السلام عليكم ورحمة الله وبركاته
من زمان ما علقت تعليق قصير لطيف وصدعت راسك ام اليزيد .. ولذلك ... :فيس شرير:
.
.
خل ابدء من عند العثرة العاشرة
اول لقاء لعقاب وبندر خلال الكم سنة اللي فاتو
عقاب يقهر يقهر يقهر صراحة
لكن ما استغربتها منه بعد سواته بعزاء امهم سابقا
طيب اقولك .. جا ببالي انه يعاند شويتين كنه يبا يقول لاخوه تراني ابا افشلك زود وزود
بسس يقهههههههههر ..
يا أخي قدام عشرات العشرات من الشامتين .. والرجال بذا المواقف يتحولون العن من الحريم بتناقل الهمساات والبهارات والاشتغالات
زين منك خليتي غتار نفسه بالعناد وقوة الباس بسس ولا كان ما تأملنا بالصلح لو على موت بندر
البنات مصرين يلومون بندر على سوايا عقاب مع اني ما اشوفه غلطان ذاك الغلط اللي يستاهل .. هو ما راح خطب العنود وانما عمه ورطه بها على مرأى ومسمع من الرجال ولا كان يقدر يرفض ولا حتى يطلق مباشر بعدها
رفض العم لعقاب ونعته بالاهوج او عديم القيمة هذا ما له دخل ببندر !!
أوك أخطأ لما تزوج اللي يباها أخوه بس وش كان المفروض يسوي بالعادات اللي فرضت عليه يوافق ؟!
بعدين احنا ما عندنا فكرة اصلا كيف كانت حياته مع العنود .. يا دوب ندري ان عنده منها بنت وطلقها بعد سنة ونص لانه ما قدر يكمل بسبب تذكره الدائم لاخوه وحتى بنته ما قدر يقرب منها لمجرد ان شوفتها تذكره بسبب هجره لاخوه !
أتوقع حياته مع العنود ما كانت عادية .. صح يمكن خالية من المشاكل والشجارات لكن مش حياة زوجية طبيعية بروتين طبيعي ويمكن كلام العنود وقت الفراق أعطاني انطباع بذا الشي بعد.
خلاصة الكلام .. بندر شخصية لطيفة وطيبة لكنه أخطأ خطأ أصلا تم إجباره عليه
وصدقا اتمنى رجوع علاقته بعقيب فقط عشانه هو ولا عقيب يستاهل اللي يخليه يعيش وحييييد عشان يتعلم ان الله حق !!
باقي كل ما فكرت بموقف العزا انقهر عااااااااا
خل نخلص من عقاب طالما احنا بسيرته .. موقفه مع عمشا بالبيت
صراحة ما الومها
يعني بغض النظر عن اعتقادي اللي باقي مدري عن صحته ان من اسباب بعده عن اخوه شي من الغيرة والقهر بسب المقارنات الدائمة وانه اصلا اخذ العنود حجة بوسط هوجة مشاعره من سواة عمه
بغض النظر عن هذا فان الظاهر للجميع ان الخلاف بسبب ماسا ؟؟
بسبب حرمة
حرمة أصلا تركها اخوه وتزوجت غيره وهو عقاب تزوج غيرها وعنده عيال و و و
طيب ليش ما يستجيب لمحاولات اخوه للصلح ؟
الأكيد ان اول شي بيجي ببالها ان باقي بخاطره العنود
وعقاب ادرى مننا بغيرة عمتي عمووش
بنفس الوقت لو هو فعلا سببه نفس ما اعتقد ما يقدر يفصح
ليش ؟؟
عشان شكله بيكون ويييييحيييييييييييش
يعني خلصنا وحل السالفة وطيع ابو محمد يوم يجي يصالحك على اخوك ويخطب بنيتك الضاكتورة لولد عمها .. بيس ؟؟
نرجع لمجلس ابو محمد
واضح ان الرجال صديق مشترك قديم بين ال بندر
أظن ان هو اللي لجأ له عقاب بالماضي لما بدء عمله وكان مستحيل يروح يطلب شي من بندر
ولهاسا مسمي عليه من غلاته وردا للجميل
اظن كلنا مالينا الفضول نريد نعرف وش المفاتيح اللي عنده بالضبط
لكن اظن الموضوع شامل اعتذار ورد اعتبار لعقيب على الملا
يمكن بيروح يخطب فخر لغتار بمجلس مليان رجال ويتكلم بحكمة كذاا عن الخلاف القديم وكيف ان بندر خسر كثيييييير بخناقته مع اخوه وانه ما يرتجي من الدنيا شي الا الصلح معاه والموت ما بينتظرهم والخلاف كان ابليس موجود والحرمة خلص عند رجالها
وان عقاب شيخ عاقل وخسارته فجيعة وتسذا
ثم يتبعها بخُطبة عشان الخِطبة
:فيس عاش الدور:
بس ننتظر ونشووف اهيء
*
*
بما ان جبنا سيرة الخطبة يعني غتار وفخر
ما حبيت اعلق ع الاعلان بما ان البنات سبقوني بالتوقع << كنت نايمة وقت نزل
لكن .. هو الأقرب غتار اللي يكلم فخر
بنفس الوقت الاسلوب ماهو بالاستفزاز المعهود بالتالي قلت يمكن حاكم على اساس شافت الاسم على بطاقة بعدين انتبهت لانها بطاقة شخصية مش كارنيه المستشفى اللي حد علمي اصلا ما عليه صورة
كذا صار الاحتمال الاكبر غتار
مكان اللقاء يمكن ببيت بندر .. باقي نورة ما تبين دورها في لقاء ذا الاثنين ويمكن بتدعيها لبيت بندر وهناك تشوف غتار نفس توقعي القديييييم المغبر
وبعد يمكن بالمستشفى موعد روتيني او مدبر :فيس ماكر:
وعموما ايا كان .. افرحو بالنجمة ذا المرة يا حلوين ^_^
فقط الاعلان كان اثبات ان فخر تحديدا تعرف بالضبط بكل شي عن اللي صار مسبقا وما شاء الله ما تتخير عن ابوها .. جعلني اشوفها غرقانة لشوشتها بحب الباشااا
*
*


فارس وفلعة
متقلب حالهم باخر فصلين ما بين شد ورخا
كنت فكرتها ذكية بعد ما أجبرته تقريبا على شراء ذهبها بغض النظر عن الغباء المتمثل بالفيديو الي أرسلته له
لكن عموما بعد آخر فصل نزلتها لأغبى من الغباء بشوي
ليش ؟
هذا فرووس كان تقريبا بدء ينجرف مع مشاعره المدفونة ويحن عليها ولو أبدى العكس
تقوم هي بدلا من الانتباه وتحسين تصرفاتها عشان يتم سرحااان تقوله عبارة غبية نفس باقي تحبني وتغار علي ؟!
عاد ابشرك فلعة خانوم
تراه انتبه لتصرفاته وبيزيد عيار الغلااسة بالفترة الجاية
وطبخن طبختيه يالرفلا أكليه
هذا بدل ما تقتنع انها غلطاااااااانة وتحاول تغير فكرته السابقة عنها جالسة تتكلم بأسلوب يثبت انها فعلا خبلة وأكثر ما يهمها المظاهر !
استغفر الله بسسس
*
*

نجي عند غيام وورد
صراحة اللوم الواقع عليه كبير جدا جدا برأيي
يعني رجال وجنتل وطيووب ومتفهم ما قلنا شي ..
ما كانت نيتك تلعب عليها وبعد ما قلنا شي
لكن انك تستمر بعلاقة اولا واخيرا حرااااام كمان بعد ما تزوجت ؟؟
وزوجتك تدري ؟؟ وتصرفاتها أصلا كفيلة بتنبيهك على اللي تسويه بكل فيمتوثانية ؟؟
يعني تعاندها مثلا ؟
ولا عناد بأبوك اللي زوجك غير الي تباها واللي ما تناسبك اصلا باي شكل من الأشكال ؟!
هذا قل عقل رسمي طال عمرك !!
ورد ما الومها بتصرفاتها ولو انها زودت جرعة الجنون شويتين لما بلعت الشريحة
بالعكس عافية عليها اللي ما استسلمت وتركت ذيك الزفت تخرب بيتها
يمكن اللي مساعد ورد فوق قوة شخصيتها وخبرتها مع المنيلين ازواج اخواتها انها تدري بندر بظهرها كمان << عاد مدري وش تسوي يوم تعرف غتار وتدري انه معهاا :جنوون:
المهم
تصرفاتها المجنونة اللي سيد غيام يشوفها أقرب لربيعه هي بالضبط المطلوب لجذبه لها
بتفرض نفسها عليه
بيحصل روحه متعود عليها وعلى الروح اللي أضفتها على حياته بعد ما كانت مملة وكئيبة
بيتعود على اسلوبها وفوضويتها ودفاشتها << عشانه رقيق بسس شايفها دفشة >> ولا عاد بيقدر يعيش من غيرها
والتعود اقوى من الحب الف مرة
بالنهاية بيحصل روحه خاااضع لها وغرقاان في دباديبهااا :ابتساامة ماكرة:
نروح لذاك الكائن الطفيلي المسمى وهج
استمرارها بمحاولة الكلام مع غيام للحين يجبرني اصدق عقلي بانها اصلا ممكن تكون سيئة من البداية !! بالأول كنت أبرر لها وأقول كلنا بشر ولنا أخطاء وهي كانت صغيرة وضعيفة شكل لها غيام بر أمان خصوصا انها يمكن استشفت من حديثه الصدق وانه فعلا ما يلعب عليها
طيب دريتي اهله رافضينك
وماهوب بسس رفضو وانما زوجوه كمان
يعني اهله وراه ومافي اي امل يترك حرمته اصلا
حرمته نفسها وضحت لك انها تدري بوجودك وبتحاربك بكل اللي تقدر عليه وانها مستحيل تترك غيام لك
ليش باقي تحاولين توصلين له ؟!
ما في اي مبرر صراحة !
لكن أقولك شي
العتب ماهو عليك العتب ع الرجال الواعي الفاهم اللي مستمر معك ويعطيك امل مع انه يدري ان ما في طريق وبيده ينهي كل شي في كلمتين
جاي ببالي سيناريو معين مفاده ان غيام لا اراديا بيبدا يقارن بين ورد ووهج لدرجة انه ممكن يغلط ويناديها ورد !
على كلٍ .. نشوف ضمضم وش مخبية لذا الاثنين
*
*

أخيرا رياش
مجنون يباا يزوج عقاب !
بس صراحة ما أخذت كلامه بصورة جدية .. يعني على قولة عقاب تراه يعرفه من سنين السنين ويعرف انه مستحيل ياخذله حرمة على عمة عمشمش
أظن كلامه من باب المزح والاستفزاز المتأصل في شخصه الكريم
اللي مستغربة منه في هذا العرس هو هوية العروس
مآخذ بنت صديقه القديم ؟!
هو يا ان صديقه كان اكبر منه والبنت كبيرة بالسن نوعا ما يا ام رياش تخبل وماخذله واحدة بعمر عياله !!
الذهب شكلها ما همها غير بنتها وبسس وداخلة بثقة تدري وش تبا بالضبط من هذا الزواج لكن اهتمامها الطبيعي بنفسها بيثبتها بخانة الرابعة عند رياش الظاهر
افهم من كلام اخوها ان زواجات رياش ماهيب بالسر ؟؟
بما انه قال ان الرابعة دائما متحركة وكذا
نتوقع نشوف عيال رياش بالعرس مثلا ؟؟
عندي شطحة خنفشاارية يا اني بفطس من الضحك اذا تحققت صدق ..
تخيلي ريااش يسوي دايت ورياضة ورياضة ودايت عشاان عيون الذهب بسسس ههههههههههههههه
*
*
وهكذا اكون خلصت هذرة على العثرة رقم عشرة
بحاول ارجع بتعليق على العثرة التاسعة قريبا ان شاء الله بما اني ما علقت على دامر حبيب القلب ..
أشوفك قريباا ام اليزيد .

السلام عليكم
توي اشوف الروايه /ام اليزيد
الله وكيلكم جلست عليها يوم الا شوي اصلي وارجع.
حمستني ارجع ارد واكتب لانها تستاهل
اكثر شخصيه اعجبتني {ورد السلمان }
وياليت كل بنت تستوعب وتفهم الي جالسه تسويه ورد
ذكيه وتدافع عن حقها وزوجها تحاصره وتسحب البساط عن كل من يحاول يدوس على ممتلكاتها وشوي شوي بتكون هي الكل بالكل طريقة التبكبك ماتنفع اول ايام الزواج لشخص منصرف قلبه لغيرها
وهج تعوذي من ابليس والي فات مات والله يرزقك بلي يسعدك لو اني ماظنيت بتتركين ورد بحالها بتحاولين بغيام حتى يقرف منك هو ويوقفك عند حدك
تهبل هالورد وتصرفاتها ودي تعطي بناتي دروس عن الحياة



القلب الشريهاني رياش جذبتني كلماته اذا ماهو شمري فهو شمالي خصوصاا النيص ههههههه
بندر وعقاب لابارك الله بخوة تخربها مره شلون قطاعه عاد. والاثنين غلطانين المفروض بندر يعتذر من عمه ....وعقاب يعذر اخوه لانها اهديت عليه ماراح خطبها

غياث الوجه الثاني لعمه عقاب
بيتناطحون ويتطاحنون والي بتروح فيها فخر
في البدايه لكن في النهاية نقول
لحمك لحمك إن ماحبك رحمك
يعني بيتصافون بس بعد معاااااناة

عمشاء
تعوذي من ابليس عقاب عنيد قطع باخوه لحمه ودمه مهوب عاد انتي ولا تفتحين عيونه
عن شي غافلن عنه

نوره مصختيها تراك شوف وحر جوف
احبك ولا تلمسني
تمثال تبينه تسعني ولا سنعته وزوجته

ياكثر الحكي الي ودي اقوله عن الابطال بس اصابتي بمتلازمة العجز الكتابي تمنعني

شكرااا ام اليزيد مليون

صباح الخير 💕
يقولكم أن تأتي متأخراً خيراً من أن لا تأتي
وهذا انا جيييييييت
تسلم يمينك ام اليزيييد💚 ومهما نشكرك مانوفيك على التزامك واسلوبك في السرد المحبب لنا
نججججي عاد نعلق
اول شي موقف عقاب وبندر يالله كيف هو شين ويوجع مهما صار مالك الا اخوك وحيدك كيف تصد منه قدام العالم وش نظرتهم لأخوك مهما رحت بالدنيا وجيت وجوك عيال واغنوك ماتلقى مثل اخوك
المشكله بندر كان واقف طيب ياعقاب قدر شيباته اللي ماليه وجهه :( الله المستعان بس

عمشاء والله انها انفلتت وغلطت على عقاب لما قالت ماتستحي وأحس عقاب ماراح يعديها لها كذا :)

غتار حركته ف عمه قويه سبحان الله يعرفون ل بعض ولا بعد لقى اللي بيساعده والمفتاح اللي بيوصله ل عمه عقاب وفخر 😏
والبارت الجاي بإذن الله الخطبه وبيروح ابو محمد معه وممكن يحرجون عقاب في مجلس رجال
ويمسكونه مع يده اللي توجعه :)
او يحجر لها غتار قدام العالم وبكذا مايقدر عقاب يتكلم 🙄🤔
فارس وعهد مسسسسكينه كسرت قلبي لما احرجوها العجز عاد مره مافيه تفاهم يعطونك بالوجه 😩
بس اخيراً رضضضى هالفارس وطلعت من مالديفه
بس يمكن إنه رضى جزءي ومجهز لها شي ثاني البارت الجاي 🙅🏼

ورد ههههههههههههههههههههههههههههههههههههههههههههههههههه مب صاحيه هالبنت كيف تبلع الشريحه من جدها !!
والله مالوم غيام بينجن من حركاتها مقفله عليه من كل الجهات وعاد هو مزودها خلقه والي جالس يسويه ومراسلاته مع وهج وصلت انها تدبل التسبد مرهه


فاقدين المهر ودامر اتوقع ان يحتلو البارت الجاي
وبانتظارك ❤

عودة من جديد
بالنسبة للفصل اللي فات وظهور كبير لدامر والمهر
ما ابريه من الخطا وهذا اولا يعني
لكن >> شوية خطوط كتير تحت لكن دي
واضح ان غتار يعرف بالضبط شخصيته لما قال انه ما يقدر يبعد عن النسوان >> فالح 😂
اذن بالتالي مفروض السيدة مهر لاحظت ذا الشي هي بعد
لكنها شايفة احتياجها للرضعة اللي تسويها السيدة الوالدة اهم
اذن
معلش يعني معلش
وش كانت متوقعة منه بالضبط ؟!!
تدرين
دامر كان مفروض قالها بترجعين بتزوج 😾
بلاش دلع فاضي 😾😾

ملحوظة : اتكلم على اساس انها روايةة ولا لو ع الواقع فانا مثل الفريك ما يحب الشريك 😹😹

ما بتكلم على ردة فعل غتار كثير ..
هي طلعت نفس ما توقعت تقريبا وتوقعي كان بناء على فهمي الخاص لشخصية غتار
لاحظي .. نادرا ما افهم غير الابطال 😹😌

وبعد اخذت على دامر انفعاله الشديد لما كانت العنود بتقع في الخزان
لان مفروض هو ادرى بحركات بنته 😒
بسس وش نقول .. رجال ما يفكرون بشيئين في نفس الوقت .. مستحيل 😒😒
لكن زين منه اللي حاول يراضيها واعتذر كمان
وين اللي يعتذر ولو اعتذار غير مباشر الحين بسس ؟؟
لكن المهر استغفر الله
مخها صرمة قديمة على قولة بابا

صراحة اشوف المهر هي بعد نسخة عقاب بالعناد والمكابرة والبزرنة كمان >> اسفين ام نواف 😗😗
مش بس بمكابرتها مع دامر لكن مع ابوها حتى
يعني ست مهر اذا كنتي كل ما شفتي ابوك تذكرتي انه ترك امك لسبب ما يسوى على قولتك ما اشوفه مبرر انك ما تقربين منه
بالعكس
طيب وبالماضي كان بعيد
مفروض انتي حاولتي تقربي اصلا
مهوب هو رد يحاول يقرب منك وانتي تبعدينه !!
اصلا ما حبيت ردة فعلها وهي مش بس تترك ابوها وتلجأ لغتار
انما كمان تقولها له صريحة كذا
لا تتدخل !!
تبا !!
عزتي لبندر بسس يلاقيها من اخوه ولا من بنته !!

اما عن تصرفاتها مع دامر فما شاء الله اثبات ثاني انها وريثة عقاب من تحت لتحت
مشكلة ما اشوفها مقتنعة ولو داخليا ان عليها جزء كبير من الخطا
قال ضد الطلاق وعشان بنتي
ليش حبيبتي مهوب عندك علم اصلا ان بعد ابوك ما كان بسبب اطلاق وانما بسبب سبب الطلاق ؟
يعني مش حجة
زائد انك مش امك انتي وتفكيرك هذا
وبعد تبين بنتك تكبر وهي تشوف امها وابوها عايشين طبيعي
ليش تفكرين الاطفال مجانين ولا ما يسمعون مثلا ؟!
مشكلتها تكابر على حساب قلبها وما اظن بتتحمل اصلا !!
.
.
بسالك ام اليزيد
حياة دامر والمهر اصلا كانت عادية وطبيعية قبل لا يتزوج ؟؟
يعني حياتهم اليومية اقصد ؟؟
لان ببالي شي من اثنين
اما كان فيه خلافات ووقتها بخفف لومي على المهر شوي انها تركته ورجعت
واما انه كان شايلها على كفوف الراحة فعلا وهي اللي عايشة بجو ما ابعد عن امي وما اترك امي و و و و ووقتها تستاهل اللي جرالها ونفس ما قلت عتبي عليه انه ما رماها بوجهها من الاول انه بيتزوج 😒😒
.
.
حاكم ونورة
نقول بتحصل نقلة بعلاقتهم بعد الحادث اللي فجعنا كلنا ؟؟
صراحة اشوف النقلة كانت المفروض تصير من بعد كلام حاكم السابق والغيرة اللي اشعلت قلب نور
بس عندي فضول اعرف شكلها اصلا كيف كان من قبل الجراحات
ما اظن كانت شينه
يعني اقلها كانت عادية يعني
فكل تحسسها هذا ما اشوف على شي يستاهل خصوصا انها ما راحت العبت بوجهها كذا عبط وانما كانت مجبرة
اشوف ام حاكم بدات توقف ولو جزئيا بوجه اخواتها وهذا شي جيد
اما هم
حبيبتي انتي وهي كل واحدة محتفظة ببنتها عشان حاكم يختار مثلا ؟؟
ولاا تبون بناتكم يطلعون برا ؟
ما عندكم عيال ؟
خلص كل واحدة ولدها ياخذ بنت الثانية وهذاهم ما طلعو برا وتركو الرجاب بحاله !!
ولا تبون الاسم والفلوس بسس ؟؟
حالة والله !
.
.

بما ان جت سيرة حادثة الخزان
تدرين
عجز غتار عن الركض لاخوه صدق كان طعنة بمنتصف قلبي
ما ابا افكر شلون كان شعوره بذيك اللحظة
صعب 😿
بسس موقف المستشفى لما عرف ان فخر مهيب مخطوبة وكلام زمايلها
لا اخوي ولا واسطة ولا نيلة
هذي خيالاتكم المريضة اللي ما تتقبل تفوق دكتورة عليكم
دكتورة هااا
دكتووووووورة
بنت ومتفوقة ومجتهدة بس انتو اللي روسكم فارغة ما فيها غير غيرة الحريم وحقدهم 😒😒
خسارة اللقب بسس
.
.
مدري اذا بعلق باكر او لا
موضوع مرتبط بالحالة المزاجية المتردية مؤخرا للاسف
لكن احس العثرة ١١ بتجي مميزة شويتين
بالنسبة لقصر المرايا فاحنا متحمسين وحابين الفكرة من قبل فما بالك بعد التشويق اللي مسويته لنا ياا ام اليزيد ؟
عجلو علينا بالرسومات بسس عشان اسرق شوي منها واغير شكل غرفتي >> فيس معترف باللي ناوي عليه 😹😺