بعد ماعرف خالد من اهله ان **** انخطبت اليوم ماعرف كيف يواجه هالشي .. فعلى طول طلع برع ..

خالد طلع وراح المكان المفضل عنده اللي هو البحر . لانه انصدم بهالخبر يوم عرف ان **** انخطبت صح كان يعرف انها ما بتكون له بس توقع انها يمكن تغير رايها او يمكن يصير شي عشان ترد له .. حس ان حلمه تبخر وان حلمه ماراح يتحقق لان ياهاليوم وراحت حبيبته منه راحت **** ..
راح خالد عند البحر وكانت دموع الحسره والقهر تذرف من عيونه .. وقرر انه ينساها ويتجاهلها لانها باعت الحب اللي كان بينهم ..

اما **** بعد ما غيرت ملابسها بعد خطوبتها ..خلت راسها على الوساده وحست ان اليوم كان آخر حلم بالنسبالها مع خالد وكانت منقهره اكثر من خالد .. لانها تفكر كيف تعيش مع انسان دمر حياتها.وكيف راح تبتعد عن حبيبها وحلمها خالد.


********************
نوره وهند وامهم كانو قاعدين في الصاله ينتظرون خالد لانهم خايفين عليه لانه طلع وهو معصب..

الام (وهي تشوف الساعه) " : خالد تأخر وايد .
نوره وهي خايفه: هي والله ..ان شاء الله يكون خير .
الام : ياريت ما قلناله ان اليوم خطوبة ****.
هند تصد لامها : اذا اليوم ماعرف باجر بيعرف .
نوره : صح يا امايه خلا يعرف ان **** خلاص مب له . احسن له عشان ما يتعذب أكثر.
الام بعد ما اتصلت على خالد..
نوره : ها امايه شو رد عليج ..
الام : لا موبايله مغلق ..الله يستر ..

أما **** فتحاول تنام بس ما قدرت تنام لانها كانت متضايقه وكانت تذكر اروع الذكريات مع خالد ..وحلمها بانها تكون له ..نزلت دمعه من عيونها والقهر بقلبها .
.وقالت لنفسها والحسره بصوتها: خلاص يا خالد انتهت قصة الحب اللي كانت بيتنا ..انتهينا يا خالد انتيهنا..


**************
وخالد رد البيت وقرر قرار انه ينسى **** ..بس بقلبه اكيد شي ثاني لان اللي يحب صعب انه ينسى ..
خالد فتح الباب ..
وأهله قاعدين يتريونه..
الام أول ماشافت خالد .راحت عنده : خالد يمه وينك ..
خالد وهو معصب وزعلان.: شوفو انا قررت قرار
نوره وهند وامه ساكتين ومستغربين : شو .
خالد : ما أبي اسمع اسم **** على لسانكم اذا كنت موجود .
نوره : خالد صح **** ما بتكون زوجتك بس لاتسى انها بنت خالتك ..
خالد : لا ما أبي اعرف شي ..ما ابيها تكون بنت خالتي ولاشي ابي انساها وما ابي اسمع طاريها يوم اكون موجود سمعتو[
ودخل خالد غرفته والحسره بقلبه..وراح فتح الدرج وشاف صوره مع **** يوم كانو صغار يعني بأيام الطفوله ..
وشاف صورة **** وهي بأيام الروضه وعندها خالد .
شاف الصوره وادمع وقال : خلاص يا **** انتي ماراح تكونين لي ..كل شي راح يا **** ..
ولانه كان منقر خذ الصور ومزقهم كلهم والدموع بعيونه...لانه ما يبى شي يذكره ب**** ..

*******************


وفي الليل يعني الساعه 3 ..الوقت كان متأخر .
الريم ما يالها نوم فراحت عند فهد لانها كانت ملانه.
الريم دخلت على فهد : فهد يا اخويه .
فهد ماسك قلم ودفتر ذكرياته وأشعاره.: نعم يا الريم
الريم دخلت تشوف فهد ماسك دفتر : فهد شو تسوي
فهد : قاعد أكتب التاريخ وكلمات بسيطه توصف فرحتي بهاليوم .
الريم : قصدك فرحتك بخطوبتك .
فهد :مب بس خطوبتي ..هاليوم أحلى يوم بحياتي ..اليوم يوم سعادتي يالريم .
الريم فرحانه لسعادة اخوها: يا سلام لهالدرجه انت مستانس ..عيل لو تزوجتها شو بتسوي ..
فهد : يمكن اتينن ..انا الحين ومتخبل ..كافي انها صارت ملكي ..
الريم: والله يافهد من زمان ما شفت هالفرحه وهالابتسامه على شفاتك ..عسى الله لا يحرمني من هالفرحه
فهد وباتسامه حلوه: ولا منج يا الغاليه .
الريم : تصدق يا فهد ان **** محظوظه لأنها بتزوجك.
فهد : ليش يعني ؟
الريم : ماشاء الله عليك وسيم وسيم وسامتك اتخلى الكل يتعجب بوسامتك وملامحك الحلوه وعليك جسم حلو واخلاقك عاليه وكافي انك تحب باخلاص وتضحي ..
فهد يبتسم : لا عاد مب لهالدرجه..
الريم : والله يا اخويه ما أجامل .اتذكر يوم اتسوق وياك بالمحلات كل البنات يبحلقون فيك وكلهم عيونهم عليك
فهد : احم احم لهالدرجه يعني انا حلو وأنا ما ادري.
الريم : من حقك تدلع يا اخويه .ما في شي ناقصنك ..ماشاء الله عليك .
فهد : يعني اذا في واحد مثلي ياي يتقدم لج بتوافقين .
الريم : الصراحه اذا بوسامتك وبحلاك وبشخصيتك والله هيه
فهد : خلاص بكتب سيرتج الذاتيه بالجرايد والمجلات عشان أدورلج ريل .
الريم : لا والله شو تشوفيني ما شايفه خير ..أصلا الشباب اللي ايون عندي .مب أنا أدورهم .
فهد": طبعا كل الشباب يتمنوج يالريم ..تراج تاخذين العقل ماشاء الله عليج قمر ..
الريم (استحت ): تسلم يا اخويه .
الريم (بابتسامه) : أقول اخويه مب كأنه اليوم يوم المدح .
فهد :ليش
الريم : كل واحد اليوم يمدح الثاني
فهد( يضحك): ههههههههههههههههههههه ..هي والله
وفي اليوم الثاني
قامت نوره من الصبح وهي تحاتي ..
هند : شوفيج يانوره .
نوره : والله ماعرف وين اسير اشتري فستان لملجتي .
هند : هي والله ما باقي الا اسبوعين .وشهر بالضبط على امتحاناتي الثانويه العامه ان شاء الله .
نوره : ان شاء الله خير .
هند ": زين نحن بنروح البستان واذا ما حصلنا شي بنروح الستي سنتر شي محل ما تذكر اسمه شي فساتين حلوه.
نوره : انا ابي شي بسيط ..لان يوم ملجتي بتكون عاديه وما بيكون زحمه.
هند: زين نحن بنروح هناك وبنشوف شو اللي يعيبج ومره وحده باخذلي شي بسيط بعد.
نوره ": زين منو بيودينا .
هند : منو بعد خالد .
نوره : خالد حالته حاله وين يقدر يودينا مكان
هند : عيل الدريول.
نوره : بروحنا ما بيخلونا .الا اذا امي كانت ويانا
هند : خلاص بنرمس امايه اليوم عشان نتسوق .
نوره : خلاص على خير ان شاء الله ..

(* ما باقي على ملجة نوره الا اسبوعين ..أماعلى ملجة **** ما باقي الا (شهرين ونص) تقريبا..*.)

محمد ربيع خالد كان يفكر بكلام خالد انه يكلم امه ويقولها انه ما يبي بنت عمه اللي اسمها (شيخه) لانه من اول ما شاف الريم وتفكيره فيها وبالذات يوم عرف انها تمتاز بأخلاق عاليه وطيبة القلب ..ولكن هل امه بتوافق على هالشي ..لانهم من الصغر قايلين انهم لبعض .. يعني بس رمسه ما في شي رسمي ..

محمد كان محتار واايد بس قرر انه يكلم امه وينهي هالتوتر.
ام محمد كانت متلبسه عشان تطلع .
محمد شاف امه متلبسه وتبى تطلع ."
محمد : امي وين بتروحين .
ام محمد وهي تعدل شيلتها : بروح بيت اختي عازمتني عالغده.
محمد : اها الحينه.
ام محمد : هيه الحينه
محمد : زين يا مي أبي اقولج شي.
ام محمد : الحينه بهالوقت ..اتريى يوم ايي من بيت خالتك.
محمد : اعرف اكيد بتين وقت متأخر .
ام محمد : ليش شو في يا محمد .
محمد" : ابي اقولج شي ..بس باخذ من وقتج دقايق .
ام محمد : خلاص يا ولدي ..قول اللي عندك
الكل قعد على الغنفه وام محمد تبى تعرف شو سالفة محمد
محمد قاعد ومنزل راسه ..مايعرف كيف يبدي بالسالفه
ام محمد : محمد شو بلاك ..انت ياي عشان تسكت .
محمد رفع راسه: امايه بقولج شي بس اتمنى انج تراعيني .
ام محمد : قول اللي عند ك يا محمد وترتني .
محمد : انتو من الصغر قايلين اني لبنت عمي شيخه صح ؟
ام محمد : صح زين شو المشكله.
محمد: وانا وبنت عمي بعدنا ما نخطبنا يعني بس رمسه .
ام محمد : لوين تبى توصل يا محمد.
محمد : الصراحه يا امي أبا اقولج اني ما باخذ بنت عمي .
ام محمد ( فتحت عيونها واستغربت ) شووووو انت شو تقول ليش شفت على بنت عمك شي.
محمد : لا والله بنت عمي محد يقدر يرمس عنها ماشاء الله اخلاق ودين وجمال بس انا ما ابيها .
ام محمد بعصبيه: ليش قبل ما قلت انك ما تباها ليش ألحينه غيرت رايك ؟
محمد: الصراحه ياامي بقولج باختصار ..أنا كنت أباها قبل بس ألحينه ما اباها لاني مختار وحده ثانيه والوحده انا متعلق فيها وايد وابيها يا امي والله مب متخيل اني ما أتزوجها.
ام محمد : وهالبنت من وين تعرفها لا يكون كنت تغازلها وتبى تزوجها.
محمد : لا مستحيل اتزوج بنات من هالنوع .
ام محمد : عيل منو ؟
ام محمد " هاي ربيعة بنت خالة ربيعي وشفتها وعجبتني يا امي والكل يمدح باخلاقها العاليه ..
ام محمد : يا محمد كانك ناسي انك لبنت عمك شو تبى تفضحنا .
محمد : بس ماصار شي رسمي يعني رمسة أهل .
ام محمد : بس رمسه من الصغر ..والكل يعرف هالشي ..وهي رفضت وايد ناس عسبك انت .
محمد : بس ما يستوي اتزوج انسانه ما ابيها ولا أحبها.
ام محمد : بتحبها مع الوقت يا محمد لا تفضحنا يا محمد ..وعمك راح يزعل اذا رفضت بنتهم وراح تصير مشكله بالعايله ..
محمد : بس انا ابي الريم يا امي ..افهميني ..
ام محمد : لا الريم ولا غيرها .. انا ما ابي مشكله تصير بالعايله والسبه نكون نحن.\
محمد : يعني اذا هي رفضتني عادي .
ام محمد: على الاقل أهون اذا هي رفضتك مب انك ترفضها .
محمد : بس يا امي....
ام محمد : لا بس ولا شي ..خلاص انا قلت انك ما بتاخذ الا شيخه بنت عمك ..الا اذا هي ما بغتك هذا شي ثاني ..وما أبيك تفتح معايه هالسالفه مره ثانيه .


راحت الام من عند محمد ..
أما محمد اتضايق برمسة امه .. وما يعرف شويسوي لانه صدق يحب الريم ومتعلق فيها بس شو يسوي امه رافضه هالشي ..ومحمد مايعرف كيف يتصرف بهالمشكله ..



***************************

هند ونوره راحو يتسوقون عشان ملجة نوره ..ونوره حصلت فستان بسيط وحلو ولونه فوشي على وردي يعني على الموضه..اما هند فخذت فستان حلو وأبسط من فستان اختها وكان بعد حلو.
وهم رادين البيت ..سالم طرش مسج لهند وقالها خلا تتصل فيه ضروري .
اول ما وصلو البيت على طول راحت هند غرفتها عشان تشوف شو هالشي الضروري .
هند بصوت واطي عشان محد يسمعها : الو
سالم : يا هلا بناعم الصوت
هند : هلا فيك ..اشحالك يا سالم
سالم : بخير يا عمري .اشحالج انتي
هند : بخير الحمد لله ..خير شو هالشي الضروري
سالم : شو ليش مستعيله.
هند : لا بس انا يوم اسمع شي ضروري أحاتي وااايد ..
سالم : بغيت اخبرج اني باجر بتقدملج ان شاء الله انا واهلي بنيي.
هند فتحت عيونها وقلبها دق بسرعه من المفاجاه وسكتت.
سالم : وينج يا هند
هند : متفاجاه .
سالم : انا قلت لج اني بيي من زمان بس انتي قلتيلي عشان اتريه لانه عندكم مشكله في البيت ..
هند بخجل: هيه صح
سالم : وباجر ان شاء الله بيي مع اهلي .
هند : باجر يا سالم
سالم : هيه ولا تقولين اتريه ما اقدر اتريه اكثر ..امي بتاكلني كل دقيقه تقولي تزوج تزوج
هند : يعني بس تبى تزوج عشان امك يعني انت ما تباني
سالم بخبث: لا طبعا اكيد أباج ..وتعرفين اني احبج واتمنى انج تكونين لي .
هند استحت وما قالت شي.
سالم : خلاص عيل باجر ان شا ء الله بيي اوكي.
هند برقه: اوكي

هند بعد ما صكت التلفون من عند سالم كانت فرحانه وسعادتها كبيره لانها كانت تتنظر ايي هاليوم وسالم يتقدم لها ..عشان تبين للكل ان سالم ما يخدعها ..وانه يحبها ..
ولكنها ماتعرف ان سالم يبى يتزوجها عشان يكمل لعبه ومغازلته..





*.. هل تتوقعون سالم بيتزوج هند ؟؟ ولا شي بيمنعهم؟؟
*.. وخالد هل صدق راح ينسى **** من باله ؟؟
*.. وحياة **** وفهد كيف بتكون ؟؟
*..ومحمد كيف بيتصرف مع امه ؟؟وهل بيتزوج بنت عمه
شيخه أو حبيبته الريم ؟؟..

( الســـابع عشر)



وبعد اتصال سالم لهند وتحديده موعد قدومه لخطبتها ..هند ما عرفت كيف تصرف وكانت طايره من الفرح لان حلمها راح يتحقق وراح تزوج الانسان اللي حبته ..

أما محمد فما قدر ينام بعد ما سمع كلام أمه ورفضها للريم وإجباره انه يتزوج بنت عمه شيخه .. وكان محتار ما يعرف هل يطيع قلبه او امـــــه..



وفي اليوم الثاني ..
في بيتكم خالد....
الكل كان نايم ومرتاح الا هند م قدرت تنام الا ساعه من كثر التفكير

.. خالد كان نايم بسابع نومه ..لان البارحه هو بعد ما قدر ينام لانه اكيد يفكر ب**** والقهر مالي قلبه ..
خالد وهو نايم محمد اتصل فيه ..

خالد يرفع السماعه وهو تعبان ونايم ..
خالد من غير نفس وتعب :الو
محمد ( متضايق): الو خالد
خالد: خالد عيل ابوه
محمد: اشحالك يا خالد
خالد : كيف تبى يكون حالي وانت مقومني من النوم...
محمد : اسمحلي خالد بس اتحريتك واعي
خالد وما يقدر يتكلم عدل لانه فيه نومه: ليش الساعه كم ألحين ؟
محمد يشوف ساعته : الساعه 8 ونص
خالد فتح عيونه: بلللللللللللللللل الساعه 8 ونص وانت مقومني ليش؟؟
محمد: ما قدرت أنام يا خالد
خالد : زين يوم انت ما تقدر تنام ..خلني أنا على الاقل انام ..أنا ما صدقت ان اليوم الخميس عشان أنام زياده..
محمد : خااااااااااالد والله أبي اقولك شي .. خلا النوم عنك الحين.
خالد قام وقعد عالسرير : خير شو في
محمد : انا قلت لامي عشان سالفة الريم واني ما ابي بنت عمي
خالد : أنا قول ليش ما قدرت تنام ...زين شو قالت ؟
محمد: بضيق وحزن: ما وافقت وعصبت ..
خالد : اكيد بيكون ردت فعلها جذي.
محمد : زين شو الحل يا خالد..
خالد : والله ماعرف شو اقولك ..بس تعرف شو
محمد : شو \
خالد: خلا السالفه شويه تمر ..وبعد اسبوع تقريبا فاتحها بالسالفه مره ثانيه ..عشان تعرف انك مصر على رايك
محمد : ما اعتقد توافق
خالد: انت حاول مره ثانيه وثالثه وان شاء الله خير
محمد: جذي رايك يعني
خالد : ما عندي والله حل ثاني ..والله يسهل امورك
محمد: تسم يا خالد ..واسمحلي خربت نومك..يالله الحين كمل نومك
خالد : خلاص انت طيرت النوم من عيني وين تباني انام ..بس بعد بحاول انام لاني تعبان .
محمد: زين السموحه يا خالد بس ما قدرت ما خبر حد عن اللي بقلبي
خالد : لا عادي يا محمد ...ولا تفكر ولا تحاتي اذا فيه الخير صدقني ربنا راح ييسر كل شي
محمد " على خير ان شاء الله ..اوكي خالد مع السلامه
خالد : بحفظ الله .


وصك خالد من عند محمد ..وهو يحاتي ربيعه وبقلبه يقول ( يحليلك يا محمد تحب وحده وما تقدر تزوجها .. اللي صار لي صار
وصك خالد من عند محمد ..وهو يحاتي ربيعه وبقلبه يقول ( يحليلك يا محمد تحب وحده وما تقدر تزوجها .. اللي صار لي صار لك ..بس والله انا اصعب منك .. لان الحب متبادل ..آآآآآآآآه يا **** كيف اهواااااج وما اقدر على نسيانج .. بس لازم احاول نسيانج لازم..


***********************
أما في بيتكم فهد..
فهد كان بالصاله يلعب play station ..يت الريم وشافت اخوها يلعب ..
الريم تدور في الصاله ملانه..
الريم : فهد
فهد وهو مندمج بلعبه : خير
الريم : ملانه يا فهد
فهد: شو تبيني أرقصلج ولا أغنيلج
الريم : فهد ولا صدق ملانه تعال اقعد ويايه
فهد: والله متفيجه ..انا من زمان ما لعبت ..
الريم : افففففف ..ما منك فايده ..تعرف ششو
فهد مندمج بلعبه وما يرد عليها..
الريم تصد لفهد: بروح اكلم **** احسن من القعده وياك
فهد أول ما سمع **** صد عند الريم وابتسم : بتكلمين منو ؟؟
الريم تشوفه باحتقار : الحين تعطيني سالفه ..
فهد : قلتي اسم الهوى اللي اتنفسه كيف ما تباني أسمع ..
الريم : والله محد بينني غيرك ..خلا ارح اكلمها احسن
فهد : اقول الريم ..سلمي عليها واااااااااااااايد وقوليلها فهد يموت فيج ..ويحب التراب اللي تمشين عليه
الريم وهي تبى تروح غرفتها: انت يوم بتملج عليها قولها هالكلام ..
فهد ابتسم من كلام الريم ..

..

وتقريبا العصر ..
والدة سالم اتصلت في ام خالد عشان تقولها انهم بيون اليوم بيتهم طبعا عشان يتقدمون لهند..
وام خالد رحبت فيهم بس هي مستغربه من قدومهم وثانيا هي ما تعرفهم ..

ام خالد تروح عند نوره وهند وتشوفهم في الغرفه ..
نوره ترتب الغرفه ..
اما هند قاعده تمشط شعرها ...

ام خالد دخلت عليهم وهي مستغربه من سالفة ام سالم..
نوره لاحظت ان امها مب طبيعيه : امايه شو تفكرين فيه
ام خالد صدت لنوره : والله يا بنتي الحين وحده اتصلت فيه وقالتلي انهم بيون بيتنا اليوم عشان خطوبة احد من بناتي ..
هند قلبها دق وبلعت ريجها وعرفت ان اللي اتصلت هي ام سالم.
نوره : خطوبة احد من بناتج اكيد ( وصدت لهند) اكيد حق هند .لاني مخطوبه..
ام خالد : تصدقين ما اعرفها ولا شي ..كيف تعرفني وتعرف احد بناتي
..
نوره صدت لهند وعرفت السالفه : يا امي الدنيا صغيره ..واليوم بنعرف السالفه.
ام خالد وهي طالعه برع الغرفه: بروح اخبر ابوكم عشان يتم في البيت اليوم وبقول لخالد بعد..

بعد ما طلعت الام من الغرفه ..هند كانت منزله راسها ..ونوره راحت عندها وتمت تشوفها من فوق لتحت ..
نوره : اللي متصله في امايه هي.. ام حبيبج اللي تكلمينه صح ؟؟
هند منزله راسها وساكته
نوره عصبت : اقولج صح ولا ؟؟
هند رفعت راسها : هي هي صح شو يعني ..مب انتي قلتي خلا يتقدم لي ..والريال بيتقدم لي وهذا دليل انه يباني ..
نوره : يعني انتي بعدج مصره على سالم ..
هند: هيه اباه يعني اباه..
نوره : وانا قلت يمكن عقلتي بهالايام
هند: ليش اللي يتزوج مينون
نروه : اللي يفكر بتفكيرج ويتزوج عن طريق المغازله بنظري مينون لان بنى حياته على طريق الحرام والمغازله ..
هند : خلاص هو بيي اليوم ..واسلم انسان محترم وطيب ..
نوره : بنشوف شو اللي بيصير..

نوره كانت عاقله اكثر من هند ..وتعرف ان زواج عن طريق المغازله راح تكون صعبه لان حياتهم بتكون بشك وغيره ويمكن خيانة احد الطرفين ..ولكن هند طبعها عنيد وما تعرف شو تفكر ..


وفي المساء سالم ووالده يو بيتكم خالد ..عشان يتقدون لهند..


خالد وابو خالد وسالم وابوه كانو قاعدين بالميلس ..
وطبعا اللي بدى بالرمسه هو ابو سالم وطلب سالم لهند..
ابو خالد استغرب في البدايه لانه ما يعرفهم
ابو خالد : والله مثل ما تعرف يا ابو سالم ان البنت بعدها صغيره وهي عندها ثانويه عامه..
ابو سالم : ادري يا بو خالد ..بس نحن بس نبى خطوبه والباقي ان شا ءالله بعدين .وطلباتكم راح تتنفذ والمهر اللي تبونه راح نعطيكم..
ابو خالد: لا لا تقول جذي تعرف نحن مب طمعانين بهالشي ونحن مب بايعين بنتنا .. بس ان شاء الله خير..
ابو سالم : يعني موافقين
ابو خالد: مثل ما تعرف يا ابو سالم لتزم نسال عنكم أكثر ونسأل البنت بعد ..ترى الراي رايها ..
ابو سالم : اكيد وهذا من حقكم ..


وبعد ما سالم وابوه طلعو من عندكم خالد..
خالد استغرب منهم وقال في خاطره : هذيله شو عرفهم في هند ..
..
ابو خالد راح عند ام خالد وقالها السالفه..
ام خالد : وانت تعرف عنهم شي..
ابو خالد: والله كل اللي اعرفه ان ابو سالم انسان محترم وسمعته زينه بس عن ولده والله ماعرف شي..
ام خالد : لازم نسال عن الولد زين ..بس انت قلتله ان البنت بعدها تدرس..
ابو خالد: هي قلت له بس هو قال بس خطوبه لمده معينه وبعدين راح يتفاهمون..

خالد راح عند هند عشان يقولها السالفه..
خالد دق باب هند..
هند قلبها دق: منو
خالد: انا خالد
هند راحت وفتحت له الباب وقلبها يدق بسرعه من الخوف : خ خ خ خالد..خير يا خالد شو بغيت ؟
خالد دخل الغرفه وقعد على السرير : تعرفين يا هند ان اليوم في واحد تقدم لج ..
هند تبلع ريجهاومنزله راسها: ها مممممممم لا شو عرفني
خالد: واحد اسمه سالم عبد الله التميمي..
هند ما قالت شي..
خالد : ابي اعرف هو كيف يعرفج .لان امي ماتعرف شي عنهم ..
هند توترت وخافت ان خالد يعرف عن علاقتهم ..
خالد: شو يا هند ..تعرفين شو السالفه
هند : يعني يا خالد كل ما الواحد يتقدم للوحده لازم يعرفها ..
خالد : لا مب لازم ..بس امي ما تعرف عن الام ولا عن العايله ولا ابويه ..
هند :: ما عرف شي صدقني..انا روحي متفاجاه
خالد: المهم حبيت اقولج ..ونحن \طبعا راح نسال عن الريال عدل ..
هند ويها محمر ..
وظهر خالد من عند هند..واستغرب من توترها بس قال في خاطره اكيد هي مستحيه من هالخبر..


هند كانت خايفه وااايد ان خالد يعرف سالفتها وعلاقتها مع سالم ..لان اذا خالد عرف اكيد بيذبحها..وغلقت موبايلها لانها خافت ان سالم يتصل في هالوقت ..وان حد من اهلها يشوفها..

****************************

وفي اليوم الثاني ..
راحت ام **** عند **** وشافتها تقرى مجله..
ام **** : **** يمه
**** تصد لامها : خير يا امي
الام : **** حبيبتي اليوم بنروح عند خالتج ..
**** قلبها دق واتوترت ..لان من بعد ما انفصلت عن خالد وهي ما راحت بيتهم ..لانها ما تقدر تشوف خالد..
الام : شو بتين يا **** ..
**** : ليش شو المناسبه
الام : ما شي بس خالتج شوي تعبانه .. فقلت بنسال عنها ..
**** : ما ابي ايي يا امي
ام **** : لين متى بتشردين عن بيتهم ..لازوم تروحين ..وتسالين عن خالتج .
**** : بس ..
ام **** : لا بس ولا شي ..خلاص انتي صرتي مخطوبه ..ولازم ما تتوترين ولا شي ..
**** نزلت راسها وكانت متضايقه ..
يت امها وباست خد **** : فديتج **** ما ابيج تزعلين .. يالله غيري الجو ..وروحي عند بنات خالتج ..عشان تتسلين اوكي ..
**** رفعت راسها : ان شاء الله امي


راحت **** اتلبست بس هي كانت تتمنى انها ما تشوف خالد ..لان لين الحينه ما تقدر تحط عينها بعينه ..

وفي بيتكم خالد .الكل كان قاعد في الصاله ..وطبعا خالد قرر انه يسال عن سالم اكثر واكثر ..حتى ابو خالد ..
خالد وهو قاعد يسولف وينكت ..
وفــجاه سمعو جرس ..
ام خالد تعرف ان **** وامها يايين بس كانت تبى تسوي مفاجأه ..لانهم من زمان ما يو ..
نوره : غريبه منو ياي ؟
خالد: ممممممممممم ..يمكن خطيبج ..مشتاق لج
نوره ويها احمر : خالد عاد يوز عني
خالد (يضحك )..ههههههههههههه
دخلت اول شي ام **** وبعدها **** ..
ام **** و**** : السلام عليكم
الكل استانس بس خالد يوم شاف **** فتح عيونه واتضايق..
**** اول ما دخلت شافت بعد خالد في ويها شافته بنظره شوق وحزن بنفس الوقت ..
ام **** و**** سلمو على الكل ..
خالد سلم على ام **** ..
و**** يت صوب خالد عشان تسلم عليه
**** وهي متوتره : اشحالك خالد
خالد شاف **** بعصبيه وما رد عليها ..كل اللي سواه انه طلع من برع البيت ..لانه ما يبى يشوف **** ولا ييلس وياها ولا دقيقه..
**** استغربت من ردت فعل خالد وكانت متضايقه واااايد..
بعد ما دخلت **** مع نوره الغرفه ..
**** كانت متضايقه وبخاطرها تصيح من القهر ..
نوره :شو فيج **** ..ليش كل هالزعل
**** ونبرة صوتها حزن : معقوله يا نوره خالد يكرهني لهالدرجه..معقوله تحول الحب للحقد ..
نوره مستغربه من كلام **** : افا ليش تقولين جذي ..
**** : لان خالد ما يبى يشوفني ولا يقعد معايه ..مع ان قبل كان يتمنى اني اكون موجوده..
نوره : هو متضايق للحينه يا **** ..بس صدقيني مستحيل ينساج ..
**** وهي تمسح دموعها : بس انا استاهل..انا اللي عذبته .
نوره : لا مب انتي الغلطانه ..بس يا **** ما اباج تزعلين ..ابى اشوف **** اللي اعرفها **** المرحه واللي البسمه بشفاتها..
**** ابتسمت : وانتي شو اخبارج واخبار تجهيزاتج
نوره : والله خايفه ..ما بقت على ملجتي غير ايام ..
**** : هي والله ان شاء الله عقب باجر الملجه صح
نوره : هيه ان شاء الله
**** : صدق الايام بسرعه تمر
نوره : هي صدقتي ..وبعد شهرين ان شاء الله ملجتج ..
**** : اف اخس يوم عندي ..
نوره : تعالي عرسج في شهر اغسطس (8)صح
**** من غير نفس : هي للاسف ..
نوره : انا بلحق على عرسج
**** : ليش متى عرسج .
نوره : ممممممممم قولي في شهر يوليو يعني شهر (7 ) ان شاء الله
**** : اها يعني بتلحقين على مأساتي ..
نوره : قصدج عرسج ..**** اذا تميتي جذي ..ترى بزعل
**** باتسامه: ولا زعل العروس


أما خالد طلع برع البيت .. لانه ما يقدر يشوف **** ..لانه بس شاف **** نسى كل اللي سوته ..وتعذب اكثر ..وعرف ان نسيان **** من أصعب ما يمكن ..
مع الجزء السـابع عشر

بعد ما شاف خالد **** في بيتهم .. ما قدر يستحمل وطلع برع وكان متضايق ... وهو في السياره اتصل فيه ربيعه محمد ..
خالد وهو متضايق / : الو
محمد : هلا والله بخلود
خالد : هلا فيك
محمد استغرب من صوت خالد : خالد خير شو فيك ..ليش صوتك حزين
خالد : ما فيني شي
محمد : خالد .. لا تجذب عليه .. اعرفك يوم تكون زعلان ..شو بلاك
خالد : والله توني شفت **** بيتنا وما قدرت على طول طلعت ..
محمد : وسلمت عليها
خالد : هي سلمت عليه وانا ما رديت السلام
محمد فتح عيونه : ولييييييييييش..
خالد : ما ابي اكلمها ولا ابي اشوفها
محمد : شو اقولك غير الله يهيدك .. بعدك معاند
خالد: والله يا محمد اول ما شفتها نسيت كل اللي سوته .. والله ما اقدر اعيش بدونها
محمد : ما توقعت انك تحبها جذي.. من اللي بيقول ( يقلد صوت خالد)بنساها بنساها
خالد معصب: محمد لا تقلدني وتتمصخر عليه
محمد : ما ادري عنك .. اصلا انا كنت متأكد انك ما تقدر تنساها ..
خالد : والله الود ودي اشيلها من تفكيري بس ما اقدر ..
محمد : الله يرزقك باللي احسن منها
خالد يتنهد: ااااااااااااه .. محد احسن من **** ..وعمري ما راح احب غيرها
محمد : زين زين مدامك بالدرب ..تعال بيتنا عشان اطلع وياك ..
خالد : خلاص اوكي الحينه بمر عليك
محمد : اترياك اوكي
خالد: اوكي يالله باي
محمد : باااااي\

******************

و**** كانت مع بنات خالتها ..كانو يسولفون .. بس تفكير **** كله في تصرفات خالد..
نوره شافت ان **** سرحانه : ساروووووه وين وصلتي
**** ... : سرحانه ..
نوره تضرب على ويهه **** : سارووووووووووه
**** خافت : باسم الله شو فيج مثل الجنيه ..
نوره : انتي من الصبح مب ويايه .. في اي عالم ..
**** : ليش انا عندي عالم غير عالم خالد
نوره عصبت: **** بس عاد ..الله يخليج انسيه ..انتي مخطوبه لغيره ما يستوي تفكرين فيه ..
**** :شو تبيني افكر في فهد عيل
نوره : هيه ليش مب خطيبج وبيكون زوجج
**** منقهره : اولا ما اعتبره انه خطيبي ..وما اتمنى انه يكون زوجي
نوره تحاول تغير السالفه عشان تغير من نفسية **** : انزين ما قلت لج عن آخر الاخبار
**** : ما شا ءالله صايره cnn من ورانا
نوره تشوف **** من فوق لتحت : سارووه لا تستهبلين عليه ..ترى والله ما اقولج
**** : خلاص سوري سوري ..يالله قولي اللي عندج ..
نوره : تعرفين هند ..
**** تصد يمين ويسار: هيه صح وين هند ما شفتها
نوره منقهره : والله انج تقهرين انا ابي اقولج عن سالفه ..وانتي ادورين على هند
**** تضحك : هههههههههههههههه .. لا والله بس توني تذكرتها..يالله قولي .
نوره : تعرفين ان في واحد تقدم لهند
**** مستغربه : والله ..ومتى ؟
نوره : البارحه ..تقدم لها واحد اسمه سالم التميمي
**** : اونه ..وكيف يعرفكم ؟
نوره ما تبي تفضح اختها : ممممممممممم ماعرف ..
**** : زين وشو الرد
نوره : خالد وابويه بيسألون عنه
**** : الله يقدم اللي فيه الخير .
نوره : ان شاء الله

**** سمعت امها تناديها عشان بيروحون البيت ..
**** : امي تناديني الحينه ..خلاص نوره اخليج
نوره : تو الناس
**** : اي تو الناس شو في ساعه كم الحينه ..
نوره : توه الساعه 12
**** : زين الوقت تاخر ..
**** اقتربت من نوره وقالت لها بصوت واطي : سلمي على خالد
نوره : **** ..بعدج
**** : الله يخليج امانه سلمي عليه وقوليله **** ما توقعت منك هالحركه..
نوره : خلاص ان شاء الله بقوله

* راحت **** البيت .. بس هي متضايقه من حركة خالد وكيف طنشها ولا رد على سلامها ..بس هي عاذرتنه ..
وحاسه فيه



*************************

اما خالد بعد ما ظهر ويا محمد رد البيت شوي متأخر وطبعا نوره اترينه عشان توصل الامانه ..

خالد دخل البيت ..
نوره واقفه في الصاله تترياه : الحمد لله على السلامه
خالد يشوف نوره : باسم الله انتي بعدج واعيه
نوره : هيه اتريه السيد خالد
خالد : خيرشو في
نوره : يمكن تيلس ..بقولك امانه لازم اوصلها ..
خالد استغرب : اي امانه
نوره : انت اقعد تراني تعبت من الوقفه ..
بعد ما خالد ونوره يلسو عالغنفه ..
خالد : خير
نوره : خالد عندي امانه من ..( ترددت )
خالد : من منو
نوره : من ( بتردد) من س س ****
خالد تغيرت ملامحه : لا ترمسيني عنها
نوره : بس الامانه امانه
خالد ساكت ينتظر كلام نوره ..
نوره : **** تسلم عليك ..
خالد اول ما سمع ان **** تسلم عليه حس باحساس غريب حس بالشوق لها وتذكر كل شي ..
نوره : تسلم عليك وتقولك هي متضايقه من الحركه اللي سويته اليوم ..
خالد بضيق: غصبن عني والله .. ما اقدر اشوفها ما اقدر ..
نوره : بس لا تعاملها جذي ..حرام عليك البنت متعذبه اكثر منك
خالد : محد متضايق اكثر مني .. محد المتعذب اكثر مني
نوره : بس عاد لا تعذبها ..ارحمها
خالد : احاول اسوي جذي عسب انساها ..( منزل راسه ) بس نسيانها صعب ..
نوره: حاول يا اخويه ..
خالد رفع راسه وشاف نوره : نوره بقولج شي بس تجاوبيني بصراحه
نوره : اكيد يا اخويه ..
خالد : **** بعدها تحبني ولا تحب ( بغضب ) ولا تحب فهد؟
نوره : لا يا خالد **** بعدها تحبك وتذكرك كل لحظه ..أما فهد هي ما تحبه ولا شي ..وانت اكثر واحد تعرف سبب ارتباطها بفهد
خالد بابتسامه: يعني بعدها تحبني وتذكرني
نوره : يا اخوي .. اللي يحب صعب ينسى ..و**** ما نستك ..خالد والحسره مالي قلبه : مشكوره يا نوره على الامانه وعلى صراحتج..
نوره : وين بتروح ..
خالد : بروح انام ..
نوره قامت من مكانها : خلاص اوكي ..انا بعد بروح انام ..تصبح على خير
خالد : وانتي من اهله يا نوره ..
خالد راح غرفته بس حس انه فرحان وايد لانه ما توقع ان **** بعده تذكره وتحبه ..بس بنفس الوقت تضايق ..لان حبهم ما استمر ..


***********************


في اليوم اللي بعده ..طبعا خالد وابو خالد .. كل واحد منهم راحو يسألون عن سالم ..وطبعا الدنيا صغيره ..والشخص اذا سمعته ما كانت زينه .. يكون سهل على الناس انه يعرفون عنه ..

خالد سأل ربعه ..واخوان ربعه ..المهم لين ما عرف لو معلومات بسيطه عن سالم ..
وكانت المفاجأه ..
(( الجزء الثامـــن عشر)




وفي اليوم الثاني كانت ملجة نوره .. اللي الكل كان ينتظر هالييوم لان نوره غاليه على الكل ..
ونوره وهند قامو من الصبح عشان الكوافيره اتي بيتهم ..

اما **** فكانت في سابع نومه ...
والريم طبعا كالعاده لازم توعيها من الصبح ..
موبايل **** يرن ..**** بتعب : الو
الريم : هلا بربيعتي
**** ما تقدر تفتح عيونها من التعب : ريمو انتي لازم تخربين عليه رقادي ..
الريم بابتسامه: طبعا لازم ..نذاله
**** : توني اعرف ان النذاله بدمج .
الريم تضحك : هههههههههههههههههه .. اقول ساروه
**** : خير
الريم : متى بتقومين عشان تروحين الصالون .
**** : ليش اروح

الريم : **** بلا عبط شو نسيتي ان اليوم ملجتج نوره .
**** : لا طبعا مستحيل انسى ..بس انا بييب الكوافيره تسوي شعري والمكياج انا بسويه ..لان اليوم محد بيي بس بيناتنا يعني اهلنا .. واحب احط مكياج خفيف
الريم : زين وشعرج ؟ شو بتسوين فيه
**** : بفتح شعري ..
الريم: وانا شو اسوي
**** : افتحي شعرج ..احلى ..لان الملجه في البيت ..
الريم : خلاص اوكي ... بفتح شعري.
**** : خلاص العصر تقريبا تعالي بيتنا .
الريم : خلاص اوكي ..اشوفج اليوم ان شاء الله ..

وبعد ما صكت الريم من عند **** راحت ادور على فهد اخوها ..
الريم تدور على فهد: فهد فهد وينك
فهد توه قايم من النوم : خير يا الريم شو تبين من صباح الله خير ..
الريم رايحه عند اخوها بدلع : اقول اخويه ..
فهد : هالدلع معناتها تبين شي صح
الريم بابتسامه : طبعا .
فهد : بعد تعترفين ..زين شو تبين
الريم : اباك توصلني اليوم .ز
فهد :لا اليوم مب متفيج معزوم اليوم ويا الربع .
الريم بخبث : بس اليوم يوم مميز ..لان اللي بتكون هناك حبيبة القلب .
فهد اول ما سمع حبيبة القلب فتح عيونه وراح عند الريم :والله **** بتكون هناك .
الريم : اعرف نقطة ضعفك
فهد يضحك : هههههههههههههه ان كيدهن لعظيم
الريم : ههههههههههههههههههه
فهد : زين وين تبين تروحين
الريم : الله يسلمك بروح عند **** عشان ويا بعض نروح ملجة نوره
فهد تغيرت ملامحه : قصدج اخت خالد
الريم: فهد نوره ما يخصها بخالد ..ولا تربط كراهيتك لخالد بنوره .
فهد: ادري .. بس يوم سمعت نوره تذكرت خالد..
الريم : المهم بتوصلني .
فهد بابتسامة خبث: اي شي يتعلق بالهوى اللي اتنفسه اكيد بسوي ..
الريم : عسى الله لا يحرمك منها
فهد يرفع يدينه للسماء : آمييييييييييين




وبعد المغرب الكل كان كاشخ لهاليوم ..
ونوره كانت فرحانه لان اليوم بتشوف فارس احلامها بتشوف عبد الله وكانت صدق قمر ...لبست السماوي على التركوازي ..ورفعت شعرها السايح بطريقه حلوه .. وكان مكياجها ناعم لان الملجه بتكون عاديه ..

دخلت **** والريم على نوره وهند ..
**** والريم وهم فاتحين الباب : السلام عليكم
نوره صدت : وعليكم السلام ..
**** رايحه تسلم على نوره : ماشاء الله عليج يا بنت خالتي طالعه قمر اليوم والفستان والمكياج لا يقين عليج ..
الريم بنظرة دلع : يا بخت اللي بياخذج .
نوره ويها احمر : تسلمون ..والله اخجلتوني ..
هند : وشو رايكم فيه
**** : ايكد حلوه طالعه على اختج ..
نوره : وانتي بعد يا**** مه ان حاطه مكياج طبيعي وخفيف بس طالعه حلوه ماشاء االله عليج ..
_(( **** كانت فاتحه شعرها العسلي ..وحاطه مكياج بسيط وردي على بنفسجي ..ولابسه بدله حلوه فيها تطريز بسيط بلون الوردي والبنفسجي..وكانت صدق حلوه)..

نوره تشوف الساعه ومتوتره ..
**** : بلاج نوره ليش هالتوتر
نوره : امي بعد شويه بنزل ان شاء الله وخايفه
**** : ليش خايفه اليوم مب زحمه بس بيناتنا يعني مب وايدين
الريم تغمز لنوره : لا هي خايفه ومتوتره لان بتشوف الحبيب اليوم.
نوره استحت ونزلت راسها وتلعب باصابعها : الريم بلا احراج ..
**** : هيه صح نسيت ان هو بيي آخر ربع ساعه عشان ييلس ويا العروس ..
نوره : هي والله صدق متوتره كيف أيلس وياه والله فضيحه.
**** : لا فضيحه ولا شي .. اصلا هو بيكون ريلج يعني حلال عليج تشوفينه وتيلسين وياه ..وخلا حلمج بيتحقق اخيرا ان شاء الله
نوره تقرى على عمرها اونها تخاف من الحسد .
**** تضرب على كتف نوره : ايه ما بحسدج عفان الله ..
نوره والريم وهند : ههههههههههههههههههه

ومرت ملجة نوره اللي كانت بسيطه وحلوه بنفس الوقت والكل مدح جمالها ورقتها ..بس طبعا عيونهك كله على **** لان هي اللي ماخذه الجمال بهاليوم ..والكل تمناها لاحد من اولادهم بس زعلو يوم عرفو انها مخطوبه
وخالد بعد ما عرف ان أغلبية الناس روحو البيت ..اتصل في نوره عشان يقولها خلا تروح الميلس لان عبد الله ريلها يبى يشوفها ..
نوره خايفه ويها محمر واقفه مكانها ..
**** شافت توتر نوره وراحت عندها : نوره شو فيج ليش متوتره
نوره تبلع ريجها : **** خالد متصل فيه توه ويقولي ان بعد الله يترياني بالميلس ولازم اقعد وياه ..
**** بابتسامه : زين وشو المشكله ..من حقه يشوفج وييلس معاج
نوره : والله مستحيه وخايفه..اقول **** هاتي العبايه والشيله بغطي شعري وجسمي ..
**** فاتحه عيونها : اولا لبسج مب عاري وااايد ..ثانيا بلاج استخفيتي ..هذا استوى ريلج يعني حلال شو فيج ..
نوره : لا لا استحي ..زين على الاقل هاتي الشال بغطي كتفي **** : على راحتج ...

وراحت نوره مع اخوها خالد الميلس عشان تشوف عبد الله اللي كانت معجبه فيه من زمان ..
عبد الله كان قاعد في الميلس ويتريه يشوف اللي دخلت خاطره ..
نوره وهي شوي بتصيح من الحياء ..الس الس الس السلام عليكم ..
عبد الله اول ما سمع هالصوت رفع راسه ولا يشوف حبيبته واللي حلم فيها بابتسامه تشرق على شفاته : وعليكم السلام ..
خالد : عن اذنكم عيل بخليكم على راحتكم.
نوره ماسكه كندورة خالد وبصوت واطي : وين بتروح تعال لا تخليني بروحي .
خالد يضحك : يالله باي
وطلع خالد اما نوره منزله راسها وميته من الحياء ..
عبد الله حس بفرحه كبيره لان واخيرا شاف نوره ..: نوره تفضلي قعدي ليش واقفه
نوره ما قدرت ترفع راسها : ها ..ممممم ..لا انا جذي مرتاحه
عبد الله : زين قعدي ..بتتعبين من الوقفه .تعالي قعدي ..
نوره قعدت بس بعيده شي عن عبد الله ..
عبد الله : شحالج يا نوره
نوره بخجل : الحمدلله بخير..
عبد الله ما يعرف شو يقول : زين شو اخبار الدوام
نوره : الحمد لله اوكي
عبد الله : مب في خاطرج تقولين شي يا نوره
نوره بعدها منزله راسها وقلبها يدق بسرعه من الخوف : لا سلامتك ..
عبد الله : طبعا اللي تبينه انا راح انفذه وابشري باللي تبينه ..
نوره : تسلم كلك ذوق ..
عبد الله ماسك البطاقه وراح عند نوره : تفضلي
نوره رفعت راسها وشافت بطاقه : شو هالبطاقه
عبد الله : رقمي مكتوب على هالبطاقه ..وانا اعرف رقمج .. عشان نكلم بعض ونفهم بعض قبل العرس ..
نوره ما قالت شي ولا خذت البطاقه ..
عبد الله : نوره خذي البطاقه ..نحن الحين كانا متزوجين يعني حلال اني اكلمج لأنا ملجنا يعني عادي اكلمج
نوره برقه خذت البطاقه ..
عبد الله : يالله عن اذنج ..الحين اترخص اوكي
نوره قامت من مكانها : خلاص على راحتك ..
عبد الله بابتسامه : مع السلامه يا نوره .. وان شاء الله بكلمج باقرب وقت ..
نوره بابتسامه رقيقه : مع السلامه يا عبد الله

بعد ماراح عبد الله وقفت نوره مكانها وماسكه البطاقه ومبتسمه .. لانها صدق حبت عبد الله من اول يوم شافته ومن شخصيته ..


راحت نوره الصاله وشافت اهلها ..
ام نوره راحت عند نوره وحضنتها : الف مبروك يا نوره وعسى الله يهنيج ..
نوره : الله يبارك فيج ..
خالد بعد راح عند نوره وباسها على خدها : الف مبروك يا اختي والله تستاهلين كل خير..
نوره : تسلم يا اخويه ..وعسى الله يسعدك ..
خالد : تسلمين يا اختي ..وترى اقولج ان عبد الله ونعم الريال وله شخصيه ..وبعد غاوي ماشاء الله عليه
نوره مستحيه : وطبعا اهم شي دينه واخلاقه ..
خالد : وجماله بعد ..انتو البنات اهم شي عندكم واحد حلو
..واخر شي تفكرون باخلاقه
نوره : هههههههههههههههههه .لا والله مب كل البنات نفس الشي .. بس يعني نحن نبى شخص بدينه واخلاقه ومره وحده يكون حلو
خالد : حشى يعني 3 اشياء مره وحده
نوره : زيادة الخير خيرين
خالد ونوره : ههههههههههههههههههه

/أما هند كانت فرحانه لاختها ..بس في بالها الحينه سالم ومشكلته وكيف تقنع اهلها فيه ...
وخالد كان يصد يمين ويسار وطبعا هو يدور على **** ..لان **** دايما اتم آخر شي ..
ام خالد لاحظت ان خالد يدور على حد: خالد بلاك يمه ادور على منو
خالد توتر : ها../ممممم...ولا حد
نوره تنغز اخوها : ولا حد ولا ادور على **** .
خالد : لا طبعا وانا شو يخصني فيها
نوره : المهم اذا كنت ادور عليها ترى اقولك ان **** راحت البيت
خالد : نوروه ..انتي ما تيوزين حتى في يوم ملجتج ..
نوره : هههههههههههههههههه


**** وهي تسحي شعرها كانت متضايقه لانها كانت تفكر بخالد ..لان اليوم ما شافته .. بس بعد ابتسمت لانها تذكرت حركات نوره يوم خالد ناداها ..
**** تكلم عمرها : صدق يا نوره راح أفقدج اذا تزوجتي ..

اما عبد الله فكان خاطره ان يكلم نوره بنفس اليوم ..بس لانه عرف ان نوره مستحيه وايد ويمكن تكون تعبانه فأجل مكالمته لنوره بيوم ثاني .. وطبعا هو كان فرحان اكثر من نوره ...لانه صدق كان معجب فيها
وفي اليوم الثاني الكل طبعا كان قاعد في الصاله الا هند ..لان هند كانت متضايقه بسالفة سالم وتحاتي كيف تقنع اهلها ..
ام خالد : نوره ..وين اختج
نوره : والله ما عرف يمكن نايمه
بو خالد : معقوله تنام لين ساعه 12 ..ثانيا خلا تقوم ما بقى على امتحاناتها الثانويه الا اسبوعين
ام خالد : هي والله عاد ان شاء الله تفرحنا بنسبه حلوه
خالد: هاي من صغرها ما تهتم بمذاكرتها ..ماعرف طالعه على منو
ام خالد : اقول نوره سيري شو اختج وينها ؟ ..
نوره : انا دقيت عليها الباب بس هي ما ردت عليه ..
خاالد : والله هند البارحه مب طبيعيه ..احس فيها شي
ام خالد : يمكن عشان اللي تقدم لها
خالد بعصبيه : واصلا ليش تفكر فيه ..هي ما تعرفه ..ثانيا سالم ما يشرف يكون اختي ..
نوره قامت من مكانها : انا بروح عندها ..
ام خالد : هي يمه شو في شو بلاها .

نوره راحت غرفة هند وشافتها ماسكه الكتاب بس سرحانه..
نوره: ماشاء الله الاخت ماسكه الكتاب وهي بعالم ثاني
هند صدت لاختها : ما اقدر اذاكر يا نوره
نوره استغربت وراحت يلست عند هند: ليش بلاج
هند: بقولج شي ..بس رجاء بلا محاظره ولا عصبيه
نوره : شو عندج
هند: انا ابي سالم وابي اتزوجه ..وموافقه عليه .
نوره فتحت عيونها: بس
هند : اعرف شو بتقولين بس هو مرمس بنات ..ادري هالش وهو اعتذر ووعدني ان ما يكلم غيري وبعدين وايد شباب مرمسين بنات يعني شو المشكله
نوره : بس هو معروف انه لعاب ويا البنات ومب مخلي وحده الا مكلمها ويمكن في شي ثاني ونحن ما نعرف
هند : لا ما في شي ثاني .. وهو بعد ما عرفني ودر الكل ..والدليل انه يباني
نوره : والله انج غبييه لانج تصدقينه
هند : هي اصدقه لاني احبه والله احبه ..واباه وراضيه فيه
نوره : والله بتندمين
هند :لا ما بندم صدقني ..( هند راحت تمسك ايدين نوره وتترجاها ) : الله يخليج يا نوره ساعديني
نوره مستغربه لاول مره تشوف هند بهالحاله ..لان هند معروفه بغرورها ..
هند والدمعه بعيونها: والله ما بنسى جميلج اذا ساعدتيني
نوره : في شو تبيني اساعدج
هند: حاولي تقنعين اهلي انهم يوافقون على سالم .
نوره : مينونه ..هم بيستغربون بيقولون ليش هي مصره عليه وبيعرفون ان بينكم علاقه من زمان
هند : لا بقول ان سالم اخو ربيعتي ..لان سالم عنده اخت ..وبقولهم ان محترم واي شي المهم اني آخذه ..
نوره : بس انا ما ابيج تاخذين سالم
هند : نوره انتي خذيتي الانسان اللي بخاطرج لاتحرميني من اني اخذ اللي اباه
نروه : بس انا ما خذيت عبد الله عن طريق المغازله والحرام
هند : المهم خذيتي اللي بخاطرج ..ترى اذا ما خذيت سالم ما باخذ غيره ..ولا بذاكر ولا شي ..
هند كسرت خاطر نوره ..لان اول مره تشوف هند بحالة حزن والدموع بعيونها وعرفت ان هند للاسف وقعت بحب الزائف لسالم .. بس هي حطت واحد بالميه ان يمكن سالم يكون كلامه صح ويتغير..
هند : بتكلمينهم صح ..بتساعديني صح
نوره : والله بحاول اني اكلمهم مع اني ضد هالفكره بس عشان خاطرج يا هند ..
هند وهي تمسح دموعها : تسلمين يا اختي ..ماتقصرين

وهند حست بالسعاده لان احد بيكون وياها لانها صدق متيمه في حب سالم وما تفكر تزوج غيره ..




هل نوره راح تقنع اهلها انهم يوافقون على سالم ؟؟
وشو اللي ينتظر ( **** وخالد وفهد ومحمد والريم ونوره وعبد الله )
ونتابع مع الجزء ( الثامن عشر )

هند بعد اقناع نوره بانها تزوج سالم وحبها الكبير له .. فكرت نوره انها تساعد اختها مع انها مب مقتنعه في سالم .. بس قالت يمكن يتغير بعد الزواج ..راحت نوره عند اهلها في الصاله عشان تقنعهم ان هند تبى تزوج سالم ...

نوره وهي نازله في الصاله ..

ام خالد : ها نوره شو قالت هند ؟؟
نوره تشوف الكل وساكته ماتعرف كيف تبتدي
خالد مستغرب من سكوت نوره : بلاج نوره
نوره قعدت عندهم وخذت نفس ...
ابو خالد : بلاج بنتي تاخذين نفس ..
خالد : كانج بتدخلين على حرب
نوره : خالد انته دايما ويا تعليقاتك..
خالد يبتسم ...
ام خالد : انتو صدق متفيجين انا بسالفه وانتو بسالفه ثانيه ..نوره بلاها اختج .
نوره بعد ما خذت نفس:بصراحه هند ( ارتبكت ) هند تبى تزوج سالم وموافقه عليه ..
خالد معصب : والله شو اختج تنكت .. وهي ماتعرف انه راعي بنات ..
نوره : هي تعرف بس مقتنعه ان وايد شباب جذي وهي تقدر تغيره ..
ام خالد : بس مب كل الشباب يتغيرون
خالد : وهي ليش مصره عليه .. لا يكون تعرفه ..
نوره خافت على اختها وتبى تستر عليها : لا بلاك يا خالد ليش جذي شكاك ..
ام خالد : خالد يمه لا تفاول على اختك ..
خالد : ما ادري عنها ..اشوفها مهتمه ..
بو خالد : نوره سيري نادي اختج عشان نعرف السالفه منها ..
نوره : يمكن تستحي تنزل
خالد : خلا تستحي بعدين ..ازقريها الحينه ..
نوره : اوكي بروح عندها
لا

راحت نوره عند هند وقنعتها انها تنزل عشان مصلحتها ..وهند بعد تردد كبير وافقت انها تنزل لانها مستعده تسوي كل شي عشان سالم ..

هند راحت عندهم ومنزله راسها ..
خالد واقف مكانه وعاقد حواجبه من العصبيه : ها يا هند شو يقولون انج تبين سالم ..
هند تبلع ريجها من الخوف : هي موافقه عليه
ام خالد : بس يا بنتي انتي تعرفين ان سالم راعي بنات
هند : بس يمه ..وايد شباب جذي وبعد الزواج تغيرو
ابو خالد : وانتي شو ضمنج انه يتغير يا بنتي
هند : متاكده من هالشي .. وانا مرتاحتله
خالد : ليش لا يكون تعرفينه ولا عندج علاقه وياه من ورانا
هند قلبها يدق بسرعه خافت انها تنفضح : ها ..لا ..شو ..مستحيل
خالد : عيل شو عرفج فيه ..؟
هند : سالم اخو ربيعتي وهي تمدحه دوم وقالت انه تغير ويفكر يستقر ..
خاالد : اكيد ان ما بينكم علاقه ..ترى والله اذا عرفت ان بينكم حتى لو مكالمه والله لا ادفنج وانتي حيه

هند من الخوف راحت عند نوره : خالد شو فيك انا قلت لك الصراحه..
خالد : بس انا ما اتشرف يكون ريل اختي ..
هند بعصبيه : بس يا خالد انا اللي بتزوج وراضيه فيه وخلاص محد يخصه فيني ..
خالد : شو محد يخصه فيج شو انتي عايشه في امريكا ..
هند : يمه يبه .. قولوله اني راضيه فيه ..واذا ما خذته ما بذاكر للاممتحان وبرسب وما باكل شي..
خالد : لا تذاكرين انتي اللي بتفضحين عمرج .. وترى اصرارج لسالم يخليني اشك زياده..
ام خالد : بس اخاف تندمين يا بنتي ويبهدلج
هند : لا لا ما بيبهدلني ..ربيعتي قالت كل شي عنه
ابو خالد " طبعا يا هند اخته لازم بتستر على اخوها
خالد : ما بتاخذين سالم يعني ما بتاخذينه ..
هند والدموع بعيونه : اذا ما تزوجته ما بتزوج غيره وانا حره باللي اختاره ولا بذاكر ولا شي ..

وراحت هند وهي تصيح غرفتها والكل ما يعرف شو يقول وخالد مستغرب من هند وايد.

نوره : امي خلا على الاقل يكون بينهم خطبه ..ومن الملجه هي بتعرف عنه اشياء واذا ماصار نصيب نقدر ننهي علاقتهم
خالد : اقولج يا نوره هذا لعاب يعني يعرف كل البنات



نوره : زين يمكن يتغير ..وايد شباب كانو جذي
ام خالد : وانا اخاف هالشي يأثرفي دراستها وما ابي تفضحنا وترسب ..

خالد ماعرف شو يقول وسكت وراح غرفته ..


اما هند فتمت تصيح بغرفتها لانها ما تبى الا سالم ..وهي صدق فكرت انها ما تذاكر ولا تاكل شي الا يوم يوافقون طبعا تفكيرها لازال مثل اليهال ...

محمد وهو مايعرف كيف يقنع امه عشان يتزوج بالريم وهو صدق متعلق في الريم وايد وقرر انه يكلم امه للمره الثانيه عشان يقنعها انه ما يتزوج شيخه بنت عمه ..

محمد شاف امه قاعده في الميلس ترتب الاغراض عشان ضيوف بيونهم ..
محمد واقف عند الباب : يمه
الام قاعده ترتب الغنفات : هلا يمه
محمد والحزن بعيونه : يمكن اكلمج دقيقه
ام محمد : انته ما اتي الا يوم اكون مشغوله ..
محمد : امي بس دقيقه ..
ام محمد يلست على الغنفه : يالله يلسنا خير يا محمد شو عندك .؟
محمد يلس عند امه وهو يشوفها : امي بقولج شي بس لا تعصبين ولا شي انا ياي عشان اتفاهم وياج ..واهم شي عندي رضاج
ام محمد : قول اللي عند ك .. شو بلاك
محمد : امي انا مصر ابي الريم وما ابي بنت عمي ..لا تزوجيني غصب
ام محمد عصبت : انت قلت انك تبى رضايه صح
محمد " طبعا يا امي ..لان رضا الوالدين اهم من كل شي
الام : عيل انا اقولك انك ما بتاخذ الا شيخه وبلا فضايح يا محمد ..
محمد بعصبيه : يعني اذا البنت رفضتني عادي ما شي فضيحه بس انا اذا رفضتها فضيحه
ام محمد : هي طبعا فضيحه ..لاني انا اللي قلت انك حق بنتهم مب هم .. وهم بيقولون ليش انت غيرت رايك وبتفضحنا .وانت ما ترضى فضيحتي يا محمد ..
محمد : بس انا ما ابيها ولاأحبها
الام : هذا تفكير يهال ..اذا تزوجتها بتحبها لان الحب بعد الزواج يا ولدي
محمد : بس امايه فكري فيه
الام : صدقني اذا انا ماقلت لهم من زمان انك حق بنتهم ..كنت بوافق على الريم بعد ما اشوفها واعرف اصلها وفصلها بس خلاص قلت لهم يا محمد ..
محمد : بس..
الام : لا بس ولا شي خلاص انا قلت اللا عندي ولا تفاتحتي بهالسالفه مره ثانيه سمعت ..

محمد راح من عند امه وهو حاس باليأس والضيق ..وطبعا ما عنده الا ربيعه خالد عشان ينقذه من المشكله اللي فيه



محمد وهو متضايق :الو خالد
خالد وهو في السياره : هلا والله بو جاسم هلا بمحمد ..
محمد : خالد عندي مشكله ومتضايق..
خالد : انا من عرفتك وانت عندك مشاكل
محمد : خالد بلا مزح ..
خالد : والله من صوتك مبين صدق متضايق خير شو فيك
محمد " : كلمت الوالده مره ثانيه عن الريم
خالد : والله شو قالت ؟
محمد : رفضت وقالت ما يصير نحن نغير راينا .. لان فضيحه حقها ..
خالد : والله صدق مشكله ..؟
محمد : شو اسوي يا خالد
خالد : خذ بنت عمك يمكن تكون زينه وتنسيك الريم
محمد : انت وياي ولا ضدي
خالد : اكيد وياك بس شو اسوي مدام امك معانده
محمد : بس انا تعلقت في الريم وسمعت عنها كل خير وعايبني صفاتها واخلاقها خالد الله يخليك ساعدني
خالد : والله انا كاني مصلح اجتماعي اساعد الناس ولا أساعد عمري
محمد يضحك: هههههههههههههههههههههههه .. ضحكتني وانا متضايق
خالد : عسى الضحكه دوم ما تفارقك
محمد :تسلم حبيبي ..ها شو عندك حل
خالد قاعد يفكر ..
محمد : حشى مب تفكير ..اخاف قاعد تفكر تحل قضية فلسطين
خالد : ويا ويهك اسويلك خير وتستهبل عليه ..
محمد : ههههههههههههههههههه ..اسولف وياك
خالد بعد تفكير : ممممممممممممم ..عندي حل وحيد ..
محمد استانس والابتسامه على شفاته : والله شو قول بسرعه
خالد : الحل الله يسلمك ...انك تقول حق بنت عمك انك تبى تزوج وحده ثانيه لانك ما تحب تخدعها ..
محمد فاتح عيونه من الصدمه : خالد اخاف استويت مينون ولا شي .خالد : ليش انا شو قلت
محمد : شو تبى اجرح البنت حرام ..لاتنسىانها بنت عمي وما عليها قصور
خالد : والله يا حبيبي ما عندي الا هالحل ..انت لا تقولها بطريقه جارحه بين لها انك ما تحب تخدعها او انك تزوجها وقلبك مع وحده ثانيه وطبها هذا حرام وظلم انك تزوج انسانه وتفكيرك بانسانه ثانيه
محمد : اخاف اضايقها وثانيا انا ما عرف رقمها ..
خالد : والله تقدر تاخذ رقمها عن طريق اختك ولا امك بس بطريقه غير مباشره طبعا الاهم ان امك ماتعرف باللي يصير ويتحرون ان الرفض ياي من عندها ..وبهالطريقه راح يسهل عليك انك تزوج الريم ..شو رايك بتفكيري الحلو
محمد : والله تفكير اعتقد بييب لي المشاكل ..
خالد : وليش المشاكل
محمد : تخيل تقول للاهل اني رفضتها وامي اذا عرفت عادي ما ترضى عني ..ولا تكلمني
خالد : اولا البنت تستحي تقول ان الولد ما يباها لان تحس ان يقلل من مستواها ..ثانيا ما دام تقول ان بنت عمك انسانه فاهمه ومحترمه اكيد بتفهمك ..
محمد : والله ما دري احس انها صعبه
خالد : والله هالحل الوحيد الا عندي ..اختار يا تقولها نفس كلامي يا انك تودر الريم وتزوج بنت عمك
محمد : لا لا ما اقدر بدون الريم ..


خالد : عيل ما عندي الا هالحل وانت فكر بالسالفه
محمد :: بحاول افكر ..والله يسر اموري واحصل على رقممها وما أتبهدل
خالد : موفق يا محمد
محمد : تسلم ياخالد ..عسى الله يسعدك ويزيل همومك مثل ما حاولت تساعدني
خالد : لا شكر على واجب ..وانا ما سويت شي .. لو بايدي اسوي اكثر صدقني ما بقصر
محمد : عساني ما انحرم منك يا خالد ..ونعم الصديق
خالد : اوكي يا محمد انت فكر عدل .. وقولي شو راح تسوي
محمد : خلاص ان شاء الله وبصلي مره ثانيه استخاره ...
خالد: على خير ان شاء الله ..اوكي اخليك يالله مع في امان الله
محمد : في امان الرحمن ..


( محمد يفكر بكلام خالد مع انه يحس بالاحراج لشيخه بس ماعنده الا هالحل ويفكر اذا يقولها ولا لاء)




و**** وهي ترتب اغراضها عشان الدوام فجأه تذكرت ان ما بقى شي على ملجتها ويا فهد يعني تقريبا شهر ..وهي طبعا زعلانه ..لانها بتملج على فهد ..وقررت ان الملجه ما تكون طويله عشان تفتك بسرعه من الملجه وما تحب اطول زياده.. وهي طبعا لين الحينه تفكيرها وقلبها لخالد وبس ..وقررت ان الملجه تكون بس شهر وعلى طول العرس .. لان تعرف ان الملجه احلى ايام العمر
وهي ما تبى تكون وايد ويا فهد ..وعندها امل ان فهد يمل من تصرفاتها وينفصل عنها لان **** مستحيل تبادله الحب ..


وعلى أذان العشاء ..ام خالد زعلانه ومتضايقه ..
نوره وهي تشوف امها بهالتوتر : يمه شو بلاج
ام خالد : هند لا فطرت ولا تغدت من الصبح وهي بهالحاله بدون اكل واقولها شو تبين على العشاء تقول ما ابي شي ..ماعرف شو اسوي في هالبنت والله اخاف انها تموت ..
نوره وهي رايحه عند امها : لا امايه.. لا تحاتين بس هي معانده لانها ما تبى الا سالم ..
ام خالد : من وين ياي هذا سالم وخلا بنتي بهالحال..والله اخاف مسويلها عمل
نوره : هههههههههههههه ..كل ما صار شي قلتو عمل او سحر او عين ..
ام خالد : عيل بلاها استخفت
نوره : خليها هي تبى تسوي اللي براسها ..بس الصراحه لاول مره اشوفها جاده بهالطريقه ..
ام خالد : يعني اذا ما خذت سالم بتذبح عمرها لا اكل ولا شي
نوره : والله ماعرف شو اقولج يا امايه
ام خالد : خلاص انا موافقه عليه بس خلا هي تاكل شي ..
نوره : وخالد وابوي
ام خالد : انا بقنعهم ..ما يصير هي تكون بهالحاله ..نوره يمه روحي كلميها وقولي الله كريم وان شاء الله اذا الله انهم يتزوجون راح يتزوجون


نوره : خلاص يا امايه على هواج بروح اكلمها


راحت نوره عند هند وهي تحاول تقنعها انها تاكل شي وتذاكر لان ما بقى الا اسبوعين على امتحاناتها ..

هند : ما ابي اذاكر ولا اكل شي ..خلا يوافقون على خطوبتي بعدين بتغير
نوره : كيف ؟؟ تنخطبين وعندج امتحانات
هند : خلا يوعدوني انهم يخطبوني بعد الامتحانات على طول حق سالم ويكلمونهم عشان أتاكد وبعدين برتاح وبكمل مذاكرتي ..
نوره : والله صدق انج عنيده
هند: هي عنيده .. وما ابي الا سالم ..صدقيني احس اني بعيش بعالم الحب والسعاده والهنا..
نوره تحرك راسها يمين ويسار : صدق انج مراهقه درجه اولى والله
هند : هي مراهقه وكل شي ..
نوره : خلاص انا بخليج على راحتج
هند ما قالت شي لانها معصبه ومعانده..

راحت نوره غرفتها وهي مسانده على السرير وسرحانه ولا موبايلها يرن ويوم تشوف رقم غريب ..
نوره مستغربه : الو
المتصل هو عبد الله :السلام عليكم
نوره : وعليكم السلام منو ؟؟
عبد الله : افا ما حفظتي رقمي في موبايلج ..
نوره مستغربه من الصوت : منو انت
عبد الله : انا اللي ملجت عليج من البارحه شو نسيتيني ..

نوره بكل رقه : عبد الله
عبد الله : هي عبد الله
نوره حست بسعاده وخجل بنفس الوقت وما قالت شي..
عبد الله : شو ما تعرفين رقمي ..مع اني عطيتج البطاقه
نوره : عندي البطاقه بس نسيت اخزن الرقم
عبد الله : المهم شو اخبارج يا نوره
نوره برقتها : الحمد لله يسرك الحال وانت شحالك؟
عبد الله : مدام سمعت صوتج انا بخير ..
نوره ويها احمر من كلام عبد الله ..
عبد الله : ممممممممممم بنتم ساكين جذي..
نوره : شو اللي بخاطرك قول ..
عبد الله يتنهد : ااااااااااااه ..اللي بخاطري وايد ..والاهم اللي ابيج تعرفينه انج دخلتي خاطري من اول ما شفتج بأدبج وبشخصيتج وبرقتج واكيد جمالج..\
نوره ميته من الحياء : تسلم
عبد الله : وطبعا بعد ما عجبتيني سألت عنج وايد والكل مدح باخلاقج ودينج وبشخصيتج .. والحمد لله حققت اللي في خاطري وخطبتج ..
نوره ما تقول شي .. تحس انها في حلم
عبد الله : وان شاء الله حياتنا يا نوره تكون بسعاده بسعاده..
نوره : ان شاء الله ..
عبد الله : وانتي مب في خاطرج تقولين شي ..ولا صح اكيد مستحيه ما تقدرين تقولين شي ..صح ؟
نوره : الصراحه اكيد مستحيه ومستحيه وايد
عبد الله : يا محلاته الحياء من البنت ..بس ان شاء الله بتتعودين عليه وبتقولين كل اللي بخاطرج ..
نوره : اكيد مع الايام كل شي بيتغير ..



عبد الله : وان شاء الله للاحسن يا نوره ..المهم اذا بغيتي مني اي شي انا حاضر..واتمنى تتصلين فيه باي وقت لانا خلاص نحن مالجين يعني حلال علينا نكلم بعض.. وكل اسبوع بنخلي يوم عشان نطلع على الاقل ساعه او ساعتين عشان نتعود على بعض اكثر..
نوره : ان شاء الله خير
عبد الله : اتمنى اني اقدر افرحج ..
نوره :الصراحه انا أكيده بهالشي (( بخاطرها تقول نوره انك فرحتني من اول ما خطبتني بس هي مستحيه ما تقدر تقوله ).
عبد الله : خلاص يا نوره اخليج الحينه .. اكيد عندج دوام ما ابي أأخرج واكيد راح نكون على اتصال دوووم ..اتفقنا
نوره : خلاص اتفقنا ..
عبد الله : يالله تصبحين على خير ..
نوره : وانته من اهله ..

بعد ما صكت نوره من عند عبد الله حطت موبايلها على صدرها وخذت نفس مع ابتسامه على شفاتها ومغمضه عيونها وحست ان احلامها كلها راح تتحقق ويا عبد الله ...وكانت صدق ميته من الوناسه ..وتمنت سعادتها تدوم ..

*****************************************
.. ( هل سعادة نوره راح تدوم ولا بيصير شي وبيمنع زواجهم))
( هل خالد واهله راح يرضون في سالم ولا بيعاندون ))
(( و**** كيف راح يكون مصيرها وتعاملها مع فهد ))
(( وخالد وفهد شو ينتظرهم))
(( ومحمد هل راح يكلم شيخه ويقنعها وهل راح يصير له مشاكل
وبعد اتصال عبدالله لنوره وكانت طبعا المكالمه الاولى ..
نزلت نوره وهي طايره من الفرح عند امها عشان تسولف وياها وشافتها قاعده مع ابوها وخالد وتكلمهم بجديه ..
ام خالد : بس يا خالد لازم نحن نوافق عليه ..
خالد بعصبيه : بس ليش يا امايه نوافق على سالم بس عشان ان هند ما كلت علها ما كلت شي ..
ابو خالد : خالد هد اعصابك
خالد : والله يا بويه هاي هند مدلعينها وايد..
نوره نازله من فوق وشاركتهم القعده : خالد ..
خالد صد لنوره : نعم
نوره : شو رايك ياخالد نحن نوافق على خطوبة هند ..بس خطوبه يمكن تغير رايها بعدين ونحن بنسال عن الريال اكثر
خالد : بس انا سائل عنه يا نوره ..
ام خالد : زين نحن بنخلي خطوبتهم بعد امتحاناتها مثل ما وعدناها واذا كانت الملجه قربيه يكون احسن عشان هي بتعرف كيف صفاته وكلامه من هني بنعرف اذا هي مرتاحه ولا لاء..
نوره : واذا ماارتاحت بنخليهم ينفصلون قبل الزواج ..
خالد: شو الانفصال صارت لعبه عندكم
بو خالد : بس ما عندنا اقتراح ثاني
ام خالد بحنيه : خلا نوافق يا ولدي عشان تذاكر ترى ما بقى على امتحاناتها الا اسبوعين وبعدين هي بعدها صغيره ما تعرف شو تسوي ..
خالد : سوو اللي تبونه انا مالي خص .. واذا يت يوم من الايام تصيح وتشتكي انا اللي بتشمت فيها وبضربها بعد ..
نوره ماكانت راضيه في سالم بس كل اللي تسويه عشان اختها ..
ام خالد : روحي يا نوره قولي حق هند انا وافقنا وخطوبتها بعد امتحاناتها .ونحن بنتصل في امه باجر اذا الله احيانا
نوره : ان شاء الله امايه ..

راحت نوره عند هند عشان تبشرها بهالخبر اللي اكيد عندها احلى خبر..

نوره تدخل على غرفة هند بدون ما تدق الباب .
نوره بابتسامه : مفاجاه
هند من غير نفس وهي طايحه على السرير :ما سامعه ان من الاحترام ان الشخص قبل ما يدخل يدق الباب
نوره عقدت حواجبها فوق تحت : احمدي ربج يايبتلج احلى خبر بمليون درهم ..
هند بتعجب: صدق ولا تتغشمرين كعادتج
نوره بدلع : والله صدق

هند نقزت من على السرير وراحت عند نوره : شو بسرعه قولي ..
نوره : كم بتعطيني ..
هند : اول شي قولي الخبر واذا كان الخبر اللي في بالي بعطيج اللي تبينه
نوره : شو اللي في بالج
هند بابتسامه: لا تقولين خالد وابويه وافقو اني اتزوج من سالم
نوره بابتسامه حلوه : هي وافقو واخيرا اقنعناهم
هند من كثر الفرحه نقزت على اختها وتمت تحضنها وتصيح : مشكوره يا نوره عمري ماراح انسى خدمتج لي ..
نوره تمت مستغربه وهي خاضنه هند لان لاول مره هند تحضن نوره لان هند مب وايد وياها وعرفت ان هند صدق مستانسه ..
نوره : لا افا عليج انا ما اتمنى الا سعادتج ..بس اتمنى انج ما تندمين على ارتباطج في سالم
هند بابتسامه : لا مستحيل اندم ..بالعكس انا بتم سعيده لين اخر يوم بحياتي ..
نوره : ان شاء الله هاللي اتمناه ..
هند تتنهد: واخيرا الحينه اقدر اذاكر واكل اللي اباه والله ارتحت ..
نوره : يالله روحي عند امايه ترى قلبها متقطع عليج
هند : ان شاء الله الحينه بروح عندها ..

نوره تمت تشوف فرحة هند وتمت فرحانه بفرحت اختها بس بعدها خايفه على حياة هند..



وفي اليوم الثاني ..
اتصلت ام خالد بام سالم مثل ما وعدت هند على موافقتهم لولدهم وان الخطوبه بتكون بعد امتحاناتها اما الملجه بعدين بيحددون ..

واكيد خالد ماكان راضي عن هالشي بس عشان خاطر امه ولان شاف اصرار هند وما بغى يكبر السالفه ..خلا الايام تثبت كل شي ..


محمد اللي كان محتار وايد انه يتصل في بنت عمه شيخه ويقولها الصراحه واخيرا فكر ومالقى غير انه يتصل في شيخه ويصارحها مع انه مستحي وايد وخايف على مشاعرها بس ماعنده حل ثاني ..بس المشكله الحينه كيف اييب رقم شيخه من وين ..
وبعد تفكير طويل ما لقى الا انه ياخذ موبايل امه وحس ان اكيد امه عندها اغلبية ارقام العايله ..
ومحمد شاف امه في الصاله وفكر كيف ياخذ موبايلها ..
محمد رايح عند امه : امي
ام محمد تصد تشوف محمد : شو تبى يا محمد ؟
محمد بتردد ممممممممم ابي موبايلج
ام محمد استغربت اول مره يطلب محمد هالطلب: ليش وين موبايلك
محمد : موبايلي قطعو عشان جذي ابي اتصل في ربيعي ضروري
ام محمد : اكيد بيقطعونه من كثر ما تسولف على الموبايل ..
محمد : زين الله يخليج عطيني الموبايل بس دقيقه
ام محمد : روح غرفتي بتشوف حاطه موبايلي على المستوليت ..

محمد استانس وعلى طول راح خذ موبايل امه وبالدس طبعا راح يدور اسم شيخه وهو يدور بين مية رقم ..ولا اخيرا حصل رقم شيخه وحس ان قلبه يدق بسرعه من التوتر ..وعلى طول ياب موبايله وحفظ رقم شيخه ..

محمد استانس ان حصل رقم شيخه بدون تعب ولا شي ..وعلى طول اتصل في خالد عشان يخبره ..

محمد وهو يتصل في خالد: الو
خالد : هلا بو جاسم
محمد : شحالك يا الغالي
خالد : يسرك الحال وانت اخبارك
محمد : والله مستانس وايد
خالد : ان شاء الله دوم مب يوم بس شوسالفتك فرحنا وياك
محمد : واخيرا واخيرا يا خالد حصلت الرقم
خالد بعبط : شو حصلت رقم امير الامراء ولا رقم فرعون عشان تزوره
محمد : خااااااااااااالد بلا عبط
خالد يضحك : ههههههههه اسولف وياك ..شو حصلت رقم بنت عمك صح
محمد بفرح :هيه هيه واخيرا
خالد : الحين اللي يسمعك يقول انك خلاص بتخطب الريم مب كانك حصلت الرقم
محمد : ترى هاي اول مهمه
خالد: حشى حشى مهمه والله اخاف ناوي على جريمه
محمد : هههههههههههههههههه ..والله انت والعبط اخوان
خالد: هههههههههههههههههههههه
محمد : زين شو اسوي الحينه
خالد: شو تسوي اكيد تتصل فيها عيل ليش ماخذ الرقم عشان تخلي ببرواز..
محمد : وي استحي
خالد: محمد كون ريال وبلا سوالف بنات ( يقلد كلام محمد ) استحي
محمد : احس ان فضيحه
خالد : توكل على الله بعد شو بتسوي ماعندك حل ثاني
يتبع
محمد : خلاص بتصل فيها الحينه احس الوقت مناسب ..لان العصر اكيد تكون في البيت
خالد: اوكي عيل اخليك تتصل فيها
محمد : ادعيلي
خالد بابتسامه: الله يوفقك يا محمد

محمد بعد ما صك من خالد حس بالارتباك كيف يفاتح شيخه بهالسالفه بس يوم تذكر الريم نسى توتره وقرر انه يتصل فيها ..

محمد مسك موبايله وحس انه مرتبك وايد وهو قاعد يتصل يبلع ريجه لانه حاس بالاحراج ..
شيخه كانت بغرفتها قاعده تذاكر لانها بالتقنيه ..شيخه شافت رقم غريب استغربت بس قالت اكيد حد من رباعتها متصل على تلفون ثاني ..
شيخه بتعجب : الو
محمد بارتباك : الو السلام عليكم
شيخه يوم سمعت صوت ريال استغربت : منو ويايه
محمد : انا محمد
شيخه : اي محمد
محمد : محمد ولو عمج ناصر ..
شيخه استغربت لان اول مره محمد يتصل فيها وحست بالاحرا ج.
محمد : شحالج يا بنت عمي
شيخه برقه وخجل : بخير يسرك الحال ( وبخاطرها مستغربه من اتصاله )
محمد مايعرف كيف يبتدي بالسالفه : اكيد طبعا مستغربه من اتصالي
شيخه : بصراحه هيه
محمد : ابي اقولج شي بصراحه تامه ..لاني من النوع الصريح بس اتمنى يا بنت عمي تفهميني وما تضايقين
شيخه استغربت من كلام محمد : خير يا محمد ؟
محمد مرتبك : اه ..مممم...ابي ابي اقول ..ممممممم
شيخه : شو فيك يا محمد قول اللي عندك
محمد : زين توعديني انج تفهميني وما تضايقين مني وهالشي يكون سر بيني وبينج .
شيخه رافعه حواجبها من كثر ما هي مستغربه : اكيد اوعدك
محمد : شيخه مثل ما تعرفين ان الاهل قايلين انا لبعض من صغرنا
شيخه مستحيه وما ردت .
محمد : وانا طبعا ما عندي ما نع اني ارتبط فيج لانج انسانه طيبه وخلوقه وما عليج كلام وكافي انج بنت عمي
شيخه مستغربه ومستحيه ويوها مثل الطماط
محمد : وانا كنت موافق عليج بس انا من مده قصيره شفت انسانه والصراحه عجبتني وايد وطبعا ما بينا علاقه لا والله بس انها عجبتني وايد والصراحه اباها
شيخه حست بالاهانه وبعصبيه : زين خذها وانا شو دخلني

محمد : المشكله يا شيخه ان امي ما تباني اخذ الا انتي... تقول ان فضيحه ارفضج لان امي اللي بغتج وقالت اذا الرفض ايي منها عادي بس مب مني .
شيخه منصدمه صح انها ما تكن لولد عمها باي حب لين الحينه بس مستغربه من جرأته .
محمد : لا تزعلين مني يا شيخه والله اني اعزج كاخت غاليه وانا ما يهون عليه اني اتزوج وانا افكر بانسانه ثانيه مثل باقي الشباب هالشي حرام وظلم والله ما يرضى عليه وانتي انسانه طيبه وما تستاهلين هالشي .
شيخه بحزن: والمطلوب مني
محمد : اللي اتمناه منج يا شيخه ان اذا اتقدمت ترفضيني .لان الرفض اذا ياي منج عادي بس ما يكون مني لان امي بتزعل عليه .
شيخه : بس شو سبب رفضي لك يا محمد لا تنسى انك ولد عمي .
محمد : مممممممممممممم قولي انج صليتي استخاره وما رتحتي او اي شي
شيخه : بس يا محمد اخاف امك تزعل عليه
محمد : لا امي مب من هالنوع اللي مل اول اللي يزعلون اذا ما صار نصيب لا عادي .
شيخه قاعده تفكر شو تقول لاهلها
محمد : شيخه
شيخه : نعم
محمد : اتمنى انج ما تزعلين مني
شيخه : لا يا محمد بالعكس انت صارحتني بالحقيقه قبل ما يصير اي شي احسن من باقي الشباب الا بعد عرسهم تشوفهم مع وحده ثانيه ويعترفون لزوجاتهم بانهم مغصوبين .
محمد : يعني مب زعلانه ولا متضايقه ..
شيخه : لا يا ولد عمي ..اسلوبك نبيل
محمد : والله طلعتي ونعم البنت..وعمري ماراح انسى جميلج يا شيخه
شيخه : لا افا عليك ..كافي انا اهل
محمد : تسلمين يا بنت عمي ..اوكي اخليج الحينه واسمحيلي مره ثانيه
شيخه : مسموح يالله في امان الله ..

محمد حس كان انجز شي كبير وحس بالراحه وتم مستانس ورافع ايده ويحمد ربه ان بنت عمه اتفهمته وان حل هالمشكله..وطبعا على طول اتصل في خالد وقاله وخالد فرحله وايد ..

اما شيخه فالبدايه اتضايقت لانه حست شوي بالاهانه بس تذكرت موقفه وصراحته وانه ما يحب يخدعها فعرفت ان هالشي خير لها وانه الله ماكاتب نصيب بينهم ..
وبعد مرور شهـــــــــــر..


وبعد شهر خلصت هند امتحانات الثانويه وكان يوم النتيجه اللي الكل كان ينتظرها ..

وهند كانت قاعده على الكمبيوتر تشوف نتيجتها وكانت خايفه.. ولا فجاه شافت النتيجه وتمت تصارخ ومستانسه وراحت على طول تحت عند اهلها اللي ينتظرون نتيجتها ..
هند تصارخ : امايه امااااااااااااااااااااااايه
الام : ها بشري شو ان شاء الله بيضتي ويهنا
هند وهي تغني وترقص
نوره : والله متفيجه الحينه قولي شو نتيجتج بعدين تخبلي
هند وهي تناقز : امي باركيلي نجحت نجحت
ام خالد : زين النتيجه كم نسبتج كم
هند : 72 ..
ام خالد يوم سمعت النسبه وقفت مكانها : شو 72 صدق طلعتي مسودة الويه فضحتينا
هند : والله اهم شي نجحت وافتكيت
نوره : والله وايد وايد عليج النسبه لانج ما كنتي تذاكرين
ام خالد : والله فضيحه اختج يابه في التسعينات وبنت خالتج وغيرج من الاهل وانتي
نوره تصد لامها :امايه هند من صغرها مب شاطره ولا تذاكر كل مره نسبتها في الستينات واحيانا الخمسينات بعد..
هند وهي مستانسه : هي والله يعني حمدي ربج هالمره اكثر ..
نوره : الحمد لله ما فضحتنا ورسبت
ام خالد : هي والله الحمد لله
هند : واخيرا خلصت الحينه بحرق كتبي بفتك منهم
نوره : حشى حشى مجرمه ما صدقتي انج خلصتي .
هند / اكره الدرااااااسه ..بروح ابشر ابويه واقوله خلا يجهزلي الهديه
نوره : شو طالبه الاخت
هند : طالبه طقم الماس يا اختي
نوره : بل مره وحده ..لوطلعتي الاولى بالدوله شو بتطلبين ..
هند : والله ما فكرت ( تصد لامها ) امايه ابي منج ممممممممممم اتيبيلي هديه ساعه ماركه وتكون الماس يعني اقل شي جيمتها 20 الف
ام خالد : اول مره اشوف وحده تختار الهديه .. ثانيا انا وابوج واحد
هند : لا في الهدايا مب واحد
نوره : ههههههههههههههههههههههه ..اللهم سكنهم في مساكنهم .
هند : شو تشوفيني مينونه ولا ينيه
يتبع
نوره : ههههههههههههههههههه من زمان ..

خلصت هند امتحاناتها اللي الكل كان يتريه نجاحها ..وطبعا قررو ان الخطوبه تكون مده وبدون حفله ..وخلة الحفله والعزيمه في يوم ملجتها اللي لين الحينه مب محددين لانهم مشغولين بعرس نوره الا ما بقى على عرسها الا شهر ..


**** اللي استوت انسانه ثانيه من بعد ما تركت خالد صارت ما تضحك الا نادر ولا تطلع من البيت .
.راحت تشوف تقويم التواريخ وبحزن تقول لنفسها : واخيرا ياهاليوم اللي ما اتمناه ..باجر بملج على فهد وماعرف كيف بتعامل وياه ..( تتنهد ) ااااااااااااه يا خالد .كل شي راح ..

و**** كانت تدمع لان يوم ملجتها قربت لان باجر بيكون يوم ملجتها ..
واما خالد فمايعرف ان باجر ( غدا ) يوم ملجة حبيبت القلب ..


**********************




* ما موقف خالد يوم بيعرف ان ملجة **** قربت ؟

*وكيف بتمر ايام ملجة **** ..سعيده ولا حزينه ؟

*وسالم وهند حياتهم كيف بتكون ؟ هل راح يتغير سالم ؟

*ام محمد هل راح تعرف ان محمد اتصل في شيخه ؟؟ وهل محمد راح ياخذ الريم ؟ ولا بيصير شي ثاني ؟
نفس يوم نتيجة هند واخبارها بالنجاح .. الكل كان مستانس الا **** كانت غير لان باجر بيكون عقد قران **** وقفهد يعني ملجتهم وطبعا لين الحينه خالد ما يعرف .

والكل كان يتكلم عن ملجة **** ويفكرون شو يلبسون ..
نوره وهي قاعده : والله ما عرف شو البس باجر
الام تصد لنوره : والله يا بنتي البسي شي بسيط لان محد بيي غيرنا يعني بيناتنا .
هند : بس ليش ما خلت حفله عوده او على الاقل العزيمه اكبر مثل مجلتج يا نوره
نوره : لان **** ما تبى هالشي لا تنسين انها مغصوبه على هالزواج
هند : والله هاي **** صدق مينونه ..
الام مستغربه : ليش
هند : حد يشوف واحد بجمال فهد وشخصيته وما يتزوجه
نوره : ليش الاخت وين شايفتنه ؟
هند : مره فهد وصل الريم بيتنا يوم ملجتج انا بالصدفه شفته وهو بالسياره ..بس ماشاء الله عليه وسيم والله اني اول مره اشوف واحد بوسامته
نوره : عيل خذي احسن
هند بدلع : والله لو ياي قبل سالم كنت باخذه بس خلاص انا الحينه لانسان ثاني
نوره تسوي مالت بايدينها حق هند : مالت عليج اصلا منو قال هو بيودر ملكة جمال العالم وبياخذج.
هند باحتقار : منو ملكة جمال العالم ان شاء الله
نوره : بلا استعباط اكيد **** ..
هند : عاد المبالغه مشكله
نوره : ومشكله اللي يغارون

هني خالد دش عليهم وهو مستانس ولا يعرف شو السالفه
خالد : السلام عليكم
الكل : وعليكم السلام
خالد سار صوب امه وباس فوق راسها : شحالج امايه عساج بخير
الام : بخير الله يسر حالك
هند وهي تشوف خالد:غريبه الاخ فرحان اليوم ..
خالد : وليش يعني ماافرح
هند متعرف ان خالد مايعرف بملجة **** : لان باجر ملجة حبيبتك السابقه يعني تحريتك بتزعل .
خالد اول ما سمع ان باجر ملجة **** وقف مكانه واستغرب.وصد لنوره بعصبيه : صدق يا نوره ان باجر ملجة ****
نوره بخوف : هيه
خالد بعصبيه كبيره : وليش محد قالي
الام : الله يهديك ياخالد يعني اذا قلنالك شو بيتغير ..
خالد : حتى لو ما تغير شي اهم شي اعرف
خالد على طول طلع وهو معصب..
نوره لحقت وراه :خالد خالد
خالد وقف : نعم خير
نوره : وين بتروح
خالد : بروح عند ****
نوره فتحت عيونها : عند **** وليش ؟
خالد : هالشي ما يخص حد الا انا و****
يتبع
نوره : بس عيب تروح بيتنهم
خالد : ليش عيب شو نسيتي انها بنت خالتي ..
نوره : بس
خالد : عن اذنج باي

راح خالد عند **** وهو معصب ومنقهر ..يمكن بملجتها حس بفقدانها للابد ..

نوره وهي زعلانه : الله يستر بس
هند : روحي اتصلي في **** عشان تعرف ان خالد بيي
نوره : هي صح
نوره راحت تتصل على موبايل **** بس موبايلها كان مغلق واتصلت على البيت بس محد يشيل..

خالد وصل بيت **** وتردد بالدخول بس يوم تخيل ان **** بتروح من ايده للابد قرر يدخل..

خالد دق الباب وهو مستحي لانه اول مره يدخل بيت خالته بدون اهله ..
و**** كانت بالصاله تشوف التلفزيون بس هي باخر عالم وسرحانه ..وسمعت صوت الباب نادت على خدامتها بس مافتحت لانها انشغلت فهي راحت تفتح الباب بعد ما غطت شعرها ..
و**** اول ما فتحت الباب فتحت عيونها وما قدرت تتكلم .
خالد يوم شاف **** تذكر ايامهم وبابتسامه : شحالج يا ****
**** والحزن بعيونها وبخجل : الحمد لله بخير الله يسلمك ..تفضل ادخل .
دخل خالد وهو بالصاله يصد ل**** : **** وين امج
**** : امي بغرفتها لحظه عشان اناديها .
خالد : لحظه يا **** ..انا ابي اكلمج لو سمحتي بشي ضروري واستحي اقولها جدام امج ...
**** استغربت من جرأة خالد اول مره اايي بروحه واول مره يقعد وياها بروحهم .
**** : بس...
خالد : ما بطول وايد بس دقايق
**** : تفضل اقعد .
خالد : لا انا مرتاح جذي..****
**** وهي تستحي تشوفه : خير يا خالد
خالد : صح ان باجر يوم ملجتج
**** بغصه وقهر : هيه للاسف
خالد : **** امنعي هالشي الله يخليج فكري مره ثانيه
**** فتحت عيونها : خالد ما اقدر وانت تعرف السبب وثانيا ما اقدر اغير شي خلاص باجر ملجتي ما اقدر ..
خالد: زين يا **** مدام ان صعب عليج انج ترفضينه خلي هو يرفضج ويمل عشان تقدرين تنفصلين عنه بدون تهديدات
**** مستغربه من كلام خالد : خالد شو قصدك وضح
خالد استحى يقول قصده :**** بقولج شي بس اتمنى ما تزعلين وتفهيميني
**** : قول اللي عندك ؟حيرتني يا خالد
خالد: سمعي يا **** انا اعرف ان صعب عليج انج ترفضين هالزواج لان فهد ما بيودرج بحالج .. بس شورايج ان بعد زواجج او في ملجتج تعاملينه بجفاء وقسوه عشان روحه يمل منج وينفصل عنج وبهالطريقه اقدر اتزوج بدون اي مشاكل
**** مستغربه : يعني تباني اطلق يا خالد معقوله
خالد : ما يهمني تطلقين ولا شي ..الاهم عندي انج تكونين لي
**** : وانت بتاخذني بعد ما نفصل عنه ؟؟ معقوله
خالد : هي والله عادي عندي ..مع انها صعبه عليه بس عادي كل شي ..الاهم تكوننين لي بالنهايه ..**** انتي ما تعرفين كيف انا احبج .ما تخيل وحده غيرج تكون زوحتي وشريكة حياتي ..**** حبي لج من الصغر وكبر هالحب كل ما كبرت موافق على كل شي اهم شي تكونين لي
**** : بس صعبه هو يودرني لانه يحبني
خالد : اذا شاف ان الحب مب متبادل اكيد بيودرج
**** : بس شو بيقولون عني الناس اذا عرفو اني مطلقه
خالد : ما يخصج بالناس ..والناس يعرفون ان مب كل مطلقه الغلطه تكون منها..واهم شي حبنا يستمر يا **** الله يخليج فكري
**** استغربت من كلام خالد بس عرفت ان هالحل الوحيد عشان يستمرون ويابعض
**** : الله كريم يا خالد واكيد ما اقدر اعامله بحب وحنان لانه مب هو اللي بقلبي
خالد : يعني اطمن انج ما بتحبينه
**** : مستحيل احبه .. وانت تعرف السبب
خالد : اتمنى ايي هاليوم واشوفج ملكي
**** بخاطرها ( واتمنى تكون ملكي يا خالد ).
خالد : بس اتمنى هالشي يكون بيني وبينج يا ****
**** : خلاص اوكي
خالد : يالله مع السلامه
خالد وهو يبى يطلع **** نادته ..
**** :خالد
خالد يصد ل**** : نعم
**** : يعني انت بتترياني
خالد بابتسامه : بترياج لآخر العمر
**** ابتسمت واستحت

بعد ما طلع خالد حس بالراحه لانه كلم **** وصارحها ...اما **** فاستغربت من كلام خالد بس تعرف ان هالشي دليل على حب خالد الكبير لها عشان جذي قال هالكلام وهي اقتنعت بكلامه وقررت انها تحاول المستحيل عشان يمل فهد منها ..مع ان بقلبها ما شي غير الرحمه والحنان بس بتحاول تغير من طبعها عشان خالد


***********************************
واليوم الثاني الكل فرحان لان هاليوم هو ملجة **** وفهد.. اما اللي متضايقين هم **** وخالد ..وسعادة فهد غير بهاليوم كان صدق فرحان ..
فهد وهو واقف عند المنظره ومبتسم : الريم شو رايج بكشختي ووسامت اخوج
الريم : فديتك محد بيي بجمالك مسكت الكل .
فهد : صدق لهالدرجه انا حلو
الريم : اكيد طبعا حلو ..
فهد : والله يا ريم احس اني بموت من الفرحه واخيرا بملج على **** وبقدر اكمها واطلع وياها ..كاني احلم
الريم بابتسامه كلها فرح : وعسى هالفرحه تدوم يا اخويه ..
فهد : تسلمين حبيبتي وعقبالج
الريم : استحت ..
يتبع]
**** ونوره وهند قاعدين عند **** فوق بعد ما راحت الكوافيره ..
**** كانت احلى من الحلوين ..فستانها احمر على عنابي ويايبه شعرها على صوب مع ورده طبيعيه حمراء ومكياجها بسيط وكانت ملاك تاخذ العقل بس للاسف الحزن بملامحها .

نوره : **** اليوم صايره قمر ماشاء الله .. اذا اليوم قمر ماعرف كيف بتطلع يوم عرسها
**** بعالم ثاني..
نوره : اقول ****
**** سرحانه
نوره بصريخ : ساروووونه
**** انتبهت : ها شو فيه
نوره : اللي ماخذ عقلج
**** بحزن : اللي ماخذ عقلي بعيد
نوره : سارووه حبيبتي متى عرسج
**** بعصبيه : اف لازم تذكريني
نوره غمزت ل**** عشان تفهمها ان الريم موجوده ..
الريم حاولت اطنش ..
**** : بعد عرسج بشهر
نوره : يعني باقي على عرسج شهرين ان شاء الله ..لان عرسي بعد شهر ..
**** : هيه
الريم : يالله **** ننزل لان اكيد فهد موجود ..
**** ويها تغير : بس هو ياي عشان يوقع صح وانا بوقع وخلاص .
نوره : اي خلاص الله يهديج ..لازم يشوفج وتشوفينه وتيلسين وياه ولو دقايق..
**** : ما ابي اشوفه ولا شي
الريم بحزن : **** ما كنتي جذي شو فيج تغيرتي صرتي عصبيه مب انتي **** اللي كلامج كلها حنيه وطيبه شو صار لج ؟
**** : غير طبعي اخوج يا الريم غير كل شي فيني
الريم : عسى الله يهديج وربي يهنيكم
نوره ترفع ايدينها : امين

ام **** نادتهم كلهم ؟؟

وهم نازلين والكل استانس وحطو اغاني وربشه مع ان محد كان ياي يعني بيناتهم مثل ما بغت **** ..
والكل هنى **** ..اما **** فحست بالحزن اكثر لانها ملجة على فهد..
والكل قاعد ومستانس وفجاه يت ام **** ونادت **** ..
ام **** ترمس **** بصوت واطي : **** يمه فهد يبى يشوفج
**** : ما ابي اشوفه خلاص نحن ملجنا شو يبى
الام : **** بلا عناد .. كل اللي يملجون يشوفون حريمهم ..دخلي ولو دقايق
**** : ما بي والله ما ابي اشوفه
الام : دخلي يا **** لاتفضحينا
**** : زين ومنو داخل غيره
الام : محد طبعا قعدو على راحتكم خلاص حلال عليكم ترمسون بعض
كيف بيكون ملجة **** وفهد ؟
هل **** راح تقدر تخلي فهد ينفصل عنها وترد لخالد ؟؟
وخالد هل راح ينتظرها للابد ولا بيتخله عنها وبيمل ؟
.
الجــزء التاسع عشر..


وبعد قران **** مع فهد .. طبعا بنفس اليوم كان فهد يبى يكلم **** بس هي رفضت هالشي ..فقرر انه يكلمها باليوم الثاني ..


وفي الصباح ..
**** قامت من النوم وهي تفكر بمستقبلها مع فهد وكيف راح تخليه ينفصل عنها لانها تعرف بحب فهد الكبير لها ..

ام **** دخلت على غرفة **** والابتسامه في ويها : صباح الخير يا احلى عروس
**** عقدت حواجبها وبتعجب : عروس ؟؟ بس توني مالجه بعدني ماعرست
ام **** تبتسم : تراج صرتي زوجته خلاص
**** بقهر : امايه لا تذكريني وتزيدين قهري
ام سراه عصبت : **** بلا دلع بنات خلاص ما ابي اسمع اسطوانة خالد سمعتي ..انتي الحينه صرتي بذمت انسان ثاني
**** طبعا ما قالت لامها عن نيتها هي وخالد والخطه اللي راسمينها عشان تنفصل من فهد وترجع لحبيب قلبها..
ام **** : شو رايج يا بنتي نروح اليوم بيت خالتج لانها عازمتنا على الغده ..
**** : لا امايه ما ابي تو الناس شو رايج نروح في المساء احسن
ام **** : على راحتج يا حبيبتي..


وفي بيتكم فهد ..
فهد يصارخ : الريم الريم
الريم ظاهره من غرفتها : باسم الله انت شو فيك استخفيت ..
فهد بابتسامة عبط :ليش ؟
الريم : بعد تسأل تصارخ كاني بامريكا مب كان غرفتي عند غرفتك ما بينهم الا شبر .
فهد : بعد تعرفين احب ألعوزج
الريم : زين خير شو تبى
فهد ياي عند الريم ويغمزلها : ابي رقم مرتي
الريم: بل مره وحده زوجتك اصبر بعدك ما تزوجتها
فهد : خلاص عقدت قراني وياها يعني صارت زوجتي
الريم : زين وانت ما عندك رقمها ..كم مره متصل فيها قبل وملعوزنها بتهديداتك
فهد يضحك : هههههههههههه بعدج تذكرين
الريم : حد ينسى ذيج الايام
فهد : لا والله ماعرف شو سويت برقمها
الريم : زين بعطيك الرقم.
بعد ما الريم عطت لفهد الرقم ..شافت فهد منزل راسه ومتوتر
الريم مستغربه : فهد بلاك
فهد: اقول الريم اذا بتصل فيها شو اقولها ..
الريم : هههههههههههههههههههه ليش تستحي يا فهد والله انت تخوف ولا تخاف
فهد منقهر : ريمان اصطلبي ... ما قلت اني استحي ولا اخاف بس اول مكالمه بعد ملجتنا شو اقولها
الريم : ليش انا متزوجه عشان اقولك عن تجربتي ..تراني مثلك ما عرف شو يقولون
فهد : وكيف ابتدي وياها
الريم تشوفه بعصبيه : فهوووووووود ..اقولك وانا شو عرفني ..قول اللي بقلبك
فهد ينهد : ااااااااااااااااااه اللي بقلبي وايد
الريم : لا الله يخليك مب تقول كل شي عاد خلا حق يوم ثاني ..يعني بالقطاره مب كله مره وحده .
فهد بابتسمامه : زين الحينه بروح اكلمها .. والله اني متوتر
الريم: حشى اذا الريال جذي ما الوم البنت
فهد صد يوم سمع كلام الريم : حبيبتي لو انسانه ثانيه متزوجها جان عادي بس لانها الحلم اللي احلم فيه عشان جذي متوتر

دخل فهد غرفته وقرر انه يتصل في **** ..
**** قاعده في غرفتها وهي تقرى مجله ..رن موبايلها ..طبعا ما عرفت ان المتصل فهد ..
**** بصوتها العذب: الو
فهد بتوتر: صباح الخير ..
**** مستغربه : منو ويايه
فهد : انا فهد ..زوجج المستقبلي
**** عقدت حواجبها وتضايقت وماقالت شي
فهد: شو اخبارج يا ****
**** : الحمد لله بخير
فهد سكت ما يعرف شو يقول ...
فهد: تصدقين يا **** مب مصدق عمري ..والله اني طايرمن الفرحه لاني مالج عليج ..والله ان هذا حلم حياتي
**** : ساكته
فهد : **** اعرفج انج بعدج متضايقه مني ..بس شو اسوي غصبن عني والله اني ما اقدر على بعدج
**** : يعني تبني سعادتك على تعاسة وحزن الاخرين
فهد مستغرب من كلام **** : ما قصدت احزنج والله بس هالشي غصب عني وان شاء الله اقدر اخليج تحبيني ولو جزء بسيط من حبي لج ..
**** : الحب مب بايدنا ومب نحن نقدر نتحكم فيه ..
فهد : بس مع الايام كل شي بيتغير ..
**** : الله كريم
فهد : زين شو رايج اليوم نطلع ونتعشى برع .
**** بعصبيه : شو
فهد : خلاص عادي اطلع وياج ..وهالشي حلال ..وبعدين انا ماقلت بنتأخر بس بنتعشى مع بعض وبنرد
**** : اسمحلي ما اقدر اظهر وياك ..
فهد : زين باجر ؟
**** : والله بشوف اي يوم أفضى ..والحينه عن اذنك بروح عند امي اوكي
فهد بضيق : اوكي ..على راحتج..
**** : مع السلامه ..
فهد : بحفظ الله

فهد ما توقع ان **** تكون بهالجفاء وكان متضايق ..
الريم دخلت على فهد وبازعاج
الريم وهي تفتح الباب فهووووووووود..
الريم شافت اخوها ماسك الموبايل وهو قاعد على السرير ومتضايق..
الريم راحت عند فهد وقعدت عنده : فهد شو بلاك .. شو ما كلمت **** ؟
فهد رفع راسه وبصوت كلها حزن : بلى كلمتها
الريم : كللمتها وانت بهالحزن ؟؟ليش شو صار
فهد : احس انها قاسيه شوي معايه ما تعبرني ولا كاني صرت زوجها .. ويوم قلت لها اني ابى اطلع وياها على الاقل نتعشى برع رفضت ..
الريم : لازم يكون موقفها جذي ..انت اصبر عليها ولا تنسى انها اول مكالمه بينكم بعد عقد قرانكم طبعا .. وانت تعرف سبب قساوتها .فهد بحزن : يعني بتم جذي طول حياتها
الريم : شوف فهد انا بالبدايه قلت لك انت الحب بيكون من طرف واحد بس انت عاندت ووافقت على هالشي..
ففهد : بس ما حسيت اني بتضايق جذي
الريم : انت والله مكبر السالفه ..وانا متاكده انك بتغير **** وبتخليها **** القبلانيه باخلاقك وشخصيتك ورقة قلبك واكيد حبك الكبير لها وويمكن بتحبك اكثر من حبك لها
فهد بابتسامه استهزاء : مستحيل حد يحب شخص مثل ما انا احبها .. وانا راضي بجزء من هالحب ..اهم شي ما طنشني

الريم : لا افا عليك اخويه .. كل شي راح يتغير ..بس انت عاد اصبر عليها .. مب من اول يوم تبى كل شي يتصلح
فهد بابتسامه حلوه : ان شاء الله خير .. وان شاء الله اقدر اسعد **** واخليها تحبني ..وتسلمين يا اختي الغاليه على وقوفج الدايم بمحنتي
الريم بابتسامه رقيقه : افا عليك اخوي ..لا تقول جذي ..نحن اخوان قبل كل شي وانا من لي غيرك اقعد واسولف وياه ..انت اخوي وابوي وامي وكل شي ..
وهني ادمعت الريم تذكرت والدينها .
.فهد يرفع راسها: لا يالريم ما ابيج تضعفين ..الله يخليج لي ..وربي يرزقج بزوج صالح يعوضج عن كل شي ..
الريم : الوالدين عمرهم ما يتعوضون يا فهد
فهد : صح واكيد هالشي .. بس يوم تحبين يالريم باخلاص وصدق ..تحسين شوي بالراحه والاطمئنان وتحسين بروعة هالحياه
الريم : وانا اشهد على كلامك والدليل انك حاولت تتخطى المك لامي الله يرحمها من يوم حبيت ****
فهد : بس ان شاء الله **** تحس بهالحب ..

يتبع
نوره بغرفتها قاعده تكتب شو لازم تشتري حق زهبتها لان ما باقي على عرسها الا شهر تقريبا وهي تحاتي كيف بيكون عرسها ..
وهني اتصل فيها عبد الله ..وطبع استانست نوره يوم شافت رقم عبد الله لانها تعلقت فيه بشكل كبير وايد ..
عبد الله : الو يا مرحبا باغلى انسانه عندي
نوره حاطه القلم بفمها وبخجل : يا هلا فيك يا الغالي
عبد الله : شو اخبار الحبيبه اليوم
نوره بكل رقه : تمام الحمد لله وانت شو اخبارك
عبد الله : بخير الله يعافيج .. ها شو تسوي الحلوه ؟
نوره استحت تقول شو كانت تسوي : مممم ما شي كنت بغرفتي قاعده ..
عبد الله : اها .. زين وبعد اخبار اهلج
نوره : تمام الله يسلمك ..واخبار امك واختك مريم
عبد الله : هاي مريم من اول ما تزوجت ونحن ما نشوفها الا مره بالشهر ..وتعرفين بعد من يوم يابت ولد ..ما تحصل وقت المسكينه اتي
نوره : تراها ساكنه بابوظبي ..وتعرف الدر ب
عبد الله : هي والله
عبد الله : اقول نوره
نوره : هلا
عبد الله : شو رايج نطلع اليوم
نوره : ممممممممممم ( بدلع ) وين ؟
عبد الله : نروح بحر الممزر وبعدين نتعشى برع
نوره : ما دري بكلم الوالده
عبدالله : الحينه انا ريلج وكلمتي اللي تمشي
نوره : بس لا تنسى اني قاعده ببيت اهلي ..
عبد الله : زين قوليلها ما بتأخر اكثر عن ساعتين
نوره : خلاص بكلمها ان شاء الله وبرد عليك
عبد الله : اوكي ..وحني عليها تراني مشتاق اشوف الحلوه
نوره ويها احمر وسكتت ..


نوره راحت عند امها قالت لها انها بتطلع ويا عبد الله.
الام : زين يا بنتي بس لا تتاخرين وايد
نوره : الا هي ساعة زمان وتشوفيني موجوده في البيت
الام : على خير ان شاء الله
نوره : اقول امايه
الام : خير يا نوره
نوره : شو عن ملجة هند
الام : توهم مخطوبين
نوره : هيه بس متى الملجه ؟
الام : والله يمكن نخليها بعد زواج **** يعني بعد 3 اشهر ..
نوره : مب بعيده
الام : عيل متى تبين
نوره : خليها بعد عرسي على طول والعرس بعد 4 اشهر ..لين تعرف عنه ويعرف عنها اهم شي الملجه شوي تكون طويله يعني اطول من ملجتي
الام : ليش
نوره : عشان نعرف عن الريال اكثر ونعرف طبعه وتصرفاته ..ولا تنسين انه قبل كان راعي بنات وما فينا نتوهق ..
الام : بس يوقولون تاب
نوره : وما عندنا دليل ..عشان جذي خلا شوي الملجه تكون على الاقل 4 اشهر
الام : ان شاء الله خير بكلم امه اليوم وبشوف شو يقولون ..


هند وهي بغرفته تكلم ربيعتها منى اللي من زمان ما كلمتها عشان تهديد..
هند وهي طايره من الفرح لانها خطيبة حبيبها سالم .
منى : زين عيل يالقاطعه اتصلتي
هند وهي منسدحه على السرير : بعد تعرفين اختي وحركاتها
منى : وشو تغيرالحينه
هند : قبل كانت تقول يمكن تاثرين فيني وماعرف شو ..بس الحينه خلاص انا مخطوبه يعني اعرف شو اسوي
منى : تصدقين استغربت يوم عرفت انج انخطبتي من سالم
هند وهي تلعب باصابع شعرها وبدلع : ليش هو يقدر يشوف وحده بجمالي وبأناقتي وما يتزوجني ..واصلا انا ما كلمته الا لاني اعرف انه بيتزوجني ..
منى كانت مستغربه لانها تعرف ان سالم لعاب وايد وما توقعت هالشي : زين يالله بالبركه ومتى العرس
هند : وييييييييييييييه ..قولي متى الملجه
منى : ليش مب محددين
هند : لا والله بعدنا ..تصدقين يا منى احس اني بحلم واخيرا باخذ الانسان اللي دخل خاطري واللي خلاني ما ااعرف الا اسمه..
منى من غير خاطر وبغيره : زين تستاهلين
هند : تسلمين حبيتبي وكل الشكر لج لانج عرفتيني على سالم
منى : لا افا عليج انا قلت لج سمعي كلامي وما بتخسرين
هند : صدق والله ما خسرت ..

الريم بعد ما شافات حالة اخوها كسر خاطرها وقالت انها يمكن تكلم **** وتتفاهم وياه
الريم راحت عند **** وشافتها لابسه تبى تطلع ..
الريم : اوه **** بتطلعين ..السموحه ما اتصلت فيج ..بس كنت ماره وقلت بسلم عليج
**** وهي رايحه عند الريم..مسكت ايدينها : لا افا عليج حبيبتي حياج الله تفضلي
الرريم : دام فضلج يا **** ..وما باخذ عن وقتج الا دقايق
الريم /: لا تقولين جذي ..خذي الوقت كله انتي الريم الغاليه
الريم بابتسامه : تسلمين كلج ذوق يا **** ..شو وين الحلوه رايحه ؟
**** : والله بروح بيت خالتي ..عازمتنا اليوم
الريم : اها ..**** ابي اقولج شي
**** بضيق: اعرف شو بتقولين يا الريم .الله يخليج انسي السالفه
الريم : ما اقدر ..شفت اخوي تضايق بعد ما كلمتيه
**** : والله والله مب بايدي كل ما اسمع صوته او شاوفه اتذكر كل شي
الريم : بس خلاص هو زوجج وبيكون لج للابد يعني انسي خالد.
**** بينها وبين نفسها : منو قال بكون وياه للابد
الريم : شو قلتي يا ****
**** : ها لا مم مما شي ..بس اقول الله كريم ..وهالشي مب بايدي والحب ما نقدر نتحكم فيه
الريم : صح بس ..تقدرين تتحكيم بعصبيتج وبقسوتج شوي
**** : ماعرف يالريم شو اقولج
الريم : خلاص ما باقي الا شهرين وبتعيشين وياه بالحلوه والمره ..ولازم تقتنعين بهالشي
**** كان عندها امل انها بهالفتره تخلي فهد يمل منها عشان تنفصل عنها قبل عرسها واكيد هاي فكرة خالد اللي اقنعها ..

وبعد كلام الريم ..**** ظهرت بيت خالتها ..وما عطت اهميه لكلام الريم لانها مقتنعه باللي تسويه ..

اما خالد فكان عنده امل اكبر ان **** تنفصل عن فهد وقرر انه ما يتزوج الا **** ..




هل صدق فهد بيمل من تصرف **** وقسوتها وبينفصل عنها وبنتعيش **** ويا خالد؟؟
*هل خالد بينتظر **** العمر كله ؟؟
*هل **** بتحن على فهد وبتشفق عليه .. ولا بتحاول انها تنفصل عنه ؟
*هند وسالم شو اللي ينتظرهم ؟ ومنى بعد بتخرب وبدمر حياة سالم وهند؟

واحداث كثيره مع عبد الله ونوره ومحمد وشيخه والريم و**** وفهد وخالد ..

كونو بالانتظار

بعد ما راحت **** ويا امها بيت خالتها ام خالد الكل كان يترياهم وبالذات خالد اللي كان متخبل يشوفها لانه من مده ما شافها ..
**** بعد ما دخلت الصاله الكل سلم عليها لانهم صدق مشتاقيلها و**** كانت مستانسه باستقبالهم ..

ام خالد وهي ماسكه ايدين **** : وينج يا بنتي صدق لج وحشه .
نوره تغمز ل**** : هاي وهي توها مالجه وما تبين ..لو معرسه متى بنشوفج ..
**** اتضايقت ونزلت راسها وما قالت شي ..
اما خالد فكان معصب والعصبيه مبينه في ملامحه ..
خالد وهو يبتسم ل**** : **** شحالج ..صدق من زمان ما شفناج
**** بخجل : والله الظروف
ام خالد : لين متى بتمون واقفين تعالو يلسو ..
الكل يلس ونظرات خالد ما ما تفارق **** ..اما **** فهي تحاول تتجنب نظراته بس قلبها طبعا يدق بسرعه لان خالد موجود معاهم ..
****
اما فهد فهو استغرب لانه **** ما تصلت فيه ولا اعتذرت لانها لغت يوم ظهورهم ..واتصل فيها ..
**** تشوف الرقم ويوم شافت رقم فهد طنشت وخلت الموبايل في الشنطه ..
نوره لا حظت هالشي : **** ليش ما تردين
**** بتوتر: ها ..لا ..مب متفيجه ارد
هند بدلع : لا يكون حبيب القلب ريلج وانتي تستحين تكلمينه جدامنا .
**** انحرجت صدق.
خالد شاف نظرات حقد لهند وبعصبيه : هند بلا حركات
هند خافت من نظراته : شوووووووو انا ما قلت شي ..
نوره مسكت ايدين **** وسحبتها : **** تعالي بقولج شي
**** ونوره قامو من مكانهم: عن اذنكم
خالد يشوف **** وهو سرحان فيها ومنقهر لانها ضاعت منه ..

نوره وهي بغرفتها بعد ما قعدت **** .
نوره : **** بلاج ليش هالحزن كله ..
**** والحزن مالي عيونها : تعرفين شو فيه
نوره : زين شو صار بملجتكم ..مرت الحينه تقريبا اسبوعين على ملجتكم شو ظهرتو ويا بعض كلمتو بعض ما صار شي
**** : لا ولا شي ما اكلمه الا مره في اليوم وهو اللي يتصل فيه بعد مب انا
نوره فتحت عيونها : مره وحده بس غريبه
**** : انا مب متفيجتله اصلا
نوره : بس ما باقي شي على عرسج الا شهر ونص يالله اتجهزي ما باقي شي
**** : انتي اللي تجهزي ما باقي على عرسج الا اسبوعين ان شاء الله
نوره بتوتر : هي اتصدقين اني ميته خوف وتوتر ما عرف شو اسوي
**** : شو خلصتي تجهيزاتج
نوره : تقريبا الفستان جهز وباقي اشياء عاديه ..
رن موبايل **** مره ثانيه وبعد ما ردت لان المتصل هو فهد .
نوره : **** منو اللي يتصل فيج
**** ما قالت شي
نوره : فهد صح ؟
**** : هيه فهد وانا ما ابي ارد عليه والله يخليج لا تقولين ردي عليه وحرام وماعرف شو ..
نوره ماعرفت شو تقول : على راحتج
أما فهد معصب على اخر يتصل في **** وماترد عليه وهو يحليله خايف عليها .
الريم راحت تدور على فهد ولا تشوفه ماسك الموبايل واقف ومعصب ومتوتر ..
الريم وهي مستغربه : فهد شو فيك ؟؟
فهد : اتصل في **** من الصبح وهي ما ترد عليه اخاف صاير لها شي.واتصل على غرفتها وبيتهم بس محد يرد
الريم : بس **** محد اصلا
فهد فتح عيونه : محد وين سارت
الريم : راحت بيت خالتها
فهد بعصبيه ويه محمر من القهر: بيتكم خالد ..( بصريخ ) وليش ما تقولي كاني مب ريلها ولازم تقولي
الريم خافت : بس بس اخويه هي ماراحت مكان ...يعني بين الاهل
فهد : بس بعد لازم تقولي شو لا يكون مب معتبرتني زوجها ..
الريم تحاول تهدي فهد : فهد الله يهديك هد اعصابك
فهد يضرب بايده على الوساده : قهر والله قهر ..احس انها ما بتبادلني الحب يالريم
الريم : انت من الينه ومليت
فهد : ماعرف شو اسوي عشان اراضيها
الريم : البنت يا اخوي تحب الكلام الحلو والمعامله الطيبه والاحترام .فهد / والله بعطيها الل يتبى بس هي ماتعطيني فرصه اكلمها ولا اتغزل فيها ولا تباني اظهر وياها كيف تبيني اغيرها كيف ؟
الريم : معلي يا اخوي كل شي بيتم على خير


بعد ما ظهرت **** من عند نوره ..الكل راح يتعشى في الميلس و**** تبى تدخل الميلس بس شافت خالد واقف في الصاله يترياها
**** منزله راسها تستحي وتبى تمر ..
خالد بصوت واطي عشان محد يسمعهم : **** ****
**** رفعت راسها وبخجل : هلا يا خالد خير
خالد يصد يمين يسار عشان يشوف اذا حد موجود : شو سويتي عن سالفتنا
**** : والله ماعرف شواقولك بس انا مثل ما وعدتك والله اني اجافيه بس ماعرف شو اسوي اكثر
خالد : وهو ما عصب ولا قال شي ..
**** : لا والله هو هادي بس اكيد بيمل ..
خالد وهو يتأمل عيون **** : **** حاولي تنفصلين عنه عشانا يا **** ما اقدر بدونج والله بموت بدونج
**** استحت ما عرفت شو تقول كل اللي سوته انا راحت عن خالد وقلبها يتالم اكثر وبقلبها تقول ( بحاول اكون جاده وقاسيه عشانك يا خالد )..

...............................

بعد ما قعدت **** وياهم واستانسو راحت البيت وعلى طول راحت غرفتها لانها كانت تعبانه ..
وهي متسانده على السرير وحاطه ايدينها خلف وتفكر بكلام خالد ..رن تلفون غرفتها وشلت من غير نفس ..
فهد بعصبيه : الحمد لله على السلامه
**** من غي نفس : الله يسلمك
فهد : ما بغيتي تردين ليش ما تدرين عليه يا انسه ****
**** مستغربه من اسلوب فهد : والله كنت مشغوله عند بنات خالتي
فهد : ويعني ما يستوي تردين وبعدين ليش ما قلتيلي انج طلعتي
**** بجديه : وليش انا ردت مكان غلط ومب لازم اقولك على كل شي انا واعيه واعرف شو اسوي ووين اروح
فهد : بس انا زوجج ومن حقي اعرف طلعاتج حتى لو بيت خالتج
**** : والله ما اقدر وين ما اروح اتصل فيك اسمحلي ما تعودت
فهد خلاص معصب بس حاول يهدي عمره عشان حبه الكبير : **** لين متى بتكونين جذي
**** : والله اذا مصر تباني ترى اوقلك انا مابتغير
فهد :انا لين اخر حياتي ابيج وحتى لو تجافيني راضي بهالشي لاني احـبج .
**** يالها احساس غريب يمكن لانها سمعت كلمه احبك وصدق استحت ..
فهد : **** بحاول اسوي المستحيل عشان تحبيني بس انتي عطيني فرصه
**** تذكرت وعدها لخالد ولازم تكون قاسيه : والله هالشي مب في ايدي.
فهد : الله يهديج يا **** ويغيرج
**** : الله يهدي الجميع
فهد : صح تذكرت **** انتي تبين نحن نعيش في بيتنا ولا ..لان مثل ما تعرفين الريم بروحها ..وانا حاط لج الصاله اللي فوق كلها حقج والريم غرفتها بتكون تحت شو رايج
**** : عادي عندي ...
فهد : زين وين تبين شهر العسل عشان من الحينه احجز ..
**** بضيق: ماعرف كيفك ..ولو انتم هني بعد احسن
فهد اتفاجئ وحس بالحزن : ما يستوي شو تبين الناس تقول عنا
فهد : شو رايج نروح فرنسا اسبوع بعدين بلجيكا اسبوع وبعدين مممممممممممم سويسرا اسبوع و النمسا اسبوع
**** : بل بل شو تبى نسافر شهر مستحيل
فهد : وليش
**** ادور على حجه : ما اقدر اسافر بعيده عن امي اكثرمن اسبوعين
فهد : خلاص بخليها اسبوعين
**** : مب وايد
فهد خلاص شوي يبى صدق يتضارب وياها : **** اسبوعين وايد ..
**** : خلها تقريبا 10 ايام وبس
فهد : بس ابي اوديج وايد اماكن
**** : انا شايفه نص اوربا
فهد : خلاص على راحتج
**** : عن اذنك الحينه بروح انا م
فهد : خلاص حبيتي ..اقدر قولج تصبحين على خير يا اغلى حبيبه بحياتي يا....
**** تقطع كلامه عشان ما يتغزل فيها اكثر : يالله فهد باي
فهد حس بالاحراج : خلاص مع السلامه

فهد حس باقهر حس كان سجينه تقطع قلبه ويقول لنسه : معقوله يا **** صرتي قاسيه جذي ...( رافع ايدينه للسماء ) يارب خل **** تبادلني ولو بجزء من الحب يارب اسعدنا ..

**** تضايقت من تصرفاتها ويا فهد بس ما في ايدنها اي حل عشان تخلي فهد يمل منها وكانت واثقه انه فهد اكيد بيمل لان محد يقدر يستحمل تصرفاتها ..



*************************


محد طبعا بعده مصر على الريم وهو فرحان لان شيخه راح ترفضه لانها فهمته بس هو يفكر كيف يقنع امه ان شيخه خلاص ما بتكون له وانه مصر على الريم وطبعا اكيد مخطط عدل بعد اسابيع وكله عشان الريم والريم ماتعرف بحب محد الكبير ..

وفي الفطور.
محمد وهو يشوف امه : امايه ..
الام : هلا يا محمد
محمد : ابويه وينه من كم يوم ما شفته
محد طبعا بعده مصر على الريم وهو فرحان لان شيخه راح ترفضه لانها فهمته بس هو يفكر كيف يقنع امه ان شيخه خلاص ما بتكون له وانه مصر على الريم وطبعا اكيد مخطط عدل بعد اسابيع وكله عشان الريم والريم ماتعرف بحب محد الكبير ..

وفي الفطور.
محمد وهو يشوف امه : امايه ..
الام : هلا يا محمد
محمد : ابويه وينه من كم يوم ما شفته
هيفاء بدلع وحقد : زين ما راويتينا صورة خطيبج اللي من الصبح تمدحين فيه ..
هند ماسكه شنطتها وبفرح وبحسن نيه : لا بلى يايبه صورته اصلا ما اقدر ما اشوفه ..
هند وهي تطلع صورة سالم وعطت لهيفاء الحقوده عشان تشوفه وطبعا محد كان غير هيفاء ومنى وزميله وياهم والباقي قاعدين ياكلون ..
هيفاء يوم شافت الصوره استغربت وابتسمت ابتسامة استهزاء ..
هند استغربت من ابتسامتها : بلاج هيفاء شو الصوره فيها شي يضحك
هيفاء وهي حاطه ايدها على شفايفها وباستهزاء هاللي تموتين عليه صدق ما عندج سالفه
منى : ليش شكله مب حلو يعني
هيفاء : اصلا هذا من سنه تقريبا كان يغازلني ويكلمني بعد بس انا ودرته لاني مليت منه ومن كثر ما يجذب ويقص عليه ..
هند حست كان احد طعن بقلبها : شو هاي غشمره يديده يا هيفاء
هيفاء وهي رافعه حواجبها : والله ليش اتغشمر يعني ..كنت اكلمه وهوكان ميت بس عشان يكلمني وانا قلت بكلمه بشوف شو يبى مني ولا اشوف صدق معجب فيه ومتخبل عليه وانا ما ألومه حد يقدر يشوف جمالي وما يتغزل فيه
منى : وانتي ما صدقتي
هيفاء : عدال عاد عليج يا منى ..لا تخليني ارمس تراج مب مقصره تاخذين الهدايه منهم ..
منى استحت وما قالت شي
اما هند فالدموع سالت على ويها وحست بالقهر والضعف وعلى طول اتصلت في الدريول عشان ياخذها ..
منى تحاول تواسيها : هند لا تصيحين اكيد هي تتغشمر
هند وهي تمسح دموعها : اخوي قالي انه راعي سوالف بس ماعرفت لهالدرجه ..خدعني خدعني
منى : لا لا اكيد هو يحبج ..بس عاد لا تصيحين
هند : ابي اروح البيت عشان اتكلم وياه واتفاهم وياه ..



هند بعد ما وصلت البيت على طول راحت غرفتها وهي ميته من الصياح وطبعا شافتها اختها نوره لانها كانت يايه من السوق ..
نوره تدق الباب : هند هند بلاج ليش تصيحين هند فتحي الباب
هند منقهره وهي متسانده على السرير ومغطيه ويها من الصياح ..
نوره : هند شو فيج
هند ما تبى تقول لنوره لين ما تتاكد وعشان محد يشمت فيها : ما فيني شي خليني بروحي
نوره : زين شو فيج
هند بصريخ : نوره الله يخليج قومي عني ..خليني بروحي
نوره استغربت وخافت على اختها العنيده بس عرفت ان هند ماراح تفتح الباب لانها معصبه ..

اما هند فتمت طول الليل تصيح وما قدرت تكلم سالم لانها قررت تكلمه بيوم ثاني وبهدوء اكبر عشان يقدرون يتفاهمون ..
هند بعد ما سمعت كلام هيفاء عن سالم حست بالقهر بالذات لانها واثقه تماما في حب سالم وهي اصلا ما تعرف سالم وسوالفه وتمت طول الوقت تصيح وما تعرف شو تسوي ..

اما فهد مثل ما تعرفون ما قدر ينام الليل هو بعد من القهر اللي فيه ومن جفاء وقسوة حبيبته **** بس لانه يموت فيها حاول يستحمل ..

***************************
فاليوم الثاني ..
ما ظهرت هند من غرفتها لانها كانت مصدعه من الصياح وقررت تكلم سالم ..

نوره اول ما قامت من النوم راحت غرفة اختها هند لانها خايفه عليها ..وتمت ادق الباب بس هند ما فتحتلها فقالت في نفسها اكيد هند نايمه بعدها .. بس هند واعيه بس هي ما تبى تكلم بهالوقت غير سالم ..

هند وهي تمسح دموعها خذت الموبايل وراحت تتصل في سالم ..
هند وصوتها فيه نبره من الحزن والقهر : الو
سالم : هلا والله بالخطيبه الغاليه وينج من زمان ما سمعت هالصوت الحلو ,..
هند والقهر بقلبها : سالم ابي اقولك شي
سالم تفاجأ من نبرة صوتها ومن جديتها : خير شو صار
هند : سالم ابي اقولك شي بس قولي الصدق مهما كان
سالم في قلبه يقول ( كاني اكتشفت ) : اكيد طبعا وانتي تعرفيني اني صريح ..
هند : انت تعرف وحده اسمها هيفاء
سالم ما يتذكر الاسم من كثر ما عرف بنات : اي هيفاء
هند : هيفاء هي توها مخلصه الثانويه العامه ..
سالم يستعبط : لا ما اعرفها ليش شو صار
هند والدموع بعيونها : يوم روحت عند رباعتي البارحه هي قالت انها تعرفك وانك تعرفها وكنت تغازلها .
سالم توتر وحاول يقص عليها : انا مستحيل ...اصلا انا شو عرفني وهي كيف عرفت اني خطيبج وهي ما شايفتني
هند : راويتها صورتك وعرفتك .. (بعصبيه) انت تعرفها يا سالم
سالم : لا طبعا ما اعرفها هي تتجذب عليج
هند : وهي ليش تتجذب عليه شو مصلحتها اصلا
سالم بدى باللعب : اسمعي حبيبتي ..اول شي انا اعترفت لج اني اعرف بنات قبل بس ممب لهالدرجه وبعدين قلتلج اني ودرتهم كلهم عشانج ..وثانيا شي بنات من الغيره لانج انخطبتي قبلهم يحاولون يدمرون مستقبلج وفرحتج عشان جذي يطلعون اي جذبه ..صدقيني وايد


بنات جذي .. وانتي عاد لا تخلينهم يفرحون بدمار حبنا ..ولا تصدقين غير كلامي
هند ارتاحت : يعني معقوله من الغيره اتيب هالكلام
سالم : انتي اول رباعتج تنخطبين صح
هند : هيه
سالم : شفتي يعني التجربه عليج .وهي منقهره لانج صغيره وانخطبتي قبلها
هند : اكيد يا سالم انت ما تقص عليه
سالم : افا يا حبيبتي تشكين في حبي لج وصراحتي ....وانتي تعرفين اني صريح وايد وما اجذب عليج يا اغلى انسانه والايام بتبين هالشي..
هند للاسف صدقت هالشي وحست بالراحه : يعني الحمد لله طلع كل هالشي جذب وغيره والله انك ريحتني يا سالم
سالم : ابيج يا عمري كل ما تسمعين شي ما تصدقينه الا يوم تكلميني وتسمعين مني عشان ما يكون بينا اي زعل وضيق..
هند والابتسامه على ويها :/ ان شا ءالله ..واسمحلي لاني شكيت فيك مره ثانيه
سالم بخبث: لا عادي يا حبي ..وانا اعرف هذا دليل الحب والغيره
هند : اكيد طبعا ..والحينه عن اذنك بروح عند نوره لانها كانت تحاتيني
سالم :اذنج معاج ..بس لا تقولين عن ربيعتج ..تعرفين اختج يمكن تصدق وتخرب علاقتنا
هند : لا اكيد ما بقول لحد
سالم : يالله عيل مع السلامه
هند وهي مستانسه : مع السلامه

هند حست بالراحه بعد ما سمعت كلام سالم وصدقته طبعا لان كلامه كان معقول وهي تعرف غيره البنات في هالشي بس اللي ما تعرف ان سالم صدق راعي بنات وما تاب عن هالشي ..

هند وهي نازله من غرفتها ومستانسه وتغني ..
نوره في الصاله ويا امها ..نوره فاتحه عيونها مستغربه من فرحة هند لان البارحه هي متضايقه
هند وهي نازله من فول وفرحانه وراحت تحب راس امها ..
هند : صباح الخير يا احلى ام
الام : صباح الخير يا بنتي الغاليه
نوره فاتحه عيونها : انتي تخبلتي ولا شو ..البارحه انتي متضايقه ومسوتلنا سالفه واليوم فرحانه
هند : يعني الانسان ما يتغير بين يوم وليله وانا بنت اليوم
نوره : سبحان مغير الاحوال
هند : المهم يا العروس يالله بعد يومين عرسج ان شاء الله ..ها شو الاخبار عندج
نوره متوتره وايد : وي سكتي انا احاول انسى
هند : لا مفر لهذا اليوم

**** حست بالاحراج : يا اهلا
فهد : شو اخبار القمر عندنا اليوم
**** : الحمد لله بخير
فهد : **** بقولج شي بس قولي تم
**** : والله حسب الطلب يا فهد
فهد : طلب صغير وعادي واول مره اطلب شي
**** : والله وايد طلبت اشياء بس انت مب حاسس
(**** قصدها يوم فهد طلب انها تكون له وتنفصل عن خالد )
فهد ما فهم قصد **** : شو قصدج
**** : ولا شي
فهد : المهم أبي اظهر وياج اليوم عشان نتعشى ويا بعض لان نحن ولا مره من يوم ملجنا طلعنا ولا شفتج
**** : لا ما اقدر اظهر وياك بروحنا
فهد : بس انا ملجة عليج يعني انا اعتبر زوجج مب غريب يا ****
**** ادور حجه : هيه اعرف بس امايه ما تخليني اطلع وياك بروحنا
فهد : زين بناخذ الريم ويانا وما بنتاخر بس ساعه وحده على الاقل
**** : ما اقدر
فهد بحزن : **** الله يخليج لا تعذبيني اكثر
**** بخاطرها بعذبك مثل ما عذبتني انا وخالد: ما اقدر
فهد :اذا عن امج بكلمها واكيد بتوافق
**** ما تبى فهد يكلم امها لان تعرف ان امها بتوافق وبتعصب اذا **** رفضت لان ام **** ماتعرف بجفاء وقسوة **** لفهد وانها مب سعيده بحياتها : لا لا شو تقولها تبى تفضحنا
فهد : لا فضيحه ولا شي
**** عشان ما تكبر السالفه : زين بنظهر بس ويا الريم
فهد وهو طاير من الفرح : فالج طيب
**** : وما ابي اتاخر وايد بس ساعه
فهد: اوكي مع ان الساعه الوحده ما تكفي عشان اكحل عيوني بشوفتج بس احسن من ولا شي
**** بضيق: اوكي عيل بروح اخبر امايه
فهد : خلاص يا حبيبتي الغاليه ..وانا بروح اكلم الريم
**** : اوكي يالله باي
فهد : بااااااي

فهد كانت فرحته ما توصف راح على طول عند الريم وخبرها والريم تفاجأت لان **** وافقت ..بس قالت يمكن ان **** فكرت انها تتغير وكانت الريم فرحانه لسعادة اخوها ووافقت انها اتي وياهم .

اما **** فراحت عند امها عشان تقولها انها راح تطلع مع فهد ..
ام **** بغرفتها تقرى الجريده
**** تدق الباب : امايه يمكن ادخل
الام تصد للباب : تفضلي يا ****

**** بابتسامه وقعدت عند امها : امايه
الام : خير يا ****
**** بخجل ومنزله راسها : مممممممم اليوم بطلع انا ويا
الام : ويا نوره اكيد
**** : لا ويا ممممممممممم فهد
الام رفعت حواجبها استغربت لان تعرف ان **** ما تحب فهد : والله واخيرا ما بغيتو
**** : يعني انتي موافقه
الام : اكيد يا بنتي انا مب من الاهل اللي وايد متشددين ..وفهد عقد قرانه عليج يعني حلال تظهرين وياه ..بس حد بيكون وياكم
**** : هيه الريم ويانا
**** : يعني اذا الريم محد ما بتوافقين
الام : لا مب جذي بس سالت
**** : هي الريم ويانا وبنظهر اليوم بس ما بنتاخر بس ساعه وحده ..
الام : بحفظ الله ان شاء الله والله يسعدج يا بنتي .
**** : امين يارب ويخليج لي يا امي الغاليه ..
الجزززء الحادي والعشرين

اما في بيتكم شيخه بنت عم محمد ام محمد اتصلت في ام شيخه عشان تطلب ولدها لبنتها واكيد ام شيخه رحبت في هالشي لان من الصغر هم لبعض بس هم ما يعرفون اللي بقلب كل واحد منهم ..

شيخه وهي قاعده تذاكر دخلت عليها امها .
شيخه تشوف امها سرحانه وكانه في خاطرها شي
شيخه ودرت الكتاب اللي في ايدينها : امايه شو فيج
ام شيخه : ها ولا شي بس ابي اتكلم وياج في سالفه مهمه
شيخه كانها حست ان شي يخصها ويخص محمد وتوترت : خير امايه
الام قعدت عندها : يا بنتي انتي مثل ما تعرفين انج لولد عمج من الصغر فام محمد اتصلت وبغتج لولدها واذا وافقتي راح يكون كل شي رسمي
شيخه منزله راسها ومتضايقه وما تعرف شو تسوي : بس هذا قبل من الطفوله ومحد الحينه يا امايه يفرض الزواج غصب صح
الام : اكيد يا بنتي مستحيل ازوج غصب نحن ما عندنا هالعادات بس ما اعتقد ان محمد شي يعيبه هو ما عليه قصور واخلاقه دوم عاليه والكل يمدح فيه
شيخه : اكيد يا امايه بس مب يعني اذا رفضنا حد يعني يكون فيه عيب ومحمد اكيد ماله عيب ولا قصور
الام : من كلامج كانج رافضه
شيخه عشان ما تنكشف : لا لا مب جذي ..بس انا بصلي استخاره وبشوف ..والاهم انا نكون اهل
الام : اكيد طبعا بس انتي فكري عدل ..ترى ما بتحصلين احسن من محمد ولد عمج


شيخه : ان شاء الله يا امايه انا بفكر عدل
الام : وابوج بفرح بزواجج مع ولد اخوج
شيخه ما قالت شي ..وهي تحاتي ان رفضها يكون نتيجه تففك العايله ..

اما محمد فهو اكثر خوف وتفكير وما كان عليه الا الدعاء..


اما **** فتلبست مع انها كانت لبسها بسيط لهاليوم لانها ماكانت متفيجه لهالظهره ..بس طبعا لان جمالها طبيعي وهي ما خلت وايد مكياج بس كحلت عيونها وخلت لمعه بسيطه على شفاتها يعني خلت شكلها طبيعي بس كانت قمر ..

اما فهد فما قصر بهاليوم لبس احلى لبس وتكشخ وهو يعدل غترته(شماغ ) دخلت الريم وتشو فهد وهو يعدل عمره جدام المنظره ويغني
فهد وهو يغني ( من قدنا في فرحنا ..من قدنا يا بختنا ..ممممممممممممم )
الريم وهي متكشخه بعد : يا سلام على الصوت الحلو
فهد وهو يبتسم : احم احم
الريم : الصراحه طالع اليوم قمر قمر قمر يا اخوي ..
فهد : اشكرج على المدح يا اختي
الريم : وربي ما اجامل ماشاء الله عليك يا بخت **** عليك اصلا هي لازم ما تشوف حد ..لان عندنا اوسم واحد في العالم
فهد : اف اف اف وايد تبالغين
الريم : ابالغ شوف البنات كيف يبحلقون ..بس والله انت و**** لو يبتو عيال بتيبون احلى عيال في العالم لان الام حلوه والابو بعد يخبل ..
فهد : كلج ذوق يا اختي وانتي بعد جمالج ملحوظ
الريم : زين يالله بسرعه تاخرنا
فهد وهو قاعد يتسبح بالعطر ..
الريم تكح : اح اح اح ..ذبحتنا بالعطر ..
فهد : احلى يوم عندي لازم اتكشخ ..هاليوم اللي كنت احلم فيه
الريم : عسى الله يسعدك
فهد : تسلمين يا اختي
وبعد ما **** وفهد والريم تلبسو وكان فهد بمنته الفرحه لان اول مره **** تطلع وياه وصدق صدق كان فرحان .. المهم بعد ما وصلو بيتكم **** اتصل فيها وقالها ترى نحن برع نترياج **** لبست عباتها وشيلتها وطلعت اما فهد فهو وقف عند سيارته عشان يستقبلها ..
**** ظهرت وشافت فهد واقف عند سيارته وهو بكامل زينته صدق كان وسيم وريحة العطر فايحه لين بيتهم ..**** استحت بعد لانها اول مره تطلع ويا واحد ..
فهد بابتسامه : يا سلام شو هالجمال كله يا **** صدق تخبلين ..
**** وهي محرجه : وين الريم
فهد : الريم في السياره قلت لها ما تطلع عشان اعرف كيف امدح فيج
**** تبى تركب وراء ..
فهد مسكها: وين وين
**** وهي مستغربه : بركب بعد شو
فهد : ركبي جدام ترى انتي مرتي ما يستوي الريم تركب جدام وانتي زوجتي تركبين وراء
**** بتكبر: يوم بيكون زوجتك نهائيا بعدين بضر اني اركب جدام بس الحينه ابي اركب وراء
فهد بحزن : بس ****
**** وهي حاطه ايدينها على بعض : شوف اذا ما تبى عادي مب لازم نطلع
فهد حس بالضيق وايد بس لانه يباها فاستحمل : خلاص عيل ركبي وراء على راحتج
الريم ظهرت من السياره وسلمت على **** ..
الريم وهي مستغربه : سارروه ما بتركبين جدام
**** بجديه : لا يالريم انتي ركبي يالله تاخرنا
الريم هرفت قصد **** وما علقت على شي..
بس فهد ما يفوت شي تم يشوف **** من المنظره اللي جدام وتم يشوفها وهي ولا تعرف ..
فهد : **** وين تبينا نروح ؟
**** من دون خاطر : على كيفكم
فهد : يعني مب في خاطرج مكان معين
**** لا عادي
الريم : شو رايكم نتعشى برع وبعدين نروووح ممممم
فهد : بعدين نروح صوب البحر يا سلام روعه
الريم : يا حبك يا اخوي للبحر
فهد : سكتي سكتي عادي اكون بحار من حبي للبحر
الريم : **** تعرفين ان اخويه عشقه وموته البحر
**** : مبين عشان جذي اول ما فكر يتضارب ويا خالجد اختار البحر .
فهد حس بالضيق لان حتى وهي وياه تفكر بخالد بس ما قال شي..

بعد ما وصلو لافخر واحسن المطاعم في دبي واختار فهد مكان للعوايل ..
اختار مكان عشان يجابل ****
فهد وهو يالس يتأمل في ملامح **** ويقول بخاطره : ااااه يا **** صدق تسحرين القلب قبل العين والله انج قمر
الريم تشوف فهد سرحان ب**** و**** منزله راسها .
الريم تدق على الطاوله : ايه ايه فهد شو ما تبى تعشينا ولا يايين بس عشان نتامل ..
فهد ضرب ايد الريم ويقولها بصوت واطي : سكتي فضحتيني
الريم تضحك :هههههههههههه
**** رفعت راسها : بلاج يا الريم
الريم : ها ...ممم ...ولا شي بس تذكرت شي
فهد : شو تطلبين يا ****
**** : على كيفكم
الريم : شو كله على كيفنا وكل مره يوم اتين المطعن تتحرطمين وتتشرطين
**** : اليوم مب متفيجه
الريم تضحك :هههههههههههه
**** رفعت راسها : بلاج يا الريم
الريم : ها ...ممم ...ولا شي بس تذكرت شي
فهد : شو تطلبين يا ****
**** : على كيفكم
الريم : شو كله على كيفنا وكل مره يوم اتين المطعن تتحرطمين وتتشرطين
**** : اليوم مب متفيجه
فهد تأكد ان **** مغصوبه عليه وان لين الحينه ما تكن له اي مشاعر بس ما يقدر يقول اي شي لانه طبعا هو المسؤوول عن كل شي.
فهد : شو رايكم نطلب اكلات بحريه ترى هالمطعم مشهور باكلاته البحريه
الريم: واااااااااااااااااو لذيذ
فهد : ها **** وافقتي
**** : انا الصراحه ما احس بيوع بس ابي سلط
فهد بعصبيه : **** عاد كلي اي شي جاملينا على الاقل
**** : خلاص ابي اي شي المهم انا ما نتاخر
الريم قلبها عورها على اخوها فهد لانها تاكدت هي بعد ان الحب لين الحينه من طرف واحد وخافت ان **** ما تسعد اخوها وان اخوها يتم بضيق وحزن طول حياته بس هي طبعاما تقدر تلوم **** لان تعرف **** كيف كانت تتمنى ايي اليوم وترتبط بخالد ..

بعد ما تعشو وخلصو .
فهد : الحمد لله صدق الاكل كان لذيذ واللي محلي المكان كله وجود ****
**** ما قالت شي يمكن حست بالاحراج
الريم : زين الحينه وين بنروح
****: طبعا البيت بعد وين ..؟
فهد : لا يا**** تو الناس بعد الساعه 9 .. بس بنروح البحر بس دقايق وبعدين بوديج اوكي
**** ما تبى اتم : بس انا وعدت امي اني ما اتاخر
الريم : بس نحن بس كملنا اقل من ساعه يا **** يعني ما تاخرنا يالله **** خلا نروح البحر روعه بالذت الحينه الجو روعه
**** ما قدرت تقول شي: اوكي خلاص
وقبل ما تقوم راح بسرعه فهد وسحب الكرسي بكل ادب عشان تقوم ****
الريم بابتسامه : يا سلام على الفلم الهندي
**** ما قدرت تعلق على شي لان فهد بمنتهى الادب والحنان ..

المهم بعد ما طلعو من المطعم راحو البحر المكان المفضل لفهد
فهد والريم و**** واقفين عند البحر
فهد يستنشق الجو وصاك عيونه مستانس
**** تذكرت خالد على طول لان بهالمكان صارت الضرابه
الريم عشان تخلي **** وفهد يتكلمون على راحتهم: فهد انا بروح شوي عند هذيج الحرمه
فهد يدور : اي وحده
الرمي : هذيج اللي تبيع المكسرات هناك ..
فهد : الريم يمكن حد من الشباب يمر صوبج
الريم : لا لا تحاتي دقايق وراده
فهد ماعرف قصد الريم : خلاص اوكي بس لا تتاخرين
فهد صد ل**** ويبتسم : ****
**** صدت لفهد وقلبها تم يدق بسرعه لانها واقفه ويا فهد بروحهم وحست بالاحراج ..
فهد : تعرفين يا **** انتي مثل شو
**** : ساكته
فهد : انتي مثل اللولو اللي في البحر
**** بتعجب : الولو ليش؟
فهد : مب اللؤلؤ في اعماق البحر


فهد : مب اللؤلؤ في اعماق البحر
**** : زين وشو يخصني انا
فهد : مثل ما اللولو في اعماق البحر انتي بعد بأعماق قلبي محد يقدر ايي مكانج يا ****
**** نزلت راسها واستحت من كلام فهد لان فهد رومانسي وايد واول مره تسمع هالكلام
فهد : **** انتي غاليه عليه وايد صدقيني والله انج الوحيده اللي حبيتها ..وبحاول اسعدج طول حياتج بس انتي عطبيني فرصه ولا تجافيني
**** / ما قالت شي.. وتذكرت وعدها لخالد انها تكون قاسيه على فهد وانها ما تضعف ..ولان **** يمكن لانها ما تحب فهد فهي ما حست بروعه كلام فهد ولو وحده ثانيه اكيد بتفرح ان زوجها يحبها هالحب كله ..
**** : زين يالله نروح تاخرنا
الريم وصلت: شو تاخرت عليكم
فهد : والله نسيت انج ويانا
الريم: بل بل بل صدق ما تستحي على ويهك نسيت اختك بعد
فهد يضحك..
الريم : ما تنالم والله قول زين ما نسيت عمرك
**** حست بالاحراج : يالله نروح
فهد : على امرج حبيبتي
الريم رافعها ايدينها للسماء : يارب احصل واحد يحبني مثل حب فهد ل**** او جزء من هالحب يارب ..
فهد: والله ما تستحين جدامي وتدعين بعد
الريم : يعني ما اتمنى.

مسكينه الريم ما تعرف ان في واحد متيم في حبها ويسوي المستحيل عشان يرتبط فيها بس هي خبر خير..

بعد ما انتهت الظهره ..فهد كان ميت من الوناسه مع ان **** ما بادلته بالمشاعر بس كان مستانس لانه قدر يعبر لو شويه عن حبه الكبير ل**** ..
اما **** فيمكن تاكدت ان فهد متيم في حبها بس طبعا ماراح تتنازل عن حبها لخالد ..لان خالد بقلبها من الطفوله.

وياهاليوم اللي الكل ينتظره اللي هو عرس نوره لعبدالله ..الكل كان مستانس لان نوره غاليه على الكل وتستاهل كل خير وسعتدة عبدالله بعد غير لان نوره دخلت خاطره

من البدايه وزاد حبه يوم ملج عليها لان عرف ان نوره تتمتع باجمل الاخلاق..
نوره كانت متوتره وايد وفستانها كان بمنتهى الروعه كان يمتاز بالبساطه بس كان كلاسيك وحلو ومكياجها كان ناعم وكان لونه على درجات الذهبي وكانت حلوه ..و**** طبعا كانت في غايه الجمال لبست الفستان السماوي على الفضي وكان روعه والكل تخبل على العروس وكان يسؤلون عن **** وكل واحد تمناها لولدها بس زعلو يوم عرفو انها مالجه ..
هند كانت فرحانه لاختها بس يوم شافت عبدالله واقف عندها على الكوشه وهم يتصورون دمعت عيونها لانها عرفت انها بتم وحيده بدون اختها .. صح دايما يتضاربون بس هند متعلقه في اختها لانها الوحيده .. وحتى الام بعد دمعت لان بنتها الكبيره تزوجت والام دايما تعتمد بقرارتها مع نوره لان نوره تفكيرها كان منطقي وافكارها حلوه..والاكثر **** اللي ما قدرت تمسك عمرها انعزلت عن العرس وراحت تصيح لانها متعلقه وايد ويا نوره لان نوره مب بس بنت خالتها بل اختها بعد لان **** الوحيده لا عندها اخ ولا اخت فنوره مثل اختها كل ظهراتها واسرارها مع نوره ..ويت الريم تواسي **** لانها تعرف بمعزة **** لنوره

انتهى العرس اللي كان فيه الفرحه والحزن على غياب نوره..

اما **** فتذكرت ان عرسها ما بقى عليه الا اسابيع قليله وهي لين الحينه ما قدرت تخلي فهد يمل منها ولا ينفص عنها مع كل هالجفاء والقساوه..


وخالد بعد متوتر وايد لانه توقع ان **** بتنفصل عن قريب من فهد بس لين الحينه ما سمع شي وهو قاعد بالصاله وسرحان دخلت امه وتمت تناديه : خالد خالد
خالد صد : خير يا يمه
الام : شو تفكر
خالد : ها مممم ما شي
الام قعدت عند خالد : خالد ابي اقولك شي
خالد : خير يا امايه
الام : مثل ما تعرف ان نوره الله يحفظها عرست الحينه ..
خالد : والقصد؟
الام : يعني انت بعد يا خالد لازم ادورعلى وحده تزوجها
خالد وقف من مكانه بعصبيه : بس اناما افكر بالزواج
الام : ليش يا خالد انت مب صغير نوره اصغر عنك وعرست خالد خالد: بس انا بعدني صغير عمري 23
الام : زين على الاقل اخطب والله ياخالد انا عندي بنت ماشاء الله عليها جمال واخلاق وطيبه وكل شي وهي بنت ربيعتي واعرف كل شي عنها والله يا خالد ما تتعوض واخاف تروح من ايديك
خالد : محد احسن من **** يمه
الام : طبعا اكيد **** بنت اختي ما عليه قصور بس هي مالجه خلاص وباقل من شهر ان شاء الله بتعرس
خالد بصعبيه وحزن: امي الله يخليج لا تذكريني
الام : انت بعدك تفكر فيها ..خالد خلاص انسى **** **** بتعرس عن قريب
خالد : بس انا مابي غيرها يا يمه ما بي ..وانتي تعرفين كيف كنت احبها من الصغر ولازم تحسين فيه.كنت اتمنى اخلص دراستي بسرعه واشتغل بس عشان اخطبها ويوم خطبتها راحت راحت عني
الام : هذا قضاء الله وقدره ..
خالد: زين امي لا تكلميني عن غيرها خلاص انا مابي غير **** واذا **** ما كانت لي ما باخذ غيرها.
ظهر خالد من عند امه وهومتضايق
الام : والله شكله هالجيل تفكيرهم محدود ما اقول غير الله يهيدك يا خالد ويسعدك ..

اما شيخه فهي ادور على حل لمشكلتها ويا محمد تخاف ترفض وعمها ومرت عمها يكرهونها ويتوقعون انها هي اللي رافضه مب محمد اللي يبى وحده ثانيه .. فقررت انها ترد على امها بيوم ثاني لانها بتقولها انها مب مرتاحه لمحمد .. بس هي خايفه من النتايج ..
اما محمد فيدعي ليل ونهار ان الريم تكون من نصيبه ..

خالد قاعد يتصل في محمد وهو كمتضيق: : الو محمد
محمد المكسين روحه يحاتي : الو
خالد : شو اخبارك يا بو جاسم
محمد : ااااااااااه والله متضايق
خالد : افا ليش
محمد : افكر بشيخه بنت عمي كيف بتقنع اهلها برفضها لي واخاف تصير مشاكل في العايله
خالد يضحك مع انه متضايق:هههههههههههههههه
محمد مستغرب: ليش تضحك
خالد: اوني متصل عشان اقولك همومي واشوفك انت روحك عندك هموم
محمد : هي والله صدق نحن ربع بكل شي نفس شي عفان الله ياريت شي حلو بعد
خالد: هي والله
محمد : هاشو اخبار ****
خالد: ماعرف والله ما بقى على عرسها شي والله اني احاتي
محمد : من شو تحاتي
خالد: اخاف نستني وحبت فهد
محمد : لا ما اعتقد انها تنساك بهالسهوله انت ما تقول انن حبكم متبادل
خالد: هي بس خايف.. والله بموت اذا راحت من ايدي
محمد : والله حاس فيك اصعب على الشخص انه يفقد اللي يحبه وبالذات اذا كان الحب متبادل صدق الله يعينكم
خالد: الله يعيني
محمد : اتصل فيها وسالها
خالد: في شو
محمد : اتصل وشوف شو سوت عن فهد وهل مصر عليها
خالد: تتوقع بترضى اتصالي
محمد : للضوره زين
خالد : فكره بتصل فيها روحي مشتاق لها
محمد : انا ما قلت اتغزل فيها وتفضحنا بس اسالها وبند من عندها انت عاد ما تنعطى ويه
خالد: ههههههههههههه شو اسوي احبها
محمد : صدق يوم قالو ان الحب يجنن الشخص
خالد: عيل بتصل فيها الحينه وبسالها
محمد : خلاص اوكي يالله باي
خالد: باي

نوره وعبدالله كانو في استراليا والجو كان روعه وسعادتهم ما توصف كل واحد يعبر عن شعوره من اول ما شافو بعض بس نوره كانت متضايقه لانها تذكرت اهلها وهي اشتاقتلهم مع انها ما كملت الى يومين من سفرتها ..

اما هند فهي مثل ما هي تموت في سالم وهم يقرروون متى يكون ملجتهم .. اما هند فزادت علاقتها مع منى بالذات لان نوره محد وهي لين الحينه ما تعرف ان منى انسانه ماتعرف الدين ولا الاخلاق..
الجــــزء الاثنان والعشــرون


وبعد ماظهرت **** وفهد والريم .. **** راحت وغيرت ملابسها وهي تقول في خاطرها : معقوله ان فهد يحبني لهالدرجه والله ما توقعت .. والا وشوي موبايلها يرن وكان المتصل ؟؟..
**** : الو
خالد بكل شوق : هلا بحبيبتي البعيده
**** وهي متوتره : خالد
خالد/: ايه خالد شو لا يكون نسيتيني
**** : انت تعرف يا خالد اني مستحيل انساك
خالد : فديتج والله
**** استحت : خالد عاد
خالد: اوووه سوري نسيت عمري والله
**** :خير يا خالد
خالد : حبيت اسال شو سويتي ويا فهد ان شاء الله بيودرج
**** : مب بهالسوله ياخالد
خالد بعصبيه : بس ما بقى على عرسج الا شهر ..
**** بضيق: والله اني حاولت اغير طبايعي وصفاتي واكون قاسيه عليه بس هو بعده مصر
خالد : خلاص **** ما شي الا ارو ح عنده واتفاهم وياه او بالطيب او بالشده .
**** مسكت قلبها: لا لا ياخالد..الله يخليك لا تروح عنده
خالد: انزين ليش
**** : اخاف يسويلك شي وتكبر السالفه ..انت نسيت ان فهد عصبي وما يحس باللي يسويه
خالد : خلا يذبحني على الاقل احسن من العيشه بدونج ..
**** : لا باسم الله عليك لا تقول جذي يا خالد.. لا تعور قلبي اكثر
وتمت **** تصيح لانها هي السبب في عذاب اعز انسان عندها ..
خالد قلبه تقطع على صياح **** : **** حبيبتي ليش تصيحين
**** : اصيح لاني السبب في عذابك واصيح لانا صعب نكون لبعض ولان احلامنا كلها تبخرت
خالد : انتي مب السبب في شي هذا النذل فهد هو السبب ..بس انتي لا تصيحين عشاني
**** وهي تمسح دموعها : اوكي يا خالد بس عشان خاطري لا تروح عند فهد
خالد : خلاص عشانج ما بروح
**** : توعدني
خالد : اوعدج يا **** بس اهم شي ما ابي اشوف دمعتج .
**** : اوكي يا خالد بخليك الحينه
خالد : اوكي حبيبتي الله يخليج لا تنسين وعدنا وحاولي قد ما تقدرين انج تجافينه
**** : عشانك مستعده اكون قاسيه القلب
خالد : تسليمين يا اعز انسانه ..اوكي يالله تصبحين على خير
**** : وانته من اهله

خالد للاسف مستحيل يخلي **** تذكر بروعة احساس فهد لانه دومه يذكرها بالوعد وذكرياتهم الماضيه وهالشي يخلي **** تنسى كلام وحب فهد لها..

اما خالد فطمن شويه لان عرف ان **** مازالت تحبه..وكان عنده ولو امل بسيط ان **** تكون له في يوم من الايام ..

اما فهد ..فمكسين صدق فهد اول مارد راح غرفته وهو يتامل القمر ويقول في نفسه : انتي يا **** القمر اللي بحياتي كلها وانتي النور اللي بقلبي والله احبج يا **** بس ماعرف متى بتبادليني بهالشعور متى ؟.

***************

ام **** راحت غرفه **** وشافت **** ترتب غرفتها ..
ام **** / ها يمه وصلتي ماشاء الله

**** راحت تحب راس امها : هي امايه وصلت توني
ام **** : ها..شو كانت الظهره اليوم ان شاء الله استانستي..
**** تحاول تخبي اللي بقلبها: هي الحمد لله
ام **** وهي تحاول تذكر : ممممممممممممم..شو كنت بقولج ..
**** : خير يا امايه
ام **** : هي تذكرت اتصلي في فهد وقوليله امي تعزمك على الغداء باجر
**** بضيق: لا امايه شو
ام **** استغربت : ليش في وحده ما تبى ريلها يتغدى عندهم .
**** : بس اليوم شفته انا
ام **** : وشو يعني ..وبعدين يا **** انا ولا مره عزمته فضيحه مب حلوه في حقنا يا بنتي
**** : زين خليها على العشاء مب احسن
ام **** : خلاص على راحتج بس انتي اتصلي فيه الحينه وقوليله امي تعزمك ..
**** : الحينه يا امي
ام **** مستغربه : سارووووه بلاج ..هي الحينه عيل متى ؟
**** وهي منقهره: زين على امرج الحينه بتصل فيه
ام **** : زين عيل بخليج بس قوليلي اذا بيي ولا لاء
**** من غير نفس : اكيد بييه
**** خذت موبايها اتصلت فيه وهي منقهره لانها ماتبى تكلم فهد ولا تشوفه .
فهد وسرحان ويفكر ب**** راح يشوف منو المتصل ولا يشوف رقم **** استانس وايد وهو مبتسم : يا هلا براعيت هالصوت والله
**** من غير نفس : اهلا فيك
فهد : تصدقين **** هاي اول مره تتصلين فيها كل مره انا اللي اتصل
**** :هالمره ابي اقولك شي
فهد : قولي اللي تبينه ولو تطلبين عيوني ما ترخصلج يا بعد عمري
**** صدق استحت من كلام فهد / : فهد خلني ارمس
فهد: شو اسوي ما اقدر اسمع هالصوت وما اقدر اعبر
**** : اقول ولا
فهد خلاص خلاص قولي
**** : امي عازمتنك على العشاء باجر
فهد : باجر ..ممممممممم ..مع اني معزوم ويا ربعي باجر
**** : اذا ما تقدر عادي ..اليوم اللي عقبه
فهد : لا ما يصير ارفض طلب امج مب حلوه وبعدين نفاذ ربعي وكل حد الاهم اني اشوفج ..
**** : اليوم شفتني شو نسيت
فهد : اانا لو اشوفج كل لحظه ما بمل من شوفتج والله ..
**** تحاول تغير السالفه : يعني بتي باجر
فهد : ان شاء الله..
**** : زين عيل برح اقول حق الوالده اوكي
فهد : خلاص حبيبتي يالله تصبحين على خير يا زوجتي الغاليه.
**** بضيق: وانته من اهله يالله باي
فهد :مع السلامه ..


فهد كان مستانس وايج لانه بيشوف **** ..
اما **** فالعكس كانت متضايقه لانها بتشوفه ...


خالد كان في خاطره ان يشوف **** وانها تتعشى وياهم فراح عند هند لان نوره كاتمة اسراره مسافره فراح عند هند
وشاف هند تلعب في موباليها .
خالد دخل على هند بعد ما دق الباب : هند
هند مستغربه لان خالد نادر ما ايي غرفتها
خالد يلس عند هند : هند شخبارج
هند رافعه حواجبها مستغربه : بخير..
خالد مايعرف كيف يرمس
هند : خير يا خالد شو بغيت تقول.
خالد : الصراحه ابيج يا هند تتصلين في **** وتعزمينهاباجر على العشاء في بيتنا
هند : بس انا علاقتي مب وايد ويا**** وانت تعرف هالشي.
خالد : والله اللي اعرفه انها بنت خالتج بعد يالله اتصلي ولا تردين اخوج.. بس لا تقولين اني قلت لج زين
هند : وانت يا حظي ليش ما تتصل فيها
خالد : ما يستوي انا اللي اعزمها وبعدين اكيد بترفض يالله هند بلا دلع
هند : زين

هند اتصلت في **** وعزمتها بس **** اعتذرت لانهم عازمين فهد ..
خالد : ها شو قالت ان شاء الله وافقت
هند باستهزاء : لا
خالد بعصبيه : لييييييييش
هند بدلع : لانهم عازمين حبيب القلب
خالد : منو
هند : منو بعد اقولك حبيب القلب فهد

خالد عصب وطلع من الغرفه وعلى طول خذ موبايله واتصل في ****

خالد بعصبيه : ماشاء الله عليج **** كيف تبين فهد يمل منج وانتي تعزمينه عندكم
**** مستغربه: شو فيك يا خالد شو تقصد
خالد : شو اقصد بعد عازمين فهد عندكم وتبينه يتضايق منج ويودرج
**** : والله العظيم مب انا اللي ابي اعزمه امايه اللي قالت اعزميه لان ولا مره عازمينه
خالد : والله صدق قهر بس انا براويه
**** بخوف : شو بتسوي يا خالد
خالد : ولا شي لا تخافين بس يمكن اطلب منج طلب
**** : اكيد يا خالد انت آمر
خالد : ابيج اول ما تعرفين ان فهد في الدرب عندكم تتصلين فيه مس كول او اطرشيلي مسج المهم ابي اعرف
**** : وليش تبى تعرف
خالد : بعدين بتعرفين
**** : خالد انت وعدتني انك ما تسويله شي
خالد : والله ما بأذيه بس انتي سوي الله قلت عليج عشان خاطري
**** : خلاص عشانك بسوي اي شي
خالد : تسلمين حبي يالله مع السلامه
**** وهي بعدها مستغربه : بحفظ الله

**** لين الحينه ما تعرف شو قصد خالد ..


وفي اليوم الثاني ...( وفي استراليا )
عبدالله ونوره طبعا لين الحينه في شهر العسل
عبدالله وفي ايديه ورده حمراء وراح عند نوره وهي نايمه وحطاها على ويها ..
نوره حست ان في شي على ويها واروحت ريحه حلوه ويوم فتحت عيونها ولا تشوف عبدالله وهو ماسك الورده الحمراء ..
عبدالله بابتسامه : صباح الخير يا احلى نوره
نوره بخجل : صباح النور يا احلى عبدالله
عبدالله : يالله قومي يا كسوله الوقت تاخر
نوره : ليش وين بنروح اليوم
عبدالله : والله لين الحينه ما ادري بس بشوف دفتر السياحه وبنختار احلى الاماكن وبعدين بوديج السوق اعرف ان الحريم يموتون على السوق

نوره : هههههههههههههههههههههه . هي والله ابي اشتري حق امي فديتها واخويه واختي و**** الغاليه
عبدالله : ما خليتي حد ولا بعد ما قالت حق ريلي العزيز
نوره : ههههههههههههه ..تراك موجود ويايه
عبدالله : زين زين يالله قومي حبيبتي عشان ما نتاخر
نوره بخجل :على امرك يالغالي

عبدالله ونوره سعادتهم ما توصف لانهم ماخذين بعض عن قناعه وعن حب


ام خالد بعد ما يالها اتصال راحت عند هند
الام : هند يمه بقولج شي
هند وهي تسحي شعرها : نعم امي
الام : البارحه بنت جارنا اتصلت فيه بس انا نسيت اقولج
هند : شو تبى
الام : تباج حق ولدها
هند فتحت عيونها : امي شو هي ما تعرف اني مخطوبه
الام : لا ما كنت تعرف انا قلت لها بس تصدقين يا هند اتمنى تاخذين ولدها ماشاء الله عليه ملتزم ومحترم وماعليه اي قصور وهم عايله وايد محترمه
هند بعصبيه : بس يا امي انا مخطوبه شو نسيتي..
الام :لا ما نسيت بس بعدج مخطوبه يستوي تاخذين غيره وبالذات اذا هالشخص احسن عن سالم اللي نعرف انه عنده سوابق واخاف يعذبج يا بنتي
هند : لا تخافين يا امايه انا بكون اسعد انسانه وما ابي غير سالم وانا مرتاحتله وخلاص
الام : زين وهو متى بيي بيملج عليح ولا مستانس بالخطوبه الطويله ترى نحن ما نحب الخطوبه الطويله ..
هند : بيي ان شاء الله عن قريب
الام : يعني مصره على كلامج ما تبين ولد جارتنا
هند : هي يا امي ما ابيه ولا ابي غيره ..انا مقتنعه في خطيبي ومرتاحتله
الام وهي مب مرتاحه لسالم : ما اقدر اغصبج على شي بس اتمنى لج السعاده يا بنتي
هند : ان شاء الله بكون اسعد انسانه
الام وهي ترفع ايدينها للسماء : امين

*اما شيخه ومحد فحالتهم حاله شيخه خايفه تقول انها رافضه محد تخاف عمها يكرها وتصيرمشاكل ويتحرون انها هي الرافضه وما يعرفون ان محمد في باله وحده ثانيه ..
محمد وايد يحاتي حاول يتصل في شيخه بس موبايلها كله مغلق فقرر يتصل بعدين ..

وجريب المساء **** فاتحه خزانتها وكانت تختار اللبس لان فهد بيي
وامها معاها
**** : والله يا امي ما اعرف شو البس
الام : اونج مهتمه
**** : لا مب جذي بس ما احب البس اي شي حتى لو الشخص ما يهمني
الام صدت ل**** : شو ما يهمج شو قصدج
**** خافت تنتفضح : ها ....لا مب قصدي شي ..اسولف وياج
الام : لبسي بدله بدل من المغربي نوعي يعني شو رايج
**** : مممممممممم ..هي والله مليت من المغربي خلاص بلبس البدله السماويه
الا : هي وايد حلوه
بعد ما**** تكشخت واتلبست وحطت مكياج وايد خفيف ولبست شيلتها
الام بعد اتلبست وراحت عند **** واستغربت : ****
**** وهي تعدل شيلتها : هلا يمه
الام : ليش مغطيه شعرج ..شو نسيتي انه محرم علينا عادي تطلعين شعرج
**** : هي بس استحي ما عرف بس بطلع شوي من قصتي يعني شوي من جدام
الام : اونه عاد ساروووننه تستحي
**** بابتسامه : ليش ما عندي احساس يعني
الام : لا فديتج زين يالله ترى الريال في الدرب خلا ننزل ..اقول يبتي البخور
**** : اوووووووووه لازم يعني
الام : هي طبعا ييبي البخور ودخني الميلس
****: ان شاء الله يمه

وتذكرت **** ان لازم تتصل في خالد..فاتصلت فيه وقالتله وهي ماتعرف شو يباه خالد ..

والساعه 8 ياي فهد وبالاستقبال طبعا ام **** و**** اللي كانت قمر حتى وهي مغطيه شوي من شعرها ..وفهد دخل وسلم على ام **** وطبعا استغل الموقف يعرف ان **** ما تقدر تقوله شي لان امها موجوده فمد ايده ل****
**** طبعا ما قدرت ما تسلم عليه لان امها بتشك فاضطرت انها تسلم عليه باليد .
فهد مستانس وما هد ايدينها وحس باحساس غريب لاول مره من يوم ما ملجو يلمسها وهو قاعد بس يتامل بملامحها و**** تحاول تنزل ايدها من ايد فهد بس ما تقدر لان فهد ماسك ايدها بالحيل ..

الام وهي تاشر على الغنفات : تفضل يا ولدي اقعد لين متى بتم واقف
فهد اونه استحى : دام فضلج يا عمتي
الام : **** قعدي ويا ريلج لين ما ايي
**** وهي منقهره : ان شاء الله
فهد قاعد على الغنفه و**** على الغنفه الثانيه وهو مستانس وبس يتامل في ملامحها الحلوه ..
فهد : شحالج يا ****
**** : بخير
فهد : اتصدقين اشتقتلج
**** : البارحه شفتني واليوم اشتقتلي
فهد : القلب ما يمل من شوفتج ..ووده يشوفج كل ثانيه
**** ما علقت على شي..

وبعد ما فهد شرب البارد وقعدو شوي ياي وقت العشاء

الام : تفضل يا ولدي
قام فهد و**** والام على طاولة الطعام و**** كانت مجابله فهد ..وهم ياكلون ويسولفون ولا حد دق الجرس ..

الام : غريبه منو ياي الحينه
**** قلبها دق عرفت انه خالد ..
الخدامه فتحت الباب ولا دخل خالد ..
خالد : السلام عليكم
**** انصدمت وما قالت شي
والصدمه الاكبر لفهد اللي تم يشوفه بنظرات حقد وغيره ويشوفه من فوق لتحت ..
راحت الام سلمت على خالد وخالد راح سلم على فهد اللي ميت من القهر ..
والحينه دور **** وخالد متعمد يقهر فهد اليوم ..
**** منزله راسها ومتوتره .
خالد وهو يشوف **** بابتسامه كلها حب : اشحالج يا بنت خالتي
**** تبلع ريجها: الحمد لله ..وانت اشحالك
خالد : بخير مدام شفتج وشفت عمتي طبعا
وفهد يشوفه باحتقار ومنقهر
الام تفضل اقعد تعشى ويانا ..
خالد بعد ما قعد ..: هو الصراحه انا ياي بس عشان اسلم بس معلي بقعد دقايق وبروح ..(وهو يشوف ****)تراني اشتقت للقعده وياكم
سار ه منزله راسها ومتوتره على اللي بيصير؟
اما فهد وهو بس يشوف خالد باحتقار
خالد : اقول فهد
فهد بعصبيه : نعم
خالد : متى عرسك
فهد : بعد اسابيع يعني قريب وايد
خالد : هي ان شاء الله على خير يعني بنت خالتي بتروح عنا ...المشكله تعودنا على شوفتها بس معلي بنشوفها عن قريب مع ان اصعب عليه ان ايي بيت عمتي وما اشوفها بس شو نقول
فهد خلاص وصل حده شوي يباه يضربه ..
خالد صد ل**** : ****
**** بتوتر : ...ن...نعم
خالد : اتصدقين يا بنت خالتي عيني عليج بارده اليوم محلوه اطيرين العقل شو هالجمال والاناقه الصراحه تسحرين الواحد اللي يشوفج غصبن عليه ما ينساج ويتخيلج كل لحظه ..
فهد قام من مكانه : خالد انت ما تستحي على ويهك شو نسيت **** معرسه
خالد قاعد وباستهزاء : لا ما نسيت بس انا ما قلت شي
فهد معصب: هذا كله وما قلت شي من الصبح قاعد تمدح فيها ما بقى لا تكتب بيت شعر
خالد يضحك باستهزاء : ليش قلت شي يديد ..اصلا منو قال اني ما كتبت عليها بيت شعر
فهد يبى يروح عنده عشان يتضارب وياه
الام مسكت فهد : فهد صل على النبي شو فيكم عيب عليكم
فهد يصد لعمته : ما تشوفين يا عمتي شو يقول هو اصلا اللي ما يستحي على ويه
خالد : اللي ما يستحي هو انت اللي فرقت قلبين
فهد :ادري انك منقهر لان **** بتكون ويايه وبتكون شريكة حياتي غصبن عليك
خالد حس بالغيره : شو فايده بتكون وياك وقلبها ويايه انا وبس
فهد صد ل**** اللي مادافعت عن فهد ولا قالت شي
**** ما تقدر تقول شي بس هي حاطه ايدها على قلبها تخاف يصير شي
الام : خالد يمه الله يخليك اسكت عن السالفه
خالد قام من مكانه : انا بروح يا عمتي وان شاء الله بيي بايام ثانيه بس حبيت اوضح ان مب بزواجه يقدر يمتلك قلب **** ..وان الحب بيكون من طرف واحد ..(خالد شاف فهد باحتقار ) ..وبنشوف منو اللي بيندم بالنهايه
وبعد ماراح خالد ...فهد ما قدر يملك اعصابه وهو مسك غترته ( شماغ ) عن اذنج يا عمتي بروح البيت
الام : بس انت ما كليت شي يا ولدي
فهد والله شبعت مشكوره على كل شي وان شاء الله بييلكم مره ثانيه والسموحه
را ح فهد وهو متضايق اكثر شي لان **** قعدت ولا دافعت عنه ولا علقت على كلام خالد اللي وضح له ان صدق كلام خالد .. اللي بين ان في قلبها بس اسم واحد وهو خالد.

الام / : والله فضحنا خالد ابي اعرف هو شو عرفه ان فهد هني ( تصد ل**** ) انتي قلتيله
**** بتوتر : هه...ها ..لا لا ما قلت شي


الام : فضحنا الله يهديه

**** ارتاحت ان ماصار شي اكبر لانها خافت ان السالفه تكبر وتضايقت بعد لان كل اللي يصير هي السبب فيه ..

اما خالد فبرد قلبه شوي واستانس لانه قدر يقهر فهد ويبين له ان **** في قلبها بس خالد ..

اما فهد فراح مسرع بسيارته وهو منقهر على كلام خالد

الجــزء الثالث والعشــرون


وبعد ظهور فهد من عند **** وهو زعلان ومتضايق من اللي سواه خالد وطبعا فهد اللي قاهرنه اكثر ان **** كانت هاديه ولا ردت على كلام خالد وهاللي اكدله ان **** بعدها متعلقه بخالد ..

فهد رد البيت وهو معصب اما الريم فقاعده تشوف تلفزيون وفي ايدنها مكسرات ويحليلها مندمجه في الفلم ولا فجاه يدخل فهد البيت ويبند الباب بالحيل والريم من الخوف نقزت وشافت فهد معصب وحواجبه شوي بيوصولن لعيونه من العصبيه وراح على طول فهد فوق في غرفته بدون سلام ولا كلام والريم ولا قالت شي بس فاتحه عيونها مستغربه من فهد

والريم ما قدرت تتريه اكثر على طول راحت غرفته ولا تدق الباب وفهد ما يرد ..
الريم وهي واقفه عند باب غرفته : فهد اخويه شو بلاك
فهد ساكت
الريم بعدها تدق الباب : فهد الله يخليك رد عليه
فهد بعصبيه : الريم الله يخليج روحي الحينه تراني مب متفيج لحد
الريم : زين انا مب اي حد انا اختك فهد عشان خاطري افتح الباب
فهد طبعا ما يقدر يرد اخته الريم الغاليه عليه ..فتح الباب
الريم شافت حزن فهد وقهره
الريم بعد ما دخلت وهي تشوف فهد : خير شو صار
فهد وهي يمشي في غرفته يمين ويسار وماسك ايدينه من العصبيه : هالحقير هالنذل
الريم : منو
فهد : في حد غيره خالد طبعا
الريم : ليش شو صار
فهد : تخيلي انا رايح بيتكم **** ولا فجاه دخل وقعد يقهرني ويتغزل ب**** وجدامي
الريم مستغربه من الموقف: والله؟
فهد : واللي قاهرني اكثر يالريم ( نزل عيونه والحزن بنبرة صوته ) ولا **** ولا علقت على شي كانه عايبنها الموقف
الريم : شو تباها تقول يا اخويه اكيد هي متفاجاه مثلك
فهد : على الاقل يالريم لو سكتت خالد او علقت على كلامه عشان احس اني غالي عندها او ان كلام خالد مب صح
الريم : ماعرف شو اقولك يا فهد بس انت تعرف **** وطبعها
فهد : لين متى بتم جذي
الريم وهي تبلع ريجها : شوف يا اخوي بقولك شي اذا انت ما تقدر على العذاب لا تاخذها
فهد صد للريم وفتح عيونه : شو تقولين ما اخذها انتي نسيتي ان **** نبض قلبي وبدونها انا بموت
الريم : باسم الله عليك يا اخويه ..بس اخاف ما تستانس بحياتك
فهد : شو اسوي بصبر ... ما اقدر اسوي شي وبدعي ليل ونهار ان الله يلين قلبها
الرريم : امين
فهد طلع من غرفته ونسى موبايله
الريم : فهد ..موبايك
فهد : اغلقي موبايلي وخليه عندج ما ابيه
الريم مستغربه لان فهد دومه يتصل قبل ما ينام في **** وهالمره ما يبى موبايله وعرفت ان فهد صدق منقهر ومتضايق
الريم وهي تكلم عمرها : الله يعينك يا فهد ويسعدك ان شاء الله


اما **** فقبل ما تنام شافت موبايلها ما شي مس كول من فهد ولا شي مب لانها مشتاقتله ولا تعودت على سماع صوته بس استغربت لان فهد دومه يتصل فيها الا هالمره وعرفت ان فهد واصل حده
وقالت في خاطرها : يمكن من حركة خالد فهد يقرر ان ينفصل عني والدليل انه ما اتصل فيه

في اليوم الثاني
فهد قام من رقاده وحس بالضيق يمكن لانه تعود على سماع صوت **** قبل ما ينام ..فهد قلبه وايد كبير ومن كثر حبه ل**** ينسى نزواتها وقرر يتصل فيها بعد ما يفطر

في اســـتــراليا
نوره وعبدالله نزلو عشان يفطرون في الفندق
نوره وهي تشرب العصير: تصدق حبيبي اني اشتقت لاهلي وايد
عبدالله : يالله ما بقى شي الا وتشوفينهم
نوره : الايام بسرعه مرت
عبدالله : دايما الايام الحلوه تمر بسرعه
نوره : هي والله ..يعني بعد اسبوع ان شاء الله بنرد .
عبدالله : ان شاء الله ..وبنرد مع ايامنا الحلوه اللي قضيناها ويا بعض
نوره : صدق كانت اسعد ايام عمري
عبدالله :ان شاء الله ايامنا تكون حلوه مب بس في شهر العسل ان شاء الله في كل حياتنا
نوره : اخاف بعد ما نرد تنسى كل شي.. ترى اغلبية الشباب جذي يملون بسرعه
عبدالله : افا والله .. تتوقعين انا من هالنوع انا اضحي بعمري عشانج ولا ارضى على حزنج واشتري سعادتج وهذا كله وتقولين انا بمل منج مستحيل
نوره ابتسمت ابتسامه خجل وفرح بنفس الوقت ودعت ربها ان سعادتنا ما تنقطع والحب يكون دايم


هند وتكلم امها وخالد قاعد وياهم ..
هند : اقول ما بجى شي على رجوع نوره
الام : قولي ان شاء الله
هند : ان شاء الله
خالد: صدق اشتقت لنوره البيت بدونها ظلمه
هند تشوف خالد باحتقار : ليش وانا مب ماليه عينك
خالد : لا ماليه عيني بس مستحيل اتين مثل نوره
هند وهي معصبه : دومك جذي دفش في الكلام ما عندك كلام حلو تقوله
خالد: والله الكلام الحلو حق اللي يستاهلونه مب انتي
هند ومنو هاي تعيسة الحظ قصدي سعيدة الحظ
خالد : انتي ما يخصج
هند : امايه قولي حق خالد خلا ما يلعوزني
الام : اوووهووو ما ادري متى بتيوزون عن الضرابه
خالد : هاي بنتج المتكبره ( وهو رافع ايدينه في السماء ) يارب ايلج واحد ويخليج تنسين الدلع والتكبر
هند باستهزاء ودلع : هه هه حبيبي ريلي بيدلعني وبيخليني ملكه
خالد : هي ملكه الميانين
الام تضحك : هههههههههه ضحكتني والله يا خالد
هند : والله شوفو هذا بدل ما تدافع عني ..
خالد : حبيبتي دافعي عن عمرج
خالد قام من مكانه : يالله عن اذنكم بروح ويا ربيعي محمد
الام : الله يحفظك يا خالد

خالد ظهر ويا محمد لانه من زمان ما ظهر وياه

اما في عائلة شيخه ..
شيخه كانت في غرفتها وهي وايد تحاتي لانها ما تعرف شو تقول حق امها وكيف ترفض محمد وتخاف على المشاكل ..
ام شيخه : هلا ببنتي بلاج سرحانه
شيخه قامت من مكانها : هلا امايه تفضلي
شيخه : شوفي يا شيخه تراني يايه اسالج عن ردج لزواجج عن محمد ترى كملتي اكثر عن اسبوع ها شو قلتي ترى مرت عمج دومها تتصل .
شيخه والتوتر بملامحها وبتردد : انا فكرت في الموضوع وصليت استخاره والصراحه مممم
الام : شو اكيد موافقه
شيخه وهي منزله راسها : لا يا امايه مب موافقه
الام انصدمت وفتحت عيونها : شوووووووووو وليش
شيخه : صليت استخاره وما ارتحت
الام : كيف ما ارتحتي محمد انسان خلوق وملتزم وبعيد عن الحركات يعني مب مثل باجي الشباب والله يا بنتي ما يتعوض
شيخه : زين بس مب مرتاحتله

الام : شيخه الله يخليج لا تفضحينا
شيخه : ما اقدر ما اقدر
شيخه ما قدرت تستحمل اكثر هي منقهره لان الام ما تعرف ان محمد ما يباها ويبى انسانه ثانيه ولو عاشت وياه بتنظلم وايد وما بتحس بالسعاده فتمت تصيح ..وكسرت خاطر امها
الام قلبها عورها على بنتها : شيخه فديتج لا تصيحين
شيخه والدموع بعيونها: الله يخليج امايه لا تغصبيني على شي انا مب مرتاحتله اذا تبين سعادتي صدق لا تغصبيني
الام : خلاص يا شيخه ما بغصبج والزواج قسمه ونصيب اهم شي عندي سعادتج وراحتج حتى لو كان على حساب الحساسيه اللي بتكون بينا وبين ام محمد ..

طبعا ام شيخه ما قدرت تشوف دمعه شيخه وعرفت ان شيخه صدق ما تباه وهي مب مرتاحتله بس هي خايفه كيف بتقول حق ام محمد اللي من هم صغار وقايلين حق بعض وطبعا هاي مشكلة اكثر العوايل ..


فهد ما قدر يستحمل اكثر لان البارحه ما سمع صوت **** وعلى طول خذ الموبايل واتصل فيها
**** على اللابتوب وقاعده تكلم رباعتها عالسمنجر ولا تشوف رقم فهد استغربت وايد توقعت ان فهد زعلان وما بيكلمها
**** بدون نفس كالعاده : الو
فهد : هلا باللي سكنت قلبي وعقلي بدون استئذان
**** : هلا بيك
فهد : اشحالج حبيبتي
**** مستغربه فهد مب معصب توقعت ان فهد بيعصب عليها
فهد : بلاج ****
**** : هه لا لا ما في شي
فهد : شو رايج حبيبتي نطلع اليوم برع ونتكلم عن زواجنا لان ما بقى الا 3 اسابيع على زواجنا ان شاء الله
**** : اسمحلي ما اقدر لا تنسى ان العروس اذا قرب يوم زواجها ما تطلع عشان شكلها اونها يتغير
فهد: اييييييييييه على هالخرابيط انا ما يهمني
**** : بس انا يهمني وبعدين انا بعدني ما تجهزت وباقيلي وايد اشاياء ما اشتريته يعني وايد مشغوله
فهد : زين كيف اتفاهم وياج يعني
**** : بالتلفون شو تبى قول
فهد : مممممممممممممممم شو نسوي بعد زين بالنسبه للبيت شو عادي عندج نسكن في بيتنا لان الريم بتم بروحها حرام وبخلي الطابق الاول كله لج وبنغير الاثاث وتحت حق الريم عشان تحسين بالاستقلاليه شو رايج
**** : عادي عندي
فهد : زين والاثاث مب لازم نروح ويا بعض نختار ترى كل المعاريس جذي يسوون
**** : انت اختار ولا ذوقك مب حلو
فهد : لا افا عليج انا ذويق بس يعني لو رحنا ويا بعض
**** : قلتلك ما اقدر
فهد: خلاص اوكي وبالنسبه لشهر العسل ترى حجزت وان شاء الله بنروح بلجيكا وبعدين بالقطار بنروح فرنسا تراهم جراب عن بعض
**** وكم يوم حجزت
فهد : 3 اسابيع
**** بعصبيه : شووووووووووو انا قلت لك وايد وايد 10 ايام
فهد : بس شويه
**** : انا ما ابي اكثر عن 10 ايام ..لا تنسى ان امي بتم بروحها
فهد عرف ان **** محتجه بامها ويعرف ان هي اللي ما تباه بس ما قدر غير انه يراضيها
فهد : على راحتج اوكي
فهد : و**** شو عن ششغلج مب احسن انج تودرين


**** : اسمحلي ما ابي اودر شغلي تعودت عليه
فهد : بس انا بعوض عليج ضعف الراتب
**** بعصبيه : ليش منو قال اني اشتغل عشان الراتب شو نسيت نحن قوم منو الحمد لله ما علينا قصور اصلا نحن نحصل بالاف بالشهر الواحد شو نسيت ..وبعدين مب كل حد يشتغل عشان الفلوس لا ..البعض عندهم خير بس عشان الملل او حبهم للشغل
فهد : بس حبيبتي انتي ما بتفضين لشي بتكونين عروس
**** : انا خذت اجازه شهر ونص يعني عادي
فهد : بس
**** : شوف فهد اذا انا بودر شغي ترى من ذاتي لااتم تغصبني انا ما احب حد يتحكم فيه ..واذا ما عايبنك ترى بعدنا في البر يعني تقدر تنفصل عني
فهد اتضايق وايد من كلام وجفاء وقسوة **** بس ما يقدر يسوي شي..
فهد: على راحتج
**** انقهرت هي تبى تسوي اي شي عشان تخليه يودرها وبالعمد تقسي عليه وتشرط شروط غريبه بس هو يراضيها بكل شي
**** : زين عيل بخليك تراني مشغوله
فهد : اوكي حبيبتي يالله مع السلامه
**** : باي

**** متضايقه لانه فهد بعده مصر عليها يعني خطتنا ما نجحت
**** ترمس عمرها: يالله كيف اخليه يمل مني شو اسوي ..

الريم من مده ما زارت **** فقررت انها تزورها اليوم عشان تساعد **** بتجهيزاتها لزواجها من اخوها

الريم و**** وهم يكتبون تجهيزات ****
الريم : زين وشو عن فستانج
**** : فستان عرسي خلاص اخترته
الريم : عند منو بتفصلين
**** : عند المصمم زهير مراد
الريم مستغربه :هذا في لبنان
**** : زين يا حلوه سويت طلبيه على الفستان شفته في الكاتلوج وعيبني
الريم : وشو عن القياس
**** : بروح لبنان كم يوم باخذ اغراض من هناك ترى اغارضهم حلوه وايد ومره وحده بخليه ياخذ القياس وبختار انا وياه عن الموديل
الريم : بس ما بقى شي
**** : لا تخافين اتفقت وياه
الريم : ويا منو بتروحين
**** : ويا امي بس 3 ايام
الريم : زين زين


*******************
وبعد كم يوم
**** سافرت لبنان وياامها وخذت اغلبية اغراضها من هناك

اما نوره فسوت مفاجأه وردت من السفر بدون ما تقولهم وعلى طول راحت بيتهم

خالد وهند وامهم قاعدين يتعشون
هند: شفتو المتفيجه راحت لبنان
خالد منو
هند : **** بعد منو
خالد : والله وليش
الام : عشان اغراض عرسها
خالد عصب وايد لانه ما يعرف اصلا متى زواج ****
هند : حظها والله
خالد ودر الاكل وقام من مكانه
الام : ما كملت اكلك يا خالد
خالد : امايه متى عرس ****
الام : بعد اسبوع ان شاء الله
خالد فتح عيونه : شوووووووووو بهالسرعه
الام : اي سرعه يا خالد هم من اكثر عن 3 اشهر مالجين
خالد انقهر وايد وكان يبى يطلع بس سمع حد يدق الجرس


ولا المفاجاه نوره وعبدالله يايين
خالد استغرب شاف اخته نوره : نوره اختي
الام وهند سمعو خالد ينادي نوره على طول راحو يشوفون منو ياي ولا شافو نوره ..الام وايد متعلقه في بنتها نوره لانها اكبر بناتها
الام راحت تحضن نوره : فديتج يا نوره اشتقتلج وايد
خالد يسلم على عبدالله : الحمد لله على السلامه ياالنسيب
عبدالله : الله يسلمك ..
هند راحت تحب اختها نوره : نورووه صدق اشتقتلج ما توقعت باشتاقلج لهالدرجه
نوره : وانا اكثر والله اشتقتلكم وايد
الام : تفضلو قعدو
نوره : ما بنطول وايد لانه تونا يايين من السفر وبنروح بيت عمتي ام عبدالله
خالد : وليش ما قلتولنا عشان نستقبلكم في المطار
عبدالله : بعد اختك تموت الا وتسوي مفاجاه
الام : بس صدق مفاجأه حلوه
نوره : والله اشتقت حق **** ابي اشوفها
هند : **** سافرت عشان تفصل فستان في لبنان
نوره : حسافه كنت ابي اشوفها ..ومتى بترد ؟
هند : يمكن باجر او اللي عقبه


وبعد ما قعدت شوي نوره وياهم وسولفو راحت نوره عند عمتها ام عبدالله


*********************
اما **** فردت من لبنان بعد ما فصلت الفستان وخذت وايد اغراض من هناك .. بس اكيد تاخذ اغراض وهي تتخيل ان اللي تاخذه خالد ودايما تقول في نفسها ( لو انت يا خالد اللي باخده كنت بكون اسعد انسانه في العالم)..
و**** ما تعرف برجوع نوره من السفر

وبعد رجوع **** من لبنان .. و**** ماتعرف برجوع نوره من السفر ..

في اليوم الثاني :
نوره على طول راحت بيتكم **** لانها صدق اشتاقتلها وكانت تبى تسويلها مفاجأه ..
**** وهي تجهز الاغراض بعدها ولا تسمع حد يدق باب غرفتها فهي فهي قالت اكيد امها لان محد في البيت غيرهم ولا يوم نوره تدخل
نوره بصوت عالي : مفاااااااااااااااااجأه
**** تصد ولا تشوف نوره ( **** فاتحه عيونها ) وعلى طول فرت البدله اللي كانت في ايدينها وراحت بسرعه حضنت نوره وهي تقول: فديتج نوره اشتقتلج والله اشتقتلج موت
نوره : والله وانا اكثر ما توقعت اني بشتاقلج لهالدرجه
**** تنغمز نوره : علينا علينا
نوره مستغربه : شو فيج
**** : اونج اشتقتيلنا ..ليش انتي فكرتي في حد اصلا ..
نوره تضرب **** : ساروووه بلا حركات
**** : انتي اصلا ما فكرتي في حد كيف تفكرين في حد وفارس احلامج وياج ..
نوره تقعد على الغنفه: لا حبيبتي انا مب من النوع اللي انسى حبايبي
**** : بنحاول نصدق ...تعالي متى يايه
نوره : البارحه وسالت عنج قالولي مسافره
**** : هي والله رحت لبنان كان في خاطري اروح هناك تعرفين بعد اغرب الاشياء في لبنان
نوره : زين شو شاريه راويني
**** طلعت الاغراض والماركات وكل شي
نوره وهي مندهشه: واااااااااااااو الصراحه ولا احلى الاغراض تخبل ولا ( تاشر على الشنط ) ولا هالشنطه ديور مانزلت عندنا بعدها .
**** : هي ترى في ديزاينات تنزل في لبنان قبل دول الخليج.
نوره : ذوقج رووعه
**** : ما يغلى عليج حبيبتي
نوره : تسلمين كلج ذوق
نوره فجاه سرحت وفي خاطرها تقول شي
**** لاحظت ان نوره في خاطرها تقول شي..
**** : نوره بلاج شو فخاطرج قولي
نوره : لا وووولا ..شي
**** : عليه قولي تراني فاهمتنج
نوره : بقولج بس لا تفهميني غلط
**** : لا افا عليج قولي
نوره : **** انا اللي اعرفه انج ما تحبين فهد ..بس اللي تسوينه يبين انج مستانسه وتحبينه
**** ملامحها تغيرت والحزن بدى فملامحها : قصدج لاني روحت لبنان وتشريت من هناك يعني اني مستانسه لعرسي صح
نوره : لا تضايقين من كلامي انا ..
**** : اعرف قصدج .. صح اني رحت لبنان عشان اتشرى بس هذا مب يعني اني مستانسه بس والله احاول اسلي عمري بهالاشياء .. بعدين انا احب اتلبس وأتكشخ واهتم في عمري حتى لو انا ما احب هالشخص ..
نوره : يعني بعدج ما تحبين فهد
**** : لا طبعا ما احبه ولا بحبه في يوم
نوره : غريبه ما قدر يغير طبعج حتى في الملجه ..ليش هو مب رومانسي
**** : بالعكس كلامه وايد حلو وعذب واي وحده بتستانس من هالكلام الا انا لان قلبي لانسان ثاني ..
نوره : الله يهديج يا **** ويسعدج



**** تبى تغير السالفه : ولا تعالي يا الشيطانه شو عن شهر العسل شو استانستي
نوره ويها احمر : اكيد بستانس لان اللي تمنيته كان ويايه
**** : ربي يهنيج
نوره : وبعرف اخبارج ترى ما بقى على عرسج شي ..ان شاء الله باجر عرسج
**** : صدق الايام بسرعه تمر
**** : نوره كوني ويايه في عرسي في كل خطوه اوكي
نوره : من دون ما تقولين .. كيف ما اكون ويا اختي
**** : فديتج والله ..

**** تحاول تسلي عمرها في الاغراض وفي اي شي ..بس هي لين الحينه مب متخيله كيف بتعيش ويا انسان ما تحبه ..

اما خالد فهو متضايق على الاخر لان كل يوم يمر وهو يتخيل ان **** بتنفصل عن فهد ..بس الايام مرت وفهد بيكون ل**** ..
خالد قرر ان يتصل في **** ويعرف شو السالفه ..
**** كانت توها راده من الصالون ولا تسمه موباليها يرن
**** : الو
خالد بحزن وشوق : شحالج ****
**** يوم سمعت صوت خالد تضايقت مره ثانيه لانها ما بتكون له : **** بحزن ورقه: خالد
خالد : هي خالد ليش ما توقعتي اتصالي صح
**** : خالد قلت لك لا تتصل ما فيه على المشاكل
خالد : ما يهمني شي ..بس ابي اعرف ليش ما وفيتي بوعدج
**** : والله حاولت بكل الطرق عشان ينفصل عني وجفيت معاه وغيرت اخلاقي وكنت جافه وياه بس ما شي فايده شو اسوي
خالد بعصبيه : والحينه بتكونين وياه ..قولي ( بصريخ ) كيف بعيش بدونج كيف اتخيل انج لانسان ثاني ..كييف كيف
**** والدموع بعيونها : خالد كافي لاتعذبني اكثثر والله اني متعذبه اكثر منك بس شو اسوي قولي شو ؟؟
خالد : عند يحل
**** : حل مثل شو ؟
خالد بجديه : شو رايج ...( متردد) نشرد
**** فتحت عيونها: شوووووووووووووووووووو
خالد : هيه نشرد ونتزوج بدون ما يعرف فهد يعني بس اهلنا وبعدين يوم بيعرف انج متزوجه غيرج بيودرج
**** : انت وايد متاثر في الافلام الهنديه
خالد : ليش منو قال ان وايد من قصص الافلام والمسلسلات منواقعنا بس نحن ولا ندري
**** : الله يهديك شو نشرد ..ما سوينا شي .. شو نسيت تهديدات فهد ما فيه على المشاكل والصراحه خايفه عليك وعلى امي من فهد
خالد بعصبيه : خلا يولي ..ما اخاف منه اصلا .
**** : لا تعصب خالد ما بي احس اني السبب في عذابك
خالد : **** يعني ما شي فايده ... حتى لو تزوجتيه بعد حاولي تكونين اخس من قبل يعني اقسى عشان يودرج وانا اوعدج اني باخذج
**** : يعني اكون مطلقه
خالد : شو فايده اتكون انسانه متزوجه بس بتعاسه ومع انسان ما تحبينه وبعدين انتي ما بتكونين مطلقه لاني باخذج ..
**** : وانت ما بتزوج غيري وبتترياني
خالد : اوعدج اني ما بتزوج حتى لو طول حياتي وبترايج لين ما انتي تقولين انج ماتبيني
**** : مستحيل اقول اني ما اباك .مستحيل وبعد حرام انك ما تزوج عشاني ما ارضى عليك
خالد : افا يا **** قولي كيف باخذ انسانه وقلبي معاج وقلبي ما ينبض الا باسمج ..
**** استحت : خالد .


خالد : ما اقدر يا **** لازم اعبر عن حبي لج ...سنين وانا اباج وبخاطري اقول وايد اشياء وكنت انتظر عشان نتزوج واقولج اللي قي خاطري.. بس حرمني منج هالنذل
**** : خالد خالد الله يخليك بس
خالد : **** بتودين موبايلج في السفر
**** : ليش
خالد : بس ابي اعرف
**** : هيه بودي موبايلي على الاقل اتسلى
خالد : لا تنسين انج تقسين عليه عشان يودرج وتكونين لي
**** : اوعدك يا خالد ان اغير طبعي واكون قاسيه لاخر حدود بس عشانك يا خالد ..
خالد : اوكي يا **** وانا بترياج العمر كله

**** مستحيل تتقرب من فهد لان خالد دايما يذكرها بالوعد وبالحب اللي كان بينهم ..
*****************

اما في بيتكم شيخه..
ام شيخه راحت عند شيخه وهي متردده تفاتحها بالسالفه
ام شيخه : شيخه يمه بقولج شي لا تتضايقين
شيخه حست باالسالفه : خيريمه
ام شيخه : بعدج يا يمه مب مرتاحه لمحمد
شيخه متضايقه : هيه يمه ما ابيه مابيه خلاص
ام شيخه : ماعرف كيف افاتح مرت عمج اخاف تزعل
شيخه : هذا زواج .. والزواج قسمه ونصيب ..ومرت عمري انسانه فاهمه ومستحيل تقطع الصله عشان هالسالفه
ام شيخه : الله يعينا يارب

************************

وفي المساء **** وايد تحاتي لان ما بقى شي على عرسها وهي وايد خايفه ..
فهد اتصل في **** وهو ميت من الوناسه لان واخيرا بيجتمع مع **** ..
**** من غير نفس : الو
فهد : هلا اللي باجر بتكون ويايه طول العمر
**** ماردت وهي منقهره
فهد : تصدقين مااقدر انام من الفرحه
**** في خاطرها ( وانا ما اقدر انام من القهر )
فهد : تعرفين سار ه اني حجزت لالمانيا وبلجيكا ترى فرق شويه بينهم يعني بننتقل بين المانيا وبلجيكا بالقطاروفرق بينهم ساعتين
**** : اوكي
فهد : اتصدقين اني اشتقتلج موت من زمان ما شفت ويهج القمر
**** : بتشوفني باجر شو ما تقدر تصبر يعني
فهد : كيف اصبر على الروح اللي سكنت روحي
**** من غير نفس : فهد بخليك الحينه ابي انام تعبانه
فهد : خلاص يا عمري بخليج وترى احلى يوم عمري هو يوم اشوفج
**** : يالله مع السلامه
فهد وهو مستانس : مع السلامه حبيبتي

فهد ماسك الموبايل وحاطنه عند قلبه والابتسامه بشفاته : فديتج يا **** والله اني اموت فيج

اما **** فالدموع في عيونها لانها ما بتكون لخالد

وياهاليوم اللي هو احلى يوم عند فهد واخس يوم عند ****

**** من الصبح قايمه وهي تجهز على عرسها



والريم وهي طايره من الفرح لسعادة اخوها ولان مرت اخوها بتكون اعز رباعتها اللي هي ****

ام **** مستانسه وايد لان بنتها الوحيده بتزوج وهي ما تعرف ان **** مب مستانسه بهاليوم ..وزعلانه بنفس الوقت لفراقها

ولا فهد الله على فهد يتريه متى يستوي المساء بس عشان يشوف ****

اما الريم فلبست الفستان الفوشي وحاطه ورده بنفس اللون على ينب من شعرها ..وهي ويا العروس **** ونوره بعد متكشخه مع الفستان الاسود مع التطريز الاحمر وكانت بعد حلوه.. وهم يشوفون **** لين ما يخلصون شعرها ومتخبلين عليها ومع مكياجها
الممكيجه اللبنانيه : بعملك شعراتك على شكل رولات وانتي ما بتعرفي حالك عن جد تغيرتي يا ****
**** تبتسم : يالله اتريه اشوف عمري
نوره : هي بدون مكياج حلوه والحينه صدق ماشاء الله تخبلين
الريم : يا حظ اخويه فيج

والحينه الساعه 10 ونص وقت العروس عشان تطلع ..و**** مسويه حركه حلوه يايه على عربانه كانها سندريلا مع الحصان صدق على شكل سندريلا وهي داخل العربانه ونوره والريم يمشون مع العربانه والكل مستغرب من الحركه الحلوه .. اما الكوشه فلا احلى على شكل طبيعه وشلالات واصوات العصافير ونزلت **** من العربانه وكانت احلى من الحلى نفسه .. شعرها صابغتنه بلون العسلي مع الهايلات الشقر ورافعتنه شوي مع رولات نازلين على كتفها والفستان كان بسيط وحلو فستان الابيض وشوي مع التطريز الذهبي كانها اميره.. ومكياجها على درجات البني والذهبي وياي على شكل الاسموك .. وعيونها طبعا طبيعيات عسليات ..وكانت حلوه ومتغيره واااايد و**** وهي تمشي بروحها طبعا مع ابتسامه حلوه مع غمازاتها والكل منبهر بجمالها وكل اللي يشوفها يذكرون الله لانهم يخافون يحسدونها..
**** بعد ما وصلت للكوشه وباتسامتها الرقيقه قعدت والمغنيه تغني باحدث الاغاني ويايبين رقاصات وسالفه ..

ام **** وهي تكلم ام خالد والدموع بعيونها : فديتها بنتروح عني
ام خالد : هاي سنة الحياه .. نربي عيالنا ونتعب عليهم وسبحان الله اي واحد جاهز مجهز وياخدها
ام **** : اهم شي يكونون متفاهمين وعلى حب
ام خالد : الله يهينهم..
ام **** :امين

الريم وهي تروح عند **** عشان تصور وياها ..
الرريم يالسه عندها : **** تصدقين ان رباعتي متخبلين عليج
**** بابتسامه : والله ...
الريم : يقولون شكلها كانها اميره مع الفستان والمكباج
**** : يحليلهم والله كلهم نظر
الريم : وانا عاد مستانسه اوني فخوره
**** : ههههههههههههه ..عاد انتي ما صدقتي
نوره يايه ركض عندهم: سارووه
**** : هلا
نوره شوي شوي ترمس : **** قريتي على عمرج
**** : وايد متفيجه انتي يايه من هناك عشان جذي
نوره : كل ما امر عند طاوله الكل يمدح فيج والله اخاف يضربونج بعين ترى العين لها حق
**** : والله نسيت
نوره : انا بقرى عليج
الريم : هههههههههههههه
نوره : بلاج
الريم : اول مره اعرف ان شي وحده تعترف انها بقره



**** :ههههههههههههههههه ..ايه لا تضحكوني فضيحه الكل بيشوفنا بيقولون بلاهم هالخبال
نوره : هههههههههه اعترفتي انج من الخبال يعني
**** : لازم من عاشر قوم ............ كملوها

الناس والكل توقعو ان **** مستانسه بهاليوم لانها خدعت الناس بابتسامتها الرقيقه .. وهم ما يعرفون بلي بداخلها ..

وياوقت دخول فهد ...
وطبعا العروس لازم توقف تتريه المعرس و**** قلبها يدق ومتوتره وايد والحزن مالي قلبها ..
اما فهد متصل في الريم
فهد : تعالي برع الريم اترياج
الريم: وانا شو خصني انت ادخل بلاك
فهد : استحي
الريم : متفيج والله
فهد : دخلي ويا ويهج
الريم : سب بيوم عرسك عفان الله
فهد : الريم
الريم : زين يايتنك ..
فهد متوتر واااايد ومستحي لانه داخل على الحريم بس هو متشوق يشوف حبيبة عمره اللي من مده ماشافها وهو ميت يبى يشوفها
المغنيه : تغطو يا الحريم ترى المعرس ياي
وفهد ويا بشته يمشي وهو مستحي منزل راسه بس فهد صدق بهاليوم بعد يخبل لانه مستحيل حد يشوفه وما يتخبلون على شكله..( عيونه وساع وشعره سايح واسود وخشمه مثل السيف ولونه حنطاوي يعني لا ابيض ولا اسمر وعليه جسم وطول).. يعني صدق لايقين على بعض..
دخل فهد و**** منزله الطرحه على ويها ومنزله راسها ومتوتره
فهد راح عند **** وقف ورفع الطرحه وبابتسامه باس فوق راسها من الوقار ووقف عندها
والمصوره تصورهم ..
والكل تخبل على فهد وبالذات بالبنات لانه غااااااوي

الريم وهي ترمس هند : ماشاء الله عليهم اثنينتهم غاوين
هند : هيه
نوره : صدق **** قمر و...( استحت ما كملت )
الريم: ادري اخويه بعد غاوي الكل يمدح بجماله
هند : حتى خالد اخويه حلو وايد الكل يقول انه وسيم
نوره : هي صح خالد اخويه حلو ماشاء الله عليه بس كلمة الحق تنقال ان فهد اوسم عنه
هند مستغربه : ايه هذا اخوج
نوره : زين يعني اخويه لازم اجذب ... انا اقول ان خالد غاوي وايد بس فهد اوسم عنه ..شو يعني
الريم: انتو ايه شو داشين تنتخبون ملك جمال الكون ولا شو ؟
نوره : اذا عن الانتخاب انا بتنخب ريلي فديته
الريم : بدت تتغزل فيه الحينه منو بيسكتها
هند ونوره : هههههههههههههه

فهد بعد ما قعد ويا **** على الكوشه وهو يهمس لها بابتسامه حلوه
فهد : **** مبروك عليج
**** بضيق: الله يبارك ....
فهد متخبل على **** : **** طالعه اليوم احلى من القمر
**** ما تصد حتى صوبه : تسلم

وام **** حالتها حاله الدموع بعيونها لان وحيدتها بتروح وام خالد اللي هي اختها تواسيها
ام خالد : بس يا ويخيتي قطعتي قلبي
ام **** واالدموع بعيونها : هاي بنتي الوحيده هي اللي منوره البيت كيف بتم بدونها
ام خالد: بس كم يوم وشهر عسلها مب اكثر عن اسبوعين وان شاء الله باجر بتي قبل ما تروح وبتسلم عليج ..
ام **** : فديتها بنتي بتروح عني

**** وهي تفكر بامها وتشوفها من بعيد وقلبها متقطع عليها ..
وبعد ما الاغلبيه روحو والحينه دور العروسين
**** نزلت من عند الكوشه وراحت صوب امها وهي تحضنها وتصيح : امايه فديتج بروح عنج
ام **** : لا تصيحين حبيبتي ان شاء الله بشوفج دوم
ام **** : ما اقدر بدونج يا امايه
ام **** : عيب روحي ويا ريلج الحينه لا تخلينه واقف يالله روحي
**** وهي حاضنه امها : لا ما بي اروح ابيج انتي
ام ****: بلا فضايح **** يالله روحي حبيبتي وعسى الله يهنيكم يارب
**** راحت ويا فهد والدموع بعيونها ..

وبعد ما نوره والريم سلمو على **** وفهد
**** ويا فهد راحو الغرفه في الفندق طبعا والمصوره تترياهم عشان تكمل باقي الصور ..
و**** بعد ما مسحت دموعها وشوي عدلت مكياجها ..
المصوره تقول ل**** انها تتقرب من فهدشوي عشان التصوير..
**** بعصبيه : بسنا تصوير من الصبح ونحن نتصور
المصوره : ايه بس الصور مش طالعه حلوه كتير لانك ما بتتأربي من جوزك كانه غريب ..
**** : والله انا على راحتي
المصوره : بس هيك الصور ما بتطلع حلوه كلها عاديه اول مره اشوف عروس ما بتتارب من جوزها هيك الالبوم ما بيطلع حلو يعني بس صور عايلتكن
فهد حس ان **** متضايقه : ماعليه خليها هي شوي متضايقه بسنا صور
المصوره : على راحتكن المهم الف مبروك ان شاء الله تتهنو .
**** : تسلمين

وطبعا الحينه محد غير فهد و**** في الغرفه
**** واقفه مكانها وهي مستحيه لانها ويافهد بروحهم ..
فهد يكلم **** و**** منزله راسها : الف مبرك يا ****
**** بحزن : الله يبارك فيك
فهد : تصدقين يا **** اني مب مصدق عمري اني وياج واخيرا يهاليوم اللي تكونين زوجتي وملكي
**** مب قادره تعلق على شي ..
فهد يرفع راس **** : وهالجمال كله بيكون لي صدق اليوم متغيره وطالعه مثل الاميرات
**** كانت واقفه عشان تتهرب شوي قعدت ..
وفهد راح عندها : **** ابي اقولج اني اسعد انسان في العالم واوعدج اني راح اسعد ج قد ما اقدر ولو اعطيج روحي ما بترخصلج واتمنى تعطيني فرصه
**** ما تقدرت تكلمه ولا تحط عينها بعينه لانها متضايقه وشوي تبى تصيح ..
وفهد شاف ان يايبين العشاء والكيكه على طول ياب صوب ****
فهد : تفضلي يا زوجتي
**** طبعا ميته يوع بس عشان ماتبى تاكل ويا فهد قالت انها : مب يوعانه
فهد : افا كيف مب يوعانه وانتي من الصبح مب ماكله شي.. تعالي كلي على الاقل قطعه
**** قربت عشان تاكل شوي ..
فهد مسك الشوكه عشان يأكل **** ..
**** بجديه مسكت الشوكه ..فهد استغرب : بلاج
**** : اعتقد اني اعرف ااكل عمري
فهد مستغرب : بس حبيبتي انا بخاطري أأكلج
**** : بس انا ما ارتاح جذي .. باكل بروحي
فهد بضيق: على راحتج
**** كلت كم لقمه وقفت مكانها
فهد يشوفها : وين ما كلتي شي
****: شبعت



فهد وقف وياها ...ومسك ايدنها : **** انا
**** بعصبيه ..( هدت ايدينه ) لو سمحت فهد بقولك شي
فهد مستغرب : خير
****: بقولك شي واتمنى انك تفهمني ..انت قايل انك ما تبى تزعلني صح ؟
فهد : اكيد
**** وهي رافعه حواجبها :اولا انا ما ابيك تلمسني ابدا
فهد مبطل عيونه مثل البومه : بس انا زوجج ويحق لي
**** : انا ما اتكلم عن الحقوق بس انا ما ابيه وتعرف السبب ..
فهد : لا ما اعرف السبب يمكن اعرف ؟
**** : لاني ماخذتنك عن غصب يعني ما ابيك تلمسني
فهد ماسك عمره ويحاول ما يقول شي عشان مايزعلها من اول يوم
**** بكل ثقه : ويمكن لو سمحت تنام باي مكان يعني مب ( بخجل ) مب عندي
فهد : **** كاني غرييب بلاج انا زوجج
**** : ادري بس ما ابي انا وياك ..بنام على الغنفه وانت نام على السرير..
فهد والقهر مالي قلبه : وبعد شو اوامرج
**** : وهالحال حتى في شهر العسل اباك تاخذ شقه مب فندق عشان كل حد بغرفه عشان محد يعرف وننفضح
فهد : **** انتي شو تقولين ما في وحده في العالم جذي تقول حتى الحريم اللي يستحون من رياييلهم ما يقولون هالكلام
**** بحزن : بس انا وضعي غير( بعصبيه ) ..انا ماخذتنك غصب فهمت فهمت
فهد يحاول يلبي طلباتها لانه متوقع ان **** منصدمه لين الحينه ومستحيه ويمكن تغير رايها في السفر : على امرج
**** : اتمنى تكون عند كلمتك
فهد بحزن : اوكي يا **** اهم شي عندي راحتج
**** : والحينه عن اذنك بروح ابدل ..
راحت **** في الحمام عشان تبدل ..اما فهد فهو منصدم من طلبات **** .. بس عنده امل ان **** تتغير في يوم من الايام ..بس اللي مفرح قلبه ان **** زوجته وبتكون له للابد ودايما بيكحل عيونه بشوفتها لان فهد ميت فيها ..

طلعت **** من الحمام وهي لابسه بجامه بس قطعتها حلوه وفخمه بس مستووووره ولا كانها عروس وفتحت شعرها السايح بعد ما خوزت المكياج ..

فهد : **** انتي نامي على السرير وانا بنام على الغنفه
**** : ليش عادي بنام انا على الغنفه
فهد : ما ارضاها عليج ..عروس وتنام على الغنفه بس عطيني وساده عشان انام فيها وشي لحافين رفيع وغليظ عطيني الرفيع اوكي ..
**** عطته اللي يباه ..
راح فهد وجهز الوساده واالحاف على الغنفه
اما **** فهي على السرير بس بعد مستحيه لان فهد معاها بنفس الغرفه حتى لو هو بعيد شوي عنها بس بعد مب ماخذه راحتها ..
فهد بكل رقه: تصبحين على خير يا عمري
**** : وانت من اهله
**** مستيحه مغطيه شوي باللحاف على ويها ..
اما فهد فهو يترقب حركات **** ويبتسم ومستانس مع جفاء **** لانه بيمسي وبيصبح على ويه **** وعلى وجودها..