يا اخي العزيز أنصدمت وأحتجيت لأن هناك من يطعن في أحقية المصريين في الأهرامات ومعروف منذ القدم بأن أقدم حضارة وجدت في الوطن العربي هي السومرية وهي اقدم من الحضارة الفرعونية بثلاثة آلاف سنة وفي احد الفضاءيات قرأت بأن المصريون هم اساس الحضارة وبأن حضارة وادي الرافدين هي تقليد للحضارة الفرعونية أي أنهم لا يكتفون بمحو البلاد بل يريدون محو تأريخها أيضاً فما قولك في هذا أرجو منك أن تجيبني كما رغبت بسماع اجابات الغير على ما كتب أعلاه ولك مني جزيل الشكر

السلام عليكم ورحمة الله وبركاته

اولا شكرا على المعلومات المهمه التى تقدم بها كل الاعضاء

واحب ابدا كلامى بانى اقول انى لاافتخر بانضمامى لاى من الحضارتين سواء الفرعونية او حضاره عاد

فكل من الحضارتين حضاره كافره وانا مسلم فى المقام الاول

اما بالنسبه للنقاش الاثرى فانا شايف بعد اذن الجميع ان الكتاب موضح الكثير من الامور اللى حضرتكم ماتكلمتوش فيها

اولا بالنسبه لتفسير الايه فالقران هو اكثر كتاب فى العالم وضع له تفاسير تزيد عن 2000 تفسير

فموضوع كلمه ارم يحتمل الكثير من الاراء وهذا لا يثبت كذب واضع الكتاب

ثانيا موضوع صور العمالقه انا للاسف ماقدرش اقول فيها راى لانى مش خبير فى الموضوع ده لكن هل هناك من يعترض على حديث رسول الله فى وصف ابو البشر سيدنا ادم وان البشر يقصر كلما تقدم الزمن .....................لا اعتقد ومن يعترض يثبت لى ان هذا الحديث غير صحيح عندها اتفق معه

ثالثا بالنسبه لموضوع المجال المغناطيسى المحيط بالهرم واذا كان قوم عاد عندهم القدره العلميه على كده
قال الله عز وجل (فلما رأوه عارضا مستقبل اوديتهم قالوا هذا عارض ممطرنا بل هو ما استعجلتم به ريح فيها عذاب اليم)

لو نظرتم كويس فى الايه وفسرتوها هتلاقوا ان قوم عاد قدروا يعرفوا ان السحاب القادم عليهم جاى على اوديتهم كلها ومستحيل طبعا بالبصر فقط تقدر تغطى مساحه ضخمه زى دى ممكن تقول على وادى لكن جميع الاوديه فى وقت واحد ..... وذهب البعض فى التفسير انهم كان عندهم اجهزه قياس وغير كده اذا كان قوم عاد اللى ربنا قال عليهم لم يخلق مثلها فى االبلاد اللى البعض قال فى تفسير هذه الايه ان حتى هذا اليوم لا توجد حضاره وصلت الى ماوصل اليه قوم عاد وماتنسوش ان القران ليس له زمن يعنى بعد مليون سنه هيتقال برده ان قوم عاد لم يخلق مثلها فى البلاد ماكنش عندهم القدره العلمية هيكون الفراعنه عندهم اللى كان كل اهتمامهم بالذهب والسحر

اما فى موضوع السحر اللى اتكلم عنه الاخ اميدو فاتكلم على الموضوع ده انه سحره وكهنه فرعون كل اللى كانوا يقدروا عليه انهم يسحروا اعين الناس

وده واضح جدا فى مواجهتهم ضد سيدنا موسى لانهم فعلا سحروا اعين سيدنا موسى وده اثبات ان سيدنا موسى مش ساحر لان الساحر لا تسحر عينه وبالتالى هما لما فعلا شافو معجزة العصا وتحولها لثعبان وهما سحرة عرفوا ان ده مش سحر وان دى معجزه يبقى اكيد مش ساحرين عينينا حتى بعد ماماتوا
وفى موضوع الجن فالجن اللى مسخر لسيدنا سليمان كان جيش كامل ياخ اميدوا وكانوا بيعملو كده لانهم مسخرين بالامر من الله عز وجل لكن تظن ان مجموعه سحرة يقدروا يسخروا جيش من الجن علشان يبنوا الاهرامات وهل السحره دول عندهم التصميم ده علشان يفنوا عمرهم وعمر اولادهم فى البناء ده

اما بالنسب لان الاهرامات اوتاد فده خاطىء تماما
والكلام ثبته الدكتور زغلول النجار لما اتكلم عن الجبال
لان الجبال اللى يقال عنها اوتاد اولا لم تخلق فى الارض بل القت فى الارض بعد خلق الارض
ثانيا يجب ان يكون لها جذور لتثبيت القارات
وده طبعا ش موجود فى الاهرامات اللى مهما كان عظمه بنائها لا تصل لعظمه خلق الجبال التى تعجب منها الملائكه

وانا على فكره قرات الموضوع كامل لان الموضوع له ابعاد اكثر من ماانتوا متصورين ومحتاج كلام كتير وارجوا ان يتعمله دعايه كافيه علشان نشوف اراء بعض ونرد عليها

غير كده ياستاذ شرف انت قلت انك رحت الاهرامات وشفت الدلائل بنفسك ياريت تشرح لنا شفت ايه

ومستنى ردك وجاهز للمناقشه والحوار مع الاعضاء فى الموضوع المهم جدا ده

السلام عليكم ورحمة الله وبركاته

وياريت ياجماعه ماتنسوش ان احنا بنتكلم عن قومين لعنهم الله فى القران الكريم

يعنى وانا بتكلم انا مابمجدش فاى من القومين وده انا شايفه خطاء فى الكتاب لان بيقلل قدر قوم فرعون اللى احنا فعلا بنعطيلهم اكتر من حقهم لكن فى نفس الوقت بيمجد فى قوم عاد اكتر من حقهم

لكن الحوار اثرى بحت ومسند على ادله دينيه

وده علشان نوصل للحقيقه اللى هتفرق كتير من 7000 سنه الى 70000 سنه ودول مش قلييلين ذى مانتوا فاهمين