كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
====================================
مساء الخير والرضا يارب
بارت رائع ربي يعطيج ألف عافية شمل الكل تقريبا بس القفلة كانت مو كنها خطيرة شوي ؟؟
=================================
(( تميم --- سميرة ))
كنت متوقعة الكف اللي عطاها وكنت متوقعة أن سميرة اللي كانت فرفوشه وحبوبة بتقلب لأنسانه ثانية بعد زواجها
وهذا اللي شفناه في هالبارت طبعا كل هذا من تميم وسببه وسبب الجرح اللي جرحها مافي أي بنت مهما كانت ترضى
أنها تنضرب أو يتصرف معها زوجها هالتصرف حتى لو هي غلطانة فما بالج بسميرة اللي بنظرها أنها ما سوت شيء
يستحق هالتصرف من تميم --- أما تميم هذا حاله ثانية الشك متمكن منه حد النخاع حتى بعد تبرير وضحى له ما
اقتنع أنها إنسانة طاهرة و تتصرف على سجيتها أنا اتوقع أن سميرة لها مكانه كبيره بقلب تميم ولا مكان تأثر بكل شيء
هي تسويه --- بداية زواجهم شك وآلم وجرح أتوقع أيامهم الجاية بتكون فيها حرب باردة بالاعصاب لان تميم بعد
فهمه لسميرة وألمها وتبريرها وأنها ما تبي إلا قلب يحبها ويكون لها الامن راح يغير رائه فيها حتى لو بنسبه بسيطة وممكن
أنه يطلب منها اتسامحه ويبربر لها بس سميرة اللي انجرحت منه حيل ما أتوقع راح تسامحه بسهولة وممكن تذوفه من الجرح
اللي هي ذاقته --- طيحة سميرة اللي بينتي أنها شبه حاله صرع هل سميرة كانت تعاني من مرض ما ؟؟؟؟
أو طيحتها مجرد رد فعل على كل اللي صار لها من ضغوطات أولها العرس وتوترها وحياها وثانيا تميم وجرحه واتهامه لها
اللي كانت القشه اللي كسرت ظهر البعير ؟؟؟؟؟؟؟
================================
(( كساب --- كاسرة ))
تدرين نفوسة قفلة البارت السابق عليهم توقعت أنه بيصير عليهم حادث بس الحمد الله نقاش عقيم من نقاشاتهم ولا غيره
أنا استغربت ليش كاسرة قعدت ورى حتى لو كانت متغطيه بالشيلة شنو الفرق تعني والعباية مفتوحة وهل هي عباية رأس
كان بإمكانها تمسكها وما تنفتح وبعدين الدنيا ليل يعني عادي لو قعدت قدام ؟؟؟؟؟؟؟؟؟؟؟؟؟؟؟؟؟؟؟؟
عيب كساب وكاسرة أن كساب يسوي أشياء تحير وتزيد من الحواجز بينهم وكاسرة تفهم هالاشياء بشكل خاطيء يزيد التعقيد
بينهم --- أما موقف كاسرة من قرب كساب احسها استعجلت عليه ما خلت الرجال يوضح هو شنو يبي يمكن ما كان في
باله الشيء اللي جاء في بالها --- هني خطأ كاسرة اللي أبد مو قادرة تفهم كساب شنو يبي وشنو اللي يدور في باله --
سؤال كاسرة لكساب إذا كان راح يستقبلها إذا احتاجت له والقفله اللي انتهى عليها البارت فيه بينهم رابط قوي وهو أنه ممكن الجد
أو مهاب راح يصير فيه شيء كايد <<<الله يستر
===============================
(( عبدالله --- جوزاء ))
حياتهم قاعدة تتحسن بس عالبطيء وجوزاء صارت تستغرب إذا عبدالله ابتعد عنها وهذا من خوفها أنه ممكن يتخلى عنها
مثل المره الاولى --- اما سؤال جوزاء عبدالله إذا كان متزوج أو عنده عيال غير حسن هذا دليل غيرتها وحبها لعبدالله
يمكن هي تنكر هالشيء بس هذا شيء واضح --- وبدليل إنها فرحت في داخلها انه ما تزوج ولا عنده عيال وما نتبهت
لكلام عبدالله أخذت الشيء اللي يريحها بس وتركت الباقي --- أما سالفة دراستها أتوقع عبدالله راح يجبرها وبقوة
وهذا شيء ممكن يقربهم أكثر بما انه راح يكونون بلد غربه ومع بعض دايما ---
===============================
(( منصور --- عفراء ))
الصرحة عفراء ما توعقتها ترد منصور وعلى سالفة الشغل يعني مو هالدرجة عاد وبعدين وحدة بسن عفراء ما باقيلها شيء
على التقاعد (( إذا كنتوا بقطر نفس عندنا بالكويت المرآة 40 سنه تتقاعد )) يعني ما له داعي يبسان الرأس على هالسالفة
اتوقع عفراء لها مغزى من ورى هالاصرار أنها بتعلم منصور درس أنه مو كل شيء يقوله قالته لبيه وحاضر وأنه ما يمارس عليها
العسكرية في بيته ,,, الصراحة ما توعقت منصور يرضى يروح يعتذر لها عند زايد وعياله يعني واحد بشخصية ويبسان رأسه
بس الظاهر الشوق لعفراء وصل حده --- اتوقع أن منصور مستحيل يطلب منها ترجع مره ثانية ولا راح يعتذر لها بعد ما ردته
للمره الثانية قويه على واحد مثل منصور ---
==============================
(( وضحى ))
وش سويتي في المسكينه سميرة يا وضحى مثل اللي يقول (( جات بتكحلها عمتها )) بس اتوقع وضحى ما راح تهدى إلا
لما تصلح الوضع مثل ما خربته ---
أما قفلة البارت أتوقع بيصير عليهم حادث والجد بيصير فيه شيء ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
==============================
مشكورة على البارت الاكثر من رائع ربي يعطيج العافية
بانتظارج في البارت الجاي
|
19-10-10, 03:02 PM
جديد مواضيع قسم القصص المكتمله من وحي قلم الاعضاء
العرض العادي
