مســــــــــــــــاء الأوركــــــيد
مشكورة على البارت
===============================
لذا قررت أن تركض بأسرع ما تستطيع.. وبالفعل بدأت بالتنفيذ وهي تركض ناحية الدرج
لولا اليد القوية التي منعتها من الصعود وأمسكت بها بقوة وألقتها بكل عنف على الدرجات الرخامية...
#إجـــرام_قطر#
.
.
.
=============================
ابتدء البارت بكاسرة وكساب ,,اجل ابدء تعليقي فيهم
انفاس تدرين انك جمعتي بين اخطر شخصتين ,,,,ثنائي التضـــــــــــــــــــــــاد
لانهم متضادين ,,,,,يعني ابسط ابسط ابسط شي من التضاد
غضب كساب الشرس من دراسة وعمل مزون ,,,,واعجاب كاسره بتصرفها!!!!!!!!!
كساب اذا عصب وثار ابعدي عن طريقه ومزون كم مره علقت على هالجانب
وهي بنفسها اذا شافت كساب معصب وثاير تبعد عنه وماتحتك فيه ابدآآآآ لان العنف عنده عالي
طيب لو نرجع بالذاكره وراء شوي ونتذكر موقف كاسره مع مهاب عقب ضربها بغرفته
وهي تكلمة بطريقه باردة استفزايه ولاهمها تهديده !!!!!!!!!!!!!
كاسره متعوده على السيطره التامه واكبر دليل سيطرتها على اختها ,,,سواء بخروجها
او جلوسها على النت او حتى باتخاذ قرارتها ,يوم دخلت عليها عقب خطبها عبدالرحمن
وكانت معصبه بس يوم درت انها مابعد توافق ارتاحت ان الامور مازلت بيدينها,,,
ادري انك بتقولين منبع تسلطها على اختها حبها وخوفها ,,,,لكن ياانفاس
التسلط موجود بشخصيتها (اتمنى تكون فهمتي قصدي)
وعلى النقيض كساب ,,,مثل ماقال دمه حار ومايبي زوجه تسأله او تتحكم فيه !!!!
كساب عنده قدرة هائله على قتل الشخص اللي قدامه (بالكلام)فقط, ومزون اكبر شاهد
وسبحان الله كاسره نفس الاسلوب سيفها هو كلامها ,,واكبر شاهد كلامها بالعمل
ويوم عاكسوهم الشباب بالمول وسميرة اثنت بشده على اسلوب كاسره بالتهزيئ
كاسرة جدآ معتزه بنفسها وعارفه قدر جمالها زيييييييييين وكساب عنده قدر على تهميش
اللي قدامه وقدرة اكبر على اخفاء مشاعره فمابالك بااعجابه .
مممم
طبعآ في ترسانه نوويه لو اكتشفت بتكون لها اضرار قووويه ,,
القفل مع كساب والمفتاح مع عفراء وكل واحد مايدري عن الثاني
كساب يدري ان ام كاسرة هي حبيبة ابوه اللي حبها انحفر بجدران قلبه
وكلام منصور لكساب اكبر دليل لتأكيد معلومة كساب ,,,,ولو عرف كساب
بأسم مزنه بيكون دليل ثاني على مقدار هالحب,,,بتسميته مزون عليها
لان وسميه عرفت ان مزون مسميها على مزنه ,,,,,,,,,,,طيـــــــــــــــــــب
يارب يارب ان عفراء مايجي موقف ويعرف منها كساب ان امه انحرق قلبها من هالحب
وان كانت تنام كل يوم بعيد عنه عشان ماتسمع اسمها .
لان مثل ماقلتي الابن يسمع لابوه ويشاركه بشرط ان مايمس امه ,,,فمابالك
لو مب بس يمسها الا انها حرقها !!!!!
(يارب ياانفاس ماتكونين شريره وتفتحين هالباب)
اثر فيني بقوة تصرف كاسرة اثناء وبعد ملكتها بالفعل صادقه باأنفاس(الدموع ماانخلقت لكاسرة)
=================================
مزنه
احس انها مرتاااحه عقب ملكة كاسره ,,,,,ولاحظي ان قبلها بيوم ملكة مهاب
يالله رحلة طووووويلة ابتدئتها مع عيالها ,,من كانو صغار يتامه ابهاتهم تركوهم وماتو
وهي شالت ها لهم لحالها بالحياة كم عانت كم تعبت وهي مسؤولة عن
اربع ايتام واحد منهم من ذوي الاحتياجات الخاصه ,,,شلون بالليل تنام وهي تفكر بمستقبلهم
وابوها المسن الكبير لاحول له ولاقوة ,,,يمكن قوتها ساعدتها لكن خوفها عليهم ماله دواء
ويوم كبرو ,,,كاسره على كثر عرسانها الا انها ماتزوجت بالرغم ان مافيها عيب
الا نظرتها الغريبه لاختيار الرجل.
واخيرررررررررررآ مهاب ملك على بنت عمة اخوانه ,,وهي بنت طيبه
وبنتها اللي كانت شايله همها تملكت على رجل ذو اخلاق ودين ,,,,
نصف همها طاح .
=====================================
عبدالله
ممممم
من اول الروايه وفي فكرة براسي لموت عبدالله ,,,هي جدآ جدآ بسيطه
لان احس شخصية عبدالله بالروايه الهدف منها الضرر اللي خلفه عبدالله برحيله
مثل تدمير شخصية جوزاء ,,,الهم اللي بقلب خالد ومحاولته لتصليح فعل عبدالله
وهلع العايلة على فهد ويمكن هزاع ,,,الخ
بصراحه ياانفاس ان احس عبدالله توفى بحادث سواء حادث مروري او رياضي او غرق او,,او,,
بس ابدآ ابدآ مااتوقع انه كان مخالف لرغبة الرجل بالفطرة السليمه ,,,او انه تطرف دينيآ
لان سبب وفاة عبدالله مربوط بشكل وااااضح في بداية ظهور شخصية فهد بالروايه .
خوف العيله وهلعها على فهد كان من باب الخوف من (التهلكة الجسديه)فقط لاغير .
خايفين على من السرعه وخايفين عليه من الهبوط بالمظلات ,,,,لكن لو عبدالله
كان متطرف دينيآ او مخالف للفطرة السليمه ,,بنلاقي انهم حريصين على معرفة اصحابه
او مواقعه بالنت او مكان تجمعه ,,,لكن هذا ابدآ ماصار بل بالعكس
جوزاء قالت ان الشباب نزلوهم بالمجلس الخارجي ,,,يعني ماخلوهم تحت نظرهم ومراقبتهم.
وبعد فهد قالها لمنصور انهم خايفين علي عشان عبدالله وان ممكن بأي حد (تتكسر عظامي)
ممممم
الغريب ذكرتي ان عبدالله كان قريب جدآ لابوه وكان اقرب اخوانه ,,,,طيب ليش يوم
اتصل على جوزاء قالها سلمي على امي؟؟!! وليش ماقالها سلمي على امي وابوي .
يمكن يمكن يمكن لان اجرى اتصال مع ابوه لكن هالاتصال كان طوويل
======================
طبعآ ابدآ مو صحيح كلام جوزاء بخصوص ابو صالح
لان انتي علقتي قبل فتره ان ليتك ياجوزاء تعرفي ان نظرات ابو صالح ماكنت غضب بل كانت حزن
وقهر على مااصابك ,,,,يعني جوزاء حللت الموقف بطريقة غلط ,,,ويمكن تكون حللت
موقف من ضمن قصتها مع عبدالله بطريق بعد غلط وحنا ماندري
===========================
جميلة
وجعني قلبي وبقوووووة عليها ,,,مهما كانت نظرتها لخليفه ومهما كانت مشاعرها له
لكن سن جميله دايم يحب يظهر بااحسن مظهر قدام الناس ,,,,ولو ناظرنا لمرضها
انها تبي تكون نحيفه عشان جسمها مايصير فيه سمنه,,,يعني مرتبط بهدفها لتجميل جسمها.
فا تجي تطيح وتتكشف قدام شاب ويظهر منها جانب هي داريه انه مافيه اي اغراء بل
يمكن يكون فيه بشاعه والقهر ماعندها قدرة انها تغطي نفسها ,,,
موقف محرج جدآ وجارح لأنوثتها بقوووه .
==================================
انتظرك ثم انتظرك لاتتأخرين
اشكرك على انضباطك بالمواعيد وتعاملك الراقي وبالك الطويل .
همسة في أذن انفاس,,,,مزنه دايم قدام الناس بنقابها بس امام عيالها لا ,,طيب شلون بتكون امام كساب؟؟؟
07-05-10, 05:17 PM
جديد مواضيع قسم القصص المكتمله من وحي قلم الاعضاء
العرض العادي
