لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 13-03-10, 06:48 AM   المشاركة رقم: 31
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

في بيت غــــــــــــــآده
غاده وهي معصبه : عدول تعال من وين ياي ؟؟!!!!!! طالع الساعة كم عندك
عادل بعصبيه : وليه غاده ترى مب ناقص عوار راس وتوها 9 لا تفلسفي وايد مالي خلق حق شي
غاده : توها9 لواحد اكبر وافهم منك .. !!مب ياهل شراتك ؟؟ !! لا والقهر انه مراهق ومرابع شله فاسده
عادل : غادوه لو سمحتي عن الغلط انا ريال غصبن عنج وعن اللي ما يرضون وربعي لا تغلطين عليهم
غاده : الله والربع ولو كنت ريال شرات ما تقول جان ما حرقت اعصاب امك ورجعت البيت بدري
عادل : كيفي مزاجي وانتي شو يخصج ؟؟!! آصلا ليش حاره نفسج اساسا
غاده : عدولوه سنع ألفاظك دام النفس عليك طايبه
عادل بعصبيه: وليه تراج حشرتينا كله هذا بسبة البيزات شفتي حالج علينا!! خلاص ما نبا بيزات تمي في البيت احسن بس لا تيلسي تمنين علينا فكل مره !! كأنة محد اشتغل غيرج مسوية نفسج مهمة !! وامرأة اعمال
غاده وعيونها غارقات من الدموع : عادل انا جم مره يلست اعايرك بالبيزات اللي تاخذهم مني
عادل : خلاص مابا منج بيزات بس فجي عني تعبت من هالسيطره اللي يالسه تفرضيها علينا .. غصب تصيري ابونا
غاده:عادل انا ما يالسه اعايرك نفس ما انت فاهم انا خايفه عليك توك صغير ومب فاهم الدنيا عدل.. وعيال الحرام وايد
عادل : خافي على روحج ياماما انا لو شراتج كان بلعت لساني فحلجي وسكت
غاده ودمعه ارتسمت على خدها : عدول شتقصد من هالرمسة
عادل: الناس بدت تتكلم ترى ؟؟!! وردتج البيت بانصاف الليالي بعد ما حلوه ؟؟!!! والكل يتحسبون انج وحده ........
غاده صكته بكف قبل ما يكمل رمسته
غاده وهي معصبة عليه : صج انك جليل حيا والظاهر اني ما عرفت اربيك . يا تعدل اسلوبك ولا لي تصرف ثاني معاك
ام غاده وشوي قلبها بيطيح : غاده عادل اشو مستوي ..
غاده ودموعها مغرقات عيونها : سألي ولدج المحترم اشو قال من شوي؟ اميه انا خلاص مب قادره استحمل اهاناته
عادل يقاطعها : وانا اشو قلت عسب اتعصبين؟!درينا انج الصبح تشتغلين فمحل زهور بس بالليل وين تسيرين؟!
ام غاده بعصبيه : عادل ثمن رمستك لا اصكك بكف يرد عقلك فراسك .. هذي اختك اللي تمت تصرف عليك ست سنين
وعقبها يات نوف وهي خايفه : اميه اشو مستوي صريخكم ينسمع من برع
عادل : انزين يا اميه خليها اتخبرنا وين تسير بانصاف الليالي
ام غاده : عادل بتسكت ولا شو
نوف بخوف : اميه الله يخليج اشو مستوي غاده اشو فيج
غاده : تبا تعرف وين اسير اخويه المحترم؟؟!! انا بخبرك اسمع وعقبها قول عني اللي تباه .. واحكم علي بكيفك
ام غاده : غاده ما يحتاج تبرريين له شي يكفي اني انا عارفه وين تسيرين .. لا تحرجين نفسج قدامهم
غاد وادموعها اربع اربع : شوف يا عادل راتبي الصبح يالله يالله يغطي مصاريفنا عسب جذا دورت على شغله ثانيه والحمدلله حصلت مكتب تبع بطاقات افراح واداوم عندهم بنص راتب انا الرقاد عيني قامت تعافه لاني خايفه ارقد وانش الصبح واحصل البيت ناقصه غرض!! او واحد فيكم محتاج لشي ومب قادر يياخذه لانه الفلوس ما تكفيه
انا يالسه اشقى واتعب عشان ما أحسسكم بالنقص .. كنت اباكم تشوفوا نفسكم مثل غيركم ما ناقصنكم شي
ذبحت عمري عشانك وكل اللي كنت اباه كلمة شكر لكن اخر شي توقعته انك تطعني فشرفي حسافه يا عادل حسافه
و انا بعتبر نفسي كأني ما سمعت شي توك صغير ويبالك وقت لين تحس بالمسؤولية..واللي سمعته اليوم ما اباه يتكرر
نوف بضيج : حرام عليك يا عادل تطعن اختك فشرفها انته شو ؟؟!! ما تحس؟!تشقى عشانك وفي النهاية هذا جزاتها
عادل: وليه اسير ارقد احسن طفشت لو اموت احسن واريحكم مني مرة وحده
ام غاده وهي متخيسه من الصياح : انا السبب انا السبب .. انا اللي كبرت راسه
غاده وهي تبوس راس امها : لا تخافين اميه كل شي بيتصلح بسير ارقد تعبانه تصبحون على خير
نوف : وانتي من اهل الخير
ام غاده : نوف وديني حجرتي احس نفسي بختنق
نوف : اسم الله عليج اميه فديتج لا تحاتين شي غاده بتصلح كل شي بس نخليها تهداء شوي وعقب صدقيني بتعرف تتصرف وبتخلي عادل يمشي صح
ام غاده : الله يجازيها على قد نياتها .. هالبنت تحملت فوق طاقتها وخايفها عليها وايد

وجه عادل طعنة الى قلب غاده لم تستطع ساعاتها ان تتمالك نفسها فاخذت تهرول بسرعه اتجاه غرفتها فانهمرت بالبكاء اعتادت غاده دائما ان لا تبكي الا امام نفسها فالكل كان ينظر اليها بأنها مصدر القوه في ذلك المنزل الصغير فقررت ساعتها انها ستواجه كل احزانها بنفسها حتى لا تسبب احزانها جرحا لمن يحبها وتحبه
~ ~ ~ ~ ~ ~ ~ ~ ~~~ ~ ~ ~ ~ ~ ~
: قولي شو الصح يا حمود
حمود بضيج : الله يخليج ارحميني يا مها اروحي ما طايق نفسي اشو تبيني اسوي خبرتها اني ماباها ما باها بس هي مب راضيه تفهم هالشي وتشيله من راسها .. تقول مستعدة تسوي كل شي عشان ترجعلي
مها ودمعه نازله ع خدها : حمود تذكر انه مريم باعتك بس فاطمه هي اللي اشترتك واحينه هيه حرمتك لا تسوي فيها جذا والله حرام ما تستاهل .. ادري مريم حبك الاول بس حاول ادوس على قلبك وتعيش حياتك وترضى زوجتك وعيالك
حمود : صدقيني يا مها انه فاطمه غاليه عندي بس مريم
مها : كمل يا حمود مب قادر تنساها صح
حمود : كيف تبيني انساها وحبها كان يكبر ويايه يوم بعد يوم نسيانها صعب .. اكذب عليج لو قتلج اني نسيتها
مها بضيج : معقوله فاطمه ما قدرت تنسيك مريم
حمود : كيف تبيها تنسيني وهي ما تعرف اللي بيني وبين مريم
مها : لو خبرناها من اول فنظرك هالشي بيفيدك ولا بيضرك؟؟!!حمود ما فيه وحدة ترضى تعيش عند واحد يفكر بغيرها

 
 

 

عرض البوم صور راعية الفزعة   رد مع اقتباس
قديم 13-03-10, 06:48 AM   المشاركة رقم: 32
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

حمود : مها تأكدي انه فاطمه غاليه بس مريم حبي الاول ونسيانها صعب افهميني
مها ودموعها اربع اربع : حمود الله يخليك فكر في عيالك فاطمه محد بقالها غيرك
حمود : لا تحاتين مستحيل اجرح فاطمه يالله سيري احينه فهد وهلال على وصول
مها :اوك انا بسير ازهب العشاء عند اميه عن اذنك
:
:
مشعل كان يالس يرمس ربيعه ضاري في التلفون
free ضاري من شلة مشعل طبعا وكلهم ضحية مخدرات وعايشين حياتهم
مشعل بتوتر : هاه ضاري بشر شو صار ع الموضوع اللي خبرتك عنه البارحه
ضاري: الله يهداك مشعل انته اصبر عليه اشوي وان شاء الله احلها
مشعل بضيج : بس ابويه عاطني فرصه لين باجر ضاري دخيلك حاول تشريها باي ثمن
ضاري: مشعل هالشهاده يبالها شوية وقت افهمني انته تبا شهادة دكتوراه وهاي يبالها شغلات صعبه
مشعل : يعني شو ما فهمت
ضاري : عطني بس اسبوع وان شاء الله بتوصلك وانته يالس مكانك
مشعل : على خير المهم تفجني من هالبليه اللي ابتلشت فيها
ضاري : مشعل لا تخاف انا ضاري ولي حطيت شي في بالي اسويه اسويه
مشعل : موفق الغالي خلاص عيل بخليك
ضاري يقاطعه : مشعل شخبار ميثا حدي مشتاقلها
مشعل : ضاري قتلك الا اختيه هاي لا تتجرأ اتفكر فيها
ضاري بعصبية : اسمحلنا الغالي ما بنعيدها
وصكر مشعل التلفون في ويهه
ضاري بعصبيه : تصك التلفون في ويهي هاه انا اراويك .. ما عليه كل شي في وقته حلو ..
ميثا باستغراب : مشعل ليش معصب ؟؟ منو كنت تكلم
مشعل وهو يتنهد : لا فديتج لا تشغلي بالج هاه ضاري عكر مزاجي بكمن كلمه
ميثا بضيج : مشعل وانته ليش ترابع ناس مثل ضار هذيلا ينخاف منهم
مشعل : شسوي يا ميثا الحياه احيانا تجبرنا
ميثا : ما عليه فديتك انا نازله بس اشرب قلاص ماي وعقب بطلع وانته شو ميلسنك في المطبخ
مشعل بتوتر : هاه لا ما شي انا بعد عطشت ونزلت اشرب
ميثا بابتسامه : فديتك سير ارقد اكيد تعبان انته ياي من سفرة طويلة .. سير ريحلك كمن ساعه

~ ~ ~ ~ ~ ~ ~ ~ ~ ~ ~ ~ ~~ ~ ~
في بيــــــــــت بو حمود آلسآعه 10 مسآءآ
تعشوا الجماعه وكلن سار صوب بيته
ام حمود : مها فطوم خوله يالله نشن ساعدني احس ظهري بينكسر
مها وهي تبوس امها : سلامتج اميه
خوله يات صوب امها وضمتها : اميه ما تشوفين شر انتي وايد تعبتي اليوم
ام حمود : لا فديتكن ما شي تعب وفطوم ما قصرت قامت بالواجب ونص
فاطمه بابتسامه : ولو خالتي اذا انا ما ساعدتج منو بيساعدج
مها وهي اطالعها بنص عين : خوله طالعي فطوم مب جنها بدت تغلط
خوله وهي رافعه حياتها : هيه والله الا تغلط وتغلط مها شو رايج نكفخها احينه
ام حمود : لا عاد الا فاطمه تراني ما اسمحلكن هذي الغاليه
فاطمه بابتسامه : احم احم
مها : وليه اميه بتكبرين راسها علينا شو
خوله بابتسامه : تبين الصج مهاوي صراحه فطوم تنحب ولو ما تبي تحبيها هي اروحها تفرض محبتها ع الكل
مها وهي اطالعهم بنص عين : حشا حشا عدال خلاص توبه ما خليتلولي مجال
ام حمود : مهوي اقول بسج هذره ويالله خلينا نخلص شغلنا
مها : ان شاء الله امايه على امرج
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
سعيد : هلا حياتي انتي وينج من الصبح يالس ادقلج وحظرتج مطنشه
...: سعيد اسمحلي فديتك بس اليوم انشغلت
سعيد : افا حبو تنشغلين عني
...: لا حياتي بس شو تباني اسوي كل ما ايي ادقلك ما تصير فرصه
سعيد : انزين برضى بس بشرط
...: امر حبيبي شو بخاطرك
سعيد : تسمعيني اغنيه من صوتج الحلو
..: حاظرين فديتك شو فخاطرك تسمع

 
 

 

عرض البوم صور راعية الفزعة   رد مع اقتباس
قديم 13-03-10, 06:49 AM   المشاركة رقم: 33
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

سعيد : اممممم انا ما بتشرط اي شي حياتي
...: خلاص فديتك عيل اسمع
اموت انا في حبهم
ترخص انا عيوني لهم
هم علموا قلبي الغرام
والشوق كله وهالهيام
اهمه بس من كل الانام
ما اطيق لحظة بعدهم
لا حرمني .. لا حرمني الله ودهم
...: هاه شو رايك حياتي
سعيد : صح منطوقج حياتي لا خلا ولا عدم شو هالصوت خلاص ذبحتيني
...: اسم الله عليك حياتي يومي قبل يومك
سعيد : فديتج غناتي عسى يومي قبل يومج
..: سعود عن الحشر ه انا بموت اول عقب انته الحقني
سعيد :
لا هنت وانته ما تهوني
وانته من الزلات معفاي
غلاك في حفظ وصوني
والعاذل ما بَيَح اقصاي
يا اعز واغلى من عيوني
..: فديت روحك غلايه تسلملي عيونك
سعيد : انزين من زمان ما لفيتي صوب بيتنا
..: ان شاء الله بي فديتك بنسق ويا عفاري وعقب بمر صوبكم
سعيد : اكيد بينور البيت حياتي
...: بوجودك يالغالي
سعيد : هيه ساروتي نسيت اخبرج
ساره بتوتر : هاه سعود اشو مستوي
سعيد بضيج : اليوم زليت جدام اخوج هلال
ساره بخوف : هلال ؟؟؟؟ سعود شو قتله عسى ما ورطني
سعيد : حياتي انتي شو فيج قالولج عني اهبل لا تخافي رقعت الموضوع بطريقتي
ساره : انزين خبرني شو قتله
سعيد : ما شي بس قالي انه معزوم عن فهد فقتله جديمه ادري
ساره : وليه سعيد انته ما تيوز عن سوالفك
سعيد : وانا شو لي خص انتي ماخذه تفكيري كله .. مب مخليتني عارف امشي حياتي
ساره : اها استويت احينه انا الغلطانه
سعيد : ساروتي حبيبي لا تزعلي كله ولازعلج كنت اسولف وياج
ساره : سعود تذكر اول مره شفتك فيها
وردت الذاكره بسعيد ويلس يفكر بلحظة لقاهم
~ ~ ~ ~ ~ ~ ~ ~ ~ ~ ~ ~ ~ ~ ~
سعيد ولد خلوق عمره 22 من سن فهد وهلال جامعي يشتغل مدرس تخصص اداب انجليزي نفس تخصص ساره
امه وابوه وايد طيبين عنده اختين عفاري تدرس ويا ساره بنوته حلوه ومرحه واخته شما عمرها 14 وعنده اخو واحد اسمه خليفه عمره 28 طيار للحين عازب وشايل موضوع الزواج من راسة
في آلجآمعه ,,
ساره بطفش : وليه متى بي اخوج ابا ارد البيت تاخرت وايد
مها : ساروه شو بلاج ع البنيه تقولج اخوها مدرس فاكيد عنده حصه وتأخر والغايب حجته معاه
عفاري وهي ميته ضحك ع ساره : ساروه انتي خايفه اهلج يخلصون الغدا وما يخلولج شي
ساره وهي قافطه : وليه يعني لازم تحرجيني
مها وهي اطالعها بنص عين : اونج عاد يعني جدام منو قفطتج محد غيرنا واقف هنيه
ساره بابتسامه : هيه قفطتني جدامج
مها وهي حاطه ايدينها ع خصرها : لا والله عفاري طالعي البنيه صدقت روحها
عفاري : ساره خلاص تراج مب ياهل احينه صرتي في الجامعه بطلي حركات ثالثه ثانوي
ساره : لا فديتكن انا بعدني صغيره بس انتن العيايز وما حسات على ارواحكن
مها : الحمدلله والشكر
ساره وهي اطالعها : مهوي سحبي كلمتج لا اكفخ احينه
مها بنظرة تحدي : عيل جان انتي قدها قربي صوبي
ساره قربت صوب مها.. مها خافت وشردت ويلست ساره تركض وراها
عفاري وهي ميته ضحك : الله يعينكن الصراحه انتن الثنتين ما ضنتي تصيرن عاقلات

 
 

 

عرض البوم صور راعية الفزعة   رد مع اقتباس
قديم 13-03-10, 06:49 AM   المشاركة رقم: 34
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

في السياره :
سعيد : وليه هاه شو بلاها ما تطلع احسن شي اسير اخلي الحارس يزقرها
ونزل سعيد بس ما حصل الحارس ودخل لجدام الباب ووقف عسب تتنبه عليه عفراء
ساره يسلت تركض بدون ما تحس واول ما شافت سعيد وقفت وقفطت وما عرفت شو تقول
سعيد اول ما شاف ساره ومن كثر ما تركض صاير لون بشرتها احمر تخبل وما قدر يشل عينه عنها
وعقبها تدخلت عفراء لان الجو صار شبه متوتر
عفاري : سعيد من متى انته هنيه
سعيد جان يطالع ساره وما نتبه لعفراء
عفراء : حووووووووه سعود اشو بلاك
سعيد بتوتر : هاه لا ما شي خلينا انروح
عفراء وهي تبوس ساره : ساروه حبيبتي بطلي حركات اليهال وخليج عاقل اشوفج باجر
سعيد فخاطره : يا ابو عيون مدعجاتي
سودا حرسها رمش لجفون
وخدود حمراء مورداتي
والخشم سلت سيف مسنون
عفراء سلمت ع مها وسارت صوب سعيد
عفراء: سعيد بس فضحتنا خلنا انسير
سعيد بتوتر هاه : يالله فديتج سرينا
~ ~ ~ ~ ~ ~ ~ ~ ~ ~
سعيد : وهنيه حبيتج يا ساره
ساره : فديت روحك حياتي حتى انا اول ما شفتك خفق قلبي ما ادري شو ياه
سعيد : لازم سعيد واقف قدامج مب حيالله واحد
ساره : يا شينك سعود لي شفت نفسك
سعيد : لازم اشوف نفسي واحد رزه وكلن يتمناه
ساره وهي ميته ضحك : لا حول بيتكبر علينا احينه بس تعرف احلى شغله في الموضوع يوم خذيت رقمي بالدسيه من تلفون عفاري وهي المسكينة ياغافلين لكم الله
سعيد : تعرفين ساره كنت خايف ترفضيني
ساره : وليش يا سعيد انته طلبت مني الزواج وانا وافقت
سعيد : انزين حياتي متى تبيني ازوركم في بيت اهلج واتعرف عليهم وعقب اتقدملج رسمي
ساره : مب وقته احينه سعيد اول ما تصير فرصه بخبرك .. الاوضاع متوترة في البيت
سعيد : اوكي حياتي اللي يريحج

ساره هي الفتاة التي غرق سعيد بحبها ولم يدرك للحظة بان رفيق طفولته واقع في حب نفس الفتاه
ولكن ساره اختارت سعيد لتشاركه كل احزانها وافراحها فلم تنظر الى فهد بانه حبيب بل كان شعورها اتجاهه تماما نفس الشعور الذي ينتابها عندما ترى شقيقها هلال
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
الفصـــــل الثــــــــــــــــــآنيـ
في بيت بو حموووود
مها سارت صوب حجرتها تحفظ لها كمن كلمه وحمود وفاطمه ساروا صوب حجرتهم وام حمود سارت تريح راسها اشوي
فهد جان يالس في الميلس يتريا خالد .. وعق اتصل فيه هلال وخبره انه واقف عند الباب
خوله في حجرتها يالسه تفكر بالموقف وادموعها اربع اربع
خوله : اه ياربي ليش هالموقف مب راضي يخوز من بالي احسن شي انزل تحت اريح راسي شوي واشم هواء
فهد دق على خالد : هلا خالد شحالك
خالد : هلا بالشيوخ هلا والله
فهد : هلا فيك وين انت عسى قريب
خالد : هيه قريب .. ربع ساعه بالكثير وبوصل
فهد : خلاص عيل بخليلك الباب مبطل ودش الكل راقد انا بسير صوب المطبخ اجيب شي ناكله
خالد : لا تعب روحك يا فهد انا ياي بس اشوفك
فهد يقاطعه : بس انا يوعان
خالد بابتسامه : اللي يريحك فهد
خوله نزلت الحوش ويلست تتمشى وكانت لابسه شيله خفيفه ومنزله شوي من شعرها وكانت تمشي بصعوبة وعصاتها فيدها وكانت متعودة لا تضايقت تنزل وتروح تتمرجح .. وهالحركة كانت تسويها من يوم صغيرة
خالد اول ما وصل حصل الباب مبطل ودش
ونسمات الهواء ذكرته فخوله وسرح في بحر افكاره فجأه سمع صوت من بعيد

 
 

 

عرض البوم صور راعية الفزعة   رد مع اقتباس
قديم 13-03-10, 06:50 AM   المشاركة رقم: 35
المعلومات
الكاتب:
اللقب:

البيانات
التسجيل: Mar 2010
العضوية: 157074
المشاركات: 281
الجنس أنثى
معدل التقييم: راعية الفزعة عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
راعية الفزعة غير متواجد حالياً
وسائل الإتصال:

كاتب الموضوع : راعية الفزعة المنتدى : القصص المكتمله
افتراضي

 

الفصـــــل الثــــــــــــــــــآنيـ:
:


في بيت بو حموووود
مها سارت صوب حجرتها تحفظ لها كمن كلمه وحمود وفاطمه ساروا صوب حجرتهم وام حمود سارت تريح راسها اشوي
فهد جان يالس في الميلس يتريا خالد .. وعق اتصل فيه هلال وخبره انه واقف عند الباب
خوله في حجرتها يالسه تفكر بالموقف وادموعها اربع اربع
خوله : اه ياربي ليش هالموقف مب راضي يخوز من بالي احسن شي انزل تحت اريح راسي شوي واشم هواء
فهد دق على خالد : هلا خالد شحالك
خالد : هلا بالشيوخ هلا والله
فهد : هلا فيك وين انت عسى قريب
خالد : هيه قريب .. ربع ساعه بالكثير وبوصل
فهد : خلاص عيل بخليلك الباب مبطل ودش الكل راقد انا بسير صوب المطبخ اجيب شي ناكله
خالد : لا تعب روحك يا فهد انا ياي بس اشوفك
فهد يقاطعه : بس انا يوعان
خالد بابتسامه : اللي يريحك فهد
خوله نزلت الحوش ويلست تتمشى وكانت لابسه شيله خفيفه ومنزله شوي من شعرها وكانت تمشي بصعوبة وعصاتها فيدها وكانت متعودة لا تضايقت تنزل وتروح تتمرجح .. وهالحركة كانت تسويها من يوم صغيرة
خالد اول ما وصل حصل الباب مبطل ودش
ونسمات الهواء ذكرته فخوله وسرح في بحر افكاره فجأه سمع صوت من بعيد
وشاف بنت يالسه تتمرجح وتشل شله وكان صوتها جذاب يجذب اي واحد
تركني بين لضات اللهايب
سهير الليل والناس اذهليَه
صبر دمع عيني بالغصايب
ومن يقوى على فرقاء خويَه
يمر الوقت وانته دوم غايب
وهجرك لي ترى اكبر بالخطيَه
حلات الحب لوم وعتايب
حبيب الروح لا تقسى عليَه
انا لي قلب من الاشواق ذايب
تعانده الظروف اللي رديَه
كحيل العين مسمر الهدايب
انا برجواك دام الروح حيَه
وانا من حبكم ما اقول تايب
ولكن القدر يحكم عليَه
الين انحط ما بين الترايب
ترى روحي مع الغالي وصَيه
تركني بين لضات اللهايب
سهير الليل والناس اذهلَيَه
يلس يتقرب شوي شوي وبداء قلبه يدق بسرعة
خالد فخاطره هاه خوله شو تسوي هنيه ما يكفي حلاج ذابحني واحينه تذبحيني بصوتج فعلا الله ياخذ شي بس يعطي اشياء اه يا خوله مب مصدق اني يالس اشوفج مره ثانيه شكلها تحب الشلات
وبداء خالد يشل شله بدون ما يحس بس كان بعيد عسب خوله ما تميز صوته وهو يشل كان يتأمل وجها الملائكي
اسف حبيبي والعذر منك
جيت ورجايه انك تصافيني
مقوى الزعل ما يوز انا عنك
تكفى حياتي لا تجافيني
عندي العذاراء ما يساونك
غالي وتسوى لي نظر عيني
كل المشاعر حيل حبنك
وغذيت حبك من شراييني
والله ثم والله هاونك
وانته عن العالم مكفيني
ارجوك لا يطري على ضنَك
انك بهجرانك تجازيني
انسيت الاول يوم مهدنك
روحي وقلبي وكل ما فيني
انسى الزعل بالله راجنك
وخلي المحبة بينك وبيني
اسف حبيبي والعذر منك
ييت ورجايه انك تصافيني
خوله اتحسبت فهد وبدت تتقرب شوي شوي بخطوات متثاقلة وبطيئة جدا وابتسامة ارتسمت على شفايفها
خالد اول ما شافها يلس يطالعها ونسى انه فهد يمكن يطلع فأي لحظة ويشوفه
خوله بابتسامه : فهود من وين يايب هالصوت الحلو اثرنك مخبي مواهب ونحن ما داريين عنك
خالد فخاطره : فديت هالضحكه معقوله اللي جدامي خوله لا وتضحك بعد .. وبداء يفرك عيونه حس انه فحلم وخاف انه ينتهي في أي لحظة بس اول ما بطل عيونها حصل خوله بعدها واقفة ويالسة تتكلم وهو مب عارف شو يقول
خوله مسكت خالد من ايده : فهود ليش ساكت شي مضايجنك .. قول لا تخبي علي
خالد بطل ايده بسرعه .. وكان كل جسمة ينتفض وما عارف شو نوع هالشعور اللي بداء يسيطر علية
خوله باستغراب : فهد شفيك ليش تعاملني جذا لا يكون مضايج مني .. خبرني انا زعلتك
خالد يلس يطالع عيون خوله وسرح فيهن
ويلس يشعر وهو غارق فبحر عيونها : انا ما شفت في الدنيا مثالك
حفظك الله ترى حسنك اعجوبه
عليك يبان يالغالي دلالك
جرحت القلب من صديت صوبه
وقلبي ما هوى لكن هوالك
ومن الاشواق ويشق ثوبه
ترى مغرمك يالمزيون هالك
يودع دنيته ويقول توبه
تلاحق من عطا روحه فدا لك
بشوفه لو بعد نظره كذوبه
انا ادري بالذي مني طرالك
جواب منك يمحي له ذنوبه
وصدقني ترى قلبن مشالك
حرام تسد له باقي دروبه
ترفق في هوا اعتبره حلالك
وفجر الحب لا تحكم دروبه
هنيه خوله انتبهت انه الشخص اللي جدامها مب فهد

 
 

 

عرض البوم صور راعية الفزعة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
آخر لحظات العمر, آخر لحظات العمر بقلم kesat 3thab, kesat 3thab, رواية آخر لحظات العمر بقلم kesat 3thab, قصة آخر لحظات العمر بقلم kesat 3thab
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:26 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية