كاتب الموضوع :
اسطورة !
المنتدى :
القصص المكتمله
*الـــــجـــــــــــــــزء 25&*
طلع الدكتور من عند ياسر وجا حسام يركض
حسام ,/بشر يادكتور ياسر بخيرٍ ؟
الدكتور/ الحمد لله الجرح ماكان عميق وعملنا له سبع غرز وربنا سترٍ
عارف لو كان الجرح اعمق كان داخل في غيبوبه
حسام /، الحمد لله والف شكر لك يادكتور وربي تستاهل احلى هديه على ذا الخبر
الدكتور/ هههههههههههه شوف خليك عند كلامك ماتنساش الهديه
حسام /ابشر من عيوني بس اول اروح اشوفه
الدكتور /هو الحين نايم بس بكره تعال . بس انا مضطر ابلغ عن الحاله
حسام/سو اللي تبي اهم شئ انه حي وماجاه شئ
طلع حسام يدور على ركان ماحصله .
دق عليه جواله ،
حسام /الو راكان وينك ؟
راكان ايش تبغى . ؟
حسام ،/ ابشر ياسر بخيرٍ
ركان/ ، الحمد لله سلم عليه وقله يسامحني ،
حسام ،/ قلها بنفسك ،
ركان /انا خلاص مالي رجعه عندكم ، اعتبروني مت وربي يسامحني .
حسآم /، راكان انت وش تقول؟ شارب شئ ؟
راكان /، سلم على امي ومع السلآمه ، وقفل الخطٍ
حسآم /، رآكآن ، الوٍ . الوٍ ؟ ! رد يآزفت
*&*&*^&*&*&*&*&*&*&*&*&*&
سحرٍ/ ، انتي السبب يمه ، وربي حرام اللي سويتيه حرام
ام راكان ، . ...
سحرٍ/ عذبتي البنت وانتي عارفه انها اختنآآ . ! ليه يآيمه ليه ؟
ام راكان ،/ مأعرفت انها اختكم الا قبل يموت ابوك
سحرٍ ،/ مو عذرٍ يمه ,
ام رآكآن /، فكينأ خلآصً ، اجل يتزوج ع المسيحيه ، بدال مايحمد ربه !اني وافقت اخذه
سحرٍ .....
ام راكان /، كان نفسي اعرف انها بنته من زمان
كان طلعت حرتي من امها من زمان
سحرٍ /. اكثرٍ من كذ1 ؟
ام راكان خلتها وطلعت غرفتها
ياسرٍ /، وين انا ؟
حسام /انت بالمستشفى ,
يآسرٍ/ ليه ؟
حسام ، /انا اسف ياياسرٍ ، ماكان عندي حل الا اني اضربك عشان تفك راكان
لو ماسويت كذ1 ، كان راكان ميت وانت بالسجن ، يعني نفقدكم كلكم
ياسر حط يده على راسه / . يعني انت اللي ضربتني ؟ اشوىآ ريحتني
حسام /كيف يعني ؟
ياسرٍ /، كنت احسب انها شوقُ ، وانقهرت ليه سوت كذ1
الا هي وين ؟ اذا برآ خلها تجي .
حسام ، تذكرٍ انه ماشاف شوق من يوم دخل البيت
ياسرٍ ،/ حسام ليه ماترد ، ؟
حسام /، شوق مآشفتها من يوم دخلت البيت .
يآسرٍ ،/ ايشَ ! كيف يعني ماشفتها ؟
حسام /، اول مادخلت البيت سمعت صوتك وراكان ، بس شوق ماكانت فيه ؟
ياسرٍ /، وين رآحت ؟دقيت عالبيت ؟
حسام /، دقيت بس ما سألت ,
يآسرٍ اخذ الجوال ودق عالبيت ،
سحرٍ /. الوٍ ؟
يآسرٍ/الو سحر شوق عندك ؟
سحرٍ/ هلآ ياسر الحمد لله عالسلآمه
ياسرٍ/ الله يسلمك بس شوق عندك ولا لا
سحرٍ ،/ لآإ ماهي فيه ، اكيد مع حسام
ياسرٍ ، قفل الخط بوجهها
حسام /، مآهي فيه ؟
يآسرٍ قام ،
حسام /على وين ؟ ارتاح نا بروح اشوفها
ياسرٍ /، ؟ وين بتكون رآحت وين؟؟؟
طلعو مع بعض يدورون وهم مو عارفين وين يدورون
*&*&*&*&**&*&*&&**&&**&&**
هند /، حلآ ، قومي خل نطلع شوي طفشانه
حلآ /مآليٌ نفسً ،
هند ،/ ترآ مي حاله لك اسبوعين ماتطلعين ؟
يعني حبستك بترجعهآ
حلآ /، يآليت حبستي ترجعها كان جلست محبوسه طول عمرٍيٌ
هند/ ربك كريم ، هذا هم يدورون والشرطة مو مقصرهٍ
حلآ ،/ وين بتكون رآحت ، هي مالها احد غيرنـآ ، الله لآ يوفقك رآكان
هند /، حتى هو مختفيً .
حلآ /في حريقه جعله مايرجع الحيوان
هند /, طيب هدي نفسك وخل نطلع
حلآ/ مانيب طالعه ولو سمحتي ابي اجلس لحالي
هند طلعت ولقت هاني بطريقها
هآنيٍ /, بآقيُ زي ماهيٌ
هندٍ ,/ إيٌ لآ وبعد طردتنيٍ
هآني /لآ تلومنيها شوق غاليه عندها وزي ظلها
هند/ وحتى انااغليها
هاني ،/ الله يرجعها بالسلآمه اي نسيت اقولك ترآ صقرٍ بالمجلسً ، ويبي يسلم عليك روحي له
هند، ( اوف هذا وش يبي الحين )
نزلت هند وراحت المجلسً
هند /سلآم ،
صقرٍ / هلآ وغلآ بزينة البنأت
هند / سلمت وجلست
صقرٍ / كيفك هند وش مسويه ؟
هند / بخيرٍ ,
صقرٍ /، ان شاء الله دوم ~
لحظات صمت ، دآرت بينهم
صقرٍ ،/ هنوده وش فيك متضايقه ؟
هند/ ولآ شئَ .
صقرٍ قرب منها ومسك يدهآ /،، لآ فيك شئَ وجهك يقول كذ1
.
هند ،/ صدقني مافيه شئَ إوٍ يمكن عشان بنت عميً
صقرٍ ،/ الله يرجعها بالسلآمه ، والله اللي يكسر الخاطر ، ياسرٍ مره حالته حاله
حتى الدوأم غآبٌ عنه ، بس خويه قدم له اجآزه ، مسكين يطلع الصبح
، يدور بهالشوآرع ، واذا تعب رجع للبيت
هند /ماكنت ادري انه يحبها كذا
صقر/ ياسر يحبها من هم صغار وحب الطفوله شين
هند/ ليه جربته؟؟
صقر/ ههههه انا ؟لاوالله انتي اول واحلى حب بيحاتي
هند(ياليت كان راكان اللي يقول هالكلام)
صقر/ هنوده وين رحتى؟؟
هند/ هاه معك معك
صقر/اي معي الله يهديك
هند/وربي معك
صقر/ اممم طيب انا سئلت سؤال واجابته موافقه او لا .اذا فعلا كنتي معي جاوبي بسرعه
هند(اف وش هالوهقه الحين وش اقول ؟ اكيد بيدري اني كنت سرحانه ومو معه )
صقر/ هاه ترى انتظر الاجابه
هند/ امممم مواقفه
صقر/ ههههه متأكده
هند/ ايوة متأكده عشان اثبت لك اني كنت معك
صقر فاجاها ببوسه خطيييرة.وهند انحرجت وغطت وجهها بيدها
صقر/ انتي اللي قلتي موافقه هههههه
هند طلعت من المجلس ووجهها احمر من الخجل والاحراح
صقر(ههههه يلعن شكلي والله مانيب سهل قدرت اضحك على البنت .وهي صدقت )
*&*&*&*&**&*&*&&**&&**&&**
بعد شهرين
ياسر/ مالي نفس ياخاله
ام صقر/ الحين متعبه نفسي ومتعنيه من بيتي عشانك وتقول مالك نفس؟
ياسر/ والله على عيني وراسي بس نفسي مسدوده
ام صقر/يايمه البنت ماتبيك .وعشان كذا انحاشت منك
ياسر/ ياخاله انتي ماتعرفين السالفه فلاتتكلمين عنها وهي غايبه
ام صقر/ لا اعرف انكم مسكتوها مع واحد وعشان كذا انحاشت
ياسر/ ياخاله ايش هالكلام؟شوق اشرف من الشرف واللي بيقول غير كذا اقص لسانه
ام صقر/ والله الناس اللي يقولون مو انا
ياسر عصب منها وطلع من البيت
ام صقر(الله لايردها )
*&*&*&*&**&*&*&&**&&**&&**
فهد / هاه وش قلت ياعم
ابو سالم / والله ياولدي يافهد انا عني موافق بس لازم نشوف راي البنت
فهد / هذا عين العقل خلاص انتوا تشاوروا وردو علي عن إذنك ,بعد ماراح
جود / راح ضيفك يبه
ابوسالم /ايه راح تعالي يبوك ابيك شوي
جود /خير يبه بعدين من اللي كان عندك
ابوسالم / هذا عريسٍ جايلك
جود/ يبه ! انا ايش قلت لك قبل هالمرهـ قلت زواج مانيُ متزوجه يكفي اللي جاني
ابوسالم/ بس هذا مو اي عريس
جود /مادام مو أي عريس جاي عند وحده مطلقه وعندهـآ بنت ليه
ابوسالم /وآلله عاد انا ماسألته
جود ...
ابوسالم /ترى اللي خطبك هو المحامي فهد
جود / فهد ماغيرهـ!
ابوسالم/ايه هو وترى الرجال سمعته طيبه وممتازه والف من تتمناه هاهـ وش قلتي .؟
جود /ألأستاذ فهد لو أشكر فيه من هنا لبكرهـ ما أوفيه حقه بس
ابو سالم /بس ايش جود خايفه
ابوسالم /من ايش
جود/أخاف ابوطيف اذا درى ياخذ البنت مني
ابوسالم /من هالناحيه لآ تشيلين هم ,فهد كأنه داري انك بتقولين كذا وقالي ومن ناحيه بنتهـآ
لآ تشيل هم انا اللي بوقف لآبوهـآ
جود ...
ابوسالم /ابنتيُ الفرصه ماتجي الأنسانك كل حزهـ وانا ودي أتطمن عليك مع اللي يقدرك ويصونك
وفهد انا حبيته ويعلم الله اني اشوفه زي ولدي اللي ماجبته
جود /والله مدريُ وش اقول
ابوسالم /قولي موافقه وإتكلي على الله
جود /. ونعم بالله خلاص من عنوني موافقه
ابوسالم /الله يريح بالك زي ماريحتي بالي الحين بروح اصلي المغرب وأدق على فهد وأبشرهـ
*&*&*&*&*&*&*&*&&*&*&*&*&
بندر/ياخي تكفى تعال معنا وغير جو وبعدين فهد بيستانس اذا جيت
ياسر/والله مالي مزاج لشي بس خلاص بجي عشان فهد .والله فرحت له انه اخيرا بيتزوج
بدال هالوحده اللي عايش فيها
بندر/ ايوةالله والبركه في المدام قعدت تزن على راسه وتمدح في البنت لما قال موافق
بندر يطالع بساعته/ اقول امش تأخرنا
*&*&*&*&**&*&*&&**&&**&&**
نجلاء/ ياعمري ياخوي والله اليوم الدنيا مو سايعتني من الفرحه
فهد.....
نجلاء/ يافهودي الحي ابقى من الميت وفاطمه الله يرحمها مايرضيها اللي تسويه بنفسك
فهد/ بس مو قادر اتخيل وحده ثانيه بحياتي غيرها
واخاف اني تسرعت بهالخطوه وأظلم بنت الناس معي
نجلاء / لآ تسرعت ولآ شيء وبعدين انا فهمت جود كل شي وهي تقول تبي واحد يحترمهـآ مو لآزم يحبهـآ
فهد / الله يقدر اللي فيه الخير , يالله مشينـآ
&*&*&&&&*&&&*&*&*&*&*&*&
بندر / اسمع انت ادخل قبلي وانا بنتظر شوي المدام بتجي
مع أخوهـآ وتبيني أعطيهـآ شي ضروري قبل تدخل
ياسر/ ياخي فشله أدخل هنا وانا ما أعرفهم
بندر / مافيه غير ابوهـآ وهو شايب وعلى نياته
دخل ياسر البيت ولقى المجلس مفتوح ودخل , حصل ابو سالم جالس
ابو سالم / يـآهلآ وياغلأ { تفضل حيـآك
ياسر يحب راسه , / هلا فيك ياعم كيفك , انا ياسر من جماعة فهد
ابوسالم / حياك الله والله تو مانور المكان عن إذنكُ شوي ,
راح ابو سالم يجيب القهوهـ
ياسر {. ياحليل هالشايب والله انه ينحب , وحظ فهد زين انه بيناسبه .}
قطع أفكـآر ياسر الشيء اللي شافه يلمع جنب الكنبه
ياسر مد يده وشاله {.ايش هذا ؟! وش جابه هنا ؟! معقول ! لآلآلآ انا متأكد انه هو }
في هالوقت دخل بندر
بندر / تأخرت عليك صح .!
ياسر دخل اللي كان بيدهـ بجيبه بسرعه عشان مايلآحظ بندر .
ياسر / لآ عاادي
بندر / وين الشايب عنك
ياسر / والله تو طالع بيروح بيجيب القوهـ وهالشغلآت .
شوي ودخل فهد عليهم وبعدهـآ جاء أبو سالم وجو بعض جيرانهم وجاء الشيخ ومللك فهد على جود
عند البنات ,.........,,,.,..,,,..,
نجلاء /فديتها مرة اخوي طالع تجنن
جود / هههه اقول أسكتي اللي يسمعك الحين يقول هذي قمر 14 مو مطلقه ومعـهـآ بنت بعد هههه
هند/بالعكس وربي طالعه روووعه بس من جد انتي اللي مسويه مكياجك؟؟
جود/ هاه ايوة ايوة اناحلو صح؟
حلا/ اي حلو الا قولي خيااااال يابختك يافهد
جود استحت ونلزت راسها
سحر/ زين يانجلاء قدرتي على فهد وخليتيه يتزوج هالقمر
نجلاء/كثر الدق يفك اللحام هههههه
دلع/ الا قوي الصدمه هي اللي لها الفضل
حلا/ دلوعه تصدقين اول مرة تقولين شي حلو ومفيد
البنات/ ههههههههه
دلع/ اصلا كل شي مني حلو ومفيد .ومدت لسانها
سحر/ طيب يانجلاء باقي عليك سامي اقنعيه يتزوج
نجلاء/ سامي يقول انه حاط عينه على وحده بس ينتظرها تخلص دراسه
حلا/ مين هي قولي بسرعه
نجلاء/ ريحي عمرك مو انتي ههههه
البنات/ هههههههههههههههههههههههه
حلا/ مالت عليك انتي وهو من زينه انا لو اخوك يوزني ذهب مااخذه
انا ابغى لي واحد امممم ولد امير او ولد وزير مو من طقتك انتي واخوانك
هند/ حلاوي بالله ولد الامير او الوزير ايش بيلاقي فيك عشان ياخذك وحده عصلا ولسانها يلوط اذانها هههههههههه
البنات/ ههههههههههههههه
حلا/ اصلا يكفي اسمي بيهبل فيه .فديتني بس
البنات/ هههههه
*&*&*&*&**&*&*&&**&&**&&**
بندر/فهود اختك تقول خل فهد يدخل يسلم عالعروسه
فهد/ لازم يعني؟خلوها وقت ثاني
هاني/ هههههه حلوة وقت ثاني جديده على الصراحه
اقول قوم قوم والله ان قلبك يرفرف الحين بس مسوي فيها استحي خخخخ
الكل/ هههههههه ماعدا ياسر اللي فكرة مشغوول ومو معهم
بندر لاحظ شرود ياسر
بندر/ يالاخو وين وصلت؟
ياسر/ هاه معكم معكم
بندر والله منت حولنا وش اللي قلبك فجأه؟
ياسر/ مو وقته اقولك بعدين
بندر/ اوكي براحتك
دخل فهد وسلم على جود وعطاها هديته وطلع بسرعه
جود لاحظت برود فهد بس مابينت هالشي .بس اللي عجبها انه اصر ان طيف تتصور بينهم
*&*&*&*&**&*&*&&**&&**&&**
اليوم الثاني
وليد/ ابي افهم اذا دقيت ليه ماتردين
دلع/ كيفي ارد مارد انا حره
وليد/ لا والله .اقول ياابو الشباب حركاتك ذي مو علي
وقسم بالله ادق مرة ثانيه ماتردين تشوفين شي مايعجبك.وقفل بوجهها الخط
دلع (ههوالله فاضي على باله بيخوفني هالوليدوة)
*&*&*&*&**&*&*&&**&&**&&**
بندر/ انت تتكلم جد والا تستهبل؟
ياسر/ تشوفني رايق عشان استهبل؟ انا متأكد ميه بالميه .بس كيف وصلت مجلس بو سالم مدري
بندر.......
ياسر/ اشفيك ساكت؟ لايكون تفكر باللي افكر فيه؟
بندر/ مافيه تفسير غيره
ياسر/ انا لازم اروح هناك واشوف
بندر/لاتتسرع خلنا نفكر اول وبعدين يصير خير
ياسر/ اجل مالي غير اني اكلم فهد
بندر/وش بتقوله ؟
ياسر/ انا بتصرف مع السلامه.وانهى المكالمه
ياسر كلم فهد
وفهد قاله بيشوف الموضوع وبيرد عليه
*&*&*&*&**&*&*&&**&&**&&**
../انتي دورتي زين؟
../ايوة دورت بس مالقيتها
../طيب خلينا ندور مرة ثانيه
../اقولك دورتها بكل مكان ليه اربع ايام ادور
../يعني مرة مهمه عندك؟
../ايه وفوق ماتتصور.هذي غاليه على بالحيييل
../يمكن طاحت وحنا بالسوق
../يمكن بس والله بموت قهر وودي اخسر اي شي الا هي
*&*&*&*&**&*&*&&**&&**&&**
سحر/معقول تختفي كذا ولانعرف وين هي.
حسام/ والله دورنا بكل مكان والشرطه تقول مالها اياثر
ام راكان/في شتين داهيه مو كفايه فقدت ولدي بسبتها؟
سحر/ يمه انتي عارفه انه هوه السبب مو هي
ام راكان/الحين مو خايفين على اخوكم الكبير وخايفين على هالحشرةشوقوه
حسام/ يمه مايصير كذا وبعدين راكان رجال واكيد مدبر امورة وتلاقينه مسافر يتسرمح زي العاده
بس شوق بنت عارفه يعني ايش بنت ولوحدها اكيد بنخاف عليها .وترى
هي مالها ذنب باللي بينك وبين ابوى الله يرحمه هي اصلا ماتعرف انها بنته
ام راكان/الله لايردها قولو امين .وخلتهم وراحت غرفتها
*&*&*&*&**&*&*&&**&&**&&**
ام صقر/شوفي ابيك تاخذين هالورد والهديه وتعطينها ياسر
ماجده/ انا ؟؟؟؟
ام صقر/ اجل انا ؟؟
ماجده/لا لا مااقدر استحى
ام صقر/يابنتي لازم تستغلين الفرصه و تتقربين منه وتخلينه ينسى هالشوق وياخذك
ماجده/يمه انتي ليه مو راضيه تفهمين انه يحبها ويموت عليها
ام صقر/بس هي راحت ولو لقاك جمبه بينساها انا متأكده
ماجده/ يمه صقر يقول انه كل يوم يطلع يدور عليها وقاله لو مالقها مستحيل يزوج غيرها
ام صقر/كلام فاضي مو على كيفه انا بقوله
ماجده/ ايش بتقولين له؟؟
ام صقر/بقوله ابيك تاخذ ماجده لاني مابتطمن عليها الا معك
ماجده بصدمه/ يمه انا رخيصه عندك لهالدرجه ؟والله لوهو اخر واحد مااخذه
وانا ادري انه مايبيني .عن اذنك
ام صقر/يعني كيف بتخلينه يطير من ايدك؟ بس انا ماراح اخليه
*&*&*&*&**&*&*&&**&&**&&**
ابو بندر/ياليت تستعجل الوالده انا وراي شغل
حسام/ خلاص دقايق وبتنزل
ياسر/ خير ياعميوش الموضوع اللي جمعتنا عشانه؟
ابو بندر/خل ام راكان تجي وبتعرف
جات امراكان /هلا ابو بندر كيفك
ابو بندر/هلا بك زود بخير يامال الخير
ام راكان/ خير وش عندك
ابو بندر/اولا الحق ماينزعل منه .وانا جاي بخصوص ياسر
ياسر/ بخصوصي انا ؟؟؟
ام راكان/ مافهمت قصدك
ابو بندر/ياسر ساكت ماتكلم بس انا مايرضيني هالشي.احنا
عارفين ان ياسر له حق بالورث ولازم كل واحد ياخذ حقه
ياسر/ ياعمي هالكلام مو وقته انا عندي اللي اهم منه وهي شوق
ام راكان/هههههه على مهلك انت وياه ومن قال اصلا ان له حق بالورث؟
ابو بندر/ابو راكان قال وفيه اوراق تثبت هالكلام
ام راكان/ الحلال حلال عيالي ومااحد له حق عندنا واللي مو عاجبه يطق راسه بالجدار
ابو بندر/ياسر ليش ساكت؟
ياسر/ جالس اسمع من ام راكان واشوف ايش عندها باقي
ام راكان/ ماعندي شي غير اللي قلته .انت مالك
اي شي بالورث ورجاء لاتتبلى على عيالي وتقاسمهم بحلالهم
ياسر/ شوفي انا كان اخر همي هالموضوع وعمي الله يرحمه كم مرة كلمني بخصوصه وانا كنت ارفض
بس طريقتك ذي خلتني اغير رايي وحقي ابيه وابيه كامل زي ماعمي كتب لي
امراكان/ ههههههههه اقول ياابو حق ترى انا وراي اشغال ومو فاضيه لكم
ياسر / لا بتفضين والحين ابي الاوراق اللي عمي كتب لي وحطيتها بالخزنه
ام راكان/ يعني تكذب الكذبه وتصدقها؟؟؟
ياسر/ اي كذبه؟
ام راكان/ انك لك حق عندنا .طيب انا راح اريحك تعالو معي المكتب
راحوللمكتب
ام راكان/ هذي الخزنه دورو فيها على راحتكم
ابو بندر وياسر جلسو يدورون للورقه ومالقوها
ياسر/ الورقه انا حطيتها بايدي هذي هنا وانتي كنتي موجوده يومها
ام راكان/ مافيه اي ورقه انت شكلك كنت تحلم ا.وياليت الحين تذلفون لاني موفاضيه
ابو بندر/خافي ربك ترى هذي وصيه
ام راكان/ اقول بلا كلام فاضي وهوونا
ياسر/ حسبي الله ونعم الوكيل.طول عمرك ظالمه .يالله ياعم الله الغني عنها وعن فلوسها
*&*&*&*&**&*&*&&**&&**&&**
فهد / بس اللي سويتيه غلط فاهمه يعني ايش غلط؟
جود.....
فهد انتي مو صغيرة ولاجاهله عشان تسويين كذا
جود/ حط نفسك مكاني واحد طلبك تساعده ماراح تستعده؟؟
فهد/ اساعده بس مو بهالطريقه
جود/ ماكان عندي غيرها
فهد/ طيب خلاص الحين لازم نصحح الوضع
جود/ كيف
فهد/ هو متاكد انها هنا
جود/ كيف عرف؟
فهد/ لقى سلسله اهداها اياها زمان مرميه بالمجلس يوم ملكتنا
جود/ يووووة واحنا قلبنا عليها الدنيا والبنت ودها تموت بس تلاقيها
فهد/خلاص هي عن ياسر وهو بيعطيها بنفسه
جود/ بس هي ماتبي احد يدري انها عندي ولو جاء بتزعل علي
فهد/بس هذا غلط البنت لازم ترجع لاهلها
جود....
فهد/ انتي لاتقولين لها شي.بس قولي لها بكرة العصر انك بتروحين معي مشوار
وياسر بيتصرف
جود/ كيف بيتصرف؟
فهد/احنا مالنا شغل انا بعطيه مفتاح البيت وهو يجي ويتفاهم معها ويحلون هالمشكله
جود/ ولو انها بتزعل مني بس مصيرها بترضى
فهد / ايه هذا الكلام الصح.يالله عن اذانك
جود/ الله معك
*&*&*&*&**&*&*&&**&&**&&**
نهايه الجز 25
|
06-07-12, 03:36 PM
جديد مواضيع قسم القصص المكتمله
العرض العادي
