كاتب الموضوع :
dali2000
المنتدى :
القصص المكتمله
الود قاعده وقمر في ثبانها نايمه وكانت تفكر في حمدان ليش ياربي حمدان ما خبرني يعني لهدرجه يتحسس في هل الاشياء انزين لو انا كنت مكانه شو بتكون ردت فعله هل مثلن بيرضى ياخذني ولا بس انا اقبل فيه لو انشاء الله مايمشي لني احبه ومستحيل اتخلي عنه وتقطع تفيرها مها
مها : ودوه تعالي تحت يدوه تباج
الود وهي تحط قمر في منزها : انشاء الله يايه
راحن مها والود تحت عند اليده
يدوه شيخة : الود الغاليه وين رحتي
الود: رحت اطالع اعيالي فديتهم يجنون
اليده : انزين تعالي امايه يلسي عدالي
راحت الود قعد عدال اليد ه : امري يدوه
اليده :ا تصلي حق حمدان ابا ارمسه فديته
الود لا ليش انا اخترتيني انا ما اكلمه اف احين شو اسوي
اليده : الود امايه يلا اتصليله
الود تمسك تيلفونها من ورا خاطرها وتتصل في حمدان
عند حمدان
حمدان كان مخزن رقم الود باسم( قليبي )000 اول ماجاف قليبي يتصل بك
انصدم الود داقتله نو وي ورد بسرعه
حمدان اونه زعلانه : الو
الود معصبه : هلا حمدان شحالك يدوه تريدك هكيه
حمدان : خيبه خيبه اشوي اشوي عليه عنبو لاكن ماعليه حسابج يوم برد
الود تعطي اليده تيلفونها
اليده : مرحبا ملايين في ولديه
حمدان : يا مرحباااا الساع في غرشوبه بوظبي
اليده : وايه فديت هل الحس شحالك ابويه عساك بخير
حمدان : بخير الغاليه ما اشكي باس
اليده : الحمدالله يا الغالي يوم انك بخير ولا الدار هب حلوه بلياك
حمدان : تسلمين فديتج وانشاء الله وراء باجر نكون عندكم
اليده : الله يرجعكم بالسلامه الا وين هذيل الي مضيعين المذهب حمود وميود ولا يتصلون ولا شياتيه جني هب يد امهم امف عليهم
حمدان : هيه والله امره مضيعين المذهب ماعليه امايه انا بادبهم الج ان ماخليتهم يغدون رياييل ما اكون حمدان بن احمد
اليده: اعرفك الغالي ريال والنعم فيك
حمدان : لحظه يدوه وياشر حق حمد انه اي 00 حمدان بصوت واطي حمود تعال انت وميود بسرعه
حمد ومايد يايين : شو ؟؟
حمدان يرجع السماعه علي اذنه : وياج وياج امايه بس قاعد اواقع ميود وحمود
اليده : عطني اياهم هذيل الثنين
حمد شل السماعه من عند حمدان : مرحبا الساع في الغاليه ام الغالي
اليده : جب جب اقطع يامسود الويه احين افتكرت انه عندك ام جان بعد مادقيت ولا سالت تبونها من الله ما تتصلون
حمد يقاطعها : لا يدوو 00وماخلته يكمل كلامه
اليده : اشو لا عندك تيلفون وتعرف الرقم لي مراده الصلاه ماتفوته وانتو ابدن ما تتصلون جان الا احنا بنتصل عطني ميود هذا مسود الويه الثاني
مايد وجنه عارف شو بيه
مايد : هلا ومرحبا بالشيخة شيخة الحلوه
اليده : ماشي لا هلا ولا مرحبا
مايد : افا افا اشعنه انزين
اليده : اشعنه ما تتصل ولا شياته غسلتو ايدكم عنا لو انتو معرسين شو بتسون امره حتي ولا بنجوفكم
مايد يدهن سيرها : لا اما يه اصلن انا باخذ وحده وبعيشها معاج
اليده : جوف جانك بتضوي وحده من خايساتك لا امردقك انت وياها
مايد : افا عدنا بنات في العايله واروح للغريب شو رايج يدوه تختاريلي
اليده اتشققت من الوناسه : تم الي تامربه عروستك جاهزه
وقف قلب الود من قالت اليده جيه
مايد : ها يدوه منو عروستيه
اليده : الريم شيخة الحريم ماغيرها
مايد : تم وانا موافق شرات ماقلتي الريم شيخة الحريم ويغمز حق الريم الي كانت ظاهره من المطبخ التحظيري
الريم : شو انا شو اسمع حد يطريني
مايد: لا ماشي
اليده وهي تكمل : من اتي يا ابويه بخطبلك اياها
مايد : تم خلاص امايه كل شي عليج
اليده : هيه جيه اباك هب تاخذلي وحده لا تعرفنا ولا نعرفها
مايد : لا منو قال شورج وهدايه الله
اليده : انزين عيل ابويه يلا فداعت الله
مايد : ربي يحفظج
سكر مايد عن يدته
حمد : شمعنه انا الي عطني من الزين
مايد : لنك يا اثولماتعرف تدهن سيرها يبلها طاري العرس وبتسك
وبظهرت حمدان من الغرفه حمدان : ها منو بيعرس ؟؟
مايد : انا
ريم وحمدان : شووو انت وعلي منو وكملت ريم عن حمدان : ومتي وليش ماخبرتنا منو البنت انزين وحده نعرفها او من العايله ؟؟
مايد : هيه من العايله
حمدان : انت اخترتها ولا منو ؟؟
مايد : لا يدوه فديتها اختارتلي
حمدان وقف قلبه ( اكيد احين بتخطب مايد لودوه الله لا ييب هذا اليوم الي اجوف فيه ودوه لغيري )
ريم : منو ؟؟؟
مايد ويغمز حق حمدان وحمدان قلبه بيوقف وقال : ال00 وحمدان يكمل في قلبه الود لا لا تكمل
مايد : الريم شيخة الحريم
ريم غدي ويها اشارات المرور وحمدان ارتاح
حمد : ههههههههههههههههههه طالعو الشكل بس ههههههههه
مايد : اقول ياحرمت المستقبل لا تستحين من ريلج المستقبلي عادي
حمدان يوم استوعب الموقف ظحك ضحكه قويه : واااااههههههههههههههه واهههههههههه
الريم وهي معصبه : لا والله منو قال اني باخذك ماريد
مايد عصب : ليش انشاء الله هب عايبنج ولا
الريم : هيه هب عايبني
حمدان : رييييييييم بس حشمي
مايد وهو مفول منها : لا خلها تكمل ليش انسه ريم هب عايبنج
حمد : بس هدو انزين ماصار شي بس كلام
مايد عصب وظهر وراح قعد خاري
حمدان طالع ريم بنغمه وراحت ريم غرفتها زعلانه
حمد راح يطالع مايد
حمد : ميود
مايد طااااااااااف
حمد : مااااااااااايد
مايد : همممم
حمد : شو فيك
مايد: يعني ماطالعت بنت عمك
حمد : ثرها ماتقصد
مايد : تقصد ولا ماتقصد انا مالي خص فيها
حمد : يوم مالك خص فيها ليش ياخي قاعد خاري
مايد وهو متنرفز : اوه حمد دخيلك خلني بروحي
حمد : ببراحتك وراح داخل عند حمدان الي كان متلوم من ولد عمه
ومايد قاعد يكلم نفسه ( يعني هيه احين ليش رفضت ماتعرف اني احبها لا لا شو احبها اصلن انا ما احبها لا احبها بس هب راضي اعترف بس هب كيفها ترفض اوه يعني ماحست اني احبها اف احسلي اروح عند الربع )
وراح مايد عند حمد وحمدان الي كانو بيظهرون بيروحون عند هزاع وراح معاهم
***
امل : هيه دقيت حق ربيعاتها المقربات
شوق : وانا دقيت لفندق عسب الكيك
امل : خبرتي غلوه
شوق: لا يوم بجوف الود رايحه مكان بخبرها
امل : اوكي
وقعدن البنات مع بعض وعقب الكل راح ينام
نهايه البارت
باجر عيد ميلاد الود
وباجي يو مين عن ييت قوم حمدان
انتظروني
***************
اول ماصحت الود جافت في غرفتها كمن باقة ورد فجت اعيونها مره ثانيه تتاكد وردت جافتهم مره ثانيه
فزت من السرير وراحت اطالع الباقات جافت وحده مكتوب فيها : غنو لحبيبتي وقد مولها التهاني
من اخوووج حمد <<ا لود اول ماجافت الكارت دمعت عينها فديتك ياحمود مانسيت وراحت اتجوف الباقه
الثانيه وشلت الكارت : كل عام وانتي بالف خير يالود من اخوج مايد << فديييييتك ياميود وراحت
عند الباقه الاخيره : مبروك يابنتي الغاليه عقبال ما اجوفج عروس من باباتج << الود : خلاص بصيح ما اقدر
راحت الحمام وانتو بكرامه تسبحت وتكشخت وراحت تحت اول ماحدرت الصاله جافت 3 باقات ثانيات
شلت الكارت الاول : المحبه جت تهنيها قبل نحنا نحتفل فيها نحتفل في عيد الود نشعل الشمعه ونطفيها
من الشيخ حمداااان << الود فديتك ياحمدان مانسيت وراحت عند الباقه الثانيه جافته من امها والاخيره من شوق
وكانت كاتبه : كل عام وانتي بالف خير ياختيه الغاليه عقبال ما اجوفج وانتي عروس وازفج علي حمدان
الود :ههه وااااااااااااااااي فديييييييتهم مانسو زيييين زين
شوق من وراها : كل عاااااااام وانتي بخير وراحت تحضنها وتبوسها
الود : شوقوه فديييييييييتج والله خلاص بصيح ما اقدر
شوق : تستاهلين فدييييييتج
الود : بس تعالي كيف حمود وميود وحمدان مطرشيلي ورد
شوق : الله يسلمج هم طالبيلج ورد
الود : اها
شوق: انزين احين الساعه 10وع الساعه 1:00 روحي عند مهو بتي هناك غلوه
الود : لا لا ماريد عيد ميلادي لازم هن ايني مش انا اروحلهن
شوق : لا هن عازمينج
الود : اوكي دام جيه خلاص باروح
يحدر بو حمد عليهن الصاله : فدييييييييييت بنتي الغاليه
تركض الود وتحضن ابوها : فدييييييييييتك باباتي وتبوسه علي خده تسلم علي الباقه الحلوه
بوحمد : ثرها يابني هب هاي هديتج
الود: تسلم غناتي ماريد منك اي شي المهم انك انت معايه وترد تحظنه
بوحمد : فديتج
ام حمد توها كانت بعد يايه : ودوه قومي عن ابوج كسرتيه
الود : ابوويه شكل العيوز تغار
ام حمد : عيز الله حيلج انا احين عيوز يامسوده الويه
الود بدلع : مااااااامااااااااتي شو تسبيني اليوم عيد ميلادي حتي ولا قلتيلي كل عام وانا بخير زلعااااااااانه منث لا تلمينييييي ( تقلد اليهال اونها )
شوق : اوب اوب مانروم علي الدلع
الود : فدييييييتني
ام حمد: كل عام وانتي بخير ياحبيبتي وراحت تبوسها
الود : هيه جيه الامهات يهنون بناتهم هب شرات مساعه
ام حمد راحت اتيب الهديه الي كانت شراتنها حق الود وكانت الهديه عباره عند عقد الماس
الود : وااااااااااااو فديييييييتج يا امايه هذا الي كان خاطري فيه
ام حمد : ادري فديتج
وبو حمد عطاها هديتها وكانت ساعه ماركه
الود : واو تسلم داد
شوق : ودوه هديتج خلاف بعطيج اياها
الود : تسلمين ماريد غير رضاكم عليه
ورن تيلفون البيت وراحت الود ترد اول ماردت سمعت واحد يغني اغنيه غنو لحبيبي
وكان حمد الي داق وتمت الود تسمع الاغنيه وعقب ماخلص : كل عام وانتي بخير حبيبتي
الود : حماااااااااااااااادي حبيبي تسلم فديت روحك علي الباقه تجنن
حمد : اموووووووووواح هاي بوستج
الود : فدييييييييتك
حمد : ودوه ريمو تباج
الود : وينها ؟؟
الريم : هلو
الود : رياااااااامي
الريم : ودااادي كل عااااااام انتي بخييييييير عقبااااااال مليون سنه
الود : لا لا ماريد مليون شو مليون قولي 101 اوكي
الريم : فقتج يالسباااااااله
الود : اييييييييييييييييه لا تسبين عيد ميلادي اليوم
الريم : ودوه باااااااااجر احنا بنكون عندكم
الود : اي نوووو
الريم : ودوه بحطج سبيكر
الود : اوكي
حطت الريم سبيكر والكل كان قاعد
الود : احم احم الشيخة الود معاااااكم
بو حمدااااااان : فدييييت الود
الود : عميي حبيبي شحاااااااااالك ولهت عليييييييك واااااااايد
بوحمد ان : انا بعد فديتج كل عااااااام وانتي بخير حبيبتي
الود : انت بخير
ام حمدان : ودوووووووه
الود : يااااااروح ودوووووووه مااااااااماتي
ام حمدان : فديييتج ياغناتي كل عام وانتي بالف خير
الود : وانتي بخير
ام حمدان : باجر انشاء الله بتوصلج الهديه
الود : وجودكم معايه هاي احلى هديه
مايد يدخل علي الخط : ودووووووووه
الوود : ميووووووووودي
حمدان في قلبه لا ودلعه بعد بتجوف
مايد : شورايج في الباقه ؟؟
الود : اتغرم الصرااااحه فدييييتك يا اخووووووويه
حمدان في قلبه : لا وبعد فديتك
الود : حمداااااااااااااان <<<< بس بعدها زعلانه
فز حمدان يوم سمع اسمه : لبيييييييييييه
الود : شووووو ماناوي تباركلي ياويهك
الكل :هههههههههههه
حمدان : لا الغاليه اعطيهم الفرصه بعده مايا دوري
الود : اها
حمدان : كل عااااااااااااااام وانتي بخير يادبه
الود : عمييييييييييي اسمع شو يقول عني
بوحمدان : حمدااااااان لا تقول عن حبيبتي دبه
الود : سمعته اليوم عيد ميلادي المفروض ماتسب شو هل المذهب
حمدان : مذهب حمدان الغرشوب خخخ
الود : سخيف
حمدان : ودوووووووه لا تخليني احين ادق حق يدوه واخبرها تحتفلين في عيد ميلادج
الود: اتعرف ياحمدانوه شو في خاطري
حمدان : شوووو ؟؟
الود : افلعك في الغرشه الي عدااااااااالي
مايد : هيه زين دوااااه
الود : خلاص ميود باجر بفلعه وانت وده المستشفي
مايد : تم خلاص
حمد : اييييييييه ودوه
الود : ياروح ودوه ياقلب ودوه
حمد : فديتج وفديت روحج بسج هذربه يلا بااااااي
الود : عافان الله كله يجعم خايف علي الفاتروره
حمد : هيه خايف عندج مانع
الود : لا عندي دواااس هههههههههههههه
حمد: هههههههه ياسخيفه
الود : شكرن علي المدحه الغاويه
حمد : يلا اقلبي ويهج
الود : اي صفحه
حمد : السابعه
الود : لاسف محذوفه حاول مره اخري
حمد : الصفحه الي تعيبج
الود : يلااااااا بباااااي
حمد : بااااااي
سكرت الود عن حمد وراحت غرفتها اظهر ملابسها
وشوق قاعده تتصل في الفندق اتخبرهم عن الكيكه وعقبها دقت حق ربيعات الود فطامي وعنود
وبعدها دقت حق امل يتفقون عن ترتيبات الميلس كيف بيكون واتفقن علي كل شي
******
مايد راح يقعد خاري
ريم اول ماجافته يظهر راحت وراه
ريم : ممكن اقعد
مايد وهو لين احين معصب منها : كيفج
قعدت الريم مجابل مايد : اممممممم مايد
مايد : نعم
الريم : بعدك زعلان
مايد : ليش يهمج
الريم : هيه يهمني
مايد : هيه بعدني
الريم : سوري ميود ماكان قصدي اني اقولك جيه
مايد : عاااااادي مايهم
الريم : لا يهمني عاااااااد
مايد وهو حاب ينرفزها : قلتلج عادي
الريم عصبت : اف كيفك اصلن انا الغلطاااااانه اني ييت استسمح منك
مايد : احبج
الريم منصدمه وفاجه ثمها من الصدمه !!!!!!!!!!!!!1
مايد : ههههههه شوفيج
الريم توها استوعبت : هاااا لا ماشي ببااااااااي
مايد : لا تنسين احبج
الريم ماعطته سالفه ورااحت غرفتها تفكر
وماايد يظحك علي شكل الريم
******
الساعه 5 الود راحت بيت عمها
عند مها وغلا الي كانن قاعدات يترينها
غلا : اخيرن شرفت الشيخة الود
الود : مرحبااااااا الساااااااع يا حيهم الشيوخ
مها : كل عاااااااام وانتي بخير
الود : وانتي بخير
غلا عفدت علي الود وحظنتها
الود : ايييييييييي كسرتيني
غلا : ههههههه يعلج
قعدن البنات مع بعض
وامل راحت تفازع شوق وعلي الساعه 7 خلصن تجهيزات
امل ادق حق مها عسب ايبن الود
وفطامي وصلت هيه وعنود وكانن يترينها في الميلس مع امل وشوق
اول ماحدرت الود رشو عليها الرشاشا الي فيه اوراق
الود منصدمه وحطولها اغنيه عن العيد ميلاد وين يهنونها البنات
شوق : شوووو راااايج
الود : فديييييتكم والله تسلمووووون
وقعدن البنات مع بعض
الود كانت قاعده مع فطاااااامي
الود : فطامي تعرفين يوم كنت في المانيا جفت هزاع اخوج
فطامي : ادري قالي
الود : اتعرفين اني ماعرفت انه اخوج بس هو عرفني اني اخت حمد اتخيلي
فطامي : لانه حمد يشبهج تعرفين ماكان يعرف في البدايه انه نقرب حق بعض
الود : والله
فطامي : هيه والله
اشوي ويرن تيلفون فطامي وكان هزاع الي دااااق
فطامي : وييهلو طارين مليون جان وصل
الود : ليش هزاع ؟؟
فطامي : هيه وردت
هزااااع : مرحباااااا
فطامي : هلا والله
هزاع : وين انتي
فطامي : في بيت الود
هزاع فز قلبه : ليش ؟؟
فطامي : عيد ميلادها اليوم
هزاع : اها باركيلها
فطااامي : ودوووه
الود : لبيه امري
فطاااااامي : هزاااع يقولج كل عام وانتي عنز
هزاااع : ياااااااا الجذووووووب انا ماقلت
الود : ومرته العنز انا احين عنز
فطامي : هههههههه اقص عليج ماقال انا الي قلت
الود : سبااااااااله
هزاع في قلبه : ياويلي علي صوتها
فطامي : هزاع حبيبي عقب بكلمك
هزاع : اوكك حبيبتي باي
فطامي : بباي
سكرت فطامي عن هزاع وتعشن البنات وخلاف كل وحده رجعت بيتها وتمن الود وشوق قاعدات
شوق : ودووووه هديتج فوق
الود وهي تركب علي الدري : تسلمين حبوبه
وراحت الود غرفتها وفجت الهدايا وعقبها نااااااامت
*****************
والله احبك احبك حب يشهد الله علي
لما اجوفك ابتسم صدقني ماهو بدي
مها : ياااااااااااي اليوم بيوصلون قوم عمي
اليده : هيه فديتهم بتنور الامارات
مها : هيه فديت ميود وريموو
اليده : امايه مها اتصلي حق عمج اتخبريه متي بيوصلون ؟؟
مها : اوكي من عيوني
اليده : تسلم عيونج
راحت مها تتصل حق عمها واتخبرته متي بيوصلون قوم عمهم
مها : يدووووه تقريبن ع الساعه 6 المغرب
اليده : احين الساعه كم
مها : احين الساعه 12 الظهر
اليده : عيل وينها ميرا وامل ماريتهم
مها : امل اتعدل غرفت مييد وميرا عند عيالها
اليده : هيه زين انزين ماين عيل الود وشوق
مها : بين ماعليج
****
الود ظهرت من الحمام ( وانتو بكرامه) ولبست كندوره تلي غاويه لونها وردي وجحلت اعيونها ومزرتهم من
الجحال وغدت ما شاء الله عليها قمر وحطتلها غلوس وردي على لون التلي الي لا بستنه وفجت شعرها وخلته
كله علي يمب وشلة شيله الصلاه وخلتها علي نص راسها وتعطرت وظهرت خاري وراحت تحت عند امها
وابوها
الود : صباااااااااااح الخير
بوحمد وام حمد : صباح النور والسرور
الود : شو اصبحتو ؟؟
بو حمد وام حمد : الحمدالله
بوحمد : الله علي الكشخة ماروم علي الغرشوبه
الود : وجاااااااان استحي
ام حمد : فدييييييت الي تستحي
شوق توها كانت صاحيه : السلااااام عليكم
الكل : وعليكم السلام
بوحمد : مرحبا الساااااع في الشيخة
شوق : فديتك ياباباتي << واتروح توايهه وخلاف راحت عند امها
الود : غريبه شوشو ناشه متاخره
شوق : البارحه مارقدت عدل
ام حمد : ليش ؟؟
شوق : امايه حلمانه يدي الله يرحمه
ام حمد : خير والصلاه علي النبي
شوق : حلمانته انه يقولي شوق امايه انا ياي اشلج معايه ولهت عليج
ام حمد : الله يرحمك يا ابويه كان وايد يحبج وقبل لا يموت حتي وصاني عليج كنتي غناته
الكل : الله يرحمه
شوق : انا بروح اغير ملابسيه
بوحمد: روحي فديتج
وراحت شوق وهي علي الدري : هيه صح ابويه متي بيوصلون قوم عمي
بو حمد : علي ما اضن الساعه 6
شوق : اها وراحت غرفتها
الود : انا باروح عند شوق
ام حمد : انزين امايه كليلج شي
الود : بشل معايه جاي حليب وحقي وحق شوشو
بوحمد : زين تسوين روحي اللله يرضي عليج فديتج
الود صبتلها جاي حليب حقها وحق شوق راحت فوق عند شوق
الود ادق الباب
شوق : حدري الود
الود تفج الباب وجافت شوق قاعده علي السرير وقاعده تلعب في الدبدوب
الود واتروح تقعد عدالها وتعطيها جاي حليب مالها
شوق وهي مضايقه : ودوه ماريد
الود : شوشو شوفيج ؟؟
شوق : مادري والله اول ماصحيت من النوم وانا احس باكتاب فضيع واريد اصيح بس هب قادره
اتعرفين احس باحساس غريب
الود : شو ؟؟
شوق : احس اممممم <<والود قاعده تطالعها << وتكمل شوق احس انه يومي قرب ماعرف ليش
الود عصبت : سباااااااله حيواانه ان سمعتج ترمسين بهل الرمسه ياويلج انزييييييين والله لا اعطيج كف
هب معناته انج مضايقه تقولين جيه والله يا شوقوه ان رمستي بهل الرمسه ما اكلمج انزين
وراحت عنها تحت
الود وهي بعدها مضايقه من شوق : امايه وين ابويه
ام حمد : توه ظهر راح العزبه
الود : اها انزين عيل انا رايحه بيت عمي بتخاويني ؟؟؟
ام حمد : لا فديتج بروح اعدل قسم حمد
الود : فديته اليوم بي ياااااي يلا تامرين بحايه غناتي
ام حمد: لا فديتج الرزانه بس
الود : تامرين امر
وراحت الود بيت عمها واول ماحدرت
اليده : يامرحبا السااااااع في الغرشوبه
الود : وااااااايه فديتج يا يدوه << واتروح توايها وتقعد عدالها << واليده كانت قاعده علي الارض وعدالها دله القهوه والجاي والجاي حليب
يدوه شيخة : هذا اللباس الغاوي يوم تلبسين تلي تظهرين غاويه
الود : افا يدوه يعني انا احين هب غاويه
يدوه شيخة : لا امايه يعني مازينج يوم لابسه هل اللباس الله يرزقج في ولد الحلال
الود : اميييييين ياااااااارب العالمين الا يدوه وين مهايه واموله وعمي وميره ومرت عمي وخالد
يدوه شيخة : عنبو اشوي اشوي عليه امل ومها يرتبون قسم مايد وعمج ومرته رايحين العزبه
الود: عيل اشعنه ماخاويتيهم
يدوه شيخة : ما اروم يا امايه ركبتيه تعورني
الود : اهمزج ؟؟
يدوه : هيه فديتج الله يرضا عليج
وقعدت الود تهمز يدوتها وامل ومها توهن حدرن عليهم
امل : يا هلا ومرحبا في ودودي
الود : هلا فيج زود
مها : ودوه وينج دقيتلج يدوه كانت تتخبر عنج ؟؟
الود : هيه كنت نايمه
امل : عيل ليش شوق مايات معاج
الود : مادري روحيلها انتي << الود كانت تبا تغير من مود اختها اشوي عسب جيه قالت ل امل اتروحلها
امل : بروح اغير ملابسيه وبروحلها
يدوه شيخة : الود امايه اشعنه مايت امج معاج
الود : امايه قاعده اتعدل قسم حمد
مها : يلا متي بتستوي السااعه 6
الود : احين الساعه وحده عقب مادري كم ساعه بيوصلون
وتموت الود قاعده مع يدوتها ومها
******
انت حبيبي وغناتي انت الي غير حياتي000
ادري تحب وتحاتي معذور قلبك حنون 000
هزاع : ياااااااااااي واخيرن
محمد : شوو ؟
هزاع : رجعنا الامارات
محمد : الله ينطبك علي بالي شي
هزاع : ههههه فديت uae
محمد : هزاع جوف هاي البنت الي قاعده عدالنا ؟؟
هزاع : شوفيها ؟؟
محمد : ثرها من يوم مساعه قاعده اطااااالع
هزاع : شو اسويبها يعني
محمد : ياغبي معجبه فيك
هزاع : انعجبت فيها جنيه قول امين
محمد : هههههههههه حرام
هزاع : حرمت عليها عيشتها لو بنت ناس وعرب جان ماطالعت الشباب خل تخيل علي ويها والله متسوي الود
محمد : هي هااا كل اشوي الود الود
هزاع : اتعرف
محمد : لا ما اعرف شو
هزاع : اكرمنا بسكوتك اشوي
*****
مرن الساعات بسرعه
بو حمد : يلا بنات بسرعه
الود وهي نازله من الدري : ابويه بس انا الي بروح معاكم
بوحمد : يلا هبانا نوصل
وراح بوحمد مع الود في سياره المطار وخالد في سيارته وبو مايد مع مها في سيارته
وصلو المطار وراحو يستقبلون قوم بو حمد وهم في المطار
الود تصاصر مها : اييه احين بجوف حمدان وانا زعلانه منه
مها : ودوه ثرج وايد مصختيها الود مايبا يحس بالشفقه وانتي تبينه يخبرج افهمي يا ماما الشباب غير عن البنات
موقفهم غير عنا لو تميتي جيه بيعيفج صدقيني00
الود
وجافو حمد ومايد الود تاشر حقهم
حمد : واااااااااي فديت فدييييييييييييت
مايد : فديت شو
حمد وهو في خاطره : فدييييييييت مهوووو ياربي ويرد يجاوبه : فديت ودوه محلوه ختيه
مايد : اختك يوم عن يوم تحلو
حمدان كان وراهم ويوم قال مايد عن الود صد يطالع الود
حمدان في خاطره : ياربي عليج ما اقدر كم بعيش
وراحو وتوايهو
هزاع وهو يمشي وفتح عيونه !!! وقف
محمد : هزااااااااع شو فيك
هزااااااع : اه يا البي
محمد : شو في بعد
هزاع : جفت قلبي
محمد : شو درابها انه انت اهنيه صدق غبي
هزاع : ياويل حالي كم بعيش
محمد : ماعليك بتعيش
هزاع : والله حمود هذي هيه الود حتي طالع هكم حمد وحمدا ن ومايد
محمد صد طالع مكان ما اشر هزاع
هزاع : هاي هيه غناتي الي حاضنه حمد
محمد : شت ياهزاع ماشاء الله عليها جمال هب في حد
هزاع وهو سرحان في الود الي كانت تظحك واشوي تزعل
محمد : حووووووو
هزاع : ها شو
محمد : يلا انروح الاهل يتريونا
هزاع : يلا
وراحو هزاع ومحمد
الود وهي تمشي وهيه حاضنه حمد : ولهت عليك واااااااااايد
حمد : انا بعد تعالي ليش شوشو مايت
الود : مضايقه اشوي
حمد : من شو حد قالها شي يغث
الود: لا بس اول ماصحت من النوم
حمد : اها يوم بنوصل بطالعها
حمدان في خاطره : انزين انزين ياودووه امسوتلي طاااااااف انا براويج
مها : ميودي فديتك ولهت عليك وايد
مايد : مي تو فديتج
الريم كانت تمشي مع اعمامها وحمدان مع امه كانو يمشون وخلصو الاجراءت وراحو السياره
والكل انقسم حمدان و ام حمدان وبو حمدان مع خالد
وفي سياره بو مايد : مايد ومها
وسياره بو حمد : حمد والود والريم
وبعد ربع ساعه وصلو بيت بو مايد
اليده واقفه تستقبلهم خاري مع الكل
وصلت سياره خالد اول شي وحولو وبعدها سياره بو مايد وبو حمد
يدوه شيخة : واااااااي فديتكم يا عيالي
وراحو يوايهونها وحدرو الميلس كلهم من الشباب البنات
وقعدو وخذو اعلوم بعض
يدوه شيخة : عاد اليوم في يمعتنا هاي بغيت اقولكم شي
الكل : امري
يدوه شيخة : انا حيرت مايد لريم
الريم ويها غدا احمر والبنات يضحكن عليها ومايد قاعد يطالعها ويغمزلها
بو حمدان : امره ماعندي مانع جانه رايدنها
بومايد : وانا بعد هذي الريم شيخة الحريم
حمدان في خاطره يالله متي بي اليوم الي اجوف فيه ودوه حليلتي يااااا ي عجيب لو كنت احين مالج عليها جان
راويتها ويبتسم ابتسامه خبث ويطالع يدته
حمدان : يدووووووووه
يدوه شيخة : امر فديت روحك
حمدان يبتسم ويطالع الود ورفع حياته وينزلهن : انا بعد اريد تخطبيلي ليش بس مايد انا اغار
يدوه شيخة : عروستك زاهبه جان تباها امره شلها ولا عليك من حد
حمدان وهو عارف منو بس يستهبل : منو يدوه
يدوه شيخة : منو غير شيخة البنات الود
الود فجت اعيونها بكبرها وشحقت شحقه خلت الكل يطالعها والشباب بيموتون من الضحك عليها
حمدان وفي خاطره : ههههه انا ياودوه عيل اتسويلي طاف وقاعد يغامزلها
شوق وامل حسن في الود والريم وقالن : يلا بنات بنروح خاري
وفزو الود والريم وراحن خاري يقعدن في الخيمه
نرجع داخل
حمد قاعد وهو يكلم نفسه وانا ليش ماحد قال اني حق مهو
تمو الشواب يسولفون
عند البنات
الود : يقهررررررررررر بمووووووووت من الفشله
الريم : عيل ريتيه الحيوااااااااان قاعد يغامزلي مستانس الحبيب
مها وامل وشوق :خخخخخخخخخخخخخخخ
الود : اضحكن اضحكن فقدهم ضحكتن انشاء الله بلا اضروس
شوق : خلاص ماااااااروم بطني يعورني خخخخخخخخ
امل : شكل ريموه كان عجيب هههههههه
مها : شت ياخي ماكانت عندي كيمره جان صوريتهم خخخخخخخخخ
الريم : جب جب سكتن عنا
الود : حمدان الدب يستهبل بعد اونه منو وهو يعرف مالت عليه
حمدان : مااااااااالت علي منو هااااا
الود !!!! انت من متي اهنيه
حمدان : مالج خص يا حرمتيه يلا تعالي بنروح اليوم شهر عسلنا ويغمزلها
البنات يضحكن
الود معصبه : جب جب اصلن انا زعلانه منك وما اكلمك
حمدان يتقرب من الود : افااااااا تزعلين من ريلج
الود خلاص بتذوب وفي خاطرها : ابتعد عني ماروم استحمل ياويل حالي عليك ياي ياريحت العطر والدهن
عود تفر الراس وردت الود مره ثانيه
الود : هيه
مها : يلا بنات خلن المعريس بروحم ياخذون راحتهم
حمدان : وااااااافديت بنت عمي اموت فيج
امل : اسكت اسكت عن ايك حمد مافينا
مها افشلت انه حمدان عرف بس اصرت انهم يظهرون عسب يتصالحون الود وحمدان
هيه صح ثره حمدان احين يمشي بس يعري شوي مع الايام بيكون زين
************
ليش تزعل فديتك وانت غالي علينا
ماخذ القلب بيتك 0000
ظهرو البنات من الخيمه ومابقا غير الود وحمدان
الود كانت قاعده وحمدان قاعد مجابلنها
حمدان يرمسها بكل حنيه : بعدج الغلا زعلانه
الود وهي تتغلا عليه : هيه
حمدان : انزين السموحه منج بس لو كنتي مكاني كنتي بتقوليلهم يقولولي
الود : هيه كنت بقولهم عادي بس لو كنت ماتمشي بعد احبك
حمدان ذاب من هل الكلمه : عيديها مره ثانيه فديت روحج
الود وهي مستحيه : مااااااريد
حمدان اونه زعلان : افا تزعلين من ريلج ويغمزلها
الود خلاص بتموت من المستحي
حمدان : حبيبتي
الود : اعيونها
حمدان : تسلم اعيونج احبج
الود في خاطريها ياويل حااااااالي بموت
حمدان وهو ينش من مكانه والود بعد معاه من دون حاسيه
حمدان ماسوا واحد اثنين راح وطبع علي خد الود بوسه
الود انصدمت من الحركه وفرته في نعول وهو شرد منها
الود : حيوااااااااااااان يا الماااااااااااصخ
حمدان وهو واقف عدال الباب ويضحك : كيفي يدوه قالت جان تباها من احين خذها << وظهر والود واقفه مكانها وبتمووووووووت من الفشله
وحدرن البنات عليها
مها : هاااااااااااا اعترفي شو سويتو اجوف ويهج احمر
الود : جب مايخصكم
شوق : يعني طاح الحطب
الود : طاح وانكسر بعد
امل : ياويلي
الريم : كم بعيش
الود : بس خلاص انجبن
وتمن البنات قاعدات يسولفن والشباب معاهم والشواب راحو ينامون
****
في اليوم الثاني
العايله كلها كانت متجمعه في بيت بومايد
صوب البنات
الود : ايييييييييه شورايكن نتمشي في الحاره
مها : هيه نغير جو
الريم : انا ماعندي مانع
الود : مانع ولا دواس
الكل :هههههههههههههه
شوق : يلا قومن
امل : اييييه بنتمشي بليا عبي مافيه
الود : اكيد لابسين كنادير وشيله صلاه وخلاص
وراحن البنات يتمشن في الحاره ويسولفن وراحن يقعدن عند البحر
في واحد قاعد يتحرش فيهم
مها : ان ماسكت والله لا اراويه السبال
الود : سويله طاف
امل : لا ادبيه يعله التيس
ريموه : يعني شو بتسوين ؟؟
مها : انا براويكن قومن
وقامن البنات كلهن وهذا هب راضي يفارج
الود : يلا اونج بتادبينه
مها اصبرن عليه
الريال : والله كلكن غراشيب ماعرف منو اختار
الود : اختار مشكارتكم يا هل الويه
الريال : احلي من ويهج
الود : اخبرك شكلك ماجفت ويهك في المنظره قبل لا ترقم روح غسل سيارتك والله حرام انت تسوق هاي السياره
مها : ودوه اسكتي انا براويج
شوق : انتي من يوم متي انونج بتراوينه
مها : يا المخبل انا اتريا نوصل قريب البيت
امل : احنا ثرنا قريب
مها : اي نو ترين << شلت حصاه معها
البنات يطالعنها : شو بتسوين
مها : اقول الشيخ
الريال وهو يمشي بسيارته بس هو شوي بعيد عنهم
الريال : امري
مها : شو رايك في هل الشي
الريال : شو
وفرت مها الحصاه علي سيارته وشردت وابنات كلهن يترابعن في الشارع والريال نزل من سيارته ويربع وراء مها والله لا اتجوفين يا مسوده الويه
ومها تربع الود وريم راحن بيت فطامي ربيعتهن
ومها وشوق وريم كانن يربعن وانخشن في السكه وهو ماشافهن وهن يضحكم علي الموقف
الود قاعده ادق حق فطامي
فطامي : الووووووو
الود : فطوم تعالي خاري بسرعه انا في بيتكم
فطامي : ليش ماتخبريني ؟؟
الود : هب وقته يلااااا
الود قاعده تظحك مع ريم
وهزاع توه كان حادر البيت وجاف بنتين وماعرف انه الود واقفه
فطامي وهي توها ظاهره جافت هزاع وراحت عند سيارته
فطامي : هزاع روح من الباب الوراني
هزاع : ليش
فطامي : الود وبنت عمها اهنيه
هزاع : اه يا البي
فطامي ظربته وراحت
فطامي : شو فيكن
الود : ايه اول شي يبينا ماي ابسرعه
فطامي : ههه انزين تعالن داخل معايه
وراحن البنات داخل وسلمن علي ام هزاع وخذن اعلومها وبعدها راحن غرفت فطامي
فطامي وتعطي الود والريم ماي
ريمو: فااااااااااتج يافطاااامي
فطامي : شوووو ؟؟؟؟
الود : مهو الله ينطب ابليسها فرت واحد بحصاه
فطامي : ههههههههه جذوب
الودوهي تدمع : والله وليش مايربع ورانا واحنا مرابع في الحاره الحمدالله انه ماجافونا قوم حمد جان ذبحونا
الريم : اخبرج ودوه دقيلهن جوفيهن وين
الود تتصل في مها
مها : الو
الود : وينكن ياعنز ؟؟
مها : منخشين في السكه الي وين بيت قوم سيف بن سالم
الود : وهذا بعده وراكم
مها : ما ااعرف يا مه
الود : احنا احين بني مع دريول قوم فطامي تلقينه احين قاعد يدور في الحاره يدورنا
مها : هههههههه احسن يعله
الود : اوكي يلا بباي احين بنيكن
مها : اوكي
سكرت الود عن مها وقالت حق فطامي انه اتي معاهن
راحن البنات وخطفن علي مها وشوق واموله ورجعن البيت وفطامي راحت بيتهم
الود : ايييييييييه شورايكن كلكن تنامن في بيتنا
شوق : هيه فكره حلوه
البنات : ماعدنا مانع
الود : يلا الي بيتنا
وراحن البنات بيت قوم الود ووبينامن في غرفت الود كلهن
سهرن البنات شوق : شو رايكن كل وحده تقول شو تحس وشو احلي موقف
البنات : اوكي
شوق : انا بدا
البنات : اوك
شوق : الصراحه احلي يوم بيكون في حياتي يوم اجوف الود عروس وحمود معرس يلا املوه دورج
امل : احلي موقف في حياتي كان مادري نسيت
شوق : يلا ودوه
الود : اممممم احلي موقف يوم انا وحمدان اتراضينا وتبتسم
شوق : ريمو
الريم : امممم في شي انا ماخبرتكم اياه
البنات كلهن : شوو
الريم : الصراحه احلى موقف يوم يوم يوم
مها : بسج لا افلعج احين
الريم وهي مستحيه : يوم ميود قالي احبج
البنات : حمااااااااااره ليش ماخبرتينا
الريم : نسيت
شوق : يلا مهو
مها : امممممم الموقف اليومي عمري مابنساه
البنات : هههههه
شوق : اوكي كل وحده تقول شو بتكون ردت فعلها لو انا مت
امل : شوقوه جنه في خاطرج كف حلو
شوق : صد ق
الود : الله بناكل عيش ولحم يم يم يمي
شوق : سباله
الود : امزح وانا كم مره قلتلج لا اتيبن هل الطاري
مها : اقول سكرن هل الموضوع السخيف
الريم : هيه اريد انام
وكلهن نامن وعقب هل اليوم الحلو الي مر عليهن
في اليوم الثاني
صحن البنات من وقت وقامن
الود : شوووووقوه قومي يالدبه بسج رقااااد
امل : خليها احليلها يمكن تعبانه
الود : هب كيفها واتروح عندها وتفر الحاف عن ويها وهي تطالع شوق وهي ناميه وكانت مبتسمه
الريم : خليها حرام شكلها قاعده تحلم حلم حلو
الود : شووووووووووووقوووووووه
وشوق بعدها نايمه
الود وهي خايفه في داخلها : شوااااااااااااااقي قومي خلوف تحت يترياج
شوق بعدها ناايمه<< الود قاعده تحرك ايد شوق
الود : شووووووووق
نهايه البارت
شوق شو فيها ؟؟
هل ماتت ولا في غيبوبه ؟؟
******************
الود : شوق شواقي قومي يلا بلا عبط
امل وهي تحط ايدها علي شوق تجوف جان فيها نبظ : شوووووووووق قومي الله يخليج
الريم وهي اطالع شوق واتصيح : شوقوه بلا استهبال
الود وهي اطالعهم : اصلن هي تقص علينا صح ريمو
امل وهي تحرك ايد شوق وطاحت منها
الود : لاااااااااااااااااااااااااااااااا
الي في البيت اول ماسمعو صوت الود ركضو وراحو
بوحمد وهو يفج الباب ويطالع البنات يصيحن وحمد منصدم
ام حمد وهي خايفه : شوفيكم ؟ ارمسو شو فيها شوق قولو
حمد ويروح يطالع اخته وشلها وحطاها في حظنه : شوق حبيتي شواقي قومي وجاف انه كانت متشهده وعرف انه ماتت وتم لاوي عليها واتصيح ام حمد ما استحملت انه تفقد ضناها ودوخت وبوحمد راح عند شوق وتم حاضنها ويصيح
الود هب مستوعبه الموقف كانت تطالعم يصيحون وهي ترجع علي وراء الين مانزلت علي الارض هي تصيح
الود : انتو شو تقولون اصلن هيه مامات بس تقص علينا شوق قومي الله يخليج قومي يلا وتمت تصيح بدرجه هستيريه راحت مها تحضنها وتمت تصيح
امل وهي تركض بيتهم
اتفج امل الباب بالقو وكانو قاعدين الكل حتي قوم حمدان
اليده : امولوه حد جيه يحدر
بومايد جاف امل انها كانت تصيح : امل شو فيج ارمسي
امل اطالعم وانفجر ت مره وحده وقعدت علي الارض
بوحمدان : امل شو فيج ارمسي
امل : ابوو ي يه شوق شوق
الكل :ش وفيها شوق ؟؟ ارمسي
امل وهي تصرخ : شووووووووووق مااااااااتت ماتت الغاليه راحت عني تومتيه رااااااااااااااحت
اليده : انتي شو استخفيتي قومو خلونا نروح بيتهم
الكل راح بيت قوم بوحمد وماحصلو حد في الصاله فركض مايد وحمدان فوق وامول ماحدرو جاف موقف يقطع القلب حمد وبو حمد حاضنين شوق والود قاعده تتالهم وهي تصيح وام حمد مدوخه فشلوها بسرع وطلبو الاسعاف
بومايد وهو يصيح علي بنت اخوه : اذكر الله يامحمد
بوحمد : بنتي يا سلطان راحت مني وهي في عز شبابها اه ويصيح
اليده : انتو اكيد استخفيتو وراحت اطالع شوق
يدوه شيخة : امايه شوق نشي فديتج
حمد وهويصرخ : بااااااااااااااااااااس خلاص خلوها ماتت مااتت شو تبون اكثر واي عمه ويحظنه
ومايد وحمدان راحو مع مرت عمهم المستشفي
وخالد قاعد يهدي في الحريم
في المستشفي
صحت ام حمد : وين شوق ابويه حمدان شوق وين ؟؟
حمدان يطالع مايد واعيونه تتدمع : خالوه اذكري الله
ام حمد : لا اصلن بنتي ماماتت هيه بس راجده
مايد وهو يصيح من الخاطر علي الموقف ويروح يحظن خالته : خااااالوه بس اترحميلها
ام حمد : ودوني عندها ودوني ابسرعه بروح عند بنتي ودووووووووني
حمدان كلم الدكتور وخبره وسمحلها انه تروح
طبعن شوق شلوها وغسلوها والكل عرف
وهم كانو شالين شوق عسب يودونها العايله كانت متجمعه عليها
الود وهي تطالعم شالين اختها وتركض اتروحلهم : ايييييه اختي مامات هيه بس راقده شوق قومي الله يخليج شوق هي كنا متفقين انه نموت مع بعض ليش خونتي فيه شوووووووق قومي خلوف يترياااااااج واتروح عند عماها وهي تطالعم عمي سلطان : شوق مامات صح
بومايد : اذكري الله امايه
الود : عمي والله ماتوقعتك تقول جيه هاي شوق بنتك تقول عنها جيه بتزعل هيه منك اصلن هيه ماماتت صح عمي احمد
بوحمدان : بس يا امايه بس رحمي عمرج
الود وهي تصرخ : كلكم تكرهونها كلكم ابويه طالع شو يقولون عن بنتك يدوه طالعيهم قوليهم
والكل يطالع الود وهم قلبهم يتقطع عليها
الود تروح عند حمدان : حمدان انت الي بتقولي الصدق شوق ما ماتت هي بس اتقص علينا صح
حمدان وهويصيح علي بنت عمه وحضنها : بس يالغاليه بس شوق راحت
الود وهي تبتعد عن صدره : يعني شوق ماتت
وهم كلهم يطالعونها
الود : هههههههههه لا اضحكوني
حمد : بس الود ارحمينا بس
الود : مااااااااايد انت الي تقولي الصدق
مايد وهويطالع الود وسحبها من ايدها ودها خاري
مايد : بس يا الغاليه بس لا اتصيحن شوق راحت عنا المفروض تدعيلها احين هيه محتاجه لدعنا صح هيه مااتت لا كنها حيه في قلوبنا
الود احين استوعبت انه شوق ماتت وركضت مكان ما امحطين شوق اول مادخلت الكل طالعها
الود تروح تحظن جثه شوق : رحتي عني يا اختي الوحيده رحتي عني ومنو بيكون عندي احين تذكرين يوم كنا نترقد في غرفه وحده وكنت ايين فيج واتقوللي انتي الي بياخذج بيطلقج من ازعاجج وتذكرين بعد يوم اضايق اييج قوليلي احين عند منو اروح ليش ماخذيتيني وياج ليش خليتيني بروحي واتصيح
خالد يوم جاف بنت عمه جيه منهاره شلها ودها داخل
وراحو يدفنون شوق
ونزلو القبر بوحمد وحمد وهم يحطونها يصيحون
ودفنو شوق وبعد ماخلصو تم حمد قاعد عند القبر ويصيح
حمدان ومايد :بس ياحمد
حمد ويطالعهم : هاي اختي كيف تبوني ما اصيح عليها
حمدان ومايد ويمسكونه من ايده ويودونه السياره
وفي البيت
اليده قاعده واتصيح علي بنت ولدها الغاليه الي عمرها ما اذت انسان كانت شرات الاطفال في براتها وطيبتها الي خلت الكل يحزن عليها من كبير وصغير
وامل كانت طايحه علي ريل امها وتصيح علي فراق بنت عمها وصديقتها واختها
وام حمد قاعده في الغرفه وهب راضيه تظهر وعندها ام حمدان وظبيه اختها الي من عرفت تمت تصيح عليها
ومها وريم عند الود الي كانت في غرفت شوق حاضنه ملابسها واتصيح وهم يهدونها لاكن ماشي فايده الين مانامت وهي قاعده علي الارض
طبعن اليوم بدا العزا في بيت محمد والكل كان حزنان علي شوق
ميرا وهي ترمس عمتها : خالوه مايصير جيه انخلي الود لا اكل لاشرب بس قاعده في غرفة شوق وماسكه صورتها وملابسها واتصيح
ام مايد : ما اميه شو انسوي اختها مانروم انا بروحي قلبي متقتع عليها
ام حمدان وهي يايه تقعد عدالها : ياربي محد مقطع قلبي غير الود
ام مايد : يامج كلنا
عند الريايل
الكل يا عزا بوحمد
خليفه جانكم تذكرونه ولد خالة شوق الي محيرنا وهو يدرس برع
راح بيتهم وقالتله البشكاره انه في بيت خالته وانه امه ظهرت وهي تصيح فهو خاف وراح سيده بيت خالتة واول ما وصل جدا البيت جاف سياير متيمعه وهو استغرب وحدر داخل وجاف نوره بنت خالد وزقرها
خليفه : نواري
نوره وهي يايه : خالي خلوفي شحالك
خليفه : بخير حبيبي ليش شي سياير وايد
نوره : خالي اتعرف واتصييح خليفه قبله بيوقف وهو حاس انه شي صاير
خليفه : شو حبيبي
نوره : بابا يقول شوق راحت فوق عند الله
خليفه انصدم وقال اكيد تقص عليه وراح علي طول الميلس اول مادخل جاف ريايل
خليفه : السلام عليكم
فبوحمد اول ماجافه دمعت اعيونه
خليفه يورح عند بوحمد ويبوسه علي راسه : شحالك عمي
بوحمد : بخير يابويه متي وصلت
خليفه : والله توني واصل ويت علي طول البشكاره قالت انه امايه ظهرت من البيت وهي تصيح ويت بيتكم عسا مامن شر
بوحمد وهو يتنهد : ابويه شوق عطتك عمرها ودمعت اعيونه
وقف خليفه خلا كل الي في الميلس يطالعونه
خليفه : لا اكيد انتو مغلطين كيف ماتت عمي احنا متفقين اول ما ارجع املج عليها كيييييييف ويصيح شرات اليهال ويهدونه حمد ومايد وحمدان ويظهرونه خاري
خليفه وهو يحظن حمد ويصيح علي حبيبه الطفوله :حمد كيف مااتت ليش محد خبرني ليش ؟
حمد ويرد مره ثانيه لحزنه : الله اختارها
حمدان : اترحمولها ماينفع الصياح احين
خليفه : اتعرف ياحمدان انا احب شوق من يوم انا ياهل وكنت ادرس برع واتمني اليوم الي ارد فيه واخذ شوق ويوم رديت وانا مستانس اني خذت الشهاده الاقيها ماتت شوبيكون موقفك لو انت مكاني
حمدان سرح لوهو صدق كان مكان خليفه بيموت صدق
الود كانت واقفه عند الجامه تطالع الرايح والراد وهي ماسكه صوره شوق في ايدها ولمحة خلوف فيوم جافته ركضت تحت والكل استغرب
ام حمدان : الريم امايه روحي طالعيها
الريم وراحت خاري ورا الود
الود وهي تجوف خليفه وتتقرب منه وهي تصيح
مايد وحمدان وخليفه جافو الود وانصدمو انه هاي الود الي كانت الابتسامه دوم علي شفايفها روحها الشقيه الود شكلها كان متغير مليون درجه شكلها كان تعبان واعيونها متورمات من الصياح
الود : خليييييفه
خليفه : لبيه ياخت الغاليه
الود وهي تطالعه وتصيح : راحت شوق رااااحت الغاليه وتصيح
حمد هب قادر يسوي شي وراح داخل
خليفه يطالع الود ويطالع الشبه من بينها ومن بين شوق
حمدان : الود روحي داخل
الود مسوتله طاف : خلوف شوق كانت تحبك لاخر يوم في عمرها
خليفه : ادري وانا بتم احبها لنها هيه اول حب في حياتي
الريم واقفه وراهم وتصيح
مايد انتبه لريم وراحلها
مايد : ريمو فديتج لا اتصيحن بس
الريم وهي تصيح : ماقدر ميود ماقدر ودوه مقطعه قلبي
مايد : كلنا مش بس انتي
الود : خلوف اوعدني انك ماتروح عنا مره ثانيه شرات ماراحت شوق
خليفه : اوعدج فديتج اوعدج ويقعد علي الارض ويصيح واتروح الود تقعد عداله
الود : خلوف اتعرف شوق كانت توصيني عليك وتبتسم ابتاسمه حزن وتكمل جنها كانت حاسه انها بتموت قالتلي ودوه اذا انا مت قولي حق خلوف يزوج لا يستسلم بس اذا ياب بنت خل يسميها شوق ولا بزعل
خليفه وحمدان يسمعون الود ويصيحون وتكمل الود : كانت توصيني عليك ياولد خالتي اااااخ ياقلبي ما اقدر اتحمل راحت عني اختي الوحيده الي ماعندي غيرها راحت ورجعت الود مره ثانيه لنوبتها وهيه تجوف صوره شوق وتحظنها
خليفه : الود طلبتج
الود وهي تطالعه : تم
خليفه : اريد الصوره الي عندج دخليج يكفي انحرمت منها
الود وهي حاسه فيه وحبه الصوره وعطته الصوره
وراحت داخل
ومرن ايام العزا بسرعه بس بعده الحزن في بيت بوحمد والكل كان عندهم البنات ماخلن الود دقيقه وحده
واليده قاعده عند ام حمدالي من ماتت بنتها وهي كله تصيح عليها واتنش فليل وتتخيلها جدامها وتكلمها
وبوحمد تغير عن اول
والود الي كانت روح البيت انعزلت عن الكل
وحمد عايش حياته بس غير عن اول
وامل كل يوم وهي تصيح علي روحها الثانيه
******************
مر شهر من موت شوق والود بعدها حابسه عمرها في غرفه شوق
حدر حمدان الصاله وجاف انه ماحد فيها وزقر البشكاره وسالها
حمدان: وين ماما ؟؟
البشكاره : ماما داخل غرفه
حمدان : بابا وين
البشكاره : مافي يروح برع مع باباحمد
حمدان : وين الود؟؟
البشكاره : ماما الوااد فوق داخل غرفه
حمدان : روحي زقري الوااد علي قولتج
راحت البشكاره فوق وحمدان قعد
البشكاره : ماما
الود وهي تفتح الباب : نعم
البشكاره : في نفر يريد انتي
الود مستغربه : منو
البشكاره : مافي عراف
الود لبسه شيلتها ونزلت تحت وحمدان اول ماجاف الود انصدم كانت ضعفانه وايد عن اول وتحت اعيونها سواد
حمدان وهو يوقف : شحالج الود
الود بعدم اهتمام : يسرك
حمدان : الود فديتج بس حرام عليج ارحمي عمرج هب زين الي تسوينه
الود تقاطعه وهي تصيح : ماقدر ماقدر هاي اختي اتعرف شو يعني اختي
حمدان عصب : اعرف بس لوهي درت في الي تسوينه بتزعل ويمسكها من ايديها ويدويها عند الجامه : جوفي ويهج كيف غادي جوفي السواد الي تحت اعيونج لين متي وانتي بتمين جيه هاااااا لين متي
الود خلاص بتموت من الصياح :حمدان بس الله يخليك ارحمني
حمدان وهو تدمع اعيونه : الود غناتي بس حرام عليج جيه تسوين صح شوق ماتت لاكنها حيه في قلوبنا
الود وهي تصيح : لا شوق ماماتت هيه كل يوم اترمسني بس انتو ماتجوفونها
حمدان : الود الله يخليج ارحمي عمرج حرااااااام
الود وهي تحس في دوره في راسها من كثرالصياح فمسكت ايد حمدان
الود : حمدااااااان امسكني عدل
حمدان وهو خايف ويمسكها
الود : حمدان احس اني بطيح امسكني مش رايمه << قربها حمدان منه وحضنها وهي طاحت في حظنه ودوخت
قعد حمدان علي الارض والود في حضنه ويحط ايده علي خدها : الود الود
الود ماتتحرك
حمدان خلاص قلبه وقف : الواااااااد
ويظهر تيلفونه من مخباه ويتصل في مايد
مايد : الو
حمدان : ماايد الحقني الود دوخت تعالي بسرعه انا في بيتهم
مايد وهو خايف عليها : ياي ياي
ويظهرمايد من بيتهم ركض علي بيت عمه ويحدر الصاله وجاف الود طايحه مغمي عليها وشلاها حمدان وركبها في سيارته ومايد معاه ودوها المستشفي ويحول مايد بسرعه يدور دكتور
وحمدان يشل الود وداها داخل
الدكتور كان ياي مع مايد ودخلوها غرفه الملاحضه يجوفونها وحمدان ومايد برع يتريونها
مايد : حمدان دق حق عمي وحمد ايون
حمدان وهو خلاص قلبه بيوقف علي الود : ماقدر انت اتصل
مايد : تيلفوني في السياره
حمدان وهو يظهر تيلفونه من مخباه : ها اندوك
ويتصل مايد في حمد
حمد : الو هلا حمدان
مايد : انا مايد هب حمدان
حمد : هلا مايد شحالك
مايد : بخير ربي يسلمك اقول حمد
حمد : هلا
مايد : انت وين
حمد : انا مع ابويه رايحين عند خليفه
مايد : اها انزين
حمد : ليش ؟؟
مايد : حمد اخطف عليه المستشفي
حمد : ليش شو فيك
مايد : تعال وبتعرف بس لاتخاف مافينا شي
حمد : اوكي دقايق وانا عندكم
حمدان جاف الدكتور وراح عنده
حمدان : ها دكتور بشر
الدكتور : والله هيه الحمدالله ادت مرحله الخطر لو اتاخرتو عليها كانت بتدخل في غيبوبه
حمدان : دكتور هيه احين بخير وشوفيها ؟؟
الدكتور : الحمدالله بخير من قله الاكل والتعب وهي تمر في انهيار عصبي ولازم ماتزعلونها
حمدان : دكتور هي فقدت اختها من اربع اسابيع وهي هاي حالتها
الدكتور : لازم تساعدونا وتظهرونها من الحاله الي هيه فيها تقدر تجوفها بس نايمه
حمدان : انشاء الله
الدكتور : انت اخوها
حمدان : لا ولد عمها
الدكتور : هذا عيل ريلها وياشر علي مايد
حمدان اشويوبيصفعه : لا مش ريلها هي مش مزوجه
الدكتور :اها عيل استاذن
حمدان عقب ماراح : روح الله يقلعك احنا في وين وانت في وين
مايد توه كان ياي : ها حمدان شوقال
حمدان : نقدر نشوفها
وحدرو عليها بس كانت الشيله هب عليها
مايد للنيرس الي عندها : لو سمحتي اختي حجبيها
النيرس هي مواطنه : اوه تقدرون تتريونا برع اشوي
ظهرو حمدان ومايد خاري والنيرس عدلت شيله الود واتاكدت انه كل شي ساتر وظهرت تزقرهم
النيرس: تقدرون تتخلون
وحدرو حمدان ومايد وتمو عندها وهي كانت نايمه والمغذي في ايديها
حمد كان يتصل علي حمدان وكان تيلفون حمدان عند مايد فمايد رد عليه
حمد : ها ميود وين انت انا في المستشفي
مايد : انزين تعال داخل انت وعمي
حمد : مايد شوفيك
مايد : تعال وبنقولك انا بترياك عند الاستعلامات
حمد : اوكي
ظهر مايد يترياهم عند الاستعلامات وجاف عمه وحمد
حمد : هاشو ثرك خوفيتنا
بو حمد : شوفيك ياولديه
مايد : عمي احنا مافينا شي بس الود
ويقاطعه بوحمد : شوفيها بنتي
مايد : دوخت ويبناها انا وحمدان
حمد : وين غرفتها
وراح معاهم مايد غرفة الود وجافو حمدان قاعد عندها وكان منزل راسه
بو حمد يروح عند الود : شو فيها بنتي
حمدان : عمي مافيها شي بس من التعب الي هيه فيه لا اكل لا شرب لا نوم شرات الناس
بوحمد وهو يتنهد : شواسوي ياولدي هب راضيه تسمعنا
وحمد راح عند الود وقعد عدالها وماسك ايدها
حمدان : عمي انا اقترح اسفرون الود وعمتي بعد
بو حمد : شو انسوي ياولدي بنجوف
مايد : بنسافر كلنا
حمد : بس مها بتبدا مدرسه علي الاسبوع الياي
مايد : عادي لو غابت اسبوع بعد مهو يحتاي انها تسافر
بو حمد : بنجوف
حمد : شو قالو بيرقدونها اهنيه
حمدان: ماادري
بو حمد : انا بروح اطالع الدكتور حمدان تعال معايه
وراحو حمدان وبو حمد عند الدكتور وخبرهم عن حاله الود
مايد اتصل في امل وخبرها انه الود في المستشفي عسب تخبر الكل
امل وهي تروح تحت عند امها : اماايه امااااااااايه
ام مايد وهي ظاهره من الغرفه : ها امايه
امل : امايه الود في المستشفي
ام مايد : ويدي شو فيها فديتها
امل : تعبت ودوها مايد وحمدان
ام مايد : واشو حالها احين
امل : مايد يقول انها نايمه وعندها مايد وحمدان وعمي وحمد
ام مايد : واي فديتها ياحسرتيه علي هاي البنت قومي اميه بنروحلها
امل : امايه ثره خالوه ماتعرف انه الود في المستشفي ومايد قالي نخبرها
ام مايد : انشاء الله امايه احين باروحلها وانتي انقفظي وقولي حق مها جانها بتخاوينا
امل : انشاء الله وراحت امل فوق تخبر مها ومها خبرت ريم وريم خبرت امها وانتشر الخبر
ام مايد وهي تحدر غرفه ام حمد : السلام عليكم
ام حمد وهي تسكر المصحف : وعليكم السلا م شحاااالج ميثا
ام مايد : بخير وسهاله شو امسيتي
ام حمد : والله شرات انتي هب جايفه قاعده اقرا قران
ام مايد : هيه انزين الغاليه بغيتج تخاويني المستشفي
ام حمد وهي خايفه : ليش انشاء الله عسا مامن شر
ام مايد : تعالي معايه وانتي بتعرفين
ام حمد :انشاء الله بس بخلي البشكاره تطالع الود ما اقدر اروح وهي بروحا في البيت
ام مايد : لا ماعليج انا قلتلها
ام حمد وهي حاسه شي في الموضوع : انشاء الله بس البس عبايتي
ام مايد : اترياج انا في الصاله
ام حمد : انزين ماببطي عليج
خمس دقايق وظهرت ام حمد من غرفتها وراحت مع اام مايد ومها وامل المستشفي وهي قلبها قابضنها ويوم وصو المستشفي راحو غرفه الود
ام حمد : ويدي شو فيها بنتي
بو حمد : اذكري الله يا فاطمه مافيها الا العافيه بس دوخت اشوي ويبناها
ام حمد : واشعنه ماحد خبرني
واروح تحظن بنتها وتصيح
بوحمد : اذكري الله يام حمد
ام حمد : بنتي يامحمد شقا ماتبغيني اخاف عليها وانا فقدت وحده وهي بكامل صحتها وتصيح
الود صحت من النوم وجافت امها حاظنتنها واتصيح : امااايه
ام حمد وهي تطالع الود : لبيه ياروح امج
الود وهي تبتسملها : انا بخير لا تخافين بس انا وين
ام حمد : انتي فديتج في المستشفي
الود : ليش؟؟
ام حمد :تعبتي الغاليه ويبناج
الود : اريد ماي
حمد وهو ينش يصبلها ماي : اندوج الغاليه
الود وهي تعتدل في يلستها وجافت كل العايله موجوده جان تبتسملهم وتشرب الماي
وحمدان يحمد ربه مليون مره انه قامت بالسلامه
الود بتعب وصوت تعبان: ابوويه
بوحمد : امر ي
الود : متي بظهر ما احب المستشفي
بو حمد : باجر انشاءالله
الود : يعني مايصير اليوم
حمد : شو افرقت لو اليوم ولا باجر ها طالعي كل العايله متجمعه عندج
الود : فدييتهم والله مهايه ريموه اموله تولهت عليكم وايد وزعلانه منكم
الريم:والله احنا كل يوم عندج بس انتي متكبره علينا ماتبين اتجوفينا
الود وهي تبتسم : خلاص من اليوم وساير كل يوم تعالولي ولهت عليكم
البنات : حتى احنا
وعقب فتره الكل راح وتمت ام حمد مع الود في المستشفي وقعدت معاها وتمن يسولفن هن من زمان ماسولفن مع بعض
***
في اليوم الثاني خبرهم بوحمد انه بيسافرون والكل وافق علي السفره
|
23-04-10, 05:47 AM
جديد مواضيع قسم القصص المكتمله
العرض العادي
