صبـــــــــــــــــــــــــاح الأوركيد
مبررروك تميز الروايه ياأنفاس ,,مع ان تصدقين يوم دخلت اليوم ابي اقراء البارت
توقعتها اول روايه بتسلسل الرويات لكن مالقيتها ونزلت بعيوني لين رقم 3
ويوم مالقيتها قلت اكيد في شي غلط انها مو بالبدايه ,,وين اختفت؟؟!!
فتخيلي اذا روايه تستغربين انها مب بالتسلسل رقم واحد
فاأكيد مكانها الطبيعي القصص المتميزه.
=======================
مشكووووره على البارت ,,,بارت اليوم بارت كشف الجوانب الخفيه
ممممم
انتي
مخادعــــــــــــــه وذكية ماشاءالله
لانك مثل اللي واقف على مفترق طريقين ,,,,
و(يقول) بمشي بطريق الشرق ,,,لكن بنفس الوقت(يأشر بيده) انه بيمشي بالغرب
عشان كذا التوقعات بروايتك تكون متضاده بقوه .
======================
مزون
تدرين انفاس اليوم بالذات اكتشفت ان كساب عند مزون له مكانه خاصه جدآ
وبالرغم انك قلتي كذا مره ,,,لكن اليوم وضح الفرق ,,,,شخصية مثلها
قبل اربع سنوات ماكانت كذا ابدآ لان من وجهة نظري بنت صغيره تتمسك برأيها
وتصر انها تدخل قسم مجرد التفكير بمستقبله يخوف ,,,اكيد كانت قويه والاهم
واثقه من نفسها ومن قدرتها ,,,,,لكن اللحين مزون صارت وحده مختلفه ,
ماعندها ولا واحد بالميه من الثقه ,,,ان ممكن الحياة تصير احلى او بشكلها
والاهم شغلها ,,,يعني معقول كلام وحده يأثر فيها هالكثر ؟!! ,,,طيب ليش ماأثر فيها
محاولات كساب قبل كم سنه ورفض الباقين ؟!!,,,,
لانها اللحين صايره هشه وضعيفه وثقتها مهزوزه جدآ ,,,,,,,,,,,طيب ليش؟؟؟؟
وش اللي تغير؟؟!!,,,,مثل ماشفنا ابوها وعمها منصور وخالتها عفراء ,كلهم يراعونها بقوه
وعشان نكون دقيقين هذول الثلاثه مدلعينها بقوه .
وعلي صحيح صار بعيد لكن عمره ماأساء لها ,,,,ممم اجل مين اللي تغير؟؟
كســــــــــــــــاب,,,,,هو كان مصدر قوتها وهو كان نبع ثقتها بنفسها .
================================
كســــــــــــــــــاب
غريب جدآ معاملتهم كا ثنائي هذولا الأثنين ,,,كساب وجميله
لو لاحظنا من ابتدئت الروايه وكساب ماقد عامل جميله معاملة زينه ابدآ
مممم
طيب لو قلنا ان جميله تنفر منه ,,ليش يوم قالها علي تغطي ,,غطت منه وماغطت من كساب
مع ان بالمنطق لو انا اكره احد بستانس ان اغطي عشان مااشوف وجهه وافتك منه ومن لسانه.
وبعدين
كساب اللحين متحامل عليهم عشانها رفضت علي,,,,طيب انا من اول الروايه وانا اشوفه
متحامل عليها !!,,,,حتى قبل سنتين على سالفة المطعم ,,,وكلامه الجارح لها وانها سمينه وبكرش
طيب ليش يوم قالت له مزون عليها بغرفته قالها جميله ربي عطاها الشكل والجسم!!!!!!
من جد انفاس في شي محير بينهم ذولا الاثنين ,,,,,,لكن ,,,,,يمكن يمكن يمكن
كساب يغار من جميله ,,,,لان خالته عفراء تهتم فيها وانها سبب حزن وكظم خالته
وخايف عليها لاتموت من كثر ما جميله متعبتها ,,,,ويمكن يبي خالته له لوحده .
===================================
مزنه
كم حملته قريبا من قلبها الذائب.. وهمست بكل وجيعتها: أدري إنك ما تسمعني
بس أكيد حاس فيني..
بصراحه جمله تبكي الحجر وهي تعتمد بالحوار مع رضيع
بالمشاعر والأحاسيس فقط لاغير
ومن أم ! حملت وتعبت وولدت عشان تكتشف ان ولدها
غير عن اخوانه وغير عن العالم,,,وهي تشوف مستقبله
بيكون متعب له ولغيره,,يمكن كانت تتمنى تعطيه سمعها ولسانها
بس تميم محظوظ لان امه مزنه
عطته قوه من غير مايلاحظ او يشعر.وقدامه كانت تفيض حنان ورحمه
مممم
هذا الموقف لها يذوب الحديد ولاننسى انها ترملت مرتين
وبكل مره شلون تكون مشاعرها وتخيلي
يموت ابو تميم عشان يترك لها ولدين وبنتين وكمان ابوها
فايكفي انها تحصل على لقب(نحس) من ناس تفكيرها عقيم
وعشان تواجه ذيابه وانياب وهي مو لحالها
يعني مسؤوليه تكسر الظهر وولد من ذوي الاحتياجات الخاصه
وطبعآ مراهقين كبرو وتعبوها وبنتين حاوطتهم
وارمله ماتلاقي انسان يونسها ويحسسها بأنوثتها
ولاننسى فجيعتها قبل كم سنه يوم امهاب سوى حادث
وكان قوي لدرجة انه قعد 3سنوات عشان يرجع للدراسه.
شايفه يأنفاس وش كثر مر هموم ومصايب على مزنه؟؟؟؟؟
ومع ذلك ,,,,,,,,,,ماأحد خلاها تبكي بكاء هستيري الا زايد يوم عمرها 14سنه!!!!!!!!!!!!!
مااتوقع ان موقفها مع زايد انتهى 
===========================
منصور
واضح ان له صيت عالي هو وزوجاته الثلاثه ومعروفه بوسامته .
ممم
منصور شكله راعي سواليف 
وبنفس الوقت حازم ,,,,علاقه تلخبط اللي قدامه . وبعدين على فرض شخص مااعرفه
اقعد اقولها قصة حياتي!!! لي عشر سنين ماسمعت كلام حلو والخ !!!
مدري هل هو كذا مع الجنس الناعم او هل صوت عفراء صحى داخل الرجل المحروم على قولته!
وبعدين ليش ياخذ السماعه من مزون! بأمكانه يوصل اعتذاره واسفه الشديد لعفراء
من خلال مزون ,,ولو صار واعتذر يعطي السماعه بسرعه لمزون مافي داعي تكون
عفراء هي صاحبة قرار انهاء الاتصال .
وبعدين يقول لمزون خالتش الخبله وهو يضحك !!!!!!
وفجأه حسيته ارتبش وبيطلع ,,,,يوم تخيلت الموقف قدامي ماحسيته شخصية منصور المعتاده
=============================
فهد
موقفه على موضوع الدوره ,,,,وضحت لي الرؤيه 
وفهمت شلون طبيعة العلاقه بينهم ,,,,بس عجبني فهد بجملته
منصور بغضب: تقول لي أنا عيب ياحضرت الملازم..
فهد باحترام متعاظم: فهد طال عمرك.. مهوب من حقي أعرف يعني..
اللي فهمته انه يقوله تراني اسألك بعيد عن العمل وكصفه شخصيه .
ممم
كلام سميره عنه غريب جدآ,,,,,فاسخ افااااسخ!!!!!,,,,وبعدين قالت عنه
الزين من زانت افعاله؟؟!!!,,,,تحسين كأنها تعرف عنه شي مخفي.
مع ان واضح ان علاقتهم وهم صغار قويه وتسمح ان فهد يسولف لها كثير عن منصور واعجابه
واذا فهد متخرج من ست سنوات معناه من زمان وهو معجب بمنصور
على فكره يعني هل عمر فهد بنهاية العشرينات وأول الثلاثينات؟
===========================
كاسره
ناظري انفاس انا عندي وجهة نظر بمليان الراس على الشباك بالسياره
بالعاده اللي يعمل كذا يكون قاعد يفكر بموضوع بتركيز شديد
لان دايم اسويها 
==========================
امهاب وعبدالرحمن
مافهمت (نسيب نسيب)
هل معناها ان اخ واخت ياخذون اخ واخت؟؟
سبحان الله عند الزواج يكون الرجل اكثر عقلانيه
يعني عبدالرحمن يوم بغى يتزوج ماراح لجمال كاسره , راح للشخصيه المميزه
وتميم يوم حكى مع وضحى قالها نفس الكلام بطريقه مختلفه
ان كاشخصيه مرغوبه بالزواج انتي افضل من كاسره.
============================
زايد ومنصور
فوق فوق الوصف
علاقه دافيه واحساس بالسند
رائعه كلمة (بنتي) من منصور
والأروع كلمة (بنتك) من زايد
لكــــــــــــــن
لو طلب أحدهما من الآخر أن ينتزع قلبه بأنامله العارية ليهبه له.. فأنه سينفذ دون أدنى تردد
بينما لو طلب أحدهما من الآخر أن يتنازل عن رأيه.. فـنـزع القلب حينها أهون!!
=====================
انتظر بشده لقاء علي مع ابوه
لان بنشوف شلون علاقتهم الطبيعيه مع بعض.
=====================
انفاس انتي قلتي ان في موقف بيجمع كاسره مع شخص مميز
طبعآ مااحد فينا يعرف هالشخص ,,لكن
ممكن اطلب منك طلب
لو لو لو لو تقدرين ابي موقف بين كاسره وزايد.
مب قصدي زواج او غيره لالا
ابيه يشوف مزنه الثانيه
ابي اعرف احساسه وشعوره .
انفاس مو قصدي ادخل نفسي بكتابتك لكن لو تقدري اكون لك شاكره
=======================
مثل العاده اسمتعت وانا اقراء البارت
اشكرك على انضباطك بالمواعيد وتعاملك الراقي
30-03-10, 05:56 AM
جديد مواضيع قسم القصص المكتمله من وحي قلم الاعضاء
العرض العادي
