لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 04-01-10, 12:49 PM   المشاركة رقم: 16
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

لا تنشد الناس عني وأنت أدرى بي
نفسي تمناك وأنت أغلى حبايبها
أغلى من عيوني الثنتين واصحابي
وأغلى من الناس حاضرها وغايبها

بيــت بو محمد..
الســاعه 1 ونص..

تبقـى عيوون روضــه مجافنهــا الرقــاد في بعــاد غنــاة قلبهـــا..ويبقــى قلــب روضه نابض بحبه ووفــاه..في كل دقيقه..وفي كــل لحظــة..
طبــع الإنسـان..يحــب ويكــره..بس كل من شــاف روضه وعرف بمحبتهــا لسهيل..يبصم انهــا مستحيــل تكــره سهيــل او حتــى اتفكــر بهالفكرة..
صدت روضه افوحده من أوراق دفترهــا..وهــي تقرى الكلام المكتووب..

تدري وش اصعب شي بالحب لا صرت
عاجـز تميـز بيـن عقلـك وقلـبـك

هو قال " أعزك " بعدها بالفـرح طـرت
وشلـون لـو صـرح بكلمـه "احـبـك"

قرت هالكمن بيــت فالنــت..وخطتهــم ع دفترهتـا بســرعه..وصدت تقــرى الرمســه المكتوووبـه..

ألا يا صااحبن وده شرينا..
علامك صرت تسعى في جفانا..
كأن ما تعارفنا وبدينا..
ولا طاب الهوى شوقه معانا..

كـــانت هالأبيــات عنوان للي يتقــراه روضه اللحيــنه..

••.•°¯`•.••

اليــوم..اليمــعه..
الســاعه 4 الفيــر..
كتــابة الموقف..يوم السبــت..اربع العصر..

كــــان الرقـاد مجافنــي..لأني كنــت أفكــر فسهيــل..تقريبن شهــر مــا شفتــه..ولا حظيت بكلمــة يتنشــد عن أخبــاري..كنت دووووم أدورله ألف عذر وعــذر..كنت دووم أفكـر فيه..وأفكر ليش هو مبعــد عني..مـا حسيت بعمــري الا وانا اقول هالكلمــات دووووون ما أحس..

ألا يا صاحبن وده شرينــا..علامك صرت تسعي في جفانا..
كأن ما تعارفنا وبدينا..ولا طاب الهوى شوقه معــانا..

يبقــى سهيـــل..هو اللي مستحــل قلبي..وعاايش في حناياه..يبقــى سهيل..هو مالك رووحي وانا سجيــنه في مزاياه..
خطــف الوقت بســرعه..وأذن المأذن لصلاة الفير..نشيت وتمسحت وخلاف صليــت..كنت بسير برقــد ..بس مــا كنت ابا افووت شوفــة مشهد شرووق الشمــس..ومن بعد ما شهدت الشرووق..يلست اتريــق ويا ابويــه و يدووتي..وع الساعه ثمــان..حدر سهيــل بيتنــا..وسلم ويلس عندنا فالصـاله..وكان كل ساعه يصد صوبي بنظراتــه اللي تذوبني..

أبوي:نشي الروض افديتج..قولي للدريول ايسير ويانا,,بنحتايه اهناك..
انا: ان شالله..

نشيـــت من مكــاني..وسرت صوب حيرة الدريوليــة..وخبرت محي الدين ع اللي قاله لي ابوويــه..رديــت المطبــخ..ع اساس انيه باخذلي كيك او سندويج او أي شي ثــاني..بس وقف قلبي يوم شـــفت اسهيل واقف عند البــاب ومربع يدينه..صد صوبي وابتسم لي..

سهيل:حيالله الشيخه..
أنــا:الله يحيك..
سهيل:وينــج
أنــا:في بيتنـــا..
سهيل:ليش مبتعــده عني هالفتره
أنا:أنا ولا أنت..تدري سهيل انيه اكثــر من شهر ما شفتـك..شو تفسر هالشي
سهيل:**** .."مستـــــحييل انســــــاج"..****..
صخيت.وما رمســت..ادري انه ناوي يعدمنــي برمسته اليوووووم..
سهيل:ليش صاخه..
انا:ما عندي شي اقولــه..
سهيل:تدرين روضــه..ان القلب لازال ينبض بحبــج..
اهنيه بغيييت اذوووب..مادري هالريال ليش جيه ايسوي فيني..هالريال لييييش يوم اشوفه يقز قلبي.....
سهيل:تامرين بشي
أنا:سلامتــك الشيخ..
ظهــر سهيل من المطبــخ..وتركنــي اجااااااهــد غــلاه..

••.•°¯`•.••

ابتســمت من قـــرت هالموقــف..ما تدري ليش صــدت فوق اتشووف الليــل..كأنها تشكيلهــا..تعب قلبهــا..وهو يشيكلهـا سكوونــه..يبقــى الليل..فترة العاشقيــن..ويبقــى هو الصاحب اللي بيكتــم اسرارهــم..وبيشهــد ادمووعــهم..صحيح انه ما يظهر ولا كلمــة..ومكتفي بالسكوت..بس سكوونـــه..فيه معــاني ومعـاني..سكــوته يحمل المشاعر والأحاسيس الطيبــة..
يودت القلــم اللي طـايح جريب منهـا..وبدت تكتب باللي في خــاطرهـا..البعض من عندهــا..وبعضه من اللي سمعتــه..

يا جنـون الليـل داهـم وحدتـي
لا تهاب الصمت والعاشق كفيـف

لا تهـاب الهـم عانـق عبرتـي
واحضن أشواقي ترى شوقي عفيف

بالفعــل ..هي تحتــاج ان الليل وجنونــه يســاعدهــا..قرت اللي كتبتــه ..وردت كتبت بيت ثااني..

احس أني وسط ليل طويل ناسي فجره
أعيش بظلمته واسرح بأفكاري الى المجهول
أفكر وانتظر صبح جميل باسم وعطره
وتصدمني هواجيسي ولا ألقى لهمي حلول

هل هي بالفعـل في ليل طويييل ..ولا هي في داومــة حب وعشــق..تصاحبهــا أفكــار عذبت تفكيرهـــا..وبــدت روضــه تشكي لليل..


ياليل ماذكر في حياتي تمنيـــــت
مثل ابتسامه تنتشل قلب منصاب
مليت ورب البيت ياليل مليــــــــيت
من الجروح اللي تجيني بلا اسبـاب

وقفت عن الكـتابــه..وردت تجلب بداية الدفتــر..


كتمت الحب في صدري وداويته مع جرحي
تنام الليل ماتدري اللي في هواك صاحي

••.•°¯`•.••

يـا كـثـر مـا بـ الـقـلـب لـك مـا حـكـيـتـه
بـعـض الــغـلا مـالـه نـهـايـات وحـدود

••.•°¯`•.••

هــاذي هي روضــة..تبقــى صـــاحبة القلب النابص ابمحبــة سهيــل..ولكنهــا ما تدري شاللي يصير من وراهـــا..ترى روضه بمحبـة سهيل..تكتب في أسطر طويله شقــى سنينهــا..وعنــى عمرهــا..
بس ظنكــم القدر بيلعــب لعبتــه..وبتكشف ملاعيب سهيــل..اللي هي تعشقــه..ولا بيكون راحــم روضــه..وما تعرف عن سهيل أي شي
يبقــى هالسؤاااال هو الأســاس فالقصــة..
شلــت بعمــرها..بعد ما حست ابلوووعــه..من زووود خوفهــا ع سهيل..وسارت ترقــد..وتطنش الليل..وسكونه..

 
 

 

عرض البوم صور بوح قلم   رد مع اقتباس
قديم 04-01-10, 12:50 PM   المشاركة رقم: 17
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

لو كان قلبي يكفي" الكون كـــله..ماظنتــي يسكن به اليوم إلا انت..
قلبي خذيته وصار أسمك محــــله.."ارجوك حبه دام منه" تمكنـــت..
بيت بو سهيــل..
حيرة ســلامي..
وقفــت سلامي جدام دريشة حيرتهــا..وفجت الستــارة وهي اتطــالع الرووض..
سلامه:يالا يالدلــع..اللحينه بيي سهيـــل..
روضه:ادري انه اللحينه بيي..عيــل ليش يايتنــج..عشان سواااد عيونــج..
سلامه:حشـــــــى..كااااااااش فالويــه..
روضه:ههههه..هيه ما اتعامل مع الديوووون..
سلامي:ويااا راااســج..
روضه:هاي كلمتيه ويا رااســج..لا ترددينهــا على لســانج..
سلامي:مب جنج اليوم متفيييييييييييييييييجه ع الأخر..
روضه:هيه فدييييييييتج تــرى اخووج بيي..
سلامي:بل بل بل..رواضي هالكثر تحبينه..
روضه:مااالج خص..
سلامي:حشى شو من لسـان عليج..
روضه:لسان من نوع فريــد..ههههههههههههههههههه..
سلامي:فريد ولا سليييم..
روضه:لا وحيااتج كريييييم..
هههههههههههههههههههههههههههه..اسامي الدريوليه..
روضه:ههههههههههههههههههههههههههههههههههههههه..
سلامه:حشششششى هالكثر ضححححكــه..
روضه:لحظه اشوي بسمــعج وحده ثانيــه..هههههههههههههههههههههههههههاااااااااااااا ااااااااااااااااااااااااااي..
شو رايــج هاللي أحلــى ولا الثاااانيه..
سلامه:ولا حده..
روضه:اقوول شفتي شكلج فالمنظرة..اونه ولا وحده..
سلامي:فكيينا من سوالفــج..اقوول شمووس وموزاني متى بيين..
روضه:اللحينه بخبرج..موزاني قالت انها بتقعــد ع المســن اشويه وبتخطف ع شمسه ..اما شموووس تراها يالسه اترمس اربيعاتها فالكوييييت وبعدين تعالي بخبرج ليش اتقوووولين فكينا من سوالفــج..اقوول حمدي ربــج انج سمعتي بس كلمه منيه..غييرج يتمنون بس يسمعووون همسي..فاااااهمه
سلامي:حشى مية الف مليوووون كلمــة فالثانيه..هب بنيه
روضه:تف تف تف تف تف..بتحسديني يالبغــام..لي ساعه ارمســج يالعنــز ..سيري يبيلي مااي..
سلامي:وااااااايه فدييته والله..شوفي شوفي خلووووف ..بسير بسلم عليه..والله اتولهت عليه..
روضه:فالنفاد اللي ينفدج انتي وياااااه..ماااااالت..
سلامه:عليييييج..
وقفت سلامي عند الباب..اما روضه على يلستها فوق الشبريــة..
سلامي:بااي يالعنز..
رواضي:اااااااه لو انج جريبه منج..جني الا عطيييتج سطااار يرد عقلــج..
سلامي:حشششششى..رررررررعب وعنف..بااي باااي..هيه صح رواضي شكلي حلوو..
رواضي:اسمييه الريال بيشرد اذا شااافــج..اقوول تعالي تعالي جحلي اعيونــاتج عن يشرد تعالي..
سلامي:لا انا جيه اوووكي..والله مجحله عيوناتي..بلاج ما تشوفين..
رواضي:هيه غديييت عميه ويا هالرااس..
سلامي:هيه ترى اعيونج ويا الأخ سهييل..
رواضي:اقول تراني ملييت منج..سيري سيري ..الله يعين الريال بس..بيقول افخاطره..اف شو هالسخيفه..
سلامي:يلا يلا..انا واااثقه من خلووفي فديته..ايحبني ما يقوول هالرمســه..
رواضي:الله والثقه عااد..لو سرتي من اشوي جنج تحت مجابله ويهه..
سلامي:مادري شاللي يلسني عندج..
رواضي:بتردين لي يا سلاموه..وين بتسيرين يعني
سلامي:خلااااااااااص ابا انزل..
رواضي:هههههههه..نزلي نزلي..
نزلــت سلامــي..ونشت روضه واستحلــت مكان سلامي..يعني جابلت الدريشه..بنات العايله تقريبن كلهــن نفس الحركــات..لازم ايطالعن اللي تحــت..تمت اتغنــي..وتتريــا سهيل ايرد البيت وهو صاحي ومعافــى..وتجحل اعيوناتها بشوفـتة ابتسامته الحلوة..ولا نظراته الفاظحــة..وكالعــاده..بمجرد ما يتحول فكر رواضي ويتذكــر موقف او أي شي ينربط بسهيل..اتجرهــا الأفكـار وتسرح فيه الى مالا نهــاية........
الكثير يستغــرب اذا سمعــوا عن حب جنونــي..وحب سيطر على صــاحبه..وحب لعب بقلب صاحبــه..وحب عااش العمر كله افقلب صاحبــه..وحب عجزت الكلمــات..وعجزت المعــاني توصفــه..يبقــى الحب الشي الســامي اللي يتحلـى به كل انســان حامل قلب نابض ما يتشبه بالصخر..ويبقــى الحب نعمــه من نعم الله ع الإنســان..أنا اقصد الحب بجمييع انواعه..ولولا وجود الحب..ابغي حد يقولي كيف بيكون واقعنــــا
بترك هالفلسفه وبكمل القصه..أدري البعض يطوووف هالسوالف..ومعتبرها شبه سخافه..<<احب التنغيز..لوووول..
الموووهيـــــــــــــم..
وش أحلـى من شووفــت الخل..من بعد غياب ما زاد عن الأربع وعشرين سااعه..وش أحلــى من شوفــته وهو مرتـــاح وابتســامته ماليه الدنيــا..شعور يستحل القلــب بدون استئذان..وبسمه اتطيح بكل رقــه فاارضــه وجودهــا..
شوفــة سهيل..حركــت مشاعر شوق..ياما وياااااما حااربت رواضي والسبه الوصــال..وحركـت مشاعر الحب ..اللي ياما وياااما ..عاشت افقلبهــا..والسبه الهيــام..وحركــت الإحاسيس الوفيه والطيبه..والسبــه سهيل.....
حطت شيلتها ع راسهــا..بدون ما تهتم لقصتهــا اللي طايحه ع ويهها البرئ..وظهــرت بكل سرعتهــا من حيرة سلامي..وخاطفه ع الدري وريولها اتدق فيه بقووة ولا اعطتها أي اهتمــام..ووقفت عند بــاب الصاله..تشهد هالموقــف..بس كيف اتشووفه..كييف اتشوفه..والكل ملتم علييه..واللي يسلم واللي يتحمد عليه بالسلامه واللي واللي..
كيف اتشووفــه وهو وسط هالجــمع..رفعــت راسهــا..وحاولت اتطول عمرهـا عسب بس تلمحــه..بس ما رامت..حمد وسيف كانوا اطول منها بواايد..وكانوا مغطين على سهيل..لين ما كل الرياييل يلسوا ولمحتــه يالس امبينهم..اما الحرمــات يالسات ورى الرياييل بشوي..وطبعن البنوتــات وياهن..اقصد سلامي وشموس وغبوش وموزاني..اللي وصلــن من شوي..
لمحــته يالس امبينهم..والمشكله ان هو لمحهــا بس سوى اكبر طااف..وصد بنظره صوب اللي ياليسين عنده..ومكتفي بهم..
وقفت مكانها جاامده..كانت متوقعه يبتسم لها..يطالعها بوحده من نظراته .. يحرك حياته..بس..سهيل كل اللي سواه..انه حتى ما طالع فيها..
هي ما كانت متوقعــه هاللقااااء..ما كنت متوقعه هالجموود من صووب سهيــل..سهيل مب طبيعي..نظرته قبل ما يسير والمستشفى ويشلونه الشباب..واللحين الطاف اللي مسويه لرووضه..
وكالعاده..حطتله مية الف عذر وعذر..وحطتله مليون الف سبب وسبب..اكيد تعبان..ومب متفيــج..يمكن زعلان مني..ويمكن ما انتبه لي..اكيد مشغول بالرمسه وياهم..واللحينه يتخبرون عن احواله..واكيد ..ويمكن وردينا لأكيد ومية الف عذر..
شلــت بعمرهــا وقعــدت عدال شموس..ويودت يد شموس بقووو..حست شموس ان رواضي فيهــا شي..بس طبعــن..محد يكتم اسرار رواضي الا فطامي ما غيرهــا.....

 
 

 

عرض البوم صور بوح قلم   رد مع اقتباس
قديم 04-01-10, 12:50 PM   المشاركة رقم: 18
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

طعن جوفي بسكين الغلا وأخر غلاه جروح
طعني طعنت اللي مابقلبه رحمة انساني
بيت بو سلطان..
الصــاله..
بعـد صلاة المغـرب..
فرت شيخــاني تيلفونها من بعد ما طرشت مسج لسيفاني مكتوب فيه..
"بلاااااكاليوم مسويلي اكبر طاااف"..
كــانت مستاانسه ع اللي اتسويــه..متأكده مليوون بالميه ان سيف يحبها ويمووت فيهــا..بس تبقـى المشكله اذا عرف انها شيخاني بنت خالتــه..هب بعيده على سيف ايسير صوبها ويمطها من كشتها ويدوس افبطنها فالحوي..ايسويها سيف وما عليه من حد..
ولكــن..يمكن ايساعدها الحب اللي عاايش افقلب السيافي..انه يتخطى هالصدمه..ويبقى ايحب مها..اللي هي شيخوووه..
أم سلطان:شيخوووه شيخوووووووووه..
شيخه:هاااااااااه امايه شو بغيتي..
أم سلطان "كانت قاعده فالصاله الثانيه":تعالي ابغيـــج..
شيخه:بعد شوي بييج..امايه انا يالســه اطالع التلفزيووون..
ام سلطان:تعالي ابغييييج ادقيين عى اخووج..ابوج تعب علينا..
شيخه"اتكلم امها واعيوناتها ع التلفزيون":امايه قلتلج ضغطي رقم واحد وخلاف دوسي ع الأخضر وبيدقلــج على سلطون السبال..
أم سلطان"بصوتها التعبان": ياااا بنتيه مادري بلاه التيلفون..ما يظهرلي شي..
شيخه:امممم.."اتصاااارخ"..عيل اكيييد مبندتنه..فوووق بتلاقينه زر..هوسي عليه..
أم سلطان:يا بنتيه تعالي ما بيستوي بج شي..انا ما اعرف لهالسوالف..
شيخه:عيل ليش مظهرة تيلفون.."وتبلع لها حبة جلكسي ويا بيبسي"..
أم سلطان:خلاف بنتفاهم..تعالي خلينا ندق لسلطــان..ابووج تعب علينا..
شيخه:ياااااهالشاايب..دوومه تعبان..قلتلكم خلونا انحطه فالمستشفى..اهناك الرعايه احسن بواايد..ما طعتوني..
أم سلطان:ياا شيخاااني ادخييلج تعالي..ابووج بيمووت علينا..
شيخه:زين زين يايه ..لحظه اشويه..
وطت الجلكسي ع الـطاوله بكل بطء..ومشت بخطواتها البطيئه صوب امهــا..وتمـــت اتطالعبكل بروود "ابوووووها" اللي كان يشهق بصوت مسمــوع..والدوا طااايح ع كندورته..
شيخاني:هاه اللحينه شو السالفهاتعودناع شووفــة هالمنظر..
ام سلطان : دقي على اخووج..بسسرعه يلا..
شيخاني:بدق بدق..عن تاكليني اللحيــنه.."ويوم شلت تيلفون امها وطالعته"..امايه هاه تيلفونج امفضي..
أم سلطان"اتصارخ":عيل دقي من تيلفونج..
شيخاني: اووهووو..عاد تيلفوني عقيته فالصاله الثانيه..
أم سلطان:عيل سيري ييبيه..
شيخاني:اووووف..زين زين..حشى ماشي رااحه فهالبيت..
العنيده212:عنلاااااااااااااااااااااااااااااااااااا ااااااااااااااااااتها..اللي يريد يذبحهــا..انا حااضرة ومستعده للخدمــه ..بس حد يقولي..اوكي
سارت شيخاني ويابت تيلفونها ومن وصلت عند ابوها وامها..حدر المنقذ سلطان..
سلطان:السلااااااااام عليكم..
شيخاني:وعليكم..
من استوعب سلطان الموقف سار صوب ابووه ..
سلطان:شيخوووه الحيوانه ليش ما دقيتلي..
شيخاني:توني اللحينه كنت بدقلك..
سلطان:والله لأدبــج..دواااج عندي..
سيخاني:اقول وده وده اللحينه..
ام سلطان:خلاف خلاف تواقعوا..يلا يا سلطان يلا..
شل سلطان ابووه وزخ شيخاني بنظرة..وساروا للمستشقى..شكله هالسلطان مب ناوي على خيير..احسن عسب يأدبها هالسباااله اللي اسمها شيخاني..
. . . . . . . .
لا تظن البعد ياخـــــــذ من غلاك ..ولا تظن اعشق وادور من جديد
ما اتغير مادام لي قلــــــب معاك..مخلص لحبك وغــيرك مايـــــريد
بيت بو سيف..
الساعه 9 ونص..
الصاله
خلودي:فطااااااااااااااااااااااااااااااااااااامي..
لا حيـــــــاة لمن تنادي..
خلودي:فطاااااااااااااااااااااااااااااااااااااااااا اااااااااااااااااااااااااااااامي..
أم سيف:حوووه ..بلاج اتصاارخين وشااله البقعه بصرييخــج..
خلودي:اماااايه هاي الرووض تبغي اترمس الآنسه فطامي..وانا ازقرها وهي ما توايبلي..
أم سيف: بتلاقينها صاكه ع روحها ومجابله اكتبها..
خلودي:فطامي وكتبلا امايه ما تصلح الجمله..الا وين بتسيرين
أم سيف:بسير عند ام خالد من زمان ما شفتها..<<على فكرة..تراها مفارجتنها أمس..
خلودي:الله يحفظج..
من ظهرت ام سيف..نزلت فطامي من فوق..ومسوية طاف لخلودي اللي كانت فالصاله..على فكرة تراها فطامي نازله بالصدفه..امبونها البنيه ما سمعت خلودي وهي اتصااارخ..
فطامي:فالمحبه يا عرب لا تعذلوووني..لأن حبه في فؤادي قد ســــ........
خلودي:فطااااااااامي العنز..
فطامي:هاه خلوووودي السباله..
خلودي:مااالت عليييج..
فطامي:مالت عليييج انتي..
خلودي:اقول تعالي تعالي تيلفوني..
فطامي:منوووو
خلودي:روااضي..
فطامي من سمعت اسم رواضي ..سااارت بسسرعه صوب خلودي ومطــت السماعه منها بكل قوووة..تمت خلودي اتطالعها..وعرفت ان عندهن شي..فشلت بعمرها صوب حيرتهــا..ادق على سلطان..بس ماا يرد عليها..
صوب فطامي ورواضي..
فطامي:انا بخير شحالج انتي
رواضي:يسرج حــالي..
فطامي:غريبه ليش ساااكته..ظهري علوومــج
رواضي:والله ماشي علوووم..ومن جداكم
فطامي:ما عندنا حد سار المستشفى والحمدالله..بس سمعت ان عندكم واحد تعب عليكم ووديتوه المستشفــى..
روضه:هيه والحمدالله رد من المستشفــى..
فطامي:متى رد..
روضه:العصير.."تقصد العصر"..
فطامي:اهــاا..سلم عليـــج..
روضه:..........................................
فطامي:بلاج
روضه:فطامي..مدري بلاه سهيل علي..كله يزخني بنظرات ولا ايسويلي اكبر طاااف..
فطامي:أحسن شو تبغين به..
روضه:شوووووفطامي ادخيييلج انا مب ناقصه..تدرين اني اموووت في سهيــل..
اهنيه فطامي انقهــرت..وماااااتت من القهر..وحست ابناااار افيوفهــا..جان تسكت اشوي ..وخلاف كملت رمستها..
فطامي:انزين سؤال..
روضه:سألي..
فطامي:بتحبينه ولو هو ما يحبــج
صخــت رواضي..شكلها ما كانت متوقعه هالسؤال..وشكلها ما عرفت كيف اتجاوب عليه..
روضه:كيف يعني<<حلو الإستهبال في مثل هالمواقف..لوووول..
فطامي:يعني انتي اتحبين اسهيل وهو ما يحبــج...
روضه:مستحييييييييييييييييييل..انتي شو يالسه اتقولين لي..اقووولج سهيل هو ايقولي انه يحبني..بلااااااااااااااج اتخبلتي
فطامي:اقووولج اتخيلي انه ما يحبج..
روضه:ما بتخيل..سهيل يحبني وانا ما اريد اتخيل..
فطامي:ياااخي عيشي الخيال اشوي..
روضه:مااااريد..خليني فالواقع احسن شي..شو سهيل ما يحبني..ناويه تذبحيني انتي
صخــت فطامي..الرمسه الأخيره اللي قالتها روضه خلت لسان فطامي يعجز عن الرمسه .. يعني لو درت روضه..شو بيستوي فيهـــا
تمن ايسولفــن..ومعظم السوالف عن سهيل..بس فطامي وقفت تنغيزاتها..وكانت تسمع بكل هدوووووء..واتحاول اتنسي عمرها سالفة سهيل..

 
 

 

عرض البوم صور بوح قلم   رد مع اقتباس
قديم 04-01-10, 12:51 PM   المشاركة رقم: 19
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

وتاخذني لدنياك يا سيد الخــــــود..واعيــــش فيها الف ليله وليله..
اشوف نفسي معك يا مترف العود..مرتاح بالي من الهموم الثقيله..
بيت بوسلطان..
الساعه 10 ونص..
وقف سلطان سيارته..وظهــرت امهــا..ومعها وحده من الممرضــات..اللي بتقعـد عندهم لين الساعه 11ونص..او 12..من اطمن علــى ابووه..طاااار صوب حيرة شيخاني..ودق الباب بكل وحشيه..انزين الباب ماله ذنب..عن يصفعني انا بدل اخته..
المووهيم..شيخاني فجــت الباب..وتمت اتطالع اخوها بكل بروود..عاد سلطان ما صدق شافهــا..على طووووول..كف ع الطاااير.. ..يلا اللحينه كلكم بتستانسووون..نبدأ مرااااحل الضرب..وبعطيكم اياها بالتفاصيل الممله..
فجــت شيخـاني اعيونها منصدمــه ..هاي الحركه اول مرة تستوي..سلطان يضرب شيخووه.. و شيخوه طوول عمرهــا ما كانت متوقعه ان سلطان يمد يده عليها..
سلطان:يالحقيييرة ياللي ما تحشمين ..جيه اتسوين فأهلج..ليش ما دقيتيلي من أول ما زقرتــج امايه..يلستي تمشين ابكل رقــه.."ويمط شعرهــا"..انتي محد ربــاج عدل..ما عندج شي غير هالتيلفون ملصقتنه في اذوونــج..
شيخاني:والله انا مالي خص..عندها تيلفونها ..ليش اتحملني المسؤوليه..
سلطان"يعيطها كف ثاني":ليش انتي بالأصل ويه مسؤووليــه..انتي حقيرة ما تستحين..عنلاتج هذا ابووج..تعبان جدامج وحالته ما تسر..ويالسه اتراديدن امايه ولا مهتمــه..انتي شو من مذهب عليــج..انتي شو من ادميه..
شيخاني:هيه ما مداها العيوز الا تخبرك عسب تفتن عليه..
سلطان:عيوز هاهاوكي شوفي شو بيستويبج وانتي اتحمليه..
وبالعقال طاااااااح فيها طيييييييحـــه..ضربهــا وضربهــا..وضربها وضربها..ولعن خيرها وقطعها..وطااح فيها بالسب..لين ما يت امــه وتمت تترجــاه انــه يتركههـا..ويخليها افحال سبيلها..
بس سلطان كان البركان الثااير..كيف يتركهها وهي وحده عديمة إحساس.. أبوها تعبان وحالته موول ما تسر..وهي يالسه تتدلع فالرمسه ومسوية لبوها وأمها اكبر طاف..
فالأخير.هدى سلطان اشوي من بعد ما شاف ان امه انهد حيلها...وحط يده على جتف امه وظهروا من الحيرة..مخلين شيخوه والدم يظهر من ثمهــا..
ظنكم..هل اباءنا وامهاتنا..يستحقووون منا انا انعاملهم بهالطريقـــه..هل يستحقوون انا انطالعهم بنظراتنا ونسويلهم اكير طاف فالكووون..
امثال شيخه..وامثال وامثال..وين عقوولهم..معقوله هااييل بشر ..واللي يسونه..انا احسه ما ينعد من افعال بشر..ينعد من افعال حيوانات ..ولا انقول بنمشيها وبنقول بشر..بس اعقولهم مودعه من زمــان..
أي جموود طاااح افقلب هالشيخه وهي اتطالع ابوها تعبااان..ويشاهق..وأي قسوة سكنتها ذييج الساعه وهي ترد على امها بكل استخفاف..وجنه هالموقف اللي امها فيه..عاادي..وهب مهم..وشي سخيف ما يستاهل حد يهتم به
تبقــى الكلمــة فالأخيييير..وفالأخييير كلن بيلقا يزااااه..
. . . . . . . . . .
هالدنيا حلوة بشوف عيونك الحلوة..يامــــن غديت ب حياتي كل مافيها ..
ان غابوا الناس عني قلت انا فدوة..الا انـت لا تغيب عن عيني وتجفيها..
جدام المول..
الســاعه 10 ونص..
وقف أحمد جدام الشباب وأعلن انسحــابه...وركب سيارته الإكس فايف..وما وحاله الا يشغلهــا..ويحركها اشوي..الا ريسوه اختــه داااقــه..
أحمد:اووووهووووو انتي شو تبين<<<قاعد يستهبل..
ريسه:احمـــــــد...
أحمد:وحطبه..شو تبين
ريسه:وووع على اسلووبك..
أحمد:يا مرحبــا السااااع..هلا والله هلا..اسميني ارتحت يوم شفــت رقمــج..وين لا تسألين عني..ولا اتدقين لي..ولا حتــى مســج..لهالدرجه انا اهوون عليج..
ريسه:وانا اقوول ليش البنات يبن ايرمسكن..اسميك بييع وسبيح فالرمسه..
أحمد:شو قالولج تاجر ولا سباح...هههههههههههههههههههااااااااي..
ريسه:حشى يالضحكه..شلت العين بكبرها..
أحمد:ااااااااااااااااااااااااه..فدين العين وهل العين..<<<<خراااااااط..
ريسه:واهل العين..عيل اكيد شفت لك وحده وغرمتبك..لا اتقولي من هاييل اللي مضيعات مذهبهن وعاقتنه فالشارع..
أحمد:لاااااا أنا وين وانتي وين..انا اتفدى هلي..امايه ابوويه..والشله ..شو بلاج..
ريسه:هيه ع بالي بعد...المهم انته وين..
أحمد:توني ظاهر من المول..
ريسه:اوووه..اقول تعال خذني..
أحمد:وانتي وين
ريسه:فالرمــاح..
أحمد:يلسي يلسي..والصباح رباح..بغبش لج من فير الله..
ريسه:بوسهاب ولا حاسه بويع هب طبيعي..شكلي بولد..
أحمد:ربعي خبري أم ريلــج..
ريسه:أمبونها الحرمة يالسه عنديه..بس انا ابغي امايه..
أحمد:ياا هالبزا..شو بتسويلج امايه يعني..
ريسه:احمد..تعال دخييلك..والله لولا الحايه جان ما دقيتلك..
أحمد:اووه اووه عصبتي..
ريسه:اقوول يلا مع السلامه..بيي ويا الدريول بليا ذل..
أحمد:هههههههههههههههههههههه..خلاص خلاص يانج اللحينه..تزهبي..
ريسه:مشكله الرياااااييل..يلا بسرعه..
أحمد:وتتشرط..
ريسه:خلاص مابرمس..يلاااااا..
أحمد:بااااااااااااااااي..
ريسه:باي..
بند أحمد عن ريسه وبسرعه دق لحمدان..
أحمد:الو مرحباا حمدان ياينك بالبشاره الحرمه ولدت ويابت ولد..
حمدان"منصدم":.....افذمتــــــــــــــــــــــــــك ..
أحمد:ماااجذب..وينك يا ريال..
حمدان:ياخي عندي زاام بلاك اللحينه..
أحمد:اوووهوووو..ريسه اتصيح الا تبى اتشوفــك..
حمدان"بغى يموت":حوووه شوووو بلاهااستوابها شي..
أحمد:ماادري..ماطااعت اتشوف الياهل..اتقول بس حمدان وحمدان..وشاله المسشتفى بصريخها..
حمدان:اللحينه اللحينه بظهر..بسويلهم طااااف..
أحمد:هيه والله عسب تاخذها من الرماح اتوديها بيتنا مافيني اضرب خط لين بيتكم..
حمدان:توك قايل انها ولدت ويابت ولد واللحينه فالمستشفـى..
احمد:ياا ولد الحلال اقص عليك..تعالي خذ حرمتك من بيتكم وودها بيتنا..
حمدان:تستهبل ولا شووووو
أحمد:لا استعبط..ههههههههههههههههههههههههه..
حمدان:يلعن شكلك..كلتلي فوادي...المهم شحالها ريسه..
أحمد:ليش انتوا متزاعلين ولا ترمسها..
حمدان:دقيتلها بس ما ترد..
أحمد:يعني هي الزعلانه..اعترف شو سويت افأختي..
حمدان:ماااااااااااااااااااااااااااااااااالك خص..حرمتيه..
أحمد:اه يعني زعلت ختيه..
حمدان:مالك خص..
أحمد:غلطان اللي يرمسك..مع السلامه..
حمدان:عشنا وشفنا..اللحينه احمد استوى ياخذ افخاطره..الله يا الدنيا..
أحمد:ههههههههههههههههههههههههههههه..اقول بخليك..
حمدان:يلا عيل مع السلامه..انا بعد مشغوول..
أحمد:فمان الله..
بند أحمــد عن حمدان..وابتسم افخاطره على ريسه وحمدان..وتم يطالع جدامه..
. . . . . . . . . .
أحبّك ماهي بَسْ كَلْمَهْ أنا دايمْ أرَدْدْها
أحبّك كلمةٍ لاقِلْتَها أقصِدْ مَعانيها
بيت بو محمد..
الساعه11..
الحـــوي..
روضه:ههههههههههههههههههههههههههههههه..عنلاتج..وكم يبتي فالإمتحان..
غبوش:هاهاهاي..علامه كامله ياا حلوووووة..
روضه:والله انــج..
غبوش:يلا فاارجي خليني ادرس.."واتطالع كتابها"..
روضه"اتنش":ماالت عليييج.."وتصد صوب المطبخ لقت شموس ظاهره"..شموووووووووووووس ..شموووووووووووووووس..
وربعت روضه صوب شموس وقعدن فالمطبــخ اشوي وخلاف ساارن فووق..اما غبوش تمت تدرس واحليلها..لين ما حست بالعطش..وعقت كتابها ع واحد من الكراسي وساارت صوب المطبخ..من خلصت ردت لبقعتها..بس ما لقت كتباها..
غبوش:وييييييييييييييييييييييييين كتااااااااااااااااااابي..باااااااااجر امتحااااااااان..

 
 

 

عرض البوم صور بوح قلم   رد مع اقتباس
قديم 05-01-10, 10:57 AM   المشاركة رقم: 20
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

الجــزء العاشـــر..

••.•°¯`•.••..بدايــة تغير..••.•°¯`•.••

والعذاب الوان يا ترف الشباب
وانا حبي لك الى حد الجنون
لا تعلقني على وهم وسراب..
اقصر الخطوات والكاين يكون..

يلس أحمد ع الكرســي من بعــد ما سرق الكتاب..وتم يتصفــح..
أحمد:حشــى هاه هب كتاب .. موسوووعـــه علميــة..
غبوش"حاطه يداتها ع خصرهــا":حووووه ..احمدوووه السرااااااق..
"لا تنسون ان هاذا ولد خالتها"
أحمد:اوووووووووووه المصريه عاش من شااافـــــج..
غبوش:عااشت ايااامي..ليش تسرق كتابي..حرام عليك..تدري ان قلبي وقــف..
أحمد:ليش شي اشارة مرووورههههههههههههههه..
غبوش:هههههههه..
أحمد:شحــالج
غبوش:يسرك حالي..عطني عطني الكتاب بسير بدرس..باجر اخر يوم فالمدراس ..
أحمد:كح كح كح..عليييييييج غباااااااار..انتي بعدج ع المدااارس..ماال اوووول..
غبوش:ممممااااااااااااالت عليك..ليش انته في الجامعـــه..
احمد"ينش ويوقف ويعطيها الكتاب":احم احم..شو جامعه..انا دوامي فالموولات..
غبوش:هيييييييييييها..بعدك ع عادتك..
أحمد:انمشي الوقــت..ويــن ريسووه..
غبوش: شفتهــا دااخــل..بتاخذهــا..
أحمد:هيه توها متصلتلي..
غبوش:اوكيك دقايق بزقرهــا..
قفت به غبوش وسارت قسـم حمدان اللي برع الفله..يعني هب شرات محمد..تمت عيون أحمد اتراقبهــا..ما بقوولكــم انه يحبهــا..بس شخصيتهــا تعيبه واايد..هي شاطره..بالمقارنه ..هو رسب في صف سادس..وفي مادة الرياضيات..ياب 9 من 100..ومن بعدهــا وقف الدراســه..هي جديه افأغلب الأوقـات..وهو طووول الوقت مزووووحي ويسولف ويضحــك..واشيااء واايد تتناااقض من بين احمد وغبوووش..
صحيــح انها ما تحتل تفكييره موووول..بس ان يابوا طاري العرس لــه..سار فكره لغبوش..بمعنــى أخر..يعني هو حاطنها افباله...
ابتسم أحمد يوم شاف ريسه يايه ووياها روضه..سلم على روضه وخلاف ظهروا صوب العيــن..

. . . . . . . . .

ان قلت احبك ترى ما قلتها رضـوة..
من كل قلبي أحبــك صدق واعنيهــا..
لكن خذني حبيبي خطوةٍ خـــــــطوة..
بكرة الليالي تفسرلك مـــــــــعانيها..

بيت بو سيف..
الحــوي..
الساعه 2ونــص..

وقف سيف والسمــاعه افأذنــه..ويالس يتحوط ومستانس بالهبوووب..
سيف:وشو بعـــد
مها"شيخاني":وهاي كل الســالفه..
سيف:يعني اللحينه بتسيرين ترقــدين..
مهـا:هيه..تامرني بشي..
سيف:بس طلــب واااحـــد..
مهــا:امر يالغلا كله..كم سيف عندنـــا..الا وااحد ويتدلــع..
سيف:ههههههه..سمعي باجر اول ما تنشين سويلي تيلفون..
مها:لييش
سيف:قلتلج سويلي تيلفون وبس..
مها:اوكيك بسويلــك..
سيف:تامرين بشي
مها:لا فديتتك تسلم..يلا مع السلامه..
سيف:الله يحفظـــج..
بند سيف عن مهــا..اللي هي شيخاني ام السعف والليف..قعد قعده ابروووحــه..معقووله سييييف بن المر ايسوي هالسوووات..ايرمس وحده من بنات جبيلتــه..وعلى أي اساسهي اتحبه وهو يحبهــا..
مرات ايحس عمره غبي وسخيييف وما عنده ساالفـــة..كيف يعلق قلبه ببنيه ما قد مرة شافها افحياتهــا..ماعرف الا صوتهــا وحلات منطووقهــا واخلاقها الحلوووة..معقوووووله..
ومرات ايشوف عمره مقتنع باللي يسويه ..لأنه فاهم شو يعني المحبــه..مب محبة اعيون ولا شعر ولا ولا ولا..المحبه محبة شخصية الوااااحد والانجذاب لها..
دووم هالأفكار تغزي مخيلة سيف..وتخليه يحتار افعلاقته ويا مهــا..ويوصل لنتايج..انه يقطع هالعلاقه..ولا انه يعرف كل شي عن مهــا..ويسير يخطبهــا..وبجيه بيكون هو راضي بكل شي ..ولو كانت اشتم الخلايق..
وقف سيف وهو صج متضااايج من هالأفكار..وتوجه بسرعه صووب حيرة فطامي ايشوفهــا..كان متوقع ايشوفهــا فاجه وحده من المجلااات وقاعده تتسمع اغاني..ولا يالسه ع يلستها ع المسن..بس لقاها راقــده ومنطويه ع عمرهــا اتقول وحده متجمده من البرد..ابتسم ع شكلها الكيووووت..صج انها للحينه بنوته صغيره..بس قلبها مفتووح للكـــل..وتعرف اشياااء..مفروض غيرها..واللي اكبر منها فالعمر يعرفووونهـــا..
ظهــر من عند فطــامي ونزل تحت صوب قسمــه..ووطـى راسه بعد ماكان الرقاد مجافنــه..

. . . . . . . .


وشلون أعيش بغربتك لا تغربت
ما أقدر أواجه غربتك مع عذابك
لك وحشةٍ في خاطري لا تغيبت
تظلم علي دنياي ساعـة غيابـك
يا نور عيني في غيابـك تعذبـت
أمشي على دربك و أنادي سرابك

مدرسة قوم رواضي..
آخر يوووووووووووم فالمدارس..
"يعني قبل العيد"..

حطـــت روضه اعيونهــا ع السااعه بكل دقـــه..تتريــا لحظه الإفرااااج...وسهيله نفس الشي..مبحلقه اعيوناتها ع الساعه ..اما موزاني وسلامي منتبهات ويا المس..ووياها افكل كلمه وافكل مسأله..
روضــه"بهمس":
وااااااااحــــــــــــــــــــــــــــــــــــــــ ــــــــــــد..
اثنيــــــــــــــــــــــــــــــــــــــــــــــ ـــــــــــن..
ثلاثــــــــــــــــــــــــــــــــــــــــــــــ ـــــــــــــــه..
تتتتتتتتتتتررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررنننننن..
ابتسمت روضه بندت الكتاب وقلمها لازال موجود داخلــه..وظهــرت المنظرة من شنطتهــا..تمت اتطالع جحالها جان اخترب..وحركــت قصتهــا بحركه خفيفه..وطالعت سهيله..
روضه:اخييييييييييييييييييييرن..ما بغينا نفتك من هالحصص..
سهيله:الحمدالله افتكينــا..حــتى الامتحانات العمليه كانت سهلــه..
موزاني:عطووووني المنظرة..
سهيله:هااج يودي..
موزاني"اتطالع عمرها بالمنظرة":يلا هبابنا انزهــب اغراضنــا ونشل عيشتنا ونيلس افبقعتنــا..
سلامه:والله متفيجـــات..ابا ارد البيت برقد..وخلاف بسير السوق..
روضه: هع..ريلي ع ريلــج..
سلامه:اووه رواضي ماريد اشلــج..دوومج اتطيحين فالمولات وتفظحيني..
سهيله وموزاني:ههههههههههههههههههههههاااااايييي..
روضه:امحق..يوم انش من طيحتي..ادور بعيوني يمين يسار..وينها سلامي..واخر شي الاقييها فآخر العالم..اونها جدام خلق الله ما تعرفني..
سهيله:هيه بس تعرفــج يوم تتوسطين امبينها وبين خلوووووف..
موزاني:امبونها هاي سلامي راعية مصااااالح ..
سهيله:اايه ده يا سلامه..دنتي طحتي من عيني..
سلامه:لا تخلووووني اعيط..
خخخخ..نقع الكل ضحــك..وشلن عبيهــن وشناطهــن وسارن بقعتهــن..ووياهن العيشه مالتهن..اشوي الا نعوم ومريوم وعواش يــن..وبدت السوالف والضحــك..وكل وحده تاكل اخس عن الثانيـــه..
روضه:مريووووووووووووم عن تاكلين وااايد ..
سلامي"بنغزة": لييييييييش
تمت مريوم تنقل نظراتها بين روضه وسلامه..وفاجه اعيونهــا منصدمــه..
روضه:سو ليييس بعدأوووه..شو ليش بعد
الكل:هههههههههههههه..
عصبت رواضي وفجت اعيونهـــا..جان يسكـــتن..
سلامه:اممم مادري..
موزة:اممم..انا ابا اتحوط منو بتسيرين ويــايه..
الكل سكت..بعدهن يبن ياكلن..
روضه:يلا خلاص انا بسيير ويــاج..
موزة:نشي عيل..
نشت رواضي..وسارن يتحوطن..
مريوم:انتي قلتي لسلامي شي
رواضي:لا والله..اصلن محد يعرف الا فطامي..
مريوووم:ومنو فطامي
رواضي:بنت عمتيه اللي في سويحان..
مريوم:وليش تخبرينهــا
روضه:لأني ما اخش عنها شي..
مريوم:اوووه..المهم متي بييمن زمــان ما شفتــه..
روضه:كله ادق عليه وما يرد علي..الريال يمكن شافله شوووفــه في مصر..
مريوم:سيري سيري يلا..مستحيييل..
روضه:ووااااثقه ماشاااااالله..
مريوم:هيه..وواثقه ونص بعد..
روضه:تقربلــج نانسي عجرم..
مريوم:للأسف لا...
روضه:هههههههههه..

 
 

 

عرض البوم صور بوح قلم   رد مع اقتباس
إضافة رد

مواقع النشر (المفضلة)

الكلمات الدلالية (Tags)
مع غير العب وبين له مهاراتك قصة امارتية, قصة امارتية للكاتبة العنيدة, قصص اماراتية
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:54 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية