السلااااام عليكم ...

انفااااااااس واااااااو واااااااااااو واااااااااااااااااااااااااو << فيس يصارخ ومنهبل من الشخصيات الي قاعد تتطلع والي شكل القصة كذا راح تحلى أكثر واكثر رهييييييييييييييبة رهييييييييييييبة يا انفاس << فيس يبوسك << العادة اليومية هههههههههه
ومبروووووووك عليك التميز يا ملكة الالتزام من تقدم لاخر وان شاء الله نشوف بين الامس واليوم معلق عليها وسام التميز قريبا ..
ومبرووووووك لك يا احلى ماما صغيرونة عاد ولدك للحين صغير وانا بهنيك بداله بما اني انا عمته << فيس العمة الي تقوم بمهام خطيب بنتها ..
انفاااااااااااس ام خطيب بنتي .. جزء اليوم والي طلعوا فيه خلاني اتشوق للعائلة الي باقية وما تعرفنا عليها يا ترى من هم وكيف راح يقلبون الاحداث انا بعد اليوم خلاص ضعت ورحت ملح في بين الامس واليوم >> فيس ذايب ..


كاسرة في جزء اليوم خلتني احبها اكثر من قبل وشكل كذا البنات راح يبدؤون يغيروا رأيهم فيها يعني اليوم شفنا موقفها من الي عمله جدها في مُهاب وكيف انها ما رضيت باللي سواه وشفناها كيف عبرت عن اعتذارها رغم صعوبة الاعتذار عليها بس الحين بجد يا كاسرة عبدالرحمن صغير أجل من تبين لا يكون هالكلام كله عشان تأخذين منصور اسمحي لي ممنوع منعا باتا الاقتراب منه منصور مشمع بالشمع الأحمر ومحفوظ لعفرا هي أولى فيه خلها تأخده يمكن الرجال يرضى ويتزوج ويخلف بعد ويجيب من يشيل اسمه وانتي مالك الا كساب مرسوم رسم لك من اسم لشخصية لأدوار راكب عليك اصلا وأنفاس حبيبتنا اعرفها ما راح ترضى لنا بالقهر لاني بموت قهر أن ما أخذتيه << فيس حاط يده على قلبه من الحين ...
بس تعالي الحين الجزء الاستثنائي ذا وش راح يكون أنا اقول اننا راح نشوفك في مجال عملك ويمكن بعد تقابلين حد نحن نعرفه عرفتيه صح أي هوهو ما غيره كساب كاسبك انتي .. << فيس يسوي حزورة هههههههه


مُهاب :: << فيس متأثر باللي حصل لك ومو عارف كيف يخفف عنك بس ولا يهمك يا مُهاب هذا الجد جابر ويمون على الكل لو يبني أخذ طراق بعد بدخل وأخذه ما فيها شيء << فيس يهون الامر عليه ههههههههههه...
شوف اهم شيء انك حصلت وردة وبطاقة حلوة وكمان تعال قولنا من الي قال عليها عبد الرحمن انا اعتقد شعاع بس مدري حاسة ان انفاس بتضحك علينا وتخليه يأخذ جوزا لا ان شاء الله يأخذ شعاع مثل ما قلت في الرد الي راح هي تبي واحد مثله احسه لايق عليها مررررررة أقل شيء بيعوض شوي من الحنان الي مفتقدته ..<< فيس يتمنى توقعاته تصيب ...


سميررررررررة :: انتي كذا << فيس رافع يده ومسوي اوكي .. راح نستمتع معك مررة كله كووم وامك كوم ثاني هههههههه شيء حلو التربية والخلفة في هالعمر والله ان الموضوع صعب جداا لوحدة في الاربعين من عمرها كيف لوحدها في الخمسين ولا المشكلة ان ما في تقارب في الاعمار بينكم وبينهم مساكين هالاطفال << فيس حزين عليهم يعني انا اعتبرك ام لهم مو بأخت ..
بس ان شاء الله تكونين ام بحق وحقيق ونصيبك راح يكون مع الشخصية الي ما بعد ظهرت استني بس اشوفها مناسبة لك او لا << فيس الخطابة حق البارت الي راح تعاود شغلها وتقوم بمهامها ........



غانم :: تعالي اتركك من سميرة وقلي انا وتراني احفظ السر من الي راحت اسنانك فداها والله اني تحمست للموضوع وشكلي كذا بضمك للستة معانا بس بستشير بوح عديلتي ونرجع لك خبر ..


نجلاء :: والله ان حكايتة حكاية أجل يحبك ويتمنى التراب الي تمشين عليه ويعايرك بأمك المصرية .. الا يا انفاس انتي لازم تدخلين لنا المصارية في كل رواية صراحة كنت متوقعة كمان حضورهم في القصة ذي لان لهم نكهة خاصة في رواياتك بس ابد ما توقعتك تتطرحينها بهالشكل يعني الحين نحن عندنا قضية هنا ولازم تعالجينها لنا ونحن منتظرين بكل شوق وحب لابداعك ...


خليفة :: هههههههههههه والله انك نشمي أي كذا انا قلت انك ماراح تتركها وتتراجع بس صراحة الله يعينك على اللي جاي قدامك طريق طويل واضن هالامور الي اللحين مو مهتم لها بعدين بتحوس ليلك ونهارك وانت تدور لها حلول << فيس حاس بالمستقبل وما يحمل لك ..


شعاع & جوزا :: احس ان جوزا مريضة او انها كانت تتلقى الضرب من زوجها وكمان الحين كن بدأت اكتشف ليش اهي ما تحب كاسرة يعني الموضوع كله انها تشوف نفسها اصغر من كاسرة في كل شيء وبالذات في موضوع الجمال يعني ولا يمكن حتى تتقارن بيها ..بس جملة ** وفاة زوجها الغريبة ** خلتني اوقف كثيييييييييييييير عندها اش تعني بكلمة الغريبة معقول يكون لها يد في وفاته أو انها انقتل او اختفى وبعدين جاهم خبر موته في شيء انا مو فاهمته أو انه ما مات لين الحين << فيس من كثر ما لخبطته الجملة قام يخرف ...
شعاع الحين صارت المعاناة اثنين موقفها وردت فعلها من جوازا هذا يعني انها مو اول مرة تتعرض للضرب منها والله يعلم وش تتعرض له أكثر من الي شفناه البنت راح تتعب كذا ربي يعجل بنصيبك يا شعاع وترتاحين شوي << فيس رافع يده ويأمن


وضحى :: شوفي اليوم حصلتي لك دفه وبقي لك دفه بس وتوافقين وانتي مبتسمة يعني ممكن نبارك لك قريب بس الحين معقولة انك منتي بحلوة ولا هذي جوزا عشان هي متعقدة تحسب الناس كلهم مثلها شوفي حتى لو انتي عادية أو مقبولة اكيد ان لك مميزات تحليك وبعدين الجمال مو كل شيء في ناس حلوة كثير من الخارج وهي فاضية وفارغة من الداخل اهم شيء تكونين واثقة من نفسك وبس ...



علي :: فيس يودعك ويأشر لك باي رحت خلاص وهربت ما عاد بشايفينك والله اني تمنيت اني اشوفك تقابل ابوك واعرف اش راح يحصل بس ولا يهمك أضن ابوك راح يسافر لك قريب وهذا الوقت بنعرف كل شيء ...



كساب :: والله انك قوي أي خله هالأب يعرف اش سوى فيكم صراحة طفح الكيل منه قلنا تحملوا وهو الكبير بس عاد مو كذا جاب لنا الضغط وفرق بين حبايبنا والله لو مو خليفة طيب كان دخلت قتلته ترى مجهزة السكين جنبي << فيس ماسكها وكان ناوي يخلص عليه .. بس الحين كساب يا ريت من اليوم ورايح تكثر روحاتك للدواير الحكموية كود انك تلاقي كاسرة في يوم من الايام والا اقول لك روح زور هالجد الحبوب جابر تراه خلاص الرجال راح يودع وانا اقول انه هو الي راح يعرضها عليك << فيس مثأثر من كثر ما عرضوا البنات في هالقصة خخخخخخخخ



عفرا :: خلاص لا تبكين ولا تقطعين قلبي امسكي هالمنديل وامسحي دموعك << فيس يخفف عنها
شوفي عفرا ما تدرين امكن جلوسك في الدوحة خيرة لها وبعد عنها هو اسلم شيء يمكن لو شافتك تعند ويركب راسها وما تتعالج بس مع خليفة الوضع مختلف بالذات لا بدأت تتعافى شوي وتلتف له كرجل وتشوف البنيات هناك بتخاف عليه وبتتمسك فيه وبتتعالج تمام << فيس استعجل شوي في الامور بس احساسه يقول كذا ... يا كثر ما يقول هالاحساس

أنفااااااااااس مشكوووووووووووووووووووووووووووووووورة يا قمر على هالبارت الي حببنا زايدة في هالقصة الي ملكت قلوبنا من اول ما شفنا اسمك تحتها ومبروك مرة ثانية التميز ..

منتظريييييينك على ناااااار

مــــــــــــهاب و كاسرة

علاقة أخوة مليئة بالمتناقضات التي تفرضها

تكوين شخصيتهم الطراق الي أخذه مهاب وردة فعل كاسرة

مووجع لكن عندما وصلت لآخر الكلام

عرفت مدى الروعة التي تكمن في هذه الفتاة من مدى

ألأحاسيس المرهفة التي تحاول حجبها عن النظر

.......................................

سميرة غانم نجلاء ام سميرة

لنا الشرف بالتعرف على الأسرة الكريمه

مشكلة نجلاء ومعاية زوجها لجنسية أمها

شيء موجع وصعب الواحد يتغلب عليه

صعب لكن موو مستحيل برئيي المراءة

وهبها الله عزوجل من الأمكانيات الهائله

لأبتداع طرق في حوير شخصية الزوج بطرق

غير مباشرة او حتى التأير على طريقة تفكيره

ونظرته لبعض الأمور
الصبر وطبعا الثقة العاليه بالنفس

كل هذا و كثر ما تحتاجه كل أنثى

لتتغلب على تحديات العلاقة الزوجية


...........................

كاسرة مع وضحى

المشهد جدا مؤثر وبرضة يزيد أعجابي

في شخص كاسرة من الداخل

و احلامها في الفارس الذي يكوون

هو المسيطر على حياتها ان هيا فكرة في الزواج


كلامها لوضحى بالنسبة لعبدالرحمن

مقنع وجميل

المنتظر الأن

هل هذا الحوار سوف يتمخض منه

موافقه على عرض الزواج

ام العكس؟؟


.............................


علي


نعمة النسيان هيا ما تحتاجها

بشده

....................

ابو كساب

وحده موجعه

يصاحبه حزن على فراق محبوبة الوحيد

الذي يشاركها همومه

ابنه الغالي علي

............................


شعاع جوزاء

يا ترى شووو هالحادث الغامض

وهل هناك احتمال بقاء زوج جوزاء


على قيد الحياة

وانه مفقود وهم يظنونه ميت

وهذا سر الضطراب الي تعيشه الزوجه المنكوبة ؟؟

ام ان هناك أحداث ما زالت مخفية ان هيا ظهرت

حل كل سؤال بها

.............................

عبدالرحمن مهاب تميم


احزنني كثيرا الوضع الأجتماعي الذي يحيا به

تميم مع اننا حاليا ومع الصرعه الحديثة الي طغت على الناس

((البلاك بيري))جعل لكل فرد متنفس مع ذاته بعيد عن الأجواء التي يكوون حاضر فيها

بحيث انه يكوون في مجلس مكتض بالأنفس

لكنه يحادث ويتواصل بالجوال مع غيير الحاضرين

وهكذا لا يحزن الأشخاص المنطويني

فالكل اصبح مع البلاك بيري منطوي

الحل

نتقاط بنات ونا خذ لتميم

((بلاك بيري))


خخخخخخخخخخخ

ايوة صحيح عبدالرحمن

مين البنت الي تشابه حالتها

وضع تميم هلى ممكن تكون في الأسرة الجديدة الي لسا ما تعرفنا عليها ؟؟

وهل حالتها مشابهه ام انها مختلفه؟؟

..........................


كل بارت يخليني اكثر تشووق للي

جاي

وجزاك الله خيرا

سلمت يمناكي انفاس قطر

وعليكم السلام ورحمةالله وبركاته
اهلين نفوسه وش اخبارك انتي وصغيربوسي لي خدوده
اليوم البارت وضحت فيه بعض الامور
وهي سبب رفض كاسرخ لعبدالرحمن وهي بينة فيها وجهةنظرها ان عبدالرحمن صغيرعليها وهي بسبب قوةشخصيتهاحبت يكون اللي يخطبهارجل مكتمل الرجوله وهويمكن يكون منصور بعمره ومنصبه وشخصيته يالله تلحلح بسرعه يامنصور
الموقف الثاني هوسبب رفض عفرا للسفرمع بنتهاوان ابتعادها عن بنتها ممكن يكون سبب بعدالله في علاجها
والله يعين خليفه اللي توهق بزواجه من جميله واتمنى انه يكون قدالمسؤلية وقداختيارجميله له وانه يساعدها على الشفاء من مرضها رغم حالتها المتقدمه
بس ياحبيبتي يانفوسه ماقلتي لنا كم عمر خليفه ووش وظيفته وشي من حياته
عبدالرحمن اعتقد ان البنت اللي بيختارها لتميم هي سميره بسبب ظروفهم احتمال
زايد والله يعينه على فراق علي وش لون بيكسبه من جديد ولايكون ردة فعله تكون مثل كساب
:::::::::::::::::::::::::
واخيرا اششششششكككككككرك يانفوسه على التزامك بتنزيل البارتات حفظك المولى ورعاك والف الف الف مبروك على التميز والابداع والوسام
تستاهلينه يانفوسه وتستاهلين والله اكثر من كذا

باااااااااااارت روووووووووووعه

ننتظر القاااااااادم

السلااام عليكم..
صباااااااح الورد والجووري وصبااح العسل على الناااااس العسل....>>ناس مبسووطه ورايقه لانها غايبه غياب مفاجئ وهي تحب المفاجأت اللي من هالنوع..هخهخهخهخه
الف الف الف مبروووك ياا مبدعتنا لقب القااص المميز.. تعتبتي فاستحقيتي..اما صراااحه الريشـــــــــــــــه والمحبره اوووف ابداااااع.>>فيس يتفحص لوجة التمييز..هخهخهخهخهخه

اول شي وقبل ماا ادخل بالرد على الجزء احب اقوول اني من كم يوم شفت لتس كلام بمنتدى كنتي تنزلين قصصتس الساابقه فيه.. وشفت الاسباااب اللي قلتيها عشان القصه صاارت حصرياا هنا بليلاااااس.. واناا اقوولتس اذا انتي لقيتي رااحتس هنااااا معنا..بحنا لقيناااااا اخت وقلب كبير يستااهل ويستحق اننا نريحه بينا..
فلا عدمنا هالحظووور ولا هالمحبه وجعلهاااا دووووم مب يووم ياااا ام سي حسين..هخهخهه
بالنسبه للجزء اليوم..طوووووووووول الوقت ماا كنت اقرأ الجزء لااا كنت اراااقب المؤشر واشووف كم بااقي على الجزء ويخلص.. يااجمااعة الربع ماا احد عنده حل لمشكلة المؤشر هذاا كل مااا شفت جزء حلو تروح حلاته من مرااقبه هالمؤشر مدري انا الصق جهته بتيب واريح عمري.. والا اربط عيووني وهذيك السااعه عاد من الذكااااء الخاارق لا راح اشووف لا مؤشر ولا جزء..>>فيس بدت تبين اثاار الغيااب المفاجئ عليه..هخهخهخه
بالنسبه للجزء اليوم يااا قاصتنا المميزه..مايحتاج نقوول انه ماازال في طور التعريف بالشخصيات..
بس تبين الصدق سميره هذي عرفت الحين اني كنت على حق لما اعجبت فيها..تجنننننن تجننننننن تجنننننننن.. يااحـــــــــــــظتس يااسمووره عندتس اخوان بيبياات.. >>خلاص ابشري امتس مستحييييييييل تحمل عقب هالعين..هع
نفسيتس رووعه وتجنن الله يجعله دوووم ياااارب... شووفي انتي بنت فرفوووشه وحبووبه وكااتمه للاسرااار . وبوقت اللزوم حكيمه..وعلاقتس مع اخووتس غنووم شكلها علااقه صدااقه..يعني علاقتس معه قوويه.. بااقي نشووف علاقتس مع الشيبه ابوتس ..اتوقع انها بعد بتكون حلووه بس بيكون فيها احتراام كبير.يعني هاللي تسووينه من مهااايط عندنا بيرووح على طوووووووول قدام الوالد..

نجلا : احييتس الف الف الف مليااار مرره على هالموووقف اللي اتخذتيه من زوجتس.. ومعتس وبصفتس ومااراح نخذلتس ابداا لان السبب اللي انتس زعلاانه منه عشاانه يستاااهل الف مليااار مره.. وش اللي يلعب علينا فيه صلووح ويقوول احبتس وهو ماايحترمتس.. ؟؟ والله العظيم حب بدوون احتراام هذااا بالزباله على طووووووول وماله قيمه.. فعلا مب بالضروره اللي يحب يحترم اللي يحبه..بس اللي يحترم الشخص حتى لو مااحبه بيحااافظ داائما على شعوووره .. ويمكن مع الاحتراام يصير حب.. بس حب بدون احترام هذاا مااله أي قيمه..
جعل صلووح مهوب زااايد اللي طووول عمره محترم وسميه وعمره مااجرحها بكلمه وهو وااعي وحاااس.. هذاا اللي الواحد يبيع عمره عشان رضااه مهووب الحماار اللي يعير زوجته بامها مالت عليه ..

صالح العووود: صح ماشفناك شخصياا بس علوومك الخااايسه وصلتنا>فيس معصب وزعلان.
اجل تعيير بنت عمك بامها...؟ وش انت شاايف على امها عشاان تعيريها فيها؟؟؟ امووت واعرف كيف تحب ام عيالك وانت تعييرها بامها.؟؟.يكون امها عيااره ياا اللوح وحنا مااندري؟؟؟ مهووب مسلمه مهووب بنت حلال وعيالها بالحلال ..؟؟على وش تعييرها فيه اجل؟؟؟ وبعدين هذي جدة عيالك يالخديه تقووم تعيير امهم فيها..؟؟
اتمنى غنووم يعرف عن اللي تسوويه ليخسر سنوونه وعيوونه بعد بس يدفنك وانت حي يااحمار...؟؟

غانم : ياااااازينك ويااملحك انت وسنوونك التركيب... اجل سنوونك راحت لعيوون وحده من بنات العرب..؟؟ لايكون كااسره؟؟؟هع
اقوول ياااا غنوم على قوولة سمووره .. هالبنت طلعت لنا والا للحين.؟؟. يااخووفي انها مزوون والا تدري اتووقع انها شعيع؟؟؟ >>برضووه شعيع معجبتني وبصير ارزها كل شووي.هع

مهااااب : ياااااااشين الرجاااااااااااااااااااااال ابو ثلاثيييين لاا تكفخ وقداام خوااته..بس معليه من يد جدك الكف حلوو.. اهم شي انه عدى على خير..>>فيس يهوون الامر..
حلووو انك قدرت تمتص غضب جدك.. والاحلى عاد وانت تخطب لتميم..هع واللي بط كبدي وانت ترسل اعتذاار صريح للدلووعه كاااسره اللي ترفض تعتذر بشكل صريح..>>فيس مقهوور منها بس كنه تقبلها بهالجزء..هع
الا تعال مها ب صدق وش صاار على سالفة تميم بتخطبون له اللي قال عنها حمني؟؟؟
تميم : ياامرحباا بالمزايين.. هلا والله وغلااا. لك وحشه ياا راقل.. وينك فيه هاليومين>>فيس قاط المياانه ويتكلم بالاشااره.
يااقلبي عليك .. والله احساااس صعب ان الوااحد يجلس بمكان ماايدري هالنااس شيقولون فيه .وان كلموه يدري انهم يجاملون ويبون الرد يكون باختصار.. تبي الصدق الحين انااا معك بانك تتزوج وحده نفس ظرووفك.. ويمكن هالبنت اللي قال عنها حمني هي من البيت الاخير اللي للحين مااشفناه.. ؟؟

كساااب : فديــــــــــــــــــــــــــت المقهووووور والزعلااااااااان . كساابي انت داايم كل شي عندك حاار بحااار.. والله رحمت ابووك وانت ناازل فيه هواااش بادب..>>فيس مستغرب كيف ابوه وهواش بادب..؟
طوول الوقت وانت نااار شااااااااابه متى بس نشووفك مرتاااح؟؟؟
امممممم تدري كساااب ماا ادري الحين كيف كذاا نطت سميره برااسي واتخيلها جنبك>>مو قلت البنت عااجبتني مرره..هع
يعني شكلها ووضعها بيكون مريح جداا لوضعك.. انت رجال عصبي وداايم زعلان ومااتعرف الضحك.. يعني انت محتااج وحده مثل سميره بالضبط تسوووي تغيير كااامل في حيااتك بمرحها وخفة دمها ونفسيتها الحلووه مو مثل كاسره تزيدك شر وتعصيب وتووتر...

كاسره : اليوم كأني هه شووي بديت اتقبلتس. وخصووصاا في موقفتس مع مهاب وجدتس.. وبعد موقفتس مع وضحى... يعني حلوو انتس بينتي لاختس اسبااب رفضتس لحمني..وان هالرفض مو لشخصه وانه ناتج عن قناعات انتي مؤمنه فيها.. بس تعالي هالاربعيني اللي انتي تبينه من؟؟ ماعندنا الا ابو كسااب ومنصوور.. الا ذااا بيطلع لنا وااحد ثالث ماا ادري صرااحه؟؟؟
بس شووفي لو حصل انتس بغيتي ابو كساااب وهو اللي اعجبتس احس بيكون فيها وقااحه متعديه المعقوول وخصووصاا انه خطب امتس كم مرره.. وياازينه وانتي ناايمه جنبه وتسمعينه يهاااذي باسمها..ومنصووور بيكون هو الخيااار الموفق مع اني ابيه لعفراااا.. بس تبين الصدق بين منصوور وزايد منصوور اهوون انتس تتزوجينه من زاااايد اللي ميت بتراب امتس..
وضحى : تقهريييني وانتي جالسه وكانتس طاالب قدام استااذه وانتي تتكلمين مع كاااسره .. وش هذاااا ؟؟؟ كل هذا خووف منها.. ؟؟
المهم كلامتس مع كاااسره عن حمني اتوووقع انه بيكوون هو الشي اللي انتي محتااجته عشان تواافقين على دحووم.

عبدالرحمن: تدري ياا دحوم اني اكتشفت انك ماتحب كاااسره . ويمكن فعلا خطبتك لها عشاان تبي قرب مهاب..؟؟ يعني لما مااصدقت على الله وسمعت طاري وضووح على طووووووول لقطت العلم ودخلت بالموضوع على طوووول.. غير انك اصلااا عرفت شي من شخصيه وضحى وانها مقربه جدااا من تميم..

جوزاء: يااربي انتي يبي لتس علاج نفسي.. مدري كيف كنتي عايشه مع زوجتس وانتي بهالوضع؟؟؟؟
وبعدين وش الحاادث الغريب اللي انصاب فيه زوجتس وتووفى.. صرااحه هالعبااره هذي حسيت ان بيكون ورااهااااا قصه طويـــــــــــــــــــــــله. بس وشي ماا ادري؟؟>>فيس يفكرررررر..
وبعدين وش تطلبين وضووح عشان تتكلمين عليها بالشكل هذااااا؟؟؟ اعووذ بالله لمن خيرتس ولاا من كفاية شرتس.. بس وش نقوول وحده مريضه الله يشفيتس...
تعالي لحظه زوجتس بهالحادث لقووه والا لأ؟؟؟؟ يعني ممكن يكون عااايش؟؟ وعشان كذا ترفضين الزواج من اخووه على امل رجووعه؟؟؟>>فيس يقلب السالفه هذي يمين ويسااار..

شعيع: قلبي انتي.. كفوو والله باللي ترد غيبة اختها المسلمه.. والله انتس تصلحين لعلي بس قوولي تم.. هع


خليفه : كفووو كفووو والله ياا ابو احمد.. اعجبتني مررررره وانت بديت تتحمل مسؤليتك تجاه جميله حتى لو انت للحين مو مستووعب اللي سوويته.. بس حلو انك تروح وتسال عنها الدكتووره عشان تكون مطلع على الموضوع بالكامل.. واعجبتني رداات فعلك على كلام الدكتووره..هههههههه اما هالدكتووره خطيره البنت بين الحيااة والموت وهي تكلمه عن الحمل...؟>فيس واقف بصف خلوووف من الاحراج...هع
اعجبتني لما وقفت اخوك جسووم هالخديه عند حده وهو يحااول يوسوس لك بانك تترك جميله.. واعجبتني وانت متأثر مرره بكلام عفراا وتوصياتها لك وكيف انت متعااطف معها.. كل هذاا يبين لنا انك باذن الله راح تكون خير معين لجميله حتى لو مااحبيتها.. وفيه صفه احس انها بتكوووون قوويه وااضحه فيك وهي انك دقيق.. هالصفه اتووقع بتكون موجوده وبوضووح في حياتك مع جميله.. عقب هاللي شفناه من وجودك اليوم شخصياا متطمنه ان جميله بتكون بايد امينه.. وخااطري اشوووفك وانت تحااول معها وتتغزل فيها وتقووول لها انك تبيها تكوون ماليانه مب معصقله كأنها جاايه من مجاعات افريقيا..
عفرا : موو قلت ابرك انتس ماراح ترووحين معها.. خليها تبدأ تتاقلم على زوجها..ويمكن يكون هالتصرف احسن شي سوويته لها..مع اني صرااحه رااحمتس مرره ..بس هاللي انتي تسووينه يدل فعلا انتس تحبين بنتس وتبين مصلحتها اوولاا واخيراا..

علي : تعال تعال ارجع بقوولك شي يووسع صدرك.. تراني خطبت لك شعيع.. وخطبت لكسااب سميره..>>فيس خطابه..
والله انك تحزني وانت بالشكل هذاا.. هو صدق انت تهرب وماتقدر توااجه المشااكل ؟؟ والا طبعك حسااس مرره لدرجة انك ممكن تتعب لو وقفت قدام المشكلة.. تدري علي اتووقع ان خليفه بيحتاج علاقاتك وبيكون بينك وبينه اتصااال.. ولما تشووف كيف هو مع بنت خالتك بتحس ان هالشي هو اللي ربي كاااتبه وبتفرح لها.. وهنا بتبدأ تفكر بحيااتك جداااا وتترك عنك جميله وايام جميله..

زايـــد:: يااااازين القصر على نااااااااااااااس يجنوون.. القصر مهوب عيب ياا ابو كساااااب.. >>فيس فازع لصديقاته القصيرات..هع
يااقلبي عليك وانت الكل يحملك هاللي يصير بالقصه. لاعيالك راحمينك ولا اخوك رااحمك ولاا هالملاقيف اللي يردون على القصه راحمينك. ولا نفووسه رااحمتك.. وين تطق برااسك ياا ابو كساااااب يعني...؟؟
وش ممكن تسوووي عشان تووقف هاللوم اللي تشووفه بعيوون اقرب الناااس لك؟؟؟ يااخووفي تطيح عليهم من الهم اللي هم محملينه لك.. >>فيس متعااطف معك بقوووه..

نفوووسه . والله ابدعتي بهالبارت . مثل اخوانه اللي سبووقه رووعه..
تسلمين لنا ياغاليه .. والف مبرووك مره ثاانيه على التمييز المستحق وبجدااره...
لاعدمنا هالابداع ياارب. واذا الله احيانا بنكون بانتظاار الجزء القادم بكل شووق فلا تتركين انتظاارنا يطوووول..

همسة للبنت العنقليزيه..هه هه هههااااااااي.. ضحكتيني وانا غاايبه>>ماابقى احد مادرا عن هالغياب المفاجئ..هع
لو تجلسين من هناا للصبح عشان تقوولين انتس خذتي منصووور بقوولتس عليتس بالعافيه بس المشكله ان منصوور مااايبي الا فرووحة ..يااختي هو من شاااف فرووحة قلبي وهو متمسك فيها بايده و سنوونه يعني عيب عليتس تفكرين بواااحد ماااجاب خبرتس انتي وصديقتس .>>فيس صريح جدااا ويحاافظ على الحقوووق المكتسبه لعدووته الغاليه ..هع
وبعدين ياا اختي انتي انقليزيه وش تبين بعربنا رووحي صاادري براد بيت والا توم كروز والا ان بغيتي توم هانكس.. صدقيني ماا احد بقاايل لتس شي..>>>فيس يتخيلتس وانتي مصااادره توم هانكس..ههههههههههه
وبعدين وش فيها ام خماااااااااس عشان تضحكين عليهااا.. ؟؟ والله هذيك الحرمه كشّيخه وتجنن تحلمون تاصلون موااصيلها ياا الانقليز ..>>فيس يبيكم تعرفون وااقعكم..هع

ripe lady مرحباا ملياار .. الف الحمد الله على السلامه.. من زمان ماشفنا هالتواجد الحلو.. اعجبتني جداا جداا ملاحظااتس عن كلام عفرا وان بنتها ماتقدر تغطي نفسها..اتوقع هالشي بيكون الحين من مهمات خليفه..هخهخهخه ..