حياتس نبوض من طول الغيبه صحيح بارت مخيف حبتين بس يالله بنشوف نهايتها من ابطالنا


وش سويت يهذال ماهقيتها منك راعي العلم الطيب يبقى طيب وش اللي حدك تاخذ ذا البنت هل هي فزعه مثل راكان انفاس في آسى الهجران
ولا فسقه شفت البنت واعجبتك وخطبتها او معاند لاهلك اللي يبون غصيبك على سلمى
بس ولله سلمى يرحم حالها حبتك من قلب
تباهت فيك بين الناس انت لو شفتها بس يوم رقصت في عرس اختك قلت املكوني عليها الليله
بس اللي احسه ان هذال تورط في البنت يافاكها من اهل شريين او عرضها اخوها عليه ومابغا يرده
يالله ياخبر اليوم بفلوس بكره بلاش


اما انت يافهاد ولله انك اسنافي صدق توقعت تثقل على النوري بس خربتها
ام الشباب يوم قالت اسم فالح
هل كنتي تقصدين تغيضين به فهاد ولله يانره انتس تلعبين بانار
ماكفاتس حرق الشمعه بتحرقين قلب الرجال
ترى ان جيتي طيبه جا فهاد اطيب
خلي عنتس الهرج الفاضي وعيشي حياتس


ياخوفي منك يسيف تطلع حرت سلمى في الهنوف ترى كفاها ماجاها
الله قرد احظوظهم بنات ابو فالح مع ان ابوهم نعم الرجال
بس تدرين وش قومهم قومهم نيت امهم اشينه وعطا الله بناتها على قد نيتها


يالبي قلبتس يالجازي بس لاتكابرين ياروحي مبارك رجالتس ليش الثقل بالعكس خليه يدري عن اهتمامتس فيه تر ماراح يكون فيه خسران غيرتس
وبعدين الزواج والعمر خليه على ربتس
الا تعالي امتس شايفتن نفسى ومتكاثره على بنات ابوسعد اعيالها وهذا مبارك زين الشباب ماخذ الجازي وبينهم عمر وماعمر ام سعد قالت شي ياطيب قلب ذيك المره طيباه ولا تتبع هيا في العرس ماتبيها تعب نفسها وهي حامل امها وهي امها ماقالت لها شي


محمد ارسلك على بر تبي تعرس ولا تسوي عملية قلبك اقول خل عنك حتس العجوز وعلم الكل باللي فيك خل امك تشكر شيخه اللي قعدت معك
وتترك عنها الهرج الفاضي

حية التبن هي ماتلها في نفسها وش عليها من بنات عم زوجها تلها في نفسها الظاهر تبي دعوه تلهييها في نفسها عن الغير جعل فالح يطلقها وتنثبر في بيت اهلها


بوركت يمناتس نبوض الله يغفر اتس ذنبتس ماتقدم وتاخر(بارك الله لنا في شعبان وبلغنا رمضان )

اهلين من طول الغيبات والله اول البارت فرحنا ورقصنا بعرس الشيخ واخرالبارت زعلنا علي حادث هذال والله انه رجال بس اكيد مغصوب علي هالعرس بس الله يعين سلمي علي هالمصيبه يعني بتصير نوال وسلمي الله يصبرك يبو فالحبس

كل من مر هنا وجعل صفحتي مكانأً لحروفه
جزاه الله خير ووفقه الله دنيا ودين فلاتفيه كلمات الشكر ولكن الدعاء سيفيه ان شالله وماعندالله خير وابقى
فلكم اصدق الدعوات ولكم اجل الشكر والعرفان
مع انـــــــــــــــي افتقد اكثركم حقا
ولكـــــــــن ان كان هناك خلل اتمنى التوضيح
اوالملاحظه
لان الاكثريه غااااااابت عن متى يرتاح
وتذكرونبض
لكم تكتب

سدد الله خطاكم

في حفظ الله استودعكم

يامساء الورد عليك نبض ومشاعر
انا بالنسبه لي هذا الجزء من اروع اجزاء الروايه من ناحيه
مشاعر الابطال
منكثر ماتاثرت فيه قريته اكثر من مره
عجبني علاقه فهاد بالنووري
ويمكن سوء الفهم اللي صار خلى النوري تستسلم لفكرة انه صار زوجها وبذن الله راح تستسلم لفكره انه حبيبها الوحيد وفالح مايصير له ذكر على لسانها حتى ومابيكون فهاد عوض لاحد عندها بيكون كل الناس عندها باذن الله
فهاد عجبني مووت تصرفه مع نووره وعدم مناقشتها يوم تغلط في اسمه وتناديه بسم فالح
عجبني انه عزم يغير رايها فيه وينسيها فالح وايامه

شيخه وموقفها مع محمد عورت قلبي يعني هوو ليش فاقد للامل كذا المفروض يتوكل على الله وياخذ بالاسباب ويتعالج اقلها بيفتك من هذرة امه تزوج تزوج
ويريح قلب شيخه المسكينه باحساسها بالالم وهي تشووفه مريض

اماني والعلل اللي معها وش نيتهم يسوون بالنوري عشان يفشلونها اتوقع ماعادفيه حفله للنوري بسبب اللي صار لهذال اخوها
وبكذا مخططهم فشل

هذال وزواجه
طرحك مميز نبوض لمشكله كبيره جدا بالنسبه لاغلب القبايل في الخليج وهي التحيير او الحجز او التسميه بحسب مسماها عندهم
فالشاب يكونبين نارين اما مايبي البنت اللي محيرينها له او يكون في سن زواج والبنت بعدها صغيره فيضلموونه اهله يانه يروح ويتزوج بالسر هذا اذا ماجاه عيال وهله مايدرون عنه
واعتقد ذا اللي صار مع هذال
والطرف الثاني البنت اللي تبني امالها واحلامها مع انسان يمكن انه متزوج وعايش بسعاده مع ام عياله ولا فكر فيها
او انها تكبر وتقل فرصها بالانجاب عشان حضرت عريسها المبجل يخلص دراسه ويكون نفسه
الله لاليعنينا
المهممممم

مبارك والجازي

تدرين نبووضه في البدايه كنت مع مبارك واحس الجازي مهملته وماتهتم به
لكن الحين اشوف السبب اللي يخليها كذا احساسها بالنقص وعدم الاقتناع من البدايه
لكن غلطتها كبيره لو حسسته بهـ الشئ لانها بتفتح عيونه على الشكله ذي

____________________________

همسه لك نبوووضه قلة الردود لاتعني ابدا مشكله في الروايه لكن الدنيا اجازه ويكثر انشغال البعض بالسفر وغيره
لك مني ارق التحايا

اهلين نبوض لايضيق خاطرتس من قلة الردود ترى الاجازه مش مثل الدوامات الواحد في بيته ومايطلع الا في نهاية الاسبوع
كثير من الروايات وخاصه اللي تتاخر كاتبتها بتنزيل البارت انس اني مارديت عليها لاني اخليها واقول برجع لها ارد بعدين لانها اطول ماتنزل ويمدي ارد عليها وانسى اني مارديت وارجع ارد بعد كم يوم من نزول البارت
صدقيني كثير بيردون من السفر وبتهل الردود لانهم مابعد قروهاوامثالي اللي كانو ناسين
(ويضايق الصدر بالله وسع الخاطر دنياك يازين ماتستاهل الضيقه الله على مايفرج كربتك قادر والله له الحكم في دبرت مخاليقه)يالله وش تبين بعد اكتبلتس وانا اغنيلتس اغاني ابو نوره

وفي حفظ الرحمان يارب