب احد يناديك فهد؟
فهد/طيب وين رضوتي اللحين؟
نجود/اممم وشنهي ياترى رضوتك؟
فهد/انتي بشنو بتراضيني!!!
نجود/اممممم مدري بس يمكن أي شي مايخطر على بالك؟
فهد/وليش العناد عاد وشي مايخطر على بالك؟
نجود/ههه كذا طلعت معي...
فهد/اشوفك....نسولف وندردش مع بعض شوي بالمزرعة؟
نجود/امممممم مدري...
فهد لف لها وقال لها /مايبيلها تفكير....
طاح الجوال من يدها وهي متفاجئة من فهد واللي ماانتبهت انه هو اللي قاعد بسيارتها بدل السايق!!
نجود بصدمة/فهد؟؟؟؟
فهد بلؤم وتاْنيب وهو يناظر بوجهها/وليش كاشفة الوجه عاد ها؟
ترددت وماعرفت شتسوي ونظراتها بالارض وشوي شوي رفعت شيلتها وتلثمت وبالموت قدرت ترفع عيونها وتذوب في عيونه قالت بصوت متقطع/انت وش اللي جابك هنا ووين سايقي ووين سيارتك؟
فهد/الطريق الاسهل لنا عطيته سيارتي وخليته يسبقني على المزرعة.....ها نروح شوي....
نجود/فهد...
فهد بهمس/خايفة مني يانجود والله مشتاق اسولف معك وقلبي قارصني ليش اني ماراح اشوفك طول الاسبوع وبظل احاتيك....
نجود/انت شتبي؟
فهد/صدقيني اكثر من ساعة ماراح اتركك تقعدين عارف انك تعبانة وتبين تريحين...ومقدر ها الشي..
نجود/نص ساعة..
هد/يامكرمك...
نجود/ها..ترى مافي غيرها؟
فهد بتحدي/أي بس انا قلت ساعة؟
نجود بنفس التحدي/وانا اقول نص ساعة؟
فهد/طيب نروح ونشوف مين اللي بتمشي كلمته بالنهاية؟؟
//////////////////////////////////////////////////////////جواهر/جهزت كل شي مانسيت شي؟
بندر /بلى نسيت شي...
جواهر/شنو؟
بندر/مدري شيلي ها الاغراض وقولي لي شنو هم علشان اتذكر اذا باخذه ولالا؟
كانوا اغراضه على فراشه مرميين...ثياب واوراق واقلام ومجلات واشرطة وعفسة فوق تحت..
جواهر وهي تشيل بالاغراض/الله يهداك بس يابندر باقي ساعة ونص على طائرتك وانت موراضي حتى ترتب اغراضك بنفسك!!انشغلت عنك يومين كيف لو احمل واولد شتسوي؟
بندر/بتقومين تسوينها غصبا عليك لان قلبك ماراح يتركني؟
رفعت راسها وابتسمت له ورجعت تشيل بالاغراض وهي تساله/هذا تبيه..
بندر/لا...
جواهر/القميص الازرق تبيه؟
بندر/لا...
جواهر/ها الاوراق الفاضية اذا مالها لزمة لاتحطها؟
بندر/.............
جواهر/بندر وينك اكلمك؟
رفعت راسها وماشافته..
جواهر/بندر؟؟وينك؟
حوط خصرها بيدينه وهمس لها/موجود ..
جواهر غمضت عيونها وقالت بهمس/تعال شوف وش اللي ناقص من الاغراض!!
بندر بنفس الهمس/أي بس انا عارف وش اللي ناقصني!!
جواهر/شنو؟
بندر/حضنك وشفايفك؟؟؟
جواهر بضعف/بندر..حبيبي....
بندر/قوليها مرة ثانية..
جواهي حطت يدينها على رقبته وهي مغمضة عيونها/ليش تسحبها مني دايما وانا اقول لك ماابي اقولها لين ليلة عرسنا!!!
بندر وهو ضامها بقوة /وتصبرين لين ليلة عرسنا!!
لفت له جواهر وصارت بحضنها وهم متقابلين وبعدها حاطة يدينها على رقبته وهو محوط خصرها وقالت له بنفس الهمس/وانت عاطيني مجال ولامخلي فيني عقل بالله!!!!
بندر/احبك.
جواهر تنهدت ..
بندر باصرار/اموت فيك..
جواهر/حبيبي اذوب كل ماسمعت ها الكلمة منك ياقلبي...
بندر/معناته سمعيها يالله...احبك احبك...يالله ذوبي ..وش ورانا باقي عندنا وقت علشان تذوبين!!!!!
//////////////////////////////////////////////////////////بشقة علي وتحديدا بغرفة نومه..
كان لابس بيجامته المخططة وصاير فيها وسيم لاابعد حد خصوصا ان كشرة الزعل مبينة عليه وهو ها الميزة ماخذها من ابوه مثل نجود كل مازعلوا صار شكلهم احلى واحلى...
عبير بتساؤل/بتنام من بدري...
علي بدون نفس/اي
عبير قعدت على طرف الفراش وهي بروبها القصير الستاني....
ظلوا يناظرون في بعض.....
علي/في شي تبين تقولينه؟
عبير بتردد/علي ..اكلت شي اليوم؟
فاجائه سؤالها ولا ماتوقعه بس قال لها بحدة/لا..مااكلت شي من الصباح!!
عبير بتاْنيب ضمير/اسوي لك شي تاكله؟
علي بغرور/بنام!!!
تنهدت عبير وسكتت..وظل يناظرها من فوقها لتحتها..وقال بلهجة امر/انتي بعد تعالي نامي!!
عبير/علي....ممكن افهم لشنو بتوصل حياتنا!!
علي/مو راد عليك.؟
عبير بزعل/بس من حقي اعرف!!!!
علي بنرفزة/وش اللي تبين تعرفينه!!!
عبير غمضت عيونها علشان لاتشوف تعابير وجهه وقالت له بخوف/تغيرك ..تغير اسلوبك معي ياعلي؟وراه شي...ماهو طبيعي...
علي سكت فترة طويلة وفتحت عيونها ولقتها يطالع فيها بهدوء ومافيه أي اثر للعصبية....
وظلوا ساكتين وقت طويل لين قال علي بهدوء وهو يناظرها..
علي/يضايقك ان حياتنا تتغير ياعبير؟
عبير نزلت راسها واكتفت بها الشي بس..
علي تقرب منها وصار قبالها وقال بهمس خوفها/يضايقك انها تتغير؟
حست بالارتباك من قربه وهمسه وقالت بخوف/طيب ليش؟
علي/علشان انا تغيرت!!!
ناظرت بعيونه مباشرة وهي للحين مو بارض الواقع..هل فعلا علي تغير وبيغير حياتها معه وبيستقرون!!ولا انها مجرد سحابة صيف مارة عليها وبتنتهي بازمة تذبحها وتخنقها وترجع علي لسوابقه!!وهل فعلا نسى حبيبته وناوي يبدي حياة جديدة معها!!اسئلة كانت متزاحمة براسها وماقدرت تفكر ولاتجاوب باي سؤال فيهم لان يد علي سحبتها لعنده!!!
///////////////////////////////////////////////
في المزرعة..
نجود/تدري خيرتي باخذ السجاير وانا بدخنها عنك؟
فهد /علشان اذبحك لو اشوفك ماسكة سيجارة وحدة لو بس تقولبين فيها ماتشغلينها!!
نجود/ياسلااااام!!يعني حلال عليك حرام علي!!!
فهد/يالله بلا طوالة لسان عليّ؟
نجود بقوة/فهد..عيني تعبانة وبسوي عملية وماابي دخان يتعبها اكثر؟
فهد رمى السيجارة بسرعة وطلعت منه كلمة اسف بعفوية...
وضحكت له نجود وحس بالارتباك..
نجود بثقل/اشوف صاير تخاف على زعل نجود؟
فهد بقوة/مين قال!!اصلا انا ادور زعلها لاني احبها حيل وهي زعلانة؟
نجود بهمس/احلف؟؟؟
فهد/ومنو انتي علشان تقولين لي احلف!!
نجود شالت شيلتها وهي تناظرها بنظرات خبيثة من فوق لتحت وهو عيونه عليها وتتابعها..
نجود بهمس/انا نجود يافهد...تعرفني ولااعرفك بنفسي!!!!!
فهد اليوم كان مكرس وقته بس يناظرها وكان يكتشف كل شي فيها ماشافه من قبل..
نجود/وينك!!اكلمك انت وين سرحت؟
فهد/ها..ماسرحت بس كنت اناظرك؟
نجود حطت رجل على رجل/وعجبتك ولالسه!!!!
فهد/نجود......طيبي بسرعة علشان اجي اخطبك ترى مو صاير فيني صبر ..ابيك تكونين جنبي..بعدك يجنني ويشتت افكاري!!
نجود بحب/حبيبي حتى لو ماملكنا بنظل قرب بعض وعايشين بداخل بعض ولاانت نسيت!!!
فهد بتنهيدة حارة/ولو في اشياء لازم نكون جنب بعض فيها علشان نحس بطعمها!!
ابتسمت له وناظرت بساعتها..
نجود/اقول فهد..
فهد/سميّ...
نجود/مين تتوقع كلمته مشت بالنهاية النص ساعة حقتي ولاالساعة حقتك ..وجاوب بدون ماتناظر بساعتك؟
فهد/مدري بس اتوقع ان كلمتي طبعا اللي مشت ولاتقولين ان الوقت مر بسرعة وانتي غلبتي بنص ساعة ماراح اصدق!!
نجود وهي تناظر مابينه وبين ساعتها/ثلاث ساعات كاملة واحنا قاعدين نسولف مع بعض!!يعني بالنهاية لاكلمتي مشت ولاكلمتك مشت !!
فهد ابتسم/احسن علشان لاانا ازعل ولاانتي تزعلين ...
نجود مسكت شنطتها/أي بس انا بمشي اللحين صارت الساعة قريبة من الاحدعشر ولازم ارجع وارتب اغراضي بكرة وراي قومة من الصبح ولامفكرني عطالية بطالية!!!
فهد/ليش الوقت الحلو يمضي بسرعة؟
نجود/وانت ليش مزعل نفسك كذا وكانها اخر مرة نشوف بعض فيها!!!!!
فهدوقف ومشى لعندها وهي ماسكة شيلتها تلبسها وركع عند رجلهاورفعت راسها تشوفه والتقوا العيون في بعض وسكتت نجود/ حبيبتي ديري بالكك على نفسك وشدي حيلك بالعملية ولاتفكرين كثير ياقلبي وطيبي بسرعة وتذكري ان انا انتظرك على نار!!
نجود وهي تتاْمل فيه عن كثب قالت بهمس/هاذي كلها افعال امر يافهد!!!ديري بالك وشدي حيلك ولاتفكرين وطيبي بسرعة وتذكري اني انتظرك....
فهد/مو حقي عليك اني ااْمرك وتنفذيني اللي اقوله!!
نجود بهمس ذوبه/طبعا حبيبي ...اصلا انا انخلقت لك وعلشانك وعلشان اكون بين يديك تامرني والبي لك....
فهد مسك يدها وقربها من شفايفه وباسها..وتنهدت نجود...
فهد وهو يناظر في يدها/بعد العملية لك احتفالية خاصة مني..
نجود مسكت يدينه بين يدينها وقالت له/بظل انتظرها على نار وبشغل كل تفكيري فيها بدل العملية.....فهد انا احبك....وماحبيت غيرك ولاراح احب صدقني....وبعوضك عن كل شي وعن كل اللي عشته بضيق وقهر والم وهم...
فهد ببراْة اطفال ماتناسبه بس كانت صادقة وعفوية/وعد يانجود وعد,,وعد تعوضيني عن كل شي وتخليني اعيش معك الشي اللي كنت ابيه وماقدرت اعيشه معها!!!
نجود هزت له راسها وقربها منه وحضنها بالقوة..وهمس لها/عسى الله يقومك لي بالسلامة ان شاءالله ولايحرمني وجودك بحياتي يااغلى شي بدنيا فهد...
//////////////////////////////////////////////////////////يوم السبت.....
ابوعلي/ها ماكلمت نجود قالت بتنزل الليلة ولابكرة..
ام ناصر/شكلها لسه بالدوام لاني كل مادقيت لها ماترد علي!!
ابوعلي/هي قايلة لي اذاشافت وضعها وتيسرت معها ومالقت حجز بتكلمني امر عليها لان ناصر مابيقدر يمرها اليوم..
ام ناصر/على خير...
ابوعلي/وش فيك ياام ناصر منتي على بعضك...
ام ناصر/ولاشي بس قاعدة احاتيها...الله يسهل عليها..
ابوعلي/يالله عاد لاتكبيرينها كل الناس يسوون لهم عمليات بعيونهم بنتك ماهي اول ولاهي اخر وحدة بالدنيا وبعدين هي مابتسويها بالدمام المركزي تخافين!!بتروح مستشفى زين وله سمعة طيبة..
ام ناصر/الله كريم..ان شاءالله بعد العملية زوج..
ابوعلي/ههه أي هذا اللي انتي شاغل لك فكرك الزوج ؟
ام ناصر/وليش مااشغل فكري بالله!!بنتي الكبيرة وكل ماجاها ولد حلال طلعت فيه الف عيب علشان ترفضه وانت مطاوعها تقول لا وانت وراها ماتقولها لها فكري ترى الفرصة ماتتكرر..
ابوعلي/وليش اجبرها بس على زوج ماهي راضية عنه؟
ام ناصر/انت عارف كم عمرها اللحين؟
ابوعلي/خمسة وعشرين..
ام ناصر/داخلة على الستة وعشرين...
ابوعلي/ان شاءالله العمر كله ياام ناصر..وست وعشرين ..من كبرها يعني !!الله يحفظها بعز شبابها..وبعدين نجود الكل يتمناها ولاتقولين ها الكلام مرة ثانية..
ام ناصر/يابو علي كل مااخذ العمر فيها وهي هذا فيه عيب وهذا مو جايز لي وهذا مدري شفيه بتنتهي بقعدتها عندنا....
ابوعلي/نجود بتختار حياتها بنفسها ولاانا ولاانتي بيتدخل وناصر كذلك وهيا ونورة بعد....يكفي عاد علي وعبير خلاص ماابي اعطي أي احد فيهم راي واجبره علي!!
ام ناصر/يابو علي..علي وعبير شي و..
قاطعها ابو علي بحزن/يكفي كل ماشت حال عبير انكسر خاطري وضاق صدري وحسيت اني انا الملام....وها العلي اللي بيموتني قهر...وماكانه بكري وولدي الكبير اللي المفروض يكون سندي وعوني بالدنيا!!!اطيح بالفراش ويجيني حاله حال الغريب واقف باخر الصف ويقولي خطاك السوء؟؟ماتدرين بفترة مرضي كم مرة بكيت ياام ناصر منه...بس المشتكى لله من عيال ها اليومين...لايشيلون هم ام ولاابو....كل اللي في بالهم يسوونه وينسون ان الجنة مايدخلونها الا برضانا!!!
/////////////////////////////////////////////////////////
انتهت الحصة وقعدت على كرسيها والبنات هدوء تام بحصتها..
نجود/حلوا الواجب مدام باقي وقت....
نور/ابلة وش نجيب بكرة....
نجود/لاتجيبون شي...
مروة/ليش؟
نجود/نعم....
مروة بارتباك/يعني اقصد..
نجود/انا ماراح اجي ها الاسبوع كله.....
الجازي بضيق/سلامات...
نجود/الله يسلمك..انا ماخذة اجازة....ها الاسبوع والسبت الجاي اذا الله اراد جيبوا معكم اخف شي...مطالعة...طيب....
ملاك فزت وجت قدام قعدت وهي مزاحمة نور بكرسيها وسط نظرات نجود..
ملاك/بتوحشينا مووت..
نجود/قوميها بعد من كرسيها ليش بس قاعدة معها!!!
ملاك/هي المفروض تحس وتقوم....
نور/لامو قايمة ابي اشوف ابلة نجود بكيفي!!
ابتسمت لهم نجود....
ملاك/شكلك تعبانة..
نجود/مافيني الا العافية....
نور/ابلة ليش بتتركينا اسبوع كامل عاد..
نجود/انتوا ماشين صح بالمنهج ومتقدمين بعد..وبعدين للي مايحبون حصة العربي يتنفسون براحتهم..اسبوع كامل ابلة نجود مو هنا خليهم يعيدوا....
الجازي/حرام ابلة مين مايحب حصتك..اصلا كلنا ننتظرها على احر من الجمر..
ملاك/مافيها شك....
نجود/لامو الكل....صح مزنة...
لفوا البنات اللي كانوا يسولفون مع نجود لمزنة اللي كانت حاطة راسها على الطاولة ..ورفعت راسها يوم سمعت اسمها وضحكوا البنات..
مزنة/شنو؟
نجود/اقول حليتي الواجب....
مزنة/اللحين بحله....
نجود/أي يصير خير.....
ملاك/ابي منك طلب..
نجود ناظرتها بحدة يعني احنا بالفصل..
ملاك ارتبكت وابتسمت/طيب ممكن اتكلم معك شوي برى الفصل..
نجود قامت من كرسيها لان الجرس دق...
نجود/مين عليكم اللحين...
ملاك قامت وشالت كتب نجود ومشت قدامها وفتحت لها الباب وطلعت نجود
ملاك/علينا ابلة سعدى..مايخالف هي تتاخر دايم بالحصة....تسندت نجود على النافذة اللي بالفصل واللي كانت جنب كرسي الجازي والجازي ومروة ونور وشما مقهورين من ملاك..
شما/اوووف ملقوفة ها الملاك..يازينها تسولف معنا..
الجازي/حركات مراهقين؟؟؟
مروة/هههههه طلعوا لها انتوا بعد يوم ان دمكم محروق..
الجازي/وش نقول لها...
نور/وش تتوقعون تبي منها..
الجازي بتعالي/شي سخيف يعني ملاك وش تبي؟؟؟
نور/اصلا شوفوا ابلة نجود تهز راسها يعني شكلها مو راضية على الشي اللي تبيه ملاك...
وبرى الفصل..
نجود/لا شكرا..
ملاك/تكفين واللي يخليك...
نجود/اسمعي اذا كلمتي وقدرت ارد عليك برد ماقدرت بخلي جواهر تطمنك لاتخافين بس لاتتركين دراستك وتجيني وبعدين انا بكون تعبانة وماراح استقبل احد لاني يوميا بتكون عندي مواعيد...
ملاك/الله يخليك..
نجود/خلاص ملاك..
ملاك بحزن/بظل احاتيك..
نجود/انا قلت لك بسوي العملية يوم الاثنين على المغرب لو دقيتي بيكون جوالي مع جواهر وبخليها ترد عليك تطمنك..بس لو كنت بخير وقدرت انا ارد عليك برد عليك..وش تبين بعد..
ملاك/لا ابي اجي اشوفك..
نجود بحزم/ملاك خلاص...
ملاك باستسلام/وعد ترد علي مو تطنشني؟
نجود/يالله ادخلي الفصل ابلتك جت؟؟
ملاك/لابوصل عنك اغراضك انتي تعبانة وماتقدرين تشيلين شي..
نجود/وش دعوة شايلة جبل!!كلهم كم كتاب بس....
ملاك/معليش قولي لها ابي ملاك وبترد بعد شوي..
نجود/أي بس انا ماابيك.....
ملاك/طيب باخذ اغراضك وبردها لك بعد الحصة....
تقربت ابلة سعدى ووقفت تسولف على الماشي مع نجود ودخلت ملاك الفصل وهي عندها اغراض نجود..
وراحت درجها ودقت لها نجود من النافذة تبي كتبها وملاك تاْشر لها بلا..بس نظرات نجود كانت صارمة فاستسلمت ملاك..
ملاك/مزنوا خبي ها الكتاب عندك علشان نتحجج فيه بعدين؟
قامت وعطت الباقي نجود ورجعت مكانها وسط امتعاض بعض البنات منها؟
///////////////////////////////////////////////////////////فيصل/بابا..انت ليش جيت بدري اليوم؟
فهد/اجازة..
فيصل/مين يعطيك اجازة...
فهد/محد يعطيني انا اعطي نفسي..
فيصل/كيف؟
فهد/لازم ارتب وضعي واموري بالمكتب بعدين اشوف اذا قدرت اخذ اجازة ولالا؟
فيصل/أي...
طيب ليش قاعد ترتب اغراضك؟
فهد/علشان عندي قضية بجدة...
فيصل/وبتقعد كثير هناك..
فهد/على المحكمة يومين ثلاثة ولااربعة مدري..كم تطول الجلسة وهل تتاْجل ولالا؟
فيصل/شلون يعني..
فهد/اذا كبرت بتفهم....
فيصل/ومتى بكبر...
فهد/قريب بتكبر...
فيصل/طيب بابا...اللحين منال وتركي تزوجوا ولا بس ملكوا؟
فهد/ملكوا..
فيصل/يعني شنو؟
فهد/يعني اللحين قاعدين يرتبون وضعهم للزواج...
فيصل/وبعدين يسكنون بعيد مثل رحاب وزوجها ومشاري وزوجته...
فهد/أي بابا..
فيصل/يعني بعدين بيصير بيت عمي فاضي مافيه احد كلهم يتزوجون ويروحون بعيد؟
فهد/هاذي سنة الحياة..حتى انت بيوم من الايام بتكبر وبتتزوج وبتتركني وبتروح..
فيصل/انا!!
فهد/أي انت يابابا..بتكبر وبتتعلم وبتتوظف وبتتزوج وبتجيب عيال....
فيصل/لابقعد هنا مو طالع من بيتنا....بابا..
فهد/نعم بابا..
فيصل/البيت هذا انت كاتبه باسمي؟
فهد/شنو؟
فيصل/انت كتبت البيت هذا باسمي؟
فهد/انت من قال لك ها الكلام؟
فيصل/سمعت امي تقول لصاحبتها بالتلفون ان فهد مسجل البيت باسم فيصل لان ولده وحبيبه؟
فهد بنرفزة/لا يابابا البيت مو باسمك البيت باسمي انا!!
فيصل بزعل/وليش مو باسمي انا؟
فهد/انا تارك لك رصيد بالبنك وتارك لك ارض مسميها باسمك....بس هذا البيت يلمك ويلم خواتك...وبعدين انا بعدني عايش يعني اطلع من البيت واسلمك المفاتيح؟
فيصل/لا..تقعد معي بس اصير انا المتحكم....
فهد/لاحول الله يسامح امك بس..
فيصل بفرح/زين بابا وين الارض اللي كتبتها باسمي؟
فهد/وش تبي فيها؟
فيصل/ابي اشوفها...
فهد/ليش؟
فيصل/يمكن اسويها ملعب كورة قدم؟
فهد/اذا كبرت يعني..
فيصل/لا اللحين...ولاتقول بعد سارة ولمى معي مابيرضون بعدين اسويها ملعب كورة قدم..
فهد/الارض بعيدة....بعيدة حييل وناخذ لها وقت طويل على مانوصل لها بشوف لي يوم فاضي وبوديك تشوفها زين..
فيصل/مو تقل لسارة ولمى..
فهد/يابابا انتوا كلكم عيالي وماراح اخذ لك لانك ولد على قولة امك وانسى خواتك!!انا كل واحد فيكم ماخذ له ارض ومسجلها باسمه وكلكم جنب بعض...زين كذا...
فيصل/وامي؟
فهد/وامك شفيها؟
فيصل/اخذت لها ارض وسجلتها باسمها؟؟
فهد تنهد/لاتخاف على امك يافيصل امك مستنزفة فوق قيمة الارض اراضي!!!
///////////////////////////////////////////////
نجود/ياملاك اعتقيني خلاص بمشي كل الناس راحت بيوتها؟
ملاك باصرار/خليني اوقف معك شوي مو كفاية بتوحشيني طول الاسبوع ماراح اشوفك؟
نجود/يابنت الناس خلاص والله تعبانة وهلكانة..
ملاك/طيب ليش بتغيبن بكرة وعمليتك يوم الاثنين؟
نجود/علشان ابي ارتاح؟؟
ملاك/طيب ارتاحي بالرياض جنبنا وبعدها روحي الشرقية؟
نجود بتعب/خلاص ..ملاك لاتخليني ازعل منك!!
ملاك بتاْثر/لالالا كل شي ولازعلك وانتي تعبانة!!!روحي عسى الله يوفقك ويحميك ويسدد لك كل خطوة تمشيها وتقومين لنا بالسلامة وتنورينا..
نجود/شكرا..
ملاك/طمنيني ها مو تقفلين جوالك ترى والله اجيك الشرقية واساْل عنك!!!
دق جوال نجود واشرت لها بانها بتمشي ولبست نقابها وطلعت..
نجود/هلا حبيبي..
فهد/هلا فيك...
نجود/شخبارك...
فهد/انتظرك تدقين طافت حزتك ومادقيتي!!
نجود/توني طالعة من المدرسة؟
فهد/وش عندك لسه مارجعتي؟
نجود/ماتعرف ملاك !!مااعتقتني لوجه الله الا يوم دقيت!!
فهد/طيب بشوفك نتغذى مع بعض؟
نجود/لا ماعليه فهد احس راسي بينفجر ودي احط راسي وانام اشوفك قبل لاانزل؟
فهد/متى بتنزلين!!
نجود/المفروض انا اللي اساْل!!ولانسيت انك انت اللي حجزت لي!!!
فهد/شفتي يعني لازم اشوفك علشان تذكرتك عندي واعطيك الاعذار بعد مرة وحدة...
نجود/ياشين حججك والله!!!كم يوم جبت لي اجازة؟
فهد/مفتوحة ماعليك الا تحطين التواريخ انتي!!
نجود/تسلم يابعد عمري....
فهد/نجود..
نجود/لبيه...
فهد/قلبي بيكون معك ...ابيك تكونين متاْكدة من ها الشي؟
نجود/فديتك وفديته معك...عسى ربي مايحرمني من نعمة وجودك قربي ولامن حنانك وخوفك عليّ!!
فهد/ماتدرين وشقد انا مرتبك علشانك احس اني انا اللي بسوي الشي مو انتي!!
نجود/............
فهد/قولي لجواهر صار ماصار ترد علي اول باول علشان تطمني عليك طيب..
نجود/طيب حبيبي.....
//////////////////////////////////////////////////////
بعد صلاة المغرب على كورنيش الدمام وقبال البحر تماما كانوا اثنين واقفين جنب بعض بهدوء وسكينة,,,
لبنى/من زمان كنت متمنية نكون مع بعض بها الجو الحلو وقبال البحر..ماتدري شقد انا مبسوطة ياقلبي...
عبدالعزيزابتسم لها/دوم ياقلبي ها الانبساط...
لبنى/ودوم يعطونك اجازة يارب...
عبدالعزيز/ههه
لبنى/شلون الاهل...
عبدالعزيز/طيبين الحمد الله...
لبنى/والوالد شلونه..تزوره؟
عبدالعزيز/شبيكون لونه وهو مسجون يالبنى شبيكون؟
لبنى/ماعليه حبيبي ماضاقت الا لتفرج...هانت صدقني هانت...
عبدالعزيز/الله كريم....
لبنى/حبيبي ابي اقولك شي..
عبدالعزيز باهتمام/قولي انا اسمعك ياقلببي...
تقربت منه ومسكت يده بين يديها وهم واقفين جنب بعض ويطالعون بالبحر...
وقالت له بهمس/احبك..وبظل احبك طول عمري....ابيك تاخذ ها الشي في بالك بجد..قلبي لايمكن يحب غيرك ابدا!!!
شدت يده على يدينها وحست بالنار كلها تسري بعروقها وقال لها باصرار/يالبنى انا عمري ماتخيلت اني بحب احد كثر مااحبك,,,بس الحب محد يقدر يوقف بوجهه ابدا يالبنى....احبك وابيك تكونين لي على سنة الله ورسوله بس شسوي كل الظروف واقفة بوجهي...
لبنى/.............
عبدالعزيز/ساعات احس ان القدر قاصد يعلقني فيك وبعدها يعذبني بحرماني منك؟؟؟
لبنى بضعف/لاتقول كذا....
عبدالعزيز/تصدقين صرت افكر باشياء غريبة..ابي تكون عندي ملايين بس علشان اخطبك ويوافق ابوك وبعدها اردها لااصحابها!!!اه يالبنى اه..يلعن ابو الفقر والحاجة اللي تفرق قلوب مالها ذنب...
لبنى/قلت لك انا فلوس العالم كلها ماتعنيلي أي شي...انا مستعدة اعيش معك بغرفة وحدة ونتقاسم اللقمة بينا احنا الاثنين...بس اهم شي تكون جنبي واكون جنبك....
ضغطت يده على يدها بقوة كبيرة والمتها بس ماتدري ليش لحظتها ماقدرت تقوله انها قاعدة تتالْم يمكن لانها حست بالنار والالم والعذاب اللي بصدره من رفض اهلها له!!!
///////////////////////////////////////////////////////////////////////////////////////////////////////////////////////////

---البارت الثالث والأربعين---
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
في مطعم الضوء الخافت بالرياض,,
كانت يد فهد ماسكة يد نجود وكل نظراته خوف وزعل وارتباك ..
نجود بهمس/وش فيك حبيبي..
فهد بتعب/مدري..
نجود/طيب فيني اسالك سؤال؟
فهد/سميّ..نجود بهمس وتردد/فهد انت خايف عليّ؟
فتح عيونه على وسعها وكانه ماتوقع سؤالها ولا كانه يكذب بمشاعره بس ماعلق على كلامها باي شي ابدا غير انه حضن يدها بقوة وقربها من قلبه وحطها على صدره..وهو يتنهد بقوة ..
كان يناظر في يدها وهو يكلمها بهمس...
فهد/انتي شاكة بخوفي عليك يانجود؟نجود/ابي اسمعها منك يافهد؟
فهد تنهد وماقال شي.
.نجود/هاذي اول مرة من عرفتك اشوفك خايف وقلقان بها الشكل!!!هذا هو الحب يافهد؟
فهد ناظر بعيونها مباشرة وماقال شي..
نجود تابعت وعيونها بعيونه/ياليتني عرفتك من زمان,,,من زمان حييل يافهد...ياليتني شفتك وعرفتك وشفت خوفك واهتمامك فيني,,,يليتني حسيت بها الاحاسيس معك من بدري..من وانا صغيرة يافهد....
فهد رفع يدها وباسها بنعومة ارعشتها وخلتها تغمض عيونها وتتنهد....
فهد/نجود....انتي....انتي الشي الوحيد اللي خلاني افتح قلبي اللي سكرته من زمان وافضفض لك عن كل شي.....همومي,,,تعبي,,مشاكلي,,,فرحي وزعلي وحزني وسعادتي,,,انتي وبس يانجود اللي قدرتي تسحبين مني كل شي وتعوضيني بلسانك الحلو وبكلامك اللي يريح,,,انتي اللي محسستني بوجودك وبقيمتي عندك مهما غلطت عليك وقلت بحقك,,,ملزوم احبك طول العمر وانتي اللي ارعشتي قلبي بسحر كلامك,,,ملزوم اخاف عليك وانا ماصارت انام الليل الا على صوتك,,,ملزوم احاتي قلب يريحني ويزيح همومي من صدري....
نجود/فهد...
فهد/لاتقولين شي يانجود...ابيك تكونين هادية وهادية جدا بعد !!لين تسوين العملية وترجعين لي بالسلامة واخطبك وتجين عندي ونكمل باقي حياتنا مع بعض...قولي ان شاءاالله...
نجود بخضوع/ان شاءالله...
//////////////////////////////////////////////////////////////////////////////////////////////////////يوم الاحد العصر..
في بيت السبيعي,,,
لبنى/يمه....خالي اتصل فيك قبل شوي؟
ابو بندر/أي خال؟
لبنى/خالي ابو رياض..
ابو بندر/وش يبي..
لبنى/قال انه يبي يسلم على امي....
ابو بندر/لبنى انتي تعرفين بيت السديري...
لبنى/أي سديري؟؟...
ابو بندر/هذا اللي يصير لنا من بعيد..
ام بندر/تقصد اللي يصيرون عيال عم بيت اختي؟
ابو بندر/أي هم..
ام بندر/شفيهم؟
ابو بندر/عندهم ولد اسمه وحيد وطالب القرب في لبنى..
لبنى بسرعة/لا انا مو موافقة؟
ابو بندر/وخير ان شاءالله منتي موافقة؟
لبنى/...............
ابو بندر/وش عندك يابنت؟
لبنى بارتباك/ماعندي شي..
ابو بندر/تعرفينه انتي!!
لبنى بخوف/لا..
ابو بندر/وليش منتي موافقة...
ام بندر/لانها اكيد سمعانة من بنات خالتها انه مدمن ويشرب بعد!!
ابو بندر بصراخ/انتي سكتي؟؟انا قاعد اكلم بنتك؟؟وش عندك ماتبينه؟؟
لبنى جمدت مكانها...
ابو بندر بعصبية/ماتتكلمين؟
لبنى بخوف/يبى..بنات خالتي يقولونه انه يتعاطى وياما حاول ابوه يمنعه ويعالجه بس مافي فايدة...كيف اخذ واحد مدمن بالله!!!
ابو بندر/اخذيه وعالجيه انتي!!...ولاليش يقولون الحرمة هي اللي تصلح وتعالج الفساد؟
لبنى بخوف/لايبى تكفى لاتقولها....
ابو بندر/وليش مااقولها هذا ولد ابوه الوحيد ووريثه الوحيد وعنده وعند ابوه خير..
لبنى/ماابي خيره مدامه مدمن...كل خيره بيخلص على ادمانه....
ابو بندر/ليش هي بكيفك ولابكيفك يابنت ...
هنوف/يبى..عمي يسال عنك؟
ابو بندر/وينه؟
هنوف/كاهو راح الديوانية اللي بره....
قام بو بندر وراح لااخوه ووقفت لبنى وهي تبكي وتكلم امها وهي منفعلة/والله لو يعطيني اياه اموت نفسي سامعتني؟؟
ام بندر/لاحول الله ...اهدي زين...
لبنى وهي منفعلة/وش اهداْ يمه ابوي من صدقه ولامن صدقه بيرميني عليه؟
هنوف/هي انتي وياها وش صاير؟؟وش عنه تتكلمون؟
لبنى مشت لعند الدرج وهي تمسح دموعها وتقول بعصبية من بين دموعها/اذا نوى يسويها تاْكدي اني بذبح نفسي قبل!!
وركبت الدرح وهي تبكي وتشاهق ..
هنوف لفت على امها اللي كانت منزلة راسها بهدوء وبدون أي تعليق..
هنوف/يمه شصاير؟؟شفيها هاذي قلبت لنا مرة وحدة اللهم ياكافي!!!
تنهدت الام واكتفت بالتحسب والحوقلة..
هنوف باصرار/يمه شصاير؟
ام بندر/ماصاير شي يمه ماصاير روحي غرفتك واللي يعافيك روحي....
////////////////////////////////////////////////////////////
في بيت الفارس..
رحاب/انتي لمنو تدقين صار لك ساعة؟اكيد موتركي؟
منال ابتسمت لها/لا مو لتركي لاتخافين...ابكلم نجود بس جهازها مغلق..
لمياء/ليش وشفيها؟
منال/بتسوي عملية بعيونها بكرة وابي اشوف اخبارها؟
ام مشاري/وش عمليته؟
منال/ليزر يمه...
لمياء/بكرة...
منال/أي...
رحاب/الله يقومها بالسلامة ان شاءالله....وين بتسويها؟
لمياء/يابالمغربي يابالتخصصي؟
منال/أي بالمغربي...
ام مشاري/الله يقومها بالسلامة يعني ماهي جاية طول الاسبوع؟
منال/لا من اليوم ماجت عندها اجازة مفتوحة الضاهر ان عندها واسطة لان مها مارضت تعطيها بس هي جابت العذر من قبل لاتغيب بعد!!
ام مشاري/الليلة عمكم فهد بيروح جدة؟
رحاب/وش عنده...
ام مشاري/اكيد عنده قضية هناك ولا شبيوديه بوسط الاسبوع؟
لمياء/خالتي شلون نجلاء ماتجي عندكم؟
ام مشاري/لا
لمياء/غريبة اللي يشوفها ليلة الملكة مع اهل تركي يقول ان العلاقة اصفى من المويه بينا!!
ام مشاري/ماراح اقولك ان الناس مالهم الا الضاهر لان حتى الظاهر يابنتي ينكشف بيوم من الايام!!
لمياء/على قولتك خالتي..الله يهداها بس مدري ليش كذا متحاملة عليكم!!
رحاب/هي نجلاء كذا طبعها كذا وماراح تتغير ابدا الا اذا جتها ضربة قوية تصحيها وتاخذ منها درس ان تعاملها المتعالي للي حوالينها بينرد عليها بيوم من الايام لان الدنيا دوارة..
منال بتفكير/انا ماتهمني نجلاء يهمني عمي فهد ..
ام مشاري بخوف/وش فيه فهد؟
ناظرتها منال وتنهدت/يمه....هو وياها منفصلين من زمان!!!عايشين في بيت واحد مايجمعهم غير العيال وبس!!!عمي مشكلته مايتكلم مع احد عن مشاكله وهمومه بس هو مو مرتاح متضايق حييل من ها الوضع!!
رحاب/وانتي وش عرفك؟
سالم خوي عمي قال لمصعب ومصعب قال لفوزية بس ها ماابي توصله انا طلعت مني بالغلط !!
ام مشاري/من اول ماتزوجوا وهم كل واحد بوادي عايش ...ياما كان يتهاوش معها لين نشف حلقه لاتغيرت ولابتتغير للي يبيه فهد....عجزت ام مصعب وهي تقولها فهد غير عن ابو مشاري ..فهد يبي ويبي ويبي مو بس يعطي يانجلاء بس مافي فايدة نجلاء قاعدة مثل ماهي ماهمها غير لبسها وطلعاتها وجمعات ها الحريم...
لمياء/طيب وهو ليش صابر عليها للحين؟
ام مشاري/غير انها بنت خاله وام عياله الله اعلم ليش صابر عليها للحين؟
/////////////////////////////////////////////////////////
لبنى بغرفتها ودق تلفونها وكانت نجود المتصلة..
مسحت دموعها وردت عليها بهدوء..
لبنى/هلا والله..
نجود/هلا فيك..شخبارك..
لبنى/الحمد الله..
نجود/وينك..
لبنى/موجودة...بالبيت وين بكون يعني؟
نجود /تعالي لي اذا ماعندك شي...
لبنى/وين الحبايب اللي حوالينك..
نجود/ياسلااام يعني اذا كانوا موجودين ماراح تجين!!
لبنى/هه لاامزح بس وينهم صدق...
نجود/مدري عن احد قاعدة بغرفتي ومتمللة قلت اكلمك تسليني واسليك..
لبنى/تعالي انتي اضمن بيتنا مافي احد...
//////////////////////////////////////////////////////////////
محمد/هلا ومليون غلا براعية ها الصوت اللي مقاطعتنا...
فوزية/حرام عليك...
محمد/وينك صار لي ثلاثة شهور ماسمعت صوتك...
فوزية/مشاءالله ثلاثة شهور مرة وحدة عاد يامحمد!!تصدق انك ماتعرف تبالغ ابدا!!!
محمد/هههه وين كنتي امس لاتلفين وتدورين وتمتنعين عن الاجابة....
فوزية/موجودة بس كانوا عند امي حريم ومافضيت ابدا ...
محمد/أي بس الحريم لعمتي ماهم لك...
فوزية/وانا بنتها الكبيرة وساعدها الايمن...
محمد/مشاءالله!!وبعد!!
فوزية/يعني كنت اساعدها بالحلويات وبعدين قعدت معهم واخر شي نمت من التعب...
محمد/ومافكرتي انك تسمعين صوتي قبل لاتنامين تشوفيني حي لو ميت؟
فوزية/لا هو انت حي مو ميت وها الشي انا متاْكدة منه لو مت سمعت بموتك من اول شي...
محمد/هذا بدل ماتقولين اسم الله عليك وجعل يومي قبل يومك تقولين ادري فيك مامت!!!!
فوزية/ههههههه
محمد/زين لكن اوريك انا....
فوزية/ههه شسوي فيك انت سالت وحبيت اوضح لك الامور....لا الصدق كنت بدق عليك بس الجوال كان بعيد عني مرة وانا من النعس مو شايفة طريقي وكل شوي اقول بقوم اجيبه وادق لين غلبني النوم وانتصر علي!!
محمد/مدانة باعتذار....
فوزية/اممممممم
محمد/بسرعة...
فوزية/اسفة حبيبي....
//////////////////////////////////////////////////////////
ناصر كان طالع من البيت ونادته هنوف..
هنوف/اش اش اش..
لف لها ناصر/بسم الله!!وش ها الحركات البطالية يابنت!!
هنوف/ههه هاذي تعني انك تعال ابيك..
ناصر فتح عيونه/مشاءالله!!باي لغة هاذي ان شاءالله!!
هنوف/لغة الهنوف....
ناصر/وش بغيتي؟
هنوف/ناصر ابوي مع ابوك بالديوانية..
ناصر/عارف سلمت عليهم قبل لااطلع,,,,
هنوف/ماتدري وش اللي صاير؟
ناصر/وليش تبين تعرفين كل شي..
هنوف/اوه ه ه ه ناصر لاتصير مغثة وتكلم تكفى..
ناصر/عليك طبايع شينة يابنت العم!!ابي افهم ليش تبين تعرفين كل شي!!
هنوف/شسوي فيني ها الطبع اللي مو راضي يروح شسوي في نفسي بعد!!!
ناصر/طيب والمطلوب مني اللحين؟
هنوف/بس تقولي شصاير ولبنى ليش تبكي؟
ناصر/روحي قوليلها الله يخلي ابوي مدامه موجود ماراح يصير ها الشي ابدا!!طمنيها ياهنوف..
هنوف/وش اللي صاير ياناصر..
ناصر/سلامتك بس في واحد طالب يد لبنى وهي ماتبيه ولااحنا بعد يشرفنا ياخذ بنتنا..
هنوف/منو..
ناصر/انتي ليش تبين تعرفين كل كبيرة وصغيرة!!خلاص اكتفي بها القدر من الاجوبة ولاتسالي شي بعد...فمان الله
هنوف/تعال وين بتروح..ناصر بلا لعانة تعال قول وش السالفة كاملة مو مقطعة كذا!!!
//////////////////////////////////////////////////////////
في غرفة لبنى..
كانت نجود منبطحة على سرير لبنى ولبنى جنبها قاعدة وساكتة..
نجود/تصدقين حاسة راسي بينفجر....لاقادة انام ولاقادرة افكر ولااسوي شي ابدا!!
لبنى بهدوء/وليش مضيقة خلقك كذا....يابنت الحلال مافي الا العافية,,,,
نجود/ان شاءالله مافي الا العافية بس المحاتاة شي لابد منه ولامفر....
لبنى بشرود/امممم
نجود/ااي...قولي شسالفتك انتي..
لبنى ناظرتها/انا!!
نجود وهي تناظر بسقف الغرفة/أي انتي..فيك شي صح..؟منتي خالية؟
لبنى/وش عرفك؟
نجود/انا نجود يالبنى...افهم الناس من عيونهم!!
تنهدت لبنى وماعلقت بشي....
نجود/انفعالاتك غريبة يالبنى..يوم فرحانة وعشرة زعلانة..ويوم شاردة ويوم مبتسمة..وهاذي كلها..
ناظرتها لبنى باستفهام وبدون ماتتكلم..
ولفت لها نجود وصاروا يناظرون في بعض بدون مايتكلمون..وقطعت نجود الصمت بكلامها..
نجود/وهاذي كلها اعراض حب يالبنى..صح ولا انا غلطانة!!!!
لبنى نزلت راسها وتجمعت الدموع بعينها ....
نجود/وماشكله مريح ابدا!!!قولي..انا اسمعك...
لبنى كانت تمسح دموعها وهي تحاول تكون طبيعية
لبنى/شتبيني اقولك يانجود...
دخلت هنوف بها اللحظة وسكتوا ثنيتهم...
نجود/دقي الباب يابنت الحلال!!لمتى؟
هنوف/ها نجيد عندنا مادرينا!!
نجود/نجيد بعينك؟؟اسمي نجود....
هنوف/افا ماضيفوك ولاقاموا بحق الضيافة..امري وش تبين..
نجود/سلامتك ولاشي....
هنوف/اليوم جواهر طالعة داخلة بالشقة شكل الشغل حمو عندها؟
نجود/اعتقد اليوم بيجيبون المطبخ وبيركبون الستاير...
لبنى/أي....قال ابوي انهم ركبوا المطبخ...
هنوف/غريبة مارحتي تشوفينها انسة نجود..
نجود/مالي خلق شي ابدا..
هنوف/امممممم...طيب وش رايك تقومين تشوفين معي فلم!!
نجود بحدة/تستهبلين عليّّ!!!
هنوف ببراْة/لاابدا!!
نجود بعصبية/اقولك بكرة الصبح عمليتي ولازم اريح عيوني وارتاح تقولين قومي شوفي معي فلم!!!مابرد عليك انسة هنوف...
هنوف/مايسوى علينا ها الفلم اللي عزمناك عليه!!يبى تدرين تبين اطلب لك الليلة عشى واعشيك واسهر على راحتك...
نجود/لا...
هنوف/اوووووووف حيرتيني والله..وش تبين؟
لبنى بهدوء/انك تفارقينا شوي وتهوي لنا المكان؟؟؟
هنوف/بس كذا!!!ليش ماتكلمتوا من ساعة عاد!!
نجود/فكرناك فطينة وبتفهمينها...
هنوف سكرت باب الغرفة وسحبت الكرسي اللي بمكتب لبنى وقعدت عليه رغم نظرات نجود ولبنى...
هنوف/وهاذي قعدة..وش تبون بعد!!!
////////////////////////////////////////////////////////////
بندر/علامك مزعلة نفسك كذا عاد ياقلبي!!
جواهر بزعل/اقولك ماسوى لي نفس الشكل اللي طلبته!!
بندر/وخير ياطير ..طيب وصلة صغيرة بس اللي تغيرت....
جواهر/ياسلاااام!!
بندر/انتي مو قلتي تبين الكاونتر بالنص وهو حطه بالزاوية...مافيها شي..
جواهر/لا فيها!!فيها انه ماصار مثل ماانا تمنيته!!!
بندر/ياقلبي عليك يابنت الهاجري والله...روقي يابنت روقي مالها داعي ها العصبية كلها..
جواهر بغضب/طبعا عندك مالها داعي لانك غاسل يدك من كل شي....وكل اللي بالشقة فوق راسي انا وانت حضرتك بس روقي وروقي ماخذنا منك غيرها!!

بندر بعصبية/تعالي كفخيني بعد!!!
جواهر/بندر عاد مالي خلق زعلك ابدا!!!
بندر/طيب....
جواهر/اوووف ياربي والله مااحب ها الاسلوب انا!!ليش كل شي تقلبه مثل ماتبي!!بندر بعصبية/انا مااحب احد يتاْفف بوجهي سامعة ولالا!!انا زوجك ماني باصغر عيالك!!!!سلاااام يابنت الاكابر...سكر السماعة بوجهها وهي رمت الجوال من يدها بعصبية...بندر ساعات يتصرف تصرفات اطفال بحق وحقيق!!وش له يزعل بس ياربي!!!وانا الصادقة كل الشقة من صبغ وديكورات وتاْثيث فوق راسي وهو يجي كل اسبوع أي واي وبس!!ما كانه احنا الاثنين بنسكنها مع بعض!!!!!خل اقوم اشوف نجود واجد ابرك لي من ولد عمها و زعله!!!
///////////////////////////////////////////////////////////
اخر الليل بغرفة نجود....
هيا/انا مجهزة لك كل شي بالمجلس تحت لاتشيلين هم..
جواهر/وليش مجهزة المجلس عاد!!قالت لك مابتستقبل احد!!
هيا بحدة/انا مو مجهزته للاستقبال ياعيوني!!
جواهر/اجل لشنو؟
هيا/علشان تقعد فيه..ماراح تقدر تركب درج وتنزل منه كل شوي وهي عينها تاعبتها...
جواهر/اها....
قالتها ولفت لنجود اللي كانت سرحانة...
جواهر/الو..وينك ووين سرحانة؟
نجود بهمس/فهد جواله مقفل صار له اكثر من ساعة....
جواهر/طيب دقي على الثاني حق اهله يمكن يرد عليك..
نجود بزعل/حتى الثاني مقفل...تمنيت اسمع صوته قبل لاانام بكرة ماراح يمديني اسمع صوته ..ناصر وهيا بيكونون معي طول الوقت...
جواهر/اكيد في شي مانعه عنك ..ماهو العصر مكلمك...
نجود تنهدت وماعلقت...
جواهر/نامي يالله نامي....بكرة ورانا مشوار ..
نجود لفت لها/بتجين معي!!
جواهر/طبعا!!وهاذي فيها شك عاد!!اخذت اجازة بكرة واللي بعده وبظل ملازمتك ليل نهار لين تطيبن..
ابتسمت لها نجود وماتكلمت..
هيا/يالله نامي علشان ترتاحين شوي...
نجود حطت راسها على المخدة وقالت لهم/تصبحون على خير.....
جواهر اخذت جوالها وحطته بشنطتها وقامت بيتهم والوعد بكرة.....
//////////////////////////////////////////////////////////////
صباح يوم الاثنين كانوا ناصر وهيا وجواهر تحت بالانتظار ونجود ركبت فوق للعمليات وقلبها مقبوض وتفكيرها بفهد متعبها من البارح لادق ولااتصل وهو ماله بالعادة ..
رغم انه الامس كان يدق عليها كل شوي يتطمن عليها اذا اكلت وارتاحت ولالا..بس بالليل قفل جواله وماتدري عنه شي....وبعدين جواهر اخذت منها الجوال علشان تنام وفكتها منه مرة وحدة!!!
لبست ثياب العملية وتعوذت من الشيطان وهي تقرا الايات اللي حافظتهم بقلبها وتقراْ المعوذات واية الكرسي.....ومحاولة انها تكون قوية بما انها بتتبنج ماله داعي ها الخوف من اساسه..
تنهدت وراحت مع الممرضة للسرير اللي اشرت عليه وانبطحت عليه وغمضت عيونها..
كانت تحس بالسرير يمشي وانها انتقلت من مكان لمكان ثاني ماتدري وين,,بس الاكيد انه غرفة العمليات..
فتحت عينها يوم سمعت صوت الدكتور طارق يكلمها وهي تتذكر صوته..
الدكتور طارق/كيفك يانجود..
نجود/تمام..
الدكتور طارق/مستعدة للعملية..
نجود/انشا ءالله...
كان ماسك بيده مثل الشي اللي يحطونه على الفم والانف وعرفت انه البنج...سالها قبل لايحطه..
الدكتور/انتي عارفة ده ايه!!
نجود/لا..
الدكتور/ده جهاز كشف الكذب لو سالتك وماقلتي الحقيقة ماراح تتبنجين!!
نجود/شلون يعني؟
كانت حاسة بها اللحظة بيد تمسكهابس ماقدرت تلف تشوفها والدكتور يكلمها..
الدكتور طارق/مين اغلى انسان تحبينه بالدنيا غير الماما والبابا!!
نجود/فهد....
هاذي اخر كلمة قالتها لان الجهاز كان انحط عليها خلاص ورغم انها شكت بوجود فهد معها وانها شافته بس ماحست على شي نهائيا لانها تبنجت وراحت بعالم ثاني....ومافتحت عينها الا بعد خمس ساعات تقريبا....
فتحت عينها بثقل وبتعب وهي مو شايفة أي شي لان عينها كانت مغطية بشاش..
واول ماتحركت جت الممرضة جنبها...
الدكتور احمد/حمد الله على سلامتك اخت نجود العملية نجحت وانتي بخير الحمد الله مافي أي تاْثيرات جانبية..
نجود بتعب اقرب للبكي/بس مو قادرة اشوف شي..راسي بينفجر.....
الدكتور احمد/شي طبيعي...اللحين ابيك تضغطين على نفسك شوي علشان بفك الشاش وبيكون تاْثير النور قوي بالنسبة لك ..بس لازم تاخذين قطرة بكل عين,, ماشي....
ماعطاها أي مجال للكلام وفتح الشاش بشويش مع الممرضة رغم تنهد وتاوه نجود وتعبها.....
نجود/لامااقدر..مقدر افتحها..
الدكتور/بتحسين بالثقل شوي علشان صار لك اربع ساعات مسكرة عيونك بس شوي شوي وبتتعودين..
نجود بتعب/لامقدر...
الدكتور احمد ماعطاها مجال وقطرها بعينها رغم اعتراضها وبكيها وصراخها..
نجود/انت وش لك اصلا!!انا تفاهمي مع دكتور طارق مو معك!!
الدكتور احمد/معليش اخت نجود..دكتور طارق انتهت مهمته بغرفة العمليات وهذا دوري اللحين...انتي بس لو تهدين شوي لان اعصابك تعبانة من البنج وعصبيتك بتتعبك اكثر..
ماقدرت تتكلم بعد والالم ذابحها استسلمت وخلته يغطي عيونها من جديد وهي حاسة بشي قوي قاعد يضغط علة عينها ومو مخليها تقدر حتى تفتحهم...
الدنيا عندها كانت سواد بسواد ومو شايفة أي شي ابدا..ماغير صوت الدكتور والممرضات اللي معه وشوي اللي سمعت صوت هيا وجواهر وناصر وصوت الدكتور يقول لهم حمد الله على سلامتها ..خلاص تقدر تلبس ثيابها وتمشي..موعدها بكرة ان شاءالله مع الدكتور طارق الساعة وحدة ونص الضهر..
ناصر/الضهر عاد!!مايصير الليل مابتقدر على الشمس؟
الدكتور/هذا الافضل انها تطلع بالشمس وتتعود على انها تفتح عينها..
ناصر/شكرا دكتور..
الدكتور/وياليت لو راحت البيت اللحين تقعد بالنور عادي واذا عندها لاب توب ولا قيم بوي تقعد تناظر وتلعب عادي علشان تمرن عيونها..مافي أي اشكالية ابدا..بس لاتخلي عيونها مسكرة وبالظلمة..هي بتتعب شوي بس لازم تمرن عيونها....والقطرات هاذي بوقتها اربع مرات طيب..
ناصر/شكرا دكتور تعبناك معنا....
هيا بخوف/حمد الله على سلامتك ياالغالية..
نجود ماقدرت ترد بس تنهدت من التعب....
ناصر/انا بطلع ساعدوها تلبس ثيابها وانا انتظركم برى....
جواهر/يالله لاحقينك.....
///////////////////////////////////////////////////////////
بشقة علي,,,,
وتحديدا بالمطبخ,,,,
تسند عي عند باب المطبخ وهو يناظر بعبير اللي كانت تشتغل بهمة وهي تطبخ وكان وراها عزيمة...
علي بهدوء/صباح الخير...كنك نسيتي تنبهيني اليوم؟
عبير لفت له وناظرت بالساعة وانتبهت انها فعلا ماصحته علشان يروح دوامه....
عبير/معليش اسفة بس كنت حايسة هنا..
علي/وش عندك..عازمة منو؟
عبير/مو عازمة احد؟
علي/ولمنوها الاكل ذا كله بالله!!!
عبير/لنجود....يمكن تشتهي تاكل شي بعد ها التعب..
علي /التعب؟؟أي تعب!!
عبير/علي وش فيك...انت ناسي ان نجود توها جاية من المستشفى قبل شوي....
علي/وش فيها؟
عبير/.................يعني ماتدري ان اختك مسوية عملية!!
علي/لا ولااحد قال لي بعد!!
عبير/مايصير محد قال لك كلهم يدرون والبارح كل البيت كان يتكلم بها السالفة؟وش معنى انت ماسمعت؟
علي/انا مامريت البيت من يومين؟؟؟وبعدين انتي ليش ماقلتي لي!!
عبير/اللحين بتطيح فوق راسي انا!!!وانا بالله وش عرفني انك ماتدري عن اختك!!!!عموما ماصار لها غير نص ساعة من وصلت يمديك تروح تسلم عليها ..
///////////////////////////////////////////////////////
في جدة..
كان قاعد وهو ماسك الجوال ويفكر بجواهر..
اوووف منك ياجواهر..زعلك مصيبة والله!!ولايجي لك بال تدقين تراضين ولاهم يحزنون وكانك تبين فراقي من الله!!!
أي بس انت الغلطان يابندر يعني مو معقولة كل شي فوق راسها هي المسكينة وانت طول الاسبوع بعيد وحتى اذا شكت لك قلت عادي ومايسوى,,,,
ماعليه ياقلبي انا اسف....اوعدك بتغير وانا اللي بظل اسالك عن كل شي وكل صغيرة وكبيرة ولايهمك ولاتظلين زعلانة علي وحارمتني صوتك...
الساعة اللحين خمس وربع حضرتها بعدها نايمة,,دق على جوالها ماردت..مالي الا ادق على البيت وبيعطونها السماعة غصب..
دق على بيت عمه ورد عليه محمد..
محمد/الو..
بندر/لاحول الله..حتى التلفون صرت انت اللي ترد عليه!!!
محمد/نعم,,وش بغيت ان شاءالله؟
بندر/الله ينعم عليك ابي مرتي بكلمها ممكن تصحيها من النوم..قولها بندر يبيك ضروري..
محمد/هههههههه
بندر/ها بشر عسى بس تجننت؟؟؟ليش تضحك؟
محمد وهو يضحك/تستهبل انت يابندر!!مرتك مو نايمة مرتك عند نجود...
بندر/نجود!!وش فيها نجود؟
محمد/ها..يعني ماتدري ان بنت عمك اليوم مسوية عملية ومرتك معها؟؟
بندر في باله...اي والله نسيت هذا وجواهر موصيتني اسال عنها بعد!!ياويلي منك ياجواهر....كيف نسيت...
بندر/اقول انا بس كنت ابي...
محمد/لاتلف وتدور ادري فيك نسيت روح يالله مسموح ها المرة....
//////////////////////////////////////////////////////////ا
بو علي/حمد الله على سلامتك يابنيتي..
نجود بضعف/الله يسلمك يبى....
ناصر/ليش كذا الاضاءة ياهيا قايل لك الدكتور شغلي كل انوار البيت مو تطفينهم!!
هيا/أي بس مضايقها النور؟؟
ناصر/معليش علشان تتعود عينها..
نجود بتعب/ماعليه ياناصر احس راسي بينفجر...خليهم كذا وبعدين بشغلهم..
ام علي/اجيب لك شي تاكلينه يمه..
نجود/لاخالتي مو مشتهية شي؟
جواهر/مايصير انتي صايمة من امس مااكلتي شي..قولها شي ياعمي ..
ابو علي/وهم الصادقين يابنتي..اذا مااكلتي ماطبتي...اكلي لك شي ترى عوار الراس اللي فيك من قلة الاكل...
نجود/بعدين يبى..انا يادوبي صليت وحاسة اني تعبت اكثر بريح وبعد مااصلي المغرب باكل لي شي....
ناصر/تبين اجيب لك شي من برى..
نجود/لاشكرا..
ابو علي بسخرية على ناصر/وش فيك انت صاير لي مطفوق على اختك!!يبى مافيها الا العافية..
(كان ناصر متاْثر حييل لنجود وخايف عليها وكل تعابير وجهه تنم عن خوف)
دخل علي بعد مادق باب المجلس,,
ام علي/ادخل يمه ادخل ماكو احد غريب...
طبعا جواهر ماتعتبر غريبة وصاحبة البيت وكلهم يعرفونها..
علي/السلام عليكم....وعليكم السلام والرحمة..
تقدم لعند الفراش اللي قاعدة عليه نجود وقامت هيا وقعد علي قبالها وصار عاطي ابوه ضهره...
علي/سلامات..ماتشوفين شر..
نجود/الشر مايجيك..
علي/عسى ماتعبتي كثير...
نجود بتعب/اللي تشوفه...
علي/لا مافي غير العافية ان شاءالله..
ام علي/احم احم...اقول يمه تعال اقعد هنا وتسند لايتعبك ضهرك؟
علي وقف/لا انا ماشي بس قلت اسلم على نجود.........تبون شي....
ناصر/ليش مستعجل اقعد معنا..
علي/لا انا مواعد واحد من الربع بمره..يالله مع السلامة.....
//////////////////////////////////////////////////////
بفندق الشيراتون...
سالم/يايبى مايسوى علينا جيتنا للشرقية!!!من وصلنا البارح ماطلعنا واليوم من صبح الله زرعتنا بالمستشفى ومن رخصوها ردينا الفندق..ماتقولي شبنسوي هنا بالله!!
فهد كان يدخن بهدوء وهو شارد بافكاره بعيد/وانت وش تبي بالله لاجني!!!
سالم/ابي اطلع اشوف الدنيا شلون صايرة بالشرقية...
فهد/مافيها شي زود عن الرياض؟؟
سالم بقهر/اقول فهد احنا ليش جاينا هنا؟؟؟
فهد بهدوء/علشان اظل قريب من نجود..
سالم/طيب وبيكون الوضع طول الاسبوع كذا...بس شغلتنا مستشفى وفندق وبس!!!!طيب معليه نجود مواعيدها الصباح يعني نحاتيها الصباح..والليل وش نسوي علمني!!!!
فهد/برايك ادق على جواهر اللحين ولاانتظر شوي بعد!!!
سالم/اقول خلنا نطلع وندق عليها واحنا خارج اسوار الفندق وش رايك!!!
فهد رمى سيجارته/نطلع وين نروح!!بكبري متضايق...انت ماشفتها شلون كانت تعبانة ياسالم!!!
سالم/طبعا بتكون تعبانة ...توها مسوية العملية تبيها تتحزم وترقص لك!!!
فهد بلهفة/ابي اسمع صوتها واتطمن...
سالم/اللحين انسى اكيد كل اهلها حوالينها انطر لااخرالليل ودق عليها...
فهد بتردد/هذا رايك...
سالم/أي...
فهد/طيب خلني اكلم جواهر اللحين واتطمن عليها واعطيها خبر اذا فضى الجو عند نجود تعطيني خبر علشان اكلمها...
سالم/معناته انا بنطرك تحت ولاتتاْخر ولافي مجال للاعتذار ابدا يافهد,,,,
//////////////////////////////////////////////////////////////////////////////////////////////////////////////////////////////////////////////////عبير/ذابحة عمري انا بالمطبخ من العصر وماكلتي شي من اللي سويته..
نجود/والله مالي خلق...حاسة نفسي مو مشتهية شي اصلا!!
ام جواهر/بس لازم تاكلين يمه علشان تتقوين...عسى الله يقومك بالسلامة....
هنوف/والله الجو روعة هنا مدري انام معك نجودوا!!
هيا بعصبية/اقول هنيف مدامك سلمتي يالله من غير مطرود نجود تعبانة ومالها خلقك...
ام ناصر/اقول يايمه ياهيا شوي شوي على البنات وراك لاجتهم قوموا وقوموا هم بعد يبون يتطمنون على نجود؟
هيا/أي بس هي تعبانة...
هنوف/ان شاءالله خالتي مفكرة ان احنا بنشيل هم هيا!!لاوالله ماناخذ كلامها على محمل الجد ابدا!!انا بس عاجبني الجو..اضاءة حالمة وجو بارد..يامي يامي
نورة انسدحت على الكنبة/انا بعد بنام على خدمة راحة اختي مدري بسهر على راحتها بس لو تتقطع مابقوم لاني بكون بسابع نومة..
هيا/وشدعوة محتاجتك واحنا جنبها...
دق جوال جواهر وطلعت تكلم..وبعدها دق جوال نجود وكانت هيا جنبه..
هيا/هذا بندر....
نجود/ردي عليه....
هنوف/سؤال عارض..اذا هذا بندر منو اللي داق على جواهر وليش طلعت!!!
هيا/والله جواهر تعرف الذوق وماتبي تكلم هنا لاتزعج نجود!!الو..هلا بندر....الله يسلمك...بخير....تبي تكلمها....بندر يبي يكلمك...
نجود/الو..
بندر/سلامات سلامات يابنت عمي..
نجود بتعب/الله يسلمك..
بندر/ماتشوفين شر..
نجود/الشر مايجيك ان شاءالله..
بندر/بشري عساك بخير اللحين....
نجود/الحمد الله رب العالمين على كل حال.....
بندر/الحمد الله ان شاءالله فيها الف عافية يابنت عمي..
نجود/شكرا...شكرا..
بندر/يالله اخليك ترتاحين وان شاءالله نسمع عنك الاخبار الطيبة...
نجود/تسلم وماقصرت على اتصالك...
/////////////////////////////////////////////////////
جواهر/هلا بو فيصل..
فهد/هلا..ها بشري عساها بخير..
جواهر/والله...الحمد الله..
فهد/اكلت شي؟
جواهر/عجزنا معها تقول ماهي قادرة حتى تتنفس علشان تاكل...
فهد/أي بس مايصير تتركونها على راحتها ...انتي عارفة انها تعبانة ومحتاجة للاكل والراحة؟
جواهر/شسوي فيها من رجعتنا العصر واحنا نتحايل عليها ..طلبنا لها من مطعم وسوينا لها هنا بالبيت...ابد والله تقول حاسة راسها بينفجر...
فهد/طيب وقطرات العين تاخذهم بموعدهم؟
جواهر/موت ها القطرات!!صايرة مثل البزارين يحرقون ويحرقون...
فهد/معليش جواهر طولي بالك هي تعبانة ومحتاجة لك..ولاتراني قريب هنا بجي اخذها عندي...
جواهربخبث/وبتدير بالك عليها؟؟؟
فهد/طبعا وهاذي مافيها شك...
جواهر/خلاص تعال خذها لاني تعبانة وابي احط راسي وانام ومابتطمن عليها كثر ماهي عندك...
فهد/اقول جواهر عطيني اياها بكلمها..
جواهر/أي بس ترى خواتها وامها وبنات عمها عندها مابتعرف تكلمك..
فهد/عارف بس ابي اقنعها تاكل شي...
جواهر/يالله يمكن تسمع منك...
دخلت المجلس وقعدت جنب نجود وحطت السماعة باذنها وقالت لنجود بهمس /فهد ملزم يكلمك؟؟
نجود بتعب/هلا..
فهد بحنان/الله يعطيك العافية...
نجود/الله يعافيك...
فهد/ماابي اطول عليك بدق لك الليل اذا فضى الجو عندك..بس امانة تاكلين..
نجود/.......
فهد/لاتقولين مو مشتهية..
نجود/في شي ابي اتاكد منه واعرفه..ضروري تدقين بعدين طيب!!
فهد/وانا فيني ماادق!!بس جواهر زعلتني يوم قالت مااكلتي شي من رجعتك من المستشفى!!يالله ياعمري ديري بالك على نفسك مو علشانك علشاني انا على الاقل!!!
نجود/طيب معليش ...
فهد/وعد!!ترى بتقول لي جواهر لو مااكلتي!!
نجود/صايرة جواهر بينا!!!!
هنوف بلقافة/جواهر منو هاذي؟؟
جواهر/وحدة من صاحباتنا داقة تسال عن نجود وتتطمن عليها...
/////////////////////////////////////////////////////////////////////////////////////////////////////////////////////////
ابو علي /يالله....
لبنى/عمي شلونك..
ابوعلي/هلا هلا بلبنى والله شلونك يابنيتي..
لبنى/اسال عنك عمي انت شلونك...
ابوعلي/انا عاتب عليك والله!!
لبنى بزعل/افا !!ليش عاد؟؟
ابوعلي/اللحين بنت عمك الباب بالباب مسوية عملية تروحين شوي وتردين بسرعة!!ليش منو منحشك من بيتي!!
لبنى/حقك علي ياعمي بس انا كنت متضايقة...
ابوعلي/ماتتضايقين وعمك موجود..
لبنى/..........
ابوعلي/عارف وش اللي مضايقك...بس مايصير الشي....
لبنى قاطعته/وش اللي عارفه ياعمي؟
ابو علي/عارف ان ماتبين ها الصايع الضايع!!!وماراح تاخذينه؟؟انا موجود يابنيتي لاتشيلين هم..انا مو بس عمك..انا ابوك بعد يالبنى؟
دمعت عيونها وحضنت عمها بقوة وهو يمسح على راسها...
ابوعلي بحنان/خلاص يالبنى..مابيصير الا كل خير يابنيتي لاتخافين!!
لبنى بتنهد/انت شلت عني نص السالفة,,,ياترى تقدر تشيلها كلها ياعمي!!!
ابوعلي/وش اللي باقي بعد يالبنى وانا مااعرفه!!!في شي ابوك ماقاله!!
لبنى بارتباك/ها...لاياعمي لا..مافيه غير العافية...
ابوعلي/اذا فيه شي مضايقك يابنيتي قولي انا اسمعك..
لبنى مسحت دموعها/سلامتك ياعمي مافي الا العافية..عسى الله يخليك لنا يارب...
ابوعلي بمرح/يالله روحي كاهم متجمعين بالمطبخ عنك وعبير مسوية لهم ذاك العشى الزين هي مع خالتك ام محمد روحي قبل لايخلصونه عنك!!!
لبنى/شفت ياعمي ولااحد ناداني ماكاني عضو بالعيلة!!!
ابوعلي/يالله روحي قبل لايشم نويصر الريحة ومايترك لك شي...
لبنى/هههههههه مسكين ولد عمي لاحد يناظرها..اصلا يليتني مثله مايبان عليه شي من ها اللي ياكله مدري وين يروح....
///////////////////////////////////////////////////
بشقة مشاري ولمياء وتحديدا بغرفة مريم..
وقف مشاري وهو متضايق/يالله عاد ماصار هذا كله تنيميها يالمياء؟
لمياء اشرت له يسكت وهو ظل واقف مقهور..
لمياء بهمس/خلاص قربت تغفي عينها لاتصارخ؟؟وبعدين انت شعليه مستعجل وش تبي؟
مشاري/يبى انا عازمك...
لمياء/وين عازمني واللي يخليك وبنتك بتنام!!
مشاري/عازمك على سينما...
لمياء باستنكار/سينما وبالرياض!!!متى افتحوها؟
مشاري/الليلة بيفتحونها ولازم تكونين اول الحاضرين....
لمياء بشك/انت متاْكد...؟
مشاري وهو يناظر بمريم اللي غمضت عيونها/أي متاْكد..يالله خلاص قومي كاهي راحت بسابع نومة....
قامت من سرير مريم وهي تمشي بشويش لين وصلت لمشاري اللي مسكها من يدها وطلع معها بعد ماسكروا باب غرفة مريم...
وراحوا الصالة..
وقفت لمياء وتخصرت/ان شاءالله هاذي السنما اللي عازمني عليها!!
مشاري بفحر/وش فيها...احلى سينما بالعالم..تلفزيون بلازما 52 بوصة واحلى اضاءة وفشار وبيبسي...انا مسويهم بنفسي وشاري اخر فلم نازل بالسوق ومتاكد ان فيه مقاطع رومنسية من هنا ومن هنا والاهم من هذا كله ان انا وانتي وبس ومامعنا احد وش تبين بعد!!
لمياء مشت عنه وقعدت وهي تضحك/شكلي برضى بالوضع بعد شسوي امري لله!!
مشاري قعد جنبها وحط يده حواليها وهو يقول/أي خليك كذا ترى احلى شي بالحرمة خضوعها..
لمياء/ها شكلك بتخلين اغير راي؟؟؟
مشاري/لا واللي يعافيك تكفين ..ها نبدي...
لمياء/اقول مشاري قبل لانبدي نجود مسوية عملية وش رايك امرها يوم الاربعاء اذا نزلنا!!
مشاري طاري نجود نرفزه بعد مااستقر حاله وقال بعصبية/خلنا نشوف الفلم وبعدين لكل حادث حديث؟
لمياء بتعجب/وش فيك تغيرت الوانك كذا!!وش قلت انا!!!
مشاري بعمق/ممكن تكون الليلة خاصة فينا بعيدا عن نجود وعن كل شي؟
لمياء/طيب حبيبي ولاتزعل نفسك ونقفل السيرة مدامها مضايقتك...
مشاري/أي كذا افضل..
تقربت منه لمياء وباسته على خده/وهاذي بوسة صلح وش تبي بعد!!
قربها منه وحط راسها بصدره وهمس لها/ابي نكون كذا طول الوقت..ولايشغل بالنا لانجود ولاغير نجود معليش حبيبي..
لمياء/طيب حبيبي...
//////////////////////////////////////////////////////////
طلعوا البنات من عند نجود وظلوا الملازمين لها بس جواهر وهيا وكان ناصر بيقعد يسولف معها طالما انها مو نايمة فراحت جواهر المطبخ وظلت هيا حارس شخصي ماتتزحزح لو شيصير...
قعدت جواهر بهدوء بالمطبخ وهي تفكر في بندر ...شافت له اكثر من اتصال بجوالها قبل لايدق على نجود..
يمكن انه يبي يتطمن على بنت عمه...ها الشي الوحيد اللي فسرت له اتصالاته فيها...وشالت من بالها ان نيته صافية ويبي يعتذر لان في بالها من راح جدة صاير مزاجي ...والزعل عنده ببلاش..فااحسن شي انها تطنشه وتشوفه وش ناوي يسوي..
دق جوال نجود اللي عندها وكانت ملاك اللي متصلة واللي صجتها طول اليوم من كثر اتصالاتها.
ردت عليها بهدوء..
جواهر/نعم..
ملاك/مرحبا اخت جواهر..
جواهر/هلا...
ملاك/شلون ابلة نجود اللحين..
جواهر/الحمد الله بخير..
جواهر/طيب مافيني اسمع صوتها..
جواهر/معليش هي اللحين نايمة بكرة ان شاءالله ..
ملاك بضيق/اوووف..كنت ابي اتطمن عليها..
جواهر/ترى مالها خلق تاخذ وتعطي بالحكي ابدا..يعني يادوبها بترد عليك السلام وبس!!!معليش خليها لبكرة طيب..
ملاك/طيب سلمي عليها..
جواهر/الله يسلمك....
//////////////////////////////////////////////////////////
ناصر بخوف وحنان/شلونك اللحين يالغالية..
نجود بتعب اشبه للبكي/ناصر انا حاسة اني مااشوف شي...
ناصر يتررد/انتي بعد الله يهداك مسوية لي بيت اشباح ومطفية كل شي حولك...مايصير كذا!!!
نجود/اذا شفت النور احس راسي بينفجر..مقدر عليه؟؟
ناصر/يعني تشوفين مو ماتشوفين!!هي بس لان عينك مغطية فااول ماتشوف النور تتعب بس لوتعودينها عليه بيصير الموضوع عادي...
نجود تنهدت/منتوا حاسين فيني ولابللي قاعدة احسه ياناصر!!انا قاعدة اعاني..الالم رهيب مرة,,,فوق ماتتصوره انت ولاغيرك..
ناصر بحنان/ادري فيك يانجود وحاس بللي تحسينه يااختي وعارف ان احنا مابنقدر نتصور مدى تعبك ..بس صدقيني يااختي كلنا خايفين عليك واي شي نقوله من باب الخوف عليك لااقل ولااكثر...نبيك تاكلين وتتقوين وتقومين لنا بالسلامة نجود اللي مايهزها شي حتى المرض!!!
يالله طيبي يانجود انا محب اشوفك قاعدة بالفراش كذا...
خبري فيك قوية يانجود قوية ...اصلا البيت ماعاد له طعم وانتي بفراشك تعبانة.....
نجود تنهدت/ادعيلي ياناصر ادعيلي..انا محتاجة دعواتك اكثر من أي وقت مضى....
ناصر/ان شاءالله الله بيقومك بالسلامة وبتردين لنا نجود القوية ..اختي الغالية القمر حبيبة قلبي..اللي بتخطب لي وكل ليلة بتعزمني على العشى انا وخطيبتي...
ابتسمت له رغم الالم ورغم ان عيونها مسكرة بس لانها عارفة شقد ناصر يحبها ومتعلق فيها....
ناصر/ها..وش رايك اقطر عينك بنفسي!!
هيا من وراه/لاحبيبي علشان تعميها!!مو محتاجين خدماتك الجليلة!!!
نجود بتاْنيب/هيا!!وش جايك اليوم انتي عليهم!!
هيا بضيق/معليش يقعد يسولف بس دواك مايقرب صوبه مو مستعدين لااي شي يصيبك وياْذيك..
ناصر/اقول ترى واجد عاطية نفسك فوق اهميتك!!ترى اختي هاذي فاهمة وش معنى اختي!!!
هيا/واختي بعد ماهي اختك بروحك!!
نجود/خلاص مو ناقصتكم وناقصة هواشكم بروحي تعبانة..
نجود/تدرون شلون شكرا لكم اثنينكم جيبولي جواهر وفكوني!!!!!
ناصر/أي كذا حل عادل ويرضينا اثنينا..
هيا باعتراض/بس يانجود....
نجود/شسوي فيكم اثنينكم مو متنازلين خلاص خلوها معي وروحوا كملوا هواشكم بمكان ثاني واذا استقرت الامور بينكم تعالوا ودي ارتاح شوي واللي يسلمكم,,,
////////////////////////////////////////////////////////////////////////////////////////

---البارت الرابع والأربعين---
,,,,,,,,,,,,,,,,,,,,,,,,,,,,,,,,,,,,,,
ابو علي /يالله....
لبنى/عمي شلونك..
ابوعلي/هلا هلا بلبنى والله شلونك يابنيتي..
لبنى/اسال عنك عمي انت شلونك...
ابوعلي/انا عاتب عليك والله!!
لبنى بزعل/افا !!ليش عاد؟؟
ابوعلي/اللحين بنت عمك الباب بالباب مسوية عملية تروحين شوي وتردين بسرعة!!ليش منو منحشك من بيتي!!
لبنى/حقك علي ياعمي بس انا كنت متضايقة...
ابوعلي/ماتتضايقين وعمك موجود..
لبنى/..........
ابوعلي/عارف وش اللي مضايقك...بس مايصير الشي....
لبنى قاطعته/وش اللي عارفه ياعمي؟
ابو علي/عارف ان ماتبين ها الصايع الضايع!!!وماراح تاخذينه؟؟انا موجود يابنيتي لاتشيلين هم..انا مو بس عمك..انا ابوك بعد يالبنى؟
دمعت عيونها وحضنت عمها بقوة وهو يمسح على راسها...
ابوعلي بحنان/خلاص يالبنى..مابيصير الا كل خير يابنيتي لاتخافين!!
لبنى بتنهد/انت شلت عني نص السالفة,,,ياترى تقدر تشيلها كلها ياعمي!!!
ابوعلي/وش اللي باقي بعد يالبنى وانا مااعرفه!!!في شي ابوك ماقاله!!
لبنى بارتباك/ها...لاياعمي لا..مافيه غير العافية...
ابوعلي/اذا فيه شي مضايقك يابنيتي قولي انا اسمعك..
لبنى مسحت دموعها/سلامتك ياعمي مافي الا العافية..عسى الله يخليك لنا يارب...
ابوعلي بمرح/يالله روحي كاهم متجمعين بالمطبخ عنك وعبير مسوية لهم ذاك العشى الزين هي مع خالتك ام محمد روحي قبل لايخلصونه عنك!!!
لبنى/شفت ياعمي ولااحد ناداني ماكاني عضو بالعيلة!!!
ابوعلي/يالله روحي قبل لايشم نويصر الريحة ومايترك لك شي...
لبنى/هههههههه مسكين ولد عمي لاحد يناظرها..اصلا يليتني مثله مايبان عليه شي من ها اللي ياكله مدري وين يروح....
///////////////////////////////////////////////////
بشقة مشاري ولمياء وتحديدا بغرفة مريم..
وقف مشاري وهو متضايق/يالله عاد ماصار هذا كله تنيميها يالمياء؟
لمياء اشرت له يسكت وهو ظل واقف مقهور..
لمياء بهمس/خلاص قربت تغفي عينها لاتصارخ؟؟وبعدين انت شعليه مستعجل وش تبي؟
مشاري/يبى انا عازمك...
لمياء/وين عازمني واللي يخليك وبنتك بتنام!!
مشاري/عازمك على سينما...
لمياء باستنكار/سينما وبالرياض!!!متى افتحوها؟
مشاري/الليلة بيفتحونها ولازم تكونين اول الحاضرين....
لمياء بشك/انت متاْكد...؟
مشاري وهو يناظر بمريم اللي غمضت عيونها/أي متاْكد..يالله خلاص قومي كاهي راحت بسابع نومة....
قامت من سرير مريم وهي تمشي بشويش لين وصلت لمشاري اللي مسكها من يدها وطلع معها بعد ماسكروا باب غرفة مريم...
وراحوا الصالة..
وقفت لمياء وتخصرت/ان شاءالله هاذي السنما اللي عازمني عليها!!
مشاري بفحر/وش فيها...احلى سينما بالعالم..تلفزيون بلازما 52 بوصة واحلى اضاءة وفشار وبيبسي...انا مسويهم بنفسي وشاري اخر فلم نازل بالسوق ومتاكد ان فيه مقاطع رومنسية من هنا ومن هنا والاهم من هذا كله ان انا وانتي وبس ومامعنا احد وش تبين بعد!!
لمياء مشت عنه وقعدت وهي تضحك/شكلي برضى بالوضع بعد شسوي امري لله!!
مشاري قعد جنبها وحط يده حواليها وهو يقول/أي خليك كذا ترى احلى شي بالحرمة خضوعها..
لمياء/ها شكلك بتخلين اغير راي؟؟؟
مشاري/لا واللي يعافيك تكفين ..ها نبدي...
لمياء/اقول مشاري قبل لانبدي نجود مسوية عملية وش رايك امرها يوم الاربعاء اذا نزلنا!!
مشاري طاري نجود نرفزه بعد مااستقر حاله وقال بعصبية/خلنا نشوف الفلم وبعدين لكل حادث حديث؟
لمياء بتعجب/وش فيك تغيرت الوانك كذا!!وش قلت انا!!!
مشاري بعمق/ممكن تكون الليلة خاصة فينا بعيدا عن نجود وعن كل شي؟
لمياء/طيب حبيبي ولاتزعل نفسك ونقفل السيرة مدامها مضايقتك...
مشاري/أي كذا افضل..
تقربت منه لمياء وباسته على خده/وهاذي بوسة صلح وش تبي بعد!!
قربها منه وحط راسها بصدره وهمس لها/ابي نكون كذا طول الوقت..ولايشغل بالنا لانجود ولاغير نجود معليش حبيبي..
لمياء/طيب حبيبي...
//////////////////////////////////////////////////////////
طلعوا البنات من عند نجود وظلوا الملازمين لها بس جواهر وهيا وكان ناصر بيقعد يسولف معها طالما انها مو نايمة فراحت جواهر المطبخ وظلت هيا حارس شخصي ماتتزحزح لو شيصير...
قعدت جواهر بهدوء بالمطبخ وهي تفكر في بندر ...شافت له اكثر من اتصال بجوالها قبل لايدق على نجود..
يمكن انه يبي يتطمن على بنت عمه...ها الشي الوحيد اللي فسرت له اتصالاته فيها...وشالت من بالها ان نيته صافية ويبي يعتذر لان في بالها من راح جدة صاير مزاجي ...والزعل عنده ببلاش..فااحسن شي انها تطنشه وتشوفه وش ناوي يسوي..
دق جوال نجود اللي عندها وكانت ملاك اللي متصلة واللي صجتها طول اليوم من كثر اتصالاتها.
ردت عليها بهدوء..
جواهر/نعم..
ملاك/مرحبا اخت جواهر..
جواهر/هلا...
ملاك/شلون ابلة نجود اللحين..
جواهر/الحمد الله بخير..
جواهر/طيب مافيني اسمع صوتها..
جواهر/معليش هي اللحين نايمة بكرة ان شاءالله ..
ملاك بضيق/اوووف..كنت ابي اتطمن عليها..
جواهر/ترى مالها خلق تاخذ وتعطي بالحكي ابدا..يعني يادوبها بترد عليك السلام وبس!!!معليش خليها لبكرة طيب..
ملاك/طيب سلمي عليها..
جواهر/الله يسلمك....
//////////////////////////////////////////////////////////
ناصر بخوف وحنان/شلونك اللحين يالغالية..
نجود بتعب اشبه للبكي/ناصر انا حاسة اني مااشوف شي...
ناصر يتررد/انتي بعد الله يهداك مسوية لي بيت اشباح ومطفية كل شي حولك...مايصير كذا!!!
نجود/اذا شفت النور احس راسي بينفجر..مقدر عليه؟؟
ناصر/يعني تشوفين مو ماتشوفين!!هي بس لان عينك مغطية فااول ماتشوف النور تتعب بس لوتعودينها عليه بيصير الموضوع عادي...
نجود تنهدت/منتوا حاسين فيني ولابللي قاعدة احسه ياناصر!!انا قاعدة اعاني..الالم رهيب مرة,,,فوق ماتتصوره انت ولاغيرك..
ناصر بحنان/ادري فيك يانجود وحاس بللي تحسينه يااختي وعارف ان احنا مابنقدر نتصور مدى تعبك ..بس صدقيني يااختي كلنا خايفين عليك واي شي نقوله من باب الخوف عليك لااقل ولااكثر...نبيك تاكلين وتتقوين وتقومين لنا بالسلامة نجود اللي مايهزها شي حتى المرض!!!
يالله طيبي يانجود انا محب اشوفك قاعدة بالفراش كذا...
خبري فيك قوية يانجود قوية ...اصلا البيت ماعاد له طعم وانتي بفراشك تعبانة.....
نجود تنهدت/ادعيلي ياناصر ادعيلي..انا محتاجة دعواتك اكثر من أي وقت مضى....
ناصر/ان شاءالله الله بيقومك بالسلامة وبتردين لنا نجود القوية ..اختي الغالية القمر حبيبة قلبي..اللي بتخطب لي وكل ليلة بتعزمني على العشى انا وخطيبتي...
ابتسمت له رغم الالم ورغم ان عيونها مسكرة بس لانها عارفة شقد ناصر يحبها ومتعلق فيها....
ناصر/ها..وش رايك اقطر عينك بنفسي!!
هيا من وراه/لاحبيبي علشان تعميها!!مو محتاجين خدماتك الجليلة!!!
نجود بتاْنيب/هيا!!وش جايك اليوم انتي عليهم!!
هيا بضيق/معليش يقعد يسولف بس دواك مايقرب صوبه مو مستعدين لااي شي يصيبك وياْذيك..
ناصر/اقول ترى واجد عاطية نفسك فوق اهميتك!!ترى اختي هاذي فاهمة وش معنى اختي!!!
هيا/واختي بعد ماهي اختك بروحك!!
نجود/خلاص مو ناقصتكم وناقصة هواشكم بروحي تعبانة..
نجود/تدرون شلون شكرا لكم اثنينكم جيبولي جواهر وفكوني!!!!!
ناصر/أي كذا حل عادل ويرضينا اثنينا..
هيا باعتراض/بس يانجود....
نجود/شسوي فيكم اثنينكم مو متنازلين خلاص خلوها معي وروحوا كملوا هواشكم بمكان ثاني واذا استقرت الامور بينكم تعالوا ودي ارتاح شوي واللي يسلمكم,,,
//////////////////////////////////////////////////////////////////
تركي/سهرتك الليلة؟
منال/لاعادي....
تركي/تحبين نرجع البيت...ولا ناخذ لنا لفتين بالسيارة بعد..
منال/مااحب الدوارة بالسيارة احسها مملة وتعور راسي,,,
تركي/هه زين قلتيلي...
منال/اقول تركي..بعد مانرد من امريكا وين بنقعد...
تركي/عندي جناح خاص فيني بالفلا..الا اذا كنتي تبين تطلعين بروحك..
منال/حاليا ماافكر باي شي...افكر بروحتنا وبس...
تركي/خايفة ولامترددة..
منال/الخوف امر طبيعي,,لاتنسى انها تجربة جديدة...وفيها غربة وابتعاد عن الاهل واعتماد على النفس...بس ودي اخوضها علشان اشوف هل اقدر ولامااقدر...
تركي/حاس انك بتقدرين..مدري ليش بس عندي امل كبير انك بتقدرين وبنتخطى كل الحواجز اللي بينا بفترة قصيرة..
منال/اتمنى...واتمنى اكثر ان احنا نقدر نوقف بوجه المشاكل اللي بتصير بينا من البداية..
تركي/وليش حاطة في بالك ان حياتنا بتكون فيها مشاكل..
منال/لانها الحقيقة ولازم نتعامل فيها بحذر...مافي بيت بالعالم يخلى من المشاكل..بس هل نقدر من البداية نتفهم وتنتخطى الشي ولابنخليه يكبر ويخرب حياتنا..هذا الشي اللي قاعدة اهوجس علشانه..
تركي/انا احسك حكيمة وتفكيرك عاقل....مدري ليش حاس انك بتقدرين تصيطرين على كل شي موحلو بيكون بينا وبتخلين حياتنا صافية وهادئة..
منال/هذا اطراء..على كلا شكرا..
تركي/لا بالعكس هذا اللي قاعد اشوفه فيك....
منال/تركي...لو بغينا نتخطى كل شي لازم من البداية نبدي..
تركي/كيف يعني!!
منال/يعني نبتدي من نقطة الصراحة....انت تقول وش اللي تبيه وشنو اللي بيريحك وشنو اللي بيضايقك وانا مثلك..علشان كل واحد يعرف حدوده والاشياء اللي مالازم يسويها..
تركي/اذا بنظل على كذا بكل ثانية بيزيد اعجابي بتفكيرك وشخصيتك..خلينا نرد البيت احسن ..
منال/ههههه
تركي/هههههه
///////////////////////////////////////////////////////
فهد/هلا قلبي...
نجود/هلا..
فهد/يابعد عمري...ياليته فيني..ولافيك يانجودي...
نجودبشوية تعب/صاير تدلع بعد!!لو ادري تعبت من زمان علشان اشوف حنيتك عليّ كذا!!بس مو هذا المهم.....انا ابي اعرف منك شي...
فهد بحنان/شنو ياقلبي...
نجود بتعب/فهد.....انت وين كنت اليوم؟
فهد/.........ليش تسالين؟
نجود بنفس التعب/مدري يافهد...بس حسيت اني شفتك وانا بغرفة العمليات ويدك مسكت يدي...المشكلة اني رحت بعالم ثاني ومني متاْكدة من ها الشي....بس عقلي رافض الفكرة ..وش اللي بيجيبك معي بغرفة العمليات!!!
فهد بهدوء/انتي وش تبين اللحين يانجود؟
نجود بضعف/ابي ..اي اجابة تطمني عليك..قول أي شي...هو انت صدق كنت موجود معي يافهد!!ولا من زود حبي لك وتفكيري فيك صرت اتخيل انك بقربي!!فهد لاتتعبني اكثر من التعب اللي انا فيه وجاوبني واللي يعافيك...
فهد بخوف/لالالا تعبين حالك ياقلبي.....يرضيك اني اقولك كنت معك...انا فعلا كنت بقربك مو خيال...
نجود بدون تصديق/طيب كيف!!!يعني جواهر كانت بترافقني وقالوا ان غرفة العمليات ممنوعة....
فهد/يمكن الشي الوحيد اللي اخذته من نجلاء انها قالت لي بفلوسك تقدر تسوي كل شي وكل اللي خاطرك تسويه!!!!!
نجود/..........
فهد/حبيبتي اكلتي شي؟
نجود/أي....
فهد/اكيد!!ترى برجع ادق على جواهر اسالها....
نجود/انت وينك؟
فهد/انا قربك باي وقت بتكونين بحاجتي بتلاقيني...
نجود/.........
فهد/يالله عمري بتركك تريحين شوي علشان ترتاح عينك وبشوفك بكرة بالمستشفى..بس ها ابيك تكونين اقوى من اليوم بمراحل..ترى انا مو متعود على نجود كذا ابدا!!!
نجود بترجي/لا تسكر خليني اظل اسمع صوتك اكثر..

فهد باعتراض/ودي يانجود ودي بس صوتك تعبان وماابيك تسهرين اكثر ابيك ترتاحين..بدق بعدين اتطمن عليك يالله تصبحين على خير يانجود..
نجود/وانت من اهل الخير..
سكرت وهي متضايقة انه سكر وماكمل معها..
جواهر بهمس/وش عندك العيون مسكرة والبوز مادته شبرين قدام!!!
نجود/صوته ريحني حيل ياجواهر...
جواهر/وهو الصادق لازم ترتاحين...
نجود/فكرك بعد ماعرفت انه هنا وبقربي بالدمام وكان معي اليوم بالمستشفى بيجيني نوم!!!!
جواهر مسوية غبية على اخر الليل/ليش تتوقعين انه يخطفك مثلا!!
//////////////////////////////////////////////////////
عبدالعزيز/البارح كان الصوت تعبان وكله بكي واليوم مفرفش...الله عليكم يالبنات كل يوم بحال؟؟؟
لبنى بفرح/امس كنت بحالة عصبية مايعلم فيها الا الله واليوم انفرجت الحمد الله...
عبدالعزيز/شفيك...ولاشي خاص ماتبين تقولينه؟؟
لبنى بتنهيدة/كنت بروح فيها ياعزوز....
عبدالعزيز/مافهمت عليك شلون يعني!!!
لبنى/كان ابوي ناوي يزوجني لواحد رايح فيها ويتعاطى...
عبدالعزيز/صدق!!!وهو يدري انه يتعاطى!!
لبنى بزعل/أي...شفت شلون....ويقولي انتي عالجيه ووقفي جنبه!!مدري متى اعالجه اذا ضعت نهائيا ولامتى بالضبط مدري؟
عبدالعزيز/طيب وش صار!!
لبنى بفرح/عمي اليوم شافني وطمني وقال انه ماراح يرضى بها الشي ابدا يصير وهو موجود..ياعسى ربي يخليه ويحميه ويحفظه لنا..قول امين...
عبدالعزيز/امين...
عبدالعزيز بخوف/ طيب وماعطاك ابوك خبر يعني اكتفيتي برد عمك بس!!
لبنى/شفيك حبيبي كلام عمي يمشي علينا ..
عبدالعزيز بتردد/وعلى ابوك.؟
لبنى/...........
عبدالعزيز/.........
لبنى/ابوي يمكن يعارض بعض قرارات عمي بخصوصنا بس يحترمه بالنهاية علشانه الكبير ويرضخ في اغلب الاحيان...يعني انا متطمنة وخصوصا بها السوالف عمي ديمقراطي حيل ليش اقولك اني متمنيته يكون ابوي؟
عبدالعزيز بضيق/مدري ليش مو قادر افرح والخبرية ضايقتني؟
لبنى بزعل/وش فيك؟؟لو ادري ماقلت لك؟
عبد العزيز/لا لاتشيلين هم ابدا......اي كيف بنت عمك؟
لبنى/تعبانة...اول مرة اشوفها كذا....الله يعطيها العافية...وتقوم بالسلامة..
عبدالعزيز/ان شاءالله....
لبنى/...........
عبدالعزيز/..........
لبنى/بتظل ساكت...
عبدالعزيز/تعرفيني مو راعي سوالف وانتظرك انتي تفتحين لنا مواضيع!!!
لبنى باندفاع/احبك....
عبدالعزيز/........
لبنى/ها وش قلت؟
عبدالعزيز/قلت اموت عليك بعد شبقول....
////////////////////////////////////////////////////////////
اليوم الثاني الضهر..
في مدرسة البنات الثانوية بالدمام....
نورة فتحت الباب وقالت بعصبية/ياسلااام اخ ناصر ليش توك مشرف ان شاءالله!!!
هنوف ركبت ورى وهي ساكتة....
ناصر/لاوالله!!
نورة بعصبية/ماتشوف كل المدرسة مشت ماظلينا الااحنا محترقين بالشمس قلبنا فحم!!!!
ناصر/من بياضكم عاد!!!
هنوف بهدوء/يعين احر ماعندنا ابرد ماعنده!!!!
ناصر/والله احمدوا ربكم اني ماركم!!ماني ملزوم فيكم!!وبعدين السايق من الصباح قال لكم مابيرجع لكم الضهر ليش ماتكلمتوا من بدري؟؟؟يوم طلعتوا دقيتوا البيت تبون احد يجي ياخذكم؟؟؟
هنوف/.............
نورة/...........
ناصر/فاضين بس اذا تبون تهربون من المدرسة تتدقدقون وتعال مرنا بس بالشي الجدي ترمون الغلط على غيركم!!!!
نورة/اووف..
هنوف/اوووفين...
ناصر/سمعي انتي وياها ان سمعت حس لكم بالسيارة لاارميكم عند اقرب زبالة تصادفني!!!
نورة/...........
هنوف/.........
نورة/..........
هنوف/..........
ناصر انفجر من الضحك...
وعصبوا ثنتينهم..
ناصر مسوي روحه هيبة وعصبي/ها وش قلت انا ماقلت لااسمع لكم حس!!انا اضحك ابي اشوفكم يطلع لكم صوت لو مايطلع!!
هنوف/ياعيني!!
ناصر/نورة اذا شفتي بجهتك زبالة قوليلي علشان ارمي بنت عمك لانها ماتسمع الكلام..
هنوف/اقول ناصر ارميني بمطعم دارين خلني اتغذى جوعانة....
ناصر/مقدر بروح بيت الروبيان باخذ لااختي الغالية إذا واعدها اليوم بجيب لها..
نورة/صدق راحت نجود موعدها؟
ناصر/أي..
هنوف بغيرة/وطبعا انت رحت معها!!!
ناصر يقلد لهجتها/وطبعا انت رحت معها!!!!وانتي شكوا بالله رحت لو مارحت!!!اختي هاذي حبيبة قلبي تاج على رؤوس المزايين!!
هنوف باعتراض/عشتوا!!يعين هي نجود مو شوية ماقلنا شي بس تاج قوية!!!!
ناصر/ها اذا مو عاجبك ترى ننزلك تكملين البيت مشي تراه موبعيد والشمس تقرب البعيد!!!
هنوف/ترى مايسوى علينا ها التوصيلة يانويصر!!
ناصر بجدية/اسمي ناصر ومني باصغر عيالكم كل شوي وقلتوا نويصر لاتخلوني اشد الخيط معكم ومااعطيكم وجه مثل الباقيين علشان تحترموني!!!
هنوف/...............
نورة/.................
ناصر/.............
هنوف بخوف/ناصر وش فيك احنا ماقلنا شي يضايقك واذا قلنا فاحنا اسفين حقك علينا!!!
ناصر/.......................
نورة/..............
وقف السيارة جنب المطعم ونزل..
هنوف بخوف/شفيه زعل!!
نورة/مدري!!!!بس ماله بالعادة يصير جدي كذا ويزعل!!
هنوف بتفكير/يمكن متضايق علشان نجود تعبانة!!
نورة/أي هو امس كان حيل متضايق علشانها.....
هنوف صارت تناظر بالنافذة وتنتظر طلعته وقلبها واقع بين رجلينها!!!!!
///////////////////////////////////////////////////////////////////
كان الصمت مخيم على المكان وماتسمع غير همهمات ماقدرت تميزها من كثر ماراْسها مصدع والالم ذابحها وماهي حاسة بشي ,,
تجمعت الدموع بعيونها بس ماقدرت تدمع,,حست بعيونها جامدة وماهي قادرة تتحرك,,بلحظة من اللحظات مرها الشيطان ووسوس لها بانها فقدت بصرها وماعادت تشوف وركبها الخوف من كل قلبها بس حمدت ربها يوم انها تحسست الضمادة اللي فوق عيونها وشالتها وحست بنور قوي ماتحملته وسكرت الضمادة بسرعة,,
الف الحمد الله يعني اشوف....والدكتور قال عال العال وها الصداع لاني مخلية عيني مضمدة والمفروض اني افتحها علشان تتعود على النور...وان الالم بيخف بالتدريج مع الحركة والقومة والقعدة وان كثرة الانبطاحة بالسرير والقعدة بمكان مظلم هو اللي يزيد التعب....
كانت حاسة بخوف كل اللي حواليها بس ماهي قادرة تقاوم التعب والالم اللي هي حاسة فيهم اكبر من انها توصف لهم لو جزء بسيط خصوصا وانها الثقيلة واللي مايهزها شي بينهم,,,
تنهدت وهي تتذكر بخيالها اشكالهم وكيف الحزن مرتسم على وجوههم...ابوها الغالي الله يحفظه بهيبته وطيبته وحنانه..امها الحنونة...ناصر..يابعد قلبي ها الاخو الحنون اللي يخاف عليّمن نسمة الهوا واللي دايم مطنشته وامشي ورى علي...علي بعد رغم العلاقة السيئة بالفترة الاخيرة بينهم الا من مرها امس وهو كل شوي يجي يتطمن عليها ولايبعث عبير لها يسالها اذا تبي شي واذا هي حاسة بتعب...خالتها ام علي..واللي تربت بحضنها واللي هي تعدها امها الثانية وصوت دعواتها لها...بنات عمها وخصوصا عبير...ماتنسى نبرة الحزن والخوف بصوتهم...عمها ابوبندر...صحيح مامرها غير مرة وحدة وكانت لهجته جافة بس تعودت عليه...هيا..بعد عمري ها البنية ...مافارقتني واحساسي يقول انهم بمجرد يطلعون تبكي وهي تدعيلي الله يقومني بالسلامة عارفة غلاوتي عندها ومعزتي شقد...هنوف ونورة..وهبالهم مع الكل واحترامهم لي....وخوفهم علي بالرغم انهم ماقاعدين يبينون ها الشي.....
عمي وخالتي ومحمد ومناوبتهم بالسؤال عني...عسى الله لايحرمني منهم...
واغلى انسانة بحياتي..جواهر,,,اللي مهما سويت ماراح اوفيها حقها بكل وقفاتها معي من صغرنا للحين....عسى الله يبلغني فيها واشيل عيالها وادلعهم واخلي مقامهم من مقام امهم الغالية عندي اللي متزاعلة مع بندر وبايعته بالسوق وماهمها وجايتني مرابطة عندي بالرغم من انشغالاتها بشقتها وتجهيزها......حتى بندر كل شوي يتصل يتطمن علي ..الله يوفقه مع جواهر ويقدره انه يصونها ويحطها بعيونها....منال وهاجر وفوزية..مدة تعارفنا مو من زمان..بس مع ذلك اتصالاتهم ماوقفت لحظة وحدة علشان يتطمنون عليّ.,,ملاك..وماادراك ماملاك..ها البنت البريئة اللي حولها ابوها بلحظة من اللحظات الى انسانة ثانية وعيشها بكاْبة وقهر وانفصام بالشخصية..ماتركتني ها المجنونة الا لمى سمعت صوتي ..وكانت تبكي وتحلفني تبي تجيني الشرقية تتطمن عليّ بنفسها.....عسى الله يهون عليها سالفتها ويشافيها ان شاءالله....
فهد.........الشي اللي ماتوقعته منه ابدا انه يكون جنبي بالشرقية وبالمستشفى بعد من وقت دخولي المستشفى للعملية لين وصولي بيتنا بعد العملية!!وتلفوناته لجواهر كل شوي....وروحته المستشفى معي اليوم وحجزه للعملية من الاساس وتكفله بكل مافيها ورفضه انه ياخذ مقابلها...
حبيبي والله وقلبي وكل شي انت بدنيتي يافهد..حلفت لك اعوضك عن كل شي تعبك وضايقك ..والله يقومني بالسلامة ونملك ونعرس واعوضك مثل ماوعدتك ياحبيبي.....
اه يااغلى ناسي اه....عسى الله لايحرمني من وجودكم وحبكم لي وخوفكم عليّّ..عسى الله يقومني بالسلامة واتهنى واملي عيني بشوفتكم يارب..
هيا بهمس/نجود..نجود انتي نايمة؟
نجود بتعب/لا جالسة...
هيا بخوف/حبيبتي تعبانة؟
نجود/شوي....
هيا/احط لك شي تاكلينه؟
نجود/لا ..
هيا بزعل/مايصير..
نجود/ماسمعتي ناصر قال بيجيب غذى وبناكل كلنا مع بعض...
هيا/أي بس ناصر تاْخر وانتي لازم تاكلين؟
نجود/جاي بالطريق....
هيا/اذا تعبانة يانجود قولي لخالتي تعتذر من خالاتك وبنات خالتك وخوالك لايجون الليلة؟
نجود/كيف مايجون بس ياهيا!!!عيب..سمعوا عني تعبانة ومسوية عملية وبيجون يحمدوني السلامة...
هيا بضيق/اوووف بس انتي تعبانة يانجود وماراح تقدرين تتحملين زيارة واستقبال..
نجود/أي بس انتي بنفسك سمعتي الدكتور قال لازم اعود عيني على النور علشان لاتصير لي مضاعفات..
هيا/عوديها معنا مو معهم!!بتنحرجين منهم ولابتقدرين تقولين لهم طلعوا انتهت الزيارة؟؟
نجود/اقول هيا ياقلبي سويلي عصير برتقال ولاعليك امر...
هيا/أي من عيوني يالغلا,,,
/////////////////////////////////////////////////////
في بيت الفايز وتحديدا بغرفة ملاك,,,
ام رائد/ملاك..
ملاك كانت قاعدة على فراشها تبكي..
ام رائد بخوف/ملاك يمه شفيك؟؟
تقربت منها وقعدت جنبها على السرير...
ملاك من بين دموعها/يمه..ابلة نجود يمه...
ام رائد/شفيها ابلة نجود؟
ملاك/تعبانة يمه تعبانة...
ام رائد/عسى ماشر يمه وش اللي متعبها؟
ملاك/يمه..ابلة ملاك مسوية عملية بعيونها امس وكلمتها اتطمن عليها صوتها كان تعبان حييل مو صوت ابلة نجود الحلو اللي احبه,,,,,
ام رائد/يمه مدامها امس مسوية العملية اكيد بتكون تعبانة وصوتها تعبان,,,
ملاك/يمه ابي اشوفها يمه...
ام رائد/تبين تشوفينها!!
ملاك/أي يمه..ابي اشوفها واتطمن عليها...
ام رائد/كيف تبين تشوفينها؟هي مسوية العملية هنا ولا بالشرقية؟
ملاك/بالشرقية...وقلت لها بجيك ازورك بس مارضت !!
ام رائد/خلاص اجل مافي روحة مدامها قالت لك لاتجين!!!
ملاك بعناد واصرار/انتي كل شي عندك لا!!بقول لاابوي وهو بيوديني ماراح يرفض لي طلب !!!
ام رائد/يايمه ياحبيبتي...مدامها قالت لك لاتجين ..معناتها انها تعبانة وماتقدر تستقبلك يايمه,,,,لاتصيرين مغثة وتروحين لها وهي بوضع مايسمح لها باستقبالك؟
ملاك/أي بس يايمه انا ابي اتطمن عليها بس!!!
ام رائد/هي لو كانت بخير ماقالت لك لاتجين وهذا مو من شيم العرب ياملاك..بس لانها تعبانة اولا وثانيا ماتبي تشغلك عن مدرستك وثالثا هي كلها ثلاثة ايام وترد لكم بالسلامة زوريها هنا بالرياض كل يوم ماراح اقولك لا وانا بجي معك بعد وبنغذيها ونعشيها ونباريها ..ولايهمك...بس يايمه مدام ماعطتك اذن تروحين لاتروحين ياحبيبتي لاتحرجين نفسك وتحرجينها زين يمه,,,
ملاك بتردد/انتي رايك كذا يمه,,,
ام رائد بثقة/أي يمه..علشان تكبرين بعينها انك مشيتي بشورها وماكسرتي كلامها..
ملاك/...خلاص اجل انتظر جيتها الرياض بالسلامة ان شاءالله...
ام رائد/يابعد عمري ياملاك ..عسى الله يحفظك يايمه,,,
ملاك/ولا يخليني منك يالغالية....اخذتها بحضنها...
/////////////////////////////////////////////////////////////
جواهر بالسيارة توها رادة من المدرسة..
ودق تلفونها وكان بندر المتصل...
تنهدت بقوة بس ردت بثقة وهدوء..
جواهر/هلا..

بندر/هلا,,,
جواهر/.........
بندر/ممكن اقول انك وحشتيني؟
جواهر/براحتك؟
بندر/شدعوة عاد ياقلبي!!كذا تطنشيني يومين ولاتسالين عن هوى داري؟؟
جواهر/.................
بندر/وحتى اذا اتصلت عليك ماتردين عليّ!!!
جواهر/انا مو رخيصة يابندر وانت تعرفني,,ماعمري ضحكت بوجه احد مااحبه ولاذليت نفسي لناس ماتبيني!!!
بندر/لالالاعاد..هاذي قوية....انا ماابيك!!!يبى اذا احنا بايام الخطوبة كذا!!بكرة اذا تزوجنا بنقلب عبير وعلي!!!
جواهربهدوء/وليش نكمل اصلنا اذا ماقدرنا نتخطى اللي بينا!!!!
بندربخوف/حبي شها الكلام!!!!!كل فترة بتكون في مشاكل بين أي اثنين معقولة بيفكرون بنفس طريقتك ياوردتي!!!
جواهربحدة/بندر..انت مو ملاحظ انك انت الغلطان مو انا!!!
بندر/ادري ياقلبي بس بعد انتي قاعدة بوسط اهلك وبديرتك وبين كل الناس اللي تحبينها..انا تارك كل شي وراي وجاي هنا,,,ماتعرفين وش اللي قاعد امر فيه ولاشنو يصادفني ولا شلون حياتي ماشية علشان تلوميني ياجواهر!!!!!
جواهر/غلطان يابندر...انا مو بين اهلي والناس اللي احبها...انا مفارقة اغلى حبيبي ....هو بجدة وانا بالشرقية يابندر ..فاهمني..هو بديرة وانا بديرة....ماني قادرة اتصور كيف بنتزوج ولا شلون بيكون وضعنا مع بعض!!!متعبتني السالفة حيييل..كيف بيكون مصيرنا ...انت لاراضي تتكلم باالسيرة وكل مافتحت لك السالفة سكرتها ولككتها من هنا وهنا..وعلى بالك اني نسيتها ولاراحت عن بالي!!لايابندر لا..انا اسكرها مرغمة لاني ماابي اخسر بعض اللحظات اللي بتجمعني فيك ياحبيبي...بس وقسم بالله العلي العظيم انا تعبانة حييييل...كل يوم رايحة جاية انا وابوي ها المسكين على اللون ماضبط وعلى الديكور ماطلع صح...طول يومي بها الشقة..لاتفكر انك تارك لي بطاقتك علشان اثث والسالفة انتهت لايابندر..كان بودي ان التاْثيث يكون مشترك بينا احنا الاثنين..حتى اذا كنت هنا وطلعنا مع بعض..ماتكون جدي حييل وانت تدور معي وهمك نكون مع بعض..انا محتارة اللحين كيف بنتزوج ووين بنقعد؟؟بجدة ولابالدمام؟؟منو فينا اللي لازم يضحي علشان الثاني وليش!!!وهل معقول نتزوج ونلتقي ليلتين بالاسبوع بس لو ماضحينا؟؟؟؟وهل بيكون وضعنا صعب ولاسهل؟؟؟انا خايفة ان الحب اللي بينا يموت من ها الزواج يابندر.....
سكتت شوي علشان تاخذ انفاسها...وجاها صوت بندر يبكي...
جواهر بخوف/بندر..انا مو قصدي...بس ورب الكون مضغوطة حييل ومالقيت افضل من ها الوقت افرغ اللي فيني..يكفيني قاعدة احاتني نجود وتعبها من جهة ثانية فوق تعبي !!
بندر وهو يبكي/اسف يالغلا اسف...بس صدقيني بقدم استقالتي اللحين وبنزل على اول طائرة للشرقية وببتدي من جديد..
قاطعته جواهر/لايابندر لا...لاتسويها....الله يخليك لاتسويها..انا ماقلت لك اللي قلته علشان تضحي بوظيفتك ومستقبلك هناك...السالفة يبيلها دراسة وتفكير مو تتصرف تصرف عشوائي تندم عليه بعدين.....حبيبي انا وصلت البيت بمر اشوف نجود واتطمن عليها وبعدها بروح البيت اتغذى وادق عليك زين حبيبي..بندر من بين دموعه/اكيد بتدقين؟
جواهر وهي تمسح دموعها/أي حبيبي اكيد...
بندر/الله يحفظك يالغالية..وصدقيني انا اسف على أي جرح مني جاك ولو ماكانت قاصده..
جواهر/خلاص حبيبي صار خير..بعدين نتفاهم لاتضيق خلقك ولاتفكر بالموضوع ولاتتصرف بطياشة من هنا ولامن هنا اعرفك انا زين..
بندر/طيب
جواهر/وعد..
بندر/اممم وعد...
/////////////////////////////////////////////////////
في بيت السبيعي عند الباب..
دخلت نورة بسرعة وهنوف كانت متعمدة تمشي بطيئة علشان تكلم ناصر...
هنوف بهدوء/ناصر...
لف لها ناصر وهو احمال اكياس الغذى/نعم..
هنوف بتردد/انا اسفة على اللي طلع مني وزعلك,,,
ناصر بدون نفس/لاعادي..
هنوف بزعل/انت زعلان مني!!!
ناصر بضيق/لا
هنوف وهي مقربة تبكي/أي بس مبين عليك زعلان!!ناصر انا صدق اسفة..وماكان قصدي...
ناصر بضيق/لالاتشيلين هم..انا بس متضايق...
هنوف بحالمية/عسى ماشر..وش اللي مضايقك؟
ناصر/ابد والله سلامتك...بس تعب نجود تاعبني...
هنوف بغيرة واضحة/لهدرجة عاد!!
ناصر/أي والله....انا عمري ماشفتها غير نجود القوية ,,الهيبة,,اللي واثقة من خطوتها قبل تخطيها,,,,واول مرة اشوفها كذا ماهي قادرة ...شقولك بس..تعبها متعبني...ودي تطيب وترد لنا بسرعة احسن من اول....
هنوف/ان شاءالله...كلنا ودنا ترجع نجود مثل اول وتطيب...بس مو لهدرجة عاد!!!في ناس يهمهم زعلك ورضاك ويضيق خلقهم اذا شافوك زعلان!!
ابتسم لها ناصر بدون أي تعليق..
هنوف بنظرات خبيثة لناصر وهي على بالها انه فهم هي تقصد منو.../شقولهم ها الناس اللي ضايق خلقهم عليك!!!
ناصر بضحكة وهو خاش اكياس الاكل وراه/قولي لهم مابنعطيهم من اكلنا لويموتون!!انا عازم ابوي وامي وخواتي بس!!منبي احد حتى عبير وعلي مانبيهم!!روحي يبى امك تعرف تطبخ اكل حلو..
تقربت منه هنوف وضربته بخفيف على كتفه وهي تضحك وضحك لها ودخل.....
/////////////////////////////////////////////////////////
في شقة علي...
علي دخل المطبخ وكانت عبير واقفة تحط الليمون فوق السلطة ووقف وراها وحوط خصرها بيدينه.. /وش مسوية لنااليوم..اشم ريحة اكل طيب....
غمضت عيونها علشان لايشوف ارتباكها من حركاته اللي قاعدة تجننها.....
علي همس لها/وش قلتي سويتي ماسمعتك؟
عبير بهمس/ماقلت شي اصلا كيف ماسمعتني!!
علي ضحك وصار شكله يجنن.../عارف انك ماقلتي بس قلت بسمع صوتك....
عبير/بتريح ولابتاكل بالاول؟
علي/لا..اكيد بالاول ناكل وبعدين نريح....كيف نجود اليوم مريتيها؟
عبير/الصباح كنت عندهم ..بعد ماجت من المستشفى وماتغيرت عن امس؟
علي/أي انا مريت بس كانوا كلهم قاعدين مااخذت وعطيت معها قلت الحق عليك ريحة طباخك موصلة لااخر الدمام؟
عبير/وش دعوة عاد اول مرة اطبخ لك؟
علي قرصها بخدها/وان شاءالله ماتكون اخر مرة...يالله ببدل وبجي على ماتجهزين السفرة..
وقفت تناظر بطيفه اللي مشى وهي تشوف وسامته...محتارة بامرها ماتدري وش تسوي....لاتعرف تتصرف ولاهم يحزنون..بس مالها الاجواهر ونجود اليوم تروح تسولف معهم وتشوف رايهم بالسالفة,,,,
/////////////////////////////////////////////////////////
بمطعم مكسيم بالخبر....
//سالم/ها تطمنت اللحين؟
فهد حط جواله على الطاولة بعد ماانهى مكالمته وتنهد بارتياح/الحمد الله صوتها افضل من الصباح بمراحل...وبعدين هي وعدتني تشيل الضمادات بعد شوي من عيونها وتمرن عينها شوي شوي علشان تطيب بسرعة وتجيني...
سالم/..........
فهد/وش فيك ساكت؟
سالم/هبلت فيك ها النجود؟
فهد بدهشة/انا!!
سالم/ليش مستغرب!!ولامنت مصدق نفسك؟
فهد بغرور/انا محد يهبل فيني!!
سالم بشك/متاْكد!!
فهد بضعف وهو يحط الشوكة من يده/الا نجود؟؟؟
سالم/أي قول كذا...انا ولاعمري شفتك كذا....
فهد تنهد/نجود غيرتني..ووعدتني بتغير حياتي كلها...المشكلة ان التغير اللي سوته قاعد يريحيني حييل....
سالم/هكذا اذن فعل الحب بك ياصاحبي!!
فهد بالم وتعب/سالم انا مو عارف وش اسوي ..احب نجود وتعلقت فيها بدرجة كبيرة..لايمكن يمر يوم بدون مااسمع صوتها فيه!!!احس بضيق وتعب لو ماسمعت صوتها..ازعل لو كانت زعلانة وافرح لو كانت راضية ومرتاحة,,,,
انسانة فهمتني اني اغلى شي عندها بالدنيا..فهمتني ان رضاي وفرحي هم اهم شي بالعالم وقبل كل شي لازم تسعى لهم...
حسستني بقيمتي ياسالم واني اسوى كثير..كثير بنظرها..
ماابي اخسرها لو شيصير....
سالم/ليش تقولي ها الكلام وانا عارفه يافهد؟انت لو ماكنت تعزها كان ماهمك تترك كل شي بالرياض وتجي عندها تتطمن عليها بنفسك...ماكذبت على اهلك علشان تبقى جنبها..ولاقايل لهم بتروح جدة عندك قضية هناك وانت هنا مقابلها؟؟؟؟؟
فهد بضيق/المشكلة عندي عيالي...اخاف افتح لهم موضوع الزواج ومايتقبلونه..وخصوصا سارة اللي بديت اتقرب منها وبدت تتغير علشان ترضيني ياسالم!!
سالم/همك العيال وماهمك امهم!!!
فهد/امهم خلاص..ماعادت تعنيلي ولاشي ياسالم...كل اللي بينا انتهى من زمان واذا عطيتها فرصة مو معناته اني انتظر موافقتها ولارضاها..انا بسوي الشي اللي يريحني ياسالم...[س لو العيال اعترضوا شسوي ساعتها..اتزوج نجود بالسر؟؟؟؟بدون مايدروون؟
سالم/مافي شي يضل بالسر يافهد كل سر يبان مع الايام!!!!!
فهد/ادعيلي..انا محتاج دعواتك بقوة ياسالم..ماابي اخسر عيالي ولاابي اخسر الانسانة اللي حبيتها من كل قلبي,,,,,,,
////////////////////////////////////////////////////////////////////
مشاري/كيف تركي...
محمد غمز له وهو يطالع بمنال/اكيد غير!!
منال /وشو غير!!
مشاري ومحمد/هههههههه
منال/يامشينكم لاضحكتوا بروحكم بدون اسباب!!
محمد/نعم ابلة خير ان شاءالله سمعينا...
منال بخبث/اقول فوزية شارية لي شنطة توصلني اروح اخذها..
مشاري/وهي شاريتها انتي تروحين تاخذينها!!ليش مو هي تجي تجيبها لك مدامها هي شاريتها لك!!!!
محمد/ها...يمكن مامداها تجيبها..مو مشكلة قومي لبسي اوصلك؟
منال/ههههه أي بس انا ماقلت اللحين..وبعدين فوزية راحت شغلها اللحين مابترجع الا الساعة ثمان...
مشاري/وين تشتغل هي؟
محمد/وانت وش عليك تساْل !!خلك من زوجتك وبنتك وبس!!
مشاري/ها!!وش فيه ذا قلب الحبيب عليّ؟؟
منال/هههههه ليش مادريت يامشاري؟؟
وغمزت لمحمد بعيونها..
محمد/سكتي انتي بس سكتي ...
مشاري/شاالسالفة!!!شصاير انت وياها تكلموا بسرعة!!
منال وقفت/انا مالي شغل خل حمود الحبيبي الولهان يقول لك!!
محمد رمى عليها الوسايد اللي جنبه..
مشاري/خل اختك عنك وقول شسالفتك؟
محمد/هاذي ماتعرفها ..تحب تجيب سوالف من راسها وتورطنا فيها,,الله لايسامحها لكن وين بتروح مني االليلة مافي تشوف تريك جزاء لها!!!
//////////////////////////////////////////////////////////
بحديقة بيت السبيعي بعد الصلاة مباشرة..
نجود/والله راسي صدع ياجواهر خلاص مو قادرة..
جواهر/انتي موقلتي تبين تتمشين شوي وتغيرين جو السرير والتعب اللي فيه واللي حاسته قبل لايجون خوالك وخالاتك!!
نجود/أي بس حاسة اني مو قادرة..خلاص خلينا نرجع...
جواهر/وين قوتك راحت ها؟؟؟
نجود مدت يدها لجواهر علشان تسندها/طارت بالهواء......ولاتوقعت اني بتعب كذا....
مشوا لداخل وصادفتهم عبير بالصالة وقالت لهم انها بتجيب لهم الكيك وبتجي.....
عبير/وهاذي احلى كيكة علشانك يانجود..
جواهر/ها بس علشان نجود؟وانا وين رحت؟؟عطيني جوالي ادق على اخوك يعلمك!!
عبير/ههه بسم الله عليّّ وش قلت انا عاد!!!
جواهر/عشان تعرفين انا منو؟؟انتي هي نجود بلاش تحوسين بالضمادة لاتلوثينها؟شيلي يدك يالله!!
نجود وهي تحوس بالضمادة اللي فوق عيونها وشالتها كلها/اه ياراسي حاسة انه بينفجر...
عبير باسى/طيب ليش شلتيها يوم انها بتالم راسك اذا شفتي النور؟
نجود بتعب/لازم اعود عيني خلاص اليوم ثاني...ماابي بكرة يكون مثل اليوم ماباقي غير اربعة ايام وارجع اداوم تتخيلون شكلي وانا بالصف مو شايفة شي ومو قادرة على النور؟
عبير/طيب ومايقدر الدكتور يعطيك اجازة من هنا ولاهنا وانتي بعدك تعبانة؟
جواهر/هو الود وده انها تداوم من اليوم وتعيش بطبيعة...
نجود/لا انا قوية واكيد بكون عال العال وبطيب بسرعة..
عبير/ياليتني مثلك يانجود..اقدر اعطي نفسي دفعات امل ..
جواهر/ومن قال انك ماتقدرين ..اكيد تقدرين...
عبير سكتت وناظرت بالارض ونجود وجواهر ناظروا في بعض..
جواهر/بنت..في شي مانعرفه صاير معك؟
///////////////////////////////////////////////////////////
لمى/ماما بابا يقول للحين ماشرى لي حاجة؟
فيصل/انتي متى كلمتي البابا وماخليتنيني اكلمه!!!
ماما انتي وعدتيني تخليني اكلمه وماخليتيني كذبتي عليّّّ مايصير..وصار يضرب رجله بالارض..
نجلاء/قوم صير رجال بس قوم!!انا مااتصلت لها اصلا!!لمى انا كلمت ابوك؟
لمى/لا..
فيصل/ليش تكذبين اجل وتقولين انه ماشرى لك ولاشي؟
لمى/علشان خالتي ام مشاري اتصلت فيه وانا جنبها وخلتني اكلمه..
نجلاء/عشتوا انتي وخالتك ام مشاري!!وان شاءالله ليش هي متصلة فيه بالله!!
لمى/كانت تسال عنه وتقوله شخبارك ..ومن زمان ماسمعنا صوتك ..وطمنا عليك...
نجلاء بشماتة/ياسلاااام على الحنية!!!!مالت....الا هي متصلة علشان لو شرى لنا شي يشتري لهم اعرفها واعرف ابوك..اللحين اكيد مابيجي من جدة ويده فاضية لهم بيقول انا ام مشاري عندي مثل اختي ام مصعب وماتتركني لو وين اكون..مالت بس مالت..
فيصل/شلون يعني؟
نجلاء/يعني هاذي مصلحجية ..تتصل في ابوك علشان يجيب لها ويتشرى لها...
فيصل/مثلنا يعني نتصل فيه علشان نقوله بابا اشتري لنا هدايا!!
لمى/لاموصحيح احنا نحبه لانا ابونا...وبعدين الهدايا....
فيصل/لا الهدايا اول وبعدين لانه ابونا...ًح ماما؟
نجلاء/والله مدري كل واحد ونيته...وانت يالفتان صرت اخاف منك كل شي تقوله.....
سارة دخلت/السلام..
نجلاء/انتي من وين جاية؟؟؟قلتيلي انك بتطلعين؟
سارة ركبت الدرج/يوم كنت بطلع ماشفتك بوجهيّ!!وبعدين انا وحدة من البنات مرتني وتمشينا واخذنا لنا عشى وردينا يعني وين رح؟
نجلاء/طيب..يعني ماتبين عشى معنا!!
سارة/لا..انا بقعد بغرفتي اذاكر لاحد يزعجني!!
نجلاء/روحي يمه الله يوفقك....
///////////////////////////////////////////////////////////
عبير بهدوء/علي..
نجود وجواهر/شفيه!!
عبير تنهدت بقوة/متغير حييل..صاير انسان ثاني...
نجود/كيف يعني انسان ثاني!!
عبير تنهدت بقوة وطالعت بالارض وهي تتكلم/مدري....بس كل شي فيه متغير....صار يهتم فيني...ومعاملته معي تغيرت....حتى بعلاقتنا صار غير!!شقولكم..مدري وش اسوي...دايم يدلعني ويكلمني بحنان ورومنسية وشغف وكانا احنا حبيبن...
جواهر/وهذا اللي مزعلك؟
عبير باسى/لو ماهو علي اللي انا اعرفه كان مازعلت بس علي...يحب وحدة ثانية واخاف انه متغير علشان..
نجود قاطعتها/لاتكملين!!!غبية اذا فكرتي بها الطريقة السلبية!!!!فكري مرة وحدة بايجابية ولاتقتلين فيك انوثتك ياعبير!!!انتي حلوة وحنونة وطيوبة..وهادئة وكل الصفات البريئة والحلوة فيك..اي رجال بالعالم يبيك ويتمناك...ليش ماتفتحين صفحة جديدة وتبتدين حياة جدية وتستغلين تغيره لصالحك؟
عبير/أي بس...اخاف يانجود..
جواهر/تخافين من شنو؟مو تقولين تغير من كل النواحي!!وش اللي مخوفك؟
عبير وهي شبه تبكي/ولمياء!!وحبه لها!!!
نجود/اعقلي ياعبير ولاتخربي حياتك وبيتك بيدك!!يمكن انه اكتشف وحتى اذا كان اكتشافه متاْخر..انها وهم وانه مابيوصل لها..وانه شبه ضيعك من حياته ولازم يعوضك اللي راح!!ليش ماتقولين انه رد لصوابه ويبي يصلح غلطته معك..
جواهر/انا مكانك امسك بيده واكمل معه..معليش انجرحتي مرة ومرتين..بس بعد فكري بسلبياتك وبانك اهملتيه فترة مثل ماهو كان هاملك..واللحين صار الوقت اللي اثنينكم صار لازم تتخذون خطوة في بناء حياة جديدة وبلا ها المشاكل...استقروا جيبوا لكم عيال لمتى ..فرحونا يالله نبي وناسة بالبيت وصبي صغير يخدمنا!!!
نجود ابتسمت/سمعتي!!يالله روحي جيبي لنا صبي صغير يخدمنا..ومعليش لو صارت شغالة صغيرونة مابنقول لا؟؟؟
/////////////////////////////////////////////////////////////////////////////////////////////////////////////////////////////////////////////////
بمارينا مول...
دخلت لبنى المحل بعد مادق لها عبد العزيز وقال لها ان المحل فاضي وانه محمد اللي معه نزل ...
دخلت بسرعة وراحت عند الكاشير..
عبدالعزيز وعيونه على البا/هلا وغلا..نور المحل بتشريفك يالست لبنى..
لبنى فتحت لثامها/ست لبنى!!جديدة هاذي؟؟؟
عبدالعزيز كانت عيونه تسرق منها كم شوفة وهو يناظر بالبا ومو قادر يقاوم شوفتها..
حطت له الكيس على الطاولة/بالعافية..بس امانة تقولي رايك اول ماتذوقه!!
عبدالعزيز/يعني انتي طابخته وش تتوقعين بيكون راي!!والله لو هو مر بقولك احلى من العسل!!
لبنى/أي بس اتفقنا بدون مجاملات ..تعطيني رايك بصراحة!!!!
عبدالعزيز/شسوي انا بنفسي انتي كلك على بعضك عسل يعني أي شي تصلحينه بنفسك بيكون عسل وسكر بعد!!!
لبنى بدلع/متاْكد!!!!
عبدالعزيز بهمس/احبك...
لبنى تنهدت/وانا اكثر..
عبدالعزيزبالم/انا ماابي كذا يالبنى ماابي!!ابي نكون مع بعض مو نسرق شوفة بعض بالعجلة واحنا حاسين ان احنا مسويين جريمة؟؟؟
لبنى تنهدت وحطت لثامها/انا ماشية..مع السلامة..
ناظرها بشفقة وهو عارف انها تحسست وقال بتشفق/صدقيني من زود حبي لك اقول ها الكلام!!انتي عارفة انتي بالنسبة لي شنو؟؟؟مو معقولة نضل عمرنا كله كذا يالبنى مايصير!!!
لبنى بالم/الله كريم...ثقتي برب العالمين كبيرة...واثقة ان احنا لبعض وان حبنا بيخلينا ناخذ بعض رغم كل شي حولنا...واثقة ان احنا بنتحدى كل شي علشان ينتصر حبنا بالنهاية ياقلبي!!
عبدالعزيز بالم/والماديات!!وراي ابوك!!مالهم أي دور بحياتنا وعلى مصيرنا!!!!
لبنى مشت بدون ماترد عليه ويوم و صلت لعند الباب قالت له وهي تحاول تغير الجو وتلطفه/لاتنسى تدعيلي اذا عجبك الاكل....يالله بنتظار مكالمتك حبيبي....
طلعت من المحل ومشت بالمجمع وهي ماتدري لوين تروح...كانت نظارت عبدالعزيز ولهجته التعبانة والمتاْلمة قاعدة تشكلهابقلبها وهي مو قادرة تسوي شي ابدا!!!
قاعدة تعطي نفسها امل وتحاول تكون قدامه الانسانة الواثقة من مصيرهم وارتباطهم مع انها اكثر وحدة عارفة ابوها وانه مابيقتنع لو يموت على عبدالعزيز!!بس شتسوي مجرد بث الامل بنفسها يعطيها شعور غير ويعيشها بجو ثاني!!!!
//////////////////////////////////////////////////////////محمد/لاتقولين ولاشي زعلان منك حيل؟
فوزية/بسم الله الرحمان الرحيم!!!
محمد/أي والله...
فوزية/محمد شا السالفة؟؟خير شفيك؟
محمد/تساليني!!اسالي نفسك حضرتك؟
فوزية/لاتقول علشان امي ومصعب عندكم بالبيت واني مومعهم!!حبيبي تدري اني ماطلعت لسه من الدوام؟بس اول مااطلع بدق على امي اذا بعدها عندكم بجي ولايهمك...
محمد/بعد بعد!!هاذي سالفة ثانية ياحلوة؟
فوزية/يعني انت مو زعلان علشان كذا!!اجل لشنو انت زعلان ياعمري؟.
محمد/ليش انك ماخذة لمنالوا هدية ومو ماخذة حقي!!
فوزية/بس هذا اللي مزعلك!!!ويمكن اني شارية لك وبخليها مفاجاْة!!!
محمد/في ها الحالة..انا زعلان ليش انك ماجيتي البيت مع امك واخوك ولو اني مو بالبيت؟
فوزية/يعني الا تشوف لك مدخل زعل ولامايصير؟؟؟اه منك..
محمد/هههههههه مو من حقي اتدلع على حبيبتي؟
فوزية/المشكلة انك مو بالبيت وماتدري انهم هناك لو ماانا تكرمت وقلت لك!!بس شقول بعد امري لله...ملزومة ارضيك ولو ماكنت غلطانة..
محمد/بعشى ولا بغذى؟
فوزية/لا هذا ولاذاك..باخذ لك كيكة..ولاليش كيكة سينبون ويكفيك واذا مريت بيتكم بعدين بحطه اخذته اخذته مااخذته بكيفك!!!
محمد/افا!!!انا حمود بتراضيني بسينبون؟
فوزية/وبشنو تبي اراضيك بالله!!!
محمد/مو اقل من جو شاعري على شموع...وموسيقى هادية وحركات...
فوزية/ياسلاااام!!!تحلم؟
محمد/طيب احلم..مابتحقققين حلمي؟
فوزية/يبيلها تفكير عميق....شوف متى يجيك الرد ياولد امك وابوك؟
/////////////////////////////////////////////////////////
ام مشاري/كلمتي نجود تسالين عنها يامنال؟
منال/اليوم صراحة لا؟؟
ام مشاري/ليش؟
منال/والله انشغلت بتحضير العشى تركي قايل بيتعشى هنا الليلة..او بالاحرى انا عزمته الليلة على العشى مثل ماقلت لك؟
ام مشاري/أي..
منال/وبس..توني طالعة من المطبخ شوفة عينك بتحمم على مايجي..ماصار عندي وقت...
ام مشاري/لاتخلين تركي ياخذ كل وقتك ويشغلك عن كل شي...
منال بخجل/لامو كذا السالفة يمه..
ام مشاري/ماعليه يمه ..كلميها انا بكلمها بعد متولهة عليها بسمع صوتها..
منال/طيب...
مسكت جوالها ودقت على نجود...
ام مصعب/ياهل البيت..
ام مشاري/هلا ام مصعب حياك احنا بالصالة...
ام مصعب/معك احد..هذا مصعب بيسلم عليك..
منال اخذت شيلتها وحطتها على شعرها..
ام مشاري/ادخل ماكو غير منال...
ام مصعب/هلا يمه..
منال/هلا عمتي.....ووقفت بعيد تكلم,,,
منال/الو مرحبا..
جواهر/اهلين بالعروس...
منال/هلا والله بجواهر..كيفك ياقلبي اشتقنا لك..
وقف قلبه يوم سمع الاسم وناظر بمنال لاشعوريا وهو يبي يتاكد انها تعني جواهره هو اللي يحبها...
جواهر/الله يسلمك..
منال/شلون نجود اليوم؟
اللحين بس تاْكد انها هي المقصودة وتنهد من قلب وقف يسمع شبتقول لها بعد ماغير ها الاسم من لونه بالمرة؟
جواهر/دعواتك لها..ان شاءالله بخير...
منال/مشغولة؟
جواهر/والله معها خوالها داخل اذا تبين بدخل لها الجوال ولا بتدقين لها بوقت ثاني براحتك؟
منال/لا..كنت بكلمها..خلاص اكلمها بكرة..سلميلي عليها وتحمدي لها بالسلامة بالنيابة عني!
جواهر/ان شاءالله يوصل...سلمي على الاهل....
ام مصعب/ادخل يمه ليش واقف؟
مصعب/ها..لامعليش انا بس حبيت اسلم وبمر عمتي نجلاء بالمرة بسالها اذا كانت محتاجة شي هي ولاالعيال..
ام مصعب/وش بينقصها يعني!!!اسبوع اللي رايحه جدة اخوي ماهو شهر؟؟ماعندهم قاصر روح توكل بس ماله داعي..
مصعب/مايصير يمه..
ام مصعب/بكيفك....
طلع مصعب ولفت ام مشاري على ام مصعب/خير..مالك خلقهم ليش ان شاءالله؟
ام مصعب وهي تناظر بمنال/لا ولاشي سالفة بعدين اقولك عنها..
منال/انا استاْذن بروح اتجهز..
ام مصعب/وش عندك؟
منال/تركي جاي يتعشى هنا ..
ام مصعب/امممم...زين اللي بنشوفه..من يوم الملكة ماشفناه,,,,
**********بقسم ام فيصل,,,
نجلاء/هلا مصعب هلا حبيبي..
مصعب/عمتي ناقصك شي تبين شي؟
نجلاء/لاوالله يمه مو ناقصنا شي..عساك سالم ماتقصر..
مصعب/وين العيال اجل ماشفتهم في بيت خالي يوم امر قبل شوي؟
نجلاء/وي قطيعة تقطع بيت خالك الود ودي مايطبون بس فصيل هذا من يقدر عليه!!!!سارة بغرفتها ولمى نامت وفيصل تلاقيه يعفس من هنا وهنا مايقعد بمكانه,,
مصعب/ياحليله ابو فهد .....يالله انا ماشي تبين شي قبل لاامشي...
نجلاء/اقعد عاد من زمان ماشفتك..
مصعب/والله مااقدر مواعد واحد من الربع بمره حتى مشاري وانا جاي قال لي انه تركي بعد شوي بيجي يتعشى مع خطيبته اقعد سلم عليه وتعرف عليه اعتذرت منه وقلت له مرة ثانية ان شاءالله..
نجلاء/تركي بيجي؟؟؟تصدق ولااحد قال لي؟؟؟لكن زين؟
مصعب بارتباك/عمتي ماهي عزيمة..هو جاي لخطيبته..حتى خالي ماهو بالبيت؟
نجلاء/زين....
مصعب/يالله انا ماشي...
نجلاء/الله معك يايمه.....
////////////////////////////////////////////////////////////////////فهد كان واقف بالفندق قبال النافذة ..
وسالم يطالع بالتلفزيون..
فهد/تهقى طلعوا خوالها ولالسه؟
سالم بلامبالاة/لسه..
فهد/وليش مطولين عاد؟
سالم/توها ماصارت تسع ونص؟؟؟عندك الليل بطوله تكلمها اعتق البنت شوي وخلها عند اهلها..
فهد/أي بس هي تعبانة ولازم ادير بالي عليها...
سالم/أي بس ياقلبي..لاتنسى انك للحين مافاتحت ست الحسن والدلال..
فهد بعصبية/سالم؟؟
سالم/تصدق مرتك تذكرني بطليقتي...
فهد/خلاص عاد؟
سالم/مادقت عليك ولامرة من جينا الشرقية؟؟يعني من ثلاث ايام!!حتى عيالك اشوفك ياتدق انت لهم على البيت ولا يكلمونك هم من بيت عمهم؟؟؟؟
فهد سكت وماعلق..
سالم/فهد,,اتخذ قرارك بسرعة قبل لايمشي فيك الوقت ياخوي..ساعتها ماراح يفيدك ندمك....
فهد/الله كريم ياسالم الله كريم....والله ان عقلي كله مشغول وماهو قادر يستقر بتفكير ابدا!!
سالم/انا مثلك يافهد.....بس الفرق بيني وبينك اني للحين مالقيت لي وحدة تشاركني حياتي وتبدي معي من جديد ..بس انت عندك النعمة تحت رجلك ورافسها ومو مقدر ثمنها؟
فهد بنرفزة/سالم انت تعرف غلاوة نجود عندي ..بس انا فعلا محتار ماابي ابني سعادتي على حساب عيالي وبيتي اللي بينهدم من ها الزواج؟
سالم بعصبية/بالله ماتقول لي بيتك وش اللي بيهدمه اذا تزوجت؟
فهد/نجلاء ومن غيرها؟
سالم/ومن متى انت تاخذ راي نجلاء بعين الاعتبار ولاتخوفك تصرفاتها؟؟
فهد بعصبية/ياسالم انا نجلاء عمرها ماتهمني ولابتهمني بعد!!بس ماابيها تاْثر على العيال من هنا ومن هنا وتقلبهم عليّّوخصوصا سارة اللي قاعد استميلها ناحيتي...اي صدق ذكرتني اليوم ماسمعت صوتها..خل ادق عليها يمكن انها مانامت والاكيد انها مانامت وان البيت مقلوب فوق تحت بغيابي....
مسك جواله ودق على البيت وردت عليه الشغالة وسال عن نجلاء وقالت له انها في قسم اخوه بو مشاري وسالها عن سارة وراحت تناديها..
سارة بفرح/هلا بابا..
فهد/انا ازعل منك ولاافرح لاني سمعت صوتك ياسارة؟
سارة/ليش؟
فهد/كم الساعة اللحين؟مو المفروض تكونين بفراشك ياباب؟ولاعلشاني مو موجود ماخذة راحتك بالسهر..
سارة بارتباك/لا بابا...انا عندي امتحان بكرة وقاعدة اذاكره...
فهد بتاْنيب/وطول العصر والضهر والمغرب وش كنتي تسوين؟
سارة بارتباك/كان بطني يعورني ويادوب حليت واجباتي وريحت شوي واللحين قاعدة اذاكر ماابي اروح الامتحان بكرة وانا مو عارفة احل..وتوني بدخل فراشي نادتني الشغالة وقالت انك تبيني وقلت اكيد ان بطني عورني اليوم لاني ماسمعت صوتك؟
فهد/انا دقيت اليوم وفيصل قال انك مو هنا؟
سارة/كنت مع مي ...
فهد/طيب امك ليش رايحة بيت عمك؟
سارة/امي!!والله مدري اقولك داخلة بنام....
فهد/خلاص بابا انتبهي على نفسك وروحي نامي..بكلمك بكرة اشوف وش سويتي بالامتحان طيب..
سارة/مدام سمعت صوتك اكيد بسوي زين..بابا اذا قلت لك بكرة اني سويت لك زين وش بتشتريلي من جدة؟
فهد/اللي اشوفه يناسبك يابابا...تصبحين على خير...
////////////////////////////////////////////////////////////////////////

 
 

 

عرض البوم صور بياض الصبح   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملح الحياة, للكاتبة ملح الحياة و سكرها, ليلاس, القسم العام للقصص و الروايات, اعتراض, شرعك اللهم, شرعك اللهم و لا اعتراض كاملة, سكرها, قصه مكتملة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t147274.html
أرسلت بواسطة For Type التاريخ
ط£ط¯ظ„ظ‰ ط§ظ„ط¨ط§ط±ظٹطھ ظ…ط­ط·ظ… ظپظٹ ط§ظ„ظ‡ظ†ط¯ - ظƒط³ط§ط±ط© ط§ظ„ظپظƒ This thread Refback 24-08-14 11:43 AM
ظ†طھ ط³غŒطھغŒ ظ‚طµظٹط¯ظ‡ ظٹط§ط¨ظ†ط¯ط± ط§ظ„ط¹ط¨ ظˆط¬ظˆط± ط§ظ„ظˆظ‚طھ ظ„ط§ظٹظ‡ظ…ظƒ This thread Refback 15-08-14 04:20 PM
ط´ط±ط¹ظƒ ط§ظ„ظ„ظ‡ظ… ظˆظ„ط§ ط§ط¹طھط±ط§ط¶ ظ„ظ„ظƒط§طھط¨ط© This thread Refback 03-08-14 09:34 AM
ط´ط±ط¹ظƒ ط§ظ„ظ„ظ‡ظ… ظˆ ظ„ط§ ط¥ط¹طھط±ط§ط¶ ظƒط§ظ…ظ„ط© This thread Refback 03-08-14 09:27 AM


الساعة الآن 05:39 PM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية