لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 07-07-12, 12:59 PM   المشاركة رقم: 36
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224710
المشاركات: 3,261
الجنس أنثى
معدل التقييم: اسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييم
نقاط التقييم: 1223

االدولة
البلدSaudiArabia
 
مدونتي

 

الإتصالات
الحالة:
اسطورة ! غير متواجد حالياً
وسائل الإتصال:

كاتب الموضوع : اسطورة ! المنتدى : القصص المكتمله
افتراضي

 

***الــجـــــزء 33***
=== ==== ==== === ===
ضاري/عاليه انتي وضعك مو عاجبني خليني اوديك الطبيب
عاليه/ماله داعي كلها شويه دوخه وبتروح
ضاري/براحتك بس ودي اتطمن عليك
ام عاليه/انا شاكه بشيء بس ودي نتاكد
ضاري/شاكه بايش؟
ام عاليه/عندي احساس انها حاامل
عاليه/ايييييش حامل!!!!!!!
ضاري/احلى خبر والله
عاليه/وشلون حامل؟
ام عاليه/زي الناس مو كنتي على ذمة رجال وجلستو حول الاسبوعين
عاليه تبكي /معقول بيكون عندي شيء من ريحه المرحوم مو مصدقه
ضاري/بكرة لازم اوديك للمستشفى ونتاكد
عاليه/خير ان شاء الله
*&*&*&*&*&*&*&*&*&*&*&*

اليوم الثاني عاليه حللت وفعلا طلعت حامل
وكانت طايرة من الفرحه
الكل فرح بحمل عاليه وخاصه ام راكان اللي
اتغيرت معاملتها لعاليه من بعد ماعرفت بحملها

*&*&*&*&*&*&*
ياسر نفسيته زفت وماقام ينام بالبيت صار ينام بالعمل
&*&*&*&*&*

زياد خطب ماجده ووافقوا عليه بس لسى ماحددوا الزواج

ام عاليه كانت رافضه لانها باقي عندها امل بياسر

*&*&*&*&*&*&*&*&*&*&*&*
جود جابت ولد وفهد تغيرت معاملته لها للافضل

&*&*&*&*&*&*&*&*&*&*&*
بعد 3شهور

صقر/ مالها علاج ؟

الدكتورة /والله كان ودي ابشرك بس للاسف حالتها متاخرة جدا

صقر/ حتى لو ضحينا بالجنين؟

الدكتورة/ الجنين ماله دخل ,واصلا احتمال يعيش واحتمال لاء

طلع صقر وراح لغرفه هند اللي منومه بالمستشفى

ودخل وحصلها تكلم جوال

هند /حلا لاتتعبيني بالاسئله انتي بس تعالي وانا بقولك السالفه,اوكي مع السلامه


صقر/ كيفك حبي

هند/ الحمد لله على كل حال

صقر/ لا توي كنت عند الدكتورة وتقول صحتك عال العال بس عندك شويه دلع ههههههه

هند/ مو من حقى اتدلع؟؟

صقر/بالله اذا هنوده ماتتدلع اجل من يتدلع؟؟


هند...........

صقر/ اقول عمري دام حلا بتجي انا بروح واخليكم على راحتكم وارجع لك بعدين


هند/ لا خلك ابيك تكون موجود

حلا جات ودقت الباب

حلا/ ممكن ادخل ؟

هند/ هلا حلاوي حياك


صقر /هلا حلا كيفك

حلا/ بخير وعافيه انتو كيفكم

صقر/انا منيييح ههههههه

حلا/ ههههه

هند/ حلا تعالي قربي مني

حلا جات وقربت من هند وباستها / امري ياقلبي

هند/ صقر تعال شوي

صقر قرب/ خير هند خوفتينا

هند/ انا عارفه حالتي الصحيه وعارفه ان ايامي

معدوده ويمكن باي لحظه امووت
صقر / هند ولآ كلمه زياده انتي بخير ومافيك شي
حلآ / انتو عن ايش تتكلموآ فهموني!
هند / حلآ انا تعبانه وألمرض اللي عندي ماله علاج وابي اطلب منك طلب
حلآ / عيوني لك بسسس لآ تقولي هالكلآم وآلله احس قلبي بيوقف
هند / سلامت قلبك
صقر/ هند أنتي بتصيرين زينه صدقيني
هند مسكت يد صقر بيدهـآ ومسكت بيدها الثانيه يد حلآ وقالت : حلا انا حاسه انه يومي قررب ومابي اللي ببطني تربيه وحده غربيه
حلآ / هند آلله يخليك لآ تقولي كذآ
هند / ابي أوصيكم وصيه بس امأنه تنفذونها بعد ما أموت ):
صقر / هند يكفي يكفي
هند حطت يدينهم على بعض حلآ أبيك تكوني أم ولدي او بنتيِ من بعديِ
حلا / انتي اللي بتربينهم انشاء الله
هند / صقر ابيك تتزوج حلآ بعد مماتي
حلا / اييش انتي صاحيه ولآ مجنونه مستحيل هالكلآم
صقر / هند انتي تعبانه ومو داريه وش قاعده تقولي
هند / لآ وآلله صاحيه وعارفه ايش أقول حلآ انا ماراح ارتاح في قبري لو ماتزوجتي صقر
حلا . تبكيٍ’
صقر / انا مستحيل أتزوج بعدك وبعدين بلآ هبال ونامي أحسن لك ,
هند / اذا تبون راحتي نفذوآ اللي قلت لكم عليه
حلآ طلعت تجري براا الغرفه
صقر دق على الدكتوره تجي تشوف هند
جت الدكتوره وصقر طلع من الغرفه بس قبل مايطلع نادته هند
صقر/ نعم ياقلبي
هند / ابيك تسامحني على كل شيء وأبيك تهتم بحلآ اذا تزوجتها وتخلي بالك من اللي في بطني واذا بنت سمهـآ هند
صقر / هند الله يخليك لآ تعذبيني انتي بخير وبتقومي بالسلآمه وخلي املك بالله كبير
هند / ونعم بالله بس اوعدني
صقر / اوعدك ولو انه صعب علي هالطلب بس عشانك بسوي أي شيء
الدكتوره / لو سمحت يا أخ صقر ممكن تطلع براا شوي المريضه محتاجه للراحه صقر طلع وهو في حاله صعبه وأخذ حلآ وواها بيتهم

&*&*&*&*&*&*&*&*&*&*&*

دلع /ممكن تسوي لي جوالي مدري وش فيه
وليد رفع راسه لانه كان يقرا جريده وانصدم من اللي قدامه (ياويل حالي من هالقمر اللي قادمي لا اكيد انا احلم وش عندها مسويه بنفسها كذآ)
وليد / هااتي طيب أشوف
دلع جلست جنبه وحطت رجل على رجل وكانت لآبسه فستان للركبه وبدون اكمام ومسويه مكياج كامل وطالعه جنان

وليد ( ألجوال مافي شيء هذي حركه عشان توريني اللوك الجديد )

وليد / جوالك منتهي , ويبي لك واحد جديد
دلع / كيف منتهي لآ بس يمكن السماعه ضعيفه شوي
وليد / اهااا يمكن طيب ممكن افهم انتي ليش تحبين تسويين الشي اللي يضايقني؟
دلع /انا ؟وش سويت؟

وليد /مدري عنك انا كم مرة قلت لك هاللبس مااحبه ليش تعاندين؟
دلع قامت ولفت بدلع / ليش وش فيه لبسي؟بالعكس مرة حلو ومبيني انثى

وليد (واحلى انثى والله)
وليد/ وانا مابيك انثى ,ابي دلع العربجيه اللي ماتحب حركات البنات الماصخه

دلع/غريبه

وليد/وليه غريبه؟

دلع/طول عمرك ماتحب عربجتي اشمعنى الحين؟

وليد/لاني تعودت,وبصراحه امممم الانوثه مو لايقه عليك

دلع والدموع بعيونها/شكرا يازوجي العزيز

الحق على اللي غيرت اشياء كثيره بنفسي عشانك,,وراحت غرفتها


وليد(كأني زودتها حبتين؟؟بس لازم اقول كذا عشان مااضعف

قدامها مع هاللبس,بس مقدر امثل اكثر من كذا)وراح لها الغرفه

دخل الغرفهوشاف دلع رامه نفسها عالسرير وتبكي

قرب منها وجلس جنبها

وليد/دلوعتي ليش تبكين؟ترى مايهون على اشوف دموعك

دلع/لو سمحت ابغى اجلس لوحدي

وليد مسكها وجلسها وشال ايديها من على وجهها ومسك وجهها بيدينه

وليد/ياعمري والله ماكان قصدي اجرحك وقلت اللي قلته غصب عني


دلع................


وليد/انتي مو حاسه باللي احسه انا جالس اتعذب وانا اقسى عليك عشان تتغيرين


وتصيرين انثى حالك حال البنات

دلع/وهذا انت تقول مو لايق علي

وليد/انا كذاااب وستين الف كذااب انتي احلى انثى شفتها بحياتي

دلع.......

وليد/عارفه كم لنا متزوجين؟

دلع/مدري

وليد بس انا ادري لنا 9شهور عارفه يعني ايش 9شهور يكون زوج وزجته ببيت واحد


وكل واحد نايم بغرفه ولابينهم اي علاقه؟

انا جالس اتعذب وانتي قدامي وماني قادر اقرب منك قلت اقسى عليك عشان تتغيرين

وتقبلين فكرة اني زوجك وانك بنت مو ولد

دلع/ بس انا بنت مو

وليد الحين صح بنت مو ولد وصايره بنوته وتجننين بعد ,عارفه كنت اقولك لاتلبسين فساتين وقمصان ليش؟

دلع/ليه؟

وليد/لاني عارف انك بتعاندين وبتلبسينها هذي هي الطريقه الوحيد اللي لقيتها عشان اخليك تتغيرين

دلع/ وليد انا انا

وليد/لاتقولين شي بس ابيك تعرفين اني احبك وامووت فيك ومن اول يوم شفتك فيه تلعبين كورة الين الكف ,ومسك خده وابتسم

دلع.........

وليد/دلوعتي خلينا ننسى اللي فات ونفتح صفحه جديده

دلع/ وليد انا امممم انا احبك بس ماكنت اقدر اقولها يمكن كبريائي منعني بس الحين ابي كل الدنيا تسمعني,,ورمت نفسها بحضنه

وليد ضمها لصدرة /وانا امووووت فيك ياعربوجتي ههههههه

دلع/ وليييد خلاص انسى

وليد/دلوعه انا بنسى بس بعد ابيك تنسين وتسامحيني لو قسيت عليك

دلع/ ياقلبي اصلا قسوتك هيه اللي صحتني من اللي كنت فيه

وليد/طيب وش راييك تروحين تلبسبن عباتك وتجين؟

دلع/على وين ماخذني؟

وليد/على احلى فندق بجده وبنقضي فيه احلى ليله اممم واعتبريها اول ليله بزواجنا


دلع/اوكي دقايق واجي

وليد/اوكي انا بالسيارة انتظرك

<<<<<<انا ماخربت عليهم لاني بصراحه متحمس للتغير اللي صار

و متعاطف مع وليد لانه اكثر واحد تعب بالروايه
اتمنى لهم ليله سعيده وعقبالنا

*&*&*&*&*&*&*&*&*&*&*&*
ياسر / هونها وتهون
صقر / ياخي وآلله متضايق وحاسس نفسي مخنوق , انت ماشفتها

وهي توصيني بشيء ما أقدر أنفذه
ياسر / طيب سفرها للخارج يمكن تلقى لها علآج

صقر / حاولت بس يقولون حالتها مره متأخره وكان بيكون في امل بسيط

لو وافقت من البدايه تخليهم ينزلوا الجنين بس الحين لآ
ياسر / الله يشفيها
صقر / احس لو جاها شي بموت وراها ,انت ماتعرف قد ايش احبها وحياتي متعلقه فيها

ياسر / الله يخليها لك ويشفيها
صقر / عارف الفرق بينك وبينها ايش ؟
ياسر / ايش .!
صقر / هند ضحت بنفسها عشان ولدها اللي باقي ماشافته , وانت
ياسر / وانا ايش ؟
صقر /انت ذبحت ولدك بيدك وعشان شيء انت بنفسك شاكك في صحته
ياسر / انت وش تقول ومن ذبح من . ؟!انا مو فاهم

صقر/ يعني بتفهمني انك ماتدري انك السبب في بموت اللي كان في بطن زوجتك؟

وانها سوت عمليه وانت حتى ماتنازلت ووقعت عالعمليه

ياسر/متى صار هالشي ؟

صقر/ يعني جد ماتدري؟
ياسر/والله ماادري عنها انا عرفت انها بالمستشفى بس ماسألت ليش

صقر/ ياخي ليش هالقسوة انا مااخبرك كذا قاسي,,انت عارف ان المستشفى كان بيبلغ الشرطه

بس البنت رفضت وقالت انها طاحت من الدرج

ياسر/انت عارف ليش ,, والله اللي صار صعب انت ماشفت اللي شفته وسمعته


وأي واحد مكاني بيسوي اللي سويته واكثر,,وهي حتى ماحاولت تكلمني وتبرر اللي صار

صقر/انت تظن بعد اللي سويته فيها بتنتظر منها تتصل

وتبرر ياخي احمد ربك انها للحين ماطلبت الطلاق

ياسر/ طلااااق !!!!! مستحيل


صقر/وليه مستحيل؟


ياسر/عن اذنك انا بروح عندي شغل

صقر/شغل والا تتهرب


ياسر.........

صقر/ عموما ياليت تراجع نفسك قبل يفوت الاوان ترى شوق جوهرة وماتتعوض

*&*&*&*&*&*&*&*&*&*&*&*
نهايه الجزء 33

 
 

 

عرض البوم صور اسطورة !   رد مع اقتباس
قديم 07-07-12, 01:01 PM   المشاركة رقم: 37
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224710
المشاركات: 3,261
الجنس أنثى
معدل التقييم: اسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييم
نقاط التقييم: 1223

االدولة
البلدSaudiArabia
 
مدونتي

 

الإتصالات
الحالة:
اسطورة ! غير متواجد حالياً
وسائل الإتصال:

كاتب الموضوع : اسطورة ! المنتدى : القصص المكتمله
افتراضي

 

***&&الــــجـــــزء 34**&&
احمد/ياخي ماابي اروح
ناصر/وليه ماتبي تروح ان شاء الله؟
احمد/مدري
زياد/ماتدري والا خايف؟
احمد بعصبيه /ايه خايف ارتحت
ناصر/ومن ايش خايف؟انت فيك شيء ومخبي علينا؟
احمد/مدري بس عندس احساس انه بيطلع فيني شيء
زياد/ ياخي خل ايمانك بالله قوي ,,وترى كلها حصوة كبر
هالكاسه ماتظر هههههههههههههه
احمد..........
ناصر/ احمد انت لازم تروح وتراجع عشان لو لاسمح الله
وطلع شي يمديك تتعالج

احمد/ والله هالموضوع مسبب لي قلق

والوالده كل شوي تسألني راجعت وانا اقولها لسى الموعد ماجاء

زياد/ وانا بعد بنشب لك زي الوالده لو مارحت

بالله غيروا الموضوع

ناصر/ ياني شفت لكم بنت اليووم صاررروخ

زياد/ ايه هذا الكلام اللي يوسع الصدر هههههه

احمد/ الحين اقول غيروا الموضوع تقولون لي صاروخ


وطيارة ومدري وشو

زياد/ آآآه وفيه احلى من سيرة البنات؟

احمد/ بس انا مااحب سيرتهم ولااحب اتكلم باعراض الناس

ولاتنسون ان عندكم خوات وبنات عم

زياد/ بس تصدق من يوم خطبت احس اني ماابي اكلم غيرها

,,بس ياخي هم يتصلون

احمد /غير جوالك

زياد/ والله احيانا اكون مع خطيبتي ويدي على قلبي

لا وحده من البنات تدق
ناصر/ انا لاخطبت ولا بخطب خلني على راحتي

احمد/ تصدقون مرة اختى الكبيرة سوت فيه مقلب

واتصلت واستهبلت علي وانا عطيتها كم كلمه

وفجأة قالت هييي حمود ترى انا اختك حاسب

زياد/ مسويلي فيها ماتكلم بنات وملفك كله نواعم ههههههه

احمد/ بس النت غير الجوال هناك كلام بدون صوت

وبعدين كلامي معهم مايتعدي الذوق العام

اما بالجوال مااعطيهم فرصه يطولون لانك تعرفني اتعلق بالصوت

عشان كذا اكون جاف معهم لاني عارف انهم مايعجبهم الجاف

ولاعاد يتصلون

ناصر/ ياخي كيف تقدر؟؟ انا من يوم اسمع الو من بنيه


اخق خقه مهيب صاحيه ههههه

زياد /ههههههههه

احمد/ لو سمحت لنفسي اتمادى كان خقيت من زمان هع

*&*&*&*&*&*&*&*&*&*&*&*

شوق جاسه بغرفتها وماسكه السلسله اللي اهداها لها ياسر زمان

((هنت عليك ياياسر ترميني كذا؟ ليه صدقت فيه ؟

انا حتى الرقم الغريب اتردد ميه مرة قبل ارد عليه تقوم

تصدق اني اخونك؟

خسارة الحب اللي كنت تقول عليه لما يختفى بلحظه ,,,وحطت يدها على بطنها..شوف حتى الخبر الحلو

اللي كنت بفرحك فيه ماخليته يشوف النور وذبحته بيدك,,ولا حتى

سألت عنه آآآآه حااسه اني بكابوس ونفسي اصحى منه))

في هاللحظه دق جوالها ..وناظرت شوق للجوال وشافت

((حبيبي الغالي)) يتصل

شوق(هذا له عين يتصل ياربي ارد او لاء؟

لا انا لازم ارد واعرف من وين جاب رقمي)

شوق/الوو


ثامر/هلا والله باهالصوت


شوق/ممكن اعرف انت وشتبي مني ومن وين جبت رقمي ؟؟


ثامر/افااا انا حبيبك الغاالي ههههههههههههه

شوق/الله ينتقم منك انا بايش ضريتك عشان تخرب بيتي؟


ثامر/اممم تقدرين تقولين خدمه لشخص غااالي على


شوق/خراب البيوت والتفرقه بين الزوجين صار خدمه؟!!!!!


ثامر/اقول بلا محاضرات وخلينا ندردش شوي


شوق/انت فعلا ماتستحي على دمك ,تخرب بيتي وتبيني ادردش معك؟؟


ثامر/خليكي كووول وفليها ,تصدقين من زمان ودي اسمع صوتك

واكثر شي حمسني هوه حب الاهبل ياسرلك ,انا كنت بقطع الامل

انه يصدق كلامي عنك بس في اخر لحظه صدق هههههههههههه

شوق/حرام عليك ليه سويت كذا ؟ومن اللي حرضك عليه؟


ثامر/لا لا هذا سر ومااقدر اقوله ابد ,عموما هذا رقمي عندك


لو حبيتي اكون فعلا حبيبك الغالي دقي علي ههههههه تشااااو


شوق سكرت الجوال ورمت نفسها عالسرير((ليه انا من بد كل هالناس

البلاوي لاحقتني ؟))وبعدين خذت الجوال وطلعت الشريحه وكسرتها


*&*&*&*&*&*&*&*&*&*&*&**


رغد/هنوي ابي اطلب طلب


هاني/عنوني لك

رغد/تسلم عنونك يارب امممم فارس طفشان ويبي احد يونسه

هاني/اووووة رجعنا لهالموضوع

رغد/هاني مايصير كذا الولد كبر وانا ابي عيال


هاني/بس انا ماابي كفايه فارس خلينا نعرف نربيه زي الناس والا

تبغين تجيبين لي درزن ,روحي شوفي الاجانب واحد او اثنين كفايه

وبعدين لما يصير عمرة 10سنوات نفكر نجيب له اخ


رغد/حرام تحرمني من الخلفه عشان تاثرك بالغرب


هاني/رغد خلاص انتهينا وماابي كلمه زياده بهالموضوع..

وخلاها وطلع


&*&*&*&*&*&*&*&*&*&*&*

جود/فهودي ابي اليوم ازور شوق زمان عنها


فهد/ابشري وانا رايح للمكتب اوديك لها غيرة؟

جود/سلامتك اممم فهود
فهد/هممم

جود/لا خلاص شكلك مشغول

فهد/لا خلصت امري

جود/ ابي نغير غرفه النوم

فهد (ادري انك متحمله عشاني ولو غيرك ماتحملت))

فهد/ابشري بكرة نروح واختاري احلى غرفه

جود بفرحه/احلف


فهد/ههههههه من غير حلف والا تبين اغير رايي؟

جود/لا لا مصدقه ههههههههه

فهد/يالله خلصي عشان اوديك

*&*&*&*&*&*&*&*&*&*&*&**
ياسرجالس عالبحر وهموم الدنيا على راسه((اخر مرة جيت هنا كانت

شوق جنبي ودخلنا البحر وضلينا بالقارب للفجر ياااااه

على ذاك اليوم كانت الفرحه منورة وجهها))فجأة دق جواله

ياسر/ الوو

المتصل/السلام عليكم الاخ ياسر؟

ياسر/ ايه نعم من معي؟

المتصل/ بغيت اكلمك بموضوع خاص

ياسر/خييير فيه مصيبه جديده بتقولها لي انت بعد؟

المتصل/شوف ابي ابلغك شي ضروري

ياسر/ تفضل


المتصل/انا عرفت ان واحد من اصحابي كان متفق مع وحده


انهم يشككوك بزوجتك عشان تطلقها

ياسر/ايييش؟ وانت من قالك ومن هو هالشخص

المتصل/انا سمعته يتفق معها ولما سالته خبرني ان البنت دقت عليه


من جوال زوجتك وسجلته بجوال زوجتك حبيبي الغالي

وزوجتك ماتدري

وانا لما سمعت هالكلام ماقدرت اسكت وانا عارف ان

فيه وحده متهمه ظلم وبتهمه زي هذي

ياسر/مو معقول؟ يعني كل اللي صار مؤامرة على انا وشوق؟

طيب من هو هالحيوان اللي سوى كذا؟ ومن البنت اللي تكرة

شوق لهالدرجه؟
المتصل/البنت اسمها شذى والولد اسمحلي مااقدر اقول اسمه

بس ربي يشهد اني صادق بكلامي سلام,وقفل الخط

ياسر مصدووم((معقول شذى تسوي كذا؟ وليه شوق بايش اذتها؟

يعني شوق مظلومه وانا اللي ظلمتها؟؟بس كل شي كان ضدها ,اففف

الحين وش اسوى؟كيف اصلح الامور؟ياترى شوق بتسامحني؟؟))


مسك الجوال ودق عليهابس للاسف حصل الرقم غير موجود بالخدمه

ياسر(معقول غيرت جوالها؟؟))



وليد/دلوعتي ابي قطعه من الكيكه اللي سويتي


دلع/نو نو هذي لصاحباتي بيجوني بالليل


وليد/قطعه صغنونه بس والله شكلها يشهي

دلع/بكرة اسوي لك احلى منها


وليد/يعني اصبر لين بكرة اففف


دلع/اممم اذا مرة ملزم بحطلك

وليد/لا خلاص بصبر لكيكتي بكرة هههههه


دلع قامت وراحت للمسجله وشغلتها وحطت شريط مصري

وليد/خييير وشفيه ؟


دلع/فيني رقصه وابي ارقص عندك شي؟

وليد/هههههههههه ومن متى دلع تحب الرقص؟

دلع/من زمان بس كنت استحي

وليد/يعني تعرفين؟؟

دلع/شوف واحكم ,,وبدت الاخت ترقص وتهزودلخت جو

وولدي مفهي وفاتح فمه >>>>ماينلام ههههههههههههه



دلع تعبت وجات ورمت نفسها عالكنبه جنبه

دلع/ واااااااااااااااي يمه مو قادره اتحرك تعبت


وليدقرب منها/ شو هالرقص؟ماكنت ادري انك تهزين هالهز


دلع/...........


وليد/ دلوعه غيرت رايي ماابي كيكه


دلع/اجل وش تبي؟


وليد/امممم ابي شي ثاني


دلع/وشو؟


وليد/فيه شي ضايع مني وابيك تجين معي ندور عليه


دلع/وين ندور هالحين؟


وليد/بغرفه النوم


دلع/طيب وش ضاع منك ؟

وليد/عقلي اللي ضايع امشي معي

دلع/ اممم لا تعبانه مافيني ادور

>>>>>اجي انا معك ندور

وليد/ياليل انت ماتتوب من ملاحقه خلق الله ماوراك شغلهالا التخريب

>>>>>جزاتي اللي ابي ادور معك للي ضايع

دلع/هههههه خلي برهوم يدور معك


وليد/عاجبك انتي هاه؟


دلع/ايوة شكلكم بيكون توحفه ههههههههههههههه

وليد/توحفه بعينك
>>>>>ياخي ليه معصب البنت تعبانه من كثر الرقص مافيها تدور لعقلك هع

وليد/اقول انقلع حسبي الله عليك خربت ابو الجو
>>>>ههههه لا خلاص مابخرب خذوا راحتكم باي

وليد اخذ دلوعته وراح الغرفه يدورون

>>>>ان ودي اروح معهم بس قلت يمكن يمكن مايحتاجوني هههههه


*&*&*&*&*&*&*&*&*&*&*&**




ياسر/ الوو سحر


سحر/هلا ياسر

ياسر/ كيفكم وكيف شوق؟


سحر/كلنا بخير وانت

ياسر/ ماني بخير وشوق زعلانه


سحر/غريبه مو انت اللي مزعلها وش الجديد؟


ياسر/ عارف ان كلكم زعلانين مني بس والله غصب عني


وراح اقولك كل شي بس بالاول ابي رقم شوق


سحر/مقدر اعطيك الرقم




ياسر/ ارجوك ياسحر لاتكونين انتي والزمن علي


سحر/طيب بعطيك بس وش الموضوع؟


ياسر قالها السالفه وقالها انه كلم ابو شذى وقاله ان بنته هي سبب


خراب بيته وهو وعده يخليها تعتذر من شوق عاللي صار


سحر انصدمت من بنت خالتها ,هي عارفه انها اخلاقها


زفت بس ماتوقعت بتوصل انها تسوى كذا

شوق جالسه بالحديقه تقرى روايه بحط قلبي بين ايدينك هديه لمستر برهوم

>>>>مين مستر برهووم ؟؟؟ اييييييه انا هههههههههه

امممم ترى مااسوي دعايه لنفسي بس استهبل شوي

دق جوالها شوق / اوووف هذا وقت جوال

شوق/ الوو نعم


ياسر(يالبى هالصووت)


شوق/ الوووو


ياسر/ هلا شوق امانه لاتقفلين ابيك شوي


شوق من سمعت الصوت حست بالدنيا تلف فيها وقفلت بوجهه

شوق(وش اللي ذكرك فيني هالحين ووش تبغى مني انا توني ابي انساك ليه تتصل؟)

ياسر رجع دق ودق ودق

وشوق من كثر مادق استسلمت وردت وبينها وبين نفسها تبي تقوله قرارها


شوق/ نعم


ياسر/كيفك شوق وحشتيني

شوق/ لو سمحت ابيك بكل هدوووء تطلقني

هالكلمه جت زي السهم بقلب ياسر

ياسر/لو اخر يوم بعمري ماسويت هالشي,,شوق انا احبك

وابيك تقدرين موقفي

انا وانتي تعرضنا لمؤامرة من وحده حقيرة وتكرهك

وسوت اللي سوته من داخل بيتك ومن جوالك

شوق/مايهمني اعرف شيء انت صدقت فيه اني خنتك

وماراح اسامحك علي هالشيء طول عمري,,ورجاء ابي


ورقتي توصلني باقرب وقت,,وقفلت الخط


ياسر(معقول هذي شوق مااصدق)

>>>>>اجل وش تبيها تسوي تاخذك بالاحضان؟

ياسر/ لاماقلت كذا بس كان عطتني فرصه

>>>>>وانت اعطيتها فرصه يوم اتهمتها وضربتها ورميتها

ببيت اهلها؟

ياسرادري اني غلطان بس غصب عني اي واحد مكاني

كان سوى اللي سويته وانت اولنا


>>>>>يمكن كلامك صح بس انت مابحثت ودورت اكثر انت قفلت عالموضوع

ياسر/والله مااحد حاسس باللي احس فيه كل ماتذكرت ذاك اليوم

صعب تنصدم بشخص تحبه وتموت فيه


>>>>>شوف انت لازم تحاول معها

ياسر/حاولت بس

>>>>>حاول مرة ومرتين وثلاث لاتستسلم البنت تحبك حتى لو قالت غير كذا بس انت حاول وربي يعينك

ياسر/مشكووور برهوم كلامك ريحني

>>>>>ولووو احنا بالخدمه بس لما تتصالحون ويكون الجو رايق بينكم لاتطردني زي عوايدك

ياسر/ههههههههه الا بطردك وبطردك

>>>>>صدق ماتستحي على وجهك


ياسر/هههههههه لا امزح بس لاتخرب علينا خلك بعيد عننا شوي


يعني لو بالحوش احسن

>>>>وش رايك بالشارع ابرك


ياسر/ والله يكون احسن برضه هههههههههه

****************************
حلا/ضاري الوقت مو مناسب هالحين ,تو ولد عمي متوفي


واختي تعبانه ومرقده بالمستشفى اجلها شوي

ضاري/ياحلاوي اخاف احد يجي وياخذك مني


حلا/لاتخاف ماراح اوفق على غيرك


ضاري/حلا وربي احبك ومومتخيل حياتي مع غيرك


وودي اخطبك اليوم قبل بكرة,لاني احس وضعنا كذا غلط


واخاف احد من اهلك يحس اننا نكلم بعض ويرفضون اني ارتبط فيك



حلا/وانا بعد اخاف بس شنسوي لازم ننتظر شوي


ضاري/اوكي انتظر دام بالنهايه بتكونين لي


نهايه الجزء 34

 
 

 

عرض البوم صور اسطورة !   رد مع اقتباس
قديم 07-07-12, 01:02 PM   المشاركة رقم: 38
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224710
المشاركات: 3,261
الجنس أنثى
معدل التقييم: اسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييم
نقاط التقييم: 1223

االدولة
البلدSaudiArabia
 
مدونتي

 

الإتصالات
الحالة:
اسطورة ! غير متواجد حالياً
وسائل الإتصال:

كاتب الموضوع : اسطورة ! المنتدى : القصص المكتمله
افتراضي

 

(&)(&) الجـــــــــزء 35(&)(&)
صقر/هنوده لاتتعبين نفسك بالكلام ارتاحي
هند/صقر انا احبك ,يمكن ببدايه زوجنا ماحسيت بهالشي بس بعدين

حبيتك وصرت احس انك زي الهوى اللي اتنفسه,اتمنى تسامحني

لو زعلتك بيوم

صقر/وانا احبك ومابي حياتي بدونك

هند/قول لبنتي او ولدي ان امك كان نفسها تشوفك وتضمك لصدرها

وتلاعبك وتربيك بس القدر ماخلاها


صقر طاحت دمعه من عينه

هند مدت يدها ومسحتها /دمعتك غاليه لاتنزلها على احد

قول لامي وابوي يسامحوني ,,وقول لبندر يخلي باله من نجلاء

لانها تمووت فيه ,وقول لهاني لايحرم رغد من العيال العيال نعمه من الله
كفايه انا بموت وانا محرومه منهم ,,وقول لدلوعه تحافظ على وليد لانه يحبها وخلها تسامحني لاني اشتركت مع هاني عشان نخليها توافق عليه
وقول لحلا تهتم فيك وفي بنتي
صقر/بس خلاص كفايه الله يخليك
هند/اخر وصيه لك ابيك توعدني انك تتزوج حلا هيه مافيه غيرها بكون متطمنه انه بنتي او ولدي بيعيش مرتاح بعدي

واخر طلب ابيك ماتغير غرفه نومي خلها للذكرى

صقرمسك يدها وباسها /ارتاحي ياقلبي

هند/اوعدني عشان ارتاح
صقر/اوعدك ولو انه غصب عني
هند/صقر ضمنى لصرك

صقر ضمها لصدره وبكى لانه حاسس انها الضمه الاخيرة بينهم>>>>ترى مو غريبه الرجال يبكي بعض المواقف مانقدر نكنم مشاعرنا
صقر/هنوده عمري ماراح احب غيرك لانك اول حب بحياتي

صقر حس بيدين هند ترتخي وتطيح من على كتفه

صقر/هند هند هند ليه نزلتي يدك ماحبيتي الضمه؟

هند هند

لكن هند ماردت لانها فارقت الحيااااااة

الدكتورة جات على صرخت صقر بلااااااااااااااااااااااااا

وطلعوة من عندها وعلى طول دخلوها غرفه العمليات

عشان يلحقون يولدونها قبل يومت الجنين

***************************

زياد/ جوجووآلله أحبك ليش مو مصدقه


ماجده /لآن أخواتك كانوا يقولون انك راعي بنات وصايع


زياد/ أفا ! وليش وافقتي علي دامني صايع


ماجده /صقر أقنعني انك راح تتغير


زياد/ كل الشباب كانوا لهمٍ مغامرات وبعدين خلوها وآنا

أوعدك ماتسمعي عني ألآ أللي يعجبك

ماجده / أتمنى هالشيء بسٍ بطلبك طلبِ .


زياد/ آمريٍ ياعيونيِ .؟!

ماجده /جوالك يتغير الرقم من بكره

زياد/ طيب مو مشكله بس الحين وش قلتي على الموضوع

اللي قلتلك عليه

ماجده /وآلله مآ اظن ان امي ترضى


زياد/ وليه انشاء الله انا باكلك كلها تمشيه وبرجعك

ماجده / وآلله ما أدري انا بقولها وبرد عليك


زياد/ وآلله مشتهي اجلس ويـآك لوحدنـآ امك كل ماجيتكم

تلزق بالكرسيٍ ولآ تقوم الا اذا جات بتودعني


ماجده /هههههه

زياد/ تضحكين هآه

ماجده /اش رايك المره الجايه أحط لها منوم

زياد/ هههه فديتك وآلله تكفين وخليه طويل المفعول

ماجده /وجججع وآلله شكلك مصدق

زياد/ هههه لآ لآ امزح وش دعوا, ألمهم حبيبتي العيال

جو عندي أكلمك بعدين

ماجده / أوك باي .
***************************

شوق قالت لآنس يوديهم البحر وفعلأ راحوا كلهم هيا

وآلبنات وآول ماجلست على البحر جاتها الذكريات

وحدهـ ورى التانيه وهي في وسط الذكريات

جاها مسج , من ياسر ,’
{ حياتي بدونك كئيبه.
. أدري غلطان وضيعت اغلى حبيبه

بس غصب عني وفرقاك وآلله صعيبه.
. الليل ماهو ليل والنوم من وين اجيبه , ..
حبيبك من زود المحبه صورتك ما تفارق جيبه }
( خرابيش برهوم ) .

انس لاحظ تغير وجه شوق بعد ماقرت المسج

انس/ شوق

شوق/لبيه

انس/ لو باقي تحبينه وتقدرين تسامحينه ارجعي له
وارتاحي

ترى هو يكلمني أكثر من مره والرجال

ندمان قد شعر راسه
شوق/ صعبه انسى انه شك فيني واتهمني وهو أكثر واحد عارفني

سحر / بس هو كان معذور وبعدين شذى كانت حابكه الموضوع

صوح ولو ماكان الشخص اللي قال لياسر الحقيقه عنده ضمير

كان ياسر لسه فاهم غلط

شوق بعصبيه / أأفففففففف خلآص خلآص غيروآ الموضوع

انا جايه البحر ارتاح

***************************

ام راكان /الرجال مايعيبه شيء وكفايه اسم ابوه اللي يهز هز

.
ايناس /بس انا مو موافقه والزواج مو غصب

ام راكان /انا دوم مخليتك على كيفك بس هالمره ماراح اضيع


هالفرصه لو شو ماصار وترى انا اتفقت معهم بيجون الأسبوع

الجاي
ايناس / مستحيييييل يمه مستحييييل !!!!


ام راكان / اقول انا اعطيت الناس كلمه ولا برجع فيها


ايناس /بس يمه ..

ام راكان دق جوالها

ام راكان /الوو هلآ أم شاكر ايوه طيب اهاا طيب طيب انا


الحين أروح ألغرفه وأشوف باي , وراحت غرفتها


ايناس دقت على ياسر

ايناس /الو ياسر .

ياسر / هلآ ايناس

ايناس / الحقني ياسر

ياسر /خير وش فيه

ايناس / امي تبي تزوجني وألناس جايين الأسبوع الجاي ,


ياسر / كيف تزوجك وأنتي اصلآ متزوجه؟

ايناس / ادري وعشان كذآ ابيك تساعدني

ياسر / كيف .

ايناس /انت تقولها لآن انا ما أقدر اقول لها

ياسر / ولو انه صعب علي بس اوك ولآزم تكونين معي

ايناس / اوك


***************************

موت هند كان مفـآجأه لآهلها لآنها كانت حريييصه انهم ما يدرون

عن مرضها وزعلوا من ياسر لآنه سكت وخلآهأ تضحي بنفسها

عشان اللي في بطنها بس الدكتوره فهمتهم ان حالتها متأخره وحتى

لو نزلت الجنين ماراح يتغير شيء

الحمد لله ربي رزقها ببنوته صح وزنها مره مره صغير

بسبب مرض امها,, بس فرحوا بنجاتها

مر اسبوع على موت هند وصقر طول هالأسبوع عند اهله ماقدر

يروح البيت بس اليوم غصب على نفسه يروح اول مادخل البيت

حس بخنقه , قفل الباب ومشى للصاله وآول مادخلها جا نظره على

الكرسي الهزاز اللي هند اصررت انه يجيه لها ,,,,,,,,,,

هند / صقوري ابي هذا

صقر /الشقه صغيره وين نحطه


هند / لآ لآلآ مالي دخل ابيه

صقر /اممممممممممممم امري لله تعرفيني مأ أقدر اخلي

في نفسك شيء وما أجيبه

هند / يابعد عمري انت عارف لو بالبيت كان امممممممممممممم

صقر / كان ايش ؟

هند / كان عطيتك بوسه كبيييييره


صقر / ابوك يالولد قدامي على البيت <<<< الرجال ماصدق

هوع هوع هوع

هند /هههههه

صقر رجع للواقع , وشال يده عن الكرسي وراح للغرفه , أول مادخل

حس بروحه بتطلع وهو يشوف قميصها ومنشفتها معلقه على

الشماعه قرب من الشماعه وآخذ القميص وحطه على وجهه ونزلت

دمعه وكانت محبوسه وجلس على السرير ورفع نظره

للكومودينه وقام وبعصبيه رمى كل اللي عليها من عطورات

وكريمات لهند

صقر / ليش تروحين وتخليني ليه كيف

اعيش بعدك انتي عارفه اني متعلق فيك

اه ياهند من بيستقبلني عند الباب لآ جيت من الدوام

من بيقولي تكفى صقوري اجلس معي اخاف بروحي

من بيلعب في شعري لين يغلبني النوم

لآلآلآلآه ياربي من لي بعدها

دق جواله وشاف رفيق الدرب يتصل رمى الجوال ورمى

نفسه على السرير وغطى وجهه بقميص هند

***************************

ايناس /ياسر العريس بيجي بكره تكفى ساعدني

ياسر / هند مالها كم اسبوع ميته وخالتي تفكر بزواج وخرابيط

ايناس / عارفه بس وش اسوي

ياسر / خلآص الليله اجي وأفهمها

ايناس /اوك انتظرك

بعد العشاء جاء ياسر,وقال للشغاله تنادي ام راكان

جات ايناس /هلا ياسر

ياسر/ هلا فيك هاه مستعده؟

ايناس/ الله يستر بس والله خايفه من رده فعلها

ياسر/توكلي على الله

ايناس/ونعم بالله


نزلت ام راكان من فوق

ام راكان /هلا ياسر اظن شوق عندها جوال وتقدر تتفاهم معها بدوني

ياسر/انا مو جاي عشان شوق


ام راكان /اجل ليش جاي ات شاء الله؟

ياسر/طيب استريحي الموضوع طويل يبيله جلسه


ام راكان /اخلص ترى حدي مشغوله


ياسر/اممم سمعت ان ايناس جايلها عريس


ام راكان /ايوة وبكرة بيجون وبنتفق على كل شي


ياسر/بس البنت مو موافقه ولا انا بعد


ام راكان /ههههههههه اولا البنت بنتي وشورها بيدي

اما انت مالك خص بالموضوع ورايك مايهمني



ياسر/واللي يقولك ان هالزواج مابيتم


ام راكان /ومن اللي بيمنعه ؟


ياسر/انا


ام راكان /اقول انت لاتدخل نفسك بشي مالك دخل فيه

ولو سمحت ورني عرض اكتافك


ايناس/ياسر لاتروح تكفى




ام راكان /انقلعي على غرفتك وحسابك بعدين,,وانت لسى هنا يالله ضف وجهك



ياسر/بطلع بس ابي اقولك شي ولازم تسمعينه زين


ام راكان ........


ياسر/ايناس بنتك مايصير تتزوج لانها متزوجه بالسر ومن سنه



ام راكان اييييييييش!!!!!!!!!! انت اكيد انهبلت

والتفتت لايناس وشافتها جلست عالارض وغطت وجهها بيدها وتبكي



ام راكان /ايناس هالحيوان وش قاعد يقول تكلمي؟


ايناس ماردت

ياسر/هالحيوان على قولتك لو ماغطى عالموضوع وجاب الولد

غصب عليه وخلاه يتزوج بنتك كان الحين فضيحتها على كل لسان


ام راكان /انت وش تقول ؟؟؟؟ مستحيل هالكلام


ياسر/انتي السبب بنتك بسبب دلعك واهمالك لها وحريتها الزايده

غلطت مع واحد ولما حملت رفض يتزوجها وضربها ونقلناها انا

وشوق للمستشفى وهناك طلبو توقيع زوجها والا بيبلغون الشرطه

وانا رحت وجبته غصب عنه وخليته يعقد عليها وغطينا

عالموضوع وهي الحين على ذمته


ام راكان كانت تسمع وهي مو مركزة وحاسه بكتمه

ومو قادرة تتنفس

وفجاة طاحت من طولها


***************************
نهايه الجزء35

 
 

 

عرض البوم صور اسطورة !   رد مع اقتباس
قديم 07-07-12, 01:30 PM   المشاركة رقم: 39
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224710
المشاركات: 3,261
الجنس أنثى
معدل التقييم: اسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييم
نقاط التقييم: 1223

االدولة
البلدSaudiArabia
 
مدونتي

 

الإتصالات
الحالة:
اسطورة ! غير متواجد حالياً
وسائل الإتصال:

كاتب الموضوع : اسطورة ! المنتدى : القصص المكتمله
افتراضي

 

#$$#الـــــــــجـــــــــزء36#$$#
حلا /يادلبو الحلوة تضحك على ايش ?
ام بندر/يابنتي خليها تنام
حلا/ هي ماتبي تنام
ام بندر/ياحلاوي روحي نامي وراك مدرسه
حلا/انتي عارفه مقدر انام وهي موجنبي
نجلاء/والله مو مصدقه ان حلا اللي ماتداني البزارين تتغير كذا
حلا/ بس هنوده مو زي غيرها فديتها يانااااس
نجلاء/ سبحان الله كل ماشفتها اتذكر امها الله يرحمها نسخه طبق الاصل منها
ام بندر/ نزلت دمعه من عيونها/الله يرحمها ماتهنت بهالبنت ,,استغقر الله العظيم
حلا / انا بروح غرفتي,,وقامت وشالت هند وراحت غرفتها
نجلاء/ربي عوض هند الصغيرة بحلا ,, بس مرة متعلقه فيها
ام بندر/اللي شايله همه لو ابوها طلب ياخذها تعيش عنده وش بتسوي حلا؟
نجلاء/ الله لايقولها ,,وبعدين لاتخافين مو ماخذها اصلا مافكر يزورها من يوم ماتت امها
ام بندر/امه تقول انه يقول ان هالصغيرة هي السبب بموت امها

نجلاء/حرااام عليه وهي وش ذنبها؟


ام بندر/الله يحنن قلبه عليها .

***************************
ام راكان جاتها ازمه قلبيه وتنومت اسبوع وطلعت
سحر / يمه ايناس تبي تسلم وتطمن عليك

ام راكان بعصبيه / ماعندي بنت بهالأسم ولو باقي جبتي سيرتها على لسانك انتي مو بنتي

سحر / يمآآآآآآآآه ايناس صغيره وماكان احد ينتبه لها وهذا خلأها تتمادى وتسوي اللي سوته , وزين ان ياسر خل الولد يتزوجها

ام راكان /الله يآخذ ياسر وسيرة ياسر هو سبب المصايب

سحر / يمه حرام عليك ألولد ماسوى شيء انتي ليش تكرهينه كذآ هذا بدل ماتشكرينه

ام راكان / اطلعي برااا اببي انام

بعد ماطلعت سحر

ام راكان قامت للدولآب فتحت صندوق صغير وطلعت منه رساله جلست على السرير تقراها
نص الرساله*
( بسم الله الرحمن الرحيم )
{الى من ملكت قلبي وكانت أمنية حياتي أم أرتبط بها , الى اغلى جوهره رأيتها , اكتب لك هذه الرساله وانا قلبي
يعتصر ألماً لآنها ستكون رسالتي الأخيره , حبيبتي جواهر تعلمين مدى حبي لك وانني كنت جااد بعلآقتي معك
وكنت أنتظر ان انهي هذي السنه من الجامعه وأتقدم لك رسمي , لكن تجري الرياح بما لا تشتهي السفن , فقد
علمت ان أخي تقدم لك وآبوك وافق مبدئيا عليه هذا الخبر كان صدمةَ بالنسبه لي ولم أستطيع اقول لآخي انني
احب البنت التي خطبتها , عزيزتي ان أخي أغلى علي من روحي ولقد لقيت الفرحه في عينيه وهو يتلكم ويقول
: انه اخيرا سيأخذ الفتاه التي كان يحلم ان يرتبط فيها غاليتي جواهر اتمنى لك حياة سعيده وأتمنى ألآ ترفضي
اخي لآنني لآ أستطيع أن أخطبك وأنتي رفضت اخي وانا أعلم انه يحبك , احيانا يجب ان نضحي من أجل غيرنا
انا سأسافر للخارج أكمل دراسات عليا وأبتعد عنكم أرجو لك حياة مليئه بالسعاده واعلمي اني احبك لكن لآ استطيع
ان أقتل فرحه اخي , ألوداع }
ام راكان مززقت الورقه وكانت دموعها تسيل على خدها ,

{ ليش تتركني وتتخلى عني وآنا بعز حاجتي لك

تدري اني قبلت اخوك عشان اعاقبك لآنك جرحتني وآللي زاد كرهي

لك انه بعد زواجي ب4 شهور تزوجت

وجيت وسكنتها جنبنا وانت عارف انه هالشيء بيعذبني
ومن يومهـآ وانا حاقده عليك انت وزوجتك منيرهـ لآنها

عايشه بسعاده وكل وقتها تتباهى فيك وكنت "أشوف حبها لك كيف
" وحتى يوم مت انت وهي وسعد جاب لي ياسر
يعيش عندنا حقدت عليه وكرهته لآنه ولدك

ولآنه يشبهك بشكل مو طبيعي

***************************
زياد وماجده زواجهم بعد اسبوعين

وزياد طاير من الفرحه لانه اخيرا بيفتك من العزوبيه>>>>عقبالنا يارب

هاني/حلا صقر بالمجلس ويبي يشوف هنوده


حلا/خير توه قبل امس شافها


هاني/حلوة هذي اقول لاتنسين ياحلوة انها بنته

وله الحق يشوفها وقت مايبي

حلا وهي مادة بوزها/موناسيه اوكي دقايق البسها خذها >>>>حلا
خايفه هنوده تتعلق بابوها وتروح معه لو طلب ياخذها
هاني خذ هنوده الصغيرة لابوها

حلا جالسه بالبلكونه وسرحانه دق جوالها

حلا /الوو

ضاري /هلا عمري كيفك

حلا/ اهلين ضاري بخير وانت

ضاري/ماني بخير

حلا/ ليه عسى ماشر؟

ضاري/حلا انتي متغيرة علي صايرة تتهربين من مكالماتي

وهذي رابع مرة اقولك بجي اخطبك وتاجلي ممكن اعرف الاسباب؟


حلا............

ضاري/شفتي انك متغيرة؟

حلا.........

ضاري/ حلاوي تحبيني؟

حلا/ احبك بس

ضاري/ بس ايش تكلمي

حلا /مدري وش اقول

ضاري/اجل من يدري؟

حلا/ ضاري بصراحه مااعتقد بيكون فيه بيننا نصيب

ضاري مصدووم/اييييييييش؟ انتي شتقولين؟

حلا.........

ضاري/لاتتمين ساكته تكلمي

حلا/بصراحه متقدم لي واحد وانا موفقه

ضاري..........

حلا/ضاري ارجوك سامحني بس هالشي غصب عني ولازم اوافق

ضاري/ممكن اعرف السبب؟؟

حلا/مقدر اقول,,و ياليت تعفيني من الاجابه

ضاري بصوت حزيين/ بعد ماتعلقت فيك تقولين هالكلام؟

حلا.............

ضاري/الف مبروك ياعرو بس لاتنسين ان فيه واحد

كانت روحه متعلقه فيك وانتي دعستيها برجولك ,,وقفل الخط

حلا رمت نفسها عالسرير تبكي((الله يسامحك ياهند ليه تخربين حياتي وتهدمين احلامي ))

***************************


شوق/انس ابيك توديني السوق




انس/والله مو فاضي خلي السواق يوديك


شوق/تعرفني مااحب اركب معه بروحي

ام راكان/كان حافضتي على بيتك دام ماتحبين السواقين



شوق................


انس/طيب نوديك وامرنا لله بس ترى بحطك بالسوق

واروح واذا خلصتي دقي علي

شوق/اوكي مو مشكله دقايق اجيب عباتي


انس جالس بالسيارة ينتظر شوق

ودق جواله


انس/الوو

ياسر/ هلا انوس كيفك

انس/بخير وانت اخبارك

ياسر/ بخير وعافيه اقول لو فاضي بجي اسولف معك شوي

انس/ والله الحين رايح للسوق بودي البرنسيسه شوق

ياسر/ اهاا طيب انتو بالسوق الحين؟

انس/لا باقي ماتحركنا من البيت

ياسر/ اجل اجيك وقت ثاني

جات شوق وحركو عالسوق


***************************

عاليه قربت تولد وام راكان مصرة انها تجلس عندها بالبيت وهي

تبي تجلس ببيت اهلها

ضاري/مو مشكله هنا وهناك واحد

عاليه/بس انا ابي اجلس عند امي

ام ضاري/ وهي صادقه انا اولى

ضاري/ والله عاد براحتكم عن اذنكم ,,وراح غرفته

عاليه لاحظت تغير حال ضاري ولحقته عالغرفه>>>>لقافه النسوان هع

عاليه/ ممكن اتكلم معك شوي؟


ضاري/ حياك


عاليه/ وش فيك مهموم ومتغير حالك لك كم يوم؟


ضاري/ شويه مشاكل بالشغل


عاليه/مو علي هالكلام اكيد السالفه فيها حلا

ضاري/حلا خلاص انسي موضوعها


عاليه/وااات؟ كيف يعني مو فاهمه؟


ضاري/انسي يعني انسي

عاليه/امممم متزاعلين؟؟


ضاري/ لا بس خلاص كل واحد بيروح بطريقه يعني مافيه نصييب


عاليه/ حلوة ذي مو انت تقول كلها كم يوم ونروح نخطبها وانها مواقفه عليك؟ وش الجديد؟

ضاري/كنت فاهم غلط

عاليه/ممكن توضيح

ضاري/البنت جاها عريس وهي مواقفه وقالت لي مافيه

نصيب ,,ممكن تخليني بروحي شوي؟

عاليه/ مستحيل هالكلام ؟ حلا تحبك وقالت لي

هالشي كيف بيوم وليله توافق تتزوج غيرك؟

ضاري/حتى انا كنت مفكر زييك بس طلع تفكيري غلط


عاليه/ تبيني اكلمها؟


ضاري بعصبيه/ والله لو قلتي لها كلمه بهالخصوص راح ازعل منك


عاليه/ طيب طيب لاتعصب خرعت ولدي
***************************

شوق خلصت معضم الاغراض اللي تبيها ووقفت

قدام محل ملابس اطفال((لو ماصار اللي صار كان الحين اشتريت لولدي او بنتي كم لبسه ,بس مالي حظ))
.../ شوق ممكن نتكلم شوي؟

شوق لفت للصوت وانصدمت انه ياسر

شوق / خير وش تبي؟وكيف عرفت اني هنا

ياسر/مومهم كيف المهم ابي اكلمك بموضوعنا

شوق/ مابيننا مواضيع,ولو سمحت ابعد عني

ياسر قرب منها ومسك يدها وجرها معه

شوق/يامجنون فك ايدي


ياسر/ اشششش وبلا فضايح ماراح اكلك


شوق/ ماابي اروح معك غصب هو؟

ياسر عصب وسحبها ومشى بسرعه خارج السوق وركبها السيارة غصب


شوق /ترى راح تندم على هالحركه


ياسر/ مو كثر ندمي على اشياء كثيرة

شوق.........

ياسر/ شوق ارجوك ابي من وقتك ساعه بس

مااستاهل ساعه؟؟؟؟

شوق..........

ياسر/ راح اعتبر سكوتك علامه رضى

ياسر خذ شوق وراحوا البحر

وقف السيارة ونزل منها وراح وقف قدام البحر

شوق بالسيارة ( وشفيك ياشوق ؟ ليه قلبك يدق بسرعه لما ايده لمست ايدك؟ لايكون حنيتي له ؟ نسيتي وش سوى؟ )

نزلت شوق من السيارة وجلست على صخرة عالبحر

ياسر/ عمري ماتخيلت اني بمد ايدي عليك او بجرحك بكلمه

بس اللي صار كان فوق طاقتي ,,الكلب ازعجني وكرهني حياتي

باتصالاته وكلامه واللي زي السم عقلي وقف يوم شفت رقمه مسجل

بجوالك واللي جنني لما سمعت صوته وهو يقولي ليه

ترد على جوال حبيبتي

شوق/وانت مااعطيتني فرصه ادافع عن نفسي

ياسر/ عقلي كان واقف ساعتها لو عقلي معي مامديت ايدي عليك

ياليتها انكسرت ولا مديتها ,من يوم رحتي عني ماهنالي لا اكل ولا نوم ولا اي شي

تكفين شوق سامحيني انا معترف اني غلطان والغلط راكبني

عطيني فرصه وحده بس

شوق.......

ياسر قرب منها وجلس على ركبه ومسك ايدها

ياسر/ حياتي خلينا نبدأمن جديد احنا مالنا غير بعض

شوق........


ياسر/ معقول نسيتي حبي لك ؟

شوق...........

ياسر/ بس عيونك تقول انك مانسيتي ولسى حبي بقلبك


شوق/ يمكن تكون عيوني كذابه

ياسر/ العيون عمرها ماتكذب

شوق/ صعب انسى صعب

ياسر/ حاولي وماراح تخسرين شي

شوق / طيب بفكر

ياسر/ مافيه ابي ردك الحين ؟

شوق......

ياسر/ قولي سامحتك حبيبي وانا اوعدك اعوضك

عن كل لحظه الم او حزن عشتيها

شوق.........

ياسر/ ترى باقي معك 10دقايق وراح ارميك في البحر لو ماعطيتيني ردك

شوق!!!!!!!!!!!!!!!!

ياسر / ههههههههه هاه وش قلتي؟

شوق/ انا راح اقبل ارجع لك بس والله لو اتهمتني مرة ثانيه او

ياسر / اششششش خلاص والله ماراح يصير الا اللي يرضيك

بس قولي سامحتك

شوق/ الرجعه برجع بس السماح

ياسر/ اول سامحيني وبعدها كل شي يهون

شوق/ انت عارف اني بسامحك لاني

ياسر/ لانك ايش

شوق/ ولا شي يالله رجعني البيت

ياسر/ والله عاد الرجعه بكيفي وين ماابي اوديك اوديك بس بالاول قولي ليه بتسامحيني؟

شوق/ لاوالله اقول رجعني بيت اهلي وبعدين نتفاهم


ياسر/ جاوبي

شوق/ ماراح اجاوب

ياسر شالها ودخل فيها البحر

شوق/ مجنوووون وربي مجنون نزلني

ياسر/ اول جاوبي ولا برميك في البحر >>>>ياسر عارف شوق

تخاف من البحر لان فيه صديقه لها غرقت بالبحر

شوق / بجاوب بجاوب بس طلعني

ياسر بضحكه / جاوبي وبلا كلام فاضي

شوق/ عشان احبك

ياسر/ مااسمع

شوق / احبببببببببببك والله احبك بس لاتغرقني

ياسر رجع للشاطيء ونزلها

شوق وهي شوي وتبكي/ ماكنت ادري اني بهون عليك وترميني بالبحر

ياسر ضمها لصدره/ والله لو تهون الدنيا كلها ماتهونين بس كنت امزح عشان اسمع هالكلمه

شوق/ اي كلمه؟

ياسر/ انك تحبيني

شوق/ من قالك اني احبك؟

ياسر/ انتي قبل شوي

شوق/ لا لا غلطان

ياسر / ترى انتي خفيفه واقدر اشيلك مرة ثانيه

شوق / ههههههه لا خلاص

ياسر/ سامحتيني

شوق/ ايه

ياسر/ مااسمع اليوم مدري وش بإذني

شوق/ سااااااااااااااااااااامحتتتتاااااااااااااااااااااا ااااااااااااااااك

ياسر/ ههههههههههه بس بس فضحتينا

>>>>>والله الجو رومنصي بس عندي دوام والا كان خربت عليهم
***************************


شوق رجعت لياسر وامورهم تمام وراحو لبنان كم اسبوع


عاليه جابت بنت وسمتها روان لان المرحوم كان نفسه بهالاسم

ماجده وزياد تممو زواجهم وسافروا شهر العسل


ام راكان اتصلت بالولد اللي تزوج ايناس واتفقت معه يجيب اهله


ويخطبون رسمي قدام الناس عشان مااحد يحس بشي

وحجزت قاعه كبيييييرة عشان تسوى الزواج فيها وماخلت احد


الا وعزمته>>>>>>عاد تعرفون ام راكان وحبها للمظاهر والفشخرة الكذابه


وفعلا تم الزواج بسرعه غير مسبوقه في العايله والكل استغرب بس ماقالو شي

وسفرتهم على حسابها لمصر يقضون شهر العسل على قولتها


***************************
صقر/ بصراحه ياعمي انا ماراح الاقي ام افضل من حلا لبنتي


واتمنى ماترفض


ابو بندر/والله ياصقرانت فاجاتني وبعدين البنت صغيرة عليك

ولااظن انها بتوافق تاخذ زوج اختها


هاني/انت انهبلت في عقلك؟ والا تستهبل علينا


صقر/ هالمواضيع مافيها استهبال


بندر/ انت مقتنع تتزوج حلا والا بس تبيها تربي بنتك


صقر.........


هاني/ ترى اختى مو مربيه روح جيب لبنتك مربيه غيرها


ابو بندر/ هاني استح على وجهك انا موجود ومالك كلام قبل كلامي


هاني/ بس كلامه زي وجهه


بندر/ هاني بس خل ابوي يحل الموضوع


هاني/ انا اطلع احسن لي


ابو بندر/ معليش ياصقر لاتواخذه


صقر/ لا عادي ماصار الا الخير


ابو بندر/ انا ماعندي مانع اذا البنت وافقت بس انا متأكد انها بترفض


صقر(ياليت تكون عندها الشجاعه وترفض والله احس اني بختنق وانا اقول هالكلام))


صقر/اجل اخليكم وانتظر الرد منكم

ابو بندر / الله معك


بعد ماراح صقر ابو بندر جمع الاهل بالصاله


ابو بندر/ ام بندر عارفه من كان عندنا من شوي؟


ام بندر/ ايو صقر بس غريبه ماطلب يشوف هنوده


ابو بندر/ اليوم ماجاء لهنوده


نجلاء/ اجل جاي لمين؟


ابو بندر / جاء يخطب حلا


ام بندر منصدمه/ اييييييييش حلا اكيد انجن


نجلاء/ عمي تتكلم جد؟


بندر/يعني ابوي يكذب؟

نجلاء/ مو قصدي بس هالكلام مايدخل العقل


ابو بندر/ يقول مابيلاقي احن من حلا على بنته


ام بندر/ وهو مفكر ان حلا بتقبل تاخذه وهو كان زوج اختها؟


ابو بندر/ قلت له هالكلام بس يبي ردها ,,نجلا روحي ناديها


نجلاء رحت ناده حلا وجات


حلا / خير يبه طلبت تشوفني؟


ابو بندر/ اجلسي يبه ابيك بموضوع


حلا / خير ؟


ابو بندر/ بدخل بالموضوع على طول ,صقر كان هنا


حلا/ طيب


ابو بندر/ وكلمني يبي يتزوجك

حلا........


بندر / عارفين ردك بس ابوي يبي يسمعها منك


ابو بندر/ هاه وش قلتي


حلا / موافقه


الكل/ اييييييييييييييييش!!!!!!!!!!!!!!!!!
***********

نهايه الجزء 36

 
 

 

عرض البوم صور اسطورة !   رد مع اقتباس
قديم 07-07-12, 01:33 PM   المشاركة رقم: 40
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224710
المشاركات: 3,261
الجنس أنثى
معدل التقييم: اسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييم
نقاط التقييم: 1223

االدولة
البلدSaudiArabia
 
مدونتي

 

الإتصالات
الحالة:
اسطورة ! غير متواجد حالياً
وسائل الإتصال:

كاتب الموضوع : اسطورة ! المنتدى : القصص المكتمله
افتراضي

 

{ ., × الــجـزءِ 37×,. }
ايناس /سامي خلينا نطلع نتمشى شوي
سامي /هههههه الحين بالله عليك مصدقه انك عروس
ايناس..............
سامي /ترى لولآ فلوس امك وانها ترجتني اعلن زواجنا ما أعلنته
ايناس /انا ابي افهم انت الحين على شنو شايف نفسك انسان صايع ضايع حتى وظيفه زي الأوادم ما عندك مفروض تحمد ربك على هالنعمه اللي انت فيها
سامي عصب وقـآم ومسكها من شعرها
سامي/ انا صايع يابنت .........! أجل ليش كنتي راميه نفسك علي وبعتي كل شي عشان كم حبه
ايناس / آآآآآآآآآآي آآآآآآآآآآي شعري فكني فكني وآلله ما أقول شيء ثاني خلآلآلآص
سامي / أول بوسي رجولي وبعدين أفكك
ايناس من ألمها وطت راسها وباست رجوله
ايناس /هذا انا بستها فكني ياحيوان
سامي / بعد ياحيوان , ودفها برجوله وطلع .
ايناس / روحه بلآ رده , آلله يلعنك ياساره انتي السبب في كل اللي انا فيه

****************

شوق/ مستحيل انتي أكيد هبله


حلآ ........

شوق/ حلآ معقول تضحين بنفسك وحبك لضاري اللي


يتمنى اليوم قبل بكره يجي يخطبك , عشان وصيه

ظالمه وآنـآنيه

حلآ / لآ تقولين كذآ

شوق/ الا بقول من جد هند الله يرحمها فكرت في نفسها


وبنتها ولآ فكرت لآ فيك ولآ في صقر ولآ في مشاعركمٍِ’

بنتها كانت الأهم , بعدين انتي متخيله كيف بتكون

حياتكم ..! هند بتكون عايشه بينكم انتي عارفه ان صقر

يموت في هند ومستحيل يحبك زيها


حلآ / مابي يحبني ولآ أبي أحبه


شوق/ اجل ليش بتتزوجينه


حلآ / بس عشان هند الصغيره , وعشان وصية امها


شوق/ حرام تضيعين ضاري من يدك أتمنى تفكرين


زين لسى في وقت على نهاية الشهر


حلآ / فات الأوآن

***************************


الكل عاارف انه صقر خطب حلآ وآن ملكتهم

بتكون أخر الشهر


وآكثر شخص انصدم هوه ضاري لآنه ما توقع


أن حلآ تخليه عشان كان متزوج أختها


***************************


ياسر / خليها دامها مقتنعه


شوق / انت مو عارف سبب موافقتها


ياسر /يمكن البننت تحبه ومن قبل يآخذ هند



شوق / حبك بررص


ياسر /قد هالكلمه

شوق / ههههه أمزح امزح


ياسر / أشوأ على بالي بعد ,

طيب وش السبب يآنستي آلجميله؟
شوق / لآن هند قبل تموت وصتها هي وصقر يتزوجون

بعض عشان تقول ماراح تتطمن على

بنتها او ولدها الا مع حلآ


ياسر /بس كذآ ظلم

شوق / وانا أقول كذأ بس وش نسوي


ياسر /طيب عمي ليش موافق على كذآ


شوق / المشكله انه ما أحد يدري غير صقر

وحلآ عن موضوع الوصيه


ياسر /اهاا الله يقدم اللي فيه الخير


شوق / اللي كاسر خآطري هو ضااري ياقلبي


عليه وآلله انه مسكين


ياسر /ايش ايش وش قلتي , ياقلبك !!!


شوق / هههههه لآ بس أبين لك اني متآثره بالسالفه


ياسر / اهااااا وشفيه ضاري بعد


شوق / شوف هو وحلآ يحبوا بعض ومتفقين على


الزواج وكان بيجي الأسبوع الجاي ويخطبها بس هي


دقت عليه وقالت له انها ماتبيه وأنه ماله نصيب عندها


ياسر /يعني مايدريٍ وش السبب الحقيقي


شوق / لآ لآ , مسكينه حلآ تحبه بس غصب عنها


ياسر /الله يعينهم

***************************


ناصر / سحر ترى ماصارت الكل تزوج الآ حنا

ترى بنعنس

سحر / يانصروي ياحبي انا ما قلت مافيه

زواج الا بعد ما أخلص دراستي


ناصر / باقي سنتين !


سحر / ايه بس قابله للزياده هههههه


ناصر / ايه مو انتي ماشاء الله تآخذين السنه


بسنتين تحبين الجامعه


سحر / هههههه عاد وش نسوي


ناصر / امري لله شكلي بعنس وانا أنتظرك


سحر / هههههه حلوهـ تعنس بس لآ تعيدها يالله بايٍِ’


ناصر / بايِ’

سحر ( آآآآهـ ليتك تدري بالسبب اللي مخليني مأخره

الزواج )

***************************


هاني / وآلله العظيم اني صادق


بندر/ بس يمكن مو هو


هاني / اقولك متأكد


بندر/ طيب ليش ماكلمته


هاني / مدري قلت أقولك وتشوفه ونتأكد


بندر دق على ياسر وقالوا له نبيك بموضوع


شوق / وش يبون

ياسر / وآلله مدري بس يقولون شيء مهم ,


بس يالله انا بطلع انتظرهم

*************************

ام راكان /بتجلسين طول الوقت شايلتها ؟

خليها مع الشغاله


عاليه / لآ ياخاله قلبي مـآيطاوعني اخليها معها


ام راكان /بس كذآ بتتعبين


عاليه / عادي اهم شيء اكون متطمنه وضميري مرتاح


ولآ تنسين ان هذي من ريحه المرحوم


ام راكان /الله يرحمه راح بعز شبابه

*************************

ياسر / وش السالفه ليش جايبينا هنا

بندر / الحين بندخل ونشوف

نزلوا الشباب ودخلوا الجامع وكان مليان للآخر وبالموت


حصلوآ مكان وجلسوآ وبعد لحظآت قام الشيخ وبدأ يلقي


المحاضرهـ وآلكل منصت له ومستمتع بكلامه وأسلوبه


بندر / معقوول ! لآلآ مو معقول


ياسر / اقول بندر مو كأن الشيخ هذآ يشبه راكان؟؟

هاني / الا انا متأكد انه هو بس أستحي أروح أسأله


بندر / انا بروح , وقام وراح للشيخ !


ياسر / معقول راكان صار كذآ سبحان مغير الأحوال


هاني / خل بندر يتأكد بألأول


ياسر / أقص يدي اذا مو هو انا أكثر وآحد

يعرف راكان

بندر / السلآم عليكم

سليمان / وعليكمٍِ السلآم


بندر / اممممم ممكن أكلم ألشيخ


سليمان / انتظر شوي يخلص المحاضره وتعال


بندر / لآ بجلس هنا حتى يخلص



بعد عشر دقايق خلص الشيخ وراح له بندر


بندر / السلآم عليكم


الشيخ رفع راسه لجهة الصوت

:الشيخ /هلآ فيك آمرر

بندر / ماعرفتني


الشيخ تلعثم / هآهـ لآ لآ شكلك مشبه بواحد


بندر / مآ أظن أني مشبه


سليمان / ياخوي لو سمحت اذا عندك سؤال

للشيخ اسأل ولآ خلنا نتوكل , ترى الشيخ عنده مواعيد

هاني جاء هو وياسر


ياسر / لآ تحاول تقول انك ماتعرفني انا بعد


الشيخ ........


ياسر / راكان أقدر اميزك من بين 1000 شخص


راكان / هلآ ياسر , عارف انك تقدر تميزني بس

انا ريحتكم مني وش جابكم الحينِ ؟؟


بندر / جابنا اننا اخوانك وعيال عمك والظفر عمره


مايطلع من اللحم ومالك حق تحرم اهلك منك وأنت حي


راكان / بس انا ضريتكم اكثر مما نفعتكم


ياسر / بس الله غفور رحيم وإحنا سامحناك وآمك


وخواتك بحاجه لك لآن مالهم احد غيرك الحين


راكان / وش تقصد

ياسر / أخوك حسـآم ......


راكان/ وشفيه حسام !!


ياسر / وآلله وأنآ أخوك حسام توفى له اكثر من سنه


رااكن / وشووووووووو !!!!!!! مات ! كيف؟

ومتى؟وليش؟!

سليمان / ياركان استغفر ربك هذا قضاء الله
وقدره وأطلب له ألرحمه
راكان / أستغفر الله العظيم انا لله وآنآ اليه راجعون عمري ماتخيلت البيت من دون حسام دوم كان يحسسني انه هو الكبير بالعائله بس ما أقول ألآ الله يرحمك ياحسام
بندر / الحين خلنا نروح نفرح اهلك وآلعائله كلهم برجعتك
راكان .......
ياسر / وشفيك سااكت
راكان / بألأول شوق تسامحني على اللي سويته فيها وترضى تسلم علي وبعدين أرجع
ياسر / انا اضمنها لك بس الحين امش معنا وطمن خالتي
راكان / وانت ياياسر سامحتني ؟
ياسر / تصدق كنت أقول اول ما أشوفك بذبحك بس مدري أول ماشفتك بهيئتك الجديده حسيت بفرحه اولآ لآنك تغيرت وثانيآ لآن أخواتك بحاجه لآخ يدير باله عليهم وينتبه لهم وبعدين ترى في حاجات كثيرة حصلت وآنت ماتدري عنها
راكان / وشفيهم أهلي خوفتني ياسر قوولي
ياسر / بعدين أقول ألحين خلنا نروح البيت


*************************
ماجده/قلت مابي اف


زياد/الحين ابي اعرف وش فيك ماده البوز؟


ماجده/يعني ماتعرف؟


زياد/ لامااعرف؟


ماجده/ البنت اللي قبل شويه ليه تناظر لها كذا؟


زياد/ وكيف ناظرت لها يافالحه؟


ماجده/ مسوي بريء وماتدري,اجل من كان

مسبل لها عيونه انا والا جدتي

زياد/ امممم على مااظن جدتك يووة يقولون عليها


عيون عذااااااااب


ماجده/ زياااااااااااااااااااد ترى والله بهالعلبه على راسك

زياد/ يابنت ترى حنا بمطعم محترم وعيب هالفضايح


ماجده/ علم نفسك يامحترم


زياد/ اسمعي ترى عمر مااحد كلمني بهالاسلوب

عدلي نفسك احسن لك ,,وترى انا تركت حركات

الغزل والخرابيط من يوم خذتك ,بس لاتحديني

ارجع لها بتصرفاتك الماصخه

ماجده.........

زياد/ بالله يعني انا اهبل بسبل للبنت وانتي معي؟

يابنت والله احبك وماصرت اشوف احد غيرك

ولو يرتصون عندي الحين 20بنت ماطالعت لوحده فيهم

ماجده/ طيب خلاص اسفين


زياد/ بس اسفين؟


ماجده/اممم اسفه حبيبي

زياد/فديت روحك ياغلاهم

*************************
ام راكان/ماني مصدقه انك حي وقدامي


راكان /سامحيني يمه انا غلطت بحقكم كثير

بس الحمد لله ربي هداني وتبت عن كل الخرابيط الماضيه

ام راكان/ الله يخليك لي يمه بعد حسام حسيت ان خلاص


ماعاد لي سند بهالدنيا بس الحمد لله اللي رجعك لي

انس /افااا يمه وانا وين رحت


ام راكان/انت فيك الخير والبركه بس لسى صغير


انس/ انا صغير والشنب هذا وشو؟


راكان/ ههههههه والنعم بك انت وشنباتك

ياسر/يالله انا بروح واخليكم تاخذون راحتكم

راكان/ انت وعدتني تظمن شوق

ياسر/ايوة وباقي عند وعدي يالله عن اذنكم

ام راكان/ وين كنت هالمده كلها؟


راكان/هذي سالفه طويله بعدين اقولك عنها الحين


ابي اروح غرفتي وحشتني ,والا احد احتلها؟؟


انس/ هههههههههه لاتخاف مااحد يبيها من زينها عاد خخخ

راكان/ عادي حتى لو مو حلوة بس احبها وفيها

قضيت احلى ايام عمري

انس/فديتك ياخوي والله كنت فاقدك

راكان /الله يسعدك يالله طس خلني اروح انام هههههههههههههه

نهايه الجزء 37

 
 

 

عرض البوم صور اسطورة !   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتب, مستر, تمضي, برهوم, تصنع, بنكسر, صابر, عابر, فرصتي, والحظ
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:03 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية