كاتب الموضوع :
dali2000
المنتدى :
الارشيف
الجــــزء السابع والثلاثين
بعد ما**** تلبست وفهد بعد
علشان يروحون بيت ام خالد ..
وهم في السياره مع الريم طبعا ..
**** ساكته ولا تعلق على شي .. اما فهد فهو منقهر من **** ومن جفاها
الريم يالسه وراء وتشوف الاثنين وتقول في خاطرها(( الحينه هذيله اشكال معاريس يايين من شهر العسل ))
الريم تبى تغير الجو : هيه صح تذكرت فهد دكتوره ناديه اتصلت
فهد ابتسم وصد وراء : والله
**** مستغربه ..
الريم : هي تسلم عليك وايد وتقول طمنها عليك ..
فهد : هي والله من زمان ما كلمتها
فهد يصد ل**** : هاي دكتوره ناديه اللي كانت تعالجني من الطفوله وهي ( بحزن ) دكتوره نفسيه
**** شافت فهد بنظره تعجب ..**** بخاطرها (( يعني هو صدق من الطفوله عنده اكتئاب ومرض نفسي))
الريم تنغز **** : وهي قالت خلا مرت فهد تخلي بالها على فهد .. لان فهد محتاج للرعايه والحب وبهالطريقه راح يتشافى بسرعه .
**** كانها ما سمعت شي وهي عرفت بقصد الريم ..
بعد ما وصلو بيت ام خالد
الكل كان في الاستقبال واولهم ام **** طبعا
وبعد ما دخلو وبعد ما سلمو
**** قاعده على الغنفه وهي تعبانه
نوره : بلاج **** احسج تعبانه اليوم
**** : ماعرف بلايه احس بالضيج
نوره : افا في وحده يايه توها من شهر العسل وجذي حالتها .. مع انج ما شاء الله محلوه وايد
**** تبتسم وتصد : تسلمين عيونج الاحلى
نوره : اول مره فهد وعبدالله ييلسوون مع بعض
**** : هي صح هم في الميلس صح
نوره: هيه ..
• عبدالله وفهد*
•
عبدالله : زين يا ريال شفناك
فهد : هي والله اسمع عنك بس ما اشوفك .. بالذات ابوك وايد يمدحونه الناس واكيد الولد مثل ابوه بيكون
عبدالله استانس : تسلم هذا من ذوقك وطيب اصلك
عبدالله : زين وانت وين تشتغل
فهد : والله انا تخصصي الهندسه
عبدالله : يا سلام يعني مهندس ماشاء الله ..
فهد : بس عندي بعد بزنس
عبدالله : لا لا غلبتني عيل
فهد : هههههههههههههه
عبدالله : تصدق سالفتي مثل سالفتك
فهد : ليش
عبدالله : انا ماخذ زوجتي عن طريق الصدفه والحب من اول نظره وانت بعد
فهد بخاطره (( محد مثلي انا .. انا مب بس احب **** انا اعشق التراب اللي تمشي عليها )
فهد : هيه صح سبحان الله
في الصاله
هند : اقول **** بقول شي بس لا تزعلين
**** تصد : لا اكيد ما بزعل تفضلي
هند : الصراحه ريلج ماشاء الله احلو وايد صار احلى بالف مره من قبل
**** صدت صوب ثاني : مشكوره
هند : اخاف تغارين
**** : لا حبيبتي ما اغار ولا شي
هند فاتحه عيونها : والله لو ريلي جان قفلت عليه الباب ما خليته يطلع ماشاء الله عليه وسيم ما تخافين حد من البنات تخطفه منج
**** تضحك باستهزاء : ههههههههه والله ياريت وحده تخطفه مني
هند بتعجب : صدق ترمسين ولا تتغشمرين
**** ما تبى تبين انها مب مهتمه في فهد : لا لا اتغشمر .. بس الريال اذا هو بشخصيه ..ما ينخاف عليه حتى لو بين مليون وحده
هند : هيه والله فديت خطيبي
نوره بعصبيه صدت : الحينه شو ياب خطيبج بالسالفه حد قال انه غاوي
هند : غاوي بنظري .. وبعدين ماعرف فجاه تذكرته
نوره : وبعد شوهالرمسه شو بعد فديت خطيبي استحي على ويهج ما صار ريلج وانتي جي تتفدينه
هند : والله عادي انا ما تغزلت الا في خطيبي الا
ان شاء الله بعد اسبوع بيكون ريلي لان ملجتنا جريبه
نوره تهز راسها يمين ي**** : والله بنات اخر زمن
هند : اقول جني وايد معطتنكم سالفه خلا اروح غرفتي بكرامتي
نوره : والله زين تسوين ..ياريت من زمان رحتي
هند قامت وهي تشوف نوره بطرف عينها : صدق يوم تزوجتي استويتي دفشه
نوره تضحك : هههههههههه ..
نوره تصد ل**** وتشوفها سرحانه : ها وين وصلتي استراليا ولا بلجيكا
**** : هي والله ذكرتيني بلجيكا صدق كانت حلوه وشعبها طيبين
نوره : زين الحمد لله ابتسمتي
**** : اقول نوره شو الاخبار ..اخاف حملتي وما قلتيلي
نوره تغيرت ملامحها حست بالحزن ونزلت راسها : لا
**** : اسمحيلي حبيبتي مب قصدي ازعلج .. بس عادي ليش هالحزن انتو بعدكم ..
نوره : هيه وانا فحصت وقالو ما فيه شي
**** : الحمد لله يعني تاخر طبيعي حمدي ربج ما فيج شي ..والله كريم حبيبتي
نوره : ان شاء الله ..تعرفين ان خالد يمكن يطلعونه اليوم
**** استغربت : والله
نوره : هيه هو طلب سوى حشره في المستشفى الا يطلعونه وقالو احتمال اليوم ان شاء الله يطلعونه ..
**** : بس هو بعده تعبان
نوره : هيه بس الدكتور قال بيطلع بس بشرط انه يرتاح وما يطلع من الغرفه ولا يتعب عمره
**** : زين الحمد لله
نوره : **** جاوبيني بصراحه انتي تحبين فهد ولا بعدج **** تتنهد : ااااااه ماعرف شو اقولج ..فهد تغيرت تصرفاتي وياه في شهر العسل لاني عرفت انه انسان رومانسي درجه اولى وغير عن جي انه طيب وعمره ما زعلني مع اني احيانا اتعمد اقسى عليه عشان يزعل مني بس بعد اييه يراضيني .. بس كحب لا .. انا يمكن استلطفه بس بعدني ما حبيته
نوره : غريبه بهالمواصفات اللي قلتيلي عنه لازم تحبينه .. تعرفين ليش ما حبيتيه .. يمكن لان هاجس خالد بعده يلاحقج ..لو شوي خالد يبتعد عنكم صدقيني بتحبينه
**** : ماعرف ماعرف شو اقولج ..
نوره : عيل قومي خلا نيلس ويا امي وامج قبل ما يزعلون عنا
**** : يالله
####################
في المستفشى
خالد حاط راسه وهو يالس بروحه
محمد ومعاه باقة ورد : السلام عليكم
خالد بابتسامه : وعليكم السلام هلا والله
محمد بعد ما حط الباقه سلم على خالد :شحالك يا الغالي
خالد : بخير مدام شفتك
محمد : شو يالس بروحك زين حظي حلو
خالد : هيه والله الاهل اكثر شي ايون المساء مب الحينه
محمد : زين زين ..شو اخبارك
خالد : الحمد لله احسن عن قبل
محمد : والله عليك حركات يا خالد .. يعني مثل المراهقين ماتاكل ولا تشرب
خالد : مب متعمد يا اخوي والله بس ماكنت اشتهي اكل
محمد : وليش ما رحت المستشفى من قبل يعني لازم تروح بعد اظن ****
خالد بحزن : لاني قلت بنفسي ليش اعيش ولا اهتم بحياتي مدام حلم طفولتي ما بتكون ويايه
محمد : يا ريااااال انت بعدك .. خلاص الحرمه تزوجت
ومب حلوه تلاحقها
خالد بعصبيه : والله مب مشكلتي اذا هي متزوجه ولا لاء..المهم اني ابيها
محمد : بس هي تزوجت وخلاص شو تباها تنفصل يعني
خالد / هيه .. اباها تنفصل
محمد: وانت يا خالد تتوقع ان فهد بيخليها هو زين منه انه خذاها .. يعني صعب يخليها .. خالد انت لو تتزوج صدقني بتنساها
خالد معصب: انت شو تقول مستحيل حرام اظلم وحده ثانيه وانا متاكد اني ما بقدر اعطيها لا الحب ولا شي
محمد : زين انت عط عمرك فرصه
خالد : لا لا انا ما ابي غيرها ..انت فاهمني صح .. لانك تحب الريم .. وتعرف اللي يحب صعب ينسى
محمد : اكيد فاهمنك ..بس الريم على الاقل مب متزوجه بس ****؟؟
خالد : **** ان شاء الله تنفصل عن فهد ونفتك منه
محمد : الصراحه عمري ما شفت واحد عنيد مثلك
خالد : مب مشكلتي مشكلة ( ياشر على ***ه ) مشكلة هال*** اللي ما يقدر يحب غير ****
خالد :المهم خلنا عن سالفتي شو اخبار الريم
محمد : اسكت اسكت طلعتلي سالفه يديده
خالد : افا والله شو استوى
محمد : امي شكت قالت اكيد انا وشيخه متفقين
خالد : ههههههههههههههههههههه
محمد يشوف خالد بطرف عينه : يمكن اعرف شو اللي يضحك
خالد : يحليلك كل ما تبى تحل مشكلتك تتطلعلك مشكله ثانيه
محمد : هيه والله .. الله يستر
خالد : تتوقع شيخه تقول حق امك
محمد: انا واثق بشيخه بس اخاف امي تغصبها
خالد : زين اتصل في شيخه وقلها خلا ما تقول حق امك
محمد : يا ريال استحي اتصل ..
خالد : لا تستحي ولا شي انت متصل فيها للضروره قبل ما خطتنا تفشل ونتوهق
محمد : هي والله .. اقول طلبتك
خالد : عطيتك ..قول حبيبي
محمد : يوم بتشوف **** اسالها عن الريم شوف اذا هي في بالها حد ولا لا سمح الله مخطوبه
خالد: الحينه تسال الناس ..الناس يسألون قبل
محم : ما ياه في بالي هالشي
خالد : خلاص ولا يهمك بو جاسم ان شا ءالله
محمد : ايه انا ما احب اسم جاسم
خالد : والله شو اسوي لقب محمد هو بو جاسم
محمد : المهم لا تنسى
خالد : فالك طيب
محمد : والله يا خوفي تشوف **** وتنسى كل شي
خالد يغمز لمحمد : والله يمكن .. حد يشوف حلم حياته ويتذكر الناس
محمد : صدق نذل هذا وانا موصنك
خالد : ههههههههه لا ان اشا ءالله ما بنسى بس خلني اشوفها بالاول ..
اشواق في فرنسا
فاطمه : اشواق اشواق
اشواق وهي يالسه وماسكه قلم فهد اللي معطنها ..
فاطمه : انتي هنيه وانا ادورج في الشقه كلها
اشواق متضايجه ..
فاطمه تشوف اشواق : بلاج
اشواق : ابي ارد دبي
فاطمه فاتحه عيونها : نحن ما كملنا في فرنسا اسبوع ..شو ميلتي
اشواق تشوف فاطمه : لا بس ( سكتت )
فاطمه يلست عندها : بس اشتقتي حق فهد صح
اشواق : هيه
فاطمه : ماعرف بلاهم هالبنات ما يحبون الا المتزوجين
اشواق : والله انا ما قلت اني ابي متزوج .. بس شو اسوي دخل خاطري وايد وشخصيته حلوه
فاطمه : وكيف عرفتي ان شاء الله
اشواق : رياييل هالايام ما يصدقون يشوفون وحده متكشخه وبالذات اذا هي عطتهم سالفه .. بس فهد طنشني يعني شخصيته غير عن باجي الشباب
فاطمه : يمكن لانه في شهر العسل عشان جي ما عطاج سالفه
اشواق : لا .. نحن كنا بروحنا مع هذا ما عطاني سالفه ..وحاسه ان بينهم مشاكل او ماخذين بعض عن غصب
فاطمه : ماشاء الله وهالنتايج عرفتيها من اليلسه الاولى
اشواق : من كلامه ..
فاطمه : اشوق اكرر لج الريال متزوج
اشواق : شوفي اذا عرفت ان مستانس بحياته وان حبهم متبادل بخليه بس اذا عرفت ان العكس ما بخليه
فاطمه : هذا بدل ما تصلحين الاوضاع
اشواق: انا مب مصلحه اجتماعيه ..وبعدين اللي مثل فهد الف وحده تتمناه
فاطمه : ولا مثل **** برقتها وجمالها مليون واحد يتمناها
اشواق : خلاص لا تناقشينتي ان شاء الله اول ما ارد دبي بروح عندهم
فاطمه : وتعرفين العنوان
اشواق : لا بس عندي رقم **** .. يعني مب صعبه اعرف العوان
فاطمه : الله يهديج زين قومي اتلبسي ترى اهالينا يتريونه برع بسرعه
اشواق : اوكي
(( اشواق يمكن لانها صغيره يعني عمرها يا دوب 18 .. ماتعرف الصح من الخطا وهي جريئه وايد واللي في بالها لازم تسويه ))
############################
**** بعد ما تغدت
**** تكلم امها : عيل انا بروح البيت
ام **** : ليش
**** : حاسه بالتعب
فهد دخل عليهم : يمكن ادخل
ام **** : هي تفضل محد غريب
فهد : السلام عليكم
الكل : وعليكم السلام
ام **** : اقول فهد **** تبى تروح البيت
فهد : ليش بلاج ****
**** من غيرنفس : تعبانه شوي
ام **** : بس ما يلسنا وياج
**** : ان شاء الله امايه المساء بييكم بس شوي برتاح حاسه بدوخه
هند : اقول اخاف حامل **** ..
**** صدت صوب هند وشافتها بعصبيه
فهد يقول في نفسه ( خوش حمل بيستوي وكل واحد منا في غرفه .. ماعرف يمكن حمل يديد بسنه 2005)
نوره ترمس هند بصوت واطي: والله ما تستحين على ويهج سكتي فضحتينا
هند : والله ماقلت شي هذا تاثير الحمل
نوره : ليش الاخت مجربه
هند : لا بس اسمع بالمسلسلات جي يقولون
نوره : محد مخربنج غير هالمسلسلات
هند : يعني الحينه وحده متزوجه اكيد بتحمل شو قلت انا افففففففففف
ام **** : خلاص يا **** روحي ارتاحي وان شاء الله نشوفج الفليل
****: ان شاء الله امايه يالله عن اذنكم
فهد يدور يمين يسار : وين الريم
هند : الريم بغرفتي تقرى المجلات
نوره: خلاص عيل خلها هنيه ..تراكم بتردون صح
فهد : هيه ان شاء الله عيل يالله عن اذنكم
ام **** : اذنك معاك .. مع السلامه
هند تكلم نوره : الله كلمته
نوره بعصبيه : استحي على ويهج هذا واونج مخطوبه هند : اووووووووه صح نسيت خخخخخخخ
نوره : الحمد لله والشكر
###############################
فهد ويا **** في السياره
فهد يصد يشوف **** تعبانه : شوفيج حبيبتي
**** من غير نفس : ما فيه شي مصدعه ابي ارتاح
فهد : تبين اوديج المستشفى
**** : وليش المستشفى يعني اذا وحده مصدعه على طول المستشفى جي ما شي ادويه في البيت
فهد عصب ما قال شي ..لان ردت فعل **** كانت مب حلوه
**** دخل الغرفه وخذت ملابسها وبدلت في غرفة الملابس
فهد يالس على الكرسي الهزاز ويغني و**** تسمع :ما هي هالليله وبس .. وانت متغير علي ..صايرلك كم ليله وانته وانته بالك ماهو لي ..حاضر ب***ك وغايب ..وانا ***ي فيك ذايب .. ليه يا اغلى الحبايب .. انت سامع عني شي .. امممممم .. انت سامع عني شي ..
**** وهي تسمع الاغنيه ادمت عيونها : لا يا فهد .. ما سامعه عنك شي بس رديت البلد وتذكرت طفولتي وتذكرت انك السبب بعذاب ***ين ..
طلعت **** من الغرفه وهي لابسه بجامه تبى ترتاح ..
فهد : بتامين يا عمري
**** : هيه
فهد : زين عيل بصك النور وبطلع عشان ترتاحين واذا تبين شي ترى انا في الصاله اوكي يا بعد هلي
**** وهي تلحف عمرها باللحاف : اوكي
طلع فهد من الغرفه وصك الليت ..وهو بخاطره يقول (( رديتي يا **** اقسى من قبل .. ان شاء الله اقدر اغيرج مع اني متعذب بجفاج اكثرعنج ))
خالد رد من المستشفى
وكان مستانس لانه مشتاق ل****
خالد رد البيت والكل في استقباله
ام خالد وهي تحضن ولدها : الحمد لله على سلامتك يا خالد
نوره نورت البيت
هند : جي حد قالج ان خالد مصباح او ليت علشان ينور البيت
ام **** : هههههههههه الله ياخذ بليسج يا هند ويا سوالفج
خالد ابتسم : هلا بام لسانين
هند ابتسمت وراحت باست اخوها : الحمد لله على السلامه
خالد : الله يسلمج اختي
خالد يصد يمين يسار يدور **** ..
نوره راحت عند خالد وبصوت واطي: حبيبتك محد لا تحاتي بتيه بعد شويه
خالد استانس : فاهمتني يانوره
نوره : اكيد مب اخوي
خالد: وهي تعرف اني موجود
نوره : لا
خالد: اتصلي فيها وخبريها
نوره : اخاف ريلها يكون موجود
خالد معصب: خلا يولي .. ما يهمني يالله اختي اتصلي
نوره تاشر على عيونها : من عيوني اخويه كم خالد عندنا
خالد يبتسم : بس انا
نوره : ههههههههههههه
نوره اتصلت في ****
و**** في سابع نومه .. بس من رنة موبايلها قامت
**** بتعب : الو
نوره : يالله بسج رقاد قومي
**** : ليش الساعه كم
نوره : الساعه 6 قومي
****: اف والله محد وعاني
نوره : تعالي شوفي في بيتنا منو موجود
**** : منو
نوره : خالد
**** حست بشعور غريب وبرقه : خالد
نوره : هيه ويسال عنج .. شو بتين
**** : اكيد ..دقايق واتلبس
نوره : زين لا تتاخرين
**** : اوكي
**** اتلبست ولبست بدله حلوه بلون السماوي والكحلي وكانت حلوه عليها ..
فهد دخل الغرفه ولما دخل شاف **** متلبسه : وين بتروحين
**** وهي تدور على شنطتها : بيت خالتي بعد وين
فهد :ولا تقوليلي
**** : عرفت انك بتيه
فهد : زين عيل يالله نروح
**** وهي ماخذه شنطتها : يالله
(( فهد مايعرف بوجود خالد في البيت ))
خالد يكلم نوره : ها شو بتيه
نوره : هيه ان شاء الله جريب
خالد : الحمد لله
نوره : زين انت روح ارتاح بغرفتك .. لا تنسى الدكتور قال ان لازم ترتاح شو نسيت
خالد : لا ما نسيت بس مليت من الفراش انا بروح شوي الحديقه .. ترى الجو غاوي ..وبعدين برد الغرفه اوكي
نوره : تباني اييه وياك
خالد : لا ماله داعي بروح هناك شوي اغير جو
نوره : على هواك اخوي ..روح الحديقه وانا بجهز لك عصير وشي تاكله..
خالد باباستانه: مشكوووره يا اغلى اخت
نوره : مب تسمعك هند جان بتذبحك
خالد : هيه والله ترى عادي هاي طالعه سفاحه هالايام عادي تذبح
نوره : هههههههههههههههههه
خالد : يالله عيل انا بروح الحديقه
نوره : خلاص وانا بجهزلك العصير..
**** وفهد بعد ما وصلو
**** دخلت الصاله
اما فهد فراح الميلس مع ابو خالد ..
**** شافت نوره ماسكه العصير: وين رايحه
نوره : زين ييتي تعالي ويايه
**** : وين
نوره : الحديقه
**** : ليش
نوره : ياكثر اسالتج .. عند بعض الناس
**** : خالد
نوره تصد يمين يسار : سكتي اخاف حد يسمعنا وتستوي سالفه
**** تطلع لسانها : وي نسيت عمري
**** ونوره راحو الحديقه
اما خالد فيالس على الكرسي ومتامل بالورود والجو الغاوي
نوره : مرحبا
خالد يوم صد شاف **** : ****
**** منزله راسها اونها مستحيه : الحمد لله على السلامه
خالد وقف بابتسامه : الله يسلمج
نوره : عيل هذا العصير ..
خالد غمز لنوره عشان تروح لانه يبى يقعد ويا **** بروحهم ..نوره فهمت وراحت
**** تمسك ايد نوره : وين بتروحين
نوره : ممممممم بروح اييبلج العصير
**** : ما ابيه تعالي
نوره : بروح وبيه بسرعه
**** تحاتي فهد يشوفهم بروحهم وبيسوي سالفه حقهم ..
خالد : تفضلي يلسي
**** : لا انا مرتاحه جذي..مشكور
خالد وهو يتامل فيها : واخيرا شفتج ..
**** ساكته ..
خالد : بلاج ليش هالحزن
**** : مافيه شي ..صدقني
خالد : توقعتج نسيتيني ؟
**** : لا والله مانسيتك
خالد : وشو الدليل
**** في ايدها هديه خالد اللي اشترته من بلجيكا والهديه كانت الميداليه اللي على شكل الاحجار ..**** فتحت ايدها : هذا الديل
خالد : شو
**** : انا اشتريتلك ميداليه وهذا دليل اني ما نسيتك
خالد خذ الميداليه من ايد **** : الله وايد حلوه تسلم ايدج
**** : وايديك ..
خالد : لا برهنتيني انج تذكرتيني
**** بضيج ..: هيه
خالد اتقرب من **** اكثر: **** انا ما اقدر بدونج ..**** انتي كل دنيتي الله يخليج لا تتخلين عني
**** ادمعت ..
خاالد : **** انا احبج
**** تمت تصيح
خالد : بلاج ****
**** : خالد نحن اللي نسويه غلط في غلط
خالد فتح عيونه : ليش
**** : انا احس بتانيب الضمير يا خالد .. انا بهالطريقه اعتبر خاينه خاينه تعرف شو يعني خاينه
خالد : ليش انتي ما سويتي شي
**** : لا سويت .. كلامنا ويا بعض وتغزلنا في بعض هاي اكبر خيانه ..
خالد بعصبيه : ليش انتي حبيتي فهد
**** : حتى لو ما احبه .. بس انا اعتبر زوجه ..وحرام اللي اسويه حتى لو احبك انت .. بس هذا مب يعني اني اكلم غيره ..والله اني تعبانه
**** يلست وهي تصيح
خالد : **** ما في ايدنا شي .. اعرف انج متعذبه بس
**** : شو الحل .. ما اقدر اعيش ويا انسان ما ابيه ولا اقدر اكون وياك لاني بهالطريقه اعتبر خاينه لزوجي
خالد : شو قصدج .. تبين تتخلين عني
**** : انا ما قلت جي
خالد وقف من عالكرسي: **** لا تنسين اني حبيتج 20 سنه اما فهد فمب اكثر عن سنه .. ولا تنسين ان حبنا من الطفوله تذكرين كنا ويا بعض في الروضه ودوم ايلس ويياج والكل كان يقول **** وخالد لبعض .. حبيتج لين ما كبرتي وزاد حبي لج .. روحي غرفتي وشوفي كل موقف يصير لنا اكتب شوفي الورود اللي عطيتيني من زمان مجففه ومخليها عندي ذكره ..روحي غرفتي وشوفي صورج يوم كنتي صغيره لين الحينه عندي **** انتي بدمي يا **** انتي حلم طفولتي .. وانا مالي ذنب باللي يصير
**** : ولا انا يا خالد .. ماعرف شو اسوي ماعرف شو الحل
***************
فهد طلع من الميلس وسال عن ****
هند : **** بالحديقه
فهد وين الحيديقه
هند : اول ما تطلع من باب الصاله على طول روح يمين
فهد : مشكوووره اختي
راح فهد الحديقه
نوره يايه : تكلمين منو
هند : اكلم فهد الغاوي
نوره : ليش شو يباه
هند بخبث: يسال عن زوجته الحبيبه
نوره فتحت عيونها : شو قلتيله
هند : قلت له الصدق .. قلت **** في الحديقه بس ما قلت ان خالد هناك
نوره بعصبيه : وليش قلتي ان **** في الحديقه ..ماتعرفين ان الحينه بيشوف **** ويا خالد ويمكن يسوي مشكله ونحن مب ناقصين
هند : بس انا ما قلت ان خالد في الحديقه
نوره بصريخ : يالغبيه اكيد بيعرف يعني اونج غطيتي عليهم .. ترى في الحديقه **** ويا خالد
هند : عادي هم عيال خاله يعني ليش بيغار
نوره : هند بلا عبط لو عيال خاله مثل باجي الناس بنقول عادي بس لا تنسين ان خالد كان خطيب **** وهالشي فهد ما نساه
هند : والله انا مالي خص
نوره : خلا اروح هناك
هند : انتي ليش تدخلين اتريي شويه واذا تاخرو روحي
نوره : الله يستر
|
29-12-08, 12:32 PM
جديد مواضيع قسم الارشيف
العرض العادي
