السلام عليكم غيوم الشوق
اسفة عن جد لتغيبي عن صفحات قصتك وكوني على ثقة ضيق الوقت هو ما حال بيني وبينها
لاتكلم بصورة عامة
اكثر شي لفت انتباهي طريقة معالجتك لوضع نوت وكيف استطعتي وضعها في طريق هيف حتى اخر لحظة وأنا اعتقد ان من سوف يتزوجها هو العم سالم الى أن فوجئت بزواجها من هيف هنا بالذات ابدعتي في وصف صراع هيف الداخلي بين قبوله للنخوة وبين احساسه بأنه قد اجبر على عمل شيء لايفعله المغفلون فمن يرضى بأن يتزوج فتاة مجنونة لا اصل لها وهو الدكتور ابن العائلة المعادلة صعبة ولكنه الالتزام بالكلمة وقبول النخوة
لا أدري الى ماذا ترمين من وراء ذالك هل تريدين حماية نوت ام تردين كشف سرها لهيف ام تردين ان يعرف هيف من هي نوت الكثير من التوقعات يحمل هذا الحدث وخيوطها جميعا بيدك وتحت سيطرت قلمك ونحن ننتظرك
هيف وصناديق مغلقة
في الصناديق يكمن الغز وابدعتي في تأجيل فتحه لان عند فتحها ممكن تفتح امام هيف الكثير من الاسئلة التي لايعرف لها جواب ولكن بمرور الوقت وبوجود نوت معه ربما يستطيع ربط الامور مع بعضها ويكتشف ماتحوي الصناديق بأقل عناء >>ممكن
سلطان وماثيل
هل تعرفين عندما تثق المراءة بحب الرجل تجديها لاتبالي به كثيرا فهي ضامنة هذا الحب ولكن عندما تجده قد ابتعد تبدأ خيوط الندم تحاك حولها لتعلن ندمها القوي الذي لافائدة ترجى منه احيانا
واحيانا اخرى تستطيع اصلاح ما افسدت ولكن بخسارة طبعا هل تعرفين ماهي خسارتها سوف لن يعود زوجها ذالك المحب الذي يغدقها بكلامه الجميل ولكن الحب موجود ولكن بحدود !!!!!!!!!
للاسف الشديد هناك الكثير من لديهن نفس الفكرة ولكن هنا أنا اسأل لمن تدخرين الحب وهل هناك امل ان تحبي شخص اخر غير زوجك وهل هناك امل في عيش حياة اخرى ممكن ان تجدي فيها من يستحق الحب غير شريك حياتك >>ربما !!!!!!!!!!!!!!
العم سالم وحالته
ياله من رجل شهم هل تعرفين غيوم في مجتمعاتنا يوجد من هم على شاكلته تجدينهم يرفضون الزواج
دون اسباب تذكر هناك من يجرحهم بالسوأل والاستفسار عن سبب عدم زواجهم في حين هم يحملون بين
ضلوعهم جرحا نازفا العمر كله ولا دواء له اعانهم الله
بدر ونوف
بصراحة علاقة رائعة رسمتها بشكل جيد جدا اعجبتني وجهة نظر بدر في عدم دخوله على نوف بالملكة
وتكون الملكة عائلية بصراحة انا افضل هذه المراسيم لان الملكة بالذات مربكة لان الاثنان اول مرة يريان بعضهم وممكن كلمة من هنا او هناك تصل الى مسامهم قد تؤثر على نظرتهم لبعضهم سلبا فكم من زواج فشل بسبب كلمة قيلت في يوم الملكة سمعها العريس فأصبح لايطيق العروس اعتقد من الافضل ان تكون الملكة بالذات عائلية

عزيزتي مهما غبت عن صفحاتك صديقيني دائما يرجعني الشوق لها
وفقك الله عزيزتي

أهلييييييييييييييين غيوم
و الله لش وحشة

نجي للقصة

السلام عليكم ورحمة الله وبركاته
يعطيك الف عافيه
غيوووووومه
وعيديك مبااارك<<<لوكانت متأخره

جزء رائع ابدعتي فيه


هيف ونوت

ماتوقعت انه بتكون كذا طريقة زواجه بنوت
متوقعه الزواج لكن مو بهذي الطريقه
لكنها طريقه رائع تدل على كاتبه مبدعه
الكراتين له علاقه بنوت<<عاد انتي ياغيومه شوفي شلون بتجيبينه خخخخخخخخ

سلطان ومثايل

هههههههههههههههههههههههه
اعجبن ثقله على مثايل وانه ماشافه يوم الملكه
خله تنذل له مثل ماانذل له<<<خخخخخخخخخخخخخ

بدر ونوف

اعجبن تفكير بدر بأنه رفض شوفته له يوم الملكه بسبب انه قال انتي لي كل يوم مو يوم ولا يومين
وبعد اختصر الزواج وانه تكون بدون زفه ولاشي لانه عادات ماله اي قيمه
يكفي الاشهار بالزواج اما الزفه واقامة مناسبه يوم الملكه ووووو...كله شكليات ماله اي قيمه


لكي جزيل الشكر

السلااااااااام عليكم..

مرحبااااااااا غيوووووومه.. كل عاام وانتي بخير..منووره ومنوور هيف و سلطاان الموقع كـــــــــــــــــــل ابووه..

غيوومه احس الاحداااااث طاارت طيراان.. على طووول خطبه وملكه والرجاال للحين دااج ماايدري انه مااخذ وحده عقلهاا يووزن بلد.. صدق مرات هيف يصيير اهبل بقووه..هخهخهخهخها

لشيخ سالم : ياااااااااا الله انه يسنع امرك ويووسع عليك بالدنياا والاخره والله يرزقك الجنه ياارب..

والله رحمتك يااشيخ..بس والله اني ارفع قبعتي اللي لاابستها بسبب البرد تحيه لك.. هخهخهخه.. فعلااا الرجاال مخاابر مهووووب مظااهر.. والله ان الشيخ سالم رجاال غصب عن كل الناس .. تصرفااته احسن من مليوون رجال غيره.. بس ودي انه قال لهيف عن نوت انها طبيعيه وماا اهتمت لكلامها.. يعني هذاا موو نووع من انوواع الغش.. ؟؟ لكن يااشيخ حااسه ان من ورااء هالعزيمه الكبيره اللي سوويتها لملكة نوت هدف بس وشوو؟؟ والا انت رحمتهاا عشاان ماافيه احد من اهلهااا بيكوون حاضر هالملكه وحبيت تحسسها انك فعلاا ابوو لها بدوون مااتهتم بكلاام الناااس اللي عندك واللي ممكن يمس شرفك وشرفها .؟؟

سمر وابوها: انتي ياا سمر والنعم فيتس اما ابووتس والله يدبل الكبد... حاارم البنت منتس وقااطع اي علااقه لتس فيهاا وجاااي بكل قوااة عين هوو اللي يعقد لهاا..؟؟؟ والله وقسم بالله اني ودي انها طالعه ولاافعتك بكف.. وش هالانساان..؟؟؟ لما هوو عاااارف الخطر اللي يجي منها وشووووله من اووول يسووي نفسه ياا ابوو زعط و يااخذ الوكاله عليها.. ؟؟؟ والله العظيم زهقني وهوو يقوول لهيف حطها بعيوونك.. مسووي نفسه حاافظه الامانه وصي عليها من صدق؟؟؟ يقهررررررر. والله لوو ان اللي صاار لنووت كان صااير لسمر ماارضيت هالوضع على بنتك.. بس وش تقوول؟؟ عشاان هالضعيفه مالها سند مخليهاا عند وااحد غريب عنها حتى لوو انه عمك ورجال كبيير.. والله يااا ابوو سمر بالنسبه لي انت مااحافظت على نوووت ولا خفت ربي فيهاا.. اللي حفظهاااا صدق بعد الله هوو الشيخ ساالم والا انت كان همك تخلص منهااا ومن مسؤليتهااا..

سلطاان ومثاايل : خطيـــــــــــــــــــــــــــــــــر يااا دكتووووور.. ايوااااااا نلعب معهم نفس لعبتهم.. والله ترى هالطريقه مراات غير متوقعه وبتسجل منهااا اقهدااف كثيره.. هخهخه..
مسكيييييييييينه ياا مثااايل ذووووووقي مااذووقتي المسيكين.. حسي بالقهر والغيره اللي بغى ينهاار منها لما عرف عن سالفة حسن.. والحين الرجاال نااوي عليتس نيه الله يقووويه ياارب.. هخهخهخه.. خليتس تعرفين مرره ثاانيه الافكااار الهبلااا وين تووديتس.. هخهخهخهخه

نووف وبدر : هع هع هع.. مبروووووك يااعصاافير الحب.. والله عجزت استووعب ماايبي يشووفها بالملكه والحين كل شووي ناط ابي اشووفها.. بس بدر انت صرااحه تجنن ومن حظك ان نووف من نصيبك.. وانتي ياانوف والله عندي احساااس انتس انتي اللي بتتكفلين بخطبة هيف... يعني انتي اللي بتخطبين لهيف الحرمه الثاانيه.. وانا تقريباا شااكه في سمر.؟؟؟

نوووووووت : يااا الله من شفت رسالتس لسمر وانا حسيت بالياس اللي تحسينه.. حسيت برسالتس لهاا ياس كنتي دااائمااا تكتمينه وماتبينينه فيها يأس وفيهاا خوف قووي من المجهوول بالنسبه لتس.. بس باذن الله حيااتس الحين بتتغييير 180 درجه بوجود الدكتوور الفاضل هيف.. بس والله قهرتيني وانتي تقوولين للشيخ سالم انه ماايقووله انتس انساانه طبيعيه؟؟؟؟؟؟؟؟ ليش طيب؟؟ يعني نااويه تستمرين بهالتمثيليه المجنونه..؟؟ وبعدين اكيد انتي بتروحين مع هيف للريااض .. يعني مااله داعي هالتمثيل يستمر... والا تحسبين الريااض مثل هالقريه اللي انتي فيها وبتجلسين وتستهبلين على هيف ؟؟؟ بس عندي الحين شك .. انتس يتعضين اصاابع الندم على قرارتس هذاا ويمكن من هناا راح تكشفين لهيف كل اورااقتس؟؟؟

الدكتووور هيف بــيـــك :قااهرني انت اليووم.. وخصووصاا لما وافقت على زواجك من نوووت بدوون تفكير وبنفس الوقت عجبتني مرره ..عجحبتني لانك فزعت للشيخ سالم وتممت طلبه وانت مااتدري وشووو؟؟؟ وخصووصا انك من تربية المدينه وهذي الحركات مووو كثير نلقااها فيهاا.. هذي من عوايد اهل القرى واللي يعرفون بعضهم.. والا اهل المدينه لوو تقوول للواحد طالبك.. قال وش اسووي لك جااي تشحذ؟؟ هخهخهخه
طبعااا الناس بالمدينه فيهم خيير كثيير بس طبع المدينه خلى بعضهم في قلبه جفاا وغلظه وماايهتم الا بنفسه.. بس هيف على انه مااتربى على يد ابووه الا انه عامل سالم وحااول يرد له الجمييل باللي يقدر عليه.. والله انصدمت لمااا وافقت يااهيف على البنت على طووووووووول.. كل شي تم بسرعه.. وسرعه كبييره بعد.. واناا عندي احسااس انك بتكتشف ان نووت عااقله موو مجنوونه ياا انك بتشووف منهاا تصرف اوو انك بتعرف هالشي من مذكرااتها اللي هي تكتبهااا واللي انا وااثقه ان هالمذكرات بيكون لها دووور بحيااتكم انت وهي..

وقهرتني لمااا خلااااااااااااااااص جيناا نعرف اللي بالكرتوون بس اتصاال سلطاان نسااك المكتب والكرتوون والمستوودع كله.. تدري والله انه خطر على باااالي ان هاللي يبيه نااصر او مدري من يكوون موجود عندك انت مووو عند نووووت وعشاان كذااا تشووف هالحلم لان فيه شي يربط بنووت وهوو الخطر اللي جااااي من هاللي بالمكتب. يااخوفي يكون لابووك يد باللي صاار لابو نووت ..واتووقع انك تفتحه وتكتشفه بووجود نووت معك بنفس المكاان؟؟؟؟؟

يس يااخووفي يكون هالاكتشااف بعد مااتتزوج الزووجه الثاانيه.. ؟؟؟ اللي اتوقع انهاا تكوون سمر.. ولما تدخل مع سمر بالبيت تكتشف ان سمر ونووت من اقرب الصديقاات بعض.. ويمكن بعد بهالمووقف تعرف ان نووت مو مجنوونه وتااخذ الاجر بهالمسيكيناات اللي تفرقن عن بعض وانت جمعتهن تحت عصمتك.. هخهخهخه.. وبعدين يصيرن عدواات لانهن بيكوونن ضراااير والحريم بعضهن بسم الله عليناا تنسى امها وابووها اذا وصل الامر لزوجها .. هخهخهخه.. >> هااه غيووم وش راايتس بهالقصه وهالموقف .. والله حلوو ينفع بالقصه وبغمووضها..هههههههههههههه

ايه صح نسيت اقوول ان المزرعه اللي يبيهااا هيف حااسه انها بتكوون ارض لاحداااث قوويه وكبيره .. يمكن بين نووت وهيف ويمكن بينهم وبين نااصر وجمااعته؟؟؟

تسلمين غيوومه على هالجزء ونستنى الجزء الجاااي بكل شووق.. واتووقع انه يكوون انطلاااقه لاحداااث قوويه ومشتركه بين نووت وهيف؟؟