لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 07-02-10, 11:28 AM   المشاركة رقم: 241
المعلومات
الكاتب:
اللقب:
عضو فخري
✿ باذِخَةُ الْعَطَاءْ ✿


البيانات
التسجيل: Jun 2009
العضوية: 146680
المشاركات: 19,408
الجنس أنثى
معدل التقييم: ΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسي
نقاط التقييم: 4020

االدولة
البلدSaudiArabia
 
مدونتي

 

الإتصالات
الحالة:
ΑĽžαεяαђ غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 

اقتباس :-  
الوشه1




==يه يه يه وانا اقول وش هالنور الي صقعني وانا افتح الصفحات اتاري اسمك منورنا هلا هلا ومية هلا والله شرفتي وانستي ونورتي يا الغالية ==

اقتباس :-  
السلام عليكم ورحمة الله وبركاته..........تسلم ايدك يااغلى زره ........




== وعليكم السلام ...

الله يسلمك يا احلى وشــــــــــــــــــــــــه ==



اقتباس :-  
روايه شدتني وبقوه لاني احب الروايات اللي من النوع هذا (يعني متزوجين ويحبون بعض

ويكابرون)......




== اي اصلا انا من وقت ما عرفت ذوقك قلت ما راح يرضيك الا انا خخخخخخخخ ==


اقتباس :-  
زره حياتوووووو........لاني بديت في الروايه بالمقلوب ماني فاهمه الشخصيات زين

بس بالرغم من كذا تعجبني المواقف اللي بين روضه وبدر وموقف روضه من سلام ميعلى بدر....بس موقف والدهااااااااا

ماعجبني...يعني الرجال راضي وعارف ظروفها

ومتمسك فيها ...اجل ليش روضه وابوها يحاولون يبعدونه........




== سبحانك يا رب مو منك من القرود الي تنطنط حواليك ربي يحفظهم يا رب وليش بالمقلوب عاد اقريها تمام عشان تفهمينهاوبشوف ردك ==

اقتباس :-  
الشخصيات الثانيه حاولت اعلق عليها بس خفت اعفس الدنيا وتعفسيني حضرتك

بس البارتات الجايه ان شاء الله معااااااااااك اذا الله كتب نصيب......


== .... وعلى العفسة راح اعفسك بس مو هذا السبب لمن نتقابل في المقلط اقولك يااااااااااااااااا وشـــــــــــــــــــــــــــــــه==




اقتباس :-  
بالتوفيق دائما ان شاء الله..والله يحفظك غاليتي..........

أختك.......ألوشه...



== آميــــــــــــــــن يا رب ويحفظك ويحفظ غاليك يا احلى اخت والله ==

زوزو مــــــــــــــــــــــــش زرة

 
 

 

عرض البوم صور ΑĽžαεяαђ   رد مع اقتباس
قديم 07-02-10, 12:02 PM   المشاركة رقم: 242
المعلومات
الكاتب:
اللقب:
عضو فخري
فَنَانَة لَيْلاس

البيانات
التسجيل: Nov 2007
العضوية: 57245
المشاركات: 14,745
الجنس أنثى
معدل التقييم: توري عضو متالقتوري عضو متالقتوري عضو متالقتوري عضو متالقتوري عضو متالقتوري عضو متالقتوري عضو متالقتوري عضو متالقتوري عضو متالقتوري عضو متالقتوري عضو متالق
نقاط التقييم: 3294

االدولة
البلدSaudiArabia
 
مدونتي

 

الإتصالات
الحالة:
توري غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 

سلااااااااااااام

وووووووووووه و أخيـــــــرا وصلت للنهاية
خلاص طاقتي نفذت خخخ

اول شيء : ودوووم يعطيش الف عافية
على هالقصة مع اني عانية سوي مع اللهجة

ثاني شيء: زوزو مشكوووووورة على النقل
و الله قليلة كلمة رووووووووعة فيها

ثالث شيء : نحلل الشخصيات
و الله ما عندي ما عند جدتي

بس قبل ما اجيهم سؤال صغيرووون
لايكون زايدوه قالب على نور من عين منصور
و الله ان شلك عانهم

زايدوووه العلة ... الله ياخذك لو انك مت يوم الحادث كان حن كل ابينا مرتاحين منك .. احس اني اذا زودت تعليق عليك بتطير عضويتي *_^

نووور .. مع احترامي لش انتي غبية و لا فيه وحدة تروح لواحد و تقول تزوجني صراحة انش قهرتيني يوم طلبتي منه
بس صراحة انتي اكوس وحدة في القصة شخصيتش روووعة
و احلى لما قدش تقولين عماااه ^_^

خليفوووه .. كاني اقول مابه رجال صاحي و يفكر في عايلتكم الا انت زايد و خبل و فهيدان متهور
بس ذلحين طحت من عيني و انت تصدق الاراجوز ( اميرة ) و تكذب نورة و الرجال اللي دخل عليها ماهو الا من خطط بنت خالتك تخلخلت عظامها و عظامك

نورة .. ما عليش منه و من كلامه ان شاء الله ربي بينصرش عليه و على الخبل اللي معه

اميرة .. مالت عليش و الله ان الاسم حرام فيش

روضة .. تصدقين تمنيت اذبحش يوم قلتي لبدر ان عندش حبيب موقفش و الله صعب يوم قالوا انش اللي ذبحتي المدرسة

بدر ... عز الله انك رجال(ن) مطلق ( بفتح اللام)

مروان ... و ربي اني ضحكت عليه من قلب يوم جاب لمي حلويات و قبلتهم منه خخخ مسكين انصدم

اليازي .. في الاول حسيت انها متمردة و ان خالتها كانها مدلعتها يوم كانها كل شوي تقول ابغى اروح عند خالتيه بس صدمت يةم الملكة انها تقول اول مرة تلبسها خالتها شيء جديد ان شاء الله ان ربي بيعوضش بفهد

فهد ... في اخر بارت حسيت انه فيه احتمال انك تصير رجال و تخلي منك خبط (= ضرب) النسوان و يقولون عندنا ماهو برجال من تقيوى (=من القوة ) على مرة

الجدة ... فلـــــــــــــه جدتهم

ام فهد .. احس انها ام سلبية يعني شوفوا ضربوا روضة قدامها و ما قالت شيء و تشوف مي تسلم على الرجاجيل بذيك الطريقة و ما تخاصم (= تهاوش ) مي .. مرة وحدة بس قالت لزايد ان البنت كبرت ما يصير ذا الكلام

من بقي ما عاد به حد صح

 
 

 

عرض البوم صور توري   رد مع اقتباس
قديم 07-02-10, 12:25 PM   المشاركة رقم: 243
المعلومات
الكاتب:
اللقب:
عضو فخري
✿ باذِخَةُ الْعَطَاءْ ✿


البيانات
التسجيل: Jun 2009
العضوية: 146680
المشاركات: 19,408
الجنس أنثى
معدل التقييم: ΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسي
نقاط التقييم: 4020

االدولة
البلدSaudiArabia
 
مدونتي

 

الإتصالات
الحالة:
ΑĽžαεяαђ غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة بوح قلم مشاهدة المشاركة
   تسلمن ودوم وعديلتي الغالية زوزو


== الله يسلمك يا الغالية نورتي ==


خليفة

شكلك هب في حاسيتك.. حد يصقد اميروو وامها ويجذب نورة.. بس شو نقول.. الظاهر انك تبي لك ضربة على راسك اترد لك حاسيتك.. بعدين شو لك صرفة ويا هالزيود.. ولا تراه ما بيشوف الخير

== شكل انتي اللي مو في حاسيتك يا بوح اجل يصدق تنكتب كذا هههههههههه =

روضة وبدر

الحينه تتفقون عالطلاق بدل لا ترمسون عن عرسكم.. شكلهم المعاريس في 2010 غير خخخخخ.. اسمعوني عدل.. السالفة ما يبيلها شي.. بس ايلسو ويا بعض واتفاهمو.. يلا جدامي.. الصالة محد فيها روحو اتفاهمو فيها.. وبعدين يا روضة الهروب هب حل للمشكلة



== ولا يهمك انا وصلت لهم الكلام باقي ينفدون بس خخخخخ ==

فهد واليازي

لا يا فهود.. اونك اتدفيها.. والله وفيك الخير.. الحينه تبي اتفهمني ان نيتك زينه.. احلف بس.. وانتي حشى هذا ما تبينه وهالصياح جان تبيه جد الحينه بنحصلج فالبلاد راده تتطمنين عليه.. يلا الله يوفقكم.. مع اني ما اتوقع التمفاهم يستمر بينكم




== هههههههههههه شعرفك بنيته انتي ... اي والله اول ما يرجعون بلادهم بتبدأ المشاكل هخهخهخه ==

مي ومروان

تحبين السنكرس.. زين بالعافية عليج.. يعني ما فهمتي قصد الريال.. بلاج امسبها جي ركزي ابويه الريال هب يايب لج السنكرس لسواد عيونج.. شو مروان وظفوك راعي دكان بالبركة .. اقول ما عليك امارة وانته ياي من الدكان هات لي جلكسي كراميل



== لا تعليق ==

منصور

حشا انته هب ربيع انته عدو.. حاسدنه على كل شي.. حتى عالهواء اللي يتنفسه.. وامصور الحادث بعد.. شكلك كل يوم تشوفه وتتمنى لو مات في الحادث



== خخخخخخخخخ اكيد هذا زايد مو حي الله ههه ==

نور وزايد

رووووح.. انته بعدين وياك.. تعرف انته ما يبيلك منصور واحد.. يبيلك جروب مناصير ويمكن ترد لك حاستك وترحم البنيه.. يعني الحينه امجسح.. وما تروم اتنش شرات الاوادم ولسانك طويل اشحقه ها.. ابي اعرف شي واحد صوتك هذا اللي جنه ربابه لازم يوصل للعمارة كلها.. كل اييرانكم جان ما سمعو صوتك اتصارخ.. بييون يسالون عنك.. يمكن استوى بك شي.. وانتي يا نور.. حشى حبج عذاب.. كل هذا حب.. خليه ايولي.. قلبج هذا ما عنده سالفة ايحب واحد شرات هالزيود.. اقول بتعقين ولا الشو.. انا من بداية القصة اقول لج اعقلي.. ولا بيي بشلج وبردج بلاد امج.. عالاقل الناس ايحبونج هناك.. هب شرات هالخدية زيود



== وش بقيتي بعد ما قلتيه هههههه كفيتي ووفيتي ==

ودوم و زوزو

نترياكن

ان شاء الله حبيبتي


في القريب العاجل ولا يهمك

زوزو

 
 

 

عرض البوم صور ΑĽžαεяαђ   رد مع اقتباس
قديم 07-02-10, 03:23 PM   المشاركة رقم: 244
المعلومات
الكاتب:
اللقب:
عضو فخري
✿ باذِخَةُ الْعَطَاءْ ✿


البيانات
التسجيل: Jun 2009
العضوية: 146680
المشاركات: 19,408
الجنس أنثى
معدل التقييم: ΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسي
نقاط التقييم: 4020

االدولة
البلدSaudiArabia
 
مدونتي

 

الإتصالات
الحالة:
ΑĽžαεяαђ غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة توري مشاهدة المشاركة
   سلااااااااااااام

وووووووووووه و أخيـــــــرا وصلت للنهاية
خلاص طاقتي نفذت خخخ


== اصدق والا ما أصدق توري هنـــــــــــــــــــــــــــــــا يا مرحبااااااا مليون والله هلا هلا هلا فيك حبيبتي انا كنت مستنية الايقونة واتفاجأ برد وش طوله اتاري عندك مواهب مخبيتها عنّا لا نحسدك هخهخهخهخهه ==


اول شيء : ودوووم يعطيش الف عافية
على هالقصة مع اني عانية سوي مع اللهجة

ثاني شيء: زوزو مشكوووووورة على النقل
و الله قليلة كلمة رووووووووعة فيها

== العفو حبيبتي وعاد بقول كلمة بيقولون مغرورة بس برضوا راح اقولها ((( الحلو ما يجيب الا حلو ))) هههههههههههههههه ==


ثالث شيء : نحلل الشخصيات
و الله ما عندي ما عند جدتي


== متأكدة ==
بس قبل ما اجيهم سؤال صغيرووون
لايكون زايدوه قالب على نور من عين منصور
و الله ان شلك عانهم

زايدوووه العلة ... الله ياخذك لو انك مت يوم الحادث كان حن كل ابينا مرتاحين منك .. احس اني اذا زودت تعليق عليك بتطير عضويتي *_^

== تووري عاد لو ربي أخد زايد كيف راح نتابع القصة بعده ==

نووور .. مع احترامي لش انتي غبية و لا فيه وحدة تروح لواحد و تقول تزوجني صراحة انش قهرتيني يوم طلبتي منه
بس صراحة انتي اكوس وحدة في القصة شخصيتش روووعة
و احلى لما قدش تقولين عماااه ^_^

== والله عاد هذي نور انتي استني شوي عليها أنا عندي اعتقاد انها بتخرج حرتنا كلها من زايد هههاهاااهااا ==

خليفوووه .. كاني اقول مابه رجال صاحي و يفكر في عايلتكم الا انت زايد و خبل و فهيدان متهور
بس ذلحين طحت من عيني و انت تصدق الاراجوز ( اميرة ) و تكذب نورة و الرجال اللي دخل عليها ماهو الا من خطط بنت خالتك تخلخلت عظامها و عظامك


== هههههههههه ما عندك واحد اثنين انتي نازله فيهم دعاوي بس خخخخخخخخخخخخخخخ ==
نورة .. ما عليش منه و من كلامه ان شاء الله ربي بينصرش عليه و على الخبل اللي معه


== آمييييييييييييييييييين ==
اميرة .. مالت عليش و الله ان الاسم حرام فيش


==خخخخخخخخخخ اي والله الاسم حرام فيها ==
روضة .. تصدقين تمنيت اذبحش يوم قلتي لبدر ان عندش حبيب موقفش و الله صعب يوم قالوا انش اللي ذبحتي المدرسة

بدر ... عز الله انك رجال(ن) مطلق ( بفتح اللام)

مروان ... و ربي اني ضحكت عليه من قلب يوم جاب لمي حلويات و قبلتهم منه خخخ مسكين انصدم

اليازي .. في الاول حسيت انها متمردة و ان خالتها كانها مدلعتها يوم كانها كل شوي تقول ابغى اروح عند خالتيه بس صدمت يةم الملكة انها تقول اول مرة تلبسها خالتها شيء جديد ان شاء الله ان ربي بيعوضش بفهد

== آمين يا رب بس الظاهر كذا الشيء ذا مو قريب باقي عنده حطب ما طاح هخهخهخهه ==
فهد ... في اخر بارت حسيت انه فيه احتمال انك تصير رجال و تخلي منك خبط (= ضرب) النسوان و يقولون عندنا ماهو برجال من تقيوى (=من القوة ) على مرة


==== تابعي ونشوف بيصير رجال والا مااااش ==
الجدة ... فلـــــــــــــه جدتهم

ام فهد .. احس انها ام سلبية يعني شوفوا ضربوا روضة قدامها و ما قالت شيء و تشوف مي تسلم على الرجاجيل بذيك الطريقة و ما تخاصم (= تهاوش ) مي .. مرة وحدة بس قالت لزايد ان البنت كبرت ما يصير ذا الكلام

== اي والله معاك حق ==

من بقي ما عاد به حد صح

== كفيتي ووفيتي وجود اسمك في المتصفح بس كان راح يكفيني مثل ما قلت لك عاد كيف لما اشوف الاسم والرد بالتفصيل شكرااااااااااااا يا الغالية


زوزو

 
 

 

عرض البوم صور ΑĽžαεяαђ   رد مع اقتباس
قديم 11-02-10, 09:54 AM   المشاركة رقم: 245
المعلومات
الكاتب:
اللقب:
ليلاس متالق



البيانات
التسجيل: Jan 2010
العضوية: 155543
المشاركات: 248
الجنس أنثى
معدل التقييم: وديمه العطااء عضو له عدد لاباس به من النقاطوديمه العطااء عضو له عدد لاباس به من النقاط
نقاط التقييم: 101

االدولة
البلدUnited Arab Emirates
 
مدونتي

 

الإتصالات
الحالة:
وديمه العطااء غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 

مرحبا بالجميع

كل الحب والتقدير لكل متابعين نور مع محبتي للجميع

الجزء السادس والعشرون


اخذ فهد واليازي كل الي يريدونه من الدكان وطلعو راجعين للفندق وفي طريقهم شاف فهد بوتيك صغير للملابس الشتويه
فهد:تعالي انطالع شوعند هذا
تبعت اليازي فهد وعجبها المحل وايد
فهد:اليازي شورايج في الجاكيتات هذي
قربت اليازي امنه اطالع الجاكيتات
اليازي:اتجنن بس شكلها غاليه وايد
وبالفعل كانت البضاعه غاليه واظاهر الها زباين خاصين
فهد:اي واحد فيهن حلو
اليازي:كلهن ايجنن
فهد:يعني اختارلج انا على ذوقيه؟
اليازي:اليه انا!!!لا لا انا ما اريد
فهد:بس انا عجبنيه وباخذلج واحد...شرايج في الاسود هذا
اليازي:حلو بس غااالي
تم ايطالعها:مايغلا عليج
شله فهد وتوجه للبياعه وتحاسب معاها وعقب طلعو وكانت اليازي مستااانسه وتحاول ماتبين وناستها

بعد ساعه من رقدة زايد قعد قاعد وتفاجئ ان نور على نفس قعدتها متكيه براسها على طرف السرير وهيه قاعده على الارض
تم دقايق ايطالعها وهو سرحان ويفكر في كل الي صارلهم وفي الكلام الي قالته هل صدق اهيه تحبه
قرب منها وهو بعده قاعد ودقها
زايد:نووور نووور
قفزت خايفه ورفعت نظرها ناحيته وتمت اطالعه
زايد:انااااا ايعااان اريد اكل
وقفت نور بسرعه:حسنا ساحضر لك الطعام
وطلعت بسرعه ولحقها زايد وراح يقعد في الصاله في انتظارها
بعد دقايق رجعت نور وهيه شاله صنيه فيها كل شي من الاكل سندويجات كيك وبسكويت وصحن صغير فواكه غير العصير وكوب النسكافيه
حطت الصنيه جدامه وقعدت اهيه ورا الطاوله على الارض مجابلتنه
زايد:ليش قاعده اهناك؟
وقفت على طول:هاا ..حسنا
التفتت عنه وراحت للمطبخ
اتبعتها نظراته وهو مستغرب شو فيها وليش اهيه قالت حسنا تم زايد ينتظرها يمكن تيب شي بعد لاكن نور تاخرت وايد مسك
عكازته وراح وراها للمطبخ وهو يعكز على العكازه طل براسه للمطبخ وانصدم انها قاعده على الكرسي في الزاويه وهيه سرحانه وشكلها حزين
زايد:نوووور
التفتت له مستغربه انه واقف في مكانه
زايد:ليش قاعده اهنيه؟
نور وهيه توقف:الا تريد انته ذالك؟
زايد:شووو انا !!!؟
نوروعيونها بدت ادمع:انته لا تريد رؤيتي انا ....سوف....
ماكملت جملتها وطاحت من طولها صرخ زايد وهو يقرب منها في محاوله انه يمسكها قبل لا اطيح لاكنه مالحق وطاحت على ارضية المطبخ
زايد:نووووور
حذف زايد العكازه وقعد على الارض قريب منها وهو يفرد ريله المجبسه
زايد وهو يحركها:نووور يانوووور....لحووووه شبلاهااااا
نووور نووور
دور زايد تيلفونه في جيوبه لاكنه مالقاه
زايد:نووور نوووور شبلااااج نووور
صرخ بصوت عالي على امل ان خليفه يسمعه
زايد:خليفاااااااااااااااااه....فهـــــــــــــــــــــــــــ ـــد
التفت الها وهو محصل صعوبه في قعدته على الارض سحبها وحط راسها على ريله
زايد:نوووور نوووور الله يخليج قومي عاده...شووو صارلج؟
فتحت نور عيونها شوي شوي ودمعتها تنزل بسرعه وتمت اطالعه وهيه راسها طايح على ريله
شهقت يوم عرفته وتمت اتصيييح
زايد:نوووور وبعدييين ليش اتصيحيييين؟؟؟
قعدت بسرعه وتمت تتكلم وهيه تزحف لين الثلاجه الي كانت قريبه منها وسندت ظهرها عليها وهيه اطلع كل الي في خاطرها عليه تمت اتلومه واتلومه وهو فاتح عيونه ايطالعها
زايد:انتي شو تقولييين ؟؟
نور ماسكتت وكملت كل كلامها الي كان كله باكستاني وماكان يفهم امنه غير مااااه وباااه
زايد:نووور عن الرطينه هذي انا ما افهم شو تقولين
تمت اتاشر له وتاشر لقلبها وهيه اتصيييح بحرقه وتهز راسها كانها تعاتبه
عصب عليها:بــــــــــس عاااده...قلتلج ما افهملج شو تقولين بتنطميييين ولا اعطيج كف على ويهج
نور ماسكتت لانها ماطلعت كل الي في خاطرها واستمرت اتعاتبه وتلومه وهو مش فاهم شي كان مستغرب وهو ايطالعها تتكلم بلغه ماتعود يسمعها منهالاكنه اخر شي ضحك
زايد وهو يضحك:ياحماااره اقولج ما افهملج
حطت نور ايديها على ويهها وانتحبت شوي
وتم ايطالعها وهو عاض على شفايفه مايعرف شو يقولها
بعدها رجعت اتكمل كلامها بعد بالباكستاني لاكن المره هذي كانت هاديه
وكان كلامها المره هذي وهيه تردد كلمة الله غيييير كانها كانت تضربه بكلامها في قلبه مايفهم شو تقول لاكن الكلام كان له اثره في قلبه
زايد وهو يقرب منها:خلاص خلاص عاده
مسكها ويرها لحضنه وتمت اتصيييح وهو يهديها
زايد:خلاص يانور خلاااص انا مابمد يديه عليج ولا بواقعج مره ثانيه خلاااص الله ايخليييج
تمت اتشاهق في حضنه لين هدت وهو يمسح على راسها ايهديها
هز راسه مستقرب كيف انه اول مره في حياته يتعاطف مع حد بالشكل هذا وهو مش فاهم شو سالفتها
بعد ماهدت كليا رفع ويهها له وتم ايطالعها وايطالع عيونها وويهها المحمرتلاقت نظراتهم مع بعض وابتسم الها
زايد:والله مافهمت غير ماااه وباااه والله هههههه
سحبت نفسها امنه بسرعه ووقفت وطلعت من المطبخ
زايد:تعاااالي وين بتروحين انا ريليه عويج والعكاز مادري وين عقيته
رجعتله
نور:ماذا تريد؟
رفع راسه الها:هاااه رديتي يعني بعدج تتكلمين عربي؟
نور:قلت ماذا تريد؟
زايد:تعالي ساعدينيه اوقف واعطينيه العكاز
قربت امنه نور ومدت ايديها له ومسكهن ووقف واول ما وقف مجابلنها اختل توازنه وطوقها بيديه على اساس ايسيطر على وقفته
زايد وعيونه في عيونها:احمممم اعطينيه العكاز
كان ايحس بفرحه داخله ومايدري شوسببها هل هو اعترافها بحبه
تركها ويابتله العكاز وراح لين الطاوله الي عليها الاكل
زايد وهو يقعد:مابتين تاكلين؟
هزت راسها بلااا
زايد:انزين قعدي
بصوت متشرط:سابقى في الداخل
وراحت عنه داخل
بعدها اجتمع الكل في صالة خليفه وحس خليفه ان نفسية زايد اوكيه لانه كان اينكت ويسولف مع فهد وياخذ علوم يدته
خبرهم خليفه عقب انه بيخلي حجزه في اليوم الثاني
نظرات خفيه كان يتبادلها فهد مع اليازي يوم ايكون الكل غافل وكان لهذي النظرات المفعول لتحريك المشاعر اكثر
اقترح عليهم خليفه انه ينقلهم لشقه وحده لاكن زايد رفض بحجة ان الشقق قريبه من بعض وان فهد واليازي هب يهال ينخاف عليهم
همس عقب خليفه لزايد ان الشيطان شاطر ويمكن ايصير شي
زايد:وصااار يااخي حرمته
خليفه:بس عرسهم ماجل يا زايد فهد وراه دراسه
زايد:ياريااااال دراسة شوووه وخرابيط شوووه وين احنا عايشين خلها تمشي
خليفه:انته اليوم هب صاحي...لا يكون وانته بحالتك هذي سويت شي
ضحك زايد:هههه لا يارياااال ...اورط عمريه معاها ليش وانا ادري اننا مابنتم مع بعض دوم
خليفه:شقصدك؟
زايد:قصديه واضح ...نور مش زوجتيه الدائمه يعني ماتصلح لمستوايه انا لازم اتزوجوحده على مستوا
خليفه:ونور؟
زايد:مادري شو بسوي معاها؟
خليفه:خماااااام وانته وين بتحصل وحده تسوا ظفرها
زايد وهو ايطالع جدامه:زوجتيه لازم اتكون على مستوا ووايدين الي يتمنون قربيه
خليفه:والله انا قلته من قبل الرمسه معاك ضايعه
على الليل تم زايد منسدح على الكرسي برا في الصاله ايتابع فلم وطلب من نور تيبله فراش لان الكرسي عجبه
نفذت طلبه ودخلت عقب داخل
فهد وخليفه بعد كانو ايتابعون فلم واليازي يتهم وتمت قاعده شويه واول ماحس فهد ان خليفه انتباهه للتلفزون استرق بعض النظرات الها وحست اهيه ان قلبها بدا ايدق وزاد توترها وقامت رايحه لغرفتها
على اليوم الثاني راح فهد مع زايد للتمارين الطبيعيه وطلع خليفه يشتري بعض الهدايا لليهال ول ول
وعلى الليل متاخر كانت طيارته وطبعا خليفه ماارتاح الا يوم نقل فهد للشقه الثانيه وطلب من زايد ونور ينقلون للشقه الي كان فيها عند اليازي كان الوقت في الامارات فترة الضحى
استقبله اخوه ابو فهد وراح معاه للبيت تم خليفه ايكلم ابو فهد عن احوال زايد واحوالهم اهناك
وبعد ما وصلو نزلو داخل
خبرت الخدامه نوره ان خليفه وصل ومعاه ريال كانت في المطبخ وطلبت من الخدامه تيب شيلتها ونقابها
طلعت وسلمت عليهم خليفه بدا قلبه ايدق من سمع صوتها لاكنه بعده الغيره ذابحتنه من سالفة الريال
ابو فهد:تعالي يابنتيه اقعدي....يابنتيه اسمحيليه ترانيه مقصر معاكم وانا والله ييت المره الي فاتت وحصلت اليهال بروحهم في حجرتهم وقعدت معاهم ويوم قلتلهم خالتكم وين قالو ان لبنيه الصغيره مريضه وزاعت عليج
نوره تمت اطالعه:انته...انته الي ييت هذاك اليوووم
وتلاقت نظراتها بنظرات خليفه الي كان متفاجئ ومنصدم
ابو فهد:اليهال ماقالو لج؟
نوره:لاااا انا انا قالت اليه الخدامه بس قالت ريال وماتعرفه مايا في باليه ان اليهال شافوك ولا هم قالو انهم شافوك
ابو فهد:هيييه كنت مستعيل عنديه شغل ولا جان رقبناج لين تطلعين
تلاقت نظراتها بنظرات خليفه الي حس انه مستحي منها
نوره بمزح:هههه ياعميه يبتليه الشبهات
ابو فهد:محشووووومه يابنت على انتي بنت عرب حشام وابوج ريال والنعم امنه ينقطع لسانه الي بيب طاريج بالشينه
نوره:ههه امزح معاك عميه اقرب بيبلكم لقهوه
ابو فهد:لا يابنتيه انا مستعيل بروح البوشيه....اليهال اخبارهم
نوره:الحمدلله يا عميه ازمه وعدت علينا ضربهم جدري الما وكل يوم واحد طايح مصخن بس الحمدلله كلهم الحين بخير
تفاجئ خليفه بالي يسمعه وتم ايطالعها:جدري الما وليش ما قلتوليه؟؟
نوره:مابغينا نشغلك وانته في سفر مع مريض
ابو فهد:هيييه يابنتيه فيج الخير وانتي ماقصرتي معاهم الله يحفضج الهم ويحفضهم الج
نوره:امييين يا عميه والله انا ماريد من هالدنيا الا نهم ايكونون بخير تراهم في الذمه وايتام
بعد ما التفت ابو فهد رايح اتلاقت نظراتهم مره ثانيه بس في صوت غثيث سمعوه مع طلعة ابو فهد
اميره وهيه مندفعه داخل:خلييييييفه
التفت الها متفاجئ:هلا اميره
وكانت امها وراها الي كانت مستغربه من الريال نفسه طالع من عندهم
نوره التفتت وراحت داخل
اميره:حبيبي حمدلله على السلامه
خليفه:الله ايسلمج يا اميره
سلم خليفه على خالته وهمستله:منو الريال الي طلع من تو؟
خليفه:اخويه ابو فهد
الخاله:هاااا اخوك!!!!!ّ
خليفه:عرفتيه يا خالتيه؟
الخاله:حشا عليه وانا وين قد شفته من قبل؟
خليفه:هب اهو الريال الي شفتيه المره الي فاتت طالع من اهنيه؟
الخاله:اهوووو؟؟؟ مادري يا ولديه انا ماشفته المره الي فاتت زين شفت زوله بس
خليفه بحرقه:يا خالتيه الريال الي شفتيه كان اخويه ابو فهد ياي يطمن على لعيال
الخاله:هييييه فيه الخير ياحليله....اااا انته علومك يا ولديه ان شالله ماتعبت من السفر
خليفه بخاطر متضايق:الحمدلله مانشكي باس
اميره:وليش ما قلت اليه انك بتي اليوم الله يسامحك
خليفه:عيل شدراج انيه ياي الحين
اميره بارتباك:ااا انا كنت يايه مع اميه نطمن على اليهال
خليفه:وليش يا اميره ماقلتيليه ان اليهال كانو تعبانين
اميره:هاااه تعبانيين منو قالك انا دوووم اشوفهم بخير ومافيهم شي
خليفه:كيف مافيهم شي والحراره لاعبه ابهم
اميره:جذب مافيهم الا العافيه
خليفه:فيهم جدري الماي وتقولين بخير مافيهم شي
انصدمت اميره:هاااه جدري الماي !!!؟؟؟ انا انا انا ما حبيت اروعك
سكت خليفه وهو يحس بغصه صار مش فاهم شي من حوليه
خليفه:اسمحن اليه بروح اتسبح وابدل ارتاحن البيت بيتكن
طلع خليفه فوق وكانت نوره طالعه من قسم الضيوف شاله فطامي الي توها واعيه
همست اميره:اميه سمعتي جدري الماي اخااااف اخاف يعادونيه
الام:يا خبلا انتي ضربج من زمان مايعادي مره ثانيه
اميره:اوف اشوا
الخاله بصوت عالي عشان نوره تسمع:اميره شترقبين فديتج الحقي ريلج وطالعيه توه ياي من السفر اكيد يباج عداله همزيه ودوسيه يمكن السفر هاد حيله والحرمه تعرف اتريح ريلها
اميره بخجل مصطنع:يوووه اميه استحي
الخاله:تستحين من شوووه تراه ريلج ياله سيري له
اميره:عادي اميه
الخاله:نعم عادي ريلج يابنتيه ريلج اتوكلي وانا بتم اهنيه اسنع المطبخ
اميره:ان شالله اميه
وركضت اميره صاعده السلم وحست نوره بروحها بتطلع تجاهلت الوضع وراحت المطبخ
مر الوقت وتمت نوره مع فطامي تنتظر رجعة اليهال من المدرسه واول مارجعو ودتهم داخل وبدلت الهم ملابسهم ورجعو للصاله عشان اتغديهم وسمعت صوت خالة خليفه اتواقع في المطبخ
دخلت نوره عليهم والتفتت الها الخاله
الخاله:شووو هالغدا هذا غدا اتسمينه
نوره:اسمحيلنا يا خاله مادرينا بييتكم وهذا غدا اليهال
الخاله:عنبوووه وراعي البيت شو تبون اتغدونه عيش ابيض ودياي مشواااي
نوره:الحمدلله على النعمه ...لا يهمج راعي البيت بنعوضه مره ثانيه والمره هذي طلبنا له سمج مشوي
الخاله:لاااا والله تبين اتاكلينه اكل مطاعم وخياس اسميه ما كله
نوره:عيل يا خاله ولد اختج اعتبريه في ضيافتج اليوم وطالعيله عيشه على كيفج امبونيه انا مش مسؤله عنه
الخاله:واااايه لا قويتي ماعليه يامسودة الويه انا بخليه ايسنعج عدل
نوره:لو تسمحين انا مش مسودة الويه واحشمي الفاظج
الخاله:والي سوييتيه مع الريال هب سواد ويه
نوره:لا هب سواد ويه انا حرمته وهو الي طلبنيه
وغياض الها
نوره:وطول ما انا حرمته ويريدنيه مابقول له لاااا...
الخاله:ماعليه ماعليه
طلعت نوره لليهال برا وهيه مقهوره من خالة خليفه ورفعت نظرها فوق وشافت خليفه نازل وشكله متسبح ومبدل لبسه بثوب عربي وبدون سفره كان فرحان وهو يشوف اليهال جدامه التفو حوليه وتمو ايحبونه ويلون عليه وهو ايحبهم بشوق وقلبه معورنه على اثار جدري الماي الي كان له بقايه على وجوههم
خليفه:فديييتكم ماتشوفون شر
احمد:عميه شو يبتلنا
خليفه:اووووه يبتلكم العاب وااايد صبرو اشويه
وراح خليفه للكيس الكبير الي كان حاطنه على الطرف وسحبه الهم وبدا ايطلع الالعاب
نوره كان قلبها منحرق وهيه تتخيل شو ممكن صار له مع اميره فوق...ماعليه يا خليفه تحرق قلبه عادي عندك وانته تدري انيه ماسلمتك نفسيه الا وانا اكن لك مشاعر
قرب خليفه من خالته
خليفه:اميره وين؟
همست له الخاله:راحت اتحط راسها فوق شويه
ابتسم وعيونه على لعيال وخااااطره ايوجه نظره الها وهو يدري انها قاعده على جنب بس حس انه مايقدر وخالته موجوده واخيرا التهت الخاله مع تيلفونها ووجه نظره الها لاكنه انصدم بنظراتها الحزينه الي كانت اطالع ابهن تحت وكان هم كبير على راسها
نزلت اميره من فوق ورفعت نوره نظرها الها وشافتها طاويه ليلال على راسها ومتحجبه باحكام مثل الي ماتريد حد يدري ان شعرها خرسان وزاد ويع قلب نوره
قربت اميره وقعدت ورا امها مثل المستحيه خبيثااااات
الخاله:اه انتي شو سويتي وين كنتي؟
اميره:اميه شبلاااج ماصار شي؟
الخاله:وشبلاااج متلفلفه بالشيله جذيه؟
اميره:اميه بلاااج خلينيه احرق قلبها
الخاله:يعل قلبها الحريقه ...ماسمعتي شو قالت اليه...عقب عقب بقولج
قامت نوره ودخلت داخل وتمت قاعده على طرف السرير عقب ركضت للباب وغفلته وهيه تستسلم لدموعها طالعت نفسها في المرايه وتكلمت
نوره:انتي ليش اتصيحين بالطقاق الي يطقهم تراها حرمته وانتي تدرين من البدايه انج يايه حق اليهال بس
رجعت وجاوبت على نفسها:هيه صح انا كنت راضيه بالوضع هذاك بس اهو الي خلف الاتفاق اهو الي تم يحرك احاسيسيه ويتقرب منيه لين صار الي صار انا مش لعبه عنده يلعب ابيه على كيفه وفي الاخير قاعد يقهرنيه
اهو الي تم يترجانيه ويقربنيه امنه اهو يدري انيه ما استسلمت له الا وانا اكن له مشاعر غييير ليش ايسوي ابيه جذيه وفوق هذا عقب ما خذ الي يباه
ايقوليه انسي الي صار انا شوووه ماعنديه احساس امفكر اهو مش كفايه الي سواه فيه ...مش كفايه انه خلانيه اسقط الي في بطنيه
خلاص يانوره خلاااص اقلعيهم وخليج مع عيال اختج هم اهم ....اخليهم كيف مهما كان انا انسانه بشر احس ما اقدر اتجاهل مشاعريه ما اقدر اتجاهل انيه بمووووت من قربه منها اهيه ماتستاهله
حاجه وحده اعرفها ومصره اسويها انيه بحرق قلبها عليه وبحرق قلبه ..هيه خليه ايعرف ان الله حق والله لا اخليه مايعرف راسه من ريوله
غمضت اتصيح وحطت ايديها على ويههها
وبعدين شو بتستفيدين من هذا كله تبين تفترقين عن اليهال...اكيد ان كل الي بتسوينه بيكون له اثر على حياتج معاهم
.....ماعليهم شر الله بيتوكل ابهم وانا بحاول انيه ما ادخلهم بالسالفه

الخاله برا اتصلت على البيت ويابو الغدا وغدت خليفه وتمت تتكلم عن نضام الطبخ عندهم واشتكت من نوره الي قالت الها انا ماليه خص فيه وانتي دبريله غداه
تم خليفه ساكت وما قال شي
عقب قعدت اميره معاه على جنب وفتحتله موضوع العرس
خليفه:ماعليه يا اميره قريب ان شالله...خلي زايد يرجع اول وتستقر الامور
اميره بخجل:انزين خلنيه انا الفتره هذي ازدهب واجهز للعرس
ماعرف خليفه شو يقول ووعدها باجر يسحب الها فلوس عشان تزدهب....معقوله ياخليفه من عقب ماكنت تترجى اميره تملج ومييت على هالسالفه صار الامر الحين عادي حتى موضوع الزهاب عااادي شو الي صار
يابت الخاله الغدا الي طلبته وتغدا خليفه وغدت الخدامات العيال وكانت نظرات الخاله عليهم
الخاله:ماشالله لعيال مستكينين حق الخدامات مره مايبون عبالة حد عليهم..وانا دوم القاهم مع الخدامات
احساس خليفه بدا يزيد ان خالته تلمح ان نوره مالها لازم ففضل السكوت وعدم الرد عليها متجاهل كلامها
اول مره يحس خليفه ان خالته واميره كاتمات عليه وهن مصرات بالقعده وماخذات راحتهن قامت الخاله عقب للمطبخ تصدر اوامر فيه وتمت اميره مع خليفه قاعدين يشربون الشاي
اميره:ياااالله متى بايي وبتم عندك اهنيه على طوووول ..حبيبي وين بنروح شهر العسل
لا لا هذا فوق احتماله:يا اميره بعدنا ريضين على هالكلام
وقفت اميره معصبه:انته مره مش معاااايه وين قلبك بتقول اليه
زجرها:اميييره
رجعت اميره وقعدت على طرف مسويه نفسها زعلانه:خلاص خلاص انا انجب واسكت انته ابدا مش خليفه الي احيده
زفر خليفه وقام وقعد عدالها
خليفه:شبلاااج ...الحينشو صار منيه انتي تتخيلين شي ماصار
سكتت والتفتت عنه للجهه الثانيه
خليفه:اميره ...وبعدين طالعي ياي صوبيه
كانت واقفه وراهم وعيونها عندهم اتريد اتشل فطامي عشان اترقدها ويوم شافت الخاله طالعه شلت لبنيه ودخلت داخل
مازال خليفه يترجى اميره تتكلم معاه وهو يحس بتانيب الضمير ناحيتها
الخاله من وراهم:حسبي الله عليها
التفت خليفه واميره للخاله:شبلاااج يا خالتيه
عنبووووه كيف قاعده اطالعكم وعيونها بتطلع من راسها
وقف خليفه ومشى ناحية خالته:منيه هذي يا خالتيه
الخاله:هذي خالة عيال اخوك
خليفه متفاجئ:كانت اهنيه؟؟
الخاله:يا ولديه جذيه مايوز انته لازم اتخلص الملحق حقهم هذي بتضر بنتيه باجر من الغيره ماشفتها كيف كانت اطالعكم
احاسيس غريبه بدت ادب فيه وهو يتمنى صدق انها غيرانه او انه يعني الها شي
خليفه:لا لا يا خالتيه غيرةشوه الي تتكلمين عنها...اهيه ماتريد شي غير انها اتربي عيال اختها خلنها في حالها
الخاله :قومي قومي يا اميره خلينا نمشي الحين ابوج اكيد بيرد من عزبته
اميره:اميه انا بتم
الخاله:لالالا يابنتيه قومي ياله ان كان يباج ايدل البيت
ابدا ماعارض روحتهن وشكرهن على الغدا وبعد ماراحن التفت لعيال اخوه وتم ايلاعبهم وسال عن فطامي وقالوله ان خالتهم شلتها
انسدح قريب منهم وتم ايفكر لين ماغفت عينه
العصر طلع مع عيال اخوه وصلو ورجع على امل انها تطلع ويشوفها على راحته لاكن نوره تمت طول بقية اليوم داخل وما طلعت وهو مسنتر في الصاله ماتحرك يمين ولا شمال لين ماغط الليل ومافي فايده من شوفتها

...................................


دخلت اليازي على نور الغرفه المخصصه الها ولزايد وكانت الغرفه الكبيره ولقتها اترتب الملابس في الكبت
اليازي:ماخلصتي
نور:على وشك
اليازي:ياحليله عميه كان مسولنا جو الحين هذولا كله برا في التدريب ولا قاعدين في الشقه الثانيه
كانت نور تسمعها وهيه متضايقه من الضيقه الي تحس فيها في صدرها هذا الشعور تكرهه ودائما يوم تتكدر من شي اتم اتكلم نفسها وتقنعها ان هذا الشي مايستاهل واتم اتهديها لين تطلع الضيقه لاكن الحين من الصبح وهيه تحاول مع هالنفس لاكن مافي فايده الضيقه بعدها موجوده وعرفت ان هذا بلاء مش هين
نور:استغفر الله ماذا افعل
اليازي:نور شبلاااج
نور:لا اعرف اشعر بانني لست بخير
اليازي:شو يعورج
نور:لا اشعر بالم ولاكن لا اعرف مالذي اريده
اليازي:يمكن مارقدتي زين خذيلج غفوه
نور :ربما
اليازي:زين عيل انا بروح اشوف التلفزون
طلعت اليازي ونزلت دموع نور على طووول
نور:يا الاهي لا اريد الامر ان يصل بي الى هذا الحد
وانكتت بسرعه في لفراش وهيه تستسلم اكثر لدموعها وعبراتها
نور:انه الشيطان اعلم ذالك...اعوذ بعزة الله وقدرته من شر ما اجد واحاذر...اعوذبالله من الشيطان الرجيم
اندق جرس الشقه وقامت اليازي وفتحت الباب وكان زايد متكي على فهد وشكله تعبان
اليازي:شبلاااه؟
فهد:ماشي ارهاق شويه وين حجرته
اليازي:منيه
مشت اليازي جدامهم واول ما وصلو للغرفه
اليازي:نور داخل اكيد انها رقدت بعد اهيه شكلها تعبانه
زايد:شبلاها؟؟؟
اليازي:مادري اتقول انها مش بخير
زايد:خلاص فهد عطنيه العكاز انا بدخل بروحيه
التفت زايد ايريد يدخل ومسك فهد يد اليازي ويرها معاه للصاله واهناك التفت الها وسحبت اهيه يدها اتعدل حجابها ابتسم فهد
فهد:عن منوووه تتحجبين؟
اليازي:هااه عن زايد اكيد
فهد:خلاص راح داخل
اليازي بتوتر:انزين ماعليه
فهد وهو ايطالعها وقلبه ايدق من توترها:شبلااج
اليازي:مـــ مــاشي
فهد وهو يفكر ومايعرف شو يقول:ا ا تبينا نطلع نتمشى
اليازي:هاااه عادي؟
فهد:في حد بيمنعنا؟
اليازي:مااادري؟
فهد:اوكيه انتظرج والبسي جاكيتج
اليازي بتردد:انزين كيف بنروح ونور وزايد شكلهم تعبانين
فهد:يعني شو بنسوي الهم هم خلاص دخلو يرقدون وزايد تعب شويه من التمارين زادوها عليه اليوم
اليازي:مادري
فهد وهو طالع :لا تبطين


اول ما دخل زايد تم يعكز على عكازه وهو تعبااان ومافيه حيل دار للجهه الثانيه ويحس قلبه انشغل عليها
حط العكاز وقعد على طرف السرير وكشف اللحاف وهو ينكت عدالها وكشفه اكثر ايريد ايشوفها وتبادلت معاه النظرات وعيونها خرسانه من الدمع
زايد:نووور شبلاااج؟
اعتدلت قاعده:لا شي
دقات قلبه بدت اتزيد وبقو
زايد:كيف مافي شي ليش اتصيحين؟
نور وهيه اطالع جدام:هيا زيد لا تزد مافي قلبي من اوجاع
ونزلت دموعها اكثر
تم ايطالعها لثواني عقب انسدح والتفت عنها للجهه الثانيه
قربت امنه وهمستله:اريد البقا مع اليازيه في الغرفة الاخرى
زايد تم ساكت اول شي
نور:هل استطيع البقاء هناك؟
زايد بنبره حاده:كيييفج تمي وين تبين
انسحبت من عداله وطلعت
كانت اليازي توها تستعد للطلعه
نور:الى اين؟
اليازي:ا ا فهد قال اليه انروح نطلع اشويه نتمشى
نور:هل تريدين انتي ذالك؟
اليازي:ضقت من القعده في الشقه
نور:حسنا ولاكن انتبهي الى ان الجو في الخارج بردا قارس
اليازي بابتسامه:لا ماعليه خذت اليه جاكيت ياله باااي
نور بابتسامه:في حفظ الله
استانست نور وهيه تشوف اليازي بعد كل الي كانت اتقوله عن فهد انها بدت اتلين معاه
توضت وفرشت سيادتها وتمت اتصلي وبعدها قعدت تقرا قراءن وهيه تدعو الله ان الضيقه الي في صدرها اتروح
بعد نصف ساعه حست براحه شوي وحست بقلبها رفرف وهيه تحس ان في حد فتح باب الغرفه عليها وطل براسه متاكده انها مش اليازي اهو ميه بالميه بس شو الي يابه و ليش ماتكلم ولا حسسها انه ياي ايشوفها وسكر الباب عليها وراح
تمت اشوي لازمه الاستغفار وعقب طوت السياده وطلعت وحصلته قاعد ايشوف التلفزون
التفت الها وابتسمت له وهو ايحس بقلبه انتعش بابتسامتها
نور:هل احضر لك شيا؟
زايد:لا
وكان يشير بيده عداله عشان تي وتقعد عداله
اقتربت امنه بتردد
زايد وتوه انتبه انه اشار الها تي عداله وبعد ماقعدت:اليازي ويين؟
نور:خرجت مع الفهد
ابتسم زايد:انتي الاسامي على كيفج اتقولينها
نور:ماذا تعني؟
زايد:زايد صار زيد واليازي اليازيه وفهد سميتيه الفهد
نور:هل اخطات في ذالك
زايد:لا يعني عادي اناديج نوار او نوره او نوير هههههه
ابتسمت نور وهيه اطالع تحت
زايد:هااه شو عجبج من الاسامي
نور:ادعوني كما تريد
زايد وهو متعجب على قدرتها تغيير مزاجها بسرعه:تدرين يمكن باجر ايعقون الجبس عنيه
نور:وهل ستستطيع المشي عليها
زايد:ايقولون بيسوليه تمارين الها وعقب ان شالله بنرد
نور:اتمنى ذالك فقد اشتقت لجدتي
زايد وذكر يدته بعد انعش قلبه:فدييييتهاا احس ماروم اكلمها وانا بعيد عنها
وقفت نور:هل احضر لك عصير تفاح
زايد:هاتي

فهد واليازي كانو في الهايد بارك وفهد شل معاه قبل لا يطلعون بقايا خبز وسمون وطلب من اليازي تيب عيش واستانست اليازي مع البط والحمام وهم ايكلونهن كان فهد ينثر حبات العيش عليها
ويركض عنها عشان اتحل عليها ملايين الحمام واليازي اتصارخ من الروع



..................................
على المسا نزل خليفه من فوق متوجه للمطبخ وكانت نوره توها طالعه انحشرو مع بعض عند الباب ومر خليفه من جدامها وعيونه عليها وهيه مسنده راسها على حافة الباب في انتظار ايمر لاكن خليفه عوره قلبه من حركتها كانت مغمضه وصاده بويهها وكانها مشمئزه من الي مار من جدامها
وبعد مامر تحركت اهيه رايحه بسرعه لقسم الضيوف تم خليفه واقف في المطبخ متخربط على الاخر ليييييش ليش سوت جذيه اظاهر ان الفجوه بينهم صارت كبيره خلاص
مر اسبوع وخليفه خلاله مش
قادر يلتم مع نوره في مكان كل مادخل وكانت موجوده تروح بسرعه عنهم
واميره ماقصرت في الزيارات والتلميح لنوره عن استعدادها وتجهيزاتها للعرس اما نور والبقيه كان يومهم نفس اليوم ايمر عليهم الصبح زايد وفهد في التمارين ومن بعد مايرجعون يرقد زايد شويه وعقبها ايتم طول اليوم
مع فهد في الشقه الثانيه لقاءات بسيطه يلتقيها فهد مع اليازي من بعد طلعتهم المره الي فاتت
في ليله من الليالي وبينما كان فهد مستانس بتطور العلاقه بينه وبين اليازي طرشلها اول مره رساله فيها "فدييييييت الضحكه انا اليوم ...صدق اتخبلت عليها"الرساله خلت اليازي تختبص على الاخر وانسحبت من لفراش بشويش بدون ماتحس نور وطلعت للصاله طبعا نور كانت تقضي لياليها عند اليازي من بعد ماطلبت من زايد هذا الشي
قعدت اليازي في الصاله وعيونها على التيلفون
اليازي:هذا مينوووون استخف اكيد
فهد"انتي راقده ولا واعيه
اليازي"واااااعيه
فهد"وشو تسوييين؟
اليازي"ماااااشي
فهد"ليش مارقدتي
اليازي"ناس ازعجونيه
فهد"ماينلامووون وهم ايفكرووون فيكم
اليازي"انته استخفيت
فهد"اتسمين الشوق استخفاف
اليازي"وبعدييين
فهد"حرام يعني اقول الي في خاطريه
اليازي"من متى ؟
فهد"من زمن يوم الطفوله
اليازي"اتنكت
فهد"ويوم الوقت احلام وتصور
اليازي"شرايك اتحط راسك وترقد
فهد"تبين ترقدين؟
اليازي"ايقولون
فهد"تصبحين على خيييير والله يصبرنيه لين اشوفج باجر
اليازي"مينوووون
وعلى هالحال في اليوم الثاني مايحصل فهد فرصه يستفرد فيها مع اليازي لالتزامه بزايد طول اليوم لاكنه ازعاج الها في الليل بالرسائل وكانت رسائلها له كلها جاافه

......................................................


كانت اميره وامها كالعاده في بيت خليفه وكان خليفه قاعد معاهن فترة الضحى واميره تتكلم عن كل الي جهزته
وشكلها جهزت كل شي وبسرعه
التفتت انظار خليفه لنوره الي طلعت من قسم الضيوف وهيه لابسه عباتها وماسكه النقاب في يدها ومرت من عدالهم رايحه المطبخ
همست الخاله:لا اله الا الله السلام لله
تم خليفه ايطالعهن وفضول قوي فيه ايريد يعرف وين بتروح
الخاله:وانته مره فاجلها راسها اتروح وين اتريد بدون شووور ولا مشاور
قام خليفه وراح عنهن رايح للمطبخ وشاف نوره وهيه تقعد على الكرسي
نوره:ماقال متى بيي؟
خليفه من وراها:منو هذا؟التفتت له نوره ووقفت اتريد تطلع
خليفه:وين كنتي اتريدين اتروحين؟
نوره:مابروح مكان خلاص
لاول مره مسكها والتفتت له
خليفه:اتكلم معاج ...وينكنتي بتروحين
نوره بدون نفس:اريد اروح عيادة الاسنان والدريول طلع مش موجود
خليفه:ليييش
نوره وهيه تسحب يدها من يده:ضرسيه ايعورنيه
وحطت يدها على مكان الويع
خليفه:وكنتي بروحج بتروحين؟
نوره:لا طبعا باخذ الخدامه معايه
خليفه وهو ايحط ايديه في جيوبه:وايد ايعورج
طالعته بنظره ذبحته:هيييه وااايد
تخربط:انزين ارقبينيه بروح اييب سويجيه وبوديج
تمت ساكته لو ماكانت اميره وامها اهنيه ماخلته بس قالت بتشوف شو بيسوي معاهن
اميره باحتجاج:والدريول وين خله ايوديها
خليفه بتوتر:محد طرشته العزبه
اميره:وهيه ماعرفت اتروح الا الحين
خليفه:ماكانت تدري ان الدريول مش موجود
اميره:ايوووا وانتم احنا اهنيه بروحنا
خليفه:اميره ترا البيت بيتج ماعليج خذي راحتج
اميره:اخذ راحتيه وانته معاها
خليفه:لحووووه بنرد على نفس السالفه
خلاهن وطلع
الخاله:يا العنز اسفهيها لا تحسسينه انج اتغارين منها خليج واثقه من نفسج
اميره:يا اميه خليفه مش اهو الاولي
الخاله :انزيين لازم اتردينه ولغاثتج هذي اهيه الي بتخرب عليج
ركب خليفه وركبت نوره عداله وبدا القلب يستطرب لقربها
خليفه في خاطره"لاااا هذي الاحاسيس مش معقوله ياربي شو اسوي متى بيكون الامر عنديه عادي
خليفه:في مكان معين تريدين اتروحيله
نوره:مادري قلت بقول للدريول ايودينيه اي عياده
خليفه:خلاص عيل انا بوديج عياده الدكتور من ربعيه
نوره:اريد حرمه
خليفه:موجوده اكيد
كان ايحس ابها انها متالمه وايد من ضرسها
خليفه:من زمان ايعورج؟
نوره:من يومين الصبح يهدا الويع وفي اليل ايزيد
خليفه:فارقت ويع الضرس مادانيه
تمت نوره ساكته وكان على امل انها تكمل معاه كلام
وصلو للعياده الي كان شكلها راقي وماتخيلت نوره انها في يوم اتكون فيها على طول فتحو الها ملف
وبعد ماتوجهو للعيادة الاسنان طلب خليفه دكتوره واعتذرو انها مش موجوده
رجع خليفه الها:نوره الدكتوره مش موجوده والدكتور عواد وايد زيين اهو كبير في السن هااه شقلتي
نوره بتردد:مادري
خليفه:ياله خلينا نتوكل على الله مابنحصل عياده احسن من هذي
هزت نوره راسها موافقه ومشت مع خليفه الي كان بس ايحس بوجوده معاها شي ايجنن
في غرفة الفحص دخلت الممرضه وطلبت من نوره تنسدح على كرسي الفحص
لفت نوره نقابها وغطاها وتحجبت زين وانسدحت على الكرسي وعيون خليفه عليها مكيفه من شوفتها
غمضت نوره عيونها وقرب خليفه منها ايطالعها واول مافتحت عيونها اتلاقت بعيونه اختبص
خليفه:ا ا الحييين الحيين اكيد بيي الدكتور
لفت بنظرها للجهه الثانيه
خليفه"ويل حاليه والدكتور بيتم يتملق فيج من كل هالقرب ماعليه ماعليه تراه الا شيبه
لاكنه تفاجئ بدخول شاب طويل حليو
الدكتور فواز:مرحبا كيفكو
تم خليفه ايطالعه وعيونه بدون احساس راحت لنوره
خليفه:اهلين
مد الدكتور يده لخليفه ايسلم عليه ورد خليفه ايسلم عليه
الدكتور:انا الدكتور فواز ابن اخوه للدكتور عواد
خليفه:اهلا وسهلا
التفت الدكتور على طول وسحب الكرسي وقعد عليه
الدكتور:شو فيها الصبيه
كانت نوره متفاجئه من الي قرب منها وخلا ويهه مجابل ويهها في انتظار تفتح فمها وجهت نظراتها لخليفه الي اهو اختبص اكثر منها
وماكان وده ان الدكتور هذا ايقرب منها ناااار حس ابها اشتعلت في صدره لاكن ماكان عنده وقت ايعارض ولا يسوي شي والدكتور على طول سحب العده وقرب الليت من نوره مطالب منها تفتح فمها
غمضت نوره عيونها واستسلمت للامر وهيه تفتح ثمها وطل اهو بنظاراته المكبره في ثمها وقرب صدره منها اكثر
شوي ويدخن خليفه من الي ايشوفه جدامه هذا وييين داز بالويه ومصدق عمره وهو مقرب منها
الدكتور يسال نوره:هيدي السن
نوره:ايوا
الدكتور:هاذا بده ينشل ..مشالله اسنانك عم بتجنن لاكن هدا السن طالع على جنب ومسبب الالم ثواني بس البنج راح يعمل مفعوله واشيله
خليفه ولع"جنانوه تاخذك امين من وييين طالع اليه
قام الدكتور بعد ما اعطى نوره الابره عشان البنج وكان سريع في شغله واتوجه للباب
الدكتور:ثواني بس وراجع
طلع وعلى طول قعد خليفه على الكرسي الي قام امنه الدكتور وقرب من نوره فتحت عيونها وتمت اطالعه مستغربه
تم ايطالعها منالقرب هذا الي يطالعها فيه الدكتور نوره كانت حاطه يدها على خدها
خليفه:ماجن الدكتور وايد لاصق فيج وهو يعالجج
تمت اطالعه مستغربه
خليفه:لا طالعينيه جذيه مستانسه انتي على قربه اظن ريحة عطره ترست راسج
مازالت اطالعه وهيه منذهله ...لاااا اظاهر هذا مصر يشكك في سلوكياتيه هذا وهو الي يايبنيه اهنيه
ماردت عليه لان الدكتور دخل وقام خليفه الي مايدري شو صارله
خليفه:الدكتور عواد وين؟
الدكتور:عمي راح لدبي شووو انته ماعندك ثقه في خبرتي انا تلميذو لعمي واساليبي مطوره كتير
قعد الدكتور وقرب من نوره والمره هذي قربها اكثر وهو يبتدي عملية خلع السن
نوره ماكانت تدري ان الامر بيوصل لخلع السن وضربها خوف من الموضوع لاكنها كتمت خوفها وهيه ميته اما خليفه الي صدق انحرقت اعصابه تم واقف بعيد في انتظار انه ايخلص لاكنه قرب اول ماشاف يد نوره تتخبط حوليها اتريد تمسك في شي ومسك يدها
بين ايديه حاضننها بقو حست نوره ان روحها ردت وهيه ميته من الخوف وخليفه كانت فرحته بيدها اكبر وهو يحس ان غيضه
طاااار مع ملامسته ليدها رجفة يدها كانت واضحه له واخيرا انخلع السن وابتعد الدكتور طالب منها اتقوم اتغسل ثمها
سحبت يدها من يده واعتدلت وهيه متوتره وغسلت وطلب منها الدكتور ترجع مره ثانيه عشان ايشوف اذا تحتاج خياطه مكان السن تم خليفه واقف عدالهم لين ما ابتعد الدكتور ونزل من كرسيه رايح يخلع قفازاته ويغسل ايديه وهو يقول شو سوا وشو الادويه الي بيكتبها الها
التفتت نوره لخليفه بنظراتها وكانت عيونها محمره شويه ونزلت دمعتها قلبه هوا فيه وقرب منها اكثر
خليفه:كنتي خااايفه!!!!؟؟
غمضت بعيونها وصدت للطرف الثاني
خليفه وقلبه عوره:نوووره
لاكنه ماقدر يتكلم نفسه ايطمنها نفسه يعتذر لو عن الكلام الي قاله قبل اشوي لاكن في شي مانعنه التفت للجهه الثانيه صوب الدكتور وهو متضايق من نفسه
اعتدلت نوره وهيه تحس بثقل لسانها وفكها مسحت دموعها واتمنت انها ماتستسلم لدموعها بسرعه عدلت حجابها ولبست الغطا على طول وتمت واقفه في طرف الغرفه تنتظر خليفه ايخلص من كلامه مع الدكتور
وبعد ما خلص التفت الها وقلبه مازال معورنه عليها
خليفه:ياله
طلعو وكان السكوت هو رفيقهم لين البيت
##
##
##
ودمتم وديمه العطا

 
 

 

عرض البوم صور وديمه العطااء   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة وديمة العطاء, رواية نور, رواية نور للكاتبة وديمة العطاء, وديمة العطاء, نور, قصة رواية نور للكاتبة وديمة العطاء
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t126744.html
أرسلت بواسطة For Type التاريخ
ط¬ط¯ط¯ظٹ ظپظٹظ†ظٹ ط­ظٹط§طھظٹ ط¨ط§ظ„ظ‚ط§ ظ„ظ„ظƒط§طھط¨ط© ظˆط¯ظٹظ…ط© ط§ظ„ط¹ط·ط§ ط§ظ„ظ‚طµطµ ط§ظ„ظ…ظƒطھظ…ظ„ظ‡ This thread Refback 17-08-14 03:13 PM


الساعة الآن 06:59 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية