تدرون وش اللي موترني إن كساب يدري إن أبوه غاثن أمه بمزنة من جد عندي إحساس موب احساس غلا يقين<<ماورى مالمحت نفوسه>>يارب مايصدق يقيني هالموضوع موترن من كثر ما أنا على أعصابي ودي أدخل وأعلم كساب ونشوف ردة فعله ونرتاح<<شايلة هم هالردة فعل بس لو يطلق كاسرة على قولت ابلا إرادة أبذبح كاسرة إن رجعت له لإنه سبب سخيف وكاسرة ماله ذنب وش ذنبه إن أبوه يحب أمه؟ وش هالتخلف بس عادي يجي من كساب وأتوقع ذا الدلخة ترجع له <<عاشت الوضع
بس صدق مجرد تفكير انقهرت إنه بترجع له لعب بعقله هالكساب>>لاحظتوا سلمت بالأحداث
<<حسيت إني ابو جرة عسل هع هع

وما أوصيك أنفاس كان كساب بيطلق كاسرة لهذا السبب لا ترجعنه له اذبحيه أحسن

أنفاس ربي لا يحرمنا من ابداعك ..

وجعلك والديك بالجنه ...

.....

منصور وعفراء ...

يالله ياعفراء كلام منتظر بوقت غلط كان صبرتي لين تحسيه يأس انك تقولينه وبعدين

قلتيها فجأه كان ما قال انها ( ترخصها عشان تسوي اللي في رأسها..)..او قلتيها بوقت ثاني..

وبعدين اتوقع انها بترجع له يوم يخبرها انه يحبها من يوم هم صغار وتزوج اكثر من مره بس جسد والقلب ما فيه الا هي ..

ولا كان فيه حب لزوجاته بس أحترام عشان بس (أمساك بمعروف)و ما يقصر مع حريمه لانه واجب عليه... لكن يعطي حب...!!

هذا اللي ما يقدر يقوله ولا يعطيهم لان اللي ملكت قلبه في بيت اخوه زايد ..

والحين يوم صارت بيده وراحت اكيد بيصبر وراح ينتظرها حتى تطلب منه يشوف حل في هواشهم

واكيد راح يخبرها عن حبه لها ويمكن زايد يقولها لما يشوف اخوه منهد من بعد عفراء عنه وهو

عارف بحب منصور لعفراء من زمان ..ويمكن حل الشيء يرجعهم لكن عفراء حرام

عليك اكثر من 6 شهور لا منصور ما يستاهل والسبب ما يوصل لهدرجه وين الحب والتضحيه في هالمواقف !!

منصور كسر خاطري من حبه لها وحبه لتملكها اللي تشربتها روحه ليه يصير معه كذا !! بس لين

وبلاش قساوة الراس مع انك وربي ذهب وحبك لعفراء هو اللي يشفع لك ..

.....

خليفه وجميله ..

مبروووووووووووووووووووووووووك ياخليفه ..

اخيرا سمعت جمله روعه يوم قالت لكساب: (الله لا يخليني من خليفة ما يخلي شيء يقصرني..)

و هنيك ما سمعت ويارب عقبال ماتذوبك بالحب لك ..لانك تستاهل هالشيء

يالطيب صبرت ع سم لسانها في بدايه زواجكم ومرضها كان يشفع لها بس زين انها

رطبت لسانها وربي يسعدك معها ...

جميله ..لا تخافين راح يسوي لك عمك زايد او خليفه عرس ما صار وراح الكل يشوفون

زينك وانك ام الحلا يكفي أن امك عفراء ..

00000

كاسره وكساب ...

يالله عليهم ..حركتات ياكاسره غِرنا وصرنا نموت غيره ومن شدتها بانت عليك قدام كساب

بعدين كساب تعرفينه لو يبي جميله ما يعوقه شيء اللي براسه يسويه هذا كساب وانتي تعرفينه

بس الغيره لعبت بعقلك ...واللي يغار يحب مو اي حب ألا جنون ...

وكساب ..لو بدل كاسره كانت مارحت مع ابوك زايد حتى لو ايش خلك تعرف سواد الوجه صح

بس يمنعها اكيد تربيتها وانها بنت مزنه وبنت اصل ومو من اصلها تترك عمها زايد وهو

محشمها ولا شافت منه العيبه ..والحشيمه لعمها زايد ووعفراء ومزون اللي سوو الغداء فما راح تأخذهم بذنبك ..

يكفي متعنين وما دروا بغيابها ..واكيد زايد ماراح يسكت لكساب ..والله يعينك ع عصبيته بس لا تقربين منه ..*-_-*

....

اكيد كساب بيشب نار ع عمه منصور عشان خالته ..

بس بيرد عليه منصور بسواته مع بنت الناس ..ومتوقعه اي شيء بين هالاثنين عشان

عفراء ..

....
مزون ومهاب ...

مو في الجزء اللي فت بتروح تلقي خطاب في المؤتمر حفل في الشيراتون ..

أكيد بيكون حاضر مهاب ...مو احد المهتمين اكيد هالمؤتمر كبير وفي تخصصه ..

مزون..ويرهبها الموقف بس لما تشوف مهاب ونظرات السخريه والازدراء

من انها بنت واخلت بالعادات والمذهب ...بأنها تلقي خِطاب ع الكل بينهم

ناس مثقفه واساتذه وطلاب وطالبات ..وتتواجد الصحافه اكيد بتغطي ع المؤتمر ..

وراح تقول لابوها زايد واكيد راح يسمح لها عشان رئيس الكلية اللي يعزها مثل بنته ...

اكيد بتتشجع وتقول خطاب يبهر الكل وبما فيهم مهاب وغانم اللي يميل لمزون..

..واللي يُكن لها الاعجاب بس مايوضحه ...

ومهاب واعجابه لها بــالسخريه وراح يسمع تعليقات الكل بلي ابهرتهم به بنت زايــد ...وتصير كلماتها

مصدر لدراسه من قبل الجميع وكبار الاساتذه المهتمين بالمجال الطيران ..

وراح يقراء كساب في الجريده بعد ما تقراه كاسره وتفتخر بحماتها أخت زوجها ..وبتصير قريب

حماتها زوجة اخوها مهاب ...<<الله حركتات علي مره

وراح يشوف كساب صغيرته اللي كسرت كلمته تبدع في مجالها اللي ناويه تتركه

عشان خاطره ..ويتمنى انها الحين بين احضانه عشان يهنيها ع ابداعها<<<حلوه عايشه الجو بقوه ..

وراح يفتخر باخته وصورتها وهي محتشمه وكلامها محل اهتمام الجميع....

أذا صار غير كذا ما فيه غير انها تنسحب من الحفل كله وهذا اللي أنا ما بيه ..

او يمكن كساب مادامه رجع من السفر ماراح يخليها او راح يخيرها بين رضاه وبين روحت هالمؤتمر

وتكون هذه فرصه عشان تراضي كساب وما راح تروح ..<<<هذره بجميع الفسلفات ^__^
....

زايد و مزنه ..

لقاء بعد السنون ...احترام ومهابه وقوة حضوره عند مزنه..

بينما حب وشوق وحنين عند زايد ..

حب قام من ع ***ات القلب بعد أن غفى ..

وزايد عيونه تقول ..

حبيبي شفت هالدنيا ..بها ناس تجي وتروح

ماهز القلب واحتله.. ياكود انسان يسكني

وتأكد حبك بقلبي ..لآخر ما تروح الروح

لأني مدري ساعتها ..من اللي قام يدفني

اكيد حمـــــــــاس القاء بينهم ...

ويمكن كاسره ترتاح لعمها وتحس فيه ابوها اللي مات وما شبعت من حنانه ..

ويلفت نظرها شيء بين عمها وامها ...وتحس بأحساس غريب بينهم وبعدين عاد تسأل مزنه

ويمكن ما تلقى عندها اجابه ..ويرد ع اجابتها جدها بما انه يموت بشء اسمه كاسره ..

....

تميم ...وينك ...!!

لايكون متخبي لين العرس ..لا تخاف حليو بس فك النونه عشان العروسه ..<<نونه العقده بين الحاجبين

...
وضحى لو تعرس بــ علي وتعوضه بدل جميله عشان ينسى والا هالعائله مكتوب عليهم الحب

العذاب العم من امها بس الحمد الله نالهابعد سنين...والابن منها (بنت خالته)...

....
صالح ونجلاء ..

الله لا يغير عليهم ويارب ما يعكر صفوت حياتهم الي شافوه كفاهم ..مدري كيف حملها ..ويارب بنوته

....

عبدالرحمن وعاليه ..

الله يعينك ع رجتها بس حلاوة الدنيا بوناستها وانت طيب وتستاهل ..

وعلوله حظ بالدحمي وحطيه قوه عنيك <<قلبت مصري ..

....

وما زال الاحداث تتوالى ...ونصبر ونشوف النهايه اللي أنا متقطعه اشوف ويش بيصير ..!!

ونمشي مع #أنفاس قطر# لنسير خلفها..لتروينا من ذائقتها الرائعه ...

مع خالص حبي لك ..متابعه بصمت

..دموع الشــتـــــــــــmercyـــــــــاء..
ss501

عبدالله وجوزاء ..

هالزوجين لحالهم قصه وقضيه ...بس الله يعينك ياعبدالله وهذا سوات يدك تحمل ..

وصدقني لو ماتحبك جوزاء و مالك في قلبها أي ذرة حب أو أعجاب ما كان تأثرت كل هالتأثر ..

كانت اسعدها ساعه يوم غبت وكان تزوجت عبدالرحمن ولا كان كل يوم توري حسون صورك ..

ولا تأثرت وصارت مسوسة نظافة ..هذا كله يقول ان في قلبها لك شيء بس لأزم موقف يهزها عليك ..

ياتغيب ولا تعلمها وتعلم الكل عشان ما يخافون عليك ...واول ناس تعلمهم اهلها بسواتها وانك لازم تفركلها أذنها

عشان تصرفاتها..او تتفق مع اخوها وتوهمها انك بتعرس <<بس احسها قويه وراح يقلب الموقف ضدك من ابوها ..

ويوم قالت: الأجلد ضحكت ضحك لين قلت بس وقلت لأمي وأخواتي و ضحكوا وجدتي تقول يبيلها بالعصى ع

راسها هالمره ..<<جدتي سنعه بس ما تدر انها روايه ع بالها وحده نعرفها وقاعده اقولها قصتها ..هههههههه

عاد جوزاء اسمعي جدتي وش تقول: ""الظامي ماينكر أن الدلو فوق البير يجيب ماي""

وتقول ""المره في قساة قلبها ع رجلها كذابه لانها ماتنكر مويته بعروقها "" يعني لازم تحن له ..هذه عشرة عمر مو لعبه

وربنا سبحانه يجعل بين الزوجين موده ورحمه وهذه معناته((المودة درجة اسمى من الحب فهى الحب العادل بمعنى ان الزوج

أذا احب زوجته اكرمها وصار ناصحا لها و صبر بشكل عام عليها وأذا كرهها لم يظلمها انما فى

الحب نجد القسوة عند الهجر و الانتقام عند الكره * المودة يغلب عليها اتقاء مرضاة الله فهى عاطفة ممزوجة

بخليط من الحب واتقاء الله فى الامانة التى وضعت بين يديه و ليست واحدة بواحدة مثل الحب فبالمودة

اعطى وقد انتظر المقابل لمدة طويلة))

(خلق لكم من أنفسكم أزواجاً) ..نتأمل ..

استعمل القرآن كلمة أزواجاً ولم يقل نساء، أي لا يتحقق إلا من علاقة زواج. فإذا لم تكن زوجته

فإنه من المستحيل أن تصبح سكناً حقيقياً له. ونكمل الآية الكريمة : "وجعل بينكم مودة ورحمة".

جاء السكن سابقاً على المودة والرحمة. إذ لابد للإنسان أن يسكن أولاً ، أن يختار المرأة الصالحة ويتقدم إليها

ويتزوجها ليتحقق السكن. فإذا قام السكن جعلت المودة والرحمة. إذن لا يمكن أن تقوم المودة والرحمة إلا من خلال

وفي إطار سكن، أي من خلال وفي وإطار زواج.

((والكلمات الربانية البليغة تقول: (وجعل بينكم) أي أن الله هو الذي جعل، وتأمل الكلمة الربانية الدقيقة (بينكم)

لم يقل عزوجل: جعل لكم وإنما بينكم. وهي تعني أنها مسألة تبادلية، أي يتبادلها الزوج والزوجة أي أن المودة والرحمة

لا تتحققان إلا من الطرفين. يتجه الرجل نحو المرأة طمعاً في السكن. ومَن الذي يسكن؟ ليس الجسد، وإنما الروح،

فروح الرجل تسكن إلى روح المرأة، ثم يطمع في المودة والرحمة، مودة المرأة ورحمتها، فتهبها له. ومن أسماء الله الحسنى

أنه الودود وهو الرحمن وهو الرحيم. إذن المودة والرحمة هما من بعض صفاته سبحانه وتعالى.

ولذلك لا حدود لمعاني المودة والرحمة وهو شيء يفوق الحب بمراحل كثيرة كالفرق بين الثرى والثريا.

والمودة مطلوبة في السراء والرحمة مطلوبة في الضراء. وهذه هي حكمة اجتماع الكلمتين في أمر الزواج.

وهذا إشارة إلى أن الزوجين سيواجهان صعوبات الحياة معاً. هناك أيام سهلة وأيام صعبة وأيام سارة وأيام محزنة.

أيام يسيرة وأيام عسيرة. المودة مطلوبة في الأيام السهلة السارة اليسيرة، والرحمة مطلوبة في الأيام الصعبة والمحزنة والعسيرة.))

وربنا يهدي الحال وكثير كانت علاقتهم كذا بس مع الايام ربي هد سرهم

وصاروا عاشقين لبعض ..

ويارب يصلح سر الجميع ..<<هذه زايدة بس فيها فايده يارب