كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
مساء الورد :) ..
انفاسنا مافي كلمات امتنان ممكن تعبر لج عن اللي ف القلوب ..
وانا اقرا مقدمتج مادري حسيت انج انسانة راقية راقية ..
جميل انه نحس باهتمامج في اللي نقوله ..
وهاي ان دل على شي يدل على اخلاقج العالية ..
الله يحفظج يارب ويسعدج دووومـ :)
عبدالرحمن وعالية ..
بصراحة قلبي معاج يا عالية :(
مؤلمـ الشعووور مؤلمـ جدا !
بس نفس الوقت مو قادرة اعصب على عبدالرحمن ..
خصوصا بعد آخر مقطع ..
مع انه مبرره ابدا ابدا مو مقنع ..
بس بعد مابي احكمـ عليه ولا حتى اتوقعلهمـ اي شي ..
تميمـ وسميرة ..
في حكمة تقول :
الوقت كفيل بشفاء جميع الجروح ..
باستثناء تلك التي ندفنها في اعمق أعماق قلوبنا ..
ولا نسمح لها برؤية النور حتى !
هاي بالضبط حالة سميرة احس ..
اهيا يوم انجرحت من تميمـ في ليلة عرسهمـ ..
كان ممكن لو اعتذرلها وحلوا المشكلة كان الجرح بيلتئمـ وخلاص نخلص من هالسالفة ..
بس بسبب ظروف وفاة مهاب الله يرحمه ..
والدوامة اللي دخلوا كلهمـ فيها ..
اضطرت أنها تدفن هالجرح في نقطة عمييقة جدا في قلبها ..
وتقنع نفسها انها نسته خلاص وتخطت هالمرحلة ..
عشان جذي كل ما حاولت تبدأ من يديد مع تميمـ حست في حاجز واقف بينهمـ ..
واهوا برايي هاي الجرح القديمـ ..
حتى لو لاحظنا تميمـ عمره ما فكر يفتح الموضوع .. أو يعتذر .. أو أي شي ..
لانه مثل سميرة مفكر انه خلاص ..
والدليل انه سميرة ما نست يوم ذكرته بالسالفة لما فاتحته في زواج أمه ..
يعني الموقف ماغاب عن بالها والجرح موجود بس مدفوون ..
وغصب عنها لما تحاول تحل المشكلة تتعقد اكثر لانها ما انحلت من أساساتها وأصلها
عموما الله يهديهمـ ويصلح حالهمـ ان شاء الله
زايد ومزنة ..
آآآآه .. الموقف يثير الشجون بكل معنى الكلمة !
يومـ يهذي باسمها واتييه ..
ويومـ يقوله " ابطيتي " ..
مؤلمـ و مفرح في ذات الوقت ..
انه صراحة قررت اطنش الخرابيط اللي يقولها عمنا زايد مادري يديدة وقديمة ..
لانه شي طبيعي جدا اللي هو فيه ..
هو بنفسه لما قال شلون يطاوعون واحد يبي يعيش فوق الغيوم ويحتضن الشمس ..
هذا اهوا سكن فوق الغيمـ لكن اللي صار انه انصدمـ انه الحياة فوقها مو حيوية مثل الحياة ع الارض ..
وهذا اهوا حضن الشمس بس اكتشف انه اهيا اكثر حرارة مما كان يتخيل !
اهوا كان متوقع الدفء وبس لكن ياته حرارة قوية جدا ..
وكل هاي امور وقتية شوي شوي بيتعود على حرارة الشمس وهدوء الغيمـ ..
ورغمـ كل شي .. مصرة اني اتفاءل بمستقبلهمـ ان شاء الله :)
وان شاء الله اخر ونّة يا زايد :)
كساب وكاسرة ..
تدرون شنو مشكلة كاسرة في رايي ؟
انه اهيا دايما تبي الكمال ..
ما اقول انه كساب صح ..
بس اللي ابي اقوله ..
انه كاسرة كان عندها الافعال اللي تثبت حب كساب لها ..
وهالافعال ما انتهت لا مستمرة بس اللي تغير اهيا ..
لانه اهيا دايما تبي اكثر واكثر
تبي تاكيد الافعال بالاقوال ..
لما يت تبي تطلب الاقوال من شخصية معقدة مثل كساب ..
قوبلت بالقسوة !
فلو كانت رضت بالافعال وبس ..
و ما طلبت تاكيد بالكلامـ ..
جان اللحين تاكدت من حب كساب لها !
ولانه طبعا معروف انه المرأة اكثر شي ياثر فيها اهوا الكلامـ اللي ينقال لها ..
فاهيا لما تسمع الكلامـ القاسي من كساب .. تعمي عينها تلقائيا عن افعاله ..
مع انه افعاله كل مالها تزيد في القوة والوضوح ..
بس لانها اكتفت بالكلامـ .. واقنعت نفسها وعقلها الباطن انه تاخذ دور الضحية ..
وهو اصلا دور كلنا نحب ناخذه ..
ليش انه يعطينا مبرر انه ما نحرك ساكن نغرق في الاحزان ونبكي ع الاطلال ..
وما نحاول نتحرك لحل المشكلة .. عشان جذي اهوا اسهل بالنسبة لنا !
مثل ما قلت ما بتوقع شي معاهمـ بس مجرد تحليل وكلامـ في خاطري عن كاسرة
بس في شي استغربتله ..
ليش لما قرب منها كساب علشان يلمس العرق اللي يخليها تفقد وعيها ..
وكانت عارفة هالشي ، بس ما تحركت اكتفت بانها تقوله حرامـ عليك ..
ليش ما حاولت تهرب منه ؟ او تقاومه ؟
وضحى ..
صراحة موقف تميمـ منها جدا محيّر !
يعني المفترض انه لما نقرا موقف مثل جذي نقول اكيد وضحى مسوية شي غلط..
يخلي تميمـ يتعامل معاها بهالشكل ..
بس لما نجوف ردة فعل وضحى العفوية جدا ..
تخلينا نتحيّر ! لو كانت صج مسوية شي غلط وراحت قالت لامها وتميمـ ..
يعني لو افترضنا هالشي ..
مفروض تكون متوقعة اسلوب تميمـ هاي !
يعني تكون عارفة انه بيفكر بهالاسلوب ..
بس بما انه خلاص شكله بنعرف السالفة بكبرها في البارت الياي ..
فما بتعب نفسي في التوقع :)
انفاسنا .. الله لا يحرمنا منج :)
|
20-12-10, 09:39 PM
لحد يقول هبله بس عاليه ما لها الا الدب و وضحى بتبقى عقبه في حياتهم 
جديد مواضيع قسم القصص المكتمله من وحي قلم الاعضاء
العرض العادي
