الفراعنة لصوص التاريخ !!!!!!!!!!!!!!

شكرا يا شرف على الموضوع الأكثر من مميز بجد

ونظرية جميلة بس فيها ثغرات كتير جدا

وانا شايف ان أكبر ثغرة فيها لما كنت بحفظ سورة الفجر وانا صغير (الم تر كيف فعل ربك بعاد ارم ذات العماد التي لم يخلق مثلها في البلاد وثمود الذين جابوا الصخر بالواد وفرعون ذي الأوتاد الذين طغوا في البلاد فأكثروا فيها الفساد فصب عليهم ربك سوط عذاب )
سألت الشيخ يعني ايه الاوتاد
قالي اوتاد فرعون هنا المقصود بيهم الاهرامات
وسألت اكثر من واحد بعد كدهواجمعوا على حسن التفسير ده وانه يصح
اذن ذكر الله ان عاد كان لهم ارم ذات العماد التي لم يخلق مثلها في البلاد
وذكر ان فرعون كان ذي الاوتاد او الاهرامات كشيء مميز جدا مثل مدينة ارم

دي نقطة
كمان الاستشهاد بالصور في الزمن الحاضر صعب جدا
خصوصاً ان اول صورة منهم للعمالقة معمولة بالفوتو شوب
ودي معروفة دلوقتي

كمان طبعا
كل واحد مسلم عارف ان كل نبي بعثة الله لقومة بمعجزة بما كانوا يتفوقون فيه
فقوم عيسى كانوا متفوقين في الطب ومتقدمين
فجعل الله معجزة عيسى احياء الموتى وشفاء المرضى باذن الله تعالى
كدليل اعجاز لهم واظهار قدرة الله
ومحمد صلى الله عليه وسلم كان قومة ذي بلاغة شديدة وفصاحة
فبعث بالقرآن الذي تحدى الله العرب ان يأتوا ولو بآية واحدة من مثله ولن يستطيعوا ولو اجتمعوا له

طيب ايه علاقة كلامي ده كله بالموضوع ده
اقولك
لان قوم موسى كانوا متفوقين في السحر
اذن معجزة موسى كانت العصى لما تحولت الى حية حقيقية ولما شق بها البحر وايضا اخراج يدة من جيبة فتخرج مضيئة من غير سوء

اذن الفراعنة كانوا بارعين في السحر
والسحر فيه منه سحر اعين الناس
والسحر بمساعدة الجن وكلاهما محرم ولا توبة للساحر

وطبعا كلنا عارفين ان ربنا سخر لسيدنا سليمان الشياطين والجن تحت أمره
قال تعالى في سورة الأنبياء (ومن الشياطين من يغوصون له ويعملون عملا دون ذلك )
يعني ليه نحير نفسنا والتفسير واضح
الهرم كفكرة من قدماء المصريين (الفراعنه) وتم بناؤه باستخدام السحر القوي لكهنة الفراعنة

ده رأيي
وبالرغم من انه غريب شوية الا انه اكتر رأي منطقي وسط كل الآراء والنظريات كلها
وكمان لا يتعارض مع الدين اطلاقا