كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
تسلمين انفاس على البارت الرائع المذهل
اول شي الله يسامح ماما زارا هي الي نبهتني لسالفة المؤشرصرت اكرهه وخصوصآبروايتك
انا بأبدى بخليفه ما حبيت منه يوم انه يقول لجميله عن زواج كساب
وش كان ينتظر لكن انقلب الموضوع على راسه وحاسته جميله وخلته ماعاد والله يجيب لها علم
وعندي احساس انه بيلوم نفسه على تصرفه انا بنظري الي مال امه داعي
جمول انتظري المفاجاءه الثانيه وهو زواج امتس على حضرة العقيد منصور ابو زايد القادم
وهذا هوالي بيخليتس ترجعين لقطر على رجولتس من يوم تحسين ان امك بتلتهي عنك بحياتها الجديده
اكيد بتحاولين تتعافين وتجين تنكدين على الي بياخذ مكان ابوتس
يا الله ننتظرك تجين تنورين بيت منصور الي امك بتصير صاحبته
واتوقع بعد انك بعد ما ترجعين الدوحه بتطمحين عند امتس
وتحاولين انها تترك منصور وترجع لك لكن اكيد خليفه ماهو تارك بنت عمه بيخليها على راحتها سنه سنتين وبعدين بترجع وهي حرمتن طيبه
وهذا الي بيتفاجئ فيه خليفه اذا شافها بعد التغيير وهي بعد بتعوذ من الشيطان وتترك عنها وسواس الموت يوم تشوف عجلة الحياه ما شيه ولا وقفت عند جمول ودلعها
جوزاء ام لسان الي والله ما اطيقه من اول حوار لها با الروايه لسان على قلت سنع اكيد ان اهل عبدالله في قلوبهم شي عليتس من طول لسانتس
يعني ماهو كفايه محارشتس لحلوة الحلوات كاسره بوجها
بعد حتى قدام امها ما خليتيها والا الي بقلبتس ما صبرتي لين نطق به لسانك وش استفدتي غير رزعه محترمه من ام مهاب
وفكره بتاخذها عنتس والله ماعاد تغير وخصوصآ ان زود على غلا كاسره
بتعرس وتروح لبيتها وبيصير الغلا دبل
والله اني فرحت يوم وضحى عيت من عبد الرحمن علشان بعدين لسانتس هذا اكيد ماهو مخليتس مرتاحه وبيجيبلتس مشاكل مع مهاب
واذا مهاب ادبتس بيلحق الطق على وضحى فمن اولها يدور نصيبه
عبد الرحمن بعيد
ابو غانم وموقفه من عيال اخوه اكيد ان العيال قريبين لنفسه وهو بعد
والا ما عرض خطبة تميم لسميره قدامهم لكن هم اخذوها بمزح وابوغانم
اكيد ان وده بنته لعيال اخوه لكن المزحه طقت الخشم وجابت الزعل
اتوقع ان زواج سميره من تميم بيتم بسبب ها الموقف محد يرضى على بنته
والوقت فات ابو غانم عطى كلمته
وهو ماهو بزر يرد كلامه
مبروك سميره اذا انتي فعلن استخرتي وارتحتي مبرراتك قويه اذا كان رفضك لعيال عمك خوفك من ان جنسية امك بتلاحقك
او ان طبعك الي عيال عمك ما استحو قدام شيبانتس يقولون ام لسانين
اجل وشلون لو اخذت واحد منهم
وارجع اقول سميره خايفه من حياة نجلا تبي تريح راسها مع تميم
زواجات منصور وسبب فشلها من اول الروايه وانا ابحث عن سبب عجزت القاه يمكن لو مره او ثنتين لقينا لها حل بس ثلاث والله محير وانا متأكده ان السبب بسيط ولا هو غيره ولا تسلط من منصور
من شدة حيرتي سألت ناس عندي قلت وش رايكم بعقيد اعرس ثلاث ولاجاز له وحده منهن وش برايكم السبب الي خلاه يطلقهن
قالو العرب الي شرتهم اتركي عنتس عيوب خلق الله البيوت اسرار
وانا اقول ان كل وحده منهن لها سبب لايمكن يكون سبب واحد وبعدين منصوررجال معتز بنفسه بزود اكيد انه ماهو حريص عليهن ولا همه كلام الناس انه رجالن ما ينحمل
مزون الله يعينها على ما بلاها ياشين صدت الاخو وكساب ماهو بأي اخو
اكيد بيتصالحون لكن بعد ايش ما تنهار مزون من حقران كساب لها وتشرف على الموت يخوف انفاس وصفك لشعور مزون يوم شافت كساب
موقف كساب من عمه منصور وخوفه على سمعت خالته اتوقع انها نقطه راح تحسب له عند الكاسره اذا اكتشفت اساس الموضوع
توقعت كساب بيتشائم من الكاسره يومه ليلة ملكته جريمه
كساب وكاسره واللقاء المنتظر لقائهم هذا اتوقع هو الي بتنبني عليه علاقتهم من البارت القادم الي نهاية الروايه
اتوقع ان الكاسره ما راح تسمح لكساب انه يشوف وجها وهي الي راح تتأثر المره هذي اكثر منه لأنها تشوفه وهو مايشوفها
كساب راح لها اتوقع بيشوف موقع عملها وهو الي ما رضى لأخته
اكيد جاي يدور زله عليها
بيطلع من عندها وهو ضارب شوط وهي بردة ولو جزء من قهرها من البزر على قولتها
كساب يعرف با العوايد ماراح يحاول يشوف وجه كاسره
فاطمه اتوقع ان لها دور كبير بعدين بحياة الكاسره مهما كان الواحد
احيان يدور له صديق يشيل عنه ويقدم له المشوره
وهذا راح يكون دور فاطمه
ارجع الجوزا وحده من البنات الله يسعدها الي هي فجر الامال
تقول عندي احساس ان مهاب راح يتزوج على جوزاء
ليت توقعها يصيب
على ان طاري الزواج الثاني يجيب الاكتئاب الله يبعدنا
هذا ما عندي انفاس
امتعتينا ببارت رائع امتعك الله بلباس الصحه والستر انتي ومن تحبين
|
09-05-10, 12:34 AM
جديد مواضيع قسم القصص المكتمله من وحي قلم الاعضاء
العرض العادي
