السلام عليكم ورحمة الله وبركاته

مساء الخير والرضا من الرحمن

الله يعطيج ألف عافية يارب على البارت الرائع كالعادة
================================
(( عبد الله --- جوزا ))

مازالت حياتهم مو مستقرة أحس عبدالله قاعد يستعجل جوزا يبيها تتقبله بسرعة وهذا شيء مستحيل بالنسبة لجوزا لوقت

غير معلوم --- جوزا مو مستحملة منه حتى المسة وهو مندفع حيل بمشاعره أتوقع بيجي يوم ويصد فيه عبدالله عنها

وقتها جوزا هي اللي بدور عليه وبتحس بشيء بحياتها ناقص ---

جوزا تحس أن عبدالله يتمسخر عليها لما يتغزل فيها ولايمدحها طبعا هذا كله من صنع يده وهو سبب أحساسها بالنقص

وأنها مرآة غير كاملة --- شنو ورى (( دواك عندي ؟؟؟))هل جوزا راح تغير من نفسها أو راح تتجمل عشانه

أو العكس ؟؟؟ سؤال جوزا عن سبب غياب عبدالله له دافع قوي -- أو ممكن حب الزوجة معرفة كل شيء بحياة شريكها

أو يكون مجرد فضول -- بس الاكيد أنها بعد ما تعرف السبب راح تلين شوي مع عبدالله --- اتوقع لو اسئلت عبدالله

أكيد راح يقولها كل شيء وبدون تردد --

جوزا قاعدة تلوم حسون بتعلقه بأبوه -- إذا هو متعلق بأبوه فهذا بسببج أنتي --- وأصلا الولد دايما يتعلق بأي شخص

يحبه ويدلعه وخصوصا إذا كابوه -- يعني شيء طبيعي
===============================
(( كساب --- كاسرة ))

كل ما نقول حياتهم زانت جد علم جديد --- تعلقهم وحبهم ببعض واضح من كلامهم حتى لو ما كان في تصريح

كساب يعرف اللي يدور برأس كاسرة وعارف شخصيتها بس كساب نقطة مجهولة بالنسبة لكاسرة ---

شنو الشيء اللي بظهر كساب خله كاسرة تعصب جذي ؟؟؟ هل هو جرح من تسلق الجبل ؟؟؟ أو جرح ايا كان سببه

وسبب تعصيبتها هو من خوفها عليه ؟؟؟ ولي كساب عصب أكثر ؟؟؟ممكن لو كاسرة اسئلت بنبرة غير اللي سئلت

فيها كان كساب ما عصب ؟؟؟

بس كل شيء تكتبينه له سبب قوي ؟؟؟ نشوف بالبارت الجاي

==============================
(( منصور --- عفراء ))

منصور --- بسفرته بدون ما يشوف عفراء عاقب نفسه قبل ما يعاقبها --- ممكن السفرة هذي تهدي نفسه ويراجع

حساباته أنه ممكن إذا أصر على رايه راح يفقد عفراء -- وهو اللي ما استحمل فراقها بس ساعات ويحس كأنه فقد روحه

هل بيستحمل فراقها عمر ؟؟؟؟؟؟؟؟؟ وطبعا شخصيته القوية اللي ما تقبل التنازل أتوقع بيدور حل يرضي الطرفين --

عفراء --- والله أن الغيرة ما سوت فيج خير ---بس هذا أنتي ارتحتي وعرفتي أن محد وصل غلاج عن منصور

هل راح تتنازلين عن وظيفتج عشانه ؟؟؟؟؟؟؟؟

يمكن الكثير يلومونها على الغيرة المبالغ فيها من زوجاته السابقات بس الزوجة لاحبت زوجها وأغلته مثل غلاها لروحها

يصير شيء ملك خاص لها وما تحب أي أحد يشاركها فيه لا من قبل ولا من بعد --

عفراء بعد ما اعرفت أنه محد وصل غلاها عند منصور كان ممكن أنها تعتذر أنها طلعت من غير شورة -- بس سفرة

منصور المفاجأة وأنه علمها بمجرد مسج راح تغير رأي عفراء ---

=============================
(( سميرة ))

انفجارها ما بسبب اللي قاله غانم او بسبب قرب عرسها السبب هو خوفها من حياتها المجهوله مع تميم ومع علمها بأنه شايل

عليها --- والاكثر احساسها بالذنب للحال اللي وصله تميم << مثل ما قلت حياتها مع تميم راح تكون صعبة حيل

وبتأثر سلبا على شخصية سميرة المرحة والفرفوشة <<< أو يمكن العكس هي اللي تغير تميم وتغير وجه نظره فيها

=============================
(( عبدالرحمن --- عاليه ))

يااااااااي مسكينه دايما تطيح بمواقف محرجة مع عبدالرحمن --- وكله بسبب لقافتها -- بس ما قصر فيها عبدالرحمن

احرجها زيادة --- بس ما كان زلام ترد عليه بمسج وتقوله أنت قليل أدب يعني لو واحد غير عبدالرحمن وسماحته كان ما

سكتلها أخذها زله يحاسبها عليها --- وعاليه كل هذي غيرة من بنات الجامعة ؟؟؟ والله وعرفت تلعبها صح يالدحمي

جيت على الوتر الحساس للحريم
============================

والله يعطيج ألف عافية <<<< سوري طولت بالهذرة

السلام عليكم ورحمة الله وبركاته


جزء طيــب واتحفنـي ..


عبدالله وجوزا، يا عبدالله جوزا مراح ينفعها ذالتعامل اللي مثل حالتها يبي لهم قسوه حتى لو انك ميت عليها وماتقدر تتصنع القسوه عليها أو أنك تقولها سبب الغربه ابيك الرجال الكبير تاثر وشلون المره اللي قلبها قزازه ؟؟ بسرعه ينكسر خاطرها وخصوصا انك فقدت ضنا وهي عنده حسن مجرد خيال راح يقطع قلبها وجوفها من الحر .


منصور وعفرا ، منصور خفف على المره اللي في بطنها جنينك أي تأثر ممكن يسبب ضرر عليه وبعدين " رفقا بالقوارير " وانا صح عاجبني تعاملك معها من حيث الرجوله بس روحتك للعمره من غير ماتقولها بنفسك خطأ ووالله يستر عليك من التفكير الواجد بالطريق الله الله بالركاده ولحد ينسسى نفسه تراك قاعد تسوق .


تميم وسميرة ، حالكم ابد مايسر ويش المغبى ؟


كساب وكاسرة ، انا اول شي توقعت ان اللي في ظهر كساب وشم بس هذا مو منطق خصوصا انه عارف الدرب الزين والشين موب دربه " بس لكل قاعده شواذ " وبعدين قلت هو يومه راح يتسلق يمكنه مراح يتسلق على الجبل الله العالم انه متخانق وسبب له تشوه بمنطقة الكتف والظهر ، انا ما خفت من ذا الشي بس حاس ان فيه شي بيأثر على الانجاب اذا كان اللي في ظهره ضربه ولا الجروح تطيب سهالات .


عالية ، البسي الحياء يا بنت !!


زايد ، وش قومه احس مغبون ومتضايق ؟



إلى ذلك الحين استودعكم الله .

علي آل عذبة

رووووعه ,, رووووعه ,,حيــــل ,,


يعطيج الف عااااااااااااااااااافيه يالغلاااااا على هالباارت صج عجبني حيييييييل ,,دآآآئمااااا مبدعه يآآنفآآس,,

هههههه مت ضحك على جزء عاليه والدحمي << عآجبني هاللاسم ,,

امآآآآآ القفله صج خطيررره ياترى شنو شافت كااسره اثر علامه ولا شنو ,, الله يصبرنا ليوم الثلاثاء,,

ويعطيج العافيه ,,

^_^

يمكن اللي بظهر كساب حروف اسم كاسره حافرها بموية نار يعني يحبها منذو مبطي ومن الحب ماقتل
<<<<فيس يقول وشذا اليد المطاطيه اللي واصله ظهره
ام سعود خبلتي فيني ولله بس افكر وشاللي بظهره ليت بارت الهديه بكره