الجزء السابع عشر ،،


في بيت ابو خالد ..
خالد : لمياء افتحي
لمياء : ...
خالد : لمياااء وش سالفتك انتي كل هذا نوووم
لمياء : ...
خالد : كيفك انا بعد مسوي اخو طيب و جاي بسولف معك
و راح خالد و لمياء بغرفتها لا هي نايمه و لا شي بس جالسة تبكي
خايفه ما تدري وش السالفة تحس كل شي غلط
امس الجوهره ما قدرت تجيها بس قالت بتجي اليوم
مو معقوله مساعد اختفى كذا فيه شي اكيد فيه شي
و ترجع تبكي و تصيح صياح يقطع القلب


اما ببيت ابو رغد ..
ربا : اووف ما ترد لمياء
رغد : غريبة و الله بخاطري انها تروح معنا
ربا : حتى انا ، بس مرة ما ترد قطعت جوالها
شهد : غريبة وش عندها معقولة نايمه
رغد : كل هذا نووم ما اظن لمياء ما تنام كثير
ربا : يمكنها ما نامت امس الا متأخر مررة
رغد : يمكن ، المهم مي و رندا و ساره بيجون اكيد صح ؟
ربا : يس ان شاء الله على كلام رندا
رغد : زين بعد هم بيكونون فيه ابي اخلص سامي مرة مستعجل
شهد : يا عيني صرنا حركااااااات و سامي يبي يعجل
رغد : مااااالت
شهد و ربا ماتوا ضحك على اختهم الي صار وجها احمر من الاحراج


عند بيت ابو محمد الله يرحمه ..
مي : مدري مدري و الله ساره
ساره : غريبة للحين ما جاء طيب كلمك ارسل مسج شي
مي : لا و لا شي
ساره : تتوقعينه صادق
مي بضحكه استهزاء : و ليه يكذب كل شي بيده اصلاً
ساره : صدق غريبة
مي سكتت و سرحت صدق غريبة ما جاء للحين بس ما تدري اصلاً هو صادق او لا
تتمنى انه صادق علشان توريه مين هي مي نشوف يا ناصر نشوووف
رندا الي جتهم طايرة : يلاااااااا مين بيروح السوق معناااا
ساره : بسم الله الناس يسلمون
رندا : ما فيه وقت
مي : الحمدالله و الشكر خبلا ، بعدين وش سوقه ؟
رندا : رغد طالبتنا نروح معها تقول علشان اخلص بسرعه
ساره : يا حياتي انا ما عندي مشكلة
مي : و لا انا
رندا : زيييييييين اجل تجهزوا ع المغرب بنروح
ساره : اوكي


في بيت ابو خالد ..
خالد : ههههه لا بيجون عندي عيال عمي و ولد خالتي فيصل
العنود : اهااا اجل مو فاضي لي ابداً اليوم
خالد : وش دعوه افضى لك بس
العنود : هههه يا سلااام يعني لو اقول لك تعال اليوم تتركهم و تجيني
خالد : و هذي فيها كلاااااااااااام
العنود : لا تصدق بس تسويها مجنووون
خالد : اكيد مجنووووون فيك
العنود استحت مرة : خاااااالد
خالد : عيونه
العنود : ...
خالد : ههههههههههههههه و الله رهيبة لما تستحين
العنود : لااااااا و الله
خالد : ههههههههه
العنود : انت تضحك و انا منحرجه هنا
خالد : ههههه سوري يا قلبوو بس و الله احبك اذا انحرجتي
العنود : خالد بسكر اللحين ماما تناديني
خالد : اووكي
سكر منها خالد و هو ميت ضحك يا حليلها للحين تستحي منه
مع ان لهم فترة متملكين الا انها تستحي منه بشكل
بس يعجبه حياها منه ههههه ما قد احد استحى منه هههه
مو مثل لمياء ما همها احد الا صدق غريبة معقوله نايمه للحين
وش سالفتها هذي مو صاحيه ما اتوقع انها نايمه يمكن بغرفتها !
هي لها كم يوم مو طبيعيه بس وش فيها ؟!
لازم تعرف يا خالد لازم بس كيف اذا هي مو راضية تتكلم
لازم الاقي حل و اعرف وش فيك يا لمياء

بنفس البيت و في غرفة لمياء ..
يااااا رب وش صاير عليه يا رب طمني عليه
ياااااا رب يكون بخير و الله تعبت تعبت
احبه ايه اللحين عرفت اني احبه لا و اموت فيه بعد
مو قادرة اتخيل فكرة انه يصير له شي و الله اموووووت
مقدر اتحمل تكفى مساعد طمني عليك تكفى ياا رب يكون بخير
و ترجع تصييييح و تضم مخدتها و تصيح اكثر
جوالي من اليوم يدق بس وش الفايده انا اعرف انه مو هو
ليه ارد عليهم وش ابي فيهم انا ما ابي الجوال كله
ما ابيييييه ما عاد فيه شي له اهميه بدونك مساعد
لفت و جلست تطالع في الدبدوب و العطر الي جابهم لها
و رجعت تشاهق اكثر يا رب طمني عليه يا رب

برا عند بيت ابو خالد ..
كانت الجوهره واقفه و ترن الجرس
فتحت لها الخدامه
الجوهره : وين لمياء ؟
اتي : مدام لمياء في غرفة فوق نايم
الجوهره : ايه خلاص تكفين
و طلعت الجوهره فوق و طقت الباب على لمياء
الجوهره : لمـو افتحي انا الجوهره
لمياء انا جيت افتحي الباب لميااء
لمياء قامت و فتحت الباب
دخلت الجوهره و انصدمت مو هذي لمياء الي تعرفها
كانت ببيجامتها شكلها محيوس و عيونها حمراء
شكلها كله ما كانها هي نحفانه واضح انها تعبانه
لمياء يوم شافت الجوهره طاحت عليها و جلست تبكي
الجوهره : لمياء حبيبتي هدي وش فيك
لمياء وش صاير فهميني وش صاير لك
لمياء : جوجو و رجعت تبكي
الجوهره : لمياء فهميني طيب او ع الأقل اهدي
و جلست معها ع السرير
الجوهره : لمياء بليز هدي شوي هدي
لمياء كانت تشاهق و هي تصيح كانت خلاص ما عاد تتحمل
الجوهره : لمياء شفيك
لمياء : احبه الجوهره و الله احبه و الله و رجعت تبكي
الجوهره خافت كثير على لمياء
مو قادرة تتكلم بس تصيح و لا هي قادرة تاخذ اي شي منها
الجوهره : طيب اهدي اللحين
لمياء : ....
الجوهره طلعت و نادت الخدامه
الجوهره : اتي
اتي : نعم مدام
الجوهره : جيبي لي بنادول نايت و معه كاس مويه
اتي : طيب مدام ايس فيه مدام لمياء
الجوهره : اوف روحي جيبي لي انتي اللحين
راحت الخدامه و جابت لها و معه كاس مويه
اتي : في ابغى سي ثاني مدام
الجوهره : لا خلاص شكراً
طلعت الخدامه و سكرت الباب وراها
و مسكت الجوهره لمياء و عطتها حبه تاكلها بالغصب
شوي الى ما هدت لمياء و نامت
الجوهره : اووف وش فيها وش صاير عليها
غريبة اول مرة اشوف لمياء كذا وش السالفة
خل اشوف جوالها يمكن فيه شي
وين حاطته هذي مو من عادة لمياء ترمي اغراضها
يؤ هذاه ليه راميته كذا وش صاير !!
جلست تقلب بالجوال و عجزت تلاقي اي شي
اممم وش سالفتك يا لمياء وش سالفتك


نروح لـ بيت ابو عادل ..
فهد : اي بنروح له و بيجي فيصل ولد خالته
رنا : اهاااا ، يعطيكم شوي قبل ما يتزوج و ينساكم
عادل : هو ناسينا و هو يكلمها اجل لو يتزوجون وش بيسوي هههههههه
رنا : هههههههههه حرام عليك خلهم يتهنون
فهد : الا رنا ما راح تجين معنا انتي من زمان ما رحتي بيت عمي
رنا : ...
عادل : صادق فهد الا لو ما كنتي تبين تشوفين لمياء
رنا الي سرحت و تذكرت هوشتها مع لمياء خلاص مر شهر او اكثر و انا مطشنتها و لمياء بتعاند
المفروض اكلمها وا روح لها خلاص ما ينفع كذا لمياء عنيده و بتعاند اكثر كذا
عادل : يا هوووووووووه
رنا : اقول انا بطلع اتجهز علشان اروح معكم
عادل : غريبة
رنا : و ليه ؟
عادل : مدري شكلك متطاقه مع لمياء
رنا : فال الله و لا فالك
فهد : دوووم المحبه يا رب
ابتسمت رنا و طلعت فوق و هي تقول : بروووح علشان ما اتأخر عليكم
عادل : زين ان شاء الله تصلحت امورهم
فهد : ان شاء الله
سرح عادل شوي و تذكر كلام خالد له اليوم
خالد : مدري وش سالفتها اختي فيها شي عادل انا ادري تقدر تشوف رنا
عادل : المصيبة ان رنا مو معطيتني شي حتى من زمان ما جابت طاري لمياء
خالد : انا بعد ملاحظ ان فيه شي بينهم بس مدري وشو
عادل : عجزت اخذ شي منها و الله
خالد : عادل انا خايف على اختي صدق خايف عليها
فهد : هيييه وين سرحت
عادل : هاا لا و لا شي
اما رنا الي طلعت لغرفتها و تجهزت
امم اكلمها او لا امم لا خل ادخل عليها فجأه و اراضيها احسن كذا
خل انزل اللحين لا اتأخر
رنا : يلاااا جهزت
عادل : يلا اجل خل نروح


نروح لـ رياض و ناصر ..
كان كل واحد فيهم يشكي همه للثاني
ناصر : انا لو منك اخطبها
رياض : و لو رفضتني لا لا اخاف
ناصر : بس انت تقول شكلها تحبك و اختك تقول لك كذا بعد
رياض : مدري و الله متردد
ناصر : انا بعد متردد ابي اخطبها خلاص بس خايف
رياض : ليه ؟
ناصر : اخاف ترفضني الي سويته لها مو شوي
رياض : يوم انك عارف ليه سويته
ناصر : غبااااااء استهتار سمه الي تسمه
رياض : زين الي ربي هداك
ناصر سرح بـ مي و جلس يدعي انها توافق
رياض : انت ما دمت قلت لها توكل على الله و شف وش بيصير
ناصر : الله يعين


في بيت ابو خالد ..
كانوا عادل و فهد و رنا توهم واصلين و فتح لهم خالد
خالد : لا لا لا ما اصدق رنا عندنا
رنا : هههههه لا لا صدق صدق تكفى
خالد : اليوم يوم الزيارات العالمي هههههههه
عادل : ههههههه ليه ؟
خالد : صديقة لمياء جتنا و طلعت لها فوق و اللحين رنا
رنا عقدت حواجبها : مين صديقتها ؟
خالد : الجوهره
رنا : اهااا
عادل : قهر كان ودي تكون فاضية مشتاق اتهاوش معها
فهد : هذا الي هامك ههههه
رنا : اقول انا بروح عنكم بس
طلعت رنا فوق و طقت باب الغرفه
الجوهره : نعم ؟
رنا استغربت ان الجوهره ردت بس قالت : جوجو انا رنا
الجوهره الي ما صدقت احد يجي فتحت الباب و دخلت رنا
و بعد ما سلموا على بعض
رنا و عيونها تدور ع الغرفة و على لمياء الي نايمه و ضامه دبدوب : خير وش السالفة ؟!
الجوهره تنهدت : مدري رنا و الله مدري
امس دقيت على لمياء و هي بحاله انهيار و لا قدرت اجيها و جيت اليوم
و لا ادري وش سالفتها بس تبكي و حالتها حاله
رنا الي خافت : ليه وش صاير
الجوهره : علمي علمك ، و الله احس اني انقهرت من نفسي لو ما دقيت كان ما عرفت
انا قصرت معها و طنشتها و زعلت ع الفاضي و لمياء ما سوت شي و يوم قررت اكلمها الاقيها كذا
رنا الي حز بخاطرها كلام الجوهره لانها هي مثلها
الجوهره : توقعت عندك خبر عن اي شي !
رنا تنهدت بقوة : وش يعرفني انا مثلك من زمان عن لمياء و مقصرة معها
الجوهره تطالع في لمياء الي نايمه : الله يستر


في السوق عند البنات ..
كل وحده راحت لجهه و قسموا الشغل بينهم
و كانوا متحمسين و كل وحده لحالها
كانت مي تطالع بين الأغراض
و متحمسه تدور الي يناسب لـ رغد
و اقلقها واحد بس يلاحقها من محل لـ محل
مي : اووف وش اسوي فيه هذا اقلقني يا ربيييي
مرة خايفه حتى لو السوق مليان بس انا لحالي يا ربيي ليتنا ما تفرقنا
اووف وش صار فيني وش هـ الخووف ، خل اروح اشتري موية ابل فيها ريقي شوي
راحت مي و جابت لها مويه و هذا للحين يلاحقها يوم شافها تشتري مويه
جاها و قرب لها و قال : يا عمري انتي عطشانه
مي خافت بزياده و بدت ترجف من الخوف
... : لو سمحت تبي شي من الأخت
الولد : و خير من تكون انت
... : انا اخوها بغيت شي
الولد خاف و راح
اما مي الي سمعت الكلام لفت و شافت آخر انسان توقعته ينقذها بالموقف هذا
ناصر : انتبهي مرة ثانيه لا تمشين لحالك
و راح و تركها
مي : يا ربيييييي و ما لقى احد يساعدني غيررره
وش ذا الحظ علي صدق منحووووووسه

بعيد شوي ..
رياض : ارتحت اللحين
ناصر : و الله قليل ادب اووف
رياض و هو يضحك : مسوي لي الشريف اللحين
ناصر : يووه رياض لا تذكرني تكفى
رياض : ما يحتاج اذكرك لان السالفة عالقة بدماغك
بس تصدق ما توقعت البنت تجيب راسك
ناصر : هذي غير غيررررررر
رياض ابتسم و سكت


نرجع لـ بيت ابو خالد ..
لمياء صحت و انتبهت على سوالف الجوهره و رنا مع بعض
لمياء الي قامت من السرير
رنا : صحيتي لمياء
لمياء : ...
الجوهره : لمياء تبين شي ؟
لمياء تطالعهم بنظرات مالها معنى
بعدين انتبهت لجوالها الي محطوط فوق التسريحه
و لفت ع البنات : احد كلمني ؟
الجوهره : لا ما دق جوالك ابد
هنا رجعت لمياء تصيح ور احت لها رنا على طول و ضمتها
رنا : لمياء بسم الله عليك وش فيك وش صاير لك
لمياء و هي تبكي بحضن رنا : قلتي لي اتركه علشان ترضين هو تركني هو راااااح
و رجعت تبكي بزياده اكثر من قبل
رنا : مساااعد ؟
الجوهره : و الله اني داريه ان السالفة عنه
لمياء : رااح مدري وينه اختفى
و رجعت تبكي
رنا : اهدي شوي شوي و قولي السالفة
لمياء : مقدر مقدررر
رنا : روحي غسلي وجهك و تعالي
راحت لمياء تغسل وجهها تبي ترتاح تبي تتكلم
اما الجوهره و رنا عرفوا ان السالفة عن مساعد بس وش فيه !!
لمياء طلعت و جلست ع السرير
رنا : اللحين ممكن نفهم
لمياء نزلت دموعها بدون صوت بعدين قالت : له اسبوع ما يكلم و ان كلمت انا عطاني الجوال مغلق
الجوهره : طيب الغايب عذره معه
لمياء : لا لا انا حاسه ان فيه شي و احساسي عمره ما خاب
رنا : لا تتفاولين لمياء صدقيني انتي بس توسوسين
لمياء رجعت تبكي و تقول : ما اوسوس و الله فيه شي انا سكرت منه و بعدها بساعه جواله صار مغلق
انا زعلته لو صار له شي عمري ما راح اسامح نفسي و الله احبه و الله احبه و ان رجع بقول له بس خلوه يرجع
تكفوون خلوه يرد علي خلوه يرجع قولوا لي انه بخير ابي احد يطمني عليه
رنا قلبها قطعها على شكل بنت عمها آخر شي كانت تتوقعه ان لمياء تحب
و تجرب مرارته و المه آخر شي توقعته هـ الشي
الجوهره : لمياء خلاص اهدي الى ما يجي خبر عنه
لمياء : متى جوجو متى
تركتوني كلكم و هو ظل معي وعدني ما يتركني
و كملت بغصه : قال لي اوعدك ما راح اتركك قربني منه خلاني احبه
و تركني مثل الكل تركني تركني و انا احبه تعبت و الله تعبت
رنا حست بالذنب ع الي صار و الجوهره نفس الشي
رنا : لمياء خلاص تكفين ، صدقيني بيبين عنه اي خبر اليوم بكره بعده بيجيك خبر
لمياء : و انا وش يصبرني
الجوهره : لازم تصبرين لمياء انتي الي دايم تقولين لي كذا اللحين انقلبتي
لمياء بألم : ما كنت ادري اني احبه الا يوم اختفى
كنت اكابر بس اللحين ما عاد اكابر و الله اقوله كل شي
اي شي احس فيه بقوله بس يرجع او اتطمن انه بخير
خلاص لا يرجع بس اعرف انه بخير ارتاح و الله بس ارتاح
رنا : لمياء هدي اللحين و ان شاء الله بيجيك اي خبر عنه
الجوهره دق جوالها و هم يهدون لمياء
الجوهره : هلا ماما ، اوكي ، خلاص اللحين اجي ، اووكي باي
لمياء : بتروحين ؟
الجوهره : ايه ماما دقت ، خلاص الساعه 2 طولت مرة
لمياء نزلت راسها و سكتت
الجوهره : بكلمك و بزورك ما راح اخليك لا تخافين
و اللحين معك رنا يعني مو لحالك
رنا : و انا بنام عندك بعد شرايك
ابتسمت لمياء من ورا خاطرها
الجوهره : يلا اجل انا بطلع
لمياء : خل انزل معك
الجوهره : لا لا خلوكم هنا انتم انا ادل طريقي ، يلا باي
لمياء : الله يحفظك ، و شكرا جوجو
الجوهره : لمياء و لو شوي عليك صدقيني
نزلت الجوهره و خلت البنات لحالهم
و هي طالعه كان فيه واحد برضو طلع من البيت
التقوا سوا التقت عيونهم ببعض
عرفها مستحيل ينسى هـ العيون
و هي وقفت كيف تنساه و هو بقلبها
فيصل كان يشوف الجوهره و واقف ما قدر يسوي اي شي
و لا حتى قدر يشيل عيونه عنها اشتاق لها اشتاق لها حيل
و راح لهاو قال : كيفك جوجو
الجوهره بألم : بخير
فيصل بانكسار : جوجو اشتقت لك
الجوهره طالعته بحزن : ليه فيصل ليه توك تجي
فيصل نزل عيونه بحزن وش يقول لها !!
الجوهره : وقفتنا غلط ، سوري باي
و راحت و خلته وراها منكسر

عند لمياء و رنا ..
لمياء : ما كنت ادري اني احبه كنت احسبه شخص عادي
رنو و الله احبه انا اعرف اللحين اعرف اني احبه
مو مهم ان كان ما يحبني مو مهم ان كان يكرهني بعد بس ع الأقل يطمني
ابي اعرف وش فيه ابي اتطمن عليه ابي ارتاح
رنا : هدي لمياء و صدقيني كل شي بيصير بخير
لمياء : مقدر مقدر رنا احاول احاول بس مقدر احبه رنا انتي تعرفين كيف انا احبه
رنا : لمياء ما توقعتك الضعف هذا طول عمرك قوية طول عمرك تقوينا
انتي الي تعلميني كثير من الأوقات كيف اتصرف وش صار لك لمياء
لا تنكسرين بسهوله و لو ما جاك خبر عنه اليوم بيجي بكره لو مو بكره لو بعد سنه
بس بيجيك لا تخافين و لا تنكسرين خليك لمياء الي نعرفها كلنا
لمياء نزلت عيونها و لا قدرت تقول شي تحس بألم كبيررررر بقلبها


نروح لـ بيت ابو محمد الله يرحمه ..
مي : جوري خلااااااااص
الجوري : لا لا مو حلااااث انا بلعب بثعرك لثى باقي
مي : جننيتينييييي
رندا : تستاهلين محد قال لك تعطينها وجه
جوري : اثلاً انتي تغارين من عمة مي
رندا : هذا الي ناقص ، محمد بنتك هذي لسانها يبيله قص
محمد : و الله انتي الي تعاندينها ههههههههه
رندا : ماااااااااالت امحق اخو
فيصل : ههههههه رحمتك حتى جوري ما تبيك
رندا : مالت عليكم من اخوان
مي : ههههههه انتي الي جبتيه لنفسك
رندا : ماماااا وقفي انتي بصفي
ام محمد : لا تكفون انا طرف محايد
رندا : يووه مين معي اجل
محمد : ما فيه احد ههههههههه
دق تلفون البيت
فيصل : رندا ردي
رندا : و ليه انا
محمد : صغير القوم خادمهم
رندا : لا و الله و هذي ما ملت عينك و تأشر ع الجوري
محمد : لا لو سمحتي بنتي صغيره مرة
رندا : مالت مالت
ام محمد : رندا هاتي التليفون اخاف احد يبينا ضروري
رندا : طييييييب
رندا : هلا ، الحمدالله بخير ، ايه لحظة شوي
رندا : ماما وحده تبيك ما اعرف مين
ام محمد : طيب هاتي التلفون اكلمها
ام محمد : هلا و الله ، كيف ، و الله نشوف ، اشوف وش يصير و اقول لكم
وش قلتي انتم مين ، ايه خلاص ان شاء الله ما يصير الا كل خير
مي و جوري للحين تلعب بشعرها : مين هذي ماما لا يكون وحده تخطبني هههههههههه
رندا : لا لا تخطبني انا
فيصل يهز راسه : بنات ما يستحون
رندا مدت له لسانها : كيفنااااا
الجوري : عييييييييب عمه لندا عيييييييب
رندا : لحووووووووول
ام محمد : تستاهلين
ام محمد بعدها سكتت شوي و تسمع عيالها و هم يتكلمون و تدعي ربها يخليهم لها
آذن المغرب و طلعوا العيال يصلون
رندا : انا بعد خل اروح اصلي
راحت رندا و بقوا ام محمد و مي و الجوري
مي : الجوري خلاااص بصلي
الجوري : اووف ديب بس نتمل بعدين
مي : خلاص نكمل بعدين
الجوري : ديب حلاث
مي : اووف اخيراً
و راحت جوري ركض فوق لغرفة عمتها
مي : خل اروح اصلي انا
ام محمد : لا اصبري ابيك
مي : خير ماما ؟
ام محمد : جايك خطاب
مي بصدمه : انا ، مين ؟
ام محمد : من الـ ...
مي سكتت يعني صادق هذاه جاء و الباقي عليك انتي مي !!

الجزء الثامن عشر ،،


بعد كم اسبوع ..
بدت الدراسة و كان اول اسبوع للجامعات ..
لمياء : اوووووووووف ما ابي اروح ما ابي
رنا : لا يكثرررررررر
لمياء : انتي وش منومك عنددددددددي
رنا : علشان اخليك تروحين غصب
لمياء و تحط المخده على وجهها : مااااااااااااااا ابي اول يوم عادي
رنا : لا مو عادي يا ماما
لمياء : اووووووووف انتي ليه ما تدرسين و تلهين بعمرك
رنا : كيفيييييي يلا قومي قدامي خلصينا
لمياء و قامت من السرير : اووووووف خلاص قمت انا وش لقفني و قلت لك اجلسي عندي
رنا : يلا يلا بس لا يكثر


بالجامعه ..
نورا : وينها هذي
الجوهره : انا دارية عنها حشا كل ذا طريق
نوف : يمكن زحمه مرة
الجوهره : لا انا مكلمة رنا توها الاخت تفكر تطلع
نورا : حتى اشواق تأخرت
نوف : ايه توي داقه تقول بدخل البوابة اللحين
الجوهره : اووووف عاد انتم مع بعض هذي الدبه ما جت للحين
نورا : لا تخافين مو تاركينك الا ان جت
اشواق : هاااااااااااي
نوف : وجع خوفتيني
اشواق : هذا استقبالكم لي
نورا : ما عليك منها ذي
جلسوا يسلمون على بعض
و بعد ربع ساعه جت لمياء
الجوهره : لا لا صباح الخيرررررر
لمياء : اوووف لا تكملين انتي بعد يكفي تهزيء رناا
نورا : ههههه وش ذا النوم لمـوو ما شبعتي من الاجازة
لمياء : لا لا لا ما ابي ادرس اصلا لو بيدي اجلت الترم
نوف : لمـووووو مجنونة انتي حرااام اخر سنه
الجوهره : تكفون هزأوها هذي ما تفهم
لمياء تشوف ساعتها : يلا اقول خل نشوف محاضراتنا بس
اشواق : صرفتها بس صادقه


ببيت ابو محمد الله يرحمه ..
مي كانت صاحيه و تفكر
ما تدري هي توافق او ترفض
و لا تدري هي وش بتستفيد ساره قالت لها توافق
قالت لها الاحسن انها توافق و ترتاح
بس راحتها مو بالموافقه هي تكرهه
معقولة مشاعر الكره ممكن تتغير
بس مقدر مقدر انسى الي سواه فيني مقدر انسى اي شي
عيشني بعذاب بضياع حسسني بالألم
ما ادري وشو الشي الصح اوافق او لا
ع الأقل لو تزوجته ما يقدر يأذيني !!
اقلها ما راح اجيب السمعه الشينه لاهلي
ما عاد ادري انا وش ابي الظاهر بروح استخير و اشوف
يا رب ساعدني بس و اتخذ القرار الصح


نروح لـ بيت ابو عادل ..
رنا كانت توها راجعة للبيت مع السواق
دخلت و لقت باب الملحق مفتوح
غريبة وش فيه مفتوح الباب اكيد عادل او فهد صاحين
و لا داوموا هههههه خل ادخل اخرب عليهم
اممم غريبة نايم وش عنده عادل هههههه
و راحت رنا تبي تصحي عادل بتخرب عليه نومه
و تهزه عدووووووول اصحى ليه ما داومت
عادل عدول عدووووول ترا بغثك اصحى
اووف شفيه هذا مو راضي يصحى
و شافت جيك مويه و ضحكت و نعم الطلب
و كبته على وجهه و فز الولد
: عااااااااااااادل الله ياخذ ابليسك
رنا الي انصدمت صرخت بوجهه
فارس تنح و لا يدري وش يسوي
و بسرعه طلعت
يا ربييي انا شسويت انا شسويت يا ربييييي
اما عند فارس الي كان مو مستوعب
كانت هذي رنا و جالسه تصحيه من اليوم
لا و كبت عليه مويه بعد هههههههههههه
يا حليلها شكلها خافت تحسبني عادل اكيد بس و الله وناسة

نروح لـ رنا الي كانت مرررة مستجيه
راحت بسرعه لغرفتها و سكرت الباب على نفسها
غبيه غبيه رنا غبيييييه طول عمرك غبيه
لا و مسوية زحمه و تكبين الموية بوجهه يا الله وش بيقول عني اللحين
و انا ما اطيح الا على فارس هذا يا ربييي
و الله فشله وش ذا المواقف معه هـ الولد
يا ربييييييي مستحيه مرررررة
و لا اقدر اكلم احد مها عندها موعد و لمياء محاضرات اوووف
يا ربييي وش ذا الاحراااااااااااج


نرجع للبنات بالجامعه ..
الجوهره : بتظلين مسرحه كذا ؟
لمياء : ايش ؟
الجوهره : لمياء خلاص افقدي الأمل !
لمياء : انتي وش تقولين جوجو مو فاهمه عليك
الجوهره تنهدت و عرفت ان لمياء ما تبي تتكلم و سكتت
لمياء سرحت شوي بعدين قالت : جوجو وش صار على فيصل ؟
الجوهره : و لا شي بعد ما شفته عند بيتكم ما صار بيني و بينه اي شي
لمياء : لا تخسرينه جوجو انتي تحبينه و هو يحبك انا اعرف
الجوهره و هي تضحك : الله يا دنيا الي لمياء تقول لي كذا
لمياء بألم : ما كنت اعرف اللحين عرفت معنى انك تحب انسان و يختفي من حياتك
الجوهره طالعت لمياء بعدين قالت : معقولة حبيتيه ؟
لمياء سرحت بعدين قالت : جوجو انا غبيه غبيه مو متحسفه على شي الا اني ما قلت له اني احبه
الجوهره : كيف تبين تقولينها و هو ما قالها لك و معتبركم فريند ؟
لمياء : مدري ..
بعدين طالعت بعيد و كملت : الي اعرفه اني ما كنت ابي اعترف حتى لنفسي بهالشي
الجوهره : انتي الي تتعبين نفسك لمـوو خلاص انسيه
لمياء : لو اني اعرف اي شي عنه كان ممكن انسى بس انا ما ادري وش فيه
جوجو قلبي يقول لي ان فيه شي مدري ليه بس مو مرتاحه
الجوهره : يتهيأ لك
لمياء : خلينا مني اللحين ، جوجو صدق خذيها نصيحه مني لا تخسرين فيصل و انتم تحبون بعض
الجوهره ابتسمت : ان شاء الله ، الا متى زواج اخوك خالد ؟
لمياء : بعد اسبوع بس بيكون عائلي مررررة
الجوهره : احسن هي تكلفت بالملكه مرة
لمياء : ايه هي تبي كذا
الجوهره : الله يوفقهم
لمياء : آميييييييين


نروح لـ بيت ابو محمد ..
كانت رندا توها راجعه من الجامعه
و راحت بسرعه بعد ما غيرت ملابسها لـ مي
مي : شعندك متحمسه هههه
رندا : يختي بسولف لك مشتاقة لك من زمان احس ما سولفنا زين
مي : ملاحظة انا ههههههه
و جلست رندا تقول لها وش سووا بالجامعه
مي : من جد الجامعه عالم ثاااني غير المدرسة بقوة
رندا : مررررررررررة
بعدين كأنها تذكرت : الا مي انتي وش صار عليك بتوافقين و الا لا ؟
مي : الله و اعلم الله يجيب الي فيه خيره بس
رندا : آمين
و مع السوالف و الحكي بينهم
رندا : اييه صدق تصدقين
مي : وشو ؟
رندا : تذكرين هذاك مشاري الي ضربته بالشنطه
مي : اييييه الي اضفتيه
رندا : يس يس
مي : شفيه ؟
رندا : مستغربه غايب له فترة طويلة
مي : طيب يمكن عنده ظروف ليه مستغربه
رندا : اممم مدري آخر مرة كلمته كان غريب و بعدها ما عاد شفته
مي هزت كتوفها : مدري و الله بس اكيد ما فيه شي
رندا : يمكن بس انا مستغربه لاني ما فهمت شي اخر مرة سولفنا مع بعض
مي : الغايب عذره معه
رندا : صح
و طق الباب و هم يسولفون
مي : تفضل
فيصل : اهلييين وش عندهم مجتمعين
رندا : جالسين نقطع بصل شرايك انت
فيصل : هههههههه ما فيه فايده بتظلين هبلا دخلتي جامعه ما دخلتي تظلين هبلا
رندا : مشكلتي
فيصل : و مشكلتي لانك بتجلسين على كبدي
رندا : اقول رووووووح يا شيخ
مي : اقوووووول لا تتهاوشون بغرفتي
رندا : اخوك بد يستفزني
فيصل : انا و الا انتي
مي : خلاص تكفون صدعتوا فيني
جلسوا كلهم يسولفون
و بعد نص ساعه
رندا : عن اذنكم انا بناااااااااااام خلاص تعبت
مي : نوم العوافي
فيصل : فكه
رندا كشت فيصل و قالت لـ مي : الله يعافيك
و طلعت بتنام بغرفتها و بقى فيصل و مي
مي : تبي تقول شي صح ؟
فيصل كان ساكت و بعد خمس دقايق قال : ايه
مي : عن الجوهره ؟
فيصل تنهد : ايه
مي : طيب انا اسمع لك
و قال لها فيصل السالفة الي صارت قبل مده
مي : ما الومها انت غلطت بحقها بدون اي سبب
فيصل بألم : مي و الله احبها و ابيها
مي : راضها طيب مو من مرة وحده يأست
انت جرحتها فيصل لا تتوقع تسامحك بلحظة
فيصل : ادري و الله
مي : اجل خلاص
فيصل : اجل عن اذنك اللحين بروح اريح شوي
مي : اذنك معك
طلع فيصل و خلى مي لحالها مرة ثانيه
و غرقت بافكارها و بناصر و بكل شي

اما عند فيصل الي كان يطالع بجواله
يبي يعرف اخبارها بس ما يدري وش يقول
و لا حتى يعرف وش بيسوي
آخر شي مسك جواله و كتب مسج
و طالعه كذا مرة بالأخير أرسله لـ جوجو

في بيت ابو خالد ..
لمياء : يختي احسن شي سويتيه انك رجعتي معي
الجوهره : ايييه بالموت امي وافقت
لمياء : اهم شي وافقت يا شيخه
الجوهره : اقووووول ما راح تعطيني شي اكله تراني ميته جوع و ضيفه
لمياء : اقووووول تدلين المطبخ و تعرفين اسم شغالتنا خلاص مو ضيفه
الجوهره : شوفوا قليلة الادب
لمياء تتثاوب : انا فيني النوم
الجوهره : و الله ما اكل لحالي ما بقى الا هي بعد ليه جارتني معك اجل
لمياء : قامت و ضمت الجوهره : احس بالأمان بوجودك يا ماما
الجوهره : روحي اقوووووول خل ننزل نجيب لنا شي ناكله و الا قولي لشغالتكم و الا دبري عمرك
لمياء و كأنها رضخت للأمر الواقع : طيب طيب خلاص اووف منك
الجوهره : بعد تتأفف و الله هذي الي تبي تنذبح
لمياء : خلااااااااص خل اشوف اتي
الجوهره : ايه زين
راحت لمياء تنادي الشغاله و تقول لها تجيب لهم غداء
و لما رجعت لغرفتها لقت الجوهره ماسكه جوالها و متنحه
لمياء : هييييه بنت تراني دخلت الووو هيييي
الجوهره : ...
لمياء : جوجو بسم الله عليك وش فيك
الجوهره ماده جوالها للمياء
اخذت لمياء الجوال : ( و ربي احبك و لآخر يوم بحياتي أحبك
ادري اني غلطت عليك بس ما يكفيك حبي !! )
هذا فيصل !!
الجوهره هزت راسها بايه
لمياء : طيب ردي عليه
الجوهره : مدري وش اكتب مرتبكه لمياء مدري وش اسوي
لمياء : جوجو انتي تحبينه و هو يحبك خلااااص
الجوهره بنظرات تايهه : مدري خايفه
لمياء : جوجو لا تغلطين مثلي و تكابرين خلي عنك المكابره
الجوهره تنهدت : مدري وش ارسل
لمياء : اصبررري
و تروح تفتح جوالها و تدور فيه
: شوفي هذا ما يصلح ؟
الجوهره : ( عجزت اضحك على " قلبي " و آقول : إني قدرت آنساك
أبي آنساك ، لكني مع نفسي أقول .. شلون ؟ .... )
لا لا ما ابيها ما تصلح
لمياء : وش الي ما تصلح و الله حلوة
الجوهره : لا لا لا ما ابيها بشوف غيرها
لمياء : كيفك و الله انتي الخسرانه
جلست تدور الجوهره مسج و بالأخير اختارت واحد
لمياء تطالعها بعدين قالت : ارسلتي ؟
الجوهره : ايه

نروح لـ فيصل الي كان ينتظر مسج الجوهره
اووف شكلها ما عندها نية ترسل بس و الله انا ندمان
اخ بس يا رب انها ترضى مليت تعبت ما عاد اتحمل و الله
شوي الا هز جواله و فز بسرعه فتحه و انصدم بالي يقراه
( لحظه
وش هذا اللي ساكن
قلب ينبض أو حجر ؟
سامح إحساسي
ولكن ما أحس إنّك بشر )
انا اللحين صرت قاسي و ما عندي قلب جوجو
معقولة هذي نظرتك فيني
يا الله انا الي مشتاق لك انا الي احبك اموت بالأرض الي تمشين عليها
معقولة هذي فكرتك عني معقولة جوجو
بس مقدر اسكت مي صادقه انا زعلت من لا شيء
بس هي زودتها مسجها قوي و الله قوي
مدري ارد او ما ارد
الله يسامحك جوجو الله يسامحك بس


نخلي أجواء فيصل و الجوهره و نروح لـ عند مي ..
خلاص انا لازم اتخذ قراري
المشكلة اني خايفه من القرار
بس ما ادري ما ادري انا صح او غلط ما ادري وش الي اسويه
الله يعين بس لازم اكون قوية
خل انزل و اشوف امي احسن
ام محمد : وش عندك نازلة بدري اليوم
مي : هههههههه ما تبيني اجلس عندك ماما
ام محمد : الا و الله انا ودي اقابلك ليل و نهار بس انتي معتزله العالم بغرفتك مدري وش فيها زياده
مي : ماما غرفتي متعلقه فيها ههههههه
ام محمد : اييييه طيب بس ما عندك غير غرفتي متعلقه فيها
مي : هههههههههههه وش دعوه ماما
ام محمد : خلي الشغاله تجيب القهوه و تعالي عندي اجل
مي بابتسامه : انا اروح اجيبها و اجي
راحت مي و جابتها و جلست عند امها تتقهوى هي و اياها
ام محمد : الا متى صار زواج رغد ؟
مي : باقي شهر و نص
ام محمد : باقي مده و الله
مي : ايه الله يعينها مبتلشه بالتجهيزات
ام محمد : الله يوفقها بس
مي : آميييين
ام محمد طالعت بنتها بعدين قالت : و يوفقك انتي بعد
مي : ....
و احترمت ام محمد سكوت بنتها و لا علقت
مي : الا ماما زواج خالد ان شاء الله الاربعاء الجاي شرايك تقولين لخالتي
نجيهم كلنا الخميس او الاربعاء نفرح حنا سوا
ام محمد : و الله مو شينه كان اتصل على ام خالد اقول لها
مي : ايه من جد خل ننبسط سوا
ام محمد : نشوف عاد
و جت فترة سكوت و جلسوا يطالعون التلفزيون
شوي قالت مي : ماما
ام محمد : نعم
مي : ماما انا موافقه
ام محمد لفت على بنتها : متأكده مي ؟
مي حست بارتباك و احراج ما تدري كيف قالتها كذا فجأه نطقتها
ام محمد ابتسمت و قالت : الله يوفقك يا رب و يختار لك خيرته يا بنيتي
مي : آمين
كيف قلتيها يا مي كيف انتي نازله و انتي متردده ليه وافقتي ليه !!


نروح لـ بيت ابو خالد ..
لمياء : جوجو ما نمتي ؟
الجوهره : اففف لا
لمياء : شفيك ؟
الجوهره : ما رد علي
لمياء : من زين مسجك يرد يعني ؟
الجوهره : لمياء خلاص عاد
لمياء : كيفك .. الا صدق خل ادق على رنا اشوف منها مس كول
اخذت جوالها و دقت
رنا : وينك يا حماااااااارة
لمياء : اوووف شعندها سبت اكيد فيه شي قوي هههههههه
رنا : اسكتييييي يا ربي ع الموقف الي صار لي كله منك
لمياء : انا شدخلني
رنا : انكتمييييي ليتني ما نمت عندك اووووف
لمياء : وش سالفتك انتي
رنا : صحيت فارس من النوم !
لمياء : فارس !! صديق عادل ؟!
رنا : يا ربييي ايييييه ما غيره لا و من الفلاحه كبيت على وجهه مويه
هنا ماتت لمياء ضحك و الجوهره تطالعها مستغربه
و طاح الجوال من يدها و اخذته الجوهره
الجوهره : الوو
رنا : وجعععع لا تضحكين
الجوهره : رنو شفيك ؟
رنا : يووه جوجو خلي الزفت هذي تسكت
الجوهره : وش السالفة
لمياء : ههههههههههههههه صحت صديق اخوها و كبت عليه مويه هههههههههه
هنا الجوهره كملت ضحك لمياء و اخذت لمياء الجوال و هي تضحك للحين
رنا : اووووف انا غلطانه يوم اقول لك
لمياء : و الله قوية رنا هههههه
رنا : يا ربيي انا ميته احراج و انتي تضحكين
لمياء : خلاص خلاص هههههه
رنا : ماااااالت خل اكلم مها بس
لمياء : هههههههههههههههههههههههههه
الجوهره : وش فيك
لمياء : سكرت بوجهي هههههههه
الجوهره : و الله خبله رنو عليها مواقف مدري وش تبي
لمياء : الله يوسع صدرها بس


نروح عند رنا الي كانت مقهوره من لمياء ..
اوووووف اوريها لو هي كان سوت لي محاضرة
يا ربيي و انا بعد غبيه عمياء ما افرق
يا الله وش هالموقف لا و مع فااااااااااارس
اووووووف خل اكلم مها بس
اوووف شفيها ذي ما ترد
مها : الـوو
رنا : ساااااعه
مها : بسم الله شفيك انتي
رنا : اووف طفشانه كل شي فيني اللحين ما عندك نيه تجينا
مها : بسم الله علي اكلتيني انتي و تبيني اجيكم بعد
رنا : يووه مها تكفين عاد
مها : بسم الله علي
رنا : يووووه
مها : هدي يا بنت شصار لك
رنا : اخاف تضحكين علي مثل لمياء
مها : لا ما راح اضحك قولي انتي بس
و تقول لها رنا عن الموقف
مها : هههههههههههههه قوية رنوو ههههههههههه
رنا : يا ربييي و الله اني دارية
مها : لا لا خلاص و الله هههههههههه
رنا : مها عااااااد
مها : استغفر الله و ربي انتي خبله
رنا : خلاص خلاص ادري اني خبله
مها : هههههه زين داريه
رنا : اوف منكم
مها : لمياء بتجي ؟
رنا : مدري عندها الجوهره مدري كان راحت بدري و قدرت تجيني
مها : طيب انا احتمال كبير اجي اشوف بندر عاد و اعطيك الخبر الأكيد
رنا : اوكي حلو


في السوق عند رغد و خواتها ..
شهد : اووف تعبنا صراحه خل ناخذ نفس شوي
رغد : شوسي ما بقى شي و لازم اخلص ما ابي احتاس بآخر الأيام
ربا : المشكلة انك اقلقتينا معك
رغد : محد ضربكم على يدينكم
ربا : انا ما كنت بجي بس شفت ماما مو جايه و قلت اروح بدالها
رغد : كان ما جيتي اهون من تشكيك هذا
شهد : خلاااص تكفون .. المهم خل نروح نتقهوى بعدين نكمل
رغد : اوكي
راحوا البنات و هم يتقهوون و يسولفون
ربا : بنااااااااااات
شهد : هلا ؟
ربا : شوفوا هذاك مو يشبه سامي
كان فيه واحد واقف بعيد متملل و معاه بنت صغيره
شهد : اي و الله شكله هو
رغد الي كانت مستحيه : يووه اجل خل نقوم بنااات ما ابيه يشوفني
ربا : شدخلك فيه
رغد : اخاف يشوفني ما ابيي
شهد : يا شيخه بعيد ما راح يشوفك
رغد : لا لا استحيييي
ربا : عشنااااااااا
رغد : اووووص قصري صوتك
ربا : وش عرفه بصوتي يا شيخه
رغد : اوووف منكم



نروح للشرقية ..
شذى : خلاص الوووهي
عبدالاله : بس انا طفشااااان ابي اكلم لمـووووو
شذى : انا ابي افهم وش مسوية فيك لـموو علشان تحبها كل هالحب حبني نص ما تحبها تكفى
عبدالاله : هي غيررررررر
شذى : مالت بس عليك
سعد : هههههههههه ما فيه فايده عشقه لمياء
عبدالله : و مدري على ايش
نجد : يمكن طولة لسانها هههههههههههه
ام سعد الي كانت توها داخله هي و ابو سعد : اها بس لا تقولين عن بنت عمك كذا
نجد : لحووول ما دخلتي الا يوم تكلمت انا
عبدالاله : ماما شوفيهم بس يتكلمون عن لمـوووو
شذى : اموووووت و اعرف وش في لمياء زود
ابو سعد : ههههههههه يحبها كيفه انتي وش حارق رزك
شذى : انا اخته اولى
ابو سعد : لا تكونين تغارين بس
شذى : تكفى بابا عااااااد
سعد : الووو
شذى باستهبال عند اذن سعد : نعممممممممممممممم
كلهم ماتوا من الضحك و شذى تنحت
سعد : هههههههههههه لا لا ما عليك هذي شذى
ايه ما يطلع لسانها عندكم سبحان الله ههههههههه
شذى الي ماتت من الاحراج مين هذا يا ربييي
ابو سعد : تستاهلين
شذى : بابا عاد
سعد : لا لا عادل و الله قايل لعمي ما راح نقدر نجي
شذى يوم درت هنا انه عادل خلااااص راحت فيها
يا ربييي وش بيقول عني اللحين خبله
عادل : طيب طيب براحتكم بعدين ضحك سلم لي ع الكل و خصوصاً شذى
و قل لها المرة الجايه ان جيتينا خل نشوف لسانك ههههههه
سعد : هههههههههههههه تبي تذبحها انت
عادل : ما عليك ههههههههه يلا اخليك اللحين
سعد : في امان الله
شذى الي ما صدقت تشوف السماعه تسكرت : ليه ما قلت لي انك تكلم
ام سعد : انتي ما شفتيه كلنا انتبهنا
سعد : و بعدين يالذكية بقول الو كذا
شذى و وجهها احمر : وش عرفني احسبك تستهبل
عبدالله : هههههههههههههه عاد بيقول الو لا و من الفلاحه عند اذنه
شذى : خلااااص عااااااااد
سعد : الا يسلم عليكم عادل و يقول لك شذى ان شاء الله المرة الجايه يشوفون لسانك هههههههههه
شذى الي خلاص ماتت من الاحراج لا و الحكي جاي من عادل بعد يا ربيييي
ام سعد : بلاها ما تطلع هاللسان عندهم ينزل الحياء
شذى : ماماااا خلااااااااااصد


نروح لـ بيت ابو محمد ..
عند رندا الي كانت مندمجه و تشتغل ع النت
الا شوي تشوف مشاري سجل دخوله
لا لالا معقوله اخيراً دخل هذا
رندا : ولكمـووووووووووووووووو
مشاري : هلا و الله
رندا : اهلييين كيفك وش الأخبار وش ذا الغيبات
مشاري : هههههههه وحده وحده علي
رندا : صدق انت لك فترة طويلة ما تدخل تعودت اشوف خشتك كل شوي
مشاري : هههههههههه و الله استقبال
رندا : خخخخخخخخخخـ مشي مشي
مشاري : انتي بشريني عنك ؟
رندا : الحمدالله انا بخير .. انت وينك وش هالغيبه ؟
مشاري يضحك : ابد ما فيه شي يسوى
رندا : اجل ليه ما تدخل ؟
مشاري : مزاااااااااااااج يالملقوفه
رندا : مااااااالت عليك و على الي يسألك بس يالمغااااااااااااااااااااااازلجي
مشاري : لا يكثر اقووووووول
رندا : ايه ما تقدر تنكر انك مغازلجي
مشاري : اللحين انا يوم ربي بلاني و غازلت وحده وش بلاني فيك
رندا : قرادة حظك و حظي
مشاري : اشوا الي عارفه انك مقروده و اني مقرود بسبتك
رندا : اييييه هين الا انا مقروده بسبتك
مشاري : لا تحاولين خلاص خلصنا
رندا : ماااااااااااااالت
مشاري : هههههههههه
مشاري : اقول انا بطلع اللحين
رندا : مسرع توك داخل
مشاري : بس كنت بسلم تبين شي ماشيات ؟
رندا : ابد سلامتك
مشاري : باي
رندا : بايات
طلع مشاري و رندا مستغربه وش فيه ذا مطيور
صدق انه خبل ما فيه فايده
الخبل خبل ما يتعدل وش علي منه انا بعد
صدق اني مشغله عمري


اليوم احلى يوم بحياة شخصين
صح بيكون مختصر و لا فيه احد بس يظل بالنسبه لهم غير غير
خالد كان مرتبك من اليوم و كل شوي يعصب على لمياء
لمياء : بسم الله علي اللحين انت وش فيك
خالد : لا تبخريني كذااا
لمياء : لحووول تراك مو اول واحد بيتزوج
خالد : طيب طيب خلصيني
ابو خالد : ما يسوى عليك من زواج ههههههه
خالد : يبه تكفى الي فيني كافيني
ام خالد : خلوا ولدي وش فيكم عليه
ابو خالد : كأن محد تزوج غيره
لمياء : ايوووه بابا علمه شايف لنا نفسه اليوم
خالد : اووف خلصوووووني
لمياء : خلاص خلصت
بعدين قالت : مبروووووووك يا عريس
ابو خالد : يلا خل نطلع تأخرنا
ام خالد و دموعها بعينها لما طلعوا : الله يوفقك يا ولدي

في بيت ثاني عند العنود الي كانت مرتبكه ..
ملاك : عنود حبيبتي ما تسوى عليك
العنود : خااايفه ملاك خايفه
ملاك : هذا و انتي تكلمينه
العنود : شسوي خاااااايفه
ملاك : اووف منك ما فيه فايده اللحين ترا بيجي ياخذك اثقلي
العنود شوي بتبكي : طيب خلاص لا تخوفيني
ملاك تضحك : ما عليك بتردينها لي بليلة زواجي
العنود ابتسمت لها : انتي خلصينا و تزوجي اللحين
ملاك تنهدت : ربك يعين و ينحل كل شي و نخلص
دخلت ام بندر : عنود شوي ترا و بياخذك خالد
العنود بدت ترجف : ماما خااااااايفه
ام بندر : وش دعوه يا بنتي لاتخافين
العنود : عورني بطني
ملاك : اووف منك عنود حبيبتي خلاص
العنود : اللحين خلاص يعني بتركم و تجمعت دموعها بعينها
ام بندرخنقتها العبرة : خلاص حبيبتي لا تخليني ابكي
العنود : خلاص ماما خلاص
جاء ابو بندر و نادى بنته علشان تروح مع خالد
كم دقيقه بس و صارت العنود مع خالد بالسيارة
و الهدوء سيد الموقف
بالأخير خالد تكلم : مبرووك
العنود بحيا : الله يبارك فيك
خالد متشقق : ما فيه مبروك لي
العنود حمر وجهها و بصوت واطي : مبروك
خالد ابتسم و جلس يحاول يبعد التوتر عنها
: تدرين بكره بنسافر
العنود : ...
خالد ضحك بعدين كمل : المشكلة اني اقول لك و انتي عارفه و غمز لها
العنود بدلع و حيا : خااااالد خلاااص
خالد : ههههههههههه فديتك
و كملوا سوالف و ابتدت حياة جديده بالنسبة لكل شخص منهم


في اليوم الثاني ..
ابو خالد : يعني بتسافرون خلاص
خالد : ايه يبه
ابو خالد : الله يوفقكم
لمياء الي كانت تستهبل ع العنود : من قدك بتروحين اسبانيا
العنود بصوت واطي : لمياء فكي عني
لمياء : ههههههههههه
ام خالد : الله يوفقكم بس
خالد : لازم عاد نروح المطار اللحين
ابو خالد : يلا انا بروح معكم
خالد : و الله ما يحتاج يبه
ابو خالد : لا يحتاج
خالد : طيب براحتك
و قام يسلم على امه و اخته و العنود نفس الشي
لمياء : يا عينيييي من قدك بتسافر و معك الي يحبك
العنود حمر وجهها و خالد ابتسم و قال لها باستهبال : عقبالك
لمياء لما سمعت هـ الكلمه عورها قلبها بس ما حسست احد بشي
و قالت : لا تنسون هديتي ترا ما اسمح لكم
ام خالد : استحي شوي
خالد : ههههه ما تقدر .. يلا مع السلامة
ام خالد : الله يحفظكم من كل شر يا وليدي


بعد شهر ..
يا ترى الي اسويه صح او غلط
ممكن الواحد يعيش مع انسان يكرهه ؟
اليوم تحددت الملكة
لهالدرجه صارت عندي تبلد
يحكون ما يحكون كأن الموضوع ما يخصني
ليتك موجود معي بهالوقت بابا
ليتني اشوفك ليتني اتكلم معك
و مع صياح متواصل و هي تتذكر بألم
ابو محمد : ان شاء الله اول واحد بعطيك اياه خلاص
مي : لا و الله لهالدرجه بايعني يا ابو محمدد
ابو محمد : طفشت منكم خلاص و الثاني لرندا على طول
او وش رايك اقول له خذ بنتي و وحده مجاناً لو احد عندكم
مي : لا و الله بايعنا بتراب اشوووووووووفك
فيصل : هيييه انتي تراه ابوك مو اصغر بزارينك تكلمينه كذا
مي مبوزة : لا لا ما علي انا مي بنت عبدالله اتزوج كذا
ابو محمد : هههههههههه و انتي مصدقه بعد اني ببعيك انتي و اختك صدق انك خبله
مي بدلع : باباااااااا انا خبله
ابو محمد يضحك : الله يخليكم لي بس انا مستحيل ازوجكم الا الي يستاهلكم
و قطعت ذكرياتها بدموعها
ليتك هنا بابا ليتك تشوف حظ بنتك
ليتك تشوف من تبي تاخذ
تشوف تبي تتزوج ناصر الـ ...
اكيد بيعجبك مركز عائلة كويسة سمعة حلوة
بس ما راح تعرف وش بداخلي ما راح تعرف وش مسوي فيني
بس محتاجة لك محتاجة لك و ربي محتاجة له يا رب رجعه لي لو يوم
لو ليلة يا رب ابي اكلمه ابي اسولف معه يا رب ابي اشكي له
بدت تصارخ بهيستيريا رجعوا لي بابا ابي بابا

و بالصاله تحت ..
ساره : بسم الله وش فيه
رندا الي فزت يوم سمعت الصراخ : مدري لا يكون مي صار لها شي
طلعوا الثنتين فوق بسرعه لعند غرفة مي و كانت سابقتهم ام محمد
ام محمد : مي بسم الله عليك وش جاك وش جاك يا بنيتي
مي و هي تشاهق : ابي بابا رجعوا لي بابا ابييييييييه
ساره الي استوعبت الموضوع : مي حرام الي تسوينه بنفسك اهدي
ام محمد حضنت مي بقوة و بدت تنزل دموعها على حال بنتها
و مي كانت تبكي بحضن امها كانت محتاجه هالشي
رندا عجزت تتحمل الموقف و راحت لغرفتها
ام محمد الي هدت مي و دخلت لغرفتها و حطتها ع السرير
: اهدي يا حبيبتي اهدي خلاص
مي بدت تنزل دموعها بدون صوت و للحين بحضن امها و لا ردت
خمس دقايق تعبت و هي تبكي و نامت غطتها ام محمد و جلست تطالع في بنتها بألم
ام محمد : وش صار لها يا ساره ليه انتكست حالتها اليوم حددنا ملكتها و كل شي خلص معقولة تذكرت ابوها علشان كذا
ساره طالعت مي بألم محد يدري بالي داخلها غيرها هي : ما عليك يا خالتي صدقيني بترتاح و انتي ارتاحي و انا بجلس عندها
ام محمد تطالع ببنتها تحسها منكسرة بس ما تدري ليه : مقدر ساره مقدر

في مكان ثاني بالبيت عند رندا الي كانت تبكي
ليه مي ليه وش صار لك
ليه احسك بعيده عن الكل اللحين وين اختي الي اعرفها وين اختي الي تضحك
ليه تفتحين علينا كلنا شي بقلوبنا ادري انه صعب صعب الي صار
بس لازم نتحمل بابا ما راح يرضى لو يشوفنا كذا
و رجعت تبكي بالأخير قررت تدخل النت شوي تبعد همها
دخلت و نط لها مشاري
مشاري : ولكمـوووووووووو
رندا : هلا
مشاري : اخبارك يالشينه
رندا : ماشي الحال انت اخبارك ؟
مشاري : الحمدالله
مرت فترة صمت ع الاثنين
مشاري : فيك شي ؟
رندا : ليه ؟
مشاري : شكلك مو طبيعيه من العاده تدخلين تصارخين و تستهبلين و ترجين الدنيا
رندا : هههههههههههه لا عادي بس اسوي حركة جديده
مشاري ما مشت عليه بس سكت لها و قال : لا تكفين لا تسوينها ما تركب عليك
رندا : شيعرفك انت بس
مشاري : انا الي اعرف
رندا : ها ها ها لا يكثر بس
مشاري : رندوش احترمي نفسك
رندا : مزااااااااااجي
مشاري : لا مو مزاجك لا يكثرررر
رندا : مالت عليك
مشاري : ملاحظة انك تمونين
رندا : و انا امووووووووووووون
مشاري : مشكلة الي ماخذين باعمارهم مقلب
رندا : لا مو مقلب هذا وااااقع
مشاري : ههههههههههه روحي مناك بس
رندا : مشاري
مشاري : يا هلا
رندا : مشكورر
مشاري : على ايش ؟
رندا : عدلت لي جوي
مشاري ابتسم يوم شاف كلامها : قايل لك مو طبيعيه و فيك شي
رندا : الحمدالله على كل حال
مشاري : وسعي صدرك و لا تضيقين خلقك صدقيني ما فيه شي ماله حل
رندا : ربك يعين
مشاري : يلا انا بطلع اللحين
رندا : وش سالفتك صايرة دخلاتك طايرة
مشاري : ههههه صاير اشتغل مو مثلك داج
رندا : مالت كأن ما فيه غيرك تخرج
مشاري : ههههههه اقول يلا فمان الله
رندا : الله يحفظك
طلع مشاري من هنا و دق جوال رندا
رندا : هلا و غلااااا
منال : اهلييين قلبـوو كيفك
رندا : و الله الحمدالله
منال : وش صار بالطلعه يا دبه
رندا : يا الله راح عن بالي و ربي
منال : لااا و الله و انا و البنات من اليوم ننتظرك
رندا : معليش منول و الله نسيت
منال : طيب مو مشكلة البسي بسرعه و تعالي
رندا : لا معليش و الله مقدر
منال : و ليه ان شاء الله
رندا : منال بليز خليني بحالي اللحين بسكر
منال الي استغربت اسلوب رندا : طيب طيب لا تاكليني
رندا : باي
و سكرت السماعه ولا انتظرت منال تجاوبها

دانا : وش السالفة وينها الاخت ما شرفت
منال : انا داريه عنها بس مو مشكلة طالعه معنا طالعه
لينا : و الله ربي يحبها هـ البنت
منال و الشر بعيونها : انا وراها و الزمن طويل هي مو احسن منا
دانا : بسم الله منك منال ان حطيتي شي براسك لازم تسوينه
منال طنشتها و قالت : يلا خلونا نطلب بس


في مكان ثاني بالرياض ..
لمياء : اوووووف رنووو اقلقتيني ترا
رنا : وش اسووي لمياء و الله طفشاااااااااااانه تعالي عندددي
لمياء : يا ربييي انتي شفيك نشبه كذا
رنا : مالي شغل تجيني يعني تجيني
لمياء : اووووووووف طيب طيب خلاص بشوف امي
رنا : امك ما راح تقول شي لا يكثرررر
لمياء : طيب طيب خلاص
رنا : يلا روحي بسرعه تعالي و لا تسوين تتجهزين و مدري وشو تعالي ببيجامتك
لمياء : اصلا من قال لك اني بتزين مالت عليك واثقه من عمرك
رنا : يلا خلاص باي
و سكرت بوجهها
لمياء : ههههههههه خبله و قسم خل اروح اشوف امي اللحين
نزلت و راحت عند امها حبت راسها و جلست عندها
ام خالد : بدون مقدمااات شتبين
لمياء : بسم الله يعني لازم ابي شي
ام خالد : ما تبدين تسوين هـ الحركات الا ان بغيتي شي اعرفك
لمياء مطت شفايفها : ظالمتني
ام خالد : هههههه طيب تشوفين
لمياء الي ضحكت من ضحكة امها الي تتريق عليها : طيب ماما رنا تبيني اجي عندها
ام خالد : تدرين الساعه كم انتي و اياها
لمياء : ماما تونااااا 10
ام خالد : لا يا شيخه
لمياء : و ربي
ام خالد : لا يعني لا
لمياء : بليز ماما بليزز و ربي بخاطري اطلع
ام خالد : اممممم
لمياء : بليززززز ماما
ام خالد : ما دمتي ما رحتي الا اللحين معناته تبين تنامين عندها
لمياء سكتت تنتظر امها وش تقول
ام خالد بداخلها تبي لمياء تروح لانها حاسة ان بنتها فيها شي
تبيها تنبسط شوي لها فترة ما تطلع كثير مو بعادتها حتى رغد و مي لو طلبوا منها تروح معهم تعتذر
بالأخير لازم تخليها تروح و رنا اكيد بتعرف هي وش فيها
ام خالد : طيب اوكي دقي على ابوك اسأليه
لمياء : شكراااااااااا يا احلى ام بالدنيا
ام خالد : كلمي ابوك اول
لمياء : طيب طيب
و تروح طيران تجيب لها لبسين بشنطه صغيره
و بعدها دقت على ابوها
ابو خالد : هلا و غلا بهالصوت
لمياء : اهلين و سهلين و كل الي تبي
ابو خالد : هههههههههه بسرعه بسرعه وش عندك
لمياء : ليه كلكم ظالميني
ابو خالد : مشكلتنا نعرفك هههههههه
لمياء : طيب طيب بابا بليززز ماما سمحت لي انت بعد قل ايه
ابو خالد الي مات ضحك على بنته المطيورة : وش عندك
لمياء : ابي اروح لـ رنا و انام عندها
ابو خالد يبي يرفع ضغطها : اممممممممممم
لمياء : باباا بليززززززززززز
ابو خالد : ما تسوى عليك ههههههههههه
لمياء : يلا بابا عاااااد
ابو خالد : ههههههه خلاص خلاص روحي يعني بقول لك لا
لمياء : شكراااااا يا احسن ابو بالدنيا باااااااي
ابو خالد ميت ضحك عليها : طيب يالمصلحجيه باي


ببيت ابو رغد ..
رغد : اووف احسني متوترة ما عاد باقي شي ع الزواج
سامي : ههههه ليه خايفه يعني انا وحش مثلا و الا وحش
رغد تستغبي : لا الثانيه
سامي : رغد يا قلبي انتي وش فيك خايفه
رغد : بطني يعورررني انت متخيل ان زواجنا خلاص بعد شهرين
سامي : هههههههه طيب وش فيها بعد شهرين بكون اسعد انسان بالعالم
رغد حمر وجهها : ساميي
سامي : هههههههه يا زين الي يستحون بس
رغد : خلاص خلاص بسكر
سامي : هههههههههههههههههههه
و قطعت عليهم الجو صوت دقة باب غرفة رغد
رغد : نعمممم
شهد : بسررررعه افتحي بسرررعه
رغد : سامي اكلمك بعدين اوكي
سامي : اوكي قلبي
شهد : خلصيني بسرررررررعه
رغد الي فتحت الباب و هي معصبه : خيررررر وش فيك انتي
شهد : خلي سامي اللحين يلا بنروح
رغد : نعم ؟
شهد و هي تضحك على تناحة اختها : بنطلع بنروح نجيب فستانك
رغد : طلع ؟
شهد : ايه تو دقت علينا الخياطه و قالت تعالوا خذوا بروفة اخيره
رغد : اوكي اجل دقايق بس اتجهز
شهد : اوكي ننتظرك حنا


ببيت ابو عادل ..
رنا : اووف تأخرت هذي
عادل : الحمدالله و الشكر اول مرة اشوف ناس يجون لبعض 10 و نص !!
رنا : انت وش عليك
عادل : ما علي شي
رنا عطته نظرة و راحت تدق على لمياء
لمياء : هلااا
رنا : خيررر انتي وينك هاه تبيني اذبحك
لمياء : بسم الله علي انا عند بيتكم افتحي
رنا : يا ويلك لو اطلع و لا الاقيك
لمياء : لا تاكليني قلت لك عند الباااااااب خلصيني
رنا : طيب اللحين بفتح لك اصبري
عادل الي اول ما عرف ان لمياء عند الباب راح بسرعه يفتح لها
لمياء : اوووف صباح الخير
عادل : صباح الناس مساء و انتي تقولين صباح
لمياء الي طالعت بـ عادل : يوووه ما لقوا غيرك يفتح الباب !
عادل يستهبل : ليه شفيني انا و الا كل هذا شوق
لمياء بنفس نبرة عادل : ايييه تصدق يا ولد عمي اشتقت لك اشتقت لك موووت
عادل بثقه : انا ادري و ادري انك تحبيني بس انا وا نتي خايفين من العين
لمياء : ايييه صح صح هذي هي
رنا كانت توها طالعه و متنحه في الاثنين
و انتبه لها عادل و لف على لمياء : شوفي اختي جت ما يصلح نتغزل ببعض خربت علينا
لمياء بوزت : اوووف انتي ليه تخربين علينا جونا
رنا للحين مو مستوعبه
لمياء و عادل هنا ماتوا من الضحك عليها و على انفسهم !
رنا يوم استوعبت : هييييييه انت و اياها تتغزلون ببعض و باب الشارع مفتوح الله يفضحكم
عادل الي توه منتبه جلس يضحك اكثر
و لمياء قالت بوسط ضحكها : وش نسوي الحب الحب ههههههههههههههههههه
عادل : حلوووووووووووووووووة هههههههههه
رنا : مالت عليكم انت و اياها انتم وجه حب بالله
عادل : مقبولة منك اختي ههههههه بس و الله زمان عنك لميووه
لمياء : لميووه بعينك يا عدوووووووووول
عادل : هيييه اسكتي ما اسمح لاحد يناديني عدووول
لمياء : ايييه مخبيها لزوجة المستقبل
رنا : ههههههههههههههه ما فيه فايده ما تقدرون تتحملون ما تتهاوشون
عادل : كيفنا يختي هذي وناستنا
لمياء : صدق بتتدخلين غصب انتي
رنا : مالت عليكم يلا بس خل ندخل انتي
لمياء : ههههه طيب طيب

في مكان قرررررريب
كان فيه شخص يطالع بيت ابو عادل
و شاف عادل مع لمياء و ضحكهم سوا
معقولة لمياء و عادل معقووولة تحبينه !
بس لا لا ما اتوقع
ليه ما تتوقع يا عمر ليه !
هو ولد عمها احق من اي انسان ثاني
بس لا مستحيل احد ياخذ لمياء مني
وش هـ الدوامه الي انا عايش فيها ليه يا لمياء ليه تسوين فيني كذا
تعرفين اني شاريك و ربي شاريك
تنهد تنهيده طلعت من قلبه و دخل داخل البيت و هو متضايق


بـ مكااااان ثاني ببيت ابو رياض
كان رياض جالس يفكررر
ما يدري ينفذ الخطوه هذي او لا
بس ان رفضته !
و ليه ترفضه هو ما فيه شي و هي تحبه
بس لا يا رياض ليه تكذب على عمرك
هي كانت تحبك كااانت
قبل تسمع مكالمتك مع شروق
عض شفايفه باسنانه بقهر
انا ليه سويت كذا ليه نسيتها انا كيف اضيعها من يدي
لازم لازم انفذ هـ الخطوه بس ما راح اتفشل
بخلي ريم تكلمها و خلصنا !!
خلاص لازم اسوي خطوه لازم
راح لغرفة اخته
لازم لازم يقول لها خلاص ما عاد فيه وقت
دق الباب و هو متوتر
و ردت عليه ريم : ادخل
رياض : هلا ريوم
ريم : لا لا من وين الشمس طالعه اليوم رياض بكبره جايني هههههههه
رياض : ههههه شفتي كيف
لا تكونين مشغوله بس ؟
ريم عدلت جلستها : لا مشغوله و لا شي ، وش عندك
رياض اخذ نفس : ريم انا امممم
ريم : ايواااااا
رياض : ههههه وش فيك تحمستي
ريم : احس الي في بالي هو الي تبي تقوله لي
رياض : طيب هههه ابيك تكلمين رنا و تشوفين كانها موافقه علي او لا
ريم بفرحه : و ليه ما توافق رياض من ما يتمناك انت
رياض : ريم علشان خاطري ابيك انتي تسألينها اول ا ابي تكون السالفة رسميه
ريم و هي مستغربه كلام اخوها و هو يدري ان رنا تحبه ليه يسوي كذا : اوكي بكلمها بكره ان شاء الله
رياض : حلو ، اجل اخليك اللحين
طلع و هو متوتر و لا يدري الي سواه هو الصح او لا !
اما ريم كانت مستغربه ليه ما يبي يخطبها رسمي !
هي تعرف ان رنا تحب رياض و رياض برضو يعرف
صدق غريبة !!


بـ مكان ثاني كان جالس شخص يفكر نفس تفكير رياض
لازم لازم اسوي هـ الخطوه انا خلاص احسني بديت اتعلق فيها
و مو معقوله اخت صديقي و افكر فيها كذا ما ينفع
لازم اتقدم لها و الي يصير يصير
بس اخاف علاقتي مع عادل
غمض عيونه و هو يحس انه متشتت
ما يدري وش يبي او وش يسوي
دق باب غرفته
فارس : ادخل
منى : اهليييين بأخي العزيز
فارس ابتسم لها : هلا و غلا باختي الغاليه
منى : هههههههه حشا حصة تعبير
فارس : انا داري عنك هههههههه
منى : اممم فروسي حبيبي
فارس : وش هـ المقدمات
منى : لا مقدمات و لا شي و الله ما ابي شي منك
فارس : هههههههههههههههههه طيب طيب
منى : بس طفشانه و ابي اسولف طقة كبدي
فارس : انا مثلك و الله
منى : لا انت حالة ثانيه عاد
فارس ابتسم لاخته و سكت ما يدري يقول لها او لا
يخطي خطوه قدام و الا بتكون هـ الخطوه له ورا
تعلق فيها تعلق فيها بشكل مو طبيعي
ما يدري ان رفضته وش بيسوي يحبها اي يحبها
منى : فارس وش فيك ؟
فارس : مدري منى مدري خاايف
منى : خايف من ايش ؟؟
فارس : ابيها منى ابيها بشكل ما تتخيلينه
ابي توافق علي و مدري وش بيكون شعوري ان رفضت
منى : فال الله و لا فالك يا شيخ
فارس : خايف جد خايف
منى : طيب انت خلني اكلمها و نشوف وش يصير
فارس : بس
منى قاطعته : بدون كلام فارس انا بكره بكلمها و بقول لها
و ان ما صار شي ما راح يعرف عادل و خلصنا
فارس لو ما سويت هـ الخطوه البنت بتضيع من يدك
فارس بحسره : ادررري
منى : اجل خلاص بكره بكلمها و بدون اي نقاش
و علشان ما يغير رأيه قامت بسرعه : يلا جاني النوم تصبح على خير
و طلعت بسرعه
ضحك عليها عارف ليه طلعت بسرعه تبي تحطه عند الأمر الواقع
الله يخليك لي يا منى


في بيت ابو عادل ..
رنا : ههههههه تخيلي قابلتي عمر اليوم
لمياء : يععععع بسم الله علي
رنا : ههههههه انا مدري ليه كارهته
لمياء : يختي ما ينهضم
رنا : حرام عليك هههههههههه
لمياء : فكيها من سيرة تكفيييين
رنا تضحك : طيب طيب
لمياء : سمعينا اغنية يختي الجو كئيييييب
رنا : طيب لا تاكليني
و قامت و هي تضحك : بفتح لك اغنية من الارشيف
و فتحت اغنية راشد الماجد
( وحشتني سواليفك وحشة شوفتك اكثر
وحشتني سواليفك وحشة شوفتك اكثر
كل ليلة مع طيفك حبيب الروح انا اتحسر اتحسرر
وحشتني سواليفك )
انتبهت رنا و هي تنددن مع الاغنية ان لمياء ساكته
لفت عليها و شافت دموعها تنزل
هي ما قد شافت دموعها الا يوم اختفاء مساعد و اللحين تشوفها
الظاهر البكي صار عادة عندك يا لمياء !
رنا : لمـوو حبيبي شفيك
لمياء مسحت دموعها بسرعه : سكري الاغنية ما عاد لي نفس اسمع شي
رنا : طيب
و قامت سكرتها
لمياء : اووف طفش
رنا : تضايقتي من الاغنية ؟
لمياء سكتت و سرحت بعيد بعيددد
رنا : لمياء لا تسوين بنفسك كذا خلاص الي راح كذا
بدون ما يعطيك اي خبر ما يستاهل تضايقين نفسك علشانه
لمياء بألم : و من انا علشان يعطيني خبر مجرد بنت يكلمها
رنا تنهدت : لمياء و الله حرام الي تسوينه بنفسك
لمياء بنبرة استهبال و تحاول تبعد الي فيها : الا مها ما عندها نية تولد تراها طولتها
رنا فهمت عليها بس ضحكت : لا شكل ولدها عاجبته الجلسه ببطن امه
لمياء : من اللحين دلوع ههههههههههه
رنا : هههههههههههههه شكله كذا
لمياء : يووه هذي طقة اخوك فهد الخبل
فهد : بسرررررررعه افتحوا لي الباب عندي خبر بمليون ريال
رنا الي فتحت الباب بسرعه : نعم خير وشو خبرك ؟
فهد مبسووووط : مها مها جابت بنت
رنا تصارخ : كذااااااااااااب
فهد : و ربي تو كلم بندر على ابوي و قال له
لمياء الي لبست عبايتها و حجابها : من جددددك فهد
فهد : ايه ايه يؤ لمياء هنا من متى
لمياء : لا يكثر خل نبي نروح لـ مهااااااوي
فهد : ههههههههههه طول عمرك مطيورة مثل عادل
لمياء : خلصنا خلصنا
رنا : هههههههه انا بروح البس عبايتي و اجي
فهد يضحك : تقولون مهابيل رايحين المستشفى زيارة الساعه 1 الليل
لمياء ماتت ضحك على فهد : من جددددددد
الا صدق وين عادل و خالتي و عمي ؟
فهد : سبقونا و جيت انا اقول لكم
لمياء : اها حلوو يا حليلها مهاووي
طلعت رنا بسرعه : يلا يلا خل نلحق بسرررعه
فهد : كل هذا علشان بنت مها هههههه
لمياء : اييه بلاك ما تدري نبي طفل صغير عندنا
فهد : هههههه طيب طيب يلا الحقوني


بـ المستشفى ..
ام عادل : الحمدالله على سلامتك و مبرووك بيبتي
مها بتعب : الله بارك فيك و يسلمك ماما
ابو عادل : و الله كبرتيني و صرت جد
مها تبتسم و تقول بتعب : شسوي عاد انتم الي زوجتوني
بندر الي كان مبسوط و لا يدري وش يسوي و كل شي رايح الحضانه
و عادل بس يعلق عليه : هيييه انت تراك مو اول مرة تصير ابو
بندر : الا الا اول مرة
عادل هنا مات ضحك من جده ذا يرد علي انا و هبالي
بندر الي توه استوعب : هيييه عادل تراني مو رايق لعبطك انا مبسووووط صرت ابو
عادل : ههههههههه ايه اول مرة هههههههههه
بندر طقه على راسه : لا يكثر
عادل : هههههههههه
في غرفة مها دخلوا لمياء و رنا
باركوا لها و تحمدوا لها بالسلامة
ما طولوا و طلع الكل علشان ترتاح مها و لا بقى عندها الا بندر


من بكره انتشر خبر ولادة مها عند الكل ..
و بدت التلفونات و المباركات
و عند رياض الي كان فرحان لبنت عمته
و متضايق بنفس الوقت هذا يعني موضوعه بيتأجل شوي !
ريم : رياااض
رياض : هلا ؟
ريم : تعرف ما راح اقدر اكلم رنو اليوم
رياض : ما عليك عارف عارف
ريم حست ان اخوها متضايق بس قالت : وعد بكلمها لك لا تخاف
رياض ابتسم لاخته : ما عليك


اما ببيت ابو عادل ..
كانت الاستعدادات كلها و الكل متحمس لدخلة مها عليهم و ينتظرونها
رنا : يا ربيي مقدر اصبررر
لمياء : انا مثلك الدبه صار لها محل بقلبي من اللحين
رنا : ههههههه انتي حالة شاذه اتوقع اي طفل ينولد له محل بقلبك
لمياء : مالت عليك شسوي لقلبي رهيييف
رنا : روحي عني تكفييييييين
لمياء : هههههههه
و دق جوال رنا
رنا استغربت بس ردت : هلا و غلا
منى : هلا فيك كيفك قلبي ؟
رنا : الحمدالله و الله بخير انتي اخبارك ؟
منى : تمااام و الله
رنا : الحمدالله يا رب
منى : بشريني عن الاهل ان شاء الله الكل بخير
رنا بوناسة : الحمدالله و اختي مها ولدت
منى : صدق مبروووووك باركي لها عني و قولي لها يتربى بعزها هي و ابوه
رنا بابتسامه : يبلغ ان شاء الله
منى : امم اجل على كذا مدري رنو تقدرين تحاكيني اللحين ؟
رنا باستغراب : ايه عادي
منى : شوفي انا ادري يمكن الوقت مو مناسب اني اكلمك بالموضوع هذا
بس انا لازم اكلمك فيه ضروري
رنا زاد استغرابها و عورها بطنها : خوفتيني منى وش فيه
منى : لا لا تخافين ما فيه الا كل خير
رنا : طيب ؟
منى : رنا انتي تعرفين اخوي فارس صح
رنا هنا عورها بطنها اكثر : اييه اعرفه
لمياء هنا طالعت رنا و عقدت حواجبها وش السالفة !
منى : صراحه رنا فارس يبي يتقدم لك و طلب مني اكلمك اول قبل ما يجي رسمي
ادري ان وقتي غلط بس و الله ما كنت ادري ان اختك توها والده و فارس جالس على نار
و انتي خذي وقتك ما راح ازعجك و صدقيني ما راح احد يزعل ان كان قرارك لا لانه زواج مو لعبة
رنا الي مصدومه ما قدرت ترد : ....
منى : رنا اسفة لا اكون ازعجتك
رنا انحرجت كثيرر و انصدمت و قال بصوت واطي : لا عادي
منى : اوكي اجل اخليك اللحين اكيد مشغولين
رنا : اوكي
لمياء يوم شافتها سكرت تكلمت : وش فيك وش فيه وجهك صار كذا ؟
رنا : فارس !
لمياء عقدت حواجبها : شفيه ؟؟
رنا : يبيني !
لمياء مو مستوعبه : تكلمي زين رنوي تكفيييين
رنا و هي ترجف : لمياء منى اخت فارس كلمتني تقول اخوها يبي يتقدم لي بس يبي يعرف رأيي اول
لمياء بفرحه : صددددددددق و الله اني انتظره بس يجي انا
رنا و هي وجهها محمر : روحي تكفييييين
لمياء : ههههههه يا شيخه ذي الناس الصاحيه الي تنحب
رنا سكتت و طالعت بعيد بعدين قالت : و رياض !
لمياء : رياض شفيه ؟
رنا سكتت ما ردت
لمياء : رنا للحين تحبينه ؟
رنا : تصدقين لمياء مدري بس احس بخوف من القرار الي بيطلع مني !
لمياء : استخيري ربك و لا راح يصير الا كل خير ان شاء الله
رنا تنهدت : ان شاء الله
لمياء : يلا اللحين بيوصلون خل ننبسط
رنا ابتسمت لها و سكتت
دخل عادل : ياا ولددد
تحجبت لمياء و قالت : ادخلللل
عادل : انا مدري ليه تتحجبين عني انتي لو انا منك كان خلاص ما عاد اتحجب
لمياء : تصدق فكرة مش بطاله بس اخاف حبيبي يغااار و حبيبتك نفس الشي
عادل : تكفين يغارون من مين ؟
لمياء : بهذي انت صادق
عادل : شفتي كيف انا ذكي
مها الي دخلت : يكفي هبل انت و اياها
لمياء : نطت الله هاتي بشيلها تكفيييييين
مها : ما بعت بنتي للحين
لمياء : مالت عليك هاتيهاااااا
مها : بذلك شكلي هههههه
لمياء : ماااااااااااااالت
رنا : ههههه الا وش سميتوها و الا باقي ؟
مها : الا بندر بيسجل اسمها ان شاء الله
رنا : وشو وشو
لمياء : اكيد علي
عادل : واثقه !
لمياء : اكيد مو انا لمياء الـ ....
عادل : روحي تكفين
مها : بنسميها وسن ان شاء الله
رنا : الله حلو
لمياء و هي تطالعهم بطرف عينها : لمياء احلى
مها : يختي سمي بنتك لمياء
فهد الي توه داخل مات من الضحك و علق على طول : تصير لمياء بنت لمياء ههههههههههههههه
لمياء : مالت عليك انت تجي علشان تعلق بس
عادل : وش تبينه يسوي اخوي !
لمياء : اي و الله من شابه اخاه الاكبر فهو خبل
رنا : اشوفك بديتي تحرفين بالامثال
لمياء : علشان تعرفين ان عندي موهبه
عادل : امحق
لمياء كشته و لا ردت عليه
و كملوا كل جلستهم استهبال و ضحك و يلعبون على بنت مها وسن


ننتقل لـ بيت ابو محمد الله يرحمه بغرفة كل شخص و افكار مختلفة عن افكار الثاني ..
رندا كانت جالسه بغرفتها و طفشانه
و مي نفس الشي بس الثانيه مو قادرة تطلع تحس انها مخنوقه
خلاص ما عاد باقي شي و تتملك
تحس انها بتروح لـ سجن
يمكن الكل مبسوط لانها بتتزوج
مبسوطين لها هي بس هي مو مبسوطه
هي تحس انها عايشة بعذاب عذااااب
يا رب سهل لي امري يا رب ساعدني

عند رندا الي كانت ما تدري ايش تسوي ..
ما تدري ليه تحس بخوف بس من ايش بالضبط
يمكن لان مي بعدت عنها هـ الفترة
و لمياء بعد !
من العاده لو ما تلاقي اختها مي بجنبها تلاقي لمياء
بس هـ المرة غير غيرررر
الله يعين بس !

بغرفة فيصل ..
كانت الافكار تودي فيه و تجيبه ما يدري وش يسوي
ما يدري كيف ترجع الجوهره ترضى عليه
لازم يسوي شي لازم
كان فاتح التلفزيون و يطالع بالأغاني
بعدين فجأه جاء فيديو كليب ( عشان الحب )
و بسرعه مسك جواله و ارسل لها
( جوجو افتحي على قناة وناسة الاغنية الي فيها اهداء لك )

عند الجوهره ..
جاها المسج و هي بين بنات خالاتها و تضحك
فتحتها و عقدت حواجبها
و بسرعه قالت : هدى افتحي بسرعه قناة وناسة بسرررعه
هدى : طيب ، بس وش فيها
الجوهره : افتحيها بس
فتحتها هدى و سكتت الجوهره
الكل كان يضحك و يعلق الا هي
كان كل مقطع بالأغنية يذبحها
تحس ان فيصل يكلمها
( عشان الحب و الي بيني و بينك
عشان الحب عشان ايامي و سنينك
ابي ترجع تريحني )
اريحك اريحك و انا من يريحني مييين يا فيصل
نزلت دمعتها و بسرعه مسحتها علشان محد يشوفها
تأثرت كثير حست انها هي محتاجة له
ليه تكابر قالتها لها لمياء
احمد ربي لانه قدامي و يحبني !
خلاص جوجو لازم تتخذين قرارك
اهم قرار في حياتك
منار : وش هـ الرومانسية جوجو ههههههه مندمجه بقووة
الجوهره لفت عليها و ابتسمت : من يومي رومانسية بس انتم ما تقدرون
هدى : يا عيني ههههههههه
سكتت الجوهره و طالعت في جوالها و اخذت قرارها
: عن اذنكم بنات
منار : وين رايحه
الجوهره دقت الرقم الي حافظته مثل اسمها و قالت : لمياء تبيني بشغله و بكلمها
مشت السالفة على بنات خالتها
و قامت تنتظره يرد يلا رد رد فيصل رد
فيصل بصوت مشتاق : هلاااا هلاااا بهالصوت
الجوهره نزلت دمعتها ما قدرت تتكلم خانها صوتها خانتها عيونها
فيصل الي حس فيها : جوجو جوجو شفيك
الجوهره طلع صوت صياحها حست بألم كيف كانت تبي تفقده كيف
فيصل ك جوجو بليز علشان خاطري لا تبكين و ربي كل دمعه تنزل منك احسها فيني
ادري اني غلطان ادري ان كل شي بتقولينه عني استاهله بس انا احبك جوجو احببك
الجوهره و هي تحاول تمسك نفسها : خلاااص فيصل خلاااص خل ننسى الماضي بليز
فيصل : و ربي راح اعوضك و ربي
الجوهره بصوت مخنوق من كثر البكي : اشتقت لك

الجزء التاسع عشر ،،


بعد اسبوع من الاحداث الي فاتت ..
لمياء : لاااااااا و انتم مسوينها مفاجآة اللحين
خالد : ههههههههه ليه ما اعجبتك
لمياء : ماااالت بس
العنود و هي تضحك : شفيك علينا من يوم جينا طايحه تهزيء بزوجي
لمياء : اشوف طلعت لها لسان هي الثانيه
العنود و هي ترمش بعيونها تقهر لمياء : شدعوه يعني ما تبيني ادافع عن زوجي
لمياء : مااااااالت عليكم بس
ام خالد الي توها نازلة من فوق : لمياء مو ملاحظة انك ماكله اخوك و زوجته من اول ما دخلوا ما تسوى عليهم جيه
لمياء بوزت : حتى انتي معهم ضددي
ام خالد تقهرها : مو نافعني غيرهم و الا انتي مردك لبيت زوجك
خالد : ايييه عطيها من هـ الحكي يمه و زود بعد
لمياء الي تضايقت بقوة من السالفة الي انفتحت و سكتت عجزت تعلق
العنود استغربت سكوتها و قالت : وش عندك لمـوو لا تكونين استحيتي بس
خالد : هههههههههههه هذي من سابع المستحيلات
لمياء تحاول تجاريهم بس وضح على صوتها الضيقه : ههههه شدعوه ما استحي يعني مالت عليك
خالد عقد حواجبه وش فيها هذي لا يكون تضايقت منه بس
ام خالد : وش فيك لمياء فيك شي
لمياء حاولت تغير الجو : هههههههههههههههههههههههههه صادوه
خالد : مالت عليك خوفتيني
ام خالد : الله يسامحك قلت لا يكون صار شي ضايقك روحي عن وجهي فااارقي
لمياء : هههههههههههه تستاهلوووووون


بمكان ثاني وحده كانت سرحانه
جتها مكالمه غريبة آخر شي تتوقعه حصل
رياض معقولة رياااض !!
ما قدرت تتكلم من الصدمه اصعب شي ان حلم في بالك طول هـ السنين تلاقيه جاك
بس جاك بعد ما فقدت الأمل فيه و يمكن بديت تبعد تفكيرك عنه
رياض آخر شي تتوقعه آخر شي
بس اللحين لحظة لحظة و فارس وفارس يا رنا
وش الي جالس يصير بحياتي وش الي جالس يصير
فارس هو الي تقدم اول هو الي له الحق اني ارد له اول
بس مقدر انا ما ادري ايش ابي
يا رب وش اسوي رياض و الا فارس
الحلم الي طول عمري احلم فيه و الا الشخص الي دخل فجآه بحياتي
وش تختارين يا رنا مين أحق فيك
الله يعين و يسهل لي بس


في بيت ابو رغد ..
رغد : خااااااااايفه مي مرة خاااايفه
مي : هههههههه يختي هدي ما تسوى عليك
رغد : هذا و انا ما ابيه كبير و مخليته عائلي
مي : هههههههههه يختي اعصابك و الله ما تسوى عليك
رغد : نشوف بملكتك وش بتسوين
مي : ههههههه انا ملكتي قايلة انه محد راح يجيها
رغد : اووف يختي ابرك لك تخوف سالفة الزواج
مي ببالها لا و لو هو بعد مو برضاك بس ما قالت الي تحس فيه و قالت : ههههههههه عادي
رغد : نشوووفك بليلة زواجك
مي : ههههههههههههه لا انا بصير شجاعه
رغد : واااااااااضح
مي : ههههههه اقول بسكر بس و نشوفك بعد اسبوع
رغد : مااالت
مي : ههههههه باي باي


نروح عند مي بعد ما سكرت من رغد ..
اووف ليه تضايقت لهالدرجه صايرة ما اطيق هالسالفة اوووف
اكرهك ناصر اكرهك و اتمنى اليوم الي ربي يفكني منك اكرررررررهك
اووف مين هذا بعد الي جايني
و قالت بدون نفس : ادخل
فيصل بابتسامه مو بالعاده : اهلييييييييييين
مي ابتسمت لاخوها : وش عنده شاق الضحكه
فيصل : رضت رضت رضت مي رضت
مي : ههههههههه ما تسوى عليك كان من زمان راضيتها و خليت مكابرتك
فيصل : غبي شسوي لعمري غبي غبي
مي : هههههههه ما يحتاج تكرر كلامك هههههه
فيصل : هههههه و الله مو بيكفي مي فرحااان احسني طاير
ما توقعت جوجو بترضى و بترجع لي احس كأن روحي رجعت لي
مي بابتسامة اسى على حالها : الحمدالله اهم شي تصافيتوا
فيصل : اييه ما قلت لك
مي : ايش ؟
فيصل و هو يغمز لها : زوج المستقبل صار يشتغل معنا بنفس الفرع
مي الي انسدت نفسها من السالفة و قالت بدون نفس : شسوي له
فيصل رفع حاجبه : مو بيصير زوجك ما بقى شي ترا ع ملكتك لو ما تبينه تكلمي قبل
مي بابتسامه خفيفه : شدعوه انا قلت موافقه فيصل
فيصل بنظرات شك : اتمنى !
مي بعدت عن نظراته و قالت تتهرب منه : خل اشوف ماما اكيد جالسه لحالها تحت
فيصل حاس ان اختها فيها شي بس سكت متى ما بغت تتكلم : اوكي خل ننزل لها


بعد كم يوم ..
رندا : ايييه مرة متحمسه لزواجها
منال : وين بتسويها ؟
رندا : بالبيت ..
منال : اول فرحه لاهلها و بالبيت صدق انكم غريبين
رندا بحماس و دفاع : هي و خطيبها ما يبون يكبرونه اهم شي هم مبسوطين
منال ما عجبتها السالفة : و الله فرحتها لما تسويه كبير و على مستوى و كل العالم تحكي فيه
رندا مطت شفايفها : بالعكس اهم شي تكون متفاهمه مع الي بتاخذه و الباقي مو مهم
منال : و الله كل واحد و تفكيره
الا صدق تطلعين معي اليوم و الا لا ؟
رندا : مالي مزاااج و الله
منال : يلا عاد رندوش وش بتخسرين
رندا : و لا شي بس خليها وقت ثاني
منال بزعل : يا كثر اوقاتك الثانيه
رندا : و الله معليش منال اعذريني
منال : اووف منك المشكلة مقدر ازعل عليك
رندا : ههههههه طيبة شنسوي لك
منال و هي مبسوطه لثقة رندا فيها : ههههههه حرام عليك لا تستغلين طيبتي
رندا : منااال شوفي جوالك يدق
منال : يؤ ما انتبهت له و ابتسمت يوم شافت المتصل
منال بصوت تحاول تخلي رندا ما تسمعه : هلا حبيبي
.. : انا عند الباب بتطلعين لي ؟
منال : يؤ ما قلت لك انك بتجيني
.. : منال مالي خلق اطلعي لي
منال بدلع : طيب طيب لا تعصب علي
و سكرت منال و لفت على رندا : هذا خطيبي جاي ياخذني
رندا ابتسمت لما شافت جهازها يدق : ههههه القلوب عند بعض حتى انا بطلع
منال : اجل نطلع سوا ههههه
طلعوا الثنتين و هم يسولفون و انتبهت منال على السيارة
و قالت لـ رندا : انا بروح سي يو لا يعصب
رندا ابتسمت و هي تشوف السيارة و ما بانت ملامح الشخص : اوكي
قربت السيارة و كانت هنا صدمة رندا
معقولة مشاري !!!!!!!!
مشاري الي كان يتأفف من الزحمه و الطفش
و انتبه ع البنت الي مع منال و عقد حواجبه هذي ما غيرها !!
دخلت منال : هاااي
مشاري بدون نفس : تأخرتي
منال : سوري حبيبي بس تعرف على بال ما لبست عبايتي و جيتك
مشاري كانت عيونه معلقه ع الي واقفه و تطالعه و منصدمه
ليه ليه هي شافته بعدين هي وش صلتها مع منال اووف مو معقوله يكون لها صلة مو معقوله
مشاري و هو يسوق و سرحان فجآه قال : مين البنت الي كانت معك
منال عقدت حواجبها : و ليه تسأل
مشاري بنفس خايسه : ردي على قد السؤال مفهووووم
منال تأففت : صاحبتي
مشاري انقهر مو معقولة رندا تصاحب الاشكال هذي و ترجم عصبيته بسؤاله : لا صدق انا اسأل مين و الا اعرف انها صاحبتك
منال : اووف رندا الـ ... ارتحت
مشاري انقهر انقهر بقووة هو مو ناقصه علشان هذي بعد تصير صديقة رندا
لا مستحيل كل شي يتحمله بس رندا مع هذي هذي الانسانه الي ما تسوى و لا ظفرها
آآخ يالقهر بس آآخر يالقهر
منال الي انقهرت ليه يسأل عن رندا و قالت بعصبيه : و ليه تسأل عليها لا يكون عجبتك بس
مشاري بنص عين و باستهتار : تحسبيني مثلك ست منال عيني زايغه ع الكل
منال عضت شفتها من القهر بس مو مشكلة تتحمله هذا مشاري الـ ...
مشاري وقف و قال لها : انزلي وصلنا بيتكم
منال باتسامه مزيفة : ما تبي تنزل عندنا شوي
مشاري بدون نفس : لا و ما صدق تنزل و راح بسرعه
و هي وقفت بغيظها ليه يعاملها كذا ليييه


اما عند رندا الي راحت بيتهم و هي مو مستوبعه الي شافته
معقولة مشاري مشاري نفسه كيف طيب ليه ما قال
لا لا ما اصدق الا مشاري خنقتها العبره
كانت تحس باشياء اول مرة تحس فيها معه
هون عليها وفاة ابوها هون عليها بعد مي و لمياء عنها
ليه ليه مشاري ليه من بين الخلق يصير خطيب صديقتي ليييه
و جلست تبكي و تبكي الى ما نامت


بنهاية الاسبوع جاء زواج رغد
كانت مسويته بالبيت و صغير بس اهلها و اهله
حاطه لها كوشه صغيره تتصور فيها معه
قد ما كانت مبسوطه كانت خاايفه
حياة جديده و عالم ثاني بتدخل فيه
و مع كل المشاكل الي صارت لها بس بالأخير ربي وفقها
و تعرف ان ربي معها بهاللحظة مثل ما كان معها بايامها السوداء
لفت ع البنات : شرايكم
لمياء : طالعه تجننيييييين يا بنت انا لو من سامي كان اخذك اللحين
رندا تستهبل على لمياء : هييي تراني شكيت بميولك
لمياء تطلع عليها لسانها : انا قلت لك انتي اكلم رغد
مي : هههههههه ما فيه احد يقدر يرد على رندا الا لمياء
رندا : مالت بس
ربا : هههههههه كالعاده ان تورطتي و لا عرفتي تردين
شهد : يلا يلا بس خل نعطي العروس نصايح
مي : هههههه انا مو معطيتها شي بحالي خايفه لو اصير مكانها
رغد بابتسامه : هذي الي مسوية شجاعه و ملكتها بعد اسبوع
لمياء بضحك : لا تغرك تراها خواااااافه
مي : هههههههه قلبتوا علي اللحين
لمياء : ما عندنا شغله الا انتم يالخوات ههههههههه
رندا رافعه حاجب : ملاحظة انا
ربا : يا عيني ع الي يرفعون حاجبهم
لمياء : يعني شوفوني كبرت ههههههههههه
رندا : انتي شسالفتك معي هههههههه
لمياء : مدري مشتاقة لك يمكن ههههههه
اخيراً جاء وقت التصوير و رغد كانت تموت من الخوف
ربا : يختي انا لو بمكانك كان انبسط
رغد عطتها نظرة
و قالت مي : بلاك ما تستحين هههههههههههههه
شهد : حلوووة ههههههههه
رغد : خلاص بنااات بطلع اللحين بروح معه
و خنقتها العبره
لمياء : يؤيؤ وش هذا رغد ما اتفآناااش على كده يا حبيبتي
رندا تكمل : لآه يا حبيبتي دا يوم فرحك ايه دا بأه
رغد ضحكت عليهم غصب هـ الثنتين يضحكونها
طلعت و تصورت مع سامي بعد احراجات كثيررر
و اخيراً طلعوا الاثنين و كانوا بيسافرون على طوول
لمياء : الله يوفقهم
مي ابتسمت : من جد عانت كثير علشان توصل لهالشي
لمياء ابتسمت صدق رغد عانت كثير كثير و تستاهل النهاية الحلوة هذي
مي تطالعها : وش عندها سرحانه هههههه
لمياء ابتسمت : افكر بعد كل هـ الي صار تستاهل رغد النهاية الحلوة
مي بتنهيده : صادقه
و سرحت كل وحده منهم بهمومها
وحده تفكر بملكتها الي بعد اسبوع هي ما تسميها ملكة عزا لها كفن !
و الثانيه تفكر بالانسان الي حط له بصمة بحياتها و اختفى
بدون صوت بدون مقدمات بدون اي شي اختفى
شهد الي كانت توها جايه من عند امها : هييييي انتي و اياها وش مسرحين فيه
الي يشوفكم يقول ميت لكم احد هههههههههههه
مي بقلبها اي و الله ميته نفسي : هههههههه مدري سكتنا فجآه مدري شصار لنا
لمياء : هههههههه مو مستوعبين ان رغد راحت
شهد : هههههه و هذوليك الخبلات يرقصون للحين
طالعوا مي و لمياء لـ رندا و ربا و هم يترقصون و يستهبلون و ضحكوا على اشكالهم
شهد : غريبة لمياء للحين صابرة
لمياء : هههههه لا كبرت كبرت تعرفين خلاص بتخرج
مي : عشنااا و شفناك تعقلين هههههههه
لمياء : شدعوه طايحه من عينك
شهد ترد عن مي : للأسف ايه
لمياء كشتها و ضحكت
مي : يووه امي تدق علي اكيد نبي نروح
رندا : يوووه لا تقولييين
مي : اي يلا خل نروح لهم
ربا : اووف قهرررر بدري
مي طيرت عيونها : وين بدري معه الساعه 3 يالظالمه
ربا : حتى بدررري
رندا : هههههههههه من جد بدري
مي : اقول تعالي قدامي بس
لمياء : حتى انا ماما دقت خل نروح سوا
راحوا البنات عند الحريم
و كانوا متحمسين و يسولفون
و نطت رندا لام خالد : خالتيي قولي تم بليزززززززز
ام خالد : وش تم على وشو
رندا : قولييي تم انتيييي اول
الكل جلس يضحك على حركة رندا
و طفشت ام خالد منها بالأخير قالت : تمممممم
رندا : يسسس خلاص لمياء بتنامين عندنا
لمياء هنا ماتت ضحك : و متى قررتي
رندا : باللحظة هههههههه
ام خالد : يا سلام و انا قلت تم على عماي
رندا : كان ما رضيتي ههههههههه
جلسوا كلهم يضحكون على حركة رندا و مع اصرارها وافقت ام خالد تنام عندهم لمياء
و لمياء بعد انبسطت كانت محتاجه تغير جو و بنفس الوقت رحمت رندا مرة مشتاقة لها
كانت مرة قريبة لها و فجآه تغير كل شي و كله علشان سالفة مساعد


في بيت ابو محمد الله يرحمه ..
رندا : الله ونااااااااااسة من يصدق انك عندنا
مي : لا تتقطعين هههههههه
لمياء : يختي انا مبسوطه و الله زمان عنكم
رندا : واضح يالدبه حتى ما تكلمين
لمياء : شسووي و الله ما احصل وقت
رندا عطتها نظرة : واااااااااضح
مي : هههههههه استلمتك يا لمـو الله يعينك
لمياء بدلع : انا كلي فدوة لـ رندووش
رندا : تبيني استحي يعني ما راح استحي
لمياء بنفس النبرة : وش دعوه يا قلبي انا كلي لك لو تبين تذبحيني اذبحيني
رندا عجبتها السالفة : صدق اذبحك عادي
مي : ترا ما ينمزح معها هذي هههههههه
لمياء : ههههههههههههههههههههههههههههه واضح
مي و هي تتثاوب : اقول انا بروح انام انتم مو نافعيني
رندا : اصلاً انتي الي بتخسرين مقابل وجيهنا
لمياء و هي تصفق : صح صح
مي : الحمدالله و الشكر مهابيل و اجتمعوا
لمياء : روحي نامي بس بديت تقطين كلام انتي مو قده ههههههههههه
مي : هههههه مالت عليكم بس بروح انام
راحت مي و بقوا لمياء و رندا
لمياء تطالع باللاب توب : غريبة رندوش ما فتحتي المسن مو عاده
رندا تذكرت سالفة مشاري و منال و تضايقت
لمياء حست فيها : فيك شي رندا ؟
رندا تحاول تضحك : هههه لا ما فيه ليه
لمياء عقدت حواجبها : مدري اعرفك لما تكونين متضايقه
رندا سكتت و بعدت عيونها عن عيون لمياء لانها بتكشفها
لمياء : حطي عيونك بعيوني
رندا : لمياء بليز ما يحتاج
لمياء : رندا انا لمياء تخبين عني ؟!
رندا خنقتها العبرة كانت تبي تتكلم لأي احد لها فترة تبي تتكلم و مو لاقية احد
لمياء رفعت وجه رندا و شافت دموعها و انصدمت : رندا حبيبتي شفيك وش صاير ؟
رندا هنا ضمت لمياء و جلست تبكي
لمياء انصدمت ما تدري وش صار فيها هي مقصرة معها صح بس ما توقعت ان فيه شي
: هدي رندا حبيبتي و تعالي خل نروح غرفتك
قامت رندا معها و راحوا لغرفتها
لمياء : هدي شوي اوكي علميني شفيك خوفتيني
رندا بعد ما هدت شوي طالعت لمياء بنظرة عتاب : انتي لك فترة بعيده لمياء و مي كلكم
لمياء بصدمه ما قدرت ترد على رندا هي مقصرة هي تدري بس الي جاها مو شوية
و برضو مو عذر انها ما تسأل عن بنت خالتها و مي لاهيه بملكتها و زواجها
رندا : لمياء ادري ادري ان كلنا عندنا ظروف
بعدين خنقتها العبرة اكثر و كملت : بس بس ابي احد اتكلم معه احس نفسي مخنوقه
لا انتي و لا مي مقدر اتحمل افقدكم كلكم حتى حتى هو فقدته و بدت تشاهق هنا
لمياء عقدت حواجبها و قالت : فقدته !!
رندا بألم : لمياء لا تخافين ما غلطت ما وصلت للي في بالك
لمياء : شفيك رندا وش السالفة ؟ تكلمي فضفضي علشان ترتاحين
رندا تنهدت و كنت ما تدري تتكلم او لا بس هذي لمياء الي دايم تنصحها و ترتاح لها
بالأخير تكلمت : تذكرين الي غازلنا بالسوق لما ضربته بالشنطه
لمياء ببالها شلون انساه رندا شلون انساه و هو من ريحة مساعد بس قالت : ايه اذكر
رندا : صح انا حطيته عندي بالمسن
لمياء : طيب اعرف كل هذا
رندا : صار قريب مني لمياء لما رحتوا كلكم لقيته هون علي وفاة ابوي
و نزلت دموعها هنا هون علي اشياء كثيرة انتي بعدتي و لمياء بعدت و هو كنت اشوفه دايم
لمياء حست بألم بنت خالتها و بتأنيب الضمير لانها بعدت عنها
و كملت رندا : المهم امس و عضت شفايفها من القهر
لمياء تشجعها : امس ايش ؟
رندا : اكتشفت انه خاطب منال اعز صاحباتي بالجامعه
و نزلت دموعها تخيلي لمياء تخيلي شفته و شافني ما بعد عينه و كأنه انصدم
ما كان يبي يقول اكتشفته صدفه قلت دخلاته و لما اسأله يقول ظروف اي ظورف بالله اي ظروف
لمياء بصدمه معقولة مشاري يخطب ! و مساعد وينه طيب
كيف مشاري الصغير مشاري الي مساعد يقول انه مستهتر
كيف طيب كيييف بعدين ليه هو وين اخوه وش السالفة ليه تحس فيه شي غلط
رندا و دموعها تنزل : انا ادري ما صار بيني و بينه شي بس انصدمت لمياء حسيت بشعور ناحيته
حسيت انه عوضني عن اشياء كثير عن ابوي عنك عن مي
لمياء جمعت كل قوتها تحاول تبعد الصدمه : انتي متأكده انه خطيبها ؟
رندا : كيف يجي ياخذها من الجامعه اجل
لمياء حست بصداع وش هـ العائلة الي كلها اسرار اخو يختفي فجآه و واحد يخطب بدون مقدمات
و هي و رندا الضحايا اوووف منهم اخوان مثل بعض كل شي عندهم مفاجآت
رندا شافت لمياء تمسك راسها و استغربت هي فضفضت للمياء بس ما تبيها تشيل همها كذا
قالت بخوف : لمياء فيك شي
لمياء بألم : لا بس مستغربه فيه اشياء مو مترابطه
رندا : كيف ؟
لمياء : مدري رندا فيه اشياء كثير غريبة كثيررر انا لازم اعرف صاحبتك منال هذي لازم
رندا : طيب اعرفك عليها
لمياء : حلـوو
سرحت بعيد يمكن تعرف منها شي يمكن تضرب عصفورين بحجر
تعرف سالفة مشاري و مساعد يمكن تعرف شي عنه !
رندا : لمياء ضايقتك ؟
لمياء بابتسامه : لا يا قلبي بس مستغربه
و ضحكت و كملت تدرين مالك الا الي يجيب لك الخبر الاكيد
رندا انبسطت لانها فضفضت لاحد و برضو ارتاحت لان لمياء فهمتها
لمياء : اقول ما عندك نبية تنامين انا دخت
رندا : اي و الله اخذتنا السوالف هههههههه
لمياء ابتسمت : بعدين يالدوووبه مرة ثانيه لا تقولين بعدتوا و مدري ايش عندك شي تعرفين رقمي
رندا ابتسمت : وش اسوي عاد
لمياء : خلاص خلصنا انا اقول لك عشان المرة الجايه
رندا : الله لا يقوله و تصير فيه مرة جايه
لمياء : ههههههه مو شرط كذا بس يعني الواحد احياناً يحتاج يفضفض لأحد
رندا : صادقه
لمياء : يلا يلا بس خل ننااااام


بعد اسبوع كان اليوم المحتوم على مي ..
طلبت ما يجي احد ما تبي ملكة ما تبي شي
هي ما تسميها ملكتها هي تسميه يوم موتها
آخر احلامك يا مي بتاخذين ناصر !
ناصر الي لعب فيك الي عيشك برعب
عضت شفايفها بألم و هي تشوف شكلها بالمرايه
هذا شكل وحده بتتملك اليوم لا و الأخ يبي يشوفني بعد
مالت عليه من زينه يعني و الا من حبي له
هو يعرف اني اكرهه يعرف اني ما اطيقه
ليتك معي بابا ليتك معي اليوم اليوم الي كل اب يعتبره اسعد ايام حياة بنته
ابيك ابيك انت تزفني له ابي انت ع الأقل احس بالأمان بدنيا كلها ذيابه
احس بالأمان حتى لو رحت بالموت لرجولي
نزلت دمعتها تحس كل شي غلط بحياتها و هي مالها ذنب
ساره الي دخلت بدون ما تدق الباب
كانت حاسه بـ مي بس لازم تبعد عنها جوها
ساره : وش عندها العروس ما تكشخت للحين
و الا نسيتي ان العريس يبي يشوفك
مي : من زينه يعني اتزين له
ساره : مي حبيبتي انسي هـ الحكي كله اللحين هو بيصير زوجك
و اسكتي لا ترفعين صوتك لحد يسمعك
مي تنهدت : الله يعين الله يعين ساره
جت امها مع اخوها محمد
محمد بابتسامه شاقه حلقه : التوقيع يا عروس
ترا لو ما تبين لا توقعين هههههههههههه
مي لو تدري اني ما ابي بس ابتسمت لاخوها مجامله
ام محمد الي شافت مي و هي ماسكه القلم و ترجف و نزلت دموعها
: و الله كبرتي مي و بتتزوجين
مي بشبه ابتسامه هي وقعت على موتها ليه ما يحسون كلهم فرحانين الا هي
ساره تحاول تلطف الجو على مي الي وقعت : مبروووك يا عروس
مي بابتسامه باهته : الله يبارك فيك
محمد : يلا عاد اكشخي العريس يبي يشوفك و غمز لها و هو يضحك
مي عضت شفايفها ما تبي تشوفه ما تبي ما يفهم غبي غبي
رندا الي نطت عليهم : يا عينيييييي وقعتي و انا مو فيه
ساره : عساها بتنتظرك بس
رندا : شسوي ماسكه بنتك اقلقة راحتي
الجوري مبوزة : انا ما اذعزت احد انتي بث تهاوسين و انتي ما تعلفين ثي
رندا : بعدد ما بقى الا انتي تطولين لسانك علي
جوري : تيفييييي انتي اوووووبيه
رندا : روحي مناك تكفين
مي الي قدروا يغيرون جوها : ههههه تعالي هنا يا روح عمتك و اتركي هذي
جوري جلست بحضن مي و مدت لسانها لـ رندا : انتي وع عمة مي احثن منك و احلى
رندا : مااالت و التفتت على ساره اقول بنتك طايل لسانها
ساره : بس عليك هههههههههه
رندا : مالت بس
بعدين كملت بسرعه : مي تجهزي ناصر مو قايل يبي يشوفك
مي اووف الله يسامحك رندا ذكرتيني بالزفت : ايه بطلع لي الفستان
رندا بسرعه راحت لدولاب مي : و انتي ما طلعتيه للحين خذيه
مي ضحكت على خبال اختها و اخذته و سكتت
ساره : بسرعه علشان نسوي لك ميك اب خفيف و نعدل شعرك
رندا : يلا يلا
و طلعوا الثنتين من الغرفة و مي بقت لبست بسرعه
ما تبي تتأخر بعد مالها خلق تبي تخلص من هـ الهم الي على قلبها
لبست و حطت لها ميك اب خفيف و عقدت حواجبها ما تدري شتسوي بشعرها
ليته هـ التفكير على احد يستاهل بعد مالت عليه خل اوري البنات بس
فتحت الباب
رندا بتصفيرة : تجننييييييييين
ساره : وش هـ الزين بتطيحين الرجال على وجهه
مي ابتسمت بحيا بعدين قالت : ما عرفت شسوي بشعري
رندا : خليه كذا علشان لبسك عاري شوي من عند الظهر معطيك شكل
مي : على قولتك
محمد يتنحنح : وش ذا الزييييين
مي بحيا : خلاص لا تحرجوني
محمد : هههههه بتذبحين الولد على طول
مي بحزن : ايه مررة
ساره بسرعه علشان ما ينتبه احد لنبرة مي : ههههههههههه قايلة لها انا
نزلت مي مع محمد وقفت عند باب المجلس و عورها بطنها
اللحين بتدخل عليه الموقف صعب حتى لو كان شايفها اول كان شايفها صور الطبيعه غير
تحس بضيقه تحس بخوف تمنت ما تدخل او تدخل و لا تلاقيه
بس كل توقعاتها خابت لما دخلت و شافته جالس مبتسم
مو هذي ابتسامه انتصار هو كسب فاز عليها اخذها سوا الي يبيه
خنقتها العبرة ما تدري شتسوي
ناصر حس فيها كان مرتبط اول مواجهه بينهم الي سواه فيها مو شوي !
محمد ابتسم : اخليكم لحالكم ، الله الله باختي نصوور
ناصر بارتباك : هههه شدعوه بعدين اسمي ناااصر
محمد : ههههههه يلا بس اخليكم البنت راحت فيها
طلع محمد و تحس روحها طلعت معه لا لا وقف محمد لا تخليني معه انا ما ابيه
كانت منزلة راسها ما عاد تقدر تتحمل ما تقدر
ناصر تنهد بعدين قال : مبروك
مي رفعت عينها يستهبل هذا !
كان ناصر جالس بمكان بعيد عنها هي مو طايقته علشان تجلس عنده
عطته نظرة قهر بعدين قالت : مبروك على ايش !
ناصر حس بالقهر من اسلوبها ليه توافق عليه يوم انها بتسوي كذا
: ليه مو يوم ملكتك اليوم و الا انا غلطان
مي : قصدك يوم موتي
ناصر انقهر ما يلومها بس ليه توافق عليه تنتقم منه و الا ايش
: ليه وافقتي ما دام يوم موتك
مي عطته نظرة قهر حقد كل شي بقلبها طلع بعيونها : ما تدري من الي ماسك علي صور من الي مهددني
تتوقع لو ما وافقت عليك ما راح تسوي شي و دمعت عينها مو انا الي بنزل راس اهلي بالأرض حتى لو على حساب سعادتي
ناصر انصدم لهالدرجه حاطته ببالها حقير لهالدرجه هو نذل يمكن غلط بس ما توصل فيه انه يبني حياتها معها على شي زي كذا
ما عاد يدري وش يقول لسانه عجز يحكي بالذات و هو يشوف دموعها الي تنزل
يوم موتك يا مي يوم موووتك !!
سكت بعدين عطاها نظرة غامضه و قال : انا بطلع اللحين
مي : احسن
ناصر تنهد الايام بيننا مي و ان شاء الله اقدر اعوضك و اخليك تحبيني
طلع و هو ساكت ما سوا شي حتى الشبكه كانت موجوده ما لبسها اياها
هي مو طايقته شيسوي !!
مي الي كانت تحس بأنها خلاص ما عاد فيها روح استغربت طلع بدون اي كلمه
شافت الشبكه و ضحكت باستهزاء كان المفروض يلبسها اياه عروس الغفله
مطت شفايفها و اخذت الشبكه و طلعت
رندا اول ما شافتها : يا هووووووووو شفيه الحلو سرحان نحن هنا و الا اخذ قلبك و عقلك من اولها
مي مشت و لا انتبهت لكلام اختها مسرحه بالي جالس يصير ما تدري وش آخرتها
رندا : هههههههه من جدها هذي طاحت و لا احد سمى عليها
ام محمد ابتسمت : الله يوفقها
اما ساره طالعتها بنظرة وش تقول هذا مو سرحان لانها حبته لا سرحان لانها ما تبيه !
الله و اعلم وش صار بالمجلس تو و اي كلام سم صار بينكم انتم الاثنين



بمكان بعيد عن هـ الأجواء ..
كانت رنا جالسة محتارة وش تسوي
تتذكر اتصال ريم فيها
ريم : هلا رنووي كيفك
رنا : بخير وش عندك مكلمه هههه
ريم : اووف قوية بحقي يا بنت عمتي هههه
رنا باستهبال : هههههههه لا تكونين بتخطبيني بس تراني ما ابي اتزوج
ريم بخبث : متأكده ما تبين
رنا الي استغربت نبرة صوت ريم هي قالتها باستهبال بس كملت ضحك : ههههههه ايه
ريم : طيب رنوي حبيبتي انا اعرف انك تحبين اخوي و هو يحبك صراحه و قال لي هـ الحكي
و طلب مني اقول لك ان كان تبينه يجي يخطبك رسمي لانه خايف مدري من ايش
بعدين كملت بضحك انا قايلة له اخطبها رسمي و لا تخاف
رنا الي الصدمه خلتها ما عاد تعرف تتكلم رياض ريااض جاها هي رياض !!
ريم خافت من سكوت رنا : رنوي شفيك قلت شي غلط انا
رنا تحاول تتماسك نفسها : لا لا عادي ريم بس بعدين سكتت
ريم استغربت توقعتها تفرح بس ردة فعل رنا غير غير توقعاتها كلها
رنا بارتباك : ريم اكلمك بعدين امي تناديني
ريم : اوكي
قطعت افكارها رنة الجوال
لمياء يووه لي اسبوع عنها آآه بس الله يعين
لمياء : وينك يالدبه اسبوع يالظالمه انا كنت مشغوله انتي وش عذرك
رنا ضحكت على تهجم بنت عمها ما تخلي حركاتها
لمياء : لا تضحكيييييين
رنا : هههه طيب طيب انا بعد لي عذري
لمياء : امحق وشو هالعذر
رنا تنهدت : رياض خطبني
لمياء بصراخ : لااااااااااااا
رنا : بسم الله شفيك انتي
لمياء : لا لا و فارس لا رنا لا توافقين بليز رنووي
رنا ضحكت على هبال بنت خالتها : انا ما رديت هو ما جاني رسمي
لمياء : نعمم وش سالفتهم هذولي كلهم خايفين ترفضينهم و الله انك حركه هههههههههه
رنا : هههههههه روحي تكفين
جت فترة صمت بعدين قالت لمياء بعقلانيه : رنا ما يصلح خطبه على خطبه !
المفروض تردين على فارس بعدين تفكرين بسالفة رياض
رنا : ادري بس وقتها صرفت ريم ما استوعبت الخبر
لمياء الخبر كان اقوى مني تخيلي حلمي من يوم انا صغيره جاني
لمياء : حلم ما يستاهل
رنا : الله يعين انا بشوف وش بيصير ادعي لي
لمياء : ربي يعينك و يوفقك
رنا : اقول انتي ما راح تجينا و الا ناسيه ان عندنا سوسو حبيبة قلبي
لمياء : هههههههه الا مرررة مشتاقة لها ودي امسكها تبويس
رنا : ههههههه منحرفه
لمياء : تكفيييييييين


سكرت من رنا و هي بدوامة افكار ..
شافت منال قبل يومين ما ارتاحت لها
خايفه على رندا منها و خايفه على مشاري !!
يمكن هي تستغرب على نفسها ليه خايفه عليه هو رجال
بس ما تدري مشاري اخو مساعد هذا بحد ذاته يكفي
اقرب اخوان مساعد له مشاري خفيف الدم انسان روحه ما قد شافتها بأحد
معقولة يطيح بوحده مثل هذي
راحت بعيد و هي تذكر مقابلتها مع منال
منال : رندا ما عندها حكيه غيرك
لمياء بثقة و غرور : اكيدد هي تحصلني اصلاً و لا تحكي عني
منال بغرور اكثر : ههههه واضح انها مرة تحبك
رندا : تراني هنا انتي و اياها هههههه
لمياء : منتبهين لك لا تخافين ههههههه
منال مطت شفايفها مو عاجبتها لمياء هذي
لمياء بخبث : الا رندا حبيبتي ما قلت لك عن حبيبي
رندا طيرت عيونها بلمياء وش حبيبها
و منال عطتها نظرة وش تقول هذي
لمياء : الي تعرفت عليه قبل سنه نسيتي الي علمتك عنه
رندا بارتباك تحس لمياء ورطتها بحاجه ما تدري وشي : ههه ايه ذكرته
لمياء : امس يقول لي انه يبي يقابلني و انا مرة خايفه
منال ابتسمت بخبث هذي شكلها سهله و بتجر رندا معها لازم اكسبهم الثنتين !
ما اختفت هـ الابتسامه عن لمياء
قطعت تذكرها لهالانسانه خبيثه تحس وراها شي
ما تدري ليه ورطت نفسها و قالت هـ الحكي
بس زين ما قالت بعد اسم مشاري !!
تدري انها مجنونه بس وش تسوي
كان ودها تتكلم مع رنا بس حست ان رنا ضايعه و سكتت
تنهدت بضيقه ما تدري وش تسوي
دق جوالها و ابتسمت
: هلا هلا و الله و غلا باهل الشرقية و ريحتهم
شذى : هههههههه لمـوو وحشتينيييييي
لمياء : و انتي اكثر و ربي مشتاقة لك ما عندكم نية تجوون
شذى : يا لييييت قولي آمين نجي العطله هذي
لمياء : ياااا رب عاد اذا جيتوا ضحكت و كملت بنسوي حركة مجنونه غير العالم
شذى : ههههه وش بتسوين
لمياء : بخليهم يخيمون هههههههه
شذى : اما مخيم بالصيف مجنووووونه
لمياء : يا شيخه خل نوسع صدورنا هههههههههههههه
شذى : قايلة لك مجنونة مخيم و بالصيف بعز الحر يالظالمه
لمياء : تغيير هههههههههههههه
شذى : بلا هبال بس
لمياء : و الله نفسي نخييييم
شذى : امم طيب شرايك احاول اقنع اهلي نجي بعطلة الربيع
و نخيم سوا احلى كذا مو بالصيف يا هبلا
لمياء : ههههههههه اي احسن بس ليتكم تخلصونا
شذى : نشوف ههههههه
سكروا من بعض و رجعت لمياء لسرحانها
بس صدق شذى دايم تجي بوقتها خففت عليها يا حبي لها وحشتني


يوم السبت في الجامعه ..
منال : يا حليلها بنت خالتك تكلم و حركات
رندا ارتبكت ما تدري شترد عليها و تسب لمياء ورطتني هذي : هههه شفتي كيف
منال ابتسمت بخبث : انا ارتحت لها مررة شرايك نجلس معها
رندا : امم خل اشوف هي فاضية او لا

لمياء : هلا و الله و غلا بهالصوت
رندا : ههه غيري ترحيبك تكفين كل انسان تقولين له نفس الحكي
لمياء : هههههه اجاملكم
رندا : لا يكثررر بس
لمياء : ههههه الا اقول انتي مو لله مكلمتني وش عندك
رندا : كاشفتني
لمياء : بنت خالتي و مثلي هههههههه
رندا : زين معترفة ههههه اقول لك شكل عندك بريك مطولة و الا وراك محاضرة قريب ؟
لمياء : امم باقي على محاضرتي نص ساعه
رندا : طيب بجي عندك انا و منال
لمياء ابتسمت : اوكي حنا بالكراسي الي عند المبنى حقنا
رندا : اوكي بنجيك

الجوهره : مين الي بيجي ؟
لمياء : رندا و صاحبتها منال
الجوهره عطت لمياء نظرة : انتي تلعبين بالنار ما تأدبتي
لمياء : لا جوجو السالفة مو لعب بالنار بس انا مو مرتاحه للبنت
بعدين السالفة فيها رندا و انا مو مستعده اخلي وحده مثل هذي تلعب ببنت خالتي
الجوهره : و مشاري !
لمياء سرحت بعدين قالت : احس ان فيه شي مو معقوله مشاري ياخذ وحده مثل هذي
الجوهره : لمياء اصحي انتي جالسه تتكلمين عنه كأنه واحد من اخوانك
واثقه فيه انتي نسيتي ان اخوه اختفى بدون حس و لا خبر
لمياء : مو مهم انا اعرف مشاري
الجوهره الي تعبت معها : و الله عقلك براسك
سكتت لمياء يوم شافت رندا و منال جايين لهم و هم يضحكون
بعد ما سلموا على بعض و جلسوا كلهم
قالت منال : و الله اصريت على رندا نجي نجلس معك مرة ارتحت لك لمياء
لمياء بابتسامه و كذب : حتى انا اكثر
كانت منال تحاول تسحب لمياء بالحكي بس لمياء اذكى منها ولا عطتها خبر


نروح لـ مشاري الي كان سرحان بالشغل و متضايق
ناصر : شفيك مشاري ؟
مشاري : هااه ؟
ناصر : وش فيك مو مع الدنيا ؟
مشاري : سوري ناصر متضايق شوي
ناصر : وش فيك وش صاير انت لك فترة مو طبيعتك
مشاري : ما عليك مني الا انت اخبارك اخبار العروس و غمز له
ناصر بضيقة : اي عروس يا شيخ خلها على ربك
مشاري : وش فيك انت بعد هذا وجه واحد توه متملك
اصر : خلها على ربك مشاري
مشاري سكت و سرح مرة ثانيه ضاق خلقه لما تذكر منال و رندا
رندا البريئة رندا الي بس تضحك و توسع صدرها تروح مع منال
منال الخبيثه للحين ما قدر يمسك عليها شي بس لو مسك عليها شي
و الله ما يخليها بيربيها و يعلمها مين مشاري هي و اخوها
ناصر : رجعت تسرح قايل لك انك مو طبيعي
مشاري ابتسم : تدري و الله ودي اتكلم بس خلها برا الشغل احسن
ناصر : براحتك
دق جوال ناصر و رد عليه
: ههههههه صدق
لا لا لاتخاف ان شاء الله بتوافق ههههههه
يا حليلك يا رياض و اخيراً سويت هالخطوه
مشاري كان يسمعه و مو معه متضايق متضايق من كل شي
شاف جواله يدق غريبة رقم من برا بس انا مخزن رقم ياسر عندي
عقد حواجبه و رد
: مشاري مشاري كيفك مشتاااااااااق لك
مشاري بكل صدمه : مسااااااااااااااااااعد

الجزء العشرون ،،


أشياء كثيره تغيرت

يمكن هو بس الي تغير !
بس ليه ليه يحس ان كل شي تغير
حياته ، احلامه ، كل شي حوله تغير
يااه يالدنيا من هذاك الوقت ما كنت واعي للدنيا
و اللحين وعيت و يا ليتني ما وعيت
تذكر تذكر كل شي و هو ما يدري وش آخرتها
راح باله بعيددد يوم الحادث !
توه مسكر منها قالت له انها انخطبت
كانت معصبه من الي ما يتسمى الي خطبها للمرة الي مدري كم
قالتها بحسن نية بس هو عصب انقهر حس كل شي داخله بينفجر
كان يبي يصرخ يقول لها انه يحبها قرر
قرار ما كان متوقعه كان مسرع يبي يوصل لامه يبيها يبي يخطبها
ما راح يتحمل تروح لـ غيره
و فجآه ما عاد شاف شي و لا حس الا و هو هنا
بعيد عن الكل بـ المانيا !
ما وعى من ذكرياته الا على صوت ياسر
: مسااعد يا هوووه
مساعد لف عليه بهدوء : هلا
ياسر : لا انت بعالم ثالث
مساعد ابتسم و سكت ما ينسى وقفة ياسر معه حتى لو هو يحس بجزء من الذنب
بس هو يعتبر انه هو المذنب لا ياسر و لا غيره
ياسر : خل سرحانك اللحين ما قلت لي وش صار مع مشاري رد عليك ؟
مساعد : ايه
سكت و رجع تذكر مكالمته مع اخوه
مشاري : مساااااااعد
مساعد بفرحه لانه سمع صوت اخوه : مشاري اشتقت لك اشتقت لاهلي كيفك و كيفهم بشرني عنكم
مشاري الي ما كان مصدق : مساعد ما اصدق متى صحيت وشلون و ليه ياسر ما خبرنا
مساعد : انا طلبت منه ما يعلم احد لي حوالي الـ 3 اسابيع صاحي
و لا تعلم احد مشاري ابي ارجع و تصير مفاجآه
مشاري : الكل مشتاق لك و خايف عليك حرااام عليك و الله
مساعد : الي تحملتوا كل هـ المده تحملوا شوي بس
مشاري : هههههههه و الله فقدتك يا اخوي
مساعد بابتسامه : و انا اكثر
ياسر : رجعنا نسرح ؟
مساعد لف على ياسر و قال : ما قال لي انه خطب علشانك و علشاني
ياسر الي تنهد : و تتوقع بيقول لك اللحين و بهالظروف
مساعد غمض عيونه بقهر : بس ليه ياسر هو ماله ذنب ليه هو يتحمل نتيجة غلطتي انا
و انت حتى ليه كذا ليييييه
ياسر : مساعد لا تقول كذا هو اخوك و انا اعز اصحابك و اخوك بعد
مساعد بألم : انا سببت للكل معاناة هم في غنى عنها
ياسر : ما عليك اللحين بترجع لهم و بتفرح الكل
مساعد تنهد : يا ليييييييت
سكت و سرح بعدين قال : و لمياء ؟
ياسر لف عليه بهدوء توه يسأل عنها كان مستغرب انه ما سأل للحين
مساعد كان ينتظر جواب من ياسر و كرر كلمته : و لمياء عرفت ؟؟
ياسر : لا كيف تعرف و حنا و لا واحد منا يعرف رقمها و جوالك تكسر قطعه قطعه
مساعد تنهد و قال : الحمدالله
ياسر : ما تبيها تعرف ؟!!
مساعد : تلاقيها اللحين نستني و عاشت حياتها
غمض عيونه و هو يتخيلها مع احد غيره و بسرعه بعد هـ التخيلات
ياسر تنهد و لف وجهه ما يدري وش آخرتها مع مساعد
رجع بذاكرته لـ ورا راح بعيددد
نزل من سيارته و هو خايف وش هذا وش الي صار
نزل وراه واحد بعد خاف ان احد تأذى هو يعرف هـ السيارة
شافه و تمنى ما شافه صديقه و اخوه قدامه مليان دم حس ان روحه طلعت
ياسر : مساعد مساعد اصحى مساعد حرااام عليك ادري انك تكذب علي مساعد قوووم
راكان : شوف وش صار بسيارتي يالـ***
ياسر كان مو معه كان مع الانسان الي قدامه الي ينزف
لف يمين و يسار الناس متجمعه و صديقه بين يدينه يحس فيه بيموت لا مو مساعد يا رب لا
جت الاسعاف بالقوة اخذوه من بين يدينه
ما يسمع الا كلمات متقاطعه ( لا حول و لا قوة الا بالله .. وش صار .. الله يهديه هذا آخر الطيش .. هو كان مسرع )
ما كان متحمل هـ الكلام عن مساعد هو فيه شي لا لا يا مساعد تكفى مو اللحين مو عندي و قدامي
انا السبب انا صدمتك لا مساعد يا رب يا رب انقذه يا رب
راح المستشفى و بانهياره دق على مشاري
تجمعوا اهله كلهم الكل عرف مو خبر الشر بسرعه ينتشر
الجو الحزين كان سائد ع الكل ما يدرون يتجاوز مرحلة الخطر او لا
الكل يدعي و الكل مشغول في حاله
تعدى مرحلة الخطر بس ظل بغيبوبة !
يتذكر كلام الدكتور
: هو الحمدالله تجاوز الخطر بس للأسف ما زال بالغيبوبه
سعود بعصبيه : كيف دكتور يعني مساعد مو صاحي
الدكتور : تفائل يا ابني هو تجاوز مرحلة الخطر و الباقي على الله
مساعد و هو يقطع سرحانه : وش تفكر فيه
ياسر لف و ابتسم : و لا شي
مساعد هز راسه و قال : تتذكر صح
ياسر : الموقف كان صعب لا تلومني
مساعد ابتسم : الله يعين انا للحين مو مستوعب
ياسر تنهد : تدري طيحت قلوبنا يالدلوع هههههههه
مساعد : هههههه اشوف غلاتي
ياسر : تكفى لا عاد تشوفها
بعدين عقد حواجبه و كمل : مساعد انت للحين ما قلت لي ليه كنت مسرع مو من عوايدك !
مساعد لف وجهه عن ياسر و سكت وش يقول له علشان لمياء !
و اذا قال له وش بيقدم كلامه و الا وش بيأخر !
ياسر تنهد ما يبي يقول يتهرب كالعاده


نرجع لـ شخص مو مستوعب الصدمه الي جته
مساعد مساعد كلمه مساعد صحى اخوه الكبير
الي طول عمره معتبره اعز اصحابه
ما كان مصدق المكالمه الي مرت عليهم
اخوه الي ضحى علشانه صحى و صار حي ما فيه شي
يااه يا مساعد اخيراً اخيراً
تذكر تذكر هذاك اليوم الي جاه الخبر اصعب يوم بحياته
ياسر : مشااري الحق الحق مساااااعد
مشاري : ياسر وش فيك خذ نفس و هد اعصابك وش فيه مساعد ؟!!
ياسر و هو يبكي : بالـ .. مسـ ... تشـ .. فى
مشاري انصدم معقولة ليه طيب كيف بس ما قدر يتكلم و قال : وين بأي مستشفى
عطاه ياسر العنوان ور اح و هو يركض انجن اخوه اخوه بالمستشفى و من صوت ياسر فيه شي كبيررر
لا يا مساعد تكفى لا مو انت ما ابي اخسرك تكفى يا اخوي لا تكفى لاااا
راح و اكتشف كل الي صار اخوه بغيبوبه بعدها تجاوز مرحلة الخطر بس ظل بغيبوبه
كان الكل متجمع و أصر ابوهم انه يوديه برا لعل و عسى يصحى !
اصر ياسر انه يروح معه كان يحمل نفسه جزء من المسؤولية مع ان ماله دخل
بس ياسر طول عمره كان الاقرب لقلب مساعد
تنهد مرة ثانيه و تذكر لما راحوا مركز الشرطه
ياسر : انا مستعد اتحمل المسؤولية انا غلطت
راكان باستهزاء : انت غلطت ما يحتاج تقول و انا مو متنازل بحقي
مشاري : تدري انك حقيرررر
راكان عطاه نظرة و ابتسم بخبث
الشرطي ما كان يقدر يقول شي
الدعوى راكبه مساعد و ياسر اصر انه هو الغلطان
و لازم احد يتحمل الخطأ !
طلعوا من المركز و معصب يحس بركان بصدره من الي اسمه راكان
بس انصدم لما جاه و قال له مستعد يتنازل بشرط
كان مستعد يسوي اي شي بس ما يصير شي لا لـ مساعد و لا لـ ياسر
بس كان اصعب شي عليه الطلب الي طلبه راكان
غمض عيونه و هو يتذكر الحوار الي دار بينهم
راكان : انت ولد الـ ... و اكيد انتم ما تبون يجيكم شي
مشاري : و المطلوب ؟
راكان : انا مستعد اتنازل بس بشرط واحد
مشاري عقد حواجبه : و شرطك وشو ؟
راكان : تتزوج اختي
مشاري انصدم فيه احد يبيع اخته كذا !
راكان : انا ادري انك ولد الـ ... و هذا الي انا ابيه لاختي
و ضحك ضحكه طويله و خبيثه : و اختي طبيعي بتوافق هي تحصل ولد الـ ...
مشاري كان مصدوم وش هالوقاحه بس غمض عيونه بعدين قال بدون اي تفكير : خلاص اعتبره تم
الكل عارضه و الكل رفض بس خطبها علشان مساعد و ياسر
عايش بجحيم هو مو واثق فيها بس مو ماسك عليها شي
و اللحين يكتشف ان رندا صاحباتها لا و من اعز صاحباتها بعد بس لا مستحيل يخلي رندا تخالط هـ الأشكال
لازم يسوي شي مثل ما بعد ياسر و مساعد من الورطه الي كانوا فيها لازم يبعد رندا بس كيييييف
ناصر الي انتبه لـ سرحان مشاري من بعد المكالمه
: مشاري ؟
مشاري لف : هلا
ناصر : شرايك تطلع معي و تتغدا عندي و تقول لي الي بخاطرك
مشاري حس انه يبي يتكلم و الا بينفجر و ناصر رجال يعتمد عليه : اوكي
ناصر : حلـوو ما بقى اجل شي على آخر الدوام
مشاري جاوبه بابتسامه


في بيت ابو خالد ..
لمياء : طيييييب رنوووي خلااص تكفييييين
رنا : اووف انا جالسه و متضايقه
لمياء : قلت لك ريحي راسك و اختاري فارس
رنا : لا يا شيخه لعب بزران هي
لمياء : انتي متعبه عمرك يختي شسوي لك
رنا : مااااااااااالت
لمياء : اقول يلا يلا امي تناديني شكل العنود جت
طوط طوط طوط
رنا الي تطالع جوالها سوتها للمرة الألف و قفلت بوجهي صدق ما تستحي !!
لمياء نزلت بسرعه ور احت لاخوها و زوجته الي جو
خالد : ساااااااعه
لمياء و هي تسلم ع العنود : شدخلك فيني انزل متى ما ابي
العنود : هههههههه نفسي مرة ما تتهاوشون
لمياء : يختي زوجك حاط دوبه من دوبي
خالد : ايه هين انتي الي تغارين مني وش اسوي فيك
لمياء : ايييه مررررررررة
خالد : لا يكثر بس لا يكثر
لمياء و كأنها تذكرت شي : اييييييييه العنود شوفي هذي الصورة
العنود : وريني ؟
خالد : و انا ما اشوف
لمياء بخبث : الا قرب شفها
قرب خالد و يوم شاف الصورة تنح
اما العنود ماتت من الضحك
يوم استوعب السالفة : هيييييييييييه انتي للحين عندك هـ الصورة
لمياء : هههههههههههههههههههههههههههههههههههههههههه
العنود : ليه لابس كذا خالد هههههههه حرام عليك هههههههههه
خالد : مالت عليكم انتي و اياها يعني الواحد ما يغلط
لمياء : هههههههه اما تذكرت عادل وقتها يا حنا ضحكنا عليك ضحك
خالد مط شفايفه و طنشها
العنود : هههههههههه و الله قوية جزمتين كل وحده شكل هههههههههه
لمياء : لا و نصه نووووم هههههههههه
خالد : مااااااااااااااااااااااااااااااالت
العنود : هههههههههههههههههههههههههههههههههه


نروح عند رنا الي خلاص اخذت قرارها ..
خلاص ما عاد ينفع التأجيل طولتها و لازم ترد لـ واحد منهم
يكفي دلع بنات خلاص رنا خلااااص
مسكت جوالها و كتبت مسج
( الله يحييكم في بيتنا اي وقت تبونه :$ )
تنهدت خلاص هذا قرارها
ارسلت رسالة ثانيه
( سوري قولي لأخوك ماله نصيب .. و اعذريني مستحيه منك و الله )
تنهدت و سرحت خلاص رنا خلاص هذا قرارك


نرجع لـ مشاري و ناصر ..
ناصر : معقولة كل هذا يصير و لا تتكلم
مشاري : شتبيني اقول ناصر
تنهد بعدين قال : تخيل اللحين انا راحم البنت المسكينه انا خلاص فاتت علي بس هي
ناصر عقد حواجبه و تذكر شي : اسمها ايش هي ؟
مشاري : رندا
ناصر عقد حواجبه معقوله هي : رندا ايش ؟
مشاري استغرب و قال : وش عندك ناصر ؟
ناصر : بليز مشاري قل لي مين انا ما سألتك الا علشان شغله
مشاري : رندا الـ ...
ناصر الي كان مصدوم : اخت فيصل الـ ... الي معنا بالدوام !!
مشاري : ايه ، ليه ؟!
ناصر تنهد بعدين قال : لانها تصير اخت زوجتي
مشاري رفع حاجب : صدق !! و الله الدنيا صغيره
ناصر : شفت كيف
مشاري : طيب ناصر قل لزوجتك خلها تتكلم معها انا اعرف انها تسمع لاختها
ناصر تنهد : بحاول بس ليتها تقتنع
مشاري ابتسم لانه يعرف ان ناصر متعذب بهالزواج هذا و هم توهم بس متملكين !
و ناصر سرح معقولة رندا اخت مي بس كيف اساعدها !!
لازم اقابل مي اليوم الموضوع ما ينفع فيه التأجيل و عض شفايفه لا يصير لها مثل الي صار لاختها


بـ بيت ابو محمد - الله يرحمه -
مي جوالها ما وقف من الدق و مطنشته
رندا : يختي ارحمي هالي يكلمك
مي : مالي خللللللق
رندا : الحمدالله و الشكر بس
مي يوم طفشت ردت بدون نفس : نعممم
ناصر عقد حواجبه بس ما كان فاضي يسوي مقدمات : مي انا 5 دقايق و بصير عندك افتحي لي الباب
مي : !!!!!!!!!
ناصر : ادري انك مو طايقتني بس صدقيني الموضوع لو مو مهم كان ما جيتك
مي استغربت اول مرة يكلمها بجديه : طيب !
سكرت منه و هي مستغربه
رندا : مين ؟
مي بتناحه : ناصر
رندا : هههههههه بالله كذا تكلمين زوج المستقبل
مي سكتت غريبة وش يبي !
رندا : اخليك تتجهزين له بس شكلك مو معي ابد هههههههههه
طلعت رندا و تركتها و هي للحين مو مستوعبه
يوم انتبهت على عمرها بسرعه لبست لها لبس ناعم و حطت مكياج سريع و خفيف
و خمس دقايق و ناصر صار عندهم
نزلت له و كان معه اخوها فيصل
فيصل : هلا و الله اخيرا رحمتينا و جيتي
ناصر ابتسم و كان يطالع فيها من فوق لـ تحت
هي انحرجت من نظراته بس بينت انها ما اهتمت
فيصل : اتركم لحالكم و غمز لـ ناصر الله الله باختي
طلع فيصل و ظل الهدوء سيد الموقف
بالأخير تكلم ناصر : كيفك ؟
مي : الحمدالله
بعدين استحت و قالت : و انت ؟
ناصر : بخير
سكتوا مرة ثانيه
بعدين تنهد ناصر و قال : مدري وش اقول لك بس انا جايك علشان رندا
مي بخوف : رندااااا
ناصر : شوفي مي انا ما ابي الي صار لك يصير لـ رندا
انا ادري اني كنت حقير معك اول شي بس و ربي يوم جيت اخطبك كنت مو مهتم بالي صار
ادري اني جرحتك و غلطت بحقك و تعبتك كل الي اتمناه تسامحيني و لو ما سامحتيني ما راح الومك
بعدين عض شفايفه : بس قولي لي و خلينا ننهي كل شي ما دمنا بالبر
مي كانت مصدومه بكلامه يعني هو مو ناوي شر بس بعدين تذكرت الكلام الأول : وش تقصد بانك ما تبي الي صار لي يصير لاختي ؟
ناصر تنهد بعدين قرر يتكلم جلس يقول لها كل شي عن منال و مشاري
و مي مصدومه معقوله هي لهالدرجه مهمله اختها لدرجه ناصر صار يعرف عنها اكثر منها
و مشاري هذا معقوله بس كيف و ليه يقول عن خطيبته كذا
و ما قدرت تسكت على طول ترجمت افكارها بكلام : و ليه مشاري يقول عن خطيبته كذا
ناصر تنهد : فيه اشياء كثيرة ما تدرين عنها مي بعدين ابتسم لها مشاري خاطبها غصب عنه
مي بنرفزة : و هو بزر
ناصر تنهد بعدين قال : لا بس احياناً تجي للواحد ظروف مثلك مثلا انتي بزر
سكتت و عضت شفتها صادق هي مو بزر و هي الي قررت
ناصر : ع العموم انا جيت علشان اقول لك هـ الكلمتين
اولها اختك و ثانيها علاقتنا و اتمنى تفتحين عقلك و قلبك اللحين و تقررين صح و انا راضي بالي تختارينه
طلع و خلاها وراه مصدومه من كلامه معقولة هو انجرح من تصرفاتها معه !
و رندا معقوله راحت للي اسمها منال !
بس كيف تعرف ان كان صادق او لا كييييييف
طلعت لغرفتها و هي مو مستوعبه شي بالأخير قررت ما فيه غير لمياء
اكيد بيكون عندها شي
مسكت جوالها و دقت على لمياء ما فيه غيرها يمكن تعرف اي شي


ببيت ابو عادل ..
عادل : هههههههه و انتي كذا صايرة تطبين فجآه
لمياء : هههههههههههههههههه وش اسوي مشتاقة لك و رمشت بعيونها
عادل : تكفييين ههههههههههههههه
رنا : اقول تراكم طولتوها انت و اياها
عادل : مشكلة الغيرانين
لمياء : من جدددد
رنا هزت راسها و قالت : الله يصبرني بس
فهد الي كان توه داخل و ميت ضحك على اشكالهم : رنا كأنك عجوز انتي و هالكلمه
رنا : و هو اخوك و بنت عمك مخليني عجوز صدق
فهد : ههههههههههههه وش الاخبار لمياء و انا اقول ليه بيتنا منور اليوم
عادل : هييييه لا تغازل حبيبتي
لمياء : الله وناسة تهاوشوا علي
رنا : مااااااااااالت ردي على جوالك بس
لمياء ضحكت و ردت : هلا و الله
مي : لمياء كيفك
لمياء : تمام ههههههه
مي : وش فيك
لمياء : ابد بس ببيت عمي و بين المهبل عياله
مي ضحكت : للحين هههههه
لمياء : الى بكره ههههههه
مي سكتت بعدين قالت : لمياء اقدر اكلمك اللحين بموضوع مهم و الا مو فاضية
لمياء عقدت حواجبها غريب مي تبيها بموضوع من العاده رندا بس مي !
قامت وبعدت عن عيال عمها و قالت : ايه تكلمي
مي تنهدت بعدين قالت للمياء كلام ناصر
لمياء انصدمت قد ايش الدنيا صغيره بس زي ما توقعت مشاري مغصوب على منال هذي
مي : لمياء ردي علي
لمياء : ايه مي انا اعرف البنت هذي بس ما كنت اعرف السالفة و انها ممكن تورط رندا
انا مو مرتاحة لها صح بس ما توقعت انها ممكن تسوي شي لـ رندا
مي تنهدت و قالت بضيقه : يا ربيي وش نسوي اللحين
لمياء : ما عليك خلي السالفة علي مي انا بحلها
مي : لمياء لا تورطين نفسك
لمياء : لا تخافين صدقيني بحلها
مي : الله يعين
سكرت منها لمياء و هي تفكر بكل شي
غريبة وش الي يغصب مشاري على منال !
رنا : لمـوو وش السالفة رحتي بعيد ؟
مياء لفت على رنا : هاا و لا شي
رنا عقدت حواجبها : لمياااااااء
لمياء : اوووف منك ترا مو معناته اخذتي قرارك تستقوين علي
رنا : لا يكثر مع وجهك
لمياء : ههههههه تعالي فوق و خل اقول لك ما ابي احد يسمعنا
رنا : اوكي


في بيت ابو سعود ..
مشاري : خلاص انا عطيته كلمه
ملاك بين دموعها : و كيف بتزوج و مساعد حالته كذا
مشاري : خلاص الى متى بنأجل
ام سعود : و الله حرام كيف نفرح و ولدي بهالحاله
مشاري ابتسم هو ينفذ كلام مساعد بس : ما عليك يمه ربك بيحلها
سكتوا كلهم ما كانوا يبون هـ الشي بس مشاري عطى الرجال كلمه و احرجهم !!


بعد فترة و لما زادت علاقة لمياء بـ منال شوي ..
لمياء و هي تطالع في المسجات الي بجوال منال و مندمجه
: حشا كلها غزل لا يكون هذا خطيبك ههههههه
منال : هههههههه اكيد فيه غيره
لمياء : هههههههه يا عيني
كملت تدوير بالمسجات و اخيرا لقت الي تبيه و ابتسمت
لمياء : خلاص حصلت مسج حلو و ارسلته لي
منال : حلووو
بعدين كملت : الا ما قلتي لي لمياء وش اسمه هذاك صاحبك
لمياء رمشت : لييه شتبين فيه اخاف تسرقينه
منال : ههههههه وش دعوه اسرقه باشاره مني تلاقين الف وراي
لمياء و هي منرفزتها هـ الانسانه : ههههه لا لا خليه سري
الجوهره مرة مو عاجبها الوضع لمياء تلعب بالنار : خلاص فكونا من هالسالفة
رندا الي كانت ساكته من اليوم بس انبسطت لما سكتتهم الجوهره ما تدري ليه مو مرتاحه
لمياء : ههههه يا ربي منك جوجو عادي خلينا نتكلم
منال : انا اوعدكم اتكلم لو قالت لي اسم صاحبها هههههههه
الجوهره و رندا شافوا بعض و هم يعرفون عناد كل وحده من هـ الثنتين الي قدامهم
لمياء بهدوء : اسمه مشاري
الجوهره لفت على لمياء و هي فاتحه عيونها بقوة من الصدمه
و رندا عطت لمياء نظرة طويلة و رفعت حواجبها
اما منال عقدت حواجبها : مشاري حلو اسمه
لمياء بهدوء اكثر : ايه و بعد من الـ .... طايحه طيحة سنعه انا
منال بصدمه : اييييييييييييش !
لمياء ببراءة : شفيك ؟
الجوهره الي ما عاد تتحمل : لمياء نسيتي الدكتورة صباح تبينا
لمياء لفت على الجوهره بهدوء اكثر : اييه صح خل نروح لها
الجوهره : حمدت ربها انها ما فشلتها ما تستغرب اي شي على لمياء بعد الي صار !
رندا كانت تطالع في لمياء و هي رايحه ما تدري ليه سوت كذا مستغربه
و منال كانت كاتمه غيظها و لما راحت لفت على رندا : ليييييه ما قلتي لي
رندا : و انا شيعرفني !
منال بعصبيه : انتي كنتي تعرفين انها تكلم واحد معقولة ما تعرفين انه نفسه خطيبي و شددت على خطيبي
رندا : و ربي ما كنت اعرف
منال بداخلها كان غيظ قهر بس انا اوريك يا لمياء : طيب رندوش انا بطلع اليوم تروحين معي ؟
رندا : امم وين ؟
منال : لـ توتي كافيه
رندا : مو شينه و الله احسني ابي اغير جو
منال بابتسامه انتصار : خلاص اجل اتفقنا
رندا : بسأل امي اول
منال : ما راح تقول شي لو اقنعتيها
رندا : بشوف

نروح لـ لمياء و الجوهره الي بعدوا ..
الجوهره بعصبيه : انتي شتسوين انهبلتييييييييييي
لمياء : لا ما انهبلت بس لازم ابعدها عن رندا
الجوهره : و تببعدينها عن رندا كذا انتي مجنونه
لمياء : اوووف جوجو انا اعرف ايش اسوي
الجوهره : لا ما تعرفين انتي تغرقين رندا اكثر
لمياء : جوجو بليز انا اعرف ايش اسوي اوووووف
الجوهره تعبت منها و لا عاد تدري وش تسوي اكثر


في الليل ..
رندا : اييه خلاص ماما وافقت
منال : حلـوو طيب بمرك اوكي
رندا : اوووكي
مي الي كانت مو مرتاحه ابد بس هي واثقه بلمياء
رندا : شفيك تطالعيني كذا
مي تنهدت : مدري مو مرتاحه لطلعتك هذي
رندا : ههههه اتركي خوفك انتي دايم كذا
مي تطالع اختها بخوف بس ما قدرت تتكلم شو تقول لها
بعدين كسرت الخوف و قالت : وين بتروحون
رندا : لـ توتي كافيه
يلا خل اروح اتجهز اللحين
مي ما صدقت تروح رندا و بسرعه مسكت جوالها و دقت على لمياء

عند لمياء ..
لمياء : هلا مي
مي : لمياء رندا تطلع اللحين مع منال انا خايفه عليها
لمياء ابتسمت : وين بيروحون له
مي عقدت حواجبها : توتي كافيه
لمياء : اهـاا اوكي انا لازم اسكر اللحين
مي : لميا بليز طمنيني
لمياء : مو مشكلة يلا سي يو
سكرت بسرعه و مسكت جوالها
تعرف ان الي بتسويه حركه متهوره قلبها يرجف مو قلبها بس كل شي فيها
هي تسوي شي كبيررر و هذا مو اي احد اخو مساعد !
بالأخير سمت بالله و دقت الرقم الي اخذته من جوال منال

مشاري كان جالس بغرفته و لا يدري وش يسوي
خايف على رندا من منال
و خايف على اخوه و يحس فيه اشياء غلط تصير و هو مو قادر يسوي شي
دق جواله و استغرب رقم غريب اول مرة يشوفه
ابتسم بسخريه يمكن من ارقام منال الزفت
رد بدون نفس : هلا
لمياء بصوت مرتبك : مشاري ؟
مشاري عقد حواجبه هذا مو صوت منال بس مين : ايوه ؟
لمياء سكتت كانت تحاول تضبط نفسها ما تبي تسأل عنه غمضت عيونها بقوة
مشاري بصوت قوي : من معي ؟؟
لمياء اخيراً جتها الجرآه : لمياء
مشاري انصدم لمياء لمياء ما غيرها و على طول جاء بباله اخوه
لمياء تمالكت نفسها ما فيه وقت : مشاري ادري مكالمتي غلط بس كان لازم اكلمك
و عضت شفايفها بعدين كملت : اخذت رقمك من جوال منال انا سويت حركه مجنونه
بعدين سكتت ما عاد تدري وش تقول قلبها يدق بسرعه هي تكلم اخو مساعد تقدر تسأله عنه
مشاري استغرب : وش سويتي ؟
لمياء تمالكت نفسها و قالت له الي سوته مع منال و طلعتها اليوم مع رندا
مشاري انصدم انصدم بقوووة مساعد كان يحكي له عن حركاتها و قوتها الي تخفي ضعفها
بس عمره ما توقعها كذا الحركه قوية قوية هو نفسه ما كان يقدر يسويها !
لمياء بارتباك زايد : ادري اني غلطانه و مكالمتي لك غلط بس انا ابي بنت خالتي
ما تتأذى و لا قدرت اسوي غير هـ الحركه بعدين تنهدت و كملت و منها تفتك انت من منال هذي
مشاري بهدوء : اوكي انا بشوف وش بسوي و صدقيني انا عند ثقتك فيني
لمياء سكتت نبرة صوته قوته ذكرتها بمساعد ما قدرت تتكلم نزلت دموعها لا ارادياً
مشاري : اوكي باي
لمياء سكرت السماعه بدون ما ترد خلاص طلعت كل طاقتها ما عاد تتحمل
و جلست تبكي تبكي مساعد تبكي كل الي صار تبكي ضعفها

اما عند مشاري الي استغرب مكالمتها و قوتها
و حركتها الجريئة مع منال مع انها تعرف ان منال كانت ممكن تورطها هي
تنهد بعدين قال ما الومك يا مساعد اللحين بس الومك لأنك ما تكلمت معها و صارحتها بالي فيك
حس بارتباكها صوته يشبه صوت اخوه هو يعرف و اكيد اربكها هالشي
ابتسم بسخريه على نفسه خل يلحق منالوه الزفت بس
مسك سيارته وراح بسرعه للكوفي الي قالته له لمياء


في المطعم ..
منال بابتسامه خبيثه : حلو صح
رندا : ههههههه كأني اول مرة اروح له يعني
منال : لا مو قصدي بس اذا رحتي مع ناس غير يتغير عليك المحل
رندا : امم يمكن
منال اشرت : هاااي
رندا لفت على وين تأشر منال و انصدمت كانوا شابين جايين لهم
جلسوا بنفس الطاولة
رندا قامت : منال انتي وش تسوين
منال : اووف شفيك رندا خليك ايزي هذا صاحبي طارق و صاحبه احمد
رندا باستنكار : لا و الله و عساك تبيني اجلس معهم
منال : عادي بعدين احمد ما عنده احد اجلسي معه
رندا انصدمت مو معقوله الي تشوفه
تحس انها بحلم تذكرت كلام مي حست بقهر من غباءها
بس فجآة سمعت صوت رجولي طلعها من الي هي فيه
مشاري : ما شاء الله كأنه فاتتني حفله هنا
منال بصدمه : مشاري
مشاري عطاها نظرة احتقار و طالع رندا : تعالي معي
رندا و هي خايفه راحت وراه نار مشاري و لا جنة منال ! هذا الي كانت تفكر فيه
طلع هو معصب و قال لها دقي على احد يجيك
رندا و هي ترتجف : ط .. يـ .. ب
مشاري حس انها خايفه و هدى اعصابه : ادري ان مالك ذنب لا تخافين
رندا و هي تبكي : وش اسوي
مشاري حس انها خايفه و مو قادرة تكلم احد راح رفع جواله و دق على لمياء
وش يسوي ما فيه غيرها !!
لمياء ردت بسرعه و بطريقة آليه : نعم
مشاري : انا قدام المطعم و معي رندا ممكن تخلين احد يجي ياخذها
لمياء : اوكي
سكرت السماعه بسرعه حتى ما عطته مجال يقول باي
ابتسم واضح انها مو مستوعبه الي سوته
ما يلومها بنت خالتها و تبي تساعدها مع انه شاك بشي ثاني بس ما يدري ان كان صح او لا
بعد وقت و هم واقفين برا جت سيارة و نزلت منها بنت
عرفها مشاري على طول لانها كانت مع رندا اول ما شافها
لمياء : رندا !
رندا الي تبكي : لمياء و جلست تشاهق
لمياء : هدي هدي تعالي معي
راحت رندا للسيارة و هي تبكي و لفت لمياء على مشاري و قالت : مشكور
مشاري ابتسم على ارتباكها و سكت هو المفروض يقول لها شكرا بعد !!

بالسيارة ..
رندا تشاهق من الصياح و لمياء تهدي فيها
: خلاص رندا صار الي صار
رندا : ما كنت ادري انها حقيرة كذا و رجعت تبكي
لمياء : هدي اعصابك ما تسوى عليك
رندا : لمياء انا غبيه غبيه
لمياء : هدي اعصابك اللحين اوكي
رندا هزت راسها بـ ايه


نروح لـ مساعد و ياسر ..
مساعد : اووف طفشان خلاص متى ارجع
ياسر : هههههههه كلها اسبوع هانت
مساعد : مشتاق للرياض مشتاق لامي ابوي اهلي كلهم
ياسر ابتسم : اخيراً مو مصدق انك قدامي للحين
مساعد طالع صديقه بامتنان : عمري ما راح انسى معروفك لا انت و لا مشاري
ياسر حط يده على كتف مساعد : مساعد حنا اخوان قبل كل شي و مالنا غير بعض
مساعد ابتسم و سكت مبسوط ان عنده صاحب مثل ياسر و اخو مثل مشاري
يحس انه مالك الدنيا كلها معهم
ياسر : ايه ابتسم من قدك اسبوع و راجع ان شاء الله
مساعد لف عليه و قال بفرحه ما قدر يخفيها : ايه يعني انت مو راجع بعد
ياسر : هههههه بس انا اقلها كنت اكلمهم
مساعد كت و سرح يفكر كيف بيقابلهم


نرجع لـ عند لمياء و رندا ..
رندا الي هدت و هي بغرفة لمياء : مشكورة لمـوو و الله بدونك ما كنت ادري شسوي
لمياء : شدعوه يا دبه بعدين مشاري بعد ساعدك هههههههه
رندا حمر وجهها بعدين تذكرت : الا كيف دق عليك مشاري
لمياء ضحكت بعدين قالت لها : انا اخذت رقمه من منال و رحت قلت له عن روحتك معها اليوم
رندا بدهشه : انتي كل يوم تدهشيني فيك اكثر من وين جتك الشجاعه
لمياء هزت كتوفها : مدري
بعدين قالت : يوووه نسيت اكلم مي اقول لها وش صار
رندا : بعد مي تدري
لمياء : ههههههههه خيرات مشاري باشا
رندا حمر وجهها و سكتت
دقت لمياء على مي و طمنتها و قالت ان رندا بترجع مع سواقهم


عند مي الي توها مسكرة من لمياء ..
يا ربي صار كلام ناصر صدق
و اللحين انتهت سالفة رندا لازم اقرر انا مو معقوله بعيش كذا طول حياتي
صادق ناصر المسألة حياة طول العمر مو لعبه
لازم تقررين يا مي خلاص السالفة ما فيها لعب
خلاص مي لازم تحطين حد للموضوع


بمكان ثاني بنفس البيت ..
فيصل : ههههههه شفيك معصبه ودي افهم
الجوهره : ما فيني شي
فيصل : اموت و اعرف وش مسويه فيك لمياء
الجوهره : حمارة ما تسمع الحكي
فيصل : هههههههههه اعصابك يا قلبي اعصابك
الجوهره : اووف احر ما عندي ابرد ما عندك
فيصل : طيب طيب لا تحطين حرتك فيني وش ذنبي انا
الجوهره : بنت خالتك
فيصل : و صديقتك
الجوهره : انت اقرب
فيصل ضحك عليها معصبه و بس
الجوهره انتبهت لعمرها و ضحكت : حسيتني بزر
فيصل : زين الي حسيتي هههههههههههه
الجوهره : هههههه خلاص عاد لا تضحك علي
فيصل الي ميت ضحك : اسمعي انا بسكر اللحين و برجع ادق عليك اوكي
الجوهره : اوووكي
سكر فيصل منها و بسرعه دقت على لمياء
لمياء : ههههههههههه هلا و الله
الجوهره : انا معصبه هنا و انتي تضحكين
لمياء : شسوي جالسين انا و رندا و عجزنا نسكن من الضحك
الجوهره الي تنحت : هااااا
لمياء : هههههههه شفيك
الجوهره : مو رندا طالعه مع منال
لمياء : هههههههههه اكلمك بعدين و افهمك الي تبينه اوكي
الجوهره فهمت انها ما تقدر تتكلم بس استغربت وش مسوية لمياء المجنونه : اوكي
سكرت منها و هي مستغربه وش مسوية لمياء يلا مصيرها تعرف !


بعد اسبوع من الأحداث ..
مساعد : مو مصدق ياسر انا اللحين بالرياض اللحين بشوف اهلي
ياسر : ههههههه اعصابك
مساعد : مبسووووووط مبسوووووووط
ياسر : الله يديم هـ الوناسة يا رب
مساعد مو قادر يعبر اكثر كان يشوف كل جزء بالمطار
يحس ان روحه رجعت له هنا اللحين بيشوف اهله و ع الأقل معها بديرة وحده !
يمكن تفكيره مجنون ما يبي يكلمها بس مبسوط لانه معها بمكان واحد !
بعد افكاره لما شاف مشاري
مشاري و هو مو مصدق : مساعد مساعد
ضموا بعض ضموا بعض بقووة و كل واحد موق ادر يعبر عن فرحته بشوفة الثاني
و ياسر مبتسم ما يلومهم من زمان عنب عض
مساعد : ما قلت لهم صح
مشاري : ما قلت لاحد شي لا تخاف
مساعد و هو فرحان : مشتاق لهم مشتاق للكل
مشاري ابتسم : يلا طيب نروح
مساعد : اوكي
مشاري الي توه ينتبه لـ ياسر : يووه ياسر سوري فرحتي بـ مساعد ما خلتني انتبه
ياسر : هههههه ما الومك
سلموا على بعض بحرارة و راحوا لـ سيارة مشاري
وصلوا ياسر لبيته و راحوا الاثنين لبيتهم
كان مساعد يحكي و يحكي و يحكي مشتاق لاخوه مشتاق لاهله
و مشاري يسمع له و يجاوبه و يتفاعل معه
بالأخير وقف و قال : وصلنا خذ نفس هههههههه
مساعد نزل و شاف بيتهم : ياااه مشتاق له يا مشاري مشتاق لكل ذكرياتي فيه مشتاق لاهلي
مشاري : خل ندخل تلاقيهم كلهم داخل اللحين
مساعد ابتسم و دخل مع اخوه
ام سعود : اقول انا مو مقتنعه بهالزواج مدري على ايش انتم متحمسين
ما دام مساعد مو فيه كيف تبوني افرح
ابو سعود : خلاص يا ام سعود مو معقوله نأجله اكثر من كذا
ملاك يضيقه : بس بابا كيف اتزوج و اخوي بهالحاله
سكت ما قدر يجاوبها هم جهزوا و حجزوا و كل شي بس مو مستعدين نفسياً حتى هو بس يكابر
سعود : خلاص لازم تقتنعون
نايف و بدر ما علقوا لانهم كانوا متضايقين من السالفة و معارضينها
ام سعود : ما راح افرح الا ان شفت ولدي يمشي قدام عيوني
مساعد الي سمع امه و هي تتكلم و خنقته العبره
و مشاري الي حس ان امه بترجع لها الروح اللحين ان شافته
لف عليه : ما راح تدخل
مساعد بألم : الا مشتاق لهم مشتاق لهم كثيررر
دخل مشاري و شافوه الكل
ابو سعود : صباح الخير تو الناس
مشاري : و الله لو تدري انا وين كنت كان ما قلت كذا
ام سعود : و وين يعني جالس مع اصحابك
مساعد الي دخل : لا كان جاي ياخذني من المطار
ام سعود شهقت و عجزت تتكلم
اما ابوه عيونه تسمرت على ولده يتأكد ان كان هو او لا
ملاك الي بسرعه قامت و ضمت اخوها : مسااااااااعد
كلهم هنا صحوا من صدمتهم
مساعد ضم اخته : بتتزوجين ان شاء الله و انا بحضر زواجك
ملاك جلست تبكي بحضنه و هي مو مصدقه اخوها حي اخوها ضامها
بعدها عنه و راح لامه و باس راسها : رجعت لك يا ام سعود
و راح لابوه و سوا نفس الشي
كلهم عجزوا يتحملون الصدمه امه جلست تبكي من الفرحه
اما ابوه الي طول عمره قوي و لا تنزل منه الدمعه نزلت هـ المره
تاثر مساعد كثير بالموقف ابوه ابوه نزلت دمعته علشانه
بدر الي يبي يلطف الجو : من قدك مساعد عرفت قد ايش اهلي يحبونك
مساعد و هو يضحك : ههههههه شفت وشلون
نايف : شكلي بسوي مثلك هههههههه
ام سعود لفت بسرعه و خوف : لا تتفاول على عمرك مو ناقصة انا
كلهم جلسوا يضحكون على امهم و كملوا جلستهم مع مساعد
كملوا ساعه و آخرتها قامت ام سعود : قم يا مساعد خلاص انت تعبان زياده على انك جاي من سفر
مساعد : و الله ما شبعت منكم
ام سعود بين دموعها : بتشبع منا ان شاء الله كل العمر
مساعد بابتسامه : ان شاء الله
بعدين لف على ابوه و هو يضحك : ما تبيني اداوم بكره
ابو سعود ضحك هذا ولده الي يعرفه بروحه المرحه : لا تكفى لو ما تبي تشتغل خير شر مو قايل لك شي
مشاري : لااااا انا غرت
ملاك : انت قل بالنص انا البنت الوحيده طنشوني
ام سعود طنشتهم : يلا قدامي رووح لغرفتك ارتاح
مساعد : طيب طيب يالغاليه
راح لغرفته فضى المكان و بقى هو
جلس بسريره يتذكر اشياء كثيرة شافهم كلهم
بس كان ناقصه شخص واحد
كان يتمنى يتطمن عليها
تنهد تنهيده طوويلة اشتقت لك يا لمياء اشتقت لك
دق باب غرفته و عقد حواجبه : ادخل
مشاري : اقدر اجلس معك و الا بتسوي لي فيها تعبان
مساعد : هههههههه لا اجلس مشتاق لك مع وجهك
مشاري : ههههههههه تعلمني انا اكثر منك
ضحكوا و جلس كل واحد يقول للثاني عن الي صار له بالفترة هذي
و قال له مشاري عن سالفته مع لمياء
مساعد بصدمه : صدق انها مجنونه
مشاري : ما الومها كانت خايفه على بنت خالتها
بعدين سكت و قال : اشك انها كانت تبي تسألني عنك كانت مرتبكه
مساعد سرح في لمياء بعدين قال : لا يا مشاري هي مو مهتمه لو مهتمه كان سألتك
مشاري هز راسه : انا مدري الى متى هـ المكابرة
مساعد ابتسم بسخريه : مو مكابرة بس واقع انا توني انتبه له
ما ابي لمياء تعرف اي شي عن الي صار خلها تحسبني اختفيت بدون سبب احسن
تنهد مشاري اخوه عنيد عنيد و لا يقدر يغير الي براسه



في بيت ابو عادل ..
ام عادل : اوكي ..
الله يكتب الي فيه الخيره
لا بس لازم اقول للبنت
ههههه وش دعوه عاد
رنا الي كانت نازله و حاطه منشفة على راسها
جاها فهد و سحب المنشفه بقوة
رنا : ااااااااااااااااااااااااااااااااااااه
ام عادل لفت عليهم و طيرت عيونها : ههه لا بس تعرفين العيال ما فيه شي
اوكي خلاص نرد لكم ان شاء الله بأقرب فرصة
رنا لفت على فهد اول ما سكرت امها السماعه : بااااااااااااااايخ
فهد : هههههههههههههههه اللحين انا سويت شي
رنا : خوفتنيييييييييييييي
ام عادل : الحمدالله و الشكر الي يشوفكم ما يقول كبار
رنا : انا توني صغيره
ام عادل : اجل ليه مكلميني يخطبونك
رنا و فهد لفوا على امهم و طيروا عيونهم بقوة
رنا حمر وجهها بقوة يعني جوها رسمي
ام عادل ابتسمت : ما تبين تعرفين مين ؟
رنا : .....
عادل الي نازل و معه وسن بنت مها
و الثانيه تلاحقه امسكها زين لا سوي كذا عادل حرام عليك بنتي لا لا
عادل : لحوول يختي اقلقتيني كأني بسوي ببنتك شي
مها : اوف منك
فهد لف عليهم : اسكتوا جايين خطاطيب لـ رنا
رنا : .....
عادل ابتسم : صدددق اخيرا بتتزوجين و تخليني اشوف حياتي
ام عادل : كانها ماسكتك يعني
عادل : لا تفشليني عاد
مها : مين ماما ؟
ام عادل بابتسامه : فارس صديق عادل

الجزء الواحد و العشرون ،،


ببيت ابو محمد - الله يرحمه -
مي كانت ترتجف ما تدري الي تسويه صح او خطأ
بس هذا قرارها و هذا الي بترتاح له
تنفست للمرة المليون و طالعت نفسها بالمراية و غمضت
مرة خايفه بس خلاص ما عاد فيها لعب
و دق باب غرفتها
مي : ادخل
فيصل و هو يصفر : قمر قمر يا حظ ناصر
مي ابتسمت لاخوها : وش عنده مروق
فيصل : ههههههه ما فيني شي
مي تضحك : واااضح و الله جوجو تأثيرها قوي من يوم رجعت لها و انت تضحك
فيصل بخبث : حتى ناصر تأثيره قوي من يوم راح عنا هذاك اليوم و انتي متعدله نفسيتك
مي و حمر وجهها : لا و الله
فيصل : ههههههه المهم ترا الرجال تحت ينتظرك ما تبين تنزلين له
مي : الا الا هذاني بنزل بس انت لهيتني
نزلت مي و هي خايفه مرررة من المقابله
عند باب المجلس لف فيصل بيبعد
مي طارت عيونها : وين بتروووح
فيصل : الي داخل زوجك يعني انتي حلاله موب ماكلك
مي غمضت عيونها و تنفست بقوة بعدين دخلت
لف عيونه و شاف الي دخلت كان متنرفز و وده يقول صباح الخير
بس يوم شافها سكت ما عاد يدري وش يقول كانت محلوه مرة محلوه
آآآخ بس معقولة بتضيع مني معقولة بسمح لها ترفضني
و هز راسه يبعد الأفكار هذي عنه
ابتسم ناصر و قال : هلا و غلا
مي بابتسامه حلوة : هلا فيك
جلست قدامه و هي مرتبكه مرة كأنها اول مرة تشوفه
بس دايم يتهاوشون هـ المرة غير !!
ناصر قطع سكوتهم : كيفك ؟
مي : بخير و انت ؟
ناصر : الحمدالله بخير
و رجعوا سكتوا
مي تهز رجولها بعصبيه و هو يتأملها
بالأخير تكلم و قال : مي قررتي ؟
مي طالعته بعدين هزت راسها بـ ايه
ناصر يطالعها بـ ألم : أتمنى تقولين لي قرارك مي انا ما ابي اتعذب و انا واقف هنا قدامك انتظر كلمه
مي و وجهها محمر ما تدري وش تقول و عيونه عليها
بالأخير قالت : ناصر انا بديت و ما راح انهي شي
ناصر الي طير عيونه مو مصدق الي يسمعه معقولة معقولة مي تبيه
مي حمر وجهها من نظراته : انت مو سيء مثل ما كنت احسبك انت صححت غلطك
ناصر بضحكه شقت وجهه : و ربي و ربي مي لا أخليك بعيوني


نروح عند رنا ..
لمياء : اممم البسي هذا حلو
رنا : اووف احس بطني يوجعنييي
لمياء : هههههههه ايه كأنه اول مرة يشوفك يعني
رنا : ماااااااااااااااالت
لمياء : ههههههههه
بعدين سكتت و كملت : الا رنا صدق ما قلتي لي كيف تقبلت ريم انك رفضتي اخوها ؟
رنا : ما ردت علي و لا اتصلت و لا شييي
لمياء : غريبة
رنا : اكيد بتاخذ بخاطرها بس انا سعادتي مو مع رياض
ابتسمت لمياء : اخيراً فهمتي
رنا و هي لابسه و كاشخه هز راسها
لمياء : الله طالعه تجننيييين
رنا : صدق حلو ؟
لمياء : يس يس
رنا : تتوقعين اعجبه ؟
لمياء : ههههههههه انتي معجبته بخلاقينك ما تبينه يعجب فيك و انتي كاشخه صدق ما عندك سالفة
رنا حمر وجهها : لا يكثر
لمياء : هههههههه جاء عادل جاء اسمع صوت رجوله
رنا : ماشاءالله و لا زوجته يا شيخه تعرفين صوت رجوله
لمياء : ههههههه خبره خبره
دق الباب و قالت له رنا يدخل
رنا اول ما شافت عادل ماتت ضحك
و لمياء نفس الشي
عادل الي مستغرب : خير فيه شي يضحك ؟
لمياء : ههههههههههه و الله اني حركه
رنا : هههههههه الله يرجك صدق صدفه
عادل : وش السالفة ؟
رنا : ههههه هذي الله يسلمك لمياء تسمع صوت احد بيجي و تقول لي هذا صوت رجول عادل ههههههه
عادل الي طالع لمياء ببراءة : يا الله لهالدرجه تحبيني ؟
لمياء و هي ماشيه بالخط و ببراءة اشد : اكيد اموت فيك بعد
رنا : هههههههههههههههه روحوا تكفون
عادل : ايييه من قدها فارس صديق عادل خطبها
لمياء تطالعه بطرف عين : واثق من نفسك لازم ترز نفسك بكل محل
عادل و هو يحتقرها : أنا الكل يحبني مو مثلك يا حسره
لمياء : وااااضح اصلا صديقك لو ان اختك مو بنت عمي انا و صديقتي الروح بالروح كان ما فكر يخطبها
رنا الي استوعبت انهم يتكلمون عنها : انت و اياها لا يكثر و اطلعوا
قال ايش قال علشاني بنت عمها و الثاني علشانه صديقه روحوا تكفووووووون
عادل : ههههههههههه لا تعصبين خلي فارس يشوفك مروقة
لمياء تغمز : ايه حبيب القلب انتبهي لا تطيحين قدامه اوكي
رنا حمر وجهها : مااااااالت انت و اياها
عادل : يلا بس ننزل
نزل عادل مع رنا و هي مرة خايفه
يا رب يكون قراري صح يااا رب
دخلت و فيه بالمجلس ابوها راحت و جلست بأقرب كرسي عنده
و عادل و ابوها فيهم الضحكه و حابسينها واضح انها ميته حوف
اما فارس الي من اول ما دخلت مو قادر يشوفها زين
بس انتبه للطاولة الي بالنص كانت عاكسه وجهها و ابتسم
جلس يطالعها براحته هي يوم انتبهت شهقت
عادل لف عليها : رنا فيك شي
رنا و وجهها حمر بصوت واطي : لا لا
فارس الي ابتسم عارف ليه شهقت رحمها و قال : خلاص عمي
ابو عادل : اكيد خلصت
فارس : ايه
رنا حتى قبل ابوها ما يكمل كلامه طلعت
عادل يوم طلعت انفجر ضحك و ابو محمد ابتسم
اما فارس كان رايح فيها خق معها و ليه مستغرب هو خاق من قبل
لف ابو عادل عليه : اجل خلاص يا ولدي تبي او ما تبي انت ولدنا
فارس : لا لا يا عمي انا شاريكم و اقولها اليوم و بكره و بعده بعد
عادل : اخس صاير يدرس كلام رجال من وراي
ابو عادل : ايه تحسبه صايع مثلك
فارس : هههههههههههههههههههه
عادل : ايه اضحك انا اوريك ان ما لعبت بعقل اختي
فارس كان مستحي من ابو عادل بس قال بصوت واطي : نشوف

نروح عند رنا الي طلعت فوق و صدرها ينزل و يطلع من الخوف
لمياء : هاااااااا وش صاااار
رنا : ابعدي عني يا ربييي استحييييييييت
لمياء : وش هببتي شكلك سويتي شي هههههههههههه
رنا : يا ربي لمياء تخيلي قليل الادب من اليوم اقول ما شاء الله ما رفع عينه يناظرني
بالأخير اكتشفت ان صورتي منعكسه ع الطاولة الي بالنص و من اليوم هو يشوفها
لمياء : هههههههههههههههههه ذكي و الله
رنا : لا و انا الخبله يوم اكتشفت شهقت بقوة
لمياء : قوووووووية هههههههههههههههههههه
رنا : اووف انحرجت مررررة يا ربيييي
لمياء : صدق من قال خبله هههههههههه


ببيت ابو سعود ..
مساعد : بالله وش بتسوي اللحين ؟
مشاري : وش بسوي يعني بروح لاخوها و اوريه اخته الاخلاق
مساعد : ههههههههه من قلب طالعه الاخلاق
مشاري : و الله رافعة لي ضغطي الي ما تستحي لا و بتضيع بنت الناس معها بعد
و الله رندا ما تستاهل حرااااام البنت على نياتها
مساعد جلس يناظر اخوه بخبث و قال : اهـاا قلت لي على نياتها و لا تستاهل
مشاري : لا يكثر اقول
مساعد : هههههههههههههه اجل كل هذا علشان رندا
مشاري عطاه نظرة و قال : ع الأقل انا ما راح اكابر على نفسي و على غيري
و بقول ان البنت عاجبتني و لا ابي لها الشر بالعكس اتمناها لي لو يحصل
مساعد ضيع الموضوع : ايه متى تبي تروح لاخو منال هذي ؟
مشاري تنهد اخوه ما يحب يتكلم بهالسالفة ابد : اللحين تجي معي ؟
مساعد : يلا و انا بسوق تكفى مشتاااق اسوق سيارة
مشاري : الحمدالله و الشكر مشتاق تسوق و حنا طفشانين من السواقه
مساعد : بلاك ما حسيت تعيش و انت مو مع العالم
مشاري ابتسم لاخوه : المهم انك رجعت لنا اللحين
مساعد : يلا طيب خل نروح و يكفي حكي
مشاري : ههههههههه طيب


في بيت راكان ( اخو منال ) ..
راكان : بسرعه هاتوا الشاهي و القهوه
منال بطفش : وش ذا الاهتمام مين الي عندنا يعني
راكان : هذا خطيبك و اخوه
منال الي خافت وش يبي مشاري جايهم اول مرة يسويها معقولة بيقول لاخوها : طيب بقول للخدامه تسويهم
راكان رجع للرجال
مشاري : راكان بدون مقدمات انا جايك اقول لك خلاص عافت النفس من اختك
راكان باستنكار : نعمممم و الزواج لعبه عندك انت
مشاري بعصبيه : من الي لعبة عنده انا و الا انت الي عارض اختك
راكان باستهزاء : الظاهر انك نسيت
مشاري جاء بيصرخ عليه بس مساعد مسكه و تكلم : اسمع اخوي اللحين ما عاد فيه شي بيننا و بينك
و انت تنازلت و خلصنا و اختك ما تشرفنا حنا عائلة لنا سمعتنا و لا نبي هـ السمعه تتلوث لأي سبب
راكان بعصبيه و منقهر من كلام مساعد و بروده : انت لا تتكلم عن اختي كذا
مساعد بهدوء اكثر : صدق ؟ البنت بغت تضيع وحده مالها ذنب بسوالف شباب
اختك الي تتكلم عنها مواعدة شباب و اخوي شافها ما سوا لها شي من احترامه لك
اكثر شي سواه انه علمها من تكون و شاف وجهها مع اثنين مو واحد اثنين
راكان كان منصدم معقولة منال تسويها بس حاول يخفي صدمته و قال : حرام تتكلم عن عروض الناس
مساعد و هو معقد حواجبه : و حرام تبلي الناس باختك و الله و هذاني حلفت لك لو ما تبعدها عن اخوي
لا افضح اختك بكل مكان و لا تقول ان عندي ضمير
لا صدقني بنسى ضميري بهالسالفة و لا هميتني لا انت و لا اختك
راكان بصدمه من كلام مساعد من وين طلع له هذا مشاري كان يسكت هذا يهدد
و من القهر رص على اسنانه و قال : طيب يصير خير
مشاري كان مصدوم من اخوه بحياته ما شاف قوة مساعد كذا
مساعد بثقه : خلاص الخطبه انلغت و ابتسم مشكور اخوي
راكان بقهر : ما ضيفناكم
مساعد بخبث : مرة ثانيه
راكان انقهر منه : اوكي الله يحفظكم
مشاري كان ساكت عجز يتكلم هذا طردهم باسلووب
مساعد : يلا مشاري خل نروح
بعدين لف على راكان و قال : شكراً على ضيافتك الحلوة و لا يحتاج توصلنا للباب
راكان تجمد بمكانه و لا قدر يرد عليه
طلعوا مشاري و مساعد مجرد ما ركبوا السيارة
مشاري : انت موب صاحي مجنون و تقول لمياء مجنونه بعد
و الله طحتوا على بعض مهبول و مهبوله
مساعد مات ضحك على اخوه : وش فيك انت
مشاري : يعني بالله بتسويها و تنشر صور لاخته
مساعد : ههههههههههههههههه خله يحس شوي رفع ضغطي
و هـ الأشكال ما ينفع معها التفاهم و الأدب
مشاري : مجنون و الله مجنون بس احسن فكيتنيييي
مساعد بابتسامه ملت وجهه : ايه اللحين افضى لـ رندا
مشاري ابتسم و قال بسرحان : اييه بتفرغ لها

عند منال الي كانت تقلب بالتلفزيون
كانت خايفه وش صار وش قال مشاري
دخل راكان عليها و هو معصب : يالزفته يالحمارة انتي سودتي وجهي
انا الي جايب لك رجال ما تحلمين فيه
و يروح لها و يمسكها ضرب و هي تصيح
: اتركني اترررركني اي شتسوي انت
راكان : هذا اقل من جزاتك طلعة من اليوم ما فيه
و رص على اسنانه و كمل : و الله لو تسوين اي شي مو خير لك
اجل مع شباب يالحقيرة صدق انك ما تربيتي
منال جلست تصيح و امها مصدومه
و هذا كان الحال ببيت منال


نرجع لـ بيت ابو محمد - الله يرحمه -
جوري : وحلي عنيييييي
رندا : من زينك يعني الي اردى منك الي يبي يزين شوشتك الطايرة
جوري : اثلاً انتي يع و لا تعلفين تثوين ثي كله تعوليني
رندا : مااااااالت حشا على مين طالعه انتي و هـ اللسان
ساره : يختي ما راحت بعيد عنك بعدين قولي ما شاء الله لا تحسدين بنتي
رندا : ما شاء الله ما شاء الله بس فكوني
مي : ههههههه انتي الي تبرعتي
رندا : تووووووبه خلاص ما اعيدها و الله
الجوري مبوزة : اثلاً من ذينك
رندا : يا ربي على هالبزر
مي : ههههههه جوري حبيبتي تعالي لي
راحت جوري تركض عند مي و جلست بحضنها
رندا : آآآآآآخ يالقهر اللحين انا الي الاحقك من اليوم و مي من كلمه جابتك مااااااااالت
مي : الناس مقامات هههههههههههه
ساره : شوفيها بتنفجر هههههههه
محمد الي توه داخل : وش عندكم ميتين ضحك
مي : ههههههههه كالعاده بنتك و رندا
محمد : ههههههه بنتي نقول صغيره بس رندا
رندا : مالت عليك انت و بنتك و زوجتك بالمرة
ساره : شذنبي انا
رندا : انتي البلا كله
محمد : هيييه لا تتكلمين عن زوجتي كذا
رندا : رووح عني تكفى
مي : ههههههههه و تقولين على مين طالعه الجوري
ساره : هههههههههه من جد
: احم يا ولد بعد للخمسه و ادخل واااااااحد
مي : هذا فيصل تغطي ترا يسويها و يدخل هههههههه
تغطت ساره و هي تضحك
رندا : خلاص ادخل بعد انت الثاني
فيصل الي دخل و هو مستانس : وش عندكم
رندا : كل الخير قبل شوفتك
فيصل : من زينك اصلا
بعدين دار بعيونه ع الصاله و قال : وين امي ؟
مي : توها رايحه تصلي بغرفتها
فيصل : و انتم ما تبون تصلون
رندا : لا تحرجنااااااا
محمد : ههههههههههه لا تحرجنا و انتي قلتي هالكلمه مدري وين الاحراج معه بس
مي : ههههههه ما تستحي
تفرقوا و بقى ساره و مي
ساره : ها بشري وش الاخبار
مي ابتسمت : يووه سااره ما توقعت ناصر كذا ابددد
ساره : هههههههه اجل تعدل
مي و وجهها محمر : ايه كثيررر
ساره : الله يوفقكم يا رب

بنفس البيت عند رندا الي طلعت غرفتها
فتحت الماسنجر و نط لها مشاري
مشاري : اهليييييييييييييييييين
رندا : وش عنده مبسوط
مشاري : هههههههههه كيفي مزاااجي
رندا : لحوول يا حلوك يوم كنت متضايق
مشاري : مالت عليك يالشينه
رندا : الا صددددق مشاري
مشاري : امممم
رندا : بالله عليك وش كان شعورك يوم كلمتك لمياء هذاك اليوم
مشاري : هههههههههه بنت خالتك هذي خبله مع احتراماتي
رندا : هههههه ليه ؟
مشاري : و الله يا هي هبلت فيني طارت عيوني من هذي
رندا : فديتها بنت خالتوو خايفه علي
مشاري : هههههههههه الله يخليها لك
رندا : آميييييييييييين
مشاري ابتسم و هو يتذكر وجه رندا الخايف و ما انتبه الا على اشارة تنبيه
مشاري : ازعاااااااااج
رندا : اذكرك اني هنا
مشاري : و تتوقعين نسيت مثلا
رندا استحت من كلمته بس ما علقت كأنها ما شافتها : مالت عليك وين رحت
مشاري يضحك عليها تضيع الموضوع بس قال : و لا شي كنت اتذكر
الا صدق رندا اشكري لي لمياء كثيررررررر
رندا : ليه ؟
مشاري : فكتني من هـ الزواج
رندا : و انت بزر علشان لمياء تفكك
مشاري : ههههههه لا تتكلمين عن شي ما تعرفينه
رندا : انت صاير عندك خرابيط كثيرة
مشاري : روحي تكفين
المهم انا بطلع اللحين تبين شي
رندا : سلامتك
مشاري : يلا باي
رندا : باي


ببيت ابو سعود ..
مساعد : وش عندك سكرت النت يوم جيت
مشاري : ههههههه مشتاق لك
مساعد : ايييه هين
مشاري : و الله منت كفو
مساعد : هههههههههه الا اقول لك بروح لـ ياسر تجي معي ؟
مشاري : اكيييييييييد من زمان عن هـ الجلسات
مساعد : ههههه انا قلت اكيد بتجي
مشاري : ثواني بس البس و اجيك
و كلها خمس دقايق الا الاثنين طالعين لـ بيت ياسر


بعد كم اسبوع و ببداية اجازة الربيع ..
لمياء : اخيرا اوووووووف
رنا : هههههه بس تدرين انتي بطله هههههه
لمياء : ليه ؟
رنا : نجحتي و بتفوق و انتي تقولين لنا مو ناجحه ما حليت اهئ اهئ
لمياء : مالت عليك بس
رنا ضحكت بعدين قالت : الا تدرين خلاص عمتي بتجي بكره و بنطلع المخيم
لمياء بوناسة : اماااااااااااااااانه
رنا : اييه اليوم بابا يقوله و شوفي عادل متشقق هههههههه
لمياء : ههههههههه اكيد حبيبة القلب هناك
بعدين ضحكت و كملت : و حبيب قلب بعض الناس بعد مو جاي
رنا : مالت عليك
لمياء : هههههههههههههههههههه
رنا : عاد تدرين ما ودي نكون حنا لحالنا ليت بنات خالتك و خالك يجون
لمياء : يا لييييييت اتوقع امي تقول لهم
رنا : و الله بتكون جمعة بنات و وناسة
لمياء : ايييه انا احس كذا
رنا : خل ننزل نشوف الخلق كلهم تحت الا حنا
لمياء : ههههه من الفرحه بالاجازة
رنا : يلا بس قدامي ننزل
نزلوا الثنتين و الكل تحت
ام خالد : كان ما نزلتوا احسن
رنا : هههههه خالتي اخذتنا السوالف
مها : ما شاء الله انتم دايم تاخذكم السوالف
لمياء : يا الله انتي مشكلة الغيرانيييييييييين
ام عادل : هههههه ما عليكم منهم بس اجلسوا
جلسوا و مع السوالف و الضحك
لمياء : الا ماما ما راح تقولين لخالتي و خالي يجون ؟
ام عادل : الا انا قلت لها و كلمناهم و خلاص اتفقنا
رنا : وااااو وناسة
العنود : ههههههه ما تسوى عليك كل هالفرحه
رنا : لا تلوميني ابي جمعه بنات و وناسة
مها : بتتزوجين و للحين تفكيرك مراهق
رنا : اقوووول لا يكثر
لمياء : ههههههههه احرجتيها
العنود : عادي عادي انا اذكر اول يتلون وجهي ان جابوا الطاري
لمياء : جتنا الي متزوجه لها مية سنه ههههههههههه
العنود : ههههههه عاجبتك السالفة انتي
مها : لا لا الا اخت زوجي
لمياء : يا عيني بتقلبون علي اللحين
رنا : ههههههه انتي و عادل مو احسن منا
لمياء : يووه صدق فقدته
ام عادل : خل نزوجك اياه و لاتفقدينه
لمياء بخوف : لا ان شاء الله حرام عليك يا خاله تتفاولين علي
ام عادل : و انتي تحصلين ولدي اصلا
ام خالد : شوفوا الي ما تستحي
لمياء و تسوي نفسها بتبكي : حرام عليكم ليه تبون عذابي انتم
العنود : هههههههه ما تسوى عليك
لمياء لفت عليها و قالت : انتي حافظة هالكلمه اليوم
رنا : ما فيه فايده فيها هههههههههههههه
ام خالد قطعت كلامهم و قالت : الا ما كلمتي عيال اخوك تقولين لهم ام عادل ؟
ام عادل : الا بس ما قالوا لي بيجون او لا
رنا و لمياء طالعوا بعض بنظرات و سكتوا


نروح لـ بيت ابو رياض ..
ريم : ما ابي اروووووووح
ديم : وش سالفتك انتي
ريم : مزاج ما ابي اووووف
ديم : لا و الله و عساك بتجلسين لحالك بالبيت
ريم رياض اكيد مو رايح
ديم : لا يا حبيبة امك رياض قال لامي انا بوصلكم لو تبون
ريم لفت مستغربه : امانه
ديم : ليه بكذب عليك
ريم : اووووف و الله شي يطفش
دق باب الغرفه
ديم : ادخل
رياض : وش هالصراخ وش سالفتكم ؟
ديم : اختك ما تبي تروح المخيم
رياض ناظر اخته بعدين قال : ديم ممكن تخلينا لحالنا شوي
ديم : بخليكم لانها طفشتني اقنعها انت تتعدل
طلعت عنهم و لف رياض على ريم : اللحين انتي زعلانه لانها انخطبت لصديقة عادل ور فضتني
ريم : ايييييه بعدين هي تحبك
بعدين كملت بسخريه و الا كانت تمثل
رياض ابتسم لاخته بعدين قال : لا تلومينها ريم البنت مالها ذنب و السالفة هذي نصيب
ريم : يا طيبة قلبك يا اخوي رفضتك و تقول مالها ذنب
رياض بألم : من قال لك انها طيبة قلب
بعدين مط شفايفه و كمل : ريم لا تحطين الغلط على رنا انا كنت متوقع ترفضني
انا اذيتها كثير و لا احد يعرف بهالشي غيري و غيرها الا لو كانت قايلة لاحد هي الله و اعلم
بس انا غلطت غلط انا نفسي بستغرب لو رضت بعده
صدقيني اخوك الي ينلام مو هي انا الغلطان من زماااان غلطت ريم علشان تتأكدين بس
بقول لك جزء من غلطي
ريم و هي مستغربه كلام اخوها : قل لي ؟
رياض : انا رجعت من امريكا و انا ناسي رنا نهائي
و لا تذكرتها الا بعد فترة مو سهله هذا الشي ما يزعل
ريم نزلت راسها بعدين قالت : الا
رياض : خلاص اجل لا تحطين اللوم عليها بعدين كمل بحزن انا غلطت غلطت كثير بحقها
و هي تستاهل الي يريحها و الله اني بعد قرارها هذا احترمتها اكثر من قبل
ريم رحمت اخوها بس صدق حست بصوته انه ندمان على شي سواه و شكله مو هين
بس ما حبت تزودها عليه و تصر تعرفه خله بينهم احسن
تنهد رياض و طالعها : بتروحين اللحين و الا كيف
ريم ابتسمت : الا بروح و بنبسط بعد
رياض ابتسم : هذي اختي الي اعرفها


في اليوم الثاني ..
شذى : و الله وحشتوووووووووني
رنا : وحشناك حنا و الا هههههههههههههه
لمياء : شكله و الا هههههههههه
شذى : ماااااالت انا اللحين مشتاقة لكم و انتم اكلتوني
لمياء : شنسوي لك يختي ههههههه نقول الحق ههههههههه
شذى : مالت عليك انتي و حقك
رنا : يووه وين اخوي يشوف هـ اللسان ههههههههههههههه
شذى : اووف انتي و الله يبيلي اسجلك و انتي تتكلمين و تستهبلين و اسمعه فاااارس
لمياء : ايييييه عاد صديق عادل هههههههههههههههههه
شذى : لميوووووووووووه
لمياء : ههههههههههههههههههههههههههههههههههه
مها دخلت عليهم : شفيكم تتهاوشون مسرع
شذى : أدبيهم مهاووووووي
مها : ههههه وش مسوين لك بس
شذى حمر وجهها و سكتت
هنا كلهم ماتوا ضحك عليها
شذى : بغيتك عون صرت فرعون
مها : ههههههه وش اسوي لك انتي كشفتي عمرك هههههههههه
شذى : ههههههه شسوي يوم اني حيااوية مو مثل بعض الناس
و كانت تأشر على لمياء و رنا
مها : شوفي انا معك ان لمياء ما تستحي بس رنا لا لا تخافين طلع فيها خير و استحت من فارس
شذى : زين زين هههههههههههههه
لمياء : طايحه من عيونكم انا
مها : شنسوي يختي الحقيقه
رنا : الحقيقه مرة
شذى : ايوا ايوااااا
لمياء : خير وش عندكم ؟
شذى : نوسع صدورنا ههههههههه
لمياء : مالت بس توسعونها على حسابي
شذى : لا يا شيخه و انتي تو وش تسوين فيني
لمياء ببراءة : انااااااااااا هذي رنا الي مستلمتك
رنا : شوفوا البنت تبلت علي
مها : ههههههههههههههه و ربي مجانين
جلسوا بعدها البنات يخططون لطلعة المخيم بكره


في بيت ابو محمد - الله يرحمه -
مي : صددق وناااااااسة
رندا : من جدد نبي نغير جو ملينااااااااااا
فيصل : ههههههههه يا الله كل هذا طفش
رندا : بلاك ما حسيت
فيصل : ههههههههه مخلي الاحساس لك يا ام الاحساس انتي
رندا : روح عني تكفى
اقوول انا بروح اكلم لمياء اشوف وش تخطيطها
فيصل : ما دمتي بتكلمين لمياء عز الله فلحنا اجل
رندا طنشته و راحت تكلم
مي : ههههههههههه فشلتك
فيصل : عادي ما فيه غيري و غيرك ههههههههه
مي : الا اخبار جوجو
فيصل و هو يبتسم لاخته : مبسوووط مي مبسووط بشكل ما تتخيلينه
بس خليها تخلص السنه هذي على خير و طيران لبيت اهلها اخطبها
مي : هههههههههه اخطبها اللحين عادي
فيصل : لا لا خليها هدية تخرجها ههههههههه
مي : يا واااااااااااثق
فيصل : يحق لي
دق جواله و رد وه و يضحك : ذكرنا القط جاء ينط
الجوهره : يا عيني يعني انا قط
فيصل : ههههههههه وش دعوه بس تو نسولف فيك انا و مي
مي ماتت ضحك على اخوها و دعت ربها يوفقه
و راح هو عنها و جلس يكلم الجوهره


من بكره الكل كان متحمس للطلعه و يتجهزون لها ..
لمياء : يا ربيي متى بنمشي
رنا : هههههه توها طالعه الشمس
لمياء : ابي ارووووووووح
شذى : خبري فيك ما تحبين البر و الاشياء هذي وش غيرك
لمياء : الطفششششششش
رنا : مسرع طفشتي المشكلة حتى الاجازة كلها ما تسوى اسبوع
لمياء : و لو طفشانه من قبل المهم وينهم اووووف
شذى : ههههههه هالبنت دوم محروقة بصلتها
رنا : هههههههه شفتي كيف
لمياء طنشتهم و جلست تستعجل بالخلق يمشون
و أخيراً تكرموا الرجال و قالوا يلا
لمياء ركبت السيارة و هي تتأفف : بدرررررررررري
عادل : لحووووووووول انزلي انزلي
لمياء : موب نازله عندك مانع
عادل : انا مو ماشي و انتي معي
لمياء : عمرك ما نزلت
شذى كانت مستحيه و ساكته
و رنا ميته ضحك
عادل الي توه ينتبه لشذى : احم احم هالمرة بسمح لك لمياء علشان خاطر ناااااااس
شذى قلب وجهها اكثر و نزلت راسها من الحيا
لمياء : اييييييه علشان خاطر ناس اجل ههههههههههههههههههههههههههههههههه
شذى جنبها و طقت رجلها و تقول بصوت واطي : خلاص لميووووه
لمياء : ههههههههههههههههههههههههههههههه
و عادل مبسوط بين فترة و فترة يشوفها من المراية
و لمياء تعلق عليهم و تخرب الجو
وصلوا و راحوا الحريم لخيمتهم و الرجال لخيمتهم
و كل واحد جلس يضبط اغراضه
و ما جاء العصر الا الكل مجتمع
ريم الي كانت جالسة جنب رنا : مبروك رنو
رنا باحراج : الله يبارك فيك
ريم بابتسامه : رنو خلاص ما عليك انسي الكلام الي قلته لك و لا كأني قلته
و رياض مني يقول لك مبروك و الله يوفقك
رنا باحراج زياده : الله يبارك فيه
ريم ابتسمت و سكتت واضح ان رنا متفشله منها


في الليل كانوا البنات طفشانات ..
لمياء : ابي اسووي شي جديددددد
رنا : انتي طول عمرك تبين تسوين شي جديددد تذكرين ايام لندن
لمياء : هههههههههههه لا ما اذكر
رنا : هييييييين اقطع يدي
مي : هههههههه لا تتهاوشون و اصبروا خل نشوف هالشي الجديد الي تبي تسويه الاخت لمياء
لمياء عقدت حواجبها : مدري بس ابي اسوي شي مجنوووون
رندا : و انا معك
رنا : لحول وش جمعهم مع بعض هذولي
مي : انا داريه
ربا الي اعجبتها السالفة : و الله موب شينه انتم خططوا و انا معكم
شهد : كملت ههههههههههههه
مي : من جدددددد كملت
ريم : ههههههه اجل انتم تصلحون للأخت ديم
ديم : لا لو سمحتي انا استهبل بس ما ابي اشياء مجنونه
لمياء : ليه عادي وناسة ههههههههههههه
رنا : عندك انتي وناسة لا تخربين بس بنت خالي
لمياء : هههههههه مو مخربها احد غيرك
شهد : هدوا هدوا هههههههه
مي : الا صدق شهد متى بترجع رغد ؟
ربا : شكل السالفة عاجبتهم ههههههههههه
رندا : هههههههههههه حرام عليك
شهد ضحكت على هبال اختها بعدين قالت : اممم على كلامها باقي لهم اسبوعين تعرفين لما خلص شهر العسل طلبوه
و تورط المسكين و لا يقدر يقول لا هههههههههههههه
لمياء ضحكت : خليها من قالها تاخذ دكتور
مي : حرام عليك
رندا : ايييه حرام عليك اجل وش خليتي لنصورك
مي : لو سمحتي خلي نصوووري بحاله
لمياء : عشنا و شفنا و سمعناك تقولين نصووووري
رنا : هههههههههه انا بعد بقول فرووووووسي
مي : لا لا ما يصلح لازم تتملكين اول ههههههههههه
لمياء : حلوة حلوة ههههههههههه
شذى و مها و العنود توهم داخلين للخيمه
شذى : اصواتكم طالعه لبرا وش هالضحك ضحكونييي
لمياء : اسفين ما نعيد كلامنا
شذى : تكفين عاد انا الي ميته على كلامك
رنا : هههههه و الله شدوو صرتي تعرفين تردين هههههه
شذى : شفتي كيف تعلمت من الاخت هذي ههههه
لمياء : انا ابي افهم شفيكم علي
رندا : ما عليك منهم عذااااااااااااااااااال
العنود : صح صح عذال
لمياء : زييين زوجة اخوي بصفي
مها : تنرحم ما صدقت تصيرين بصفها عنود ههههههه
العنود : انا رحمتها هههههههههههههه
لمياء : مالت عليكم بس
شذى : اووف ما فيه مويه هنا
لمياء : لا المويه بالخيمه الثانيه
شذى : اووف بروح اجيب لي من يجي معي
لمياء قامت : انا بقوم معك اوجعتني رجلي و انا جالسه
رندا : الا و الله مو قادرة تتحملين الجلسه ههههههههه
لمياء : حتى انتي قلبتي علي و الله حاله
شهد : هههههههههه كأني رحمتك
مها : لا لا هذي ما تنرحم
لمياء طنشتهم و قالت لـ شذى : يلا خل نروح
طلعوا الثنتين
شذى : اووف ظلام مررررة
لمياء : شدو لا يكثر بلا خوووف
شذى : يختي غصب و الله الظلام يخوف
لمياء : ما عليك حنا ثنتين يعني وش بيصير
شذى : مدري
شوي الا سمعوا اصوات
شذى و خنقتها العبره : انا قايلة لك خايفه
لمياء و كأنها خافت : لا اكيد احد يلعب
شذى : يلعب هـ الوقت ؟
لمياء : مدررري
و ما امداهم راحوا الخيمه و اخذوا مويه و هم راجعين لخيمتهم الي بينامون فيها
فجآه طلع قدامهم واحد
: بوووووووووووووووووووووووووو
شذى : يا ماميييييييييييييييييييييييييييييي
لمياء الي تنحت يوم شافت الي مهبل فيهم بعدين ضحكت
و قالت : شكلك ما تعرف ان شذى الخوافه معي
عادل الي انهبل يوم سمع صوت صراخ شذى : آآآآسف و الله ما قصدت ع بالي لمياء و رنا
شذى قلب وجهها من صرختها الي تو و سكتت
لمياء : عشنا و شفنا عدوووووووول يتأسف
عادل : عدول بعينك
لمياء غمزت : مو مني من غيرررررررري
عادل و هو رايح قال : من غيرك فداه عدووول كله بس منك لا
شذى تسمع كلامهم و عارفه انه يقصدها و احت فيها من الحيا
لمياء : ههههههههه احلى موقف
شذى : اسكتييي بغيت اموت من الخوف و الحيا
بس خل نروح لخيمتنا
لمياء : هههههههههههه طيب
رنا : وش فيكم تأخرتوا الي يقول ان الخيمه بآخر الدنيا
جت لمياء بتتكلم بس قالت شذى بسرعه : ما نبيكم يختي غصب
مي : اووف بالوجه ما عندها
شهد : ابد خليك كذا ما ينفع معهم هذولي الا القوة هههههههههه
ديم : زين علمتوني علشان ما اتورط و اسوي مستحيه
رنا : اللحين كل هذا و مستحيه بعد
ريم : الله يرحمنا لو ما استحت وش كانت بتسوي
لمياء : ايييييه اخيراً لقيتوا احد غيري تقولون له هـ الحكي
ديم طالعت لمياء : يعني انتي عندك نفس معاناتي لمـوو
لمياء : لا و اشد مدري ليه مو ماليه عيونهم
مها : يختي نحاول بس عجزنا
العنود : الا مها ما كأنك تركتي بنتك عند امك و خلاص
مها : اوف مالي خلقها يختي
مي : حرام عليك اللحين تصحيهم ههههه
مها : خليهم يتحملونها هم الي يبونها هههههههه
رندا : مجرمه
لمياء : توك تدرين هذي مدري كيف بتربي البنت
رنا : يا عمري يا وسن
مها : بسم الله علي خليتوني وحش رحمت بنتي
مي : ما عليك منهم مجانين هذولي
و كملوها بضحك و سوالف الى ما ناموا

نروح لـ عند الرجال ..
كان عادل منحرج بعد الحركه الي صارت مع شذى
عبدالله : وش عنده سرحان الاخو
فهد : مدري وش وراه مصيبة اكيد ههههههههههههه
عادل لف عليهم : تكلموني ؟
عبدالله : لا لا مو معنا ابددددددددد
خالد : هههههههههه الي ماخذ عقلك
عادل : مالت عليكم اقول لا يكثر انت و اياه لا افقع وجيهكم
خالد : اوووووووووف يالقوي
عادل و هو ينفخ عمره : وش تحسب انت
جلسوا يضحكون عليه
و بالجهه الثانيه كان سعد يسولف مع رياض عن الشغل و الاشياء هذي
خالد : الا صدق عادل بيجي فارس بكره و الا لا ؟
رياض يوم سمع اسم فارس انقهر بس مسك اعصابه
عادل : الا بيجي هو و عمر
فهد : غريبة وش بيجبه عمر
عادل : صاروا ماخذين مخيم جنبنا و قلت له يجي لنا بكره استحيت منه
سعد و هو يضحك : لا و الله ولد خالي رجال
عادل : وش تحسب انت
فيصل : و بيجي بندر بعد و الا لا ؟
عادل : الا اكيد بيجي
فيصل : حلو و الله اجل بكره وناسة من جد
رياض كان ساكت و مسرح بيشوف الي اخذ رنا منه
شعور صعب الي يحس فيه بس هو الي غلط من اول هو الي ضيعها
تنهد بعدين قال : انا بنام ما راح تنامون
خالد : الا و الله بيصحون الشياب من الصبح و يقومونا عاد
و راح الكل ينامون ..