لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (4) أدوات الموضوع انواع عرض الموضوع
قديم 18-08-10, 10:38 PM   المشاركة رقم: 6
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

البارت الرابع..,,,

تقرب منها فهد لسريرها وهو عيونه طالعة من كثر الشرر اللي فيها.....
فهد/من تكلمين ها الحزة؟
سارة بخوف وهي تتراجف وحاطة يدها على التلفون علشان اللي على الخط مايسمع/هاذي صديقتي يبى..
فهد مسك الجوال من يدها بقوة وحطه سبيكر ..
ملاك بنعومة/الو...سارونة وينك وين رحتي؟
فهد اشر لها تقولها انها بتروح تناموشالت سارة الجوال بسرعة وهي خايفة وقالت لملاك/معليش انا مضطرة اخليك اللحين بدق لك بعدين باي....وقفلت الجوال بسرعة..
فهد بصرامة وقوة/انتي عارفة كم الساعة اللحين؟
سارة بدت تبكي/.................
فهد بنفس الصرامة/اللحين الساعة فوق الوحدة!!!ممكن تقولين لي شمسهرك لهحزة بالله!!!!
سارة مافي غير صوت دموعها.............
فهد تابع كلامه بنفس اسلوبه/وبعدين صديقتك عندك اياها طول اليوم بالمدرسة واذا ماكفتكم المدرسة عندك التلفون طول النهار ليش بالله تكلمينها ها الوقت!!!!!الغلط مو عليك الغلط على امك اصلا اللي مااخذت بال منك لو كنتي نايمة لو سهرانة؟؟؟الجوال وباخذه ومافي جوال بعد اليوم...انا طلعت لك جوال مو علشان تمسكينه اخر الليل وسوالف مع صاحباتك بدل ماتنامين!!!!!!
اخذ الجوال منها وطلع وهي انهارت بالبكي...............
//////////////////////////////////////////////////هنوف قاعدة بغرفتها وماسكة جوالها ودفترها.....
دقت عليه مرتين كان جواله مقفل....
هنوف بقهر/اوووف ليش مقفل جواله بالله!!!!مايدري ان في ناس تموت على ماتسمع صوته!!!!!!اه يابعد عمري لو تدري ان حبك بقلبي كل يوم يكبر اكثر من اليوم اللي قبله وان عيوني ماتشوف غيرك بها العالم,,كان مالمتني على حبي لك دقيقة وحدة,,,,ياترى شنهو شعورك ناحيتي ياعمري!!!لو عرفت عن حبي لك بتحبني؟؟؟ولا منت مهتم؟؟؟؟؟ياترى في وحدة ثانية في بالك ولا قلبك خالي ومستريح؟؟؟؟طيب واذا عرفت اني اهيم بك واعشق ترابك وش راح تسوي...بتبادلني مشاعري وبنعيش حبنا مع بعض ولالا؟؟؟؟
كلمة لا بس خوفتها وخلتها تفزع وتعتدل بقعدتها,,,,,معقول لا؟؟؟معقول مايتبادلون الحب بيوم من الايام!!!!!هي تحبه من زمان وشايلة حبه بقلبها من الصغر وكل يوم يزيد حبها له بس ماعمرها قالت له ها الشي ولابينته له؟؟؟؟ياترى ممكن انه مايبادلها شعورها وتكون مشاعرها من طرف واحد بس!!!!!!!
لا هي ماتبي ها الفكرة اصلا تجول في بالها ؟؟؟؟؟؟
/////////////////////////////////////////////////////////////نجود بها الليلة بعد جافاها النوم,,,,,
كانت تناظر بجدران الغرفة الضيقة اللي ضمتها ها اليومين....
تسندت على المخدة ورفعت راسها بعد ماشغلت الاباجورة اللي جنب سريرها....
الغرفة كانت عادية جدا سريرها ولازق بالجدار وجنبه كومديون صغيرة عليها الاباجورة وساعة المنبه.....
وقبال السرير مكتبها وكرسيها واللي لام اغراض المدرسة ودفتر التحضير وكل مستلزمات المدرسة....
وقريب من الباب كانت في ثلاجة متوسطة شراها لها ناصر رغم اعتراضاها عليها وتحججها بان المطبخ فيه ثلاجة بس ابتسمت بها اللحظة وشكرت ناصر ....لان وضع الشقة ابدا ماكان مثل ماتخيلته...هي انسانة اجتماعية جدا وماتحب تقعد بروجها وماتحب تظل ساكتة تبي تسولف طول الوقت واللي معاها بالشقة كلهم مسكرين عليهم ابواب غرفهم!!!!
كملت عيونها تدور بالغرفة وكانها تكتشفها لااول مرة...جنب الثلاجة كانت حاطة طاولة وعليها غلاي وبعض الصحون والملاعق والكاسات.....وعلبة كلينكس.....
وبالزاوية كان في دولاب صغير ضام ثيابها وباقي اغراضها.....
ومفكرة انها تاخذ كرسيين وتحطهم جنب المكتب علشان تملي المكان الفاضي وبنفس الوقت لو زارها احد ممكن يقعد عليه....
تنهدت وهي تذكر جواهر اللي بعيدة عنها....صديقة الطفولة وصبا الجيران ورفيقة لمراهقة ومكملة درب الشباب.........اول مرة يبتعدون عن بعض صحيح انها باليوم تكلمها اربع ولا خمس مرات بس حاسة انها فعلا بعيدة عنها وانها محتاجة لها حييل بها الوقت ومحتاجة تسولف معها اكثر من أي وقت مضى؟؟
الله يلعن الغربة والوحدة.....حتى هيا مفتقدة وجودها الدايم بقربي وخوفها علي من نسمة الهوا؟؟؟ياترى لو هيا هنا معي كان قعدت بها الضيق؟؟؟طبعا لا,,,هيا ماراح تخليني اتضايق وهي موجودة بتشيل الضيق من كوني وبتخليني اميرة ومرتاحة قبل اطلب الشي يجيني,,,,وينك ياهيا..وينك يااختي..اللحين حسيت بمدى حبك لي وصدقيني انا محتاجتك كثير...ماصار لي غير يومين وانا افتقدكم......امي الغالية.....تعالي يوم واحد بس عيشي معي...انا متضايقة حييل وناستي بس داخل المدرسة اللي ممكن اتكلم مع أي انسان بس لمى ارجع هنا مالاقي أي انسان يضحك في وجهي ولاحتى يناظرني......اه.....شقول وشسولف لكم.....لو نزلت لكم الاسبوع هذا؟؟اقول لكم ان العيشة مرة وماتنطاق؟؟؟اقولكم التوبة وماابتعد عنكم من جديد؟؟؟
حتى حبيب ماعندي يكلمني ويطمن علي واكلمه واسهر معه؟؟؟؟تذكرت كل الشباب اللي مروا عليها بحياتها واللي كانت تعتبرهم تافهين جدا !!!
واولهم رائد ولد جيرانهم......واللي بالروحة وبالجية من ايام الكلية وهو عسكر يمشي وراها وكم هوشة تهاوش معاه ناصر بس بدون فايدة ظل يمشي مثل ظلها ؟؟؟؟؟؟
محمد....واللي التقت فيه مرة بالصدفة وهم رايحين المدينة وكلمته مرتين لااقل ولااكثر واكتشفت ان شاب من شباب ها اليومين وكلام الحب مغرقنه وهو مابعد عرفها!!!شلون بس حيها؟؟؟كانت تتضايق من ها النوع من الشباب اللي يبيع مشاعره بسهولة ويصرح بكلام الحب وهو مابعد جرب لذة الحب او على الاقل حس فيه..كل اللي كان باعتقادها ان الشاب يتعرف على بنت ويقولها انا احبك علشان تناْسر بكلمته وتظل متجاوبة معه طول الوقت....
بس هي كانت تدور حبيب من نوع ثاني...حبيبي مو طايش..عاقل,, رزين ,,,ثقيل,,هيبة,,,فاهم بالعلاقة وبللي تبيه المراْة منه,,,,ناضج بما في الكلمة من معنى مو مجرد كلام!!!!بس ياترى يانجود متى راح تشوفين ها لانسان اللي تدورينه؟؟؟؟وهل بتشوفينه اصلا لو بتظلين طول عمرك تنتظرينه يجي بدوون امل؟؟؟؟؟؟؟
//////////////////////////////////////////////////////////اصعب خيار يعيشه الانسان هو انه يعيش مثل عيشة علي؟؟؟
متزوج بنت عمه وهو مايبيها ولاهو متقبل وجودها...عايش على ذكرى الحبيبية الاولية اللي مايدري وينها فيه ولا شلي صار لها..فجاْة راحت ومالقى لها أي اثر ولاحتى تركت له رقم يتصل فيه بعد ماكنسلت رقم جوالها الاولي!!!!!
اه ياعلي اه...عيشتك صعبة وماحد حاس فيك ابدا!!!!تلفت للجهة اللي نايمة فيها عبير ولقاها نايمة بس الهم كله مبين عليها...هو عارف انه ظالمها بس هو بعد انظلم يوم اخذها وهو مايبيها.....المشكلة الاكبر ان علاقته بابوه انقطعت...لابينهم سالفة ولاهم يحزنون؟؟؟كل اللي بينهم سلام وبس!!!!وعلي يقعد ووجوده مثل عدمه لايتكلم ولايسولف معه وكل ماجا لها العلاقة تفتر بينهم.....
ياترى ياحبي انتي تذكريني للحين ولا نسيتنيني؟؟؟؟انا فعلا مو قادر انساك يااول حب بحياتي .....بس صدقيني بظل على ذكراك لين اعرف عنك أي شي وياربي تكونين بخير وبعافية وتردين لي ونكمل حياتنا مع بعض.....
تنهد بقوة...هو محتاج لااحد يسولف معه بها الوقت ومافي غير بندر اللي بسابع نومة بس مو مشكلة يقعده من نومته ليش محسوب عليه صاحب!!!!
اخذ جواله وقام من فراشه وطلع برى الغرفة....
//////////////////////////////////////////////////////////بعد ماطلع من غرفتها وقف عند بداية الدرج وهو متضايق اصعب شي تتعامل مع بنت مراهقة!!!!المشكلة ان نجلاء مو متساعدة معه بالعملية هو يقول لا وهي من وراه تسوي الشي؟؟؟؟
سارة معاملتها لازم تكون شكل ثاني....مو معقولة تسوي كل اللي براسها بحجة انها مراهقة!!!كلنا راهقنا ومرينا بها الفترة بس ماسوينا كل شي براسنا...بكرة بتقول بسوق سيارة وتخليها امها ماعندها مانع!!!!
لالالا كذا ماينفع...لازم ها الاسبوع اقعد مع منال وفوزية واسالهم وش اسوي معها لاني اذا بترك السالفة على نجلاء بروح فيها.......
شاف جوال سارة وتردد يفتحه ولالا....بس حطه بجيبه وتوجه لغرفة نومه.....وظل واقف عند بابا الغرفة.....
طيب يافهد هذا انت تطمنت على عيالك وانهم ناموا وان كل شي بخير بتدخل تنام غصب وانت مو نعسان!!!!
انت اللحين دورك محتاج تتكلم مع أي احد وتخليه ياخذ بللي خاطرك.....
مستحيل اصحي نجلاء من نومها لعدة اسباب...انها مو هي اللي سالتني وش فيك وش اللي تفكر فيه وانا ماافرض نفسي على أي احد؟؟؟والسبب الثاني انها قعدت معي مرتين وماعرفت تستنزف اللي بداخلي ولاتخليني اتكلم لها وقلبت السالفة من جديد على البيت والعيال؟؟وها الشي اللي مااحبه فيها؟؟؟ان مشاعري ماصارت لها قيمة ولااحد يسالني عنها ولا عن الشي اللي افكر فيه؟؟؟؟؟
تنهد ونزل لمكتبه يكمل هوجاسه مع نفسه؟؟؟؟؟
/////////////////////////////////////////////////////////////اليوم الثاني.....
من الساعة خمس ونص....
دقت جواهر على بندر اللي كان بسابع نومة وبالموت رفعها وصوته كله نوم...
بندر/الو...
جواهر/أي وانا اقول ليش حضرته مااتصل يصحيني مثل كل يوم الا هو غرقان بالعسل!!!
بندر/هلا حبيبي صباح الخير....
جواهر/صباح الانوار...
بندر/ليش كم الساعة اللحين؟
جواهر/خمس ونص؟؟
بندر/جد!!!نسيت اصحيك والله؟؟؟اصلا راحت علي نومة؟
جواهر/ياسلااااااام!!!يعني لو ماقمت باللحظة الاخيرة كنت قطعت الامل ...وانا اقول ليش مااتصل يصحيني مثل كل يوم؟
بندر/والله حبي مانمت الامتاْخر؟
جواهر/ها!!!شكلك قاعد تلعب بذيلك من وراي!!!!!انا مو مكلمتك الساعة وحدة الاربع وكنت خلاص منتهي ودايخ وحالتك لله ورايح فيها وقلت مافيني اقاوم خلاص بنام!!!!بعد وش اللي قومك بعدين؟؟؟
بندر/هههه والله علي دق علي الساعة ثنتين ونص ودقينها سوالف لين اربع وشوي وحاس نفسي متكسر وماني قادر اقوم......
جواهر/ياشينه علي بعد!!!اللحين مرته وعنده بعد يتصل فيك ويزعجك ويضيق خلقك ويطير نومك ليش انا ابي افهمّ!!!!شوف هذا انت تعبان ومنت قادر تقوم وبظل احاتيك طول اليوم ماسوى فيني خير علي بصراحة!!!(قالت اخر كلمات بدلع وحب)
بندر بحب/ياحبي لك ياجوهرتي...ضايق خلقك علي!!! اموت انا فيك....ويلوموني ها العالم ليش احبك؟
جواهر/هههه ومنو اللي يلومك يالعيار!!!ومحد يدري بسالفتنا!!!!
بندر/هههه والله هذا اللي طلع معي....شخبار نجود؟
جواهر تنهدت/مو مصدقة متى يمشي اليوم وبكرة علشان تجينا!!وحشتني مووت؟
بندر بخبث/بس هي اللي وحشتك؟
جواهر بغلا/والله عاد في ناس واحشيني بس ماهم راضيين يحنون علينا ويجون لنا!!!
بندر بخبث اكثر/طيب يمكن انتي ماسويتي لهم اغراء جامد علشان يتشجعون يجون؟؟؟مثلا قولي لهم اول ماتطب الشرقية بتاخذ بوسة مني,,,ولا بحضنك بقوة وماببعدك عني,,,ولا..
قاطعته جواهر/معناته انت مابتجي علشاني بتجي علشان شي ثاني!!!ولا نك شرير وبانت نياتك مالك ولاشي اذا شفتك؟؟؟
بندر/هههههههه حرام عليك....
جواهر/خلاص حبيبي بقوم اخلص لايجي السايق....مو تنام ترى اذا طلعت من البيت برجع اتصل فيك..
بندر/لا خلاص صحصحت.....اكلمك بعدين..باي حبي...
////////////////////////////////////////////
في مدرسة البنات وقت الفسحة....
مروة /اسمع جونا بنات المتوسط؟
الجازي/اكيد علشان سارة هانم تشوف ملاك؟؟؟مدري وش شايفة فيها الحمد الله والشكر؟؟
مروة/بعد ماتعرفين سوالف بنات متوسط ها المراهقات!!!
مي وسارة/هااااااااي..
مروة/هاااي..
الجازي/خير ان شاءالله وش تبون؟
سارة/وينها؟
مروة/كاهي قاعدة جنب مزنة؟
لفت سارة وشافتها وراحت لها.....
سارة/هاااي ملاك..
ملاك رفعت راسها وابتسمت/اهلين سارونة...وش فيك البارح؟
سارة بارتباك/ها..لا هذا فيصل اخوي الصغير كان يلعب باغراضي ويوم جيت اشيلهم اخذ جوالي وطيحه وانكسر!!!!اليوم بطلع اخذ لي جهاز ثاني....
ملاك/ورى ماتطلعين لك رقم ثاني!!!علشان لاتحتاسين بدل ماتعطلين نفسك لين تاخذين الجهاز الثاني طلعي لك رقم ثاني وخليه تحت الاحتياط؟
سارة/أي بطلع لي انا....
مروة تهمس للجازي علشان مي ماتسمعهم/من حق بتطلع لها واحد ثاني!!!هذا عمي بالموت اخذه لها يقول صغيرة وماتحتاج بس لان خالتي نجلاء اصرت وقالت مايصير كل البنات عندهم جوالات الا هي وطلع لها..قالت بتطلع ثاني؟؟؟
الجازي/انا بيني وبينك مااتحمل تصرفاتها ابدا!!!!
مروة/تعالي شوفيها بالبيت على بالها انها اميرة وكل اللي حوالينها خدم!!!
مروة/اقول مي..هو صدق فيصل كسر جوالها؟
مي/لا
...بس موتقولين لها
مروة/أي وانا اقول شكلها اليوم الصبح يدل على انها طالعة من سالفة عويصة قولي شمهببة بالله!!!
مي/مو تقولون لها وتقول انا اللي قلت لكم؟؟
الجازي/افا بس افا...قولي....
مي/البارحة عمي سمعها تكلم بالتلفون ودخل عليها الغرفة وهاوشها واخذ تلفونها وقال لها انه مابيعطيها اياه خلاص...
مروة/ومن كانت تكلم؟
مي/ملاك؟
الجازي/أي بس هي تنام بدري خالي مايرضى يسهرون؟
مي/امس كان عمي مو موجود بالبيت واخذتها فرصة نامت العصر بطوله علشان تسهر الليل مثل ملاك ويوم جا ابوها سمعها تكلم وقال لها انا قايل لك تلفونات بعد الساعة تسع مافي انتي قاعدة تكلمين الساعة وحدة....صادر جوالها طبعا!!!
الجازي/تستاهل بللي مايردها....
دق جرس الفسحة وطلعوا مها ومنال ونجود علشان يدخلون البنات....
نجود/هذا اكره موقف مااحبه.....
منال/لازم تعتادين عليه...يالله يابنات كل وحدة على فصلها....
مها راحت قرب ملاك/ها ملاك شلونك...شلون الوالدة عساها بخير....
ملاك/اهلا ابلة مها....على فكرة انا جايبة لك هدية ذكريني بعدين اعطيك اياها لاني مالي خلق ارجع فيها البيت..
مها/تسلمين ياعمري عساني مانحرم منك.....
مروة نادت منال وراحت وقفت معهم....وعيون ملاك عليهم.....
مشوا بعدها ومنال رجعت عند نجود..
نجود/تصدقين تشبهك ها البنت اللي كنتي واقفة معاها؟
منال/ههه هاذي اختي يانجود...
نجود/لا!!!جد...ادرسها انا...زين بتولاها..
منال/ههه حرام عليك ..
نجود/هههههه
ملاك بصوت يسمع نجود/ان شاءالله دوم ها الضحكة بدل الصراخ اللي نسمعه بالفصل؟؟؟
نجود لفت عليها/ملاك مارحتي فصلك وش تسوين بالله واقفة!!!تبين تتاْخرين على حصتك؟
ملاك/طيب هذا انا رايحة...
نجود/وينك....تعالي شيلي قراطيسك؟؟؟مو انتي اللي اكلتي شيليهم ولامتعودة في ناس وراك تشيل؟؟؟
مها/ملاك روحي فصلك....
ملاك راحت وشالت القراطيس وهي تضحك ومها تغلي ونجود ابتسمت ابتسامة نصر داخلية....
ملاك/تبين شي بعد ابلة نجود؟
نجود/أي...الحصة الخامسة بعد مايدق الجرس كل الفصل الاقيه بالمكتبة وياويلها ياسواد ليلها اللي بتتاْخر ياملاك!!!سامعتني الكلام لك على فكرة؟؟؟
ملاك/اووووووووف انا مااحب المكتبة عطينا الدرس بالفصل؟
نجود/لاوالله!!!شرايك بعد تجين تقولين لي وش اعطيكم اليوم بعد!!!!اقول روحي فصلك بس لاتتاْخرين على الحصة؟؟؟؟
ومشت مع منال ومها بعدها واقفة..
مها/ولايهمك ياملاك انا ب..
ملاك/وش بتسوين؟
مها/بعطيها لفت نظر على معاملتها..
ملاك ضحكت/لالالا..خليها.....شكلنا بنبدي سالفة جديدة مع ابلة نجود......ابلة مها انتي مالك شغل بابلة نجود ولاتعكرينها في شي انا اللي بكون مسئولة عنها......
قالت كلامها وراحت الفصل بسرعة علشان تلحق على مروة.....
//////////////////////////////////////////////////////////////في مكتب فهد الفارس....
السكرتير/ابو فيصل في زيارة لك....
فهد رفع راسه/من منو؟
السكرتير/........
فهد/بدون موعد؟اذا بدون موعد لاتدخله؟
السكرتير/أي بس هو يقول انه بيدخل حتى لو بدون موعد ..
فهد/ياسلام!!!ومن قال اني بشوفه بدون موعد؟؟؟روح قوله ان الاستاذ فهد مشغول اذا تبي اخذ موعد قريب بس اللحين مايقدر يشوفك....
مصعب من عند الباب/افا بس ياخالي!!!شدعوة مواعيد..السالفة ومافيها مشتاق لك قلت امر اسلم عليك وادردش معك شوي؟
رفع فهد راسه وشاف مصعب متسند على الباب وهو مبتسم.....
وطلع السكرتير
فهد بصرامة متعود عليها مصعب/أي بس انت تعرفني يامصعب وقت الشغل للشغل بس ومااحب اخلط الشغل بالدردشة؟؟؟ندردش بغير وقت مو بوقت العمل؟
مصعب دخل وماكانه سمع شي وقعد على الكرسي اللي قبال فهد/خالي عاد..اترك عنك ها الجدية شوي..ترى ماطلع ها الشيب اللي براسك الا من ها الجدية اللي انت فيها!!!!
فهد/وش بغيت؟
مصعب/من اسبوع ماشفتك قلت امر اسولف معك وبالمرة اعزمك على غذى بمطعم من ها المطاعم الزينة على حسابك؟؟
فهد/..............
مصعب/اضحك عاد ياخالي والله تفسي اشوفك تضحك!!!!
فهد/كثرة الضحك تميت القلب!!!!
مصعب/أي بس بعد عدم الضحك يطلع الشيب ياخالي!!!!!انا اموت واعرف انت حتى بغرفة النوم كذا!!!اذا كنت كذا فاانت رجل لاتطاق؟؟؟؟
فهد/يالله عاد سولف مثل الاوادم وبلا ها المصاخة؟؟؟
مصعب/مافي غير عمي سالم اللي يعرف فضايحك..اقول خالي دق عليه خل يجي يتغذى معنا؟
فهد/وليش؟
مصعب بخبث/والله مشتاق له من زمان ماشفته؟
فهد/انا ادري وش تبي تسمع منه..بس بدق عليه علشان اشوف سالفته وش سوى فيها؟
مصعب/خير ان شاءالله؟
فهد/بيطلق مرته؟
مصعب/لا؟؟؟ليش عاد!!!!
فهد/امور صعب يتفاهمون فيها......والطلاق هو الحل النهائي..
مصعب/طيب وعياله ياخالي!!!
فهد/بيظلون عنده.....اصغر عياله باول ابتدائي....يعني ماهو صغير وبحاجة ام..
مصعب/خالي ..بااول ابتدائي ماهو صغير؟؟؟من صدقك عاد؟؟؟لاوالله محتاج ام واكثر من ام بعد!!!!من بيلحق على طلباتهم ان شاءالله..مو ولده الكبير بثالث متوسط؟
فهد/أي....حاليا عندهم الشغالة ومعهم عمتهم وهو بيتزوج وبيجيبها لهم؟
مصعب/أي بس مو شرط انه يتزوج وحدة تتقبل عياله وتقوم فيهم؟
فهد/هو بيني وبينك هذا اللي بيصير؟؟مو من الوحدة اللي بيتزوجها لا..من سالم نفسه لانه يبيها له ..تقوم فيه وتهتم فيه هو..مو لعياله....
مصعب/طيب انت ليش مانصحته يغير رايه ياخالي؟
فهد/أي بس انا اللي عارض عليه فكرة الزواج يامصعب؟
مصعب/انت ياخالي!!!!انت بتشتت عيلته وبتهدم حياة عياله؟؟طيب ليش ؟؟؟
فهد بصرامة/يتزوج وتكون بين يدينه بنت وقت مايبي ولاكل يوم والثاني وطالع لي مع بنت ومسوي معها علاقة!!!!مصعب الكلام هذا بيني وبينك ولاني اثق فيك....سالم خياناته لمرته هي اللي وصلتهم لمرحلة الطلاق؟؟؟مافي وحدة بتظل راضية عن خياناته؟؟؟وهي راضية بس علشان يظل يصرف عليها؟؟؟؟هو يبي وحدة تكون جنبه علطول وها العلاقات محرمة اولا وبتفلسه ثانيا وثالثا بتبعده عن عياله...لكن اذا تزوجها وجابها البيت بيكون مع عياله وبتكون زوجته وبالحلال مو بالحرام!!!!
مصعب/والله مدري شقولك ياخالي......
//////////////////////////////////////////////////////////هيا تكلم نجود/وشلون البنات والابلات اللي معك؟
نجود/والله للحين الصورة مو مبينة واضحة...البنات يموتون رعب مني يعني ماتغيرت بعدني على نفس اطباعي اما المعلمات فمعظمهم كبار ومااختلطت فيهم الا بمواضيع عادية بس مثل ماقلت لك الثنتين اللي من عمري اروح واجي معهم هم اللي ظالة معهم....
هيا/يالله ماتدرين شقد احاتيك ياعمري...
نجود/انا بخير ياهيا لاتخافين علي....
هيا/اكيد...
نجود/صدقيني...انتوا بالبيت شخباركم..امي وخالتي وابوي..وباقي شلة الانس؟
هيا/كلنا على حالنا والبيت ناقصته انتي....اليوم بيكون طويل ....صحيح كيف بتنزلين بكرة طيران ولا بالسيارة؟
نجود/تصدقين مدري للحين انا ماحجزت لي وبشوف ناصراذا بيقدر يجيني ولا ...
هيا/اذا بيجيك بجي معه..ماتدرين شكثر انتي واحشتني؟
نجود/تسلمين ياهيا...
هيا/أي صدق حبيبتي اخذت لك تنورتين وثلاث بلايز...عسى بس الوضع تمام ومافي اعتراضات على الالوان؟
نجود/والله مااشوف فيهم صرامة ...وبعدين انا مطنشة بلبس اللي يعجبني وماتهمني ها المراقبة الزفتة؟
هيا بخوف/ليش وش مسوية لك؟
نجود/ولاشي..اصلا ماتقدر تسويلي شي وانا نجود؟؟؟بس ماهي طايقتني..اذا جيت اقولك بالسالفة اللحين وراي حصة ...وماابي اتاخر عليهم.....
هيا/يالله حياتي باي.....
لبنى/ها...انفتحت نفسيتك يوم كلمتيها؟
هيا بفرح/اكيد....
لبنى/الحمد الله..انا اول مرة اشوف وحدة تحب اختها وتموت فيها!!!! على الاقل حبيني انا انا بنت عمك؟
هيا/وش اسوي فيك بالله!!!!عندي القمر بكبره نجود اتركها واحبك انتي؟؟ليش ان شاءالله عمية مااشوف؟؟؟
////////////////////////////////////////////////////
محمد يتمشى بالمول.....
وماشي ورى بنت حلوة على قولته..
محمد/يا انك تعبتيني من جد؟؟
البنت/..........
محمد/طيب بس اخذي الرقم وكلميني وخلينا نتفاهم؟
البنت/.................
محمد/والله انك دخلتي بالي من اول ماشافتك؟
البنت/................
محمد/انا تارك شغلي ومصالحي وقاعد امشي وراك وانتي مو معبرتني؟؟طيب ليش؟؟
البنت وقفت فجاْة ومحمد انبسط..
محمد/ها بيلين القلب شكله؟؟؟
البنت لفت عليه وشالت نقابها وتفاجاْ محمد..
محمد بارتبك/نورة؟؟
نورة/أي الي كنت تكلمني قبل شهرين وبعدها تركتني يالكذاب!!!!وش تبي ان شاءالله؟؟؟؟
محمد/........(وش ها البلشة)
نورة/اشوف ايام ماتركتني صرت امشي وراك وقمت تتحجج من هنا ومن هنا لين تركتني؟؟؟اللحين جاي تركض وراي لاني مو كاشفة وجهي فماعرفتني؟
محمد/............
نورة/روح بللي مايردك يالكذاب؟؟؟
ومشت عنه....
محمد/باللي مايردك انتي؟؟؟ان شاءالله اللي ماخلقك ماخلق غيرك!!!بس شلون طلعت هي نفسها؟؟؟؟اه منكم يالحريم لاعبين علينا بها اللبسة؟؟يوم لثام ويوم نقاب ويوم تكشفون واحنا اللي نروح فيها؟
////////////////////////////////////////////////
بعد مادق جرس الحصة الرابعة منتهي كل البنات فزوا يتراكضون للمكتبة خايفين من نجود ومن صراخها..وملاك كانت تمشي ورى مروة والجازي....
ملاك/مروة..مروة..
مروة سوت روحها ماتسمع وقامت تسولف مع الجازي..
مزنة المتحدث الرسمي باسم ملاك/مروة...مروة...
لفت مروة/نعم
ملاك/تعالي شوي...
وقفت جنبها ومشوا جنب بعض..
ملاك/بغيت اسلك...اختك وش تعرف عن ابلة نجود؟
مروة/ولاشي؟
ملاك/كيف ولاشي؟
مروة/يعني هي توها جديدة ومابعد تعرفت على الابلات عدل وصارت تاخذ وتعطي معهم!!!
ملاك/اها...طيب اول ماتعرفين شي تعالي قولي لي؟
مروة/طيب.....
وكملوا مشي للمكتبة .....
////////////////////////////////////////////////////////////العصر بالشرقية...
هنوف/عمي قسمكم صاير كئيب موحلو...
ابو علي/ليش؟
هنوف/بعد ليش؟
هيا/مايبيها كلام نجود مو هنا والبيت مظلم بدونها؟
ابو علي/والله فكرت شي مثل الناس اخر شي تقولين لي نجود؟؟؟بكرة هي هنا يعني وين بتروح؟
هيا/يبى؟؟كيف تقول كذاوكان الشي موهامك؟
ابوعلي/وش بيهمني فيه ياحسرة؟؟؟خلاص لاتفتحين لي سيرة ماتتسكر اللحين؟
هيا/الله يسامحك بس يالغالي....
هنوف/تصدقين هيا انا مااطيقك وانتي ماتطيقيني ومايجمعنا بالسوالف غير نجود؟
هيا/وان شاءالله وش تبين يجمعنا؟
هنوف/هههههه ولاشي...لاتخافين....الا نورة وينها طولت؟
هيا/قومي شوفيها مالي خلق اركب مرة ثانية؟
ناصر/السلام عليكم.....
وعليكم السلام والرحمة...
ناصر/قومي حطي لي غذى انسة هيا؟
هيا/ماني شغالة عندك؟
ناصر/قومي هنوف.عفية على الشاطرة؟
هنوف/هههههه لاوالله بتقص علي يعني بها الكلمة؟؟اخدم نفسك بنفسك وعلى قولة الاجانب هيلب يور سلف...
ناصر/الله ياخذكم من بنات سودانين كسلانين....قول شي يابو علي؟
ابوعلي قام/انا بطلع وتفاهم معهم انت ولامحسوب رجال على الفاضي...
ناصر وقف/حشى لله ماني رجال على الفاضي وهذا عقالي وشلته ..
هيا وقفت/ها خير......
ناصر/بتحطون لي غذى ولاشلون؟
هيا صعدت بسرعة لدارها وابوها طلع..
ناصر/شوف بنت ال......ركبت يعني ماخافت من العقال؟؟؟؟
هنوف/قصدك شافته وخافت وركبت لاينصلخ جسمها..
ناصر بخبث/وانتي ماخفتي منه؟
هنوف بثقة/لا..
ناصر فتح عيونه على وسعها وسوى روحه بيقرب يضربها/ها بتقومين ولا اخلي العقال يلعب على ضهرك؟؟
هنوف بنفس الثقة/متعودة على لعب العقال على ظهري..الله يذكره بالخير اخوي ناصر دايم يضربني فيه صارت عندي مناعة منه مااتعور حتى اذا ذبحوني منه؟؟؟
ناصر/يعني شلون ماحد بيحط لي غذى؟؟الله يهداها امي بس وين طالعة بدل ماتغذيني وتقابلني محسوب عليها ولد كبير....والشغالة حضرتها عند خالتي واذا ابي الموت اقولها نزلي حطي لي غذى!!وش الدبرة؟؟؟هنوفوا قومي بلاحيونة علي حطي لي غذى ترى بموت من الجوع؟؟
هنوف/عادي بتكون شهيد واوعدك اني احاول اخليهم يدفنونك بمقبرة الشهداء؟؟
ناصر/كلبة مثلك ماشفت!!!
هنوف/بعد!!بعد؟؟ماسمعت؟؟
ناصر حط عقاله وشماغه على الكنبة ورفع اكمامه/شكلي بقوم اعفس الدنيا ..وعلى قولتك هيلب يور سلف.....
نزلت نورة ومشوا لعند الباب ومروا من المطبخ...
هنوف/عدت على خير الحمد الله..
نورة/ليش؟
هنوف/كان رافع عقاله بيطقني علشان اقوم احط له الغذى وسويت روحي ماني خايفة وان بندر كان يلطخني وماعندي أي مانع!!!
نورة/هههه ومشت عليه ان بندر كان يضربك؟؟؟بندر مايقتل نملة يضربكم بعقال عاد!!!!
هنوف/ههههههه اقولك عدت على خير....
طاحوا صحون وتكسروا بالمطبخ ونصار صارخ/زين يالحيوانة صبري علي جايك؟؟؟مسوية روحك ماتخافين مو؟؟؟
هنوف مسكت يد نورة وانطلقوا مبتعدين باقصى سرعة,,,,,,
///////////////////////////////////////////في بيت الفارس..
الجازي/السلام عليكم...
منال ومروة ومي/وعليكم السلام....
مي/ليش جاية بيتنا؟؟؟مو كنتي مع اختي بالمدرسة اليوم؟
الجازي/شسوي بعد من حبي لااختك جيت اشوفها؟
مي/قولي الصدق؟؟
الجازي/عندنا امتحان احياء وجايين نذاكر مع بعض......
ام مشاري/هلا جويزي...
الجازي/هلا خالتي شلونك....
ام مشاري/امك شلونها..ماشفناها ها الاسبوع؟
الجازي/أي عمي محمد كان مسوي لنا عشى ورحنا.....
مي/وحلو كان العشى ولا خرطي؟
الجازي/نوعا ما خرطي؟
مروة/ههههههههه
الجازي/خسارة حمود مو هنا ولامريوم؟
منال/صحيح كنت بسال لمياء عن نجود...
ام مشاري/ليش نجود من الدمام؟
منال/أي من الدمام.....ومتخرجة بنفس دفعة لمياء ومن نفس الكلية قلت يمكن يعرفون بعض؟
الجازي/ياانها عندها شخصية قوية ها النجود؟؟؟اول حصة دخلت سالت سؤال وانا مسوية روحي شاطرة وقمت جاوبت...
مروة/ههههههه واخذت لها تهزيئة حلوة....شسمك انتي...الجازي اذا عندك اجابة مرة ثانية رفعي يدك وجاوبي ؟؟؟
مي/ههه تستاهلين؟
الجازي/لاموكذا!!اقول لها بالاجابة يمكن لانها..تقولي مرة ثانية لاتشكين بالاجابة ؟؟؟؟
منال/اليوم تقولي هاذي البنت تشبهك كثير..قلت لها هاذي اختي..قالت لا..بحطها في بالي وبتولاها بالفصل؟؟
مروة/لالالالا واللي يرحم والديها خلها بعيد عني ازين!!!كذا ومااتحملها تحطني في بالها اصيرملا ك!!!!
الجازي/أي صدق منال اليوم جت لنا ملاك تقول لااختك..وش تعرف اختك عن ابلة نجود؟
منال/وش قلتي لها؟
مروة/قلت لها ماتعرف شي ابلة نجود جديدة وتوها ماتعرفت على الابللات اللي هنا؟؟؟
ام مشاري/شوقتوني اشوفها ها النجود؟
منال/مفكرة اعزمها هي وهاجر الاسبوع الجاي يمه شرايك؟
ام مشاري/أي..
نجلاء دخلت /السلام عليكم...
وعليكم السلام.....
نجلاء/قطعت سوالفكم؟
ام مشاري/لا بس البنات يسولفون عن الابلة الجديدة اللي مع منال واقولها ابي اشوفها؟
منال/بنسق معهم وبشوف متى بيقدرون يجوني..هي اصلا تقول انها ماتحب تقعد بروحها ومتعودة على الجمعة واللمة وضايق خلقها من بنات الشقة اللي معها...
نجلاء/ليش ماتعرفهم من قبل؟
منال/لا كلهم يدرسون بالجامعة.....
نجلاء/وهاجر لسه معك؟
منال/أي للحين تبي تنقل الاحساء ومافي أي خبر....
ام مشاري/هاجر شفناها كذا مرة العام الماضي خلنا نشوف نجود تقولون هيبة...
الجازي/أي والله ياخالتي...بس ترى انا شكلي بعجب فيها؟
مروة/هههههههه
الجازي/واللي يذبح فيها صوتها.. يجنن
مروة/هي مع ها البحة اللي فيه تقولين طقاقة بعرس ناقصها بس طارةوتكمل الحفلة!!!لالالا من جد صوتها يجننن بخليها تغني بعرسي.....
الجازي/مو تعزمينها بوسط اسبوع مافيني اجي؟
منال/اكيد بعزمها بوسط اسبوع لانها بكرة بتروح لااهلها وبترجع ليلة السبت؟
الجازي/اوووف وش ها الحظ الاكشر؟
مي/قولي لاامك عندي امتحان وخليها تسمح لك تجين تذاكرين مع مروة؟
مروة/وين فيصل ماشفته؟؟
الجازي تاْشر لمي انها تسكت لان نجلاء كل شي توصله لاامها....
ام مشاري/فيصل فوق مع عمه.....
نجلاء/شاغل لي باله بالسيارات وكل يوم وقال بروح الةكالة اشوف أي سيارة اطلع لي اذا كبرت؟؟؟الحروف مو راضي يتعلم يكتبهم وباقي الشغلات شاطر فيها؟
منال/انا فصيل تعبت منه؟؟؟ماهو راضي يقول خلاص علمتيني اقولهم بعد ليش تعلميني اكتبهم؟
/////////////////////////////////////////////////////////////////يوم الاربعاء مشى بطيء بالنسبة لنجود ولحبايب نجود اللي ينتظرونها..وماوصلت الا على الساعة ثمان ونص المغرب وكانوا كلهم ينتظرونها.....
ام علي /تو مانور البيت يابعد عمري...
نجود/الله يسلمك ياخالتي....
ابو علي/شلونك يبى...
نجود/اسال عنك انت شخبارك وشخبار السكري معك ؟
ابوعلي/عايشين يابنيتي ليش واذا على السكري لاتخافين انا وياه ربع وبينه عشرة وملح....
نجود/ههه عسى الله يسلمك لنا ويخليك ذخر يالغالي...
ام ناصر/طمنيني يمه كيف الوضع هناك؟
نجود/ماشي الحال اهم شي دعواتكم.....علي شلونك؟
علي بهدوء/بخير......
هيا/انحط العشى؟
نجود مسكت شنطتها/بسبح وبصلي وبنزل...
هيا مسكت الشنطة ومشت معها....
ناصر/مااشوف احد سال عني ولاقال لي شخبارك من التعب؟
نورة/وعسى ماشر ان شاءالله؟
ناصر /انا اللي جايبها مشوار اربع ساعات رايح واربع ساعات جاي!!!!!
ام علي/الله يعطيك العافية....
ناصر/العافية مابتجيني وانا جوعان حطوا العشى علشان صدق تجيني العافية؟؟؟
ابوعلي/وانت بس هذا اللي يهمك؟تملي ها الكرشة وبس!!!!
ناصر/يبى حرام عليك أي كرش!!!!جسم مفتول البنات يشوفوني ويميعون وانت تقولي كرش؟؟؟؟هذي الغيرة وماتسوي يابو علي؟؟؟؟
ابو علي/روح زين قال اغار منه.....انا شاك انك موولدي؟؟؟؟
ام ناصر بفزع/ابو علي الله يهداك شها الكلام؟؟؟
ابوعلي/وانا الصادق مافيه مني شي ابد؟؟؟؟يشبه ابوغازي المجنون اللي يشحت عند باب المسجد؟؟؟
ناصر بزعل/عاد يبى مالقيت الا بو غازي اللي يشحت عند باب المسجد؟؟؟؟؟على الاقل شبهتني بابو عليان اللي يقعد بسوق الحب ؟؟؟
ام ناصر بقهر/انت اسكت بعد؟؟؟
ناصر/صدقيني يمه بو عليان اهون من بو غازي!!!بوغازي مايتسبح بس بوعليان شوي ريحته اهون؟؟؟؟
ام علي/نويصر ووجع!!!!
///////////////////////////////////////////////////////
جواهر/لا وانا اقول الشرقية نورت...كم بتاخذين بعشاك وسوالفك؟
نجود/يعني حوالي ساعة ونص لساعتين؟
جواهر/خلاص مو مشكلة على العشر بجيك ياقلبي مو تنامين؟
نجود/انا بموت وانا انتظرك وبموت من النعس بعد!!!بس ولايهمك بشوفك واخذك بحضني وبنام..زين كذا!!
///////////////////////////////////////////////////////////
في البارت الجاي
***منو اللي بينتظر جواهر تجي بيت السبيعي وشنو يبي منها ياترى!!!!
***نجود وجواهر وهل بتمشي الامور طبيعي؟؟؟
***زيارة نجود لبيت بو مشاري بالرياض ياترى وش راح تكون نتايجها عليها؟؟؟
انتظركم بالبارت الجاي ياعسل
البارت الخامس,,,,
نجود/انا بموت وانا انتظرك وبموت من النعس بعد!!!بس ولايهمك بشوفك واخذك بحضني وبنام..زين كذا!!
جواهر/ههه اشوى يامعوده على الاقل بتحضينيني قبل لاتنامين؟
نجود/يالله روحي بقوم اصلي ..نويصر متحلف فيني ميت من الجوع وماابي ااخرهم اكثر اشوفك بعدين ياقلبي......
////////////////////////////////////////////////////////////////////////في بيت بو مشاري الفارس كانت الجمعة هناك وام مصعب وعيالها جوا وورحاب وزوجها....
مصعب/ها لمى والله كبرتي وصرتي بنوتة حلوة وتلبسين عباية؟
لمى/توك تقول كبرتي ..مدام كبرت خلاص لازم البس عباية؟
فوزية/ياحليلك والله...خالي وينه؟
لمى/قاعد عند البركة..
مصعب/علشان يدخن براحته!!!
فوزية/بمر اسلم عليه قبل لاادخل.......
مصعب/خلاص روحي وانا بروح اجيب لاب توبه نسيته بالسيارة؟
لمى/لاب توب حق ابوي؟؟؟وانا ليش ماجبت لي واحد بعد!!!
مصعب/اسمع ذي بعد!!!انتي اطلعي من بيضتك بعدها اجيب لك لاب توب من عيوني؟؟؟
لمى/ماابيه من عيونك ابيه من جرير؟؟
مصعب/يامشينك بس عناد بضحك هههههههه
////////////***********عند الحريم....
ام مصعب/شلونك ياخوي؟
ابو مشاري/هلا وغلا فيك ياام مصعب انتي شلونك..
ام مصعب/عايشين بها الدنيا....
ابو مشاري/وشلون العيال وبومصعب..
ام مصعب/الحمد الله ها الاسبوع بمكة....
ام مشاري/الله يسهل...
ام مصعب/ها رحوبة عمري شلونك...
رحاب/هلا عمتي هلا..عاد اسمحيلي قومتي ثقيلة..
ام مصعب/خليك مرتاحة ليش بتقومين؟اوه ه هذا فيصل هنا..وين ابوك حبيبي؟
فيصل/عند بركة السباحة قاعد .....
ام مصعب/بطلع اسلم على اخوي وبرجع...
*******************عند بركة السباحة كان فهد قاعد قبال البركة وجنبه فوزية ومنال...والسيجارة بفمه......
فوزية/بس ياخالي الشدة ماتنفع مع المراهقين؟
منال/ولا انك ترخي لهم الحبل كله؟؟افضل شي الاعتدال...
فهد تنهد/مو اللي ذابحني اني اقول لا...وبعدين تتحايل بامها ونجلاء الله يهداها توافق؟
فوزية/طيب انت خلي الجوال عندك كفترة عقاب.....وبعدها قرر...ماجت اعتذرت منك؟
فهد/انا مو طايق احط عيني بعينها؟؟؟
منال/ههه من ورى قلبك ياعمي...
فهد/صايرة عنيدة بزيادة!!!!
فوزية/لا هو انا مثل ماقلت لك افضل شي الحوار المباشر معها..اسالها دايم عن حاجاتها وليش هي تبي تسوي كذا واخذ واعطي معها...وبتكون اسهل معك بالتعامل.......
ام مصعب/قطعت عليكم سوالفكم؟
لفوا لها..
منال/هلا عمتي هلا...وراحت لها..باستها/شدعوة البيت بيتك والمكان مكانك..قاعدين ندردش مع عمي فهد...
ام مصعب/شلونك ياخوي...
فهد وقف وهو يكح من السيجارة/كح كح كح كح..هلا هلا ام مصعب..
ام مصعب بلوم وتانيب/انت بس لو الله يفكك من ها السيجارة كان انت بخير؟
فهد/وانا بخير مافيني شي؟
ام مصعب/مو باين يابعد عيني...شوف شقد صوتك رايح كل منها؟؟عسى اللي سواها مايربح؟
///////////////////////////////////////////////////////////نجود/لاوماقلت لكم....معي بالصف بنت ماجد الفايز.....
ناصر/ومنوهذا طيرازن؟
هنوف/ههههههه
ناصر/انتي ليش جاية بيتنا تتعشين ماعندكم عشى؟
هنوف/ومن قال عاد اني اشيل هم كلامك ياحظي؟؟كملي بس نجود واللي يعافيك؟
نجود/هاذي ابوها واصل عندهم بالرياض وصاحبة مشاكل مثل مافهمت وسمعت.....
من اول حصة مطلعتي الجوال والسماعات باذنها وكانها قاعدة بقهوة مو بفصل؟
نورة/ياسلام ليتني مثلها اسوي اللي يعجبني؟
ام علي/وتاركينها على راحتها تخرب البنات بس علشان ابوها واصل؟؟طيب يوم ابوها واصل ليش ماوداها مدرسة خاصة؟
نجود/نفس السؤال اللي ساْلته المراقبة كان تقولي ملت بالابتدائي والمتوسط من المدارس الخاصة قالت تجي مدرسة حكومية تغير جو لانها بترجع بثالث مدرسة خاصة؟
هيا/حلوة ذي؟؟
نجود/المهم انا حطيتها في بالي وتعرفون كيف انا احط في بالي احد مايسلم مني؟
ناصر/كفو وانتي اخت ناصر اعرفك؟
نجود/وطايحة فيها تهزيء بالطالعة والنازلة؟ويوم ثاني جابت امها والمراقبة قلبت علي لاني هزئتها قدامها وهي قايلة لي لاتتحرشين فيها وانا طنشت...
ام ناصر بخوف/عسى بس امها ماطولت لسانها علي ولاغلطت بحقك؟
نجود/ماتقدر يمه..اصلا انا غسلت شراع ملاك زيادة ومانطقت بشي قالت لاامها تروح ومافي شي....
ابو علي/طيب اللحين منوهذا السايق اللي قلتيلي يوصلك المدرسة؟
نجود/يبى سلمك الله هذا واحد يشتغل مراسل عند مكتب عم اللي معي وبنفس الوقت يجيبها الصباح قبل لايفتح المكتب هي ومدرسة ثانية بعد قريب من مكان سكني...عرضت عليهم الموضوع وكلموه وقال انه موافق ....واتفقت معه....
///////////////////////////////////////////////////////
بندر/حبي شلونك..
جواهر/هلا قلبي..انا منيحة كتير كتير..
بندر/اوه ه ه ه قالبة لبناني الحلوة؟
جواهر/شسوي بعد بروح اشوف قلبي..
بندر/لا ؟؟وصلت؟حمد الله على سلامتها؟بس انا زعلان منك؟؟؟
جواهر/افا بس!!!ليش؟
بندر/اذا هي قلبك بندر وش يطلع!!!!
جواهر/لا بندر غير ..بندر سالفته سالفة معي!!!بندر الروح والقلب والعقل والتفكير...اصلا بندر صار الدم اللي يمشي بعروقي؟
عقبال ماتقر عيني بشوفتك ان شاءالله!!!
بندر/ان شاءالله حبيبي بس تتعدل الامور والظروف وبتلاقيني جنبك يعني وين بروح؟
جواهر/اه....
بندر/طالعة ولالسه؟
جواهر/بلى علي عبايتي....
بندر/خلاص لارديتي منها كلميني.....
جواهر/طيب حبيبي.....
/////////////////////////////////////////////////////// /
مصعب/حبيبي فيصل لاتلعب علشا ن ماتخرب شي..
فيصل/بابا انا مااخرب انا اكتشف....
فهد/مو تكتشف وتخربه مثل الجهاز اللي بالبيت؟
فيصل/مو انا خربته بابا؟؟الشغالة؟
فهد/طيب بابا بعد شوي بخلي مصعب يوريني كم شغلة..
فيصل/انا بعد بتعلم كم شغلة معك علشان اذا نسيت اذكرك؟
محمد/انت اول روح تعلم الحروف وبعدها يصير خير؟
فيصل بطفش/اووف منكم؟؟انتوا ماعنكم الا سالفة الحروف؟؟؟؟؟مافي شي ثاني....
محمد/ههههههههه لامافي شي ثاني؟
فيصل/انا بشتغل شغلة مايحتاجو فيها الحروف؟
مصعب/مافي ولاشغلة مايحتاجون فيها الحروف؟؟كل الشغلات معتمدة على الحروف حبيبي فيصل....
فيصل/اقوم العب مع احمد ابرك لي منكم؟؟؟
////////////////////////////////////////////////////
فتحت الشغالة الباب لجواهر...
جواهر/في احد بالصالة ولااخلي شيلتي علي؟
الشغالة تينا/ماما جواهر تعالي هنا من هذا باب علشان هنا في رجال.....
جواهر/أي رجال بعد اللي ماغسل وجهه جاي وقاعد بالصالة؟؟؟طيب.....
ومشت معهم للباب اللي ورى واللي يكون قريب من مبنى علي وناصر....
ويوم قربت
دخلت الشغالة وقفلت الباب واستغربت جواهر وماحست الا بواحد يمد يده ويجرها ناحيته ويحط يده على فمها علشان لاتصارخ؟؟؟؟؟؟؟؟
///////////////////////////////////////////

 
 

 

عرض البوم صور بياض الصبح   رد مع اقتباس
قديم 18-08-10, 10:46 PM   المشاركة رقم: 7
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

البارت الخامس,,,,,,

سندها على الجدار وكان المكان مظلم والاضاءة فيه خافتة جدا......
فتحت عيونها على وسعها مو مصدقة..
جواهر/بندر؟؟؟؟؟
بندر تقرب منها وهو يبتسم/لبيه ياعمر بندر؟
جواهر ضربته على صدره بيدها/ياعيار ليش ماقلت لي انك نزلت الشرقية؟؟؟؟
بندر تقرب منها اكثر/قلت اخليها مفاْجاة واشوف ردة فعلك ياحلوة؟؟
جواهر بهمس/وحشتني مووت ياقلبي....
تقرب لين صار مايفصلهم أي شي وواقفين وجه لوجه وفتح لثامها..وقال لها بحب/يا اني اشتقت لها الملامح يادبة؟؟؟؟
جواهر بدلع/انا مودبة؟؟
بندر/اتقرب!!!!
جواهر بنفس الدلع/بكيفك؟؟؟؟؟
بندر/أي بس اذا تقربت بتهور ؟؟منتي خايفة من تهوري؟؟
جواهر طالعت بعيونه وعيونها تقول تعال تقرب....
جواهر/حبيبي اخاف الشغالة تروح تقول اني جيت؟
بندر/لاتخافين انا متفق معها وعاطيها كم ريال علشان تسكت مابتقول شي؟
جواهر /وحشتني مووت يابندر انا مو مصدقة انك قبالي واني الليلة بظل مقابلة النافذة وبشوفك منها؟
بندر بخبث/انا قاعد اتكلم عن تهوري اللحين مو عن شوقي!!!!شوقي بخليه لليلة !!!
جواهر بخبث اكثر منه/وتهددني بتهورك!!!!ليش اول مرة نتهور مع بعض يابندر!!!!
//////////////////////////////////////////////////////
نجلاء كانت مع سارة بالمطبخ بروحهم....
نجلاء/وش بغيتي؟
سارة/يمه كلميه...والله مو راضي يرد علي؟
نجلاء/وش تبيني اسوي لك يعني!!!
سارة/يمه انا مقدر على زعل بابا فهد....وقلت له اني اسفة وماراح اعيدها بس صار له يوممين مو راضي حتى يناظر بوجهي؟
نجلاء/والله كلمته بس مو مقتنع يقول انتي صايرة عنيدة وماتسمعين كلامه....
سارة/شلون يعني بيظل زعلان مني؟؟؟مو كفاية صادر جوالي!!!
نجلاء/وانتي مرة مهتمة؟؟هذا انتي اخذتي جوالي وصادرتيه عندك ماتعطيني اياه الا اذا احد دق علي!!!!
سارة/ماما دبريني ماابي عمتي ام مصعب تعرف انه مايكلمني ولاتلاحظ بتقعد تهذر هذرة مالها اول ولاتالي!!!
نجلاء/انتي اللي هامك ابوك ولاعمتك؟؟؟؟
////////////////////////////////////////////////////////
لبنى/مافي زباين اليوم؟
عبدالعزيز/بلى يطلعون ويدخلون بس السوق راكدة....
لبنى/اليوم بيتنا صاير غير...نجود وبندر اثنينهم نزلوا والله ان احنا اشتقنا لسوالفهم ثنينهم....
عبدالعزيز/شخباره بندر؟
لبنى/بعد عمري اخوي تصدق ضعفان....ماياكل هناك...
عبدالعزيز بحب/ماينلام مفارق وجهك الحلو مابيصير له نفس..
لبنى/....................
عبدالعزيز/وين رحت ياقمري؟
لبنى بهدوء/معك حبيبي بس سرحت شوي بكلامك.....
عبدالعزيز/لبنى....ابي صورتك؟
لبنى/وش بتسوي فيها؟
عبدالعزيز/ماراح تعطيني اياها للذكرى؟
لبنى بالم/وليش تقول للذكرى عاد!!!!
عبدالعزيز بالم اقوى/وش تبيني اقولك غير انها بتكون للذكرى؟؟؟؟كل مابشوفها بالمستقبل بذكر شكثر انا كنت متعذب بحبك بس الظروف ماخدمتني؟؟؟
لبنى بزعل ودموع/انت ليش كل يوم تسمعني ها الكلام اللي ينرفز ويضايق!!!!!انت بتبطل تحبني خلاص!!!!!
عبدالعزيز/احد يقدر يقول مافيني حيل للحب عاد يالبنى!!!
لبنى بالم/وليش كل يوم تحسسني ان نهايتنا فراق ومجرد ذكريات!!!!!!
عبدالعزيز/وش راح يكون غير عاد يالبنى!!!!احبك واقسم لك بللي خلقني اني راح اظل احبك لااخر يوم بحياتي يابنت امك وابوك..وماراح ينسيني حبك شي بها الدنيا حتى لو........
لبنى/عبدالعزيز تكفى لاتقول ها الكلام!!!!ماراح نفترق صدقني انا ماابي غيرك؟
عبدالعزيز/لبنى.....قدرنا ماراح يخلينا نجتمع...انتي بنت ناس وبنت عز ومتعودة على نمط معين بالحياة لو اشتغل عمري كله ماراح اقدر اعطيك ربعه!!!!!ماابي اظلمك...ولاابي اخسرك واخسر حبك؟
لبنى/تخسر حبي!!!!كيف تخسر حبي؟؟؟
عبدالعزيز/افرضي تزوجنا واحنا بها الوضع واخذتك لذة الحب بعيد وبعد فترة بديتي تتمللين من عيشتي ووضعي واكتشفتي ان الحب كله راح!!ساعتها انا بخسرك خسارة حقيقية يالبنى!!!!!
//////////////////////////////////////////////////////////
بعد ماسكروا عليهم الباب علشان يكملون سهرتهم على راحتهم وسوالفهم اللي ماقالوها قدام الباقيين....
نجود سكرت الباب وتسندت عليه وصارت تناظر بجواهر اللي كانت سرحان وتوزع ابتسامات بدون اسباب!!!!!
كان فيها شي متغير ...ماكانت طبيعية وهذا اللي لاحظته نجود........
تقربت منها وركعت تحت رجلينها وصارت قبالها...
نجود/مااتوقع شوفتي هي اللي مخليتك كذا؟؟؟
جواهرلا بعدها كانت بعالم ثاني....
نجود هزتها من يدها وانتبهت جواهر..وابتسمت لنجود..
نجود/شسالفة؟؟؟
جواهر بارتباك/أي سالفة؟
نجود/لو ماقلتيلي بزعل؟؟؟؟؟
جواهر/أي سالفة؟؟؟؟
نجود/فيك شي ماهو طبيعي ؟؟؟
جواهر/كيف يعني ماهو طبيعي؟
نجود/يعني قلبك كان يدق بسرعة وبالك مشغول ومرتبكة...شالسالفة؟
جواهر/..........يتهيا لك مافي أي شي من هذا...
نجود/بلى...
جواهر/نجود...تكفين لاتروحين الرياض خلاص..انا مالي غنى عنك هنا؟
نجود/لاتحاولين تضيعيني؟؟؟ابي اعرف وش السالفة بسرعة؟
جواهر/ا ي سالفة بس اللي تبين تعرفينها؟؟؟؟
نجود/انتي مو طبيعية فيك شي؟؟
جواهر في بالها (وش ها الورطة مادور بندر ينزل الا بنفس وقت نجود ؟؟؟والله ماني قادرة اوازن نفسي منه ومن تهوراته!!!)
جواهر/ماراح اقولك شنو بس انا قاعدة اخطط لشي ادعي انه يصير ولاتساليني شنو ماراح اقولك بتتفاجئين فيه قدامك بلحظة من اللحظات!!!
نجود/......وليش ماتبين تقولين؟
جواهر/خلاص نجود لاتشتغل لقافتك عاد؟؟قلت لك بتعرفينا بلحظة من اللحظات اذا صار وبشوف ردة فعلك قدامي...
///////////////////////////////////////////////////////////////راحت عند البركة وكان فهد يسولف مع مصعب ومحمد ومشاري بس مشاري قام يشوف بنته اللي تبكي.....
واقبلت سارة وهي حاملة صينية فيها قطع كيك وثلاجة شاي.....
حطتهم على الطاولة..
مصعب/اسمع بعد ساروه ها البزر صارت حرمة وصارت تسوي حركات من هنا وهنا؟
محمد/أي والله تذكر يوم انها صغيرة طول اليوم معنا بالسيارة نلف فيها شوارع الرياض؟
سارة /انا مو بزر ومااحب احد يقولي بزر؟
محمد يقلدها/انا مو بزر ومااحب احد يقولي بزر؟؟؟شتطلعين اجل اذا منتي بزر؟
مصعب/مفكرة بتلبسين العباية والشيلة عنا خلاص كبرتي علينا؟؟لايابابا انتي اصلا تربيتنا احنا واسالي البابا؟؟؟
سارة بخوف/بابا..
فهد بصرامة قاطعها/دخلي داخل ولاتوريني وجهك؟؟؟؟
سارة قامت تبكي وراحت طيران لقسمهم....
مصعب/خالي شفيك عليها عاد!!!تراها بزر؟
محمد بجدية/لايكون زعلت انها قاعدة تاخذ وتعطي معنا؟؟؟
فهد شغل له سيجارة جديدة وقام يدخنها ..../هاذي بتطلعني من طوري بتصرفاتها؟؟؟لاوالادهى والامر امها؟؟؟اللحين انا اعاقبها اصادر جوالها تقوم امها الحكيمة تعطيها جوالها من وراي تكلم فيه؟؟؟انا كيف بقدر اربيها بها الجو بس؟؟؟؟
مصعب ومحمد ناظروا في بعض وماهم فهمانين شي كل اللي فهموه انه متضايق ومتنرفز....
مصعب/خالي تبي نطلع نتمشى شوي....
فهد/..............
محمد وقف/انا بشغل السيارة ..شكلك محتاج فرتين بالتحلية ياعمي تغير جو؟
فهد/ماله داعي مافيني شي؟
مصعب/قوم ياخالي بنغير جو وبنرجع مابنطول...
محمد/انت اصلا قعدة البيت ماتناسبك؟؟اطلع وفرفش وغير جو تخلص من شغلك بالمكتب وترجع البيت؟؟؟يبى شبتشوف بالبيت ياحسرة!!!انا لو منك ماقعدت دقيقة وحدة؟
///////////////////////////////////////////////////////////جواهر/تصبحين على خير اشوفك بكرة؟
نجود بنعس/انتي ليش مستعجلة قعدي..
جواهر/شوفي النعس كيف ذابحك يابنت؟؟
نجود/مو مشكلة نامي عندي الليلة؟
جواهر/لا معليش بروح اخلص تصحيح علشان بكرة اتفرغ لك..
نجود/لاتصيرين ثقيلة دم!!نامي معي الليلة؟
جواهر/لا معليش الليلة بروح بيتنا وبكرة انتي تجين تنامين معي.....خلي جوالك جنبك وقت اللي تقعدين دقي علي علشان نشوف كيف بيكون برنامجنا بكرة..
نجود/ماشي ياعمي..
جواهر/باي ياقلبي......
//////////////////////////////////////////////////////
باخر الليل بشقة علي..
كان بندر سهران معه بالمجلس وعبير نايمة...
بندر بهمس/تصدق انها وحشتني مووت؟
علي بهدوء/وشفتها؟
بندر بشوق/طبعا شفتها!!ليش بقدر اقاوم شوفتها لها الوقت؟؟اصلا انا اول ماجيت شفتها قبل الكل!!!
علي/تحبها يابندر ولابس تتلاعب بمشاعرها لانها تحبك وتعطيك اللي تبيه!!!
بندر باعتراض/شنو يعني اتلاعب بمشاعرها ياعلي!!!انت تعرفني انا مو من ها النوع ياعلي؟؟انا اموت على التراب اللي تمشيه عليه جواهر؟
علي/طيب فيني اسالك سؤال وماتتضايق او تفهمني غلط؟
بندر/اكيد من متى احنا نفهم بعض بطريقة موحلوة؟قول اللي تبيه ياعلي....
علي/اذا كنت تحبها وش اللي يخليك للحين ماتزوجتها؟؟صار لك تعرفها فوق السبعة شهور وبينكم ....بندر انت شتنتظر للحين ماخطبتها؟
سكت بندر وماتكلم وكاْنه يفكر بالاجابة.....
علي بهدوء اكثر من قبل فيه شوية الم/اذا كنت تحبها يابندر لاتضيعها من يدك وتتركها تروح وتغيب عن عيونك...بتعيش بعدها لحظات مرة صدقني!!!!بندر اذا حبك لها طالع من قلبك وكان حب صادق ماهو حب تسلية لاتتركه يروح توجه بالزواج يابندر..اسمعني وخذ نصيحتي ولاتعيش الحياة اللي انا عايشها!!!!!
/////////////////////////////////////////////////////////
مشاري ولمياء في شقتهم.....
مشاري/لموه انتي هنا وانا ادورك؟
كانت بغرفة مريم وقاعدة على الارض قبال سرير بنتها...
لمياء ببرود/وش بغيت؟
مشاري بحنان/حبيبي وش فيك؟
لمياء/.................
مشاري/صار شي الليلة؟
لمياء بانفعال/طبعا صار؟؟؟عمتك هاذي لاتحبني ولاراح تحبني بيوم من الايام يامشاري!!!!!
مشاري/لمياء خلاص عاد..عمتي وماعرفتيها بعدك!!!!هذا طبعها وماراح تتغير لاتشغلين بالك فيها..
لمياء بزعل/انا قايلة لك من اول نروح بيتكم بوسط الاسبوع بس الجمعة اللي بتكون عمتك فيها ماابيها ؟؟ناابي احضرها يااخي مااطلع الا وضغطي مرتفع منها ومن كلامها ونظراتها لي!!!!!وش على بالها ان شاءالله؟؟؟
مشاري/عمتي الله يهداها مايعجبها شي...
لمياء/شقصدك يعني؟
مشاري/احنا واحنا عيال اخوها مانسلم منها يالمياء؟؟لاتكبرينها عاد!!!!شوفي رحاب تزوجت وجابت الاول وكاهي بتجيب الثاني وعمتي بعدها ماتواطن زوجها بعيشة الله ولاتقدر على طاريه!!!تعودنا على اسلوبها خلاص...
لمياء/وش مفكرة نفسها عمتك بالله!!!!
مشاري حط يده فوق يدها/قومي يالله بلازعل ...مدام مريومة نايمة خلنا نريح شوي.....والا ترى مافي بكرة مشوار للشرقية؟
لمياء باعتراض/ياسلااااااااام زيارة بيتكم كل اسبوع مافيها أي اعتراض!!!بس روحة لا اهلي بالشرقية ماتجي الا بالتهديد!!!!
مشاري/هههههههه شسوي فيك انا!!شاغلة لي بالك بسوالف فاضية...يالله قومي نريح علشان مانتاْخر بكرة.....
لمياء مدت يدها له وسحبها معه وطلعوا لغرفتهم....
//////////////////////////////////////////////////////
هيا كانت قاعدة بغرفتها ومبسوطة......
نورة/هيا عسى ماشر الابتسامة من بعيد لبعيد!!!
هيا بارتياح/وجود نجود بالبيت يريحني كثير....
نورة/هههه استغفر الله العظيم,,
هيا/انتي ليش تضحكين؟
نورة بجدية/مدري..
هيا/نجود الكبيرة بينا احنا البنات...وطول عمرها واثقة من كل خطوة تخطيها حتى لو كانت على يقين انها غلط,,,شخصيتها تعجبني مووت..مايقهرها شي ولايهمها شي حتى لو كان اقرب انفاسها!!!!ودي اكون مثلها..اقهر كل اللي حواليني واتكلم ببرود اعصاب!!!!
نورة/أي بس بعد لاتنسين ان نجود قلبها قاسي اكثر من ماهو طيب...وها الشي مو حلو ياهيا؟
هيا/وش نبي بالطيب في ها الايام!!!خلينا على القساوة احسن تعطيك اهتمام من اللي حوالينك..
نورة/وش ها النظرة يابنت!!!!اللحين تكونين قاسية يعطيك احترام وتقدير من اللي حوالينك ولاتكونين طيبة؟؟؟؟صدق غريبة..
هيا/انا انام ابرك من كلامك اللي مامنه فايدة..هذا اللي يسمونا اختلاف الاجيال!!!!انام علشان اصحى بكرة بدري واشوف برنامج نجود كيف بيكون....
نورة/تصبحين على خير ياظل نجود؟
////////////////////////////////////////////////////
كلام علي اخذه بعيد...راح لبيتهم ودخل غرفته بسرعة وقفلها...ووقف لحظات قبال النافذة قبل لايفتحها...ها النافذة اللي كانت تجمعه بجواهر دايم....كانوا يلتقون هنا ليلية...هو يفتح نافذته ويوقف وهي بعد تفتح نافذتها اللي كانت قبال نافذته وتوقف...
بعد تردد كبير فتحها وهو يبتسم لان نافذة جواهر كانت مفتوحة يعني انها موجودة وتنتظره اكيد من زمان وهو طول عليها...
ظل يتاْمل بالنافذة المفتوجة دقايق بطيئة لين طلت جواهر منها وابتسمت يوم شافته واقف....رفعت جوالها ودقت عليه....
ومامداها الرنة توصل عند بندر الا وشال جواله..
جواهر/تغلي !!!
بندر بحب/يمكن...لاني ابي اشوف تاْثير تهوري وش سوى؟؟؟
رفعت جواهر عيونها بسرعة ولقته يناظرها بخبث قالت له بسرعة/لو كنت تبي تشوف كنت جيت بدري؟؟؟
بندر/هههههههههه اخبار روحك الثانية؟
جواهر/تصدق اني ماكنت معها بطول القعدة!!!انت شغلت بالي وافكاري؟
بندر/ومن قال لك حبي اثنين بوقت واحد يالطماعة!!!!
جواهر/أي بس جواهر حبها مزروع بقلبي من قبلك وانا ماارضى عليها!!
بندر بزعل بزارين/يعني ترضين علي انا!!!!يعني ماتحبيني كثرها؟؟؟
جواهر/يبيلي افكر بالاجابة وارد عليك..
بندر/شوف الدبة؟؟؟؟
جواهر/بندر كيف بنات جدة؟؟
بندر/بنات جدة!!!!!وش فيهم؟
جواهر/يعني ماكلمتني عن البنات اللي التقيت فيهم..كيف اشكالهم..كيف شكلهم...
بندر/هههههه ليش انتي ماتدرين ان احلى بنات بالكون هم بنات الشرقية؟؟؟؟
جواهر/متاْكد؟
قلبه قبضه بها اللحظة ومادرى ليش مرت في باله ريم اللي التقى فيها بالمول ذاك اليوم...
بندر بتشكيك اكثر مماهو سؤال/انتي شاكة بها الشي؟؟
جواهر/ماشفتك قلت لي شي قلت اسالك انا!!!!يمكن انك غيرت رايك وصرت تشوف بنات جدة احلى منا!!!!
بندر/هههه واحد يقدريغير رايه عنكم يابنات الشرقية!!!!!
وطير لها بوسة بالهواء......
جواهر/حبيبي شكلك تعبان...بتركك تنام....تصبح على خير......
سكرت جوالها ونافذتها بعد مارمت له كم نظرة حب....
ووقف هو وهو باله مشغول بها اللحظة...كلمة جواهر نرفزته وهي ماهي قاصدة أي شي؟؟؟
انا شفيني صاير اهوجس كثير !!!!
//////////////////////////////////////////////
اليوم الثاني العصر.....
فهد/مشاءالله شها الكشخة هاذي كلها؟
نجلاء قبال المرايا وهي بكامل اناقتها/عندنا جمعة حريم عند سلوى بنت خالتي...
فهد/اممممممم
نجلاء/طبعا انت ماراح تطلع...
فهد/ليش يعني؟
نجلاء/سارة ماتبي تجي معي تبي تقعد بالبيت بروح مع لمى وفيصل ...
فهد/ياسلاااام ومع منو بتقعد حضرتها؟
نجلاء بلااهتمام/انت هنا والشغالة موجودة ماراح اخذها معي!!!
فهد بصرامة/لا...ماتقعد بروحها بالبيت مع الشغالة؟
نجلاء/فهد شفيك انت هنا وبتكون معها؟
فهد طلع له سيجارة وشغلها وقال بعصبية/لا انا بطلع اتعشى مع سالم ومادري متى ارجع..اخذيها معك ومرة ثانية لاتمشي رايها عليك لو سمحت؟
نجلاء بتاْفف/فهد..ماتبي تروح لاتخلينا نجبرها على كل شي؟
فهد/انتي مو تقولين جمعة حريم في بيت خالتك...ليش ماتبي تروح حضرتها بتلاقي بنات كبرها تسولف معهم..وبعدين اختها بتكون معها وين المشكلة؟
نجلاء/واللي يعافيك عاد..سارة ماتقدر على طاري لمى ولاعلى شوفتها من الاساس؟؟؟
فهد/حلوة ذي بعد توني اسمعها؟؟من متى ماتقدر على اختها حضرة جنابها؟؟؟
نجلاء*/فهد ترى انت من سالفة الجوال وانت ماتكلمها وقريب بتكملون اسبوع!!!مايصير هاذي بزر لاتتعامل معها كاْنك تتعامل مع وحدة بنت عشرين سنة؟؟؟؟
فهد/..........
نجلاء/قاعد تدور عليها بس الزلة؟؟؟
فهد/انا ماادور عليها الزلة يانجلاء.,,,هاذي بنتي وحبيبتي بس انا ابي اعلمها الصح من الغلط لااقل ولااكثر؟؟
نجلاء/أي صح واي غلط بس يافهد!!!احنا بزمن مايعرف الصح ولا الغلط؟؟؟جيلهم غير عن الجيل اللي انت عشت فيه؟؟؟
فهد/نجلاء.....سارة مراهقة والتعامل معها لازم يكون بحذر وغير عن التعامل مع لمى وفيصل....
نجلاء مسكت عبايتها وشنطتها/انا طالعة....
فهد/وين؟؟؟مو قبل ماتاخذين بنتك؟؟؟؟؟
////////////////////////////////////////////////////////
في بيت السبيعي كانوا قاعدين بمجلس الحريم(ام ناصر ونجود وجواهر وهيا وهنوف ولبنى)
نجود كانت قاعدة ودلة القهوة العربية والفناجين عندها/تصدقون اشتقت لطعم ها القهوة معكم!!!
لبنى/توك الاسبوع الاول وانتي من جيتي شكاوي يانجود كيف بتكملين معهم باقي السنة؟
نجود/احس اني ماراح اكملها؟
هيا بتسرع/يكون احسن!!!!وسكتت يوم ناظرتها نجود بغضب.....
هنوف/ههههههه الحمد الله والشكر على خبالتك بس!!!!
جواهر/شوفوا لنا شي نسويه ترى انا مااحب ها القعدة؟
لبنى/شي مثل شنو يعني؟
هنوف/نرقص يعني!!!!!
ام ناصر/ههههه وانتي بس هذا اللي شاطرة فيه؟؟؟
هنوف/وش اسوي انا فيهم قاعدين ومتمللين حضرتهم.....
نجود/قوموا خلنا نروح جرير ابي كم شغلة من هناك؟
جواهر/لالالالا واللي يعافيك عاد نبي مكان مثل العالم والناس مو جرير؟؟؟المدرسة لاحقتنا لاحقتنا حتى بالخميس والجمعة؟
هيا/نجود انتي كيف بتروحين بكرة؟؟؟ناصر بعد بيوصلك؟
نجود/ذكرتيني جيبي جوالي بدق عليه يحجز لي طيران ....
ام ناصر/بتروحين طيران؟؟؟
نجود/أي يمه...
ام ناصر/وبعدين من المطار كيف بترجعين للسكن؟؟
جواهر/بتاخذ لها تاكسي؟
هيا/مااحسها عملية خليك على نويصر احسن؟؟
هنوف/ههههه نويصر..لايجي يسمعك؟
ام ناصر/ما كانه الكبير الكل يسب ويشتم فيه ها الولد؟
لبنى/وناسين انه الوحيد اللي يقوم فيهم اذا بغوا الشي؟؟
نجود/من حق هو اللي يقوم فينا!!!سكتي واللي يعافيك؟
ام ناصر/كاْنك بتنكرين افضاله عليك؟
نجود/صبري وشوفي...
اخذت جوالها ودقت على ناصر وحطته سبيكر..
ناصر بصراخ/مو قايل لك اسبوع ماابي اسمع صوتك عسى ماشر ليش داقة ان شاءالله؟؟؟
نجود وهي تناظر في امها وكلهم ماسكين ضحكتهم على صراخ ناصر/ابيك توصلني المول بشتريلي كم غرض؟؟؟
ناصر بصراخ اعلى/شايفتني السايق اللي جابه ابو علي!!!!
نجود/انت ماتسوي خير بدنيتك ابدا!!!!
ناصر/شكلك ناسية يابنت بوعلي من اللي جابك الامس من الرياض وتكسرت عظامه؟؟؟؟
نجود /ياثقل دمك تمن على اختك حبيبة قلبك؟؟؟
ناصر /اختي فهاذي غلطة الزمن!!!!اما انك حبيبة قلبي حشى والله ماصارت ولابتصير؟؟؟اقول نجود مو مكفيتك هيا المجنونة فيك تبيني انا بعد احبك؟؟؟
هنوف فقعتها ضحكة قوية/هههههههههههه
ناصر /انتي قاعدة مع منو؟؟؟؟
نجود بدون اهتمام/مع بنات عمي وامي واختي وعمري؟؟؟؟؟
ناصر/تصدقين ماعرفت الا عمرك وامي بس!!باقي القرود ماعرفتهم؟؟الله ياخذك وياخذهم معك؟؟
هنوف/ماحد قرد غيرك ياولد عمي ههههههههه
ناصر/اقول يالبزر اسكتي بس لااجي اتوطى في بطنك؟؟
هنوف/اتحداك!!!!!
ناصر/لاتخليني اتهور واجي من صدقي؟؟؟
ام ناصر/روح يمه ماعليك منهم روح...
ناصر/وانتي معهم يالغالية؟؟افا بس افا؟؟؟شاركوهم امتع اللحظات ولا شالسالفة؟؟؟؟
نجود/اقلب زين اقلب يالله باي......
جواهر/هذا ناصر وغسلنا يدنا منه مابيودينا..؟
لبنى/شرايكم نروح مارينا مول؟
هيا/اللحين انتي تشوفينا متوهقين على سيارة تقولين شرايكم نروح مارينا؟
لبنى/انتوا تبون تروحون ولالا؟
جواهر/أي..
نجود/مافيها شك....(علشان سبايسي هههههه)
لبنى/هنوفوا قومي جيبيلي سطل فيه ماي بارد وثلج؟
ام ناصر/ليش؟؟
لبنى/اللحين بتعرفين...
قامت هنوف وهي تضحك لان المقالب موتها جهزت لها سطل كبير شوي مليان ماي وثلج..
حملته لبنى ووقفت/دعواتكم القلبية....
ومشت لعند الباب..
ام ناصر/شبتسوين يالمجنونة؟
لبنى/بروح اقعد بندر ماصار ذا نوم والله!!!غصبا عنه يقوم ويودينا؟؟؟
وقف قلب جواهر وهي تتخيل شكل بندر وسطل الماي والثلج فوقه ولعنت سالفة السوق واللي طراها!!!!!!
///////////////////////////////////////////////////////////في شارع المملكة كانت منال وفوزية يتمشون داخل سيارتهم...
فوزية/شكلك معجبة بها النجود طول الوقت وانتي تسولفين عنها؟
منال/شخصيتها قوية..وانا احب البنت اللي كذا...وبعدين عندها اسلوب غير عن الناس اللي عرفتهم بحياتي..مدري شدتني لها بشكل كبير....
فوزية/صار لازم نشوفها ها النجود...اللي ماصار لها اسبوع بس وانتوا طول الوقت تحكون فيها؟
منال/هههه
فوزية/حتى جويزي بالبيت طول الوقت وهي قاعدة معي..تصدقين ابلة نجود قالت كذا؟؟ابلة نجود لبست كذا!!!ابلة نجود شخصيتها مدري شلون؟؟؟لدرجة اني رسمت لها شخصية بخيالي كانها ملكة من ملكات فرنسا بزمن الخمسينات!!!!!
منال/هههههههه لامو لدرجة ذي عاد؟
فوزية/تصدقين متضايقة حييل ....
منال/من شنو؟
فوزية/تمنيت تكون عندي صديقة مخلصة .....
(منال وفوزية توها علاقتهم تتوطد ببعض مو من زمان صاروا قريبين من بعض)
منال/......................
فوزية/من بعد ماكانت نوير صديقتي وكانت ترسم على مصعب ويوم قالها لا وقطعتني اكتشفت اني كنت مصاحبة وهم مو صديقة؟؟؟كانت علاقتها فيني علاقة مصلحة وانا اللي عطيتها كل اسراري وشاركتها همومي وافراحي!!!
منال/فوزية...احيانا نسوي الشي بطيب منا وماندري الطرف الثاني ليش فجاْة يفكر بالعكس!!!!!انتي كنتي تحبينها ومافكرتي بلحطة من اللحظات بخيانتها ولا هجرانها!!!بس هي كانت ترسم على مصعب مو على صداقتك !!!واحمدي ربك انك ماكملتي معها الدرب واكتشفتي نياتها؟؟؟
فوزية/صعب الانسان يوصل للعشرين ومافوق ومايلقى صداقة حقيقة يامنال؟
منال حطت يدها على يد فوزية/لاتقولين كذا يافوزية...يمكن ان الطريق بينفتح لنا والايام الجاية تقربنا من بعضنا اكثر واكثر!!!الا اذا انتي ماتبيني اكون مقربة منك فهذا شي ثاني؟
فوزية/لاتقولين كذا يامنال!!!يشهد الله اني احبك واغليك حييل بس يمكن الظروف ماقربتنا من بعض واللحين جا وقت نعرف بعض اكثر واكثر....
(فوزية كانت مبتعدة عن منال لانها كانت تفكر بمحمد اخوها وحاطته في بالها بس يوم شافت تصرفات محمد وطيشه شالته من باله وتقربت من منال من جديد)
///////////////////////////////////////////////////////////////الليل في سيارة بندر.....
هنوف/يالله كلكم تشكرون اخوي طلع معكم مشاكم واخذ لكم ايس كريم ودفع عنكم حساباتكم و..
نجود/بس واللي يعافيك؟؟؟من زينه اخوك عاد!!!قعد على قلبنا بالسوق وماخلانا ناخذ راحتنا!!!!
لف لها بندر/خير خير نجود هانم منو اللي مااخذ راحته بالسوق؟
نجود/انا وصديقتي ماعرفنا نتسوق منك واقف لنا كانك ظلنا!!!
بندر/هذا بدل ماتقولين شكرا يابعد عمري ياولد عمي لخوفك علينا وانك ماتركتنا واجلت كل شي عندك علشان تظل بجنبا!!!!
هيا بشماتة/لاوالله بس من كثر منت بردان من المويه اللي انكبت عليك ظليت جنبنا خفت ندق عليك وتتاْخر ونرجع نكلف لبنى تكبه عليك من جديد؟؟؟
هنوف/ههههههههه
بندر/اقول انتي بنت الهاجري قولي شي ليش ساكتة؟
نجود/خل صديقتي على جنب لو سمحت ولاتحط لسانك بلسانها؟
بندر/يمه منك انتي!!!!اكيد طالباتك يموتون من الرعب اذا دخلتي عليهم الفصل؟؟؟
نجود بثقة/طبعا وانا بنت ابوي!!!!!
جواهر/بندر....
بندر بنعومة/يانعم..
لبنى/اقول تكلم عدل بس مسوي روحك رومنسي على اخر الزمن؟
نجود/لاومع مين مع جواهر تكون بتعبره يعني!!!
بندر/امريني؟؟؟(قصده يطنشهم)
جواهر/ممكن توقف عند باسكن روبنز؟

نجود/طبعا ممكن يوقف موبكيفه؟؟؟
بندر/عنادا فيك ماراح اوقف؟؟
هيا/هيه انت ياولد؟؟ماعاش اللي يرد نجود السبيعي ولا يكسر كلمتها؟؟؟
نجود/سمعت؟؟؟؟
بندر/مابوقف...
جواهر/طيب وقف السيارة انا بنزل وانت كمل مع خواتك وبنات عمك؟
لبنى/تبين ابوك يذبح اخوي لاياعيوني؟؟
هنوف/سويها بندر واللي يعافيك؟؟ياسلاااام والله وناسة ابي اشوف شبيصير؟؟؟
رجعهم بندر البيت وهم متضايقين حييل منه
نزلوا بنات السبيعي لبيتهم ونجود وجواهر وقفوا شوي عند الباب وكل وحدة راحت بيتهم واول مادخلت جواهر البيت دق لها بندر..
جواهر بزعل/نعم..خير ان شاءالله؟
بندر/هههه طلعي انا انتظرك بالسيارة!!!!
//////////////////////////////////////////////////
في بيت الفايز
ام رائد/ملاك..زيمه وش فيك قاعدة بروحك؟
ملاك/ولاشي مامي بس كنت افكر..
ام رائد جلست جنبها/خير يمه شتفكرين فيه بعد....
ملاك/ولاشي بس في ابلة جديدة جايبينها لنا من الشرقية وحالفة لااطلع عيونها...بس تصبر علي شوي؟
ام رائد باسى/يمه...تصرفاتك مو معقولة ابدا!!!انتي تنفرين اللي حوالينك منك ..انتي كبرتي اللحين وصار
ملاك قاطعتها/ماما الله يخليك اتركيني على راحتي....بعدين كلها بكلها تسلية ...
ام رائد/تتسلين في الناس ياملاك؟؟؟في مليون شي وشي حوالينك تتسلين فيهم ليش تسوين كذا بس يابنتي؟
ملاك/يمه....قلت لك خليني على راحتي؟
ام رائد/..........
ملاك/طلبت من رائد يجيب لي معلومات عنها ولسه ماوصلني شي......
ام رائد/..........
ملاك/مامي....لاتخافين صدقيني ماراح ااْذيها بس بخلي بيني وبينها حدود ولازم تتعلم ماتتجاوزها؟
ام رائد/طيب وليش يوم جيت المدرسة رفضتي اني اكلمها ولااقابلها؟
ملاك بتردد/مدري...حسيت ان ماابي...مدري....جاني احساس غريب اذا شفتها احس اني ابي اعاندها وبس بس ماابي ااْذيها!!
ام رائد/الله يهداك بس ياملاك....
(مع الاحداث بتتعرفون على شخصية ملاك )
/////////////////////////////////////////////////////
ام مصعب/يمه..انت كبرت اللحين خلني اخطب لك بنت الحلال اللي تكمل دربك معاها!!
مصعب/يمه الزواج لاحقين عليه وين بنروح منه؟
ام مصعب/لاتتكلم لي مثل خالك فهد؟؟انت من كثر ماتقعد معه عداك بطبايعه !!!
مصعب/ههههههه وخالي الصادق الزواج شر لابد منه!!!بيجي اليوم ياام مصعب لاتخافين..
ام مصعب/زين لين متى عاد؟؟
مصعب/انتي ليش مستعجلة!!!!زوجي فوزية والجازي وبعدها انا بتزوج.....
ام مصعب/لا...بزوجك وبفرح فيك وخواتك كل وحدة ويوم اللي يجيها نصيبها يامصعب يايمه؟
مصعب/يمه صدقيني يالغالية انا مااحس اني ابي اتزوج اللحين!!!اتركيني على راحتي لين اقولك شفت بنت الحلال وروحي خطبيها لي؟؟
ام مصعب باستنفار/نعم نعم نعم!!!!لاعيوني مابتشوف بنت الحلال بكيفك!!انا بخطب لك وحدة تناسبك وتناسب مكانتنا الاجتماعية..اي..مو تقعد تسوسلي مثل شباب ها اليومين يمه انا احب فلانة وخطبيلي فلانة ومدري شنو؟؟من اللحين اقولك انا بخطب لك وحدة تناسبنا بس انك انت تختار وحدة من وين جاية لااسمح لي يمه اقعد عزوبي اريح لبالي ولبالك!!!!
/////////////////////////////////////////////////
جواهر/خير ان شاءالله ماسمعت؟
بندر/يالله طلعي بنروح نشتري باسكن وبنرجع..
جواهر/لاعيوني ماهو لعب عيال..توني قايلة لك بالسيارة وفشلتني ..
بندر/مانبي معهم حبيبي نبي نكون بروحنا..
جواهر/اسفة مقدر اطلع معك بروحي اللحين؟انا دخلت البيت وامي شافتني شقولها بعد؟
بندر/دبري حالك؟؟
جواهر/مقدر......يكفي انك اليوم كنت مثل ظلي وخفت ان نجود تشك بشي؟
بندر/خلها تولي زين!!!نقعد احنا ونجود هانم؟؟
جواهر/حبيبي لاتقول كذا عنها تعرفني اموت عليها وماارضى احد يغلط عليها؟
بندر/وانا ماتموتين علي؟؟؟
جواهر/انت عارف قدرك عندي شنو ليش دايم تسال؟
بندر بحب/حرام الواحد يعرف قدره عندك!!!
جواهر/لاموحرام بس لايسوي روحه مايدري!!!
بندر/اقول عمري انا وصلت عند باسكن وش تبين اللحين؟
جواهر/رحت باسكن.....ماقلت؟
بندر/قلتي منتي رايحة معي قلت لازم اروح اجيب لك اللي كان خاطرك فيه بعد مايصير ننيمك بزعلك علينا ياقمر؟؟؟؟
////////////////////////////////////////////////////
يوم الجمعة مر سريع على بندر وجواهر وحبايبهم وكل وحدة راح لغربته وترك وراه قلوب تحاتيه وتدعي له بالتوفيق......
////////////////////////////يوم السبت الصباح بالمدرسة....
منال/شلونك بنات وحشتوني؟
هاجر/هلا والله شلونك....
نجود/اهلين.....
منال /مشاءالله وش ها الزين يانجود...
نجود/أي حاجتين مااقدر اعيش بدونهم دلة القهوة العربية ولا البخور,,,
واشرت على مكتبها اللي كانت حاطة عليه مبخر ودلة قهوة وصحن تمر...
منال/بدوية اصيلة...
نجود/من راسي لااقدامي....
هاجر/اشوفكم بعدين عندي حصة اللحين؟
منال قعدت جنب نجود/لاانا ماعندي الاالرابعة اليوم...
نجود/وانا الخامسة والسادسة....
هاجر/معناته اشوفكم بعدين....
طلعت وظلوا يسولفون مع بعض..
منال/شلون رحلتك البارحة؟
نجود/متعبة للغاية...
منال/ليش ماجيتي طيران؟
نجود/بضطر بعدين اخذ تاكسي واروح لحي الغدير من جديد؟
منال/...........
نجود/مفكرة اقدم لي على سايق هنا لاني احس نفسي ضايعة؟
منال/طيب ليش ماتتفقين مع بوعبدالله اللي يجيبنا الصباح علشان يمر يجيبك كل ليلة سبت من المطار؟
نجود/ماراح يعارض؟
منال/مااتوقع هو رجال على قد حاله ويدور رزقه...تبين اكلم عمي يساله؟
نجود/والله اني منحرجة منك يامنال ومتعبتك معي..
منال/عادي حبيبتي لاتشيلين هم احنا مثل الاخوات هنا..وبعدين انتي معزومة عندي على عشى انتي وهاجر شوفوا متى يناسبكم..الوالدة ودها تشوفك وتتعرف عليك؟
نجود/لا ..تمام بس اذا عندكم واحد يتزوجني بجي اذا ماعندكم مو جاية!!
منال/ههههههه تعالي اخذي محمدوا وفكينا منه؟
/////////////////////////////////////////////////////////
ابوعلي/وش تبي ام محمد امس جاية؟
ام ناصر/جاية تخطب صالح ولدها لنجود..
ابوعلي/وش قلتي لها؟
ام ناصر/قلت لها البنت تدرس بالرياض ومابكلمها بالموضوع الا اذا نزلت الاسبوع الجاي....
ابوعلي/خير ان شاءالله...وين يشتغل ولدها؟بخلي ناصر يسال عنه؟
ام ناصر/يشتغل بالعسكرية....
ابوعلي/يصير خير...الله يقدم اللي فيه الخير ان شاءالله....
ام ناصر/الله يفرحني فيها وفي اخوها وفي خواتها يارب.....
////////////////////////////////////////////////////////////يوم الاحد بالليل في بيت الفارس......
ابو مشاري/انا طالع تبي شي يافهد...
كان فهد قاعد عند مكانه المفضل بركة السباحة وبيده اوراق العمل وسيجارته بفمه....
فهد/غريبة ماتطلع من بدري كذا انت وش اللي صاير؟
ابو مشاري/شسوي اليوم منال عازمة المدرسات اللي معها وامها وخواتها كلهم ينتظرونها ويزينون لهم الاكل انا شفت ماحد معبرني قلت اطلع من بدري..
فهد/تعال سولف معي بس ماعليك من الحريم...كل شي عندهم بكلافة وتصبع مايعيشون على طبيعتهم!!!!
ابومشاري/لاتسمعك رحاب اللحين تقولك انت موعايش بدنيتنا ياعمي؟
فهد/مشاءالله حتى رحاب هنا؟
ابو مشاري/من البارحة هي هنا ابو احمد مشى من امس العصر....
فهد/اقعد زين اللحين مصعب بيمرني يتقهوى معي ويسولف اقعد زين..هم داخل مالهم شغل فينا واحنا هنا؟
ابو مشاري/أي بس تراهم بيقعدون في المجلس يافهد ؟
(كان مجلس بومشاري يطل على بركة السباحة اللي بقسم بو مشاري واللي دايم فهد يكون قاعد فيها)
فهد/طيب بالمجلس ماراح يطلعون لهنا؟
/////////////////////////////////////////////////////////
في بيت السبيعي....
هنوف/تعبانة حدي ؟
نورة/من شنو؟
هنوف/من الدنيا واللي فيها؟
ناصر من وراهم/ههههههههههههههه
لفوا له ثنتينهم واللي كانوا قاعدين بالحديقة..
هنوف/ضحكت من سرك بلى؟؟؟؟وش له تضحك ان شاءالله؟
ناصر/ويلي بطني يعورني هههههه أي دنيا هاذي اللي انتي تعبانة منها!!!!
نورة/وش عليك انت بالله!!!
هنوف/ياشين اللقافة شيناه!!!!
ناصر/هههههه قالت شنو قالت تعبانة من الدنيا؟
نورة/ناصر عيب دايم قاط اذنك بسوالفنا ترانا كبرنا مو مفكرنا بعدنا بنات متوسط؟؟؟احنا بثاني ثانوي اللحين؟
ناصر/الله واكبر اللي يسمعكم يقول متخرجين من الجامعة وتدورون وظيفة....بعدكم بزارين؟
نورة/بزارين بعيونك؟
هنوف/نويصر ممكن سؤال؟
ناصر/احم احم...تفضلي...بس ابي اعرف المقابلة بتطلع على ام بي سي....
هنوف/من زينك لو من زينك نطلعك با ام بي سي؟
ناصر/قولي بسرعة ترى مو فاضي لك انا؟؟
هنوف/متى بتتزوج وتعقل عن جنونك وطيشك؟
ناصر/الله يالدنيا اللحين انا طايش!!!!!
هنوف في بالها(طبعا لا انت اعقل واحد بها الدنيا ياعمري)
ناصر/زين ياهنيف زين لكن دواك عندي؟؟
هنوف/روح زين انت مافيك الا لسانك يهدد ولا انت خرطي!!!!
نورة/هههه ها ترى ماارضى على اخوي حبيبي وعضيدي وتاج راسي؟؟؟؟
ناصر/اللحين اخوك وحبيبك والله لو تموتين ولامشوار بوديك فيه؟؟؟علشان تتتعلمين؟
نورة/لايابعد عمري لاتقول كذا؟؟
مشى ناصر وهو نافخ ريشه وكاْنه مايسمعهم....ودخل داخل..
نورة/صدقتك بعد زعلان!!!!!والله لو اروح له اللحين واقول وصلني بيكون نسى الموضوع؟
هنوف/على قولتك ومسوي روحه رزة وشخصية وانه مدري شنو وهو كلام بس!!!!
ماكملت كلمتها الا وكاس ماي فوقها ووقفت متخرعة
ناصر/ههههههههههههههه هاذي ضحكة النصر ياهنيف؟؟؟
هنوف فتحت شيلتها بس تذكرت ان ناصر واقف وصارخت بوجهه/عساك ماتربح ان شاءالله يالمجنون؟؟كذا سويت فيني!!!!
ناصر/ههههههه يالله روحي ذلفي بيتكم ولاتجينا مانبيك؟؟
هنوف/والله لااردها لك يانويصر والله!!!!
//////////////////////////////////////////////////////
مروة/زين شكلي كذا!!!!
رحاب/أي...
مروة/يعني يبين علي مرتبة ولا حالتي حالة ولاشنو بالضبط؟
منال/انتي من صدقك...بتسلمين وبتمشين ماابي وجودك الكريم؟؟
مروة/ومن قال لك اني بقعد بعد مااسلم عليها!!!بوقف ورى الباب اتسمع سوالفها؟
رحاب/والله خبالة؟
مي/منال وصلوا صاحباتك؟
***********************بالصالة/ام مشاري/هلاوالله من زمان عنك ياهاجر؟
هاجر/هلا خالتي شلونك عساك بخير....
ام مشاري/الحمد الله عايشين ها الدنيا ...شلونك يمه...
نجود/هلا.....
ام مشاري/نجود صح؟
نجود بثقل/أي...
ام مشاري/تفضلوا حياكم......
********************************مصعب/قاعد ماطلعت غريبة مو عوايدك؟
محمد/والله اليوم في بنات وش يطلعني من البيت بعد؟
مصعب/بنات مو شباب!!!
محمد/أي مو يمكن عيني تشوفهم بالغط وهم قايمين لو قاعدين؟
مصعب/اعقل يامحمد حتى صاحبات خواتك مايسلمون منك؟
محمد/وانا شمسوي عاد!!!قلت بشوفهم ماقلت باكلهم لو بذبحهم!!!
مصعب/يااخي تزوج وفكنا من سوالفك؟
محمد/لالالا مو اللحين اول استمتع بحياتي عدل خوفي تجيني وحدة تنغص عيشتي علي!!!!
مصعب/لاحوووول!!!خالي وينه؟
محمد/قاعد مع ابوي تعال .....
//////////////////////////////////////////////////
منال/وهاذي رحاب اختي......
نجود/مشاءالله قربت ولادتك؟
رحاب/ان شاءالله بعد شهرين....
نجود/ازل ولادة؟
رحاب/لاعندي احمد.....
منال/وهاذي نجلاء زوجة عمي فهد....
نجود/زوجة معزب بو عبدالله يعني!!!
منال/ههههه أي ...
نجود/ومين الامورة اللي جنبك؟
نجلاء/هاذي لمى بنتي....ماسلمتي لمى؟
لمى قامت وهي مستحية..
نجود/مشاءالله وش ها الحلاوة ذي كلها..
لمى/شكرا...
نجود/تعطيني شوي من حلاوتك....
لمى/انتي بعد حلوة.....
نجود/لا هاذي فيها مبالغة شوي...تعالي قعدي جنبي......
هاجر/كيف الحمل عندك رحاب ها المرة؟
رحاب/متعب جدا...سكري الحمل متعبني؟
نجود/انتي عندك سكر اصلا!!
رحاب/لا..
نجود/طيب حملك السابق ماجاك فيه سكري؟
رحاب/لا...
نجود/معناته في احد من العائلة عندكم عنده سكر...لانه سكري الحمل يايجي بسبب السمنة ولا الحمل السابق يكون جاي لك فيه ولا وراثي؟
رحاب ابتسمت/امي معها سكري....
نجود/ماتشوفين شر....
ام مشاري/الشر مايجيك يمه....
نجود/بس ترى على فكرة السكري صار عندنا ماركة اللحين!!!حتى الوالد معه سكري.....
فيصل/انتي شسمك؟انا اول مرة اشوفك....
نجود/انت شسمك.....
فيصل/ماعرفتيني!!!!
نجود وهاجر/ههههههه
نجود/لاوالله ماعرفتنا بنفسك يالغلا....
فيصل/انا ولد امي وابوي.....
نجود/يعني مالك اسم....
لمى/اسمه فيصل....
نجود تكلم منال/نعومة هاذي بنت عمك بدرجة كبيرة ...تشبه بنت عمي مضاوي....
//////////////////////////////////////////////////
في جدة....
دلع/كاْنك تاْخرت استاذ بندر؟
بندر/لاماتاْخرت ...
دلع/وليش تقولها كذا بدون نفس وكاْنك عجوز ماكلين عشاها؟؟؟
بندر/........
دلع/انت شسالفتك بالله ماتعلمني؟؟؟؟كنت عسل معي بالاسبوع الي طاف ومن رديت امس من الشرقية وانت منعفس فوق تحت؟؟؟
بندر/...............
دلع/مين غيرك علي؟؟
بندر/محد؟
دلع/متاْكد!!!!
بندر/..............
دلع/طيب انا بالي طويل وبظل صابرة ومنتظرة لين تغير مزاجك ماعندي أي شي...خذ راحتك يابندر!!!!!
////////////////////////////////////
جواهر كانت قاعدة بغرفتها وحاطة لاب توبها بحضنها وهي تناظر بصور بندر وتبتسم...
بندر حبها الاول والاخير...
ولد الجيران اللي عاشت معه الطفولة والمراهقة والصبا والطيش والشباب......
ياليت يتحقق حلمهم ويكملون مع بعض....
شكثر تحب ها البندر وتتفداه بحياته..ومن يلومها بندر انسان محبوب وشخصيته عسل مثل ناصر وهو الوحيد بين اربع بنات بس مع هذا رجال صح مافي دلع وطيش وتهور,,,,
ياترى شلون بتكون حياتنا اذا تزوجنا يابندر....كيف بيكونون شكل عيالنا عبدالعزيز وهنوف..(على اسم جده وجدته)
حبيبي انت وعمري وغلاي وكل دنيتي...صدقيني يابندر ماحد بالدنيا هاذي يحبك كثري ولاحتى نص ولاربع حبي لك..حتى امك وابوك!!!!
واذا صادف انك ماحسيت بحبي لك فتاْكد اني انمحيت من الوجود ياحبيبي!!!!
كانت تكلم صورة بندر اللي قبالها وكانه موجود معها...حب جواهر لبندر كان يفوق أي حب بين اثنين بها الدنيا...
حبهم لبعض من زمان وبندر قرر ان الوقت صار لازم يربطهم مع بعض برباط الزواج....
واذا رجع الاسبوع الجاي بيكلم امه وابوه علشان يكلمون اهلها...وبالها انشغل بالثوب وبالتحضير وبكل شي...بس مفتقدة وجود نجود جنبها علشان تساعدها وبنفس الوقت ماتقدر تقولها لانها من البداية ماخبرتها بعلاقتها ببندر!!!!
//////////////////////////////////////////////////////
نجود/اكرمكم الله ياخالتي..
نجلاء/ياحافظ مااكلتي شي عاد؟؟؟
نجود/الحمد الله شبعت والله....
ام مشاري/كنه ماعجبك اكلنا يمه نجود..
نجود/لاوالله ياخالتي الحمد الله...منال وين اغسل؟
منال/من نفس المكان اللي غسلتي فيه من شوي......
نجود وقفت/امان مافي احد ولا احط شيلتي؟
منال/لا مافي احد بس بتسوين فينا جميل لو شفتي محمد وخطبتي لنفسك ههههههههه
هههههههههههههههههههه
نجود/انتوا ليش متبرين منه؟؟؟لايكون بس فيه مرض خطير وتبون ترمون علي؟؟؟
رحاب/حرام عليك اخوي عسل...بس حركاته شوي طايشة؟
نجود/اشوف منال تدلل عليه ها اليومين؟؟؟بس مو مشكلة اخذه واعقله وارزه ولايهمك.....
طلعت تغسل بالمغسل اللي بره وهي تطالع بشكلها بالمرايا..وفزعت يوم سمعت صوت وراها...
جيبيلي ماي!!!!!
نجود/ .....................

//////////////////////////////////////منو تتوقعون نجود شافت وش بتكون ردة فعلها وفعله!!!!
جواهر وبندر وهل بيتوجون علاقة الحب اللي بينهم بالزواج ولا في اعاصير بتواجههم؟؟
هل بتكتشف نجود سالفة جواهر وبندر وبتعديها ولا شبتكون ردة فعلها؟؟؟
هل بترجع نجود مرة ثانية بيت الفارس ؟؟؟واذا رجعت وش غرضها ياترى؟؟؟
احداث كثيرة وتوقعات يمكن ماتخطر ببالكم بتلاقونها بالبارت الجاي؟؟؟

 
 

 

عرض البوم صور بياض الصبح   رد مع اقتباس
قديم 18-08-10, 10:47 PM   المشاركة رقم: 8
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 


البارت السادس,,,,


نجود/اشوف منال تدلل عليه ها اليومين؟؟؟بس مو مشكلة اخذه واعقله وارزه ولايهمك.....
طلعت تغسل بالمغسل اللي بره وهي تطالع بشكلها بالمرايا..وفزعت يوم سمعت صوت وراها...
جيبيلي ماي!!!!!
نجود/ .....................
ظلت متجمدة مكانها من الخوف....وش ها الفشلة ياربي انا مالبست شيلتي قالوا لي المكان امان ومافي احد...
رفعت عيونها بحيرة وهي مو عارفة تتحرك من مكانها..
وهو توه بس انتبه ان اللي واقفة غريبة عن المكان وشكلها وحدة من الضيوف مو من اهل ها البيت ماعرف شيسوي ومايدري هو اعتذر قبل لايمشي ولالا؟؟؟
كل اللي عرفه ان تنفس بقوة اول مابعد عن المكان....
فيصل/هذا كله تغسلين يدك؟
تنبهت نجود على صوت فيصل اللي يكلمها وهي سرحانة....وناظرت بالمكان اللي حوالينها وانتبهت ان الشخص الموجود قبل لحظات مشى....ومسكت يد فيصل وكانها تحاول تهرب بسرعة ودخلت معه داخل......
/////////////////////////////////////////
رحاب/احس شخصيتها قوية بالمرة؟
مروة بتضخيم/ماشفتي شي تعالي الفصل وقولي شخصيتها قوية هذا تعتبر مثالية جدا!!!
نجلاء/بس حبوبة ماهي شينة....
ام مشاري/بس انا عجباتني هاجر اكثر احسها قاعدة على بساط احمدي.....
رحاب/اممم انا بعد لاحظت ها الشي..
نجلاء/لا مايعني لاتنسون ان هاجر دخلت بيتنا من قبل كذا مرة !!!ونجود توها تدخل اليوم يعني مافي مقارنة.....
منال/عمي فهد نام؟
نجلاء/والله مدري ليش تسالين؟
منال/لا بس انا قلت لنجود اني بكلمه علشان يسال بوعبدالله اذا كان يقدر يجيبهم من المطار كل اسبوع لسكنها وبرد لها خبر.....
رحاب/وهي شلون تجي من الشرقية كل اسبوع؟
منال/مع اخوها بالسيارة...
نجلاء/ياه مشوار يكسر العافية...فيصل شوف ابوك قاعد ولانام؟
فيصل/مو قايم...
منال/مو مشكلة بكرة اكلمه ولامنة فصيل علينا!!!!
فيصل/احمد ليش نام بدري؟
رحاب/علشان عنده الصباح روضة مو مثل بعض الناس بطالين عطالين؟؟؟؟؟
فيصل/انا مااحب الاولاد اللي يسوون نفسهم نفخة ويروحون يتعلمون بالروضة والمدرسة!!!
منال/لاوالله!!!!صدق منت صاحي يافصيل؟؟ههههههههههههههه
/////////////////////////////////////////////////
اليوم الثاني.......
بعد انتهاء الدوام الدراسي وتحديدا بشقة نجود.....
دق تلفونها.....وكانت تصلي وكان المتصل ملح في اتصاله...وهي ودها تقوم من الصلاة وتذبحه بس لانه مو قادر يصبر شوي.....
خلصت صلاتها ولقت اربعة مكالمات من ناصر وكم مسج يبيهم تكلمه ضروري......
دقت بسرعة وهي قلبها قابضها ...وش فيه ناصر متصل ها الحزة.....ان شاءالله بس ابوي مافيه شي......
ناصر بروقان بعد الرنة الثانية/هلا ياحلو؟
نجود بعصبية/نويصر ووجع؟؟فزعتني وش صاير!!!!!
ناصر ببراْة/ماصاير شي...
نجود/كم مرة اتصلت فيني؟؟؟واخر شي تقول ماصاير شي؟
ناصر/هذا بدل ماتقولين شلونك ياقلبي عساك بخير...
نجود/اذلف زين؟؟؟وقف قلبي من اتصالاتك وانت تقول لي شلونك ياقلبي......
ناصر/انتي دايم كذا اسلوبك؟؟؟؟زين شوفي انا شمسوي لك من خدمات ؟
نجود/بتمن علي نويصر على اخر عمرك؟
ناصر/خلاص مو قايل لك ليش مااتصلت فيك؟
نجود/يامبرد اعصابك والله!!!!تكلم بس تكلم؟
ناصر/احم احم ......بكرة انا جايك الرياض؟
نجود/وبتقعد معي وبتمشيني ولابس جاي توريني عرض اكتافك؟
ناصر/ياشينك يانجودوا بس!!!!ليش انتي كذا!!!!
نجود/هههههههه
ناصر/عموما ماراح اقول لك ليش؟؟؟
نجود/والله ماتسكر غير لمى تنطق!!!
ناصر/بسم الله علي منك!!!!!حشى لله مافيك أي رقة ولاانوثة!!!
نجود/ومن متى انت تفتهم بالرقة والانوثة يالعزابي!!!!
ناصر/والله انا ابو الرقة والانوثة بس ماحد خلاني اصير عزابي غير اخوك علي الله يسامحه ويهديه؟
نجود تنهدت/علي!!!علي مدري وش اللي خلاه يصير كذا ولا لمتى بيظل مع بنت عمه كذا ولا شنو اللي بينهم وكارهين بعض ؟
ناصر/لاتدخلينا بسالفة علي وننسى سالفتنا ياقمر~؟
نجود/ هات مالديك من اشياء تخبرني بها؟
ناصر /ههههه تتكلمين كذا بالفصل؟؟مايضحكون البنات عليك؟
نجود/تصدق دخلتها في بالي بكرة ببدي معهم اسلوب جديد الا وهو الكلام والحوار باللغة العربية داخل الصف الدراسي...
ناصر/لاتتفلسفين علي واللي يرحم والديك.....
نجود/انطق زين خلصني......
ناصر/واحد من الشباب اللي يشتغلون معي يقول عمه ساكن بالرياض واللحين بينقل جدة وقاعد يسوي تصفيات على اعماله وعنده شغالة وسايق بينقل كفالتهم للي يبي عاد انا قلت سايق وعنده خبرة بالرياض هذا اكيد لحبيبة قلبي نجودة بينفعها هناك بدل قعدتها بروحها بيخلص لها مشاويرها؟؟؟ها شرايك بالمفاْجاة؟
/////////////////////////////////////////////////////////////فهد/السلام عليكم......
لمى وسارة/وعليكم السلام.
لمى فزت بسرعة/بابا تعال بوريك وش كتبت لي الابلة بالدفتر اليوم.......
نجلاء/خلي ابوك يدخل ويبدل ويصلي ويرتاح بعدين لاحق عليك يالمى.....
فهد قعد على الكنبة وشال شماغه وحط شنطته على جنبه.../تعالي وريني يالله..
نجلاء/فهد قوم بدل وصلي ماعليك منها هاذي ماعندها سالفة؟
سارة/خبلة اول مرة تصير شاطرة بالصف ويحطون لها نجمتين وتجيب العلامة الكاملة مو قادرة تقعد بمكانها؟؟؟
فتح فهد دفتر لمى وشاف علامتها وماحب يكسر فرحتها لانه يموت على لمى لانها الوحيدة اللي اخذت هدوءه...
فهد بهدوء/مشاءالله...انتي سويتي ها الواجب بروحك بابا لمى؟
لمى بفرح/أي بابا...
فهد/مشاءالله.....ابيك كذا على طول بابا لمى تهتمين بدراستك وواجباتك طيب؟
لمى/طيب بابا.....
فهد/وعلشانك جبتي علامات حلوة بطلع معك العصر المكان اللي تبينه؟
لمى حضنت ابوها بالقوة/احبك بابا.....
فهد/يالله روحي دخلي دفترك لايتوسخ.....وين اخوك فيصل؟
لمى/في بيت عمي مع محمد....
سارة/بابا....
فهد/نعم بابا...
سارة/ابي اطلب منك طلب.....
فهد/شنو؟
سارة/قول موافق؟
فهد/لا مااقول موافق قبل لااعرفه؟
سارة بضيق/اذا عرفته ماراح توافق...
فهد/قولي...
سارة/بطلع مع صاحباتي العصر بنروح السوق؟
فهد/وين؟
سارة/بنروح غرناطة جاليري....
فهد/بروحكم؟
سارة/أي...
فهد/لاطبعا!!!
سارة/بابا ليش كذا!!!
فهد/بعدك صغيرة على الطلعة بروحك؟
سارة/هم اهلهم وافقوا؟
فهد/هذا لان اهلهم ماعندهم تحمل مسؤلية أي شي!!!!انتوا صغار كيف تطلعون مجمع بروحكم يابابا سارة؟
سارة بزعل/انت ماتحبني لو تحبني وافقت؟
فهد/سارة طلعة بروحك لا..اذا تبين تروحين انا بطلع مع اختك العصر وناخذك معنا واقنعيها تروح المجمع هذا بس موتغصبينها؟
سارة/انا ماابي لمى تروح معي ابي اروح مع صاحباتي!!!!
فهد بعصبية/وبعدين معك انتي ماتسمعين الحكي؟؟؟؟قلت لك بروحك لا مافي طلعة؟
//////////////////////////////////////////////////////
جواهر/وينك ياظالم البارحة ماترد على اتصالاتي خوفتني عليك؟
بندر بربكة/ها..اي البارحة.....صارت لي سالفة طويلة عريضة؟
جواهر بخوف/خير وش صار؟
بندر/هههههه لاتخافيني عدت على خير...المهم انتي شلونك ياقلبي؟
جواهر باصرار/بندر حبيبي طمني صاير شي؟لاتخليني احاتي؟
بندر/مافي شي قلت لك انتهت السالفة؟
جواهر/بلى في شي....قول انا اسمعك حبيبي.....
بندر تنهد,,,,
جواهر/شفت انه في شي؟تكلم يالله انا اسمعك؟
بندر/كنت متهاوش مع ......
جواهر/مع منو تكلم!!!!
بندر/مديري مكلفني بدوام جزئي يوم الخميس وانا تهاوشت معه لاني ابي انزل الشرقية من يوم الاربعاء ومارضى يعطيني موافقة وتهاوشنا؟
جواهر/ليش عاد كذا!!!!
بندر/لاتشيلين هم...انا مفكر اقطع الدورة وارد هنا واذا كبرت السالفة بقدم استقالتي لاني ماعدت اتحمل بعدك اكثر؟
جواهر/لا يابندر لا؟؟؟؟اذا مانزلت ها الاسبوع بتنزل الاسبوع الجاي..وبعدين انا معك على الخط طول الوقت...بس الله يخليك لاتتهور وتقدم استقالتك...حبيبي معليش مافي شي يجيك ويريحك بسرعة لازم نتحمل العمل وضغوطاته...هي كذا الدنيا....لاتتهور زين....انا معك وانت معي ولاانت ناسي ان احنا عايشين بداخل بعض!!!!!
مايدري ليش لحظتها حس بالندم على ها الكذبة اللي كذبها على حبيبة قلبه!!!!
هو لاتهاوش مع مديره ولاهم يحزنون!!!
طول البارحة كان قاعد مع دلع وضاربينها سوالف ومطنش تلفونات جواهر!!!!
مايدري وش اللي صار فيه....حتى الكذبة كذبها ومااهتم...بس يوم شاف وقفتها جنبه تندم وحس بالحسرة...جواهر تحبه اكثر من ماهو قاعد يوفي لها وها الشي ضايقه وعزم انه يشيل من باله كل شي وينتبه لجواهر ولحبهم وبس!!!بس ياترى بيقدر ولابيقدرون عليه!!!!!!
////////////////////////////////////////////
في بيت السبيعي.....
هنوف/جيبيها قلت لك بلبسها؟
مضاوي بهدوء/أي بس هي لي وماابي اعطيك اياها؟
هنوف بصوت عالي/اوه ه ه مضاوي لاترفعين ضغطي انتي مع برودك!!!عطيني اياها وانهي السالفة؟
مضاوي بنفس برودها وهدوئها/هنوف روحي ذاكري وخليني بحالي....
هنوف/اووووووووف تدرين انك حقودة؟؟
مضاوي بفزع بارد/انا!!!!
هنوف/عطيني اياها خليني اشخص واتكشخ فيها ليش كذا صايرة ثقيلة دم؟
مضاوي/ماني رادة عليك؟
دق باب الصالة ممايعني ان احد من بيت عمهم هو اللي جاي...
هنوف/عنك عنك حبيبتي انا بفتحه....
لبست عبايتها وشيلتها اللي عند الباب علشان روحاتها وجياتها لبيت عمها وفتحت وكان ناصر هو اللي واقف....
هنوف بشماتة/خير ولد عمي...جاي تاخذ نصيبك بنفسك؟
ناصر باستغراب/أي نصيب؟؟؟
هنوف/سوي روحك ناسي؟؟؟؟نسيت الماي اللي كبيته علي!!!!حلفت لااردها لك؟؟؟
ناصر/ههههههه تصدقين نسيت السالفة؟
هنوف/والله!!!!
ناصر/هذا ان دل دل على قلبي الابيض والقشطة اللي دايم ناسي ومايحمل شي.....
هنوف/يابعد عمري تصدق كسرت خاطري!!!ماني قادرة دمعتين بس ويقلب فلم هندي؟؟؟
ناصر/هههه انتي ليش غبية؟
هنوف/طالعة عليك يانويصر؟
ناصر/وين امك؟
هنوف/وش تبي فيها؟
ناصر/وش عليك انتي!!!سالفة بيني وبينها؟
هنوف/مافي لازم اعرف!!!
ناصر/ياشين اللقافة بس....روحي ناديها قولي لها الشيخ ناصر ينتظرك بالسيارة؟
هنوف/من زينه عاد علشان يصير الشيخ!!!هذا اولا؟؟؟ثانيا...ناطرها وين بالرولز رايس ولا بي ام دبليو؟
ناصر ببراْة/وش فيها الكابريس ماهي عاجبتك ان شاءالله؟؟؟متعودة على مرسدس ابوك وصرنا مانعجبك؟؟؟
هنوف/في هاذي غلبتني كلها بكلها طول الوقت راكبة بالسوبر؟
ناصر/قالت شنو ...بي ام دبليوم ولا مرسدس مدرس رولز رايس...روحي روحي بس ناديها؟
هنوف/وين بتروح معها؟
ناصر/وش عليك انتي بالله؟
هنوف/لازم اعرف....
ام بندر من وراها/جيت يمه ناصر....
ناصر/ماتشيلين ها المغثة ياخالتي؟؟ساعة واقف انتظرها تعطيك خبر؟
ام بندر/الله يهداك يمه كان دقيت على جوالي وانا بطلع لك؟؟
هنوف بنصر/انا ادري عنه...
ناصر/كاني انا الغلطان طلعت!!!
هنوف بشماتة/نوعا ما.....بمه انتي وين رايحة مع نويصر؟
ام بندر/بيوصلني مشوار وبرد......
هنوف/معك..مااتركك؟
ناصر/انتي للحين تطلعين مع الماما!!!!
هنوف بهبالة تجاريه/أي شسوي بعدنتي صغيرة ولازقة بالماما!!!!
///////////////////////////////////////////////////
مي/منال شوفي الحل صح ولالا؟
منال/انا ابي افهم وقت اللي تشرح الابلة وين تكون عقولكم حضرتكم؟
مي/موجودة بس نص مفتوح والنص الثاني يريح!!!!
منال/وربك؟؟؟احس انه كله نايم مو بس نصه ياقلبي!!!!
مي/شسوي هاذي الابلة تنعس ماترشجعنا على التفاعل يادوبها تتكلم؟؟
منال/انتوا كل شي مو عاجبكم!!!
مروة/تعالوا خذوا نجود من عندنا مستحيل وحدة ترمش بحصتها من الخوف!!!
مي/أي بس انا مااحسها تخوف كثير؟؟؟
مروة/هذا لانك شفتيها هنا بالبيت ماشفتيها بالفصل؟؟
مي/سارة ماتطيقها؟
منال/وسارة ان شاءالله متى شافتها؟؟؟هي حتى امس مامرت هنا ؟
مي/علشان ملاك دايم تتكلم عنها وهي تكره كل اللي تكرهم ملاك بدون أي تفكير؟؟
مروة/هاذي ساروه وحدة خبلة بجد!!!!
مي/اليوم ملاك وشلتها بيروحون غرناطة مول وعزمتها ملاك وهي وافقت طبعا !!!
منال/بروحها!!!لامااظن عمي ماراح يرضى؟
مي/تقول اذا ماوافق ابوي عندي امي..بس مستحيل افوت عزومة ملاك.....
مروة/ياثقل دمها وتفكيرها التعبان........
منال/كم الساعة اللحين؟
مروة/ليش طالعة مكان؟؟؟
منال/لا...نجود بتروح السوبر ماركت وقالت لاابو عبدالله يمرها الساعة ست بتقضي لها كم شغلة...يعني اللحين بالطريق رايحة؟
مروة/حركات ...لو تدري جويزي راحت المكان اللي بتروحه!!!
مي/تحبها!!!!مع ان جويزي مايعجبها شي مثل امها؟
مروة/تموت فيها بس الكبرياء اللي عندها يمنعها من الاعتراف!!!طول الوقت تسولف عنها واذا جيت اقولها انتي تحبينها تقول لاانا مااحبها انا بس اتجنب المشاكل والاحتكاك فيها؟
لمياء/السلام عليكم...
وعليكم السلام والرحمة...
منال/هلا والله.....ماقلتي لنا انك جاية؟
لمياء/ليش ماتبوني؟
مروة/لا مو كذا..بس علشان نشتري شي لمريومة؟
مي/وينها مرايم؟
لمياء/اخذها عمها محمد من على الباب.....انتوا شلونكم.....
منال/عايشين...
لمياء/ههههههه يعني للحين مامتوا!!زين نعمة...
منال/هههههههههههههه
//////////////////////////////////////////////
لمى/طق طق طق....
نجلاء/منو.....
لمى/انا لمى...
نجلاء/..
فهد/دخلي بابا لمى.....
دخلت لمى.....
لمى/بابا البس البنطلون الابيض ولاالجينز؟
فهد مسك بنطلوناتها اثنينهم...
وجت نجلاء وشالتهم من عنده وعطتهم لمى...
نجلاء/انا مجهزة لك لبساتك كلهم مع بعض بعد ليش كثر الاسئلة؟
لمى/أي بس....ابي اشوف راي بابا؟
نجلاء/والبابا فاضي لك بس يشوف وش بتلبسين يالمى الله يهداك؟
تنهد فهد/بابا لمى لبسي اللي يعجبك حبيبتي انا شوي وبنزل طيب....
طلعت لمى من الغرفة وسكرت وراها الباب...
فهد/وش فيك..
نجلاء/انت من صدقك بتحط عقلك بعقل لمى ؟؟
فهد/سالتني وش اللي يناسبها وانا رديت عليها شفيها هاذي بالله!!!
نجلاء/فيها انك مالك باللبس يافهد..انت اهتماماتك محصورة بجانب ثاني....بالبيت بس تعطيهم الاوامر موتقعد لي لبسي كذا ولبسي كذا على اخر الوقت!!!!
////////////////////////////////////////////
بسيارة ناصر......
هنوف/انا هذولا الناس مااحبهم ..مدري ليش امي تجيهم؟
ناصر لف لها لانها كانت قاعدة ورى/وليش جيتي بالله يوم انك ماتطيقيهم؟
هنوف/خفت تتخوى بامي؟؟؟
فتح ناصر عيونه على وسعها/جنيتي انتي!!!
هنوف كتمة ضحكتها/لااتكلم جد طبعا انت ينخاف منك على ماسمعت؟؟؟
ناصر/وش اللي مقعدك معي بعد يوم انه ينخاف مني!!!!
هنوف/علشان اذا شفت سيارة دورية بقعد ادق على النافذةواقول اختطفني ويبي فدية من اهلي وبعدها يسجنونك......
ناصر بقهر/عساك ماتتباركين بدنيتك على ها الشرانية اللي انتي عايشة فيها يالنذلة؟؟؟اللحين انا يوم بدور اسرق لي بنت واطلب فدية من اهلها ماراح اسرقكك الا انتي!!!!
هنوف بنفخة/وش فيني انا!!!!
ناصر/اولا انتي بغسل يدي منك لان عمي بيقول خلها عندك وفدية مانا دافع لك لان بنتي ماتسوى اخسر نفسي!!!!وبعدين بدور لي وحدة ازين منك واعقل منك واجمل منك علشان اذا مارضوا يعطوني فدية اتوكل واتزوجها بدل ماتطيح بحظي؟؟؟
هنوف مسوية روحها زعلانة/ يعني انا شينة؟؟؟؟؟؟؟
مرت فترة صمت قطعها ناصر يوم لف لها ورى وشافها جامدة بمكانها ورفعت الغطاء وغطت نقابها....
ناصر بخوف/هنوفوا لايكون زعلتي!!!!
هنوف/............
ناصر/انا كنت اجاريك وربي.....وانتي عارفة ها الشي؟
هنوف/.............
ناصر/هنوف...هنوفة.....تدرين اني امزح وربي انك مزيونة وتجننين وانا احبك ولو ماكنت ماخذ عليك ماكنت اخذ واعطي معك لهدرجة!!!!!
هنوف/ادفع علشان تثبت لي!!!!!
ناصر/ول ماتنعطين وجه ابدا!!!!!
هنوف/بسرعة اسحب لي الف ريال علشان ارضى ولابظل زعلانة منك؟؟؟؟؟؟
ناصر/هههههههههههههههه خليك زعلانة واجد ابرك....
////////////////////////////
كانت نجود قاعدة بسيارة بو عبدالله وهي شاردة ماتدري ليش صورة الشخص اللي شافته امس في بيت منال ماهي راضية تغيب عن بالها!!!
ياترى منو هذا؟؟؟معقولة هذا محمد اللي كانت تتكلم عنه!!!لا مااظن....انا صدق ماركزت بالملامح عدل بس نظرة سريعة بس.........
بوعبدالله/وصلنا...هذا بندة.....
نجود/اذا عندك اشغال روح خلصها لاتنتظرني لاني باخذ راحتي على الاخر...
بوعبدالله/خلاص مو مشكلة وقت اللي بتخلصين دقي علي وانا برجع لك مرة ثانية...
نجود/شكرا...
ونزلت من السيارة ودخلت بندة ومسكت لها عربة وبدت تتسوق وهي نص شاردة ونص تناظر بالاشياء المصفوفة بالرفوف ...
ومن كثر شرودها صارت تحط اشياء مالها شغل ولا لها حاجة فيها بس كذا...وهي تتسوق
صدمت عربتها بعربة شخص كان قدامها.......
نجود رفعت يدها/اسفة....
وجت بتمشي الا لقت نفس الشخص اللي شافته امس في بيت منال!!!!!!!!!!
///////////////////////////////////////////////////////
هيا/خذني معك الله يخليك؟
ناصر/وانا رايح تمشية؟؟؟بشوف السايق وبحول الكفالة وبرد؟
هيا/بها الوقت انا اكون مع نجود...نصور الله يخليك يااحلى اخو بالعالم؟
ام ناصر/لمصلحتك بس تحبين ولدي!!!
هيا/افا بس ياخالتي ....هذا العزيز الغالي!!!
نصار نفخ ريشه/قومي جيبيلي شي اشربه؟
هيا/من عيوني ياقلبي......
ناصر حط رجل على رجل/وابيه فريش...يعني تسوين بيدك؟
هيا/اسويه بعيوني مو بس بيدي؟
ناصر بفزع/وش بتشربيني انتي من عيونك؟؟؟؟لااله الاالله....
هيا/كلم الوالد ها...مو تنسى كاهو صوته جاي..
ناصر/تعالي ماتفاهمنا يالنذلة؟
هيا قامت بسرعة/دبر حالك مو شغلي!!!
ناصر لف لاامه/لمتى بيظلون عيالكم ياكلون فيني بس!!!!
ام ناصر/لين تتزوج ياحظي ساعتها مابيقدرون عليك؟؟؟
ناصر/والله شكلي بفكر بالسالفة جديا لان زودها معي حبتين...
ابو علي/السلام عليكم....
ام ناصر وناصر/وعليكم السلام.....
ابو علي/شفت الرجال اللي قلت لك عنه؟
ناصر/أي يبه....
ابو علي/ها وش عرفت عنه؟
ناصر/والله يبى كل اللي سالتهم عنه يمدحونه....بس قالوا لي انه خطب مرتين وفك....
ابوعلي/وخير ياطير ماصار نصيب بالمرتين يصير بالثالثة ماوقفت الدنيا عند ها الحد؟
ناصر/أي انا بس حبيت اقولك......

////////////////////////////////////////////
حتى هو ظل واقف يناظرها رغم انها ماكانت فاتحة وجهها بس متلثمة ومبينة عيونها انها نفس العيون اللي شافها بالامس!!!!
ارتبكت وماعرفت شتسوي وهي حاسة ان الدم كله وقف بعروقها وجسمها كله مشلول؟؟؟؟
شصار فيك يانجود خقيتي كذا مرة وحدة؟؟؟؟
دفعت عربتها قدام شوي عنه....وهي حاسة ان الدنيا حر موت رغم انها واقفة عند الثلاجات..بس الحر طالع من قلبها مو من الجو؟؟؟
مالي غير اني اكلم جواهر واسوي الوضع طبيعي لايلاحظ ارتباكي!!!!
تحسست يدها تدور شنطتها ومالقتها وقفت مفزوعة
تدور شنطتها بالعربة وتذكرت انها نستها بسيارة بوعبدالله؟؟؟؟
وش ها المصيبة بس ياربي!!!!!
اللحين لاجوال ولافلوس ولاهم يحزنون؟؟؟؟ياليتني قاعدة ببلدي بدبر اموري؟؟كيف اتصرف اللحين؟؟؟؟
/////////////////////////////////////////////////////////
عبير/ليش تسالين؟
لبنى/مجرد سؤال لااقل ولااكثر؟
عبير/..............
لبنى/انا ادري انه من خصوصاياتك وماحد له حق يسالك ها السؤال وانتي اصلا ماالمفروض انك تجاوبين بس .....ودي افهم طبيعة العلاقة اللي بينك وبين علي ......
عبير تنهدت بقوة.....
لبنى بحنان/عبير....انتي كنتي معارضة الزواج بس ماقلتي شي ودخلتي على علي وانتي بهدوء وماحد منتبه على شي بس فجاْة قلبتي وتغيرتي وصرتي كتلة برود ناحيته....ليش تبدلت علاقتكم ياعبير شسوى علي علشان ......مدري كيف اختار الفاظ تناسب الحدث بس اللي ابي افهمه ليش وصلت علاقتكم لها المستوى ياعبير؟
عبير بنرفزة مكبوتة/انا .......انا اكرهه وبظل اكرهه....هذا جماد مايحس ولاراح يحس؟؟؟كنت بالبداية معارضة بس حاولت اكيف نفسي معه ماقدرت.....تمادى لين وصل علاقتنا لها المستوى يالبنى!!!
لبنى/يعني شلون تمادى؟؟؟
ناظرتها عبير بنظرات حيرة وماقدرت تتكمل اكتفت انها تمسح دموع نزلت منها وتكتم باقي حسرتها وتنهيداتها بقلبها!!!!!!
/////////////////////////////////////////////////////////////كانت قاعدة بغرفتها وتحضر لبكرة وجاها مسج من بندر(تحبيني)
ضحكت ورسلت له (لا)
اتصل فيها على طول......
ضحكت وشالته..
بندر بعصبية/ماتحبيني!!!!انا زعلان منك؟
جواهر/...يمه عليه..واذا رضى يمه!
يمه ذبحني غلاه وشل وجداني...
يمه غرامه طريقي ولازم اتمه..
شي من الله على غفلة تغشاني...
اشهق على ضحكته واشفق على ضمه..
واموت منه ان جفا..وان جاني احياني..
ان كان درب الشقا يمر من جنبه...
والله لااكمل شقاه ان الله احياني...
اقول ياسيدي ويقول ياعمة..
كلا ذبحه الوله بعشقة الثاني...
اشتاق طعم الغدير اللي وسط فمه.
مقدر اخبي عليه اكتب ويقراني...
قمت اشتكي للغلا..واصيح واخمه..
ياشين بلوى الهوى..الله لايبلاني..
يقول لي بالهوى مذهب ولي ذمة..
واقول بصرك ولكن لاتعداني...
ابي طريقك يصير لوجهتي يمه..
ومنين يممت وجهك غصب تلاقاني...
يزمني بالهوى زمة ورى زمة..
قطع وريده وخاطه وسط شرياني...
ماكن ربي خلقه الا علشاني!!
جيته وكلي من الاشواق ملتمة..
امشي من الصبح لين ان عشقه امساني..
ياحلو لوعة شقاه وياحلو سمه....
ياهو بالهوى من جد وراني!!!!
ادمي عيوني واحني يديني من دمه..
وعلى طريق الوله اقفى وخلاني...
يمه احبه..فديت ابوه قبل امه!!
يهزني هز ريح وزلزل اركاني..
وش فيه اذا البنت تعشق؟الهوى قمة
خليني اعشق قبل ماتابس اغصاني؟
يهمني حيل وادري فيني اهمه..
حتى اسالي روجي الوردي وفستاني؟
وسلامتك يابعد طوايف جواهر..انت قرر اذا كنت احبك لو لا؟///////////////////////////////////////////////
مي/منال هذا جوالك يدق؟
منال/هذا رقم غريب.....
لمياء/منال عاد وش يعني رقم غريب لاتقولين لي مو رادة؟
منال/..............
لمياء/يمكن احد مغير رقمه من معارفك ولا وشي..
منال/على قولتك؟
منال/الو نعم........هلا...نجود؟؟؟وينك....اي..اي ....طيب مو مشكلة..بندة....خلاص خليك انا بجيك اللحين مع السايق ...بتصل فيه مو مشكلة؟
مروة بلقافة/راح عنها السايق وتبيك تمريها؟
منال وقفت/لا ..تقول راحت بندة..ونست شنطتها بسيارة ابوعبدالله وتورطت ..زين انها حافظة جوالي وجوال هاجر..دقت على هاجر ماترد...
لمياء/بتروحين لها؟
منال/أي قلت لها جايتك.......مي قولي للسايق يجهز على ماالبس عبايتي؟
/////////////////////////////////////////////////
ام بندر/بندر مو نازل ها الاسبوع؟
مضاوي/يمه لو في يده كان نزل..
ام بندر/انا بس احاتيه..والله عيني ماتغمض وهو بعيد عني...
مضاوي/ماهو صغير يمه....
ام بندر/اذا صرتي ام بتفهمين شنو يعني الام تحاتي عيالها حتى لو كانوا ماهم صغار!!!
هنوف/خلصونا شنو العشى اليوم؟
ام بندر/بس هذا اللي يهمك؟؟بطنك وبس!!!
هنوف بفزع/وش تبين يهمني بعد!!!
مضاوي/على الاقل دراستك ياحظي؟
هنوف/انا اكره شي عندي اني اكون من المتفوقين!!!مدري ليش مايناسبني ها الدور بالحياة!!!خليني كذا على كسلي واجد ابرك لي؟
ام بندر/الله ياخذك على ها اللبادة اللي انتي فيها ويفكني منك؟؟
هنوف رفعت يدينها تدعي/عريس الغفلة يجيني ويخلصني منكم يارب....قولوا امين!!!!
/////////////////////////////////////////
في بيت الفارس...
نجود/ياربي شها الفشلة يامنال؟
منال/وش فيك انتي عادي ولايهمك..احنا هنا مثل الاخوات...
نجود/كيف نسيت الشنطة بس ماادري!!!
منال/الحمد الله انك حافظة ارقامنا!!!
نجود/دقيتي عليه؟
منال/خارج التغطية...وش فيك مستعجلة؟
نجود/تعرفين ابي المفاتيح...
منال/يبى خيرة علشان تتعشين معنا الليلة بعد..
نجود/والله فشلانة منك يامنال بشكل مو طبيعي ..ماتتصورين....
منال/بسوي روحي ماسمعت......
لمياء/السلام عليكم....
نجود/وعليكم الس.....
وقفوا يناظرون بعض....
لمياء/نجودوا؟
نجود/لمياء؟؟؟؟
تقربت لمياء من نجود وباستها وحضنوا بعض..
لمياء/شلونك..وشخبارك..والله ماجا في بالي انك انتي؟
نجود بذهول/انتي شتسوين هني؟
لمياء/هههه هذا بيت زوجي؟
نجود/بيت زوجك؟؟
منال/شكلكم تعرفون بعض وبطلع بلوشي؟
لمياء/ماقلتيلي انها نجود السبيعي؟
منال/قلت بخليكم تشوفون بعض على الطبيعة وانتي امس ماشرفتي؟
نجود/قلتيلي ان اخوك متزوج من الدمام صحيح تذكرت.....لمياء درست معي سنتين بالكلية بس يوم تزوجت انقطعت اخبارها مرة وحدة؟
لمياء/لاني جيت الرياض وتقريبا معظم علاقاتي بالشرقية انقطعت...لاني ماانزل الا خميس وجمعة لااهلي وبس....انتي كيفك..
نجود/الحمد الله انتي شخبارك؟
لمياء/بخير...صار عندي مريومة؟
نجود/بالله!!!وينها بشوفها.....
////////////////////////////////////////////////////
اليوم الثاني بالليل.....
سالم/وبس...قاعد بها الديوانية وسجاير؟
فهد/وين تبي نروح بالله؟
سالم/مزرعتك....
فهد/وش تبي فيها عاد بها الوقت!!!
سالم/يبى خلنا ندور وناستنا؟؟
فهد/شصار على مرتك....
سالم/كلا راح في طريقه خلاص....
فهد/ومتى مفكر حضرتك تتزوج؟
سالم/ها اليويمن بس ادور لي وحدة مزيونة واتم الموضوع على خير؟
فهد/ان شاءالله يكون فيها الخير ها المرة؟
سالم/فهد...انت مرتاح مع مرتك؟
فهد/طبعا مرتاح...ليش تسال؟
سالم/يمكن لان عيونك تقول انك مو مرتاح؟
فهد/وش ها الحكي بالله؟
سالم/انت بستحب تعيش بهدوء حياتك لااقل ولااكثر؟؟؟ولا اذا على الراحة انت مو شايفها ولاتدل طريقها بعد؟
فهد/امور صغيرة ماتعني ان الواحد مو مرتاح بحياته؟
سالم/جمع ها الامورة الصغيرة على قولتك وبتلاقيها كبيرة وكثيرة..وانك ضايق منها؟
فهد تنهد وسكت.....
/////////////////////////////////
بغرفة جواهر...
جواهر/منو...
فتحت نجود الباب/انا...
جواهر بذهول/نجودوا؟؟؟وش صاير ؟
نجود/كثر الشوق ذبحني وجابني لدارك؟
جواهر/بالذمة بالذمة قولي شصاير؟
قعدت نجود جنبها على الفراش وشالت عبايتها/ستي اسمعي السالفة...نويصر جاني اليوم الرياض علشان يشوف السايق اللي قلت لك عنه امس ويخلص اموره..وبالموت اخذت من المديرة اضطراري لبكرة..حسيت اني ابي اشوفكم واسولف معكم؟
جواهر/معناته اشوفك واسولف معك؟؟؟يعني عندك شي مضايقك وتبي تتكلمين عنه قولي انا اسمعك؟
نجود/يبى توه الليل باوله وش عندنا عاد؟
جواهر/اجيب لك شي تاكلينه؟
نجود/لاتعشيت مع نويصر من زمان....وش تسوين؟
جواهر/شوفة عينك شوية تحضير وشوية تصحيح..كوكتيل يعني؟
نجود/مالي خلق اقعد بالبيت سلمت عليهم وجيتك بسرعة؟
جواهر/يابعد قلبي والله...
نجود/تعرفيني مااحب اتكلم الا معك انتي اذا ضاق خلقي...
جواهر/حمستين اعرف وش فيك؟
نجود/قلت لك البارحة البداية ووش اللي صار؟
جواهر/نفس الموضوع؟
نجود تنهدت/اول مرة احس بها الاحساس ياجواهر؟؟؟صورته مو قادرة تفارق بالي ولاخيالي!!!
جواهر/اه....
نجود/........شسوي....احس اني مدري شقولك بس افكاري مو صافية....
جواهر/سمعي...
وبها اللحظة دق جوال جواهر واللي كان جنب نجود...
نجود/اسمع بعد..منو ان شاءالله روحك الثانية!!!خبري انا؟؟؟
دق قلب جواهر بها اللحظة..
نجود/طيب...نشوف ياجواهر منو روحك الثانية؟؟؟
وضغطت على السبيكر....
بندر بحب/حياتي..مشتاق لك مووووت؟؟فوق ماتتصورين ياقلبي...وعلى فكرة مو بس انتي تجيبين قصايد وتسمعين حبك حتى انا طول اليوم وانا بس شغلتي ادور قصايد علشان اسمعهم حبيبة قلبي جواهري....سمعي سمعي...
كانت نظران نجود ثابتة بعيون جواهر اللي كانت تناظر بالارض وحركتها كلها انشلت مرة وحدة!!!
نجود قامت واخذت عبايتها وطلعت من الغرفة وتركت جواهروحيرتها وصوت بندر !!!!!

/////////////
///////////////////////////////////////

 
 

 

عرض البوم صور بياض الصبح   رد مع اقتباس
قديم 18-08-10, 10:50 PM   المشاركة رقم: 9
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

البارت السابع,,,,,

نجود قامت واخذت عبايتها وطلعت من الغرفة وتركت جواهروحيرتها وصوت بندر !!!!!
////////////////////////////////////////////////
هيا/نجود...
نجود كانت مصدومة للحين بالصوت اللي سمعته بجوال جواهر...بس سكوت جواهر اكد لها ها الشي......في شي بين جواهر وبندر وهي ماتعرف!!!!!
هيا/نجود....شفيك ياعمري ليش زعلانة وضايق خلقك؟
نجود بصدمة/انتي عمرك انصدمتي من احد ياهيا!!!!
هيا/...............
نجود/انا مو مصدقة؟؟؟
هيا/حبيبتي وش فيك؟جواهر السبب؟؟بس وش سوت لك؟
نجود اكتفت بانها تتنهد وتغمض عيونها....
هيا/معقولة جواهر مضايقتك؟؟؟انا نفسي مو مصدقة؟؟؟ثمنتعشر سنة وانتوا مع بعض ولاعمركم مرة زعلتوا من بعض لاوانتوا صغار ولايوم كبرتوا ولالالالا....شصار عاد يانجود؟
نجود/لاتشغلين بالك ....
هيا/طيب ليش قفلتي جوالك يوم انك ماتبين تشغلين بالك و...
نجود/خلاص هيا يكفيني اللي فيني...جيت الليلة ارتاح بس انهميت!!!
هيا/نجود اسويلك شي يريحك...
نجود/خليني بنام يمكن انسى ...
هيا/ماراح تنامين طالما انك تفكرين بها الشي.....
نورة/طق طق طق...
هيا/منو..
دخلت نورة.....
نورة/نجود..جواهر على التلفون الثابت تبيك؟
نجود حطت راسها على المخدة ورفعت الغطاء عليها/قولي لها نامت!!!!!
ناظرت نورة بهيا اللي كانوا مستغربين من ها الشي وسكتوا وهيا احترمت حركة نجود وطلعت من الغرفة ......
///////////////////////////////////////////////
لمياء/علامك انتي ساحبتني وتعالي ابيك بسالفة ومطلعتني بها الحر؟
الجازي/يقولون تعرفين نجود من قبل؟
لمياء/أي اعرفها...هي من الدمام وانا من الدمام وين الغريب؟
الجازي/يعني تروحين لها بيتهم وهي تجيك وتعرفين عنها امور كثيرة؟
لمياء/درست معها سنتين...بالكلية...يعني ماكانت بينا صداقة صداقة..لكن في معرفة طيبة بينا وزرتها بالبيت اكثر من مرة...وسكتت وكانها تذكرت شي....
الجازي/يعني تعرفين بيتهم واخوانها واهله وسوالف عنها..
لمياء/انتي وش تبين؟
الجازي بكبرياء/سلامة عمرك بس اسال؟ليش السؤال حرام؟؟؟
لمياء/لا مو حرام بس مجرد فضول؟
///////////////////////////////////////////////
في بيت السبيعي.....
هيا/نامت..
جواهر بارتباك/طيب وحرام اني اروح غرفتها يعني واشوفها؟
هيا بعناد/المشكلة انها قبل لاتنام قالت ماتبي تشوفك ولاتسمع صوتك؟
سكتت جواهر وماعلقت....
هيا/انتي ليش مزعلة اختي؟؟؟
جواهر بدت دموعها تنزل/ابي اشوفها ياهيا.....
هيا بدون استعطاف/نايمة..واذا مو مصدقتني روحي لها وشوفي بنفسك؟
ركبت جواهر لغرفة نجود بخطوات متثيقلة وهي حاسة بالاحراج...ماحسبت حساب ها اللحظة ابدا.....
دقت باب غرفة نجود بهدوء شديد ومالقت أي جواب....
لفت لهيا اللي كانت وراها...وكانها تستعطفها تكلم نجود بدالها..
تقدمت هيا بعد ماشافت التوسل بعيون جواهر ودقت الباب من جديد وكلمت نجود..
هيا/نجود...
نجود بعصبية/قولي لها ماتبي تشوفك؟؟؟قولي نامت قولي ماتت قولي أي شي!!!واذا هي تسمعني فقولي لها انها ماعادت تلزمني!!!!
بس يكفي لهنا وبدت دموعها تنزل بحرارة وقالت بصوت ضعيف تسترجي فيه نجود
جواهر/نجود سمعيني؟
نجود/انا نمت ووقفتك هنا بتفضحك ؟؟؟روحي وانسيني ياجواهر ماعدت ابيك ولاعدتي صديقتي اللي احبها؟؟
هيا/سمعتي؟؟قالتها بشماتة...
جواهر من بين دموعها/خليني اشرح لك؟
هيا/جواهر الوقت ليل ولايمر ناصر ولاابوي بها الوقت من هنا ويشوفونك ويفهمون شي على كيفهم!!!الصباح رباح؟؟
جواهر من بين دموعها/كيف بيجيني نوم ياهيا وهي فاهمتني غلط ومو راضية تسمعني!!!!!
هيا/بكرة بتسمعك ؟؟؟اللحين الوقت تاْخر ومافي مجال....
اخذت نفسها وراحت لبيتهم ودموعها سابقتها على خدها وقفلت باب غرفتها..وطلعت جوالها تشكيه همها...
بندر بصوت نايم/هلا عمري...
جواهر بدموعها وشهقاتها/بندر....بندر الحق علي!!!
بندر بخوف/جواهر...وش فيك ياقلبي!!!
جواهر بنفس الصوت/نجود...نجود يابندر نجود....
بندر بخوف/وش فيها نجود؟
جواهر/عرفت عن اللي بيني وبينك؟؟؟
بندر/..........منو قال لها؟
جواهر/يوم تدق قبل شوي كانت معي وحاطته سبيكر وسمعت صوتك...وماهي راضية تشوفني ولاتسمعني!
بندر/وهي وش جابها لعندك مو المفروض انها تكون بالرياض!!!!
نجود/هي بروحها متضايقة وماخذة اجازة بكرة وجايتني نسولف على راحتنا.......بندر انا مو عارفة شسوي؟
بندر/هي اللحين متفاجئة بس مع الوقت بتسمعك صدقيني....انتي بس مسحي دموعك.
جواهر/انا ماحسبت حساب ها اللحظة صح يابندر؟
بندر/شلون يعني!!!!كنا بنوقف علاقتنا لين تسمح حضرتها لنا!!مايصير ياجواهر الحب اذا جا للشخص ماينتظر ظروفه بعد!!يتملكه بسرعة؟
جواهر/بس انا ويها غير..علاقتنا غير...عمرنا ماخبينا على بعض شي....كيف اواجها اللحين؟؟؟شقولها؟؟ليش خبيت عنها؟؟؟والله العظيم ماني عارفة شسوي..ماابي اخسرها يابندر ماابي!!!!
////////////////////////////////////////////////
بروحها كان الضيق ماليها من كل جهة ....
تفكيرها بالشخص اللي شافته بيجننها!!!هذا بس شافته كيف لو سمعت صوته وتكلم معها كيف!!!نجود..انتي مجنونة اكيد...صورة شخص شفتيه مرتين بس تجننك وتحرمك النوم!!!!هذا وانتي الثقل كله ومارين عليك اشكال والوان!!!تركت تفكيرها بالموضوع ذا وراحت بافكارها لصوت بندر وهو ماليه الحب....ياترى ياجواهر من متى وانتي وبندر تحبون بعض!!!وليش خبيتي علي وماقلتيلي!!!انا اللي عمري كله فداك ويرخص لك تخبين علي سالفتك انتي وبندر؟؟؟؟ليش عاد ياعمري ليش؟؟؟؟وكيف ملاحظت ها الشي عليها؟؟؟كيف مابينت لي ..كيف تصرفاتها كانت طبيعية ومافيها أي شك!!!!!
انا حاسة نفسي اني مخدوعة...اي مخدوعة...ومن اقرب الناس لي..منك ياجواهر منك!!!!
اه.....
بها اللحظة بالذات سمحت لدموعها تنزل...وهم اللي كانوا مسجونين بعيونها من زمان!!!!!!
بعيدا عن الكبرياء والقوة والهيبة والشخصية ظلت تبكي..وتبكي وتبكي لين حرقوها دموعها..ولا يمكن لانها مو متعودة على طعم الدموع من قبل حاسة بانهم حارقينها...بس هذا الضيق ومايسوي.....
معقولة راحت الهيبة يانجود وابتدت رحلة الدموع معك!!!بنشوف الايام وش قولها فيك!!!!!
///////////////////////////////////////////////////////////اليوم الثاني.....
جواهر/خالتي شلونك....
ام ناصر/هلا يمه...خير ماداومتي اليوم؟
جواهر/لاوالله اخذت اجازة....نجود صحت ولالسه جوالها مقفل؟
ام ناصر/نجود راحت الرياض..ليش ماقالت لك؟
جواهر بذهول/راحت الرياض!!!!هي البارحة رادة وقايلة انها ماخذة اجازة؟
ام ناصر/أي..اليوم طلعت مع ناصر الصباح وحجزت لها وراحت قبل شوي.....
جواهر/.........طيب ليش راحت وهي اجازة؟
نجود/مدري عنها يمه..قالت بترتب امورها هناك مدامها اجازة ومدام السايق اليوم بيجيها....
جواهر/اممم....زين خالتي مشكورة...
طلعت وافكارها موديتها هناك بعيد...لعند نجود...رجعت نجود الرياض مالها غير تفسير واحد بس ياجواهر!!!!هي ماتبي تشوفك؟؟؟؟
////////////////////////////////////////////////
هنوف/والله حالة عليكم ياعيال عمي يقولون البارحة كانت هنا واللحين جيت اشوفها تقولي راحت؟؟
ناصر/وش تبي فيك تقعد لك؟؟
هنوف/وحشتني...
ناصر/بس انتي ماوحشتيها لاتخافين!!!
هنوف/ياشينك عاد!!!
ناصر/هههه هي قايلة لي هنوفوا ماوحشتني؟
هنوف/اسمي هنوف...
ناصر/هنيف ويخب عليك؟
هنوف/نويصر انت ماتتاْْدب؟
ناصر/شوف النذلة!!!انا ولد عمك هذا اولا؟؟ثانيا اكبر منك وهذا اللي يعطني حق ان اشتمك براحتي بس انتي لا؟
هنوف/تصدق يانويصر اليوم يمدحون البنات بمثلوة ديرتي يقولون خوش طبخة؟
ناصر/بل بل بل قديمة؟؟؟؟وش ها الاخبار البايتة من زمان جربته؟
هنوف/قول قسم!!!عجبتك؟
ناصر/شي....
هنوف/روح جيب لي؟؟؟
ناصر/احلفي بالله!!!!
هنوف/ ليش لا؟؟
ناصر/الساعة عشر ونص بروح احط راسي وانام!!!
هنوف/ناصر انت ماتسهر؟
ناصر/اسهر بس مو كل يوم...وبعدين انا تعبان امس راد من الرياض بعد مشوارين روحة وجية ومانمت زين واليوم وديت نجود المطار ورحت الدوام علطول وشوفة عينك توني برتاح بعد مشاوير الوالد...
هنوف بحنان وكانه نست نفسها/يابعد عمري ياولد عمي.....روح ارتاح....
ناصر/هههههههههه والله مايناسبك ها الدور ياهنيف؟
هنوف انتبهت/ها...روح نام لااصفقك اللحين واخلي العقال يلعب بضهرك يالله روح اذلف!!!
ناصر/أي كذا تطلعين هنيف....
/////////////////////////////////////////////////
اليوم الثاني بمدرسة البنات....
دخلت نجود الفصل ووقفوا كلهم يوم شافوها....
ناظرت فيهم وقعدت على الكرسي...
نجود بهدوء/كل وحدة تطلع لها شي تسويه وبدون ازعاج لو سمحتوا؟
الجازي/ابلة مافي درس؟
نجود/لا...
فتحت دفترها وكانها تقرا فيه وهي عيونها شاردة بعيد عنه.....
ملاك/اموت واعرف وش فيها....
مزنة/روحي اسالي ابلة مها اكيد تعرف...
ملاك بصوت عالي يسمع نجود/سلامات ابلة نجود ...امس كنتي غايبة وضاق خلقنا عليك!!!!
ناظروا البنات بنجود اللي كانت سرحانة وماسمعت نجود وملاك فكرتها حاقرتها وانقهرت...
ملاك/الحمد الله والشكر على شنو شايفة نفسها بالله!!!
مزنة/ماعليك منها بس!!
ليلى(وحدة من البنات) وقفت عند راس نجود/ابلة...
رفعت نجود راسها/نعم ...
ليلى/ابلة ممكن اروح لاابلة سعدى..تكمل لي شرح الدرس امس انتهت الحصة وقالت اذا صار عندكم وقت فراغ بكمل.....
نجود/يعني ماكملت لكم الدرس....
ليلى/لا....
نجود/طيب رجعي مكانك بشوفها لك.....قومي ملاك....
ملاك/نعم...
نجود/روحي شوفي ابلة سعدى اذا ماعندها حصة قولي لها تقولك ابلة نجود اذا تبين اخذينا ماعندنا شي...
ملاك/طيب....
راحت وبعد دقايق رجعت....
ملاك وهي عند الباب.../جاية بالطريق تقولكم طلعوا المادة.....
قامت نجود وشالت اغراضها وطلعت وملاك بعدها عند الباب.....
ويوم طلعت كلمتها..
ملاك/ابلة نجود..
لفت لها نجود/خير..
ملاك/سلامات...
نجود/الله يسلمك...
ملاك/قلنا سلامات قبل شوي بس كنتي سرحانة...
نجود/معليش ماانتبهت!!شكرا لسؤالك...
جت سعدى ودخلت الفصل بعد ماناظرت بنجود وملاك..
نجود/دخلي الفصل ابلتك جت...
ملاك بلا مبالاة/وش بتقول يعني!!!كل شي موجود بالكتاب..والنجاح مضمون؟
نجود/انتي بايعة الدنيا بللي فيها!!!
ملاك/تدري...واجد يجنن عليك الزعل...صاير قمر..كل يوم ازعلي؟؟لاتقولين تعب ترى التعب يبين والزعل يبين!!!!
نجود بهدوء بس بصرامة/لا؟؟؟؟حلوة ذي...بس لاتكثري منها لاني مااحبها....
ملاك بجدية/صدق والله انا اول مرة بحياتي اشوف وحدة زعلانة وشكلها يكون احلى من وهي رايقة!!
نجود/روحي فصلك بس....
قالتها ومشت عن ملاك اللي بعدها كانت تتاملها وهي تمشي ونص الفصل عيونه برى مع نجود وملاك مو مع شرح ابلة سعدى!!!!
//////////////////////////////////////////////////
بندر/وصار شي؟
جواهر/للحين ماردت علي..رسلت لها كذا مسج بس ماهي راضية ترد لاعلى اتصالاتي ولامسجاتي!!!
بندر/ماعليه حبيبي لاتضيق خلقك كلها كم يوم وترد وتتفاهمون؟؟
جواهر بضيق/أي كم يوم يابندر الله يهداك!!!!انا صار لي يومين ماضاقت عيوني النوم من زعلها علي!!!
بندر بحب/حبيبي...خلك اقوى من كذا مايصير زعل نجود يهدك...
جواهر/انت اكثر واحد عارف طبيعة العلاقة بيني وبينها وعارف اني ماقلت لها عن اللي بينا علشانك انت وتنفيذا لطلبك ليس الا!!!
بندر/معليش بتتصلح الامور صدقيني واذا عيت انا بكلمها وبشرح لها كل شي بس انتي لاتظلين زعلانة تعرفيني مقدر على زعلك ياروحي..
جواهر/واذا سمعت وظلت مصرة على ان علاقتنا مالازم تكمل؟؟شسوي ساعتها اموت نفسي!!
بندر/علشان نجود تموتين نفسك؟
جواهر/طبعا!!وبدون تفكير بعد!!
بندر/وعلشان بندر؟؟؟
جواهر/بندر حبيبي مو وقته اللحين...
بندر/ملاحظة انك من يومين ماقلتيلي كلام حلو!!!واني بعيد عنك ومحاج له دايما!!
جواهر/منت حاس بللي فيني؟
بندر/بلى حاس ومصر بعد اني اسمع منك كلام حلو,,,,
دلع من ورى بندر/اعطيك ولايهمك...
وقف قلب بندر وحمد ربه ان جواهر ماسمعت صوت دلع....
بندر/خلاص اللحين بخليك والليلة ماراح اعطيك مجال تتهربين مني طيب...انا بروح واحد من الشباب يكلمني لو صار معك شي طمنيني؟
جواهر/طيب حبيبي بحفظ الله....
بندر بعصبية/ياسلالالالالالاام انتي كيف تجين فجاْة كذا!!!
دلع/عندك حبيبة يابندر؟
بندر/مو من خصوصايتك؟
دلع/ههههه يعني تلعب على الحبلين ياولد الشرقية؟
بندر/بعد م من خصوصايتك؟؟ولاتنسين انك انتي اللي اقحمتي نفسك بجوي!!!
دلع/ههههه عجبتني والله بس بنشوف يابندر الشرقية وش يصير؟
//////////////////////////////////////////////////
في السيارة..
كانت نجود طول الوقت ساكتة وهاجر ومنال سولفوا معها شوي وحسوها ماهي معهم...
نزلت هاجر وجا وقت نجود اللي كانت سرحانة...
منال هزتها بيدها/نجود..وصلتي؟
نجود/ها...
منال/علامك وش اللي مضايقك؟
نجود/ها ...ولاشي....
منال/ترى اليوم كلش وضعك مو حلو عسى ماشر..؟
نجود/........
منال/تحبين انزل اقعد معك شوي..
نجود/حياك اذا منتي تعبانة وماراح يضايقك..
منال/لاعادي مافي مشكلة...بو عبدالله خلاص انا بنزل هنا وبعدين بيجيني اخوي مو مشكلة...
طاري اخوي بس خلت عقل نجود يطير....
نزلت وراها سالتها نجود بسرعة...
نجود/مشاري زوج لمياء كان موجود ذيك الليلة؟
منال/لا..
نجود/الكبير مشاري وبعده محمد..
منال/هو مشاري وبعده مصعب ولد عمتي وبعدهم محمد...
نجود/يعني محمد الصغير بينهم...
منال/واللي بيظل طايش....
نجود في بالها(محمد الصغير يعني مو هو)
دخلوا داخل وشالوا عبيهم....
منال/بكلم الوالدة اعطيها خبر....
نجود/خذي راحتك بدخل ابدل...
منال/ نجود وش فيك زعلانة؟ماتعودنا عليك كذا!!!
وقفت مكانها وكانها تذكرت....
نجود بضيق/جواهر يامنال جواهر...
منال/جواهر صديقتك اللي دايم تسولفين عنها؟
نجود هزت راسها بتاْْيد/أي..
منال/خير شفيها؟
نجود تنهدت وقعدت جنب منال....
//////////////////////////////////////////////////////////لبنى/طيب خذ اليوم اجازة اذا انت تعبان؟
عبدالعزيز/مافي اجازة...
لبنى/وش ها التعامل الجلف بالله!!ليش مافي اجازة؟
عبدالعزيز/مافي بعد اخلق لنفسي!!!من البداية صاحب المحل قايل لي اجازة مافي ماعندك الا يومين العيد وبس مافي غيرهم!!!
لبنى/أي بس انت تعبان....
عبدالعزيز/بمشي اموري...
لبنى/طيب اطلع اللحين من الشركة ارتاح شوي....
عبدالعزيز/كلها نص ساعة ويخلص الدوام ماتسوى تنخصم علي!!!
لبنى/قلبي معك يابعد عمري...
عبدالعزيز/.......
لبنى/وش فيك دايم ضايق خلقك...
عبدالعزيز/ولاشي....
لبنى/بلى صار لك يومين منت على بعضك ياعبدالعزيز وحاستك متضايق ومهموم؟
عبدالعزيز بتهرب/ولاشي يالبنى صدقيني...انتي بس تشغلين بالك كثير وتهوجسين؟
لبنى بتشكيك/متاْكد!!!!
عبدالعزيز/...............
لبنى/بصدقك وانا متاْكدة ان فيك شي...بس بتتكلم بعدين وتقولي شفيك؟
/////////////////////////////////////////////////
في شقة نجود...
كانت تتكلم بانفعال كبير وكانها تبي تقنع منال بصدق كلامها/جواهر وانا روحين في بعض يامنال!!!!كلمتك عنها من قبل تذكرين؟؟؟
منال بهدوء/أي اذكر...
نجود بنفس الانفعال/جواهر وبندر ولد عمي!!!انصدمت...صدقيني انصدمت يوم سمعت صوته؟؟؟حسيت ان جواهر انسانة ثانية ماعمري صادفتها بحياتي؟؟؟؟انسانة ماتعرفني ولااعرفها ولاقد فهمنا بعض!!!لاتفكرين اني ضد سعادتها وحبها له اذا كانت تحبه يامنال!!!لا ,,,انا بس ابي افهم هي من متى تكلمه وليه ماقالت لي وانا وياها متعودين مانخبي عن بعض ولاشي!!!!!!
منال/بس هذا اللي مضايقك ومزعلك يانجود؟؟؟مافي شي ثاني؟؟؟
في قرارة نفسها كانت بتقول بلى...في...صورةالشخص اللي شفتها في بيتكم ذاك اليوم صاير تفكيري مايهداْ عنها ولو ان السالفة جنون بجنون بس هاذي الحقيقة....بس ردت بهدوء وبثقة/طبعا بس ها الشي اللي مضايقني!!!!!
منال/سمعي حبيبتي......
////////////////////////////////////////
في بيت الفارس...
ابو مشاري/يالله حطوا غذانا...
محمد/كانهم ينتظرون منال تشرف؟
ابو مشاري ناظر بساعته/للحين ماوصلت؟؟؟؟ماتقعد بالمدرسة لها الوقت؟؟؟
دخلت ام مشاري/لا ...منال اتصلت وقالت انها بتقعد عند صاحبتها تعبانة شوي وماعندها احد هنا؟
ابو مشاري/أي وحدة؟
ام مشاري/هاذي اللي من الشرقية اللي طلعت تعرف لمياء زوجة مشاري...
ابو مشاري/اها...خير ان شاءالله....
دق جوال محمد/هلا مصعب.....اي....اللحين...يالله مو مشكلة..عند البيت انت؟؟طالع لك؟
ام مشاري/وين انت بعد؟
محمد/عندي شغلة مع مصعب بسويها وبرد ...اكلوا عني لاتنطروني؟
ام مشاري/مدامك طالع يمه شرايك احط لااختك وصاحبتها لقمة وتوديها لهم!!!
محمد/اختي لا بس صاحبتها أي...يالله بسرعة علشان معي مصعب ماابي ااْخره!!!
ام مشاري/يالله دقايق بس.....
/////////////////////////////////////////////////

 
 

 

عرض البوم صور بياض الصبح   رد مع اقتباس
قديم 18-08-10, 10:51 PM   المشاركة رقم: 10
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

البارت الثامن,,,,

دق جوال محمد/هلا مصعب.....اي....اللحين...يالله مو مشكلة..عند البيت انت؟؟طالع لك؟
ام مشاري/وين انت بعد؟
محمد/عندي شغلة مع مصعب بسويها وبرد ...اكلوا عني لاتنطروني؟
ام مشاري/مدامك طالع يمه شرايك احط لااختك وصاحبتها لقمة وتوديها لهم!!!
محمد/اختي لا بس صاحبتها أي...يالله بسرعة علشان معي مصعب ماابي ااْخره!!!
ام مشاري/يالله دقايق بس.....
/////////////////////////////////////////////////
هيا ولبنى في الكلية....
لبنى/خلصتي..
هيا/اووووف ملل ها اليوم؟
لبنى/وش فيك متضايقة؟
هيا/قاعدة افكر بنجود وجواهر؟
لبنى/خير وش فيهم؟
هيا/نجود زعلانة من جواهر!!!
لبنى/غريبة اول مرة يتزاعلون من بعض؟
هيا/وشكلها زعلة قوية .....انتي ماشفتي شكل جواهر كيف كان ندمان ...
لبنى/الله يبعد عنهم الشيطان...هذي اول مرة يتزاعلون من بعض ومع بعض!!طول عمرهم حلوين...
هيا/ياترى وش اللي بيخلي نجود تزعل من جواهر؟
لبنى/طيب نجود اللي زعلانة من جواهر انتي ليش ذابحة عمرك تبين تعرفين؟
هيا/لان نجود كانت نازلة تقعد معنا وبسبب المشكلة اللي بينها وبين جواهر راحت يوم ثاني....ودي اعرف وش ها الشي اللي مضايقها كذا؟
لبنى/امشي بس خل نروح نلحق ناكل لنا لقمة وننام تعبانة مووت....
/////////////////////////////////////////////منال/يمكن صار شي وماقدرت تقولك ويمكن انها توها تتعرف عليه ويمكن هو يلاحقها وهي ماتبيه؟
نجود/مخزنته بجوالها باسم روحي الثانية وتقولين لي هو يلاحقها وهي ماتبيه!!!!!وبعدين لو سمعتي طريقته ولهجته كان عرفتي ان الميانة بينهم طايحة مو توها علاقة بداية...
منال/طيب اسمعي منها خلها تقول اللي عندها وبعدها قرري وش تسوين؟
نجود/ماابي اسمعها ؟؟؟؟هي مااحترمت علاقتنا وصداقتنا وضربت فيني عرض الحايط وحقرتني تبيني اعطيها فرصة تتكلم؟؟؟
منال/بس انتي تعبانة وتبين تسمعينها..مبين عليك يانجود؟
نجود تنهدت/طول عمرها جواهر اعز انسانة عندي بها الكون وبتظل يامنال...بس مقدر اسامحها على احتقارها لي وهي عارفة شخصيتي زين...
دق جوال منال بها اللحظة....
منال/هذا محمد....الو هلا..هلا محمد....اي ..ليش تسال؟....اي.....طيب....نجود شسم السكن الفصول الاربعة؟
نجود اشرت لها بنعم..
منال/أي معك محمد الفصول الاربعة.....قريب من.....مغسلة الحمران لقيته يالله....منو اللي جاي انت لو مصعب؟ طيب ....يالله نازلة لك؟
نجود/بتروحين؟
منال ابتسمت/لا...بس محمد ومصعب تحت امي دازتهم جايبين لنا لقمة ناكلها....
نجود/لا وش ها الفشلة؟؟؟
منال/عادي حبيبتي...بس بنزل اجيب الاغراض منهم.....
طلعت منال وظلت نجود ساكتة ثواني وفجاْة نقزت....قالت محمد ومصعب!!!!يعني......اوووووووف نافذتي ماتطل على الشارع كان شفته؟؟؟
حسافة...ماهو بالوسامة اللي الكل يتمناها ويركض وراها بس فيه شي جذبني له شنو ياربي ؟
////////////////////////////////////////////////////
علي/روحي فتحي الباب يمكن وحدة من خواتك؟
تركت الصحون اللي كانت تغسلهم ونشفت يدها وراحت تفتح الباب....
عبير/منو..
ام علي/انا يمه افتحي...
عبير/خالتي...هلا وغلا تفضلي....
ام علي/شلونك يمه...
عبير/بخير...
ام علي/تغذيتوا ولالسه؟
عبير/لاخلصنا خالتي...حياك..
ام علي/زين يعني لاني جاية اشرب شاي معكم,,,
عبير/حياك علي بالمجلس ...على مااسوي الشاي ولاحقتك...
ام علي/يالله ناطرتك......
///////////////////////////////////////////////////////////سارة/حاستك متغيرة اليوم؟
ملاك/انا بعد حاسة نفسي متغيرة بس من شنو مدري؟
سارة/اهم شي انك فرحانة ياقلبي ومو متعكرة؟
ملاك/ههههههه
سارة/تعرفين اني مرتاحة موووت ها الاسبوعين لانك ماغبتي ولايوم؟
ملاك/جد ماغبت ولايوم؟؟غريبة ماهي عوايدي ...تصدقين حتى صايرة اجي بدري الدوام ومااتاْخر؟
سارة/هههه شكلك بديتي تحبي المدرسة؟
ملاك/على قولتك.....شكلي صدق بحب المدرسة واللي فيها؟
سارة/اصلا المدرسة مو حلوة الا عشانك انتي فيها؟
//////////////////////////////////////////////////////
فهد/فيصل....
لمى/نايم...
فهد/نايم ها الحزة؟
نجلاء/شسوي فيه طول الوقت ينتظر احمد يرد من الروضة يلعب معه ومن رد وهم هواش مع بعض وتعب ونام...
فهد/انا قايل باخذه معي المزرعة يبي يشوف الخيل....
لمى/بابا وديني؟
فهد/مرة ثانية باخذكم كلكم اليوم معي عمك سالم وكم رجال بيجونا مايصير تجين معنا بابا لمى طيب؟
لمى/وعد بابا؟
فهد/وعد....
نجلاء/مطول هناك؟
فهد/والله مدري هم بيجون بعد صلاة المغرب
نجلاء/وليش بتروح من اللحين؟
فهد/بشوف وش ناقص وباخذ كم شغلة تعرفين صار لي فوق الشهر مارحت هناك ولاادري كيف محي الدين قايم فيها؟
نجلاء/خذ معك الشغالة تنظف لك المكان؟
فهد/بالله!!!اخر زمن اركب الشغالة معي بالسيارة؟؟وبعدين تقعد معنا تتضيف؟؟؟
نجلاء/تقول ماتدري كيف وضعها من زمان مارحت؟؟اكيد تحتاج تنظيف وترتيب؟
فهد/وها المحي الدين انا ليش حاطه بالله!!!
نجلاء/بكيفك.....
فهد/وين سارونة ماهي معكم؟
لمى/تكلم صديقتها...
فهد/خير ان شاءالله..........
/////////////////////////////////////////////////
نجود/عساها على القوة ام مشاري بصراحة ماقصرت كنا محتاجين ناكل مثل ها الاكل الحلو...
منال/ههههه الله يعافيك يارب.....اقول نجود؟
نجود/سميّ؟
منال/اللحين بعد مااكلنا وخلصنا وشرايك ندق على هاجر ونطلع نتمشى شوي باي مكان بدل قعدتنا كذا!!!
نجود/بكيفك....
منال/لا انا ابي اطلع علشانك انتي ماهو بعلشاني انل؟
نجود/هو انا بيني وبينك فعلا محتاجة اغير جو وياليت يكون مكان مفتوح....حديقة ..بحر..شي كذا بدل الاسواق والمجمعات؟
منال/ماشي خل ادق على محمد اشوفه وين واذا ضبطت معه دقيت على هاجر......وان شاءالله يكون فوزية انتهى دوامها وتلحق علينا من كثر ماحكيت لها عنك ودها تشوفك....
ابتسمت لها نجود وفتحت جوالها اللي كان يدق وجايب لها رسالة اعتتذار من جواهر بس طنشتها وماكملتها ومنال دقت على محمد تساله وتنسق معه.....
/////////////////////////////////////////////////////
ام علي /ريهام بنت خالك جابت بنية البارحة ؟
علي/حمد الله على سلامتها...
ام علي/اللحين عندها محمد ونورة؟
علي/يتربون بعزها وبعز ابوهم ان شاءالله...
سكتت ام علي وناظرت بعبير وعلي اللي كانوا ساكتين ولاحتى ناظروا في بعض..وتنهدت من قلب بصوت مسموع....
ام علي بحسرة/والله ودي اشوف عيالكم وافرح فيهم؟
علي بضيق/يمه انتهينا من ها الموضوع؟؟؟عيال مو ناوين اللحين نجيب فلا تشغلين بالك بها السالفة؟
ام علي بضيق/طيب ليش؟؟؟لا عبير تشتغل ولاتدرس علشان تاْجل الموضوع ..يعني مالكم حجة ياعلي....
قامت عبير من مكانها وطلعت...
علي/يمه خلاص ..لازم كل يوم ها الموال؟
ام علي/انت ماتقول لي ليش ماتبي عيال!!!!انت ماتبي تصير ابو؟؟؟
علي بشوية انفعال/ابو مثل ابوي!!!!طبعا لا؟؟؟؟
ام علي بصوت عالي/ابوك مامنه ثنين ياولدي بس انت الله يهداك بس !!!!
///////////////////////////////////////////////////////////طلعوا منال وهاجر ونجود في سيارة بيت الفارس وهم سوالف بالطريق دق جوال منال وكان عمها فهد المتصل..
منال/هلا وغلا...
فهد/مين ..منال؟؟؟اوه ه ه تراني غلطان يامنال بدق على واحد ثاني دقيت عليك...
منال بضحكة/وليش الغلط بالله!!!!عاد يالغالي ماننفع نمشي امورك؟
فهد بجدية/لاوالله..
منال/وينك فيه...انا اسمع صوت مميز؟
فهد/بالمزرعة...
منال/وش ها الخيانة ذي بالله ؟؟ليش تروح وماتعلم!!!
فهد/كنت جاي اضبط الوضع علشان الليلة بعد الصلاة بيمروني رجال بس دقوا علي قبل شوي واعتذروا وتا!جلت الجلسة....
منال/اممممممم يعني مافيها احد....
فهد/لا...
منال/اقول عمي انا طالعة مع صاحباتي فيها شي لو مرينا شفنا غروب الشمس بمزرعتك؟؟؟
فهد/أي بس انا بمشي اللحين يامنال مو قاعد معكم؟
منال/دق على أي احد خله يجي..
فهد/معك بنات وتبيني ادق على محمد لاحبيبتي انا مااقرب النار جنب الزيت!!!!
منال/ههههههه طيب دق على مصعب اللحين بيكون رايح يجيب فوزية من دوامها انا بكلمها تمر وتشوف نجود وانت كلمه يجي يقعد معنا وبكلم محمد يقعد معه وبعدها انت تروح؟
فهد/ياسلاام يعني بنتظر كثير على ها السالفة؟
منال/لا مو كثير يالله بكلم فوزية قبل لاتغير رايك؟
///////////////////////////////////////////////////////
بندر/تراني متضايق حييل منك ياجواهر؟
جواهر بقلة حيلة/بندر سامحني بس والله نجود ماهي راضية ترد علي!!!
بندر/وش ذنبي انا تتغيرن كذا علي!!صرتي لاتعطيني كلام حب مثل قبل ولاتسولفين معي ودايم بالك مشغول و....
جواهر/حط نفسك مكاني.....
بندر بضيق/وخير ياطير اذا نجود زعلت بتنقلب الدنيا؟؟؟
جواهر/بندر...........انت عارف وش معنى نجود عندي!!!
بندر بضيق/وعارف بعد وش معنى بندر عندك؟؟؟بس اللي انا شايفه غلاوة نجود فاقت غلاوة بندر!!!!
جواهر/مو صحيح ياقلبي بس انت عارف ماحد غيرك عندي اشكيه همي!!!
بندر/اشكي ياقلبي اشكي انا اسمعك..بس لاتنسى بعد ان بندر محتاج منك في غربته حنانك ولهفتك وحبك؟
جواهر وكانها ناسية وتذكرت/انا اسفة يابندر كنت انانية ها اليومين وانا مافكرت بغير نفسي....ونسيت انك بعيد ومحتاج لي اكثر من حاجتي لك؟حبيبي معليش سامحني...
بندر لحظتها حس بالغصة من كلامها ولهفتها عليه وهو يتذكر صورة دلع!!!!!!!!!!!!!!
/////////////////////////////////////////////////
هاجر/لوين ماخذتنا؟
منال/ماتبون تنزلون؟
هاجر/طيب وين جايين احنا؟؟
منال/علامك خايفة ههههه ماراح اختطفك صدقيني؟
نجود/ههههههههه
هاجر/هههه مو القصد بس بغيت اعرف...
منال/سلمك الله هاذي مزرعة عمي فهد حلوة موووت....وبتعجبكم...بالعادة مانجي كثير هنا لانه مايجيبنا....هاذي صومعته المفضلة اذا تضايق دايم يجي هنا....
نجود/وبيظل عمك هنا؟
منال/بيكون قاعد بالمجلس لين يجي مصعب مع فوزية اللي كلمتك انها تبي تشوفك وبعدها بييروح...
هاجر/وبيظل مصعب بروحه؟
منال/اذا وصل بيكلم محمد اخوي يجيه يقعد معه ولا انه مابيخلينا نطول هنا.....
فتح لهم البواب الكراج ودخلت سيارتهم ووقفت بعيد عن المبنى في الباركينج المخصص لها...
نزلوا وبدت اثار الانبهار والاعجاب تبين على وجوه هاجر ونجود من روعة تصميم المبنى وطريقة تنسيق الحديقة اللي في بداية المبنى....
منال/ترى هاذي البداية بس المزرعة من ورى المبنى تصير,,,تفضلوا..
مشوا وراها وهم يتاْملون في الطبيعة اللي حواليهم وبانواع الورود اللي كانت مزروعة اين دخلوا الباب اللي فتحته منال ودخلوا وراها...
وقابلتهم نافورة كبيرة بنص المكان......
ويصير في وجههم باب زجاجي يطل على بركة سباحة صغيرة مربعة......
مشوا و راها لين فتحت الباب الزجاجي وطلعوا لعند البركة....
وهناك بان سور فيه ثلاثة خيول.....
وعلى الجوانب بدت الاشجار تتوزع يمين وشمال وحواليهم كراسي خيرازن من كل جهة ..
هاجر/رووووووووعة مووت...
منال/خسارة مالحقنا على الغروب يكون الوضع هنا رهيب خصوصا عند البركة...
نجود/فعلا مكان جميل ومتعوب عليه...
منال/ذوق ابو فيصل؟ذكرتوني بروح اشوفه وب..
فوزية/مايحتاج..
لفوا ثلاثهم لمصدر الصوت...
فوزية/بس لااكون خرعتكم!!!!
منال/هلا والله سبقتينا؟
فوزية/كلمتينا وكنا قريبين من المكان.....
هاجر/شلونك فوزية؟
فوزية راحت سلمت عليها/هلا والله شلونك انتي شعلومك من زمان عنك؟
هاجر/بخير الله يسلمك...
منال/هاذي نجود اللي كلمتك عنها...نجود هاذي فوزية بنت عمتي؟
نجود مدت يدها وهي تتفحص بفوزية اللي مبين عليها اكشخ من منال/هلا والله...تشرفنا...
فوزية مدت يدها/دايم تكلمني عنك منال لين اشتهيت صدق اني اشوفك؟
منال/وهذا انتوا التقيتوا؟

//////////////////////////////////////////////////////
رحاب/ماجت منال للحين؟
مروة/لا....اعتقد ان امي قالت انهم بيطلعون يتمشون شوي...بس ماظني تطول كثير تعرفين منال عشر هي نايمة واللحين الساعة سبع....
رحاب/حاسة نفسي متمللة وتعبانة.....
لمى/ابوي راح المزرعة اليوم وقال بيوديني الاسبوع الجاي....
مي/والله؟؟؟عاد انا معك لاتنسيني؟
لمى/اكيد ماراح انساكم....
فيصل/انا بخلي ابوي يكتب لي المزرعة باسمي؟؟
رحاب/ليش ان شاءالله؟
فيصل/م انا ولده الوحدي؟؟؟
رحاب/أي بس بعد لاتنسى انك جاهل لاتقراْولاتكتب!!!بعد ليش يكتبها باسمك ياحظي؟
فيصل/اوووووووووووف!!تقهرون انتوا؟؟ظبس لو ماكنت نايم كان انا مع البابا بالمزرعة اللحين؟
مي/خل السايق يوصلك؟
فيصل/ماتعرفين ابوي وانظمته؟؟مايرضى السايق يوصلني بروحي؟
رحاب/معه حق انت صغير كيف تطلع بروحك مع السايق!!
فيصل/انتي متى بتولدين؟
رحاب/بعد شهرين..
فيصل/وش بتجيبن؟
رحاب ابتسمت/مدري...
فيصل/لاتكذبين عارف انك تدرين امي قالت لي الحامل تسوي اشعة وتعرف هي بتجيب بنت لو ولد بس انتي ماتبين تعلمين؟؟؟؟
رحاب/يمه منك ومن لسانك يالملسون؟
///////////////////////////////////////////////////////
كانوا واقفين عند البركة ويتكلمون ويضحكون واخذوا بسرعة على بعض....خصوصا ان نجود تبي تبني علاقات جديدة وهي بعيدة عن جواهر....
وهو كان داخل بالصالة ولقى باب الزجاج مفتوح تقرب منه يسكره وشده الصوت اللي كان يغني عند البنات ولاشعوريا رفع عيونه والبنات كانوا عاطينه ضهورهم بس في بينهم صوت مميز يسمعه لااول مرة...
نجود بصوت عالي كانت تغني وتترنم/
تحبني ولاتحب الدراهم....اختار لك وحدة علشان مااضيع..
علاقة ماتنبي بالتفاهم...حتى تحت نور القمر يمكن تميع...
فوزية/وانتي شتختارين نجود؟
نجود بثقة وقفت قلب الشخص اللي كان يسمعها/طبعا الدراهم!!!واذا هو ماعنده ثقة لايسال حضرته؟؟؟
ضحكوا البنات عليها ...
منال/الا نجود مافكرتي تحبين وتعشقين تناسبك شخصية الحبيبة الغيورة؟
نجود/والله للحين مالقيت ولد الحلال اللي يستاهلني!!بس على يدك اذا عندك عطيني؟
منال/هههههه ماعندي غير محمد مشاري ومشاري راح عندك محمد؟؟
نجود/غلطانة باقي بعد بومشاري ليش شلتيه من القائمة؟
ههههههههههههههههه
منال/ها كل شي الا الوالد الغالي هههه؟
نجود/هههه بعد ماعندك غير محمد تروجين سوقه..
منال/بنات اخذوا راحتكم ترى مصعب ومحمد بالمجلس اللي عند البوابة يعني مابتشوفونهم قوموا تمشوا ماعليكم منه انا وفوزية شبعانين منها وحافظينها...
نجود/ترى كنت انتظرك تقولين ها الكلمة علشان اقوم...يالله بخاطركم باخذ جولة سريعة.....
فوزية/خذي راحتك...
ابتعد عن الباب وهو شايف طيفها يمشي لناحية الباب....
ودخلت من نفس الباب اللي توه ابتعد عنه ودخلت ودخلت معها ريحة عطرها ...
استغفر الله هاذي كلها ريحة عطر؟؟حشى للله حاطة لك الغرشة كلها؟؟؟؟قالها بهدوء..
رفعت راسها وشافته واقف عند النافورة وراسه بالارض.....
وقالت بعصبية/مالومك مو متعود على الروايح الطيبة والزينة!!!!وانصدمت يوم شافت وجهه؟؟؟؟
يوم سكتت رفع راسه يشوفها....

/////////////////////////////////////////////////////////////////

 
 

 

عرض البوم صور بياض الصبح   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملح الحياة, للكاتبة ملح الحياة و سكرها, ليلاس, القسم العام للقصص و الروايات, اعتراض, شرعك اللهم, شرعك اللهم و لا اعتراض كاملة, سكرها, قصه مكتملة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t147274.html
أرسلت بواسطة For Type التاريخ
ط£ط¯ظ„ظ‰ ط§ظ„ط¨ط§ط±ظٹطھ ظ…ط­ط·ظ… ظپظٹ ط§ظ„ظ‡ظ†ط¯ - ظƒط³ط§ط±ط© ط§ظ„ظپظƒ This thread Refback 24-08-14 11:43 AM
ظ†طھ ط³غŒطھغŒ ظ‚طµظٹط¯ظ‡ ظٹط§ط¨ظ†ط¯ط± ط§ظ„ط¹ط¨ ظˆط¬ظˆط± ط§ظ„ظˆظ‚طھ ظ„ط§ظٹظ‡ظ…ظƒ This thread Refback 15-08-14 04:20 PM
ط´ط±ط¹ظƒ ط§ظ„ظ„ظ‡ظ… ظˆظ„ط§ ط§ط¹طھط±ط§ط¶ ظ„ظ„ظƒط§طھط¨ط© This thread Refback 03-08-14 09:34 AM
ط´ط±ط¹ظƒ ط§ظ„ظ„ظ‡ظ… ظˆ ظ„ط§ ط¥ط¹طھط±ط§ط¶ ظƒط§ظ…ظ„ط© This thread Refback 03-08-14 09:27 AM


الساعة الآن 07:51 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية