آخر لحظات العمر / بقلم kesat 3thab - الصفحة 57

27-07-10, 11:44 PM

المشاركة رقم: 281

المعلومات
الكاتب:	اماريج
اللقب:	عضو فخري

البيانات
التسجيل:	Apr 2009
العضوية:	141319
المشاركات:	11,659
الجنس	أنثى
معدل التقييم:
نقاط التقييم:	12376

االدولة

مدونتي

الإتصالات
الحالة:
وسائل الإتصال:

كاتب الموضوع : راعية الفزعة المنتدى : القصص المكتمله

::

::

فـــــــي بيت بو خــــآلد
سوزي بابتسامه : هلا ماما ميثا يدخل
ميثا بدون نفس : وين ماما خوله
سوزي وهي تهز راسها : ماما خوله داخل ............. تعال انا يودي
ميثا تقاطعها : شو قالولج عني وحده عمياء ما اشوف !! خوزي .. بروحي بسير اشوفها انتي سيري كملي شغلج
خوله كانت قاعدة تاكل وخالد جان عنده اتصال واول ما خلص راح يركض صوبها خوله حست فيه ع طول
خوله بابتسامه : هاه بلاه الحلو مستانس ................!!!
خالد وهو مستغرب: غناتي انتي كيف عرفتي اني فرحان لا مش فرحان قولي بطير من الفرحه
خوله بابتسامه : ان شاء الله دايمه يلا فرحنا معاك ..
خالد وهو يمسكها من ايدينها ويتم يدور فيها : خوله توهم متصلين فيني مسوين معرض في ايطاليا ومحد بيشارك فيه الا الرسامين المبدعين اللي مثلي طبعا .. والحمد لله قدمت رسوماتي واليوم ردوا علي والسبت الياي بسافر
خوله وهي طايره من الفرح : يعني يا خالد اخير حلمك بيتحقق .. وبيصيرلك معرض خاص بأعمالك بس
خالد يقاطعها وعيونه بدت ادمع من الفرحه : هيه حبيبتي واخيرا حلمي بيتحقق اخيرا .. اه يا روحي انا مب مصدق
خوله تقاطعه : صدّق يا خالد انته ما شاء الله عليك الكل يمدح فرسوماتك وشي طبيعي انهم يعرضونها فأكبر المعارض
خالد وهو يحضنها : خوله من يوم ما دشيتي هـ البيت وانتي فال خير بالنسبه لي
خوله وهي تتنهد : الحمدلله زين استوى شي يفرحك .. تصدق حسيت ا ني فال شؤم عليكم من دخلت هـ البيت والمصايب تهل من كل صوب .. بس عقب الخبر اللي سمعته منك الحين .. حسيت انه اللي صار مكتوب ومقدر ..
خالد وهو يبوسها على راسها : فعلا حبيبتي اللي صار قدر ومكتوب .. و كل اللي اباه منج احينه تساعديني .. عسب الله يوفقني.. انا حااس اذا الله وفقني راح تتغير وايد اشياء فحياتي .. وراح أقدر امسك الشركة عن أبوي !!
خوله بابتسامه : تستاهل حبيبي ان شاء الله فرحه دايمه .. والله يسهل عليك كل خطوة !!!
ميثا سمعت كل الحوار اللي دار بين خولة وخالد وتمت تخطط وتفكر وعقبها ابتسمت ابتسامة صفراء وتمتمت :
اممممممم والله وفرصه جات لحد عندي !! الحين بنتقم منك يا خالد عسب تعرف مره ثانيه مع منو تلعب ...؟؟!!!!!
خالد وهو ينتبه حق ميثاء وتمتم بابتسامة : ميثاء حياج حدري من متى واقفه هنيه
ميثا بتوتر: توني واصله هاه بلاكم فرحانين فرحوني معاكم اكيد حصلتوا رواضي وهي بخير وعافيه ولا عمي تشافى
خالد وهو يتنهد : جان زين عسب الفرحه تصير فرحتيين .. يلا انا بسير صوب المرسم اجهز جم لوحه باقيلي اسبوع وما يمديني اسوي شي ... ميثا البيت بيتج من رخصتج .. اعذريني وايد مشغول خوالي لا خلصتي تعالي وراي زين
خوله بابتسامه : اوك حبيبي .. حياج ميثاء تفضلي
ميثا بابتسامة مكر : الله يزيد فضلج حبيبتي ..... هاه خبريني اشو مستوي ؟!! وليش خالد فرحان هـ الكثر ؟!!
خوله بابتسامه : يحليله ما ينلام .. فيه معرض بايطاليا يعرض لوحات للرسامين .. وطبعا هـ المعرض يحضره إلا كبار الشخصيات فبلدهم ... وها حلم خالد من يوم صغير .. انه لوحاته تنعرض وتنباع للمشاهير .. وتوهم متصلين فيه وخبروه انهم شافوا لوحاته ويقدر يشارك فـ المعرض .. يعني تقدري تقولي بداء خطوة في طريق نجاحاته ..!!
ميثا بدون نفس وبصوت واطئ : وانتي اشو دراج بـ احلام خالد ؟؟!! لا يكون متربيه معا ه وانا ما عندي خبر
خوله بابتسامه : عفوا ميثاء قلتي شي
ميثا : لا حبيبتي ما قلت شي !! بس كنت قاعدة افكر بصوت عالي .. شوفي عاد انتي لازم اديرين بالج على خالد وتهيئين له الأجواء اللي تناسب شغله .. يعني تخلي البشكارات .. واهم شي كثري من الروايح الطيبة ..
خوله بابتسامه : تصدقين عاد انا اموت بالدخون .. بس من يوم ما تزوجت وبسبة المشاكل اللي صارت ما سويت
ميثا بخبث وهي تقرب صوبها أكثر : هيه واحينه جاء الوقت المناسب .. خالد ريلج ولازم توقفين معاه
خوله بابتسامه : ان شاء الله ما راح اقصر يلا احينه اعذريني خالد ينتظرني فوق البيت بيتج وخذي راحتج ولا بغيتي شي زقري البشكارات واكيد ما راح يقصرن معااج ..
ميثا بقهر : اشوووووووووووووووووو ؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!
خوله طنشتها وسارت صوب خالد وسوت نفسها ما سامعه شي .. لانها قدرت تفهم كل خطط ميثا ...!!!
ميثا وهي تكتم غيضها : انا اطنشيني خولوه وتسوي روحج مب سامعه شي بس مب مشكله اراويج اسير بيتنا ابرك

::

::

فـــــــي بيــــــــــــــــت بومشعل وكانت الساعه قد شارفت الثامنة مساء
ميثا كانت جد متوتره ومرتبكه والصداع بداء يزداد بحثت في ارجاء غرفتها حتى تأكدت بان كل ما لديها من حبوب لتهدئ عقلها الملتهب والمشتعل قد نفذت .. فلم تجد امامها حلا الا الذهاب الى غرفة شقيقها لعلها تجد ما يطفئ نارها
هرولت إلى الباب وهي مسرعه حتى كادت تصطدم به !! دخلت الغرفه وبحثت حتى وجدت فوق دولاب صغير ابره وحبتان بيضاء طويله ومتوسطة الحجم .. هرعت اليها من دون أي تركيز أخذت واحده وتوجهت الى كأس الماء الذي لمحته موضوع بقرب المنضدة .. فاخذته وابتعلت الحبه وتناولت الماء حتى فرغ الكأس تماما .. فذهبت الى غرفتها وهي تخشى من ردة فعل شقيقها كيف ستكون !! لهذا اغلقت على نفسها وقررت ان تنام .. وتترك الأمور كما هي

::

وفي مكان اخر الضجه كانت تعلو المكان .. اصوات الموسيقى بدأت ترتفع .. والقهقهات صارت في ازدياد .. اما هي بعد ما اخذت الابره .. التي أمر بها مشعل .. شعرت بإعياء شديد فنامت نوما عميقا ولم تستيقظ الا بعد ثمان ساعات كانت الساعه تقارب الثانية منتصف الليل .. بدأت بفتح عينيها والخوف يتملكها فعندما سمعت الضوضاء تذكرت المكان الذي اخذها اليه مشعل وشعرت بانها ستعود لتدور في نفس الدائرة بحثت من حولها فلم تجد تيريزا فهذا ما اخافها اكثر.. ولم تمضي سوا عدة دقائق حتى جاءت تيريزا وهي تحمل في يدها كأس خمر وحبتان مخدر قدمتهما لروضه .. ابت روضه في البدايه ولكن لم تمضي سواء ثواني بسيطه فتناولت الكأس وحبوب المخدر كادت ان تبتلعها .. وفجأه رمت الحبوب ع الأرض والقت بالكأس حتى اصطدم بالارضية وتحول إلى قطع صغيره .. تعجبت تيريزا منها .. ومن هذا التصرف الا مبالي .. فمنذ لحظات كانت تتوق لتأخذ حصتها .. اما الآن فقررت ان تتخلى عنها بكل سهولة
تيريزا تمتمت بتعجب شديد : روضه ليش يسوي كذا ...؟؟؟!!!!
روضه والدموع بدت تنرسم على وجنتيها الذابلتين وتمتمت بسخرية : سمعيني من يوم وساير ما راح اخذ شي .. أكيد هذي حبوب منوم .. وهذا بيت دعارة .. يوم تحسي علي أني راقده بدخلي علي واحد عسب يلعب بشرفي .. نفس ما سواء مشعل الحقير .. لا انا مستحيل اسمحلكم تستغفلوني !! الموت ارحملي بوايد من انه واحد نفس هـ الأشكال يقرب مني ويتجراء انه يلمسني .. انا عشت طول عمري احافظ على شرفي .. ومستعدة اموت وانا ادافع عنه ....!!!
تيريزا بعصبيه : انته واحد مجنون !! اذا ما فيه ياخذ هذي حبه بعدين انته في موت ..!! لازم ياخذ حبة
روضه وهي تضحك بصوت عالي وتمتمت بسخرية ودموعها في خدها مثل السيل :ههههههه اموت هاه ؟؟!!! انا مت وخلصت .. مشعل ذبحني وقضى علي في لحظة .. خسرني شرفي هـ الخايس !! وبعد كل هذا تقولي اني بموت ...!! هههههههه انا فكلى الحالتين ميته .......!! فخليني اموت وانا محافظة على شرفي وايد احسن ..
تيريزا وهي اطالعها من فوق لتحت : انته واحد مجنون ...؟؟!!!
لم تبالي بما قالته تيريزا .. اشاحت بوجهها عنها مسحت ما بقي من الدموع التي تناثرت على خدها وهرولت إلى احدى زوايا تلك الغرفة البالية .. اصوات الموسيقى والقهقهات بدت تخيفها .. حاولت ان تتخلص من هذا الخوف ولكن دون جدوى .. لم تجد سواء حلاً واحد وهو ان تغرس رأسها بين قدميها .. وتدعوا الله ان يفك من كربتها : ياآآآآآآآآرب ساعدني انا لازم اطلع من هـ المكان .. !! اجوائهم تخرع كل ما حاولت ارقد احس اني فيه احد بيطب علي !! مو كافي اللي سواه فيني مشعل !! بس الحقير يقول انه مش لمسني !! أكيد باعني حق واحد من ربعة عشان كم ألف ..
ااااااااااااااااااااااااااااه حاسه انه نهايتي قربت !! حاسه اني ضعيفه ومب قادر استحمل !! لكن شو اسوي انجبرت انحط في هـ المكان صرت مدمنه وما عاد لي أي قيمه .. احلامي كلها اختربت .. ومستقبلي ضاع .. حتى حبي ضاع .. فهد مستحيل ياخذ وحده وصخه شراتي .. لم تتحمل ذلك الضغط الذي بداء يضغط على ذلك الراس المتربع في جسدها .. كانت بحاجة إلى حبة المخدر لتهدئ من ذلك البركان الذي شب في جسدها .. لكن همتها كانت كبيره .. قاومت وقاومت .. وعندما خيل لها للحظة بأنها قد تضعف .. لم يكن امامها سواء حل واحد .. وهو ان تغرس رأسها في تلك الارضية البالية .. ضلت تضرب رأسها بشكل جنوني .. حتى شج ذلك الرأس .. ولم تعد ترى أمامها سوى الظلام ..!!!!

اما تيريزا فقد أصبحت تصرفات روضة تضايقها .. فلم تتحمل ذلك وقررت ان تذهب لتشم بعض الهواء .. وكلها دقائق سريعة حتى سمعت الضجة التي بدأت تصدرها روضه .. هرولت أليها مسرعة .. ولم تنتبه بأن هناك أعين من بعيد كانت تراقبها ..!! كانت تلك العيون منذهلة بجمال تيريزا .. كيف ولا وقد كان يراهن عليها في جميع الحفلات التي كانت على شرف مشعل .. وقد خسر الكثير من امواله مقابل ان يقضي معها بضع ساعات .. كان متيما بها .. وحتى هي كان يعني لها الكثير .. أستغرب من عدم وجودها مع رفيقاتها في المزرعة .. ظل يتبعها ويسير خلفها .. وهي كانت غافلة .. فمن شدة خوفها على روضة .. لم تنتبه لخطواته التي بدت تعلوا من خلفها .. دخلت إلى تلك الغرفة البالية .. ووجدت روضة غارقة في بحر دمائها .. هرولت إليها مسرعة .. ضلت تضرب خدها علها تسترد وعيها .. اما هو بمجرد وصولة عيناه بدأت بالتوسع أكثر .. جسم روضه كان قد بداء واضحا .. بسبب ملابسها الممزقة .. كان في البداية يرسم على تيريزا .. اما آلآن فلقد غير وجهته .. وقرر ان يوجهها إلى روضة .. وبداء يتأمل جسدها بدقه
اما تيريزا فقد كانت غارقة بخوفها .. وكلها لحظات حتى انتبهت بوجود جاسم .. فهرولت إلية مسرعه
تيريزا بخوف : جاسم ساعدني .... اخاف هذا يموت .... !!
جاسم بخبث : تيريزا عندكم وحده فيها كل هـ الجمال ... ومخبيينها عني !!! ليش انزين ؟؟؟!!!!!
تيريزا بتوتر وخوف : شوف جاسم هذي مال مشعل ما في يقرب صوبها ...!!
جاسم خذ راس روضة وحطة في رجلة وتم يمسح الدم وتمتم بلذة : تيريزا مشعل ما بيدري نعطيها حبة مخدر وعقب
تيريزا قاطعتة على طول والخوف مرسوم على ملامحها : لا لا جاسم مستحيل ..............!!!!!!!!!!!
جاسم وهو يفر عليها ربطة فلوس : هاه اشو رايج موافقه
تيريزا وهي اطالع للفلوس وبتردد : خـــــــــ ................ـــلاس آوك باكر تعال وانا يسوي كل شي ...
جاسم وهو يمسح على خدها : وانا شو يصبرني لحد باجر .. ابا اليوم وباجر واللي بعده .. هذي شغل بلدي !!!!!

::

اما هي كانت غارقة في أحلامها كانت تحلم بانها في حضن والدها .. وكان يمسح خدها ويداعبه .. ويخبرها بأنة قد سامحها .. وبمجرد ان شعرت بأن هناك يد بدت تداعب خدها .. بدأت خيوط الآمل تترسم في ملامحها .. علمت بأنة بمجرد ان تفتح عينيها كل هذا الكابوس سوف ينتهي .. ولكن بمجرد ان فتحت عينيها رجعت تصطدم بالواقع مجددآ .. "رأت جدران تلك الغرفة الموحشة البالية .. والمكان المظلم .. والموسيقى التي باتت تعلو في كل مكان .. وفجأة شعرت بتلك اليد تتسسل إلى خدها .. وتمسح على جسدها .. هنا حست وكأن صاعقة نزلت على رأسها وركزت عينيها على الشخص وتمتمت بعصبية وهي تغرس أظافرها في جسده : من انته ؟؟!!! وكيف دخلت هنيه ؟؟؟!!! خوز عني .. مابا اشوف احد فيكم ..........؟؟!!!!! كلكم انذال ..!!! الله ينتقم منكم الله ينتقم منكم ..
جاسم وهو يتأمل عيونها : بل حتى عيونها تذبح ومسك روضه من ايدها وتم يبوسها بشكل فضيع .......!!!
روضه وهي تحاول تبطل ايده : خوز عني ...! انته ما تفهم قتلك خوز ترى وربي لا اصرخ والم عليك العالم ..!!
جاسم بعصبيه : هي انتي انطمي ولا كلمه .. يوم انتي ما قد هـ الشغله محد قالج تمشين في هأ الطريق .. لا تسوي علينا شريفة الحين .. ترى هـ الحركات وايد مرت علي .. وصدقيني عارف وفاهم اشكالج عدل ...
روضه وهي تصارخ : انا مالي خص !! انا طول عمري ماشية سيدة .. وشريفة غصبا عليك فاهم .. وبعدين انا مشيت في هـ الطريق غصبا علي ... مشعل اختطفني وجابني هنيه .. انته ما تعرف انا بنت من ...! وسكتت شوي وعقب تمتمت بعصبية ودموعها نحفرت على خدها .. لا طلعت من هـ المكان راح اخلي ابوي يدمركم ....!!! ينسفكم !!
جاسم وهو مستغرب وبداء يتذكر البنت اللي كانت واقفة عند مشعل وتمتم بخوووف ممزوج بحيرة : اشو ...!!!! مشعل اختطفج ............ !! وهنية تأكد وتمتم بذهول .... لا يكون انتي روضه اخت خالد ..........!!!!!!!!!!!
روضه بنظرات توسل وحست ببصيص أمل : تعرف اخوي خالد ..!! وما حست بنفسها الا وهي ترتمي على رجلة وتبوسها .... وتمتمت بتوسل ... الله يخليك عشان خاطري ردني بيتنا .. انا هذا مش طريقي .. ساعدني ..!!!!
جاسم تمتم بذهول .. لانه كان للحين تحت تأثير الصدمة : معقوله مشعل اختطفها ..!! بس هو مفهمنا انها ميته عليه !! وذاك اليوم طلعت معاه بإرادتها .. يا ربي شو صاير .. اصلا هو بروحه ما يدري وين ارضها من سماها ...!!!
روضه تقاطعه وادموعها اربع اربع: مشعل الخايس الله ينتقم منه الله يدمره شرات ما دمرني ..
جاسم بتوتر : سمعي انا باخذج من هنيه بدون ما يدري مشعل .. بس لازم تفهميني شو اللي صاير
روضه وهي تبطل عيونها : وين بتاخذني لنفس هـ المكان وبتحاول تبيع وتشترى فيني .. نفس ما سوا مشعل!!
جاسم : لا ياروضه انا ما بسوي شي الا برضاج .. من هـ الناحيه تطمني انتي صارلج كم أسبوع مختفيه وين كنتي ؟!!
روضه تمتمت بحزن : عقب ما مشعل اختطفني وداني لبيت دعارة !! كل اللي فيه اشكالهم غلط ومنال ما قصرت شردتني وودتني اتعالج وكنت هناك بس سمعت انه ابوي مريض وقررت ازوره ويوم سرت هناك حصلت مشعل واختطفني ويابني هنيه .. لما ظهرت منال فحياتي حسيت انه الدنيا بخير بس مشعل قدر يوصلي مره ثانيه ..
جاسم بحزن : سمعي يا روضه اخوج خالد مره ساعد اختي .. ليش أنه في واحد كان يبا يغتصبها وجا الوقت اللي اردله الجميل .. انا بوديج المركز وانتي عاد بكيفج .. واوعدج ان ما راح اخبر أي احد عن مكانج
روضه وحست انه الله استجاب دعائها : الله يخليك انته ودني المركز وبكون شاكره لك ... وما بنسالك هـ المعروف
تيريزا وهي تحاول تتصل بمشعل قام جاسم وخذ التلفون وكسره ..... وتمتم بعصبية تيريزا خليج عاقل وبعطيج اللي تبيه واذا حبيتي من باجر بقصلج تذكره وبسفرج روسيا اشو قلتي ....؟؟!!!!!
تيريزا وهي طايره من الفرح : جاسم انا مشعل يمكن يسوي موت ........... انته لازم يساعد انا
جاسم وهو ياخذ روضه وتيريزا : ولا تخافين خلي هـ الموضوع علي !! يلا خلونا نتوكل قبل لا يجي مشعل ونتورط
قامت روضه وتيريزا وتبعن جاسم وركبن السياره استخدم نفوذه وقدر يطلع لها تذكره وسفرها ع طول وعقب سار المركز ووصل روضه هناااااااااااااااااك
روضه وادموعها اربع اربع : ما ادري كيف بطلع من جزاك ...!!! انا فعلا شاكرة لك .. لولاك انا كنت ميتة ..َ !!
جاسم بابتسامه ممزوجه بحزن : اخوج ما قصر وانا احينه ارتحت لاني قدرت اردله جميله ..
روضه بتردد : جاسم ممكن اطلب منك طلب
جاسم بابتسامه : امري اختيه
روضه بتوتر : مابا خالد يعرف انا وين ؟؟!! انا بختار الوقت المناسب وبرجع البيت ..
جاسم وهو يتنهد : مو مشكله يلا سيري احينه ولا تخاافي سرج في بير
روضه بتوتر : اقدر اطلب طلب ثاني ....؟؟!!!!!!!!!
جاسم بابتسامه : امريني اختيه طلباتج اوامر
روضه وهي تتامل اللي حواليها : شفت هـ الكون كله الله خلقنا وحطنا فيه مش عسب نعبث ونلعب بمشاعر الناس !! الله كرم الانسان وعطاه سمع وبصر وميزه عن الحيوانات .. الحيوان لا تبع غريزته محد يلومه لانه الله خلاه بلا عقل !! لكن الانسان الله كرمه بالعقل وبدل لا يستغله في التأمل فمخلوقاتة !! دمر عقلة وخلاه مبرمج !! وصار العقل شرات الغريزه اللي في الحيوان .. عسب جذا يا جاسم لا دمر نفسك وتخسر اخرتك عشان دنيا ما تسوى عند الله جناح بعوضه ... شغل عقلك باللي يناسبه وحاول توجه رغباتك وغرايزك لشي ثاني .. صدقني اذا انصلحوا شبابنا حتى بناتنا راح ينصلحوا .. انتوا قادرين تتحكموا بكل شي !! لو كل واحد وقف في وجه البنت لما شافها على غلط ونصحها ووضح لها غلطها راح يكبر في عينها وبدل لا تعيش معاه في الحرام اكيد بتعيش معه في الحلال .. فكر فـ خواتك يا جاسم لا تظن انه الله غافل عن اللي تسواه .. توب وابعد عن هـ الطريج وارجع لربك ويكفيك الحديث اللي يقول فيه رب العالمين واكيد لا سمعته عينك بتدمع ((من تقرب إلي ذراعا تقربت إليه باعا ومن جاءني مشيا اتيتة هرولة )) سبحان الله نعصيه ويرحمنا عسب جذا فكر فاخرتك ورضاء ربك .. وانسى دنياك اللي ما وراها غير المصايب .. واعتبرها نصيحه من اخت ولما اليوم ساعدتني غلب جانب الطيبه عليك ولو ما كان الله زارع فيك بذره طيبه وخير !! كنت استغليت ضعفي واتبعت غرايزك بس الحمدلله انه في بذرة ايمان عايشه داخلك حاول تستغل هـ الشي وتقرب من ربك اكثر ولا تنسى تستغفر قال تعالى في كتابه العزيز (( وَلَوْ أَنَّهُمْ إِذْ ظَلَمُوا أَنْفُسَهُمْ جَاءُوك فَاسْتَغْفَرُوا اللَّهَ وَاسْتَغْفَرَ لَهُمُ الرَّسُولُ لَوَجَدُوا اللَّهَ تَوَّابًا رَحِيمًا )) - وتاكد لا بغيت الله يساعدك لازم انته اللي تغير نفسك قالى تعالى ((لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِم )) وعسى الله يهديك ويهدي شبابنا وبنات المسلمين جميعا ....... ْ
جاسم وهو مب قادر يسيطر ع دموعه لأول مره حس انه كلام روضة صح وتمتم بضيج:عن اذنج اختي انا لازم اروح

::

::

ابتسمت من ردة فعل جاسم واخذت نفس عميق ثم جرت خطواتها بصعوبه إلى المركز وتوجهت مباشره إلى الدكتور المشرف على حالتها عندما رأته سبقتها دمعه ثم وجدت كرسي واستندت عليه .. وبداء كل ما حدث يدور في مخيلتها
الدكتور وهو منصعق : روضه وين كنتي ؟؟؟؟؟؟!!!! منال كانت تحاتيج ....!!!!
روضه بحزن : اه يا دكتور لو تعرف باللي صارلي .... حكت له كل ما حدث الا شي واحد .. عندما تجراء مشعل وسلبها أغلى ما تملك ... شرفها ... فسكتت لثواني فقاطعها الدكتور نايف واحس بان هناك غصه في قلبها
الدكتور بتوتر وهو يضر ب الطاولة اللي جدامة بقو وتمتم بعصبية : معقوله في الناس بهالحقااااااااااااارة !!! انتي لازم تسيرين المركز وتبلغين .... مشعل دمر كل اللي بنيناه في الاسابيع اللي مضت !!!
روضه بحزن : لا دكتور انا مابا ابلغ خلني بالاول اتعالج وعقب ببلغ كافي اللي مر علي خايفه لا طلعت .......!! تساقطت منها الكلمات ولم تدري ماذا تقول واكتفت بدمعه وتنهيده خرجت من اعماق صدرها..لتحكي عن حرقة بداخلها
الدكتور وهو يكتم دمعته : انتي محظوظة يا روضه !!! طحتي في يدين مشعل مرتين والله خلصج منه .. سبحان الله
روضه بابتسامه ممزوجه بحزن : الحمد لله كل ما حسيت بخوف قريت ايات وتميت استغفر والله نصرني
والله قال في كتابه (وما كنت معذبهم وهم يستغفرون)) والحمد لله ع كل حال المهم ما اوصيك مابا احد يعرف باني هنيه
الدكتور بابتسامه : تطمني انتي صرتي فامانتي ومستحيل اخليج .. وراح احافظ عليج لحد ما تتشافين وترجعي بيتكم
روضه بابتسامه : مشكوور دكتور نايف .. بس لو ما عليك امر بغيت مصحف وسياده ابا اصلي ركعتين شكر لله
الدكتور وهو ياخذ السجاه والمصحف ويناولها : تامري امر .. تفضلي هذا هو طلبج

:::

::

كان مشعل مشغول في تنفيذ خطته للقضاء على ضاري وكانت الساعه قد قاربت الثانية منتصف الليل راقب ارجاء المنزل فوجد كل الاضواء مطفئة فتأكد حينها ان الجميع يغط في نوم عميق فتوجه إلى غرفته وهو يكمل مكالمته على الهاتف : هاه ضاري صارت الساعه ثنتيين ! متى بتجى صارلي ساعه انتظرك !!
ضاري : لا خلاص ما راح اطول كلها ربع ساعه واكون عندك .. صار عندي ظرف واضطريت اتأخر
مشعل بابتسامة مكر : والله وطحت يا ضاري .. واليوم هو اخر يوم فـ حياتك !! انا اراويك !!
بعد دقائق سمع مشعل طرقات صادره من عند الباب فتوجه الى هناك مباشرة .. ابتسم عندما شاهد ضاري ورحب به
ضاري : هلا والله بمشيعيل توقعتك للحين زعلان علي بس الحمد لله ..... الله هدى النفوس
مشعل بابتسامة خبث : ولو !!! انته تعرف غلاتك عندي ومهما سويت عسل ع قلبي
ضاري بابتسامه : اصيل يا مشعل والله انك اصيل ..
مشعل بخبث : شوف لانك غالي عندي !! اليوم خذيتلك شي من اللي يحبه قلبك لا خذيته راح تحس انك تطير ..!!
ضاري وهو طاير من الفرح : من صدقك مشعل .. الله يخليك سير هاتها وخلنا نتونس الليل توه .. والرمسه صباحي
مشعل وهو يضربه على كتفه : لا تخاف كل شي جاهز ... بس انته احدر لا تم واقف ع الباب
ضاري وهو ياخذ نفس عميق : يلا سير .. ما فيني صبر .. عاد انته تعرفني انا أحب اجرب كل شي يديد ّّ
مشعل بابتسامه خبث : حاضر الغالي من عيوني من رخصتك احينه
ذهب مشعل واحظر العده ولكنه عندما عاد تفاجأء بعدم وجود ضاري هناك فقرر الاتصال به
مشعل بتوتر : ضاري انته وين ؟؟!!!!
ضاري بخوف : مشعل اميه وايد تعبانه توهم داقين علي ولازم اسير اشوفها باجر نتلاقى ونعوضها
مشعل وهو يكتم غيضه : اوكي ضاري اللي يريحك يلا مع السلامة
ميثا كانت طالعه من المطبخ واول ما شافت مشعل طاح قلاص الماي من ايدها مشعل يوم شافها سار صوبها
مشعل بعصبيه : ميثا انتي صاحيه .................؟؟!!!!
ميثا وهو تسوي نفسها تتثاوب : لا كنت راقده !!!! بس عطشت وقلت انزل اشرب ماي ...
مشعل يقاطعها : غريبه انتي ما ترقدين الا والماي على راسج شو صار اليوم ..
ميثا بتوتر : لا عندي ماي !! بس وايد حار ... عاد انا بروحي مصدعه ومب ناقصه
مشعل بضيج : انزين سيري حجرتج الحين انا بطلع حاس نفسي بختنق
ميثا بخوف : تطلع وين تروح ..........!!!!
مشعل وهو يطالعها من فوق لتحت : وانتي شو يخصج !!!! احد وكلج تستوين الوصية علي .. يلا سيري من قدامي
ميثا بخوف : لا بس خايفه عليك !! المهم دام هـ الشي يريحك توكل .. انا بسير ارقد تصبح على خير

::

وعنــــــــــــد الشباب
راشد اول ما شاف جاسم راح صوبه : جسوم بلاه شكلك معتفس جذا ... عسى ما صاير عليك شي ..!!
جاسم وهو ياخذ نفس عميق : ما ادري يا راشد .. وسكت شوي وكلها ثواني ودمعت عينه وتمتم بحزن .. اليوم حسيت انه في احد عطاني كف وصحاني من هـ الغفله اللي كنت عايش فيها .. انا مضايق يا راشد .. حاس نفسي بختنق !!!
راشد وهو يضحك بصوت عالي : يا اخوي خلك طبيعي !! وخذ الحياه بسهولة !!نحن لازم نستانس ونسلي نفسنا شوي
جاسم بضيج : نحن ضيعنا بنات وايد .. وانا مش مستعد أخسر من حياتي اكثر من اللي خسرته ....؟؟؟!!!!!
راشد يقاطعه وبسخرية : بروحهن يبن نحن ما جبرنا احد .. او ضربناهن على ايديهن .. بروحهن مشن في هـ الطريج
جاسم بعصبيه : راشد جم مره سألت وحده من اللي تعرفهن ليش هي مشت في هـ الطريج ومنو السبب هاه ؟!!
راشد بتوتر : وانا شو يخصني الزم ما علي وناستي
جاسم وهو يضرب الطاوله اللي جدامه بقو : وهـ الشي اللي ضيعنا وضيع مستقبلنا !! وناستنا السبب !! دسنا على غيرنا عسب نحن نستانس .. الشيطان قدر يسيطر علينا وخدعنا نحن ظلمنا بنات وايد وخايف الله باجر يردها فخواتنا
راشد بعصبيه : جاسم انته تخبلت ...؟؟!!!!! من صدقك قاعد تتكلم ...
جاسم وهو يبطل أزرار كندورته : انا اليوم لاول مره فيه احد يحسسني اني عاقل طول عمري كنت شرات الحيــ ...... اتبع غريزتي بس هـ البنت عطتني كف صحتني من الغفله اللي كنت عايش فيها طول هـ السنين .. هـ البنت كانت بلسم
خميس بابتسامه وهو يحضنه : جاسم زين انه الله هداك قوم خلنا انسير صوب واحد من المساجد وتصلى ركعتين شكر .. وتدعي من الله يثبتك ويبعدك عن طريق الحرام .. الواحد ما يدرى متى المنيه توافيه ..
جاسم وهو يتامل خميس : انته الوحيد اللي كنت العاقل فينا وياما نصحتنا بس ما شي فايده منا
خميس وهو يشده من ايده : خلنا نأجل هـ الكلام لبعدين !!! يلا خلنا نروح .. أخاف تغير رايك وترجع لضلالة !!

27-07-10, 11:46 PM

المشاركة رقم: 282

المعلومات
الكاتب:	اماريج
اللقب:	عضو فخري

البيانات
التسجيل:	Apr 2009
العضوية:	141319
المشاركات:	11,659
الجنس	أنثى
معدل التقييم:
نقاط التقييم:	12376

االدولة

مدونتي

الإتصالات
الحالة:
وسائل الإتصال:

كاتب الموضوع : راعية الفزعة المنتدى : القصص المكتمله

راشد وهو يستند ع الكرسي : لا هذيلا اكيد تخبلوا بلاها عيشتنا !!!!! عايشين ومستانسين
مشعل وهو يجلس عداله وتمتم بعصبية : بلاك تتحلطم رشود ؟؟!!!!!
راشد : بسم الله مشعل من متى انته هنيه ..!!!
مشعل وهو يطلع سيجاره ويدخنها : توني واصل الا ما خبرتني اشو فيك ؟؟!!
راشد وهو يتمصخر على جاسم ويقلده : انا اليوم لاول مره فيه احد يحسسني اني عاقل طول عمري كنت شرات الحيــ ...... اتبع غريزتي بس هالبنت عطتني كف صحتني من الغفله اللي كنت عايش فيها طول هـ السنين ههههههههه غبي
مشعل وهو يعدل جلستة : لا تقولها ..!!! يعني تبا تفهمني انه جاسم صار مطوع وبيروح العمره وعقب بيحج هههههه
راشد وهو يضحك ويتمصخر على جاسم : ههههههههه هيه تقدر تقول جذا .. اقولك ياي وتام يصيح وشكلة متبهذل ..
مشعل يقاطعه : انزين شو اللي صاير شو اللي غير احواله ومنوه البنت اللي قدرت تغير جاسم القوي المغرور !!!
راشد وهو يرفع حواجبه : بصراحه بروحي مب قادر افهم شي .. ضنتي حاب وحده وهي اللي خربطتله عقله ..
مشعل بضيج : يلا مصيره يرجعلنا .. جسوم ما يقدر يعيش يومه بلا حرمه يعني ب يرجع وبذكرك

::

::

فـــــــــي صبـــــــآح اليوم التالي وتحديدا في المزرعه
بمجرد استيقاضة من النوم .. لبس ملابس خفيفه وتوجه مسرعا اتجاه المزرعة .. كان متلهفاً لرؤية روضة .. ولكن بمجرد دخوله إلى ذلك المنزل المنعزل .. لم يجد أحداً .. كان خاليآ شعر بالجنون .. مسك هاتفة واتصل بصديقتة الروسية .. وأخبرته بأن تيريزا سافرت .. اما روضة فلقد اوهمته بانها عند مشعل .. لهذا سمحت لها بالسفر ..
مشعل وهو مستوي شرات المينون : انتي شو تقولين تيريزا سافرت وروضه وين خلتها ....؟؟؟!!!
ماريا بعصبية : مشئل روضة ما في عندك .........؟؟!!!!!
مشعل وهو يصكر التلفون : اوووووووووووووف هـ البنت حضها يكسر الصخر !! مره ثانيه تروح من بين يديني !! أموت وأعرف شو السر اللي وراها .. انا لازم ادور عليها .. وبعدين لو دورت وين بحصلها .. يالله من جهه ضاري اللي اختفى فجأه وصكر كل تلفوناته !! ومن جهه ثانيه هـ الخبله روضه انا اللي اعرفه انه تيريزا خوافه كيف قدرت تشرد .. اكيد في احد وراها .. وواحد كبير بعد .. بس منو يا ترى ولمح عبدالصمد وزقر عليه : تعال شوي اباك
عبد الصمد وهو يركض صوبه : نعم ارباب مشعل شو يريد ...؟؟!!!
مشعل : شوف خبرني منو اللي دخل هـ الغرفه البارحه غير تيريزا
عبدالصمد : بابا انا ما في يشوف منيه واجد ظلام .. انا امس شغل داخل مزرعة
مشعل بعصبيه : وانا ليش مخلنك هنيه مش عسب تشوف اللي طالع واللي داخل لكن الغلط مني انا اني امنت فناس شرواتكم .. يلا فارق ولا تخلني اشوف وجهك هنيه انته من اليوم مفنش وباجر بلغي الكفاله ودورلك عاد على كفيل
عبدالصمد بخوف : بابا والله هرام انا يريد يعيش .. انته ما في خبر انه لازم يراقب هذا غرفه
مشعل وهو يصارخ : يا سلام وانته ما فيك سمع وبصر لازم انا اللي اقولك اشو تسوى هاه .....؟؟!!!
عبدالصمد وهو منزل راسه : .................................................. .......................
مشعل خذ تلفونه وسار صوب سيارته .. وتم يشوف الجريده واول ما شاف صورة منال انقهر اكثر : وليه حتى هذي حضها يكسر الصخر .. السياره وانفجرت ..!! ليش للحين عايشه .. المفروض تموت ... لا واللي يقهر أبوها الهامور ناوي يسفرها ويعالجها اشو هـ الحظ ؟!! حاس انه نهايتي قربت ...!! بس لا ما عاش اللي يكسر راسي .. انا مشعل وما انخلق هذا اللي يخليني ضعيف ويتلاعب فيني ... انا وراج يا روضه ... وبعرف منو وراء هـ اللعبه الخايسة ..!! ولا عرفت ساعتها بعرف كيف اتعامل معاه واعلمه شو جزات الي يخون الامانه .. صبركم علي بس

::

::

روضه وهي تشوف صورة منال واتصيح : آآآآآآآآآآاه يا منال منو اللي سوا فيج هـ ىالسواه ..!! معقوله يكون مشعل .. الا أكيد مشعل .. يمكن يوم دراء انج خلصتيني من كل مخططاتة حب ينتقم .. ودي اوقف معاج بس خايفه يكون مشعل مراقب المكان واطيح فيدينه مره ثانيه .. سويتها مره وطلعت من هـ المركز .. وكانت النتيجة شرفي اللي ضاع .. بس لا هـ المرة ما راح أتحرك من مكاني .. ولا تشافيت ورديت بيتنا ساعتها بوقف معاج .. لاني بكون ساعتها قضيت على كل الخوف اللي ينهش بداخلي .. وقلبت الصفحه الثانيه وحصلت نتايج الثانويه العامه .. ..
يا ربي هذي نسبنا اليوم طالعه ..!! وتمت تتذكر رقم جلوسها وعقب ما تذكرته تمت تدرو على نسبتها واول ما شافتها تمت تصيح ..آآآه جبت النسبه اللي احلم فيها بس شو الفايده ؟!! كل أحلامي تحطمت وتمت تمسح على نسبتها وتصيح
خالد بضيج : خوله اليوم نسب الثانويه !! ورواضي جايبة 90 طول عمرها تحلم فهالشي بس هي وينها وينها
خوله وهي تمسح على راسه : خالد حبيبي هونها وتهون ان شاء الله قريب بنحصلها
خالد ودمعه انرسمت على خده : متى يا خوله صار لها جم اسبوع من اختفت !! هي ما بين لها اثر وابوي بعده على حالته عايش وكأنه ميت حاس نفسي ضعيف ومب قادر اسوي شي .. خسرت كل اللي حوالي .. وما بقالي غيرج !!
خوله بحزن : خالد غناتي انته لازم تشغل نفسك بالمعرض الحين .. خلنا نأجل هـ المواضيع شوي الله من فوق بيفرجها
خالد وهو يمسح على بطنها : محد مصبرني غيرج وغير هذا اللي فبطنج عسى الله لا يحرمني منكم

:::

:::

نهــــآآآآآأإأإأإأإأإأإأإأإأإأإأإأيــــة أإأإأإأإأإأإأإأإألبـــــــأإأإأإأإأإأإأإأإأإأإأإأإ أإأإأرت

آلـــــــــــــــتوقـــعـــــآت

1- تتوقعون ضاري حس بلعبة مشعل ؟؟!! ولا أمة فعلا مريضة ؟؟
2- ميثا هل راح تقدر تلعب على خولة .. وتفرق بينها وبين خالد
3- بو آمنه كيف راح ينتقم من غادة ؟؟
4- بومشعل هل راح يكتشف انه هنادي كانت تبا تتخلص من الولد
5- روضة بعد ما رجعت المركز تتوقعون كيف بتكون حياتها ؟؟!!
6- سفر هلال هل راح يأثر على علاقتة مع مها بطريقة إيجابية او سلبية ؟؟!!
7- مشعل بقدر يوصل لـ روضة ؟؟ خاصه انه هي خبرته انها كانت تتعالج ؟؟!!
8- جاسم هل راح يكشف سر روضة ؟!! ولا فعلا بيكون اهتداء وابتعد عن طريق الحرام ؟!!
9- منال تتوقعون انها تعيش ؟؟!! وهل يا ترى راح يكون لها دور في الرواية ولا خلاص ؟؟!!

27-07-10, 11:49 PM

المشاركة رقم: 283

المعلومات
الكاتب:	اماريج
اللقب:	عضو فخري

البيانات
التسجيل:	Apr 2009
العضوية:	141319
المشاركات:	11,659
الجنس	أنثى
معدل التقييم:
نقاط التقييم:	12376

االدولة

مدونتي

الإتصالات
الحالة:
وسائل الإتصال:

كاتب الموضوع : راعية الفزعة المنتدى : القصص المكتمله

اللـــــحظة آلــثآلثة وآلــثــــــلآثوووووووووون

::

::

الفصـــــل ألـــأـ ولــ
::
::

خوله بحزن : خالد غناتي انته لازم تشغل نفسك بالمعرض احينه خلنا نأجل هـ المواضيع شوي الله من فوق بيفرجها
خالد وهو يمسح على بطنها : محد مصبرني غيرج وغير هذا اللي فبطنج عسى الله لا يحرمني منكم

::

::

فــــــــــــي بيـــــت آآم غــــادة

نوف وهي طايره من الفرح والكلام ضاع من بين شفايفها وتمتمت بصوت ممزوج بدمعة : غاده باركيلي جبت 88
غاده وهي تحضنها ودمعه ارتسمع على خدها : الف الف مبروك غناتي صبرتي ونلتي
نوف وهي تبوس راس امها : اميه هذا اكيد بفضل دعواتج ... الله لا حرمني منج يا الغاليه ..
ام غاده وهي تمسح على شعرها : يمكن انا دعيتلج وما قصرت .. بس محد ينكر انج تعبتي !! واللي يتعب ينال !!
عادل بابتسامه : نوف دامج فرحانة هـ الكثر .. اشو رايج تاخذينا مشوار .. واهم شي تاخذيلنا شي ناكله هههههه !!
نوف وهي تعض على شفايفها وتفكر وتمتمت بــــمكر : اممممم موافقه بس كل واحد يدفع النص
غاده وهي تضحك : يا سلام .... لا حبيبتي خلينا نقر في البيت أحسن .. انا بصراحة مفلسه وما عندي شي !!
نوف بابتسامه : شوفوا لا توظفت بعزمكم على وجبة غداء وريوق وعشا ..
عادل وهو يضحك وتمتم بسخرية : لا توظفتي ؟!حشا اواحي انا متخرج من المدرسه ومشتغل .. وما بكون معتازلج !!
نوف بثقه : والله عاد إذا حابين ... طرار ويتشرط !!
غاده بابتسامه : خلاص هـ المره خلوها علي !! والمره الثانيه على نوف وعقب عليك عدول ..
ام غاده : لا يا بنيتي خلي راتبج حقج ..................... لا تخسرين روحج
غاده وهي تحضن امها : لا امايه ولو الخساره خسارة الروح هذي مناسبه حلوه ولازم نفرح فيها
عادل بحماس : تعيش غاااااااااااااااااده ..
نوف وهي تضحك : تعيش تعيش تعيش !!!!!!! وناااااسه بناكل برع هههههههههههه
غاده وهي تضربها على راسها : بتاكلي برع هاه ؟!! يلا سيروا جهزوا نفسكم !! عندكم بس خمس دقايق .. ولا أهون
نوف وهي تشد عادل من إيده : يلا عدول خلنا نروح نبدل!!! اخاف تغير رايها ونتورط هههههههه
عادل وهو يضحك من خاطر : ههههه هيه والله صدقج .. يلا خلينا نروح
ام غاده وهي تقرب صوبها ودمعت عينها : الله يعطيج على قد نيتج يا بنيتي .. ليش انج قدرتي ترسمي الابتسامة على شفايف اخوانج .. آآآآآآآآآآآآآه يا غاده ادري انج تتعبي عشانا .. بس نحن مالنا غيرج
غاده راحت وباست راسها ومسحت دمعتها وتمتمت بضيج : اماية انا قطعت عهد على أبوي .. وهذا اللي قاعده أسوية
ام غادة بخووف : غادة بس ما تحسي انه ابوج ظلمج ؟؟!! ليش انه حملج حمل انتي مب قادرة عليه
غادة بابتسامة : اماية ابوي لو ما كان عارف اني قدها .. كان ما صارحني من البداية !! وطلب مني ادير بالي عليكم
ام غادة وهي تمسح على راسها : الله يرحمه ويغفرله ... وعقبال ما نفرح فيج ونشوفج عروسة
غاده هنيه تذكرت خليفه ودمعت عينها وتمتمت بضيج : آآآآآآآآآه يا اميه ! كيف تبيني أتزوج وانا للحين ما تطمنت لا ع نوف ولا عادل .. ولا حتى أنتي اماية ؟!! انا مكتوب لي افكر بغيري .. وصدقيني راضية بهـ الشي !! اللي يهمني بس أشوفكم بس مرتاحين .. وما فيه شي ناقصنكم !! واصلا الزواج آخر همي
ام غاده وهي تقطعلها حبل أـفكارها : غاده حبيبتي بلاج ساكتة !!!!!
غادة وهي تمسح دمعتها وتمتمت بابتسامة : هآآآآه ؟؟!! ولا تشغلي بالج .. بسير اجيب مفاتيح السياره .. من رخصتج

:::

::::

:::

مضت الايام اليوم يتلوه اليوم .. و مضى شهران على إبطال قصتنا

لنبداء مع روضه .. كانت تحاول طوال هذا الشهرين ان تقاوم ذلك السم الذي ينهش بجسدها .. فبقيت تناضل احيانا وتضعف حينا اخرى .. ولكن الكل ضل معها يساعدها ويدعمها .. كانت كل ما ترى نظرات الحب والعطف في أعين دكتور نايف وممن يساعدة من الممرضات .. يرجع اصراها اشد من ذي قبل !! وتبداء همتها في ازدياد
::

اما مشعل .. طوال هذا الشهرين ضل يبحث عن روضه ولكن دون جدوى .. حتى ضاري الذي أختفى فجأة !! عرف فقط منذ بضعة ايام قليلة انه عاد إلى امريكا ولم يفهم مشعل سبب تصرفه هذا .. خصوصا بعدما علم ان أم ضاري بخير ولا تعاني من أي مشاكل صحية .. وهذا ما زرع الشك في قلبه .. وعرف انه سبب إختفائة يكمن في سر كبير ؟؟!!!!

::

ميثا ضلت تحاول ان تشتت افكار خوله وتخبرها عن الرجال الذين خانوا زوجاتهم لتزرع الشك في قلبها .. ولكن خوله كانت اذكى منها واستطاعت ان تتعامل مع هذا الموقف بذكاء والرد على كلام ميثا بحكمه .. واما بخصوص إدمانها فكانت تحصل على الحبوب من مصادر مجهولة .. وبدأت ثقتها في ازدياد أكثر من ذي قبل .. فالخوف التي كانت تشعر به كلما شاهدت مشعل .. تلاشى تقريبا .. وأصبحت تواجهه وتبطل كل مخططاته .. فهو لم يعد يهمها !! فقد تحول حبها لشقيقها الوحيد..إلى كره لا نهاية له..لأنها كانت تعتبره مجرم .. وهو سبب ضياعها وادمانها .. لهذا قررت الانتقام منه

:::

:::

أما خـــــآلد
فقد نجح في معرضه الذي اقامه في ايطاليا مؤخرآ... وحضي بالكثير من العروض والدعوات ليشارك في اكثر من معرض عالمي .. كان سعيدا بنجاحاته التي حققها .. ولكن بقي هناك حزن فقدان شقيقته ومرض والده يسيطر عليه وكلما اراد ان يرسم البسمه على شفتيه يحولها الى ابتسامة جافه .. فلقد شعر للحظة ان كل انجازاته لا تساوي شي
ولكن حمل خوله جعل هذا الحزن يقل قليلآ .. وكان يتصل بها بين الحينة والأخرى .. ليستمد منها كل طاقتة .. ويلقي التحية على ابنتة نور .. وشقيقيه محمد وأحمد .. وزوجة ابية ام محمد ..

::

آمــــآ آمـ محمد ..
بعد ان تكبدت الذل والعناء في رعاية ابو خالد .. وتحمل كلام خالد الجارح .. ونظرات شقيقية الحزينة .. خالد حن وشفق على حالتها وقرر مسامحتها... وعادت إلى البيت لكي تعيش تحت ظل زوجها .. وتنشغل برعاية ابنائها .. وكانت تطل على ابو خالد بين حين واخر .. وتسهر على رعايته .. وتخفف عنه بعض من آلآمة .. واصبحت تعامل خولة وكأنها ابنتها .. حتى شعرت خوله ساعتها بأن ام محمد تغيرت فعلا .. وهذا الشي الذي أدهشها واراحها قليلا .

:::
آمــــآ بخصوص هــلآل ..

كان يضغط على نفسه بالعمل ليبعد الافكار السوداء التي باتت تلاحقة ويحاول ان يتناسى الحب العظيم الذي يكنه لخوله .. ولكن اشتياقه لـ، مها كان أشد وأكبر.. حاول صديقة المقرب ان يفهمه ان حبة تحول لزوجته .. إلا ان هلال لم يكن مقتنع .. وقد أصر على ان حبه الوحيد هو لـ خولة .. ومها بنسبة له مجرد وجه طفولي أحبه عندما كان صغيرآ ..

::

سعيد ..

اما سعيد فبقي مشتتا ولم يعد قادر على التركيز كل ما كان يرغب به رؤية فهد ليشرح له موقفه .. ويبرره له .. وعلاقتة مع سارة تحولت إلى أسواء مما كانت عليه من قبل .. كان يلاحظ الحزن المرسوم على ملامح وجها الذابل .. ولكنه كان يتهرب منها .. وآحيآنا كان يبيت خارج المنزل .. حتى لا يحتك بها ..!! آو يشعر بانه يظلمها ..

::

آمــآ بـ آلنسبة لـ فـــآآآطمة ومريــــم

.. فاطمه ومريم كانت المشاكل لا تنتهي بينهم وهذا اثر في نفسية فاطمه واثر على حملها فكانت تتعب احيانا فيأخذوها إلى المستشفى ليعطوها بعض المهدئات والسوائل .. كان هذا الحمل صعبا بالنسبة لها .. فـ لأول مره حمود يكون بعيدآ عنها .. حتى آنه منذ أن سافر لم يكلمها سوى ساعات قليله .. وهذا مما أرهق نفسيتها .. فـ أصبحت منطوية على نفسها .. ولا تحب ان تغادر غرفتها .. وكانت تبرر تصرفاتها بأن حملها يتعبها .. وظلت تمضي كل وقتها مع ابنائها ..

:::

اما مريم فكانت تبحث عن الصوره التي اختفت فجأه من غرفة عمها .. ولكن دون جدوى فلم تجد لها أي اثر .. وهذا ما أغضبها ..شعرت للحظة انه فاطمة بدأت تلعب معها لعبة الغميضة .. وهذا آثآر جنونها .. وقررت الأنتقام بوضع صورة اخرى .. اما علاقتها مع حمود فقد كانت جيدة .. كان يكلمها أكثر مما يكلم زوجتة فاطمه .. وهذا ما جعل مريم تشعر بانها انتصرت آخير’آ .. وكانت دائما تتعمد ان تحرج فاطمة وتخبرها بان حمود يبلغها السلام .. وليس لدية وقت لمحادثتها .. وهذا ما كان يغيض فاطمة .. وتستلذ به مريم .. حتى أم حمود بدت سعيده بتصرفات حمود تجاه فاطمه !!

:::

فهــــــــد وحمــــــود

فهد تماثل تقريبا للشفاء وبداء يمشي بخطوات متثاقله وحمود كان الذي يدعمه معنويا .. حمود نصحه بأن يتسغل وجوده في المستشفى بأن يقابل دكتور نفسي .. ويشرح له مشكلتة مع ساره .. وهذا الموضوع حمس فهد .. فقد كان يريد ان يفهم سبب تعلقه الغريب بـ روضة .. وتفكيره الدائم بها !! وبدأت رحلة فهد مع العلاج النفسي !!!
حمود لم يكن يغرب بالتحدث إلى فاطمة .. ليس لأنه لا يحبها !! بل لأنة اراد ان يشعرها بحجم الغلط الذي ارتكبتة في حقة .. كان مشتاق لها بشكل جنوني .. ولكن وجهه مشاعرة من فاطمة إلى مريم .. حتى لا يضعف ويبان صغيرآ في عين فاطمه .. فما فعلته به في نظره ..حسسه بأنة ليس رجلآ .. فارأد ان يعلمها درسآ لا تنساه !! وتناسيها خير درس

////////

نـــــــــووف وغـــــآآآد

نوف سجلت في جامعة السلطان واختارت تجارة ضنا منها بانها يوما من الايام ستدير كل شي ورثته عن والدها .. وهذا بعث الأمل في قلب أم غادة .. والتي شجعتها على أختيارها .. وغاده كانت متحمسه لتخصص أختها .. آآما خليفه كان يلاحق غاده بل كان مثل ظلها وهي كانت تتجاهله كالعاده وتدعي بانه لا يعني لها أي شي .. وهذا ما جرح خليفة .. وبداء بأنه يركض وراء مصير مجهول .. وغادة كان يعتصر قلبها المآ .. لأانها جرحت من أحبت ..

////::::::::::://////

مهــــــآآآآآآآآ .... وووســــارة

مها لم تسمع أي اخبار عن هلال وهذا جعلها طوال هذه الاشهر متضايقه .. ولا تغادر غرفتها وكانت الدموع رفيقتها حتى اصبحت محفورة على خديها .. وبداء وجهها شاحبا يميل للأصفرار .. وعيناها متورمتان .. وشفتاها متشققه ساره لم تكن احسن حال منها .. فبدت المشاكل تكثر بينها وبين سعيد .. ولكن لم يكن بيدها سوا التحمل كانت تلهي نفسها بالتحدث مع عفراء وشما حتى تتناسى همها .. وتصرفات سعيد الامبالية التي بدت تضايقها ..

::::

شمــــــــــآآآآ
شما لم تكن تدري ان محمد يتلاعب بها وكانت كميرا جهازها المحمول مرئاتها .. تتمكيج ووتتسرح وتعلب فيها كيف ما تشاء .. وتجهل بان هناك ذئاب قاموا بتسجيل كل ما تفعله دون ان تفوتهم أي لقطه ..

:::::

هنــــــــــآآدي
هنادي استطاعت ان تجعل ابو مشعل يوقع على تلك الاوراق حاولت امها ان تعرف ولكن هنادي فظلت ان تبقي الموضوع سرا حتى يحين وقت اكتشافه .. واتصالتها بدأت في ازدياد .. حتى تحين لحظة الحقيقة ............!!!
نعـــــــــود آلآن لســــرد قصــــة آلآحدآث بعد مرور شهرين طويلين ... ونبدأها بالأنتقال إلى منزل آم هنــــأدي

عنـــــــــــــدما تنكشف الحقائق ... ويتضح ما دونته الأوراق .. وخبأه الزمان ..

ام هنادي بخوف : هنادي حبيبتي في واحد برع يبا يشوفج ؟؟!!!
هنادي بابتسامه : الرجال وصل ؟؟؟؟؟؟!!!!!!!! خلاص امايه انا بسير اشوفه
ام هنادي وهي توقف جدامها : اشو تشوفيه !!! لا انتي اكيد تخبلتي !! افرضي بو مشعل طب علينا اشو بنقولة !!
هنادي وهي تتنهد : امايه الله يهداج هـ الرجال !! يايني فموضوع يخص الشغل !! وانا مب قاعدة اسوي شي غلط
ام هنادي : واشحقه ما خلصتوه في الشركه !! ليش توصلين شغلج للبيت !! بو مشعل لو شاف هـ الشي بيعصب ؟!
هنادي بضيج : امايه الله يخليج خليني اخلص شغلي احينه .. وعقب بنتفاهم .. فشله مخليين الرجال واقف برع ..!!!
ام هنادي بخوف : سمعي .. انتي سيري خلصي شغلج ... وانا بتم اراقب !! اخاف بو مشعل يطب علينا فجأة
هنادي وهي تهز راسها : لا حول ولا قوة الا بالله اقولها شغل وتقولي يطب علينا وسارت صوب الريال
مطر اول ما شافها قام وسلم : هلا اخت هنادي ما كان له داعي اشوفج في البيت لو خليتينا نلتقي فواحد من المقاهي
هنادي وهي تتنهد : مطر انا مش خايفه من شي .. لاني عارفة ومتأكدة انه كل اللي قاعدة اسوية يرضي رب العالمين
مطر بتوتر : بس أفرضي عمي ابو مشعل طب علينا وشافني ... اخاف يسويلج سالفة !! وعقب يطلقج !!!
هنادي بضيج : تبا الصدق !! خله يشوفني ........ انا عفت هـ العيشه خلاص !! وكان زين لو يطلقني !! ابا ارتاح .!
مطر بابتسامه : ليش !!! يلا يكون عمي بو مشعل مضايقنج ؟؟!!!!!
هنادي بضيج : لا بو مشعل ما قصر معاي وطول الوقت يدور رضاي بس احس انه الطلاق صار افضل للاثنين
مطر : ما علينا المهم بغيت الاوراق اللي خبرتج عنها
هنادي وهي تبطل الدرج واطلع الاوراق : تفضل هذي هي !! سويت كل اللي طلبته مني بالحرف الواحد !!
مطر وهو يعطيها المفاتيح وملكية البيت : وهذي مفاتيح البيت اللي طلبتيه مني .. وهاي ملكيته
هنادي وهي تاخذ الملكيه والمفاتيح : وبجذا خلص شغلي معاك .. خدمه مقابل خدمه ..وأعذرني لو ما الحاجة ما طلبت
مطر بابتسامه : فعلا جذا تصافينا .. وبعدين هذا من حقج .. استأذن الحين
هنادي وهي تبتسمله : اذنك معاك سلم على مهره .. ويا ليت لو اتصير فرصه واتعرف عليها
مطر : ما عليه ان شاء الله بتشوفيها وبتملين منها ... يلا اترخص انا
هنادي : فداعة الرحمن .. واول ما طلع جات امها صوبها .. اوف اخيرا راح كاني لمحت سيارة بومشعل تحت
هنادي بتوتر : لا تقوليها ......................؟؟!!!!!
ام هنادي وهي تضحك : لا امزح معا ج !!! الا ما خبرتيني اشو هـ الاوراق اللي فـ إيدج !!!!
هنادي بابتسامه ممزوجه بنــصر : هذا بيتنا امايه ... لا وحطولي رصيد في البنك يكفيني لعشر سنين جدام .. وازيدج من الشعر بيت قال لا ردت للحقوق لاصحابها .. اكيد ما بيقصرون معاي وبتم فشغلي معززه ومكرمه .. شرايج ؟؟!!
ام هنادي : هنادي انتي شو تقولين !!!!!!!!!1 بعدني ما فهمت عليج !!!!
هنادي بثقه : بومشعل يا طوويلة العمر خسر كل املاكة كل شي انكتب باسم واحد اسمه عادل ...!!!!!!!!
ام هنادي بعصبيه : هنادي انتي تخبلتي ..!! نسيتي اللي سواه لج بو مشعل !! لا واللي يقهر رديتي الإحسان بـ الإساءة
هنادي بتوتر : آمــــ ...................................ـــــآية ...........؟؟!!!!!!!!!
ام هنادي قاطعتها وهي تصارخ : مقيوله قبل .. اتقي شر من احسنت اليه .. الحين هذا جزا المعروف !! طعنتي الريال اللي لمج من الشوارع .. وخلاج تعيشي شرات الملكه .. وبدال لا تحطيه فعيونج لعبتي عليه لعبه وخسرتيه كل ما يملك
هنادي وهي تنفجر : بس امايه انتي مب عارفه شي .. بو مشعل اللي تتكلمين عنه تزوجني بالسر .. عيشني فعز انا ما انكر هـ الشي !! بس استغل ضعفي وتم يتحكم فيني متى اروح البيت ولحد متى اتم في الشركه !! ونتيجة هـ الشي واهماله !!وتحكمه فطلعاتي ودخلاتي ..سكتت شوي وعقب تمتمت بحزن هذا اللي فبطني .. تعرفين هالولد من ولده هاه
ام هنادي وهي مب قادره تتكلم ومبطله عيونها : .................................................. ...
هنادي ودمعه ارتسمت على خدها : هذا مش ولد بو مشعل .. اللي فبطني ولد ولده مشعل..وبعد كل هذا تقولي ظلمته !!
ام هنادي تقاطعها : انتي شو تقولين ؟؟؟؟؟؟؟؟؟؟؟!!!! لآلآلآ اكيد تخبلتي
هنادي كملت بدون ما تنتبه لامها : قتله فذاك اليوم خلني اروح البيت صارت 9 ونص .. ما يصير أتم بروحي .. قالي لا انتظريني .. ويا ويلج لو سرتي .. انتظر ام مشعل ترقد وعقب بجي صوبج .. وتميت انتظره والخوف ياكل قلبي واول ما بطل الباب من كثر ما كنت فرحانه ارتميت فحضنه بدون ما احس .. بس حسافه اللي كان جاي ولده مشعل مش زوجي سيف .. ومشعل عقب هـ الموقف الحميمي ..!!! خبرني انه كان طامع فيني من زمان واعتدي علي ... اغتصبني ودمر حياتي عسى الله ينتقم منه ..وتلوميني ليش كارهه هـ الولد اللي فبطني .. وكارهة بو مشعل بعد ؟!!!
لانه بو مشعل هو السبب .. وحملت بولد حرام ... هذا ولد حراااااااااااااااااااااااااام .. ويلست ع الارض وتمت اتصيح ..

ام هنادي ما قدرت تستحمل اللي سمعته وارتفع عندها الضغط والسكر وع طول طاحت
هنادي اول ما سمعت الطيحه صدت صوب امها واول ما شافتها ركضت صوبها ... امايه قووومي بلاج ؟؟!! لا تخليني انتي بعد ودج تروحي .. انا مالي احد غيرج في هـ الدنيا !! انتي كان ودج تعرفين انا ليش متغيره على بو مشعل .. وهذا انا خبرتج ؟؟!!! اذا انتي ما قدرتي تستحملين هــ الشي وطحتي بمجرد انج عرفتي ؟؟!! عي لانا شو اقول عن نفسي !! صارلي شهور صابره ومستحمله هـ الضيم ولا عمري اشتكيت .. امايه الله يخليج قومي قومي

::::

::::

في بيت بومشعل

ميثا بابتسامة خبث : شوووف ضاري لا تتكبر علي !! وبعدين لا تنسى اني خلصتك من الموت !!هذا جزات المعروف؟َ!
ضاري بتوتر : ميثا ادري انج نبهتيني انه مشعل ناوي يقتلني !! لا وشردتيني من البيت ! بس الحين ما ينفع ارد للبلاد
ميثا تقاطعة وبعصبية : انته لازم ترد .. انا مب قادره اعيش دقيقه وحده بعيده عن خالد .. و انته لازم ترجع عسب تنفذ الخطة اللي خبرتك عنها .. انا ما فيني صبر .. واتفاقنا كان كذا من البداية ....!!!!
ضاري بضيج : ميثا .. برد بس عطيني فرصه اسبوع ع الاقل !!!! اخاف لا رديت مشعل يسوي فيني شي
ميثا تقاطعة وبثقة : ضاري قتلك محد بيشوفك ! من تخلص الاتفاق الي بينا تقدر تسافر ؟؟!!!!
ضاري بخبث : لا حبيبتي انا بعرض حياتي للخطر عشانج !! عسب جذا انتي بعد لازم تعطيني حقي .. وكامل بعد
ميثا بتوتر : اشو قصدك ؟؟!!! وأي حق هذا !!!!!
ضاري : انتي عارفه من زمان اني انا خاطري فيج .. واذا تبيني اسوي هـ، الشي لازم ترضي بكل شروطي !!
ميثا وهي تتنهد : ضاري نحن ما تفقنا على جذا .. اقولك انا خلصتك من الموت يعني خدمه مقابل خدمه
ضاري بعصبيه : ميثا سمعي تبيني ارد لبلاد واسوي اللي فبالج .. توافقي على كل شروطي ولا رده ماني براد
ميثا تقاطعة وبخبث : خلاص عيل !!!! الحين اسير اخبر مشعل عن مكانك
ضاري وهو يضحك بصوت عالي : سيري خبريه ولا تنسي تخبريه باللي سويتيه عسب تموتين قبل وعقب انا الحقج ميثا ع طول غصت وتمتم بخوف بعد تردد طوووويل : خلااااص اللي تباه بيصير ؟؟!!!!
ضاري بخبث : هيه جذا اباج خلينا نلعب على المكشوف .. بس شو يضمنلي ؟؟!!!
ميثا : ضاري لا تيلس اطفربي !! قتلك اللي تباه بيصير
ضاري : غصبا عليج حبيبتي اذا ما سويتي اللي اباه ع طول بفضحج .. يلا الحين انا مشغول باي
ميثا وهي تفر التلفون : الله يلعــــــ ............. صدق انك واحد حقير وسافل بس مب مشكله اخلص هـ الشغله وعقب بتجاهلك وراح اغير رقمي ..خالد الوحيد اللي راح يكون فحياتي .. تتحراني ضعيفه مب عارف اني داهيه ومحد يهددني
ضاري : والله وطحتي يا بنت سيف .. بس يا ويلج لو فكرتي تتلاعبين فيني اعتبريه اخر يوم فحياتج .. انتي ما تعرفين ضاري شو ناوي عليه راح اكسر راسك يا مشعل عسب تعرف مع منو تلعب كنت تبا تغدر فيني هاه ما عليه اراويك

:::

27-07-10, 11:51 PM

المشاركة رقم: 284

المعلومات
الكاتب:	اماريج
اللقب:	عضو فخري

البيانات
التسجيل:	Apr 2009
العضوية:	141319
المشاركات:	11,659
الجنس	أنثى
معدل التقييم:
نقاط التقييم:	12376

االدولة

مدونتي

الإتصالات
الحالة:
وسائل الإتصال:

كاتب الموضوع : راعية الفزعة المنتدى : القصص المكتمله

:::

:::

سلوى بضيج : غاده حرام عليج !! خليفه صارله شهرين يحاول يتقرب منج .. وانتي ولا عبالج .. كأنه ما هامج !!
غاده بحزن : سلوى انا خبرته ينساني !!!! شو اسويله الحب مش بالغصب ....
سلوى وهي تحط عيونها في عيون غاده وتمتمت بجدية : إحلفي انج ما تحبيه ؟؟!!!!!!
غاده بتوتر : سلوى تراج مصختيها .... وسكتت شوي وعقب تمتمت بعصبية انا سايره البيت وخذت شنطتها وطلعت
سلوى بضيج وهي تركض وراها : غاده تعالي !! وين سرتي وخليتيني !! وليه الحين انا قلت شي يزعل ؟!!!
غاده بطلت الباب بقو وفرت شنطتها وركبت السياره وتمتمت بقهر : هذا اللي ناقص الكل صار يدخل فحياتي وحركت سيارتها وسارت وهي وتسوق لمحت سياره وراها وتمتم بضيج .. يا ربي شسالفة بعد ؟!! هـ السياره صار لها فترة تمشي وراي ؟؟!! لا وبعد يعطيني فول لليت ؟؟!! صدق ناس طاح الحياء منهم !! لا يكون يتحراني وحده من بنات هـ الايام كل همهم المغازل .. الله يصبرني بس واوصل بسلامه .. شكله ناوي على شر .. اللهم يا كافي ..
بو امنه بقهر : صديق الحقها وحاول تخرب عليها ولا عصبت اكيد بتنزل تشوف من وراء هـ الحركات
صديق وهو يهز راسه : اوكي بابا
غاده بقهر : يا ربي بلاه هذا !! الظاهر انه اوي يخلص علينا اليوم .. احسن شي انزل واشوف اشو سالفته ..
وقفت السياره ونزلت وكانت معصبه وتمتمت بقهر : حووووه انته ؟؟!! اشو فيك تبا تقتلنا ولا شو سالفتك بالضبط ..
بوامنه وهو ينزل من السياره وكان قاعد يعدل غترتة تمتم بسخرية ممزوجة بابتسامة صفراء:والله وتلاقينا يابنت راشد
غاده بتوتر ممزوج بخوف : انته من وين تعرفني ؟؟!!!!!
بوامنه : انا بو امنه اللي تجرأتي وقلتي عني اني واحد سبال .. واليوم راح أخليج تشوفي السبال على حقيقته ؟؟!!!
غاده بتوتر ورجعت خطوتين لـ وراء تمتمت بخووف : سبال ؟؟!!!! انا متى قلت جذا ؟؟!! ما أذكر
بو امنه بعصبيه : الحين ما قلتي هاه ؟!! صديق ركبها السياره ولا طلعتي صوت شفتي هـ المسدس بفرغه فراسج
غاده وهي تشوف المسدس في يدين بو امنه وبتردد ممزوج بخووف ودموعها بدت ترتسم على خدها : ان شاء الله

::

::

فــــي بيت بــو حمـــود

مريم بعصبية : اوف شهرين الصوره صار لها مختفيه يا ترى منو اللي خذاها ؟! معقوله فاطمه اكتشفت لعبتي ؟؟!! وحبت تلعب اللعبة معاي ..!! ههههههه بس مب مشكله ما تعرف اني حطيت صورة ثانيه واخس عن الاولى ولا شافها عمي اكيد بتنطرد من البيت .. نهايتج قربت فطوم .. راح تعرفين وعن قريب شو مصير اللي يحط راسه براسي .. !!

::
فاطمه كانت قاعدة تلاعب ميود وامير وميره .. ومريم كانت ترمقهم بنظرات حقد وكره
بو حمود كان توه راد من الشركه ليش أنة ناسي اوراق ضروريه !! ورد عسب ياخذهم .. وسار ركض صوب حجرته عسب يدور عليهن .. لأنة عنده إجتماع ضروري عقب ساعة !! ولازم الأوراق تكون جاهزة !!
ام حمود بابتسامه : بو حمود خبرني اشو الاوراق اللي قاعد ادور عليهن .. عسب اساعدك ..!!
بوحمود بابتسامه : ولا شي الغاليه .. هي جم ورقه باخذها وبرد الشركه .. لو ما عليج أمر ممكن قلاص مااي
ام حمود بابتسامة وهي تأشر على عيونها : من عيوني ثواني بس ..
بوحمود وهو يدور ع الاوراق طاحت ايده على الصورة واول ما شافها ما صدق وجن جنونه .. ثواني بس خذ نفس عميق وبعدها رجع يشوفها مره ثانية .. حسبالة ان قاعد يحلم .. وأول ما طاحت عينه ع صورة ضغط عليها بقو وضرب بـإيدة على لجدار وتمتم بعصبية ممزوجة بحرقة ولون وجهه صار أحمر : يا ربي اشو هذا ؟؟!!!!
ام حمود بابتسامه : هذا قلاص المااااي .. بس بوحمود مارد عليها .. وتمتمت بخوف .. بو حمود بلاك اشو مستوي
بوحمود وهو يطالع الصوره ورجع يضغط عليها مره ثانية وطولة خانة وعلى طول استند ع منضدة كانت قريبة منه وتمتم بحرقة ممزوجة بدمعه : ام حمود معقوله اللي شفتة بعيني ؟؟!! معقوله فاطمه تطلع رخيصه لهـ الدرجة !! لو كنت سامع هـ الكلام كنت خنقت اللي قاعد يتكلم فعرضها بـإيدي .. بس كيف أكذب اللي شافته عيوني ؟؟ معقولة فاطمة الخلوقة اللي طول عمرها تمشي سيده .. يطلع وراها بلاوي .. كيف تجرأت في لحظة تخون حمود عند هـ الخايس !!
ام حمود اول ما سمعت السالفه طاح قلاص الماي من إيدها ... وع طول ركضت صوبه وخذت الصوره !!
بوحمود وهو يهزها وتمتم بعصبية ممزوجة بحرقة : ام حمود خبريني انا في حلم ولا في علم !! تكلمي لا إتمي ساكتة
ام حمود بتوتر : يا ربي شو جاب الصورره هذي هنيه !! معقوله وصلت المواصيل بـ فاطمه لهالدرجه ؟؟!! ما أصدق
بوحمود بعصبيه وهو يقرب صوبها أكثر : انتي كنتي تعرفين صح ؟؟!! عسب جذا معاملتج لـ فاطمة متغيرة ؟؟!!!
ام حمود بتوتر : هيه كنت اعرف انه لها علاقه بولد خالتها سالم .. بس ما توقعت توصل فيهم المواصيل لهنيه !!
بوحمود بعصبيه وهو ياخذ الصورة من إيدها : ام حمود انتي تفهمين شو معناة هـ الصورة ؟؟!!!!!
ام حمود وهي منزلة راسها : .................................................. .....................
بوحمود وهو يضغط ع الصورة بإيدة وتمتم بقهر: هذا يعتبر خيانه!! فاطمه غدرت فولدنا تلاعبت فشرفنا فاطمه ضيعتنا
ام حمود وهي تحاول تهدية : بوحمود الله يخليك هدي نفسك شوي !! صدقني اكيد فيه شي غلط بـ الموضوع !!
بوحمود يقاطعها وبعصبيه : اي غلط هاه .. فاطمه حاضنة ولد خالتها وبهـ الطريقة الوصخة !! أشو الغلط هاه ؟!!
ام حمود وهي تحط ايدينها على اذونها وتمتمت بضيج : لا بوحمود الله يخليك لا تقول جذا !!
بوحمود وهو ياخذ الصوره وراح صوب برع : انا بعرف كيف اتعامل مع هـ الاشكال لا والمشكله قاعدة تربي عيالنا

::::::

فاطمه بابتسامه : ميروه حبيبتي حطي بالج على اخوج بسير اجهزله اكل وايد يوعان .. ما تشوفيه يصيح هههه
ميره : ا ن شاء الله ماما .. عاد انا لـ كبيرة صح
أميره قاطعتها وببرأة : اكبر مني بس بـ دقيقتين !!!
فاطمة وهي تضحك وتمت تباوسهن : فديت روحكن والله .. ثنيناتكم بـ النسبالي كنز .. يلا انا ما راح أتاخر
كانت توها قايمة وسايرة صوب المطبخ .. بس قاطعها صوت من بعيد خلاها تتصلب مكانها ..!!
بوحمود وهو يصارخ : فاطمه يا الخايسه كيف تجرأتي تسوين كذا ؟!! كيف تجرأتي تطعنيني في الظهر !! انا اللي وثقت فيج واعتبرتج شرات بنتي تسوين فيني كل هذا .. عمري ما قصرت معاج !! عديتج مثل بناتي .. وشو النتيجة ؟!
فاطمه بخوف : عمي انا مستحيل أسوي شي يضرك أو يمسك !! شو السالفه انا مب فاهمه شي .. ابوس إيدك فهمني ؟
بوحمود وهو يفر عليها الصوره : هذي كل السالفه !! تتوقعين انج ما راح تنكشفين .. توقعتي يوم أنج تلعبين من ورانا محد راح يكتشفج !! تأكدي انه حبل الكذب قصير ومصير الشي اللي خبيتيه ينكشف .. يا خسارة يا فاطمه يا خساره .. هذي نتيجة الثقة اللي عطيناج اياها !! ما قدرتي تحافظي عليها !! ودستي على شرفنا وشرف ريلج !!
فاطمه وهي تطالع الصوره وادموعها اربع اربع تمنت الأرض تنشق وتبلعها .. حست نفسها إنها تايهه .. عرفت انها نهايتها في هـ البيت قربت .. تأكدت انها اليوم راح تكون بعيد عن عيالها .. ويمكن آخر مره تشوفهم فيها .. صارت مشاعرها متلخبطة دموعها صارت مثل السيل .. عيونها كانت مركزة على الصورة .. ما توقعت في لحظة انه مريم قوية هـ الكثر .. توقعته بس مجرد تهديد .. بس أول ما شافت الصورة تأكدت انه مريم فعلا كانت ناوية على الشر .. ومو شر بسيط .. ما كانت ناوية تطلعها من حياة حمود وبس .. لا كانت ناوية تطردها من حياتة بس قبل ما يطلقها تكون رخصية في عينه .. هنيه فاطمة جثت ع الأرض .. ما قدرت تستحمل .. حست انها النهاية خلاص .. وصرخت صرخة هزت كل أركان البيت : مستحيل .. مستحيل .. الصوره كلها كذب فكذب .. حسبي الله ونعم الوكيل فيج

بوحمود بعصبيه : مستحيل هاه !! توقعتي انه سرج محد بيقدر يكتشفه !! بس سبحان الله طول عمره حبل الكذب قصير
فاطمه تقاطعه وهي تركض صوبه وشدتة من كندورتة وتمتمت بقهر : عمي انته شو تقول ؟؟!! معقوله انته تصدق اللي تشوفه .. معقولة تتوقع اني اسوي هـ الشي هاه ؟؟!! انا لما تزوجت ولدك كنت صغيره وانته ربيتني على يدينك ! انا تربيتك عمي !! معقوله تسيء الضن فيني !! انا مستحيل اسوي هـ الشي ..مستحيل اخون حمود .. كله كذب فكذب
بوحمود وهو يصكها بكف خلاها تطيح ع الأرض: كذب هاه !! عمري ما توقعت فيوم انج بتردين احساني لج بالا ساءه
فاطمه وهي تروح صوب مريم وتمت تضربها بشكل هستيري : انتي اللي تلاعبتي بالصورة وحطيتيها فحجرة عمي !! قولي تكلمي !! خبريهم انج انتي وراء كل هـ المصخرة .. اذا تبين حمود حلال عليج خذية .. بس تكفين لا أتمي ساكتة ورجعيلي كرامتي .. خليني أطلع من هـ البيت وانا راسي مرفوع .. لا تهزين صورتي جدام بناتي .. تكلمي !! إنطقي !! ليش ساكتة .. بس انا مستحيل اخليج تسوين اللي في راسج .. انا طول عمري كان راسي مرفوع وبيتم مرفوع فاهمة!
بوحمود وهو يروح صوبها وشدها من شيلتها وطاحت في إيدة .. وتم شعرها مكشوف تمتم بقهر : فاطمه طلعي برع !! من اليوم وساير انتي مالج مكان في هـ البيت ..؟؟!!! حتى إنسي انه عندج عيال .. يلا الحين فارجي !!
ام حمود وهي تركض صوبه وتمتمت بخوف : بوحمود هدي نفسك .. خلنا ننتظر حمود ونشوفه شو يقرر
بوحمود قاطعها بعصبية : مستحيل اخلي هـ الخايسه اتم في بيتي يوم واحد .. يلا أشوف قومي طلعي برع
فاطمه وهي تبوسله رجولة : عمي الله يخليك صدقني انا مظلومه .. هذا كله من تحت راس مريم .. هي من اول كانت ناوية تدمرني .. بس ما توقعت في لحظة انها حقيره هـ الكثر .. وتوصل لهـ المواصيل !!
مريم وادموعها اربع اربع : حرام عليج فطوم !! معقوله الكره خلاج تتهميني اني سويت هـ الشي !! لا مستحيل
بوحمود: سكتي عنها مريم هذي الحين مب عارفه شو تقول عسب جذا تبا تقط بلاها على غيرها قومي طلعي برع
اميره وميره ع طول ركضن صوب امهن وتمن يصارخن : ماما الله يخليج لا تخلينا ... لا تروحي وتخلينا
بوحمود وهو يصارخ : مريم خذي ميره واميره ووديهن فوق ..
فاطمه وهي تحضن عيالها : لا تخافوا حبايبي انا مستحيل اخليكن مستحيل .. برجع وباخذكن ..
فاطمه وهي تروح صوب ام حمود وتبوسلها ريولها : عموه الله يخليج ساعديني وربي اني مظلومه
بوحمود من كثر غيظه شاتها فبطنها وتمتم بقهر .. حتى هذا الولد بديت اشك انه ولد حمود .. عسب جذا لا ولدتية ودية عند ابوه الصدقي فاهمة .. ومسكها من شعرها وتم يسحبها لحد ما طلعها برع البيت
فاطمة وهي تمسح على بطنها : أستغفر ربك يا عمي .. اللي قاعد تقولة ترى كبير عند رب العالمين
بوحمود بعصبية : خلاص يا فاطمه كل الاعيبج انكشفت !! احينه بس عرفت ليش حمود تزوج عليج !! خلاج على ذمته بس عسب تربين عيالج .. لكن وحده شراتج ما يشرفني اني اخليها تربي عيال ولدي .. حطي هـ الشي فبالج
فاطمه وهي ماسكه بطنها : حرام عليك يا عمي معقوله انته تصدق هـ الشي !! انا فاطمه يا عمي !! فاطمه اللي طول عمرها عايشه شريفه ولا يوم عينها تجرأت وشافت رجال غير زوجها !! تتوقع انه هـ الشي يطلع مني ؟!!
بوحمود وهو يكتم دمعته : طول عمري تميت واقف معاج وبديتج على مريم بس طلعتي وحده ما تستاهلين
فاطمه وادموعها اربع اربع : ليش ما تصدقوني !! اقولكم انا ما سويت شي والله ما سويت شي وتمت تكفخ عمرها
بوحمود بحزن : سيري يا فاطمه وانسي انه لج عيال .. انتي من اليوم مش من ثوبنا وصكر الباب بقوه
فاطمه وهي تضرب الباب بقو : عمي بطل حرام عليك .. ترى الظلم ظلمات يوم القيامه !! انا مظلومه هذا كله من تحت راس مريم .. ورب الكعبة هي اللي حطت هـ الصور فمكتبك .. انا أول مره أشوفها .. حالي من حالك

::::

مريم وهي تكفخ ميره واميره : انطمن يالله امكن هذي طلعت وحده ما تنفع لا وعندها علاقات مع شباب
اميره وهي اتصارخ : لا انتي وحده جذابه امي مستحيل تسوي هـ الشي
مريم وهي تضحك بصوت عالي : من اليوم وساير انا بستوي امكن فاهمات .. فاطمه ماتت خلاص ولازم تنسنها
اميره وهي تحض ميره : ميره ماما بترد صح !! ما راح تخلينا عند الشريرة مريم
ميره وهي تاخذ التلفون : انا لازم اتصل فبابا واخبره !! هو لازم يعرف انه يوم تزوج مريم .. ماما كله تصيح

:::::

فاطمه وهي تلبس شيلتها وتحاول توقف وادموعها اربع اربع : معقوله انطرد من البيت اللي توقعت اني بعيش فيه طول عمري .. تمنيت اطلع من هـ البيت معززه مكرمه .. أطلع من هـ البيت على قبري بيتي الثاني .. بس طلعت ذليله وراسي في الارض وتمت تطالع الصورة .. يا ربي مريم كيف تجرأت تسوي هـ الشي !! هذي ما تخاف من عذاب الله .. حسبي الله ونعم الوكيل حسبي الله ونعم الوكيل وتمت ادق الباب .. بطلوا اقولكم بطلوا .. عمي ورب الكعبه وراس عيالي انه كل هذا كذب .. انته لازم تصدقني .. انا مظلومه .. حمود وينك عني !! ليش رحت وخليتني .. ليش دخلت مريم في حياتنا .. شوف لحد وين وصلنا ؟!! انته بعيد وانا أنطرد من البيت اللي لمني مذلولة .. انته السبب يا حمود !! هيه انته السبب .. انته اللي دخلت مريم حياتي !! وخليتها تتلاعب فيها كيف ما تبا .. انا ما راح اسامحك .. لا أنت ولا كل اللي ظلموني .. وحقي راح أخذه منكم كلكم ..آآآآآآآه يا مريم .. انتي فعلا طلعتي قد كلمتج وخسرتيني كل ما أملك !!

::::

مريم بضيج : عمي خلني انا اشوفها واحاول اتفاهم معاها !! يمكن هي حست بغلطها .. ويمكن الصورة تكون جديمة !!
بوحمود وادموعه اربع اربع : هذي بنتي بنتي كيف تجرأت تطعني فـ شرفي بهـ الشكل !! هذي الغالية !!
ام حمود بحزن : بوحمود هدي نفسك .. كل مشكله ولها حل !!
بوحمود وغصه في قلبه : الا الشرف .. ما ينغسل الا بالدم .. ما ينغسل إلا بـ الدم !!!!!
ام حمود : استغفر ربك لا توصخ ايدينك عشان وحده مثل هذي .. خلها هي الحين قاعده تدفع ثمن أخطائها !!
فاطمه وهي ضامة راسها بين رجولها وتردد عباره وحده : انا مظلومه والله مظلومه بطلوا الباب .. حرام عليكم
مريم بطلت الباب وجلست حذاها : هاه فاطه اشو رايج بخطتي الجهنمية !! قتلج بتطلعين من هـ البيت يعني بتطلعين ..

27-07-10, 11:53 PM

المشاركة رقم: 285

المعلومات
الكاتب:	اماريج
اللقب:	عضو فخري

البيانات
التسجيل:	Apr 2009
العضوية:	141319
المشاركات:	11,659
الجنس	أنثى
معدل التقييم:
نقاط التقييم:	12376

االدولة

مدونتي

الإتصالات
الحالة:
وسائل الإتصال:

كاتب الموضوع : راعية الفزعة المنتدى : القصص المكتمله

الفصــــــــــــل آلثـــــآآآآآنــــي

:::
:::

فاطمه اول ما شافت مريم مسكتها من شعرها : والله اليوم راح اذبحج !! وحده مثلج لازم تموت لازم !! ومسكتها من رقبتها وحاولت تخنقها وام حمود وبوحمود اول ما سمعوا الصريخ جوا يركضوا وخلصوا مريم من ايدين فاطمه
فاطمه وادموعها اربع اربع وراسها منفوش : هذي شيطان بصورة انسان خلوني اقتلها عسب ترتاحون من شرها
بوحمود قاطعها وبعصبية : فاطمه انطمي واسكتي !! وقومي سيري من هنيه .. محد غيرج شيطان يا الخايسه
ام حمود مريم دشوا وصكروا الباب وراكم ..!!! هـــ الاشكال هذي لازم ما نعطيها وجه ..
فاطمه وهي تبوسله رجلة :عمي بشو تباني احلف لك اني ما سويت هـ الشي !! ورب الكعبة هذا كله من تحت راس مريم .. صدقني هــ الصوره مركبه .. مريم أكيد متفقة عند سالم عسب يدمروني .. انا متأكد ة !!
بوحمود وهو يشوتها : مركبه هاه .. لعبتج انكشفت خلاص !!! واحينه يالله فارقي
فاطمه وادموعها اربع اربع : انا مستعده اخليلكم كل شي !! بس عيالي لا !! خلني اخذهم معاي انا بموت من غيرهم !!
عمي الله يخليك ابا عيالي .. واوعدك ........ آوعدك انك ما راح تشوف ويهي مره ثانيه بس خل عيالي يسيرون معاي
بوحمود : عيالج هاه !!! وحده خايسه شراتج كيف بتربي عيالها !! اذا هي مب قادره تربي نفسها .. هاه علميني ؟!!!
فاطمه وهي اتصارخ : بس خلاااااااااااص كااااااااافي قلت لكم هـ الصور مركبه انا ما سويت شي ما سويت شي
ام حمود بتوتر : بوحمود اخاف تفضحنا صوتها واصل لآخر الحارة !!
بوحمود بعصبيه : عبدالمطلب تعال هنيه !!
عبدالمطلب وعيونها كانت تدمع وأول ما سمع عمه بوحمود على طول مسحها وتمتم بخوف : نعم عمي شو يريد
بوحمود وهو يشوف فاطمة بنظرات إستحقار : خذ هذي الزباله وفرها في اي مكان فاهم
عبدالمطلب وهو ياخذ فاطمه : ان شا ء الله عمي
فاطمه وهي تشوف عمها بنظرة مكسوره : احينه استويت زباله يا عمي !! بس ما اقول غير الله يسامحك
بوحمود قاطعها بسخرية ممزوجة بعصبية : انا مابا دعاوي منج !! ادعي لنفسج !! لانه ذنبج وايد كبير
فاطمه وهي اطالع مريم : الله ينتقم منج .. عساج ما تشوفي يوم ابيض مع حمود الله ينتقم منج انتي وحده حقيــــ ...
بوحمود قاطعها وبعصبية : جب يلا .. عبد المطلب خذها من هنيه .. وانتن حدرن داخل يلا أشوف
مريم وادموعها اربع اربع : انا شو ذنبي ؟؟!! ليش اعدة تدعي علي بهـ الشكل ؟؟!! انا عمري ما غلط عليها
ام حمود وهي تحضنها : يمكن لانج قدرتي تشوفي اللي نحن ما قدرنا نشوفه ....... لا تحطي في خاطرج
عبدالمطلب وهو يشوف حالة فاطمه كيف متبهدلة وتصيح بصوت عالي ما قدر يقاوم وع طول تم يصيح : ماما فاطمه شوفي زوجه مال انا يسافر .. وبيت ما فيه احد .. يريد يودي هناك انا معلوم انته مظلوم .. مريم هذا شرير واجد !!
فاطمه بحزن : مشكور عبد المطلب .. ما تقصر ما عادت تفرق معاي انام في البيت ولا في الشارع عمري ضاع خلاص
عبدالمطلب : مريم هذا واجد شرير سناتا دايما يصيح مريم يهدد انه في يقتل ولد مال هو انا معلوم قصه مال انته
فاطمه ما انتبهت لعبد المطلب وتمت تطالع البيت وتودعه كانها اخر مره تشوفه وحست نفسها مخنوقه ومب قادره تتنفس وبطلت الدريشه واسندت راسها ع الباب وتمت تمت تمسح بطنها .. آآآآآآاه حتى انت ما عارفه شو مصيرك
عبدالمطلب وهو يهز راسه : والله هذا في حرام .. انا لازم يخلي سناتا يتكلم لازم .. ماما فاطمة يمكن في موت بعدين

:::::

:::::
بوامنه وهو يبطل الباب تمتم بعصبية : انزلي أشووووف !!!!
غاده وهي تشوف المكان : بو امنه انته شو اللي ناوي عليه ؟؟!! شو تبا تسوى فهـ المكان المهجور ..
بوامنه وهو يشدها من شعرها وتمتم بعصبية : احينه بتعرفين يا الخايسه !! راح اخليج تندمين على الكلمه اللي قلتيها راح افهمج منو السبال وشو اللي قادر يسويه .. وسحب شيلتها وفهمت غاده نواياه
غاده بعصبيه : شوف بو امنه اذا توقعت اني بستسلم بكل سهوله انته غلطان ولا تفكر وتتجررراء انك تلمسني !!
بوامنه وهو يقرب صوبها : لا والله !! بدل لا تخافين قاعدة اطولين صوتج علي هاه !! انتي شو تتحرين نفسج
غاده وهي تحاول تمتلك الشجاعه وتمتمت بثقة : انا غاده بنت راشد فاهم !! والحين رجعني من وين ما جبتني !!
بوامنه ع طول صكها بكف وطاحت ع الارض : مصدقه روحج انتي .. بس الحين بخليج وحده ذليله ولا تسوين شي
غاده بثقه : قرب وبتشوف انا شو بسويلك !! حط شي في بالك !! لا قربت صوبي راح أنسفك فاهم !!
بو امنه طنشها وقرب منها وبداء يقطع لها ملابسها غاده حاولت تبطل شنطتها قد ما تقدر بس فكل مره تفشل وتمت تحاول وتحاول لحد ما مسكتها وعقب فتحتها وكان فيه مقص خذته وضربت بو امنه وطعنته ثلاث طعنات
غاده وهي تصارخ ودخلت في حالة هستيريا : الحين براويك غاده من .. انته واحد حقير واللي مثلك لازم يموتون
بوامنه وهو صوته بداء يتقطع : انتــــ .....ــي شـــو ســ....ـــويتي ؟؟!!! قتلتيني يا الخبله !!!!
غاده وادموعها اربع اربع : انا حذرتك !! قتلك لا تقرب مني .. بس انته ما طعتني !! مو انا اللي قتلتك !! غريزتك هي اللي قتلتك !! تفووو عليك انته واحد خايس الله لا يوفقك لا دنيا ولا فاخره كنت تبا تسلبني اغلى ما املك وتمت تشاوته
صديق وهو يطالع ساعته : شو فيه بابا واجد تاخر .. انا لازم يروح شوف .. لا لا ما في روح انا يجلس هنا بعدين انا يدخل بابا يسوي وايد قرقر انا ينتظر مني .. يمكن هو مستانس مع هزا بنت ...!!! بس هزا في حرام ..
غاده وهي تشوف الدم في ايدينها وتمتمت بقهر : الله لا يسامحك يا عمي !! انته السبب بالأول خليتني يتيمه .. الحين و بسبتك استويت مجرمه .. انا مجرمه .. مجرمه .. بس انا دافعت عن شرفي .. وكلها دقايق وخذت تلفونها واتصلت
............: الو السلام عليكم
غاده ودموعها اربع اربع : مركز الشرطه
الضابط : هيه نعم امري اختيه !!
غاده : شوف اخوي انا فسيح ومب عارفه المكان .. هو مهجور .. واحد اختطفني وحاول يعتدي علي وانا قتلته
الضابط بتوتر : دقايق ونكون عندج وع طول جهز اوامر .. عسب يراقبون تلفون غاده وين وتوجهوا صوب المكان
غاده تمت تمسح الدم اللي على ثيابها وتمتمت بحرقة : يا ربي اهلي كيف بيعيشون من غيري !! من بيصرف عليهم !! ولا انسجنت اكيد بيدمرون .. مستقبل عادل وحتى نوف !! ما راح تقدر ترفع راسها قدام ربعاتها ..
صديق يوم استبطاء اربابه دخل واول ما شافه كله دم تم متصلب مكانه وتمتم بعتب .. يا مجنون انته ما يسوي ؟!!
غاده وهي تمسك المقص وتمتمت بعصبية : واذا قربت مني !! بيصير فيك مثل اللي صارله !! فخلك بعيد احسن
صديق بتوتر : لا لا ما فيه خوف انا ما في يقرب
غاده وهي اتصارخ : انا قتلته ومستعده اقتل كل واحد يستغلني ويبا يسلبني شرفي .. تفهم ولا لا
صديق أول ما شاف غادة على طول راح ركض صوب السيارة .. وحركها وشرد ..

:::::
:::::

حمود وفهد مستند على ظهره : اوه فهود ما شاء الله عليك كلها اسبوعين وبتصير تمام ان شاء الله !!
فهد بابتسامه : الله يسمع منك
حمود سمع تلفونه يرن : فديتها هذي فطوم خلني اشوفها اشو تبا .. تصدق عاد صارلي زمان ما عبرتها !!
فهد بضيج : حمود قبل لا ترد على المكالمه ممكن اسألك سؤال !!
حمود بابتسامه : اعرف شو بتسال وبجاوبك .. انا يوم خذيت مريم توقعت اني احبها بس من اول ليله حسيت اني مب طايق حتى اتم عندها فمكان واحد .. فاطمه قدرت تمحي حب مريم من قلبي .. بس انا للاسف ما كنت شايف هـ الشي واكتشفتة متأخر .. انا اقدر اعيش من غير مريم بس ما ضنتي بقدر اعيش وفاطمه بعيده عني .. هي هواي ودنيتي كلها .. وصدقني لا رجعت بصارحها بكل شي .. والحين ممكن تسمحلي اتكلم مع زوجتي !!
فهد وهو ميت ضحك عليه : حرمتك صكت التلفون من الصبح يا بو المشاعر
حمود وهو ياخذ التلفون وتمتم بإبتسامة: عادي الحين انا بتصل فيها انا .. ما صدقت على الله انها ترضى علي مو كافي حارمتني من صوتها شهر .. يمكن الحين اشتاقتلي وقالت تطمن علي .. فديتها فطاميطول عمرها طيبة
اميره بخوف : ميره بابا يتصل ردي عليه
ميره وهي ترد ع التلفون واتصارخ : بابا يدي طرد ماما من البيت.. مريم شريره هي السبب انته ليش تتزوجها
حمود بتوتر وحس كأنة في احد وجهلة خنجر بصدرة وتمتم وهو مخنوق : ميره انتي شو تقولين ؟!!
ميره ودموعها أربع أربع : بابا انته لازم ترد ..انا ابا اسير عند ماما مابا اعيش من غيرها .. مريم شريرة ما أحبها
فهد بتوتر ممزوج بخوف : حمود اشو مستوي
حمود وهو مش مستوعب شي : ما ادري يا فهد !! انا لازم ارد للبلاد الظاهر فيه مصيبه مستويه في البيت
فهد قاطعه ع طول : انا بعد برابعك !! كلها اسبوعين وما ضنتي بتأثر !!
حمود قاطعة وبخوف : لا يا فهد !! انته لازم تقعد هنيه وتكمل علاجك ..
فهد قاطعه ع طول : انته خلنا نكلم الاداره .. والله يقدم اللي فيه الخير .. هي أدرى بمصلحتي وين !!

::::

:::::
نوف وهي تتنهد : اوف واخيرا خلصت شغل البيت !! لا وطبخت احلى طباخ لاحلى ماما
ام غاده : فديتج حبيبتي ما تقصرين .. عقبال ما افرح فيج واشوفج عروس
نوف بابتسامه : لا امايه تو الناس !! خليني ادرس واخلص واتوظف !!! أقصد امسك حلال أبوي وأديرة !! وعقب بفكر فموضوع الزواج .. وبعدين خلينا نفرح بـ غاده بالاول .. وانا لاحقين علي .. تو الناس
ام غاده بضيج : يا ليتها بس اطيع وتفكر فموضوع الزواج .. العمر يمضي وهي ناسيه عمرها وتفكر بس فينا
نوف بضيج : فهذي صدقتي امايه !! غاده من يوم ما توفى أبوي رحمة الله عليه وهي شايله فكرة الزواج من راسها
عادل يقاطعهم وبحماس : تدرين امايه يوم كنا مسافرين تعرفت على واحد اسمه خليفه .. وحسيته يميل لها !! بس غاده ما سوتله سالفه .. والله أماية جان ريال محترم لا وطيار بعد ... كل ما دخل حجرتي غادوه تطلع .. بنتج بطرانه !!
نوف وهي مبطله عيوونها : حشا تخبلت هذي !! طيار وميت عليها وما تعطيه وجه .. صدق أنك جبتها بطرانة صدق
عادل : هو قالي لا كبرت بجي وبطلب ايد غاده منك .. وبجذا بتتزوجني غصبا عليها .. وما راح ترفض
نوف : وليه لحد ما تكبر انته . ضنتي الريال بيكون عنده عيال
عادل : والله عاد هو ميت على اختج .. واذا يحبها صدق بينتظرها
ام غاده بعصبيه : عدول شو هـ الرمسه ؟؟!!! توك صغير و كثر ما سمعتها ما ابا اسمعها مره ثانيه
عادل بتوتر وعرف انه امه ما رح تسكت : نوف انا بسير العب .... نواف صارله ساعه ينتظرني
نوف وهي ميته ضحك : قالوها تراهم اجدادنا السابقون ههههههههههه الشرده نص المرجلة
ام غاده وهي اطالع ساعتها : بلاها اختج تأخرت جذا !! صارت الساعه 1 ونص وللحين ما شرفت !!
نوف : ما ادري امايه عطيني التلفون خليني ادق على سلوى واتصلت.............. الو هلا سوسو
سلوى بابتسامه : غريبه تذكرتونا اشو الطاري ؟!!!
نوف بابتسامه : حرام عليج ونحن متى نسيناج !! المهم ما علينا غادوه عندج
سلوى وهي مستغربه : غاده اليوم طالعه بدري !! تقريبآ ع الساعه 12 !! ليش للحين ما ردت البيت
نوف بتوتر : اشو من الساعه 12 يا ربي هذي وين سارت ؟؟!!!
سلوى بتوتر : هي كانت زعلانه مني شوي !! يمكن سارت ترفه عن نفسها
نوف : الله يهداج ساعه ترفه عن نفسها المهم خليني اتصل فيها
سلوى وهي تتنهد : لا تعبين روحج تلفونها يعطي تعذر من الصبح وانا ادق عليها بالاول يرن وعقب صكرته
نوف : لا الظاهر السالفه عوده الله يستر
سلوى تقاطعها : نوف الله يهداج لا تفاولين على اختج ان شاء الله ما فيها الا كل خير
نوف بتوتر : سوسو بخليج تلفون البيت يرن يمكن غاده تتصل يالله باي
ام غاده : نوف اشو مستوي بلاها غاده
نوف بتوتر : ما فيها شي الا كل خير ................. الو السلام عليكم
الضابط : وعليكم السلام ورحمة الله هذا بيت راشد ــــــــــــــــــــــــــــــــــــــــــــــــــ ....................
نوف بتوتر : هي هذا بيته !! امرني بغيت شي ؟؟؟!!
الضابط : لازم تيوا صوب مركز الشرطة والحين !!! غاده موقفة عندنا ...!!!!!!!!!
نوف وهي تصارخ : اشو ............!! انزين ليش ........؟؟!! اختي شو سوت ...!! طول عمرها عاقل !!
الضابط : لا جيتي صوبنا راح تعرفين كل شي
ام غاده بخوف : نوف اشو صاير ؟؟!! من اللي متصل ؟؟!!
نوف وهي تجلس ع الارض : اميه غاده موقفة فمركز الشرطه !! ما ادري شو مسويه !! والظاهر السالفه كايده
ام غاده قاطعتها بخوف : انزين خلينا نروح صوبها !! ليش تامه مكانج !!! قومي زقري عدول خليه يوقفلنا تكسي
نوف بـإقتناع : ان شاء الله امايه على امرج ........................

::::

:::::::

فــــي بيت بو حمود خوله ومها كانن توهن واصلات وما عارفات اشو مستوي

مها بتوتر : خوالي حبيبتي انتي هنيه .. لا يكون امي اتصلت عليج بعد ؟؟؟!!
خوله بضيج : هيه اتصلت فيني !! وقالت لازم اجي البيت بسرعه !! تتوقعين اشو مستوي ؟؟؟!!
مها بتوتر : ما ادري !! بس الظاهر انه السالفة كايدة !! الله يستر .. خلينا نروح صوبها
مريم وهي قاعدة تتمشى في البيت وتمتمت بـ إبتسامة عريضة : آآآآآآآآآآآآآآآه واخيرا كل اللي بغيته خذيته !! حمود ما جان عارف كيف يتخلص من فاطمة !! بس أنا ليش أني ذكية عرفت كيف اخليها تفارق هـ البيت باللي فيه .. والحين كل شي صار ملكي ! البيت وحمود !! حتى عيال فاطمة بحرمهم منها .. مثل ما أنا انحرمت من للعيال .. بحرمها بعد
مها وخولة : سلامآ عليكم أهل هـ البيت
مريم اول ما شافتهن سارت صوبهن وسوت روحها مضايجه وتمتمت بتردد : هلا تو مانور البيت !! حدرن
مها بدون نفس : منور باهله .. مريم بلاه صوتج اشو صاير ؟؟!!
مريم ودمعه مرتسمه على خدها وتمتمت بعد تر دد طويل : عمي ......................؟؟!!!
مها قاطعتها : تكلمي بلاه أبوي .. عسى ما صاير عليه شيؤ
مريم وهي تبلع ريقها : عمي طرد فاطمه من البيت ................................!!!
خوله ومها مع بعض والصدمة ارتسمت على ملامحهن : اشووووووووووووووو ؟؟!!
خولة بخوف : انزين ليش ...!! فاطمة ولا مره ضرتنا ..!!
مريم بضيج : انتن جلسن الحين !! وانا وبفهمكن كل السالفه .. وتمت تخبرهن السالفه كلها
خوله قاطعتها بعصبية : مريم انا متأكدة انه انتي لج يد باللي صار !! فاطمة طول عمرها نظيفة ..
مريم بتوتر وطاحت دمعة على خدها : خوله انتي شو تقولين ؟؟!! انا مستحيل انحط لهـ المستوى !!!!
مها بعصبيه : شوفي مريوم فطوم طول عمرها شريفه وبتم شريفه !! وانتي سبب كل اللي قاعد يصير وانا اللي بفضحج ..فاطمة طول هـ السنين ما شفنا منها إلا كل خير!!بس ليش يوم دخلتي انتي هـ البيت صارت واطيه بهـ الشكل
مريم بعصبيه : ولييييييييييييييييييييييييه!!!!!!!!! يعني اي مصيبه في هـ البيت تنحط على راسي !! انا شو ذنبي فاطمه تسوي سواتها وانا اتحمل ذنبها .. لا حبيبتي الظاهر الكل كان مغتر بفـاطمة .. ويمكن يوم قهرها حمود حبت تقهره !!
خوله بضيج : هـ الشي ما ينسكت عنه !!!!!!!!! انا بسير اكلم امي وابوي
مها وهي اطالع مريم من فوق لتحت : انا بعد بسير معاج لازم احد يعقلهم ويفهمهم انه اللي يالسين يسووه غلط فغلط
مريم تمتمت فخاطرها : وليه هذا اللي ناقص عقب ما سويت اللي براسي هـ الثنتين يبون يخربون علي كل شي !! وسكتت شوي وعقب تمتمت بدهاء .. وبعدين حتى لو حاولوا ما بيمسكوا علي ولو زلة بسيطة !! وانا لازم اكون واثقه من نفسي ويكفي انه حاطة سالم فمخباتي واحركه على كيف كيفي .. يعني انا انتصرت في النهاية !!

:::::::
ام حمود بتوتر : بوحمود هدي نفسك من الصبح وانته على هـ الحاله ما يصير يا ولد الحلال ..!!!
بوحمود وادموعه اربع اربع : مش مصدق اللي صار اليوم !! خايف اكون ظلمتها !! وفي نفس الوقت مش مستوعب اللي سوته !! حاس راسي بينفجر .. احسن شي نتصل بحمود ونخبره بكل اللي صار يمكن يقدر يفيدنا !!
ام حمود بخوف : لا الله يخليك خلهم يكملون هـ الاسبوعين !! وعقبها لا رد بسلامة خبرناه !!
مها وخوله : السلام عليكم
بوحمود وام حمود : وعليكم السلام حدرن
خوله بضيج : امايه صدق اللي سمعناه من شوي !!!!!!!!!!
مها قاطعت خولة ع طول وتمتمت بضيج : اماية انتي وابوي اكثر احد يعرف فاطمه !! يمكن فيه احد مسوي لها هـ المقلب !! ولنفرض انها هي سوت هـ الشي !! تتوقعون بتقوم وبتفضح نفسها وبتحط نفس هـ الصوره فمكتبك !!
بوحمود بتوتر : يمكن طاحت منها بالغلط
خوله بتوتر: ابوي ما ادري شو اقولك !! انا بصراحه شاكه انه مريم ورى كل هـ السالفه !! وبعدين من كم يــ......!!!
ام حمود قاطعتها وبعصبيه : انتوا بلاكم على هـ الفقيره !! كل ما طحتوا فمصيبه فريتوها على راسها .. حرام عليكم
خوله بضيج : اميه بس فاطمه دايم كانت تخبرني بسوالف مريم !! وحسيت انها وحده مريضه
ام حمود : سمعي انتي وياها مريم عاقل ومستحيل تسوي هـ السواة !! وبعدين ابوج اتصل بسالم واكد لنا كل شكوكنا
مها : اشووو ؟!! اتصلتوا فيه .. ابوي انته كيف ترخص نفسك بهـ الشكل وبعدين سالم هذا واحد كذاب !!
بوحمود بعصبية : صكروا على هـ الموضوع نهائيا !! ومابا اسمع طاري فاطمه في هـ البيت !! وفهموا البنات انه امهم صار عليها حادث وتوفت .. وهذا أخر كلام عندي .. وانتهينا .. والحين طلعوا برع وخلوني أرتاح !!
خوله بتوتر : اشووووووووو !! نخبرهم انها توفت ؟؟!!! ابوي انته من صدقك !!
بوحمود بعصبيه : هيه من صدقي .. يلا أشو كل وحده ترد بيت ريلها !! خلوني بروحي
ام حمود بضيج : خوله مها تعالن بغيتكن شوي ... وسارن صوب برع
مها بضيج : اميه حرام لا تصدقوا سالم !! آصلا هو من يوم يومها يكرها .. فطبيعي يقول عنها كلام مب زين !!
ام حمود قاطعتها :/ نسيتي انه فاطمة يوم كانت صغيره كانت تبيع في الشوارع !! ويمكن هـ الشي اثر على اخلاقها
خوله : اميه بس هي سوت هـ الشي غصبا عليها !!! حرمة خالها اجبرتها ....!!
ام حمود بضيج : ابوج عسب يريح ضميره داس على كرامته واتصل بسالم !! وسالم اكدله وخبره انه فاطمه ميته عليه !!حتى بعد ما تزوج تموا يتواعدون وعاشوا حياتهم طبيعي ويمكن اللي فبطنها ....................................؟؟!!
خوله تقطاعها وادموعها اربع اربع : بس يا امايه ... ابوس إيدج إسكتي خلاص .. اللي تقوليه يغضب رب العباد
مها بحزن : صادقه خوالي خلونا نتريا حمود ونفهم منه .. انا حاسه انه في شي غلط فالموضوع مب راكب فراسي
ام حمود : لا حول ولا قوة الا بالله الله ينتقم من اللي كان السبب
خوله بضيج : مهوي تعالي اباج شوي وسارن صوب برع
مها بتوتر : هاه خوله امريني ..........؟؟!!
خوله بتوتر : شوفي انا فطوم خبرتني انه مريم قاعدة تلعب لعبه كبيره !! وانا وانتي لازم نكتشف هـ الشي !!
مها بضيج : انزين شو نقدر نسوي ......؟؟!!!
خوله : شوفي انا اقول نبات هـ اليومين هنيه !! خالد مسافر ايطاليا عشان المعرض وهلال بعد مسافر
مها وهي تحاول تخفي دمعتها : اوكي خلاااااااااص نبات هنيه .. ونشوف شو أخرتها !!

:::::

:::::

في بيت بومشــــــــــــــــعل

بو مشعل كان قاعد يتغدى .. ورن تلفونه ورد عليه واول ما خلص المكالمة قام واقف
ام مشعل تمتمت بخووف : بسم الله عليك !!!! بلاك بو مشعل ؟؟!!!! احد صاير عليه شي !!!!!
بومشعل بقهر : بو امنه مات ..................!!!
ام مشعل بتوتر :مات !! كان زين لو مزوجينه ميثا !! كان ورث من وراه شوي وشويات !! الا ما خبرتني كيف مات ؟!
بومشعل بتوتر : غاده ..!! غاده بنت اخوي راشد هي اللي قتلته .............؟؟؟!!!
ام مشعل من هول الصدمة قامت واقفة وتمتمت بخوف : غاده !!! انته شو تقول .!؟؟!!!!!!!!!
بومشعل : توهم داقين علي من مركز الشرطه ويبوني اسير صوبهم !!!
ام مشعل بخوف: انزين ليش قتلته الريال شو سوالها ؟؟؟؟؟؟؟؟؟؟؟!!!
بومشعل : الضابط يقول قضية شرف .. وغاده بتتحاكم وعقب بيعرفون مسار القضيه وشو صار بالضبط
ام مشعل بتوتر : حشا هذي مب ادميه قوية ما ادري على منو طالعه
بومشعل يقاطعها : انزين شو اسوي الحين علميني نوريني
ام مشعل بثقه : شوف انته صارلك سنين متبري منهم !! خلها تتعفن هناك !! عندها امها وخلها تكفلها
بومشعل : انا بعد رائي جذا !! تعرفين عقب اخر صفقه اللي رست علينا سمعتنا صارت عاليه في السوق ومابا قضية شرات هذي تأثر علينا !! نحن ما صدقنا على الله كل شي يرجع شرات اول !! بس فيه شي انتي ما تعرفيه ؟؟!!
ام مشعل بتوتر : واشو هذا اللي انا ما اعرفه وانته ما خبرتني عنه
بومشعل : لما غاده رفضت بو امنه !! انا دقيت عليه وقتله انه غاده تقول انها ما تتشرف تاخذ واحد شراتك .. وأنك انته واحد سبال !! وحشره !! والمينونه بس اللي بترضى فيك وبتاخذك !! وبو امنه عصب وثار !! بس ما توقعت توصل فيه المواصيل انه يختطفها وجان يبا يدنسها ويقضي على شرفها ... يعني بكون انا السبب الرئيسي في موته !!
ام مشعل : فعلا كلامك صح !! انته إللي حرضت بو أمنة على غادة !! يعني سجنها وموته كان لك يد فيهم
بومشعل وهو يبطل أزرار كندورتة : هيه انا كنت ابا أأدبها بس !! وخليها تعرف تحترم اللي اكبر عنها !!
ام مشعل : وهذا انته أدبتها وسارت السجن احسن خلها تاخذ درس عشان مره ثانيه ما تتجراء وترفع صوتها عليك
بومشعل بترردد : انزين افرضي الناس عرفت بـ السالفه عقب !! انا اشو بسوي وين بودي وجهي
ام مشعل : احسن شي تسواه تغير بطاقتك وبجذا محد بيزعجك !! ولا حد سألك قول ما عرف عن هـ السالفه شي !!
بومشعل : ايه والله فكره عيل خليني اتصل بمشعل واخليه ياخذلي شريحه وتلفون يديد بالمره عسب اقول انه انسرق

:::::

ميثا وهي تسمع اللي صار : لا حول ولا قوة الا بالله اذا امي وابوي جذا !! معذورين انا ومشعل لو تجردنا من شي اسمه انسانيه !! بنت اخوه في السجن بسبته وكل اللي قدر عليه يغير بطاقته .. ويتبراء منها وهي فاشد الحاجة له .. وبعدين هـ الشي مش غريب على أبوي وأمي .. صارلي 6 سنين وانا محرومه من أختي مهره .. آآه يا مهره ليتني كنت قوية مثلج .. ع الأقل انتي عايشة مرتاحه وانتي بعيده عن أمي وأبوي .. على عكسي انا ومشعل تماما

:::::::

:::::::

مهره وادموعها اربع اربع : مطر الله يخليك قول غير هـ الرمسه
مطر بضيج : مهره هاتي عباتج وخلينا نسير نوقف معاها هي الحين بحاجتج
مهره وهي تمسح دمعتها : غاده ما تبا تشوف ولا واحد فينا !! فاذا سرتلها اكيد ما بترضى تشوفني
مطر بابتسامه : لا حبيبتي بتشوفج خصوصا لا عرفتي باخر الاخبار
مهره : مطر اشو مستوي بعد ترى حدي خيفانه ؟؟!!!!!
مطر : اليوم كنت عند هنادي وصار كل اللي نباه
مهره وهو مبطله عيونها : مطر الله يخليك لا تلعب بـ اعصابي !!! عطني من الاخر
مطر وهو يعطيها الاوراق : حقوق عيال عمج كلها هنيه.. الشركة والبيت وحسابهم في البنك رد لهم ووهذا كله بفضل الله ثم هـ البنت الطيبه هنادي .. يمكن هي طلباتها كانت كبيره شوي .. بس المهم انها سوت اللي قلنالها عليه !!
مهره وهي تحضنه : مطر انا وايد احبك ما ادري كيف بطلع من جزاتك انته فعلا انسان نادر
مطر بابتسامه .. وهو يطبع بوسه على جبهتها : انتي اللي نادره .. محد حسسني بالمسؤوليه كثرج .. و اصرارج عسب ترجعين حق عيال عمج خلاني احس بقيمتج .. وعقبها قررت امسك الموضوع لاني مابا غير رضاج يا الغاليه
مهره وهي تشده من ايده : رغم انها في السجن بس اكيد هـ الخبر بيفرحها قوم خلنا نسير صوبها
مطر يقاطعها وهو يضحك : انزين نسيتي عيالنا .. وين نخليهم
مهره بابتسامه : عمتهم ريما شوي وبتوصل بتصل فيها وبخبرها اتم معاهم لحد ما نرد
مطر : خلاص عيل شور زين خلينا نتوكل

:::::

:::::

عفراء بابتسامه : هاه خليفه ما خبرتنا اشو صار مع الحبايب !! صارلك شهرين تركض وراها .. للحين ما عبرتك
خليفه وهو يتنهد : المشكله ادري انها تحبني .. بس تكابر .. ليش ما ادري اذا على اهلها انا قادر اصرف عليهم
عفرا بابتسامه : لا حبيبي هـ البنت عندها عزة نفس .. عسب جذا قدرت تسلب قلبك بكل سهوله
خليفه وهو مستغرب : ليش يعني ؟؟!!!!!!!!!!!!!!!!!
عفراء وهي تعدل يلستها : انا بفهمك .. شوف انته ما تحب البنت العاديه اللي حياتها عباره عن روتين يومي وتمشي على هواها وما همها غيرها ... غاده هذي غير طول عمرها ناسيه نفسها وتفكر باهلها ويمكن عنادها وثقتها بنفسها هي خلتك تتمسك فييها .. ورغم انها صدتك اكثر من مره !! الا انك تام وراها واكيد ماشي كرامه في الحب وهذا ما يهين شخصيتك بالعكس .. لانه المثل يقول اندم على شي كان خاطرك تسواه بس ما سويته ولا تندم على شي سويته
خليفه وهو يطالعها باستغراب : اوف تصدقين ما فهمت شي !! اسألج انتي دارسه فلسفه كل شي فرمستج معقد
عفراء وهي تفر عليه المخده : خلوف ما منك انت !! مني انا رازه بويهي ويالسه انصحك يلا فارق
خليفه وهو يبوس راسها : عفاري لا تزعلين !! بعدين انتي ليش ما ترابعيها عسب تقربين بينا
عفرا بضحكة ممزوجه بالسخريه : اشو حسب ما فهمت من شخصية غاده ما ضنتي بترابع وحده فسني
خليفه وهو عاقد حواجبة : وليش ان شاء الله
عفراء تقاطعه : يعني وحده صاكه 26 وتفكيرها ناضج بترابع وحده شراتي توها طالعه على هـ الدنيا
خليه وهو يحك راسه : فهذي صدقتي غاده وحده ناضجه ما شاء الله عليه انتي جدامها نقطة فبحر
عفراء وهي تصارخ : خلوووووووووووووف عن المصاخه
خليفه وهو اونه معصب : هي انتي احترمي الفاضج !! ريال شكبري باقيله كم يوم وبيصك الثلاثين وتقوليلي خلوف
عفراء وهي ميته ضحك : شديت حيلك ما شاء الله ... اسير اشوف ساروتي ابركلي
خليفه بابتسامه : سيري فرقاج عيد ... لو كنتي غاده جان تميت لاصق فيج هههههههه
عفراء : استح على وجهك ما يصير تقول هـ الرمسه جدامي !! انا توني صغيره
خليفه : اسفين مس كونزاليسا رايس وسمع تلفونه يرن .... هذا رقم غريب اللهم اجعله خير ... الوووووو
...........: الووووو هذا تلفون خليفه
خليفه بتردد : هيه نعم امري بغيتي شي
...............،: خليفه غاده محتاجتلك !! غاده في السجن !! اليوم قتلت واحد
خليفه وهو يفز من مكانه وتمتم بخوف :اشو قتلت واحد ؟؟!!! انتي شو تقولين ؟؟!! وبعدين منو انتي أصلا !!
سلوى وهي تنافخ : انا ربيعتها سلوى !! خليفه انته لازم توقف معاهم هذيلا مالهم سند عمهم متبري منهم من زمان
خليفه وهو يبلع ريقة وخذ نفس عميق وتمتم بصوت متقطع : سلوى الله يخليج فهميني السالفه وحده وحده !!
سلوى بضيج : بروحي ما فاهمه السالفه كل اللي قدرت اعرفه انها كانت تحاول ادافع عن شرفها وصار اللي صار
خليفه قاطعها ع طول : ما عليه انتي وين ؟؟!!!!!!!!!!
سلوى ودموعها أربع أربع : انا سايره صوب بيت غاده ............!!!
خليفه : ما ضنتي بتحصليهم شوفي انتظريني هناك وانا بي صوبج !! لازم افهم السالفه عدل ولا تخافين كل شي بينحل
عفراء وهي تركض صوبه : خلوف اشو مستوي ؟؟!!!
خليفه بضيج : ما ادري يا عفراء .. كل اللي قدرت أفهمه غاده في السجن !!
عفراء وهي مبطله عيونها : اشو في السجن !!!!!!!!!!! انزين ليش؟؟!!!!!!!!
خليفه بتوتر : ما ادري ما ادري لا رديت بفهمج !!؟؟؟؟؟؟؟؟؟؟؟؟؟؟؟؟؟؟؟ انا لازم اطلع الحين يلا من رخصتج
عفرا بحيره : في السجن !!! يا ربي كل يوم اكتشف عن هـ الغاده شي ..!! اخاف تكون ........ لا لا ما زين سوء الضن فالناس استغفر الله .. لا تميت بروحي بتخبل .. احسن شي اسير عند سارة !!!!!

:::

::::

غاده وادموعها اربع اربع : شوف يا حضرة الضابط .. انا ما ابري نفسي واقولك اني ما قتلته .. انا قتلته وجان ودي اقطعه قطعه قطعه !! ولو كان عايش بسير وبخنقة بيديني الثنتين !! هذا وحش وامثاله حرام يعيشون
الضابط تمتم بعصبية : مو انتي اللي تحددين هـ الشي !! نحن اللي نحدده ؟؟!!
غاده بحزن : واذا انتوا تحددون هـ الشي !! لما حاول يدنس شرفي ويقضي عليه !!! وين كنتوا هاه ؟؟؟؟!!!!!!!!!
الضابط : يا اخت غاده لو ما قتلتيه جان بياخذ جزاه صدقيني !!
غاده بقهر : ياخذ جزاه هاه .. هذا بو امنه اكبر تاجر في السلطنه .. ولو ما قتلته بتسجنوه اليوم وباجر واحد من معارفه بيطلعه شرات الشعره من العجينه .. وبيعيش حياته عادي وانا اللي بعيش طول عمري بحسره وقهر !!
الضابط : يعني انتي مصره على اقوالج ما تبين تستشيرين اي محامي
غاده ودمعه ارتسمت على خدها : الله فوق وهي اللي بينصرني ...
الضابط : خلااااااص عيل .. نووووره
نوره : نعم سيدي
الضابط : وديها الحجز
نوره : حاضر سيدي

::