الجزء 32

فهد يتجلب يمين ويسار في السرير وما قدر ينام من القهر اللي في ***ه من كلام **** لاشواق .. وبعدين يلس على السرير ومسك الوساده في حضنه وهو يكلم نفسه
( انا ليش مكبر السالفه جي.. يمكن هي ما تقصد من كلامها يمكن بس تمزح ماعرف بس احس كلامها كان من الخاطر .. والله ماعرف .. )

**** بعد ما بدلت لبست بجامه وهي تسحي شعرها
( معقوله فهد زعلان عسب الكلام .. بس انا مب قصدي اجرحه .. هاي اول مره فهد ينام وهو زعلان مني ونحن في شهر العسل ... اووووووه وانا ليش مهتمه والله انا مب غلطانه هو اللي فهم السالفه على مزاجه .. خلا اروح انام احسن لي )


اما عند اشواق وفاطمه ..
اشواق هي بالسرير تبى تنام وفاطمه بالسرير الثاني
فاطمه وهو صاده لاشواق : اقول اشواق
اشواق مغمضه عيونها تبى تنام : مممممم شو تبين
فاطمه : والله اخاف سويتي مشكله مع فهد و****
اشواق فتحت عيونها على طول
فاطمه : اشوفج فتحتي عيونج توج تبين تنامين
اشواق : سمعت اسمه ونسيت النوم
فاطمه تفر المخده عليها : مالت عليج انا بالسالفه وانتي بسالفه ثانيه
اشواق : ههههههههههههههههه
فاطمه : والله اخاف سويتي مشكله احس ان فهد كان معصب
اشواق : شفتي هذا دليل ان **** ما تحبه عيل في وحده بشهر العسل تقول جي
فاطمه : يمكن تتغشمر ويانا
اشواق : بعد احسها قويه
فاطمه : كله منج من كثر ما تبحلقين في الريال .. فضحتينا
اشواق يلست وتساندت على السرير : والله مب بايدي غصبن عني ..ما اقدر اشوف هالملاك واغمض عيوني
فاطمه : اقول نامي نامي .. ترى الكلام وياج ما ينفع
اشواق : هههههههههههه .. هي طبعا ما ينفع ..


* فهد وهو يفكر ب**** ( اووووووووووووه ما فيه نوم ما اقدر ) فهد قام من السرير وفر اللحاف .. وطلع وكان يبى يروح عند **** بس يوم فتح باب غرفتها شاف **** مقفله الباب و**** كانت نايمه
فهد وهو واقف عند غرفة **** ( والله حسافه .. كنت ابي اكلمها ..ما شي الا اترياها الصبح ..
راح فهد غرفته وحاول ينام بس بصعوووبه ..

وفي الصـــبــاح

في بلجيكا ..

**** وهي ناشه من النوم وتثاوب .. راحت غسلت ويها
**** وقفت عند الكبت ( خزانة الملابس) وتكلم نفسها
( مااعرف الحينه اليوم بظهر ولا .. السيد فهد زعلان .. ما شي إلا اترياه في الصاله واساله )

فهد بعده نايم لانه البارحه ما نام موليه

.. **** شافت الوقت تاخر كل مره فهد يقوم قبلها والحينه الساعه 10 وهو نايم استغربت وايد ..
راحت **** غرفة فهد ودقت الباب ..
فهد سمع دق الباب ..بزووورفتح عيونه وهو حاط ايده على راسه : اففف فيه صداااع رهيب ..
سمع الباب بعده يدق .. قام وغسل ويه ..وشعره السايح شوي ناقز من كثر ما تجلب على السرير البارحه
فهد فتح الباب وشاف ****
**** شافت فهد وتحسه تعبان مب راقد
**** : اسمحلي قومتك من الرقاد .. بس استغربت شفتك للحينه نايم
فهد وعيونه نصه مبنده وصوته غليظ شوي لانه توه قايم : اولا يقولون صباح الخير .. وبعدين البارحه ما قدرت انام لين الصبح عسب جي
**** عرفت انها السبب : عيل خلاص بخليك تنام
فهد : لا لا شو . لازم تفطرين
**** : عادي بطلب من اي مكان وبخليهم ايوبولي فوق
فهد : لا حياتي ما يستوي جي .. انا بوديج لاحسن المطاعم حق الفطار.. بس عطيني فرصه عشان ابدل
**** : اوكي
**** راحت غرفتها عشان تبدل وهي تختار لبس استغربت وايد لان فهد يكلمها عادي .. استغربت توقعت العكس ..

**** لبست قميص بقطعة النمر القميص تحت الركب .. وبنطلون بقطعة ( شامواااه ) الناعم على لون البيج وخلت مكياج خفيف كحل اسود يبرز عيونها العسليات .. وملمع على شفايفها .. ولبست الشيله اللي بلون القطعه..
والشنطه بماركة كوتجي Gucci

اما فهد فلبس بنطلون بيج .. وقميص احمر وعليه جاكين بيج ومشط شعره السايح وطلع بس بعده مصدع
فهد بند باب غرفته : **** ****
**** يت عنده : هلا انا هني
فهد شاف **** : يا ويلي على النمر .. اخاف تيمعين الحيوانات عندنا
**** تشوفه من طرف عينها : فهد تعايب عليه بعد .. اصلا هاي الموضه انت شو دراااك
فهد : هههههههههههههه .. لا والله اسولف بالعكس اللبس حلو عليج ..( فهد حط ايده على جبهته )
**** : بلا ك فهد
فهد : وايد مصدع
**** : عادي ااذ ا ما تقدر ما بنروح والله
فهد : لا حياتي ..لازم نطلع
**** : زين لحظه بييبلك بندول ..
راحت **** وخذت البندول وخلته في شنطتها
فهد ماد ايده : ها وين البندول
**** مشت عنه : ماشي بندلول الحينه لين ما تفطر مب زين حق صحتك
فهد مسك ايدها .. **** صدت استغربت
فهد وهو ماسك ايدها عشان يوقفها ومبتسم : فديتج والله تخافين على صحتي
**** نزلت راسها وانحرجت : فهد خلنا نروووح
فهد : الصداع خف يا عمري بوجودج قربي
**** : فهد هد ايدي وخلنا نروح ولا ما بطلع وياك
فهد هد ايدها : خلاص يا عمري ولا تزعل القمر .. يالله نروح نفطر وبعدين اي مكان تبين راح اوديج

.. فهد و**** راحو يفطرووون ..


*********************

اما في دبـــــــــــــــــي

هند وهي تكلم نوره
هند : يالله نورووووو تعالي بيتنا عاد بلاحركات
نوره : زين ليش
هند : تعالي عشان نتكلم تجهيزات لملجتي
نوره : زين بعدها الملجه
هنند : مب اكثر عن اسبوعين وانا بعدني ما فصلت تخيلي
نوره : زين بييه اول شي بسال عبدالله
هند : اووووووووووووه كله عبدالله
نوره فاتحه عيونها : بلاج هبله لازم ريلي لازم اساله
هند : زين تعالي غدى بيتنا والله ملاااااااانه
نوره : اوكي ..

عبدالله دخل وهو توه طالع من السبوحه وينشف شعره بالفوووطه ..
نوره : اقول حبيبي بتودني بين اهلي . يبوني اتغدى وياهم
عبدالله : افا اوني بوديج المطعم عسب نتغدى ويا بعض
نوره راحت عنده : صدق
عبدالله : هيه والله بس مدام جي خلاص وين ما تبين انا بوديج
نوره : خلاص غيرت رايي بروح ويا ريلي حبيبي
عبدالله : يا عيني على الكلام .. يا حظي فيج والله


نوره مستحيه: عاد لاتحسدنا
عبدالله : هي والله اخاف احسد عمارنا ..
نوره : عيل بروح اتصل في هند عشان ما تتريانا

نوره وهي تكلم هند
هند منقهر ه: مالت عليج ما منج فايده والله
نوره : بعد الغدى علىطول بييه
هند : قومي قومي انتي مب قد الكلمه
نوره : ههههههههههههه ... زين ريلي عازمني ..فضيحه ارفض
هند: زين بشرط تبيني ارضى .. لازم اول ما اتين تلعبين ويايه اونو
نوره : وايد متفجيه
هند : كيفج .. هذا شرطي
نوره: زين زين خليني الحينه اتلبس اخاف عبدالله اييه وما يشوفني كاشخه
هند : زين ويا ويهج باااي
نوره اول ما بندت عن هند على طول اتصلت في الريم
الريم وهي تشو ف التلفزيون وموبايلها بعيد عنها اول ما سمعت موبايلها يرن نقزت على طول صوب موبايلها
الريم : الو
نوره : هلا الريم جيف حالج
الريم : هلا والله بنووره اللي تذكرني
نوره : افا عليج اكيد اتذكرج
الريم : تسلمين
نوره : الله يسلمج حبيبتي .. اقول شو تسوين الحينه ؟
الريم : ما شي والله ملااااانه في غرفتي ..اشوف التلفزيون من الملل
نوره : زين ليش ما تنزلين عند عمج وتسلولفين وياه
الريم : مب متفيجه اشوف مرت عمي النحس
نوره : هههههههههههههه لهالدرجه تكرهينها
الريم : والله انا ما اكرها بس هي عفان الله ما تحب حد بالذات انا وفهودي اخويه فديته
نوره : المهم شو رايج اتين بيت ابويه اليوم وناسه
الريم : فضيحه كل مره عندكم
نوره : افا عليج لا فضيحه ولا شي نحن مب بس ربع نحن بعد نفس الاهل
الريم : تسلمين والله هذا من ذوقج
نوره : زين انا بروح اتغدى ويا ريلي وانتي روحي قولي حق عمج عسب ااييبج تعرفين بعد درب بوظبي على الاقل اوصل اشوفج
الريم : خلاص تمام بكلم عمي وبييلكم ان شاء الله
نوره : اترياج
الريم : اوكي ومشكوره مره ثانيه

اما في بلجيـــكا

بعد ما خلصو الفطور..
فهد ياشر على المحلات القريبه..
فهد : شو رايج يا عمري ندخل هالمحلات مبين عليهن رووعه
****: يالله شو ورانا
.. راحو صوب التحف الغربيه الخاصه في بلجيكا اللي على شكل الاحجار الملونه
فهد ماسك تحفه بشكل الكاكاو : شو رايج تقولين كانه كاكاو صدقي
**** : هيه والله روووعه
فهد : هم حاطين اهم الاشياء بتراثهم وحاطين على شكل التذكار عن طريق التحف
****: يبالنا ناخذ منه
فهد \: هيه اكيد بس شو مممممممممممممم
**** : اونه حتى علمهم مسويين بشكل الاحجار
فهد : شو نبى في علمهم ما شي الا علم الامارات الحبيبه اللي مالنا غنى عنها
**** : هيه والله فديت الامارات
فهد وهو يبتسم : اقول مب كانا استوينا وطنيين
**** : ههههههههههههههه

بعد ما طلعو ..
**** : الصراحه بلجيكا وايد حلوه انا انصح الكل ان يروحها
فهد : صدقتي وايد اماكن عندهم
**** تصد لفهد وهم يمشون: اتصدق انا قررت انا ما نروح المانيا خلاص
فهد وقف مكانه : صدق
**** : هيه مب انت قلت انا بنروح اول شي بلجيكا بعدين المانيا خلاص ما بروح المانيا احس اني مرتاحه هني وايد
فهد مستانس : والله اني مستانس وايد لانج مرتاحه هني وهذا هو الاهم عندي ..خلاص عيل بخلي بعد اسبوع انتم
**** : اسبوووع عيل جي بنكمل تقريبا اسبوعين ونص
فهد : عادي شو ورانا
**** :؛ اشتقت حق اهلي وايد
فهد: لاحقه عليهم يا عمري .. يالله نمشي ونشوف هالمناطق الحلوه
**** : يالله

*****************************

نوره وصلت بيت اهلها
وهند مستانسه والكل
هند : يالله بسرعه تعالي نلعب
نوره :زين .. ( تصد لخالد اللي يالس على الغنفه وهو سرحان ): اقول خالد ما بتلعب ويانا
خالد : لا مب في خاطري
هند : عيل قبل كنت وايد تحب تلعب

خالد : مب متفيج
هند تصد لام سار ه: خالو تعالي العبي
ام **** : والله فضيحه شو كبري وتبيني العب
هند تروح عند ام **** وتسحب ايدين ام **** : عادي هاللعبه ما شي كبير ولا صغير يالله
نوره : هيه خالو رووعه يالله
ام **** تضحك : وامكم بتلعب
ام خالد : اذا لعبتي بلعب
هند تنقز: يا سلام لعبة الاونو بتطلع حلوه
ام خالد : بس انا ناسيه اللعبه
هند : افا عليج انا بعلمج ..شوفي اذا شي نفس الارقام تحطينهم او نفس الالوان و4 ترى معناتها انج تسحبين 4 كروت واذا خلصت كل كروووتج معناتها انتي الفايزه
ام ****: خلاص يالله عيل نلعب
هند : يالله بنيلس على الارض
ام خالد : ليش ما شي غنفات يعني
هند : محلات اللعبه بيلسه شعبيه يالله
خالد قاعد يشوفهم كيف يلعبون .. وخالد استوى انسان هادي من بعد سفر **** لانه خايف ا ن **** تحب فهد وتنساه ..

.. وهم يلعبون
هند : يالله خالو لعبي
ام **** : اوووه ما عندي
هند : زين سحبي خالو
هند معصبه : نوروووه دورج .. والله تعبت يعني ماحافظه دورج لازم ارمس
نوره : زين نسيت
هند : 2 كارت
نوره فاتحه عيونها : تونا لاعبين كيف 2 كارت
هند: بعد شو اسوي اذا هم تو كارت
نوره : اكيد غشيتي كالعاده
هند : لا حشى عليه
ام **** : زين يمكن ما غشت
نوره : خالو توني شافيفه عندها 4 كروت كيف صارو 2 كارت
نوره : قومي
هند : وين اقوم
نوره : يعني وقفي اكيد خاشه الكروت تحتج
هند متوتره : لا مب تحتي بلاج
نوره ادز هند .. ولا تشوف كرتين تحتها
نوره وهي معصبه وماسكه الكرتين : شفتو اقولكم هاي غشاشه
هند ويها محمر
ام خالد : يعني من الصبح تفوزين بالغش
هند : ههههههههههههههههههه .. لا بس هالمره
نوره تفر الكروووت : مابلعب اذا بهالغش ما ابي العب
هند : خلاص اخر مره
نوره وهي صد عن هند : قومي يالغشاشه ..
الريم دخلت عليهم : السلام عليكم
الكل ما عدا خالد: وعليكم السلام
خالد يوم شاف الريم وقف يبى يدخل غرفته
الريم: شحالك خالد
خالد شافها بنظره لؤم ومارد عليها ودخل غرفته
الريم تضايقت من تصرف خالد
الريم وهي ويا نوره
الريم بحزن: بلاه اخوج ..كل مره يرحب فيه والحينه يطنشني
هند باستهزاء : قبل مصلحه حبيبتي لانج ربيعة حبيبته والحينه خلاص راحت حبيبته وانتي بعد رحتي وياها
نوره معصبه : هند سكتي
هند: شو كلمة الحق هالايام تضايج يعني
نوره : هند بتسكتين ولا ؟؟
هند : زين زين بروح عنكم ..خلا اكلم رباعتي احسن
نوره تكلم الريم : لا هو مب قاصد .. بس شو ي متضايج
الريم : اعرف ليش يمكن لاني اخت فهد ..بس انا مالي خص بتصرفات اخويه ..
نوره : لا عادي ولا تحطين في بالج الحينه بكلم خالد
الريم : لا لا تكلمينه عادي
نوره : لا ابي اعرف ليش جي سواه .. دقايق وبييج

نوره راحت على طول عند خالد
نوره وهي تدق الباب : خالد افتح الباب شوي
خالد راح فتح الباب وياشر بيده : تفضلي يا نوره
نوره : دام فضلك يا اخويه ..
خالد : واقف ورابع ايديه ومتضايج
نوره : يمكن اقولك شي
خالد : اعرف شو بتقولين .
نوره : الصراحه يا خالد مب حلوه اللي سويته من مساع ..
خالد يضرب ايده على الباب ومغمض عيونه : والله مب بايدي يا نوره .. كل ما اشوف الريم اتذكر النذل فهد اللي خذ حلم حياتي مني
نوره : ادري انك منقهر يا اخوي .. بس الريم مالها خص .. مب هي اللي قالت لفهد انه يخطب ****
خالد وهو يشوف نوره : بس احيانا اقول في نفسي لو ان **** ما تعرفت على الريم جان ماعرفنا فهد
نوره : كلمة لو ما تنفع ..واذا الله كتب شي راح يصير غصبن على الكل ..
نوره حطت ايدها على جتف خالد : يالله يا اخوي غير معاملتك مع الريم لا تنسى انها غاليه على **** وايد و**** دايما تعتبر الريم اختها فاذا زعلتها كانك زعلت **** واعرف ان الريم مالها خص ترى الريم تعزك وتعتبرك اخوها
خالد : هي صح انا غلطان بهالشي بس ماعرف شو صار لي يوم شفتها
نوره : يالله حصل خير والحينه اطلع وكون وياها عادي
خالد : ان شاء الله
نوره : وابتسم ترى من زماااااااااااااان ما شفنا ابتسامتك
خالد : يوم بترد الهوى اللي اتنفسه بتشوفين ابتسامتي
نوره : على راحتك يا اخوي ..
نوره طلعت من غرفته..
نوره راحت الصاله : الريم
الريم وهي يالسه ويا ام **** وام خالد : هلا
نوره: تعالي شوي غرفتي
الريم : اوكي
نوره والريم راحو غرفة نوره
نوره كلمة الريم عن موقف خالد وفهمتها ان خالد مب متضايق منها
نوره راحت اتييب المجلات
الريم : بل من وين يايبتنم
نوره : خاشتنهم
الريم : ههههههههه ..مخزن مجلات
نوره : من زمان ما قريت مجلات
نوره وهي تصفح : شو في هالموديل محلاته يبالي اسوي مثله
الريم : هيه سويه بس تعرفين حق الحوامل احلى بيطلع
نوره يوم سمعت الحوامل تضايقت
الريم : بلاج
نوره بحزن: ما شي
الريم : لاني قلت حق الحوامل .. انا قصدي يوم بتكونين ان شاء الله حامل احلى بيكون
نوره : ادري قصدج حبيبتي بس تصدقين خايفه لاني ما حملت للحينه
الريم : بس انتي ما كملتي الا شهرين ونص يعني بعدج .. نصهم يكملون سنه او سنتين او اكثر
نوره : هيه صح بس لاني اموت في اليهال وايد احاتي اخاف ما احمل
الريم : باسم الله عليج والله انج مكبره السالفه هذا وانتي ما كملتي الا شهرين وجي تقولين ..زين ليش ما تروحين المستشفى وتطمينين
نوره : اخاف يقولون شي
الريم : ماعرف من وين اتيبين هالافكار .. روحي ولا تحاتين واذا تبين انا بييه وياج
نوره : واقول حق ريلي
الريم: بعد ما نطلع من المستشفى وناخذ التقارير روحي وقوليله وان شاء الله يكون تاخر عادي
الريم: امين
نوره : تصدقين اشتقت حق **** وايد والله احس دبي بدونها ظلمه
الريم : هي والله انا اكثر لاني دوووم اكلمها اعتبر **** كل شي بالنسبالي بس استحي اكلمها لانها في شهر العسل مب حلوه
نوره وهي تضحك : ههههههههههههه خليهم بدون ازعاج
الريم : ههههههههههههههههه


*********************************

في بلجيــــكا
فهد و**** وهم يتمشون راحو صوب المناطق الحلوه وصلو جريب شقتهم
**** : اخ يا ريولي تعبت
فهد : وناسه بس الصراحه لو ادري شي هالمناطق والمحلات التراثيه جان من زمان رحنا
**** : زين خلا نرد الشقه
فهد يشوف عربانة الايس كريم : لحظه يا عمري باخذ ايس كريم وبرد
**** : زين لا تتاخر ترى حدي تعباااانه
فهد : ثواني يا عمري بس انتي وقفي مكانج
فهد راح صوب الايس كريم
**** وهي واقفه تتريه فهد ..
مر فيصل وربيعه
( فيصل اللي كان يشوف **** ويبحلق فيها في الطياره اللي فهد عصب من نظراته )
فيصل وربيعه وهم يمشوون
فيصل : زين اقولك يا ريال ماعرف شو صارلي ذيج المره ولا اتعب وااطيح
ربيع فيصل " جي بنيه تطيح
فيصل : ايه لا تتمصخر عليه
وهم يمشون فجاه فيصل وقف مكانه
ربيع فيصل : بلاك وقفت
فيصل واقف وفاتح عيونه
ربيع فيصل: بلاك شو تخبلت كانك بووووومه
فيصل ياشر على **** : شوووف شووووف
ربيعه : شو
فيصل : مب هاي اللي تخبلت عليها في الطياره
ربيعه وهو يتامل في **** : مممممممم ما تذكر
فيصل : هيه متاكد ..اف فديت جمالها .. اوووه بروحها بعد محد وياها احلى فرصه ..قوم قوم خلا نروح عندها
ربيعه يوقفه : ايه بلا فضايح اخاف حد اييه وتسويلنا مشكله شو تبى في الحرمه خلها
فيصل : بس بسالها اذا هي متزوجه ولا
ربيعه : وانت شو خصك
فيصل : يا اخي مره وحده نفر عليها رقم
ربيعه : والله انت روح بروحك ما فيه على المشاكل
فيصل : والله انك خواااف .. انا برووح ما يخصني فيك
فيصل راح عند**** وبابتسامه
فييصل : مرحبا يالحلوه
**** يوم شافته صدت عنه وطنشته
فيصل : اقول بس بسال انتي متزوجه
**** معصبه ومعطتنه ظهرها
فيصل: والله سؤال متزوجه ولا .. واتمنى لا .. ولا اقول لو هيه شو يعني .. المهم نسولف وياج
**** عصبت وصدت صوبه : صدق انك وقح ولا تستحي على ويهك

فيصل : افففففففففف .. بس لا تكمليم حتى صوتج عذب يا ويل حالي .. بس ابي اسال انتي من وين يبتي هالجمال كله
**** : احترم نفسك ولا بتشوف شي ما شفته

**** وهي تضارب فيصل
فهد عنند بياع الايس كريم ومستانس الاخ ما يعرف شو يصير
فهد وهو ماسك الايس كريم: thanks
ولا يوم يصد يشوف شخص يكلم **** وفهد يركض ويفر الايس كريم
فهد راح صوبهم ومسك قميص فيصل
فهد وهو ماسك قميص فيصل من جدام وبعصبيه : انت شو تسوي هني
فيصل : وانت شو يخصك ليش انته منو
ربيع فيصل يشوف الموقف : لا بلاه عشت يا فيصل ..قلت لك ما يخصك ..الله يعينك
فهد : انا منو انا ريلها يا حلو
فيصل يبلع ريجه : هاه .. شو ريلها ..انا انا
فهد وهو يتامل في ملامح فيصل: تعال مب انت اللي كنت تبحلق في مرتي في الطياره
فيصل ميت خوووف : ها لا مب انا
فهد يشوف ربيع فيصل ياي : لا انت وهذا ربيعك .. قول شو تباني اسوي فيك . .. انت ما تستحي على ويهك
**** : فهد هد قميصه بلا فضايح
فهد بصريخ : شو بلا فضايح ما تشوفينه ياي عندج واكيد ملعوزنج
فيصل وهو خايف: لا بس بغيت اسالها
فهد : شو تبى تقول ها شو
فيصل : بس ابي اسالها عن مناطق بلجيكا
فهد : لا والله جي تشوفها من اهل بلجيكا شو تشوفني هندي تتجذب عليه
ربيع فيصل ياي عشان يساعد ربيعه
ربيع فيصل : هده الله يخليك هو ما يقصد
فهد : انت مالك خص لا اضربك انت الثاني
فهد وهو يشد على قمييص فيصل : تعرف شو ما شي الا اعطيك بكس مال الملاكمه على ويهك اخلي الدم يسل على ملابسك كلها عشان تعرف كيف تغازل مره ثانيه
**** وهي تمسك ذراع فهد : الله يخليك فهد هده بلا فضايح يمعت الناس كلهم عندنا الكل يشوفنا
فهد : لا خليني ابي اضربه عشان يتادب
فيصل وهو يحاول يسحب ايد فهد بس مب قادرلانه فهد معضل وعليه جسم ومسكة فهد قويه
**** بصريخ : فهد بلييييييييييز بلا فضايح
فهد يفر فيصل بالقووو على الارض حتى فيصل اتعور من الطيحه
فهد : شوف هالمره بخليك عشان زوجتي بس والله اذا شفتك مره ثانيه بس تشوف زوجتي لا اخليك تنسى اسمك وشكلك بعد لانك بتتشوه من الضرب
فيصل وهو يرجع للوراء : اوكي اوكي

**** عصبت وراحت الشقه
وفهد لحق وراها

ربيع فيصل : قلت لك خلا الحرمه بروحها بس انت ما اتوب
فيصل يكح : اح اح .. اسكت مسكته قويه بززووور اتنفس
ربيعه : تستاهل
فيصل: وانا شو عرفني انه زوجها
ربيعه : زين ما ذبحك والله
فيصل : اسكت ريولي ترتجف ايده قويه ..
ربيعه : تتادب .. عشان مره ثانيه ما تلعوز بنات الناس


* **** عصبت وراحت الشقه
فهد وهو معصب اكثر: الحينه يمكن اعرف ليش معصبه
**** : ليش معصبه فضحتنا يمعت الناس كلهم علينا وماسك الريال زين ما ذبحته
فهد : حمدي ربج ما ضربته والله لو انتي محد جان شفتي شو سويت فيه ..
**** : هيه هيه خلك اونك روميو
فهد : الحينه شو تبين يكون موقفي يوم اشوف واحد يتحرج فيج تبيني اخذه بالاحضان
**** : بس عاد مب بصريخ وضرابه
فهد : شو تبين اكون ديوووث يعني ما اغار .. الغيره محد يقدر يتحكم فيها ..
**** وهي تبى تقول فهد قالت بالغلط : اسمع يا ( خالد)
فهد وقف مكانه وفتح عيونه وعيونه كلها غضب: شووووووووووووووو خالد ما شاء الله عليج ( مسك ذراع **** ) لازم لازم ما تحبيني مدام في ***ج ولسانج خالد
**** تتالم : اي اي هد ايدي
فهد هد ايدها وهو معصب
**** : ما كنت قاصده اقولها وبعدين اتلخبطت ..يعني ما يستوي اتلخبط بالاسامي
فهد : لو اسم ثاني ما قلت شي بس اسم خالد هذا معناته ان لين الحينه في ***ج
**** : الصارحه انت مكبر السالفه
فهد : لازم دوم انا الغلطان وانتي برييئه ..
فهد طلع من الغرفه وهو معصب والقهر ب***ه وبند الباب بصوت عالي
**** كانت بتناديه بس طنشته
**** وهي تكلم نفسها: اف حتى يباني اتحكم في ***ي .. ماعرف كيف يبت اسم خالد .. والله كيفه يبى يزعل خلا يزعل محد يقدر يتحكم بالقلووب

اما فهد فطلع وهو معصب من **** ومنقهر زياده ان **** ما نادته .. يعني كانها مب مهتمه فيه

الجزء الثالث والثلاثون


فهد طلع وهو معصب من **** ونزل صوب البحر لان البحر مجابله شقتهم على طووول وشي هناك كراسي وطاولات ..
فهد راح صوب البحر لان البحر بنسبه لفهد كل شي وهودايما يشكي للبحر ويحس بالراحه يوم يروح هناك ..
فهد يكلم نفسه وهو واقف صوب البحر وعاقد ذراعه ومغمض عيونه ومنقهر ويقول في خاطره ( ااااااااااااه يا **** توقعت اني قدرت اخليج تنسين خالد.. بس شفت العكس .. حتى في شهر عسلنا تذكرينه ...(رفع عيونه للسماء ) والله ماعرف شو اسوي .. ساعدني يارب .

اما **** فكانت متوتره شوي لان فهد طلع وهو معصب بس هي ماكانت تقصد .. **** يالسه في الصاله وتنتظر رجوع فهد ..


* اما اشواق وفاطمه فهم في شقتهم وطبعا شقتهم وايد جريبه من شقة فهد و**** ..
اشواق وهي يالسه على السرير : افففف مللل مللل
فاطمه وهي ترتب ملابسها :اي ملل الصبح طلعنا ما تملين
اشواق : زين مللل شو اسوي
فاطمه : شوفي تلفزيون
اشواق قامت من مكانها : قومي لا .. من زين البرامج
اشواق راحت صوب الدريشه : خلا افتح الدريشه ( النافذه ) على الاقل اشوف الناس واغير جو
..اشواق وهي تشوف الرايح والراد .. ولا تشوف شوي من بعيد فهد ..
اشواق تفتح عيونها زياده عشان تتاكد ولا تاخذ نفس
فاطمه صدت صوب اشواق : بلاج كانج شفتي حد بيموت
فاطمه تشوف اشواق وهي فاتحه عيونها وشاقه حلجها ..
فاطمه راحت عند اشواق : ايه بلاج يالخبله
اشواق فاتحه عيونها وتاشر صوب فهد ..
فاطمه تشوف يمين يسار : منو .. وين تقصدين
اشواق تصد صوب فاطمه : بلاااااج فهوووووودي هناك
فاطمه اطلع راسها من الدريشه: منو قال ما يبين وايد
اشواق : لانج عميه
فاطمه : زين شفتي فهد شو يعني
اشواق راحت صوب خزانة الملابس ...
فاطمه : ايه شو تسوين
اشواق : سكتي خلا اتكشخ .. هاي فرصتي .. بالذات لان **** محد
فاطمه فاتحه عيونها: شو قصدج
اشواق وهي ماسكه بدله في ايدنها: قصدي يا حلوه اني بسيرعند فهودي اوني يايه صدفه وبتكلم وياه ..
فاطمه : صدق ما جذبت يوم قلت لج ميونه .. انتي ما تستحين على ويهج ..
اشواق : بلاج هو يعرفنا يعني عادي


اشواق: يالله بروح ابدل واتكشخ وبييه
اشواق راحت لبست احلى ماعندها وتمت تحط مكياج وتعطرت ..
اشواق بدلع : ها شو رايج فيه ... مب قمر
فاطمه : حشى كانج رايحه عزيمه
اشواق : بذمتج انا مب جذااااابه
فاطمه : اشواق بلا هالحركات
اشواق : اصلا انا ليش اضيع الوقت وياج خلا اروووح عند اللي خذا عقلي وتفكيري ابي اعرف عنه كل شي .. يمكن يرتاحلي ويودر زوجته ..
فاطمه : اشواااااااااااااق تعالي وين
اشواق وهي مروحه : بااااااااااااااااااااااي

اشواق راحت عند فهد ..
( اشواق كانت حلوه بالذات لانها جذابه وايد بس طبعا **** احلى عنها بوايد .. بس اشواق عندها اسلوب حلو

فهد وهو متضايق وبعده واقف عند البحر ..
اشواق يت عنده وبرقه : احم احم
فهد يصد ويشوف اشواق مستغرب
اشواق : شحالك فهد
فهد مستغرب : بخير
اشواق : شو ما تذكرني ..انا اشواق
فهد تذكر بالذات لان **** فضحته جدامهم : هلا
اشواق وهي تشوف الحزن بويه فهد : ممممممممممم يمكن نسولف
فهد يبى يرووح عنها: لا اسمحيلي مشغول
اشواق : فهد لحظه
فهد يصد : نعم
اشواق برقه ونعومه : يمكن اتكلم وياك .. ابيك بسالفه
فهد :بس انا ما اعرفج كيف تبين تكلميني بسالفه
اشواق : انته زوج ربيعتي .. يعني انا اعرفك ..يالله بليز
فهد يفكر : اوكي بس هنيه بنيلس يعني صوب البحر ترى شي كراسي وطاولات
اشواق : خلاص اي مكان وانا بعزمك على الايس كريم اللي عندهم ترى لذيذ
فهد من غير نفس : اوكي بس دقايق


.*.. **** وهي تشوف ساعتها حست ان فهد تاخر ..
راحت صوب غرفتها وفتحت الستاره ولا تشوف فهد يالس ويا اشواق ..
**** استغربت وايد وعرفت انها اشواق وتذكرت كيف اشواق معجبه فيه .. **** صكت الستاره ..
**** عاقده حواجبها ومستغربه : غريبه فهد ويا اشواق
وانا ليش مهتمه ..معقوله اغار ..لالا لا مستحيل انا اغار
راحت **** المطبخ عشان اتييب لها العصير وهي بعدها مستغربه ..

اما اشواق وفهد
فهد منزل راسه وساكت ..
اشواق وهي تتامل فيه : مممممممممممم فهد بلاك ساكت
فهد رفع راسه : اتريه ترمسين ..مب انتي تبيني بسالفه
اشواق ماتعرف شو تقول : ممممممممممم هيه صح بس سالفه عاديه ..ابي ابي هيه صح ابي رقم زوجتك
فهد عاقد حواجبه : الحينه هاي السالفه
اشواق : يعني .. اخاف تسافرون وانا ماعندي رقمها
فهد : خلاص اوكي عندج ورقه
اشواق : لا ماعندي
فهد: وانا بعد
اشواق وهي فاتحه كف ايدها : خلاص اكتب الرقم على ايديه
فهد مستغرب من جراتها : ليش انا اكتب .. ( طلع القلم من قميصه ) انا بعطيج القلم وانتي كتبي
اشواق انحرجت : اوووه صح .. اوكي كم الرقم
فهد : *******
اشواق : مشكووووريا فهد
فهد يبى يوقف: خلاص يمكن ارووح
اشواق مسكت ايده بالغلط عشان توقفه : لا تروح
فهد على طول سحب ايده وعصب ..
اشواق : اسمحلي ما قصدت بس لا تروح
فهد : اسمحيلي بس ما احب ايلس ويا وحده بالذات ما اعرفها والله مب حلوه
اشواق : بس نحن نعرف بعض وبعدين عادي.. ولا تخاف من زوجتك تشوفنا
فهد بخاطره :يا ريت **** تحس بشي ولا تهتم
اشواق : وين سرحت
فهد : لا ولا مكان .. بس **** عادي عندها
اشواق وهي تلعب باصابعها : مممممممممم يمكن اقولك شي بس لا تزعل مني ولا تضايق من سؤالي
فهد مستغرب : تفضلي قولي
اشواق : الصراحه انا حاسه ان **** ما تعزك وايد
فهد تضايق وااايد وعصب ..
اشواق : ما ابيك تزعل ..بس ما احس بينكم حب مثل باقي الازواج
فهد بعصبيه : شو تبينا نبين حق العالم انا نحب بعض .. الحب في ال***
اشواق : هيه ادري بس
فهد وقف : اسمحيلي اشواق انا بروح


اما ****
( **** ردت مره ثانيه وفتحت الستاره وشافت اشواق وفهد بعدهم ويا بعض )
**** : غريبه بلاهم .. شو صاير بينهم ..
حست **** بالغيره والقهر بس هي ماحسه بهالشي

( عند فهد واشواق )

فهد : اشواق تاخرت وايد بغيتي شي ثاني
اشواق : لا خلاص بس ما عزمتك على الايس كريم
فهد : مره ثانيه
فهد وهو يبى يروح
اشواق :فهد
فهد يصد : خير
اشواق : لا تضايق من شي .. ترى اذا في ناس يضايقونك وما يحبون سعاتدك .. ترى اكيد شي ناس يحبون يشوفون السعاده ب***ك ..
اشواق بابتسامه : مع السلامه يا فهد واتمنى المره اليايه اذا شفتني ما تنسى اسمي .. ترى اسمي مميز اسمي اشواق ..
فهد : ان شاء الله يالله عن اذنج
راح فهد شقته
اما اشواق فتمت تشوفه بابتسامه ..وتقول في نفسها ( ماعرف يا فهد كيف سحرتني ..خليتني جريئه واطلع انسانه ثانيه)


فهد راح لشقته وهو وايد متضايق

دخل فهد ..و**** كانت في الصاله تشوف التلفزيون ويوم سمعت صوت الباب صدت وراء وشافت فهد .. اما فهد فكان معصب .. شافها بنظره كلها غضب وراح ولا سلم عليها ولا قالها شي .. دخل فهد غرفته وصك الباب بالقووو..
**** استغربت من هالشي وقالت في نفسها : غريبه اول مره فهد ما يعطيني ويه ..مبين صدق انه معصب .. ارووح اراضي..لا لا لا وانا ليش اراضيه .. هو اللي زعل بروحه وانا مب غلطانه .. ما بروحله ..

فهد غير ملابسه وتساند على السرير وحط ايده وراء راسه وكان يفكر بكلام اشواق شو قصدها ان في ناس يحبون سعادته .. .. ورن موبايله
فهد من غير نفس : الو
الريم : هلا بالغايب اللي ما يسال عني
فهد اول ما سمع صوت الريم اخته يلس وبفرحه : هلا بريمااااااان اختي الغاليه
الريم : وينك يالقاطع عاد قلنا شهر العسل عاد مب تنسى ان عندك اخت
فهد : فديتج والله مستحيل انساج ..
الريم : زين جيف حالك وحال سارووونه
فهد اول ما سمع اسم **** اتنهد ..
الريم : بلاك اخويه شو صار
فهد : والله ماعرف شو اقولج
الريم وهي خايفه : لا يكون استوى في **** شي
فهد : لا لا باسم الله عليها ما صار فيها شي
الريم : عيل شو صار


فهد : بقولج السالفه
فهد قال حق الريم السالفه كلها
الريم : اها هالسالفه عيل
فهد : هي وانا منقهر اكثر ان حتى ما تاسفت يا الريم تخيلي لهالدرجه انا ولا شي بالنبسالها
الريم: بس هي ماكانت تقصد
فهد : اكيدهو في بالها عشان جي هي تلخبطت وقالتلي خالد بدل فهد .. والله يالريم حاس بالقهر والغصه
الريم : فهد انت تعرف ان **** ما تباك من البدايه ووافقت على هالشي وقلت انك بتحاول تغيرها وتخليها تحبك صح
فهد : بس انا والله مب مقصر عليها بشي واحاول انسى كلامها الجارح بس هي ابد ما تحس بمشاعري
الريم : انت تعرف هالشي بيصير وانا ياما نبهتك بس انت اصريت .. فلازم تدوس على ***ك وتسامحها او ااطنش السالفه عشان تقدر تخليها تحبك وتستمر علاقتكم ويا بعض .. مب انت تحبها وما تبى تخسرها لازم تحاول ..
فهد : مب بس احبها انا اعشقها .. **** كل دنيتي
الريم : خلاص .. الحينه اطلع وانسى السالفه ويمكن **** حاسه بغلطتها بس ما تبى تعترف ..
فهد : يعني تبيني انسى السالفه .. صعبه
فهد : ما في شي صعب .. اذا صدق تحبها انسى هالشي بالذات ان لين الحينه الحب مب متبادل .. اما اذا متبادل كنت بقولك شي ثاني ..
فهد : خلاص بحاول انسى السالفه وابين لها العكس .. والله يعيني ..
الريم : الله يسعدك يا اخويه .. وترى **** طيبه وايد بس هي متضايقه لانك دمرت حبها
فهد : اوكي بحاول اني اطلعها اليوم وانسى اني متضايق
الريم : اوكي اخويه يالله اخليك وياها ..
فهد : مشكوووره اختي اتصلتي في الوقت المناسب
الريم : افا عليك كم اخو عندي
فهد : هههههههههه تسلمين يالله مع السلامه
الريم : بحفظ الله


راح فهد الصاله عشان يكلم **** .. ويوم دخل الصاله ما شافها فراح غرفتها
**** وهي اتشوف المناظر من الدريشه ..
فهد يفتح شوي الباب : احم احم
**** صدت استغربت : منو
فهد يطلع نص راسه : منو غير ريلج
**** استغربت لان قبل شوي فهد متضايق منها
فهد دخل الغرفه : شو بلا ج .. ليش مستغربه
**** صكت الستاره : ها ولا شي
فهد راح عند **** وقف عندها
**** مستغربه .. بلاه فهد يبتسم
فهد بابتسامه : شو رايج يا بعد هلي نطلع اليوم
**** فتحت عيونها : شووووو

فهد : بلاج ..
**** : توك معصب
فهد يبين العكس ..( مسك ايدها ): عشانج انسى حزني وضيقي وكل شي .. بس عشان ما انحرم منج ..
**** سحبت ايدها ..وانحرجت
فهد : ها يا عمري وين تبينا نطلع ..
**** : مممممم ماعرف اي مكان كيفك
فهد حاط صبعه على راسه ويفكر : ممممممممممم شو رايج نروح نتغدى في الباخره ..
**** : واااااااااو فكره حلوه صوب البحر يا سلام
فهد : وارقى سفينه بعد ..
**** : فكره حلوه خلاص دقايق واتجهز
فهد : انا بعد بروح اتلبس

راح فهد واتلبس
اما **** فمستغربه وايد من تصرف فهد .. ماتوقعت هالشي
**** : سبحان الله منو اللي غير تفكيره ..قبل شوي معصب ومتضايق ..

**** لبست لون الاحمر .. بقطعة شيفون .. والقميص كله قصات وشكله وايد راقي
فهد طلع من الغرفه ودخل غرفة **** وشاف **** تسحي شعرها السايح ..وشعر **** كان لين اخر الظهر .. وفيه لمعه طبيعيه ..
فهد دخل وراح عندها: فديت الاحمر
**** مطنشه وهي تسحي شعرها
فهد : الله شكلج طالع حلو وايد بالذات بشعرج السايح
**** ابتسمت وماردت عليه
**** قاعده تلف شعرها وتغطيه كامل ..
فهد : يالله يا عمري ..مشينا
**** : يالله

فهد و**** راحو لاحلى وارق باخره .. عشان يتغدون ..

***************************

اما في دبــــــــــــي
نوره وهي تكلم الريم : زين يالريم عيل انتي جاهزه..
الريم : هيه الحينه بييج .. قلتي حق ريلج انج رايحه العياده عشان الفحص
نوره: انا قلت بروح العياده بس ما قلت له عشان الفحص
الريم : هيه احسن ..يالله عيل انا الحينه بطلع
نوره : اوكي اترياج


نوره ويا الريم راحو العياده عشان تفحص اذا نوره ما فيها شي يمنع الحمل
نوره وهي تتريه دورها : الريم وايد خايفه
الريم : ان شاء الله ما في شي .. لا تحاتين
نوره والخوف بملامحها : اخاف اسمع خبر مب حلو
الريم : يالله كيف توسوسين توكلي على الله
نوره : اويييه .. يا دوري
النيرس : نوره دورج
نوره : اوييييييييييييه دوري
الريم : الله معاج
نوره وقفت عشان تروح : ادعيلي
الريم : الله وياج يانوره

الريم اتريت نوره وايد ..
الريم كل شي تشوف ساعتها ..
نوره طلعت من عند الدكتوره
الريم راحت عندها : ها شو بشري
نوره بابتسامه : الحمد لله ما فيني شي الدكتوره طمنتني وقالت كل شي سليم عندي وقالت اني اقدر احمل في اي وقت..
الريم مستانسه : الحمدلله الحمد لله ..ما قلت لج ما بيستوي شي
نوره :هيه والله كنت خايفه ..
الريم : التاخر شي عادي .. وايد ناس تاخرو في الحمال يمكن اكثر من 4 او 5 سنين وبدون سبب
نوره : هيه صح .. خلا ارووح ابشر ريلي
الريم : وعقبال ما تبشرينه بالحمل
نوره وهي ترفع عيونها للسماء : ان شاء الله .. وربي يسمع منج


هند قاعده تتلبس وتتكشخ ..
ام خالد : وين بتروحين
هند وهي تتمكيج : ولا مكان بس ربيعتي منى بتي بيتنا
ام خالد : والله تقولين خطيبج اللي بييه
هند : بعد لازم بنتج تتكشخ ..عسب محد يكون احلى منها
ام خالد : الجمال يا بنتي جمال الروح مب الشكل
هند : انا عندي كل انواع الجمال
ام خالد : زين خلا اجهز لها العصير
هند : هي والله تسوين خير ..
هند وهي يالسه في الصاله ويا ام **** وام خالد تتريه ربيعتها وكل دقيقه تشوف ساعتها
ام **** : بلاج كل ثانيه تشوفين ساعتج
هند : تاخرت ربيعتي وايد
خالد طلع من غرفته عشان يطلع ..قاعد يعدل غترته
ام خالد : بتطلع يا خالد
خالد : هيه امايه بطلع ويا الربع
ام خالد : زين تسوي تغير الجو على الاقل
ومنى يت وهي تدق الجرس
هند وقفت : اكيد منى ربيعتي

هند : بروح استقبلها وبييبها هنيه
خالد : ليش ما بتودينها الميلس
هند : لا هي تبى اتيه غرفتي ابي اراويها اشياء
خالد : عيل انا بطلع يالله من رخصتكم

هند طلعت عشان ادخل ربيعتها
منى وهي تبى تدخل شافت خالد عند باب الصاله
منى طبعا الشيله كانها زينه على رقبتها والمكياج كامل في ويها والعطر لاخر الدنيا ..
خالد منزل عيونه ويبى يطلع
منى تشوف خالد وبدلع : مرحبا
خالد رفع راسه ولا يشوف منى ومن غير نفس مرحبتين
خالد طلع على طول وما سوالها سالفه
منى تصد تشوف خالد وهو يطلع
منى تكلم هند : اقول هذا اخوج
هند : هيه ماعندي غيره
منى : ما قلتي ان عندج اخو بهالجمال والجاذبيه
هند : ليش عايبنج .. بس صعب تاخذينه
منى بغرور: ليش ان شاء الله شو ناقصني
هند : هو اصلا لين الحينه يحب **** وما يقدر يسناها
منى : ااايييييييييييييه هاي **** ماعرف شو تسوي في الشباب صدق حظها حلو
منى : زين نحن لين متى بنوقف عند باب الصاله يالله ندخل ..
منى بعد ما سلمت على الكل
راحت غرفة نوره وتشوف اغراضها ..
منى : ها شو رايج بغرفتي حلوه صح
منى : مغيره الاثاث يعني
منى : هيه ..
منى : اقول عندج كمبيوتر صح
هند : هيه ليش
منى تحاول تخرب منى : تعالي بدخلج على شي بتستانسين وايد
منى : والله شو
منى : تعالي
منى دخلتها بالشات
هند يالسه عند منى : هذا شو بعد
منى : صدق مب متطوره هذا شات تكلمين بنات و شباب وهم ما يعرفون اسمج ولا شي
منى : ويييييييييييه انا اكلم شباب لا حبيبتي انا مخطووبه
منى بحقد لان هند مخطوبه : زين شو يعني جي انتي اول وحده تنخطبين عادي
منى : لا لا ما يستوي احس خيانه
منى : مالت عليج صدق غبيه .. اي خيانه جي بتطلعين وياه تكلمينه على الشات وهو شو عرفه فيج ولا في اسمج .. يعني كل واحد يقص على الثاني وناسه
منى : لا لا ما بيه
منى : زين شوفيني كيف ادخل الشات واقص عليهم
هند : اوكيه

((منى .. من البنات اللي في هالزمن منتشر عندنا للاسف وايد .. يعني سمعتهم مب زينه وحركات وما يتمنون للباجي الخير .. ويحبون كل البنات اللي وياهم يكونون مثلهم حركات .)).

ومنى تدخل الشات .. وهند قاعده تشوفها وتتعلم منها
منى : ها شو رايج مب وناسه
منى : الصراحه هيه
منى : يوم تكونين ملانه دخلي وكل يوم تقصين على واحد
هند : وهو مايعرف اميلي ولا شي صح
منى : لا مايعرف شي ..
هند : ماعرف اخاف .. مب خيانه لاني مخطوبه
منى: بس انتي ما سويتي شي غلط .. وبعدين بعد ما تزوجين ودري هالشي
هند : مممممممممم اوكي .

(هند وايد على نياتها وماتحس بالغلط اللي تسويه تحس كل ما منى تقول شي يعني صح وما فيها شي )
اما في بلجيـــــــــــــــكا :

فهد وهو ياكل ويا ****
فهد : الصراحه ما شي احلى من ام الربيان
**** : لا شكله يخوف .. انا احب الربيان الصغار
فهد: هههههههههههههه يخوف .. ليش هو حي
**** : الصراحه كانه حي
فهد : بس لذييييييييييييذ
فهد كمل اكله بعدين وقف عن الاكل وسرح فجاه .. **** لاحظت هالشي شافت فهد سرحا ن
**** : بلاك فهد
فهد يشوف **** : في شي في بالي ما عرف اقوله ولا لاء
**** : اذا تحس انك تبى تقول قوله
فهد بكل حزن : **** انا اعرف انج تكرهيني
**** انصدمت ..
فهد : اعرف ان اللي سويته غلط ان مب من حقي اخذج من خطيبج .. وانا ما الومج اذا عاملتيني هالمعامله
**** ما تعلق
فهد: بس غصبن عني والله .. يوم شفتج ذيج المره ما قدرت اشيلج من بالي .. عرفت اني مستحيل اعيش بدونج ماعرف شو صارلي .. كانج سحرتيني ويوم عرفت انج مخطوبه حاولت اشيلج من بالي بس ما قدرت والله ما قدرت
**** : اللي يحب يا فهد يتمنى اللي يحبه السعاده مب انك تاذخني من خطيبي صح
فهد : هيه صح .. بس كل ما تذكر انج ما بتكونين لي ماعرف شو يستوي فيه ..بالذات ان الريم دوم تمدح فيج وتكلمني عنج ..حسيت اني اباج وما بتزوج غيرج ..
**** : بس اللي يحب ما يسوي اللي سويته
فهد : حاولت انساج ما قدرت والله احس اني بختنق يوم اتذكر انج بتكونين لغيري .. وبالذات انا يا**** عمري ما حبيت من بعد وفاة امي وابوي وانا بامس الحاجه لهم
**** : بس يا فهد وايد ناس يتامه بس ماصار لهم هالشي
فهد بكل حزن : صح ..بس انا كنت صغير يا **** يعني قولي صف الرابع واتذكر كل شي ... امي (ادمع فهد ) امي ما عشت وياها فتره طويله .. في اشياء اتذكرها كيف كانت حنونه وياي .. كانت تلاعبني وادلعني اكثر واحد وكنت متعلق فيها بشكل جنون . اكثر عن ابويه .. وتخيلي سعادتنا ما اكتملت ماتت بمرض خبيث ( فهد ما قدر ايود عمره ) نزلت الدمعه
**** وهي تحاول تخبي دموعها ..
فهد : تخيلي يا **** انا كنت صغير ويوم ماتت امي قلت حق ابويه وين امي قال راحت من الدنيا .. وانا بامس الحاجه لها ولحنانها .. هي كانت كل شي بالنسبالي .. دايما تنصحني وعمرها ما عصبت عليه كانت حنونه .. وابويه من الصدمه ومن كثر ما تعذب ما ركز في سواقته ومات بحادث في السياره تتخيلين اعز اثنين عندج يرووحون بنفس الوقت .. كيف ما تبيني اتعقد


وانا من صغري انحرمت منهم .. وياريت عندي اخو اكبر .. بعدين عمي يلسنا عنده وهناك بدل ما نحصل الحنان حصلنا من مرت عمي العذاب بدل ما تعوضنا الحنان والحب اللي انحرمنا منه ..عاملتنا بجفاء لانها ماتبانا نيلس عندها .. تخلينا مثل الخدم .. وتفرق بيني وبين عيالها .. ودايما تغيضني ..لانه ما عندي احد يهتم فيه واختي صغيره ما تذكر كل شي فانا كنت ادافع عنها يوم مرت عمي تضربها
**** وهي تمسح دموعها : معقوله في مرت عم بهالقساوه
فهد : نحن دايما نتوقع ان في دنيتنا كل شي زين .. بس مانعرف ان في ناس في الدنيا اخس مما نتصوره .. وانا يا**** تعقدت من بعدها .. انحرمت من كل شي..وطبعا مرت عمي ما قصرت ..بهالطريقه كبرت وقلت اني بعتمد على نفسي وسافرت عشان اشرد من تسلط مرت عمي
**** : وعمك ماله شخصيه
فهد يتنهد : ااااااااااااااااه .. وايد رياييل مالهم اي سلطه جدام حريمهم .. مع ان عمي طيب وايد ..بس مرته
**** : وكيف ودرت اختك بروحها وسافرت
فهد : اختي يوم كبرت مرت عمي كانت زينه شوي وياها عشان جي انا اطمنت .. بس طبعا مؤقتا
**** : ليش يعني
فهد : يوم رديت من السفر فاتحني عمي ان يبى الريم حق حد من عياله .. وهني انا رفضت
**** /: ليش هو مب زين
فهد : لا ابدا .. من النوع اللي ما يسوي اي شي الا بشور امه يعني تقدرين تقولين ولد امه .. ومايحافظ على صلاته وكان لعوب .. وانا متاكد انه بيبهدل اختي
**** : اها عشان جي هي تكرها وايد
فهد : هيه وايد وعصبت علينا وماخلت فينا شي ويوم كبرت واعتمدت على نفسي خذت اختي ويلست في بيتنا
**** : وبيتكم قبل منو عايش فيه
فهد : عمي مأجرنه على ناس وطبعا يوم عرف اني قدرت اعتمد على نفسي استانس لانه يعرف ان مرت عمي بتبهدلنا وعطانا كل فلوسنا مال الايجار ..
**** : اها هاي قصتك
فهد :هيه وعمري ما شفت السعاده يا **** الا يوم شفتج فلا تلوميني يا **** اذا انا تعلقت فيج .. حسيت ان محد يقدر يعوضني عن الحب والحنان غيرج ..وبعدج عني هو موتي .. لاني مستحيل اعيش بدونج يا ****
**** نزلت راسها وما قدرت تعلق على شي يمكن لانها اول مره فهد يكسر خاطرها وتحس فيه
فهد رفع راس **** وبابتسامه : **** يمكن اقولج خاطره وايد عزيزه علي واهديها لج
**** بابتسامه : تفضل
فهد : بس عاد ملينا من اليلسه خلا نشوف البحر ... وبقولج على الاقل احس اني في باخره وان البحر عندنا
**** وقفت : اوكي يالله
فهد واقف عند **** و**** تشوفه .. اما فهد فهو يشوف البحر ويقول بكل رقه :
** لو كان بيدي اموت مليون مره .
..بختار موتي ولا فراقك ثواني
**لا تظن بعدك في حياتي مسره .
. تفداك روحي وراحتي وكياني
** انت ف حياتي كل امالي
وانا ما اقدر على بعدك يا بعد خلاني
** حبك سكن روحي و***ي مقره
وعهد الموده لك على طول الزماني
** جمع العذاري ما يسوون شعره منك
ولا بيعوضني عنك ثــــــاني

فهد يصد ل**** : ها شو رايج
**** بابتسامه : الصراحه رووعه ..
فهد تقرب من **** اكثر: محد اروع منج يا بعد خلاني ..وترى هذا شويه يا **** ترى اللي في ***ي واااايد .. وحبي لج ماله حدود..
**** تشوف فهد وهي ما تقدر تقول شي..يمكن اول مره تحس بحب فهد الكبير لها وتحس بمعاناة فهد بحياته وعرفت ان فهد ما يقدر يعيش بدونها
..

فهد واقف عند **** و**** تشوفه .. اما فهد فهو يشوف البحر ويقول بكل رقه :
** لو كان بيدي اموت مليون مره .
..بختار موتي ولا فراقك ثواني
**لا تظن بعدك في حياتي مسره .
. تفداك روحي وراحتي وكياني
** انت ف حياتي كل امالي
وانا ما اقدر على بعدك يا بعد خلاني
** حبك سكن روحي و***ي مقره
وعهد الموده لك على طول الزماني
** جمع العذاري ما يسوون شعره منك
ولا بيعوضني عنك ثــــــاني

فهد يصد ل**** : ها شو رايج
**** بابتسامه : الصراحه رووعه ..
فهد تقرب من **** اكثر: محد اروع منج يا بعد خلاني ..وترى هذا شويه يا **** ترى اللي في ***ي واااايد .. وحبي لج ماله حدود..
**** تشوف فهد وهي ما تقدر تقول شي..يمكن اول مره تحس بحب فهد الكبير لها وتحس بمعاناة فهد بحياته وعرفت ان فهد ما يقدر يعيش بدونها ..

**** تصد لفهد : فهد انت من زمان تكتب خواطر واشعار
فهد بابتسامه : والله مب وايد بس من بعد وفاة امي كنت احب اكتب اشعار حزن لان امي خلتني بس يوم شفتج يا باعد هلي استويت شاعر لج
**** : زين ليش ما اطلع مواهبك في المجلات ..
فهد : الصراحه وايدين نصحوني .. بس ما احس اني اكتب لهالدرجه حلو
**** : لا صدق روووعه .. زين لو كتبت اشعارك شو راح تخلي لقبك .. مثل ماتعرف كل واحد يكتب لازم يكون له لقب
فهد وهو يمسكك ايدين **** وبابتسامه رقيقه : اكيد راح يكون لقبي ( مجنون **** )
**** وهي تسحب ايد فهد برقه وتصد صوب ثاني : مجنون **** ..ليش
فهد يمسك ذراع **** ويبها صوبه : لاني مجنونج يا **** حبج سحرني وخلاني اصير انسان ثاني .. **** صدت مره ثانيه صوب البحر وكانت متضايقه وفي خاطرها تقول (( اااااااااااااااااااااه يا ربي ..شو اسوي .. صح ان فهد محتاجلي وايد وهو طيب ومب مقصر عليه بس صعب صعب ابادله لان خالد لين الحينه ب***ي وصعب عليه اكون مستانسه وهو هناك متعذب ماعرف شو اسوي يا ربي
فهد : بلاج **** في شو سرحتي
**** : لا ما شي .. بس متى بنرد ...


فهد مستغرب :/ليش شو مليتي
**** : لا مب جي السالفه .. بس احس بصداع ابي ارتاح
فهد وهو يشوف ساعته : مممممممممم بعد ربع ساعه ان شاء الله .. زين تعالي يا عمري يلسي عشان ما تتعبين اكثر


********************

أما في دبـــــــــــــي:

نوره بعد ما ردت من العياده راحت عند عبدالله
عبدالله وهو يرمس تلفون
نوره تاشر له وتقوله بصوت واطي : ابيك بسرعه
عبدالله يشوفها ومستغرب
نوره : يالله
عبدالله يكلم ربيعه : زين عيل اخليك يا بو علي ان شاء الله اكلمك مره ثانيه ..
عبدالله : بلاج يا عمري .. احسج وايد متحمسه
نوره والابتسامه في ويها : عندي لك خبر حلو
عبدالله : الله يكثر من الاخبار الحلوه.. ها قولي شو استوى
نوره : اليوم رحت العياده عشان اطمن اذا اقدر احمل ولا لاء .. قالت لي الدكتوره ان ما عندي شي يمنع الحمل يعني اقدر احمل متى الله راد
عبدالله : الحمد لله .. بس لش مستعيله على الحمال يا عمري تونا مكملين شهرين
نوره : بس كنت خايفه وابي اطمن .. وايد فرحانه
عبدالله تقرب من نوره وخذها بحضنه : الله يعطينا يارب عشان اشوف الفرحه دوووم ما تفارقج
نوره وهي مستحيه : والله لا يحرمني منك يا اغلى انسان عندي ..

*.. نوره سعادتها كبيره لانها وايد كانت تحاتي من ان شي يصير ويمنع الحمل بس اطمنت اكثر يوم الدكتوره بشرتها ان ما في شي يمنع الحمل عندها ..


اما في بيت ام خالد ..
خالد رد من عند ربعه ودخل الصاله : السلام عليكم
ام خالد وبو خالد : السلام عليكم ورحمه الله وبركاته
راح خالد وباس فوق راس والديه : عيل وين ام ****
ام خالد: خالتك في غرفتها
خالد : وين هند عيل
ام خالد : اعتقد في غرفتها بعد
خالد : راحت ربيعتها

ام خالد :هيه من زمان
خالد راح غرفة هند ويدق الباب
هند كانت يالسه على الكمبيوتر ومن الخوف صكت بسرعه الكمبيوتر..
خالد يدق الباب : هند فتحي الباب انا خالد
هند وهي متوتره تفتح الباب: ها خالد شو بغيت
خالد دخل غرفتها : شو تسوين
هند بتوتر : ها ممم مما شي بس يالسه في غرفتي
خالد : زين سمعي بقولج شي
هند : خير
خالد : انا بكون وياج صريح .. انا مب مرتاح لربيعتج
هند عاقده حواجبها : منو منى
خالد : اللي يت اليوم بيتنا .. مب مرتاحلها ابدا
هند وهي معصبه : ليش يلست وياها عشان ترتاح لها
خالد : احيانا من الشكل نقدر نحكم على الشخص
هند : ليش بلاها
خالد : شي انسانه محترمه .. ما تلبس الشيله وحاطه مكياج كامل والعطر لاخر الدنيا والعبايه ماعرف ليش لابستنها اذا عباتها مفتوحه بالكامل واللبس ولا كانها مسلمه ...
هند : وانت متى لحقت تشوفها
خالد : لا تنسين انها سلمت عليه وانا فجاه شفتها
هند : بس الاشكال تخدع
خالد : اوكي اذاالاشكال تخدع .. اسلوبها مبين شفتي كيف سلمت عليه وشفتي نظراتها ودلعها ..الانسانه المحترمه تكون ثجيييييييله وما تكون بهالشكل
هند بصريخ : بس انا مرتاحتلها وما يهمني راي حد ثاني
خالد بعصبيه : بس انا اكبر واعرف شو الصح والخطا ترى يا هند الربيعه اللي سمعتها مختربه تخرب رباعتها وترى البنت ماعندها الاسمعتها واذا سمعتها راحت مب بس هي بتضيع حتى اهلها بيضيعون
هند : والله انك مكبر السالفه يا خالد
خالد: انا حذرتج ..واذا يا هند عرفت ان ربيعتج سمعتها مب زينه والله راح تندمين .. بالذات اذا كنتي تعرفين هالشي
هند : خالد لاتنسى اني مخطوبه وانا حره بتصرفاتي
خالد بعصبيه : شوووووووووو .. لا حبيبتي مب يعني انج مخطوبه تسوين اللي تبين
هند : وانت يعني اكيد ما بترتاح .. انت ماترتاح الا مع حبيبة ال*** اللي قصت عليك وودرتك
خالد مسك ذراع هند بالقووو : سمعي لا تقارنين **** بهالانواع ولا ترمسين عنها الا بالزين سمعتي ولا بتوشفين شي ما شفتيه
هند : ااااااي ايدي هد ايدي يا خالد عورتني
خالد هد ايدها : وبعدين **** ما تساوي ظفر منى ربييعتج وظفر بنات العالم
هند معصبه وما قدرت تقول شي لانها خافت من عصبية خالد ..


خالد وهو يبى يطلع صد صوب هند وياشر بصبعه : انا راح اسال عن منى واذا عرفت عنها شي مب زين غصبن عنج راح تودرينها ويا ويلج يا هند اذا عرفت انج تعرفين عنها شي وساكته
طلع خالد وهو معصب
اما منى فمنقهره من كلام خالد وتهديده لها ..
منى وهي تكلم نفسها : والله راح اقهرك يوم من الايام مثل ما قهرتني يا خالد

**********************
في بلجيـــكا
فهد وهو ماسك ايد **** عشان تنزل من الباخره : شوي شوي يا عمري اخاف اطيحين
**** وهي رافعه ملابسها : وي زياااااغ .. اخاف اطيح في البحر
فهد : لا تخافين وانا وياج يا عمري .. لاتنسين اني سباح ماهر
**** بعد مانزلت من الباخره ..
**** : الحمد لله وصلنا
فهد: الصراحه كان يوم وايد حلو
**** : صدقك وايد استانست
فهد : ان شاء الله دوم اشوف الفرحه مالي ***ج
**** تبتسم
فهد : يالله نرد شقتنا
**** : يالله
وبعد ما خذو التاكسي ووصلو جريب شقتهم
فهد: **** يمكن دقايق
**** : وين بتروح بعد ... لا تقول يوعان
فهد : ههههههههههه لا مب يوعان بس دقايق
راح فهد بسرعه وياب ورده حمراء
فهد وهو ماسك الورده الحمراء : تفضلي يا اغلى وارق واحلىزوجه في الكون كله
**** وهي تاخذ الورده وبابتسامه :تسلم يا فهد
فهد : تصدقين الورده مستانسه وايد
**** : ليش
فهد : لانها لامست ايدينج الحلوه
**** ويها احمر : فهد بس عاد
فهد : اوووه سوري نسينا ان الحلوه خجوله .. فديت الحيا منج
**** وهي تمشي : فهد يالله بروح الشقه
فهد :لحظه لحظه بييه وياج

.. **** في البدايه كانت قاسيه عليه وايد بس ما تقدر تقاوم رومانسيه فهد وكلامه وصدق احساسه.. بس هذا مب يعني انها نست خالد


**** بعد ماراحت الشقه
**** بدلت ملابسها ولبست جلابيه راقيه وحلوه بدرجات البيج ..
**** راحت غرفة فهد وهي واقفه عند باب فهد : فهد فهد
فهد وفي ايده كتاب : هلا يا عمري تفضلي
**** بخجل تدخل : سوري على الازعاج
فهد : يالله على هالرسميات .. يا حلوه انتي مرتي .. يعني لا ازعاج ولا شي.. بالعكس قربج هو اللي يفرح ***ي
**** وهو تشوف الكتاب : شو في ايدك
فهد : كتاب اشعاري .. كل ما يستوي عندي شي احب اكتب
**** /: يمكن اقرا ه
فهد : مممممممممممم مب الحينه ..خلا يتحقق اللي في بالي بعدين بعطيج
**** : شو اللي في بالك
فهد : لاحقه يا عمري .. بعدين بخبرج ان شا ءالله
**** : اوكي على راحتك .. فهد بتصل في امايه
فهد : اوكي يا عمري اتصلي فيها ..
**** : بس ماعرف وين موبايلي
فهد : خلاص انا بتصل على موبايلج عشان تعرفين مكانه
فهد خذ موبايله ويتصل في ****
**** وهي واقفه عنده وتسمع صوت موبايلها: اسمع موبايلي يرن بس ماعرف وين
فهد : روحي شو في وينه اكيد بغرفتج
**** راحت ادور موبايلها وحصلته في الصاله
فهد : ها حصلتي
**** :هيه حصلت مشكوور
فهد : افا عليج ما سوينا شي
**** راحت تتصل في امها .
امها يالسه مع ام خالد وهند
**** : الو امايه
ام **** : فدييييييييت عمرج يا ****
هند تصد ومنقهره ..
**** : شحالج امايه وشحال خالتي وبنات خالتي
ام **** : الكل يسال عنج يا **** انتي جيف حالج وحال فهد ريلج
**** : كلنا بخير
ام **** : وينكم انتو الحنيه في المانيا
**** : لا ما بنروحها .. مستانسين وايد في بلجيكا قلنا خلا انتم هناك احسن
ام **** : ان شا ءالله دومج تكونين مستانسه
**** : ان شاء الله .. والله اشتقتلج يا امايه موووت
ام **** : وانا اكثر يا عمري
فهد ياي عند **** وياشر ان يبى يكلم ام ****
**** : اقول امايه لحظه فهد يبى يكلمج ام **** : هيه عطيني
فهد : سلام عليج عمتي
ام **** : هلا بولدي فهد .. شحالك
فهد : بخير مدامج بخير .. وشو الاخبار عندكم ان شاء الله مرتاحين
ام **** : الحمدلله مرتاحين ومشتاقيلكم يالله متى بتردون وايد طولتو
فهد : ان شاء الله جريب
فهد: ما تامرين علينا بشي يا عمتي
ام ****: ما وصيك على **** لا تزعلها ولا شي تراها بنتي الوحيده
فهد : **** بعيوني عمتي لا توصين حريص ..
ام **** / تسلم يا ولدي والله يسعدكم
فهد: سلمي على الكل
ام **** : يوصل ان شاء لله

ام **** بعد ما صكت من عندهم
ام خالد : ها شو اخبارهم
ام **** : يسلمون عليكم
ام خالد : الله يسلمهم من الشر
هند : شو وينهم في المانيا صح
ام **** : لا في بليجكا
هند : غريبه سمعت يقولون اسبوع بلجيكا واسبوع المانيا والحينه كملو تقريبا 10 ايام
ام **** : تقول **** انهم مستانسين هناك وايد ومرتاحين
هند : ماشا ءالله الاخت مرتاحه
خالد توه طالع من غرفته ومتكشخ يبا يطلع
ام خالد : على وين يا خالد
خالد : بروح بمر على ربيعي محمد
هند وهي تبى تقهر خالد: اقول خالد ما سمعت اخر الاخبار
خالد كان واقف عند الباب عشان يطلع يصد لهند : خير
هند بدلع : يقولون ان **** بتم هنك اكثر في شهر العسل ولا بعد **** مرتاحه واااااااااااايد هناك وما تبى ترد .. واذا هي مرتاحه هذا دليل انها تحبه ولازم تحبه كيف ماتحبه وهم هناك بروحهم ولا بعد حد يقدر يشوف جمال فهد وما يحبه
خالد عيونه كلها غضب وحزن وقهر ويطلع وهو معصب
ام خالد بصوت واطي : ليش قلتيله يا هند
هند وهي واقفه : ابي اقهره مثل ما قهرني اليوم

راح خالد وركب سيارته والقهر مالي ***ه وهي يضرب بايده على السكان والدمعه بعيونه : معقوله يا **** نسيتي وعدنا معقوله يا **** نسيتيني ..لازم اكلم **** واتاكد منها ..
خالد خذ الموبايل عشان يتصل في **** وهاي اول مره : خالد اتصل فيها اكثر من مره بس موبايلها مغلق


خالد وهو يكلم نفسه ومعصب: مغلق هذا دليل انج ما تبين حتى ازعاج من حد يعني صدق انج مرتاحه هناك .. معقوله يا **** نسيتيني ...
راح خالد يمر ورا ربيعه محمد والحزن بملامحه
محمد وهو يركب السياره : وينك يا ريال تاخرت وايد من متى وانا اترياك
خالد ما يصد لمحمد ولا شي ساكت ..
محمد بعد ماركب السياره : خالد بلاك
خالد بحزن وهو يشغل السياره: مافيني شي
محمد مستغرب .. من سكوت خالد وهو كل الدرب ساكت ولا يبتسم
وخالد وهو يسوق ..ماقدر يركز بسواقته
ولا مفجـــــــــــــــــأه
كان يبى يدعم السياره اللي جدامه وضرب بريك بصوت عالي .. حتى راسه ضرب بخفيف على السكان
محمد وهو ماسك خالد: خالد خالد بلاك فيك شي
خالد وهو ماسك راسه : اخ لا ما فيني شي.. انت فيك شي تعورت
محمد : لا الحمد لله ما فيني شي .. صح حسيت اني بطلع من الدريشه بس الحمد لله ماتعورت
خالد : اسمحلي
محمد : بلاك يا خالد شو فيك ..
خالد بعصبيه : ماعرف ماعرف
محمد : شكلك وايد تعبان ..قوم حرك السياره على صوب عشان انا اسوق بدالك ..
خالد : لا عادي
محمد : اي عادي الله يهديك زين ما سوينا حادث شكلك تعبان وماتقدر تسوق ..وقف على صوب عشان انا اسوق واوديك البيت ترتاح

محمد ساق بدال خالد .. لان خالد كان وايد تعبان والقهر ب***ه

محمد وصل خالد البيت .. وقاله خلا يتصل فيه بعد ما يكون بخير
خالد وصل البيت .. والكل استغرب لانه توه طالع وغريبه بسرعه رد
ام خالد قامت من مكانها : بلاك خالد
خالد وهو ببطئ يمشي.. : ما شي بس شوي تعبان ابي انام
ام **** : غريبه تنام بهالوقت زين تعشى قبل ماتنام
خالد : ما اشتهي العشى بس ابي انام محد يوعيني ولا يدق عليه الباب
ام خالد : على راحتك يا ولدي
خالد دخل عرفته وهو متساند على الباب والدموع بعيونه ويكلم نفسه : لا مستحيل يا **** تكونين ناستني .. انتي الامل اللي ب***ي .. مستحيل تنسين وعدنا .. انا لج وانتي لي يا **** ..

ام خالد وهي خايفه على خالد : بلاه خالد شو صارله
هند ساكته وبخاطرها تقول : اكيد يوم سمع خبر **** جي صار له .. حشى مب حب اللي يحبها .. بس يستاهل عشان مره ثانيه ما يقهرني

اما خالد فماقدر ينام وهو يتجلب يمين يسار وذكريات **** ماتفارق خياله .. والدموع بعيونه

الجزء الرابــع والثلاثـــون


بعد ما خالد رد البيت ما طلع من الغرفه كله يفكر ب**** .. ومتضايق وايد .. ويتخيل ان **** نسته وتحب فهد ..

وفي اليوم الثـــاني :
في بلجيـــكا :

فهد مطلع ملابس السباحه .
اما **** فهي تكتب الاشياء اللي لازم تشتريها لاهلها ..
فهد وهو مستعيل : **** حبي
**** تصد وتشوف فهد ماسك الملابس : خير
فهد : انا الحينه بروح
**** عاقده حواجبها : تروح في هالصبح
فهد : هيه بروح اتسبح في البحر يا سلام ما تشوفين الجو
**** مستغربه : تسبح .
فهد يتقرب عندها : نسيتي ان ريلج سباح ماهر .. ولازم اتسبح البحر مجابلنا وما اتسبح لا والجو محلاته
**** : بس برد شوي
فهد : عادي .. اهم شي اتسبح ..(فهد يلس عند ****) ما بتشوفين ريلج كيف يتسبح
**** صدت صوب ثاني : مشغوله شوي
فهد قام من عند **** : خلاص تقدرين تشوفيني من الجامه ( النافذه ) .. ترى اكيد يبين
**** : ممممم يصير خير
فهد لبس شورت وقميص السباحه وبهالبس بينت عضلاته ..
فهد : يالله يا عمري باااااااااي
**** اونها استحت ونزلت راسها : باااي

فهد راح يتسبح .. وهو مستانس .. وطبعا الكل تم يشوفه ويشوفون كيف يتسبح بمهاره ..


##############

اما اشواق فهي ماسكه القلم وتتامل فيه ..
فاطمه يت عندها : ها شو تجهزتي ان شا ءالله اليوم بنسافر
اشواق وهي تتحرطم : يعني لازم نروح فرنسا نحن مرتاحين في بلجيكا ..
فاطمه : ولا يا حلوه مب انا اللي قلت .. اهالينا اللي مقررين هالشي
اشواق وهي زعلانه وماسكه القلم : يعني بودع فهد
فاطمه يلست عندها وهي مستغربه تشوف القلم : من وين يبتي هالقلم
اشواق تصد لفاطمه: هذا قلم فهد
فاطمه فتحت عيونها : شوووووووو ومن وين يبتيه
اشواق بابتسامه : تذكرين يوم شفت فهد عند البحر يوم يلست وياه قلت له ابيه قلم عشان اكتب رقم **** وهو عطاني قلمه وانا نسيت اعطيه
فاطمه : نسيتي ولا تناسيتي



اشواق تضحك بخبث: فاهمتني يا الشيطانه ... الصراحه تناسيت .. وقلت هاي فرصه عشان اشوفه مره ثانيه قبل ما اروح
فاطمه : شو قصدج
اشواق وقفت من مكانها : قصدي انا نحن بنروح نسلم على **** عشان السفر ومره وحده بسالها وين فهد وعشان ما تشك بعطي حق فهد القلم اونه عذر عشان اشوووفه ..
فاطمه : ايه يالخبله ..تبين تسوين مشاكل .. يمكن **** ماتعرف انكم شفتو بعض
اشواق : هيه اصلا مبين انها مب مهتمه فيه .. وبعدين انا مالي خص فيها ولا في شي ثاني .. اهم شي اشوفه
فاطمه : صدق يوم قلت انج خبله
اشواق عصبت : ليش خبله ها .. يعني اللي يحب يطلع خبل .. بعدين مب انا اللي حبيته ***ي اللي حبه .. والله يسحر هالريال يخبللللل
فاطمه : انتي ما تحبينه يا اشواق .. انتيي مثل باجي البنات متخبله او معجبه في جماله او في شخصيته وهذا اعجاب مب حب
اشواق : حب ولا اعجاب المهم ابي اشوفه قبل ما اسافر ..بتين ويايه صح
فاطمه منزله راسها
اشواق : فاطمه انا ما طلبت منج شي.. بس ابي اروح عند **** ولا تنسين انها ربيعتج
فاطمه : عشان جي انا خايفه لاني ما ابي اخسر صداقتي وياها ..
اشواق : صدقيني ما بيستوي شي .. تعالي ويايه اليوم .. بروح اتلبس وبنروح عندها اوكي
فاطمه بابتسامه : اوكي عشانج يا اشواق
اشواق بابتسامه راحت مسكت ايدها : تسلمين يافاطمه وعمري ماراح انسى جميلج ..


##################

اما في دبـــــي:

محمد يالس يتصل في خالد بس كله يعطيه مغلق ..
محمد يكلم نفسه : الله يعين ..ماعرف خالد بلاه من البارحه اتصل فيه وموبايله كله مغلق ..المشكله ماعرف رقم بيتهم ..

وبعدين موبايل محمد رن وشاف رقم غريب ..
محمد : الو
المتصل : سلام عليكم
محمد مستغرب من الصوت : وعليكم السلام منو وياي
المتصل : انا ......
محمد استغرب: منو شيخه ويايه
شيخه : هيه انا شيخه بنت عمك

محمد اتوتر : هلا شيخه جيف حالج يا بنت عمي
شيخه بحزن : الصرحه مب بخير
محمد : افا ليش شو استوى
شيخه : يبت لنا المشاكل يا محمد بعد ما ساعدتك وانت كانك مب صاحب هالفكره ..كاني انا المذنبه
محمد : ليش شو استوى
شيخه : الكل يعاتبني لان امك قطعت عنا وما تتصل في امي ولا في اخوها اللي هو ابويه .. وانت قلت ان امك ماراح تزعل
محمد وهو يفكر : والله توقعت ان المشكله انحلت
شيخه دخليلك يا محمد انهي هالسالفه .. ترى انا ساعدتك وكل شي طاح على راسي .. على الاقل تحمل باجي المشكله .. واقنع امك
محمد : خلاص ولا يهمج .. وعد مني اني اكلم امي مره واثنين وثلاث لين ما تقتنع
شيخه : اسمحلي علىالاتصال وعلى هالعتاب بس غصبن عني ..
محمد : لا فاهمنج .. انا اللي اتاسف لاني نسيت هالشي .. والله توقعت ان كل شي انحل .. بس ان شاء الله جريب راح تشوفين امايه بيتكم بعد
شيخه : مشكوورولد العم واسمحلنا مره ثانيه
محمد : لا افا عليج ما سويت شي .. انا لازم اشكرج على كل اللي سويتيه ..
شيخه : يالله عيل عن اذنك .. بخليك الحنيه
محمد : في اماااان الله يا بنت عمي

محمد بعد ماصك من عند شيخه : والله نسيت امي .. الله يهديج يا امي .. بعدج مال قوم اول اللي تزعلين عشان هالسوالف .. والله مشكله هالعيايز..

محمد راح يكلم امه وشافها في المطبخ تكلم الخدامه ..
محمد واقف عند باب المطبخ : امايه
الام منمدجه تكلم الخدامه ..
محمد : امااااااااااايه
الام معصبه : شو تبى ما تشوفني اكلم الخدامه عشان الغدى
محمد: زين ابيج بسالفه
الام : وانت يا سوالفك اللي ما تخلص .. بعدين قولي
محمد : لا ابي الحينه اقولج
الام : اف صدق تعورالراس ..
محمد : يالله تعالي شوي بس ما باخرج .. تعالي نقعد في الصاله بس دقايق
الام : زين
محمد يلس عند امه في الصاله..
محمد : امايه انتي بعدج ما تكلمين عمي ولامرت عمي عشان سالفتي ويا شيخه
الام عاقده حواجبها : وشو اللي ذكرك بهالسالفه الحينه
محمد : ماعرف فجاه ياه في بالي
الام : هيه ما اكلمهم ولا بكلمهم طول حياتي عشان يتادبون وما يرفضونك


محمد : امايه الله يهديج لاتكونين ..مثل ما اول .. البنت ما ارتاحت .. وما يستوي نزوجها غصب وبعدين نتطلق..
الام : وي وي باسم الله لا تيب طاري الطلاق الله يبعد عنا
محمد : زين ما مدام ما تبين الطلاق عيل ما يستوي تغصبين البنت
الام: بس نحن من الصغر قايلين انكم لبعض
محمد : وهاي مشكله اغلبيه العوايل يزوجون اليهال من الصغر من دون ما يعرفون شو اللي ب***هم .. وبعدين ولد العم يتزوج غصبن عنه من بنت عمه عشان العادات واكثرشي تستوي نسبه الخيانه لان الزوج ما يكون مقتنع في بنت عمه ..
الام : ساكته
محمد: امايه لو عندج بنت وتقدملها واحد ..وهي صلت ومارتاحت .. اوانها ما تباه الريال من دون حتى ما تصلي استخاره هل انتي بتغصبينها
الام ساكته ومنزله عينها : الصراحه لا
محمد : شفتي لانج تعرفين ان الزواج في الدين ارضاء ما بين الطرفين يعني مب غصب صح
الام : سااااكته
محمد : وشيخه نفس الشي يا امايه ..صدقيني يمكن خير لنا .. وعسى ان تكرهو شيئا وهو خير لكم .. يعني يا امايه هذيله مهما يكون اهلنا وما يستوي نزعل عنهم وبعدين الزعل ما يستوي اكثر عن 3 ايام وهذا مب من عندي من عند الرسول صلى الله عليه وسلم
الام تصد وتشوف محمد : يعني
محمد : يعني كلميهم واتصلي فيهم وكوني عاديه ويايهم
الام : خلاص يا محمد بتصل فيهم الحينه وبروح بيتهم بعد وصح كلامك مهما يكون هذيله اهلي ومالنا غنى عنهم
محمد والضحكه في شفايفه ..وراح باس فوق راس امه : فديتج يا امايه .. هاللي بتسوينه هو اللي صح واللي لازم من زمان تسوينه ..
الام: يزاك الله خير اللي نبهتني عن هالشي ..
محمد : افا عليج يا امايه يالله روحي اتصلي فيهم
الام : الحينه فضيحه الظهر
محمد : لا فضيحه ولا شي .. انتي بتتصلين بيت اخوج مب حد غريب

*الام راحت تتصل في ابو شيخه وام شيخه وانتهت السالفه على خير ..

* اما محمد فاستانس وايد لانه قدر يحل هالمشكله ..


اما في بيت خـــــــالد
نوره وهي يايه : السلام عليكم
ام خالد وام **** وهند : وعليكم السلام
نوره مستغربه : بلاكم زعلانين
ام خالد : هذا اخوج من البارحه ماعرف بلاه لين الحينه ما طلع من غرفته ولا يبى يفتح الباب بعد كله يقول خلوني ابي انام
نوره يلست : ليش شو صار
ام خالد تصد تشوف هند باحتقار: كله من هند ..قالت ان **** بتتاخر في السفر ومعناتها انهافرحانه ومن هالكلام
نوره : الله يهديه خالد .. لازم يتوقع هالشي
نوره وقفت : عيل انا بروح احاول وياه
نوره راحت تدق الباب : خالد خالد افتح الباب انا نوره
خالد وهو متلحف باللحاف وتعبان ما يقدر يفتح عيونه : شوو تبون خلوني
نوره : افتح الباب شويه عشان خاطري
خالد : نوره الله يخليج خليني بروحي مب متفيج اكلم حد
خالد يكح بالقو ..
نوره ردت عند امها وبحزن: ما يفتح الباب
ام خالد : الله يهديه ..ماعرف شو اسوي
نوره : ماعليه يا امايه خليه لين ما يهدى وبعدين اكيد بيمل وبيفتح الباب
هند : نوره وين الريم ما قلتي انها بتيه على الغدى
نوره : لا ما قدرت قالت بتيه العصر ان شاء الله

اما في بلـــجـــــــيـــكا :
فهد بعد ما تسبح وكل شي رد الشقه
فهد وشعره مبلل وملابسه بعد : مرحبا
**** تصد : ايييييييييييه بتمرض ليش جي
فهد: قلت بييه بتسبح مره وحده
**** : زين تغطى على الاقل بالفوطه ..لاتنسى ان الجو بارد
فهد تقرب من عند **** ويلس عندالها وبابتسامه تذوب القلوب : فديت الحلوه تخاف عليه
**** استحت ونزلت راسها ويها احمر : لا مي جي بس الجو بارد ويمكن تمرض
فهد : عساني امرض ويستوي فيه كل شي .. بس عشان اشوفج تحاتيني وتخافين عليه
**** : فهد انت فاهم السالفه غلط
فهد : لا غلط ولا شي.. ترى انا اشوف الحيا بملامحج الحلوه
فهد : **** انتي كل شي بالنسبالي .. وانتي اغلى من روحي.. والله لوخيروني بين الموت او بين فرقاج بختار الموت ولا اشوف دنيتي بدووونج
**** مستحيه ومنزله راسها : فهد رووح تسبح احسن
فهد : ان شاء الله يا عمري ..


فهد اتسبح بسرعه يعني خذ شاور سريع ..وراح اتلبس

و**** قاعده تشوف التلفزيون ولا تسمع حد يدق باب شقتهم استغربت لانها ماتعرف حد ...
**** راحت عند الباب وهي تشوف من الفتحه الصغيره ..ولا تشوف فاطمه واشواق
**** بابتسامه تفتح الباب : هلا والله
فاطمه واشواق : هلا فيج
وبعد ما سلمو على ****
**** : تفضلو ليش واقفين \
فاطمه : اسمحيلنا على الازعاج بس لانا بنسافر اليوم قلنا خلا نسلم عليج مره وحده
**** : لا افا عليكم تفضلو يلسو ..
اشواق وفاطمه بعد ما يسلو .
**** : عن اذنكم دقيقه
اشواق وهي تشوف **** من فوق لتحت : شوفي كشختها حتى وهي في الشقه .. جلابيتها وايد فخمه
(( **** كانت لابسه جلابيه باللون السماوي والكحلي بالقطعه الهنديه وكانت وايد فخمه ..و**** كانت فاتحه شعرها العسلي وشعرها كان مدرج بطريقه حلوه ))
فاطمه : قولي ماشاء الله لاتحسدينها
اشواق : وي وليش احسدها .. ناسيه كشختي
فاطمه وهي تشوف ملابس اشواق : صدق اليوم وايد متكشخه ولبسج مميز
اشواق : حبيبتي انا كنت ادور من زمان هالبدله لانها حلوه عليه
(( اشواق لابسه بدله حمراء والتنوره شوي قصيره بس البوت مغطي ريولها وكانت فخمه وحاطه عدسات بلون العسلي ..وكانت جذاابه ))

**** بعد مايابت العصير : تفضلو
فاطمه : دام فضلج يالغاليه
اشواق : شو **** ان شاء الله مستانسين في بلجيكا
**** : هيه وايد حلوه ما توقعتها جي
فاطمه : ومتى بتردون
****: والله انا قلت لفهد يمدد لين اسبوع تقريبا
اشواق ااها يعني بتمون بعد اسبوع
**** : ان شاء الله ..
اشواق : اقول **** وين فهد
**** استغربت : فهد ..موجود في الغرفه ..
اشواق : يمكن لو سمحتي تنادينه
**** : هيه لحظه شوي
فاطمه : فضحتينا ..
اشواق : لا فضيحه ولا شي ..
**** راحت غرفة فهد : فهد
فهد وهو يسحي شعره المبلل : هلا يا بعد هلي
**** : اقول في ضيوف يبون يشوفونك
فهد وهو يطالع **** من المنظره : غريبه منو ..
**** : اشواق وفاطمه لو تعرفهم


فهد صد صوب **** : اشواق وفاطمه يبوني
**** : تعرفهم صح
فهد : هيه اعرفهم .. زين شو يبون مني
**** : ماعرف .. تعال وشوف شو تبى منك اشواق

**** دخلت اول شي ..
فهد بعد دقايق دخل ..: السلام عليكم
اشواق وهي تتامل فيه : وعليكم السلام
**** تشوف فهد واقف: فهد تفضل اقعد
فهد مب متعود ييلس ويا غرب..
فهد يلس عند **** ..واشواق وفاطمه مجابلينهم
اشواق برقه : شحالك فهد ..
فهد: بخير الحمد لله
اشواق : انا يايه اول شي عشان اسلم عليكم لانا بنسافر والشي الثاني عشان ( تطلع القلم من شنطتها ) وعشان القلم..
فهد مستغرب اي قلم..
اشواق وهي ماده ايدها عشان تعطي قلم فهد : هذا قلمك يا فهد نستيه عندي
**** مستغربه ..وماعلقت على شي
فهد بعد مستغرب: اي قلم ومتى نسيته عندج
اشواق / تذكريا فهد ذيج المره يوم عطيتني قلمك عشان اكتب رقم ****.. نسيت اردلك ..ويوم شفته عندي قلت لازم ارده لك
فهد : اها ... لا عادي اختي خذيه حقج
اشواق في خاطرها (( الود ودي اخليه ذكرى )) لا لا تفضل هذا قلمك
**** يالله عليج يا اشواق اللا هو قلم ..خذيه حلال عليج
فهد : هيه عادي والله خذيه
اشواق : ما احتاجه ..صدقني خذه
فهد : لا عادي خليه عندج
اشواق استانست لانها تبى اي شي ذكرى من فهد : خلاص مدامك مصر ماتاخذه بخليه عندي
فاطمه وقفت : يالله عيل نخليكم نحن
**** : ليش توه الناس
فاطمه : لازم نرتب اغراضنا عشان السفر ان شا ءالله
**** : خلاص على راحتكم ..بس عاد لا تقطعون عنا .. لاتنسين انا بنفس المنطقه ..يعني زوريني في دبي
اشواق : هالشي اكيد .. ( وهي تشوف فهد ) ان شاء الله بنزوركم ..ترانا تعودنا عليكم
**** :حياكم الله باي وقت
فهد لاول مره يلاحظ نظرات اشواق له .. وعرف انها معجبه فيه ..
اشواق بعد ماسلمت على **** ..مدت ايدها على فهد
(( لانه في بعض العوايل عادي عندهم يسلمون بالايد طبعا نحن مب ويهالشي.. لانه هالشي غلط وحرام )

فهد استحى يوم شاف اشواق ماده ايدها وهو مد ايده وسلم عليها ..اشواق كانت بتتخبل يوم لامسة ايد فهد ..
وابتسمت له ..وراحت ..
فهد ما قدر يقول شي ..يمكن لانه حس بنظرات اشواق له
اما **** فمستغربه من القلم ومن اشواق بس ما قالت شي
**** وهي تاخذ العصير عشان توديه المطبخ
فهد : ****
**** : مممممممم
فهد : اكيد مستغربه من القلم صح ..وكيف شفت اشواق
**** تصد: لا مب مستغربه من شي لاني شفتك مره يالس وياها عند البحر ..
فهد : وانتي تغارين صح
**** تبين العكس : لا ما اغار ولا شي ..لو اغار جان سالتك من اول يوم شفتك وياها..انت حريا فهد بتصرفاتك
فهد حس بالقهر من كلامها .. بس قال في نفسه يمكن هي تغار بس كبريائها مانعنها بالمصارحه ..

######################

اما في دبــــــــي
محمد ما قدر يستحمل اكثر راح على طول بيت خالد عشان يطمن عليه
محمد وهو يوقف سيارته عند باب بيت خالد ..شاف وحده تنزل من السياره ويوم ركز النظر فيها فتح عيونه
محمد وهو مستانس وفاتح عيونه : مب هاي اااااااااااه مب هاي ال*** مب هاي الريــــــــــــــم ..
الريم نزلت من سيارة عمها وهي تدق الجرس..وماتعرف بوجود محمد
محمد ما صدق راح على طول عندها وهو مستانس
الريم حست بان حد ياي عندها ويوم صدت شافت محمد ..الريم استحت نزلت راسها
محمد بابتسامه : احم احم..سلام عليج
الريم وهي منزله راسها : وعليكم السلام
محمد :مب انتي الريم صح ربيعة ****
الريم بخجل : هيه
محمد : انا محمد ربيع خالد .اللي مره شفتكم في المركز تذكرين
الريم في خاطرها (( اكيد اتذكرك )) ..:هيه
محمد مستانس وساكت
بعد مالخدامه فتحت الباب ..دخلت الريم و***ها يدق بالقو يوم شافت محمد
اما محمد فهو سرحان فيها
الخدامه : yes sir what do you want?
محمد : ها ممم .. ياربي ليش كنت ياي ..هي تذكرت وين خالد
الخدامه راحت تنادي خالد
ام خالد والكل يالس في الصاله ..والخدامه يت وقالت انه في واحد يبى خالد
ام خالد : منو

الريم : هذا محمد
نوره تشوف الريم : بعد تعرفين الاسم
الريم مستحيه : سكتي فضحتينا
ام خالد : محمد والله زين يمكن يقدر يخلي خالد ياكل شي .. لانه وايد ويا خالد .. خليه يدخل
البنات راحو فوق عشان محمد يدخل
محمد بعد ما دخل شاف ام خالد : سلام عليكم
ام خالد : وعليكم السلام يا هلا بولدي
محمد : اسمحيلي خالتي ياي بهالوقت ..بس الصراحه وايد احاتي خالد لانه البارحه كان تعبان واليوم كله اتصل فيه بس هو ما يرد عليه ..بلاه
ام خالد : والله ولا فتح الباب علينا وتخيل من البارحه يا ولدي وهو ما كل شي ماعرف بلاه .. اذا تقدر تقنعه انه يفتح الباب
محمد : ان شاء الله بحاول بس وين غرفته
ام خالد ودته غرفة خالد : تفضل
محمد يدق الباب : خالد خالد افتح الباب انا محمد ربيعك
خالد يسمع صوت محمد بس من التعب ما يقدر يفتح الباب
محمد : خالد افتح الباب ..اذا تعزني صدق افتح الباب
خالد ما قدر ما يفتح الباب لانه محمد وايد وياه ..
خالد وهو يرتجف من البروده وحالته حاله ويمشي كانه سكران يفتح الباب
ام خالد يوم شفاته : ويه بلاك يا خالد ليش جي شكلك
محمد يمسك خالد : خالد بلاك شكلك وايد تعبان
خالد يرد ينام على السرير : مافيني شي بس تعبان
ام خالد : قوم يا خالد خلا نوديك المستشفى
خالد : لا ما بي ..ما فيني شي
محمد يحط ايده على راس خالد : اي مافيك شي حرارتك مرتفعه وااايد وشوف كيف ترجف
خالد: خلوني بروحي .. ما فيني شي ..
ام خالد : الله يخليك عشان خاطري روح المستشفى
خالد : امايه دخيلج لا تغصبيني على شي ..ما بروح يعني ما بروح ..بس ابي انام ..
محمد : بس يا خالد|.......
خالد : الله يخليك يا محمد لا تغصبني على شي بس ابي ارتاح
محمد ما قدر يسوي شي: خالتي خليه بروحه شوي لين ما يهدى واقنعيه بعدين
ام خالد والدمعه بعيونها :كيف اخليه ..شوف حالته .. والحراره مرتفعه واذا الحمى زادت عليه بتكون خطره على حياته عادي يستوي فيه حمى الشوكيه ..
محمد : لا ان شاء الله ما يستوي فيه شي .. انا المساء برد اشوفه وبقنعه عشان يروح
ام خالد : ان شاء الله ومشكوور يا ولدي ما قصرت واسمحلنا
محمد : افا عليج .. هذا مب بس ربيعي هذا اخويه
ام خالد : تسلم يا ولدي وان شاء الله يقتنع ويروح المستشفى قبل مالحمى تزيد عليه ..
محمد : ان شاء الله .. يالله عن اذنج خالتي .. انا بترخص

الجزء الخامس والثلاثيـــن

بعد ما طلع محمد من بيت خالد.. وهو يحاتي ويفكر بخالد وهو في السياره يكلم نفسه : يحليلك يا خالد هالحب جذي سوى فيك .. والله صدق يوم قالو الحب عذاااب .. بس انا صدق زعلان عشان ربيعي بس مستانس بنفس الوقت ( ابتسم ) لاني شفت حبيبتي الريم .. الله يجمعني وياج يالريم ..

اما الريم فهي كانت في بيت خالد ..
الريم تكلم هند : ها يا هند متى الملجه مب كانج طولتي في خطوبتج
هند وهي تقلم اظافرها : والله شو اسوي نتريه بنت الحسن والدلال
نوره : لازم اتيه بدون **** الملجه ما تسوى
هند رفعت راسها : والله انا بتريه اسبووع واحد واذا ما يت كيفها بسوي الملجه
الريم : وكيف بتكون ملجتج يعني حفله بتسوين ولا بس كتب كتاب
هند : والله انا افكر اني اسوي الملجه عاديه لاني ابويه يقول ان بين الملجه والعرس شهرين
الريم : شوي شهرين
هند : هم يقولون جي .. بعدين احسن
الريم : بل عكس احلى ايام ايام الملجه
هند باستهزاء : ليش انتي جربتي عسب جي تقولين
الريم انقهرت : لا انا ما جربت بس الكل جذي يقول .. بعدين على الاقل تشتاقون حق بعض ..
هند وقفت من مكانها : والله حتى لو عرسنا...بعد بنشتاق حق بعض لا تحاتين وان شاء الله في ملجتج خليه سنتين اوكي يالله عن اذنكم بروح غرفتي
الريم ما قالت شي سكتت وانقرت
نوره : الريم لا تضايقين من كلام هند تراها الحمدلله والشكر دفشه من صغرها
الريم : لا عادي انا مب زعلانه ... بس انا نصحتها بس هي ماعرف شو صار فيها
نوره : الله يخليج مب اول مره تقول كلام بايخ مثل ويها دومها جي
الريم : ما علينا .. شو اخبار اخوج شو وديتوله الغدى
نوره : ما يبى يتغدى ولا شي بطنه خالي من البارحه فديت اخويه
الريم : الله يعينه والله

رن موبايل الريم ..
نوره : منو المتصل
الريم وهي تشوف الرقم : اوووه هاي دكتوره ناديه عن اذنج يا نوره
نوره : خذي راحتج حبيتي
( دكتوره ناديه هي الدكتوره النفسيه لفهد من صغره بالذات يوم تعب بعد وفاة امه وهي اتابع حالته اول باول )
الريم وهي ترد : الو
ناديه : الو مرحبا



الريم : هلا والله بدكتوره ناديه
ناديه : هلا فيكي حبيبتي .. وينك انشغل بالي عليكي وعلى خيك فهد .. من مده ما حكيتي معي
الريم: اسمحيلنا مشاغل الدنيا
ناديه : ايه عن جد مشاغل الدنيا تنسينا حالنا
ناديه : المهم كيفه خيك فهد شو حالته من مده ما اجا عندي ..شو ان شاء الله منيح
الريم : الحمد لله بعد ما ملج صار وايد احسن
ناديه : ايه ترى الفرحه بتخليه يتغير 180 درجه وهالشي كتير منيح له .. متل ما بتعرفي ان فهد كتير كان يعاني من الأسوه والضرب من صغره من مرت عمه فهالشي خلاه يتعأد ويكره الدنيا كلها .. بس مع الحب والحنان والاهتمام بيصير انسان عادي وما بتردله الانهيار العصبي .. واحكي هالشي لمرته عشان تهتم فيه اكتر
الريم : ان شاء الله يا دكتوره وانا اشكرج على اهتمامج في اخويه
ناديه : ما بتحكي هيك .. فهد متل ولدي .. فهد من صغره وانا عم بهتم فيه
الرمي :تسلمين والله ما قصرتي
ناديه : سلميه عليه كتير كتير .. وطمنيني عليه ايه ما بتنسيه
الريم: ان شاء الله ولا يمج ومشكوره مره ثانيه
ناديه : العفو حبيبة ألبي.. وان شاء الله بحكي معك بعدين .. اوكي بااااي
الريم : الله يحفظج ..
في بلجيــــــــكـــا :

فهد : اقول يا عمري شو رايج اليوم بدل ما نتعشى برع اييب العشى في الشقه وناكل هنيه يعني كتغيير..
**** وهي تحط الورود الطبيعيه على المزهريه : هيه وايد احسن لاني مب متفيجه اتلبس واطلع
فهد : زين شو تبين يا غلى زوجه بالوجود
**** برقه : مممممممممم والله ماعرف اي شي ..
فهد " دوووم اي شي .. زين اختاري شي على الاقل
**** : والله ماعرف انت شوف شو اللي حلو وييبه
فهد : احم احم يعني ذوقي يعجبج
**** : تقريبا
فهد : الحمد لله تقريبا احسن من لاء
**** : هههههههههه
فهد : يالله عن اذنج يا عمري ... بروح اييب احلى عشى لاحلى واجمل **** بالوجوود ..
**** تبتسم وماردت عليه ..


اما في دبـــي:
ام خالد : نوره خالد كل شي
نوره " لا والله ما يبى شي
ام خالد: والله يا خوفي ولدي يروح عني ..بروح اشوفه
نوره والريم قامو ويا ام خالد غرفة خالد
خالد كان وايد تعبان حرارته ارتفعت وهو يتنافض ..وويه محمر...
ام خالد والخوف بويها : خالد ولدي الله يخليك كل شي او روح المستشفى مب زين من البارحه ما كلت شي
خالد يفتح نص عيونه ويغمضها وماقال شي
ام خالد والدموع في عيونها : ولدي بيروح عني .. شوفي حالته .. لا يبى ياكل ولا يبى يروح المستشفى شو اسوي
نوره ادمعت يوم شافت اخوها .. : خالد خالد
خالد بصوت واطي : خلوني بروحي اطلعو برع مابي اشوف حد
نوره : خالد الله يخليك روح المستشفى
خالد : انا جي مرتاح
ام خالد ظهرت وهي تصيح لان شكل خالد وايد يصيح شكله تعبان ومشكلة خالد انه عنيد
نوره وهي تشوف امها وتشوف خالد ماعرفت شو تسوي وماعندها الا حل وااااااحد
الا هو اتصال في سااااااااره

**** وهي ترتب غرفتها رن موبايلها
نوره ودموعها على ويها : ****
**** : هلا والله بنوره وينج من زمان ما تصلتي
نوره وصوتها حزن : ****
**** خافت : بلاج نوره صوتج مب طبيعي شو مستوي
نوره : خالد
**** فتحت عيونها و***ها يدق بسرعه : خالد بلاه خالد قولي شو فيه بلا ه
نوره : خالد وااايد تعبان ومن يومين وهو طايح على الفراش ولا يبى ياكل شي وحرارته مرتفعه واخاف ( تصيح ) واخاف يصيرله شي
**** والدموع في عيونها : ليش شو صار له
نوره : ماعرف والله انا خايفه عليه هو ما يبى يروح المستشفى .. وتعرفين يا **** اذ االحمى زادت عليه هالشي اكيد بياثر فيه ..عشان جي قلت محد غير الله ثم انتي اللي تقدرين تساعديني
**** وهي تمسح دموعها :لويبى ***ي ما بتردد اعطيه
نوره : مشكوره حبيتبي بس ابيج تكلمين خالد وتقنعينه يروح على الاقل المستشفى عشان ما يتعب اكثر واكيد هو بيسمع منج
**** : اكيد اكيد بكلمه وينه عطيني
نوره : لحظه
نوره راحت غرفة خالد وماسكه الموبايل
نوره : خالد خالد
خالد يفتح نص عيونه ويبندها وما يرد عليها
نوره : خالد تلفون لك



خالد ما يرد عليها
نوره : خالد **** تباك
خالد فتح عيونه وبصوت واطي ومتعب : ****
نوره : هيه ****
خالد خذ الموبايل وبصوت هادي : الو ****
**** يوم سمعت صوته المتقطع ومبين من صوته التعب تمت تصيح : خالد
خالد : **** ليش خنتي الوعد يا **** قلتي انج ما بتنسيني وانتي مطوله المده نسيتي خالد نسيتي الوعد
**** وهي تمسح دموعها : لا وربي ما نسيتك يا خالد انت كل دقيقه ب***ي .. والله حتى اني ما اتغزل فيه ولا خليته يلمسني .. انا بغرفه وهو بغرفه ثانيه كل اللي اتفقنا عليه سويته
خالد : عيل ليش طولتي المده .. ليش ما رديتي بسرعه ليش ما سالتي عني ..
**** : ما نسيتك والله .. خالد عشان خاطري اذا صدق تحبني مثل ما تقول روح المستشفى
خالد : اذا صدق تبيني استوي بخير وتبيني اروح المستشفى عندي شرط
****: انت لا تشرط انت امرني يا خالد
خالد : ابيج تردين دبي باسرع وقت ابي يوم افتح عيوني اشوفج
**** : خلاص ولا يهمك انا اوعدك اني باول طياره لدبي ارد واييه واطمن عليك بس انت روح المستشفى
خالد بابتسامه : مدام بشوفج خلاص عيل عندي امل بحياتي .. وانا عشانج ولاني بشوفج مره ثانيه بروح المستشفى
نوره استغربت وخذت الموبايل من خالد
نوره : ****
**** وهي تصيح :
نوره: **** شو سالفتكم
**** : خلاص خالد بيروح المستشفى هو وعدني
نوره والابتسامه بشفاتها : والله
**** : هيه وانا وعدته اني ارد دبي
نوره فتحت عيونها : شوووووووو
**** : هيه وانا اصلا مذنبه بهالشي كيف كنت مستانسه هنيه ..وخالد تعبان اصلا لازم من زمان ارد ..
نوره : لا يا**** انا ما كنت ابي اخرب شهر عسلكم
سار ه : انا ما اهتم الحينه الا في خالد وصحته
نوره : بس اذا فهد عرف انج رديتي عشان خالد بتصير مشكله كبيره .. وما فينا على المشاكل ..
**** : عيل شو اسوي
نوره : عندي فكره قولي اني انا تعبانه وايد
**** : لا باسم الله عليج
نوره : عشان نتجنب المشاكل
**** : هيه صدقتي بعد اذا عرف فهد اني رديت عشان خالد بي*** الدنيا فوق تحت
نوره : بس انتي لا تبينين انج تصيحين عشان ما يشك
**** بصريخ : ما يهمني شي .. بس ابي ارد دبي واطمن عليه ..انا السبب يا نوره انا السبب ( وتمت تصيح )
نوره : لا يا**** مالج خص انتي
****: كيف مالي خص وانا السبب في كل شي خالد مرض وتعب وطاح هالطيحه بسبتي انا ..
نوره : **** هدي اعصابج ... محد له خص .. هذا قضاء الله وقدره .. المهم روحي غسلي ويهج لان اكيد اذا فهد شافج بيعرف السالفه ..
**** : خلاص يا نوره بخليج ومشكوره على كل شي
نوره : اسمحيلي على الاعاج
**** : لا بل عكس انتي ما قصرتي ..

بعد ما صكت **** طاحت على السرير وهي تصيح وتلوم نفسها على اللي استوى في خالد .. وتقول
كيف كنت مستانسه وانت هناك متعذب كيف ما رديت بسرعه وانت مريض هناك .. انا السبب في عذابك يا خالد انا السبـــب
############

اما في دبــــــــــــــــــــي

نوره راحت كلمت امها وقالت ان خالد اقتنع يروح المستشفى واستانست الام وايد بس نوره ماقالت ان **** هي اللي اقنعته عشان المشاكل ما تكبر

راح خالد المستشفى والدكتوره قالت ان لازم خالد ينام في المستشفى عشان الحمى تخف لان حرارته وايد مرتفعه

ام خالد وهي تكلم الدكتوره : يعني حالته مب خطره يا دكتوره
الدكتوره : والله الحمد لله انكم يبتوه لانه بدون اكل ولا ادويه الحمى كانت بترتفع وايد وهالشي اكيد بيكون خطر لحياته .. ونحن ان شاء الله بنعطيه جلكوس عشان يعوض جسمه اللي فقده من الاكل والفيتامينات وراح نعطيه ابر وان شاء الله راح نهتم فيه وبنخليه عندنا بس كم يوم وان شاء الله حالته تخف
ام خالد : الحمد لله
نوره استانست ان صحة خالد ما تدهورت زياده ..


وهند وهي يالسه في البيت رن تلفون البيت
هند : اف يعني ما نقدر نرتاح بجون هالتافون الحشره
هند : الو
محمد : السلام عليكم
هند : وعليكم السلام
محمد : اختي خالد شو اخباره .. انا محمد هند : هيه الحمد لله
محمد : زين اي مستشفى ؟
هند : مستشفى wellcare
محمد : خلاص انا بروح هناك وابوج وياه صح
هند :هيه هناك
محمد : عطيني الرقم عشان اعرف اي غرفه هم
هند : *******
محمد :مشكوره اختي ما قصرتي يالله مع السلامه
هند : مع السلامه
هند : انا بروح غرفتي وايد احسن على الاقل ادش الانترنيت بدل هالملل
هند طبعا ماكنت تعرف الانرنيت وبلاويه الا من منى

############

اما في بلجيــــكا
**** غسلت ويها وحاولت تمسح دموعها عشان فهد ما يشك
فهد وهو ماسك اكياس العشى ومستانس يحليله
**** متسانده على السرير وهي متضايقه وايد
فهد يدور **** : **** ****
**** يوم سمعت صوته قامت من على السرير: نعم
فهد : تاخرت صح اسمحيلي يا عمري بس الدرب زحمه
**** ما قالت شي
فهد هد الاكياس وراح عندها : بلاج **** ليش شكلج تغير شو كنتي تصيحين
**** معصبه : لا ما كنت اصيح بس يمكن اطلب طلب
فهد مستغرب : اكيد حبيبتي
**** : ابيك اليوم تدور على اول طياره لاني ابي ارد دبي
فهد استغرب وفتح عيونه : ليش .. شو صار .. انتي من كم يوم قلتيلي عشان اطول المده هنيه
**** : انا ما يهمني قبل شو قلت ابيه ارد دبي باسرع وقت سمعت يا فهد
فهد : زين ليش شو استوى
**** : فهد لا تسال وايد سو اللي قلته عليك
فهد : بس انا لازم اعرف شو السبب..مساعه ماكان فيج شي ..اول ما رديت تغيرتي شو صار
**** ادور على حجه : نوره شوي تعبانه .. وبعدين انا مشتاقه لامي وايد بس
فهد : نوره وايد حالتها خطره يعني
**** : ماعرف ماعرف بس ابي ارد دبي
فهد : خلاص يا عمري بسوي اللي تبينه ولا اشوف دموعج .. باجر بدور على حجز
**** : ما بيه باجر ابيه اليوم والحينه
فهد يشوف الساعه : الحينه بهالوقت
**** : هيه الحينه روح دور على اول طياره
فهد : بس


**** : شوف يا فهد اذا انت تبى اتم هنيه كيفك انا بروحي بحجز وبرد بروحي دبي
فهد : شو تخبلتي تردين دبي بروحج
**** : ما يهمني شي بس المهم عندي اني ارد دبي
فهد : خلاص انا الحينه بروح هناك وبدور على حجز بس يمكن تاكلين
**** : ما بي شي .. والحينه يمكن يا فهد تخلني بروحي لاني تعبانه وما ابي اشوف حد
فهد : على راحتج ..
فهد وهو طالع يشوف **** بنظره تعجب ..
فهد راح غرفته ويقول في خاطره : بلاها **** كيف تغيرت شو صار معقوله مرض نوره يخليها جذي ...زين انا شو لي خص جي تعاملني .. انا ما صدقت اني قدرت شوي اغيرها واخليها زينه ويايه .. الحينه اذا ردت دبي يا خوفي ترد مثل قبل ويمكن أقسى ..

فهد راح يدور على حجز وهناك في المطار
الموظفه ادور وتتكلم طبعا بالانجليزي : الصراحه حضك وايد حلو في شخصين الغو سفرهم ..شي بس حق شخصين
فهد يقول في نفسه والله ان حظي مب حلو ..
الموظفه : ان شا ءالله تقدرون اتون باجر الصبح وتردون لدبي
فهد : يعني الساعه كم
الموظفه : مممممم تقريبا 11 الصبح وتردون دبي تقريبا المغرب..
فهد : خلاص مشكوووره
فهد راح يتصل في سار ه وبضيق: هلا ****
**** : ها بشر لقيت حجز حق اليوم
فهد : عاد الطمع اليوم لا .. زين منا حصلنا حق باجر
**** : لا ابي اليوم
فهد عصب: الحينه ما تقدرين تتريين باجر ..
**** : زين متى
فهد : الصبح الساعه 11
**** : الحمد لله زين عيل بروح ارتب اغراضي يالله باي

فهد صك من عند **** ويكلم نفسه : والله انج فرحانه بس انا متضايق وايد ... لاني اخاف ان هالايام الحلوه اللي قضيتها معاج ما ترد .. ويا خوفي اشوف القساوه والجفاء منج يا **** في دبي ..

**** وايد مستانسه واتصلت في نوره عشان تبشرها وتتفق وياها انهم اول ما يردون يمثلون على فهد عشان ما يشك ان خالد هو المريض واول ما **** ترد من السفر اتفقت ويا نوره عشان يرووحون المستشفى
نوره : ان شاء الله ما يشك
**** : لاتحاتين
نوره : زين اذا شاف ان ما فيه شي .. اكيد بيستغرب


**** : بنقول انج صرتي احسن .. وبنفس الوقت تقولين ان اخوج مريض وانا اوني ماعرف عشان اروح ازوره ..
نوره : الله يعينا ..زين اخبر امج
**** : لا لا خليها مفاجاه احسن المهم لا تروحون المستشفى الا يوم اييه اوكي
نوره : والله اني ميته من الوناسه لاني بشوفج مع اني متضايقه لاني خربت شهر عسلكم والله فهد ما يستاهل
**** : عيل خالد اللي يستاهل .. خالد هو الضحيه بعد لا تنسين
نوره : والله ثلاثتكم ضحايا
**** : زين عيل بخليج عشان ارتب اغراضي
نوره : يالله تردون بالسلامه ..

**** راحت ترتب اغراضها عشان السفر ..

اما فهد وهو في الدرب اتصل في الريم عشان ترد بيتهم لانها في بوظبي
الريم وهي ميته من الوناسه وتناقز مثل الخبال : والله صدق يا اخوي باجر ان شاء الله بترد واخيرا
فهد بضيج : هيه ان شا ءالله المغرب تقريبا بنكون عندكم
الريم : وااايد مستانسه يا فهد ..والله بدونك انا ضايعه وملانه
فهد : ليش لا يكون ام اربعه واربعين سوتلج شي
الريم : منو قصدك في ام اربعه واربعين
فهد : منو غيراها اكيد مرت عمج
الريم : هههههههههههههههه ..
فهد : والله يمكن ام اربع واربعين بعد ارحم منها
الريم : لا الحمد لله اصلا انا دومي رايحه بيتكم نوره عشان افتك من لسانها
فهد : المهم قولي حق عمي يوصلج دبي.. عشان ان شاء الله اول ما نرد انشوفج يالريم .. ترى صدق لج وحشه
الريم: فديتك اخويه عساني مانحرم منك .. اكيد بكون في دبي ان شاء الله .. بس وين بتون اول شي بيتنا ولا بتروحون بيت خالة **** لان امها هناك
فهد تغيرت ملامحه : افا يعني غصبن عليه اروح بيت خالد .. صدق عيل باجر وايد بستانس
الريم تضحك : تستعبط ..
فهد : هيه اكيد استعبط عيل من صدقي بروح بيت العدو خالد وبستانس ..
الريم كانت تبى تقول ان خالد مريض بس فهد قاطعها
فهد : زين عيل بخليج الحينه لان ما شي بطاريه في الموبايل اكلمج بعدين زين يالريم
الريم : خلاص حبيبي سلم على **** وايد
فهد : يوصل ان شا ءالله

فهد رد الشقه وشاف **** ترتب الاغراض
فهد بحزن : شو رتبتي كل شي
**** من دون نفس :هيه رتبت وانت بعد رتب كل شي عشان باجر نطلع من وقت
فهد : متحمسه وايد
**** تصد تشوف فهد : اكيد يا فهد شو نسيت اني برد حق احبابي
فهد انقهر : منو قصدج
**** : اكيد امي وبنات خالتي يعني منو
فهد: اها تحريت حد ثاني
**** طنشت فهد وتمت ترتب اغراضها و***ها عند خالد وهي تحاتيه وايد

اما **** فماقدرت تنام لانها تفكر في خالد ومتضايقه لانها هي السبب .. وما قدرت تنام لانها تفكر كيف بتواجه خالد ويا فهد وكيف حياتها بتكون هناك

اما فهد فماقدر ينام لانه حاس بتغير **** المفاجئ وخايف ان **** تتغير للاسوء هناك ..وان امله الوحيد ان **** تحن عليه وتحبه يمكن ينتهي في دبي..
وفي اليوم الثاني ..
في بلجيـــكا :
**** قامت اول وحده وهي متوتره وايد وفرحانه لانها بترد دبي

فهد قام وغسل ويه وشاف غرفة **** مفتوحه
فهد : صباح الخير
**** وهي بكل نشاط : صباح النور
فهد : ماشاء الله قايمه من الصبح اليوم
**** : شوف ساعه كم الحينه الساعه 8 ونص والطياره بطير الساعه 11 ما شي وقت لازم نكون في المطار الساعه 9 تقريبا
فهد : ماشا ءالله حاسبتنها
**** : اكيد .. يالله بسرعه رتب كل شي وادفع الحساب عشان ما نتاخر
فهد : ما بتفطرين
**** : عادي ما احس بيوع
فهد : شو ما تحسين بيوع البارحه ما كلتي شي .. بروح اييب فطاير وبيه اوكي
**** : لا تتاخر يا فهد
فهد : لا ما بتاخر

بعد ما فطرو فهد رتب كل شي ورتب الشنط ودفع الحساب ..اما **** فهي تتلبس
لبست لبس الموديل كانه هندي بس وايد فخم وحلو

((بنطلون ذهبي فاتح .. وياي عليه قميص طويل تحت الركب بلون الذهبي مطرز بالذهبي الغامج على الاطراف ..) ولبست عباتها .. وشيلتها على الاطراف بلون الذهبي بعد طالعه حلوه ..وشاريه اللبس من اليشمك


فهد : يالله شو هالكشخه كلها
**** : لبسي عادي مب لهالدرجه
فهد " شو لابسه عباتج
**** : هيه تعرف بنروح مطار دبي وهناك زحمه
فهد : زين قلتي حق حد من هلج
**** : لا بسوي لهم مفاجاه
فهد : اوكي عيل يالله يا عمري نروح
****: يالله

........ بعد ما ركبو الطياره
**** هي عند الدريشه ومتسانده على الوساده الصغيره
اما فهد فهو متضايق برجوعه لدبي
**** ماكانت ترمس ..فهد يصد يشوف ****
فهد : ****
**** : مممممم
فهد : بلاج يا **** احسج تغيرتي وايد من بعد مكالمة نوره ..رديتي مثل قبل
**** : ما احس اني تغيرت
فهد : قبل كنت اشوف ابتسامتج وكلامج كان وايد ارق وكنتي تاخذين وتعطين ويايه اما الحينه على قد السؤال تجاوبين
**** : يمكن مالي مزاج
فهد : اتمنى انج تردين مثل قبل واحسن بوايد
**** بخاطرها تقول : كيف تباني اكون مثل قبل وانا السبب بتعب خالد .. والمذنب الاكبر انت يا فهد .. لانك انت اللي بعدتني عنه .. كيف انا اللي نسيت هالشي وكيف كنت عاديه وياك ..
فهد : **** تذكرت شي
**** : خير يا فهد شو بعد
فهد : نحن مثل ماتعرفين كنا كل واحد منا بغرفه ثانيه .. بس في دبي كيف ما يستوي لان الريم بتشك فينا
**** : عادي انا على السرير وانت تنام تحت
فهد :ويمكن تشوفني
**** : لا هالشي عادي .. مابتشك ولا شي .. وانا ما يهمني حتى لو عرفت اصلا
فهد شافها بنظره تعجب من كلام **** ..

فهد بخاطره : يالله بلاها **** شو اللي غيرها فجاه ليش جي تعاملني بجفاء الله يعينا في دبي كيف بتكون حياتنا